Q2070MW1KG13126_2070rgyud 'grelAll versions of this work

dbang mdor bstan pa'i rgya cher 'grel pa zhes bya ba

Śekoddeśaṭīkānāma

Text

ff. 1b–33a · 64 folio sides

  1. 1b

    chu/ rgya gang nad du/ ka kAnA~M kAnA ma/ bod skad du/ dbang mdor bstan pa'i rgya cher 'grel pa zhes bya ba/ bla ma dam pa rnams kyi zhabs la phyag 'tshal lo// 'jig rten 'khrig pa rnams spangs shing // phyag rgya che la mnyam par sbyor// zag med bde ba

  2. 2a

    byang chu du lu su chu rgyang rnam spangs shing // rtogs med nyid la rtag tu zhugs// rnam rtog mi mnga' chos kyi sku// rtog bral sku la bdag phyag 'tshal// zag bcus rmi lam gnas skabs spangs// chos rnams rmi lam lta bur mkhyen// bde ba gzhan la smod mi mdzad// longs spyod rdzogs sku bdag phyag 'tshal// 'jig rten sad pa'i bya ba spangs// sprul pa mdzad pas 'jig rten la// zag med bde ba ston mdzad pa// gar mdzad sku la bdag phyag 'tshal// 'di na byis pa gang dag rnams/ bla ma legs par ma bsten pa'i// rgyud rnams log par ston byed pa// shes rab 'chal ba can phyung su du rgyu zla tu du na skye

  3. 2b

    rnams 'byung // de rnams la ni phan bya'i phyir// bsdus pa'i dbang gi rgya cher 'grel// 'gro la rjes su brtse ba yis// bdag gis myur du bri bar bya// de la bcom ldan 'das sa bcu gnyis kyi dbang phyug gis mchog gi dang po'i sangs rgyas thabs dang shes rab gnyis su med pa'i rgyud rtag pa lnga pa'i bdag nyid gsungs pa yin la/ 'di ni rtag pa rnam pa lnga las kyang / 'jig rten las 'das pa'i dbang 'ba' zhig sung bzlas te gsungs pa yin no// gang dag 'jig rten las 'das pa'i rdo rje tshig kyang 'di da de/ bzhi pa legs par ston pa'i phyir ro// de bas na bdag gis 'di'i don rtsa ba'i rgyud du bstan pa dang / de'i cher 'grel rgyal po zla ba bzang pos mdzad pa dang / gzhan yang sngon gyi mkhan pon+da gA rdzun la sogs pa rnams kyi rjes su 'brangs te gsal bar bya'o// de ci'i phyir zhe na/ ji skad du mchog gi dang po'i sangs rgyas las gsungs pa/ phyi ma'i dus kyi rnal 'byor spyod mang dag/ brkam zhing rab tu ma bsdam 'byung bar 'gyur// sdig la rab dga' rnal 'byor yo byad chags// rgyud chen 'di dang bzhi pa 'di spong 'gyur// rgod cing dbang po g.yengs la phrag dog can// gnas la chags shing rnyed pa 'dod pa dag/ sbyor bar byed pa'i skabs la rtag tu gnas// bzhi pa 'di ni rab tu spong bar 'gyur// rkang lag rdebs shing kha ni gya tshom smra// rtse 'jo rgod la rtag par rab tu zhugs// gcig la gcig ni mgul 'khyud lag pa 'brel// grong du 'jug na spyod lam gzhan du 'chos// mi rig sbyor ba'i mtshan nyid 'di dag ste// gzhan gyi bu mo la yang rtag tu chags// gzugs kyi rgyags shing mdud pa bor ba yin// grong dang grong khyer yul 'khor kun tu rgyu// de dag bzo' dang btung la rab tu zhugs// glu dang bro gar de bzhin rol mo dang // nyo tsheng lhag par byed cing rab tu brtson// btung ba dag

  4. 3a

    la chags shing ngo tsha bong // mi rig brtson pa'i spring yig bskur bar byed// dam tshig de bzhin spyod lam bstan nas ni// khyim pa dag dang bsten cing dam bral nas// de dag dam tshig log par shin tu gnas// las gang rdo rje 'chang gis rtag smad pa// srang dang tshad la g.yo sku byed par zhugs// de 'dra'i sdig pa nyon mongs las byas pas// las ngan byed pa de dag ngan song 'gro/ dung dang gser dang nor bu nor mang dang // khyim dang gnyen shes rnams spangs dkyil 'khor zhugs// sangs rgyas bstan pa 'di la nges byung nas// sdig pa'i las rnams shin tu spyod par byed// nor dang 'brul snying por 'du shes shing // bzhan dang ba lang shing rta rnams la chags// gang la rnal 'byor nan tan med pa rnams// de dag gis kyang ci phyir dkyil 'khor zhugs// ngas ni sngon tshe rnal 'byor spyad pa na// lus dang srog la rab tu ma bltas par// nga yi ting 'dzin bzhi pa 'di brtsams na// de dag de tshe 'di thos rgad mo 'debs// bzod pa spangs na rab tu spro bar byed// rnal 'byor spyod pa de yi tshig tu smra// dam tshig nyams la byang chub ga la yod// dam tshig bral nas byang chub 'di thob pa// ngas ni ma thos nam yang yong ma mthong // shes rab ma zhig yon tan rnams spangs la// rgyud chen mchog gi yon tan rtag tu brjod// 'tshe ba med pa mang po rnal 'byor byed// sangs rgyas byang chub rnam pa kun mi 'dod// byis pa de dag rtag tu lta la chags// stong pa nyid ni thos nas sngangs skrag 'gyur// gang dag dam tshig srung zhing yon tan ldan// byams la gnas shing rtag tu bzod rtogs pa// gnyen zhing des la shin tu dam pa rnams// de dag de tshe yongs su nyams par 'gyur// gang yang shin tu dam bral sems ldan dang // mi bzad ma rungs ngan pa'i las byed pa// dam tshig mang yang spyod cing 'thab la dga'//

  5. 3b

    de dag de'i lus na mchod par 'gyur// bsgom par bya zhing rab tu go bar bya// zla bzang nga la dad pa'i phyir 'brangs na// bde bar gshegs pa brtan pa 'di dran nas// de dag la ni nam yang yid mi rton// de dag 'dod chags che she sna te// ga mug cishing nga rgyal dregs pas rgyags// lus kyang mdul ngag byung ma dul zhing // sems kyang ma dul dran song gzhol ba yin// rnam 'byor dam tshig dgal mi spyod // tshig tsam gyis ni dngos grub thob mi 'gyur// nan tan lhur byed dngos grub thob mi dka'// de bas dam tshig dag la nan tan bya zhes so// de lta bu'i rnal 'byor pa'i ming tsam dang ldan pa rnams rnal 'byor gyi spyod pa phyin ci log par 'gyur ba bstan pa dang / rdo rje 'chang gis gsungs pa'i rgyud kyi don log par bkral bas log pa'i lam du 'jug pa dang / gnyis su med pa'i ye shes ni skad cig 'gyur ba'i bde ba 'jig rten phal pa'i zag pa dang bcas pa nyid yin zhes brjod pa dag 'byung ngo // zhes gsungs pas de bas na bdag gis nges pa'i don gyi mdo dang / rgyud gcig nas gcig nges pa'i don gyis gsal bar bya'o// de la rgyud kyang kha cig ni drang ba'i don du bstan la/ kha cig ni nges pa'i don du bstan cing kha cig ni gnyis ka ston/ de yang ji skad du sgron ma gsal bar byed pa zhes bya ba rnal 'byor chen po'i rgyud kyi bshad pa las/ dgongs par bshad dang dgongs min las// / ji bzhin sgra dang ji bzhin min// drang ba'i don dang nges pa'i don// rgyud ni mtha' drug mtshan nyid can zhes gsungs so// gzhan yang nges pa'i don gyis mdo sde la rton par bya'i/ drang ba'i mdo sde la rton par mi bya'o zhes gsungs pa dang / gzhan yang bcom ldan 'das kyis rdo rje gtsug tor gyi rgyud las ji skad du lta ba'i dbang po'i ting nge 'dzin ni rnam pa gnyis te/ mtshan ma dang bcas pa dang mtshan ma med pa'o// mtshan mar bcas pas

  6. 4a

    mtshan bcas kyi// dngos grub rgyal ba dam pa bzhed// mtshan ma med la gnas pas ni// mtshan ma can yang sgrub tu rung zhes gsungs so// gzhan yang drang ba dang nges pa'i don ni shes rab kyi pha rol tu phyin pa tshul brgya lnga bcu pa las ji skad du/ khams gsum du skyes pa'i sems can thams cad srog dang bral yang ngan song du yang me 'grol// myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ro zhes gsungs pa lta bu ste/ drang ba'i don ni de bzhin gshegs pa la ngan sems kyis khrag 'byin pa dang / dgra bcom pa gsod par brtson pa la sogs pa ni rnal 'byer stongs dang ldan pa rnams kyis zhe sdang gi rigs su skyes la mchog tu snying rje skyed pa de skad cig tsam zhig gnom gyi// rnam pa kun gzhom pa ni ma yin no// des ni bdag gzhan gnyis ka'i dngos grub cur gyur pa lta bu'o// des pa'i don ni// srog ces bya ba rlung du bshad// nyin mtshan rnams su rab rgyu ba'i// gang zhig rlung ni rab bsad na/ dngos grub rab mchog thob par 'gyur zhes gsungs pa lta bu'o// de bzhin du lus thams cad la gnas pa'i kun rdzob byang chub kyi sems ni srog yin la/ de'i rgyu ba bcad pa ni srog bcad pa'o zhes gsungs so// de bas na rgyud thams cad kyang ngas pa dang drang ba'i don du gnas par byas la// dang po'i las can gyi rnal 'byor pa rnams la yang rdo rje slob dpon ston pa rnams kyis don gnyis po ji lta ba bzhin du rim pas rtogs par bya zhing khong du chud par bya'o// de ltar ma 'ongs pa 'byung bar 'gyur ba la sogs pa'i rdo rje 'chang gis gsungs pa rnams bdag gis gsal bar bstan cing / de lta bas na mdor bstan pa'i dbang gis rgya cher 'grel pa rtsom pa la 'jug par bstan nas/ da ni rgyud kyi don la 'jug par bya'o// de la

  7. 4b

    ba'i rgyud kyi le'u lnga pa las dbang mdor bstan pa 'di phyung ba yin la/ de nyid rgyal po zla ba bzang po zhes bya ba byang chub sems dpa' phyag na rdo rje'i sprul pa zhu ba pos zhus pa ni zla ba bzang pos gsol pa/ ston pa dbang ni rnam bdun dang // rnam gsum de bzhin bla na med// 'jig rten 'jig rten las bsgrub phyir// bsdus pa yis ni bdag la gsungs zhes bya ba smos te/ ston pa zhes pa ni bcom ldan 'das dus kyi 'khor lo ting nge 'dzin du zhugs pa la gus pa'i tshul gyis bos pa'o// dus kyi 'khor lo zhes bya ba 'di nyid gang yin// dus ni gang 'khor ni gang snyam pa la// ji skad du rtsa ba'i rgyud las/ phyi dang nang gi dbye ba yis// dus ni rnam pa gnyisu 'dod// de bzhin 'khor lo yang rnam gnyis// dus kyis 'khor lo rab tu brjod// phyi'i dus ni rnam pa lnga// nang gi steng 'og rab byed pas// rnam pa gnyis su shes bya zhing // mkhas pa rnams kyis rtogs// par bya// zug cu dang ni bcu gnyis khyim// de bzhin nyin dang mtshan mo dang // rgod pa gnyis dang dus chod de// rnam pa lngar ni mngon par brjod// steng yang g.yas dang g.yon pa la// 'byung dang 'jug par byed pa dang // dkyil 'khor la lnga dbye ba yis// rnam pa gsum du rab tu bshad// 'og gi 'byung 'jug bye brag gis// rnam pa gnyis su brtag par bya// 'di dag spyir ni rtog bya ba// bzang ngan bsam mi khyab pa gsum// bzang dus gang yin de blang zhing // ngan pa'i dus ni spang bar bya// bsam mi khyab par kun tu blang // rgyud rnams kun gyis don 'di yin// 'khor bas 'khor lo rab tu brjod// ces gsungs pa yin no// gzhan yang // yi ge re res bshad pa ni bsdus pa'i rgyud kyi 'grel pa las rtog par bya'o// dbang ni rnam pa bdun zhes pa ni 'og nas ston bzhin pa'i rnam pa bdun no// rnam gsum zhes pa ni bum pa dang gsang ba dang shes rab

  8. 5a

    ye shes so// de bzhin bla na med ces pa ni bcu gcig pa shes rab ye shes chen po'i dbang ngo // 'jig rten 'jig rten 'das bsgrub phyir shes pa ni re zhig 'jig rten pa nyid kyi 'bras bu ster la/ shes rab chen pos ni 'jig rten las 'das pa dang 'jig rten pa gnyis ka ster ba'o// ci'i phyir shes rab chen pos gnyis ka ster snyam pa la/ skye dgu'i bdag po yin pa'i phyir dang / dper bya kun las 'das pa'i phyir dang / phyir mi ldog pa phyir mi 'ongs pa'i phyir dang / dge slong dgra bcom pa zag pa thams cad zad pa'i phyir dang / 'jig rten pa'i 'dzag pa'i 'dod chags dang bral nas mi 'dzag pa'i 'dod chags chen po yin pa'i phyir dang / bslab par bya ba'i gnas thams cad mthar son pas na gang la yang mi slob pa'i phyir dang / rang sangs rgyas bse ru ltar gcig pu yin pa'i phyir dang / gang ci yang rung ba 'dus pa'i tshogs kyi dpon du gyur pa yin pa'i phyir dang / nam mkha' las 'byung ba nyid dang / rang 'byung ba nyid yin pa'i phyir dang / rgyu mthun pa las yang dag pa'i bskyed pa yin pa'i phyir ro// gzhan yang 'jig rten pa'i ni 'jig rten pa'i nyid yin pa'i phyir to// byis pa rnams gzung ba yin pa'i phyir dang / kun rdzob nyid yin pa'i phyir dang / 'gyur ba skad cig ma yin pa'i phyir dang / phung po dang khams zad par bya ba'i phyir dang / rgyud gzhan la ltos par byed pa yin pa'i phyir dang / bcom pa yin pa'i phyir/ dang / kha mang bltas pa yin pa'i phyir dang / zhe sdang bskyed pa'i rgyu yin pa'i phyir dang / 'jig rten phal pa dang thun mongs yin pa'i phyir dang / 'khor ba'i 'bras sa ster ba'i phyir ro// 'di lta ste gza' dang tshes dang skar ma dang / sbyor ba dang ni byed pa dang / 'di rnams gza' yis shis pa la// 'jig rten 'bras bu bsgrub na 'grub ces gsungs la/ cig bshos ni yang ji skad la/ de nyid med pa'i rnal 'byor pas// nges par brtul zhugs myur ba dang // /

  9. 5b

    yi ge don dang bsgom pa ni// bskal pa bye ba brgyas mi 'grub ces gsungs so// de bas na de nyid ji lta ba bzhin du bdag gis rtog par 'gyur ba'i rnam grangs kyis bshad du gsol zhes pa'i don to// de yang tshul ji lta/ bar snyam pa la/ bsdus pa yis ni zhes bya ba smos pa yin la/ bsdus pa yang tshig ni bsdus pa yin la don ni rgyas pa'i sgo nas shes dgos so// bcom ldan 'das kyis bka' stsal pa zhes pa ni lan gsung bar bzhed nas so// nyon cig zla bzangs zhes pa ni bod pa'o// dbang gi don zhes bya ba la/ dbang ni 'jig rten dang 'jig rten las 'das pa'o// don zhes pa ni gong du bstan pa'i de yang yi ge bzhis bstan par byas te/ a b+hi She ka zhes bya ba ni/ sprul pa'i 'khor lo rdo rje sems// phyag gnyis he ru ka yang de// de nyid 'jig rten gsum khyab pas// ngo bo nyid du'ang de brjod de// sangs rgyas kun ni bde chen po// ye shes rdo rje yang de nyid// lhan cig skyes dga' yang de nyid// rgyu mthun dag tu de brjod de// de nyid rtse gcig dag tu dran// zhi ba'i gnas skabs zad pa de// yi ge mchog ste rnam par dag/ de rjes snying pad dbus su zhugs// de nyid hUM yig sems par brjod// mi bskyod pa yang de nyid de// de nyid thugs kyis rdo rjer brjod// khyab 'jug de ni phyag bzhi pa// de nyid dz+wa la dz+wa lar brjod// chos kyi sku yang de nyid do// chos 'khor la zhugs rdo rje can// dga' ba mchog gi gzugs 'dzin pa// de nyid rnam par smin par brjod// gnyid log pa ni sangs pa'o// ye shes chen po'i ros gang ba// sems dpa' chen por der brjod de// mgrin pa'i longs spyod 'khor lo ste// 'od dpag med du mngon par brjod// gsung gi rdo rje brjod pa de// phyag na pad+ma de bzhin gshegs// dga' ba mchog tu'ang de la brjod// skyes bu byed pa'ang de la gsungs// 'jug pa dang ni ldog pa dang // rmi

  10. 6a

    lam gnas skabs zad pa'ang de// de nyid longs spyod rdzogs pa'i sku// sangs rgyas chos rnams ston pa'ang yin// zhal gsum rnam pa'i phyag drug pa// de nyid kho na bde byed brjod// ki ti ki ti rdo rje'ang de// he ru ka ni gsum par 'gyur// rtag tu dam tshig la gnas pa// gang zhig gnas pa yongs su bgrod// dam tshig kun rdzob dkar po ste// dpral bar bde chen dga' na zhugs// bdud rtsil zhugs sems dpa' ni// oM gyis yongasu brjod par bya// de nyid rnam par snang mdzad brjod// sku yi rdo rje de nyid de// tshangs pa sku yi rdo rje 'dzin// de nyid kho nar yongs su brjod// dga' ba tshangs pa'i gzugs yin te/ gzugs kyi sku ru de la brjod// sprul pa'i sku yi mtshan nyid de// de nyid phyag na 'khor lor brjod// de nyid ldog dang rgyu mthun nyid// de nyid kho na sangs pa zad// de nyid pi tsA'i rdo rje de// zhal brgyad he ru ka ru brjod// dpa' bo chen po zhal bzhi pa// phyag ni bcu drug rnams dang ldan// de ltar sku yi rab dbye bas// bzhi pa'i don du khrag 'thung brjod// ces gsungs de/ de bas na yi ge bzhi ni spyod pa dang grol ba gnyis ster bar byed pas na dbang zhes bya'o// gzhan yang dag cing 'khru bar byed pas na dbang zhes bya ste// sems bde bar byed pa zhes bya'o// rnam bdun rnam gsum zhes bya ba ni gong du bstan pa'o// rtsi'i kun du spyod pa zhes ni rigs kyi kun tu spyod pa dang / steng 'og dang g.yas dang g.yon dang / thur sel ba dang / gyen du rgyu ba la sogs pa ste/ 'og nas rgyas par ston pa bzhin no// rtsol ba zhes ni gyen rgyu ba 'ba' zhig gzung gi gzhan ni ma yin no// mdor bsdus pa yi khyod la bshad ces pa ni bshad par zhal gyis bzhes pa'o// chud la mdor bstan rnam gsum dang zhes pa ni mchog gi dang po'i sangs rgyas 'di dang bsdus pa'i chu lon yin gyis rlung gzhan ni re shig

  11. 6b

    mi bzung ngo // de la rgyud ces bya ba ni/ 'jig rten pa'i tha snyad kyis thags dang chu bo'i rgyun la sogs pa la yang 'jug mod kyi/ 'on kyang brjod par bya ba'i don dang / brjod par byed pa'i tshig gnyis su khong du chud par bya'o// de ni thabs dang shes rab dang cha mnyam pa zhes bya ba gsum du gnas so// de bas na mdor bsdus pa rnams gsum yod pa de bzhin du rgyas par bshad pa yang gsum du 'gyur zhes bya ba'o// de yang gang yin snyam pa la rab tu mdor bstan che// rab tu rgyas par bshad pa zhes gsungs te// mdor bstan gsum yin no// de nyid kyi mtshan nyid mi shes pa'i phyir// mdor bstan rgyas par bshad pa nyid// rgyud kyi bsdus pa brjod pa yin zhes gsungs te/ de nyid ni rgyud thams cad kyi brjod par bya ba stong pa dang snying rje stong par dbye ba'i yi ge be ma ya yin ni bsam pa'i dbang gi kha cig la sdud pa po'i tshig tu snang ba yin no// kha cig la bden pa bzhi'i chos kyi 'khor lor snang ngo // kha cig la nyan thos kyi sde pa'i rtsa ba bzhir ston par snang ngo // phyi'i dngos po'i sde snod kha cig las ni 'byung ba chen po bzhi ston pa'i tshig tu snang ngo // de bas na dgyes pa'i rdo rje'i rgyud las kyang // de ltar thams cad bzhi bzhi yin gsung ngo // de bas na thun mongs ma yin pa'i theg pa 'di ni sku bzhi dang lha mo spyan ma la sogs pas byin gyis brlabs pa stong pa nyid dang snying rje ston pa'i yi ge bzhi ni rgyud kyis bsdus pa zhes dgongs so// rab tu rgyas bshad rgyas bshad ni// dka' 'grel tshig ni 'joms pa'o zhes pa ni yi ge bzhis ston par byed pa'i rgyud kyi ming can yin la/ de yang gang yin zhe na// thos pa dus gcig na zhes pa nas rdzogs so zhes bya ba yan chad kyis rtog par bya'o// dka' 'grel tshig ni 'joms pa po zhes pa ni de ltar gong du bstan pa'i rnam pa bzhi po ni dka' ba yin la/ de 'joms par byed pa ni gzhung gi

  12. 7a

    tshogs 'og ma rnams yin no// mdor bstan chen po'i rgyas bshad ni gang yin snyam pa la/ 'grel bshad thams cad bsdus don de zhes gsungs pa yin la/ de ni gang yang rgyud dang rgyud kyi ming can thams cad 'grel par byed pa ste/ rtsa ba'i rgyud kyi 'grel pa byang chub sems dpa' zla ba bzang pos mdzad pa la sogs pa la yin no// de yang sgra dang rtog ge'i bstan bcos kyis mngon par rgyal ba'i mkhas pa rnams te mngon par shes pa mthong bas mi bya ste/ rgyud kyi don log par ston pa'i phyir ro// de bas na de yang mngon shes thob rnams kyis// bya ba ma yin mkhas gzhan min zhes gsungs la/ byang chub sems dpa' pad+ma dkar pos kyang / ji skad du dri ma med pa'i 'od las nga'am nga lta bus bya'i/ yul gyi longs spyod la chags pa de bzhin gshegs pa'i gsung las phyi rol tu gyur pa rnams kyis ni ma yin no zhes gsungs so// de ltar rgyud kyi rnam par bzhag pa dang / mdor bstan pa dang / rgya cher 'grel byed pa'i gang zag la sogs pa bstan nas/ da ni gang bcom ldan 'das dpal dus kyi 'khor lo stong pa nyid dang snying rje'i bdag nyid phyi dang nang dang gzhan la rab tu gnas pa de nyid mtha' drug gi tshul du gnas par bstan pa'i phyir/ de ltar mtha' drug rnams kyis bdag ces gsungs te/ de la mtha' drug gis ni gong du bstan pa'i rgyud kyis bsdus pa'i ming dang / bcas pa rnam pa drug yin pa'am/ yang na e baM ni 'di ltar du rkyen gyur la 'og nas don ston pa dang sbyar bar bya'o// de yang rdo rje rnal 'byor rnam bzhi dang / byang chub rnam bzhi'i phung po dang / khams dang skye mched rigs drug dang zhes gsungs te/ sku dang gsung dang thugs dang ye shes la sogs pa bzhi ste/ ci'i phyir 'jig rten snyam pa la/ 'jig rten pa'i bya ba bzhi bkag nas rdo rje lta bu'i bya ba la 'jug

  13. 7b

    ya sas ya sa nga sa nga bas nga sa sas mams sa sa mamamam sasamamams camasamamamamams ma mas ma thasas mams mas ma ga sas sa yamamatsham pas ma u sa nga sa pa'i phyir ro// de yang phyi dang nang dang gzhan gsum du ston par bya'o// byang chub rnam pa bzhi yang tshul de ltar khong du chud par bya ba yin la// gzhan yang kye'i rdo rje'i rgyud las/ dang po ston pa'i byang chub dang // gnyis pa la ni sa bon dgod// gsum pa la ni gzugs rdzogs shing // bzhi par yan lag bcas pa bstim zhes gsungs so// de yang nang du ni 'chi ba'i skad cig dang / phyi rol du ni mi 'jig pa dang / gzhan ni brjod du med pa'i yi ge ste/ stong pa'i rdo rje'o// de nang du ni khu ba phyi rol du ni zla ba/ gzhan ni dbyangs yig ste/ de ltar rdo rje gnyis pa'o// nang du ni de dag yongs su 'gyur bas gzugs rdzogs pa dang / phyi rol tu ni 'jig rten chags pa yin la/ gzhan du ni brjod du med pa'i yi ge gnyis la rjod byed gcig go// rdo rje gsum pa'o// phyi rol dum bu bcu gnyis la sogs pa leg par gnas pa yin la/ nang du skye mched rnams gsal ba yin no// gzhan ni de ltar rjod byed sgrub pa las 'gro ba rnams kyis don byed pa yin no// de ltar rdo rje bzhi yin zhing / rgyas par ni dri ma med pa'i 'od las shes par bya'o// byang chub rnam pa bzhi zhes bya ba ni sgyu 'phrul dra ba la sogs pa rnams bzhi'o// phung po zhes pa ni drug ste/ gzugs dang tshor ba dang / 'du shes dang / 'du byed dang / rnam par shes pa dang ye shes so// khams shes pa drug ste/ sa dang / chu dang / me dang / rlung dang / nam mkha' dang / ye shes so// skye mched ces pa ni bcu gnyis te grags par zad do// rigs drug ces pa ni gzugs sa'i khams kyi rigs dang / tshor ba me'i khams kyi rigs dang / 'du shes chu'i khams kyi rigs dang / 'du byed rlung gi khams kyi rigs dang / rnam par shes pa na mkha'i khams kyi rigs dang / mchog tu mi 'gyur ba ye shes kyi khams kyi rigs te/ mngal na skye ba rnams la sgrib pa dang bcas pa'i rigs drug yin la/ de bzhin

  14. 8a

    gshegs pa rnams khams drug gi rigs 'gag pa'i phyir sgrib pa med pa yin te/ khro bo'i rgyal po gdong drug 'jigs pa yin no// de ltar brjod pa'i rim pas ni bcom ldan 'das dus kyi 'khor lo'i mtha' drug gi tshul gnas pa yin la/ de yang le'u lnga'i bdag nyid nas rgyas par ston pa yin pas/ 'jig rten khams sogs brjod pa'i ste/ le'u lnga yi dag pa ste/ dus kyi 'khor lor dngos brjod de zhes gsungs te/ bden gnyis dang po'i sangs rgyas yin zhes bya ba ni de ni brjod pa'i mchog gi dang po'i sku nyid rig pa rnam gnyis la rten nas bsgrub par bya ba yin pa 'am/ yang na gang ci yang rung ba'i theg pa chen po'i chos kyi 'khor lo bskor ba'i bden pa gnyis dang mi 'gal bar gsungs pa'i phyir de skad ces bya'o// da ni dbang gis rnam par 'byed pa dang / rnam par dag pa bstan pa'i phyir/ gang yang dang po'i dbang bdun ni zhes bya ba spros te/ chu la sogs pa bdun po ni dang po rnam par rtog pa shas che ba'i byis pa rnams la bstan par bya ba yin pas/ byis pa rnams ni bzhugs pa ste zhes gsungs so// de skad du kye'i rdo rje las kyang // bskal med sems can 'dul dka' la/ dang po gso sbyong bstan par bya zhes gsungs so// de nas bla mar gyur pa rnam par dbye ba ni/ 'jig rten kun rdzob rnam pa gsum zhes gsungs te/ bum pa dang / gsang ba dang / shes rab ye shes te/ bdun po las bla mar gyur pa de yang zag pa dang bcas pa la nye bar spyod pa'i phyir kun rdzob pa zhes bstan cing // gzhan yang ma 'ongs pa'i dus na gsum pa bcos ma dang / bzhi pa ma bcos dag pa dang 'khrug long du ston pa'i slob dpon dag 'byung bar gzigs nas byis pa tha dad par mdzad par yin no// bzhi pa dag ni don dam nyid ces bya ba ni// de ltar brjod pa'i rim pas kun rdzob kyi dbang bcul bzhi pa bcu gcig pa tha dad par

  15. 8b

    gsungs pa yin no// bzhi pa zhes bya ba ni grangs bzhi kho na yin gyi/ slob dpon ngan pa'i man ngag gzhan la 'khrul bar mi bya'o// gsum pa dang / gnyis pa dang / dang po la sogs pa ci'i phyir mi bzhag ces 'od gsal ba las/ de yang ji skad du/ sa bon las ni myu gu dang // de las de bzhin sdong bu dang // sdeng bu las ni 'bras bu ru// mkhas pa rnams kyis rtogs par bya zhes gsungs pa la// gzhan yang byis pa las dar la bab pa dang / da ral bab pa las rgan po dang / rgan po las yongs su 'khogs par 'gyur zhes bshad do// bden pa gnyis ltar na yang kun rdzob kyi bden pa la rten nas don dam pa'i bden pa rig par 'gyur ro zhes gsungs so// de bas na bzhi pa ni don dam pa ste 'bras bu'o// de bas na chos rnams bden pa gnyis kyis ni// rdo rje 'dzin pa ngas bstan te/ 'jig rten kun rdzob bden pa dang / don dam nyid kyis bden pa so zhes gsungs so// de'i grangs bstan pa'i phyir/ chu dang cod pan dar dbyangs dang // rdo rje dril bu brtul zhugs che// ming dang rjes gnang bcas pa ste// rnam bdun dbang ngo rgyal po kyi zhes gsungs te/ go bla'o// de nyid dag pa ston pa rjes su rtog par bya ba'i phyir// lus ngag yid ni dag byed pa// sbyong bar dbang bskur gnyis gnyis te// rjes gnang ye shes dag pa yin// zhes bya ba ni chu dang cod pan gyis ni phung po sbyong bar byed pa yin no// dar dbyangs dang rdo rje dril bus ni dag sbyong ba yin no// brtul zhugs dang ming gis ni sems sbyong bar byed pa yin no// rjes su gnang bas ni ye shes sbyong bar byed pa yin no// gzhan yang 'jig rten pa'i rnam par bzhag pa bdun yongs su sbyong bar byed pa ni gzhan ni khams sogs yang dag 'gag ces bya ba ni 'jig rten na gzhon nu btsas ma thag pa 'khru ba'i phyir dang / sa dang / chu dang / me dang //

  16. 9a

    rlung dang / mi bskyod pa khams bzhi po sbyong ba'i phyir chus dkrus pa yin no// cod pan gyis ni phung po'i bdag ces pa ni tha mal pa'i phung po rgyal ba rnam par snang mdzad du bskyed pa dang / 'dren mkhan gyi gtsug pud gzhag pa yin no// dar dpyangs pha rol phyin pa 'dags ces bya ba ni rgyal ba don yod grub par bskyed pa dang / gzhon nu'i rna ba phug pa yin no// gzhan yang rgyal ba rin chen 'byung ldan du bskyed par bya ba dang / gzhon nu btsas nas smra ba dang / rgod pa la sogs pa las sbyangs pa dang / stong pa nyid dang / snying rje'i brda bstan pa dang / mi 'gyur bde ba'i brda bstan pa dang / sangs rgyas gsung rgyun mi 'chad pa dang / zhes bya ba ni 'khor ba ji srid de srid du chos kyi 'khor lo 'jig rten du rgyun mi 'chad par bskor ba'i phyir dang / nang du ni bde ba chen po'i sangs rgyas kyi gsung rgyun mi 'chad pa'i phyir dang / gzhan yang nyi zla gcig tu dag pa'i zhes gsungs te/ g.yas dang g.yon pa'i nyi zla'i ming sgra gcan 'dzin gyi ming can du dag par bya ba'i phyir/ rdo rje dril bu mi 'gyur che zhes bya ba'i dbang yin no// gzhan yang gzhon nu skyes pa rnam par rtog pa med par 'dod yon lnga la longs spyod pa dang / 'pho ba bde ba las mi 'pho bar bya ba dang / rgyal ba dpag med 'od du bskyed pa dang / yul dang dbang po tha mi dad par bya ba'i phyir brtul zhugs kyi dbang yin no// gzhan yang gang gzhon nu btsas ming gi dus la bab pa ni ming btags pa de byams pa la sogs pa tshad med pa bzhi'i rang bzhin can no// khro bo bzhi bskyed par bya ba'i phyir ming zhes bya ba'i dbang yin no// gzhan yang gang gzhon nu lo bcu drug la bag ma'i bya ba byed pa las sbyangs pa dang / bu mo la ni lo bcu gnyis te/ dus de nas sa bon gyi bde ba 'byung ste/ sbyang ba'i phyir phyag rgya lag tu gtad pa

  17. 9b

    tsam dang / rgyal po rdo rje sems dpa'i skur bskyed pa'i phyir/ gnang ba sangs rgyas nyid du dag ces bya ba ni dbang yin no// de ltar dbang bdun gyis dag pa bstan pa nas/ da ni dbang bdun po de yang longs spyod dang ldan pa rnams rdul tshon gyi dkyil 'khor sngon du song ba las bla ma dam pa las blang bar bya ba yin la/ dbang bdun po ni 'di yin te/ dkyil 'khor bzhengs nas sbyin par bya zhes gsungs so// bum pa dang ni gsang ba dang / shes rab ye shes dngos por brjod ces bya ba ni de ltar gong du dbang bdun po dag dang bcas par bstan nas/ da ni shes rab ye shes la sogs pa ston par byed pa'o// sbyar yang shes rab chen po ni zhes bya ba ni 'jig rten las 'das pa'i dbang ngo // de yi ye shes mngon par brjod ces bya ba ni 'di zhes pa ni 'jig rten pa'o// ye shes mngon par brjod ces pa ni drang ba'i bde ba mngon par brjod pa'o// de yang drang ba zhes brjod pas/ byis pa kha cig gi bsam pa las 'gyur ba dang mi 'gyur ba'i bde ba 'dra zhes dogs na/ de ni ma yin te/ de ci'i phyir zhe na/ 'gyur ba'i bde ba ni nu ma dang slar ldan pa la brten pa'i phyir dang / mi 'gyur ba ni bde ba'i rnam pa kun gyi mchog dang ldan pa'i phyag rgya chen mo shes rab kyi pha rol tu phyin pa sangs rgyas thams cad bskyed par mdzad ma la brten pa'i phyir ro// de bas na drang zhes bya'i tshig gis dpe mtshon pa tsam la brjod par byed pa yin no// gzhan yang nu ma dang slar ldan pa'i mi mo la shes rab ces gsungs te/ dbang po rnon pos ni de mchog tu mi bzung gi/ gang de 'dul bar dka' ba'i skyes bu la gsungs pa yin no// de yang ji skad du/ re shig mi mo shes rab yin// skyes bu thabs su shes par bya zhes gsungs pa'i phyir ro// gzhan yang brda yis gsungs pa ni/

  18. 10a

    / ji skad du/ bud med skyes gnas pad+ma ste/ skyes bu'i dbang po rdo rje brjod ces gsungs pa lta bu'o// de bas na brda dang brda ma yin pa la rnal 'byor pas bslab par bya'o zhes bcom ldan 'das kyis gsungs so// khyad par gyi ngo bo brjod par bya ba'i phyir/ 'gyur zhing 'gyur te zhes bya ba smos so// de la 'jig rten pa thams cad ni zag pa dang bcas pa yin la// zag pa dang bcas pa nyid kyi bye brag ni 'gyur ba dang / mthun pa la sogs pa ste/ 'dzag pa'i bdag nyid can no// mngon par dbang bskur rim gsum gyis// lus ngag yid ni yang dag dag/ bzhi pa ye shes dag pa ni/ las ngag med ni dag par byed ces bya ba la de ltar brjod pas dbang bzhi pa yis ni lus ngag yid ye shes dang bzhi stong bar byed pa ste/ gsum po ni byis pa rnams kyis rtog par byas pa'i phyir ro// bzhi pa ye shes la sogs pa bzhi char skyong ba ni nges pa'i don to// de bzhin gshegs pa'i bka' lung ngo // de yang ci skad du dang po mchog gi sangs rgyas las// 'jig rten lta bu'i ye shes kyis/ lus ngag yid ni nyon mongs pa// dka' ba 'jig rten dngos grub 'grub// mchog gi dngos grub thob mi 'gyur// 'jig rten 'das la gzhol bas ni// skye dga' med pa'ang 'grub 'gyur na// 'jig rten lta bu smos ci dgos// de bas phyag rgya che la 'bad ces gsungs so// de bas na bzhi pos ni thams cad sbyod pa yin no// gzhan yang 'jig rten pa'i dpe brjod par bya ba'i phyir/ byis pa zhes bya ba la sogs pa smos te/ byis pa dang 'dra zhing yun zung la mi brtan pa ni bum pa'o// dang ma zhes pa ni byis pa'i yon tan ni yar ldan la/ 'on kyang mi brtan pas dar ma ste gsang ba'o// rgan zhes pa ni gnyis pa'i

  19. 10b

    yon tan yang ldan la 'on gyis 'gyung zhing mi rtag pa ste shes rab ye shes so// bzhi pa dag ni skye dgu'i bdag ces bya ba skyes te/ ste dgu thams cad gnyis su med pa'i ye shes su kun gzhi sde bar mdzad pa'i skye dgu'i bdag po yin zhing / yon tan bzhi po thams cad rdzogs pa'i phyir mi ldog pa'i dbang zhes kyang bya'o// de yang nang du brjod na gang yin snyam pa la/ shes rab nu ma yan lag ni zhes smos te/ shes rab ni mi mo yin la/ nu ma'i yan lag ni nu ma'i yan lag gnyis reg las byang chub 'pho bde zhes ni num gang yin pa de la reg pa'i bde ba ni 'gyur ba'i bde ba ste/ de ni gang phyir byis pas bde bzong pa yin pa de'i phyir byis pa'o// dkar 'dzin gyis ni byis pa de dbang bskur ba yin te/ de ni gsang sngags kyi tshul 'di la bsnyen gnas yin no// gzhan yang gsang ba ni mi mo ste nu ma dang sgrar ldan pa'o// gnyis shes pa ni sgra ni bum pa las bye brag tu byas pa yin la/ de ni gnyis 'gyur ro// de nas dar la bab par shes par bya'o// skyes shes pa ni bde ba'o// gang gis snyam pa la byang chub sems shes bya ba gsungs te/ kun rdzob kyi byang chub kyi sems so// de yang mi banan pas na/ 'pho bzhes gsungs so// de bsan 'pho ba'i bde ba'o// gang phyir gas pa las bde thob pa zhes pa ni gas dpal rten nas skyes bu 'dod chags can rnams kyis bde ba 'byung ba yin no// dar la bab pa de dbang bskur shes pa ni byis pa la ltos pa'o// de nyid ni dge bsnyen no// yun rings gsang ba bsnyes las shes shes pa ni yun rings pa ni brum pa dang gsang ba ste/ gsum 'gyur ro// de nyid dge tshul yin no rdo rje rtse mo ni nor bu rtse mo'o// mthun zhes pa ni yun ring du gnas pa la bya'i thams cad du mi 'dzag pa ni ma yin no// gang phyir rgan dang

  20. 11a

    mthun gyung pas shes pa ni rgan po dang 'dra zhing yun ring ba'o// de nyid ni shes rab ye shes dbang bskur zhes bya ba ste/ zag pa dang bcas pa'i bde ba mthar thon pa'o// gzhan yang de ni 'dod pa'i khams kyis badre ba mthar gtugs pa yang yin no// da ni phyag rgya chen mo zhes bstan pa'i phyir/ phyag rgya che la zhes smos te/ yangs pa dang rgya che ba dang kun du bzang mo dang / nam mkha' ltar thogs pa med pa gang yin pa de ni phyag rgya chen mo zhes bya'o// rjes chags pas shes pa ni gang la rjes su chags pa'i dbang ni phyag rgya chen mo'i dbang ngo // ji ltar chags par bya zhe na/ gang la'ang mi gnas pa de de ltar chags par bya'o// rgyu mthun la skyes bde ba gang zhes bya ba la// rgyu mthun ni thog pa med pa'i rgyu las thog pa med pa'i 'bras bu skye bar mthun pa'i phyir ro// de skad du yang sa bon gang dang gang las ni/ de dang de'i 'bras bu 'byung zhes gsungs pas/ gang gi phyir rgyu mthun nyid du 'gyur zhes pa ni rgyu bsgom par bya ba med pa las 'bras bu 'dzin pa med pa'i ye shes su 'byung ba'o// phyag rgya chen mos de dbang bskur zhes pa ni de ltar brjod pa'i dbang la skyes bu 'ga' zhig zhugs pa de phyag rgya chen mo'i dbang du zhugs pa yin la/ de'i dge slong dgra bcom pa zag pa zad zhes pa yang yin no// de nyid ni dus gsum gyi sangs rgyas thams cad bsrungs pas/ skyob pa thams cad bskyed mdzad ma yin la/ gsum po las gtso bor 'gyur ba dang brtan pa dang 'di dang gzhan gnyis ka'i phun sum tshogs pa skyes pa skye dgu'i bdag po de zhes bya zhes gsungs so// de lta bu'i stobs kyis kun rdzob kyi byang chub sems rtse mo gyen du bltas pa'i dus na/ rdo rje nor bu'i rtse mo nas sprul pa'i bar du/ rdo rje sems dpa' lhan cig skyes pa'i sku dang / de nyid chos kyi

  21. 11b

    'khor lo sems dpa' chen po zhes bya ba ni chos kyi sku'o// de nyid longs spyod kyi 'khor lor mi 'gyur gnyis med byang chub sems dpa' zhes bya ba longs spyod rdzogs pa'i sku'o// de nyid bde ba chen po'i 'khor lor dam tshig sems dpa' 'di yin zhing zhes bya bas sprul pa'i sku'o// gzhan yang lugs bzlogs pa'i dus su ni de nyid zlog par shes par bya'o// rdo rje rnal 'byor rnam pa bzhi zhes bya ba ni de ltar 'gyur ba'i 'pho ba med pa'i bde ba chen po ni sku'i rdo rje la sogs pa rnam pa bzhi yin la/ de nyid dus thams cad la dbang du gyur pas/ dus kyi 'khor lo 'di ru brjod ces bya'o// rnal 'byor rnams la thar ster ba zhes bya ni shes rab chen po de nyid do// 'di nyid ces ni shes rab chen po 'di nyid do// bsgrub par bya ba ni zhes pa ni nyams su blang ba'i thabs so// de nyid gang yin zhe na/ ma bsams pa'i snang ba dang zhes gsungs te/ ma bsams pa ni bsam du med pa yin la/ snang ba ni de'i dbang gis bskyed pa'i bskyed pa'i rtags bcu'o// rtags de yang mtshan yang dag par brjod pa las ji skad du/ shes rab ye shes me bo che/ 'od chen rnam par snang bar byed// ye shes snang ba lam me ba// 'gro ba'i mar me ye shes sgron// gzi brjid chen po 'od gsal ba// sngags mchog mnga' bdag rigs sngags rgyal// zhes gsungs so// shes rab ye shes ni gong du brjod pa'i bsam pa nyid do// shes rab stong pa nyid de ni 'phags pa shes rab kyi pha rol tu phyin pa las ji skad du lha'i dbang po brgya byin gyis tshe dang ldan pa rab 'byor la dris pa/ 'phags pa rab 'byor gang shes rab kyi pha rol du phyin pa la rnal 'byor du byed par 'dod pa des ji skad bslab par bya/ de skad ces smras pa dang / tshe dang ldan pa rab 'byor gyis lha'i dbang po brgya byin la 'di skad ces smras so// lha'i dbang po

  22. 12a

    gyu/ gang shes rab kyi pha rol du phyin pa la rnal 'byor du byed par 'dod na/ des namatha' lar thog pa med pa la bslab par bya'o// zhes gsungs so// shes rab chen po la dmigs par bya ba'i don 'di ni gang gsang ba 'dus pa las kyang ji skad du/ dngos po med las skem pa med// bsgom par bya ba dngos po min// de ltar dngos dang dngos med par// bsgom pa dmigs su med pa'o zhes gsungs so// de bas na shes rab chen po zhes bya ba ni thog ma med pa'i stong pa nyid yin par khong du chud par bya'o// shes rab de lta bu kho na las spyod dang grol ba rnyed par 'gyur te/ de yang ji skad du/ bsam du med pa des bsams na/ de las gzungs na thob par 'gyur zhes gsungs so// de bas na de lta bu la gnas pa'i rnal 'byor pa la yid ches par byed pa'i nags ni dub la sogs pa'i mtshan ma de zhes bya ba 'byung bar// gsungs so// bsam bya bsam par mi bya dang / nyin mtshan gcig du yongs rtags bya// gal te nyams myong ma byung ba// de tshe nga'i rdzun smras yin// zhes gsungs la/ nyams su myong ba yang du ba la sogs pa'i rtags yin gyis/ gzhan ni ma yin no// de yang rnal 'byor pas re ba dang dogs pa la sogs pa'i rtogs pa rnams spangs la/ nyin mtshan gcig tsam yang dmigs pa rtse gcig du bzhag na yin gyis gzhan du ni ma yin no// de nyid legs par bstan pa ni/ shes rab gzugs ni namakha' mnyam dang zhes gsungs te/ thog pa med pa'i yid yin no// de nyid rtag pa dang chad pa las grol bar bstan pa'i phyir ro// yod dang med las rnam par 'das zhes gsungs so// sems kyi bcos pa bdud du bstan pa'i phyir/ sems kyi sbyin gyis don rnams dang / zhes gsungs so// sems kyi bcos pa ni

  23. 12b

    zab mo nyid rnyed par mi 'gyur ro// gzhan yang ting nge 'dzin la rdul tshon gyi dkyil 'khor spang bar bya ba'i phyir/ rdul phran las skyes tshogs pa rnams// kun du yongs su spang bas so zhes bya ba gsungs te/ rdul tshon gyi dkyil 'khor la rtags pas yid ches par 'byung bar mi 'gyur ro// de ltar kun tu rtog pa thams cad spangs pa la 'di rnams 'byung bar 'gyur te gang zhe na/ du ba zhes bya ba du ba lta bu'i snang ba yin du ba nyid ni ma yin no// smig chu yang de ltar mthong ba'o// me khyer ni mkha' gsal ltar snang ba'o// mar me yang mar me ltar snang ba yin gyi/ dngos ni ma yin no// 'bar zhes pa ni mi'i 'od kyi snang ba lta bu'o// zla ba ni zla ba lta bu'i skung ba'o// nyi ma ni zhe ma lta bur snang ba'o// mun n+dan zhes pa ni sgra gcan gyi snang ba'o// cha shas shes pa ni glog ltar 'byung ba'i snang ba'o// thig le che zhes pa ni dub mjug rings lta bu'i 'od dkyil 'khor sngon por snang ba'i mthong ba'o// de ltar na snang ba bcu yin te/ de dag kyang kha cig ni nub mo snang la nyin mo mi snang ngo // kha cig ni nyin mo snang la nub mo mi snang ba yod do// de yang 'dus pa'i tshul gyis rtags lnga'am gcig yin par dgongs so// rlung rnam pa yin pas na lnga'o// gcig nyid shes pa gyur pa'i dbang gi du mar snang bas na gcig yin no// de ltar brjod pa de yang phal che ba la dgongs pa yin gyis/ gang zag gi bsam pa'i dbang gis ni rtags mtha' yas par gtogs par bya'o// slob dpon la la dag gi zhal snga nas ni du ba la sogs par snang ba ma yin gyis/ ting nge 'dzin brtan pa dang // brtan pa ma yin pa skad cig gis tshad du brjod par byed do// sna tshogs gzugs ni rab tu gsal zhes bya ba ni de lta bu du ba la sogs brtags sna tshogs pa la dmigs pa'o// 'di'i rgyas pa ni tsakra saM b+hA ra'i

  24. 13a

    'grel pa byang chub sems dpa' phyag na rdo rjes mdzad pa las khong du chud par bya'o// mig gnyis ma phye ma btsum pas/ zhes bya ba ni rnal 'byor pa rtags la 'dun pa rnams kyis bya ba yin gyi/ thams cad du ma yin no// nyin mo dang mtshan mo dang bla gab med pa zhes bya ba gsum yod de/ de yang bla ma'i man ngag las khong du chud par bya'o// lha'i spyan thob par bya ba'i phyir// 'dun pa dang ldan pa rnams kyis bzung bar bya ba ma yin no// gang gis stong par ma rtags pa zhes pa ni so sor sdud pa sprin med pa'i nam mkha' lta bu'o// de nyid la gzugs bcu'o// rmi lam lta bur mthong ba'o// de lta bu'i ting nge 'dzin la dmigs par bya ba yin pas na/ gzugs de rtag tu bsgom par bya zhes gsungs so// med pa'i gzugs la bsgom pa ni/ rnal 'byor rnams kyis de bsgoms min/ zhes pa ni bsgom par bya ba'i yul med par ston to// stong par ma rtags blta ba'i phyir zhes bya ba ni bsgom par bya ba'i shes pa med par ston to// de nyid ni/ sems ni dngos dang dngos po min/ zhes bya ba yin no// de nyid dpes bstan par bya ba'i phyir/ ji ltar me long cig ni/ zhes smos pa yin te/ me long ni mtshon pa tsam yin la/ chu dang ser ma can gyi shing dang / mthe bong la sogs pas so// dngos med las skyes/ bu mos mthong zhes/ pa ni rkun po la sogs pa mthong ba'i don lkog tu gyur pa mthong bar byed pas de bzhin du mkhas la de bzhin rnal 'byor pas shes pa ni me long dang 'dra ba'i na mkha' dri ma med pa la'o// sus she na/ rnal 'byor pas shes gsungs pa yin la/ rnal 'byor gyis sgra yang snyoms par 'jug pa la yin gyi gang la gnyis su snang ba de ni ma yin no// de nyid ni dus gcig pa'i de kho na nyid do// de yang gang zhe na/ 'das dang ma 'ongs

  25. 13b

    chos de bzhin zhes gsungs te/ 'das pa dang ma 'ongs pa dang da ltar gyis chos ni snying po med pa dang / stong pa dang / gsob dang / gsog dang / brdzun pa/ sgyu ma dang / mig yor la sogs pa shes bas so// de yang dang po de ltar rtogs pa'i rjes la du ba la sogs pas mthong ste/ rtags la mdun pa'i rnal 'byor pa la'o// de'i rjes la dus gsum gyi don lkog du gyur pa skad cig la shes pa 'byung ngo // yang na mkha' zhes pa ni sems kyi nam mkha' rtag par bya'o// sems kyi na mkhar gnas pa las rnam par rtog pa thams cad rang zhi ba'i bde ba chen po 'byung ba las/ sangs rgyas kyi gzugs zhes kyang bya ba'o// ji skad du yang dang po'i sangs rgyas las/ phyi rol na mkha' ma yin pa'o// sems kyi na mkha' dbus gnas pa// mi rtog pa la rab sbyar na// mi bdag rmad 'byung bde chen bskyed// ces gsungs so// rgyud de'i phyir/ 'di med pas na zhes bya ste/ yid kyi na mkha' chen po ste/ so sor sdud pa'o// dngos med min zhes ni rtag la 'dun pa rnams la ni phyir gnang ba'i rtag kyang don lags pa yod pa ma yin pa'o// dngos po stong pa'i don du ni du ba la sogs pa'o// mthong ba ni rtog pa'o// de nyid dngos po med pa'i don yin pa zhes bya ste/ ngo bo med pa las 'byung ba 'am/ yang de rnams nyid rang bzhin gyis stong pa'o// de'i dpe ni/ rmi lam sgyu ma mig 'phrul tshul zhes bya ba sgyu ma'i dpe bcu gnyis dang 'dra ba'o// 'jig rten pa'i dper bya ba la 'das pa ni/ chos can med pa las chos shes gsungs pa yin no// skye ba ni 'byung ba'o 'di ni zhes pa ni bde ba chen po'o// mthong ba zhes pa ni rtogs pa kho na'o// dpe bstan pa'i phyir yid bzhin ltar zhes gsungs te/ dpe yid bzhin gyis nor bu'am dpag bsam gyi shing ngam bum pa

  26. 14a

    bzang po ste sems can mtha' yas pa'i re ba sde bsam pa thams cad rdzogs pa yin no// gong du brjod pa'i dpe nyid bstan pa'i phyir/ gzhon nu ma ste grong pa'i chos kyi mgos pa'i phyir ro// pra ni gong du bstan pa'o// ma mthong ba'i rkun po zhes pa ni mtshon pa ste/ don lkog tu gyur pa gzhan yang ngo // mthong zhes pa ni rnams la'o// pra de la nyi tshe ba'i mig gis blta ba de bzhin du rnal 'byor pas na mkha' dri ma med pa la nyi tshe ba'i dmigs pas blta ba de nyid kyis bskyod ces bya ba ni rtags la 'dun pa rnams kyis mig btsums pas so// sgrub pa'i gzigs shes pa ni rnal 'byor pa yis yod pa dang med pa las grol ba'i bdag nyid du blta ba yin pa'i phyir/ gal te yod pa'i gzugs mthong na bdag gi gdong pa dngos kyang me long la sogs pa'i nang du cis mi mthong zhes bya ba'i don to// 'on te med pa'i gzugs mthong na/ ri bong gi rwa zhes pa ni mtshon pa tsam ste/ na mkha'i me tog dang mo gsham gyi bu lta bu la sogs pa ji ltar min te/ ci'i phyir mi mthong zhes bya ba'o// mig gzhan gyis ni shes bya rnal 'byor pas mthong gis// gzhan gyis mi mthong zhes bya'o// bdag gi mi mthong zhes bya'o// bdag gis mig gi zhes bya ba sgrib pa dang ma bral ba'i mig gris so// mi mthong zhes ni du ba la sogs pa'o// 'o na ji ltar mthong zhe na/ skye ba med pa mthong ba ni gzod ma nas skye ba med pa'i chos ma mthong ba mthong ba zhes bya ste/ dper na gzhon nu ma zhes bya ba la lo bcu gnyis man chad lon pa mngal gnas su mi rung ba'i bu mos mthong ba lta bu'o// de ltar so sor sdud pa bstan/ nas/ da ni bde ba chen po spel ba bstan pa'i phyir/ gzugs mthong de'i 'og tu ni zhes bya ba gsungs te/ de ltar du ba la sogs pa'i rtags bcu po mthong nas/ gal te zla ba'i rgyun gcad par mgyur pa de lta ni/ steng

  27. 14b

    dang 'og tu rtsa gsum la zhes bya smos te/ brkyang ma dang / ro ma dang / kun spangs ma'i ming can te steng gi rtsa gsum mo// 'og tu dri chen dri chu sa bon gyis lam mo// lus ngag sems kyis dgag pa'i phyir zhes gsungs te/ lus dang ngag gi rang bzhin can gyi rlung gis rgyu ba dgag pa ni steng du yin la/ dri chen dri chu'i sa bon ni 'og gi dgag pa'o// rgyun mi 'chad par srog rtsol bya zhes pa ni nyin dang mtshan du'o// srog dang rtsol bas ni rlung sbyangs pa la sogs pa'o// sngon du 'gro bas 'dzin pa ston to// nyi zla sgra gcan gyi steng du'o// dri chen dri chu sa bon 'bab pa'i lam zhes pa 'og tu'o// chu me stong pa zhes pa ni g.yas kyi steng 'og dang / dbus ma'i steng gi rigs so// sa rlung ye shes shes ni g.yon pa'i steng log dang dbus ma'i 'og ma'o// ye shes kyi khams kyi rigs so// gang rnams nyi zla mun can ni zhes ni steng gi ming gi rnam grangs so// de nyid kho na steng du lus ngag sems kyis rtsa de rnams shes bya'o// srog dang thur sel rim pa yis zhes pa ni 'og tu thur sel yin la steng du srog yin no// dri chen dri chu'i sa bon 'bab pa ni gong du'o// da ni steng gi rtsa drug po nyid rigs drug tu bstan par bya ba'i phyir/ thabs kyi sku ni zla ba la zhes ni steng gi g.yon du byed rlung zhes bya ba/ sangs rgyas don yod grub pa'i rang bzhin no// shes rab gsung ni nyin mo mi zhes pa ni steng gi g.yas pa tsher ma me zhes bya ba sangs rgyas dpag med 'od kyi rang bzhin no// shes rab sku ni dri chen rtsa zhes bya ba ni 'og gi g.yon pa gzugs sa'i khams zhes bya ba sangs rgyas rnam par snang mdzad kyi rang bzhin no// dri chu 'bab ma gtso bo gsungs zhes pa ni 'og gi g.yas pa 'du shes chu'i khams zhes bya ba sangs rgyas rin chen 'byung ldan gyi rang bzhin no// steng 'og sems kyi rtsa gnyis ni// sa bon 'bab

  28. 15a

    dang mun can ma// thabs kyi thugs ni mun pa can zhes pa ni stong gi dbus mar rnam par shes pa na mkha'i khams zhes bya ba sangs rgyas mi bskyod pa'i rang bzhin no// sa bon 'bab ma shes rab kyi zhes pa ni 'og gi dbus ma mchog du mi 'gyur ba ye shes kyi khams zhes bya ba sangs rgyas rdo rje sems dpa'i rang bzhin no// sku gsung thugs kyi rnal 'byor gyis steng 'og rigs drug 'di nyid do// zhes bya ba ni de ltar brjod pa'i rim pas chu dang rlung dang na mkha'i sa bon las byung ba ste/ pha dang 'grel pa can gyis rigs so// sa dang me dang ye shes kyi rdul las 'byung ba ste/ ma dang 'grel pa can gyi rigs so// de yang 'di skad du gsang ba 'dus pa bshad pa'i rgyud lha mo bzhis zhus pa zhes bya ba las/ pa las skyes pa gsum tsam na// de bzhin ma las skyes pa gsum// de dag drug tshogs gong bu las// mi rnams ji ltar skye ba lags zhes gsungs so// thabs dang shes rab sku dngos kyis// lus can rnams la yang dag gnas// zhes bya ba ni de ltar brjod pa'i rigs drug po ni skye 'gro thams cad la thabs dang shes rab kyi tshul du gnas shes dgongs so// steng 'og lhag ma'i rlung gis ni// lus ngag rtsal 'chis paltas yin// zhes ni 'dir mdor bsdus pa yin gyis rgyas par ni 'og nas ston to// da ni dbus ma'i rang bzhin bstan par bya/ ba'i phyir// mun can sa bon 'babs ma las// skye dang 'chi ba gnas pa yin// zhes gsungs te/ ma'i mngal nas gang skyes pa la thug pa de srid du ni lus can zhes bya ba ni rlung gnas pa yin la/ de'i stobs kyis mngon par zhes pa 'byung bar yang shes so// gzhan yang 'chi ba'i dus su rlung thams cad 'dus nas der 'jug ces gsungs so// de yang dang po'i sangs rgyas las ji skad du/ shi dang brgyal

  29. 15b

    dang ting 'dzin thob// gnyis gnyis 'khrig pa'i gnas skabs te// gnas skabs bzhi la 'jug 'gyur te// gzhan dag tu ni 'jug pa med ces gsungs so// yang 'og gi sa bon 'bab ma las ni gang ma'i mngal na gnas pa de na sa bon gyi rnam pa gnas la 'chi ba'i dus ni lam de nas sa bon 'byung bas 'chi ba yin no// de yang dbang 'di nyid las ji skad du/ lus can thams cad 'chi ba na// zla ba'i bdud rtsi thur du 'gro/ zhes gsungs so// skye dang 'chi ba'i dus dang ni// zhes pa ni gong du bstan pa nyid dang / 'khrig la sa bon 'bab pa'o// zhes pa ni 'og gi dbus ma de nas so// gzhan yang rlung gi dbang du byas nas lus can thams cad tha mal gsungs pa ni/ nyi ma 'pho dang mnyam pa la zhes bya ba gsungs te/ nyi ma ni g.yas pa'o// 'pho ni g.yon du'o// mnyam pa ni gnyis kanas so// mun can ma ni steng du 'bab ces pa ni mnyam du 'bab pa'i rlung steng nas 'bab pa'o// dus sbyor 'byung ba'i mngon mtshams su// dbus ma yis ni mnyam pa 'bab ces pa ni gzhan yang dus sbyor bcu gnyis po re re yang g.yas pa dang / g.yon pa las drug drug tu 'bab pa ste/ de yang drug pa ni ye shes can zhes bya ba gnyis ka nas mnyam du 'bab pa yin no// lhag ma ni g.yas g.yon nas dkyil 'khor lnga lnga 'bab pa yin te/ de yang ye shes can zhes bya ba nyid mngon mtshams zhes bya bar dgongs so// de nyid dbus ma yis ni mnyam par 'bab ces bya ba yin no// rkang pa dang bcas pa lnga bcu drug ces ni dkyil 'khor lnga lnga po re re nas bcu gcig dang bzhi cha re re dbus mar 'jug cing rgyu ste/ de ltar dkyil 'khor lnga las lnga bcu rtsa drug dang bzhi cha gcig ni dbus ma'i rgyu ba yin la/ de lta bu nyid bcu gnyis su bsgres pa las nyi khri cig stong drug brgya nyin mtshan la tshang bar gnas

  30. 16a

    so// 'byung 'jug dbus so mi dbang skye zhes pa ni gong du brjod pa de nyid dbus ma'i 'byung 'jug go// mi dbang skye zhes pa ni bod pa'o// bdun cu rtsa lnga lhag pa yi// drug brgya nyin mo mtshan mo'o// zhes pa ni nyin zhag tshang ba la 'pho ba bcu gnyis yin zhing / 'pho ba re re nas rkang pa dang bcas pa lnga bcu rtsa drug dra/ dbus mar rgyu ste/ de nyid bcu gnyis su bsgres pas nyin zhag gcig la drug brgya bdun cu rtsa lnga'o// gang yang drug brgyas lhag pa yis// stong phrag nyi shu rtsa gcig ste zhes pas nyi khri cig stong drug brgya nyid yin te de yang rtsa ba'i lug ni gcig gis mtshan ma'i 'og tu thig le gsum bkod la/ de la nyi shu rtsa gcig gis sbyar bas nyi khri cig stong nyid du gnas pa las/ de la drug gi mtshan ma'i 'og tu thig le gnyis gnas pas bstan pas nyi khri tshig stong drug brgya'i g.yas pa dang ni g.yon pa'i rtsar/ 'di yis dman pa rnams 'bab phyogs shes pa ni nyi kri cig stong drug brgya'i nang nas drug brgya nyi shu rtsa lngas dman pa'i lhag ma ni nyi khri dgu brgyas nyi shu rtsa lngas gnas pa yin te/ g.yas pa dang g.yon pa'i rgyu ba'o// nyi khri dgu brgya nyi shu rtsa lnga las kyang / la la nA dang ra sa nA zhes bya ba g.yas g.yon so so nas khri bzhi brgya drug cu rtsa gnyis dang rkang pa gnyis su rgyu ba yin te/ phyogs gsum dang bcas lo gsum zhes pa zla ba phye dang gnyis dang lo gsum mo// de ces 'gyur zhe na/ lo brgya yis ni dbus mer 'gyur zhes gsungs te/ gang yang skyes bu tshe lo brgya pa de la'o// de la lo brgya la ni zhag sum khri drug stong yin la/ sum khri drug stong gang yin pa de drug brgya bdun cu rtsa lngas bsgres par 'gyur bas bye ba phrag bzhi dang sum 'bum gyis lhag pa'i sa ya phrag gnyis su 'gyur bar shes par bya'o// steng du g.yas dang g.yon pa ni// nyi zla lug dang ser skya gzhan// zhes ni nyi ma dang zla ba'i

  31. 16b

    ming can du mu stegs rnams zhugs pa'i phyir/ lug dang ser skya zhes bya ba gsungs so// yang na ni bla ni steng ngo // lug dang ser sta ni 'og go// chu dang me'i rang bzhin zhes ni g.yas pa'i steng 'og go// @rma rin chen 'dzin pa ni zhes pa de bzhin gshegs pa'i rigs su bzhag pa'i tshul lo// 'og tu dri chen dri chub bab ces pa ni 'og gi g.yon pa g.yas pa'o// sa dang rlung gi rang bzhin zhes pa ni g.yon gyi steng 'og tu'o// g.yas pa dang ni g.yon pa'i rtsa zhes pa ni go zla'o// 'khor lo rol gri 'dzin pa zhes pa ni de bzhin gshegs par bzhag pa'i tshul te/ g.yon gyis steng 'og rim pa bzhin du'o// steng du dbus ma 'og tu g.yas/ zhes pa ni gozla'o// sgra gcan dang ni sa bon 'bab ces pa ni dbus ma'i steng 'og go// stong ba'i ye shes rang bzhin te zhes pa ni steng 'og gi rim bzhin du'o// rdo rje 'dzin ni steng mi bskyod pa'o// rdo rje 'dzin pa ni 'og rdo rje sems dpa'o/ zla ba'i lam gyis dri chen rdza/ zhes pa ni g.yon pa'i steng 'og go// nyi mas dri chu 'bab pa'o// zhes pa ni g.yas pa'i steng 'og go// skye 'chi mnyam du 'dod chags la zhes pa ni dbus ma'i ming can no// sgra gcan sa bopono 'bab pa'o// zhes pa ni steng 'og go// steng 'og gi nam grangs bstan pa'i phyir/ gang zhig lte stengs kun 'ad ma zhes pa ni de yang lte ba'i stengs yan chad du dbus ma'i rnam grangs yin gyi/ 'og gi gzhan yin no// de bas na mun 'bab shin tu yid bzangs te/ zhes gsungs pa de yin no// gang 'og nas na mkha'i gdong ste de ni zhes pa ni 'og gi rnam grangs ston par byed pa ste/ de yang sa bon 'bab pa dung can ma/ zhes gsungs so// lte ba'i pad+ma snying mgrin dang / dpral ba gtsug tor 'dam skyes la/ zhes pa ni 'khor lo'i gnas bstan pa'o// sa chu me rlung stong pa ni/ zhes pa ni rlung lnga'o// bsdus pa yis ni 'bab pa'o zhes pa ni g.yas pa sa nas

  32. 17a

    rgyu ba'o// gshegs pa dang ni byon pa ste zhes pa ni rlung lnga'o// bskyed pa yis ni sa la 'jug ces pa ni g.yon pa na mkha' rgyu ba'o// lte ba nas ni lte ba'i dbus/ zhes pa ni pad+ma bzhi'o// kun 'dar mas ni byon zhing gshegs/ shes pa ni dbus ma'i rgyu ba'o// lte gsang nor bu pad+ma zhes pa ni sprul pa dang / gsang ba dang / rdo rje nor bu gsum pa'o// lus ngag sems ni 'dab ma ste/ sku gsum gyi tshul gyis so// gshegs pa dang ni byon pa des/ zhes pa ni a ba d+hU ti'i rgyu ba gnyis so// sdud dang bskyed pa'i gzugs can ma/ zhes pa ni rgyu ba gnyis po'i phyir 'byung ba dang nang du 'jug pa'o// skyes bu kun la dung can ma zhes pa ni 'og gi dbus ma de nyid skyes bu kun la ming du btags pa ste/ khrag gi rgyu ba med pa'i phyir// thur sel rlung ni 'bab par byed ces pa ni dbus ma de nyid nas rlung gi dus su thur tu sel ba'i rlung 'bab/ pa yin no// 'di ni bud med bde ba yin zhes pa ni 'khrig pa'i dus su'o// sa bon zhes pa ni dus der sa bon 'bab pa'o// dus su zhes pa ni nag po'i phyogs so// khrag 'bab ces pa ni dus der rtsa de rnams khrag rgyu ba'o// steng gi g.yas dang g.yon pa ni/ thabs dang shes rab sku'i tshul/ zhes pa ni steng gi g.yas g.yon no// 'og gi dri chen dri chu 'bab ces pa ni 'og gi g.yas g.yon no// rdul dang sa bon 'bab pa ni/ 'og gi dbus ma'o// rdul 'bab phyir na tsan+da li/ dus der reg tu mi rung ba'i phyir ro// sa bon 'bab phyir na mkha'i gdong / zhes pa ni bde ba chen po na mkha' nas 'bab pa rtsa der 'ong ba'i phyir ro// steng du rigs ngan bde med la/ zhes pa ni steng gi dbus ma'i de nyid bud med rnams khrag 'bab pa'i phyir na rigs ngan no// skyes bu la ni kun spangs brjod ces pa ni bde ba'i stobs kyis rtogs pa spangs pa'i phyir/ rtag

  33. 17b

    par g.yon pa'i rtsa la ni zhes pa ni sna bug g.yon pa nas so// rnam shes la sogs dkyil 'khor lnga/ zhes pa ni rnam par shes pa nam mkha' las rgyu ba'o// lnga ni 'byung ba lnga'o// g.yas pas sa phyogs de zhes pa ni g.yas pa'i sna bug nas gzugs sa nas rku ba'o// dbus su drug pa 'bab pa'o// zhes pa ni sna bug gnyis ka nas dus mnyam du 'bab pa ni drug pa ye shes kyi rlung ngo // lte ba'i pad+ma'i 'dab ma la/ zhes pa ni sprul pa'i 'dab ma la'o// dkyil 'khor drug cu rim pa bzhin zhes pa ni chu tshod drug cu'o// dus sbyor g.yas dang g.yon pa la/ zhes pa ni g.yas g.yon las dus sbyor bcu gnyis kyi tshul du 'byung ba'o// lug sogs khyu mchog la sogs so zhes pa ni dus sbyor gyi ming ngo // rtsa ba g.yon dang de nas g.yas/ steng dang dbus su rim pas rlung zhes pa ni 'byung ba lnga po de yang sna bug g.yas g.yon gyi/ g.yon gyi phyogs bzhir dbus dang lnga nas 'byung ba lnga rim bzhin du 'byung ba'o// dkyil 'khor re re dbyu gu las zhes pa ni sa chu me rlung na mkha' dang / lnga ni 'byung ba ste/ chu tshod lnga lngar rgyu'o// sa sogs sna bug dag la'o zhes pa ni sa la sogs panyid do// drug cur bcas pa'i sum brgya'i dbugs shes pa ni dkyil 'khor lnga re re yang dbugs sum brgya drug cu 'bab pa'o// de gang las she na/ rtse ni rim pas 'bab pa'i zhes gsungs so// stong dang brgyad brgya'i dbugs rnams ni zhes pa ni stong brgyad brgya'o// rtsa lnga po yis de rnams 'bab ces dkyil 'khor lnga'i rlung ste/ sum brgya drug cu las lngar bsgres na'o// drug cu rtsa ni nyin mtshan du/ lus can rnams la dkyil 'khor ni zhes pa bcu gnyis la lngas bsgres nas drug cu yin no// 'dab ma'i dbus dang de nas shar zhes pa ni sna bug g.yon nas 'bab pa'i dbus nas 'bab ste/ nam mkha' rgyu ba yin no// de nas shar dang lho dang

  34. 18a

    byang chub bo// g.yas dang g.yon du rim pa'i rlung zhes pa ni g.yas kyi rgyu ba'i rjes la g.yon yin zhing de nyid ni rim pas rlung zhes dgongs so// g.yon la rtag par mkha' sogs te/ g.yas pas sogs gzhan ma'o zhes pa ni gong du rgyas par bstan pa nyid do// g.yon du srid pa rnams shes sogs// g.yas su sa sogs bsdus pa'o// zhes pa yang rgyas par bstan zin to// nub dang shar dus dang rlung zhes pa ni 'dab ma bzhir gnas pa'i shar nub bo// phan tshun thabs dang shes rab ste/ zhes pa g.yon gyi steng du rlung gi yin la/ 'og sa'i rlung yin pa'i phyir ro// mthe bong dang ni ming med kyis/ gang gi kha la dbang bskur phyir zhes pa ni mthe bong sa yin la/ srin lag ni rlung ste/ de bas na thabs dang shes rab des byang chub sems myang ba'i dbang bskur ba gsungs so// g.yas dang g.yon du me dang chu zhes pa ni g.yas ni lho'i ming yin la/ g.yon ni byang yin no// de nyid me dang chu ste g.yas kyi steng 'og/ me dang chu yin pa'i phyir ro// phan tshun thabs dang shes rab po zhes pa ni go bla'o// 'dzub mo dang ni gung mo yis// gang phyir ral gring gyur pas so// shes pas 'dzub mo ni chu yin la/ gung mo ni me yin no// de nyid kyi nyon mongs pa gcod pas ral gri ste don yod grub pa'o// mche ba mthe'u chung gri gug ste zhes pa la/ mthe'u chung de nyid 'og du mtshon par byed pas ye shes yin la/ de nyid kyi nyon mongs pa thams cad 'joms pas za byed kyi mche ba dang / gcod byed kyi gri gug ces su dgongs so// stong pa mi 'gyur steng 'og tu/ phan tshun thabs dang shes rab po zhes bya ba ni mthe chung gis mtshon pa'i mi 'gyur ba ni shes rab yin la// 'og nas don ston pa'i stong pa ni thabs so// de yang stong pa mtshon par byed pa ni/ sor mo rnams ni phan tshun du/ dkyil

  35. 18b

    'khor bcu ni yang bya'o// zhes pa ni/ dkyil 'khor bcu ni sa dang chu dang me dang rlung dang na mkha'i bdag nyid can gyi lag pa g.yas g.yon gyi sor mo lnga lnga ste bcu yin no// de nyid spyi bor bzhag pa ni spyi bor thal mo sbyar ba yis shes gsungs pa yin no// gri gug dang bcas rtse gcig po zhes pa ni de nyid kyi steng ste/ stong pa mtshon par byed pa'o// bskyed pa dang ni bdud byed pa'o zhes pa ni dkyil 'khor bcu la'o// mnyam pa de yang dbus ma'i rtsar zhes pa ni de lta bu'i dkyil 'khor bcu mnyam pa dang mi mnyam pa'i tshul gyis 'bab par byed do// de yang 'pho ba'i dus su ni dbus ma nas 'bab ste/ gong du rgyas par bstan pa nyid do// phung po khams ni rdo rje gsum zhes gsungs te phung po dang khams la sogs pa rku bar byed pa'i lam gsum ni rdo rje gsum gyis ming can rtsa gsum yin no// dbus mar song nas gcig tu 'gyur zhes pa ni rtsa dbus mar 'dus pa'o// dbus mar 'dus pa yang tshul gnyis te/ rgyu ba'i tshul gyis 'dus pa dang / mi rgyu ba'i tshul gyis 'dus pa'o// gcig tu song ba ni der 'dus pa'o// zla ba nyi ma'i rtsa 'gags na zhes pa ni steng gi'o// dri chen dri chu'i rtsa 'gag go zhes pa ni 'og tu'o// sgra gcan rtsa ni 'gag pa yin no// zhes pa ni steng gi dbus ma'o// 'og gi sa bon 'bab ma'o zhes pa ni 'gags shes pa dang sbyar ro// grol na 'di rnams grol bar 'gyur zhes pa ni steng grol na 'og zhes pa'i don to// skye ba'i dang ni sdud byed ma zhes pa ni gong du bstan pa'o// srog dang thur sel lam gyis shes pa la srog ni stong ngo // thur sel ni 'og yin no// lam gsum ni rtsa gsum mo// rtsa rnams kun spyod 'di yin no zhes pa ni gong du bstan pa'i rigs kyis so// de bas na rtsa'i kun tu spyod pa ni de ltar legs par bya ba yin no// da ni lus can rnams la dus ma yin/

  36. 19a

    par 'chi ba'i bltas brjod par bya ba'i phyir/ g.yas pa'am ni g.yon pa la ni zhes pa sna bug la'o// shin mtshan gcig dang zhes pa ni g.yon pa las so// ci'i phyir g.yon pa nyi ma gcig yin la/ g.yas lnga yin zhes dogs pa la/ g.yon ni byang chub kyi sems thur sel gyi rlung gi bdag po lus ngag yid gsum gyi bdag po yin pa'i phyir ro// g.yas pa ni yul lnga la 'jug par byed pa dang / bde bar gshegs pa lnga yis byin gyis brlabs pa gyen du rgyu ba'i rlung yin pa'i phyir ro// rlung ni rab tu 'bab pa na zhes pa ni g.yas pa'am g.yon pa las so// de nas lo gsum gyis 'chi 'gyur zhes pa ni lnga dang gsum dang thun mong du shes par byas te/ g.yas nas zhag lnga rgyas pa de ltar na ni lo gsum na 'chi zhes bya ba dang sbyar ro// de bzhin du gang g.yon pa las ji skad du zhag gcig tu 'bab pa de ltar na ni lo gsum na 'chi zhes bya ba dang sbyar bar bya'o// de ltar mdor bstan nas da ni g.yas pa rgyas par bya ba'i phyir/ lnga phyogs tshes dang nyi shu dang / de nyid rim pa re re lhag ces sogs gsungs pa des ni dang po'i 'chi ba 'byung ba'i gnas rgyas pa zhes bya ba nas brtsams pas ji srid du phyi ma'i nges par 'chi bar ston pa'i gnas rgyas pa'i dus zhes bya ba 'chi ba'i rtag de srid du bstan pa yin par shes par bya'o// de la yang lnga zhes pa ni g.yas pa 'ba' zhig gnas gang tshe rgyun ma chad par nyin mtshan lnga rgyu ba de lta na ni lo gsum na 'chi bar shes par bya'o// de bzhin du phyogs zhes pa ni snga ma lnga'i steng du lnga mnan pa'o// de ni lo gnyis na 'chi zhes bya bar ro// chos zhes pa ni bcu'i steng du yang lnga ste/ bco lnga yin la de ni lo gcig na 'chi ba zhes sbyar ro// nyi shu zhes pa ni yang bco lnga'i steng du yang lnga de nyi shu yin la/ de ni zla ba drug na'o// de nyid ces

  37. 19b

    pa ni nyi shu'i steng du yang lnga ste nyi shu rtsa lnga yin la/ de ni zla ba gsum na'o// re res lhag ces pa ni yang 'chi bltas g.yas pa nas nyi ma gcig ste nyi shu rtsa drug gis te zla ba gnyis na'o// yang 'chi ltas g.yas nyid nas zhag gcig ste nyi shu rtsa bdun du rgyu bas ni zla ba gcig na'o// de ltar brjod pa'i tshul ni 'chi ltas kyi nyi ma zhes rtogs par bya'o// de ni 'pho ba bcu gnyis kyi rten gyis rtsa drug stongs par byas nas// 'dab ma bdun pa las srog gi rlung zhugs pa yin te/ lha dang mi gang gis kyang bzlog par nus pa ma yin no// nyi ma sum cu rtsa gsum gnas pas/ sa'i nyi ma'i 'chi ltas so zhes pa las/ nyi ma sum cu rtsa gsum ni 'chi ltas kyi nyi ma'o// gnas zhes pa ni rlung ngo // de nyid ni g.yas pa'i 'chi ltas so// sngon gyi tshe'i lhag ma brjod pa'i phyir/ gsum pa gnyis gcig mnyam zhes bya ba gsungs so// de la gsum ni lo ste/ nyi ma lnga yis so// gnyis ni yang lo zhes sbyar te nyi ma bcu yis so// gcig ces pa yang lo dang sbyar te/ nyi ma bco lngas so// de'i lo'i tshe'i lhag ma yin no// de yang mnyam zhes bya bani 'dab ma bcu gnyis la gsum stong par mnyam pa'o// zla ba nI zla ba'i lhag ma bstan pa'o// de yang gang yin snyam pa la/ drug gsum zung zla zhes bya ba smos so// de yang zla ba drug ni nyi ma nyi shus so// zla ba gsum ni nyi ma nyi shu rtsa lngas so// zung ni zla ba gnyis na nyi ma nyi shu rtsa drug gis ste// zla ba ni zla ba gcig stenyi ma nyi shu rtsa bdun gyis so// des ni rtsa 'dab ma bdun stong ngo // dani nges par 'chi bsted brgyas pa zhes bya ba'i dus na zla ba gcig nas 'chi ba'i 'chi ltas kyi nyi ma bstan pa'i phyir/ chos phyogs lnga dang yon tan gnyis/ gcig gis lus can tshe 'gro 'gyur zhes gsum pa yin te/ de ltar rgyas

  38. 20a

    pa'i dus na tshes zla ba gcig gnas pa las/ tshes shes bya ba nyid zhag bco lnga nyid nas 'chi ba'o// phyogs zhes bya ba bco lnga'i steng du bcu bzlas pas bcu gnyis na'o// lnga zhes bya ba bcu las brgyus pas lnga nyid na'o// yon tan zhes pa ni lnga las gsum brgyus pas gsum nyid na'o// 'chi ltas kyi nyi ma sum cu rtsa gsum ni des yongs su rdzogs par 'gyur ro// gnyis zhes pa ni tha ma g.yon gyi lam zad par bya ba'i phyir g.yon gyi sna bug tu zhag gnyis rgyu ba ste/ 'dab ma bcu gnyis rku ba ste/ 'dab ma bcu gnyis zad par bya ba'i don du'o// de'i 'dab ma bcu gnyis pa ma lus stong par 'gyur ro// de ltar brjod pa'i rim pas 'chi ltas kyi nyi ba subacu rtsa gsupa ni 'dab ma bdun yang chod la 'chi lhas kyi nyi shu bdun gnas pa ste/ de'i rjes la 'dab ma lngas sum cu gnyis dang dkyil 'khor gyi ge sar gyi sum cu gsum mo// yang na 'dab ma drug pa yan chad ni nges par ma yin la/ rgyas pa'i dus zhes bya ba nas 'dab ma bcu gcig pa ste/ 'dab ma bzhi pa la rtsi bar bya ste/ tshes zhes pa bco lngal phyogs zhes pa bcu bstan pas nyi shu lnga dang / de la lnga zhes pa bstan pas sum nu dang / de la yon tan zhes pa gsum bstan pas su bcu gsum zhes kyang 'dod la/ 'dab ma bcu gnyis pa ni g.yon pa'i lam yin pas g.yas par paM bgrang zhes su brjod do// de yang ji skad du/ dang po'i sangs rgyas las/ 'chi ltas mtshan ma mtsho'i lhag/ shes par 'dod pa'i rnal 'byor pas/ rtsig pa'am sa gzhi stongs pal/ rdo nus dag gis thig gzhi btab/ don la tshe brgyad du 'gyur/ rdo rjes thig gnyis pa babyung pas/ le tshe bcu gnyis dag tu shes/ de nyid 'apar ma gsum du bya zhes gsungs te/ 'phar ma nang ma lani

  39. 20b

    'chi ltas kyi nyi ma rnams bri bar bya'o// 'phar ma bar la ni/ tshe'i lhag ma'i lo dang zla ba bri bar bya'o// 'phar ba phyi ma la ni lo dang zla ba de nyid kyi zhag gi mtshan ma bri bar bya'o// de yang 'chi ltas kyi mtshan ma ni nang gi 'phar ma'i 'dab ma dang po la ni lnga'i mtshan ma bri bar bya'o// de bzhin du 'dab ma lnga pa la thug pa de srid du/ rtags lnga lngas bsnan par bya ste/ 'di ltar gnas la bcu ste/ gsum la btso lnga dang / bzhi pa la nyi shu dang / lnga pa la nyi shu lnga rnams bri bar bya'o// de bzhin du 'dab ma drug pa dang / bdun pa la ni rim pa bzhin du nyi shu drug ste/ nyi shu bdun gyi mtshan ma bri bar bya'o// de bzhin du gang brgyad pa nas bcu gnyis la thug pa'i bar ni bco lnga dang bcu dang / lnga dang / gsum dang / gnyis kyi mtshan ma bri bar bya'o// de bzhin du 'phar ma bar ma la 'dab ma dang po la sogs pa gsum la ni lo'i mtshan ma ste/ gsum dang / gnyis dang / gcig gi mtshan ma bri bar bya'o// de bzhin du 'dab ma bzhi pa nas bdun pa'i bar du ni zla ba mtshon par byed pa yin/ drug dang / gsum dang / gnyis dang // gcig gi mtshan ma bri bar bya ste/ rgyas pa'i dus su brgyus pa nas bcu gnyis pa la thug pa la ni rim pa bzhin du/ bco lnga dang / bcu dang / lnga dang / gsum dang / gnyis bri bar bya'o// de bzhin du 'bar ma gsum pa'i dang po la sogs pa la ni lo zla la sogs pa'i zhag gis mtshan ma steng brgyad cu la sogs pa'i rims bzhin du bris la tshes dang srog gi rlung rtogs par bya'o// da ni gong du brjod pa'i snga nas nyi shu lnga'i bar gyis bzhi bzhi bcu drug dor ba de rnams bshad par bya'o// de yang ji skad du/ zhag drug cun lo gsum nas nyi shu rtsa bzhi 'dor bas 'tsho/ nyin bdun rgyubs lo gsum las bzhi bcu rtsa brgyad

  40. 21a

    'dor bas so// zhag brgyad rgyun lo gsum las// zla gnyis zhag bcu gnyis kyis so// zhag dgu rgyun lo gsum las// nyin mtshan dgu bcu rtsa drug 'dor// gal te zhag ni bcu gcig rgyu// lo gnyis nyin zhag nyi shu bzhis// ma tshang bas na 'chi bar bshad// zhag ni bcu gnyis lo ni bcu gnyis las// bzhi bcu rtsa brgyad phri bas so// zhag ni bcu gsum lo gnyis las// / zla gnyis zhag ni bcu gnyis 'bri// zhag ni bcu bzhi lo gnyis las// zla gsum zhag drug bri bar bya// nyin zhag bcu drug rgyu ba ni// lo gcig zhag bcu gnyis na 'chi// nyin zhag bcu bdun rgyu bas na// lo gcig zhag ni nyi shu bzhis// ma tshang bas na 'chi bar bshad// zhag bco brgyad kyis ni lo gcig las// zla gcig zhag drug 'dor bas so// dgu bcu rgyun lo gcig las// bzhi bcu rtsa brgyad dor bas so// nyi shu gcig ni zla drug las zhag drug ma tshang ba yis so// nyi shu rtsa gnyis zla gnyis las// zhag bcu gnyis 'dor bas so// nyin zhag nyi shu rtsa gsum rgyu// bco brgyad rnam par 'dor bas so// / zhag ni nyi shu rtsa bzhi rgyu/ nyin zhag nyi shu rtsa bzhis so// nyin zhag sum cu gsum de bzhin// 'chi ba'i mtshan ma 'byung ba yin// rlung 'byung stobs las zhes bya ba// de yan chad las yod ma yin// zhes gsungs pa dang // gzhan yang rdo rje mkha' 'gro las mdor bsdus te bshad pa 'di skad du/ dang po nyi ma phyed byas nyi ma rangs pa'am yang na nyin mtshan dag gi bar rgyu// de las zhag gnyis dang ni gsum 'on te zhag bzhi khyab pa'i bar du ni// nyi ma la ste g.yon pa min pa'i rlung dag srubs la brten te gang zhig nur gyur pa/ de la gnas dang nyi ma phyogs dang bkra shis drug dang bzhi ni 'dir shes bya// lnga las nyi shu rtsa lngar 'dzegs par gyur las ji

  41. 21b

    bzhin 'phel// de las re re bskyed pa'i bcu ni sum 'gyur byas pa'i gsum gyi lhag pa kho na'i bar// rgyas pa'i dus su de ni lo gsum mig zla drug gsum zung dang zla ba drug/ lhag ma tshes dang phyogs dang mda' dang yon tan zung dang zla bar 'tsho ba yin zhes gsungs so// de yang 'chi bar 'byung ba'i zla ba ni dpyid zla 'bring po 'pho ba yin te/ lo gsum gyis 'chi ltas las so// gzhan yang zla ba bcu gcig pa gang dang gang la 'chi ba'i mtshan ma 'byung ba de dang de ni rgyud bzhin du tha ma'i zhal las rtogs par bya'o// gcig gi lus can tshe 'gro 'gyur zhes pa ni dbus ma'i de ni g.yas pa'i 'chi ltas bstan pa'o// da ni g.yon pa bstan pa'i phyir/ rtsa ba nas ni re re lhag ces bya ba smos te/ de la sngon bzhin du 'chi ltas kyi 'khor lo 'phar ma gnyis pa bri bar bya la/ tshes dang srog gi rlung bri bar bya'o// khyad par ni srog gi rlung rten gyi rtsa bcu gnyis las rtsa 'dab ma dang po la ni 'chi ltas gsum gyis zla ba drug bsgribs so// gzhan 'dab ma bcu la rim pa bzhin du 'chi ltas gsum gsum dang / zla ba gsum gsum du rtogs par byas la/ bcu gnyis pa ni g.yas su zhag/ gcig rgyu zhing ze 'bru dang zhag gnyis te/ de nas srog gi rlung 'dor ro// g.yon gyi zla ba 'byung bar 'gyur zhes pa ni g.yon gyi 'chi ltas 'byung ba'i tshul de ltar 'gyur zhes dgongs so// lo brgya yongs su rdzogs pa yis// dbus ma las ni 'chi bar 'gyur zhes pa ni skyes bu lo brgya yongs su rdzogs nas gal te shi bar gyur pa de lta na ni g.yas pa dang g.yon pa'i 'chi lngas ma yin gyi/ tshe tshad du gtugs pa zhes bya ba yin no// chu bstan pa'i phyir// mnyam dang mi mnyam pa yis ni zhes pa ni skye ba'i dus kyi nyi ma g.yas g.yon no// de skyes nas ni zhes pa ni g.yas dang g.yon pa gnyis las so// dkyil 'khor 'byung zhes pa ni 'chi ltas kyi'o// de

  42. 22a

    yang ci'i phyir snyam pa la/ phyogs gnyis rnam par mnyam pa'i phyir/ zhes gsungs te/ g.yas g.yon gang yang rung ba gcig mnyam na gcig las 'byung ba zhes dgongs so// g.yas dang g.yon pa dag las 'byung // zhes pa ni 'chi ltas kyi nyi ma'o// phyogs gnyis yang dag gnas pa dang // g.yas dang g.yon gyi kun spyod dang // dkyil 'khor lnga ni 'bab pa yin// gzhan du na ni 'chi ba yin// zhes pa ni rlung 'khrug pa med par rgun ji srid lo brgya'i bar de srid du 'chi bar mi 'gyur zhes dgongs so// da ni de lta bu'i dus ma yin pa'i 'chi ba bslu ba'i phyir/ 'chi ltas mtshan nyid ces bya ba smos te/ 'chi ltas shes pa'i rjes la'o// srog ni thig ler zhugs par bya/ zhes pa la srog ni rlung yin la/ de nyid thig le gnas dbus mar 'jug pa nyid do// kun spangs go 'phangs ni zhes pa ni sgra gcan gyi ming can mo// go 'phangs ni gnas so// rten byas la zhes pa ni rlung der bcug pa'o// mchog tu mi 'gyur bsgom par bya zhes pa ni rlung der zhugs pa'i stobs kyis me 'bar ba ste/ de nyid dus kyi me 'bar ba yin no// des kun rdzob kyi byang chub kyi sems zag pa'i phyir ma gtang bas 'chi ba bslu ba zhes pa'i don to// gang gi 'chi ba sla zhe na/ nyi zlar 'gro ba gzhon pa'i phyir/ zhes gsungs te/ g.yas pa dang ni g.yon pa nyi zla'i ming can gang yang rung bar song ba'i rlung gzhom pa'i phyir ro// de bas na de'i phyir rtag par rdo rje bslang bar bya zhes gsungs so// bslang ba ni mi 'dzag pa'i bde bas so// gzhan du ni kun spangs char zhes pa ni de lta bu'i thabs ma gtogs pa gzhan gyi srog gi rlung ni 'jug pa med ces te/ sgra gcan gyi ming can no// 'og tu dung can thur sel na zhes pa ni 'og gi rlung ngo // de ma zhugs na 'chi ba yin zhes pa ni dbus ma der khams de rnams ma zhugs na 'chi ba'i

  43. 22b

    ltas mi slus zhes bya'o// 'o na ji ltar sgrub pa snyam pa la/ 'chi ba sla ba 'di nyid ni sla ba'i thabs 'di nyid zhes pa'i don to// rnal 'byor rnams la dga' bar 'gyur zhes pa ni dga' ba rnam pa bzhis slu bar 'gyur kyang gzhan gyis ni ma yin no zhes bya'o// gtsug tor steng gi pad+ma la/ shu kra byung na dga' ba yin zhes pa ni dga' ba rnam pa bzhi po yang 'khor lo bzhi'i rten can yin pas/ gtsug tor steng zhes bya 'khor lo gnyis las te/ dga' ba'i bdag nyid do// shu kra ni khu ba'o// mgrin pa snying kha mchog dga' bo zhes pa yang 'khor lo gnyis po mchog dga'i rten no// de yang dga' bral dga' bar 'gyur/ sna tshogs dga' ba lte ba las zhes pa ni sprul pa nas gsang ba'i 'khor lo la thug pa ni bai rA ma zhes bya ba'i dga' ba'o// gsang gnas rdo rje nor bu'i bar// lhan cig skyes dga' mi 'pho ba zhes pa ni gsang ba'i pad+ma nas nor bu'i rtse mor ni lhan cig skyes pa'i rten zhes bya ba'i don to// rab tu mi gnas mya ngan 'das/ chags chen mi 'gyur mnga' bdag go zhes pa ni mya ngan las 'das par te nor bu'i mgrin pa las so// mi 'pho ba'i chags pa chen zhes pa'i don to// dga' bral las ni bde 'pho gang / mya ngan 'das la bde ba'i gnas zhes pa ni rdo rje nor bu'i mgrin pa las 'pho ba'i chags bral chen po ni mya ngan las 'das pa'o// sa bon zla ba gtsug tor shar zhes pa ni byang chub sems kyi zla ba gtsug tor gyis 'khor lo nas chos gcig pa'i tshul du 'byung ba'o// gsang ba'i chu skyes dag la rdzogs zhes pa ni de ltar chos gcig la sogs pa'i rim pas gsang ba'i pad+ma nas nor bu'i rtse mor rdzogs pa zhes pa nya ba yin no// ci'i phyir mnyam pa la/ cha ni bcu drug ma gang ste/ rdo rje nor bu'i bad rtser song shes pa cha bcu drug pa'i bdud rtsi nor bu'i rtse mor 'ongs pa de'i phyir ro// de 'og 'pho ba'i dus yin te/ nag po'i tshes cig 'byung ba yin/

  44. 23a

    zhes pa ni de ltar nya'i rjes la nag po'i 'pho ba'i tshes gcig la 'byung ba yin gyi gzhan du ni ma yin zhes pa'i don to// stong la dga' ba bral ba yis// nyi ma mdzod spu'i 'gro bar 'gyur// de yi cha ni bcu drug ma// gtsug tor pad+mar song bas na// 'di ni zla ba zad par brjod ces pa ni brdeg pa'i rten zla ba'i ming can lus la med par na mkha'i khams su 'dzag pa de'i dus na nyi ma'i ming can dang bdud rtsi'i bdag mdzod spu'i gnas su 'gro ste/ gnam stong chen po yin gyi zhing de'i skyon gyis 'jig rten gsum dkrugs pa yang yin no// 'dod chags bde ba bral phyir ro zhes pa ni bde ba'i rten bral ba'i phyir ro zhes pa'o// lus can thams cad 'chi ba na// zla ba'i bdud rtsi thur du 'gro/ steng du nyi rdul sgra gcan dang / rnam shes srid pa'i mtshan nyid do zhes pa ni 'gro ba rnams 'chi ba'i skad cig na bde ba'i rten nor bu'i lam nas 'byung zhing nyi rdul sgra gcan gyi ming can srid pa bskyed par byed pa'i steng du kha lta zhes pa'i don to// de nyid dus kyi ming bar pa yin pas na lus can rnams sreg cing gdung ba bskyed par byed pa dang / phung po dang khams ma rungs par byed pa yin ni// de bas zla ba'i bdud rtsi ste/ 'gro bar skye'o rgyal po kye// 'og tu'i rdul skyugacan dang // rnam shes mi 'gyur bde ba'o zhes pa ni nyes dmigs de bas na// byang chub sems kha yang ltas par la b+hal// nyi rdul sgra gcan gyi ming can ni kha mar ltas pa la bya'o// rgyal po kye zhes pa'i don to// mdzod spu chu skyes sangs rgyas kun// zla ba'i bdud rtsi nya yin zhing // nyi du la gnam steng gsang ba la// gtsug tor nor bu de nyid 'chang/ zhes pa ni sangs rgyas rnams la ni zla ba'i ming zhes mdzod spu'i pad+ma nya ba yin la// nyi ma med can ni nor bu nya ba'o// ston pa rdo rje'i tshig 'di ni/ lus can rnams la phyin ci log/ mi gnas mya ngan 'das pa yin/

  45. 23b

    khams rnams phyin ci log tu 'gyur zhes pa ni gong du brjod pa'i rim pas de bzhin gshegs pa rnams las lus can rnams la zla ba'i ming can nor bu la nya ba yin la// nyi rdul gyi ming can steng gi pad+ma nya ba ste/ de bas na khams rnams go bzlog pa yin no// de yang gang mya ngan las 'das zhes bya ba byang chub kyi sems zag pa de'i skyon las gyur pa zhes dgongs so// nor bu thugs dang gsang bar gsung // lte ba sku yi bde chen phyir// dag pa'i sku las spros pa ni// chos dang longs spyod sprul pa yi zhes pa ni byang chub sems kyi myu gu las 'byung ba'i dus na lte bar sku'i rdo rje rnam par snang mdzad chos dang / gsang bar gsung gi rdo rje dpag med longs spyod rdzogs pa dang / nor// bu thugs mi bskyod pa sprul pa'i sku s+t+wa~M/ mgo zug pa dang / lang spyod pa dang / 'om pa'i tshul gyis 'byung zhes pa'i don to// 'og tu thabs 'gyur rgyal po kye/ steng du shes rab dag tu 'gyur/ zhes pa ni gong du baspyad pa'i khams phyin ci log gi dbang gis so// dpral bar sku yi rdo rje yin// mgrin snying lte bar 'dab skyes la// sku gsung ye shes rdo rje thugs/ sprul sogs 'di rnams sprul par mdzad ces pa ni bde ba chen po la sogs pa'i 'khor lo bzhi las byang chub sems kyi myu gu rdo rje bzhi'i tshul gyis 'byung zhes pa'i don to// phung po khams rnams spros pas ni// sgrib pa med pas bde ba'i zhes pa ni phyag rgya chen mo sngon du song bas sgrib pa med pa yin la/ sgrib pa ni 'dzag pa/ las kyi phyag rgya snyoms 'jug dang // ye shes phyag rgya'i dmigs pa dang // phyag rgya chen po cig sbyor bas// 'phel bar 'gyur dang mi 'gyur ba'o// zhes pa ni las dang ye shes kyi phyag rgya gnyis sam/ phyag rgya chen po la sogs pa dmigs te/ byang chub sems 'phel ba ste lus rgyas pa ni mi 'gyur ba zhes bya ba'i don to// 'phel ba la ni zhes pa nas tshigs su bcad pa brjod pa dang bzhi/

  46. 24a

    mi 'gyung ba las mi 'gyur ba med ces pa yan chad ni rtogs par bla'o// chos rnams rang bzhin med pa ni// rgyun ma zad 'byung ba bzhin no zhes pa ni/ chos thams cad gzod ma nas skye ba med pa las ni smig rgyu bzhin te/ dper na smig rgyu ni gang nas kyang ma 'ongs la gang du yang ma 'gags pa bzhin no// 'byung ba zad par mi 'gyur te// rang bzhin gyis ni skye ba med// dngos dang dngos min mtshan nyid gcig/ sna tshogs 'di ni mtshan nyid bral zhes pa ni gzed ma nas skye ba med pa'i chos ni rtag pa dang / bsgom pa goms pas skye bar byed pa ni ma yin te/ de yang ji skad du/ 'di la snyan pa ci yang med// 'di la dbri ba'ang yod ma yin// yang dag nyid la yang dag blta// yang dag mthong na rnam par grol zhes gsungs so// rang gi shes rab la 'khyud sems// pad+mar rdo rje nor bu song // de la zla ba thur 'gyur ba zhes pa ni rang gi shes rab ni las sam ye shes so// de la 'khyud cing snyoms par 'jug pa las zla ba byang chub kyi sems mthun pa zhes pa 'dzag pa'i rang bzhin ni mi mthun bsgoms pas rgyu 'thun no zhes pa yan lag drug gis sbyor bas so// lus ngag sems kyis rtsa rnams la/ lus ngag sems kyis bsgom par bya/ zhes pa ni rdo rje rnam par snang mdzad kyi la la nA dang / gsung ni rdo rje dpag med 'od ra sa nA dang / thugs ni rdo rje a ba d+hU tI mi skyod par bsgom pa'o// rdo rje gsung ni sdud pa po dung can ma la ye shes bsgom zhes pa ni gong gi dung can ma bde ba bskyed pa'i gnas pa yin pa'i phyir ro// ji ltar bsgom mnyam pa la// mgo bo la ni rol pa yis// shes rab chags pa'i thig le zhugs zhes pa la mgo bo las ni rim pa yis zhes ni gong du bstan to// shes rab chags pas ni phyag rgya gsum las so// rdzogs pa'i go' bar zhugs rnams la// rdo rje nor bu la'o// don dam pas ni bcings par

  47. 24b

    bya zhes pa ni rdo rje nor bu la gnas pa de 'gyur ba med pa'i phyag rgya chen pos bcings pa'o// rim pa ji ltar zla ba shad// cha rnams kyis ni rdzogs par 'gyur// nyin mo bzung ba rdzogs pa ste// zla ba tshes pa rdzogs pa min zhes pa ni ji ltar zla ba ni tshes gcig la sogs pa bco lngas yongs su rdzogs zhes 'jig rten pa brjod kyi// ma rdzogs pa la ma yin pa de bzhin du// de bzhin rim pa ye shes shar// sa rnams dag ni rdzogs par 'gyur zhes pa ste/ sa ni dag pa bcu drug gi skye ba'i sa'am stong pa dang / gsog dang / bzang po dang / rgyal ba la sogs pa yin pa'am/ yang / bzang po dang rgyal ba la sogs pa yin pa 'am/ yang na sa dang po la sogs pa nas sangs rgyas kyi sa'i bar gyis rdzogs pa'o// nyon mongs la sogs bcom pas rdzogs// ye shes chad pa rdzogs pa min zhes pa ni nyon mongs pa yang bag la nyal ba la sogs pa ma lus pa bcom pa na rdzogs pa yin gyi/ gzhan du ni ma yin no// de nyid ye shes 'chad pa yang yin no// zla ba yongs su rdzogs pa yin// nyal ri bong can mi gnas zhes pa ni zla ba'i dkyil 'khor yongs su rdzogs pa ni skad cig kyang mi gnas pa de bzhin du/ 'khor ba'i bag chags kyi mtshan mas/ mi 'gyur ba bde ba de bzhin sems/ skye ba dang ni 'jigs pa'i phyogs// yang ngo mar mo bar du gnas zhes pa la ni 'khor ba'i bag chags kyi skyon ma spangs pa'i dbang gi phyogs gnyis su gnas zhes pa'i don to// de gnyis dbus su rdzogs pa gang // rdzogs pa de ni rab mi gnas// de gnyis dbus shes pa ni yang ngo mar mo'i dbus su'o// mi gnas pa'i gong du bshad pa nyid do// skad cig gcig gis rdzogs sangs rgyas// rdzogs pa la ni g.yo mi 'gyur shes bya ba ni/ gong du brjod pa'i phyogs gnyis po spangs pa'i tshul gyis skad cig thams cad kyi yongs su gang ba ni

  48. 25a

    rdo rje nor bur ro// de nyid ni gang zhig rdo rje nor bur sems// skad cig thams cad der rdzogs byed// dkar po'i phyogs la de mi gnas// dkar min la yang de mi 'gro zhes rgyas par gsungs pa yin no// de'i phyir/ gnyis med rdzogs pa la song na// phyogs gnyis pa'i dbus su gnas// zhes bya ba ni stong pa nyid dang snying rje dbyer med pa'i tshul lo// de yang stong pa ni nor bu las bral ba yin zhing // snying rje ni 'phrul lo// gtsug tor las ni 'byung ba de// rdo rje nor bur rdzogs par 'gyur// zhes pa ni lugs su 'byung ba bstan pa'o// dga' bral bcas pas ma bcos pa// rdo rje nas ni rdzogs par 'joms zhes pa ni 'jig rten phal pa'i lugs bstan pa'o// slar yang gtsug tor 'byung ba// yang na rdo rje nor bur brjod ces pa ni 'khor ba pa'i ste/ 'khor lo'i tshul du 'jug ces pa'i don to// de yang yin zhe na/ dga' bral bcas pas bcom pa zhes gsungs te/ sngon du brjod pa dag ste lus can ye shes bcom pa min zhes pa ni bde ba chen po'i rten bcom pa yin gyi/ ye shes sngos ma bcom zhes pa'i don to// bde ba chen po'i rang bzhin 'di// rdzogs pa'i sgra yis brjod par bya// zhes pa ni bde ba chen po'o zhes bya'o// gnyis su med pa'i ye shes ni 'jig rten pa'i dper bya ba las 'das pa yin la/ 'on kyang byang chub sems kyis yongs su gang bzhes sam/ sa thams cad yongs su gang ba zhes bya bas brjod par bya'o// gzhan ma'i dngos po'i mtha' kun ni/ skye ba dang ni sdud byed rgyu// srid nas mya ngan 'das par gshegs// des na slar yang srid par byon// zhes pa ni bde ba chen po las gzhan pa 'dzag pa'i bde ba'i rang bzhin no// de'i dpe ni/ rang phyogs gnyis la zla bzhin dang zhes pa ste nag po dang / dkar po'i

  49. 25b

    phyogs gnyis su gnas pa'i dpe'o// bgrod pa gnyis las nyin bzhin no// zhes pa ni nyi ma dang zla ba drug drug dang ldan pa'i bgrod pa gnyis la gnas pa'i dpe'o// rdzogs la mi g.yo ba'i dpe ni mi 'gyur skad cig gis zlos pa/ zhes pa ni 'jig rten pa'i 'dzag pa las// gzhan pa mi 'dzag pa'i 'di ni// zhes su sbyar ro// 'gyur ba med pa'i skad cig rdo rje nor bu ni der skad cig nyi khri chig stong drug brgya gnas pa'i dbugs kyis zos nas/ sa rnams kyis ni yongs rdzogs nyid ces bya ba ste/ rab tu dga' ba la sogs pa gzhon nus shes pa'i tha tshig go// de nyid gang yin zhe na/ phyogs gnyis yang dag gnas pa ni zhes bya ba dkar po 'am nag po'am/ yang na rtag dang chad pa'i phyogs sam mtha' mnan nas gdod rdzogs par bya zhes pa'i don to// sa rnams kyis ni yongs rdzogs na// bden don rnam pa bcu gnyis ldan// zhes gsungs te/ dus de na ni rten 'brel bcu gnyis lugs las zlog pa yin te/ he ru ka phyag rgya bcu gnyis kyi brda bstan te/ de nyid bcu gnyis sa'i dbang phyug yin la// rnam pa bcu gnyis sa rnams kyis// rdzogs pa gnyis su med pa'i mchog/ ces dgongs so// de nyid byang chub kyi sems zla ba cha bcu drug par 'gyur ba'i rang bzhin bsrungs pa las lus rgyas pas na/ cha rnams kyis ni rdzogs pa'i sems// rnam pa bcu drug mi 'gyur ba// don gcig gnyis su med pa'i sems// don dam pa ni mi mnyam pa zhes gsungs pa yin no// rdzogs pa'i gnas skabs sems 'gyur na// kun nas rab tu rdzogs pa yin zhes pa ni bdag rdo rje nor bu nas mi 'gyur ba'i bde bas dri ma med pa man chad yongs su gang ba na kun nas rdzogs pa'i phyir kun tu bzang po yin no// dus de na 'jig rten pa'i chags pa dang bral zhing mi 'gyur ba'i bde ba la chags pa'i phyir/ chags bral la sogs chags pa che zhes pa yin no// rdo rje yan lag mi

  50. 26a

    'gyur che// phyogs gnyis pa'i bag chags kyis// yongs su dag pa ma 'dres pa zhes pa ni rdo rje yan lag med pa zhes bya ba yin no// rdo rje nor bu yongs su gang ba la yang ngo'i bag chags kyis ma 'dres pa zhes pa'i don to// ji ltar rgya mtsho chu bo'i chu/ zhugs na chu de dang mnyam 'gyur zhes chu bran thams cad dug can du zhugs pa der ro mtshungs zhes pa'i don to// de bzhin du ni dngos po'i tshogs// 'gyur ba de ni mi 'gyur mnyam zhes ni de bzhin du 'gyur ba dang / mi 'gyur ba'i ro gcig go/ ji ltar khams kyi tshogs 'di ni/ sa bon gyis zos ro nyid 'gyur// sa bon rang bzhin nyid du ni// 'bras bu dus gsum pa rgyal spangs zhes pa ni 'bras bu tha dad pa'i sa bon gyi 'bras bu tha dad pa skyes kyang / rgyu 'bras rtog pa med pa 'am/ yang na lcags dang zangs la sogs pa'i khams kyis tshogs la gser 'gyur gyi rtsi la sogs pas bskur kyang phan tshun du rtog pa med pa'o// de ltar dngos po'i tshogs kyang ni// mchog tu mi 'gyur ba zos nas// rnam pa thams cad rang bzhin 'dzin// mchog tu mi 'gyur nyid du 'gyur/ zhes pa la/ de ltar dngos po'i tshogs 'dzag pa la sogs pa la ni mchog tu 'gyur ba med pa'i ting nge 'dzin gyis zos nas rnam pa kun gyis mchog dang ldan pa'i bde ba chen por 'gyur zhes pa'i don to// mtsho ma'i tsher ma'i sdug bsngal ni// gzhan du gnan pas rigs min la// kun rdzogs gnas skabs 'gyur na ni// dbang po'i sgo yi yul ma yin// zhes pa ni dper na sprul dug myur du khyab par byed pa'i mche bas skyes bu gang zhig la bzung na// dug de mur du khyab pa'i tshor ba mi bzad pas dbang po thams cad myur du 'gags nas 'chi bar 'gyur ro// de bzhin rnal 'byor dor nor bur// gzhan du dam pa'i bde rigs min// sems ni rdzogs pa'i char 'gyur na/

  51. 26b

    dbang po'i sgo yi yul la min zhes pa ni de bzhin du rnal 'byor pas rdo rje nor bur 'dzag pa med pa'i bde bas gang ba ni lus po rnams bde ba rgyas pa zhes bya ste/ dbang po rnams bde ba 'gags pa'i bde ba 'byung ba zhes pa'i don to// ji ltar lcags kyi phyogs gcig na/ ro sacung chen po yang dag gnas// lugs la drag po'i mes gdungs na// kun nas kun tu 'bigs par byed// dper na zhes pa ni lcags dang zangs la sogs pa'i phyogs gcig tu rtsi bzhag ste mes drag tu gdungs na kun tu khyab par byed do// de bzhin du ni phyogs gcig na// mi 'gyur bde ba yang dag gnas// sems ni 'dod chags mes gdungs na// kun nas kun tu 'bigs par byed ces pa ni/ bde ba chen po'i 'khor lo la ni byang chub sems kyi ming can gnas pa la phyag rgya chen mo zhes bya ba la snyoms par zhugs pa'i 'dod chags mes gdungs pa bzhin sregs nas lus kun la khyab par byed ces pa'i don te/ de ltar phug pa'i lcags la ni// gang du yang ni dri ma med// de bzhin phug pa'i sems la ni// gang du'ang bag chags g.yo ba min// zhes pa ni de ltar gser du byur ba'i lcags la btsa' la sogs pa'i gnas gang yang med pa de bzhin du mi 'gyur ba'i bde bas phug pa'i sems lanam yang bag chags kyi go skabs yong ba yang ma yin no// gser shid du ni lcags 'gyur la// me'i dra med 'gyur ba ltar// de bzhin sems ni yang nas yang // 'dod chags med ni dri med 'gyur/ zhes pa ni lcags gser du 'gyur ba'i rkyen med byed pa de bzhin du/ sems dri ma med pa'i rgyun ni stong pa nyid las 'byung ba'i me/ byed pa yin no// nor bu chen po rnal re// rab tugs la bar 'gyur bltar// de bzhin ma 'gyur bde dgan// sems ni bde bzhid du 'gyur/ zhes pa na dper na nor bu dmang po'i rigs la sogs pa rdol bad

  52. 27a

    bas gsal zhing 'dod pa 'byung ba de bzhin du 'byung ba med pa'i bde bas sems la brdar na sems bde zhing gsal bar 'gyur zhes pa'i don to// 'dir yang smras pas ci zhig bya// 'jig rten kun rdzob bden pa yis// lcags ni kun tu 'bigs pa yin// ro yi mthun mthu bsam mi khyab// don dam par ni ye shes dngos// rtog pa yang na nus sam ci// zhes pa ni 'dir brjod pa mang pos ci zhig bya ste/ kun rdzob kyi bden pa la rten 'brel gyi nus pa bsam du med pa dpyad par yang mi nus na gnyis su med pa'i ye shes mi 'gyur ba'i bde bas bskyed pa ci'i phyir rtogs par nus zhes pa'i don to// glo bur dri mas g.yogs pa yi// sems la kun tu 'bigs pa yi// shes pa ni sems kyi dri ma zhes bya ba yod pa ma yin par rang gis yongs su brtags pa de la 'bigs zhes pa'i don to// sems la glo bur dri ma med// sems la yun rings dus na'ang min// sems la ma gtogs skye ba'ang min// sems la zad med gnas pa'ang med ces pa ni dri ma shes pa dang sbyar ro// de la dri ma zhes bya ba la/ gal te 'di'i glo bur na zhes bya ste gal te 'di glo bur ba yin na zhes pa'i don to// skyon cir 'gyur zhe na/ de'i phyir sngon du dri ma med sems zhes bya ba smos te/ gal te glo bur zhes bya ba snga ma med pa las 'ongs pa de ltar na ni spangs shing phyi nas yang skye ba'i don du thal bar 'gyur ro// zhes bya'o// gal te 'di ni yun rings na/ de'i phyir de la srid min gang zhes pa ni gal te sems kyi dri ma 'di sems nyid de'i rang bzhin yin zhes dgongs na ni mya ngan las 'das pa zhes bya ba mi g.yo ba ma yin te/ me'i rang bzhin cha ba mi 'dor shes pa'i don to// gal te sems las ma gtogs 'ongs// de ltar na mkha'i me tog mtshungs shes pa ni 'on te sems las tha dad par gnas pa yin pa de ltar na ni yod kyang gnod pa mi bskyed de/ na mkha'i brla'am/

  53. 27b

    sog sham gyi bul sogs pas ni phan pa'am gnod par mi 'gyur zhes pa'i don to// gal te sems la drug gnas na// de ltar kun tu thar pa min// zhes pa ni sems kyi dri ma de skyes bu dang grib ma 'dra'am/ mar me dang 'od ltar rtag par gnas na yang mya ngan las 'das pa'i go 'phang thob pa med ces dgongs so// 'o na ci'i phyir zhe na/ dri ma zhes sam sgrib pa zhes pa ni brtags pa dang ming tsam dang / byis pa so so'i skye bo des brtags pa ste/ dper na na mkha' legs par ma dag pa la skyes bu 'ga' zhig gis skyes bu 'ga' la lag pa'i sor mo lnga brtan nas/ sbrul mgo gdengs par 'khrul nas skrag pa dang 'dra'o// de yang ji skad du/ bcom ldan 'das nyid kyis dper na dogs pa'i 'du shes kyis ni dug langs pa/ dug de khong du song ba med kyang rgyal bar 'gyur zhes gsungs so// de ci'i phyir zhe na ji ltar zangs ma'i dri ma ni/ bcud kyis sbyor bas nyams par 'gyur// dri med kyis ni yang dag gnas// de yis de nyid nyams pa med ces gsungs te/ dper na gang zangs sam lcags kyi dri ma la rtsi sman la sogs pa btab nas me la bsreg na dri ma 'tshig cing de dag nyid nyams pa med pa de bzhin du/ de bzhin sems kyi dri ma ni/ stong nyid sbyor bas nyams par 'gyur// dri med nyid kyi yang dag gnas// de yi ye shes nyams pa med ces gsungs pa ni sems kyi dri ma zhes bya ba stong pa nyid kyi mes bsreg na tshig ces pa'i don to// de yang ji skad du/ ye shes gzi brjid rab 'bar bas// bdud dpung yul bcas ma lus bsreg ces gsungs la// de yang ji ltar 'jig rten phal pa'i chad par blta ba'i stong pa nyid ni ma yin gyi// byang chub sems dpa' rnams kyi so sor rang gis rig pa'i stong pa nyid kyis mes zhes bya ba yang yin par dgongs so// ji ltar bcud kyis lcags 'bigs pa// lcags 'bigs pas ni 'gyur ba med// de bzhin brda

  54. 28a

    bas phug pa'i sems// sdug bsngal nyid du 'gyur ma yin zhes pa ni dper na zangs lcags la sogs pa'i khams gser du bsgyur ba ni slar zangs dang lcags su mi 'gyur ba de bzhin du/ mi 'gyur ba'i bde bas phug pa'i sems slar bzhin sdug bsngal gyi rang bzhin du 'gyur ba'i gnas skabs med ces pa'i don to// de bas na chags bral las ni sdig gzhan med// de las bsod nams gzhan yang med// de bas rtag pa mi 'gyur bde// sems ni dbugs bya mi dbang kye zhes gsungs te/ dus gsum gyis de bzhin gshegs pa dkrongs pa bas ni byang chub kyi sems bsad pa sdig pa che ba yin pas gzhan du yang dus gsum du zhugs pa'i sangs rgyas rnams la bskal pa gang+gA'i klung du bsnyen bkur bas ni skad cig tsam du mi 'gyur ba'i bde ba la gnas pa'i bsod nams ches ldad par 'phags zhes dgongs so// gzhan yang sbyin pa rnams kyis nang na yang 'dod pa'i sbyin pa khyad par du 'phags zhes gsungs so// gzhan yang mi 'gyur ba'i bde ba chen po brjod pa'i yul las 'das pa'i dpe ni bde ba las ma gtogs pa gzhan du na/ gzhon nu ma yi dga' ba ni// / bde ba smra bar mi nus kyi// lang tshe yis ni bde thob pa// bde ba chen po rang gi rig ces pa ni shin tu 'dod chags kyi dbang du 'gyur ba las/ skye ba bde ba yin pa'i phyir gzhan la brjod par mi nus so// de bzhin ting 'dzin bral ba yi// bde bar smra bar mi nus kyis// ting nge 'dzin gyis mi 'gyur thob// rnal 'byor pa rnams rang gi rig ces pa ni// 'jig rten pa'i 'dzag pa'i 'dod chags kyang dpe yis brjod par mi nus na mi 'gyur ba las skyes pa'i bde ba gang gis kyang brjod par nus ting nge 'dzin gyis thob pa'i spyod yul te/ so so rang gi rig pa'o// mi 'gyur las skyes the tshom med/ thams cad mkhyen pa mthob kyang // yid la bde min chags bral bas// de ltar yang

  55. 28b

    ni mi bya'o zhes pa ni byis pa gang dag bde ba chen po'i sku 'di ni mi 'gyur ba'i bde ba las 'khrungs sam/ 'on te ma yin zhes dogs na/ de'i brjod pa lta zhog gi/ ji ltar 'gyur ba'i bde ba yang 'pho ba med pa de srid du lus sim zhing rgyas pa yin la/ phyi rol du 'gyur ba med pas/ de bas chags bral du nyes dmigs bstan pa ni 'pho ba la ni chags bral 'gyur zhes pa ni chags bral sems can gzhan du srid pa med ces pa yan chad kyis bstan pa'o// de bas 'bad pa thams cad kyis// 'pho ba'i bde ba spang bar bya zhes pa ni nyes pa de ltar bstan pa de bas na 'dzag pa'i bde ba spang zhes pa'i don to// gang gi srid pa'i 'ching ba las// mi 'gyur bde 'gyur rnal 'byor pa zhes pa ni gang gis srid pa 'ching ba'i 'dun pa las 'grol bar 'dod pa'i rnal 'byor pas ci'i phyir chags pa dang bral bas byed pa zhes pa'i don to// 'dod pa'i bstan bcos chags can pas// chags bral bar ni mi 'dod/ na zhes pa ni 'jig rten pa'i skad cig pa'i bde ba tsam nyams su len pa'i lha dbang phyug chen po la sogs pa yang chags pa dang bral bar mi 'dod pas/ chags pa'i bstan bcos 'bad tshal yan la sogs pa ston par byed pa'i rgyud ston cing / gzhan dag kyang nyan pa la 'bad par byed cing bde brgyan mi chad pa'i don du 'bad pa phun sum tshogs pa byed na/ bdag gi bstan pa'i rgyud la ni/ rnal 'byor pas ni sdug bsngal 'dod ces pa ni ci'i phyir zhes sbyar bar bya'o// de yang bdag gis 'khor ba'i sdug bsngal 'byung ba'i rgyu chags bral bstan pa/ sdug bsngal de 'gags pa'i rgyun chags bral spangs par bstan pa la 'jug pa'i 'bad pa med pa'i ngo mtshar zhes pa'i don to// sa bon/ mi 'gyur rang bzhin gyis// mchog tu mi 'gyur sgrub par bya// de ltar brjod pa'i rims pas 'gyur ba'i bde ba spangs la/ mi 'gyur ba'i bde bas lus 'grub ces dgongs so// rten ni 'pho ba thob pa la// rten byed chags pa bral/

  56. 29a

    pa nyid ces pa ni de lta bas na/ bde ba'i rten byang chub sems kyi ming can 'pho na de la rten pa'i bde ba chen po yang 'pho zhes bya'o// 'o na rten dang rten byed kyi 'brel pa gang du 'dor bar 'gyur zhing / rten dang / brten pa'i 'brel pa ni// ji srid mi 'gyur nyid du 'gyur// sems kyi mi 'gyur nyid thob nas// rten dang brten pa'i 'brel pa med ces pa la/ byang chub sems kyi myu gu rtse mo gyen du bstan pa ni dri ma med pa zhes bya ba'i gnas/ su bgrod pa nas 'bad pa mi dgos te/ rnal 'byor pa de grong dang grong khyer dang / skye bo mang po'i nang du 'dug kyang rung // rgyal po'i pho brang 'khor na 'dug kyang rung // ra ro'am/ brgyal lam/ gnyid log kyang rung ste/ 'bad pa mi dgos zhes bya'o// de yang gsal bar bstan pa ni mi 'gyur ba las skyes pa'i sku/ mdzod snga'i 'khor lor son pa la// A li kA li 'byor pa yi// hUM yig mi 'dod rgyal po kye zhes gsungs te/ de ltar mdzod su'i dri ma med pa zhes bya bar byang chub sems kyi myu gus khyab pa la A la sogs pa yongs su gyur pa'i zla ba'i dkyil 'khor dang / k+Sha la sogs pa yongs su gyur pa'i nyi ma'i dkyil 'khor dang / de'i bar du hUM sngon po ste de rnams yongs su gyur pa las/ rdo rje sems dpa'i sku lus las 'od zer sna lnga 'phros pa dang bsdud pa'i sku lus bdud rtsi'i rdzun 'byung ba ye shes sems dpa'i byin gyis brlabs pas de lta bu'i rtag pa'i lha mi dgos bya ba 'am/ yang na de lta bu'i lhag pa'i rang bzhin gyis mdzod sA'i ru 'gro ba'i rgyu mi byed ces bya ba'o// kye zhes pa ni zla ba bzang po la bod pa'i tshig go/ de yang stong pa las 'byung gzugs ni rgyu zhes pa'am/ yang na mi 'gyur ba las skyes pa'i rgyu ni rnam pa kun gyis mchog dang ldan pa de'i stong pa nyid yin la/ 'bras bu ni bde ba chen po yin no// 'bras bu yis ni rgyu rgyas gdab// rgyu yis 'bras bu rgyas gdab pa/

  57. 29b

    stong pa nyid gzugs rgya yin te// 'bras bu snying rje'i gzugs mi 'dzin zhes pa ni gdul bar dka' ba'i 'gro ba la rtags pa'i chos ni brgyan pa yin la// de yang thabs kyi rigs can dang / shes rab kyi rigs can phan tshun du mtshon pa dang ltos par bya ba'i ched du'o// gzhan yang brtags pa'i chos la ni rgyu dang 'bras bu 'grub la/ brtags pa ma yin pa la ni ma yin te/ de yang stong pa nyid snying rje dbyer med pa/ de yang stong pa byang chub sems su de brjod do zhes pa ni rgyas gdab pa las grol bar ston te/ mya ngan 'das dang bral ba'i sems// 'khor ba las 'da' mi 'gyur la// rtag dang chad las nges par grol// de nyid skyong ba gnyis med gzhan// zhes gsungs pa yin te/ gang yang las kyi phyag rgya shes rab kyi ming thabs snying rje'i ming can de dag la ni ltos pa yin la/ shes rab chen po 'di ni ltos pa dang bral ba yin no// dngos med las byung mtshan nyid phyir// gzugs la dngos po med pa min// zhes pa ni/ byis pa rnams kyi rtog pa bzlas pa ste/ de yan chad par lta ba kha cig gi bsam pa la kun rdzob tsam du yang med snyam pa 'am gzugs la dngos po med pa min zhes pa ste/ du ba la sogs pa 'byung bar bstan pa'o// de nyid ther zug du lta ba dgag pa'i phyir// dngos po las 'byung mtshan nyid phyir// mi 'gyur ba la dngos po med/ ces gsungs pa yin no// de bas dngos dang dngos med yang dag sbyor// rdo rje rnal 'byor gnyis med byor// gzugs dang gzugs med rnam par bral// me long gi ni phra bzhin no// zhes pa ni de ltar brjod pa'i rim pas rdo rje rnal 'byor zhes bya ba ni gnyis su med pa'i zung du 'jug pa la bya'o// srid gsum gzugs ni mi 'ong ste/ 'gyur med mi grol mya ngan 'das// zhes pa ni du ba la sogs pa'i mtshan ma dang / mi 'gyur ba'i bde ba ni

  58. 30a

    srid pa bzhi pa'i mtshan nyid mnyam pa nyid yin gyi/ tha dad pa ma yin par dgongs so// de'i phyir phan tshun 'khyud dang bzhi pa ni/ ma ning gi ni go 'phangs mchog/ ces pa nas phan chun du ni rgyas gdab med ces pa ni mi 'byung ba'i shes rab ye shes chen po la/ rgyas gdab pa med par ston cing / gnyis ka la mnyam par gnas pas ma ning gi gnas kyis mchog yin par ston to// 'on gang la rgyas gad ba cen/ gang gi rgya dang 'bras buskrun// de yi rten cing 'brel las 'thung // zhes gsungs te rtag pa'i chos la rgyas gdab par gsungs te/ gzhan la ma yin zhes dgongs so// phan tshun du rgyas gas gzugs// skye ba med cing 'das pa'ang med// shes rab stan nas myangan 'das// ma chos tu gyur ba med pa ste/ chu dang 'bras bu rnam par thol// ban tshun nu yis gdab pa med ces pa ni shes rab chen po'i dbang la gas bya bar snar ro// maskyes pa dang ma 'gags pa'i// shes byagang shi 'di stong na// zhes pa'i byas pa dang gag pa dang dod sa nas thal pa'i dngos po 'o// kyi ru ma par dbyeb las// sems las dgag ming // nas kyi ni gang sh-i bdag las gakun par ltar srung ba 'don rig pa'o// bgachags yongs su na par snang bgang de shes rab kyi mdzod gyis bsgral nas bdagra las gzhan pa badzi sa/ deyang de ska du/ skyes bu'i kun rtogs paded chags spang bya yis// 'jig rten sna tshogs gang de de ltar gnas zhes pa dang / gzhan yang dadags pa lha'i 'al nas ji skad du/ phyi rol don ni yod pa yin// 'dis rang gi sems su gang shes par dang gnan ci yang dang // bdun 'o na do ni ca la mi gas so// zhes pa dang / gang yangs bcu ba'i mad las kyang ngeg du/ tsirgyas pa'i sras dag pams gsum pa di

  59. 30b

    sems tsam mo zhes gsungs pa de bas na rnam par shes pa thugs kyi bdag po srid pa gsum gyi mgon dang skyabs nyid las sna tshogs par snang ba yin no// de yang ji skad du/ dpal sa ra ha'i zhal nas// thugs kyi bdag po ldod ston pa'i mchog khyod gcig pu bdag gis skyabs gyur cing / shes rab pha rol phyin pa'i rang bzhin rol pa rdo rje btsun mo'i tsho gas// gang zhig 'khor ba'i zhi ba'i ngo bos cher gnas dga' ba nges 'bebs shing // ye shes namakha'i yid kyi chu bo rgyus mdzad dpal ldan bla ma de nyid yin zhes gsungs pa de bsan thogs pa med par gnas pa'i rnal 'astod pa ni// de'i phyir rang gi rang la ni// gar yang rgyas gdab nus ma yin// zhes gsungs so// ral gri'i so yi rang la ni// ral gri chen po gcod dam ci// zhes pa ste/ ral gri rang la rang gi mi gcod pa ltar// rang gi rang la rgyas gdab par nus pa ma yin no// mo gsham bu mos sbyar ba na// rmi lam bde bar 'gyur ba ltar zhes gsungs pa ni/ yod pa ma yin pa'i btsun mo la sbyar bas rmi lam du bde ba 'byung ba bzhin du/ na mkha' las 'byung gzugs kyis ni// bdag la rten pa de bzhin no// zhes gsungs pa yin no// na mkha' chen po la gnas shing brten pas rgya che ba'i na mkha' nyid lta bu'i yod pa ma yin pa'i rdo rje 'chang gi gnas thob pa'o// lhan cig skyes pa'i shes rab bcas// 'di ni thabs min shes rab min/ zhes pa ni/ phyag rgya chen mo la brten pas na mkha' las 'byung ba'i bde ba 'di ni thabs zhes pa'am/ shes rab ces su gang gis kyang brjod par mi nus pa'am/ yang 'di ni skyes pa dang / mi mo'i thabs dang shes rab las 'byung ba ma yin pa'o// kun nas kun tu yongs su rdzogs// sgrib pa thams cad spangs pa dang // nam mkha' lta bur gos pa med// yul dang dbang po spangs pa nyid// ces pa ni chu de lta bu la snyoms par zhugs pa/

  60. 31a

    'bras bu de lta bu thob ces pa'i don to// kun tu 'byung po kun la gnas// mi chod mi phyed spangs pa nyid// ces pa ni de lta bu'i bde ba yis ye shes la ni 'gro ba thams cad la gzhig tu med pa'i tshul gyis gnas shes dgongs so// ci'i phyir gzhig tu mi nus snyam pa la// 'di ni rang 'byung rdo rje sems// don chen mchog tu mi 'gyur ba// zhes pa ste byed pa dang bral ba'am/ rang 'byung ba'i phyir ro// 'dod/ chags chen po sems dpa' che// sems can thams cad dga' bar mdzad// ces pa ni de lta bu'i 'od gsal ba'i bde ba las// 'gro ba rnams kyi don thogs pa med par 'gyur zhes pa'i don to// byang chub sems dpa' zhe sdang che// nyon mongs zad mdzad dgra chen po// zhes gsungs te/ de lta bu'i byang chub sems dpa' gang yin pa de ni bdag dang gzhan gyi nyon mongs pa thams cad gsod pa'i phyir/ sgra chen po yin no// / 'gro ba'i don la gshol ba med pa'am/ bsam du med pa'i yul gnas pa yin pa'i phyir ro// dam tshig chen po'i gti mug che// gti mug blo ste gti mug sel// zhes gsungs pa yin no// 'jig rten pa'i lha chen po la sogs pa 'dul ba'am/ nang gi lha ma yin gdul dka' ba 'dul ba'i phyir// rdo rje rnal 'byor khro bo che// lha mo'i khro bo sgra chen po zhes pa yin no// de gang yin snyam pa la// dus kyi 'khor lo chags pa che// 'pho ba'i chags pa sel mdzad pa zhes pa ste/ gang zhi ba dang / drag po la sogs pa dang 'tsham pa la de dang de'i rnam par ston pa'o// don cher bcom ldan 'das kyis 'dir// rdo rje mi phyed ces su gsungs zhes bya ba ste/ dbyer med pa'i rdo rje ni mchog tu mi 'gyur ba'i don du bcom ldan 'das kyis gsungs pa yin la sems dpa' ni sems dpa' srid pa gsum gcig pa/ mchog tu mi 'gyur dag tu brjod// ces pa ste/

  61. 31b

    lug dang / ser skya dang / yid bzangs ma zhes bya ba gsum po// gcig tu 'dus pa'i bde ba yin no// mchog tu mi 'gyur bde ba gang // sa rnams kyis ni yongs su rdzogs nyid ces pa ni gong du bstan zin to// 'gyur ba med pa'i bde ba 'am// sems can rnams la chags pa chen po mnga' bas na/ 'dod chags chen po sems dpa' che// sems can thams cad dga' bar mdzad// ces gsungs pa yin no// sems dpa' byang chub rnam par gnas// ci'i phyir mi g.yo byang chub sems// zhes pa ni/ 'gyur ba med pa'i byang chub sems kyi myu gu'am/ rtag par sems can rnams la dmigs pas na/ de skad ces bya'o// nyon mongs la sogs zhe sdang tshegs// zhe sdang chen po dgra chen po zhes pa ni zhe sdang phal pa gang yin pa de ni zhe sdang bskyed pa'i phyir de skad ces bya'o// dam tshig zla ba'i bdud rtsi dkar// 'pho ba med de zab po// zhes pa ni 'od gsal ba'i ting nge 'dzin gang yin pa de la gnas pa'i rnal 'byor pa'i longs spyad par bya ba ni 'pho med pa'i byang chub sems kyi zla ba yin zhes bya'o// de bas na rig pa 'di ni byang chub sems/ shes pa 'di ni 'gyur ba med pa la za'i 'gyur ba dang bcas pa la mi za ba'i phyir ro// gti mug blo ste gti mug sel zhes pa ni 'khor ba'i gti mug gsal nas/ bsam du med pa'i yul la gnas pa'i phyir ram thob pa med pa'i rnam par 'phrul pas gnas pa'i phyir de skad ces bya'o// shes rab sku dang mi 'gyur bcas// rdo rje thams cad gcig po nyid// ces pa ni stong pa dang snying rje mi phyed pa'i rnal 'byor pa la ni sku gsung thugs ye shes kyi rdo rje 'am/ yang na dkyil 'khor ba ji snyed pa de snyed pa ni rdo rje yin la/ de dag thams cad rdo rje sems dpa' bde ba chen po las gzhan pa ma yin pas na de skad ces bya'o// khro bo'i gzugs can bdud rnams la/

  62. 32a

    zlab can po sa can pozhes pa ni/ lha'i bul sogs pa'i bdud dam/ 'dra blo'om/ yang na mu sgegs byed pa rnams thug par byed pa'am mngan bdud de/ bsam btan pa'i tin phyir mi 'da' ba la rtse gcig pa la de skad ces brjod do// mi 'gyur chen po bde thabs kyis sems can don mi 'dor// sems can sgrol ba'i chags chen po// 'gyur ba'i chags pa sel bar mdzad// ces pa ni sngon bla ma dang / sangs rgyas dang byang chub sems dpa' la sogs pa'i dngos su khas blangs pa 'am/ yang na shugs kyi blangs pa yin pa'i phyir/ bshol ba med pa'i dam bcas pas sems can rnams la ji ltar na gnyis su med pa'i lam la dgod par bya zhes pa 'am las dam pa la dgod pa yin pa'i phyir ro// da ni rdo rje dbyings kyi dkyil 'khor du gyur pa'i phung po dang khams dang skye mched dang / yul dang dbang po la sogs pa bstan pa'i phyir/ mi 'gyur ye shes tshor ba ni// rnam pa drug ste ye shes tshor ba la sogs su brjod de/ rnam shes gzugs dang 'du byed dang / 'du shes phung po'i rigs de rnams/ shes bya ba gsungs te/ 'gyur ba med pa'i 'grub pa'i rnam pa drug po 'di bde ba zhes bya ba rgyal ba drug gi rigs kyi rang bzhin du rtogs par bya'o// ye shes me dang nam mkha' sa/ rim pa de bzhin rlung dang chu zhes bya ba la/ bde ba zhes pa dang sbyar bar bya ste/ steng nam mkha' dbyings kyi dbang phyug ma dang / 'og rdo rje dbyings kyi dbang phyug ma zhes pa ste/ spyan ma la sogs pa drug gi rang bzhin du rtog par bya'o// yid dang mig dang / rna ba dang / sna dang / lce dang / de bzhin lus/ shes pa ni kun tu bzang po dang / sa'i snying po la sogs pa drug gi rang bzhin du rtogs par bya'o// sgra dang ro dang chos kyi dbyings// dri dang reg dang kha dog ste/ zhes pa ni/ yul rnams gzugs kyi rdo rje ma la sogs pa drug gi rang bzhin du/

  63. 32b

    rtog par bya'o// rigs drug po ni yongs su dag/ khro bo'i rgyal po gdong drug 'jigs// zhes pa ni de ltar brjod pa'i rim pas 'jig rten gsum gyi bdag po rdo rje 'chang nyid gdul bar bya bar dgongs nas/ khro bo'i cha lugs su gar bsgyur ba'i nyams dang ldan par zhugs la/ des gdul ba la sogs pa la bstan pa yin no// gang thabs dgu ni sgeg pa dang / dpa' ba dang / 'jigs su rung ba dang / gshe ba dang / bzhad pa dang / snying rje dang / rngam pa dang / ngo mtshar ba dang / zhi ba zhes bya'o// dbang gi sgrub pa 'di nyid ni/ mchog tu mi 'gyur sgrub pa ste zhes pa ste/ dbang rnam pa gnyis yod pa las/ 'jig rten las 'das pa'i dbang 'gyur ba med pa'i bde ba chen po sgrub pa zhes bya'o// rtsa dang rigs su yang dag ldan// mdor bsdud bshad pa'o zla ba kye zhes pa ni gzhan yang bde ba chen po'i 'jig rten gyi tshul rtsa ba'i rigs dang ldan pa bstan to// / de yang gzhung rgyas pa ma yin gyi/ gzhung bsdus pa yin la/ don rgyas pa zhes pa'am/ yang na rgyas pa ni dbang gi le'u bstan te/ de bas na bsdus pa'i tshul gyis bstan zhes dgongs so// 'jig rten gyi khams kyi le'u la sogs pa las/ le'u lnga pa mchog tu mi 'gyur ba'i dbang gi sgrub pa'i mdor bsdus kyi le'u zhes pa ni/ skyob pa'am/ g.yogs pa'i le'u zhes bya'o// lhag ma ni go bla'o// mkhas mi g.yo ni dri mas g.yo// gzhung ston log par ston par byed/ bdag gis rtsa rgyud sogs bltas nas/ brtse bas 'grel pa bris pa yin/ dang po'i sangs rgyas rgyud chen gyi/ mdor bsdus dbang gis 'brel byas pas/ dge ba bdag gis bsags pa 'dis// 'gro ba 'gyur med dbang thob shog/ dang po'i sangs rgyas kyis rgyud las bkol ba// dbang mdor bstan pa zhes bya ba'i 'grel pa// rnal 'byor pa dus kyi 'khor lo zhabs kyis mdzad pa rdzogs s+ho//

  64. 33a

    kha che'i paN+Di ta zla ba'i mgon po dang / lo tsA ba 'bro dge slong shes rab grags kyis bskur ba'o// @#/ dbang mdor bstan pa'i dka' 'brel rin chen grub kyis bskur ba bzhugs/ rgya gar skad du/ she kod+b+ha sha pan+dika/ bod skad du/ dbang mdor bstan pa'i dka' 'grel/ dpal dang po mchog gi sangs rgyas la phyag 'tshal lo// dang po'i sangs rgyas srid gsum mgon gcig chos dang bcas// rdzogs pa'i byang chub sems dpa'i dge 'dun la btud nas// dpal ldan bla ma'i zhabs kyis mdzad pa'i man ngag las// dbang la sogs pa mdor bstan tshig ni rgyas par bya// de nas phyag na rdo rje'i sprul pa'i sku rgyal po zla ba bzangs pos// dbang po mchog gi sangs rgyas kyi rgyud kyi rgyal por dbang gi don bcom ldan 'das la zhus pa/ zla ba bzang pos gsol pa/ zhes pa'o// kye ston pa dbang ni rnam bdun ni chu la sogs pa nas rjes su gnang ba'i mthar thug pa'o// gzhan rnams gsum ni bum pa la sogs pa nas shes rab ye shes kyi mthar thug pa'o// de bzhin bla na med ces pa ni phyag rgya chen mo'i ye shes kyi mtshan nyid do// 'jig rten 'jig rten 'das grub phyir ces pa ni 'jig rten pa'i dngos grub 'og min gyi gnas kyi mthar thug pa dang 'jig rten las 'das pa sangs rgyas nyid dang phyag rgya chen po mi 'gyur ba'i ye shes te/ de rnams kyi don mdor bsdus par ni bdag la gsungs shes pa'o// nyon cig ces bya ba la sogs pa nas// mdor bstan pa ji srid rdzogs pa ni bcom ldan 'das kyis gsung ngo // mchog dang zhes pa phyag rgya chen po mi 'gyur ba'i ye shes so// rtsa ni g.yon pa dang g.yas pa dang dbus ma'i rtsa rnams so// kun spyod ni g.yon pa dang g.yas pa dang dbus ma'i sbubs rnams su 'gro ba dang 'ong ba'o// de dag rtsa'i kun spyod do//

Colophon

dbang mdor bstan pa zhes bya ba'i 'grel pa/_rnal 'byor pa dus kyi 'khor lo zhabs kyis mdzad pa rdzogs so/_/kha che'i paN+Di ta zla ba'i mgon po dang /_lo tsA ba 'bro dge slong shes rab grags kyis bsgyur ba'o