N937MW22704_0937rgyud 'grelAll versions of this work

dpal 'khor lo sdom pa'i bstod pa don thams cad 'grub pa rnam dag gtsug gi nor bu zhes bya ba

Śrīcakrasaṃbarastotrasarbaarthasidhibiśuddhacūḍamaṇināma

Text

ff. 231b–236b · 11 folio sides

  1. 231b

    rgya gar gyi mkhan po ku mA ra badzra dang/ lo tsa ba dge slong nyi ma rdo rje dang/ /spyil cog gi tho gar dge mdzes kyis bsgyur cing zhus te gtan la phab pa'o// //'jig rten 'di la brtson 'grus dang ldan pas/ /'khor lo sdom pa'i chos la dad pa rab tu skyes/ /'jig rten 'di dang phyi ma don rtogs nas/ /yang dag rdzogs pa'i byang chub dam pa rtogs par shog/ (//dpal 'khor lo sdom pa'i bstod pa dA ri ka pas mdzad pa bzhugs so// //) rgya gar skad du/ sh+rI tsakra saM ba ra sto tra sarba artha sid+hi bi shud+d+ha tsU Da ma Ni nA ma/ bod skad du/ dpal 'khor lo sdom pa'i bstod pa/ don thams cad 'grub pa rnam dag gtsug gi nor bu zhes bya ba/ dpal bde mchog la phyag 'tshal lo/ /thugs rje dbyings las gzhengs pa'i sku mchog ni/ /nyon mongs rnam dag ye shes sku brnyes shing/ /srid pa sbyor mdzad nyon mongs gdung ba sel/ /sgyu ma sprul pas 'gro don sgrub mdzad pa'i/ /'khor lo sdom pa mkha' 'gro kun gyi gtso/ /'jigs mdzad dpa' bo bskal pa'i me ltar 'bar/ /sna tshogs phrin las rigs lngas yongs mtshon pa'i/ /ral pa'i thor tshugs sna tshogs rdo rjes mdzes/ /byang chub sems mchog chos rnams rab gsungs pa'i/ /spyi bor zla tshes cod pan 'khor los brgyan/ /zhal gdangs khro gnyer smin ma glog ltar 'gyu/ /skye shi rtsad gcod keng rus mche ba gtsigs so/ /tshad med bzhi ldan dpa' bo zhal bzhi la/ /mi bskyod rigs mtshon ye shes lnga ldan pa'i/ /rdo rje phreng dang thod pa lnga lngas brgyan/ /stong nyid snying rje rab tu 'dres gyur pa'i/ /'od zer 'phro ba sna tshogs du ma las/ /sangs rgyas tshogs kyis kun tu sprin 'phro ba'i/ /sku gsum dpa' bo ye shes mnga' bdag nyid/ /sgeg pa la sogs rol pa'i nyams kyis mdzes/ /snying rje'i spyan dmar bcu gnyis

  2. 232a

    me bzhin 'jigs/ /he ru ka dpal bde mchog sprul pa'i sku/ /'chang byed chos dang nyan pa'i tshogs ldan pa'i/ /nyan thos rang sangs bla med rgyal ba dang/ /'jig rten rab gnas 'jig rten 'das pa yi/ /rang bzhin nyid ni khyod las gzhan ma mchis/ /gsang ba'i bde mchog bdud bral ye shes sku/ /pha rol phyin drug phyag rgya drug gis mdzes/ /a la la zhes dur khrod gar dang ldan/ /pheM gi sgra sgrogs mkha' 'gro'i tshogs rnams sdud/ /'du byed rnam dag mgo bo'i phreng bas brgyan/ /drag po kun 'dul stag gi sham thabs can/ /rdo rje'i rta gar khams gsum bsdigs mdzad cing/ /ma rig la sogs rten 'brel rnam dag pa/ /byams pa'i thugs mnga' bcu gnyis phyag dang ldan/ /g.yas kyi dang po rdo rje rtse lnga ni/ /ye shes lnga ldan dug lnga rnam par 'joms/ /phyag g.yon dang po dril bu rnam 'dzin pa/ /rtog pa rnam spangs shes rab rang bzhin ldan/ /de 'og phyag gnyis gti mug rnam dag pa'i/ /glang chen ko rlon dpa' bo'i gos su mnabs/ /chos rnams sgrogs pa'i Da ma ru bsnams shing/ /lha sku rnam dag kha TwAM rdo rjes mtshan/ /gri gug 'bar bas nyon mongs 'ching ba gcod/ /'dod chags rnam dag thod pa khrag chen 'dzin/ /thugs rje'i dgra stas drag po'i lha rnams 'joms/ /sdigs mdzub zhags pas bdud dang gshin rje 'dul/ /tri shul rtse gsum skyes bu phug cing 'phyar/ /bdud bzhi las rgyal lha chen rnams bsad cing/ /tshangs pa'i mgo bcad dpa' bo'i lag na 'dzin/ /rtag chad spangs phyir sna tshogs pad+ma dang/ /nyi ma'i dbus na bgegs chen du ma gzir/ /'jigs byed dus mtshan g.yas brkyang zhabs kyis mnan/ /ha ha sgra sgrogs phag mo'i sku la 'khril/ /khros pa'i dpung chen bdud dgra rlag par byed/ /gsang ba'i mgon po rang nyid la gus shing/ /bskyed

  3. 232b

    rdzogs la gnas gsang ba'i mchog la dgyes/ /brtan pa'i blo can brtson pa'i rnal 'byor pa/ /dngos grub mchog stsol he ru ka la 'dud/ /gsang ba kun ldan rdo rje phag mo ni/ /bde mchog 'khor lo 'jigs byed rgyal po'i yum/ /'dod pa'i dbang phyug sangs rgyas mkha' 'gro che/ /hi hir bzhad cing bde gshegs sku la 'khril/ /bdud 'dul rgyal mo skal ldan dbang phyug ma/ /sku mdog dmar mo thod pa'i phreng ba can/ /gri gug sdigs mdzub gdug pa bsreg mdzad cing/ /thor pa khrag can he ru ka la 'khyud/ /mche ba gtsigs shing drag shul 'jigs ldan ma/ /dman pas 'grub 'gyur mkha' 'gro dbang du bsdud/ /chags ltar rtog med zhal gnyis ldan pa yi/ /rdo rje rnal 'byor stong nyid snying rje che/ /bdud 'dul mkha' 'gro dbang phyug ye shes sku/ /gsang ba'i lha mo 'gro ba'i don mdzad ma/ /ye shes me dpung klong na glog ltar 'gyu/ /mkha' 'gro phag mo 'bar ba'i gzi brjid can/ /'jigs pa'i cha byad bdud bzhi kun skrag byed/ /'khor los dbu rgyan rdo rje'i rna cha can/ /mgul rgyan do shal spyi gtsug nor bu dang/ /dpung rgyan lag gdub se ral khar byas shing/ /dum bu'i ske rags sil sil sgra dang ldan/ /zhabs gnyis brkyang bskum gnyis med 'khril ba'i tshul/ /bde ba'i rang bzhin legs pa'i chos dbyings ldan/ /dbu skra grol zhing thugs rjes kun khyab pas/ /zhi rgyas dbang dang mngon spyod la sogs dang/ /grub chen brgyad sogs sgrub po la ster zhing/ /ye shes spyan gsum dus gsum gdul bya gzigs/ /dang ba'i sems kyis 'jigs dus khyod dran na/ /sdug bsngal kun sel dngos grub mchog stsol zhing/ /longs spyod sprul pa sna tshogs skur ston pa'i/ /sgrub pa'i don mdzad rnal 'byor ma la 'dud/ /bde chen 'khor lo sna tshogs pad+ma yi/ /'dab brgyad phyogs nas mA ma kI sogs gnas/ /zhal bzhi la phyogs dngos grub ster ba yi/ /gsang ba'i dbang phyug dpa' mo bzhi la 'dud/ /me long ye shes

  4. 233a

    las skyes thod phreng can/ /in+d+ra nI la'i mdog can gtum pa mo/ /gsang ba'i lha mo dpal ldan dbang phyug sku/ /g.yas brkyang dpa' mo ro yi steng na gnas/ /phyag bzhi nag mo 'jigs pa'i glu len ma/ /gri gug thod pa kha TwAM cang te'u bsnams/ /lus rjes dran pa'i ngo bo chu rang bzhin/ /rdo rje mkha' 'gro che la phyag 'tshal lo/ /bya ba nan tan ye shes dpal ldan ma/ /sems ma rdo rje dam tshig sgrol ma'i mchog /'khor lo la sogs phyag rgya lnga yis brgyan/ /DA ma ru sgras gtso mo skul byed cing/ /kha TwAM ga bsnams 'jigs pa'i pheM sgra sgrogs/ /tshor rjes dran pa'i rang bzhin rlung bdag nyid/ /ljang gu'i mdog can gri gug thod pa 'dzin/ /las rigs mkha' 'gro lA ma che la 'dud/ /so sor kun rtog ye shes dbyings phyug ma/ /rA ga'i mdog can gar gyi stobs ldan ma/ /Da ma ru 'khrol kha TwAM g.yon na bsnams/ /gri gug thod khrag dgra bgegs zhal du gsol/ /chos rjes dran pa'i gcer bu spyan gsum ma/ /me yi bdag nyid pad+ma'i mkha' 'gro che/ /sku mdog dmar mo ma rungs gsod pa yi/ /khaN+Da ro he che la phyag 'tshal lo/ /mnyam nyid ye shes rang bzhin las skyes shing/ /bdud 'dul dpa' mo dus pa'i rgyan 'dzin cing/ /me dpung nang bzhugs mgo phreng do shal can/ /gri gug gcod mdzad thod pa'i khrag 'thung ma/ /kha TwAM ga bsnams ser mo cang te'u 'khrol/ /sems rjes dran pa'i mkha' 'gro kun gyi gtso/ /rigs chen mkha' 'gro sa yi bdag nyid ma/ /gzugs can dbang phyug ma la phyag 'tshal lo/ /snying rje'i sems kyis bdud bzhi tshar gcod cing/ /dam tshig can la dngos grub mchog gsol byed/ /dam tshig nyams pa'i sngags pa gsod la brtson/ /ye shes mkha' 'gro bzhi la phyag 'tshal lo/ /mtshams kyi pad+ma rin chen bum pa'i stengs/ /'dod chags zhe sdang gti mug rnam dag pa'i/ /dngos grub dang ldan mtshan bzang ka pA la/ /bdud rtsi lnga ldan bde

  5. 233b

    pa che la 'dud/ /pul+lI ra dmar dpa' bo thod du ma ni/ /zhal gcig phyag bzhi sen mo so la gnas/ /rab tu gtum mo 'dun pa'i rdzu 'phrul rkang/ /gcer bu mgor gnas ma la phyag 'tshal lo/ /hA land+ha rang mahA ki ka la/ /mkha' la spyod byed skra spu la gnas dang// gtum pa'i mig can brtson pa'i rdzu 'phrul rkang/ /spyi gtsug la gnas khyod la phyag 'tshal lo/ /o rgyan la gnas dpa' bo ki ka la/ /pags pa dri ma rnam dag sa la 'dul/ /'od ldan ma ni dpyod pa'i rdzu 'phrul rkang/ /rna g.yas la gnas khyod la phyag 'tshal lo/ arbu dang gnas mche ba rnam par gtsigs/ /lha rnams 'dul zhing sha la rnam par gnas/ /sna chen ma ni sems kyi rdzu 'phrul rkang/ /rgyab la gnas gyur mkha' 'gro khyod phyag 'tshal/ /gau dA ba rir su ra bI ri ni/ /rgyus pa rnam dag g.yas brkyang zhabs kyis gnas/ /dad pa'i dbang po brtan pa'i blo can ma/ /rna ba g.yon pa la gnas khyod phyag 'tshal/ /'od dpag med ni rus pa'i khams dag cing/ /brkyang bskum tshul gyis rA me shwa rir gnas/ /smin ma'i dbus gnas brtson dbang mi'u thung ma/ /snyoms las rab spangs mkha' 'gro khyod phyag 'tshal/ /mchin pa rnam dag de wi ko Ti ru/ /rdo rje 'od ni 'byung kun 'dul bas gnas/ /dran pa'i dbang po lam ka'i dbang phyug ma/ /mig gnyis la gnas mkha' 'gro khyod phyag 'tshal/ /mA la ? gnas dpa' bo rdo rje'i sku// snying la rab gnas drag po 'jigs byed 'dul/ /shing grib ma ni ting nge 'dzin dbang po ste/ /phrag pa gnyis gnas mkha' 'gro khyod phyag 'tshal/ /thugs kyi 'khor lo mkha' la rnam spyod cing/ /rnam thar brgyad ldan rtsibs brgyud sngon po ste/ /rdo rje'i rigs mtshon rdo rje'i phreng bas mdzes/ /zhe sdang can 'dul rdo rje khyod phyag 'tshal/ /myu gu can ni kA ma rur gnas shing/ /mig gnyis rnam dag e ra ba ti mdzes/ /sa srung ma ni shes rab dbang po ste/ /mchan khung rnam dag mkha' 'gro khyod phyag 'tshal lo/ /oM drer

  6. 234a

    gnas pa'i rdo rje ral pa can/ /mkhris pa rnam dag rdo rje rol pa'i zhabs/ /dad pa'i stobs ni 'jigs byed chen mo ste/ /nu ma rnam dag mkha' 'gro khyod phyag 'tshal/ /tri sha ku ner dpa' bo chen po chad/ /glo ba rnam dag rab tu 'jigs pa'i gzugs/ /rlung gi shugs can brtson 'grus stobs rang bzhin/ /lte ba'i dkyil 'khor dpa' mo khyod phyag 'tshal/ /ko sa lar ni rdo rje hUM mdzad do/ /rgyu ma rnam dag pheM gi sgra sgrogs shing/ /dran pa'i stobs ni chang 'thung dpa' mo ste/ / sna rtse la gnas dpa' mo khyed phyag 'tshal/ /ka ling+gar gnas rab tu bzang po ni/ /gnye ma la gnas dngos grub kun ster ba'i/ /ljang lha mo ni ting 'dzin stobs ldan zhing/ /kha yi nang gnas mkha' 'gro khyod phyag 'tshal/ /laM bA kar gnas rdo rje bzang po ste// grong pa rnam dag dpa' bo chen po ste/ /shes rab stobs ni shin tu bzang mo yin/ /mgrin pa la gnas mkha' 'gro khyod phyag 'tshal/ /kAny+tsi'i gnas su 'jigs byed chen po ste/ /zhabs gnyis brkyang bskum chu so la gnas shing/ /rta rna ma ni ting 'dzin yan lag ste/ snying ka la gnas mkha' 'gro khyod phyag 'tshal/ /hI ma la ni dpa' bo mig mi bzang/ /skra mtshams la gnas ha ha'i sgra sgrogs shing/ /brtson 'grus yan lag bya gdong chen mo ste/ /'dom bar la gnas mkha' 'gro khyod phyag 'tshal/ /gsung gi 'khor lo sa stengs longs spyod cing/ /rnam thar brgyad ldan rtsibs brgyad dmar po ste/ /gsung gi rigs mtshon pad+ma'i phreng bas mdzes/ /'dod chags can 'dul pad+ma khyod phyag 'tshal/ /pre ta pu rir dpa' bo stobs chen ni/ /bad kan rnam dag phyag bzhi rnam par brgyan/ /dga' ba byang chub yan lag 'khor lo'i shugs/ /mtshan ma la gnas mkha' 'gro khyod phyag 'tshal/ /gri ha bde bar rin chen rdo rje ni/ /sna tshogs dag la g.yas brkyang rol pas bzhugs/ /shin tu sbyangs pa'i yan lag dum

  7. 234b

    skyes ma/ /bshang lam la gnas mkha' 'gro khyod phyug 'tshal/ /sau rASh+Tar rta mgrin rgyal po ni/ /khrag la gnas shing drag po kun 'dul ba/ /chos rnams rab 'byed yan lag glang sna ma/ /brla gnyis la gnas mkha' 'gro khyod phyag 'tshal/ /su war+N+Na dwI nam mkha' i snying po ste/ /'jigs byed dpa' bo rdul tshogs rnam dag cing/ /dran pa yan lag 'khor lo'i go cha ma/ /byin pa la gnas mkha' 'gro khyod phyag 'tshal/ /na ga rar gnas dpal ldan he ru ka /tshil khrag rnam dag phyag rgya drug gis mdzes/ /shin tu dpa' mo btang snyoms yan lag ste/ /sor moM la gnas mkha' 'gro khyod phyag 'tshal/ /si d+hu'i gnas su pad+ma gar dbang phyug /mchi ma rnam dag 'jigs mdzad dpa' bo che/ /stobs chen dpa' mo yang dag lta ba ste/ /rkang pa'i phol gnas mkha' 'gro khyod phyag 'tshal/ /ma ro'i gnas su rnam par snang mdzad che/ /mchil ma rnam dag dbang phyug chen po'i sku/ /'khor lo sgyur ma yang dag rtog pa ste/ /mthe bong la gnas mkha' 'gro khyod phyag 'tshal/ /ku lu tAr gnas rdo rje sems dpa' ni/ /'gro ba'i mgon po snabs sogs rnam dag pa/ /brtson 'grus chen mo yang dag ldan zhing/ /pus mo la gnas mkha' 'gro khyod phyag 'tshal/ /sku yi 'khor lo sa 'og la gnas shing/ /rnam thar brgyad ldan rtsibs brgyad dkar po ste/ /sku yi rigs mtshon 'khor lo'i phreng bas mdzes/ /gti mug can 'dul 'khor lo khyod phyag 'tshal/ /'gro ba'i don la thugs rje sprul pa'i gnas/ /mkha' 'gro'i tshogs ldan nyi shu rtsa bzhi ru/ /sku gsung thugs gnas bsgrub la brtser dgongs pa'i/ /'khor lo'i lha la rtag par phyag 'tshal lo/ /ma rungs 'dul mdzad rnam rgyal la sogs rnams/ /gdul bya'i dbang gis khro mo'i skur ston cing/ /sgo mtshams dag na ma rungs phyogs bdag 'dul/ /khwa gdong la sogs sbrul pa'i mkha' 'gro gnas/ /

  8. 235a

    bya rog gdong can mkha' 'gro 'jigs pa'i gzugs/ /zhal gyi nga ros 'brug stong bdud las rgyal/ /gar gyi sbyor ldan gcer bu phyag bzhi ma/ /nag mo 'jigs byed ma la phyag 'tshal lo/ /shar gyi sgo srungs yi dags gdan la bzhugs// dpa' mo spyan gsum phyag rgya lnga yis mdzes/ /kha nas khrag 'dzag a la la zhes sgrogs/ /yang dag las mdza' i dpa' mo khyod phyag 'tshal/ /'ug pa'i gdong can bgegs tshogs bsregs mdzad ma/ /kha nas lce 'dril mche ba rnam par gtsigs/ / ha ha rgod cing spyan mig glog ltar 'gyu/ /dgra bgegs tshar gcod ma la phyag 'tshal lo/ /byang gi sgo srungs ljang dmar 'od ldan ma/ /mkha' 'gro mi srung rus pa'i rgyan dang ldan/ /sku mdog dmar ljang gri gug thod pa 'dzin/ /yang dag 'tsho ba'i dpa' mo khyod phyag 'tshal/ /khyi yi gdong can thod pa'i rgyan ldan ma/ /sku mdog dmar mo phaT kyi sgra sgrogs shing/ /spyan gsum sdang mig gdus mdza' i me bzhin 'jigs/ /sgrub pa'i don mdzad ma la phyag 'tshal lo/ /nub kyi sgo srung dpa' mo stobs ldan ma// zhabs gnyis brkyang bskum 'byung po zil gyis gnon/ /mkha' 'gro mgo bo'i phreng bas do shal byas/ /yang dag rtsol ba'i ngo bo khyod phyag 'tshal/ /phag gi gdong can gsang ba'i dbang phyug ma/ /bdud 'dul mkha' 'gro phyag rgya gar gyis bskyod/ / rna cha mgul rgyan spyi gtsug nor bus brgyan/ /'jigs byed khrag 'thung ma la phyag 'tshal lo/ /lho yi sgo srungs ser mo 'jigs pa'i gzugs/ /zhal nas me 'bar bdud kyi dpung rnams bsreg /Da ma ru khrol kha TwAM g.yon na bsgreng/ /yang dag dran pa'i dpa' mo khyod phyag 'tshal/ /shar lhor dbang sgyur gshin rje brtan ma ni/ /g.yas sngo g.yon ser brkyang bskum tshul du bzhugs/ /rgyan rnams kun gyi rab mdzes mkha' 'gro ma/ /dbang phyug gsang ba'i lha la phyag 'tshal lo/ /rdo rje mkha' 'gro

  9. 235b

    sems can don brtson pa/ /rus pa'i ska rags khrag gi thig le can/ /dpal ldan mkha' 'gro dur khrod chas kyis brgyan/ /dge chos yang dag bskyed la phyag 'tshal lo/ /lho nub dri med gshin rje pho nya mo/ /g.yas ser g.yon dmar mkha' 'gro gzugs mdzes ma// ha ha'i sgra sgrogs gsod byed mthu rtsal can/ /mkha' 'gro dgos 'dong skong la phyag 'tshal lo/ /thabs dang shes rab mnyam nyid rol pa'i sku/ /bde chen mnyam nyid mkha' 'gro kun gyi gtso/ /kha nas khrag 'dzag gri gug thod pa 'dzin/ /dge chos yang dag bsrung la phyag 'tshal lo/ /nub byang mkha' 'gro gshin rje mche ba mo/ /g.yas dmar g.yon sngo spyan bgrad 'jigs pa'i gzugs/ /gsang ba'i lha mo rdo rje'i glu len ma/ /stobs chen mkha' 'gro ma la phyag 'tshal lo/ /rus pa'i dum bu khrag gis thig les brgyan/ / tshangs skud mgo bo'i phreng bas rab brgyan pas/ /rus pa'i ska rags sil sil sgra dang ldan/ /mi dge yang dag spong la phyag 'tshal lo/ /byang shar gsang ba'i gshin rje 'joms byed ma/ /g.yas ljang g.yon sngo 'gying zhing rol pa'i sku/ /zhal gcig phyag bzhi g.yas brkyang gdan la bzhugs/ /mkha' 'gro dbyings phyug ma la phyag 'tshal lo/ /nyon mongs 'khrug byed 'bar ba'i 'od ldan ma/ /khro gnyer mche gtsigs dgra bgegs zhal du gsol/ /bsnyen sgrub byed la gsang ba'i dngos grub ster/ /mi dge skyes mi byed la phyag 'tshal lo/ /dam tshig 'khor lo mi 'am ci sogs 'dul/ /phyogs bzhi gdong can mtshams bzhi byed gzugs ma/ /las kyi rigs mtshon sna tshogs rdo rjes mdzes/ /phrag dog can 'dul 'khor lo khyad phyag 'tshal/ /sku gsum ye shes lnga ldan 'jig rten gsum/ /phyi nang brtan g.yo'i dngos po khyod rang bzhin/ /khyod kyi srid gsum rang bzhin lhan cig skyes/ /khyod 'dab phyogs bzhi yum bzhi mtshams bum thod/ /rim gsum dpa' bo dpa' mo bzhi bcu brgyad/ /sgo mtshams lha mo brgyad

  10. 236a

    de drug cu gnyis/ /sgrub la brtser dgongs 'khor lo lngar gnas pa'i/ /lha tshogs la ni gus pas phyag 'tshal lo/ /he ru ka dpal gsang ba'i grong khyer mchog /dkyil 'khor bde chen sdig pa rab 'joms pa'i/ /nyon mongs zhi bas pad nyi zlum por gnas/ /mi shes gcod phyir gri gug phreng bas mdzes/ /lha rnams mchod phyir yon tan kun ldan pa'i/ /bum pa sna tshogs bdud rtsis rab bkang nas/ /'dod yon snam bur lha mo kun ldan zhing/ /pany+tsa rA ga rin chen pha gur ldan/ /dra ba dra phyed rin chen nyi zla dang/ /me tog phreng dang gser gyi dril bu dbyangs/ /brtson 'grus rlung bskyod dam pa'i chos sgra sgrogs/ /da ru ka sogs mdzes pa'i rgyan gyis brgyan/ /yon tan rgyas phyir gru bzhi sgo bzhis mdzes/ /rin chen rta babs chos 'khor gdugs kyis phug /yid 'ong ri dags ba dan bcu drug ldan/ /rin chen ka ba two ra Na bzhis mdzes/ /ba so pad ma bkra shis bum pa dang/ /thod pa'i phreng ba rdo rje ra bas mdzes/ /legs pa'i sgo khyud dpal ldan phyogs bzhir gnas/ /mi dge rnams bsrung sna tshogs pad+ma'i phyir/ /rdo rje'i sa gzhir ra ba bla bre gur/ /mda' yi dra ba 'jigs pa'i me dpung 'bar/ /lha klu gnod sbyin srin po gshin rje dang/ /drag po sreg byed tsha tsha kar ltar 'phro/ tshogs brgyad dag phyir dur khrod rab 'jigs byed/ /shi ri Sha sogs byang chub shing brgyad la/ /khwa gdong la sogs shing lha sprin dang bcas/ /klu dang gnod sbyin lha chen brgyad por ldan/ /dbang po me dang gshin rje srin po dang/ /chu bdag rlung lha nor bdag 'byung por ldan/ /sa yi lha mo nyi zla tshangs pa dang/ /drag po zhing skyong phyogs mtshams kun na gnas/ /mchod rten brag sogs chu dang me brgyad dang/ /nyi shu rtsa bzhi mkha' 'gro gnas pa'i sa/ /'byung po 'dus pa ce spyang sgra sgrogs shing/ /sha za ro langs

  11. 236b

    'phra men mo brgyad dang/ /u ma dus mtshan dur khrod bdag mor bcas/ /rgyal chen bzhi sogs 'jig rten dbang phyug ldan/ /grub chen brgyad sogs phyag rgya mchog ldan zhing/ /grub pa'i rnal 'byor spyod pa rnam mdzes pa'i/ /sgrub pa'i rten gyur bde gshegs kun gyi gnas/ /snod bcud dag la gsang ba'i dkyil 'khor mchog /yon tan kun ldan thar pa'i grong mchog la/ /bdag ni rab gus dang bas phyag 'tshal lo/ /lhan cig skyes dga' i rang bzhin bde mchog ni/ /'khor lo lnga sogs dur khrod bcas bstod pa'i/ /dge ba gang byung des ni 'gro ba ma lus pa/ /bde mchog la gnas myur du sangs rgyas nyid thob shog /dpal 'khor lo sdom pa'i bstod pa don thams cad grub pa rnam dag gtsug gi nor bu zhes bya ba rgyal po mchog gi dngos grub thob pa/ slob dpon tA ri ka pas mdzad pa rdzogs so// //yul kha tshe'i mkhan po d+harmma badzra dang/ bod kyi lo tsa ba rgya brtson 'grus seng ges bsgyur ba'o// //slad kyi rgya gar gyi mkhan po thun mong gi dngos grub brnyes pa'i paN+Di ta ku mA ra badzra dang/ /bod kyi lo tsa ba dge slong nyi ma'i rdo rjes rgya gar shar phyogs kyi grong khyer mnga' ldan du bsgyur cing zhus te dag par byas so// // *// (//dpal 'khor lo sdom pa'i dbang gi bya ba mdor bsdus pa bzhugs//) //*/ /rgya gar skad du/ sh+rI tsakra saM ba ra She ka pra kri ya u pa de sha nA ma/ bod skad du/ dpal 'khor lo sdom pa'i dbang gi bya ba mdor bsdus pa zhes bya ba/ /dpal rdo rje sems dpa' la phyag 'tshal lo/ /'khor lo sum rim rnal 'byor nyid/ /gang gis sems can khams gsum gnas/ /rdo rje can gyi gnas thob pa'i/ /dbang bskur cho ga'i rim pa bshad/ /dbang bskur dkyil 'khor sngon 'gro bar/ /rdo rje 'chang

Colophon

dpal ldan 'khor lo sdom pa'i bstod pa don thams cad grub pa rnam dag gtsug gi nor bu zhes bya ba rgyal po mchog gi dngos grub thob pa/_/slob dpon dA ri ka pas mdzad pa rdzogs so/_/yul kha che'i mkhan po d+harma badzra dang bod kyi lo tsA ba rgya brtson 'grus seng ges bsgyur ba'o/_/slad kyi rgya gar gyi mkhan po thun mong gi dngos grub brnyes pa'i paN+Di ta mu ku mA ra badzra dang /_/_bod kyi lo tsA ba dge slong nyi ma'i rdo rjes rgya gar shar phyogs kyi grong khyer mnga' ldan du bsgyur cing zhus te dag par byas so/