Q988MW1PD96684_0988mdo sna tshogsAll versions of this work

gsal rgyal gyi tshigs su bcad pa

Text

ff. 210b–213b · 7 folio sides

  1. 210b

    sangs rgyas chos kyang bsam me khyab// bsam mi khyab la dang rnams kyi// rnam par smin pa'ang bsam ma khyab// mchod tan paskong ba'i tshigs sa bcad pa rdzogs s+ho// / rtag ska du/ zas na dzad thArmA/ bod skad du/ gsal rgyal gyi tshigs su bcad pa// dkon mchog gsum la phyag 'tshal lo// rgyal po gsal rgyal gdugs dang cod pan dang // rnga yab ral gri nor bu lham bzhag ste// thal mo sbyar te legs par byas 'tshal nas/ / 'jig rten mgon po la ni zhu ba zhus// phan par dgongs pa thugs rje'i bdag nyid can// de bzhin gshegs rnams mya ngan 'das pa na// mchod pa bgyis pas blo mchog ji lta bur// srid pa gzhan du mi rnams bde ba thob/ / bcom ldan mi yi seng ge lnga phyi'i mtha'// chos rnams kun la mngon sum spyad gyur pas// kun dga' bzang po yi ni mngon sum du// gsal rgyal zhus lan 'di dag bka' stsal pa// ji ltar mchod rten dag la mi rnams kyis/ / mchod pa byas pas srid pa gzhan dag tu// rnam smin 'dod pa sna tshogs ci thob pa// zhus pa'i don de rgyal pos mnyan par gyis// bcom ldan 'das kyis mchod rten rnams dang ni// sku gzugs rnams la rdul phran ci song ba/ / de yi grangs snyed de byed mi rnams kyis// lha yul sa stangs nges par rgyal srid 'thob// gzugs dang gzugs med khams kyi ting nge 'dzin// phun sum tshogs pa'i sa mchog kun myong nas// tha mar skye dang rga las sogs pa yi// sdug bsngal med pa'i sangs rgyas go 'bar 'thob// su dag 'dir ni rgyal ba'i gzugs byed pa// de dag gzugs bzang yid 'ong yon tan ldan// dbang po bsdams shing 'ong 'bar nyi ma bzhin/ / 'jig rten dgan mig tu skrag par 'gyur// su dag bde bar gshegs pa'i gzugs byed pa// de yi lus ni dri ma med pa dang // pad ma'i snying po lta bur 'jam zhing yangs// nad dang mya ngan sdug bsngal 'jigs las

  2. 211a

    thar/ / su zhig 'jig rten mgon po'i gzugs byed pa// bran du mi skye mngag gzhug skye mi 'gyur// dbul bor mi 'gyur rigs dman mi 'gyur zhing // dbang po rnams kyang nyams par yang mi 'gyur// thub dbang mchod rten byed pa'i mi rnams ni/ / mya ngan yongs med lus kun brtan pa dang // longs spyod mchog ldan rin chen mdzod mang ldan// dgra yi tshogs rnams kyang ni thub par 'gyur// rgyal ba'i mchod rten srog shing phul ba yis// chos dang rjes 'thun chos la sgrub pa dang / / tshul khrims thos dang bzod pa'i mchog dang ldan// 'jig rten dag na don kun grub par 'gyur// mchod rten mchog la gdugs brtsegs phul ba yis// lha dang mi yind na skye ba dang // sred med bu yi lus 'dra lus kun brtan/ / bkur sti bya ba'i yon tan ldan par 'gyur// thub dbang mchod rten rdo thal byugs pa yis// lha mi'i 'jig rten dag na tshe ring zhing // lus sems nad dang mya ngan byed spangs te// rtag tu skyid cing nor gyis phyug par 'gyur/ / gser dngul spa ba'i glegs mas g.yogs pa yi// thub pa'i dbang po mchod rten byas pa yis// mi rnams srid pa'i khyad par gzhan dag tu// lus mkhregs 'od kyang 'bar zhing mdzes par 'gyur/ / su dag la la mchod rten sku gzugs la// dad pa'i sems kyis bla re 'bul byed pa// de dag sa steng rgya mtsho'i mthas klas pa// ma lus gnod med rgyal gcig dbang byed 'gyur// bde gshegs mchod rten dag la dga' bzhin du/ / rnam par rgya chen gdugs ni btags pa yis// lha mi'i 'jig rten dag na gdugs 'dra bar// lha dang mi yi dbang po lta bur 'gyur// mi rnams su dag sku gdung snying po can// dri med bsod nams 'byung gnas gyur pa la/ / ba dan mdzes pa sna tshogs 'dogs pa dag/ mthu dang ldan zhing srid gsum mchod gnas 'gyur// bde gshegs mchod rten cod pan btags pa yis// mi dbang dpal dang lha dbang dpal thob cing // bde ba'i

  3. 211b

    mchog kyang nyams su myong gyur nas/ / rnam par grol ba'i cod pan khyad par 'thob// rgyal ba'i mchod rten dag la dril phul bas// tshig bcan grags pa chen po dag dang ldan// tshangs pa'i sgra dbyangs yid 'ong skye ba dran// de dag gis ni rgyal rnams sna tshogs 'thob/ / mkhas pa su dag bde gshegs mchod rten la// dad pa'i sems kyis phreng ba 'dogs byed pa// gser phred rin chen mang pos legs smras pa// bsod nams las ldan de yi mgo la thog/ ston pa'i mchod rten dag la rgyan 'phyang 'dogs// de dag do shal rgyan phreng nor bu dang // gdub bu dag dang dpung rgyan mchog rnams kyis// lus brgyan 'jig rten dag na rgyu bar 'gyur// su dag bde bar gshegs pa'i mchod rten la/ / sa dang lci bas nyug pa de dag ni// lha dang mir skye lus mdog sdug pa dang // rnam dag rma med bde dang ldan par 'gyur// thub dbang mchod rten byi dor byas pa yis// shin du lta na sdug cing mig tu mdzes// byang bzhin bzang zhing pad mo'i mdog dang ldan/ / sred pa'i skyon rnams dang yang 'bral bar 'gyur// su dag spos mchog sbyor ba'i 'bru mar gyis// bde bar gshegs pa'i mchod rten nyug byed pa// de dag spos kyis mchod cing tsan dan byigyis/ lus byugs nyi ma'i 'od dang 'dra bar 'gyur// mi rnams gang ngag thub dbang mchod rten la// spos chu gtsang zhing dad pas khrus gsol pa// de dag lus la dri ma med pa dang // gdung ba med cing mdog 'jam mya ngan med// su zhig sangs rgyas mchod rten sku gzugs khang // tshon rtsi sna tshogs dag gis mdzes byed pa// de ni bde gshegs mnga' ba'i yon tan rnams// sna tshogs ldan pa kun gyis brtsegs par 'gyur// su dag dpyid ka'i dus su gtsang ma'i chus/ / mchod rten nyen 'khor rdul rnams zhi byed pa// de la bud med rnams ni dga' bzhin du// rdul yab gser gyi yu ba can gyis g.yo ba// dkon mchog gsum phyir mi rnams gang dag gis// 'phags pa dgyes pa'i

  4. 212a

    dkyil 'khor byas pas ni/ / rkang lag sor mo dra bas 'brel ba dang // yan lag thams cad kyang ni skyon med 'gyur// su dag dkon mchog gsum la me tog dang // 'bras bu gsar thog byung ba 'bul byed pa// de dag 'gro ba rnams su 'khor ba na/ / ro mchog kun thob mi rdzi stobs dang ldan// phreng ba rgyan chen me tog char rnams kyis// su dag 'dir ni rgyal ba'i gzugs la mchod// de dag lha dang mi yi 'jig rten du// cha byad yid 'ong sna tshogs legs par brgyan/ / sangs rgyas mchod rten dag la dri zhim phul// bdug spos rgya chen mang po ldan sbyar dang // a ga ru yi bdug spros phul ba yis// de yis lus kun spos dang ldan par 'gyur// su dag bde bar gshegs pa'i mchod rten la/ / dga' bzhin rnga yab rnams ni 'bul byed pa// thugs dga' rgyal rnams snying rje rnga yab thogs// che ba de la cher yang g.yo bar byed// shin du dri med zla ba nya 'dra ba'i/ me long sdug gu thams cad/ mkhyen la 'bul// de dag tshe rabs brgyud pa rnams su yang // lha mi rnams kyi lta bar 'os par 'gyur// su dag bde bar gshegs pa'i mchod rten la// mchod pa'i khyad par ci yod ci 'byor pa// 'tsham par 'bul byed de dag dri med cing / / mya ngan med pa'i bla med byang chub 'thob// mi rnams gang dag sangs rgyas mchod rten nam// sku gzugs dag la mgos btu dgus phyag 'tshal// de dag lha rnams dang ni mi rnams kyis// char yang che bar bkur ba'i gnas su 'gyur/ / su zhig dad pas thub pa'i mchod rten nam// sku gzugs dag la bskor ba byed pa de// phyi ma'i tshe la dgra chen rnams kyis btud// bzang po'i snod 'gyur yon tan rnams dang ldan// mi rnams su dag dga' bzhin gus pa yis// bla med mchod rten rnams dang sku gzugs la// lus kyi las rnams byed pa de dag ni// srid pa kun du mdzod nams shin du rgyas// rgyal ba'i mchod rten rol mo'i sgra

  5. 212b

    bul bas/ / zab cing rigs pa'i spobs pa phun sum tshogs// yan lag lnga rdzogs yid 'ong tshig dang ldan// sgra skad dag gis 'jig rten 'gengs par byed// su dag rgyal ba'i gdung ldan bstod byed pa// de dag gling bu'i / dang klu snyan dang // sgra snyan yid du 'ong ba thob pa dang // so so yang dag par rig pa'ang thob par 'gyur// mi rnams gang dag rtswa shing so phag gis// 'jig rten bla ma'i spyi gab rigs pas byed// yang na gzhan dag byed du 'jug kyang rung / / de dag 'gro ba rnams kyi skyabs 'drar 'gyur// mi rnams gang dag rgyal ba'i gtsang khang byed// de dag 'gro ba rnams su 'khor ba na// lha dbang gnas 'dri'o khang khyim 'od 'bar ba// dus tshigs kun du bde ldan thob par 'gyur/ / mtho ris las bzang 'bras bu'i gnas rnams su// bskal pa dga' byed rtag tu dga' bzhin du// rtsen par byed cing mya ngan med pa dang // tha mar zhi ba'i go 'phang thob par 'gyur// gang dag 'ja' khugs 'dra ba'i rta babs mdzes/ / thub pa'i chab sgor sbed byed de dag ni// sred pa gzhan du khang khyim sgo dang bcas// rnam par brgyan pa rnams ni thob par 'gyur// me rnams gang dag ston pa'i sku gdung khang // bsrung phyir dang pas 'obs dang sgo 'dzugs pa/ / de dag tshe rabs gzhan du dgra rnams kyis// dpal yon rnams dang 'bral bar yod mi nus// mi rnams su dag mchod rten rnyed pa rnams// gzhan gyi dor byed ma yiner dge blos// ral tshems byed pa'i skye bo de dag ni/ / lus bzang yon tan dam pas brgyan par 'gyur// rgyal ba'i mchod rten me tog rnying bsal bas// 'dod chags chags med zhe sdang sngar mi 'gyur// gti mug rmongs med lta ngan chags mi 'gyur/ / mi rnams rab tu dga' zhing skyid par 'gyur// su dag glang chen dril sbyangs sba bar brgyan// dul ba'i rta dang sbyar ba'i shing rta dag/ ston pa dang ni 'phags pa'i tshogs la 'bul// de dag bla med thog

  6. 213a

    chen thob par 'gyur/ / skye bo su dag 'jig rten mgon po la// rin chen 'bar ba yid dang 'thad pa rnams// 'bul ba de dag rin chen bdun po dang // byang chub yan lag rin chen dri med 'thob// rgyal ba'i mchod rten la ni gos phul bas/ / bsod nams byas pa ngo tsha'i gos gyon te// dga' zhing yon tan kun ldan ser sna med// mdog kyang 'jam zhing kha dog gser 'drar 'gyur// dpe med mchod rten mar me phul ba yis// ud pa la sngon po kha bye 'dra yi mig/ gsal zhing sdug la mig gi dkyus ring mdzes// dri ma med pa'i lha'i mig dang ldan// su dag mchod rten mar me dngar ba 'bul// de dag mig tu sdug cing mdzod rab rgyas// mig gi dkyus ring mthon ga'i mdog dang ldan/ / skyes pa bud med dag gis lta ba'i 'os// mtshan mo thub chen spyan sngar thal sbyar 'khod// 'byor dang mtshan mo mar me'i sdong bu 'bul// de dag srid pa gzhan du 'bras bur ldan// rin chen rigs pa'i 'od ldan lus kyang 'thob/ / rgyal la phul ba'i mar me 'chi ba na// dga' ba'i sems kyis 'dir ni dga' bzhin du// snying po skul bar byed pa de dag ni// spyan lnga dag kyang nges par 'thob par 'gyur// mi rnams// gang dag dge ba'i sems ldan pas// rgyal ba'i mchod pa gzhan gyis byas pa la// rjes su yi rang don de ma byas kyang // mdor na de dag gis kyang byas par 'gyur// tshul khrims ldan pa phyogs nas lhags pa la// su dag dga' bzhin mal stan sbyin byed pa'i/ / mi rnams 'gro ba dag tu 'khor ba na// gser gyi khri dang stan gyi mchog rnams 'thob// su dag rab tu byung dang mtsham pa yi// kha zas bzang po dge 'dun sbyin byed pa// de dag 'khor// ba'i dgon par gnas pa na// kha zas kha dog ro las sogs ldan 'thob// su dag rab tu byung dang 'tsham pa yi// btung ba rgya chen dge 'dun sbyin byed pa// de dag 'khor ba'i dgon par gnas pa na// btung ba kha dog ro las

  7. 213b

    sogs pa 'thob/ / su dag 'jig rten bla mas gsungs pa yi// dam chos tshul bzang thos nas nyams su len// de dag nyon mongs chu rlabs rab 'jigs pa'i// srid pa'i rgya mtsho myur du rgal bar 'gyur// rgyal po dag pa'i las 'di thams cad ni/ / 'khor ba'i bde ba sna tshogs smin gyur nas// sangs rgyas kyi ni byang chub dam pa yi// 'bras bu bde blag kho nar thob par 'gyur// de nas rgyal po dga' mdangs ldan pa yis// drang srong dge 'dun bskor ba byas/ nas kyang // thub dbang zhabs la mgo bos phyag 'tshal te// rgyal po rgyal byed tshal nas byung bar 'gyur// gsal rgyal gyi tshigs su bcad pa rdzogs s+ho// / rgya gar skad du/ e ka bA thA / bod skad du/ tshigs su bcad pa gcig pa/ dkon mchog gsum la phyag 'tshal lo// skyes bu khyu mchog khyod 'dra'i dge slong chen po gzhan dag lha yul sa la med// 'jig rten 'di na'ang yod pa ma yin rnam thos bu yi gnas na'ang yod ma yin lha'i pho brang gnas mchog dag na'ang yod min phyogs dang phyogs mtshams dag na'ang med/ / ri dang nags su bcas pa'i sa steng rgyas pa kun du yul cig ga la yod// tshigs su bcad pa gcig pa rdzogs s+ho// / @// rgya gar skad du/ tsa tur gA thA/ bod skad du/ tshigs su bcad pa bzhi pa/ dkon mchog gsum la phyag 'tshal lo// skur gyur pa ni thams cad la// mtshan mchog sum bcu gnyis mnga' ba// rdzogs pa'i sangs rgyas grags ldan pa'i/ / rgyal ba kun la phyag 'tshal lo// rdzogs sangs gang du bltam pa dang // gang du byang chub la reg dang // zhi ba'i 'khor lo bskor ba dang // zag med mya ngan 'das pa dang // bde gshegs gang du bzhugs pa dang / 'chag pa dang ni bzhengs pa dang / seng ge lta bur gzims pa yin// gnas de la ni bdag phyag 'tshal// stang dang 'og dang bar dag dang // phyogs dang phyogs mtshams rnams su yang // sku bcas sku ni med pa yi// mchod rten la

Colophon

gsal rgyal gyi tshigs su bcad pa rdzogs s.ho||