mi rtag pa nyid kyi mdo
Text
ff. 165b–167a · 4 folio sides
- 165b
bcom ldan 'das kyis de skad ces bka' stsal te/ bde bar gshegs pas de skad gsungs nas/ snyan pas gzhan yang 'di skad bka' stsal to// nad med mi rtag la tshe tag ma yin// 'byor pa mi rtag srog kyang rtag ma yin/ skye bo min ga nyid kyis nyan gyu // do par man tan dga' ba ji ltar ste// bcom ldan 'das kyis de gdanas bka' stsal nas/ dge slong dag yid rangs te/ bcom ldan 'das kyis gsangs pa la mngon par stod / mi rtag pa nyid kyi ma rdzogs s+ho// // rgya gar gyi mkhan po su ran dra ba d+hi dang / thu chen gyi lo tsA ba ban de zhang ye shes sdes bsgyur cing zhus nas skad gas rabacad kyis kyang bstan nas gtan la phab po// / rgya ga ska a ni t+ya sU tra/ bod skad du/ mi rtag pa nyid kyi mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na bcom ldan 'dab mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa// dge slong dag 'du byed thams cad mi rtag pa dang / mi brtan pa dang / yid brtan du mi rung ba dang / yongs su 'gyur ba'i chos can te/ dge slong dag chog gis 'du byed thams cad las sems zlog shig/ dge slong dag ma chags pa dang / ma zhen pa dang / rnam par grol bar gyis shig/ gang yang sems can thams cad dang / 'byung po thams cad dang / srog chags thams cad kyi gson pa'i mtha' ni 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do// gang yang khyim bdag gi rigs shing sa la chen po lta bu 'am/ bram ze'i rigs shing sa la chen po lta bu'am/ rgyal rigs shing sa la chen po lta bu phyug pa/ nor mang ba/ longs spyod che ba/ nor bu dang / mu tig dang / bai dUr+ya dang / shad ka shi la dang / byi ru dang / gser dang / dngul dang / nor dang / longs
- 166a
spyod mang ba dang / 'bru dang / dbyig dang / gser dang / mdzod dang / bde ba bsags pa mang po dang / zan po dang / bran mo dang / zhogs 'tsha ba mang po dang / mdza' bshes dang / nye dra dang / stug gi gnyen mtshams mang ba de dag ni/ gson pa'i mtha' yang 'chi bar 'gyur ba ste/ skyes nas 'chi bar mi 'gyur ba med do// gang yang rgyal po rgyal rigs spyi bo nas dbang bskur ba// yul la dbang ba/ mthu thob pa/ sa chen po'i dkyil 'khor du mngon par rgyal bas gnas pa de dag gi gson pa'i mtha' yang 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do// gang yang drang srong nags na gnas pa rtsa ba dang / 'bras bu za zhing rtsa ba dang / 'bras bu la spyod pa/ rtsa ba dang 'bras bus 'tsho zhing gnas pa de dag gi gson pa'i mtha' yang 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do// gang yang rgyal chen bzhi'i ris kyi lha rnams dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams te/ de dag gi gson pa'i mtha' yang 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do// gang yang bsam gtan gsum pa thob pa'i lha rnams te/ dge chung dang / tshad mang dge dang / dge rgyas pa ste/ de dag gi gson pa'i mtha' yang 'chi ba yin zhing mthar yang 'chi bar 'gyur te/ skyes nas 'chi bar mi 'gyur ba med do// gang yang bsam gtan bzhi pa thob pa'i lha rnams te/ sprin med dang / bsod nams 'phel dang / 'bras bu che ba dang / 'du shes med pa'i sems can dang / mi che ba dang / mi gdung ba dang / shin du mthong ba dang / gya nom snang dang / 'og min gyi lha rnams te/ de dag gi gson pa'i mtha' yang 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do// gang yang gzugs med pa'i lha rnams te/
- 166b
nam mkha' mtha' yas skye mched du nye bar gtogs pa dang / rnam shes mtha' yas skye mched du nye bar gtogs pa dang / ci yang med pa'i skye mched du nye bar gtogs pa dang / 'du shes med 'du shes med min skye mched dunye bar gtogs pa'i lha rnams te/ de dag gi gson pa'i mtha' yang 'chi ba yin zhing mthar 'chi bar 'gyur ba te/ skyes nas 'chi bar mi 'gyur ba med do// gang yang dgra bcom pa/ zag pa zad pa/ bya ba byas pa/ byed pa bya khur bor ba bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems kyi dbang thams cad kyi dam pa'i pha rol tu son pa de rnams kyang yid du 'ong ba'i lus spong bar byed pa'i chos can no/ / gang yang rang sangs rgyas bse ru lta bu dang / tshogs na spyod pa bdag nyid gcig pu 'dul bar byed cing bdag nyid zhi bar byed la/ bdag nyid yongs su mya ngan las 'da' bar byed pa de rnams kyang yid du'ong ba'i lus spong bar byed pa'i chos can no/ / gang yang de bzhin gshegs pa dgra bcom pa yang dag par rdzogs pa'i sangs rgyas stobs bcu'i stobs dang ldan pa/ mi 'jigs pa rinas bsnyengs pa mi mnga' ba/ khyu mchog gi gnasu zhal gyis 'che ba/ skul sred med kyi stobs brtan pa 'dus pa/ seng ge'i sgra yang dag par sgregs pa de rnams kyang yid du 'ong ba'i sku spong bar mdzad pa'i chos can no// dge slong dag de bzhin du sems can thams cad dang / 'byung po thams cad dang / srog chags thams cad kyi gson pa'i mtha' ni 'chi ba yin zhing mthar mchi bar 'gyur ba ste/ skyes nas 'chi bar mi 'gyur ba med do// bcom ldan 'das kyis de skad ces bka' stsal to/ / bde bar gshegs pas de skad gsungs nas ston pa gzhan yang 'di skad bka' stsal to// kye ma 'du byed rnams mi rtag/ skye zhing 'jigs pa'i chos can yin/ skyes nas 'jig par 'gyur
- 167a
bste de bas nye ba shi bde/ de ltar rab tu 'bar ba la/ dga' byar ci yod mgur ci yod/ mun pa'i nang zhugs gnas pa dag/ ci phyir sgron mtshol mi byed/ bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do/ mi rtag pa nyid kyi mdo// rdzogs s+ho// // rgya gar skad du/ Ar+ya sa dz+nyA na e kA d+ha u0f7f dasha sU tra/ bod skad du/ 'phags pa 'du shes bcu gcig bstan pa'i mdo// dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das ku sha'i grong khyer na gyad kyi nye 'khor shing sa la zung gi tshal na bzhugs te/ yongs su mya ngan las 'da' ba'i dus kyi tshe dge slong rnams la bka' stsal pa/ dge slong dag nam 'chi ba'i dus kyi tshe dge slong gis 'du shes bcu gcig mngon du bya'o/ / bcu gcig gang zhe na/ 'di la ma chags pa'i 'du shes dang / sems can thams cad la byams pa'i 'du shes dang / khon du 'dzin pa thams cad yongasasu dor ba'i 'du shes dang / 'chal ba'i tshul khrims thams cad gshegs pa'i 'du shes dang / tshul khrims thams cad yang dag par blang ba'i 'du shes dang / nyes pa chen po byas pa dag la yang yang ba'i 'du shes das/ dge ba'i rtsa ba chung ngu dag la che ba'i 'du shes dang / 'jig rten pha rol dag la 'jigs pa med pa'i 'du shes dang / 'dus byas thams cad la mi rtag pa'i 'du shes dang / chos thams cad la bdag med pa'i 'du shes dang / mya ngan las 'das pa ni zhi ba'o snyam pa'i 'du shes mngon du bya'o// bcom ldan 'das kyis de skad ces bka' stsal nas dge slong de dag yid rangs te bcom ldan 'das kyis gas
Colophon
mi rtag pa nyid kyi mdo|| rdzogs s.ho||