N947MW22704_0947rgyud 'grelAll versions of this work

dpal 'khor lo sdom pa'i bstod pa

Śrīcakrasaṃbarastotra

Text

ff. 259b–260b · 3 folio sides

  1. 259b

    mi bskyod pa/ /nang du paM ljang gu las sna tshogs pad+ma/ de'i steng du sems can rnams yab yum dang/ khro bo dang khyud du bsams la gtor ma btang/ dza:hUM baM ho:sa mgron rang rgyud pa spyan drangs la bstim/ kA ya bAk gis bstab/ bstod nas bkra shis bya/ de nas yang dag par mchod pa'i cho ga ma tshang ba dang lhag pa rnams/ rdzogs par bya ba'i phyir yi ge brgya pa gdon/ mchog dang thun mong gi dngos grub la 'dod pa'i gsol ba gdab/ de nas thal mo sbyar la smon lam gdab/ sems can thams cad sdig med cing/ /sems can thams cad bde gyur cig /sangs rgyas nyid dang phrad gyur pa'i/ /lam de nyid du zhugs nas kyang/ /ma bsgral ba rnams bsgral ba dang/ /ma grol ba rnams grol bar shog /rnal 'byor gtsug la dam tshig la/ /da lta nyid du gnas par shog /se gol lan gsum brdab byas la/ /phyi rol lha rnams gshegs su gsol/ /bdag gis tshogs 'khor 'di byas pas/ /dge ba dri med gang thob des/ /tshogs gnyis tshogs ni bsags nas kyang/ /'gro kun rdo rje 'dzin rgyal shog/ //tshogs kyi 'khor lo'i cho ga slob dpon rdo rje dril bu pas mdzad pa rdzogs so// //*/ /rgya gar skad du/ sh+rI tsakra saM pa ra sto tra/ bod skad du/ dpal 'khor lo sdom pa'i bstod pa/ dpal bde mchog 'khor lo la phyag 'tshal lo/ /zhe sdang tshul gyis zhe sdang 'joms mdzad cing/ /chos dbyings rnam dag ye shes ngo bo nyid/ /rdo rje mkha' 'gro ma dang mnyam par sbyar/ /zhe sdang rdo rje khyod la phyag 'tshal lo/ /hUM gi rdo rje las byung char sprin mdog /dga' ba rnam dag drag po'i zhal bzhir snang/ /gar gyi nyams dgus gdul dka' 'dul mdzad pa/ /hUM mdzad rdo rje khyod la phyag 'tshal lo/ /rten 'brel bcu gnyis dag pas sa rnams rdzogs/ /bcu gnyis phyag gis phyag

  2. 260a

    mtshan sna tshogs 'dzin/ /yul dang yul min rnam rtog 'joms mdzad pa'i/ /ngo mtshar mtshon cha bsnams la phyag 'tshal lo/ /hUM gi nga ros srid gsum skrag mdzad cing/ /rngam pa'i rkan sgra phaT kyi sgra sgrogs pas// bdud dang bgegs tshogs gdul dka' ma lus 'dul/ /rnam rtog bgegs bdud 'joms la phyag 'tshal lo/ /spros bral bde mchog pad+ma rA ga'i mdog /stong nyid 'od gsal dus gsum bde gshegs blo/ /rnam rtog dra ba ma lus 'joms mdzad pa'i/ /dus gsum rgyal ba'i yum la phyag 'tshal lo/ /sa chu me rlung 'byung ba rnam par dag /dag pa'i zhal bzhi rigs kyi yum du snang/ /dran pa nyer gzhag bzhi yi ngo bo nyid/ /mkha' 'gro ma sogs yum la phyag 'tshal lo/ /sems kyi rnam rtog sa bla'i srid pa sbyong/ /zhe sdang rnam dag thugs kyi 'khor lor snang/ /thod pa'i dum bu rab gtum ma la sogs/ /gnas dang nye gnas rnams la phyag 'tshal lo/ /gsung gi nga ros sa stengs srid pa sbyong/ /'dod chags rnam dag gsung gi 'khor lor snang/ /myu gu can dang sa srungs ma la sogs/ /zhing dang nye zhing rnams la phyag 'tshal lo/ /sku yi rol pas sa 'og srid pa sbyong/ /gti mug rnam dag sku yi 'khor lor snang/ /stobs po che dang 'khor lo'i shugs can sogs/ /'dus sogs gnas la bzhugs la phyag 'tshal lo/ /yang dag las mdza' 'tsho ba rtsol dang dran/ /bde chen dga' ba mos dang gtso la phyogs/ /gdug pa'i tshogs rnams ma lus bsrung mdzad pa/ /sgo bzhi ma mor snang la phyag 'tshal lo/ /brtson 'grus rnam dag yang dag spang ba bzhi/ /gshin rje brtan ma la sogs ma mor snang/ /phyogs gnyis 'dzin pas sku mdog phyed gzugs sam/ /rgyal ba'i yum du bstan la phyag 'tshal lo/ /bde gshegs brgyad kyis bstan

  3. 260b

    pa'i snying por bstan/ /bdag med dkyil 'khor dur khrod brgyad du gnas/ /byang chub rkyen du shing brgyad mngon du byung/ /'jig rten chos brgyad bsregs la phyag 'tshal lo/ /dpal 'khor lo sdom pa'i bstod pa/ rgyal po chen po in+t+ra b+hA tis mdzad pa rdzogs so// //*/ /rgya gar skad du/ maN+Da la de ba sto tra ratna mA yA dA na nA ma/ bod skad du/ dkyil 'khor gyi lha la bstod pa rin po che sgyu 'phrul sbyin pa zhes bya ba/ bcom ldan 'das dpal rdo rje mkha' 'gro ma la phyag 'tshal lo/ /thabs dang shes rab rang bzhin dkyil 'khor phyag 'tshal te/ /gus pas bstod la byin rlabs myur 'byung bdag gis brjod/ /hUM phyogs bcu'i sangs rgyas zhing kun bsdus pa'i dkyil 'khor na/ /bcom ldan dpal chen khro rgyal 'khor lo bde mchog ni/ /ye shes rnam par dag pa thams cad tshogs pa'i sku/ /'jigs byed 'jigs par byed pa mthing nag rin chen 'od/ /zhal bzhi sngo dang dmar dang ser dang ljang ba'i dbu/ /ral pa'i thor tshugs zla phyed sna tshogs rdo rjes mdzes/ /dmar 'jigs brtson gzigs rab bgrang sdang mig glog ltar 'gyu/ /gtum rngam mche ba gtsigs shing 'jigs pa'i nga ro sgrogs/ /rol pa chen po'i smin mtshams khro gnyer rlabs chen 'khrugs/ /ljags 'dril mchog las 'od 'phro hUM phaT 'brug sgra che/ /lang tsho gzhon pa gar dgu'i nyams ldan 'gying bag can/ /sum cu rtsa gnyis mtshan dang dpe byad brgyad cus brgyan/ /rten 'brel bcu gnyis 'gags pa'i phyag bsnams rab tu snang/ /dang po gnyis kyi rdo rje dril bu yum mchog 'dzin/ / thabs dang shes rab zhal sbyar bde chen mi rtog bzhugs/ /mdza' gnyis glang chen ko rlon mi lpags na bza' rgyangs/ /g.yon pa'i gnyis pa kha TwAM gsum pas thod khrag bkang/ /bzhi pa rdo rje zhags pa lnga pa tshangs mgo bsnams/ /g.yas

Colophon

dpal 'khor lo sdom pa'i bstod pa/_/rgyal pa chen po in+d+ra b+hu tis mdzad pa rdzogs so/