S274MW22083_0274mdo sdeAll versions of this work

las brgya tham pa

Parabarnakarmaśataka

Text

ff. 1b–237b · 1,297 folio sides

This work spans more than one volume. Folios from its first and last volumes are shown.

  1. 1b

    / rgya gar skad dupa ra brna kar ma sha ta ka/ bod skad du/ las brgya tham pa pa// bam po dang po// // thams cad mkhyen pa la phyag 'tshalalo/ gang las 'jig rten bla

  2. 2a

    m a bde gshegs thos pa'i sgo nas rab snyan brtan pa'i gsung ldan gyis/ / sems can rnams la phan pa 'ba' zhig bzhed phyir bshad pa rnam pa sna tshogs rang nyid kyis/ / log par lta ba'i mun gnag chen po thibs por 'thom zhing 'khrugs pa rnams la rab gsungs pa/ / de yi ming ni las rnams brgya pa zhes bya yongs su tshang ba

  3. 2b

    bdag gis bshad kyis nyon/ / spyi sdom ni/ khyi mo dang ni shing rta dang // ka tsang ka la byams stobs sdug/ bya dang 'bye bo// gang po dang // bu rnams dang ni brgya byin no// sdom ni khyi mo mig chung rdzogs byed dang // skur gnyis 'char ka rgyal mtshan dang / / bde byed ma dang nor bu'i 'od// sna ma'i me tog dbyin dang // 'dus mo dang ni tshem bu mkhan// khyi mo zhes bya ba ni/ gleng gzhi mnyan du yod pa na bzhugs pa de'i tshe/ mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas te/ mu stegs

  4. 3a

    can la dga' 'o/ / de nas des thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod pa las/ phyis de'i chung ma la bu chags nas/ de zla ba dgu 'am/ bcu lon pa dang / khye'u gzugs bzang zhing blta na sdug la mdzes pa/ mdog bzang ba gser gyi kha dog can/ mgo bo gdugs ltar 'dug pa/ lag pa ring po dpa' ba'i dbyes che ba/ snga mtho ba/ sna legs pa/ smin ma sdug pa zhig btsas so// de nas de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag papar gyur te/ de nas de gang gi tshe 'gro nus par gyur pa de'i tshe/ de rtser gzhug pa'i phyir phas khyi gu mo zhig khyim du gzhag go/ khyi gu mo de yang gang gi

  5. 3b

    tshe gzhan mu stegs pa dag mthong ba de'i tshe ni rgyug ste za bar byed la/ gos rnams kyang 'dral bar byed do// de ste dge slong dag mthong na ni drung du 'jar zhing lces rkang pa la bldags terje mjug ma dril nas g.yas phyogs su skor ba byed do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar kyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ / yang dag pa'i seng ge'i sgra chen po sgrog pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i

  6. 4a

    'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas// dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du/ nyan thos chen po rnams kyang nyin dus gsum mtshan dus gsum ste/ nyin mtshan dus drug tu nyan thos kyi mig gis 'jig rten la lta bar byed de/ tshe dang ldan pa shA ri'i bus nyan thos kyi mig gis 'jig rten la bltas na/ khyim bdag 'khor dang bcas pa gdul ba'i dus la bab par mthong nas/ snga dro chos gos dang sham thabs bgos te/ lhung bzed thogs nas mnyan yod par bsod snyoms la song ngo // de mthar gyis bsod snyoms rgyu ba las/ khyim

  7. 4b

    bdag de'i khyim ga la ba der song ba dang / khyi mo des tshe dang ldan pa shA ri'i bu thag ring po zhig nas mthong ngo // mthong nas kyang shin tu rings par langs te/ tshe dang ldan pa shA ri'i bu ga la ba/ der song nas/ ji ltar dge slong gzhan dag gi thad du 'gro ba de bzhin du/ tshe dang ldan pa shA ri'i bu'i thad du song nas/ ches gus par lces rkang pa la bldags te/ mjug ma dril nas lan gsum skor ba byed do/ / de yang khyim bdag des mthong ngo // mthong nas kyang bsams pa/ ma la 'di ltar khyi mo log par ltung ba'i lus can 'di yang 'di la de lta bu'i bkur sti byed par sems pa las na/ dge slong 'di ni bdag nyid chen po zhig yin gor ma chag snyam du bsams te/ ma la bdag gis kyang dge slong 'di spyan drangs la bshos gsol lo snyam du bsams nas/ tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu'i rkang pa la phyag 'tshal te 'di skad ces smras so// btsun pa shA ri'i bu 'o na 'di nyid du bshos gsol du ci gnang zhes byas nas/ tshe dang ldan pa shA ri'i bus khyim bdag de la cang mi zer bar gnang ngo // de nas khyim bdag des/ tshe dang ldan pa shA ri'i bus cang mi zer bas gnang bar rig nas/ tshe dang ldan pa ri'i bu'i stan bshams te 'di skad ces smras so/ / btsun pa shA ri'i bu gdan bshams pa la bzhugs su gsol/ de nas tshe dang ldan pa shA ri'i bu stan bshams pa la 'dug go/ de

  8. 5a

    nas khyim bdag des tshe dang ldan pa shA ri'i bu bde bar 'dug par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ 'dod pa bstabs so// rang gi lag nas bza' ba dang / bca' ba gtsang ma bzang po mang po rnam grangs du mas tshim par byas te/ ci 'dod pa bstabs pa'i 'og tu sder ni gyu/ lhung bzed bkrus par rig nas/ chos mnyan pa'i phyir mdun du 'dug go// de nas tshe dang ldan pa shA ri'i bus khyim bdag de 'khor dang bcas pa'i bsam pa dang / brag la nyal dang / khams dang / rang bzhin rtogs nas/ de dang 'thun pa'i chos bstan te/ de thos nas khyim bdag de 'khor dang bcas pas 'jig tshogs la lta ba'i ri'i rtse mo mthon po nyi shu ye shes kyi rdo rjes bcom nas/ rgyun du zhug pa'i 'bras bu mngon sum du byas te/ des bden pa mthong nas skyabs su 'gro ba dang / bslab pa'i gzhi rnams blangs so// de nas tshe dang ldan pa shA ri'i bus/ khyim bdag de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas/ stan las langs te song ngo // khyim bdag de yang bden pa mthong bar gyur nas/ sbyin pa dag sbyin zhing bsod nams dag byed de/ de'i khyim de slong ba'i skye bo rnams kyi chu dong dang 'dra bar gyur to// khyim bdag des kyang tshe dang ldan pa shA

  9. 5b

    ri'i bu yang dang yang du khyim gyi nang du bshos gsol bar byed do/ / de nas tshe dang ldan pa shA ri'i bu dang / khyim bdag des khyi mo de la kha zas byin nas chos mnyan pa'i phyir mdun du 'dug go// khyi mo de yang tshe dang ldan pa shA ri'i bu'i mdun du 'dug nas chos nyan no// de nas khyim bdag des bsams pa/ bdag gis legs pa 'di lta bu rtogs pa ci yang rung ba de dag thams cad ni khyi mo 'di'i mthu las byung ba yin pa snyam du rig go/ / rig nas kyang de la shin tu skyong bar byed do// de nas phyi zhig na khyi mo de nad kyis thebs nas/ shA ri'i bus/ de la smras pa/ bu 'di ltar 'du byed thams cad ni mi rtag pa'o// 'du byed thams cad ni sdug bsngal ba'o// chos thams cad ni bdag med pa'o// mya ngan las 'das pa ni zhi ba'o// nga la sems dga' bar gyis shig dang / dud 'gre'i skye gnas dang bral bar 'gyur yang srid do zhes smras nas/ tshe dang ldan pa shA ri'i bu song ngo // de song nas ring po ma lon par khyi mo de yang tshe dang ldan pa shA ri'i bu la sems dga' bar gyur nas shi'o/ / de shi 'phos te 'das nas khyim de nyid du/ khyim bdag de'i chung ma chen mo'i mngal du skyes so// de shi ba'i tshe tshe dang ldan pa shA ri'i bu slar/ khyim der 'ongs nas/ khyim bdag gis tshe dang ldan pa shA ri'i bu la bsnyad de/ btsun pa shA ri'i bu la bsnyad de/ btsun pa shA ri'i bu khyi mo de gum lags so zhes byas so// tshe dang

  10. 6a

    ldan pa shA ri'i bus smras pa/ khyi mo de'i ro de phyogs dben pa zhig tu zhog cig dang / rus pa de dag phyis de nyid la phan 'dogs par 'gyur ro// khyim bdag gis smras pa/ btsun pa shA ri'i bus ji skad bka' stsal pa bzhin du bgyi'o zhes smras nas/ khyim bdag des khyi ro de gang du sus kyang mi mthong bar 'gyur ba de lta bu'i phyogs zhig tu bzhag go/ de nas khyim bdag gi chung ma de zla ba dgu 'am bcu lon pa dang / bu byung ste bu mo gzugs bzang zhing blta na sdug pa mdzes pa/ kha dog bzang ba gser gyi la dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa zhig btsas so// de nas de'i tshe btsas ston yang rgyas par byas nas/ rigs dang 'thun pa'i ming btags te/ 'o ma dang / mar dang / zho dang / zhun mar dang / mar gyi snying khus bskad bsrings te/ mtsho'i nang gi pad+ma bzhin du skra drag par gyur to/ / de nas de gang gi tshe chen mor gyur pa de'i tshe/ tshe dang ldan pa shA ri'i bus smras pa/ bu 'dug la chos nyon cig ces byas na/ de byad gzugs dang lang tsho'i rgyags pas dregs nas phan tshun du yengs te/ chos nyan du mi btub bo// de nas phyis tshe dang ldan pa shA ri'i bus de shed bye bar rig nas/ khyi mo'i rus bu de de nyid kyi mdun du bzhag ste/ ci nas bu mo des tshe rabs dran

  11. 6b

    par 'gyur ba de lta bur byin gyis brlabs nas/ tshe rabs dran ma thag tu bu mo des shas cher skyo ba skyes so// de skyo ba skyes nas bsams pa/ 'phags pa shA ri'i bu ni bdag la dka' ba byed byed pa yin pa lta zhig ste/ 'di la brten nas bdag gis dud 'gro'i skye gnas spangs so snyam du rig nas dga' bo skyes te chos nyan pa'i phyir tshe dang ldan pa shA ri'i bu'i mdun du 'dug go// de nas tshe dang ldan pa shA ri'i bus de'i bsam pa dang / bag la nyal dang / khams dang / rang bzhin rtogs nas/ de dang 'thun pa'i chos bstan te/ de thos nas bu mo des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas/ stan las langs te bla gos phrag pa gcig tu gzar nas/ tshe dang ldan pa shA ri'i bu ga la ba de logs su thal mo sbyar ba btud nas/ tshe dang ldan pa shA ri'i bu la 'di skad ces smras so// btsun pa shA ri'i bu bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas tshe dang ldan pa shA ri'i bus de'i pha ma la dad pas rmas nas skye dgu'i bdag mo chen mo lagatad de/ skye dgu'i bdag mo chen mos de rab tu phyung nas/ bsnyen par rdzogs par

  12. 7a

    byas te de la lung yang phog go/ / des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te de dgra bcom pa khams gsum pa'i 'dod chags dang bral bar gyur nas/ gser dang bong rdor mnyam pa/ nam mkha' dang lag mthil du 'dra ba'i sems dang ldan pa/ tsan dan spongs pa lta/ bur bsil bar gyur pa/ rig pas ma rig pa'i sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa// srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de dgra bcom par gyur nas/ tshe dang ldan pa shA ri'i bu'i sngon gyi drin dran te/ yang dang yang du thad du 'gro zhing rkang pa la phyag 'tshal nas/ 'di skad du 'phags pa shA ri'i bu las brten te bdag gis dud 'gro'i skye gnas spangs nas/ yon tan 'di lta bu dag kyang thob par gyur pas na/ 'phags pa ni bdag la dka' ba mdzad mdzad pa lugs so zhes zer ro// de yang dang yang du zer ba dge slong mang pos thos nas/ thos ma thag tu de dag gis// tshe dang ldan pa shA ri'i bu la dris pa/ tshe dang ldan pa shA ri'i bu dge slong ma 'dis ci las bsams te de yang dang yang du de skad

  13. 7b

    ces mchi/ tshe dang ldan pa shA ri'i bus smras pa/ khyed kyis khyim bdag 'di'i khyim na khyi mo zhig 'dug pa mthong ngam/ de dag gis smras pa/ btsun pa shA ri'i bu mthong ngo // de kho nas bdag la dga' ba'i sems bskyed nas shi ste/ 'das pa dang / khyim bdag de nyid kyi khyim du skyes te/ des sngon gyi tshe rabs rjes su dran nas sngon gyi drin gzo ba'i phyir bdag la de skad ces zer ro/ / de nas bcom ldan 'das la/ dge slong rnams kyis zhus pa/ btsun pa dge slong ma des las ci bgyis na/ las de'i rnam par smin pas sngon khyir skyes lags/ las ci bgyis na de nas shi 'phos te mir skyes nas/ bcom ldan 'das mnyes par bgyis te mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'das pa'i las kyi shas kyang yod la/ da ltar byung ba'i las kyi shas kyang yod do/ / btsun pa 'das pa'i las ci bgyis lags/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo/

  14. 8a

    sbyar ba/ bla na med pa/ lha dang mi rnams kyi ston pa sangs rgyas 'od srungs zhes bya ba 'jig rten du byung ste/ de'i tshe grong khyer wA rA NA si na khyim bdag cig gnas pa las/ phyis de la bu mo gzugs bzang zhing blta na sdug la mdzes pa zhig btsas nas/ gang gi tshe de chen mor gyur pa dang / des yang dag par rdzogs pa'i sangs rgyas 'od srungs kyi bstan pa la dad pa rnyed nas/ pha ma la gsol te rab tu byung ngo // rab tu byung nas sde snod gsum bslabs te/ de rig pa dang grol ba'i spobs pa dang ldan pa'i chos smra ba/ gos dang / zas dang / mal cha dang / stan dang / nad gsos dang / sman zong rnams rnyed par gyur nas/ des bsams pa/ ma la bdag gis rnyed pa dang bkur sti'i sgo nas rnyed par bya ba rnyed pa gang yin pa des bdag gis tshangs pa mtshungs par spyod pa rnams la phan gdags par bya gor ma chag snyam du bsams nas/ chos bzhin du gnyis ka'i dge 'dun gyi zhal ta byas so// de nas phyis de la brel ba zhig byung ste/ des slob pa dang mi slob pa'i dge slong ma mang mo zhig la gsol ba btab na/ de dag na re bdag cag dge ba'i phyogs btang ste/ khyed kyi don bsgrub par mi nus so zhes zer ro/ / de nas de thos pa'i mod la dge slong ma de shin tu khro ba'i kun nas dkris pa skyes te/ de khros nas dge slong ma de dag la smras pa/ nga ni khyi mo dang 'dra ba khyed dgang ba dang / gso ba

  15. 8b

    / 'ba' zhig byed na/ khyed ni skad cig tsam bdag gi don byed du yang mi btub bam zhes byas so// de nas dge slong ma de rnams kyis bsams pa/ nyon mongs ma 'di ni smras shing nyams par gyur te/ 'khor ba na 'khor zhing sdug bsngal chen po rnyed na mi rung ngo snyam du bsams nas/ 'di'i ra mda' bya dgos so snyam ste/ de dag gis smras pa/ khyod kyis ngeng su yin pa dang / khyod bdag su yin pa shes sam/ des smras pa/ ngas shes te khyed kyang rab tu byung ba yin la/ nga yang rab tu byung ba yin no// de dag gis smras pa/ tshe zhe'u bu cag rab tu byung bar 'dra mod kyi/ khyod ni bcing ba thams cad kyis bcings pa'i so so'i skye bo yin la/ nged ni bye ba byas pa yin gyis/ nyes pa la nyes so zhes bshags par gyis shig/ khyod 'khor ba na 'khor zhing sdug bsngal chen po rnyed da re/ de skad thos pa'i mod la dge slong ma de 'gyod pa chen po skyes te/ 'gyod pa chen po skyes nas lhag par yang chos bzhin du gnyis ka'i dge 'dun gyi zhal ta byas te/ tshe gcig tu tshangs par spyod pa spyad nas/ 'chi kar smon lam btab pa/ kye ma bdag kyang yang dag par rdzogs pa'i sangs rgyas 'od srungs kyi bstan pa la rab tu byung nas/ tshe gcig tu tshangs par spyod pa spyad de/ chos bzhin zhal ta byas pa'i dge ba'i rtsa ba 'dis ni/ bdag gang dang gang du skye ba de dang der ci nas phyug cing nor mang la longs spyod che ba'i rigs su skye ba dang / gzugs bzang zhing blta na sdug la

  16. 9a

    mdzes par gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ bdag khros nas tshangs pa mtshungs par spyod pa rnams la tshig rtsub po smras pa gang yin pa'i las de'i rnam par smin pa'i skal ba can du bdag ma gyur cig ces byas so// dge slong dag ji snyam du sems/ de'i tshe dge slong mar gyur pa gang yin pa de ni dge slong ma 'di nyid yin te/ des der tshangs pa mtshungs par spyod pa de dag la tshig rtsub po smras pa'i las de'i rnam par smin pas ni tshe rabs lnga brgyar khyir skyes so/ / des der 'chi kar smon lam btab ste/ bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de dag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa'i las de'i rnam

  17. 9b

    par smin pas ni 'di da ltar phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam po brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas pa 'di ni 'das pa'i las yin no// da ltar byung ba'i las ci zhig byas she na/ de khyer skyes nas shA ri'i bu la sems dga' bar gyur pa des ni mi'i nang du skyes te/ 'di ni da ltar byung ba'i las yin no// / mig chung zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa la chung ma blangs nas de de dang lhan cig rtse zhing dga' la dga' dgur spyod pa las/ phyis de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing bldan sdug la mdzes pa zhig btsas nas/ de'i btsas ston rgyas par byas te/ rigs dang 'thun par ming btags nas/ 'o ma dang / zho dang / mar dang / zhun mar dang / mar gyi snying khus bskyed

  18. 10a

    bsgyings te/ de gang gi tshe 'gro nus par gyur pa de'i tshe/ de rtse ru gzhug pa'i phyir ngas khyi gu zhig khyim du bzhag ste khye'u la byin no// de nas khye'u des khyi gu de zab bsas so/ / de nas gang gi tshe khyi gu cher skyes pa de'i tshe/ lam po cher song nas/ skye bo phal po che la yang za bar byed do// sangs rgyas bcom ldan 'das bgrod pa gcig pu'i lam ston pa/ rnam pa gnyis shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar kyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar / su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song las phyung ste/ mtho ris dang / thar pa dang / 'bras bu la gzhag par

  19. 10b

    bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ rgya mtsho chu srin rnams kyi gnas// dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du/ nyan thos chen po rnams kyang nyin dus gsum mtshan dus gsum ste/ nyin mtshan dus drug tu nyan thos kyi mig gis 'jig rten la lta bar byed de/ tshe dang ldan pa shA ri'i bus/ nyan thos kyi mig gis 'jig rten la bltas na/ khyim bdag 'khor dang bcas pa gdul ba'i dus la bab par mthong nas/ snga dro sham thabs dang chos gos bgos te/ lhung bzed thogs nas mnyan du yod par bsod snyoms la song ngo // de mthar gyis bsod snyoms rgya

  20. 11a

    sa/ khyim bdag de'i khyim gul ba deng song ba dang / khyis me dang ldan pa 'i bu mthong ngo // mthong nas shugs dras pos brgyugs / tshe dang ldan bu la zin no/ / de'i chos gos rnams kyang dral lo// khyim bdag des kyang mthong nas bkag ste/ de'i rma de yang bkrus nas ras kyis dkris te/ rkang pa la phyag 'tshal nas smras pa/ btsun pa shA ri'i bu 'di nyid du bshos gsol du ci gnang zhes byas nas/ tshe dang ldan pa sha ri'i bus khyim bdag de la cang mi smra bas gnang ngo // de nas khyim bdag des tshe dang ldan pa shA ri'i bus cang mi smra bas gnang bar rig nas/ stan bshams te 'di skad ces smras so// btsun pa shA ri'i bu gdan bshams pa la bzhugs su gsol/ de nas tshe dang ldan pa shA ri'i bu stan bshams pa 'dug go/ / de nas khyim bdag des tshe dang ldan pa shA ri'i bu bde bar 'dug par rig nas/ rang gi lag nas bza' ba dang / bca' ba gtsang ma bzang po mang pos tshim par byas te/ ci 'dod pa bstabs so/ / rang gi lag nas bza' ba dang / bca' ba gtsang ma bzang po mang po rnam grangs du mas tshim par byas te/ ci 'dod pa bstabs nas/ tshe dang ldan pa shA ri'i bus de'i nyin par zan zos pa'i 'og tu khyi de la khyos ma byin te/ khyi des zos nas de'i gdong du bltas so// de nas khyim bdag des tshe dang ldan pa shA ri'i bu zan zos zin te/ sder ni gyu/ lhung bzed ni

  21. 11b

    bkrus par rig nas chos mnyan pa'i phyir mdun du 'dug go/ / de nas tshe dang ldan pa shA ri'i bus khyim bdag de 'khor dang bcas pa'i bsam pa dang / bag la nyal dang / khams dang rang bzhin rtogs nas/ de dang 'thun pa'i chos ston par byed do// de thos nas khyim bdag de 'khor dang bcas pas stan de la 'dug bzhin du 'jig tshogs la lta ba'i ri'i rtse mo mthon po nyi shu ye she rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas skyabs su 'gro ba dang / bslab pa'i gzhi rnams blangs te smras pa/ btsun pa shA ri'i bu bdag ji srid 'tsho'i bar du bdag las gos dang / zas dang / mal cha dang / stan dang / snyun gsos dang / sman zong rnams bzhes par gsol/ tshe dang ldan pa shA ri'i bus smras pa/ khyim bdag gzhan dag la yang phan gdags dgos kyis thong zhig ces byas nas stan las langs te song ngo / / der gang gi tshe khyim bdag des bden pa rnams mthong nas skyabs su 'gro ba dang / bslab ba'i gzhi rnams blangs pa de'i tshe/ des sbyin pa dag byin pa dang / bsod nams dag bya bar brtsams so// tshe dang ldan pa shA ri'i bu yang dus su spyan drangs te bshos gsol bar byed do// tshe dang ldan pa shA ri'i bus kyang zan zos pa'i 'og tu khyi de la khyos ma sbyin par byed do/ / khyi de yang tshe dang ldan pa shA ri'i bu la shin tu dga' bar gyur nas/ de dga' bar gyur nas/ gang gi tshe tshe dang

  22. 12a

    ldan pa shA ri'i bu khyim der 'ong ba de'i tshe/ khyi des bsu nas rkang pa la bldags te/ mjug ma dril nas lan gsum skor bar byed do// der gang gi tshe tshe dang ldan pa shA ri'i bus chos bshad nas phyir 'gro ba de'i tshe/ khyi des thag gi zad tsam du bskyal nas lan gsum bskor ba byas te phyir ldog go// de nas phyis tshe dang ldan pa shA ri'i bus yang khyim der zas zos te khyim bdag de la chos bshad nas phyir 'gro ba na/ khyi de yang phyi bzhin 'brang ste/ pha rol gyi lam po cher song nas/ lces rkang pa la bldags te/ mjug mi dril nas lan gsum bskor ba byas te phyir log nas khyim du 'gro ba na/ khyi de khyi gzhan dag cig gis btsas nas bsad do// de nas de gnas brtan shA ri'i bu la sems dga' bzhin du shi 'phos te 'das nas/ khyim de nyid du khyim bdag de'i chung ma chen ma'i mngal du skyes so/ / tshe dang ldan pa shA ri'i bus kyang khyi de bdag gi thang nas phyir log pa'i 'og tu khyi gzhan dag gis ji ltar bsad pa shes so// nas des bsams pa/ khyi de gar skyes snyam pa dang / khyim bdag de nyid kyi khyim du khyim bdag gi chung ma'i mngal du skyes par mthong ngo // mthong nas kyang de nyid la snying brtse ba'i phyir g.yog med par gcig pu khyim bdag de'i khyim du song ba dang / khyim bdag des tshe dang ldan pa shA ri'i bu zla med pa dang / g.yog med par gcig pu 'ong bar mthong ngo // mthong nas 'phags pa

  23. 12b

    khyod ci'i slad du zla ma mchis pa dang / zhabs 'bring ma mchis par gcig pur gshegs/ 'phags pa'i zham ring bgyid pa 'ga' yang ma mchis sam zhes dris so// tshe dang ldan pa shA ri'i bus smras pa/ khyed cag lta bu 'ba' zhig gis byin pa ma gtogs par bdag cag la gud na g.yog gi 'byung khung ga la yod/ khyim bdag gis smras pa/ btsun pa shA ri'i bu bdag gi mchis brang la chags pa mchis kyis/ de las gal te khye'u zhig btsas par gyur na/ de bdag gis 'phags pa'i zham ring du dbul lo// tshe dang ldan pa shA ri'i bus smras pa/ khong dge ba rnams ni dam bcas pa la brtan pa yin no/ / de skad ces smras nas tshe dang ldan pa shA ri'i bu song ngo // khyim bdag de'i chung ma yang zla ba dgu 'am bcu lon pa dang / khye'u gzugs bzang zhing blta na sdug pa zhig/ btsas mod kyi/ 'on kyang mig chung ngo // de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di'i mig chung bas na mig chung zhes gdags so zhes zer ro/ / de nas khye'u mig chung 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de gang gi tshe cher skyes pa de'i tshe/ yi ge dang / khong rtsis dang / shod 'god pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po

  24. 13a

    che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas tshe dang ldan pa shA ri'i bus kyang mig chung rab tu dbyung ba'i dus la bab par mthong nas/ snga dro sham thabs dang chos gos bgos te lhung bzed thogs nas/ mnyan du yod par bsod snyoms la song ste/ de mthar gyis bsod snyoms rgyu ba las/ khyim bdag de'i khyim ga la ba der song ste phyin nas stan bshams pa la 'dug go/ 'dug nas kyang tshe dang ldan pa shA ri'i bus/ khyim bdag de la smras pa/ khyim bdag khye'u 'di ni ma btsas pa'i snga rol nas khyod kyis bdag gi g.yog tu byin te/ khong dge ba rnams ni yi dam la brtan pa yin na/ de kho na ltar dam ma bcas sam/ khyim bdag gis smras pa/ 'phags pa de kho na ltar dam bcas lags so zhes byas nas/ khye'u de lag pa gnyis kyis bzung ste/ tshe dang ldan pa shA ri'i bu la phul nas smras pa/ bu khyod ma btsas pa'i snga rol nas 'phags pa la ngas phul gyis/ song la 'phags ba'i zham ring gyis shig/ khye'us smras pa/ de ni bdag la phan btags pa lags so zhes byas nas/ khye'u de tshe dang ldan pa shA ri'i bu'i phyi bzhin 'brangs te/ khye'u de tshe dang ldan pa shA ri'i

  25. 13b

    bus gtsug lag khang du khrid nas/ rab tu phyung ste de la lung yang phog go// des kyang dge tshul pa byed bzhin du brtson pa dang / bsgrub pa dang / 'bad pas nyon mongs pa thams cad sbyangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pas rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// des dgra bcom pa nyid thob nas/ tshe dang ldan ba shA ri'i bu'i rkang pa gnyis snum gyis skud pa dang / des tshe dang ldan pa shA ri'i bu'i rkang pa'i rma'i sgros mthong ngo // mthong nas dris pa/ mkhan po rma'i sgros 'di sngon ci las gyur lags/ tshe dang ldan pa shA ri'i bus smras pa/ bu rma'i sgros 'di sngon ci las gyur pa soms shig/ de nas des bdag nyid kyis sngon khyir gyur pa'i tshe zin par mthong nas/ des bdag gang nus shi 'phos te khyir skyes par gyur ces bsams na/ des khyi las shi 'phos te khyi nyid du skyes par mthong ngo // de bzhin du des tshe rabs lnga brgya'i bar du bltas na/ des khyi las shi

  26. 14a

    'phos te khyi 'ba' zhig tu skyes par mthong ngo / / des yang ma 'ongs pa'i dus la bsams te/ gal te mkhan pos bdag lam dgongs su zin na/ bdag de nas shi 'phos na gang du skye bar 'gyur snyam du bsams na/ des khyi de nyid du de'u skyes par mthong ngo // de bzhin du des ma 'ongs pa'i dus su tshe rabs lnga brgya'i bar du bltas na/ des khyi las shi 'phos nas khyi 'ba' zhig tu de'u skyes par mthong nas/ des bsams pa/ bdag 'dis log par ltung ba las rnam par grol bar byas te/ g.yung drung gi mthar thug pa grub pa dang bde ba mya ngan las 'das pa la bzhag pa na/ mkhan po ni bdag la dka' ba byed byed pa yin no snyam nas/ bsnyen bkur bya ba las gud na mkhan po'i drin bdag gis bsab pa'i thabs gzhan ci yod de/ bsnyen par rdzogs nas ni bdag gis bsnyen bkur ril gyis byar mi rung na/ ma la bdag ji srid 'tsho'i bar du dge tshul par 'dug la/ 'di la bsnyen bkur bya'o snyam du bsams nas/ des tshe dang ldan pa shA ri'i bu la smras pa/ mkhan po bdag ji srid 'tsho'i bar du mkhan po'i bsnyen bkur ba bgyid do// bu khyod ji ltar dga' ba bzhin gyis shig/ de nas phyis de la dge slong rnams kyis smras pa/ mig chung ci'i phyir na khyod bsnyen par rdzogs par mi byed/ des smras pa/ bdag gis mkhan po'i drin bsab dgos te/ bdag ji srid 'tsho'i bar du dge tshul par 'dug bzhin du de'i bsnyen bkur byed do// de dag gis

  27. 14b

    smras pa/ khyod la mkhan pos lhag par drin ci zhig btags/ de nas des dge slong de dag la gtam de rgyas par bsnyad nas/ dge slong de dag gis/ sangs rgyas bcom ldan 'das la zhus pa/ btsun pa mig chung gis las ci bgyis na las de'i rnam par smin pas khyir skyes la/ gal te tshe dang ldan pa shA ri'i bus ma bsams su lags na/ tshe rabs lnga brgyar khyi 'ba' zhig tu de'u skyes lags/ las ci bgyis na las de'i rnam par smin pas khyi las shi 'phos te slar mi'i nang du phyug cing nor mang la longs spyod che ba'i rigasu skyes nas/ 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ las ci bgyis na las de'i rnam par smin pas mig chung ngur gyur lags/ bcom ldan 'das kyis bka' stsal pa/ dge slong dag mig chung 'di nyid kyis sngon las byas shing bsags te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur//

  28. 15a

    dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe le nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA si na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas te/ phyi zhig na de'i chung ma la bu chags nas/ de zla ba dgu 'am bcu lon pa na/ khye'u gzugs bzang zhing blta na sdug la mdzes pa zhig btsas nas/ de gang gi tshe cher skyes pa de'i tshe/ des yang dag par rdzogs pa'i sangs rgyas 'od srungs kyi bstan pa la dad pa rnyed nas/ pha ma la gsol te rab tu byung ngo // rab tu byung nas sde snod gsum bslabs te/ de rig pa dang grol ba'i spobs pa dang ldan pa'i chos smra ba/ gos dang / zas dang / mal cha dang / stan dang / nad gsos dang / sman zong rnams rnyed par gyur nas/ des bsams pa/ me la bdag gis rnyed pa dang bkur sti'i sgo nas rnyed par bya ba rnyed pa gang yin pa des/ bdag gis tshangs pa mtshungs par spyod pa rnams la phan gdags par bya gor ma chag snyam du bsams nas/ chos bzhin du dge 'dun gyi zhal ta byas so// de nas

  29. 15b

    phyi zhig na dge slong dgra bcom pa zhig la phyi dro'i gung skyems kyi zhal ta byed pa'i res bab nas/ des dge 'dun la gung skyems brims pa'i 'og tu lus ngal te gnas khang du song nas skyil mo krung bcas te 'dug go/ / de nas zhal ta byed pa'i de'i sbyin bdag rnams la gung skyems dgos par gyur nas/ des dge slong gzhan dag la smras pa/ der gung skyems kyi zhal ta byed pa'i res su la ba'o// de dag gis smras pa/ dge slong che ge mo zhig la bab bo// de nas zhal ta byed pa de khros nas mig btsums te/ mig 'di 'dra ba de yin pa lta zhes smras so// de skad smras nas dgra bcom pa de ga la ba der song ste phyin nas smras pa/ btsun pa bdag ni khyed kyi phyir sbyin bdag dang / sbyin pa po rnams dga' bar byas nas/ yo byad thams cad kyis bsnyen bkur byed na/ khyed ni bdag gi dad pas byin pa la longs spyad nas/ khyi bzhin tshang du zhugs te nyal zhing 'dug gam zhes byas so/ / de nas dgra bcom pa des bsams pa/ nyon mongs pa 'di ni smas shing nyams par gyur te/ 'khor ba na 'khor zhing sdug bsngal chen po rnyed na mi rung ngo snyam du bsams nas/ 'di'i ra mda' bya dgos so snyam ste/ zhal ta byed pa de la smras pa/ btsun pa khyod kyis nga su yin pa dang / khyod bdag su yin pa shes sam/ des smras pa/ ngas shes te khyod kyang rab tu byung ba yin la/ nga yang rab tu byung ba yin no// dgra bcom pas smras pa/ 'u bu cag gnyis rab tu byung bar 'dra mod kyi/ khyod ni bcing ba thams cad kyis bcings pa'i so so'i skye'o

  30. 16a

    yin la/ nga ni bcing ba thams cad las nges par grol ba'i dgra bcom pa yin na/ khyod kyis tshig rtsub po smras kyis/ nyes pa la nyes so zhes bshags par gyis shig/ khyod 'khor ba/ na 'khor zhing sdug bsngal chen po rnyed da re/ de skad thos pa'i mod la zhal ta byed pa de 'gyod pa chen po skyes te/ 'gyod pa chen po skyes nas/ dge slong de'i rkang pa la phyag 'tshal te/ bzod pa gsol nas/ lhag bar yang sangs rgyas dang / chos dang / dge 'dun la bsnyen bkur byas so// des tshe gcig tu tshangs par spyod pa spyad de/ chos bzhin du dge 'dun gyi zhal ta byas nas 'chi kar smon lam btab pa/ kye ma bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad pa dang / chos bzhin du zhal ta byas pa'i dge ba'i rtsa ba 'dis na/ bdag gang dang gang du skye ba de dang der ci nas phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byed par gyur cig/ bdag gis tshangs pa mtshungs par spyod pa la tshig rtsub po smras pa'i sdig pa'i las de'i 'bras bu bdag gis rnyed par ma gyur cig ces byas so// dge

  31. 16b

    slong dag ji snyam du sems/ de'i tshe de'i dus na zhal ta byed par gyur pa gang yin pa de ni dge tshul pa mig chung 'di nyid yin te/ des der dgra bcom pa de la tshig rtsub po smras pa'i las de'i rnam par sbyin pas tshe rabs lnga brgyar khyir skyes te/ gal te dge slong shA ri'i bus ma bsams su zin na phyin chad kyang tshe rabs lnga brgya'i bar du khyi 'ba' zhig tu de'u skye so// khros nas des dgra bcom pa de nyid kyi mig ltar bcos te mig btsums te/ mig 'di 'dra ba de yin pa lta zhes smras pa'i las de'i rnam par smin pas na/ da ltar mir skyes na yang mig gnyis 'di 'dra bar gyur to// des der smon lam btab ste/ kye ma dge ba'i rtsa ba 'dis na bdag ci nas phyug cing nor mang la longs spyod che ba'i rigasu skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum byed par gyur cig ces byas pa'i las de'i rnam par smin pas ni/ da ltar phyug cing nor mang la longs spyod che ba'i rigasu skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi

  32. 17a

    bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// // rdzogs byed ces bya ba ni/ gleng gzhi mnyan du yod pa/ na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des thabs zlar bab pa las chung ma blangs nas/ de dang lhan cig tu rtse zhing dga' la dga' dgur spyod do// de rtse zhing dga' la dga' gur spyod kyang khyim bdag de bu med de/ bu 'dod pa'i phyir des lha rnams yang gsol ba btab ste/ lha gu lang dang / chu lha dang / ku be ra dang / brgya byin dang / tshangs pa la sogs pa dang / kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams yang gsol ba 'debs te/ 'jig rten na yang gsol ba btab pa'i rgyus bu dang bu mo skye bar 'gyur ro zhes grag mod kyi/ de yang de ltar ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rig so/ / ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang /

  33. 17b

    ma dus la bab cing zla mtshan dang ldan pa dang / dri za 'ongs pa ste/ dri za'i sems kyang rjes su chags pa dang ldan pa 'am/ khong khro ba dang ldan pa rnam pa gnyis las gang yang rung ba skyes pa'o// de nas de yang gsol ba 'debs pa lhur byed la/ sems can chen po che bar grags pa/ srid pa tha ma pa btsal bar bya ba rnyed pa/ thar pa'i skal ba can du gyur pa/ tshogs bsags pa/ mya ngan las 'das pa la nang du bltas pa/ 'khor ba las phyi rol tu bltas pa/ srid par 'gro ba'i skye gnas rnams mi 'dod pa/ lus kyi tha ma 'dzin pa zhig kyang de'i chung ma'i mngal du skyes so// bud med mkhas pa'i rang bzhin can kha cig la ni thun mong ma yin pa'i chos lnga yod do/ / de lnga gang zhe na/ skyes pa chags par yang shes la/ ma chags par yang shes pa dang / dus kyang shes la/ zla mtshan yang she ba dang / bu chags pa shes pa dang / gang las bu mo chags pa shes pa dang / khye'u yang shes la/ bu mo yang shes pa ste/ gal te khye'u yin na ni/ lto g.yas log su rten cing gnas so// gal te bu mo yin na ni/ lto g.yon log su rten cing gnas so// de nas gang gi tshe de la bu chags par gyur pa de'i tshe/ de dga' ches nas khyim thab la sbran pa/ jo bo bdag la sras chags te/ bdag gi rum g.yas log su rten cing gan pa las na/ khye'ur 'gyur bar nges kyis dgyes pa bskyed du gsol zhes byas nas/ de yang dga' ches te ro stod ni bteg/ lag pa g.yas pa ni brkyang nas/ bdag gis yun ring po nas smon smon pa'i bu ngo

  34. 18a

    mthong bar 'ong ngo / / bdag gi bu rung bar gyur cig/ mi rung bar ma gyur cig/ bdag gi bya ba dag byed par shog cig/ gsos na gsos pa'i lan phyis gso bar shog cig/ nor skal la spyod par shog cig/ bdag gi rigs brgyud yun ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rung ste/ sbyin pa dag byin la bsod nams dag byas nas/ de gnyis gang nas gang du skyes shing 'gro ba der 'di song zhig ces yon sngo bar shog cig ces dga' ba'i tshig brjod do// des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang sbyar ba ma yin pa rnams dang / ha cang lan tshwa che ba ma yin pa rnams dang / ha cang dang ra ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / skyur ba dang // lan tshwa dang / dngar ba dang / tsha ba dang / bska ba med pa'i zas rnams kyis bsten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du/ lus khri'i steng nas khri'i steng dang / khri'u'i steng nas khri'u'i steng du rgyu zhing / 'og gi sa gzhi la mi 'bab pa dang / des yid du mi 'ong bI sgra skad ci yang mi thos par byas so// sangs rgyas bcom ldan 'das bgrod

  35. 18b

    pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsub la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan

  36. 19a

    pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ sangs rgyas dus las yol ba med// sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du/ nyan thos chen po rnams kyang nyin dus gsum ste/ nyin mtshan dus drug tu nyan thos kyi mig gis 'jig rten la lta bar byed de/ tshe dang ldan pa ma 'gags pa nyan thos kyi mig gis 'jig rten la bltas na/ srid pa tha ma pa'i sems can zhig gis khyim bdag de'i khyim du nying mtshams sbyar bar mthong ngo // mthong nas kyang bsams pa/ sems can de sus 'dul bar 'gyur/ ci sangs rgyas kyis 'dul bar 'gyur ram/ 'on te nyan thos kyis 'dul bar 'gyur zhig gu snyam pa dang / des bdag nyid kyis 'dul bar 'gyur ba mthong ngo // mthong nas kyang khyim der song nas/ khyim bdag de la dus du su chos ston te/ des khyim bdag de dad pa phun sum tshogs pa la gnas par byas so// skyabs su 'gro ba dang / bslab pa'i gzhi rnams la yang gnas par byas so/ sbyin pa dang sbyin pa'i bgo bsha' la yang dag par btsud de/ des ring po ma lon par khyim de slong ba rnams kyi chu dong dang 'dra bar gyur par byas so// de nas phyi zhig na tshe dang ldan pa ma 'gags pas pha ma de gnyis

  37. 19b

    brtan par bya ba'i phyir/ zla med pa dang g.yog med par gcig pu khyim der song ba dang / khyim bdag des tshe dang ldan pa ma 'gags pa zla med pa dang g.yog med par gcig pu 'ong ba mthong ngo // mthong nas kyang 'phags pa khyod ci'i slad du zla ma mchis pa dang zham ring ma mchis par gcig pur gshegs/ 'phags pa'i nam ring bgyid pa 'ga' yang ma mchis sam zhes dris so// tshe dang ldan pa ma 'gags pas smras pa/ khyed cag lta bu 'ba' zhig gis byin pa ma gtogs pa'i bdag cag la gud na g.yog gi 'byung khung ga la yod/ khyim bdag gis smras pa/ btsun pa ma 'gags pa bdag gi mchis brang la bu chags pa mchis kyis/ de las gal te khye'u zhig btsas par gyur na/ de dag gis 'phags pa'i zham ring du dbul lo// tshe dang ldan pa ma 'gags pas smras pa/ khong dge ba rnams ni dam bcas pa la brtan pa yin no/ / de skad ces smras nas tshe dang ldan pa ma 'gags pa song ngo // khyim bdag de'i chung ma la yang zla ba dgu 'am bcu lon pa dang / khye'u gzugs bzang zhing blta na sdug la mdzes pa/ mdog bzang ba/ gser gyi kha dog can/ mgo gdugs ltar 'dug pa/ lag pa ring ba/ dpral ba'i dbyes che ba/ sna mtho ga/ sna legs pa/ smin ma stug pa zhig btsas so// de nas de'i tshe btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ bdag gi bu nam btsas par 'gyur zhig gu snyam du yun ring po nas bdag gis smon smon pa dang / yun ring po nas bdag 'dod cing yid smon du bgyi bgyi ba de khye'u 'dri

  38. 20a

    / yongs su rdzogs par byas pas na/ khye'u 'di'i ming rdzogs byed ces gdags so zhes zer ro// de nas khye'u rdzogs byed pa ngan 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de sred med kyi bu'i lag na thogs pa'i rma bya'i mdongs dang / bsrung ba'i srad bu dang / 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skyed drag par gyur to// de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na tshe dang ldan pa ma 'gags pas khye'u de rab tu dbyung ba'i dus la bab par mthong nas/ snga dro sham thabs dang chos gos bgos te/ lhung bzed thogs nas/ mnyan du yong bar bsod snyoms la song ste/ mthar gyis bsod snyoms rgyu ba las/ khyim bdag de'i khyim ga la ba der song ste phyin nas stan bshams pa la 'dug go// 'dug nas kyang tshe dang ldan pa ma 'gags pas/ khyim bdag de la smras pa/ khyim

  39. 20b

    bdag khye'u 'di ni ma btsas pa'i snga rol nas khyod kyis bdag gi g.yog tu byin te/ khong dge ba rnams ni dam bcas pa la brtan pa yin na/ de kho na ltar dam bcas sam/ khyim bdag gis smras pa/ 'phag pa de kho na ltar dam bcas lags so zhes byas nas/ khye'u de lag pa gnyis kyis bzung ste/ tshe dang ldan pa ma 'gags pa la phul nas smras pa/ bu khyod ma btsas pa'i snga rol nas 'bags pa la ngas phul gyis/ song la 'phags pa'i zham ring gyis shig/ khye'us smras pa/ de ni bdag la phan btags pa lags so zhes byas nas/ khye'u de tshe dang ldan pa ma 'gags pa'i phyi bzhin 'brangs te/ khye'u de tshe dang ldan pa ma 'gags pas gtsug lag khang du khrid nas rab tu phyung ste/ bsnyen par rdzogs par byas nas de la lung yang phog go// de nas de srod dang tho rangs mi nyal bar brtson pa lhur byed pa la gnas kyang / khyad par cung zad kyang ma thob nas/ de phyi zhig na nad kyis thebs nas/ de'i pha ma gnyis kyis bu nad kyis thebs so zhes thos nas/ thos ma thag tu de'i pha ma gnyis kyis sman pa khrid de yo byad thams cad khyer nas gtsug lag khang du song ste/ yo byad thams cad kyis bsnyen bkur byas kyang sos par byed ma nus nas/ de gnyis kyis bsams pa/ bdag cag gnyis gtsug lag khang du 'dug na ni khyim gyi bya ba mang po dag shor bar 'gyur na/ ma la bu 'di khyim / du khrid la de nyid du nad g.yog bya'o snyam du bsams nas/ tshe dang ldan pa ma 'gags pa'i rkang pa la phyag 'tshal te smras pa/ 'phag pa mkhyen par mdzad du gsol// bdag cag gnyis 'di na mchis na ni khyim gyi bgyib

  40. 21a

    mang po dag shor bar 'gyur na/ bdag cag gnyis kyis bu 'di khyim du khrid de nad g.yog bgyi bar 'tshal na/ gnang bar mdzad du gsol zhes byas so// de nas tshe dang ldan pa ma 'gags pas bsams pa dge slong 'dis khyim de nyid du dgra bcom pa nyid mngon sum du byed par 'gyur la/ pha ma gnyis dang khyim mi rnams bden pa rnams la 'god par 'gyur ro snyam du rig nas/ tshe dang ldan pa ma 'gags pas smras pab khyed gnyis ji ltar dga' ba bzhin du gyis shig/ de nas de skad thos pa'i mod la khyim bdag des/ dge slong de dag gi khyim du khrid de sman pa'i lung bzhin du yo byad thams cad kyis nad g.yog byas so// / dge slong des kyang khyim de nyid na 'dug bzhin du nad kyis skyo bar gyur nas/ brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa thob nas/ pha ma gnyis dang khyim mi rnams kyis bsam pa dang / bag la nyal dang / khams dang / rang bzhin rtogs nas/ de dang 'thun pa'i chos bstan te/ de thos nas khyim bdag de 'khor dang bcas pas stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des pa ma gnyis bden pa rnams la bkod nas/ bdag nyid kyi sngon gyi gnas rjes su dran par byed de/ bdag gang nas shi 'phos/ gang du skyes snyam du bsams nas/ des mi las shi 'phos te mi nyid du skyes

  41. 21b

    lathams cad du yang nad mang ba dang / tshe thung bar 'gyur bar mthong nas/ des bsams pa/ bdag so so'i skye bor gyur pas 'di lta bu'i sdug bsngal nyams su myong bar gyur la/ da ni bdag gis bya ba byas zin pas/ bdag la sdug bsngal 'di lta bu ci dgos kyis/ ma la bdag zhi ba'i dbyings la 'jug par bya'o snyam du bsams nas/ 'bar ba dang / lam mer 'dug pa dang / char 'bab pa dang / glog/ 'gyu ba'i cho 'phrul rnams bstan te/ phung po'i lhag ma med pa'i mya ngan las 'das pa'i dbyings su yongs su mya ngan las 'das so// de yongs su mya ngan las 'das nas/ pha ma gnyis kyis de khyogs ras sngon po dang / ser po dang / dmar po dang / dkar po rnams kyis brgyan pa'i steng du bzhag ste khyer bar byas na/ khyogs gdeg par ma nus nas/ de dag tshe dang ldan pa ma 'gags pa'i thad du song ste bsnyad de nas tshe dang ldan pa ma 'gags pas dran par byas te bsamA na/ de nyid kyis de lta bur 'gyur ba'i smon lam btab par rig nas/ bcom ldan 'das la gsol te/ bcom ldan 'das kyis bka' stsal pa/ dge slong dag chos gos dag gyon la/ dge slong de'i mchod pa'i las byed du 'dong ngo zhes bka' stsal nas/ bcom ldan 'das dge slong gi chog kyis zham ring byas te/ dge slong gi dge 'dun gyis mdun du bdar nas khyim bdag de'i khyim ga la ba der gshegs so/ / skye dgu'i bdag mo chen mo go'u ta mis kyang khyim bdag che ge mo zhig gi bu rab tu byung nas/ de yongs su mya ngan las 'das te/ bcom ldan

  42. 22a

    'das kyang de la mchod pa dang bkur sti mdzad par bzhed do zhes thos te/ de ltar rig nas des kyang de'i sngon gyi gnas rjes su dran par byas nas 'khor lnga brgya dang khyim bdag de'i khyim ga la ba der song ngo / / khyim bdag mgon med zas sbyin dang / btsun mo'i 'khor gyis bla drang srong sbyin dang / gna' mis kyang thos so// dge bsnyen ma sag dang / dge bsnyen ma legs skyes mas kyang khyim bdag che ge mo zhig gi bu rab tu byung nas de yongs su mya ngan las 'das te/ bcom ldan 'das kyang de'i mchod pa dang bkur sti mdzad par bzhed do zhes thos so/ / thos nas kyang de dag 'khor dang bcas pa der dong ste/ de dag gis bcom ldan 'das kyi zhabs la phyag 'tshal nas gsol pa/ dge slong 'di'i sku gdung gi mchod pa bdag cag bgyid kyis bcom ldan 'das 'o brgyal mi 'tshal lo/ / de nas bcom ldan 'das kyis khyim bdag mgon med zas sbyin la cang mi gsung bar gnang ngo // de nas khyim bdag mgon med zas sbyin dang / dge bsnyen gzhan dag gis dge slong de'i khyogs khyer nas/ dur khrod du chas te/ de'i phyi bzhin du bcom ldan 'das dang / dge slong gzhan dag dang / mchod pa dang / bkur sti byed pa'i dge bsnyen dang / dge bsnyen ma rnams kyang phyi bzhin du 'brang ste/ de dag gis dur khrod du khyer nas/ spos kyi shing sna tshogs bcer te me sbar nas/ me de 'o mas bsad de rus pa rnams bsdus nas/

  43. 22b

    bum pa'i nang du bcug ste sa phyogs de nyid du sku gdung gi mchod rten brtsigs nas/ mchod rten de la mchod pa chen po byas te/ chos mnyan pa'i phyir bcom ldan 'das kyi spyan sngar 'khod nas bcom ldan gyis 'khor bzhi po rnams la mi rtag pa dang ldan pa'i gtam bka' stsal nas/ gtsug lag khang du gshegs so// de nas dge slong dag gis/ bcom ldan 'das la zhus pa/ dge slong rdzogs byed kyis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ nad mang bar gyur lags/ bcom ldan 'das kyis bka' stsal pa/ dge slong dag rdzogs byed 'di nyid kyis sngon las byas shing bsags te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshegs shing dus la bab pa na// 'bras bu nyid du smin par 'gyur/ / dge slong dag sngor byung ba 'das pa'i dus na/ bskal pa bzang po 'ang nyid la skye dgu'i tshe lo bzhi khri thub pa na/ rgyal po'i pho brang bde ldan na/ rgyal

  44. 23a

    po bde ba'i mdun na 'don bram ze mes sbyin la bu gnyis yod pa las/ gcig gis rgan po dang / nad pa dang / shi ba mthong nas nags kyi nang du brten bcas te/ de der song nas byang chub kyi phyogs dang 'thun pa'i chos sum cu rtsa bdun dran par byas nas/ bla na med pa yang dag par rdzogs pa'i byang chub brnyes te/ chos kyi 'khor lo rnam pa bcu gnyis lan gsum du bskor nas sems can la phan pa mdzad de/ yang dag par rdzogs pa'i sangs rgyas 'khor ba 'jig ces bya bar gyur to// cig shos ni 'dod pa la zhugs te/ bag med pa dang / gzhan gyi chung ma la byi ba byed pa dang / srog gcod par byed par gyur te/ de ri dgas gshor du song nas/ sems can stong phrag du ma kha 'dog par byed do// der gang gi tshe yang dag par rdzogs pa'i sangs rgyas 'khor ba 'jig pho brang mdzes ldan du gshegs te/ yab sras gdan tshem pa de'i tshe/ mdzes ldan rten cing bzhugs te sems can la phan pa mdzad do// de nas des gcung de sdig pa'i de las bzlog nas skyabs su 'gro ba dang / bslab pa'i gzhi rnams la gnas par mdzad do// des kyang rnam pa thams cad yongs su rdzogs pa'i gtsug lag khang byas nas/ yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la phul te/ yo byad thams cad kyis bsnyen bkur byas nas/ 'chi kar smon lam

  45. 23b

    btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mngal longs spyod che ba'i rigs su skye bar gyur cig/ ston pa 'di lta bu mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe de'i dus na bram ze'i bur gyur pa gang yin pa de ni rdzogs byed 'di nyid yin te/ des der sems can stong phrag du ma la btag pa'i las de'i rnam par smin pas ni gang dang gang du skyes pa de dang der nad mang ba dang tshe thung bar gyur to/ / nges der rnam pa thams cad yongs su rdzogs pa'i gtsug lag khang byas nas/ sangs rgyas la sogs pa dge slong gi dge 'dun la phul te/ yo byad thams cad kyis bsnyen bkur byas nas/ 'chi kar smon lam btab pa/ bdag gang dang gang du skye ba de dang der phyug cing nor mngal longs spyod che ba'i rigs su skye bar gyur cig/ ston pa 'di lta bu mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig ces byas pa'i las de'i rnam par smin pas ni/ gang dang gang du skyes pa de dang der phyug cing nor mngal longs spyod che ba'i rigs su skyes la/ gzugs bzang zhing bltan

  46. 24a

    sdug la mdzes par gyur te/ dge slong dgang yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di sang mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas so// las ci bgyis na las de'i rnam par smin pas yongs su mya ngan 'das pa na/ 'khor bzhi po rnams mchod pa bgyis par 'gyur lags// bcom ldan 'das kyis bka' stsal pa/ smon lam btab pa'i dbang gis gyur to// 'dis gang du smon lam btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wAr NA si na khyim bdag cig gnas pa las/ phye zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas nas/

  47. 24b

    gang gi tshe de cher skyes pa de'i tshe/ des yang dag par rdzogs pa'i sangs rgyas 'od srungs kyi bstan pa la dad pa rnyed nas/ sa pha ma la gsol te yang dag par rdzogs pa'i sangs rgyas 'od srungs kyi gsung rab la rab tu byung nas/ brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid thob nas bsams pa/ bdag gis 'khor ba'i lus 'dis bya ba byas zin gyis/ ma la bdag zhi ba'i dbyings su 'jug par bya'o snyam du bsams nas/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan te/ phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ mkhan pos de'i pha ma la sbran te/ de'i pha ma gnyis dang mkhan pos sku gdung gi mchod pa chen po byas nas/ mkhan pos smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig/ bdag yongs su mya ngan

  48. 25a

    las 'das pa na yang bcom ldan 'das 'khor bzhi po dang bcas pa rnams kyis mchod pa'i las mdzad par shog cig ces byas so/ / dge slong dag ji snyam du sems/ de'i tshe dge slong du gyur pa gang yin pa de ni rdzogs byed 'di nyid yin te/ des dgra bcom pa de la mchod pa byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang // shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ yongs su mya ngan las 'das pa na yang 'khor bzhi po rnams kyis mchod pa'i las so// / bam po gnyis pa// // sgur bu gnyis zhes bya ba de la/ sgur bu dang po ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs

  49. 25b

    zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa rnams bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ / de nas phyi zhig na khye'u de nad kyis thebs nas/ de'i rgyab rlung gis sgur bur byas so// de nas de mthong ma thag tu pha ma gnyis shin tu sdug bsngal bar gyur nas/ de la sman pa thams cad dang / yo byad thams cad sogs te/ rim gro byas kyang sos par byed ma nus so// de nas phyi zhig na khyim bdag de'i blo skyes pa/ khye'u 'di sman pa thams cad kyis gso ma nus

  50. 26a

    kyis/ da ni yon gnas rnams la gsol ba btab na/ de dag ni rdzu 'phrul che zhing mthu che ba yin pas/ de dag gis ni bdag gi bu'i rgyab snga ma kho na bzhin du rangs par byed nus kyang srid do snyam du bsams nas/ des rdzogs byed la sogs pa ston pa drug spyan drangs te/ rang gi lag gis bza' ba dang / bca' ba gtsang ma bzang po mang pos tshim par byas nas/ rkang pa la phyag 'tshal te smras pa/ khyed ni 'di ltar 'das pa dang / ma 'ongs pa dang / da ltar byung ba ci yang mi mkhyen pa 'am/ mi rtogs pa mi mnga' ba lags na/ bdag gi bu 'di rlung gis rgyab sgur por bgyis pa de sos par mdzad du gsol zhes byas so// de dag gis kyang de la sngags dang sman mang du byas na 'on kyang sos par byed ma nus so// de nas khyim bdag de'i mdza' bo bshes pa'i grogs po/ sangs rgyas pa'i dge bsnyen cig yod pa des de la smras pa/ grogs po skyabs ma yin pa 'di dag la skyabs btsal te/ cibya/ sangs rgyas bcom ldan 'das la skyabs su song dang / khyod kyi legs pa thams cad mdzad par 'gyur ro// des smras pa/ de ci shes pa zhig/ dge bsnyen gyis smras pa de thams cad mkhyen pa/ rnam pa thams cad mkhyen pa yin no// de nas khyim bdag des thos ma thag tu dga' ba skyes so// dga' ba skyes nas/ bcom ldan 'das ga la ba der song ste phyin

  51. 26b

    nas/ bcom ldan 'das kyis zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de dang 'tsham pa'i chos bstan nas/ cang mi gsung bar bzhugs so// de nas bcom ldan 'das kyis gtam gyi mjug rdzogs nas/ khyim bdag de stan las langs te/ bla gos phrag pa gcig tu gzar nas/ bcom ldan 'das la 'di skad ces gsol to// bcom ldan 'das dge slong gi dge 'dun dang thabs cig tu sang bdag gi khyim du bshos gsol bar ci gnang zhes gsol to// de nas bcom ldan 'das kyis khyim bdag de la cang mi gsung bas gnang ngo / / de nas khyim bdag des bcom ldan 'das kyis cang mi gsung bas gnang bar rig nas/ bcom ldan 'das kyis gsung pa la mngon par bstod de rjes su yi rangs nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas des de nyid kyi mtshan mo bza' ba dang / bca' ba gtsang ma bzang po mang po sbyar nas/ nang par sngar langs te gdan bshams nas/ phyag chags kyi chur bkang ste/ bcom ldan 'das la 'phrin gyis gdugs tshed bskul ba/ btsun pa gdugs chod la bab stib shos lags na/ bcom ldan 'das kyis de'i dus la bab par dgongs te gshegs su gsol zhes bskul lo// de nas bcom ldan

  52. 27a

    'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ khyim bdag de'i bkad sag la ba der gshegs pa dang / khye'u des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshegs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni/ lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang khye'u de bcom ldan 'das la shin tu dga' ba skyes te/ de gus par bsgrim pa'i tshul gyis khri las lang+ga so/ / de khri las langs pa'i mod la rgyab skur ba de snga mkho bzhin du rangs par gyur to// de nas de lhag par yang bcom ldan 'das la dga' ba skyes so// dga' ba skyes nas bcom ldan

  53. 27b

    'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi zhabs la mchus gtugs nas 'di skad du/ bcom ldan 'das ni bdag ya dka' ba mdzad pa'o/ / bde bar gshegs pa ni bdag la dka' ba mdzad pa'o zhes gsol to// de nas bcom ldan 'das dge slong gi dge 'dun gyi gung la gdan bshams pa la bzhugs so// de nas khyim bdag des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang / bca' ba gtsang ma bzang po mang pos tshim par byas te ci bzhed pa bstabs so/ / rang gi lag nas bza' ba dang / bca' ba gtsang ma bzang po mang po rnam grangs du mas tshim par byas te ci bzhed pa bstabs nas/ bcom ldan 'das ba shos gsol lags te/ bsang sder ni gyur/ phyag ni bcabs par rig nas/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis khyim bdag de 'khor dang bcas pa'i bsam pa dang / bag la nyal dang / khams dang / rang bzhin thugs su chud nas/ de dang 'thun pa'i chos bstan te/ de thos nas khyim bdag de 'khor dang bcas pa dang / khye'u nges 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// de nas bcom ldan

  54. 28a

    'das kyis de dag bden pa rnams la bkod nas/ chos kyi gtam gyis yang dag par bstan/ yang dag par 'dzin du 'jug/ yang dag par gzengs bstod/ yang dag par dga' bar mdzad nas/ gdan las langs te gshegs so// de nas phyi zhig na khye'u de'i blo skyes pa/ bcom ldan 'das kyis bdag gi sdug bsngal dang yid mi bde ba rnam pa du ma ni bsal/ bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du ma ni bsal/ dge ba'i chos rnam pa du ma ni bsgrubs kyis/ bdag gis khyim na gnas pa btang la/ bcom ldan 'das kyi thang du tshangs par spyod pa spyod du 'gro'o snyam du bsams te/ pha ma la gsol nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ blo gos phrag pa gcig tu gzar nas/ bcom ldan 'das gal ba de logs su thal mo sbyar ba btud da/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas de la bcom ldan 'das kyis dge slong tshur shog/ tshangs par spyod cig ces bka' stsal nas

  55. 28b

    tshig de skad ces bka' stsal pa'i mod la skra dang kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ / 'dir smras pa/ de bzhin gshegs pas tshur zhes bka' stsal pas// de ni mgo grogs lus la snam sbyar gyon// sangs rgyas kyis ni dgongs pas go bgos nas/ / mod la dbang po rab tu zhi bar gnas// de nas bcom ldan 'das kyis de la lung phog nas/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa// nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag gis/ bcom ldan 'das la zhus pa/ btsun pa dge slong 'dis las ci bgyis na/ las de'i

  56. 29a

    rnam par smin pas phyug cing nor mngal longs spyod che ba'i rigs su skyes lags/ las ci bgyis na/ las de'i rnam par smin pas rgyab sgur bur gyur la/ bcom ldan 'das la brten te snga ma kho bzhin du rangs par gyur nas/ 'dis bcom ldan 'das mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag dge slong 'di nyid kyis las byas shing bsags te/ dag slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rANA/ sin khyim bdag gcig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / bu mtshe'u ma gnyis byung ste/ de gnyis kyi btsas ston rgyas par byas te/ rigs dang 'thun par maung btags nas/ 'o ma dang / zho dang / mar dang /

  57. 29b

    zhun mar dang / mar gyi snying khus bskyed bsrings te/ gang gi tshe de gnyis cher skyes pa de'i tshe/ de gnyis yang dag par rdzogs pa'i sangs rgyas 'od srungs kyi bstan pa la dad pa rnyed nas/ gnyis kyis pha ma la gsol te/ yang dag par rdzogs pa'i sangs rgyas 'od srungs kyi bstan pa la rab tu byung nas bsnyen par rdzogs te/ de gnyis la mkhan pos smras pa/ bu gnyis bcom ldan 'das kyi bstan pa 'di ni 'khor lo gnyis kyis gzung ba byed de/ bsam gtan gyi 'khor lo dang / kha ton byed pa'i 'khor lo 'di gnyis yin na/ khyed gnyis kyis gang bya/ de gnyis kyis smras pa/ thog mar re zhig kha ton la 'bad par bgyis la/ slad kyis bsam gtan bgyi'o// mkhan pos smras pa/ khyed gnyis ji ltar dga' ba bzhin du gyis shig ces byas nas/ des re zhig kha tonyon slob tu bcug go/ / de gnyis kyi nang na gcig ni rgod bag can zhig go// gcig ni brtan po zhig ste/ de ni gang gi tshe kha ton byas zin nas nyal bar byed de/ de'i tshe rgod bag can cig shos kyis de nyal ba'i steng du yang dang yang ljid kyis 'bebs par byed nas/ des de la btsun pa bdag la yang dang yang gnod pa ma byed cig ces byas kyang des de'i ngag ma mnyan no// de nas khros nas de nyid du snad par bya ba'i phyir drung du so phag gcig bsgreng ste bzhag go/ dge slong de yang de la gtse ba'i phyir yang 'ongs te de'i steng du ljid kyis phab nas/ de'i rgyab so phag gi steng du

  58. 30a

    bab ste/ rkeng pa chag nas/ de ga ni de las sdug bsngal chen po skyes so// de nas nu bo des kyang de'i lus kyi sdug bsngal mthong nas/ de yang sems kyi sdug bsngal chen/ po skyes te/ bdag gis mi dgos pa 'di lta bu byas pa nyes so snyam du 'gyod pa skyes nas/ des sman pa dang yo byad rnams sbyar te/ phu bo'i nid g.yog byas nas/ des ring po ma thogs par de'i / rgyab sos par byas so// de gang gi tshe sos par gyur pa de'i tshe shas cher skyo ba skyes te/ lus rul pa snying po med pa 'di ci dgos snyam nas/ des brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// nu bo des kyang des bya ba byas par rtogs nas/ de de la shin tu dga' ba skyes so// dga' ba skyes nas de la bkur sti dang ldan pas g.yog byas so/ / de bzhin du sangs rgyas dang / chos dang / dge 'dun la yang bkur sti byas nas/ tshe gcig tu tshangs par spyod pa spyad de/ 'chi kar smon lam btab pa/ bdag gis 'di ltar sangs rgyas dang / chos dang / dge 'dun la bkur sti byas nas/ tshe gcig tu tshangs par spyod pa spyad kyang yon tan gyi tshogs ci yang ma thob kyis/ de dge ba'i rtsa ba 'dis na/ bdag gang dang gang du skye ba de dang der phyug cing nor mang la longs spyod che ba'i rigs su skye bar gyur cig/ yang dag par rdzogs pa'i sangs rgyas 'od

  59. 30b

    srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ bdag gis sems can dag pa 'di lta bu la gnod pa byas pa'i las de'i skal pa can du bdag ma gyur cig/ ci ste bdag la las de'i 'bras bu rnam par smin par gyur na yang / bdag gi lus dang sems kyi gnod pa de bcom ldan 'das kyis bsal bar gyur cig/ ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rab tu byung bar gyur pa gang yin pa de ni dge slong 'di nyid yin te/ de khros nas phu bo'i rked pa bcag pa'i las de'i rnam par smin pas ni/ gang dang gang du skyes pa de dang der rked pa chag par gyur to// des der smon lam btab ste// ci ste bdag la las de'i 'bras bu rnam par smin par gyur na yang / bdag gi lus dang sems kyi gnod pa de bcom ldan 'das kyis bsal bar gyur cig/ ces byas pa des ni da ltar ngas 'di gnod pa gnyis ka las yongs su bskyabs so/ / des der smon lam btab ste/ bdag gang dang gang du skye ba de dang der phyug cing nor mang la longs spyod che ba'i rigs su skye

  60. 31a

    bar gyur cig/ yang dag par rdzogs pa'i sangs rgyas 'od srungs kyis bram ze'i khye'u tha ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa'i las de'i rnam par smin pas ni/ 'di gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bsnun pa la rab tu byung nas/ nyon mongs pa thams cad spangs te dgra bcom pa nyid mngon sum du byas so// skyur bu gcig ni/ gleng gzhi mnyan du yod pa na bzhugs te/ de'i tshe dge slong mtshon mo dga' mo dge slong ma'i gtsug lag khang rgyal po'i kun dga' ra ba zhes bya ba na 'dug pa las/ phyi zhig na de'i blo skyes pa/ nyan thos chen po gnas brtan ma/ gnas brtan ma rdzu 'phrul thob pa de dag ni/ rdzu 'phrul gyis 'di nas shar gyi lus 'phags kyi gling du yang song / byang gi sgra mi snyan dang / nub kyi

  61. 31b

    baglang spyod dang / sum cu rtsa gsum pa'i lha yul dang / gzhan yang ljongs 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba'i ljongs de dang de dag tu song nas/ kha zas gtsang ma bzang po mang po dag khyer nas 'ongs te za bar byed na/ bdag gis kyang rdzu 'phrul zhig thob na ni/ bdag kyang shar gyi lus 'phags kyi gling du yang song / byang gi sgra mi snyan dang / nub kyi ba glang sprod dang / sum cu rtsa gsum pa'i lha yul dang / gzhan yang ljongs 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba'i ljongs de dang de dag tu song la/ kha zas gtsang ma bzang po mang po blangs te bza' ba zhig ni/ ma la bdag gis kyang rdzu 'phrul bskyed par bya'o// snyam mo// des yang bsams pa/ bdag la rdzu 'phrul gyi man ngag ston nus pa su zhig yod/ gal te bdag dge slong ma rnams kyi thad du song na ni 'di ni dge slong ma rnams phrag dog can yin pas/ bdag la rdzu 'phrul gyi lam mi ston no// dge slong rnams kyang snyan slebs par dka' ste/ bdag cag gtsug lag khang na gnas pa rnams la gtam zer du yang mi btub na/ 'phrul gyi lam gyi man ngag ston pa lta ci smos kyis/ ma la bdag drug snga rnams kyi thad du song na ni de dag bdag gi gnyen yin pas rtag tu bdag gi don du 'gyur bar 'dod pa dang / phan pa

  62. 32a

    'dod pa yin la/ de dag gis ni bdag la rdzu 'phrul gyi lam gyi man ngag ston kyang nus na/ bdag gis ji ltar bya/ thog ma kho nar bdag gis de dag la zang zing gis btsams la/ phyis bdag gis 'di dag la de'i don gsol ba gdab bo snyam bsams nas/ des de dag spyan drangs te/ rang gi lag nas bza' ba dang / bca' ba gtsang ma bzang po mngabs tshim par byas nas/ rkang pa la mgo bos phyag 'tshal te smras pa/ 'phags pa dag mkhyen par mdzad du gsol/ bdag ni rdzu 'phrul bsgrub par 'tshal la/ khyed kyang bdag la rdzu 'phrul gyi lam ston par spyod kyis/ bdag la rdzu 'phrul gyi man ngag bstan du gsol/ khyed kyi mthus bdag gis rdzu 'phrul bskyed par 'tshal lo// drug sde rnams kyis/ de la smras pa/ chen mo dga' mo/ rig pa su la'ang sbyin mi bya// rig dang mnyam du 'chi bar bya// yang na rig pas rig pa brje// yang na sri zhu nor phyir sbyin// zhes bya ba khyod kyis mthos sam/ lha mod kyi/ 'on kyang khyod nged las rdzu 'phrul bsgrub par 'dod na/ sngar je kho bo cag zla ba gsum gyi bar du spyan drongs la/ re re la yang yo byad rnam pa drug drug phul cig ces byas so// de nas nges rkang pa la phyag 'tshal te smras pa/ bdag la rdzu 'phrul gyi lam gyi man ngag ston cig dang de bzhin du bgyi'o// drug sde rnams kyis sbas pa/ che zhe khrod kyis thog mar je las

  63. 32b

    yang bar gyis dang / phyes goms pa'i shugs kyis rdzu 'phrul dka' ba mang ngo // ngas smras pa/ bdag gis thabs ci zhig gis lus zon yang bgyi/ de dag gis smras pa/ re zhig kha zas/ nyung ngu zo zhig/ de nas dang po'i nyin par ni khri'u gcig gi steng du 'dzegs la mchongs shig/ de bzhin du phyi de nyin par khri'u nyis brtseg byos la de'i steng du 'dzegs nas/ de nas mchongs shig/ de bzhin du nyi ma gsum nas/ nyi ma bdun gyi bar du khre'u bdun/ gcig gi steng du gcig brtsegs la/ de'i steng du 'dzegs te de las mchongs shig/ de bzhin du khang thog nas kyang mchongs shig dang / de'i tshe goms pa'i shugs kyis lus zon yang za bar 'gyur ro// de'i 'og tu goms pa'i shugs kyis rdzu 'phrul 'grub par 'gyur ro// de nas de thos ma thag tu tshon mo dga' mos/ ji ltar de dag gis man ngag bstan pa de bzhin du byas nas zhag bdun pa'i nyin par des khre'u bdun brtsegs las mchongs nas rked pa chag go// de nas des drug sde rnams la bsnyad de/ 'phags pa dag bdag 'di kho na ltar gyur kyis ma mchis na da bdag gis ji ltar bkyi zhes byas so// drug sde rnams kyis/ de la smras pa/ bdag cag ci shes pa'i man ngag ni khyod la bstan zin te/ thabs 'dis na khyod kyi lus zon yang bar 'gyur la/ phyis rdzu 'phrul yang dka' ba med do// de phan chad ji ltar bya ba ni khyod nyid shes par

  64. 33a

    zangad ngo do/ / de nas de thos ma thag tu chen mo dga' mo khro ba'i kun nas dkris pa chen po skyes nas/ des gtsug lag khang du 'ongs pa de dag tshar bcad de/ zhe gcod pa'i tshig gis nus phyung nas gtsug lag khang nas bskrad do/ / skye bo phal po che la yang don de bsnyad nas kha byas te smod cing 'phyas so// de nas skabs de dge slong dag gis thos ras/ bcom ldan 'das la gsol te 'di skad ces smras so// btsun pa dge slong ma tshon mo dga' mo rdzu 'phrul gyi slad du smras shing nyams par gyur la/ de dgung zla gsum gyi bar du g.yar drangs pa dang / lhung bzed dang chos gos mang pos kyang bgod la/ des rdzu 'phrul yang ma thob pa la gzigs/ bcom ldan 'das kyis bka' stsal pa/ dge slong mtshon mo dga' mo ni drug sde rnams kyis da ltar 'ba' zhig brid par ma zad de/ ji ltar 'das pa'i dus na yang 'di dag nyid kyis brid de/ don de yang ma grub par nyon cig/ dge slong dag sngon byung baba'adas pa'i dus na/ grong khyer wA rA NA si na rgyal po tshangs pas byin rgyal po byed de/ rgyal po de'i pho brang na khang bzangs shig gsar du byed pa der/ shing mkhan mang po zhig las byed de/ de dag gis sdong po yon po gang yin pa de dag thig gis btab nas drang por spong bar byed pa dang / rgyal po de'i dkor ba bud med sgur mo zhig 'dug pa des/ shing mkhan de dag gis

  65. 33b

    sdong po yon po rnams thig gis btab nas drang por spong bar byed pa mthong ngo / / mthong nas kyang de ro n+do skyes pa/ shing mkhan 'di dag ni mkhas te/ 'ang ltar sdong po ma zang la rag na nus pa dag kyang drang por srong nus na/ bdag gi rgyab 'jam zhing mnyen pa lta smos kyang ci dgos te/ ci ste srong mi nus snyam bsams nas/ de dag gi thang du song ste smras pa/ khyed rnams kyis bdag gi rgyab skur ba bsrang bar nus sam/ de dag gis smras pa/ nged kyis nus ni nus mod kyi/ 'on kyang sngar je kho bo cag la rngan pa byin te/ zla ba gsum gyi bar du g.yar drongs la/ gos dang rgyan mang po dag kyang byin cig dang / de'i 'og tu kho bo cag gis khyod kyi rgyab drang por bsrung ngo // des smras pa/ khyod ji ltar dga' ba bzhin du bya'o zhes byas nas/ des de dag zla ba gsum gyi bar du bza' ba dang / bca' ba gtsang ma bzang po mang pos bkur nas/ tha ma'i nyin par gos dang rgyan dag kyang byin te smras pa/ bdag gis khyed la rngan pa stsal lags kyis/ ni khyed kyis bdag gi rgyab skur ba drang por srong zhig/ de dag gis smras pa/ che zhe bdag gis ni sdong po yon po rnams thig gis btab nas sta res bzhogs te drang por srong na/ gal te khyod kyis gnod pa de lta bu bzod nus na ni/ bdag cag gis khyod kyi rgyab thig gis btab ste/ sta res bzhogs la drang por bsrang ngo // des smras pa/ thabs des ni bdag 'chi bar 'gyur te

  66. 34a

    bdag 'tshe ba'i skabs kyang med do/ / shing mkhan rnams kyis smras pa/ kho bo cag gi shes pa ni de kho nar zad de/ de phan chad ji ltar bya ba ni khyod nyid shes par zad do// de nas de skyengs te re thag chad nas/ kha rog par 'dug ste su la yang cung zad kyang smra ma bod do// dge slong dag ji snyam du sems/ de'i tshe dkor bar gyur pa gang yin pa de na chen mo dga' mo 'di nyid yin no/ / de'i tshe shing mkhan du gyur pa de dag ni/ drug sde 'di dag nyid yin te/ de'i tshe yang 'di de dag gis brid nas don de ni ma grub bo// da ltar yang 'di de dag gis bring nas 'dis rdzu 'phrul yang ma grub pa yin no/ / 'char ka zhes bya ba ni/ gleng gni rgyal po'i khab na bzhugs te/ der gang gi tshe dang ldan pa bi Na Do la ba ra d+h+wa dzas/ nyon mongs pa thams cad spangs nas/ dgra bcom pa nyid mngon sum du byas pa de'i tshe nges bsams pa/ bcom ldan 'das kyis bdag gi sdug bsngal dang yid mi bde ba rnam pa du ma ni bsal/ bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du ma ni bsal/ dge ba'i chos rnam pa du ma ni bsgrubs na/ bdag gis bcom ldan 'das kyis bka' drin ji ltar bsal bar bya snyam mo/ / de nas des bsams pa/ sangs rgyas 'jig rten du 'byung ba gang yang rung ba de dag thams cad ni sems can la phan pa'i phyir 'byung bar zad kyi

  67. 34b

    ma la bdag gis kyang sems can la phan par bya gor ma chag snyam nas des bsams pa/ bdag gis gdul bar bya ba 'ga' lta yod dam snyam pa dang / des yul ko'u sham bi na gnas paba'i skye bo phal cher bdag gis 'dul bar 'gyur ba mthong nas/ ji srid dga' ba'i bar du rgyal po'i lab tu gnas nas/ des sham thabs dang chos bgos te/ lhung bzed thogs nas/ yul ko'u sham bi ga la ba der rgyu zhing song ste/ mthar gyis rgyu zhing song ba las/ yul ko'u sham bir phyin nas/ ko'u sham bi na khyim bdag gdangs las rig gi kun dga' ra bar gnas so/ / tshe dang ldan pa de yang bsod nams chen po dang ldan pa dang / mdun na 'don gyi bu las rab tu byung ba yin no zhes grags so// de nas ko'u sham bi na gnas pa'i skye bo mang pos 'phags pa pa Ni Do la ba ra dA tsa ljongs rgyu zhing yul ko'u sham bir 'ongs te/ ko'u sham bi na khyim bdag gangangs las rig gi kun dga' ra ba na 'dug go zhes thos so// thos nas kyang tshogs nas tshogs dang / sde tshan nas sde tshan du 'dus shing tshogs te/ ko'u sham bi nas byung nas tshe dang ldan pa pi Na Dol ba ra dA tsa ga la ba der song ste lhags nas/ tshe dang ldan pa piN Dol ba rang dza'i rkang pa la phyag 'tshal te chos mnyan pa'i phyir mdun du 'khod do/ / de nas tshe dang ldan pa pi Na Do la ba radwa tsas de dag gi bsams pa dang / bag la nyal dang / khams dang /

  68. 35a

    rang bzhin rtogs nas/ de dang 'thun pa'i chos bstan te/ ko'u sham bi na gnas pa'i skye bo'i tshogs 'dus pa rnams kyis stan de nyid la 'khod bzhin du kha cig gis ni rdob gyur pa bskyed do/ / kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// cig gis ni rab tu byung nas dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyis 'khor los sgyur/ bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do/ / de dag gis bden pa mthong nas stan las langs te/ bla gos phrag pa gcig tu gzar nas/ tshe dang ldan pa pi Ni Do la ba ra d+ha tsag la bde logs su thal

  69. 35b

    mo sbyar ba btud de/ tshe dang ldan pa pi Ne Do la ba ra da tsa la 'di skad ces smras so// 'phags pa las brten te bdag cag sems can dmyal ba dang / dud 'gro dang / yi dgas rnams las bton nas/ lha dang mi rnams kyi nang du gom pa 'dor du bcug ste/ khrag dang mchi ma'i rgya mtsho ni bskams/ rus pa'i ri la ni bsgral/ thog ma med pa nas goms pa'i nyon mongs pa de dag ni bor te bsal lo/ / 'phags pa bdag cag ji srid 'tsho'i bar du bdag cag las zhal zas dang / na bza' dang / gzims cha dang / gdan dang / snyun gsos dang / sman zong rnams bzhes par ci gnang zhes byas so/ / tshe dang ldan pa pi ni Do la ba ra dA tsa sa smras pa/ grogs po ngag gzhan dag la phan gdags dgos kyis thong zhig/ de nas ko'u sham bi ni gnas pa'i skye bo'i tshigs rnams tshe dang ldan pa pa Ni Do la pa ra dA tsas smras pa la mngon par bstod de rjes su yi rang nas/ tshe dang ldan pa pa Ni Do la ba ra dA tsa'i rkang pa la mgo bos phyag 'tshal te dong ngo // de nas bden pa mthong ba de dag dus dus su tshe dang ldan pa pi Na Do la ba ra dwa tsa'i thad du 'dong zhing chos nyan no// de nas phyi zhig na ko'u sham bi na gnas pa'i tshogs nas tshogs dang / 'dus pa nas 'dus pa'i skye bo'i tshogs rnams 'dus shing tshogs te 'dong bar byed la/ bang sa'i rgyal po 'char ka yang dpung gi tshogs yan lag bzhi pa go bskon nas ri dgas gshor

  70. 36a

    du dong ba dang / bad sa'i rgyal po 'char kas ko'u sham bi na gnas pa'i skye bo'i tshigs rnams khyim bdag gdangs las rig gi kun dga' ra bar 'dong bar mthong ngo // mtho nas kyang blon po rnams la dris pa/ yul mi 'di dag gar 'dong / blon po rnams kyis gsol pa/ lha mdun na 'don gyi bu pa Ni Do la ba ra d+h+wa dza zhes bgyi ba zhig mchis pa des khyim dang cod pan ma mchis pa'i rgyal srid bor nas/ rab tu byung ste de ljongs rgyu zhing mchis pa las/ ko'u sham bir mchis pa las/ ko'u sham bi na khyim bdag gdangs las rig gi kun dga' rab na gnas te/ 'di dag ni de la blta ba'i slad du mchi ba lags so// de nas de thos ma thag tu rgyal pos smras pa/ de ni nga'i yang yun ring po nas snying du sdug pa dang / yid du 'ong ba dang / mkhan po dang / dran par bya ba yin gyis/ nga yang de la blta ba dang bsnyen bkur bya ba'i phyir 'gro'o zhes byas nas/ khyim bdag gdangs las rig gi kun dga' ra ba ga la ba der song ba dang / gnas brtan des rgyal po bsu yang ma bsu/ langs kyang ma langs so// des mthong ma thag tu rgyal po khro ba'i kun nas dkris pa chen pos non no// khros nas gnas brtan la bsnyen bkur byas te song ngo / / de nas des/ blon po rnams la smras pa/ khyed kyis nga'i yul na 'dug pa'i mdun na 'don gyi bu rab tu byung ba pi Na Do la ba ra dwa tsa 'di la ltos dang /

  71. 36b

    khos nga mthong na bsu yang ma bsu/ langs kyang ma langs so zhes byas so// de nas blon po sdang ba rnams kyis smras pa/ lha 'di ltar mthong bzhin du ma bsu ba dang langs pa 'di ni 'tsham par bgyi ba ma lags so zhes byas nas/ de dag gis rgyal po de lhag par snying na bar byas te/ gzhi des rgyal po de lhag par yang mi dga' bar gyur nas/ de khros te dpung gi tshogs de dag dang ri dag sa gshor du song nas phyir log ste/ gtsug lag khang de nyid kyi 'dab tu song nas bsams pa/ nga dge slong de la blta ba'i phyir yang song la/ gal te de sang mthong nas bsu yang mi bsu/ ldang yang mi ldang bar gyur na ni de'i mgo bcad de dor ro snyam du bsams nas/ de khyim bdag gdangs las rig gi kun dga' ra bar yang song ngo // nas tshe dang ldan pa pi Na Do la ba ra dA tsas/ bang sa'i rgyal po 'char ka bdag la blta ba'i phyir yang 'ongs so zhes thos so// de nas thos ma thag tu rgyal po de ci'i phyir yang bdag la ltar 'ong snyam du bsams pa dang / des gal te dge slong 'di bdag la bsu bar yang mi byed/ ldang bar yang mo byed par gyur na 'di'i mgo 'ung por bcad de sa la dor ro snyam du sdang ba'i sems kyis 'ongs par nges mthong ste/ des rgyal po de'i bsam pa sems kyis shes nas ting nge 'dzin las langs te gom pa drug bor nas bsu ba dang / bsu ba de'i mod la rgyal po de'i

  72. 37a

    lus las 'od 'byung ba de med par gyur te sa yang gas so/ / de nas de mthong ma thag tu rgyal po de skrag nas/ dge slong 'di ni rdzu 'phrul che ba dang mthu che ba zhig ste/ bdag 'di la sdang ba'i sems kyis song ba las/ 'di'i mthus bdag gi 'od med par gyur la/ sa yang gas par gyur to snyam du ri ga nas/ tshe dang ldan pa pi Na Do la ba ra dA tsag la ba der song ste/ rkang pa la phyag 'tshal nas smras pa/ 'phags pa bdag byis pa/ rmongs pa/ mi gsal ba/ mi mkhas pa'i nongs pa bzod par gsol/ gnas brtan gyis smras pa/ rgyal po chen po ngas ni bzod mod kyi/ rang gi sems la bzod pa gsol cig ces byas so// rgyal pos smras pa/ btsun pa bdag rgyal srid las nyams pa 'am/ srog gi bar chad du/ mi 'gyur lags grang / gnas brtan gyis smras pa/ rgyal po chen po ma skrag cig/ ma skrag cig/ khyod rgyal srid las kyang nyams par mi 'gyur la/ srog gi bar chad du yang mi 'gyur ro/ / rgyal po chen po de lta mod kyi/ bdag gis khyod la gom pa drug bsu ba des na khyod zla ba drug gi bar du rgyal srid stor bar 'gyur te/ zla ba drug lon na phyir yang rgyal srid thob par 'gyur/ ro// rgyal po chen po gzhan yang bdag la sems dga' bar gyis shig dang / sems dga' bar byas ma thag des na khyod sa'i 'og tu nub par mi 'gyur la/ khyod kyi 'od kyi dkyil 'khor yang

  73. 37b

    slar 'byung bar 'gyur ro/ / de nas de thos ma thag tu rgyal pos gnas gtan la sems dga' ba bskyed de/ sems dga' bskyed pa'i mong la/ de'i 'od kyi dkyil 'khor yang slar byung la/ gas pa yang slar 'byor par gyur to// de nas rgyal po de gnas brtan la lhag par yang dga' bar gyur to// dga' bar gyur nas gnas brtan gyi rkang pa la mgo bos phyag 'tshal te/ gnas brtan gyi thad nas song ngo / / de nas phyi zhig na bad sa'i rgyal po 'char kas yang dpung gi tshogs yan lag bzhi pa go bskon te ri dgas gshor du song ba dang / de ri dgas kyis mig blangs te/ song nas/ dpung gi tshogs kyang logs shig tu song / rgyal po yang logs shig tu song ste/ dpung gi tshogs dang bral nas 'brog 'tshal te/ ba glang gi lhas shig tu song nas/ de der sus kyang ngo ma shes la/ des kyang su yang ngo mi shes te/ de myos nas zla ba drug gi bar du ba glang gi lhas de nyid na 'dug go// de nas de bu dang / blon po dang / zham ring 'khor rnams kyis kyang btsal ba las ma rnyed nas/ slar rgyal po'i pho brang 'khor du dong ste/ bdag cag gis ma rAd na ji ltar bya/ gar song zhig gu snyam nas kha rog ste 'khod do// de nas zla ba drug lon pa dang / rgyal po de gzhan gyis mthong nas ngo shes te/ lha khyod ga las gshegs te 'dir byon ces dris so// rgyal po de yang sems brtan nas nges pa glang rdzi de la ji ltar gyur

  74. 38a

    pa thams cad bsnyad do/ / ba glang rdzis smras pa/ lha thugs rton la spro ba chen po bskyed du gsol dang / bdag gis khyod nyid kyi pho brang du bskyal lo zhes smras nas/ ba glang rdzi des rgyal po de khrid de ko'u sham bi logs su chas so// blon po rigs pa'i mun 'dzin gyi bu zhes bya bas kyang zla ba drug lon pa dang / yid la dran te rgyal po de gar gshegs shig/ gu/ bdag cag gis ba tsal dgos so// gal te bdag gis gson por rnyed na ni de nyid rgyal po mdzad par zad do// de ma yin te nongs par gyur na ni/ sras rgyal srid kyi dbang phyug la dbang byed du gzhug go snyam du bsams nas/ dpung gi tshogs yan lag bzhi go bskon te/ grong dang / grong rdal dang / grong khyer dang / yul 'khor dang / rgyal po'i pho brang dag tu tshol du dong ba las/ blon po rigs pa'i mun 'dzin gyi bus/ bad sa'i rgyal po 'char ka thag ring po nas 'ong ba mthong ngo // mthong nas kyang dga' ches te/ bad sa'i rgyal po 'char ka ga la bder song nas srung gsol te/ lha gang du gshegs gshegs zhes dris so// de nas bad sa'i rgyal po 'char kas ji ltar gyur pa rgyas par bsnyad do// blon po rigs pa'i mun 'dzin gyi bus smras pa/ lha 'di ni 'phags pa pi Na Do la ba ra da tsas de skad du lung bstan pa thams cad de kho na bzhin du gyur pa lags so// de nas de thos ma thag tu/ rgyal po de gnas brtan la shin

  75. 38b

    tu dga' bar gyur nas des bsams pa/ re zhig bdag grong khyer du 'gro ba btang la/ 'phags pa pi Na Do la ba ra da tsa de nyid la bsnyen bkur bya'o snyam du bsams nas/ ko'u sham bir ma song bar/ khyim bdag gdangs las rig gi kun dga' ra ba ga la ba der song ste/ de ji srid du bzhon pas 'gro bar bya ba'i sa de srid du bzhon pas song nas/ bzhon pa las bab terkang pas kun dga' ra bar song nas/ tshe dang ldan pa pi Na Do la ba ra dA tsa ga la ba der song ste phyin nas/ tshe dang ldan pa pi Na Do la ba ra dA tsa'i rkang pa la phyag 'tshal te/ chos mnyan pa'i phyir mdun du 'dug go/ / gnas brtan gyis kyang de la de dang 'thun pa'o chos bstan to// de nas pad sa'i rgyal po 'char kas tshe dang ldan pa pi Na rol pa rad tsa'i gtam gyi mjug rdzogs par rig nas stan las langs te/ bla gos phrag pa gcig tu gzar nas/ tshe dang ldan pa pi Na Do la ba ra dwa tsag la ba de logs su thal mo sbyar ba bdud de smras pa/ 'phags pa dge slong gi dge 'dun dang bcas pa dgung bdun gyi bar du bdag gi der bshos gsol bar ci gnang zhes byas so/ / de nas tshe dang ldan pa pi Na Do la ba ra dA dzas/ bad sa'i rgyal po 'char ka la cang mi smra bar gnang ngo / / de nas bad sa'i rgyal po 'char kas tshe dang ldan pa pi Ni Do la ba rad tsas cang mi smra bar gnang bar riganas stan las langs te rkang pa la phyag 'tshal nas/ tshe dang ldan

  76. 39a

    pa pi Na Do la ba ra dA dza'i thad nas song ngo / / de nas des zhag bdun gyi bar du tshe dang ldan pa pi Na Do la ba ra da tsa 'khor dang bcas pa bza' ba dang / bca' ba gtsang ma bzang po mang pos tshim par byas nas/ tha ma'i nyin par re re la yang rwas zung re phul te/ chos mnyan pa'i phyir mdun du 'dug go/ tshe dang ldan pa piN Do la ba ra dA tsas kyang de dang 'thun pa'i chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas so// chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas stan las langs te song ngo // de nas phyi zhig na bcom ldan 'das rgyal po'i khab tu ji srid dgyes pa'i bar du bzhugs nas/ chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ ko'u sham bi ga la ba der rgyu zhing gshegs pa las/ mthar gyis ko'u sham bir byon te/ ko'u sha ma bi na khyim bdag gdangs las rig gi kun dga' ra ba na bzhugs so/ / de nas bad sa'i rgyal po 'char kas bcom ldan 'das pad+ma'i ljongs rgyu zhing gshegs te/ ko'u sham bir byon nas/

  77. 39b

    ko'u sham bi na khyim bdag gdang sa las rig gi kun dga' ra ba na bzhugs so zhes thos so// thos nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ bcom ldan 'das kyis bad sa'i rgyal po 'char ka chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// chos kyis gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas cang mi gsung bas bzhugs so// de nas pad sa'i rgyal po 'char kas bcom ldan 'das kyi gtam gyi mjug rdzogs par rig nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das dge slong gi dge 'dun dang bcas par dgung zla gsum gyi bar du bdag las na bza' dang / zhal zas dang / gzims cha dang / gdan dang / snyun gsos dang / sman zong rnams bzhes par ci ga nang zhes gsol to// de nas bcom ldan 'das kyis bad sa'i rgyal po 'char ka la cang mi gsung bas gnang ngo // /

  78. 40a

    de nas bad sa'i rgyal po 'char kas bcom ldan 'das kyis cang mi gsung bas gnang bar rig nas/ khyim bdag gdangs las rig gi kun dga' ra bar yo byad thams cad sbyar nas/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par bcom ldan 'das lan bza' 'bum rib phul lo/ / dge slong gzhan dag la yang re re la ras zung re phul nas song ngo // de yang dus dus su bcom ldan 'das kyi thad du song nas chos nyan par byed do// bcom ldan 'das las chos mnyan nas lhag par yang tshe dang ldan pa pi Ni Do la ba ra dwa dza 'ba' zhig gi thad du bsnyen bkur bya ba'i phyir 'gro bar byed do/ / de nas dge slong rnams kyis de mthong nas/ de dag the tsom skyes te/ rgyal po 'di ci'i phyir tshe dang ldan pa piN Do la ba ra dA tsa 'ba' zhig la lhag par bku ra sti byed cig gu snyam nas de dag gis gtam de rgyas par thos so// thos nas kyang bcom ldan 'das la gsol te/ 'di skad ces smras so// btsun pa bad sa'i rgyal po 'char kas rab tu sdang ba'i sems kyis tshe dang ldan pa pi Na Do la ba ra dwa tsa'i thad du mchis/ nas/ gzhi des na de'i 'od ma mchis par gyur te/ dog sa la'ang de'u nub pa las/ gang gi tshe des slar sems dga' ba bskyed pa de'i tshe 'od de yang slar byung bar gyur la/ dog

  79. 40b

    sogs pa yang slar 'byor par gyur pa la gzigs lags/ bcom ldan 'das kyis bka' stsal pa/ dge slong dag de ni da ltar 'ba' zhig ma yin te/ 'di ltar 'das pa'i dus na yang grong khyer 'bras 'phel zhes bya ba na rgyal po lhun po zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi ma bos gang ba dang / rtsod pa dang / bzab bzhi pa dang / 'khrug pa dang / nang lathag dang / chom rkun dang / mu ga dang / nang rnams med padud/ 'bras sAl dang / ram shing dang / ba glang dang / ma he dang ldan par 'dug ste/ bu gcig pa sdug pa la bya ba bzhin du chos bzhin du rgyal srid byed do// de nas rgyal po de'i mdun na 'don des thabs zla bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyis re zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas nas/ de'i bcos ston rgyas par byas te/ rigs dang 'thun par ming btags te/ 'o ma dang zho dang / mar dang / zhun mar dang / mar gyi snying khus pa skyed bsrings te/ de gang gi tshe cher skyes pa de'i tshe yi ge dang / bram ze'i sbed lam dang / spod pa dang / oM zhes

  80. 41a

    bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha toH/ slob tu gzhug pa'i thabs bslabs nas las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// phyi zhig na des bdag gi pha chos dang chos ma yin pas rgyal srid 'dzin pa mthong ngo / / mthong nas kyang des bsams pa/ pha shi ba'i 'og tu bdag gis cod pan med pa'i rgyal srid 'dzin par 'gyur gyis/ bdag gis khyim na gnas pa btang la/ nags 'dab tu gnas bca' bar bya'o snyam du bsams nas/ pha ma la gsol te nags 'dab tu gnas bcas so// de der song nas bsam gtan bzhi dang / mngon par shes pa lnga bskyed do// de nas phyi zhig na de rgyal po'i pho brang 'bras 'phel du phyin nas/ de'i phas bu de'i phyir bdag gi skyed mes tshal du yal ga dang lo ma'i spyil po phub nas/ yo byad thams cad kyis bsnyen bkur byed de/ de la dus dus su skye bo phal po che dong zhing chos nyan par byed do// de na phyi zhig na rgyal po lhun po dpung gi tshogs yan lag bzhi go bskon

  81. 41b

    nas ri dgas gshor du song ba dang / rgyal pos skye bo phal po che mdun na 'don gyi skyed mos tshal du dong ba mthong ngo // mthong nas skye bo'i tshogs 'di dag gar 'dong zhes dris so// blon tha rnams kyis gsol pa/ lha mdun na 'don gyi bu de rab tu byung ste/ de ni rdzu 'phrul che zhing mthu che bar yang gyur te/ 'di dag ni de la blta ba'i slad du mchi ba lags so// de nas rgyal pos bsams pa/ de ni nga'i yang snying du sdug pa dang / yid du 'ong ba dang / mkhan po dang / dran par bya ba yin gyis/ nga yang de blta ba'i phyir 'gro'o snyam du bsams nas/ rgyal po de drang srong ga la ba der song ba dang / drang srong des mthong nas bsu yang ma bsu/ langs kyang ma langs so// de nas de mthong ma thag tu rgyal po de khro ba chen pos non nas/ 'di nga'i yul na 'dug pa'i mdun na 'don gyi bu yin la/ nga 'ongs na bsu yang ma bsu langs kyang ma langs kyis/ 'di'i mgo bcad de dor ro snyam du bsams pa dang / rgyal po de'i lus las 'od 'byung ba de/ nges sems bskyed ma thag tu 'od med par gyur to// sa yang gas te der nub tu byed pa dang / de mthong ma thag tu rgyal po de 'jigs pa chen po skyes te/ drang srong de la 'di ni rdzu 'phrul che zhing mthu che ba zhig yin no snyam nas dga' ba chen po skyes so/ / de nas des de'i rkang pa la phyag 'tshal nas bzod pa gsol to// de nas drang srong gis smras pa/ rgyal po chen pongs

  82. 42a

    ni bzod mod kyi/ 'on kyang rang gi sems la bzod pa gsol cig ces byas so// de nas rgyal po skrag nas drang srong de la smras pa/ drang srong bdag rgyal srid las nyams pa'am/ srog gi bar chad du mi 'gyur lags grang / drang srong gis smras pa/ rgyal po chen po ma skag cig/ khyod rgyal srid las nyams par mi 'gyur la/ srog go bar chad du yang mi 'gyur ro/ / de lta mod kyi khyod kyis bdag la sems sdang bar byas pa des na/ khyod kyi 'od de med par gyur la/ sa yang gas par gyur to// rgyal po chen po khyod kyis slar bdag la dga' ba'i sems bskyed na ni khyod kyi 'od de slar snga ma kho bzhin du 'byung bar 'gyur ro/ / de nas de thos ma thag tu rgyal po des drang srong de la sems dga' ba bskyed nas/ de'i 'od de snga ma kho bzhin du byung bar gyur la/ sa yang slar 'byor par gyur to// dge slong dag ji snyam du sems/ de'i tshe drang srong du gyur pa gang yin pa de ni paNi Dol bar d+h+wa dza 'di nyid yin no/ / rgyal po lhun por gyur pa de ni bad sa'i rgyal po 'char ka 'di nyid yin te/ de'i tshe yang 'dis de la sems sdang bar byas pas/ de'i 'od kyi dkyil 'khor med par gyur la/ sa yang gas par gyur to// gang gi tshe sems dga' ba bskyed pa de'i tshe ni/ 'od kyi dkyil 'khor de yang byung bar gyur la/ sogs pa yang phyir 'byor par gyur to//

  83. 42b

    da ltar yang 'dis de la sems sdang bar byas pas/ de'i 'od kyang med par gyur la/ sa yang gas so// gang gi tshe 'dis de la sems dga' ba bskyed pa de'i tshe ni 'di'i 'od kyi dkyil 'khor yang byung bar gyur la/ sogs pa yang phyir 'byor par gyur to// rgyal mtshan zhes bya ba ni/ gleng gzhi mnyan du yod pa na bzhugs te/ de'i tshe grong khyer wA rA Na si na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang ma he dang ldan par 'dug ste/ bu gcig pa sdug pa la bya ba bzhin du rgyal srid byed do// de nas phyi zhig na rgyal po de'i btsun mo la bu chags nas/ de zla ba dgu'am bcu lon pa dang / bu mo gzugs bzang zhig balha na sdug pa mdzes pa zhig btsas nas/ de'i btsas ston rgyas par byas te/ bu mo 'di'i mi ji skad gdags zhes ming 'dogs par byed de/ ka shi'i rgyal po'i bu mo yang yin la/ gzugs kyang mdzes bas na/ bu mo 'di'i ming ka shi mdzes ldan ma zhes gdags so zhes zer ro// de nas bu mo ka shi mdzes ldan ma pa na 'tshe ba'i ma ma gnyis dang / nu ma bsnun pa'i ma ma gnyis dang / dri ma 'bru

  84. 43a

    ba'i ma ma gnyis dang / rtse ba'i ma ma gnyis te/ ma ma brgyud la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying lus bskyed bsrings te/ mtsho'i nang gi pad+ma bzhin du skye drag par gyur to// de gang gi tshe chen mor gyur te/ sgyu rtsal shes par gyur pa de'i tshe/ des bcom ldan 'das kyi bstan pa la dad pa rnyed nas/ des pha ma gnyis la gsol te/ sangs rgyas dang / chos dang / dge 'dun la bkur sti byas so// de gang gi tshe chen mor gyur pa de'i tshe ka shi'i rgyal po'i bu mo gzugs bzang zhing blta na sdug la mdzes pa zhig yod de/ 'jig rten na bu mo de dang 'dra ba gzhan med do zhes kun tu grags pas rgyas par gyur to// de nas nga thos ma thag tu nyi 'og gi rgyal po drug 'dod chags kyi mdas pheg nas de dag thams cad kyis ka shi'i rgyal po tshangs pas byin la pho nya btang ste/ de dag re re nas bu mo de nga la byin cig ces spring ngo // de nas de thos ma thag tu rgyal po tshangs pas byin sems khong du chud cing 'dug ste/ gal te bu mo 'di gcig la byin na ni gzhan rnams bdag gi dgrar 'gyur na/ su la sbyin par bya snyam bsams nas/ su la yang sbyin mi 'dod par gyur to/ / de nas phyi zhig na nyi 'og gi rgyal po drug gis bsams pa/ des bdag cag la dad pas bu mo byin par mi 'gyur gyis der song la mthus dbrog go snyam du bsams te/ thams cad

  85. 43b

    kyis nyi ma gcig tu dpung gi tshegs yan lag bzhi go bskon nas/ grong khyer wA rA NA sir dong ste kho ra khor yug nas bskor ro// de nas rgyal po tshangs pas byin gyis bdag nyid pha rol gyi dmag tshogs kyis gtses par rig nas/ khang bzangs kyi steng du song ste lag pa la skom tshugs bcas nas/ da bdag gis ji ltar bya snyam ste/ sems khong du chud cing 'dug go/ nas ka shi mdzes ldan mas rgyal po khang bzangs kyi steng du song nas/ lag pa la skom tshug bcas te 'dug pa mthong ngo // mthong nas kyang pha la 'di skad ces smras so// yab ci'i slad du khang bzangs kyi steng du gshegs nas phyag la skom tshugs bcas te/ sems khong du chud cing bzhugs/ rgyal pos smras pa/ bu mo khyod nyid kyi phyir ro// bu mos smras pa/ yab bdag byang bzhin ngan lags sam/ ci na bdag gi slad dul ba sems khong du chud cing bzhugs/ rgyal pos smras pa/ bu mo khyod yan lag thams cad mdzes pa dang ldan pas de'i phyir nga sems khongs su chud cing 'dug ste/ khyod nyid kyi phyir nyi 'og gi rgyal po drug 'khrugs nas/ dpung gi tshogs yan lag bzhi go bskon te lhags nas/ wA rA NA si bskor te 'khod do/ / ka shi mdzes ldan mas smras pa/ yab bu mo dag la rang nyid kyis khyim thab 'dam pa ma mchis lags sam/ rgyal pos smras pa/ bu mo 'dam pa yod do// bu mos

  86. 44a

    smras pa/ yab bdag nyid kyis khyim thab 'dam par gnang bar mdzad du gsol/ rgyal pos smras pa/ bu mo khyod nyi 'og gi rgyal po rnams lang bzlug gi bar du sdod cig ces byas nas/ rgyal po tshangs pas byin gyis nyi 'og gi rgyal po de dag thams cad la bzlugs te/ ka shi mdzes ldan ma ni rang nyid khyim thab 'dam par chad kyis/ gal te khyed 'dod na 'dam du gzhug go/ / de nas der so so nas bsams pa/ de ni nga lta bu btang nas gzhan 'dam par mi 'gyur ro snyam nas smras pa/ ma nongs kyis 'dam du stso la cig ces smras so// nas pho nya de phyir song nas rgyal po tshangs pas byin la bsnyad de/ de thos ma thag tu rgyal po tshangs pas byin shin tu dga' bar gyur to// rgyal po drug po de dag gis kyang gcig la gcig bzlazlu ga sa na sa yid ches pa'i mna' mtho bcad do/ / mjal du ma byas nas sa phyog sa go skabs yangs pa zhig tu khang pa brtsegs pa tshar du sbrengs te/ rang rang gi g.yog 'khor dang / rgyan thams cad kyis klubs pa'i seng ge'i khri dag la 'dug cing 'khod do// ka shi mdzes ldan ma yang bzhon pa bzang po la zhon te/ bu mo dag gis g.yog byas nas/ chos gos tshon can gyi rgyal mtshan bsgrengs te/ wA rA NA si nas byung nas/ de dag thams cad kyi dbus nas thal te drang srong smra ba logs su kha bltas nas/ bcom ldan 'das logs su me tog gi

  87. 44b

    chun po bor te smras pa/ bdag gis sangs rgyas bcom ldan 'das de la skyabs su mchi'o zhes byas nas/ shing rta de drang srong smra ba logs su kha bsgyur ro// de nas rgyal po de dag dang skye bo phal po che de dag ya mtshan du gyur te/ 'di 'di ltar byad gzugs mdzes la 'dod pa rnams la yang mi lta ba ni ngo mtshar ro snyam mo// de nas de dag de nyid kyi phyi bzhin du 'brangs te/ re zhig 'dong la 'di ci byed pa blta'o zhes 'dzer to// de nas ka shi mdzes ldan ma drang srong smra ba ga la ba der song ste/ de ji srid du banon pa sa 'gro bar bya ba'i sa de srid du bzhon pas song nas/ bzhon pa la sa babs te rkang pas kun dga' ra bar song nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thog tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis skye dgu'i bdag mo chen mo go'u ta mi 'gug pa btang ste/ de la gtad do// skye dgu'i bdag mo chen mo go'u ta mis kyang de rab tu byung ste/

  88. 45a

    bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// skye bo phal po che de dag kyang ya mtshan du gyur nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis de dag la de dang 'thun pa'i chos bstan pa mdzad do// de dag kyang bcom ldan 'das las chos mnyan nas rang rang gi yul du dong ngo / / de nas dge slong dag gis bcom ldan 'das la zhus pa/ bcom ldan 'das ka shi mdzes ldan mas las

  89. 45b

    ci bgyis na las de'i rnam par smin pas/ phyug cing nor mngal longs spyod che ba'i rgyal po'i rigs su skyes te/ gzugs bzang zhing blta na sdug la mdzes pa dang / byad gzugs dpe ma mchis par gyur la/ de nas bcom ldan 'das mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis smon lam gang du btab la gas/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang ma rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA si na khyim bdag phyug cing nor mang la longs spyod che ba/ yongs su 'dzin pa yangs shing rgya ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur

  90. 46a

    spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / bu mo gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to/ / de nas de gang gi tshe chen mor gyur pa de'i tshe/ yang dag par rdzogs pa'i sangs rgyas 'od srungs kyi bstan pa la dad pa rnyed nas/ des pa ma la gsol to// rnam pa thams cad yongs su rdzogs pa'i gtsug lag khang brtsigs nas/ sangs rgyas 'od srungs la sogs pa dge slong gi dge 'dun la phul te/ dge slong rnams la yo byad thams cad kyis bsnyen bkur byas nas/ pha ma gnyis la gsol te/ yang dag par rdzogs pa'i sangs rgyas 'od srungs kyi bstan pa la rab tu byung ngo // de rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra bar gyur to/ / de nas des bsams pa/ thob par bya ba gang yin pa de ni bdag gis byas zin gyis/ ma la da ni bdag gis bsam gtan la 'bad par bya'o snyam du bsams nas/ yid la byed pa'i lung mnos te/ srod dang tho rangs mi nyal bar brtson pa lhur byed pa la gnas pas byams pa'i sems kyi ting nge 'dzin bskyed nas/ des der tshe

  91. 46b

    gcig tu tshangs par spyod pa spyad de de TI kar smon lam btab pa/ kye ma bdag gis yang dag par rdzogs pa'i sangs rgyas 'od srungs kyi bstan pa la sbyin pa dag byin zhing / bsod nams dag byas pa dang / rab tu byung nas tshe gcig tu tshangs par spyod pa spyad dge ba'i rtsa ba 'dis na/ bdag gang dang gang du skye ba de dang der ci nas phyug cing nor mang la longs spyod che ba'i rigs su skye ba dang / gzugs bzang zhing blta na sdug la mdzes pa dang / byad gzugs dpe med par gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi bstan pa la rab tu byung ba'i dge slong ma gang yin pa de ni/ ka shi mdzes ldan ma 'di nyid yin te/ des der sbyin pa dag byin zhing / bsod nams dag byas pa dang / tshe gcig tu tshangs par spyod pa spyad nas/ 'chi kar smon lam btab pa/ bdag gang dang gang du skye ba de dang der phyug cing nor mang la longs spyod che ba'i rigs su skye ba dang / gzugs bzang zhing

  92. 47a

    bstan sdug la mdzes pa dang / byad gzugs dpe med par gyur cig/ yang dag par rdzogs pa'i sangs rgyas 'od srungs kyis bram ze'i rtse'atham lung bstan pa kang / yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par mgyur cig/ de kho na'i bstan pa la rab tu byung nas/ nyon mongs pa thams ca spangs te/ dgra bcom pa nyid mngon sum du byed par gyur cig ces byas pa'i las de'i rnam par smin pas gang dang gang du skye ba de dang der phyug cing nor mngal longs spyod che ba'i rigs su skyes te/ gzugs bzang zhing blta na sdug la mdzes pa dang / byang gzugs dpe med par gyur te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// des der byams pa'i sems kyi ting nge 'dzin bskyed pa'i las de'i rnam par smin pas ni gang dang gang du skyes pa de dang der byang gzugs dpe med par gyur to/ / // bam po gsum pa// // bde byed ma zhes bya ba ni/ gleng gzhi mnyan du yod pa na

  93. 47b

    bzhugs te/ de'i tshe mnyan du yod pa na/ rgyal po gsal rgyal rgyal po byed la/ wA rA NA si na ni rgyal po tshangs pas byin zhes bya ba rgyal po byed pa las/ de gnyis phan tshun mi mthun par gyur te/ dus dus su skye bo mang po kha 'dog par byed do// de nas phyi zhig na rgyal po tshangs pas byin gyis dpung gi tshogs yan lag bzhi go bskon te/ ko sa la'i yul du song nas/ chu klung khang ldan gyi 'gram du phru ma btab ste 'khod do/ / rgyal po gsal rgyal gyis kyang / rgyal po tshangs pas byin gyis dpung gi tshogs yan lag bzhi go bskon nas/ bdag dang g.yul 'gyed du 'ongs so zhes thos so/ / thos nas des kyang dpung gi tshogs yan lag bzhi go bskon nas/ ka shi'i rgyal po dang g.yul 'gyed du song ste/ des kyang chu klung 'ang ldan gyi 'gram du phru ma btab ste 'khod do/ / de nas de gnyis de na 'khod pas phan tshun du skye bo mang po kha 'dog par byed do// de gnyis ka yang mthu che zhing tshugs par dka' ba yin te/ de gnyis gcig gis gcig mi thub cing 'dug go/ / de nas phyi zhig na de na 'khod bzhin du rgyal po gsal rgyal gyi bu mo gzugs bzang zhing blta na sdug la mdzes pa zhig btsas so// ka shi'i rgyal po tshangs bas byin gyi bu gzugs bzang zhing blta na sdug la mdzes pa zhig kyang btsas nas/ der de gnyis so so'i pho brang 'khor du dga' ba'i rol mo brdungs so// de nas de gnyis kyis phan tshun du

  94. 48a

    thos nas 'dir dga' ba'i rol mo brdungs pa de ci zhig ces dris nas blon po rnams kyis bsnyad de/ rgyal po gsal rgyal gyi ni bu mo btsas/ lha'i ni sras po bltam mo zhes byas so/ / rgyal po gsal rgyal gyi blon po rnams kyis kyang bsnyad de/ lha'i ni sras mo bltam/ rgyal po tshangs pas byin gyi ni bu pho btsas so zhes byas so// de nas de thos ma thag tu de gnyis dga' bar gyur te/ bdag cag gnyis phan tshun dgra mi byed par bya ba'i thabs rnyed do snyam mo// de nas de thos ma thag tu rgyal po tshangs pas byin gyis/ rgyal po gsal rgyal la pho nya btang ste/ khyod kyi bu mo btsas pa de bdag gi bu 'di'i chung mar byin gyis ces spring ngo // de nas rgyal po gsal rgyal gyis bsams pa/ thabs 'dis ni bdag ji srid 'tsho'i bar du rgyal po tshangs pas byin dang mdza' bar 'gyur ro snyam nas/ des kyang de la pho nya btang ste/ ji ltar dga' ba de bzhin du bya'o zhes byas te/ de gnyis gcig la gcig bzod pa gsol te/ mdza' bo byas nas/ gcig gis kyang bu mo la gos dang rgyan mang po bskur ro// gcig gis kyang khye'u la gos dang rgyan mang po bskur te/ de gnyis phan tshun gnyen du byas nas/ mgul nas 'jus te yul de nas dong ngo // de nas rgyal po gsal rgyal gyis bsams pa/ bu mo 'di btsas pas nga rgyal po tshangs pas byin dang bde bar gyur to snyam nas/ de'i btsas

  95. 48b

    ston rgyas par byas te/ ming bde byed ma zhes btags so// de nas bu mo bde byed ma 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye grag par gyur to/ / de nas de gang gi tshe chen mor gyur pa de'i tshe/ bcom ldan 'das kyi bstan pa la dad pa rnyed de/ des skyabs su 'gro ba dang / bslab pa'i gzhi rnams blangs nas sbyin pa dag byin te bsod nams byas so/ / dge slong ma'i gtsug lag khang du yang rgyun mi 'chad par 'gro zhing chos nyan no// de nas phyi zhig na des phyir mi 'ong ba'i 'bras bu mngon sum du byas te/ rdzu 'phrul yang bsgrubs nas/ rdzu 'phrul chen mo/ mthu chen mo/ rnam par thar pa brgyad la bsam gtan par gyur to// de nas phyi zhig na des pha ma gnyis kyi mdun du rdzu 'phrul gyi cho 'phrul bstan te smras pa/ yab yum bdag gis ni chos 'di lta bu thob pas na/ 'dod pa yongs su spyod pa'i rngo ma thog gis/ bdag bcom ldan 'das kyi bstan pa la rab tu byung bar gnang bar mdzad du gsol/ pha ma gnyis kyis smras pa/ bu mo khyod btsas ma thag tu bdag cag gis khyim thab la byin zin gyis/ bdag cag gis gnang bar byar mi rung ngo // de lha mod kyi bdag cag gis de la bzlugs te/ de dang bdag cag ci nas phyis khon du mi 'gyur bar byas la/ bag ma len pa 'ongs nas/ khyod nyid kyis khyim thab la gsol ba thob la rab tu 'byung bar gyis

  96. 49a

    shig ces byas so/ / de nas rgyal po gsal rgyal gyis rgyal po tshangs pas byin la pho nya btang ste/ bu mo bde byed ma ni rab tu 'byung bar 'dod de/ bzlog mi nus kyis// ma thogs par bag ma long zhig ces spring ngo // rgyal po tshangs pas byin gyis kyang / pho nya btang ste tshes grangs 'di la 'ong gis/ bag ma btang ba'i sta gon gyis shig ces spring ngo // de nas rgyal po gsal rgyal gyis thos ma thag tu bag ma btang ba'i sta gon byas so/ / rgyal po tshangs pas byin gyis kyang / bu 'byor pa chen po dang / rgyal po'i mthu chen po dang ldan pas btang ngo / / de nas rgyal po gsal rgyal gyis de bkur sti chen pos mnyan du yod par g.yar drangs so// g.yar drangs nas rang gi pho brang du stegs bu byas te/ rgyan gyis brgyan nas/ der skye bo phal po che 'dus so/ / bu mo de yang rgyan thams cad kyis klubs nas stegs bu brgyan pa de'i steng du drangs te gzhag go// khye'u de yang stegs bu brgyan pa de'i steng du btang ste/ bu mo bde byed ma drang bar byas pa las steng gi bar snang la 'phags te/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan to// de nas khye'u de dang / skye bo de dag gis mthong ma thag tu bde byed ma la dga' ba chen po skyes so// de na khye'u des bsams pa/ gal te 'di lta bu'i yon tan dag thob pa yin na/ 'di bdag

  97. 49b

    dang lhan cig tu 'dod pa yongs su spyod par ga la 'gyur snyam du bsams nas smras pa/ bzang mo mar spyon dang / khyod nyid ci dga' ba 'dam du gzhug go// bde byed mas smras pa/ jo bopo bdag ni 'dod pa yongs su spyod pa rngo mi thog gis/ bdag bcom ldan 'das kyi bstan pa la rab tu 'byung bar gnang bar mdzad du gsol/ khye'us smras pa/ gnang ngo // de nas de thos ma thag tu bu mo bde byed ma babs te/ des skye bo'i tshogs de dag la chos bstan nas/ pha ma gnyis la gsol te/ rgyal bu rgyal byed kyi tshal du song nas/ de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis skye dgu'i bdag mo chen mo go'u ta mi la gtad do// skye dgu'i bdag mo chen mo go'u ta mis kyang de rab tu phyung ste/ bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/

  98. 50a

    dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur te/ bcom ldan 'das kyis shes rab dang ldan pa rnams kyi mchog tu bstan to/ / bde byed ma de ltar rab tu byung nas/ rgyal po'i bu des bsams pa/ bud med kyis kyang 'di lta bu'i chos rtogs par 'gyur na/ mal bdag kyang bcom ldan 'das kyi bstan pa la rab tu 'byung gor ma chag snyam du bsams nas/ des kyang tha ma la gsol te/ bcom ldan 'das kyi bstan pa la rab tu byung nas/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dam bcom pa nyid mngon sum du byas so// de nas dge slong dag gis/ bcom ldan 'das la zhus pa/ btsun pa bu mo bde byed ma dang rgyal po'i bu des las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ 'di gnyis

  99. 50b

    kyis bcom ldan 'das mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'di gnyis kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA si na khyim bdag phyug cing nor mang la longs spyod che ba zhig gnas pa des/ thabs zla ra bab pa las chung ma blangs nas/ de de dang lhan cig tu rtse zhing dga' la dgur spyod do// de nas phyi zhig na de gnyis kyis yang dag par rdzogs pa'i sangs rgyas 'od srungs kyi bstan pa la dad pa rnyed nas/ de gnyis gcig la gcig smras pa/ bzang mo bdag cag gnyis la bu yang med/ bu mo yang med pas/ 'das te shi ba'i 'og tu ci bdog pa 'di dag rgyal po dbang bar 'gyur gyis/ bdag cag gnyis

  100. 51a

    gson gyi bar du je 'di dag 'jig rten pha rol tu bskya'o zhes zer nas/ de gza' bran gnyis kyis rnam pa thams cad yongs su rdzogs pa'i gtsug lag khang brtsigs nas/ yang dag par rdzogs pa'i sangs rgyas 'od srungs la sogs pa dge slong gi dge 'dun rnams la phul te/ yo byad thams cad sbyar nas/ dge slong rnams la bsnyen bkur byas so// de nas phyi zhig na de gnyis kyi blo skyes pa/ bdag cag gnyis khyim na gnas pa btang la/ yang dag par rdzogs pa'i sangs rgyas 'od srungs kyi gsung rab la rab tu 'byung ngo zhes zer nas/ khyim gyi 'khor btang ste/ sbyin pa dag byin zhing / bsod nams dag byas nas/ yang dag par rdzogs pa'i sangs rgyas 'od srungs kyi bstan pa la rab tu byung ste/ bsnyen par rdzogs nas de gnyis rtse gcig tu tshangs par spyod pa spyad kyang yon tan gyi tshogs ci yang ma thob nas/ de gnyis kyis 'chi kar smon lam btab pa/ kye ma bdag cag gnyis kyis yang dag par rdzogs pa'i sangs rgyas 'od srungs kyi bstan pa la sbyin pa dag byin zhing / bsod nams dag byas te/ tshe gcig tu tshangs par spyod pa spyad kyang / yon tan gyi tshogs ci yang ma thob kyis/ dge ba'i rtsa ba 'dis bdag cag gnyis ci nas gang dang gang du skye ba de dang der phyug cing nor mang la longs spyod che ba'i rigs su skye bar shog cig/ gzugs bzang zhing blta na

  101. 51b

    sdug la mdzes par shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe gza' bran du gyur pa gang yin pa de gnyis ni bde byed ma 'di nyid dang / rgyal po'i bu 'di nyid yin te/ de gnyis kyis sbyin pa dag byin zhing bsod nams dag byas nas/ tshe gcig tu tshangs par spyod pa spyad de 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes la/ gzugs bzang zhing blta na sdug lo mdzes par gyur te/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di gnyis kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// nor bu'i 'od ces bya ba ni/ gleng gzhi mnyan du yod pa na

  102. 52a

    btsugs te/ de'i tshe lha'i bu nor bu'i 'od ces bya ba rna chag du bkor dag cing mgul par thogs pa/ lus do shal dang sa mo ngos mdzes par byas pa/ lha'i nor bu rin po che gzhal med khang 'od shin tu che ba dang ldan pa/ 'od 'phags pa des/ lha'i me tog ut+pal dang / pad+ma dang / ku mu da dang / pad+ma dkar po rnams kyis thu ba bkang ste/ nam sros pa dang / mnyan du yod pa'i nang du rgyal bu rgyal byed kyi tshal du song nas/ bcom ldan 'das ga la ba der song ste phyin nas/ bcom ldan 'das la lha'i me tog ut+pal dang / pad+ma dang / ku mu da dang / pad+ma dkar po rnams dang / lha'i me tog man+da ra ba dag gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ de dang 'thun pa'i chos bstan te/ de thos nas lha'i bu des stan denyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ de nyid du mi snang bar gyur to// de'i tshe dge slong srong dang tho rangs mi nyal bar brtson pa

  103. 52b

    lhur byed pa la gnas pa de dag gis/ rgyal bu rgyal byed kyi tshal thams cad snang ba chen pos khyab par gyur pa mthong ngo // mthong nas kyang de dag gis bsams pa/ ci mdang sum mi mjed kyi bdag po tshangs pa 'am/ lha'i dbang po brgya byin nam/ rgyal po chen po bzhi bcom ldan 'das la blta ba'i phyir 'ongs snyam nas/ bcom ldan 'das la don de zhus pa/ btsun pa ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ rgyal po chen po bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag ma dang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi lha'i bu nor bu'i 'od lha'i gzhal med khang 'od shin tu che ba dang ldan pa/ 'od 'phag pa de ma dang sum nga la blta ba dang / bsnyen bkur bya ba'i phyir 'ongs nas/ de 'ongs pa la ngas chos bstan te/ des nga las chos thos nas/ rgyun du zhugs pa'i 'bras bu mngon sum du byas te/ des bden pa mthong nas/ rang gi gnas su song ngo // btsun pa lha'i bu des las ci bgyis na/ las de'i rnam par smin pas lhar skyes te/ nor bu rin po che'i gnas grub par gyur la/ bcom ldan 'das kyang mnyes par bgyis te/ mi mnyes par ma bgyis

  104. 53a

    lags/ bcom ldan 'das kyis bka' stsal pa/ dge slong dag nor bu'i 'od 'di nyid kyis sngon las byas shing bsags te/ dge slong dag las byas shing bsags ba rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za/ / tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na khyim bdag phyug cing nor mngal longs spyod ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ yang dag par rdzogs pa'i sangs rgyas 'od

  105. 53b

    srungs kyi dbu skra dang sen mo bsrangs nas/ dbu skra dang sen mo'i mchod rten dang / rnam pa thams cad yongs su rdzogs pa'i gtsug lag khang brtsigs te/ des gtsug lag khang der yo bya thams cad phul lo/ / mchod rten de'i char kha ba la yang nor bu rin po che btags te/ de'i mthus mchod rten dang bcas pa'i gtsug lag khang de mtshan mo yang nyin mo bzhin du snang bar gyur to/ / de nas des gtsug lag khang de sangs rgyas bcom ldan 'das 'od srungs la sogs pa dge slong gi dge 'dun rnams la phul lo// dge slong rnams la yang yo byad thams cad kyis bsnyen bkur byas so/ / tshe gcig tu skyabs su 'gro ba dang / bslab pa'i gzhi rnams kyang bsrungs nas/ lha'i nang du skyes so// der skyes nas de'i nor bu rin po che'i gzhal med khang gru par gyur to/ / dge slong dag ji snyam du sems/ de'i tshe khyim bdag gis yang dag par rdzogs pa'i sangs rgyas 'od srungs kyi gsung rab la mchod rten dang bcas pa'i gtsug lag khang brtsigs nas/ nor bu rin po btags pa de ni/ lha'i bu nor bu'i 'od 'di yin te/ des der rnam pa thams cad yongs su rdzogs pa'i mchod rten dang bcas pa'i gtsug lag khang brtsigs te/ bcom ldan 'das 'od srungs la sogs pa dge slong gi dge 'dun rnams la phul ba dang / mchod rten de la nor bu rin po che btags pa'i las de'i rnam par smin pas lha'i

  106. 54a

    nang du skyes te/ dge slong dag yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// sna ma'i me tog ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de sa/ thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ khyim bdag de bu med de/ bu 'dod pa'i phyir lha rnams la yang gsol ba 'debs te/ lha gu lang dang / chu lha dang / ku be ra dang / brgya byin dang / tshangs pa la sogs pa dang / kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams la nga gsol ba 'debs la/ 'jig rten na yang gsol ba btab pa'i rgyus bu dang bu mo skye bar 'gyur ro zhes grags mod kyi/ de yang de lta ni ma yin te/ gal te gsol ba btab pa'i rgyus

  107. 54b

    / bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so// de ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ dri za'i sems kyang rjes su chags pa dang ldan pa 'am/ khong khro ba dang ldan pa rnam pa gnyis las gang yang rung ba skyes pa'o// de nas de yang gsol ba 'debs pa lhur byed la/ sems can chen po che bar grags pa/ srid pa tham pa btsal bar bya ba rnyed pa/ thar pa'i skal ba can du gyur pa/ tshogs bsags pa/ mya ngan las 'das pa la nang du bltas pa/ 'khor ba las phyi rol du bltas pa/ srid par 'gro ba'i skye gnas rnams mi 'dod pa/ lus kyi tha ma 'dzin pa zhig kyang de'i chung ma'i mngal du skyes so// bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags par yang shes la/ ma chags par yang shes pa dang / dus kyang shes la/ zla mtshan yang shes pa dang / bu chags pa shes pa dang / gang las chags bshes pa dang / khye'u yang shes la/ bu mo yang shes pa ste/ gal te khye'u yin na ni/ lto g.yas logs su rten cing gnas so// gal te bu mo yin na ni/ lto g.yon logs su rten

  108. 55a

    cing gnas so/ / de nas gang gi tshe de la bu chags par gyur pa de'i tshe/ de dga' ches nas khyim thab la ldan pa/ jo bo bdag la sras chags te/ bdag gi rum g.yas logs su rten cing gnas pa las khye'ur 'gyur bar nges kyis dgyes pa bskyed du gsol zhes byas nas/ de yang dga' ches nas ro stod ni bteg/ lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / / bdag gi bu rung bar gyur cig/ mi rung bar ma gyur cig/ bdag gi bya ba dag byed par shog cig gsos na gsos pa'i lan phyir gso bar shog cig/ nor skal la spyod par shog cig/ bdag gi rigs brgyad yun ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rung ste/ sbyin pa dag byin la bsod nams dag byas nas/ de gnyis gang dang gang du skye zhing 'gro ba der 'di song zhig ces yom sngo bar shog cig/ ces dga' ba'i tshig brjod do// des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang sgyur ba ma yin pa rnams dang / ha cang lan tshwa che ba ma

  109. 55b

    yin pa rnams dang / ha cang dang rab ma yin pa rnams dang / sa cang ro tsha ba ma yin pa rnams dang / ha cang bskab ma yin pa rnams te/ kha ba dang / sbyar ba dang / lan tshwa dang / dang rab dang / tsha ba dang / bskab med pa'i zas rnams kyis brten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba rnams las grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni 'phongs shing 'dug/ su ni nyam nga bar gyur/ su ni gnod pa dang

  110. 56a

    ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// sangs rgyas bcom ldan 'das rnams ji ltar nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs pa de bzhin du/ nyan thos chen po rnams kyang nyin dus gsum mtshan dus gsum ste/ nyin mtshan dus drug tu nyan thos kyi mig gis 'jig rten la lta

  111. 56b

    bar byed de/ tshe dang ldan pa ma 'gags pas nyan thos kyi mig gis 'jig rten la bltas na/ srid pa tha ma pa'i sems can zhig gis khyim bdag de'i chung ma chen ma'i lhor nying mtshams sbyar bar mthong ngo / / mthong nas kyang bsams pa/ sems can de sus 'dul bar 'gyur/ ci sangs rgyas kyis 'dul bar 'gyur ram/ 'on te nyan thos kyis 'dul bar 'gyur zhig gu snyam pa dang / des bdag nyid kyis 'dul bar 'gyur ba mthong la/ de yang sngan chad khyim de'i bsen yin te/ des khyim bdag de brtan por bya ba'i phyir zla med pa dang g.yog med par gcig pu khyim bdag de'i khyim du song ba dang / khyim bdag des tshe dang ldan pa ma 'gags pa zla med pa dang g.yog med par gcig pu 'ong ba mthong ngo // mthong nas kyang 'phags pa khyod zla ma mchis pa dang / zham ring ma mchis par gcig pu gshegs na/ 'phags pa'i zham ring bgyid pa 'ga' yang ma mchis sam zhes dris so// tshe dang ldan pa ma 'gags pas smras pa/ khyed cag lta bu 'ba' zhig las rnyed pa ma gtogs par bdag cag gis gud nas g.yog ga las rnyed de/ khyed las rnyed pa 'ba' zhig bdag cag gi g.yog byed par zad do// khyim bdag gis smras pa/ 'phags pa bdag gi mchis brang la bu chags pa mchis kyis/ de las gal te khye'u zhig btsas par gyur na/ de bdag gis 'phags pa'i zham ring du 'bul

  112. 57a

    lo/ / tshe dang ldan pa ma 'gags pas smras pa/ 'ong dge bdag ni dam bcas pa la brtan pa yin no zhes de skad smras nas/ tshe dang ldan pa ma 'gags pa sod // khyim bdagu de'i chung ma de yang zla ba dgu 'am bcu lon pa dang / khye'u gzugs bzang zhing bltan sdug la mdzes pa zhig btsas te/ de'i lus thams cad nus sna ma'i me tog gi dri dang ldang des khyim de thams cad sna ma'i me tog gi dris 'gengs par byed do/ / khye'u de ma'i mngal du zhugs pa dang / btsas pa'i tshe yang khyim de kun tu sna ma'i me tog gi char bab bo// de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di ma'i mngal du zhugs pa dang / btsas pa'i tshe khyim du sna ma'i me tog gi char bab pas na/ de'i phyir khye'u 'di'i ming sna ma'i me tog ces gdags so// de nas khye'u sna ma'i me tog 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de gang gi tshe cher skyes pa de'i tshe yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon

  113. 57b

    brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byung bar gyur to// de nas phyi zhig na tshe dang ldan pa ma 'gags pas khye'u de rab tu dbyung ba'i dus la bab par mthong nas/ khyim bdag de'i khyim du song ste/ khyim bdag la smras pa/ khyim bdag khye'u 'di ni ma btsas pa'i snga rol nas khyod kyis bdag gi g.yog tu byin te/ khong dge ba rnams ni dam bcas pa la brtan pa yin no// de kho na lngar dam ma bcas sam/ khyim bdag gis smras pa/ 'phags pa de kho na ltar dam bcas lags zhes smras nas/ khye'u de lag pa gnyis kyis bzung ste/ tshe dang ldan pa 'gags pa la phul nas smras pa/ bu khyod ma btsas pa'i snga rol nas 'phags pa ma 'gags pa la ngas phul gyis song la 'phags pa'i zham ring gyis shig/ khye'us smras pa/ de ni bdag la phan btags pa lags so zhes byas nas/ khye'u de tshe dang ldan pa ma 'gags pa'i phyi bzhin chas so// tshe dang ldan pa ma 'gags pas kyang khyim bdag de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas/ stan las langs te song ngo // de nas khye'u de tshe dang ldan pa ma 'gags pas gtsug lag khang du khrid nas rab tu phyung

  114. 58a

    ste/ bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de yang rdzu 'phrul che zhing mthu chel bsam gtan dang / rnam par thar pa dang / ting nge 'dzin dang / snyoms par 'jug pa'i bar du thob pa yin no// de snyoms par 'jug pa dang ldang ba la myur te/ khab lan re 'dzugs pa'i yun tsam la ting nge 'dzin gzhan dang gzhan dag la snyoms par 'jug cing ldang ngo // de nas phyi zhig na tshe dang ldan pa sna ma'i me tog gis bsams pa/ bcom ldan 'das kyis bdag gi sdug bsngal dang / yid mi bde ba rnam pa du ma ni bsal/ bde ba dang yid bde ba rnam pa du ma ni bsgrubs/ sdig pa mi dge ba'i chos rnam pa du

  115. 58b

    ma ni bsal/ dge ba'i chos rnam pa du ma ni bsgrubs na/ bdag gis bcom ldan 'das kyi bku'adrin ji ltar bsab par bla sam mo// de nas des bsams pa/ sangs rgyas rnams rten du 'byung ba gang yang rung ba de dag thams cad ni sems can la phan pa'i phyir 'byung bar zad kyis/ ma la bdag gis kyang sems can la phan par bya'o snyam mo// de nas des bdag gis 'dul bar 'gyur ba 'ga' lta ga la yod dam snyam du bsam pa dang / des thog ma kho nar pha ma gnyis mthong ngo // mthong nas kyang des bsams pa/ thabs ci zhig gis de ga'i sa 'dul bar 'gyur snyam pa dang / des rdzu 'phrul gyis 'dul bar rig nas/ rgyal bu rgyal byed kyi tshal nas mi snang bar gyur te/ rang gi khyim du pha ma gnyis kyi mdun logs nas sa brtol te byung nas steng gi nam mkha' la 'jug ste/ 'bar ba dang / lam mer 'jug pa dang / char 'bebs pa dang / glog 'gru ba'i cho 'phrul rnams bstan nas/ babs te stan pashams pa la 'jug go// de 'dun nanas pa ma gnyis la de dang 'thun pa'i chos bstan te/ de nas khyim bdag de 'khor dang bcas pas spyan de nyid la 'khod bzhin du 'jig tshogs la lta ba'i ri'i rtse mo mthon po nyi shu rdo rjes bcom rgyun du zhugs pa'i 'bras bu mngon sum du byas nas/ skyabs su 'gro ba dang / bslab pa'i gzhi rnams la gnas par byas te/ bden pa mthong nas sbyin pa dag sbyin zhing / bsod

  116. 59a

    nams dag byed par gyur to/ / de nas dge slong rnams kyis/ bcom ldan 'das la nus pa/ btsun pa sna ma'i me tog gis las ci bgyis na/ las de'i rnam par smin pas phyug cing nor mngal longs spyod che ba'i rigs su skyes te/ gzugs bzang zhing blta na sdug la mdzes par gyur la/ btsas ma thag tu yang lus thams cad nas sna ma'i me tog gi ngad ldang zhing / mngal du zhugs pa dang btsas pa'i tshe yang khyim du sna ma'i me tog gi char bab la/ 'di bcom ldan 'das kyang mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis pa lags/ pha ma gnyis kyis kyang las ci zhig bgyis na/ des de kho na la brtan nas bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to/ / btsun pa 'dis gang du smon lam btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams

  117. 59b

    kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sin khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas so// de nas de cher skyes pa dang / des yang dag par rdzogs pa'i sangs rgyas 'od srungs kyi bstan pa la dad pa rnyed nas/ des pha ma la gsol te rab tu byung ngo // rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra bar gyur nas/ des pha ma gnyis dad pa phun sum tshogs pa la bkod de/ skyabs su 'gro ba dang / bslab pa'i gzhi rnams la gnas par byas so/ / sbyin pa dang sbyin pa'i bgo bsha' la btsud do// phyi zhig na des bsams pa/ bdag gis thos pa'i sgo nas bya ba gang yin pa de ni bdag gis byas zin gyis/ ma la da ni bdag gis dge 'dun gyi zhal ta bya'o snyam du bsams nas/ pha ma gnyis dang / bram ze dang / khyim bdag dad pa can gzhan dag la bskul te/ dge 'dun la 'bras chan dang / thug pa btung

  118. 60a

    ba dang / skyo ma rnams dang / gos dang / zas dang / mal cha dang / stan dang / nad gsos dang / sman zong rnams phul lo// khab kyang phul lo// de bzhin du dbu skra dang sen mo'i mchod rten rnams la yang til mar gyis byug pa dang / spos kyi sa byug pa dang / mar me'i 'phreng ba dang / sna ma'i me tog gi 'phreng ba dang / gdugs kyang phul/ sna ma'i me tog gi sil mas kyang gtor nas smon lam btab pa/ kye ma dge ba'i rtsa ba 'dis na bdag gang dang gang du skye ba de dang der phyug cing nor mngal longs spyod che ba'i rigs su skye bar shog cig/ gzugs bzang zhing blta na sdug la mdzes par shog cig/ bdag gi lus thams cad kyang sna ma'i me tog gi dri ngad ldang bar gog cig/ mngal du zhugs pa dang / btsas pa'i tshe yang bdag gi khyim du sgyu ma'i me tog gi char 'bab par shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ shes rab kyang rno bar gyur cig/ bsam gtan dang / rnam par thar pa dang / ting nge 'dzin dang / snyoms par 'jug pa rnams kyang thob ste/ snyoms par 'jug pa

  119. 60b

    dang ldang ba la myur bar gyur cig/ khab lan re 'dzugs pa'i sun tsam la yang ting nge 'dzin gzhan dang gzhan dgal snyoms par 'jug cing ldang bar gyur cig ces byas so// de nas lam ga kyis de mthong nas dris pa/ bu khyod kyis smon lam ci zhig btab/ des de gnyis la bdag gis smon lam 'di ltar btab bo zhes thams cad bsnyad do// pa ma gnyis kyis smras pa/ khyod kho na bdag cag gnyis kyi bur gyur cig/ bdag cag gnyis kyang khyod kyi pha mar gyur cig/ khyod kho na la brten te bdag cag gnyis kyis sangs rgyas bcom ldan 'das mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe dge slong du gyur pa gang yin pa de ni sna ma'i me tog 'di nyid yin te/ de der yang dag par rdzogs pa'i sangs rgyas 'od srungs kyi bstan pa la rab tu byung nas/ chos bzhin du zhal ta byas te/ sangs rgyas dang / chos dang / dge 'dun la bkur sti byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes te/ gzugs bzang zhing bltan sdug la mdzes par gyur la/ btsas ma thag tu yang de'i lus thams cad nas sna ma'i me tog gi dri ngad ldang bar gyur pa dang / mngal du zhugs pa dang / btsas pa'i tshe yang de'i khyim du sna ma'i

  120. 61a

    me tog gi char bab te/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byas la/ shes rab rno bar gyur te/ bsam gtan dang / rnam par thar pa dang / ting nge 'dzin dang / snyoms par 'jug pa rnams thob nas/ snyoms par 'jug pa dang ldang ba la myur bar gyur te/ khab la na re 'dzugs pa'i yun tsam la yang ting nge 'dzin gzhan dang gzhan dag la snyoms par 'jug cing ldang bar byed do// de'i tshe pha mar gyur pa de gnyis ni pha ma 'di gnyis yin te/ de gnyis kyis der smon lam btab ste/ khyod kho na las brten nas bdag cag gnyis kyis shAkya'i rgyal po mnyes par byed par gyur cig/ mi mnyes par byed par ma gyur cig ces byas pas/ da ltar 'di kho na las brten te/ 'di gnyis kyi sa mnyes par byas te/ mi mnyes par ma byas so// nga la byin zhes bya ba ni/ gleng gzhi mnyan du yod pa na bzhugs te/ de nas bcom ldan 'das snga dro sham thabs dang chos gos gsol te/ lhung bzed bsnams nas/ mnyan du yod pa na bsod snyoms la gshegs pa

  121. 61b

    na/ der bcom ldan 'das la khyim bdag gcig gis ro brgya dang ldan pa'i la du 'grangs tshad cig phul ba dang / de'i tshe bram ze'i khye'u zhig bcom ldan 'das kyi drung nas thag mi ring ba zhig na 'greng ste/ bcom ldan 'das la khyim bdag des ro brgya dang ldan pa'i la du 'grangs tshad cig phul ba bram ze'i khye'u des mthong ngo // mthong nas kyang bram ze'i khye'u de la du de la chas/ pa skyes nas/ de bcom ldan 'das kyi thad du song ste smras pa/ kye go'u ta mal du 'o ni de la byin cig ces byas so// de nas bcom ldan 'das kyis/ bram ze'i khye'u de la bka' stsal pa/ khye'u gal te khyod kyis 'di skad dul du 'di bdag la mi dgos so zhes byas na ni de'i 'og tu ngas sbyin no// de nas des kye go'u ta mal du 'di bdag la mi dgos so zhes smras so// de skad ces smras nas/ bcom ldan 'das kyis bram ze'i khye'u de la la du de byin no// de'i tshe khyim bdag mgon med zas sbyin bcom ldan 'das kyi drung nas thag ma ring ba zhig na 'dug pa des bsams pa/ bcom ldan 'das ni bsod snyoms gzhan bzhes mi srid de/ de ni gnas med cing skabs ma yin no snyam du rig nas/ bram ze'i khye'u de gung du bkar te/ bram ze'i khyo Sha smras pa/ bram ze'i khye'u la du'o ni bcom ldan 'das la phyir phul cig dang / bdag gis khyod la kar sha pa na lnga brgya byin no// bram ze'i khye'us smras pa/ khyim bdag khyod ji dz+ha

  122. 62a

    dga' ba de bzhin du'o zhes byas nas/ bram ze'i khye'u des la du bcom ldan 'das kyi lhung bzed kyi nang du bcug go// de nas bcom ldan 'das kyis bsod snyoms de bzhes nas gtsug lag khang du gshegs so/ / khyim bdag mgon med zas sbyin gyis kyang bram ze'i khye'u de khrid de zan byin nas/ kar sha pa NA lnga brgya byin te btang ngo // de nas dge slong dag gis/ bcom ldan 'das la zhus pa/ btsun pa kye mu bram ze'i khye'u 'dis bcom ldan 'das las la du bslangs pa de'i tshe/ bcom ldan 'das kyis de la ma stsal la/ gang gi tshecho des kye go'u ta ma la du 'di dag la mi dgos so zhes smras pa de'i tshe/ bcom ldan 'das kyis de la la du stsal bci la gzigs/ bcom ldan 'das kyis bka' stsal pa/ dge slong dag bram ze'i khye'u des ni tshe rabs stong phrag du mar blang ba'i 'du shes 'ba' zhig kun tu bsten cing bsgoms te mang du byas nas/ 'di rtag tu gzhan 'ba' zhig la re bar gyur pas na/ ngas 'di da ltar la dus bring nas/ blang ba'i 'du shes las bzlog ste/ 'di nyid 'di'i rab tu 'byung ba dang / phung po yongs su spong ba'i rgyur 'gyur ro// btsun pa bram ze'i khye'u 'di'i phung po gang du yongs su spong bar 'gyur lags/ dge slong dag ma 'ongs pa'i dus na nyan thos dang rang sangs rgyas kyis las 'das pa'i yang dag par rdzogs pa'i sangs rgyas ri bo zhes bya ba/

  123. 62b

    zhig 'byung bar 'gyur te/ de'i gsung rab la 'dis mir skye ba thob nas/ rgyu 'di kho nas rab tu byung ste/ nyon mongs pa thams cad spangs nas/ dgra bcom pa nyid mngon sum du byed par 'gyur ro/ / // bam po bzhi pa// / 'dus mo zhes bya ba ni/ gleng gzhi rgyal po'i khab na bzhugs te/ de'i tshe yul tak+Sha shI la na rgyal po pad+ma'i snying po can zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste bu gcig pa sdug pa la bya bzhin du chos bzhin du rgyal srid byed do/ / de nas de btsun mo dang lhan cig tu rtse zhing dga' la dga' dgur spyod pa las/ btsun mo la bu chags nas/ de'i yid la gzhung smra ba rnams dang lhan cig tu rtsod kyang ci ma rung snyam du yid la 'dod pa de lta bu zhig skyes so/ / de nas rgyal pos de thos ma thag tu ltas mkhan rnams la bstan de/ ltas mkhan rnams nu re// lha 'di ni lto na mchis pa'i sems can de'i mthu lags te/ des ni bstan bcos thams cad rtogs par 'gyur la/ gzhung smra ba thams cad tshar gcod par 'gyur te/ de'i slad du 'di'i yid

  124. 63a

    la 'dod pa de lta bu skyes pa lags so zhes zer ro/ / rgyal pos smras pa/ shes ldan dag gal te btsun mo'i yid la 'dod pa skyes pa de ma btsal na de cir 'gyur/ lhas mkhan rnams kyis smras pa/ sras de yan lag ma tshang bar skyes par 'gyur lags so// de nas rgyal pos bsams pa/ bdag gi bu yin la yan lag ma tshang bar gyur na ni mi rung snyam nas/ btsun mo yol ba'i nang du bzhag ste/ gzhung smra ba thams cad bsags nas/ gzu bo rnams kyang bsgos te gzhung gis rtsod du bcug go// de nas des gzhung smra ba thams cad tshar bcad nas/ de'i yid la 'dod pa skyes pa de med par gyur to// de nas de zla ba dgu'am bcu lon pa dang / bu mo gzugs bzang zhing blta na sdug la mdzes pa zhig btsas nas/ de'i btsas ston rgyas par byas te/ bu mo 'di'i ming ji skad gdags zhes ming 'dogs par byed de/ bu mo 'di'i mas 'dus pa'i nang du gzhung smra ba thams cad tshar bcad pas na/ bu mo 'di'i ming 'dus mo zhes gdags so zhes zer ro/ / de nas bu mo 'dus mo phang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de srid med kyi bu'i lag na thogs pa'i rma bya'i mdongs dang / bsrungs pa'i srad bu dang / 'o ma dang / zho dang / mar dang / zhun mar

  125. 63b

    dang / mar gyi snying khrus bskyed bsrings te/ mtsho'i nang gi pad+ma bzhin du skye drag par gyur to// de nas de gang gi tshe chen mor gyur pa de'i tshe/ de rgyal po'i pho brang de nyid du yol ba'i nang du bzhag nas yi ge bslabs so/ / de yi ge byang nas des yol ba'i nang 'ba' zhig tu bstan bcos thams cad bslabs nas/ yul tak+Sha shI la der gzhung smra ba thams cad tshar bcad do// de nas phyi zhig na rgyal pos/ bu mo de la dris pa/ bu mo khyod ngas su la sbyin par bya/ bu mos smras pa/ sus gzhung brtsad pas bdag thub par nus pa de la stsal bar stsol/ de nas rgyal pos de thos nas 'dis 'di lta bu'i tshig smras pa las na/ bu mo 'di ni ngas gzhung smra ba gang gis 'di thub pa de 'ba' zhig la sbyin par bya'i/ byang gzugs bzang ba la yang mi sbyin/ rigs mtho ba la yang mi sbyin// dbang phyug dang ldan pa la yang mi sbyin no zhes zer ro// de nas de'i sgra de kun tu grags nas/ de thos ma thag tu phyogs kun nas gzhung smra ba rnams lhags pa las/ bu mo des thams cad tshar bcad de/ / de nas de'i tshe lho phyogs na gzhung smra ba ri'u zhes bya ba bstan bcos thams cad la 'jigs pa med pa/ gtsug lag che ba/ gtsug lag la 'byams pa/ gzugs bzang zhing blta na sdug la mdzes pa/ kha dog shin tu rgyas pa dang ldan pa zhig gnas pa des yul tak+Sha shI la'i rgyal po pad+ma'i snying po'i sras mos gzhung smra ba thams cad tshar bcad la/ de'i yab kyis kyang de lta bur dam

  126. 64a

    bcas so zhes thos so/ / de thos ma thug tu de la mtshan du gyur te/ bdag der song la de la ci shes pa blta'o snyam mo// de nas de 'khor lnga brgya dang chas te/ grong dang / zong khyer dang / grong rdal dang / nags khrod kyi grong dang / yul po che rnams su rgyu zhing gzhung smra ba rnams kyang tshar gcod par byed pa las/ mthar gyis yul tak+Sha shI lar phyin nas/ de rgyal po pad+ma'i snying po can gyi thad du song nas smras pa/ bdag gis thos na lha'i sras mos gzhung smra ba thams cad tshar bcad ces gda' na/ bdag gis kyang mkhan po las bstan bcos bslabs pa dag mchis pas/ bdag kyang de dang bka' mching bgyi bar 'tshal lo// rgyal pos smras pa/ khyod ji ltar dga' ba bzhin du bya'o zhes smras nas/ rgyal po des gzhung smra ba'i 'khor bsags te/ so so'i gzhung btsugs nas/ bu mo dri yol ba'i nang du bzhag ste/ bu mo des gzhung smra ba'i ri'u zhes bya ba gzugs bzang zhing blta na sdug la mdzes pa/ kha dog rgyas pa mchog dang ldan pa mthong nas/ mthong ma thag tu 'dod chags kyi mdas phog ste des bsams pa/ bdag gis khyim thab 'di 'dra ba ga las kyang mi rnyed kyis/ 'di kho na bdag gis khyim thab tu bya dgos kyi/ gzhan ni mi 'dod do snyam du bsams nas/ des ci nas gzhung smra ba des bdag thub par 'gyur ba de ltar byas so// de nas rgyal pos bsams pa/ bdag gis dam bcas pa la gzhung smra ba gang gis 'di thub par

  127. 64b

    'gyur ba de la bdag gis 'di sbyin par bya'i/ bdag gis 'di byad gzugs bzang ba la yang mi sbyin/ rigs mtho ba la yang mi sbyin/ dbang phyug dang ldan pa la yang mi sbyin no zhes dam bcas pa las 'dis thub par 'gyur la/ 'di yang gzugs bzang zhing blta na sdug la mdzes te/ bdag gis 'di las lhag pa gud nas gzhung smra ba ches khyad par du 'phags pa mi rnyed kyis/ la bdag gis 'di kho na la sbyin par bya'o snyam du bsams nas/ khyim pa rnams kyi khyim pa'i chos gang yin pa de bzhin du byas te/ bu mo de de la byin nas dbang phyug chen por yang bskos so// de yang de dang lhan cig tu rtse zhi de dga' la dga' dgur spyod do// de nas phyi zhig na bu mo de la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di ru sa ka t+yA ya na yin la/ 'dus mo'i bu yin pas// 'dus pa'i ka t+ya ya na zhes gdags so zhes zer ro// de nas khye'u 'dus pa'i ka t+ya yA na 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to/ / de nas de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+h+r-i zhes bya ba dang / gtsang sbra

  128. 65a

    thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btang pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang mchog tu dga' ba skyes so// dga' ba skyes nas/ bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis de rnams kyi bsam pa dang / bag la nyal dang / khams dang / rang bzhin thugs su chud nas/ de dang 'thun pa'i chos bstan te/ de rnams kyis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// de rnams kyis bden pa mthong nas stan las langs te/

  129. 65b

    bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis de pha spad gnyis dge slong tshur shog ces bya bas rab tu phyung ste bsnyen par rdzogs par mdzad do/ / de gnyis la yang lung phog ste/ de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas 'dus mo yang bcom ldan 'das kyis skye dgu'i bdag mo chen mo go'u ta mi la gtad nas/ de yang des rab tu phyung ste bsnyen par rdzogs

  130. 66a

    dang / cho ga dang / thal babyung ba dang / ril bathogs pa dang / nges brjod kyi rig byed dang / mchod sbyin gyi rig byed dang / spyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// des lo bcu drug lon pa na bstan bcos thams cad rtogs te/ gzhung smra ba thams cad tshar bcad nas/ de'i blo 'di lta bu zhig skyes te/ 'dzam bu'i gling na bdag dang mnyam pa yang med na/ lhag pa lta ci smos snyam du rlom pa des skye bo phal po che la khyad du gsod par byed do// de nas dge bsnyen zhig gis/ de la smras pa/ khye'u khyod bdag dang mnyam pa yang su yang med na/ lhag pa lta ci smos snyam du rlom pa 'dis rgyags par ma byed cig/ khye'u yul dbus na shAkya'i bu zhig skyes pa de bram ze ltas mkhan bye brag phyed pa rnams kyis lung bstan te/ gal te khyim na gnas nA ni 'khor los sgyur ba'i rgyal por 'gyur ro// gal te skra dang kha spu bregs te/ chos gos tshon can bgos nas yang dag pa'i dad pa kho nas khyim nas khyim med par rab tu byung na ni 'jig rten du de bzhin gshegs pa dgra bcom pa yang dag par rdzogs pa'i

  131. 66b

    sangs rgyas sgra cher grags par 'gyur ro zhes lung bstan pa las/ des skra dang kha spu bregs te chos gos tshon can bgos nas/ yang dag pa'i dad pa kho nas khyim nas khyim med par rab tu byung ste/ bla na med pa yang dag par rdzogs pa'i byang chub mngon par rdzogs par sangs rgyas pa de la ni khyod kyi gzugs dang shes rab kyis kyang brgya char yang mi phod/ stong char yang mi phod/ 'bum char yang mi phod// khrag khrig char yang mi phod de/ grangs su bgrang du yang med do zhes byas so// de nas khye'u des sangs rgyas zhes bya ba'i sgra sngon ma thos pa thos nas/ spu thams cad zing zhes byas te lta 'dod par gyur te/ de nas des pha ma la gsol te/ yab yum bdag yul dbus su mchis te/ bcom ldan 'das de'i thad du bdag tshangs par spyod pa spyad par 'tshal gyis gnang bar mdzad du gsol zhes byas so/ / de nas pha ma gnyis kyis bsams pa/ 'di ni bdag cag gis bzlog par ma nus so snyam du rig nas smras pa/ sdod cig dang bdag cag gnyis kyis khyim gyi 'khor btang nas/ de'i 'og tu lhan cig tu 'dong la/ bcom ldan 'das de'i thad du tshangs par spyod pa spyad par bya'o zhes de skad smras nas/ de gnyis kyis khyim gyi 'khor btang ste/ sbyin pa dag byin zhing / bsod nams dag byas nas/ yul dbus su dong ste de dag mthar gyis dong dong ba las/ rgyal po'i khab tu phyin nas/ de dag bcom ldan 'das ga la ba der dong ba dang / khye'u de dang de'i pha ma gnyis kyis

  132. 67a

    par byas nas/ de la yang lung phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas so/ / de nas dge slong dag gis/ bcom ldan 'das la zhus pa/ btsun pa 'dus pa'i ka t+ya ya nas las ci bgyis nas/ las de'i rnam par smin pas phyug cing nor mngal longs spyod che ba'i rigs su skyes te/ gzugs bzang zhing blta na sdug la mdzes pa dang / bstan bcos thams cad rtogs te gzhung smra ba thams cad tshar bcad la/ 'dis bcom ldan 'das kyang mnyes par bgyis te/ mi mnyes par ma bgyis pa dang / bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis pa dang / de'i pha ma gnyis kyang gzhung smra ba'i mchog tu gyur te/ 'di nyid la brten nas bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ / btsun pa 'di rnams kyis gang du smon lam btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang

  133. 67b

    po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sa ni bram ze zhig gnas pa des/ thabs zla ra bab pa las chung ma blangs pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas nas/ 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de nas de cher skyes nas des yang dag par rdzogs pa'i sangs rgyas 'od srungs kyi bstan pa la dad pa rnyed nas/ pha ma gnyis la gsol te/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol zhes byas so/ / de nas pha ma gnyis kyis/ de la smras pa/ du khyod bdag cag gnyis kyi bu gcig pa sdug cing yid du 'ong 'phangs pa dang / 'thun par byed pa yin pas na/ bdag cag gnyis kyis gnang bar byar mi rung ngo zhes byas so/ / 'on kyang de pha ma gnyis kyis thabs sna tshogs kyis bzlog ma nus nas/ de pha ma gnyis kyis gnang ste/ yang dag par rdzogs pa'i sangs rgyas 'od srungs kyi

  134. 68a

    gsung rab la rab tu byung nas bsten par rdzogs te/ des sde snod gsum bslabs nas/ rig pa dang grol ba'i spobs pa dang ldan pas chos smra bar gyur te/ gos dang / zas dang / mal cha dang / stan dang / nad gsos dang / sman zong rnams rnyed do// de nas des pa ma de gnyis dad pa phun sum tshogs pa la bkod de/ skyabs su 'gro ba dang / bslab pa'i gzhi rnams la gnas par byas nas/ de gnyis sbyin pa dang / sbyin pa'i bgo bsha' la btsud do// de nas phyi zhig na des bsams pa/ bdag gis thos pa'i sgo nas bya ba gang yin pa de ni bdag gis byas zin gyis/ ma la da ni bdag gis dge 'dun gyi zhal te chos bzhin du bya'o snyam nas/ des pha ma gnyis dang / sbyin bdag dang / sbyin pa po gzhan dag la bskul nas/ bcom ldan 'das 'od srungs la sogs pa dge slong gi dge 'dun la bshos gsol te/ dbu skra dang sen mo'i mchod rten rnams la bkur sti byas nas smon lam btab pa/ kyem dge ba'i rtsa ba'adis na bdag gang dang gang du skye ba de dang der phyug cing nor mngal longs spyod che ba'i rigs su skye bar shog cig/ gzugs bzang zhing blta na sdug la mdzes par shog cig ces byas so// degang las rab tu byung ba'i mkhan po des ni lo bcu drug lon pa na/ bstan bcos thams cad rtogs nas/ gzhung smra ba thams cad kyang tshar bcad do// de bzhin du de'i pha ma gnyis kyang gzung

  135. 68b

    smra ba'i mchog tu gyur te/ gzhung smra ba thams cad tshar bcad do// de nas des smras pa/ ji ltar bdag gi mkhan pos lo bcu drug lon pa na bstan bcos thams cad rtogs nas/ gzhung srus thams cad tshar bcad pa dang / de bzhin du de'i pha ma gnyis kyang gzhung smra ba'i mchog tu gyur te/ de gnyis kyis kyang gzhung smra ba thams cad tshar bcad pa de bzhin du/ bdag gis kyang lo bcu drug khon lon pa na/ bstan bcos thams cad rtogs par gyur cig/ gzhung smra ba thams cad tshar gcod par gyur cig/ de bzhin du bdag gis pha ma gnyis kyang gzhung smra ba thams cad kyi mchog tugyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas de smon lam 'debs shing 'dug pa pha ma gnyis kyis mthong nas/ de gnyis kyis/ de la dris pa/ bu khyod kyis smon lam ci zhig btab/ de nas des pha ma gnyis la bdag gis smon lam 'di lta bu btab bo zhes rgyas par bsnyad do/ / pha ma gnyis kyis smras pa/ de'i tshe bdag cag gnyis khyod kyi pha ma gzhung smra ba'i mchog tu gyur cig/ khyod kyang bdag cag gnyis kyi bur gyur cig/

  136. 69a

    khyod kho na las brten te bdag cag gnyis kyis sangs rgyas bcom ldan 'das mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi bstan pa la rab tu byung ba'i dge slong du gyur pa gang yin pa de ni/ 'dus pa'i ka t+ya ya na 'di nyid yin no// de'i tshe de'i pha mar gyur pa gnyis ni pha ma 'di gnyis kho na yin no/ / des der sbyin pa dag byin zhing / bsod nams dag byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod ba'i rigs su skyes te/ gzugs bzang zhing blta na sdug la mdzes pa dang / bstan bcos thams cad kyang rtogs la/ gzhung smra ba thams cad kyang tshar bcad de/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di sang mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// pha ma de gnyis kyis der smon lam btab ste/ bdag cag

  137. 69b

    gnyis khyod kyi pha ma gzhung smra ba'i mchog tu gyur te/ khyod las brten te bdag cag gnyis kyis sangs rgyas bcom ldan 'das mnyes par byed par gyur cig/ mi mnyes par byed par ma gyur cig ces byas pa de ni da ltar yang 'di gnyis gzhung smra ba'i mchog tu gyur te/ 'di nyid las brten nas 'di gnyis kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// tshem bu mkhan zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag gcig gnas pa las/ phyi zhig na de'i chung ma la bu chags nas/ zla ba dgu 'am bcu lon pa dang khye'u zhig btsas te/ khye'u de yang 'phye bo 'gro mi nus pa zhig tu gyur te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di 'phye bo yin pas khye'u 'di'i ming 'phye bor gdags so// de nas khye'u 'phye bo 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de gang gi tshe cher skyes pa de'i tshe// pas bsams pa/ bdag gi khye'u 'di can 'dug bzhin du las byed cing / gzod des 'tsho ba rnyed par 'gyur ba'i bzo ji lta bu zhig bslab par bya snyam mo// de nas des bsams pa/ ma la

  138. 70a

    bdag gis 'di tshem bu mkhan gyi las bslabs pa dang / des 'di 'tsho ba rnyed par 'gyur ro snyam du bsams nas/ des khye'u de tshem bu mkhan gyi las slob tu bcug go// de nas de yang de la slob dpon gyi mchog tu gyur to/ / de nas dus ston zhig byed pa na khyim bdag gzhan zhig gis chung ma'i phyir gzhan gyi khyim nas gos dang rgyan g.yar por blangs nas khyer te 'ongs te/ chung ma des kyang bgos nas dus ston la chas te song ngo // de nas de bag med pas de'i zhu gcig gis dral lo// de nas de khyim thab kyis 'jigs nas su la yang ma bstan te/ dus ston las phyir log nas khyim bdag de grong gzhan zhig tu song ngo / / de song nas bu de des tshem bu mkhan de bdag gis khyim du blangs te sus kyang mi mthong bar bya ba'i phyir sgo bcad nas/ zhu de 'drub tu bcug pa dang / tshem bu mkhan khyim du blangs pa'i rjes la/ khyim tha ba rang gi khyim du 'ongs nas sgo brdung zhing 'bod do// de nas de'i chung mas skad las ngo shes nas/ tshem bu mkhan rang gi khyim du bzhag pa dang / zhu dral ba'i phyir shas cher 'jigs pa skyes nas/ de 'jigs shing skrag pas tshim bu mkhan de khong du chud par byas te/ gzeb kyi nang bcug nas gzeb rgyas btab ste bzhag go// de nas sgo phye ste khyim thab nang du 'ongs nas/ kha gsag byas te ci rigs par bsnyen bkur byas nas de dang lhan cig tu nyal lo// de gnyis nyal ba dang / rkun po dag gis khyim phug nas nang du

  139. 70b

    'ongs te/ thog ma kho nar gzeb de la zin nas/ de dag 'di snyam du sems te/ gzeb 'di 'di ltar rgyas legs par btab la lci ba las na nor bu rin po che chen po yod gor ma chag go/ 'dis ni bdag cag mi rabs bdun gyi bar du yang chog par 'gyur te/ 'di kho nas bdag cag chog gis/ bdag cag la rdzas gzhan mi dgos so snyam du bsams nas/ de dag gis gze ba de gcig bu khyer te phyir phyung nas nags 'dab tu khyer ro/ / de dag 'dong ba na zla ba yang shar la/ mi des kyang de'i nang na 'dug bzhin du gcin gtor nas/ gcin de gze ba las thal te phyi rol du zags so/ / de nas rkun po de dag 'di snyam du sems te/ 'di ltar zla ba shar ba na 'di'i nang nas chu bab pa las na/ 'di'i nang du ni nor bu chu shel bcug yang dag snyam ste lhag par yang snying dga' bar gyur to/ / de nas de dag gis sha thang ste gzeb de khyer nas nags 'dab tu lhags so// de nas mi rgod kyi sde dpon dang / me rgod gzhan dag gis dris pa/ khyed kyis gzeb 'di'i nang du zhig khur te 'ongs/ de dag gis smras pa/ sde dpon dang du ni bdag cag gis thams cad kyi dbul ba'i rgyun bcad kyis dgyes pa bskyed du gsol/ deng bdag cag gis rin po ches gang ba'i gzeb rnyed do zhes byas so/ / de nas de thos ma thag tu de dag kyang snying dga' bar gyur te smras pa/ gzeb phye zhig dang / 'dir rin po che ji lta bu dag bcug pa blta'o zhes byas so// de nas

  140. 71a

    de dag gis gzeb de bkrol nas la phye ste bltas na/ gzeb de'i nang du 'phye bo zhig bcug cing 'dug pa mthong nas/ mthong ma thag tu der song song ba dang / gze ba de khyer khyer ba gang yin pa de dag ni 'phye bo 'dis bdag cag mtshan thog thag ston spongs so snyam nas sdug bsngal gyur to/ / der mdong ba gang yin pa de dag gis ni mi rgod der song song ba de dag la gang mo chen pos btab nas smras pa/ legs par ston slongs so// shin tu ston spongs so zhes byas so// de nas bud med de sad de langs nas khang pa de'i nang du song ba dang / khyim phug ste gzeb brkus pa mthong ngo / / mthong nas kyang snying dga' nas tshigs su bcad de smras pa/ khang pa phug nas gzeb kyang stor// bdag ni phyed dga' phyed mi dga'// nags 'dab song ba'i rkun po rnams/ / de ni dgod cing ngu bar 'gyur// zhes byas so// de nas der gzeb de khyer te 'ongs pa gang yin pa de dag khros te smras pa/ 'di ltar 'phye bo 'dis bdag cag mi dga' bar byas mod kyi/ 'on kyang bdag cag gis gnod sbyin mchod dgos kyis/ bdag cag gis 'di kho nas gnod sbyin la mchod pa bya'o zhes smras nas/ de dag gis gnod sbyin de'i mdun du ba glang gi lci bas dkyil 'khor byas te/ bdug pa dang / me tog dang / mchod pa'i cho ga dang / bum pa gang ba rnams bzhag nas/ ral gri rnon po thogs te/ mi de gnod sbyin gyi mdun du bzhag nas cho mgrin

  141. 71b

    byas so/ / de nas mi des kyang ji ltar bdag nyid gnod sbyin de'i mchod par dbul bar chad pa khong du chud nas/ shin tu skrag ste bsams pa/ bcom ldan 'das ma gtogs pa gzhan su zhig la de bdag skyabs su 'gro bar bya/ su zhig bdag la srog 'phangs pa sbyin par 'gyur snyam du bsams nas/ des bcom ldan 'das la sems kyis gsol ba btab pa/ btsun pa bcom ldan 'das kyis ni 'di lta ste/ 'das pa dang / ma 'ongs pa dang / da ltar byung ba ci yang mi gzigs pa dang / mi mkhyen pa dang / thugs su ma chud pa mi mnga' na/ kye ma bcom ldan 'das bdang ni dkos thag cing nyam ngal 'phongs par gyur lags kyis/ bdag yongs su bskyab tu gsol/ srog 'phangs pa stsal du gsol ces byas so// sangs rgyas bcom ldan 'das bgrod pa gcig phu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/

  142. 72a

    nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'jug/ su ni nyam thag par gyur/ su ni/ gnod pa dang ldan/ su ni 'phongs pa dang nyam nga ba dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung sa/ mtho ris dang / thar pa dang / 'bras bu la gzhag par bya/ su ni nyes par gyud pa'i 'das du bying ga las la gnas drang bar bya/ suni 'phags pa'i nir bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams spyad par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung ba'i brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgyam chu srin rnams kyi gnas/ / dus rlabs yol bar 'gyur yang srid // gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis gzigs na/ 'phye bo de dang / mi rgod lnga brgya po de rnams gdul ba'i dus la bab par thugs su chud nas/ lha'i sku gzugs de nyid las lha'i cha lugs su bzhugs so// de nas mi rgod lnga brgya dzi

  143. 72b

    snyam du sems te/ lhas bdag cag la rang gi sku bstan no snyam ste/ spu zing zhes byas nas thal mo sbyar te 'khod nas 'di skad ces smras so// bcom ldan 'das bka' ci stsa la/ bcom ldan 'das kyis bka' stsal pa/ nga mis mchod mi dgos kyis/ mis mchod pa 'di thong zhig/ gal te khyed chos 'dod na ni mchod pa gsol ba thong la 'khod cig dang chos bstan par bya'o// de nas de ltar 'tshal lo zhes byas nas/ mi rgod de dag gis mchod pa btang nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis 'phye bo de dang / mi rgod de dag gi bsam pa dang / bag la nyal dang / khams dang / rang bzhin thugs su chud nas/ de dang 'thun pa'i chos bstan te/ ngas na mi rgod lnga brgya po de dag gis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// 'phye bo des kyang phyir mi 'ong ba'i 'bras bu mngon sum du byas so/ / de nas de dag gis bden pa mthong nas/ bcom ldan 'das kyis lha'i cha lugs mi snang bar mdzad nas/ rang bzhin gyi skur bzhugs / de nas de dag gis bcom ldan 'das mthong nas lhag par yang dga' ba skyes so// dga' ba skyes nas stan las langs te/ bla gos phrag pa gcig tu gzar nas/ bcom ldan 'das

  144. 73a

    gal ba de logs su thul mo gyur babyung de/ bcom ldan 'das la 'di skad ces gsol to// btsun pa bdag cag legs pa gsungs pa'i chos 'dul ba la rab tu 'byung / ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis mi rgod rnams la dge slong tshur shog/ tshangs par spyod cig ces bka' stsal pa'i mod la/ skra dang kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'jug par gyur/ lag na ni lhung bzed dang chu snod thogs par gyur to// 'dir smras pa/ de bzhin gshegs pas tshur zhes bka' stsal bas// de ni mgo brags lus la snam sbyar gyon/ / sangs rgyas kyi ni dgongs pas go bgos nas// mod la dbang po rab tu zhi bar gnas// de nas bcom ldan 'das kyis de rnams la lung phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs pa dang / dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa

  145. 73b

    rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas 'phye bos bsams pa/ gal te bdag kyang lus 'di 'dra bar ma gyur na ni/ bdag kyang bcom ldan 'das kyi bstan pa la rab tu byung ste/ chu bo rnams las brgal bar bya ba dang / sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya ba zhig na snyam mo/ / de nas de skad brjed ma thag tu de'i lus de rnam pa thams cad du yongs su rdzogs shing rangs par gyur nas/ de lhag par yang bcom ldan 'das la dga' bar gyur to// dga' bar gyur nas stan las langs te/ bla gos phrag pa gcig tu gzar nas/ bcom ldan 'das la 'di skad ces gsol to// btsun pa bdag legs par gsungs pa'i tshes 'dul ba la rab tubyung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya bas rab tu phyung ste/ bsnyen par rdzogs par mdzad nas lung yang phog go// des kyang brtson pa dang / bsgrub pa dang / 'bad pas nyon mongs pa thams cad

  146. 74a

    spungs te/ dgra bcom pa nyid mngon sum du byas so// de nas dge slong dag gis/ bcom ldan 'das la nus pa/ btsun pa 'bye bos la zhig bgyis na/ las de'i rnam par smin pas 'phye bor gyur lags/ las ci zhig bgyis na/ des bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dga'ang nyid kyis las de lta bu byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig bdang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si 'di nyid na khyim bdag spun gnyis shig gnas pa las/ gcig gis ni yang dag par rdzogs pa'i sangs rgyas 'od srungs las chos thos te/ phyir mi 'ong ba'i 'bras bu mngon sum du byas nas/ des kha na ma tho ba dang bcas pa'i las rnams spangs te/ gcig tu nges par kha na ma tho ba med pa'i las

  147. 74b

    rnams la gnas so/ / nu bo shos ni zhing las byed de/ des bsams pa/ bdag ni grang ba na yang grang bas nyen/ tsha ba na yang tsha bas nyen la/ 'di ni khyim na 'dug cing bde ba nyams su myong bar byed do snyam nas/ de khros te phyir mi 'ong ba de la tshig rtsub po smras pa/ bdag ni grang ba na yang grang bas nyen/ tsha ba na yang tsha bas nyen te/ las thams cad byed la/ khyod ni 'phye bo bzhin du khyim na then zhing 'dug ste/ ci yang byed mi 'dod dam zhes byas so// de nas phyir mi 'ong bas bsams pa/ nu bo 'dis bdag la tshig rtsub po smras kyis// gtan du phung bar mi 'gyur bar bya ba'i phyir 'di'i ri mda' bya dgos so snyam nas/ des de'i mdun du rdzu 'phrul bstan te smras pa/ khyod kyis nga la tshig rtsub po smras kyis/ nyes pa la nyes so zhes bshags par gyis shig/ 'khor ba na 'khor zhing sdug bsngal chen po rnyed da re/ de nas de thos ma thag tu nu bo de 'gyod pa chen po skyes te/ des de'i rkang pa la phyag 'tshal nas/ bzod pa gsol te 'di skad ces smras so// bdag khyim na gnas pa btang ste song la/ yang dag par rdzogs pa'i sangs rgyas 'od srungs kyi bstan pa la rab tu 'byung ngo // phyir mi 'ong bas smras pa/ khyim gyi 'khor thong la bdag cag gnyis ka rab tu 'byung bar bya'o// des smras pa/ de ltar bgyi'o// de nas des khyim gyi 'khor btang nas/ yang dag par rdzogs

  148. 75a

    pa'i sangs rgyas 'od srungs kyi bstan pa la gnyis ka rab tu byung te/ phyir mi 'ong bas ni rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / cig shos kyis ni rab tu byung nas/ tshe gcig tu tshangs par spyod pa spyad de 'chi kar smon lam btab pa/ bdag gis 'di ltar sems can dag pa 'di la bu la tshig rtsub po smras pa'i las de'i skal ba can du bdag ma gyur cig/ brgyal las de'i 'bras bu bdag la smin par gyur na yang rab tu byung ba'i sems bskyed ma thag tu ma legs pa med par gyur te/ legs par 'byung bar gyur cig/ 'di ltar bdag rab tu byung nas tshe gcig tu tshangs par spyod pa spyad kyang yon tan ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon songs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rabs byung ba'i dge slong du gyur pa gang yin pa de ni 'asre bo 'di nyid yin te/ des der phra po la tshig rtsub po smras pa'i las des ni gang dang gang du skyes pa de dang der 'phyo bor gyur //

  149. 75b

    'gyod par gyur te/ de rab tu byung nas tshe gcig tu tshangs par spyod pa spyad de/ 'chi kar smon lam btab pa/ 'di ltar bdag gis sems can dag pa 'di lta bu la tshig rtsub po smras pa'i las de'i skal ba can du bdag ma gyur cig/ brgya la las de'i rnam par smin pa bdag la smin par 'gyur na yang rab tu 'byung ba'i sems bskyed ma thag tu bdag gis ma legs pa med par gyur te// legs pa 'byung bar gyur cig ces byas pa des ni/ da ltar rab tu 'byung ba'i sems bskyed ma thag tu lus kyi yan lag thams cad yongs su rdzogs par gyur to// des der smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pas ni/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad rab tu spangs te/ dgra bcom pa nyid mngon sum du byas so//

  150. 76a

    de nas dge slong dag gis/ bcom ldan 'das la zhus pa/ btsun pa kye ma mi rgod lnga brgya po 'di dag 'phye bo 'di dang mjal nas rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin gyi/ 'das pa'i dus na yang mi rgod lnga brgya po 'di dag 'phye bo 'di nyid dang phrad nas rab tu byung ste/ bsam gtan bzhi dang / mngon par shes pa lnga bskyed pa de nyon cig/ dge slong dag sngon byung ba 'das pa'i dus na// mi rgod lnga brgya tsam nugs khrod cig na brten cing gnas te/ de dag gis ri khrod kyi mi gcig bcom ste/ nor zas mang po de nas blangs so// mi 'di yang nags khrod de nyid na brten cing 'dug pa las/ mi rgod de dag der dong bas/ gnod sbyin la mis rjed pa'i phyir gzung ste/ de dag nags khrod der dong nas gnod sbyin de'i mdun du ba glang gi lci bas byugs te bum pa gang ba mi de bzhag nas/ ral gri rnon po thogs te/ gnod sbyin gyi mdun du 'dug nas cho mgrin byas so// mi des kyang bdag 'di rnams kyis bsad de nod sbyin gyi mchod pa byed par mi sems sam snyam nas/ de shin tu 'jigs shing skrag par gyur to// 'jigs shing skrag nas bsams pa/ bdag su zhig la skyabs su 'gro bar bya/ bdag

  151. 76b

    la su zhig srog 'phangs pa sbyin par 'gyur snyam mo/ / de nas de'i tshe ri khrod de nas thag mi ring ba zhig na dka' thub kyi gnas shig gi nang na drang srong zhig gnas so// de'i tshe mi des drang song de yid la dran nas/ des dad pa'i sems kyis drang srong de la gsol ba btab pa/ bcom ldan 'das ni mi gzigs pa dang / mi mkhyen pa dang / thugs su mi chud pa ci yang mi mnga' na/ kye ma bdag la srog 'phangs pa sprul du gsol/ dka' ba yang sku nyams su bzhes par gsol zhes byas so// de nas drang slong de la dga' ba'i lha zhig gis mi de'i bsam pa sems kyis shes drang srong de la sbran no/ / de nas drang srong gis thos ma thag tu rang gi dka' thub kyi gnas nas mi snang bar gyur te/ mi rgod de dag gi mdun du 'ongs nas/ mi rgod de dag gis drang srong de mthong ngo / / mthong nas kyang de dag mchog tu dga' bar gyur to// dga' bar gyur nas/ drang srong bka' ci stsal zhes byas so// drang srong gis smras pa/ mi 'di thong la nga'i mdun du 'khod cig/ khyed la chos bshad do// de nas drang srong gis bka' stsal pa bzhin du 'tshal lo zhes smras nas/ mi rgod de dag gis de btang ste/ drang srong de'i rkang pa la phyag 'tshal nas/ chos mnyan pa'i phyir mdun du 'khod do// de nas drang srong des de dag la chos de lta bu bstan te/ de nas mi de dang mi rgod lnga brgya drang srong de nyid kyi thad du rab tu byung

  152. 77a

    nas bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas par gyur pa gang yin pa de ni nga yin no/ / de'i tshe mi gang yin pa de ni 'phye bo 'di nyid yin no// mi rgod lnga brgyar gyur pa gang yin pa de dag ni mi rgod lnga brgya po 'di dag nyid yin te/ de'i tshe 'di rnams kyis mi de las brten nas rab tu byung ste/ bsam gtan bzhi dang / mngon par shes pa lnga bskyed do// da ltar yang 'phye bo 'di nyid la brten nas rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// las brgya tham pa las sdom gyi tshigs su bcad pa dang po rdzogs so// // bam po lnga pa// / sdom ni/ shing rta bzhi dang sgam po dang // sa 'tsho sgra ldan pad+ma'i mdog/ shun pa gser mdog baglang rdzi// mdzu' sde 'jigs med dbyig 'tsho dang // dbyig dga' dang ni dom gnyis dang / / skyur chung ni tha ma srin/ shing rta bzhi zhes bya ba la/ shing rta dang po ni/ gleng gzhi mnyan du yod pan bzhugs te/ de'i tshe bram ze zhig mchod sbyin byed par 'dod de/ shing rta la zhon nas mnyan du yod par song ngo // bcom ldan 'das kyang snga dro sham thabs dang chos gos gsol te/ lhung bzed bsnams nas/ mnyan du yod

  153. 77b

    par bsod snyoms la gshegs pa dang / de dga' ba skyes nas bcom ldan 'das la bskor ba byas te song ngo // de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das gang gi tshe 'dzum pa mdzad pa'i chos nyid de/ de'i zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ / kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro ba gyur te 'bab bo/ / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong na 'di snyam du

  154. 78a

    sems te/ kye bdag cag ni 'di nas kyang shi 'phos par ma gyur la/ gnan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag ca gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang

  155. 78b

    bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung bar brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spungs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye brla ston par bzhed ni ni/ zhabs kyi mthil du mi snang bar 'gyur ro// dud 'gro skye bar lung ston par bzhed na ni/ zhabs kyi rting par mi snang bar 'gyur ro// yi dwags su skye bar lung smyon par bzhed na ni/ zhabs kyi mthe bong du mi snang bar 'gyur ro// maur skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du maM snang bar

  156. 79a

    'gyur ro/ / 'khor lo sa sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhur skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ / bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar ti/ bcom ldan 'das la zhus pa/ tshen sna stong gis spel ba sna tshogs can// mang po zhal mo sgo nas byung bar gyur// de yis phyogs rnams kun tu snang bar bgyis// nyim shar bas ji ltar bgyis pa bzhin/ / yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa rgyur gyur pa// rgyal bdagra thub rnams ni rgyu rkyen ma mchis par/ / pad+ma'i rtsa dang dung mdog lta bu'i 'dzum mi ston// brtan po nyid kyi blo yis dus bab mkhyen lags na// dge sbyong rgyal dbang nyan pa somaH

  157. 79b

    'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yin// mgon po rdzogs sangs rgyas rnams kyin 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod la skye bo phal chen nyan par 'tshal// 'brug sgra lta bu'i gsung ldan pa/ / khyu mchog lta bu'i lta stangs can// mi mchog mchod pa bgyid pa yi// 'bras bu cir 'gyur lung bstan gsol// btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu rkyen ma mchis par 'dzum pa ston par mi mdzad na/ btsun pa 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu rkyen med par 'dzum pab mi mdzad do/ / kun dga' bo khyod kyis bram ze gang gis de bzhin gshegs pa la bskor ba byas te song mthong ngam/ btsun pa mthong lags so// kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par lhung bar mi 'gyur te/ bskal pa bcu gsum gyi bar du lha rnams dang / mi rnams kyi nang du nying mtshams sbyar zhing 'khor bar gyur nas

  158. 80a

    srid pa tha ma dang / gnas tha ma la mir skye ba thob ste/ rab tu 'byung bar 'gyur la/ des slob dpon med pa dang / man ngag med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ rang sangs rgyas skor byed ces bya bar 'gyur ro// de'i sbyin par bya ba'i chos ni de yin no// shing rta gnyis pa ni/ gleng gzhi mnyan du yod pa na bzhugs te/ de'i tshe bram ze'i khye'u gcig gis mchod sbyin byas nas/ shing rta la zhon te 'khor gyur gyi tshogs kyis g.yog byas nas/ mnyan du yod pa'i nang du chas so// bcom ldan 'das kyang mnyan du yod par bsod snyoms mdzad nas/ mnyan du yod pa nas slar gshegs pa dang / de dga' ba skyes nas/ bcom ldan 'das la bltas so/ / de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshig la nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang /

  159. 80b

    thams thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar 'gyur ro// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye ma bdag cag 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi sdod du rung bar gyur pa der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris

  160. 81a

    rnams dang / tshangs pa'i mdun na 'don rnams dang / tshangs pa chen po rnams dang / 'od chung rnams dang / tshad med 'od rnams dang / bod gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung bar brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas/ sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang

  161. 81b

    bar 'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ / de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ mang po zhal gyi sgo nas byung bar

  162. 82a

    gyur/ / de yis phyogs rnams kun tu snang bar gyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan po nyid kyi blo yis dus bab mkhyen lags na/ / dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tshom skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams gyon 'da' 'dzum mo ston// gang gi don du dpa' bo 'dzum pa ston mdzad pa// de ni khyod la skye bo bal chen nyan par 'tshal/ / 'brug sgra lta bu'i gsung ldan pa// khyu mchog lta bu'i lta stangs can// mi mchog mchod pa bgyid pa mi// 'bras bu cir 'gyur lung bstan gsol// btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/ btsun pa 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas

  163. 82b

    rnams ni rgyu med rkyen med par 'dzum pa mi mdzad do/ / kun dga' bo khyod kyis bram ze gang gis de bzhin gshegs pa la dga' ba skyes nas bltas pa mthong ngam/ btsun pa mthong lags so// kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par lhung bar mi 'gyur te/ bskal pa bcu gsum gyi bar du lha rnams dang / mi rnams kyi nang du nying mtshams sbyar zhing 'khor bar gyur nas/ srid pa tha ma dang / ga na sa tha ma la mir skye ba thob ste/ rab tu 'byung bar 'gyur la/ des slob dpon med pa dang / man ngag med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ rang sangs rgyas dga' ba zhes bya bar 'gyur ro// de'i sbyin par bya ba'i chos ni de yin no/ / shing rta gsum pa ni/ gleng gzhi mnyan du yod pa na bzhugs te/ bcom ldan 'das snga dro sha ma thabs dang chos gos gsol te/ lhung bzed bsnams nas// mnyan du yod par bsod snyoms la gshegs so// bram ze zhig kyang shing rta la zhon te yul rgyu zhing chas pa las/ bcom ldan 'das mthong nas bkra mi shis so snyam ste/ phan tshun du 'bros so/ / bcom ldan 'das kyis kyang de la thugs brtse ba'i phyir de dang de kho na na bzhugs par gyur to// de nas re zhig na grong khyer gyi sgo bzhi char du yang de'i mdun na bcom 'das bzhugs

  164. 83a

    bar gyur nas/ des bsams pa/ dge sbyong go'u ta ma 'di ni rdzu 'phrul che zhing mthu che ba yin no snyam nas/ de bcom ldan 'das la dga' ba skyes so// de dga' ba skyes nas/ bcom ldan 'das kyi steng du me tog spar gang gtor ro// de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das rnams sa gi tshe 'dzum pa mdzad pa'i chos nyid de/ de'i zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o/ / 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bong chen po dang / tsha ba dang / rab tu tsha ba dang / ma nar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma lta rags pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te/ 'bab bo// des na sems can de dag gi gnod pa'i khyad par rnams rtse zhil bar 'gyur ro// de nas de dag 'di snyam du sems te/ kye ci bdag cag 'di nas shi 'phos sam/ 'on

  165. 83b

    te gzhan du skyes sam snyam mo/ / de nas de dag dad pa bskyed pa'i phyir bcom ldan 'das sprul pa 'gyed pa mdzad de/ de dag gis sprul pa mthong nas 'di snyam du sems te/ kye bdag cag ni'adi nas kyang shi 'phos par ma gyur la/ gzhan du yang ma skyes mod kyi/ 'on kyang sngon mi byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar gyur pa der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / bod chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod rnams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong

  166. 84a

    rnams dang / 'og min gyi lha rnams kyi bar du song nas/ mi rtags pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od/ zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur

  167. 84b

    ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du ba snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi bying chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur/ / de yis phyogs rnams kun tu snang bar gyis// nyi ma shar bas ji ltar bgyis pa bzhin// yang tshogs su bcad de gsol pa/ rgod dang bral zhing rgyags dang mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thul rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston//

  168. 85a

    brtan po nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang / bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin 'da' 'dzum mi ston// gang gi don du dpa' bo 'dzum pa ston mdzad pa/ / de ni khyod la skye bo phal chen nyan par 'tshal// 'brug sgra lta bu'i gsung ldan pa// khyu mchog lta bu'i lta stangs can// mi mchog mchod pa bgyid pa yi// 'bras bu cir 'gyur lung bstan gsol// btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo da ni de bzhin no// de ni de bzhin te/ kun dga' bo da bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo khyod kyis bram ze gang gis de bzhin gshegs pa la me tog gis gtor ba mthong ngam/ btsun pa mthong lags so// kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par ltung bar mi 'gyur te/ bskal

  169. 85b

    ba bcu gsum gyi bar du lha rnams dang / mi rnams kyi nang du nying mtshams sbyar zhing 'khor bar gyur nas/ srid pa tha ma dang / gnas tha ma la mir skye ba thob ste/ rab tu 'byung bar 'gyur la/ des slob dpon med pa dang / man ngag med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed pabar 'gyur te/ rang sangs rgyas me tog bla ma zhes bya bar 'gyur ro// de'i sbyin par bya ba'i chos ni de yin no// shing rta bzhi pa ni/ gleng gzhi mnyan du yod pa na bzhugs de'i tshe bcom ldan 'das mnyan du yod pa nas rgyal po'i khab tu gshegs so/ / bram ze zhig kyang shing rta la zhon te lam du bsnol mar 'gro ba las/ bram ze des bcom ldan 'das mthong nas/ shing rta las babs te bcom ldan 'das la shing rta bstabs so// bcom ldan 'das kyis kyang de nyid la thugs brtse ba'i phyir shing rta'i steng gi nam mkha' la bzhugs so// de nas bram ze de rgyu de las dga' ba chen po skyes so/ / dga' ba skyes nas/ bcom ldan 'das kyi thad nas song ngo // de'i skabs su bcom ldan 'das kyis 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas// 2

  170. 86a

    cig ni 'og tu 'gro'o/ / kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / dra/ 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo/ / des na sems can de dag gi gnod pa'i khyad par rnams rtse zhil bar 'gyur ro// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba'i nga'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa de la sems mngon par dga' bar gyur nas/ sems can dmyal ba myong bar 'gyur ba'i las de zad de/ lnga

  171. 86b

    dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od

  172. 87a

    zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'azang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro/ / rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed

  173. 87b

    na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshogs su bcad de gsol pa/ rgod dang bral zhing rgyags dang mi dgyes spangs pa yi/ sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mo son// brtan po nyid kyi blo mas dus pa mkhyen lags na/ / dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol/ rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyi na 'anga' 'dzum mi ston// gang gi don du dpa' bo 'dzum pa ston mdzad pa// de ni khyod la skye bo phal chen nyan par 'tshal/ / 'brug sgra lta bu'i gsung ldan pa// khyu mchog lta bu'i lha stangs can// mi mchog mchod pa bgyid pa yi// 'bras bu cir 'gyur lung bstan gsol// btsun pa de bzhin

  174. 88a

    gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa ston par mi mdzad na/ / btsun pa 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo da ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo khyod kyis bram ze gang gis de bzhin gshegs pa la shing rta brtabs pa mthong ngam/ btsun pa mthong lags so// kun dga' bo bram ze 'di ni dge ba'i rtsa ba 'dis bskal pa bcu gsum gyi bar du log par lhung bar mi 'gyur te/ bskal pa bcu gsum gyi bar du lha rnams dang mi rnams kyi nang du nying mtshams sbyar zhing 'khor bar gyur nas/ srid pa tha ma dang / gnas tha ma mir skye ba thob ste/ rab tu 'byung bar 'gyur la/ des slob dpon med pa dang / man ngag med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ rang sangs rgyas shing rta sbyin zhes bya bar 'gyur ro/ / de'i sbyin par bya ba'i chos ni 'di yin no// sgam po zhes bya ba ni/ gleng gzhi mnyan du yod pa na bzhugs te/ de'i tshe sems can zhig sems can dmyal

  175. 88b

    bar skyes te/ lus che zhing dmus long du 'jug la/ de'i lus ril gyis rma zhu lub tu log ste/ de'i spyi bo man chad rkang pa'i mthil yan chad srin zhugs pas/ de nang mi bzod nas phan tshun rgyug par byed la/ de gal te thang la 'gro na ni de la de nyid nas seng ge dang / stag dang / gzig dang / dred la sogs pa lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o/ / de ste chur 'bog na ni de la de nyid nas chu srin ma ka ra lcags kyi mche ba can dag 'byung bar 'gyur te/ de dag gis kyang de'i sha rnams bcad cing bcad cing za'o/ / de steng gi nam mkha' la 'gro ba na ni de la de nyid nas bya rog dang / bya rgod dang / chun lag lcags kyi mchu can 'ga' 'byung bar 'gyur te/ de dag gis kyang de'i sha rnams bcad cing bcad cing za'o/ / de ste nags stug po'i nang du 'gro na ni/ de la de nyid nas shing shal ma li'i tshal 'byung bar 'gyur te/ de la der ral gri dang / mdung thung dang / mda' bo che dang / rdo rje rtse gcig pa dang / mdung kha le ba rnams rlung gis blags te de'i steng du 'bab bo// de ste rtsig pa'i gseb bam/ ri'i sul lam/ bya skyibs dag tu 'gro bar 'dod na yang / de la de nyid nas las las skyes pa'i mau dag 'byung bar 'gyur te/ ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams thogs nas de'i lus la 'debs

  176. 89a

    te/ de dag gis de'i lus thams cad bcad cing gtub par byed de/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste/ nyam thag pa'i skad 'byin zhing du'o// sangs rgyas bcom ldan 'das bgrod pa gcig pa'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du ba'/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i

  177. 89b

    'dam du bying ba las lag na drang bar bya/ su ni 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su sprin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srisprin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med/ de nas bcom ldan 'das kyis dgongs nas/ mnyan du yod pa'i skye bo phal po che 'dul ba'i dus la bab nas/ bcom ldan 'das kyis dgongs pa/ ci tshar gcad pas gdul bar 'gyur ram/ 'on te bstod pas 'dul bar 'gyur ram/ 'on te skyo ba bskyed pas 'dul bar 'gyur snyam du dgongs nas/ skyo ba bskyed bas 'dul bar 'gyur bar bcom ldan 'das kyis gzigs nas/ de dag skyo ba bskyed pa'i phyir bcom ldan 'das kyis sems can de rdzu 'phrul gyis bkug ste/ chu klung khang ldan gyi 'gram du banag nas/ der yang de nad mi bzod nas phan tshun rgyug par byed la/ der yang de gal te thang la 'gro na ni de la de nyid nas seng ge dang / stag dang / gzig dang / dreng la sogs pa

  178. 90a

    lcags kyi mche ba can dag 'byung bar 'gyur te/ de dag gis kyang de'i sha rnams bcad cing bcad cing za'o// de ste chur 'bog na ni de la de nyid nas chu srin ma kar lcags kyi mche ba can dag 'byung bar 'gyur te/ de dag gis kyang de'i sha rnams bcad cing bcad cing za'o// de ste steng gi nam mkha' la 'gro na ni/ de la de nyid nas bya rog dang / bya rgod dang / rgyun lag lcags kyi mchu can dag 'byung bar 'gyur te/ de dag gis kyang de'i sha rnams bcad cing bcad cing za'o// de ste nags stug po'i nang du 'gro na ni/ de la de nyid nas shing shal ma la'i tshal 'byung bar 'gyur te/ de la de nyid du ral gri dang / mdung thung dang / mda' bo che dang / rdo rje rtsa gcig pa dang / mdung kha leb rnams rlung gis blags te de'i steng du 'bab bo// de ste rtsig pa'i gseb bam/ ri'i sul lam/ bya skyibs dag tu 'gro bar 'dod na yang / de la de nyid nas las las skyes pa'i mi dag 'byung bar 'gyur te/ ral gri dang / mdung thung dang / mang bo che dang / rdo rje rtse gcig pa dang / mdung kha leb rnams thogs nas de'i lus la 'debs te/ de dag gis de'i lus thams cad bcad cing gtub par byed de/ rgyu des na des sdug bsngal drag po dang / mi bzad pa dang / tsha ba dang / yid du mi 'ong ba'i tshor ba myong ste nyam thag pa'i skad 'byin zhing ngu'o// de nas de'i ku co'i sgras mnyan du yod pa thams cad gang bar gyur

  179. 90b

    te/ mnyan du yod pa'i skye bo phal po ches 'jigs su rung ba'i sgra de lta bu thos so// thos nas kyang sems can stong phrag du ma mtshan du yod pa nas byung ste/ sgra grags pa'i logs su chu klung khang ldan ga la ba der dong nas/ skye bo phal po ched dag gis thag ring po nas sems can de de lta bu'i gnod pa'i sdug bsngal nyams su myong ba mthong ngo // mthong nas kyang de dag gis bsams pa sems can 'di lta bu gnod pa'i sdug bsngal 'di 'dra ba nyams su myong ba 'di su zhig snyam mo/ / sangs rgyas bcom ldan 'das bzhugs shing gzhes la 'tsho ba rnams ni/ chos nyid kyis dus dus su gtsug lag khang dang / dur khrod dang / ri dang / chu klung dag tu rgyu zhing gshegs te/ don 'di'i phyir bcom ldan 'das chu klung du rgyu zhing gshegs par bzhed nas/ tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ni chu klung du rgyu zhing gshegs kyis/ su de bzhin gshegs pa dang thabs cig tu rgyu zhing 'gro 'dod pa de dag chos gos dang shig ces sgo zhig/ de skad ces bka' stsal te bsgo nas bcom ldan 'das dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ chu klung khang ldan ga la ba der gshegs so// de nas skye bo'i tshogs kyis thag ring po nas bcom ldan 'das mthong ngo // mthong nas kyang ma dad pa gang yin pa de dag na re//

  180. 91a

    dge sbyong go'u ta ma ltad mo la dga' ba med do zhes grag na/ de yang ltad mo'i dbang du gyur te 'ongs so zhes zer ro// dad pa dang ldan pa gang yin pa de dag na re/ bcom ldan 'das sems can 'di las brten te ngo mtshar rmad du byung ba'i chos shig lung ston par bzhed gor ma chag ces zer nas/ bcom ldan 'das kyi gdan bshams te smras pa/ bcom ldan 'das chur gshegs/ bcom ldan 'das gshegs pa legs so legs so// bcom ldan 'das gdan bshams pa la bzhugs su gsol zhes zer ro// de nas bcom ldan 'das gdan bshams pa la bzhugs nas/ bcom ldan 'das kyis dgongs pa/ ma la bdag sems can 'di ci nas sngon gyi tshe rabs rjes su dran la/ mi'i skad du smra zhing bdag dang gtam zer bar 'gyur ba de lta bu'i ti nge 'dzin la snyoms par 'jug par bya'o snyam du dgongs so/ / de nas bcom ldan 'das tsa nas sems can des sngon gyi tshe rabs dran la/ mi'i skad du smra zhing bcom ldan 'das dang gtam zer bar 'gyur ba de wA bu'i ting nge 'dzin la snyoms par zhugs nas/ der bcom ldan 'das kyis/ sems can de la bka' stsal pa/ bzhin bzangs khyod skam po yin nam/ bcom ldan 'das bdag skam po lags so/ / bzhin bzangs khyod skam po yin nam/ bde bar gshegs pa bdag skam po lags so// lus dang / ngag dang / yid kyi nyes par spyod pa'i las rnams kyi 'bras

  181. 91b

    bu myong ba yod dam/ bcom ldan 'das myong ba mchis lags so// lus dang / ngag dang / yid kyi nyes par spyod pa'i las rnams kyi 'bras bu mi sdug pa yin nam/ bde bar gshegs pa mi sdug pa lags so/ / khyod kyi mi dge ba'i bshes gnyen su yin/ des gsol pa/ rang gi sems lags so// de nas skye bo phal po che de dga' di snyam du sems te/ 'di lta bu'i sems can sngon gyi tshe rabs dran la/ mi'i skad du smra zhing bcom ldan 'das dang gtam zer ba 'di su zhig gu snyam mo// sangs rgyas bcom ldan 'das rnams ni snyan slabs par dka' ste/ de dag gis bcom ldan 'das kyi snyan du zhu ma nus nas/ de dag gis/ tshe dang ldan pa kun dga' bo la dris pa/ btsun pa kun dga' bo 'di lta bu'i sems can sngon gyi tshe rabs dran la/ mi'i skad du smra zhing bcom ldan 'das dang gtam zer ba 'di su zhig/ tshe dang ldan pa kun dga' bos smras pa/ bcom ldan 'das la zhus shig/ de dag gis smras pa/ sangs rgyas bcom ldan 'das rnams ni snyan slebs par dka' zhing gzi byin bzod par dka' bas/ bdag cag gis sangs rgyas bcom ldan 'das kyi snyan du zhu mi nus so// tshe dang ldan pa kun dga' bos smras pa/ sangs rgyas bcom ldan 'das rnams ni bdag gis kyang snyan slebs par dka' mod kyi/ 'on kyang khyed la snying brtse ba'i phyir zhu bar bgyi'o zhes smras nas/ tshe dang ldan pa kun dga' bos bla gos phrag

  182. 92a

    pa gcig gzar te/ bcom ldan 'das ga la de logs su thal mo sbyar ba btung nas/ bcom ldan 'das la 'di skad ces gsol to// btsun pa 'di lta bu'i sems can sngon gyi tshe rabs dran la mi'i skad du smra zhing / bcom ldan 'das la bka' mchid gsol ba 'di su zhig lags/ der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo sems can 'di ni sdig pa'i las byed byed pa yin te/ 'dis sdig pa'i las mang du byas so// kun dga' bo sngon byung ba 'das pa'i dus na/ nyan thos dang rang sangs rgyas kyi sa las 'das pa yang dag par rdzogs pa'i sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od zer can zhes bya ba 'jig rten du byung ste/ de'i tshe dgra bcom pa lnga brgya dang thabs cig tu ljongs rgyu zhing song ba las/ rgyal po'i pho brang zhig tu phyin nas/ de rgyal po'i skyed mos tshal du song ste/ rgan rims bzhin du shing drung re rer rtswa bting nas/ skyil mo krung bcas te/ bsam gtan dang / rnam par thar pa dang / ting nge 'dzin dang / snyoms par 'jug pa'i bde ba nyams su myong bar byed do// de nas de'i tshe

  183. 92b

    rgyal po'i pho brang de nyid na rgyal po sgam po zhes bya ba rgyal po byed de/ rgyal po de nang par sngar langs nas bud med kyi 'khor gyis zham ring byas te/ skyed mos tshal der song ngo // de der song nas phyogs gcig tu 'dug pa dang / bud med de dag me tog dang 'bras bu la sred pas phan tshun du 'khyam zhing dong ba las/ bud med de dag gis dge slong lnga brgya po de dag shing drung dag na/ klu'i rgyal po lus bskyil te gnyid log pa bzhin du skyil mo krung bcas te 'khod pa mthong ngo / / mthong nas kyang mchog tu dga' ba skyes so// de dag dga' ba skyes nas/ de dag gi zhabs la phyag 'tshal lo/ / de dag gi nang na ches rgan pa gang yin pa de'i mdun du chos mnyan pa'i phyir 'khod do// de nas rgyal po des skyed mos tshal de'i nang nas skyes pa'i sgra thos so// thos nas kyang ral gri rnon po mgul du thogs te/ dge slong de dag ga la ba der song nas/ rgyal po des dge slong lnga brgya po de dag thag ring po nas mthong ngo // mthong nas kyang dge slong rnams kyis nga'i btsun mo'i 'khor mthong gis med do snyam ste/ khro ba'i kun nas dkris pa chen po skyes nas/ mthong ma thag tu rgyal po de rgyal po'i zho shas 'tsho ba rnams la bos te/ de dag la bsgo ba/ dge slong 'di rnams lcag gis gzhus shig ces byas so// de nas re zhig na de dag lcug gis gzhus nas/ dge slong dag gi lus ril gyis zhu lub tu sha snag bu bzhin du gyur to//

  184. 93a

    nas des dge slong de rnams snying tshim par gnas nas/ gshed ma rnams la gtad de/ khyed deng la rab tu byung ba 'di rnams las kha cig ni gson por gsal la tshugs la ral gri dang / mdung thung dang / mda' bo che dang / rdo rje rtse gcig pu dang / mdung kha le ba rnams kyis snun cig/ kha cig ni gson por khyi rnams la byin cig/ kha cig ni lus dum bu drug tu chod la phyogs kun tu 'or cig ces byas so/ / de nas rgyal po'i mi de dag gis de bzhin du 'tshal lo zhes byas nas/ dge slong lnga brgya po de dag kha cig ni gson por gsal shing la btsugs nas/ ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams kyis bsnun no// kha cig ni gson por khyi rnams la byin no// kha cig ni lus dum bu drug tu bcad de phyogs kun tu bor ro/ / dge slong dag ji snyam du sems/ de'i tshe rgyal por gyur pa gang yin pa de ni sems can 'di nyid yin te/ des der dgra bcom pa lnga brgya po de dag bsad pa'i las de'i rnam par smin pas sems can dmyal ba chen po mnar med par skyes so/ / des dge slong de dag la sdang ba'i sems kyis bltas pa'i las de'i rnam par smin pas ni dmus long du gyur to/ / des dge slong de dag lcag gis gnus pa'i las de'i rnam par smin pas ni lus ril gyis rmas zhu lub tu yog par gyur to// spyi bo man chad rkang mthil yan chad du srin zhugs so// des de dag

  185. 93b

    gshed ma la gtad de/ kha cig gson por gsal shing la btsugs nas/ ral gri dang / bdud thung dang / mda' bo che dang / rdo rje rtse gcig pa dang / mdung kha leb rnams kyis bsnun pa dang / cig gson por khyi rnams la byin pa dang / kha cig gson por lus dum bu drug tu bcad de phyogs kun tu gtor ba'i las de'i rnam par smin pas ni/ gal te thang la 'gro na ni de la de nyid nas seng ge dang / stag dang / gzig dang / dred la sogs pa lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o// de ste chu la 'bog na ni/ de la de nyid nas chu srin ma ka ra lcags kyi mche ba can dag 'byung bar 'gyur te/ de dag gis de'i sha rnams bcad cing bcad cing za'o// de steng gi nam mkha' la 'gro na ni/ de la de nyid nas bya rog dang / bya rgod dang / chun lag lcags kyi mchu can dag 'byung bar 'gyur te/ de dag gis kyang de'i sha rnams bcad cing bcad cing za'o// de ste nags stug po'i nang du 'gro na ni de la de nyid nas shing shal ma li'i tshal 'byung bar 'gyur te/ de la de nyid du ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams rlung gis blags te de'i steng du 'bab bo// de ste rtsig pa'i gseb bam/ ri'i sul lam/ bya skyibs dag tu 'gro bar 'dod na yang de la de nyid nas las las skyes pa'i mi dag 'byung bar 'gyur te/ ral gri dang / mdung thung dang / mda'

  186. 94a

    bo che dang / rdo rje rtse gcig pa dang / mdung kha le ba rnams thog sa nas lus la 'debs te/ de dag gis de'i lus thams cad bcad cing gtub par byed de/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste nyam thag pa'i skad 'byin zhing du'o// dge slong dag yang dag par rdzogs pa'i sangs rgyas 'od zer can gyi ring tshun chad nas/ da ltar nga'i ring gi bar du sems can 'di sems can dmyal ba rnams nas shi 'phos shing / sems can dmyal ba rnams 'ba' zhig tu skyes te/ 'dis 'di lta bu'i sdug bsngal rnyed par gyur to/ / btsun pa sems can 'di sdug bsngal 'di las na ma thar par 'gyur lags/ bcom ldan 'das kyis bka' stsal pa/ bskal pa bzang po 'di nyid la sangs rgyas lnga brgya 'byung bar 'gyur te/ de'i bar du yang sems can 'di sems can dmyal ba rnams nas shi 'phos shing / sems can dmyal ba rnams 'ba' zhig tu skye bar 'gyur te/ 'di lta bu'i sdug bsngal sha stag rnyed nas/ de'i 'og tu sems can dmyal ba'i sdug bsngal zad nas mir skye ba thob par 'gyur te/ des rigs ngan gyi khyim du nying mtshams sbyor bar 'gyur ro// de gang gi tshe cher skyes pa de'i tshe ri dgas gshor du 'gro bar 'gyur te/ de der song ba na nags khrod me tog phun sum tshogs pa/ 'bras bu phun sum tshogs pa/ bsil grib phun sum tshogs pa

  187. 94b

    zhig tu phyin nas des bsams pa/ gnas 'di lta bur ni ri dgas rnams 'du bar 'gyur ro snyam nas/ des der 'khrul 'khor dang / rnyig tor dang / rnyong rnams btsugs nas 'gro bar byed do/ / de nas de'i tshe 'jig rten du rang sangs rgyas shig byung ste/ de nags khrod der mtshan mo gnas 'cha' bar byed de/ de'i dris ri dgas de dag de'i nyin par nags khrod der mi 'ong ngo // rngon pa de yang der song nas nags khrod der rang sangs rgyas de 'ba' zhig mthong ba las gzhan ci yang ma rnyed nas/ de 'di snyam du sems te/ rab tu byung ba 'di dag ni gnas 'di lta bur dga' ba skyed par byed do/ / 'di ni 'dug par gyur na bdag la gnod par 'gyur gyis/ ma la bdag gis 'di bsang gor ma chag snyam nas/ des rang sangs rgyas de bsad de/ de bsad nas rngon pa shi ba'i bog tu yang sems can dmyal ba chen po mnar med par skye bar 'gyur te/ de der lo brgya phrag du ma dang / lo stong phrag du ma'i bar du sems can dmyal ba'i sdug bsngal myong bar 'gyur ro// de nas de las de zad nas yang mir skye ba thob par 'gyur te/ de'i tshe yang dag par rdzogs pa'i sangs rgyas bla ma zhes bya ba 'jig rten du 'byung bar 'gyur te/ de'i gsung rab la 'di rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro// nges dgra bcom pa nyid thob nas rgyal po'i pho brang zhig tu 'gro bar 'gyur te/ de de rgyal po'i skyed mos tshal du

  188. 95a

    gnas 'cha' bar 'gyur ro/ / rgyal po de yang bud med kyi 'khor dag gis zhabs 'bring byas te/ skyed mos tshal der 'gro bar 'gyur la/ bud med de dag kyang skyed mos tshal der me tog dang 'bras bu la sred pas/ phan tshun du 'khyam zhing 'gro ba las/ de'i thang du phyin te chos mnyan pa'i phyir mdun du 'khod do// rgyal po de yang skyes pa'i sgra thos nas/ de'i thang du 'gro bar 'gyur la/ de mthong nas khros te khrag gis gzhus nas/ de'i lus dumabu drug tu bcad de gson por gsal shing la btsugs nas/ ral gri dang / mdung thung dang / mda' bo che dang / rdo rje rtse gcig pa dang / mdung kha leb rnams kyis lus la bsnun nas/ khyi rnams la byin par 'gyur te/ de'i sdug bsngal gyi mtha' der thug par 'gyur ro// de nas de'i thos ma thag tu skye bo phal po che de dag shas cher skyo ba skyes te/ de dag gis bsams pa/ 'khor ba na 'khor na bdag cag gis kyang sdug bsngal mi bzad pa de lta bu rnyed par 'gyur ro snyam mo// de nas bcom 'das kyis de dag gi yid skyo bar gyur par thugs su chud nas/ de dang 'thun pa'i chos bstan te/ stan de nyid la 'khod bzhin du kha cig gis ni dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha

  189. 95b

    cig gis ni lan cig phyir 'ong ba'i 'bras bu mngon sum du byas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so/ / kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ / 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par mdzad de bkod nas/ gtsug lag khang du gshegs so/ / // bam po drug pa// / sa 'tshom zhes bya ba ni/ gleng gzhi ser skya'i gnas na bzhugs te/ gang gi tshe lha sbyin gyis ut+pa la'i kha dog ma bsad nas/ de rgyal po gsal rgyal gyis yul nas bskrad pa de'i tshe/ de yul ser skya'i gnas su song nas bsams pa/ bdag gis dge sbyong go'u ta ma gsod kyang ma nus la/ sangs rgyas kyi thabs kyang ma thob kyis/ bdag song la don grub kyi btsun mo'i 'khor rnams kha drangs te/ de dag dang bsdongs la/ rgyal sa thob nas rgyal po bya'o snyam du bsam

  190. 96a

    te/ des grags 'dzin ma la 'phrin pa zhig btang ste/ grags 'dzin mad ni sdig pa la dga' ba de sa ci byas pa la ltos/ bud med drug khri chung mar blangs nas sdug par byas pa 'di gal te des 'dod pa rnams yongs su spyad par mi 'dod na ni/ btsun mo blangs te bzhag kyang ci dgos/ da yang gal te khyed dga' na ni bdag gis kyang rgyal po thob par 'gyur la/ khyed kyang sngon bzhin du dpal dang skal ba dang ldan par 'gyur ro zhes spring ngo // de nas de thos ma thag tu grags 'dzin mas sa 'tsho ma la bsnyad de/ sa 'tsho ma lha sbyin gyis ni bdag la 'di skad ces spring ngo zhes byas so/ / de nas sa 'tshom na re/ bu bu cag gis thabs shig gisi de nang du bkug la sma phab ste ma btang na/ de tha mal par 'dug par mi 'gyur ro zhes zer ro// de nas de rnam kyis lha sbyin la spring ba/ lha sbyin rgyal po'i pho brang gi nang du spyon cig dang / 'dir gshegs nas thabs ji lta bu zhig gis bdag cag gis khyod rgyal sar gzhug pa bka' gros mdzad do zhes spring ngo / / de nas lha sbyin gyis de thos ma thag tu dga' ches nas/ da ni de dag dga' bar gyur pas/ rgyal srid ni bdag gis chang ba kho na na 'dug go snyam du bsams nas/ rgyal po'i pha brang du song ste/ byang chub sems dpa'i gdan la 'dug par chas pa dang / lha rnams kyis gdan de mi mthong bar byas so// de nas sa 'tshom btsun mo'i 'khor gyi sgo logs kyi themaskas kyi mgo

  191. 96b

    la 'dug nas smras pa/ lha sbyin khyod re zhig gdan la bzhugs ci 'tshal/ btsun mo'i 'khor nang du je gshegs dang bka' gros mdzad do// de nas lha sbyin gyis kyang sa 'tsho ma'i tshig mnyan nas sor mo bcu'i thal mo sbyar te de'i mdun du 'dug go/ de nas sa 'tshoms de'i thal mo sbyar ba bzung ste drag tu btsir nas/ de'i sor mo thams cad las khrag phyung ste/ lha sbyin re'i nad kyis nyam thag pas khus btab bo/ / de nas sa 'tshoms skas de nyid la mgo thur kar bstan te/ mgo bor rdog pa bsnun nas/ skas mgo nas bor ro// bud med gzhan rnams kyis kyang kha cig gis ni de'i lus bklang gi lci bas gtor ro/ / kha cig gis ni 'bru mar chen pos gtor te/ de nas de'i lus snad cing smras bzhin du de'i nang nas byung ste song nas/ de ko ka li ka dang / kha na da dra ba bya dang / ka ta mo ra ka ti sh+ya dang / rgya mtshos byin rnams kyi thad du song ste/ de dag gis de mthong nas smras pa/ lha sbyin 'di ci zhig btsun mo'i 'khor gyi gnang chen khyod kyis btsun mo 'khor gyi bde ba dag legs par myong mod/ de nas skabs de dge slong rnams kyis thos nas/ bcom ldan 'das la gsol to// dge slong rnams kyis/ sangs rgyas bcom ldan 'das la zhus pa/ btsun pa sa 'tshoms lha sbyin mi mang sar ji ltar sma phab pa la gzigs/ bcom ldan 'das kyis bka' stsal pa/ da ltar 'ba' zhig tu ma zad kyi/ 'das pa'i dus na yang sa 'tsho

  192. 97a

    mas lha sbyin ji ltar sma phab pade nyon cig/ dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba rgyal po byed do// yul bi de ha na ni rgyal po dbang chen sde zhes bya ba rgyal po byed de/ de gnyis phan tshun mi mthun pas dus dus su skye bo mang po kha 'dog par byed do// de nas phyi zhig na ka shi'i rgyal po tshangs pas byin blon po'i tshogs kyis zhabs 'bring byas te/ 'khod pa'i nang du bud med kyi gtam gyi gleng langs nas/ khyed kyi nang na su dag gis bud med gzugs bzang zhing blta na sdug la mdzes pa dag gang du mthong zhes dris nas/ der su sa bud med ji lta bu mthong ba des rgyal po de la de kho na bzhin du gsol to// der gcig cig gis smras pa/ lha de dag thams cad lha zhog gi/ bi de ha'i rgyal po'i btsun mo dam pa de dang byad gzugs 'dra ba ni bud med su yang ma mchis so zhes byas nas/ de thos ma thag tu rgyal po de 'dod chags kyi mdas phog nas/ des bsams pa/ bdag gis rgyal po dbang chen sde dang mi mthun bzhin du ni de dang phrad par bya mi nus kyis/ bdag gis sngar de dang mjal du ma byas na de'i 'og tu sla bar 'gyur ro snyam du bsams nas/ rgyal po tshangs pas byin gyis bi de ha'i rgyal po dang mjal dum byas pa'i 'og tu/ rgyal po dbang chen sde'i btsun mo la bud med pho nyar btang ste/ bdag gis dbang chen sde dang mjal dum bya

  193. 97b

    ba ci yang rung ba de dag thams cad ni khyod kyi phyir yin gyis/ de shes par gyi sa la/ ci nas bdag khyod dang phrad par 'gyur ba de ltar gyis shig ces spring ngo // de nas dbang chen sde'i btsun mos rgyal po la sbran te/ lha rgyal po tshangs pas byin ni bdag 'tshal zhes don du sgrub cing mchis kyis/ gal te lhas spru la na ni/ bdag gis de sma dbab par 'tshal lo zhes byas so// de nas des smras pa/ khyod ji ltar dga' ba de bzhin du gyis la/ ci nas de nga'i lag tu 'ong bar 'gyur ba de ltar gyis shig/ des smras pa/ lha ji ltar dgyes pa bzhin du mdzad du mchis pabapar bdag gis bgyi bar 'tshal gyis/ thugs ma chung bar gsol zhes byas nas/ des de la pho nya'i lan spring ste/ rgyal po 'di ga son por 'dug bzhin du ni bdag gis khyod dang mjal bar bgyi ba'i rngo mi thog gis/ 'di sod cig dang / de'i 'og tu bdag dang mjal bar 'gyur ro zhes spring ngo // de nas tshangs pas byin gyis bsams pa/ mi mthun par ma byas kyi bar du ni bdag gis de bsad du mi rung gis/ phyir yang bdag gis de dang mi mthun par bya'o snyam du bsams nas/ rgyal po tshangs pas byin gyis rgyal po dbang chen sde dang phyir yang mi mthun par byas nas/ dpung gi tshogs yan lag bzhi go bskon te/ yul bi de har song nas/ grong khyer dpung gi yan lag bzhis bskor te 'dug go// de de na 'dug pas skye bo

  194. 98a

    phal po che kha 'dog par byed do/ / de nas dbang chen sde'i btsun mos 'phrin spring ste/ khyod 'dir gshegs pa ci yang rung ba de dag thams cad ni bdag gi phyir du bas na// skye bo mang po dgum ci 'tshal gyis/ da yang mi phal pa'i cha lugs su bzhugs la/ grong khyer gyi nang du gshegs te/ bdag dang mjal bar mdzad du gsol zhes spring ngo // de nas thos ma thag tu ka shi'i rgyal po tshangs pas byin thabs ji ltar bstan pa bzhin du rgyal po'i pho brang du 'ongs so/ / de 'ongs ma thag tu dbang chen sde'i btsun mo des bzung nas rgyal po la sbran te/ lha tshang pas byin ni lhas ci dgyes par mdzad du mchis par gyur lags so zhes byas so/ / de nas rgyal po dbang chen sdes rgyal po'i sras dang / blon po dang / tshong dpon dang / phyug po dang / ded dpon thams cad bsags nas/ ka shi'i rgyal po tshangs pas byin gyi mgo bor rdog pas bsnun te smras pa/ 'di ci nas phyin chad gzhan gyi chung ma la byi ba byed par mi 'gyur bar gson cig ces byas so/ / de nas rgyal po dbang chen sde la btsun mos gsol pa/ lha 'di smra phab pa 'di nyid gum pa bas ches thu ba ma lags sam/ da 'di lhag par 'gum du ci mchis kyis thong lags zhes gsol nas gson por btang ngo / / dge slong dag ji snyam du sems/ de'i tshe de'i dus na yul ba dai ha'i rgyal po dbang chen sder gyur

  195. 98b

    ba byang chub kyi spyod pa la gnas pa gang yin pa de ni nga nyid yin no/ / de'i tshe de'i btsun mor gyur pa gang yin pa de ni sa 'tsho ma 'di nyid yin no// de'i tshe ka shi'i rgyal po tshangs pas byin zhes bya bar gyur pa gang yin pa de ni lha sbyin 'di nyid yin te/ de'i tshe yang nges 'di mi mang sar rdog pas bsnun te shin tu spa phab bo// sgra ldan ma zhes bya ba ni/ byang chub sems dpa' dga' ldan gyi gnas na bzhugs tsam na/ yul ser skya'i gnas na rgyal po seng ge'i 'gram rgyal po byed de/ de btsun mo dang lhan cig tu rtse zhing dga' la dga' dgur spyod ba la sa/ snga phyir bu pho bzhi dang / bu mo bzhi btsas te/ zas gtsang dang / zas dkar dang / bre bo zas dang / bdud rtsi zas dang / gtsang ma dang / dkar mo dang / bre pho ma dang / bdud rtsi ma rnams so// de'i tshe yul spong byed na rgyal po shAkya rab sangs gnas te/ de btsun mo dang lhan cig rtse zhing dga' la dga' dgur spyod pa las/ bu mo gnyis btsas te/ gcig gi ming ni sgyu 'phrul zhes btags so/ / gcig gi ming ni sgyu 'phrul chen mo zhes btags so// de nas de gnyis 'o ma dang / zho dang / mar dang / zhun mar dang / mar gyi snying khus bskyed ba srings te/ mtsho'i nang gi pad+ma bzhin du skye drag par gyur to// de nas de gnyis la mtshan mkhan rnams kyis bltas nas/ bu mo sgyu 'phrul las ni bu mtshan phun sum tshogs pa zhig btsa' bar

  196. 99a

    'gyur la/ sgyu 'phrul chen mo las ni 'khor los sgyur ba'i rgyal po btsas par 'gyur ro zhes lung bstan te/ de gnyis kyi sgra de til mar gyi thigs pa chur blugs pa bzhin du rgyas par gyur to/ / de nas rgyal po seng ge 'gram gyis thos nas/ rgyal po rab sangs la pho nya btang ste/ khyod kyi bu mo de gnyis bdag gi bu'i chung mar byin cig/ 'din shAkya rnams kyis ni sus kyang thabs zlar bab pa'i chung ma gnyis mi blang ba'i nang khrims de lta bu bcas mod kyi/ gal te bdag gis shAkya rnams kyis dang pa gnang bar byed nus na phyis gnyis ka blang ngo zhes spring nas/ seng ge 'gram gyis shAkya rnams la gsol ba btab nas/ bu mo de gnyis ka khyim na gnas pa rnams kyis khyim pa'i chos bzhin du byas te/ zas gtsang gi btsun mor blangs so// der rgyal po rab sangs kyis de gnyis la bu mo skra ldan ma zhes bya ba skra mkhan du byin no/ / de nas gang gi tshe byang chub sems dpa' btsas pa na/ de btsas nas zhag bdun lon pa'i 'og tu/ sgyu 'phrul chen mo shi nas/ de shi ba'i 'og tu sum pa'i lha yul du skyes so/ / bu mo skra ldan ma ni de dang bral bas sgyu 'phrul chen mo'i sku la 'jus nas/ shin tu mya ngan byed cing 'bum 'dril la smre sngags 'don cing brang rdung ste/ sus kyang de'i mya ngan bsang ma nus so// de nas gang gi tshe byang chub sems dpa'i sku cher 'azungs pa de'i tshe/ de'i rgan po dang / nad pa dang / shi ba gzigs nas nags kyi nang du rten bcas te/

  197. 99b

    lo drug gi bar du dka' ba spyad nas/ bla na med pa'i ye shes brnyes te/ mthar gyis 'dul ba'i don mdzad cing yul ser skya'i gnas su gshegs so// de der gshegs nas shAkya rnams rab tu byung ngo / / skye dgu'i bdag mo chen mo geru ta mi yang rab tu phyung ngo // sA ldan ma yang rab tu phyung ste/ des kyang nyon mongs pa thams cad spangs nas/ dgra bcom pa nyid mngon sum du byas te/ debacom ldan 'das kyis brtson 'grus brtsams pa rnams kyi mchog tu bstan to// de nas dge slong rnams kyis/ bcom ldan 'das la zhus pa/ btsun pa sgra ldan mas las bgyis na/ las de'i rnam par smin pas phyug cing nor mang la longs spyod che ba'i shAkya'i rigs su skyes pa lags/ las ci bgyis na des bran mo gzhan gyi mngag gzhug bgyid par gyur lags// bcom ldan 'das kyis bka' stsal pa/ smon lam gyi dbang las gyur to// 'dis gang du smon lam btab lags/ dge slong dag sngon byung ba 'das pa'i dus nas/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de bla na med pa yang dag par rdzogs pa'i byang chub mngon par rdzogs

  198. 100a

    par sangs rgyas nas/ grong khyer gnyen ldan du gshegs te/ de ldum gnyis kyis bshos gsol ba na/ der gcig gis smon lam btab pa/ bdag las 'di lta bu'i skyes bu rin po che btsas te/ de mnyes par byed par gyur cig/ mi mnyes par byed ma gyur cig ces byas so// bu mo cig shos kyis smon lam btab pa/ bdag kyang gang dang gang du skye ba de dang der khyod dang spun du gyur cig/ bdag 'di lta bu'i skyes bu rin po che de 'tsho bar gyur cig ces byas so// de spun gnyis kyi skra mkhan byed pa'i bu mo de yang de na 'dug par gyur te/ des kyang de gnyis smon lam de lta bu btab pa des thos nas/ thos ma thag tu des kyang yang dag par rdzogs pa'i sangs rgyas rnam par gzigs la bkur sti byas te smon lam btab pa/ kye ma bdag kyang dge ba'i rtsa ba 'dis 'di gnyis gang dang gang du skyes pa de dang der bdag 'di gnyis kyi sgra mkhan ma bsnyen bkur byed par gyur nas/ 'di gnyis kyi bu rin po che de mnyes par byed par gyur cig/ mi mnyes par byed par ma gyur cig ces byas te/ des 'dir smon lam 'di lta bu btab bo// btsun pa las ci bgyis na/ 'dis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis nas/ bcom ldan 'das

  199. 100b

    kyis brtson 'grus brtsams pa rnams kyi mchog tu yang bstan lags/ bcom ldan 'das kyis bka' stsal pa/ 'di yang dag par rdzogs pa'i sangs rgyas 'od srungs kyi gsung rab la rab tu byung ste/ gang las rab tu byung ba'i mkhan mo de ni yang dag par rdzogs pa'i sangs rgyas 'od srungs kyis brtson 'grus brtsams pa rnams kyi mchog tu bstan to// de nas des tshe gcig tu tshangs par spyod pa spyad nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi gsung rab la tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ 'di ltar bdag gi mkhan// mo yang dag par rdzogs pa'i sangs rgyas 'od srungs kyis brtson 'grus brtsams pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po des brtson 'grus brtsams pa rnams kyi mchog tu bstan par gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi bstan pa la rab tu byung ba'i dge

  200. 101a

    spongs gang yin pa de ni sgra ldan ma 'di nyid yin te/ des der tshe gcig tu tshangs par spyod pa spyad nas 'chi kar smon las btab ste/ yang dag par rdzogs pa'i sa rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gi mkhan mo yang dag par rdzogs pa'i sangs rgyas 'od srungs kyis brtson 'grus brtsams pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po des brtson 'grus brtsams pa rnams kyi mchog tu bstan par gyur cig ces byas te/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum dubyas nas/ da ltar ngas brtson 'grus brtsams pa rnams kyi mchog tu bstan to// pad+ma'i mdog ces bya ba ni/ gleng gzhi mnyan du yod pa na bzhugs te/ de'i tshe tshe dang ldan

  201. 101b

    banye sde yul srung byed du ljongs rgyu zhing song ba las/ ri khrod gcig tu phyin te/ de'i tshe ri khrod de na khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zla bab pa las chung ma blangs nas/ de de dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod kyang khyim bdag de bu med nas/ de lag pa la skom tshugs byas te bsams pa/ bdag gi khyim nor dum dang ldan du zin kyang / bdag la bu yang med/ bu mo yang med pas/ bdag 'das pa'i 'og tu bu med pa'i phyir ci bdog pa thams cad rgyal po dbang bar 'gyur ro snyam ste/ sems khong du chud cing 'dug go// de nas dge sbyong dang / bram ze dang / lhas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o// de nas de bu med de bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bani mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa dang / rtag tu phyi bzhin 'brang ba'i lha rnams

  202. 102a

    la yang gsol ba 'debs te/ 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de ltar ni ma yin te/ gal te/ gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod pa'i rigs so// ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur ro/ / de nas de yang gsol ba 'debs pa lhur byed cing 'dug la/ sems can zhig kyang sems can gyi rasi shig nas shi 'phos te de'i chung ma'i ltor zhugs so// bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la/ ma chags pa yang shes pa dang / dus kyang shes la mtshan yang shes pa dang / bu chags pa shes pa dang / gang las bu mo chags pa shes pa dang / khye'u yang shes la/ bu mo yang shes pa ste/ gal te khye'u yin na ni lto g.yas logs su brten cing gnas so// gal te bu mo yin na ni lto g.yon logs su brten cing gnas so/ / de nas de dga' ches nas khyim thab la sman pa/ jo bo bdag la sras chags te/ bdag gi ru ma g.yas logs su brten cing gnas pa las na

  203. 102b

    khye'ur 'gyur bar nges kyi/ dgyes pa bskyed du gsol zhes byas nas/ de yang dga' ches te/ ro stod ni bteg/ lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo / / bdag gi bu rung bar gyur cig/ mi rung bar ma gyur cig/ bdag gi bya ba dag byed par shog cig/ gsos pa'i lan phyir gso ra shog cig/ nor skal la spyod par shog cig/ bdag gi rigs brgyud ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rang ste/ sbyin pa dag byin la/ bsod nams dag byas nas/ de gnyis gang dang gang du skyes shing 'gro ba der 'di song zhig ces yon sngo bar shog ces dga' ba'i tshig brjod do// de nas des bu chags par rig nas/ bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang khang ma yin pa rnams dang / ha cang sbyar ba ma yin pa rnams dang / ha cang lan tshwa che ba ma yin pa rnams dang / ha cang dang ra ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / skur ba dang / lan tshwa dang / dang ra ba dang / tsha ba dang / bskab med pa'i zas rnams kyis bsten cing / do shal dang se mo ngos lus rnam par klubs

  204. 103a

    te/ lha'i bu mo dga' ba'i tshal na rnam par rgyu ba bzhin du khri'i steng dang / khri'u'i steng nas khri'u'i steng du rgyu zhing / 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ / de nas de zla ba dgu 'am bcu lon pa dang bu byung ste/ khye'u gzugs bzang zhing blta na sdug la mdzes pa/ mdog bzang ba/ pad+ma'i snying po'i mdog 'dra ba/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma sdug pa zhig btsas nas/ de'i btsas ston rgyas par byas te/ khye'u 'di'i ming ji skad gdags zhes ming 'dogs par byed de/ khye'u 'di pad+ma'i snying po'i mdog 'dra bas na/ de'i phyir khye'u 'di'i ming pad+ma'i mdog can zhes gdags so zhes zer ro// de nas khye'u pad+ma'i mdog 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs

  205. 103b

    pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// khyim bdag de'i bas na ni tshe dang ldan pa nye snga yin te/ khye'u pad+ma'i mdog gis de la brten nas bcom ldan 'das kyi bstan pa la dad pa rnyed de/ des pha ma la gsol nas tshe dang ldan pa nye sde nyid kyi thad du rab tu byung ste bsnyen par rdzogs so// de nas de phyi zhig na de mkhan po la ma zhus par don zhig la ri khrod de nas song nas/ de mthar gyis ljongs rgyu zhing song song ba las/ yul bcom brlag ces bya bar phyin te/ bcom brlag na bong bu'i kun dga' ra ba zhes bya ba na gnas so// de nas tshe dang ldan pa pad+ma'i mdog snga dro sham thabs dang chos gos bgos te/ lhung bzed thogs nas/ yul bcom brlag tu bsod snyoms la song ba dang / tshe dang ldan pa de spyod yul gyi rgyus mi shes bzhin du mthar gyis bsod snyoms byed pa las smad 'tshong ma'i khyim du song ngo / / smad 'tshong ma de yang gzugs bzang zhing blta na sdug la mdzes pa/ ro rtsa la g.yem pa zhig go/ de nas bud med des tshe dang ldan pa pad+ma'i mdog rgyang nas mthong ngo // mthong nas kyang 'dod chags kyi mda' drag pos phog ste/ de 'dod chags kyi dbang du gyur nas/ tsham tshom med par langs te/ tshe dang ldan pa pad+ma'i mdog ga la ba der song ste phyin nas smras pa/ 'phags pa gdan bshams pa 'di la bzhugs su gsol/ de nas tshe dang ldan pa pad+ma'i mdog gis bsams pa/

  206. 104a

    ci 'di dge bsnyen ma zhig yin nam snyam nas/ stan bshams pa de la 'dug pa dang / bud med des 'dod chags kyi shugs kyis mi bzod ches nas/ pad+ma'i mdog la smras pa/ btsun pa khyod kyang gzugs dang lang tshe phun sum tshogs pa lags la/ bdag kyang yan lag thams cad sdug pa lags kyis/ bdag gzims par gsol zhes byas so// de nas de thos ma thag tu tshe dang ldan pa pad+ma'i mdog gis rna ba gnyis bkag ste 'dug nas/ bdag ni sdig pa 'di lta bu mi byed de/ bcom ldan 'das kyi bstan pa nyams par byed mi phod do zhes byas so// bud med des smras pa/ gnong cang 'di lta bu ci 'tshal/ gal te khyod 'dod pa rnams mi bzhed na/ smad 'tshong ma'i khyim du byon te ci bgyi/ pad+ma'i mdog gis smras pa/ bdag gsar du 'ongs pas spyod yul gyi rgyus mi shes te/ de'i phyir 'dir 'ongs par zad kyi/ bdag ni 'dod pa rnams don du gnyer ba ma yin te/ bdag gis bya ba ma yin pa 'di lta bu byar mi rung ngo // mos smras pa/ khyod mi bzhed na yang bdag gis khyod thu kar bor te nyal du gzhug go/ de nas de thos ma thag tu tshe dang ldan pa pad+ma'i mdog sngangs nas stan las langs te phyir byung nas/ bsod snyoms ma byas par gtsug lag khang du song ngo / / de phyir byung ste song nas smad 'tshong ma de 'dod chags kyi mes yongs su gdungs te/ rigs ngan mo sngags kyi mthu yod pa zhig bkug nas/ de la gtam de

  207. 104b

    rgyas par bsnyad de smras pa/ bdag dge slong de dang phrad par gyis shig dang / bdag gis khyod la gser mang du sbyin no zhes byas so// de nas des de ltar bgyi zhes smras nas/ rigs ngan mo des bud med de rgyan thams cad kyis klubs te/ khyim de lha khang zhig tu byas te/ gzhan nas dkyil 'khor ba glang gi lci bas byugs te/ bdug spos dang / me tog dang / lha bshos kyi cho ga rnams bshams nas/ me spar te/ yungs kar la sngags kyis btab cing me'i nang du 'debs so// tshe dang ldan pa de yang sngags kyi mthus drang nas phyir smad 'tshong ma'i khyim de nyid du 'ongs so/ / de nas rigs ngan mo des tshe dang ldan pa pad+ma'i mdog khyim der 'ongs par mthong ngo // mthong nas smras pa/ btsun pa khyod khyim 'dire 'ongs pa la bya ba gnyis yod de/ yang na ni smad 'tshong ma 'di dang lhan cig nyol cig/ yang na ni me'i nang du mchongs shig ces byas so// de nas de thos ma thag tu tshe dang ldan pa pad+ma'i mdog gis bsams pa/ de bzhin gshegs pa ni'ajig rten du brgya lam brgyalam na 'byung bar zad de/ dper na u dum wa ra'i me tog dang 'dral/ mir skye ba thob pa dang / yul dbus su skye ba yang rnyed par dka' bas na/ me'i nang du mchong ba ni legs pa yin gyi/ 'di dang phrad par bya ba ni de lta ma yin no snyam du bsams nas/ gos rnams phud de rigs ngan mo la gtad nas smras pa/ chos gos 'di rnams gtsug lag khang du khyer la/

  208. 105a

    bdag gi tshangs pa mtshungs par spyod pa rnams la phul cig/ rigs ngan mos smras pa/ btsun pa khyod ci byed/ pad+ma'i mdog gis smras pa/ me'i nang du mchong bar/ chad do// de nas de'i tshig thos nas rigs ngan mo mi dga' bar gyur te bsams pa/ kye ma bdag dbul bas bdag gis 'di lta bu'i yon gnas dag la nyes pa byed cing 'dug ste/ bdag gis 'di lta bu'i sems can dag pa mi dga' bar bya ba ni bdag gi cha ma yin no snyam nas/ des cho ga thams cad btang ste/ gus par bsgrim pas rkang pa la phyag 'tshal nas/ sems can dag pa bzod par gsol/ bdag nyes par spyod pa'i 'dam du bying ba las lag nas drang bar gsol/ pad+ma'i mdog gis smras pa/ ngas ni bzod na/ khyod bdag gi las rnams kyis mi bzod do// / de nas smad 'tshong ma de yang mthong ma thag tu 'dod pa'i 'dod chags dang bral bar gyur nas/ de la dga' ba skyes so// dga' ba skyes nas/ rkang pa la phyag 'tshal te smras pa/ skal ba chen po dang ldan pa/ bdag 'dod pa'i 'dod chags kyi dbang du gyur pas khyod mi dgyes par bgyis pa bzod par gsol zhes smras nas/ bu mo smad 'tshong ma de dang / rigs ngan mo de gnyis chos mnyan pa'i phyir tshe dang ldan pa pad+ma'i mdog gi mdun du 'dug go/ / de nas tshe dang ldan pa pad+ma'i mdog gis de gnyis la de dang 'thun pa'i chos bstan nas/ de gnyis kyis stan de la 'dug

  209. 105b

    bzhin du rgyun du zhugs pa'i 'bras bu mngon sum du byas te/ de gnyis bden pa mthong nas smras pa/ btsun pa bdag cag gnyis legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thob tu rung na/ bdag cag gnyis kyang bcom ldan 'das kyi thad du tshangs par spyod pa spyad par 'tshal lo// de nas tshe dang ldan pa pad+ma'i mdog gis de gnyis dge slong ma'i gtsug lag khang du khrid de dge slong ma rnams la gtad nas/ dge slong ma rnams kyis de gnyis rab tu phyung ste bsnyen par rdzogs par byas nas/ de gnyis la lung yang phog go/ de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de gnyis dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas tshe dang ldan pa pad+ma'i mdog gis bsams pa/

  210. 106a

    'di ltar bdag gis gzhan gyi rgyud ni dag par byed nus na/ bdag gi rgyud dag par byed ma nus so// bcom ldan 'das kyis kyang mang du thos pa la phan yon rnam pa lnga yod de/ phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par 'gyur ro zhes gsungs kyis/ bdag gis kyang nyon mongs pa zad par bya ba'i phyir brtsam par bya'o snyam nas/ des brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag bapar rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / des dgra bcom pa nyid thob nas/ yul bcom brlag tu ji srid dga' ba'i bar du 'dug 'dug nas/ mnyan du yod par song ngo // de der song nas/ gtam

  211. 106b

    de rgyas par dge slong rnams la bsnyad do/ / de nas dge slong rnams kyis/ bcom ldan 'das la nus pa/ btsun pa bu mo smad 'tshong ma 'dod pa'i 'dod chags kyi dbang du gyur pa/ tshe dang ldan pa pad+ma'i mdog ji ltar mi dga' bar bgyis pa dang / slar de nyid la brten nas rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ 'di ni tshe rabs lnga brgya'i bar du 'di'i chung mar gyur te/ 'di sngon gyi bag chags kyi gzhi yod pas na/ mthong ma thag tu kun tu chags par gyur to/ / btsun pa tshe dang ldan pa pad+ma'i mdog gis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang 'dis mnyes par bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis gang du smon lam btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes

  212. 107a

    bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sin khyim bdag gnas pa de la chung ma gnyis yod do/ / de nas phyi zhig na khyim bdag des yang dag par rdzogs pa'i sangs rgyas 'od srungs kyi bstan pa la dad pa rnyed nas/ des chung ma gnyis la smras pa/ bzang mo gnyis pa ni bcom ldan 'das 'od srungs kyi bstan pa la rab tu 'byung du 'gros/ bag dang ldan par khyim na gnas par gyis shig/ de gnyis kyis smras pa/ jo bo gal te de lta na bdag cag gnyis kyang jo bo rab tu 'byung ba'i slad bzhin du rab tu 'byung bar 'tshal lo/ / khyim bdag des smras pa/ gal te khyed gnyis kyang rab tu 'byung bar 'dod na/ khyed gnyis je rab tu 'byung bar gyis shig dang / de'i 'og tu nga rab tu 'byung bar bya'o zhes de skad smras nas/ khyim bdag des chung ma de gnyis dge slong ma'i gtsug lag khang du khrid de dge slong ma rnams la gtad do// dge slong ma rnams kyis kyang de gnyis rab tu phyung ste/ bsnyen par rdzogs par byas so// de gnyis rab tu byung nas/ khyim bdag de yang sbyin pa dag byin zhing / bsod nams dag byas nas/ bcom ldan 'das 'od srungs kyi bstan pa la rab tu byung ngo / / de rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra ba/ gos dang / zas dang / mal cha dang / stan dang / nang gsos dang

  213. 107b

    sman zong rnams rnyed par gyur to/ / dge slong ma de gnyis ni rab tu byung nas 'thab krol can kha tshas ngan par gyur te/ de gnyis las gcig gis ni dge slong ma rnams la rigs ngan mo zhes bya ba'i tshig smras so/ / gcig gis ni smad 'tshong ma zhes bya ba'i tshig smras so// de nas dge slong des de gnyis 'thab krol can du gyur pa de las bkag nas/ sbyin pa dang sbyin pa'i bgo bsha' byed pa la btsud do// de nas phyis dge slong des sangs rgyas la sogs pa dge slong gi dge 'dun bshos gsol te/ dbu skra dang sen mo'i mchod rten dag la yang bkur sti byas nas smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig/ gzugs bzang zhing blta na sdug la mdzes par yang gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas dge slong ma de gnyis kyis de mthong nas 'phags pa khyod kyis smon lam ji lta bu zhig btab ces dris so/ / des kyang de gnyis la rgyas par bsnyad nas/ de gnyis kyis kyang de thos nas smon lam btab pa/ bdag cag

  214. 108a

    gnyis kyis kyang 'phags pa khyod nyid las brten te sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ bdag cag gnyis kyis dge slong ma mang po zhig la tshig rtsub po smras pa'i las de'i rnam par smin pa'i skal ba can du bdag cag gnyis ma gyur cig ces byas so/ / dge slong dag ji snyam du sems/ de'i tshe dge slong du gyur pa gang yin pa de ni pad+ma'i mdog 'di nyid yin no/ / de'i tshe dge slong ma gnyis su gyur pa gang yin pa de gnyis ni dge slong ma 'di gnyis kho na yin no// dge slong des der sangs rgyas la sogs pa dge slong gi dge 'dun bshos gsol te/ dbu skra dang sen mo'i mchod rten rnams la bkur sti byas nas/ smon lam btab pa'i las de'i rnam par smin pas phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// dge slong ma de gnyis kyis dor smon

  215. 108b

    lam btab ste/ bdag cag gnyis kyis 'di nyid las brten te sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pas ni 'di gnyis kyis 'di las brten nas/ da ltar nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// de gnyis kyis dge slong ma mang po zhig la gcig gis ni rigs ngan mo zhes bya ba'i cho ga brjod la/ gcig gis ni smad 'tshong ma zhes bya ba'i tshig brjod pa'i las de'i rnam par smin pas ni/ gcig rigs ngan mo'i rigs su skyes la/ gcig ni smad 'tshong mar gyur to// btsun pa pad+ma'i mdog gis las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes la/ gzugs bzang zhing blta na sdug la mdzes par gyur te/ pad+ma'i snying po'i mdog 'dra bar gyur lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis gang du smon lam btab lags/ dge slong dag sngon byung ba 'das pa'i dus na/ ri khrod cig na kun dga' ra ba'i srungs ma zhig gnas pa de'i kun rab me tog phun sum tshogs pa

  216. 109a

    dang / 'bras bu phun sum tshogs pa dang / bsil grib phun sum tshogs pa dang / rdzing bu phun sum tshogs pa dang ldan te/ rdzing de dag kyang me tog ut+pal dang / dang / ku mu da dang / pad+ma dkar pos gang ba dang / ngang pa dang / ngur pa dang / zal mo rnams skad 'byin pa dang ldan par 'dug go// sangs rgyas bcom ldan 'das rnams mi bzhugs pa'i rang sangs rgyas sdug cing 'phongs pa rnams la snying brtse ba/ bas mtha'i gnas mal gyis 'tshe ba/ bse ru lta bu 'jig rten gyi yon gnas gcig pu rnams 'jig rten du 'byung ste/ rang sangs rgyas gcig gis kun dga' ra ba der gnas bcas so/ / de nas kun dga' ra ba'i srungs ma de nang par sngar langs te/ kun dga' ra ba der song ba las/ kun dga' ra ba'i srungs ma des rang sangs rgyas de klu'i rgyal po lus bskyil te/ gnyid kyis log pa bzhin du skyil mo krung bcas te 'dug pa mthong ngo // mthong nas kyang mchog tu dga' ba skyes so// dga' ba skyes nas/ rang sangs rgyas de kun dga' ra ba de nyid du bshos drangs so// bshos gsol nas na bza' yang phul lo// me tog ut+pal dang / pad+ma dang / ku mu da dang / pad+ma dkar po rnams kyis gtor nas smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig/ gzugs

  217. 109b

    bzang zhing blta na sdug la mdzes par yang gyur cig/ bdag gi lus mdog pad+ma'i snying po'i kha dog lta bur gyur cig/ 'di bas kyang khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan gyi tshogs 'di lta bu dag kyang thob par gyur cig ces byas so// dge slong dag ji snyam du sems/ de'i tshe kun dga' ra ba'i srungs mar gyur pa de ni pad+ma'i mdog 'di nyid yin te/ des rang sangs rgyas de la bkur sti byas nas/ smon lam btab pa'i las de'i rnam par smin pas phyug cing nor mang la longs spyod che ba'i rigs su skyes nas/ gzugs bzang zhing blta na sdug la mdzes par gyur te/ lus kyi mdog pad+ma'i snying po'i kha dog lta bur gyur to// dge slong dag rang sangs rgyas bye ba phrag 'bum pas kyang ches lhag par khyad par du 'phags pa nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / shan pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ shan pa zhig gnas pa des/ thabs zla ra bab pa las chung ma blangs pa las/ phyi zhig na de'i chung ma la bu chags nas/ de zla ba dgu 'am bcu lon pa dang bu byung ste/ khye'u gzugs bzang zhing blta na sdug la mdzes pa zhig btsas

  218. 110a

    nas/ de pha ma'i snying du shas cher sdug cing 'phangs la yid du 'ong bar gyur to// de nas de'i btsas ston rgyas par byas te/ rigs dang 'thun par ming btags nas/ ngo ma dang / zho dang / mar dang / zhun mar dang / mar gyi snying khus bskyed pasrings te/ mtsho'i nang gi pad+ma bzhin du skye drag par gyur to// de gang gi tshe cher skyes pa de'i tshe/ pha ma de gnyis kyis babaza' ba dang bca' ba bzang po byin la/ las ci yang byed du mi 'jug go// de nas phyis de'i phas de rang gi las byed du bcug pa dang / de na re/ yab bdag ni bdag nyid 'gum pa'i rngon thog gi/ srog chags dgum pa'i rje mi thog go zhes zer ro// shan pa'i chung mas smras pa/ jo bo khye'u 'di la gnod par ma mdzad cig dang / bdag cag gis las 'di gla mi bgyid du skul to/ / de nas de skad ces thos pa'i mod la shan pa des khye'u de dal bar bzhag go// de nas phyi zhig na khye'u des bcom ldan 'das kyi bstan pa la dad pa rnyed nas/ de dus dus su rgyal bu rgyal byed kyi tshal du 'gro zhing bcom ldan 'das la chos nyan par byed do/ / de nas phyi zhig na de rab tu 'byung ba'i sems skyes nas/ des bsams pa/ bdag gis khyim na gnas pa btang la bcom ldan 'das kyi bstan pa la rab tu 'byung ngo snyam nas/ pha ma gnyis la gsol te/ bcom ldan 'das kyi bstan pa la rab tu byung nas/ bsnyen par rdzogs par byas so// de nas des

  219. 110b

    brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas nas/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas des dgra bcom pa nyid thob nas bsams pa/ bdag gis 'dul bar 'gyur ba 'ga' lnga yod dam snyam pa dang / des thog ma kho nar pha ma gnyis 'dul bar 'gyur ba mthong ngo / / mthong nas kyang de gnyis kyi thad du song ste chos bstan nas sdig pa'i las de las bzlog ste/ bden pa rnams dang / skyabs su 'gro ba dang / bslab pa'i gnas rnams la yang bkod do/ / sbyin pa dang sbyin pa'i bgo bsha' bya ba la yang btsud de/ des khyim de spong ba'i skye bo rnams kyi chu dong lta bur gyur par byas so// dge slong dgra bcom pa nyid thob pa de la yang bza' ba dang bca' ba gtsang ma bzang po sbyar ro/ / des kyang bdag nyid kyang longs spyod par byed la/ tshangs par spyod pa gzhan dag la yang sbyin par byed do// de nas

  220. 111a

    dge slong rnams kyis/ bcom ldan 'das la zhus pa/ btsun pa dge slong 'dis las ci bgyis na/ las de'i rnam par smin pas phyug cing nor mngal longs spyod che ba'i shan pa'i rigs su yang skyes la/ sdig pa'i las la yang sems ma zhugs/ bcom ldan 'das kyang 'dis mnyes par bgyis te/ mi mnyes par ma bgyis/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum bgyis/ khyim pa'i tshe dang rab tu byung ba na yang / bza' ba dang bca' ba bzang po dang ldan par gyur lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis gang du smon lam btab pa lags/ dge slong dag sngon byung ba 'das pa'i dus na/ ri khrod cig na shan pa mang po dag cig skyed mos tshal gyi nang du dong ste/ bza' ba dang bca' ba bzang po mang po bshams pa las/ rang sangs rgyas shig skyed mos tshal der bsod snyoms la 'ongs nas/ de shan pa'i mi zhig gis mthong ste/ mthong ma thag tu shan pa'i mi de rang sangs rgyas de la shin tu dga' ba skyes te/ dga' ba skyes nas/ rang sangs rgyas de la bza' ba dang bca' ba gtsang ma bzang po mang po phul lo// bdag nyid chen po de dag ni lus kyis chos ston par byed kyi/ tshig gis chos ston par mi byed de/ des der bsod snyoms blangs nas de nyid du steng gi nam mkha' la song ngo // de nas mi nges mthong nas lhag par yang dga' ba skyes

  221. 111b

    so/ / de dga' ba skyes nas smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i shan pa'i rigs su skyes la/ bza' ba dang bca ba bzang po dang yang ldan pa dang / bdag sdig pa'i las de yang mi byed pa dang / 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig yon tan gyi tshogs 'di lta bu dag kyang thob par gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom nyid mngon sum du byed par gyur cig ces byas so// / dge slong dag ji snyam du sems/ de'i tshe shan par gyur pa gang yin pa de ni dge slong 'di nyid yin te/ des rang sangs rgyas de la bshos phul nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i shan pa'i rigs su skyes nas/ gzugs bzang zhing blta na sdug la mdzes par gyur te/ bza' ba dang bca' ba bzang po dang yang ldan par gyur la/ des sdig pa'i las kyang ma byas te/ dge slong dag nga rang sangs rgyas bye ba phrag 'bum pas kyang ches lhag par khyad par du 'phags pa nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od

  222. 112a

    srungs kyi bstan pa la 'di rab tu byung nas/ der 'dis tshe gcig tu tshangs par spyod pa spyad de/ 'chi kar smon lam btab pa/ yang dag par rdzogs pa'i sangs rgyas 'od srungs/ kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi bstan pa la rab tu byung ba'i dge slong du gyur pa gang yin pa de ni dge slong 'di nyid yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed pabar ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas

  223. 112b

    te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// / bam po bdun pa// // gser mdog ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na rigs ngan zhig gnas pa des/ thabs zla ra bab pa las chung ma blangs pa las/ phyi zhig na de'i chung ma bu chags nas/ de zla ba dgu 'am bcu lon pa dang / bu mo mi sdug pa/ mchog tu mi sdug pa/ mi sdug pa'i sna grangs bco brgyad dang ldan pa zhig btsas nas/ de mthong ma thag tu pha ma gnyis shin tu mi dga' bar gyur te/ bdag cag gnyis la bu mo 'di 'dra ba mi dgos kyis/ nam sros pa dang phyir phyung la khyi rnams la sbyin no zhes zer ro// de nas chung ma na re/ jo bod skad ma gsung zhig/ 'jig rten na mi gsod pa ni rnam par smad pa lags kyis/ 'di kho na ltar mi sdug pa'i sna grangs bco brgyad dang ldan du lags kyis kyang / 'di bdag cag gnyis kyi bu mo lags pas na/ 'di btsas ma thag tu bdag cag gis dor mi nus kyis/ nam cher skyes pa na bskrad par bgyi'o// 'on kyang 'di de'i tshe cis kyang 'tsho ba chol nus par 'gyur ro zhes byas so/ / de nas 'o na de ltar bya'o zhes smras nas/ de pha ma gnyis kyis lkog tu gsos te/ ci nas sus kyang mi shes par byas so// de nas de gang gi tshe 'gro nus par gyur pa de'i tshe/ mi sdug ches

  224. 113a

    nas pha ma gnyis kyis khyim nas bskrad de btang ngo / / de nas de slongs mo byed cing srang de yan man na gnas pa las/ des sgren mo la gnas pa/ kha zas ngan pa la za zabs lus la mdze nad dang rma byung bar gyur te/ de phyi zhig na nad bu can du gyur nas/ srang de na 'gyel zhing 'dug ste/ shil thub pa dang / tshe dang ldan pa kun dga' bos mthong ste/ mthong ma thag tu dang ldan pa kun dga' bo snying rje skyes nas/ de de'i thad du song ste smras pa/ che zhe ci nyes/ des smras pa/ btsun pa kun dga' bo bdag gis sngon bsod nams dag ma bgyis pas na des bdag 'di kho na lta bur gyur pa lags kyis/ btsun pa kun dga' bo ci nas bdag gi mi dge ba'i las 'di yongs su zad par 'gyur bar mdzad du gsol/ tshe dang ldan pa kun dga' bos smras pa/ che zhe snying ma chung bar spro ba skyed cig dang / bdag gis khyod kyi mi dge ba'i las 'di bsal bar bya'o// de skad ces smras nas/ tshe dang ldan pa kun dga' bos de'i don du til mar dang spos btsal nas/ bu mo de ga la ba der song ste phyin nas smras pa/ che zhe longs la bcom ldan 'das kyi dbu skra dang sen mo'i mchod rten la spos kyis yugs shig/ de nas de thosam thag tu bu mo de dga' ba skyes nas langs te/ tshe dang ldan pa kun dga' bo'i phyi bzhin song nas/ kun dga' bos de bzhin gshegs pa'i mchod rten la til mar gyis byug pa dang / sbyar ba'i spos

  225. 113b

    kyis byug pa dang / gur kum gyis byug pa 'bul du bcug go// khyim bdag mgon med zas sbyin yang sa phyogs der 'ongs te/ des tshe dang ldan pa kun dga' bo mthong nas/ btsun pa kun dga' bo ci mdzad ces dris so/ / tshe dang ldan pa kun dga' bos smras pa/ bu mo 'di'i dbul ba yongs su gcad par bya'o// de nas khyim bdag mgon med zas sbyin gyis kyang / bu mo de sgren mor 'dug pa mthong nas gos byin no/ / bcom ldan 'das kyang bu mo de kho na la thugs brtse ba'i phyir sa phyogs der gshegs nas/ bu mo des sangs rgyas bcom ldan 'das mdzes shing yid du 'thad la/ dbang po zhi ba/ thugs zhi ba/ thugs mchog tu thul ba dang / rnam par zhi ba dang ldan pa/ gser gyi mchod sdong ltar dpal 'bar ba mthong ngo // mthong nas kyang bu mo de yang mchog tu dga' ba skyes so/ / dga' ba skyes nas bsams pa/ 'di'i dbu skra dang sen mo'i mchod rten dag la bkur sti byas na yang 'bras bu chen por 'gyur na/ 'di nyid la byas pa lta ci smos te/ 'bras bu ren por ci ste mi 'gyur snyam nas dga' ba skyes te/ gos de khyer nas bcom ldan 'das ga la ba der song ste phyin nas/ bcom ldan 'das la gos phul te bcom ldan 'das la rtog cing 'dug go// de nas re bcom ldan 'das la sems dga' bar gyur bzhin du shi 'phos te dus las 'das nas/ mnyan du yod pa de nyid du tshong dpon zhig gi chung ma chen mo'i ltor nying mtshams sbyar nas/ derma

  226. 114a

    ba dgu 'am bcu lon pa dang / bu mo gser gyi mdog can zhig btsas te/ de'i btsas ston rgyas par byas nas/ bu mo 'di'i ming ji skad gdags zhes ming 'dogs par byed do/ / bu mo 'di gzugs bzang zhing blta na sdug la mdzes te/ gser gyi mdog can yin pas na/ de'i phyir bu mo 'di'i ming gser gyi mdog ces gdags so zhes zer ro// de nas bu mo gsan gyi mdog can 'o ma dang / zho dang / mar dang / zhun mar dang / mar gyi snying khus bskyed bsrings te/ de gang gi tshe btsas nas lo bdun lon pa'i tshe/ des bcom ldan 'das kyi bstan pa la dang pa rnyed nas/ des pha ma la gsol te/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ rdzu 'phrul che zhing mthu che bar gyur to/ / de nas des dgra bcom pa nyid thob nas bsams pa/ bdag gang nas shi 'phos te 'dir skyes snyam pa dang / des mnyan du yod pa de nyid du rigs ngan gyi bu mo mi sdug pa'i sna grangs bco brgyad dang ldan par gyur pa las/ der bdag gis 'phags pa kun dga' bo la brten nas rigs ngan gyi skye gnas spangs te der skyes pa mthong nas/ de'i blo skyes pa/ 'phags pa kun dga' bo ni bdag la dka' ba byed byed pa yin no snyam du rig nas/ der rtag tu 'gro zhing bkur sti byed do// de nas dge slong dag gis/ sangs rgyas bcom ldan 'das la

  227. 114b

    zhus pa/ btsun pa gser mdog gis las ci bgyis na/ las de'i rnam par smin pas phyug cing nor mngal longs spyod che ba'i rigs su skyes te/ gser gyi mdog can du gyur la/ bcom ldan 'das 'dis mnyes par bgyis te/ mi mnyes par ma bgyis/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa lags/ bcom ldan 'das kyis bka' stsal pa/ dge slong dag mnyan du yod pa 'di nyid na/ sa phyogs ga ge mo zhig na/ rigs ngan gyi bu mo mi sdug pa'i snga grang bco brgyad dang ldan pa zhig 'dug pa khyed kyis mthong ngam/ bcom ldan 'das mthong lags so// de de nas shi 'phos nas 'dir skyes te/ der dbu skra dang sen mo'i mchod rten la til mar gyis byug pa dang / sbyar ba'i spos kyis byug pa dang / gur kum gyis byug pa dang / spos kyis byug pa phul nas/ nga la gos phul te nga la sems dga' ba skyes nas shi ba'i 'og tu las de'i rnam par smin pas 'di da ltar phyug cing nir mang la longs spyod che ba'i rigs su skyes te/ gzugs bzang zhing blta na sdug la mdzes pa gser gyi mdog can du gyur to// btsun pa bu mo 'di las ci bgyis na/ las de'i rnam par smin pas rigs ngan gyi rigs su skyes te/ mi sdug pa'i sna grangs bco brgyad dang ldan par gyur lags/ bcom ldan 'das kyis bka' stsal pa/ dge

  228. 115a

    slong dag 'di nyid kyis las rnams byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na khyim bdag gcig gnas pa des/ thabs zla bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / bu mo gzugs bzang zhing blta na sdug la mdzes pa zhig btsas nas/ de'i btsas ston rgyas par byas te/ rigs dang 'thun par ming btags nas/ 'o ma dang / zho dang / mar dang / zhun mar dang / mar gyi snying khus bskyed bsrings te/ gang gi tshe chen mor gyur pa de'i tshe/ des yang dag par rdzogs pa'i sangs rgyas 'od srungs kyi bstan pa la dad pa rnyed nas/ des pha ma la gsol te/ yang dag par rdzogs pa'i sangs rgyas 'od srungs kyi bstan pa la rab tu byung nas/ de 'thab krol can kha tsas ngan par gyur te/ des kyang gzugs dang / lang tsho dang / dbang phyug dang / cho rigs kyi rgyags pas dregs nas/ slob pa dang

  229. 115b

    mi slob pa'i dge slong ma mang po zhig la byad gzugs mi sdug pa'i lus dang ngag gi las rnams kyis dpyas te/ rigs ngan zhes bya ba'i tshig kyang smras pa las/ phyis de 'gyod pa skyes so// de nas des tshe gcig tu tshangs par spyod pa sprad nas smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par smod pa ngag spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ bdag gis tshangs pa mtshungs par spyod pa de dag la tshig rtsub po smras pa'i sdig pa'i las de'i 'bras bu bdag la smin par ma gyur cig ces byas so// dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi snyan pa la rab tu byung ba'i dge slong mar gyur pa gang yin pa de ni mi sdug pa 'di nyid yin te/ des der byang gzugs dang / lang tsho dang / dbang phyug dang / cho rigs kyi rgyags pas dregs nas/ dge slong ma mang po zhig la mi sdug pa'i tshul gyi lus kyis las

  230. 116a

    kyis 'phyas pa dang / rigs ngan zhes bya ba'i tshig brjod pa'i las de'i rnam par smin pas gang dang gang du skyes pa de dang der rigs ngan gyi rigs su skyes te/ mi sdug pa'i sgra grangs bco brgyad dang ldan par gyur to/ / des tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// ba glang rdzi zhes bya ba ni/ gleng gzhi mnyan du yod par bzhugs te/ de'i tshe rgyal po gsal rgyal gyis sangs rgyas la sogs pa dge slong gi dge 'dun zla ba gsum spyan drangs te/ rgyal bu rgyal byed kyi tshal du yo byad thams cad sbyar nas/ rgyal bu rgyal byed kyi tshal gyi 'dab tu ba glang dang ma he'i

  231. 116b

    lhas bcas te dge slong rnams pa'i dar ba dang / ma he'i der bas longs spyod par byed do// des zla ba gsum gyi bar du sangs rgyas la sogs pa dge slong gi dge 'dun la yo byad thams cad kyis bsnyen bkur byas nas/ mjug tu sangs rgyas la sogs pa'i dge slong gi dge 'dun la zhal zas ro brgya dang ldan pa gsol te/ bcom ldan 'das la 'bum ri ba'i na bza' phul lo// dge slong gzhan dag la yang re re la yo byad thams cad phul te/ ba glang rdzi dang ma he rdzi thams cad rang rang gi gnas su so sor bkye nas rgyal po song ngo // de nas pa glang rdzi rnams kyis bsams pa/ rgyal po 'di sa'i mnga' bdag dbang phyug gi mthar phyin pa yin mod kyi/ 'di yang da dung sbyin pa dag sbyin zhing / bsod nams dag byed la/ bdag cag ni gzhan gyi khol po// gzhan gyi ngor lta ba/ gzhan gyi tshal za byed cing 'tshe ba yin te/ 'dis 'di lta bu'i gnas thob pa ci yang rung ba de dag thams cad ni sbyin pa dang / dul ba dang / yang dag par sdom pa'i las rnam pa gsum gyi 'bras bu yin gyis/ ma la bdag cag gis kyang dge ba'i chos cung zad tsam yang dag par blangs te gnas par bya gor ma chag snyam du bsams nas/ ba glang rdzi lnga brgyas sangs rgyas la sogs pa dge slong gi dge 'dun spyan drangs te/ bza' ba dang bca' ba gtsang ma bzang po mang po bshams nas/ nang par sngar langs te chur bkang nas/ bcom ldan 'das

  232. 117a

    la 'phrin gyis gdugs tshod bskul ba/ btsun pa gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te gshegs su gsol zhes bskul lo/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ ba glang rdzi de dag gi ba glang gi lhas dang skos sa'i 'dab tu gshegs te byon nas gdan bshams pa la bzhugs so// de nas ba glang rdzi de dag gis sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang po dang / ba'i dar ba dang / ma he'i dar bas tshim par byas te ci bzhed pa bstabs nas/ bshos gsol zin te/ bsang sngar ni gyur/ phyag ni bcabs par rig nas/ stan ches dma' ba dag khyer te chos mnyan pa'i phyir bcom ldan 'das kyi spyan sngar 'khod do/ / de nas bcom ldan 'das kyis ba glang rdzi lnga brgya po de dag gi bsams pa dang / bag la nyal dang / khams dang / rang bzhin dang / shes pa thugs su chud nas de dang 'thun pa'i chos bstan te/ de ras ba glang rdzi lnga brgya po de dag 'khor dang bcas pas stan de kho na la 'khod bzhin du 'jig tshogs la lta ba'i ri'i rtse mo mthon po nyi shu ye

  233. 117b

    shes rdo rjes bcom nas/ rgyun du zhugs pa'i 'bras bu mngon du byas te/ de dag gis bden pa mthong nas gsol pa/ bcom ldan 'das bdag cag khyim na gnas pa las/ bcom ldan 'das kyi bstan pa la rab tu byung la/ chu bo rnams las brgal bar bgyi ba dang / sbyor ba rnams las yang dag par 'da' bar bgyi ba'i slad du brtson par bgyi/ bsgrub par bgyi/ 'bad bar bgyi bar 'tshal lo zhes gsol nas/ rgyal po gsal rgyal la gsol te/ ba glang gi khyu de rnams pa glang rdzi gzhan dag la gtad nas/ khyim gyi 'khor btang ste/ bcom ldan 'das kyi thad du dong nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyad pa spyod par 'tshal lo// de nas de dag la bcom ldan 'das kyis dge slong tshur shog ces bka' stsal te/ dge slong dag tshur shog/ tshangs par spyod cig ces bka' stsal nas/ de thos ma thag tu sgra ni byi bar gyur/ lus la ni snam sbyar gyon par gyur to// skra dang kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'jug par gyur/ lag na ni

  234. 118a

    lhung bzed dang chu snod thogs par gyur to/ / 'dir smras pa/ de bzhin gshegs pas tshur zhes bka' stsal pas// de dag mgo bregs lus la snam sbyar gyon/ sangs rgyas kyi ni dgongs pas gos bgos nas// mod la dbang po rab tu zhi bar gnas// de nas bcom ldan 'das kyis de dag la lung phog nas/ de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas nas/ de dag dgra bcom pa khams gsum pa'i 'dod chags dang bral bar gyur te/ gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo ba'i sbubs bcom pa/ reg pa dang / mngon bar shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de dag gis dgra bcom pa nyid thob nas bsams pa/ bdag cag gis 'dul bar 'gyur ba 'ga' lta yod dam snyam pa dang / de dag gis nye du de dag nyid 'dul bar mthong ngo // mthong nas kyang de dag gi thad du dong ste/ chos bstan nas dad pa phun sum tshogs pa la ni bkod/ skyabs 'gro ba dang / bslab

  235. 118b

    pa'i gzhi rnams la ni btsud/ sbyin pa dang sbyin pa'i bgo bsha' bya ba la ni yang dag par 'dzin du bcug go/ de dag gi nang nas ba glang rdzi mo gcig ni ma dang de/ bcom ldan 'das la blta ba'i phyir 'gror mi btub nas/ ba glang rdzi de dag gis de nan gyis bzung ste/ bcom ldan 'das kyi thang du khrid nas/ ba glang rdzi mo ngas thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang dga' ba skyes te phan tshun du bltas nas/ bcom ldan 'das la mchod pa bya na bdag gis me tog ga las blangs snyam pa dang / des thag mi ring ba zhig na ko sha ta ki'i me tog dag cig mthong nas/ des de dag blangs te bcom ldan 'das kyi thang du song nas/

  236. 119a

    bcom ldan 'das la ko ta ki'i me tog gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis dgongs na/ bu mo 'di ni tshe thung ste ring po mi thogs par 'chi bar 'gyur ro snyam du thugs su chud nas/ bcom ldan 'das kyis de dang 'tsham pa'i chos bstan to/ / de nas des kyang bcom ldan 'das kyi bka' mchid kyi mjug rdzogs par rig nas/ bcom ldan 'das kyi thad nas song ngo // de song nas ring po ma lon par 'byung ba chen po ma snyoms par gyur nas/ de bcom ldan 'das la sems dga' bzhin du shi 'phos te dus las 'das nas lha yul du skyes so// lha'i bu 'am bu mo skyes ma thag pa ni chos nyid kyis sems rnam pa gsum skye bar 'gyur te/ gang nas shi 'phos nas gang du skyes/ las gang gis skyes snyam mo// de nas bcom ldan 'das la ko sha ta ki'i me tog gis gtor te/ de la sems dga' bar gyur par des mthong nas bsams pa/ bdag zhag lon nas gzod bcom ldan 'das la blta ba dang / bsnyen bkur bya ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba dang / bsnyen bkur bya ba'i phyir 'gro'o snyam mo// de nas rna cha gdu bkor dag cing 'gul ba thogs pa/ lus do shal dang se mo dos brgyan pa/ nor bu

  237. 119b

    rin po che sna tshogs kyis spras pa'i cod pan can/ lus gur kum dang / ta ma la'i lo ma dang / spri ka la sogs pas byugs pa/ kha dog 'phags pa des/ de nyid kyi mtshan mo lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang nas/ bcom ldan 'das ga la ba der song ste phyin nas/ bcom ldan 'das la lha'i ma tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / rang bzhin dang / shes pa thugs su chud nas/ de dang 'thun pa'i chos bstan te/ des na lha mo des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te de nyid du mi sdang bar gyur to/ / de nas dge slong srong dang tho rangs mi nyal bar brtson pa lhur byed pa la gnas pa rnams kyis rgyal bu rgyal byed kyi tshal thams cad snang ba chen pos khyab par mthong

  238. 120a

    nas bsams pa/ ci ma dang sum mi mjed kyi bdag po tshangs pa 'am/ lha'i dbang po brgya byin nam/ rgyal po chen po bzhi bcom ldan 'das la blta ba'i phyir 'ongs sam snyam nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun p a 'di na bdag cag dge slong mang po srong dang tho rangs mi nyal bar brtson pa lhur bgyid pa la gnas pa rnams kyis rgyal bu rgyal byed kyi tshal thams cad snang ba chen pos khyab par mthong lags na/ btsun pa ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ rgyal po chen po bzhi bcom ldan 'das la blta ba'i slad du mchis lags sam zhes gsol pa dang / bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa'am/ lha'i dbang po brgya byin nam/ rgyal po chen po bzhi nga la blta ba'i phyir 'ongs pa ma yin te/ ba glang rdzi mo gang ko sha ta ki'i me tog gis nga la mchod de/ nga'i zhabs la mgo bos phyag 'tshal nas/ nga las chos thos te song ba gang yin pa de khyod kyis mthong ngam/ bcom ldan 'das mthong lags so// de ni song nas ring po ma lon par ngal sems dga' bzhin du shi 'phos te dus las 'das nas lha yul du skyes te/ lha mor gyur nas

  239. 120b

    nga'i thad du 'ongs pa de la ngas chos bstan te/ des nga las chos thos nas bden pa mthong ste/ bden pa mthong nas rang gi gnas su song ngo // btsun pa ba glang rdzi mo des las ci bgyis na/ las nges pa glang rdzi dbul po'i rigs su skyes lags/ las ci bgyis na/ 'di nas shi 'phos te lha yul du skyes lags/ las gang gis ni bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ dge slong dag 'das pa'i las kyi shas kyang yod do// da ltar byung ba'i las kyi shas kyang yod do// 'das pa'i las ci bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la rab tu byung ste/ dge slong mar gyur pa na/ 'thab krol can kha tshas ngan par gyur te khros nas/ dge slong ma mang po zhig la ba glang rdzi mo zhes bya ba'i tshig smras la/ des der tshe gcig tu tshangs par spyod pa spyad nas/ 'chi kar 'gyon pa skyes te smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/

  240. 121a

    bdag gis dge slong ma rnams la tshig rtsub po smras pa'i las de'i 'bras bu bdag la rnam par smin par ma gyur cig ces byas so// dge slong dag ji snyam du sems de'i tshe dge slong mar gyur pa gang yin pa de ni ba glang rdzi mo de nyid yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis pa mnyes par byas te/ mi mnyes par ma byas pa 'di ni 'das pa'i las yin no// da ltar byung ba'i las gang zhe na/ ba glang rdzi mor gyur pa des ko sha ta ki'i me tog gis nga la mchod pa byas pa dang // la sems dga' bar gyur pa des ni lha yul du skyes te/ dge slong dag 'di ni da ltar byung ba'i las yin no// btsun pa ba glang rdzi 'di rnams kyis las ci bgyis na/ las de'i rnam par smin pas ba glang rdzi dbul po'i rigs su skyes lags/ las ci bgyis na/ las des 'di rnams kyis bcom ldan 'das mnyes par bgyis te/ si mnyes par ma bgyis la/ bcom

  241. 121b

    ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di dag thams cad rab tu byung ste/ dge slong 'thab krol can kha tshas ngan par gyur nas/ des de dag khros pas dge slong mang po la ba glang rdzi zhes bya ba'i tshig smras la/ der de dag gis tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig/ bdag cag gis dge slong mang po la ba glang rdzi zhes bya ba'i tshig smras pa'i las de'i 'bras bu bdag cag la smin par ma gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rab tu byung ba'i dge slong lnga brgyar gyur pa gang yin pa de dag ni baglang rdzi las rab tu byung ba'i dge slong lnga brgya po 'di rnams yin te/ de dag gis der rab tu byung nas/ 'chi kar smon lam btab ste/ yang dag par rdzog

  242. 122a

    pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnya par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// der de dag khros pas dge slong mang po la ba glang rdzi zhes bya ba'i tshig smras pa dang / sbyin pa yang ma byin pa des ni ba glang rdzi dbul po gzhan gyis tshal za byed pas 'tsho bar gyur to// mdza' sde rnams zhes bya ba gleng gzhi mnyan du yod pa na bzhugs te/ de'i tshe mnyan du yod pa na/ mdza' sde bo lnga brgya tsam 'khod pa rnams dus dus su me tog gang rgyas pa de dag longs spyad pa'i phyir skyed mos tshal gyi nang du song nas/ rol mo byed de rtse zhing dga' la dga' dbur spyod do// de nas phyi zhig na me tog lu dz+wal dang / pad+ma dang / ku mu dang / pad+ma dkar po rnams rgyas par gyur na/ de dag long

  243. 122b

    spyad par bya ba'i phyir de dag rgyan thams cad kyis brgyan te/ me tog ut+pa la dang / pad+ma dang / ku mu da dang / pad+ma dkar po rnams kyi 'phreng ba dang / thod dang / rna rgyan dang / chun po rnams rgyan du thogs shing / ut+pa la chang pa re re thogs nas/ sil snyan sna tshogs dang pheg rdob cing mnyan du yod pa nas byung ste/ skyed mos tshal gyi nang du chas so// bcom ldan 'das kyang de dag la thugs brtse ba'i phyir snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs pa dang / mdza' sde bo de dag gis thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang de dag bcom ldan 'das la shin du dga' ba skyes so// dga' ba skyes nas/ bcom ldan 'das ga la ba der dong ste lpags nas/ bcom ldan 'das kyi zhabs la mgo bos phyag 'tshal te/ bcom ldan 'das la ut+pa la dang / pad+ma dang / ku mu da dang / pad+ma dkar po rnams kyis gtor nas sil snyan dang pheg rdo ba bzhin du bcom ldan 'das la lan gsum bskor

  244. 123a

    ba byas nas dong ngo / / de'i skabs su bcom ldan 'das 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams phyung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad+ma ltarags pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar 'gyur ro/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma

  245. 123b

    skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa de la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral ba rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/

  246. 124a

    'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa las lung ston par bsha na ni/ bcom ldan 'das kyi snyam sogs su ma snang bar 'gyur ro// ma 'ongs pam las grang zhin par ban na ni/ mdun logs sam spang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni pus mo gnyis su mi snang bar 'gyur ro// stobs kyi 'khor los rgyu ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang ba 'gyur ro/ / pAr skye bar lung ston par bzhed nan/ ge bar mo snang bar 'gyur ro// can thos kyi byang chub tu lung ston par bzhed na ni/ zhal du ma snang bar 'gyur ro// rang sangs rgyas kyi

  247. 124b

    chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ / de nas 'od zer de dag gis bcom ldan 'das la lan gsum du bskor ba byas te/ bcom ldan 'das kyi sprin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon snga stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis/ / nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral shing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa/ / rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan po nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi/ / mgon po rdzogs sangs rgyas rnams kyin 'da' 'dzum mi ston// gang gi don du dpa' bo 'dzum pa ston mdzad pa// de ni khyod la skye bo phal chen nyan par 'tshal// bcom ldan 'das

  248. 125a

    kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu rkyen med par 'dzum pa mi dzad do/ / kun dga' bo khyod kyis mdza' sde po 'di dag gis nga la 'di lta bu'i bkur sti byas pa mthong ngam/ btsun pa mthong lags so// kun dga' bo mdza' sde po 'di dag dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'di sa bskal pa bcu gsum gyi bar du log par ltung bar mi 'gyur te/ bskal pa bcu gsum gyi bar du lha dang mi rnams kyi nang du nying mtshams sbyor zhing 'khor bar gyur nas/ srid pa tha ma dang / gnas tha ma la mir skye ba thob nas rab tu byung ste/ slob dpon med pa dang / lung med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ thams cad kyang rang sangs rgyas sman pa med pa zhes bya ba sha stag tu 'gyur te/ 'di ni de dag gi sbyin par bya ba'i chos yin no// de nas dge slong dag gis/ sangs rgyas bcom ldan 'das la nus pa/ btsun pa bcom ldan 'das kyis 'phrin las ci mdzad na/ las de'i rnam par smin pas mdza' sde bo lnga brgyas u lngal dang / pad+ma dang / ku mu da dang / bad+ma dkar po dag gis 'di ltar bkur sti bgyis lags/ bcom ldan

  249. 125b

    'das kyis bka' stsal pa/ dge slong dag de bzhin gshegs pa nyid kyis las de lta bu byas shing bsags te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin ba'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na/ / 'bras bu nyid du smin par 'gyur ro// dge slong dag sngon byung ba 'das pa'i dus na/ nga bskal pa grangs med pa gnyis pa la bab pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das mar me mdzad ces bya ba 'jig rten du byung ngo / / de nas yang dag par rdzogs pa'i sangs rgyas mar me mdzad ljongs rgyu zhing gshegs pa las/ rgyal po'i pho brang mar me ldan zhes bya bar byon no/ / de'i tshe rgyal po'i pho brang mar me ldan na/ rgyal po mar me zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang /

  250. 126a

    skye bo dang mi mang pos gang ba dang / rtsod pa dang 'thab pa zhi ba/ 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs pa/ bu gcig pa sdug pa la bya ba bzhin du rgyal srid byed do// de nas rgyal po mar mes yang dag par rdzogs pa'i sangs rgyas mar me mdzad grong khyer gyi nang du zhabs sa la mi rig par bya ba'i phyir spyan drangs nas rgyal po mar me'i 'dab na/ rgyal po nor can gyi bu zhes bya ba 'dug pa de la des pho nya btang ste/ ngas yang dag pa rdzogs pa'i sangs rgyas mar me mdzad grong khyer gyi nang du zhabs sa la mi reg par bya ba'i phyir spyan drangs te/ de la mchod pa bya dgos kyis shog cig ces spring ngo / / de'i tshe rgyal po nor can gyi bus kyang lo bcu gnyis kyi bar du mchod sbyin byas nas/ mchod sbyin gyi mjug tu 'di lta ste/ gser gyi 'khar ba dang / gser gyi ril ba dang / gser gyi gnod pa dang / rin po che sna bzhis spras pa'i mal khri dang / kar sha pa Na lnga brgya dang / bu mo rgyan thams cad kyis klubs pa ste/ rab tu sbyin pa chen po lnga dang ra ro// de'i tshe ljongs gzhan zhig na bram ze'i khye'u gnyis shig gnas pa gnyis kyis mkhan po las rig byed 'don pa bslabs te/ chos lugs kyis mkhan po la yang mkhan po'i yon dbul ba dang / slob dpon

  251. 126b

    la yang slob dpon gyi yon phul dgos par shes nas sems shing 'dug go/ / de nas de gnyis kyis rgyal po nor can gyi bus mchod sbyin gyi mjug tu/ rab tu sbyin pa chen po lnga bshams te/ bram ze gang kha ton rdzogs par lobs pa de dbang ngo zhes zer ba thos nas/ de gnyis kyis bsams pa/ blang bar bya ba de len du der 'dod na/ bdag cag gnyis nang na mang du thos pa'i rab dang / tonyon lobs pa'i rab gang yin pa nges par bya'o snyam nas/ rgyal po nor can gyi bu'i grong khyer chen po ga la ba der chas so// rgyal po de la yang lhas sbran te/ bram ze'i khye'u blo gros bzang po dang / blo gros zhes bya ba gnyis 'dir 'ong gis/ de gnyis kyi nang na blo gros bzang po zhes bya ba de la rab tu sbyin pa chen po 'di dag phul cig dang / rgyal po chen po khyod kyis lo bcu gnyis kyi bar du mchod sbyin byas pa de'i 'bras bu bas/ bram ze'i khye'u blo gros bzang po de la rab tu sbyin pa chen po byin pa de'i 'bras bu cher che'o zhes byas so// de nas rgyal po des bsams pa/ de gnyis kyi phyir lhas kyang sbran pa las na/ de gnyis ni bdag nyid che ba yin gor ma chag snyam mo// de nas rgyal po des thag ring po zhig nas bram ze'i khye'u byad bzhin bzang zhing mdzes pa de gnyis 'ong ba mthong ngo / / de gnyis kyang mchod sbyin byed pa'i gnas der 'ongs nas/ bram ze'i gral du skabs phye ba'i sar stan la 'dug go/ de nas rgyalo nor

  252. 127a

    can gyi bus de gnyis mthong nas bsams pa/ bdag la lhas sbran pa'i blo gros bzang po zhes bya ba de ni 'di yin gor ma chag snyam nas/ rgyal po de gral dpon gyi mdun du song ste/ bram ze'i khye'u blo gros bzang po la dris pa/ khyod blo gros bzang po yin nam/ des smras pa/ nga yin no// de nas rgyal po nor can gyi bus bram ze'i khye'u blo gros bzang po gral dpon la bzhag ste zan byin nas rab tu sbyin par bya ba chen po rnam pa lnga po de dag byin pa las/ bram ze'i khye'u blo gros bzang pos rab tu sbyin pa chen po gser gyi 'khar ba dang / ril ba la sogs pa bzhi ni blangs/ rab tu sbyin pa'i nang nas bu mo gcig pu ni ma blangs te/ bdag ni tshangs par spyod pa yin no zhes zer ro// de nas bu mo des bram ze'i khye'u blo gros bzang po byad bzhin bzang zhing mdzes pa mthong nas/ chags shing snying du sdug par gyur te/ khye'u blo gros bzang po de la smras pa/ bram ze'i khye'u bdag bzhes shig/ des smras pa/ bdag gis blang du mi rung ngo / / de nas bu mo de rgyal pos kyang rab tu sbyin pa'i bsams pas yongs su btang ste/ phyir ma khyer la bram ze'i khye'u blo gros bzang pos kyang ma blangs nas/ rgyal po mar me'i grong khyer mar me ldan du song ngo / / song nas rang gi rgyan rnams lus las bkrol te/ me tog 'phreng ba rgyud pa la byin nas/ rgyan 'di rin che ba yin gyis/ nga la nyin gcig bzhin du lha'i mchod par

  253. 127b

    ut+pa la sngon po byin cig ces byas so/ / de nas de'i lugs bzhin du gser gyi rgyan de byin te lha'i rim gro byed par gyur to// bram ze'i khye'u blo gros bzang po de yang rab tu sbyin pa chen po bani po de dag khyer te/ mkhan po'i thad du song ngo // song nas kyang rab tu sbyin pa chen po rnam pa bzhi po de dag mkhan po la phul lo// mkhan pos kyang de rnams kyi nang nas rnam pa gsum ni blangs kar sha pa Na lnga brgya ni blo gros bzang po de nyid la byin no/ / blo gros bzang pos kyang de kho na'i nub mo rmi lam rnam pa bcu rmis te/ rgya mtsho chen po btung ngo snyam pa dang / nam mkha' la 'gro'o snyam pa dang / nyi ma dang zla ba mthu che ba 'di gnyis lag pas reg cing gzung bar bya'o snyam pa dang / rgyal po rnams shing rta khyer du gzhug go snyam pa dang / drang srong rnams dang / glang po che dkar bo rnams dang / ngang pa rnams dang / seng ge rnams dang / brag chen po la bzhon par bya'o snyam ste/ des rmi lam de rnams rmis nas sad do// sad nas nges bsams pa/ bdag gi rmi lam 'di rnams lung ston nus pa su yod snyam mo/ / de nas thag mi ring ba zhig na drang srong mngon par shes pa lnga dang ldan pa zhig gnas so// de nas bram ze'i khye'u blo gros bzang po the tsom gcad pa'i phyir drang srong de'i thad du song nas/ blo gros bzang pos drang srong de la kun tu dga' ba'i gtam byas nas/ rmi lam de rnams bsnyad de/ khyod kyis rmi lam rnam pa bcu po 'di rnams kyi don nges par

  254. 128a

    rgyas shig ces byas so/ / de nas drang srong des smras pa/ bdag ni rmilam 'di rnams lung ston mi nus kyis// rgyal mo'i pho brang mar me ldan du song shig dang / de nas rgyal po mar mes yang dag par rdzogs pa'i sangs rgyas mar me mdzad zhabs sa la mi reg par bya ba'i phyir grong khyer gyi nang du spyan drangs te/ des rmi lam 'di rnams lung ston par 'gyur ro zhes byas so// de nas rgyal po nor can gyi bu des/ rgyal po mar mes spring ba bzhin du mnyan te/ blon po brgyad khris zham ring byas nas/ rgyal po'i pho brang mar me ldan du phyin no// rgyal po mar mes kyang zhag bdun lon nas/ yang dag par rdzogs pa'i sangs rgyas mar me mdzad zhabs sa la mi reg par bya ba'i phyir grong khyer gyi nang du spyan drang bar bya'o snyam ste/ yul dang grong khyer thams cad nas me tog thams cad bsdus so/ / der gang gi nyin par rgyal po mar mes yang dag par rdzogs pa'i sangs rgyas mar me mdzad zhabs sa la mi reg par bya ba'i phyir grong khyer gyi nang du spyan 'dren pa de'i nyin par blo gros bzang bo yang rir 'ongs nas/ der rgyal po des me tog thams cad bsdus par gyur to// bu mo lha'i rim gro byed pa de yang me tog 'phreng ba chung pa'i thang du song nas/ lha'i mchod pa bya dgos kyis bdag la yul la sngon po byin cigaces so/ / me tog 'greng sa rgyung pas smras pa/ der rgyal pos sangs rgyas spyan drang ba'i phyir me tog thams cad bsdus so// des spras po/ mchog sa

  255. 128b

    der song la yang ltos shig dang / gal te bdag gi bsod nams kyis u t+pal sngon po ma gtogs pa rnyed kyang srid do// de nas me tog gi rdzing der blo gros bzang po'i bsod nams kyi mthus sngon po bdun byung ngo / / de nas me tog 'phreng ba rgyud pa de song nas nges mthong ngo // mthong nas kyang bu mo des me tog 'phreng ba rgyud pa la smras pa/ ut+pal 'di rnams thogs shig/ me tog 'phreng ba rgyud pas smras pa/ bla nas bdag la gyod rma su 'ong gri/ da gli co du mi rung ngo // de nas des smras pa/ khyod kyis sngar me tog thams cad btogs te/ rgyal po la ma phul lam/ me tog 'phreng ba rgyud pas smras pa/ phul lo// de nas bu mo des smras pa/ 'di dag ni bdag gi bsod nams las skyes pa yin gyis/ 'di rnams thogs la bdag la byin cig/ me tog 'phreng ba rgyud pas smras pa/ bla nas ma tshor bar 'di dag ji ltar khyer bar bya/ bu mos smras pa/ bdag gi bsod nams kyi mthu las byung ba yin gyis thogs shig dang / bdag gis chu'i bus pa'i nang du bcug sde/ nang du bkur bar bya'o// de nas me tog 'phreng ba rgyud pas de skad ces thos nas/ de dag btogs te bu mo de la byin no// des kyang blangs nas chu'i bum pa'i nang du bcug ste/ bum pa de chus bkang nas grong khyer gyi nang du chas so// blo gros bzang po yang grong khyer der phyin nas/ des bsams pa/ bdag gis sangs rgyas bcom ldan 'das la mchod

  256. 129a

    pa mi byar gal rung snyam ste/ des me tog 'phreng ba rgyud pa'i khyim rnams bskor te/ me tog go cog btsal na me tog gcig kyang ma rnyed do// de nas grong khyer gyi nub sgo nas byung ste/ kun dga' ra ba nas kun dga' ra bar bskor te/ me tog rnams btsal kyang me tog gcig kyang ma rnyed do// de nas 'khor 'khor te skyed mos tshal du phyin na/ bu mo de yang skyed mos tshal de nas byung ste bram ze'i khye'u blo gros bzang po dang thad kar phrad do/ / de nas blo gros bzang po'i bsod nams kyi mthus me tog ut+pa la de dag chu'i bum pa de'i nang nas gyen du 'thon no// de nas blo gros bzang pos de dag mthong nas bu mo de la smras pa/ nga las rin kar sha pa Na lnga brgya lo la/ ut+pa la 'o ni rnams nga la byin cig/ bu mo des smras pa/ de'i tshe khyod kyis bdag bzhes su ma gnang na// da ut+pa la rnams bzhed dam/ bdag mi dbul lo zhes de skad smras nas yang bram ze'o khye'u blo gros bzang po la smras pa/ 'di rnams kyis ci zhig bgyi/ blo gros bzang pos smras pa/ sangs rgyas bcom ldan 'das la mchod pa bya'o/ / de'i 'og tu bu mo des smras pa/ bdag la kar sha pa Na cang mi 'tshal gyis/ gal te khyod la ut+pal 'di dag phul ba'i 'bras bus tshe rabs thams cad du bdag khyod kyi btsun mor 'gyur bar banang de/ gal te sbyin pa 'di sbyin pan tshe rabs thams cad du khyod bdag gi chung mar gyur cig ces de skad du smon lam 'debs na ni bdag gis ye dbul bar 'tshal lo/

  257. 129b

    blo gros bzang pos smras pa/ nga ni sbyin pa la dga' ba yin te/ bdag gis chung ma dang bu yang yongs su gtong la/ bdag gi sha yang yongs su gtong bar byed do// bu mo des smras pa/ je smon lam de ltas thob la/ slad kyis su ci 'dod pa de la bdag stsol cig/ de skad ces smras nas/ bu mo des blo gros bzang po la ut+pal lnga byin no// gnyis ni bdag nyid khyer nas tshigs su bcad de smras pa/ khyod kyis gang du smon pa yi// 'dren pa sangs rgyas brnyes pa der// rtag tu 'thun par chos spyod pa'i// khyod kyi btsun mor bdag gyur cig/ de nas rgyal po des grong khyer de dag thams cad rdo dang / gseg ma dang / gyo mo med par byas nas/ rgyal mtshan dang / ba dan dang / rta babs rnams ni btsugs/ dar gyi lda ldi rnams ni bres spos chab dang phye ma rnams kyis ni gtor ro/ / grong khyer gyi sgo nas gtsug lag khang gi bar du yang rdo dang / gseg ma dang / gyo mo rnams med par byas nas/ rgyal mtshan dang / ba dan dang / rta babs rnams ni btsugs/ dar gyi lda ldi ni bres/ spros chab dang phye mas ni gtor ro// rgyal po de nyid kyis kyang gdugs rtsibs brgya pa thogs nas/ yang dag par rdzogs pa'i sangs rgyas mar me mdzad bsu'o/ / de bzhin du blon po rnams kyis kyang bsu'o// de bzhin du rgyal po nor can gyi bu blon po dang bcas pa rnams kyis kyang bsu'o// de nas rgyal pos

  258. 130a

    sangs rgyas bcom ldan 'das kyi nabs la phyag 'tshal te/ bcom ldan 'das grong khyer du gshegs su gsol zhes gsol ba btab nas/ bcom ldan 'das de dge slong gi dge 'dun gyis mdun du bdar te/ grong khyer logs su chas te gshegs so// rgyal po mar me yang yang dag par rdzogs pa'i sangs rgyas mar me mdzad kyi steng du gdugs rtsibs brgya pa thogs so/ / de bzhin du blon po rnams dang / rgyal po nor can gyi bu blon po dang bcas pa rnams kyang gdugs thogs so// de nas bcom ldan 'das kyis ci nas re re nas bdag ni bcom ldan 'das kyi gdugs thogs so snyam du sems par 'gyur ba de lta bur rdzu 'phrul gyis byin gyis brlabs so/ / de nas bcom ldan 'das de lta bu'i mdzes pa dang ldan pas grong khyer gyi sgor gshegs nas/ der bcom ldan 'das kyis ched du mdzad de/ sgo'i them pa la zhabs bzhag nas/ gang gi tshe bcom ldan 'das kyis sgo'i them pa la zhabs bzhag pa de kho na'i mod las rnam pa drug tu g.yos te/ 'gul rab tu 'gul/ kun tu rab tu 'gul/ ldeg kun tu ldeg/ kun tu rab tu ldeg par gyur to// chos nyid kyis na sangs rgyas bcom ldan 'das rnams kyis gang gi tshe ched du mdzad de/ sgo'i them pa la zhabs 'jog pa na/ ngo mtshar rmad du byung ba'i chos rnam pa sna tshogs 'byung bar 'gyur to// smyon pa rnams kyis ni rang bzhin gyi sems thob par 'gyur ro//

  259. 130b

    long ba rnams ni mig gis mthong bar 'gyur ro// 'on pa rnams ni rna bas thos par 'gyur ro// lkugs pa rnams ni smra nus par 'gyur ro// 'phye bo rnams ni 'gro nus par 'gyur ro// bud med bu 'byung du mi btub pa rnams ni bde bar btsa' bar 'gyur ro// shing mig gi gdos dang / rkang sgril dang / an pa na btags pa'i sems can rnams ni bcings pa las grol bar 'gyur ro/ / chung ngu nas kho na byung ba rnams ni de ma thag tu byams pa'i sems 'thob par 'gyur ro// be'u rnams ni be'u rdang bcad de ma'i thad du 'dong bar byed do// glang po che rnams kyang skad 'byin no/ / rta rnams kyang sked 'byin no// khyu mchog rnams kyang skad 'byin no// ne co dang / ri skegs dang / khu byug dang / shang shang te'u rnams kyang skad snyan pa 'byin no// rol mo'i cha spyad rnams kyang ma brdungs par sgra snyan pa 'byin no// rgyan snod du bcug pa rnams kyang sgra snyan pa 'byin no// sa phyogs mtho ba rnams ni dma' bar 'gyur/ dma' ba rnams ni mtho bar 'gyur ro/ / rdo dang / gsegs dang / gyom rnams kyang med par 'gyur ro// lha rnams kyang bar snang las lha'i matog ut+pal dang / pad+ma dang / ku mud dang / pad+ma dkar bo rnams 'thong bar byed do/ / a ka ru'i phye ma dang / rgya spos kyi phye ma dang / tsan dan gyi phye ma dang / ta ma la'i phye ma rnams dang / lha'i me tog man+da ra ba rnams kyang 'thor bar byed do//

  260. 131a

    shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ dbus dma' na mtha' mtho/ mtha' dma' na dbus mtho bar 'gyur ro// rgyal po'i pho brang mar me ldan de na srog chags 'bum phrag du ma me tog dang / bdug pa dang / spos rnams kyis bkur sti byed do/ / blo gros bzang po dang / blo gros dang / bu mo de yang me tog khyer te yang dag par rdzogs pa'i sangs rgyas mar me mdzad ga la bar dong ba las/ de dag skye bo phal po che mchod pa byed pas gtams nas/ bcom ldan 'das kyi spyan sngar ma chud do// de nas bcom ldan 'das kyis dgongs pa/ skye bo phal po che 'di rnams pas bram ze'i khye'u blo gros bzang po bsod nams 'phel bar 'gyur ro snyam du dgongs nas/ rdzi char drag po chen po zhig sprul te/ de nas skye bo mang po de dag gis go skabs phye nas/ bram ze'i khye'u blo gros bzang pos skabs thod de/ bcom ldan 'das la blta bas chog mi shes pa mthong nas shin tu dga' ba skyes so/ / dga' ba skyes nas/ ut+pal lnga po de dag bcom ldan 'das la gtor ro// de nas yang dag par rdzogs pa'i sangs rgyas mar me mdzad kyis/ de dag shing rta'i 'phang lo tsam sha stag tu bla rer chags shing 'dug la/ bcom ldan 'das gshegs na ni 'gro/ gzhes na ni sdong par byin gyis brlabs so//

  261. 131b

    de nas bu mo des de ltar gyur par mthong nas dga' ba skyes te/ ut+pal gnyis bcom ldan 'das la gtor nas/ de gnyis kyang bcom ldan 'das kyi snyan gyi gong du shing rta'i 'phang lo tsam gyi bla rer chags shing 'dug par byin gyis brlabs so/ / sa phyogs de dag kyang rdzi char drag po chen pos 'dam rdzab tu gyur nas/ de'i 'og tu sa phyogs 'dam rdzab can der bcom ldan 'das gshegs pa na/ bram ze'i khye'u blo gros bzang pos sa phyogs 'dam rdzab can der bcom ldan 'das kyi spyan sngar sgra bting nas tshogs su bcad de smras pa/ blo ldan sang mdzad gal te bdag byang chub tu ni 'tshang rgyan/ / skye rga med mdzad zhabs gnyis kyis// myur du bdag sgra brdzi bar gsol// de nas yang dag par rdzogs pa'i sangs rgyas mar me mdzad des/ bram ze'i khye'u blo gros bzang po'i sgra'i steng du zhabs gnyis bzhag go/ / de nas bram ze'i khye'u blo gros bzang po'i phyi bzhin 'brang zhing 'dug pa des khros nas/ kye ltos dang yang dag par rdzogs pa'i sangs rgyas mar me mdzad 'dis bram ze'i khye'u blo gros bzang po'i sgra phyugs la bya ba bzhin du brdzis so zhes zer ro/ / de nas de'i 'og tu yang dag par rdzogs pa'i sangs rgyas mar me mdzad kyis bram ze'i khye'u blo gros bzang po lung bstan te/ khyod ni sa 'dir 'jog rten rnams la phan pa'i phyir// ston pa mnga' bdag 'jig rten gsum las rnam grol ba// shAkya'i sras po shAkya thub pa zhes bya

  262. 132a

    ba/ / 'jig rten gsum gyi snying po 'gro ba'i sgron du 'gyur// zhes gsungs so// de nas yang dag par rdzogs pa'i sangs rgyas mar me mdzad kyis bram ze'i khye'u blo gros bzang po lung bstan ma thag pa de'i mod kho na la/ nam mkha' la ta la bdun gyi srid tsam du 'phags so// de nas de'i sgra byi nas/ skra gsar khyad par du 'phags pa byung ngo // de nas de nam mkha' la 'dug pa skye bo phal po ches mthong ngo / / mthong nas kyang smon lam btab pa/ gang gi tshe 'dis bla na med pa'i ye shes brnyes par 'gyur ba de'i tshe/ bdag cag 'di'i nyan thos su gyur cig ces byas so/ / bu mo des kyang smon lam btab ste/ khyod kyis gang du smon pa yi// 'dren pa sangs rgyas brnyes pa der// rtag tu 'thun par chos spyod pa'i// khyod kyi btsun mor bdag gyur cig/ gang tshe khyod ni rdzogs sangs rgyas// 'jig rten gtso bo rnam 'dren 'gyur// de yi dus bab khyod kyi ni// nyan thos mar yang bdag gyur cig/ mkha' nas bram tsho khye'u mthong nas/ / brgya phrag dang ni stong phrag rnams// thams cad ma 'ongs dus dag tu// nyan thos nyid du smon par byed// gang tshe khyod ni rdzogs sangs rgyas// 'jig rten gtso bo rnam 'dren 'gyur/ / de yi dus pab khyod kyi ni// nyan thos bdag cag 'gyur bar shog/ ces byas so// de nas gang gi tshe yang dag par rdzogs pa'i sangs rgyas mar me mdzad kyis bram ze'i bye

  263. 132b

    blo gros bzang po lung bstan pa de'i tshe/ rgyal po mar mes de'i sgra blangs pa dang / rgyal po nor can gyi bus smras pa/ skra 'di dag bdag la byin cig/ de nas rgyal po mar mes skad de dag de la byin nas des blangs te bgrangs na/ skra nyag ma brgyad khri byung ngo // de nas rgyal po de'i blon po rnams kyis gsol pa/ lha bdag cag la skra nyag ma re ra stsal bar gsol/ 'on tang bdag cag gis de rnams mchod rten du bgyi bar 'tshal lo/ / de nas rgyal po des blon po de dag la skra nyag ma re re byin nas/ blon po de dag rang rang gi yul du song ste/ mchod rten brtsigs so// gang gi tshe bram ze'i khye'u blo gros bzang po bla na med pa yang dag par rdzogs pa'i byang chub tu lung bstan pa de'i tshe/ rgyal po mar me dang / rgyal po nor can gyi bu dang / grong rdal gyi mi dang / yul gyi mi du mas ma 'ongs pa'i dus kyi yon tan la bltas te/ yo byad thams cad bstabs so// de nas blo gros bzang pos/ bram ze'i khye'u blo gros la smras pa/ nga ni bla na med pa'i byang chub tu lung bstan na/ khyod kyis sems gang du bskyed/ des smras pa/ bdag ni ma rung ngo // bram ze'i khye'u blo gros bzang pos smras pa/ khyod kyis ci zhig byas na ma rung bar gyur/ des smras pa/ gang gi yang dag par rdzogs pa'i sangs rgyas mar me mdzad kyi zhabs kyis khyod kyi ska brdzis pa de'i tshe/ bdag khros te smras pa/ yang dag par rdzogs pa'i sangs rgyas mar me mdzad kyis bram ze'i snga

  264. 133a

    phyugs la bya ba bzhin du rkang pas brdzis so zhes byas so/ / de nas blo ma bzang pos/ de la smras pa/ chur shog sangs rgyas bcom ldan 'das kyi thad du rab tu 'byung bar bya'o/ / de nas blo gros bzang po dang / blo gros gnyis yang dag par rdzogs pa'i sangs rgyas mnyam mdzad kyi gsung rab la rab tu byung ste/ blo gros bzang po ni rab tu byung nas/ sde snod gsum bslabs te/ chos bzhin du 'khor bsdus so// de nas bram ze'i khye'u blo gros bzang po shi te dus las 'das nas dga' ldan gyi lha'i ris su skyes so// bram ze'i khye'u blo gros ni shi 'phos te/ dus las 'das nas sems can dmyal bar skyes so// dge slong dag ji snyam sems/ de'i tshe de'i dus na bram ze'i khye'u blo gros bzang por gyur pa byang chub sems dpa'i spyod pa la gnas pa gang yin pa de ni nga nyid yin te/ ngas der sangs rgyas mar me mdzad la ut+pal sngon po dag gis mchod pa byas pa'i las de'i rnam par smin pas 'khor ba na bde ba chen myong bar gyur te/ dge ba'i rtsa ba des na nga'i bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam du gyur la/ da ltar bar du yang las de'i rnam par smin par mdza' sde lnga brgya po rnams kyis 'di lta bur mchod pa byas pa yin no/ / // bam po brgyad pa// / 'jigs med ces bya ba ni/

  265. 133b

    bcom ldan 'das mnyan du yod pa nas rgyal po'i khab tu gshegs pa las/ ri khrod cig tu byon nas de der gshegs pa na/ shing gi grib ma la skad cig mnyel bso nas chas te gshegs so// lam de yang seng ge'i 'jigs pa chen po dang ldan pa zhig ste/ tshe dang ldan pa kun dga' bos lam kha gnyis su gyes pa mthong nas/ bcom ldan 'das la 'di skad ces gsol to// btsun ba shul 'di ni kha gnyis su gyes te/ de la shul gcig ni drang la 'jigs pa dang bcas pa lags/ shul gcig ni 'khrugs la 'jigs pa ma mchis pa lags na/ btsun pa shul ga gshegs par mdzad bcom ldan 'das kyis bka' stsal pa/ kun dga' bo gang na de bzhin gshegs pa dgra bcom pa yang dag par rdzogs pa'i sangs rgyas rnams bzhugs pa de na ni 'jigs pa'am/ skrag pa 'am/ bag tsha ba ci yang med kyis/ lam drang po logs su drongs shig ces bka' stsal to// grong ma'i byis pa gnyis kyang bcom ldan 'das kyi thad nas thag mi ring ba zhig na rtse zhing 'dug ste/ gnyis las gcig ni rnga bu chung thogs so// gcig ni mnga' gzhu thogs so// de nas khye'u de gnyis kyis sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan cing spa bar byas pa rgyang nas mthong ngo / / mthong nas kyang dga' ba skyes so// dga' ba skyes nas bcom ldan 'das gal ba der song ste phyin nas/ bcom ldan

  266. 134a

    'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa shul 'di na seng ge'i 'jigs pa ni mchis mod kyi/ 'on kyang bcom ldan 'das gshegs pa dang / bdag cag gnyis kyis bcom ldan 'das kyi bsel bgyi bar 'tshal lo// bcom ldan 'das kyis bka' stsal pa/ khye'u khyed gnyis kyis seng ge'i 'jigs pa byung na ji ltar bya/ der gcig gis gsol pa/ btsun pa bdag gis rol mo'i sgras skrag par bgyi'o// gcig gis gsol pa/ bdag gis ni mda' gzhu'i sgras skrag par bgyi'o// de skad ces gsol nas/ khye'u de gnyis bcom ldan 'das kyi mdun logs su chas so// de nas bcom ldan 'das kyis dgongs pa/ 'di gnyis ni dge ba'i rtsa ba rnams bskyed zin no snyam du dgod nas bka' stsal pa/ khye'u khyed gnyis kyis sems dga' ba bskyed pa de tsam gyis bsel byas zin te/ chog gis phyir deng zhig/ de nas khye'u de gnyis phyir log nas/ bcom ldan 'das 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang /

  267. 134b

    'bod dang / ngu 'bong chen po dang / tsha ba dang / rab tu che dang / phanar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / uH/ la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal pa gang yin pa de dag tu ni dro bar gyur te 'bab bo/ / des na sems can de dag gi gnod pa'i khyad par rnams rtse zhil bar 'gyur ro// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / stang du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab

  268. 135a

    bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong rnams dang 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs par byed do// tshigs su bcad pa gnyis kyang rjod par byed de/ des bar 'byung ba brtsam par gyis/ / sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi phyi bzhin 'brang ste/ gal te bcom ldan 'das kyis 'das pa'i las lung son par bzhed na ni/ bcom ldan 'das kyi snam logs su mi snang

  269. 135b

    bar 'gyur ro/ / ma 'ongs pa'o las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ / dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor lo sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor lo sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ / de nas tshe dang ldan pa kun blos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/

  270. 136a

    mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston/ / brtan po nyid kyi blo yis dus ba' mkhyen lags na// dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang / bzang po dag gis the tsom skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin mnga' 'dzum mi ston// gang gi don du dpa' bo 'dzum pa ston mdzad pa// de ni khyod la skye bo phal chen nyan par 'tshal/ / bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu rkyen med par 'dzum pa mi mdzad do/ / kun dga' bo khyod kyis khye'u 'di gnyis kyis nga la 'di lta bu'i bkur sti byas pa mthong ngam/ btsun pa mthong lags so// kun dga' bo khye'u 'di gnyis dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa bcu gsum gyi bar du log par ltung bar mi 'gyur te/

  271. 136b

    bskal pa bcu gsum gyi bar du lha rnams dang / mi rnams kyi nang du nying mtshams sbyar zhing 'khor bar gyur nas/ srid pa tha ma dang / gnas tha ma la mir skye ba thob ste/ rab tu 'byung bar 'gyur la/ des slob dpon med pa dang / san ngag med par byang chub kyi phyogs dang 'thun pa'i chos sum cu rtsa bdun mngon du byas nas/ rang sangs rgyas kyi byang chub mngon sum du byed par 'gyur te/ de la gcig ni rang sangs rgyas rnga sgra zhes bya bar 'gyur ro// gcig ni 'jigs med ces bya bar 'gyur te/ de gnyis kyi sbyin par bya ba'i chos ni 'di yin no// dbyig mtsho zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ nam zhig na de'i chung ma la bu chags nas/ de gang gi tshe bu chags par gyur pa de'i tshe/ de rgyan thams cad kyis brgyan par gyur la/ khang bzangs thams cad du gdugs dang / rgyal mtshan dang / ba dan bsgreng ste/ me tog sna tshogs ni bkram/ spos chus ni chag chag btab pa'i nang na mal khri 'jug sde/ bud med kyi 'khor gyis bskor

  272. 137a

    zhing 'jug go/ / de nas khyim bdag des bsams pa/ ma la bdag gi chung ma 'di 'byung po 'ga' zhig gis thebs par ma gyur grang snyam nas/ ltas mkhan rnams la bstan na/ ltas mkhan rnams na re/ 'di ni 'byung pos thebs pa ma yin gyi/ sems can lto na 'dug pa de'i mthu yin no zhes zer ro// de nas zla ba dgu'am bcu lon pa dang / khye'u gzugs bzang zhing blta na sdug la mdzes pa/ rgyan thams cad kyis brgyan pa mngal gyi dri ma dang / sha ma'i dri ma dang / khrag gi dri mas ma gos pa zhig btsas nas/ de bud med de dag gis bkru bar 'dod de/ rgyan bkrol nas de'i rgyan gzhan byung ste bkrol te bor yang / gzhan byung bar gyur nas/ mas smras pa/ rgyan 'di ni 'di'i bsod nams las skyes pa yin gyis/ mdakrol bar rgyan dang bcas par khrus shig ces byas so/ / de nas bud med de dag gis rgyan dang bcas te bkrus nas/ mal khri'i steng du bzhag pa dang / de'i mi'i mal khri mi snang bar gyur nas/ lha'i mal khri byung bar gyur to/ / khang bzangs de nyid du yang de'i lha'i khang pa brtsegs pa gdugs dang / rgyal mtshan dang / ba dan bsgreng ba/ me tog sna tshogs bkram pa/ spos chu'i chag chag btab pa byang bar gyur to/ / khang pa brtsegs pa'i nang gi mal khri'i sngas su yang lnga'i mchod sdong ril gyis gser las byas pa/ rin po che sna tshogs kyis sbas pa byung ngo // mchod sdong de'i drung nas kyang

  273. 137b

    gter chen po rin po che sna tshogs kyis gang ba kha bye ba bzhi byung ste/ gal te de dag las brgya 'am stong byung du zin kyang de dga' grib pa'am gang bar yang mi bden no// de nas pa ma gnyis kyis mthong ma thag tu dga' bar gyur to/ / de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di btsas pa na khyim 'di rin po che sna tshogs kyis mtshe bzhin du gang bar gyur pas na/ de'i phyir khye'u 'di'i ming dbyig mtsho zhes gdags so zhes zer ro// de nas khye'u dbyig mtshe pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / bud med rma bya'i mdongs chang ba na thogs pa dang / bsrung ba'i srad bu rnams kyis bskyed bsrings te/ mtsho'i nang gi pad+ma bzhin du skye drag par gyur to// de gang du 'gro ba der mi ma yin pa rnams kyis re la ras gsar pa ma spyad pa tshar tshar ring ba rnams sa la gding bar byed do/ / me tog sna tshogs kyang sa la 'grems par byed do// de nas gang gi tshe de cher skyes de'i tshe yi ge dang / khong rtsis dang / shod 'god pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang /

  274. 138a

    sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas de'i phas dgun dang / sos ka dang / dbyar gnas pa'i khang pa rnams dang / skyed mos tshal rnams byas nas/ de dag kyang lha rdzas su gyur te/ gdugs dang / rgyal mtshan dang / ba dan ni bsgreng / me tog sna tshogs ni bkram/ spos chu'i chag chag ni btab par gyur to// de nas de gang gi tshe 'dod pa la longs spyod par nus par gyur pa de'i tshe/ lha'i bu mo dag byung bar gyur te/ de khang bzangs kyi steng du 'dug nas/ bud med 'ga' zhig dang rol mo byed de/ rtse zhing dga' la dga' dgur spyod de/ rang gi bsod nams kyi 'bras bu nyams su myong ngo // de nas de phyi zhig na sangs rgyas la mngon par dga' ba dang / chos la mngon par dga' ba dang / dge 'dun la mngon par dga' bar gyur nas des bsams pa/ bdag gis lha dang mi'i longs spyod ni yongs su spyad zin gyis/ ma la da ni bdag legs par gsungs pa'i chos 'dul ba la rab tu byung ste/ chu bo rnams las yang dag par brgal bar bya ba dang / sbyor ba rnams las yang dag par 'da' bar bya ba'i phyir brtson pa dang / bsgrub pa dang / 'bad par bya gor ma chag snyam du bsams nas

  275. 138b

    sbyin pa dag kyang sbyin/ bsod nams dag byas te/ dbul po du ma phyug par byas nas/ bcom ldan 'das kyi bstan pa la rab tu byung ngo // de rab tu byung nas/ de phyogs gang du gnas par dam bcas pa'i phyogs der lha'i mal khri 'byung bar 'gyur la/ de gang dang gang du 'gro ba de dang der mi ma yin pa rnams kyis ras gsar pa ma spyad pa tshar tshar ring ba rnams sa la 'ding bar byed do/ / me tog sna tshogs kyang sa la 'grems par byed de/ de de lta bus ngo tsha bar gyur to// bcom ldan 'das kyis bka' stsal pa/ snying thag pa nas de la mi lta ba'i sems skyed cig dang / thams cad med par 'gyur ro// de nas des thos ma thag tu thams cad la mi lta ba'i sems bskyed nas thams cad med par gyur to// de nas nges brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed

  276. 139a

    dang / gus par smra ba'i gnas su gyur to// de nas dge slong dag gis/ sangs rgyas bcom ldan 'das la nus pa/ btsun pa dbyig mchos las ci bgyis na/ las de'i rnam par smin pas phyug cing nor mngal longs spyod che ba'i rigs su skyes te/ gzugs bzang zhing blta na sdug la mdzes pa dang / rgyan thams cad kyis brgyan te/ mngal gyi dri ma dang / ma'i dri ma dang / khrag gi dri mas ma gos par btsas pa/ skyes ma thag tu yang lha'i khang pa brtsegs pa dang / lha'i mal khri dang / lha'i mchod sdong byung bar gyur la/ de gang dang gang du 'gro ba de dang der mi ma lags pa rnams kyis ras gsar pa ma spyad pa tshar tshar ring ba dag 'ding bar bgyid pa dang / me tog sna tshogs kyang sa la 'grems par bgyid pa dang / cher skyes pa na yang lha dang mi'i dpal byung bar gyur la/ 'dis bcom ldan 'das kyang mnyes par bgyis te/ ma mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis smon lam gang du btab lags dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs

  277. 139b

    pa/ 'jig rten mkhyen pa/ skyes bu gdul bya'o kha le sbyar ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe lA rA NA si na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor la 'gran pa zhig gnas pa de/ phye zhig na sangs rgyas la mngon par dga' ba dang / chos la mngon par dga' ba dang / dge 'dun la mngon par dga' bar gyur nas/ des phyi zhig na rnam pa thams cad yongs su rdzogs pa'i gtsug las kha brtsigs nas/ gtsug lag khang de nyid du bcom ldan 'das 'od srungs la sogs pa dge slong gi dge 'dun rnams cho ga dang ldan pa'i khrus dang / bshos la spyan drangs nas/ de'i mtshan mo cho ga dang ldan pa'i khrus dang / zhal zas ro brgya dang ldan pa bshams te/ bcom ldan 'das 'od srungs la sogs pa dge slong gi dge 'dun la cho ga dang ldan pa'i khrus gsol nas/ bcom ldan 'das 'od srungs la sogs pa dge slong gi dge 'dun zhal zas ro brgya dang ldan pas tshim par byas te/ bcom ldan 'das kyi dbu skra dang sen mo bdag nyid kyis khyer nas/ gtsug lag khang de nyid du yang dag par rdzogs pa'i sangs rgyas 'od srungs kyi dbu skra dang sen mo'i mchod rten brtsigs te/ las byed pa rnams bsags nas/ des ring po ma thogs par mchod rten de rnam pa thams

  278. 140a

    cad yongs su rdzogs par byas so/ / de nas des bltas na/ mchod rten de bya rnams kyis mi gtsang bar byas pa mthong nas/ des yang mchod rten de nyid dga' ba'i phyir ga khang phyur por lan gan dang / rta babs dang / skar khung khol ma can dang / skar khung dra ba can dang / char khab kyis brgyan pa/ gdugs dang / rgyal mtshan dang / ba dan rnams bsgreng ba zhig byas nas/ mchod rten de'i nang gi sa gzhi la yang gzhi bsting ste/ bdug pa dang / phye ma dang / spos dang / me tog dang / rol mo'i sgras bkur sti byas nas smon lam btab pa/ kye ma dge ba'i rtsa ba 'dis bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig/ gzugs bzang zhing blta na sdug la mdzes pa dang / rgyan thams cad kyis brgyan bzhin du skye bar shog cing / / mngal gyi dri ma dang / sha ma'i dri ma dang / khrag gi dri mas ma gos par skye bar shog cig/ bdag skyes ma thag tu lha'i mal khri dang / lha'i khang pa brtsegs pa dang / lha'i mchod sdong ril gyis gser las byas pa rin po che sna tshogs kyis spras pa 'byung bar shog cig/ de'i drung nas kyang gter chen po kha bye mchod sdong de dang 'brel pa bzhi byung la/ de las gal te brgya 'am stong blangs su zin kyang / de dag 'grib pa 'am/ gang bar yang mi mngon par shog cig/ cher skyes pa na yang lha dang mi'i dpal 'byung bar shog/ yang dag par rdzogs pa'i sangs rgyas

  279. 140b

    'od srungs kyis bram ze'i khye'u bla sa lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pal rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni dbyig mtsho 'di nyid yin te/ des yang dag par rdzogs pa'i sangs rgyas 'od srungs nyan thos kyi dge 'dun dang bcas pa la bkur sti byas nas/ dbus dang sen mo'i mchod rten brtsigs te/ rnam pa thams cad yongs su rdzogs par byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ gzugs zang zhing blta na sdug la mdzes pa dang / rgyan thams cad kyis brgyan pa dang / mngal gyi dri ma dang / sha ma'i dri ma dang / zag gi dri mas ma gos par gyur la/ btsas ma thag tu yang lha'i mal khri dang / lho'i khang pa brtsegs pa dang / lha'i mchod sdong byung bar gyur to// cher skyes pa na yang lha dang mi'i dpal byung bar gyur to// dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis

  280. 141a

    nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / dbyig dga' zhes bya ba ni/ bcom ldan 'das yul ka shi'i phyogs su ljongs rgyu zhing gshegs pa las wA rA NA sir byon te/ de'i tshe wA rA NA si na/ drang srong smra ba dgas kyi nags na/ dge slong lnga sde rnams gnas so// de nas dge slong lnga sde rnams kyis thag ring po zhig nas bcom ldan 'das mthong ngo // mthong nas kyang phan tshun nas 'dus te nang khrims bcas nas 'di skad du/ kye dge sbyong go'u ta ma de ni g.yel bar mang du sogs pa/ mang du sogs shing 'tsho ba spang ba las nyams pa ste/ de ni da kha zas mang du za zhing / 'bras chan dang srur phye za la/ zhun mar dang til mar gyis lus rnams sku bar byed cing / chu dron por lus 'khru bar byed de/ de'u bu cag gi thad du 'ong gis/ kye go'u ta ma stan dag yod kyis/ gal te 'dod pa lta na 'dug cig ces de skad tsam dag smra bar bya'i gus par smra bar mi bya'o/ / phyag mi bya'o// ldang bar mi bya'o// langs te stan bstabs par mi bya'o zhes zer ro// de nas bcom ldan 'das dge slong lnga sde rnams dang ji tsam du nye bar byon pa de tsam du dge slong lnga snga rnams bcom ldan 'das kyi dpal dang gzi brjid ma bzod nas/ zhes mi bya ba'i thugs mthub ste/ kha cig ni stan las

  281. 141b

    langs nas/ bcom ldan 'das kyi gdan shom mo// kha cig ni zhabs bsil ba'i chu dang zhabs rten phyogs gcig tu 'jog par byed do// kha cig ni langs nas chos gos rnams 'dzin par byed de/ 'di skad du go'u ta ma tshur spyon/ kye go'u ta ma khyod gshegs pa legs so// kye go'u ta ma khyod gdan bshams pa la bzhugs zhes zer ro// de nas bcom ldan 'das 'di snyam du dgongs te// kye ma mi blun po 'di rnams ni rang gi nang khrims las nyams so snyam du dgongs nas gdan bshams pa de nyid la bzhugs so// de tsam na dge slong lnga sde rnams bcom ldan 'das la ming gi tshig dang rus kyi cho ga dang / tshe dang ldan pa zhes bya ba'i tshig 'ba' zhig rjod par byed do// de nas der bcom ldan 'das kyis/ dge slong lnga sde rnams la bka' stsal pa/ dge slong dag khyed de bzhin gshegs pa la ming gi tshig dang / rus kyi tshig dang / tshe dang ldan pa zhes bya ba'i tshig 'ba' zhig marjod cig/ khyed yun ring por gnod pa dang / mi phan pa dang / sdug bsngal bar gyur ta re/ de ci'i phyir zhe na/ dge slong dag gang la la de bzhin gshegs pa dgra bcom pa yang dag par rdzogs pa'i sangs rgyas la ming gi tshig dang / rus kyi tshig dang / tshe dang ldan pa zhes bya ba'i tshig 'ba' zhig rjod par byed na/ de ni yun ring por de la gnod pa dang / mi phan pa dang / sdug bsngal bar 'gyur ba'i phyir ro// de dag gis sbas pa/ go'u ta ma khyod kyi spyod lam dang / spyod pa dang / dka' ba spyod pa snga

  282. 142a

    ma des mi'i chos las lhag pa/ mthar thug pa 'phags pa'i khyad par ye shes sam/ gzigs pa 'am/ bde bar reg pa la gnas pa yang rung ste/ ci yang ma thob na khyod g.yel ba/ mang du sogs shing 'tsho ba/ spong ba las nyams pa dang / da khyod kha zas mang du za zhing / 'bras chan dang skur phye za la/ zhun mar dang / til mar gyis lus rnams skud par byed cing / chu dron pos lus 'khru bar byed pa lta ga la thob/ de nas bcom ldan 'das kyis/ dge slong lnga sde rnams la bka' stsal pa/ dge slong khyed kyis de bzhin gshegs pa'i sngon dang da ltar gyi bzhin mdog gyur pa dang / dbang po rnams ma 'dra bar gyur pa ma mthong ngam/ de dag gis gsol pa/ kye go'u ta ma mthong lags so// bcom ldan 'das kyis bka' stsal pa/ dge slong dag mtha' 'di gnyis ni rab tu byung bas bsten par mi bya/ bsnyen par mi bya/ yongs su bsten par mi bya ste/ gnyis gang zhe na/ 'dod pa rnams kyi 'dod pa'i bsod nams la bsten pa/ ngan pa grong ma'i chos phal so so'i skye bo'i chos gang yin pa dang / bdag nyid nyon mongs pa la bsten pa/ sdug bsngal ba/ 'phags pa'i chos ma yin pa/ gnod pa dang ldan pa gang yin pa ste/ mtha' 'di gnyis la mi sten par mngon par shes par 'gyur ba dang / mngon par byang chub par 'gyur ba dang / mya ngan las 'da' bar 'gyur ba'i mig bskyed pa dang / ye shes bskyed pa dang / nye bar zhi bar byed pa'i dbu ma'i lam yod de/ dbu ma'i lam gang

  283. 142b

    zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin no// de nas bcom ldan 'das kyis dge slong lnga sde rnams la brda sprod par spyod par gyur te/ snga dro bcom ldan 'das dge slong lnga sde gnyis la gdams ngag ston na/ dge slong gsum grong du bsod snyoms la 'gro ste/ gsum gyis khyer te 'ongs pa gang yin pa des drug car 'tsho bar byed do// phyi dro bcom ldan 'das dge slong lnga sde gsum la gdams ngag ston na/ dge slong gnyis grong du bsod snyoms la 'gro ste/ gnyis kyis khyer te 'ongs pa gang yin pa des lnga sde rnams 'tsho bar byed do// bcom ldan 'das ni snga nas kyang bshos dus su gsol lo/ / de nas bcom ldan 'das kyis/ dge slong lnga sde rnams la bka' stsal pa/ dge slong dag sngon ma thos pa'i chos rnams la nga tshul bzhin yid la byed pa las// 'di ni sdug bsngal 'phags pa'i bden pa'o snyam du mig skyes so// ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ 'di ni sdug bsngal kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gyur ba'i lam 'phags pa'i bden pa'o snyam du mig skyes so// ye shes

  284. 143a

    dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal kun 'byung ba 'phags pa'i bden pa de ni mngon par shes pas yongs su shes par bya ba yin no snyam du mig skyes so/ / ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal kun 'byung ba 'phags pa'i bden pa de ni mngon par shes pas spang bar bya ba yin no snyam du mig skyes so// ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog pa 'phags pa'i bden pa de ni mngon par shes pas mngon sum du bya ba yin no snyam du mig skyes so// ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog par 'gyur ba'i lam 'phags pa'i bden pa de ni mngon par shes pas bsgom par bya ba yin no snyam du mig skyes so/ / ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'phags pa'i bden pa de ni mngon par shes pas yongs su shes so snyam du mig skyes so// ye shes dang / rig pa dang / blo skyes so// dge slong dag sngon ma thos pa'i chos rnams la

  285. 143b

    nga tshul bzhin yid la byed pa las/ sdug bsngal kun 'byung ba 'phags pa'i bden pa de ni mngon par shes pas spangs so snyam du mig skyes so// ye shes dang / rig pa dang / blo skyes so// / dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog par 'gyur ba'i 'phags pa'i bden pa de ni mngon par shes pas mngon sum du byas so snyam du mig skyes so/ / ye shes dang / rig pa dang / blo skyes so// dge slong dag sngon ma thos pa'i chos rnams la nga tshul bzhin yid la byed pa las/ sdug bsngal 'gog par 'gyur ba'i lam 'phags pa'i bden pa de ni mngon par shes pas bsgoms so snyam du mig skyes so/ / ye shes dang / rig pa dang / blo skyes so// dge slong dag 'phags pa'i bden pa bzhi la de ltar nga'i rabs gsum rnam pa bcu gnyis pa'i mig ma skyes/ ye shes ma skyes/ rig pa ma skyes/ blo ma skyes kyi bar du dge slong dag nga lha dang bcas pa dang / bdud dang bcas pa dang / tshangs pa dang bcas pa'i 'jig rten dang / dge sbyong dang / bram ze dang bcas pa'i skye dgu dang / lha dang mi dang bcas pa'i skye dgu 'di las grol ba dang / nges par byung ba dang mi ldan pa dang / rnam par grol ba dang / phyin ci log dang bral ba'i sems kyis shas cher gnas par yang ma gyur la/ dge slong dag bdag ni bla na med pa yang dag par rdzogs pa'i bang chub mngon par rdzogs par sangs rgyas so snyam du yang ngas ma

  286. 144a

    rtogs so/ / dge slong dag 'phags pa'i bden pa bzhi la de ltar nga'i rabs gsum rnam pa bcu gnyis pa'i mig skyes/ ye shes dang / rig pa dang / blo skyes nas gdod dge slong dag nga lha dang bcas pa dang / bdud dang bcas pa dang / tshangs pa dang bcas pa'i 'jig rten dang / dge sbyong dang bram zer bcas pa'i skye dgu dang / lha dang mir bcas pa'i skye dgu 'di las grol ba dang / nges par 'byung ba dang mi ldan pa dang / rnam par grol ba dang / phyin ci log dang bral ba'i sems kyis shas cher gnas par yang gyur la/ dge slong dag bdag ni bla na med pa yang dag par rdzogs pa'i byang chub mngon par rdzogs par sangs rgyas so snyam du yang ngas rtogs so/ / chos kyi rnam grangs 'di bshad pa na/ tshe dang ldan pa ko'u di n+ya chos rnams la chos kyi mig rdul med cing dri ma dang bral ba skyes so/ / de nas der bcom ldan 'das kyis/ tshe dang ldan pa ko'u di n+ya la bka' stsal pa/ ko'u di n+ya khyod kyis chos kun shes sam/ bcom ldan 'das kun 'tshal lags so/ / ko'u di n+ya khyod kyis chos kun shes sam/ kun shes sam/ bde bar gshegs pa kun 'tshal lags so// kun 'tshal lags so// de nas tshe dang ldan pa ko'u di n+yas chos kun shes par gyur pas na de'i phyir tshe dang ldan pa ko'u di n+ya'i ming kun shes ko'u di n+ya zhes bya bar gyur to/ / chos kyi rnam grangs 'di bshad pa na/ sa la gnas pa'i gnod sbyin rnams sgra rjod cing skad 'byin par byed de/

  287. 144b

    grogs po dag bcom ldan 'das kyis ni wA rA NA sir drang srong smra ba ri dgas kyi gnas su skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi don dang / phan pa dang de ba'i phyir chos dang 'thun pa rabs gsum rnam pa bcu gnyis pa'i chos kyi 'khor lo 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ gzhan su yang rung bas chos dang ldan par ma skor gyis/ lha'i gnas rnams ni mngon par 'phel bar 'gyur ro// lha ma yin gyi gnas rnams ni yongs su 'grib par 'gyur ro zhes 'dzer to// sa la gnas pa'i gnod sbyin rnams ni sgra thos nas/ bar snang la gnas pa'i gnod sbyin rnams dang / rgyal chen bzhi'i ris kyi lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyang sgra rjod cing skad 'byin par byed de/ skad cig de dang / thang cig de dang / yud tsam de dang / skad cig thang cig yud tsam de la tshangs pa'i 'jig rten du sgra grag go/ / tshangs ris kyi lha rnams kyang sgra rjod cing skad 'byin par byed de/ grogs po dag bcom ldan 'das kyis ni wA rA NA sir drang srong smra ba ri dgas kyi nags su skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi don dang / phan pa dang bde ba'i phyir chos dang 'thun pa rabs gsum rnam pa

  288. 145a

    bcu gnyis pa'i chos kyi 'khor lo 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ gzhan su yang rung bas chos dang ldan par ma skor ba de bskor gyis/ lha'i gnas rnams ni mngon par 'phel bar 'gyur ro// lha ma yin gyi gnas rnams ni yongs su 'grib par 'gyur ro zhes 'dzer to// bcom ldan 'das kyis wA rA NA sirari drang srong sma ba ri dgas kyi nags su chos dang 'thun par rabs gsum rnam pa bcu gnyis pa'i chos kyi 'khor lo bskor ba na/ de'i phyir chos kyi rnam grangs 'di'i ming chos kyi 'khor lo bskor ba zhes bya bar gyur to// de nas der yang lan gnyis su bcom ldan 'das kyis/ dge slong lnga sde rnams la bka' stsal pa/ dge slong dag bzhi po 'di dag ni 'phags pa'i bden pa yin te/ sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gyur ba'i lam 'phags pa'i bden pa'o// sdug bsngal 'phags pa'i bden pa gang zhe na/ skye ba'i sdug bsngal dang / rgas pa'i sdug bsngal dang / na ba'i sdug bsngal dang / 'chi ba'i sdug bsngal dang / sdug pa dang bral ba'i sdug bsngal dang / mi sdug pa dang phrad pa'i sdug bsngal dang / gang 'dod pa btsal te mi rnyed pa de yang sdug bsngal dang / mdor na nye bar len pa'i phung po lnga ni sdug bsngal ba ste/ 'di ni sdug bsngal 'phags pa'i bden pa zhes bya'o// de yongs su shes par bya ba'i phyir 'phags pa'i lam brgyad pa

  289. 145b

    yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / brgyad pa ste/ yang dag pa'i ting nge 'dzin bsgom par bya'o// sdug bsngal 'byung ba 'phags pa'i bden pa gang zhe na/ de spang ba'i phyir yang srid par skye bar byed pa dang / dga' ba dang / 'dod chags spel mar 'byung ba dang / de dang der mngon par dga' ba'i sred pa ste/ 'di ni sdug bsngal kun 'byung ba 'phags pa'i bden pa zhes bya'o// de spang ba'i phyir 'phags pa'i lam yan lag brgyad pa dang / yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tshe ba dang / yang dag pa'i rtsol ba dang / yang dag ba'i dran pa dang / brgyad pa ste/ yang dag pa'i ting nge 'dzin bsgom par bya'o// sdug bsngal 'gog pa 'phags pa'i bden pa gang zhe na/ yang srid par skye bar byed pa dang / dga' ba dang / 'dod chags spel mar 'byung ba dang / de dang der mngon par dga' ba'i sred pa gang yin pa de nyid ma lus par spangs pa dang / bor ba dang / bsal ba dang / zad pa dang / bral ba dang / 'gog pa dang / nye bar zhi ba dang / nub pa ste/ 'di ni sdug bsngal 'gog pa 'phags pa'i bden pa zhes bya'o// de mngon sum du bya ba'i phyir 'phags pa'i lam/ yan lag brgyad pa yang dag pa'i lta ba dang / yang dag pa'i rtog

  290. 146a

    pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / brgyad pa ste/ yang dag pa'i ting nge 'dzin bsgom par bya'o// sdug bsngal 'gog par 'gyur ba'i lam 'phags pa'i bden pa gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / brgyad pa ste/ yang dag pa'i ting nge 'dzin de yang bsgom par bya'o// chos kyi rnam grangs 'di bshad pa na/ tshe dang ldan pa kun shes ko'u di n+ya ni len pa med par zag pa rnams las sems rnam par grol lo/ / dge slong lnga sde gzhan rnams ni chos rnams la chos kyi mig rdul med cing dri ma dang bral ba skyes so// de'i tshe 'jig rten du dgra bcom pa gcig byung ste/ bcom ldan 'das dang gnyis so/ / der bcom ldan 'das kyis/ dge slong lnga sde gzhan rnams la bka' stsal pa/ dge slong dag gzugs ni bdag ma yin no// dge slong dag gal te gzugs bdag yin du zin na/ gzugs gnod pa dang / sdug bsngal bar 'gyur ba'i mi rigs la/ gzugs la bdag gi gzugs 'di lta bur gyur cig/ 'di lta bur ma gyur cig ces bya ba'i dbang yang

  291. 146b

    yod par 'gyur ba'i rigs na/ dge slong dag gang gi phyir gzugs bdag ma yin pa de'i phyir/ gzugs gnod pa dang / gzugs sdug bsngal bar yang 'gyur la/ gzugs la bdag gi gzugs 'di lta bur gyur cig/ 'di lta bur ma gyur cig ces bya ba'i dbang yang med do// dge slong dag tshor ba dang / 'du shes dang / 'du byed rnams dang / rnam par shes pa ni bdag ma yin no// dge slong dag gal te rnam par shes pa bdag yin du zin na/ rnam par shes pa gnod pa dang / sdug bsngal bar 'gyur ba'i mi rigs la/ rnam par shes pa la bdag gi rnam par shes pa 'di lta bur gyur cig/ 'di lta bur ma gyur cig ces bya ba'i dbang yang yod par 'gyur ba'i rigs na/ dge slong dag gang gi phyir rnam par shes pa bdag ma yin pa de'i phyir/ rnam par shes pa gnod pa dang // sdug bsngal bar yang 'gyur la/ rnam par shes pa la bdag gi gzugs 'di lta bur gyur cig/ 'di lta bur ma gyur cig ces bya ba'i dbang yang med do// dge slong dag ji snyam du sems gzugs rtag pa yin nam/ 'on te mi rtag pa yin/ btsun pa de ni mi rtag pa lags so// mi rtag pa gang yin pa de sdug bsngal ba yin nam/ 'on te sdug bsngal ma yin/ btsun pa de ni sdug bsngal ba lags so/ / ci mi rtag pa dang / sdug bsngal ba dang 'gyur ba'i chos can gang yin pa de la thos pa dang ldan pa'i 'phags pa nyan thos rnams 'do ni bdag gi'o// 'di ni bdag go/

  292. 147a

    'di ni bdag gi bdag go snyam du 'dzin par byed dam/ btsun pa 'dzin par mi bgyid lags so// dge slong dag ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa yin nam/ 'on te mi rtag pa yin/ btsun pa de ni mi rtag pa lags so// mi rtag pa gang yin pa de sdug bsngal ba yin nam/ 'on te sdug bsngal ba ma yin/ btsun pa de ni sdug bsngal ba lags so// ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos pa dang ldan pa'i 'phags pa nyan thos rnams 'di ni bdag gi'o/ / 'di ni bdag go/ 'di ni bdag gi bdag go snyam du 'dzin par byed dam/ btsun pa 'dzin par mi bgyid lags so// dge slong dag de bas na gzugs ci yang rung ste/ 'das pa dang / ma 'ongs pa dang / da ltar byung ba dang / nang gi 'am/ phyi rol gyi 'am/ rags pa'am/ cha phra ba 'am/ ngan pa 'am/ bzang po 'am/ thag ring ba 'am/ nye ba de dag thams cad la 'di ni bdag gi ma yin no/ / 'di ni bdag ma yin no// 'di ni bdag gi bdag ma yin no snyam du de de ltar yang dag pa'i shes rab kyis ji lta ba bzhin du blta bar bya'o// dge slong dag tshor ba ci yang rung ba dang / 'du shes dang / 'du byed rnams dang / rnam par shes pa ci yang rung ste/ 'das pa dang / ma 'ongs pa dang / da ltar byung ba dang / nang gi 'am/ phyi rol gyi 'am/ rags

  293. 147b

    pa'am/ cha za pa 'am/ ngan pa 'am/ bzang ba 'am/ thag ring ba 'am/ nye ba de dag thams cad la 'di ni bdag gis yin no// 'di ni bdag ma yin no// 'di ni bdag gi bdag ma yin no// snyam du de de ltar yang dag pa'i shes rab kyis ji lta ba bzhin du blta bar bya'o// dge slong dag de bas na thos pa dang ldan pa'i 'phags pa nyan thos kyis ni/ nye bar len pa'i phung po lnga po 'di dag bdag kyang ma yin/ bdag gi yang ma yin/ bdag gi bdag kyang ma yin par yang dag par mthong ngo // des de ltar yang dag par mthong bas na/ 'jig rten ci yang mi len no// mi len pas na yongs su yi 'chad pa med do/ / yongs su yi 'chad pa med pas na/ bdag gi skye ba zad do// tshangs par spyad pa spyad zin no// bya ba byas so// srid pa 'di las gzhan med do snyam du rang nyid yongs su mya ngan las 'da' 'o/ / chos kyi rnam grangs 'di bshad pa na/ dge slong lnga sde po gzhan rnams kyang len pa med par zag pa rnams las sems rnam par grol lo// de'i tshe 'jig rten du dgra bcom pa lnga byung ste/ bcom ldan 'das dang drug go/ de nas dge slong dag gis/ bcom ldan 'das la zhus pa/ btsun pa bcom ldan 'das kyis dge slong lnga sde rnams 'bor ba'i rgya mtsho las bsgral te/ dbang po dang / stobs dang / byang chub kyi yan lag rin po che rnams kyi skal shas stsal nas/ g.yung drung gi mthar thug pa'i grub pa dang bde ba mya ngan las 'das pa la

  294. 148a

    gzigs/ bcom ldan 'das kyis bku' stsal pa/ dag slong dag sgyur babam nigs yin te/ 'dus pa drus na sang ngas dge slong lnga sde po 'di rnams la bdag gisog dang brjon techu'i rgya mtsho chen po las bsgral nas/ rin thang che ba'i rin po che rnams kyi skal shas ji ltar byin pa nyon cig/ dge slong dag sngon byung ba 'das pa'i dus na/ wA rA NA si'i grong khyer na/ rgyal po tshangs pas byin zhes bya ba rgyal po byed do/ / de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid byed do// de'i tshe wA rA NA si na ded dpon dbyig ces bya ba phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod do// de nas phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa/ mdog bzang ba/ gser gyi kha dog can/ mgo bo gdugs

  295. 148b

    ltar 'dug pa/ lag pa ring ba/ dpral ba'i dbyes che ba/ sna ma thob/ sna legs pa/ smin ma sdug pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed do/ / khye'u 'di dbyig gi bu yin gyis/ dbyig dga' zhes gdags so zhes zer ro// de nas khye'u dbyig dga' 'o ma dang / zho dang / mar dang / zhun mar dang / mar gyi snying khus bskyed bsrings te/ mtsho'i nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sbab dang / dgras pa dang / gos brtag pa dang / nor bu brtag pa dang / rin po che rtag pa dang / spos brtag pa dang / sman partag pa dang / glang po che brtag pa dang / rta brtag pa dang / go mtshon brtag pa bslabs te yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// khye'u de yang byams pa'i rang bzhin can/ snying rje dang ldan pa/ sems can la byams pa/ sbyin pa la dga' ba zhig ste/ des pha ma la gsol nas/ dge sbyong dang / bram ze dang / spyod pa pa dang / kun tu rgyu dang / dman pa dang / sdug cing 'phongs pa rnams la sbyin bdag sbyin zhing / bsod nams dag bya ba la zhugs so// de nas phyi zhig na ded dpon dbyig dga'i pha nad kyis thobs nas/ de rtsa ba dang / sdong bu dang / lo ma dang /

  296. 149a

    me tog dang / 'bras bu'i sman rnams kyis rim gro byas kyang sos par ma nus te/ shi nas de ras sngon po dang / ser po dang / dmar po dang / dkar po rnams kyis brgyan pa'i khyogs la khyer te rus bul rus bu'i mchod pa byas nas/ yun mi ring ba zhig tu mdun byas pa las mdun bor te 'dug go// de nas de'i bu dbyig dga' de rgyal po tshangs pas byin gyis de ded dpon chen por dbang bskur te/ de'i nor gyis tshong pa mang po nyo tshong byed do// de yang pha shi nas sbyin pa rgya chen po byed pa la zhugs so// de nas phyi zhig na des bsams pa/ nor 'di ni bdag gi phas bsags pa yin te/ bdag gis 'di las sbyin pa dag byin zhing / bsod nams byas nas/ 'di'i phyir bdag la gzhan dag 'phya bar 'gyur te/ 'di ni gzhan gyis bsags pa'i rdzas rnams kyis sbyin pa dag sbyin zhing / bsod/ nams dag byed de/ 'di la ngo mtshar che ba ci yod ces zer bar 'ong gis/ ma la bdag nyid kyis nor bsgrubs te/ rang gi zho shas bsgrubs nas/ sbyin pa dag sbyin zhing / bsod nams dag bya gor ma chag snyam nas/ des dril bsgrags te/ su ded dpon dbyig dga' dang lhan cig tu sho gam med pa dang / lagacan gyi btsas med pa dang / gru btsas med pa dang / bsel rngan med par rgya mtsho chen por 'gro 'dod pa de dag zong sta gon gyis shig ces byas so/ / de nas de thos ma thag tu tshong pa lnga brgya 'dus nas de dag gis rnga mo dang / ba glang dang / bong bu dag gis zong ba skyas

  297. 149b

    te/ grong dang / grong rdal dang / grong khyer dang / nags khrod kyi grong dang / yul po che rnams su rgyus nas/ rgya mtsho chen po'i 'gram du phyin te/ kar sha pa Na lnga brgyas gru'i gla byas nas shas 'tsho ba rnam pa lnga ste/ 'tsho ba sbyor ba dang / nan tur byed pa dang / zhal ta byed pa dang / 'phyag pa dang / drod pa rnams kyang khrid do// de la 'tsho ba sbyor ba gang zhe na/ de'i nang du zas dang skom sbyor ba gang yin pa'o/ / nan tur byed pa gang zhe na/ de'i nang du rtsod pa byung ngo cog zhi bar byed pa gang yin pa'o// zhal ta byed pa gang zhe na/ de'i nang du nor rdzas kyi zhal ta byed pa gang yin pa'o// 'phyag pa gang zhe na/ de'i nang du chu 'phyag pa gang yin pa'o// thod pa gang zhe na/ de'i nang du rgyu skar rnams la lta ba gang yin pa'o// de nas tshong pa de dag gis rgya mtsho chen po mthong nas/ 'jigs tegru'i nang du 'jug mi 'dod par gyur to/ / de nas ded dpon gyis/ drod pa la smras pa/ kye mi khyod kyis rgya mtsho chen po'i bsngags pa ji lta ba bzhin du sgrogs shig/ de nas drod pas bsgrags te/ kye 'dzam bu'i gling ba'i tshong pa dag nyon cig/ rgya mtsho chen po 'di'i nang na nor bu rin po che rin thang che ba 'di lta ste/ nor bu dang / mu tig dang / bai DUR+Ya dang / dung dang / nor rdo dang / byu ru dang / dbul dang / gser dang / rdo'i snying po dang / spug dang / pad+ma rA ga dang / dung g.yas su 'khyil ba de lta bu dag yod na/ khyed kyi nang na su rin po che de lta bu dag gis bdag nyid dang / pha ma dang / bu dang /

  298. 150a

    chung ma dang / bran dang / bran mo dang / las byed pa dang / zho shas 'tsho ba dang / mdza' bo dang / blon po dang / nye du dang / rgan rabs rnams yang dag pa'i bde bas tshim par/ bya ba dang / dus dus su dge sbyong dang bram ze rnams la gyen du 'gro bar 'gyur ba dang / skal ba dang ldan par 'gyur ba dang / rnam par smin pa bde bar 'gyur ba dang / phyi ma la yang mtho ris su skye bar 'gyur ba'i yon dbul bar 'dod pa de ni/ rgya mtsho chen po'i nang du 'gro bar gyis shig ces byas pa dang / 'jig rten dag ni 'byor pa 'dod pa ste/ skye bo phal po che gru'i nang du zhugs nas/ gru des mi theg par gyur te/ ded dpon des bsams pa/ da ni phyir phyung zhig ces kyang ji skad bya snyam nas/ des drod pa la smras pa/ kye mi khyod kyis rgya mtsho chen po'i bsngags pa ma yin pa ji lta ba bzhin du sgrogs shig/ de nas drod pas bsgrags te/ kye 'dzam bu'i gling pa'i tshong pa dag nyon cig/ rgya mtsho chen po 'di'i nang na shin tu 'jigs pa chen po 'di lta bu dag yod de/ 'di lta ste/ nya'i 'jigs pa dang / nya mid kyi 'jigs pa dang / nya ming mid kyi 'jigs pa dang / rlabs kyi 'jigs pa dang / glog gi 'jigs pa dang / chu srin kum+bi ra'i 'jigs pa dang / chu srin shi shu mA ra'i 'jigs pa dang / chu'i nang gi ri rnams la thug pa'i 'jigs pa dang / rlung nag po'i 'jigs pa dang / der chom rkun gos sngon po dang nag po gyon la/ nor 'phrog cing 'ong ste/

  299. 150b

    de dag gis khyed nan tan du srog dang bral bar byed pa dag kyang yod na/ khyed kyi nang nas su bdag nyid 'phangs pa dang / pha ma gnyis dang / bu dang / chung ma dang / bran dang / bran mo dang / las byed pa dang / zho shas 'tsho ba dang / mdza' bo dang / blon po dang / nye du dang / rgan rabs rnams 'dor phod pa de na rgya mtsho chen po'i nang du 'gro bar gyis shig ces byas pa dang / dpa' bo na nyung / sngar ma ni mang ste/ skye bo phal po che phyir 'thon nas/ gru des theg par gyur to// de nas drod pas lan gsum gyi bar du sgra bsgrags te/ de'i 'og tu nyag thag gcig bkrol lo// de nas nyag thag gnyis dang / gsum dang / bzhi dang / lnga bkrol lo// de nas gru de drod pa chen pos ni bsdams/ rlung mthu chen pos ni khyer nas/ sprin chen po bzhin du chas te/ rlung drang por 'gro bas rin po che'i gling du phyin par byas so/ / de nas drod pas sgra bsgrags pa/ kye 'dzam bu'i gling ba 'tshing pa rnams rin po che'i gling 'di na mching bu'i nor bu rin po che 'dra ba dag yod de/ de dag khyed kyis brtag cing blang bar gyis shig/ khyed 'dzam bu'i gling du son pa'i 'og tu 'gyod par gyur ta re/ rin po che'i gling 'di nyid na srin mo khrung khrung gzhon nu ma zhes bya ba dag kyang gnas te/ thabs ji lta bus kyang skyes pa bring nas 'di nyid dum rung bar byed cing sdug bsngal bar byed do/ / rin po che'i gling 'di nyid na myos par byed pa'i shing thog dag yod de/ de dag sus zos pa zhag bdun gyi bar du brgyal te 'jug par 'gyur gyis/ de dag khyed ma za zhig/ rin po

  300. 151a

    nyid na mi ma yin pa dag kyang gnas te/ de dag ni gzhan nag bdun gyi bar du 'dug par ba'od kyi/ zhag bdun las 'das nas don gang bsgrub pa de dag ma zin par rlung gang gis su byer bar byed pa de lta bu'i rlung gtor bar byed do zhes bsgo nas/ de thos pas tshong pa rnams kyis bsgrims te bag yod par 'dug nas/ de dag gis rin po che rnams brtag cing brtag cing gru de bkang ste/ dper na til dang / 'bras dang / bad ra'i 'bras bu dang / rgya srin gyis gang ba bzhin du byas te/ de dag rlung drag pos 'dzam bu'i gling du phyin par byas so// des thabs de lta bur rgya mtsho'i gru'i don lan drug gi bar du bsgrubs te/ wA rA NA sir 'ongs nas/ sbyin pa dag sbyin pa dang / bsod nams dag byed pa la zhugs so// de'i tshe de ma yin pa'i grong khyer ldan ded dpon lnga gnas te/ de dag ni song ste bor yang gru rnams ma rung bar gyur nas/ de dag gis bsams pa/ sems can bsod noms kyis che bar grags pa gcig gi mthus sems can mang po bde bar 'gyur la/ ded dpon chen po dbyig dga' de ni bsod nams kyis che bar grags pa yin te/ des rgya mtsho'i gru'i don lan drug gi bar du bsgrubs kyis/ gal te bdag cag gis de spro ba bskyed par nus na ni/ de'i mthus bdag cag gis nor sgrub par nus par 'gyur ro snyam ste/ lhan cig 'dus nas wA rA NA sir song ste/ ded dpon dbyig dga'i thad du song nas smras pa/ ded dpon bdag cag song ste bor yang nor gyi gru rnams ma rung bar gyur te/ khyod ni bsod rnams kyis che bar grags pa lags kyis/ bdag cag la thugs brtse ba'i slad du rgya mtsho chen po'i nang du bzhud dang / khyod kyi mthus bdag

  301. 151b

    / cag gis nor sgrub nus par 'gyur ro// des smras pa/ kye rgya mtsho chen po'i chos kyis ni gru bdun pa ma rung bar 'gyur te/ sngan chad gang gis kyang rgya mtsho gru'i don grub pa su yang med do// 'on kyang khyed kyi bsam pa yongs su bskang bar bya ste/ khyed kho na la snying brtse ba'i phyir lan bdun du rgya mtsho'i nang du 'gro bar bya'o zhes smras nas/ ded dpon chen po dbyig dgas/ ded dpon lnga po de dag khrid de rgya mtsho chen po'i nang du song ba las/ de rin po che'i gling du phyin nas/ rin po che bsgrubs te yang 'dzam bu gling logs su gru btang ngo // de nas ded dpon chen po dbyig dga' rgya mtsho chen po'i nang na 'dug bzhin du 'di snyam du sems te/ bdag cag rgya mtsho chen po'i nang na 'khod pa rnams nye zho med pa dang / bde blag tu pha rol tu son par 'gyur du mngon pa med kyis/ mal bdag gis rin po che rin thang chen po rnams kyis sgye'u bkang ste/ sked pa la bcing bar bya'o snyam na des rin po che rin thang chen po rnams kyis sgye'u bskang de/ skud pa la bcings nas tshong ba de dag la smras pa/ kye gal te brgyal grum rungs par gyur na/ khyed nga'i lus la 'jus shig/ de nas phyi zhig na chu'i ning na 'dug pa'i ris de dag gis grub shig nas/ ded dpon lnga po de dag ded dpon dbyig dga'i lus la 'jus so// de nas ded dpon dbyig dgas bsams pa/ bdag gson por 'jug bzhin du ni 'di rnams rgya mtsho chen po las bsgral bar mi nus la/ rgya mtsho chen po ni shi ba'i ro dang lhan cig gnas pa mi srid cing skabs med de/ 'di ni gnas ma yin pas na/ bdag shi dang rgya mtsho chen po las myur du rgal bar 'gyur ro snyam nas

  302. 152a

    ded dpon rnams la smras pa/ kye khyed rnams brtan zhing spob cher skyed cig dang / ngas khyed ci nas kyang nye zho med par bde blag tu rgya mtsho chen po las brgal bar bya'o// brgal zin nas kyang nga'i lu mdor bar ngas rin po che rin thang chen po rnams kyis sgye'u bkang ste/ sked pa la bcings pa khyed kyis bgo bsha' gyis la khyer cig dang / des khyed kyi gnyis ka'i phyogs kyi bdun rgyud 'tsho bar 'gyur ro zhes smras nas/ des bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na bdag 'jig rten long ba 'dren pa med cing / yongs su 'dren pa med pa dang / ston pa med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / bla na med pa yang dag par rdzogs pa'i byang chub tu smon lam btab nas/ mtshon rnon po blangs te mgul pa bcad do// rgya mtsho chen po shi ba'i ro dang lhan cig gnas mi srid cing skabs med de/ 'di ni gnas ma yin pas na/ de klu gtsang sbral dga' ba rnams kyis 'gram du phul nas thang 'khor ro// de nas de dag gis de'i ro las rin po che de dag bkrol te bgo bsha'abyas de'i dris dul mchod pa byas te dong ngo / / dge slong dag ji snyam du sems// de'i tshe ded dpon dbyig dga' zhes bya ba byang chub sems dpa'i spyod pa la gnas par gyur pa gang yin pa de ni nga yin no//

  303. 152b

    tshe ded dpon lnga por gyur pa gang yin pa de dag ni dge slong lnga sde po 'di rnams yin te/ de'i tshe na yang 'di rnams ngas rang gi srog dang bsngos te chu'i rgya mtsho las bsgral nas/ rin po che rin thang chen po dag gi skal shas byin nas/ nye zho med cing bde ba'i gnas su bkod la/ da ltar yang ngas 'di rnams 'khor ba'i rgya mtsho las bsgral te/ dbang po dang / stobs dang / byang chub kyi yan lag rin po che'i skal shas byin nas/ gsu drung gi mthar thug pa'i grub pa dang bde ba mya ngan las 'das pa la bkod do/ / // bam po dgu pa// / dom gnyis zhes bya ba de la/ dom dang po ni/ gleng ga ni rgyal po'i khab na bzhugs te/ bcom ldan 'das yul ga yar gshegs pa na/ cham pas btab nas/ sman pa'i rgyal po 'tsho byed kyis lcags mda' zhes bya ba'i sman mar phan zhes gsol nas/ de nyid kyis sman mar skol te/ bcom ldan 'das la sman mar gsol te/ de nas de las lhag par gyur nas/ 'tsho byed kyis gsol pa/ btsun pa chab mar gyi lhag ma bdag gis su la stsal bar 'tshal/ de nas der bcom ldan 'das kyis/ 'tsho byed la bka' stsal pa/ 'tshetsho byed dge 'dun la rims la su 'dod pa byin cig/ de nas bcom ldan 'das kyis bka' stsal pa bzhin 'tshal lo zhes gsol nas/ 'tsho byed kyis mar gyi lhag ma de dge 'dun la brims na/ der dge slong rnams kyis gcig gis kyang ma blangs te/ lha sbyin gyis mthong nas smras pa/ 'tsho byed de ci/ 'tsho byed kyis smras pa/ bcom ldan 'das kyis lcags mnga' zhes bya

  304. 153a

    ba'i sman mar gsol ba de'i lhag ma 'di dge slong rnams la brims na/ sus kyang ma blangs so// lha sbyin gyis smras pa/ ngas blang gis dge sbyong go'u ta mas ji tsam 'thungs pa de tsam byin cig/ 'tsho byed kyis smras pa/ lha sbyin bcom ldan 'das ni sku yang che la/ nyam stobs kyang che'o// khyod kyis ni de snyed 'ju bar mi nus so// des smras pa/ dge sbyong go'u ta mas zhun ngas ci phyir mi zhu zhes smras nas/ lha sbyin gyis 'tshe byed kyi tshig ma nyan te/ bcom ldan 'das ji tsam gsol ba de tsam zhig des kyang 'thungs so// de nas der bcom ldan 'das kyis phyid nyin 'bras thug bla ba'i cho ga mdzad de/ bshos gsol to// de nas lha sprin gyis bcom ldan 'das kyis 'bras thug zla ba'i cho ga mdzad de/ gshes gsil zhes thos nas/ 'tsho byed la smras pa/ 'tsho byed bdag gis kyang 'bras thug bla ba'i cho ga bya'o/ / de nas 'tsho byed kyis de'i bzhin mdog bltas nas smras pa/ lha sbyin khyod kyis mar nyid kyang ma zhu na/ 'bras thug sla ba'i cho ga ji ltar bya/ des smras pa/ dge sbyong go'u tams zhu na ngas ci'i phyir mi zhu zhes de skad smras te/ des kyang 'bras thug sba ba'i cho ga byas nas/ des kyang 'thungs ma thag tu lto nad kyis btab ste/ de nad mi bzod nas sa la 'gre ldog par byed do// 'jig rten na ni mdza' bo dang / dgra bo dang bar ma yod de/ kha cig ni dong nas tshe dang ldan pa kun dga' bo la smras pa/ btsun pa kun dga' bo lha sbyin ni lto nad kyis shi la thug go zhes byas so// de nas

  305. 153b

    tshe dang ldan pa kun dga' bos de thos nas/ spun la gdung bas mi dga' bar gyur te/ bcom ldan 'das kyi thang du song nas gsol pa/ btsun pa lha sbyin ni lho nad kyis kum la thug na/ bcom ldan 'das kyis deri skabs mdzad pa gsol/ de nas bcom ldan 'das kyis de gas na ma thag tu snying rje chen po sa zin nas/ na gal ba der gshegs sde na nas// wa byin gyi mgo bo la phyag banag ste bka' stsal pa/ sbyin bden pa dang bden pa'i tshig gang gis gshed ma'i mi khyod dang sgra gcan zin thal mo sbyor ba gnyis la nga'i sems snyoms na/ bden pa dang bden pa'i tshig des khyod nad med par gyur cig/ de nas de skad ces bka' stsal pa'i mod la lha sbyin bde bar gyur to/ / de nas dge slong rnams kyis/ de la smras pa/ lha sbyin bcom ldan 'das ni khyod la dka' ba mdzad pa dang / srog 'phangs pa sbyin pa yin no/ / des smras pa/ de la ngo mtshar che ba ci zhig yod de/ gal te 'dis sman dpyad ma bslabs su zin na/ 'di ji ltar tshogs 'di nyid 'chos nus zhes de skad ces smras nas/ de bcom ldan 'das bkrongs pa'i thabs 'ba' zhig shom mo/ / de nas dge slong rnams kyis tshor nas/ bcom ldan 'das la gsol pa/ btsun pa bcom ldan 'das kyis lha sbyin gyi skyabs mdzad na/ kho ni bcom ldan 'das bkrongs pa 'ba' zhig gi slad du 'bad cing / bkrongs pa 'ba' zhig gi thabs shom pa la gzigs/ btsun pa lha sbyin ni byas pa mi shes pa dang / byas pa mi gzo ba dang / byas pa chud gson pa lags so//

  306. 154a

    bcom ldan 'das kyis bka' stsal pa/ dasgyur 'ba' nas sa yin te/ 'das pa 'dum na yang 'di 'a gar byas pa ma shes pa dang / byas pa mig no pa dang / byas pa rgyad gson par gyu mngon nyon cig/ dge slong dag sngon byung ba 'dra ba'i zla'i zong kyi mong zhig na mi dul po zhig gnas pa de rtswa dang shing dag 'tshong zhing 'tsho bar byed pa las/ de phyi zhig na ril shing brdar song ba dang / de ril song ba'i bar du khab bab nas delhags pas nyen cing yul rin gyis bsgribs pas brag phrug chen po zhig gi nang du song ba dang / de'i tshe byang chub sems dpa' dom du skyes par gyur te/ byang chub sems dpa' rnams ni lus kyis log par ltung bar gyur tu zin kyang / sems kyis log par ltung bar mi 'gyur te/ de yang bdag nyid che ba byams pa'i rang bzhin can snying rje dang ldan pa/ sems can la mnyes gshin pa/ mi 'tshe ba'i bsam pa dang ldan pa zhig go/ de su la yang 'tshe bar mi 'dod pas rtsa ba dang 'bras bus 'tshe bar byed de/ des phug der rtsa ba dang 'bras bu bsags nas lhags pas nyen pa'i tshe/ de'i nang du zhugs te gnas pa de mi phug tu song ba des mthong nas// mthong ma thag tu 'jigs pa chen po skyes te/ bdag ni 'di'i lag tu shi zin no// bdag ni 'di'i lag nas 'bros mi nus so snyam mo// de nas de byang chub sems dpas mthong nas/ mi 'di ni lhags pas kyang nyen la/ skrag cing yang 'dug go snyam du rig nas/ des de la snying brtse ba'i phyir mi skad du smras te/ grogs po ma 'jigs shig/ khyod nga la 'jigs mi dgos so zhes smras nas/ byang chub sems dpas mi

  307. 154b

    de rang gi lus kyis bskyabs te/ rtsa ba dang 'bras bu dag bstabs so// de ltar zhag bdun gyi bar du mi de de bzhin du rang gi lus kyis bskyabs te/ rtsa ba dang 'bras bu dag gis yongs su bskyangs nas zhag bdu lon te/ yul ngan med par gyur pa'i 'og tu byang chub sems dpas bsgo ba/ kye mi khyod khyim du song la nga la dgra mang du yod pas/ sha'i phyir bsad du 'ong gis/ nga 'di na 'dug ces su la yang ma zer cig/ ces byas nas/ byang chub sems dpas mi de phyir btang ngo // de nas mi de shing khur khyer te ri khrod kyi grong logs su chas so// ri khrod kyi grong de nas kyang rngon pa gnyis ri dgas gshor du 'gro bar chas nas/ de gnyis kyis shing khur khyer te 'ong ba'i mi de mthong nas/ de gnyis kyis bsams pa/ mi 'di ri khrod 'di nas sngon zhag bdun lon pa'i 'og tu phyir 'ongs na/ 'di zhag bdun gyi bar du gang na ci za za zhig gu snyam nas/ de gnyis kyis/ mi de la dris so// des kyang de gnyis la gtam de rgyas par bsnyad do// de nas de thos ma thag tu de gnyis kyis/ mi la smras pa/ kye mi khyod tshur shog la dom gal 'dug pa bdag cag gnyis la ston cig dang / bdag cag gnyis kyis dom de bsad la khyod la yang des sha'i zhal shas sbyin no// de nas mi dris bsams pa/ ma la ngom nges nag bdun gyi par du bdag yong rgya ma song rtse/ dbangs sa su mang meng la/ bdag ga na 'das pa' ba med kyis/ bdag gis bsan // des bdag ni khyis mi rnams kyis nag sang du ba par yod par 'gyur mas

  308. 155a

    des mi de gnyis la smras pa/ kye mi khyed la ngas dom ga la 'dug pa de bstan to zhes byas nas/ de phug na 'dug pa kho na rngon pa de gnyis la bstan nas/ de gnyis kyis dom de dug mdas bsnun te/ byang chub sems dpa' 'chi ka'i na tshas thebs nas/ de shi la thug pa na/ tshigs su bcad pa smras pa/ ri sul stug por gnas pa na/ bdag gis su yi ci zhig phrogs/ rtswa dang rtsa ba 'bras bu za// su la'ang 'tshe bar mi byed na// 'chi ba'i dus la bab zin gyis// da ni bdag gis ci byar med// lus can rnams kyi sgyid sdug ni// las rnams la ni brten par bya// de nas mi de gnyis kyis bsad nas pags pa bshus te/ sha de dag cha gsum du bgos nas/ mi de la smras pa/ kye mi khyod rang gi skal ba khyer cig/ de nas de thos ma thag tu mi des lag pa gnyis brkyang ste bslang zhes byas pa dang / de'i lag pa gnyis sa la lhung ngo // de nas de mthong ma thag tu rngon pa de gnyis kyis/ mi de la smras pa/ kye de ci/ des smras pa/ 'dis pa nag bdun gyi bar du rlung dang yul ngan byung ba'i tshe/ rang gi lus kyis bskyabs te/ rtsa ba dang 'bras bu dag gis yongs su bskyangs pa las/ de la bdag gis byas pa mi ga zo ba byas pa des na bdag la 'bras bu 'di 'ongs su nas byas so/ / de nas de thos ma thag tu rngon pa de gnyis mi dga' ba chen po skyes te/ de gnyis mi dga' bar gyur nas bsams pa/ 'di ni sems can ngan ngon ma yin te/ bdag cag gnyis kyis

  309. 155b

    de lta bu'i sha byams pas yongs su bskos pa dag bza' bar mi nus te/ 'di dag ni mchod pa'i 'os yin no snyam mo// de'i tshe 'jig rten na sangs rgyas byung bas brgyan te/ de gnyis kyis sha dag khyer te/ gtsug lag khang du song ngo // gtsug lag khang du song nas kyang dge 'dun la phul lo// de nas sha de dag dgra bcom pa zhig gis mthong nas des bsams pa/ sha 'di dag ni bskal/ pa bzang po'i byang chub sems dpa' byams pas yongs su bsgos pa'i yin no snyam nas/ dge slong rnams la smras pa/ tshe dang ldan pa dag sha 'di dag ni bskal pa bzang po'i byang chub sems dpa' byams pas yongs su bsgos pa yin/ de mchod pa'i 'os yin gyis/ 'di dag la bdag cag gis mchod par bya'o zhes byas nas/ tshigs su bcad de smras pa/ ri dgas skal ba chen po 'di/ / byang chub sems dpa' gnya' shing 'dzin// snying rje che dang ldan pa ste// 'jig rten gsum na mchod gnas yin// de skad ces smras nas/ dgra bcom pa de dang / dge slong de rnams dang / rngon pa'i mi de gnyis kyis sha de dag bsregs nas sku gdung gi mchod rten byas te/ mchod pa chen po byas nas dong ngo // dge slong dag ji snyam du sems/ de'i tshe dom du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe mir gyur pa gang yin pa de ni lhas byin 'di nyid yin te/ 'di ni de'i tshe yang byas pa mi shes pa dang /

  310. 156a

    byas pa mi gzo ba dang / byas pa chud gzon par gyur to// dom gcig ni/ gleng gzhi de nyid dang 'dra ba las/ bcom ldan 'das la/ dge slong dag gis gsol pa/ btsun pa lha sbyin ni byas pa mi shes pa dang / byas pa mi gzo ba dang / byas pa chud gzon pa lags so// bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar byas pa mi shes pa dang / byas pa mi gzo ba dang / byas pa chud gzon par gyur pa de nyon cig/ dge slong dag sngon byung ba 'das pa'i dus na/ ri khrod kyi grong zhig na/ mi dbul po zhig gnas pa de rtswa dang shing dag 'tshong zhing / 'tsho bar byed pa las/ de phyi zhig na nags kyi nang du shing brdar song ba dang / se ges gtses nas de 'jigs shing skrag ste/ shing la 'dzegs pa dang / dom zhig kyang seng ges 'jigs nas sngar shing la 'dzegs te 'dug go// de nas mi des de mthong nas 'jigs pa chen po skyes te/ bdag ni seng ge'i 'jigs pa las thar kyang 'dis bdag sdug bsngal bar byed par 'gyur ro snyam mo// dom de yang bskal pa bzang po'i byang chub sems dpa' yin byang chub sems dpa' rnams ni lus kyis log par lhung du zin kyang / sems kyis log par ltung bar mi 'gyur te/ byang chub sems dpas de mthong nas/ mi 'ang na

  311. 156b

    'jigs shing skrag par gyur to snyam du rig nas/ de nyid la snying brtse ba'i phyir mi skad du smras te bsgo ba/ grogs po ma 'jigs shig/ khyod nga la 'jigs mi dgos so zhes smras nas byang chub sems dpas lag pa brkyang ste mi de yang drangs nas/ rang gi lus kyis bskyabs te bzhag nas/ byang chub sems dpa' des/ de la smras pa/ khyod shes par gyis shig/ seng ge 'di ni bdag cag la gsod pa dang / rgol ba dang / dgra yin gyis/ khyod kyis kyang nga nyal ba'i tshe srungs shig/ ngas kyang khyod nyal ba'i tshe bsrung bar bya'o// de ltar bdag cag gnyis gcig gis bsrung ba dang bde ba la reg par gnas par 'gyur ro/ / de nas mi des kyang de ltar bya'o zhes smras nas/ mi de byang chub sems dpa'i pang du sngas bcas te nyal lo/ / de nas de nyal ba dang / ri dgas kyi rgyal po seng ges/ byang chub sems dpa' la smras pa// mi rnams ni byas pa mi gzo ba yin gyis/ mi'o ni 'or cig dang ngas 'o ni zos nas 'gro'o/ / nga song bas khyed kyang gar dga' bar 'gror yod do// byang chub sems dpas smras pa/ bdag ni skyabs su 'ongs pa gtong mi phod/ bdag ni rang gi srog 'dor nus kyi skyabs su 'ongs pa ni 'dor mi nus so/ / de nas de'i skabs su mi de sad nas/ byang chub sems dpas smras pa/ kye mi khyod nyal ba na ngas bsrungs kyis/

  312. 157a

    khyod kyis kyang nyal ba na srungs shig ces byas nas/ byang chub sems dpas mi de'i phang du sngas bcas te nyal lo// byang chub sems dpa' nyal ba na/ mi de la/ ges smras pa/ kye mi khyod kyis dom 'o ni 'or cig dang / ngas 'o ni zos nas 'gro'o// nga song nas khyod kyang gar dga' bar 'gror yod do// de ltar ma byas nang song ba'i 'og tu 'o nis khyod gsod par 'ong ngo / / de nas mi des bsams pa/ seng ge 'di zer ba ni bden no snyam nas/ 'jig rten pha rol btang ba/ snying la snying rje med pa des/ dom de shing de las phul nas/ de shing de las lhung bzhin du tshigs su bcad de smras pa/ kye hud 'jig rten 'di dag na// chos min 'dis ni shin tu 'jigs// sdig to'i mi rnams nang dag na// bsen la gnod pa byed pa'ang yod// de nas de lhung ma thag tu ri dgas kyi rgyal po seng ges bsad de/ des de zos nas phyogs de nas song ngo // de nas mi des tshigs su bcad pa de thos nas/ 'gyod pa chen po skyes te/ bdag ci dang ci byed byed/ bdag nyal ba'i tshe des legs par rim gro byas te srog bskyabs na/ bdag gis de la chu gang bor gyis med do zhes zer te/ smyo bla zhing phan tshun 'khyam ste/ kyi hud 'jig rten 'di dag na// chos min 'dis ni shin tu 'jigs/ / sdig to'i mo rnams nang dag na// bsen la gnod pa byed pa'ang yod// ces zer ro// de nas mi de'i phu nu rnams kyis sman pa la bstan te/ 'di ji ltar gyur ces

  313. 157b

    / ldan pa da / 'dan 'byung bab mas thugs par byas pas yin te/ 'don dag gsugs marnan mAn d+ha/ ma dzad nga kum nas g rong mngon par shes pa dang ldan pa/ rdzu 'phrul che zhing mthuche bani ga gnas te/ mde'i dunu ba rnams kyis dang sri de'i bring du khrid de bstan nas/ 'di co nog gi mthus smos par gyur ces byas pa dang / dra srong des de'i bu nu bo rnams la gtam de rgyas par bskyed de/ chu gang por ba des na 'di skyes par gyur to zhes byas nas/ drang srong ngas ci nas mangs sems kyi ring bzhin thamal par 'gyur ba du/ bu'i chos mi de la bstan te/ de'i tshe drang srong nges/ mi de la smras pa/ kye mi khyod kyis chu gang bor te sems can de lta bu byas pa ni ma legs so zhes smras nas/ drang srong des mi de la rgya gag tshig su bcad de smras pa/ 'dug pa dang ni nyal ba dang / 'greng ba dang ni 'gro yang rung // gnas skabs gang du bab pa na// bas na 'khus bde ba 'thob mi 'gyur// de ni dbab tu lhung bzhin du/ / snying rje ba yi tshig smras pa/ des na blo ngan khyod bsregs te// kha na da ba yi tshul bzhin 'bar// bde min sdug bsngal reg pa yi// rab 'jigs las ni byas pas na// de phyir 'jig rten pha rol tu/ / na tsha khyod kyis myong bar 'gyur// khyod ni du 'bod rab 'jigs par// kyi hud zer zhing chongs 'debs// de tshe sdug bsngal chen po ni// ngan pa thams cad myong bar

  314. 158a

    'gyur/ / sdig pa'i las ni mi bzad pa// khyod la de yis ci zhig byas// sdig to'i mi rnams nang dag nas// bsen la gnod pa byed pa'ang yod// chos dang mi mthun pajin pa yi/ / sdig la khyod kyi sems gnas te// khyod kyis sdig pa ci byas pa// dom dang seng ge dran par gyis// blo ngan khyod ni bsen rnams la// ji ltar bya ba mi shes te// gsod pa gsod dang phrad par 'gyur/ / 'khon pa 'khon dang 'phrad par 'gyur// 'jigs chen seng ge phrad pa na// ring du khyod kyi rim gro byas// khyod ni dbab tu lhung las bsrungs// de ni khyod kyis yongs ma bsrungs/ / bsan 'khu 'ching ba'i mchog yin zhes// chos smra rnams ni de skad ston// blo rul khyod ni shi ba na// dmyal ba rnams su skye bar 'gyur// tshigs su bcad pa 'di rnams kyi sdom nikyi 'dug/ de/ bde/ khyod/ sdig/ chos blo/ 'jigs/ bsan/ de mi nges drang srong gi rgya gag de thos nas/ skyob skyes te/ de drang srong de nyid kyi thad du rab tu byung ngo // dge slong dag ji snyam du sems/ de'i tshe dom du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe mir gyur pa gang yin pa de ni lhas byin 'di nyid yin te/ de'i tshe yang 'di byas pa mi shes pa dang / byas pa mi gzo ba dang / byas pa chud gzon par gyur to// skur chul zhes bya ba ni/ gleng gni mnyan du yod pa na bzhugs te/

  315. 158b

    tshe mnyan du yod pa na/ bram ze dbul po 'tsho bas 'phongs pa/ slongs mo'i zas kyis 'tshe ba zhig gnas pa las/ phyi zhig na de'i chung ma la bu chags nas/ de ma'i lhor zhugs phyin chad bram ze de lhag par yang slongs mo yang cher mi rnyed par gyur to/ / de nas zla ba dgu 'am bcu lon pa dang / khye'u mdog ngan pa byad ngan po/ rid cing sgeg la skur ba zhig btsas te/ de'i btsas ston ci 'byor pa zhig byas nas/ khye'u 'di'i ming ji skad gdags zhes ming 'dogs par byed de/ khye'u 'di skur la chung bas na de'i phyir ming sgur chung zhes gdags so zhes zer ro// de nas 'o ma dang / zho dang / mar dang / nun mar dang / mar gyi snying khus bskyed bsrings te/ de nas phyi zhig na sems can de'i sngon gyi las kyi rnam par smin pas ma'i nu zho bskams so// de nas de'i mas de ba dang ma he'i 'o mas gsos pa dang / de yang legs par mi 'byor ro// srid pa tha ma pa'i sems can bar ma dor 'chi ba ni gnas med cing skabs med de/ de'i ba dang ma he'i 'o ma res 'ga' ni 'byor/ res 'ga' ni mi 'byor nas/ de ngan ngon zhig gsos te tshor skyes pa dang / phas de la smras pa/ bu bdag cag ni slongs mos 'tsho ba kho nar zad de/ zhing rmo ba yang med/ tshong bya ba yang med kyis slongs mo la song la spongs mo'i zas kyis 'tsho bar gyis shig ces byas so/ / de nas bka' bzhin 'tshal zhes byas nas/ khye'u de spongs mo la zhugs nas/ des yun ring du bskor kyang srog

  316. 159a

    zungs cung zad tsam las mi rnyed do/ / de nas phyi zhig na khye'u de bcom ldan 'das kyi bstan pa la dad pa rnyed de/ dge slong zhig gi thang du song nas smras pa/ btsun pa bdug bcom ldan 'das kyi bstan pa la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa sprad par 'tshal lo// dge slong gis smras pa/ khyod kyi pha ma gson nam/ des smras pa/ gson no// dge slong gis smras pa/ khyod kyis pha ma la bzlugs sam/ btsun pa ma bzlugs so// dge slong gis smras pa/ bu sangs rgyas rnams dang / sangs rgyas kyi nyan thos rnams ni pha mas ma gnang bar rab tu 'byin par mi mdzad kyis/ song la pha ma gnyis la bzlugs la phyir shog cig/ de'i 'og tu khyed kyis sla bar 'gyur ro/ / de nas khye'u sgur chung gis dge slong de'i tshig mnyan nas/ pha ma'i thad du song ste smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad dugasol/ de nas pha ma gnyis kyis bsams pa/ da ltar 'di yang mchog tu sdug bsngal la/ bdag cag gnyis kyang sdug bsngal te/ 'di tsam zhig kyang bde bar gyur na legs kyis/ rab tu byung yang bla/ 'on tang tshe 'di dang tshe phyi ma la yang bde ba thob par 'gyur ro snyam nas spras pa/ bu gnang gis gal te khyod kyis khyad par 'ga' zhig thob par gyur na/ ngad gnyis la yang ston cig/

  317. 159b

    nas bka' bzhin 'tshal zhes byas te/ khye'u sgur chung pha mas gnang nas/ rgyal bu rgyal byed kyi tshal du song ste/ dge slong de'i thad du phyin nas smras pa/ btsun pa bdag gis pam gnyis la bzlugs/ nas/ bdag pa ma gnyis kyis gnang lags na/ btsun pas bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyad par 'tshal lo zhes byas so/ / bdag nyid chen po de dag ni gzhan la phan 'dogs pa la zhugs pa yin te/ dge slong des de rab tu phyung nas bsnyen par rdzogs par byas so/ / de nas des zhag gnyis sam gsum gyi bar du kha zas kyis bshugs nas smras pa/ bu ri dgas kyis ri dgas mi gsos kyis/ khyed kyis phas phog pa'i yul rang gi spyod yul bsod snyoms la song zhig ces bsgo'o/ / de nas des mkhan po'i tshig mnyan te/ res 'ga' ni bsod snyoms la 'gro'o// res 'ga' ni dge 'dun gyi gral du zan za bar byed de/ gal te dge 'dun gyi gral du zan za na ni/ de la 'grim pa'i tshe de'i sngon gyi las kyi rnam par smin pas gang 'grim pa de de'i thad du phyin pa dang / zas dang skom zad par 'gyur ro// yang na de dag la glo bur gyi rkyen 'byung bar 'gyur ro// de nas de dag phyir 'ong na yang de las thal nas/ 'og ma la byin te 'grim par byed pas/ de de na 'dug kyang kha cig ni thob/ kha cig ni mi thob bo// de nas dge slong rnams kyis tshor

  318. 160a

    nas/ bcom ldan 'das la gsol to// bcom ldan 'das kyis bka' stsal pa/ dge slong dag dge slong 'og na 'dug pa'i nan tan du bya ba'i chos bca' bar byas te/ 'og na 'dug pa'i dge slong gis ji srid du gong na 'dug pas ma blangs kyi bar du bza' ba dang bca' ba blangs par mi bya'o// yang na thabs ci zhig ltar thal te blangs par gyur na yang des ma thob kyi bar du sgrub pa mi gtang bar bya'o/ / de ste sprin du gzhug ma nus na bdag gi zas las de la phyed sbyin par bya'o// phyed ni bdag gis bza' bar bya ste/ de ltar byin na ni legs/ ma byin na ni nyes pa dang bcas par 'gyur ro/ / gal te bsod snyoms la 'gro na ni des bsod snyoms dka' 'khor du rnyed par 'gyur ro// de nas phyi zhig na tshe dang ldan pa skur chung gis bcom ldan 'das kyi dri gtsang khang phyag bdar byas nas/ des de'i nyin par bza' ba dang bca' ba mang po rnyed do// de bzhin du zhag gnyis dang / zhag gsum gyi bar du yang bcom ldan 'das kyi dri gtsang khang phyag bdar byas na yang / de'i nyin par bza' ba dang bca' ba mang po rnyed nas/ de'i lus mthu dang ldan pa dang / las su rung ba dang / spong nus par gyur te/ des brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang

  319. 160b

    lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / des dgra bcom pa nyid thob kyang de'i sngon gyi las mngon du smin nas/ de'i nyin par dge slong gzhan zhig gis bcom ldan 'das kyi dri gtsang khang phyug bdar byas so// de nas de phyag ma thogs te song nas bcom ldan 'das kyi dri gtsang khang phyag bdar bya'o snyam pa dang / des dge slong gzhan zhig gis phyag bdar byas pa mthong nas/ de'i blo skyes pa/ gal te na deng bdag spyang bar 'ong srid do snyam nas/ snga dro sham thabs dang chos gos gyon te/ lhung bzed thogs nas/ mnyan du yod par bsod snyoms la song ngo // de der song ba las ci yang ma rnyed de/ de'i nyin par smyung bar 'dug go/ / de nas phyi de nyin par yang dge slong gzhan zhig gis bcom ldan 'das kyi dri gtsang khang phyag bdar byas so// de nas tshe dang ldan pa skur chung phyags ma thogs te song nas// bcom ldan 'das kyi dri gtsang khang phyag bdar bya'o snyam pa dang / dge slong gzhan zhig gis phyag bdar byas par des mthong nas/ de'i blo skyes pa/ bdag deng du lan gnyis spyang bar 'ong

  320. 161a

    srid do snyam nas rang gi gnas khang du song ngo / / de nas de de na 'dug pa las khyim bdag cig gis bcom ldan 'das la sogs pa dge slong gi dge 'dun khyim du bshos la spyan drangs so zhes thos nas/ de'i blo skyes pa/ bdag da yang bsod snyoms la 'gro ci dgos kyi/ khyim gang du sangs rgyas la sogs pa dge slong gi dge 'dun bshos gsol ba de kho nar song la/ zan bza' 'o snyam nas gnas khang du zhugs te/ skyil mo krung bcas nas/ bsam gtan lhur byed cing 'dug go// de nas khyim bdag de la don chen po zhig byung nas/ des snga rab tu sangs rgyas la sogs pa dge slong gi dge 'dun la gdugs tshod bskul nas/ de nas bza' ba dang bca' ba dang gtsang ma bzang po mang pos tshim par byas nas song ngo // bcom ldan 'das ni khyim de'i mi rnams la chos kyi gtam mdzad nas gtsug lag khang du chas te gshegs so/ / de nas tshe dang ldan pa skur chung gis dro las bab par shes nas langs te chos gos bgos nas/ lhung bzed thogs te song ba las/ bcom ldan 'das ni lam logs shig tu rgyal bu rgyal byed kyi tshal du gshegs so// de ni lam logs shig nas khyim bdag gi khyim der song ngo // de nas der song nas sangs rgyas la sogs pa dge slong gi dge 'dun bshos gsol te gshegs par shes so/ / de nas de'i nyin par du lan gnyis su sbyang bar gyur to// de'i phyi de nyin par yang dge

  321. 161b

    slong gzhan zhig gis bcom ldan 'das kyi dri gtsang khang phyag bdar byas so/ / de nas tshe dang ldan pa sgur chung phyags ma thogs te song nas/ bcom ldan 'das kyi dri gtsang khang phyag bdar bya'o snyam pa dang / des dge slong gzhan zhig gis phyags par mthong ngo // mthong nas kyang de 'di snyam du sems te/ bdag deng du lan gsum smyung bar 'ong srid do snyam nas gnas khang du song ngo // de der song nas tshe dang ldan pa kun dga' bos tshe dang ldan pa sgur chung lan gnyis smyung bar gyur to zhes thos so// thos nas kyang des de'i don du sbyin bdag gcig la bskul nas/ tshe dang ldan pa skur chung gi thad du song ste smras pa/ tshe dang ldan pa sgur chung khyed deng khyim bdag che ge mo zhig gi khyim du song la zan zo zhig ces byas nas/ tshe dang ldan pa kun dga' bo nyid ni chos gos bgos te/ lhung bzed thogs nas/ mnyan du yod par bsod snyoms la song ngo // tshe dang ldan pa sgur chung yang thag gi zad tsam gyi bar du sdod sdod nas/ snga dro chos gos bgos te/ lhung bzed thogs nas khyim bdag de'i khyim du song na/ de'i sngon gyi las kyi rnam par smin pas khyim bdag de la don cher chen po zhig byung nas/ des brjed de khyim mi su la yang ma byas par grong gzhan zhig tu song ngo / / de nas tshe dang ldan pa sgur chung gis der song yang ma rnyed nas/ de'i nyin par du lan gsum sbyang bar gyur to// de nas tshe dang ldan pa kun dga' bos de'i nyin par du tshe dang

  322. 162a

    ldan pa sgur chung lan gsum spyang bar gyur to zhes thos nas/ des bsams pa/ bdag nyid kyis sang bsod snyoms blangs la 'di la bstabs par bya'o snyam nas/ dang ldan pa skur chung ga la ba der song ste phyin nas/ tshe dang ldan pa sgur chung la 'di skad ces smras so// tshe dang ldan pa skur chung snying ma chung zhig dang / bdag gis khyod la kha zas bstabs so/ zhes smras nas/ de gnas khang du song ngo // de nas phyi de nyin par lhung bzed gnyis thogs te/ mnyan du yod par song nas/ des bsod snyoms lhung bzed do blangs te/ gcig ni bdag nyid kyis zos so/ / gcig ni de'i don du khyer nas rgyal bu rgyal byed kyi tshal du chas te song ba las/ de'i sngon gyi las kyi rnam par smin pas lam du las las skyes pa'i khyi dag byung ste/ de dag gis kha zas de phrogs nas zos so/ / de nas des bsams pa/ da bdag phyir mnyan du yod par song na ni dri yol bar 'gyur ro snyam ste/ gtsug lag khang du song nas/ tshe dang ldan pa sgur chung de'i nyin par du lan bzhi smyung bar gyur to/ / de nas tshe dang ldan pa mo'u 'gal gyi bus tshe dang ldan pa skur chung lan bzhi smyung bar gyur to zhes thos nas/ des bsams pa/ bdag gis sang nang par de la kha zas bstabs par bya'o zhes byas nas/ gnas khang du song ngo // de nas phyi de nyin par lhung bzed gnyis thogs te/ mnyan du yod par bsod snyoms la song nas/

  323. 162b

    nges bsod snyoms lhung bzed do bslangs te gcig ni bdag nyid kyis zos so// gcig ni de'i don du khyer nas/ rgyal bu rgyal byed kyi tshal du chas te song ba las/ de'i sngon gyi las kyi rnam par smin pas lam du las las skyes pa'i bya rog dag byung nas/ de dag gis kha zas de phrogs nas zos so// de nas tshe dang ldan pa mo'u 'gal gyi bus bsams pa/ da bdag mnyan du yod par song na ni dro yol bar 'gyur ro snyam ste/ gtsug lag khang du song nas/ tshe dang ldan pa sgur chung de'i nyin par du lan lnga smyung bar gyur to// de nas tshe dang ldan pa shA ri'i bus/ tshe dang ldan pa skur chung lan lnga smyung bar gyur to zhes thos nas bsams pa/ bdag gis sang nang par de la kha zas bstabs par bya'o snyam nas/ tshe dang ldan pa sgur chung gi thad du seng ste smras pa/ tshe dang ldan pa sgur chung khyod snying ma chung zhig dang / bdag gis sang nang par khyod la kha zas bstabs so zhes smras nas/ de gnas khang du song ngo // de nas phyi de nyin par lhung bzed gnyis thogs te/ mnyan du yod par song nas/ des bsod snyoms lhung bzed do bslangs te/ gcig ni bdag nyid kyis zos so// gcig ni de'i don du khyer nas/ rgyal bu rgyal byed kyi tshal du chas te song ba las/ de'i sngon gyi las kyi rnam par smin pas de'i 'gro ba na mi ma yin pa rnams kyis kha zas de mi snang bar byas so// de nas des bsams pa/ da bdag phyir mnyan du yod par song

  324. 163a

    na ni dro yol bar 'gyur ro snyam ste/ cang mi zer bar 'dug nas/ tshe dang ldan pa sgur chung de'i nyin par du lan drug spyang bar gyur to// de nas tshe dang ldan pa shA ri'i bus bsams pa/ bdag gis sang nang par de la kha zas bstabs par bya'o snyam nas/ tshe dang ldan pa skur chung gi thad du song ste smras pa/ tshe dang ldan pa skar chung khyod snying ma chung zhig dang / bdag gis khyod la kha zas bstabs so zhes smras nas/ de gnas khang du song ngo // de nas phyi de nyin par lhung bzed gnyis thogs te/ mnyan du yod par song nas/ des bsod snyoms lhung bzed do bslangs te/ gcig ni bdag nyid kyis zos so// gcig ni khyer te tshe dang ldan pa sgur chung gi gnas khang du song ba las/ tshe dang ldan pa skur chung gi sngon gyi las kyi rnam par smin pas gnas khang gi sgo yang med/ skar khung yang med par gyur to// de nas tshe dang ldan pa shA ri'i bu'i rdzu 'phrul gyis sgro sprul te nang du song nas de la smras pa/ tshe dang ldan pa sgur chung longs la kha gdong khrus shig/ des smras pa/ bdag gis kha gdong bkrus zin no// de nas de thos ma thag tu tshe dang ldan pa shA ri'i bus lhung bzed dang chu tshags phyogs gcig tu bzhag nas/ tshe dang ldan pa sgur chung gi lag tu btang de/ de'i mdun du lhung bzed kyi zhabs rten bzhag nas/ lhung bzed blangs zhes byas pa dang / lhung bzed de thur du gser gyi sa gzhi'i steng du song nas/ tshe dang ldan pa shA ri'i bus

  325. 163b

    lag pa glang po che'i snga lta bu brkyang ste/ lhung bzed de phyung nas lag pa g.yon pa'i steng du bzhag ste/ lag pa g.yas pas legs par byin gyis brlabs nas smras pa/ tshe dang ldan pa spur chung da zo zhig/ de nas der lhung bzed de'i nang nas kham gcig blangs te bza' zhes byas na/ de'i kham gcig po de yang mi snang bar gyur to// de bzhin du kham blangs so cog mi snang bar gyur to// de nas tshe dang ldan pa shA ri'i bus/ bdag nyid kyi lag pa g.yas pas kham gcig blangs te khar gzhug ces byas na/ de'i kha med par phyil por gyur to// de nas tshe dang ldan pa shA ri'i bu'i rdzu 'phrul gyi stobs ci yod pas kyang de'i kha ga dang ma nus so/ / de'i skabs su dro yol bar gyur to// dro yol ba'i 'og tu de'i kha dod par gyur te/ snga mkho bzhin du gyur to// de nas tshe dang ldan pab shA ri'i bus dris pa/ tshe dang ldan pa skur chung khyod la nang na ci mi bzod par gnod/ des smras pa/ btsun pa shA ri'i bu bdag skom gyis gdungs kyis chu byin cig dang btung ngo // de nas che dang ldan pa shA ri'i bus lhung bzed chus bkang ste byin nas/ tshe dang ldan pa sgur chung gis blangs te khar gtugs nas btung zhes byas na/ de'i las las skyes pa'i mi dag byung nas/ lhung bzed de'i nang du thal ba blugs so/ / de nas des mthong nas bdag gis myong bar 'gyur bar nges pa'i las 'di dag byas shing bsags te/ de dag ni gdon mi za bar 'ong ba dang / rkyen

  326. 164a

    grub pa dang ldan pa dang / tshogs bsags pa yin pas/ las de dag ni gzhan dag gi phung po dang / khams dang / skye mched la rnam par smin cing myong bar mi 'gyur/ ro snyam nas thal skyo de nyid 'thungs te/ gzhi de nyid kyis 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan nas/ yongs su mya ngan las 'das so/ / de nas tshangs pa mtshungs par spyod pa rnams kyis de'i sku gdung la mchod pa byas te/ sku gdung gi mchod rten brtsigs nas/ bdug pa dang / phye ma dang / spos dang / me tog gis mchod pa byas so// de nas dge slong rnams kyis/ bcom ldan 'das la zhus pa/ btsun pa tshe dang ldan pa skur chung gi sa las ci bgyis na/ las de'i rnam par smin pas ltogs te shin tu 'phongs nas/ dgung bdun gyi bar du smyung bar gyur la/ thal skyo 'tshal nas yongs su mya ngan las 'das lags/ bcom ldan 'das kyis bka' stsal pa/ dge slong dag 'di nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ bdag nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par

  327. 164b

    mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ ri khrod kyi grong zhig na khyim bdag phyug cing nor mang la longs spyod che ba/ yongs su 'dzin pa yangs shing rgyache ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u zhig btsas te/ de'i btsas ston rgyas par byas nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings so// de nas de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa

  328. 165a

    dang / glang po che brtag pa dang / rta brtag pa dang / go mtshon brtag pa bsgrubs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// khyim bdag de ni sbyin pa la dga' ba zhig ste/ khyim de na dge sbyong dang / bram ze dang / spyod pa pa dang / kun tu rgyu dang / sdug cing 'phongs pa dang / bkren pa rnams la sbyin pa dag sbyin zhing / bsod nams dag byed do// de nas phyi zhig na khyim bdag de shi nas/ de shi ba'i 'og tu yang bud med de khyim thab la gdung bas/ snga ma'i lugs bzhin du sbyin pa byed pa'i rgyun ma bcad do// de nas bu des smras pa/ yum khyim 'di ma bshig cig/ khyim 'di ji ltar bdag gi phas btsugs pa bzhin du bdag gis gzugs mi nus so zhes byas te/ de ltar de lan mang du bkag kyang ma smon no// de nas khye'us bsams pa/ 'di ni bdag gis ji ltar byas kyang mi smon gyis// bdag gis 'di bsad do snyam nas/ des ma khang phugs su bcug ste sgo bcad nas/ zan dang skom bcad do// de nas des smras pa/ bu bdag thong zhig dang / phyin chad su la yang sbyin par mi byed la/ phyin chad khyim 'dir yang mi 'dug go// khye'us smras pa/ bdag gis khyod gson bzhin du gtong mi nus so zhes smras nas/ des ma de khang phugs de nyid du

  329. 165b

    zhag bdun gyi bar du zan bcad de bsrungs so/ / de nas de'i khyim mis nye du gzhan dag la bsnyad nas/ nye du rnams lhags te de btang ngo // de khang phugs de nas sro rgyu tsam ste phyung nas/ des bu la chub spangs na/ khye'u des de la thal skyo byin te/ thabs 'dis na 'di 'chi bar 'gyur grang snyam mo// de nas de lus nyam chung bas thal skyo de 'thungs pa dang / gni de nyid kyis shis dge slong dag ji snyam du sems/ de'i tshe khye'ur gyur pa gang yin pa de ni skur chung 'di nyid yin te/ des ma ltogs su bor nas/ thal skyos bsad pa'i las de'i rnam par smin pas lo stong phrag du ma'i bar du sems can dmyal ba rnams su bcos so/ / de de nas thar nas kyang gang dang gang du skyes pa de dang der ltogs nas thal skyo 'thungs te shi'o// da ltar srid pa tha ma dang / lus tha ma dang / gnas tha mar gyur te/ dgra bcom pa nyid thob pa'i bar du yang ltogs nas thal skyo 'thungs te/ de kho na'i rkyen gyis yongs su mya ngan las 'das so// / 'di nyid kyis las gzhan byas pa yang yod de/ las de'i rnam par smin pas ltogs nas/ sdug bsngal chen po rnyed de/ dge slong dag sngon byung ba 'das pa'i dus na/ bskal pa bzang bo 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul

  330. 166a

    bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na khyim bdag gcig gnas pa las/ phyi zhig na de'i chung ma la bu chags nas/ de zla ba dgu'am bcu lon pa dang / bu gnyis mtshe mar byung ste/ de'i gnyis kyi btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings te/ gang gi tshe de gnyis cher skyes pa de'i tshe/ yang dag par rdzogs pa'i sangs rgyas 'od srungs kyi bstan pa la dad pa rnyed nas/ de gnyis kyis pha ma la gsol to// rab tu byung nas de gnyis kyis sde snod gsum bslabs te/ rig pa dang grol ba'i spobs pa dang ldan pa'i chos smra bar gyur te/ de gnyis gang dang gang du gnas pa de dang der lhan cig na gnas so// de gnyis las gcig ni gos dang / zas dang / mal cha dang / stan dang / nad gsos dang / sman zong rnams rnyed pa dang ldan par gyur te/ des bsams pa/ ma la bdag ni tshegs chung ngus yo byad thams cad 'byor la/ tshangs pa mtshungs par spyod pa rnams ni yo byad med pas 'phongs kyis/ bdag gis chos bzhin du dge 'dun gyi zhal ta bya gor ma chag snyam nas/ chos bzhin du dge 'dun gyi zhal ta byed pa la zhugs te/ gos dang /

  331. 166b

    zas dang / mal cha dang / sta na dang / nad ga sos dang / sman zong rnams dang / yo byad thams cad sbyor bar byed do// de nas de'i phu nu zla bo dos bsams pa/ bdag gi phu nu bo 'di ni bdag gi grogs yin te/ 'di ni bdag dang dge ba'i phyogs kyi 'brel pa yin na/ 'di ni dge 'dun gyi zhal ta'i las byed 'dod pas/ 'di ni bdag gi dge ba'i phyogs kyi bar chad byed do snyam nas/ de la smras pa/ phu nu khyod dge ba'i phyogs spangs te/ dge 'dun gyi zhal ta'i las 'dod par ma byed cig/ de nas des/ phu nu zla bo de la smras pa/ bdag ni tshegs chung dus yo byad thams cad 'byor pa dang ldan la/ tshangs pa mtshungs par spyod pa rnams ni yo byad med pas 'phongs na/ ngas 'di dag gi don bya bar ci ste mi 'dod ces zer nas/ de des lan du ma bkag kyang ma smon nas/ de'i blo skyes pa/ 'di ni ji srid du 'di na 'dug pa'i bar du bdag gis mi zlogs kyis/ ma la bdag gis thabs dang sbyar la/ yul gzhan du khrid de dgag par bya'o// snyam du bsams nas/ phu nu zla bo des thabs dang sbyar te/ yul gzhan du khrid nas de nyid na 'khod do// de nas de na 'dug pas dge slong rnams kyi rnyed pa'i bar chad du gyur to// des kyang de na 'dug bzhin du dge slong rnams ji ltar yo byad kyis 'phongs par gyur pa thos nas/ thos ma thag tu phu nu bo la bzlugs te/ bdag der song la dge slong rnams yo byad kyis mi 'phongs

  332. 167a

    bar bya'o zhes byas so/ / de nas de'i phu nu zla bos smras pa/ phu nu dge slong de dag ni rtag par yi dgas bzhin du gzhan 'ba' zhig la re zhing 'khod na/ khyod dge ba'i phyogs spangs/ de yang der 'gro 'am/ phu nu zla bos smras pa/ khyod kyis ngag rtsub po smras kyis/ nyes pa la nyes so zhes bshags par gyis shig/ las 'di'i 'bras bu mi sdug pa rnyed par gyur ta re zhes byas nas/ de yang 'gyod pa chen po skyes te/ des tshe gcig tu tshangs par spyod pa spad nas/ 'chi gar smon lam btab pa/ de ltar bdag gis tshangs pa mtshungs par spyod pa rnams la tshig rtsub po yang smras/ rnyed pa'i bar chad kyang byas pa'i las de'i 'bras bu bdag gis myong bar ma gyur cig/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshangs par spyod pa spyad kyang / yon tan ci yang ma thos kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed pa gyur cig ces byas so// dge slong dag ji snyam du sems/ de'i tshe dge slong du

  333. 167b

    gyur pa gang yin pa de ni sgur chung 'di nyid yin te/ des der tshangs pa mtshungs par spyod pa rnams la tshig rtsub po smras pa dang / rnyed pa'i bar chad byas pa'i las de'i rnam par smin pas tshe rabs lnga brgyar yi dgas su skyes so/ / de nas shi 'phos nas kyang las de kho na'i rnam par smin pas gang dang gang du skyes pa de dang der ltogs te shi'o// da ltar dgra bcom pa nyid thob pa'i bar du yang de kho na'i rnam par smin pas ltogs te/ yongs su mya ngan las 'das so// de der smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des ni/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// srin zhes bya ba ni/ gleng gzhi mnyan du yod pa na bzhugs te/ de'i

  334. 168a

    mnyan du yod pa na/ phyi sa'i 'dam zhig tu srin mgo bo dge sbyong gi mgo bo 'dra ba zhig byung ste/ de'i lus thams cad srin bu khab kyi rtse mo 'dra ba sha stag gis gang ste/ la ba'i spu bzhin du de'i lus las srin bu de dag byung ngo // de dag de la za bas na tsha mi bzod nas/ phyi sa'i 'dam de'i nang na phan tshun rgyug la mi bzod par bkres te phyi sa za'o// de na tsha mi bzod de phan tshun 'khor bas phyi sa'i 'dam de'i nang thams cad dkrugs klongs so/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes ba dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa dang / byang chub kyi yan lag bdun la spyod yul ba/ rnam par thar pa brgyad la bsams gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgu dang su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang

  335. 168b

    nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang 'bras bu gzhag par bya/ su no nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ srin lung bstan pa'i dus la bab ste/ de la brten nas bdag gis gdul bya phal po che drang dgos so snyam du dgongs nas/ bcom ldan 'das kyis skye bo phal po che de dag drang ba'i phyir ci nas phyi sa'i 'jam de'i dri mnam pas mnyan du yod pa thams cad gang bar 'gyur ba de lta bur byin gyis brlabs so/ / de nas der skye bo phal po che sngon

  336. 169a

    gyi dge ba'i rtsa bas bskul ba de dag ngo mtshar du gyur te/ dri mnam pa 'di dag gang nas byung snyam nas/ skye bo stong phrag du ma ltad mo lta 'dod par gyur te/ dri mnam pa'i phyogs su phyi sa'i 'dam ga la ba der dong ba dang / skye bo phal po che de dag gis phyi sa'i 'dam de na srin de 'dra ba'i phan tshun 'khor zhing 'dug pa de mthong ngo // mthong nas de dag gis bsams pa/ sems can 'di lta bu sdug bsngal 'di 'dra ba myong ba ci yin zhig gu snyam mo// de nas bcom ldan 'das kyis dgongs pa/ bdag gi gdul bya mnyan du yod pa na ji snyed yod pa de dag thams cad da ltar tshogs so snyam du dgongs nas/ snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ mnyan du yod par gshegs nas/ phyi sa'i 'dam de ga la ba der byon pa dang / skye bo phal po che de dag gis sangs rgyas bcom ldan 'das thag ring po zhig nas mthong ngo // mthong nas kyang gang ma dad pa de dag na re/ dge sbyong go'u ta ma ltad mo 'dod pa dang bral lo zhes grag na/ de yang ltad mo la gnon par gyur te/ 'dir 'ongs so zhes 'dzer te/ gang dad pa dang ldan pa de dag na re/ bcom ldan 'das ni srin 'di las brten te ngo mtshar rmad du byung ba'i chos 'ga' zhig lung ston par bzhed pa'i phyir 'dir gshegs gor ma chag snyam nas/ bcom ldan 'das kyi gdan bshams

  337. 169b

    te/ bcom ldan 'das la 'di skad ces gsol to// bcom ldan 'das gshegs pa legs so// bcom ldan 'das gdan bshams pa la bzhugs su gsol zhes byas nas/ bcom ldan 'das gdan bshams pa la bzhugs so/ / de nas bcom ldan 'das 'di snyam du dgongs te/ ma la bdag gis ci nas srin 'dis sngon gyi tshe rabs dran par 'gyur la mi skad du smra zhing / bdag dang gtam zer shes par 'gyur ba de lta bu'i ting nge 'dzin la snyoms par 'jug par bya'o snyam du dgongs so// de nas bcom ldan 'das ci nas srin des sngon gyi tshe rabs dran par 'gyur la/ mi skad du smra zhing bcom ldan 'das dang gtam zer shes par 'gyur ba de lta bu'i ting nge 'dzin la snyoms par zhugs nas/ der bcom ldan 'das kyis/ srin de la bka' stsal pa/ bzhin bzangs khyod sde snod gsum pa yin nam/ gsol pa/ bcom ldan 'das bdag sde snod gsum pa lags so// bzhin bzangs khyod sde snod gsum pa yin/ nam/ bde bar gshegs pa bdag sde snod gsum pa lags so// bka' stsal pa/ lus dang / ngag dang / yid kyi nyes par spyod rnams kyi las kyis 'bras bu rnam par smin pa myong bar 'gyur ba yod dam/ bcom ldan 'das lus dang / ngag dang / yid kyi nyes par spyod pa'i las rnams kyi 'bras bu rnam par smin pa mi sdug pa myong ba mchis lags so//

  338. 170a

    bka' stsal pa/ khyod kyi mi dge ba'i bshes gnyen su yin/ gsol pa/ bdag gi sems lags so// de nas de thos ma thag tu skye bo phal po che de dag ngo mtshar du gyur te/ sems can 'di lta bu sngon gyi tshe rabs dran la/ mi skad du yang smra zhing / bcom ldan 'das dang gtam zer yang shes pa de su zhig gu snyam mo// sangs rgyas bcom ldan 'das rnams ni snyan slebs par dka' ste/ de dag gis bcom ldan 'das la zhu ba'i thugs ma thub nas/ de dag tshe dang ldan pa kun dga' bo'i thang du song ste dris pa/ btsun pa sems can 'di lta bu sngon gyi tshe rabs dran la/ mi skad du smra zhing bcom ldan 'das dang gtam zer shes pa de su zhig lags/ tshe dang ldan pa kun dga' bos smras pa/ bcom ldan 'das la zhus shig/ de dag gis smras pa/ sangs rgyas bcom ldan 'das rnams ni snyan slebs par dka' ste/ bdag cag gis zhu ba'i thugs mi thub bo// tshe dang ldan pa kun dga' bos smras pa/ sangs rgyas bcom ldan 'das rnams ni bdag gis kyang snyan slebs par dka' mod kyi/ 'on kyang khyed la snying brtse ba'i phyir zhu bar bya'o// de nas tshe dang ldan pa kun dga' bos bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la gsol pa/ btsun pa sems can 'di lta bu sngon gyi tshe rabs dran la/ mi skad du yang smra

  339. 170b

    zhing / bcom ldan 'das la bka' mchid gsol 'tshal ba dang / 'di lta bu'i gnod pa'i sdug bsngal dag kyang myong zhing mchis pa 'di mu zhig lags/ de nas der bcom ldan 'das kyis/ dang ldan pa kun dga' bo la bka' stsal pa/ kun dga' bo sems can 'di ni sdig pa'i las byed byed pa yin te/ 'dis sdig pa'i las mang du byas so// kun dga' bo sngon byung ba 'das pa'i dus na/ nyan thos de'ang sangs rgyas kyi sa las 'das pa/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das thams cad mchog ces bya ba 'jig rten du byung ste/ de'i tshe khyim babadag gcig gis yang dag par rdzogs pa'i sangs rgyas thams cad mchog go bstan pa la dad pa rnyed de/ skyabs su 'gro ba dang / bslab pa'i gzhi rnams blangs nas des bsams pa bdag gis khyim na gnas pa gtang la/ yang dag par rdzogs pa'i sangs rgyas thams cad mchog gi bstan pa la rab tu 'byung ngo snyam du bsams nas/ khyim gyi 'khor btang ste yang dag par rdzogs pa'i sangs rgyas thams cad mchog gi bstan pa la rab tu byung ngo / / de der rab tu byung nas/ sde snod gsum bslabs te/ rig pa dang grol ba'i spobs pa dang ldan pa'i chos smra

  340. 171a

    ba/ zas dang / skom dang / mal cha dang / stan dang / nad gsos dang / sman zong rnams rnyed par gyur nas/ des bsams pa/ mal dag gis rnyed pa dang bkur sti'i sgo nas rnyed par bya ba rnyed pa des/ bdag gis tshangs pa mtshungs par spyod pa rnams la phan gdags gor ma chag snyam nas/ sbyin bdag dang sbyin pa po rnams la bskul te/ sangs rgyas dang / chos dang / dge 'dun la bsnyen bkur byed pa la zhugs so// de'i tshe nog ri zhes bya ba'i steng du slob pa dang mi slob pa'i dge 'dun bdun khri bdun stong dbyar gnas par dam bca' bar 'dod de/ de dag gis bsams pa/ bdag gis zhal ta byed pa bskos te/ gang de dbyar gnas par dam bca' 'o snyam mo// bdag cag dge 'dun gyi bsnyen bkur byed nus pa su yod snyam nas/ de dag gis bsams pa/ sde snod gsum pa 'di ni kun la grags pa bsod nams chen po dang ldan pa/ zas dang / skom dang / mal cha dang / stan dang / nod gsos dang / sman zong rnams rnyed pa yin gyis/ bdag cag gis 'di spro ba bskyed la/ 'di kho nas bdag cag gi zhal ta byas te/ dbyar gnas par dam bca' 'o snyam nas/ de'i thad du song ste smras pa/ btsun pa bdag cag dge slong bdun khri bdun stong nog ri'i steng du dbyar gnas par dam bca' bar 'dod la/ khyod kyis ni chos bzhin du dge 'dun gyi zhal ta byed nus na khyod spro bar gyis shig dang

  341. 171b

    khyod la brten te bdag cag dbyar gnas par dam bca' 'o/ / sde snod gsum pas smras pa/ khyed thugs ma bser cig dang / bdag gis khyed kyi yo byad thams cad sbyar ro// de nas de thos ma thag tu dge slong de dag ri de'i steng du song nas/ sde snod gsum pa de kho na la brten te dbyar gnas par dam bcas so// de nas sde snod gsum pas bsams pa/ bdag gis dge slong 'di snyed la thugs na bser cig ces byas na/ gyin 'da' 'dug pas mi nus kyis/ bdag song la sbyin bdag dang sbyin pa po rnams la bskul te/ dge 'dun gyi yo byad thams cad sbyar ro snyam du bsams nas/ snga dro sham thabs dang chos gos bgos te/ lhung bzed thogs nas/ spyod yul gyi grong du chas so// de'i tshe rgya mtsho chen po'i nang nas/ tshong pa lnga brgya tsam gru'i don grub ste lhags nas/ ri de dang thag mi ring ba zhig tu rdzas phog ste/ gnas bcas nas tshong pa rnams kyis ri de'i steng na dge slong phal po che 'khod pa mthong ngo // mthong nas kyang de dag la mchog tu dga' bar gyur to// dge slong zhal tebyed pa de yang de dag gi thang du song ste/ de de dag gis mthong nas smras pa/ btsun pa gar gshegs/ sde snod gsum pas smras pa/ ri 'di'i steng na dge slong bdun khri bdun stong 'khod pa rnams bdag la brten te dbyar gnas par dam bcas pas na/ de dag gi phyir sbyin bdag dang sbyin pa po rnams la bskul du 'gro'o// tshong pa rnams kyis spras pa/ btsun pa thugs bser

  342. 172a

    bar ci yang bgyi mi 'tshal gyis/ bdag cag gis de dag gi yo byad thams cad sbyar bar 'tshal lo zhes byas nas/ de dag gis de la gser dngul mang du phul nas smras pa/ btsun pa khyod kyis deng slan chad dge slong de dag la yo byad thams cad sbyor la/ gal te gser dngul 'di dag gis 'tshal na ni legs/ gal te ma 'tshal na yang gser dngul gzhan yang ji tsam 'tshal ba de tsam bdag cag 'bul lo/ / dbyar gnas lags pa'i mjug tu yang na bza' dag dbul bar 'tshal lo zhes byas so// de nas zhal ta byed pa des de ltar bgyi zhes byas nas/ gser dngul rnams khyer te gtsug lag khang du song nas des gser dngul rnams bltas pa dang / chags pa skyes nas/ des gser dngul rnams bsnyungs te/ dge slong rnams la ni zas dang skom ngan pa stobs par byed do/ / de nas phyis dge slong de dag gis zhal ta byed pa de la bshad de/ btsun pa bdag cag zas dang skom ngan pa 'di lta bus 'tshe mi nus so// des smras pa/ bdag gi mthu ni de kho nar zad de/ de las mi nus kyis/ gal te khyed des 'tsho mi nus na khyed bdag cag gis sbyin bdag dag bskul la 'tsho bar gyis shig ces byas so// de nas des thos ma thag tu dge slong de dag gis tshong pa de dag la khyed kyis dge slong bdun khri bdun stong gi zas dang skom sbyar bar nus sam zhes smras pa dang / tshong pa rnams kyis smas pa/ btsun pa dag bdag cag gis 'phags pa

  343. 172b

    zhal ta byed pa la gser dngul mang po phul te/ gal te 'di tsam gyis 'tshal na yang legs gal te mi 'tshal na yang gser dngul gzhan dbul bar 'tshal lo zhes bgyis na/ ci'i slad du des khyed la zas dang skom ngan pas gsol ces byas nas/ tshong pa de dag sde snod gsum pa'i thad du dong nas smras pa/ btsun pa bdag cag gis gal te gser dngul 'di rnams kyis 'tshal na ni legs/ gal te mi 'tshal na yang gser dngul gzhan dbul lo zhes ma bgyis sam/ ci'i slad du khyod kyis dge slong rnams la zas dang skom ngan pa gsol zhes byas so// de nas de thos ma thag tu zhal ta byed pa de skyengs nas khros te phyin chad dge slong de dag gi zhal ta byed du ma btub bo/ / de nas dge slong rnams kyis/ de la smras pa/ btsun pa bdag cag khyod la brten te dbyar gnas par dam bcas nas/ ci'i phyir khyod cang mi byed par 'dug/ phyin chad dge slong rnams kyi yo byad sbyar bar ma dad dam zhes byas pa dang / de khros nas smras pa// khyed kyis nga kho na'i dad pas byin pa longs spyad la/ nga nyid sma 'bebs par byed pa bas ni khyed phyi sa'i bdam du bying ste/ bshang go ci za bar gyur kyang bla'o zhes byas so// de nas dge slong rnams kyis bsams pa/ nyon mongs pa 'di ni rmas shing nyams par gyur te/ 'di ltar slob pa dang mi slob pa bdun khri bdun stong la tshig rtsub po smras kyis med na/ nga yang de bas chas

  344. 173a

    rmas pa dang / nyams par gyur na ma legs kyis/ da ni bdag cag gis 'di la ci yang smra bar mi bya'o snyam nas cang mi zer bar 'dug go/ de nas phyi zhig na sde snod gsum pa de 'gyod pa skyes te/ dge slong de dag la bzod pa gsol nas/ de dag gis smras pa/ bdag cag gis ni bzod na/ khyod kyi las rnams kyis mi bzod par 'gyur ro zhes byas dge slong dag ji snyam du sems/ de'i tshe yang dag par rdzogs pa'i sangs rgyas thams cad mchog gi bstan pa la rab tu byung ba'i sde snod gsum par gyur pa gang yin pa de ni srin 'di nyid yin te/ des de ltar slob pa dang mi slob pa bdun khri bdun stong la tshig rtsub po smras pa'i las de'i rnam par smin pa des na 'di dud 'gror skyes te/ dge slong dag yang dag par rdzog pa'i sangs rgyas thams cad mchog gi bstan pa'i ring phan chad/ da ltar nga'i ring tshun chad kyi bar du 'di dud 'gro las shi 'phos shing dud 'gro 'ba' zhig tu skyes te/ thams cad du yang 'dis lus 'di lta bu thob par gyur la/ thams cad du yang phyi sa'i 'dam du bying nas bshang gci za bar gyur to// dge slong dag gis nus pa/ btsun pa sems can 'di sdug bsngal 'di las nam thar par 'gyur ba lags/ bka' stsal pa/ dge slong dag bskal pa bzang po 'di la sangs rgyas lnga brgya 'byung bar 'gyur te/ de rnams kyi 'og tu yang dag par rdzogs pa'i

  345. 173b

    sangs rgyas snang mdzad ces bya ba 'jig rten du 'byung ste/ de'i gsung rab la 'di dud 'gro las thar te/ mi lus thob nas/ de'i bstan pa la 'di rab tu byung nas mtshams med pa'i las byed par 'gyur ro/ / de de nas shi 'phos te dus las 'das nas sems can dmyal ba rnams su skye bar 'gyur te/ des sems can dmyal ba de dag tu lo 'bum phrag du mar sdug bsngal myong bar 'gyur ro// de nas de'i las mi bzad pa zad nas yang mi lus thob par gyur te/ de'i tshe yang dag par rdzogs pa'i sangs rgyas snang mdzad ces bya ba zhig 'jig rten du 'byung ste/ de'i gsung rab la 'di rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur la/ de kun la grags shing bsod nams chen po dang ldan te/ gos dang / zas dang / mal cha dang / stan dang / nad gsos dang / sman zong rnams rnyed par 'gyur la/ de der lung 'bog pa rnams kyi mchog tu 'gyur te/ des der skye bo mang po la phan btags nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur te/ der 'di'i sdug bsngal gyi mtha' zad par 'gyur ro// de nas de thos ma thag tu skye bo po che de dag skyo ba chen po skyes so/ / de nas bcom ldan 'das kyis de dag gi yid skyo bar gyur par thugs su chud nas/ de dang 'thun pa'i chos bstan te/ des na skye bo mang po de dag gis

  346. 174a

    stan de la 'khod bzhin du kha cig gis ni dro bar gyur pa bskyed do/ / kha cig gis ni spyi bo dang / bden pa dang / rjes su 'thun pa'i bzod pa dang / 'jig rten chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu mngon sum du byas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do/ / kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas/ phal cher ni sangs rgyas la gzhol/ chos la 'bab/ dge 'dun la bab par byas te bkod nas/ bcom ldan 'das gtsug lag khang du gshegs so// las brgya tham pa las sdom gyi tshigs su bcad pa gnyis pa rdzogs so/ / // bam po bcu pa// / sdom ni/ ka tsang ka la ko'u n+ye yang // bag ma gtong gnyis gcod pa

  347. 174b

    gnyis/ / za ba dga' byed snag bu dang // bur 'du shes dang zhing ba dang // shi dang ko ka li ka dang // thang bcad tha ma kham zhes bya/ ka tsang ka la zhes bya ba ni/ bcom ldan 'das yul o ta la na/ oM ta la'i nags khrod na bzhugs so// de nas bcom ldan 'das snga dro sham thabs dang chos gos gsol te/ lhung bzed bsnams nas/ yul o ta lar bsod snyoms la gshegs so/ / de'i tshe bud med gcig bum pa khyer te chu chur song ba las/ bud med des thag ring po zhig nas bcom ldan 'das mdzes pa/ dad pa skye bar 'gyur ba/ dbang po zhi ba/ thugs zhi ba/ thugs mchog tu zhi ba dang ldan pa/ gser gyi mchod sdong bzhin dpal dang gzi byin 'bar bar mthong ngo // mthong nas kyang de bcom ldan 'das la bu'i 'du shes skyes nas/ des bum pa de phyogs gcig tu bzhag ste/ lag pa gnyis brkyang nas/ bcom ldan 'das ga la ba der song ste smras pa/ bu dang phrad do bu dang phrad do zhes zer zhing bcom ldan 'das kyi mgul nas 'khyud par 'dod pa las/ dge slong rnams kyis mthong nas bkag go// de nas der bcom ldan 'das kyis/ dge slong rnams la bka' stsal pa/ dge slong dag bud med 'dim dgag cig/ gal te bud med 'di de bzhin gshegs pa'i mgul nas 'khyud du ma bcug na kha nas khrag dron mo skyugs te 'chi bar 'gyur ro// de nas dge slong rnams kyis de thos nas ma bkag par bzhag go//

  348. 175a

    de nas des bcom ldan 'das kyi mgul nu 'khyud nas/ chos mnyan pa'i phyir spyan sngar 'dug go/ de nas bcom ldan 'das kyis de'i bsam pa dang / bag la nyal dang khams dang / rang bzhin thugs su chud nas/ de dang 'thun pa'i chos bstan te/ de nas bud med nges stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar te/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis skye dgu'i bdag mo chen mo go'u ta mi la gtad nas/ des de rab tu phyung ste/ bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag

  349. 175b

    mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / de nas de bcom ldan 'das kyis mchog tu lung bstan te/ dge slong dag nga'i nyan thos kyi dge slong ma mdo rnam par 'byed pa rnams kyi mchog ni 'di lta ste/ dge slong ma katsang ka la 'di yin no zhes lung bstan to/ / de nas dge slong dag gis/ sangs rgyas bcom ldan 'das la gsol pa/ btsun pa gzigs lags sam/ bud med stong phrag du mas bcom ldan 'das mthong nas sus kyang bcom ldan 'das mthong na 'di ltar ma brgyugs lags so/ / bcom ldan 'das kyis bka' stsal pa/ dge slong dag ka tsang ka la 'di ni nga'i 'das ma thag pa'i tshe rabs lnga brgyar mar gyur pas na/ 'di sngon gyi bag chags kyi gzhi yod pa'i phyir nga mthong na rgyug go// dge slong dag gis gsol pa/ btsun pa gal te 'di bcom ldan 'das kyi 'das ma thag pa'i tshe rabs lnga brgyar yum du gyur pa lags na/ ci'i slad du da ltar gyi yum du ma gyur lags/ bcom ldan 'das kyis bka' stsal pa/ dge slong dag rgyu gnyis dang

  350. 176a

    rkyen gnyis kyis na 'di nga'i de ltar gyi mar ma gyur te/ lha mo sgyu 'phrul chen mos smon lam btab ste/ kye ma bdag sangs rgyas kyi yum du gyur cig ces byas pa de dang / nga yang 'dis yid byung bar byas nas ngas kyang smon lam btab ste/ phyin chad 'di bdag gi mar ma gyur cig ces byas pa'i phyir ro// gsol pa/ 'dis ji ltar bcom ldan 'das thugs byung bar bgyis lags/ bka' stsal pa/ dge slong dag byang chub sems dpa' rnams ni nges par 'byung ba la dga' ba dang sbyin pa la dga' ba yin na/ 'dis thams cad du nga'i nges par 'byung ba dang / sbyin pa'i bar chad byas te/ gzhi des na 'dis nga yid byung bar byas so// de nas dge slong dag gis/ bcom ldan 'das la zhus pa/ btsun pa dge slong ma ka tsang ga las los ci bgyis na/ las de'i rnam par smin pas dbul mor gyur la/ rgas nas gdod rab tu byung lags/ bcom ldan 'das kyis bka' stsal pa/ dge slong dag byang chub sems dpa' rnams ni nges par 'byung ba la dga' ba dang / sbyin pa la dga' ba yin na/ 'dis nga'i tshe rabs bgrangs par nges par 'byung ba dang / sbyin pa'i bar chad byas pas na/ las de'i rnam par smin pas da ltar dbul mor gyur la/ rgas nas gdod rab tu byung ngo // btsun pa dge slong ma ka tsang ka las las ci bgyis na/ las de'i rnam por smin pas da ltar bcom ldan

  351. 176b

    'das kyis mdo rnam par 'byed pa rnams kyi mchog tu bstan la/ 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la yang rab tu byung // nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis gang du smon lam btab pa lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung nas/ gang las rab tu byung ba'i mkhan mo de/ yang dag par rdzogs pa'i sangs rgyas 'od srungs kyis mdo rnam par 'byed pa rnams kyi mchog tu bstan te/ des der tshe gcig tu tshangs par spyod pa spyad nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de

  352. 177a

    bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byed par gyur cig/ yang dag par rdzogs pa'i sangs rgyas 'od srungs kyis bdag gi mkhan mo ji ltar mdo rnam par 'byed pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po'i mchog des mdo rnam par 'byed pa rnams kyi mchog tu lung bstan par shog cig ces byas so/ / dge slong dag ji snyam du sems/ de'i tshe dge slong mar gyur pa gang yin pa de ni ka tsang ka la 'di nyid yin te/ der 'dis tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ yang dag par rdzogs pa'i sangs rgyas 'od srungs kyis bdag gi mkhan mo ji ltar mdo rnam par 'byed pa rnams kyi mchog tu lung bstan pa de bzhin du/ bdag kyang shAkya thub pa shAkya'i rgyal po'i mchog des mdo rnam par 'byed pa rnams kyi mchog tu lung bstan par shog cig ces byas pa

  353. 177b

    des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes pas/ 'dis pa mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ ngas 'di mdo rnam par 'byed pa rnams kyi yang mchog tu lung bstan to/ / ko'u ne ya zhes bya ba ni/ bcom ldan 'das yul a du ma na/ 'byung po'i khyim zhes bya ba'i gnas na bzhugs so// de nas bcom ldan 'das snga dro sham thabs dang chos gos gsol te/ lhung bzed pasnams nas/ yul a du ma na'i grong du bsod snyoms la gshegs so// a du ma na'i grong du bsod snyoms mdzad nas/ bshos gsol te/ zas phyis len pa spangs nas/ 'byung po'i khyim gyi gnas kyi phyi rol du zhabs bkrus te/ nang du yang dag 'jog gi phyir 'byung po'i khyim gyi gnas kyi nang du gshegs so// de'i tshe yul a du mar 'brug sgra yang byung / thog thog kyang bab ste/ glang bzhi dang / khyim bdag zhing pa spyan gnyis bsad nas/ der skye bo phal po ches sgra bo che dang / ca co chen po'i skad phyung ngo / / de nas bcom ldan 'das phye ma red kyi dus su nang du yang dag 'jog las bzhengs nas/ 'byung po'i khyim gyi gnas nas byung ste/ 'byung po'i khyim gyi gnas kyi grib ma'i thang gi 'chags na

  354. 178a

    'chag cing bzhugs so/ / de nas der ma zhig kyang skye bo phal po che de dag gi nang nas byung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das 'chag pa'i slad bzhin du 'byung zhing 'chag go/ de nas der bcom ldan 'das kyis/ mi de la bka' stsal pa/ kA ye mi 'di a du ma'i grong khyer du skye bo phal po che'i sgra bo che dang ca co chen po'i sgra grag pa 'di ci zhig/ ma dis gsol pa/ btsun pa da gdod a du ma'i grong du 'brug sgra yang byung / thog thog bab ste/ glang bzhi dang / khyim bdag zhing pa spun gnyis bkum nas/ der skye bo phal po ches sgra bo che dang ca co chen po'i skad phyung na/ ci bcom ldan 'das kyis 'brug sgra dang / thog thog 'bab pa'i sgra ma gsan nam/ bka' stsal pa/ ngas ma thos so// gsol pa/ ci bcom ldan 'das gzims sam/ bka' stsal pa/ nga cang ma nyal lo// gsol pa/ ci bcom ldan 'das 'du shes dang ldan bzhin lam gzims bzhin du 'brug sgra dang thog thog bab pa'i sgra ma gsan nam/ bka' stsal pa/ 'du shes dang ldan bzhin la mnyal bzhin du ngas 'brug sgra dang thog thog bab pa'i sgra ma thos so// nas mi de 'di snyam du sems te/ kye ma 'di ltar 'du shes dang yang ldan pa zhig la gzims par 'brug sgra dang thog thog bab pa'i sgra yang ma gsan pa las na/ bcom ldan 'das gnas pa'i bsam

  355. 178b

    gtan de de tsam du zhi ba ni ngo mtshar ro snyam nas/ mi de dga' bar gyur te/ dga' bar gyur pa'i yon yang phul lo// de'i tshe yul a du ma'i nags khrod cig na drang srong ko'u ne ya zhes bya ba 'khor lnga brgya yod pa/ mngon par shes pa lnga dang ldan pa zhig gnas so// de dang thag mi ring ba gud kyi nags khrod cig na ni de nyid kyi sring mo'i bu drang srong ri bo zhes bya ba 'khor lnga brgya yod pa zhig gnas so/ / drang srong de gnyis ka yang mtsho dal gyis 'bab kyi 'gram na gnas te/ de gnyis der dus dus su 'gro zhing nyin par gnas par byed do// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud / su ni dar/ su ni 'phongs shing 'dug/ su ni nyam nga bar gyur/

  356. 179a

    su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor mdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni ngas sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol po med/ de nas bcom ldan 'das kyis dgongs pa/ ngas rgyal po chen po bzhi la gang du chu bshad na/ der drang srong kaun+da ne ya dang / ri bo yang zharal bdag gis thul bar 'gyur zhig gu/ ma la bdag gis mchod la gyis 'bab kyi 'gram du rgyal po chen po bani la chos bgadade dang / der drang srong ko'u ya dang / ri bo yang tshogs chung ngus zhar la

  357. 179b

    bdag gis thul bar 'gyur ro snyam du dgongs nas/ bcom ldan 'das kyis 'jig rten pa'i thugs bskyed de/ kye rgyal po chen po bzhis bdag gi sems shes te/ bcom ldan 'das ni bdag cag la mtsho dal gyis 'bab kyi 'gram du chos bshad par bzhed do snyam du rtogs na legs so snyam du dgongs so/ / de nas rgyal po chen po bzhis bcom ldan 'das kyi dgongs pa khong du chud nas g.yog rnams btang ste/ khyed rnams mtsho dal gyis 'bab kyi 'gram du song ste gdan dag shoms shig/ sa gzhi yang me tog sna tshogs kyis gtor cig/ spos chu'i chag chag kyang thob cig/ drang srong ko'u ne ya dang / ri bo la yang mi 'am/ mi yin pa 'am/ srin po la la dag gnod pa byed na mi rung gis/ srung bar gyis shig ces bsgo'o// de nas rgyal po chen po bzhi'i g.yog rnams kyis bka' bzhin 'tshal zhes byas te/ mtsho dal gyis 'bab kyi 'gram du song nas/ gdan ngag kyang bshams/ sa gzhi yang me tog sna tshogs kyis gtor te/ spos chu'i chag chag btab bo// de nas drang srong ko'u ne yas rgyal po chen po bzhi'i g.yog rnams kyis mtsho ngal gyis 'bab kyi 'gram du gdan dag bshams nas/ sa gzhi yang me tog sna tshogs kyis gtor te/ spos chu'i chag chag btab pa mthong ngo // mthong nas kyang drang srong ko'u ne las khyed ci shom zhing 'dug ces dris so// de dag gis smras pa/ rgyal po chen po bzhi la

  358. 180a

    bcom ldan 'das chos ston par bzhed de/ de'i phyir gdan shom mo// drang srong ko'u ne yas smras pa/ cings de dag la chos bshad dam/ rgyal po chen po bzhi'i g.yog rnams kyis smras pa/ dge sbyong go'u ta ma de dag la chos ston par mdzad kyi khyod ma yin no// des smras pa/ 'o na khyed nga'i phyi bzhin du ci'i phyir 'brang / de dag gis smras pa/ de dag gis phyi bzhin du g.yog 'khor mang po 'ong bar 'gyur te/ de dag gis khyod la gnod pa byed du dogs pa'i phyir bdag cag khyod la srung bar byed do// drang srong ko'u ne yas smras pa/ ci khyed nga 'ba' zhig la srung bar byed dam/ 'on te dge sbyong go'u ta ma yang srung bar byed/ rgyal po chen po bzhi'i g.yog rnams kyis smras pa/ bdag cag ni dge sbyong go'u ta ma la srung bar mi byed de/ de nyid lha dang bcas pa'i 'jig rten la bsrung bar mdzad do// de nas ko'u ne yas bsams pa/ 'di ltar lha rnams kyang de la mchod pa'i las bya ba la brtson par byed pa las na/ dge sbyong go'u tam ni rdzu 'phrul che zhing mthu che ba zhig go snyam mo/ / de nas bcom ldan 'das a du ma nas mi snang bar gyur te/ mtsho dal gyis 'bab kyi 'gram rje gshegs nas gdan bshams pa la bzhugs so/ / de nas rgyal po chen po yul 'khor srung ji za stong phrag du mas g.yog byas pa/ lha'i me tog ut+pal dang / pad+ma dang / ku mu da dang / pad+ma dkar po rnams kyis thub bkang nas/

  359. 180b

    bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lha'i me tog ut+pa la dang / pad+ma dang / ku mu da dang / pad+ma dkar po rnams kyis gtor nas shar phyogs logs su brten te/ bcom ldan 'das la mdun gyis phyogs shing nub phyogs su kha bltas te 'dug go// de nas rgyal po chen po 'phags skyes po grul bum stong phrag du mas g.yog byas pa/ rin po ches thu ba bkang nas/ bcom ldan 'das ga la ba der song ste phyin nas/ bcom ldan 'das la rin po ches gtor te/ bcom ldan 'das kyi zhabs la mgo bos phyag 'tshal nas lho phyogs logs su brten te/ bcom ldan 'das la mdun gyis phyogs shing byang phyogs su kha bltas te 'dug go// de nas rgyal po chen po mig mi bzang klu stong phrag du mas g.yog byas pa/ mu tig gis thu ba bkang nas/ bcom ldan 'das ga la ba der song ste phyin nas/ bcom ldan 'das la mu tig gis gtor te/ bcom ldan 'das kyi zhabs la mgo bos phyag 'tshal nas nub phyogs logs su brten te/ bcom ldan 'das la mdun gyis phyogs shing shar phyogs su kha bltas te 'dug go/ de nas rgyal po chen po rnam thos kyi bu gnod sbyin stong phrag du mas g.yog byas pa/ gser dngul gyis thu ba bkang nas/ bcom ldan 'das ga la ba der song ste phyin nas/ bcom ldan 'das la gser dngul gyis gtor

  360. 181a

    te/ bcom ldan 'das kyi zhabs la mgo bos phyag 'tshal nas/ byang phyogs logs su brten te/ bcom ldan 'das la mdun gyis phyogs shing lho phyogs su kha bltas te'ajug go/ / de dag gi nang na gnyis ni yul mtha' 'khob pa yin la/ gnyis ni yul dbus pa yin no// de nas bcom ldan 'das kyis dgongs pa/ gal te bdag gis yul dbus kyi skad kyis bshad na ni gnyis ni brda phrad la/ gnyis kyis ni brda phrad par mi 'gyur/ de ste yul mtha' 'khob kyi skad kyis chos bshad na yang gnyis kyis ni brda phrad la/ gnyis kyis ni brda phrad par mi 'gyur gyis/ ma la bdag gis 'di dag la so sor chos bshad par bya'o snyam du dgongs nas/ der bcom ldan 'das kyis/ rgyal po chen po yul 'khor srung la bka' stsal pa/ rgyal po chen po 'di ltar lus dang bral ba dang / tshor ba bsil bar gyur pa dang / 'du shes 'gags pa dang / 'du byed nye bar zhi ba dang / rnam par shes pa nub par gyur pa 'di nyid sdug bsngal gyi mthar thug pa yin no/ / chos kyi rnam grangs 'di bshad pa na/ rgyal po chen po yul 'khor srung dang / de dang skal ba mnyam pa'i lha stong phrag du ma chos kyi mig rdul med cing dri ma dang bral ba skyes so/ / de nas der bcom ldan 'das kyis/ rgyal po chen po 'phags skyes po la bka' stsal pa/ rgyal po chen po 'di la khyod kyis mthong ba la ni mthong ba tsam gyi

  361. 181b

    blo dang ldan par gyis shig/ thos pa la ni thos pa tsam gyi blo dang ldan par gyis shig/ bye brag phyed pa la ni bye brag phyed pa tsam gyi blo dang ldan par gyis shig/ rnam par shes pa la ni rnam par shes pa tsam gyi blo dang ldan par gyis shig dang / 'di nyid sdug bsngal gyi mthar thug pa yin no// chos kyi rnam grangs 'di bshad pa na/ rgyal po chen po 'phags skyes po dang / de dang skal ba mnyam pa'i lha stong phrag du ma chos rnams la chos kyi mig rdul med cing dri ma dang bral ba skyes so// de nas der bcom ldan 'das kyis/ rgyal po chen po mig mi bzang la bka' stsal pa/ e ne me ne/ dab phu da dab phu zhes bya ba 'di nyid sdug bsngal gyi mthar thug pa yin no// chos kyi rnam grangs 'di bshad pa na/ rgyal po chen po mig mi bzang dang / de dang skal ba mnyam pa'i lha stong phrag du ma chos rnams la chos kyi mig rdul med cing dri ma dang bral ba skyes so// de nas der bcom ldan 'das kyis/ rgyal po chen po rnam thos kyi bu la bka' stsal pa/ mA shA t+yA shA sang shA ma sarbad tra bi ti zhes bya ba 'di nyid sdug bsngal gyi mthar thug pa yin no// chos kyi rnam grangs 'di bshad pa na/ rgyal po chen po rnam thos kyi budang / de dang skal ba mnyam pa'i lha stong phrag du ma chos rnams la chos kyi mig rdul med cing dri ma dang bral ba skyes so// de nas rgyal po chen po bzhis chos mthong / chos rnyed/ chos rtogs

  362. 182a

    chos kyi gting bslebs/ som nyi las rgal/ the tsom las rgal te/ gzhan gyi dring mi 'jog cing / gzhan gyis bkri ba med la/ ston pas bstan pa'i chos la mi 'jigs pa thob nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar te/ bcom ldan 'das la 'di skad ces gsol to// btsun pa bdag cag ni zhugs pa lags so// zhugs pa lags so// sangs rgyas dang / chos dang / dge 'dun la skyabs su mchi'o// skyabs su mchi ba dang / bslab pa'i gzhi rnams gzung bar 'tshal lo/ / de nas bcom ldan 'das kyis de dag la grogs po dag khyed zer ba ni legs pa yin no zhes bka' stsal to// de nas rgyal po chen po bzhis bcom ldan 'das kyis gsungs pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas dong ngo // de rnams dong ba'i 'og tu dge slong dag gis/ sangs rgyas bcom ldan 'das la zhus pa/ btsun pa rgyal po chen po bzhis las ci bgyis na/ las de'i rnam par smin pas gtso bos smos par gyur la/ gnyis ni yul dbus par gyur/ gnyis ni yul mtha' 'khob par gyur te/ 'di rnams kyis bcom ldan 'das kyang mnyes par bgyis te/ mi mnyes par ma bgyis

  363. 182b

    lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe ri rab kyi bang rim la klu'i rgyal po dbugs dang / dbugs chen zhes bya ba gnyis kyang gnas la/ bya'i rgyal po nam mkha' lding sgra snyan dang / sgra chung zhes bya ba gnyis kyang de na gnas pa las/ klu de gnyis nam mkha' lding de gnyis kyis 'jigs nas thur du gser gyi sa gzhi'i steng du song ste gnas so/ / de nas phyi zhig na klu'i rgyal po dbugs dang dbugs chen spun gnyis yang dag par rdzogs pa'i sangs rgyas 'od srungs kyi bstan pa la dga' bar gyur te/ de gnyis kyis skyabs su 'gro ba dang / bslab pa'i gzhi rnams blangs so// der gang gi tshe de gnyis kyis skyabs su 'gro ba dang bslab pa'i gzhi rnams blangs pa de'i tshe/ klu'i rgyal po de gnyis la nam mkha' lding gis mi tshugs par gyur nas/ de gnyis rgya mtsho chen po'i nang nas byung ste/ bag yangs su 'khod do// de nas nam mkha' lding sgra snyan dang sgra chung gnyis kyis/ klu'i rgyal po

  364. 183a

    de gnyis rgya mtsho chen po'i nang nas bag yangs su 'khod pa mthong ngo / / mthong nas kyang brtun te/ shugs kyis bcum pa las de gnyis la gnod pa byed ma nus te/ ri rab la bab pa bzhin du rdugs nas/ de gnyis kyis/ de gnyis la dris pa/ sngon khyed gnyis nged gnyis kyis 'jigs nas/ thur du gser gyi sa gzhi la song ste gnas na/ da ci'i phyir khyed gnyis bag yangs su 'khod la/ nged gnyis kyis khyed gnyis la gnod pa byed kyang mi nus par gyur/ klu gnyis kyis smras pa/ yang dag par rdzogs pa'i sangs rgyas 'od srungs las bdag cag gnyis kyis skyabs su 'gro ba dang / bslab pa'i gzhi rnams blangs pas na/ de'i phyir nga ni bdag cag gnyis la khyed kyis mi tshugs par gyur to// nam mkha' lding gnyis kyis smras pa/ sangs rgyas zhes bya ba de su zhig/ de nas klu gnyis kyis de gnyis la sangs rgyas kyi bsngags pa rgyas par bshad do// de nas de thos ma thag tu de gnyis kyang yang dag par rdzogs pa'i sangs rgyas 'od srungs la shas cher dga' ba skyes so/ / dga' ba skyes nas/ de gnyis kyang yang dag par rdzogs pa'i sangs rgyas 'od srungs kyi thad du song ste/ skyabs su 'gro ba dang bslab pa'i gzhi rnams blangs nas/ de rnams 'thun par gyur te/ lhan cig 'grogs shing 'khod nas/ de rnams kyis tshe gcig tu skyabs su 'gro ba dang /

  365. 183b

    bslab pa'i gzhi rnams bsrungs te 'chi kar smon lam btab pa/ 'di ltar bdag cag gis yang dag par rdzogs pa'i sangs rgyas 'od srungs kyi bstan pa la tshe gcig tu skyabs su 'gro ba dang bslab pa'i gzhi rnams srungs pa'i dge ba'i rtsa ba 'dis na/ bdag cag gang dang gang du skye ba de dang der gtso bor smos par gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe klu'i rgyal po dbugs dang dbugs chen zhes bya bar gyur pa gang yin pa de gnyis ni rgyal po chen po yul 'khor srung dang / 'phags skyes po yul dbus par gyur pa 'di gnyis kho na yin no/ / de'i tshe nam mkha' lding gi rgyal po sgra snyan dang / sgra chung zhes bya bar gyur pa gang yin pa de gnyis ni rgyal po chen po mig mi bzang dang // rnam thos kyi bu zhes bya ba yul mtha' 'khob par gyur pa 'di gnyis kho na yin no// de rnams kyis der tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab ste/ kye ma dge ba'i rtsa ba 'dis bdag cag gang dang gang du skye ba de dang der gtso bor smos par gyur cig/ yang dag par rdzogs pa'i sangs rgyas 'od srungs kyis bram

  366. 184a

    ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig ces/ byas pa'i las de'i rnam par smin pas da ltar rgyal chen bzhi'i ris kyi lha rnams kyi nang na gtso bor smos par gyur te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas so/ / der gang gi tshe bcom ldan 'das kyis rgyal po chen po bzhi la chos bstan te/ de dag gi las kyi rnam par smin pa yang lung bstan pa de'i tshe/ drang srong ko'u ne ya yang thag mi ring ba zhig na 'dug ste/ des kyang thams cad thos te/ thos ma thag tu de bcom ldan 'das la dga' bar gyur nas/ de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spun sngar 'dug go// de nas bcom ldan 'das kyis de'i bsam pa dang / bag la nyal dang / khams dang shes pa dang / rang bzhin thugs su chud nas/ de dang mthun pa'i chos bstan te/ des na drang srong ko'u ne yas bden pa mngon par rtogs pa'o mod la phyir mi 'ong ba'i 'bras bu mngon

  367. 184b

    sum du byas so/ / des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan/ 'das la 'di skad ces gsol to// bcom ldan 'das dge slong gi dge 'dun dang thabs cig tu deng gi gdugs las phyogs 'di nyid du bzhugs te/ dus ma lags par gsol du rung ba'i gung skyems bdag gis sbyar ba gsol du ci ga nang zhes byas nas/ bcom ldan 'das kyis drang srong ko'u ne yal cang mi gsung bas gnang ngo // de nas drang srong ke'u ne yas bcom ldan 'das kyis cang mi gsung bas gnang bar rig nas/ btung ba'i rnam grangs brgyad sbyar te/ ku shu dang / chu shing gi 'bras bu dang / rgya shug gi 'bras bu dang / a shwad tha'i 'bras bu dang / u dum wa ra'i 'bras bu dang / pa ru sha ka'i 'bras bu dang / 'bre go dang / rgun 'brum rnams kyi khu ba'i btung ba khyer nas/ bcom ldan 'das ga la ba der song ste phyin nas/ bcom ldan 'das la 'di skad ces gsol to// btsun pa btung ba'i rnam grangs brgyad po 'di ni sngon gyi drang srong rnams kyis bstod pa dang / legs par brjod pa dang / bsngags pa dang / snyan par brjod pa lags kyis/ thugs brtse ba'i slad du bcom ldan 'das kyis bzhes par gsol zhes byas so// de nas bcom ldan

  368. 185a

    'das kyis thugs brtse ba'i phyir drang srong ko'u ne yas drangs pa'i btung ba'i rnam grangs brgyad po rnams bzhes so/ / de nas der bcom ldan 'das kyis dge slong rnams la bka' stsal pa/ dge slong dag btung ba'i rnam grangs brgyad po 'di dag las ras kyis btsags kyang rung / ma btsags kyang rung / dang ba yang rung dang ba ma yin pa yang rung / rnyog pa yang rung / rnyog pa ma yin par yang rung / mdog bzang ba yang rung / mdog mi bzang ba yang rung ba rnams ni/ dge slong dang / dge slong ma dang / dge tshul pa dang / dge tshul ma rnams la dus su btung bar ngas gnang gi/ dus ma yin par ni mi gnang ngo // dge slong dag btung ba'i rnam grangs brgyad po 'di dag nyid las ras kyis btsags pa dang / dang ba dang / mad ngas bzang ba dang / rnyog pa ma yin pa ma yin pa dang / snyigs ma med pa rnams ni dus ma yin par btung bar bya ba yin no// de nas drang srong ko'u ne ya bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa sang dge slong gi dge 'dun dang thabs cig tu bdag gi der bshos gsol bar ci gnang zhes gsol nas/ bcom ldan 'das kyis drang srong ko'u ne ya la cang mi gsung bas gnang ngo // de nas drang srong

  369. 185b

    ko'u ne yas bcom ldan 'das kyis cang mi gsung bas gnang bar rig nas/ bcom ldan 'das la 'di skad ces gsol to// btsun pa 'o na bdag mchis pa'i gnas nags khrid 'di nyid du do nub bzhugs par gsol/ de nas drang srong khyod ji ltar dga' ba de bzhin du bya'o zhes bka' stsal nas/ bcom ldan 'das mtsho dal gyis 'bab kyi 'gram nas mi snang bar gyur te/ drang srong ko'u ne ya 'dug pa'i gnas nas thag mi ring ba'i nags khrod de nyid du dge slong gi dge 'dun dang thabs cig tu bzhugs so// de nas drang srong ko'u na ya nam ma nangs par langs nas bram ze'i khye'u rnams la bos te/ 'phags pa dag longs/ bzhin bzangs dag longs/ shing dag gshogs/ me dag bus/ 'bras chan// tshos/ skyu ru ma sgrol/ 'khur ba dag gyis/ bkad sa'i zhal ta gyis zhes zer ro// de'i nub mo drang srong ri bo yang drang srong ko'u ne ya 'dug pa'i gnas na 'dug par gyur te/ drang srong ri bo sa drang srong ko'u ne ya nam mnangs par langs nas/ bram ze'i khye'u rnams bos te/ 'phags pa dag longs/ bzhin bzangs ngag longs shing dag gshogs/ me dag bus/ 'bras chan tshos/ skyu ru ma sgrol/ 'khur ba dag gyis/ bkad sa'i zhal ta gyis zhes zer ba thos so// thos nas kyang de 'di snyam du sems te/ ci drang

  370. 186a

    srong 'di bag ma gtong ngam/ bag ma len nam/ 'on te 'dis yul 'khor gyi mi 'am/ lag bzo 'am/ pha tshan nam 'khor ram/ rgyal po spyan 'dren nam snyam nas drang srong ri bos/ klo'u ne ya la 'di skad ces smras so// ci drang srong khyod bag ma gtong ngam/ bag ma len nam/ 'on te khyod yul 'khor gyi mi 'am/ lag bzo 'am/ pha tshan nam/ 'khor ram/ rgyal po bshos la spyan 'dren nam/ drang srong ko'u ne yas smras pa/ bdag ni bag ma gtong ba 'am/ bag ma len pa yang mi byed la/ yul 'khor gyi mi 'am/ lag bzo 'am/ pha tshan nam/ 'khor ram/ rgyal po yang spyan mi 'dren gyi/ sangs rgyas la sogs pa dge slong gi dge 'dun sang bshos la spyan 'dren no/ / de nas drang srong ri bos sangs rgyas zhes bya ba'i sgra sngon ma thos pa thos nas/ spu thams cad zing zhes byed de/ dga' ba skyes so// de nas drang srong ri bos drang srong ko'u ne ya la smras pa/ drang srong sangs rgyas zhes bya ba de su zhig/ drang srong ko'u ne yas smras pa/ drang srong gangs ri'i 'dab na chu klung gang+gA'i 'gram na drang srong ser skya 'dug pa'i gnas nas thag mi ring ba zhig na/ shAkya rnams kyi nang na bu zhig skyes pa yod de/ de bram ze mtshan mkhan bye brag phyed pa rnams kyis lung bstan te//

  371. 186b

    gal te khyim gyi nang na gnas na ni 'khor los sgyur ba'i rgyal por 'gyur ro// de ste skra dang kha spu bregs nas/ gos tshon can dag bgos te/ yang dag par dad pa kho nas khyim nas khyim med par rab tu byung na ni/ de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pa las/ des skra dang kha spu/ bregs nas/ chos gos tshon can dag bgos te/ yang dag pa'i dad pa kho nas khyim nas khyim med par rab tu byung nas/ de bla na med pa yang dag par rdzogs pa'i byang chub mngon par rdzogs par sangs rgyas te/ zang srong sangs rgyas zhes bya ba ni de yin no// drang srong dge 'dun zhes bya ba su zhig/ drang srong rgyal rigs mkhas pa dag kyang yod/ bram ze mkhas pa dang / khyim bdag mkhas pa dang / dge sbyong mkhas pa dag kyang yod de/ de dag las de bzhin gshegs pa dgra bcom pa yang dag par rdzogs pa'i sangs rgyas rab tu byung ba de'i rjes su rab tu byung ba de dag ni drang srong dge 'dun zhes bya ba yin te/ sangs rgyas la sogs pa dge slong gi dge 'dun de dag bdag gis bshos la spyan 'dren no// de nas drang srong ri bos/ drang srong ko'u ne ya la smras pa/ drang srong bcom ldan 'das de da ltar gang na bzhugs/ drang srong ko'u ne yas smras pa/ zang srong yul a du ma 'di nyid na nags khrod

  372. 187a

    'di kho na na bzhugs kyis/ gal te blta bar 'dod pa lta na/ bram ze nags khrod nyams dga' ba/ ga la 'dug pa der song dang / dri za'i rgyal po 'dra ba'i 'dzin pa'i sangs rgyas mthong bar 'gyur/ de nas drang srong ri bos drang srong ko'u ne ya'i tshig mnyan te/ nags khrod de gA la 'jug pa der song nas/ drang srong ri bos thag ring po zhig nas sangs rgyas bcom ldan 'das skyes bu chen po'i mtshan sum cu rtsa gnyis kyis brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med pa rnam par dag pa dang ldan pa sangs rgyas bcom ldan 'das mthong ngo // mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyi sa dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / bag la nyal dang / khams

  373. 187b

    dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong ri bos stan de la 'dug bzhin du bden pa mthong bar rtogs pa'i mod la phyir mi 'ong ba'i 'bras bu mngon sum du byas so/ / des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// bcom ldan 'das kyis bka' stsal pa/ drang srong khyod kyis 'khor rnams la bzlugs sam/ drang srong ri bos gsol pa/ btsun pa ma bzlugs lags so// bcom ldan 'das kyis bka' stsal pa/ drang srong 'o na 'khor rnams la je blugs shig dang / 'khor la blugs pa ni 'di lta ste/ khyed lta bu grags pa dang ldan pa dang / kun gyis shes pa/ bsod nams chen po dang ldan pa dag legs pa kho na yin no// de nas drang srong ri bo bram the'i khye'u rnams ga la 'khod pa der song ste phyin nas/ bram ze'i khye'u rnams la smras pa/ bram ze'i khye'u dag shes par gyis shig/ bdag ni bcom ldan 'das kyi thad du tshangs

  374. 188a

    par spyod pa spyad par 'dod na/ khyed ji ltar byed/ de dag gis smras pa/ bdag cag ci 'tshal ba de dag thams cad kyang mkhan po las brten par bas kyis// gal te mkhan po dge sbyong go'u ta ma'i thad du rab tu 'byung ba lta na/ bdag cag kyang mkhan po rab tu byung ba'i rjes su rab tu 'byung bar 'tshal lo// drang srong ri bos smras pa/ bram ze'i khye'u dag da de'i dus la bab par shes na de ltar gyis shig/ de nas drang srong ri bo g.yog 'khor lnga brgya dang bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa bdag gis 'khor rnams la bzlugs lags na/ btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thang du tshangs par spyod pa spyad par 'tshal lo/ / de nas bcom ldan 'das kyis de dag la dge slong tshur shog ces bya ba bka' stsal te/ dge slong dag tshur shog/ tshangs par spyod cig ces bka' stsal nas/ tshig 'di skad ces bka' stsal pa'i mod la/ skra dang kha spu bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur gyur

  375. 188b

    lag na ni lhung bzed dang chu snod thogs par gyur to/ / 'dir smras pa/ de bzhin gshegs pa sa tshur zhes bka' stsal pas// de dag mgo bregs lus la snam sbyar gyon// sangs rgyas kyis ni dgongs pas gos bgos nas// mod la dbang po rab tu zhi bar gnas// de nas drang srong ko'u ne yas de'i nub mo nyid du bza' ba dang bca' ba gtsang ma bzang po mang po sta gon byas nas/ nang par sngar langs te/ gdan bshams nas phyag chab kyi chur bkang ste/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul lo// de nas bcom ldan 'das kyis snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ zang srong ko'u ne ya'i bkad sa ga la ba der gshegs te/ byon nas gdan bshams pa la bzhugs so// de nas drang srong ko'u ne yas sangs rgyas la sogs pa dge slong gi dge 'dun rnams rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs so// de nas drang srong ko'u ne yas drang srong ri bo g.yog 'khor lnga brgya dang rab tu byung ste/ gral de

  376. 189a

    nyid na 'khod pa mthong ngo / / mthong nas kyang drang srong ri bo la smras pa/ drang srong khyod rab tu byung ngam/ drang srong ri bos smras pa/ grogs po bdag rab tu byung ngo/ / drang srong ko'u ne yas smras pa/ legs so// shin tu legs so// bdag kyang sangs rgyas la sogs pa dge slong gi dge 'dun bshos gsol zin nas rab tu 'byung ngo zhes smras nas/ drang srong ko'u ne yas sangs rgyas la sogs pa dge slong gi dge 'dun rnams rang gi lag nas bza' ba dang bca' ba gtsang ma bzang po mang po rnam grangs du mas tshim par byas te/ bzhed pa bstabs nas/ bcom ldan 'das bshos gsol zin te/ gsang sngar ni gyu/ phyag ni bcabs par rig nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// bcom ldan 'das kyis bka' stsal pa/ drang srong khyod kyis 'khor rnams la bzlugs sam/ drang srong ko'u ne yas gsol ba/ btsun pa ma bzlugs lags so// bcom ldan 'das kyis bka' stsal pa/ drang srong

  377. 189b

    'o na 'khor rnams la je blugs shig dang / 'khor la bzlugs pa de ni 'di lta ste/ khyod lta bu grags pa dang ldan pa kun gyis shes pa/ bsod nams chen po dang ldan pa dag la legs pa kho na yin no/ / de nas drang srong ko'u ne ya bram ze'i khye'u rnams ga la 'khod pa der song ste phyin nas/ bram ze'i khye'u rnams la smras pa/ bram ze'i khye'u dag shes bar gyis shig/ bdag ni bcom ldan 'das kyi thad du tshangs par spyod pa spyad par 'dod na khyed ji ltar byed/ de dag gis smras pa/ bdag cag ci 'tshal ba de dag thams cad kyang mkhan po las brten par bas kyis/ gal te mkhan po dge sbyong go'u ta ma'i thad du rab tu 'byung ba lta na/ bdag cag kyang mkhan po rab tu byung ba'i rjes su rab tu 'byung bar 'tshal lo/ / drang srong ko'u ne las smras pa/ bram ze'i khye'u dag da de'i dus la bab par shes na de ltar gyis shig/ de nas drang srong ko'u ne ya g.yog lnga brgya dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa bdag gis 'khor rnams la bzlugs lags na/ btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag

  378. 190a

    cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dag la dge slong tshur shog ces bya ba bka' stsal te dge slong dag tshur shog/ tshangs par spyod cig ces bka' stsal nas/ tshig 'di skad ces bka' stsal ba'i mod la/ skra dang kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur gyur/ lag na ni lhung bzed dang chu snod thogs par gyur to// 'dir smras pa/ de bzhin gshegs pas tshur zhes bka' stsal pas/ dedag mgo bregs lus la snam sbyar gyon// sangs rgyas kyis ni dgongs pas gos bgos nas// mod la dbang po rab tu zhi bar gnas// de nas bcom ldan 'das kyis drang srong ri bo dang koru ne ya la gdam ngag byin nas/ de gnyis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// dge slong lhag ma de/ dag las kyang dge slong lnga brgya ni tshe dang ldan pa bram ze ka bi na chen po la gtad do// nyis brgya lnga bcu ni tshe dang ldan pa shA ri'i bu la gtad do// nyis brgya lnga bcu ni tshe dang ldan pa mo'u 'gal gyi bul gtad do/ / khyed kyis 'di rnams la gdam ngag ston cig/ 'di rnams la yid la byed pa'i lung yang phog cig/ de nas bcom ldan 'das kyis bka' ji skad srul ba de bzhin du 'tshal lo/

  379. 190b

    zhes gsol nas/ tshe dang ldan pa shA ri'i bu dang / tshe dang ldan pa mo'u 'gal gyi bu dang / tshe dang ldan pa bram ze ka bi na chen po rnams kyis dge slong de dag khrid de/ chu klung gser ldan gyi 'gran du dbyar gnas par dam bcas so/ / de rnams kyis dbyar gnas par dam bcas nas/ de dag la yid la byed pa'i lung phog ste/ der tshe dang ldan pa bram ze ka mi nas ni dge slong lnga brgya po de dag dgra bcom pa nyid la bkod do/ / tshe dang ldan pa mo'u 'gal gyi bus ni nyis brgya lnga bcu po de dag phyir mi 'ong ba'i 'bras bu la bkod do// tshe dang ldan pa shA ri'i bus ni nyis brgya lnga bcu po de dag rgyun du zhugs pa'i 'bras bu la bkod do/ / sangs rgyas bcom ldan 'das rnams kyi nyan thos rnams ni chos nyid kyis dus gnyis su phal po che 'du bar 'gyur te/ dbyar zla 'bring po la dbyar gnas pa'i dus la bab pa dang / ston zla tha chung nya la 'du bar 'gyur te/ dbyar zla 'bring po la dbyar gnas pa'i dus la bab pa'i tshe ni dge slong dag gis yid la byed pa'i lung mnos nas/ ri'i sul dang / ri'i phug dang / sog ma'i phung po dang / thang dang / dur khrod dang / nags khrod kyi gnas de dag tu dbyar gnas par dam bca' bar byed do// ston zla tha chung nya la ni de nas dong ste/ rtogs pa ni rjod par byed la/ ma rtogs pa ni gong du 'dri bar byed do// de nas tshe dang ldan pa shA ri'i bu dang / tshe dang ldan pa mo'u 'gal gyi bu

  380. 191a

    gnyis kyi 'khor lnga brgya dang / tshe dang ldan pa bram ze'i ka bi na chen po'i 'khor lnga brgya po de dag dbyar gnas pa byas te/ dbyar gnas zin nas/ dbyar zla gsum 'das pa'i 'og tu chos gos byas te/ chos gos zin nas/ chos gos gyon te/ lhung bzed thogs nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ dge slong de dag bcom ldan 'das kyi sman sngar rtogs pa ni rjod par byed/ ma rtogs pa yan tshad ni zhu bar byed do/ / de nas bcom ldan 'das kyis de dag la gong ma'i yid la byed pa'i lung phog nas/ de dag gis kyang brtson pa dang / bsgrub pa dang / 'bad pas nyon mongs pa thams can spangs te/ dgra bcom pa nyid mngon sum du byas so// de nas dge slong de dag gis/ sangs rgyas bcom ldan 'das la gsol pa/ btsun pa tshe dang ldan pa bram ze'i ka pi na chen pos ni/ dge slong lnga brgya po 'di rnams dgra bcom pa nyid la bkod la/ tshe dang ldan pa mo'u 'gal gyi bus ni phyir mi 'ong ba'i 'bras bu la bkod/ tshe dang ldan pa shA ri'i bu sde tshan dang ldan pa gnyis bar gyur pas ni rgyun du zhugs pa'i 'bras bu bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang dge slong ka pi nas/ dge

  381. 191b

    slong lnga brgya po 'di dag nyid bsam gtan bzhi dang / mngon par shes pa lnga la ji ltar bkod pa dang / mo'u 'gal gyi bus gzugs med pa'i khams su ji ltar bkod pa dang / shA ri'i bus gzugs kyi khams su ji ltar bkod pa de nyon cig/ dge slong dag sngon byung ba 'das pa'i dus na/ ri zhig la drang srong g.yog 'khor lnga brgya dang ldan pa gnyis rten cing 'dug ste/ ri ngos gcig na ni drang srong g.yog lnga brgya dang ldan pa gcig 'dug go/ / pha rol gyi ngos na ni drang srong 'khor lnga brgya dang ldan pa gcig 'dug go/ de nas phyi zhig na de gnyis las drang srong gcig shi nas bram ze'i khye'u dag gis/ de'i rus bu la rus bu'i mchod pa byas nas/ drang srong cig shos kyi thad du dong ngo // drang srong des kyang de dag 'khor du byas nas/ drang srong des bsams pa ma la bdag kyang shi na ni bram ze'i khye'u 'di rnams mgon med par 'gyur gyis/ bdag gson pa'i tshe nas 'di rnams bskyang bar bya dgos so snyam nas/ drang srong de la slob ma'i mchog gsum yod pa de las/ gcig la ni drang srong des bram ze'i khye'u lnga brgya gtad do// gnyis la ni nyis brgya lnga bcu nyis brgya lnga bcu gtad do// 'di skad ces kyang bsgo ste/ bdag gson pa'i tshe yang rung // shi ba'i 'og tu yang rung ste/ khyed kyis 'di rnams slobs shig/ yid la byed pa la yang dag par gzung bar gyis shig byas so// de nas de dag gi nang nas gcig gis ni bram ze'i khye'u lnga

  382. 192a

    brgya bsam gtan bzhi dang / mngon par shes pa lnga la yang dag par bkod do// gcig gis ni gzugs med pa'i khams su bkod do// gcig gis ni gzugs kyi khams su bkod do/ / dge slong dag ji snyam du sems/ de'i tshe gang gis bram ze'i khye'u de dag bsam gtan bzhi dang / mngon par shes pa lnga la bkod pa de ni bram ze ka pi ni 'di nyid yin no// gang gis de dag gzugs med pa'i khams su bkod pa de ni mo'u 'gal gyi bu 'di nyid yin no// de'i tshe gang gis de dag gzugs kyi khams su bkod pa de ni shA ri'i bu 'di nyid yin te/ de'i tshe yang de rnams las 'di dag nyid las gcig gis ni bsam gtan bzhi dang / mngon par shes pa lnga la bkod do// gcig gis ni gzugs med pa'i khams su bkod do// gcig gis ni gzugs kyi khams su bkod do/ / da ltar yang 'di rnams las gcig gis ni dgra bcom pa nyid la bkod do// gcig gis ni phyir mi 'ong ba'i 'bras bu la bkod do// gcig gis ni rgyun du zhugs pa'i 'bras bu la bkod do/ / gzhan yang dge slong dag bram ze ka pi ni'i slob ma gang yin pa de dag ni dbang po rnon po yin no// mo'u 'gal gyi bu'i slob ma gang yin pa de dag ni dbang po 'bring ngo // shA ma'i bu'i spobs gang yin pa de dag ni dbang po rtul po yin te/ dge slong dag gal te shA ri'i bu'i grib ma gang yin pa de dag bram ze ga po na la gtad du zin na/ rdo bar gyur pa yang de dag gis

  383. 192b

    bskyed mi nus na/ gong ma'i khyad par rtogs par ga la 'gyur/ de nas dge slong dag gis/ sangs rgyas bcom ldan 'das la nus pa/ btsun pa drang srong ko'u ne ya dang ri bo g.yog 'khor dang bcas pa gnyis kyis las ci bgyis na/ las de'i rnam par smin pas 'di gnyis kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// 'di gnyis kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sau na khyim bdag mdza' zhing bshes la gcugs pa gnyis shig 'khod pa las/ phyi zhig na de gnyis kyis yang dag par rdzogs pa'i sangs rgyas 'od srungs kyi bstan pa la dad pa rnyed nas/

  384. 193a

    de gnyis kyis khyim gyi 'khor btang ste/ gnyis ka rab tu byung ngo // rab tu byung nas de gnyis kyis sde snod gsum bslabs te/ de gnyis ka rig pa dang grol ba'i spobs pa dang ldan pa'i chos smra bar gyur te/ de gnyis ka gos dang / zas dang / mal cha dang / stan dang / snyun gsos dang / sman zong rnams rnyed par gyur to// de gnyis kas kyang slob ma lnga brgya lnga brgya bsdus nas/ gnyis ka yang 'khor gyi slob dpon du gyur to// de gnyis kyis tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / de nas de gnyis la slob ma rnams kyis dris pa/ khyed gnyis kyis smon lam ji lta bu zhig btab ces byas nas/ de gnyis kyis de dag la rgyas par bsnyad do// de nas de dag gis smras pa/ bdag cag gis kyang khyed gnyis la brten te sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan/

  385. 193b

    pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de 'khor gyi slob dpon du gyur pa gang yin pa de gnyis ni ko'u ne la dang ri bo 'di gnyis kho na yin no/ / de'i tshe slob mar gyur pa gang yin pa de dag ni dge slong stong po 'di dag nyid yin te/ de dag gis der smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed/ par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / / bam po bcu gcig pa// bag ma gtong ba zhes bya ba gnyis la/ bag ma gtong ba dang po ni/ gleng gan

  386. 194a

    mnyan du yod pa na bzhugs te/ de'i tshe mnyan du yod pa na khyim bdag mdza' zhing bshes la gcugs pa gnyis shig 'dug go/ de nas phyi zhig na de gnyis gcig la gcig smra ste/ grogs po bdag cag gnyis kyis ci nas mdza' ba las cung zad kyang dbye bar mi 'gyur bar bya'o// khyim bdag cig shos kyis smras pa/ 'o na bdag cag gnyis kyis ji ltar bya/ khyim bdag gcig gis smras pa/ gnyen du bya'o// khyim bdag gcig gis smras pa/ khyod la bu khye'u 'am bu mo lta yod dam/ khyim bdag gcig gis smras pa/ med do// khyim bdag gcig gis smras pa/ 'o na bdag la yang bu khye'u yang med/ bu mo yang med la khyod la yang bu khye'u yang med/ bu mo yang med na/ bdag cag gnyis kyis gnyen du ji ltar bya/ khyim bdag gcig gis smras pa gnyen bya ba la rnam pa 'di gnyis yod de/ skyes zin pa'i gnyen dang / da dung ma skyes pa'i gnyen no// bdag cag gnyis la bu khye'u yang med/ bu mo yang med mod kyi/ da dung ma skyes pa'i gnyen byar rung ste/ gal te bdag gi buM khye'u btsas la/ khyod kyi bu mo btsas na ni de bdag gi bu la byin cig/ de ste khyod la bu khye'u btsas la/ bdag gis bu mo btsas na ni bdag gis de khyod kyi bul sbyin par bya'o zhes byas nas/ de gnyis kyis da dung ma skyes pa'i gnyen byas te song ngo // de nas phyi zhig na gcig gi chung ma la bu chags par gyur nas zla ba

  387. 194b

    dgu'am bcu lon pa dang bu byung ste/ khye'u gzugs bzang zhing bltan sdug la mdzes pa zhig bcas te/ de'i bcas ston rgyas par byas te/ rigs dang 'thun par ming btags nas/ dang / zho dang / mar dang / zhun mar dang / mar gyi snying lus bskyed bsrings so// de nas phyi zhig na khyim bdag cig shos kyang chung ma dang rtse zhing dga' la dga' dgur spyod pa las/ chung ma la bu chags nas/ de zla ba dgu'am bcu lon pa dang / bu mo gzugs paza zhing bltan sdug la mdzes pa zhig btsas te/ de'i btsas ston rgyas par byas nas rigs dang 'thun par mang btags te/ 'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe chen mor gyur pa dang / de nas bcom ldan 'das kyi bstan pa la dad pa rnyed nas skyabs su 'gro ba dang / bslab pa'i gzhi rnams blangs so// de nas phyi zhig na des/ pha ma gnyis la smras pa/ yab yum bdag ni 'dod pa rnams longs spyod pa'i rngo ma thog gis/ bcom ldan 'das kyi bstan pa la rab tu 'byung bar gnang bar mdzad du gsol/ pha ma gnyis kyis smras pa/ bu mo khyod ma skyes pa'i snga rol nas bdag cag gnyis kyis khyim thab la byin zin gyis/ bdag cag gnyis kyis gnang bar byar mi rung ngo zhes byas pa dang / bu mo des yang dang yang dus kyis gsol nas/ pha ma gnyis kyis bsams pa/ ma la bu mo 'dis bdag cag gi tshig ma mnyan

  388. 195a

    te/ rab tu 'byung srid kyis/ bdag cag gis gyos skyug la sbran no snyam nas/ de gnyis kyis/ de'i pha ma gnyis la smras pa/ bu mo 'di ni rab tu 'byung bar 'dod de/ bdag cag gnyis kyis ma mthong bar rab tu 'byung srid kyis/ ma thogs pa kho nar bag mar long la khyed cag gi khyim du khrid cig ces byas so// de nas de thos ma thag tu khyim bdag des bu char bcug ste/ khye'u de rgyan thams cad kyis brgyan nas/ 'byor pa chen po dang ldan pas gyos po'i khyim du btang ngo // de nas khyim bdag des kyang khyim na gnas pa rnams kyi khyim ba'i chos bzhin du byas nas/ bu mo khyim thab la btang ngo // de nas bag ma blangs zin pa'i 'og tu bu mo de bros te/ dge slong ma'i gtsug lag khang du song nas rab tu byung nas bsnyen par rdzogs so/ / mkhan mos kyang de la lung phog nas/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas nas rdzu 'phrul pa sgrubs te/ dbang po dang nye dbang dang bcas pa'i 'jig rten gyis mchod cing rjed pa dang / gus par smra ba'i gnas su gyur to// khye'u des kyang chung ma bros pa thos nas/ thos ma thag tu g.yog 'khor mang po dag dang chas te tshol zhing dge slong ma'i gtsug lag khang du song ba las/ khye'u des bdag gi chung ma skra bregs nas chos gos tshen can bgos

  389. 195b

    te/ skyil mo krung bcas nas bsam gtan byed pa mthong ste/ mthong ma thag tu de'i thad du song nas des lag pa nas bzung bar byas pa dang / de steng gi nam mkha' la 'phags nas/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan nas/ de mthong ma thag tu khye'u de dang skye bo mang po de dag shas cher dga' bar gyur to/ / dga' bar gyur nas rkang pa la phyag 'tshal te smras pa/ skal ba chen mo mar spyon mar spyon/ bdag cag nyes par spyod pa'i 'dam du bying ba las lag nas drang du gsol zhes byas so// de nas de sa la babs nas/ khye'u des rkang pa la phyag 'tshal te/ bzod pa gsol nas yo byad thams cad kyang bstabs te/ chos mnyan pa'i phyir de'i mdun du 'dug go/ des kyang de rnams kyi bsam pa dang / bag la nyal dang / khams dang / shes pa dang / rang bzhin rtogs nas de dang 'thun pa'i chos bstan te/ des na khye'u de dang skye bo mang po de dag gis stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas/ khye'u des bsams pa/ bud med kyis kyang bcom ldan 'das kyi bstan pa la rab tu byung nas/ yon tan gyi tshogs 'di lta bu dag thob par gyur gyis bdag gis kyang khyim na gnas pa

  390. 196a

    btang la/ bcom ldan 'das kyi bstan pa la rab tu byung nas/ chu bo rnams las brgal bar bya ba dang / sbyor ba rnams las 'da' bar bya ba'i phyir brtson pa dang bsgrub pa dang / 'bad par bya'o snyam nas/ pha ma la gsol te/ bcom ldan 'das kyi bstan pa la rab tu byung nas/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas nas rdzu 'phrul yang bsgrubs te/ dbang po dang nye dbang dang bcas pa'i 'jig rten gyis mchod cing rjed pa dang / gus par smra ba'i gnas su gyur to// de nas dge slong dag gis/ sangs rgyas bcom ldan 'das la zhus pa/ btsun pa dge slong ma 'dis las gang dag bgyis na bag mar mchis pa'i 'og tu nyon mongs pa thams cad spangs te/ dgra bcom pa nyid mngon sum du bgyis la/ dge slong 'dis kyang 'di kho na la brten nas nyon mongs pa thams cad spangs te// dgra bcom pa nyid mngon sum du bgyis pa lags/ bcom ldan 'das kyis bka' stsal pa/ smon lam gyi dbang las gyur to// btsun pa 'di gnyis kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par

  391. 196b

    rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na khyim ba gcig gi bu mo thabs snga ma kho na ltar rab tu byung nas/ de'i khyim thab kyis kyang de kho na la brten te/ yang dag par rdzogs pa'i sangs rgyas 'od srungs kyi bstan pa la rab tu byung nas/ dge slong ma des tshe gcig tu tshangs par spyod de 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de'i bstan pa la thabs 'di kho na bzhin du/ bag mar song ba'i 'og tu rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas sngon gyi khyim thab kyis mthong nas dris pa bzang mo khod kyis smon lam ji ltar bu zhig btab/ de nas des de la thams cad rgyas par bsnyad do// de nas dge slong des kyang smon lam btab ste/ bzang mo ji ltar khyod

  392. 197a

    kha brten nas bdag gis yang dag par rdzogs pa'i sangs rgyas 'od srungs kyi bstan pa la dad pa rnyed pa de bzhin du/ de kho na'i tshe yang nga nyid khyod kyi khyim thab tu gyur te/ khyod kho na la brten nas bdag gis bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe dge slong mar gyur pa gang yin pa de ni dge slong ma 'di nyid yin te/ des der tshe gcig tu tshangs par spyad nas/ 'chi kar smon lam btab ste/ 'di ltar bdag bag mar song ba'i 'og tu yang dag par rdzogs pa'i sangs rgyas 'od srungs kyi bstan pa la rab tu byung nas/ tshe gcig tu tshangs par spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de'i bstan pa la bdag da lta bzhin du bag mar song ba'i 'og tu rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang /

  393. 197b

    shugs mnyam pa dang / mdzad pa mnyam pa dang / thabs mnyam pa brnyes par gyur nas/ da ltar 'di bag mar song ba'i 'og tu rab tu byung nas/ 'dis nga mnyes par byas te/ mi mnyes par ma byas la/ nyon mongs pa thams cad spangs nas/ dgra bcom pa nyid mngon sum du byas te/ de'i tshe khyim thab tu gyur pa gang yin pa de ni dge slong 'di nyid yin/ te/ des der smon lam btab ste/ de'i tshe nga nyid khyod kyi khyim thab tu gyur nas/ khyod kho na la brten te sangs rgyas bcom ldan 'das de mnyes par byed par gyur cig/ mi mnyes bar byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na// da ltar 'dis 'di kho na la brten nas nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / bag ma gtong ba phyi ma ni/ gleng gzhi mnyan du yod pa na bzhugs te/ de'i tshe rgyal po gsal rgyal gyi blon po'i gtso bo gnyis yod pa la/ gcig gi ming ni ri dgas 'dzin ces bya/ gcig gi ming ni byin pa zhes bya'o// de gnyis mdza' zhing bshes la gcugs par gyur te/ de gnyis kyis thabs zla bab pa las chung ma

  394. 198a

    blangs te/ de gnyis chung ma dang rtse zhing dga' la dga' dgur spyod do// de nas phyi zhig na de gnyis lhan cig tu tshogs te smras pa/ grogs po bdag cag gnyis kyis ci nas mdza' ba 'di las ji srid 'tsho'i bar du cung zad kyang 'bye bar mi bya'o zhes byas so/ / de nas ri dgas 'dzin gyis smras pa/ 'o na bdag cag gnyis kyis ji ltar bya/ byin pas smras pa/ gnyen du bya'o// ri dgas 'dzin gyis smras pa/ khyod la bu khye'u 'am bu mo lta yod dam/ byin pas smras pa/ med do// ri dgas 'dzin gyis smras pa/ 'o na bdag la yang bu khye'u yang med/ bu mo yang med la/ khyod la yang bu khye'u yang med/ bu mo yang med na/ bdag cag gnyis gnyen du ji ltar bya/ byin pas smras pa/ gnyis bya/ ba la rnam pa gnyis yod do// skyes zin pa'i gnyen dang / da dung ma skyes pa'i gnyen no// bdag cag gnyis la bu khye'u yang med/ bu mo yang med mod kyi/ da dung ma skyes pa'i gnyen byar rung ste/ gal te bdag gi bu khye'u btsas la/ khyod kyi bu mo btsas na ni de bdag gi bu la byin cig/ de ste khyod kyis bu khye'u btsas la/ bdag gi bu mo btsas na bdag gis de khyod kyi bu la sbyin par bya'o zhes byas so/ / de nas de ltar bya'o zhes smras nas de gnyis song ngo // de nas phyi zhig na ri dgas 'dzin gyi chung ma la bu chags par gyur nas/ de zla ba

  395. 198b

    dgu 'am bcu lon pa dang / khye'u zhig btsas te/ de'i ming sa ga zhes btags so// 'dod pa rnams ni tsha chu dang 'dra ste/ ji tsam du bsten pa de tsam du phyir zhing skye bar 'gyur te// snga phyir de'i bu bdun byung nas/ de rnams kyi btsas ston rgyas par byas te/ rigs dang 'thun par ming btags nas bskyed bsrings so// de nas phyi zhig na byin pa'i chung ma la yang bu chags par gyur nas/ de zla ba dgu 'am bcu len pa dang / bu mo gzugs bzang zhing blta na sdug la mdzes pa zhig btsas na/ bu mo de rang bzhin gyis ngu bar gyur nas/ pha ma gnyis kyis de thabs cis kyang dgag par ma nus so// de nas phyi zhig na skye dgu'i bdag mo chen mo go'u ta mi khyim der song nas/ khyim bdag de chos bshad pa dang bu mo de yang chos thos nas kha rog ste 'dug go/ de nas gang gi tshe skye dgu'i bdag mo chen mo go'u ta mis khyim bdag de la chos bshad nas phyir song ba de'i tshe yang bu mo de du ba la zhugs pa dang / khyim bdag des 'phrigs te bsams pa/ bu mo 'di chos nyan 'dod pa zhig yon gor ma chag snyam mo// de nas de'i btsas ston byas nas/ bu mo 'di'i ming ji skad gdags zhes ming 'dogs par byed de/ bu mo 'di chos 'dod la/ byin pa'i bu mo yin pas/ bu mo 'di'i ming chos byin ma zhes bya bar gdags so zhes zer ro//

  396. 199a

    de nas bu mo chos byin ma'o ma dang / zho dang / mar dang / nun mar dang / mar gyi snying khus bskyed bsrings nas/ de gang gi tshe chen mor gyur pa de'i tshe/ des bcom ldan 'das kyi bstan pa la dad pa rnyed nas/ des pha ma gnyis la gsol te/ dus dus su dge slong rnams dang / dge slong ma rnams bshos gsol nas de rnams kyi mdun du 'dug ste chos nyan par byed do/ / de nas des chos thos nas skyabs su 'gro ba dang / bslab pa'i gzhi rnams blangs nas/ de khyim na gnas bzhin du phyir mi 'ong ba'i 'bras bu mngon sum du byas te rdzu 'phrul yang bsgrubs so/ / des bden pa mthong nas pha ma gnyis la smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol/ pha ma gnyis kyis smras pa/ bu mo khyod ma skyes pa'i snga rol nas bdag cag gnyis kyis khyim thab la byin zin gyis/ bdag cag gnyis kyis gnang bar byar mi rung ngo / / bu mo des smras pa/ bdag ni 'dod pa rnams don du gnyer ba ma lags na/ bdag la khyim thab ci 'tshal/ pha ma gnyis kyis smras pa/ bdag cag gnyis kyis khyod la gnang bar byar ni mi rung gis kyang khyod nyid las brten te bdag cag gnyis kyis sangs rgyas la sogs pa dge slong gi dge 'dun spyan drang bar

  397. 199b

    bya'o/ / ri dgas 'dzin la yang bzlugs la/ khyod bdag nyid kyis khyim thab la gsol te rab tu 'byung bar gyis shig ces byas nas/ khyim bdag byin pas sangs rgyas la sogs pa dge slong gi dge 'dun spyan drangs nas/ de nyid kyi mtshan mo bza' ba dang bca' ba gtsang ma bzang po mang po bshams te/ nang par sngar langs nas gdan bshams te/ chur bkang ste bzhag nas/ bcom ldan 'das la 'phrin gyis gdugs tshod pa skul ba/ btsun pa gdug sa tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul lo/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ khyim bdag byin pa'i bkad sa ga la ba der bshegs te byon nas gdan bshams pa la bzhugs so/ / de nas khyim bdag byin pas sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te ci bzhed pa bstabs so/ / de nas bcom ldan 'das bshos gsol zin te/ gzung sder ni gyu/ phyag ni bcab par rig nas/ chos

  398. 200a

    mnyan pa'i phyir spyan sngar 'jug go/ / de nas des bu mo chos byin ma rab tu 'byung bar 'dod pa las bzlog ma nus nas khyim bdag ri dgas 'dzin la spyan no/ / khyod nyid 'dir shog la zlog ces byas so// de nas de thos ma thag tu ri dgas 'dzin g.yog 'khor dang bcas pa lhags nas/ khyim bdag byin pa'i khyim phyi bskor te 'khod do// / de nas bcom ldan 'das kyis khyim bdag byin pa g.yog 'khor dang bcas pa chos kyi gtam gyis yang dag par bstan/ yang dag par 'dzin du bcug/ yang dag par gzengs bstod// yang dag par dga' bar mdzad nas gdan las bzhengs te gshegs so// sangs rgyas la sogs pa dge slong gi dge 'dun gshegs nas/ dge slong ma'i dge 'dun yang dong ngo // bu mo chos byin ma yang de dag dang thabs cig tu song ngo / / khye'u sa ga dang ri dgas 'dzin g.yog 'khor dang bcas pas kyang / bu mo chos byin ma khyim de nas byung ba mthong ngo // mthong nas kyang khye'u sags bu mo chos byin ma bzung zhes byas na/ steng gi nam mkha' la 'phags nas/ 'bar ba dang / lam mer 'jug pa dang / char 'bab pa dang / glog 'gyu ba'i cho 'phrul rnams bstan te/ de mthong nas khye'u sogs bsams pa/ 'dis chos 'di lta bu thob pa las na/ 'di bdag dang lhan cig tu 'dod pa rnams longs spyod par ga la 'gyur snyam mo// so so'i

  399. 200b

    skye bo ni rdzu 'phrul gyis myur du dad par 'gyur te/ de mthong ma thag tu rkang pa la phyag 'tshal te smras pa/ skal ba chen mo mar spyon mar spyod/ bdag cag nyes par spyod pa'i 'dam du bying ba las lag nas drang bar gsol zhes byas so/ / de nas de nam mkha' las babs nas/ khye'u sa gas kyang rkang pa la phyag 'tshal te/ bzod pa gsol nas smras pa/ bdag gis khyod de bzhin du gnang ngo / / yo byad thams cad kyang sbyar bar bya ste/ khyod la ci dgos pa de dag thams cad bdag gis sbyin no zhes byas nas chos mnyan pa'i phyir mdun du 'dug go// de nas chos byin mas de dag la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas song ngo // de nas dge slong ma'i gtsug lag khang du song ste/ rab tu byung nas dge slong ma rnams kyis de la dge tshul ma'i bsgrub pa'i gzhi rnams kyang phog go// tshes drug gi bslab pa'i sdom pa yang phog nas/ de gang gi tshe lo gnyis kyi bar du chos drug la bslabs nas bsnyen par rdzogs par 'dod pa de'i tshe dge slong ma rnams kyis de la tshangs par spyod pa'i gnas kyi sdom pa 'og ste/ bsnyen par rdzogs par bya ba'i phyir rgyal bu rgyal byed kyi tshal du khrid do// de yang gzugs bzang zhing blta na sdug la mdzes pa/ kha dog rgyas pa mchog dang ldan pa

  400. 201a

    yul na bzang ba/ byad gzugs dpe med pa zhig ste/ btsas ma thag tu skye bo mang pos blangs na yang / khyim bdag byin pas sngon gzhan la byin zin pa'i phyir sul yang ma byin no/ / de gang gi tshe rab tu byung ba de'i tshe gzhan dag gi sems skyes pa/ 'di khyim na gnas pa'i tshe ni bdag cag gi sa ma tho ba na/ da ni 'di rab tu byung zin gyis bdag cag gi ci dga' dgur byar yod do snyam nas bskor bar chad de/ thabs ji ltar byas na 'di bdag gis 'phrog nus par 'gyur snyam pa dang / kha cig song ste dge slong ma rnams la sbran nas/ dge slong rnams kyis bsams pa/ de ni 'di bdag cag gis rgyal bu rgyal byed kyi tshal du khrid de bsnyen par rdzogs par byed kyang mi nus la/ dge slong ma'i gtsug lag khang du 'di bzhag par yang mi nus so snyam ste/ pha'i khyim du khrid nas der bzhag go// de nas dge slong ma rnams kyis de'i gtam rgyas par bcom ldan 'das la gsol te/ btsun pa bdag cag gis dge slong ma chos byin ma ji ltar bsnyen par rdzogs par bgyi/ bcom ldan 'das kyis bka' stsal pa/ 'o na dge slong ma chos byin ma 'phrin gyis bsnyen par rdzogs par gnang gis/ phyin chad gzhan zhig phyi rol du 'byung ba la 'di kho na dang 'dra ba'i nyes dmigs 'byung bar 'gyur na/ de yang 'phrin gyis bsnyen par rdzogs par gyis

  401. 201b

    shig ces bka' stsal nas/ de thos ma thag tu dge slong ma rnams kyis de 'phrin gyis bsnyen par rdzogs par byas te/ gzhung las ji skad 'byung ba bzhin du rgyas par brjod par bya'o/ / de nas 'phrin gyis bzlugs pa'i dge slong ma chos byin ma'i thad du song nas bsgo ba/ chos byin ma khyod bsnyen par rdzogs zin gyis/ bag yod par nan tan gyis shig ces byas so/ / de nas de thos ma thag tu chos byin mas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod/ chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis// sangs rgyas bcom ldan 'das la zhus pa/ btsun pa chos byin mas las ci zhig bgyis na/ las de'i rnam par smin pas phyug cing nor mngal longs spyod che ba'i rigs su skyes

  402. 202a

    la/ bcom ldan 'das kyang 'dis mnyes par bgyis te/ mi mnyes par ma bgyis/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis nas/ 'di kho na las brten te bcom ldan 'das kyis dge slong ma rnams la 'phrin gyis bsnyen par rdzogs par gnang bar mdzad lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis smon lam gang du btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sin khyim bdag cig gnas pa las/ phyi zhig na de'i bu mo gzugs bzang zhing blta na sdug la mdzes pa/ yul na bzang ba/ byad gzugs dpe med pa zhig btsas nas/ de gang gi tshe chen mor gyur pa de'i tshe/ des yang dag par rdzogs pa'i sangs rgyas 'od srungs kyi bstan pa la dad pa rnyed nas/ des pha ma la gsol te rab tu byung nas

  403. 202b

    bsnyen par rdzogs par bya ba'i phyir phyi rol tu byung ba las nyes dmigs su gyur nas/ bcom ldan 'das 'od srungs kyis de 'phrin gyis bsnyen par rdzogs par gnang ste/ gang gi 'phrin gyis bsnyen par rdzogs par gyur pa de'i tshe/ 'phrin gyis bzlugs pa'i dge slong ma de'i thad du song nas bsgo ba/ ming 'di zhes bya ba khyed bsnyen par rdzogs zin gyis/ bag yod par nan tan gyis shig ces byas so/ / de nas de'i tshe des nyon mongs pa thams cad spangs nas/ dgra bcom pa nyid mngon sum du byas te/ dgra bcom pa nyid thob pas 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul bstan te/ phung po lhag ma med pa'i mya ngan las 'das pa'i dbyings su yongs su mya ngan las 'das nas/ mkhan mos de'i sku gdung la sku gdung gi mchod pa byas te/ sku gdung gi mchod rten brtsigs nas/ bdug pa dang / phye ma dang / spos dang / me tog gis bkur sti byas te tshe gcig tu tshangs par spyod pa spyad nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod ba spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan

  404. 203a

    'das de bdag gis mnyes par byed par gyur cig/ mi mnyes par byed par ma gyur cig/ ji ltar bdag gi slob ma la brten nas yang dag par rdzogs pa'i sangs rgyas 'od srungs kyi 'phrin las bsnyen par rdzogs par gnang ba de bzhin du/ bdag kyang shAkya thub pa shAkya'i rgyal po'i mchog des 'phrin gyis bsnyen par rdzogs par gnang nas de'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byed par gyur cig ces byas so// dge slong dag ji snyam du sems// de'i tshe dge slong mar gyur pa gang yin pa de ni dge slong ma chos byin ma 'di nyid yin te/ des der tshe gcig tu tshangs par spong pa spyad nas/ 'chi kar smon lam btab ste// yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gi slob ma la brten nas yang dag par rdzogs pa'i sangs rgyas 'od srungs kyis 'phrin gyis bsnyen par rdzogs par gnang ba de bzhin du/ shAkya thub pa shAkya'i rgyal po

  405. 203b

    mchog des kyang bdag las brten te 'phrin gyis bsnyen par rdzogs par gnang bar gyur cig/ ces byas pa des na dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thab sa mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ 'di nyid la brten te ngas dge slong ma rnams la 'phrin gyis bsnyen par rdzogs par gnang ba yin no/ / de nas yang dge slong dag gis/ sangs rgyas bcom ldan 'das la gsol pa/ btsun pa dge slong ma chos byin ma 'di skye bo mang pos bstod nas/ tshegs chen pos tshangs par spyod pa'i gnas bsrungs pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di skye bo mang po mang pos bstod nas tshegs chen pos tshangs par spyod pa'i gnas ji ltar bsrungs pa de nyon cig/ dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba rgyal po byed de/ de'i tshe wA rA NA si na khyim bdag cig gnas pa des/ thabs zla rab

  406. 204a

    pa las chung ma blangs pa las/ de phyi zhig na de'i chung ma bu chags nas/ de zla ba dgu 'am bcu lon pa dang bu byung ste/ khye'u gzugs bzang zhing blta na sdug la mdzes pa zhig btsas nas/ de'i btsas ston rgyas par byas te/ rigs dang 'thun par ming btags nas 'o ma dang / zho dang / mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad lo byang bar gyur to// de nas de'i pha mas thabs zlar bab pa las de'i chung ma blangs nas/ de yang de dang lhan cig tu rtse zhing dga' la dga' dgur spyod de/ khye'u de bu mo de la shas cher chags nas/ de med kyi bar du 'dug mi bod de/ des zong bzhag pa dang / tshong khang bor nas de 'ba' zhig dang lhan cig 'dug go// de nas khyim bdag des bsams pa/ 'di 'di la chags na nor zas thams cad zad par 'ong

  407. 204b

    gis/ 'di ro 'di dang dpral dgos so snyam nas smras pa/ bu gcig ro 'di ci dgos/ gal te khyod 'di bzhin du 'jug ste las mi byed na/ rgas pa'i tshe 'phongs par 'gyur gyis/ bu ji srid du khyod kyi 'byung ba chen po rnams la mthu yod kyi bar du nor sgrub par gyis shig/ phyis chung ma dang sdug par gyur ta re zhes smras nas/ khyim bdag des le'u gron pa'i zong sta gon byas nas/ khye'u de yul gzhan du btang ngo // khye'u des kyang rnga mo dang bong bu la sogs pa la zong bkal nas/ grong dang / grong khyer dang / nags khrod kyi grong dang / yu po che rnams bgrod de/ rgyangs chad pa zhig tu phyin nas/ de chung ma'i phyir rtswa sngon po brngas pa bskams pa bzhin du 'dug ste/ des bsams pa/ bdag de dang myur du phrad pa'i thabs ci yod snyam ste/ de'i thabs sems shing 'dug go// de nas de'i tshe ri khrod kyi grong de na shing mkhan bzo thabs mkhan shing gi bzo thabs kyis nam mkha' lding nam mkha' la 'gro bar byed shes pa zhig 'dug go/ / de nas khye'u des kyang de thos nas/ thos ma thag tu bsams pa/ der 'gro ba'i thabs bdag gis rnyed do snyam ste/ bzo thabs mkhan gyi thad du song nas spras pa/ mi khyod kyis bzo thabs kyi nam mkha' lding 'di bdag la byin cig dang / bdag gis khyod la kar sha pa Na lnga brgya sbyin no zhes byas pa dang / de na re/ bdag gis khyod gtan sbyin du ni mi

  408. 205a

    rung gis/ nyi ma re re bdag gi thang nas long la don gnyer du song nas phyir khyer te 'ongs nas bdag la phul cig ces zer ro// de nas khye'us smras pa/ khyod ji ltar dga' ba bzhin du bgyi'o zhes byas nas/ mi des nam mkha' lding de bcos te 'gro ba dang phyir ldog pa yang bslabs nas zhon no// de nas de de la zhon nas rang gi khyim du song ste/ chung ma dang lhan cig tu dga' ba nyams su myong nas/ phyir yang ri khrod kyi grong de nyid du 'gro'o// de nas phyi zhig na de'i chung ma la bu chags nas/ de zla ba dgu 'am bcu lon te bu btsas la thug pa dang / bzo thabs kyi slob dpon de don zhig la yul gzhan du song nas/ phyin chad khye'u de rang gi khyim du 'gro mi nus par gyur to// bu mo de yang gyos skyug gnyis kyis rmas te/ nyes dmigs 'di lta bu khyod kyis ji ltar byas zhes byas pa dang / de na re/ jo bo nyid kyis byas so zhes zer ro// khyim bdag gis smras pa/ nga'i bu song nas lo du ma lon na des 'di ji ltar byas/ de nas bu mo des de gnyis la gtam de rgyas par baspyad pa dang / de gnyis na re/ khyod ji ltar zer ba de lta bu ni ma yin no// de nas 'khang bzhin du nyes pa byas so/ snyam ste khyim nas baspang ngo // de nas de wA rA NA si nas byung ste pha'i khyim logs su chas te de song song ba las/ ri khrod kyi grong zhig tu phyin pa dang / de der song ste lam po cher bzhag

  409. 205b

    pa dang / de'i nub mo bu byung nas de na tsha mi bzod de myos shing 'dug pa las/ thag nye ba zhig na khyim bdag cig gnas te/ de'i khyim na khyi'i ming 'byung po zhes bya ba zhig yod de// khyi de lam po cher song nas khye'u de mthong ste/ des bud med de myos shing 'dug pa'i bar du khye'u de sos bzung nas rang gi khyim du song ba dang / khyim bdag des kyang khye'u gzugs bzang zhing blta na sdug la mdzes pa de mthong nas/ mthong ma thag tu bsams pa/ bu ma rungs pa bas ni/ gzhan gyi bu yang bur byar rung la/ bdag la yang bu yang med/ bu mo yang med pas na/ khye'u 'di kho na blangs te gsos dang / 'di bdag gi bur 'gyur ro snyam du bsams nas chung ma la smras pa/ bzang mo shes par gyis shig/ bu ma rungs pa bas ni gzhan gyi bu yang bur byar rung la/ bdag cag gnyis la bu yang med/ bu mo yang med pas/ khye'u 'di bdag cag gis gsos dang / 'di bdag cag gi bur 'gyur gyis/ khyod ni pang du zhugs shig/ ngas ni btsas ston bya'o zhes byas nas/ bud med de ni pang du zhugs te 'dug go// khyim bdag des ni rnga brdungs nas/ khye'u de'i btsas ston byed pa la zhugs so/ / de nas bud med snga ma de gang gi tshe na tsha zhi bar gyur pa de'i tshe langs te bu blang zhes byas na/ bu mi snang nas/ des nang par skye bo mang po nyan kor na gnas pa

  410. 206a

    rnams la khyed kyis byis pa lta ci mthong zhes dris pa dang / der sus mthong ba de dag gis/ de la smras pa/ khyim bdag che ge mo zhig gi khyi 'byung po zhes bya ba des khye'u zhig khyer te khyim der song ngo zhes byas so/ / de nas bud med des bud med gzhan zhig las brtsad de khyim der btang nas khyod song la khye'u de shi 'am ma shi ltos shig ces byas so/ / de nas bud med de der song ste bltas nas/ khye'u khyim bdag des blangs te bur byas pa mthong nas/ bud med de la phyir log ste bsnyad do// de nas mas bsams pa/ khye'u de dang bdag cag gnyis ka sdug par gyur na mi rung gis/ re zhig khye'u de 'di nyid na 'dug kyang rung ngo snyam du bsams nas song ba dang / de 'gron po dag cig dang phrad nas/ de 'gron po rnams kyi nang du zhugs pa dang / 'gron po de dag mi rgod kyis bcom nas/ bud med de ni mi rgod kyi sde dpon gyis rang gi khyim du khrid de/ chung mar bya bar byas nas/ de nyid kyi mtshan mo de dang lhan cig tu nyal bar byas pa las/ bud med des bsams pa/ ji ltar byas na/ 'dis bdag gi lag nas gzung bar mi nus pa'i thabs shig bdag gis bya'o snyam nas/ sgra ni bshig/ gos sngon po ni bgos kha dang so ni rgya skyegs kyis bskus/ ral gri ni thogs nas khang phugs

  411. 206b

    su zhugs te 'dug pa dang / mi de yang khang phugs der song ste/ bud med dang lhan cig tu dga' ba nyams su myong bar bya'o snyam pa dang / bud med des ral gri thogs bzhin du de'i steng du brgyugs nas khyod da gar yang thar du ma re zhig ces byas pa dang / mi de 'jigs shing skrag nas rkang pa la phyag 'tshal te/ bzang mo bdag la srog gi sbyin pa mdzad du gsol zhes gsol ba btab bo/ / de nas bud med de na re/ khyod gson por 'dug tu rung ba'i thabs cig gcig yod de/ gal te khyod kyis deng phyin chad nga la 'dod pa dang ldan pa pas sgrub par mi byed la/ nga su la yang bsgrag par mi byed na/ khyod gson por 'dug tu rung ngo zhes zer ro// mi rgod kyi sde dpon gyis smras pa/ khyod ji ltar dga' ba de bzhin du bya'o// zhes byas nas/ yid ches pa'i mnas bsgrags te/ bud med de khyim de nyid du 'dug go/ de nas mi rgod kyi sde dpon gyis bsams pa/ bdag gis 'di nam du gso zhing 'dug/ bdag gis 'di thabs kyis btsong bar bya'o snyam nas/ de des smad 'tshong ma zhig la btsongs pa dang / smad 'tshong ma des bsgo ba/ bzang mo deng phyin chad 'dir 'dug la/ smad 'tshong ma gyis shig ces byas so/ / de nas bud med de na re/ bdag la smad 'tsheng ma ci dgos/ bdag ni skyes pa gzhan la reg mi phong ngo // smad 'tshong mas smras pa/ bdag

  412. 207a

    gis de'i phyir nor yongs su btang ste khyod nyos pa yin no/ / de ma yin na khyod nga la ci dgos/ de nas bud med des bsams pa/ 'dir nga yang thabs de nyid bya dgos so snyam nas/ de kho na bzhin du srin mo'i cha lugs su zhugs nas/ smad 'tsheng ma'i thog tu brgyugs te/ nags khung gi srin mo ming 'di zhes bya ba khyod kyi khyim du zhugs na khyod da dung gson zhing 'dug gam zhes byas pa dang / bud med de 'jigs shing skrag nas rkang pa la phyag 'tshal te/ bdag la srog gi sbyin pa mdzad du gsol zhes byas so// de nas bud med de na re/ khyod gson por 'dug tu rung ba'i thabs cig gcig yod de/ gal te khyod kyis nga 'di na 'dug na las 'di lta bu byed du ma bcug la/ nga su la yang bsngags par mi byed na khyed gson por 'dug tu rung ngo zhes zer ro/ / smad 'tshong mas smras pa/ khyod ji ltar dga' ba de bzhin du bya'o zhes byas nas/ yid ches pa'i mnas bsgags te btang ngo // de nas smang 'tshong ma che ge mo'i khyim na/ nags khung gi srin mo gnas so zhes kun tu gtam grags te/ des 'jigs nas phyin chad su yang khyim der mi 'gro'o// de nas smang 'tshong mas bsams pa/ bdag gis 'di khyim nas bslang ba'i thabs lta ci yod snyam mo/ / de nas de'i bu de yang cher skyes nas/ de'i ming yang khyim bdag des 'byung po zhes btags te/ de gang gi tshe cher skyes pa de'i

  413. 207b

    yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu pa rtag pa dang / rin po che brtag pa dang / spos brtag pa dang / sman brtag pa dang / glang po che bteg pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na khye'u de gsos pa'i pha de shi nas khye'u des bsams pa/ da ni pha shi bas na khyim 'di'i so tshos bdag gis bya dgos so snyam nas/ zong khyer te yul gzhan du song ba las/ de mthar gyis gang na de'i ma de 'dug pa'i gnas der phyin nas grong der song ba las/ smad 'tshong ma de'i khyim dang thag nye ba zhig tu zong bzhag pa'i sar zong rnams bzhag nas 'dug go// bud med de yang gar song bar tshong pa rnams la 'dri bar byed de/ khyed kyis gnas ga ge mo zhig na/ tshong dpon ga ge mo zhig 'jug pa'i bu shes sam zhes 'dri bar byed de/ de nas de dag na re/ ded dpon 'byung po zhes bya ba yod de/ de'i pha ni shi'o zhes zer ro// de nas phyi zhig na khye'u de nyid kyi g.yog 'khor rnams la dris na/ de dag na re/ ded dpon 'byung po zhes bya ba de ni 'di yin no zhes zer ro// de nas bud med des smras pa/ ci'i phyir 'di'i

  414. 208a

    ming phas 'byung po zhes btags/ byis pa rnams kyis smras pa/ khyim bdag de la khyi 'byung po zhes bya ba zhig yod do// des 'di lam po che nas khyer te 'ongs nas de la byin pas na 'di'i ming yang 'byung po zhes gdags so/ / de nas bud med des bsams pa/ bdag gi bu ni 'di kho na yin no snyam ste/ de khye'u de'i thad du song nas khye'u de la gtam de dag thams cad bsnyad do/ / de lta bas na bu khyod nga'i bu yin no// nga ni khyod kyi ma yin no zhes byas so// de nas de thos ma thag tu khye'u des ma de smad 'tshong ma las nor gyis blus nas bdag gi khyim du khrid de khyim du bzhag go/ / khye'u de'i pha yang rgya mtsho'i gru'i don grub nas/ rang gi khyim du 'ongs te/ pha ma gnyis kyi mgul nas 'jus nas/ rdzas rnams nang du bzhag pa'i 'og tu rang gi gnas su song na/ chung ma de mi snang nas nges pha ma gnyis la dris so// bu mo de'i pha'i ming ni rlangs pa zhes bya ste/ des de'i ming las chung ma smos te/ yab yum rlangs pa'i bu mo de mi gda' na gar mchis zhes byas pa dang / de gnyis na re/ bu des ni khyod la chu gang ma byas te/ des nyes pa byas pas nged kyis khyim nas bskang de btang ngo zhes zer ro// de nas khye'us smras pa/ de'i lto na bu 'dug pa de ni bdag gi bu kho na lags na/ khyed kyis de bskrad pa nongs so zhes byas nas/ de de dang bral bas smos te/ rlangs pa'i bu mo gar song zhig gu zhes

  415. 208b

    bla zhing song ste/ su la yang 'dri zhing khyed kyis rlangs pa'i bu mo lha mthong ngam zhes zer nas/ de pha ma gnyis kyis thabs ji ltar byas kyang zhi bar byed ma nus te/ de sgren mor byung nas tha zhing / gang na de'i chung ma dang bu de 'dug pa'i gnas der phyin no// de nas de sgren mor byung la bla zhing phan tshun 'khyam pa las/ khye'u de'i khyim gyi sgor phyin te/ khye'us mthong nas ma la bsnyad pa/ yum mi zhig smos te/ rlangs pa'i bu mo gar song zhes bla zhing 'khyam mo zhes byas nas/ de thos ma thag tu bud med de dogs pa skyes te ma la de nyid jo bo ma yin nam snyam nas/ bdag nyid de'i thad du song ba dang / mthong ma thag tu des mi de ngo shes nas rang gi khyim du khrid de smras pa/ jo bo bdag ni rlangs pa'i bu mo de lags so zhes byas nas/ de thos ma thag tu mi des dran pa rnyed do// de nas bud med des/ mi de la smras pa/ jo bo bdag ni khyod kyi btsun mo lags/ 'di ni khyed kyi sras lags kyis tshur spyon/ bdag cag gi khyim du bzhud do zhes byas nas/ bud med des mi de khrus byed du bcug nas kha spu dag bcos te gos bskon nas/ mthar gyis rang gi khyim du dong ngo // dge slong dag ji snyam du sems/ de'i tshe bud med du gyur pa gang yin pa de ni chos byin ma 'di nyid yin te/ de'i tshe yang 'di skye bo mang pos bstod nas tshegs chen pos tshangs par spyod pa'i gnas

  416. 209a

    bsrungs la/ da ltar yang 'di skye bo mang pos bstod nas/ tshogs chen pos tshangs par spyod pa'i gnas bsrungs so// bam 'o bcu gnyis pa/ / gcod pa rnam pa gnyis la/ gcod pa dang po ni/ gleng gzhi mnyan du yod pa na bzhugs te/ tshe dang ldan pa mo'u 'gal gyi bu ni lugs kyis dus dus su sems cad dmyal bar rgyu bar byed/ yi dgas kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / btse ba la sogs pa'i sdug bsngal gang yin pa de dag mi rnams la rjod par byed do// phyir 'ongs nas yi dgas rnams kyi bkres pa dang / skom ba dang / 'bar ba dang / bsreg pa dang / btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ skyo bar gyur nas kyang gong du khyad par thob par 'gyur ro// de nas phyi zhig na tshe dang ldan pa mo'u 'gal gyi bu

  417. 209b

    chen po dud 'gro'i nang du rgyu bas chas nas/ mnyan du yod pa nas mi snang bar gyur te/ de rgya mtsho'i 'gram du 'greng ba dang / de rgya mtsho chen po la byings rim pa gsum yong de/ chu byings dang po la ni dpag tshad nyi khri brgyad stong yod de/ de'i nang na ni chu srin nya zhes bya ba rnams gnas te/ de dag gi lus la ni dpag tshad bdun brgya yod de/ gang gi tshe de dag bkres pa na/ de dag chu'i byings dang po las gyen du 'thon cing kha gdangs te 'khod nas/ de'i nang na de dag pas ches chung ba'i srog chags gang yin pa de dag chu dang bcas par de rnams kyi kha'i nang du 'bab bo/ / de nas gang gi tshe de rnams kyi lto gang bar gyur pa de'i tshe/ chu de dag sos btsags nas phyir pho'o// lto na srog chags gnas pa de dag gis ni zas kyi bya pabapa byed do/ / chu'i byings gnyis pa la ni dpag tshad nyi khri lnga stong yod de/ de'i nang na ni chu srin nya mid ces bya ba rnams gnas te/ de dag gi lus la ni dpag tshad stong bzhi brgya yod de/ de rnams gang gi tshe bkres pa na/ de dag chu'i byings dang po dang / gnyis pa'i nang nas gyen du 'thon te zas kyi bya ba byed do// chu'i byings gsum pa na ni dpag tshad nyi khri lnga stong yod de/ de'i nang na ni chu srin nya ming mid ces bya ba rnams gnas/ de dag gi lus la ni dpag tshad nyis stong tshig brgya yod de/ gang gi tshe de rnams bkres pa

  418. 210a

    na/ chu'i byings dang po dang / gnyis pa dang / gsum pa'i bar nas 'thon te kha zas kyi bya ba byed do// de'i tshe rgya mtsho chen por chu srin nya ming ces bya ba zhig skyes nas/ de bas ches chung ba'i chu srin gzhan rnams de'i drung du lhags te/ de'i lus las dum bu rgyang grags gcig tsam dang / rgyang grags gnyis tsam dang / rgyang grags gsum tsam dang / dpag tshad brgya tsam gyi bar du bcad cing bcad cing za bar byed do// rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong bar 'gyur ro/ / de sdug bsngal gyis nyam thag nas skyabs 'dod pa'i phyir thang la byung ste/ de thang la byung ba dang / de'i las las skyes pa'i gnod sbyin lnga brgya byung nas/ de dag gis zhag lnga brgya'i bar du sta re lnga brgyas rtsib ma zhi gcig gcog par byed do// de nas gang gi tshe de dag gis thabs de lta bus de'i rtsib ma thams cad bcag pa dang / de na tsha mi bzod pas skad chen po phyung ste/ phyir yang rgya mtsho chen po'i nang du 'gres nas/ 'gres pa'i khrag gis rgya mtsho chen po 'khrugs shing / 'dres pa'i khrag gis mtsho bzhin du snang ngo / / de de'i nang du song nas yang srog chags de dag gis za bar byed do// de thang la byung yang rung / chu'i nang na 'dug kyang rung ste sdug bsngal chen po nyams su myong ngo //

  419. 210b

    de nas che dang ldan pa mothu 'gal gyi bu chen pos/ sems can 'dis las kyi zhig byas na/ las de'i rnam par smin pas sdug bsngal 'dis thurnams su mu tsig sums ste/ sems pa la gas na/ de ba g-i mtha' las byung ba'i bsas gtan gyi bar du khrims par gas / de'i cha rabs kyi mtha' martogasate/ du nang nas shi 'phos nas/ dung 'gro 'ba' zhig tu skyes shing / de lta bu'i sdug bsngal rnams rnyed pa tsam zhig shes par zad nas/ des bsams pa/ bcom ldan 'das ma gtogs par 'di'i las bdag la lung ston par nus pa gzhan su zhig yod de/ de'i ye shes gzigs pa thogs pa med pa dang / ye shes gzigs pa mtha' yas pa dang ldan pa yin no snyam nas/ rgya mtsho'i 'gram nas mi snang bar gyur te/ mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston no/ / de nas tshe dang ldan pa mo'u 'gal gyi bus bsams pa/ 'di ni bdag gis skye bo mang po skyo ba bskyed pa'i phyir bcom ldan 'das la zhu ba'i dus yin no snyam du// bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'jug nas/

  420. 211a

    tshe dang ldan pa mo'u 'gal gyi bu chen pos/ bcom ldan 'das la 'di skad ces gsol to// btsun pa 'di na bdag gi lugs kyis dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgyid lags so/ / slar mchis na sa yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang dud 'gro rnams gcig la gcig za ba las gyur pa'i sdug bsngal rnams dang / mi rnams kyi tshel khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la/ de ltar skyo bar gyur nas kyang gong du khyad par thob par 'gyur lags so/ / btsun pa bdag dud 'gro'i nang du rgyu bar chas nas/ mnyan du yod pa nas mi snang bar gyur te rgya mtsho'i 'amam

  421. 211b

    du mchis pa las/ btsun pa bdag de na mchis pa na/ sems can lus dpag tshad nyis stong tshig brgya mchis pa de lta bu zhig mthong ste/ de bas ches chung ba'i chu srim gzhan rnams de'i drung ngu lhags nas/ de'i lus dum bu rgyang grags gcig tsam dang / rgyang grags gnyis tsam dang / rgyang grags gsum tsam dang / dpag tshad brgya tsam gyi bar du bcad cing bcad cing za bar bgyid de/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong bar 'gyur lags so// de na tshas nyam thag nas skyabs 'tshal ba'i slad du thang la byung ste/ de thang la byung ba dang / de'i las las skyes pa'i gnod sbyin lnga brgya byung nas/ de dag gis zhag lnga brgya'i bar du sta re lnga brgyas rtsib ma/ zhigacig gcod par bgyid do// de nas gang gi tshe de dag gis thabs de lta bus de'i rtsib ma thams cad bcad pa dang / de na tsha mi bzod pas skad po che phyung ste/ phyir yang rgya mtsho chen po'i nang du 'gres nas/ de 'gres pa'i khrag gis rgya mtsho chen po 'khrugs shing 'dres la/ khrag gi mtsho bzhin du gda' 'o// de de'i nang du mchis nas yang srog chags de dag gis za bar bgyid de/ de skam la mchis kyang rung / chab kyi nang na mchis kyang rung ste/ sdug bsngal chen po nyams su myong lags na/ btsun pa sems can de las ci zhig bgyis na/ las

  422. 212a

    de'i rnam par smin pas dud 'gro'i nang du skyes nas de lta bu'i sdug bsngal rnyed par gyur lags/ / de nas bcom ldan 'das kyis/ tshe dang ldan pa mo'u 'gal gyi bu la bka' stsal pa/ mo'u 'gal gyi bu sems can de ni sdig pa'i las byed byed pa yin te/ des sdig pa'i las mang du byas so// mo'u 'gal gyi bu sngon byung ba 'das pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas ri bo zhes bya ba 'jig rten du byung ste/ de'i tshe khyim bdag gcig gis yang dag par rdzogs pa'i sangs rgyas ri bo'i bstan pa la dad pa rnyed nas/ des de nyid las chos thos te/ phyir mi 'ong ba'i 'bras bu mngon sum du byas so// de'i chung ma ni gzugs bzang zhing blta na sdug la mdzes pa zhig ste/ khyim thab kyis/ de la smras pa/ bzang mo bdag gis ni bcom ldan 'das las tshangs par spyod pa'i gzhi lnga mnos zin gyis/ gal te khyod 'di nyid na 'dug na yang ngas khyod la zas dang gos sbyin par bya'o/ / 'on te skyes pa gzhan 'dod na yang bdag gis khyod de la sbyin par bya'o// des smras pa/ jo bo bdag la skyes pa gzhan cang mi 'tshal gyis/ bdag ni jo bo nyid kyi bsnyen bkur bgyid do zhes byas so// bud med de ni gzugs byad bzang ba'i phyir skye bo mang pos yid sprin du bya ba zhig ste/ gnas de nyid na sna la gtogs

  423. 212b

    pa zhig 'dug pa des bsams pa/ ma la bdag bud med de dang phrad par bya ba'i thabs lta ci yod snyam nas/ phyi zhig na des gser dngul mang po khyer te/ dbang po dag dang chas te/ dge bsnyen de'i thang du song nas smras pa/ khyim ba dag kho bo rgyal po'i sku don zhig la ga la zhig tu 'gro dgos te/ rdzas 'di dag bdag gis der bskur mi nus kyis/ bdag de nas phyir ma log gi bar du re zhig khyod la gdams so zhes byas so// khyim bdag de ni rang bzhin gyis drang po zhig ste/ des rdzas de dag dbang po'i mdun du blangs so// de nas sna la gtogs pa des de'i lag tu rdzas de dag gtad de/ rang gi khyim du song nas thag gi tshad tsam lon pa dang / dge bsnyen de'i thad du song nas smras pa/ khyim bdag ngas khyod la rdzas gtams pa de dag phyir byin cig ces byas pa dang / dge bsnyen des de'i rdzas dbang po med bzhin du phyir byin no// de nas des rdzas de dag rang gi khyim du bzhag nas// phyir yang dpang po rnams khrid de dge bsnyen de'i thad du song nas smras pa/ khyim bdag kho bos rgyal po'i dkor khyod la gtams pa de dag phyir byin cig ces byas pa dang / des smras pade ni bdag gis khyod la phyir byin zin no/ / sna la gtogs pa des smras pa/ ngas khyod las cung zad kyang blangs pa med do zhes byas nas/ sna la gtogs pa des/ dbang po de

  424. 213a

    rnams la smras pa/ khyed dge bsnyen 'di'i byed stangs la ltos shig/ bdag gis dbang po rnams kyi mdun na 'di la rdzas gtad na/ 'dis bdag gcig pu'i lag tu ga la byin zhes smras nas/ des de rgyal po'i pho brang du khrid de shugs kyis pham par byas nas/ rang gi khyim du khrid de 'breng rlon gyis gzhus nas dam rab tu byas pas de'i rtsib ma thams cad zhom nas de de kho na'i rkyen gyis shi'o/ / de nas sna la gtogs pa des/ mi de bu yang med pas khyim rdzas thams cad kyang bsdus/ chung ma de yang rang gi khyim du khrid de smras pa/ bzang mo khyod kyi phyir bdag gis bya ba ma yin pa 'di lta bu byas pa yin gyis/ da ni khyim 'dir nga ni khyod kyi khyim tha ba yin no// khyod ni nga'i chung ma yin no zhes byas so/ / de nas dge bsnyen gyi chung mas smras pa/ bdag gis 'di'i rus bu'i mchod pa yang ma bgyis par khyod dang lhan cig tu ji ltar 'du bar bgyi yis/ re zhig bdag gis sngar 'di'i rus bu la mchod pa bgyis la/ de'i 'og tu gdod jo bo ji ltar dgyes pa bzhin du bgyi'o zhes byas nas/ de thos ma thag tu sna la gtogs pa des dge bsnyen de'i rus bu dur khrod du khyer te rus bu bsregs nas phyogs gcig tu 'dug pa dang / bud med des me 'bar ba de'i nang du mchongs nas de'ang de nyid du sha'o// de nas sna la gtogs pa de

  425. 213b

    rgyu des sems khongs su chud de/ bdag gis bya ba ma yin pa 'di lta bu ci dang ci bya bya/ bdag bud med dang phrad pa la yang ma phan la/ 'di la yang bdag gis mi rigs pa 'di lta bu byas kyis med do snyam mo/ / dge slong dag ji snyam du sems de'i tshe sna la gtogs par gyur pa gang yin pa de ni chu srin de nyid yin te/ des dge bsnyen de 'breng rlon gyis gzhus te rtsib ma rnams bcom nas/ de yang de'i rkyen gyis shi bar gyur pa'i las de'i rnam par smin pas sna la gtogs pa de sems can dmyal ba'i nang du skyes te/ de der lo mang po// lo stong phrag mang por sems can dmyal ba'i sdug bsngal myong nas/ shi 'phos te dus las 'das nas dud 'gro'i nang du skyes te/ dud 'gro'i nang nas shi 'phos shing / dud 'gro'i nang 'ba' zhig tu skyes nas sdug bsngal de lta bu sha stag rnyed do// de nas bcom ldan 'das la/ tshe dang ldan pa mo'u 'gal gyi bus 'di skad ces gsol to/ / btsun pa sems can de sdug bsngal de las nam thar par 'gyur lags/ bcom ldan 'das kyis bka' stsal pa/ mo'u 'gal gyi bu ma 'ongs pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas yid bzangs zhes bya ba 'jig rten du 'byung bar 'gyur te/

  426. 214a

    de'i ring la sems can 'di'i las de zad de/ mir skyes nas de'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byed par 'gyur te/ der 'di sdug bsngal mthar thug par 'gyur ro// de nas de thos ma thag tu skye bo mang po de dag skyo ba chen po skyes te/ bcom ldan 'das kyis de dag gi yid skyo bar gyur par thugs su chud nas/ de dang 'thun pa'i chos bstan te/ de nas stan de nyid la 'khod bzhin du kha cig gis ni dro bar gyur pa bskyed/ kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras/ bu mngon sum du byas so// kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas/ dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang

  427. 214b

    sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol chos la 'bab/ dge 'dun la bab par byas te bkod do// gcod pa phyi ma ni/ gleng gzhi mnyan du yod pa na bzhugs te/ tshe dang ldan pa mo'u 'gal gyi bu ni lugs kyis dus dus su sems can dmyal bar rgyu bar byed/ yi dgas kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed/ phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang yin pa de dag mi rnams la rjod par byed do// phyir 'ongs nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ skyo bar gyur nas kyang gong du khyad par thob par

  428. 215a

    'gyur ro/ / de nas phyi zhig na tshe dang ldan pa mo'u 'gal gyi bu chen po yi dgas kyi nang du rgyu bar chas nas/ mnyan du yod pa nas mi snang bar gyur te/ de rgya mtshor 'gram du 'greng ba dang / des der yi dgas lus che la ro smad ni tha ma la 'dug/ rked pa yan chad ni lus gnyis su 'dug ste/ de yang 'bar zhing rab tu 'bar la/ kun tu rab tu 'bar te phan tshun du rgyu ba de la/ de'i las las skyes pa'i lcags kyi mche ba can gyi seng ge dang / stag dang / gzig dang / dred la sogs pa de'i drung du lhags nas/ de'i sha rnams bcad cing bcad cing za bar byed pa dang / las las skyes pa'i mi dag kyang lhags nas/ ral gri rnon po dag gis ro stod gcod par byed de/ de'i ro stong gcig bcad na cig shos 'byung bar 'gyur la/ ci shos bcad na yang gcig 'byung bar 'gyur te/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong la/ skang po che 'thon cing phan tshun du 'bros te/ las las skyes pa'i mi de dag kyang de'i phyi bzhin 'brang ba zhig mthong nas/ tshe dang ldan pa mo'u 'gal gyi bu chen pos bsams pa/ sems can 'dis las ci zhig byas na/ las de'i rnam par smin pas sdug bsngal 'di lta bu myong zhig gu snyam nas/ des bltas na yang dag par rdzogs pa'i sangs rgyas 'od srungs

  429. 215b

    kyi gsung rab la rab tu byung ste/ dge slong zhal ta byed par gyur nas/ des dge slong dbyar gnas bcas pa rnams kyi gos dang rnyed pa rnams bcad de/ dgun gnas bcas pa rnams la phul/ dgun gnas bcas pa rnams kyi gos dang rnyed pa rnams bcad de/ dbyar gnas bcas pa rnams la phul/ gnyis ka las bcad de kha cig ni bdag nyid kyis spya / kha cig ni gzhan dag la phul ba mthong ngo // de nas tshe dang ldan pa mo'u 'gal gyi bu chen pos bsams pa/ 'di'i las ni bdag gis yang dag par mngon sum du mthong mod kyi/ 'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam nas/ rgya mtsho'i 'gram nas mi snang bar gyur te/ mnyan du yod par song ba dang / de'i tshe bcom ldan 'das 'khor ba rgya phrag du ma'i gung la bzhugs te chos ston no// de nas tshe dang ldan pa mo'u 'gal gyi bu chen po sa bcom ldan 'das 'khor brgya phrag du ma la chos ston pa mthong ngo / / mthong nas kyang des bsams pa/ 'di ni bdag gis bcom ldan 'das la yi dgas kyi lung bstan pa zhu ba'i dus yin no snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig/

  430. 216a

    tu 'jug nas/ tshe dang ldan pa mo'u 'gal gyi bu chen pos/ bcom ldan 'das la 'di skad ces gsol to// btsun pa 'di na bdag gis lugs kyis dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgying lags so/ / slar mchis nas yi dgas rnams kyi bkres pa dang / sa pa dang / 'bar ba dang / bsreg pa dang / btso ba la sogs pa'i sdug bsngal rnams dang / dung 'gro rnams gcig la gcig pa pa las gyur pa'i sdug bsngal rnams dang / mi rnams kyi chol thos sha thang ba'i sdug bsngal rnams dang / lha rnams kyi 'chi 'pho dang / lung ba dang / rnam par ba dang / rnam par 'jig pa'i sdug bsngal gang lags pa de dag mi rnams la rjong par bcing de/ rgyangs na de dag sde bar 'gyur la/ de ltar spro bar gyur nas kyang gengs byung par tha yar 'gyur lags so/ / btsun pa bdag yi dgas kyi nang du rgya zhing mchi mchi ba las/ yi dgas lus che ba la ro sdang ni tha mal par mchis/ rkang pa yan chad ni lus gnyis

  431. 216b

    su mchis te/ de yang 'bar zhing rab tu 'bar la/ kun tu rab tu 'bar te/ phan tshun du rgyu la/ de'i las las skyes pa'i lcags kyi mche ba can gyi seng ge dang / stag dang / gzig dang / dred la sogs pa de'i drung ngu lhags nas/ de'i sha rnams bcad cing bcad cing za bar bgyid pa dang / yas las skyes pa'i mi dag kyang lhags nas/ ral gri rnon po dag gis ro stong gcod par bgyid de/ de ro stong gcig bcad na cig shos 'byung bar 'gyur la/ cig shos bcang na yang gcig 'byung bar 'gyur te/ rgyu des na nges sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong la/ skang po che 'thon cing phan tshun 'thos te/ las las skyes pa'i mi de dag kyang de'i bzhin 'brang ba zhig mthong lags/ btsun pa yi dgas des las ci bgyis na/ las de'i rnam par smin pas sdug bsngal de lta bu rnyed par gyur lags nas bcom ldan 'das kyis/ tshe dang ldan pa moru 'gal gyi bu chen po la bka' sprul pa/ mo ru 'gal gyi bu sems can de ni sdig pa byed byed pa yin te/ des sdig pa mang byas so/ / mo'u 'gal gyi bu sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa

  432. 217a

    dang zhabs su ldan pa/ bde gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i bstan pa la sems can 'di rab tu byung nas zhal ta byed par gyur te/ des der dge slong dbyar gnas bcas pa rnams kyi gos dang rnyed pa rnams bcad de/ dgun gnas bcas pa rnams la phul/ dgun gnas bcas pa rnams kyi gos dang rnyed pa rnams bcad de/ dbyar gnas bcas pa rnams la phul/ gnyis ka las bcad de kha cig ni bdag nyid kyis spyad/ kha cig ni gzhan dag la phul lo// mo'u 'gal gyi bu ji snyam du sems/ / de'i tshe zhal ta byed par gyur pa gang yin pa de ni yi dgas 'di kho na yin te/ des der dbyar gnas bcas pa rnams kyi gos dang rnyed pa rnams bcad de/ dgun gnas bcas pa rnams la phul/ dgun gnas bcas pa rnams kyi gos dang rnyed pa rnams bcad de/ dbyar gnas bcas pa rnams la phul ba'i las de'i rnam par smin pas ni rkeng pa yan chad lus gnyis su 'dug par gyur te/ las las skyes pa'i mi rnams de'i drung ngu lhags nas/ de dag gi ral gri rnon pos de'i ro stong gcod par byed de/ de'i ro stod

  433. 217b

    gcig bcad na cig shos 'byung bar 'gyur la/ cig shos bcad na yang gcig 'byung bar 'gyur ro// de gnyis ka las bcad de kha cig ni bdag nyid kyis spyad/ kha cig ni gzhan dag la phul ba'i las de'i rnam par smin pas ni lcags kyi mche ba can gyi seng ge dang / stag dang / gzig dang / dred la sogs pa byung nas de dag gis de'i sha rnams bcad cing bcad cing za bar gyur to/ / de nas bcom ldan 'das la/ tshe dang lnga la mo'u 'gal gyi bu chen pos 'di skad ces gsol to// btsun pa sems can de sdug bsngal de la sa na ma thar par 'gyur lags/ bcom ldan 'das kyis bka' stsal pa/ mo'u 'gal gyi bu ma 'ongs pa'i dus na/ nyan thos dang rang sangs rgyas kyi sa las 'das pa yang dag par rdzogs pa'i sangs rgyas gzhan gyis mi thub pa zhes bya ba 'jig rten tu 'byung bar 'gyur te/ de'i ring la sems can de'i las zad nas mir skye bar 'gyur la/ de nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byed par 'gyur te/ der 'di sdug bsngal mthar thug par 'gyur ro/ / de nas de thos ma thag tu skye bo de dag skyo ba chen po skyes te/ bcom ldan 'das kyis de dag yid skyo bar gyur par thugs su

  434. 218a

    chud nas/ de dang 'thun pa'i chos bstan nas/ des na 'khor de dag gi nang nas/ kha cig gis ni dro bar gyur pa bskyed do// kha cig gis ni spyi po dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so/ / kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do// za ba zhes bya ba ni/ gleng gzhi mnyan du yod pa na bzhugs te/ tshe dang ldan pa mo'u 'gal gyi bu ni lugs

  435. 218b

    kyis dus dus su sems can dmyal bar rgyu bar byed/ yi dgas kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ de phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang yin pa de dag mi rnams la rjod par byed do/ / phyir 'ongs nas yi dgas rnams kyi bkres pa dang / skom pa dang / 'bar ba dang / bsreg pa dang / btso pa la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshe la khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam pa 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ de ltar skyo bar gyur nas kyang gong du khyad par thob par 'gyur ro/ / de nas phyi zhig na tshe dang ldan pa mo'u 'gal gyi bu chen po yi dgas kyi nang du rgyu bar chas nas/ mnyan du yod pa na sa mi snang bar gyur te/ ri byin d+ya'i nags khung du phyin pa dang / des der yi dgas 'bar zhing rab tu 'bar la/ kun tu rab tu 'bar te/ me lce gcig tu 'bar la/ de gal te thang la 'gro na ni de'i las las skyes pa'i lcags

  436. 219a

    kyi mche ba can gyi seng ge dang / stag dang / gzig dang / dred la sogs pa 'byung bar 'byung bar 'gyur te/ de dag gis ni de'i sha rnams bcad cing bcad cing za bar byed de/ rgyu des na nges sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong la phan tshun du rgyug pa zhig mthong ngo // mthong nas kyang sems pa la zhugs te/ sems can 'dis las ci zhig byas na/ las de'i rnam par smin pas sdug bsngal 'di lta bu nyams su myong bar gyur cig gu snyam nas/ des bltas na/ yang dag par rdzogs pa'i sangs rgyas 'od srungs kyi gsung rab la rab tu byung ste/ dge slong zhal ta byed par gyur te/ des dge 'dun gyi zhal ta byed pa na/ dge 'dun gyi dkor dang / mchod rten gyi dkor dang / 'tshe ba nar ma dang / phyogs bzhi'i dge 'dun gyi dkor la ci dga' dgur spyad la/ gzhan dag la yang byin pa mthong ngo // de nas tshe dang ldan pa mo'u 'gal gyi bu chen pos bsams pa/ 'di'i las ni bdag gis kyang yang dag par mngon sum du mthong mod kyi/ 'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam nas/ ri byin bya'i nags khung nas mi snang bar gyur te/ mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston no//

  437. 219b

    de nas tshe dang ldan pa mo'u 'gal gyi bu chen pos bcom ldan 'das 'khor brgya phrag du ma la chos ston pa mthong ngo // mthong nas kyang nges bsams pa/ 'di ni bdag gis bcom ldan 'das la yi dgas kyi lung bstan pa zhu ba'i dus yin no snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ / phyogs gcig tu 'dug nas/ tshe dang ldan pa mo'u 'gal gyi bu chen pos/ bcom ldan 'das la 'di skad ces gsol to// btsun pa 'di na bdag gi lugs kyis dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid de/ slar mchis nas sems can dmyal ba rnams su bcad pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgyid lags so// slar mchis nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i

  438. 220a

    sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la/ de ltar skyo bar gyur nas kyang gong du khyad par thob par 'gyur lag so/ / btsun pa bdag yi rigs kyi nang du rgyu bar chas nas/ mnyan du yod pa nas mi snang bar gyur te/ ri byin bya'i nag sa khung du mchis pa las/ btsun pa bdag gis der yi dgas lus che la 'bar zhing kun tu 'bar te/ kun tu rab tu 'bar la/ me lce gcig tu 'bar zhing tshig pa dang / de thang la mchis na de'i las las skyes pa'i lcags kyi mche ba can gyi seng ge dang / stag dang / gzig dang / dred la sogs pa 'byung bar 'gyur te/ de gal te chab kyi nang du mchis na ni/ lcags kyi mche ba can gyi chu srin rnams 'byung bar 'gyur/ gal te de nam mkha' la mchis na ni lcags kyi mchu can gyi bya rog rnams dang / chun lag rnams 'byung bar 'gyur te/ de dag gis de'i sha rnams bcad cing bcad cing za bar bgyid de/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba nyams su myong nas phan tshun rgyug pa zhig mthong lags na/ btsun pa sems can de las ci zhig bgyis na/ las de'i rnam par smin pas sdug bsngal de lta bu rnyed par gyur lags// bcom ldan 'das kyis bka' stsal pa/ mo'u 'gal gyi bu sems can de ni sdig pa

  439. 220b

    byed byed pa yin te/ des sdig pa'i las mang du byas so// mo'u 'gal gyi bu sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la sems can de rab tu byung nas/ dge slong zhal ta byed par gyur te/ des der sbyin bdag dang / sbyin pa po mang po dag la bskul nas/ dge 'dun dang mchod rten gyi phyir bslangs te/ des dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor ma thub nas/ thams cad ci dga' dgur spyad la/ gzhan dag la yang byin te/ des der dge 'dun las bcad nas/ bdag nyid kyis kyang ci dga' dgur spyad la gzhan dag la yang byin pa'i las de'i rnam par smin pas yi dgas kyi nang du skyes nas/ der nam mkha' la gnas pa dang / chu la gnas pa dang / thang la gnas pa'i srog chags rnams kyis bza' bar gyur to/ / de nas de thos ma thag tu skye bo mang po de dag skyo ba chen po skyes te/ bcom ldan 'das kyis de dag gi yid skyo bar gyur par thugs su chung nas/ de dang 'thun

  440. 221a

    pa'i chos bstan te/ des na der kha cig gis ni dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu mngon sum du byas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so// kha cig gis ni 'khor los sgyusbyar ba'i rgyal por 'gyur ba'i sa bon bskyed do/ / kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do/ / 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do// dga' byed ces bya ba ni/ gleng gzhi mnyan du song ba na bzhugs te/ tshe dang ldan pa dga' byed ni lugs kyis dus dus su sems can dmyal bar rgyu bar byed/ yaM dgas kyi nang du rgyu bar byed/ dud 'gro'i nang du rgyu bar byed/

  441. 221b

    mi'i nang du rgyu bar byedad/ lha'i nang du rgyu bar byed de/ phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / btse ba la sogs pa'i sdug bsngal gang yin pa de dag mi rnams la rjod par byed do/ / phyir 'ongs nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang / dung 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis thos nas skyo bar 'gyur la/ skyo bar gyur nas kyang gong du khyad par thob par 'gyur ro// de nas phyi zhig na tshe dang ldan pa dga' byed yi dgas kyi nang du rgyu bar chas nas mnyan du yod pa nas mi snang bar gyur te/ rgya mtsho'i 'gram du phyin pa dang / des der yi dag sa mo sgren mor 'dug la rang gi skras yog pa/ sdong po me reg ma 'dra la/ dmus long du 'dug pa/ de'i kha sna nas srin bu mang po 'byung ba dang / des dpag tshad du mar dri mnam pas gang bar byed de/ phan tshun rgyug la/ de gang dang gang du 'gro ba de dang der khyi sngo bkra dag gis

  442. 222a

    gtses nas/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste/ skang po che 'thon la phan tshun rgyug pa zhig mthong ngo / / mthong nas kyang tshe dang ldan pa dga' byed kyis bsams pa/ sems can 'dis las ci byas shig gu snyam ste/ des bltas na/ yang dag par rdzogs pa'i sangs rgyas 'od srungs kyi bstan pa la rab tu byung ste/ dge slong ma 'thab krol can kha tshags ngan pa zhig tu gyur nas/ des der dge slong ma mang po zhig la yang dag pa ma yin pa'i skur pa btab ste/ de dag gi rnyed pa'i bar chad byas pa mthong ngo // de nas tshe dang ldan pa dga' byed kyis bsams pa/ 'di'i las kyi 'bras bu ni bdag gis kyang mngon sum du mthong mod kyi/ 'on kyang skye bo mang po skyo ba bskyed pa'i phyir bdag gis bcom ldan 'das la zhu'o snyam nas/ de'i rgya mtsho'i 'gram nas mi snang bar gyur te/ mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston ni/ de nas tshe dang ldan pa dga' byed kyis bcom ldan 'das 'khor brgya phrag du ma la chos ston pa mthong ngo / / mthong nas kyang des bsams pa/ 'di ni bcom ldan 'das la yi dgas kyi lung bstan ba zhu ba'i dus yin no snyam nas/ bcom ldan 'das ga la ba der song ste phyin nas/

  443. 222b

    bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas/ tshe dang ldan pa dga' byed kyis/ bcom ldan 'das la 'di skad ces gsol to/ / btsun pa 'di na bdag gi lugs kyis rtag tu dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyid/ slar mchis nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgyid lags so/ / slar mchis nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs ba'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshel khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la/ de ltar skyo bar gyur nas kyang gong du khyad par thob par 'gyur lags so/ / btsun pa bdag yi dgas kyi nang du rgyu bar chas nas mnyan du yod pa nas mi snang bar gyur te/ rgya mtsho'i

  444. 223a

    'gram du mchis na/ btsun pa bdag gis der yi dgas mo sgren mor mchis la/ rang gi sgras yog pa/ sdong po me reg ma 'dra ba/ dmus long du mchis pa/ de'i kha sna nas srin bu mang po 'byung ba dang / des dpag tshad du mar dri mnam pas gang bar bgyid de phan tshun rgyug le/ de gang dang gang du mchi ba de dang der khyi sngo bkra dag gis gtses nas rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste/ skang po che 'thon la phan tshun rgyug pa zhig mthong lags na/ btsun pa yi dgas mo des las ci bgyis na/ las de'i rnam par smin pas sdug bsngal de lta bu rnyed par gyur lags// bcom ldan 'das kyis bka' stsal pa/ dga' byed yi dgra / mo de ni sdig pa'i las byed byed pa yin te/ des sdig pa'i las mang du byas so// dga' byed sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA sir khyim bdag phyug cing nor mang la longs spyod che ba/ yongs su

  445. 223b

    'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ thabs zla ba ba lngas chung ma blangs nas/ de de dang ldan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / bu mo gzugs zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyang ba srings nas/ de gang gi tshe cher skyes pa de'i tshe/ des yang dag par rdzogs pa'i sangs rgyas 'od srungs kyi bstan pa la ngad pa rnyed nas des pha ma la gsol te/ rab tu byung nas des sde snod gsum bslabs te/ rig pa dang grol ba'i spobs pa dang ldan pa'i chos smra ba/ gos dang / zas dang / mal cha dang / stan dang / nad gsos dang / sman zong rnams rnyed par gyur nas/ des sbyin bdag dang / sbyin pa po rnams la bskul te/ gtsug lag khang dang / mchod rten dang bcas pa rnam pa thams cad yongs su rdzogs par byed du bcug nas/ sangs rgyas la sogs pa dge slong ma'i dge 'dun la phul te/ dge slong ma rnams la yo byad thams cad kyis bsnyen bkur byas pa las/ de byad gzugs dang / lang tsho dang / cho rigs dang / rgyags pas

  446. 224a

    dregs nas/ tshul khrims bsrung ma nus te/ des dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor dga' dgur spyad nas/ dge slong ma rnams kyis tsher te/ de dge slong ma'i gtsug lag khang nas bskrad nas/ de khro ba'i kun nas dkris pa chen po skyes te khro ba'i dbang du gyur nas/ slob pa dang mi slob pa'i dge slong ma mang po zhig la tshig rtsub cing brlang ba'i zug rngu dag gis spyos te/ khyim nas khyim du yang 'di dag ni tshul khrims 'chal pa dang / sdig pa'o chos can yin nozhes/ de dag gi bsngags pa ma yin pa brjod la/ de dag gi rnyed pa dang bkur sti yong ba'i bar chad kyang byas/ sdang mig gis kyang bltas so// dga' byed de ji snyam du sems/ de'i tshe dge slong mar gyur pa gang yin pa de ni da ltar gyi yi dgas mo de yin te/ des slob pa dang mi slob pa'i dge slong ma rnams kyi rnyed pa dang bkur sti'i bar chad byas pa'i las de'i rnam par smin pas yi dgas su skyes so/ / des dge slong ma rnams la tshig rtsub cing brlang ba'i zug rngus spyo ba'i las de'i rnam par smin pas ni kha sna nas srin bu mang po byung bar gyur to// de nas khyim nas khyim du de dag gis bsngags pa ma yin pa brjod pa'i las de'i rnam par smin pas ni dpag tshad du mar dri mnam pas gang bar gyur to// des dge slong ma rnams la sdang mig

  447. 224b

    gis bltas pa'i las de'i rnam par smin pas ni dmus long du gyur to/ / des dge 'dun gyi dkor dang / mchod rten gyi dkor dang / 'tshe ba nar ma dang / phyogs bzhi'i dge 'dun gyi dkor 'jog cing dga' dgur spyad pa'i las de'i rnam par smin pas ni khyi sngo bkra dag gis bza' bar gyur te/ des ni las de lta bu byas so// de nas de thos ma thag tu skye bo mang po de dag skyo ba chen po skyes te/ bcom ldan 'das kyis de dag gi yid skyo bar gyur par thugs su chud nas/ de dang 'thun pa'i chos bstan te/ des na der kha cig gis ni dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so/ / kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang /

  448. 225a

    kha cig gis ni bla na med pa yang dag par rdzogs pa'i sangs rgyas kyi sa bon skyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do// / bam po bcu gsum pa// sdug gu zhes bya ba ni/ gleng gzhi mnyan du yod pa na bzhugs te/ dang ldan pa mo'u 'gal gyi bu ni lugs kyis dus dus su sems can dmyal bar rgyu bar byed/ yi dgas kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar bye lha'i nang du rgyu bar byed de/ phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / btse ba la sogs pa'i sdug bsngal gang yin pa de dag mi rnams la rjod par byed do/ / phyir 'ongs nas yi dgas rnams kyi bkres pa dang / sgom pa dang / 'bar ba dang / bsreg pa dang / btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi chol khros sha thang ba'i sdug bsngal rnams dang / lha rnams kyi 'chi'i pho dang / lhung ba dang / rnam par 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ skyo bar gyur nas

  449. 225b

    kyang gong du khyad par thob par 'gyur ro/ / de nas phyi zhig na tshe dang ldan pa mo'u 'gal gyi bu chen po yi dgas kyi nang du rgyu bar chas nas/ mnyan du yod pa nas mi snang bar gyur te/ rgya mtsho'i 'gram du phyin pa dang / des der sha'i snag gu 'dra ba la gtsang khang phyur po tsam zhig 'dug ste/ de sa la 'dug na ni de la thog thag nas srog chags khab kyi mchu can sha stag za zhing 'dug la/ srog chags de dag za ches pas/ de gal te nam mkha' la 'phags na yang de'i lus thams cad me 'bar te/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba myong zhing 'dug pa zhig mthong nas/ tshe dang ldan pa mo'u 'gal gyi bu chen pos bsams pa/ sems can 'dis las ci zhig byas nas/ las de'i rnam par smin pas sdug bsngal 'di lta bu myong bar gyur cig gu snyam ste/ des bltas na yang dag par rdzogs pa'i sangs rgyas 'od srungs kyi bstan pa la rab tu byung nas/ dge slong zhal ta byed par gyur te/ des der dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor gang zag gcig pus spyad pa dang kha cig ni nye du rnams la yang byin/ kha cig ni khros nas mes bsregs pa'i las de'i rnam par smin pa des na/ sdug bsngal de lta bu dag rnyed par gyur par mthong ngo // de nas tshe dang ldan

  450. 226a

    pa mo'u 'gal gyi bu chen pos bsams pa/ 'di'i las ni bdag gis kyang yang dag par mngon sum du mthong mod kyi/ 'on kyang skye bo phal po che skyo ba bskyed pa'i phyir bdag gis bcom ldan 'das la zhu'o snyam nas/ rgya mtsho'i 'gram nas mi snang bar gyur te/ mnyan du yod par song ba dang / de'i tshe bcom ldan 'das 'khor brgya phrag du ma'i gung la bzhugs te chos ston no/ / de nas tshe dang ldan pa mo'u 'gal gyi bu chen pos bsams pa/ 'di ni bdag gis skye bo mang po skyo ba bskyed pa'i phyir bcom ldan 'das la zhu ba'i dus yin no snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas/ tshe dang ldan pa mo'u 'gal gyi bu chen pos/ bcom ldan 'das la 'di skad ces gsol to// btsun pa 'di na bdag gi lugs kyi dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid/ lha'i nang du rgyu bar bgyin/ slar mchis nas sems can dmyal ba rnams kyi gcod pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgyid lags so//

  451. 226b

    slar mchis nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang / dud 'gro rnams gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang lags pa de dag mi rnams la rjod par bgyid de/ rgyu des na de dag skyo bar 'gyur la/ skyo bar gyur nas kyang gong du khyad par thob par 'gyur lags so/ / btsun pa bdag yi dgas kyi nang du rgyu bar chas nas/ mnyan du yod pa nas mi snang bar gyur te/ rgya mtsho'i 'gram du mchis na/ btsun pa bdag gis der sems can sha'i snag bu 'dra ba la/ gtsang khang phyur po tsam zhig mchis te/ de sa la mchis na ni de la thog thag nas srog chags khab kyi mchu can sha stag 'tshal zhing mchis la/ srog chags de dag 'tshal ches pas/ de gal te nam mkha' la 'phags na yang de'i lus thams cad zhugs su 'bar te/ rgyu des na des sdug bsngal drag pa dang / mi bzad pa dang / tsha ba dang / yid du mi 'ong ba myong zhing mchis pa zhig mthong lags na/ btsun pa sems can des las ci zhig bgyis na/ las de'i rnam par smin pas

  452. 227a

    sdug bsngal de lta bu rnyed par gyur lags/ / bcom ldan 'das kyis bka' stsal pa/ mo'u 'gal gyi bu sems can de ni sdig pa'i las byed byed pa yin te/ des sdig pa'i las mang du byas so// mo'u 'gal gyi bu sngon byung ba 'das pa'i dus na/ sems can de yang dag par rdzogs pa'i sangs rgyas 'od srungs kyi bstan pa la rab tu byung ste/ dge slong zhal ta byed par gyur nas/ des der dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor gang zag gcig bus spyad la/ kha cig ni bsags te bzhag pa las/ phyi zhig na nad kyis thebs nas des nor de dag nye du rnams la sbyin par byas pa dang / dge slong dag gis mthong nas bkag pa las de 'di snyam du sems te/ gal te 'di dag gis bkag pa lta na/ bdag gis ci nas de dag la yang mi phan la/ bdag lo yang mi phan par bya'o snyam mo// de nas de khros pas nor de dag thams cad mes bsregs so/ / de'i 'og tu de de nas shi phos te/ shi nas yi dgas su skyes te/ des der dge 'dun gyi dkor dang / mchod rten gyi dkor dang / 'tsho ba nar ma dang phyogs bzhi'i dge 'dun gyi dkor gang zag gcig pus spyad pa'i las de'i rnam par smin pas ni lus sha snag gu 'dra la gtsang khang phyur po tsam du gyur nas/ srog chags khab kyi mchu can

  453. 227b

    dag gis bza' bar gyur to/ / des der dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor mes bsregs pa'i las de'i rnam par smin pas ni gal te steng gi nam mkha' la 'phags na yang lus me 'bar bar 'gyur te/ sems can des las de lta bu byas pas na/ las de'i rnam par smin pas sdug bsngal de lta bu nyams su myong ngo / / de nas de thos ma thag tu skye bo phal po che de dag skyo ba chen po skyes te/ bcom ldan 'das kyis de dag gis yid skyo bar gyur par thugs su chud nas/ de dang 'thun pa'i chos bstan te/ des na der kha cig gis ni dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do/ / kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so/ / kha cig gis ni rab tu byung nas dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do// / kha cig gis ni stobs kyi 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang /

  454. 228a

    kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do// bur 'du shes bya ba ni/ gleng gzhi mnyan du yod pa na bzhugs te/ de'i tshecho mnyan du yod pa na bram ze rgas shing 'khogs la gtugs pa zhig 'jug pa las/ de don zhig la rgyal bu rgyal byed kyi tshal du song ba dang / bram ze des bcom ldan 'das 'khor brgya phrag du ma'i gung la bzhugs te chos ston pa mthong ngo / / mthong nas kyang bram ze de bcom ldan 'das la bu'i 'du shes bskyed de/ de bu'i 'du shes kyis bcom ldan 'das thad du song nas/ bcom ldan 'das kyi mgul nas 'jus so// de nas dge slong dag gis bram ze des bcom ldan 'das kyi mgul nas 'jus pa mthong nas bkag go// de nas der bcom ldan 'das kyis/ dge slong rnams la bka' stsal pa/ dge slong dag bram ze 'di ni bu la byams pa'i phyir nga'i mgul nas 'jus pa yin gyis/ ma dgag cig/ gal te bram ze 'di nga'i mgul nas 'jur ma bcug na kha nas khrag dron po byung ste 'chi bar 'gyur ro// de nas bram ze des bcom ldan 'das kyi mgul nas 'khyud zin nas/ chos mnyan pa'i

  455. 228b

    phyir bcom ldan 'das kyi spyan sngar 'jug go/ / de nas bcom ldan 'das kyis de'i bsam pa dang / bag la nyal dang / khams dang / rang bzhin dang / shes pa thugs su chud nas/ de dang 'thun pa'i chos bstan te/ de nas bram ze des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong bas stan las langs te/ bla gos phrag pa gcig tu gzar na sa/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas de la bcom ldan 'das kyis dge slong tshur shog ces bya ba'i tshig gis/ dge slong tshur shog tshangs par spyod cig ces bka' stsal nas/ tshig de skad ces bka' stsal pa'i mod la/ skra dang kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to// 'dir smras pa/ de bzhin gshegs pas tshur zhes bka' stsal pas/

  456. 229a

    de ni skra bregs lus la snam sbyar gyon/ sangs rgyas kyi ni dgongs pas gos bgos nas// mod la dbang po rab tu zhi bar gnas/ de nas bcom ldan 'das kyis de la lung phog nas/ des brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid khams gsum pa'i 'dod chags dang bral bar gyur na sa/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag gis/ sangs rgyas bcom ldan 'das la gsol pa/ btsun pa gzigs lags/ mi stong phrag du mas bcom ldan 'das mthong yang sus kyang bu la byams pa'i tshul gyis bcom ldan 'das la bu dang phrad do zhes mchi zhing brgyugs te mgul nas 'judzub ma bgyis lags so/ / bcom ldan 'das kyis bka' stsal pa/ bram ze 'di ni nga'i 'das ma thag pa'i tshe rabs

  457. 229b

    lnga brgyar bar gyur pas na/ sngon gyi bag chags de kho nas 'di nga la bu la byams pa'i tshul gyis bu dang phrad do zhes zer zhing nga'i mgul nas 'jus pa yin no// dge slong dag gis gsol pa/ btsun pa gal te bram ze 'di bcom ldan 'das kyi 'das ma thag pa'i tshe rabs lnga brgyar yab tu gyur pa lags na/ ci'i slad du da ltar yang yab tu ma gyur lags/ bcom ldan 'das kyis bka' stsal pa/ byang chub sems dpa' rnams ni sbyin pa la sred pa dang / nges par 'byung ba la sred pa yin na/ tshe rabs thams cad du 'dis nga'i sbyin pa'i bar chad byas nas der ngas smon lam btab pa/ phyin chad 'di nga'i phar ma gyur cig ces byas pa dang / gzhan yang zas gtsang gis kyang kye ma bdag sangs rgyas kyi yab tu gyur cig ces smon lam btab pa'i phyir ro/ / dge slong dag gis gsol pa/ btsun pa zas gtsang gis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa dgu bcu rtsa gcig pa la yang dag par rdzogs pa'i sangs rgyas rnam par gzigs zhes bya ba zhig 'jig rten du byung ste/ de'i tshong dpon zhig gis bshos gsol nas smon lam btab pa/ dge ba'i rtsa ba 'dis bdag gang dang gang nga se ba de dang ci ya la longs song che ba

  458. 230a

    rigs su skye bar sheg cig/ skyes bu rin po che 'di lta bu yang bdag gi bur gyur nas/ bdag gis de kho na mnyes par byas te/ mi mnyes par byed par ma gyur cig ces nges smon lam btab bo zhes bka' stsal nas/ dge slong dag gis/ bcom ldan 'das la zhus pa/ btsun pa bram ze 'dis las ci zhig bgyis na/ las ngo rnam par smin pas dbul por yang gyur la/ rgas nas gdod rab tu byung lags/ bcom ldan 'das kyis bka' stsal pa/ byang chub sems dpa' rnams ni sbyin pa la sred pa dang / nges par 'byung ba la sred pa yin na/ 'dis dus thams cad du nga'i sbyin pa'i bar chad dang / rab tu 'byung ba'i bar chad byas te/ 'dis dus thams cad du nga'i sbyin pa'i bar chad dang rab tu byung ba'i bar chad byas pa'i las de'i rnam par smin pos 'di dbul por gyur la/ rgas nas gdod rab tu byung ngo // gsol pa/ btsun pa bram ze 'odis las ci bgyis na/ las de'i rnam par smin pas bcom ldan 'das mnyes par bgyis te/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi bstan pa la

  459. 230b

    rab tu byung ste/ der 'dis tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs ba thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe de'i dus na yang dag par rdzogs pa'i sangs rgyas 'od srungs kyi bstan pa la rab tu byung bar gyur pa gang yin pa de ni bram ze 'di nyid yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par

  460. 231a

    gyur nas/ 'dis nga mdzes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / zhing pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze dbul po zhing las kyis 'tshe ba zhig gnas te/ bram ze'i zhing rgyal bu rgyal byed kyi tshal nas thag mi ring ba zhig na 'dug la/ bram ze de yang sgrub phod pa zhig ste/ de nang par sngar thong gshol thogs nas zhing gi steng du song ngo // de'i chung ma bram ze mo de yang bram ze de'i bza' ba dang bca' ba rnams khyer te zhing gi steng du song nas/ de gnyis ka zan zos te/ bram ze mo ni khyim du song ngo // bram ze de ni zhing de nyid na zhing las byed cing 'dug pa las/ de phye 'phreng khyim du 'gro ba na bram ze dang bram ze mo gnyis kyis bcom ldan 'das dang nyan thos chen po rnams mnyan du yod pa na yang dang yang du phyi nang du gshegs pa mthong ngo / / mthong nas kyang de gnyis bcom ldan 'das dang nyan thos chen po rnams la shin tu dga' ba skyes te/ de nyis dga' bar gyur nas phan tshun gcig la gcig smras pa/ bdag cag gnyis da ltar sdug bsngal bar gyur pa ci yang rung ba de dag thams cad ni sngon bsod nams ma byas pa'i phyir te/ gal te da ltar yang bdag cag gnyis kyis

  461. 231b

    dge ba'i las ci yang ma byas na ni bdag cag gnyis 'di nyid nas shi 'phos nas kyang dbul po 'ba' zhig tu 'gyur ro zhes zer ro/ / de nas bram zes smras pa/ bzang mo bdag cag gnyis nor gang gis sbyin pa dag sbyin zhing / bsod nams dag byed par 'gyur ba'i nor de lta bu bdag cag gnyis la ci yang yod dam/ chung mas smras pa/ jo bo de skad ma gsung zhig/ dge sbyong go'u ta ma 'di ni rkang gnyis kyi nang na bsod nams kyi zhing yin te/ 'di la ni bkur sti chung ngu byas pa tsam gyis kyang 'bras bu shin tu che bar 'gyur bas/ dge sbyong gos ta ma 'di la bdag cag gnyis kyis bshos dbul bar bya'o/ / 'di la phul na bdag cag gnyis kyi dbul ba'i rgyun chad par 'gyur ro// bram zes smras pa/ khyod ci dga' ba bzhin du byas song la bza' ba dang bca' ba gtsang ma bzang po mang po dag shoms te nang par phyir byung nas/ gang gi tshe dge sbyong go'u ta ma mnyan du yod par bsod snyoms la gshegs pa de'i tshe bdag cag gnyis kyis zhing gi steng na 'dug bzhin du bshos dbul lo/ / bram ze mos smras pa/ jo bo ji ltar dgyes pa bzhin du bgyi'o zhes byas nas/ bram ze mo de rang gi khyim du song ste/ bza' ba dang bca' ba gtsang ma bzang po mang po bshams te/ nang par sngar langs nas zhing gi steng du song ste/ rgyal bu rgyal byed kyi tshal logs su kha bltas nas

  462. 232a

    bcom ldan 'das gshegs pa la sdod cing 'jug go/ sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul pa/ rnam par thar pa brgyad la bsams gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrog pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la rnam par gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ swA ni ngas ngan song nas phyung ste/ mahA ras dang / thar pa dang / 'bras bu la gnas par bya/ su ni nyes par spyod pa'i 'dam du bying ba las lag nas zang bar bya/ su ni 'phags pa'i nor bdun med pa las 'phags pa/

  463. 232b

    nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ bram ze dang bram ze'i chung ma gnyis gdul ba'i dus la bab po snyam du dgongs nas/ snga dro sham thabs dang chos gos gsol te/ lhung bzed pa snams nas/ mnyan du yod pa logs su chas te gshegs pa dang / bram ze de dang bram ze mo de gnyis kyis bcom ldan 'das thag ring po zhig nas mthong ngo // mthong nas kyang bcom ldan 'das ga la ba de logs su song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das zhing 'di nyid du bdag cag gnyis kyis phul ba'i bshos zhal cig gsol du ci gnang zhes byas nas/ bcom ldan 'das kyis de gza' bran gnyis la cang mi gsung

  464. 233a

    bas gnang ngo / / de nas bram ze des bcom ldan 'das cang mi gsung bas gnang bar rig nas/ bcom ldan 'das kyi gdan bshams te/ bcom ldan 'das gdan bshams pa la bzhugs su gsol zhes byas so/ / de nas bcom ldan 'das gang na bshams pa la bzhugs so// bram ze dang bram ze mo de gnyis kyis/ sangs rgyas bcom ldan 'das bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas nas ci bzhed pa bstabs so// rang gi lag nas bza' ba dang bca' ba gtsang ma bzang po mang po rnam grangs du ma sa tshim par byas te ci bzhed pa bstabs nas bcom ldan 'das bshos gsol zin te/ gsang sder ni gyur/ phyag ni bcabs par rig nas/ chos mnyan pa'i phyir spyan sngar 'khod do// de nas bcom ldan 'das kyis de gnyis kyi rkyen dang 'tsham pa'i chos bstan nas gshegs so/ / bcom ldan 'das gshegs nas ring po malon par bram ze de dang bram ze mo de gnyis kyis smon lam btab pa/ kye ma dge ba'i rtsa ba 'dis bdag cag gnyis kyi dbul ba'i rgyun chad par gyur cig/ bdag cag gnyis kyi zhing 'di la nas kyi myu gu skyes pa thams cad kyang gser gyi myu gur snang bar gyur la/ de dag kyang de kho na bzhin du gyur cig/

  465. 233b

    gzhan du ma gyur cig ces byas nas/ bram ze dang bram ze mo de gnyis kyis de skad ces brjod pa'i mod la/ zhing de las skyes pa'i nas kyi myu gu thams cad gser du mthong ngo // mthong nas kyang bram ze mo des smras pa/ jo bo bdag cag gnyis kyis smon lam grub na/ rgyal po la ma gsol bar bdag cag gnyis kyis longs spyad par mi nus so zhes byas so/ / de nas bram ze des de thos ma thag tu rgyal po gsal rgyal ga la ba der song ste phyin nas rgyal po la gsol pa/ lha bdag cag gi zhing las gser gyi myu gu skyes kyis/ lha'i sku skal ba zhes pa'i rigs so zhes byas nas/ rgyal po gsal rgyal gyis bsams pa/ ma la bram ze 'di ma smyos sam snyam pa dang / rgyal pos bltas na blo gsal zhing dbang po zhi bar 'dug par mthong ngo / / mthong nas kyang yang bsams pa/ ma la de ltar gyur kyang srid dam snyam nas/ des rgyal po'i zham ring ba rnams btang ste/ de dag der dong na gser gyi myu gu ma mthong nas/ de dag gis phyir log ste rgyal po la gsol pa/ bram ze de ni sems la dbang ma mchis te/ de la gser gyi myu gu ga la mchis zhes byas so/ / de nas bram ze des yang lan cig song nas rgyal po gsal rgyal la gsol pa/ lha bdag gis ni gser gyi myu gu de dag nges par mthong gis/ lha'i sku skal ba zhes

  466. 234a

    par gsol zhes byas so/ / de nas rgyal pos bsams pa/ yang na ni bram ze 'di sngon bsod nams byas pa zhig yin no// yang na ni 'dis da ltar zhing bzang po zhig la sa bon btab bo snyam nas/ rgyal po de nyid bram ze de'i zhing gi steng du song na/ des kyang de na yod pa'i gser gyi myu gu ma mthong nas bram ze de la smras pa/ bram ze gal te khyod kyis gser gyi myu gu rnams mthong na/ khyod kyis ji tsam yongs su btang ba nga la byin cig byas so// de nas de thos ma thag tu bram ze nges zhing thog gi skal ba bcad de/ 'di ni lha'i bgyi'o/ / 'di ni bdag gi bgyi'o zhes byas pa dang / de skad ces brjod pa'i mod la/ rgyal po des kyang gser gyi myu gu mthong nas/ mthong ma thag tu rgyal po de ya mtshan du gyur te/ de ya mtshan du gyur nas bram ze de la smras pa/ bram ze khyod kyis las ci zhig byas na des khyod kyis dpal 'di lta bu thob par gyur/ bram zes gsol pa/ lha bdag gis dge sbyong go'u ta ma la bshos gsol lo/ / rgyal pos smras pa/ bram ze khyod kyis ni zhing bzang po la sa bon btab kyis/ seng la 'jigs shing bag tsha ba med par spyod cig/ sbyin pa dag kyang byin cig/ bsod nams ngag kyang gyis shig ces smras nas rgyal po song ngo // de nas bram ze des bsams pa/ bdag gis dpal 'di lta bu thob pa ci yang rung ba de

  467. 234b

    ngag thams cad ni bcom ldan 'das la brten te thob pa yin gyis/ bdag gis de kho na'i bka' drin bsab dgos so snyam nas/ des khyim gyi 'byor pa rgya chen po bshams nas// sangs rgyas la sogs pa dge slong gi dge 'dun zla ba gsum gyi bar du spyan drangs te/ yo byad thams cad sbyar nas/ mjug tu sangs rgyas la sogs pa dge slong gi dge 'dun bshos gsol te/ re re la ras zung re phul nas chos mnyan pa'i phyir spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na bram ze'i 'khor dang bcas pas stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te bden pa mthong nas/ bram ze des bsams pa/ bdag gis khyim na 'dug pa btang ste/ bcom ldan 'das kyi bstan pa la rab tu byung nas/ chu bo rnams las brgal bar bya ba dang / sbyor ba rnams las yang dag par 'da' bar bya ba'i phyir brtson pa dang / bsgrub pa dang / 'bad par bya'o snyam nas sbyin pa dag byin zhing bsod nams dag byas nas/ bcom ldan 'das kyi bstan pa la rab tu byung ngo // de nas nges brtson pa dang / bsgrub pa dang / 'bad pas nyon mongs pa thams cad spangs

  468. 235a

    nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed ba dang / gus par smra ba'i gnas su gyur to// de nas dge slong dag gis/ bcom ldan 'das la zhus pa/ btsun pa bram ze 'dis las ci bgyis na/ las de'i rnam par smin pas zhing las skyes pa'i nas kyi myu gu rnams gser gyi myu gur mthong la/ 'dis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la yang rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge nga ngag 'das pa'i las kyi shas kyang yid la/ da ltar gyi las kyi shas kyang yod de/ 'das pa'i las gang zhe na/ dge slong dag sngon byung ba 'das pa'i dus na/ bskal pa bzang po 'di

  469. 235b

    nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la bram ze 'di rab tu byung nas/ des der tshe gcig tu tshangs par spyod pa spyad de 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe de'i dus na dge slong du gyur pa gang yin pa de ni bram ze 'di kho na yin te/ nges der tshe gcig tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das

  470. 236a

    de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas pa 'di ni sngon gyi las yin no// da ltar gyi las gang zhe na/ 'dis nga la zhal zas phul nas smon lam btab ste/ 'phral kho nar bdag gis dbul ba'i rgyun chad par gyur cig/ bdag gi nas kyi myu gu 'di rnams kyang gser gyi myu gur snang bar gyur la/ de dag kyang de kho na bzhin du gyur cig/ gzhan du ma gyur cig/ ces byas pa 'di ni da ltar gyi las yin no/ / shi ba zhes bya ba ni/ gleng gzhi rgyal po'i khab na bzhugs te/ de'i tshe rgyal po'i khab na bram ze zhig gnas pa des/ thabs zla ra bab pa las chung ma blangs te/ de de dang lhan cig tu rtse zhing dga' la dga' dgur spyod do// de nas phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs

  471. 236b

    bzang zhing blta na sdug la mdzes pa zhig btsas nas/ de'i btsas ston rgyas par byas te rigs dang 'thun par ming btags nas/ 'o ma dang / zho dang / mar dang / zhun mar dang mar gyi snying khus bskyeng bsrings so/ / de nas de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsa sgra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton byed du gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// bram ze de yang phyi zhig na sangs rgyas la dad pa dang / chos dang dge 'dun la dad par gyur te/ skyabs su 'gro ba dang / bslab pa'i gzhi rnams blangs so// de nas phyi zhig na des sangs rgyas la sogs pa dge slong gi dge 'dun bza' ba dang bca' ba gtsang ma bzang pos tshim par byas nas/ chos mnyan pa'i phyir spyan sngar 'dug go// bcom ldan 'das kyis kyang de dang 'tsham pa'i chos bstan nas gshegs so// de nas phyi zhig na bram ze de nad kyis

  472. 237a

    thebs nas/ de rtsa ba dang / sdong bu dang / lo ma dang / me tog dang / 'bras bu'i sman dag gis rim gro byas kyang sos par byed ma nus nas shi'o// den 'phos te dus las 'das nas sum cu rtsa gsum pa'i lha'i nang du skyes so/ / de nas bu nges pa'i rus bu de bya rgod kyi phung po'i ri las thag mi ring ba zhig tu phyung ste bsregs nas/ de drar khrod de nyid na 'dug cing mya ngan byed la sdug bsngal zhing smre sngags 'don te/ brang rdung zhing pha cig pa cig ces cho nges 'debs te phan tshun 'khyam zhing 'dug go/ lha'i bu 'am lha'i bu mo skyes ma thazag pa ni/ chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas mi las shi 'phos pa dang sum cu rtsa gsum pa'i lhar skyes pa dang / bcom ldan 'das la sogs pa'i dge slong gi dge 'dun la bkur sti byas te skyabs su song ba dang / bslab pa'i gzhi rnams bsrungs par des mthong ngo / / de nas sngon bram zer gyur pa'i lha'i bu de 'di snyam du sems te/ bdag zhag lon nas gzod bcom ldan 'das la lta ba dang / bsnyen bkur byed du 'gro ba ni bdag gi cha ma yin gyis/ bdag zhag ma lon par bcom ldan 'das la blta ba dang / bsnyen bkur bya ba'i phyir 'gro'o snyam mo// de nas sngon bram zer gyur pa'i lha'i bu rna cha gdub kor dag cing

  473. 237b

    'gul ba thogs pa/ lu sa dong shal dang se mo dos brgyan pa/ nor bu rin po che sna tshogs kyis spras pa'i cod pan can/ lus gur kum dang / ta ma la'i lo ma dang / spri ka la sogs pa byugs pa nges/ de nyid kyi mtshan mo lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thub bkang ste/ sum cu rtsa gsum pa'i lha'i nang nas mi snang bar gyur te/ bcom ldan 'das kyi spyan sngar phyin nas/ bcom ldan 'das la lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas de dang 'thun pa'i chos bstan to// des na sngon bram zer gyur pa'i lha'i bu des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ nges bden pa mthong nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas mi snang bar gyur te/ nges bltas na bu de dur khrong 'dug cing shin tu mya ngan byed

  474. 238a

    la sdug bsngal zhing smre sngags 'don te/ brang rdung zhing pa cig pa cig ces cho nges 'don te phan tshun du 'khyam zhing 'dug pa mthong ngo // mthong nas kyang bu'i thad du song ste smras pa/ bung ni mya ngan byar med par gyur gyis/ nga'i phyi ha cang mya ngan ma byed cig/ bus smras pa/ khyod su zhig/ lha'i bus smras pa/ nga ni khyod kyi pha yin no// bus smras pa/ khyod gang du skyes/ lha'i bus smras pa/ lha'i nang du skyes so// khus smras pa/ khyod kyis las ci zhig byas/ lha'i bus smras pa/ sangs rgyas la sogs pa dge slong gi dge 'dun la bkur sti byas te skyabs su 'gro ba dang / bslab pa'i gzhi rnams bsrungs so// bu nga'i mya ngan ma byed par khyod bdag gi mya ngan byos la/ bcom ldan 'das la skyabs su song zhig dang / de las khyod kyis legs pa thams cad 'byung bar 'gyur ro zhes byas nas/ lha'i bu de de nyid du mi snang bar gyur te/ sum cu rtsa gsum ba'i lha'i nang du song ngo / / bram ze'i khye'u des kyang pha'i ngag mnyan nas pha'i mya ngan spangs te/ bcom ldan 'das la yang dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i

  475. 238b

    bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na bram ze des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btung de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thang du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog go/ / des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa

  476. 239a

    lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag gis/ bcom ldan 'das la gsol pa/ btsun pa gzigs lags/ bram ze'i khye'u ma dad pa 'di phas dad pa phun sum tshogs pa bzhag ste/ 'di rab tu byung nas bcom ldan 'das mnyes par bgyis te/ mi mnyes par ma bgyis la/ nyon mongs pa thams cad spangs te/ dgra bcom pa nyid mngon sum du bgyis lags so/ / bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze'i khye'u 'di ma dad pa las/ phas ji ltar dad pa phun sum tshogs pa la bzhag pa dang / 'di rab tu byung nas tshe gcig tu tshangs par spyod pa spyad pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/

  477. 239b

    na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na bram ze zhig gnas pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u zhig btsas te/ gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges rjod kyi rig byed dang / mchod sbyin gyi rig byed dang snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kho ton bya ba dang / kha tonyon byed du gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// de nas phyi zhig na de'i pha sangs rgyas la mngon par dga' bar gyur/ chos dang dge 'dun la mngon par dga' bar gyur nas/ skyabs su 'gro ba dang / bslab pa'i gzhi rnams bzung ngo // de nas phyi/ zhig na de shi 'phos te dus las 'das nas lha'i nang du skyes so// bram ze'i khye'u de ni shin tu mya ngan byed cing smre sngags 'don te/ zang rdung zhing pha cig pha cig ces chong 'don te phan tshun

  478. 240a

    'khyam zhing 'dug go/ / de nas de'i phas tshor nas de'i thad du song ste smras pa/ bu cig nga ni mya ngan byar med par gyur gyis/ mya ngan ma byed cig/ bus smras pa/ khyod su zhig/ des smras pa/ nga ni khyod kyi pha yin no// bus smras pa/ khyod gang du skyes/ des smras pa/ lha'i nang du skyes so// bus smras pa/ khyod kyis las ci zhig byas des smras pa/ yang dag par rdzogs pa'i sangs rgyas 'od srungs la bsnyen bkur byas te/ skyabs su 'gro ba dang / bslab pa'i gzhi rnams bsrungs so// da khyod kyis nga'i mya ngan ma byed par khyod bdag gi mya ngan byos la/ yang dag par rdzogs sangs rgyas 'od srungs la skyabs su song zhig dang / de las khyod kyis legs pa thams cad 'byung bar 'gyur ro/ zhes byas nas/ lha'i bu de mi snang bar gyur to// bram ze'i khye'u des kyang pha'i ngag mnyan te/ yang dag par rdzogs pa'i sangs rgyas 'od srungs kyi bstan pa la rab tu byung nas/ des tsho gcig tu tshangs par spyod pa spyad de 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pabaspyad kyang / bdag gis yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas

  479. 240b

    bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te// dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe de'i dus na bram ze'i khye'u'i phar gyur pa gang yin pa de ni bram ze 'di nyid yin no/ / de'i tshe bur gyur pa gang yin pa de ni bu 'di nyid yin te/ de'i tshe yang 'dis pa las brten te dad pa rnyed nas tshe gcig tu tshangs par spyod pa spyad do// da ltar yang 'dis pa de / nyid las brten nas ngang pa rnyed de/ nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// / / bam po bcu bzhi pa// ko ka li ka zhes bya ba ni/ gleng gzhi rgyal po'i khab na bzhugs te/ de'i tshe tshe dang ldan pa ko ka li ka sab kang ri la// 'jigs byed ma'i tshal ri dgas kyi nags na gnas te/ sab kang ril gnas pa'i bram ze dang khyim bdag rnams kyis de la bkur sti byas/ bla mar byas/ ri mor byas/ mchod par byas te/ gos dang / zas dang / mal cha dang / stan dang / nad gsos dang / sman zong rnams rnyed par gyur nas/ des der dge slong 'ongs so cog la yo byad thams

  480. 241a

    cad kyis bsnyen bkur byed do/ / de'i tshe tshe dang ldan pa shA ri'i bu dang / mo'u 'gal gyi bu gnyis ljongs rgyu zhing dong ba las/ sa ba kang ril phyin te/ 'jigs byed ma'i tshal ri dgas kyi nags na gnas so/ / de nas dge slong ko ka li kas/ tshe dang ldan pa shA ri'i bu dang / mo'u 'gal gyi bu gnyis ljongs rgyu zhing song song ba las sa ba kang ri la phyin te/ 'jigs byed ma'i tshal ri dgas kyi nags na 'dug go zhes thos so// thos nas kyang tshe dang ldan pa shA ri'i bu dang / mo'u 'gal gyi bu gnyis ga la ba der song ste phyin nas/ tshe dang ldan pa shA ri'i bu dang / mo'u 'gal gyi gnyis kyi rkang pa la mgo bos phyag 'tshal te/ phyogs gcig tu 'jug go// phyogs gcig tu 'dug nas/ dge slong ko ka li kas tshe dang ldan pa shA ri'i bu dang / mo'u 'gal gyi bu gnyis la 'di skad ces smras so// bdag gis btsun pa khyed gnyis la yo byad thams cad kyis bsnyen bkur bgyis/ khyed gnyis thugs khral chung ngur bzhugs shig/ de gnyis kyis smras pa/ tshe dang ldan pa sab kang ri 'di ni shin tu 'jigs pa yin te/ 'dir gnas mi phod kyis/ bdag cag gnyis ni dgon pa rab tu dben pa'i gnas ga ge mo zhig tu song ste gnas par bya'o/ / ko ka li kas smras pa/ der bzhud na yang bdag gis yo byad thams cad kyis bsnyen bkur bgyi'o//

  481. 241b

    khyed gnyis kyis bdag la gnang bar mdzod cig/ tshe dang ldan pa shA ri'i bu dang / mo'u 'gal gyi bus smras pa/ gal te khyed shA ri'i bu dang / mo'u 'gal gyi bu gnyis dgon pa'i gnas ga ge mo zhig na 'dug go zhes sab kang ri 'dir su la yang mi zer na ni bdag cag gnyis 'dug par bya'o/ / gal te khyod kyis 'ga' zhig la byas na ni bdag cag gnyis kyis khyod la ma smras par gnas de nas gud du 'gro'o/ / ko ka li kas smras pa/ su la yang mi mchis gnang bar mdzod cig/ de nas de gnyis de la cang mi smra bas khas blangs so/ / de gnyis kyis de la khas blangs nas dgon pa'i gnas der song ste 'khod nas/ ko ka li kas de gnyis la yo byad thams cad kyis bsnyen bkur byed pa la zhugs so// / de nas de'i tshe sa pa kang ri de nyid na khyim bdag gcig gnas te/ khyim bdag de dge slong ko ka li ka la mngon par dga' bar gyur nas/ de de la yo byad thams cad kyis bsnyen bkur byed do/ / de nas phyi zhig na khyim bdag de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de gang gi tshe cher skyes pa de'i tshe/ dge slong ko ka laM ka de nyid las brten nas bcom ldan 'das kyi bstan pa la dang pa rnyed de/ skabs su 'gro ba dang / bslab pa'i gzhi rnams so// de nas

  482. 242a

    phyi zhig na de'i blo skyes pa/ bdag khyim na gnas pa btang la/ bcom ldan 'das kyi bstan pa rab tu byung ngo snyam ste/ tshe dang ldan pa ko ka li ka ga la ba der so nas smras pa/ btsun pa ko ka li ka bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / ko ka li kas smras pa/ gzhon nu khyod pha ma gnyis kyis gnang ngam/ des smras pa/ ma gnang ngo // ko ka li kas smras pa/ bu sangs rgyas rnams dang / sangs rgyas kyi nyan thos rnams ni pha ma gnyis kyis ma gnang bar rab tu 'byin par yang mi mdzad/ bsnyen par rdzogs par mi mdzad/ kyis/ song la pha ma gnyis la gsol cig dang / de'i 'og tu khyod kyis sla bar 'gyur ro// de nas 'phags pa ji ltar dgyes pa de bzhin du 'tshal lo zhes byas nas/ de pa ma'i thad du song ste smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol/ pha ma gnyis kyis smras pa/ bdag cag ni khyo shi ste 'bral bar 'gyur yang srid kyi khyod gson bzhin du gnang bar ni mi byed do/ / de nas phyi zhig na tshe dang ldan pa ko ka li ka ljongs dag tu don sgrub pa zhig byung nas

  483. 242b

    des lhan cig na gnas pa dang / nye gnas rnams tshe dang ldan pa shA ri'i bu dang / mo'u 'gal gyi bu gnyis la gtad de/ btsun pa gnyis bdag ni ljongs dag tu bgyi ba cung zad cig la mchis/ dge slong 'di dag btsun pa gnyis kyi lung dbog pa dang / yid la bgyid pa'i lung dang / zhu ba'i gnas stsal du stsol zhes byas nas/ des de gnyis la 'khor rnams gtad de ljongs rgyu zhing song ngo / / de song nas tshe dang ldan pa shA ri'i bu dang / mo'u 'gal gyi bu gnyis kyis bsams pa/ dge slong 'di dag la nges par 'byed pa'i cha bzhi'i dge ba cung zad yod dam med cig gu snyam ste/ de gnyis kyis bltas nas yod par gyur te/ bdag cag gnyis kho na la rag las par mthong nas/ dge slong de dag la tshe dang ldan pa mo'u 'gal gyi bus ni/ rdzu 'phrul gyi cho 'phrul gyis bskul/ tshe dang ldan pa shA ri'i bus ni rjes su bstan pa'i cho 'phrul gyis bskul nas/ de dag gis brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de dag gis dgra bcom pa nyid thob nas/ khyim bdag gi bu des kyang pha ma la gsol te/ gtsug lag khang du song nas dge slong de dag gi thad du song ste smras pa/ btsun pa ko ka li ka gar mchis/ de dag gis smras pa/ de ci la

  484. 243a

    dgos/ khye'us smras pa/ bdag de las rab tu 'byung bar 'tshal lo// dge slong dag gis/ de la smras pa/ khyod la ko ka li ka ci dgos/ tshe dang ldan pa shA ri'i bu dang / mo'u 'gal gyi bu 'di gnyis ni mchog gi zung zung bzang po yin gyis/ de gnyis las rab tu 'byung bar gyis shig ces byas so// de nas de thos ma thag tu khye'u de dga' ches nas/ tshe dang ldan pa shA ri'i bu dang / mo'u 'gal gyi bu ga la ba der song ste phyin nas/ de gnyis kyi rkang pa la mgo bos phyag 'tshal te/ chos mnyan pa'i phyir tshe dang ldan pa shA ri'i bu'i mdun du 'dug go/ / tshe dang ldan pa shA ri'i bus kyang de'i bsam pa dang / bag la nyal ba dang / khams dang / shes pa dang / rang bzhin rtogs nas/ de dang 'thun pa'i chos bstan te/ des na khye'u des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gza ra nas/ tshe dang ldan pa shA ri'i bu ga la ba de logs su thal mo sbyar ba btud de/ tshe dang ldan pa shA ri'i bu la 'di skad ces smras so/ / btsun pa shA ri'i bu bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na

  485. 243b

    bdag kyang bcom ldan 'das kyi thang du tshangs par spyod pa spyad par 'tshal lo zhes byas nas/ btsun pa shA ri'i bus smras pa/ bu khyod la pha ma gnyis kyis gnang ngam/ des smras pa btsun pa shA ri'i bu bdag ni gnang lags so/ / de nas tshe dang ldan pa shA ri'i bus khye'u de rab tu phyung ste/ bsnyen par rdzogs par byas nas/ de la lung yang phog go// des kyang brtson ba dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid thob nas/ pha ma gnyis bden pa rnams la bkod do/ / sbyin pa dang / sbyin pa'i bgo bsha' la yang btsud do// de nas phyi zhig na lha rnams kyis sab kang ril sgra bsgrags te/ kye khyed kyi grong 'dab na/ dge slong shA ri'i bu dang / mo'u 'gal gyi bu gnyis 'khod bzhin du khyed bsnyen bkur bya ba'i phyir de gnyis kyi thang du ma dong na/ khyed kyis ji snyed ci zhig ni legs par rnyed ces byas so// de nas sab kang r-i la gnas pa'i skye bo mang po rnams kyis sgra thos nas/ sde tshan nas sde tshan dang / pha tshan nas pha tshan dang / dga' sde nas dga' sder 'dus shing tshogs te/ sab kang ri las byung nas/ tshe dang ldan pa shA ri'i bu dang / mo'u 'gal gyi bu gnyis ga la ba der dong ste lpags nas/ rkang pa la phyag 'tshal te bkur sti byed pa la zhugs so// de nas tshe dang

  486. 244a

    ldan pa shA ri'i bu dang / mo'u 'gal gyi bu gnyis kyis bsams pa/ bdag cag gnyis kyi rnyed pa dang bkur sti byung gis/ gcod dgos so// bdag cag gnyis kyis kyang ko ka li ka la dam bcas te/ gal te khyod kyis bdag cag gnyis dgon pa 'di na gnas so zhes su yang ma ba snyad na ni/ bdag cag gnyis dgon pa'i gnas 'dir gnas par bya'o/ / de ste bdag cag gnyis kyi rnyed pa dang bkur sti zhig byung bar gyur na ni/ bdag cag gnyis kyis khyod la yang ma sbran par dgon pa'i gnas 'di nas 'gro'o zhes zin no snyam nas dgon pa'i gnas de nas dong ngo / / ko ka li ka'i slob ma dang nye gnas de dag gis smras pa/ bdag cag kyang slob dpon gnyis dang thabs cig tu mchi'o// shA ri'i bus smras pa/ khyed ni rgyal po'i khab tu deng zhig/ kho bo cag gnyis ni logs shig nas gdul bar bya ba'i don byed cing 'gro dgos la thams cad der dong nas zas kyis kyang brel bar gyur na mi rung ngo zhes byas so/ / de nas de thos ma thag tu dge slong de dag lam gud nas rgyal po'i khab tu dong ste 'khod do// tshe dang ldan pa shA ri'i bu dang / mo'u 'gal gyi bu gnyis ni lam gzhan zhig tu zhugs te/ de gnyis chas pa na char pa khad kyis dal nas ngal nas 'bab bo// ri bag bde na ri'i phug cig yod de/ der ma he rdzi mo zhig sngar nang du song ba las/ de mi

  487. 244b

    gnyis kyis nyal po byas nas/ de gnyis de nas phyir song ba'i 'og tu dge sbyong shA ri'i bu dang / so mra 'gal gyi bu gnyis der 'angs nas/ zug glon 'khod do// de nas de dag dgon pa'i gnas de nas dong ba'i 'og tu dge slong ko ka li ka yang rang gi gtsug lag khang du 'ongs te/ de der 'ongs na slob ma dang nye gnas rnams mi snang nas/ nges dge slong gzhan dag la dris pa/ / bdag gi slob ma dang nye gnas de dag gar dong / de dag gis smras pa/ dge slong shA ri'i bu dang / mo'u 'gal gyi bu gnyis dang lhan cig tu dong ngo / / de nas de thos ma thag tu dge slong ko ka li ka shas cher khros te/ de gnyis kyis bdag la ma bzlugs par song ba'i steng du/ bdag gi 'khor rnams kyang kha drangs te song ngo zhes zer ro/ / de de na 'dug pa na khyim bdag de yang thud du 'ongs nas ko ka li kas khyim bdag de la dris pa/ khyim bdag khyod kyi bu de gar song / khyim bdag gis smras pa/ rab tu byung ngo // su'i thad du rab tu byung / khyim bdag gis smras pa/ shA ri'i bu'i thad du rab tu byung ngo // de nas de thos ma thag tu de lhag par yang de gnyis la rab tu khros so/ / gzhan yang sa ba kang ri la gnas pa'i bram ze rnams kyis snying na ba'i tshig gis zher btab ste/ btsun pa ko ka li ka dge slong shA ri'i bu dang / mo'u 'gal gyi

  488. 245a

    bu gnyis 'dir byon pa lta zhig na/ khyod kyis bdag cag la ma sbran no zhes byas so// de nas de yul yul por gyur nas/ des bsams pa/ de gnyis kyis bdag gi 'khor khrid de der song mod kyi/ bdag gis kyang rang gi 'khor yal bar btang du mi rung gis/ bdag song la rang gi 'khor rnams bkug ste phyir 'ong bar bya'o snyam nas/ sham thabs bgos te lhung bzed thogs nas/ dge slong shA ri'i bu dang / mo'u 'gal gyi bu gar dong ba'i lam de nyid du chas nas/ de mthar gyis phug de kho na'i sgor phyin te/ dge slong ko ka li kas dge slong shA ri'i bu dang / mo'u 'gal gyi bu gnyis phug sgo de nyid na 'khod pa mthong nas/ de de gnyis kyi thang du song ste/ rkang pa la phyag 'tshal nas/ kun dga' ba'i gtam byas te phyogs gcig tu 'dug go// de nas de rnams kyi skad ma he rdzi mo des thos nas phug de nas phyir phyung ste dong ngo // de na de las ko ka li ka khum phrig zos nas/ tshe dang ldan pa de yang mtshan rtags la mkhas pa zhig ste/ des bltas na ma he rdzi mo de mi gnyis kyis nyal po byas par rig go/ de nas de mthong ma thag tu de la 'di lta bu'i sdig pa'i lta ba'i rnam pa skyes te/ 'di nyid ni sdig pa la dga' ba/ sdig pa'i chos dang ldan pa yin no zhes tshig rtsub cing brlang bas zhe bcad nas/ rgyal po'i/

  489. 245b

    khab tu song ste 'od ma'i tshal du zhugs nas/ lhung bzed dang chos gos bzhag ste/ dge slong mthong ngo cog la yang dag pa ma yin pa'i phyar ka btang ste/ de gnyis ni sdig pa la dga' ba/ sdig pa'i chos dang ldan pa yin no zhes zer ro// de nas skabs de dge slong dag gis thos nas bcom ldan 'das la gsol to// de nas der bcom ldan 'das kyis/ dge slong ko ka li ka la bka' stsal pa/ ko ka li ka/ ko ka li ka khyod dge slong shA ri'i bu dang / mo'u 'gal gyi bu gnyis shin du nges pa/ bye brag phyed pa/ tshangs pa mtshungs par spyod pa la sems dga' bar gyis shig/ khyod yun ring por gnod pa dang / mi phan pa dang / sdug bsngal bar gyur ta re/ des gsol pa/ bdag ni bcom ldan 'das la dad cing glo ba ches kyis kyang / dge slong shA ri'i bu dang / mo'u 'gal gyi bu gnyis ni sdig pa la dga' ba/ sdig pa'i sems dang ldan pa lags so/ / de bzhin du lan gnyis lan gsum gyi bar du dge slong ko ka li ka la bka' stsal to// ko ka li ka/ ko ka li ka khyod dge slong shA ri'i bu dang / mo'u 'gal gyi bu gnyis shin tu nges pa bye brag phyed pa/ tshangs pa mtshungs par spyod pa la sems dga' bar gyis shig/ khyod yun ring por gnod pa dang / mi phan pa dang / sdug

  490. 246a

    bsngal bar gyur ta re/ des gsol pa/ bdag ni bcom ldan 'das la dad cing glo ba ches kyis kyang / dge slong shA ri'i bu dang / mo'u 'gal gyi bu gnyis ni sdig pa la dga' ba/ sdig pa'i dbang du gyur pa lags so// de nas dge slong ko ka li kas lan gnyis lan gsum gyi bar du bcom ldan 'das kyis bka' stsal pa ltar ma byas stan las langs te song ngo / / de nas de song ma thag tu dge slong ko ka l-i ka de'i lus thams cad 'bras yungs 'bru tsam sha stag gis gang bar gyur to// de nas de'i 'og tu 'bras rgya sran tsam dang / rgya shug gi 'bru tsam dang / skyu ru ra tsam dang / bil ba'i 'bras bu tsam dang / ka pi ta'i 'bras bu tsam sha stag gis gang bar gyur to// de nas dge slong ko ka li kha nas khrag dron po skyug cing / bdag tshig go// bdag ni tshig go zhes zer te/ lus thams cad nas rnag khrag zag cing 'bab bzhin du lus dang bral te/ shi ba'i 'og tu ngan song ngan 'gro log par lhung ba sems can dmyal ba chen po pad+ma ltar gas pa chen por skyes so// de der skyes nas cher gyur te lus dpag tshad mang po dang ldan pas khyab par 'dug go/ / de nas de'i las las skyes pa'i mi ngag gis kha nas lce phyung ste lcags kyi sa gzhi 'bar zhing rab tu 'bar la kun tu rab tu 'bar ba'i steng du/ lcags kyi

  491. 246b

    buphur ba 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag gis brgyangs nas de'i lce la rmon pa dor lnga brgya byung ste/ thams cad kyang 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag go// las las skyes pa'i rmon glang de dag gi rmig pa yang spu gri'i so 'dra ste/ 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag ste/ de dag gis phyogs gang dang gang du gom pa dor ba'i phyogs de dang der kun tu mched cing / kun tu gtub la/ kun tu dmyal bar byed do/ / de'i kho ra khor yug nas kyang lcags kyi mche ba can gyi khyi dang / seng ge dang / stag dang / gzig dang / dom dang / dred la sogs pa dag lhags nas/ lus las sha rnams bcad cing bcad cing za bar byed do/ / steng gi nam mkha' las kyang lcags kyi mchu can gyi bya rgod dang / bya rog dang / chun lag rnams lhags nas/ sha rnams bcad cing bcad cing za bar byed de/ gzhi des na des sdug bsngal drag pa dang / mi bzad pa dang / tsha ba'i tshor ba nyams su myong ste/ skad ngan chen po 'thon no// de nas lha kha dog 'phags pa gsum nam sros pa na/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod //

  492. 247a

    / phyogs gcig tu 'khong nas/ lha gcig gis/ bcom ldan 'das la 'di skad ces gsol to// btsun pa lha sbyin gyi phyog su gtogs pa'i dge slong ko ka li ka ni gum pags so/ / lha gcig gis gsol pa/ btsun pa dge slong des ni shA ri'i bu dang / mo'u 'gal gyi bu gnyis la sdang ba'i sems bskyed pas/ sems can dmyal ba chen po pad+ma ltar gas pa chen por skyes lags so/ / lha gcig gis ni de'i tshe tshigs su bcad de smras pa/ skyes bu gcig cig skyes pa na// kha nas star byung bar gyur// nyes par smra ba'i tshig brjod pa// des ni bdag nyid gcod par byed// gang zhig smad 'os skye bo bsngags pa dang // bsngags par 'os pa'i skye bo smod byed pa// des ni kha nas rtsod pa de bsags te// rtsod pa des na bde ba myong mi 'gyur/ / 'di na tsho los bdag skugs pham pa'i tshe// rtsod pa gang yin de ni chung ba yin// bde bar gshegs pa la ni sems sdang ba'i// rtsod pa gang yin de ni shin tu che/ ngag dang yid kyis sdig byas 'phags la smad// des na lo grangs dung 'phyur phrag 'bum dang // bye ba phrag ni sum cu rtsa lnga'i bar// sems can dmyal ba nyams su myong bar 'gyur// lha gsum gyis de skad ces smras nas/ de nyid du mi snang bar gyur to// de nas bcom ldan 'das mtshan mo de 'das nas/ dge slong gi dge 'dun gyi gung la gdan bshams pa

  493. 247b

    la bzhugs so/ / bzhugs nas kyang dge slong rnams la bka' stsal pa/ dge slong dag mdang sum nam sros na lha kha dog 'phags pa gsum nga ga la ba der 'ongs te lhags nas/ nga'i rkang/ pa la mgo bos phyag 'tshal te/ phyogs gcig tu 'khod nas lha gcig gis/ nga la gsol pa/ btsun pa lha sbyin gyi phyogs su gtogs pa'i dge slong ko ka li ka ni gum lags so/ / lha gcig gis gsol pa/ btsun pa dge slong des ni shA ri'i bu dang / mo'u 'gal gyi bu gnyis la sdang ba'i sems bskyed pas/ sems can dmyal ba chen po pad+ma lta rags pa chen por skyes lags so/ / lha gcig gis ni de'i tshe tshigs su bcad de smras pa/ skyes bu gcig cig skyes pa na/ kha nas starare byung bar gyur// nyes par smra ba'i tshig brjod pa// des ni bdag nyid gcod par byed/ / gang zhig smad 'os skye bo bsngags pa dang // bsngags par 'os pa'i skye bo smod byed la// des na kha nas rtsod pa de bsags te// rtsod pa des na bde ba myong mi 'gyur/ / 'di ni tshe los bdag skyugs pham pa'i tshe// rtsod pa gang yin de ni chung ba yin// bde bar gshegs pa la ni sems sdang ba'i// rtsod pa gang yin de ni shin tu che/ / ngag dang yid kyis sdig byas 'phags la spang // des ni lo grangs dung 'phyar phrag 'bum dang // bye ba phrag ni sum su rtsa lnga'i b.re// sems can dmyal ba nyams

  494. 248a

    myong bar 'gyur/ / zhes smras so// dge slong dag gnan yang byed sems can dmyal ba rgyu bur can du skyes pa'i sems can rnams kyi tshe'i tshad nyan par 'dod dam/ dge slong rnams kyis gsol pa/ bcom ldan 'das kyis sems can dmyal ba chu bur can du skyes pa'i sems can rnams kyi tshe tshad bstan pa'i dus ni/ bcom ldan 'das 'di lags so/ / bde bar gshegs pa 'di lags so zhes gsol to// bcom ldan 'das kyis bka' stsal pa bzhin du dge slong rnams kyis mnyan nas/ dge slong dag 'o na legs par nyon la shin tu yid la zung zhig dang ngas bshad do/ / dge slong dag dper na yul ko sa la'i til gyi bang ba til khal bcu tshad nyi shu shong ba til gyis bkang ste/ byur bur sgyur ba de las mi la la zhig lo brgya brgya lon zhing til 'bru gcig gud du bor na/ dge slong dag yul ko sa la'i til gyi bang ba til khal bcu tshad nyi shu pa de ni thabs de lta bus ches myur du yongs su zad cing mthar thug par 'gyur gyi/ sems can dmyal ba chu bur can du skyes pa'i sems can rnams kyi tshe'i tshad ni zad par 'gyur ro zhes nga mi zer ro// chu bur can nyi shu'i tshad ji tsam pa ni/ chu bu rdol ba gcig gi tshad ngo // chu bur rdol nyi shu'i tshad ji tsam pa ni/ so thams thams gcig gi tshad do// so thams thams nyi shu'i tshad ji tsam

  495. 248b

    ba ni/ kyi hud zer gcig gi tshang ngo // kyi hud zer nyi shu'i tshad ji tsam pa ni/ a chu zer gcig gi tshad do// a chu zer nyi shu'i tshad ji tsam pa ni/ ut+pa la ltar gas pa gcig gi tshad do/ / ut+pa la ltar gas pa nyi shu'i tshad ji tsam pa ni/ pad+ma ltar gas pa gcig gi tshad do// pad+ma ltar gas pa nyi shu'i tshad ji tsam pa ni/ pad+ma ltar gas pa chen po gcig gi tshad yin te/ lha sbyin gyi phyog su gtogs pa'i dge slong ko ka li kas/ dge slong shA ri'i bu dang / mo'u 'gal gyi bu gnyis la sems sdang bar byas pas der skyes so// dge slong dag de bas na tha na sdong dum mi reg la yang snying na ba med par bya na/ rnam par shes pa dang ldan pa la lta ci smos zhes dge slong khyed kyis de ltar bslab par bya'o// dge slong dag gzhan yang gang zag gis gang zag gi tshod ma gzung zhig/ dge slong dag gang zag gis gang zag gis tshod bzung na nyams par 'gyur ro// dge slong dag nga'am nga dang 'dra ba sa ni gang zag gi tshod gzung du rung ngo / / dge slong dag de bas na gang zag gis gang zag gi tsheng gzung bar bya na/ gang zag des ni gang zag de la rgyu rnam pa brgyad kyis brtag par bya ste/ spyod ba dang / spyod yul dang / mdza' bo dang / grogs po dang / 'tsho ba dang / thos pa dang / lus kyi las dang / ngag gi las las brtag par bya'o// de ltar na brtags na de la

  496. 249a

    snying na par gyur pa gang yin pa de phyir ldog par 'gyur ro/ / dge slong dag de bas na 'di ltar bslab par bya ste/ tha na sdong dum me reg la yang bdag cag gis sems sdang bar mi bya na/ rnam par shes pa dang ldan pa lta la ci smos zhes dge slong khyed kyis de ltar bslab par bya'o// de skad ces bka' stsal nas/ de'i skabs su dge slong shA ri'i bu dang / mo'u 'gal gyi bu gnyis kyis bsams pa/ bdag cag gnyis kyis dge slong ko ka li ka brtag par bya'o snyam ste/ bod ma'i tshal nas mi snang bar gyur nas/ sems can dmyal ba pad+ma ltar gas pa chen por song ste/ de gnyis der phyin nas bltas na/ dge slong ko ka li ka de lta bur mthong ngo // mthong nas kyang de kho na la snying brtse ba'i sems nye bar bzhag ste/ ko ka li ka ga la ba der dong ngo // de nas ko ka li kas/ dge slong shA ri'i bu dang / mo'u 'gal gyi bu gnyis thag ring po zhig nas mthong ngo // mthong nas kyang de gnyis la lhag par snying na bar gyur te/ bdag 'dir skyes na yang sdig pa la dga' ba/ sdig pa'i chos dang ldan pa de gnyis ma btang ngo snyam mo// de nas de sems 'khrugs ma thag tu de'i lce la rmon pa der stong byung ngo / / de nas de gnyis kyis bsams pa/ kyi hud mi blun po 'di ni gsor med do snyam nas/ sems can dmyal ba chen po pad+ma ltar gas

  497. 249b

    pa chen po nas mi snang bar gyur te/ 'od ma'i tshal du song ngo // de gnyis der phyin nas tshangs pa mtshungs par spyod pa rnams skyo ba bskyed pa'i phyir de na de'i gnod pa ci 'dra ba de dag de kho na bzhin du bsnyad do/ / de nas de thos ma thag tu skye bo phal po che rnams shas cher skyo ba skyes so// de nas de gnyis de dag skyo bar 'gyur ba sems kyis rig nas de dang 'thun pa'i chos bstan te/ des na 'khor de dag las kha cig gis ni dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang // mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu mngon sum du byas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so// kha cig gis ni 'khor lo/ sbyar ba'i rgyal por 'gyur ba'i sa bon bskyed do// kha cig gis ni stobs kyi 'khor lo sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs por 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub

  498. 250a

    kyi sa bon bskyed do/ / 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te bkod do// de nas dge slong rnams kyis/ bcom ldan 'das la gsol pa/ btsun pa gzigs lags/ dge slong ko ka li kas dge slong shA ri'i bu dang / mo'u 'gal gyi bu gnyis la sems sdang bar bgyis nas/ sems can dmyal bar gzhol bar gyur lags so// bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'dis 'di gnyis kho na la sems sdang bar byas pas/ ji ltar sems can dmyal bar gyur pa nyon cig/ dge slong dag sngon byung ba 'das pa'i dus na/ grong khyer 'thab pa med ces bya ba na/ rgyal po sde chen zhes bya ba rgyal po byed de/ rgyal po sde chen gyi mdun na 'don bram ze mkhas shing gsal la yid gzhungs pa dang / bstan bcos thams cad kyi pha rol tu phyin pa 'dug pa de yul thams cad du bkur sti bya ba dang / bla mar bya ba dang / ri mor bya ba dang / mchod par bya ba dang / dgra bcom par bkur bar gyur te/ rnyed pa'i mchog dang grags pa'i mchog dang ldan par gyur to// de'i tshe nags khrod cig na drang srong g.yog 'khor lnga brgya dang ldan pa zhig gnas te/ de la bram ze'i khye'u mkhas shing

  499. 250b

    gsal la yid gzhungs pa dang / bstan bcos thams cad kyi pha rol tu phyin pa gnyis shig yod do// de nas phyi zhig na drang srong des bsams pa/ bdag gis dka' thub kyi tshal 'di na 'dug bzhin du skye bo la phan pa byed mi nus kyis/ mal bdag gis grong 'dab tu gnas bca' bar bya'o snyam nas/ gnas de nyid nas thag mi ring ba zhig tu yal ga dang lo ma'i spyil po phug nas 'dug ste/ de de na bkur sti bya ba dang / bla mar bya ba dang / ri mor bya ba dang / mchod par bya ba'i gnas su gyur to// de nas drang srong de yang rgas nas gnas de dag tu 'gro mi nus so/ / de'i bram ze'i khye'u de gnyis ni der 'gro zhing rgyal po rnams dang / blon po chen po rnams dang / phyug po rnams dang / khyim bdag rnams dang / pho brang 'khor gyi mi rnams dang / tshong dpon rnams dang / deng dpon rnams kyi thad du 'gro ste/ de gnyis der bkur sti bya ba dang / bla mar bya ba dang / ri mor bya ba dang / mchod par bya ba dang / dgra bcom par bkur bar gyur te/ de nas phyi zhig na mdun na 'don de'i sems skyes pa/ sngon bdag yul thams cad du bkur sti bya ba dang / bla mar bya ba dang / ri mor bya ba dang / mchod par bya ba'i gnas yin na/ da ni bdag gi rnyed pa dang bkur sti gang yin pa de bram ze'i khye'u 'di gnyis la 'phos na/ nga yang 'di gnyis med na ni phyir bdag gi rnyed pa dang

  500. 251a

    bkur sti snga mkho bzhin du 'ong bar 'gyur gyis/ bdag gis 'di gnyis la yang dag pa ma yin pa'i phyir kha btang ba dang / de gnyis bsnyen bkur med par 'gyur/ du dogs pas gud du 'gro bar 'gyur ro snyam nas/ mdun na 'don des thog thag tu yang dag pa ma yin pa'i phyir kha btang ste/ 'di gnyis ni 'dod pa la smod pa yin gyi/ 'di gnyis ni tshangs par spyod pa ma yin no zhes zer ro/ / de nas de gnyis kyi yang dag pa ma yin pa'i skur pa de drang srong des thos nas/ mdun na 'don de bkag ste/ bram ze khyod kyis bram ze'i khye'u 'di gnyis la sems sdang bar ma byed cig/ khyod yun ring por gnod pa dang / mi phan pa dang / sdug bsngal bar gyur ta re zhes byas so// de ltar drang srong des de yang dang yang du bkag kyang dgag par ma nus nas/ des de gnyis la sems sdang bar byas pas/ sems can dmyal bar gzhol bar gyur to// dge slong dag ji snyam du sems// de'i tshe de'i dus na drang srong rgan por gyur pa byang chub sems dpa'i spyod pa la gnas pa gang yin pa de ni nga nyid yin no// bram ze'i khye'ur gyur pa gang yin pa de gnyis ni shA ri'i bu dang mo'u 'gal gyi bu gnyis kho na yin no/ / de'i tshe mdun na 'don du gyur pa gang yin pa de ni ko ka li ka 'di nyid yin te/ de'i tshe yang 'di ngas bkag bzhin du 'di gnyis la sems sdang bar

  501. 251b

    byas pas/ sems can dmyal bar gnol bar gyur to// da ltar yang 'dings bkag bzhin du shA ri'i bu dang / mo'u 'gal gyi bu gnyis la sems sdang bar byas pas/ sems can dmyal bar gzhol bar gyur to/ / de nas dge sbyong rnams kyis/ bcom ldan 'das la zhus pa/ btsun pa shA ri'i bu dang / mo'u 'gal gyi bu gnyis kyis las bgyis na/ las de'i rnam par smin pas dge slong nges mang po'i nang du bden pa ma lags pa dang / yang dag pa ma lags pa dang / gsog dang brdzun gyi tshig dang / ga ma ma par pham pa'i chos kyis skur pa btab lags/ bcom ldan 'das kyis bka' stsal pa/ dge slong dag 'di gnyis kyis sngon las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ grong khyer rdul ldan zhes bya ba'i gnas cig gcig na//

  502. 252a

    dka' thub can g.yog 'khor lnga brgya dang ldan pa gnyis shig 'khod de/ grong khyer de na skye bo'i tshogs thams cad kyis bsnyer bkur bya ba dang / bla mar bya ba dang / ri mor bya ba dang / mchod par bya ba dang / dgra bcom par bkur bar gyur te/ rnyed pa'i mchog dang / grags pa'i mchog dang ldan par 'gyur ro// de'i tshe ri'i sul zhig na/ drang srong mngon par shes pa lnga dang ldan pa/ rdzu 'phrul che ba/ mthu che ba g.yog 'khor lnga brgya dang ldan pa zhig gnas te/ de yang bdag nyid che ba byams pa'i bdag nyid can/ snying rje dang ldan pa/ sems can la mnyes gshin pa/ sems can la phan pa la zhugs pa zhig ste/ des bsams pa/ dgon pa'i gnas na 'dug bzhin du ni bdag gis sems can la phan par byed mi nus kyis/ ma la bdag grong khyer rdul ldan du rten bcas te 'dug par bya gor ma chag/ bdag der 'dug dang skye bo phal po che la phan par byed nus par 'gyur ro snyam nas/ dgon pa'i gnas der ji srid du gnas nas/ g.yog 'khor lnga brgya dang chas te/ ri dgas kyi pags pa dang / shing shun gyi gos dang / 'khar ba dang ril ba dang / dgang gzar dang / blugs gzar rnams khyer te/ grong khyer rdul ldan du phyin nas/ de nags khrod cig tu gnas bcas te/ yal ga dang lo ma'i spyil po phub

  503. 252b

    nas 'dug go/ / de nas grong khyer rdul ldan na gnas pa'i skye bo mang pos de lus mdzes pa dang / sems mdzes pa dang / g.yog 'khor mdzes par mthong ngo // mthong nas kyang skye bo phal po che de dag drang srong de la shas cher dga' ba skyes so/ / de dag dga' ba skyes nas/ drang srong de la bkur stir byed/ bla mar byed/ ri mor byed/ mchod par byed yo byad thams cad kyis kyang bsnyen bkur byed do/ / drang srong des kyang der 'ong ba de dag la dus dus su chos ston no// de dag gis kyang de las chos thos nas/ kha cig ni drang srong de nyid kyi thad du rab tu byung ste/ bsam gtan bzhi dang / mngon par shes pa lnga bskyed do// kha cig ni khyim na gnas bzhin du dge ba bcu'i las kyi lam yang dag par blangs te gnas la/ drang srong de'i thad du yang dus gsum du blta ba'i phyir 'ongs te/ de phyin chad dka' thub can de dag gi thad du ni mi 'ong ngo // de nas phyi zhig na dka' thub can de dag gis bsams pa/ sngan chad ni grong khyer rdul ldan na gnas pa'i skye bo mang po rnams bdag cag la bkur sti byed/ bla mar byed/ ri mor byed/ mchod par byed de/ rnyed pa'i mchog dang / grags pa'i mchog dang shin tu ldan na/ drang srong 'di 'ongs nas bdag cag gi rnyed pa dang bkur sti chad par gyur gyis/ bdag cag gis ci nas drang srong 'di g.yog 'khor

  504. 253a

    dang bcas pa yul 'dir mi 'dug par bya'o/ / 'di med dang bdag cag gi rnyed pa dang bkur sti phyir yang snga mkho bzhin du 'gyur ro snyam nas/ bram ze'i khye'u rnams la smras pa/ bram ze'i khye'u dag shes par gyis shig/ drang srong 'di 'ongs nas/ bdag cag gi rnyed pa dang bkur sti chad par gyur gyis/ bdag cag gis grong khyer thog thag tu 'di'i yang dag pa ma yin pa'i phyir kha btang ste/ drang srong 'di ni 'dod pa spyod pa yin gyi/ 'di ni tshangs par spyod pa ma yin gyis/ 'di la bkur sti byed par ma sems shig ces byas btang / de skur pa btab pas 'jigs shing skrag nas/ yang na ni yul gzhan du 'gro bar 'gyuraro// yang na ni bdag nyid 'chi bar byed par 'gyur ro// 'di med btang bdag cag gi rnyed pa dang bkur sti phyir yang snga mkho bzhin du 'ong bar 'gyur ro zhes byas nas/ de gnyis g.yog 'khor dang bcas pa grong khyer rdul ldan du dong nas/ lam po che dang / srang dang / bzhi mdo dang / sum mdo dag tu 'khod nas/ drang srong de'i yang dag pa ma yin pa'i phyir kha gtong bar byed de/ drang srong 'di ni tshul khrims 'chal pa/ sdig pa'i chos dang ldan pa/ 'dod pa la spyod pa yin gyi/ 'di ni tshangs par spyod pa ma yin te/ 'di ni khyed la sgyus 'drid pa yin gyis/ khyed 'di la ha cang bkur

  505. 253b

    sti byed par ma sems shig ces byas so/ / de nas de thes ma thag tu skye bo phal po che de dag drang srong de la mi dga' bar gyur te/ 'di ni 'dod pa spyod pa yin gyis/ 'di ni tshangs par spyod pa ma yin no zhes mi dga' bar gyur nas/ de phyin chad de la bkur sti mi byed/ bla mar mi byed/ ri mor mi byed/ mchod pa mi byed lo/ blta ba'i phyir yang 'gro bar mi byed do/ / de nas drang srong gis bsams pa/ sngan chang ni skye bo mang po 'di dag bdag la bkur sti byed/ bla mar byed/ ri mor byed/ mchod par byed na/ da ni 'di dag bdag la bkur sti mi byed/ bla mar mi byed/ ri mor mi byed/ mchod pa mi byed na/ 'di ci las gyur snyam pa dang / des bltas na dka' thub can de gnyis g.yog 'khor dang bcas pas grong khyer rdul ldan thog thag tu yang dag pa ma yin pa'i phyir kha btang bar mthong ngo / / mthong nas kyang yang bsams pa/ grong khyer rdul ldan 'dir bdag yang dag pa ma yin pa'i phyar khas phog pa ci yang rung ba de dag thams cad ni rnyed pa dang bkur sti'i gcugs las byung ba yin gyis/ ma la bdag gis 'di na ci yod pa thams cad spangs te/ sngon gyi dgon pa'i gnas de nyid du gnas bca' bar bya'o snyam nas/ bram ze'i khye'u lnga brgya po de dag khrid de sngon gyi dgon pa'i gnas de nyid du song ste 'dug go// de nas drang srong de song nas

  506. 254a

    dka' thub can de dag gi rnyed pa dang bkur sti snga mkho bzhin du gyur te/ gzhi des na de dag shin tu dga' bar gyur to// dge slong dag ji snyam du sems/ de'i tshe dka' thub can g.yog 'khor dang bcas pa gang yin pa de gnyis ni dge slong shA ri'i bu dang / mo'u 'gal gyi bu 'di gnyis kho na yin te/ der de gnyis rnyed pa dang bkur sti'i dbang du gyur nas/ drang srong de la yang dag pa ma yin pa'i skur pa btab pa gang yin pa'i las de'i rnam par smin pas lo du ma lo 'bum phrag du mar sems can dmyal ba rnams su btsos so/ / de nas shi 'phos nas kyang gang dang gang du skyes pa de dang der yang dag pa ma yin pa'i skur pa btab pa nas/ da ltar srid pa tha ma dang gnas tha mar gyur te/ dgra bcom pa nyid thob pa'i bar du yang / dge slong ko ka li kas mang po'i nang du mi bden pa dang / yang dag pa ma yin pa dang / gsog dang / brdzun tshig gis skur pa btab bo// dge slong rnams kyis gsol pa/ btsun pa dge slong ko ka li ka sa las ci bgyis na/ las de'i rnam par smin pas sems can dmyal ba pad+ma ltar gas pa chen por skyes la/ der skyes nas kyang de'i lce la rmon pa dor lnga brgya byung bar gyur pa lags/ de bzhin du de'i glo g.yas g.yon nas lcags kyi mche ba can gyi khyi dang / seng ge dang / stag

  507. 254b

    dang / dred la sogs pas sha rnams bcad cing bcang cing za bar bgyid lags/ de bzhin du steng nas kyang lcags kyi mchu can gyi bya rgod dang / bya rog dang / chun lag rnams kyis sha rnams bcad cing bcad cing za bar bgyid lags/ de bzhin du glo g.yas g.yon nas lcags kyi shing shal ma li'i tshal grub par gyur la/ gal te de na tsha mi bzod de/ bsgyur na yang steng nas lcags kyi mdung thung dang / mda' bo che dang / rdo rje rtse gcig pa dang / mdung rtse gcig pa rnams 'bab lags/ bka' stsal pa/ des shA ri'i bu dang / mo'u 'gal gyi bu gnyis la sems sdang bar byas pa'i phyir ro// thang bcad ces bya ba ni/ gleng gzhi mnyan du yod pa na bzhugs te/ tshe dang ldan pa mo'u 'gal gyi bu ni lugs kyis dus dus su sems can dmyal bar rgyu bar byed/ yi dgas kyi nang du rgyu bar byed/ dud 'gro'i nang du rgyu bar byed/ mi'i nang du rgyu bar byed/ lha'i nang du rgyu bar byed de/ phyir 'ongs nas sems can dmyal ba rnams kyi gcod pa dang / gtub pa dang / brdeg pa dang / bci ba la sogs pa'i sdug bsngal gang yin pa de dag mi rnams la rjod par byed do/ / phyir 'ongs nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams

  508. 255a

    dang / dud 'gro rnams kyi gcig la gcig za ba las gyur pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang yin pa de dag mi rnams la rjod par byed de/ de dag gis de thos nas skyo bar 'gyur la/ skyo bar gyur nas kyang gong du khyad par thob par 'gyur ro// de nas phyi zhig na tshe dang ldan pa mo'u 'gal gyi bu chen po sems can dmyal ba'i nang du rgyu bar chas nas/ mnyan du yod pa nas mi snang bar gyur te/ sems can dmyal ba mnar med par phyin pa dang / des der sems can lus che ba/ lus kyis dpag tshad mang por khyab bar 'dug la/ de'i las las skyes pa'i mi rnams kyis de'i kha nas lce phyung ste/ lcags kyi sa gzhi 'bar zhing rab tu 'bar la/ kun tu rab tu 'bar te/ me lce gcig tu 'bar ba'i steng du brgyangs nas/ lcags kyi phur pa 'bar zhing rab tu 'bar la/ kun tu rab tu 'bar te/ me lce gcig tu 'bar ba dag gis/ thang bcad nas de'i lce la rmon bdor stong byung ste/ rmon pa de dag thams cad kyang 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag la/ rmon glang de dag kyang las

  509. 255b

    las skyes pa sha stag ste/ de rnams kyi rmig pa de dag thams cad kyang spu gri'i so 'dra la/ 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag ste/ de dag gis phyogs gang dang gang du gom pa bor ba'i phyogs de dang der kun tu gcod cing / kun tu gtub la/ kun tu dmyal bar byed de/ gzhi des na des sdug bsngal drag po dang / mi bzad pa dang / tsha ba'i tshor ba nyams su myong ba zhig mthong ngo // mthong nas kyang tshe dang ldan pa mo'u 'gal gyi bu chen pos bsams pa/ sems can 'dis las ci byas na/ las de'i rnam par smin pas sdug bsngal 'di lta bu rnyed par gyur cig gu snyam ste/ des rab kyi mtha' las byung ba'i bsam gtan gyi bar du snyoms par zhugs kyang sems can de'i sdug bsngal gyi mtha'i rtsad mchod de/ sems can dmyal ba rnams nas shi 'phos shing / sems can dmyal ba rnams 'ba' zhig tu skyes pa nyi tshe zhig mthong bar zad do/ / mthong nas kyang bsams pa/ 'di'i las lung ston pa ni/ bcom ldan 'das ye shes gzigs pa thogs pa med pa dang / ye shes gzigs pa mtha' yas pa mnga' ba ma gtogs pa gzhan su zhig yod snyam nas/ mnar med pa nas mi snang bar gyur te/ mnyan du song par phyin no// de'i tshe bcom ldan 'das 'khor

  510. 256a

    brgya phrag du ma'i nang na bzhugs te chos ston no/ / de nas tshe dang ldan pa mo'u 'gal gyi bu chen pos bcom ldan 'das 'khor brgya phrag du ma'i nang na chos ston cing bzhugs pa mthong ngo / / mthong nas kyang 'di snyam du sems te/ bdag gis bcom ldan 'das la sems can de'i lung bstan pa zhu ba'i dus ni 'di yin no snyam nas bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'jug go// phyogs gcig tu 'dug nas/ tshe dang / ldan pa mo'u 'gal gyi bu chen pos/ bcom ldan 'das la 'di skad ces gsol to// btsun pa 'di na bdag gi lugs kyis dus dus su sems can dmyal bar rgyu bar bgyid/ yi dgas kyi nang du rgyu bar bgyid/ dud 'gro'i nang du rgyu bar bgyid/ mi'i nang du rgyu bar bgyid de/ lha'i nang du rgyu bar bgyid de/ skur mchis nas sems can dmyal ba rnams kyi bcad pa dang / gtub pa dang / brdeg pa dang / btso ba la sogs pa'i sdug bsngal gang lags pa de dag mi rnams la rjod par bgyid lags so// slar mchis nas yi dgas rnams kyi bkres pa dang / skom pa dang / 'bar ba dang / bsreg pa dang / btso ba la sogs pa'i sdug bsngal rnams dang / dud 'gro rnams kyi gcig la gcig za ba las gyur

  511. 256b

    pa'i sdug bsngal rnams dang / mi rnams kyi tshol khros sha thang ba'i sdug bsngal rnams dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa'i sdug bsngal gang lags pa de dag mi rnams la rjod par bgyid de/ de dag gis de thos nas skyo bar 'gyur la/ skyo bar gyur nas kyang gong du khyad par thob par 'gyur lags so/ / btsun pa bdag sems can dmyal bar rgyu bar 'tshal te/ mnyan du yod pa nas mi snang bar gyur nas/ sems can dmyal ba chen po mnar ma mchis par mchis na btsun pa bdag gis der sems can lus chem/ lus kyi dpag tshad meng bar khyab pa mchis la/ de'i las las skyes pa'i mi rnams kyis dag ba nas lce phyung ste/ kyi sa gzhi 'bar zhing rab tu 'bar la/ kun tu rab tu 'bar te/ me lce gcig tu 'bar bar gyur pa'i steng du brgyangs nas/ lcags kyi phur pa 'bar zhing rab tu 'bar la kun tu rab tu 'bar te/ me lce gcig tu 'bar ba dag gis thang bcad nas lce la rmon pa ngor stong byung ste/ rmon pa de dag thams cad kyang 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag la/ rmon glang de dag thams cad kyang las las skyes pa sha stag ste/ de rnams kyi rmig pa de dag thams cad kyang spu rmi'i

  512. 257a

    so 'dra la/ 'bar zhing rab tu 'bar la/ kun tu rab tu 'bar te/ me lce gcig tu 'bar ba sha stag ste/ de dag gis phyogs gang dang gang du gom pa bor ba'i phyogs de dang der kun tu gcod cing / kun tu gtub la/ kun tu dmyal bar bgyid de/ gzhi des na des sdug bsngal drag po dang / mi bzad pa dang / tsha ba'i tshor ba nyams su myong ba zhig mthong lags na/ btsun pa sems can des las ci bgyis na/ las de'i rnam par smin pas sdug bsngal de lta bu rnyed par gyur lags// bcom ldan 'das kyis/ tshe dang ldan pa mo'u 'gal gyi bu la bka' stsal pa/ mo'u 'gal gyi bu sems can de ni sdig pa'i las byed byed pa yin te/ mo'u 'gal gyi bu sngon byung ba 'das pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bgrod pa mnyam pa zhes bya ba 'jig rten du byung ste/ de'i tshe dge slong sde snod gsum pa rig pa dang grol ba'i spobs pa dang ldan pa/ chos smra ba 'khor dang ldan pa zhig rgyal po'i pho brang zhig na brten cing gnas te/ de de na bkur sti bya ba

  513. 257b

    dang / bla mar bya ba dang / ri mo bya ba dang / mchod pa bya ba'i gnas su gyur te/ gos dang / zas dang / mal cha dang / stan dang / nad gsos dang / sman zong rnams rnyed par gyur to/ / de'i tshe dge slong dgra bcom pa sde snod gsum pa rig pa dang grol ba'i spobs pa dang ldan pa/ chos smra ba zhig kyang yod do// de yang g.yog 'khor lnga brgya dang ljongs rgyu zhing song ste/ rgyal po'i pho brang de nyid du phyin nas/ skye bo mang pos de lus mdzes pa dang / sems mdzes pa dang / g.yog 'khor mdzes par mthong ste/ mthong ma thag tu de la dga' bar gyur nas/ de yang der gos dang / zas dang / mal cha dang / stan dang / nad gsos dang / sman zong rnams rnyed par gyur te/ skye bo mang po de dag de 'ba' zhig la bkur sti bya bar sems kyi/ snga nas 'dug pa'i sde snod gsum pa de la ni bkur sti mi byed do// de nas de'i blo skyes pa/ gang gi tshe dge slong 'di grong 'dab 'dir ma 'ongs pa de'i tshe na/ bdag rnyed pa'i mchog dang / grags pa'i mchog dang ldan par gyur la/ 'di 'ongs nas bdag gi rnyed pa dang bkur sti chad par gyur te/ 'di med na nibadag gi rnyed pa dang bkur sti phyir yang snga mkho bzhin du 'ong bar 'gyur gyis/ bdag gis ci nas kyang 'di g.yog 'khor dang bcas pa grong 'dab 'dir mi 'dug par bya'o snyam

  514. 258a

    nas/ sde snod gsum pa des grong khyer de thog thag tu yang dag pa ma yin pa'i phyar kha btang ste/ dge slong 'di dag ni tshul khrims 'chal pa sdig pa'i chos dang ldan pa yin gyis/ / 'di la khyed bkur sti byed par ma sems shig/ bdag nyid tshul khrims 'chal pa dang / g.yog 'khor tshul khrims 'chal pa 'di na 'dug pa ci dgos zhes byas so// de nas de thos ma thag tu skye bo mang po de dag dgra bcom pa de la mi lta bar gyur te/ phyin chad sbyin par bya ba dang / bkur sti bya bar mi sems so// de nas dgra bcom pa des bsams pa/ skye bo mang po 'di dag ci'i phyir bdag la mi lta bar gyur snyam nas/ des bltas na/ sde snod gsum pas thog thag tu phyar kha btang bar gyur nas/ des bsams pa/ skye bo mang po 'di dag dang sde snod gsum pa 'di shas cher bsod nams ma yin pa 'phel bar gyur na mi rung ngo snyam nas/ g.yog 'khor dang bcas te grong 'dab de nas song ngo // de nas sde snod gsum pa de dga' bar gyur te/ da ni bdag gi rnyed pa dang bkur sti snga mkho bzhin du 'ong bar 'gyur snyam mo// de nas phyi zhig na de nad kyis thebs nas/ de rtsa ba dang / sdong bu dang / lo ma dang / me tog dang / 'bras bu'i sman dag gis rim gro byas kyang sos par byed ma nus nas shi'o// de shi 'phos te dus las 'das nas/ sems can dmyal ba chen po mnar

  515. 258b

    med par skyes te/ der de'i lce la rmon pa dor spong byung bar gyur to// dge slong dag ji snyam du sems de'i tshe sde snod gsum par gyur pa gang yin pa de ni sems can 'di nyid yin te/ des der rnyed pa dang bkur sti'i dbang du gyur cing / shas cher mngon par zhen nas/ dgra bcom pa de la yang dag pa ma yin pa'i skur pa btab pa'i las de'i rnam par smin pas sems can dmyal ba chen po mnar med par skyes nas/ de'i lce la rmon pa der stong byung ste/ dge slong dag yang dag par rdzogs pa'i sangs rgyas bgrod pa mi nyams pa'i ring nas/ da ltar nga'i ring gi bar du sems can dmyal ba rnams nas shi 'phos shing / sems can dmyal ba rnams 'ba' zhig tu skyes te/ sdug bsngal 'di lta bu sha stag rnyed par gyur to/ / gsol pa/ btsun pa sems can de sdug bsngal de las nam thar par 'gyur lags/ bcom ldan 'das kyis bka' stsal pa/ dge slong dag ma 'ongs pa'i dus na/ nyan thos dang rang sangs rgyas kyi sa las 'das pa/ yang dag par rdzogs pa'i sangs rgyas bla ma zhes bya ba 'jig rten du 'byung ste/ de'i gsung rab la sems can 'di sems can dmyal ba nas shi 'phos te/ mi'i lus thob nas de'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byed par 'gyur ro// skur pa

  516. 259a

    mang bar yang 'gyur te/ de gang dang gang du 'gro ba de dang der skur pa dang phrad par 'gyur te/ de de kho nas skyo bar gyur nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur te/ der de'i sdug bsngal mthar thug par 'gyur ro// de nas de thos ma thag tu skye bo phal po che de dag skyo ba skyes so// bcom ldan 'das kyis kyang de dag gi yid skyo bar gyur par thugs su chud nas/ de dang 'thun pa'i chos bstan te/ de nas 'khor de dag gi nang nas kha cig gis ni dro bar gyur pa bskyed do// kha cig gis spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so/ / kha cig gis ni rab tu byung nas dgra bcom pa nyid mngon sum du byas so// kha cig gis ni 'khor lo sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor lo sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang /

  517. 259b

    khacig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas/ la gzhol/ chos la 'bab/ dge 'dun la bab par byas te bkod do// bam po bco lnga pa/ kham zhes bya ba ni/ gleng ga ni mnyan du yod pa na bzhugs te/ der bcom ldan 'das kyis/ dge slong rnams la bka' stsal pa/ dge slong dag gal te ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du/ sems can rnams kyis kyang sbyin pa'i 'bras bu yang shes la/ sbyin pa'i bgo ba sha'i 'bras bu rnam par smin pa yang shes su zin na/ de lta na kham gyi tha ma dang / kham gyi mjug lus pa gang yin pa de las kyang gal te yon gnas len pa po rnyed na de la ma byin nam/ bgo bsha' ma byas kyi bar du za bar mi byed la/ de dag gi sems kyang ser sna skyes pas/ kun nas dkris shing 'dug par mi 'gyur ba zhig na/ ji ltar ngas sbyin pa'i 'bras bu yang shes la/ sbyin pa'i bgo za sha'i 'bras bu rnam par smin pa yang shes pa bzhin du sems can rnams kyis ster pa'i 'bras bu yang mi shes la/ srin po'i bgo bsha'i 'bras bu rnam par smin pa

  518. 260a

    yang mi shes pas na/ de'i phyir de dag ni kun tu 'dzin pa'i sems kyis ma byin pa'am/ bgo bsha' ma byas par za bar byed la/ de dag gi sems kyang sar sna skyes pas kun nas dkris shing 'dug go/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ gzhan yang ston pas 'di skad ces bka' stsal to/ / bgo bsha' dag gi rnam par smin// ji ltar don chen 'gyur ba de// drang srong che rnams gsungs pa bzhin// sems can rnams kyis shes na ri// ma byin bar du mi za zhing / / ser sna can du mi 'gyur la// de dag kun tu 'dzin pa'i sems// nams kyang skye bar mi 'gyur na// gang phyir byis pa gti mug gis// bsgribs pa rnams kyis ma shes pas/ / de'i phyir kun tu 'dzin sems can// rtag tu ma byin za bar byed// de dag ser sna skyes nas kyang // sems ni kun nas dkris shing 'dug de nas dge slong rnams kyis/ bcom ldan 'das la gsol pa/ btsun pa gzigs lags/ bcom ldan 'das ni sbyin pa dang / sbyin pa'i bgo ba sha'i bsngags pa gsungs pa lags so/ / bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga ji ltar sbyin pa dang / sbyin pa'i bgo ba sha'i bsngags pa brjod

  519. 260b

    par gyur pa de nyon cig/ dge slong dag sngon byung ba 'das pa'i dus na/ grong khyer wA rA NA sin rgyal po zla 'od ces bya ba rgyal po byed de/ de'i ring la 'byor pa dang / rgyas pa dang // bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid byed do/ / rgyal po de yang byams pa'i bdag nyid can snying rje chen po dang ldan pa/ sems can la byams pa/ sbyin pa la dga' ba zhig go/ de sbyin pa dag sbyin zhing / bsod nams dag byed de/ de zas 'dod pa rnams la ni zas sbyin par byed/ skom 'dod pa rnams la ni skom sbyin par byed/ gos 'dod pa rnams la no// gos sbyin par byed/ spos dang / me tog 'phreng dang / byug pa 'dod pa rnams la ni spos dang / me tog 'phreng dang / byug po rnams sbyin par byed de// nad pha la mkho ba'i nang brang bcas nas/ yo byad thams cad sbyar te/ skye bo dman pa dang / bkren pa dang / sdug pa dang / mgon med pa rnams la rim gro byed do// bza' ba dang

  520. 261a

    bca' ba mang po sta gon byas nas/ nam mkha' la rgyu ba rnams dang / chu na gnas pa rnams dang / thang la gnas pa rnams la sbyin par byed do// de nas phyi zhig na ka shi'i yul du than pa byung ste/ der ltas mkhan bram ze bye brag phyed pa rnams kyis bsgo ba/ lo bcu gnyis kyi bar du char 'bab par ma 'gyur ro zhes zer ro// de nas chan pa ma bab pas/ mu ge byung ste/ skye bo mang po de dag ci bya gtol med par gyur to// de nas rgyal po zla 'od kyis dril bsgrags te/ khyed kyi nang nas lo bcu gnyis kyi zan 'byor pa gang yin pa de de dag ni 'di nyid du 'khod cig/ mi 'byor pa de dag ni yul gzhan du deng la nam lo legs par gyur pa de'i phyir shog cig/ yul ni phyis kyang yod la/ srog ni phyis kyang med do zhes bsgo'o/ / de thos ma thag tu skye bo mang po de dag las/ kha cig ni yul gzhan du dong ste 'khod do// kha cig ni yul la chags nas/ de nyid na 'khod de/ de dag de na su zan ji tsam yod pa de dag zos pa'i 'og tu bkres pas nyam thag nas/ rgyal po'i thad du song ste smras pa/ lha bdag cag ni bkres lags kyis/ bdag cag la 'tshal ma stsal du gsol/ de nas thos ma thag tu rgyal po des bsams pa/ 'dir skye bo phal po che la yun ring mo zhig tu bgo bsha' bya dgos so snyam nas smras pa/ khyed re

  521. 261b

    zhig sdod cig dang / ngas mngan rnams la smras te bya'o zhes byas nas/ rgyal po des mngan rnams la smras pa/ nga dang yul na gnas pa'i skye bo mang po 'di dag gis lo bcu gnyis kyi bar du bzar yod dam/ mngan rnams kyis smras pa/ lha srung bang rnams g.yar sngar brims te/ gding gsol bar 'tshal zhes smras nas/ mngan rnams kyis srung bar rnams g.yar snga brims nas/ yul na 'khod pa'i skye bo mang po rnams bgrang ba la zhugs so// de nas lo bcu gnyis kyi bar du mi re re'i skal bar tsaM thob pa brtsis na/ thams cad kyis nyin gcig bzhin du kham re re thob par 'gyur la/ rgyal pos ni kham gnyis gnyis gsol du yod par rig nas/ de dag gis/ rgyal po la gsol pa/ lha dgung lo bcu gnyis kyi bar du yul na gnas pa'i skye bo thams cad kyis ni gdugs gcig bzhin kham re re 'tshal du mchis so/ / lhas ni zhal kham gnyis gnyis gsol du mchis so zhes gsol to// de nas de thos ma thag tu rgyal po des yul na gnas pa'i skye bo mang po thams cad nyin gcig cing kham re re sbyin no zhes bka' stsal te/ / skye bo mang po de dag kyang dge ba bcu'i las kyi lam la yang dag par 'dzud do/ / de nas der su yang rung 'chi bar 'gyur ba de dag kyang lha'i nang du skye bor 'gyur te/ de dag der skyes pas lha'i gnas rnams kun tu gang ba

  522. 262a

    gyur to/ / de nas lha'i dbang po brgya byin gyis bsams pa/ lha'i gnas rnams ni rgyu gnyis kyis kun tu gang bar 'gyur te/ de bzhin bshegs pa 'byung ba dang / 'khor lo sgyur ba 'byung ba yin na/ ci da ltar 'jig rten du 'khor lo sgyur ba 'byung ngam/ 'on te de bzhin gshegs pa byung zhig gu snyam du bsams nas des bltas na/ de lta ma yin te/ yang des bsams pa/ 'o na su'i mthus lha'i gnas rnams kun tu gang bar gyur cig gu snyam ste/ des bltas na/ rgyal po zla 'od kyi mthus de ltar gyur par rig nas/ des bsams pa/ ci 'di brgya byin du 'gyur ba 'am/ tshangs par 'gyur ba zhig sgrub bam snyam du bsams te/ des bltas na/ bla na med pa yang dag par rdzogs pa'i byang chub sgrub par mthong ngo / / de nas lha'i dbang po brgya byin gyis ci sems can 'di brtan po yin nam/ 'on te sems can brtan po ma yin pa re zhig bdag song la 'di brtag par bya'o/ / gal te sems can brtan po yin na ni/ de la mchod pa bya'o// de ste sems can brtan po ma yin na ni/ de brtan por bya'o snyam nas bram ze'i cha lugs su bsgyur te/ lha bdag ni bkres kyis 'tshal ma stsal du stsol zhes byas so// rgyal pos bsams pa/ gal te gzhan gyi bcad de 'di la byin na ri gcig gi sog

  523. 262b

    srungs la gcig gi srog ma rungs par byas par 'gyur gyis/ ma la bdag gis bdag gi zan las kham gcig ni bdag gis zos la/ kham gcig ni 'di la sbyin no snyam nas/ rgyal po des bram ze de la kham gcig byin te/ gcig bdag gis bza' 'o snyam pa dang / bram ze des smras pa/ lha bdag ni kham gcig gis 'tsho ba'i rngo mi thog ge/ de nas de thos ma thag tu rgyal po des bsams pa/ gal te bdag gis 'di la kham phyi ma ma byin na/ bram ze 'di ltogs te 'chi yang srid la/ bdag kyang sems can gyi don la zhugs pa yin pas bdag gis rang gi srog bor te gzhan gyi srog bsrung nus so snyam nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis bdag 'jig rten long ba 'dren pa med cing yongs su 'dren pa med pa/ ston pa med pa'i nang du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa rgya cher gyur pa 'di yis ni// srid gsum sangs rgyas rang byung gyur par shog/

  524. 263a

    brgal nas sngon gyi rgyal ba'i dbang rnams kyis// skye bo phal cher ma sbal rnams kyang bskal// zhes smras nas/ kham de lha'i dbang po brgya byin bram ze'i cha lugs can la byin no/ / de nas lha'i dbang po brgya byin gyis bsams pa/ byang chub sems dpas ni mchog tu dka' ba byas so snyam du bsams te/ bram ze'i cha lugs mi snang bar byas nas/ rang bzhin gyi lus su bsgyur te smras pa/ khyod 'bad pa 'dis ci zhig sgrub/ des smras pa/ bla na med pa yang dag par rdzogs pa'i byang chub sgrub bo// brgya byin gyis smras pa/ khyod kyi sems dang sems las byung ba rnams de 'dra ba las na/ khyod ni nges par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gyis/ de'i tshe bdag dran par mdzod cig ces smras nas/ lha'i dbang po brgya byin gyis dbang chen gyi char phab ste/ de'i 'bru thams cad rgyas nas/ lo legs par gyur te/ kA sha'i yul snga mkho bzhin du gyur to// dge slong dag ji snyam du sems/ de'i tshe rgyal po zla 'od ces bya bar gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe yang nga sbyin pa dang / sbyin pa'i bgo ba sha'i bsngags pa brjod par gyur na/ ngang ltar sbyin pa dang / sbyin pa'i 'bras bu mngon sum du mthong

  525. 263b

    bar gyur pa'i tshe lta ci smos te/ de bzhin gshegs pa da ltar sbyin pa dang / sbyin pa'i bgo ba sha'i bsngags pa brjod pa ci ste mi mdzad/ las brgya tham pa las sdom gyi tshigs su bcad pa gsum pa rdzogs so/ / // sdom ni/ byams pa'i stobs dang rlung nag dang / grog ma gnyis dang spyod yul dang / dgon pa glang klu seng ge dang / dbyen dang nags khung thos pa rnams// byams pa'i stobs zhes bya ba ni/ gleng gzhi mnyan du yod pa na bzhugs te/ chos kyi 'khor lo bskor ba'i mdo dbyig dga'i rtogs pa brjod pa las/ gtan tshigs ji skad 'byung ba bzhin du rgyas par sbyar te/ dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis dge slong lnga sde rnams dam pa'i chos kyi bcud kyis tshim par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di rnams rang gi sha dang khrag gis tshim par byas nas/ dge ba bcu'i las kyi lam la ji ltar bkod pa de nyon cig/ dge slong dag sngon byung ba 'das pa'i dus na/ grong khyer wA rA NA si na/ rgyal po

  526. 264a

    byams pa'i stobs zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom kun dang / nad dang mu ge meng pa dang / 'bras sA lu dang / bu ram shing dang / @ glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid byed do// rgyal po de yang byams pa'i bdag nyid can snying rje che ba/ sems can la byams pa/ sbyin pa la dga' ba zhig ste/ do sbyin pa dag sbyin zhing / bsod nams dag byed de/ dge sbyong dang bram ze dang / bkren pa dang / sdug cing 'phongs pa dang / spong ba rnams tshim par byed la/ bza' ba dang bca' ba mang po bshams nas/ srog chags nam mkha' la gnas pa dang / chu na gnas pa dang / skam la gnas pa rnams la sbyin par byed do// yul na gnas pa'i skye bo mang po rnams la byams pa sgom par byed do// des de'i yul na gnas pa'i skye bo mang po ji snyed yod pa de snyed la byams pa'i sems kyis khyab par byas te 'dug nas/ de'i mthus sems can de dag la su yang gnod pa cung zad byed

  527. 264b

    tsa nus so/ / de nas phri nag na rgyal po rnam thos kyi bu'i btson ra nas gzo byin 'phrog pa'i gnod sbyin lnga zos te/ skye bo mang po'i gzi byin 'phrog par byed tsang wA rAH sir 'ongs te der phyin nas/ yams kyi nad btang ba la sa/ de dag gis tha na dud 'gro'i skye gnas su gyur pa yan chad su'i gzi byin yang dbrog par ma nus nas/ de dag gis bsams pa/ gang gis yul 'dir bdag cag gis tha na dud 'gro'i skye gnas su gyur pa yan chad su'i gzi byin yang dbrog par ma nus pa 'di su'i mthu yin pa je dri bar bya'o// snyam nas/ ba glang rdzi dang phyug sa rdzi rnams la dris pa/ kye gang gis yul 'dir su la yang gnod pa cung zad kyang byed mi nus pa 'di su'i mthu yin/ de dag gis smras pa// rgyal po 'di byams pa'i bdag nyid can yin te/ des yul na gnas pa'i skye bo mang po ji snyed yod pa de snyed la byams pa'i sems kyis khyab par byas te 'dug pa de'i mthus na yul 'dir sus kyang gnod pa cung zad kyang byed mi nus so/ / gnod sbyin rnams kyis bsams pa/ rgyal po de ni bsod nams can che bar grags pa/ byams pa'i bdag nyid can snying rje che ba/ sems can la byams pa'i zhig ste/ des ni bdag cag 'grangs par byed nus gor ma chag snyam nas/ bram ze'i cha lugs su bsgyur te/ byams pa'i

  528. 265a

    stobs kyi thang du song nas smras pa/ snying rje chen po dang ldan pa/ bdag cag ni bkres kyis/ 'grangs par mdzod cig/ rgyal pos smras pa/ ngas byed kha thas ji lta bu zhig gis 'grangs par bya/ de dag gis smras pa/ khrag 'phrul du phyung bas 'grangs par mdzod cig/ de nas rgyal pos bsams pa/ ma la cha lugs 'di 'jal zas de 'dra ba las na/ 'di dag ni mi ma yin pa 'dra ste/ 'di dag ni mi ma yin pa dag cig yin gor ma chag gis/ 'di dag la ji ltar dam bcas pa bzhin du bya dgos so// gzhan// dag gi lus la gnod pa ma byas kyi bar du ni ngas 'di rnams kyi kha zas kyi don sgrub par mi nus la/ gzhan la gnod pa ma byas kyi bar du yang khrag 'phral du phyung ba rnyed par mi nus te gal te 'di dag bdag gi khrag gis kha zas kyi don byed nus na ni/ bdag gis 'di rnams la bdag gi sha dang khrag sbyin no snyam nas/ gnod sbyin de dag la smras pa/ grogs po dag nga'i khrag gis kha zas kyi don byed nus sam/ gnod sbyin rnams kyis smras pa/ lha rngo thogs lags so// de nas de thos ma thag tu rgyal po byams pa'i stobs kyis gnod sbyin de dag mdun du bkad du bcug nas/ ldan pa rnams bos te bka' stsal pa/ kA ye nga'i lus las gtar ka lnga thob cig dang / sems can 'di dag la khrag gis 'grangs par bya'o// /

  529. 265b

    ldan pa rnams kyis gsol pa/ bdag cag gis lha'i skul mtshon gyis gdab pan rngom thog lags so// de nas byang chub sems dpas bsams pa/ 'di dag ni bdag dang 'phra ba mthong mi 'dod kyis/ ma la bdag gis bdag gi khrag 'byung ngo snyam ste/ byang chub sems dpa' rnams ni bzo'i gnas dang / las kyi gnas ci la yang byang ba yin te/ des bdag nyid kyis me long blangs nas/ rang gi lus la gtar ka lnga btab ste/ gnod sbyin re re la bstabs nas/ ngas 'di dag 'grangs par ma gyur kyi bar du gtar ka 'di dag gcod par mi bya'o zhes dam bcas so/ / de nas lha'i dbang po brgya byin gyis bsams pa/ byang chub sems dpa' rnams ni dam bcas pa la brtan pa yin la/ byang chub sems dpa' 'dis kyang mchog tu dka' ba zhig brtsams kyis/ byang chub sems dpa' ha cang yun ring du 'o brgyal na mi rung ngo snyam nas/ ma la bdag gis 'di'i lus thams cad du gzi byin bsnan par bya'o/ snyam ste/ lha'i dbang po brgya byin gyis byang chub sems dpa'i lus thams cad du lha'i gzi byin bsnan nas/ gtar ka de dag kyang che rab tu sprul lo// byang chub sems dpas kyang gzi byin 'phrog pa'i gnod sbyin lnga po de dag dka' ba med par tshim par byas nas/ bla na med pa yang dag par rdzogs pa'i bang chub tu smon lam btab pa/ kye ma dge ba'i rtsa ba 'dis

  530. 266a

    na bdag 'jig rten long ba 'dren pa med cing yongs su 'dren pa med par sems can ma rgal ba rnams grol ba dang / ma grol ba rnams grol ba dang / dbugs ma byin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces smon lam btab ste/ sbyin pa chen por gyur pa 'di yis ni/ / 'gro ba rang byang sangs rgyas gyur par shog/ sngon gyi rgyal dbang rnams kyis ma bsgral gang // skye bo srid pa'i chu las sgrol bar shog/ ces byas so// de nas gnod sbyin de dag gang gi tshe 'grangs shing ngoms par gyur te/ dbang po rnams tshim par gyur pa de'i tshe/ byang chub sems dpa' la smras pa/ snying rje chen po khyod rtsol ba 'dis ci zhig sgrub/ byang chub sems dpas smras pa/ bla na med pa yang dag par rdzogs pa'i byang chub sgrub bo// de dag gis smras pa/ 'o na gang gi tshe khyod bla na med pa yang dag par rdzogs pa'i byang chub mngon par rdzogs par sangs rgyas te/ 'gro ba rnams bdud rtsis tshim par mdzad pa de'i tshe/ bdag cag khyod kyi nyan thos kyi dang por gyur cig/ byang chub sems dpas smras pa/ khyed rnams srog gcod pa pha rol gyi srog 'phrog pa yin na/ ji ltar ngas de 'dra ba dag nyan thos kyi dang por bya/ de dag gis smras pa/ snying rje chen po bdag cag la bka'

  531. 266b

    ci stsa la/ byang chub sems dpas smras pa dge ba bcu'i las kyi lam yang dag par blangs te gnas par gyis shig/ de nas de thos ma thag tu gnod sbyin de rnams kyis dge ba bcu'i las kyi lam yang dag par blangs nas smon lam btab pa/ kye ma dge ba'i rtsa ba 'dis na/ gang gi tshe 'di bla na med pa yang dag par rdzogs pa'i byang chub mngon par 'tshang rgya ba de'i tshe bdag cag 'di'i nyan thos kyi dang por gyur cig ces byas so/ / dge slong dag dza~M snyam du sems/ de'i tshe rgyal po byams pa'i stobs su gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe gzi byin 'phrog pa'i gnod sbyin lnga po gang yin pa de dag dge slong lnga sde 'di dag nyid yin te/ de'i tshe yang 'di dag ngas rang gi sha dang khrag gis tshim par byas te/ dge ba bcu'i las kyi lam la bkod do// da ltar yong ngas 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / rlung nag po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na tshong pa lnga brgya tsam gyis zotho khyer te/ yul gzhan du chas nas/ de dag mthar gyis song song ba las/ nags khung chen po dgon pa zhig tu phyin no// nags khung de na gzi byin 'phrog pa'i gnod sbyin drag pa

  532. 267a

    bkod do/ / de nas tshong pa rnams kyis bsams pa/ ci yang rung ste/ bdag cag 'tsho bar gyur pa 'di dag thams cad ni drang srong 'di'i mthu yin gyis bdag cag gis khyim na gnas pa btang la/ 'di nyid kyi thad du rab tu byung ste/ tshangs par spyod pa spyad do snyam nas/ tshong pa lnga brgya po de dag drang srong de nyid kyi thang du rab tu byung nas/ bsam gtan bzhi dang / mngon par shes pa lnga bskyed do// dge sbyong dag ji snyam du sems/ de'i tshe drang srong du gyur pa gang yin pa de ni nga nyid yin no// / de'i tshe tshong pa lnga brgyar gyur pa gang yin pa de dag ni tshong pa lnga brgya po 'di dag yin te/ de'i tshe yang ngas 'di rnams 'jigs pa chen po las bskyabs nas/ bsam gtan bzhi dang / mngon par shes pa lnga la bkod do// da ltar yang 'di rnams 'jigs pa chen po las bskyabs nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / gzhan yang yang dag par rdzogs pa'i sangs rgyas 'od srungs kyi gsung rab la 'di rnams rab tu byung ste/ rab tu byung nas kyang gcig tu tshangs par spyod pa spyad nas/ 'chi kar smon lam btab pa/ dge ba'i rtsa ba 'dis na bdag cag yang dag par rdzogs pa'i sangs rgyas 'od srungs kyis bram ze'i

  533. 267b

    khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par shog cig ces byas so// dge slong dag ji snyam du sems/ de'i tsheche yang dag par rdzogs pa'i sangs rgyas 'od srungs kyi gsung rab la rab tu byung ba'i dge slong lnga brgya po/ gang yin pa de dag ni dge slong lnga brgya po 'di dag nyid yin te/ 'di dag der rab tu byung nas/ tshe gcig tu tshangs par spyod pa spyad de/ 'chi kar smon lam btab pa/ dge ba'i rtsa ba 'dis bdag cag yang dag par rdzogs pa'i sangs rgyas bcom ldan 'das 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag yang dag par rdzogs pa'i sangs rgyasa'i'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/

  534. 268a

    las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med// de nas bcom ldan 'das kyis dgongs na/ tshong pa lnga brgya po rnams gdul ba'i dus la bab par thugs su chud nas/ phyag glang po che'i sna lta bu brkyang ste/ tshong pa lnga brgya po de dag nags khung dgon pa de nas gru rdzas dang bcas te blangs nas/ mnyan du yod pa nas ha cang mi ring ba zhig tu bton te bkod do/ / de nas tshong pa lnga brgya po de dag gis mnyan du yod par phyin pa'i rtags rnams mthong ngo // mthong nas kyang de dag gis bsams pa bdag cag ni bcom ldan 'das kyis skyabs mdzad do snyam nas/ tshong pa de dag shin tu dga' bar gyur te/ de dga' bar gyur te bsams pa/ bdag cag khyim na gnas pa btang la/ bcom ldan 'das kyi bstan pa la rab tu byung ste/ chu bo rnams las brgal bar bya ba dang / sbyor ba rnams las yang dag par 'da' bar bya ba'i phyir

  535. 268b

    brtson pa dang 'bad par bya'o snyam nas/ mnyan du yong bar dong ste/ rang rang gi khyim gyi 'khor btang nas sbyin pa dag byin zhing / bsod nams ngag byas te/ rgyal bu rgyal byed kyi tshal du dong nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ zhabs la mchus gtugs nas 'di skad ces gsol to/ / bcom ldan 'das ni bdag cag la dka' ba mdzad pa dang / srog 'phangs pa sgrol ba lags so zhes gsol nas/ chos mnyan pa'i phyir bcom ldan 'das kyi spyan sngar 'khod do/ / bcom ldan 'das kyis kyang de dag gi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ de nas tshong pa lnga brgya po de dag gis stan de nyid la 'khor bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden pa mthong nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag legs par gsungs pa'i

  536. 269a

    chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog go/ / de dag gis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de ngag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed ba dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas sku gyur to/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis tshong pa lnga brgya po rnams 'jigs

  537. 269b

    pa chen po las yongs su bskyabs te/ gsung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang tshong pa lnga brgya po 'di dag nyid ngas ji ltar 'jigs pa chen po las yongs su bskyabs nas/ bsam gtan bzhi dang / mngon par shes pa lnga la bkod pa de nyon cig/ dge slong dag sngon byung ba 'das pa'i dus na/ tshong pa lnga brgya tsam zhig gis zong khyer te yul gzhan du chas nas/ de dag mthar gyis song song ba las/ nags khung chen po dgon pa zhig tu phyin no// nags khung de na gzi byin 'phrog pa'i gnod sprin drag po 'jigs pa/ gzhan gyi srog 'phrog pa zhig kyang gnas te/ des rlung nag po chen po btang nas/ tshong pa de dag gi steng du brgyugs te/ de nas tshong pa de dag ci bya ga tol med par gyur nas/ de dag 'jigs shing skrag par gyur to/ / de'i tshe drang srong gi gnas shig na/ drang srong mngon par shes pa lnga dang ldan pa/ rdzu 'phrul che zhing mthu che ba zhig gnas pa des/ tshong pa lnga ba sdug bsngal bar gyur pa mthong ngo / / mthong nas kyang tshong pa lnga brgya po de dag zungs rdzas dang bcas te/ nags khung dgon pa de nas blangs nas/ bdag nyid kyi gnas su

  538. 270a

    'jigs pa gzhan gyi srog 'phrog pa zhig kyang gnas te/ des rlung nag po chen po btang nas tshong pa de dag gi steng du brgyugs te/ des na tshong pa de dag ci bya gtol med par gyur nas/ de dag 'jigs shing skag ste/ lha'o cog la gsol ba 'de bas pa la zhugs so// dge bsnyen zhig kyang 'gron po de dag gi nang na 'dug ste/ des tshong pa de dag ci bya gtol med par 'dug par mthong nas smras pa/ kye skyabs ma yin pa 'di rnams la skyabs btsal te ci rung / bcom ldan 'das la skyabs su deng zhig dang / des khyed dkos thag cing nyam nga la 'phongs par gyur pa las yongs su skyob par 'gyur ro/ / de nas de thos ma thag tu tshong pa de dag bcom ldan 'das la skyabs su dong ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo/ / btsun pa bcom ldan 'das kyis ni 'di lta ste/ 'das pa dang / ma 'ongs pa dang / da ltar byung ba ci yang mi gzigs pa dang / mi mkhyen pa dang / thugs su mi chud pa mi mnga' na/ kye ma bcom ldan 'das bdag cag dkos thag cing nyam nga la 'phongs par gyur pa las yongs su bskyab pa dang srog 'phangs pa stsal du gsol zhes byas so/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya

  539. 270b

    dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyan mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa

  540. 271a

    'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / grog ma gnyis zhes bya ba la/ grog ma dang po ni/ gleng gzhi mnyan du yod pa na bzhugs te/ der gang gi tshe tshe dang ldan pa kun shes ko'u di rgyas bden pa rnams mthong ba de'i tshe/ lha brgyad khris kyang bden pa mthong bar gyur to// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis ko'u di n+ya la sogs pa lha brgyad khri dam pa'i chos kyi bcud kyis tshim par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ko'u di n+ya la sogs pa lha brgyad khri po 'di dag nyid ngas ji ltar rang gi sha dang khrag gis tshim par byas nas/ srog 'phangs pa byin pa de nyon cig/ dge slong dag sngon byung ba 'das pa'i dus na/ chu klung zhig gi 'gram na ru sa sbal snying rje che ba/ byams pa'i bdag nyid can/ sems can la byams pa zhig gnas pa de/ res 'ga' ni skam la rgyu/ res 'ga'

  541. 271b

    ni chu'i nang du rgyu'o/ / de nas phyi zhig na chu'i nang nas byung ste/ skam la rgyu zhing song song ba las/ skam de nyid du nyal lo// de nas grog tshang zhig nas grog ma zhig byung ste rus sbal de'i thad du song ba dang / des rus sbal skam la nyal ba de mthong nas/ de tshang gi nang du song ste/ grog ma gzhan dag la sbran no// grog tshang de na yang grog ma brgyad khri gnas te/ de dag gis grog ma de las thos nas/ grog tshang de'i nang nas 'thon te/ rus sbal de'i lus la zhugs so// de nas de dag za bas gnyid sad de/ des bltas na/ lus thog thag grog mas gang bar mthong ngo // byang chub sems dpa' rnams ni lus kyis log par ltung du zin kyang / sems kyis log par lhung bar mi 'gyur te/ byang chub sems dpa' nges bsams pa/ ngas chu'i nang du 'gro ni nus mod kyi/ sems can 'di snyed kyi srog ma rung bar 'gyur la/ bdag kyang sems can la phan pa'i phyir brtson pa yin gyis/ bdag rang gi srog yongs su btang yang bla'i/ sems can 'di snyed kyi srog ma rung bar byar ni mi rung ngo snyam nas/ bdag nyid kyis brnags te cang mi zer bar 'dug nas/ de grog ma brgyad khri po de dag gis za ba na smon lam btab pa/ kye ma dge ba'i rtsa ba 'dis bdag 'jig rten long ba ston pa med pa yongs su 'dren pa med par

  542. 272a

    sems can ma rgal ba rnams sgrol ba dang / ma grol ba rnams 'grol ba dang / dpags ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan la zlo ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnamakyi ston pa sangs rgyas bcom ldan 'das su gyur cig/ ji ltar ngas 'di rnams nga ltar rang gi sha dang khrag gis tshim par byas nas/ srog 'phangs pa byin pa de bzhin du/ nga bla na med pa yang dag par rdzogs pa'i byang chub mngon par rdzogs par sangs rgyas pa na yang 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod par gyur cig ces byas so/ / dge slong dag ji snyam du sems/ de'i tshe rus sbal du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe/ grog ma brgyad khrir gyur pa gang yin pa de dag ni lha brgyad khri bo de dag nyid yin te/ de'i tshe yang ngas 'di rnams rang gi sha dang khrag gis tshim par byas nas/ srog 'phangs pa byin no// /

  543. 272b

    da ltar yang ngas 'di rnams dam pa'i chos kyi bcud kyis tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod do// grog ma gnyis pa ni/ gleng gzhi mnyan du yod pa na bzhugs te/ gtan tshigs rgyas par ni dbyig dga'i rtogs pa brjod pa las 'byung ba bzhin te/ gang gi tshe tshe dang ldan pa kun shes ko'u di n+yas bden pa rnams mthong bar gyur pa de'i tshe/ lha brgyad khris kyang bden pa mthong bar gyur to// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis ko'u di n+ya la sogs pa lha brgyad khri dam pa'i chos kyi bcud kyis tshim par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs lags/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ko'u di n+ya la sogs pa lha brgyad khri po 'di dag nyid ngas ji ltar rang gi sha dang khrag gis tshim par byas pas/ srog 'phangs pa byin pa de nyon cig/ dge slong dag sngon byung ba 'das pa'i dus na/ ri khrod cig nas thag mi ring ba zhig na/ khung zhig gi nang na srog chags sbyin gor snying rje che ba byams pa'i bdag nyid can/ sems can la byams pa zhig gnas pa

  544. 273a

    de/ rtsa ba dang 'bras bus 'tsho zhing / su la yang 'tsho mi 'dod pa zhig 'dug pa de/ phyi zhig na zas la song song ba las/ rngon pa zhig gis mthong nas/ des de gson por bzung ste/ pags pa bshus nas btang ste/ rngon pa des pags pa khyer te song ngo // de nas sbyin gor de na tsha mi bzod de/ chu 'gram zhig tu song nas/ sa gzhi bsil ba'i phyogs su nyal lo/ / de na sa ha cang mi ring ba zhig na grog tshang zhig yod de/ grog tshang de na grog ma brgyad khri gnas te/ grog tshang de'i nang nas grog ma zhig byung ste/ grog ma de sbyin gor de'i thad du song ste bltas na/ sbyin gor pags pa med pa de mthong nas rang gi tshang du song ste/ grog ma gzhan dag la sbran nas/ grog ma brgyad khri po de dag tshang nas 'thon te/ sbyin gor de'i lus la zhugs so// de nas de de dag za bas sad de/ des bltas na/ lus thog thag grog mas gang bar mthong ngo // byang chub sems dpa' rnams ni lus kyis log par ltung du zin kyang sems kyis log par ltung bar mi 'gyur te/ byang chub sems dpa' des bsams pa/ ngas bdag nyid thar par ni nus mod kyi/ sems can 'di snyed cig srog ma rung bar 'gyur la/ bdag kyang sems can la phan pa'i phyir brtson pa yin gyis/ bdag rang gi srog yongs su btang yang bla'i

  545. 273b

    sems can 'di snyed kyi srog ma rung bar byar mi rung ngo / / gcig tu na bdag ni gnod pa 'di kho nas nges par 'chi bar 'gyur la/ bdag gis bya ba gang yin zhe na/ sems can la phan pa'i phyir lus yongs su gtong ba ste/ de ni bdag la 'di rnams kyis skul to snyam nas/ bdag nyid kyis brnags te/ cang mi zer bar 'dug nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis bdag 'jig rten long ba ston pa med pa yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig/ ji ltar ngas 'di rnams da ltar rang gi sha dang khrag gis tshim par byas nas/ srog 'phangs par byin pa de bzhin du/ nga bla na med pa yang dag par rdzogs pa'i byang chub mngon par rdzogs par sangs rgyas pa na yang / 'di rnams dam pa'i chos kyi bcud kyis

  546. 274a

    tshim par byas nas/ g.yung drung gi mthar thug pa grub pa dang bde ba'i mya ngan las 'das pa la bkod par gyur cig ces byas so// dge slong dag jidza snyam du sems/ de'i tshe sbyin gor du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe grog ma brgyad khrir gyur pa gang yin pa de dag ni brgyad zhi bo 'di dag nyid yin to/ / de'i tshe yang nges 'di rnams rang gi sho dang khrag gis tshim par byas nas srog 'phangs pa byin no// da ltar yang ngas 'di rnams dam pa'i chos kyi bcud kyis tshim par byas nas/ gsung drung gi mthar thug pa grub pa dang bde ba'i mya ngan las 'das pa la bkod do// spyod yul zhes bya ba ni/ gleng gzhi mnyan du yod pa na bzhugs te/ sangs rgyas bcom ldan 'das rnams kyi nyan thos rnams ni/ chos nyid kyis 'du ba chen po'i dus gnyis yod do// dbyar zla 'bring po la dbyar gnas 'cha' ba'i dus la bab pa dang / ston zla tha chung nya'o// de la dbyar zla 'bring po la dbyar gnas 'cha' bar nye ba'i tshe ni/ dge slong rnams yid la byed pa'i khyad par dag mnos nas/ ri'i sul dang / ri'i phug dang / sog ma'i sprul bu dang / thang dang / dur khrod dang / nags khrod dang / bas mtha'i gnas mal dag tu dong ste

  547. 274b

    dbyar gnas 'cha' bar byed do/ / ston zla tha chung nyal ni phyir 'ongs nas/ rtogs zin pa ni rjod par byed/ da dung ma rtogs pa yan chad ni zhu bar byed do// de nas dge slong zhig ljongs su skabs dbye ba byas nas/ ljongs rgyu zhing song song ba la sa/ mnyan du yod par phyin nas/ nges lhung bzed dang chos gos stong par bzhag go// de nas snga dro sham thabs dang chos gos bgos te/ lhung bzed thogs nas/ mnyan du yong par bsod snyoms la song ngo // de yang gsar du 'ongs la sngan chad ma phyin te/ shes pa chung zhing spyod yul la mi mkhas pa zhig ste/ de shin tu 'phyi ba zhig na/ mnyan du yod par song nas/ de bltas nas/ dge slong gzhan dag lag pa gang ba dang / lhung bzed bkang ste/ phyir 'ong bar mthong nas des bsams pa/ dge slong 'di dag la 'di na spyod yul gyis gang na yod pa dang / gang du bsod snyoms skyen par rnyed par 'gyur ba jedze dri bar bya'o snyam nas/ nye dga' bo'i thad du song ste dris pa/ btsun pa nye dga' bo bdag ni mnyan du yod pa'i spyod yul gyi rgyus ma 'tshal na/ bdag gis gang nas bsod snyoms skyen par rnyed par 'gyur ba de lta bu'i spyod yul bdag la ston cig ces byas pa dang / nye dga' bos mtho ba tsam par bsams te/ bram ze dge mtshan dang / bkra shis dang /

  548. 275a

    sbyor ba mi baspyan cing ma dad pa zhig gi khyim bstan te/ khyim 'dir song zhig dang / 'di nas khyod kyi bsod snyoms 'byung bar 'gyur ro zhes byas nas nye dga' po song ngo / / de nas dge slong de khyim de'i nang du song ba dang / bram ze de yang don zhig la grong gzhan zhig tu 'gro bar chas pa las/ nges bsems pa/ mgo reg gos tshon can gyon pa bdag gi mdun du 'ongs pa 'di ni bkra mi shis so snyam nas/ de des bzung nas khu tshur dang rdog pas zhen par brdegs te/ bsgyur te bor nas klad pa ni rdol/ chos gos snam sbyar ni ral/ lhung bzed ni zhom/ sreg shang ni chag ste/ khyim de'i nang nas phyir byung nas/ des bsams pa/ bdag zan med kyang bla'o snyam nas/ de spyang bar 'dug bzhin du rgyal bu rgyal byed kyi tshal du song ba dang / dge slong rnams kyis de mthong nas dris pa/ btsun pa 'di lta bu ci/ khyod mi rgod kyis ma bcom mam/ des smras pa/ bdag mi rgod kyis ni ma bcom gyi/ nye dga' bos mtho btsams so zhes byas so// de nas skabs kyi gtam de dge slong rnams kyis thos te/ bcom ldan 'das la gsol nas/ bcom ldan 'das kyis bka' stsal pa/ dge slong gis dge slong la spyod yul ma yin pa bstan par mi bya'o// gal te mi shes bzhin du

  549. 275b

    'gro 'dod pa zhig dge slong dag gis mthong na yang dag par bya ste/ de ltar bkag pa ni legs/ ma bkag pa ni nyes pa dang ldan par 'gyur ro// de nas dge slong rnams kyis/ bcom ldan 'das la gsol pa/ btsun pa nye dga' bos dge slong 'di spyod yul ma lags par btang nas/ dge slong 'di yang der mchis te/ gnod pa chen po dang mjal ba la gzigs lags/ bcom ldan 'das kyis bka' stsal pa/ de ltar 'ba' zhig ma yin te/ sngon 'das pa'i dus na yang dge slong 'di nye dga' bo 'di kho nas spyod yul ma yin pa la ji ltar btang ba dang / 'di yang der song ste gnod pa chen po dang ji ltar phrad pa nyon cig/ dge slong dag sngon byung ba 'das pa'i dus na/ pad+ma'i mtsho zhig/ gi nang na srog chags ru sa sbal zhig gnas la/ za zhig kyang skom gyis gdungs nas chu btung ngo snyam ste/ pad+ma'i mtsho de'i nang du zhugs pa dang / des rus sbrul de mthong nas/ bza' bar chad de sos bzung nas rus sbal des/ de la smras pa/ grogs po bdag ma gsad cig/ bdag ni khyod kyi kham gcig tu yang med kyis/ gal te khyod kyis bdag gson por btang na/ bdag gis khyod la kha zas mang po bstan to zhes byas so// de nas de thos ma thag tu wa des rus sbal de btang ste smras pa/ bdag gis

  550. 276a

    ga las bza' ba rnyed par 'gyur ba'i phyogs de ston cig/ rus sbal gyis smras pa/ grogs po phyogs ga ge mo zhig na phug gcig gi nang na sbyin gor ma smad brgyad gnas kyis/ de rnams khyod kyis gsod la zo zhig ces byas so// phug de'i nang na seng ge mo zhig kyang gnas te/ de yang gsar du bu byung nas/ de la seng ge'i phrug gu gnyis yod do/ / des de gnyis bsrung ba'i phyir phug de'i nang nas phyir 'byung du mi btub bo// de nas de thos ma thag tu wa de yang phug sgo logs su chas pa las/ de wa gzhan zhig gis mthong nas smras pa/ grogs po gar 'gro// des smras pa/ phug de'i nang na sbyin gor ma smad brgyad gnas te/ de dag bdag gis bsad la bza' bar bya'o/ / wa nges smras pa/ grogs po ltos dang khyod 'dir song na sdug bsngal dang phrad da re zhes byas pa dang / des de la tshigs su bcad de smras pa/ bdag ni 'di na stobs ldan brtson 'grus ldan/ / bdag dang mtshungs pa ga la'ang yod med do// glang chen rgyal po rdzing la bab pa bzhin// de ring sbyin gor smad brgyad gzhom par bya// zhes smras nas/ des de'i tshig ma nyan te phug de'i nang du song ba las/ de seng ge'i phrug gu gcig gis ni rna ba nas bzung / gcig gis ni mjug ma nas bzung nas/ mos smras pa

  551. 276b

    bu gnyis the rel zab 'dim gsad/ 'di bsad de ci rung zhes byas nas/ de gnyis kyis ma'i tshig mnyan te/ gcig gis ni rna ba bcad/ gcig gis ni mjug ma bcad de bor ro/ / de nas wa cig shos kyis de phug sgo nas byung ba mthong nas tshigs su bcad de smras pa/ khyod ni 'di na stobs ldan brtson 'grus ldan// khyod dang mtshungs pa ga la'ang med ce na/ dpa' bo lus mdzes ma rung gyur pa las// kha tso ba skyed pa de dang 'thun ma gyur// de nas de la smras pa/ 'di ni des kyang ma nyes kyi/ bdag gis de'i tshig ma nyan te/ yid ches par byas pa 'di ni bdag nyid kyis nyes so zhes byas nas/ tshigs su bcad de smras pa/ sbyin gor smad brgyad phug nas skyes so zhes// bdag ni rus sbal tshig la yid ches pa// de ni bdag 'dir blun zhing dgongs kyang chung // mi shes byung ngan dam pas smad par 'os// dge slong dag ji snyam du sems/ de'i tshe srog chags rus sbal du gyur pa gang yin pa de ni nye dga' bo 'di kho na yin no// de'i tshe war gyur pa gang yin pa de ni dge slong 'di nyid yin te/ de'i tshe yang 'dis spyod yul ma yin par btang ste/ 'di yang der song ba las sdug bsngal chen po rnyed la da ltar yang des 'di spyod yul ma yin par btang ste/ dge slong 'di der song

  552. 277a

    nas sdug bsngal chen po rnyed par gyur to/ / dgon pa pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na// khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs te/ de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags te/ sems can de yang srid pa tha ma pa zhig yin la/ khyim de'i bsen ni tshe dang ldan pa ma 'gags pa yin te/ des bltas na/ srid pa tha ma pa'i sems can gyis khyim der nying mtshams sbyar bar mthong ngo // de nas nges phyi zhig na khyim bdag de brtan por bya ba'i phyir gcig pu zla med cing g.yog med par khyim der song ba dang / khyim bdag des/ tshe dang ldan pa ma 'gags pa mthong nas smras pa// 'phags pa khyod zham ring ma mchis sam/ ci na zla ma mchis pa dang / zham ring ma mchis par gcig pu gshegs/ tshe dang ldan pa ma 'gags pas smras pa/ bdag cag gi g.yog ni khyed cag lta bu 'ba' zhig gis byin pa de bdag cag gi g.yog tu 'gyur par zad pas na/ bdag cag gi g.yog ni rnyed rnyed tsam du zad do// khyim bdag gis smras pa/

  553. 277b

    'phags pa bdag gi mchis brang la bu chags pa mchis kyis/ de las gal te khye'u zhig btsas par gyur na/ de bdag gis 'phags pa'i zham ring du dbul lo// ma 'gags pas smras pa/ khong dge ba rnams ni dam bcas pa la brtan pa yin no zhes smras nas song ngo // khyim bdag gi chung ma de yang gang gi tshe bu chags par gyur nas/ gcig pu shin tu dben pa'i phyogs su song nas gnas par byed de/ phyin chad skye bo mang po'i ning du 'dug par mi dga' 'o// de nas khyim bdag gis bsams pa/ ma la bdag gi chung ma 'di 'byung po 'ga' zhig gis ma brlams grang snyam nas/ ltas mkhan rnams la bstan nas/ lha sa mkhan rnams kyis smras pa/ 'di 'byung pos brlams pa ni/ ma yin gyi/ 'di ni sems can lto na gnas pa de'i mthu yin te/ sems can de ni gcig pu ga ra bar dga' ba zhig go zhes byas so// de nas khyim bdag gi chung ma de zla ba dgu 'am bcu lon pa dang / khye'u gzugs bzang zhing blta na sdug pa/ mdzes pa/ mdog bzang ba/ gser gyi kha dog can mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho la sna legs pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed

  554. 278a

    de/ khye'u 'di ma btsas pa'i snga rol nas gcig pu gar bar dga' bar 'gyur ro zhes lung bstan pas na/ de'i phyir khye'u de'i ming dgon pa pa zhes gdags so zhes zer ro/ / de nas khye'u dgon pa 'o ma dang / zho dang / mar dang / zhun mar dang / mar gyi snying khus bskyed bsrings nas/ 'gro nus par gyur pa dang / khye'u de rang bzhin gyis tshe rabs dran te/ des bltas nas/ 'khor bar 'khor ba na/ bdag gis 'du 'dzi'i nyes pas sdug bsngal chen po myong bar mthong ngo // mthong nas kyang gcig pu shin tu dben pa'i phyogs su dga' bar byed cing / de 'du 'dzi'i nyes pa spang ba'i phyir gnas so// de nas phyi zhig na tshe dang ldan pa ma 'gags pas/ de rab tu 'byung ba'i dus la bab par shes nas/ khyim bdag de la smras pa/ khyim bdag khye'u 'di ni ma btsas pa'i snga rol nas khyod kyis bdag gi g.yog tu byin te/ khong dge ba rnams ni dam bcas pa la brtan pa yin na/ de kho na ltar dam ma bcas sam/ khyim bdag gis smras pa/ 'phags pa de kho na ltar dam bcas pa lags so zhes byas nas/ khye'u de lag ba gnyis kyis bzung ste/ tshe dang ldan pa ma 'gags pa la phul nas smras pa/ bu khyod ma btsas pa'i snga rol nas 'phags pa'i zham ring du phul gyis/ song la 'phags pa'i zham

  555. 278b

    ring gyis shig/ khye'us smras pa/ de ni bdag la phan btags pa lags so zhes byas nas/ khye'u de tshe dang ldan pa ma 'gags pa'i phyi bzhin song ngo // tshe dang ldan pa ma 'gags pas kyang khyim bdag de la chos bshad nas/ khye'u de khrid de gtsug lag khang du song ngo // der khrid nas kyang de rab tu phyung ste/ bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de dgon pa dang / nags khrod dang / bas mtha'i gnas mal la rten cing bdag su dang mi 'phrang bar bya'o snyam mo// dge slong rnams kyis/ sangs rgyas bcom

  556. 279a

    ldan 'das la zhus pa/ btsun pa dgon pa pas las ci zhig brdzis na/ las de'i rnam par smin pas phyug cing nor mngal longs spyod che ba'i rigs su skyes nas/ 'dis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ nongs dmigs ci zhig mthong na byis pa nas 'du 'dzi spangs te/ gcig pu mchis par dga' bar gyur lags bcom ldan 'das kyis bka' stsal pa/ dge slong dag 'di ni rang bzhin gyis tshe rabs dran la/ 'khor bar 'khor ba na/ 'dis 'du 'dzi'i nyes pas sdug bsngal chen po yang myong bar gyur to/ / 'dis sdug bsngal de rjes su dran pa sa na/ gcig pu gnas par dga' bar gyur to// btsun pa 'dis gang du 'du 'dzi'i nyes pa bskyed legs/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kho lo sgyur ba/ bla na med pa/ lha dang mi rnams kyi ston

  557. 279b

    pa sangs rgyas bcom ldan 'das 'od srungs zhes bya ba 'jig rten du byung nas/ de'i gsung rab la rab tu byung ste/ dge slong zhal ta byed pa 'du 'dzi mang bar gyur nas/ 'du 'dzi'i nyes pa des tshul khrims 'chal bar gyur te/ tshul khrims 'chal pa dang / des dge 'dun gyi dkor dang / mchod rten gyi dkor dang / 'tsho ba nar ma dang / phyogs bzhi'i dge 'dun gyi dkor ma thub nas/ ci 'dod par spyad de gzhan dag la yang byin no// dge slong dag ji snyam du sems/ de'i tshe zhal ta byed par gyur pa gang yin pa de ni dge slong 'di kho na yin te/ de der rab tu byung nas dge 'dun gyi dkor dang / mchod rten gyi dkor dang / 'tshe ba nar ma dang / phyogs bzhi'i dge 'dun gyi dkor ma thub nas/ ci 'dod par spyad de/ gzhan dag la yang byin nas/ khong dge ba rnams la dor byas pa'i las de'i rnam par smin pas 'di tshe rabs lnga brgyar yi dgas su skyes te/ sdug bsngal chen po nyams su myong ngo // des sdug bsngal de rjes su dran pas na/ gcig pu gnas par dga' bar gyur to// des der tshe gcig gi bar du tshangs par spyod pa la gnas pa bsrungs pa dang / dbang po yongs su smin par byas pa des ni/ da ltar 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung

  558. 280a

    nas/ nyon mongs pa thams cad spangs te/ dgra bcom pa nyid mngon sum du byas so// des cung zad chos bzhin du zhal ta byas pa'i las de'i rnam par smin pas ni phyug cing nor mang la longs spyod che ba'i rigs su skyes so/ / // bam po bcu drug pa// // glang po che zhes bya ba ni/ gleng ga ni mnyan du yod pa na bzhugs te/ de nas bcom ldan 'das mnyan du yod par dbyar gnas bcas te/ dbyar gnas zla ba gsum 'das nas/ chos gos mdzad de/ chos gos zin nas/ chos gos gsol te lhung bzed bsnams nas/ mnyan du yod pa nas rgyal po'i khab tu chas te gshegs nas/ mthar gyis gshegs gshegs pa las/ ri drung / shod cig tu byon pa dang / de'i tshe dgon pa'i glang po che zhig seng ges 'jigs nas/ de rang gi khyu ded de ri de la brdzes nas/ rang gi khyu skyong zhing 'dug pa las/ glang po che'i gtso bo ri la song ba des bcom ldan 'das thag ring po nas gshegs pa mthong nas/ bcom ldan 'das mthong ma thag tu glang po che'i gtso bo de bcom ldan 'das la shin tu dga' ba skyes nas de ri de las babs te/ shing n+ya gro d+ha'i yal ga dag khyer nas/ bcom ldan 'das ga la ba der song ste phyin nas/ bcom ldan 'das la phyag 'tshal te

  559. 280b

    bskor ba byas nas/ bcom ldan 'das kyi sku la nyi ma'i 'od kyis gdung bar mi 'gyur bar bya ba'i phyir/ bcom ldan 'das kyi steng du n+ya gro d+ha'i yal gA 'dzin cing phyi bzhin 'brang ngo / / de nas grong gzhan du gshegs kyi bar du bskyal te phyir log nas/ de phyir log cing 'ong ba na/ ri dgas kyi rgyal po seng ges bsad de/ de shi 'phos nas dus las 'das pa'i 'og tu lha'i nang du skyes te/ lha'i bu 'am/ lha'i bu mo skyes ma thag pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes las gang gis skyes mnyam mo/ / de nas dud 'gro las shi 'phos pa dang / sum cu rtsa gsum gyi lha yul bzang por skyes pa dang / bcom ldan 'das la sems dga' bar gyur par des mthong ngo / / de nas sngon glang po cher gyur pa'i lha'i bu de 'di snyam du sems te/ bdag zhag lon nas gzod bcom 'angs blta ba'i phyir 'gro ba ni bdag gi cha ma yin gyis bdag zhag ma lon par bcom ldan 'das blta ba'i phyir 'gro snyam mo/ / de nas sngon glang po cher gyur pa'i lha'i rna cha gdub kor dag cing 'gul ba thogs pa/ lus do shal dang se mo ngos brgyan pa/ nor bu rin po che sna tshogs kyis spras pa'i cod pan can/ lus gur kum dang / ta ma la'i lo ma dang / spri ka la sogs pas byugs pa des de nyid kyi mtshan mo lha'i

  560. 281a

    me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis sngon glang po cher gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan/ to// de thos nas sngon glang po cher gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang / mchi ma'i rgya mtsho bskams pa dang / rus pa'i mtsho las bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang

  561. 281b

    ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzang khyod kyi mthu yis bcad// bsod nams rab ldan mtho ris 'gro ba phye// mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob/ / bdag ni sdug bsngal rgya mtsho'i pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang rga dang 'chi/ ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal 'phyang ba dga' gyur te// btud cing zhabs gnyis la ni phyag 'tshal nas/ / dgra thub la ni bskor ba byas nas kyang // lha yi 'jig rten kha ltas lha yul song // de nas sngon glang po cher gyur pa'i lha'i bu de tshong pa khye spogs phyin pa dang / zhing pa 'bru rgyal bar gyur pa dang // dpa' bo g.yul las rgyal ba dang / nad pa nang thams cad las thar pa bzhin du 'byor pa gang gis/ bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / / de'i tshe dge slong srong dang tho rangs mi nyal bar brtson pa lhur byed pa la gnas pa de dag gis bcom ldan 'das

  562. 282a

    kyi thad du snang ba chen po byung ba mthong ngo / / mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mang / sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i phyir mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin te/ khyed kyis glang po'i gtso bo gang gis de bzhin gshegs pa lam du 'gro ba'i steng du n+ya gro d+ha'i yal ga bzung ba mthong ngam/ btsun pa mthong lags so// dge slong dag de ni nga'i thang nas phyir log pa'i 'og tu seng ges bsad de/ de nga la sems dga' ba bskyed pas lha'i nang du skyes te/ lhar gyur nas nga'i thad du 'ongs te/ de la ngas chos bstan nas/ des bden pa mthong ste/ rang gi gnas su song ngo // de nas dge slong rnams kyis/ sangs rgyas bcom ldan 'das la zhus pa/ btsun pa glang po che'i gtso bo des las ci zhig bgyis na/ las de'i rnam par smin pas glang po cher skyes lags/ las ci bgyis na/ yas de'i rnam par smin pas lha'i nang du skyes la/ des bcom ldan 'das

  563. 282b

    kyang mnyes par bgyis la/ mi mnyes par ma bgyis lags/ bcom ldan 'das kyis bka' stsal pa/ dge slong dag 'das pa'i las kyi shas kyang yod la/ da ltar byung ba'i las kyi shas kyang yod de/ 'das pa'i las gang zhe na/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na// yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa// skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung nas/ dge slong bslab pa la ma gus shing g.yel bar gyur te/ des der bslab pa'i gzhi che phra las 'gal ba mang du byas so// des bslab pa'i gzhi kha cig ni bsrungs nas 'chi kar smon lam btab pa/ dge ba'i rtsa ba 'dis na/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems de'i tshe dge slong du gyur pa gang yin pa de ni glang po

  564. 283a

    tshe 'di kho na yin te/ des der bslab pa'i gzhi che phra mang du ma bsrungs pa'i las de'i rnam par smin pas ni dud 'gro'i nang du skyes so// des der bslab pa'i gzhi kha cig bsrungs nas/ 'chi kar smon lam btab ste/ dge ba'i rtsa ba 'dis yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas pa des ni/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis da ltar nga mnyes par byas te/ mi mnyes par ma byas pa ni 'das pa'i las yin no// da ltar byung ba'i las ni gang zhe na/ de glang po cher gyur nas nga la bsnyen bkur byas te sems dga' bar byas pa des na lha'i nang du skyes te/ 'di ni da ltar byung ba'i las yin no// klu zhes bya ba ni/ gleng gzhi mnyan du yod pa na bzhugs te/ de tshe rgya mtsho chen po'i nang na/ klu'i rgyal po dbyig ces bya ba zhig gnas te/ des klu'i thabs zlar bab pa las chung ma blangs nas/ de de dang lhan cig rtse zhing dga' dgur spyod

  565. 283b

    do/ / des phyi zhig na khye'u zhig btsas te/ de'i btsas ston rgyas par byas nas/ bu 'di'i ming ji skad gdags zhes ming 'dogs par byed de/ bu 'di dbyig gi bu yin pas na 'di'i ming dbyig bzangs zhes gdags so zhes zer ro/ / de nas dbyig bzangs 'o ma dang / zho dang / mar dang / zhun mar dang / mar gyi snying khu rnams kyis bskyeng bsrings nas/ de cher skyes te 'gro nus par gyur to// klu rnams kyi chos kyi na nyid dus gsum dus lus la klu'i bye ma 'bab ste/ gzhi des na de dag gi sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong bar 'gyur te/ bu de byis pa shed ma bye ba'i bar du ni de'i lus la klu'i bye ma de mi 'bab bo// de gang gi tshe cher skyes shing shed bye bar gyur pa de'i tshe ni/ de'i lus la yang klu'i bye ma 'bab par gyur te/ gzhi des na des sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong nas/ pha ma la dris pa yab yum bdag gis yun ji srid cig gi bar du sdug bsngal 'di lta bu myong bar 'gyur/ pha mas smras pa/ bu ji srid du bskal pa mnyam pa 'di yod pa de srid du khyod kyis sdug bsngal 'di lta bu myong bar 'gyur ro zhes byas so/ / de nas bu des bltas na/ klu chen po gzhan dag gi lus la klu'i bye ma ma 'bab pa

  566. 284a

    mthong ngo / / mthong nas kyang pha ma la dris pa/ yab yum log par lhung bar gyur par 'dran/ ci'i phyir klu chen po 'di dag gi lus la ni klu'i bye ma mi 'bab la/ bdag cag gi lus la ni 'bab/ pha mas/ de la smras pa/ klu chen po 'di dag ni che bar grags pa yin te/ che bar grags pa yin pas na de dag mi 'bab bo// de nas des bltas na/ rgya mtsho chen po de'i nang na klu bdag cag pas ches ngan pa de dag gi lus la yang klu'i bye ma mi 'bab par mthong ngo // mthong nas kyang pha ma la smras pa/ yab yum khyed gnyis na re/ klu chen po 'di dag ni che bar grags pa yin te/ che bar grags pa yin pas na/ 'di dag gi lus la klu'i bye ma mi 'bab bo zhes na/ 'di na bdag cag pas ches ngan pa gzhan dag kyang yod na/ ci'i phyir de dag la ni klu'i bye ma mi 'bab la/ bdag la ni 'bab/ pha ma gnyis kyis smras pa/ de dag ni bdag cag pas ches ngan mod kyi/ 'on kyang de dag gis ni skyabs su 'gro ba dang / bslab pa'i gzhi blangs pas na/ de'i phyir de dag gi lus la klu'i bye ma mi 'bab bo// de nas de thos ma thag tu bu de shin tu dga' bar gyur to/ / smras pa/ yab yum de dag gi skyabs su 'gro ba dang / bslab pa'i gzhi rnams ga las byung / de gnyis kyis smras pa/ yul dbus 'dir

  567. 284b

    sangs rgyas byung ste/ de ni bdud rtsi'i char 'bebs pas/ de las de dag gi skyabs su 'gro ba dang / bslab pa'i gzhi rnams byung ngo // klu'i bu des smras pa/ yab yum/ bdag mchi bar gnang bar mdzod cig dang / gang dag gi mthus bdag gi lus la klu'i bye ma 'bab par mi 'gyur ba'i skyabs su 'gro ba dang / bslab pa'i gzhi de dag bdag gis blang bar bgyi'o/ / pha mas smras pa/ bu ma len cig/ lhan cig skyes pa'i bye ma'i sdug bsngal 'di ni chung gi/ skyabs su 'gro ba dang / bslab pa'i gzhi de dag blangs pa las ma bsrungs na/ gzhi de las sems can dmyal ba dang / dud 'gro dang / yi dgas su skyes nas sdug bsngal chen po rnams myong bar 'gyur te/ sdug bsngal de ni sdug bsngal de'i brgya'i char yang mi phod/ stong gi char yang mi phod/ 'bum gyi char yang mi phong ngo // klu'i bus smras pa/ yab yum bdag gi lhan cig skyes pa'i bye ma'i sdug bsngal 'ja zhi bar 'gyur ba 'ba' zhig gi phyir yang ci nus kyis bsrung bar bgyi'o zhes smras nas/ klu'i bu nges lha'i me tog ut+pa la dang / pad+ma dang / ku mu da dang / pad+ma dkar po rnams kyis thub bkang ste/ rgya mtsho chen po'i nang nas mi snang bar gyur nas/ rgyal bu rgyal byed kyi tshal du phyin pa dang / de'i tshe bcom ldan 'das 'khor brgya phrag du ma'i nang na chos sngon

  568. 285a

    cing bzhugs so/ / de nas klu'i bu des thag ring po zhig nas sangs rgyas bcom ldan 'das mdzes shing yid du 'thad pa/ dbang po dul ba/ thugs zhi ba thugs dul zhing rnam par zhi ba'i mchog dang ldan pa/ gser gyi mchod sdong ltar dpal dang gzi brjid 'bar ba mthong ngo // mthong nas kyang mchog tu dga' ba skyes te/ dga' ba skyes nas/ bcom ldan 'das ga la ba der song ste phyin nas/ bcom ldan 'das la lha'i me tog ut+pa la dang / pad+ma dang / ku mu da dang / pad+ma dkar po rnams kyis gtor te/ bcom ldan 'das kyi zhabs la mgo bos phyag 'tshal nas/ bcom ldan 'das la skyabs su 'gro ba dang / bslab pa'i gzhi rnams mnos te/ chos mnyan pa'i phyir bcom ldan 'das kyi spyan sngar 'dug go/ / de nas de klu'i bye ma med par gyur nas/ des bsams pa/ bcom ldan 'das ni bdag gi sdug bsngal dang / yid mi bde ba mang po sel ba dang / bde ba dang / yid bde ba rnam pa du ma thob par mdzad pa yin na/ bdag gis bcom ldan 'das kyi bka' drin ji ltar bsab par bya/ gal te bcom ldan 'das kyis bdag la gnang bar mdzad na bdag gis ji srid 'tsho ba'i bar du sangs rgyas la sogs pa dge slong gi dge 'dun la yo byad thams cad kyis bsnyen bkur bya'o snyam nas/ stan las langs te/ bla gos phrag

  569. 285b

    pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// ji srid 'tsho'i bar du dge slong gi dge 'dun dang thabs cig tu na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ gzhon nu gzhan dag la yang phan gdags dgos kyis thong zhig/ de nas bcom ldan 'das mnyan du yod par dbyar gnas nas/ tshe dang ldan pa kun dga' bo la bka' stsal pa// kun dga' bo song la dge slong rnams la de bzhin gshegs pa yul ma ga d+ha'i ljongs rgyu zhing gshegs kyis/ su de bzhin gshegs pa dang thabs cig tu ljongs rgyu zhing 'gro 'dod pa de/ chos gos dag dang chos shig ces smon cig/ de nas bcom ldan 'das ji srid dgyes kyi bar du mnyan du yod pa na bzhugs bzhugs nas/ rgyal po'i khab ga la ba der rgyu zhing gshegs so// de nas klu'i bu nges bsams pa/ ji srid 'tsho'i bar du yo byad thams cad kyis bsnyen bkur bya bar bcom ldan 'das kyis ma gnang mod kyis/ bdag gis lam 'dir sangs rgyas la sogs pa dge slong gi dge 'du

  570. 286a

    la yo byad thams cad kyis bsnyen bkur bya'o snyam nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// mnyan du yod pa nas rgyal po'i khab kyi bar du bcom ldan 'das dge slong gi dge 'dun dang bcas pa lan bza' dang / zhal zas dang // gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol// de nas bcom ldan 'das kyis klu'i bu de la cang mi gsung bas gnang nas/ klu'i bu des kyang bcom ldan 'das kyis cang mi gsung bas gnang bar rig nas/ mnyan du yod pa nas rgyal po'i khab kyi bar gyi lam thog thag tu rdo dang / gseg ma dang / gyo mo rnams bsal te/ stor khung dang / phyi sa'i 'dam dam dang / phyag dar nyal nyil dang / shing dang / bong ba rnams med par byas nas/ sa gzhi gsing ma sngon pos khyab par byas nas/ spos chab kyis chag chag btab pa/ ngos g.yas g.yon nas me tog gi shing dang / 'bras bu'i shing / dag gis khyams 'dra bar dkrigs te/ ne tso dang / ri skegs dang / rma bya dang / shang shang te'u rnams skad 'byin pa/ bkod ma dang / mtshe'u dang / lteng ka dang

  571. 286b

    rdzing rnams me tog pad+ma dang / ut+pa la dang / ku mu da dang / pad+ma dkar po rnams kyis gang bar 'dug la/ ngang pa dang / ngur pa dang / zal mo dag skad 'byin pa dag sprul te/ lam thog thag tu bum pa gang ba dang / chu shing gi sdong bu dang / 'phreng ba'i mchog rnams ni tshar du sbrengs/ gdugs dang / rgyal mtshan dang / ba dan rnams ni bsgreng / ras sna tshogs ni spungs/ rnga yab sna tshogs ni btsugs/ glo g.yas g.yon du gzims khri kha dog sngon po dang / ser po dang / dmar po dang / dkar po rnams bshams/ dar gyi bla re rnams ni bres/ zla ba dang / zla ba tshes pa dang / me long rnams kyis ni brgyan mgul gdub dang / gdu bu rgyan can dang / dpung rgyan dang / rgyan 'phreng dang / se mo de rnams kyis ni mdzes par byas/ me tog sna tshogs kyi chun po rnams kyis ni khebs par byas te sprul lo// der mi mang po dag kyang sprul te/ la la ni sangs rgyas la sogs pa dge slong gi dge 'dun rnams la gdugs rtsibs brgya pa dag 'dzin par byed/ la la ni bla bre 'dzin par byed/ la la ni rnga yab gser gyi yu ba can dang / nor bu'i yu ba can dag gis g.yob par byed/ la la ni ut+pal dang / pad+ma dang / ku mu da dang / pad+ma dkar po rnams 'thor bar byed do// klu'i

  572. 287a

    bu de nyid ni bcom ldan 'das la bdug pa dang / phye ma dang / spos dang / me tog rnams kyis mchod pa byed cing phyi bzhin 'brang ste/ des phyogs gang dang gang du bcom ldan 'das mnyel bso ba'i phyogs de dang der gdan rnams sprul par byed do/ / sangs rgyas la sogs pa dge slong gi dge 'dun rnams la sbyar ba'i btung ba dang / hwags dang / 'dam pu ka ra dang / kha ra rnams kyis kyang tshim par byed do// phyogs gang dang gang du bcom ldan 'das gshegs dgongs mdzad po'i phyogs de dang der ni rnam pa thams cad rdzogs pa'i gtsug lag khang sprul par byed do/ / dge slong rnams la yang rkang pa bkru ba'i spos chu dang / rkang pa bsku ba'i til mar spos can 'bul bar byed do/ / de nas phyid nyin sangs rgyas la sogs pa dge slong gi dge 'dun rnams la bza' ba dang / bca' ba gtsang ma bzang po mang pos tshim par byas nas/ yang bcom ldan 'das la bkur sti byed/ bla mar byed/ rim gro byed/ mchod par byed cing phyi bzhin 'brang ngo // de nas bcom ldan 'das mthar gyis gshegs gshegs pa/ las rgyal po'i khab tu byon no// rgyal po'i khab na 'od ma'i tshal bya kaM lan ta ka gnas par bzhugs so// de nas klu'i bu des yang bla gos phrag pa gcig tu gzar te/ bcom ldan

  573. 287b

    'das ga ya ba de logs su thal mo sbyar ba btud nas/ bcom ldan 'das la 'di skad ces gsol to// 'od ma'i tshal 'di nyid du dge slong gi dge 'dun dang thabs cig tu zla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis klu'i bu de la cang mi gsung ba'i gnang te/ klu'i bu des bcom ldan 'das kyis cang mi gsung bas gnang bar rig nas/ 'od ma'i tshal de nyid du zla ba gsum gyi yo byad thams cad sbyar te/ sangs rgyas la sogs pa dge slong gi dge 'dun le yo byad thams cad kyis bsnyen bkur bas nas/ tha ma'i nyin par sangs rgyas la sogs pa dge slong gi dge 'dun zhal zas ro brgya dang ldan pas tshim par byas te/ bcom ldan 'das la 'bum ri ba'i na bza' phul lo// dge slong gzhan rnams la yang so sor yo byad thams cad phul nas sems dad par byas te/ gral dpon gyi spyan sngar 'dug go// de'i skabs su bcom ldan 'das 'dzum pa mdzad de/ 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar

  574. 288a

    po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bong chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can dpya ba de dag gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas shi 'phos par yang ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam

  575. 288b

    mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na/ 'don pa rnams dang / tshangs pa chen po rnams dang / 'od chung rnams dang / tshad med 'ong rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen

  576. 289a

    bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad bar byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das kyi bzhin 'brangs te/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dung 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston bzhed na ni/ phyag g.yon pa'i mthil du mi snang bar 'gyur ro/ / 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi/

  577. 289b

    snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams/ kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor bar byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dag bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis/ / nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa/ / rgyal ba dgra thul rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan po nyid kyi blo yis dus bab mkhyen lags na/ / dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya ma

  578. 290a

    dang ni ri rgyalas bur brtan pa yi/ / mgon po rdzogs sangs rgyas rnams kyi na 'da' 'dzum mi ston// gang gi don du dpa' bo'adzum pa son mdzadapa/ la skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad ngo / / kun dga' bo khyod kyis klu'i bu 'dis sangs rgyas la sogs pa dge slong gi dge 'dun la lam dang / rgyal po'i khab 'dir bkur sti 'di lta bu byas pa mthong ngam/ btsun pa mthong lags so// kun dga' bo klu'i bu 'di dge ba'i rtsa ba 'dis bskal pa brgya'i bar du log par ltung bar mi 'gyur te/ bskal pa brgya'i bar du lha dang mi'i nang du nying mtshams sbyor zhing 'khor bar gyur nas/ srid pa tha ma dang / gnas tha ma la mir skye ba thob ste/ rab tu byung nas slob dpon med pa dang / man ngag med par byang chub kyi phyogs dang 'thun pa'i chos mngon du 'gyur te/ rang sangs rgyas kyi byang chub mngon sum du byas nas/ rang sangs rgyas smon lam legs par btab pa zhes bya bar 'gyur te/ 'di ni de'i sbyin par bya ba'i chos yin no// seng ge zhes bya ba ni/ gleng gzhi yangs pa can na bzhugs te/

  579. 290b

    de'i tshe sde dpon seng ge zhes bya ba chung ma dang rtse zhing dga' la dga' dgur spyod pa las/ chung ma la bu chags nas/ bud med de'i lus thog thag nas phyi sa'i dri 'byung la/ phyis bza' ba'i sems kyang skyes nas/ chung mas sde dpon seng ge la bsnyad do// de nas sde dpon seng ges bsams pa/ ma la bdag gi chung ma 'di lus srul po 'ga' zhig gis brlams grang snyam ste/ des ltas mkhan rnams la bstan na/ lhas mkhan rnams na re/ 'di lus srul pos brlams pa ni ma yin gyi/ 'di ni sems can lton 'dug pa de'i mthu yin te/ sems can de nam btsas pa de'i tshe 'di skyon 'di med par 'gyur ro zhes zer ro// de nas zla ba dgu'am bcu lon pa dang / de'i bu mi sdug pa'i sna grangs bco brgyad dang ldan pa zhig btsas nas/ de btsas ma thag tu khyim de thog thag tu phyi sa'i dris gang bar gyur to// de bud med de dag gis spos sna tshogs kyis byugs te/ mal du bzhag kyang de'i lus las phyi sa'i dri med par ma gyur nas/ chung mas sde dpon seng ge la bu de bstan par mi 'dod pa las/ bud med gzhan dag gis de la baspyad de/ jo bo khyed kyi sras ni bltams maud kyi/ mi sdug pa'i sna grangs bco brgyad dang ldan pa/ lus thog thag nas phyi sa'i dri 'byung ste/ de nas khyim thog thag phyi ba'i dris gang bar gyur to zhes

  580. 291a

    byas so/ / de nas de thos ma thag tu sde dpon seng ge shin tu sdu bsngal bar gyur te/ des bsams pa/ 'di ltar bdag gi bu btsas su zin kyang 'di kho na ltar skyon can du gyur na/ 'di lta bu bdag cag la ci dgos kyis/ mun sros pa'i 'og tu khyim nas byung ste/ khyi rnams la sbyin no snyam mo// de nas de'i bar skabs su sde dpon seng ge dge ba'i bshes gnyen bcom ldan 'das dang phrad nas/ bden pa rnams mthong ste/ des bden pa rnams mthong nas bsams pa/ sems can 'di ni las las skyes te/ sngon gyi mi dge ba'i las rnams kyis lus 'di lta bur skyes par gyur kyis/ ngan ngon zhig gsos la cher skyes pa dang / sangs rgyas dang / chos dang dge 'dun la bsnyen bkur byed du gzhug go/ / 'on kyang tshe rabs gzhan du lus 'di lta bur skye bar mi 'gyur ro snyam nas/ 'o ma dang / zho dang / mar dang / zhun mar dang / mar gyi snying khus gsos nas/ de cher skyes pa dang / phas de la smras pa/ bu khyod sngon gyi las mi dge ba rnams kyis lus 'di lta bur skyes la/ da ltar bcom ldan 'das 'di ni bsod nams kyi ning rkang gnyis pa yin te/ 'di la ni bkur sti cung zad cig byas kyang 'bras bu che zhing phan yon che bar 'gyur gyis de la bkur sti byos la smon lam

  581. 291b

    legs par thob cig dang / khyod kyi las de yang bar 'gyur yang srid do zhes byas nas/ des kyang pha'i ngag mnyan te/ sangs rgyas dang / chos dang / dge 'dun la bkur sti byed pa la zhugs so/ / de nas phyi zhig na khye'u des pha ma la gsol te/ sangs rgyas la sogs pa dge slong gi dge 'dun khyim du spyan drangs nas/ bza' ba dang bca' ba gtsag ma bzang po mang pos tshim par byas te/ ci bzhed pa bstabs nas/ bshos gsol zin te/ gsang sngar ni gyur/ phyag ni bcabs par rig nas/ stan ches dma' ba zhig khyer te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khye'u des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag lus 'di lta bur ma gyur na ni/ bdag kyang bcom ldan 'das kyi bstan pa la rab tu byung nas/ chu bo rnams las brgal bar bya ba dang / sbyor ba rnams las 'da' bar bya ba'i phyir brtson pa dang / bsgrub pa dang /

  582. 292a

    'bad par bya ba zhig na snyam du bsams pa dang / sems bskyed ma thag tu khye'u de'i byad bzhin mi sdug pa de dang / dri mi zhim pa de med par gyur to// de nas de lhag par yang bcom ldan 'das la dga' ba skyes te/ de dga' ba skyes nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi/ thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya bas rab tu byung ste/ bsnyen par rdzogs par mdzad nas/ de la lung yang phog go/ / des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang /

  583. 292b

    bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis// bcom ldan 'das la zhus pa/ btsun pa dge slong 'dis las ci bgyis na/ las de'i rnam par smin pas mi sdug pa'i sna grangs bco brgyad dang ldan par skyes la/ lus thog thag nas phyi sa'i dri byung bar gyur lags/ las ci bgyis na/ rab tu 'byung ba'i sems bskyed ma thag tu mi sdug pa ma mchis par gyur te/ bzang por gyur la/ bcom ldan 'das kyang 'dis mnyes par bgyis te/ mi mnyes par ma bgyis na/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal da// dge slong dag 'di nyid kyis las 'di lta bu byas shing bsags te/ dge slong dag sngon byung ba 'das pa'i dus na/ ri khrod kyi grong zhig na bram ze gzugs bzang zhing blta na sdug la mdzes pa zhig gnas pa de byad gzugs dang lang tsho'i rgyags pas dregs nas/ dge sbyong dang bram ze du ma la brnyas par byed do// de nas/ phyi zhig na de khang thog tu song ste/ bram ze'i khye'u dag gis bskor zhing 'jug go// sangs rgyas rnams 'jig rten du mi 'byung ba'i tshe/ rang sangs rgyas sdug cing 'phongs pa rnams la snying

  584. 293a

    brtse ba/ bas mtha'i gnas mal gyis 'tsho ba/ bse ru lta bu 'jig rten gyi yon gnas gcig pu rnams 'jig rten du byung ste/ rang sangs rgyas shig ri khrod kyi grong der bsod snyoms la song nas/ des bza' ba dang bca' ba bzang po dag rnyed de/ de khyer zhing bram ze de'i khyim gyi sgo drung nas lam po che logs su chas pa dang / de bram ze des mthong nas/ bram ze de'i mdun na yang gyo mo phyi sas gang ba zhig 'dug ste/ des mtho ba tsam pa'i bsam pas rang sangs rgyas de'i steng du gyo mo de rkang pas phul nas/ de'i gos rnams dang / de'i lus dang / de'i lhung bzed rnams la gos par gyur te/ rang sangs rgyas des yang bltas pa dang / bram ze de dag ches nas bzhin mi sdug par gyur te/ lus kyi las kyis mtho ba tsams so/ / de nas rang sangs rgyas des bsams pa/ nyon mongs pa 'di ni smas shing nyams par gyur gyis/ 'di'i ra mda' bya dgos so snyam nas/ steng gi nam mkha' la mngon par 'phags te/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan to// so so'i skye bo rnams ni rdzu 'phrul gyis myur du dad pa skye bar 'gyur bas na/ de shing sog les bcad pa bzhin du zhabs la phyag 'tshal te smras pa/ skal ba chen po mar spyon/ bdag nyes par spyod pa'i 'jam

  585. 293b

    du bying ba'i ra mnga' mdzod ces byas so/ / de nas rang sangs rgyas des kyang de la snying brtse ba'i phyir sa la babs nas/ de bram ze des khyim gyi nang du spyan drangs te/ gos de rnams ni phud de btang / lus ni spos kyis byugs te/ spos chus khrus byed du bcug nas/ chos gos gzhan dag phul te rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas zhabs la phyag 'tshal te/ bzod pa gsol nas smon lam btab pa/ bdag gis yon gnas kyi mchog 'di lta bu la gnod pa byas pa'i las 'di'i skal ba can du bdag ci nas kyang ma gyur cig/ 'di la bkur sti byas pa'i dge ba'i rtsa ba 'dis ni ci nas bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig/ brgya la las mi dge ba 'di gdon mi za ba kho nar 'bras bu smin par 'gyur na yang rab tu 'byung ba'i sems bskyed ma thag tu bdag gi mi sdug pa med par gyur te bzang por gyur cig/ dge slong dag ji snyam du sems/ de'i tshe bram zer gyur pa gang yin pa de ni seng ge'i bu 'di kho na yin te/ des rang sangs rgyas l

  586. 294a

    a gnod pa byas pa'i las de'i rnam par smin pas ni/ gang dang gang du skyes pa de dang der mi sdug pa'i sna grangs bco brgyad dang ldan par skyes la/ lus thog thag nas phyi sa'i dri byung bar gyur to/ / des der slar bkur sti byas nas smon lam btab ste/ dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyong che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig/ brgya la las mi dge ba 'di dag gdon mi za ba kho nar 'bras bu smin par gyur na yang / rab tu 'byung ba'i sems bskyed ma thag tu bdag gi mi sdug pa med par gyur te/ bzang por gyur cig ces byas pas ni/ dge slong dag 'dis nga rang sangs rgyas bye ba phrag 'bum pas kyang lhag par ches khyad par du 'phags pa mnyes par byas te/ mi mnyes par ma byas nas/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas la/ rab tu byung ba'i sems bskyed ma thag tu yang mi sdug pa med par gyur te/ bzang por gyur to// de nas dge slong rnams kyis sangs rgyas bcom ldan 'das la zhus pa/ btsun pa sde dpon

  587. 294b

    seng ges las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes la/ 'dis bcom ldan 'das kyang mnyes par bgyis te mi mnyes par ma bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di dge bsnyen du gyur te der 'dis sbyin pa dag sbyin zhing / bsod nams dag byas nas/ tshe gcig tu skyabs su 'gro ba dang / bslab pa'i gzhi rnams bsrungs te/ 'chi kar smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi dge bsnyen du gyur pa gang yin pa de ni sde dpon seng ge 'di kho na yin te/ des der sbyin pa dag byin zhing / bsod nams dag byas nas/ tshe gcig tu skyabs sa 'gro ba dang / bslab pa'i gzhi

  588. 295a

    rnams bsrungs te/ 'chi kar smon lam btab pa'i las de'i rnam par smin pas gang dang gang du skye ba de dang der phyug cing nor mngal longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa/ brnyes par gyur nas/ 'dis nga mnyes par byas te/ mi mnyes par ma byas so// dge 'dun gyi dbyen zhes bya ba ni/ gleng gzhi rgyal po'i khab na bzhugs te/ de'i tshe mu ge byung nas 'phongs shing gnas par gyur te/ slong mo pas kyang kho zas mi rnyed do// gzhan yang phams kyang rang gi bu smad la yang kha zas legs par sbyin pa dang / legs par bya bar mi sems na/ slong ba rnams lta la ci smos/ de nas der bcom ldan 'das kyis/ dge slong rnams la bka' stsal pa/ dge slong dag nga ni zla ba gsum gyi bar du nang du yang dag 'jog par 'dod kyis/ bco lnga'i gso sbyong gi dus de nyi tshe dang / zhal zas skyel ba ma gtogs par/ dge slong su yang 'phrang ma 'ong zhig ces bka' stsal nas/ bcom ldan 'das zla ba gsum gyi bar du nang du yang dag 'jog la zhugs so// de nas dge slong rnams kyis nang khrims bcas te/ bco lnga'i gso sbyong gi dus

  589. 295b

    de nyi tshe dang / zhal zas skyel ba ma gtogs par dge slong su yang bcom ldan 'das kyi thad du ma 'gro zhig ces byas so// de nas lhas byin gyis bsams pa/ da ni bdag gis dge sbyong go'u ta ma'i nyan thos kyi dge 'dun 'thun pa'i dbyen bya ba dang / 'khor lo'i dbyen bya ba de ni dus la bab bo snyam nas/ dge slong rnams la smras pa/ btsun pa rnams dge sbyong go'u ta mo nyan thos rnams la ji ltar byams pa la gzigs/ gang gi tshe dge slong rnams la yo byad thams cad kyis btang dgos par gyur pa de'i tshe nang du yang dag 'jog la gnas shing 'dug gis/ dge slong dag tshur shog/ bdag gi thad du 'khod cig dang / bdag gis khyed rnams yo byad thams cad kyis bstang ngo // de nas dge slong lnga brgya tsam gyis de'i tshig mnyan nas bcom ldan 'das la mi lta ba'i sems bskyed de/ lhas byin gyi thad du dong nas 'khod do// de nas lhas byin gyis/ dge slong de rnams bsdus nas smras pa/ dge sbyong go'u ta ma dgon par gnas na ni bdag cag grong 'dab tu gnas par bya'o/ / de ci'i phyir zhe na/ dge slong dag dgon par gnas pa la ni nyes dmigs mang ba'i phyir ro// dge sbyong go'u tams sha za bar gnang na ni/ bdag cag gis bza' bar mi bya'o// de ci'i phyir zhe na/ gzhi de las sems can rnams gsod par 'gyur ba'i phyir ro// dge slong go'u nga ma la lan tshwa za na ni

  590. 296a

    bdag cag gis bza' bar mi bya'o/ / de ci'i phyir zhe na/ khu chu las byung ba'i phyir ro// dge sbyong go'u ta ma 'o ma 'thung na ni/ bdag cag gis btung bar mi bya'o// de ci'i phyir zhe na/ gzhi de las be'u rnams nyon mongs par 'gyur ba'i phyir ro// dge sbyong gi'u ta ma chos gos dras pa gyon na ni/ bdag cag gis bgo bar mi bya'o// de ci'i phyir zhe na/ mi rnams kyi zho shas bsgrubs pa chud zos par 'gyur ba'i phyir ro// gang dag brtul zhugs kyi gzhi 'di lnga mthong nas/ 'dod cing bzod la 'thad par sems pa dang / dge sbyong go'u ma'i thad nas 'bye ba dang / gzhan du 'gro ba dang / dge slong go'u ta ma dang 'bral bar 'dod pa de dag gis ni shing bu long zhig ces smras nas/ des dge 'dun gyi nang du shing bu brims te/ dge sbyong lnga brgyas shing bu blangs nas/ shing bu brims pa'i 'og tu gsol bar byed pa la zhugs te/ btsun pa dge 'dun rnams gsan du gsol/ dge sbyong go'u ta ma dgon par gnas ni ni/ bdag cag grong 'dab tu gnas par bya'o// de ci'i phyir zhe na/ dge slong dag dgon par gnas pa la ni nyes dmigs mang ba'i phyir ro// dge sbyong go'u tams sha za bar gnang na ni/ bdag cag gis bza' bar mi bya'o// de ci'i phyir zhe na/ gzhi de las sems can rnams gsod par 'gyur ba'i phyir ro// dge sbyong go'u ta ma lan

  591. 296b

    tsha za na ni/ bdag cag gis bza' bar mi bya'o// de ci'i phyir zhe na/ khu chu las byung ba'i phyir ro// dge sbyong go'u ta ma 'o ma mthung na ni/ bdag cag gis btung bar mi bya'o/ de ci'i phyir zhe na/ gzhi de las be'u rnams la nyon mongs par 'gyur ba'i phyir ro// dge sbyong go'u ta ma chos gos dros pa gyon na ni/ bdag cag gis bgo bar mi bya'o// de ci'i phyir zhe na/ mi rnams kyi zho shas bsgrubs pa chud zos par 'gyur ba'i phyir ro// gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun rnams brtul zhugs kyi gzhi 'di lnga yang dag par blangs te gnas par bgyi'o/ / 'di ni gsol ba'o zhes smras nas/ lhas byin gyis dge slong lnga brgya khrid de/ khyim bya'i kun dga' ra ba zhes bya bar song nas/ slob ma'i mchog ko ka li ka dang / khan da dra ba bya dang / ka ta mo ra ka dang / rgyal dang / rgya mtshos byin rnams g.yas gral dang g.yon gral du bzhag ste/ sde tshan gyi gung la 'dug cing / ston pa'i btsun chos nyams su myong bar byed do// de nas de'i blo skyes pa/ da ni bdag gis dge sbyong go'u ta sa'i dge slong gi dge 'dun 'thun pa'i dbyen yang byas zin la/ 'khor lo'i dbyen yang byas zin no snyam nas/ sde tshan gyi gung la 'dug cing ston pa'i btsun chos nyams su myong bar byed do// dge 'dun bye ba de'i tshe

  592. 297a

    dge slong rnams kyi rnal 'byor kyang med/ yid la byed pa yang med/ lung nod pa yang med/ kha ton byed pa yang med la/ mdo sde sems pa dang / 'dul ba sems pa dang / chos mngon pa sems pa yang mi dran te/ dge ba'i phyogs thams cad la bar chad du gyur to// de nas dge slong rnams kyis/ sangs rgyas bcom ldan 'das la zhus pa/ btsun pa bcom ldan 'das kyis 'phrin las ci zhig mdzad mdzad na/ 'phrin las de'i rnam par smin pas dge 'dun bye bar gyur lags/ bcom ldan 'das kyis bka' stsal pa/ dge slong dag nga nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/

  593. 297b

    bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba rgyal po byed de/ de'i tshe wA rA NA si na drang srong gi gnas shig na/ drang srong mngon par shes pa lnga dang ldan pa/ g.yog 'khor lnga brgya yod pa zhig rten cing gnas so/ / de nas phyi zhig na lho phyogs nas bram ze g.yog 'khor lnga brgya yod pa zhig 'ongs nas/ drang srong gi gnas dang nye ba zhig tu btab ste/ bram ze'i khye'u lnga brgya tsam bram ze de dag gi gsang sngags slob par byed do/ / bram ze de yang rig pa'i gnas bco brgyad kyi pha rol tu phyin pa zhig ste/ snga nas 'dug pa'i drang srong gi bram ze'i khye'u rnams kyis bram ze de'i rgyus rig nas/ de dag de'i thad du song ste smras pa/ mkhan po bdag la yang phan gdags par gsol/ bram zes smras pa/ khyed la ci zhig gis phan gdags par bya/ bram ze'i khye'u rnams kyis smras pa/ kha ton bslab pas phan gdags par gsol/ bram zes smras pa/ nga ni gzhan gyi slob ma slob par mi byed do// de nas bram ze'i khye'u rnams kyis bsams pa/ bdag cag gi mkhan pos kyang gos dang zas kyis ni sdud par byed mod kyi/ kha ton bslab pas ni mi nus kyi/ bdag cag gis 'di bor la/ bram

  594. 298a

    ze 'di kho na la brten te kha ton bslab pa'i phyir 'du bar bya'o snyam nas/ bram ze de la smras pa/ bdag cag gis mkhan po bor te/ khyod kho na la bdag cag brten par bgyi'o zhes smras so/ / bram ze des smras pa/ gal te de lta na bdag gis khyed gos dang / zas dang / kha ton bslab pas gtang bar bya'o// de nas de thos ma thag tu bram ze de dag gis drang srong de gcig pu grogs med par bor nas bram ze de la brten te/ des kyang de dag gos dang / zas dang / kha ton bslab pas bsdus so// dge slong dag ji snyam du sems de'i tshe bram zer gyur pa byang chub sems dpa'i spyod pa la gnas pa gang yin pa de ni nga nyid yin te/ der ngas drang srong de'i 'khor gyi dbyen byas pa'i las de'i rnam par smin pas nga lo grangs mang po dang / lo brgya phrag mang po dang / lo 'bum phrag mang por sems can dmyal ba rnams su btsos par gyur to// de nas nga shi 'phos nas kyang gang dang gang du skyes pa de dang der ngas 'khor dang phye ba myong la/ da ltar gyi bar du yang las de'i rnam par smin pas lhas byin gyis nga 'khor dang phye ba yin no// // bam po bcu bdun pa// nags khulung zhes bya ba ni/ gleng gzhi mnyan du yod pa na bzhugs te/ de'i tshe dgon par nags khung zhig yod de/ nags khrod de na ko ma'i chu 'khyil ba'i mtshe'u zhig kyang yod la/ mtshe'u den

  595. 298b

    drang srong lnga brgya tsam rten cing dka' thub spyod de/ de dag thams cad kyang srid pa tha ma pa 'bras bu smin pa mtshon gyis brtol la rag pa dang 'dra ba sha stag go// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spun gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan su ni 'phongs pa dang / nyam nga ba dang / gnod pa dang ldan su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya//

  596. 299a

    su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang sring // gdul bar bya ba'i sras rnams la/ / sangs rgyas dus las yol ba med// de nas bcom ldan 'das kyis drang srong lnga po de dag gdul ba'i dus la bab po snyam du dgongs nas/ mnyan du yod pa nas mi snang bar gyur te/ nags khrod der gshegs pa dang / drang srong lnga brgya po de dag gis thag ring po zhig nas sangs rgyas bcom ldan 'das mthong ngo // mthong nas kyang gcig la gcig smras pa/ kye dge sbyong go'u ta ma g.yel ba mang du len cing 'tsho ba spong ba btang ba de 'dir 'ongs kyis/ de 'ongs pa dang bdag cag gis lag brdas spyil po bstan pa ma gtogs par de la smra bar mi bya/ kun tu smra bar mi bya'i zhes smras nas/ drang srong lnga brgya po rnams kyang cang mi zer bar 'khod do// de nas bcom ldan 'das gdul bar bya/

  597. 299b

    ba'i dbang gis de dag gi thad du gshegs te/ thams cad la bka' stsal na/ de dag gis lag brdas spyil po bstan pa ma gtogs par/ bcom ldan 'das la lan ma gsol to// nas bcom ldan 'das spyil po de'i nang du gshegs te/ rtswa stan bshams pa la bzhugs nas/ bcom ldan 'das kyis drang srong lnga brgya po de dag drang ba'i phyir bkod ma'i chu 'khyil ba'i mtshe'u de bskams par byin gyis brlabs so/ / de nas drang srong lnga brgya po de dag gis mtshe'u den chu med par mthong ngo // mthong nas kyang de dag sdug bsngal chen po skyes te/ la gsol ba 'debs shing 'dug go// 'on kyang de dag gi mtshe'u der chu ma byung ngo // de nas de dag dad pa bskyed pa'i phyir lhas drang srong lnga brgya po de dag la rang gi lus bstan nas smras pa/ grogs po dag khyed bdag cag bkres pa dang skom pas gdungs te ci bya/ bcom ldan 'das ni rdzu 'phrul che zhing mthu che ba yin gyis/ bcom ldan 'das nyid la skyabs su deng zhig dang / bcom ldan 'das kyi mthus chu'i mtshe'u 'di snga mkho bzhin du 'ong ngo zhes byas so// de nas drang srong lnga brgya po de rnams kyis lhas bsgo ba thos nas/ bcom ldan 'das la shin tu dga' ba skyes so/ / dga' ba skyes nas kyang bcom ldan 'das ga la ba der dong ste lhags nas/ bcom ldan 'das la bzod pa gsol te/ chos mnyan pa'i

  598. 300a

    phyir spyan sngar 'khod do/ / de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong lnga brgya po de dag gis stan de nyid la 'jug cing 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas te/ de dag gis bden pa mthong nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs pa dang // dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis drang srong lnga brgya po rnams dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog go// de rnams kyis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/

  599. 300b

    gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur te/ bcom ldan 'das ni de dag rab tu phyung / bsnyen par rdzogs par mdzad nas/ nags khrod de nas mi snang bar gyur te/ rgyal bu rgyal byed kyi tshal du gshegs so// de nas drang srong lnga brgya po de rnams nags khrod de nyid na 'khod do zhes bram ze dang khyim bdag dad pa dang ldan pa rnams kyis thos so/ / thos nas kyang nags khrod der rnam pa thams cad yongs su rdzogs pa'i gtsug lag khang zhig brtsigs te/ sangs rgyas la sogs pa dge slong gi dge 'dun rnams la phul lo// de nas dge slong rnams kyis/ sangs rgyas bcom ldan 'das la zhus pa/ btsun pa dge slong lnga brgya po 'di rnams kyis las ci zhig bgyis na/ las de'i rnam par smin pas 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad

  600. 301a

    spangs te/ dgra bcom pa nyid mngon sum du bgyis lags/ bcom ldan 'das kyis bka' sprul pa/ smon lam gyi dbang las gyur to// btsun pa 'di rnams kyis smon lam gang du btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di dag thams cad rab tu byung nas/ der 'di rnams kyis tshe gcig tu tshangs par spyod pa spyad nas/ 'chi kar smon lam btab pa/ 'di ltar bdag cag yang dag par rdzogs pa'i sangs rgyas 'od srungs kyi gsung rab la rab tu byung nas/ tshe gcig tu tshangs par spyod pa spyod kyang // yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon

  601. 301b

    sum du byed par shog cig ces smras so/ / dge slong dag ji snyam du sems/ de'i tshe rab tu byung ba'i dge slong lnga brgya po de dag ni dge slong lnga brgya po 'di dag nyid yin te/ de rnams kyis der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// thos pa zhes bya ba ni/ gleng gzhi mnyan du yod pa na bzhugs de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor

  602. 302a

    dang 'gran pa zhig gnas pa de/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa/ mdog bzang ba gser gyi kha dog can mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings nas/ rdzing gi nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos partag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to//

  603. 302b

    de nas de'i phas de'i dgun sa dang / sos ka'i sa dang / dbyar sa'i khyim kha gsum du brtsigs te/ skyed mos tshal yang kha gsum du bcas nas/ chung ma chen ma dang / 'bring ma dang / chun ma gsum yang blangs te/ de khang bzangs kyi steng na 'dug cing / bud med 'ba' zhig gi rol mos rtse zhing dga' la dga' dgur spod de/ rang gi bsod nams kyi 'bras bu myong ngo / / de nas phyi zhig na/ de dpyid kyi dus su shing ljon pa mang po me tog rgyas shing / ne tso dang / ri skegs dang / khu byug dang / rma bya dang / shang shang te'u rnams skad 'byin pa'i skyed mos tshal gyi nags khrod du g.yog 'khor dang bcas par dong nas/ pheg rdob pas rtse zhing dga' la dga' dgur spyod do// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dren pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul pa/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa

  604. 303a

    rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud// su ni dang / su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam ngo ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das

  605. 303b

    kyis khyim bdag gi bu de gdul bar bya ba'i dus la bab par dgongs nas/ bcom ldan 'das kyis skyed mos tshal de dang nye ba zhig tu skyed mos tshal gcig sprul te/ skyed mos tshal de skye bo phal po che la tshangs pa'i gsung gis chos ston par brtsams so/ / de nas khyim bdag gi bu des skyed mos tshal de nas/ bcom ldan 'das kyi gsung gi gdangs grag pa thos so/ / thos nas kyang bdag gis sngan chad mar gyur pa'i skad kyi gdangs 'di lta bu ma thos so snyam ste/ ngo mtshar du bzung nas bdag der song la skad kyi gdangs 'di lta bu dang ldan pa su yin pa brtag go snyam mo/ / de nas sgra gar grag pa logs su skyed mos tshal cig shos kyi nang du song ba dang / khyim bdag gi bu de g.yog 'khor dang bcas pas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me ge ser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la/ rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs

  606. 304a

    r gyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang khyim bdag gi bu de bcom ldan 'das la shin tu dga' ba skyes so// dga' ba skyes nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// de nas bcom ldan 'das kyis khyim bdag gi bu de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ de thos nas khyim bdag gi bu des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spad par 'tshal

  607. 304b

    lo/ / bcom ldan 'das kyis bka' stsal pa/ gzhon nu khyod kyis pha ma la byas sam/ btsun pa ma bgyis lags so// bcom ldan 'das kyis bka' stsal pa/ gzhon nu sangs rgyas rnams dang / sangs rgyas kyi nyan thos rnams ni pha mas ma gnang bar du rab tu 'byin par mi mdzad kyis/ pha ma la gsol te phyir shog cig dang / de'i 'og tu khyod kyis sla bar 'gyur ro/ / de nas bcom ldan 'das kyis bka' stsal pa bzhin du 'tshal lo zhos gsol nas/ khyim bdag gi bu de pha ma'i gam du song ste smras pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol zhes byas so/ / de nas pha ma gnyis kyis bsams pa/ bdag cag gis 'di bzlog mi nus so snyam nas smras pa/ bu gnang gis khyod kyis gang gi tshe cung zad khyad par 'ga' zhig thob par gyur pa de'i tshe/ bdag cag la ltar shog cig ces byas so// de nas de ltar bgyi'o zhes smras nas/ khye'u de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btung nas/ bcom ldan 'das la 'di skad ces gsol to// btsun pa bdag pha mas gnang lags na/ legs par

  608. 305a

    gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis khyim bdag gi bu de dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog go/ / des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// des dgra bcom pa nyid thob nas/ pha ma gnyis bden pa rnams la bkod de/ sbyin pa dang sbyin pa'i bgo bsha' rnams la yang btsud nas/ khyim de chu dong lta bur gyur par byas so// de nas dge slong rnams kyis/ bcom ldan 'das la

  609. 305b

    zhus pa/ btsun pa khyim bdag gi bu 'dis las ci zhig bgyis na/ las de'i rnam par smin pas phyug cing nor mang la longs spyod che ba'i rigs su skyes nas/ bcom ldan 'das kyang 'dis mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs po thams cad spangs te/ dgra bcom pa nyid mngon sum du bgyis nas/ 'di ltar 'di nyid la brten te/ khyim gyi nang mi thams cad kyis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis smon lam gang du btab pa lags/ dge slong dag sngon byung ba 'das pa'i dus na/ bskal pa dgu bcu rtsa gcig pa la skye dgu'i tshe lo brgyad khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa// skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de gang gi tshe sangs rgyas kyi 'phrin las thams cad mdzad nas/ shing zad pa'i ma bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ grong khyer gnyen ldan gyi rgyal pos de'i sku

  610. 306a

    gdung gi mchod rten brtsigs te/ mchod rten de la srog shing gzugs par brtsams nas/ der skye bo phal po che 'dus pa dang / rgyal po des/ skye bo mang po de dag la bsgo ba/ su mchod rten 'di la nor mang du skyed par byed pa des mchod rten 'di la srog shing tshugs shig ces bsgo'o// de nas de'i tshe khyim bdag gi bu zhig gis sa phyogs der phyin nas khyim bdag gi bu des rgyal po des de skad ces bsgo ba thos so/ / thos nas kyang de'i blo skyes pa/ bdag gis mchod rten 'di la nor ches mang du bskyed de/ srog shing gzugs par bya na bdag la de tsam gyi 'byor pa ni med kyis/ ma la bdag gis nye du rnams kyi thad du song la btsal te nor bskyed par bya'o snyam nas/ khyim bdag gi bu des nye du rnams la gsol ba btab pa dang / de dag gis smras pa/ brtan por byos la spro ba chen po skyed cig dang / khyod kyi nor ji tsam du bskyed pa de snyed nged kyis khyod la sbyin par bya'o// de nas de thos ma thag tu khye'u de dang / rgyal po des gong nas gong du bskyed de/ gser bye ba phrag drug cu'i bar du bskyed do// de nas rgyal po de gzhi de las mi dga' bar gyur te/ bdag gis bdag la gnod pa 'di lta bu ci dang ci bya snyam nas yid mi bde zhing 'dug go/ / de nas blon po rnams kyis gsol pa/ lha brtan por mdzod la spro ba chen po bskyed par gsol/ bdag cag gis lha la nor dbul bar

  611. 306b

    'tshal lo zhes byas so/ / khye'u de la yang gnyen 'dun mang po rnams kyis bkag ste/ rgyal po 'di ni thugs bsrung dgos kyis/ rgyal po dang ma 'gran zhig ces byas so// de nas de thos ma thag tu khye'u des btang ngo / / de nas rgyal po de gzhi de las dga' bar gyur te/ khye'u de la longs spyod kyi tshogs chen po byin nas/ mchod rten de la srog shing btsugs te/ ring po ma thogs par rnam pa thams cad yongs su rdzogs par byas nas/ mchod rten de la bdug pa dang / phye ma dang / spros dang / me tog rnams kyis bkur sti byas te/ mchod rten de'i dus ston gyi lugs bcas so// de nas khyim bdag gi bu nges bsams pa/ mchod rten 'di la bdag gis gser bye ba phrag drug cu bsngos pa'i rdzas 'di dag bdag nyid kyis longs spyod mi phod kyis/ bdag gis mchod rten 'di nyid la thams cad dbul bar bya'o snyam nas/ khye'u de nye du dang bcas pas mchod rten de la bkur sti chen po byas nas smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ gzugs bzang zhing blta na sdug la mdzes par shog cig/ ston pa 'di lta bu mnyes par byed par gyur cig/ mi mnyes par byed par ma gyuraro cig/ de kho na'i bstan pa la rab tu byung nas/ nyon mongs pa

  612. 307a

    thams cad spangs te/ dgra bcom pa nyid mngon sum du byed par shog cig ces byas so// de nas nye du mang po rnams kyis/ de la smras pa/ bu khyod kyis smon lam ji skad btab/ nas khye'u des de rnams la thams cad bsnyad nas/ thos ma thag tu de rnams kyis kyang smon lam btab ste/ bdag cag gis kyang khyod kho na las brten te ston pa 'di lta bu mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems// de'i tshe khyim bdag gi bur gyur pa gang yin pa de ni 'di nyid yin te/ des der mchod rten la bkur sti byas nas/ smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes nas/ gzugs bzang zhing blta na sdug la mdzes par gyur te/ dge slong dag nga yang dag par rdzogs pa'i sangs rgyas rnam par gzigs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// de'i tshe nye dur gyur pa gang yin pa de dag ni nye du 'di dag nyid yin te/

  613. 307b

    de dag gis der smon lam btab ste/ bdag cag gis kyang khyod kho na brten nas sangs rgyas bcom ldan 'das de mnyes par byed par gyur cig/ mi mnyes par byed par ma gyur cig ces byas pa des na/ dge slong dag 'di rnams kyis nga mnyes par byas te/ mi mnyes par ma byas so// las brgya tham pa las sdom gyi tshogs su bcad pa bzhi pa rdzogs so/ / / sdom ni/ mi sdug bde byed gdol pa dang // rab bzang dang ni lhar bcas glang // snying rje bzang po glal po dang / nag po mnga' thogs brdzis dang wa/ mi sdug pa zhes bya ba ni/ bcom ldan 'das yul gar dga' zhes bya ba'i ljongs rgyu zhing gshegs pa las shi shu ma ra'i ri la byon nas/ shi shu ma ra'i 'jigs byed kyi tshal ri dgas kyi nags na bzhugs so/ / de'i tshe shi shu ma ra'i ri la khyim bdag phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs te/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / khye'u mi sdug pa'i sna grangs bco brgyad dang ldan pa zhig btsas nas/ de mthong

  614. 308a

    ma thag tu pha ma gnyis sdug bsngal chen po dang ldan par gyur te/ bdag cag gnyis kyi bu btsas su zin kyang / 'di kho na ltar skyon can du gyur na/ 'di 'dra ba ci dgos kyis/ / 'di ni shi yang blas/ phye ma red nam sros pa dang khyi rnams la sbyin no snyam mo// de nas khyim bdag gis/ chung ma la smras pa/ mi gsod pa ni 'jig rten na smad pa'i steng du sems can dmyal bar skye bar 'gyur ba'i las byas par 'gyur gyis/ de ltar ma bgyi bar bu 'di de ltar skyon can du gyur kyis kyang / 'di bdag cag gis dben pa'i phyogs gcig tu gsos la/ gang gi tshe cher skyes pa de'i tshe khyim nas bskrang de btang dang / 'di 'tsho ba ngan ngon tshol bar 'gyur ro zhes byas nas/ de gnyis kyis khye'u de dben pa'i phyogs shig tu gsos so/ / de nas de cher skyes pa dang / de'i ming mi sdug pa zhes btags so// de nas de khyim nas bskrang de btang nas/ de bkres shing skom pas lus ring bar gyur nas/ 'khar ba dang snod thogs te slong ba la zhugs so// de nas de gang gi khyim sgo 'am/ zong bzhag pa'i sa 'am/ tshong khang du 'ongs pa der grong mi byis pa rnams kyis de la khu tshur dang / thal lcag dang / dbyug pa dang / bong ba rnams kyis brdegs te/ 'dre 'ongs so zhes zer zhing skong bar byed do// de nas de sdug bsngal chen po skyes te/ bdag gis

  615. 308b

    las mi dge ba ci zhig byas na/ las de'i rnam par smin pas bdag gis sdug bsngal 'di lta bu myong bar gyur cig gu/ bdag grong khyer na gnas pa btang la/ grong khyer nas byung ste skyed mos tshal de dang de dag tu song la/ slongs mo byas tang / der bdag gis lto gang tsam rnyed grang snyam nas/ grong khyer nas byung ste/ skyed mos tshal de dang de dag tu rgyu ba la zhugs nas/ der yang de la 'dre yin no snyam nas/ de dag gis khu tshur dang / thal lcag dang / dbyug pa dang / bong ba rnams kyis brdegs nas skrod par byed do// nas de brdegs pas 'jigs shing skrag la/ mis 'jigs shing skrag nas/ nags tshang tshong gi nang du zhugs te nyin mo zad par byed la/ nyi ma nub pa'i 'og tu skyed mos tshal de dang de dag tu song nas/ de dag tu kha zas brul pa gang yin pa de dag tsam gyis 'tsho bar byed do// srid pa tha ma pa'i sems can bar ma dor 'chi ba ni gnas med cing skabs med de/ des der srog zungs cung zad tsam dag rnyed do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyesmra pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa

  616. 309a

    byang chub kyi yan lag bdun la spyod stsal ba/ rnam par thar pa brgyad la bsam gtan pa/ thar gyis gnas pa'i snyoms par 'jug pa dgu la snyoms par 'ju pa stobs bcu'i stobs dang ldan pa/ yang dag ba'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan// su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du ba ba/ su ni ngas ngan song nas phyung ste// mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ sa ni dge ba'i rtsab rnams ma skyed ba las bsgreng par byu/ wa ni dge ba'i rtsa ba rnams bsgyung zin pa las yongs su sbyin pabar bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par

  617. 309b

    bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid // gdul bar bya ba'i sras rnams la// sangs rgyas dus las yol ba med/ / de nas bcom ldan 'das kyis khye'u mi sdug pa gdul ba'i dus la bab par dgongs nas/ 'gog pa'i snyoms par zhugs te/ 'gog pa'i snyoms bar 'jug pa las bzhengs nas/ de kho na gdul ba'i phyir sangs rgyas nyid de bas kyang ches mi sdug pa zhig tu sprul te/ bza' ba dang bca' bas kye ma bkang nas/ sa phyogs gang du khye'u mi sdug pa'i sa phyogs su gshegs so/ / de nas khye'u mi sdug pas thag ring po zhig nas bcom ldan 'das mthong ngo // mthong nas kyang bros te 'di yang 'ongs pa dang bdag la brdeg tu 'ong ngo snyam mo/ / de nas bcom ldan 'das kyis ci nas de 'bras mi nus pa de lta bur byin gyis bslabs so// de yang bcom ldan 'das kyi byin gyi rlabs kyis lta 'dod par gyur te/ 'di lta bu su zhig yin pa de re zhig blta'o snyam nas/ phyir log ste khye'u mi sdug pas sprul pa mchog tu mi sdug pa de mthong nas/ mthong ma thag tu de'i blo skyes pa 'di kho na 'dra ba khyod su zhig ces dri'o snyam nas/ sangs rgyas kyi sprul pa de ga la ba der song ba dang / sangs rgyas kyi sprul pas khye'u mi sdug pa mthong nas 'bros pa ltar byas pa dang

  618. 310a

    khye'u mi sdug pa des smras pa/ grogs po khyod kyis bdag mthong na ci'i phyir 'bros/ sangs rgyas kyi sprul pas smras pa/ grogs po bdag ni sngon gyi las kyi rnam par smin pas lus 'di lta bur gyur te/ khyod kyis bdag la 'dre yin snyam ste brdegs su dogs pas/ bdag gis khyod mthong na 'bros so// khye'u mi sdug pas smras pa/ grogs po bdag kyang sngon gyi las kyi rnam par smin pas 'di ltar mi sdug par gyur te/ bdag mi sdug pa'i phyir pha mas khyim nas bskrad de/ bdag slongs mo la gang dang gang du 'gro ba de dang der khu tshur dang / thal lcag dang / dbyug pa dang / bong ba dag gis brdegs shing bskrad de/ bdag mis brdegs pas 'jigs shing skrag nas/ tshang tshing 'di'i nang du zhugs/ te 'dug gis/ khyod kyang tshur shog dang lhan cig 'grogs te rgyu bar bya'o// de nas sprul pa des de ltar bya'o zhes smras nas/ de nyid du 'dug ste/ des de la kha zas kyi bgo bsha' byas nas/ des zos te 'grangs shing ngoms la dbang po brtas nas/ sprul pa de la sems dga' bar gyur pa dang / bcom ldan 'das kyis mi sdug pa'i gzugs mi snang bar mdzad de/ rang bzhin gyi sku bstan nas/ khye'u mi sdug pas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa

  619. 310b

    me lus kyi dbyibs su 'jug pa lta bu/ me lce mar gyis btab pa lta bu mar me gser gyi snod du bzhag pa lta bu mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems c an gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur te/ de ltar mthong nas lhag par yang bcom ldan 'das la dga' bar gyur te/ de dga' bar gyur nas/ zhabs la mgo bos phyag 'tshal te/ chos mnyan pa'i phyir phyogs gcig tu 'dug go/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khye'u mi sdug pa stan de nyid la 'dug bzhin du rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag gi lus 'di lta bur ma gyur tu zin na/ bdag kyang legs par gsungs pa'i chos 'dul ba la rab tu 'byung zhing / chu bo rnams las brgal bar bya ba dang / sbyor ba rnams las yang dag par

  620. 311a

    'da' bar bya ba'i phyir brtson pa dang / bsgrub pa dang / 'bad par bya ba zhig go snyam mo// de nas rab tu 'byung ba'i sems bskyed ma thag tu/ khye'u de'i mi sdug pa med par gyur nas/ byad gzugs bzang por gyur te/ kha dog rgyas pa mchog dang ldan par gyur to// de nas de lhag par yang bcom ldan 'das la dga' bar gyur nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thang du tshangs par spyod pa spyad par 'tshal lo/ / de nas bcom ldan 'das kyis de dge slong tshur shog ces bya ba'i tshig gis rab tu phyung ste/ snyan par rdzogs par mdzad nas/ de la lung yang phog go/ / des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil

  621. 311b

    bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa mi sdug pas las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ mi sdug pa'i sna grangs bco brgyad dang ldan par gyur nas/ 'di mi sdug pa'i phyir pha ma gnyis kyis khyim nas bskrad la/ rab tu byung ba'i sems bskyed ma thag tu de'i mi sdug pa ma mchis par gyur te/ byang gzugs bzang por gyur nas/ 'dis bcom ldan 'das mnyes par bgyis te/ mi mnyes par ma bgyis la bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mi sdug pa nyid kyis las de lta bu byas shing bsags te/ dge slong dag sngon byung ba 'das pa'i dus na/ ri khrod kyi grong zhig na/ khyim bdag ser sna

  622. 312a

    can 'jungs pa/ yo byad kun tu 'dzin pa zhig gnas pa las/ phyi zhig na de khyim na 'dug pa dang / sangs rgyas bcom ldan 'das rnams mi bzhugs pa'i tshe/ rang sangs rgyas rnams 'jig rten du 'byung ste/ rang sangs rgyas shig khyim bdag de'i khyim du bsod snyoms la 'ongs nas/ khyim bdag des de la bsod snyoms phul ba las/ bsod snyoms phul ba'i 'og tu 'gyod pa skyes te/ bdag gis zas 'di dge sbyong mgo reg las med pa 'di la byin pa bas ni/ tshal za 'am las byed pa la byin dang rung ba zhig snyam ste/ de 'gyod par gyur pas kha zas de phyir phrogs nas/ lus dang ngag gi las tshul mi sdug pas mtho btsams te/ de khyim nas bskrad do// de nas rang sangs rgyas des bsams pa/ nyon mongs pa 'di ni smras shing nyams par gyur te/ gtan du smas par gyur na mi rung gis/ 'di'i ra mda' ba dgos so snyam nas/ steng gi nam mkha' la 'phags te/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan to// so so'i skye bo rnams ni rdzu 'phrul gyis myur du dad par byed de/ de shing ljon pa sog les bcad pa bzhin zhabs la phyag 'tshal nas smras pa/ skal ba chen po dang ldan pa mar gshegs/ bdag nyes par spyad

  623. 312b

    pa'i 'dam du bying ba'i lag nas drang du gsol zhes byas so/ / rang sangs rgyas de yang de kho na la snying brtse ba'i phyir sa la babs nas/ des rkang pa la phyag 'tshal te/ bzod/ pa gsol nas/ yang bsod snyoms phul te smon lam btab pa/ 'di ltar bdag gis yon gnas 'di lta bu la gnod pa byas pa'i las 'di'i skal ba can du bdag ma gyur cig/ 'di ltar bdag gis phyir yang bkur sti byas pa'i dge ba'i rtsa ba 'dis na/ bdag gang dang gang du skye ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig/ gal te sdig pa'i las 'di'i 'bras bu gdon mi za bar bdag la smin par gyur na yang rab tu 'byung ba'i sems bskyed ma thag tu bdag gi mi sdug pa med par gyur te/ byang gzugs bzang por gyur cig ces byas so// dge slong dag ji snyam du sems/ de'i tshe khyim bdag tu gyur pa gang yin pa de ni mi sdug pa 'di kho na yin te// des der rang sangs rgyas la bsod snyoms phul ba'i 'og tu phyir phrogs te/ lus dang ngag gi las tshul mi sdug pas mtho ba tsams nas/ khyim nas bskrad pa'i las de'i rnam par

  624. 313a

    smin pas ni gang dang gang du skyes pa de dang der mi sdug par gyur te/ khyim nas bskrad do// des rang sangs rgyas la phyir yang bsod snyoms phul nas smon lam btab ste/ gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig ces byas pa'i las de'i rnam par smin pas ni gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga rang sangs rgyas bye ba phrag 'bum pas kyang ches khyad par du 'phags pa nga lta bu 'dis mnyes par byas te/ mi mnyes par ma byas la/ de nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// / gzhan yang yang dag par rdzogs pa'i sangs rgyas 'od srungs kyi bstan pa la rab tu byung nas/ der 'dis tshe gcig tu tshangs par spyod pa spyad nas 'chi kar smon lam btab ste/ 'di ltar bdag gis yang dag par rdzogs pa'i sangs rgyas 'od srungs kyi bstan pa la rab tu byung nas/ tshe gcig tu tshangs par spyod pa spyod kyang yon tan gyi tshogs ci yang ma thob kyis yang dag par rdzogs pa'i

  625. 313b

    sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad ba mnyam pa dang / thabs mnyam pa brnyes par gyur nas/ 'dis ngamanyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// / / bam po btso brgyad pa// / bde byed ces bya ba ni/ gleng gzhi mnyan du yod pa na bzhugs te/ de'i tshe mnyan du yod pa na rgyal po gsal rgyal rgyal po byed do/ / grong khyer wA rA trA si na ni rgyal po tshangs pas byin zhes bya ba rgyal po byed de/ de gnyis phan tshun mi mthun par gyur nas/ dus dus su skye bo mang po kha 'dog par byed / / de nas phyi zhig na rgyal po tshangs pas byin gyis dpung gi tshogs yan lag bzhi bshams te/ glang po che'i tshogs dang / rta pa'i tshogs dang / shing rta'i tshogs dang / dpung

  626. 314a

    bu chung gi tshogs rnams go bskon nas/ g.yul 'gyed pa'i phyir rgyal po gsal rgyal gyi thog tu drangs te/ chu klung khang ldan gyi 'gram du bum btab ste 'dug go/ de nas rgyal po gsal rgyal gyis/ yul ka shi'i rgyal po tshangs pas byin gyis dpung gi tshogs yan lag bzhi go bskon nas/ g.yul 'gyed pa'i phyir bdag gi thog tu drangs te des chu klung khang ldan gyi 'gram du phru ma btab ste 'dug go zhes thos nas/ thos ma thag tu des kyang dpung gi tshogs yan lag bzhi go bskon nas/ g.yul 'gyed pa'i phyir rgyal po tshangs pas byin gyi steng du drangs te/ des kyang chu klung khang ldan gyi 'gram du phru ma btab ste 'dug nas/ de gnyis de na 'dug cing dus dus su skye bo mang po kha 'dog par byed do// de gnyis ka yang mthu che bas gcig gis gcig mi thub ste/ de gnyis der yun ring mo zhig lon no// de nas phyi zhig na de na 'khod bzhin du rgyal po tshangs pas byin gyi btsun mo la bu chags par gyur nas/ de zla ba dgu 'am bcu lon pa dang / bu mo gzugs bzang zhing blta na sdug la mdzes pa zhig btsas nas/ de btsas ma thag tu pho brang 'khor der kun dga' bo'i rol mo'i sgra bsgrags so/ / de nas rgyal po gsal rgyal gyis/ rgyal po tshangs pas byin gyi bu mo gzugs bzang zhing blta na sdug la mdzes pa zhig btsas so zhes thos nas

  627. 314b

    thos ma thag tu dga' bar gyur te/ tshangs pas byin dang gnyen du bya ba'i thabs bdag gis rnyed do// bu mo de las brten te 'di dang bdag kho na med par bya'o snyam du bsams nas rgyal po gsal rgyal gyis rgyal po tshangs pas byin la pho nya btang ste/ grogs po kho na sbyang bar bya'o// bu mo 'di las brten te bdag cag khon med par bya'o// bu mo 'di bdag gi chung mar byin cig ces byas so/ / de nas rgyal po tshangs pas byin gyis de thos ma thag tu dga' bar gyur te bsams pa/ 'di dang bdag gis dus dus su skye bo mang po kha 'dog par byed kyis// bu mo de la brten te 'di dang kho na med par bya'o snyam du bsams nas/ des kyang de la pho nya'i lan btang ste/ khyod ji ltar dga' ba de bzhin du bya'o zhes byas nas/ mjal du ma byas te/ mgul nas 'khyud nas bu mo sbyin par byas te/ rang gi yul du song ngo // de rang gi yul du song ba dang / bu mo de'i btsas ston byas nas/ bu mo 'di'i ming ji skad gdags zhes ming 'dogs par byed de/ bu mo 'di btsas pa na yul khams gnyis bde bar gyur pas na/ bu mo 'di'i ming bde byed ma zhes gdags so zhes zer ro// de nas bu mo bde byed ma 'o ma dang / zho dang / mar dang / zhun mar dang / mar gyi snying khus bskyed bsrings so// 'dod pa rnams ni tsha chu dang mtshungs te/ ji tsam du bsten

  628. 315a

    pa de tsam du rab tu 'phel bar 'gyur ro/ / de nas phyi zhig na yang rgyal po tshangs pas byin gyi btsun mo la bu chags par gyur nas/ des zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston yang rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di sring mo bde byed ma'i 'og tu btsas pas na/ khye'u 'di'i ming bde byed ces gdags so zhes zer ro// de nas khye'u bde byed 'o ma dang / zho dang / mar dang zhun mar dang / mar gyi snying khus bskyed bsrings nas/ mtsho'i nang gi pad+ma ltar skye drag par gyur to// de nas de gnyis gang gi tshe cher skyes pa de'i tshe/ bu mo bde byed ma dang / khye'u bde byed gnyis shin tu mdza' bar gyur te/ skad cig tsam yang gcig med par gcig 'dug mi phod do// de nas phyi zhig na rgyal po gsal rgyal gyis rgyal po tshangs pas byin la pho nya btang ste/ bu mo blang ngo zhes spring ngo // de nas rgyal po tshangs pas byin gyis kyang / thos ma thag tu rgyal po gsal rgyal la pho nya'i lan btang ste/ 'di la thogs pa ci yang med kyis/ che ge mo zhig gi nyin par shog cig ces byas so// de nas rgyal po gsal rgyal gyis kyang de ltar bya'o zhes byas nas/ 'byor pa chen po dang / rgyal po'i mthu chen

  629. 315b

    po dang ldan pas/ yul ka shir song nas/ rgyal po tshangs pas byin gyis/ khyim pa rnams kyi khyim pa'i chos gang yin pa de bzhin du byas nas bu mo byin no// de nas rgyal po gsal rgyal gyis bu mo khyer te rang gi yul du chas so/ / de nas khye'u bde byed kyis/ pha ma la smras pa/ che zhe bde byed ma ma mchis par bdag mchis mi phod kyis/ bdag kyang 'di dang lhan cig mchi zhes byas nas/ rgyal po tshangs pas byin gyis 'di skad ces smras so// bu khyod ni nga'i bu gcig pa sdug cing 'phangs pa rgyal tsha ba yin te/ nga 'das pa'i 'og tu rgyal po bya dgos so/ / de bas na khyod yul gzhan du 'gror mi rung ngo zhes byas te/ de rgyal pos lan mang du bkag kyang dgag ma nus so// de nas rgyal po gsal rgyal gyis smras pa/ / lha bdag gis 'di ming sring gnyis bskyang bar bgyis/ mchi yang mi bsngo'o zhes byas so// de nas rgyal po tshangs pas byin gyis de ltar bya'o zhes smras nas de btang ngo // / de nas rgyal po gsal rgyal gyis bu mo bde byed ma dang / khye'u bde byed gnyis khrid de/ mnyan du yod par song ngo // de nas rgyal po gsal rgyal gyis khye'u yi ge slob tu bcug ste rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa gang yin pa de dag kyang bslabs te/ 'di lta ste/ glang po che bzhon pa dang //

  630. 316a

    rta bzhon pa dang / mtshon cha bcang ba dang / 'phong dang / mdun du brku ba dang / phyir bsnur ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mnga' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcod pa dang / gsheg pa dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnang du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur te/ de nas nan tur ma byas pas ma grangs te 'phyon ma la yang zhugs so// des yul der tshul ma yin pa brgya tsam byas te/ rgyal po gsal rgyal dang sring mo bde byed mas lan mang du bkag kyang dgag par ma nus nas/ rgyal po gsal rgyal gyis rgyal po tshangs pas byin la pho nya btang ste/ khyod kyi bu 'di na 'dug pas mi rigs pa brgya tsam byas te/ dgag kyang ma nus so zhes spring ngo // de nas rgyal po tshangs pas byin gyis thos ma thag tu bu la spring babu khyod 'o nir ma 'dug par 'dir shog cig/ nga 'das pa'i 'og tu rgyal po'i dbang phyug gi bdag po bya dgos kyis/ mi rigs pa ma byed par 'dir 'dug cig ces byas so//

  631. 316b

    'on kyang de phas spring ba ltar rang gi yul du yang ma 'ongs bag med pa de dag kyang ma spangs nas/ de gang gi tshe dgag par ma nus pa de'i tshe/ rgyal po tshangs pas byin gyi bu ma yin par bsgrags so/ / rgyal po gsal rgyal gyis kyang spangs nas/ rgyal po'i pho brang du 'ong du ma gnang ngo // de nas phyi zhig na de rgyal po'i pho brang du 'gro 'dod pa las chab sgobs bkag pa dang / nan gyis nang du song ste/ sring mo dang 'phrang bar bya'o zhes zer zhing btsun mo'i sgor 'dug go// rgyal po gsal rgyal yang btsun mo bde byed ma dang lhan cig na pi wang len cing 'dug go/ / de nas khye'u bde byed kyis tshor nas/ khye'u de'i lag na mda' gzhu yang 'chang ste/ de khros nas rgyal po gsal rgyal gsod pa'i phyir mda' 'phangs pa la/ mnga' nges pi wang gi rgyud bcang de sa la lhung ngo // de nas rgyal po gsal rgyal gyis de mthong ma thag tu 'jigs shing skrag ste bros nas/ shas cher khros te des bsams pa/ gal te bdag gis 'di gyin mda' bsad na ni/ rgyal po tshangs pa'i byin gyis kyang khrel bar 'ong gis/ 'di bdag gis shigs kyis pham par byas te gsad par bya'o snyam mo// rgyal po gsal rgyal gyi lugs kyis na/ gal te don chung ngu zhig gi phyir shags 'gyed na ni dung sgril ma 'bung du 'jug go// de ste shags chen po zhig 'gyeng na ni/ de'i tshe rnga bo che brdung la/

  632. 317a

    dung sgril ma yang 'bung du 'jug ste/ rgyal po gsal rgyal gyis rnam pa gnyis ka byed du bcug nas/ thos ma thag tu mnyan du yod pa na/ mi'i gtso bo ji snyed yod pa de dag thams cad rgyal po'i pho brang du 'dus te/ rgyal po gsal rgyal gyis rgyal po'i bu de shogs kyis pham par byas nas/ ka ra bi ra'i me tog gi 'phreng bas mgul pa dkris te/ gshed ma la gtad nas/ gshed ma'i mi gos sngon po bgos la/ ral gri phyung ste/ rnga sgra drag po sgrogs pa dag gis khrid nas/ lam po che'i mdo rnams su bsgrags te/ gsod pa'i sar byin du nye ba dang / khye'u bde byed snying rje rje skad du bla zhing / phan tshun du lta ste/ bdag 'phongs shing dkos thag pa dang / sdug pa'i skyabs byed pa dang / srog 'phangs pa'i sbyin pa su zhig yod cig gu snyam mo// sangs rgyas bcom ldan 'das 'grod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la

  633. 317b

    snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la rnam par gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid // gdul bar

  634. 318a

    bya ba'i sras rnams la/ / sangs rgyas dus las yol ba med// de nas bcom ldan 'das kyis khye'u bde byed gdul ba'i dus la bab bo snyam du dgongs te/ sham thabs dang chos gos gsol nas/ lhung bzed bsnams te/ mnyan du yod par bsod snyoms la gshegs nas/ khye'u bang byed kyis thag ring po zhig nas sangs rgyas bcom ldan 'das mthong ngo / / mthong nas kyang bcom ldan 'das ga la ba de logs su song ste/ bcom ldan 'das kyi zhabs la phyag 'tshal nas/ bcom ldan 'das ni dka' ba mdzad cing / srog 'phangs pa stsol ba lags so// bcom ldan 'das kyis bka' stsal pa/ gzhon nu ma 'jigs shig/ da khyod kyi srog rung za bar mi 'gyur ro/ / de nas der bcom ldan 'das kyis/ gshed ma'i mi rnams la bka' stsal pa/ bzhin bzangs ngag gzhon nu 'di thong zhig/ gshed ma'i mi rnams kyis gsol pa/ bcom ldan 'das bdag cag la mgo bo gnyis mchis sam/ ci na bdag cag gis khye'u gtang bar bgyi/ bcom ldan 'das kyis/ de dag la bka' stsal pa/ bzhin bzangs dag nga rgyal po dang ma phrad kyi bar du re zhig zung zhig/ de dag gis gsol ba/ bcom ldan 'das kyis bka' stsal pa bzhin du 'tshal lo// de nas bcom

  635. 318b

    ldan 'das rgyal po gsal rgyal ga la ba der gshegs te byon nas/ bcom ldan 'das kyis/ rgyal po gsal rgyal la 'di skad ces bka' stsal to// rgyal po chen po khye'u de thong zhig/ rgyal pos gsol pa/ btsun pa gal te rab tu 'byung na ni gtang bar 'tshal lo zhos gsol nas/ rgyal po gsal rgyal gyis gsod pa las bzlog ste/ bcom ldan 'das la phul nas/ bcom ldan 'das kyis khye'u de rgyal bu rgyal byed kyi tshal du khrid de/ rab tu phyung zhing bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ bcom ldan 'das la gsol pa/ btsun pa rgyal po'i bu bde byed ma grangs te gsong du btang ba de bcom ldan 'das kyis thar par mdzad de/ g.yung drung gi mthar thug pa dang grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ma grangs shing g.yem par gyur nas/ tshangs pas byin gyis gsod du btang ba las/ ngas skyabs byas te/ bsam gtan bzhi dang / mngon par shes pa lnga la ji ltar bzhag pa de nyon cig/ dge slong dag sngon byung ba 'das pa'i dus na/ grong khyer wA rANA

  636. 319a

    sin rgyal po tshangs pas byin rgyal po byed de/ de'i tshe wA rA NA si de nyid na/ mi zhig ma grangs shing g.yem ste/ gzhi de las grong khyer pa rnams 'khrugs nas// skye bo mang po rnams kyis de bzung ste/ rgyal po tshangs pas byin la phul nas/ rgyal po tshangs pas byin gyis gsong du btang ste/ de gshed ma rnams kyis khrid nas gsod pa'i sar phyin te/ de gsod pas 'jigs skrag nas phan tshun lta zhing 'dug ste/ bdag la dka' ba byed pa dang / srog 'phangs pa sbyin par byed pa su zhig yod cig gu snyam mo// de nas de'i tshe wA rA NA si'i phyogs shig na/ drang srong mngon par shes pa lnga dang ldan pa/ rdzu 'phrul che zhing mthu che ba zhig yod pa de/ wA rA NA sir spyod yul la song ba las/ mi des mthong ste/ mthong ma thag tu rkang pa la phyag 'tshal nas smras pa/ drang srong bdag la dka' ba mdzad cing srog 'phangs pa stsal bar stsol zhes byas so// de nas drang srong des/ gshed ma rnams la smras pa/ bzhin bzangs dag mi 'di ma gsod par thong zhig/ gshed ma rnams kyis smras pa/ drang srong bdag cag la mgo bo gnyis mchis sam/ ci na bdag cag gis 'di gtang bar bgyi/ drang srong gis smras pa/ nga rgyal po dang ma phrad kyi bar du re zhig zung zhig ces byas nas/ drang srong de rgyal po tshangs pas byin ga la ba der song ste smras pa/ rgyal po chen po

  637. 319b

    mi de ma gsang par thong zhig/ rgyal po tshangs pa'i byin gyis smras pa/ drang srong gal te rab tu byung na ni gtang bar bgyi'o zhes byas nas/ rgyal po tshangs pas byin gyis mi re 'phrin gyis gsod pa las bzlog ste/ drang srong de la phul nas/ drang srong des dka' thub kyi gnas su khrid de rab tu phyung nas/ lung yang phog go// mi nges kyang dka' thub kyi gnas de nyid du 'dug bzhin du bsam gtan dang / mngon par shes pa lnga bskyed do// dge slong dag ji snyam du sems/ de'i tshe drang srong byang chub sems dpa'i spyod pa la gnas pa gang yin pa de ni nga yin no/ / de'i tshe'i mi gang yin pa de ni khye'u bde byed yin no// de'i tshe rgyal por gyur pa gang yin pa de ni rgyal po gsal rgyal 'di nyid yin te/ de'i tshe yang des 'di gsong du gtang ba las ngas skyabs byas te/ rab tu phyung nas bsam gtan bzhi dang / mngon par shes pa lnga la bzhag go// de yang 'di rgyal po gsal rgyal gyis gsong du btang ba las/ ngas skyabs byas te/ g.yung drung gi mthar thug pa grub pa dang bde ba'i mya ngan las 'das pa la bzhag go/ gsol pa/ btsun pa gzhon nu bde byed kyis las ci bgyis na las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes par gyur la/ bcom ldan 'das kyang 'dis mnyes par

  638. 320a

    bgyis te/ mi mnyes par ma bgyis/ bcom ldan 'das kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa 'dis gang du smon lam btab lags/ dge slong dag sngon byung ba 'das pa'i dus na/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa// 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung nas dge slong zhal ta byed par gyur te/ de der chos bzhin du dge 'dun gyi zhal ta byas nas/ byams pa'i sems kyi ting nge 'dzin kyang bskyed do// des der tshe gcig tu tshangs par spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom

  639. 320b

    pa nyid mngon sum du byed par gyur cig ces byas so/ / dge slong dag ji snyam du sems/ de'i tshe dge slong zhal ta byed par gyur pa gang yin pa de ni rgyal po'i bu bde byed 'di nyid yin te/ des der chos bzhin du zhal ta byed pa dang / byams pa'i sems kyi ting nge 'dzin bsgoms shing // tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pas na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / des der chos bzhin du zhal ta byas pa des ni phyug cing nor mang la longs spyod che ba'i rigs su skyes so// des byams pa'i sems kyi ting nge 'dzin bsgoms pa

  640. 321a

    des ni gzugs bzang zhing blta na sdug la mdzes par gyur to/ / gdol pa'i khye'u zhes bya ba ni/ bcom ldan 'das grong khyer gyen du rgyal zhes bya ba na/ grong gi byang phyogs shing sha pa'i tshal na bzhugs te/ de'i tshe yul gyen du rgyal na rgyal po rab snang zhes bya ba rgyal po byed do// yul su bi bi ra zhes bya ba na ni/ rgyal po 'char ka zhes bya ba rgyal po byed de/ de gnyis mdza' zhing bshes la gcugs te/ dus dus su pho nya dang skyes kyis 'grul lo// rgyal po rab snang gi yul na a mra rab tu dkon te/ su bi su bi ra'i rgyal po rgyal por ba snang dga' bar bya ba'i phyir a mra mang po skyes su bskur ro/ / de nas rgyal po rab snang gis kha cig ni btsun mo la byin no// kha cig ni bu rnams la byin no// kha cig ni blon po rnams la byin no/ / de nas rgyal po gtum po rab snang gis a mra zos nas blo skyes pa/ bdag gi yul 'di na a mra med kyis/ bdag gi a mra'i so bon 'di rnams bdag gis skyed mos tshal du rmo'o snyam du bsams nas/ des a mra'i 'bras bu de dag khyer te/ rang gi skyed mos tshal du rmos nas/ de dag ring po ma thogs par skyes te cher gyur nas/ ring po ma thogs par tshal chen por gyur te/ yal ga rnams rgyas par gyur to// phyi zhig na de dag me tog rgyas shing 'bras bu chags nas/ rgyal po rab snang gis de

  641. 321b

    dag gzhan dag mi bza' bar bya ba'i phyir gdol pa rnams a mra de dag gi srungs mar bskos so/ / de nas phyi zhig na gdol pa de dag nyid kyis a mra de rnams zos nas/ rkun po byung zhes bsgrags te/ 'di dag ni rkun pos brkus so zhes 'dzer to// de nas rgyal po gtum po rab snang gis 'phrigs te/ gdol pa 'di dag nyid kyis a mra 'di dag ma zos grang snyam du bsams nas/ des rgyal po'i zhabs 'bring ba rnams btang ste/ gdol pa'i khyim tshol du bcug pa las/ de dag der song ba dang / a mra'i rus pa de dag mthong nas/ de nas rgyal po'i zhabs 'bring ba rnams kyis/ rgyal po gtum po rab snang la gsol to// de nas gtum po rab snang khros pas/ gdol pa'i 'khor dang bcas pa khyim gyi nang du btsud de/ khyim gyi kho ra khor yug nas rtswa spungs te ma btang nas bsregs so// grong de'i nang nas gdol pa'i khye'u gcig gdol pa'i las kyis ngo tsha nas lho phyogs su song ngo // der song nas bram ze'i cha lugs su zhugs te lus mi snang bar 'gyur ba'i rig pa bslabs so/ / des de bslabs nas/ phyir grong khyer gyen du rgyal du phyir 'ongs nas/ rang gi khyim du song song ba las/ des bltas na/ grong thams cad mes tshig par mthong nas/ mthong ma thag tu grong 'di sus ma rungs par byas zhes dris na/ des rgyal po gtum po rab snang gis byas so

  642. 322a

    zhes thos nas/ des smras pa/ bdag gi nye du de rnams gar song / de dag gis smras pa/ rgyal po gtum po rab snang khros pas/ rtswa spungs pas bskor te/ 'khor dang bcas par mes bsregs so zhes byas so// de nas de thos ma thag tu khye'u de sdug bsngal chen pos thebs nas/ des bsams pa/ skyes pa rnams kyis ni dngos su nyes pa byas pas de dag la ni des khrims bzhin du byas na/ byis pa dang bud med rnams kyis de la nyes pa ci zhig byas na de dag kyang mes bsregs/ da ni ngas kyang dus ngan pa'i rgyal po des byas po'i mi sha blun par bya'o snyam du bsams nas/ bdag nyid mi snang bar byas te/ rgyal po'i pho brang du song nas/ des rgyal po'i mgo lcag gis gzhus te/ dus ngan pa'i rgyal po khyod la gdol pa de dag gis nyes pa ci byas/ rgyal po gtum po rab snang gis smras pa/ de dag gis nga'i a mra rnams med par byas so// gdol pa'i khye'us smras pa/ gal te skyes pa rnams kyis nyes su zin kyang / bud med dang / khye'u dang / bu mo rnams kyis nyes pa ci byas/ da ni rgyal po 'chal pa khyod bya ba ci yod dang / don ci yod pa de byos shig/ khyod gson pa'i dus bzang de/ zhag bdun na 'chi dgos so zhes byas so// gdol pa'i khye'u de nyin gcig bzhin du rgyal po'i pho brang du 'gro ste/ rgyal po la brdeg cing 'di skad du che ge mo'i

  643. 322b

    nyin par khyod med par bya'o zhes kyang zer ro/ / de nas rgyal po gtum po rab snang 'jigs shing skrag nas/ blon po rnams kyis gsol pa/ lha mi bsnyengs su gsol/ bdag cag gis 'phags pa ka t+ya ya na la gsol ba gdab bo zhes smras nas/ blon po rnams tshe dang ldan pa ka t+ya ya na'i thad du dong nas smras pa/ 'phags pa rgyal po la mi ma yin pa rnams kyis gnod pa bgyis na/ de'i skyabs mdzad par gsol zhes byas so// de nas de thos ma thag tu 'phags pa ka t+ya ya nas/ gdol ba'i khye'u de'i rig sngags de ci nas phyin chad mi snang bar byed ma nus par byas so/ / de nas des bsams pa/ bdag gi rig sngags su zhig gis ma rung bar byas shig gu snyam nas/ blon po de rnams la dris pa/ kye rgyal po mi ma yin pa'i 'jigs pa de dag su zhig gis skyabs byas/ blon po rnams kyis smras pa/ 'phags pa ka t+ya ya nas byas so// de nas thos ma thag tu gdol pa'i khye'u de tshe dang ldan pa ka t+ya ya na ga la ba der song ste smras pa/ btsun pa khyod kyis ci'i slad du bdag gi rig sngags rengs par mdzad/ ka t+ya ya nas smras pa/ bu 'dug cig dang / khyod la rgyas par bsnyad par bya'o// / de nas gdol pa'i khye'u des 'phags pa ka t+ya ya na'i rkang pa la phyag 'tshal nas mdun du 'dug go/ de nas tshe dang ldan pa ka t+ya ya nas de mthar gyis de dang 'thun pa'i chos bstan te/

  644. 323a

    des na gdol pa'i khye'u des stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ tshe dang ldan pa ka t+ya ya na ga la ba de logs su thal mo/ sbyar ba btung de/ tshe dang ldan pa ka t+ya ya na la 'di skad ces smras so// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas tshe dang ldan pa ka t+ya ya nas de rab tu phyung ste/ bsnyen par rdzogs par byas nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang /

  645. 323b

    so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed ba dang / gus par smra ba'i gnas su gyur to// de nas blon po de dag gis thos nas/ rgyal po gtum po rab snang la gsol pa/ lha khyod gang gis 'jigs shing skrag par gyur pa de ni 'phags pa ka t+ya ya nas rab tu phyung lags so/ / de nas thos ma thag tu rgyal po de yid dga' bar gyur nas/ ka t+ya ya na ga la ba der song ste phyin nas/ 'phags pa ka t+ya ya na'i rkang pa la phyag 'tshal te smras pa/ 'phags pa ni bdag la dka' ba mdzad pa dang / srog 'phangs pa stsol ba lags kyis/ dge slong gi dge 'dun dang thabs cig tu bdag gi khyim du dgung bdun bshos gsol bar ci gnang / ka t+ya ya nas smras pa/ lha gyen du rgyal ba 'di nyid na bcom ldan 'das bzhugs kyis/ bcom ldan 'das spyan drongs shig ces byas so/ / de nas de thos ma thag tu rgyal po de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de la chos kyi gtam gyis yang dag par bstan/ yang dag par 'dzin du bcug/ yang dag

  646. 324a

    par gzengs bstod/ yang dag par dga' bar mdzad nas cang mi gsung bar bzhugs so// de nas rgyal po gtum po rab snang gis bcom ldan 'das kyi gtas mjug rdzogs par rig nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / 'phags pa ka t+ya ya na'i slad du dge slong gi dge 'dun dang thabs cig tu bdag gi khyim du dgung bdun du bshos gsol bar ci gnang // de nas bcom ldan 'das kyis rgyal po gtum po rab snang la cang mi gsung bas gnang ngo // de nas cang mi gsung bas gnang bar rig nas/ rgyal po gtum po rab snang bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas des pho brang gi nang du sangs rgyas la sogs pa dge slong gi dge 'dun zhag bdun gyi bar du bshos gsol nas/ tha ma'i nyin par sangs rgyas la sogs pa dge slong gi dge bdun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo// dge slong gzhan rnams la ni re re la ras bcos bu zung re phul lo//

  647. 324b

    de nas bcom ldan 'das kyis rgyal po gtum po rab snang la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod yang dag par dga' bar mdzad nas/ gdan las bzhengs te gshegs so// de nas dge slong rnams kyis/ bcom ldan 'das la zhus pa/ btsun pa gdol ba'i khye'u 'dis las ci zhig bgyin las de'i rnam par smin pas bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas// nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las 'di byas shing bsags te/ dge slong dag sngon byung ba 'das pa'i dus na/ 'di nas skal pa dgu bcu rtsa gcig la/ skye dgu'i tshe lo brgyad khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de gang gi tshe sangs rgyas kyi 'phrin las thams cad mdzad nas

  648. 325a

    shing zad pa'i ma bzhin du phung po lhag ma med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis sa phyogs go skabs yangs pa zhig tu 'byor pa chen po dang ldan pas/ spos kyi shing rnams spungs nas de'i ring bsrel zhugs la bzhin no// de nas de'i sku gdung rnams gzhan gyis mi khyer bar bya ba'i phyir sku gdung bzhugs pa de nas thag mi ring ba zhig tu gdol pa dag cig srungs mar bskos te/ gdol pa de dag sa phyogs der nyal ba las/ gdol pa zhig stag gis khyer nas/ gdol pa gzhan 'jigs shing skrag ste/ sangs rgyas la phyag 'tshal lo zhes brjod nas/ de sangs rgyas kyi mthus lha rnams kyis skyabs byas so/ / de nas gang gi tshe der rgyal po gnyen yod kyis yang dag par rdzogs pa'i sangs rgyas rnam par gzigs kyi sku gdung gi mchod rten brtsigs te/ rnam pa thams cad yongs su rdzogs par byas nas/ dus ston gyi lugs gtod pa de'i tshe/ gdol pa de'i blo skyes pa/ bdag gi son por gyur pa ni ci yang rung ste/ sangs rgyas bcom ldan 'das kyi mthu yin no snyam du rig nas/ des mchod rten de la bkur sti chen po byas te smon lam btab pa/ kye ma dge ba'i rtsa ba 'dis na 'di kho na dang 'dra ba'i ston pa mnyes par

  649. 325b

    byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe gdol par gyur pa gang yin pa de ni gdol pa'i khye'u 'di kho na yin te/ des mchod rten de la bkur sti byas nas/ smon lam btab pa des na/ dge slong dag nga yang dag par rdzogs pa'i sangs rgyas rnam par gzigs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyi bstan pa la rab tu byung ste/ dge slong 'thab krol can kha mi mkhas pa zhig tu gyur nas/ der des dge slong mang po dag la khros te/ gdol pa zhes bya ba'i tshig brjod nas/ phyi zhig na / 'gyod pa skyes te/ des dge slong de dag la bzod pa gsol nas/ tshe gcig tu tshangs par spod pa spyad kyang yon tan gyi tshogs ci yang ma thob ste/ 'chi kar smon lam btab

  650. 326a

    pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems// de'i tshe yang dag par rdzogs pa'i sangs rgyas 'od srungs kyi bstan pa la rab tu byung ba'i dge slong gang yin pa de ni gdol pa'i khye'u 'di kho na yin te/ des dge slong mang po la gdol pa zhes bya ba'i tshig brjod pa'i las de'i rnam par smin pas ni/ tshe rabs lnga brgyar gdol pa'i rigs su skyes so/ / des dar tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'ongs de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa'i las de'i rnam par smin pas ni/ dge slong dag pa yang dag par

  651. 326b

    rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis pa mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// rab bzang zhes bya ba ni/ rgyal po zas gtsang gi kha lo pa rab bzang zhes bya ba zhig yod de/ des thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod kyang de la bu med de/ bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / kun dga' ra ba'i lha dang nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams la yang gsol ba 'debs te/ de de ltar gsol ba 'debs pa lhur byed du zin kyang / bu yang ma byung / bu mo yang ma byung ngo // der gang gi tshe byang chub sems dpa'i sku bltams pa de'i tshe/ mtshan mkhan rnams kyis lung bstan pa/ gal te khyim na gnas na ni 'khor lo sgyur ba'i rgyal por 'gyur ro// gal te skra dang kha smra/

  652. 327a

    bregs te chos gos tshon can bgos nas/ yang dag pa'i dad pa kho nas khyim nas khyim med par rab tu byung na ni/ 'jig rten du de bzhin gshegs pa dgra bcom pa yang dag par rdzogs pa'i sangs rgyas grags pa dang ldan par 'gyur ro zhes lung bstan nas/ tshig de kha lo pa rab bzang gis thos nas/ thos ma thag tu de sdug bsngal chen po skyes te/ gal te bdag gi bu zhig yod na ni/ de gzhon nu 'di'i kha lo par 'gyur te/ de ltar na kha lo pa rabs chad par mi 'gyur zhig gu snyam du bsams nas/ lhag par yang lha so sor gsol ba 'debs pa la zhugs so/ / de'i tshe der byang chub sems dpas rgan po dang / nad pa dang / shi ba mthong nas/ nags kyi nang du gnas bcas te// de der song nas lo drug gi bar du dka' ba spyad de/ de der lo drug gi bar du dka' ba spyad nas/ se ri ka'i grong mi'i bu mo dga' mo dang / dga' stobs las 'o ma lan bcu drug tu nying khur byas pa'i 'o thug sbrang rtsi dang sbyar ba bzhes so/ / de nas rtswa 'tshong bkra shis ldan las rtswa bzhes so// de nas klu'i rgyal po nag pos mngon par bstod cing byang chub kyi sku/ bor gshegs te/ nyid kyi rtswa rnams ma 'khrugs par bting nas/ skyil mo krung bcas te bzhugs nas/ nam bla na med pa'i ye shes ma thob kyi bar du skyil mo krung mi gzhig go/

  653. 327b

    zhes thugs dam brtan por bcas so// des der bdud kyi 'khor 'byung po bye ba phrag sum cu rtsa drug bcom nas/ bla na med pa yang dag par rdzogs pa'i ye shes brnyes so// de nas tshangs pas bskul nas/ wA rA t+na sir lan gsum du bzlas te/ rnam pa bcu gnyis su chos kyi 'khor lo chos bzhin du bskor te/ lnga sde rnams rab tu phyung ngo // de nas nye ba'i lnga sde rnams dang / bzang sde'i pha tshan pa drug cu dang / grong gi byis pa gtso bo'i mchog lnga bcu dang / dga' mo dang / dga' stobs spun gnyis bden pa la bkod nas/ lteng rgyas 'od srungs dang / chu klung 'od srungs spun gnyis rab tu phyung ste/ ga yar gshegs nas/ cho 'phrul rnam pa gsum gyis btul te/ smyig ma'i nag khrod du gshegs nas rgyal po gzugs can snying po lha brgyad khri dang / yul ma ga d+ha'i bram ze dang / khyim bdag stong phrag du ma dang lhan cig tu bden pa la bkod do// de nas rgyal po'i khab tu gshegs te/ 'od ma'i tshal ba zhes nas/ dge slong shA ri'i bu dang mo'u 'gal gyi bu gnyis rab tu phyung ste/ mnyan du yod par gshegs nas/ rgyal po gsal rgyal gzhon nu lta bu'i mdo sdes btul te/ rgyal bu rgyal byed kyi tshal bzhes nas/ ser skya'i gnas su gshegs te/ yab sras mjal nas/ ser skya'i gnas

  654. 328a

    su rten bcas/ gdul bar bya ba rnams kyi don mdzad cing bzhugs so// de nas kha lo pa rab bzang gis sems skyes pa/ bdag ni da ltar bu med de/ bdag shi ste dus las 'das na ni/ ci bdog pa thams cad rgyal po dbang byed par 'gyur gyis/ ma la bdag gis 'jig rten pha rol tu bskyab par bya'o snyam nas/ de phyir nyin sangs rgyas la sogs pa dge slong gi dge 'dun bshos la spyan drangs te/ rang gi lag nas bza' ba dang bca' ba gtsang ma bzang po mang pos tshim par byas te ci bzhed pa bstabs nas/ sbyang sder ni gyur/ phyag ni bcabs par rig nas/ stan ches dma' ba zhig blangs te/ chos mnyan pa'i phyir spyan sngar 'dug go// de nas bcom ldan 'das kyis de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad de/ chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstong / yang dag par dga' bar mdzad nas cad mi gsung bar bzhugs so/ / de nas kha lo pa rab bzang gis/ bcom ldan 'das kyi gtam gyi mjug rdzogs par rig nas/ bcom ldan 'das la 'di skad ces

  655. 328b

    gsol to/ / btsun pa ni 'di na bdag gi yun ring po'i ston pa lags te/ kye ma bdag la bu zhig skyes na ni/ ji ltar bdag rgyal po zas gtsang gi kha lo pa 'tshal ba de bzhin dude yang gzhon nu'i kha lo par 'gyur ba zhig na/ da ni bcom ldan 'das rab tu byung ste/ de ltar gyur gyis kyang gal te da dung yang bdag gi bu zhig byung na ni/ bcom ldan 'das kyi zhabs 'bring du dbul bar 'tshal lo/ / de nas bcom ldan 'das kyis/ ma 'ongs pa'i yon tan gzigs nas bka' stsal pa/ khong dge ba rnams ni dam bcas pa la brtan pa yin no zhes gsungs nas/ de'i khyim nas bcom ldan 'das slar gshegs so// de nas phyi zhig na kha lo pa rab bzang gi chung ma la bu chags nas/ de zla ba dgu 'am bcu lon pa dang bu btsas te/ khye'u gzugs bzang zhing blta na sdug la mdzes pa zhig btsas nas/ de'i btsas ston rgyas par byas te/ khye'u 'di'i ming ji skad gdags zhes ming 'dogs par byed de/ khye'u 'di rab bzang gi bu yin pas na/ khye'u 'di'i ming bzang po zhes gdags so zhes zer ro// de nas khye'u bzang po 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas mtsho'i nang gi pad+ma bzhin du skye drag par gyur to// de nas

  656. 329a

    de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to/ / de nas phyi zhig na bcom ldan 'das kyis khye'u de rab tu dbyung ba'i dus la bab par gzigs nas/ kha lo pa rab bzang la bka' stsal pa/ rab bzang khye'u 'di ni ma btsas pa'i snga rol nas khyod kyis nga la phul te/ khong dge ba rnams ni dam bcas pa la brtan pa yin na/ de kho na ltar dam ma bcas sam/ rab bzang gis gsol pa/ bcom ldan 'das de kho na ltar dam bcas pa lags so zhes gsol nas/ rab bzang gis khye'u de lag pa gnyis kyis bzung ste/ bcom ldan 'das la phul nas smras pa/ bu khyod ma btsas pa'i snga rol nas ngas bcom ldan 'das la phul gyis/ song la bcom ldan 'das kyi zham ring gyis shig/ khye'us smras pa/ de ni bdag

  657. 329b

    la phan btags pa lags so zhes smras nas/ khye'u de bcom ldan 'das kyi phyi bzhin song ngo // de nas bcom ldan 'das kyis kha lo pa rab bzang la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ bcom ldan 'das kyis khye'u de khrid de gtsug lag khang du gshegs so/ / de der khrid nas rab tu byung ste bsnyen par rdzogs par mdzad nas/ de la lung yang phog go/ des kyang brtson pa dang / bsgrub pa dang // 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid thob nas bsams pa// bcom ldan 'dis ni// bdag gi sdug bsngal dang yid mi bde ba mang po sel bar mdzad pa dang / bde ba dang yid bde ba rnam pa du ma sgrub par mdzad pa dang / sdig pa mi dge ba'i chos rnam pa du ma sel bar mdzad pa dang / dge ba'i chos rnam pa du ma sgrub par mdzad pa yin na/ bdag gis bcom ldan 'das kyi bka' drin ji ltar bsab par bya snyam ste/ des bsams pa/ sangs rgyas rnams 'jig rten du 'byung ba gang yang rung ba de dag thams cad ni sems can la phan pa'i phyir 'byung bar zad kyis/ ma la bdag gis kyang

  658. 330a

    sems can gyi don bya'o snyam ste/ bdag gis 'dul bar 'gyur ba lta ci yod ces bsams te/ des bltas na/ thog ma kho nar pha ma gnyis 'dul bar 'gyur bar rig nas/ des gtsug lag khang nas mi snang bar gyur te/ bdag gi khyim du pha ma gnyis kyi mdun nas sa brtol te byang nas/ de ngang pa'i rgyal po 'dab ma brkyang ba ltar steng gi nam mkha' la 'phags nas/ pha ma gnyis kyi mdun du 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul rnams bstan nas sa la babs te/ pha ma gnyis kyi bsam pa dang / bag la nyal dang / khams dang / shes pa dang / rang bzhin rtogs nas/ de dang 'thun pa'i chos bstan te/ de thos nas pha ma gnyis stan de kho na la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs sa nas bu ma ma sa de gnas 'dun pa ma nas snama'i/ 'dag cag gnyis kya khyim naganas tang nga ba stsu shA rnam bar bya'o/ / bzang pos smras pa/ khyed gnyis ji ltar dga' ba bzhin du bgyi'o zhes byas nas/ tshe dang ldan pa bzang po de gnyis kyi khyim nas phyir song ngo // de nas

  659. 330b

    de'i pha ma gnyis kyis khyim gyi 'khor btang ste/ sbyin pa dag byin zhing / bsod nams dag byas te/ bcom ldan 'das kyi bstan pa la rab tu byung nas/ brtsan pa dang bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la zhus pa/ btsun pa bzang pos las ci bgyis na/ las de'i rnam par smin pas phyug cing nor mang la longs spyod che ba'i rigs su skyes te/ gzugs bzang zhing blta na sdug la mdzes par gyur nas/ bcom ldan 'das kyang mnyes par bgyis te/ mi mnyes par ma bgyis/ bcom ldan 'das kyi bstan pa la yang rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ 'di'i pha ma gnyis kyis kyang las ci bgyis na/ las de'i rnam par smin pas 'di kho na la brten nas bcom ldan 'das mnyes par bgyis te/ mi mnyes par ma bgyis lags/ bcom ldan 'das kyi bstan pa la yang rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' spel pa/ smon lam gyi dbang las gyur to// gsol pa/ btsun

  660. 331a

    pa 'di rnams kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de gang gi tshe sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas rgyal po mdzes pas bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod pa/ 'phang du rgyang grags gcig yod pa zhig brtsig par brtsams des der blon po ma dad pa zhig lag dpon du bskos nas/ blon po des/ bu la smras pa/ bu ngas ni rgyal po'i bsgrub pa dang / rgyal po'i bya ba mang po dag bya dgos te/ ngas gnyis ka lag gis mi khyab pa'i steng du 'di 'ba' zhig la 'chel na/ bdag gis rgyal po'i pho brang du bya ba rnams shor bar 'gyur gyis/ khyod kyis 'dir mchod rten gyi lag gi

  661. 331b

    zhal ta gyis shig dang / ngas rgyal po'i zhabs 'bring bya'o// khye'us smras pa/ yab ji ltar dgyes pa bzhin du bgyi'o zhes byas nas/ de de na mchod rten gyi lag gi zhal ta byed cing 'dug ste/ de der las byed pa la zhugs so// de de na las byed pa na/ sangs rgyas 'khor ba 'jig gi bstan pa la dad pa rnyed nas/ skyabs su 'gro ba dang / bslab pa'i gzhi rnams blangs so/ / des der pha ma gnyis kyang dad pa phun sum tshogs pa la bkod do// skyabs su 'gro ba dang / bslab pa'i gzhi rnams la yang bkod do// der gang gi tshe rgyal po mdzes pas mchod rten de rnam pa thams cad du zin par byas nas/ mchod pa chen po byas te/ mchod rten gyi dus ston gyi lugs gtod pa de'i tshe/ blon po de gza' bran dang / blon po'i bu des mchod rten de rnam pa thams cad yongs su rdzogs pa mthong nas mchog tu dga' bar gyur te/ mchog tu dga' bar gyur nas/ de dag gis mchod rten de la bkur sti chen po byas te/ blon po'i bu des mchod rten gyi zhabs la phyag 'tshal nas smon lam btab pa/ kye ma dge ba'i rtsa ba 'dis na/ bdag gang dang gang du skyes pa de dang der phyug cing nor mang la longs spyod che ba'i rigs su skye bar shog cig/ gzugs bzang zhing blta na sdug la mdzes par gyur cig/ ston pa 'di 'dra ba mnyes par

  662. 332a

    byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par shog cig ces byas so/ / de nas pha ma gnyis kyis de mthong nas/ bu khyod kyis smon lam ji skad btab ces dris pa dang / des de gnyis la thams cad rgyas par bsnyad nas/ de thos ma thag tu de gnyis kyis kyang smon lam btab ste/ kye ma dge ba'i rtsa ba 'dis na/ bdag cag gnyis kyang gang dang gang du skye ba de dang der phyug cing nor mang la longs spyod che ba'i rigs su skye bar shog cig/ 'di nyid bdag cag gi bur gyur nas/ 'di kho na las brten te bdag cag gnyis kyis ston pa 'di 'dra ba mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par shog cig ces byas so/ / dge slong dag ji snyam du sems/ de'i tshe blon po'i bur gyur pa gang yin pa de ni bzang po 'di kho na yin no// / de'i tshe pha mar gyur pa gang yin de gnyis ni pha ma 'di gnyis kho na yin no// des mchod rten de la bkur sti byas nas/ smon lam btab pa'i las de'i rnam par smin pas ni/

  663. 332b

    gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag nga yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// der pha ma de gnyis kyis mchod rten de la bkur sti byas nas/ smon lam btab pa'i las de'i rnam par smin pas ni/ gang dang gang du skyes pa de dang der phyug cing nor mang la longs spyod che ba'i rigs su skyes nas/ bu 'di kho na las brten te/ 'di gnyis kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyi bstan pa la yang 'di gsum car rab tu byung ste/ der 'di rnams kyis tshe gcig tu tshangs par spyod pa spyang nas/ dbang po yongs su smin par byas te/ des na da ltar rnam par grol bar

  664. 333a

    gyur to/ / // las brgya tham pa las bam po bcu dgu pa// / lhar bcas zhes bya ba ni/ yul ser skya'i gnas na rgyal po seng ge'i 'gram zhes bya ba rgyal po byed do/ / yul lha mthong zhes bya ba na ni rgyal po legs rtogs rgyal po byed do// de gnyis mdza' zhing bshes la gcugs par gyur to// de nas rgyal po seng ge 'gram ying smon byed pa/ kye ma bdag gi brgyud du 'khor los sgyur ba'i rgyal po byung na ci ma rung snyam mo// de nas mthar gyis de'i bu bzhi byung ste zas gtsang dang / bre bo zas dang / bdud rtsi zas dang / zas dkar rnams byung ngo // bu mo yang bzhi byung ste/ gtsang ma dang / bre bo ma dang / bdud rtsi ma dang / dkar mo rnams byung ngo // de nas rgyal po legs rtogs yid smon byed pa/ kye ma bdag seng ge 'gram dang gnyen du gyur kyang ci ma rung snyam mo// de nas de yang btsun mo dang lhan cig tu rtse zhing dga' la dga' dgur spyod pa las bu btsas te/ de'i ming lhar bcas zhes btags so// de nas de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon

  665. 333b

    pa dang / mtshon cha bcang ba dang / 'phong dang / mdun du brtsu ba dang / phyir bsnar ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnang du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur te/ de 'dra ba'i zla gzhan med do// de nas phyi zhig na rgyal po legs rtogs la bu mo gnyis byung ste/ de la gcig gi ming ni sgyu 'phrul zhes btags so// gcig gi ming ni sgyu 'phrul chen mo zhes btags te/ de gnyis bram ze mtshan mkhan bye phrag phyed pa rnams kyis lung bstan pa/ gcig gis na 'khor lo sgyur ba'i rgyal po btsa' bar 'gyur ro// cig shos kyis ni gzhon nu mtshan dang ldan pa btsa' bar 'gyur ro zhes lung bstan to/ / de nas rgyal po seng ge 'gram gyis thos nas/ de gnyis ka zas gtsang gi btsun mor blangs so// de nas

  666. 334a

    phyi zhig na byang chub sems dpa' lha'i rigs dga' ldan gyi gnas nas shi 'phos nas yum gyi lhums su zhugs te/ de zla ba dgu 'am bcu lon pa dang sras bltams te/ de gang gi tshe char skyes pa de'i tshe yi ge slob tu bcug nas/ de yi ge mthar phyin par gyur to// bstan bcos thams cad kyang nges rtogs so// gar dang / glu dang / rol mo'i sgra thams cad la'ang mthar phyin no// de nas rgyal po zas gtsang gis bsams pa/ da ni gzhon nu 'phong bslab dgos so snyam nas/ shAkya rnams la dris pa/ 'di na 'phong gi slob dpon gyi mchog su yod/ su la bslabs na gzhon nu 'phong lobs par 'gyur zhes smras so// shAkya rnams kyis sAs nga/ / lha 'phong gi slob da / na gzhan dag lba zhog gi/ rgyal po legs rnyogs kyi bu wAr bcas zhes bgyi ba 'phong gi slob dpon gyi ni rlog cig mchis te/ de 'dra ba'i zla gzhan ma mchis so// de nas de thos ma thag tu rgyal po zas gtsang gis lhar bcas pho nyas bkug nas smras pa/ lhar bcas khyod kyis gzhon nu 'di la 'phong slobs shig/ lhar bcas kyis smras pa/ ji ltar lhas dgongs pa bzhin du bgyi'o zhes byas nas/ de gzhon nu 'phong slob pa la zhugs te/ des byang

  667. 334b

    chub sems dpa' la ci bya'o cog bstan nas/ thams cad lobs so// byang chub sems dpas kyang gang la lhar bcas kyi yul ma yin pa'i thabs gzhan dag bstan to// / de nas lhar bcas kyis byang chub sems dpa'i brtson pa dang / sngon ma byung ba'i thabs rnams mthong nas ngo mtshar du gyur te/ des 'phong gi thabs de dag gi slob mar byas nas/ byang chub sems dpa' las bslabs so// der gang gi tshe byang chub sems dpas rgan po dang / nad pa dang / shi ba mthong nas/ nags kyi nang du gnas bcas pa de'i tshe/ lhar bcas ni yangs pa can du song nas de na 'dug pa dang / yangs pa can gyi mi rnams kyis de la gzhon nu lnga brgya gtad de/ khyod kyis gzhon nu 'di rnams gnas lnga po rnams slobs shig ces byas nas/ des ring po mi thogs par gzhon nu lnga brgya po rnams 'phong bslabs te/ de dag gnas lnga'i mthar phyin par gyur to// de nas de dag 'di lta bu'i rgyags pa skyes te/ su'ang bdag cag las gzugs dang / stobs dang / shes pas mtshungs pa'ang med na/ lhag pa lta ci smos snyam mo// de nas de dag la// lhar bcas kyis smras pa// bu dag rgyags par ma byed cig/ khyed ni shAkya dag gi nang du gzhon nu skyes pa de'i rkang pa'i rdul dang yang mi mtshungs na/ byang gzugs sam/

  668. 335a

    stobs sam/ shes pas mnyam pa lta ci smos zhes byas so// de nas de thos ma thag tu gzhon nu de dag lta 'dod par gyur te/ bdag cag dong la gzhon nu de blta bar bya'o zhes 'dzer to/ / de nas lhar bcas kyis smras pa/ gzhon nu des ni nags kyi nang du gnas bcas te/ da khyed kyis de mthong bar mi 'gyur ro zhes byas so// de nas de'i bar skabs su bcom ldan 'das gdul bar bya ba'i don mdzad cing / mthar gyis yangs pa can du gshegs so// de nas lhar bcas kyis de thos nas/ gzhon nu// de dag la sbran te/ de thos ma thag tu gzhon nu lnga brgya po de dag blta 'dod ches nas/ lhar bcas dang lhan cig tu bcom ldan 'das ga la ba der dong nas/ gzhon nu lnga brgya bopo de dag gis bcom ldan 'das mdzes shing yod du 'thang la/ dbang po zhi ba/ thugs zhi ba/ thugs mchog tu dul ba rnam par zhi ba dang ldan pa/ gser gyi mchod sdong ltar dpal dang gzi brjid 'bar ba mthong ngo / / mthong nas kyang de dag gzugs kyi rgyags pa gang yin pa de dag med par gyur te/ de rnams kyis bsams pa/ 'di bdag cig/ las byad gzugs kyis ni ches lhag mod kyi/ stobs kyis ni de lta ma yin no snyam du bsams nas/ bcom ldan 'das ga la ba der dong ste lhags nas/ bcom ldan 'das kyi//

  669. 335b

    / zhabs la mgo bos phyag 'tshal te spun sngar 'khod do// de nas bcom ldan 'das kyis dgongs pa/ 'di rnams kyi nga rgyal bcag dgos so snyam du dgongs nas/ de nas bcom ldan 'das kyis 'jig rten pa'i dgongs pa bskyed de/ kye ma lha'i dbang po brgya byin gyis mda' gzhu blangs te/ nga la bltar 'ongs na legs so snyam du dgongs na/ bcom ldan 'das kyis dgongs pa bskyed pa'i mod la/ lha'i dbang po brgya byin gyis mda' gzhu blangs te/ bcom ldan 'das ga la ba der 'ongs so// de nas bcom ldan 'das kyis gzhon nu de dag gi nga rgyal bcag pa'i phyir rang bzhin gyi sku mi snang bar mdzad de/ lha'i lus lta bur sprul nas/ gzhon nu de dag dang thag mi ring ba zhig tu lcags kyi tal bdun dang 'khor lo bdun dang / rnga bo che bdun dang / phag bdun sprul nas/ bcom ldan 'das kyis/ gzhon nu de dag la bka' stsal pa/ bu dag khyed kyis mnga' gzhu 'di long la 'ben 'di la mda' 'phongs shig ces gsungs nas/ de thos ma thag tu gzhon nu de dag gis gzhu de blangs te bdungs zhes byas na/ bdungs yang ma nus nas/ bcom ldan 'das kyis bde blag tu bdungs te/ mda' yang blangs nas/ mda' de 'ben dag la 'phangs te/ des lcags kyi ta la bdun dang / 'khor lo bdun dang / rnga bo che dadu/

  670. 336a

    dang / phag bdun las thal nas mda' de sa'i 'og tu song ngo // de nas de mthong ma thag tu gzhon nu de dag gi stobs kyis rgyags par gyur pa gang yin pa de'ang med par gyur to/ / bcom ldan 'das la'ang dga' bar gyur te/ bcom ldan 'das kyis de dag yid dga' bar gyur par thugs su chud nas/ de dang 'thun pa'i chos bstan te/ des na gzhon nu lnga brgya po de dag gis stan de kho na la 'dug bzhin du 'jig tshogs la lta ba'i r-i'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btung de bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas de dag la bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog go// de dag gis kyang brtson pa dang / bsgrub pa dang / 'bad pas nyon mongs pa thams cad spangs

  671. 336b

    nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing / rjed pa dang / gus par smra ba'i gnas su gyur to// de nas dge slong rnams kyis/ bcom ldan 'das la gsol pa/ btsun pa bcom ldan 'das kyi gzhon nu lnga brgya po rnams lhar bcas las brten te nga rgyal bcag nas/ g.yung drung gi mthar phyin pa grub pa dang bde ba'i mya ngan las 'das pa la bzhag pa gzigs// bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na'ang 'di rnams lhar bcas las brten te dregs pa bcom nas/ bsam gtan bzhi dang / mngon par shes pa lnga la bkod pa de nyon cig/ dge slong dag sngon byung ba 'das pa'i dus na/ grong khyer tsam pa zhes bya ba na/ rgyal po gangs chen mtsho'i lha zhes

  672. 337a

    bya ba rgyal po byed de/ phyi zhig na de'i btsun mo la bu chags nas/ de zla ba dgu 'am bcu lon pa dang / bu gzugs bzang zhing blta na sdug la mdzes pa tshan po che'i stobs dang ldan pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dog par byed de/ khye'u 'di gangs chen mtsho'i lha'i bu yin pas na/ khye'u 'di'i ming rgya mtsho'i lha zhes gdags so zhes zer ro// de nas khye'u rgya mtsho'i lha 'o ma dang / zho dang / mar dang / zhun mar dang / mar gyi snying khu rnams kyis bskyeng bsrings te/ de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du brtsub dang // phyir bskur ba dang / g.yul las 'byung bar bya ba dang / zhags pa gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcod pa dang / gsheg pa dang / lag pas gzung ba dang / rkang pa'i stabs dang / mgo bskyab pa dang / rgyang mar

  673. 337b

    'phang ba dang / sgra grag par 'phang ba dang / gnang du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to/ / de nas des bltas na/ pha chos bzhin dang / chos bzhin ma yin par rgyal srid byed pa mthong nas/ de'i blo skyes pa/ pha 'das pa'i 'og tu bdag gis rgyal srid kyi dbang phyug la dbang bya dgos par 'gyur gyis/ bdag gis khyim na gnas pa btang la/ nags kyi nang du gnas bca' bar bya'o snyam du bsams nas/ ya ba la gsol te/ nags kyi nang du gnas bcas so// de der song nas bsam gtan bzhi dang / mngon par shes pa lnga bskyed do// de rab tu byung ba dang rgyal po'i blon po lnga brgya'i bu btsas nas/ de dag gang gi tshe cher skyes pa de'i tshe/ de dag yi ge slob tu bcug ste/ gnas lnga'i bar du byang bar gyur nas/ de dag blo 'di lta bu skyes te/ gzhan su'ang byad gzugs dang / stobs dang / shes pas bdag cag dang mnyam pa'ang med na/ lhag pa lta ci smos snyam mo// de nas 'phong gi slob dpon gyis/ de dag la smras pa/ bu dag de skad ma zer cig/ khyed ni rgyal po 'di nyid kyi bu rab gnas nags kyi nang du gnas bcas pa de'i byad gzugs dang

  674. 338a

    stobs dang / shes pa'i brgya'i char yang mi phod/ stong gi char yang mi phod do zhes byas nas/ de thos ma thag tu gzhon nu de dag drang srong de blta 'dod par gyur te/ 'phong gi slob dpon de nyid dang thabs cig tu drang srong de ga la ba der dong nas/ gzhon nu lnga brgya po de dag gis thag ring po zhig nas drang srong mdzes shing yid du 'thad la dbang po zhi zhing yid zhi ba de mthong ngo / / mthong nas kyang de dag gi gzugs kyi rgyags pa gang yin pa de med par gyur te/ de dag gis bsams pa/ bdag cag gi slob dpon gyis 'di'i byad gzugs mdzes pa dang / yon tan rnams bsngags pa las 'di'i byang gzugs de kho na bzhin du gyur pa las na/ 'di'i yon tan rnams kyang de kho na bzhin du yod par nges kyis/ bdag cag khyim na gnas pa btang la/ 'di nyid kyi thad du tshangs par spyod pa spyang bar bya'o snyam bsams nas/ de nyid kyi thad du rab tu byung ste/ de dag der rab tu byung nas bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe gzhon nu lnga brgyar gyur pa gang yin pa de dag ni 'di dag nyid yin no// de'i tshe 'phong gi slob dpon du gyur pa gang yin pa de ni lhar bcas

  675. 338b

    'di kho na yin te/ de'i tshe'ang 'di rnams lhar bcas 'di kho na las brten te ngas dregs pa bcom nas bsam gtan bzhi dang / mngon par shes pa lnga la bkod do// da ltar yang 'di rnams lhar bcas kho na las brten te/ ngas g.yung drung gi mthar thug pa grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi gsung rab la 'di dag thams cad rab tu byung ste/ der 'di rnams kyis tshe gcig tu tshangs par spyad nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byang nas// nyon mongs pa thams cad spangs te/ dgra bcom pa nyid mngon sum du byed par shog cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rab tu byung ba'i dge slong lnga brgya po gang yin pa de dag ni/ da ltar rab tu byung ba 'di dag nyid yin te/ de dag gis der rab tu byung nas/ tshe gcig gi bar du tshangs par spyod pa spyad nas/ 'chi kar smon lam

  676. 339a

    btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed/ par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par shog cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas// nyon mongs pa thams cad spangs te/ dgra bcom pa nyid mngon sum du byas so// glang zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na rgyal bu rgyal byed kyi tshal nas thag mi ring ba zhig na ba glang gi khyu dag cig 'khod de/ der glang khyu mchog gnyis 'thabs nas/ gcig gis gcig brdungs nas/ gcig gi lho ral te/ de'i rgyu ma sa la lhug nas/ de zla de la sdang ba'i sems skyes te sa la 'gyel lo// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa

  677. 339b

    mi 'jigs pa bzhis mi 'jigs pa/ / 'gro ba lngar 'gro ba las rnam par grol ba/ skye mched drug la mkhas pa// byang chub kyi yan lag bdun la spod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas

  678. 340a

    @brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs mol bar 'gyur yang srid// gdul bar bya ba'i sras rnams la/ / sangs rgyas dus las yol ba med/ de nas bcom ldan 'das kyis dgongs pa/ gal te glang ded lta'i zhabs su shrI bar gyur na ni/ sems can dmyal bar 'gro bar 'gyur te/ 'di ngan song las dbyung ba'i dus la ba ba bo snyam du dgongs nas/ bcom ldan 'das rgyal bu rgyal byed kyi tshal nas mi snang bar gyur te/ glang gi drung du gshegs nas/ bcom ldan 'das kyis glang de'i rgyu ma rnams phyir lho'i nang du bcug ste/ rma kha drubs nas/ rtswa dang chu yang byin te/ bka' stsal pa/ bzhin bzangs 'di ltar 'du byed thams cad ni mi rtag go// chos thams cad ni bdag med do/ / mya ngan las 'das pa ni zhi ba'o// nga la sems dga' bar gyis shig dang / dud 'gro'i skye gnas dang bral bar gyur yang srid do zhes bka' stsal to// de nas de bcom ldan 'das la sems dga' bar gyur te/ shi 'phos nas dus las 'das te/ mnyan pa yod pa de nyid du tshong dpon zhig gi khyim du nying mtshams sbyar nas// de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas nas/ de'i btsas ston rgyas par byas rigs dang 'thun par ming btags nas/ 'o ma dang / zho dang / mar dang / zhun mar dang / mar gyi

  679. 340b

    snying khu rnams kyis bskyeng bsrings te/ de gang gi tshe lo bdun lon par gyur pa de'i tshe/ des bcom ldan 'das kyi bstan pa la dad pa rnyed nas/ des pha ma gnyis la gsol te rab tu byung nas/ des lo bdun lon pa kho na nyid na/ brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa thob nas/ rdzu 'phrul gyis 'gro zhing / gnas gzhan dang gzhan dag nas// lo ma'i nang du me tog dang 'bras bu rnams bcug ste/ khyer te 'ong zhing dge 'dun la 'bul bar byed do// de nas dge slong rnams kyis de mthong nam mtshan du gyur to/ / ya mtshan du gyur nas/ bcom ldan 'das la gsol pa/ btsun pa dge tshul pa 'dis lo bdun lags na/ yon tan 'di lta bu rtogs pa la gzigs/ de nas bcom ldan 'das kyis/ dge slong rnams la bka' stsal pa/ khyed kyis glang gi rgyu ma ngas lhor bcug nas/ chos tshig gsum bstan pa de mthong ngam/ gsol pa/ btsun pa mthong lags so// bka' stsal pa/ deng la sems dga' bar byas nas/ shi 'phos te dus las 'das pas/ mnyan du yod pa 'di nyid du tshong dpon gyi khyim du skyes nas/ de nga'i bstan pa la rab tu byung ste/ lo bdun lon pa kho nan/ nyon mongs pa thams cad spangs nas/ dgra bcom pa nyid mngon sum du byas so// gsol pa/ btsun pa dge tshul pa 'dis las ci zhig bgyis na/ las de'i rnam par

  680. 341a

    smin pas glang du skyes lags/ las ci bgyis na/ las de'i rnam par smin pas de nas shi 'phos nas mir skyes la/ 'dis bcom ldan 'das mnyes par bgyis te/ mi mnyes ba ra ma bgyis nas/ skyes bu lo brgya thub pa rnams pham par bgyis te/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las de byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung nas/ dge slong chu'i zhal ta byed par gyur te/ de dge 'dun la ril ba spyi lugs kyis chu 'grim pa las/ dge slong dgra bcom pa gzhan zhig yengs par gyur te/ de de dang thug nas/ chu'i zhal ta byed pa de'i ril ba lag nas shor te chag nas/ de khros pas dgra bcom pa de la smras pa/ 'di ni glang dir po bzhin du che zhing tsher phrig med pa zhig go zhes byas nas/ de'i tshig de dgra bcom pa des thos nas/ des de phyogs gcig tu khrid de smras pa/ btsun pa khyod bdag su yin pa dang / nga su yin pa shes sam/ des smras pa/ ngas shes te khyod kyang

  681. 341b

    rab tu byung ba yin la/ nga'ang rab tu byung ba yin no// des smras pa/ 'u bu cag rab tu byung bar 'dra mod kyi/ khyod ni bcing ba thams cad kyis bcings pa'i so so'i skye bo yin la/ nga ni bcing ba thams cad las grol ba yin na/ khyod kyis tshig rtsub po smras kyis/ nyes pa la nyes so zhes bshags par gyis shig/ khyod 'khor ba na 'khor zhing mi sdug pa'i las kyi 'bras bu rnyed nga re zhes byas so// de nas de thos ma thag tu dge slong de 'gyod pa chen po skyes te/ des dge slong de'i rkang pa la phyag 'tshal nas bzod pa gsol te/ tshe gcig tu tshangs par spyod pa spyad nas/ 'chi kar smon lam btab pa/ bdag gis 'di 'dra ba'i yon gnas kyi mchog la tshig rtsub po smras pa'i las 'di ci nas kyang bdag la smin par ma gyur cig/ 'di ltar bdag gis tshe gcig tu tshangs par spyod pa spyad kyang yon tan gyi tshogs cing mthob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe chu'i zhal ta byed par gyur pa gang yin pa de ni dge tshul ba 'di nyid yin te/ des der khros nas/ dgra bcom pa de la tshig rtsub po smras pa'i las de'i rnam par smin pas tshe rabs lnga

  682. 342a

    brgyar glang du skyes so/ / des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byas so// snying rje bzang po zhes bya ba ni/ gleng gzhi yangs pa can na bzhugs te/ de'i tshe yangs pa can na sdesdo dpon seng ge zhes bya ba zhig 'dug ste/ byi zhig na de'i chung ma la bu rmugs nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa/ chen po che'i sobs dang ldan pa zhig btsas te/ de'i bcas ston rgyas par byas nas/ ming snying rje bzang po zhes btags so// de nas khye'u snying rje bzang po 'o ma dang / zho dang / mar dang / zhun mar dang / mar gyi snying

  683. 342b

    rnams kyis bskyed pa srings te/ de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du brtsu ba dang / phyir bsnur ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mnga' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcod pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga lo byang bar gyur to// de nas de ma grangs nas 'phyon ma la'ang zhugs so// byis re zhig na de pas mdza' sde'i khrod du btang nas/ mdza' sde de dag dpyid kyi dus su shing grib me tog rgyas pa ne tsau dang / ri skegs dang / rma bya dang / khu byug dang / shang shang te'u rnams skang 'byin pa'i skyed mos tshal gyi nags khrod du smad 'tshong ma'i gtso mo khrid de song nas/ / de dag de na 'khod pa las/ smad 'tshong ma'i phyir 'thab mo byung ste/ khye'u snying rje bzang po khros pas/ mdza' sde gsum bsad

  684. 343a

    nas/ mdza' sde rnams dong ste/ sde dpon seng ge la byas so// de nas sde dpon seng ges de thos nas/ bu de bu ma yin par bsgrags te/ khyim nas kyang bskrad do// de nas yang pa can gyi li tsa byi rnams kyis de gsod du btang ste/ ka ra wi ri'i me tog gi 'phreng bas mgul pa dkris nas gshed ma la gtad de/ gshed ma'i mi gos sngon po bgos la/ ral gri phyung ste/ rnga sgra drag po bsgrags pa dag gis khring nas/ lam po che'i bzhi mdo rnams su bsgrags te/ bsad pa'i sar phyin du nye ba dang // de srog gi phyir 'jigs shing skrag nas phan tshun du lta ste/ bdag 'phongs shing dkos thag pa dang / sdug pa'i skyabs byed pa dang / srog 'phangs pa byin pa su zhig gu snyam mo// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig

  685. 343b

    rten la gzigs te/ su ni rgud/ su ni dar/ su ni 'phongs shig 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya// su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med// de nas bcom ldan 'das kyis dgongs pa/ khye'u snying rje bzang po gdul ba'i dus la bab bo snyam du dgongs nas/ spre'u rdzing gi 'gram nas mi snang bar gyur te/ khye'u snying rje bzang po'i mdun du bzhugs so// de nas khye'u snying rje bzang pos thag ring po zhig nas bcom ldan 'das mthong ngo // mthong nas kyang zhabs la phyag

  686. 344a

    'tshal te gsol pa/ bcom ldan 'das bdag la dka' ba mdzad cing srog 'phangs pa'i sbyin pa mdzad du gsol/ bcom ldan 'das kyis bka' stsal pa/ gzhon nu khyod du ni srog chud za bar 'gyur ba'i 'jigs pa med kyis/ ma skrag cig ces bka' stsal nas/ bcom ldan 'das kyis/ yangs pa can gyi mi rnams la bka' stsal pa/ bzhin bzangs dag khye'u 'di bsad de ci rung gis thong zhig/ yangs pa can gyi mi rnams kyis gsol pa/ btsun pa gal te rab tu byung na ni gtang bar 'tshal lo zhes gsol te/ bcom ldan 'das kyis khye'u de rab tu phyung zhing bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas so// de nas dge slong rnams kyis/ bcom ldan 'das la gsol pa/ btsun pa khye'u snying rje bzang po ma grangs pa'i slad du yangs pa can gyi mi rnams kyis gsod du btang ba las/ bcom ldan 'das kyis thar par mdzad de g.yung drung gi mthar thug pa grub pa dang bde ba'i mya ngan las 'das pa bzhag pa la gzigs/ bcom ldan 'das kyis bka' stsal ba/ da ltar 'ba' zhig ma yin te/ 'das pa'i dus na'ang 'di ma grangs shing g.yem par gyur nas/ skye bo phal po ches gsong du btang ba las/ ngas skyabs byas te/ bsam gtan bzhi dang / mngon par shes pa lnga la ji ltar bzhag pa de nyon cig/ dge

  687. 344b

    slong dag sngon byung ba 'das pa'i dus na/ ri khrod kyi grong zhig na yul mi kha mi mkhas shing g.yem pa zhig 'dug nas/ skye bo mang po glags tshol zhing 'dug pa las/ de dag gis glags rnyed nas gzhan gyi chung ma la byi ba byed pa las/ bzung ste rgyal po la phul nas/ rgyal pos de gsod du btang ste/ de gshed ma rnams kyis khrid de/ gsod pa'i sar phyin du nye ba dang / ri khrod kyi grong nas thag mi ring ba dka' thub kyi gnas shig na drang srong zhig gnas te/ drang srong de spyod yul la chas nas/ de mi des mthong nas/ mthong ma thag tu rkang pa la phyag 'tshal te smras pa/ drang srong bdag la dka' ba mdzad pa dang / srog gi sbyin pa mdzad du gsol/ de nas drang srong des rgyal po la gtong du bcug nas/ dka' thub kyi gnas su khrid de rab tu phyung nas/ der bsam gtan bzhi dang / mngon par shes pa lnga bskyed do/ / dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga yin no// de'i tshe mi de ni khye'u snying rje bzang po 'di kho na yin te/ de'i tshe'ang 'di skye bo phal po ches gsod du btang ba las/ ngas skyabs byas nas/ bsam gtan bzhi dang / mngon par shes pa lnga la bzhag go/ nga ltar yang 'di ma grangs pa'i phyir yangs pa can gyi mi rnams kyis gsod du btang ba las/ ngas de las thar par byas nas/ g.yung drung gi mthar phyin pa grub pa dang bde ba'i mya ngan las 'das pa la

  688. 345a

    bzhag go/ / gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung nas/ der 'dis tshe gcig tu tshangs par spyod pa spyad nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon du byed par gyur cig ces byas so// dge slong dag ji snyam du sems de'i tshe dge slong du gyur pa gang yin pa de ni snying rje bzang po 'di kho na yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyan ba dang / shugs mnyam pa dang / mdzad pa mnyam pa dang / thabs mnyam pa brnyes nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mong

  689. 345b

    pa thams cad spangs te/ dgra bcom pa nyid mngon sum du byas so// gel po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa de bu med de/ bu 'dod pa'i phyir lha'i gnas so cog tu gsol ba 'debs so// de nas phyi zhig na de'i chung ma la bu chags nas/ de zla ba dgu 'am bcu lon pa dang / khye'u gzugs bzang zhing bltan sdug la mdzes pa/ 'tsho zhing pags pa dang / sha dang / khrag rgyas pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di 'tsho zhing pags pa dang / sha dang / khrag rgyas pas na/ de'i phyir khye'u 'di gel po zhes gdags so zhes zer ro// de nas khye'u gel po 'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sprin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/

  690. 346a

    mthar gyis rig pa'i gnas bco brgyad la byang bar gyur to// bram ze de'i khyim yang khyim bdag mgon med zas sbyin gyi khyim nas thag mi ring ba zhig na 'dug ste/ bram ze khye'u de'ang mgon med zas sbyin dang 'grogs pas/ bcom ldan 'das kyi bstan pa la dga' bar gyur to// de nas phyi zhig na de'i pha ma gnyis shi'o// de gnyis shi nas/ de don zhig la grong khyer shur ba ra ka ra chas te/ de mthar gyis rgyu ning song song ba las/ mnyan du yod pa dang shur ba ra ka'i grong khyer gyi bar gyi r-i sul zhig na nags khung zhig yod de/ nags khung de na drang srong zhig gnas pa de/ ze'i khye'u des shes nas/ de de'i thad du song ste rkang pa la phyag 'tshal nas/ chos mnyan pa'i phyir mdun du 'dug go// de nas drang srong des kyang de la nges par 'byung ba'i bsngags pa brjod nas/ des de thos ma thag tu nges par 'byung ba dang 'thun pa'i sems skyes te/ de drang srong de nyid las rab tu byung nas/ nags khrod de na gnas kyang des khyad par ci'ang ma thob bo// de nas phyi zhig na drang srong de shin nas gel po de'ang dka' thub kyi gnas de nyid na gnas so/ / de nas gang gang gi tshe bcom ldan 'das shur par gshegs pa na/ khye'u gel pos bcom ldan 'das rgyang nas gshegs pa mthong ngo // mthong ma thag tu bsams pa/ 'di ni shAkya'i rigs dka' ba mdzad pa/ thams cad mkhyen pa/ thams cad gzigs pa de yin te/ lam 'di nas tshur gshegs kyis/ bdag gis bsnyen bkur mi byar mi rung ngo snyam

  691. 346b

    nas/ yang des bsams pa/ gal te bdag brag 'di las rkang gis babs na ni/ bcom ldan 'das thal bar 'gyur gyis/ drag pa 'di nas bdag gis mchongs dang / bdag gis bsnyen bkur byed khom mo snyam du bsams nas/ brag kha de nyid nas mchongs so// de nas bcom ldan 'das kyis sa gzhi stan shing bal gyi nang tshangs can 'dra bar byin gyis brlabs nas/ de lhung ma thag tu rkang pas bsgreng bar/ gyur te/ de dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyi bzhin du 'brang ngo // de nas bcom ldan 'das kyis de la thug brtse ba'i phyir lam nas gzur te/ phyogs gcig tu bzhugs nas/ des kyang bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de la de dang 'thun pa'i chos bstan te/ des na bram ze'i khye'u gel pos stan de nyid la 'dug bzhin du bden pa rtogs pa'i mod la phyir mi 'ong ba'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spong ba

  692. 347a

    spyad par 'tshal lo/ / de nas bcom ldan 'das kyis dge slong tshur shog ces bya ba'i tshig gis de rab tu phyung ste/ bsnyen par rdzogs par mdzad nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas bcom ldan 'das kyis de dad pa dang mos pa dang ldan pa rnams kyi mchog tu bstan to// de nas dge slong rnams kyis bcom ldan 'das la gsol pa/ btsun pa tshe dang ldan pa gel pos bcom ldan 'das mthong nas/ brag kha nas rang gis mchongs pa dang / gzhan yang 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa la gzigs/ bcom ldan 'das

  693. 347b

    kyis bka' stsal pa/ da ltar 'ba' zhig ma yin te/ 'das pa'i dus na'ang 'dis ji ltar nga mthong nas/ brag ka nas rang gis mchongs te/ nga'i thang du rab tu byung nas/ bsam gtan bzhi dang / mngon par shes pa lnga bskyed pa de nyon cig/ dge slong dag sngon byung ba 'das pa'i dus na/ drang srong zhig 'khor lnga brgya dang lam du zhugs te/ de brag drung logs nas 'gro ba las phyogs gcig tu 'dug go/ brag de'i kha na ni dka' thub can zhig 'dug pa las/ des drang srong braphrag drung de na 'dug pa de mthong nas/ mthong ma thag tu de la shin tu dga' ba skyes te/ des bsams pa/ bdag drang srong de la bsnyen bkur byed du 'gro'o snyam nas/ des yang bsams pa/ gal te bdag rkang gis babs na ni/ drang srong de thal du 'ong ngo snyam nas/ rang gis brag de'i kha nas mchongs pa las/ drang srong des lha la bsgo nas/ lag nas bzung ste sa la bzhag go/ de nas de'i thad du song ste/ rkang pa la phyag 'tshal nas/ chos mnyan pa'i phyir mdun du 'dug go// de nas drang srong des de la nges par 'byung ba dang 'thun pa'i gtam byas nas/ de de'i thad du rab tu byung ngo // de rab tu byung nas// bsam gtan bzhi dang / mngon par shes pa lnga bskyed de/ dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga yin no/ / de'i tshe dka' thub can du gyur pa gang yin po de ni gal po 'di kho na yin te// de'i tshe'ang 'dis nga mthong nas/ brag kha nas rang

  694. 348a

    gis mchongs te/ nga'i thad du rab tu byung nas/ bsam gtan bzhi dang / mngon par shes pa lnga bskyed do// da ltar yang nga mthong nas/ brag kha nas rang gis mchongs te/ nga nyid kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du byas so// de nas dge slong rnams kyis/ bcom ldan 'das la zhus pa btsun pa gel po 'dis las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis nas/ bcom ldan 'das kyis dad pa dang mos pa dang ldan pa rnams kyi mchog tu bstan lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis gang du smon lam btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de zham ring 'khor nyi khri dang ljongs rgyu zhing

  695. 348b

    gshegs pa las/ nags khrod cig tu byon te/ nags khrod de na drang srong lnga brgya 'khod de/ drang srong lnga brgya po de dag gis yang dag par rdzogs pa'i sangs rgyas 'od srungs thag ring po zhig nas mthong ngo / / mthong nas kyang de dag shin tu dga' bar gyur to// de dag dga' bar gyur nas/ yang dag par rdzogs pa'i sangs rgyas 'od srungs 'khor dang bcas pa dka' thub kyi gnas su rtsa ba dang 'bras bu la spyan drangs te phul lo/ / de ltar phul nas chos mnyan pa'i phyir spyan sngar 'khod do// de nas yang dag par rdzogs pa'i sangs rgyas 'od srungs kyis de dag gi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong lnga brgyar gcig gis ma tshang ba rnams kyis bden pa rtogs pa'i mod la phyir mi 'ong ba'i 'bras bu mngon sum du byas te/ de dag gis bden pa mthong nas/ stan las langs te bla gos phrag pa gcig tu gzar nas/ yang dag par rdzogs pa'i sangs rgyas 'od srungs ga la ba de logs su thal mo sbyar ba btud de/ 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thong tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas yang dag par rdzogs pa'i sangs rgyas 'od srungs kyis drang srong lnga brgya po de dag dge slong rnams la

  696. 349a

    gtad nas/ dge slong rnams kyis drang srong lnga brgya po de dag rab tu phyung ste/ bsnyen par rdzogs par byas nas/ de dag la lung yang phog go// de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// drang srong gcig gis ni der tha na dro ba tsam gyi yon tan yang cung zad kyang ma thob bo// de gang las rab tu byung ba'i mkhan po de ni yang dag par rdzogs pa'i sangs rgyas 'od srungs kyis dad pa dang mos pa dang ldan pa rnams kyi mchog tu bstan to/ / de nas des tshe gcig tu tshangs par spyod pa spyad nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci'ang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar yang dag par rdzogs pa'i sangs rgyas 'od srungs kyis/ bdag gis mkhan po dad pa dang mos pa dang ldan pa rnams kyi mchog tu lung bstan pa de bzhin du/ bdag kyang shAkya thub pa shAkya'i rgyal po'i mchog gis dad pa dang mos pa dang ldan pa rnams

  697. 349b

    kyi mchog tu bstan par gyur cig ces byas so/ / dge slong dag ji snyam du sems/ de'i tshe drang srong du gyur pa yang dag par rdzogs pa'i sangs rgyas 'od srungs kyi gsung rab la rab tu byung ba gang yin pa de ni gal po 'di kho na yin te/ des der tshe gcig tu tshangs par spyod pa spyad nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ sangs rgyas bcom ldan 'das des kyang / bdag dang ba dang mos pa dang ldan pa rnams kyi mchog tu bstan par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ ngas 'di dad pa dang mos pa dang ldan pa rnams kyi mchog tu bstan to// / bam po nyi shu pa// nag po zhes bya ba ni/ gleng gzhi rgyal po'i khab na/

  698. 350a

    bzhugs te/ de'i tshe rgyal po'i khab na bram ze 'byung po zhes bya ba zhig 'jug ste/ phyi zhig na de'i chung ma la bu chags nas/ de zla ba dgu 'am bcu lon pa dang / lce'u gzugs bzang zhing blta na sdug la mdzes pa zhig btsas nas/ mdog nag por 'dug go// de nas de'i btsas ston rgyas par byas nas/ khye'u 'di'i ming cir gdags zhes ming 'dogs par byed de/ khye'u 'angadi mdog nag pas na// de'i phyir khye'u 'di nag po kho nar gdags so zhes zer ro// de nas khye'u nag po 'o ma dang / zho dang / mar dang / zhun mar dang / mar gyi snying lus bskyed bsrings te/ de mtsho'i nang gi pad+ma bzhin du skye drag par gyur to/ / de nas de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sprin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas// las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to/ / de'i pha ni bram ze'i khye'u lnga brgya tsam bram ze'i sngags slob par byed do// de nas phyi zhig na de rgas par gyur te bsams pa/ da ni bdag rgas pas/ phyin chad

  699. 350b

    bram ze'i khye'u lnga brgya po 'di rnams sngags slob mi nus kyis/ bdag gi khye'u 'di sde tshan gyi slob dpon byed dru gzhug go snyam nas/ bu la bsgob/ bu nag po ngani ngargas pas/ bram ze'i khye'u lngas bopo 'di dag phyin chad sngags slob mi nus la/ khyod kyang sngags kyi mthar phyin pa yin gyis/ bram ze'i khye'u 'di rnams kyi slob dpon gyis shig/ bus smras pa/ mkhan pos ji skad bka' sprul pa de bzhin du 'tshal lo zhes smras nas/ de nas de bram ze'i khye'u lnga brgya po dag sngags slob pa la zhugaso// de'i tshe rgyal po'i khab de nyid du bram ze gzhan zhig gis mchod sbyin byas / bram ze rnams la yon mang po phul lo// mchod sbyin byed pa der bram ze kha cig na re/ kho bo cag yon dbang gis/ khyed ni mi dbang ngo zhes zer ro// grong na gnas pa rnams na ro ni/ deng ni dag pa yin gyi/ khyed ni rgyal po'i nam ring ba'i g.yog byed pa yin pas na/ yon 'di rnams ngedang dbang gi/ khyed mi dbang ngo zhes zer ro// de nas bram ze nag pos bsams pa/ bram ze 'di rnams 'thab mo chen po byung ste/ gzhan gyis ni zhi bar byed mi nus kyis/ ma la nga nyid kyis sgrim dgro so snyam du bsams nas/ des bram ze de dag dgag par brtsal ba las// 'thab mo ni bar byed ma nus nas/ de gzhi de las shas cher skyo ba skyes te/ bdag gis 'khor rnams btang la/ gcig pu nags khrod du gnas bcas te 'dug par bya'o snyam nas/ des 'khor de rnams bor te

  700. 351a

    nags khrod gcig tu song ngo / / nags khrod de na gnod sbyin nag po zhes bya ba drag cing 'jigs la mdangs 'phrog pa zhig kyang gnas te/ des sems can stong phrag du mgyin da la sdug bsngal skyed par byed do/ / nags khrod de na drang srong zhig kyang gnas te/ drang srong de la gnod sbyin de shin tu dga' 'o// de nas bram ze nag pos drang srong de thag ring po zhig nas mthong ngo // mthong nas kyang de la dga' bar gyur to/ / dga' bar gyur nas kyang de nyid kyi thad du rab tu byung ste/ des de la yid la bya ba'i lung phog nas/ des der bsam gtan bzhi dang / mngon par shes pa lnga bskyed do/ / de nas phyi zhig na drang srong rgan po de shi'o// de shi nas drang srong nag po gnas de nyid du 'dug go/ de nas phyi zhig na bcom ldan 'das la rgyal po'i khab kyi mi rnams kyis gsol ba btab ste/ btsun pa gnod sbyin nag po 'di ni bdag cag la kho na ma mchis par kho na du 'dzin pa lags/ dgra zla ma lags par dgra zla bgyid pa lags te/ sems can stong phrag du ma la gnod pa bgyid pa lags so/ / btsun pa bcom ldan 'das kyis ni klu ma rungs pa dga' bo dang / nye dga' bo la sogs pa gzhan dag kyang brtul/ gnod sbyin ma rungs pa 'brog gnas la sogs pa gzhan dag kyang btul khags na/ / gnod sbyin nag po'ang bcom ldan 'das kyis thugs brtse ba'i slad du btul na/ legs so legs so zhes gsol to// de nas bcom ldan 'das kyis rgyal po'i khab kyi mi rnams

  701. 351b

    la cang mi gsung bas gnang nas/ bcom ldan 'das kyis gnod sbyin de rdzu 'phrul gyis bkug nas bka' stsal pa/ kye sems can rnams la gnod pa ma byed cig/ sdig pa'i las 'di thong zhig ces bka' stsal to/ / des gsol pa/ bcom ldan 'das kyis ji ltar bdag la bka' stsal ba bzhin du 'tshal lo zhes gsol nas/ bcom ldan 'das la skyabs su 'gro ba dang / bslab pa'i gzhi rnams blangs nas 'di skad ces gsol to// btsun pa deng slan chad bdag gis rgyal po'i khab kyi mi rnams la bsrung ba dang bskyang bar 'tshal lo zhes gsol nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thar nas song nas/ de rang gi gnas su song ste 'dug go/ de de na 'dug nas bsams pa/ drang srong nag po de dka' thub don med pa 'dis snyon slongs pa'i steng du zhag bdun na 'chi bar mthong nas/ de de la snying brtse ba'i phyir de'i thad du song ste smras pa/ drang srong khyod kyi dka' thub drag po 'di ci dgos/ de'i steng du khyod da ste zhag bdun na 'chi bar 'gyur ro zhes byas so/ / de nas de thos ma thag tu drang srong de sdug bsngal chen po skyes nas/ de mya ngan gyi dbang gis rdzu 'phrul de las nyams te/ de gzhi de las lhag par yang mya ngan skyes nas shin tu smre sngags 'don cing 'dug go/ / de nas gnod sprin des smras pa/ drang srong ha cang mya ngan ma byed/ ha cang mya ngan ma byed/ snyon spongs par ma byed/ smre sngags

  702. 352a

    'don par ma byed/ bcom ldan 'das de rgyal po'i khab na bzhugs te/ de ni 'chi bar 'gyur ba'i lam mkhyen pa yin gyis/ sangs rgyas bcom ldan 'das la skyabs su song zhig dang / des na khyod la legs pa thams cad mdzad par 'gyur ro zhes byas so// de nas de thos ma thag tu drang srong nag pos thams cad spangs te/ 'od ma'i tshal du song ngo // de'i tshe bcom ldan 'das 'khor brgya phrag du ma'i gung la bzhugs te chos ston no/ / de nas drang srong nag pos thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshags kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga' ba skyes te/ dge ba'i rtsa ba bsags pa'i r gyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la'ang nyams bde ba de lta bu skye bar ma 'gyur ro/ / de ltar mthong nas kyang bcom ldan 'das la shin tu dga' bar gyur to// de dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos

  703. 352b

    phyag 'tshal te/ chos mnyan pa'i phyir spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na des ston de kho na la 'dug bzhin du bden pa mthong ba'i mod la phyir mi 'ong ba'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyang par 'tshal lo// de nas de bcom ldan 'das kyis dag slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa

  704. 353a

    smra t+ma na sa kA na de nas dge slong rnams kyis/ sangs rgyas bcom ldan 'das la ma/ btsun pa drang srong 'di 'chibs 'jigs shing thAg sa// bcom ldan 'das kyi zad dumatshas/ rgyu nas s+'u d+d+ha sa la pa pa rna sa pa / na sa / sa pa sa sa / / ma gas sa nas pa na ngas thal ma 'o/ / sa pa na na ma / 'i tshul gyi rnam pa/ mam ze the ma mam kyang ni mig bdun 'a ba byung na tshu // nan pa byas pa pa'i rgya ma dza ze mi ma pa#

  705. 353b

    mi dga' bar gyur pa des na/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe bram ze'i khye'ur gyur pa gang yin pa de ni nag po 'di kho na yin te/ de'i tshe'ang 'di 'chi bas 'jigs shing skrag nas/ ngas bsam gtan bzhi dang / mngon par shes pa lnga la bzhag go/ da ltar yang 'di 'chi bas 'jigs shing skrag nas/ ngas rab tu phyung ste/ g.yung drung gi mthar thug pa grub pa dang bde ba'i mya ngan las 'das pa la bzhag go/ gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung bar gyur te/ der 'dis tshe gcig tu tshangs par spyod pa spyad pa dang / dbang po rnams yongs su smin par byas pa des na/ da ltar rnam par grol bar gyur to// mda' thogs pa zhes bya ba ni/ yul ser skya'i gnas na shAkya dbyug thogs zhes bya ba phyug cing nor mang la longs spyod che ba/ yongs su 'dzin pa yang shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' dgung spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs zang zhing blta na sdug la mdzes pa zhig btsas te/ de'i btsas ston rgyas par byas nas/

  706. 354a

    khye'u 'di'i ming ji skad gdags zhes ming 'dogs par byed de/ khye'u 'di dbyug thogs kyi bu yin pas na/ khye'u 'di'i ming mda' thogs zhes gdags so zhes zer ro// de nas khye'u mda' thogs 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ de mtsho'i nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du brtsu ba dang / phyir bskur ba dang / g.yul las 'byung bar bya ba dang / lcags kyu gzung ba dang / zhags pa gzung ba dang / mda' bo che 'phang ba dang / rdo rje rtsa gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gsheg pa dang / lag pas gzung ba dang / rkang pa'i stabs dang / mgo bo bskyab pa dang / rkyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas naganas lnga la byang bar gyur to/ / de nas phyi zhig na yang shAkya dbyug thogs kyi chung ma la bu chags nas/ de zla ba dgu 'am bcu lon pa dang / bu mo gzugs bzang zhing blta na sdug la mdzes pa

  707. 354b

    zhig btsas te/ de btsas ma thag tu shAkya lag na dbyuka thogs kyi ba mo gzugs bzang zhing blta na sdug la mdzes pa/ kha dog rgyas pa/ mchog dang ldan pa zhig btsas so zhes bya ba'i sgra ser skya'i gnas thams cad du grags so/ / de nas de'i btsas ston rgyas par byas nas/ bu mo 'di'i ming skad gdags zhes ming 'dogs par byed de/ bu mo 'di btsas pa na ser skya'i gnas thams cad du gtam snyan pa grags pas na/ bu mo 'di'i ming grags 'dzin mar gdags so zhes zer ro// de nas bu mo grags 'dzin ma 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ de mtsho'i nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ byang chub sems dpa'i btsun mor phul lo// de nas grags 'dzin ma'i rkyen gyis byang chub sems dpa' khye'u mda' thogs dang shin tu mdza' bar gyur to/ / de nas gang gi tshe byang chub sems dpas rgan po dang / nad pa dang / shi ba gzigs nas/ nags kyi nang du gnas bcas pa de'i tshe/ khye'u mda' thogs shin tu mi dga' bar gyur te/ ci zhig mthong na 'khor los sgyur ba'i rgyal sring dang / bdag gi sring mo bor tes byung zhig gu snyam mo// de nas gang gi tshe byang chub sems dpas bla na med pa'i ye shes brnyes nas/ gdul bar bya ba'i don mdzad cing ser skya'i gnas su gshegs te/ yab sras gdan 'dzom par mdzad pa der shAkya stong phrag du ma bcom ldan 'das

  708. 355a

    la blta ba dang / bsnyen bkur bya ba'i phyir dong ngo // shAkya mda' thogs ni sngar mi dga' bar gyur pas/ bcom ldan 'das lta zhing 'gror ma btub nas/ de shAkya rnams kyis bcom ldan 'das kyi thad du nan gyis khrid nas/ gzhon du mda' thogs kyis kyang shAkya rnams kyi sems bsrung ba'i phyir bcom ldan 'das las bslab pa'i gzhi lnga mnos so// de nas phyi zhig na sngon mi dga' ba'i phyir blo skyes pa/ bdag gis de las bslab pa'i gzhi lnga blangs mod kyi/ 'on kyang bdag gis de'i bslab pa'i gzhi lnga tshar gcig bsrung mi dgos so snyam nas/ des sngon mi dga' ba'i phyir bslab pa'i gzhi lnga nyams par byas so/ / de nas der shAkya rnams kyis tshor te/ bslab pa'i gzhi rnams des 'di ltar nyams par byas so snyam du rig nas/ de dag de la snying rje skyes te/ 'dis bslab pa'i gzhi rnams nyams par byas pas/ sems can dmyal bar 'gro bar gyur na mi rung ngo snyam mo// de nas phyi zhig na shAkya mang po rnams bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// phyogs gcig tu 'khod nas/ shAkya rnams kyis/ bcom ldan 'das la 'di skad ces gsol to/ / btsun pa shAkya mda' thogs kyis ni bslab pa'i gzhi rnams nyams par bgyis te/ skyems 'tshal na/ bcom ldan 'das kyis dgongs te/ ngan song du mi mchi bar mdzad

  709. 355b

    du gsol/ de nas bcom ldan 'das kyis shAkya mang po rnams la cang mi gsung bas gnang ngo // de nas bcom ldan 'das kyis cang mi gsung bas gnang bar shAkya mang po rnams kyis rig nas/ bcom ldan 'das kyis gsungs pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas dong ngo // de nas bcom ldan 'das kyis dgongs pa/ de'i dbang po yongs su smin par bya dgos so snyam du dgongs nas/ bcom ldan 'das kyis re zhig de la ci'ang bka' ma stsal ba las/ tshe'i lhag ma zhag bdun lus par gzigs nas/ der bcom ldan 'das kyis/ dge slong rnams la bka' stsal pa/ shAkya mda' thogs ni deng nas zhag bdun na 'chi bar 'gyur ro zhes bka' stsal to// de nas sgra de 'bru mar btsir ba bzhin grags ma thag tu/ shAkya mda' thogs kyis bdag zhag bdun na 'chi bar lung bstan to zhes thos nas/ de bcom ldan 'das la ma dad par gyur te/ khang bzangs kyi steng na 'dug cing skyes pa dang ma 'dres pa'i rol mo'i sgras rtse zhing dga' la dga' dgur spyod do/ / de nas bcom ldan 'das kyis dgongs pa/ ngas de la je nyan thos chen po dag btang la/ phyis nga nyid 'gro bar bya'o snyam du dgongs nas/ bcom ldan 'das kyis/ tshe dang ldan ma 'gags pa la bka' stsal pa/ ma 'gags pa khyod song la/ shAkya mda' thogs la soms shig/ de nas tshe dang

  710. 356a

    ldan pa ma 'gags pas/ btsun pa de ltar 'tshal lo zhes gsol nas/ phyi bzhin 'brang ba'i dge sbyong dge slong zhig dang / shAkya mda' thogs kyi khyim du song ngo // de nas shAkya mda' thogs kyis dge slong ma 'gags pa bdag gi khyim du 'ongs so zhes thos so// thos nas kyang phu nu bo la dga' ba'i phyir de'i thad du song nas/ rkang pa la phyag 'tshal te chos mnyan pa'i phyir mdun du 'dug go/ / de nas tshe dang ldan pa ma 'gags pas de yongs su smin par 'gyur ba'i gtam byas nas phyir song ngo // de nas phyi de nyin zhag gnyis pa la bcom ldan 'das kyis kun dga' bo btang ngo / / zhag gsum pa la ni tshe dang ldan pa mo'u 'gal gyi bu btang ngo // zhag bzhi pa la tshe dang ldan pa shA ri'i bu btang nas/ tshe dang ldan pa shA ri'i bus de la ci nas de bcom ldan 'das la dad pa skye bar 'gyur ba de lta bu'i chos bstan nas/ de 'chi bas 'jigs shing skrag par gyur to// de nas zhag lnga pa la bcom ldan 'das kyis de'i sems thugs kyis mkhyen nas/ nyid mda' thogs kyi khyim du gshegs so// de nas shAkya mda' thogs kyis bcom ldan 'das thag ring po zhig nas mthong ngo // mthong nas kyang bcom ldan 'das la shin tu dga' bar gyur to/ / dga' bar gyur nas/ bcom ldan 'das kyi gdan bshams te/ bcom ldan 'das la 'di skad ces gsol to// bcom ldan 'das tshur gshegs/ bcom ldan 'das

  711. 356b

    gshegs pa legs so legs so/ / bcom ldan 'das gdan bshams pa la bzhugs su gsol/ de nas bcom ldan 'das kyis gdan bshams pa la bzhugs nas/ shAkya mda' thogs kyis bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ der bcom ldan 'das kyis/ shAkya mda' thogs la bka' stsal pa/ mda' thogs 'di ltar 'chi ba'i 'jigs pa 'di ni 'jigs pa rnams kyi nang na phran tshegs tsam du zad do/ / 'di lta ste/ sems can dmyal ba dang / dud 'gro dang / yi dgas rnams kyi ngan song gi 'jig pa 'di ni 'jigs pa rnams kyi nang na mchog yin no/ / des gsol pa/ btsun pa sems can dmyal ba de dag ji lta bu lags// de nas bcom ldan 'das kyis de skyo ba bskyed pa'i phyir rdzu 'phrul gyis khrid de/ sems can dmyal ba chen po brgyad bstan nas/ des gsol pa/ btsun pa las gang gis 'dir skye bar 'gyur lags/ bcom ldan 'das kyis bka' stsal pa/ srog gcod bapa kun tu bsten cing bsgoms te mang du byas pas/ sems can dmyal ba rnams su skye bar 'gyur ro// gal te de nas shi 'phos nas mi rnams dang skal ba mnyam par 'dir skyes na'ang tshe thung bar 'gyur ro/ / de bzhin du bcom ldan 'das kyis de la mi dge ba bcu'i las kyi lam rgyas par bstan nas/ de thos ma thag tu de lhag par yang 'jigs pa skyes te/ bdag gis bcom

  712. 357a

    ldan 'das las bslab pa'i gzhi blangs pa las ma bsrungs na/ bdag sems can dmyal ba dang / dud 'gro dang / yi dgas rnams su skye bar mi 'gyur grang snyam du bsams nas/ des bslab pa nyams pa de dag bshags nas/ chos mnyan pa'i phyir spyan sngar 'dug go// de nas bcom ldan 'das kyis de la de dang 'thun pa'i chos bstan te/ des na shAkya mnga' thogs kyis stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom ste/ rgyun du zhugs pa'i 'bras bu mngon sum du byas so// des bden pa mthong ste/ shi nas lhar skyes te/ de lhar skye ma thag tu bsams pa/ bdag gang nas shi 'phos snyam pa dang / des ma las shi 'phos par mthong ngo // gang du skyes snyam pa dang / lhar skyes par mthong ngo / / las ci zhig byas snyam pa dang / 'chi kar bslab pa'i gzhi rnams bsrung ba dang / bcom ldan 'das la'ang sems dga' ba bskyed par mthong nas/ des bsams pa/ bdag zhag lon nas gdod bcom ldan 'das la blta ba dang / bsnyen bkur bya ba'i phyir 'gro ba ni bdag gi cha ma yin no snyam nas/ rna cha dang gdub kor dag cing mgul pa thogs pa/ lus do shal dang se mo ngos brgyan pa/ nor bu rin po che sna tshogs kyis spras pa'i cod pan can/ lus gur kum dang / ta ma la'i lo ma dang / smi ka la sogs pas byugs pa des/ de nyid kyi mtshan mo lha'i me tog ut+pa

  713. 357b

    la dang / pad+ma dang / ku mu dadang / pad+ma dkar po dang / mastA ra ba rnams kyis thu ba bkang nas/ bcom ldan 'das ga la ba der dong ste byin nas/ lha'i me tog rnams kyis gtor to// chos mnyan pa'i phyir spyan sngar 'jug go/ / de nas bcom ldan 'das kyis de dang 'thun pa'i chos bstan te/ cang mi gsung bar bzhugs so// de nas des bcom ldan 'das kyi gtam gyi mjug rdzogs par rig nas/ bcom ldan 'das kyis gsungs pa la mngon par bstod cing rjes su yi rang ste/ bcom ldan 'das la lan gsum bskor ba byas te/ de nyid du mi snang bar gyur to// de shi paba'i tshe shAkya rnams the tsom skyes te/ shAkya mda' thogs kyis bslab pa nyams par byas te chang 'thungs na/ de'i 'gro ba ni gang yin/ skye gnas ni gang yin/ tshe phyi ma ni gang yin zhig gu/ ma la bdag cag gis don 'di bcom ldan 'das la zhus la/ bcom ldan 'das kyis bdag cag la ji skad lung bstan pa de bzhin du gzung bar bya'o zhes zer ro// de nas shAkya mang po dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// phyogs gcig tu 'khor nas/ shAkya mang po rnams kyis/ bcom ldan 'das la 'di skad ces gsol to// btsun pa shAkya mda' thogs kyis bslab pa nyams par bgyis te/ skyems 'tshal na/ btsun pa de'i 'gro ba ni gang lags/ skye gnas

  714. 358a

    ni gang lags/ tshe phyi ma ni gang lags/ bcom ldan 'das kyis bka' stsal ba/ grogs po dag lhar skyes so// de dag gis gsol pa/ btsun pa shAkya mnga' thogs kyis bslab pa nyams par bgyis te/ skyems 'tshal na/ de ji ltar lhar skyes lags/ bcom ldan 'das kyis bka' stsal pa/ shAkya mda' thogs kyis 'chi kar bslab pa nyams pa bshags te/ rgyun tu zhugs pa'i 'bras bu thob nas lhar skyes so// de nas de thos ma thag tu shAkya rnams kyi ya mtshan du gyur te/ de dag ya mtshan du gyur nas yang smras pa/ kye ma sangs rgyas/ kye ma chos// kye ma dge 'dun/ kye ma chos legs par gsungs pa/ 'di ltar ngan song du 'gro ba'i sems can dag kyang ngan song nas phyung ste/ mtho ris su 'gro bar byed do zhes zer nas/ lhag par yang sangs rgyas dang / chos dang / dge 'dun la bkur sti byed pa la zhugs so// de nas dge slong rnams kyis/ sangs rgyas bcom ldan 'das la gsol pa/ btsun pa shAkya mda' thogs 'chi bas 'jigs shing skrag pa las/ bcom ldan 'das kyis 'chi ba'i 'jigs pa las skyabs mdzad de/ g.yung drug gi mthar thug pa grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ ji ltar 'das pa'i dus na'ang 'di 'chi bas 'jigs shing skrag nas/ zhag bdun bslab pa bsrungs te/

  715. 358b

    gzhi de las mtho ris su skyes pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA sir tshong pa dbul po zhig 'dug pa des/ phyi zhig na yang dag par rdzogs pa'i sangs rgyas 'od srungs kyi bstan pa la dad pa rnyed do/ / tshong pa de'ang sbyin pa la sred pa zhig ste/ sbyin pa dag sbyin zhing / bsod nams dag byed 'dod nas/ des bsams pa/ ci bdog pa 'di tsam gyis ni bdag gi sprin pa dag sbyin zhing / bsod nams dag byed mi nus kyis// bdag gis rgya mtsho'i gru bo che'i don sgrub bo// gal te bdag gis rgya mtsho'i gru bo che'i don lan cig tsam zhig bsgrub par nus na yang bdag pha ma'i bdun rgyud kyi bar du dar bar byed nus par 'gyur ro snyam bsams nas/ zong khyer te rgya mtsho chen por zhugs nas/ des rgya mtsho'i gru bo che'i don bsgrubs te/ sbyin pa dag sbyin zhing / bsod nams dag byeng pa la zhugs so/ / de'ang tshe thung ste/ yang dag par rdzogs pa'i sangs rgyas 'od srungs kyis de nyid skyo ba bskyed pa'i phyir zhag bdun na 'chi bar 'gyur ro zhes dge slong rnams la ba

  716. 359a

    sbal te/ dge slong dag tshong pa che ge mo ni zhag bdun na 'chi bar 'gyur ro zhes bka' stsal nas/ sgra de 'bru mar btsir ba bzhin du kun tu grags so// tshong pa des kyang thos nas yang dag par rdzogs pa'i sangs rgyas 'od srungs kyis ji ltar bdag zhag bdun na 'chi bar 'gyur ro zhes lung bstan pa des thos ma thag tu/ de 'chi ba'i 'jigs pa chen po skyes te/ de 'jigs shing skrag nas/ yang dag par rdzogs pa'i sangs rgyas 'od srungs ga la ba der song ste phyin nas/ sangs rgyas 'od srungs la skyabs su 'gro ba dang / bslab pa'i gzhi rnams blangs nas/ de ni 'phos te dus las 'das nas lhar skyes so/ / dge slong dag ji snyam du sems/ de'i tshe tshong par gyur pa gang yin pa de ni shAkya mnga' thogs 'di kho na yin te/ de'i tshe'ang 'di 'chi bas 'jigs shing skrag nas/ bslab pa'i gzhi rnams bsrungs te mtho ris su skyes so// da ltar yang 'di 'chi bas 'jigs shing skrag nas/ skyabs su 'gro ba dang / bslab pa'i gzhi rnams bsrungs te/ gzhi de las mtho ris su 'gro ba dang thar par 'gro ba thob par gyur to// brdzis pa zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig 'dug ste/ de rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags te/ de zla ba

  717. 359b

    dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ de gang gi tshe cher skyes pa de'i tshe/ khye'u de yi ge dang / bram ze'i spyod lam dang / spyong ba dang / oM zhes bya ba dang / b+h+yo zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges rjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug dang / sbyin pa dang / blang ba dang / kha ton bya ba dang / kha ton slob tu zhugs pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// de nas lo bcu drug lon pa dang / bstan bcos thams cad rtogs te/ gzhung gis rtsod pa thams cad tshar bcad do/ / de nas des gzhung gis brtsad pa'i dam bcas te/ nga dang mtshungs pa'ang med na/ lhag pa lta ci smos zhes zer zhing / de gzhung gis rtsod pa'i rgyags pas dregs nas/ bram ze thams cad khyad du gsod do// de nas phyi zhig na bram ze de dag gis sems skyes pa/ dge sbyong go'u ta ma de ni ma dul ba 'dul ba yin gyis/ khye'u 'di dge sbyong go'u tam

  718. 360a

    la bstan par bya'o/ / 'on tang des 'di rab tu phyung yang srid do// de ltar byas na bdag cag 'di las thar par 'gyur ro snyam du bsams nas/ khyang du bsad pa' bram ze dag gis khye'u de la/ sangs rgyas bcom ldan 'das kyi rgyus bstan te/ khyod ni bdag cag gi bu dang 'dra na/ nga dang mtshungs pa'ang med na/ lhag pa lta ci smos zhes shes rab kyi rgyags pa dregs shing 'dug ste ci bya/ dge sbyong go'u ta ma 'di ni lus kyang mdzes la/ sems kyang mdzes te/ thams cad mkhyen pa/ thams cad gzigs pa yin pas na/ khyod ni de'i byang gzugs dang shes pa'i brgya'i char yang mi phod/ stong gi char yang mi phod/ 'bum gyi char yang mi phod do zhes byas so// de nas de thos ma thag tu bram ze'i khye'u de bcom ldan 'das lta 'dod par gyur / / de nas phyi zhig na bcom ldan 'das ga la ba der song nas/ bram ze'i khye'u des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga' ba skyes te/ dge ba'i rtsa ba bsags pa'i/

  719. 360b

    rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la'ang nyams bde ba de lta bu skye bar mami 'gyur ro/ / de ltar mthong nas byad gzugs kyis rgyags pa med par gyur te/ des bsams pa/ 'di bdag pas ches bzang mod kyi/ shes rab kyis ni bdag dang mtshungs pa ma yin no// 'on kyang re zhig 'di thams cad mkhyen pa dang / thams cad gzigs pa yin nam ma yin pa de bgam mo snyam nas/ sems kyi dri ba bsdogs nas/ bcom ldan 'das ga la ba der song ste phyin nas/ bcom ldan 'das dang mngon sum du yang dag par dga' bar bya ba dang / yang dag par mgu bar bya ba'i gtam sna tshogs byas nas phyogs gcig tu 'dug go/ de nas bcom ldan 'das kyis de'i sems thugs kyis mkhyen nas/ sems kyi dri ba bsdogs pa de lung bstan to// de nas bram ze'i khye'u de bcom ldan 'das la shin tu dga' bar gyur to// 'di ni thams cad mkhyen pa// tham cad gzigs pa yin par nges so snyam nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / bcom ldan 'das dge slong gi dge 'dun dang thabs cig tu zhag bdun gyi bar du bdag gi khyim du bshos gsol bar ci gnang / de nas bcom ldan 'das kyis

  720. 361a

    bram ze'i khye'u de la cang mi gsung bas gnang ngo / / de nas bram ze'i khye'u des bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas des sangs rgyas la sogs pa dge slong gi dge 'dun zhag bdun gyi bar du khyim du bshos gsol nas/ tha ma'i nyin par sangs rgyas la sogs pa dge slong gi dge 'dun zhal zas ro brgya dang ldan pas tshim par byas nas/ bcom ldan 'das la na bza' 'bum ri ba phul lo// dge slong gzhan rnams la ni re re la'ang ras zung re phul nas/ chos mnyan pa'i phyir spyan sngar 'dug go/ de nas bcom ldan 'das kyis bram ze'i khye'u de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na bram ze'i khye'u de 'khor dang bcas pas stan de dag la 'khod bzhin du 'jig tshogs la lta ba'i ra'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge

  721. 361b

    rgyal po kri kri'i mdun na 'don ni ma dad pa zhig ste/ mdun na 'don de'i bu rgyal po'i bu dang mdza' zhing bshes la gcugs so// de nas bram ze mdun na 'don ma dad pa de sdang ba'i sems kyis der ma song ste/ rgyal po kri kIs thos nas/ mdun na 'don gyis nga'i bka' bcag go snyam nas/ thos ma thag tu rgyal po de khros nas/ ngas de'i ci bdog pa thams cad phrogs su mi btang ngo zhes byas so/ / de nas de'i tshig de rgyal po'i bus thos nas/ mdun na 'don gyi bu la sbran te/ khyod song la pha la mchod rten gyi dus ston la skyen par song zhig/ rgyal pos khyod kyi ci bdog pa thams cad phrogrogs sa re zhes gyis shig ces byas so/ / de nas de thos ma thag tu bram ze mdun na 'don bu dang lhan cig tu gtsug lag khang du song ngo // de der song nas skye bo phal po che mchod rten gyi mchod pa la brtson zhing 'dug pa mthong ngo / / de nas mdun na 'don gyi bus de mthong nas/ mchod rten de la dad pa rnyed do// dad pa rnyed nas mchod rten de la bkur sti chen po byas nas smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig/ gzugs bzang zhing blta na sdug la mdzes pabar gyur cig/ bstan bcos thams cad rtogs par gyur cig/ gzhung gis rtsod pa thams cad tshar chod par gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma

  722. 362a

    bstun pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to/ / gsol pa/ btsun pa 'dis gang du smon lam btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal ba bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de gang gi tshe sangs rgyas kyi 'phrin las thams cad zin nas/ phung po'i lhag ma med pa'i mya ngan las 'das pa'i dbyings su mya ngan las 'das te/ rgyal po kri kris de'i sku gdung gi mchod rten kho ra khor yug tu dpag tshad gcig yod pa rin po che las brtsigs nas/ rnam pa thams cad yongs su rdzogs par byas te/ mchod pa chen po byas nas dus ston gyi lugs btod do// de nas rgyal po des dril bsgrags te/ wA rA Na si 'di na skye bo'i tshogs ji snyed gnas pa de dag mchod rten gyi dus ston la bab pa na der dong la bkur sti gyis shig/ su der ma song ba de ci bdog pa thams cad blar ba zhes so zhes bskon

  723. 362b

    rgyal po kri kri'i mdun na 'don ni ma dad pa zhig ste/ mdun na 'don de'i bu rgyal po'i bu dang mdza' zhing bshes la gcugs so// de nas bram ze mdun na 'don ma dad pa de sdang ba'i sems kyis der ma song ste/ rgyal po kri kris thos nas/ mdun na 'don gyis nga'i bka' bcag go snyam nas/ thos ma thag tu rgyal po de khros nas/ ngas de'i ci bdog pa thams cad phrogs su mi btang ngo zhes byas so/ / de nas de'i tshig de rgyal po'i bus thos nas/ mdun na 'don gyi bu la sbran te/ khyod song la pha la mchod rten gyi dus ston la skyen par song zhig/ rgyal pos khyod kyi ci bdog pa thams cad phrogs sa re zhes gyis shig ces byas so/ / de nas de thos ma thag tu bram ze mdun na 'don bu dang lhan cig tu gtsug lag khang du song ngo // de der song nas skye bo phal po che mchod rten gyi mchod pa la brtson zhing 'dug pa mthong ngo / / de nas mdun na 'don gyi bus de mthong nas/ mchod rten de la dad pa rnyed do// dad pa rnyed nas mchod rten de la bkur sti chen po byas nas smon lam btab pa// kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig/ gzugs bzang zhing blta na sdug la mdzes pabar gyur cig/ bstan bcos thams cad rtogs par gyur cig/ gzhung gis rtsod pa thams cad tshar chod par gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma

  724. 363a

    lung bstan pa gang yin pa'i sangs rgyas bcom ldan 'angs de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byed par gyur cig ces khye'u de sa de skad du smon lam btab nas/ khye'u de skye bo mang pos brdzis te shi nas/ de mchod rten de la sems dga' bzhin du shi 'phos te/ dus las 'das pas lhar skyes so// lha'i bu 'am lha'i bu mo skyes ma thag pa la ni chos nyid kyis sems rnam pa gsum skye bar 'gyur te/ bdag gang nas shi 'phos/ gang du skyes/ las gang gis skyes snyam mo// de nas des mi las shi 'phos pa dang / lhar skyes pa dang / yang dag par rdzogs pa'i sangs rgyas 'od srungs kyi mchod rten la sems dga' ba bskyed pas der skyes par mthong ngo / / de nas de mthong ma thag tu lha'i bu des sngon gyi drin yang dag par dran nas/ rna cha gdub kor dag cing 'gul pa thogs pa/ lus do shal dang se mo dos brgyan pa/ nor bu rin po che sna tshogs kyis spras pa'i cod pan can/ lus gur kum dang / ta ma la'i lo ma dang / spri ka la sogs pas byugs pa nges/ de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang ste/ yang dag par rdzogs pa'i sangs rgyas 'od srungs kyi mchod rten ga la ba der song ste phyin nas/ yang

  725. 363b

    dag par rdzogs pa'i sangs rgyas kyi mchod rten la lha'i me tog ut+pa la dang / pad+ma dang / ku mu da dang / pad+ma dkar po rnams kyis gtor nas/ a ka ru'i phye ma dang / rgyu spos kyi phye ma dang / lha'i me tog man+da ra ba rnams kyis gtor nas/ sems dga' bar gyur te 'dug go/ de de na 'dug pa na de'i phas bdag gi bu skye bo phal po che dag gis ji ltar brdzis te shi ba'i gtam thos so/ / thos ma thag tu der song ste/ bu'i rus bu bang du 'khyud nas/ ngu zhing sdug bsngal la smre sngags 'don pa dang / lha'i bu des mthong nas de la smras pa/ pha cig bdag ni mya ngan byar med par gyur gyis/ mya ngan ma byed cig/ sdug bsngal zhing ma 'dug cig/ smre sngags ma 'don zhig/ bram zes smras pa/ khyod su zhig/ des smras pa/ bdag ni khyod kyi bu de yin no/ / des smras pa/ khyod gang du skyes/ des smras pa/ lhar skyes so// des smras pa/ khyod kyis las ci zhig byas/ des smras pa/ mchod rten 'di nyid la bsnyen bkur byas nas/ sems dga' ba bskyed do// khyod kyis kyang sngon gyi lta ba'i rnam pa bor la/ mchod rten 'di la bsnyen bkur byos te sems dga' bar gyis shig dang / de ltar byas na khyod legs pa thams cad kyi 'byung gnas su 'gyur ro zhes smras nas/ lha'i bu de de nyid du mi snang bar gyur to// de nas tshig de thos nas bram ze de'ang bu'i mya ngan med par gyur te/

  726. 364a

    mchod rten de la'ang shin tu dga' bar gyur to// de dga' bar gyur nas/ mchod rten de la bkur sti chen po byas nas smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ bu 'di nyid la brten te/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ ces byas so// dge slong ji snyam du sems/ de'i tshe bram ze mdun na 'don gyi bur gyur pa gang yin pa de ni bram ze'i khye'u 'di kho na yin no// de'i tshe de'i bar gyur pa gang yin pa de ni bram ze 'di kho na yin te/ khye'u des mchod rten de la bkur sti byas nas smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rig su skyes te/ gzugs bzang zhing blta na sdug la mdzes par gyur nas/ bstan bcos thams cad rtogs te/ gzhung gis rgol ba thams cad tshar bcad nas/ dge slong dag nga yang dag par rdzogs ba'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par

  727. 364b

    ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// de'i phas mchod rten de la bsnyen bkur byas/ smon lam btab pa'i las de'i rnam par smin pas ni gang dang gang du skyes de dang der phyug cing nor mang la longs spyod che ba'i rigs su skyes te/ bu 'di kho na'i rkyen gyis 'dis nga mnyes par byas te/ mi mnyes par ma byas so// // bam po nyi shu gcig pa// / waM zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ tha bra zla ra ba ba pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de'i lus thog thag nas phyi sa'i dri mnam par gyur la/ yid la 'dod pa 'di lta bu byung ste/ phyi sa dang gcin bza' zhing btung ngo snyam mo// de nas des/ khyim thab la smras pa/ jo bo bdag gi yid la 'dod pa de lta bu byung ngo zhes byas so// de nas de thos ma thag tu khyim bdag de sdug bsngal chen po skyes te/ bdag gi chung ma 'di lus srul po 'ga' zhig gis thebs par ma gyur grang snyam nas/ des mtshan mkhan rnams la stan te/ mtshan mkhan

  728. 365a

    rnams kyis smras pa/ khyod kyi chung ma 'di lus srul pos thebs pa ni ma yin gyi/ lton 'dug pa'i sems can de'i dbang gis gyur pa yin te/ gang gi tshe de btsas pa de'i tshe nibud med 'di'i lus la phyi sa'i dri dang / yid la 'dod pa 'di 'dra ba de med par 'gyur ro zhes zer ro// de nas de thos ma thag tu khyim bdag des chung ma'i lus spos sna tshogs kyis byugs te/ de phyi sa dang gcin za zhing 'thung ngu dogs nas/ bud med de'i rim gro pa dang / srungs ma rnams bskos so// de nas de zla ba dgu 'am bcu lon pa dang / khye'u phyi sa dang gcin gyis yog pa zhig btsas nas/ de btsas ma thag tu khyim de thog thag tu phyi sa'i dris gang bar gyur to// de nas khye'u de bud med rnams kyis bkrus te mal du bzhag kyang de'i lus las phyi sa'i dri de med par ma gyur te/ ma sa khye'u de spos sna tshogs kyis bskus te bzhag go/ de nas de btsas ma thag tu ma'i yid la 'dod pa snga ma de med par gyur to// de nas de'i btsas ston rgyas par byas nas/ rigs dang 'thun par ming btags te/ 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ de gang gi tshe 'gro nus par gyur pa de'i tshe/ bdag gis phyi sa blangs nas kha cig ni za bar byed/ kha cig ni lus la skud par byed de/ bud med de dag gis bkag go// de nas de gang gi tshe cher skyes pa de'i tshe/ yi ge

  729. 365b

    slob tu bcug go/ / de mkhan po'i thang du btang ba las/ phyi sa'i 'dam snyag snyig ga la yod par song nas/ phyi sa za bar byed de/ de pha ma gnyis kyis tshor nas/ des sdug bsngal chen por gyur te/ bdag cag gnyis kyi bu byung mod kyi/ 'on kyang skyon 'di lta bus ma rung bar gyur na/ 'jig rten gyis shin tu smad pa 'di lta bu bdag cag la ci dgos snyam du bsams nas/ de khyim nas bskad de btang ngo // de nas de mi gtsang ba'i 'dam snyag snyig de ga nyid du gnas bcas te/ phyi sa dang gcin za zhing 'thung bar byed do// de nas de mi gtsang ba za ba skye bo mang pos mthong ngo / / mthong nas kyang de dag gcig la gcig smras pa/ khye'u 'di ni wa bzhin du phyi sa dang gcin za zhing 'thung ngo zhes zer nas/ de'i ming snga ma med par gyur te/ de la bzhin du phyi sa dang gcin za zhing 'thung ba'i phyir ming wa nyid du btags so/ / de nas phyi zhig na de 'od srungs rdzogs byed kyis mthong nas/ des bsams pa// bdag cag ni ba glang gi lci ba kha'i yid ma byed par zad na/ khye'u 'di ni bdag cag pas ches dka' ba byed pa yin te/ gal te 'di bdag gi thad du rab tu byung na ni/ 'dir 'di la bsod nams mang po 'phel bar 'gyur ro snyam du sems nas/ khye'u de la smras pa/ ci khye'u khyod kyis 'di yi dam du bcas pa yin nam/ 'on te goms pa'i tshul tsam du zad ngam/ khye'us smras pa/ bdag ni yi dam du bcas pa ji lta bu yin pa'ang mi shes

  730. 366a

    te/ bdag ni phyis za ba la shin tu sred kyi/ zas skom dag la ni mi sred do// 'od srungs rdzogs byed kyis smras pa/ khye'u nga'i thad du rab tu byung la/ yi dam du long zhig dang / gzhi de las khyod kyi bsod nams mang du 'phel bar 'gyur ro// khye'us smras pa/ khyod ji ltar dgyes pa bzhin du bgyi'o zhes smras nas/ khye'u de de'i phyi bzhin du 'brang ste song ngo // de nas des gnas khang du khrid nas skra btogs te/ phor ba dang rma bya'i mdongs kyi phyogs ma byin nas/ phyis za ba'i yi dam byin te btang ngo // de nas de phyi sa'i 'dam ga la ba der song ste 'dug go/ de'i tshe mnyan du yod pa na yi dgas lnga brgya tsam 'khod pa rnams mtshan mo gang gi tshe skye bo mang po nyal ba de'i tshe/ phyi sa'i 'dam gzhan nas gzhan dag tu dong nas/ phyi sa dang gcin za zhing 'thung bar byed do/ / khye'u des kyang yi dgas de rnams kyi sgra ni thos la/ gzugs ni mi mthong ngo // de nas phyi zhig na 'od srungs rdzogs byed kyis de la brtags te/ bu khyod kyis btul zhugs yi dam du blangs pa 'dis khyad par cung zad lta thob bam/ des smras pa/ khyad par zhes bya ba ji lta bu yin/ rdzogs byed kyis smras pa/ khyod kyis lha'i gzugs lta bu lta mthong ngam/ lha'i sgra skad lta thos sam/ des smras pa/ bdag gis lha'i gzugs lta bu ni ma mthong gi/ skye bo mang po'i sgra skad dag thos na/ 'on kyang mngon sum du ni ma mthong ngo // rdzogs byed kyis smras pa/

  731. 366b

    de dag ni bdag nyid chen po brtul zhugs grub pa yin no// da'ang yi dam bcas pa 'di nyid yi dam du bgyis te 'dug cig dang / ci ste na de dag gis lus bstan kyang srid do zhes byas so// de nas phyi zhig na yi dgas de rnams kyis bsams pa/ ji ltar bdag cag mi dge ba'i las kyis 'dir skyes te/ sdug bsngal 'di lta bu nyams su myong ba de bzhin du/ khye'u 'di'ang sngon gyi mi dge ba'i las kyis sdug bsngal 'di lta bu myong ba yin na/ ci'i phyir bdag cag gis 'di la lus bstan par mi bya zhes zer nas/ yi dgas de rnams kyis khye'u de la lus bstan te/ de yi dgas rnams dang lhan cig 'grogs so/ / de nas phyi zhig na 'od srungs rdzogs byed kyis yang de la brtags te/ bu khyod la brtul zhugs grub pa de dag gis lus cung zad tsam bstan tam/ des smras pa/ lus ni bstan mod kyi/ mi sdug pa'i tshul du bstan to// 'od srungs rdzogs byed kyis smras pa/ da dung yi dam du bcas pa de nyid yi dam du bgyis te 'dug cig dang / rang bzhin gyis gzugs ston par 'gyur yang srid do/ / de nas phyi zhig na tshe dang ldan pa shA ri'i bus bsams pa/ yi dgas 'di rnams las zad de/ ring po mi thogs par 'chi bar 'gyur gyis bdag gis 'di rnams gdul bar bya'o snyam ste/ tshe dang ldan pa shA ri'i bu yi dgas lnga brgya po rnams kyi thad du song nas smras pa/ bzhin bzangs dga'adi ltar 'du byed thams cad ni mi rtag

  732. 367a

    go/ chos thams cad ni bdag med do// mya ngan las 'das pa ni zhi ba'o// nga la sems dga' bar gyis shig dang / yi dgas kyi skye gnas dang bral bar 'gyur yang srid do zhes byas nas/ tshe dang ldan pa shA ri'i bu song ngo // yi dgas de rnams kyang tshe zad nas/ de dag tshe dang ldan pa shA ri'i bu la sems dga' bar gyur bzhin du shi nas lha'i yul du skyes so/ / lha'i bu 'am lha'i bu mo skyes ma theg pa ni/ chos nyid kyis sems rnam pa gsum skye bar 'gyur te/ bdag gang nas shi'i phos/ gang du skyes// las gang gis skyes snyam mo// de nas yi dgas las shi 'phos pa dang / lhar skyes pa dang / tshe dang ldan pa shA ri'i bu la sems dga' bar gyur pa de dag gis mthong ngo // de nas sngon yi dgas su gyur pa'i lha'i bu de dag 'di snyam dusam te/ bdag cag zhag lon nas gzod bcom ldan 'das la blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o// snyam mo// de nas sngon yi dgas su gyur pa'i lha'i bu rna cha ga dub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis spras pa'i cod pan can/ lus gur kum dang / ta ma la'i lo ma dang / spri ka la sogs pas byugs pa de dag gis/ de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang /

  733. 367b

    man+dA ra ba rnams kyis thu ba bkang ste/ bcom ldan 'das kyi thad du lhags nas/ bcom ldan 'das la lha'i me tog gis gtor ro// de nas bcom ldan 'das kyis de dag la chos bstan te/ de dag thams cad kyis bden pa mthong ngo / / de dag gis bden pa mthong nas/ bcom ldan 'das kyi thad nas dong ste/ rang gi gnas su 'dong ba na de dag gis khye'u wa yid la dran nas/ de dag gis bsams ba/ bdag cag ni 'phags pa shA ri'i bu las brten te yi dgas kyi skye gnas dang bral nas lhar skyes kyis/ bdag cag dong ste wa'i don bya'o// 'on kyang de'ang bcom ldan 'das kyi thang du song nas bcom ldan 'das las brten te/ sdug bsngal de las thar par 'gyur yang srid do snyam nas/ rgyal bu rgyal byed kyi tshal nas mi snang bar gyur te/ mnyan du yod pa'i phyogs gang na wa 'dug pa'i phyogs de'i steng gi bar snang la lha'i gzhal med khang dang bcas par 'khod de/ mnyan du yod pa thog thag snang ba chen pos khyad par byas so// de nas wa sa lha lnga brgya po de dag mthong ngo // mthong nas kyang khyed su dag cig byas so/ / de dag gis smras pa/ bdag cag ni sngon khyod kyi grogs po de dag yin no// khye'us smras pa/ sngon ni ngas khyed rnams tshul de lta ma yin par mthong la/ da ni tshul de lta ma yin par mthong ngo zhes byas so/ / de dag gis smras pa/ bdag cag ni gnas 'di nas shi 'phos te lha'i nang du skyes so// wa sa smras pa/ khye'u brtul zhugs yi dam du blangs pa

  734. 368a

    de kho nas lha'i nang du skyes sam/ de dag gis smras pa/ brtul zhugs yi dam du blangs pa des skyes pa ma yin gyi/ sngon nged mi dge ba'i las kyis yi dgas su skyes pa// las/ nged kyis 'phags pa shA ri'i bu las brten na sa yi dgas kyi skye gnas dang bral te/ lha'i skye gnas thob par gyur to// khyod kyang sangs rgyas bcom ldan 'das la skyabs su song zhig dang / khyod kyang sdug bsngal 'di las thar par 'gyur yang srid do zhes byas nas/ lha de dag de nyid du mi snang bar gyur to// 'od srungs rdzogs byed kyis kyang lha lnga brgya po de dag wa'i thad du song ba mthong nas/ gzhan dag la baspyad de/ 'di ltar 'di la lha rnams kyang lus ston par byed cing 'ong ba las na/ bdag nyid chen po 'dis ni brtul zhugs grub par gyur to zhes zer ro// de nas de thos ma thag tu sems can mang po dag gis phyi sa bza' bar yi dam blangs so/ / khye'u wa sa ni lha rnams kyi tshig thos nas bsams pa/ bdag song la sangs rgyas bcom ldan 'das la bsnyen bkur bya'o/ / 'on kyang bdag gi lus 'di kho na ltar byisas yog bzhin du bcom ldan 'das la bltar 'gro ba ni mi phod do snyam snyam ste/ chu klung khang ldan gyi 'gram du song nas lus thams cad sas drung de khrus byas nas/ bcom ldan 'das ga la ba der song ngo // de nas khye'u wa sa sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan

  735. 368b

    cing spa bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ bre/ gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la'ang nyams bde ba de lta bu skyes par mi 'gyur ro/ / de ltar mthong nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ de nas bcom lnga/ kyis de'i bsam pa dang / bag la nyal dang / khams dang / rang bzhin dang / shes pa thugs su chud nas/ de dang 'thun pa'i chos bstan te/ de nas khye'u was stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag

  736. 369a

    legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog des kyang brtson pa dang 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bu rabasil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa wa sa las ci bgyis shing bsags na/ las de'i rnam par smin pas phyug cing nor mang la longs spyod che ba'i rigs su skyes la/ btsas ma thag tu lus thams cad nas phyi sa'i dri 'byung ba dang / phyis 'tshal ba dang / phyi sa'i

  737. 369b

    'dam du chags par gyur lags/ las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las de lta bu byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang nabs su ldan pa/ bde bar gshegs pa// 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA si na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa las/ byi zhig na de sangs rgyas la dga' ba dang / chos la dga' ba dang / dge 'dun la dga' bar gyur nas/ skyabs su 'gro ba dang / bslab pa'i gzhi rnams blangs te/ phyir mi 'ong ba'i 'bras bu mngon sum du byas nas/ des bsams pa/ bdag la bu'ang med/ bu mo'ang med pas shi ste dus las 'das pa'i 'og tu bdag la ci bdog pa thams cad rgyal po dbang

  738. 370a

    bar byed par 'gyur na/ mal bdag gis sangs rgyas dang / chos dang / dge 'dun la bkur sti bya'o snyam ste/ des rnam pa thams cad yongs su rdzogs pa'i gtsug lag 'a brtsigs nas/ yo byad thams cad sbyar te/ dge slong rnams la yo byad thams cad kyis bsnyen bkur byas nas/ der dge slong zhal ta pa bskos so// de nas phyi zhig na zhal ta pa de ljongs su bya ba zhig yod de/ khyim bdag de la bzlugs nas song ngo // de der song ba'i 'og tu dgra bcom pa zhig ljongs rgyu zhing song ba las/ gtsug lag khang der phyin te/ khyim 'a/ des de mdzes shing g.yog 'khor mdzes pa mthong nas/ mthong ma thag tu khyim bdag de/ de la shin tu dga' bar gyur te/ dga' bar gyur nas/ des bsams pa/ gal te bdag gis 'di gcig pu spyan drangs na ni gnang bar mi 'gyur na/ ma la bdag gis 'di kho na'i phyir dge slong gi dge 'dun khyim du spun drangs la/ bshos gsol lo snyam nas/ de'i rkang pa la phyag 'tshal te/ smras pa/ 'phags pa khyod dge slong gi dge 'dun dang bcas par sang ba dag gi khyim du bshos gsol bar ci gnang zhes byas so// de nas dgra bcom pa des bsams pa/ gal te bdag gis/ khas ma blangs na ni dge slong 'di rnams kyi rnyed pa'i bar chad du'ang 'gyur la/ sbyin bdag 'di'i bsod nams kyi bar chad du'ang 'gyur ro snyam nas/ des de la cang mi gsung bas smra bas

  739. 370b

    gnang ngo / / de nas khyim bdag des phyid nyin dge slong gi dge 'dun gyi phyir khyim du cho ga dang ldan pa'i khrus dang / mal cha dang / stan bshams te/ chur bcas nas dge slong rnams la spyan 'dren btang ste/ 'phags pa rnams gdugs tshod dang cho ga dang ldan pa'i khrus la bab na ka 'phags pa rnams kyis da de'i dus la bab par mkhyen par mdzad du gsol zhes bskul lo// de nas dge slong rnams de'i khyim du lhags nas/ khyim bdag des 'dreg mkhan bkug ste/ dge slong rnams kyi skra 'dreg tu bcug nas/ cho ga dang ldan pa'i khrus kyis khrus byed du bcug ste/ rang gi lag na/ bza' ba dang bca' ba gtsang ma bzang pos tshim par byas so// dge slong zhal ta pa de'ang ljongs su don bsgrubs nas/ gtsug lag khang der phyir 'ongs so// de phyir 'ongs nas dge slong de dag mi snang na gar dong zhes dris pa dang / de dag gis smras pa/ khyim bdag gis khyim du spyan drangs so// des smras pa/ su'i phyir spun drangs/ de dag gis smras pa/ dge slong zhig gsar du 'ongs ba'i phyir spyan drangs so/ / de nas de thos ma thag tu de shas cher mi dga' bar gyur te/ de'i bya ba thams cad byed pa ni nga yin no/ dge slong gsar du 'ongs pa zhig gi phyir des dge slong gi dge 'dun spyan drangs so snyam du rig nas/ khros te khyim bdag de'i khyim du song ngo // de der song nas bltas na/ khyim bdag de rang nyid dgra bcom pa de la gus par bsnyen bkur byed pa mthong ngo // de nas

  740. 371a

    de lhag par phrag dog gi phyir khros so/ / der dge slong rnams bshos gsol nas/ gtsug lag khang du dong ba de'i tshe/ dgra bcom pa de'i thang du song nas smras pa/ btsun pa khyod kyis khyim pa dag 'di ltar byed pa 'di su yin shes sam/ dgra bcom pas smras pa/ ngas shes te/ phyir mi 'ong ba yin no// zhal ta byed pas smras pa// gal te de lta na khyod kyis de la skra breg pa nyams su blangs pa bas ni/ khyod kyi skra btog kyang bla'o// khyod kyis de la khrus kyi yo byad blangs pa bas ni/ khyod phyi sa'i 'dam du bying yang bla'o// khyod kyis de las zas dang skom blangs pa bas ni/ khyod kyi phyi sa dang gcin zos shing 'thungs kyang bla'o zhes byas so// de nas dgra bcom pa des bsams pa/ nyon mongs pa 'di ni smras shing nyams par gyur te/ gtan du nyams par gyur na mi rung gis/ 'di'i ra mda' bya dgos so snyam nas/ de la smras pa/ tshe dang ldan pa khyod kyis nga su yin pa dang / khyod bdag su yin pa shes sam/ des smras pa/ bdag gis shes te/ khyod kyang rab tu byung ba yin/ nga'ang rab tu byung ba yin no// dgra bcom pas smras pa/ 'u bu cag rab tu byung bar 'dra mod kyi/ khyod ni so so'i skye bo bcing ba thams cad kyis bcings pa yin la/ ni dgra bcom pa bcing ba thams cad las grol ba yin no// khyod kyis ngag rtsub po smras kyis/ nyes pa la nyes so zhes bshags par gyis shig/ khyod 'khor ba na 'khor zhing sdug bsngal chen/

  741. 371b

    po rnyod da re/ de nas de thos ma thag tu dge slong de 'gyod pa chen po skyes so// de 'gyod pa skyes nas dgra bcom pa de'i rkang pa la phyag 'tshal te bzod pa gsol te/ de nas des tshe gcig tu tshangs par/ spyod pa spyad nas/ 'chi kar smon lam btab pa/ kye ma 'di ltar bdag gis dgra bcom pa de la tshig rtsub po smras pa'i las de bdag la 'ong bar ma gyur cig/ phyis bdag gis chos bzhin du dge 'dun gyi zhal ta byas pa dang / tshe gcig tu tshangs par spyod pa spyad pa'i dge ba'i rtsa ba 'dis na/ gang dang gang du skye ba de dang der phyug cing nor ma nga la longs spyod chen po'i rigs su skye bar gyur cig/ yang dag par rdzogs pa'i sangs rgyas 'o da srungs kyis bram ze'i khye'u bla ma lung bstan pa gang yin pa'i sang+yas bcom ldan 'das de bdag gis mnyes par byed par gyur cig mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe dge slong zhal ta byed par gyur pa gang yin pa de ni wa 'di kho na yin te/ des der dgra bcom pa de la tshig rtsub po smras te/ khyod kyis de la skra breg pa nyams su blang ba bas ni/ khyod kyi skra btogs kyang bla'o zhes byas pa'i las de'i rnam par smin pas ni gang dang gang du skyes pa de dang der skra btogs par gyur to// des der khyod kyis de la khrus kyi yo byad blangs pa

  742. 372a

    bas ni/ khyod phyi sa'i 'dam du bying yang bla'o zhes byas pa'i las de'i rnam par smin pas ni gang dang gang du skyes pa de dang der phyi sa'i 'dam du gnas par gyur to// des der dgra bcom pa de la khyod kyis de las zas dang skom blangs pa bas ni/ khyod kyis phyi sa dang gcin zos shing 'thungs kyang bla'o zhes byas pa'i las de'i rnam par smin pas ni gang dang gang du skyes pa de dang der lus las phyi sa'i dri 'byung zhing phyis za bar gyur to/ / des der chos bzhin du zhal ta byas pa dang / tshe gcig tu tshangs par spyad nas 'chi kar smon lam btab ste/ gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig ces byas pa'i las de'i rnam par smin pas ni/ gang dang gang du skyes pa de dang der phyug cing nor mang la long spyod che ba'i rigs su skyes te/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so/ / dge slong rnams kyis gsol pa/ btsun pa yi dgas lnga brgya po de dag gis las ci bgyis na/ las de'i rnam par smin pas yi dgas su skyes par gyur lags/

  743. 372b

    las ci bgyis na// las de'i rnam par smin pas lhar skyes nas/ de rnams kyis bcom ldan 'das kyang mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ dge slong dag de dag nyid kyis las de lta bu byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshal nyikhri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di dag thams cad dge bsnyen du gyur nas/ de dag gi thad du dge slong rnams 'gro zhing / gos dang / zas dang / mal cha dang / stan dang / nad gsos dang / sman zong yang dang yang du slong nas/ de dag ser sna'i dbang du gyur te/ dge slong de dag la 'od srungs kyi dge sbyong 'di dag ni yi dgas bzhin du khor zug tu gzhan la re ba lhur byed cing rgyu'o zhes de lta bu'i tshig rtsug po smras so/ / dge slong dag ji snyam du sems/ de'i tshe dge bsnyen lnga brgyar gyur pa gang yin pa de dag ni yi dgas lnga brgya po de dag kho na yin te/ de dag gis der dge slong de dag la tshig rtsub po smras pa'i las de'i rnam par smin pas ni/ tshe rabs lnga brgyar yi dgas su

  744. 373a

    skyes so/ / de dag gis yang dag par rdzogs pa'i sangs rgyas 'od srungs kyi gsung rab la skyabs su 'gro ba dang / bslab pa'i gzhi rnams bsrungs te/ dbang po yongs su smin/ bapar byas pa des na 'di ltar rnam par grol bar gyur to// las brgya tham pa las/ sdom gyi tshogs su bcad pa lnga pa rdzogs so// / sdom ni/ bya gnyis dang ni lus 'phags dang / / ston pa 'od srungs kun dga' bo// 'dzin byed bu dang rab bzang dang // yon rabs dang ni rgan zhugs gnyis// bya gnyis zhes bya ba la bya dang po ni/ gleng gzhi rgyal po'i khab na bzhugs te/ de'i tshe bcom ldan 'das rgyal po'i khab na/ bya rgod kyi phung po'i ri la bzhugs te/ de nas bcom ldan 'das 'khor brgya phrag mang po'i gung la bzhugs shing chos ston pa'i skabs su ri spos kyi ngad ldang nas rma bya ba lta na sdug ces bya ba zhig 'ongs nas/ rgyal bu rgyal byed kyi tshal gyi steng gi bar snang la lding ba las/ bya des bcom ldan 'das 'khor brgya phrag du ma'i gung la bzhugs shing chos ston pa thos so/ / thos nas kyang sa la babs nas/ bcom ldan 'das kyi zhabs drung du 'dug go// de nas bcom ldan 'das kyis de la chos tshig gsum bstan te/ 'du byed thams cad ni mi rtag go// chos thams cad ni bdag med do// mya ngan las 'das pa ni zhi ba'o// nga la sems dga' bar gyis shig dang /

  745. 373b

    / 'gro'i skye gnas dang bral bar 'gyur yang srid do zhes de skad ces bka' stsal nas/ bya de dga' bar gyur te yun ring du zhal du brtags nas song ba'i 'og tu/ de steng gi nam mkha' la 'gro ba lnga khras bsad de/ de bcom ldan 'das la sems dga' bzhin du shi 'phos te dus las 'das nas/ rgyal po'i khab de nyid du tshong dpon zhig gi khyim du nying mtshams sbyar te/ de zla ba dgu 'am bcu lon pa dang / bu byung nas khye'u zhig btsas te/ de'i btsas ston rgyas par byas nas/ rigs dang 'thun pa'i ming btags te/ 'o ma dang / zho dang / mar dang / nun mar dang / mar gyi snying lus bskyed bsrings nas/ de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na de sangs rgyas la dga' ba dang / chos la dga' ba dang / dge 'dun la dga' bar gyur nas/ des pha ma la gsol te/ bcom ldan 'das kyi bstan pa la rab tu byung ngo // de rab tu

  746. 374a

    byung nas na tshod kyis lo bdun lon pa kho na nas nyon mongs pa thams cad spangs te/ dgra bcom pa nyid mngon sum du byas nas/ rdzu 'phrul che zhing mthu che bar gyur to// de nas de rdzu 'phrul gyis 'gro zhing gnas gzhan dang gzhan dag tu song nas/ lo ma'i nang du me tog dang 'bras bu rnams bcug ste khyer te 'ong zhing dge 'dun la 'bul bar byed do// de nas dge slong rnams kyis de mthong nas ngo mtshar du gyur te/ de dag gis bcom ldan 'das la gsol pa/ btsun pa dge tshul pa 'di lo bdun lon nas rab tu byung sde/ nyon mongs pa thams cad spangs nas/ dgra bcom pa nyid mngon sum du bgyis pa la gzigs/ de nas bcom ldan 'das kyis de dag nyid skyo ba bskyed pa'i phyir bka' stsal pa/ khyed kyis che ge mo zhig gi tshe bya zhig nam mkha' las babs nas ngari mdun du 'dug pa mthong ngam/ gsol pa/ btsun pa mthong lags so// bka' stsal pa/ dge slong dag bya de nga la sems dga' bar gyur nas song ba las khras bsad de/ de nga la sems dga' bzhin du shi 'phos nas/ rgyal po'i khab 'di nyid du tshong dpon gyi rigs su skyes nas/ cher skyes pa dang nga'i bstan pa la rab tu byung ngo // de rab tu byung nas na tshod kyis lo bdun lon pa kho na nas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/

  747. 374b

    sangs rgyas bcom ldan 'das la zhus pa/ btsun pa dge tshul 'dis las ci bgyis na/ las de'i rnam par smin pas byar skyes lags/ las ci bgyis na/ de las shi 'phos nas mir skyes la/ bcom ldan 'das kyang 'dis mnyes par bgyis te/ mi mnyes par ma bgyis/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal ba/ dge slong dag sngon byung ba 'das pa'i dus na/ yul ke shi'i grong khyer wA rA NA si na ni rgyal po tshangs pas byin rgyal po byed do/ / yul lus 'phags na ni lus 'phags kyi rgyal po rgyal po byed de/ de gnyis phan tshun mi mthun nas/ skye bo phal po che la 'dog par byed do// de nas phyi zhig na lus 'phags kyi rgyal bos dpung gi tshogs yan lag bzhi go bskon nas/ g.yul 'gyed pa'i phyir rgyal po tshangs pas byin gyi thog tu drangs so// ka shi'i rgyal po tshangs pas byin gyis kyang bi de ha'i rgyal pos dpung gi tshogs yan lag bzhi go bskon nas/ g.yul 'gyed pa'i phyir bdag gi thog tu drangs so zhes thos so// thos nas des kyang dpung gi tshogs yan lag bzhi go bskon nas/ g.yul 'gyed pa'i/ phyir bi de ha'i thog tu drangs pa las/ de bi de ha'i rgyal pos de thub cing rdugs par byas te/ pham par byas shing / rgyab kyis phyogs par byas nas/ rgya gcig pu thar te bros nas nags

  748. 375a

    khrod cig tu zhugs te/ de lus ngal zhing lus sdug bsngal la/ lus shig shig bor gyur nas/ rta las babs te/ dgra zhu dang / mtha' ber bud de sa la bting ba'i steng du 'dug go/ sa phyogs de nas thag mi ring ba zhig na ni/ rma bya zhig rma bya mo dag gis bskor te/ rtse zhing dga' la dga' dgur spyod de/ de des mthong nas de la smon par gyur te/ 'di ni 'dod pa'ang spyod la/ 'di la gnod pa byed pa yang ci'i'ang med pas na/ skye gnas 'di ni bzang po zhig go snyam mo// sangs rgyas bcom ldan 'das mi bzhugs pa'i tshe/ rang sangs rgyas rnams 'jig rten du 'byung ste/ rang sangs rgyas shig rgyal po de'i thad nas thag mi ring ba zhig na/ shing zhig gi drung na rten cing 'dug nas/ rang sangs rgyas des de drang ba'i phyir lung pa bsal ba'i sgra phyung ngo / / de nas de thos ma thag tu rgyal po de 'jigs shing skrag ste/ langs nas 'dir yang pha rol gyi dmag tshogs ma 'ongs grang snyam pa las/ rgyal po des shing zhig gi drung na rang sangs rgyas rten cing 'dug pa mthong ngo / / mthong nas kyang de la sems dga' bar gyur te/ 'di de ltar mi med pa'i nags khrod du dga' ba las na/ 'di ni bdag nyid chen po zhig yin gor ma chag snyam mo/ / sngon gyi rgyal rigs kyi rgyal po rnams kyi lugs kyis na/ gang gi tshe g.yul 'gyed du 'gro 'am/ ri dgas gshor du 'gro ba de'i rta'i phongs

  749. 375b

    la kha zas cung zad tsam btags te 'gro'o/ / rgyal po de'i rta'i phongs la'ang kha zas cung zad tsam btags pa yod de/ des rang sangs rgyas de la bshos gsol to// rang sangs rgyas des kyang rgyal po de steng gi nam mkha' la khyer nas/ 'jigs pa med pa'i gnas su bzhag go// de nas rgyal po des smon lam btab pa/ dge ba'i rtsa ba 'dis na bdag gang dang gang du skye bar 'gyur ba de dang der rma byar skye bar gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang thob par gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dag slong dag ji snyam du sems/ de'i rgyal po tshangs pas byin du gyur pa gang yin pa de ni bya de kho na yin te/ des der rang sangs rgyas la bshos gsol nas smon lam btab pa des na/ ltar 'dis nga mnyes par byas te/ mi mnyes par ma byas so// bya gnyis pa ni/ gleng gzhi mnyan du yod pa na bzhugs te/ de'i tshe ri spos kyi ngad ldang na/ bya kun dade'i dus ston sna tshogs can zhes bya ba nad pa ring por mi thogs par 'chi bar 'gyur ba zhig 'dug go/ sangs rgyas bcom ldan 'das bgrod pa gcig pu'i lam ston pa/ rnam pa gnyis kyi/

  750. 376a

    shes bya dang ye shes la mngar brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ras dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyag la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba

  751. 376b

    rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ bya de lung bstan pa'i dus la bab ste/ 'di las brten nas gdul bar bya ba'i skye bo mang po drang dgos so snyam du dgongs nas/ bcom ldan 'das mnyan du yod pa nas mi snang bar gyur te/ ri spos kyi ngad ldang gi sa phyogs bya de 'dug pa nas thag mi ring ba zhig tu byon te/ bcom ldan 'das kyis ci nas bya tsa sha lnga brgya lhags te/ bcom ldan 'das la skor ba byed par 'gyur ba de lta bur byin gyis brlabs so/ / de nas bya des bya tsa sha lnga brgya lhags te/ bcom ldan 'das la skor ba byed par mthong ngo // mthong nas kyang kye ma bdag gis kyang bcom ldan 'das la bskor ba bya'o snyam du de'i 'dod pa skyes so/ / de nas de bcom ldan 'das la sems dga' bar gyur bzhin du shi nas lhar skyes so// de ltar gyur nas bcom ldan 'das kyi thad du song ste/ bcom ldan 'das kyis de la chos bstan nas/ des bden pa mthong ste/ bden pa mthong nas/ de rang gi gnas su song ngo // de nas bcom ldan 'das kyis bya de'i ro las brten te/

  752. 377a

    dge slong gi 'khor gyi nang du tshe dang ldan pa shA ri'i bu la bkas rmas pa/ shA ri'i bu bya 'dis las ci zhig byas na/ las de'i rnam par smin pas byar skyes par gyur ces rmas pa dang / de thos ma thag tu tshe dang ldan pa shA ri'i bu sems pa la zhugs te/ de rab kyi mtha'i bsam gtan gyi bar du snyoms par zhugs kyang de'i rtsad mchod de/ bya rnams las shi 'phos shing / bya rnams su skyes pa 'ba' zhig mthong ngo // de nas ting nge 'dzin de las langs nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das bdag gis bya 'di rtsa da ma khums te/ bya rnams las shi 'phos shing / bya rnams su skyes pa 'ba' zhig mthong lags so/ / btsun pa bcom ldan 'das ni ye shes gzigs pa thogs pa mi mnga' ba/ ye shes gzigs pa mtha' yas pa lags na/ btsun pa bcom ldan 'das nyid kyis bya 'dis las ci bgyis dang / las gang gi rnam par smin pas bya 'ba' zhig tu skyes pa lung bstan du gsol/ bcom ldan 'das kyis bka' stsal pa/ dge slong dag bya 'di nyid kyis las de lta bu byas shing bsags te/ dge slong dag ston byung ba 'das pa'i dus na/ nyan thos dang rang sangs rgyas kyi sa las 'das pa/ yang

  753. 377b

    dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das don gzigs zhes bya ba 'jig rten du byung ste/ de'i gsung rab la bya 'di rab tu byung ste/ dge slong zhal ta byed par gyur nas/ des sbyin bdag dang / sbyin pa po rnams las bza' ba dang btung ba bslangs te/ khyim pa la rten par byed nas/ dge slong mang pos bkag pa las/ de khros te smras pa/ khyed ni dud 'gro bzhin du bsam mno med pa yin te/ dge slong gis bya ba gang yin pa ltar byed pa ma yin no zhes byas so// de nas phyis de 'gyod pa skyes te/ des las nyes so zhes bshags nas/ tshe gcig tu tshangs par spyod pa spyad de 'chi kar smon lam btab pa/ 'di ltar bdag gis sems can dag pa 'di lta bu dag la tshig rtsub po smras pa'i las 'di bdag la 'ong bar ma gyur cig/ ston pa 'di kho na dang 'dra ba bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe dge slong zhal ta par gyur pa gang yin pa de ni bya 'di kho na yin te/ des der dge slong de dag la tshig rtsub po smras pa'i las de'i rnam par smin pas dud 'gro rnams su skyes te/ yang dag par rdzogs pa'i sangs rgyas don

  754. 378a

    gzigs kyi ring nas/ nga'i ring gi bar du dud 'gro rnams las shi 'phos shing / dud 'gro 'ba' zhig tu skyes so// da ni nga la sems dga' ba skyes pas/ shi 'phos te dus las 'das nas lhar skyes so/ / lhar gyur nas kyang nga'i thad du 'ongs te/ de la ngas chos bstan to// des nga las chos thos nas bden pa rnams mthong ngo // des bden pa mthong nas rang gi gnas su song ngo / / des der chos bzhin du zhal ta byas nas 'chi kar smon lam btab ste/ bdag gis ston pa 'di lta bu mnyes par byed par gyur cig/ mi mnyes par byed par ma gyur cig ces byas pa des na/ dge slong dag nga yang dag par rdzogs pa'i sangs rgyas don gzigs dang shin tu mnyam pa dang / shugs mnyam pa dang / mdzad pa mnyam pa dang // thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// de nas de thos ma thag tu dge slong de dag skyo ba chen po skyes te/ bcom ldan 'das kyis de dag gi yid skyo bar thugs su chud nas/ de dang 'thun pa'i chos bstan te/ des na dge slong de dag gis stan de nyid la 'khod bzhin du nyon mongs pa thams cad spangs te/ dgra bcom pa nyid mngon sum du byas so/ / lus 'phags zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze'i rigs che zhing mtho ba phyug cing nor

  755. 378b

    mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa lus 'phags zhes bya ba zhig gnas te/ des thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags te/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa/ mdog bzang ba gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa smin ma stug pa zhig btsas te/ de'i btsas ston rgyas par byas nas/ khye'u 'di'i ming cir gdags zhes rigs dang 'thun pa'i ming 'dogs par byed de/ khye'u 'di bram ze lus 'phags kyi bu yin pas na/ de'i phyir khye'u 'di'i ming lhag 'phags zhes gdags so zhes zer ro// de nas khye'u lcug 'phags 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ 'tsho'i nang gi pad+ma bzhin du skye drag par gyur to// de nas de gang gi tshe cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed

  756. 379a

    dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur la/ gzhung gis rtsod pa thams cad kyang tshar bcad do/ / de nas phyi zhig na bram ze lus 'phags kyi sems skyes pa/ mchod sbyin bya'o snyam mo// de'i 'og tu'ang sems skyes pa/ dge sbyong goru ta ma 'di ni thams cad mkhyen pa/ thams cad gzigs pa yin te/ 'dis ni 'di lta ste/ 'das pa dang / ma 'ongs pa dang / da ltar byung ba ci'ang mi gzigs pa dang / mi mkhyen pa dang / thugs su ma chud pa ci 'ang med de/ bdag gi mchod sbyin yang lan 'ga' tsam gyi sgo nas kyang nyams par gyur na mi rung gis/ bdag ci dge sbyob go ru ta ma'i thad du song la dri bar bya'o snyam nas/ rgod ma dkar mo dang sbyar ba'i shing rta la nor te/ gser gyi ril ba thogs shing / bram ze'i khye'u'i tshogs kyi bskor nas/ mnyan du yod pa nas byung ste/ rgyal bu rgyal byed kyi tshal du song ngo // ji srid du bzhon pas 'gro bar bya ba'i sa de srid du bzhon pas song nas/ bzhon pa las babs te rkang pas kun dga' ra ba song nas/ bcom ldan 'das ga la ba der song ste phyin nas/ bcom ldan 'das la mngon sum du yang dag

  757. 379b

    par dga' ba dang / yang dag par mgu ba'i gtam sna tshogs byas te mjug brtul nas/ phyogs gcig tu 'dug go// phyogs gcig tu 'dug nas/ bcom ldan 'das la/ bram ze lus 'phags kyis 'di skad ces gsol to/ / kye go'u ta ma 'dir bdag gis mchod sbyin chen po brtsams te/ mchod sbyin chen po bgyi ba'i slad du/ khyu mchog lnga brgya yang sdong po la btags/ ba glang dang / ma he dang / ma he mo dang / bzho ba dang / be'u dang / be'u chung ngu dang / ra dang / lug dang / srog chags phra mo rnams kyang sdong po la btags so// mchod sbyin bgyi slad du bza' ba dang bca' ba mang po dag kyang bshams so/ / nyi 'og gi dge sbyong dang bram ze rnams kyang phyogs gzhan dang gzhan dag dang / ljongs gzhan dang gzhan dag nas bdag gi mchod sbyin de lta bu nyams su myong bar bgyi ba'i slad du mnyan du yod par lhags lags na/ bcom ldan 'das go'u ta mas ci nas bdag gi mchod sbyin yan lag 'ga' tsam gyi sgo nas kyang nyams par mi 'gyur ba de lta bur bstan du gsol/ de nas bcom ldan 'das kyis de'i mchod sbyin kho na las brtsams nas/ de dang 'thun pa'i chos bstan te/ des na bram ze lus 'phags dang / bram ze'i khye'u lhag 'phags gnyis kyis stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rje bcom nas/ rgyun du zhugs pa'i 'bras bu mngon sum du byas so// de nas

  758. 380a

    lhag 'phags kyis smras pa/ phyin chad bdag bram ze'i rnams la ston mo stsal ci 'tshal/ bram ze lus 'phags kyis smras pa/ lhag 'phags de skad ma zer cig sangs rgyas la sogs pa dge slong gi dge 'dun bshos gsol te yon phul ba'i 'og tu de'i lhag ma las bram ze rnams la'ang sbyin par bya'o/ / de nas lhag 'phags kyis smras pa/ mkhan po ji ltar dgyes pa bzhin du bgyi'o/ / de nas bram ze lus 'phags stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das dge slong gi dge 'dun dang thabs cig tu sang bdag gi mchod sbyin gyi gnas su bshos gsol bar ci gnang / de nas bcom ldan 'das kyis/ bram ze lus 'phags la cang mi gsung bas gnang nas/ bram ze lus 'phags kyis bcom ldan 'das cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas de mchod sbyin gyi gnas su phyin nas/ khyu mchog thams cad kyang btang / baglang dang / ma he dang / ma he mo dang / bzho ba dang / be'u dang / be'u chung ngu dang / ra dang / lug dang / srog chags phra mo sna tshogs kyang btang nas smras pa/ phyogs bzhi nas rlung bsil ba ldang gis/ khyed song la dang

  759. 380b

    phan chad rtsi mchog ma nyams pa la ni zo zhig/ chu ma glongs pa rnyog ma med cing dang pa la ni 'thung zhig ces byas te/ des srog chags phra mo sna tshogs de dag kyang bkye nas/ bcom ldan 'das kyi phyir de nyid kyi mtshan mo bza' ba dang bca' ba gtsang ma bzang po mang sta gon byas nas/ nang par sngar langs te/ gang na bshams nas chur bkang ste/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul lo// de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis bskor zhing / dge slong gi dge 'dun gyis mdun du bdar te/ bram ze lus 'phags kyi bkang sa gang na ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas bram ze lus 'phags dang / bram ze'i khye'u lhag 'phags kyis sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs so// / rang gi lag nas bza' ba dang bca' ba gtsang ma bzang po mang pos rnam grangs du mas tshim par byas te/ ci bzhed pa bstabs nas/ re re la ras zung re phul lo// de nas bcom 6bcom ldan 'das la na 'bum ri ba gcig phul la/ ldan 'das bshos gsol zin te/

  760. 381a

    gsang sder ni rgyu/ phyag ni bcabs par rig nas/ chos mnyan pa'i phyir spyan sngar 'dug go// de nas bcom ldan 'das kyis de gnyis la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so/ / bcom ldan 'das gshegs nas/ mchod sbyin gyi gnas der bram ze thams cad khros te/ 'di skad du ltos dang / bdag cag gi phyir mchod sbyin brtsams pa las/ dge sbyong go'u ta ma la byin no zhes 'dzer to/ / de nas lus 'phags kyi bram ze thams cad bdag cag la ji ltar khros pa de thos nas/ thos ma thag tu bram ze lus 'phags bram ze dag gi thang du song sde smras pa/ khyed la dge sbyong go'u ta mas ci gnod/ bdag gis khyed kyi yon bshams pa ni khyed la sbyin par bya'o// bram ze rnams kyis smras pa/ nged la phyin chad khyod kyi yon mi dgos so zhes smras nas/ de spad gnyis gsod par byas so// de nas de spang gnyis kyis bsams pa/ 'di rnams kyis bdag cag bsad du 'ong ngo snyam nas/ bros te rgyal bu rgyal byed kyi tshal du song nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la gtam de rgyas par gsol to// 'di skad ces kyang

  761. 381b

    gsol to/ / btsun pa bdag cag gnyis khyim na gnas pa btang ngo // btsun pa bdag cag gnyis legs par gsungs pa'i chos 'dul ba rab tu 'byung ba dang / bsnyen par rdzogs shing dge skyoslong gi dngos po 'thob tu rung na/ bdag cag gnyis kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de gnyis la lung yang phog go// de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom po nyid mngon sum du byas so// de nas dge slong rnams kyis/ sangs rgyas bcom ldan 'das la gsol pa/ btsun pa bram ze lus 'phags dang / bram ze'i khye'u lhar/ 'phags bram ze de dag gis dgum par bgyis pa dang / de kho nas skyo bar gyur nas rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis pa la gzigs bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na'ang 'di gnyis bram ze 'di rnams kyis gsod par byas te/ de dag kho ras skyo bar gyur nas rab tu byung ste/ tshe gcig tu tshangs par spyod pa spyad pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs

  762. 382a

    pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe bram ze zhig gis mchod sbyin bya bar brtsams pa las/ mchod sbyin byed pa der bram ze gzhan zhig 'thab mo brgal te/ de khros pas bram ze de la lag chas bsnun nas/ bram ze de'ang lag chas bsnun pa des shi'o// gzhi de las bram ze thams cad khros te/ phyin chad deng khyod kyis byin pa longs spyad par mi byed do zhes zer zhing / bram ze ma yin par brtsis nas/ smod pa la zhugs te bsad par byas so// de nas bram ze spang gnyis bram ze de dag gis 'jigs nas bros te/ de gnyis drang srong smra ba'i gnas su song nas/ yang dag par rdzogs pa'i sangs rgyas 'od srungs kyi thang du rab tu byung ngo // de nas de gnyis kyis der tshe gcig tu tshangs par spyod pa spyad pa las/ yon tan gyi tshogs ci'ang mthob nas/ de gnyis kyis 'chi kar smon lam btab pa/ 'di ltar bdag cag gnyis kyis yang dag par rdzogs pa'i sangs rgyas 'od srungs kyi thad du rab tu byung ste/ gcig tu tshangs par spyod pa spyad kyang yon tan gyi tshogs ci'ang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i

  763. 382b

    sangs rgyas bcom ldan 'das de gnyis par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi thad du bram ze spang gnyis rab tu byung ba gang yin pa de gnyis ni/ bram ze lus 'phags dang / lhag 'phags 'di spang gnyis kho na yin te/ de'i tshe'ang de gnyis bram ze rnams kyis bsad par byas nas/ 'chi bas 'jigs shing skrag ste/ rab tu byung nas tshe gcig tu tshangs par spyod pa spyad do// da ltar yang 'di gnyis bram ze rnams kyis gsod par byas nas/ 'chi bas 'jigs shing skrag ste/ rab tu byung nas/ nyon mongs pa thams cad spangs te/ dgra bcom pa nyid mngon sum du byas so// de gnyis der rab tu byung ste/ tshe gcig tu tshangs par spyod pa sprad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma yang bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des

  764. 383a

    na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / bas mnyam pa brnyes par gyur nas/ 'di gnyis kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa mngon sum du byas so/ / / bam po nyi shu gnyis pa/ ston pa zhes bya ba ni/ gleng bzhi mnyan du yod pa na bzhugs te/ de'i tshe mnyan du yod pa na/ bdag cig gnas te/ des thabs zlar bab pa las chung ma blangs nas/ de de dang lhan cig tu rtse zhing dga' la dga' dkur spyod pa las/ phyi zhig na de'i chung ma la bu chags nas/ de zla ba dgub ma bcu lon pa dang khye'u gzugs bzang zhing blta na sdug la mdzes pa zhig btsas so/ / de nas phyi zhig na khyim bdag de'i bu snga phyir gnyis dang / gsum dang / de bzhin du bu bdun btsas nas/ des de dag gi btsa ston rgyas par byas te/ rigs dang 'thun pa'i ming btags nas/ 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas/ gang gi tsheng dag cher skyes pa de'i tshe/ yi ge dang / long rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brdab pa dang /

  765. 383b

    rin po che brtag pa dang / spos brtag pa dang / sman brtag pa dang / glang po che brtag pa dang rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// phyi zhig na phas/ de dag la smras pa/ nga'i tshig gis khyed khyim bdag mgon med zas sbyin la rten chos shig dang / des khyed tshe 'di dang phyi ma'i phan pa la 'dzud par byed do zhes byas pa las/ de'i bu drug gis smras pa/ bdag cag khyim bdag mgon med zas sbyin la rten bca' ci dgos zhes zer nas/ de'i tshig ma mnyan te/ bu gcig ni 'od srungs rdzogs byed la dga' bar gyur to// gnyis pa ni kun tu rgyu gnag lhas kyi bul dga' bar gyur to// gsum pa ni smra 'dod kyi bu mo'i bu yang dag rgyal ba can la dga' bar gyur to/ / bzhi pa ni mi pham skra'i la ba can la dga' bar gyur to// lnga pa ni ka t+ya'i bu nog can la dga' bar gyur to// drug pa ni gcer bu pa gnyen gyi bu la dga' bar gyur to/ / bdun pa ni pha'i ngag mnyan nas khyim bdag mgon med zas sbyin la brten bcas te/ des de la brten pas/ bcom ldan 'das kyi bstan pa la dga' bar gyur skyabs su 'gro ba dang / bslab pa'i gzhi rnams blangs so// de nas phyi zhig na de'i bu che bas 'od srungs rdzogs byed g.yar drangs te zan byin no// gnyis pas ni kun tu rgyu gnag

  766. 384a

    lhas kyi bu g.yar drangs te zan byin no/ / ka sum pas ni smra 'dod kyi bu mo'i bu yang dag rgyal ba can ga yar drangs te zan byin no// bzhi pas ni mi pham skra'i la ba can ga yar drangs te zan byin no/ / lnga pas ni ka t+ya'i bu nog can ga yar drangs te zan byin no// drug pas ni gcer bu pa gnyen gyi bu ga yar drangs te zan byin no// de nas bu bdun pas/ phu bo de dag la smras pa khyed kyis rang rang gi ston pa la zan byin zin te/ bdag gis kyang sang+yas bcom ldan 'das la bshos gsol gyis/ der khyed kun gyis kyang bdag gi grogs gyis shig ces byas nas/ khye'u des sangs rgyas la sogs pa dge slong gi dge 'dun spyan drangs so/ / spyan drangs nas de nyid kyi nub mo bza' ba dang bca' ba gtsang ma bzang po mang po sta gon byas te/ nang par sngar langs nas/ gdan bshams te chu ra bkang ste bzhag nas/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos gsol lags na/ bcom ldan 'das kyis nga de'i dus la bab par dgongs te gshegs par gsol zhes bskul lo/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ khyim bdag gi bu de'i bkangs ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas khyim bdag de bu dang 'khor dang bcas pas sangs rgyas la sogs pa dge

  767. 384b

    slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te ci bzhed pa bstabs so// rang gi lag nas bza' ba bca' ba gtsang ma bzang po mang po rnam grangs du mas tshim par byas te/ ci bzhed pa bstabs nas/ bcom ldan 'das bshos gsol zin te/ srung sder ni gyur/ phyag ni bcabs par rig nas/ stan ches dma' ba zhig blangs te chos mnyan pa'i phyir spyan sngar 'dug go// de nas bcom ldan 'das kyis khyim bdag de bu dang 'khor dang bcas pa'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khyim bdag de bu dang 'khor dang bcas pas stan de nyid la 'dug bzhin du 'jig tshogs lalta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ khyim bdag des bden pa mthong nas/ stan las langs te bla gos phrag pa gcig tu gzar nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das la brten nas bdag sems can dmyal ba dang / dud 'gro dang / yi dgas rnams las ni phyung / lha dang mi'i nang du ni gom pa 'dor du stsal/ khrag dang mchi ma'i rgya mtsho rnams ni bskams/ rus pa'i ri rnams las ni bsgral/ @

  768. 385a

    song gi sgo rnams ni bcad/ mtho ris dang thar pa'i sgo rnams ni phye/ yun ring po nas goms pa'i nyon mongs pa rnams ni mthar gtugs te zhi ba dang / spangs pa dang / bor bar gyur lags so// bcom ldan 'das kyis bdag ji srid 'tsho'i bar du dge slong gi dge 'dun dang lhan cig tu bdag las na bza' dang / zhal zas dang / gzims cha dang / gdan dang spyan gsos dang / sman zong rnams bzhes par gnang bar mdzad du gsol/ bka' stsal pa/ khyim bdag gzhan dag gi don yang bya dgos kyis/ thong zhig ces bka' stsal nas/ bcom ldan 'das slar gshegs so/ / bcom ldan 'das slar gshegs nas/ khyim bdag gi bu de dag gis bsams pa/ bdag gis khyim na gnas pa btang la/ rab tu 'byung ngo snyam nas/ pha ma la bzlugs te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis/ dge slong tshur shog ces bya ba'i chog gis rab tu phyung ste/ bsnyen par

  769. 385b

    rdzogs par mdzad nas/ de la lung yang phog go// des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol btsun pa bcom ldan 'das khyim bdag 'di'i bu drug lta ba du ma 'tshal te/ phan tshun mi mthun par smra ba las/ nu bo tha chung gis lta ba gcig tu 'thun pa la bkod nas de dag kyang bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa la gzigs lags/ bcom ldan 'das kyis bka' stsal ba/ da ltar 'ba' zhig ma yin te/ ji ltar 'das pa'i dus na'ang spun drug po 'di rnams phan tshun mi mthun pa las/ nu bo tha chung 'di kho nas gcig tu 'thun pa la bkod

  770. 386a

    nas/ de rnams kyang drang srong la rab tu byung ste/ bsam gtan bzhi dang / mngon par shes pa lnga bskyed pa de nyon cig/ dge slong dag sngon byung ba 'das pa'i dus na/ yul dbus kyi rgyal po bdun rang rang gi yul na rgyal po byed pa las/ de rnams phan tshun mi mthun te/ dus dus su skye bo mang po la 'dog par byed do// de nas phyi zhig na yul ka shi'i rgyal po tshangs pas byin gyis blo skyes pa/ bdag gis nyi 'og gi rgyal po 'di dag thams cad thabs ci zhig gis bsdum par bya snyam mo// de'i tshe yul ka shi'i rgyal po tshangs pas byin gyi yul na dka' thub kyi gnas shig na/ drang srong mngon par shes pa lnga dang ldan pa/ rdzu 'phrul che zhing mthu che ba zhig gnas so// de nas rgyal po tshangs pas byin gyis bsams pa/ bdag gis drang srong de la bcol na/ des 'di rnams kyi sdums byed nus par 'gyur ro snyam nas/ drang srong de ga la 'dug par song ste/ rkang pa la phyag 'tshal nas smras pa/ nyi 'og gi rgyal po drug po 'di dag thams cad ni phan tshun mi mthun te/ dus dus su skye bo mang po kha 'dog par byed do// de bas na khyod kyis thams cad bsdum pa'i rigs so zhes byas so// de nas drang srong de ka shi'i rgyal po tshangs pas byin la cang mi smra bas gnang ngo / / de nas ka shi'i rgyal po tshangs pas byin gyis drang srong des cang mi smra bas gnang bar rig nas/ rkang pa la phyag 'tshal te song ngo // de nas phyi zhig ni rgyal po drug po rnams

  771. 386b

    kyis dpung gi tshogs yan lag bzhi go bskon te/ yul wA rA NA sir lhags nas/ grong khyer thams cad dpung gi tshogs yan lag bzhi go bskon pas bskor te 'khod do// de nas ka shi'i rgyal po tshangs pas byin gyis/ drang srong de la sbran te/ de thos ma thag tu drang sro de gnas de khon nas rgyal po drug po gang na 'khod pa der nam mkha' la song ngo // de nas de mthong ma thag tu rgyal rigs kyi rgyal po drug po de rnams drang srong de la shin tu dga' bar gyur to/ / dga' bar gyur nas/ drang srong de ga la ba der dong ste lhags nas/ rkang pa la phyag 'tshal te chos mnyan pa'i phyir mdun du 'khod do/ / de nas drang srong des de dag la chos bstan nas thams cad mjal dum byed du bcug go/ de dag gis mjal dum byas nas/ drang srong nyid kyi thad du rab tu byung bar 'dod pa'i sems skyes so/ / de dag gis gcig la gcig bzugs nas/ yul yul du dong ste rang rang gi bu rgyal por bcug nas/ sbyin pa dag byin zhing / bsod nams dag byas nas/ drang srong de nyid kyi thad du rab tu byung ngo / / de dag der rab tu byung nas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe rgyal po drug po phan tshun mi mthun par gyur pa gang yin pa de dag ni spun drug po phan tshun mi

  772. 387a

    smra smra g+san na sna snan don po ma 'a/ ga ngan rkun pa ban pa de dpa brnams / de dag kyang rab tu byu ste/ byasam+b+ha gdun pa'i dang / mngon pa shes pa T+Te 9 ro// dasla 'das sun drus po ban tshun lda coM na pas rkyeg tu na pa bya te/ ded nga namongs pa thams pa smras te/ dazla ma no meng sgyum du bya // de sa sa rgyas rnams / na pa ma pa gas ra sa pa 'das san/ las ldan pas gyus ci no ma la sa pa/ bcom dran 'das kyang 'di rnams kyis panyes par bgyis te/ mi mnyes par ma bgyis/ babadun yang rab tu byung nas/ nyon mongs pa thams par spas te/ dkra ma pa nyi mum du bgyis lags/ bcom ldan 'das kyis bka' stsal pa/ smon lam gyi bang las gyur to// k+Sha sol pa/ bcom ldan 'das 'di rnams kyis smon lam glang du btab lags/ bka bral po/ / dge slong dag sngon byung ba 'das pa'i dus na/ brgal pa ba'ang po 'di nyid la skye bu'i tshal te khro thub pa na/ yang dag par rdzogs pa'i sangs rgyas rig pa bzhabs su ldan pa/

  773. 387b

    bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na khyim bdag cig gnas pa de'i bu spun drug phan tshun lta ba mi mthun par smra bar gyur to// khyim bdag de'i bu tha chung ni sangs rgyas la dga' ste/ des phu bo thams cad yang dag par rdzogs pa'i sangs rgyas 'od srungs kyi bstan pa la btsud nas/ de dag thams cad kyis pha ma la gsol te/ yang dag par rdzogs pa'i sangs rgyas 'od srungs kyi gsung rab la rab tu byung nas/ de dag gis der tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// khyim bdag des kyang sbyin pa dag sbyin zhing / bsod nams dag byas nas/ tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab pa/ dge ba'i rtsa ba 'dis ni bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar

  774. 388a

    gyur cig/ de'i tshe'ang bu bdun po 'di dag nyid bdag gi bur gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems// de'i tshe khyim bdag tu gyur pa gang yin pa de ni khyim bdag 'di kho na yin te/ des der sbyin pa dag byin zhing / bsod nams dag byas nas/ skyabs su 'gro ba dang / bslab pa'i gzhi rnams bsrungs te/ 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes nas/ 'dis nga mnyes par byas te/ mi mnyes bar ma byas la/ 'di dag kyang 'di'i bu kho nar gyur to// bu 'di rnams kyis kyang tshe gcig tu tshangs par spyod pa spyad nas 'chi kar smon lam btab pa des na/ dge slong dag nga yang dag par rdzog pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// 'od srungs zhes bya ba ni/

  775. 388b

    gleng gzhi rgyal po'i khab na bzhugs so// de nas phyi zhig na tshe dang ldan pa 'od srungs chen po dgon pa'i gnas mal zhig tu yun ring du lon te/ skra dang kha spu ring zhing gos brnyings par gyur nas/ bcom ldan 'das ga la ba der song ngo // de'i tshe bcom ldan 'das 'khor brgya phrag du ma'i gung la bzhugs te/ dge slong gi dge 'dun la chos ston no// de nas dge slong de dag gis tshe dang ldan pa 'od srungs chen po thag ring po zhig nas mthong nas/ tshe dang ldan pa 'od srungs chen po la brnyas pa'i sems skyes te/ tshe dang ldan pa dge slong kha spu ring zhing gos ngan la/ ma brtags pa'i cha lugs can 'di ga las 'ongs shig gu snyam mo/ / de nas bcom ldan 'das kyis dge slong de dag gi bsam pa thugs kyis mkhyen nas/ dge slong 'od srungs 'di ni nga yongs su mya ngan las 'das pa'i 'og tu nga'i bstan pa'i don byed par 'gyur te/ mdo sde dang / chos mngon pa dang / 'dul ba yang dag par sdud par 'gyur ba yin la/ dge slong 'di rnams kyis ni 'di la shin tu brnyas pa'i sems bskyed kyis/ ma la ngas 'di rnams la gyod gdab par bya'o// 'o na tang 'di lha dang mi dang bcas pa'i 'jig rten gyis mchod cing rjed pa dang / gus par smra ba'i gnas su 'gyur ro snyam du dgongs nas/ der bcom ldan 'das kyis/ dge slong rnams la bka' stsal pa/ dge slong khyed kyis dge slong 'di la shin tu brnyas pa'i sems ma skyed cig/ 'di ni nga yongs su mya

  776. 389a

    ngan las 'das pa'i 'og tu da'i bstan pa'i don byed par 'gyur te/ smre snostong gsum yang dag byar srud par byed cing / chos kyi tshul 'brel bar byed do zhes gsungs so// de nas bcom ldan 'das kyis/ tshe dang ldan pa 'od srungs chen po la bka' stsal pa/ 'od srungs tshur shog/ 'od srungs 'ongs pa legs so// stan phyed 'di la 'dug cig/ bdag cag gnyis las khyod sngar rab tu byung ngam/ nga sngar rab tu byung ba brtag go zhes bka' stsal to// de nas dge slong de dag 'jigs shing skrag la/ 'gyod de spyi bung zhes byed nas/ tshe dang ldan pa 'ong srungs chen po de ltar rdzu 'phrul che zhing mthu che ste/ da ston pas nyan thos la gdan gyi phyed bstabs pa ni ngo mtshar ro snyam mo// de nas tshe dang ldan pa 'od srungs chen po bla go phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan radas ni bdag gi ston pa lags/ bdag ni bcom ldan 'das kyi nyan thos lags so// bde bar gshegs pa ni bdag gi ston pa lags/ bdag ni bde bar gshegs pa'i nyan thos lags so/ / bcom ldan 'das kyis bkara' stsal ba/ 'od srungs de ni de bzhin no// de ni de bzhin te/ nga ni 'od srungs khyod kyi ston pa yin/ khyod ni nga'i nyan thos yin no// 'od srungs khyod bangs

  777. 389b

    gi stan gang yin pa la 'dug cig/ de nas tshe dang ldan pa 'od srungs chen pos bcom ldan 'das kyi zhabs la mgo bos phyag 'tshal nas/ phyogs gcig tu 'dug go// de nas bcom ldan 'das kyis lhag par yang skyob bskyed par bzhed pa dang / tshe dang ldan pa 'od srungs chen po chos kyis thob pa'i che ba dang / rgya che ba la bzhag par bzhed nas/ dge slong rnams la bka' stsa pa/ dge slong dag nga ni gal te 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag dge slong 'od srungs yang gal te 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas padapyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas par 'dod na' nga/ dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag nga ni gal te rtog pa dang / dpyod pa dang

  778. 390a

    bral zhing nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas par 'dod na'ang / gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so/ / dge slong dag dge slong 'od srungs yang gal te rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas par 'dod na'ang / dge slong 'od srungs yang gnas des nyin gcig gam mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag nga ni dga' ba'i 'dod chags dang bral bas/ btang snyoms gnas shing / dran pa dang shes bzhin can bde ba lus kyis myong la/ 'phags pa rnams kyis dran pa dang ldan pa bde ba la gnas pa btang snyoms pa'o zhes brjod pa dga' ba med pa'i bsam gtan gsum pa rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/

  779. 390b

    gsum mAm/ nyin zhag bdun gyi bar du'ang gnas so// dge slong dag dge slong 'od srungs yang gal te dga' ba'i 'dod chags dang bral bas btang snyoms la gnas shing / dran par shes bzhin can bde ba lus kyis myong la/ 'phags pa rnams kyis dran pa dang ldan pa bde ba la gnas pa btang snyoms pa'o zhes brjod pa/ dga' ba med pa'i bsam gtan gsum pa rdzogs par byas te gnas par 'dod na'ang/ dge slong 'od srungs gnas des nyin gcig gam/ mtshan gcig gam/ nyin zhag gcig sham/ gnyis sam/ gsum mam/ nyin zhag bdun gyi bar du'ang gnas so/ / dge slong dag nga ni gal te bde ba'ang spangs te/ snga nas sdug bsngal yang spangs shing / yid bde ba dang / yid mi bde ba'ang nub pas bde ba rang yin/ sdug bsngal ba'ang yin pa btang snyoms dang dran pa yongs su dag pa/ bsam gtan bzhi pa rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag dge slong 'od srungs yang gal te bde ba spangs te/ snga nas sdug bsngal yang spangs shing // yid bde ba dang / yid mi bde ba'ang nub pas bde ba'ang ma yin/ sdug bsngal ba'ang ma yin pa btang snyoms dang dran pa yongs su dag pa/ bsam gtan bzhi pa rdzogs par byas te gnas par

  780. 391a

    'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun/ gyi bar du'ang gnas so// dge slong dag nga ni gal te byams pa dang ldan pa'i sems kho na med pa/ 'gran zla med pa/ gnod pa med pa/ yangs pa/ rgya chen por gyur pa/ gnyis su med pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas pa dang / de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du 'jig rten 'di nag thams cad byams pa dang ldan pa'i sems kho na med pa/ 'gran zla med pa/ gnod pa med pa/ yangs pa/ rgya chen por gyur pa/ gnyis su med pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas par 'dod na'ang / dge slong dag nga ni gnas des nyin gcig gam/ mtshan gcig gam/ nyin zhag gcig kam/ gnyis sam/ gsum mam/ nyin zhag bdun gyi bar du'ang gnas so// dge slong dag dge slong 'od srungs yang gal te byams pa dang ldan pa'i sems kho na med pa/ 'gran zla med pa/ gnod pa med pa/ yangs pa/ rgya chen por gyur pa/ gnyis su med pa/ tshad med pa/ shin tu bsgoms pas phyogs gcig tu mos te khyab par byas nas rdzogs par

  781. 391b

    byas te gnas par 'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so/ / de bzhin du snying rje dang / dga' ba dang / btang snyoms dang ldan pa'i sems kyang de dang 'dra bar rgyas par brjod par bya'o// dge slong dag nga ni gal te rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag dge slong 'od srungs yang gal te rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams yang dag par nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkhar mtha' yas skye mched rdzogs par byas te gnas par 'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du pa

  782. 392a

    gnas so/ / dge slong dag nga ni gal te rnam pa thams cad du nam mkha' mtha' yas skye mched yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam nyin zhag bdun gyi bar du'ang gnas so/ / dge slong dag dge slong 'od srungs yang rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas par 'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag nga ni gal te rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par byas te gnas par 'dod na'ang/ nga ni gnas des nyin gcig gam/ mtshan gcig gam// nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag dge slong 'od srungs yang gal te rnam pa thams cad du rnam shes

  783. 392b

    mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par byas te gnas par 'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag nga ni gal te rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas par 'dod na'ang / nga ni gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mama?/ nyin zhag bdun gyi bar du rang gnas so// dge slong dag dge slong 'od srungs yang gal te rnam pa thams cad du ci'ang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas par 'dod na'ang / dge slong 'od srungs yang gnas des nyin gcig gam/ mtshan gcig gam/ nyin zhag gcig gam/ gnyis sam/ gsum mam/ nyin zhag bdun gyi bar du'ang gnas so// dge slong dag nga ni gal te rdzu 'phrul gyi yul rnam pa du ma myong bar byed 'dod na' nga/ nga ni gcig tu gyur nas mang por 'gyur ba dang / mang por gyur nas gcig tu 'gyur pa dang / snang bar

  784. 393a

    / gyur cing mi snang bar yang 'gyur ba'i ye shes mthong ba myong bar byed do// rtsig pa la rang thad kar 'gro'o// ra ba la'ang thad kar 'gro'o// ri la'ang mi thogs par lus kyis 'gro ste/ dper na nam mkha' la bya ba bzhin no// sa la'ang steng du 'byung ba dang byi'u zul byed de/ dper na chu la bya ba bzhin no// chu la 'ang mi nub par 'gro ste/ dper na sa chen po la bya ba bzhin no/ / nam mkhara' la'ang skyil mo krung 'cha' bar byed de/ dper na 'dab chags bya bzhin no// zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba/ 'di ltar gzi brjid che ba gnyis la'ang lag pas 'dzin cing kun tu nyug par byed de/ tshangs pa'i 'jig rten gyi bar du'ang lus kyis dbang sgyur ro// dge slong dag dge slong 'od srungs yang gal te rdzu 'phrul gyi yul rnam pa du ma myong bar byed 'dod na' nga / dge slong 'od srungs yang gcig tu gyur nas mang por 'gyur pa dang / mang por gyur nas gcig tu 'gyur ba dang / snang bar gyur cing mi snang bar yang 'gyur ba'i ye shes mthong ba myong bar byed do/ / rtsig pa la'ang thad kar 'gro'o// ra ba la'ang thad kar 'gro'o// ri la'ang mi thogs par lus kyis 'gro ste/ dper na nam mkha' la bya ba bzhin no/ / sa la'ang steng du 'byung ba dang byi'u zul byed de/ dper na chu la bya ba bzhin no// chu la rang mi nub par 'gro ste/ dper na sa chen po la bya ba bzhin no// nam mkha' la'ang

  785. 393b

    skyib mo krung 'cha' bar byed de/ dper na 'dab chags bya bzhin no// zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba/ 'di ltar gzi brjid che ba gnyis la'ang las pos 'dzin cing kun tu nyug par byed do/ / tshangs pa'i 'jig rten gyi bar du'ang lus kyis dbang sgyur ro// dge slong dag ngas ni lha'i snyan rnam par dag pa mi las 'das pas/ mi dang mi ma yin pa gnyis ka'i sgra'ang ring ba gang yin pa dang / nye ba gang yin pa'ang thos so// dge slong dag dge slong 'od srungs kyis lha'i snyan rnam par dag pa mi las 'das pas/ mi dang mi ma yin pa gnyis ka'i sgra'ang ring ba gang yin pa dang / nye ba gang yin pa'ang thos so// dge slong dag ngas ni sems can pha rol rnams dang / gang zag pha rol rnams kyi rtog pa dang / dpyod pa'i sems yang dag pa ji lta ba bzhin sems kyis shes so/ / 'dod chags dang bcas pa'i sems dang / 'dod chags dang bral ba'i sems kyang yang dag pa ji lta ba bzhin du rab tu shes so// zhe sdang dang bcas pa'i/ sems dang / zhe sdang dang bral ba'i sems dang / gti mug dang bcas pa'i sems dang / gti mug dang bral ba'i sems dang / bsdus pa dang / 'phros pa dang / zhum pa dang / bsdams pa dang / rgod pa dang / rgod pa ma yin pa dang / chen por gyur pa dang / rnam par zhi ba dang / rnam par ma zhi ba dang / mnyam par bzhag pa dang / mnyam par ma bzhag pa dang / bsgoms

  786. 394a

    pa dang / ma bsgoms pa dang / rnam par grol ba dang / rnam par ma grol ba'i sems kyang yang dag pa ji lta ba bzhin du rab tu shes so// shin tu rnam par grol ba'i sems la'ang shin tu rnam par grol ba'i sems yin par yang dag pa ji lta ba bzhin du rab tu shes so/ / dge slong dag dge slong 'od srungs kyis kyang sems can pha rol rnams dang gang zag pha rol rnams kyi rtog pa dang / dpyod pa'i sems yang dag pa ji lta ba bzhin du sems kyis shes so// 'dod chags dang bcas pa'i sems dang / 'dod chags dang bral ba'i sems kyang yang dag pa ji lta ba bzhin du rab tu shes so/ / zhe sdang dang bcas pa'i sems dang / zhe sdang dang bral ba'i sems dang / gti mug dang bcas pa'i sems dang / gti mug dang bral ba'i sems dang / bsdus pa dang / 'phros pa dang / zhum pa dang / bsdams pa dang / rgod pa dang / rgod pa ma yin pa dang / chen por gyur pa dang / rnam par zhi ba dang / rnam par ma zhi ba dang / mnyam par bzhag pa dang / mnyam par ma bzhag pa dang / bsgoms pa dang / ma bsgoms pa dang / rnam par grol ba dang / rnam par ma grol ba'i sems kyang yang dag pa ji lta ba bzhin du rab tu shes so/ / shin tu rnam par grol ba'i sems la'ang shin tu rnam par grol ba'i sems yin par yang dag pa ji lta ba bzhin du rab tu shes so// dge

  787. 394b

    slong dag ngas ni sngon gyi gnas rnam pa du ma rjes su dran te/ 'di lta ste/ skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / skye ba brgya dang / skye ba stong dang / skye ba 'i bum dang / skye ba brgya phrag du ma dang / skye ba stong phrag du ma dang / skye ba 'bum phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa du ma dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma dang / sems can de dag gi ming ni 'di yin zhes bya bar gyur/ ga ge mo zhig na babag ming 'di zhes bya bar gyur/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig myong / yul ni 'di srid cig gnas gnas/ tshe ni 'di lta 'ang / tshe ni 'di tsam zhig thub/ nga de nas shi 'phro nA ga ge mo zhog tu skyes/ ga ge mo zhig nas shi 'phos nas yang 'di lta bu zhig tu skyes so snyam du rnam pa dang bcas pa dang / yul phyogs dang bcas pa dang / gtan tshogs dang bcas par rnam pa du mar sngon gyi gnas rjes su dran no/ / dge slong dag dge slong 'od srungs kyis kyang sngon gyi gnas rnam pa du ma rjes su dran te/ 'di lta ste/ skye ba gcig dang /

  788. 395a

    gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / skye ba brgya dang / skye ba stong dang / skye ba 'bum dang / skye ba brgya phrag du ma dang / skye ba stong phrag du ma dang / skye ba 'bum phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma dang / sems cad de dag ni ming 'di zhes bya bar gyur/ ga ge mo zhig na bdag ming 'di zhes bya bar gyur/ rigs ni 'di zhes bya/ rus ni 'di zhes bya/ zas ni 'di lta bu zhig zla za/ bde ba dang sdug bsngal ni 'di lta bu zhig myong / yun ni 'di srid cig gnas gnas/ tshe ni 'di ltar ring / tshe ni 'di tsam zhig thub/ dade nas shi 'phos nas gage mo zhig tu skyes/ ga ge mo zhig nas shi 'phos nas yang 'di lta bu zhig tu skyes so snyam du rnam pa dang bcas pa dang / yul phyogs dang bcas pa dang / gtan tshogs dang bcas par rnam pa du mar sngon gyi gnas rjes su dran no// dge slong dag ngas ni lha'i mig rnam par dag pa mi las 'das pas sems can rnams 'chi 'pho zhing 'dug pa dang / skye zhing 'dug pa dang / kha dog bzang po dang / kha dog ngan pa dang / bzang po dang / ngan pa dang

  789. 395b

    bde 'gror 'gro ba dang / ngan 'gror 'gro ba'ang rung ste/ sems can rnams las ji lta ba bzhin du 'gro ba yang dag pa ji lta ba bzhin du rab tu shes so// sems can 'di dag ni lus kyis nyes par spyod pa dang ldan pa yin/ ngag gis nyes par spyod pa dang ldan pa yin/ yid kyis nyes par spyod pa dang ldan pa yin/ 'phags pa rnams la skur pa 'debs pa yin/ log par lta ba yin/ te/ log par lta ba'i las dang chos yang dag par blangs pa'i rgyu de dang rkyen des na/ lus dang bral te shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ro/ / sems can 'di dag ni lus kyis legs par spyod pa dang ldan pa yin/ ngag gis legs par spyod pa dang ldan pa yin/ yid kyis legs par spyod pa dang ldan pa yin/ 'phags ba rnams la skur pa mi 'debs pa yin/ yang dag par lta ba yin te/ yang dag par lta ba'i las dang chos yang dag par blangs pa'i rgyu de dang rkyen des lus dang bral te shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur bar mthong ngo / / dge slong dag dge slong 'od srungs kyis kyang lha'i mig rnam par dag pa mi las 'das pas/ sems can rnams 'chi 'phos zhing 'dug pa dang / skye zhing 'dug pa dang / kha dog bzang po dang / kha dog ngan pa dang / bzang po dang / ngan pa dang / bde 'gror 'gro ba dang / ngan 'gror 'gro ba 'ang rung ste/ sems can rnams

  790. 396a

    las ji lta ba bzhin du 'gro ba yang dag pa ji lta ba bzhin du rab tu shes so/ / sems can 'di dag ni lus kyis nyes par spyod pa dang ldan pa yin/ ngag gis nyes par spyod pa dang spyod pa dang ldan pa yin/ yid kyis nyes par spyod pa dang ldan pa yin/ 'phags pa rnams la skur pa ladebs pa yin/ log par lta ba yin te/ log par lta ba'i las dang chos yang dag par blangs pa'i rgyu de dang rkyen des na/ lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// sems can 'di dag ni lus kyis legs par spyod pa dang ldan pa yin/ ngag gis legs par spyod pa dang ldan pa yin/ yid kyis legs par spyod pa dang ldan pa yin/ 'phags pa rnams la skur pa mi 'debs pa yin// yang dag par lta ba yin te/ yang dag par lta ba'i las dang chos yang dag par blangs pa'i rgyu de dang rkyen des lus dang bral te shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur bar mthong ngo / / dge slong dag ngas ni tshe 'di nyid la zag pa rnams zad pas zag pa med pa'i sems rnam par grol ba dang / shes rab rnam par grol ba rang gi mngon par shes par mngon sum du byas te bsgrubs nas bdag gi skye ba ni zad do/ / tshangs par spyad pa ni zin no// bya ba ni byas so// 'di las srid pa gzhan mi shes so snyam du nyams su

  791. 396b

    myong ngo / / dge slong dag dge slong 'od srungs kyis kyang tshe 'di nyid la zag pa rnams zad pas zag pa med pa'i sems rnam par grol ba dang / shes rab rnam par grol ba rang gi mngon par shes pas mngon sum du byas te bsgrubs nas bdag gi skye ba ni zad do/ / tshangs par spyad pa ni spyad zin no// bya ba ni byas so// srid pa 'di las gzhan mi shes so snyam su nyams su myong ngo // der gang gi tshe bcom ldan 'das kyis tshe dang ldan pa 'od srungs chen po 'khor brgya phrag du ma'i nang du bdag nyid dang 'dra bar che ba dang / rgya che ba la bzhag pa de'i tshe/ lhag par yang lha dang bcas pa'i 'jig rten gyi bla mar gyur to/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis gang gi tshe tshe dang ldan pa 'od srungs chen po bdag nyid dang 'dra bar che ba dang / rgya che ba la bzhag pa de'i tshe/ lhag par yang lha dang bcas pa'i 'jig rten gyi bla mar gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ ji ltar 'das pa'i dus na'ang gang gi tshe ngas 'di la bkur sti chen pos bkur sti byas pa de'i tshe/ yul na gnas pa'i skye bo mang po thams cad kyi bla mar gyur pa de nyon cig/ dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin rgyal po byed de/ de'i ring la 'byor pa dang / rgyas pa dang / bde ba dang /

  792. 397a

    lo legs pa dang / skye bo dang mi mang pos gang ba dang / rtsod pa dang / 'thab pa zhi pa dang / 'khrug pa dang / nang 'khrug dang / chom rkun dang / nad dang mu ge med pa dang / 'bras sA lu dang / bu ram shing dang / ba glang dang / ma he dang ldan par 'jug ste/ gnod pa med cing cher ma dkrugs la/ bu gcig pa sdug pa la bya ba bzhin du rgya srid byas so/ / rgyal po de la btsun mo lnga brgya yod do// de dag dang lhan cig tu rtse zhing dga' la dga' dgur spyod kyang bu med nas bu 'dod de/ de lha'o cog la gsol ba 'debs so// gsol ba 'debs pa lhur byed kyang bu'ang ma skyes/ bu mo'ang ma skyes so// rgyal po de la blon po lnga brgya yod na/ thams cad kyang rgyags shing bag med par gnas pa sha stag go// de'i blon po'i mchog mdzod ces bya ba mkhas shing gsal la yid gzhungs pa/ gzhung lugs can/ dul ba dang ldan pa/ bag yod pa zhig kyang yod do// de nas rgyal po tshangs pas byin 'og gi rgyal po zhig dang mi mthun par gyur nas/ rgyal po tshangs pas byin gyis bsams pa/ bdag gis blon po gang nyi 'og gi yul der bzhag na/ rgyal po de dang mjal dum byas nas yul srung nus par 'gyur zhig gu snyam mo/ / de nas des bltas na/ blon po'i mchog mdzod ces bya ba mkhas shing gsal la yid gzhungs pa/ gzhung lugs can/ dul ba dang ldan pa/

  793. 397b

    bag yod pa zhig 'dug pa des/ rgyal po de dang mjal dum byas nas bdag gi yul srung nus par 'gyur ro snyam nas/ rgyal po des de mtha' 'khob ri khrod kyi yul der bskos te/ khyod song la der 'dug ste/ nga'i yul srungs shig/ des gsol pa/ lhas ji skad bka' stsal pa bzhin du 'tshal lo zhes smras nas/ de ri khrod der song nas 'dug go/ de der song nas kyang nyi 'og gi yul de bzung nas/ ci nas yul der gnod pa cung zad kyang byed mi nus par byas so// de nas phyi zhig na rgyal po tshangs pas byin rgas pa'i 'og tu chung ma la bu chags nas de zla ba dgu 'am bcu lon pa na/ khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khu rnams kyis bskyed bsrings na sa/ de gang gi tshe 'gro nus par gyur pa de'i tshe/ rgyal po sems pa la zhugs te/ da ni bdag rgas pas/ ring po mi thogs par 'chi bar 'gyur na/ bdag 'das pa'i 'og tu byis pa gzhon nu 'dis rgyal srid 'dzin mi nus na/ 'di na bdag shi ba'i 'og tu bdag blon po'i nang na gang zhig gis bdag gi bu dang / rgyal srid srung nus shig gu snyam mo// de nas des bltas na/ blon po lnga brgya po thams cad ni rgyags shing bag med par gnas na/

  794. 398a

    gzhan su yod snyam ste/ brtags na blon po mchog mdzod ces bya ba mkhas shing gsal la yid gzhungs pa/ gzhung lugs can/ dul ba dang ldan pa/ @ yod pa des ni/ bdag 'das pa'i 'og tu bu dang rgyal srid bsrung nus so snyam mo// de nas des bsams pa/ bdag gis ci nas de yul na gnas pa'i skye bo mang po thams cad kyis/ bkur bar 'gyur ba de lta bur bkur sti bya'o snyam nas/ rgyal po des de la pho nya ba tang ste/ nga khyod dang phrad par 'dod kyis/ shog cig ces spring ngo // de nas blon po'i mchog mdzod ces bya bas de thos ma thag tu wA rA Na sor chas so/ / rgyal po des kyang de la bkur sti bya ba'i phyir lam drang grong khyer mdzes par byed du bcug nas/ rgyal po des dpung gi tshogs yan lag bzhi go bskon nas/ rang nyid kyis blon po'i mchog mdzod ces bya ba ba su nas/ rgyal po tshangs pas byin gyis bar skabs gang du de dang phrad pa'i bar skabs der glang po che las babs nas/ yang dag par dga' bar byas te/ mgul nas 'jus nas bzhon pa gcig la zhon te/ 'byor pa chen po dang ldan pas gror khyer wA rA Na sir song nas/ stan gcig la 'dug tu bcug ste/ kha zas kyang gcig tu g.yos pa dang / sder gcig tu zan zos nas/ nor gyi phung po chen po byin no// byin nas kyang rgyal po des/ de la smras pa/ mdzod nga ni ngargas te ring po mi

  795. 398b

    thogs par 'chi bar 'gyur la/ blon po lnga brgya po 'di rnams kyis nga shi ba'i 'og tu rgyal po byis pa yin snyam ste gzhon nu brnyas par 'gyur du 'ong la/ nga shi ba'i 'og tu khyod kyis bu dang rgyal srid bsrung nus pas na/ ngas khyod la bu dang rgyal srid gtad kyis/ nga shi ba'i 'og tu 'di gnyis bsrung bar gyis shig ces byas so// blon po'i mchog mdzod kyis gsol ba lhas ji skad bka' stsal pa bzhin 'tshal lo/ / de nas phyi zhig na rgyal po tshangs pas byin nad kyis thebs nas de rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang sos par byed ma nus nas/ des bu rgyal sar bcug ste/ blon po'i mchog mdzod la gtad nas/ shi ba'i 'og tu rgyal po'i bu dang yul bsrungs nas phyogs su bsgrags so/ / de nas des rgyal po bgres po shi ba'i 'og tu des de'i mdang btang nas/ blon po lnga brgya po bsdus te bsgo ba/ khyed ji ltar yang rgyal po bgres po nongs pas gzhan su'ang bdag cag sdud pa med de snyam du ma sems shig/ ngas khyed kun la yul gyi bgo bshar bya'o// bdag cag gis ci nas rgyal po 'di byis pa yin yang sus kyang mi tshugs par bya'o zhes byas nas/ des blon po lnga brgya po de dag la yul gyi bgo bsha' byas so// rgyal po'i bu debang nang mi dang bcas par de nyid kyis bsrungs so// de nas de gang gi tshe cher skyes pa de'i tshe/

  796. 399a

    khro pa gyus byam gsus pa/ sgyu sgyul po da rnas srid dgas nas/ ya nod sa pa 'o phyul gyu so z hes byas so/ / dge slong dag ji snyam du sems/ de'i tshe blon po'i mchog mdzod ces bya bar gyur pa byang chub sems dpa'i spyod pa dang ldan par gyur pa gang yin pa de ni 'od srungs 'di kho na yin te/ der yang gang gi tshe ngas bkur sti chen pos bkur sti byas pa de'i tshe/ yul na gnas pa'i skye bo mang po thams cad kyis bla mar gyur to// da ltar yang gang gi tshangs 'di la bkur sti byas te bdag nyid dang 'dra bar che ba dang / rgya che ba la bzhag pa de'i tshe/ 'di ni 'jig rten thams cad kyi bla mar gyur to// / bam po nyi shu gsum pa/ kun dga' bo zhes bya ba ni/ gang gi tshe tshe dang ldan pa kun dga' bo rab tu phyung ste chos kyi phung po brgyad khrid bzhi steng lobs nas/ bcom ldan 'das kyis kyang thos pa 'dzin pa rnams dang / zos pa bsags pa rnams kyi mchog tu bstan pa dang / tshe dang ldan pa 'od srungs chen po'ang bcom ldan 'das kyis bdag nyid dang 'dra bar che ba dang / rgya che bar bstod pa de'i tshe/ de gnyis kalha dang bcas pa'i 'jig rten gyi bla mar gyur to/ / de nas bcom ldan 'das kyis dgongs pa/ dge slong 'di gnyis kyis ni nga yongs su mya ngan las 'das nas/ bstan pa'i don byed nus par

  797. 399b

    'gyur te/ gcig gis ni thos pa'i mdzod bsrung bar nus so// gcig gis ni bstan pa'i don byed nus par 'gyur ro snyam du dgongs nas/ bcom ldan 'das ku sha'i grong khyer du chas te gshes so/ / de nas bcom ldan 'das yongs su mya ngan las 'da' ba'i tshe 'di snyam du dgongs te/ gal te mi rnams 'ba' zhig la bstan pa gtad de/ mi ma yin pa rnams la ma gtad na yang yun ring du gnas par mi 'gyur la/ gal te mi ma yin pa rnams 'ba' zhig la gtad de/ mi rnams pam gtad na yangayun ring du gnas par mi 'gyur gyis/ ma la ngas lha dang mi rnams dang / dge slong de gnyis la bstan pa gtad na/ lha dang mi rnams kyis kyang yongs su bzung la/ dge slong gnyis kyis kyang yongs bzung bas/ bstan pa yun ring du gnas par 'gyur ro snyam du dgongs nas/ bcom ldan 'das kyis/ tshe dang ldan pa 'od srubs chen po la bka' stsal pa/ 'od srungs khyod dang yongs su mya ngan las 'das pa'i 'og tu bstan pa'i don byas te/ sde snod gsum yang dag par bsdus nas/ dge slong kun dga' bos nyon mongs pa thams cad spangs te/ dgra bcom pa nyid mngon sum du ma byas kyi bar du yongs su mya ngan las 'da' bar ma byed cig/ der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyang drang srong nyi ma'i gung rab tu ma byung gi bar du mya ngan las 'da' bar ma byed cig/ de la'ang khyod kyis 'di

  798. 400a

    skad ces gyis shig/ klu 'iri rgyal po rtsa lu ru btul te/ kha che'i yul btsugs nas/ der bstan pa gnas pa byas te rgyas par byas par byas nas/ de bzhin du khyim bdag gsom can rab tu phyung ste/ des kyang nyon mongs pa thams cad spangs nas/ dgra bcom pa nyid mngon sum du byas te/ de la khyod kyis thos pa rnams ma gtad kyi bar du mya ngan las 'da' bar ma byed cig/ gso ma can la'ang 'di skad ces gyis shig/ khyod kyis kyang klu'i rgyal po gar mkhan dang dpa' bo gnyis btul te/ gar mkhan dang dpa' bo'i dgon pa'i gnas btsugs pa dang / de bzhin du yul bcom brlag tu spos 'tshong bsrung ba zhes bya ba zhig yod de/ de'i bu nyi srung zhes bya ba zhig 'byung bar 'gyur pa de rab tu phyung nas/ des kyang dgra bcom pa nyid mngon sum du byas nas/ de la'ang thos pa rnams ma gtad kyi bar du yongs su mya ngan las 'da' bar ma byed cig/ nye srung la'ang 'di skad ces gyis shig/ khyod kyis kyang rigs kyi bu blo ldan rab tu phyung ste/ des kyang dgra bcom pa nyid mngon sum du byas te/ de la rang thos pa rnams ma gtad kyi bar du yongs su mya ngan las 'da' bar ma byed cig/ de la'ang 'di skad ces gyis shig/ khyod kyis kyang yul dmar can gyi bu zhes bya bar zas dug can gyis bsam pa ma byas kyi bar du yongs su mya ngan las 'da' bar ma byed cig ces gsungs so/ / de nas tshe dang ldan pa 'od srungs chen po dang / tshe dang ldan pa dga' bo stan las langs nas

  799. 400b

    bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das kyis ji skad bka' stsal ba bzhin du 'tshal lo/ / der bcom ldan 'das kyis/ tshe dang ldan pa 'od srungs chen po la bka' stsal pa/ 'od srungs khyod song la so so'i skye bo'i dge 'dum dag khrid de ljongs rgyu zhing song zhig/ nga yongs su mya dran las 'das pa dang / de'i snga rol du 'khrug longs byed par mi 'gyur bar gyis shig/ gsol pa/ btsun pa de bzhin du 'tshal lo zhes byas nas/ tshe dang ldan pa 'od srungs chen pos so// so'i skye bo'i dge 'dun dag khrod de ljongs rgyu zhing song ngo // de nas tshe dang ldan pa 'od srungs chen po song nas ring po ma lon par bcom ldan 'das kyis 'jig rten pa'i dgongs pa bskyed de/ kye ma lha'i dbang po brgya byin dang / rgyal po chen po yul 'khor srung dang / 'phags skyes po dang / mig mi bzang dang / rnam thos kyi bu rnams ngal bltar 'ongs na legs so snyam du dgongs nas/ bcom ldan 'das kyis ci nas lha'i dbang po brgya byin dang / rgyal po chen po bzhi lha'i nang nas mi snang bar gyur te/ bcom ldan 'das kyi spyan sngar 'dug par 'gyur ba de ltar byin gyis brlabs so// de nas de dag gis bcom ldan 'das la lha'i me tog ut+pal dang / ku mu da dang / pad+ma dkar po rnams kyis gtor nas/ bcom ldan 'das kyi spyan sngar 'khod do// der bcom ldan 'das kyis/ lha'i dbang po brgya byin dang / rgyal po chen

  800. 401a

    bya/ po bzhi la bka' stsal pa/ dbang po dag de bzhin gshegs pa ni ring po mi thogs par phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ nga yongs su mya ngan las 'das pa'i 'og tu khyed kyis bstan pa bsrung bar gyis shig/ dbang po dag lo stong 'das pa'i 'og tu bstan pa nub tu tsha ba'i tshe/ 'jig rten na chos ma yin pa'i shas che zhing / dge ba bcu'i las kyi lam las yongs su nyams par gyur pa na/ 'dzam bu'i gling du mi bde ba'i rlung ldang bar 'gyur te/ mi bde ba'i rlung langs pas char 'bab par mi 'gyur ro// char ma babs pas chu klung dang khron pa rnams chu nyung bar 'gyur zhing / shing ljon pa rnams kyang me tog dang 'bras bu med par 'gyur ro// lo tog rnams kyang 'bras bu med pa dang / mthu med par 'gyur la/ ngag kyang ser bas ma rung bar byed do// 'bru rnams ma rung bar gyur pas mu ge 'byung bar 'gyur ro// mu ge byung bas mi rnams zas su khre rgod za bar 'gyur te/ nyam stobs chung zhing gzi byin chung bar 'gyur ro/ / sha ka'i mi dang / ya ban dang / ba lI ka dang / rgyal po dang / chom rkun gyis 'jig rten rnams la gnod pa byed par 'gyur ro// sha ka'i mi dang / ya ba na dang / bal+li ka dang / rgyal po dang / chom rkun gyis gnod pa byas nas/ de bzhin gshegs pa'i gtsug tor dang / mche ba dang / lhung bzed mchod rten dang 'dra ba rnams shar phyogs kyi yul du khyer ba'i 'og tu//

  801. 401b

    phyogs nas ni mtha' 'khob kyi rgyal po sha ka zhes bya ba g.yog 'khor 'bum dang ldan pa 'ong bar 'gyur te/ dge 'dun gyi gtsug lag khang rnams 'jig par byed cing / mchod rten rnams 'dral bar byed la/ dge slong rnams kyang gsod par byed do// nub phyogs nas ni mtha' 'khob kyi rgyal po ba lci ka zhes bya ba g.yog 'khor 'bum dang ldan pa 'ong bar 'gyur te/ dge 'dun gyi gtsug lag khang rnam 'jig par byed cing / mchod rten rnams 'dral bar byed la/ dge slong rnams kyang gsod par byed do// byang phyogs nas ni mtha' 'khob kyi rgyal po ya ba na zhes bya ba 'khor 'bum dang ldan pa 'ong bar 'gyur te/ dge 'dun gyi gtsug lag lang rnams 'jig par byed cing / mchod rten rnams 'dral bar byed la/ dge slong rnams gsod par byed do// des na mi dang / chom rkun dang / rgyal po'i nan gyis dpyas gnod par gyur na/ dge slong rnams shar phyogs kyi yul du 'dong bar 'gyur ro// dbang po dag de'i tshe yul ko'u sham+bi zhes bya bar rgyal po dbang chen sde zhes bya ba g.yog 'khor 'bum dang ldan pa zhig 'byung bar 'gyur te/ de'i bu lus go cha gyon pa/ lag pa khrag can tshan po che'i stobs dang ldan pa zhig btsa' bar 'gyur la/ de kho na'i nyin par rgyal po de'i blon po lnga brgya'i bu rang lus go cha gyon pa/ lag pa khrag can chen po che'i stobs dang ldan pa sha stag btsar bar 'gyur te/ de kho na'i nyin par yul ko'u sham+bi ra khrag gi char 'bab par 'gyur ro// de nas rgyal pos mtshan mkhan rnams la rmas na/ de dag na

  802. 402a

    re/ lha 'di ni sa'i steng thams cad du rgyal po gcig pur 'gyur te/ de lta lags kyis kyang sems can mang po kha' dog par 'gyur lags so zhes lung bstan to// de nas btsas ston byas nas/ bu de che bar grags pa dang / bzod pa dka' ba zhig ste/ de'i ming bzod par dka' ba zhes bya bar 'dogs par 'gyur ro// de gang gi tshe cher skyes pa de'i tshe/ mtha' 'khob kyi rgyal po de dag gis lo bcu gnyis kyi bar du skye bo phal po che kha 'dog par byed cing / shar phyogs kyi yul du 'gro bar 'gyur ro// de nas rgyal po dbang chen sdes de thos nas 'jigs shing mi dga' ba skyes te/ de la lha rnams kyis bstan pa/ gzhon nu bzod par dka' ba rgyal sar chug cig dang / des mtha' 'khob kyi rgyal po de dag tshar chod par 'gyur ro zhes ston par 'gyur ro// de nas rgyal po dbang chen sdes mgo bo las cod pan dang dbu rgyan phud de/ gzhon nu bzod par dka' brgyal sar bcug par 'gyur ro// de nas rgyal po bzod par dka' bas blon po lnga brgya'i bu de dag blon po'i mchog tu bcug nas/ blon po lnga brgya po de dag dang lhan cig tu go bgos te/ mtha' 'khob kyi rgyal po de dag dang g.yul 'gyed pa'i phyir 'dren par 'gyur te/ des mtha' 'khob kyi rgyal po gsum po g.yog 'khor 'bum dang ldan pa de/ dag kha btag nas/ sa'i steng thams cad du rgyal po gcig pur gyur te/ bkar 'og tu bcug nas phyir ko'u sham+bir 'ong bar 'gyur ro// dbang po dag de'i tshe yul dmar can gyi bu zhes bya bar bram

  803. 402b

    ze mes sbyin zhes bya ba rig byed dang / rig byed kyi yan lag mthar phyin pa zhig 'byung bar 'gyur te/ des thabs zlar bab pa las chung ma blangs nas/ rtse zhing dga' la dga' dgur spyod par 'gyur la/ sems can gzhan zhig kyang de'i chung ma'i ltor 'jug par 'gyur ro// de nas bram ze mo de yid la 'dod pa skye ste/ gzhung gis rtsod pa rnams dang lhan cig tu smra yang ci ma rung snyam mo// de nas bram ze des mtshan mkhan rnams la bstan nas/ mtshan mkhan rnams na re/ lto na 'dug pa'i sems can de bstan bcos thams cad rtogs par 'gyur zhing / gzhung gis rtsod pa thams cad tshar chod par 'gyur te/ de'i mthus na bram ze mo'i yid la 'dod pa gzhung gis rtsod pa rnams dang lhan cig tu smra yang ci ma rung snyam pa de lta bu skyes pa yin no zhes zer ro// de nas de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsa' bar 'gyur te/ de gang gi tshe cher skyes pa de'i tshe bstan bcos thams cad mthar phyin par 'gyur zhing / gzhung gis rtsod pa thams cad tshar chod par 'gyur la/ bram ze lnga brgya bram ze'i sngags slob pa'i slob dpon byed de/ de la slob ma mang po yod pas na/ de'i ming slob ma can zhes btags so// de nas des pha ma la gsol nas/ nga nyid kyi bstan pa la rab tu byung zhing sde snod gsum lobs par 'gyur te/ rig pa dang grol ba'i spobs pa dang ldan pa'i chos smra bar 'gyur la/ 'khor mang po 'du bar 'gyur ro// dbang po dag de

  804. 403a

    kho na'i tshe yul dmar can gyi bu zhes bya bar tshong dpon nor bzangs zhes bya ba zhig 'byung bar 'gyur te/ des thabs zlar bab pa las chung ma blangs nas/ rtse zhing dga' la dga' dgur spyod par 'gyur la/ sred pa tha ma pa'i sems can zhig kyang de'i chung ma'i ltor zhugs nas/ bud med de bzod pa dang ldan zhing / de kha mchu nyung zhing zhi bar 'gyur ro// de nas tshong dpon nor bzangs kyis mtshan mkhan rnams la bstan na/ de dag na re/ sems can ltor zhugs pa nges par 'gyur te/ de'i mthus na chung ma 'di bzod pa dang ldan zhing des la/ kha ma chu nyung zhing zhi bar gyur to zhes zer ro/ / de nas de zla ba dgu 'am bcu lon pa dang / bu gzugs bzang zhing blta na sdug la mdzes pa zhig btsa' bar 'gyur te/ de'i ming nges pa zhes 'dogs par 'gyur ro// de gang gi tshe cher skyes pa de'i tshe pha ma la gsol nas/ nga'i bstan pa la rab tu 'byung bar 'gyur te/ des nyon mongs pa thams cad spangs nas/ dgra bcom pa nyid mngon sum du byed par 'gyur la/ thos pa nyung zhing 'dod pa chung la kun gyis shes pa dang / bas mtha'i gnas mal du gnas par 'gyur ro// de nas re zhig na rgyal po bzod par dka' ba'i yab dbang chen sde shi nas/ rgyal po bzod par dka' bas pa'i rus bu lag pa gnyis kyis phang du blangs te/ mya ngan byed cing sdug bsngal la smre sngags 'don par byed de/ su'ang de'i mya ngan sel nus pa med do//

  805. 403b

    de nas re zhig na gnas brtan slob ma can 'khor brgya phrag du ma dang yul ko'u sham+b+hir 'gro bar 'gyur te/ de rgyal po bzod par dka' ba'i thad du song nas chos ston par 'gyur ro// de nas de/ thos nas rgyal po de pa'i mya ngan yang sangs par 'gyur la/ bstan pa la'ang dad pa rnyed par 'gyur ro// de dang bar gyur nas dge slong rnams la mi 'jigs pa sbyin par 'gyur ro// de nas des/ dge slong rnams la smras pa/ bcom ldan 'das kyi bstan pa mtha' 'khob kyi rgyal po rnams kyis bshig nas ji srid lon/ de dag na re/ lo bcu gnyis lon no zhes zer ro// de nas rgyal po des seng ge'i sgra bsgrags te/ ngas lo bcu gnyis kyi bar du ko'u sham+bir bcom ldan 'das kyi bstan pa'i lo lnga pa'i dus ston bya'o zhes smras nas/ rgyal po des ko'u sham+bir lo lnga pa'i dus ston gyi lugs btod de/ gang gi nyin par lo lnga'i dus ston brtsams pa de kho na'i nyin par char 'bab par 'gyur te/ sa'i steng rgya mtsho'i mthas gtugs pa chus ngoms par 'gyur de nas 'dzam bu'i gling na gnas pa'i skye bo mang po rnams lhag par yang ko'u sham+bir lo lnga pa'i dus ston byed du 'gro zhing / dge slong rnams kyis mchod pa'i las la brtson par 'gyur de nas dge slong rnams rnyed pa dang bkur sti chen po la zhen nas/ de dag gis dad pas byin pa longs spyod par byed do// lung nod par mi byed/ slob par mi byed/ kha ton mi byed de/

  806. 404a

    nyin mo ni bre mo gtam gyis dus 'das par byed/ mtshan mo ni rmugs pa dang gnyid kyis dus 'das par byed cing / khe dang bkur sti 'dod la/ lus kyi byi dor gyis g.yen spro zhing gos kyis brgyan pa la brtson te/ nges par 'gyur ba dang / nye bar zhi ba dang / dben pa dang / rdzogs par byang chub pa dang bral zhing / cha byad 'ba' zhig gces par byed par 'gyur te/ dge sbyong gi yon tan dang bral ba/ dam pa'i chos kyi dgrar gyur pa / de dag gis chos kyi rgyal mtshan stsal bar 'gyur/ bdud kyi rgyal mtshan sgreng bar 'gyur/ chos kyi ma lce gsod par 'gyur/ nyon mongs pa'i me sbar bar 'gyur/ chos kyi rnga 'bral bar 'gyur/ dam pa'i chos kyi 'khor lo phye mar rlog par 'gyur/ dam pa'i chos kyi rgya mtsho skems par 'gyur/ dam pa'i chos kyi ri bo rnam par 'thor bar 'gyur/ chos kyi grong khyer 'jig par 'gyur/ chos kyi shing ljon pa drungs nas 'byin par 'gyur/ zhi gnas dang lhag mthong gnyis spong bar byed/ tshul khrims kyi rgyan rnams gcod par byed/ lam sun 'byin par byed do// de nas de dag la lha rnams dang / klu rnams dang / gnod sbyin rnams smod par 'gyur// spang bar 'gyur/ brgyal bar 'gyur te/ kye sems can thams cad 'di lta bu dag gis bcom ldan 'das kyi gsung rab mi mdzes par byos so zhes 'dzer to// 'di skad ces kyang 'dzer to//

  807. 404b

    da ni ma bsngags ngan spyod dang // log par lta bas nyams pa'i bdag/ rmongs pa dag gis bcom ldan gyi// bstan pa'i ljon shing bcad kyis med// nga ni snying rje med pa dang // chos lugs bor zhing bden chos spangs/ / brkam chags rnams kyis bcom ldan gyi// bstan pa'i rgyal mtshan bsnyal gyis med// da ni gdul dka' ma grangs pa// sdig pa'i las la dga' ba'i/ mi// sdig can rnams kyis thub pa yi// bstan pa'i zam pa bcad kyis med// da ni mgo reg nyams pa po// spyod 'chal smad pa lus 'chos gnas// dan g.yo can gyis thub pa/ yi// bstan pa'i tshong dus bcom gyis med// da ni khro dang nga rgyal dang // rgyags pas brlams shing rnyed la zhe na// snying rje med pa de dag gis// sdig pa mi byed ci yang med// da ni dam chos/ 'jig pa'i tshe// rtags mtshan shin tu mi bzad pa// dge ba rnams ni skyo 'gyur ba// ston pa de nyid gzigs pa bo// drang srong dam pas gang gsungs pa// de dag kyang ni snang bar gyur// da ni thub pa'i bstan pa yang // cung zad tsam zhig lus par zad // thub pa'i bstan pa gang sa chen mtsho// ring por mi thogs skams par 'gyur// ma rabs shes rab 'chal ba dang / / las med gnas pas gnod par byas// tshul can dag dang sten mi shes// nyes pa 'dzin cing tshul khrims spangs// byis pa dben pas 'jigs pa dang // mi dben pa dang

  808. 405a

    mi mkhas dang / / bslab nyes slob dpon ngan pa dang // rjes su ston pa rmongs pa dang // ngan pa dag la yid rton pas// dam chos 'di ni ma rung byas// de skad ces zer zhing mi mgul ma rangs nas/ phyin chad dge slong rnams la srung ba dang sbed par mi byed do// de nas zhag bdun na dam pa'i chos nub par 'gyur ba na/ lha rnams yid mi dga' nas nam mkha' la 'khod de/ sgra skad 'byin cing sgra sgrogs te/ grogs po dag da ste zhag bdun na gso sbyong gi dus la bab pa'i tshe/ de bzhin gshegs pa'i dam pa'i chos 'thab mos nub par 'gyur ro zhes 'dzer to/ / de nas des thos nas/ ko'u sham bi na gnas pa'i dge bsnyen lnga brgya gtsug la khang du dong nas/ dge slong rnams 'thab pa dang / mtshang 'dru ba dang / 'gyed pa dang / rtsod pa 'byung ngo cog zhi bar byed de/ 'di skad du kyi hud sangs rgyas kyi bstan pa ring por mi thogs par 'thab mos nub par 'gyur ro// 'di skad ces kyang 'dzer to// sems can kun la bde byed pa/ / shAkya seng ge'i bstan pa ni// dus kyi 'khor los rab bcom nas// myur ba nyid du 'jig par 'gyur// gang dag 'a di 'dra'i dus bab tshe// snying ni stong du ma gas pa/ / bdag nyid chen po de dag gi/ snying ni lcags kyi snying por zad// zhi ba'i dus ni 'das par gyur// mi bzang dus ni byung gis med// shes rab car gyi mi rnams ni// 'jig

  809. 405b

    rten dag na zad par 'gyur/ / sa stengs rtags rnams ci 'dra ba// rnam pa du ma snang ba las// de tshe thub pa'i bstan pa ni// ring por mi thogs 'jig par 'gyur// bde 'dod rnams kyis phan pa'i don/ / 'di ni legs par brtag pa'i rigs// da ni dam pa'i chos nub pas mchod pa dpag tu med pa las tshad yod pa can du 'gyur ro// de bas na bdag cag gis longs spyod snying po med pa las snying po blang bar bya'o snyam nas/ dge bsnyen lnga brgya po de dag gis gang gi nyin par dam pa'i chos nub par 'gyur ba de kho na'i nyin par gtsug lag khang lnga brgya zhal sro bar 'gyur ro/ / de nas gso sbyong gi dus la bab pa na/ dge bsnyen lnga brgya po rnams brel te gtsug lag khang du 'gro mi nus par 'gyur ro// de nas re zhig na dge slong des pa ri spos kyi ngad ldang na gnas pa las/ gang du gso sbyong bya snyam ste/ 'dzam bu'i gling du bltas na/ bcom ldan 'das kyi nyan thos thams cad ko'u sham par 'dus pa mthong ngo // de nas de gso spyong bya ba'i phyir ko'u sham bir 'gro bar 'gyur ro/ / der dge slong 'bum gso sbyong la 'du bar 'gyur te/ de'i nang na dgra bcom pa ni nges pa zhes bya ba gcig pu zhig yod do// sde snod gsum ba ni slob ma can zhes bya ba gcig pu yod do/ / dbang po dag de ni de bzhin gshegs pa'i 'dus pa tha ma yin te/ 'di lta ste/ dge slong 'bum yod do// de nas dge slong gi dge 'dun 'dus

  810. 406a

    pa'i nang nu/ dge slong mdzes 'chos 'dus pas tshul shing brims nas/ gnas brtan slob ma can la smras pa/ gnas brtan dge slong gi dge 'dun 'dus lags kyis/ so sor thar pa gdon du gsol/ slob ma can gyis smras pa/ 'dzam bu'i gling na bcom ldan 'das kyi nyan thos ji snyed yod pa de dag thams cad 'dir 'ongs te/ 'di lta ste/ dge slong 'bum yod na/ de ltar dge 'dun mang po'i nang na bdag dge 'dun gyi gnas brtan yin la/ thos pas kyang mthar phyin pa yin na/ bdag kyang bslab pa 'di la slob par mi chud na// gzhan lta lags kyang bslab pa rnams la slob par mi chud/ de lta na su'i don du bdag gis so sor thar pa gdon par bya snyam mo// 'di skad ces kyang zer te/ do nub rgyu skar tshogs pa yi// bco lnga'i mtshan mo dga' ba la// gso sbyong 'dod pa'i dge slong dag/ shin tu bsgrims te nges par 'kho/ 'dzam gling 'di na shAkya yi// sras kyi dge sbyong ji snyed pa// de dag thams cad 'dir lhags te/ / 'di ni 'dus pa tha ma yin// dge slong dge 'dun de dag las// bdag ni thos pa'i mthar phyin kyang // bdag kyang bslab pa slob mi nus// skye bo gzhan lta ci zhig smos/ / 'on te 'di na thub dbang po// shAkya seng ge blo ldan gyi// bslab la legs bslabs 'ga' yod na// rang gi yon tan brjod pa'i rigs// de nas dgra bcom pa

  811. 406b

    des stan las langs te/ bral dpon gyi mdun du 'dug nas/ dge 'dun la thal mo sbyar ba btud de/ gnas brtan slob ma can la smras pa/ gnas brtan so sor thar pa gdon par gyis shig/ ji ltar bcom ldan 'das bzhugs pa'i tshe/ shA ri'i bu dang mo'u 'gal gyi bu la sogs pa nyan thos chen po rnams kyis bslab pa yang dag par bsrungs pa de bzhin du/ bdag gis kyang sangs rgyas bcom ldan 'das yongs su mya ngan las 'das nas/ lo stong lhag tsam lon gyi 'og tu bstan pa yang dag par bsrungs so zhes zer ro// yang bka' stsal pa/ slob ma can gyis smras pa yi/ / tshig 'di thos par gyur nas ni// nges pa bde bar gshegs pa'i sras// seng ge'i sgra ni sgrogs par byed// bdag ni thub pa'i bslab pa rnams// ma 'khrugs par ni 'dzin par byed// bdag ni ston pa'i 'dul ba yi// bslab pa rnams la ji bzhin bslabs// de nas slob ma can gyi slob ma dpung rgyan zhes bya ba 'jigs su rung ba de langs te smras pa/ khyod ni gsar bu thos pa nyung ngu yin na/ mkhan po la phyir 'khyal lam zhes byas nas/ des mtshon rnon po blangs te/ dgra bcom pa nges pa gsod par 'gyur do/ / yang bka' stsal pa/ slob ma can gyi slob ma ni// dpung rgyan zhes bya 'jigs su rung // de yis bde bar gshegs pa'i sras// dgra bcom nges pa gsod par 'gyur/

  812. 407a

    nas der gnod sbyin zho gdong zhes bya ba zhig 'byung bar 'gyur te/ des bsams pa/ dgra bcom pa gcig pu yod pa de'ang ngan pa po 'dis bsad do snyam nas des rdo rje 'bar zhing rab tu 'bar la/ kun tu rab tu 'bar te/ 'bar ba gcig tu gyur pa thogs nas/ dge slong dpung rgyan gyi mgo tshal ba bdun du gshog par 'gyur ro// yang bka' stsal pa/ de nas gnod sbyin zho gdong gis// rdo rje 'bar ba thogs nas ni// dge slong dpung rgyan ngan pa yi// mgo bo bdun tshal gsheg par 'gyur// de nas dgra bcom pa nges pa'i slob ma rnams stan las langs nas/ sde snod gsum pa slob ma can gsod par 'gyur ro// de ltar dgra bcom pa nges pa dang sde snod gsum pa slob ma can bsad nas/ de bzhin gshegs pa'i dam pa'i chos nub par 'gyur ro/ / dam pa'i chos nub nas sa chen po g.yo bar 'gyur zhing skar mda' ltung la/ lji ba 'byung zhing bar snang la lha'i rnga sgra dag sgrogs te/ phyogs bzhi nas gza' mjug rings 'byung bar 'gyur la/ lha 'bum snyed snying rje rje skad smre sngags 'don cing / kyi hud de bzhin gshegs pas bskal pa grangs med pa gsum gyi bar du bsgrubs pa'i chos nub kyis med do zhes 'dzer to/ / yang bka' stsal pa/ de nas yud tsam de nyid la// dge slong nges pa bsad pa'i tshe// sa stengs 'di dag ma lus par// rnam pa drug tu g.yo bar 'gyur/

  813. 407b

    bdag nyid chen po thub pa yi// dam chos de ni nub pa'i tshe// der ni srog chags mang po'i rnams// sdug bsngal ldan zhing bra bar 'gyur// gnod sbyin sangs rgyas mthong ba dang // rgyal ba'i bstan la dga' ba rnams/ kha bub tu ni 'gyel nas kyang // smre sngags 'don cing sdug bsngal 'gyur// de ring phyin chad 'jig rten du// dam pa'i chos kyang med par 'gyur// 'dul ba so sor thar pa'ang rung / / phyin chad spyod par mi 'gyur ro// chos kyi chu lon ral gris med// chos kyi rgyun yang bzlog gis med// chos kyi rgya mtsho 'di yang bskams// chos kyi ri bo ba snyil gyis med/ / chos kyi mchod sbyin 'dir yang zad// chos kyi mchod sdong bsnyal gyis med// chos kyi rkang pa bcag gis med// sdom pa dag kyang zad kyis med// deng du chos kyi sgron ma bsad/ / chos kyi 'khor lo bzlog gis med// bdud rtsi sgro yang bcad kyis med// chos smra rnams kyang zad kyis med// lam bzang ston par byed pa yi// skyes mchog rnams kyang brlag gis med/ / mi rnams ring po mi thogs par// ri dgas kyi ni 'du shes 'gyur// zhes 'dzer to// de nas lha mo sgyu 'phrul chen mo sum cu rtsa gsum pa'i gnas nas babs nas snying rje rje skad du smre sngags 'don te/ kyi hud bdag gi bus bskal pa grangs med pa gsu gyi bar du bsgrubs pa'i dam chos de ni 'thab mos nub par byas kyis

  814. 408a

    med do zhes zer ro/ / 'di skad ces kyang zer te// kye ma nges pa yon tan can// sangs rgyas sras kyi tha chung ste// dpung rgyan phrag dog zhe sdang gi/ dbang du gyur pas bsad pa na/ / sangs rgyas yul ni brtul zhugs bzang // lha mo chen mo sgyu 'phrul ma// dam pa'i chos ni nub pa'i phyir// mi dga' snying rjes sme bar 'gyur// kyi hud mi yi lha mchog gi/ bstan pa nyams par gyur kyis med// sde snod gsum pa slob ma can// dge slong des pa gnyis bsad pas// deng du zla ba gnam las lhung // nyi ma yang ri 'phos kyis med// bstan/ pa'i nyi ma med gyur pas// da ni 'jig rten snang ba med// zla ba'i dkyil 'khor dag pa ni// sgra gcan gyis ni zin pa ltar// deng du 'jigs pa chen po yi// mun pa'i 'jig rten byung gis med/ / mya ngan 'angs pa'i gnas 'gro ba'i// chos kyi gru ni de ring du// dpung rgyan la sogs byis pa rnams// snying rje med pas bsad kyis med// rtags tsam lhag ma lus par/ zad// chos ma yin pa snang bar gyur// bdud rnams rgyal ba'i sgra skad ni// bdud kyi 'khor rnams sgrogs par byed// seng ge'i sgra ni bsgrags pa yi// lus 'phags ri bo de nyid du// da ni brgya byin 'khor dang bcas/ / mya ngan zug rngus phog par 'gyur// tshangs bcas 'jig rten de ring du// mgon meng yi yang chad par gyur// 'khor bcas bdud ni dgra zla med// rgyags

  815. 408b

    par ldan zhing bdo bar gyur/ / thar pa'i lam ni mtshon pa dang // thar ston mya ngan 'das pa na// thub pa yi ni byang chub phyogs// thar pa'i lam rnams bcad kyis med// ko'u di na sogs gang dag tu/ / khrus byas mthar byin rims nad med// byang chub yan lag me tog rgyas// chos kyi mtsho ni deng du bskams// bstan pa'i tshogs de gang du song // bstan 'dzin 'dri dag gang du dong / / 'dzam gling spro ba med gyur pa// mthong bas dreng du yi chad do// sangs rgyas sras po brtul zhugs bzang // chos kyi rgyal po'i gsung las skyes// ru skya 'dzin pa nyon mongs spangs/ / smra ba'i sdug rnams gang du dong // 'jig rten dag gi mgon po'i sras// sangs rgyas srog shing 'dzin pa rnams// phyag dar khrod dang ri sul dang // nags tshal bor te gang du dong // da ni de yis spangs pas na// zla ba sgra gcan zin pa bzhin// dgon pa rnams kyang mi mdzes te// kun nas mdzes pa med par gyur// shes dang tshul khrims dul bar ldan// dad pa'i rin chen rnams kyis brgyan/ / bzod dang nges pa ldan pa dang // dge dang mi dge rtog byed pa'i// dag pa'i blo can gang dag gis// gtsug lag 'ang dang skyed mos tshal// mchod rten sogs pas sa steng 'di/ / brgyan pa'i skyes bu de dag med// 'jig rten 'dren pa med mthong nas// shin tu sdug bsngal snying rje bas// lha rnams de la sogs pa yi// smre sngags 'don te 'dod

  816. 409a

    bar gyur/ / de nas ko'u sham+bi na gnas pa'i dge bsnyen lnga brgyas de thos nas/ gtsug lag khang nas byung ste/ lag pa bsgreng nas cho de rdung zhing / kyi hud bcom ldan 'das des bskal pa grangs med pa gsum gyi bar du bsgrubs pa'i bstan pa deng du 'thab mos nub par gyur to zhes 'dzer to/ / yang smras pa/ 'jigs su rung ba'i 'jig rten na// legs gsungs bral ba'i mi rnams la/ / su zhig dam chos smra bar 'gyur// su zhig mya ngan 'da' bar byed// snang ba nub ste mun pas bsgribs// rnam par rmongs shing rgyu bar byed// thub pa'i gsung rab med pas na/ / dge ba'i las ni rnam spangs shing // ri dgas bzhin du skyo ba med// rtag tu sdig pa'i chos dang ldan// de nas ko'u sham bi'i rgyal pos dgra bcom nges pa dang // sde snod gsum pa slob ma can bsad do zhes thos nas/ khros shing rnga ma la 'khrugs par gyur te ma rangs nas/ des bstan la gnod par byed cing / dge 'dun gyi gtsug lag lang rnams 'jig par byed la/ mchod rten rnams 'dral bar byed cing / dge slong rnams gsod par 'gyur ro// dbang po dag phyi ma'i dus na gang du bstan pa la gnod pa chen po 'byung ba de na/ khyed gcig tu spongs la bstan pa srung bar gyis shig/ de nas de ltar 'tshal lo zhes gsol nas/ rgyal po chen po yul 'khor srung gis gsol pa/ btsun pa bdag gis ni shar phyogs nas bstan

  817. 409b

    pa bsrung bar 'tshal lo/ / ra phags skyes pos gsol pa/ btsun pa bdag gis ni lce phyogs nas bsrung bar 'tshal lo// mig mi bzang gis gsol ba/ btsun pa bdag gis ni nub phyogs nas bsrung bar 'tshal lo/ / rnam thos kyi bus gsol pa/ btsun pa bdag gis ni byang phyogs nas bsrung bar 'tshal lo// lha'i dbang po brgya byin gyis gsol ba/ btsun pa bdag gis thams cad nas bsrung bar 'tshal lo/ / de skad ces gsol nas/ lha'i dbang po brgya byin dang / rgyal po chen po bzhi bcom ldan 'das kyis gsung pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ de nyid du mi snang bar gyur to// der gang gi tshe bcom ldan 'das kyis tshe dang ldan pa 'od srungs chen po dang kun dga' bo la bstan pa gtad pa de'i tshe/ dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis dge slong 'od srungs la bstan pa gtad de/ kun dga' bo la thos pa'i mdzod gtad nas/ bcom ldan 'das yongs su mya ngan las 'das pa'i 'og tu/ 'di gnyis kyis bstan pa rgyas par bgyid par 'gyur ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ ji ltar 'das pa'i dus na'ang ngas dge slong 'od srungs la dpung gi tshogs yan lag bzhi dang yul gtad de/ kun dga' bo la ni nor gyi mdzod

  818. 410a

    gtad nas/ 'di gnyis kyis nga shi ba'i 'og tu bsrungs te/ rgyal po'i pho brang rgyas par byas pa de nyon cig/ dge slong dag sngon byung ba 'das pa'i dus na/ grong khyer mi thilan rgyal po lha chen po zhes bya ba rgyal po byed pa las/ phyi zhig na de'i btsun mo la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas nas/ de'i btsas sten rgyas par byas te/ rigs dang 'thun par ming btags nas/ 'o ma dang / zho dang / mar dang / zhun mar dang / mar gyi snying lus bskyed bsrings so// de nas phyi zhig na rgyal po de nad kyis btab nas de rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang sos par byed ma nus nas/ rgyal po des bsams pa/ bdag ni nad 'dos 'chi bar 'gyur la/ bu 'di'ing shin tu chung bas bdag shi ba'i 'og tu rgyal po byis pa yin no snyam nas thams cad kyis brnyas par 'gyur ro snyam mo/ / de nas bdag shi ste dus las 'das pa'i 'og tu 'di na rgyal po'i pho brang gi gzhi 'dzin nus shing mthu dang ldan pa su yod snyam pa la/ rgyal po de la blon po mchog mkhas shing gsal la yid gzhungs pa/ gzhung lugs can/ dul ba dang ldan pa/ bag yod pa dga' bo zhes bya ba dang / nye dga' bo zhes bya ba gnyis yod do// de nas rgyal po lha chen pos bsams pa/ dga' bo dang nye dga' bo gnyis kyis bdag shi ste dus las 'das pa'i 'og tu rgyal po'i pho brang bsrung nus so/

  819. 410b

    snyam mo// rgyal po des blon po de gnyis pho nyas bkug ste bsgo ba/ khyed gnyis shes par gyis shig/ nga ni ring po mi thogs par med par 'gyur gyis/ nga shi ste dus las 'das pa'i 'og tu khyed gnyi kyis rgyal po'i pho brang srungs shig ces bsgo nas/ rgyal po des de gnyis la gcig la ni rgyal po'i bu dang rgyal po'i dkor mdzod gtang ngo // gcig la ni dpung gi tshogs yan lag bzhi dang yul gtad de/ nga'adas pa'i 'og tu khyed gnyis kyis rgyal po'i pho brang srungs la rgyas par gyis shig ces bsgo nas/ rgyal po des bu rgyal sar bcug ste dus las 'das so// de nas de dus las 'das pa'i 'og tu blon po de gnyis kyis mdang btang nas/ gcig gis ni rgyal po'i bu dang / rgyal po'i dkor mdzod bsrungs so// gcig gis ni dpung gi tshogs yan lag bzhi dang rgyal srid bsrungs so/ / de nas gang gi tshe rgyal bu de shed bye zhing mthar son par gyur pa de'i tshe/ de la gnyis kyis gcig gis ni dkor mdzod phul lo// gcig gis ni dpung gi tshogs yan lag bzhi dang yul phul te/ lha 'di ni khyod kyi yab kyi nor lags kyis chos bzhin du rgyal po mdze cog ces byas so// dge slong dag ji snyam du sems/ de'i tshe rgyal po bkres por gyur pa byang chub sems dpa'i spyod pal gnas pa gang yin pa de nga nyid yin no/ / de'i tshe gang gis dpung gi tshogs yan lag bzhi dang yul bsrungs pa de ni dge slong 'od srungs 'di kho na yin no// de'i tshe gang gis rgyal po'i bu dang

  820. 411a

    rgyal po'i dkor mdzod bsrungs pa de ni kun dga' bo 'di kho na yin no/ / de'i tshe rgyal po'i bur gyur pa gang yin pa de ni gsom can yin te/ de'i tshe 'ang ngas rgas kar gcig la ni rgyal bo'i bu dang dkor mdzod gtad do/ / gcig la ni dpung gi tshogs yan lag bzhi dang yul ga tad de/ de gnyis kyis kyang nga shi ste dus las 'das pa'i 'og tu rgyal po'i pho brang bsrungs te rgyas par byas so// nga lngar ngas dus kyi tha ma la thug pa na/ gcig la ni thos pa'i mdzod gtad do// gcig la ni bstan pa gtad de/ 'di gnyis kyis nga yongs su mya ngan las 'das pa'i 'og tu bstan pa rgyas par byed do// gzhan yang dge slong kun dga' bo dang / 'od srungs kyis smon lam btab ste/ gcig gis ni bdag de'i thos pa 'dzin pa rnams kyi mchog tu gyur cig/ yongs su mya ngan las 'das pa'i 'og tung ba thos pa'i mdzod rgyas par byed par gyur cig ces byas so/ / gcig gis kyang kye ma shAkya thub pa shAkya'i rgyal po'i mchog de yongs su mya ngan las 'das pa'i 'og tu bdag gis de'i bstan pa'i don byed par shog cig ces byas so/ / gsol pa/ btsun pa de gnyis kyis gang du smon lam btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang

  821. 411b

    mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la dge slong kun dga' bo rab tu byung nas/ de su las rab tu byung ba de/ yang dag par rdzogs pa'i sangs rgyas 'od srungs kyis thos pa 'dzin pa rnams kyi mchog tu bstan to/ / de nas der tshe gcig tu tshangs par spyod pa spyad nas 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gis mkhan po yang dag par rdzogs pa'i sangs rgyas 'od srungs kyis thos pa 'dzin pa rnams kyi mchog tu bstan pa de bzhin du/ bdag kyang shAkya thub pa shAkya'i rgyal po'i mchog des thos pa 'dzin pa rnams kyi mchog tu bstan par gyur cig/ de yongs su mya ngan las 'das pa'i 'od tururang bdag gis thos pa'i mdzod rgyas par byed par gyur cig ces byas so/ / dge slong dag ji snyam du sems/ de'i tshe dge slong du gyur pa gang yin pa de ni kun dga' bo 'di kho na yin te/ des der smon lam btab pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes

  822. 412a

    par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur la/ 'di'i nga ngas thos pa 'dzin pa rnams kyi mchog tu bstan te/ nga yongs su mya ngan las 'das pa'i 'og tu'ang thos pa rgyas par byed par 'gyur ro// dge slong dag dge slong 'od srungs yang yang dag par rdzogs pa'i sangs rgyas 'od srungs de nyid kyi gsung rab la rab tu byung ste/ de gang las rab tu byung ba de yang dag par rdzogs pa'i sangs rgyas 'od srungs kyis sbyangs pa'i yon tan dang ldan pa rnams kyi mchog tu bstan to/ / des der tshe gcig tu tshangs par spyod pa spyad nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci'ang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gi mkhan po yang dag par rdzogs pa'i sangs rgyas 'od srungs kyis sbyangs pa'i yon tan dang ldan pa rnams kyi mchog tu bstan pa de bzhin du/ bdag

  823. 412b

    kyang shAkya thub pa shAkya'i rgyal po'i mchog des sbyangs pa'i yon tan dang ldan pa rnams kyi mchog tu ston par gyur cig ces byas nas/ de nas shi 'phos te dus las 'das nas/ grong khyer wA rA NA si de nyid du blon po'i mchog gi khyim du nying mtshams blangs nas/ de gang gi tshe btsas te cher skyes pa de'i tshe/ rgyal po kri kris blon por bcug go/ de nas gang gi tshe yang dag par rdzogs pa'i sangs rgyas 'od srungs sangs rgyas kyi 'phrin las thams cad zin nas/ lhag ma med pa'i mya ngan las 'das pa'i dbyings su mya ngan las 'das pa de'i tshe/ rgyal po kri kris de'i sku gdung la mchod pa byas nas rin po che'i mchod rten kho ra khor yug tu dpag tshad gcig yod pa zhig byed du bcug ste/ rgyal po des blon po'i bu de mchod rten de'i lag dpon du bskos so// de nas phyi zhig na rgyal po kri kris mchod rten de rnam pa thams cad yongs su rdzogs par byas te/ der mchod rten gyi dus ston bya bar 'dod de/ des bza' ba dang / bca' ba dang / gos mang po sbyar nas/ dge slong rnams la 'bong du bcug go// der yang dag par rdzogs pa'i sangs rgyas 'od srungs mya ngan las 'das te zhag bdun lon nas bstan pa nub ste/ de yongs su mya ngan las 'das nas dge slong dbang thob pa gang yin pa de dag ni yongs su mya ngan las 'das so/ / so so'i skye bo gang yin pa de dag ni khyim par gyur to// de nas der g.yar 'dren de dag gis dge slong gcig kyang ma rnyed nas/ rgyal po kri kris dge slong

  824. 413a

    de dag gar dong zhes smras pa dang / blon po rnams kyis yang dag par rdzogs pa'i sangs rgyas yongs su mya ngan las 'das te/ zhag bdun lon nas bstan pa nub pa lags so zhes gsol to/ / rgyal pos bka' stsal pa/ de'i dge slong gang gis de'i bstan pa 'dzin par 'gyur pa de lta bu gcig kyang med dam zhes byas nas/ rgyal po kri kris mchod rten la bkur sti byas te song ngo / / blon po'i bu des kyang mchod rten de la bkur sti byas nas smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyag cing nor mang la longs spyod che ba'i rigs su skye bar gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ gzhan yang bdag gis de yongs su mya ngan las 'das nas bstan pa 'dzin par gyur cig ces byas so//

  825. 1b

    / bam po nyi shu bzhi pa// // 'dzin byed kyi bu zhes bya ba ni/ gleng gi zhe// rgyal po'i khab na bzhugs te/ de'i tshe rgyal po'i khab na/ bramaze che zhing mtho ba 'dzin byed ces

  826. 2a

    bya bya bya/ / bya ba zhig gnas so// 'dam bu sbyin zhes bya ba'i grong na ni/ bram ze rgyal zhes bya ba zhig gnas te/ de gnyis mdza' zhing ba shes la gcugs par gyur to// de nas bram ze rgyal chung ma dang lhan cig tu rtse zhing dga' la dga' dgur spyod pa las chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na

  827. 2b

    sdug la mdzes pa zhig btsas te/ de'i btsas ston rgyas par byas nas/ ming shA ri'i bu zhes bya ba dang / nye rgyal zhes bya bar btags so/ / de nas phyi zhig na bram ze 'dzin byed kyi chung ma la yang bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed dekhye'u 'di bram ze che zhing mtho ba 'dzin byed kyi bu yin pas na/ khye'u 'di'i ming 'dzin byed kyi bu zhes gdags so zhes zer ro// de nas 'dzin byed kyi bu 'o ma dang / zho dang / mar dang / zhun mar dang / mar gyi snying khus bskyed bsrings nas/ gang gi tshe de gnyis cher skyes pa de'i

  828. 3a

    @#tshe de gnyis ka byis pa slob pa'i grwar gtad nas/ de gnyis ka yang yi ge'i mthar phyin par longs te/ de gnyis kas bstan bcos thams cad lobs so/ / nye rgyal gyis ni lo bcu drug lon nas dbang po'i brda sprod pa yang lobs te/ gzhung gis rgol ba thams cad tshar bcad do// de nas phyi zhig na dka' thub kyi nags tshal du rten bcas nas/ de kun tu rgyu dag gi nang du rab tu byung ngo // der gang gi tshe sangs rgyas 'jig rten du byung ba de'i tshe/ bram ze'i bu shA ri'i bu dang / mo'u 'gal gyi bu gnyis bcom ldan 'das kyi bstan pa la rab tu byung nas/ der de gnyis kyis nyon mongs pa thams cad spangs te/ dgra bcom pa nyid mngon sum du byas nas/ bcom ldan 'das kyis de gnyis las gcig ni shes rab che ba rnams kyi mchog tu bstan to/ / gcig ni rdzu 'phrul can rnams kyi mchog tu bstan to// bram ze'i khye'u 'dzin byed kyi bu ni rgyal po'i zham ring ba dpa' bor gyur te/ rgyal po'i/

  829. 3b

    pho brang der rtag tu 'gro ba las/ de shes rab dang ldan pa'i phyir/ rgyal po gzugs can snying pos blon po'i mchog tu bsgos nas/ longs spyod kyi gzhi chen po yang byin te/ 'jig rten dag ni 'byor pa 'dod pa yin no/ / de nas phyi zhig na des kyang thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod la/ des khyim gyi 'byor pa rgyas par byas te bzhag go/ de nas des rgyal po'i khab der rgyal po la rten cing bram ze dang khyim bdag rnams kyi nor len par byed do// bram ze dang khyim bdag rnams las brten cing rgyal po'i nor len par byed do/ / de nas phyi zhig na tshe dang ldan pa shA ri'i bus 'dzin byed kyi bu gdul ba'i dus la bab par mthong nas/ snga dro sham thabs dang chos gos bgos te/ lhung bzed thogs nas/ bram ze 'dzin byed kyi bu'i khyim ga la ba dar song ngo // de'i tshe bram ze 'dzin byed kyi bu shing ma li ka'i 'dab na/ ba 'jo ba'i zhal ta byed cing 'dug pa las/ bram ze 'dzin byed kyi bus thag ring po zhig nas tshe dang ldan pa shA ri'i bu mthong ngo / / mthong nas kyang tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu la yan lag thams cad kyis 'khyud nas/ khyim gyi nang du khrid de stan shams pa la 'dug tu bcug ste/ kye shA ri'i bu bshos gsil la/ 'o ma yang gsol cig ces byas so// shA ri'i bu na re 'dzin byed kyi bu nga la sems dga'

  830. 4a

    par byas zin gyis des chog go/ / 'dzin byed kyi bus smras pa/ kye shA ri'i bu khyod yun ring mo zhig na gdod bdag gi khyim du phyin na/ ci'i phyir zan cig tsam yang zar mi btug shA ri'i bus smras pa/ 'dzin byed kyi bu 'di ltar khyod ni ngang tshul 'chal zhing ngang tshul nyams pa yin te/ rgyal po la brten cing / bram ze dang khyim bdag rnams kyi nor len par byed la/ bram ze dang khyim bdag rnams la brten cing rgyal po'i nor len pa'i phyir ro/ / 'dzin byed kyi bus smras pa/ kye shA ri'i bu bdag ni khyim pa ste/ khyim na gnas pa lags pas na/ bdag gis ni bdag nyid dang / pha ma dang / bu dang / chung ma dang / bran dang / bran mo dang / las byed pa dang / ni shes 'tshe ba dang / mdza' bo dang / snying gnyen dang / nye du dang / rgan rabs rnam kyang yang dag par bde bas tshim par bya dgos so/ / rgyal po la yang sa gzhi'i rag lus la/ lha yang rjes dgos/ sngon gyi mtshun dag kyang gtor dgos/ dge sbyong dang bram ze rnams kyang zan sbyin dgos te/ bdag gis ni chos bzhin du byed pa 'ba' zhig gis bde blag tu 'byor par mi nus so// shA ri'i bus smras pa/ 'dzin byed kyi bu 'o na khyod nyid la dri bar bya/ khyod kyi ji ltar bzod pa bzhin du de'i lan thob cig/ dper na mi zhig gis pha ma gnyis kyi phyir chos ma yin pa spyod cing log par spyod de/ de chos ma yin pa spyod cing log par spyod pa des/ lus dang

  831. 4b

    bral te shi ba'i 'og tu ngan song ngan 'gror log par ltung ba sems can dmyal ba rnams su skyes nas/ de sems can dmyal pa'i srungs ma rnams kyis bzung ste/ sdug bsngal drag pa dang mi bzad pa dang / tsha ba dang / yid du mi 'ong ba'i tshor ba myong du bcug nas/ de na re sems can dmyal ba'i srungs mo dag bdag la gnod pa 'di dang 'di lta bu dag ma byed cig/ de ci'i phyir zhe na/ bdag gis pha ma'i phyir chos ma yin pa spyod cing log par spyad pas/ bdag chos ma yin pa spyad cing log par spyad pa des/ lus dang bral te shi ba'i 'og tu ngan song ngan 'gro log par ltung ba'i sems can dmyal ba rnams su skyes par zad do zhes zer na/ 'dzin byed kyi bu de ji snyam du sems/ mi de sems can dmyal ba'i srungs ma rnams las don de 'grub par 'gyur ram/ 'dzin byed kyi bus smras pa/ shA ri'i bu de ni mi 'grub bo// shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang / las kyi yon tan ngag gis longs spyod rnams bsgrubs te/ pha ma gnyis la dus dus su yang dag par ri mo byed pa dang / yang dag par bsnyen bkur byed pa dang / yang dag pa'i bde bas rten par byed de/ sdig pa'i las cung zad kyang mi byed la/ bsod nams kyi lam yang yang dag par blangs te 'dug na/ de la pha ma yang 'di snyam du sems te/ rigs kyi bu 'di ni dad pa dang ldan zhing sgrub bong la/ rigs pas 'chog

  832. 5a

    yin te/ rigs kyi bu 'dis ni chos dang ldan pa dang / las kyi yon tan dag gis longs spyod rnams bsgrubs nas/ dus dus su bdag cag la yang dag par ri mo byed/ yang dag par bsnyen bkur byed/ yang dag par bde ba la sten par byed de/ sdig pa'i las kyang cung zad kyang mi byed la/ bsod nams kyi lam yang yang dag par blangs te 'dug go snyam mo/ / rigs kyi bu pha ma la slar snying brtse bar byed pa de ni dge ba'i chos rnams 'phel ba 'ba' zhig tu 'gyur bar re bar bya ste/ yongs su 'grib par mi 'gyur ro// 'dzin byed kyi bu dper na mi zhig gis bu dang / chung ma dang / bran dang / bran mo dang / las byed pa dang / zho shas 'tsho ba rnams dang / mdza' bo rnams dang / snying gnyen dang / nye du dang / rgan rabs rnams dang / rgyal po dang / lha rnams dang / dge sbyong dang / bram ze rnams kyi phyir chos ma yin pa spyod cing log par spyod de/ de chos ma yin pa la spyod cing log par spyod pa des lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skyes nas/ de sems can dmyal ba'i srungs ma rnams kyis bzung ste/ sdug bsngal drag po dang / mi bzad pa dang / tsha ba dang / yid du mi 'ong ba'i tshor ba myong du bcug nas/ de na re/ sems can dmyal ba'i srungs mi dag bdag la gnod pa 'di dang 'di lta bu dag ma byed cig/

  833. 5b

    de ci'i phyir zhe na/ bdag gis dge sbyong dang bram ze rnams kyi phyir chos ma yin pa spyad cing / log par spyad par zad do zhes zer na/ 'dzin byed kyi bu ji snyam du sems/ mi de sems can dmyal ba'i srungs ma rnams las don de 'grub par 'gyur ram/ 'dzin byed kyi bus smras pa/ shA ri'i bu de ni mi 'grub po// shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang / las kyi yon tan dag gis longs spyod rnams bsgrubs te/ dge sbyong dang bram ze rnams la zas sbyin par byed do// sdig pa'i las kyang cung zad kyang mi byed la/ bsod nams kyi lam yang yang dag par blangs te 'dug na/ de la dge sbyong dang bram ze rnams kyis dge ba'i sems kyis slar snying brtse bar byed do// 'dzin byed kyi bu de ltar dge sbyong dang / bram ze rnams kyis dge ba'i sems kyis slar snying brtse bar byas pa'i skyes bu gang zag de'i ni/ dge ba'i chos rnams 'phel ba 'ba' zhig tu 'gyur bar re bar bya ste/ yongs su 'grib par mi 'gyur ro// de skad ces smras nas/ bram ze 'dzin byed kyi bu ngus te mchi ma glags so// de nas bram ze 'dzin byed kyi bus gos kyi mtha' mas mchi ma phyis nas// tshe dang ldan pa shA ri'i bu la 'di skad ces smras so// kyai shA ri'i bu 'di na bdag gi mchis brang bag sar blangs nas/ ring por ma lags pa zhig mchis te/ de'i slad du bdag gis bag ma

  834. 6a

    mchis par sdig pa kha na ma tho ba mang po bgyis kyis/ btsun pa shA ri'i bu bag sar 'di bdag gis gtan du slar btang la/ deng slan chad btsun pa shA ri'i bu las tshangs par spyod pa lnga pa'i bslab pa'i gzhi rnams yang dag par nod par 'tshal lo/ / de nas tshe dang ldan pa shA ri'i bus/ bram ze 'dzin byed kyi tshangs par spyod pa lnga pa'i bslab pa'i gzhi rnams la gnas par byas nas stan las langs te song ngo / / de nas tshe dang ldan pa shA ri'i bu lho phyogs kyi ri'i nags khrod ga la ba der song ba las/ dge slong gzhan zhig 'od ma'i tshal byA ka lan ta ka na gnas pa nas/ lho phyogs kyi ri'i nags khrod ga la ba der song nas/ dge slong des thag ring po zhig na/ tshe dang ldan pa shA ri'i bu mthong ngo // mthong nas kyang tsha dang ldan pa shA ri'i bu ga la ba dar song ste phyin nas/ tshe dang ldan pa shA ri'i bu'i rkang pa la mgo bos phyag 'tshal te/ phyogs gcig tu 'dug go// phyogs gcig tu 'dug nas/ tshe dang ldan pa shA ri'i bus/ dge slong de la 'di skad ces smras so// dge slong khyod da gdod ga las 'ongs/ dge slong des smras pa/ btsun pa shA ri'i bu bdag dgazod 'od ma'i tshal bya ka lan ta ke gnas pa nas mchis so/ / shA ri'i bus smras pa/ bram ze 'dzin byed kyi bu shes sam/ tshe dang ldan pa shA ri'i bu bdag 'tshal te/ tshe dang

  835. 6b

    ldan pa shA ri'i bu'i sngon gyi khyim na gnas pa'i tshe'i grogs po lags so/ / shA ri'i bus smras pa/ tshe dang ldan pa bram ze 'dzin byed kyi bu gnod pa chung ngam/ nyam nga ba chung ngam/ bde ba dang ldan nam/ nad med dam/ stobs dang ldan par rgyal po'i khab na gnas sam/ ston pa mthong bar dga' 'am/ chos mnyan par dga' 'am/ dge slong des smras pa/ tshe dang ldan pa shA ri'i bu bram ze 'dzin byed kyi bu ni ston pa blta bar dga'/ chos mnyan par yang dga' mod kyi/ gnod pa dang ldan zhing sdug bsngal dang ldan te nad par gyur pas/ gal te nad de kho nas 'chi bar 'gyur yang srid do/ / de nas shA ri'i bus chos gos snam sbyar bgos te/ bram ze 'dzin byed kyi bu'i khyim ga la ba der song ba las/ bram ze 'dzin byed kyi bus thag ring po zhig nas tshe dang ldan pa shA ri'i bu mthong ngo / / mthong nas kyang khri las ldang du rtsol lo// de nas tshe dang ldan pa shA ri'i bus/ bram ze 'dzin byed kyi bu khri las ldang ba rtsol ba mthong nas/ bram ze 'dzin byed kyi bu la smras pa/ 'dzin byed kyi bu nga 'dug pa'i stan gzhan dag kyang yod kyis/ khyod khri las ma ldang zhig ces byas nas/ tshe dang ldan pa shA ri'i bu stan bshams pa la 'dug go/ / 'dug nas kyang tshe dang ldan pa shA ri'i bus bram ze 'dzin byed kyi bu la 'di skad ces smras so// 'dzin byed kyi bu ci khyod bzod pa dang ldan nam/ 'tsho 'am/ ci khyod kyi

  836. 7a

    sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba drag po rnams med par gyur tam/ phyir thu bar ma gyur tam/ med par gyur par mngon nam/ phyir thu bar gyur par mi mngon grang / 'dzin byed kyi bus smras pa/ btsun pa shA ri'i bu bdag ni bzod pa dang ldan pa ma yin/ 'tsho ba dang ldan pa ma yin te/ bdag gi lus la sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyir thu zhing phyir 'phel bar mngon gyi/ med par mem gyur to/ / btsun pa shA ri'i bu dper na mi stobs che rab cig gis mi nyam chung rab cig gi mgo bo 'breng ba bzang po ring pos dam du bcings na/ de'i mgo bo mo bzad par na bar 'gyur ba de bzhin du/ btsun pa shA ri'i bu bdag gi mgo bo la tshor ba mi bzad cing 'dug ste/ bdag gi tshor ba de dag phyir thu zhing 'phel bar mngon gyi/ med par ma gyur to// btsun pa shA ri'i bu dper na ba glang gsod pa 'am/ ba glang gsod pa'i slob mas pa glang bsha' ba'i gri rnon pos pa glang gi lto dral na/ de'i lto ba'i tshor ba mi bzad par 'gyur ba de bzhin du/ btsun pa shA ri bu bdag gi lto ba'i nad mi bzad par 'dug ste/ bdag gi tsher ba de dag phyir thu zhing phyir la bar mngon gyi/ med par ma gyur to// btsun pa shA ri'i bu dper na mi stobs che rab gnyis kyis

  837. 7b

    mi stobs chung rab gcig dpung pa g.yas g.yon nas bzung ste/ me mngag gi nang du sreg par byed na/ de'i lus mi bzad par tsha bar 'gyur ba de bzhin du/ btsun pa shA ri'i bu bdag gi lus shin tu tsha zhing 'dug ste/ bdag gi tshor ba de dag phyir thu zhing phyir la bar mngon gyi/ med par mi gyur to// btsun pa shA ra dwa ti'i bu des na bdag ni bzod pa dang ldan pa ma yin/ tshor ba dang ldan pa ma yin te/ bdag gi lus la sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyir thu/ zhing phyir la bar mngon gyi/ med par ma gyur to// shA ri'i bus smras pa/ 'dzin byed kyi bu 'on khyod nyid la dri bar byas/ khyod kyis ji ltar bzod pa de bzhin du lan thob cig/ 'dzin byed kyi bu ji snyam du sems/ sems can dmyal ba dang dud 'gro gang gdam/ btsun pa shA ri'i bu sems can dmyal ba bas ni dud 'gro gdam mo// dud 'gro dang yi dgas gang gdam btsun pa shA ri'i bu dud 'gro bas ni yi dgas gdam mo/ / yi dgas dang mi gang gdam/ btsun pa shA ri'i bu yo dgas pas ni mi gdam mo// mi dang rgyal chen bzhi'i ris kyi lha gang gdam btsun pa shA ri'i bu mi bas rgyal chen bzhi'i ris kyi lha gdam mo/ / rgyal chen bzhi'i ris kyi lha dang sum cu rtsa gsum pa'i lha gang gdam/ btsun pa shA ri'i bu rgyal chen bzhi'i ris kyi lha

  838. 8a

    bas ni sum cu rtsa gsum pa'i lha gdam mo/ / sum cu rtsa gsum pa'i lha dang 'thab bral ba'i lha gang gdam/ btsun pa shA ri'i bu sum cu rtsa gsum pa'i lha bas ni 'thab bral ba'i lha gdam mo/ / 'thab bral ba'i lha dang dga' ldan pa'i lha gang gdam/ btsun pa shA ri'i bu 'thab bral ba'i lha bas ni dga' ldan pa'i lha gdam mo// dga' ldan pa'i lha dang 'phrul dga' ba'i lha gang gdam/ btsun pa shA ri'i bu dga' ldan pa'i lha bas ni 'phrul dga' ba'i lha gdam mo// 'phrul dga' ba'i lha dang gzhan 'phrul dbang byed pa'i lha gang gdam/ btsun pa shA ri'i bu 'phrul dga' ba'i lha bas ni gzhan 'phrul dbang byed pa'i lha gdam mo// gzhan 'phrul dbang byed pa'i lha dang tshangs pa'i 'jig rten pa gang gdam/ btsun pa shA ri'i bu gzhan 'phrul dbang byed pa'i lha bas ni tshangs pa'i 'jig rten gdam mo// 'dzin byed kyi bu tshangs pa'i 'jig rten gad ma zhes zer ram/ btsun pa shA ri'i bu tshangs pa'i 'jig rten gdam zhes mchi'o/ / de nas bram ze 'dzin byed kyi bu yud tsam zhig cang mi zer bar 'dug nas/ tshe dang ldan pa shA ri'i bu la 'di skad ces smras so// btsun pa shA ri'i bu de ltar gzhan 'phrul dbang byed kyi lta bas tshangs pa'i 'jig rten gdam par gyur na/ tshangs pa'i 'jig rten du skye bar 'gyur ba'i lam mchis sam/ 'dzin byed kyi bu lam yang yod/ srang yang

  839. 8b

    yod de/ rigs kyi bu 'am/ rigs kyi bu mo dad pa dang ldan pas de bsgoms na/ 'dod pa'i 'dun pa spangs nas/ de la shas cher gnas pas tshangs pa'i 'jig rten du skal ba mnyam par skye bapar 'gyur ba de ngas bshad na/ de khyod kyis shes par nus sam/ btsun pa shA ri'i bu khyod kyis shod cig dang bdag gis mnyan no// shA ri'i bus smras pa/ 'dzin byed kyi bu 'di na 'phog/ pa nyan thos ni 'dod pa'i yon tan lnga sems kyi nye ba'i nyon mongs pa bskyed pa/ shes rab kyi gnas ngan len skyed pa/ 'phongs par 'gyur ba'i sa phyogs mya ngan las 'da' bar mi 'gyur pa spangs nas/ byams pa dang ldan pa'i sems kho na med pa/ dgra zla med pa/ gnod pa med pa/ yangs pa/ chen por gyur pa/ gnyis su med pa/ tshad med pa shin tu bsgoms pas phyogs gcig tu mos te/ khyab par byas nas rdzogs par byas te gnas so// de bzhin du phyogs gnyis pa dang / de bzhin du gsum pa dang / de bzhin du bzhi pa dang / tha dang / 'og dang / thad kar rnam pa thams cad du 'jig rten 'di dag thams cad byams pa dang ldan pa'i sems kho na med pa/ dgra zla med pa/ gnod pa med pa/ yangs pa/ chen por gyur pa/ gnyis su med pa/ tshad med pa shin tu bsgoms pas mos te/ khyab par byas nas rdzogs par byas te gnas so// de bzhin du snying rje dang / dga' ba dang / btang snyoms chen por

  840. 9a

    gyur pa'i bar du rgyas par brjod par bya ste/ 'dzin byed kyi bu 'di ni lam yin/ 'di ni srang yin te/ rigs kyi bu 'am/ rigs kyi bu mo dad pa dang ldan pas de/ bsgoms na/ 'dod pa'i 'dun pa spangs nas/ de la shas tshor gnas pas/ tshangs pa'i 'jig rten du skal ba mnyam par skye bar 'gyur ro zhes byas so// de ltar tshe dang ldan pa shA ri'i bus bram ze 'dzin byed kyi bu tshad med pa bzhi la gnas par byas nas song ngo / / de nas tshe dang ldan pa shA ri'i bu song nas ring po ma lon par bcom ldan 'das kyis dgongs pa/ dge slong shA ri'i bus bram ze 'dzin byed kyi bu la de'i steng du bden pa rnams ma bshad pa ni tshar phyin pa ma yin no snyam du dgongs nas/ 'od ma'i tshal nas mi snang bar gyur te/ bram ze 'dzin byed kyi khyim du bzhugs par gyur to/ / de nas bram ze 'dzin byed kyi bus/ bcom ldan 'das gdan la bzhugs par mthong ngo // mthong nas kyang bcom ldan 'das la shin tu dga' bar gyur to// dga' bar gyur nas kyang khri las langs te 'dug go/ de nas bcom ldan 'das kyis de la de dang 'thun pa'i chos bstan te/ des na bram ze 'dzin byed kyi bus stan de nyid la 'dug bzhin du phyir mi 'ong ba'i 'bras bu mngon sum du byas so/ / de ltar bcom ldan 'das kyis bram ze 'dzin byed kyi bu phyir mi 'ong ba'i 'bras bu la gnas par mdzad nas/ 'dzin byed kyi bus khyim nas mi snang

  841. 9b

    par gyur te/ tshe dang ldan pa shA ri sh+mi 'od ma'i tshal du ma phyin par/ bcom ldan 'das ches sngar 'od ma'i tshal du gshegs nas nyid kyi gdan la bzhugs so// de nas bcom ldan 'das gshegs nas ring po ma lon par bram ze 'dzin byed kyi bu shi ste dus las 'das nas/ tshangs pa'i 'jig rten du skyes so// de nas tshe dang ldan pa shA ri'i bu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug nas/ de ro bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu khyod da gzod ga las 'ongs/ shA ri'i bus gsol pa/ btsun pa bdag gis bram ze 'dzin byed kyi bu tshangs pa'i gnas bzhi la gnas par bgyis nas/ da gzod de nas mchis lags so/ bka' stsal pa/ shA ri'i bu ci'i phyir khyod kyis bram ze 'dzin byed kyi bu la de'i steng du bden pa rnams ma bstan/ ci ste bstan du zin na/ chos 'dul ba 'di rtogs pa zhig shA ri'i bu de lta mod kyi/ khyod song ba'i 'og tu nga 'od ma'i tshal 'di nas mi snang bar gyur te/ bram ze 'dzin byed kyi bu'i khyim du 'dug nas/ ngas de la de'i steng du bden pa rnams bstan te/ des phyir mi 'ong ba'i 'bras bu mngon sum du byas nas/ de shi ste dus las 'das nas/ tshangs pa'i 'jig rten du skyes so// de ltar ngas 'dzin byed kyi bu bden pa rnams la gan

  842. 10a

    par byas nas/ khyod 'od ma'i tshal du ma phyin par nga thog mar phyin no// de nas bcom ldan 'das la/ tshe dang ldan pa shA ri'i bus 'di skad ces gsol to// btsun pab sangs rgyas bcom ldan 'das rnams de ltar ngo mtshar gyi chos dang ldan pa ni ngo mtshar lags so/ / de nas dge slong rnams kyis/ sangs rgyas bcom ldan 'das la zhus pa/ btsun pa bram ze 'dzin byed kyi bus las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang des mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa des smon lam gang du btab lags/ bka' stsal pa/ dge slong dag sngon byung ba 'das pa'i dus na/ grong khyer 'thab med ces bya ba na/ rgyal po klu lha zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid

  843. 10b

    byed do/ / de'i tshe grong khyer 'thab med na rgyal po klu lha'i mdun na 'don phyug cing nor mang la longs spyod che ba/ nor dang gser du ma dang ldan pa/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa des/ rgyal po la brten cing / bram ze dang khyim bdag rnams kyi nor len par byed/ bram ze dang khyim bdag rnams la brten cing rgyal po'i nor len par byed do/ / de nas de'i tshe bram ze dbul po gzhan zhig bram ze mdun na 'don de'i thad nas thag mi ring ba zhig na 'dug pa des/ bram ze mdun na 'don des rgyal po la brten cing bram ze dang / khyim bdag rnams la nor len par byed/ bram ze dang khyim bdag rnams la brten cing rgyal po'i nor len par byed de/ gzhi des na khang bzangs kyi steng na 'dug cing / skyes pa med par bud med 'ba' zhig dang / sil snyan rnams kyis rtse zhing dga' la dga' dgur spyod par rig go// de nas bram ze dbul po des bsams pa/ 'di dpal 'di lta bu dag nyams su myong ba ci yang rung ba de dag thams cad ni sbyin pa dang / dul ba dang / yang dag par sdom pa'i las rnam pa gsum gyi 'bras bu yin gyis/ ma la bdag gis kyang dge ba'i rtsa ba'i chos cung zad tsam yang dag par blangs te gnas par bya gor ma chag/ 'on tang des dbul ba chad par 'gyur ro snyam du de lta bu'i sems skyes so// sangs rgyas bcom ldan 'das

  844. 11a

    rnams 'jig rten du mi 'byung ba'i tshe/ rang sangs rgyas rnams 'jig rten du 'byung ste/ rang sangs rgyas shig de'i khyim sgor 'ongs so// de nas bram ze dbul po des thag ring po zhig nas rang sangs rgyas de mthong ngo / / mthong nas kyang de la shin tu dga' ba skyes so// dga' ba skyes nas/ bram ze des rang sangs rgyas de la bsod snyoms phul lo// bdag nyid chen po de dag ni lus kyis chos ston par byed kyi/ ngag gis ma yin te/ des bsod snyoms de blangs nas/ de kho na nas nam mkha' la song ngo // de nas bram ze de lhag par yang dga' ba skyes nas/ rkang pa la dmigs te phyag 'tshal nas smon lam btab pa/ kye ma dge ba'i rtsa ba 'dis na/ bdag gang dang gang du skyes pa de dang der phyug cing nor mang la longs spyod che ba'i rigs su skye bar gyur cig/ bdag gis kyang rgyal po la brten cing bram ze dang / khyim bdag rnams kyi nor len pa dang / bram ze dang khyim bdag rnams las rten cing rgyal po'i nor len par gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe bram ze dbul por gyur pa gang yin pa de ni 'dzin byed kyi bu 'di kho na yin te/ des rang sangs rgyas de la bsod snyoms phul nas/ smon lam btab pa'i

  845. 11b

    las de'i rnam par smin pa des na/ gang dang gang du skyes pa de dang der phyug cing nor mang la longs spyod che ba'i rigs su skyes te/ des der bram ze dang khyim bdag rnams la rten cing rgyal po'i nor len par byed/ rgyal po la brten cing bram ze dang khyim bdag rnams kyi nor len par byed la/ dge slong dag nga rang sangs rgyas bye ba phrag 'bum pas kyang ches lhag par khyad par du 'phags pa nga lta bu 'di mnyes par byas te/ mi mnyes par ma byas so// gzhan yang yang dag par rdzogs pa'i sangs rgyas 'od srungs kyi bstan pa la dge bsnyen du gyur te/ des der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe dge bsnyen du gyur pa gang yin pa de ni 'dzin byed kyi bu 'di kho na yin te/ des tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das gang yin pa de bdag gis mnyes par byed par gyur cig/ mi

  846. 12a

    mnyes par byed par ma gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// rab bzang zhes bya ba ni/ sum cu rtsa gsun/ pa'i lha'i nang nas/ lha'i dbang po brgya byin la/ dri za'i rgyal po rab dga' zhes bya ba zhig yod de/ des lha'i dbang po brgya byin dga' bar bya ba'i phyir de dang 'brel pa'i klu dbyangs sbyor ba la zhugs so/ / de nas gang gi tshe byang chub sems dpa' dga' ldan gyi gnas na bzhugs pa las/ rnam pa bzhi'i gzigs pas 'jig rten la gzigs nas/ yum gyi lhums su gshegs pa de'i tshe/ lha'i dbang po brgya byin gyis/ dri za'i rgyal po rab dga' la smras pa/ rab dga' byang chub sems dpa' lha'i ris dga' ldan nas shi 'phos te/ yum gyi lhums su nyid mtshams sbyar nas/ gang gi tshe bltam ste cher skyes pa de'i tshe/ bdud rtsi brnyes nas de 'gro ba rnams tshim par mdzad par 'gyur gyis/ khyod kyis kyang 'dzam bu'i gling du nying mtshams sbyor cig dang / khyod la yang des bdud rtsi'i skal ba byin par 'gyur ro// rab dgas smras pa/ ko'u shi ka bdag gis glu dbyangs sbyar ba brtsams lags te/ re zhig de lags

  847. 12b

    par bgyis na/ slad kyis slebs so zhes zer ro// de nas de'i tshe grong khyer ku sha na/ kun tu rgyu rab bzang zhes bya ba rdzu 'phrul can grong khyer ku sha na gnas pa'i gyad kyi bu thams cad kyis bkur sti byed/ bla mar byed/ ri mor byed/ mchod par byed cing / dgra bcom par bkur ba zhig yod de/ des mtsho ma dros pa'i 'gram na nyin par gnas so// der yang de la lha dang k+Sha rnams kyis bkur sti byed/ bla mar byed/ ri mor byed/ mchod par byed do// de res 'ga' ni mtsho ma dros pa'i 'gram de nyid na nyin par gnas shing 'dug go/ ras 'ga' ni mtsho ma dris pa de nyid nas thag mi ring ba zhig na/ shing u dum wA ra'i tshal zhig yod pa der song nas 'dug go// de nas gang gi tshe byang chub sems dpa' bltams pa'i tshe/ lha'i dbang po brgya byin gyis dri za'i rgyal po rab dga' la smras pa/ rab dga' byang chub sems dpa' bltams kyis tshur dang / bdag cag gis de'i mchod pa'i las brtson par bya'o// rab dgas smras pa/ ko'u shi ka bdag gis glu dbyangs sbyor ba brtsams lags te/ re zhig de lags par bgyis nas slad kyis slebs so zhes zer ro// de nas byang chub sems dpa'i che ba nyid kyis u dum wA ra'i tshal der/ u dum wA ra'i me tog rnams kha 'bus par gyur to// de nas kun tu rgyu rab bzang gis shing u dum wA ra'i me tog kha 'bus pa mthong nas// mthong ma thag tu

  848. 13a

    yid dga' bar gyur te/ des bsams pa/ gna'i kun tu rgyu rgas shing 'khogs la gtugs pa/ sde tshan gyi slob dpon chen po dag las bdag gis thos na bzhin gshegs pa dgra bcom pa yang dag par rdzogs pa'i sangs rgyas rnams dang / 'khor los sgyur ba'i rgyal po dang / u dum wA ra'i me tog ni brgya lam na 'byung bar zad do zhes zer ba las na/ u dum wA ra'i tshal 'dir yang bdag gis bsod nams kyis u dum wA ra rnams kyi me tog kha 'bus par gyur to snyam mo// der gang gi tshe byang chub sems dpa' rgan po dang / nad pa dang / shi ba gzigs nas/ nags khrod du gnas bcas pa de'i tshe/ lha'i dbang po brgya byin gyis/ dri za'i rgyal po rab dga' la smras pa/ rab dga' byang chub sems dpa' de ni rgar po dang / nang pa dang / shi ba gzigs nas/ nags khrod du gnas bcas kyis/ bdag cag dong la de'i mchod pa'i las la brtson par bya'o// rab dgas smras pa/ kro'u shA bdag gis klu dbyangs sbyar ba brtsams lags te/ de re zhig lags par bgyis nas slad kyis slebs so zhes zer ro// der gang gi tshe byang chub sems dpa' bla na med pa'i ye shes brnyes nas/ lan gsum du bzlas te/ chos kyi 'khor lo rnam pa bcu gnyis chos bzhin du bskor ba de'i tshe/ brgya byin gyis yang dri za'i rgyal po rab dga' la smras pa/ rab dga' bcom

  849. 13b

    ldan 'das kyis bla na med pa'i ye shes brnyes nas/ lan gsum du bzlas te/ chos kyi 'khor lo rnam pa bcu gnyis bskor bar bzhed kyis/ tshur bdag cag song la chos mnyan par bya'o/ / rab dgas smras pa/ ko'u shi ka bdag gis glu dbyangs sngar brtsams lags te/ re zhig de lags par bgyis nas slad kyis slebs so zhes zer ro// der gang gi tshe bcom ldan 'das kyis lan gsum du bzlas te/ chos kyi 'khor lo rnam pa bcu gnyis bskor ba de'i tshe/ u dum wA ra'i tshal de dag rnam pa thams cad du me tog rgyas par gyur te/ des na dpag tshad mang por dri bsung gis rgyas par gyur te/ rgyu des na kun tu rgyu rab bzang lhag par yang yid dga' bar gyur nas/ 'di dag ni bdag gi bsod nams las gyur pa yin no snyam mo// der gang gi tshe bcom ldan 'das kyis yan gsum du bzlas te chos kyi 'khor lo rnam pa bcu gnyis chos bzhin du bskor ba de'i tshe/ lnga snga dang / nye ba'i lnga sde rnams dang / grong gi byis pa mgo mtho lnga bcu btul to/ / shing bal gyi shing gi nags khrod du gshegs nas/ bzang sde drug cu'i pha tshan bden pa rnams la bkod do// snga pa'i grong du gshegs nas/ grong grong na gnas pa'i bu mo dga' mo dang / dga' stobs ma gnyis bden pa la bkod do// lteng rgyas su gshegs nas/ ral pa can stong rab tu phyung ste bsnyen par rdzogs par mdzad do//

  850. 14a

    ga ya'i rtse mo'i mchod rten gyi drung du gshegs nas/ dge slong stong po de dag cho 'phrul rnam pa gsum gyis yid ches par mdzad de/ g.yung drung gi mthar thug pa bla na med pa'i grub pa dang bde ba'i mya ngan las 'das pa la bkod do/ / smyig ma'i nags khrod du gshegs nas/ yul ma ga d+ha'i rgyal po bzo sbyangs gzugs can snying po lha brgyad khri dang / yul ma ga d+ha'i bram ze dang / khyim bdag 'bum phrag du ma dang thabs gcig tu bden pa rnams la gnas par mdzad do// rgyal po'i khab tu gshegs nas/ 'od ma'i tshal ba zhes te/ shA ri'i bu dang mo'u 'gal gyi bu g.yog 'khor nyis brgya lnga bcu dang ldan pa gnyis rab tu phyung nas bsnyen par rdzogs par mdzad do/ / mnyan du yod par gshegs nas/ rgyal bu rgyal byed kyi tshal ba zhes te/ cho 'phrul chen po bstan nas/ dge tshul bskul byed rab tu phyung ste/ des kyang nyon mongs pa thams cad spangs nas/ dgra bcom pa nyid mngon sum du byas te/ de rdzu 'phrul gyis 'gro zhing gnas gzhan dang gzhan dag nas dus ma yin pa'i me tog dang 'bras bu rnams blangs shing mkhan po dang dge 'dun la 'bul bar byed do/ / de nas phyi zhig na de mtshe ma dros pa'i 'gram du song nas/ de der dga' bar gyur te/ des der nyin par gyis gnas btab pa las/ kun tu rgyu rab bzang gis smras pa/ grogs po 'di ni nga'i nyin par gyi gnas yin gyis 'dir ma 'dug cig

  851. 14b

    dge tshul pa skul byed kyis smras pa/ 'di ni thams cad kyi thun mong ba yin no// kun tu rgyu rab bzang gis smras pa/ nga dang rdzu 'phrul gyis 'gran par gyis shig/ de nas 'di'o cag gnyis gang rgyal ba de'i nyin par gyi gnas su bya'o zhes byas nas/ de gnyis rdzu 'phrul ston pa la zhugs pa las/ der dge tshul pa skul byed kyis kun tu rgyu rab bzang pham par byas nas/ de yul yul por gyur te/ u dum wA ra'i tshol de nyid du song nas 'dug go// der gang gi tshe bcom ldan 'das kyis sangs rgyas kyi 'phrin las thams cad mdzad nas/ ku sha'i grong khyer du gshegs te/ gzims mal gyi tha mar zhugs nas bzhugs so// de nas der bcom ldan 'das kyis dgongs pa/ da ni de bzhin gshegs pas gdul bar bya ba kun tu rgyu rab bzang dang / dri za'i rgyal po rab dga' gnyis lus so snyam du dgongs so/ / de nas yang bcom ldan 'das kyis dgongs pa/ kun tu rgyu rab bzang ngas gdul bar sla na/ dri za'i rgyal po rab dga' ni rgyags shing bag med par gnas te/ de nga'i thad du mi 'ong gis/ nga nyid de'i thad du 'gro'o snyam du dgongs te/ bcom ldan 'das kyis der sprul pa zhig bzhag nas/ shing sA la zung gi tshal nas mi snang bar gyur te/ sum cu rtsa gsum pa'i lha'i nang du gshegs nas/ dri za'i rgyal po rab dga'i pho brang gi sgor byon te/ der bcom ldan 'das kyis dgongs pa/ 'di'i nga rgyal bcag na gdod

  852. 15a

    de'i 'og tu bden pa rnams kyi snod du rung ngo snyam du dgongs te/ bcom ldan 'das kyis de gdul ba'i phyir dri za'i rgyal po zhig tu sprul nas/ bai DUR+Ya'i bi wang rgyud/ stong pa zhig bsnams te/ dri za'i rgyal po rab dga'i sgo drung du gzhes nas/ 'phrin gyis bzlugs te/ dri za'i rgyal po zhig sgo na sdod de/ de khyod dang lhan cig tu pi wang len par 'dod do zhes byas te/ de nas de thos ma thag tu dri za'i rgyal po rab dgas bsams pa/ ma la dri za'i rgyal po gzhan 'ga' zhig ma byung grang / de ni bdag gis tshar gcad par bya'o snyam du bsams nas smras pa/ nang du bos shig dang bdag gis ci nus pa bstan to zhes byas so// des de nang du bos nas pi wang lan pa la zhugs so// de nas bcom ldan 'das kyis de gdul ba'i phyir/ pi wang gi rgyud gcig bcad pa dang / dri za'i rgyal po rab dgas kyang de mthong nas kyang rgyud gcig bcad do// de nas bcom ldan 'das kyis mthar gyis rgyud thams cad bcad de/ rgyud gcig pu lus par byas nas/ de las kyang sgra thams cad 'byung bar mdzad do// de nas rab dgas kyang rgyud thams cad bcad de/ des kyang rgyud gcig pu de las sgra thams cad 'byung bar byas so/ / de nas bcom ldan 'das kyis rgyud gcig pu de yang bcad de sgra thams cad kyang 'byung bar mdzad do// de nas dri za'i rgyal po rab dgas bsams pa

  853. 15b

    bdag gis ni de las lhag par cung zad kyang bstan par mi nus pas na/ 'di ni bdag las cher khyad par du 'phags pa zhig go snyam mo// de nas de'i skabs su bcom ldan 'das kyis dgongs pa/ 'di nga rgyal nga dang mtshungs pa su yang med do snyam du de ltar 'dzin pa de med par gyur to snyam du thugs su chud de/ bcom ldan 'das kyis de nga rgyal bcag nas rang bzhin kyi skur bsgyur to/ / de nas des bcom ldan 'das mthong nas/ de shin tu dga' ba skyes te/ dga' bar gyur nas/ bcom ldan 'das kyi zhabs la phyag 'tshal te/ chos mnya pa'i phyir spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na dri za'i rgyal po rab dgas stan de nyid la 'dug bzhin 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ / de nas bcom ldan 'das sum cu rtsa gsum pa'i lha'i nang nas mi snang bar gyur to// de'i tshe u duma? wA ra'i tshal de'i me tog rnams brnyings par/ gyur te/ kun tu rgyu rab bzang gis u dum wA ra'i tshal de'i me tog rnams brnyings par gyur pa mthong ngo // mthong nas kyang de mya ngan chen po skyes te/ des bsams pa/ bdag gi/

  854. 16a

    bsod nams kyis u dum wA ra'i tshal 'di rnam pa thams cad du me tog rgyas par gyur pa las/ da ni bdag rgas shing 'khogs la gtugs par gyur te/ na chod lo brgya nyi shu lon na/ u dum wA ra'i tshal gyi me tog 'di dag brnyings par gyur pa las na/ bdag ring po mi thogs par 'chi bar 'gyur ro snyam nas/ rgyu des na shin tu mya ngan byed cing sdug bsngal la smra sngags 'don par byed do/ / de nas de la dga' ba'i lha zhig gis/ rab bzang la smras pa/ u dum wA ra'i tshe la 'di ni khyod kyi bsod nams kyis rnam pa thams cad du me tog rgyas par gyur pa ma yin gyi/ sa phyogs 'di ni 'khor los sgyur ba'i rgyal po'i skyed mos tshal gyi sa yin te/ gang gi tshe 'khor los sgyur ba'i rgyal po 'byung ngam/ byang chub sems dpa' 'byung bar 'gyur ba de'i tshe/ u dum wA ra'i tshal 'dir me tog rnams kha 'bu bar 'gyur ro// gang gi tshe 'khor los sgyur ba'i rgyal po rgyal sar zhugs pa/ 'am/ byang chub sems dpas bla na med pa'i ye shes brnyes par gyur pa de'i tshe ni/ u dum wA ra'i tshal me tog 'di rnams thams cad du me tog rgyas par 'gyur ro// gang gi/ tshe 'khor los sgyur ba'i rgyal po grongs su nye ba 'am/ de bzhin gshegs pa yongs su mya ngan las 'dar nye bar gyur pa de'i tshe ni u dum wA ra'i tshal gyi me tog 'di rnams

  855. 16b

    rnyings par 'gyur ro/ / gang gi tshe 'khor los sgyur ba'i rgyal po grongs sam/ de bzhin gshegs pa yongs su mya ngan las 'das par gyur pa de'i tshe ni u dum wA ra'i tshal 'di'i me tog rnams bskam par 'gyur te/ da ltar yang de bzhin gshegs pa 'jig rten du byung nas/ de gzims mal gyi tha mar zhugs nas/ do nub nam phyed na phung po'i lhag ma med ba'i mya ngan las 'das pa'i dbyings su mya ngan las 'da' bar 'gyur te/ de'i dbang gis u dum wA ra'i tshal de rnyis par gyur gyis/ khyod de'i rgyus ha cang yang mya ngan ma byed cig sdug bsngal bar ma byed cig/ smre sngags ma 'don cig ces byas so// de nas kun tu rgyu rab bzang 'di snyam du sems te/ bdag la ra ba yang yod la/ bcom ldan 'das go'u ta ma des kyang bdag gi the tsom de sel bar nus kyis/ ma la bdag bcom ldan 'das go'u ta ma ga la ba der song la der phyin nas/ zhu ba lung bstan par gnang na phyogs 'ga' zhig zhu'o snyam nas/ u dum wA ra'i tshal nas mi snang bar gyur te/ grong khyer ku shan gyad kyi nye 'khor shing sA la zung gi tshal du phyin par gyur to// de'i tshe tshe dang ldan pa kun dga' bo ni/ kun dga'i ra ba'i sgo'i thang gi 'chag na 'chag cing 'dug go// de nas kun tu rgyu rab bzang gis tshe dang ldan pa kun dga' bo thag ring po zhig nas mthong ngo // mthong nas kyang che nga

  856. 17a

    ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so// btsun pa kun dga' bo bdag gis thos na/ bcom ldan 'das go'u ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes grags na/ bdag chos rnams la yang the tsom mchis/ bdag la re ba yang mchis la/ bcom ldan 'das go'u ta ma des kyang bdag gi the tshom de sel bar nus na/ gal te btsun pa kun dga' bo 'o mi brgyal na/ bcom ldan 'das go'u ta ma de ga la bzhugs pa der bzhud la/ der phyin nas gal te zhu ba'i bka' lan stsal bar gnang na/ phyogs 'ga' zhig zhu'o zhes byas so// tshe dang ldan pa kun dga' bo yang ltas la mkhas te des bsams na/ bcom ldan 'das kyis sprul pa zhig bzhag ste/ 'dul ba'i dbang gis gang zhig tu gshegs par rig nas/ kun tu rgyu rab bzang la smras pa/ rab bzang thong / bcom ldan 'das ni sku mnyel bde bar gshegs pa ni sku mnyel gyis/ de bzhin gshegs pa la gnod pa ma byed cig ces byas so// de nas kun tu rgyu rab bzang gis/ tshe dang ldan pa kun dga' bo la 'di skad ces smras so// btsun pa kun dga' bo sngon gyi kun tu rgyu rgas shing 'khogs la gtugs pa rnams las bdag

  857. 17b

    gis thos na/ de bzhin gshegs pa dgra bcom pa yang dag par rdzogs pa'i sangs rgyas rnams ni brgya lam brgya lam na 'jig rten du 'byung bar zad de/ dper na u dum wA ra'i me tog bzhin no zhes mchi la/ bcom ldan 'das go'u ta ma de yang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das par 'gyur na/ bdag chos rnams la yang the tsom mchis/ bdag la re ba yang mchis la/ bcom ldan 'das go'u ta ma nges kyang bdag gi the tsom sel bar nus na/ gal te btsun pa kun dga' bo 'o ma brgyal na/ bcom ldan 'das go'u ta ma de ga la bzhugs pa der bzhud la/ der phyin nas gal te zhu ba'i bka' lan stsal bar gnang na/ phyogs 'ga' zhig zhu'i zhes byas so// de nas lan gsum gyi bar du tshe dang ldan pa kun dga' bos/ kun tu rgyu rab bzang la smras pa/ rab bzang thong / bcom ldan 'das ni sku mnyel/ bang bar gshegs pa ni sku mnyel gyis/ de bzhin gshegs pa la gnod pa ma byed cig ces byas so// de nas de'i skabs su bcom ldan 'das sum cu rtsa gsum pa'i lha'i nang nas mi snang bar gyur te/ gzims mal du zhugs nas/ bcom ldan 'das kyis lha'i snyan rnam par dag pa mi las 'das mnga' bas/ tshe dang ldan pa kun dga' bo kun tu rgyu rab bzang dang de lta bu'i tshig brjod pa gsan to//

  858. 18a

    gsan nas kyang tshe dang ldan pa kun dga' bo la bka' stsal pa/ kun dga' bo thong / kun tu rgyu rab bzang ma dgag par nang du thong la/ ci dang ci 'dod pa 'drir chug cig/ de ci'i phyir zhe na/ 'di ni nga gzhan mu stegs can kun tu rgyu dag dang bar skabs kyi gtam brjod pa'i tha ma yin no// 'di lta ste/ kun tu rgyu rab bzang 'di ni ngas dge slong tshur shog ces bya bas rab tu phyung ba'i rnams kyi tha ma yin no/ / de nas bcom ldan 'das kyis skabs phye nas/ kun tu rgyu rab bzang dga' zhing mgu la yi rangs shing mgu la rab tu dga' ste/ yi rangs shing dga' ba dang bde ba skyes nas/ bcom ldan 'das ga la bzhugs pa der song ste phyin nas/ bcom ldan 'das dang lhan cig tu mngon sum du yang dag par dga' ba dang / yang dag par mgu bar 'gyur ba'i gtam sna tshogs byas te/ phyogs gcig tu 'dug go// phyogs gcig tu 'dug nas/ bcom ldan 'das la/ kun tu rgyu rab bzang gis 'di skad ces gsol to/ / kye go'u ta ma 'jig rten na mu stegs kyi gnas tha dad pa 'di dag ni 'di lta ste/ 'od srungs rdzogs byed dang / kun tu rgyu gnag lhas kyi bu dang // smra 'dod kyi bu mo'i bu yang dag rgyal ba can dang / mi pham sgra'i la ba can dang / ka t+ya'i bu nog can dang / gcer bu pa gnyen gyi bu de rnams kyis rang rang gis dam bcas pa lags so//

  859. 18b

    de nas bcom ldan 'das kyis de'i tshe tshigs su bcad pa bka' stsal pa/ rab bzang nga ni na tshod nyi shu dgu lon nas// legs pa gang yin tshol phyir rab tu byung bar gyur// rab bzang nga ni rab tu byung ba'i phyin chad nas/ / lo grangs lnga bcu'i bar du ting 'dzin bsgom pa byas// ngas ni tshu khrims rnams dang zhabs dang rig pa dang // sems kyi rtse gcig btud pa dag kyang bsgom par byas/ / rigs par ldan pa'i chos kyi phyogs tsam brjod pa yang // 'di las phyi rol pa yi dge sbyong gzhan la med// rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po yang med/ de la ni dge sbyong gnyis pa dang / gsum pa dang / bzhi pa yang med do// rab bzang chos 'dul ba gang la 'phags pa'i lam yan lag brgyad pa yod pa de la ni dge slong dang po dang / gnyis pa dang / gsum pa dang / bzhi pa yang yod de/ de bas na 'di las phyi/ rol pa'i dge sbyong rnams dang / bram ze rnams la ni mid de/ pha rol rgol ba'i dge sbyong rnams sam/ bram ze rnams kyis stong ngo zhes nga ni de skad du 'khor 'dir seng ge'i sgra yang dag par sgrogs so zhes gsungs so/ / chos kyi rnam grangs 'di bshad pa na/ kun tu rgyu rab bzang chos kyi mig rdul med cing dri ma dang bral la rnam par dag ste/ kun tu rgyu chos

  860. 19a

    mthong ba/ chos rnyed pa/ chos rtogs pa/ chos kyi gting bslebs pa/ som nyi las brgal ba/ the tsom las brgal ba/ gzhan gyi dring mi 'jog pa gzhan gyis bkrir med pa/ ston pa'i bstan pa'i chos rnams la mi 'jigs pa thob par gyur nas/ stan las langs te bla gos phrag pa gcig tu gzar nas/ bcom ldan 'das ga la pa de logs su thal mo sbyar ba btud de/ tshe dang ldan pa kun dga' bo la smras pa/ btsun pa kun dga' bos ni rnyed pa legs par rnyed do// btsun pa kun dga' bo ni slob dpon chen po'i nye gnas su dbang bskur ba lags so/ / bdag kyang rnyed pa legs par rnyed pa lags te/ bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyad pa spyod par 'tshal lo zhes byas so// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa kun tu rgyu 'di ni legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos por 'gyur bar 'tshal na/ bcom ldan 'das kyis thugs brtse ba'i slad du rab tu dbyung

  861. 19b

    bar mdzad par gsol/ de nas bcom ldan 'das kyis kun tu rgyu rab bzang la dge slong tshur shog/ tshangs par spyod cig ces bka' stsal nas/ tshig de thos ma thag tu skra dang kha spu ni bregs nas zhag bdun lon pa tsam du gyur/ chos gos snam sbyar ni gyon/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ / 'dir smras pa/ de bzhin gshegs pas tshur zhes bka' stsal pas// de ni skra bregs lus la snam sbyar gyon// sangs rgyas kyis ni dgongs pas go bgos nas mod la dbang po rab tu zhi bar gnas/ / de nas bcom ldan 'das kyis de la lung phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur

  862. 20a

    to/ / de nas tshe dang ldan pa rab bzang 'di snyam du sems te/ bdag gis ston pa yongs su mya ngan las 'da' ba mthong bar bya ba ni bdag gi cha ma yin gyis/ ma la bdag gis byin rlabs rnam pa lnga byin gyis brlabs la/ de bas sngar yongs su mya ngan las 'da' bar bya'o snyam nas/ tshangs pa mtshungs par spyod pa rnams kyis ni bdag dge slong gi cha lugs su mthong bar gyur cig/ mu stegs pa gzhan rnams kyis ni mu stegs pa'i cha lugs su mthong bar gyur cig/ tshangs pa mtshungs par spyod pa rnams kyis ni bde blag tu bdag gi thang du'ong nus par gyur cig/ mu stegs pa gzhan dag gis ni chu chen pos bskor bar mthong bar gyur cig/ tshangs pa mtshungs par spyod pa rnams kyis ni bdag gis khyogs 'khyer nus par gyur cig/ 'di las phyi rol pa rnams kyis ni brgya 'am stong gis kyang 'khyer mi nus par gyur cig/ tshangs pa mtshungs par spyod pa rnams kyis ni bdag gi rus bu bsreg pa'i ma sbar nus par gyur cig/ 'di las phyi rol pa rnams kyis ni brgya'am stong gis kyang slar mi nus par gyur cig/ tshangs pa mtshungs par spyod pa rnams kyis ni bdag gi rus bu mthong bar gyur la/ mthong nas kyang rus bu la mchod pa byed par gyur cig/ mu stegs pa gzhan rnams kyis ni mthong bar ma gyur cig ces byas nas/ der tshe dang ldan pa rab bzang gis byin rlabs rnam pa lnga byin gyis

  863. 20b

    brlabs te/ yongs su mya ngan las 'das so// de nas ku shang grang byar du lha rnams kyis rab bzang yongs su mya ngan las 'das so zhes sgra bsgrags so// de nas de thos ma thag tu mu stegs pa gzhan kun tu rgyu rnams kyis ras kyi ba ngan dag bsgreng ste/ lam po che dang / srang dang / bzhi mdo dang / sum mdo rnams su sgra bsgrags pa/ dge sbyong go'u ta ma na re/ phyi rol pa'i dge sbyong ngam/ bram ze med de/ pha rol smra ba rnams ni dge sbyong ngam/ bram zes stong ngo zhes de skad du 'khor 'dir yang dag pa'i seng ge'i sgra sgrogaso so zhes zer la da ni bdag cag gi tshangs pa mtshungs par spyod pa 'di yang yongs su mya ngan las 'das so zhes ku sha'i grong khyer thog thag tu bsgrags nas/ shing sA la zung gi tshul du dong ste rab bzang ga la 'dug pa der chas pa las de'i thad du 'gro ma nus so/ / de nas dge slong rnams kyis de dag mthong nas/ kye khyed rnams 'dir ci la 'ongs/ de dag gis smras pa/ bdag cag gi tshangs pa mtshungs par spyod pa yongs su mya ngan las 'das te/ bdag cag gis de'i rus bu la mchod pa bya'o// dge slong rnams kyis smras pa/ 'di ni nged kyis tshangs pa mtshungs par spyod pa yin gyi/ khyed kyi ma yin no// ci khyed kyis skra bregs la chos gos snam sbyar gyon pa ma mthong ngam/ de dag gis smras pa/ bdag cag gis ni dbyug gu gsum dang ril

  864. 21a

    ba spyi blugs thogs pa de lta bur mthong ngo / / dge slong rnams kyis smras pa/ gal te 'di khyed kyi tshangs pa mtshungs par spyod pa yin zhe na/ 'di'i thad du shog la mchod pa gyis shig/ de nas de thos ma thag tu mu stegs pa gzhan dag rab bzang gi thad du 'gro 'dod pa las/ chu chen pos bskor bar mthong nas 'gro ma nus so// de nas dge slong rnams kyis smras pa/ 'o lta dang nged kyi tshangs pa mtshungs par spyod pa yin gyi/ khyed kyi ma yin no// 'di ltar nged ni 'di'i thad du bde blag tu 'gro nus pa yin te/ khyed kyang nged kyi mthus 'di'i thad du shog cig ces byas nas/ de dag thams cad rab bzang gi rus bu'i thad du dong ngo // de nas dge slong rnams kyis smras pa/ gal te khyed kyi/ tshangs pa mtshungs par spyod pa yin zhe na/ 'di'i khyogs khyer cig/ de nas de thos ma thag tu mu stegs pa gzhan kun tu rgyu de dag gi khyogs bskur zhes byas na/ gdeg par ma nus so/ / de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i khyogs khyer te bskur gyis ltos shig ces byas nas/ dge slong rnams kyis khyogs khyer te gang du bsregs pa'i gnas su bzhag nas/ dge slong rnams kyis smras pa/ gal te 'di khyed kyi tshangs pa mtshungs par spyod pa yin zhe na/ rus bu

  865. 21b

    bsregs pa'i me bus shig/ de nas mu stegs pa gzhan dag gis rus bu bsreg pa'i me sbar zhes byas na/ sbar ma nus so// de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ 'di ni rus bu bsregs pa'i me bdag cag gis sbar ro zhes byas nas/ dge slong rnams kyis de'i rus bu bsregs pa'i me sbyar to// rus bu bsreg pa'i me sbar nas/ yang smras pa/ gal te 'di khyed kyi tshangs pa mtshungs par spyod pa yin zhes na/ khyed kyis 'di'i rus bu bsregs pa'i me 'o mas sod cig ces byas nas/ mu stegs pa gzhan dag gi de'i rus bu bsreg pa'i me gsod ces byas na gsod ma nus so// de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i rus bu bsregs pa'i me gsod do zhes byas nas/ dge slong rnams kyis de'i rus bu bsregs pa'i me bsad do// me bsad nas yang smras pa/ gal te 'di khyed kyi tshangs pa mtshungs par spyod pa yin zhe na/ 'di'i rus bu 'di rnams long la mchod pa gyis shig/ de nas mu stegs pa gzhan kun tu rgyu rnams kyis rus bu blang zhes byas na/ rus bu ma mthong ngo // de nas dge slong rnams kyis rus bu de dag blangs te/ rus bu mchod rten gyi nang du bzhag nas 'dug pa dang / phye ma dang / me tog rnams kyis bkur sti byas te dong ngo // // bam po nyi shu lnga pa// de nas dge slong

  866. 22a

    rnams kyis/ sangs rgyas bcom ldan 'das la gsol ba/ btsun pa tshe dang ldan pa rab bzang 'di kun gyi 'og tu rab tu byung la thob ma kho nar yongs su mya ngan las 'das te/ de'i 'og tu gdod bcom ldan 'das yongs su mya ngan las 'da' bar gyur pa la gzigs/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam/ gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ grong khyer wA rA Na sin/ rgyal po kri kri zhes bya ba rgyal po byed de/ de'i tshe rgyal po kri kri'i mdun na 'don gyi bu gzugs bzang zhing blta na sdug la/ mdzes pa mdog bzang ba gser gyi mdog can mgo bo gdugs lter 'dug pa lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ lus skyes bu chen po'i mtshan sum cu rtsa gcig kyis legs par brgyan pa/ dpe byad bzang po brgyad cus mdzes par byas pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di'i rus 'od srungs yin pa / khye'u 'di'i ming 'od srungs nyid du gdags so zhes zer ro// de nas khye'u 'od srungs 'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe

  867. 22b

    cher skyes pa de'i tshe/ mtshan mkhan bye brag byed pa dag gis lung bstan pa/ khye'u 'od srungs 'di gal te rab tu ma byung na ni/ 'khor los sgyur ba'i rgyal por 'gyur ro// gal te skra dang kha spu bregs nas/ chos gos tshon can gyon te/ yang dag pa'i dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'jig rten du grags pa chen po dang ldan par 'gyur ro zhes zer ro/ / de nas byang chub sems dpa' 'od srungs kyi mdza' bo bshes pa bram ze'i khye'u mya ngan med ces bya ba zhig yod pa des de'i lung bstan pa de thos nas/ de thos ma thag tu smras pa/ grogs po shes par gyis la/ nga dang ma 'grogs par khyod dka' thub kyi tshul du ma 'gro zhig ces byas so// de nas byang chub sems dpa' mya ngan las 'das pa la dgongs pa nas/ nga khyod dang ma 'grogs kyi bar du mi 'gro'o zhes byas so// de nas der gang gi tshe byang chub sems dpa' bod srungs kyis rgan po dang / nad pa dang / shi ba gzigs nas/ nags tshal gyi nang du gshegs pa de'i tshe/ mya ngan med mi dga' bar gyur te/ des ji ltar dam bcas pa bzhin du ma byas so snyam mo// de nas gang gi tshe byang chub sems dpa' 'od srungs bla na med pa yang dag par rdzogs pa'i byang chub mngon par rdzogs par sangs rgyas nas/ wA rA NA sir gshegs pa de'i tshe/ des der lan gsum du bzlas te/ chos kyi 'khor lo rnam pa bcu gnyis chos bzhin du

  868. 23a

    bskor nas/ de rgyal po kri kris bshos la spyan drangs te/ rgyal pos de kho na'i mtshan mo lam yang mdzes par byed du bcug/ de kho na'i mtshan mo bza' ba dang bcas pa gtsang ma bzang po rnams sbyar te/ gdan bshams nas chur bkang ste/ bcom ldan 'das la 'phrin gyis gdugs chod bskul nas/ rgyal po de nyid kyis bdug pa dang / bye ma dang / spos dang me tog dang / gdugs dang / rgyal mtshan dang / ba dan rnams khyer te/ sol snyan gyi sgra chen po sgrogs shing / drang srong smra ba nas yang dag par rdzogs pa'i sangs rgyas 'od srungs bsu nas/ 'byor pa chen pos wA rA NA sir sman drangs so// de nas bram ze'i khye'u mya ngan med kyis byang chub sems dpa' 'od srungs bla na med pa yang dag par rdzogs pa'i byang chub mngon par rdzogs par sangs rgyas nas/ wA rA NA ser gshegs te/ de rgyal po kri kris bshos la spyan drangs nas/ rgyal po des de kho na'i mtshan mo lam yang mdzes par byed du bcug/ de kho na'i mtshan mo bza' ba dang bca' ba gtsang ma bzang po mang po rnams kyang sbyar te/ gdan bshams pas chur bkang ste/ bcom ldan 'das la 'phrin gyis gdugs tshod bskul nas/ rgyal po de nyid kyis bdug pa dang / phye ma dang / spos dang / me tog dang / gdugs dang / rgyal mtshan dang / ba dan rnams khyer te/ sil snyan gyi sgra chen po sgrogs shing / drang srong smra ba nas yang

  869. 23b

    dag par rdzogs pa'i sangs rgyas 'od srungs bsu nas 'byor pa chen pos wA rA NA sir spyan drangs so zhes thos so/ / thos nas kyang sngon gyi dga' bar gyur pas thag mi ring ba zhig tu 'dug ste lha bar byed la/ drung du ltar 'gror mi'i 'dod do// de nas yang dag par rdzogs pa'i sangs rgyas kyis dgongs nas/ phyag glang po ches sna lta bu brkyang ste phyag gis bzung nas drangs te bka' stsal pa/ mya ngan med khyod ci'i phyir nga dang 'phrang du 'ong bar mi 'dod/ des gsol pa/ sngon bdag la dam bzhes pa ni/ nga gang du 'gro ba der khyod khrid de 'gro'o zhes khyod kyis dam bcas pa las/ gcig pu dkar thub kyi nags tshal du bzhud de/ sngon bdag mi dga' ba'i gzhi mchis pa'i slad du mchi mi 'tshal lo// yang dag par rdzogs pa'i sangs rgyas 'od srungs kyis bka' stsal pa/ ngas ni mya ngan las bdas pa las bsams te smras pa yin na/ yong yang khyod der phyin tu zin na/ ci la phan te da ni dam bcas pa de'i dus la bab bo// mya ngan med kyis gsol pa/ btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa skud par 'tshal lo// de nas yang dag par rdzogs pa'i sangs rgyas 'od srungs kyis de dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang phog ste/ des lung de mnos pa

  870. 24a

    'og tu le lo byed cing 'dug pa las/ der gang gi tshe yang dag par rdzogs pa'i sangs rgyas kyis dgon pa'i bsngags pa bstan pa de'i tshe/ des yid la bya ba mnos nas/ dgon pa'i gnas shig tu song ste 'dug pa las/ gang gi tshe yang dag par rdzogs pa'i sangs rgyas 'od srungs kyis sangs rgyas kyi 'phrin las thams cad mdzad nas/ gzims mal gyi tha mar zhugs pa de'i tshe lha rnams kyis kun tu sgra bsgrags te/ yang dag par rdzogs pa'i sangs rgyas 'od srungs do nub nam phyed na phung po'i lhag ma med pa'i mya ngan las 'das pa'i dbyings su mya ngan las 'da' bar 'gyur ro zhes sgra bsgrags so/ / de nas dge slong mya ngan med kyis lha nam mkha' la 'gro ba de dag gi sgra thos so// thos nas kyang de sdug bsngal chen po skyes te/ bcom ldan 'das ni mya ngan las 'da' bar 'gyur la/ bdag gis ni khyad par ci yang ma thob bo snyam nas/ de gzhi de las shin tu mya ngan byed cing sdug bsngal la smre sngags 'den par byed do// de nas de la dga' ba'i lhas de mthong nas smras pa/ mya ngan med ci'i phyir khyod shin tu mya ngan byed cing sdug bsngal la smre sngags 'don par byed/ gal te yang dag par rdzogs pa'i sangs rgyas 'od srungs mthong na de la bya ba ci zhig yod/ mya ngan med kyis smras pa/ yang dag par rdzogs pa'i sangs rgyas 'od srungs kyi bstan pa la bya ba gang yin pa de dag thams cad bya'o/ / de nas de thos ma thag tu lte des khyer te/ yang dag par rdzogs pa'i sangs rgyas 'od srungs kyi spyan

  871. 24b

    sngar bab par bzhag nas/ de yang dag par rdzogs pa'i sangs rgyas 'od srungs ga la ba der song ste phyin nas/ zhabs la mgo bos phyag 'tshal te/ phyogs gcig tu 'dug go// de nas yang dag par rdzogs pa'i sangs rgyas 'od srungs kyis de dang 'thun pa'i chos bstan te/ des na mya ngan med kyis stan de la 'dug bzhin du nyon mongs pa thams cad spangs te/ dgra bcom pa nyid mngon sum du byas/ so// de nas mya ngan med kyis dgra bcom pa nyid thob nas 'di snyam du ma la bdag gis ston pa yongs su mya ngan las 'dab ba mthong bar bya ba ni bdag gi cha ma yin gyis/ bdag sngar yongs su mya ngan las 'da' bar bya'o snyam mo/ / de nas mya ngan med yongs su mya ngan las 'das nas/ de'i 'og tu yang dag par rdzogs pa'i sangs rgyas 'od srungs yongs su mya ngan las 'das so// de nas lce des bsams pa/ 'dis khyad par 'di lta bu thob pa ci yang rung ba de dag thams cad ni bdag gi mthu yin no snyam nas/ kye ma dge ba'i rtsa ba 'dis na/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas// bdag de bas sngar yongs su mya ngan las 'da' bar gyur la/ de'i 'og tu ston pa yongs su mya ngan las 'da' bar gyur cig ces smon lam btab bo// dge slong dag ji snyam du sems//

  872. 25a

    de'i tshe lhar gyur pa gang yin pa de ni rab bzang 'di kho na yin te/ des der smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur la/ bdag sngar yongs su mya ngan las 'das nas/ de'i 'og tu ston pa yongs su mya ngan las 'da' bar gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis ngamanyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// bdag sngar yongs su mya ngan las 'das nas/ de'i 'og tu ston pa yongs su mya ngan las 'da' bar gyur cig ces smon lam de ltar btab pa des ni 'di sngar yongs su mya ngan las 'das nas/ ro'i 'og tu yongs su mya ngan las 'da' bar 'gyur ro/ / dge slong ga gzhan yang 'das pa'i dus na nags khrod gcig na drang srong lnga brgya tsam gnas so// nags khrod de na lha zhig kyang gnas te/ de drang

  873. 25b

    srong de dag la shin tu dga' bar gyur to/ / de'i tshe yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kham sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang dag par rdzogs pa'i sangs rgyas 'khor ba 'jin gis 'dra ba chen po bstan pa de'i tshe/ lha de yang 'dra ba chen po der 'dus te/ des yang dag par rdzogs pa'i sangs rgyas 'khor ba 'jig las chos thos nas nags khrod du song ste/ des drang srong de dag gi mdun du yang dag par rdzogs pa'i sangs rgyas 'khor ba 'jig gi bsngags pa brjod do/ / de nas de thos ma thag tu drang srong de dag yang dag par rdzogs pa'i sangs rgyas 'khor ba 'jig mthong 'dod ches pa'i sems skyes nas/ de dag gis lha de nyid mdun du bdar te/ yang dag par rdzogs pa'i sangs rgyas 'khor ba 'jig ga la ba der dong ste/ drang srong lnga brgya po de dag gis thag ring po nas yang dag par rdzogs pa'i sangs rgyas sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la/ rnam par dag pa dang ldan pa'i sangs rgyas bcom ldan 'das

  874. 26a

    @#/ mthong ngo ngo// mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde bci 'dra ba de lta du rnam/ bcu gnyis kyi bar du mi gnas kyi sems la goms par byas pa la yang nyams bde ba de lta bu skye bar mi 'gyur ro// de ltar dga' ba skyes nas kyang / yang dag par rdzogs pa'i sangs rgyas 'khor ba 'jig ga la ba der dong ste lhags nas/ yang dag par rdzogs pa'i sangs rgyas 'khor ba 'jig gi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas yang dag par rdzogs pa'i sangs rgyas 'khor ba 'jig gis de rnams kyi bsam pa dang / bag la nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong lnga brgya po de dag gis stan de dag nyid la 'khor bzhin du bden pa rtogs ma thag tu phyir mi 'ong ba'i 'bras bu mngon sum du byas so// de dag gis bden pa mthong nas gsol pa/ btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs bar spyod pa spyad par 'tshal lo/ / de nas yang dag par rdzogs pa'i sangs rgyas 'khor ba 'jig gis drang srong lnga brgya po de dag la dge slong tshur shog ces bya ba'i tshig gis rab tu phyung ste/ bsnyen

  875. 26b

    par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / babad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyi mchod cing rjed pa dang / gus par smra ba'i gnas su gyur to// de nas gang gi tshe yang dag par rdzogs pa'i sangs rgyas 'khor ba 'jig gis sangs rgyas kyi 'phrin las thams cad mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar bzhed de/ gzims mal gyi tha mar zhugs pa de'i tshe/ dge slong lnga brgya po de dag gis bsams pa/ bdag cag gis ston pa yongs su mya ngan las 'da' ba blta ba ni bdag cag gi cha ma yin gyis/ mal bdag cag sngar yongs su mya ngan las 'da' bar bya'o snyam nas/ dge slong lnga brgya po de dag sngar yongs su mya ngan las 'das te/ de'i 'og tu yang dag par rdzogs pa'i sangs rgyas 'khor ba 'jig yongs su mya ngan

  876. 27a

    las 'das so/ / de nas lha des smon lam btab pa/ 'di rnams kyis yon tan gyi tshogs 'di lta bu thob pa ci yang rung ba de dag thams cad ni bdag gi mthu yin gyis/ kye ma dge ba'i rtsa ba 'dis na bdag gis kyang ston pa 'di lta bu mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur la/ bdag kyang ston pa de gzims mal gyi tha mar zhugs pa'i snga rol du yongs su mya ngan las 'da' bar gyur cig ces byas so/ / dge slong dag ji snyam du sems/ de'i tshe lhar gyur pa gang yin pa de ni rab bzang 'di kho na yin te/ des der smon lam btab pa des na/ dge slong yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyed par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ nga gzims mal gyi tha mar zhugs pa na 'di sngar yongs su mya ngan las 'das te/ de'i 'og tu yongs su mya ngan las 'da' 'o// de nas dge slong rnams kyis/ sangs rgyas bcom ldan 'das la gsol ba/

  877. 27b

    pa bcom ldan 'das kyis 'chi ka'i na tsha nyams su myong ba na/ tshe dang ldan pa rab bzang gi skyabs mdzad de/ gzhung drung gi mthar thug pa grub pa dang bde ba'i mya ngan las 'das pa la gnas par mdzad pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga'achi ka'i na tsha nyams su myong ba na/ 'di 'jigs pa yod pa'i sa phyogs nas byung ste/ 'jigs pa med pa'i gnas su ji ltar bzhag pa de nyon cig/ dge slong dag sngon byung ba 'das pa'i bus na/ grong khyer wA rA NA si na/ rgyal po tshangs pas byin zhes bya ba rgyal po byed de/ rgyal po tshangs pas byin gyi rta cang shes mchog tu bzang ba cig yod de/ de'i mthus na rgyal po tshangs pas byin gyis nyi 'og gi rgyal po thams cad la dpya phaba'o// de nas phyi zhig na rta cang shes de shi nas/ de'i gtam kun tu grags par gyur te/ rgyal po tshangs pas byin gyi rta cang shes de shi'o zhes 'dzer to// de nas de thos ma thag tu nyi 'og gi rgyal po thams cad kyis bsams pa/ des bdag cag la dpya phab pa ci yang rung ba de dag thams cad ni rta cang shes de'i drin kho nar zad de/ da ni de shi zin pas/ da ni gal te bdag cag gis de phyi rol du byung ba mthong na ni/ bdag cag gis de der ci dga' dgur byar yod do snyam nas/ de dag de la glags lta zhing 'khod do// rgyal po tshangs pas byin gyis kyang / ji ltar nyi 'og gi rgyal po de dag glags lta zhing 'khod pa'i

  878. 28a

    @#gtam thos nas/ thos ma thag tu de dag gis 'jigs nas/ grong khyer gyi nang nas phyi rol du 'byung ba'i thugs mi thub bo// de nas phyi mig na byang phyogs nas tshong pa dag gis zong du rta ded de wA rA NA sir lhags so/ / de nas rgyal po tshangs pas byin gyis byang phyogs nas tshong pa dag gis zong du rta ded de 'ongs so zhes thos nas/ thos ma thag tu rgyal po des rta brtag pa la mkhas pa'i mi dag btang ste/ khyed deng la zong du rta ded de 'ongs pa thams cad nyos shig/ lhag par yang de dag gi nang na rta cang shes 'ga' yod kyang srid kyis/ ltos shig ces bsgo'o// de nas rgyal po tshangs pas byin gyi zha ba ring ba rnams kyis/ lha bka' stsal pa bzhin 'tshal lo zhes gsol nas/ rta de dag thams cad nyos te/ de dag gis bltas na/ de'i nang na rta'i mchog gang yin pa de rta cang shes yin par gyur nas/ de dag gis rgyal po de la gsol to// de nas de thos ma thag tu rgyal po de shin tu mgu bar gyur nas/ des rta'i tshong pa de dag la gser dngul mang po byin no/ / de nas phyi zhig na rta cang shes de la zhon nas skyed mos tshal gyi sar byung ba drang / nyi 'og gi rgyal po rnams kyis rgyal po tshangs pas byin skyed mos tshal du byung ngo zhes thos so/ / thos nas kyang dpung gi tshogs yan lag bzhi go bskon nas wA rA NA sir lhags te/ skyed mos tshal bskor te 'khod do// de nas rgyal po tshangs pas byin ci

  879. 28b

    bya gtol med par gyur te/ dgar 'gro bar bya snyam nas/ des thams cad bor te rta cang shes la non nas skyed mos tshal gyis nas phyir 'byung ngo snyam pa las bltas na/ skyed mos tshal thams cad pha rol gyi dmag tshogs kyis 'khor zhing 'dug go/ / rta cang shes kyis ni chos nyid kyis rgyal po'i srog 'byin par 'gyur ro// skyed mos tshal de yang grong khyer gyi 'obs kyis chod de/ grong khyer gyi 'obs de yang za ba la me tog pad+mas gang bar 'dug go/ / de nas rta cang shes kyis bsams pa/ bdag gis gud du ni 'bros mi nus so snyam nas// des pad+ma'i 'dab ma de dag la gom pa bor te grong khyer logs su chas te song ngo / / de nas nyi 'og gi rgyal po rnams kyis mthong nas mda' ste'u ka nya sngas rta cang shes de'i lto dral to// de nas rgyal po des kyang de mthong nas/ 'jigs shing skrag ste/ rta 'di chu 'di'i nang du shi nas bdag 'di kho nar bar mdor ma rung bar mi 'gyur grang snyam mo// de nas rta cang shes kyis rgyal po 'jigs skrag par shes nas/ rgyal po yid gso ba'i phyir tshigs su bcad de smras pa/ 'di ltar g.yul du bdag gi lus// mdas bsnun pa ni gzigs mod kyi// thar par bgyis nas gdod 'gum gyis// rgyal po khyod ni ma sbrengs shig/ ces smras nas/ rta cang shes des rgyal po de grong khyer gyi nang du bskyal te/ 'jigs pa med pa'i gnas su bzhag nas shi'o// dge slong dag ji snyam du sems/ de'i tshe rta cang

  880. 29a

    shes su gyur pa byang chub sems dpa'i spyod pa la gnas pa de ni nga nyid yin no/ / de'i tshe rgyal por gyur pa gang yin pa de ni rab bzang 'di kho na yin te/ de'i tshe yang nga 'chi ka'i na tshas thebs pa na/ 'di 'jigs pa'i gnas dang ldan pa las bsgral te/ 'jigs pa med pa'i gnas su bzhag go// da ltar yang nga 'chi ka'i na tshas thebs pa na/ 'di 'jigs pa dang / ldan pa'i 'khor ba las bsgral te/ g.yung drung gi mthar thug pa grub pa dang bde ba'i mya ngan las 'das pa la bzhag go/ gzhan yang nga 'chi ka'i na tshas thebs pa na/ 'di 'jigs pa'i gnas dang ldan pa las bsgral nas/ 'jigs pa med pa'i gnas su bzhag ste/ dge slong dag sngon byung ba 'das pa'i dus na/ grong khyer kan n+ya ku ba tsha zhes bya ba na/ rgyal po rna ba zhes bya ba rgyal po khyed de/ rgyal po de yang ri dgas gshor ba la shin tu sred nas/ de phyi zhig na dpung gi tshogs yan lag bzhi go bskon nas/ ri dgas gshor du song ba las/ chu klung zhig gi 'gram na ri dgas lnga brgya khyu gcig tu 'khod pa rgyal po des dpung gi tshogs yan lag bzhis bskor du bcug nas/ ci nas kyang ri dgas gcig kyang mi 'chor ba de lta bur byas so// de nas ri dgas kyi khyu mchog gis bsams pa/ bdag ni ri dgas kyi khyu 'di'i gtso bo yin pas na/ bdag gis 'di rnams kyi grub pa dang bde ba bsam dgos so snyam nas/ kho ra khor yug tu bltas te/ ri

  881. 29b

    dgas rnams phyogs gang logs su byung na thar bar 'gyur zhig gu snyam pa las/ des bltas na/ chu klung drag po'i 'gram ma gtogs par dpung gi tshogs yan lag bzhis mtshams med par bskor te chu klung gi 'gram de na ni su yang mi 'dun par mthong ngo / / de nas byang chub sems dpa' des bsams pa/ ri dgas 'di rnams kyis ni chu klung 'di 'bog pa'am/ mchong ba 'am/ 'bros par yang mi nu kyis/ de lta ma yin par nga nyid chu klung 'di'i dbus su rkang lag btsugs te 'dug par bya'o snyam nas/ ri dgas de rnams la khyed kyis mchongs la nga'i rgyab tu rkang lag gis brten te pha rol gyi 'gram du dong zhig ces byas nas/ byang chub sems dpa' des chu klung gi dbus su rkang lag btsugs te 'dug go// byang chub sems dpa' rnams ni stobs kyi shugs dang ldan pa yin pas na/ de chu/ klung des bskyod mi nus par 'dug nas/ de de na 'dug pa'i rgyab tu ri dgas rnams kyis mchong zhing rkang la btsugs te pha rol gyi 'gram du dong ngo // de dag dong ba'i rmig pas byang chub sems dpa' de'i rgyab chod par gyur to/ / de nas ri dgas tha mar lus pa des mthong nas/ de dogs pa skyes te/ bdag ni bsgral mi nus gor ma chag snyam mo// de nas byang chub sems dpa' des de dogs pa skyes par mthong nas yid gsol te/ grogs po ma 'jigs shig/ khyod 'chi bar dogaso pa med do zhes byas nas/ byang chub sems dpa' des ri dgas bsgral te pha rol tu song nas/ byang

  882. 30a

    chub sems dpa' de dus las 'das so/ / dge slong dag ji snyam du sems/ de'i cher dgas kyi bu khyu mchog tu gyur pa byang chub sems dpa'i spyod pa la gnas pa gang yin pa de ni nganyid yin no/ / ri dgas lnga brgya por gyur pa gang yin pa de dag ni grong khyer ku sha na gnas pa'i gyad lnga brgya po 'di dag kho na yin no// de'i tshe ri dgas tha mar lus pa gang yin pa de ni bzang 'di kho na yin te/ de'i tshe yang nga 'chi ka'i na tsha dang ldan par gyur pa na/ 'di 'jig pa dang ldan pa'i gnas nas bsgral te/ 'jigs pa med pa'i gnas su bzhag go// da ltar yang nga 'chi ka'i natshas thebs pa na/ rab bzang la sogs pa gyad lnga brgya po 'di dag 'jigs pa dang bcas pa'i 'khor ba las bsgral nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / de nas der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis cung zad ci mthong / gsol pa/ btsun pa mthong lags so/ / bka' stsal pa/ khyod kyis ci mthong / gsol pa/ btsun pa bcom ldan 'das kyis 'dul ba'i dbang gis sprul pa zhig bzhag ste/ gzhig tu gshegs par mthong lags so// bka' stsal pa/ kun dga' bo de ni de bzhin no// de ni de bzhin te/ kun dga' bo da ltar de bzhin gshegs pa'i gdul bar bya ba gnyis shig lus te/ dri za'i rgyal po rab dga' dang / kun tu rgyu rab

  883. 30b

    bzang gnyis so/ / de lang 'di snyam du sems te/ kun tu rgyu rab bzang ni ngas gdul bar sman/ dri za'i rgyal po rab dga' ni rgyags shing bag med par gnas pa yin pas/ ngas sprul pa bzhag ste/ sum cu rtsa gsum pa'i lha'i nang du song nas/ dri ba'i rgyal po rab dga' bden pa rnams la gnas par byas te 'dir 'ongs so// de nas dge slong rnams kyis/ sangs rgyas bcom ldan 'das la zhus pa/ btsun pa rab dgas las ci bgyis shing bsags na/ las de'i rnam par smin pas lha rnams kyi nang du skyes te/ dri za'i rgyal por gyur la/ 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe lho phyogs nas rol mo mkhan gyi slob dpon mchog cig 'ongs te/ wA rA NA sir phyin to// de nas slob dpon chen po yin pa'i phyir/

  884. 31a

    rnam pa mayis parnyes nas longs spyod kyigan 'chogs rten du rgyun// 'jig rten dadani 'byor pa 'don pa yin te/ des kyim kyi khor dargyas par byas te banag so/ tshe wA rA NA si de nyid na dge bsnyen dbul po zhig gnas te/ des rol mo mkhan bde ba chen po nyams su myong ba de mthong nas/ de'i las de la chags pa skyes te/ las de'i mthas 'di bde ba de lta bu nyams su myong bar gyur pa las na/ las 'di ni bzang po zhig yin no snyam nas/ des tshe gcig gi bar du skyabs su 'gro ba dang / bslab pa'i gzhi rnams bsrungs te 'chi kar smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig/ rol mo mkhan thams cad kyi rgyal por yang gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par mgyur cig ces byas so/ / dge slong dag ji snyam du sems/ de'i tshe dge bsnyen du gyur pa gang yin pa de ni dri za'i rgyal po rab dga' 'di kho na yin te/ des der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa'i las de'i rnam par smin pas 'di gang dang gang du skyes pa de dang der phyug cing nor mngal longs spyod che ba'i

  885. 31b

    rigs su skyes te/ dge slong dag yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa mtshas par gyur nas/ 'dis nga mnyes par byas te/ mi mnyes par ma byas so// de nas dge slong rnams kyis/ bcom ldan 'das la gsol pa/ btsun pa bcom ldan 'das kyis 'chi ka'i na tsha dang ldan pa na/ 'dul ba'i dbang gis 'di lta bur po brgyal bar gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang / nga 'chi ka'i na tsha dang ldan pa na/ gdul bar bya ba'i phyir ji ltar sdug bsngal chen po dang ldan par gyur pa de nyon cig/ dge slong dag sngon byung ba 'das pa'i dus na/ grong khyer thub med rgyal zhes bya ba na/ rgyal po rgyal ba po zhes bya ba rgyal po byed de/ phyi zhig na de'i btsun mo la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji ska dag dag sa zhes ming 'dogs par byed do// khye'u 'di rgyal ba po'i sras yin pas na/ rnam par rgyal ba zhes gdugs so zhes zer ro/ / de nas khye'u rnam par rgyal ba po'o ma dang / mo dang / mar dang / zhun mar dang / mar gyi snying lus bskyed bsrings te/ de gang gi tshe cher skyes pa de'i tshe/

  886. 32a

    khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas/ las kyi gnas tha dad pa 'di lta ste/ glang po che bzhon pa dang rta bzhon pa dang / mtshon cha bcang ba dang / 'phong dang / mdun du brtsu ba dang / phyir bsnur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa 'phang ba dang / 'khor lo 'phang ba dang / gcod pa dang / bsreg pa dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to// de nas de phyi zhig na bas de la bsgo ba/ khyod kyi pha'i yul 'byor pa dang rgyas par 'dug gis/ yul phyogs de dag ltar song zhig ces bya ba nas/ ji ltar yab kyis bka' stsal pa de bzhin du 'tshal lo zhes byas nas/ de skye bo phal po ches zham ring byas te/ yul phyogs de dag ltar song ngo // de song ba'i 'og tu rgyal po rgyal ba po dus las 'das nas/ blon po rnams kyis rgyal po'i bu de la pho nya btang nas/ khyod kyi yab nongs kyis slar gshegs te/ yab kyi rgyal srid bskyang du gsol

  887. 32b

    zhes spring ngo / / rgyal po'i bu de yang byams pa'i rang bzhin can/ snying rje dang ldan pa/ sems can la byams pa ni ga ste/ de thos ma thag tu nges kyang blon po rnams la pho nya btang nas snag rung ste/ gal te nga'i yab kyi yul khams na/ sems can ji snyed gnas pa de dag khyed kyis dge ba bcu'i las kyi lam la bkod na ni ngas yab kyi rgyal srid bskyang bar bya'o zhes spring ngo // de nas rlon bopo rnams kyis yang pho nyas bzlugs te/ jo bo ji ltar bzhed pa bzhin du bdag cag gis bgyi bar 'tshal lo zhes spring nas/ de de dag spyan drangs te rgyal sar bcug nas/ de sbyin pa dag sbyin zhing / bsod nams dag byed pa la zhugs te/ zas 'dod pa la ni zas sbyin par byed/ skom 'dod pa la ni skom sbyin par byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ bzhon pa 'dod pa la ni bzhon pa sbyin par byed/ yo byad gzhan 'dod pa la ni yo byad gzhan sbyin par byed cing / nad pa gso ba'i nad 'brang bcas te/ yo byad thams cad sbyar nas/ sman ba rnams dang / nad g.yog rnams bskos te/ nad pa rnams dang / mgon med pa rnams kyi rimi gro byed do// bza' ba dang bca' ba mang po dag kyang sta gon byas te/ nam mkha' la gnas pa dang / chun gnas pa dang / thang la gnas pa'i srog chags rnams la sbyin par byed do// 'jig rten dag kyang dge bcu'i las kyi lam la 'god par byed de/ der dge ba bcu'i las kyi lam

  888. 33a

    yang dag par blangs pa'i rgyus sems can phal cher lha'i nang du skyes so/ / de dag der skyes pa'i lha'i gnas rnams gang bar gyur to// de nas lha'i dbang po brgya byin gyis bsams pa rgyu gnyis kyis ni lha'i gnas rnams gang bar 'gyur te/ de bzhin gshegs pa 'byung ba dang / 'khor los sgyur ba 'byung ba 'di gnyis yin na/ ci da ltar de bzhin gshegs pa 'jig rten du byung ngam/ 'on te 'khor los sgyur ba 'jig rten du byung zhig gu snyam mo// de nas des bltas na/ de bzhin gshegs pa yang 'jig rten du ma byung // 'khor los sgyur ba'i rgyal po yang 'jig rten du ma byung ngo / / 'o na su'i mthus lha'i gnas rnams gang bar gyur snyam ste/ des bltas na/ rgyal po rnam par rgyal ba'i mthus de ltar gyur par mthong nas/ lha'i dbang po brgya byin gyis bsams pa/ 'di ci zhig sgrub cing 'dug sgyu ma ste/ des bltas na/ bla na med pa yang dag par rdzogs pa'i byang chub sgrub par mthong ngo // de nas lha'i dbang po brgya byin gyis bsams pa/ re zhig 'di sems brtan po yin nam/ 'on te sems mi brtan pa yin pa ji brtags la/ gal te sems brtan po zhig yin na ni 'di la mchod pa bya'o// de ste sems mi brtan pa zhig na ni 'di brtan por 'gyur bar bya'o snyam du bsams nas/ lha'i dbang po brgya byin gyis yul der sems can mang po sprul nas/ sprul pa de dag gis/ blon po de dag la smras pa/ gal te rgyal po 'dis bdag cag zas dang

  889. 33b

    skom gyis tshim par byed na ni/ de lta na ni de'i 'og tu bdag cag gis kyang dge ba bcu'i las kyi lam yang dag par blangs te gnas par bya'o// de nas blon po rnams kyis/ rgyal po rnam par rgyal ba la gsol to/ / de nas rgyal po rnam par rgyal bas sprul pa de dag bkug ste bsgo ba/ ngas khyed zas dang skom gyis tshim par bya'o// sprul pa rnams kyis smras pa/ lha khyod kyis bdag cag zas dang skom gyis tshim par byed mi nus te/ bdag cag ni gsar du bsad pa'i mi sha ni za/ mi khrag ni 'thung ngo // de nas rgyal po bsams pa/ 'di dag ni mi ma yin te/ 'di dag ni mi ma yin pa yin la sha dang khrag 'di lta bu ni ma bsad kyi bar du mi rnyed do/ / 'on kyang gal te 'di rnams dge ba bcu'i las kyi lam yang dag par blangs te gnas par gyur na/ bdag gi sha dang khrag gis tshim par bya'o snyam du bsams nas/ byang chub sems dpa' des/ sprul pa rnams la smras pa/ gal te khyed dge ba bcu'i las kyi lam yang dag par blangs te gnas par byed na/ ngas nga rang gi sha dang khrag gis tshim par bya'o/ / sprul pa rnams kyis smras pa/ khyod kyi ltar bzhed pa bzhin du bgyi'o// de nas de thos ma thag tu byang chub sems dpas lus thog thag nas sha rnams bcad de/ de dag kha byin nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis bdag 'jig rten long ba 'dren pa med pa ston pa med par/ de bzhin gshegs

  890. 34a

    pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su gyur cig ces/ bla na med pa yang dag par rdzogs pa'i byang chub tu smon lam btab nas/ sprul pa de dag thams cad dge ba bcu'i las kyi lam la bkod do/ / de nas lha'i dbang po brgya byin gyis bsams pa/ byang chub sems dpa' 'dis ni mchog tu dka' ba byas mod kyi/ bon kyang bdag gis 'di'i lus snga mkho bzhin du 'gyur bar byed ma nus so/ / gzhan yang 'di'i spro ba bskyed dgos snyam nas/ byang chub sems dpa' de la smras pa/ grogs po khyod sha rnams gcod pa dang / chu ba dang / rtsa bradang brephreng rnams gcod pa na/ cung zad tsam yang sems mi dga' ba lta yod dam/ byang chub sems dpas smras pa/ kye nga ni sha rnams gcod pa dang / chu ba dang / rtsa brang breng rnams gcod pa na/ cung zad kyang sems mi dga' ba med de/ bdag nyis 'phongs pa mthong na/ lhag par yang sems can dmyal ba dang / dud 'gro dang / yi dgas su skye ba'i sems can rnams la snying rje skyes so/ / brgya byin gyis smras pa/ grogs po khyod kyi de ji ltar yid ches par rung / byang chub sems dpas smras pa/ ngas grogs po khyod bden pa bskul bas rangs par bya'o zhes byas nas

  891. 34b

    byang chub sems dpa' bden pa bskul ba byas te/ bden pa dang bden pa'i tshig gang gis ji ltar bdag gi sha rnams gcod pa dang / chu ba dang / rtsa brang breng rnams gcod pa na/ cung zad kyang sems mi dga' ba med na/ bden pa dang bden pa'i tshig des bdag gi lus 'di snga ma kho bzhin du gyur cig ces byas nas/ de skad brjod ma thag tu byang chub sems dpa'i lus de snga ma kho bzhin du gyur to// de nas lha'i dbang po brgya byin gyis rang bzhin gyi gzugs su bsgyur te/ rkang pa la phyag 'tshal nas bzod par gsol te/ grogs po khyod la ngas gtse ba'i bsam pas gnod pa byas par bzod par mdzod cig/ de lta mod kyi/ khyod nyid spro ba bskyed pa'i phyir khyod la gnod pa byas par zad do zhes smras nas/ lha'i dbang po brgya byin de nyid du mi snang bar gyur to// dge slong dag ji snyam du sems/ / de'i tshe byang chub sems dpa' gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe na yang nga 'dul ba'i dbang gis sdug bsngal bar gyur to/ / da ltar yang nga 'dul ba'i dbang gis sdug bsngal bar gyur to// yon rabs zhes bya ba ni/ gleng gni mnyan du yod pa na bzhugs te/ de'i chom du yod pa na/ khyim bdag gcig gnas bdes/ thabs bla bab pa las chung ma blangs te/ de de dang lhan cig tu rtse zhing dga' la dga' dgur spyod do// phyi zhig na des sangs rgyas la dang

  892. 35a

    pa dang / chos la dad pa dang / dge 'dun la dad par gyur nas/ skyabs su 'gro ba dang / bslab pa'i gzhi rnams blangs te/ sbyin pa dag sbyin zhing / bsod/ nams dag byed pa la zhugs so// de'i khyim de khron pa dang 'dra bar gyur te/ nyin gcig bzhin du de'i khyim du dge 'dun gyi phyir bskos pa'i dge slong rnams zan ze'o// de nas phyi zhig na khyim bar ga des sangs rgyas la sogs pa dge slong gi dge 'dun spyan drangs te/ des de dag bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ bcom ldan 'das ba shos gsol zin te/ gsang sder ni gyu/ phyag ni bcabs par rig nas/ stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / ngag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khyim bdag des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bcom ldan 'das kyis de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so//

  893. 35b

    de nas phyi zhig na dge slong gsar du dgra bcom pa zhig khyim der dge 'dun gyi phyir bskos pa'i chos ston gyi res la ba ba ste 'ongs so// phyi bzhin du gtsug lag khang gi sna la gtogs pa'i phyir mi 'ong ba zhig kyang 'ongs so/ / de nas khyim bdag des de gnyis zan sbyin par byas nas/ tshe dang ldan pa shA ri'i bus bsams pa/ dge slong des ni khyim bdag de la yon gyi rabs gdon par mi nus so snyam/ khyim de'i nang du song ste/ stan bshams pa la 'dug nas/ dge slong des tshe dang ldan pa shA ri'i bu la gsol ba btab ste/ gnas brtan yon gyi rabs gdon par gsol zhes byas so/ / de nas tshe dang ldan pa shA ri'i bus/ khyim der yon gnas tshogs par mthong nas de kho na dang 'thun pa'i yon gyi rabs bton nas bdag gis ni sbyin pa'i 'bras bu'i tshad rgyas bar brjod par mi nus so/ / bcom ldan 'das ni thams cad gzigs pa yin pas/ 'bras bu dang rnam par smin pa mkhyen to zhes smras te/ des yon gyi rabs bton nas/ khyim bdag de'i chung ma la yang de dang 'thun pa'i chos bstan te/ des na khyim bdag de dang chung mas phyir mi 'ong ba'i 'bras bu mngon sum du byas nas/ tshe dang ldan pa shA ri'i bus chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas/ stan las langs te song ngo // de nas phyi zhig

  894. 36a

    na khyim bdag de'i blo skyes pa/ bdag khyim na gnas pas chog gis/ bcom ldan 'das kyi bstan pa la rab tu 'byung ngo snyam nas bza' bran gnyis kas sbyin pa dag sbyin zhing bsod nams dag byas nas/ bcom ldan 'das kyi bstan pa la rab tu byung ngo // rab tu byung nas nyon mongs pa thams cad spangs te/ dgra bcom pa nyid mngon sum du byas nas/ de dgra bcom pa khams gsum pa'i 'dod chags dang bral bar gyur te/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa 'di gza' bran gnyis kyis las ci bgyis na/ las de'i rnam par smin pas phyug cing nor mngal longs spyod che ba'i rigs su skyes te 'di gnyis kyis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra

  895. 36b

    bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di gnyis kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di gnyis rab tu byung nas/ der 'di gnyis kyis sbyin pa dag sbyin zhing / bsod nams ngag byas te/ tshe gcig tu tshangs par spyod pa spyad nas/ 'chi kar smon lam btab pa/ kye ma dge ba'i rtsa ba 'dis bdag cag gnyis gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de dag cag gnyis kyis mnyes par byed par gyur cig mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so//

  896. 37a

    dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rab tu byung ba'i bza' bran de gnyis ni rab tu byung ba 'di gnyis kho// na yin te/ de gnyis kyis der rab tu byung nas/ sbyin pa dag sbyin zhing / bsod nams dag byas te/ tshe gcig tu tshangs par spyod pa bsrungs nas// 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ de gnyis kyis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// // bam po nyi shu drug pa// / / rgan zhugs gnyis zhes bya ba de la/ rgan zhugs dang po ni/ gleng gzhi mnyan du yod pa na bzhugs te/ de na gang gi tshe khyim bdag mgon med zas sbyin gyis rgyal po rgyal byed kyi tshal du gtsug lag khang rnam pa thams cad yongs su rdzogs par byed du bcug nas/ sangs rgyas la sogs pa dge slong gi dge 'dun la phul te/ sbyin pa dag sbyin zhing / bsod rnams dag byed pa la zhugs pa de'i tshe/ mnyan du yod pa de nyid na khyim bdag gzhan zhig gnas pa des bsams pa/ bdag gis khyim bdag mgon med zas sbyin 'di sbyin pa gtong bas zil gyis non par

  897. 37b

    'gyur ba'i thabs lta ci yod skam mo/ / de nas des bsams pa/ ma la bdag gis rgya mtsho'i nang du 'gro ba'i don bsgrubs la/ gal te bdag gis der rgya mtsho'i gru bo che'i don grub par gyur te/ phyir 'ong na ni/ de lta na bdag gis khyim bdag mgon med zas sbyin sbyin pa gtong bas zil gyis gnon par nus so snyam mo// de nas de rgya mtsho chen po'i nang du zhugs nas/ rin po che'i gling du 'gro ba bsgrubs te/ rgya mtsho'i gru bo che'i don grub nas mnyan du yod par phyin to// de der 'ongs nas sbyin pa dag sbyin zhing / bsod nams dag byed pa la zhugs nas/ 'on kyang khyim bdag mgon med zas sbyin zil gyis gnon par ma nus so/ / de nas phyi zhig na khyim bdag des/ tshe dang ldan pa shA ri'i bu la dris pa/ gtsun pa shA ri'i bu thabs ci zhig gis na/ bdag gis khyim bdag mgon med zas sbyin dge ba bgyis pas zil gyis gnon par nus/ tshe dang ldan pa shA ri'i bus smras pa/ khyim bdag mgon med zas sbyin ni bsod nams can che bar grags pa yin te/ des ni gter bdag po yod pa dang / bdag po med pa dang / chu na yod pa dang / skam la yod pa dang / ring ba dang nye ba rnams kyang mthong bas na/ de na khyod kyis sbyin pa gtang bas zil gyis gnon par mi nus bcom ldan 'das kyi bstan pa la rab tu byung na/ de 'ba' zhig gis de khyod kyis zil gyis gnon par nus so// de nas de thos ma thag tu khyim bdag des sbyin pa dag sbyin zhing / bsod

  898. 38a

    nams dag byas nas/ bcom ldan 'das kyi bstan pa la rab tu byung ngo // de rab tu byung ste/ brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas khyim bdag mgon med zas sbyin gyis khyim bdag che ge mo zhig gis khyod zil gyis gnon par bya ba'i phyir sangs rgyas kyi bstan pa la rab tu byung ngo / / de ltar rab tu byung nas/ nyon mongs pa thams cad spangs te/ dgra bcom pa nyid mngon sum du byas so zhes thos so// de thos ma thag tu khyim bdag mgon med zas sbyin dga' bar gyur te/ dge slong de gal 'dug pa der song ste phyin nas/ rkang pa la phyag 'tshal te smras pa/ khyod rab tu byung bas bdag zil gyis non par gyur to/ / ra bdag gis khyod ji srid 'tsho ba'i bar du gos dang / zas dang / mal cha dang / stan dang / nad gsos dang / sman zong rnams ci bzhed pa bstan par bgyi'o zhes byas so//

  899. 38b

    de nas dge slong rnams kyis/ sangs rgyas bcom ldan 'das la gsol ba/ btsun pa khyim bdag 'dis khyim bdag mgon med zas sbyin sbyin pa gtong bas zil gyis gnon par 'tshal ba las zil gyis gnon par ma nus te/ rab tu byung bas zil gyis non par gyur pa dang / bcom ldan 'das kyang 'dis mnyes par bgyis te/ mi mnyes par ma bgyis la/ bcom ldan 'das kyi bstan ba la rab tu byung nas/ nyon mongs pa thams cad spangs te/ dgra bcom pa nyid ji ltar mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang khyim bdag 'dis khyim bdag chu stod zil gyis gnon par bya'o snyam pa las/ zil gyis gnon par ma nus te/ rab tu byung bas zil gyis mnan nas/ de der rab tu byung ste/ tshe gcig tu tshangs par spyad nas/ 'chi kar smon lam btab pa/ kye 'di ltar bdag gis yang dag par rdzogs sangs rgyas 'od srungs kyi bstan pa la tshe gcig tu tshangs par spyod pa spyad nas/ sbyin pa dag byin zhing / bsod nams dag byas pa'i dge ba'i rtsa ba 'dis ni/ bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnye

  900. 39a

    / par byed par mgyur cig/ de kho na'i bstan pa lar 'dubyung nas/ nyon mongs pa thams cad spangs te/ dmabacom pa nyid mngon sum du byed par gyur cig ces byas so/ / dge slong dag ji snyam du sems// de'i tshe khyim bdag tu gyur pa gang yin pa de ni dge slong 'di kho na yin te/ de'i tshe yang 'dis khyim bdag chu stod sbyin pa gtong bas zil gyis gnon par bya'o snyam pa las/ zil gyis gnon par ma nus nas rab tu byung bas zil gyis non par gyur la/ da ltar yang 'dis khyim bdag mgon med zas sbyin sbyin pa gtong bas zil gyis gnon par bya'o snyam pa la/ zil gyis gnon par ma nus nas/ rab tu byung nas zil gyis non par gyur to// des der tshe gcig tu tshangs par spyod pa spyad nas/ 'chi kar smon lam btab pa/ 'di ltar yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas dge slong rnams kyis/ sangs rgyas bcom ldan 'das

  901. 39b

    la gsol pa/ btsun pa dge slong 'din rgya chen po la mos te/ gzhan rnams zil gyis gnon par 'tshal la/ bdag ni gzhan gyis zil gyis non par mi 'tshal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar rgya chen po la mos te/ gzhan rnams zil gyis gnon par 'dod la/ bdag ni gzhan gyis zil gyis gnon par mi 'dod pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo sum khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gser thub ces bya ba 'jig rten du byung ste/ de gang gi tshe bla na med pa yang dag par rdzogs pa'i byang chub mngon par rdzogs pa'i sangs rgyas nas/ rgyal po'i pho brang bde ldan du byon te/ de'i phyir rgyal po bde bas rang gi skyed mos tshal du gtsug lag khang ba cig par btsams te/ des der gzhon nu rnams dang / blon po rnams dang / dpa' bo'i sde tshan rnams dang / grong rdal gyi mi rnams dang / yul gyi mi rnams dang / skye bo mang po thams cad bsags na sa bsgo ba/ khyed las su 'dir nor shin tu mang por bskyed nus pa des/ gtsug lag khang 'di rtsigs shig ces byas so// de'i tshe khyim bdag gcig gis rgyal

  902. 40a

    @po de dang / gong nas gong du nor bskyed pa la zhugs te/ gser bye ba phrag dgu la thug par bskyed do// de nas des de yan chad du bskyed pa'i thugs mthub ste/ 'di ni rgyal rig spyi bo nas dbang bskur ba yin te/ 'di 'dis skyebs par 'gyur du 'ong ngo snyam nas bskyed pa de btang ngo // de nas rgyal po bde bas gtsug lag khang de rnam pa thams cad du yongs su rdzogs par byas nas/ sangs rgyas gser thu ba nyan thos kyi dge 'dun dang bcas pa la phul te smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ ston pa 'di kho na dang 'a dra ba mnyes par byed par gyur cig/ mi mnyes par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe khyim bdag tu gyur pa gang yin pa de ni khyim bdag 'di kho na yin te/ de'i tshe yang 'di rgya chen po la mos te/ gzhan rnams ni zil gyis gnon par 'dod la/ bdag ni gzhan gyis gnon par mi 'dod par gyur to// da ltar yang 'di ni rgya chen po la mos te/ gzhan rnams ni zil gyis gnon par 'dod la/ bdag ni gzhan gyis zil gyis gnon par mi 'dod par gyur to// rgan zhugs gnyis pa ni/ gleng gzhi mnyan du yod pa na bzhugs te/ der gang gi tshe mi blun po

  903. 40b

    'phags skyes pos shAkya rnams kha btag pa de'i tshe/ yul ser skya'i gnas na tshe dang ldan pa kun dga' bo'i sring mo'i bu pa ma gnyis dang bral te/ ser skya'i gnas na mgon med par 'khyam zhing 'dug go/ de'i tshe mnyan du yod pa na gnas pa'i khyim bdag cig de gnyis kyi pha'i grogs por gyur pa de/ bya ba zhig la yul ser skya'i gnas su phyin te/ des khye'u de gnyis mthong ma thag tu ngo shes nas dris te/ bu khyed gnyis kyi pha ma ga la 'khod ces byas so/ / khye'u de gnyis kyis smras pa/ 'phags skyes pos bsad de/ de gnyis dang bral bas bdag cag gnyis mgon med de phan tshun 'khyam zhing 'dug go/ khyim bdag des smras pa/ gal te khyed gnyen 'dun rnams kyis bskyang ba med na/ mnyan du yod par deng zhig dang / btsun pa kun dga' bo de khyed gnyis kyi zhang po yin te/ de yang gnyen la mnyen gshin pa sa/ des khyed gnyis sbyang bar 'gyur ro// khye'u gnyis kyis smras pa/ bdag cag gnyis rgyal bu rgyal byed kyi tshal du 'gro ba'i lam mi shes na/ der 'gro ba'i lam gang yin// khyi bdag des smras pa/ bu gnyis tshur shog dang re zhigang yul ser skya'i gnas su don cig bsgrubs la/ de nas ngas khyed gnyis rgyal bu rgyal byed kyi tshal du bkri'o zhes byas nas/ khyim bdag de song ngongo/ / des bsgrub par bya ba gang yin pa de dag thams cad bsgrubs nas/ khye'u de gnyis khrid de mnyan du yod par 'ongs nas/ de gnyis rgyal bu rgyal byed kyi tshal gyi sgor bzhag ste bsgo ba/ khyed gti

  904. 41a

    kyi zhang po dka' thub kyi gnas 'di na 'dug ste/ des khyed gnyis sbyang bar 'gyur ro zhes byas nas khyim bdag de song ngo // de song nas khye'u de gnyis sgo khang gi nang du zhugs te 'khod pa la/ kun dga' bos ngo ma shes te dris pa/ bu khyed gnyis su yin/ ga las 'ongs// de gnyis kyis smras pa/ yul ser skya'i gnas kyi shAkya che ge mo zhig gi bu lags so// kun dga' bos smras pa/ khyed gnyis kyi pha ma gar song / khye'u gnyis kyis smras pa/ 'phags skyes pos bsad de/ bdag cag gnyis dA ra lus nas/ mgon ma mchis par gyur pas/ de'i slad du bdag cag gnyis phan tshun 'khyam zhing mchis so/ / bdag cag gnyis kyis thos nas/ rgyal bu rgyal byed kyi tshal 'di na/ bdag cag gnyis kyi zhang po 'dug ces grags nas bdag cag gnyis de'i thad du mchis so// de nas de thos ma thag tu tshe dang ldan pa kun 'ga' bo yi mug nas/ da ji ltar bya snyam mo// de nas dge slong rnams kyis de mthong nas dris pa/ btsun pa kun dga' bo khyod ci'i phyir yi mug par gyur/ kun dga' bos smras pa/ khye'u 'di gnyis bdag gi sring mo'i bu yin te/ 'di gnyis pha ma med par gyur pas 'dir 'ongs te/ bdag gis 'di gnyis mthong nas yi mug par gyur te/ bdag gis 'di gnyis ji ltar bskyang bar bya/ bcom ldan 'das kyis kyang dad pas byin pa chud gson par mi bya'o zhes gsungs so snyam mo// dge slong rnams kyis smras pa/ phan 'dogs pa la phan

  905. 41b

    par bya'o zhes bcom ldan 'das kyis ma gsungs sam/ 'di gnyis kyis kyang bdag cag la lhung bzed kyi bya bta' dang / me tog dang / 'bras bu rnams kyis phan thogs par 'gyur ro zhes byas so/ / de nas tshe dang ldan pa kun dga' bos de gnyis blangs te bskyang bar byas so// dge slong rnams kyis kyang kha zas cung zad tsam dag khyer te 'ong zhing de gnyis la sbyin par byed do// tshe dang ldan pa kun dga' bo sa ni bsod snyoms gang ba blangs shing de gnyis la phyed sbyin par byed do/ / phyed ni bdag nyid za bar byed de/ de'i rgyus kun dga' bo nyam chung zhing rid la sgeg cing lus kyi mthu med par gyur to/ / de nas bcom ldan 'das kyis/ dge slong kun dga' bo nyam chung zhing ring la sgeg cing lus kyi mthu med par gyur pa gzigs so// gzigs nas dge slong rnams la bka' stsal pa/ dge slong dag ci'i phyir dge slong kun dga' bo nyam chung zhing rid la sgeg cing lus kyi mthu med par gyur/ dge slong rnams kyis gsol pa/ btsun pa tshe dang ldan pa kun dga' bos sring mo'i bu gnyis blangs nas/ des bsod snyoms gang ba blangs shing phyed ni bdag nyid 'tshal// phyed ni de gnyis la stsol bar bgyid de/ btsun pa rgyu ni de lags/ rkyen ni de lags te/ des na tshe dang ldan pa kun dga' bo nyam chung zhing rid la sreg cing lus kyi mthu ma mchis par gyur lags so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun

  906. 42a

    dga' bo khye'u de gnyis rab tu 'byung ngam/ gsol pa/ rab tu 'byung lags so// de nas bcom ldan 'das kyis/ dge slong rnams la bka' stsal ba/ dge slong dag de'i phyir dge 'dun gyi zas ni rab tu 'byung ba la bltos pa rangs gnang ngo / / ci rigs pa'i las lhung bzed kyi bya btang dang / me tog dang / 'bras bu dang / so shing rnams kyang 'bul du chug cig ces bka' stsal to/ / de nas gang gi tshe bcom ldan 'das kyis dge 'dun gyi zas zar gnang ste/ de gnyis de za zhing 'dug pa dang / rtsed mo la zhugs shing 'khod do// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod na re khye'u gnyis rab tu 'byung ngo zhe na/ ci'i phyir rab tu mi 'byung / gsol pa/ bcom ldan 'das rab tu 'byung lags so/ / bka' stsal pa/ bo na rab tu 'byung na ci nyes/ gsol pa/ bcom ldan 'das kyis gang zag lo bco lnga ma lon pa rab tu dbyung bar mi bya/ bsnyen par rdzogs par mi bya'o zhes bka' stsal te/ 'di gnyis lo bdun las ma lags na/ bdag gis 'di gnyis rab tu ji ltar dbyung lags/ bka' stsal pa/ kun dga' bo khye'u 'di gnyis kyis dge 'dun gyi kha zas bshams pa las// bya rog slod nus sam/ bcom ldan 'das rdo thog lags so// bka' stsal pa/ de bas na lo bdun lon pa bya rog slong nus pa rab tu 'byung bar ngas gnang gis/ rab tu byung zhig/ de nas

  907. 42b

    de ltar bcom ldan 'das kyis lo bdun lon pa bya rog skrod nus pa rab tu 'byung bar gnang gis/ rab tu phyung zhig ces bka' stsal nas/ tshe dang ldan pa kun dga' bos khye'u de gnyis rab tu phyung ste/ kha tor slob tu bcug go/ de nas bdag gis gnyen yin snyam ste/ byams snyems pas slob tu ma btub nas/ nyin par ni dri mo gtam gyis dus 'das par byed do// mtshan mo ni rmugs pa dang / gnyid kyis dus 'das par byed do// de nas tshe dang ldan pa mo'u 'gal gyi bu chen pos de gnyis mthong nas/ des tshe dang ldan pa kun dga' bo la smras pa/ kun dga' bo khye'u 'di gnyis ci'i phyir mi slob kun dga' bos smras pa/ btsun pa mo'u 'gal gyi bu chen po 'di gnyis bdag la nyam bu shed bgyid de/ bdag kyang byams pa'i dbang du gyur nas tshar gcod mi phod do// mo'u 'gal gyi bus smras pa/ kun dga' bo khyod byams pa'i dbang du gyur te slob mi phod na/ dge slong gzhan dag la gtod cig/ tshe dang ldan pa kun dga' bos smras pa/ btsun pa mo'u 'gal gyi bu chen po sa zhig rang gi dge ba'i phyogs bor to/ / 'di gnyis slob tu btub/ des smras pa/ khyod kyi bshes gang yin pa de la tshol cig/ kun dga' bos smras pa/ btsun pa khyod nyid bdag gi bshes lags so zhes byas nas/ tshe dang ldan pa kun pos khye'u de gnyis kyi lag pa nas bzung ste/ tshe dang ldan pa mo'u 'gal gyi bu chen po la phul nas smras pa/ bu khyed gnyis ngal slob tu mi btub na/ btsun

  908. 43a

    pa 'di la slobs shig ces byas so/ / de nas khye'u de gnyis kyis bsams pa/ dge slong 'di ni mi bsrun pa zhig yin gor ma chag/ de bas bdag cag gnyis 'di la gtad do snyam nas/ brtson 'grus su slob par gyur to// tshe dang ldan pa mo'u 'gal gyi bu chen po yang des shing / 'grogs na bde bar khye'u de gnyis kyis shes nas nyam bu shed byed de de'i thad du slob tu mi btub bo/ / de nas tshe dang ldan pa kun dga' bos smras pa/ btsun pa mo'u 'gal gyi bu chen po khye'u 'di gnyis ci'i slad du mi slob/ des smras pa/ tshe dang ldan pa kun dga' po bdag la yang 'di gnyis kyis nyam shed byed de bdag la slob tu mi btub bo/ / kun dga' bos smras pa/ 'di gnyis skyo ba bskyed 'tshal lo// de ltar ma bgyis na/ 'di gnyis slob tu mi btub bo// des smras pa/ tshe dang ldan pa kun dga' bo ji ltar 'dod pa de bzhin du bya'o zhes byas nas/ mo'u 'gal gyi bu chen pos khye'u de gnyis khrid de 'chag tu song nas/ des de gnyis skyo ba bskyed pa'i phyir sems can dmyal ba zhig sprul to/ / de nas khye'u de gnyis 'chag pa'i sa nas thag mi ring ba zhig nas/ 'jigs pa chen po'i sgra grag ste/ de thos nas tshe dang ldan pa mo'u 'gal gyi bu chen po'i thad du song ngo // de nas tshe dang ldan pa mo'u 'gal gyi bu chen pos/ de gnyis la dris pa/ bu gnyis sgra 'di ci zhig gi sgra/ de gnyis kyis smras pa/ slob dpon sgra chen po 'di ci zhig gi sgra lags pa bdag cag gnyis kyis kyang glo bar ma chud

  909. 43b

    do/ / mo'u 'gal gyi bu chen pos/ de gnyis la smras pa/ khyed gnyis deng la sgra chen po 'di ga las byung ba ltos shig/ de nas da gnyis kyis tshe dang ldan pa mo'u 'gal gyi bu chen pos bsgo ba bzhin du mnyan te phyogs der song ngo / / de gnyis kyis der song ste bltas na/ sems can dmyal ba mang po dag gcod pa dang / gtub pa dang / brdeg pa dang / 'tshed pa la sogs pa'i sdug bsngal rnams nyams su myong ba mthong nas dris pa/ khyed su dag cig/ sprul pa rnams kyis smras pa/ sems can dmyal ba pa yin no// de gnyis kyis de nyid la lcags kyi rdza bum chen po zhig khol zhing 'dug pa mthong la/ de'i nang du 'tshed pa ni 'ga' tsam yang mi snang ngo // de ltar mthong nas dris pa/ ci'i phyir ljags kyi rdza bum 'di don med par khol zhing 'dug/ sprul pa rnams kyis smras pa/ 'di ni don med par ma yin gyi/ kun dga' bo'i sring mo'i bu gnyis rab tu byung nas/ dad pas byin pa spyod la/ le lo byed cing 'dug pa de gnyis shi ba'i 'og tu 'dir skye bar 'gyur te/ gnyis kyi phyir lcags kyi rdza bum 'di khol zhing 'dug go// de nas de thos ma thag tu khye'u de gnyis 'jigs pa chen po skyes te/ de gnyis 'jigs shing skrag nas/ tshe dang ldan pa mo'u 'gal gyi bu chen po'i thad du song ngo / / de nas tshe dang ldan pa mo'u 'gal gyi bu chen pos de gnyis mthong nas dris pa/ bu gnyis sgra chen po 'di ga las byung // de nas khye'u de gnyis kyis/ tshe dang ldan pa

  910. 44a

    mo'u 'gal gyi bu chen po la thams cad rgyas par bsnyad do/ / de nas mo'u 'gal gyi bu chen pos/ de gnyis la smras pa/ bu gnyis de ni ngas khyed gnyis la byas na khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis/ de'i phyir khyed gnyis sems can dmyal bar skye bar mi 'gyur ba de ltar gyis shig/ de nas de thos ma thag tu khye'u gnyis brtson 'grus su slob pa la zhugs so/ / de nas de gnyis kyis sems can dmyal ba'i sdug bsngal de gal te snga dro dran par gyur na ni/ de gnyis zan stor bar 'gyur ro// de ste phye ma red dran par gyur na ni ci zos pa yang skyug par 'gyur ro// rgyu des na de gnyis nyam chung zhing rid la sgeg cing lus kyi mthu med par gyur to// de nas tshe dang ldan pa kun dga' bos de gnyis mthong nas/ tshe dang ldan pa mo'u 'gal gyi bu chen po la dris pa/ btsun pa mo'u 'gal gyi bu chen po ci'i slad du khye'u 'di gnyis nyam chung zhing rid la sreg cing lus kyi mthu med par gyur// de nas tshe dang ldan pa mo'u 'gal gyi bu chen pos de la thams cad rgyas par bskrad do/ / de nas tshe dang ldan pa kun dga' bos/ de la smras pa/ 'di gnyis ha cang mi dga' ches te/ brubs gzir bar gyur na/ na par 'gyur du 'o gas/ sprob bskyed dgos so// moT 'gal gyi bus spras pa/ khyod rdo ltar 'dod pa de bzhin du bya'o zhes byas nas/ tshe dang ldan pa mo bu 'ga'agyo sa chen pos/ khyo'u des

  911. 44b

    la smras pa/ stan khyer la 'chag tu 'dong ngo // de gnyis kyis smras pa/ baphags pa bdag cag gnyis 'chag pas cho ga lags so// bdag cag gnyis ni 'di nyid na mchus shing slob par 'tshal lo/ / mo'u 'gal gyi bu chen pos smras pa/ bu gnyis 'chags de logs su mi 'dong bar 'chags gzhan du 'dong ngo zhes byas nas/ khye'u de gnyis khrid de 'chag sa gzhan du dong nas/ tshe dang ldan pa mo'u 'gal gyi bu chen pos de gnyis spro ba bskyed pa'i phyir thag mi ring ba zhig tu mtho rise shig sprul te/ de na lha'i bu rna cha gdub kor dag cing mgul par thogs pa/ lus do shal dang se mo dos brgyan pa/ lha'i bu mo dag gis bskor ba dag pheg rdob par byed de/ rtse zhing dga' la dga' dgur spyod do// de nas khye'u de gnyis 'chag pa'i sa nas thag mi ring ba zhig nas pheg rdob pa'i sgra grag ste/ de thos nas tshe dang ldan pa mo'u 'gal gyi bu chen po'i thad du song ngo // de nas tshe dang ldan pa mo'u 'gal gyi bu chen pos de gnyis mthong nas dris pa/ bu gnyis sgra 'di tshe zhig gi sgra/ de gnyis kyi sbas pa/ slob dpon sgra 'di ci zhig gi sgra lags pa bdag cag gnyis kyis kyang gro bar ma chud do// mo'u 'gal gyi bu chen pos/ de gnyis la sbas pa/ khyed gnyis deng la sgra 'di ga las byung ba ltos shig/ de nas de gnyis kyis/ tshe dang ldan pa mo'u 'gal gyi bu chen pos bsgo ba bzhin du mnyan te phyogs der song ngo // de gnyis der song ste

  912. 45a

    bltas na/ lha'i sran chagatsu kor dag cing 'gul bar thogs pa/ lus do shAl dang se mongs ldan pa l+h+wab srung gagis bkor bdag re ga pa par byed de/ dga' la dga' dgur spyod par mthong nas dris pa/ khyed su dag cig/ sprul pa rnams kyis smras pa/ lha'i bu yin no// de gnyis kyis de nyid na seng ge'i khro gnyis lnga'i bu mo mang po dag gis bskor cing 'dug pa mthong la/ de'i steng na lha'i bu su yang mi 'dug go// de ltar mthong nas de gnyis ngo mtshar du gyur to// ngo mtshar du gyur nas dris pa/ ci'i phyir seng ge'i khri 'di gnyis stong par 'dug ste/ 'di gnyis la lha'i bu su yang mi 'dug/ sprul pa rnams kyis smras pa/ kun dga' bo'i sring mo'i bu gnyis rab tu byung nas/ brtson 'grus brtsams shing 'dug pa 'di gnyis nam shi 'phos te dus las 'das pa de'i tshe/ 'dir skye bar 'gyur te/ de gnyis dang bdag cag lhan cig tu rtse zhing dga' la dga' dgur spyod par 'gyur ba'i seng ge'i khri yin no// de nas de thos ma brag tu khye'u de gnyis dga' bar gyur nas/ bdag cag gnyis kyi brtson 'grus kyis 'bras bu chen po thob par gyur te/ sems can dmyal bar skye ba las kyang thar la/ lhar skye ba yang thob par gyur to snyam du rig nas/ sems dga' bzhin du mo'u 'gal gyi bu chen po'i thad du song ngo // de nas mo'u 'gal gyi bu chen pos de gnyis mthong nas dris pa/ bu gnyis sgra 'di ga las byung / de nas

  913. 45b

    khye'u de gnyis kyis/ tshe dang ldan pa mo'u 'gal gyi bu chen po la thams cad rgyas par bskrad do// de nas mon 'gal gyi su chen pos/ de gnyis la smras pa/ bu gnyis de ni ngas khyed gnyis la byas na/ khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis/ de'i phyir lhag par yang brtson 'grus brtsam par gyis shig/ de nas de thos ma thag tu khye'u de gnyis lhag par brtson 'grus su slob pa la zhugs so/ / de nas phyi zhig na de gnyis kyis 'khor lo ltar bsdus pa'i mdo brtsams te/ de gnyis kyis de thos nas 'di snyam du sems te/ 'khor ba na 'khor phan chad/ zo chun rgyun mo'i 'khrul 'khor bzhin du yang dang yang du sems can dmyal ba dang / dud 'gro dang / yi dgas dang / lha dang mir 'khor dgos pas na/ bdag cag gnyis la lhar skye ba yang mi dgos/ mir skye ba yang mi dgos kyis/ bdag cag gnyis kyis dngos po med pa nyid du brtson 'grus pa rtsam par bya'o snyam mo// de nas tshe dang ldan pa mo'u 'gal gyi bu chen pos de gnyis yid skyo bar gyur par rig nas/ yid la bya ba'i lung phog ste/ de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' lag mthil du 'dra ba'i

  914. 46a

    @sems dang ldan pa/ can dan spangs pa lta bur bsim par gyur pa/ rig pas sgong basbubs bcom pa/ rig pa dang / mngon par shes pa dang / so so yang dag/ par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / de gnyis kyis dgra bcom pa nyid thob nas rdzu 'phrul gyis gnas tha dad pa gzhan dang gzhan du 'gro zhing/ dus ma yin pa'i me tog rnams dang 'bras bu rnams blangs te/ dge 'dun la 'bul bar byed do/ / de nas tshangs pa mtshungs par spyod pa gzhan dag gis tshor te/ 'di gnyis ni mthu che ba yin no snyam mo// de ltar mthong nas de rnams bdag cag nyid la skyo ba skyes te/ lo babadun lon pa 'di gnyis kyis kyang yon tan 'di lta bu thob na/ bdag cag sgra'i mdog lan gsum gyur kyi bar du bdag cag gis ci yang ma thob bo snyam ste/ skyo bar gyur nas nyon mongs pa thams cad spangs te/ dgra bcom pa nyid mngon sum du byas so// / de nas dge slong rnams kyis/ sangs rgyas bcom ldan 'das la zhus pa/ btsun pa dge tshul pa de gnyis kyis las ci bgyis na/ las de'i rnam par smin pas lo bdun lon nas rab tu byung nas/ nyon mongs pa thams cad spaspangs te/ dgra bcom pa nyid mngon sum du bgyis lags/ bcom ldan 'das

  915. 46b

    kyis bka' stsal pa/ smon lam gyi dbang las gyur to// gsol pa/ btsun pa 'di gnyis kyis smon lam gang du btab lags/ bka' stsal pa/ sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de phyi zhig na dge slong gi dge 'dun mang pos zham ring byas te/ yul ka shi'i phyogs su ljongs rgyu zhing gshegs pa las/ wA rA NA sir byon to// de'i tshe mdza' sde lnga brgya tsam skyed mos tshal gyi sar byung nas pheg rdob par byed do// rtse zhing dga' la dga' dgur spyod pa las/ mdza' sde de rnams kyis thag ring ba zhig nas yang dag par rdzogs pa'i sangs rgyas 'od srungs mthong ngo // mthong nas kyang de dag gi blo skyes pa/ da ltar sangs rgyas byung bas 'jig rten brgyan te/ 'dzam bu'i gling dgra bcom pas gang zhing 'dug na/ bdag cag khyim na 'dug pas chog gis/ bcom ldan 'das kyi bstan pa la rab tu 'byung ngo snyam mo// der kha cig na re/ ji srid du bdag cag gi 'byung ba chen po gzhon pa de srid du 'dod pa rnams longs smad la/ phyir rgas pa'i tshe rab tu byung bas slebs so zhes zer nas/ de dag rab tu ma byung ste/

  916. 47a

    de dag las kha cig ni bu yang byung / bu mo yang byung ngo // kha cig ni shi'o// de nas phyi zhig na kha cig gi blo skyes pa/ da ni bdag cag gi khyim so 'dzin pa dag byung zin gyis bdag cag dong la/ bcom ldan 'das yang dag par rdzogs pa'i sangs rgyas 'od srungs kyi bstan pa la rab tu 'byung ngo zhes zer ro// der kha cig na re/ da ni bdag cag gi bu rnams kyi khyim yang dbub par bya/ bu mo rnams kyang bag mar gtang bar bya'o snyam nas/ de'i skabs su yang rab tu ma byung ngo // de nas phyi zhig na de dag thams cad shi nas/ de dag gi nang na sa gnyis shig lus par gyur te/ de gnyis phyis skyo ba skyes nas/ bdag cag sngon lo nyi shu rtsa lnga lon pa na/ bdag cag gzhon nu'i gnas skabs su bab pa'i tshe/ rab tu 'byung bar dad pa skyes pa las/ bdag cag de'i tshe rab tu ma byung nas thams cad shi ste/ bdag cag gnyis ka lus par gyur la/ bdag cag kyang da ni rgas shing 'khogs la gtugs par gyur te/ bdag cag gnyis kyang ring po mi thogs par 'chi bar 'gyur bas na/ bdag cag gnyis khyim na gnas pas chog gis 'dod la/ bdag cag gnyis yang dag par rdzogs pa'i sangs rgyas 'od srungs kyi bstan pa la rab tu byung ngo snyam nas/ sbyin bdag byin zhing / bsod nams dag byas te/ yang dag par rdzogs pa'i sangs rgyas 'od srungs kyi bstan pa la rab tu byung ngo // bcom ldan 'das kyis dge slong gsar bus dge 'dun gyi bsnyen bkur

  917. 47b

    gyis shig ces bkar stsal pas/ de gnyis kyis dge 'dun gyi g.yog byed cing 'dug la/ gzhan dag gis kyang nan zhugs zhes bya ba'i tshig rjod par byed do// de nas de gnyis la gcig shin tu mi dga' bar gyur to/ / cig shos ni bzod pa dang ldan te/ des de la bshad de/ btsun pa dge slong 'di dag la sems sdang bar ma byed cig/ 'di ni 'di rnams kyis nyes pa ma yin gyi/ 'di ni bdag cag/ gnyis kyis nyes pa yin no// gal te bdag cag gnyis gzhon nus tshe nas rab tu byung na ni/ 'di rnams kyis bdag cag gnyis la rgan zhugs zhes bya ba'i tshig rjod par mi 'gyur ba zhig na/ da ni rgas pas tshe// rab tu byung bar gyur te/ de bas tang bdag cag gnyis la rgan zhugs zhes bya ba'i tshig brjod par zad do zhes dge slong des de la bshad kyis byang bar byas nas cang mi zer bar 'dug go// de nas de gnyis kyis ji srid 'tsho'i bar du tshangs par spyod pa spyad nas/ 'chi kar smon lam btab pa/ de ltar bdag cag gnyis yang dag par rdzogs pa'i sangs rgyas 'od srungs kyi bstan pa la ji srid 'tshe ba'i bar du tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa

  918. 48a

    nyid mngon sum du byed par gyur cig/ gal te des byis pa chung ches pa rab tubyung bar mi bya'o zhes bsgrub pa'i gzhi rnams bcas par gyur na yang / de'i tshe bdag cag gnyis pas brten nas gnang bar gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srung kyi bstan pa la rab tu byung ba'i rgan zhugs pa gang yin pa de gnyis ni dge tshul pa rab tu byung ba 'di gnyis kho na yin te/ de gnyis kyis der ji srid 'tsho ba'i bar du tshangs par spyod pa spyad nas 'chi kar smon lam btab pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di gnyis kyis nga mnyes par byas te/ mi mnyes par ma byas la/ 'di gnyis lo bdun lon pa na/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas 'di gnyis kho na las brten te/ lo bdun lon pa bya rog skrod nus pa rab tu dbyung bar ngas gnang ngo // las brgya tham pa las sdom gyi tshigs su bcad pa drug pa rdzogs so// sdom ni/ 'bye bo grum stod long ba dang // gcer bu 'od srungs gtso bo dang // glang chen gnas dang sar na// ri dgas kyi ni brtul zhugs can// zla ba mi'am ci gnyis po// 'phye bo zhes

  919. 48b

    bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ khyim bdag cig gnas pa des thabs zlar bab pa las chung ma blangs nas/ de de dang lhan cig tu rtse zhing dgar la dga' dgur spyod pa las/ phyis de'i chung ma la bu chags nas/ de zla ba dgu 'am bcu lon pa dang / bu btsas na/ de ro stod ni gzugs bzang zhing blta na sdug la mdzes la/ ro smar ni/ yan lag ma tshang ba zhig byung ngo // de btsas pa'i tshe khyim der don thams cad 'byor grub par gyur te/ thang la 'gro ba'i tshong pa dang / chu la 'gro ba'i tshong pa dang / rgya mtsho'i gru bo che'i don yang grub nas phyir 'ongs/ ba glang dang ma he'i khyu yang 'phel bar gyur/ las kyi sgo thams cad kyang 'byor grub par gyur nas/ khyim bdag des bsams ra/ 'di ni khye'u 'di'i mthu yin te/ des na bdag gi don thams cad 'byor grub par gyur pas na/ bdag gis bu 'phye bo btsas pa 'di ni dpal yon can zhig yin no snyam mo// de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di 'phye bo yin pas/ ming yang 'phye bo kho nar gdags so zhes zer ro// de nas khye'u 'phye bo'o ma dang / zho dang / mar dang / zhun mar dang / mar gyi snying khus bskyed bsrings so// de nas de ji tsam du cher skyes pa de tsam du khyim bdag de'i khyim 'byor cing rgyas par gyur to// de nas de kun tu grags par gyur te/ 'di'i mthus

  920. 49a

    las ci'i sgo bsams pa de dag thams cad 'byor grub pa las na/ khye'u 'di ni dpal yon can zhig yin no zhes grags so// de nas de thos ma thag tu mnyan du yod pa na gnas ba'i skye bo mang po dag dus dus su de la bltar 'gro zhing don ci rtsom de dag thams cad de'i ming gis rtsom par byed de/ de dag gi mthus 'byor grub par 'gyur ro// de nas de lhag par yang mnyan du yod ba tho ga thag tu grags par gyur to/ / de nas de gang gi tshe cher skyes pa de'i tshe/ phas de'i khyogs rin po che las byas te/ de de la zhon zhing 'gro'o// de nas de khyim de nyid du yi ge slob tu bcug ste/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che ba rtag pa dang spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba lagasal ba dang / yid gzungs pa dang / brtag pa rnam pa brgyad la byang bar gyur to// de nas bya zhig na khyogs la non te/ skye bo bal po ches g.yog byas nas/ skyed mos tshal gyi sar song ba las des bltas na/ skye bo bal po che sde tshan nas rje tshan dang / mtshan nas pa tshan du rgyal bu rgyal byed kyi tshal du 'dong ba mthong nas ya mtshan du gyur te dris pa/ skye bo bal po che 'di dag gang du 'dod

  921. 49b

    de dag gis smras pa/ bcom ldan 'das la bltar 'gro'o// grum pos sbas pa/ bcom ldan 'das zhes bya ba de ji lta bu zhig/ de dag gis smras pa/ gangs kyi ngos dang nye ba drang srong ser skya dka' thub kyi gnas nas thag mi ring ba zhig tu shAkya'i bu zhig skyes nas/ de bram ze mtshan mkhan bye brag phyed pa dag gis lung bstan pa/ gal te 'di khyim na gnas na ni 'khor los sgyur ba'i rgyal por 'gyur ro/ / gal te skra dang kha spu bregs nas/ chos gos tshon can gyon te/ yang dag pa'i dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur te/ grags pa chen po dang ldan par 'gyur ro zhes byas nas/ de thos ma thag tu de bcom ldan 'das la blta 'dod par gyur te/ de skye bo phal po che de dag gis g.yog byas nas/ rgyal bu rgyal byed kyi tshal du dong ngo // de'i tshe bcom ldan 'das 'khor brgya phrag du ma'i gung la bzhugs te chos ston to// de nas khye'u 'phye bo des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga'

  922. 50a

    bskyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du ni gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang sangs rgyas la gus pa'i phyir khyogs las babs te/ zug bzhis 'phye zhing bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ de nas 'phye bo des stan de nyid la 'dug bzhin du 'jig tshogs la lta ba'i ri'i rtse mo mthon de/ nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag gi lus 'di 'dra bar ma gyur tu zin na/ bdag kyang legs par gsungs pa'i chos 'dul ba la rab tu byung ste/ chu bo rnams las brgal bar bya ba dang / sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya ba zhig gu snyam mo/ / de nas sems bskyed ma thag tu de'i lus kyi yan lag rangs par gyur to// de nas de lhag par yang bcom ldan 'das la shin tu dga' bar gyur to// dga' bar gyur nas stan

  923. 50b

    las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung nas bsnyen par rdzogs par mdzad de/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag ma bril du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus pa'i smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa 'bye bos las ci bgyis na/ las de'i rnam par smin pas phyug cing nor mngal longs spyod che ba'i rigs

  924. 51a

    su skyes lags/ las ci bgyis na/ las de'i rnam par smin pas 'phye bor gyur la/ 'dis bcom ldan 'das mnyes par bgyis te/ mi mnyes par ma bgyis la/ rab tu 'byung ba'i sems bskyed ma thag tu 'di'i bkra mi shis pa ma mchis par gyur te/ bkra shis par gyur te/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las byas shing bsags te/ dge slong dag sngon byung ba 'das pa'i dus na/ bskal bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa// bde bar gshegs pa// 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na/ dge bsnyen mang du thos pa rig pa dang grol ba'i spobs pa dang ldan pa'i chos smra ba/ dge bsnyen gyi skye bo thams cad kyis bkur sti byed/ bla mar byed/ ri mor byed/ mchod pa byed pa zhig gnas so// de nas gang gi tshe yang dag par rdzogs pa'i sangs rgyas 'od srungs wA rA NA sir gnas bcas te bzhugs pa de'i tshe/ dge bsnyen gyi skye bo rnams yang dag par rdzogs pa'i sangs rgyas 'od srungs kyi thad du dong ste chos mnyan to// de nas yang dag par rdzogs pa'i sangs rgyas 'od srungs ljongs de dag nas gud du gshegs pa de'i tshe/

  925. 51b

    dge bsnyen de dag dge bsnyen de la chos mnyan to// dge bsnyen gyi skye bo de dag gis kyang dge bsnyen de la yon du kar sha pa Ni lnga brgya lnga brgya sbyin par byed do// dge bsnyen des kyang kar sha pa Na lnga brgya po de dge 'dun la 'bul bar byed do/ / de nas phyi zhig na dge bsnyen gyi sde tshan de dag dang lhan cig tu gtsug lag khang du dong ngo // de'i tshe dge slong gi dge 'dun rnams 'dul ba'i tshe ga'i las bya ba zhig byung nas/ gtsug lag 'ang skyong gis dge bsnyen thams cad gtsug lag khang gi phyi rol du bskrad de/ 'di khyed kyis mnyan par ma byed cig ces byas so// de nas dge bsnyen gyi sde tshan de dag gis/ dge bsnyen de la smras pa/ de ltar bdag cag ni dge slong rnams kyis bskrad du rung na/ khyod lta bu mang du thos pa rig pa dang grol ba'i spobs pa dang ldan pa'i chos smra ba yin na/ ci ste bskrad ces zer nas/ de dag der mkhas par 'dzin pa gang yin pa de med par gyur to// de nas dge bsnyen de gzhi des khros nas/ de nas dge slong rnams la smras pa/ ngas ni 'phye bo khri la 'dug pa khyed rnams la ci rnyed pa bsgrubs te byin na/ khyed kyis ni bdag gcig pu la mi zer bar mang po'i nang du sma phab bo zhes byas so/ / de nas dge slong rnams kyis bsams pa/ nyon mongs pa de ni smas shing nyams par gyur to snyam nas/ dge bsnyen de la smras pa/ dge bsnyen khyod kyis tshig rtsub po smras kyis/ nyes pa la nyes so zhes bshags par gyis shig/ las 'di'i 'bras bu mi sdug pa myong bar gyur ta re zhes byas so// de nas dge bsnyen de yang 'gyod pa chen po skyes te/

  926. 52a

    yon gnas 'di lta bu dag la tshig rtsub po smras pa ni bdag gis ma legs pa byas so snyam ste/ nyes pa la nyes so zhes bshags nas/ sbyin pa dag sbyin ning / bsod nams dag byas te/ tshe gcig tu skyabs su 'gro ba dang / bslab pa'i gzhi rnams kyang bsrungs nas 'chi kar smon lam btab pa/ kye ma 'di ltar bdag gis sems can dag pa 'di lta bu dgal tshig rtsub po sbas pa'i las 'di bdag la 'ong bar ma gyur cig/ de ste yang las 'di'i 'bras bu gdon mi za bar bdag la smin par gyur na yang / rab tu 'byung ba'i sems bskyed ma thag bdag gi bkra mi shis pa med par gyur te/ bkra shis par gyur cig/ bdag gis sangs rgyas dang / chos dang / dge 'dun la bkur sti byas pa dang / sbyin pa dag sbyin zhing / bsod nams dag byas padang / tshe gcig tu skyabs su 'gro ba dang / bslab pa'i gzhi rnams bsrungs pa'i dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ 'jig rten na bdag gi ming 'jig rten thams cad kyi bkra shis su gyur cig/ bdag gis ci bsams pa dang / ci 'dod pa de dag thams cad 'byor grub par gyur cig ces byas so// dge slong dag ji snyam du sems/ de'i tshe dge bsnyen du gyur pa gang yin pa de ni 'phye bo 'di kho na yin te/ des dge slong de dag la tshig rtsub po spras pa'i las de'i rnam par smin pas ni/ tshe rabs

  927. 52b

    lnga brgyar 'bye bor gyur to/ / des sbyin pa dag sbyin zhing / bsod nams dag byas te/ tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa'i las de'i rnam par smin pas ni gang dang gang du skyes pa de dang der phyug cing nor mang la longs spyod che ba'i rigs su skyes te/ 'jig rten thams cad kyi bkra shis su gyur nas/ 'dis nga mnyes par byas te/ mi mnyes par ma byas la/ rab tu 'byung ba'i sems bskyed ma thag tu bkra mi shis pa med par gyur te/ bkra shis par byung bar gyur nas/ nga'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// // bam po nyi shu bdun pa// / grum stod ces bya ba ni/ gleng gni mnyan du yod pa na bzhugs te/ de'i tshe nags khrod cig na/ drang srong lnga brgya tsam gnas te/ de dag de khon na 'khod cing me'i sbyin sreg byed do// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa

  928. 53a

    stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang / ldan su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtog par bya/ su ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med/ de nas bcom ldan 'das kyis dgongs pa drang srong lnga brgya po rnams gdul ba'i dus la ba babo snyam du dgongs nas/ bcom ldan

  929. 53b

    'das kyis ci nas drang srong lnga brgya po de dag gis/ me'i sbyin sreg gi thab de dag thams cad kyi nang du sangs rgyas kyi zhabs kyi rjes mthong la/ de phan chad me 'ang mi nus pa de lta bur byin gyis brlabs so// de nas de dag 'di snyam du sems te/ rjes 'di'i mthus bdag cag gis thab rnams kyi nang du mi nus par gyur pa las na/ rjes 'di ni dge ba zhig yin pa 'dra ste/ rjes 'di lha chen po'i rjes ma yin grang snyam nas/ drang srong lnga brgya po de dag gis sangs rgyas kyi rjes de dag la bsreg bya phul nas/ sangs rgyas kyi mthus sbyin sreg de dag rang 'bar bar gyur te/ me lce tshangs pa'i 'jig rten la thug par song ngo / / de nas drang srong rnams kyis de mthong nas ya mtshan du gyur te/ lha chen pos bdag la dgongs so snyam mo// de nas bcom ldan 'das kyis de rnams drang ba'i phyir/ rgyal bu rgyal byed kyi tshal la thug pa'i bar du zhabs su rjes gcig nas gcig tu byin gyis brlabs so/ / de 'di snyam du sems te/ lha chen po ni lam 'dir gshegs so snyam nas zhabs kyi rjes gcig nas gcig tu rjes de dag la mchod pa byed cing dong nas/ de dag mthar gyis rgyal bu rgyal byed kyi tshal du zhugs so// de'i tshe bcom ldan 'das 'khor brgya phrag du ma'i gung la bzhugs te chos ston to// de nas drang srong lnga brgya po de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis

  930. 54a

    btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyi smras pa lta bu/ blogasal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang sangs rgyas mthong ba'i nyams bde ba de ci 'dra ba de lta bu ni/ lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro// de ltar mthong nas kyang / bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod de// de nas bcom ldan 'das kyis de rnams kyi bsam pa dang / bag la nyal ba dang / khams dang / shes ba dang / rang bzhin thugs su chud nas/ de dang 'thun pa'i chos bstan te/ de nas drang srong de dag gis stan de nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ / de dag gis bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na// bdag cag kyang bcom

  931. 54b

    zha ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de rnams la lung yang phog ste/ de rnams kyis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa rig pa'i sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur stil mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pabacom ldan 'das kyis drang srong 'di rnams kyi zhabs kyi rjes bstan pas drangs te/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar rab ba zhigs yin te/ 'das pa'i dus na yang drang srong lnga bcu po 'di rnams ji ltar nabs kyi rjes bstan pas drangs te/ rab tu byung nas che gcig tu tshangs par spyod pa skyong du

  932. 55a

    bcug pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i che lo che khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ der gang gi tshe yang dag par rdzogs pa'i sangs rgyas 'od srungs kyis cho 'phrul chen po bstan pa de'i tshe/ des skye bo phyi ma rnams la thugs brtse ba dang / drang srong lnga brgya po de dag drang ba'i phyir rtags su rung ba'i sangs rgyas kyi rjes byin gyis brlabs so/ / de'i tshe lho phyogs na dkar thub kyi nags shig na/ drang srong lnga brgya tsam gnas pa de dag steng gi bar snang las ri spos kyi ngang ldang la chas te dong ba las/ de dag ri rab la rdugs pa bzhin du sangs rgyas kyi zhabs kyi rjes rnams kyi steng du rdugs nas/ de rnams ya mtshan du gyur te/ bdag cag rdzu 'phrul yang ma nyams la nam mkha' la yang thogs par gyur to snyam mo/ / de nas de dag la dga' ba'i lhas/ de dag la smras pa/ khyed ni rdzu 'phrul ma nyams mod kyi/ khyed kyi 'og na sangs rgyas kyi zhabs kyi rjes yod la de'i steng du ni brgya byin dang tshangs pa la sogs pas kyang 'gro mi nus so/ / de nas drang srong de rnams zhabs kyi rjes de la shin tu dga' bar gyur to// dga' bar gyur nas/ sa la babs te zhabs kyi rjes

  933. 55b

    / de dag la bkur sti byed pa la zhugs so// yang dag par rdzogs pa'i sangs rgyas 'od srungs kyis de rnams drang ba'i phyir drang srong gnas pa la thub pa'i bar du zhabs kyi rjes gcig nas gcig tu byin gyis brlab nas/ drang srong rnams kyis bsams pa/ rjes 'di dag ni lha chen po'i yin te/ de ni lam 'dir gshegs so snyam nas/ rjes de thog thag tu drang srong gnas par dong nas/ drang srong lnga brgya po de dag gis thag ring po zhig nas yang dag par rdzogs pa'i sangs rgyas 'od srungs mthong ngo / / mthong nas kyang de dag yang dag par rdzogs pa'i sangs rgyas 'od srungs la shin tu dga' bar gyur to// dga' bar gyur nas/ yang dag par rdzogs pa'i sangs rgyas 'od srungs ga la ba der dong ste lhags nas/ zhabs la mgo bos phyag 'tshal te/ bla gos phrag pa gcig tu gzar nas yang dag par rdzogs pa'i sangs rgyas 'od srungs ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas yang dag par rdzogs pa'i sangs rgyas 'od srungs kyis de dag rab tu phyung ste/ bsnyen par rdzogs par mdzad nas/ de rnams la lung yang phog ste/ de dag gis der tshe gcig tu tshangs

  934. 56a

    par spyod pa spyad kyang gang gis kyang yon tan gyi tshogs mthob nas/ 'chi kar de dag gis smon lam btab pa/ 'di ltar bdag cag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / gang gis kyang yon tan gyi tshogs ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan padas de bdag cag gis mnyes par byed par gyur cig/ mi mnyes par byed par mgyur cig/ de lo na'i bstan pa la rab tu byung nas/ nyon mongs ba thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe drang srong lnga brgya por gyur pa gang yin pa de dag ni nga srong lnga brgya po 'di dag kho na yin te/ de dag gis der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs

  935. 56b

    mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ / mongs pa thams cad spangs te/ dgra bcom pa nyid mngon sum du byas so// long ba zhes bya ba ni/ bcom ldan 'das yul mi thi la na/ lha chen po'i a mra'i tshal na bzhugs te/ de'i tshe yul mi thi lan/ khyim bdag sna tshogs can zhes bya ba phyug cing nor mang la longs spyod che ba/ rnam thos kyi bu'i nor dang mnyam pa// rnam thos kyi bu'i nor dang 'gran pa zhig 'dug pa des/ thab zlar bab pa las chung ma bla te/ dede dang lhan cig tu rtse zhing dga' la dga' dgur spyod par byed do/ / phyi zhig na de'i chung ma la bu chags nas/ de zla ba dgu'am bcu lon pa dang / bu byad ngan po long ba zhig bcas so// de nas khyim bdag des bu de mthong ngo / / de mthong ma thag tu pha ma gnyis sdug bsngal chen po skyes te/ bdag cag gnyis brgya lam lan cig na bu btsas kyang 'di 'dra bar gyur na/ bdag cag gnyis la bu byad ngan po long ba 'di lta bu mi dgos kyis/ phye ma red nam sros la phyir byung la khyi rnams la sbyin no zhes byas nas/ pha ma gnyis kyis de phyir phyung ste/ lam po cher bor nas khyi rnams la byin no// sangs rgyas bcom ldan 'das bgrod pa gcig pus lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs

  936. 57a

    pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan la bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrog pa rnams ni chos nyid kyis ni dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gnol/ su ni ngan song du 'bab/ su ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phag bI nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su srin zin pa las ye shes kyi mtshon gyis brtol bar bya/ sul ni sangs rgyas byung ba'i brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu

  937. 57b

    srin rnams kyi gnas/ / dus rlabs yol bar 'gyur yang srid// gdul bar bya ba'i srid rnams la// sangs rgyas dus las yol ba med/ de nas bcom ldan 'das kyis dgongs pa/ khye'u 'di lung bstan pa'i dus la bab ste/ khye'u 'di las brten nas gdul bar bya ba'i skye bo mang po drang bar bya dgos so snyam du dgongs nas/ bcom ldan 'das kyis ci nas khye'u de khyis bza' bar mi 'gyur bar byin gyis brlabs so/ / de nas bcom ldan 'das nang par sngar bzhengs nas/ sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ yul mi thi lar gshegs te/ bcom ldan 'das khye'u de 'dab nye ba zhig tu bzhugs so// de nas yul mi thi naganas pa'i skye bo mang pos sangs rgyas bcom ldan 'das mthong ngo / / mthong nas kyang ya mtshan du gyur to// sngon gyi dge ba'i rtsa bas bskul nas/ bcom ldan 'das ga la bde lhags so// de nas bcom ldan 'das 'di snyam du dgongs te/ ma la bdag gis ci nas khye'u 'dis tshe snga ma dran par 'gyur zhing tshig kyang smra la/ nga dang lhan cig tu gtam zer bar 'gyur ba de lta bu'i ting nge 'dzin la snyoms par 'jug par bya'i snyam du dgongs nas/ bcom ldan 'das kyis de ltar byin gyis brlabs te/ khye'u des sngon gyi tshe rabs dran nas tshig smra zhing / bcom ldan 'das dang

  938. 58a

    lhan cig gtam zer bar gyur te/ der bcom ldan 'das kyis/ khye'u de la bka' stsal pa/ khye'u khyod mi sdug pa yin nam/ bcom ldan 'das mi sdug pa lags so/ / khye'u khyod mi sdug pa yin nam/ bde bar gshegs pa mi sdug pa lags so// bka' stsal pa/ lus dang / ngag dang / yid kyi nyes par spyod pa'i las kyi 'bras bu rnam par smin pa sdug pa nyams su myong ba yod mod/ gsol pa/ bcom ldan 'das lus dang / ngag dang / yid kyi nges par spyod pa'i las kyi 'bras bu rnam par smin pa mi sdug pa nyams su myong ba mchis lags so/ / bka' stsal pa/ khyod kyi mi dge ba'i bshes gnyen su yin/ gsol pa/ rang gi sems lags so// de nas de thos mthag tu skye bo phal po che rnams ya mtshan du gyur te/ sems can 'di lta bu sngon gyi tshe rabs dran la/ tshig kyang smra zhing / bcom ldan 'das gtam zer bar zhig gu snyam mo// sangs rgyas bcom 'das rnams na sman slebs par dka' ba yin te/ de dag gis bcom ldan 'das la zhus pa'i thugs ma thub nas/ tshe dang ldan pa kun dga' bo la dris pa/ btsun pa kun dga' bo sems can 'di lta bu sngon gyi tshe rabs kyang dran la/ tshig smra ming bcom ldan 'das dang lhan cig gtam zer ba di su zhig/ tshe dang ldan pa kun dga' ngos spras pa/ sangs rgyas bcom ldan 'das la zhus shig

  939. 58b

    de dag gis smras pa/ sangs rgyas bcom ldan 'das rnams ni snyan slebs par dka' bas na/ bdag cag gis sangs rgyas bcom ldan 'das la zhu ba'i thugs mi thub bo// kun dga' bos smras pa/ sangs rgyas bcom ldan 'das ni bdag gis kyang snyan slebs par dka' ba yin mod kyi/ khyed la snying btse ba'i phyir zhu bar bya'o zhes byas nas/ tshe dang ldan pa kun dga' bos bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa sems can 'di lta bu sngon gyi tshe rabs dran la tshig smra zhing / bcom ldan 'das dang bka' mchid bgyid pa su lags/ bcom ldan 'das kyis bka' stsal pa/ kun dga' bo sems can 'di ni sdig pa byed byed pa yin te/ 'dis sdig pa'i las mang po byas so// kun dga' bo sngon byung ba 'das pa'i dus na/ yul mi thil 'di nyid na rgyal po mi sdug pa zhes bya ba rgyal po byed de/ rgyal po de phrag dog can zhig tu gyur nas/ de gang gi tshe btsun mo'i 'khor gyis zham ring byas nas/ skyed mos tshal gyi sa'am gzhan gang du 'gro bar 'dod pa na/ de'i lam thams cad du mi med par byed do/ / skar khung rnams dang / sgo rnams kyang yol ba stug pos gcod par byed do// brgyal 'ga' zhig gis glo thor du btsun mo'i 'khor mthong na des de'i mig 'byin par byed de/

  940. 59a

    de lta bu'i tshul gyis des sems can mang po mig med par byas so// de nas phyi zhig na de btsun mor 'khor gyis zham ring byas te/ skyed mos tshal gyi sar song ngo // sangs rgyas bcom ldan 'das rnams 'jig rten na mi bzhugs pa'i tshe/ rang sangs rgyas sdug cing 'phongs pa rnams la snying brtse ba/ bas mtha'i gnas mal na gnas pa/ 'jig rten gyi yon gnas gcig pu bse ru lta bu dag 'jig rten du 'byung ste/ rang sangs rgyas shig lam de nas 'ongs pa de rgyal po'i zham ring ba rnams kyis ma tshor nas/ de de'i btsun mo'i 'khor gyi mdun du bab bo/ / bud med de dag gis de'i lus mdzes pa dang / sems mdzes pa mthong nas/ de dag dga' bar gyur to// dga' bar gyur nas gdong g.yogs pa phye ste/ btud cing phyag byas so// de nas rgyal pos kyang de thos te/ thos ma thag tu de phrag dog gi gzhi las khro ba'i kun nas dkris pa chen po skyes te/ de khros nas rgyal po'i zham ring ba rnams la bka' stsal te/ khyed dang la rab tu byung ba de'i mig gnyis byung zhig ces bsgo'o// de nas de thos ma thag tu rgyal po'i zham ring ba rnams kyis rang sangs rgyas de bzung nas/ mig gnyis phyung ste/ rang sangs rgyas de yang sngon gyi las myong bar 'gyur ba mngon sum du gyur pas rdzub yang ma dran na/ 'phrul pa lta ci smos/ de nas rang sangs rgyas des

  941. 59b

    bsams pa/ nyon mongs 'di ni smas shing nyams par gyur te/ 'khor ba na 'khor zhing yun ring por sdug bsngal chen po rnyed na mi rung gis/ 'di'i ra ma da' bya dgos so snyam ste/ steng gi nam mkha' la mngon par 'phags pas 'bar ba dang / lam mer 'dug pa dang / char 'bebs pa dang / glog 'gyu ba'i cho 'phrul rnams bstan to// so so'i skye bo rnams ni rdzu 'phrul gyis myur du dad par byed de/ rgyal po de sdong po sog les bcad pa bzhin du zhabs la phyag 'tshal te smras pa/ skal ba chen po dang ldan pa mar spyon/ bdag nyes par spyod pa'i 'dam du bying ba'i lag nas drang du gsol zhes byas so/ / bdag nyid chen po de yang gzhi des yongs su mya ngan las 'das nas/ rgyal po des de'i sku gdung la mchod pa byas te smon lam btab pa/ 'di ltar bdag gis sems can dag pa 'di lta bu la gnod pa byed du bcug pa'i las de'i 'bras bu bdag gis myong bar ma gyur cig/ 'di ltar phyir yang bkur sti byas pa rnams kyi dge ba'i rtsa ba 'dis na/ bdag gang dang gang du skye bar 'gyur de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par

  942. 60a

    gyur cig ces byas so/ / dge slong dag ji snyam du sems/ de'i tshe rgyal po mi sdug par gyur pa gang yin pa de ni long ba 'di khon yin te/ des rang sangs rgyas de'i mig gnyis byung ba dang / sems can stong phrag du ma'i mig med par byas pa'i las de'i rnam par smin pa sa lo brgya phrag du ma dang / lo stong phrag du mar dbus long 'ba' zhig tu gyur te/ sems can dmyal bar yang bcos par gyur to/ / de nas shi 'phos nas kyang tshe rabs lnga brgyar yi dgas su skyes te/ der yang 'dis dmus longs du gyur pa 'ba' zhig gis sdug bsngal chen po myong bar gyur to/ / yi dgas las shi 'phos nas/ tshe rabs lnga brgya dud 'gror skyes te/ der yang dmus long 'bal zhig tu gyur to// dud 'gro las shi 'phos nas/ tshe rabs lnga brgyar mir skyes te/ thams cad du dmus long du gyur to// de nas dge slong rnams kyis gsol pa/ btsun pa sems can 'di sdug bsngal 'di las na mthar bar 'gyur lags bka' stsal pa dge slong dag nyan thos dang / rang sangs rgyas kyi sa las 'das pa'i yang dag par rdzogs pa'i sangs rgyas yid bzang zhes bya ba 'jig rten du 'byung bar 'gyur te/ de'i gsung rab la sems can 'di mir skye bar 'gyur te/ dbang po tshang bar 'gyur ro// de nas de'i gsung rab la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro// nges

  943. 60b

    dgra bcom pa thob kyang nyal ba'i tshe/ las las skye ba'i bya rog dag lhag nas/ mig gnyis 'byin par gyur la/ de gzhi de las yongs su mya ngan las 'das par 'gyur te/ der 'di las de las thar par 'gyur ro/ / de nas de thos ma thag tu skye bo phal po che de dag skyo ba chen po skyes te/ nyon mongs pa'i dbang gis 'khor ba na sdug bsngal 'di lta bu rnyed par 'gyur ro snyam mo// de nas bcom ldan 'das kyi de dag yid skyo bar gyur par thugs su chud nas/ de dang 'thun pa'i chos bstan te/ des na skye bo mang po de dag gis stan de dag nyid la 'khod bzhin du kha cig gis ni dro bar gyur pa skyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bra bu mngon sum du byas so/ / kha cig gri ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas/ dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar 'gyur ba dang kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang /

  944. 61a

    kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gnol chos la babab dge 'dun la bab par gyur to/ / gcer bu pa 'od srungs zhes bya ba ni/ gleng gzhi rgyal po'i khab na bzhugs te/ de'i tshe ri khrod cig na bram ze'i dbul po zhig gnas pa de ning blas kyis 'tsho bar byed de/ / de nas phyi zhig na de'i chung ma la bu chags nas/ de zla ba dgu 'am bcu lon pa dang / bu btsas te/ de'i btsas ston rgyas par byas nas/ khye'u 'di ming ji skad gdags zhes de'i ming 'dogs par byed do/ / khye'u 'di 'od srungs kyi rigs yin pas na/ khye'u 'di'i ming 'od srungs su gdags so zhes zer ro// de nas khye'u 'od srung 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas// de gang gi tshe cher skyes pa de'i tshe/ de pa dang lhan cig tu zhing las la 'gro'o// de nas des bltas na/ pha des srog chags stong phrag du mkha 'dogs par byed pa mthong nas/ pha la smras pa/ yab cig khyod kyis srog chags stong phrag du ma gyin 'da' la sdug bsngal bar byed pa 'di lta bu'i 'cho ba khyod pa ci dgos/ bas sbas pa/ su bdag cag gi 'tshe ba ni 'di yin te/ gzhan med do// de nas khye'u des bsams pa/ bdaga' tshe ba 'di lta bu btang la

  945. 61b

    chags khrod du gnas bca' 'o snyam nas/ nges par 'byung bar chas so// de nas gang gi tshe bcom ldan 'das kyi bla na med pa'i ye shes brnyes nas/ mthar gyis gdul bar bya ba rnams kyi don/ mdzad cing / rgyal po'i khab tu gshegs nas/ bcom ldan 'das kyi grags pa kun tu rgyas par gyur to// de nas bcom ldan 'das bdud rtsi'i cha rab bebs shing / bdud rtsis 'gro ba rnams tshim par mdzad do/ / khye'u 'od srungs kyis kyang dge sbyong go'u ta ma rgyal po'i khab na bzhugs te/ de bdud rtsi'i char 'bebs shing / bdud rtsis 'gro ba rnams tshim par mdzad do zhes thos nas/ thos ma thag tu pha ma la gsol te/ yab yum bdag dge sbyong go'u ta ma'i thad du tshangs par spyod pa spyod du mchi'o zhes byas nas song ngo // de nas rgyal po'i khab tu 'gro zhes byas na/ des der gcer bu pa gnyen gyi bu mthong nas/ des bsams pa/ dge sbyong go'u ta ma ni 'di yin no snyam nas/ de de'i thad du rab tu byung ngo // rab tu byung nas kyang des lhas kyi dpyad lobs nas/ de de la slob dpon gyi mchog tu gyur to// de nas de'i ming 'od srungs zhes bya ba gang yin pade med par gyur te/ ming gcer bu pa 'od srungs dang rus gcig pa gcer bu pa 'od srungs dang rus gcig pa zhes bya bar gyur te/ byi zhig na des bdag nyid tshe zad pa'i rtags mthong nas bsams pa/ bdag ni zhag bdun na med par 'gyur ro snyam mo//

  946. 62a

    de nas bcom ldan 'das kyi bstan pa la dga' ba'i lhas de la sbran te/ gcer bu pa 'od srungs dang rus gcig pa mi dgar ma byed cig/ bcom ldan 'das de ni 'chi ba las nges par 'byung bar 'gyur ba'i lam ston pa yin te/ de ni rgyal po'i khab 'di nyid na bzhugs kyis/ de la bsnyen bkur gyis shig/ de ltar byas dang khyod la legs par 'gyur ro zhes byas so// de nas de thos mthag tu gcer bu pa 'od srungs dang rus gcig pa rgyal po'i khab nas byung ste/ 'od ma'i tshal logs su chas pa las/ lam byed du de'i blo skyes pa/ dge slong rnams ni ngo tsha shes shing khrel yod pa yin la/ bdag ni gcer bur 'dug pas na/ de dag dang mngon sum du phrad du 'gro mi phod kyis bdag re zhig 'od ma'i tshal du mi 'gro bar lam phyed 'di nyid du 'dug par bya'o/ / lam phyed 'di nyid du 'dug bzhin du bdag gis dge sbyong go'u ta ma la bsnyen bkur bya'o snyam mo// sangs rgyas bcom ldan 'das bgrod par cig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa// stobs

  947. 62b

    bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du byung ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ gcer bu pa 'od srungs

  948. 63a

    dang rus gcig pa gdul ba'i dus la ba po snyam du dgongs nas/ 'od ma'i tshal nas byung ste/ sa phyogs gang na gcer bu pa 'od srungs dang rus gcig pa 'dug pa sa phyogs der gshegs nas/ gcer bu pa 'od srungs dang rus gcig pas thag ring po zhi gnas sangs rgyas bcom ldan 'das mthong ngo // mthong nas kyang bcom ldan 'das ga la na der song ste phyin nas/ bcom ldan 'das dang lhan cig tu mngon sum du yang dag par mgu ba dang / yang dag par dga' bar 'gyur ba'i gtam sna tshogs byas nas/ phyogs gcig tu 'dug go/ nas gcer bu pa 'od srungs dang rus gcig pas/ bcom ldan 'das la 'di skad ces gsol to// kye go'u ta ma gal te nus nas nub lung bstan pa'i slad du go'u tams bdag la skabs phye na bdag phyogs 'ga' zhig zhu'o/ / bcom ldan 'das kyis bka' stsal pa/ 'od srungs re zhig nga rgyal po'i khab tu bsod snyoms la 'gro dgos pas/ khyod kyi zhu ba lung bstan pa'i skabs su ma bab kyis/ kun dga' ra ba'i phyi rol tu shog cig dang / der khyod kyi zhu ba bstan pa'i skabs su bab bo// gsol pa/ kye go'u ta ma gal te bdag kyang gzhan du 'gyur srid la yang na go'u ta ma yang gzhan du 'gyur srid do/ / de bzhin du lan gnyis lan gsum du gcer bu pa 'od srungs dang rus gcig pas gsol pa/ gal te zhus nas zhu ba lung bstan pa'i slad

  949. 63b

    du skabs phye na/ go'u ta ma khyod la 'di nyid du phyogs 'ga' zhig zhu'o// de nas lan gnyis lan gsum gyi bar du bcom ldan 'das kyis/ gcer bu pa 'od srungs dang rus gcig pa la 'di skad ces bka' stsal to/ / 'od srungs re zhig nga rgyal po'i khab tu bsod snyoms la 'gro dgos pas/ khyod kyi zhu ba lung bstan pa'i skabs su ma bab kyis/ kun dga' ra ba'i phyi rol tu shog cig dang / der khyod kyi zhu ba lung bstan pa'i skabs su bab bo// gsol pa/ kye go'u ta ma gal te zhus nas zhu ba lung bstan pa'i skabs phye na go'u ta ma khyod la 'di nyid du phyogs 'ga' zhig zhu'o/ / bcom ldan 'das kyis bka' stsal pa/ 'od srungs khyod don 'di lan gnyis lan gsum gyi bar du nges par gleng bar byed na/ 'od srungs khyod ci dang ci 'dod pa zhus shig/ gsol pa/ go'u ta ma ci lags/ sdug bsngal rang gis bgyis sam/ bka' stsal pa/ 'od srungs sdug bsngal rang gis byas so zhes ngas ma bshad do// kye go'u ta ma ci lags/ sdug bsngal gzhan gyis bgyis sam/ 'od srungs sdug bsngal gzhan gyis byas zhes bya ba de ni ngas lung ma bstan to// kye go'u ta ma ci lags/ sdug bsngal rang gis kyang bgyis/ gan gyis kyang bgyis pa lags sam/ 'od srungs sdug bsngal rang gis kyang byas/ gzhan gyis kyang byas zhes bya ba de yang ngas lung ma bstan to// kye go'u ta ma ci lags/ sdug bsngal rang gis

  950. 64a

    ma bgyis pa dang / gzhan gyis ma bgyis pa dang / rgyu las byung ba yang ma lags sam/ 'od srungs 'di yang ngas lung ma bstan to// go'u ta ma ci lags/ sdug bsngal la bdag gis bgyis pa dang / gzhan gyis bgyis pa dang / rgyu las byung ba yang ma lags zhes bgyi ba yang lungs bstan to zhes gsung ngam/ 'od srungs sdug bsngal rang gis byas pa dang / gzhan gyis byas pa dang / rgyu las byung ba yang ma yin nam zhes 'drin/ lung ma bstan to zhes bzer ro// kyo go'u ta ma ci lags sdug bsngal ma mchis pa kho na lags sam 'od srungs sdug bsngal ni ye med pa ma yin te/ yod pa kho na yin no// kye go'u ta ma sdug bsngal rang gis bgyis pa lags na/ ci nas bdag gi sdug bsngal shes par 'gyur ba dang / mthong bar 'gyur ba de lta bu'i chos bcom ldan 'das kyis bdag la bstan par smon no// 'od srungs gang gi tshor ba yang de nyid yin la/ myong ba yang de nyid yin na ni/ de lta na sdug bsngal rang gis byas pa yin par 'gyur la/ 'od srungs ni de skad mi zer ro// 'od srungs gang gi tshor ba yang gzhan yin la/ myong ba yang gzhan yin na ni/ de lta na sdug bsngal gzhan gyis byas pa yin par 'gyur na/ 'od srungasang de skad mi zer ro// 'od srungs gang gi sdug bsngal rkyen rnams med par byung bar gyur na ni/ de lta na sdug bsngal rang gis byas pa dang /

  951. 64b

    gzhan gyis byas pa dang / rgyu las byung ba yang ma yin par 'gyur na/ 'od srungs nga ni de skad mi zer ro// de bzhin gshegs pa ni mtha' de gnyis la mi rten par dbu ma'i lam gyis chos ston cing / 'di lta ste/ 'di yod na 'di 'byung la/ 'di skyes pas 'di skye bar gyur te/ di lta ste/ ma rig pa'i rkyen gyis 'du byed rnams 'byung / 'du byed kyi rkyen gyis rnam par shes pa 'byung / rnam par shes pa'i rkyen gyis ming dang gzugs 'byung / ming dang gzugs kyi rkyen gyis skye mched drug 'byung / skye mched drug gi rkyen gyis reg pa 'byung / reg pa'i rkyen gyis tshor ba byung tshor ba'i rkyen gyis sred pa 'byung / / sred pa'i rkyen gyis len pa 'byung / len pa'i rkyen gyis srid pa 'byung / srid pa'i rkyen gyis skye ba 'byung / skye ba'i rkyen gyis rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ / 'di lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug

  952. 65a

    'gags pas reg pa 'gag/ reg pa bgags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro// chos kyi rnam grangs 'di bshad pa na/ gcer bu pa 'od srungs dang rus gcig pa chos rnams la ches kyi mig rdul med cing dri ma dang bral ba skyes so/ / de nas gcer bu ba'od srungs dang rus gcig pas chos mthong / chos rnyed/ chos rtogs chos kyi gting slebs/ so pa nyi las rgal/ the tsom las rgal te/ gzhan gyi dring mi 'jog cing / gzhan gyis bkri ba med la/ ston pa'i bstan pa'i chos rnams la mi 'jigs pa thob nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag ni 'das pa lags so// mngon par zhugs pa lags so/ / btsun pa bdag bcom ldan 'das la skyabs su mchis pa dang / chos la skyabs su mchis pa dang / dge slong gi dge 'dun la skyabs su mchis pa lags te/

  953. 65b

    bdag dge bsnyen lags par gzung du gsol/ bdag mngon par dad par 'gyur te/ da slan chad snying thag pa nas skyabs su mchi lags so zhes gsol nas/ de ltar gcer bu pa 'od srungs dang rus gcig pa bcom ldan 'das kyis gsungs pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas so/ ngo // de nas gcer bu pa 'od srungs dang rus gcig pa bcom ldan 'das kyi thad nas song nas/ ring po ma lon par badrus ma zhig gis brdungs te bsad nas/ de 'chi kar dbang po rnams dang zhing bzhin gyi mdog yongs su dag la pags pa'i mdog dkar por 'dug go/ / de nas dge slong mang po dag snga dro sham thabs dang chos gos gyon nas/ lhung bzed thogs te/ rgyal po'i khab tu bsod snyoms la dong nas/ dge slong mang po rgyal po'i khab tu bsod snyoms la rgyu ba na/ gcer bu pa 'od srungs dang rus gcig pas lam phyed de nyid du bcom ldan 'das la zhu ba zhus te/ de bcom ldan 'das kyi thad nas song nas/ ring po ma lon par ba drus mas brdungs te bsad nas de 'chi kar dbang po rnams dang zhing bzhin gyi mdog yongs su dag la pags pa'i mdog dkar por 'dug go zhes thos so/ / thos nas kyang rgyal po'i khab nas bsod snyoms blangs nas zan zos te phyis bsod snyoms blang ba spangs nas/ lhung bzed dang chos gos bzhag ste/ rkang pa bkrus nas

  954. 66a

    bcom ldan 'das gal ba der dong ste lpags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas dge slong mang pos bcom ldan 'das la 'di skad ces gsol to/ / btsun pa 'di na bdag cag dge slong mang po snga dro sham thabs dang chos gos gyon te/ lhung bzed thogs nas/ rgyal po'i khab tu bsod snyoms la mchis pa na/ btsun pa bdag cag dge slong mang po rgyal po'i khab tu bsod snyoms la rgyu ba rnams kyis gcer bu pa 'od srungs dang rus gcig pas shul phyed de nyid du bcom ldan 'das la zhu bzhus nas/ de bcom ldan 'das kyi thad nas song nas/ ring po ma lags par badrus mas brdungs te/ bkum nas de 'gum kar dbang po rnams dang zhing bzhin gyi mdog yongs su dgal/ pags pa'i mdog dkar por mchis so thos lags na/ btsun pa de'i 'gro ba ni gang lags/ skye ba'i gnas ni gang lags/ 'chi ba'i gnas ni gang lags/ bka' stsal pa/ dge slong dag rigs kyi bu de ni nor du gyur pa yin te/ des nga'i chos kyi rjes su 'thun pa'i chos mngon par rtogs pas na/ des ni nga la gnod pa ma byas kyis/ dge slong dag rigs kyi bu des ni 'di lta ste/ chos la lhag par bya ba byas nas mya ngan las 'das kyis/ de'i rus bul rus bu'i mchod pa gyis shig ces bka' stsal te/ der bcom ldan 'das kyis gcer bu pa 'od srungs dang rus

  955. 66b

    gcig pa mchog tu gyur par lung bstan nas/ rgyal po'i khab der lha rnams kyis gcer bu pa 'od srungs dang rus gcig pa yongs su mya ngan las 'das so zhes bsgrags so// de nas de thos ma/ thag tu gzhan mu stegs pa rnams kyis ras kyi ba dan dag bsgreng ste/ lam po che dang / srang dang / bzhi mdo dang / sum mdo rnams su bsgrags te/ dge sbyong go'u ta ma na re/ nga'i chos 'dul ba 'di 'ba' zhig la mthar thug pa yod kyi/ gzhan la med do zhe na/ nged kyi tshangs pa mtshungs par spyod pa 'di yang yongs su mya ngan las 'das so zhes smras nas/ de dag de'i blad du dong ste/ 'di'i rus bu la mchod pa bya'o snyam mo// dge slong dag kyang de'i thad du dong ste/ 'di'i rus bu la mchod pa bya'o snyam mo// de nas der gzhan mu stegs pa kun tu rgyu rnams na re/ 'di ni bdag cag gi tshangs par tshungs par spyod pa yin gyis/ bdag cag gis 'di'i rus bu la mchod pa bya'o zhes zer ro// dge slong dag na re/ yang 'di ni bdag cag gi tshangs pa mtshungs par spyod pa yin gyis/ bdag cag gis 'di'i rus bu la mchod par bya'o zhes zer ro// de nas gzhan mu stegs pa kun tu rgyu dag na re/ bdag gi dbang ni lha gang dag gis rgyal po'i khab 'dir bsgrags pa de dag yin no zhes zer ro/ / dge slong dag na re/ yang 'di su'i tshangs par tshungs par spyod pa yin pa lha de dag nyid la dri bar bya'o zhes zer ro// de nas de thos ma thag tu gzhan mu stegs pa kun tu

  956. 67a

    rgyu ba dag gis lha de dag nyid la gsol ba btab ste/ 'di su'i tshangs pa mtshungs par spyod pa yin pa dang / su'i ma yin pa de lha rnams gsungs shig ces byas so// de nas chos rtogs pa'i lha rnams na re/ 'di ni dge slong rnams kyi tshangs pa mtshungs par spyod pa yin te/ 'dis bcom ldan 'das las chos rtogs nas/ des na 'di bar ma dor yongs su mya ngan las 'das par gyur to zhes zer ro/ / de nas de thos ma thag tu gzhan mu stegs pa kun tu rgyu rnams skyengs nas/ sa phyogs de nas song ngo // de nas dge slong rnams kyis de'i rus bu la rus bu'i mcho pa byas te/ 'od ma'i tshal du dong nas/ bcom ldan 'das la zhus pa/ btsun pa gcer bu pa 'od srungs dang rus gcig pa 'dis las ci bgyis na/ las de'i rnam par smin pas badrus mas brdungs te bkum lags/ bcom ldan 'das kyis bka' stsal pa// dge slong dag de nyid kyis las de lta bu byas shing bsags te/ 'di'i sngon gyi gtam rgyud ni pus ka ras ra'i gtam rgyud las 'byung ba bzhin du ming po bzhis sring mo bsad pa'i bar du rgyas par brjod par bya'o/ / gsol pa// btsun pa gcer bu pa 'od srungs dang rus gcig pas las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to//

  957. 67b

    gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i grags pa kun tu rgyas par gyur to// de nas yang dag par rdzogs pa'i sangs rgyas 'od srungs kyis wA rA NA sir gnas bcas te/ bdud rtsi'i char 'bebs shing / bdud rtsis 'gro ba rnams tshim par mdzad do// de'i tshe yul de na bram ze zhig gnas pa des kyang / wA rA hA sI na yang dag par rdzogs pa'i sangs rgyas 'od srungs zhes bya ba bdud rtsi'i char 'bebs te/ bdud rtsi'i 'gro ba rnams tshim par mdzad do zhes thos so// thos nas kyang yul drang srong smra bar song nas/ yang dag par rdzogs pa'i sangs rgyas 'od srungs de gal bzhugs pa der song ste phyin nas/ yang dag par rdzogs pa'i sangs rgyas 'od srungs kyi zhabs la mgo bos phyag 'tshal nas/ chos mtshan pa'i phyir spyan sngar 'dug go/ / de nas yang dag par rdzogs pa'i sangs rgyas 'od srungs kyis de dang 'thun pa'i chos bstan te/ des yang dag par rdzogs pa'i sangs rgyas 'od srungs las chos thos nas

  958. 68a

    skyabs su 'gro ba dang / bslab pa'i gzhi rnams blangs nas song ngo // de nas des tshe gcig tu sbyin pa dag byin zhing / bsod nams dag byas te/ skyabs su 'gro ba dang bslab pa'i gzhi rnams bsrungs nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu skyabs su 'gro ba dang / bslab pa'i gzhi rnams bsrungs kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems de'i tshe bram zer gyur pa gang yin pa de ni gcer bu pa 'od srungs dang rus gcig pa 'di kho na yin te/ des der sbyin pa dag byin zhing / bsod nams dag byas te/ tshe gcig tu skyabs su 'gro ba dang / bslab pa'i gzhi rnams bsrungs nas/ ba che kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang

  959. 68b

    mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// / bam po ci shu brgyad pa/ 'od srungs gtso ba zhes bya ba ni/ gleng gzhi mnyan du yod pa na bzhugs te/ de'i tshe ri'i sul shig na/ drang srong 'khor khri cis stong yod pa zhig gnas te/ drang srong de yang bstan bcos thams cad kyi mthar phyin pa/ rdzu 'phrul che zhing mthu che ba zhig ste/ des bram ze khri nyis stong po de dag bsam gtan bzhi dang / mngon par shes pa lnga la bkod do// de nas gang gi tshe bcom ldan 'das kyis mtsho chen po ma dros pa'i nang du las kyi rnam par smin pa lung bstan nas/ mtsho de nyid kyi nang nas 'khor lnga brgya dang / nam mkha' la rgyal bu rgyal byed kyi tshal du gshegs so// drang srong de 'khor dang bcas pas kyang / bcom ldan 'das mtsho de nyid kyi nang nas nam mkha' la gshegs pa mthong ngo // mthong ma thag tu bcom ldan 'das la dga' bar gyur nas/ thams cang por bcom ldan 'das kyi phyi bzhin 'brang zhing / de dag rgyal bu rgyal byed kyi tshal du zhugs nas/ bcom ldan 'das ga la bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis drang srong khri nyis snying po de rnams kyi bsam pa dang / bag la nyal dang

  960. 69a

    khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong khri nyis stong po de rnams kyis stan de dag nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ / drang srong gtso bo des ni thos pas rgyags shing dregs pas ci yang ma thob bo// de nas drang srob khri nyis stong po de rnams stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis drang srong khri nyis stong po de dag dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas de rnams la lung yang phog ste/ de rnams kyis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ / drang srong gtso bo de ni rab tu byung yang ci yang ma thob bo// de nas des de thos nas 'bad pa la zhugs te/ des ring po ma lon par sde snod gsum lobs nas/ rig pa dang grol ba'i

  961. 69b

    spobs pa dang ldan pa'i chos smra bar gyur to/ / de nas phyi zhig na de'i blo skyes pa/ bdag ni sems can stong phrag du ma dgal chos ston la/ bdag nyid ni chos ston par mi 'dod de/ bdag gi grogs po 'di dag thams cad kyis dgra bcom pa nyid thob nas/ bdag gis ni de thos nas/ ci bya gtol med par gyur te/ khyad par ci yang ma thob kyis/ bdag gis mnyan pa dang sems pa btang la/ re zhig bsgrib par bya'o snyam nas/ des thos pa de nyid sems pa dang / 'jal ba dang / nye bar brtags pas nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba// dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis sangs rgyas bcom ldan 'das la gsol ba/ btsun pa drang srong de thos pa'i rgyags pas dregs nas ci yang ma thob la/ slad kyis thos pa de nyid sems pa dang / 'jal ba dang / nye bar brtags/

  962. 70a

    pas nyon mongs pa thams cad spangs nas/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'dis sems pa dang / 'jal ba dang / brtags pas/ bsam gtan bzhi dang / mngon par shes pa lnga ji ltar bskyed pa de nyon cig/ dge slong dag sngon byung ba 'das pa'i dus na/ ri khrod cig na bram ze 'od srungs gtso bo zhes bya ba zhig gnas te/ phyi zhig na de rtsa ba dang 'bras bu dag gi don la ri'i sul zhig tu song ba las/ des der drang srong khri nyis stong mthong nas/ mthong ma thag tu de dag la shin tu dga' bar gyur nas/ des bsams pa/ bdag ni khyim gyi chos la gnas la/ 'di rnams ni khyim gyi gnas nas nges par byung ba las na// 'di rnams ni 'khor ba las grol ba yin gor ma chag gis/ ma la bdag kyang 'di dag kho na'i thad du rab tu 'byung bar bya'o snyam nas/ des thams cad bor te/ drang srong de dag gi thad du rab tu byung ste/ de der song nas bstan bcos thams cad khong du chud par gyur to// de nas phyi zhig na drang srong gtso bo de shi nas/ bram ze'i khye'u khri nyis stong po de rnams drang srong de shi ba'i phyir shim mya ngan byed cing sdug bsngal la smre sngags 'don par byed do/ / de nas 'od srungs gtso bo des/ de dag la smras pa/ bram ze'i khye'u dag ha cang mya ngan ma byed/ sdug bsngal bar ma byed

  963. 70b

    sngags 'don par ma byed cig dang / ngas khyod kyi dgongs pa thams cad sbyar bar bya'o zhes byas nas/ des bram ze'i khye'u khri nyis stong po de dag thams cad bsdus te/ de dag la yid la byed pa yang/ phog nas/ de dag thams cad kyis kyang bsam gtan bzhi dang / mngon par shes pa lnga bskyed do// de nas phyi zhig na 'od srungs gtso bos bsams pa// bdag gi slob ma 'di rnams kyis ni bdag gi yid la byed pas chos de lta bu rtogs par gyur la/ bdag ni thos pas rgyags shing dregs pas ci yang ma thob na/ bdag la thos pa 'di ci dgos snyam nas des kyang sems pa dang 'jal ba dang / nye bar brtags pas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe 'od srungs gtso bor gyur pa gang yin pa de ni drang srong 'di kho na yin te/ de'i tshe yang 'di thos pa'i rgyags pas dregs pas ni yang ma thob la/ byis thos pa de nyid sems pa dang / 'jal ba dang / nye bar brtags pabs/ bsam gtan bzhi dang / mngon par shes pa lnga bskyed do// da ltar yang 'di thos pa'i rgyags pas dregs pas sngar ci mang ma thob la/ phyis thos pa de nyid sems pa dang 'jal ba dang / nye bar brtags pas/ nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas

  964. 71a

    bcom ldan 'das la zhus pa/ btsun pa drang srong 'khor dang bcas pa rnams kyis las ci bgyis na/ las de'i rnam par smin pas 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di rnams kyis smon lam gang du btab lags/ bka' stsal pa dge slong dag sngon byang ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ gang gi tshe de sangs rgyas kyi 'phrin las thams cad mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po mdzes ldan gyis de'i sku gdung la mchod pa byas te/ sku gdung gi mchod rten brtsigs nas/ mchod rten de la bkur sti chen po byas te/ mchod rten gyi dus ston gyi lugs btod do// de nas

  965. 71b

    phyi zhig na mchod rten de'i mchod rten gyi dus ston la bab pa na/ rgyal po mdzes ldan gyi khams su gtogs pa/ ri khrod kyi rgyal po 'khor khri nyis stong dang ldan pa zhig gis kyang mchod pa'i las la brtson par byas nas smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ ston pa 'di dang 'dra ba'i bstan la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas zham ring ba rnams kyis de mthong nas dris pa/ lha gcig gis smon lam ci btab lags/ de nas rgyal pos kyang de dag rgyas par bsnyad do// de nas zham ring ba rnams kyis smras pa/ bdag cag gis kyang lha cig las brten te ston pa 'di 'dra ba mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems de'i tshe ri khrod kyi rgyal por gyur pa gang yin pa de ni drang srong 'di kho na yin no// de'i tshe de'i 'khor khri nyis stong por gyur pa gang yin pa de ni bram ze khri nyis stong po 'di dag kho na yin te/ der mchod rten de la bkur sti byas nas/ smon lam btab pa'i las de'i rnam par smin pas gang dang gang du skyes pa de dang der phyagacig nor mang la

  966. 72a

    longs spyod che ba'i rigs su skyes nas/ 'dis mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// drang srong khri nyis stong po 'di rnams kyis kyang de nyid las brten nas/ 'di rnams kyis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyigasung rab la 'di dag thams cad rab tu byung ste/ der 'di dag thams cad kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to/ / gling chen gnas zhes bya ba ni/ gleng gzhi rgyal po'i khang na bzhugs te/ de'i tshe rgyal po'i lab kyi rgyal po gzugs can snying po'i glang po che'i bra grang chen snying po zhes bya ba phyug cing nor mang la longs spyod che ba/ yongs su 'dzin pa mang ba/ rnam thos kyi bu'i nor dang mnyam pa/ rnam thos kyi bu'i nor dang bgran pa zhig gnas pa des thabs zla ra bab pa las chung ma blangs nas/ de de dang lhan cig tu rtse zhing dga' dgur spyod do// de nas phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang

  967. 72b

    zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di rgyu skar nag pa la skyes la gcig tu na glang po che'i bla glang chen snying po'i bu yin pas na/ khye'u 'di'i ming nag pa glang chen gnas zhes gdags so zhes zer ro// de nas khye'u nag pa glang chen gnas 'o ma dang / zho dang mar dang / zhun mar dang / mar gyi snying khus bskyed bsrings nas/ de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phod dang / mdun du brna ba dang / phyir/ bsnur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gshegs dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'bang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to//

  968. 73a

    de nas phyi zhig na de'i pha ma gnyis shi nas/ de rgyal po gzugs can snying pos glang po che'i blar bskos te pha'i las thabs de nyid byin no// de nas des thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod do// de nas phyi zhig na des bcom ldan 'das kyi bstan pa la dad pa rnyed nas/ skyabs su 'gro ba dang / bslab pa'i gzhi rnams blangs te/ des sbyin pa dag sbyin zhing / bsod nams dag byas nas/ bcom ldan 'das kyi bstan pa la rab tu byung ngo // de rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra bar gyur to/ / de nas phyi zhig na des bsams pa/ bdag gis thos pa'i sgo nas bya ba gang yin pa de dag ni byas zin gyis/ da byin chad ni bdag gis yid la byed pa la 'bad par bya'o snyam du bsams te/ des yid la byed pa bzung nas/ srod dang tho rangs mi nyal ba nyams su blangs te gnas pas 'du shes med 'du shes med mir skye mched kyi bsam gtan gyi bar du bskyed nas/ des slob ma lnga brgya bsdus te/ 'khor dang ldan par gyur to// de nas phyi zhig na de 'khor dang bcas pa ljongs rgyu zhing dong ste/ de mthar gyis spyod yul rgyu ba las slar log nas/ blon po rnams kyis rgyal po gzugs can snying po la rab tu byung ngo zhes gsol te/ lha gcig nag pa glang chen gnas ni rab tu byung la/ de yang bu ma mchis te/ dum

  969. 73b

    mchis pas na/ de ci bdog pa thams cad lha gcig mnga' lags so zhes byas so// de nas rgyal pos smras pa/ nga ni shi ba nor dbang du zad kyi/ gson po'i ni mi dbang ste/ rig kyi bu de yang da dung gson por 'dug la/ drang srong rnams ni phyir yang 'bab cing khyim na gnas par 'gyur yang srid do zhes byas nas/ rgyal pos de'i khyim nas ci yang ma bzhes so// de nas phyi zhig na de'i chung mas nag pa glang chen gnas 'khor lnga brgya dang bcas pa rgyal po'i khab tu lhags so zhes thos so/ / thos nas kyang des 'khor dang bcas pa spyan drangs te khyim du zan byin no// de nas de'i chung mas bsams pa/ ci 'di bya ba byas pa yin nam/ 'on te so so'i skye bo yin zhig gu/ gal te so so'i skye bo yin na ni 'di drang ba'i thabs shig bya'o snyam nas/ des de zan za ba'i tshe khang thog nas zangs gzhong gcig mdun du bor nas/ de de'i sgras skrag par gyur la/ gcig tu na zan za ba'i tshe der zangs gzhong de la gris brud pa ltar yang byed do// des de mthong nas bsams pa/ 'di ni dgra bcom pa ma yin te/ 'di ni so so'i skye bo yin pas/ bdag gis 'di drang nus so snyam nas/ rkang pa la phyag 'tshal te smras pa dang / jo bo mi bzhugs pas bdag gi longs spyod 'di dag dmas par gyur to/ / de bas na jo bosang yang 'khor brgya lnga bcu dang khyim 'dir bshos gsol bar cig nang zhes byas so// de nas na ga pa glang chen gnas kyis chung ma la cang mi zer bar khas blangs nas

  970. 74a

    des phyi nyin de 'khor brgya lnga bcu dang zan byin nas yang byi de nyin par 'khor lnga brgya dang zan la bos so/ / de bzhin du mthar gyis bud med des 'khor je nyung je nyung ngu phri nas tha ma'i nyin par gcig pu zan la bos te/ de des zan byin nas de drang ba'i phyir 'phongs pa'i tshig smra zhing / jo bo mi bzhugs pas 'di ltar bran rnams kyis kyang brnyas so zhes zer ro// des snga nas rol po khye'u zhig la bsgo ste/ gang gi tsheng chos nyan cing 'dug pa de'i tshe/ khyod kyis ngalan gsum gyi bar du 'gug pa thong la/ nga'i gar du shog cig ces springs shig/ de nas khyod kyi thad du ma 'ongs pa dang / de'i 'og tu khyod kyis nga'i tse to nas bzung la jo bo'i mdun du rdegs shig ces byas te bzhag go// de nas khol po khye'u des kyang de kho na bzhin du byas nas/ bud med des smras pa jo bo dgazigs/ khyod nyid kyi mdun du yang bdag 'di kho na lta zhing mchis so zhes byas so// de nas thos ma thag tu nag pa glang chen gnas khro ba'i kun tu dkris pa chen po skyes nas/ khros pas chung mas snga nas mal du ral gri bzhag pa da blangs nas/ shugs nas byung nas khye'u de'i steng du brgyugs nas/ chung mas rkang pa la phyag byas te smras pa/ jo bo re zhig gzu lums ma mdzad par bslab pa'i gzhi rnams phul la/ de'i 'og tu 'di bcos pas slebs so// de nas nag pa glang chen gnas kyis chung ma de nyid kyi mdun du bslab pa'i gzhi rnams phul te/ chos gos tshon

  971. 74b

    can rnams bor nas/ khyim pa'i gos rnams bgos te 'dug go// de nas chung ma na re 'di ni bdag gis jo bo drang ba'i thabs bgyi ba'i slad du de ltar bgyis pa rabs kyis/ jo bos 'di la 'on du mi gzung bar gsol/ jo bo'i khyim gyi 'byor pa ni rgya che ba lags kyis/ da slan chad jo bo 'dod pa rnams kyang spyod cing bzhugs shig/ sbyin pa dag kyang sbyin par mdzod cig/ bsod nams dag kyang mdzod cig ces zer ro/ / de nas rgyal po gzugs can snying pos/ nag pa glang chen gnas kyis bslab pa rnams phul te nyams par byas so zhes thos nas/ rgyal pos de la 'gug pa btang nas de la sngon gyi las thabs byin no/ / de nas dge slong mang po dag snga dro sham thabs dang chos gos bgos te/ lhung bzed thogs nas/ rgyal po'i khab tu bsod snyoms la dong ste/ dge slong mang po dag rgyal po'i khab tu bsod snyoms la rgyu ba na/ nag pa glang chen gnas kyis bslab pa rnams phul te nyams par byas so zhes thos so// thos nas kyang rgyal po'i khab nas bsod snyoms blangs nas/ zan zos te zas byis len pa spangs nas/ lhung bzed dang chos gos bzhag ste/ rkang pa bkrus nas/ bcom ldan 'das gal bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ dge slong mang po rnams kyis/ bcom ldan 'das la 'di skad ces gsol to//

  972. 75a

    btsun pa 'di na bdag cag dge slong mang po snga dro sham thabs dang chos gos 'tshal te/ lhung bzed thogs nas/ rgyal po'i khab tu bsod snyoms la mchis pa na btsun pa bdag cag dge slong mang po khab tu bsod snyoms la rgyu ba rnams kyis nag pa glang chen gnas kyis bslab pa rnams phul te nyams par bgyis so zhes thos lags so/ / bcom ldan 'das kyis dge slong rnams la bka' stsal pa/ / dge slong dag rigs kyi bu de ni yun ring du khyim du mi gnas te/ da ni yang nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro zhes bka' stsal to// de nas phyi zhig na bcom ldan 'das kyis nag pa glang chen gnas gdul ba'i dus la bab par gzigs nas/ snga dro sham thabs dang chos gos gsol te/ lhung bzad bsnams nas/ rgyal po'i khab tu bsod snyoms la gshegs te/ mthar gyis rgyal po'i khab tu bsod snyoms bzhes nas/ nag pa glang chen gnas kyi khyim gang na 'dug pa der gshegs te/ byon nas khyim gyi sgon bzhes te/ de drang ba'i phyir 'od zer bkye nas/ des de'i khyim thams cad gser zhun ma'i kha dog lta bur snang bar gyur to// de nas nag pa glang chen gnas kyis bsams pa/ 'od 'di su'i yin zhig gu/ bcom ldan 'das kho na'i yin gor ma chag na/ bcom ldan 'das gal bzhugs te/ bdag la dgongs shig gu snyam pa

  973. 75b

    dang / de'i skabs su 'phrin pa 'ongs nas nag pa glang chen gnas la sbran te/ bcom ldan 'das sgon bzhugs so zhes byas so// de nas gus par bsgrim pa/ bcom ldan 'das gal bzhugs ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das ga la bde logs su thal mo sbyar ba btud nas/ bcom ldan 'das la gsol pa/ bcom ldan 'das bka' ci stsal lags/ bcom ldan 'das kyis bka' stsal pa/ khyod khyim na gnas pa thong la tshur shog/ yang nga'i thad du rab tu byung zhig ces bka' stsal to// 'di ltar bcom ldan 'das kyis ni/ tshe rabs gzhan dang gzhan dag tu bla ma dang bla ma'i gnas lta bur gyur pa/ su'i ngag kyang ma bcug pas na/ bcom ldan 'das kyi bka' yang sus kyang gcog nus pa med do/ / de nas des gsol pa/ bdag bcom ldan 'das kyis bka' ji skad stsal pa bzhin du 'tshal lo zhes gsol nas/ bcom ldan 'das kyi phyi bzhin 'brang ste/ bcom ldan 'das kyis 'od ma'i tshal du khrid nas/ rab tu phyung ste bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la nus pa/ btsun pa nag pa glang chen

  974. 76a

    gnas kyis las ci bgyis na/ las de'i rnam par smin pas bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags// bcom ldan 'das kyis bka' stsal pa/ dge slong dag sngon byung ba 'das pa'i dus na/ ri khrod kyi grong zhig na khyim bdag nag pa zhes bya ba phyug cig nor mang la longs spyod che ba/ yongs su 'dzin pa mang ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa las/ phyi zhig na de dpyid ka'i dus na shing yal ga 'khrigs shing me tog rgyas pa'i skyed mos tshal gyi sar byung ngo / / sangs rgyas 'jig rten du mi 'byung ba'i tshe/ rang sangs rgyas sdug cing 'phongs pa rnams la snying brtse ba/ bas mtha'i gnas mal na gnas pa/ 'jig rten gyi yon gnas gcig pu rnams 'jig rten du 'byung ste/ rang sangs rgyas shig ri khrod der bsod snyoms la 'gro 'dod nas/ des skyed mos tshal de na rol mo'i sgra grag pa thos nas/ des bsams pa/ bdag gang dka' ba'i lto 'di'i phyirari ni ri khrod du 'gro ci dgos kyis/ skyed mos tshal 'di'i nang du song dang / 'di nas bdag gi bsod

  975. 76b

    snyoms 'byung bar 'gyur ro snyam ste/ rang sangs rgyas de skyed mos tshal der song nas/ khyim bdag des lus mdzes pa dang / sems mdzes pa de mthong ngo // mthong nas kyang khyim bdag de rang sangs rgyas de la shin tu dga' bar gyur to/ / de dga' bar gyur nas/ bshos gsol te smras pa/ 'phags pa khyod ga la bzhugs/ bdag gis khyod kyi bsnyen bkur bgyi'o// rang sangs rgyas kyis smras pa/ nags khrod gag mo zhig na 'dug go zhes smras nas/ rang sangs rgyas de dong ngo // de nas khyim bdag de dus dus su nags khrod der bshos 'bul zhing bsnyen bkur yang byed do// / de nas phyi zhig na khyim bdag de de blta ba'i phyir song ba las/ rang sangs rgyas de shing zhig gi drung du gnas bcas te/ klu'i rgyal po'i lus bskyil te/ gnyid log pa bzhin skyil mo krung bcas te 'dug go/ de nas khyim bdag des rang sangs rgyas de rab tu dben par gnas pa mthong nas/ de yang rab tu 'byung bar 'dod pa'i sems skyes so// de nas rang sangs rgyas de'i thad du song nas/ rkang pa la phyag 'tshal te smras pa/ 'phags pa bdag rab tu phyung zhig dang / bdag kyang khyod kyi thad du tshangs par spyod par spyad par 'tshal lo// rang sangs rgyas kyi smras pa/ nga ni rab tu 'byin par mi byed de/ drang srong rnams rab tu 'byin par byed kyis/ drang srong rnams kyi nang du song la rab tu 'byung bar gyis shig/ de nas de thos ma thag tu khyim bdag des khyim gyi 'khor btang

  976. 77a

    nas/ sbyin pa dag sbyin zhing / bsod nams dag byas te/ drang srong rnams kyi nang du rab tu byung nas/ de der rab tu byung ste/ bsam gtan bzhi dang / mngon// par shes pa lnga bskyed do// de rab tu byung nas/ rang sangs rgyas de yongs su mya ngan las 'das so// de nas drang srong de'i blo skyes pa/ bdag song la yon gnas kyi mchog dge ba'i bshes gnyen de la bsnyen bkur bya'o/ / 'on tang de las bdag gis gong ma'i khyad par rtogs par 'gyur ro snyam ste/ de nags khrod der song ba las/ des der rang sangs rgyas de ni ma mthong gi/ rang sangs rgyas gzhan zhig nags khrod der mthong nas/ des de la dris pa/ 'phags pa'i dge slong sha tshugs dang kha dog 'di lta bu zhig nags khrod 'di nang 'dug 'dug pa gar song / rang sangs rgyas kyis smras pa/ yongs su mya ngan las 'das so// des smras pa/ de gang du mya ngan las 'das/ de nas rang sangs rgyas des des sku gdung de dag bstan to// de nas des sku gdung gi mchod rten brtsigs nas/ bdug pa dang / phye ma dang / spos dang / me tog rnams kyis bkur sti byas te smon lam btab pa/ kye ma dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa bdag gis mnyes par byed par gyur cig/ mi

  977. 77b

    mnyes par ma gyur cig/ yon tan 'di lta bu dag kyang bdag gis thob par shog cig ces smon lam btab nas sa phyogs de nas song ngo // de nas phyi zhig na de shi'o// de shi 'phos te dus las 'das nas/ tshangs pa'i 'jig rten du skyes so// dge slong dag ji snyam du sems/ de'i tshe khyim bdag nag par gyur pa gang yin pa de ni/ nag pa glang chen gnas 'di kho na yin te/ des rang sangs rgyas de la bkur sti byas nas/ smon lam btab pa'i las de'i rnam par smin pas gang dang gang du skyes pade dang der phyug cing nor mngal longs spyod che ba'i rigs su skyes te/ nga rang sangs rgyas bye ba phrag 'bum pas kyang chas khyad par du 'phags pa nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mong pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la gsol pa/ btsun pa nag pa glang chen gnas mchis 'brang gis thabs bgyis te 'dod pa spyod du stsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di chung ma des thabs byas nas ji ltar 'dod pa spyod du bcug pa de nyon cig/ dge slong dag sngon byung ba 'das pa'i dus na/ grong khyer wA rA nA si na/ rgyal po tshangs pas byin zhes bya ba rgyal po byed de

  978. 78a

    de'i tshe rgyal po tshangs pas byin gyi mdun na 'don bram ze mas byin zhes bya ba zhig yod de/ phyi zhig na de'i chung ma la bu chags nas/ bu mche ma gnyis byung ste/ de gnyi kyi btsas ston rgyas par byas te/ khye'u 'di gnyis kyi ming ji skad gdags zhes ming 'dogs par byed do// khye'u 'di gnyis mes byin gyi bu yin pas na/ khye'u gcig gi ming ni me'i bu zhes gdags so/ / gcig gi ming ni me lce zhes gdags so zhes zer ro// de nas khye'u me'i bu dang / me lce gnyis ngo ma dang / zho dang / mar dang / nun mar dang / mar gyi snying khus bskyed pa srings nas/ gang gi tshe de gnyis cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+hU zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas las rnam pa drug la mkhas pa'i bram zer gyur te/ de gnyis mthar gyis rig pa'i gnas bco brgyad la byang bar gyur to// phyi zhig na de gnyis kyis pa chos dang chos ma yin/

  979. 78b

    pas rgyal srid 'dzin pa mthong ngo // de nas phyi zhig na de gnyis kyi blo skyes pa/ pa med par gyur gyi 'og tu ni/ bdag cag gnyis pa'i las thabs su bsko bar 'gyur gyis/ bdag cag gnyis khyim na gnas pa gtang ngo zhes zer ro/ / 'di skad ces kyang zer te/ 'jig rten pha rol gyis 'jig pa'i mis ni/ rgyal srid kyi phyir gsod pa dang / bcing ba dang / rdeg pa'i las byed pa bas/ nags khung du shing shun gyi gos gyon zhing / shing thog za la/ gcan gzan dag dang lhan cig gnas kyang bla'o zhes zer nas pha la gsol te/ yab yum bdag cag gnyis dka' thub kyi rags tshal du mchi'o zhes byas so/ / pha ma gnyis kyis smras pa/ bu gnyis gang gi phyir drang srong rnams dka' thub spyod pa de ni/ khyed gnyis kyi lag na 'dug ste/ nged shi ba'i 'og tu khyed gnyis cod pan med pa'i rgyal srid 'dzin par 'ong ngo / / khye'u gnyis kyis smras pa/ bdag cag gnyis 'jigs pa yang de kho na yin te/ de'i phyir nags khung du gnas bca' bar 'dod pas na/ bdag cag gnyis ni 'dod pa la longs spyod pa'i rngo mi thog go// de ltar pha ma gnyis kyis/ de gnyis lan du ma bkag kyang dgag ma nus nas/ de gnyis la pha mas smras pa/ rab tu 'byung bar gyis la/ gal te khyad par cung zad thob par gyur na/ de dganyis la ltar shog cig ces byas so// de nas de gnyis kyis smras pa/ khyed gnyis/

  980. 79a

    ji ltar bgyis pa bzhin du 'tshal lo zhes byas nas/ khye'u de gnyis kyis bam la mchi phyag byas te/ rags khung du gnas bcas so// de gnyis der rab tu byung nas/ bsam gtan bzhi dang / mngon par shes pa lnga bskyed do// de nas phyi zhig na de gnyis kyi blo skyes pa/ bdag cag gnyis kyis bam la dam bcas pa/ gal te khyad par cung zad thod par gyur na/ khyed gnyis la ltar 'ong ngo zhes byas kyis 'dong ngo zhes zer nas/ steng gi nam mkha' las dong ste/ pha ma gnyis kyi thad du phyin to// de nas de mthong ma thag tu pha ma gnyis de la shin tu dga' bar gyur to/ / dga' bar gyur nas smras pa/ khyed gnyis kyang bsod snyoms 'dod la/ de gnyis kyang bsod nams 'dod kyis/ 'dir bdag cag gi skyed mos tshal du gnas par gyis shig dang / bdag cag gnyis kyis zan sbyar ro zhes byas so// de gnyis kyis smras pa/ khyed gnyis ji ltar dgyes pa bzhin du bgyi'o zhes byas nas/ skyed mos tshal de nyid du yal ga dang / lo ma'i skyil po bcas nas 'khod do// de nas de gnyis wA rA NA si'i phyogs kun tu bkur sti bya ba dang / bla mar bya ba dang / ri mor bya ba dang / mchog pa bya ba'i gnas su gyur to/ / de nas rgyal po tshangs pas byin gyis mdun na 'don mes byin gyi bu gnyis de ltar rdzu 'phrul che zhing mthu che bar gyur to zhes thos nas/ thos ma thag tu ngo mtshar

  981. 79b

    du gyur te/ g.yar drangs nas zan byin no// za na byin nas/ rkang pa la phyag 'tshal te smras pa/ dus dus su khyed gnyis nga la ltar shog cig ces byas so// de nas de gnyis kyis smras pa/ lha ji ltar dgyes pa bzhin du bgyi'o zhes byas nas de gnyis song ngo // de nas dus dus su de gnyis steng gi nam mkha' las 'gro zhing / rgyal po'i pho brang du 'dong bar byed de/ rgyal po tshangs pas byin la bltar 'gro'o// rgyal po tshangs pas byin gyis kyang de gnyis 'ongs nas/ nam mkha' de nyid las pang du blangs te stan la bzhag nas/ bza' ba dang bca' ba ga ma bzang po mang pos tshim par byas te/ chos mnyan pa'i phyir mdun du 'dug go// de nas phyi zhig na rgyal po tshangs pas byin gyi 'bangs ri khrod pa rnams log nas/ dpung gi tshogs go bskon techas nas/ des bu mo la bsgo ba/ bu drang srong de gnyis nam 'ongs dang ngadz+ra lngar bkur sti byed pa de kho na bzhin du khyod kyis kun gyis shig ces byas nas/ rgyal po de song ngo // de nas phyi zhig na rgyal po'i pho brang du drang srong me'i bu'i don zhig yod par phyin/ der drang srong me lce btang ste/ de steng gi nam mkha' las rgyal po'i pho brang du 'ongs nas/ bu mo des drang srong nam mkha' la 'dug pa bang du blangs te 'byung nas stan la bzhag go/ / bud med rnams ni reg na gdug pa yin te/ bu mo des reg ma thag tu drang srong me lce rdzu 'phrul de las nyams so// bu mo de yang drang

  982. 80a

    srong de gzugs bzang zhing blta na sdug la mdzes pa mthong nas chags par gyur te/ de de dang dben pa zhig tu zhugs nas/ de de dang lhan cig tu nyal po byas so// de nas de btsun mo'i 'khor gyis tshor te/ de dag gis bsams pa/ gal te bdag cag gis drang srong 'di la tshig 'ga' byas na ni/ drang srong 'di rdzu 'phrul che bas dmod pa 'dor srid do snyam ste/ de dag 'jigs skrag nas cung zad kyang ma smras so// drang srong de yang rgyal po'i pho brang de nyid du 'dug cing / rkang pas 'gror ngo tsha ste ma phod do// de nas phyi zhig na rgyal po tshangs pas byin gyis ri khrod pa phab nas phyir log ste/ rgyal po'i pho brang du 'ongs pa dang / des drang srong ma lce ba dir 'ongs so zhes thos nas/ thos ma thag tu rgyal po de la bltar song ste/ des bza' ba dang bca' ba gtsang ma bzang po mang po dag phul lo/ / bu mos kyang drang srong de'i sgomakhyer te 'ongs so// de nas de mthong ma thag tu drang srong de shin tu chags par gyur to// drang srong de myos pa tsam du chags par gyur nas/ rgyal po de'i spyan sngar lag pa brkyang nas/ lag pas bzung zhes byas pa dang / rgyal pos de mthong nas/ mthong ma thag tu ral gri rnon po thogs te/ drang srong de bsod par byas pa dang / bu mo'i mthong nas drang srong de la smras pa/ mkhan po ci lags/ khyod gsang nan dgos pa'i phyir 'khrul te/ khyod kyis 'dir phyag brkyang lags

  983. 80b

    sam zhes byas so/ / de nas rgyal po tshangs pas byin de bzhin du yid ches par gyur te/ drang srong 'dis 'khrul to snyam du bsams nas/ skyen par skom phul lo// de nas de la zan byin nas chos mnyan pa'i phyir mdun du 'dug go/ / de nas drang srong me'i bu dka' thub kyi nags tshal na 'dug pas bsams pa/ ci drang srong de da tsam gyi bar du ma 'ongs na snyam ste/ des bltas na/ 'dod pa spyod par gyur la stobs su chud cing 'dug par mthong nas/ 'di deng du srog yal bar 'gyur srid do snyam nas/ steng gi bar snang las rgyal po'i pho brang du 'ongs so// rgyal po tshangs pas byin gyis kyang drang srong de nam mkha' de nyid las pang du blangs nas stan la bzhag ste/ chos mnyan pa'i phyir mdun du 'dug de nas des rgyal po de la chos thig tsam bshad nas nu bo khrid de steng gi nam mkha' las dka' thub kyi nags tshul du song ngo / / de nas des de la yid la byed pa'i man ngag phog nas des phyir yang bsam gtan bzhi dang / mngon par shes pa lnga bskyed do/ / de nas phyi zhig na rgyal po tshangs pas byin gyi bcan mo 'khor rnams kyis bsams pa/ bu mo 'dis ma legs pa 'di lta bu byas pa de gal te bdag cag gis ma gsol na bdag cag la yang 'di'i phyir gyod byung bar 'gyur ro snyam nas/ de rnams kyis rgyal po la gsol to// de nas de thos ma thag tu rgyal po tshangs pas byin zhe sdang chen po'i dbang

  984. 81a

    du gyur nas/ des dpung gi tshogs yan lag bzhi'i go bskon te/ drang srong de'i gnas su song nas/ drang srong me lces rgyal po tshangs pas byin dpung gi tshogs pan lag bzhi dang chas te 'ongs pa mthong ngo / / mthong nas kyang sems pa la zhugs te/ 'di bsam pa ji lta bu zhig gis 'dir 'ongs snyam ste/ des ltas na/ bdag gsod par 'dod do snyam du rig nas/ de nyid dad pa bskyed pa'i phyir/ steng gi bar snang la mngon par 'bagra te 'dug go// de nas rgyal po tshangs pas byin gyis drang srong me lce steng gi bar snang la mngon par 'phags te 'dug pa mthong nas/ mthong ma thag tu de'i khro ba'i kun nas dkris pa de med par gyur to// the tsom skyes pa/ ci 'di ngas ji skad thos bde bzhin du gyur tam/ 'on te ma gyur skum nas tshigs su bcad de smras pa/ bram ze me lce bdag gis ni/ 'dod pa spyod ces sngar thos na// tshig de bden pa yin nam ci// 'on te ci lags mi spyod dam// rgyal po chen po de bden te/ / khyod kyis gzhan las thos pa bzhin// bdag ni lam ngan zhug gyur te// chags pa'i gnas su myos par gyur// de nas rgyal po tshangs pas byin the tsom skyes te/ drang srong mo'i bu'i thad du song nas/ des drang srong de la dris pa/ drang srong ci lags/ 'di'i slad du bdag gis ji skad thos pa de kho na bzhin lags sam/ drang srong gis smras pa/ rgyal po chen

  985. 81b

    po de kho na bzhin du bden mod kyi/ nyon mongs pa rnams ni de ltar mthu che'o// rgyal pos smras pa/ 'o na ji ltar 'dod pa yang longs spyod par byed la/ rdzu 'phrul 'di lta bu dag dang yang ldan/ drang srong gis sbas pa/ rgyal po chen po drang srong 'di gang gi tshe 'dod pa spyod par gyur pa de'i tshe na rdzu 'phrul las nyams so// 'di gnas de nas bdag gis khrid de lung yang phog yid la byed pa'i thabs kyang bstan nas/ 'dis kyang phyir yang rdzu 'phrul bskyed do// de nas de thos ma thag tu rgyal po de de la dga' bar gyur nas/ des drang srong de'i rkang pa la bya gang tshal te/ bzod brag sol nas song ngo // dge slong dag ji snyam du sems de'i tshe drang srong me'i bur gyur pa byang chub kyi spyod pa la gnas pa gang yin pa de ni nga nyid yin no// de'i tshe de'i chu bor gyur pa gang yin pa de ni nag pa glang chen gnas 'di kho na yin no/ / de'i tshe rgyal po'i bu mor gyur pa gang yin pa de ni chung ma 'di kho na yin te/ de'i tshe yang des tshangs par spyod pa'i gnas las nyams par byas te/ 'dod pa spyod pa la gnas par byas pa las/ de ngas de nas drangs te/ phyir yang bsam gtan bzhi dang / mngon par shes pa lnga la gnas par byas la/ da ltar ya 'dis 'di tshangs par sbyor ba'i gnas las nyams par byas nas/ 'dod pa la gnas par byas pa las/ de ngas de nas drangs te/ g.yung drung gi mthar thug pa grub pa dang bde ba'i mya ngan las 'das

  986. 82a

    pa la bzhag go/ / gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung nas/ des 'dir tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// // bam po nyi shu dgu pa// sa ra Na zhes bya ba ni/ gleng gzhi rgyal po'i khab na bzhugs te/ de'i tshe yul gyen du rgyal zhes bya ba na ni/ rgyal po rab snang zhes bya ba rgyal po byed do// yul dpa' rab ces bya ba na ni/ rgyal po 'char ka zhes bya ba rgyal po byed do/ / de gnyis phan tshun mi mthun par gyur pas/ dus dus su skye bo phal po che kha 'dog par byed do// de nas gang gi tshe tshe dang ldan pa ka t+ya ya na'i bus nyon mongs pa thams cad spangs te/ dgra bcom pa nyid mngon sum du byas pa de'i tshe/ des bsams pa/ bcom ldan 'das ni bdag gi sdug bsngal dang / yid mi bde ba mang po sel ba yin/ bde ba dang yid bde ba rnam pa du ma sgrub pa yin/ sdig pa mi dge ba'i chos rnam pa du ma sel ba yin/ chos rnam pa du ma sgrub pa yin la/ dge ba'i bshes gnyen ni sangs rgyas bcom ldan 'das las brten te rus pa'i ri la ni brgal khrag gi rgya mtsho ni bskams na/ bcom ldan 'das de'i bka' drin bdag gis ji ltar bsab par bya snyam mo// de nas des bsams pa/ sangs rgyas bcom ldan 'das 'jig rten du 'byung ba gang yang

  987. 82b

    rung ba de dag thams cad ni sems can la phan pa'i phyir 'byung ba kho nar zad kyis mal bdag gis kyang sems can la phan pa bya'o snyam mo/ / de nas de sems pa la zhugs te/ bdag gis gdul bar bya ba 'ga' lta ci yod snyam pa dang / des bltas na/ yul dpa' rang bya ba na gnas pa'i skye bo mang po rnams lhag par bdag gis gdul bar bya ba yin par mthong nas/ bcom ldan 'das ga la bzhugs pa der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag ljongs rgyu zhing mchi bar 'tshal lo// bcom ldan 'das kyis bka' stsal pa/ ka t+ya ya na'i bu khyod la/ bdag brgal nas gzhan sgrol cig/ bdag grol nas gzhan grol bar gyis shig/ bdag dbugs phyin nas gzhan dbugs phyung zhig/ bdag yongs su mya ngan las 'das nas/ gzhan yongs su mya ngan las zlo zhig/ de nas tshe dang ldan pa ka t+yA ya na'i bu bcom ldan 'das kyi zhabs la mgo bos phyag 'tshal te/ 'khor lnga brgya dang ljongs rgyu zhing song ngo // de nas de mthar gyis rgyu zhing song song ba las yul gyen du rgyal du phyin nas/ de der phyin nas rgyal po gtum po rab snang sangs rgyas kyi bstan pa la zhugs par byas so// yul dpa' rab tu song nas rgyal po 'char

  988. 83a

    ka dad pa phun sum tshogs pa la gnas par byas so/ / skye bo phal po che yang bcom ldan 'das kyi bstan pa la dad par byas so// de nas phyi zhig na yul dpa' rab kyi rgya po 'char ka'i btsun mo la bu chags nas/ de zla ba dgu'am bcu lon pa dang / du gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming sar na zhes bya bar btags so/ / de nas khye'u sar na 'o ma dang / no dang / mar dang / nun mar dang / mar gyi snying khus bskyed bsrings te/ mtsho'i nang gi pad+ma bzhin du skyed drag par gyur to/ / de nas de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa'i 'di lta ste/ glang po che bzhon pa dang / rta bzhon pa dang / mtshon cha bcang ba dang / 'bong dang / mdun du brtsu ba dang / phyir bskur ba dang / g.yul las thar par bya ba dang / lcags kyus gzung ba dang / zhags pas gzung ba dang / mdanga' po che 'phang ba dang / rdo rje rtse gcig pa gdang ba dang / tshon rtse gcig tu gdab pa dang / 'khor lo 'phang ba dang / gcod pa dang / gshogs dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang /

  989. 83b

    tshabs cher gtang ba rnams kyang bslabs nas/ gnas lnga la byang bar gyur to// de nas phyi zhigan gzhon nu sa ra Na tshe dang ldan pa ka t+ya ya na'i bu la brten nas bcom ldan 'das kyi bstan pa la da pa rnyed de/ skyabs su 'gro ba dang / bslab pa'i gzhi rnams blangs so// de nas des bltas na/ pha chos dang chos ma yin pas rgyal po byed pa mthong ngo // de nas des bsams pa yab nongs pa'i 'og tu ni bdag rgyal sar 'jug par 'ong ste/ bdag la rgyal srid mi dgos kyis/ bcom ldan 'das kyi bstan pa la rab tu byung la/ chu bo rnams las brgal bar bya ba dang sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya'o snyam nas/ yab yum la gsol te/ tshe dang ldan pa ka t+ya ya na'i bu'i thad du rab tu byung ste/ bsnyen par rdzogs so// de nas tshe dang ldan pa ka t+ya ya na'i bus bsams pa/ 'di yul 'di nas bkar dgos snyam nas/ de khrid de yul gyen du rgyal du song nas de na 'khod do// de nas zhig na tshe dang ldan pa sa ran snga dro chos gos dang sham thabs gyon te/ lhung bzed thogs nas/ grong khyer gyen du rgyal du bsod snyoms la song ngo // de yang spyod yul gyi rgyus mi shes la lam po che dang srang gi rgyus la mi mkhas pa zhig ste/ de mthar gyis bsod snyoms rgyu zhing song song ba las rgyal po gtum po rab snang gi pho brang gi chab sgor byin nas/ rab sgo ba rnams med pa'i

  990. 84a

    skabs su de rgyal po'i pho brang gi nang du song nas/ de rgyal po'i btsun mo rnams kyis mthong nas/ gzugs bzang zhing bltan sdug la mdzes te lus kyi sha rgyas par 'dug go/ / de nas de mthong ma thag tu de dag de la shin tu dga' bar gyur te/ de dag gis bsams pa/ dge slong 'di 'di ltar gzugs mdzes shing na so gzhon la/ tshangs par spyod pa la yang gnas so snyam mo/ / de nas de dag dga' bar gyur pas/ de'i stan bshams te 'dug tu bcug na/ bza' ba dang bca' ba gtsang ma bzang po mang pos tshim par byas nas/ tshe dang ldan pa sa ra Na bskor te/ chos mnyan pa'i phyir gung la bzhag go// de nas de na 'dug pa'i skabs su rgyal po gtum po rab snang btsun mo'i 'khor du 'ongs so// btsun mo rnams kyi lugs kyis/ gang gi tshe rgyal po btsun mo'i 'khor du 'ong ba de'i tshe langs te bsur 'gro ba yin na/ de rnams chos nyan pa la 'dun ches nas ldang ba dang / bsu ba yang ma byas so// de nas rgyal po gtum po rab snang gis bsams pa/ ma la dag btsun mo rnams kyis ma bsu ba 'di ci las gyur snyam nas/ rgyal pos de 'phrigs te/ de khros bzhin du btsun mo'i 'khor du song ngo // de der song ste bltas tshe dang ldan pa sa ra na btsun mo rnams kyis bskor ba mthong nas/ rgyal po de lhag par yang khro ba'i kun tu dkris pa skyes te/ de khros nas bsams pa/ dge slong gis nga'i chung ma mthong gis

  991. 84b

    med do snyam mo/ / de nas des bsams pa/ re zhig 'di 'dod chags dang bral ba yin nam/ 'on te 'dod chags dang ma bral ba yin brtag par bya'o snyam ste/ de nas tshe dang ldan pa sa ran la smras pa/ ci khyod dgra bcom pa yin nam/ des smras pa/ rgyal po chen po ma yin no// rgyal pos smras pa/ ci khyod phyir mi 'ong ba dang / lan cig phyir 'ong ba dang / rgyun du zhugs pa thob pa yin nam/ 'du shes med 'du shes med min skye mched dang / ci yang med pa'i skye mched dang / rnam shes mtha' yas skye mched dang / nam mkha' mtha' yas skye mched thob pa yin nam/ bsam gtan bzhi pa dang / gsum pa dang / gnyis pa dang / bsam gtan dang po thob pa yin nam/ des smras pa/ rgyal po chen po ma yin no// de nas rgyal pos bsams pa/ dge slong 'di 'dod rags dang bral ba ma yin la/ 'di mkhar po dang slob dpon gyis ma bslabs kyis/ ngas 'di bslab par bya'o snyam nas zham ring ba rnams bos te de lcag gis zhen par gzhus te gtang ngo / / de nas de lcug gis gzhus pas pags pa ral nas khros te bsams pa/ bdag mnyes par dus ngan pa'i rgyal po gtum po 'dis brdabs kyis bdag pa'i yul du song la/ pa'i yul du 'dug ste/ dpung gi tshogs yan lag bzhi go bskon te song la/ dus ngan pa'i rgyal po rgyal po gtum po'ang rdul bton te btang ngo snyam mo/

  992. 85a

    @dang ldan pa ka t+ya ya na'i bu ga la 'dug pa der song ste byin nas/ tshe dang ldan pa ka t+ya ya na'i bu'i rkang pa la phyag 'tshal te smras pa/ mkhan po bdag ma nongs par dus ngan pa'i rgyal po rgyal po gtum po des brdabs pas na/ bdag pa'i yul du mchis te/ der mchis nas dpung gi tshogs yan lag bzhi go bskon te mchis la/ dus ngan pa'i rgyal po rgyal po gtum bo de rdul bton te btang gis/ bslab pa'i gzhi rnams bzhes su gsol/ gnas brtan gyis smras pa/ bu khro ba'i dbang du ma 'gro zhig/ bcom ldan 'das kyis rab tu byung bas ni 'jig rten gyi chos brgyad de/ rnyed pa dang / ma rnyed pa dang / thags pa dang / grags pa ma yin pa dang / bstod pa dang / spad pa dang / bde ba dang / sdug bsngal thams cad bzod par bya'o zhes ma gsungs sam zhes byas te/ gnas brtan des de la lan du ma bkag kyang dgag ma nus nas/ tshe dang ldan pa ka t+ya ya na'i bus de la smras pa/ bu de ltar khyod khro 'dod na/ da ltar nanam sros su nye ste/ lam na seng ge dang / stag dang / gzig dang / dreng mo rnams kyis 'jigs pa yod kyis/ do nub kyi tshel 'dir 'dug la nang par song zhig ces byas so// de nas des smras pa/ mkhan pos ji skad bka' stsal pa bzhin 'tshal lo zhes byas na// de gnas brtan de dang gnas khang gcig tu nyal te/ tshe dang ldan pa ka t+ya ya na'i bus de bzlog pa'i phyir de

  993. 85b

    byin gyis brlabs te/ ci nas de nyal ba'i rmi lam du des bslab pa phul te/ pha'i yul du song nas pas de rgyal srid la dbang byed du bcug ste/ dpung gi tshogs yan lag bzhi byin nas 'di skad ces bsgo ste/ khyod kyis thog ma kho nar las su bya ba ni dgra tshar gcod par gyis shig ces byas nas/ de thos ma thag tu des dpung gi tshogs yan lag bzhi go bson nas rgyal po gtum borab snang gi yul du dmag drangs pa las/ rgyal po gtum po rab snang gis de g.yul du pham par byas te/ thug par gyur nas rgyab kyis phyogs par byas te/ gsor por bzung nas gson du btang ste/ de gshed ma'i mi rnams kyis khrid de bsad pa'i sar byin du nye ba dang / des bltas na rmi lam nyid na/ tshe dang ldan pa ka t+ya ya na'i bu grong khyer gyen du rgyal na bsod snyoms byed cing 'dug pa mthong nas/ des khus btab ste mkhan po bdag gi skyabs mdzad du gsol/ bdag la dka' ba mdzad pa dang / srog 'phangs pa sbyin par mdzad du gsol zhes zer zhing 'dug pa rmi lam du mthong bar byin gyis brlabs so/ / de nas de des sba gnas sad kyang / rmi lam la yang dag pa tsam du 'dzin cing de bzhin du rdol nas/ tshe dang ldan pa ka t+ya ya na'i bus de la smras pa/ bu khyod kyis rmi lam mthong bar zad kyis/ ma 'jigs shig/ de nas de thos ma thag tu sa ran dga' bar gyur nas/ sems pa la zhugs te/ sar na zhes bya ba de ni nga nyid yin zhing 'dug

  994. 86a

    la bdag gis ni sems can gcig la yang 'tshe ba ma byas na/ de bdag khro ba'i dbang du song ste/ mi lam du yang skye bo mang po de skyed bsad kyis/ don nu gcer ba 'di snyam bdag gis btang ngo snyam mo/ / de nas gnas brtan des de'i yid skyo bar rig nas/ de dang 'thun pa'i chos bstan te/ des na sa ra nas stan de nyid la 'dug bzhin du nyon mongs pa thams cad spangs te/ dgra bcom pa nyid mngon sum du byas so// de nas rgyal po gtum po rab snang gis bdag gis dge slong lcug gis gzhus pa gang yin pa de rgyal po 'char ka'i bu yin no zhes thos nas/ de'i thad du song ste/ rkang pa la phyag 'tshal nas bzod par gsol te/ de nyid las brten nas tshe dang ldan pa ka tu ya na'i bu zhag bdun gyi bar du bshos la spyan drangs so// nas byi zhig na tshe dang ldan pa ka t+ya ya na'i bus bsams pa/ rnyed pa dang bkur sti skyes kyis gcod dgos snyam nas/ tshe dang ldan pa sa ra na dang lhan cig tu rgyal po'i khab tu song ngo // de nas tshe dang ldan pa sa ra na ji ltar gyur pa'i skabs de dge slong rnams kyis thos so// thos nas kyang bcom ldan 'das la zhus pa/ btsun pa sa ra na nas las ci bgyis na las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na las de'i rnam par smin pas rgyal po gtum po rab snang gis lcug gis gzhus la

  995. 86b

    'dis bcom ldan 'das kyang mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las byas shing bsags te/ dge slong dag sngon byung ba 'das pa'i dus na/ grong khyer wA rA Na si na/ rgyal po tshangs pas byin rgyal po byed do// phyi zhig na de'i btsun me'i 'khor gyis nam ring byas te/ skyed mos tshal gyi sar song ba las/ rgyal po gnyid kyis log go// bud med rnams ni me tog dang 'bras bu la sred pas de'i btsun mo rnams skyed mos tshal der phan tshun rgyu ba la zhugs so/ / sangs rgyas bcom ldan 'das rnams 'jig rten du mi 'byung ba'i tshe/ rang sangs rgyas rnams 'jig rten du byung ste/ rang sangs rgyas shig skyed mos tshal der mtshan mo dgongs mal btab nas lus mdzes pa dang sems mdzes pa de bud med de dag gis mthong nas/ mthong ma jug tu de la dga' ba skyes so/ / dga' ba skyes nas rkang pal phyag 'tshal te/ chos mnyan pa'i phyir mdun du 'khod do// de nas rgyal po de sad de/ btsun mo'i 'khor mi snang nas/ khros te ral gri rnon po thogs nas/ rjes gar byung ba'i thog tu song ba las/ rgyal po des rang sangs rgyas de btsun mo'i 'khor la chos 'chad cing 'dug pa mthong ngo // mthong nas kyang dge slong gis nga'i chung ma mthong

  996. 87a

    jo snyam ste/ de ldag par yang khro ba'i kun tu dkris paskyes te/ des nam ring 'khor rnams la bsgo ste/ rang sangs rgyas de lcug gis zhen par gzhus te btang ngo // de nas rang sangs rgyas des bsams pa/ nyon mongs pa 'di ni smras shing nyams par gyur te/ 'di gtan du 'khyams na mi rung gis/ ra mda' bya dgos so snyam bsams nas/ nam mkha' la 'phags te/ 'bar ba dang / lam mer 'dug pa dang / char 'bab pa dang / klog 'gyu ba la sogs pa'i tshe baphrul bstan to// so so'i skye bo rnams ni rdzu 'phrul gyis myur du dad par 'gyur te/ de mthong ma thag tu de la shin tu dga' bar gyur to// dga' bar gyur nas/ sdong po sog les bcad pa bzhin du de'i rkang pa la phyag 'tshal te smras pa/ skal ba chen po dang ldan pa mar ston/ bdag nyes par spyod pa'i 'dam du bying ba las lag nas drongs shig ces byas so// de nas rang sangs rgyas de de nyid la snying brtse ba'i phyir sa la babs nas/ des de'i rkang pa la phyag 'tshal te bzod pa gsol nas/ ji srid 'tsho ba'i bar du yo byad thams cad bstabs te/ skyed mos tshal de nyid du yal ga dang / lo ma'i skyil po pu gnas/ yo byad thams cad kyis bsnyen bkur byas so/ / de nas phyi zhig na rang sangs rgyas des bsams pa/ bdag la lus khol ba 'di ci dgos kyis/ bdag ni ba mya ngan las 'das pa'i khams su 'gro bar bya'o snyam

  997. 87b

    nas/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul bstan te/ yongs su mya ngan las 'das so// de nas rgyal po des de'i sku gdung la mchod pa byas nas/ sku gdung gi mchod rten brtsigs te/ mchod rten la bkur sti chen po byas nas smon lam btab pa/ kye ma 'di ltar bdag gis sems can dag pa 'di lta bu la gnod pa byas pa'i las 'di bdag gis myong bar ma gyur cig/ bdag gis phyir yang bkur sti byas pa'i dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad bar du 'phags pa'i ston pa bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe rgyal po tshangs pas byin zhes bya bar gyur pa gang yin pa de ni sa ra na 'di kho na yin te/ des rang sangs rgyas la gnod pa byas pa'i las de'i rnam par smin pas gang dang gang du skyes pa de dang der lus la lcag gis gzhus pas lcag 'og tu shi nas/ / 'di sang rang sangs rgyas bye ba phrag 'bum pas kyang ches khyad par 'phags par lta bu mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mong

  998. 88a

    pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung nas 'dis der tshe gcig tu tshangs par spyad de/ dbang po rnams yongs su smin par byas pa des na/ da ltar rnam par grol bar gyur to// ri dgas kyi brtul zhugs can zhes bya ba ni/ gleng gni rgyal po'i khab na bzhugs te/ de'i tshe yul bi te ha'i ljongs na/ ri dgas kyi brtu zhugs can ri dgas kyi pags pagyon zhing rwa thogs pa ri dgas rnams dang lhan cig tu rtsa za zhing chu thung ba lnga brgya tsam zhig 'khod do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar ga nag ba gsum la mkhas pa/ mi 'jigs pa bzhis mi 'jig pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin du sa gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing

  999. 88b

    'dug/ su ni nyamang bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab su ni ngan song du bab/ su ni ngas ngan song nas phyung ste/ mtho rasi dang / thar pa dang / 'bras bu la gzhag par bya/ su ni nyes par spyod pa'i ngadam du bying ba las lag nas drang bar byasu ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la/ sangs rgyas dus las yol ba med// de nas bcom ldan 'das kyis dgongs pa/ ri dgas kyi brtul zhugs can lnga brgya po rnams gdul ba'i dus la bab po / snyam du dgongs nas/ bcom ldan 'das kyis ci nas ri dgas kyi brtul zhugs can de rnams kyis ri dgas de dag rgyal po'i khab tu 'gro ba mthong la/ mthong nas de rnams kyang ri dgas

  1000. 89a

    de dag dang lhan cig tu rgyal po'i khab tu 'gro bar 'gyur ba de lta bur byin gyis brlabs so/ / de nas de dag der song nas/ bcom ldan 'das kyis sprul pa'i ri dgas de dag mi snang bar byas so/ / de nas skye bo phal po che de dag gi de rnams mthong nas rnam par smod par byed do// de ltar smad nas de rnams rgyal po'i khab nas byung ste/ 'od ma'i tshal logs su chas so/ / de nus bcom ldan 'das kyis de rnams la thugs 'artsela'i phyir mdun du bzhugs so// de nas ridags kyi brtul zhugs can lnga brgya po da dkrigs blag ring po zhig nas bcom rjen 'das mthong ngo / / mthong nas kyang de dag bcom ldan 'das la dga' bar gyur to// dga' bar gyur nas/ bcom ldan 'das ga la bzhugs pa der dong ste lhag nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de rnams kyi bsam pa dang / bag la nyal ba dang / khams dang shes pa dang / rang bzhin thugs su chud nas/ de dang 'thun pa'i chos bstan te/ des na ri dgas kyi brtul zhugs can lnga brgya po de dag gis stan de nyid la 'khod bzhin du bden pa mngon par rtogs pa'i mod la phyir mi 'ang ba'i 'bras bu mngon sum du byas te/ de dag gis bden pa mthong nas/ bcom ldan 'das la 'di skad ces gsol to// btsun pa bdag cag les

  1001. 89b

    par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis sangs rgyas bcom ldan 'das la zhus pa/ btsun pa dge slong 'di rnams kyis ci bgyis na/ las de'i rnam par smin pas ri dgas kyi cha lugs su mchis la/ ri dgas rnams dang lhan cig tu rtsa za zhing chu 'thung bar gyur nas/ 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di rnams nyid kyis las byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs

  1002. 90a

    su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo skur ra/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de dge slong gi dge 'dun mang po dang thabs gcig tu ljongs rgyu zhing gshegs pa las rgyal po'i khab tu gshegs so// de'i tshe rgyal po'i khab na dka' thub kyi gnas shig na bram ze 'khor lnga brgya dang ldan pa zhig gnas pa des/ bcom ldan 'das 'od srungs 'khor dang bcas pa mthong ngo // mthong nas kyang bram ze'i khye'u rnams la smras pa/ khyed 'od srungs kyi dge slong ri dgas bzhin du rgyu ba 'di dag la ltos/ 'di rnams ni gnas med de/ gang dga' bar rgyu bar byed do zhes byas so// de nas phyi zhig na bram ze des bcom ldan 'das kyi bstan pa la dad pa rnyed nas/ de bram ze'i khye'u de dag dang lhan cig tu yang dag par rdzogs pa'i sangs rgyas 'od srungs kyi thad du rab tu byung ngo // de dag der rab tu byung nas/ tshe gcig tu tshangs par spyod pa spyad pa las/ yon tan gyi tshogs ci yang ma thob nas/ de dag gis 'chi kar smon lam btab pa/ 'di ltar bdag cag gis yang dag par rdzogs pa'i sangs rgyas 'od srungs kyi bstan pa la rab tu byung nas/ tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag

  1003. 90b

    par rdzogs pa'i sangs rgyas 'od srungs kyis bram ze'i khye'u tha ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe dge slong lnga brgyur gyur pa gang yin pa de dag ni/ ri dgas kyi brtul zhugs can 'di dag kho na yin te/ de rnams kyis der dge slong rnams la tshig rtsub po smras pa/ 'di dag ni ri dgas bzhin du rgyu'o zhes byas pa'i las de'i rnam par smin pas tshe rabs lnga brgyar ri dgas su skyes nas/ da ltar srid pa tha ma dang / gnas tha mar gyur pa'i bar du yang ri dgas kyi cha lugs 'dzin par gyur te/ de rnams kyis der tshe gcig tu tshangs par spyod pa spyad nas/ 'tsho kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong

  1004. 91a

    dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyisang mnyes par byas te/ mi mnyes par ma byas las/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / zla ba zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze che zhing mtho ba zla ba bde zhes bya ba zhig gnas te/ des thabs zla rabab pa las chung ma blangs nas/ de de dang lhan cig rtse zhing dga' la dga' dgur spyod pa las/ phye zhig na de'i chung ma la bu chags nas/ de la yid la 'dod pa 'di lta bu zhig skyes te/ gzhung gyis rtsod pa rnams dang lhan cig tu gtam zer yang ci ma rung snyam mo// de nas des khyim thab la bsnyad do// jo bo bdag la yid la 'dod pa 'di lta bu zhig skyes te/ bdag gzhung gis rtsod pa rnams dang lhan cig tu gtam zer yang ci ma rung snyam bgyid do zhes byas so// bram ze de yang ltas la mkhas pa zhig/ de'i blo skyes pa/ 'di ljon 'dug pa'i sems can de'i mthu yin te/ des 'di'i yid la 'dod pa de lta bu skyes so snyam mo// de nas zla ba dgu'am bcu lon pa dang / bu mo gzugs bzang zhing blta na sdug la mdzes pa zhig btsas

  1005. 91b

    te/ de'i btsas ston rgyas par byas nas/ bu mo 'di'i ming ji skad gdags zhes ming 'dogs par byed de/ bu mo 'di zla ba bde ba'i bu mo yin pas na/ bu mo 'di'i ming zla ba zhes gdags so// zhes zer ro// de nas bu mo zla ba 'o ma dang / zho dang / mar dang / zhun mar dang / mar gyi snying lus bskyed bsrings te/ mtsho nang gi pad+ma bzhin du skye drag par gyur nas/ gang gi tsheche de chen mor gyur pa de'i tshe/ khyim de nyid du yi ge bslabs te/ de ring po ma lon par yi ge'i mthar phyin nas/ des khyim de nyid du pha ma las bstan bcos thams cad lobs te/ gzhung gis rtsod pa thams cad tshar bcad nas/ des tshig tu bya ba thos so cog lo bas so// de nas phyi zhig na des mnyan du yod pa 'di nyid na dge sbyong go'u ta ma thams cad mkhyen pa/ thams cad gzigs pa yin par bdag nyid las 'che ba zhig yod do zhes thos nas/ thos ma thag tu bu mo de ya mtshan du gyur te/ bdag song la/ dge sbyong go'u ta ma de ci 'dra ba blta bar bya'o snyam ste/ pha ma gnyis la gsol nas/ rgyal bu rgyal byed kyi tshal du song ste/ bu mo des thag ring po zhig nas sangs rgyas bcom ldan 'das sku skyes du chen po'i mtshan sum cu rtsa gnyis kyi legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing

  1006. 92a

    dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las b yung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de de ltar dga' ba skyes nas/ bcom ldan 'das gal bzhugs pa der song ste phyin nas/ bcom ldan 'das kyi skabs la mgo bos phyag 'tshal te/ chos mnyan po'i phyir spyan sngar 'dug go/ / de nas bcom ldan 'das kyis de'i bsam pa dang / bgal nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bas twe/ des na bu mo zla bstan de nyid la 'dug pa bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thob tu rung na/ bdag kyang

  1007. 92b

    bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de skye dgu'i bdag mo chen mo go'u ta mi la gtad nas/ skye dgu'i bdag mo chen mo go'u ta mis de rab tu phyung ste/ bsnyen par rdzogs par byas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// der gang gi tshe bcom ldan 'das kyis/ dge slong ma rnams la bka' stsal pa/ dge slong ma rnams kyis las la 'du ba logs shig sa ces shig ces pa las/ skye dgu'i bdag mo go'u ta mis so sor thar pa'i mdo 'don mi nus nas/ de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal/ te/ phyogs gcig tu 'dug go// phyogs gcig tu 'dug nas/ bcom ldan 'das la/ skye dgu'i bdag mo go'u ta ma si 'di skad ces gsol to// bcom ldan 'das kyis dge slong rnams kyis kyang las kyi 'dun ma logs shig tu gyis shig/ dge slong ma rnams kyis kyang las kyi 'dun ma logs shig tu gyis shig ces bka' stsal la/ bcom ldan 'das kyis dge slong rnams la ni so sor thar pa bstan/ dge slong ma rnams la ni ma bstan lags na/ bcom ldan 'das kyis so sor thar pa bstan du gsol/ bdag gis bzung bar 'tshal lags so// sangs rgyas

  1008. 93a

    bcom ldan 'das rnams ni tshig re re nas smos shing chos gsungs mi srid de/ de'i skabs med do// de nas der bcom ldan 'das kyis/ skye dgu'i bdag mo go'u ta mi la bka' stsal pa/ kye go ru ta mi gcig spras pas 'dzin nus na ni bstan par bya'o zhes gsungs so// de nas de'i tshe dge slong ma zlab 'khor de nyid du 'dus te/ dge slong ma zla bas bla gos phrag pa gcig tu gzar nas/ bcom ldan 'das ga la ba de logs su thal me sbyar ba btud de/ bcom ldan 'das la 'di skad ces gsol to// bcom ldan 'das kyis so sor thar pa bstan du gsol/ lan cig bka' stsal pas bdag gis gzung bar 'tshal lo// de nas bcom ldan 'das kyis dge slong ma rnams la so sor thar pa'i mdo bstan te/ lan cig bka' stsal pas dge slong ma zla bas lobs nas/ des sde snod gsum yang lobs so// tshig tu bya ba ci yang rung ba de dag thams cad kyang thos ma thag tu lobs nas/ bcom ldan 'das kyis de thos pa 'dzin pa rnams kyis chog tu bstan to/ / de nas dge slong rnams kyis/ sangs rgyas bcom ldan 'das la zhus pa/ btsun pa dge slong ma zla bas las ci bgyis na/ las de'i rnam bar smin pas byug cing nor mngal longs spyod che ba'i rigs su skyes la/ 'dis bstan bcos thams cad kyang lobs te/ gzhung gis rtsod pa thams cad tshar bcad nas/ 'dis bcom

  1009. 93b

    ldan 'das kyang mnyes par byas te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon/ sum du bgyi sa la/ 'dis thos pa thams cad kyang 'dzin nus te/ bcom ldan 'das kyis kyang thos pa 'dzin pa rnams kyi mchog tu bstan lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung ngo / / dgang las rab tu byung bar gyur pa de yang dag par rdzogs pa'i sangs rgyas 'od srung kyis thos pa 'dzin pa rnams kyi mchog tu bstan to// de nas des der tshe gcig tu tshangs par spyod ba spyad nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang /

  1010. 94a

    mthob kyis/ yang dag par rdzogs pa'i sangs rgyas 'od srungs kyis zam ze'i khye'u bla ma lung bstan pa gang yin pa'i sangs rgyas bcom ldan 'das de dag gis mnyes par byed par/ gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gri mkhan mo yang dag par rdzogs pa'i sangs rgyas 'od srungs kyis thos pa 'dzin pa rnams kyi mchog tu lung bstan pa de bzhin du/ bdag kyang shAkya thub pa shAkya'i rgyal po des thos pa 'dzin pa rnams kyi mchog tu ston par shog cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyis gsung rab la 'di rab tu byung ba'i dge slong mar gyur pa gang yin pa de ni dge slong ma zla ba 'di kho na yin te/ des der rab tu byung nas tshe gcig tu tshangs par spyod pa spyad de/ 'chi kar smon lam btab pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes bapar byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ ngas 'di

  1011. 94b

    thos pa 'dzin pa rnams kyis chog tu bstan to/ / mi 'am ci gnyis zhes bya ba de la/ mi 'am ci dang po ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas des thabs blar bab pa las chung ma blangs nas/ des de dang lhan cig rtse zhing dga' la dga' dgur spyod pa las phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa mdog bzang ba/ gser gyi mdog can mgo bo gdugs ltar 'dug pa/ lag pa ring ba/ da bral ba'i dbyes che ba/ sna mtho ba/ sna legs pa/ smin ma stug pa zhig btsas te/ de'i btsas ston rgyas par byas nas/ khye'u 'di'i ming ji skad gdag sa zhes ming 'dogs par byed de/ khye'u 'di mchog tu byad gzugs mdzes te/ byad gzugs mi 'am ci dang 'dra bas na/ khye'u 'di'i ming mau dam ci zhes gdags so zhes zer ro// de nas khye'u mi 'am ci 'o ma dang / zho dang / mar dang / zhun mar dang mar gyi snying lus bskyed bsrings te/ mtsho'i nang gi pad+ma bzhin du sre drug par gyur ro// de gang gi che cher skyes pa de'i tshe/ yi ge dang / khong rtsis dang / shid dgod pa dang

  1012. 95a

    lag rtsis dang / dbyung ba dang / sra ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag ba dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas grong khyer chen po drug po thams cad du de'i grags pa rgyas par gyur to// mnyan du yod pa na khyim bdag che ge mo'i bu byad gzugs mi 'am ci dang 'dra ba zhig skyes so zhes grags so/ / de nas de thos ma thag tu skye bo bal po che ya mtshan du gyur te/ de blta ba'i phyir 'ong ngo // de nas de byad gzugs kyi rgyags pas dregs nas/ su la yang mi ldang ste/ byad gzugs nga dang mtshungs pa med do snyam mo// de nas de'i pha ma gnyis kyis bsams pa/ 'di'i dargyal bsal dgos te/ 'di la bcom ldan 'das bstan par bya'o snyam nas sbas pa/ bu su yang nga dang mtshungs pa med do snyam du byed gzugs kyi rgyags pas dregs par ma byed cig/ bu khyod kyis bcom ldan 'das ma mthong ste/ khyod ni de'i brgya'i char yang mi bod/ stong gi char yang mi phod/ 'bum gyi char yang mi med de zhes byas so// de nas thos mthag tu de la mtshan

  1013. 95b

    gyur to/ / bdag pas dge sbyong go'u ta ma ches gzugs bzang zhing blta na sdug la ches mdzes pa blta snyam nas/ skye bo mang pos g.yog byas te/ bcom ldan 'das gal ba der song ngo // rkye'u des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang de'i byad gzugs kyi rgyags pas dregs pa de med par gyur to// de nas de bcom ldan 'das la shin tu dga' bar gyur to// dga' bar gyur nas/ bcom ldan 'das ga la ba der song ste phyibyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang / bag la nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khye'u mi 'am ci stan denyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas pha ma la gsol

  1014. 96a

    te/ bcom ldan 'das kyi bstan pa la rab tu byung nas/ des kyang brtson pa dang / bsgrub pa dang / babad pa'i nyon mongs pa thams cad spangs te/ dgra bcom pa nyid mngon sum du byas so/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis khye'u de'i byad gzugs kyis rgyags pa bsal nas/ g.yung drung gi mthar thug pa grub pa dang bde ba'i mya ngan las 'das pa la bzhag pa la gzigs bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga sa'i de'i bya gzugs kyi rgyags pa bsal nas/ ji ltar bsam gtan bzhi dang / mngon par shes pa lnga la gnas par byas pa de nyon cig/ dge slong dag sngon byung ba 'das pa'i dus na/ grong khyer wA rA Na si na/ bram ze zhig gnas pa des/ thabs zla rabab pa las chung ma blangs nas/ de de dang lhan cig tu rtsu zhing dga' dgur spyod pa las/ phyi nig na de'i chung ma la bu chags te/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de 'o ma dang / dang mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ byad gzugs kyi rgyags pas dregs nas su la yang gsong por smras pa// phyag

  1015. 96b

    'tshal ba dang / ldang bar mi byed do// de nas de'i pha ma gnyis kyis bsams pa/ 'di'i byad gzugs kyis rgyags pa bsal dgos so// de ltar ma byas na 'di zhi bar mi 'gyur ro snyam mo// de'i tshe wA rA NA si'i sa phyogs zhig na drang srong mngon par shes pa lnga dang ldan pa/ rdzu 'phrul che zhing mthu che ba zhig gnas so// de nas bram ze des drang srong de la gsol ba btab pa/ khye'u 'di byad gzugs kyi rgyags pas dregs nas/ su la yang gsong por smra ba dang / phyogs 'tshal ba dang / ldang ba yang mi bgyid kyis/ khyod kyis de'i byad gzugs kyi rgyags pa bsal du gsol zhes byas so/ / de nas drang srong des bram ze de la cang mi smra bas khas blangs so// de nas bram ze de drang srong de'i thad nas song nas/ bu la smras pa/ bu khyod byad gzugs bdag dang mtshungs pa med do snyam du byad gzugs kyis rgyags par ma byed cig/ dka' thub kyi gnas ga ge mo zhig na drang srong zhig gnas te/ de la ni khyod kyi byad gzugs kyis brgya'i char yang mi phod/ stong gyi char yang mi phod/ 'bum gyi char yang mi bod do zhes byas so// de nas de ya mtshan du gyur to// de ya mtshan du gyur nas/ drang srong de ga la 'dug pa der song ste/ drang srong des khye'u de mthong nas/ des khye'u de bas ches byad gzugs bzang bar bdag nyid sprul to/ / de nas khye'u des thag ring po zhig nas drang srong de ches gzugs bzang ba dang / ches blta na sdug pa dang / ches mdzes pa mthong ngo //

  1016. 97a

    mthong nas kyang de'i byad gzugs kyis rgyags pa med par gyur te/ drang srong de la yang dga' bar gyur to// dga' bar gyur nas/ drang srong de ga la ba der song ste phyin nas rkang pa la mgo bos phyag 'tshal te/ chos mnyan pa'i phyir mdun du 'dug go// de nas des de dang 'thun pa'i chos bstan te/ des na khye'u de drang srong de nyid las rab tu byung ngo // de rab tu byung nas bsam gtan bzhi dang / mngon par shes pa lnga bskyed do// dge slong dag ji snyam du sems// de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe khye'ur gyur pa gang yin pa de ni khye'u mi 'am ci 'di kho na yin te/ de'i tshe yang 'di'i byad gzugs kyi rgyags pa bsal nas/ bsam gtan bzhi dang / mngon par shes pa lnga la gnas par byas so/ / da ltar yang ngas 'di'i byad gzugs kyi rgyags pa bsal nas/ g.yung drung gi mthar thug pa grub pa dang bde ba'i mya ngan las 'das pa la bzhag go// gzhan yang yang dag par rdzogs ba'i sangs rgyas 'od srungs kyi gsung rab la 'di rab tu byung ste/ des 'dir tshe gcig tu tshangs par spyod pa spyad nas/ dbang po rnams yongs su smin par byas pas na/ de'i phyir da ltar rnam par grol bar gyur to/ / mi 'am ci gnyis pa ni/ gleng gzhi yul ser skya'i gnas na bzhugs te/ der gang gi tshe bcom ldan 'das yab dang sras mjal bar mdzad pa de'i tshe/ bcom ldan 'das kyis

  1017. 97b

    nyi ma gcig na rgyal po zas gtsang gi der bshos gsol lo/ / phyi nyin ni btsun mo'i 'khor du bshos gsol lo// de gang gi tshe bcom ldan 'das btsun mo'i 'khor du bshos gsol nas slar gshegs pa de'i tshe/ grags 'dzin ma khang thog tu song nas/ bcom ldan 'das la lta zhing 'dug go/ de nas gang gi skabs su mi mthong bar gyur pa de'i skabs su khang thog nas mchongs nas/ sangs rgyas kyi mthus sa zhing stan shing bal gyi nang tshangs can 'dra bar bsgyur te/ ci nas de la cung zad kyang mi gnod par mdzad do// de nas skabs de dge slong rnams kyis thos nas// dge slong rnams kyis/ sangs rgyas bcom ldan 'das la gsol pa/ btsun pa grags 'dzin mas bcom ldan 'das kyi slad du rang gi srog btang ba la gzigs/ bcom ldan 'das kyis bka'i' stsal pa/ da ltar 'ba' zhig ma yin te/ 'das pa'i dus na yang nga'i phyir 'dis ji ltar rang gi srog btang ba de nyon cig/ dge slong dag sngon byung ba 'das pa'i dus na/ grong khyer wA rA NA si na/ rgyal po tshangs pas byin rgyal po byed do// de nas phyi zhig na rgyal po tshangs pas byin gyis dpung gi tshogs yan lag bzhi go bskon nas/ ri dgas gshor du song ba las/ de lam thub nas dpung gi tshogs kyang logs shig tu lus/ rgyal po yang logs shig tu song ste/ de dpung dang bral nas lus ngal ba dang / lus sdug bsngal ba dang / lus zhig par gyur

  1018. 98a

    te/ nags khrod cig tu zhugs te 'dug go/ nags khrod de na mi 'am ci zhig mi'am ci mo dang lhan cig tu pi wang thogs te rtse zhing dga' la dga' dgur spyod do// de nas rgyal po des de mthong nas/ mthong ma thag tu rgyal po de mi 'am ci mo de la shin tu chags par gyur te/ de 'dod chags kyi dbang du gyur nas/ mi 'am ci de dug mdas gnang du bsnun te/ de phyogs de nyid du shi'o/ / de nas rgyal po des mi 'am ci de bsad pa'i 'og tu/ mi 'am ci mo'i thad du song ste smras pa/ bzang mo tshur shog/ bdag cag gnyis dga' dgur spyad par bya'o// mi 'am ci mos smras pa/ khyim bdag shi ba'i ro mdun na 'dug bzhin du bdag khyod dang ji ltar dga' dgur spyad par bya/ re zhig 'di'i rus bu la mchod pa byas nas/ de'i 'og tu khyod ji ltar 'dod pa bzhin du bya'o zhes smras nas/ des shing rnams bsdus te spungs pa'i steng du mi 'am ci'i rus bu de bzhag nas me btang ste phyogs gcig tu 'dug go/ de nas gang gi tshe rus bu bsregs pa'i shing de dag la me 'bar bar gyur pa de'i tshe/ mi 'am ci mo de nyid mo'i nang du mchongs nas de der shi'o// de nas rgyal po de re thag chad nas/ de'i tshe tshigs su bcad de smras pa/ bdag gis don gzhan bsam bsam nas/ / log par gzhan du gyur gyis med// mi 'am ci mo spyad snyam nas// bdag gis srog chags gnyis bsad do// dge slong dag ji snyam du sems/ de'i tshe ming macir

  1019. 98b

    gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe mi'am ci mor gyur pa gang yin pa de ni grags 'dzin ma 'di kho na yin te/ de'i tshe yang 'dis nga'i phyir bdag nyid yongs su btang la/ da ltar yang 'dis nga'i phyir bdag nyid yongs su btang ngo // las brgya tham pa las sdom gyi tshigs su bcad pa bdun pa rdzogs so// / / bam po sum cu pa// sdom ni/ gang po mchod sbyin le lo can// mgon med dang ni nyam chung ba// pad+ma gnyis dang lta ba dang // rin chen nor dang stobs 'phrog pa gang po pang ni don gzigs dang / / stobs brtson rtsal dang mya ngan med// mthun mdzad dang ni pad+ma yin// bla ma gnyis dang legs mthong dang // rin chen gtsug tor rgyu rlabs dang / / rnam par rgyal ba tha ma'o// zhes bya ba ni/ sangs rgyas rnams kyi sdom gyi tshigs su bcad pa'o// gang po zhes bya ba ni/ gleng gni rgyal po'i khab na bzhugs te/ de'i blo phyogs kyi ri'i ljongs na/ ri brags kyi grong zhig na/ bram ze che zhing mthob phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa/ byams pa'i rang bzhin can snying rje dang ldan pa/ sems can la mnyes gshin pa/ sems can thams cad la snying brtse ba gang

  1020. 99a

    zhes bya ba zhig gnas te/ de khyim na gnas pa dang / rab tu byung ba rnams dang / slong ba thams cad la gtong zhing srung bar byed do// dus dus su mchod sbyin gyi gnas bcas nas mchod sbyin yang byed do/ / de nas mchod sbyin gyi dus shig la bab pa'i tshe/ bstan bcos thams cad kyi gzhung rnams la rtog cing gang gang gi lta ba ci 'dra ba zhig snyam ste/ des gzhung de dag yid la bzhag nas sems pa dang / 'jal ba dang / yongs su rtog par byed do// de nas phyi zhig na bram ze des mchod sbyin bya bar brtsams nas/ mchod sbyin byed pa der ston pa thams cad 'dus par gyur to/ / bram ze des kyang ston pa thams cad kyi gzhung yid la bzhag nas/ sems pa la zhugs pa las/ lta ba'i rnam pa de dag la sosems mgu bar ma gyur to/ / de nas phyi zhig na rgyal po'i khab na gnas pa'i dge bsnyen rnams kyis bram ze de'i mdun du sangs rgyas kyi bsngags pa brjod do// de nas de thos ma thag tu bram ze de bcom ldan 'das la lta 'dod par gyur to/ / de nas phyi zhig na de'i blo skyes pa/ dge sbyong bram ze stong phrag du ma bdag gi mchod sbyin la 'ongs nas longs spyod par byed la/ bcom ldan 'das go'u ta ma de ni mi 'ong na/ kye ma de yang bdag gi mchod sbyin la 'ongs te longs spyod bar byed kyang ci ma rung snyam mo// de nas bcom ldan 'das kyis bram ze de'i sems thugs kyis mkhyen

  1021. 99b

    nas dgongs pa/ bram ze 'dis bla na med pa yang dag par rdzogs pa'i byang chub las phyir mi ldog par sems skyed par 'gyur la/ de kho na las brten pa bdag gis skye bo mang po la phan gdags so/ snyam du dgongs nas/ dge slong mang pos zham ring byas te/ dge slong gi dge 'dun gyis mdun du bdar nas/ bram ze de la thugs brtse ba'i phyir ri brags kyi grong khyer der gshegs so// bcom ldan 'das der gshegs nas/ 'di snyam du dgongs te/ ma la bdag gis ci nas mchod sbyin gyi gnas der mchod sbyin gyi bdag po dang / skye bo mang po gzhan rnams kyis bdag gcig pu mthong la dge slong gi dge 'dun rnams sus kyang mi mthong ba de lta bur byin gyis brlab po snyam du dgongs te/ de ltar byin gyis brlabs nas mchod sbyin gyi gnas su gshegs so// de nas bram ze des thag ring po zhi ga nas bcom ldan 'das mthong ngo / / mthong nas kyang bcom ldan 'das la 'di skad ces gsol to// bcom ldan 'das gshegs pa legs so// bcom ldan 'das tshur gshegs/ bcom ldan 'das kyis bdag gi mchod sbyin gyi gnas su mchod pa rnams longs spyad par mdzad du gsol/ bcom ldan 'das kyis bka' stsal pa/ gang po khyod kyis nga'i lhung bzed 'di bza' ba dang / bca' ba dag gis ma bkang gi bar du longs spyod par mi bya'o// bram ze des smras pa/ bcom ldan 'das go'u ta ma ji ltar dgongs pa de bzhin du bgyi'o zhes gsol nas

  1022. 100a

    bram ze des mchod sbyin byed ba der bza' ba dang bca' ba gtsang ma bzang po mang po bshams pa de dag blangs nas/ bcom ldan 'das kyi lhung bzed gang bar byas nas/ dgang ma nus nas des nga rgyal bskyed de/ bdag gis lhung bzed 'di ma gang du mi gtang ngo snyam nas/ g.yog 'khor dang bcas pas bcom ldan 'das lhung bzed bza' ba dang bca' bas dgang ba la brtson par byed do/ / de nas bcom ldan 'das kyis dgongs pa/ da ni kha zas 'dis dge slong stong gi ngan chog go snyam nas/ lhung bzed de gang bar bstan to// de nas bram ze des bcom ldan 'das kyi lhung bzed gang bar mthong nas/ dga' bar gyur te gsol pa/ bcom ldan 'das kyi lhung bzed bltams lags kyis/ bcom ldan 'das go'u ta mas ci bder gsol cig ces byas so/ / de nas bram ze de la thugs brtse ba'i phyir mchod sbyin gyi gnas de nyid du dge slong stong gi stan sprul te/ chur rnams bkang nas/ bcom ldan 'das gral gyi gcol bzhugs so// dge slong gzhan rnams kyang rgan rims bzhin bkod do/ / de nas dge slong gi dge 'dun rnams bde bar bzhugs nas/ 'brim mkhan rnams kyis drims so// de nas bram ze des kyang de dag thams cad mthong nas/ mthong ma thag tu bcom ldan 'das la shin tu dga' bar gyur te/ dge sbyong goru ta ma 'di na rdzu 'phrul che zhing mdzuche ba yin no snyam ste/ de dga' bar gyur nas/ bcom ldan 'das kyi

  1023. 100b

    la mgo bos phyag 'tshal te gsol nas/ zla ba gsum gyi bar du bcom ldan 'das go'u ta ma dge slong gi dge 'dun dang bcas pa'i na bza' dang / zhal zas dang / gzims cha dang / gdan/ dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das bram ze de la cang mi gsung bas gnang ngo / / de nas bram ze des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad sbyar te/ sangs rgyas la sogs pa dge slong gi dge 'dun la zla/ pagasum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la/ na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ bram ze de la

  1024. 101a

    bka' stsal pa/ bram ze legs so legs so// bram ze khyod ma 'ongs pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gang po zhes bya bar 'gyur ro// zhes gsungs so// de nas bcom ldan 'das kyis bram ze de bla na med pa yang dag par rdzogs pa'i byang chub tu lung bstan pa/ mchod sbyin gyi gnas de nyid du mi snang bar gyur te/ 'od ma'i tshal du zhugs par gyur to// mchod sbyin zhes bya ba ni/ gleng gzhi mnyan du yod pa na bzhugs tede'i tshe mnyan du yod pa na bram ze zhig gnas te/ des thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags te/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas rigs dang 'thun pa'i ming btag te/ bo ma dang / zho dang / mar dang / zhun mar dang / mar gyi snying khus bskyed bsrings nas/ gang gi tshe de cher skyes pa de'i tshe/ yi ge dang / bram ze'i spyod lam dang

  1025. 101b

    spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / des brjod kyi rig byed dang / mchod sbyin/ gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs pas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// des bstan bcos thams cad khong du chud nas/ gzhung gis rtsod pa thams cad tshar bcad de/ de nas phyi zhig na de'i pha ma gnyis shi nas/ des bsams pa/ byad gzugs dang thos pas bdag dang mtshungs pa yang med na lhag pa lta ga la yod snyam mo/ / de'i pha yang sngon dus dus su mchod sbyin byed de/ bram ze de rnams kyis/ de la smras pa/ khye'u khyod kyi pha yang dus dus su mchod sbyin byed kyis/ khyod kyis kyang pha'i lugs dang 'thun par gyis shig/ khye'u de na re/ byad gzugs dang thos pas bdag dang mtshungs pa med na/ ci'i phyir bdag gis 'di dag la sbyin par bya ba sbyin zhes zer ro// de nas thos ma thag tu bram ze de dag de la mi dga' bar gyur to// de dag gis phyin chad de dang mi 'grul bar

  1026. 102a

    nang khrims bcas so/ / de yang de dag la mi dga' bar gyur te/ bdag la yon gnas 'di lta bu dag ci dgos snyam mo// de nas phyi zhig na bcom ldan 'das kyis dgongs pa/ bram ze'i khye'u 'dis bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ bcom ldan 'das rgyal bu rgyal byed kyi tshal nas mi snang bar gyur to/ / bram ze'i khye'u de'i khyim du sa btol nas gyen du 'phags nas/ bcom ldan 'das kyis 'od btang ste/ des khyim de thog thag tu gser zhun ma'i kha dog lta bur snang bar byas so/ / de nas de mthong ma thag tu bram ze'i khye'u de bcom ldan 'das la shin tu dga' bar gyur te// dga' bar gyur nas/ bcom ldan 'das kyi gdan bshams te 'di skad ces gsol to/ / bcom ldan 'das gdan bshams pa la bzhugs su gsol/ de nas bcom ldan 'das gdan bshams pa la bzhugs so// bzhugs nas kyang bcom ldan 'das kyis bram ze'i khye'u de la sbyin pa dang ldan pa'i chos de lta bu bstan te/ des na bram ze'i khye'u de sbyin pa btang ba'i 'dod pa skyes nas/ de sbyin pa byed 'dod pas bcom ldan 'das la 'di skad ces gsol to/ / btsun pa bdag gis sbyin pa dag sbyin zhing / bsod nams dag bgyid par rngo thog par 'gyur ba de lta bu bdag la mi bdog lags so//

  1027. 102b

    de nas bcom ldan 'das kyis de la gter bstan ste/ de mthong ma thag tu khye'u de bcom ldan 'das la lhag par yang dga' bar gyur to// dga' bar gyur nas zhabs la phyag 'tshal te gsol pa zla ba gsum gyi bar du bcom ldan 'das dge slong gis dge 'dun dang bcas pa'i na bza' dang / zhal zas dang / gzim cha dang / gdan dang / snyun gsos dang / sman zong sbyar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis bram ze'i khye'u de la cang mi gsung bas gnang ngo // de nas bram ze'i khye'u des bcom ldan 'das kyis cang mi gsung bas gnang bar rig nas/ mnyan du yod pa dang / rgyal bu rgyal byed kyi tshal gyi bar du mchod sbyin gyi gnas bcas nas/ dril bsgrags te/ bdag ya mtshan can thams cad la mchod sbyin bgyid kyis/ su mchod ston dang yon 'dod pa de dag bdag gi mchod sbyin gyi gnas su gshegs la longs spyad par gyis shig/ de nas bram ze rnams na re bram ze sdang ba la bdag cag longs spyod par mi byed do zhes zer ro/ / de nas bram ze'i khye'us smras pa/ gal te longs spyod par mi byed na/ bdag gis khyed kyi phyir yon dpag pa gang yin pa de dag thams cad bdag gis dge sbyong go'u ta ma 'khor dang bcas pa la phul la/ de kho na'i bstan pa la tshangs par spyod pa spyod par bya'o// de nas bram ze rnams kyis bsams pa/ bram

  1028. 103a

    me'i khye'u 'di na ji skad sras pa bzhin du byed pa yin pasan/ des ni khon ltar byed srid de/ de ldan bdag cag yon gyis pham par 'gyur ro snyam nas/ de dag gis de'i nang khrims bshig nas/ mchod sbyin gyi gnas su song ste longs spyod do// de nas bram ze'i khye'u des zla ba gsum gyi bar du ya mtshan can rnams kyi bza' ba dang bcanga' ba gtsang ma bzang po sbyar nas thams cad la yo byad mang po phul te/ tha ma'i nyin par sangs rgyas la sogs pa dge slong gi dge 'dun rnams zhal zas ro brgya dang ldan pas tshim par byas nas/ bcom ldan 'das la na bza' 'bum ri ba baphul lo/ / dge slong gzhan rnams la yang re re la yang ras zung re phul lo// de nas bcom ldan 'das kyi sku ga ser gyi mdog lta bu'i mtshan gyis brgyan pa mthong nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ bram ze'i khye'u de la bka' stsal pa/ bram ze'i khye'u legs so legs so// bram ze'i khye'u khyod ma 'ongs

  1029. 103b

    pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das don gzigs zhes bya bar 'gyur ro zhes gsungs nas bcom ldan 'das gtsug lag khang du gshegs so/ / le lo can zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des/ thabs zla ra bab pa las chung ma blangs nas/ de de dang lhan cig rtse zhing dga' la dga' dgur spyod pa las/ phyi zhig na de'i chung mal bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byos nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying lus bskyed bsrings nas/ mtsho'i nang gi pad+ma bzhin du skye drag par gyur to// khye'u de la lo can mchog tu le lo che bzhig ste/ khri la nyal zhing khri las ldang du mi btub nas

  1030. 104a

    pha ma gnyis kyis/ de la dris pa/ bu khyod la lus kyi nad dam/ sems kyi gdung ba 'ga' lta yod dam zhes byas nas/ de le lo'i dbang gis de dag la cung zad kyang smrar mi btub nas/ pha ma gnyis kyis de sman pa la bstan na/ sman pa na re/ 'di la lus kyi nad kyang ci yang med la/ sems kyi gdung ba yang ci yang med kyi/ le lo kho nas khri las ljang du mi btub par zad do zhes zer ro/ / de nas de la pha ma gnyis kyis lan mang du bsgo ste/ de ltar ma byed cig/ khyod 'di ltar 'dug pas bde ba thob par mi nus so// mi rnams nye bar 'tsho ba ni sgrub bod pa'i 'bras bu yin no zhes lan mang du brtul kyang de bslang ma nus so/ / de nas phyi zhig na pha ma gnyis kyi sems skyes pa/ yon gnas dag spyan drangs la bshos gsol na/ de dag mthong na zhes bskyed de ldang yang srid do snyam nas/ de dag gis ston pa drug yang drangs te zan byin nas/ khye'u des de dag mthong yang ma langs so// de nas khyim bdag gis bsams pa dge sbyong go'u ta ma ni bsod nams can che bar grags pa/ tshig btsan pa yin pas na khye'u 'dis de mthong na zhes bskyed da/ ldang bar 'gyur yang srid do snyam nas des phyid nyin sangs rgyas la sogs pa dge slong gi dge 'dun khyim du spyan drangs te/ de nyid kyi nub mo bza' ba dang bca' ba gtsang ma bzang po sbyar nas/ nang par sngar langs te/ gdan bshams nas chu ra bkang ste bzhag nas/

  1031. 104b

    bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to/ / de nas bcom ldan 'das snga dro tshos gos dang sham thabs gsol te/ lhung bzed bsnams nas/ dge slong mang pos zham ring byas te/ dge slong gi dge 'dun gyis mdun du bdar/ nas/ khyim bdag de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas khye'u des thag ring po zhi gnas sangs rgyas bco ldan 'das mdzes shing yid du 'thad la dbang po zhi ba/ thugs mchog tu dul ba dang rnam par dag pa dang ldan pa/ gser gyi mchod sdong ltar dpal 'bar ba mthong ngo // mthong nas kyang da gus par bsgrim pa'i shugs kyis langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pha ma gnyis dang lhan cig tu sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs so// de nas bcom ldan 'das bshos gsol zin te/ gsang sder ni gyu/ phyag ni bcabs par rig nas/ stan ches dma' ba dag blangs te/ chos mnyan pa'i phyir bcom ldan 'das kyi spyan sngar 'khod

  1032. 105a

    do/ / de nas bcom ldan 'das kyis khye'u de la brtson 'grus kyi bsngags pa brjod de/ bu bcon rdzum kyis ni blan med pa yang dag par rdzogs pa'i byang chu tho ba bar gyur ro zhes bka' stsal to/ / de nas khye'u des bsams pa/ bcom ldan 'das kyis bka' stsal pa 'di ni bzang ste/ bdag gis brtson 'grus zhan pas bla ma'i khyad par thob par mi nus kyis ma la bdag gis rgya mtsho'i nang du 'gro ba bsgrubs la/ sangs rgyas dang / chos dang / dge 'dun bkur sti bya'o snyam nas/ rgya mtsho'i nang du 'gro ba'i zong khyer te/ rgya mtsho chen po'i nang du zhugs nas/ des rin po che'i gling du 'gro ba'i don bsgrubs te/ rgya mtsho'i gru bo che'i don grub nas/ mnyan du yod par 'ongs te/ des sangs rgyas la sogs pa dge slong gi dge 'dun zla ba gsum du spyan drangs/ yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das lan bza' 'bum rib phul lo// dge slong gzhan dag la yang re rare la yang ras zung re phul nas/ bla na med pa yang dag par rdzogs pa'i byang chub tu smon lam btab ste/ dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin

  1033. 105b

    gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khye'u de la bka' stsal pa/ khye'u legs so legs so// khye'u khyod ma 'ongs pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das stobs dang brtson 'grus kyi rtsal dang ldan pa zhes bya bar 'gyur ro zhes gsungs so/ / mgon med zas sbyi na zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze dbul po 'tsho bas 'phongs pa zhig gnas te de yang gso ba mang zhing g.yog 'khor mang ba zhig ste/ des bsams pa/ bdag gis phyug po gang zhig la brten te 'tsho ba btsal bar bya snyam mo// de nas des bsams pa/ khyim bdag mgon med zas sbyin ni snying rje can/ sbyin pa la sred pa yin te/ des ni bdag la dgos pa thams cad kyis bsdud par nus so snyam mo// de nas de'i grib ma dang mi 'bral ba bzhin du de'i phyi

  1034. 106a

    bzhin du 'brang ngo / / de nas khyim bdag mgon med zas sbyin gyis 'phrigs nas dris pa/ bram ze khyod nga la rag las ba ci yod/ bram zes smras pa/ khyim bdag rag ci yang las te/ khyod las brten nas 'tsho ba btsal bar 'dod do// de nas de thos ma thag tu khyim bdag mgon med zas sbyin gyis de'i 'tshog chas thams cad sbyor ba la zhugs so// de nas byi zhig na de yis khyim bdag mgon med pas sbyin dang lhan cig tu rgyal bu rgyal byed kyi tshal du song ngo // khyim bdag mgon med zas sbyin gyi lugs kyis na/ nyin gcig bzhin du g.yog 'khor lnga brgya dang rgyal bu rgyal byed kyi tshal du 'gro zhing phyag bdar byed do/ / de nas phyi zhig na de'i bya ba zhig byung nas des bram ze de mngags te/ deng khyod kyis rgyal bu rgyal byed kyi tshal du phyag bdar gyis shig ces byas nas/ khyim bdag de song ngo // bram ze de yang rgyal bu rgyal byed kyi tshal gyi byi dor byed pa la zhugs so// de nas bcom ldan 'das kyis dgongs pa/ bram ze 'di bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ bcom ldan 'das kyi ci nas cung zad tsam zhig byi dor byas pa de tsam yang byi dor byas par mi mngon pa de ltar byin gyis brlabs nas/ de des g.yengs te nyi ma rangs par thal bar gyur to// de nas des bsams pa/ da ni bdag gis mnyan du yod par mi

  1035. 106b

    phyin no snyam nas/ rgyal bu rgyal byed kyi tshal de nyid du dgongs mal btang po// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod song la rgyal bu rgyal byed kyi tshal gyi nang du bram ze de'i mas chos te/ khyod kyang de'i 'dab tu 'dug la/ des khyod la ci dris pa de'i lan khyod kyis thob cig/ gzhan yang dge slong rnams la bsgo ba/ dge slong dag gis dge ba bcab pa dang / sdig pa bshags pa'i tshul gyis gnas par gyis shig ngas bstan mod kyis 'od kyang bram ze 'di la snying brtse ba'i phyir/ su sa rdzu 'phrul ji lta bu thob kyang rung ste/ des rdzu 'phrul de lta bu ston cig ces gyis shig/ tshe dang ldan pa kun dga' bos gsol ba/ btsun pa de ltar 'tshal lo// de nas tshe dang ldan pa kun dga' bos dge slong rnams la bsgob/ rgyal bu rgyal byed kyi cha la 'di'i nang na/ bram ze 'dug pa de'i ma 'chos la/ de'i 'dab tu 'khod cig ces bsgo'o// de nas de de na 'dug pa la dge slong rnams rdzu 'phrul gyi tshe 'phrul gzhan dang gzhan dag ston pa la zhugs so/ / de nas bram ze des mthong nas/ tshe dang ldan pa kun dga' bo la dris pa/ btsun pa kun dga' bo 'di ltar rdzu 'phrul che ba/ 'di ltar mthu che ba 'di dag su dgacig/ tshe dang ldan pa kun dga' bos sbas pa/ bcom ldan 'das kyi nyan thos rnams yin no// de nas bram ze des

  1036. 107a

    bsams pa/ slob pa rnams kyang 'di khon sbyar phun sum tshogs pa dang ldan na/ dge sbyong go'u ta ma wA ci spos te/ de ci 'dra ba zhig gu snyam mo// de nas/ bcom ldan 'das kyis 'jig rten pa'i sems bskyed do// kye ma grod la ni rgyal po chen po bzhi ngal blta ba'i phyir 'ongs na legs so// nam byed na ni lha'i dbang po brgya byinang la blta ba'i phyir 'ongs na legs so/ / tho rangs ni mi mjed kyi bdag po tshangs par la blta ba'i phyir 'ongs na legs so snyam du dgongs so// de ltar bcom ldan 'das kyis thugs bskyed pa'i 'phral 'bral du rgyal po chen po bzhi dang / lha'i dbang po brgya byin dang / mi mjed kyi bdag po tshangs pa bcom ldan 'das blta ba'i phyir 'ongs so// de nas bram ze des mthong nas/ tshe dang ldan pa kun dga' bo la dris pa/ btsun pa kun dga' bo 'di 'dra ba 'di dag su dag cig/ tshe dang ldan pa kun dga' bos smras pa/ 'di dag ni rgyal po chen po bzhi dang / lha'i dbang bo brgya byin dang / mi mjed kyi bdag po tshangs pa bcom ldan 'das la blta ba'i phyir 'ongs pa yin no// de nas de thos ma thag tu bram ze de bcom ldan 'das la shin tu dga' bar gyur to/ mir gyur pa la yang 'di lta bu'i gnas thob pa yod pa lta/ kye ma bdag kyang sangs rgyas su gyur te/ 'jig rten du 'byung bar gyur cig ces byas so// de nas pas/

  1037. 107b

    pa gnas 'di lta bu ni yid smon du byas pa tsam gyis 'grub par mi 'gyur gyis/ ma la bdag gis sbyin pa dag sbyin zhing / bsod nams dag byas la/ bla na med pa yang dag par rdzogs pa'i byang chub tu smon lam gdab bo snyam nas/ nam nangs pa dang / bcom ldan 'das kyi zhabs la mgo bos phyag 'tshal te/ mnyan du yod par chas so// khyim bdag mgon med zas sbyin yang g.yog 'khor lnga brgya dang rgyal bu rgyal byed kyi tshal du dong ste/ khyim bdag mgon med zas sbyin gyis thag ring po zhig nas bram ze de mthong ngo // mthong nas kyang bram ze de la smras pa/ bram ze khyod kyis rgyal bu rgyal byed kyi tshal du deng ngo mtshar rmad du byung ba'i chos lta cung zad ci mthong / de nas bram ze des khyim bdag mgon med zas sbyin la thams cad bsnyed do/ / de nas khyim bdag mgon med zas sbyin gyis/ bram ze la smras pa/ bram ze khyod kyis ngo mtshar rmad du byung ba de lta bu dag mthong na/ khyod cu 'dod par gyur/ bram ze des smras pa/ bla na med pa yang dag par rdzogs pa'i byang chub 'dod mod kyi/ khyim bdag 'on kyang gnas de lta bu ni yid smon tsam gyis 'grub par mi 'gyur bas na/ bdag gis slongs mo byas la/ sbyin pa dag sbyin zhing / bsod nams dag bya bar 'dod do// de nas thos ma thag tu khyim bdag mgon med zas sbyin gyis

  1038. 108a

    bram ze de la nor gyi phung po chen po byin no/ / bram ze des kyang sangs rgyas la sogs pa dge slong gi dge 'dun zla ba gsum du spyan drangs nas/ rgyal bu rgyal byed kyi tshal du yo byad thams cad sbyar nas sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sog pa dge slong gi dge 'dun zhal zas ro brgya dang ldan pas tshim par byas nas/ bcom ldan 'das la na bza' 'bum ri ba phul lo// dge slong gzhan dag la yang re re la na bza' ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ bram ze de la bka' stsal pa/ bram ze legs so/ legs so// bram ze khyod ma 'ongs pa'i dus na/ 'jig rten 'ong 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang

  1039. 108b

    zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das mya ngan med ces bya bar 'gyur ro zhes gsungs so/ / nyam chung ba zhes bya ba ni/ gleng gzhi mnyan du yod pa na bzhugs te/ khyim bdag mgon med zas sbyin la mthar gyis bu bdun byung nas/ de dag rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khrus bskyed bsrings nas/ mtsho'i nang gi pad+ma bzhin du skye drag par gyur to/ / de nas phyi zhig na khyim bdag mgon med zas sbyin gyis bsams pa/ bdag gis byis pa 'di dag mdza' rje dag gi nang du gzud par bya'o// de yang dad pa dang ldan pa rnams kyi nang du gzud par bya/ / ma dad pa rnams kyi nang du gzud par mi bya'o// gal te ma dad pa rnams kyi nang du btsud par gyur na ni/ 'di dag kyang de dag gis bsten pas sang+yas kyi bstan pa la mi lta bar 'gyur srid do snyam nas/ sangs rgyas pa'i mdza' sde bo'i nang du btsud do// de la ma dad pa'i mdza' sde gang yin pa de dag ni gar thabs dang / grong rgyu ba dang smar 'tshong ma rnams la chags shing 'khod do/ / khyim bdag mgon med zas sbyin gyi bu rnams ni dge bsnyen gyi mdza' sde rnams dang / sangs rgyas dang / chos dang / dge 'dun la lhag par byed

  1040. 109a

    pa dang / bsnyen gnas dang / chos nyan pa la chags shing 'khod do// mnyan du yod bden bram ze'i khye'u dbul zhing 'tsho ba'i 'phongs pa zhig 'dug pa des bsams pa bdag mdza' sde dag gi nang du zhugs la/ bdag gis de dag las brten nas 'tshe ba btsal bar bya'o snyam nas/ dge bsnyen gyi mdza' sde'i nang du 'jug par 'dod de bris pa/ nor gyi bungs ji tsam gyis na khyed kyi nang du 'jug tu dbang / de dag gis smras pa/ kar sha pa Na lnga brgyas nged kyi nang du 'jug tu dbang ngo // bram ze'i khye'u des sbas pa/ bdag la kar sha pa Na lnga brgya lhag la yod/ de'i steng du khyed ni dbang phyug gis chog par 'dug la/ sbyin pa la sreg pa yin/ bdag ni dbul po 'tshe bas 'phongs pa zhig yin pas/ bdag gis khyed la nor de bsnyed 'bul mi nus so// de nas khyim bdag mgon med zas byin gyi bu rnams kyis spras pa/ gal te khyod bcom ldan 'das kyi bstan pa la dad par byed na ni nged kyis khyod la kar sha ba Na lnga brgya sbyin no// bram ze'i khye'us smras pa/ dge sbyong go/ tam de'i yon tan rnams bdag gis mi shes na/ dge sbyong go'u ta ma'i yon tan rnams ji lta bu yin/ de nas khyim bdag mgon med zas sbyin gyi bu rnams kyis/ bram ze'i khye'u de la sangs rgyas kyi bsngags pa brjod do/ / de nas de thos ma thag tu bram ze'i khye'u de sangs rgyas la shin tu dga' bar gyur to// dga' bar gyur nas smras pa/ bdag kyang khyed kyi nang du 'jug par bgyi'o//

  1041. 109b

    bdag kyang sangs rgyas bcom ldan 'das dang / chos dang / dge 'dun la skyabs su mchi bar bgyi'o// de nas mgon med zas sbyin gyi bu de rnams kyis bram ze'i khye'u des tshig de lta bu brjod pa thos so/ / thos nas kyang de rnams kyis de la kar sha pa Na lnga brgya phrag du ma byin no// bram ze'i khye'u de yang de rnams kyi nang du zhugs so// de nas phyi zhig na mdza' sde bo de rnams kyis blo skyes pa/ sangs rgyas la sogs pa dge slong gi dge 'dun zla ba gsum gyi bar du spyan drangs la/ yo byad thams cad kyis bsnyen bkur bya'o zhes zer ro// de'i nang na kha cig na re/ bdag cag kun gyis zla ba gsum thog thag tu de 'ba' zhig byed kyang 'dug mi nus kyis/ nyin res kyis bshos gsol bar bya'o zhes zer ro// bram ze'i khye'us smras pa// bdag ni dbul la 'tsho bas 'phongs te/ nya ni res bzung ba de lta bu bdag gis mi nus so zhes zer ro// der kha cig na re/ su sangs rgyas la sogs pa dge slong gi dge 'dun ba shos gsol mi nus pa de ni/ bdag cag gi nang nas gud du byung zhig ces zer ro// de nas bram ze'i khye'us bsams pa/ bdag gis 'di rnams kyi nang du de'u ma chud de chud na/ bdag 'di rnams kyi nang nas 'byung ba ni cha ma yin no snyam nas spros pa/ bdag gi nyin res mjug tu gyis la khyed kyi lhag rol ci yod pa de dag thams cad bdag la byin cig/ mdza' sde bo rnams kyis smras pa/

  1042. 110a

    khyod ji ltar dga' ba de bzhin du bya'o zhes byas nas/ de rnams kyis sangs rgyas la sogs pa dge slong gi dge 'dun rtsu ba gsum gyi bar du spyan drangs nas/ nyin res kyis sangs rgyas la sogs pa dge slong gi dge 'dun la yo byad thams cad kyis zla ba gsum gyi bar du bsnyen bkur byas so/ / der de dag gi lhag rol ci yod pa de dag thams cad bram ze'i khye'u la byin nas/ bram ze'i khye'us de dag thams cad bsdus te/ gzhan dag kyang kar sha pa Na gzhan dag re re la 'bul du bcug nas/ tha ma'i nyin par des sangs rgyas la sogs pa dge slong gi dge 'dun khyim du spyan drangs te/ rgyal po gsal rgyal dang / khyim bdag mgon med zas sbyin la yang bskul nas/ des de nyid kyi mtshan mo lam yang mdzes par byas// grong khyer yang mdzes par byas nas/ de nyid kyi mtshan mo bza' ba dang bca' ba gtsang ma bzang po mang po sbyar te/ nang par sngar langs nas gdan bshams te/ chur bkang nas/ bcom ldan 'das la 'phrin gyis gdugs tshod bskul ba/ btsun pa gdug tshod la bab ste bshos lags nas/ bcom ldan 'das kyis da de'i dus la bab par dgongs te gshegs su gsol zhes bskul to/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong mang pos zham ring byas te/ dge slong gi dge 'dun gyis mdun du bdar nas/

  1043. 110b

    bram ze'i khye'u de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas bram ze'i khye'u des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ bcom ldan 'das la che ba la 'os pa'i na bza' phul lo/ / dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsal 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ bram ze'i khye'u de la bka' stsal pa/ bram ze'i khye'u legs so legs so// ma 'ongs pa'i dus na bram ze'i khye'u khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa//

  1044. 111a

    'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'thun mdzad ces bya bar 'gyur ro zhes gsungs so/ / pad+ma gnyis zhes bya ba da la/ pad+ma dang po ni/ gleng gzhi mnyan du yod pa na bzhugs te/ rgyal po gsal rgyal gyi lugs kyis na/ nyin gcig bzhin du bcom ldan 'das blta ba'i phyir 'gro zhing / bcom ldan 'das la bdug pa dang / bye ma dang / spos dang / me tog rnams kyis mchod pa byas nas/ chos mnyan pa'i phyir spyan sngar 'dug go/ / de'i tshe kun dga' ra ba'i srungs mas gnas kyi pad+ma'i mtsho'i nang nas dus ma yin pa pad+ma zhig skyes nas/ de'i blo skyes pa rgyal po gsal rgyal nyin gcig bzhin du dus gsum du dge sbyong gau'u ta ma la bdun pa dang / phye ma dang / spos dang / me tog rnams kyis bkur sti byad kyis/ pad+ma 'di bdag gis de la dbul bar bya'o snyam nas/ de khyer te mnyan du yod par song ngo // de'i tshe sred med kyi bu la dad pa zhig gis/ ya mtshan can thams cad la mchod sbyin byed pa la zhugs so// de nas des mi de dus ma yin pa'i pad+ma de lta bu khyer te 'ong ba mthong nas/ des de la smras pa/ kye ma mi khyod kyis pad+ma'o ni bdag la byin cig dang / 'dis bdagagasi legs ldan sred med kyi bul mchod par bya'o// khyod la yang bdag gis kar sha pa Na lnga brgya sbyin no zhes byas

  1045. 111b

    so/ / de'i tshe khyim bdag mgon med zas sbyin g.yog 'khor lnga brgya dang bcom ldan 'das blta ba'i phyir chas pa las/ khyim bdag mgon med zas sbyin gyis mi des tshig de skad zer ba thos/ so// thos nas kyang des bsams pa/ 'di ni nyes par bshad pa'i chos can yin na/ nor gyi bungs 'di snyed kyis nyos te sred med kyi du la 'dul bar 'dod na/ ci'i phyir ngas nor ches mang du bskyed de nyos la/ bcom ldan 'das la dbul bar mi bya snyam nas/ des kun dga' ra ba'i srungs ma la smas pa/ ngas khyod la kar sha pa Na stong sbyin gyis/ pad+ma'o ni nga la byin cig/ de nas sred med kyi bu la dad pa des thos nas nga rgyal skyes te/ des kar sha pa Na nyis stong sbyin par byas so// de bzhin du de gnyis kyis kar sha pa Na 'bum gyi bar du gong nas gong du bskyed do/ / de nas kun dga' ra ba'i srungs ma de'i blo skyes pa/ 'di ltar khyim bdag mgon med zas sbyin lta bus mi zhig gis phyir 'bum gtong bar byed pa dang sbyar na/ dge sbyong go'u tu ma de ni che ba zhig yin gor ma chag na/ ci'i phyir bdag nyid song la/ bcom ldan 'das de la mchod par mi bya snyam du bsams nas/ kun dga' ra ba'i srungs ma des/ khyim bdag mgon med zas sbyin la smras pa/ khyim bdag bdag la nor mi dgos kyi/ bdag nyid kyis bcom ldan 'das de la mchod pa bya'o zhes byas nas/ pad+ma de khyer te rgyal bu rgyal byed kyi tshal du song

  1046. 112a

    n as kun dga' ra ba'i srungs ma des thag ring po ni gnas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me ga ser gyi snod du bzhag pa lta bu/ mchod sdong rin po che sna tshogs kyis spras pa lta bu blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes so// dga' ba skyes nas/ bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la mchod pa'i phyir steng du bor nas/ bcom ldan 'das kyi mthus pad+ma de shing rta'i 'phang lo tsam du gyur te/ bcom ldan 'das gshegs na ni 'gro'o// gzhes na ni sdod do// de nas kun dga' ra ba'i srungs ma des cho 'phrul de lta bu mthong nas/ lhag par yang bcom ldan 'das la shin tu dga' bar gyur te/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa

  1047. 112b

    skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ kun dga' raba'i srungs ma de la bka' stsal pa/ bzhin bzang legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das pad+ma'i bla ma zhes bya bar 'gyur ro zhes gsungs so/ / pad+ma gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa de nyid na/ kun dga' ra srungs pa zhig 'dug pa'i mtsho'i nang nas dus ma yin par pud+ma zhig skyes te/ de'i blo skyes pa/ pad+ma 'di bdag gis rgyal po gas rgyal la dbul bar bya'o/ / 'on tang bdag gis longs spyod chen po dag gi 'byung khung du 'gyur ro snyam nas/ de khyer te rgyal po'i pho brang du chas te song ngo // sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jig/

  1048. 113a

    pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul garnam par thar brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du'abab/ su ningan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i bdam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya// su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la

  1049. 113b

    ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ kun dga' ra ba'i srungs med bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs so// de nas kun dga' ra ba'i srungs ma des thag ring po zhig nas sangs rgyas bcom ldan 'das mthong ngo // mthong nas kyang bcom ldan bdas la shin tu dga' bar gyur to/ / dga' bar gyur nas bsams pa/ bdag gis rgyal po gsal rgyal btang la/ bcom ldan 'das la bdag nyid kyis mchod par bya'o snyam nas/ des pad+ma de bcom ldan 'das kyi steng gi nam mkha' la bor ba las/ bcom ldan 'das kyi mthus pad+ma de shing rta'i 'phang lo tsam du gyur te/ bcom ldan 'das gshegs na ni 'gro// gzhes na ni sdod do/ / de nas kun dga' ra ba'i srungs ma des cho 'phrul de lta bu mthong nas/ lhag par yang bcom ldan 'das la shin tu dga' bar gyur te/ bla na med par yang dag par rdzogs pa'i byang

  1050. 114a

    chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ kun dga' ra ba'i srungs ma de la bka' stsal pa/ bzhin bzangs legs so legs so// ma 'ongs pa'i dus na/ khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bla ma zhes bya bar 'gyur ro zhes gsungs so/ / lta ba zhes bya ba ni/ gleng gzhi mnyan du yod pa ni bzhugs te/ de'i tshe mnyan du yod pa na khyim bdag byug cing nor mngal longs spyod che ba/ yongs su 'dzin ba yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas te/ khyim bdag de yang byams pa'i rang bzhin can/ snying rje dang ldan pa/ sems

  1051. 114b

    can la mnyes gshin pa/ sbyin pa la sred pa/ ya mtshan can thams cad dang lta ba'i 'alus pa/ sbyin pa la blo snyoms pa zhig ste/ de dus dus su mchod sbyin chen po byed la bstan bcos spyod pa thams cad kyi gzhung dpyod par byed de/ des bltas na thams cad kyang bdag la ni bstod/ gzhan la ni smod par byed pas/ de dag gis khyim bdag de'i sems ma mgu'o/ / de nas phyi zhig na khyim bdag des bcom ldan 'das kyi bsngags pa thos nas/ de 'di snyam du sems te/ des chos thams cad rtogs pa las na/ bcom ldan 'das de ni thams cad mkhyen pa yin par nges so snyam nas/ bsngags pa de thos ma thag tu sems bskyed pa/ kye ma bcom ldan 'das de bdag gi mchod sbyin gyi gnas 'dir gshegs kyang ci ma rung snyam mo/ / de nas bcom ldan 'das kyis dgongs pa/ bdag gis khyim bdag de'i dge ba'i rtsa ba rnams bskyed par bya dgongs la/ 'di la brtan nas gdul bar bya ba phal po che drung du yod de snyam nas/ rgyal bu rgyal byed kyi tshal nas mi snang bar gyur te/ khyim bdag de'i mchod sbyin gyi gnas na bzhugs par gyur to// de nas khyim bdag des thag ring po zhig nas sangs rgyas bcom ldan 'das mthong ngo / / mthong nas kyang dga' ba skyes so// dga' ba skyes nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos

  1052. 115a

    phyag 'tshal te/ bcom ldan 'das la 'di skad ces gsol to// kye ma bcom ldan 'das kyis bdag gi mchod sbyin gyi gnas su gshegs te longs spyod par / mas ldan nas sa na / den sa par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ chos mnyan pa'i phyir spyan sngar 'dug go// de nas bcom ldan 'das kyis de bla na med pa yang dag par rdzogs pa'i byang chub tu spro ba bskyed nas/ khyim bdag de bla na med pa yang dag par rdzogs pa'i byang chub la 'dod pa skyes nas des sangs rgyas la sogs pa dge slong gi dge 'dun dang bcas pa zla ba gsum spyan drangs te/ rgyal bu rgyal byed kyi tshul du yo byad thams cad sbyar nas/ sangs rgyas la sogs pa dge slong gi dge 'dun la yo byad thams cad kyis bsnyen bkur byas te/ tha ma'i nyin par sangs rgyas la sogs pa dge slong gi dge 'dun rnams la zhal zas ro brgya dang ldan pa gsol nas/ bcom ldan 'das la na bza' 'bum rib phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i sangs rgyas su

  1053. 115b

    smon lam btab pa/ kye ma dge ba'i rtsa ba 'dris na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khyim bdag de la bka' stsal pa/ khyim bdag legs so legs so// ma 'ongs pa'i dus na/ khyod 'jig rten long pa 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das legs mthong zhes bya ba 'gyur ro zhes gsungs so// / bam po sum cu gcig pa// rin po che zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa nas ded dpon zhig gis zong khyer te rgya mtsho chen po'i nang du chas so/ / ded dpon de yang mo ltas gtso bor 'dzin pa zhig ste/ des zong rnams rnga mo dang bong bu la sogs pa la bkal nas/ mnyan du yod pa'i phyir

  1054. 116a

    chen po'i nang nas byung ste/ lam po cher zhugs nas/ des sems 'di lta bu bskyed de/ gal te bdag rgya mtsho chen po'i nang nas nyiro med par bde bar 'ongs rgya mtsho'i gru bo che'i don grub nas phyir 'khor bar gyur na/ sgo 'dir bdag gis sgo'i dus ston bya'o// lam po che 'dir yang lam gyi dus ston bya'o zhes byas nas/ rgya mtsho chen por song ngo / / de nas de rin po che'i gling bgrod pa bsgrubs te/ rgya mtsho chen po'i nang nas 'gram du byung nas des bsams pa/ bdag gru bo ches rgya mtsho chen po'i nang du zhugs te/ des na bdag gis nor chen pos bsgrubs kyi/ bdag gis rgya mtsho'i 'gram 'di nyid du rgya mtsho'i lha rnams dang / gru bo che la gnas pa'i lha rnams la bkur sti bya'o snyam nas/ des rgya mtsho'i 'gram de nyid du lha rnams la bkur sti chen po byas te mnyan du yod par chas so/ / de nas de mthar gyis rgyu zhing song song ba las/ mnyan du yod par phyin nas/ mnyan du yod par zong rnams bzhag ste/ des grong khyer gyi phyi sgo chen po de dang / lam po che de'i lha rnams la mchod pa chen po byas nas/ sbyin pa dag byin zhing / bsod nams dag byed pa la zhugs te/ des rin po che'i phung po chen po srungs nas/ dge sbyong dang / bram ze dang / spyod pa pa dang / kun tu rgyu ba dang / sdug cing 'phongs pa dang / bkres pa rnams la sbyin pa byed pa la zhugs so//

  1055. 116b

    sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag po'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni nges ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las laganas drang bar su ni 'phags pa'i nor bdun med pa las 'phags pa'i nor ba dan gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba

  1056. 117a

    rnams bskyed zin pa las yongs su smin par bya/ su ni dge ba'i rgyub rnams yongs su smin pa las ye shes kyi mtshon gyis brtol bar bya/ su la ni sangs rgyas byung brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med// de nas bcom ldan 'das kyis dgongs pa/ ded dpon 'dis ni bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ snga dro sham thams dang chos gos gsol te/ lhung bzed bsnams nas/ dge slong mang pos zhum ring byas te/ dge slong gi dge 'dun gyis mdun du bdar nas/ sgo de nyid nas mnyan du yod pa'i nang du gshegs pa dang / ded dpon des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa mthong ngo / / mthong nas kyang de bcom ldan 'das la shin tu dga' ba skyes so// dga' ba skyes nas des rin po che slar gyis btab ste/ bcom ldan 'das la gtor nas/ de dag sangs rgyas kyi mthus bcom ldan 'das kyi steng du lding khang lta bur chags te 'dug nas/ bcom ldan 'das gshegs na ni 'gro'o// gzhes na ni sdod do// de nas ded dngon

  1057. 117b

    des cho 'phrul de lta bu mthong nas/ lhag par yang dga' ba skyes so// dga' ba skyes nas/ bcom ldan 'das kyi zhabs la phyag 'tshal te gsol pa/ zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis cang mi gsung bas ded dpon de la gnang ngo // de nas ded dpon des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston/ pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i

  1058. 118a

    la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis bka' stsal pa/ ded dpon legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rin chen gtsug tor can zhes bya bar 'gyur ro zhes gsungs so/ / nor zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag gcig gnas pa des/ thabs zlar bab pa las chung ma blangs nas/ de de dang lhan cig tu rje zhing dga' la dga' dgur spyod pa las/ phyi zhig na de'i chung ma la bu chags nas dezla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun pa'i ming btags te/ de'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe cher skyes pa de'i tshe yi ge dang / khong rtsis dang / shod dgod pa dang

  1059. 118b

    lag rdzis dang / dbyung ba dang / sra ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na des zong khyer te rgya mtsho'i nang du song ba las/ rgya mtsho'i gru bo che'i don grub nas phyir 'ongs so// khyim bdag des kyang khyim bdag mgon med zas sbyin la brten nas bcom ldan 'das kyi bstan pa la dad pa rnyed de/ skyabs su 'gro ba dang / bslab pa'i gzhi rnams blangs so// de nas phyi zhig na khyim bdag des sangs rgyas la sogs pa dge slong gi dge 'dun khyim du spyan drangs te/ rang gi lag nas bza' ba dang bca' ba gtsang ma bzang po mang pos tshim par byas nas cibazhed pa bstabs te/ chos mnyan pa'i phyir spyan sngar 'dug go// de nas bcom ldan 'das kyis khyim bdag de'i bsam pa dang / bag la nyal dang / khams dang / shes pa dang rang bzhin thugs su chud nas/ de dang 'thun pa'i chos bstan te/ de nas khyim bdag de 'khor dang bcas pas stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye

  1060. 119a

    shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas yang dang yang du rgyal bu rgyal byed kyi tshal du 'gro zhing bcom ldan 'das la chos nyan par byed do/ / bdag gi bu yang dang yang du dran par byed do// kye ma de yang 'dir 'ongs te/ bcom ldan 'das kyi bstan pa la dad pa rnyed par gyur la/ chos 'di lta bu dag kyang thob na ni ci ma rung snyam mo/ / de nas phyi zhig na khyim bdag gi bu de rgya mtsho'i gru bo che'i don grub ste phyir 'ongs te/ des skyed mos tshal du rdzas rnams bzhag nas/ pha ma gnyis blta ba'i phyir shin tu rings par bdag gi khyim du song ba las/ de'i pha ma gnyis chos mnyan pa'i phyir rgyal bu rgyal byed kyi tshal du song nas/ khyim bdag gi bu des pha ma gnyis chos mnyan pa'i// phyir rgyal bu rgyal byed kyi tshal du song ngo zhes bros so// thos nas kyang de yang rgyal bu rgyal byed kyi tshal de nyid du song ste/ de der phyin nas bdag gis pha ma gnyis blta bar bya'o snyam pa las khyim bdag gi bu des pha ma gnyis chos mnyan pa'i phyir bcom ldan 'das kyi spyan sngar 'dug pa mthong ngo / / mthong nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pha ma gnyis kyi mgul nas 'jus nas/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis khye'u de'i mdun du bla na med

  1061. 119b

    pa yang dag par rdzogs pa'i byang chub tu spro ba skyed par 'gyur ba'i gtam bka' stsal to/ / de nas de thos ma thag tu khye'u de bla na med pa yang dag par rdzogs pa'i byang chub la 'dod pa skyes so// de nas khyim bdag de bcom ldan 'das las chos thos nas bu dang lhan cig tu bdag gi khyim du song ngo / / der song nas de gnyis kyis/ bu de la smras pa/ bu khyod kyis rgya mtsho chen po'i nang nas bdag cag gnyis la ci zhig khyer te 'ongs/ khye'us smras pa/ rin po che rin thang che ba dag 'tshal te mchis so// pha ma gnyis kyis/ de la smras pa/ bu khyod kyis ni rgya mtsho'i nang du song nas/ sdug bsngal stong phrag grangs med pa myong ste/ rin po che tha mal pa dag khyer te 'ongs so// bdag cag gas ni 'di nyid na 'dug bzhin du tshegs chung ngus rin po che rin thang chen po dag rnyed/ de// khye'us smras pa/ 'o na tshegs chung ngus rnyed pa'i rin po che de dag ci 'dra ba blta bar 'tshal lo// de nas pha ma gnyis kyis de la bdag cag gnyis kyi yon tan rgyas par brjod do/ / de nas de thos ma thag tu khye'u de lhag par yang bcom ldan 'das la dga' bar gyur to// dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i rkyen du 'tsham pa'i chos bstan to// de nas khyim bdag

  1062. 120a

    gi bu des/ bcom ldan 'das kyi gtam mjug rdzogs par rig nas/ stan las langs te/ bla gos phrag pa gcig tu gzar nas/ bcom ldan 'das ga la ba logs su thal mo sbyar ba btud de/ bcom ldan 'das la 'di skad ces gsol to// zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis khyin bdag gi bu de la cang mi gsung ba sa gnang ngo / / de nas khyim bdag gi bu des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i

  1063. 120b

    sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khye'u de la bka' stsal ba/ khyim bdag gi bu legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das chu rlabs zhes bya bar 'gyur ro zhes gsungs so// stobs 'brog ces bya ba ni/ gleng gzhi mnyan du yod pa na bzhugs te/ de'i tshe byang phyogs kyi ngan tsa la'i rgyal po dang / lho phyogs kyi bran tsa la'i rgyal po gnyis phan tshun du mi mthun par gyur te/ dus dus su skye bo bal po ni kha 'dog par byed do// de gnyis kyi mdza' bo kau shes shing bcugs pa ni rgyal po gsal rgyal yin te/ rgyal po gsal rgyal gyis bsams ba/ bdag gis thabs ji lta bu zhig gis de gnyis bsdum par bya snyam nas de'i blo skyes pa/ bcom ldan 'das ma dul ba 'dul ba yin na/ ma la bdag gis bcom ldan 'das lagaso

  1064. 121a

    ba gdab bo snyam nas/ bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ phyogs gcig tu 'dug nas/ bcom ldan 'das la/ rgyal po gsal rgyal gyis 'di skad ces gsol to// btsun pa byang phyogs kyi ban tsa la'i rgyal po dang / lho phyogs pan tsa la'i rgyal po gnyis phan tshun mi mthun par gyur tede gnyis kyis dus dus su skye bo phal po che kha 'dog par bgyid do/ / bcom ldan 'das ni ma dul ba 'dul ba lags na/ thugs brtse ba'i slad du de gnyis kyi 'on sbyang ba'i slad du nan tan mdzad par gsol/ de nas bcom ldan 'das kyis rgyal po gsal rgyal la cang mi gsung bas gnang ngo // de nas rgyal po gsal rgyal bcom ldan 'das kyis gsungs pa la mngon par bstod de rjes su yid rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyis rgyal bu rgyal byed kyi cha la nA mi snang bar gyur te/ byang phyogs kyi yul pa na tsa la dang / lho phyogs kyi yul pan tsa la gnyis kyi bar mtshams su gshegs te bzhugs nas/ bcom ldan 'das kyis ci nas de dag 'thab par sems pa de lta bur byin gyis brlabs so/ / de nas byang phyogs kyi pan tsa la'i rgyal po dang / lho phyogs kyi pan tsa la'i rgyal po gnyis kyis dpung gi tshogs yan lag bzhi go bskon nas/ g.yul 'byed pa'i phyir so sa

  1065. 121b

    nas drangs so/ / de dag g.yul 'byed par brtsams pa las/ sang+yas kyi mthus de gnyis kas rang rang ngam ste ma nus nas/ gzhan gyis thub par mthong ste/ de gnyis so so nas shing rta re rel zhon te/ bcom ldan 'das ka la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// bcom ldan 'das kyis kyang ci nas de gnyis gcig gis gcig mi mthong bar byin gyis brlabs te/ bcom ldan 'das kyis dgongs pa/ 'di gnyis las gcig ni nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro// gcig gis ni bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ gcig la ni 'phags pa'i bden pa bzhi'i gtam gsungs so// gcig la ni bla na med pa yang dag par rdzogs pa'i byang chub la spro bar 'gyur ba'i gtam gsungs so// de nas lho phyogs kyi pan tsa la'i rgyal po stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du

  1066. 122a

    tshangs par spyod pa spyad par 'tshal lo/ / de nas bcom ldan 'das kyis de dge slong chu shog ces bya ba tshig gis rab tu byung ste/ bsnyen par rdzogs par ba nas de la lung yang phog ste/ des kyang brtson po dang / bsgrubs pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// byang phyogs kyi phun tsala'i rgyal po yang stan las langs te/ bla gos phrag pa gcig tu gzar nas/ bcom ldan 'das gal ba der logs su thal mo sbyar ba btud de/ bcom ldan 'das la 'di skad ces gsol to// zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis byang phyogs kyi pan tsa la'i rgyal po la cang mi gsungs pa'i gnang ngo // de nas byang phyogs kyi ban tsa la'i rgyal pos bcom ldan 'das cang mi gsung bas gnang bar rig nas/ sangs rgyas la sogs pa dge slong gi dge 'dun rang gi yul du spyan drangs te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad sbyar nas/ yo byad thams cad kyis bsnyen bkur byas te/ tha ma nyon par sangs rgyas la sogs pa dge slong gi dge 'dun la zhal zas rab

  1067. 122b

    dang ldan pa gsol nas/ bcom ldan 'das lan bza' 'dur 'i 'dul lo// dge slong gzhan dag la yang re re laras zung re bul nas/ blan med pa yang dag par rdzogs pa'i byang chub tu sngon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ pan tsa la'i rgyal po de la bka' stsal pa/ rgyal po chen po legs so legs so// ma 'ongs pa'i dus na rgyal po chen po khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par rgyal ba zhes bya bar 'gyur ro zhes gsungs so// las brgya tham pa las/ sdom gyi tshigs su bcad pa brgyad pa rdzogs so/ / / sdom ni/ bu dang ri yi gcong rong glud// 'thab dang rnyis bzung gong ma sreg/ pha dang mi rgod shar dang // dbang po'i mgon

  1068. 123a

    / tha ma yin// bu zhes byang ni/ gleng ga ni mnyan du yod pa na bzhugs te/ de'i tshe mnyan du yod pa na/ bram ze gcig gnas pa des/ thabs zla dab pa las rlung ma blangs te/ de de dang lhan cig rtse zhing dga' la dga' dgur spyod pa las/ byi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khus bskyed bsrangs so// 'dod pa rnams ni tsha chu dang 'dra ste/ ri tsam bsten pa de tsam du skye bar 'gyur ro// de nas phyis kyang mthar gyis bram ze de'i bu gcig nas gnyis nas/ bdun gyi bar du byung nas/ de rnams rigs dang 'ardzun ba'i ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings nas/ de dag gang gi tshe cher skyes pa de'i tshe/ yi ge dang / bram ze'i spyod lam dang spyod pa dang / oM zhes bya dang / zlo zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu

  1069. 123b

    gzhug pa'i thabs bslabs nas/ las rnam pa drug la mkhas pa'i bram zer gyur to// de nas phyi zhig na bram ze des bu de dag thams cad khyim phub ste/ bram ze de'i khyim na nor ci yod pa de dag thams cad so sor bgos nas bu de dag la byin no/ / de nas phyi zhig na bram ze de'i chung ma yang shi/ bram ze de yang rgas te mig mi mthong bar gyur nas/ de bu de rnams kyis khyim de nas bskrad de/ de gzhan dag gi phyi du slong zhing 'tsho bar byed do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni 'phod shing 'dug/ su ni nyam bar gyur/ su ni gnod pa dang ldan/ su ni 'phongs pa dang / nyam nga ba dang / gnon pa dang ldan/ su ni ngan song du gzhol/ su ni ngan song du 'bab/ su

  1070. 124a

    @ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis bram ze de gdul ba'i dus la bab par dgongs nas/ snga dro chos gos dang sham thabs gsol te/ lhung bzed dang snam nas/ mnyan du yod par bsod snyoms la gshegs te/ bcom ldan 'das mnyan du yod par gshegs na/ bram ze rgas shing 'khogs la gtugs pa/ 'khar ba dang snod thogs shing gzhan dag gi khyim du slong ba de gzigs so/ / gzigs nas kyang bram ze de la bka' stsal pa/ bram zegs shing la logs la gtugs pa khyod ci'i phyir 'khar ba dang snod thogs shing gzhan gyi khyim du slong sa

  1071. 124b

    'dug/ bram zes gsol ba/ kye go'u ta ma bdag gi bu bdun mchis te/ de rnams bdag gis bsod nams bskyed bsrings nas/ thos pas kyang mthar phyin par bgyis te bzhag nas mchis brang dang bcas te btsems te/ bdag gi khyim na ci 'dog pa de dag thams cad kyang bdag gis so sor bgos te stsal na/ de rnams kyis bdag khyim nas bskrad pas na/ 'khar ba dang snod thogs shing gzhan dag gi khyim du slong zhing rgyu bar bgyid do/ / de nas bcom ldan 'das kyis/ bram ze de la bka' stsal pa/ bram ze khyod kyis nga las tshigs su bcad pa bslabs te kun chub par byas la/ bu de rnams 'khor gyi nang na 'khod pa la bsgrags par nus sam/ bram zes gsol pa/ kye go'u ta ma bdag gis rdo thog ches so// de nas bcom ldan 'das kyis de'i tshe tshigs su bcad de bka' stsal pa/ gang dag btsas na dgar 'gyur ba// gang phyir nor ni kun bsags pa// de dag bdag gis tshems dang sbyar// bdag ni khyim nas bskrad par gyur// nor zad pa na gang dag gis/ / bdag spangs de dag bden mo min// srin po'i bu yi cha lugs can// ba ba zhes brjod de mi brjid// rtan na zho sha zad pa bzhin// na chod yal bar gyur pa na// gzhon nu rnams kyi banan nig/ gzhan gyi khyim du slong bar gyur/ / rten lam phan bu rnams pas// bdag gi 'khar ba 'di gdam ste// 'khar ba yi ni yon tan mthus// baglang brdung zhing 'ong ba dang // sbrul dang khyi za klog par

  1072. 125a

    byed/ / mun pa'i nang na mdun du 'gro// yanga'i gnas su chod kyang rig/ brdeg 'chos na yang bdag la ston// de nas bram ze des/ bcom ldan 'das kyis tshig su bcad de bka' stsal pa 'di dag thos nas/ bu rnams kyis 'khor du song ste brjod nas/ bu rnams kyis de thos ma thag tu pha la bzod pa gsol te/ snga mkho bzhin du khyim gyi bdag por bzhag go/ / de nas phyi zhig na bram ze des bsams pa/ bdag gi dpal dang skal ba dang ldan pa gang ci yang rung ba de dag thams cad ni/ bcom ldan 'das go'u ta ma de'i bka' drin yin na// ma la bdag gis bcom ldan 'das go'u ta ma de bshos gsol la/ rin thang che ba'i na bza' 'bul bar bya gor ma chag snyam nas/ bram ze des bcom ldan 'das spyan drangs te/ bza' ba dang bca' ba gtsang ma bzang po mang po dag gsol nas/ rin thang che ba'i na bza' phul lo// de nas bcom ldan 'das kyis bram ze de dag bu de rnams la/ de dag dang 'thun pa'i chos bstan te/ des na bram ze de 'khor dang bcas pas stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar babatud de/ bcom ldan 'das la 'di

  1073. 125b

    skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis bram ze de dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pa'i nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la gsol pa/ btsun pa bram ze rgas shing 'khogs la gtugs pa 'di bu rnams kyis khyim nas bskrad de/ 'di bcom ldan 'das kyis thabs dang ldan pas snga mkho'i gnas su slar sor chud par mdzad nas/ g.yung rlung gi mthar thug pa grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze 'di bu rnams kyis rang gi khyim nas bskrad pa las/ 'di ngas snga mkho'i gnas su bzhag nas bsam gtan bzhi dang / mngon par shes pa lnga la ji ltar gan par byas pa de nyon cig/ dge slong dag sngon byung ba 'das pa'i dus na/ grong khyer tsam pa zhes bya ba na/ khyim bdag gcig gnas

  1074. 126a

    pa de la snga phyir bu bdun byung nas/ de dag gang gi tshe cher skyes pa de'i tshe/ brtag pa rnam pa brgyad la byang bar gyur nas/ khyim bdag des bu de dag thams cad khyim phub ste/ de ni bdog pa thams cad kyang so sor bgos nas de rnams la byin no// khyim bdag de yang nas shing 'khogs la gtugs pa gyur nas/ de bu rnams kyis khyim nas bskrad de/ de rgas bzhin du zong khyer te yul gzhan du chas so/ / de'i tshe dka' thub kyi gnas shig na/ drang srong rdzu 'phrul che zhing mthu che ba zhig gnas te/ dka' thub kyi gnas de'i 'dab gcig tu de 'ongs nas/ dra srong des khyim bdag de mthong nas smras pa/ khyim bdag rgas shing 'khogs la gtugs pa khyod ci'i phyir yul gzhan du chas te 'gro// de nas khyim bdag des gtam de drang srong de la rgyas par bsnyad do// de nas drang srong gis smras pa/ khyim bdag khyod ngas ci nas bu de rnams kyi mchod pa dang rim gro byed par gyur pa de ltar bya'o zhes smras pas/ drang srong des khyim bdag de phyir bzlog ste/ rang gi gnas su khrid nas/ drang srong des de'i bu rnams la de dang 'thun pa'i chos bstan te/ des na bu de rnams kyis pa de khyim du bos nas snga mkho'i gnas su bzhag go// de nas khyim bdag des snga mami'i drin lan bsab pa'i phyir drang srong de khyim du zan byin nas/ de'i thad du rab tu byung ste/ de rab tu byung nas bsam gtan bzhi dang / mngon par shes pa lnga bskyed do//

  1075. 126b

    dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe khyim bdag tu gyur pa gang yin pa de ni bram ze 'di kho na yin no/ / de'i bur gyur pa gang yin pa de dag ni bu 'di dag kho na yin te/ de'i tshe yang 'di rgas shing 'khogs la gtugs par gyur nas/ khyim nas bskrad pa las ngas thabs dang ldan pas snga malo'i gnas su bcug ste bzhag nas/ bsam gtan bzhi dang / mngon par shes pa lnga la gnas par byas so// da ltar yang 'di rgas shing 'khogs la gtugs par gyur nas/ khyim nas bskrad pa las ngas thabs dang ldan pa'i snga mkho'i gnas su bcug ste bzhag nas/ g.yung drung gi mthar thug pa grub pa dang bde ba'i mya ngan las 'das pa la bzhag go/ gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ste/ der tshe gcig tu tshangs par spyod pa spyad nas/ dbang po rnams yongs su smin par byas pa des na/ ltar rnam par grol bar gyur to// ri zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des/ thabs zla bab pa las chung mablangs nas/ de de dang lhan cig tu rtse zhing dga' la dga' dgur spyod pa las/ byi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bza zhing bltan sdug

  1076. 127a

    mdzes pa zhig bcas te/ rigs dang mthun pa'i ming btags nas/ de 'o ma dang / zho dang / mar dang / zhun mar dang / mar gyi snying lus bskyed bsrings de gang gi tshe cher skyes pa de'i tshe/ yi ge dang / long rtsis dang / shod dgod pa dang / lag rtsis dang / dbyung ba dang / sba ba dang / dkram pa dang / gos brtag pa dang / nor bu brtag pa dang / rin po che brtag pa dang / spos pa rtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na de phas mdza' sde rnams kyi nang du btang ngo / / mdza' sde bo de rnams ni lta ba dang / 'dod pa tha dad pa phan tshun mi mthun par smra bar sha stag ste/ gang dag gang la dga' ba de dag de'i bsngags brjod par byed do// khyim bdag gi bu de ni rang bzhin gyis mdzangs pa zhig ste/ thams cad kyi gzhung lugs 'drin par byed na/ la la ci zer/ la la ci zer bar gyur nas/ lta ba'i rnam pa de dag mi 'dod cing mi bzod la rung bar mi 'dzin to/ / de nas phyi zhig na dge bsnyen zhig gis sangs rgyas kyi bsngags pa yang dag pa ji lta ba bzhin du brjod nas/ de thos ma thag tu khyim bdag gi bu des dris pa/ sangs rgyas

  1077. 127b

    zhes bya ba'i sgra byung ba 'di dag ni sngon ma byung na/ sangs rgyas zhes bya ba de su zhig/ de nas dge bsnyen des de dang 'thun pa'i sangs rgyas kyi bsngags pa brjod de/ des na khyim bdag gi bu de ldan 'das blta 'dod par gyur to/ / de nas des thams cad bor te/ bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ / de nas bcom ldan 'das kyis de la de dang 'thun pa'i chos bstan te/ de thos nas khyim bdag gi bu de bcom ldan 'das la sems dga' bar gyur to// de nas khyim bdag gi bu des bcom ldan 'das kyi gtam mjug rdzogs par rig nas/ bcom ldan 'das kyis gsungs pa la mngon par bstod cing rjes su yi rang ste/ bcom ldan 'das kyi zhabs la mgo bos phyag 'tshal nas/ bcom ldan 'das kyi thad nas song ngo // de nas kyi zhig na de sbyin pa btang ba'i sems skyes la/ khyim na ni ci yang mi bdog par mthong nas/ de'i blo skyes pa/ bdag rgya mtsho chen po'i nang du song la/ gal te bdag gis lan cig tsam rin po che'i gling bgrod pa bsgrub nus par gyur na yang / de lta na bde blag tu sbyin pa dag sbyin zhing / bsod nams dag byed nus so snyam nas/ tshong pa lnga brgya tsam dang lhan cig tu zong khyer te rgya mtsho chen po'i nang du song nas/ des rin po che'i gling bgrod pa bsgrubs te/ phyir 'dzam bu'i gling logs su chas pa las/ de dag la rlung mi

  1078. 128a

    bzad pa byung nas/ des gru bo che de ri'i gcong rong zhig tu bcangs so// de nas rgya mtsho'i dus rlabs phyir log pa dang / tshong pa de dag 'jigs shing srag ste/ bdag cag ni shi zin no/ / bdag cag gis srog ni med zin no// dbadag cag la dka' ba byed pa dang / srog 'phangs pa sbyin pa su yod ces 'dzer to// de nas ded dpon gyis smras pa/ ma 'jigs shig ma 'jigs shig/ sangs rgyas bcom ldan 'das la skyabs su de zhig dang / des bdag cag 'phongs pa dang / dgos thag pa dang / gnod pa dang phrad pa las skya bas mdzad par 'gyur ro zhes byas so/ / de nas de thos ma thag tu tshong pa de dag rnams sangs rgyas la skyabs su song ste/ btsun pa bcom ldan 'das kyis ni 'di lta ste/ 'das pa dang / ma 'ongs pa dang / da ltar byung ba ci yang mi gzigs pa dang / mi mkhyen pa dang / thugs su ma chud pa ma mchis na/ kye ma btsun pa bdag cag 'phongs shing dgos brag la/ gnod pa dang phrad pa rnams kyi skyabs mdzad du gsol/ srog 'phangs pa stsal du gsol zhes byas so// de nas bcom ldan 'das kyis ci nas klu de rang nyid ri'i gcong rong de nas phyir log ste/ rgya mtsho'i 'gram du 'byung bar 'gyur ba de lta bur byin gyis brlabs so/ / de nas de dag rgya mtsho chen po'i 'gram du byung nas/ mthar gyis mnyan du yod par dong ste/ mnyan du yod par rdzas rnams bzhag

  1079. 128b

    nas/ bcom ldan 'das ga la bder dong ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi zhabra la phyag byas nas 'di skad ces gsol to// bcom ldan 'das ni bdag cag la dka' ba mdzad mdzad pa lags/ srog 'phangs pa stsal ba lags so zhes gsol nas/ chos mnyan pa'i phyir spyan sngar 'khod do// de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na ded dpon la sogs pa tshong pa lnga brgya po rnams kyis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de rnams kyis bden pa mthong nas gsol pa/ btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa smad par 'tshal lo// de nas bcom ldan 'das kyis de dag dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de dag la lung yang log ste/ de dag gis kyang brtson pa dang / bsgrub pa dang / 'bad pa'i nyon mongs pa

  1080. 129a

    thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pa tshong pa lnga brgya po 'di rnams ded dpon 'di las brten te/ bcom ldan 'das kyis 'jigs pa chen po las bskyabs nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'dres pa'i dus na yang tsheng pa lnga brgya po 'di rnams kyis ded dpon 'di las brten te/ ngas 'jigs pa chen po las bskyabs nas// bsam gtan bzhi dang / mngon par shes pa lnga la ji ltar bkod pa de nyon cig/ dge slong dag sngon byung ba 'das pa'i dus na/ grong khyer wA rA NA si na/ dka' thub kyi gnas shig na/ drang srong

  1081. 129b

    mngon par shes pa lnga dang ldan pa rdzu 'phrul che zhing mthu che ba zhig gnas te/ de yang wA rA NA si na gnas pa'i skye bo mang pos bkur sti bya ba dang / bla mar bya ba dang / ri mor bya ba dang / mchod par bya ba zhig go/ / de nas phyi zhig na wA rA NA sin tshong pa lnga brgya tsam gyis drang srong de la bsnyen bkur byas nas/ rgya mtsho chen po'i nang du dong ste/ de dag gis rin po che'i gling bgrod par sbubs nas/ phyir 'dzam bu'i gling logs su ches pa las/ de dag gi gru bo che mtsho'i dus rlabs kyis thang la 'phangs nas/ de dag der 'jigs shing skrag par gyur te/ bdag cag 'tsho ba'i dus skabs med do snyam nas/ de dag lha rnams la gsol ba 'debs par byed do// de nas ded dpon gyis smras pa/ bdag cag gis lha gzhan dag la gsol ba gdab ci dgos/ bdag cag drang srong de nyid la skyabs su 'gro bar bya'o/ / 'on tang des bdag cag 'phongs shing dgos thag pa dang / gnod pa dang phrad pa las skyabs byed par 'gyur zhing srog 'bangs pa sbyin par byed do// de nas de thos ma thag tu tshong pa lnga brgya po de dag drang srong de kho na la skyabs su dong ngo // de nas drang srong de la dga' ba'i lhas drang srong de la sbran nas/ drang srong des tshong balnga brgya po de dag rdzu 'phrul gyis rgya mtsho chen po'i nang nas byung ste/ rang gi dka' thub kyi tshal du bkod do// de nas tshong pa rnams kyis bsams pa/ bdag cag gson por gyur pa ci yang rung ba de dag thams cad ni drang

  1082. 130a

    srong 'di'i mthu yin no snyam nas/ sbyin padag sbyin zhing / bsod nams dag byas nas/ thams cad drang srong de'i thad du rab tu byung ste/ de dag der rab tu byung nas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems depa'i spyod pa la gnas pa de ni nga nyid yin no/ / de'i tshe ded dpon du gyur pa gang yin pa de dang / tshong par gyur pa gang yin pa de dag ni tshong ba 'di rnams kho na yin te/ de'i cha yang 'di rnams kyis ded dpon 'di kho na la brten nas ngas 'jigs pa chen po las bskyabs te/ bsam gtan bzhi dang / mngon par shes pa lnga la bkod do// da ltar yang 'di rnams kyis ded dpon 'di la brten nas/ ngas 'jigs pa chen po las bskyabs te/ g.yung drung gi mthar thug pa grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi gsungs rab la 'di dag thams cad rab tu byung ste/ der 'di rnams kyis tshe gcig tu tshangs par spyod pa spyad nas/ dbang po rnams yongs su smin par byas pa des na da ltar rnam par grol bar gyur to// glud ces bya ba ni/ gleng ga ni mnyan du yod pa na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam sa

  1083. 130b

    kyi bu'i nor dang mnyam pa/ rnam thos bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod do// khyim bdag de yang bu mi bzhin pa zhig ste/ du dang bu mo btsas so cog 'chi bar 'gyur ro// khyim bdag de'i bas na ni tshe dang ldan pa ma 'gags pa yin te/ des khyim bdag de skyabs su 'gro ba dang bslab pa'i gzhi rnams la gnas par byas nas/ sbyin pa dang / sbyin pa'i bgo bsha' byed du bcug go// de nas phyi zhig na khyim bdag de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas nas/ khyim bdag des bsams pa/ thabs ji ltar byas na/ khye'u 'di tshe ring bar 'gyur zhig gu snyam nas de'i blo skyes pa/ 'phags pa ma 'gags pa 'di ni rdzu 'phrul che zhing bsod nams dang ldan pa/ che bar grags pa yin pas na/ 'di la bdag gis bu 'di g.yog tu phul na/ 'di'i mthus tshe ring bar 'gyur yang srid do snyam nas/ pha ma gnyis khye'u de tshe dang ldan pa ma 'gags pa la phul nas de nyin gcig bzhin du rgyal bu rgyal byed kyi tshal du khrid cing gso bar byed la/ dge sbyong gi cha lugs su bcug nas/ dge slong dag dang lhan cig tu bsod snyoms rgyu bar byed do// de nas de gang gi tshe shed dbye bar gyur pa de'i tshe/ khyim bdag des sangs rgyas la sogs pa dge 'dun khyim du spyan

  1084. 131a

    drangs nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas khye'u de'i glud du gser dngul mang po bul lo// bcom ldan 'das kyis kyang khyim bdag de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so/ / bcom ldan 'das gshegs nas/ khyim bdag des khye'u de'i chos gos tshon can rnams phud de/ khyim pa'i gos dang rgyan rnams bskon no// de nas de'i khyim pa'i gos dang rgyan bskon no cig mi snang bar gyur te/ tshes gos tshen can de dag 'ba' zhig 'byung bar 'gyur ro// de nas gang gi tshe na lugs de bsgyur ma nus pa de'i tshe/ dge slong gi cha lugs su 'dug bzhin du gso bar byed de/ khyim de nyid du ne'u 'dangs kyi grogs po lnga brgya dang lhan cig tu yi ge slob tu bcug go// de nas de rang gi khyim der yang dga' ba med na/ gzhan du lta ci smos te/ gtsug lag khang 'ba' zhig tu 'gro 'dod par gyur to// de nas khyim bdag des bu de gtsug la gakhang du khrid nas de nyid du gsos so// de nas des gtsug lag khang de nyid du bstan bcos thams cad rtogs par gyur nas/ de phyir khyim du 'gro mi 'dod de/ gtsug lag khang na 'dug bzhin du des rgyun du zhugs pa'i 'bras bu mngon sum du byas te/ des

  1085. 131b

    bden pa mthong nas pha ma gnyis la gsol te/ tshe dang ldan pa ma 'gags pa'i brad du rab tu byung nas/ bsnyen par rdzogs te/ tshe dang ldan pa ma 'gags pas lung yang phog nas/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas te/ dgra bcom par gyur nas bsams pa/ bdag gis gdul bar 'gyur ba 'ga' lta ci yod snyam pa dang / des bltas na bdag gi pha ma la sogs pa ne'u 'dangs kyi grogs po lnga brgya 'dul bar mthong nas/ rgyal bu rgyal byed kyi tshal nas mi snang bar gyur te/ rang gi khyim du pha ma gnyis kyi mdun nas sa brtol te byung ngo // de nas de mthong ma thag tu pha ma gnyis de la shin tu dga' bar gyur to// dga' bar gyur nas chos mnyan pa'i phyir mdun du 'dug go/ / de nas des pha ma gnyis kyi bsam pa dang / bag la nyal dang / khams dang / shes pa dang / rang bzhin rtogs nas/ de dang 'thun pa'i chos bstan te// des na pha ma de gnyis 'khor dang bcas pas stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas skyabs su 'gro ba dang / bslab pa'i gzhi rnams la bkod de/ sbyin pa dang sbyin pa'i bgo bsha' yang byed du bcug nas/ khyim de khron pa dang 'dra

  1086. 132a

    bar byas te bzhag go/ des ne'u 'dangs kyi grogs po lnga brgya po de dag kyang skyabs su 'gro ba dang / bslab pa'i gzhi rnams la bkod do// de nas dge slong rnams kyis/ sangs rgyas bcom ldan 'das la gsol pa/ btsun pa khyim bdag gi bu 'dis las ci bgyis na/ las de'i rnam par smin pas phyug cig nor mang la longs spyod che ba'i rigs su skyes la/ bcom ldan 'das kyang 'dis mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis la/ 'di nyid la brten nas pha ma la sogs pa dang / ne'u 'dangs kyi grogs po lnga brgyas bden pa mthong bar gyur te/ bcom ldan 'das kyang 'dis mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di rnams kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i che lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs

  1087. 132b

    rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA sin khyim bdag gcig gnas pa las/ phyi zhig na de'i bu gzugs bzang zhing blta na sdug la mdzes pa zhig btsas te/ de gang gi tshe cher skyes pa de'i tshe/ yang dag par rdzogs pa'i sangs rgyas 'od srungs kyi bstan pa la dad pa rnyed nas skyabs su 'gro ba dang / bslab pa'i gzhi rnams blangs so/ / de gang gi nyin par btsas pa de kho na'i nyin par khyim bdag gzhan gyi bu lnga brgya yang btsas te/ gang gi tshe de cher skyes pa de'i tshe/ brtag pa rnam pa brgyad la byang bar gyur to/ / de nas de dag so so'i pham rnams kyis mdza' sde'i nang du btang ngo // de nas phyi zhig na dpyid kyi dus su mdza'o sde bo de rnams skyed mos tshal du shing ljon pa yal ga 'khrigs shing me tog rgyas pa'i nang du 'gro 'dod par gyur nas/ zla rnams kyis khye'u de sngon du gtang bar 'dod de/ khyod sngar song la bza' ba dang bca' ba dag sta gon gyis shig dang / bdag cag kyang don dag grub nas 'ong ngo zhes byas so/ / de nas de der song nas bza' ba dang bca' ba gtsang ma bzang po mang po dag sta gon byas so// yang dag par rdzogs pa'i sangs rgyas 'od srungs 'khor dang bcas pa yang sa phyogs de logs nas wA rA NA sir bsod snyoms la chas te gshegs so/ / de nas khye'u des thag ring po zhig nas yang dag par rdzogs pa'i sangs rgyas 'od srungs 'ar

  1088. 133a

    dang bcas pa mthong ngo / / mthong nas kyang des bsams pa/ yon gnas kyi mchog 'di lta bu bsod snyoms la chas te gshegs la/ bdag gis kyang tshegs chung dus bza' ba dang bca' bdag sbyar ba yod na/ bdag gis rje yang dag par rdzogs pa'i sangs rgyas 'od srungs 'khor dang bcas pa bshos gsol la/ de'i 'og tu bdag gis grogs po rnams kyi bza' ba dang bca' ba gzhan sbyar bar bya'o snyam nas/ des yang dag par rdzogs pa'i sangs rgyas 'od srungs 'khor dang bcas pa skyed mos tshal de nyid kyi nang du spyan drangs te/ bza' ba dang bca' bgatsang ma bzang po mang pos tshim par byas te/ ci bzhed pa bstabs nas/ chos mnyan pa'i phyir spyan sngar 'dug go// de nas yang dag par rdzogs pa'i sangs rgyas 'od srungs kyis de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so// de nas khye'u des mdza' sde bo rnams kyi phyir bza' ba dang bca' ba gzhan dag sta gon byed pa la zhugs so// de nas mdza' sde bo de rnams skyed mos tshul der lhags nas/ bdag cag gi bza' ba dang bca' ba sta gon byas pa de dag thams cad yang dag par rdzogs pa'i sangs rgyas 'od srungs 'khor dang bcas pa la phul lo zhes thos so/ / de thos ma thag tu de dag shas cher khros te/

  1089. 133b

    dag khros nas khye'u de bsad par byas so// de nas khye'u de 'jigs shing skrag par gyur nas/ drang srong smra bar song ste/ des gnas de nas pha ma gnyis la bzlugs te/ pha ma gnyis kyis 'thab mo zhi bar bya bar btsal ba las/ zhi bar byed ma nus nas/ khye'u des pha ma gnyis la gsol to// yang dag par rdzogs pa'i sangs rgyas 'od srungs kyi gsung rab la rab tu byung ngo / / de rab tu byung nas sde snod gsum lobs te/ rig pa dang grol ba'i spobs pa dang ldan pa'i chos smra bar gyur nas/ des pha ma gnyis skyabs su 'gro ba dang / bslab pa'i gzhi rnams la bkod nas/ sbyin pa dang sbyin pa'i bgo bsha' byed du bcug go/ de nas mdza' sde po de rnams kyis de rab tu byung ba mthong nas/ 'gyod pa skyes te/ bdag rug gis ma legs pa byas so snyam nas/ de dag gis de'i rkang pa la phyag 'tshal te bzod pa gsol to// de las skyabs su 'gro ba dang / bslab pa'i gzhi rnams kyang blangs so// de nas phyi zhig na dge slong de nad kyis thebs nas/ de rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang sos par byed ma nus te/ des 'chi kar ldan lam btab pa/ kye ma 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang ma thob na/

  1090. 134a

    dge ba'i rtsa ba 'dis bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de'i pha ma gnyis dang mdza' sde bo rnams kyang de'i mdun na 'dug par gyur te/ de rnams kyis kyang thos nas smon lam btab pa/ bdag cag kyang khyod kho na la brten te sangs rgyas bcom ldan 'das de mnyes par byed par gyur cig/ mi mnyes par byed par ma gyur cig ces byas so/ / dge slong dag ji snyam du sems/ de'i tshe sde snod gsum par gyur pa gang yin pa de ni khyim bdag gi bu 'di kho na yin no// de'i tshe pha ma gnyis su gyur pa gang yin pa de gnyis ni da lta'i pha ma gnyis kho na yin no/ / des der tshe gcig tu tshangs par spyod pa spyad nas/ 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes te/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs

  1091. 134b

    mnyam pa dang / mdzad pa mnyam pa dang / thabs mnyam pa brnyes par gyur nas/ 'dis mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// der de'i pha ma gnyis dang mdza' sde bo de rnams kyis kyang smon lam btab des/ da ltar yang 'di kho na la brten nas 'di rnams kyis nga mnyes par byas te/ mi mnyes par ma byas so// // bam po sum cu gnyis pa// 'thab pa zhes bya ba ni// gleng gzhi mnyan du yod pa na bzhugs te/ de'i tshe yul ko sa la dang / yul ma ga d+ha'i bar mtshams na/ seng ge mthu rtsal bdo ba gnyis 'dug ste/ de gnyis de na 'dug pas/ skye bo mang po la 'dog par byed de 'grul bcad do/ / de gnyis kyis la mchod pas/ su yang lam der 'gro mi nus par gyur to// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug

  1092. 135a

    pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su na gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du byi ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas

  1093. 135b

    bcom ldan 'das kyis seng ge de gnyis gdul ba'i dus la bab par dgongs nas/ tshe dang ldan pa kun dga' bo la bka' stsal pa/ kun dga' bo khyod song la/ dge slong rnams la bcom ldan 'das yul ma ga d+har phyogs su ljongs rgyu zhing gshegs kyi/ / su bcom ldan 'das dang lhan cig ljongs rgyu zhing 'gro 'dod pa de dag chos gos dag chos shig ces sgo zhig ces bka' stsal nas// bcom ldan 'das dbyar gnas shing / dbyar bzhugs nas/ dge slong mang pos zham ring byas te/ dge slong gi dge 'dun gyis mdun du bdar nas rgyal po'i khab tu chas te mthar gyis rgyu zhing gshegs gshegs nas/ seng ge'i nags lung du byon nas/ seng ge de gnyis zas tshol du song song ba las de gnyis phrad nas 'thab par chas so// bcom ldan 'das kyang de gnyis la thugs brtse ba'i phyir mdun logs su bzhes so/ / de nas thag ring po zhig nas seng ge de gnyis kyis bcom ldan 'das mthong ngo // mthong nas kyang seng ge de gnyis kyi khro ba'i kun nas dkris pa med par gyur te/ bcom ldan 'das la shin tu dga' bar gyur nas/ de gnyis bcom ldan 'das ga la ba der song ste phyin nas/ bcom ldan 'das kyi nabs la mgo bos phyag 'tshal te bcom ldan 'das kyi zhal du lta zhing 'dug go/ / de nas bcom ldan 'das kyis/ de gnyis la bka' stsal pa/ bzhin bzangs khyed gnyis sngon gyi nye bar spyod pa'i las kyis dud 'gro'i nang du skyes

  1094. 136a

    na/ khyed gnyis da ltar yang de 'ba' zhig gi rgyu byed cing 'dug go// bzhin bzangs gnyis 'di ltar 'du byed thams cad ni mi rtag go// chos thams cad ni bdag med do// mya ngan las 'das pa ni zhi ba'o// nga la sems dga' bar gyis shig dang / dud 'gro'i skye gnas dang bral bar 'gyur yang srid do zhes bka' stsal nas/ bcom ldan 'das gshegs so// de gnyis bcom ldan 'das las chos thos nas kha' chos so// dud 'gro'i skye gnas su skyes pa rnams ni me'i drod che ste/ bcom ldan 'das la sems dga' ba skyes bzhin du shi nas lha'i nang du/ skyes so// lha'i bu 'am lha'i bu mo skyes ma thag pa ni chos nyis kyis sems rnam pa gsum skye bar 'gyur te/ bdag gang nas shi 'phos/ gang du skyes/ las gang gis skyes snyam mo// de nas dud 'gro las shi 'phos pa dang / lha'i nang du skyes pa dang / bcom ldan 'das la sems dga' bar gyur par de gnyis kyi mthong ngo // de nas de gnyis kyis bsams pa/ bdag cag gnyis zhag lon nas gzod bcom ldan 'das blta ba'i phyir 'gro ba ni bdag cag gnyis kyi cha ma yin gyis/ bdag cag gnyis zhag ma lon par bcom ldan 'das blta ba'i phyir 'gro'o snyam mo// de nas sngon seng ger gyur pa'i lha'i bu rna cha gdub kor dag cing mgul pa thogs pa/ lus do shal dang se mo des brgyan pa/ nor bu rin po che sna tshogs kyis spras pa'i cod pan can/ lus gur

  1095. 136b

    kum dang / ta ma la'i lo ma dang / sdig ka la sogs pas byugs pas/ de gnyis kyis de nyid kyi mtshan mo lha'i me tog ut+pa la dang / pad+ma dang / ku mud dang / pad+ma dkar po dang man+dA ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de gnyis la de dang 'thun pa'i chos bstan te/ de gnyis kyis chos thos nas bden pa mthong bar gyur te/ de gnyis bden pa mthong nas rang gi gnas su song ngo // de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig bcom ldan 'das blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig nga blta ba'i phyir 'ongs

  1096. 137a

    pa ma yin gyi/ dge slong khyed kyis nags khung dkon pa na/ se ge gnyis phan tshun 'thab cing 'dug pa mthong ngam/ gsol pa/ btsun pa mthong lags so// bka' stsal pa/ ngas de gnyis la chos bstan te/ de gnyis kyis ngalas chos thob nas kha 'a chos te/ de gnyis shi 'phos te dus las 'das pa las lha'i nang du skyes te/ lhar gyur nas nga'i thad du 'ongs te/ de gnyis ngas chos bstan nas/ nga las chos thos pa des na de dag gis bden pa mthong nas rang gi gnas su song ngo // de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis seng ge de gnyis kyi kho na byang bar mdzad de/ mtho ris dang thar pa thob pa mdzad la/ yul 'khor gnyis kyi 'jig pa bsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di gnyis kyi 'o/ byang bar byas nas/ bsam gtan pani dang / mngon par shes lnga la bkod de/ yul 'khor gnyis kyi 'jigs pa yang ji ltar bsal ba de nyon cig/ dge slong dag sngon byung ba 'das pa'i dus na/ yul ka shi'i rgyal po tshangs bas byin dang / bi de ha'i rgyal po dbang chen sde gnyis phan tshun mi mthun par gyur nas/ de gnyis kyis dus dus su skye bo phal ngo che la 'dog par byed do// de nas phyi zhig na de gnyis kyis

  1097. 137b

    dpung gi tshogs yan lag bzhi go bskon nas/ g.yul 'gyed par 'dod pa'i phyir so mtshams na 'khod do// de gnyis 'khod pa'i 'dab na dka' thub kyi nags shig na/ drang srong mngon par shes pa lnga dang ldan pa/ rdzu 'phrul che ba zhig gnas pa des de gnyis la snying brtse ba'i phyir steng gi nam mkha' las 'ongs nas/ de gnyis kyi bar mtshams su 'dug go// de nas drang srong de mthong nas/ de gnyis kyi khro ba'i kun nas dkris pa med par gyur nas/ drang srong de la shas cher dga' bar gyur to// de gnyis dga' bar gyur nas/ drang srong de la smras pa bka' stsal pa ci mchis/ drang srong des smras pa/ kho na byang bar gyis shig/ rgyal po de gnyis kyis smras pa/ drang srong gis ji skad bka' stsal pa de bzhin du 'tshal lo zhes smras nas mjal du ma byas te/ drang srong gi rkang pa la phyag 'tshal nas/ chos mnyan pa'i phyir drang srong gi mdun du 'dug go// drang srong des kyang de gnyis la de dang 'thun pa'i chos bstan te/ des na rgyal po de gnyis kyi so so'i bu rab rgyal sar bcug nas/ drang srong de nyid kyi thad du rab tu byung ste/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe ka shi'i rgyal po tshangs pa byin dang / bi de ha'i rgyal po dang

  1098. 138a

    chen sder gyur pa gang yin pa de gnyis ni seng ge 'di gnyis kho na yin te/ de'i tshe yang ngas de gnyis kyi kho na byang bar byas nas rab tu byung ste/ bsam gtan bzhi dang / mngon par shes pa lnga bskyed do// da ltar yang ngas 'di gnyis kyi kho na byang bar byas nas/ mtho ris dang thar pa thob par byas so// gsol pa/ btsun pa 'di gnyis kyis las ci bgyis na/ las de'i rnam par smin pas seng ger skyes lags/ las ci bgyis na/ de nas shi 'phos nas lha'i nang du skyes la/ 'di gnyis kyis bcom ldan 'das mnyes par bgyis te/ mnyes par ma bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di gnyis dge bsnyen du gyur te/ kha mi mkhas la der 'di gnyis khros pas skye bo mang po la dud 'gro zhes bya ba'i tshig smras pa/ der 'di gnyis kyis tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems de'i tshe dge bsnyen du gyur pa gang yin pa de gnyis ni seng ge 'di gnyis kho na yin te/ deg

  1099. 138b

    kyis der skye bo mang po la dud 'gro zhes bya ba'i tshig brjod pa'i las de'i rnam par smin pas ni dud 'gror skyes so/ / de gnyis kyis der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa des ni/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes nas/ 'di gnyis kyis nga mnyes par byas te/ mi mnyes par ma byas pa 'di na 'das pa'i dus kyi las yin no// da ltar byung ba'i las gang zhe na/ de gnyis seng ger gyur nas/ ngal sems dga' bar byas pa des na/ lha'i nang du skyes te/ 'di ni da ltar byung ba'i las yin no// rIs bzung zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na nags khrod cig na ri dgas kyi rngon pa gcig gis ri dwags gshor ba'i phyir rgya dang / rI dang / mdzel rlubs dang / rnyong mang po dag btsugs nas/ der ri dgas mang po zhig bzung ngo // rngon pa de dag kyang nang par sngar langs te/ nags khrod der dong nas/ de dag gis der ri dgas ci zin pa rnams mdas 'phangs te bsad nas de dag las nyung shas cig lus so/ / de'i tshes phyogs der bcom ldan 'das kyang gshegs so// de nas ri dgas de rnams dang rngon pa de rnams kyis thag ring po zhig nas bcom ldan 'das mthong

  1100. 139a

    ngo / / mthong nas kyang bcom ldan 'das la shin tu dga' bar gyur to// dga' bar gyur nas/ rngon pa de dag bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de rnams kyi bsam pa dang / bag la nyal dang / khams dang shes pa dang / rang bzhin thugs su chud nas/ de dang 'thun pa'i chos bstan te/ des na rngon pa de rnams kyis stan de dag nyid la 'khod bzhin du rgyun du zhugs pa'i 'bras bu mngon sum du byas te/ de dag gis bden pa mthong nas gsol pa/ btsun pa bdag cag legs par gsungs pa'i chos dul ba la rab tu 'byung zhing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dag dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// ri dgas de rnams bcom ldan 'das la sems dga' bzhin du shi 'phos te dus las 'das nas lha'i nang du skyes so/ / lha'i bu 'am/ lha'i bu mo skyes ma thag pa ni chos nyid kyis sems rnam pa gsum

  1101. 139b

    skye bar 'gyur te/ bdag gang nas shi phos/ gang du skyes/ las gang gis skyes snyam mo// de nas dud 'gro las shi 'phos pa dang / lha'i nang du skyes pa dang / bcom ldan 'das la sems dga' bar gyur par de dag gis mthong ngo / / de nas de dag gis bsams pa/ bdag cag zhag lon nas gzod bcom ldan 'das blta ba'i phyir 'gro ba ni bdag cag gi cha ma yin gyi/ bdag cag zhag ma lon par bcom ldan 'das blta ba'i phyir 'gro'o snyam mo// de nas sngon ri dgas su gyur pa'i lha'i bu rna cha gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis sbas pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa de dag gis/ de nyid kyi mtshan mo d+ha me tog ut+pal dang / pad+ma dang / ku mu da dang / pad+ma dkar po dang / man+dA ra ba rnams kyis bru ba bkang ste/ rgyal bu rgyal byed kyi tshal thams cad 'od chen pos snang bar byas nas bcom ldan 'das la me tog gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis de dag la de dang 'thun pa'i chos bstan te/ de dag gis chos thos nas bden pa mthong bar gyur te/ de dag gis bden pa mthong nas/ rang gi gnas su dong ngo //

  1102. 140a

    de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig bcom ldan bdas blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa'am/ lha'i dbang po brgya byin nam 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig nga blta ba'i phyir 'ongs pa ma yin gyi/ dge slong khyed kyis nags khung dgon pa na/ ri dgas lnga brgya rngon pa rnams kyis mdas 'phangs te bsad pa mthong ngam/ gsol pa/ btsun pa mthong lags so// bka' stsal pa/ de dag nga la sems dga' bar gyur bzhin du shi 'phos nas/ dus las 'das pa las lha'i nang du skyes te/ lhur gyur nas nga'i thad du 'ongs te/ de dag la ngas chos bstan nas/ nga las chos thos pa des na/ de dag gis bden pa rnams mthong ste/ de dag gis bden pa mthong nas rang gi gnas su dong ngo // de nas dge slong rnams kyis bcom ldan 'das la zhus pa/ btsun pa rngon pa de dag gis las ci bgyis na/

  1103. 140b

    las de'i rnam par smin pas gdol pa'i rigs su skyes lags/ ri dgas de dag gis las ci bgyis na/ las de'i rnam par smin pas ri dgas su skyes nas/ 'di rnams kyis bcom/ ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di dag thams cad rab tu byung ste/ dge slong 'thab krol cad la mi mkhas pa sha stag tu gyur te/ dge slong dag der de rnams kyis gdol pa zhes bya ba'i tshig brjod do// kha cig gis dud 'gro zhes bya ba'i tshig brjod de/ gang dag gis dud 'gro zhes bya ba'i tshig brjod pa de dag ni dud 'gror skyes so// gang dag gis gdol pa zhes bya ba'i tshig brjod pa de dag ni gdol par skyes so// der tshe gcig tu tshangs par spyod pa spyad nas/ dbang po rnams yongs su smin par byas pa des ni/ da ltar rnam par grol bar gyur to// gong ma sreg ces bya ba ni/ bcom ldan 'das dge slong nyis brgya lnga bcu'i dge slong gi dge 'dun chen po dang / tshong pa lnga brgya dang / sprang po lnga brgya dang thabs gcig tu ljongs rgyu zhing gshegs pa las/ nags khrod gcig tu lam byung ste/ bcom ldan 'das gshegs pa'i tshe/ nags khrod de'i nang gi gnas su me chen po 'bar nas/ der skye bo phal po che dga' dzags shing skrag par gyur te/ bdag cag ni tshig zin no// bdag cag ni

  1104. 141a

    'tsho bar 'gyur ba'i skabs med do snyam mo/ / de nas bcom ldan 'das kyis skye bo phal po che dag 'jigs shing skrag pa gzigs so// gzigs nas kyang 'gron po de rnams kyi mdun logs su gshegs nas/ tshigs su bcad de bka' stsal pa/ sangs rgyas kun gyi stobs gang dang // dgra bcom rnams kyi stobs gang dang // sangs rgyas dkon mcho gzi brjid kyis/ / me khyod lam ni dbye bar gyis// sangs rgyas kun gyi stobs gang dang // dgra bcom rnams kyi stobs gang dang // dam chos dkon mchog gzi brjid kyis// me khyod lam ni dbye bar gyis/ / sangs rgyas kun gyi stobs gang dang // dgra bcom rnams kyi stobs gang dang // dge 'dun dkon mchog gzi brjid kyis// me khyod lam ni dbye bar gyis// bcom ldan 'das kyis de skad ces gsungs ma thag tu me zhi bar gyur nas/ tshong pa de dag bcom ldan 'das la shin tu dga' bar gyur to// dga' bar gyur nas/ chos mnyan pa'i phyir bcom ldan 'das kyi spyan sngar 'khod do/ / de nas bcom ldan 'das kyis de dang 'thun pa'i chos bstan te/ des na de dag gi nang nas kha cig gis dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon

  1105. 141b

    sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngom sum du byas so// kha cig gis ni rab tu byung nas dgra bcom pa nyid mngon sum du byas so/ / kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar gyur pa dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa/ yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te dkod do// de nas dge slong rnams kyis/ bcom ldan 'das la gsol pa/ btsun pa bcom ldan 'das kyis skye bo phal po che zhugs kyis tshig par 'gyur ba las thar par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas dud 'gro bal po che me'i 'jigs pa las bskyabs nas/ ji ltar 'jigs pa med pa'i gnas su bkod pa de nyon cig/ dge slong dag sngon byung ba 'das pa'i dus na/ nags khrod gcig na bya phal po che zhig gnas

  1106. 142a

    yA/ sa/ de nas rnags rjod shi sum pa la gci drud pa las mi byung bya dag rgyu nas na nus paden dang / 'thon nus pa dang gle rnas na sa bor ro/ / de'i tshe byang chub sems dpa' gong ma sreg tu skyes pa zhig yod de/ byang chub sems dpa' des thag ring po zhi ga nas me 'bar zhing 'ong ba mthong ngo // mthong nas kyang de sems can de dag la snying rje skyes te/ bdag gis sems can sdug bsngal dang phrad pa 'di rnams kyi phyir yang brtson 'grus ma bskyed na/ bdag gis sems can rnams 'khor ba las ji ltar bsgral bar bya snyam dubasams nas/ byang chub sems dpa' des 'dab ma chur spangs nas/ me chen po'i steng gi nam mkha' la 'dug ste/ 'dab ma sprugs nas tshigs su bcad de smras pa/ 'di dag 'dab ma yod mod kyi/ / 'di dgad dung 'phur mi nus// 'di dag rkang pa yod mod kyi// 'di dgad dung 'gro mi nus// 'di rnams pha ma 'phur te song // me khyod sdod lam 'gul zhig/ bden dang bden tshig gang yin pa/ / bdag gis byams sems rab bsgoms pa'i// bden pa'i tshig ni 'di yis ni// me khyod snod lam 'gul zhig/ de nas lha'i dbang po brgya byin gyis byang chub sems dpa' sems can gyi don gyi phyir mi dga' zhing 'dug pa mthong ngo / / mthong nas kyang des bsams pa/ 'di ni bskal pa bzang po'i byang chub sems dpa' yin te/ sems

  1107. 142b

    can la phan pa'i phyir mi dga' zhing 'dug gis/ ma la bdag gis grogs bya'o snyam nas/ lha'i dbang po brgya byin gyis char mo che ba pa ste/ me de zhi bar gyur nas/ sems can de dag thams cad me'i 'jigs pa las thar bar gyur to/ / dge slong dag ji snyam du sems/ de'i tshe bya gong ma sreg tu gyur pa byang chub sems dpa'i spyod pa la gnas pa gang yin de ni nga nyid yin no/ / de'i tshe nags khrod de na gnas pa'i sems can du gyur pa de dag ni skye bo phal po che 'di dag kho na yin te/ de'i tshe yang ngas de dag me'i 'jigs pa las thar bar byas te/ 'jigs pa med pa'i gnas su bkod do/ / da ltar yang ngas 'jigs pa las thar bar byas nas/ g.yung drung gi mthar thug pa 'grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi gsung rab la 'di dag thams cad kha cig ni rab tu byung ngo // kha cig ni dge bsnyen du gyur te/ der 'di rnams kyis tshegacig tu tshangs par spyod pa'i gnas bsrungs nas/ dbang po rnams yongs su smin par byas pa des na/ de ltar rnam par grol bar gyur to// pa zhes bya ba ni gleng ga ni rgyal po'i khab ni bzhugs te/ de'i tshe rgyal po'i khab na khyim bdag nor can zhes bya ba phyug cing nor mngal longs spyod che ba/ yongs su 'dzin pa yang shing rgya che ba/ rnam

  1108. 143a

    thos kyi bu'i nor dang mnyam pa/ rnam thos kyi ngu'i nor dang 'gran pa zhig gnas pa des/ thabs bla bab pa las chung ma blangs nas/ de de dang lhan cig rtse zhing dag la dga' dgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa/ mdog bzang po gser gyi gdog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa zhig btsas te/ khye'u de btsas ma thag tu/ skye bo phal po ches blta na sdug par gyur to// de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di bcas ma thag tu skye bo phal po ches blta na sdug par gyur pas na/ de'i phyir khye'u 'di'i ming blta na sdug ces gdags so zhes zer ro// de nas khye'u blta na sdug la 'o ma dang / zho dang / mar dang / zhun mar dang / mar gyi snying khus bskyed bsrings nas/ rgyal po'i khab thams cad du de'i grags pa rgyas par gyur to// de nas gang gi tshe bcom ldan 'das kyis bla na med pa'i ye shes brnyes nas mthar gyis gdul bar bya ba'i don mdzad cing rgyal po khyab tu byon pa de'i tshe/ der bcom ldan 'das kyis 'od ma'i tshal bzhes nas/ sems can stong phrag du ma skyabs su 'gro ba dang / bslab pa smi na

  1109. 143b

    rnams la bkod do/ / skye bo mang po de dag kyang sde tshan nas sde tshan dang / batshan nas pa tshan dang / dga' sde nas dga' sder dus dus su bcom ldan 'das blta ba'i phyir 'dong bar byed do// phyin chad khye'u de blta ba'i phyir 'dong bar mi byed do// de nas phyi zhig na khye'u blta na sdug gis dris pa/ sngan chad ni skye bo mang po 'di dgang blta ba'i phyir 'ong na/ da ni nga blta ba'i phyir mi 'ong ba ci las gyur/ de dag gis smras pa/ de dag ni da ltar bcom ldan 'das blta ba'i phyir 'dong bar byed do// khye'u sa dris pa/ bcom ldan 'das zhes bya ba de su zhig/ de nas pha ma gnyis kyis de la bcom ldan 'das kyi bsngags pa rgyas par brjod do/ / de nas de thos ma thag tu khye'u de ngo mtshar du gyur te/ bdag pas ches blta na sdug pa de ji lta bu zhig snyam nas/ pha ma gnyis la smras pa/ yab yum bdag bcom ldan 'das de blta ba'i slad du mchi bar 'tshal lo// pa ma gnyis kyis smras pa/ bu thabs gcig tu 'dong ngo zhes smras pas/ pha ma gnyis khye'u de khrid de 'od ma'i tshal du song nas/ khye'u des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyi legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis sbas pa lta bu/ blo gsal zhing dri ma med

  1110. 144a

    la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang bcom ldan 'das la mchog tu dga' ba skyes nas/ de la pha'i 'du shes kyang byung ste/ des pha pa zhes sgra phyung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pa tsam du 'dzin cing bcom ldan 'das kyi zhabs drung du 'dug go/ / de'i pha ma gnyis kyang bcom ldan 'das kyi zhabs la mgo bos phyag 'tshal nas/ chos mnyan pa'i phyir spyan sngar 'dug go// de nas bcom ldan 'das kyis de dag gi rkyen du 'tsham pa'i chos bstan nas/ cang mi gsung bar bzhugs so// de nas khyim bdag nor can dang / de'i chung mas bcom ldan 'das kyi gtam mjug rdzogs par rig nas/ khye'u de'i lag pa nas bzung ste 'gro zhes byas na/ khye'u bcom ldan 'das kyi thad nas 'bral bar ma nus so// de nas pha ma gnyis kyis bsams pa/ bcom ldan 'das bdag cag gyi khyim du spyan drangs nas/ thabs des na 'di bdag cag gi khyim du bkri nus par 'gyur ro snyam nas/ bcom ldan 'das ga la ba de logs su thal mo sbyar ba btud de/ bcom ldan 'das la di skad ces gsol to/ / dgung bdun gyi bar du bcom ldan 'das bdag cag gi khyim du bshos gsol bar ci gnang zhes byas so// de nas bcom ldan 'das kyis khyim

  1111. 144b

    bdag de la cang mi gsung bas gnang ngo / / de nas khyim bdag des bcom ldan 'das kyis cang mi gsung bas gnang bar rig nas/ chung ma la smras pa/ bzang mo song la bcom ldan 'das/ kyi zhal zas sta gon gyis shig/ bdag ni khye'u dang lhan cig 'dug go zhes byas nas/ khyim bdag de khye'u de dang lhan cig tu 'od ma'i tshal du mtshan mo dgongs mal btab bo// chung mas kyang de nyid kyi mtshan mo bza' ba dang bca' ba gtsang ma bzang po mang po sbyar nas/ nang par sngar langs ste gdan bshams nas/ chur bkang ste bzhag nas/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to// de nas bcom ldan 'das snga dro sham thabs dang chos gos gsol te/ lhung bzed bsnams nus/ dge slong mang pos zham ring byas te/ dge slong gi dge 'dun gyis mdun du bdar nas khyim bdag de'i bkad sa ga la ba der gshegs te byon nas/ bcom ldan 'das dge slong gi dge 'dun gyi gung la gdan bshams pa la bzhugs so// de nas khyim bdag des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas

  1112. 145a

    bcom ldan 'das bshos gsol zin te/ gsang sder ni gyu/ phyag ni bcabs par rig nas/ stan ches dma' ba zhig blangs te/ chos mnyan pa'i phyir 'khor dang bcas te bcom ldan 'das kyi spyan sngar 'khod do/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khyim bdag de 'khor dang bcas pas stan de dag nyid la 'khod bzhin du 'jig tshegs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhug pa'i 'bras bu mngon sum du byas so/ / de ltar bden pa mthong nas khye'u des pha ma gnyis la gsol te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa

  1113. 145b

    khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das byis pa stong phrag du ma mthong yang su yang 'di kho na ltar bcom ldan 'das la 'jar bar mi bgyid lags so// bcom ldan 'das kyis bka' stsal pa/ khye'u 'di ni nga'i 'das ma thag pa'i tshe rabs lnga brgyar bur gyur pas na/ sngon gyi bag chags de kho nas 'di nga la 'jar bar byed do// gsol pa/ khye'u 'dis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes te/ 'di gzugs bzang zhing blta na sdug la mdzes par gyur la/ 'dis bcom ldan 'das kyang mnyes par bgyis nas/ mi mnyes par ma bgyis te/ bcom ldan 'das kyi bstan pa la rab tu byung nas/ nyon mongs pa thams cad spangs te/

  1114. 146a

    dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang dag par rdzogs pa'i sangs rgyas 'khor ba 'jig gis bla na med pa'i ye shes brnyes nas/ rgyal po'i pho brang mdzes ldan du gshegs pa de'i tshe/ rgyal po mdzes pas yang dag par rdzogs pa'i sangs rgyas 'khor ba 'jig gi phyir gtsug lag khang rnam pa thams cad yongs su rdzogs pa zhig byas nas/ yang dag par rdzogs pa'i sangs rgyas 'khor ba 'jig la phul lo// rgyal po mdzes pa de'i lugs kyis na/ nyin gcig bzhin du 'khor dang bcas te gtsug lag khang du 'gro zhing gtsug lag khang byi dor byed do/ / de nas byi zhig na rgyal po mdzes pa de gtsug lag khang du song ba la/ bya ba zhig byung nas/ des bu thu bo bskos te/ deng khyod kyis

  1115. 146b

    gtsug lag khang gi byi dor gyis shig ces bsgo nas rgyal po song ngo / / de nas rgyal po'i bu 'khor dang bcas pa gtsug lag khang gi byi dor byed pa la zhugs pa las/ yang dag par rdzogs pa'i sangs rgyas 'khor ba 'jig gis/ ci nas rgyal po'i bu des nyi ma nub kyi bar du yang gtsug lag khang gi byi dor byed mi nus pa de ltar byin gyis brlabs nas/ de gtsug lag khang de nyid du dgongs mal btab bo/ / de der dgongs ma la btab nas/ dge slong rnams cho 'phrul dag byed pa yang mthong // brgya byin dang tshangs pa la sogs pa 'ong ba yang mthong ngo // de nas de mthong ma thag tu de bcom ldan 'das la shin tu dga' bar gyur nas/ gtsug lag khang de nyid na dge slong dag gi rim gro byed pa la brtson par gyur te/ phyir grong khyer du 'gro mi 'dod pa gyur to/ / de der lo lnga stong gi bar du dge slong rnams la rim gro byed cing 'dug ste/ byams pa'i ting nge 'dzin yang bskyed nas/ des tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ dge ba'i rtsa ba 'dis na bdag gang dang gang du skye bar 'gyur ba de dang der gzugs bzang zhing blta na sdug la mdzes bar gyur cig/ bdag gis ston pa 'di lta bu mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams

  1116. 147a

    cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe rgyal po'i bur gyur pa gang yin pa de ni khye'u 'di kho na yin te/ des der yang dag par rdzogs pa'i sangs rgyas 'khor ba 'jig gi nyan thos kyi dge 'dun rnams la bkur sti byas nas/ smon lam btab pa'i las de'i rnam par smin pas gang dang gang du skye ba de dang der byug cing nor mngal longs spyod che ba'i rigs su skyes te/ dge slong dgang yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// des der byams pa bsgoms pa'i las de'i rnam par smin pa des ni/ gang dang gang du skyes pa de dang der gzugs bzang zhing blta na sdug la mdzes par gyur to// gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ste/ der 'dis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// mi rgod ces

  1117. 147b

    bya ba ni/ gleng gzhi mnyan du yod pa na bzhugs te/ de'i tshe mnyan du yod pa dang rgyal po'i khab kyi bar mams na/ shing sA las nags khung na mi rgod lnga brgya tsam zhig khro zhing gnas te de dag de na 'khod pas/ skye bo mang po kha 'dog par byed do// de nas phyi zhig na der 'gron po mang po dag cig bcom nas tshong pa rnams rgyal po gsal rgyal gyi thad du dong ste/ rgyal po la gsol nas/ rgyal po gsal rgyal gyis/ bu 'phags skyes po dpung gi tshegs yan lag bzhi dang 'grogs te der btang nas mi rgod lnga brgya po de dag gson por bzung ste 'ongs nas rgyal po gsal rgyal la phul lo/ / de nas rgyal po gsal rgyal gyis mi rgod lnga brgya gsod du btang ste/ gshed ma rnams kyis mi rgod lnga brgya po de dag bsad pa'i sar khrod pa na/ sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs

  1118. 148a

    pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa la yongs su smin par bya// su ni dge ba'i rtsa ba rnams yongs su smin zin pa las ye shes kyi mtshon gyis brtol bar byasu la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// de nas bcom ldan 'das kyis mi rgod lnga brgya gdul ba'i dus la bab par

  1119. 148b

    dgongs nas/ rgyal bu rgyal byed kyi tshal nas mi snang bar gyur te/ rgyal po'i khab tu gshegs so// de nas rgyal po gsal rgyal gyis thag ring po zhi gnas bcom ldan 'das mthong ngo // mthong nas kyang bcom ldan 'das ga la ba der song ste byin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das ci la gshegs lags/ bcom ldan 'das kyis bka' stsal pa/ rgyal po chen po rigs kyi bu lnga brgya po de rnams ma gsod par thong zhig/ rgyal po gsol pa/ gal te rab tu 'byung na btang bar 'tshal lo zhes gsol nas/ de nas rgyal po gsal rgyal gyis mi rgod lnga brgya po de dag phyir bzlog ste/ bcom ldan 'das la phul lo// de nas bcom ldan 'das kyis de rnams rgyal bu rgyal byed kyi tshal du khrid nas rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ bcom ldan 'das la gsol pa/ pa bcom ldan 'das kyis mi rgod lnga brgya srog 'phangs pa stsal te/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das

  1120. 149a

    kyis bka' stsal pa/ da ltar baba' zhig ma yin te/ 'das pa'i dus na yang ngas rigs kyi bu lnga brgya po 'di rnams srog 'phangs pa byin te/ ji ltar bsam gtan bani dang / mngon par shes pa lnga la bkod pa de nyon cig/ dge slong dag sngon byung ba 'das pa'i dus na/ yul bi dwe ha zhes bya ba na/ rgyal po dbang chen sde zhes bya ba rgyal po byed de/ de nas phyi zhig na rgyal po des dpung gi tshogs yan lag bzhi go bskon nas/ ro dgas gshor du song ba las/ rgyal po de la blon po lnga brgyas glags btsal te/ de dag gis bsams pa/ de ni rgyal po 'di bdag cag gi lag na 'dug gis/ 'di na 'dug pa kho na'i tshe bdag cag gis 'di bsad do snyam mo// 'jig rten dag ni dgra dang thun gyi nang na 'dug ste/ der gzhan dag gis rgyal po la sbran nas/ de thos ma thag tu rgyal po dbang chen sde blon po lnga brgya po de dag gsod du btang ste/ de dag gshed ma rnams kyis khrid nas nags khrod cig tu zhugs te/ gsod ces byas pa las/ nags khrod de na drang srong gcig gnas te/ drang srong des blon po lnga brgya po de dag rgyal po dbang chen sde la gtong du bcug nas/ dka' thub kyi gnas su khrid de rab tu byung ngo / / rab tu byung nas de dag gis kyang bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub

  1121. 149b

    sems dpa'i spyod pa la gnas pa gang yin pa de ni nga nyid yin no/ / de'i tshe blon po lnga brgyar gyur pa de dag ni rigs kyi bu lnga brgya po 'di dag kho na yin te/ de'i tshe yang de dag gsod du btang ba las ngas srog 'phangs pa byin te/ bsam gtan bzhi dang / mngon par shes pa lnga la bkod do// da ltar yang 'di rnams pas srog byin nas g.yung drung gi mthar thug pa grub pa dang bde ba'i mya ngan las 'das pa la bkod do/ / gzhan yang yang dag par rdzogs pa'i sangs rgyas 'od srungs kyi bstan pa la 'di rnams rab tu byung nas/ 'di rnams kyis der tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// sha za zhes bya ba ni/ gleng gni rgyal po'i khaban bzhugs te/ de'i tshe mnyan du yod pa dang rgyal po'i khab kyi bar mtshams na sha za stong gnas te/ de dag gis de phyogs su 'grul bcad de/ yul ma ga d+ha dang / yul ko sa la'i skye bo mang po kha 'dog par byed do/ / de nas rgyal po gsal rgyal gyis/ rgyal po gzugs can snying po la pho nyas bzlugs te/ mnyan du yod pa dang rgyal po'i khab kyi bar mas sa na sha za stong gnas te// de dag de nas 'khod pas yul gnyis la gnod pa chen po byed pa khyod kyis shes sam/ bcom ldan 'das kyang khyod kyi khams na bzhugs na/ sha za de rnams kyi phyir khyod kyis bcom ldan

  1122. 150a

    'das la gsol ba'i rigs so zhes spring ngo / / de nas de thos ma thug tu rgyal po gzugs can snying po bcom ldan 'das ga la ba der song ste phyin nas/ bcom ldan 'das kyi gas la mgo bos phyag 'tshal te/ phyog gcig tu 'dug go// phyog gcig tu 'dug nas// bcom ldan 'das kyis rgyal po gzugs can snying po la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad de/ chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ cang mi gsung bar bzhugs so// de nas rgyal po gzugs can snying pos bcom ldan 'das kyi gtam gyi mjug rdzogs par rig nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das kyis klu ma rungs pa dga' bo dang / nye dga' la sogs pa yang btul/ gnod sbyin ma rungs pa 'brog gnas la sogs pa yang btul na/ yul ma ga d+ha dang yul ko sa la gnyis kyi bar mtshams na sha ba'i tshogs chen po gnas te/ de dag de na 'khod pas skye bo mang po la gnod pa bgyis na/ bcom ldan 'das kyis sha za'i tshogs de dag thugs brtse

  1123. 150b

    slad du gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo // de nas rgyal po gzugs can snying pos bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyis sha za de rnams gdul ba'i dus la bab par gzigs nas/ rgyal po'i kha ba nas mi snang bar gyur te/ sA la'i nags khung sha za rnams kyi 'dab tu gshegs so// de rnams kyis thag ring po zhig nas bcom ldan 'badas mthong ngo / / mthong nas kyang gzugs mi sdug par bsgyur te/ shugs chen pos bcom ldan 'das kyi thog tu brgyugs so// de nas bcom ldan 'das kyis 'jig rten pa'i thugs bskyed de/ kye ma rgyal po chen po rnam thos kyi bu gnod sbyin che bar grags so cog dang lhan cig tu nga blta ba'i phyir 'ongs na legs so snyam du dgongs nas/ bcom ldan 'das kyis thugs bskyed ma thag tu rgyal po chen po rnam thos kyi bu gnod sbyin che bar grags so cog dang lhan cig tu bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// de nas rgyal po chen po rnam thos kyi bu dang / gnod sbyin che bar grags so cog gzhan dag gis sha za'i tshogs rnams gtses nas/ de dag

  1124. 151a

    'jigs shing skrag ste/ phan tshun nu 'byer bar brtsams pa las/ bcom ldan 'das kyis de dag gdul ba'i bIr khor khor yug nas me chen po sprul nas/ de dag gis bdag cag nyid me chen pos 'khor bar mthong ste 'bros kyang ma nus nas/ bcom ldan 'das kyi zhabs drung 'ba' zhig zhi bar mthong ste/ sbubs tshol zhing bcom ldan 'das ga la ba der dong ste lhags nas/ bcom ldan 'das la bskor te 'khod do// de nas bcom ldan 'das kyis/ sha za rnams la bka' stsal pa/ khyed sngon gyi sdig pa mi dge ba'i las kyis sha za'i skye gnas dma' bar skyes la/ da ltar yang khyed skye bo mang po la gnod par byed na/ 'di nas shi 'phos na khyed kyi 'gro ba ni cir 'gyur/ skye gnas ni ci yin/ 'gro ba'i sa ni gang yin/ dag gis smras pa/ bcom ldan 'das kyis bdag cag la bka' ci stsal/ bcom ldan 'das kyis bka' stsal pa/ de phyin chad sdig pa'i las 'or la/ skyabs su 'gro ba dang / bslab pa'i gzhi rnams zung zhig/ sha za rnams kyis gsol pa/ bcom ldan 'das kyis bdag cag la bka' ji skad stsal pa de bzhin du 'tshal lo zhes gsol nas/ sha za de rnams kyis skyabs su 'gro ba dang / bslab pa'i gzhi rnams blangs te/ dbyin chad sdig pa'i las spangs so// de nas bcom ldan 'das kyis de dag la de dag dang 'tsham pa'i chos bstan nas/ shing sA

  1125. 151b

    la'i nags khung nas mi snang bar gyur te/ 'od ma'i tshal du gshegs so// sha za de rnams kyang bla na med pa'i lam la gnas par gyur nas/ phan tshun 'grul pa rnams la chu sbyin par byed do/ / kha zas kyang sbyin par byed do// lam stor ba rnams la yang lam ston par byed do// de nas yul ka shi dang / yul ko sa la'i mi rnams ngo mtshar du gyur te/ bcom ldan 'das kyis 'di ltar gdul dka' ba 'di dag btul to zhes 'dzer to/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis sha za 'di dag kyang btul te/ skyabs su 'gro ba dang / bslab pa'i gzhi rnams 'dzin du stsal/ skye bo phal po che la yang sman yon btags pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di rnams sdig pa'i las las bzlog ste/ ji ltar dge ba bcu'i las kyi lam la bkod pa de nyon cig/ dge slong dag sngon byung ba 'das pa'i dus na/ sa phyogs 'di nyid na sha za'i tshogs chen po gnas gnas te/ de dag 'di na gnas pas/ yul ka shaM dang / yul ko sa la'i mi rnams ma rung bar byed pa las rgyal po'i khab kyi grong khyer na dka' thub kyi gnas shig na drang srong zhig gnas te/ skye bo mang po de dag gis sha za de dag gdul ba'i phyir drang srong de la gsol ba btab nas/ drang srong des sha za de

  1126. 152a

    dag btul te/ dge ba bcu'i las kyi lam la bkod do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe sha zar gyur pa gang yin pa de dag ni sha za 'di dag kho na yin te/ de'i tshe yang ngas 'di dag btul te/ dge ba bcu'i las kyi lam la bkod do// daltar yang ngas 'di dag sdig pa'i las las zlog te/ dge ba bcu'i las kyi lam la bkod do// // bam po sum cu gsum pa/ dbang po'i mgo zhes bya ba ni/ gleng gzhi rgyal po'i khab na bzhugs te/ de'i tshe yul yangs pa can na/ 'phong gi slob dpon dbang po'i mchog ces bya ba/ 'phong gi rig pa thams cad kyi mthar phyin pa zhig gnas pa des litsa byi lnga brgya la 'phong gi rig pa bslabs nas/ de dag kyang de la mthar byin par gyur te/ stobs po cher yang gyur to// de nas phyi zhig na rgyal po'i khab na gnas pa rnams dang yangs pa can na gnas pa rnams 'gras par gyur to/ / rgyal po'i khab na gnas pa rnams kyis dpung gi tshogs yan lag bzhi go bskon nas/ g.yul 'gyed pa'i phyir yang ba can na gnas pa rnams kyi steng du drangs so/ / de nas 'phong gi slob dpon dbang po'i mgos rgyal po'i khab na gnas pa rnams kyis g.yul 'gyed pa'i phyir bdag cag gi steng du drangs so zhes thos so// thos nas

  1127. 152b

    / kyang g.yul 'gyed pa'i phyir 'khor lnga brgya dang bcas te rgyal po'i khab kyi dmag gi steng du drangs so// de dag gis drangs nas skye bo mang po kha btag ste/ de nas rgyal po'i khab kyi dmag rnams bros so/ / de bzhin du lan gnyis lan gsum nas/ lan lnga'i bar du rgyal po'i khab kyi skye bo mang po rnams kha btag go// de nas 'phong gi slob dpon dbang po'i mgos mi lnga stong mdas 'phangs te bsad do zhes thog thag tu grags so/ / de nas phyi zhig na rgyal po'i khab na gnas pa'i mi rnams kyis/ bcom ldan 'das la gsol te/ btsun pa dbang po'i mgo de ni bdag cag gi dgra ma lags pa'i dgra/ 'akran zla ma lags pa'i 'gran zla lags te/ btsun pa des ni mi lnga stong tsam kha btag lags na/ bcom ldan 'das kyis thugs brtse ba'i slad du dbang po'i mgo gdul bar gsol zhes byas so/ / de nas bcom ldan 'das kyis rgyal po'i khab kyi mi rnams la cang mi gsung bas gnang ngo // de nas rgyal po'i khab kyi mi rnams kyis bcom ldan 'das kyis cang mi gsung bas gnang bar rig nas/ bcom ldan 'das kyi thad nas dong ngo // de nas bcom ldan 'das kyis ci nas phyin chad dbang po'i mgo 'phong mi shes pa de lta bur byin gyis brlabs nas/ de rmongs par gyur to/ / ci'i phyir bdag 'di kho na ltar ma rung bar gyur snyam mo// de nas des ji ltar bcom ldan 'das rgyal po'i khab na bzhugs pa las/ dgyes bzhin du yangs pa can du gshegs pa

  1128. 153a

    thos nas des bsams pa/ bcom ldan 'das ni thams cad mkhyen pa/ thams cad gzigs pa yin pas/ de ci'i phyir bdag 'bong gi rig pa mi shes par gyur pa thug su chud do snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na dbang po'i mgos stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / bcom ldan 'das kyis bka' stsal pa/ dbang po'i mgo re zhig slob ma rnams sbron cig dang / de'i 'og tu khyod rab tu 'byung ba dang / bsnyen par rdzogs

  1129. 153b

    shing dge slong gi dngos por bya ba ni slebs so/ / des gsol pa/ bcom ldan 'das kyis bka' stsal pa bzhin du 'tshal lo zhes gsol nas/ bcom ldan 'das kyi thad nas song ste/ de yangs pa can du song nas/ li tsa byi lnga brgya po rnams ci nas de dag thams cad rab tu 'byung bar 'dod par 'gyur ba de lta bu'i chos bstan to// de nas de rnams kyis pha ma la gsol te/ dbang po'i mgo dang lhan cig tu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de dag gi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des/ na li tsa byi lnga brgya po de rnams kyis stan de dag nyid la 'khod bzhin tu 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de rnams kyis bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom/ ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na

  1130. 154a

    bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de rnams dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pa'i nyon mongs pa thams cad spangs nas dgra bcom pa nyid mngon sum du byas so/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis dbang po'i mgo/ la brten nas li tsa byi lnga brgya bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang dbang po'i mgo la sogs pa li tsa byi lnga brgya po 'di rnams ngas sdig pa las bzlog ste/ ji ltar dge ba las kyi lam la bkod pa de nyon cig/ dge slong dag sngon byung ba 'das pa'i dus na/ grong khyer gru 'dzin ces bya ba na/ rgyal po dbang chen zhes bya ba rgyal po byed do// de nas phyi zhig na rgyal po de'i btsun mo la bu chags nas/ de zla ba dgu 'am bcu lon pa dang / bu gzugs bzang zhing bstan sdug la mdzes pa/ mdog bzang ba/ gser gyi kha dog can/ mgo bog dug

  1131. 154b

    snar 'dug pa/ lag pa rung sa/ dpral ba'i dbyes rjeb/ sna mthob/ sna legs pa/ srin mjug pa zhig bcas so// de nas de 'i bcus skyon rgyas par byas nas/ khye'u dang ming ji skad gdags zhes ming 'dogs par byed de/ khye'u 'di dbang chen gyi bu yin pas na/ khye'u 'di'i ming dbang chen sde zhes gdags so zhes zer ro// de nas khye'u dbang chen sde 'o ma dang zho dang / mar dang / zhun mar dang / mar gyi snying khus bskyed bsrings te/ de gang gi che cher skyes pa de'i tshe/ khye'u de yige slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'bong dang / mdun du dz+ra ba dang / phyir bskur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang mtshon rtse gcig pa gdab pa dang / 'khor lo 'phang ba dang / gcod pa dang / gshog pa dang / lag pas gzung ba dang rkang pa'i stangs dang / mgong bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas

  1132. 155a

    lnga la byang bar gyur to/ / de nas des bltas na/ pa dang blon po lnga brgya po de rnams chos ma yin pas rgyal po byed nas/ des bsams pa/ bdag gis rgyal srid btang la dka' thub kyi nags tshal du 'gro bar bya'o snyam ste/ pha ma la gsol nas/ nags 'dab tu gnas bcas so// de nas byi zhig na de'i pha shi'o// de shi nas nyid 'og gi rgyal po dag gis yul du gnod pa byed pa la zhugs nas/ blon po rnams kyis bsams pa/ bdag cag jo bo med pa'i phyir/ nyid 'og gi rgyal po dag gnod pa byed kyis rgyal po'i sras spyan drangs te rgyal sar gzhug go snyam nas/ rgyal po'i bu de'i thad du blon po chen po song ste/ des rgyal po'i bu la smras pa/ jo bo khyod kyi yab nongs kyis tshur gshegs/ yab kyi rgyal srid pazhes su gsol des smras pa/ gal te khyod dge ba bcu'i las kyi lam la gnas par gyur na/ de'i 'og tu byas pas slebs so zhes byas nas/ des blon po chen po de dge ba bcu'i las kyi lam la gnas par byas so/ / blon po chen po des kyang blon po lnga brgya po de dag dge ba bcu'i las kyi lam la bkod do// de nas rgyal po'i bu de spyan drangs nas rgyal sar bcug go// de nas de der 'ongs pas/ yul khams na gnas pa'i skye bo mang po thams cad dge ba bcu'i las kyi lam la bkod do/ / dge slong dag ji snyam du sems/ de'i tshe rgyal por gyur pa byang chub sems dpa'i spyod

  1133. 155b

    pa la gnas pa gang yin pa de ni nga nyid yin no/ / de'i tshe blon po chen por gyur pa gang yin pa de ni dbang po'i mgo 'di kho na yin no// de'i tshe blon po lnga brgya por gyur pa gang yin pa de dag ni li tsa byi lA po 'di dag kho na yin te/ de'i tshe yang ngas dbang po'i mgo 'di kho na las brten nas blon po lnga brgya po rnams sdig pa las bzlog ste/ dge ba bcu'i las kyi lam la bkod do// da ltar yang ngas mi tsabyi lnga brgya po 'di rnams dbang po'i mgo 'di la brten nas sdig pa las bzlog ste/ g.yung drung gi mthar thug pa grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi bstan pa la 'di dag thams cad rab tu byung nas/ der 'di rnams kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// las brgya tham pa las sdom gyi tshigs su bcad pa dgu pa rdzogs so// / sdom ni/ brgya byin rgyal po rngon pa dang // / rmos pa dang ni bram ze gsum// khyab 'jug dang ni 'thab mo klu// shing gnyis dang ko'u sham bi// brgya byin zhes bya ba ni/ sum cu rtsa gsum pa'i lha rnams kyi nang na/ lha'i dbang po brgya byin sum cu rtsa gsum pa'i rgyal srid kyi mnga' bdag byed do/ / ches nyid kyis na lha'i bu 'chi 'pho ba'i tshe/ nye ba'i snga ltas lnga 'byung bar 'gyur te/ lha ni rang gi 'od dang ldan pa yin na/ de'i tshe 'od

  1134. 156a

    chung bar 'gyur ro/ / sum cu rtsa gsum pa'i lha rnams kyi gos dang / rgyan rnams dang / kos dang / rgyan gyi shing rnams dang / me tog dang 'bras bu'i shing rnams rlung gis bskyod nas/ yid du 'ong ba'i sgra 'byung ba yin na/ de'i tshe de dag gi sgra yid du mi 'ong ba 'byung bar 'gyur ro// lha rnams kyi lus la dri ma mi 'chags pa yin na/ de'i tshe de dag go lus la dri ma 'chags par 'gyur ro/ / lha rnams kyi mig mi 'dzums pa yin na/ de'i tshe de dag gi mig 'dzums par 'gyur ro// nye ba'i ltas lnga la ma gtogs pa/ 'chi 'pho ba'i lhas lnga/ 'byung bar 'gyur te/ gos rnams la dri ma mi 'chags pa las dri ma 'chags par 'gyur ro// me tog 'phreng rnams mi rnyis pa las rnyis par 'gyur ro// lus las dri nga ba 'byung bar 'gyur ro/ / mtshan khung gnyis las rdul 'byung bar 'gyur ro// lha'i bu 'chi 'pho ba na rang gi stan la 'dug mi 'dod par 'gyur ro// de nas phyi zhig na lha'i dbang po brgya byin la nye ba'i lhas lnga pa rnams byung ste/ des nye ba'i ltas de dag byung bar tshor nas/ tsher ma thag tu de shas cher 'jigs pa skyes te/ nga su la skyabs su 'gro bar bya/ su zhig gis bdag gnas 'di nas 'pho bar mi 'gyur bar nus shig gu snyam mo/ / de nas lha ma yin gyi bu mo bde sogs kyis sbas pa/ ko'u shi ka 'dzam bu'i gling du bzhud la/ dge sbyong dang bram ze khong dge ba'i rang bzhin

  1135. 156b

    can du bkur ba rnams la thabs ci zhig gis na/ bdag gnas 'di nas 'pho bar mi 'gyur zhes smos shig/ de dag nyid la skyabs su bzhud cig/ de nas de thos ma thag tu lha'i dbang po brgya byin lha ma yin gyi bu mo bde sogs dang lhan cig tu sum cu rtsa gsum pa'i lha'i nang nas mi snang bar gyur nas/ 'dzam bu'i gling du 'ongs te/ de dge sbyong dang / bram ze gzhan dang gzhan dag gi thad du song nas/ thabs ci zhig gis na lha'i bu 'chi 'pho bar 'gyur ba las/ 'chi 'pho bar mi 'gyur zhes dris na/ de dag gis de nyid la khyod su yin zhes phyir dris so// des smras pa/ lha'i dbang po brgya byin yin no// de nas de dag gi ni de las dga' ba dang / mchog tu dga' ba skyes te/ bdag cag la lha'i dbang po brgya byin ltar 'ongs pa 'di ni bdag cag gis rnyed do legs par rnyed do zhes zer nas/ de dag de la skyabs su 'gro bar byed do// de nas lha'i dbang po brgya byin 'di snyam du sems te/ 'di ltar bdag ni 'di rnams la 'dri bar 'dod cing skyabs su 'gro bar 'dod pa las/ 'di dag bdag la skyab su 'gro bar byed na/ bdag dge sbyong dang bram ze 'di dag lta bu la dri ci dgos snyam nas re thag chad de/ de dag la re ba med par gyur to// de nas de'i skabs su byang chub sems dpa' dga' ldan gyi gnas na bzhugs pas/ gzigs pa bzhis 'jig rten la gzigs nas/ 'dod pa na spyod pa'i ris drug tu tshig tu rjod cing kun tu spa bsgrags te/ grogs po dgang ni 'dzam bu'i gling du nyid

  1136. 157a

    mtshams sbyor ba len cing 'gro ba rnams kyang bdud rtsis tshim par byed kyis/ khyed las su bdud rtsi 'dod pa de dag 'dzam bu'i gling du nying mtshams sbyor ba long zhig dang / der ngas khyed la bdud rtsi'i bgo bsha' bya'o zhes byas nas/ byang chub sems dpas yum gyi lhums su nying mtshams kyi sbyor ba blangs so// de nas lha'i dbang po brgya byin gyis bsams pa/ bdag gis dge sbyong dang bram ze rnams la bsnyen bkur bya ci dgos/ byang chub sems dpa' 'dis yum gyi lhums su nying mtshams sbyor ba blangs pas na/ de gang gi tshe bltams pa de'i tshe bdud rtsi rtogs par 'gyur bas/ de'i 'og tu bdag gis bsnyen bkur bya'o snyam nas/ des lha'i bu bzhi de'i srungs mar btang ngo // bdag nyid kyang dus dus su byang chub sems dpa'i thad du/ bsrung ba'i phyir 'gro bar byed do// bltams pa'i mod la yang bdag nyid kyis blangs so// sku cher skyes pa'i tshe yang des skyo ba bskyed de/ nges par 'byung bar bya ba'i phyir brtson pa byas so// byang chub kyi snying por yang bsrung ba'i phyir song ngo / / de nas gang gi tshe byang chub sems dpas bla na med pa'i ye shes brnyes pas/ lnga sde dang / nye ba'i lnga sde dang / grong gi byis pa bstod rims lnga bcu dang / b.rang sde'i chan rnams btul ba dang / dga' ba dang / dga' stobs bden pa rnams la bkod pa dang / lteng rgyas 'od srungs dang / chu grung 'od srungs spun rab tu byung ba dang / g.yar gshegs

  1137. 157b

    nas cho 'phrul rnam pa gsum bstan pa dang / 'od ma'i nags khrod du rgyal po gzugs can snying po dang / lha brgyad khri dang / yul ma ga d+ha'i bram ze dang / khyim bdag stong phrag du ma bden pa rnams la bkod pa de'i tshe/ lha'i dbang po brgya byin gyis bsams pa/ da dung 'di ni bdag gis bcom ldan 'das la zhu ba lung bstan pa zhu ba'i dus ma yin no snyam mo// de nas gang gi tshe bcom ldan 'das kyis rgyal po gzugs can snying po bden pa rnams la gnas par byas nas/ rgyal po'i khab tu gshegs te/ 'od ma'i tshal bzhes nas dge slong shA ri'i bu dang / mo'u 'gal gyi bu gnyis rab tu phyung ste/ bstan pa rgyas par mdzad nas/ de'i tshe sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/

  1138. 158a

    suni da/ sun dang/ su ni 'phongs shing 'dug/ su ni 'amang bar gyur/ su ni gnod pa dang ldan/ su ni baphongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du dab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin brin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go// rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis dgongs pa/ bdag gis lha'i dbang po brgya byin 'khor brgyad khri dang bcas ba bden pa rnams la dgod par bya dgos so snyam du dgongs nas/ bcom ldan 'das rgyal po'i khab nas mi snang bar gyur to// rgyal po'i khab kyi lho phyogs na/ bram ze'i grong a mra'i nags khrod

  1139. 158b

    ces bya ba de'i byang phyogs na/ ri bi de ha'i dbang po'i brag phug tu gshegs nas/ me'i khams la snyoms par zhugs so// de'i tshe lha'i dbang po brgya byin gyis bsams pa/ da ni bdag gis bcom ldan 'das la zhu ba lung bstan pa zhu ba'i dus la bab bo snyam nas/ lha'i 'khor brgyad khri dang / lha ma yin gyi bu mo bde sogs dang / dri za'i bu zur phud lnga pa dang / lhan cig tu sum cu rtsa gsum pa'i lha'i nang nas mi snang bar gyur te/ ri bo de gal 'khod nas/ der lha'i dbang po brgya byin dang / de ma yin pa'i lha stong phrag du ma'i kha dog gi mthus ri'i de thams cad snang ba chen pos khyab par gyur to/ / de nas lha'i dbang po brgya byin dbang po'i brag phug tu zhugs nas/ bcom ldan 'das me'i khams la snyoms par zhugs pa mthong ngo // mthong nas kyang des bsams pa/ sangs rgyas bcom ldan 'das me'i khams la snyoms par zhugs pa las na/ yang bdag bcom ldan 'das blta ba'i phyir 'gro ba dang / blta ba dang bsnyen bkur bya ba'i dus la ma bab bo snyam nas/ thang cig cang mi zer bar 'dug nas/ dri za'i bu gtsug phud lnga pa la smras pa/ bu gtsug phud lnga pa khyod kyis bcom ldan 'das sngar bzhengs par byed nus sam/ de ltar byas dang / de'i 'og tu bdag cag blta ba'i phyir 'gro ba dang / bsnyen bkur bya ba sla bar 'gyur ro// gtsug phud lnga pas smras pa/ ko'u shi ka

  1140. 159a

    bdag gis nus ches so zhes smras nas/ g.yog 'khor lnga brgya dang bai DUR+Ya'i pi wang blangs nas/ bcom ldan 'das gal ba der song ste byin nas gtso bo la 'os pa dang dgra bcom pa la 'os pa'i tshigs su bcad pa de dag gis bcom ldan 'das bzhed par gsol nas/ lha'i dbang po brgya byin ga la ba der song ste phyin nas/ lha'i dbang po brgya byin la 'di skad ces smras so/ / ko'u shi ka bcom ldan 'das bzhengs lags te/ khyod kyis bcom ldan 'das bltar 'gro ba dang / bsnyen bkur bya ba'i dus la bab bo// de nas bcom ldan 'das kyis dgongs pa/ kye ma dbang po'i brag phug 'di ni dog ches la/ lha'i 'khor ni mang ches kyis/ mal bdag gis phug 'di ci nas lha'i dbang po brgya byin 'khor dang bcas pa bde blag tu chos nyan pa'i 'khod bu yod pa de lta bur byin gyis brlab par bya'o snyam du dgongs nas/ bcom ldan 'das kyis dbang po'i brag phug yang par byin gyis brlabs so/ / de nas lha'i dbang po brgya byin lha ma yin gyi bu mo bde sogs dang / lha brgyad khri dang thabs gcig tu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug nas/ lha'i dbang po brgya byin gyis/ gtam rgyud lnga ma'i don bcom ldan 'das la gsol nas brgya byin gyis

  1141. 159b

    zhu ba zhus pa/ btsun pa lha rnams dang / mi rnams dang / lha ma yin rnams dang / klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ci lags/ bcom ldan 'das kyis bka' stsal pa/ ko'u shi ka lba rnams dang / mi rnams dang / lA ma yin rnams dang / klu rnams dang // nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ni phrag dog dang ser sna yin te/ de dag 'di snyam du kye ma bdag kho na med pa dang / 'gran zla med pa dang / gnod pa med pa dang / 'thab mo med pa dang / mtshang 'dru ba med pa dang / 'gyed pa med pa dang / rtsod pa med pas gnas par bya'o snyam sems mod kyi/ 'on kyang de dag ni kho na dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / mtshang 'dru ba dang bcas pa dang / 'gyed pa dang bcas pa dang / rtsod pa dang bcas pas gnas so// brgya byin gyis gsol ba/ btsun pa de ni de lags so// de ni de lags te/ lha rnams dang / pi rnams dang / lha ma yin rnams dang / klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ni phrag

  1142. 160a

    dog dang ser sna lags ste/ de dag 'di snyam du kye ma bdag khon med pa dang / 'gran zla med pa dang / gnod pa med pa dang / 'thab mo med pa dang / mtshang 'dru ba med pa dang / 'gyed pa med pa dang / rtsod pa med pas gnas par bya'o snyam du sems mod kyi/ 'on kyang de dag ni kho na dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / ma tshang 'dru ba dang bcas pa dang / 'gyed pa dang bcas pa dang / rtsod pa dang bcas pas gnas so// bcom ldan 'das kyis bka' stsal ba'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yid rang nas/ bcom ldan 'das la zhu ba phyi ma zhus pa/ btsun pa phrag dog dang ser sna'i gzhi na lags/ kun 'byung ba ni ci lags/ rnam pa ni ci lags/ ci las ni skye lags/ gang mchis na phrag dog dang ser sna 'byung bar 'gyur lags/ gang ma mchis na phrag dog dang ser sna 'byung bar mi 'gyur lags/ bcom ldan 'das kyis bka' stsal pa/ ko'u shi ka phrag dog dang ser sna'i gzhi ni dga' ba dang mi dga' ba'o// kun 'byung ba ni dga' ba dang mi dga' ba'o//

  1143. 160b

    rnam pa ni dga' ba dang mi dga' ba'o// skye ba ni dga' ba dang mi dga' ba ste/ dga' ba dang mi dga' ba yod na/ phrag dog dang ser sna 'byung bar 'gyur la/ dga' ba dang mi dga' ba med na// phrag dog dang ser sna 'byung bar mi 'gyur ro// brgya byin gyis gsol pa// btsun pa de ni de lags so// phrag dog dang ser sna'i gzhi ni dga' ba dang mi dga' ba lags so// kun 'byung ba na dga' ba dang mi dga' ba lags so/ / rnam pa ni dga' ba dang mi dga' ba lags so// skye ba ni dga' ba dang mi dga' ba lags te/ dga' ba dang mi dga' ba mchis na/ phrag dog dang ser sna 'byung bar 'gyur la/ dga' ba dang mi dga' ba ma mchis na/ phrag dog dang ser sna 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa dga' ba dang mi dga' ba'i gzhi ni ci lags kun 'byung ba ni ci lags/ rnam pa ni ci lags/ ci las ni skye lags/ gang mchis na dga' ba dang mi dga' pa 'byung bar 'gyur lags/ gang ma mchis na dga' ba dang mi dga' ba 'byung bar mi 'gyur ba lag

  1144. 161a

    bcom ldan 'das kyis bka' stsal pa/ ko'u shi ka dga' ba dang mi dga' ba'i gzhi ni 'dun pa'o// kun 'byung ba ni 'dun pa'o// rnam pa ni 'dun pa'o// skye ba ni 'dun pa'o// 'dun pa yod na dga' ba dang mi dga' ba 'byung bar 'gyur la/ 'dun pa med na dga' ba dang mi dga' ba 'byung bar mi 'gyur ro// brgya byin gyis gsol pa btsun po de ni de lags so/ / de ni de lags te/ dga' ba dang mi dga' ba'i gzhi ni 'dun pa legs so// kun 'byung ba ni 'dun pa lags so// rnam pa ni 'dun pa lags so// skyo nga ni 'dun pa lags te/ 'dun pa mchis na dga' ba dang mi dga' ba 'byung bar 'gyur la/ 'dun pa ma mchis na dga' ba dang mi dga' ba 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa 'dun pa'i gzhi ni ci lags/ kun 'byung ba ni ci lags/ rnam pa ni ci lags/ ci las ni skye lags/ gang mchis na 'dun pa 'byung bar 'gyur la/ gang ma mchis na 'dun pa 'byung bar mi 'gyur lags bcom

  1145. 161b

    ldan 'das kyis bka' stsal pa/ ko'u shi ka 'dun pa'i gzhi ni rtog pa'o// kun 'byung ba ni rtog pa'o// rnam pa ni rtog pa'o// skye ba ni rtog pa ste/ rtog pa yod na 'dun pa 'byung bar 'gyur la/ rtog pa med na 'dun pa 'byung bar mi 'gyur ro// lha'i dbang po brgya byin gyis gsol pa/ btsun pa de ni de lags so// de ni de lags te/ 'dun pa'i gzhi ni rtog pa lags so/ / kun 'byung ba ni rtog pa lags so// rnam pa ni rtog pa lags so// skye ba ni rtog pa lags te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa rtog pa'i gzhi ni ci lags/ kun 'byung ba ni ci lags/ rnam pa ni ci skye lags ci las ni skye lags/ gang mchis na rtog pa 'byung bar 'gyur la/ gang ma mchis na rtog pa 'byung bar mi 'gyur lags/ bcom ldan 'das kyis bka' stsal pa/ ko'u shi ka rtog pa'i gzhi ni spros pa'o/ / kun 'byung ba ni spros pa'o// rnam pa ni spros pa'o// skye ba ni spros pa ste/ spros pa yod na rtog pa 'byung bar 'gyur la/ spros pa med na rtog pa 'byung bar mi 'gyur ro//

  1146. 162a

    ko'u shi ka de ltar na spros pa yod na rtog pa 'byung bar 'gyur ro// rtog pa yod na 'dun pa 'byung bar 'gyur ro// 'dun pa yod na dga' ba dang mi dga' ba 'byung bar 'gyur ro/ / dga' ba dang mi dga' ba yod na phrag dog dang ser sna 'byung bar 'gyur ro// phrag dog dang ser sna yod na/ dbyug pa thogs pa dang / mtshon cha thogs pa dang / 'thab pa dang mtshang 'dru ba dang / 'gyed pa dang / rtsod pa dang / g.yo byed pa dang / 'drid pa dang / chad pas gcod pa dang / brdzun zer ba dang / sdig pa mi dge ba'i chos rnam pa du ma 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro// de ltar na spros pa med na rtog pa 'byung bar mi 'gyur ro// rtog pa med na 'dun pa 'byung bar mi 'gyur ro/ / 'dun pa med na dga' ba dang mi dga' ba 'byung bar mi 'gyur ro// dga' ba dang mi dga' ba med na/ phrag dog dang ser sna 'byung bar mi 'gyur ro// phrag dog dang ser sna med na dbyug pa thogs pa dang / mtshon cha thogs pa dang / 'thab pa dang / mtshang 'dru ba dang / 'gyed pa dang / rtsod pa dang / g.yo byed pa dang / 'drid pa dang chad pas gcod pa dang / brdzun zer ba dang / sdig pa mi dge ba'i chos rnam pa du ma 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro//

  1147. 162b

    lha'i dbang po brgya byin gyis gsol pa/ btsun pa de ni de lags so// de ni de lags te/ rtog pa'i gzhi ni spros pa lags so// kun 'byung ba'i gzhi ni spros pa lags so// rnam pa ni spros pa lags so// skye ba ni spros pa lags so// spros pa mchis na rtog pa 'byung bar 'gyur la/ spros pa ma mchis na rtog pa 'byung bar mi 'gyur te/ bcom ldan 'das kyis bka' stsal pa'i don 'dir bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas bcom ldan 'das kyis bka' stsal pa la mngon par bstod cing rjes su yi rang nus/ bcom ldan 'das la zhu ba phyi ma zhus pa/ btsun pa spros pa 'gag par 'gyur ba'i lam zhes gsungs na/ btsun pa spros pa 'gag par 'gyur ba'i lam gang lags/ dge slong gang la zhugs na/ spros pa 'gag par 'gyur ba'i lam la zhugs pa gang lags/ bcom ldan 'das kyis bka' stsal pa/ ko'u shi ka spros pa 'gag par 'gyur ba'i lam ni/ 'phags pa'i lam yan lag brgyad pa yin te/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang yang dag pa'i 'tshe ba dang / yang dag pa'i rtsol ba dang / yang dag pa'i dran pa dang / yang

  1148. 163a

    dag pa'i ting nge 'dzin to/ / 'di ni spros pa 'gog par 'gyur ba'i lam zhes bya ste/ de lta bu la zhugs pa'i dge slong ni spros pa 'gog par 'gyur ba' lam la zhugs ba zhes bya'o/ / lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa ni de lags te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gi so sor thar pa'i sdom pa'i rgyu chos du zhig mchis lags/ bcom ldan 'das kyis bka' stsal pa/ ko'u shi ka spros pa 'gog par 'gyur ba'i lam la zhug pa'i dge slong gi so sor thar pa'i sdom pa'i rgyu ni chos drug yod de/ drug gang zhe na/ mig gis shes par bya ba'i gzugs rnams dang / rna bas shes par bya ba'i sgra rnams dang / sdes shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams so// s

  1149. 163b

    hi ka mig gis shes par bya ba'i gzugs rnams la yang bsten par bya ba dang / bsten par bya ba ma yin pa rnam pa gnyis yod de/ de la mig gis shes par bya ba'i gzugs gang yin pa rnams bsgrubs te gnas par bya ba'i 'os ma yin par ngas shes nas/ de dag nges par spang bar bya'o zhes ba zer ro// mig gis shes par bya ba'i gzugs gang yin pa rnams bsgrubs te gnas par 'os pa ni bsten par bya'o zhes nga zer ro/ / de la de bzhin gshegs pa ni de'i lung bstan pa la dus mkhyen par bstan to// de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la yang bsten par bya ba dang bsten par bya ba ma yin pa rnam pa gnyis yod do zhes nga zer ro/ / de la yid kyis shes par bya ba'i chos bsgrubs te gnas par bya ba'i 'os ma yin par shes par bya ba gang yin pa de dag ni mngon du nges par spang ba yin no zhes nga zer ro/ / de la yid kyis shes par bya ba'i chos bsgrubs te gnas par bya ba'i 'os yin par shes pa gang yin pa de dag ni de'i skabs su de bzhin gshegs pas bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes zer ro// lha'i dbang po brgya byin gyis gsol pa/ btsun pa de ni de lags so//

  1150. 164a

    de ni de lags te/ spros pa 'gog par 'gyur ba'i lam la zhugs pa'i dge slong gi so sor thar pa'i sdom pa'i chos drug mchis te/ mig gis shes par bgyi ba'i gzugs rnams dang / rna bas shes par bgyi ba'i sgra rnams dang / snas shes par bgyi ba'i dri rnams dang / lces shes par bgyi ba'i ro rnams dang / lus kyis shes par bgyi ba'i reg bya rnams dang / yid kyis shes par bgyi ba'i chos rnams lags te/ de la btsun pa mig gis shes par bgyi ba'i gzugs rnams la yang bsten par bgyi ba dang / bsten par bgyi ba'i 'os ma lags pa rnam pa gnyis mchis zhes khyed sung ste/ de la mig gis shes par bgyi ba'i gzugs rnams bsgrubs te gnas par bgyi ba'i 'os ma lags par shes pa gang lags pa de dag gis mngon du nges par spang ba lags so zhes khyed gsung ba de la/ mig gis shes par bgyi ba'i gzugs rnams bsgrubs te gnas par bgyi ba'i 'os dpags par shes pa gang lags pa de dag nide'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin du ldan pas bsgrub par bya'o zhes khyod gsung yid kyis shes par bgyi ba'i chos rnams kyi bar du yang de bzhin du sbyar te/ bcom ldan 'das kyis bka' stsal pa'i don 'di de bzhin du bdag gis rtogs te/ mig gis shes par bgyi ba'i gzugs ji lta bu dag bsnyen

  1151. 164b

    na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i mig gis shes par bgyi ba'i gzugs rnams ni bsten par ma bya'o zhes khyod gsung / mig gis shes par bgyi ba'i gzugs ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i mig gis shes par bgyi ba'i gzugs rnams ni bsten par bya'o zhes khyod gsung / de bzhin du rna bas shes par bgyi ba'i sgra rnams dang / snas shes par bgyi ba'i dri rnams dang / lces shes par bgyi ba'i ro rnams dang / lus kyis shes par bgyi ba'i reg bya rnams dang / yid kyis shes par bgyi ba'i chos rnams ji lta bu dag bsten na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid kyis shes par bgyi ba'i chos rnams ni bsten par mi bya'o zhes khyod gsung / yid kyis shes par bgyi ba'i chos ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid kyis shes par bgyi ba'i chos rnams ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i

  1152. 165a

    dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i pham la zhugs pa'i dge slong gis chos du zhig ni spang bar bgyi/ shu la ni brtson par bgyi/ bcom ldan 'das kyis bka' stsal pa/ ko'u shi ka spros pa 'gog par 'gyur ba'i lam la zhugs pa'i dge slong gis chos gsum ni spang bar bya'o// chos gsum la ni brtson par bya ste/ 'di lta ste/ gang gis tshig dang / rtog pa dang / dpyod pa'o// ko'u shi ka tshig la yang bsten par bya ba dang / bsten par bya ba ma yin pa rnam pa gnyis yod do zhes nga zer ro// de la tshig bsgrubs te gan par bya ba'i 'os yin par shes pa gang yin pa dag ni mngon du nges par spang bar bya'o zhes nga zer ro/ / de la tshig bsgrubs te gnas par bya ba'i 'os yin par shes pa gang yin pa de dag ni de'i skabs su de bzhin gshegs pas de bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro// ko'u shi ka rtog par dpyod pal yang bsten par bya ba dang / bsten par bya ba ma yin pa rnam pa gnyis yod do zhes zer ro// de la rtog pa dang dpyod pa bsgrubs te gnas par bya ba'i 'os ma yin par shes pa gang yin pa

  1153. 165b

    de ni mngon du nges par spang bar bya'o zhes nga zer ro/ / de la dpyod pa bsgrubs te gnas par bya ba'i 'o sa yin par shes pa gang yin pa de dag ni de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhesang zer ro// lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa'i dge slong gis chos gsum ni spang bar bgyi/ chos gsum la ni brtson par bgyi ste/ 'di lta ste/ gang gi tshig dang rtog pa dang / dpyod pa'o// btsun pa tshig kyang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/ de la tshig bsgrubs te gnas par bgyi ba'i 'os ma lags par shes pa gang lags pa de ni mngon du nges par spang bar bya'o zhes khyod gsung / de la tshig bsgrubs te gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung ngo // btsun pa rtog pa dang dpyod pa yang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/ de la rtog pa dang dpyod pa bsgrubs te gnas par bgyi ba'i

  1154. 166a

    'os ma lags par shes pa gang lags pa de dag ni mngon du nges par spang bar legs so zhes khyod gsung / de la dpyod pa bsgrubs te gnas par bgyi ba'i 'os lags par shes pa gang lags pa de dag ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ tshig ji lta bu dag bsten na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i tshig ni bsten par mi bya'o zhes khyod gsung / tshig ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i tshig rnams bsten par bya'o zhes khyod gsung / rtog pa dang dpyod pa ji lta bu dag bsten na/ de'i mi dge ba'i chos rnams mngon par 'phel bar 'gyur la/ dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i rtog pa dang dpyod pa ni bsten par mi bya'o zhes khyod gsung / rtog pa dang dpyod pa ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i rtog pa dang

  1155. 166b

    dpyod pa rnams ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs pas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gi lus rnam pa du zhig na/ rnam pa gnyis mchis zhes gsung / bcom ldan 'das kyis bka' stsal ko'u shi ka spros pa 'gog par 'gyur ba'i lam la zhugs pa'i dge slong gi lus rnam pa gsum la/ rnam pa gnyis yod do zhes zer te/ yid bde ba'i lus dang / yid mi bde ba'i lus dang / btang snyoms kyi lus so// ko'u shi ka de'i yid bde ba'i lus kyang bsten par bya ba dang / bsten par bya ba ma yin pa rnam pa gnyis yod do zhes zer ro// de la yid bde ba'i lus bsgrubs te gnas par bya ba'i 'os ma yin par shes pa gang yin pa de ni mngon du nges par spang bar bya ba yin no zhes ngazer ro/ / de la yid bde ba'i lus bsgrubs te gnas par bya 'di 'os yin par shes pa gang yin pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes zer

  1156. 167a

    ro/ / ko'u shi ka yid mi bde ba'i lus dang / btang snyoms kyi lus kyang bsten par bya ba dang / bsten par bya ba ma yin pa'i rnam pa gnyis yod do zhes ba zer ro// yid mi bde ba'i lus dang / btang snyoms kyi lus bsgrubs te gnas par bya ba'i 'os ma yin par shes pa gang yin pa de ni mngon du nges par spang bar bya ba yin no zhes ngazer ro// de la yid mi bde ba'i lus dang / btang snyoms kyi lus bsgrubs te gnas par bya ba'i 'os yin par shes pa gang yin pa de ni/ de'i skabs su de bzhin gshegs pas de lung bstan pa'i dus mkhyen nas dran pa dang shes bzhin dang ldan pas bsgrub par bya'o zhes ngazer ro/ / lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa'i dge slong gi lus rnam pa gsum la/ rnam pa gnyis mchis so zhes khyod gsung ste/ yid bde ba'i lus dang / yid mi bde ba'i lus dang btang snyoms kyi lus so/ / btsun pa yid bde ba'i lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ de la yid bde ba'i lus bsgrubs te gnas par bgyi ba'i 'os ma lags par shes pa gang lags pa de ni mngon du nges par spang ba lags so zhes khyod gsung / de la yid bde ba'i lus bsgrubs te/

  1157. 167b

    gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung / yid mi bde ba'i lus dang / btang snyoms kyi lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ la yid mi bde ba'i lus dang / btang snyoms kyi lus bsgrubs te gnas par bgyi ba'i 'os ma lags par shes pa gang lags pa de ni mngon du nges par spang bar bgyi ba lags so zhes khyod gsung / de la yid mi bde ba'i lus dang / btang snyoms kyi lus bsgrubs te gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'i zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ yid bde ba'i lus ji lta bu dag bsten na de'i mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid bde ba'i lus ni bsten par mi bya'o zhes byed gsung / yid bde ba'i lus ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid bde

  1158. 168a

    ba'i lus ni bsten par bya'o zhes khyod gsung / yid mi bde ba'i lus dang / btang snyoms kyi lus ji lta bu dag bsten na/ de'i mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid mi bde ba'i lus dang / btang snyoms kyi lus ni bsten par mi bya'o zhes khyod gsung / yid mi bde ba'i lus dang btang snyoms kyi lus ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid mi bde ba'i lus dang btang snyoms kyi lus ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// / / bam po sum cu bzhi pa/ de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la nub phyi ma zhus pa/ btsun pa sems can thams cad 'dod pa gcig pa dang / 'dun pa gcig pa dang / dad pa gcig pa dang / bsam pa gcig pa lags sam/ bcom ldan 'das kyis bka' stsal pa/ ko'u shi ka sems can thams cad ni 'dod pa gcig pa dang / 'dun pa gcig pa dang / dad

  1159. 168b

    pa gcig pa dang / bsam pa gcig pa ma yin no// ko'u shi ka 'jig rten 'di dag ni khams tha dad pa yin gyi/ khams gcig pa ma yin te/ de dag ni khams gang dang gang 'dzin pa de dang de nan gyis/ mchog tu 'dzin cing mngon par zhen nas/ rjes su spyod par byed de/ 'di ni bden gyi/ gzhan ni gti mug pa'o snyam du sems so// ko'u shi ka gal te 'jig rten 'di dag khams tha dad pa dang khams dum pa ma yin du zin na/ sems can 'di dag khams gang dang gang 'dzin pa de dang de nan gyis mchog tu 'dzin cing mngon par zhen nas/ rjes su spyod par byed de/ 'di ni bden gyi gzhan ni gti mug pa'o snyam du mi sems pa zhig na/ gang gi phyir 'jig rten 'di dag khams tha dad pa dang / khams dum pa yin te/ de'i phyir sems can 'di dag khams gang dang gang 'dzin pa de dang de nan gyis mchog tu 'dzin cing / mngon par zhen nas rjes su spyod par byed de/ 'di ni bden gyi/ gzhan ni gti mug pa'o snyam du sems so// lha'i dbang po brgya byin gyis gsol pa/ btsun pa de ni de lags so// de ni de lags te/ sems can thams cad ni 'dod pa gcig pa dang / 'dun pa gcig pa dang / dad pa gcig pa dang / bsam pa gcig pa ma lags te/ btsun pa 'jig rten 'di dag ni kham tha dad pa dang / khams dum pa lags te/ de dag khams gang dang gang 'dzin pa de dang de nan gyis mchog tu 'dzin cing mngon par zhen nas/ rjes su spyod par

  1160. 169a

    bgyid de/ 'di ni bden gyi/ gzhan ni gti mug pa'o snyam du sems lags so// bcom ldan 'das kyis bka' stsal pa'i don 'di bdag gis rtogs nas somaH las rgal te/ the tsom dang bral lags so// de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhung phyi ma zhus pa/ btsun pa ci lags/ dge sbyong dang bram ze thams cad g.yung drung gi mthar thug pa dang / gtan du tshad par spyod pa'i mthar phyin pa lags sam/ bcom ldan 'das kyis bka' stsal pa/ ko'u shi ka dge sbyong dang bram ze thams cad g.yung drung gi mthar thug pa dang / gtan du dri ma dang bral ba dang / gtan du tshangs par spyod pa'i mthar phyin pa ma yin gyi/ dge sbyong ngam bram ze su yang rung ste/ bla na med pa'i rnam par grol ba la sred pa yang dag par zad cing / yang dag par sems shin tu rnam par grol bar gyur pa de dag ni g.yung drung gi mthar thug pa dang / gtan du dri ma dang bral ba dang / gtan du tshangs par spyod pa mthar byin pa yin no// lha'i dbang po brgya byin gyis gsol pa/ btsun pad ni de lags so// de ni de lags te/ dge sbyong dang bram ze thams cad g.yung drung gi mthar thug pa dang // gtan du dri ma dang bral ba dang // gtan

  1161. 169b

    du tshangs par spyod pa'i mthar byin pa ma lags kyi/ dge sbyong ngam bram ze gang yang rung ste/ bla na med pa'i rnam par grol bar gyur pa la sred pa yang dag par zad cing / yang dag par sems shin tu rnam par grol ba de dag ni g.yung drung gi mthar thug pa dang / gtan du dri ma dang bral ba dang / gtan du tshangs par spyod pa'i mthar phyin pa lags so// bcom ldan 'das kyis bka' stsa pa'i don 'di bdag gis rtogs shing / chos bdag gis rtogs nas so ma nyi las rgal te/ the tsom dang bral zhing zug rngu phyung nas yongs su yi chad par ma mchis pa'i slad du/ bdag gis bdag gang lags snyam du bdag gi yid la phyir skye bar mi 'gyur lags so/ / btsun pa zhu ba lung bstan pa'i khyad par rtogs pa gang dag bdag gis ma thob pa las/ da ni bdag gis yun ring mo zhig lags nas/ bcom ldan 'das la brten te/ 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bka' stsal nas/ som nyi dang yid gnyis kyi zug rngun ba nas bton lags so/ / bcom ldan 'das kyis bka' stsal pa/ ko'u shig sngan chad dge slong dang bram ze gzhan dgal yang dri ba 'di lta bu dris par dran nam/ lha'i dbang po byin gyis gsol pa/ btsun pa glo ba dran lags te/ dus gcig cig na/ sum cu rtsa gsum pa'i lha'i 'dun sa chos bzang du lha rnams 'dus shing 'khod par gyur te/ 'di ltar de bzhin

  1162. 170a

    @gshegs pa dgra bcom pa yang dag par rdzogs pa'i sangs rgyas tshol zhing mchis pa las/ de dag gis de bzhin gshegs pa dgra bcom pa yang dag par rdzogs pa'i sangs rgyas ma rnyed nas/ stan las langs te/ so sor gyes pa de dag gi nang nas lha che bar grags so 'tshal gnas nas 'chi 'pho zhing mi snang bar gyur nas/ btsun pa lha che bar grags so 'tshal gnas na shi 'phos pas/ bdag kyang skrag cing bag tsha bar gyur te/ bdag kyang gnas 'di nas shi 'pho bar mi 'gyur grang snyam nas/ bdag dge sbyong dang bram ze gcig pu dben par gnas pas gnas shing mchis pa gang dang gang mthong ba de dang de dag de bzhin gshegs pa dgra bcom pa yang dag par rdzogs pa'i sangs rgyas lags snyam nas/ bdag de dag gi thad du mchis na/ de dag gis bdag la khyod su yin zhes 'dri ba bgyid de/ bdag gis de dag la bdag ni lha'i dbang po brgya byin yin no zhes bgyis nas/ de dag dga' zhing mgu ste/ kye ma bdag gis brgya byin mthong ngo // kye ma bdag gis brgya byin mthong ngo zhes ched du rjod par bgyid/ de dag bdag la 'dri bar bgyid kyi/ de dag la bdag 'dri bar mi bgyi lags so// de dag bdag la skyabs su mchis par bgyid kyibadag de dag la skyabs su mchi bar mi bgyid lags so/ / da slan chad bdag ni bcom ldan 'das kyi nyan thos lags te/ bcom ldan 'das la skyabs su mchis lags so// rtog pa

  1163. 170b

    la ni mtha' ma mchis/ / bdag la the tsom nem nur mchis// de bzhin gshegs pa 'chol ba'i phyir// ring mo zhig tu 'khyam 'khyam ste// long ba bdag ni rdzogs sangs rgyas// bsnyen da/ bgyid du mchis mchin// bdag gis ji ltar mnyes pa'i thabs// de dag la ni dris pa las// lam dang de bzhin grub pa yang // de dag yongs kyis bstan ma 'tshal// bdag ni cung zad ci 'dod pa/ / rtog par gyur dang dpyad pa dang // yid kyi 'gro dang 'ong ba yi// sems ni thugs kyis thugs su chud// yid kyang yid kyis rig gyur nas// de dag thams cad de ring du// bcom ldan 'das ni dgra bcom gyis// bsgrags shing lung yang bstan par gyur// khyod ni sangs rgyas ston pa khyod// rgyal ba khyod kyis bdud kyang btul// khyod kyis bag nyal bcad nas kyang / / ngan nas skye dgu grol bar mdzad// 'jig rten du ni khyed sangs rgyas// khyod las lhag pa yong ma mchis// lha dang bcas pa'i 'jog rten na// gang zag khyod kyi tha ma mchis/ / dpa' bo chen po khyod la 'dud// skyes mchog khyod la phyag 'tshal lo// sred pa'i zug rngu 'byin pa ste// nyi ma'i rigs skyes khyod la 'dud// bcom ldan 'das kyis bka' stsal pa/ ko'u shi ka khyod kyis sngon chad bden pa mthong ba dang / yid bde ba thob pa 'di lta bu nyams su myong bar dran nam/ brgya byin gyis gsol pa/ yid bde ba thob pa ni

  1164. 171a

    bdag gis myong bar dran lags so/ / bden pa mthong ba ni nyams su myong bar mi dran lags so// btsun pa lan cig gcig na lha dang lha ma yin g.yul 'byed pa na/ lha rnams ni rgyal/ lha ma yin rnams ni pham nas/ bdag gis 'di snyam du bsams te/ da ni bdag lha'i grong khyer du mchis la lha'i longs spyod gang lags pa dang / lham yi gyi longs spyod gang lags pa de dag lhan cig tu tshogs pa dga' bzhin du longs spyod par bgyi'o snyam pa de ni yid bde ba thob pa lags te/ de ni yun ring por 'thab mo'i mtha' can lags/ 'tshang 'dru ba'i mtha' can lags/ 'gyed pa'i mtha' can lags/ rtsod pa'i mtha' can lags so// btsun pa bdag gi yid bde ba thob pa dang / bden pa mthong ba 'di ni yun ring por 'thab mo ma mchis pa'i mtha' can lags/ mtshang 'drub ma mchis pa'i mtha' can lags/ 'gyed pa ma mchis pa'i mtha' can lags/ rtsod pa ma mtshas pa'i mtha' can lags so// btsun pabacom ldan 'das kyis bdag chos kyi rjes su 'gro ba'i bka' drin stsal ba gang lags pa de la bdag 'di snyam du bgyid de/ bdag gnas 'di nas shi 'phos nas mi rnams dang skal ba mnyam par byug cing nor mngal longs spyod che ba dang / rdzas dang yo byad mang ba dang / mdog pa mang ba dang / nor dang / 'bru dang / gser dang / dngul dang / mdzod dang / rang ba'i

  1165. 171b

    tshogs mang ba'i rigs gang lags pa dang / mdza' bo dang / grogs po dang / bu nu dang / nye du mang po dang / bran dang / zan mo dang / las byed pa dang / zho shas 'tshong mang ba de lta bu'i khyim du skal ba mnyam par skye bar gyur cig/ de nas bdag mthar gyis skyes te/ dbang po rnams smin nas/ sbyin pa dag byin/ bsod nams dag bgyis nas/ skra dang kha spu bregs te/ chos gos tshon can bgos nas/ yang dag pa'i dad pas khyim nas khyim med par rab tu byung ste/ btsun pa bdag 'os par gnas shing gal te bka' lung thob na bka' lung bzhin bgyid par gyur cig/ de ltar bdag 'os par gnas na/ sdug bsngal gyi mthar thug pa ni de lags so snyam bgyid do// gal te bka' lung mthob na ni de lta na bdag gzugs mchis pa'i lha yid la skyes pa/ dbang po ma nyams shing dbang po tshang ba/ yan lag dang nying lag thams cad dang ldan pa/ mdog bzang ba/ rang la 'od mchis pa/ nam mkha' la 'gro ba/ dga' ba'i zas za ba/ dga' ba'i zas dang ldan pa/ tshe ring ba/ yun ring du gnas par der bdag 'gran zla ma mchis par skye bar shog cig skam bgyid do// lha lus 'di las shi 'phos shing / / mi ma yin pa'i tshe spangs nas// rmongs pa med par mngal du 'jug/ bdag gi yid ni ston la dga'// man ngag gis ni 'phangs mi 'gyur// bstan

  1166. 172a

    pa'i lam la brten bcas shing / / tshangs par spyod pa bzhol bgyis nas// bsod snyoms rgyu bskyed par bgyi// bdag gi 'os par gnas nas kyang // gal te bka' lung thob myur na/ / bka' lung sprul ba bzhin du bgyi// de nyid bdag go sdug bsngal mtha'// gal te de ltar ma gyur nas// tshe yi mtha' ni zad pa'i tshe// 'og min lha ni gang yin pa// de dag tu ni skye bar shog/ bcom ldan 'das bdag ni rgyun du zhugs pa lags so// bde bar gshegs pa bdag ni rgyun du zhugs pa lags so// lan cig phyir 'ong bar 'gyur ba'i re ba yang bdag la mchis lags so/ / bcom ldan 'das kyis bka' stsal pa/ ko'u shi ka legs so legs so// de'i skal ba khyod la yod do// de yang bag yod pas thob bo// brgya byin gyis gsol pa/ gang gis bdag ni ni 'gyur ba// rgyun du zhugs par nges 'byung ba// bcom ldan khyod las gzhan la med// khyod kyi bstan las gzhan la med// khyad par rgya chen dang po'i gzhi// gnan dag zha la ga la mchis// byed par thob pa 'di 'dra ba// sngan chad gzhan las yod mthob// btsun pa bdag ni 'di nyid na// mchis lha lus bgyid bzhin du/ / bdag gis tshe ring thob lags kyis// blo ldan de ltar gzung du gsol// chos kyi rnam grangs 'di bshad na// lho'i dbang po brgya byin dang / lha brgyad khri mas

  1167. 172b

    rnams la chos kyi mig rdul med cing dri ma dang bral ba skyes te/ des bden pa mthong nas stan de kho na las shi 'phos nas/ stan de kho na nyid la phyir skyes so// de ltar de shi 'phos pa dang / skyes pa ni mig 'dzums pa dang mi snang bar gyur pa lus kyi reg pa'i sgo nas bcom ldan 'das kyis mkhyen to/ / lha'i dbang po brgya byin dang / lha ma yin gyi bu mo bde sogs kyis kyang rtogs so// de nas lha ma yin gyi bu mo bde sogs kyis/ lha'i dbang po brgya byin la smras pa/ ko'u shi ka khyod shi 'phos nas skyes lags sam/ brgya byin gyis smras pa/ bde sogs nga ni shi 'phos nas/ phyir skyes te 'di na 'dug bzhin du phyir bdag gi tshe thob par gyur ro// de nas lha'i dbang po brgya byin gyis bden pa mthong nas/ dga' zhing mgu la rab tu dga' zhing yid rangs te/ dga' ba dang yid bde ba skyes nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol tote/ / btsun pa bdag ni 'phags lags so// 'phags lags so// deng slan chad ji srid 'tsho'i bar du dge bsnyen lags pa dang khong nas dga' ste/ skyabs su mchis pa lags par gzung du gsol/ de nas lha'i dbang po brgya byin gyis/ dri za'i bu gtsug phud lnga pa la smras pa/ bu khyod ni bdag la phan pa dang / dben pa yin te/ bcom ldan 'das kyi thad du 'gro

  1168. 173a

    bar thog ma khyod kyis bskul to/ / bu zur phud lnga pa bdag cag 'di nas sum cu rtsa gsum pa'i lha'i yul du dong nas/ khyod kyis sngon yun ring po nas 'dod cing smon pa gang yin pa'i dri za'i rgyal po tum bu ru'i bu mo bzang mo zhes bya ba 'od bzangs de khyod kyi chung mar sbyin no/ / dri za rnams kyi dbang po khyod kyi pha'i rgyal sar yang gzhug go// de nas lha'i dbang po brgya byin gyis sum cu rtsa gsum pa'i lha rnams la smras pa/ grogs po dag bdag gis sngan chad mi mjed kyi bdag po tshangs pa la/ dus gsum du tshangs pa la 'os pa'i 'dud pa byed pa gang yin pa de ni bdag gis dbyin chad bcom ldan 'das 'di nyid la tshangs pa la 'os pa'i 'dud pas 'dud par bya'o/ / de ci'i phyir zhe na/ 'di ltar bcom ldan 'das 'di nyid tshangs pa yin/ tshangs par gyur pa yin/ zhi ba yon/ zhi bar gyur pa yin pa'i phyir ro// de nas lha'i dbang po brgya byin dang / lha gzhan rnams bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ mdun gyis phyogs shing byir nur nas/ bcom ldan 'das la 'dud bzhin du lha'i dbang po brgya byin mig lam du mi snang bar gyur nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa dgra bcom pa yang dag

  1169. 173b

    par rdzogs pa'i sangs rgyas de la phyag 'tshal lo/ / phyag 'tshal lo zhes smras nas/ lha'i dbang po brgya byin de nyid du mi snang bar gyur to// de nas dge slong rnams kyis/ sangs rgyas bcom ldan 'das la zhus pa/ btsun pa lha'i dbang po brgya byin gyis las ci bgyis na/ las de'i rnam par smin pas rdzu 'phrul che zhing mthu che bar gyur la/ 'dis bcom ldan 'das mnyes par bgyis te/ mau mnyes par ma bgyis lags/ lha brgyad khri po 'di rnams kyis kyang las ci bgyis na/ las 'di rnam par smin pas brgya byin kho na las brten nas 'di rnams kyis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa 'di rnams kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ des gang gi tshe bla na med pa'i ye shes brnyes nas/ rgyal po'i pho brang mdzes ldan du gshegs pa de'i tshe/ yang

  1170. 174a

    dag par rdzogs pa'i sangs rgyas 'khor ba 'jig gi phyir rgyal po mdzes pas gtsug lag khang lnga brgya brtsigs te/ des gnas khang drug stong byas nas/ yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la phul te/ gtsug lag khang de dag tu yo byad thams cad sbyar nas/ 'khor brgyad khri dang bcas pa yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la mchod pa'i las la brtson par gyur to/ / de nas gang gi tshe yang dag par rdzogs pa'i sangs rgyas 'khor ba 'jig sangs rgyas kyi 'brin las thams cad mdzad nas/ phung po'i lhag ma med pa'i mya ngan las 'das pa de'i tshe/ rgyal po mdzes pas de'i sku gdung la mchod pa byas nas/ sku gdung gi mchod rten brtsig te/ rnam pa thams cad yongs su rdzogs par byas nas/ mchod rten de la mchod pa chen po byas te smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der/ gal te de lhar skye bar gyur na ni/ lha che bar grags pa rnams kyi mnga' bdag tu gyur cig/ gal te mir skye bar gyur na ni/ mi che bar grags pa mi rnams kyi nang na rgyal srid kyi mnga' bdag tu gyur cig ces byas so/ / de nas rgyal pos smon lam 'debs pa zham ring ba rnams kyis mthong nas dris pa/ lhas smon lam ci zhig btab lags/ des de dag la rgyas par bskrad

  1171. 174b

    nas/ de thos ma thag tu de dag gis kyang mchod rten de la bkur sti byas nas smon lam btab pa/ kye ma dge ba'i rtsa ba 'dis bdag cag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ rgyal po 'di kho na las brten nas bdag cag gis ston pa 'di lta bu mnyes par byed par gyur cig/ mi mnyes par byed par ma gyur cig ces byas so/ / dge slong dag ji snyam du sems/ de'i tshe rgyal po mdzes par gyur pa gang yin pa de ni lha'i dbang po brgya byin 'di kho na yin te/ des der yang dag par rdzogs pa sangs rgyas 'khor ba 'jig nyan thos kyi dge 'dun dang bcas pa la bsnyen bkur byas nas/ smon lam btab pa'i las de'i rnam par smin pas ched 'ga' lhar skyes pa de'i tshe ni lha che bar grags par gyur te/ lha rnams kyi mnga' bdag byas so// ched 'ga' mir skyes pa'i tshe ni mi che bar grags par gyur nas/ mi rnams kyi rgyal srid kyi mnga' bdag byas te/ dge slong dgang yang dag par rdzog pa pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis mnyes par byas te/ mi mnyes par ma byas so// de'i tshe zham ring ba brgyad khrir gyur pa gang yin pa de dag ni lha brgyad khri bo 'di dag kho na yin te/ de dag gis yang dag par rdzogs pa'i

  1172. 175a

    sangs rgyas 'khor ba 'jig nyan thos kyi dge 'dun dang bcas pa la bsnyen bkur byas nas/ sngon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes te/ brgya byin 'di kho na las brten nas 'di rnams kyis nga mnyes par byas te/ mi mnyes pa ma byas so// rgyal po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod pa las/ phyi zhig na de'i chung mal bu chags nas/ de zla ba dgu'am bcu lon pa dang bu btsas nas/ de gang gi tshe cher skyes pa de'i tshe yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / zod srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur te/ de nas

  1173. 175b

    phyi zhig na de'i pham gnyis shi'o/ / de gnyis shinas khye'u des bsams pa/ bram ze rnams kyi lugs kyi na/ lo bzhi bcu rtsa brgyad kyi bar du tshangs par spyod pa spyad nas/ de'i 'og tu chung ma len par byed kyis/ bdag gis kyang lo bzhi bcu rtsa brgyad tshangs par spyod pa spyad par bya'o snyam nas/ des le bzhi bcu rtsa brgyad kyi bar du tshangs par spyod pa spyad nas chung ma blangs te de'i chung ma gzugs bzang zhing blta na skug la mdzes pa dang / g.yem zhing skyes pa 'dod pa zhig ste/ de khyim thab rgan po dang lhan cig 'dug pas snying mi tshim nas/ des skyes pa gzhan btsal to/ / de nas phyi zhig na de'i blo skyes pa/ bdag gis khyim thab 'di ltar ji srid na 'dug gi bar du ni/ bdag skyes pa gzhan dang lhan cig tu nyal ba'i skyabs med kyis/ bdag gis 'di yul gzhan du btang bar bya'o snyam nas bram ze de la smras pa/ 'di ltar jo bo'i khyim na ci yang mi bdog na khyod kyis bdag blangs ste ci bgyi/ bdag pha ma'i khyim du slar mchi'o// 'on kyang bdag gis 'tshal ma bde blag tu 'tshal du mchis so/ / bram zes smras pa/ bzang mo mi dga' bar ma byed cig/ bdag cag bram ze rnams la slong mos 'tsho ba yang yod kyis/ bdag yul gzhan du song la nor btsal te/ phyir 'ong ngo zhes byas nas chung ma la brgyags phog ste song ngo // de song nas kar sha pa Na mang po zhig rnyed nas/ de dag khyer te mnyan du yod par chas pa las

  1174. 176a

    de lam du mi rgod kyis bcom nas shin tu sdug bsngal bar gyur te/ gal te bdag khyim du yod na ni/ bram ze mo dang 'thab mo chen po 'byung bar 'gyur gyis/ bdag gis 'tsho ba 'di lta bu btang la nags lung thibs bor song ste/ bdag 'chi bar bya'o snyam nas/ de nags khung thibs por song ste/ shing ka nas thag pas btags nas 'gegs par byas pa las de'i skabs su bcom ldan 'das kyis dgongs pa/ bram ze 'di nga'i bstan pa la rab tu byung nas/ nyon mongs pa thams cad spang ste/ dgra bcom pa nyid mngon sum du byed par 'gyur ba zhig na/ de 'di lta bu'i gzu gums byed cing 'dug go snyam du dgongs nas/ bcom ldan 'das mnyan du yod pa nas mi snang bar gyur te/ nags khung thibs po der gshegs nas/ der bcom ldan 'das kyis/ bram ze de la bka' stsal pa/ bram ze ga du lums ma byed/ ngas khyod la nor sbyin no zhes bka' stsal nas/ bcom ldan 'das kyis de la gter bstan te/ dram ze khyod kyi nor 'di yin gyis/ srog 'phangs pa ma dor cig ces bka' stsal nas/ bcom ldan 'das slar gtsug lag khang du gshegs so// de nas bram ze des nor de dag khyer te rang gi khyim du song nas/ des khyim gyi 'byor pa rgyas par byas te ban gnas/ sbyin pa dag sbyin zhing / bsod nams dag byed pa la zhugs so// de nas phyi zhig na de'i blo skyes pa/ dge sbyong go'u ta ma ni bdag

  1175. 176b

    la phan pa dang dben pa yin gyis/ bdag khyim na gnas pa btang la de'i thad du rab tu 'byung bar bya'o snyam ste/ khyim gyi 'khor btang las/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang bgal nyal dang / khams dang shes pa dang / rang bzhin thugs su chud nas/ de dang 'thun pa'i chos bstan te/ de nas bram ze de stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rje bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du/

  1176. 177a

    byas so// de nas dge slong rnams kyis/ bcom ldan 'das la gsol pa/ btsun pa bram ze 'di dbul bas 'jigs nas bdag nyid 'gum par bgyis pa las/ bcom ldan 'das kyis nor gyi phung po chen po dang sprad de/ g.yung drung gi mthar thug pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze 'di dbul bas 'jigs nas bdag nyid 'chi bar byas pa las/ ngas nor gyi phung po chen po byin nas/ dge ba bcu'i las kyi lam la ji ltar gnas par byas pa de nyon cig/ dge slong dag sngon byung ba 'das pa'i dus na/ grong khyer wA rA NA si na rgyal po dbang chen sde zhes bya ba rgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pazhi pa dang / 'khrug pa dang / nang 'khrug dang / tshem kun dang / nad dang / mu ge med pa dang 'bras sA lu dang / bu ram shing dang / baglang dang / ma he dang ldan par 'dug ste/ gnod pa med cing cher ma dkrugs la/ bu gcig bsdug pa la bya ba bzhin du chos bzhin du rgyal srid byed do/ / rgyal po de yang byams pa'i bdag nyid can snying rje dang ldan pa/ sems can la byams pa/ sbyin pa la dga' ba zhig ste/ de srin pa dag sbyin zhing

  1177. 177b

    / bsod nams dag byed de/ dge sbyong dang / bram ze dang / sdug cing 'phongs pa dang / bkren pa rnams la ci dang ci 'dod pa sbyin par byed do// bza' ba dang bca' ba mang po dag stakon byas te/ srog chags nam mkha' na gnas pa dang / chu la gnas pa dang / thang la gnas pa rnams la sbyin par byed do// 'jig rten dag kyang dge ba bcu'i las kyi lam la 'god par byed do/ / des phyin chad bdag gis sems can rnams la thams cad sbyin no zhes dam bcas so// de chos bzhin du rgyal po byed pas/ mi dang mi ma yin pa rnams kyis kyang de la bsrung ba dang // bskyab pa dang / snga ba'i phyir brtson par byed do// de dag gis dus dus su char gyi rgyun legs par 'bebs shing 'bru rnams rgyas par byed do// rgyal po de'i 'dab kyi nying 'og gi rgyal po ni chos ma yin pas rgyal po byed do/ / shing sgrogs dang / rkang sgril dang / lag sgril dang an pa na btags pa rnams kyis yul na gnas pa'i skye bo mang po la gnod pa byed do// de'i mi rnams nan gyi dpya bla skyes rgyud mas 'jigs te/ rgyal po dbang chen sde'i yul du dong ste 'khod do// de nas phyi zhig na nyid 'og gi rgyal po de blon po mang pos zham ring byas nas/ yul ltar song song ba las/ des bltas na/ grong dang / grong khyer dang / grong rdal dang / nags khrod kyi grong dang / tsheng dus dag stongs par mthong nas/ blon po rnams la kA ye tsi

  1178. 178a

    phyir yul stongs la thug par gyur ces dris na/ blon po rnams na re/ lha rgyal po dbang chen sde'i yul 'byor pa dang / rgyas pa dang / bde ba dang / lo legs pa dang ldan pa/ skye bo mang po de dag kyang dpya khral ma mchis pa dang 'dra bar 'khod pas na/ skye bo phal po che rnams der dong ste 'khod do zhes zer ro// de nas de thos ma thag tu nyid 'og gi rgyal po de khros nas/ dpung gi tshogs yan lag bzhi go bskon te/ rgyal po dbang chen pa dang g.yul 'gyed pa'i phyir drangs so// de nas rgyal po dbang chen sdes nyid 'og gi rgyal po de khros nas dpung gi tshogs yan lag bzhi pa go bskon te/ bdag dang g.yul 'gyed pa'i phyir drangs so zhes thos so// thos nas kyang blon po rnams sogs te bsgob/ kye ngas ni tshe gcig gi 'tshe ba tsam gyi byiphyir sdig pa byed mi phod kyis/ gal te khyed yul phung bar mi 'dod na ni/ nying 'og gi rgyal po de la phyag tshol cig/ nga ni de la gnod pa byed mi phod do zhes byas nas tshigs su bcad de smras pa nags kyi nang na shing shun shar bu'i gos gyon cang / / 'bras bu zal gcan gzan dag dang 'grogs kyang bla'i// 'jig rten pha rol dag gis 'dzes pa'i mi rnams kyis// rgyal srid dag gi phyir/ ni gsad dang bcing mi bya// de nas blon po rnams kyis bsams pa/ rgyal po 'di ni su la yang gsod mi bod de/ bdag cag kun med par gyur na mi rung gis/ bdag cag thams cad kyi 'da' la

  1179. 178b

    sdug bsngal bar gyur pa bas ni/ bdag cag gis 'di gcig pu bor yang bla 'am snyam nas/ de dag gis rgyal po bor te/ nying 'og gi rgyal po de la babs so// de nas rgyal po dbang chen sdes kyang tshor te/ blon po 'di rnams kyis bdag por ro snyam nas/ nags kyi nang du gnas bcas te/ de der song nas rtsa ba dang 'bras bu za zhing 'dug go/ de song ba'i 'og tu nying 'og gi rgyal po de/ 'ongs nas/ yul ba rnams la rgyal po de gar song zhes dris na/ blon po rnams na re/ lha bros lags so zhes zer ro// de nas nyid 'og gi rgyal pos yul de cham du phab ste/ dpa' ro thams cad kyis bya dgar bgo bsha' byas nas yul de nyid du btab ste 'dug go/ / de nas de'i tshe ri khrod kyi grong zhig na/ bram ze dbul po 'tsho bas 'phongs pa zhig gnas te/ mthar gyis de'i bu dang bu mo mang po btsas nas/ de gso ba mang la/ yul der mu ge yang byung nas/ des khyim gyi bza' mi rnams bskyang ma nus so// de nas bram ze de sa wA rA NA si na rgyal po dbang chen sde zhes bya ba bzhug te/ rgyal po de yang byams pa'i bdag nyid can rnying rje dang ldan pa/ sems can la byams pa/ sbyin pa la dga' ba/ thams cad sbyin par byed pa zhig go/ zhes thos nas/ bdag de'i thad du 'gro bar bya'o// de'i thad du song ba dang / bdag gi nor de las 'ong ngo snyam nas/ wA rA NA sir song ngo // de der song nas rgyal po dbang chen sdes

  1180. 179a

    nags su gnas bcas so zhes thos so/ / thos ma thag tu bram ze de shin tu sdug bsngal bar gyur nas bsams pa/ bdag de'i thad du dka' thub kyi nags tshal du song ba dang / de de na 'dug kyang bdag la nor byin par 'gyur yang srid do snyam nas/ sa phyogs gang na byang chub sems dpa' bla der song ste/ de'i thad du song nas/ byang chub sems dpa des de la tshig 'jam pos mgu bar byas te/ rtsa ba dang 'bras bu dag byin nas dris pa/ khyod 'dir ci la 'ongs/ bram zes smras pa/ da ltar mu ge byung ste/ 'phongs shing gnod par gyur la/ bdag la gso ba yang mang na/ bdag gis de dag gso yang ma nus nas bdag gis thos na/ rgyal po dbang chen sde ni thams cad sbyin par byed do zhes thos nas/ de dag gi nor gyi 'byung khung du 'gyur ro snyam ste/ khyod kyi thad du mchis so// byang chub sems dpas smras pa/ des na nags kyi nang du gnas bcas so zhes khyod kyis ma thos sam/ da de la nor ga la yod de thos ma thag tu bram zer thag chad nas brgyal te sa la 'gyel to/ / de nas byang chub sems dpa' des gdong du chus gtor te bslang ngo // des bsams pa/ bdag la 'tshe ba 'di lta bu dgos kyis/ bdag song la nags stug po'i nang du zhugs te 'chi bar bya'o snyam nas/ thag pa khyer te nags stug po'i nang du zhugs nas/ shing kanas thag pa btags te 'geg par byas pa

  1181. 179b

    las byang chub sems dpas mthong nas/ mthong ma thag tu snying rje skyes te/ des bsams pa/ gal te bram ze 'dis bdag khrid de dgra'i thad du song na ni/ des 'di la nor gyi phung po chen po byin par 'gyur ro snyam nas/ bram ze de la smras pa/ bram ze gzu lums ma byed cig dang / ngas khyod kyi dbul ba gcod par bya'o// bram ze khyod tshur shog/ dpying ka log tu dam por bcings la/ rgyal po che ge mo zhig gi thad du khrid de song zhig dang / des khyod la nor gyi phung po byin par 'gyur ro// bram zes smras pa/ bdag ni khyod lta bu 'ching mi phod do/ / byang chub sems dpas smras pa/ the tsom med par gyis lang chings la khrid de song zhig/ de las thabs gud nam mthong ngo // de nas bram ze de na re/ khyod ji ltar 'dod pa bzhin du bgyi'o zhes byas nas/ bram ze des byang chub sems dpa' phying ka log tu dam du bcings nas khrid de wA rA NA sir chas so// de nas skye bo mang po de dag gis mthong nas ngo shes te/ de dag rgyal po'i thad du dong ste gsol na/ de dag la rgyal po yid mches nas de bltas bzhin du rgyal po'i pho drang nas byung ste/ byang chub sems dnga'i thad du song nas/ bram bi des byang chub sems dpa' dam du bcings nas khrid de 'ongs pa mthong ngo / / mthong nas kyang dris pa/ 'di khyod kyis galas khrid 'ongs/ des smras pa/ 'di ni lha'i dgra lags te/

  1182. 180a

    @'di bdag gis dka' thub kyi nags tshal na gnas pa la/ mthus bzung nas khrid de mchis so// de nas rgyal pos bsams pa/ rgyal po 'di ni lus che zhing skyobs che/ la/ bram ze 'di ni lus nyam chung bas na/ 'dis 'di bzung bar gal nus te/ 'di snying rje che la sems can la byams pas na/ 'dis bdag gis bdag bcings nas/ 'di la byin ger ma chag/ skam ste/ bram ze de la smras pa// bram ze 'di khyod kyis ji ltar bzung ba drang por smros shig/ de nas bram ze des rgyal po de la ji ltar gyur pa bzhin du bsnyad do// de nas de thos ma thag tu rgyal bo de dad par gyur nas/ sems can dag pa 'di lta bu la bdag gis gnod pa byas so snyam nas/ bdag nyid kyis bkrol te rgyal po'i pho brang du spyan drangs te/ yan lag thams cad kyis 'khyud de/ seng ge'i khri steng du ban gnas/ cod ngan gyi thabs phud de/ byang chub sems dpa'i dbul tags nas smras pa/ khyod ni rgyal po'i ngos lags kyi/ bdag ni 'os ma lags so zhes byas nas/ des de la dpung gi tshogs dang / dkor mdzod rnams phul nas/ bzod pa gsol te rang gi yul du song ngo // de nas rgyal po dbang chen sdes bram ze de la nor gyi phung po chen po byin nas/ dge ba bcu'i las kyi lam la gnas par byas so// dge slong dag de'i tshe rgyal po dbang chen sder gyur pa byang chub sems dpa'i spyod pa la gnas pa gang

  1183. 180b

    yin pa de na nga nyid yin no/ / de'i tshe bram zer gyur pa gang yin pa de ni bram ze 'di khon yin te/ de'i tshe yang 'di dbul bas 'jigs pas bdag nyid 'chi bar byas pa las/ ngas nor gyi sa po chen po byin das dge ba bcu'i las kyi lam la gnas par byas so/ / da ltar yang 'di dbul ba'i 'jig pas bdag nyid 'chi bar byas pa las/ ngas nor gyi phung po chen po byin nas/ gdung rlung gi mthar thug pa grub pa dang bde ba'i mya ngan las 'das pa la bzhag rngon pa zhes bya ba ni/ bcom ldan 'das yul ma ka d+hAr ljongs rgyu ning gshegs pa las/ po'i khab tu byon nas/ rgyal po'i khad kyi 'od ma'i cha la bya ka lan ta ka gnas pa na bzhugs so// de'i tshe lhas byin ni rgyal po'i khab na gnas pa'i skye bo mang po la rtag tu nyes pa byed do// gang dang gang la nyes pa byas pa de dang de bcom ldan 'das la nyes pas sting bar byed do// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo song la chos gos snam sbyar gyon te/ dge slong su yang rung ba zhig grogs su khrid la/ rgyal po'i khab tu lam po che dang / srang dang / bzhi mdo dang / sum mdo dag tu bram ze dang khyim bdag rnams kyis lhas byin nas/ lhas byin gyi phyogs kyis su la nyes pa byas pa des/ sangs rgyas sam/ chos sam/ dge 'dun la 'dogs par ma byed cig ces sgo zhig

  1184. 181a

    gal te lhas byin ni rdzu 'phrul che zhing mthu che ba yin no zhes zer na/ sngan ni rdzu 'phrul chen/ da ni de'i rdzu 'phrul nyams so zhes gyis shig ces bka' stsal to// de nas/ kun dga' bo song ste/ rgyal po'i kha ba tulam po che dang / srang dang / bzhi mdo dang / sum mdo dag tu bram ze dang / khyim bdag rnams la bsgo nas/ phyin chad bcom ldan 'das la nyes pas sting bar mi byed do/ / de nas phyi zhig na bcom ldan 'das bsnyung bar gyur nas/ sman pa 'tsho byed kyis bcom ldan 'das la sman mar lcags mda' zhes bya ba phul lo// de nas bcom ldan 'das kyis/ sman pa'i rgyal po 'tsho byed la bka' stsal pa/ 'tshe byed ngo mtshar che'am/ gsol pa/ bcom ldan 'das ngo mtshar che lags so// bka' stsal pa/ 'tshe byed rmad du byung ngam/ gsol pa/ bcom ldan 'das rmad du byung lags so// bka' stsal pa/ 'tsho byed shes sam/ gsol pa/ bcom ldan 'das bdag 'tshal lags so/ / bka' stsal pa/ 'tsho byed khyod mi shes sam/ gsol pa/ bcom ldan 'das bdag ma 'tshal lags so// bka' stsal pa/ 'tshe byed ci zhig ngo mtshar che/ gsol ba bcom ldan 'das pa rnams rba ba zhing cu 'thung la/ de dag las bdud rtsi 'di 'grub cing des sman mar zhugs mda' zhes bya ba bsgral lags so// bka' stsal pa/ 'tsho byed mi zhig mang /

  1185. 181b

    byung / gsol ba/ bcom ldan 'das sangs rgyas 'jig rten du byung ba las dam pa'i chos bstan pa dang / dge 'dun gyi sgrub pa bzang po 'byung lags so// bka' stsal ba/ 'tsho byed khyod ci zhig shes/ gsol pa/ bcom ldan 'das skyes slan chad gdon mi 'tshal bar 'gum par 'tshal lags so// bka' stsal pa/ 'tsho byed khyod ci zhig mi shes gsol pa bcom ldan 'das su gang du 'chi bde ma 'tshal lags so/ / des dge slong rnams the tsom skyes nas/ the tsom thams cad gcod pa sangs rgyas bcom ldan 'das la gsol pa/ btsun pa 'tsho byed kyis bcom ldan 'das kyis dgongs te gsungs pa rtogs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis nga'i dgongs te gsungs pa ji ltar rtogs pa de nyon cig/ dge slong dag sngon byung ba 'das pa'i dus na/ ri khrod kyi grong zhig na/ khyim bdag phyug cing nor mngal longs spyod che ba zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse ning dga' la dga' dgur spyod pa las/ byi zhig na de'i chung ma la bu chags nas/ de zla ba dgu 'am bcu lon pa dang / khye'u nig tsas te/ de'i btsas ston zhag bdun gsum nyi shu rtsa gcig gi bar du rgyas par byas nas/ rigs dang 'thun pa'i ming

  1186. 182a

    btags so/ / de'i 'og tu yang de rtse zhing dga' la dga' dgur spyod pa las bu zhig btsas te/ de'i yang btsas ston rgyas par byas nas rigs dang 'thun pa'i ming btag/ so// de nas bsams pa/ bdag gi bu lon 'tshob pa dang nor spyod pa skyes zin gyis/ zong khyer la bdag yul gzhan du 'gro bar bya'o snyam mo// de nas yang bsams pa/ bdag gi chung ma 'di byad bzhin bzang bas/ bdag gis 'di la kar sha pa Na mang po byin te song na ni/ skyes pa gzhan dang lhan cig tu dga' la dga' dgur spyod par 'gyur yang srid kyis/ ma la bdag gis 'di la kar sha pa na nyung ngu zhig byin te 'gro bar bya'o snyam nas/ des de la kar sha pa Na nyung ngu zhig byin nas/ de ma yin pa gser rnams ni bum pa'i nang du bcug ste/ bum pa'i mgrin pa mu tig gi 'phreng bas btsongs nas/ dur khrod du shing rta rna zhes bya ba'i drung du sbas te bzhag nas/ zong khyer te yul gzhan du song nas/ des der rnyed pa mang po grub nas/ des der yang chung ma blangs te 'dug nas de'i bu mang po btsas so/ / de nas chung ma snga ma ga du bu zhes bya bas lag 'ongs dang nye dus bshugs pa tsam gyis du gnyis gsos gnams nas/ bu gnyis kyis smras pa/ bdag cag gnyis kyi lagar song / mas sbas pa/ bu yul gage mo zhig na/ gnas che ge me zhig na 'dug ste/ de nor sun sum tshogs pa chen po dang ldan

  1187. 182b

    / zhes kyang grag gis der song zhig dang / gal te na khyed kyi 'tshe ba'i thabs cung zad byin yang srid do zhes byas so// de nas phu bo shos pa 'tshal du song song ba las/ de lam nas lam du 'khor 'khor te/ mthar gyis pa'i drung du byin nas/ phas bzhin gyi gzugs las ngo shes nas/ skad phyung ste smras pa/ khyod ga las 'ongs/ dgar 'gro zhes byas nas/ des rgyas par bsnyad do/ / de nas pas bsams pa/ 'di ni bdag gi bu de kho na yin no snyam nas des de bdag gi thad du bzhag nas bsgo ba/ bu khyod kyis su la yang bdag gi pa yin zhes ma zer cig ces byas nas/ de de la byams par gyur to// de nas bu gzhan rnams kyis yang khye'u 'di su'i lags/ phas smras pa/ nga'i mdza' bo'i bu yin no// de nas de dag gis bsams 'di ltar 'di la shin tu byams pa las na/ 'di nyid kyi bu yin gor ma chag snyam mo// de nas de dag gcig la gcig smras te/ 'di ni bdag cag gi bu bo yin no zhes zer ro// de nas pas bsams pa/ dgra'i nang na ni 'di lta ste/ mas dben 'di ma rungs pa yin te/ 'di bsad du 'ongs gis phyir btang ngo // de lta mod kyi gal te bdag gis cung zad cig 'di la byin na yang / lhod pa can yin pa'i phyir lam du gsad du 'ong na/ ma la bdag gis 'di phyir btang ngo snyam nas/ yi ge zhig bris te byin pa/ gnas nas shar phyogs logs su dpag tshad gcig

  1188. 183a

    tsam na/ / grong nas grong du mgyogs kyi rna ba'i shing gi drung // der ni thabs mkhas bag dang ldan pas brkos nas kyang // bdag dang nor skal gcig pa khyod kyis gse bar gyis/ / mgul na 'dug pa gang yin de ni gdu bu byin// zhes zer ba zhig yi ger bris nas byin te/ des yi ge de khyer te chas nas song ba las/ nu bo rnams kyis lam du bzung ste/ ba las khyod kyis ci thob ces byas so// des smras pa/ ci yang ma thob ste yi ge 'di byin par zad do zhes byas so// de nas de dag na re/ 'di ni bas brid pa lta ste stong zhig ces byas nas de bta ste mthar gyis rang gi khyim du phyin nas/ re zhig ngal bso zhing 'dug 'dug nas/ mas smras pa/ khyod kyis pa las ci thob/ bus smras pa/ cang ma thob mod kyi/ yi ge 'di lta bu zhig/ thob bo// mas smras pa/ bu khyod pas brid de lam gyi tshegs byung kho nar zad kyi ci yang ma grub bo// bus sbas pa/ yum de ni che ba yin te/ bdag 'drid par mi byed do zhes byas nas de mi/ ge de dpyod pa la zhugs te/ grong nas zhes bya ba ni gang du skyes pa ni yin te/ de ni 'di grong zhes bstan to// grong du zhes bya ba ni gang du byung ste bsreg pa'i sa yin no// mgyogs kyi rna pa shing drung zhes bya ba la mgyogs zhes bya ban ta yin te/ de'i rnama'i shing zhes bya ba ni tan zhes byaste/ shing rtana'i drung la bya'o// gnas nis shar phyogs logs su zhes bya ba ni shar phyogs yin

  1189. 183b

    no/ / dpag tshad gcig tsam zhes bya ba 'di ni 'dir dpag tshad gcig kho na la bya'o snyam nas/ des tshigs su bcad pa de lta bur dpyad nas/ mtshan mo mi rgyu ba'i tshe dur khrod du song nas/ rdog 'dab na rta rna zhes bya ba'i shing zhig 'dug ste/ des de'i shar phyogs logs su btsal te/ gnya' shing gang tsam tshun chad du brkos pa dang / re zhig na gser gyi bum pa mgrin pa mu tig gi 'breng bas bcings pa zhig mthong nas/ de dga' ches te de blangs nas khyim du song ste/ mu tig gi 'greng ba bkrol nas ma gdu bu la byin no// dge slong dag ji snyam du sems/ de'i tshe khyim bdag tu gyur pa gang yin pa de ni nga nyid yin no/ / de'i tshe de'i bur gyur pa gang yin pa de ni 'tsho byed 'di kho na yin te/ de'i tshe yang 'dis nga'i dgongs te gsungs pa rtogs so// da ltar yang 'dis nga'i dgongs te gsungs pa rtogs so/ / de nas 'tsho byed kyis bsams pa/ bcom ldan 'das ni rdo rje lta bu'i sku mnga' la/ sku che bas na sman mar nyung ngus 'di gso bar mi nus snyam ste/ des brtags nas sman mar srang sum cu rtsa gnyis srang la btsal te/ bcom ldan 'das kyi skur gsol to// lhung bzed kyi lhag ma ni dge slong rnams la bstabs pa las/ bcom ldan 'das kyi lhung bzed kyi lhag ma'o snyam nas dge slong rnams kyis bskud cing btang ngo / / de nas lhas byin gyis bsams pa/ bdag gis kyang sman mar btung ngo snyam nas/ des 'tshe byed la dris pa/

  1190. 184a

    'tsho byed dge sbyong go'u tams sman mar ji tsam ji tsam zhig 'thungs/ 'tsho byed kyis smras pa/ srang sum cu rtsa gnyis gsol to// lhas byin gyis spras pa/ ngas kyang srang sum cu rtsa gnyis btung ngo / / 'tsho byed kyis smras pa/ bcom ldan 'das ni rdo rje lta bu'i sku mnga' la/ sku che bas na sman mar de snyed gsol ba dang 'ju bar spyod kyi/ khyod kyis ni 'ju bar mi nus so/ / lhas byin gyis smras pa/ nga yang rdo rje lta bu'i lus can yin na/ ci'i phyir 'ju mi nus zhes byas nas/ des kyang srang sum cu rtsa gnyis 'thungs so// de nas bcom ldan 'das kyis ni zhu bar gyur/ lhas byin gyis ni ma zhu bar gyur to// de nas byid nyid yang 'tsho byed kyis bcom ldan 'das la sman mar 'bras chang gyi khu ba dang sbyar ba gsol to// lhas byin gyis kyang bcom ldan 'das kyis gsol bas/ nga rgyal gyi dbang gis ma nu bzhin du sman mar 'bras chang gyi khu ba dang sbyar te 'thungs nas zug gzer gyis btab ste/ gnad la bab pa'i na tshas thebs nas gzhi de nas sdug bsngal drag pa dang / mi bzad pa dang / tsha ba dang yid du mi 'ong ba'i tshor ba myong nas nyin mtshan du gnyid kyang mi log par gyur to// tshe dang ldan pa kun dga' bo ni bra nra bol byams te/ des gtam bcom ldan 'das la gsol to// de nas bcom ldan 'das kyis phyag glang po che'i sna lta bu/ 'khor lo dang / bkra shis dang / g.yung drung ris dang ldan pa

  1191. 184b

    bsod nams brgya phrag du ma las byung ba/ 'jigs pa thams cad dbugs 'byin par byed pa'i phyag brkyang ste/ bya rgod kyi phung po'i ri las thal nas/ lhas byin gyi mgo la bzhag ste bden pas bskul ba mdzad pa/ bden pa gang gis nga'i bu gcig pa sgra gcan zin bzang po sdug gul ji lta ba bzhin du sems lhag chad med par lhas byin la yang de kho na bzhin du sems na/ bden pa des 'di'i nad zhi bar gyur cig ces gsungs nas/ bden pas bskul ba de kho na'i maud la lhas byin gyi nad zhi bar gyur te/ srog yal ba las phyir thob par gyur to// de nas des bcom ldan 'das kyi phyag mthong nas ngo shes te/ des bsams pa/ 'di ni dge sbyong go'u ta ma'i lag pa yin no snyam nas/ de yun ring po nas sems kyi rgyud g.yo sgyus bsgrubs pas rgyags pas gos shing dbang du byas pas/ de ltar sangs rgyas kyi che ba nyid kyis nad zhi bar byas kyang / 'di skad du don grub khyod kyis sman dpyad legs par lobs te/ 'dis ni khyod 'tsho ba rnyed par nus zhes zer ro/ / de nas 'khor na 'khod pa rnams kyis sgra bsgrags pa/ lhas byin nad tshabs chen pos gzir te srog yal ba las/ bcom ldan 'das kyis bden pas bskul bas sos par mdzad do zhes 'dzer to/ / lhas byin gyi phyogs su shin tu zhen pa rnams kyis kyang de thos nas/ bcom ldan 'das kyi ngo mtshar che ba brjod de/ kye ma 'di'i byams pa ni

  1192. 185a

    yang dag par phun sum tshogs par gyur to/ / kye ma sems can rnams la snying rje bsgoms so zhes bzer to// de nas dge slong rnams kyis/ lhas byin la smras pa lhas byin khyod ni bcom ldan 'das kyis sos par 'dzad do/ / kyi na ni srog dang bral zin no// lhas byin gyis smras pa/ 'di ni yid sbyar bar byed pa'i rgyu shes te/ des na 'jig rten thams cad zhi bar byed do/ / de nas de dag 'di ni drin du mi gzo ba dang / byas pa mi tsher bzhig go snyam te dong nas/ bcom ldan 'das ga la ba der dong ste lhag nas the tsom skyes te/ the tsom thams cad gcod pa sangs rgyas bcom ldan 'das la gsol pa/ btsun pa lhas byin drin du mi gzo ba dang / byas pa mi tsher ba dang / byas pa chud gzon pa la gzigs bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar drin du mi gzo ba dang / byas pa mi tsher ba dang / byas pa chud gzon par gyur pa de nyon cig/ dge slong dag sngon byung ba 'das pa'i dus na/ yul po de ha zhes bya ba na/ rgyal po dbang chen sde rgyal po byed de/ de'i tshe na nags khung dgon pa zhig na khron pa zhig yod do/ / khron pa de'i nang du srog chags lnga lhung ste/ mi dang / seng ge dang / sbrul dang / byi ba dang / byi khra rnams so// rngon pa zhig kyang nags khung dgon paden ri dgas

  1193. 185b

    gshor zhing 'dug pa las skom gyis gdungs nas khron pa de'i drung du song ste/ des khron pa de'i nang du bltas na/ mi des mi de mthong ma thag tu lus btab ste/ kye grogs po bdag cag gi skyabs gyis shig ces byas so/ / de nas des thos ma thag tu rngon pa de yang de dag la snying rje skyes nas/ gal te bdag gis 'di rnams ma byung na ni/ 'di dag thams cad gyin 'da' la 'chi bar 'gyur ro snyam nas/ des thag pa khyer te 'ongs nas de dag thams cad khron pa de'i nang nas bton to// de nas phyi zhig na rngon pa de ri dgas gshor zhing nags khung du song ba las/ ri dgas kyi rgyal po seng ge des mthong nas/ seng ges/ rngon pa la smras pa/ grogs po khyod ci'i phyir nags khung 'di na rgyu zhing 'dug/ rngon pas smras pa/ ri dgas gshor ba'i phyir bdag 'di na rgyu zhing 'dug ste/ bdag gi 'tsho ba 'di yin no// seng ges smras pa/ grogs po khyod nyon mongs par ma byed/ ngas khyod la drin lan blun par bya ste/ khyod 'di na 'dug na nyin gcig bzhin du ri dgas bzang ngo cog bsad de sha ji snyed dgos pa de snyed sbyin no zhes smras nas/ ri dgas kyi rgyal po seng ge song ste/ des nyin gci bzhin du ri dgas bzang ngo cog bsad nas de la sha mang po byin no/ / de nas phyi zhig na rngon pa des sha khur gyis bskyas te rang gi khyim du 'gro ba na/ de byi khra des mthong nas ngo shes te/

  1194. 186a

    khra des/ rngon pa la smras pa/ grogs po khyod dka' bas 'tsho ba 'di lta bu zhig gis 'tsho zhing 'dug gam/ rngon pas smras pa/ bdag gi 'tsho ba ni 'di yin te/ thabs 'dis bdag 'tsho ba tshol lo// de nas khra des bsams pa/ mi 'dis sngon bdag gi srog phyung bas na 'di la bdag gis drin lan bsab dgos so snyam nas/ des smras pa/ grogs po khyod 'dir 'dug cig dang / bdag gis khyod kyi dbul ba gcad par bya'o zhes byas nas song ngo // de nas khra de rgyal po'i pho brang 'khor du song nas bdag gis 'dir ci zhig rnyed par 'gyur zhig gu/ bdag gis de khyer nas mi de la sbyin par bya'o snyam ste/ steng gi nam mkha' la lding zhing du bltas na/ de'i tshe pho brang de na rgyal po dbang chen sde'i btsun mo dam pas rgyan thams cad bkrol nas/ gab tse'i nang du bzhag nas sla 'khru ba las/ khras rgyan rnams khyer nas mau de la byin te/ des de khyer te rang gi khyim du chas ba las/ de mi des mthong nas ngo shes te dris pa/ grogs po khyod kyis 'di ga las rnyed/ rngon pas/ de la smras pa/ khras bdag la byin no zhes byas nas/ rngon pa de rang gi khyim du song ngo / / de nas rgyal po dbang chen sdes bya ba thams cad la bsko ba/ khyed de la bya tshad thams cad du song ste/ rgyan de dag khyer te shog cig ces byas so// mi snga ma des kyang

  1195. 186b

    tsher nas bsams pa/ 'dis bdag lan gnyis khron par lhung ba las byung na mi rung gis/ bdag rgyal po'i thad du song la gsol bar bya'o// 'on tang des bdag la bya dga' byin par gyur ro snyam nas/ mi de song ste rgyal po la gsol pa/ rngon pa che ge mo zhig gis lha'i rgyan rnams khyer ro zhes byas so// de nas de thos ma thag tu del bya dga' chen po byin no// de nas rngon pa de bkug ste rgyan rnams kyang phrogs nas khri mon 'dir bcug go/ / de khri mon na 'dug pa ni byi ba des ngo shes te/ des bsams pa/ mi gang gis bdag gi srog phyung ba de ni 'di yin gyis// 'di la bdag gis drin lan bsab par bya'o snyam nas/ des smras pa/ grogs po khyod ci nyes te khri mon 'dir bcug/ de nas de la des thams cad rgyas par bsnyad do// de nas byi ba des smras pa/ grogs po khyod brtan por mdzod la spro ba chen po skyed cig dang / ngas khyod 'di na 'dug pa'i tshe zas dang skom gyis mdo mi gzung bar bya'o zhes byas nas/ byi ba de sa khri mon na 'dug pa de la zas skom gyis mdo mi bzung bar byas so/ / de nas phyi zhig na mi de khri mon na 'dug bzhin du sbrul gdug pa des srog gcig tu byas te/ 'di langs drin lan blan par bya'o snyam du bsams nas/ mi de la smras pa/ kye mi khyod ngas khri mon 'di nas thar par byas te/ dbang phyug gi bdag po chen po la gzhag par bya'o zhes byas nas/ ngas rgyal po 'di dug gis

  1196. 187a

    zin par byas la/ de bdag gis ci bya gtol med par gyur tang / de'i tshe khri mon na 'dug pas/ rgyal po 'di gzhan sub kyang sos par byed mi nus te/ dbaba' zhig gis gso nus so zhes kyis shig/ de nas rgyal po des khyod bkug pa dang / khyod der song la ba glang gi lci bas dkyil 'khor gyi sa la me sbar te/ sngags 'di bzlas brjod gyis shig dang / khyod kyi sgra thos pas nga 'ong gis/ khyod kyis nga 'ongs nas 'di skad du/ yang na mer mchongs shig/ yang na ni rgyal po'i dug med par gyis shig ces byos shig dang / ngas khyod la 'di skad bdag ni me'i nang du mchod par bya'i/ rgyal po'i dug ni med par mi bya'o zhes bya'o// de nas khyod kyis nga la 'di skad du khyod kyis srog mi gtang gi/ khyod kyis rgyal po 'di dug med par mi byar mi rung ngo zhes gyis shig dang / ngas khyod kyi tshig gis rgyal po'i dug med par bya'o// 'on tang de'i tshe rgyal po khyod la mnyes par gyur nas/ khri mon nas btang ste nor gyi phung po chen po byin par 'gyur ro zhes byas nas/ sbrul gdug pa de song ste/ rgyal po de dug gis zin nas/ rgyal po de ci bya gtol med par gyur nas/ rngon pa des/ btson srungs rnams la smras ba rgyal po 'di sus kyang dug med par mi nus te/ ngas 'di'i dug med par byed nus so zhes byas so// de nas btson srungs rnams kyis/ rgyal po la gsol to// de nas

  1197. 187b

    / rgyal pos mi de bkug nas smras pa/ kye gal te mi khyod kyis nga'i srog kyi skyabs byed nus par gyur na/ ngas khyod la nor gyi phung po chen po sbyin no zhes byas so// de nas mi des smras pa lha brtan por mdzod la spro ba chen po skyed cig dang / bdag mchis bzhin du khyod grongs par mi 'gyur ro zhes byas nas/ mi des pa glang gi lci bas dkyil 'khor byas nas me sbar te sngags brjod do/ / de nas de thos nas sbrul gdug pa de dkyil 'khor gyi drung du 'ongs te 'dug go/ de nas mi des smras pa/ khyod 'di na 'dug pas don gnyis shig bya dgos te/ yang na ni rgyal po'i dug med par gyis shig/ yang na ni me'i nang du mchongs shig ces byas so// de nas sbrul gdug pas sbas pa/ bdag 'di na 'dug pas don gnyis bya dgos pa la/ yang na bdag nyid gtang bar bya dgos/ yang na rgyal po bsod dgos so zhes byas nas/ sbrul gdug pa de mngon du phyogs shing 'dug pa la mi des bzlog te smras pa/ khyod kyi srog bor du zin kyang ngas rgyal po'i srog mi btang gis/ khyod kyis rgyal po 'di'i dug med par mi byar mi rung ngo zhes byas so// de nas de thos ma thag tu sbrul gdug pa des rgyal po'i dug med par byas so// de nas rgyal po mnyes par gyur nas/ rngon pa de la nor gyi phung po chen po byin te btang ngo // dge slong dag ji snyam du sems/ de'i tshe rngon pa byang chub sems dpa'i spyod pa la gnas pa

  1198. 188a

    gang yin pa de ni nganyid yin no/ / de'i tshe mo'i rgyal po la gsol ba gang yin pa de ni was byin 'ad khon yin te/ de'i tshe yang 'di drin mig tho ba dang / byas pa mtshor bad/ byas pa chud gzon par gyur to/ bam po sum cu lngapa/ mos pa zhes bya ba ni/ gleng ga ni mnyan du med pa na bzhugs te/ de'i tshi yul shu par kan khyim bdag cig gnas pa des/ thabs zla bab pa las chung ma blangs nas/ de de dang lhan cig rtse zhing dga' la dga' dgur spyod pa las/ byi zhig na de'i chung ma la bu chags nas de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming rmos pa zhes btags so// de nas khye'u rmos pa'o ma dang / zhe dang / mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid ga chu

  1199. 188b

    pa dang / brtag pa rnam pa brgyad la byung bar gyur te// de nas phyi zhigan de'i lus shur gu yungs 'bru tsam shasugags rgyas par gyur te/ shur ngu de dag kyang blon te dol nas/ 8 lus rmas nu lub tu yog par gyur to/ / de na do'i phas sman pa thams cad dang / yo byad thams cad sbyar te/ gsos kyang de sos par byed ma nus nas/ ji tsam du tshabs che bar gyur pa de tsam du/ lus las rnag khrag 'dzag ste/ dring ba 'byung ngo // de nas de'i lus thams cad spos sna tshogs kyis byugs te/ gos kyis g.yogs nas gso bar byed do// de nas de'i phu nu rnams kyis mthong nas ming spos te/ khye'u 'di'i lus gos dang rgyan rnams kyis g.yogs te gsos pas na/ 'di'i ming sbas pa zhes zer ro// de nas de la la las ni rmos pa zhes bya bar shes so// la las ni sbas pa zhes bya bar shes so/ / de nas phyi zhig na de'i pha ma gnyis shi'o// pha ma gnyis shi nas las su bya ba thams cad khye'u des so chis byed do// de las gang byed kyang rung / zhing las gang byed kyang rung / tshong byed kyang rung / klu'i las byed kyang rung / des las byas so cog 'jig cing 'grub par mi 'gyur ro// de nas khyim bdag rmos pa de 'di snyam du sems te/ bdag gis 'dir las gang byed kyang rung ste/ zhing las byed kyang rung / tsheng byed kyang rung / gru'i las byed kyang rung / bdag gis las byas so cog 'jig cing 'grub par mi 'gyur na/ 'dzag

  1200. 189a

    rten na mo 'jig pa'i chos gang 'jig par mi 'gyur ba 'ga' lta yod dam zhig gu snyam mo/ / de nas khyim bdag rmos pa de'i mdza' bo dang / grogs po dang / nu dang / rgan rabs snying gi bu sngon gyi lha zhig khyim bdag rmos pa'i khyim go sgrog la ba der song ste byin nas/ khyim de thams cad snang ba chen pos khyab par byas te/ khyim bdag rmos ba la 'di skad ces smras so/ / khyim bdag khyod kyis 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes sam/ khyim bdag gis smras pa/ lha bdag gis ni 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes na/ lnga khyod kyis 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa shes sam/ lngas smras pa/ khyim bdag ngas kyang 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes so/ / khyim bdag gis smras pa/ lha 'o na 'jig rten ni 'jig pa'i chos can gang yin pa dang / 'jig pa'i chos can ma yin pa gang yin pa sus shes lhas smras pa/ khyim bdag shes pa yod de/ dge sbyong ko'u ta ma shAkya'i bu/ shAkya'i rigs las skra dang kha spu bregs te/ chos gos tshon can bgos nas/ yang dag pa'i dad

  1201. 189b

    pas khyim nas khyim med par rab tu byung nas/ des bla na med pa yang dag par rdzogs pa'i byang chub mngon par rdzogs par sangs rgyas te/ bcom ldan 'das des ni 'jig rten na 'jigapa/ chos can gang yin pa dang / 'jig pa'i chos can ma yin pa gang yin pa mkhyen to// khyim bdag gis smras pa/ lha bcom ldan 'das de da lta ga la bzhugs/ lhas smras pa/ khyim bdag shar phyogs kyi ljongs na/ yul mnyan du yod pa zhes bya ba zhig yod de/ de'i nang du rgyal bu rgyal byed kyi tshal mgon med zas sbyin gyi kun dga' ra ba na da ltar bcom ldan 'das de bzhugs kyis/ khyim bdag khyod 'dod na/ bcom ldan 'das ga la ba der song la/ der phyin nas bcom ldan 'das la don 'di dris la/ bcom ldan 'das des khyod la ji skad du lung bstan pa de bzhin du zung zhig ces smras nas/ lha de de nyid du mi snang bar gyur to// de nas de thos ma thag tu khyim bdag rmos pa bcom ldan 'das blta 'dod par gyur to// de nas phyi zhig na/ yul shur pa ra ka'i tshong pa mang po dag gis zong khyer te/ mnyan du yod par dong nas/ de dag der dong bas/ bcom ldan 'das kyi bstan pa la dad pa rnyed par gyur te/ skyabs su 'gro ba dang / bslab pa'i gzhi rnams blangs nas/ de dag phyi zhig na zong dang rin rnams khyer te/ yul shur pa ra kar 'ongs nas/ de dag gis khyim bdag rmos pa'i mdun

  1202. 190a

    du sangs rgyas dang chos kyi bsngags pa brjod do/ / 'di skad ces kyang smras te/ bcom ldan 'das de ni thams cad mkhyen pa/ thams cad gzigs pa yin gyis de blta ba'i phyir khyod song zhig dang / des khyod kyi lus dang sems kyi nad gso bar 'gyur ro// de nas des tshig de thos lhag par yang bcom ldan 'das kyi thad du ltar 'gro ba'i spro ba skyes so/ / de nas bye zhig na khyim bdag rmos pas brgyags mang po khyer te/ bzhon pa bzang po la zhon nas/ yul shur bar kanas par zhag gis mnyan du yod par phyin te/ ji srid du bzhon du rung ba'i sa de srid du bzhon pas song nas/ bzhon pa las babs te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'dug nas/ khyim bdag rmos pas/ bcom ldan 'das la 'di skad ces gsol to// btsun pa bdag ni rnag can gyi lus dus smon pa smra/ na pa / maldan das sasas na nas na/ phol mig lta bu yin no// zug rngu lta bu yin no zhes bka' stsal te/ bcom ldan 'das kyis phung po de nyid las brtsams nas/ de la de dang 'thun pa'i chos bstan te/ des na khyim

  1203. 190b

    bdag rmos pas stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rje bcom nas/ rgyun du zhugs pa'i 'bras bu mngon sum du byas te/ gal te bdag gi ru/ 'di kho na ltar ma gyur na/ bdag kyang legs par gsungs pa'i chos 'dul ba la rab tu 'byung ste/ chu bo rnams las yang dag par brgal bar bya ba dang / sbyor ba rnams las yang dag par bad bar bya ba'i phyir brtson pa dang / bsgrub pa dang / 'bad par bya ba zhig go snyam mo// de ltar rab tu 'byung ba'i sems bskyed ma thag tu khyim bdag de'i lus lag mthil bzhin du rma med par gyur/ to// de nas de lhag par yang bcom ldan 'das la dga' bar gyur to// de dga' bar gyur nas/ stan las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis de dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/

  1204. 191a

    dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang // bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ / de nas tshe dang ldan pa rmos pa snga dro sham thabs dang chos gos gyon te/ lhung bzed thogs nas/ mnyan du yod par bsod snyoms la song ba las/ ba drus mas brdungs te/ bsad nas de 'chi kar dbang po rnams rnam par dang zhing bzhin gyi mdog yongs su dag ste/ pags pa'i mdog dkar bar gyur to// de nas dge slong mang po snga dro sham thabs dang chos gos gyon te/ lhung bzed thogs nas/ mnyan du yod par bsod snyoms la dong ba las/ dge slong mang po mnyan du yod par bsod snyoms la dong ba rnams kyis/ yul shur pa ra ka'i khyim bdag rmos pa zhes bya ba gang yin pa de ba drus mas brdungs te bsad nas/ de 'chi kar dbang po rnams rnam par dang zhing bzhin gyi mdog

  1205. 191b

    yongs su dag ste/ pags pa'i mdog dkar bar gyur to zhes thos so// thos nas kyang dge slong mang po rnams mnyan du yod par bsod snyoms blangs te zan zos nas/ zas byis len pa spangs te/ lhung bzed dang chos gos bzhag nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyog gcig tu 'khod do/ / phyogs gcig tu 'khod nas/ dge slong mang po rnams kyis/ bcom ldan 'das la 'di skad ces gsol to// btsun pa 'di na bdag cag/ dge slong mang po snga dro sham thabs dang chos gos 'tshal te/ lhung bzed thogs nas/ mnyan du yod par bsod snyoms la mchis pa las/ yul shur ba ra ka'i khyim bdag rmos pa zhes bgyi ba de ba drus mas brdungs te bkum nas/ de gum kar dbang po rnams rnam par dang zhing bzhin gyi mdog yongs su dag ste/ pags pa'i mdog dkar bar gyur to zhes thos lags na de'i 'gro ba ni gang lags/ de'i skye gnas ni gang lags/ 'gro ba'i sa ni gang lags/ bcom ldan 'das kyis bka' stsal pa/ dge slong dag rigs kyi bu de ni nga'i chos kyi rjes su 'thun pa'i chos rtogs pas na/ nor du gyur pa yin no// dge slong dag rigs kyi bu de mya ngan las 'das kyis/ 'di'i rus bu la rus bu'i mchod pa gyis shig/ de ltar

  1206. 192a

    / bcom ldan 'das kyis me dang ldan pa mos pa mchog tu gyur bar rung bstan nas/ dge slong mang po rnams kyis bcom ldan 'dus kyis bka' stsal pa bzhin dum sa te/ bcom ldan 'das kyi thad nas dong nas/ de dag gis de'i rus bu la rus bu'i mchod pa byas te/ rus bu'i mchod rten brtsigs nas/ bcom ldan 'das gal ba der dong skya lkugs nas/ bcom ldan 'das kyi skabs la mgo bos phyag 'tshal te/ bcom ldan 'das la 'di skad ces gsol to// bdun pa che dang ldan pa ches pas las ci kyi sman/ las de'i rnam par smin pas ba drus mas brdungs te bkum lags/ bcom ldan 'das kyis bka' stsal pa/ dge slong dag 'di nyid kyis las de lta bu byas shing bsags pa'i steng du lhag par yang nga'i smon lam las gyur te/ bu skar ra'i sa'i sngon gyi rgyud las 'byung ba bzhin du rgyas par brjod par bya'o// gsol pa/ btsun pa tshe dang ldan pa rmos pas las ci bgyis na/ las de'i rnam par smin pas phyug cing nor mngal longs spyod che ba'i rigs su skyes lags/ las ci bgyis na/ las de'i rnam par smin pasams nu lub tu yog par gyur te/ 'di'i lus las nag zag 'jug dug/ 'di'i lus las dring po 'byung bar gyur la/ 'dis bcom ldan 'das mnyes par bgyis te/ mi mnyes par ma'i gyis nas/ bcom ldan 'das kyi ngan

  1207. 192b

    bal rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis te/ rab tu 'byung ba'i sems bskyed ma thag tu de'i lus la rma ma mchis par gyur/ lags/ bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis las de dag byas shing bsags pas na/ 'di nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba rnams byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing du sa la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba zhig rgyal po byed de/ de'i tshe wA rA NA sin khyim bdag gnyis zhig gnas pa las/ de gnyis phan tshun 'gras nas/ de'i nang nas gcig gis rgyal po la nor mang po zhig phul te/

  1208. 193a

    khyim bdag cig shos rgyal po las brnyas nas/ de rgyal po tshangs pas byin gyis gshegs 'gyed pa'i tshe g.yo gshegs kyis bam par byas nas/ khyim bdag del byin te/ des de rang gi khyim du khrid nas lcug gis zhen par bzhus nas/ lcags rma de dag gi nang du dug gi bye mas gtor te/ de'i lus de sha snag bu bzhin du gyur nas/ de pubu nu rnams kyis nor mang po zhig gis blus te/ sman pa'i lung gis de'i lus sos par byas so// de nas phyi zhig na de skyo ba skyes nas/ bdag khyim na gnas pas chog gis/ dka' thub kyi nags tshal du 'gro'o snyam ste/ sbyin pa dag sbyin zhing / bsod nams dag byas nas/ dka' thub kyi nags tshal du brten bcas so// de der song nas slob dpon med pa dang / man ngag med par byang chub kyi phyogs kyi chos sum cu rtsa bdun dran par byas nas/ rang sangs rgyas kyi byang chub mngon sum du byas so// de nas des bsams pa/ khyim bdag des bdag gi rgyud las bsod nams ma yin pa chen po bskyed kyis/ bdag song la khyim bdag de'i mda' bya'o snyam nas/ gnas de nyid nas nam mkha' la khyim bdag de gal ba der songs dbar ba dang / 'am mir 'dug pa dang / char 'bab pa dang / glog 'gru ba'i cho 'phrul rnams bstan to// so so'i skye bo ni rdzu 'phrul gyis myur du dad par 'gyur te/ de sdong po sog les bcad pa bzhin du de

  1209. 193b

    rkang pa la phyag 'tshal te smras pa/ skal ba chen po mar spyon/ bdag nyes par spyod pa'i 'dam du bying ba las la gnas drang du gsol zhes byas so// de nas de kho na la snying brtse ba'i phyir sal babs nas/ des de'i rkang pa la phyag 'tshal te/ bzod pa gsol nas smras pa/ 'phags pa khyod kyang bsod snyoms bzhed la/ bdag kyang bsod nams 'tshal bas/ bdag gi skyed mos tshal 'di nyid du bzhugs shing dang / bdag gis kyang yo byad thams cad kyis bsnyen bkur bgyi'o// de nas rang sangs rgyas des khyim bdag de la cang mi smra bas gnang ngo // de nas khyim bdag des rang sangs rgyas de'i phyir yal ga dang / lo ma'i spyil po phub nas/ yo byad thams cad kyis bsnyen bkur byed pa la zhugs so// de nas phyi zhig na rang sangs rgyas des bsams pa/ bdag gis rnam can gyi lus 'dis bya ba gang yin pa de ni bdag gis byas zin gyis/ ma la bdag zhi ba'i dbyings su 'jug par bya'o snyam nas/ 'bar ba dang / lam mer/ 'dug pa dang / char 'bab pa dang / glog 'gyu ba'i cho 'phrul rnams bstan nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas khyim bdag des de'i sku gdung la mchod pa byas nas/ sku gdung gi mchod rten brtsigs te/ mchod rten de la bkur sti chen po byas nas smon lam btab pa/ kye ma dge ba'i rtsa ba 'dis

  1210. 194a

    ni bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang bdag gis thob par shog cig/ bdag gis 'di la gnod pa byas pa'i las de bdag la 'ong bar ma gyur cig/ ci ste las 'di'i rnam par smin pa bdag la gdon mi za bar 'ong bar gyur na yang rab tu 'byung ba'i sems bskyed ma thag tu bdag gi bkra mi shis pa de med par gyur te/ bkra shis pa 'byung bar gyur cig ces byas so// dge slong dag ji snyam du sems/ de'i tshe khyim bdag tu gyur pa gang yin pa de ni rmos pa 'di kho na yin te/ des khyim bdag de'i lus la lcag gis bzhus nas/ dug gi bye mas gtor ba'i las de'i rnam par smin pas ni/ gang dang gang du skyes pa de dang der lus 'di lta bur gyur to// des phyir yang rang sangs rgyas de la bkur sti byas nas/ smon lam btab pa'i las de'i rnam par smin pas ni/ gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag rang sangs rgyas bye ba phrag 'bum pas kyang ches khyad par du 'phags pa nga lta bu 'dis mnyes par byas te/ mi mnyes par ma bgyis la/ rab tu 'byung ba'i sems bskyed ma thag tu

  1211. 194b

    de'i bkra mi shis pa med par gyur te/ bkra shis pa 'byung bar gyur te/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ni// der 'dis tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// bram ze gsum zhes bya ba de la/ bram ze dang po ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gis mchod sbyin bya bar brtsams te/ mchod sbyin byed pa der rgyal khams tha dad pa'i bram ze rnams 'dus par gyur te/ de dag gis bsams pa/ mchod sbyin byed pa gang du 'thab mo dang / 'tshang 'dru ba dang / 'gyed pa dang / rtsod pa 'byung ba'i mchod sbyin de ni mi 'grub bo snyam mo// de nas phyi zhig na mchod sbyin byed der ljongs na gnas pa'i bram ze dang / mthil na gnas pa'i bram ze yod kyi phyir 'dug pa rnams 'thab mo byung nas/ mthil na gnas pa'i bram ze rnams kyis smras pa/ khyed ni zhing blas kyis 'tsho ba yin pas na/ yon 'di rnams ni khyed la 'os pa ma yin no// nged ni yon gyi gnas yin bla na/ yon 'di rnams ni nged la 'os zhes zer ro// ljongs na gnas pa rnams na re/ kye khyed rnams kyang

  1212. 195a

    rgyal po'i dpa tha la zhen pa lan pas na khyed na lan gyi'is ma yinas/ ded na yin gnas yin pasan/ yin gyings can no gas zer nas/ de dag da ba mo dang / 'chang 'dru ba dang / bsed pa dang / rgyod pas galen gyon pa 'dzin pa'i skabs su bras ze gzhan migagis mdzod byin byed par gnas de nas gser dbus dang / bza' ba dang / bca'ab mang po khyer te bros pa las/ de bram ze de dag gis bzungs nas/ khu tshur dang rdog pa dag gis shin tu zhen par brdegs te bor ro// de nas de brdegs btsogs pas 'chibs 'jigs shing skrag nas/ rgyal bu rgyal byed kyi tshal du zhugs so// de der zhugs nas sangs rgyas la sogs pa dge slong gi dge 'dun spyod lam mdzes shing sla bsnyungs te/ caco med par 'khod pab mthong ngo / / mthong ma thag tu de bcom ldan 'das kyi bstan pa la dga' bar gyur to// de dga' bar gyur nas bsams pa/ bdag bram ze byed pas chog gis/ bcom ldan 'das kyi bstan pa la rab tu 'byung bar bya'o snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das gal ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu

  1213. 195b

    / 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid thob nas bsams pa/ bdag gis gdul bar bya ba 'ga' lta ci yod sa ste/ de bltas na/ mchod sbyin gyi bdag po la sogs pa bram ze stong phrag mang po 'dul bar 'gyur ba mthong nas/ rgyal bu rgyal byed kyi tshal nas mi snang bar gyur te/ gnas de nyid nas nam mkha' las mchod sbyin gyi gnas der song nas/ mchod sbyin gyi bdag po dang / bram ze gzhan dag gis dge slong de steng gi nam mkha' las 'ong ba mthong ngo // mthong nas kyang de dag dge slong de la shin tu dga' bar gyur to/ / dga' bar gyur nas/ de rnams kyis phang du 'khyud de stan la bzhag nas/ rkang pa la phyag 'tshal te/ chos mnyan pa'i phyir mdun du 'khod do/ / de nas dge slong des de dag la de dang 'thun pa'i chos bstan te/ des na mchod sbyin gyi bdag po dang / bram ze de dag gis stan de dag nyid la 'khod bzhin du 'jig

  1214. 196a

    tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// 'khor de dag gi nang nas phal cher na sangs rgyas la gzhol ba dang / chos la 'bab pa dang / dge 'dun la bab par byas te bkod de// de nas dge slong rnams kyis/ sangs rgyas bcom ldan 'das la zhus pa/ btsun pa bram ze 'dis las ci bgyis na/ las de'i rnam par smin pa 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ 'dis smon lam gang du btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA Na si na bram ze zhig gnas pa las gtan tshigs snga ma gzhin du gyur te/ rab tu byung nas des tshe gcig tu tshangs par spyod pa spyad

  1215. 196b

    nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la che gcig tu tshangs par spyod pa spyad kyang / yon tan gyi tshogs ci yang ma thob kyi/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe bram zer gyur pa gang yin pa de ni bram ze 'di kho na yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnye par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis

  1216. 197a

    nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / bram ze gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa des/ thabs zla bab pa las chung ma blangs nas de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / bu btsas te rigs dang 'thun pa'i ming btags nas de'o ma dang / no dang / mar dang / zhun mar dang / mar gyi snying lus bskyed bsrings te/ de gung gi che cher skyes pa de'i tshe/ de yo ge bslabs so// bram ze de rnams kyi lug kyis na/ tshes brgyad dang / ches bco lnga'i nyin par gsang bar byed do// res 'ga' ni grong khyer ltar 'gro'o// res 'ga' ni mu stegs ltar 'gro 'am/ lha ltar 'gro ba 'am/ yam sreg shir rngar 'gro'o/ / de nas phyi zhig na bram ze'i khye'u de bsang dus la bab nas/ rgyal bu rgyal byed kyi tshal du song ngo // de nas de'i tshe bcom ldan 'das 'khor brgya phrag du ma'i nang na bzhugs shing chos ston to/ / bram ze'i khye'u des thag ring po zhig nas sangs rgyas bcom ldan 'das mthong ngo // mthong nas kyang bcom ldan 'das la shin tu dga' bar gyur to// dga'/

  1217. 197b

    bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de'i rkyen dang 'tsham par chos bstan nas/ skyabs su 'gro ba dang / bslab pa'i gzhi rnams la gnas par byas so// de nas des bcom ldan 'das kyis gtam mjug rdzogs par rig nas/ bcom ldan 'das kyis gsungs pa la mngon par bstod de rjes su yid rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / / de nas phyi zhig na bram ze'i khye'u des mchod sbyin bya bar brtsams nas/ bram ze'i khye'u mchod sbyin gyi gnas na 'dug pas bsams pa/ gal te bcom ldan 'das mchod sbyin gyi gnas 'dir gshegs te longs spyod par mdzad cing / bcom ldan 'das gral gyi gtso la bzhugs na/ mchod sbyin gyi gnas mdzes par 'gyur ro snyam nas/ des bsams pa/ bcom ldan 'das spyan drangs te/ kye ma bcom ldan 'das mchod sbyin gyi gnas 'dir longs spyod cing gshegs par gyur cig ces bsams so// de nas bram ze des sems bskyed ma thag tu/ bcom ldan 'das rgyal bu rgyal byed kyi tshal nas mi snang bar gyur te/ mchod sbyin gyi gnas su gshegs nas/ mi snang bar bram ze thams cad kyi gral gyi

  1218. 198a

    @/ gcol bzhugs so// bram ze'i khye'u des ni sangs rgyas bcom ldan 'das bral gyi gcol bzhugs par mthong ngo // mthong nas kyang bram ze'i khye'u des btsum ldan 'das bde bar bzhugs par rig nas/ bza' ba bca' ba gtsang ma bzang po mang pos tshim par byas te/ bcom ldan 'das kyis kyang mchod sbyin gyi gnas de longs spyad nas/ mi snang bar bram ze thams cad la 'od zer btang nas/ rgyal bu rgyal byed kyi tshal du gshegs so// de nas bram ze de dag gis mchod sbyin gyi gnas thams cad snang ba chen pos khyab par mthong ngo // mthong nas kyang de dag na re/ bdag cag gi mchod sbyin grub bo zhes zer ro// kha cig na re ni/ bdag gi mchod sbyin gyi gnas su mi mjed kyi bdag po tshangs pa byung ngo zhes zer ro// gzhan kha cig na re ni/ 'di ni tshangs pa ma yin gyi/ dbang phyug de bdag cag gi mchod sbyin gyi gnas su gshegs so zhes zer ro// gzhan kha cig na re ni/ 'di ni tshangs pa yang ma yin/ dbang phyug kyang ma yin gyi/ khyab 'jug de bdag cag gi mchod sbyin gyi gnas 'dir byung ngo zhes zer ro// bram ze'i khye'u na re/ kye khyed rnams thams cad ni bslus pa yin te/ mchod sbyin gyi gnas 'dir ni bcom ldan 'das gshegs so zhes zer ro/ / de nas bram ze rnams bram ze'i khye'u la yid ma ches nas/ bram ze'i khye'us smras pa/ bdag gis sang nang par ni khyed kyi mngon

  1219. 198b

    sum du 'gyur bar bya'o zhes byas nas/ bram ze'i khye'u des phyid nyin bram ze thams cad tshogs pa'i nang du/ bla gos phrag pa gcig tu gzar te/ pus mo g.yas pa'i lha nga sa la btsugs nas rgyal bu rgyal byed kyi tshal ga la ba de logs su phyogs te/ thal mo sbyar nas sems bskyed de tshig tu smras pa/ btsun pa bcom ldan 'das ni 'di lta ste/ 'das pa dang / ma 'ongs pa dang / da ltar byung ba ci yang mi mkhyen pa'am/ mi gzigs pa 'am/ thugs su mi chud pa ci yang mi mnga' na/ kye ma bcom ldan 'das dge slong gi dge 'dun dang thabs cig tu bdag cag gi mchod sbyin gyi gnas 'dir gshegs te longs spyad par gsol zhes byas so/ / de nas de skad ces brjod pa'i mod la/ bcom ldan 'das dge slong mang pos zham ring byas te/ dge slong gi dge 'dun gyi mdun du bdar nas nam mkha' las mchod sbyin gyi gnas der gshegs te/ mi snang bar bram ze rnams kyi gdan bshams pa la bzhugs nas/ bram ze'i khye'u des sangs rgyas la sogs pa dge slong gi dge 'dun mchod sbyin gyi gnas kyi dbus su bzhugs pa mthong ngo / / mthong nas kyang bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das mnyes par byas so// de nas bram ze rnams na re/ khye'u 'di ni smyos te/ gcig pu ci yang bri zhing 'dug go zhes zer ro//

  1220. 199a

    de nas bram ze'i khye'us smras pa/ bdag ni smyos pa ma yin gyi/ bcom ldan 'das dge slong gi dge 'dun gyis zham ring byas te/ mnod sbyin gyi gnas kyi dbus na bzhugs so zhes byas so/ / de nas bram ze'i khye'us de skad ces brjod ma thag tu ci nas bram ze de dag thams cad kyis bcom ldan 'das nyan thos kyi dge 'dun dang bcas par mchod sbyin gyi gnas kyi dbus na bzhugs par mthong bar 'gyur ba de lta bur bzhugs so/ / de nas bram ze'i khye'u des 'jig rten thams cad kyi mngon sum du bcom ldan 'das nyan thos kyi dge 'dun dang bcas par bza' ba dang bca' ba gtsang ma bzang po mang pos tshim par byas te/ dri bzhed pa bstabs nas/ bcom ldan 'das bshos gsol zin te/ gsang sder nigyu/ phyag ni bcabs par rig nas/ stan ches dma' ba zhig blangs te/ chos mnyan pa'i phyir spyan sngar 'dug go// de nas bcom ldan 'das kyis bram ze'i khye'u de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so// de nas bram ze rnams gni de las khro ba'i kun nas dkris pa chen po skyes te/ nged kyi phyir bza' ba dang bca' ba shams pa de dag dge sbyong go'u ta ma la byin no zhes zer zhing / de dag khros pas bram ze'i

  1221. 199b

    khye'u de gsod par byas pa las bros te/ rgyal bu rgyal byed kyi tshal du song na/ 'on kyang bram ze dag de'i phyi bzhin du 'brang ste/ rgyal du rgyal byed kyi tshal gyi bar du song nas smras pa/ bdag cag gis 'di rgyal du rgyal byed kyi tshal du gsod par mi nus te/ 'di ni khyim bdag mgon med zas sbyin gyis yongs su bzung ba yin pa'i steng du rgyal po gsal rgyal gyis khrims bcas so sra du rig nas phyir log go/ bram ze'i khye'u de ni 'jigs shing skrag nas/ bcom ldan 'das ga la ba der song ste phyin ras/ bcom ldan 'das kyi zhabs la mgo bos phyag 'tshal te chos mnyan pa'i phyir spun sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud/ nas/ de dang 'thun pa'i chos bstan te/ des na bram ze'i khye'u des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mi sbyar ba btud de/ bcom ldan 'das la 'di skad ces gsol to// btsun pa bdag gis dge ba'i bshes gnyen bcom ldan 'das la brten nas/ sems can dmyal ba dang

  1222. 200a

    dud 'gro dang / yi dgas rnams las phyung ste/ lha dang mi rnams kyi nang du gom pa 'dor du stsal ba dang / 'khor ba'i mthar gtugs pa dang / khrag dang mchi ma'i rgya mtsho rnams bskams pa dang / rus pa'i la rnams bsgral ba dang / thog ma ma mchis pa'i dus nas bsags pa'i 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob par mdzad pa 'di lta bu ni bdag la pas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen mang po rnams kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du nangs par spyod pa spyad par 'tshal lo/ / de nas bcom ldan 'das kyis dge slong chur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang log ste/ des kyang brtson pa dang / bslab pa dang / 'dad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan

  1223. 200b

    'das la gsol pa/ btsun pa bram ze'i khye'u 'di bram ze rnams kyis dgum par chad pa las/ de 'jigs shing skrag nas rab tu byung ste/ nyon mongs pa thams cad spangs nas dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze'i khye'u 'di bram ze 'di dag kho nas gsod par byas pa las/ 'di 'jigs shing skrag nas rab tu byung ste/ ji ltar tshe gcig gi bar du tshangs par spyod pa spyad pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten ma bya pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA Na si na bram ze zhig gnas pa des/ thabs zla ra bab pa las chung ma blangs nas/ de de dang lhan cig rtse zhing dga' la dga' dgur spyod pa las/ de la bu yang med/ bu mo yang med/ phyi zhing na de lag pa la skom tshugs bcas te bsams pa/ 'di ltar bdag gi khyim na nor dang gser dang ldan par 'dug kyang / bu yang med/ bu mo yang med pas/ bdag shi ste dus las 'das

  1224. 201a

    / @#/ pa'i 'og tu ci bdog pa thams cad rgyal po dbang bar 'gyur la/ bdagal bu med pas 'jig rten du yang rung bar mi 'ong ngo snyam ste/ sems khong du chud cing 'dug go/ de nas des 'di lta bur yi dam bcas te/ gal te bdag gi bu skyes par gyur na mchod sbyin byas te/ bram ze rnams la yon mang po dbul bar bya'o zhes zer zhing / de'u sbyar re zhing 'dug / de ring ngam/ sang du bdag gi bu skye bar 'gyur ro snyam sems bzhin du/ de'i 'brang du bram ze dergas nas bu yang med/ bu mo yang med par gyur to// de nas phyi zhig na bram ze des bsams pa/ bdag la bu yang med/ sbyin pa gtong ba yang ma byas la/ bdag kyang rgas kyis/ da ni bdag gi du skye yang rung / mi skye yang rung ste/ sbyin pa dag sbyin zhing bsod nams dag bya'o snyam mo/ / de nas phyi zhig na des mchod sbyin byas te/ bram ze rnams la yon mang po phul ba las/ yon de dag 'gyed pa'i tshe 'thab mo chen po byung ste/ mchod sbyin gyi bdag pos 'thab mo zhi bar bya'o zhes byas nas/ bram ze rnams kyis de nyid kyi steng du brgyugs te gsod do snyam pa las/ de 'jigs shing skrag nas/ drang srong smra ba'i gnas su song ste/ yang dag par rdzogs pa'i sangs rgyas 'od srungs kyi bstan pa la rab tu byung ngo // de der rab tu byung nas/ tshe gcig tu tshangs par spyod pa spyad de/ 'chi kar smon lam btab pa/ 'di ltar

  1225. 201b

    bdag gis yang dag par rdzogs pa'i sangs rgyas 'od srungs kyi gsung rab la tshe gcig tu tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag de'i tshe bram zer gyur pa gang yin pa de ni bram ze'i khye'u 'di kho na yin te/ de'i tshe yang 'di bram ze rnams kyis gsod par byas pa las/ 'di 'jigs shing skrag nas rab tu byung ste/ cha gcig tu tshangs par spyod pa spyad nas 'dri kar smon lam btab ste/ yang dag par rdzogs pa'i sangs rgyas 'od srangs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / grangs

  1226. 202a

    mnyam pa brnyes par gyur nas/ 'dis mnyes par byas te/ mi mnyes par ma byas la/ da ltar yang 'di bram ze rnams kyis gsod par byas pa las/ 'di 'jigs shing skrag nas rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// bram ze gsum pa ni/ gleng ga ni mnyan du yod pa na bzhugs te/ de'i tshe mnyan du yod pa na bram ze zhig gis mchod sbyin byas nas/ gser dngul mang po bram ze'i rnams la yin du phul ba las/ de dag yon 'gyed pa tshe 'thab mo chen po byung nas/ der ljongs na gnas pa'i bram ze rnams na re/ khyed ni rgyal po'i dbang po rnams la sten pa yin gyi/ nged ni yon gnas yin te/ yon dbul ba'i 'os yin pas na/ yon nyi rim du dbang ngo zhes zer ro// mthil na gnas pa'i bram ze rnams na re/ khyed ni zhing blas kyis 'tsho ba tshel ba yin gyi/ nged ni yon gnas yin te/ yon dbul ba'i 'os yin pas na/ ngad ni yon nyi rim du dbang ngo zhes zer ro// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya ba dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhi 'jigs pa med pa/ 'gro ba lngar 'gro ba las rnam par grol ba

  1227. 202b

    skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngar song du bang/ su ni ngas ngan song nas phyung ste/ mtho ris dang / thar pa dang 'bras bu la gzhag par bya/ su ni nyes par spyod pa'i 'dam du byi ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su sun pa las ye shes kyi mtshon gyis brtol bar bya/ su la ni sangs rgyas blang bas brgyan pa'i 'jig rten 'bras bu yod par bya snyam du ye shes gzigs par drug go// rgya mtsho chu srin rnams kyi

  1228. 203a

    gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis mnyan du yod pa na gnas pa'i bram ze rnams gdul ba'i dus la bab par dgongs nas/ dge slong mang pos zham ring byas te/ dge slong gi dge 'dun gyis mdun du bdar nas/ sa de yidadi las nam mkha' las mchod sbyin gyi gnas der gshegs te/ dge slong gi dge 'dun gyi gung la gdan bshams pa la bzhugs te/ de mthong mthag tu rnams bcom ldan 'das la shinatu dga' bar gyur to/ / dga' bar gyur nas/ chos mnyan pa'i phyir spyan sngar 'khod do// de nas bcom ldan 'das kyis/ bram ze de dag la bka' stsal pa/ grogs po dag chad pa drag po rnam pa lnga'i gzhir 'gyur ba'i 'thab mo'i rtsa ba 'di'i phyir 'thab tu ci yod ces bka' stsal nas/ bcom ldan 'das kyis chags pa de nyid spangs pa las brtsams nas/ de dang 'thun pa'i chos bstan te/ des na bram ze brgya phrag du ma dag gis stan de dag nyid la 'khod bzhin du kha cig ni dro bar 'gyur ba bskyed do// kha cig gis ni spyi bo dang / bden pa dang 'thun pa'i bzod pa dang / 'dzi rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu

  1229. 203b

    mngon sum du bas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so// kha cig gis ni 'khor los sbyar ba'i rgyal por 'gyur ba'i sa bon bskyed do/ / kha cig ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang kho cog gos ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag nang nas phal cher ni sangs rgyas la gzhol/ chos la 'bab/ dge 'dun la bab par byas te bkod nas/ gtsug lag khang du gshegs so// de nas dge slong rnams kyis sangs rgyas bcom ldan 'das la zhus pa/ btsun pa bram ze 'di rnams kyis las ci bgyis na/ las de'i rnam par smin pas kha cig gis ni bcom ldan 'das mnyes par bgyis te/ mi mnye par ma bgyis/ kha cig gis ni rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la/ 'di rnams las kha cig ni dge bsnyen du gyur to// kha cig ni rab tu byung nas der de dag gis tshe gcig tu skyabs su 'gro ba

  1230. 204a

    dang / bslab pa'i gzhi rnams bsrungs te/ dbang po rnams yongs su sbyin par byas pa des na/ da ltar rnam par grol bar gyur to// bam po sum cu drug pa/ khyab 'jug ces bya ba ni/ bcom ldan 'das yul ma ga d+har ljongs rgyu zhing gshegs pa na/ dge slong gi dge 'dun mang po dge slong stong dang thabs gcig ste thams cad kyang sngon gyi ral pa can sha stag go/ / thams cad kyang dgra bcom pa/ zag pa zad pa/ bya ba byis pa/ byed pa byas pa/ rang gi don rjes su thob pa/ srid par kun tu sbyor ba su zad pa/ yang dag pa'i shes pas sems rnam par grol ba sha stag dang lhan cig tu yul rgyu zhing gshegs pa las/ yul ma ga d+ha ba rnams kyi mchod rten rab brtan zhes bya ba na/ smig mang nags khrod kyi rgyud thog thag gshegs nas/ de'i tshe bcom ldan 'das rang brtan du byon nas/ ma ga d+ha pa rnams kyi mchod rten rab brtan gyi phyogs der bzhugs so// de nas yul ma gang+gA rgyal po bzo sbyangs gzugs can snying pos/ bcom ldan 'das dge slong gi dge 'dun mang po dge slong song dang thangs gcig tu yul ma gang+gar ljongs rgyu zhing gshegs te/ yul ma ga d+ha pa lha rnams kyi mchod rten rab brtan zhes bya ba na/ smig ma'i nags khrod du byon to zhes thos so// thos nas kyang rgyal po'i 'byor pa chen po dang / rgyal po'i mthu chen po dang / shing rta khri nyis stong dang

  1231. 204b

    rgod ma stong brgyad brgya dang / yul ma ga d+ha na gnas pa'i bram ze dang / khyim bdag stong phrag du ma dag dang thabs gcig tu rgyal po'i khab nas byung ste/ bcom ldan 'das blta ba dang / bcom ldan 'das la bsnyen bkur bya ba'i phyir bcom ldan 'das kyi thad du song ba las grong khyer gyi sgor byung ba nas/ de'i mgo bo las cod pa na lhung nas/ de 'di snyam du sems te/ bdag gis bcom ldan 'das blta ba ma legs pa zhig tu mi 'gyur grang snyam mo/ / de nas lha rnams kyis sbran pa/ 'di ni legs par 'gyur te/ khyod kyis bcom ldan 'das blta ba dang bcom ldan 'das la bsnyen bkur bya ba ni legs par 'gyur ba yin no/ / de lta mod kyi khyod gang dag dang / dge ba'i rtsa ba bskrun pa ni de dag kha cig ni khri mon du bcug cing 'dug/ khacig ni yul dag na 'dug gis/ rgyal po khyod kyis btson rnams btang ba'i rigs so// ljongs dag tu yang dril bsgrags te/ de dag dang lhan cig tu bcom ldan 'das blta ba dang bsnyen bkur bya ba'i phyir deng zhig ces byas so/ / de nas de thos ma thag tu rgyal po gzugs can snying pos brtson rnams btang nas/ yul na gnas pa'i skye bo mang po thams bsdus te/ de skye bo phal po che dag dang lhan cig tu yul mag d+ha pa rnams kyi mchod rten rab brtan zhes bya ba na/ smig ma'o nags khrod kyi rgyud theg thag tu song nas/ des rangs

  1232. 205a

    dpung gi tshogs rnams la phyir bltas te/ des dmag tshogs chen po mthong nas rgyags pa skyes te/ byad gzugs dang / mthu bdag dang mtshungs pa med do snyam/ mo// de nas bcom ldan 'das kyis rgyal po gzugs can snying po'i sems thugs kyis mkhyen nas/ de bas kyang ches bstan sdug pa dang / ches byed gzugs bzang ba'i rgyal po lnga/ brgya mngon par sprul nas/ de dag la chos ston cing bzhugs so// de nas yul ma ga d+hA'i rgyal po bzo sbyangs gzugs can snying po bcom ldan 'das ga la ba der song nas/ de ji srid du bzhon pas 'gro bar bya ba'i sa de srid du bzhon pa la non te song nas/ rgyal thabs rnam pa lnga ste/ gtsug tor dang / gdugs dang / ral gri dang / nor bu dang / rnga yab rnams dang / lham khra bo rnams bzhag nas/ bcom ldan 'das gal ba der song ste/ rgyal po gzugs can snying pos bcom ldan 'das kyi spyan sngan/ rgyal po ches gzugs bzang zhing ches mdzes pa lnga brgya chos nyan cing 'khod pa mthong nas/ de'i byad gzugs kyis rgyags pa gang yin pa de med par gyur to// de nas de 'di snyam du sems te/ gal te bdag gis bdag gi ming dang rus nas ma smos na/ bdag bcom ldan 'das kyis ma dgongs so snyam nas/ bcom ldan 'das ga la ba der song ste phyin nas/ bla gos phrag pa gcig tu gzar te/ pus mo g.ya

  1233. 205b

    pa'i lhang sa la btsugs nas/ bcom ldan 'das ga la ba de logs su thal mo sbyar ba btud de/ bdag gi ming dang rus lan gsum gyi bar du smos te/ btsun pa bdag ni yul ma ga d+ha'i rgyal po bzo sbyangs gzugs can snying po lags so/ / btsun pa bdag ni yul ma ga d+ha'i rgyal po bzo sbyangs gzugs can snying po lags so zhes byas so// bcom ldan 'das kyis bka' stsal pa/ rgyal po de ni de yin te/ khyod ni yul ma ga d+ha'i rgyal po bzo sbyangs gzugs can snying po yin no// rgyal po chen po rang gi stan gang yin pa la 'dug cig/ de nas yul ma gats+tsha/ rgyal po bzo sbyangs gzugs can snying pos bcom ldan 'das kyi zhabs la mgo bos phyag 'tshal nas/ phyogs gcig tu 'dug go// yul ma ga d+ha'i bram ze dang khyim bdag kha cig ni bcom ldan 'das kyi zhabs la phyag 'tshal nas/ phyogs gcig tu 'khod do// kha cig ni bcom ldan 'das dang mngon sum du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas nas/ phyogs gcig tu 'khod do// kha cig ni bcom ldan 'das ga la ba de logs su thal mo sbyar ba btud nas/ phyogs gcig tu 'khod de/ btsog gis ni thag ring po ni ga nas bcom ldan 'das mthong nas/ phyogs gcig tu 'khod do// de'i tshe tshe dang ldan pa steng rgyas 'od srungs ral pa can yang 'khar de nyid du 'dus te 'dug /

  1234. 206a

    de nas yul ma ga d+ha'i bram ze dang khyim bdag rnams 'di snyam du sems te/ ci dge sbyong chen po de 'od srungs kyi thad na tshangs par spyad pa spyod dam/ 'on te lteng rgyas 'od srungs ral pa can dge sbyong chen po'i tshangs par spyad pa spyod cig gu skam mo/ / de nas bcom ldan 'das kyis yul ma ga d+ha'i bram ze dang / khyim bdag rnams kyi sems thugs kyis mkhyen nas/ tshe dang ldan pa lteng rgyas 'od srungs la tshogs su bcad de smras pa/ lteng rgyas gnas pa khyod kyis ci mthong na// 'dir ni me sbar drang srong brtul zhugs spangs// 'od srungs khyod kyi sbyin sreg ci phyir spangs/ don deng la kun nas brjod par gyis// gsol ba/ 'di na kha cig zas dang btung ba rnams// khu bcud 'dod dang bu med bsngags par bgyid/ de rnams phung po'i dri mar mthong bas na// bdag ni mchod sbyin me la dga' ma mchis// bka' stsal pa/ khyod ni 'dod pa rnams la mi dga' zhing // zas skom stan rnams la yang midag na/ / khyod ni ji ltar lha mi'i 'jig rten na// yid dga' 'od srungs dris pa'i lan thob cig/ gsol pa/ phung po med bzhi mchog ci yang med// 'dod dang srid la ma chags gzhan mi 'gyur/ / gzhan gyis bkrir med go 'bang mthong bas na// bdag ni mchod sbyin mel dga' ma mchis// mchod sbyin rnams dang brtul zhugs me rnams kyis// grol bar 'gyur rnam

  1235. 206b

    bdag gi yid kyang rmongs/ / 'chi 'pho ma mchis gnas mchog ma mthong bas// skye 'chi'i rjes 'brang ba dag ni long bar gyur// mi mchog skyob pas legs gsungs 'dus ma byas// / 'phang de ni bdag gisad mthong ngo // thub pa rnam 'dren go'u ta ma bden pa'i rtsal// khyod ni skye bo mang phyir byung ba lags// bka' stsal pa/ rab tu rnam par phye ba'i chos rnams la// gnas kyi gshis su bab pa gang yin pa/ / de ni khyod kyis legs par bsams pa yin// khyod kyis gtan la legs pas legs par 'ongs// 'od srungs 'khor rnams skyo ba ma skyed cig/ de nas tshe dang ldan pa lteng rgyas 'od srungs ral pa can gyis ji ltar sems mnyam par gnag pa de lta bu'i ting nge 'dzin la snyoms par zhugs te/ shar phyogs kyi steng gi nam mkha' la mngon par 'phags nas/ spyod lam rnam pa bzhi byed de// 'chag pa dang / sdod pa dang / 'dug pa dang / nyal bar byed do// me'i khams la snyoms par 'jug par byed do// tshe dang ldan pa lteng rgyas 'od srungs ral pa can me'i khams la snyoms par zhugs pa'i lus las 'od zer rnam pa sna tshogs byung ste/ sngon po dang / ser po dang / dmar po dang / dkar po dang btsod dang / shel gyi kha dog lta bu rnams 'byung ngo // cho 'phrul zung du yang ston par byed de/ lus kyi stod nas ni me 'bar la/ lus kyi smad nas ni chu grang mo'i rgyun 'bab bo// lus kyi slad

  1236. 207a

    nas me 'bar la/ lus kyi stod nas chu grang mo'i rgyun 'bab bo// shar phyogs su ji lta ba de bzhin du/ lho phyogs dang / nub phyogs dang / byang phyogs su yang de dang 'dra bar byas so/ / de nas tshe dang ldan pa lteng rgyas 'od srungs ral pa can gyis phyogs bzhir rdzu 'phrul gyi cho 'phrul bzhi bstan nas/ rdzu 'phrul mngon par 'du byed pa bsdus te// bla gos phrag pa gcig tu gzar nas/ pus mo g.yas pa'i lhangs la btsugs te/ bcom ldan 'das gal ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ni bdag gi ston pa lags so// bdag ni bcom ldan 'das kyi nyan thos lags so// bcom ldan 'das ni bdag gi ston pa lags so// bdag ni bde bar gshegs pa'i nyan thos lags so/ / bcom ldan 'das kyis bka' stsal pa/ 'od srungs de ni de yin no// de ni de yin te/ 'od srungs khyod kyi ston pa ni nga nyid yin no// khyod ni nga'i nyan thos yin no// 'od srungs khyod rang gi stan ji lta ba bzhin du 'dug cig/ de nas tshe dang ldan pa lteng rgyas 'od srungs ral pa can rang gi stan ji lta ba bzhin du 'dug go// de nas yul ma ga d+ha'i bram ze dang khyim bdag rnam 'di snyam du sems te/ lteng rgyas 'od srungs ral pa can de dge sbyong chen po go'u ta ma'i thad na tshangs par spyad pa spyod pa yin gyis/ dge sbyong chen po lteng rgyas 'od srungs kyi thad na tshangs par spyad

  1237. 207b

    pa spyod pa ni ma yin no snyam mo/ / de nas bcom ldan 'das kyis/ yul ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po gzugs ni skye yang skye la/ 'grig kyang 'grib ste/ de'i skye ba yang rig par bya dgos la/ 'grib pa yang rig par bya dgos so// rgyal po chen po tshor ba dang / 'dus shes dang / 'du byed rnams dang / rnam par shes pa yang skye yang skye la/ 'grib kyang 'grib ste/ de'i skye ba yang rig par bya dgos la/ 'grib pa yang rig par bya dgos so// rgyal po chen po gzugs skye ba dang 'grib pa'i chos can yin par rig nas/ gzugs de yongs su shes so// rgyal po chen po tshor ba dang / 'du shes dang / 'du byed rnams dang / rnam par shes pa skye ba dang / 'grib pa'i chos can yin par rig nas// rnam par shes pa de yongs su shes so// rgyal po chen po gzugs yongs su shes na/ gzugs de la bdag gi yin no snyam du 'dzin par mi byed/ len par mi byed/ gnas par mi byed mngon par zhen par mi byed do/ / rgyal po chen po tshor ba dang / 'du shes dang / 'du byed rnams dang / rnam par shes pa yongs su shes na/ rnam par shes pa de la bdag gi bdag yin no snyam du 'dzin par mi byed/ len par mi byed/ gnas par mi byed/ mngon par zhen par mi byed do// rgyal po chen po gzugs la mi 'dzin/ mi len/ mi gnas/ mngon par zhen par mi byed

  1238. 208a

    na/ dpag tu med pa/ grangs med pa/ mya ngan las 'das pa zhes zer ro// rgyal po chen po tshor ba dang / 'du shes dang / 'du byed rnams dang / rnam par shes pa la mi 'dzin/ mi len/ mi gnas/ mngon par zhen par mi byed na/ dpag tu med pa/ grangs med pa/ mya ngan las 'das pa zhes nga zer ro// de nas yul ma ga d+ha'i bram ze dang khyim bdag rnams 'di snyam du sems te/ ci ste gzugs bdag ma yin zhing / tshor ba dang / 'du shes dang / 'du byed rnams dang / rnam par shes pa bdag ma yin no// bdag gam sems can nam/ srog gam/ skye ba 'am/ gso ba 'am/ gang zag gam/ shed bu 'am/ shed can nam/ byed pa 'am/ byed pa po 'am/ smrab po 'am/ tshor ba po ngam/ skyed pa po 'am/ kun tu skyed pa por su zhig 'gyur/ ma skyes shing ma byung la/ 'byung bar mi 'gyur na yang phung po 'di dag ni 'dor la/ phung po gzhan ni len par mi 'gyur ro snyam mo// de nas bcom ldan 'das kyis yul ma ga d+hA'i bram ze dang khyim bdag rnams kyi sems thugs kyis mkhyen nas/ dge slong rnams la bka' stsal pa/ dge slong dag bdag bdag ces bya ba ni/ so so'i skye bo thos pa dang mi ldan pa rnams kyis so sor bzung bar zad kyi/ 'di na bdag kyang med/ bdag gi yang med do// dge slong dag skye ba na sdug bsngal 'di nyid skyel/ 'gag pa na sdug bsngal 'di nyid

  1239. 208b

    'gag go/ / skye ba na 'du byed rnams nyid skyel/ 'gag pa na 'du byed rnams nyid 'gag go// rgyu de dag dang / rkyen de dag las brten nas/ sems can rnams kyi 'du byed kyi rgyud 'jug par 'gyur ro// dge slong dag de bzhin gshegs pas ni/ sems can rnams kyi 'du byed kyi rgyud kyi ting mtshams sbyor ba thugs su chud nas/ 'chi 'pho dang skye ba zhes 'dogs par 'dzad do// lha'i spyan rnam par dag pa'i ming las 'das pas/ sems can rnams 'chi 'pho zhing 'dug pa dang / skye zhing 'dug pa/ kha dog bzang po dang / kha dog ngan pa dang / bzang po dang / ngan pa dang / bde 'gror 'gro ba rnam dang / ngan 'gror 'gro ba rnams dang / sems can las ji lta ba bzhin du 'gro ba rnams kyang yang dag par ji lta ba bzhin du rab tu mkhyen te// kye sems can 'di dag ni lus kyis nyes par spyod pa dang ldan pa dang / ngag gis nyes par spyod pa dang ldan pa dang / yid kyis nyes par spyod pa dang ldan pa dang / 'phags pa rnams la skur pa 'debs pa dang / log par lta ba dang / log par lta ba'i las dang chos yang dag par blangs pa'i phyir/ rgyu de dang / rkyen des lus dang bral te shi ba'i 'og tu ngan song ngan 'gro log par ltung ba'i sems can dmyal ba rnams su skye bar 'gyur ro// kye ma sems can 'di dag ni lus kyis legs par spyod pa dang ldan pa dang / ngag gis legs par spyod pa dang ldan pa dang / yid kyis legs par spyod pa dang ldan pa dang / 'phags pa rnams

  1240. 209a

    la skur ba mi 'debs pa dang / yang dag par lta ba dang / yang dag par lta ba'i las dang / chos yang dag par blangs pa'i phyir/ rgyu de dang / rkyen des lus dang bral te shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur ro/ / dge slong dag ngas de ltar shes shing / de ltar mthong bas na/ nga ni 'di skad du nga ni bdag de yin no zhe 'am nga ni sems can nam/ srog gam/ skye ba 'am/ gso ba 'am/ gang zag gam/ shed bu 'am/ shed can nam/ byed pa 'am/ byed pa po'am/ slub po 'am/ tsher ba po 'am/ skyed pa po'am/ kun tu skyed pa po yin no zhes mi zer ro// ma skyes shing ma byung la 'byung bar mi 'gyur na yang phung po 'di dag ni 'dor la/ phung po gzhan ni len par mi 'gyur ro snyam du mi 'dzin to/ / chos kyi brda tsam ni ma gtogs te/ de la chos kyi brda ni 'di lta ste/ 'di yod na 'di 'byung la/ 'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams 'byung / 'du byed kyi rkyen gyis rnam par shes pa 'byung / rnam par shes pa'i rkyen gyis mong dang gzugs 'byung / maung dang gzugs kyi rkyen gyis skye mched drug 'byung / skye mched drug gi rkyen gyis reg pa 'byung / reg pa'i rkyen gyis tshor ba 'byung / tshor ba'i rkyen gyis sred pa 'byung / sred pa'i rkyed kyis len pa 'byung / len pa'i rkyen gyis srid pa 'byung / srid pa'i rkyen

  1241. 209b

    gyis skye ba 'byung / skye ba'i rkyen gyis rga shi dang / mya ngan dang / smre sngags bdon pa dang / sdug bsngal ba dang / yid mi bde ba dang / bakhrug pa rnams 'byung bar 'gyur te/ de ltar na sngag sngal gyi phung po chen po 'ba' zhig po 'di 'byung bar 'gyur ro/ / 'di lta ste/ 'di med na 'di mi 'byung / 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed rnam 'gag/ 'du byed rnams 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tsher ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po 'ba' zhig po 'di 'gag par 'gyur ro// dge slong dag de ltar rgyu byung na sdug bsngal 'byung bar 'gyur la/ rgyu 'gags na sdug bsngal 'gag par 'gyur te/ lamached pas 'jug par mi 'gyur la/ nying mtshams sbyor ba med pas 'gag par 'gyur te/ sdug bsngal gyi mtha' ni de kho na yin no// de nas bcom ldan 'das kyi yul ma ga d+ha'i rgyal po bzo sbyangs

  1242. 210a

    / gzugs can snying po la lan gnas su bka' phrul pa/ rgyal po chen po dzanam du sems/ gzugs sngags yin nam/ martag pa yin/ gse / brnyanapa don mi rnag pa lags sa/ / dkara' bral pa/ tag pa gang yin pa de sdug bsngal bayin nas/ drug pardal pamatshan/ sas bya/ banupa do rdzu cwan pa lags s+ho// mi nag cing sdug bsngal pa rnam par 'gyur ba'i chos can gang yin pa de la/ nr-i thos pa dang ldan pa'i 'i phags pa nyan thos bdag tu 'dzin cing / 'don bdan gi yin no// bdini bdag yin no// 'don pa dag ga na nam du na sa/ so na pa de ma lags so// / rgyal pochen po gas pa masadang/ 'du shes dang / rnam pa shes brtan pa yin du/ minyas payin/ gsol pa/ bdun brten martan pa lags so// bka' stsal pa/ mi rtag pa gang dzin pa de mug rnal payin nam/ rdzogs nas/ btsun pa da drug bsngal pa lags so// ka'agyul / sngal la/ rnam papa 'a ba'i mas can yin pa sesams padang na pa sa r nams mas tu mdon na las/ 'don danam na// dgag dan dzin ma ma/ gam sa/ nas mas so// pa 'phrul /

  1243. 210b

    rgyal po chen po de bas na gzugs gang yang rung ste/ 'das pa dang / ma 'ongs pa dang / da ltar byung nang gi 'am/ phyi rol gyi 'am/ rags pa 'am/ cha phra ba 'am/ ngan pa 'am/ bzang pobo'am/ nye ba 'am/ ring ba gang yang rung ba de dag thams cad ni bdag gi yang ma yin/ de ni bdag kyang ma yin te/ de kho na ltar yang dag par ji lta ba bzhin du yang dag pa'i shes rab kyis blta bar bya'o/ / rgyal po chen po ji snyam du sems/ tshor ba dang / 'du shes dang / 'du byed rnams dang / rnam par shes pa gang yang rung ste/ 'das pa dang / ma 'ongs pa dang / da ltar byung ba nang gi'am/ phyi rol gyi 'am/ rags pa 'am/ cha phra ba 'am/ ngan pa 'am/ bzang po 'am/ nye ba 'am/ ring ba gang yang rung ba de dag thams cad ni bdag gi yang ma yin de ni bdag kyang ma yin/ de ni bdag gi bdag kyang ma yin te/ de kho na ltar yang dag par lta ba bzhin du yang dag pa'i shes rab kyis blta bar bya'o// de ltar mthong ba'i thos pa dang ldan pa'i 'phags banyan thos ni gzugs las skyo bar 'gyur ro/ / tshor ba dang / 'du shes dang / 'du byed rnams dang / rnam par shes pa las skyo bar 'gyur ro// skyon ma chags par 'gyur ro// mchags na rnam par grol bar 'gyur ro/ / rnam par grol na bdag ni rnam par grol lo snyam du ye shes gzigs pa 'jug ste/ bdag gi skye ba ni zad do// tshangs par spyod pa spyad zin to// bya ba ni byas

  1244. 211a

    so/ / srid pa 'di las gzhan med do snyam du ye shes gzigs pa 'jug go// chos kyi rnam grangs 'di bshad pa na/ yul ma ga d+ha'i rgyal po bzo sbyangs gzugs can snying po lha brgyad khri dang / yul ma ga d+ha'i bram ze dang / khyim bdag stong phrag du ma chos rnams la chos kyi mig rdul med cing dri ma dang bral ba skyes so// de nas yul ma ga d+ha'i rgyal po bzo sbyangs gzugs can snying pos chos mthong / chos rnyed/ chos rtogs/ chos kyi gtings bslebs/ sau ma nyi las rgal/ the tsom las zhal te/ gzhan gyi dring mi 'jog cing / gzhu gyis bkri ba med la/ ston pa'i bstan pa'i chos rnams la mi 'jigs pa thob nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo/ sbar ba btud de/ bcom ldan 'das la 'di skad ces gsol to// btsun pa bdag ni 'phags lags so// 'phags lags so// btsun pa bdag ni sangs rgyas dang / chos dang / dge slong gi dge 'dun la skyabs su mchi'o// bdag deng slan chad ji srid 'tshe'i bar du khong nas dad pa'i dge bsnyen legs par gzung du gsol/ bcom ldan 'das rgyal po'i khab tu gshegs su gsol/ bdag gis bcom ldan 'das dang / dge slong gi dge 'dun rnams la bsnyen bkur bgyi'o// ji srid 'tsho'i bar du bcom ldan 'das dge slong gi dge 'dun dang bcas pa'i na bza'

  1245. 211b

    dang / zhal zas dang / gzims cha dang / gdan dang / spun gsos dang / sman zong rnams sbyar bar 'tshal lo zhes gsol to// de nas dge slong rnams kyis sangs rgyas bcom ldan 'das la gsol ba/ btsun pa bcom ldan 'das kyis rgyal po gzugs can snying po la sogs pa lha brgyad khri dang / yul ma ga d+ha'i bram ze dang / khyim bdag stong phrag tu/ ma skyabs su 'gro ba dang / bslab pa'i gzhi rnams dang / g.yung drung gi mthar thug pa grub pa dang bde ba'i mya ngan las 'das pa la bkod pa dang / gzhi de las bcom ldan 'das kyi grags pas 'jig rten kun tu rgyas par gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang rgyal po gzugs can snying po la sogs pa lha brgyad khri dang / yul ma ga d+ha'i bram ze dang / khyim bdag stong phrag du ma mang po 'di rnams bsam gtan bzhi dang / mngon par shes pa lnga dang / dge ba bcu'i las kyi lam la ngas ji ltar bkod pa dang / gzhi dri ni nga'i grags pas 'jig rten rgyas par gyur pa de nyon cig/ dge slong dag sngon byung ba 'das pa'i dus na/ grong khyer rdul ldan zhes bya ba na/ rgyal po phyogs kyi bdag bo zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi pa dang / 'khrug

  1246. 212a

    bdud / nang 'khrug dang / chom rkun dang / nad dang / mu ge med pa dang / 'bras snga mus dang / bu ram shing dang / baglang dang / mthe dang ldan par 'dug ste/ gnod pa med cing cher ma dkrugs la/ bu gcig pa sdug pa la bya ba bzhin du rgyal srid byed do// de nas rgyal po de btsun mo dang lhan cig rtse zhing dga' la dga' dgur spyod pa las/ btsun mo la bu chags nas/ de zla ba dgu 'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming rdul zhes bya bar btags/ so// de nas khye'u dul pang na 'tsho ba'i ma ma gnyis dang / num bskrun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas ma ma brgyad kyis 'o ma dang / zho dang / mar dang / nun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur te/ de nas gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du brna ba dang / phyir bsnur ba dang / g.yul las thar bar bya ba dang /

  1247. 212b

    lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo baphang ba dang / gcon ba dang / gshogs pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'bang ba dang / sgra grag par 'phang ba dang / gnad du 'phang ba dang gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to// rgyal po phyogs kyi bdag po'i mdun na 'don ni bram ze khyab 'jug ces bya ba yin te/ de yang mkhas shing gsal la yid gzhungs pa/ rtsis mgo'i thabs shes pa'i sha rab dang / dpyod pa dang ldan pa zhig ste/ de rgyal po phyogs kyi bdag po'i 'phrin las su bya ba thams cad byed la/ rgyal po phyogs kyi bdag pos kyang mdun na 'don bram ze khyab 'jug de la rgyal srid gtad nas/ khang bzangs kyi steng na 'dug cing / bud med 'ba' zhig dang sil snyan gyis rtse zhing dga' la dga' dgur spyod do/ / phyi zhig na bram ze khyab 'jug gi chung ma la bu chags nas/ de zla ba dgu'am bcu lon pa dang / bu gzugs pa zang zhing blta na sdug la mdzes pa zhig bcas te/ de'i btsas ston rgyas par byas nas/ ming me skyong zhes btags so// de nas khye'u me skyong 'o ma dang / zho dang / mar dang / zhun mar dang / mar gyi snying lus bskyed bsrings nas/ gang

  1248. 213a

    gi che cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang s+thA dang / cho ga dang / thal batha ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod skyon byed du gzhug pa dang / sbyin pa dang / blang ba dang / kha ton bya ba dang / kha ton byed du gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to/ / de nas de'i phas/ khye'u me skyong la smras pa/ bu khye'u 'di ni yab 'das pa'i 'og tu yab kyi thabs kyis rgyal sar 'jug par 'gyur la/ khyod ni 'di'i mdun na 'don du 'gyur gyis 'di la khyod kyis skor cig/ snga nas skor dang khyod la 'bras bu yod par 'gyur ro// me skyong gis smras pa/ jo bos ji skad bka' stsal pa bzhin du 'tshal lo zhes smras nas/ gzhon nu rdul gyi phyi bzhin du grib ma bzhin 'brang ngo / / de nas phyi zhig na/ bram ze khyab 'jug shi nas/ de shi ba'i phyir rgyal po phyogs kyi bdag po shin tu mya ngan byed cing sdug bsngal la smre sngags 'don par byed de nas gnon nu rdul gyis gsol ba/ lha khyod ci'i slad du bram ze khyab 'jug gum pa'i slad du shin tu thugs ngan mdzad cing / bo brgyal la smre sngags 'don cing bzhugs/ rgyal pos

  1249. 213b

    sbas pa/ bram ze khyab 'jug ni nga'i rgyal po'i 'phrin las bya ba thams cad byed byed de/ de'i mthus nga snying khral chung ngur 'dug go// gzhon nu rdul gyis gsol pa/ khyod bram ze khyab 'jug 'gum pa'i slad du ha cang thugs ngan ma mdzad/ ha cang po brgyal bar ma mdzad/ ha cang smre sngags 'don par ma mdzad cig dang / lha mkhan po de nyid kyi bu bram ze'i khye'u me skyong zhes bgyi ba pha bas kyang ches khyad par du 'phags pa zhig mchis pa de lhas mdun na 'don du bsko bar gsol/ 'on tang des lha'i rgyal po'i 'phrin las bgyi ba thams cad bgyid par 'gyur ro// de nas de thos ma thag tu rgyal po phyogs kyi bdag pos bram ze'i me skyong 'gugs pa btang nas/ mdun nab don du bcug go// de nas des kyang rgyal po de'i bya ba thams cad nyams su blangs so// / de nas phyi zhig na rgyal po phyogs kyi bdag pos gzhon nu rdul rgyal sar bcug nas/ phyogs kyi bdag po shi'o// de nas de'i ming gzhon nu rdul zhes bya ba de med par gyur nas/ rgyal po rdul zhes bya bar gyur to/ / de nas rgyal po rdul gyis kyang bram ze'i khye'u me skyong 'gug pa btang nas de la smras pa/ mkhan po khyod kyis ji ltar nga'i yab kyi rgyal po'i 'phrini las su bya ba thams cad byas pa de bzhin du nga'i yang gyis shig/ bram ze'i khye'us gsol ba/ lha de bzhin du 'tshal lo zhes gsol nas/ bram ze'i khye'u me skyong gis rgyal po rdul gyi rgyal srid kyi bya ba thams cad

  1250. 214a

    @/ nyams su blangs so// de nas de'i mong me skyong zhes bya ba gang yin pa de med par gyur nus/ me stong rgyab 'jug ces bya ra gyur to// de'i margyal po rdul gyi sngon gnon nu'i tshe mdza' zhing bshes la gcugs pa/ rgyal rigs gzhon nu drug cig yod pa de dag rgyal po de'i thad du 'ongs nas sbas pa/ lhas bdag cag gi yul dpog tu gsol/ de nas de thos ma thag tu rgyal pos me skyong khyab 'jug la bka' stsal te/ ma khan po khyod kyis sa chen po 'di cha bdun du bgos la/ cha drug ni gzhon nu 'di rnams la byin cig/ cha gcig ni nga'i bya'o// des gsol pa/ lha de bzhin du 'tshal lo zhes byas nas/ me skyong khyab 'jug gis sa chen po 'di cha bdun du bgos te/ cha drug ni gzhon nu drug po rnams la byin no// cha gcig ni rgyal po tshul gyi skal bar lus shing 'dug go/ / de nas rgyal po rdul gyis rgyal rigs drug po de dag rang rang gi rgyal srid la bkod do// de nas me skyong khyab 'jug ni 'dzam bu gling thams cad du tshangs par bkur te/ bram ze khyab 'jug ni tshangs pa'i lam yin no snyam du 'dzin cing tshangs pa'i lam yin par blta'o// de nas phyi zhig na bram ze khyab 'jug 'di snyam du sems te/ bdag ni rgyal khams thams cad kyi mi rnams kyis tshangs par bkur te/ bram ze khyab 'jug ni tshangs pa'i lam yin no snyam du 'dzin cing / tshangs pa'i lam yin par lta la/ gna'i bram ze rgas shing

  1251. 214b

    'khogs la 'dug pa sde tshan gyi slob dpon chen po dag las bdag gis thos na/ bram ze gang dbyar zla ba bzhi'i bar du byams pa dang ldan pa'i sems kyis gnas pa de la/ mi mjed kyi bdag po tshangs paltar 'ong ngo zhes zer gyis/ mal bdag gis thams cad spangs te/ khang bzangs kyi steng du song la byams pa dang / snying rje dang / dga' ba dang / btang snyoms dang ldan pa'i sems kyis gnas par bya gor ma chag snyam nas/ rgyal po la gsol ba/ lha mkhyen par mdzad du gsol/ bdag ni dbyar zla ba bzhi tshangs pa'i gnas pas gnas 'tshal te/ de bas na lhas lha nyid kyi rgyal po'i 'phrin las su bgyi ba gang lags pa thams cad bgyid pa'i mdun du 'don gzhan zhig bsko bar gsol zhes byas so/ / de nas rgyal po rdul gyis smras pa/ khyod ji ltar dga' ba de bzhin du bya'o/ / de nas de thos ma thag tu bram ze khyab 'jug chen pos las su bya ba thams cad spangs te/ khang bzangs kyi steng du song ste/ khang bzangs kyi steng na 'dug cing byams pa dang / snying rje dang / dga' ba dang / btang snyoms dang ldan pa'i sems kyis gnas so// de nas phyi zhig na/ de la mi mjed kyi bdag po tshangs pa bltar 'ongs nas mi mjed kyi bdag po tshangs pa'i kha dog gi mthus khang bzangs de dag thams cad snang ba chen pos khyab par gyur to/ / de nas de mthong nas tshigs su bcad de smras pa/ bdag gis kha dog 'di 'dra ba/

  1252. 215a

    sngan chad ma mthong ma thos te// kha dog ldan zhing gzugs bzang ba// grogs po khyod ni su zhig lags// mi mjed kyi bdag po tshangs pas smras pa/ gzhon nu brgya byin la sogs dang / / de bzhin lus can gzhan dag kyang // bdag la tshangs pa'i lus su shes// khyab 'jug de ltar shes par gyis// bram ze che zhing mtho ba khyab 'jug gis smras pa/ tshangs pa khyod la 'dud par bgyi/ / tshangs pa khyod la mchod pa 'tshal// bdag gi tshig ni gsan nas kyang // lan ni myur du bka' stsol cig/ mi mjed kyi bdag po tshangs pas smras pa/ khyab 'jug khyod kyis sbas pa yi/ / tshig ni bdag gis gzung bar bya// dri ba yid la ci 'dod pa// bram ze la dri bar gyis// tshe 'di yon don yang rung // phyi ma'i tshe yi don yang rung // khyod kyis dris pa de/ dang de// ngas ni nges par gcod pa bya// bram ze khyab 'jug chen pos smras pa/ bdag gi the tsom gzhan brtags the tsom rnams// bram ze kun 'gyed gzhon nu dri bar 'gyis// gang la gnas shing tsal bslab bgyis na/ / rdul med mis ni tshangs pa'i 'jig rten thog// mi mjed kyi bdag po tshangs pas smras pa/ tshangs pa ma yis rgyal spangs byas la// rtse gcig btud de zhing rje mas byas shing / dring med cing 'brig par ba spangs la// de laganas shing de la bslar byas na// rdul med ma yis tshangs pa'i 'jig rten thob// bram 'i khya 'dug chen pos smras pa/ tshangs pa

  1253. 215b

    / gang dag ma mdzi lags// nu bram chus po 'azhin du gang gis gsogs// ngan song m+b+ha ste 'jig rten thams cad bsgribs// tshangs pathob pa'i lam yang yang mi shes// mi mdzod kyi bdag po tshangs pas smras pa/ khro dang rdzun dang ngan sems 'tshe ba dang // ngan du byed dang blo med bra ma dang // chags dang sdang dang de bzhin gti mug dang // 'chab pa dang ni ser sna ga tum tshig rnams bram ze 'di dag mi yi dring ba/ / nu 'gram chus yogs bzhin du de yis g.yogs// ngan song rgyu ste 'jig rten thams cad bsgribs// tshangs pa thob pa'i lam yang yod mi shes// chos 'di rtag tu spyod pa yin/ / de rnams las ni 'das gyur na// tshangs pa dag du skye 'gyur gyis// khyod kyis brtan por bsgrims par gyis// de skad ces smras nas/ mi mjed kyi bdag po tshangs pa de nyi du mi snang bar gyur to/ / mi mjed kyi bdag po tshangs pa mi snang bar gyur nas/ ring po ma lon par bram ze khyab 'jug chen pos bsams pa/ mi mjed kyi bdag po tshangs pas ji skad bshad pa'i don bdag gis shes te/ 'di ltar bdag khyim par 'dug ste/ khyim na gnas bzhin du gcig tu brtul te ji srid 'i tshe'i bar du tshangs par spyod pa ma 'dres pa/ yongs su rdzogs pa/ yongs su dgapa/ yongs su byas spyad par dka' na/ ma la bdag gis skra dang kha spu bregs te/ gos tshon can rnams bgos la/ yang dag pa'i dad pas khyim nas khyim med par rab tu 'byung bar bya'o/

  1254. 216a

    ma chag skam mo// de nas phyi zhig na rgyal po rdul bram ze khyab 'jug chen po gal ba der song ste phyin nas/ bram ze khyab 'jug chen po'i rkang pa la mgo bos phyag 'tshal te phyogs gcig tu 'dug go/ / de nas bram ze khyab 'jug chen pos/ rgyal po rdul la 'di skad ces smras so// yul bdag rgyal chen rdul gyis ni// de ring bdag gi tshig gson cig/ khyod nyid kyi ni rgyal srid srungs/ / khyab 'jug pa dag ni spong med// rgyal po rdul gyi smras pa/ khyod kyis 'dod pa ma skongs pa// de ni bdag gis nges par bskang // khyod kyi gnod pa bdag gis bsal// khyab 'jug pa dag ni mdor cig/ khyab 'jug chen pos spras pa/ bdag gi 'dod pa ma songs med// bdag la gnod pa byed pa'ang med// mi ma yin pa'i tshig thos na// khyim na gnas par spro ba med/ / rgyal po rdul gyis smras pa/ bram zes su yi tshig thos pas// nga dang 'dod pa spong byed pa// mi ma yin pa ci 'dra de// dris pa de ni bdag la smros// khyab 'jug chen pos smras pa/ snying rje la ni gnas nas kyang // dben pa'i bsam gtan byed pa na// de tshe tshangs pa byung nas ni// phyogs rnams thams cad snang bar byas// bdag gis de yi tshig thos nas// khyim du gnas par spro ba med// rgyal po rdul gyis smras pa/ mkhan po khyod nam bdag gi bu thu bo rgyal sar ma bcug gi bar du sdod cig dang / mkhan po rab tu byung ba'i rjes su bdag kyang rab tu 'byung

  1255. 216b

    par bya'o zhes smras nas/ tshigs su bcad de sbas pa/ bram ze gang du 'gro ba der// bdag kyang der ni 'gro bar bya// bdag gis khyod kyi slob ma bya// bdag gi ston pa khyab 'jug khyod/ khyab 'jug chen pos smras pa/ so so'i skye bo gang chags pa// 'dod pa de ni spangs par gyis// 'dod pa rnams lam lta bar// bden pa'i chos la gnas par gyis// rgyal po rdul gyis smras pa/ tshangs pa dag par skye ba'i phyir// nam mkha' dri med lta bu dang // nor bu bai DUr dag pa ltar// tshangs par spyod pa spyad par bya// khyab 'jug chen pos smras pa/ rgyal po chen po de'i dus la bab par mkhyen na de ltar mdzod ces byas/ bram ze khyab 'jug chen pos/ rgyal rigs kyi rgyal po drug la smras pa/ kye bdag ni sgra dang kha spu bregs te gos tshon can bgos la yang dag pa'i dad pa kho nas khyim nas khyim med par rab tu 'byung bar 'dod na/ khyed ji ltar byed sems/ de dag gis smras pa/ mkhan po khyod lo bdun gyi bar du sdod cig dang / lo bdun lon nas bdag cag gis bu dang nu bo dag rgyal sar bcug la/ mkhan po rab tu byung ba'i rjes su bdag cag kyang rab tu 'byung ngo // khyab 'jug chen pos smras pa/ kye lo bdun ni ha cang yun rings ches so// 'dod pa rnams ni chags par 'gyur ba'o// longs spyod rnams ni rgyags par 'gyur ba'o// 'tsho ba dang 'chi bi ni drod pa gzung dka'i'o// lo bdun lon nas kyim ba tu 'byung ma mi 'byung yang gtol med

  1256. 217a

    kyis/ bdag de rab tu 'byung ngo // de dag gis smras pa/ mkhan po khyod re zhig zod cig dang / lo drug gam/ lnga 'am/ bzhi 'am/ gsum mam gnyis sam/ gcig gam/ de bzhin du zla ba bdun nam/ drug gam/ lnga'am/ bzhi 'am/ gsum mam/ gnyis sam/ gcig gam/ zhag bdun nam/ drug gam/ lnga 'am/ bzhi 'am/ gsum mam/ gnyis sam/ gcig lon na/ bdag cag gis bu dang nu bo rnams rgyal sar bcug nas/ mkhan po rab tu byung ba'i rjes su bdag cag kyang rab tu byung ngo/ khyab 'jug gis smras pa/ kye zhag bdun yang ha cang yun ma rings sam/ 'dod pa rnams ni chags par 'gyur ba'o// longs spyod rnams ni rgyags par 'gyur ba'o// 'tshe ba dang 'chi ba ni drod gzung bar dka' 'o/ / zhag bdun lon nas kyang khyed rab tu 'byung ngam mi 'byung gtol med kyis/ bdag rje rab tu 'byung ngo // de dag gis smras pa/ zhag bdun yang btang ste/ dang nyid du bdag cag gis bu dang nu bo dag rgyal sar bcug nas mkhan po rab tu byung ba'i rjes su bdag cag kyang rab tu 'byung ngo // khyab 'jug gis smras pa/ khyed kyis de'i dus la ba par shes na/ de ltar gyis shig/ de nas bram ze khyab 'jug chen po rgyal rigs kyi rgyal po drug gi 'khor bltas nas/ bram ze che zhing mtho ba bdun bltas so// bram ze che zhing mtho

  1257. 217b

    ba bdun bltas nas/ bshes pa'i bud med bzhi bcu bltas so// bshes pa'i bud med bzhi bcu bltas nas/ bram ze'i khye'u lnga brgya bltas so// bram ze'i khye'u lnga brgya bltas nas shing rta'i kha lo pa rnams dang / glang po che'i kha lo ba rnams dang / rta pa rnams dang / shing rta pa rnams dang / mtshon ma can rnams dang / 'bod pa rnams dang / zhabs 'bring ba rnam dang / tshal za ba rnams dang / drag shul can rnams dang / dpa' bo rnams dang / rab gnon rnams dang / tshan po che chen po rnams dang / rgyal po sras du ma dag bltas te/ kye bdag ni skra dang kha spu bregs nas/ gos tshon can rnams bgos la yang dag pa'i dad pa kho nas khyim nas khyim med par rab tu 'byung na/ khyed ji ltar byed sems/ de dag gis smras pa/ bdas cag kyang mkhan po rab tu 'byung ba'i rjes su rab tu 'byung ngo / / khyab 'jug gis smras pa/ khyed kyis de'i dus la bab par shes na/ de bzhin du gyis shig ces byas nas/ bram ze khyab 'jug chen pos khyim gyi 'khor thams cad btang ste/ sbyin pa dag byin zhing / bsod nams dag byas te/ dum zhig dbul bor te gtang nas/ swa dang kha spu bregs te/ gos tshon can rnams bgos nas/ yang dag pa'i dad pa kho nas khyim nas khyim med par rab tu byung ngo // rab tu byung nas kyang nags khrod gcig tu gnas bcas nas/ yal ga dang l-i ma skyil po phug ste/ de

  1258. 218a

    @/ na 'dug nas bsam gtan bzhi dang / mngon par shes pa lnga bskyed de/ rdzu 'phrul che zhing mthun par gyur to// khyab 'jug rab tu byung nas/ rgyal po rdul g.yog 'tsha 'bum phrag du ma dang / sgra dang kha spu bregs te/ gos non can rnams bgos nas/ yang dag pa'i dad pa kho nas khyim nas khyim med par rab tu byung ngo // de bzhin du rgyul rigs kyi rgyal po drug gi 'khor dang / bram ze che zhing mtho ba bdun dang / bshes pa'i bud med bzhi bcu dang / bram ze'i khye'u lnga brgya dang / shing rta'i kha lo bi rnams dang / glang po che'i kha lo ba rnams dang / rta pa rnams dang / shing rta pa rnams dang / mtshon cha can rnams dang / zham ring ba rnams dang / tshal za ba rnams dang / drag shul can rnams dang / dpa' bo rnams dang / rab gnon rnams dang / chen po che chen po rnams dang / rgyal po'i sras du ma dag sgra dang kha spu bregs te/ gos tshon can rnams bgos nas/ yang dag pa'i dad pa kho nas khyim nas khyim med par khyab 'jug rab tu byung ba'i rjes su rab tu byung ste/ bram ze khyab 'jug gis thams cad la yid la byed pa'i lung phog nas/ de dag gis kyang brtson pa dang / bsgrub pa dang / 'bad pas bsam gtan bzhi dang / mngon par shes pa lnga bskyed do// de nas bram ze che zhing mtho ba khyab 'jug gi ming bram ze che zhing mtho ba khyab 'jug ces bya bar gyur pa de med par gyur nas/

  1259. 218b

    ston pa khyab 'jug ces bya bar gyur to// dge slong dag ji snyam du sems de'i tshe ston pa khyab 'jug ces bya bar gyur pa gang yin pa de ni nga nyid yin no// de'i tshe rgyal po rdul ces bya bar gyur pa gang yin pa de ni rgyal po gzugs can snying po 'di kho na yin no/ / de'i tshe rgyal po rdul gyis mgo drangs pa'i skye bo 'dum phrag du mar gyur pa gang yin pa de dag ni/ rgyal po gzugs can snying pos mgo drangs pa'i lha brgyad khri dang / yul ma ga d+ha'i bram ze dang / khyim bdag stong phrag dum po 'di dag kho na yin no// de'i tshe yang ngas rgyal po rdul la sogs pa yul gyi mi du ma dang / bram ze dang / khyim bdag stong phrag du ma rab tu byung nas bsam gtan bzhi dang / mngon par shes pa lnga la bkod de/ gzhi des na/ nga'i grags pas 'jig rten rgyas par gyur to/ / da ltar yang ngas rgyal po gzugs can snying po la sogs pa lnga brgyad khri dang / ma ga d+ha'i bram ze dang / khyim bdag stong phrag du ma dag dam pa'i chos kyi bcud kyis tshims par byas nas/ gsung drung gi mthar thug pa grub pa dang bde ba'i mya ngan las 'das pa la bkod do// / dam po sum cu bdun pa/ bathung mo zhes bya ba ni// gling ga zhi mnyan du yod pan bzhugs te/ de'i tshemakhan du yod pan/ skye bo phal po che 'thang ba dang / mtshang 'dru ba dang / 'byed pa dang rtsod pa la zhugs shing 'khod do// sangs

  1260. 219a

    @/ rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas ma/ mi 'jig pa bzhi mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad pa/ bsam gtan pa// mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dge pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dUr/ su ni 'phongs shing 'dug su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du ba/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa la bskyed par bya/ su ni dge ba'i rtsa ba rnams

  1261. 219b

    bskyed zin pa las yongs su smin par bya/ su ni dge ba'i rtsa ba rnams yongs su srin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs par 'jug go/ / rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis dgongs pa/ skye bo phal po che gdul ba'i dus la bab ste/ dgangs 'thab pa dang / 'chang 'dru ba dang / 'gyed pa dang / rjod pa las bzlog ste/ g.yung drung gi mthar thug pa grub pa dang bde ba'i mya ngan las 'das pa la dgod par bya'o snyam du dgongs nas/ snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs te/ skye bo phal po che ga la bder gshegs nas skye bo phal po ched de dag gis thag ring po niganas sangs rgyas bcom ldan 'das mthong ngo / / mthong nas kyang ngo mtshar bar gyur te/ bcom ldan 'das kyi phyir gdan bshams nas gsol pa/ com ldan 'das mi shegs pa legs sa legs so// bcom ldan 'das chu gshegs/ gzugs su gsol lo// de nas gdan pa gams pal bags nas/ bcom ldan 'ad

  1262. 220a

    kyis skye bo phal po che la bka' stsal pa/ grogs po dag ci byed cing 'khod/ gzhan dang 'thab dgos na/ gzhan dang 'thab cing 'dug gam/ de rnams kyis gsol pa/ bcom ldan 'das bdag cag su dang 'thab 'tshal lags/ bcom ldan 'das kyis bka' stsal pa/ grogs po dag 'o na 'khod cig dang / ngas khyed la rgyas par brjod par bya'o// de nas skye bo phal po che de dag gis bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis/ skye bo phal po che de dag la bka' stsal pa/ khyed ni nyon mongs pa rnams dang 'thab dgos kyis/ nyon mongs pa spang ba'i phyir 'bad par gyis shig ces/ bcom ldan 'das kyis de dag la de lta bu dang 'thun pa'i chos bstan te/ des na de dag gis khro ba'i kun nas dkris pa med par gyur nas/ stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden pa mthong nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'o chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/

  1263. 220b

    bdag cag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'o sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags ba dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gso pa/ brgyan pa bcom ldan 'das kyis skye bo phal po che thub pa las ni bar mdzad nas/ gsung drung gi mthar thug pa grub pa dang bde ba'i mya ngan las 'das pa la bkod pa la gzigs/ / bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas skyeb phal po che 'di dag pasam gtan bzhi dang /

  1264. 221a

    mngon par shes pa lnga la ji ltar bkod pa de nyon cig/ dge slong dag sngon byung ba 'das pa'i dus na/ ri khrod kyi grong zhig na bram ze zhig gis mchod sbyin byas te mchod sbyin byed pa der bram ze rnams stan gyi phyir 'thub pa las/ de'i tshe dka' thub kyi gnas shig na/ drang srong 'khor lnga brgya yod pa zhig gnas so// de nas mchod sbyin byed pa der/ tra srong des bram ze de dag 'thab pa zhi ba'i bya ba'i phyir de lta bu dang 'thun pa'i chos stan te/ des na 'thab mo de yang zhi bar gyur la/ bram ze rnams kyang skyo ba skyes nas/ de nyid kyi thad du rab tu byung ngo / / de dag der rab tu byung nas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe bram ze lnga brgyar gyur pa gang yin pa de dag ni skye bo phal po che de dag kho na yin te/ de'i tshe yang ngas skye bo phal po che 'thab pa zhi bar byas nas/ bsam gtan bzhi dang / mngon par shes pa lnga la bkod do// da ltar yang ngas skye bo phal po che 'thab pa zhi bar byas nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / gzhan yang yang dag par rdzogs pa'i sangs rgyas 'od srungs kyi bstan pa la 'di dag thams cad rab tu byung nas/ der 'di rnams kyis tshe gcig

  1265. 221b

    tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// klu zhes bya ba ni/ gleng gzhi mnyan du yod pa na bzhug / de'i tshe rgyal po gsal rgyal gyi blon po chen po zhig gyod cig la btags te/ ci bdog pa phrogs nas/ khro mon du bcug pa las/ de der zas dang skom gyis mnar te shri'o// de nas des smon lam log par btab nas/ shi 'phos te dus las 'das pa'i 'og tu gnod sbyin ma rungs pa zhig tu skyes nas/ des yul ko sa la de thams cad du mi nad btang ste/ skye bo phal po che dag kha btags par gyur nas/ ltas mkhan dag gis smras pa/ blon po chen po des 'chi kar smon lam log par btab nas/ gnod sbyin ma rungs par skyes te/ des mi nad 'di dag btang ngo zhes byas/ de nas de thos ma thag tu skye bo mang po de dag ci bya gtol med par gyur to// de nas rgyal po gsal rgyal gyis bsams pa/ 'di ni sus kyang gdul bar mi nus kyis/ 'di'i phyir bcom ldan 'das la gsol ba gdang dgos so snyam ste/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ / phyogs gcig tu 'dug nas/ rgyal po gsal rgyal gyis/ bcom ldan 'das la 'di skad ces gsol to// btsun pa bcom ldan 'das kyis ni klu ma rungs pa dga' bo dang

  1266. 222a

    nye dga' bo la sogs pa gzhan dang gzhan dag kyang btul/ gnod sbyin ma rungs pa 'brog gnas la sogs pa gzhan dang gzhan dag kyang btul na/ btsun pa blon po che po che ge mo zhig gis smon lam log par btab ste/ gnod sbyin ma rungs par skyes nas/ des bdag gi yul du mi nad btang na/ bcom ldan 'das kyis thugs brtse ba'i slad du nod sbyin ma rungs pa de gdul bar gsol/ de nas bcom ldan 'das kyis rgyal po gsal rgyal la cang mi gsung bas gnang ngo // de nas rgyal po gsal rgyal bcom ldan 'das kyis gsungs pa la mngon par bstod de rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyi rdzu 'phrul gyis gnod sbyin de rgyal bu rgyal byed kyi tshal gyi 'dab tu bzhag nas/ bcom ldan 'das kyis de gdul ba'i phyir me chen po sprul te/ de'i kho ra khor yug nas bdag nyid me chen pos 'khor babar mthong ste/ bcom ldan 'das kyi zhabs kyi drung 'ba' zhig zhi bar mthong ngo // de nas de 'jigs shing skrag nas/ bcom ldan 'das ga la ba der song ste phyin nas/ bcom ldan 'das kyis/ gnod sbyin ma rungs pa de la bka' stsal pa/ bzhin bzangs khyod kyis sngon mi dge ba'i las byas pas/ rgyal po gsal rgyal gyis bsad pa yin na/ da yang khyod 'dir

  1267. 222b

    skyes nas/ skye bo mang po kha 'dog par byed na/ 'di nas shing phos pa'i 'og tu khyod kyi 'gro ba ni gang yin/ skye gnas ni gang yin/ 'gro ba'i sa ni gang yin/ gnod sbyin gyis gsol pa/ bcom ldan 'das kyis bka' ci sprul/ bcom ldan 'das kyis bka' stsal pa/ sdig pa'i las 'di thong zhig/ gnod sbyin gyis gsol pa/ bcom ldan 'das kyis bdag la bka' ci stsal pa bzhin du 'tshal lo/ / de skad ces gsol te/ des skyabs su 'gro ba dang / bslab pa'i gzhi rnams blangs nas/ bcom ldan 'das la gsol pa btsun pa bdag gis sdig pa'i las btang lags te/ btsun pa dang slan chad mnyan du yod pa na gnas pa'i skye bo mang po rnams kyi srungs ma dang / skyong ba ni bdag lags so// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis gnod sbyin ma rungs pa de btul nas/ skye bo phal po che de dag 'jigs pa med pa'i gnas su bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas gnod sbyin ma rungs pa 'di btul nas/ skye bo phal po che ji ltar 'jigs pa med pa'i gnas su bkod pa de nyon cig/ dge slong dag sngon byung ba 'das pa'i dus na/ grong khyer wA rA NA sin/ rgyal po tshangs pas byin

  1268. 223a

    / rgyal po byed de/ de'i tshe yul ka shing krug dug 'dug mi brdad pa zhig byung ste/ des grong yang stongs par byed/ ljongs kyang stongs par byed cing / wA rA dzA sarba phyogs su chas pa las/ rgyal po tshangs pas byin gyis thos nas/ de thos ma thag tu 'jigs pa chen po skyes te/ des dpung gi tshogs yan lag bzhi go bskon te btang nas/ khyed dang la klug du/ bde sod cig ces bsgo'o// de nas de dag gis rkang pa la phyag 'tshal te gsol pa/ lha de ni dpung gi tshogs kyis dgum par mi nus kyis/ sngags sam sman gyis de dgum par nus lag so/ / yang na dge ba'i tshul gyis bkur ba'i dge sbyong dang bram ze rnams kyis gdul bar nus lags so zhes gsol to// de nas de'i tshe wA rA NA si de nyid na/ gdol pa'i khye'u byams pa'i rang bzhin can snying rje che ba/ sems can la byams pa zhig gnas pa des/ skye bo mang po de dag ci bya gtol med par gyur pa mthong nas/ mthong ma thag tu de snying rje skyes nas/ des skye bo mang po rnams la smras pa/ khyed ci bya gtol med par byami dgos kyis/ bdag gis klu gdug pa de gdul bar bya'i zhes byas so// de nas de'i pham gnyis na re/ de ni dbugs gtsug pa yin te/ khyod kyis de gdul mi nus so// kye'us sbas pa/ byams pa'i gom gyon pa la des chu ky-i nod par byed mi nus so zhes byas nas/ khye'u des phyogs gang na klu gdug pa de

  1269. 223b

    'dug pa'i phyogs der song nas/ klu gdug pa des thag ring po zhig nas khye'u de mthong ngo // mthong nas kyang khros nas khye'u de la dbugs btang ngo // de nas khye'u de byams pa la skom/ bar zhugs nas/ byams pa'i lta ba'i klu gdug pa de la bltas te/ des bltas ma thag tu dug med par gyur to// de nas khye'u des klu sbrul de lag pa gnyis kyis blangs nas/ mi mi gnas pa'i sa phyogs su gzhag go/ / de nas rgyal po tshangs pas byin dang / skye bo mang po gzhan dag gis gdol po'i khye'u che ge mo zhig gis klu gdug pa btul lo zhes thos nas/ thos ma thag tu rgyal po de rang nyid gdol pa'i khye'u de'i thad du song nas/ des khye'u de la dam pa sna gcig 'dam du bcug ste/ khye'u khyod la dam pa sna gcig sbyin no zhes byas so// khye'us smras pa/ dge ba bcu'i las kyi lam yang dag par blangs te gnas par mdzod cig/ yul na gnas pa'i mi rnams kyang dge ba bcu'i las kyi lam la gzud par mdzod cig ces byas so// de nas rgyal po tshangs pas byin gyis khye'u longs spyod kyi dbyings chen po byin nas/ dge ba bcu'i las kyi lam yang dag par blangs te 'dug go// yul na gnas pa'i mi rnams kyang dge ba bcu'i las kyi lam la bkod do// dge slong dag ji snyam du sems/ de'i tshe gdol pa'i khye'ur gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe klu gdug par

  1270. 224a

    gyur pa gang yin pa de ni gnod sbyin ma rungs pa 'di kho na yin no/ / de'i tshe skye bo phal po cher gyur pa gang yin pa de dag ni yul ko sa lan gnas pa'i skye bo mang po 'di dag kho na yin te/ de'i tshe yang ngas klu gdug pa btul nas/ skye bo bal po che 'jigs pa med pa'i gnas su bkod do// da ltar yang ngas gnod sbyin ma rungs pa 'di btul nas/ bo bal po che 'jigs pa med pa'i gnas su bkod do// gzhan yang yang dag par rdzogs pa'i sangs rgyas 'od srungs kyi gsung rab la 'di dag thams cad dge bsnyen du gyur te/ der 'di rnams kyis che gcig tu tshangs bar spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// shi bo gnyis zhes bya bdes/ gangan yin/ bcom ldan 'das kyad kyi yul ljongs su zhing ga/ shegs pa la/ cu rlung bzab ldan dang / grong khyer / shi'i ba rgyalam nas spya zlag bu d+he/ na na / ga Sh+T+ri 'i sa ma sa ga / na na pokun dag mas bdun pa de sa mo la zhes ma ma nan 'das kyis pa tshul pa bzhin du paldananas/ rmugs pani pa ldas sa rgyas kyims

  1271. 224b

    ldan 'das la 'di skad ces gsol to/ / btsun pa de bzhin gshegs pa'i bla gos bzhi bltab tu bgyis te bting lags na/ bcom ldan 'das kyis da de'i dus la bab par dgongs su gsol/ de nas bcom ldan 'das kyis chos gos snam sbyar stug por blta ba ste/ phangs su bzhag nas/ snang ba'i 'du shes dang ldan pa dang / dran pa dang ldan pa dang / shes bzhin dang ldan pa 'du shes thugs la dgongs shing glo g.yas phyogs kyis gzims te/ zhabs gcig gi steng du gcig gzhag go// de nas bcom ldan 'das 'di snyam du dgongs te/ 'khor 'dir so so'i skye po'i dge slong de skyed 'dus shing tshogs pa de dag thams cad ci sangs rgyas kyis 'dul ba yin nam/ 'on te nyan thos kyis 'dul ba yin zhig gu sbrum du dgongs so// de nas yang bcom ldan 'das kyis dgongs pa/ 'di na kha cig ni sangs rgyas kyis 'dul bar 'gyur ro// kha cig ni nyan thos kyis 'dul bar 'gyur ro snyam du dgongs nas/ tshe dang ldan pa kun dga' bol bka' stsal pa/ kun dga' bo khyod byang chub kyi phyogs rnams las spobs par gyis shig/ de skad ces bka' stsal nas/ bcom ldan 'das kyis ci nas 'khor thams cad du sgra des gang bar 'gyur ba de lta bur byin gyis brlabs so/ / de nas dge slong mang po dag gis tshig de lta bu gsung ba'i sgra thos nas de dag gis bsams pa/ bcom ldan 'das kyis tshe dang ldan pa kun

  1272. 225a

    dga' bo la byang chub kyi phyogs kyi gtam gyis shig par bskul bas na/ da ni tshe dang ldan pa kun dga' bos sbrang bu'i sbrang rtsi btsir ba bzhin du chos snyun no cog ston par 'gyur snyam ste/ bcom ldan 'das ga la ba der dong ste lhags nas/ bcom ldan 'das bskor te 'khod do// de nas tshe dang ldan pa kun dga' bos/ dge slong rnams la smras pa tshe dang ldan pa dag dran pa yang dag byang chub kyi yan lag dben pa la rten pa/ 'dod chags dang bral ba la rten pa/ 'gog pa la rten pa/ rnam par spong bas yongs su bsgyur ba ni/ bcom ldan 'das nyid kyi mngon par shes pas/ mngon par rdzogs par sangs rgyas nas bstan to// tshe dang ldan pa dag chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag dben pa la rten pa/ 'dod chags dang bral ba la rten pa/ 'gog pa la rten pa/ rnam par spong bas yongs su bsgyur ba ni/ bcom ldan 'das nyid kyi mngon par shes pas/ mngon par rdzogs par sangs rgyas nas bstan to zhes/ tshe dang ldan pa kun dga' bos byang chub kyi yan lag 'di dag nyid las brtsams nas/ dge slong rnams la de lta bu dang 'thun pa'i chos bstan te/ des na nyan thos dang dge ba'i rtsa ba 'brel pa gang yin pa de

  1273. 225b

    dag gis stan de dag nyid la 'khod bzhin du nyon mongs pa thams cad spangs te/ dgra bcom pa nyid mngon sum du byas so// de nas bcom ldan 'das kyis tshe dang ldan pa kun dga' bo'i gtam gyi mjug rdzogs par thugs su chud nas bzhugs te/ skyil mo krung bcas nas sku drang por bsrang ste/ dran pa mngon du bzhag nas bzhugs te/ bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod brtson 'grus skyon tam/ gsol pa/ bcom ldan 'das brtson 'grus ston lags so// bka' stsal pa/ kun dga' bo khyod brtson 'grus ston tam/ gsol pa/ bde bar gshegs pa brtson 'grus ston lags so// bka' stsal pa/ kun dga' bo brtson 'grus ni/ bla na med pa yang dag par rdzogs pa'i byang chub tu 'gyur ba'o zhes/ bcom ldan 'das kyis byang chub kyi phyogs dag nyid la btsams nas/ de lta bu dang 'thun pa'i chos bstan te/ des na bcom ldan 'das dang dge ba'i rtsa ba 'brel ba gang yin pa de dag gis stan de dag nyid la 'khod bzhin du nyon mongs pa thams cad spangs nas/ dgra bcom pa nyid mngon du byas te/ de dgra bcom pa khams gsum pa'i 'dod pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/

  1274. 226a

    rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas de'i tshe dge slong zhig gis tshigs su bcad de smras pa/ snyan pa'i chos ni gsan pa'i phyir// ston pa srung bzhin nyid kyis bskul// khyod la byang chub yan lag rnams// yod na dge slong chos shod cig/ gnas brtan kun dga' mkhas shing grags/ / byang bar gyur pas legs zhes gsol// dpa' bo khyod kyi gsung rab la// dkar bas chos rnams de dag mnga'// dran dang rnam 'byed brtson 'grus dang // dga' dang rab sbyangs ting 'dzin dang / / btang snyoms 'di dag rdul med pa// khyod kyi byang chub yan lag lags// byang chub yan lag bcud thos nas// byang chub yan lag bcud kyang rtogs// bcom ldan snyun tshabs che ba las/ / gnod pa de las bzhengs par gyur// dam chos rin chen 'di ston pa'i// chos kyi mnga' bdag de nyid kyang // dam chos gsan par bzhed gyur na// gzhan lta rdza ltar de mi nyan/ / stobs bcu mnga' bas nye rgyal ni// dge slong rnams kyi shes rab mchog/ bstan pa gang yin de nyid kyang // chos nyan 'dod pas gzir bar gyur// mdo sde 'dul ba ma mo

  1275. 226b

    'dzin/ / mkhas shing tshul dang tshul min shes// de dag dam chos nyan byed na// bzhin lta ji ltar de mi nyan// mkhas pa shes 'dod sems bzhag nas// chos bzhin nyan par byed pa ni// / sangs rgyas gsung bar skyespyod med la// de bzhin dga' ba thob par 'gyur// yid dga' lus kyang shin tu sbyangs// bde ba yang ni myong bar 'gyur// bde bar gyur na sems nyid kyi// ting 'dzin la yang rag par 'gyur/ / sems ni mnyam par gzhag pa yis// 'du byed g.yul gyi rnam pa rig/ srid pa'i 'gro las skyong bar 'gyur// chags med sems kyis grol bar 'gyur// rtag tu srid 'gro skyo gyur na/ / lha dang mi la chags pa med// bud shing med pa'i me bzhin du// dgra bcom rnams ni mya ngan 'da'// dam chos mnyan pa'i phan yon ni// mang po gzhan yang rgyal bas bstan/ / de phyir 'dir ni yod snyam du// ston pa'i bka' ni mnyan par bya// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das ni legs par smras pa gsung ba dang / legs par smras pa banod pa lags te/ legs par smras pa'i don gyi slad du/ bcom ldan 'das kyis che/ dran pa kun dga' bo la bskul ba mdzad nas/ bkur sti dang ldan pas gsan kyang gsan/ bshad kyang bshad pa la gzigs/ bcom ldan 'das kyis bka' stsal pa/ dge slong dag de bzhin gshegs pa nin

  1276. 227a

    ltar 'ba' zhig legs par smras pa gsung ba dang / legs par smras pa bzhed pa ma yin gyi/ de bzhin gshegs pa ni 'das pa'i dus na yang legs par sbas pa gsu ba dang / legs par smras pa bzhed pa yin te/ legs par smras pa'i don gyi phyir ngas mchog tu dka' ba ji ltar spyad pa de nyon cig/ dge slong dag sngon byung ba 'das pa'i dus na/ rgyal po'i pho brang zhing ldan zhes bya ba na/ rgyal po shibi zhes bya ba rgyal po byed de/ de'i ring la 'byor pa dang / rgyas pa dang / bde dang / lo legs pa dang / skye bo dang mi mang pos gang ba dang / rtsod ba dang 'thab mo zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du rgyal srid byed do// rgyal po de yang byams pa'i rang bzhin can snying rje dang ldan pa/ sems can labyams pasbyin pa la sred pa zhig ste/ de sbyin pa dag sbyin zhingabasod nams dge byed pa la zhugs te/ zas 'dod pa la ni zas sbyin par byed/ sgrom 'dod la ni gom sbyin bar byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ mal stan 'dod pa la ni mal stan sbyin par byed/ bzhon pa 'dod pa la ni bzhon pa sbyin par byed/

  1277. 227b

    / yo byad gzhan 'dod pa la ni yo byad gzhan sbyin par byed do// nad gso ba'i nang brang bcas te/ yo byad thams cad sbyar nas/ sman pa rnams dang / nad g.yog rnams bskos te/ nad pa rnams dang / mgon med pa rnams kyi rim gro byed do// bza' ba dang bca' ba gtsang ma mang po dag kyang sta gon byas te/ nam mkha' la gnas pa dang / chu na gnas pa dang / thang la gnas pa'i srog chags rnams la sbyin par byed do/ / des yi dam 'di lta bu yang bcas te/ dbyin chad bdag gis thams cad la thams cad sbyin par bya ste/ 'jig rten dag dge ba bcu'i las kyi lam la dgod par bya'o zhes dam bcas nas/ des 'jig rten thams cad dge ba bcu'i las kyi lam la bkod do// der dge ba bcu'i las kyi lam yang dag par blangs pa'i phyir/ sems can phal cher shi ba'i 'og tu lha'i nang du skyes nas/ de dag gis lha'i gnas rnams gang bar gyur to// de nas lha'i dbang po brgya byin gyis bsams pa/ 'di ci zhig sgrub/ brgya byin du 'gyur bsdu ba 'am/ 'on te tshangs par 'gyur ba sgrub cig gu skam mo// de nas des bltas na bla na med pa yang dag par rdzogs pa'i byang chub sgrub cing 'dug go// de nas lha'i dbang po brgya byin gyis bsams pa/ ci 'di sems can brtan po yin nam/ 'on te sems can mi brtan pa yin/ bdag gis rje brtags la/ gal te sems can brtan po yin na ni mchod pa bya'o// de ste/

  1278. 228a

    sems can brtan po ma yin na yang 'di'i sems stobs bskyed par bya'o gam nas/ sgra'i dbang po ba rgya byin gyis bdag nyid dran po'i gzugs su mngon par sprul nas/ de rgyal po shi bi'i khang bzangs kyi char khab la 'dug ste/ tshigs su bcad pa'i phyed smras pa/ kye ma 'du byed rnams mi rtag/ skye zhing 'jig pa'i chos can yin// zhes smras pa/ lha'i dbang po brgya byin mi ma yin pa'i cha lug can de nas cang mi zer bar 'dug go/ de nas rgyal po shi bis lha'i dbang po brgya byin mi ma yin pa'i cha lugs can gyis tshig de lta bu brjod pa thos so// thos nas kyang des bsams pa/ gcig tu na ni mya ngan las 'das pa'i rten cing 'brel bar 'byung ba'i sgo bye'o// gcig tu na ni yang dag par rdzogs pa'i byang chub kyi lam bstan to snyam mo// de nas rgyal po shi bi'i lha'i dbang po brgya byin mo ma yin pa'i cha lugs can khang bzangs kyi char kha ba la 'dug pa mthong ngo // mthong nas kyang sbyin par langs nas bla gos phrag pa gcig tu gzar te/ lha'i dbang po brgya byin mi ma yin pa'i cha lugs can ga la ba de logs su thal mo sbyar ba btud nas smras pa/ grogs po tshigs su bcad pa de tshang bar smros shig dang / bdag gis slob ma bgyis te mnyan to/ / brgya byin gyis spras pa/ khyod kyis bdag gi slob ma byas pas ci la phan/ bdag ni bkres shing zhom pas gzir te/ ci byag tol med par bla zhing 'dug go// byang chub sem

  1279. 228b

    sas smras pa/ grogs po tshigs su bcad pa chang bar spros shig/ bdag gis byud kha zas kyis tshim par bya'o// lha'i dbang po brgya byin mi ma yin gyi cha lugs can gyis smras pa// thogs po khyod kyis nga kha zas kyis tshim par byed nus sam/ nga'i kha zas dang skem ji lta bu yin pa de ni khyod kyis sbyin par dka' 'o// byang chub sems dpas smras pa/ khyod kyi zas skom ci yin// des smras pa/ mi 'phral du bsad pa'i sha dron po ni za/ khrag dron po ni 'thung ngo // de nas byang chub sems dpas bsams pa/ de lta bu'i sha khrag ni gsod par ma byas kyi bar du mi rnyed la/ bdag gis legs par smra ba pa'i don gyi phyir/ sems can gzhan su la yang gnod pa byed mi phod do snyam nas smras pa/ gal te bdag gi khrag khyod za zhing 'thung phod na ni// grogs po bdag gis sbyin nus ches kyis/ tshigs su bcad pa chang bar smros shig dang / legs par smras pa'i don gyi phyir/ bdag gis khyod la rang gi sha khrag sbyin na// de nas lha'i po brgya byin gyis tshigs su bcad pa chang bar smras pa/ kye ma 'du byed rnams mi rtag/ skye zhing 'jig pa'i chos can yin// skyes na/ ga par 'gyur ba ste// de dag nye zhi ba bde// de nas byang chub sems dpas tshogs su bcad pa chang ba de gus par mnos nas/ yun ring mo zhig tu kha ton du sbyangs nas bsams pa/ 'di ni mya ngan las 'das pa'i grong khyer gyi rten cing 'brel par

  1280. 229a

    'byung ba'i sgo yin no/ / 'di ni mya ngan las 'das pa'i grong khyer gyi lam yin no// lam 'dis yang dag par rdzogs pa'i sangs rgyas thams cad nges par 'byung ngo snyam nas/ mtshon cha rnon po blangs te smras pa/ grogs po legs par sbas pa'i don gyi phyir yon bzhes shig ces byas nas/ brang gi phyogs gcig nas sha bcad de/ lha'i dbang po brgya byin mi ma yin/ pa'i cha lugs can la byin te smras pa/ grogs po 'grangs sam/ des smras pa/ ma 'grangs so// de bzhin du brang gi phyogs ya gcig nas bcad de byin no// de bzhin du dpung pa'o sha rnams nas lus thams cad kyi sha bcad cing byin nas smras pa/ grogs po 'grangs sam/ des smras pa/ ma 'grangs so// de nas byang chub sems dpas smras pa/ da ni lus ril gyis yongs su btang ba'i dus kho na la bab bo snyam nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa chen por gyur pa 'di yis ni// sra

  1281. 229b

    pa dag tu rang byung sangs rgyas shog/ sngon gyi rgyal dbang rnams kyis ma bsgral ba'i// skye bo phal chen rgal nas bsgral bar bgyi// de ltar bla na med pa yang dag par rdzogs pa'i byang chub tu smon lam btab nas smras pa/ grogs po bdag gi lus 'di ci dga' bar gyis shig/ de nas byang chub sems dpas sems bskyed ma thag tu sa rnam pa drug tu g.yos so// nam mkha' la 'khod pa'i lha rnams kyis me tog gi char phab nas/ legs so zhes bya ba byin te/ grogs po legs so legs so// khyod kyis mchog tu dka' ba'i las byas so zhes 'dzer to// de nas lha'i dbang po brgya byin gyis bsams pa/ byang chub sems dpa' 'dis mchog tu dka' ba byas te/ bdag gis 'di'i lus snga mkho bzhin du bsgyur ba ni nus mod kyi/ 'on kyang bdag gis 'di nyid kyi spro ba tshod zin par bskyed dgos so snyam nas/ byang chub sems dpa' la smras pa/ grogs po khyod sha rnams gcod cing rgyus pa dang rtsa brang breng rnams gseb na/ sems mi dga' ba cung zad tsam ma skyes sam/ byang chub sems dpas sbas pa/ grogs po bdag gi sha rnams gcod cing rgyus pa dang rtsa brang breng rnams gse ba na/ sems mi dga' ba cung zad kyang ma skyes kyi/ bdag sdug bsngal myong ba na/ sems can dmyal ba dang dud 'gro dang / yi dgas su skyes pa'i sems can rnams 'ba' zhig la snying rje'i dbang du gyur to// lha'i dbang po brgya

  1282. 230a

    byin mi ma yin pa'i cha lugs can gyis smras pa/ grogs po khyod kyi tshig de la su zhig yid ches/ byang chub sems dpas smras pa/ bdag gis khyod la bden pa bskul ba de lta bus yid ches par bstan to/ / brgya byin gyis smras pa/ de ltar khyod kyis bden pas bskul bar chad na/ je khyod bdag gi lus 'di bden pa bskul bas snga mkho bzhin du gyur cig de skad ces smras ma thag tu/ byang chub sems dpas smras pa/ bden pa dang bden pa'i tshig gang gis 'di ltar bdag gi sha rnams gcod cing rgyus pa dang rtsa brang breng rnams gseb na/ sems cung zad mi dka' bas smrasate/ ngagags drug brjel myong ba na// sems can du rdzal pa dang / dun bgrod du/ nags su skyes pa'i sems can rnams papa 'azhig pa na rje'i dang n a/ bden pa dang bden pa'i tshig des bdag gi lus 'di snga mkho bzhin du gyur cig ces byas so// de skad ces brjod ma thag tu/ byang chub sems dpa'i lus snga mkho bzhin du gyur to// de nas de mthong ma thag tu lha'i dbang po brgya byin yi rang ste/ cha lugs de med par byas nas/ rang bzhin gyi gzugs su bsgyur te/ byang chub sems dpa'i rkang pa la phyag 'tshal nas smras pa/ bdag gis khyod la gnod pa'i bsam pas mi dga' bar byas pa ma yin gyi/ khyod nyid kyi sprob bskyed pa'i phyir/ bdag gis khyod mi dga' bar byas par zad do// khyod kyi brtson 'grus 'di

  1283. 230b

    'dra ba dang / spro ba 'di 'dra ba las na/ gdon mi za bar khyod yang dag par rdzogs pa'i byang chub mngon par rdzogs par 'tshang rgya bar 'gyur gyis/ de'i tshe bdag dran par mdzod cig/ de nas lha'i dbang po brgya byin gyis/ byang chub sems dpa' la bzod pa gsol nas/ de nyid du mi snang bar gyur to// dge slong dag ji snyam du sems/ de'i tshe rgyal po shi bir gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe yang ngas legs par smra bas smra ba dang / legs par smra bas 'dod par gyur na/ da ltar de bzhin gshegs par gyur pab na/ legs par smra ba smra ba dang / legs par smra bar 'dod par ci ste mi mdzad/ de ci'i phyir zhe na/ dge slong dag nga ni chos rnams drang po byed pa yin pa'i phyir ro// shi bi gnyis pa ni/ gtan tshigs dang / sngon gyi rgyud snga ma dang 'dra ba las/ lha'i dbang po brgya byin gyis/ byang chub sems dpa' la smras pa/ khyod kyis bdag gi slob ma byas pas ci la phan// nga khyod la gnod pa zhig zer gyis/ gal te gnod pa de khyod kyis byed phod na ni/ de'i 'og tu tshigs su bcad pa de ngas khyod la brjod par bya'o// byang chub sems dpas smras pa/ grogs po tshogs su bcad pa de je rjod cig dang / khyod kyis bdag la gnod pa byed du bcug pa de dag thams cad bdag gis bgyi'o// grogs po tshigs su bcad pa de tshang bar smros shig/ de skad ces smras ma thag

  1284. 231a

    tu/ lha'i dbang po brgya byin gyis/ byang chub sems dpa'i mdun du tshigs su bcad pa de tshang bar brjod do// de nas byang chub sems dpas bla gos phrag pa gcig tu gzar nas/ lha'i dbang po brgya byin gyis yin pa'i cha lugs can gal ba de logs su thal mo sbyar ba btud nas/ tshogs su bcad pa de tshang bar mnos te/ yun ring mo zhig tu kha ton sbyangs nas khab sor bzhi pa stong shing leb la btsugs pa de lta bu shing leb gnyis kyi bar du bdag nyid nyal te 'chir bar byed do/ / de de na 'dug bzhin du bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa chen por gyur pa 'di yis na// srid pa dag tu rang byung sangs rgyas shog/ sngon gyi rgyal dbang rnams kyis ma bskal ba'i/ / skye bo phal chen gal nas bskal bar bgyi// de nas shing leb kyi bar du bcir ma thag tu/ byang chub sems dpa'i lus thams cad las khrag 'bab par gyur nas/ sa rnam

  1285. 231b

    pa drug g.yos so/ / nam mkha' la 'khod pa'i lha rnams kyis kyang me tog gi char phab nas/ legs so zhes bya ba byin no// lhag ma rnams ni shi biba'i gtam rgyud snga ma bzhin du bden pas bskul nas/ lus snga mkho bzhin du sor chud par gyur pa'i bar du brjod par bya'o// ko'u sham bai zhes bya ba ni/ sangs rgyas bcom ldan 'das yul ko'u sham bin/ khyim bdag gdangs can gyi kun dga' ra ba na bzhugs te/ de'i tshe ko'u sham bi'i dge slong ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba zhig gnas te/ de'i dge slong grogs po mang po gzhan dag kyang yod la/ de dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go// yul yangs pa can gyi dge slong zhig gis kyang / yul ko'u sham pa ri 'ongs te/ de yang ma rungs pa/ mthu rtsal che ba mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang bzhig yin la/ de'i dge slong grogs po mang po gzhan dag kyang yod la/ de dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go// de nas de dag dbyar gnas bcas nas/ nang

  1286. 232a

    khrims bcas te/ bdag cag gi nang nas gang gis chur stong pa ci yang med pa chu med pa mthong na/ de nyid kyis dgang bar bya'o// yang na yo byad kyi zhal ta byed pa la sngun par bya'o/ / bdag gis kyang ma bkang / yo byad kyi zhal ta byed pa la yang ma sbran na/ de bdag cag gis gzhi de las nyes pa chags su gzhug go zhes zer ro// de nas der dbyar gnas bcas pa rnams yang dag pa'i gtam gtan la 'bebs pa na/ de tshig rtsub pos 'dres nas/ gcig la gcig glags 'ba' zhig lta zhing 'khod do// de'i tshe khyim bdag gcig gis sangs rgyas la sogs pa dge slong gi dge 'dun khyim du bshos la spyan drangs bcom ldan 'das dge slong mang pos zham ring byas te/ khyim bdag de'i khyim du gshegs so// bcom ldan 'das gshegs nas/ yangs pa can gyi dge slong de nub khung sar song ste bkru ba shal byas nas/ chu ra'i nang du chu chung ngu zhig las ma lus par mthong nas/ bsams pa/ dge slong thams cad dong zin pas/ da ni su yang chab khung sar 'gro ba med kyis/ bdag gos chur 'di rang gis dgang yang mi dgos/ yo byad kyi zhal ta byed pa la sman yang mi dgos so snyam nas/ des chu nyung bzhin du bor te song ngo / / de song nas ring zhig lon pa'i 'og tu/ ko'u sham pa'i dge slong de cha khung sar 'gro bar chas pa las des bltas na/ chu ra'i nang na chu nyung ngu zhig las med par

  1287. 232b

    mthong nas/ des kyang sngar yangs pa can gyi dge slong des bkru ba shal byas nas song ba mthong nas/ des bsams pa/ dge slong 'di ni las rnam gnyis byed par 'gyur te/ yang na ni bdag nyid kyis chur 'gengs par byed par 'gyur ro/ / yang na ni yo byad kyi zhal ta byed pa la sbron par byed do snyam nas de la sdod cing 'dug go// de nas de la lhan cig 'khod pa'i slob ma rnams kyis smras pa/ mkhan po dge slong thams cad ni dong lags na/ khyod 'di na ci la gzhes/ des smras pa/ bkru ba shal bya bar 'dod de/ yangs pa can gyi dge slong des bkru ba shal byas te song bas na/ de 'ongs te yang na ni kho bdag gis chu bar 'gengs par 'gyur ro// yang na ni yo byad kyi zhal ta byed pa la sbron par 'gyur ro// de dag gis smras pa/ mkhan po de 'khor dang bcas pa ni dong lags kyi/ / 'dir ma bzhes shig/ de nas des chur de dge slong rnams la bstan te khyed ltos shig/ chu 'di tsam gyis bkru ba shal byar rung ngam/ de dag gis smras pa/ mkhan po khyod kyis 'di na chu med do zhes de nyi tshe zhig gsungs shig dang / bdag cag gis khyod kyi 'jing dang / mthu dang / grogs bgyi'o zhes byas nas dong ngo // yang ba can gyi dge slong de yang 'gyod pa skye nas/ de lhan cig gnas pa'i slob ma rnams la smras pa/ kye bdag gis 'dir bkru ba shal byas pa las/ chu ra'i nang na chu nyung shas

  1288. 233a

    shig las ma lus bzhin du bor te 'ongs la/ dge 'dun gyis nang khrim bcas pa ni yang na bdag nyid kyis dga' bar bya ba dang / yang na yo byad kyi zhal ta byed pa la sbran dgos pa yin na/ de bdag rang gis kyang ma bkang la/ yo byad kyi nal ta byed pa la yang ma sbran na/ bdag 'dir 'ongs pa'i 'og tu dge slong 'ga' zhig bkru ba shal byed par mi 'gyur grang zhes byas so/ / de nas de dag gis smras pa/ mkhan po khyod kyis 'di skad du/ de'i nang na chu yod do zhes de nyi tshe zhig gsungs shig dang / bdag cag gis khyod kyi 'dzing dang / mthu dang grogs bgyi'o zhes byas nas/ de nas de dag khyim der zan zos nas phyir dong ngo // de dag gi nang nas ko'u sham bi pa rnams kyis bsams pa/ yadra ba can gyi dge slong des dge 'dun gyi na khrims las 'gal bar byas kyis/ des nyes pa byas pa'i phyir/ bdag cag gis nyes pa 'chags su gzhug go snyam te/ gdan bshams nas gaN+DI brdungs te/ dge 'dun rnam cad 'dus shing 'khod par gyur nas/ ko'u sha pa bi'i dge slong des yangs pa can gyi dge slong de la glengs pa dang / des smras pa/ de'i nang na chu yod do// des smras pa/ chu de tsam gyis bkru ba shal byar tshig gam zhes byas nas/ de dag gis de la yul med par bskon pa'i phyir dgar ba'i las byas so// de nas yang sa pa can gyi dge slong gis las de shig ste gyes

  1289. 233b

    nas/ gso sbyong gi las logs shig tu byas so// de nas ga ni de las de dag 'thab pa dang / mtshang 'dru ba dang / 'gyed pa dang / rtsod par gyur nas/ de dag 'thabs shing 'tshang // brus la bkye zhing brtsad nas 'khod do// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba rnams bkug nas bka' stsal pa/ dge slong dag khyed 'thab ste/ ma tshang 'dru zhing 'gyed la rtsod par gyur pa bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab ste 'tshang 'dru zhing 'gyed la rtsod cing ma 'khod cig/ dge slong dag khyed 'thab ste/ ma tshang 'dru zhing 'gyed la rtsod cing 'khod na ni/ dge ba'i chos rnams 'grib par 'gyur gyi/ 'phel bar mi 'gyur bar rig par gyis shig/ dge slong dag khyed mi 'thab ste/ mtshang mi 'dru zhing mi 'gyed la/ mi rtsod par 'khod na ni dge ba'i chos rnams 'phel ba 'ba' zhig tu 'gyur gyi/ 'grib par mi 'gyur bar rig par gyis shig/ dge slong dag gzhan yang dgar bas bcad pa'i dge slong gis ni 'di ltar bya dgos te/ dgar bas bcad pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin la/ dge slong grogs po mang po gzhan dag kyang ma rungs pa/ mthu

  1290. 234a

    rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin na/ de dag gis bdag la 'dod pa ma yin pas gleng bar byed la/ 'dod pa ma yin pas dran par byed kyis/ bdag gis nyes pa gleng ba de chos bzhin du mnyan par mi bya'o// de dag gis kyang bdag mi snang bar dgar bar byed de phyir bcos su med pa dang / phyir 'byung du med par sdig pa'i lta bas dgar bar byed de/ gzhi des na dge 'dun gyi 'thab mo dang / mtshang 'dru ba dang / 'gyed pa dang / rtsod pa 'byung bar 'gyur ro snyam du rig nas glengs pa'i dge slong gis nyes pa bzhin du phyir bcos na ni legs/ de ltar phyir ma bcos na 'gal bar 'gyur ro// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams btang nas/ dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang ba'i rjes su 'brang ba rnams bkug nas bka' stsal pa/ dge slong khyed 'thab ste/ mtshang 'dru zhing 'gyed la rtsod par gyur pa bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab te// 'tshang 'dru zhing 'gyed la rtsod cing ma 'khod cig/ dge slong dag khyed 'thabs te/ 'tshang

  1291. 234b

    'dru zhing 'gyed la rtsod cing 'khod na ni/ dge ba'i chos rnams 'grib par 'gyur gyi/ 'phel bar mi 'gyur bar rig par gyis shig/ dge slong dag khyed mi 'thab ste/ mtshung mi 'dru zhing mi 'gyed la/ mi rtsod par 'khod na ni/ dge ba'i chos rnams 'phel ba 'ba' zhig tu 'gyur gyi/ 'grib par mi 'gyur bar rig par gyis shig/ dge slong dag gzhan yang dgar bar byed pa'i dge slong gis ni 'di ltar bya dgos te/ dgar bar byed pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor ma ba yin la/ dge slong grogs po mang po gzhan dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin te/ bdag gis de la 'dod pa ma yin pas gleng bar byas/ 'dod pa ma yin pas dran par byas na/ des nyes pa de chos bzhin du mnyan par mi byed nas/ de bdag gis mi snang bar dgar bar byas te/ phyir bcos su med pa dang / phyir 'byung du med par sdig pa'i lta bas dgar bar byas te/ gzhi des na dge 'dun gyi 'thab mo dang / ma tshang 'dru ba dang / 'gyed pa dang / rtsod pa 'byung bar 'gyur ro snyam du rig nas/ 'dod pa ma yin pas gleng bar ma byed cig/ 'dod pa ma yin pas dran par ma byed cig/ gal te 'dod pa ma yin pas gleng bar byed na 'gal bar

  1292. 235a

    'gyur ro/ / de ltar de dag bcom ldan 'das kyis bka' stsal kyang / de bzhin du 'thab cing 'tshang 'dru la 'gyed cing rtsod de 'khod nas/ da rung yang gso sbyong byas par mi rtsi nas/ skabs kyi gtam de dge slong rnams kyis/ bcom ldan 'das la gsol to// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab ste/ mtshang 'dru zhing 'gyed la rtsod cing ma 'khod cig ces ngas bsgo yang / de bzhin du khyed 'thab te ma tshang 'dru zhing 'gyed la rtsod cing 'khod de/ da rung yang gso sbyong byas par mi rtsi ba bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab te/ mtshang 'dru zhing 'gyed la rtsod par ma byed cig/ dge slong dag khyed 'brab ste/ mtshang 'dru zhing 'gyed la rtsod cing 'khod na ni gso sbyong byed dam/ skabs 'byed pa'i las byed dam/ gsol ba'i dang gnyis kyi las byed dam/ gsol ba dang gzhi'i las byed kyang rung ste/ las de dag 'jig par 'gyur te/ gzhag dgos pa yin no// de ci'i phyir zhe na/ dge slong khyed ni de dag las tha dad par gnas par byed la/ de dag kyang khyed las tha dad par gnas par byed pa'i phyir ro// dge slong dag tha dad par gnas pa ni 'di gnyis yin te/ gang bdag nyid kyis bdag

  1293. 235b

    thadad par gnas par 'dogs pa dang / gang dge 'dun 'thun pas tha dad par gnas par 'dogs pa'o// de la dge slong bdag gis bdag tha dad du gnas par 'dogs pa ji lta bu zhe na/ 'di ltar dge slong gis shes bzhin du chos bzhin gyi phyogs la/ chos bzhin ma yin pa'i phyogs yin par 'jog bde lta bu ni/ bdag gis bdag tha dad par gnas par 'dogs pa yin no// dge 'dun gyis chos bzhin du tha dad par 'dogs pa ji lta bu zhe na/ 'di ltar dge 'dun gyis dge slong mi snang bar dgar bar byas te/ phyis bcos su med pa dang / phyir 'byung du med par sdig pa'i lta bas dgar bar byed pa ste/ de lta bu ni dge 'dun gyis tha dad par gnas par 'dogs pa yin no// dge slong dag lhan cig tu gnas pa ni 'dis nyi yin te/ gang gis bdag lhan cig tu gnas par 'dogs pa dang / gang dge 'dun gyis chos bzhin du lhan cig tu gnas par 'dogs pa'o// de la bdag gis bdag la lhan cig tu gnas par 'dogs pa ji lta bu zhe na/ 'di ltar dge slong gis shes bzhin du chos bzhin ma yin pa'i phyogs la/ chos bzhin gyis phyogs yin par 'jog pa ste/ de lta bu ni bdag gis bdag lhan cig tu gnas par 'dogs pa yin no// dge 'dun gyis chos bzhin du lhan cig tu gnas par 'dogs par lta bu zhe na/ 'di ltar dge 'dun gyis dge slong mi snang bar dgar bar byas te/ phyir bcos su med pa dang / phyir 'byung du med par sdig pa'i ltabs

  1294. 236a

    dgar bar byed pa ste/ de lta bu ni dge 'dun gyis chos bzhin du lhan cig tu gnas par 'dogs pa'o// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams btang nas/ dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab te/ mtshang 'dru zhing 'gyed la rtsod cing ma 'khod cig ces ngas bsgo yang de bzhin du khyed 'thab ste/ mtshang 'dru zhing 'gyed la rtsod cing 'khod de/ da rung yang gso sbyong byas par mi rtsi ba bden nam/ gsol pa/ bcom ldan 'das mad lags so zhes bgyi ba nas/ de lta bu ni dge 'dun gyis chos bzhin du lhan cig tu 'dogs pa'o zhes bya ba'i bar snga ma bzhin du sbyar ro// de ltar de dag la bcom ldan 'das kyis bka' stsal kyang / de bzhin du 'thab cing mtshang 'dru la/ 'gyed cing rtsod de 'khod do// de nas khyim bdag cig gis sangs rgyas la sogs pa dge slong gi dge 'dun khyim du bshos la spyan drangs nas dge slong dag de dong ngo / / de nas bcom ldan 'das kyis yo byad kyi zhal ta byed pa la/ bshos 'dir drongs shig ces bka' stsal te/ sangs rgyas bcom ldan 'das rnams ni rnam pa lnga'i

  1295. 236b

    phyir yo byad kyi zhal ta byed la/ bshos len du 'jug par mdzad de/ nang du yang dag par 'jog par bzhed pa dang / lha rnams la chos ston par bzhed pa dang / nad pa gzigs par bzhed pa dang / mal stan gzigs par bzhed pa dang / nyan thos rnams la bslab pa'i gzhi bca' bar bzhed pa rnams kyi phyir ro// skabs 'dir ni bcom ldan 'das kyis 'dul ba la bslab pa'i gzhi bca' bar bzhed pa'i phyir/ yo byad kyi zhal ta byed pa la bshos len du btang ngo // de nas dge slong mang po khyim der dong ba rnams mal stan la 'khod nas 'thab te/ mtshang 'dru zhing 'gyed la rtsod par gyur to/ / de dag 'thab ste mtshang 'dru zhing 'gyed la rtsod cing 'khod de/ 'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'khod la/ ji tsam na rdeg par yang byed do/ / de nas bshos len du song bas/ bshos blangs nas/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ de nas bcom ldan 'das kyis bshos len pa'i dge slong de la bka' stsal pa/ dge slong ci dge slong gi dge 'dun kha zas bzang pos tshim par gyur tam/ gsol pa/ btsun pa de ni de lags te/ dge slong gi dge 'dun kha zas bzang pos tshim par gyur lags na/ btsun pa 'on kyang dge slong mang po khyim der mchis pa rnams 'thab ste/ mtshang 'dru

  1296. 237a

    zhing 'gyed la rtsod par gyur to/ / de dag mtshang 'dru zhing 'gyed la rtsod cing 'khod de/ 'tsham pa ma lags pa'i lus kyi las dang / 'arnam pa ma lags pa'i ngag gi las bgyid cing mchis la/ ji tsam na rdeg par yang bgyid do zhes gsol to// de nas bcom ldan 'das bshos gsol nas/ btsug lag khang gi phyi rol tu zhabs bkrus te/ nang du yang dag 'jog pa'i phyir gtsug lag khang gi nang du gshegs so/ / de nas bcom ldan 'das phyed 'bred nang du yang dag 'jog las bzhengs nas/ dge slong gi dge 'dun gyi gung la gdan pashams pa la bzhugs so/ / gdan la bzhugs nas/ bcom ldan 'das kyis/ dge slong rnams la bka' stsal pa/ dge slong dag khyed khyim der dong ba rnams 'thab ste/ mtshang 'dru zhing 'gyed la/ rtsod par gyur nas khyed 'thab ste/ mtshang 'dru zhing 'gyed la rtsod cing 'khod de/ 'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'khod la/ ji tsam na rdeg pabar yang byed pa bden nam/ btsun pa mad lags so// de nas bcom ldan 'das kyis/ dge slong rnams la bka' stsal pa/ khyim der dong ba'i dge slong sde sder chad pa rnams la khrims su byas pa'i chos rnams ngas bca' bar bya ste/ dge slong rje slar chad pa rnams kyis rtsod pa'i gzugs kyis gnas so cog spongs shig/ dge slong tha mal par 'dug pa rnams dang / nyin par

  1297. 237b

    yang rung / mtshan mo yang rung / nang par yang rung / grol yang rung ste/ gtsug lag khang gcig gam/ dgon pa 'am/ grong 'dab gcig tu gnas par ma byed cig/ lhan cig tu yang gnas par ma byed cig/ lam cig tu yang ma 'gro zhig/ lam du yang ma 'grogs shig/ brda yang ma byed cig/ brda skad kyang ma len cig/ tha mal par gnas par rtsod pa'i gcugs de khong du chud nas chos bzhin dang / 'dul ba bzhin du zhi bar byed nus la/ ston pa'i bstan pa bsrung ba'i phyir 'thun par byed na ni/ zhi bar byed pa'i thabs dag cing 'dul ba dang 'thun pa gcig gis rtsod pa'i gcugs de ni bar byas pa zhes bya'o/ / las brgya tham pa las sdom gyi tshigs su bcad pa bcu pa rdzogs te/ las brgya tham pa rdzogs so// // sngon sangs rgyas bcom ldan 'das shAkya thub pa ri kharti rtag gi steng na bzhugs te/ de'i tshe phyogs bcu'i byang chub sems dpa' sems dpa' chen po'i 'khor dang bcas pa dang / dgra bcom pa dang / lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / nam mkha' lding dang / bdud sdig can la sogs pa mthu bo che thams cad tshogs pa de'i dus na/ sangs rgyas bcom ldan 'das kyis zhal gyi srin mtshams nas 'od rer shar gyi lus 'phags dang / lho'i 'dzam bu gling dang / nub kyi ba lang spyod/

Colophon

las brgya tham pa rdzogs so/