rnal 'byor ma bzhi'i kha sbyor gyi rgyud ces bya ba
Caturyoginīsaṃbuṭarantranāma
Text
ff. 281a–291a · 21 folio sides
- 281a
ba dang // ba bebs dang bdi ni 'khyil ba dang // de bzhin bdir ni brgyan pa dang // tshangs skud lus las dgrol ba dang // rnam pa kun tu bcing ba dang // rkang gdub rab tu gzhug pa dang / lag pa'i rgyan ni nyid dag dang // srog shing gcig gyur srad bu yin// 'og pag drug cu rtsa brgyad dang // ro ldan bcu drug par shes bya// 'phreng ba nyi shu rtsa lnga yin// rnal 'byor ma'i kun tu spyod pa las de kho na nyid dag pa dang gnas la sogs pa dang gar gyi spyod pa bstan pa ste bcu bdun pa'o// rnal 'byor ma'i kun tu spyod pa rdzogs so// zhu chen gyi lo tsa ba bgos lhas btsas kyis bsgyur cing zhus te gtan la phab pa'o// rgyu gar skad du/ tsa tu ra yo gi nI saM pu Ta tan+ta nA ma/ bod skad du/ rnal 'byor ma bzhi'i kha sbyor gyi rgyud ces bya ba/ dpal phyag na rdo rje la phyag 'tshal lo// de nas yang dag bshad bya ba// rnal 'byor bzhi yi kha sbyor te// zhal bzhi zhes ni rnam par bshad// rgyud rnams kun tu sbas pa ste/ zhal rnams kyang ni kha sbyor ma// 'di ru rgyas par brjod pa yin// 'og dang steng du rnam bshad dang // de bzhin g.yon dang g.yas pa'o// A li kA li bye brag gis// lte ba'i dbus su rnam par gnas// zla ba nyi mar rnam par bshad// sa dang rlung gi nyid dag dang // chu me de bzhin nam mkha' dang // khams lnga dag dang yang dag ldan// gzugs dang reg pa de bzhin sgra// mig gnyis dang ni sna dag dang // lus kyi steng
- 281b
'og tu yang gsal// rtag tu rdzor can rnam par gnas// cha dang cha min rnam par grol// stong pa'i ngang las yang dag gnas// ya yi sde mtha' yang dag rdzogs// u yig dag ni thig ler bcas// 'byar zhing gsal bar 'gyur ba ste// kha sbyor rnam pa rnal 'byor gyi// rdor can ji ltar chang gis myos// 'khor nas sems ni rnam par grol// khams gsum po ni ma lus pa// rdo rje mig gis mthong bar 'gyur// bdun gyi rgyal po'o/ dngos grub kyis// ma lus lus pa med pa mthong // tshangs pa khyab 'jug dbang ldan dang // dbang po de bzhin 'dod dbang phyug/ pha rol stobs kyis mnan na ni// rnal 'byor dbang phyug gis ni mchod// tshang pa la sogs lha rnams kyis// dam tshig sgra yis bshad pa ste// srog dang rtsol ba kun tu bya// de yis 'di ni dam tshig sdom// de la kha sbyor rnam pa bshad// zhal bzhi ru ni rab tu gnas// rnal 'byor ma bzhi de shes bya// sbyor ba bzhi dang yang dag ldan// gang gang dbang po'i lam nas byung // de dang de yi rang bzhin nyid// 'dod pa kun la longs spyod pa// sangs rgyas kun gyi rang bzhin 'gyur// gzugs ni ji ltar rdzogs pa las// de la bsgom pa ji lta bu// sngags rnams ji ltar bskyed par bgyi// rdzogs par yang ni ji ltar 'gyur// de dag thams cad tha snyad tsam// sngags dang rgyud rnams yang dag 'byung // byang chub sems ni 'di ru bsngags// 'dod pa lnga dang yang dag ldan// mtshon bya mtshan nyid kyis ni mtshon// mtshon bya du ma'ang mtshon mi bya// sngags rnams rgyas par bshad nas ni// lha rnams kyi ni bsgom
- 282a
pa nyon// steng gi sgo ni gsum yin te// lte ba rlung gi gzugs can ma// de yi dbus su rtag tu stong // dag pa yi ni shel lta bu// longs spyod chen po nges par 'byung // dgu pa bcu yis ldan pa ste// cha brgyad de yi yan lag gis// sgo dgu'i sa bon pa yin te// lus las sa bon rjes su brjod// ye shes mkha' 'gro bdag nyid kyis// steng gi char ni shes rab ste// rdo rje 'dzin dang bcas par 'byung // sems kyi rdo rje zhes ni bshad// 'drari ni steng gi pad+mar bshar// de la gnas ni b+ha gar bshad// shes rab de nyid rdor can bcas// rten dang brten pa 'byung ba yis// rtsa rnam kun la rnam par gnas// khu ba'i gzugs su gyur pa yis// spro dang sdud par byed pas so// bskyed pa'i rim pa'i rnal 'byor gyis// bsgom pa'i rim pa phyed pas so// gdams ngag rim pa'i rnal 'byor gyis// lha rnams bsgom par brjod pa ste// do rnams sna tshogs rnal 'byor gyis// zla ba nyi mar bshad pa yin// gzhan yang gzhan min rnam par grol// sangs rgyas gzugs/ ni g.yo ba med// der ni gzung bar bya ba ste// gang zhig de ru ji ltar gnas// nyin mo bcom ldan rdo rje can// mtshan mo shes rab tu ni brjod// nam mkha'i nang song mchog tu zhi// dag cing dag la yid du 'ong // sangs rgyas la sogs mu stegs kun// lha min gnod sbyin srin po dang // de nyid 'dod chags chags bral dang // ba dod pas thar par gyur pa 'di// de nyid bud med rnams la chags// de nyid
- 282b
/ mngal ni rab tu len// de nyid 'chi ste ril po'i gnas// de nyid bskams pas mthong ba yin// de nyid gong du gyur pa ste// de nyid dri ru rnam par gnas// de nyid sdug bsngal rig pa ste// rig pas bde ba nyid dag la// de nyid gcig pus khyab pa yin// bdud rtsi thigs pa'i gzugs kyis ni// gzugs bzang gzugs dang ldan pa'i mchog/ sna tshogs gzugs rnams yid du zong // gzugs kun gsal ba byed pa'i dpal/ gzugs brnyan ma lus 'char ba'o// bcu drug phyed phyed de yi phyed// rtag tu de nyid rig pa po// sna tshogs rtag tu zhi ba'i gzugs// nam mkha' lnga dang yang dag ldan// de nyid rab tu bzhugs par brjod// 'gro la gsal bar mar me bzhin// sna yi rtse mor rnam par 'byung // 'bar ba'i 'phreng ba'i 'od zer te// 'di rnams kun ni bdag gis brjod// rten dang brten pa'i mtshan nyid du// gang gis shes pas cho ga shes/ de yi dpal ni rgyas par 'grub// gzhan yang sngags kyi tshig bshad de// gsang ba'i sbyor ba sbas pa ste// sde tshan brgyad kyi mtha' ma gzung // sa bon lnga dang yang dag ldan// de bas b+h+rUM yig sbyin par bya// drang por oM yig yang dag ldan// a ni yig 'bru kun gyi mchog/ thig le chen po yi ge med// nam mkha' nam mkha'i dbus gnas par// sngags dang rgyan ni yang dag 'a byung // ji ltar de ltar sngags kyang ni// de bzhin nyid kyi tshul lta bur// yi ge tsam dang yang dag ldan// de la dbus su rab tu grags// sangs rgyas byang chub sems dpa' dang // gang yang gzhan gyi lha la tshogs// 'byung po ma lus thams
- 283a
cad dang // lha dang lha min gsang ba pa// de yi dbus su yang dag rdzogs// yi ge la sogs gzugs can gyis// gzugs can rnal 'byor lA ma dang // dum skyes ma yi bye brag gis/ zhal bzhi zhes ni rnam par bshad// rnal 'byor bzhi dang yang dag ldan// lte ba dang ni ge sar ldan// bdab ma bzhi dang yang dag ldan// de la dbus su dpa' bo che// phyag brgyad kyis ni rnam par brgyan/ dang po la ni sha yis brgyan// gnyis pa khrag gis bkang ba nyid// gsum pa bzhi pa lus phyag rgya// kha T+wAM ga dang Da ma ru// de bzhin kha dog dkar po 'phro// dri med ston ka'i nam mkha' bzhin// dkar dang dmar dang de bzhin gnag/ ljang ku'i zhal te gtsigs pa'o// phyag rgya brgyad ni mdo ru bshad// phyag gis mtshon char rab tu grags// dang por 'jug pa'i phyag rgya ste// gnyis pa snying ni 'byin pa'o// gsum pa rmongs byed phyag rgya yin// bzhi par ltung byed de bzhin no// lnga par gar ma'i phyag rgya'o// drug par gsor byed mar ni brjod// bdun par za byed ma'i phyag rgya// brgyad par steng du len par nges// gshin rje mo dang skrag byed drag/ gtum mo dang ni bzang za dang // b+ha su ma dang 'dod pa nyid// de nyid brgyad po phag mo nyid// mi bzad rnam par 'gyur ba'i gzugs// khrag dang khu ba zab mo// 'od zer 'bar ba sna tshogs ba bar// rdo rje mkha' 'gro ma bsgom bya// mang por rnam bshad ye shes ni// de la dbus su rnam par 'byung // dpag tshad gsum gyi rgya khyon du// de yis gsal bar byed pa yin/
- 283b
sems can thog ma tha ma med// rdo rje sems dpa' chags pa che// thig le rdo rje can du 'gyur// zla ba phyed pa lta bur gsal// gdan ni pad+ma rA ga ste// rgyal po'i gzugs ni gsal ba yin// rgyal po nyid ces rnam par bshad// steng du 'byung bar rab tu grags// yang ni dgod par bya ba ste// rigs kyi dbye bas brjod pa'o// shar du rdo rje sems dpar 'gyur// lho ru rnam par snang mdzad brjod// nub tu rta bdun rgyal po'o// byang du pad+ma gar dbang ste// 'khor lo'i dbus su he ru ka/ steng gi sgra ni rta gdong yin// 'di rnams 'di ru dgod par gsungs// rigs kyi dbye bas rnam pa lnga// de ru bsgom par bya ba yin// gzhom med gzhig/ tu med pa ste// de yi dbus su yang dag rdzogs// mgon po rnam par snang mdzad sogs// rnal 'byor ma'i tshogs kyis bsgyings pa'i rgyud chen po las/ rnal 'byor ma bzhi'i kha sbyor zhes bya ba ste brtag pa dang po'o// de nas rdo rje phag mo de// rkang rgyan dang ni do shal rgyan// de yi dkyil 'khor la gar byed// dbang bskur ba ni ster ba yin// dam tshig la ni legs gzhag phyir// phag mo re bzhin rdo rje can// ci 'dod de bzhin rdo rje can// dri chen dri chu za ba dang // khrag dang khu ba de bzhin sha// rtag tu bud med dang nus sam// b+ha ga'i pad+mar bo byed dam// smros shig rdor can bde ba che// de nas bcom ldan rdo rje can// bzhad par gyur nas 'di dag smras// lha mo ci ste bdag mi spro// khrag dang khu ba la sogs bza'// rtag tu bud med gus par bgyi// b+ha ga'i pad la 'o bgyid do// yang ni legs so legs so//
- 284a
byin// sgo skyong de bzhin rdo rje can// thod pa yang dag blangs nas ni// rdo rje can la bza' ba dbul// zhi zhing gcer bur 'dug pa dang // rdo rje can ni skra grol bas// legs par dbang bskur ster bar byed// b+ha gar po byed rdo rje can// de nas brtsams te rdo rje tsam// de nas brtsams te rdo rje khyod// sems can don gyis brtul zhugs bzang // bzab ba dri chen dri chu dang // khrag dang khu ba sha dag go/ b+ha ga'i pad mar 'o bya ste// bdud rtsi rnams ni bsgrub par bya// rdo rje rnal 'byor pho nya mos// de nas rtag tu dbang bskur ro// huM hUM ha hA a A hri hrI sa swA hA/ de nas de ma thag tu kun// rdo rje mkha' 'gro ma nyid kyis// sgra chen po ni rab tu bsgrags// rdo rje can de dbang bskur ro// sna tshogs gzugs can drag po che// thod pa'i gdon la yang dag bzhugs// sha dang khrag dag 'thung ba ste// gsang ba'i dkyil 'khor du ni sbyor// la la rol mo'i cha byad rdung // ba t+ya ha sogs mu kun d+ho// la la rab tu glu len cing // la la pi wa nga sbreng ba ste// la la ngor can gar byed do// la la dril bu'i sgra sgrogs byed// la la sgra dag rab tu sgrog/ phyogs bcur phaM gyi sgra dag go// la la gar dag rab tu byed// la la dkyil 'khor la ni gar// la la me tog rab tu 'grems// de yis rdor can la dbang bskur// la la spos kyis rab tu byed// la la dri yis/ de bzhin no// 'di ltar gyur pa'i mchod pa yis// gsang ba'i dkyil 'khor la ni bya// de nas rdor can lha mo de// tshig 'di dag ni brjod pa ste// tshogs kyi dkyil 'khor nyid dag dang // dbang dgag legs
- 284b
@par brjod nas ni// nga yis gzhan yang bshad bya ba// lha rnams dgod pa mchog dag go// rgya ru kun tu khru brgyad de// gru bzhi pa la sgo bzhi pa// sngags pas de yi nyis 'gyur dpyad// gang du mkha' 'gro'i tshogs 'gying ba// nam mkha' bod kyis rgya khyab par// gang de dkyil 'khor mchog yin no// dbus su 'khor lo yang dag bri// lte ba dag ni ge sar ldan// 'dab ma bzhi dang yang dag bcas/ kha dog dkar por yang dag ldan// de la dbus su dpa' bo dgod// dag pa'i shel dang 'dra ba ste// dang po'i zhal ni rnam par bzhad// dang po spyan gyis rnam par gzigs// smin ma khro gnyer rab tu gsal/ mche ba gtsigs shing 'jigs pa ni// lho ru bltas pa'i zhal dag go// g.yon pa rmad du byung ba ste// rgyab ni 'jigs pa chen po yin// mdun rgyab rta yi zhal gyis brgyan// dkar po dmar po de bzhin gnag/ ljang ku yi ni kha dog go// phyag brgyad pa yang bri bar bya// thod pa'i 'phreng bas rnam par brgyan// dpal ldan mgo bo'i 'phreng ba 'dzin// 'jigs byed ljags ni 'dril ba ste// 'jig dus chen po'i me dang mtshungs/ dur khrod lta bur 'jigs su rung // brtsegs par dgod cing bzhad pa che// phaM gyi sgra ni sgrogs pa'o// zhal gcig phyag ni gnyis pa ru// lha bzhi rnams ni brjod par bya// kha T+wAM ga dang thod pa'i lag/ khrag dang khu ba dag 'thung ngo // 'khor lo gnyis pa yang dag bshad// zla ba'i dkyil 'khor zlum po la// 'khor lo chen po yi ge brgyad// 'od zer dmar po 'bar ba ste// gzugs can ma dang 'o byed ma// lam mchog 'phel
- 285a
@dang sa ma li// phyir mi ldog dang e hi ki/ rdor can brgyad par brjod pa yin// lha mo brgyad po 'di ru dgod// kha dog dkar po shin tu 'bar// lag pas kha T+wAMg bzung zhing // thod pa khrag gis bkang ba'o// phyi rol 'khor lo yang dag brjod// lha rnams bkod pa mchog dang ni// sa ki ni dang puk+ka sI// gsod ma dkar mo sgrog ma dang // gtum mo ri khrod ma nyid dang // sgrol ma de bzhin khro gnyer ma// khams gsum rnam rgyal glang chen mo// de bzhin g+ha sma nI dag dang // durga tsa mun dag dag dang // de bzhin tshangs ma khyab 'jug ma// sgo skyong yang dag bshad ba ni// sgro bzhi dag tu sbyar bar bya// 'khor lo chen po kha dog sngo// 'bar ba'i 'phreng ba tshogs kyi 'od// lha mo chen mo kha dog dkar// kha T+wAM ga dang nya phyis 'dzin// dkyil 'khor 'di ni rgyal po ste// rnal 'byor ma bzhi'i sdom pa niM// rang gi rgyud du thun mong dkyil 'khor bla ma'i bla ma yin// srub pa chen po'i sdom pa ni// de yi bla ma zhes su gsungs// rnal 'byor ma bzhi'i kha sbyor las/ dkyil 'khor gyi brtag pa zhes pa ste gnyis pa'o// // de nas gzhan yang bshad bya ba// dam tshig chen po'i sgrub thabs so// glang po rta dang bong bu dang // ba lang rnga mo dag dang ni// khyi yi sgron ma rab tu 'byung // sgron ma chen po rab tu bshad/ 'gro ba dga' bas gso bar byed// bya rog bug pa khra dang ni// chu skyar bya rog lnga po yis// spos chen po ni rab tu bshad// spos su 'bul bar byed pa'o// 'di rnams dbang du byed par 'gyur// sa
- 285b
6gsum po ru rnam par spyod// ji srid sbyor ba tshogs pa yis// dngos grub thams cad byed pa'i mchog/ bdud rtsi lnga ni rnam brjod pa// 'chi med dngos po med pa'o// rtog pa med par bzab bar bya/ blo ldan rang bzhin med pas so// sde tshan tha ma'i sngags btus te// bcu drug cha yis yang dag ldan// pra Na ba sbyor steng du ste// thig le mnan cing brgyan pa yin// dri zhes kun tu brjod pa yin/ kun nas thugs kyi 'khor lo'o// nyi shu bdun pa 'og tu sbyin// sngags la sogs pas phye ba yin// spyi bo de ru yang dag sbyar// yi ge lha yi gzugs kyis ni// nyi shu rtsa drug yang ni sbyar// dbyangs yig gnyis pas brgyan pa yin// nyi shu rtsa gsum yang ni blang // 'og gi char ni sbyar bar bya// dbyangs kyi gsum pa yang dag ldan// bzhi pas sbyar bar bya ba yin// de yi dbus su yang dag gsung / yi ge dbang phyug gis ni brgyan// bcu drug mtha' ni yang dag bshad// steng dang 'og tu khyab pa yin// de la dbus su yang dag gsungs// stong pa chen po'i yi ge ste// rdo rje sems dpa' gzhig tu med// dge pa yi ni shel lta bu// rdzas 'dri rnams ni bza' ba yin// rnal 'a byor 'di rnams mchog yin te// rnal 'byor kun las mchog tu 'phags// khyod la mdo ru bsdus par bshad// bzab ba rnams ni yang dag brjod// gang gi rigs pas thams cad bza'// dngos po ro mnyam bsres nas ni// dag dang ma dag mi byed par// de bzhin nyid rnams thams cad dang // bza' ba thams
- 286a
cad bzab par bya// de nyid bcu yis rab dbye bas// gzung dang 'dzin pa rnam par grol// sbyin pa'i snying po sbyin par bya// sems kyis rnal 'byor rdzogs nas ni// thams cad rtswa sogs bzhin du gtang // sangs rgyas rnams kyi tshul khrims gyur// de nyid kun gyis mi 'jigs pa// skye bo thams cad 'tshe mi byed// dang por snying rje bla na med// bzod pa tshul khrims bgags med dang // gzhan gyi gnod pa 'gengs pa ste// gur dang phur bu dra ba dag/ gdug pa'i bdud ni 'joms pa ste// bdud med 'chi ba med pa yin// bdag gi sems ni bcing bar bya// gang gis rang sems btul ba yis// bdud kyis gnod pa smos ci dgos// mnyam pa'i sems kyi dri yis ni// gru bzhi pa ru yang dag bri// lus la ste'u dang tsan dan dang // sems kyis mnyam par brgyud pa na// mnyam pa nyid kyi ye shes brjod// dngos po bdag med bsres pa ste// gang zhig rnal 'byor rgyal bar 'gyur// gang dag rnal 'byor ma yi ni// zhu ba rnams la za ba dag/ de yis sa stengs mtha' dag tu// rga dang na ba rnam par 'joms/ rnal 'byor ma bzhi'i kha sbyor las/ dam tshig chen po'i bdud rtsi lnga zhes bya ba'i brtag pa ste gsum pa'o// // de nas yang dag bshad bya ba// sbyor ba dang po'i sgrub thabs te// sbyor ba rnam bzhir shes par bya// dam tshig bzhi ni bsgrub pa ste// dang po khu ba rnams zhes bya// gnyis pa de bzhi khrag nyid do// rdo rje chu dang dri tshan ni// dam tshig bzhi ni bsten pa ste/ 'dod chags khu bar rnam par
- 286b
/ bshad// phrag dog khrag ni nyid dag go// gti mug rnam snang rgyal po ste// zhe sdang dri chur bcas pa yin// dam tshig bzhi yi rnal 'byor gyis// dam tshig bzhi la spyod pa pos// dang po sbyor ba 'grub 'gyur zhing / rdo rje sems dpa' dang mnyam 'gyur// bris sku gzhug pa'i rnal 'byor gyis// dam tshig de nyid bsgrub bya ste// bstod pa'i rdo rje brjod bya ste// ye shes sems dpa' rnam par bsam// mdor bsdus pa ni sngags bzlas bya// hUM dag sngags ni brjod par bya// dngos pos sgrom pas bsgom par bya// spro dang sdud dang byed pa po// bdud bzhi gzhan las rgyal ba yi// go cha mtshon cha 'di yis bcing // ra ba phur bu gur sogs kyis// phyogs bzhi la sogs bcing bar bya// khams bzhi por ni yang dga' byung // bdud bzhi po ni rnam par brjod// bad kan sha dang rkang dag dang // rus pa'i khams la yang dag 'byung // span dang bdag/ ma sgrol ma dang // gos dkar la sogs bzhi po'o// khams bzhi dang ni rnam gnas pa// sbyor ba dang por brjod pa'o// brtson chen zhes su rnam bshad pa// rlung dang me ni mchog yin te// de la dbus su yang dag gnas// 'dza' ra ta yi rang bzhin ming // dbyibs dang kha dog sna tshogs pa// kha dog med par rab tu grags// dbyangs dang yi ge'i tshul dag tu// dbyangs med yi ge med pa'o// tshangs min khyab 'jug drag po min// nam mkha' min zhing 'dod pa man// zla ba min zhing skar ma min// nyi ma min zhing rlung yang min// gnod sbyin srin po lha min mi// 'byung po yi dgas nyid min cing // snod dang bcud ni/
- 287a
sna tshogs dang // khams gsum po ni ma lus la// bdag nyid chen po de yis khyab// bems po nyid la yid kyis rtogs// de nyid 'jig rten pa ru 'gyur// tshangs pa khyab 'jug dbang baphyug che// zla ba gza' zin skar ma lha// de nyid thams cad bde ba che// rdo rje 'dzin pa rnam snang mdzad// pad+ma nyi ma khrag bzhung rta// rdo rje rnal 'byor po c+ya mo// de nyid rdo rje bde ba che/ rdo rje rdo rje 'dzin pa nyid// de bzhin pad+ma pad+ma 'dzin// nor bu nor bu 'dzin pa nyid// rigs 'di rnams su bsgyur ba'o// de nyid dkyil 'khor bri ba nyid// rdul tshon kha dog lnga pa'o// de nyid sngags su rab tu bya// huM hUM phaT kyi yi ge nyid// dmyal ba dud 'gro yi dgas dang // lha dang mi dang lha min dang // dmigs pa'i sems su gyur pa yis// 'khor lo 'di ru 'khod par 'gyur// rnal 'byor chen po mdor bsdus pa// rdo rje can la gnas pa'o// lha mo chen mo slar yang dri// 'gro dang 'ong ba ji ltar 'gyur// gnas nas 'di yi sems dag ni// skye ba ji ltar brjod pa yin// khu ba ji ltar gzugs su 'gyur// skye bo'i skye ba ji ltar yin// de yi gzugs kyi sgyu mal la// khrag la ji ltar 'byung ba lags// 'byung ba rnams kyi 'byung ba ci// de yi skye ba ji ltar lags// sa dang chu dang de bzhin me// rlung dang nam mkha' nyid dang ni// skye gnas kun la chags pa ni// dngos po rnam pa ji ltar khyab// zhi ba'i gzugs ni ji ltar yin// thams cad du ni ji ltar skye// 'di rnams yang dag bshad pa ni// lha mo bden par bdag la gsungs// ji ltar de bzhin rdo rje nyon// sems can kun gyis
- 287b
/ bskyed pa dang // 'khor bar yang dag bsrubs pa las// ding 'di thabs kyis 'di 'gyur ro// thog ma tha ma med dus su// sems can thams cad yang dag 'a byung // rgya mtsho 'khrugs sogs gting gi bar// blo gros chen po bsrubs pa yin// de las de dag skye bar 'gyur// sa yi khams dang yang dag ldan// ma yis mnyam par nges par bsrubs// chu dang rlung gi bye brag go// yid kyis de ru rab zhen pa// mngal ni bzung zhing blangs pa ste// de ni 'khor bar 'khor bar 'gyur// dag pa mya ngan ldan pa ste// de las 'byung bar 'gyur ba ni// so sor skye ba smra ba ste// de bzhin chos dag zab mo nyid// sangs rgyas rnams kyis sangs rgyas brjod// de nyid 'di rnams mnyam bshad pa// sum cu pa ste rnyed par dka'/ rnal 'byor ma bzhi'i kha sbyor las/ de kho na nyid kyi man ngag sbyor ba bzhi'i chae zhes bya ba ste brtag pa bzhi pa'o// // de nas yang dag bshad bya ba// sbyin sreg las ni rab tu sgrub// sbyin sreg rnam pa gnyis su gsungs// phya dang nang du yang dag gnas// phyi ru ji ltar gsungs pa lags// nang du yang ni ji ltar 'gyur// nyon cig rdo rje nang gi ni// ji bzhin sbyin sreg rab bsgrub bya// me chen po dag rab tu sbar// rnam rtog med pa'i sbyin sreg bya// bza' dang btung ba gang yang rung // de ru thams cad sbyin sreg bya// bsreg rdzas rang bzhin gsungs pa dag/ gzugs phung la sogs lnga po dag/ rnam rtog med pa'i sbyin sreg bya// de dag thams cad sems las byung // khrag dang khu ba de
- 288a
bzhin sha// dri chen dri chu lnga po dag/ rnam rtog med par bza' bar bya// blo ldan rang bzhin med pas so// gti mug nga rgyal de bzhin chags// zhe sdang de bzhin 'dod chags nyid// phrag dog/ ser sna phra ma dag/ dam tshig de nyid dri ma med// ji ltar nyi ma 'bar ba bzhin// de ltar dri ma med par 'gyur// ji ltar ston gyi zla gsal ba// de ltar 'di yi dbus gsal yin// 'dod chags chen por 'gyur ba yin// rdo rje snang byed sgron ma bzhi// de nyid thar par gsungs pa ste// bla med go 'phang thob par 'gyur// sbyin sreg padi la rab gnas na// lha rnams dga' bas tshim pa yin// sbyin sreg las ni rab gsung nas// rab gnas dag ni brjod par bya// sngon gyi rnal 'byor la gnas nas// de nas rab gnas bya ba ste// rab gnas sku sogs thang ka dang // rnal 'byor can gyis glegs bam ste// dpal ldan g.yon gyis dril bu 'dzin// g.yas kyis rdo rje yongs su bzung // don kun rnal 'byor kun gyis ni// mdzes par sku gzugs mchod par bya// sha dang chang dag rab tu bkang // ro yi steng du yang dag gnas// par pa ti pa la ka saM ku li// mchod pa kun gyis dgyes par bya// me tog spos dang mar ma dang // dri nyid dang ni rnam pa bzhi// glu dbyangs de bzhin gar dag dang // sgrub pos ba tra ha sogs te// sku la sogs pa 'di rnams la// ra ba gnas chen po bya ba yin// ba aM mu si i sa hi dz+dza yin// ma i hi mA d+hum+ma pa hi dz+dza i// tsi ti ha tsi ni da ta d+ham tsin tadz+dza i// sa a laM sa d+hu sarta tha ki ri dz+dza i// glu bdi
- 288b
dkan thangs pa yig/ dbang rums kun kyang blang ba ste// chos rnams thams cad yang dag rdzogs// de bzhin gshegs pa kun gyi gzi// mchod pa kun kyi sprin chen po// sgo zhing bsdu bar brjod pa'o// nga yis rab gnas bshad pa ni// rgyud rnams kun las rnyed par dka'// rnal 'byor ma bzhi'i kha sbyor las/ sbyin srag rab gnas kyi brtag pa ste lnga pa'o// di nas mdor bsdus rab bshad pa// de nyid gtan la dbab pa'i mchog/ rtag tu sems ni rnam rtog med// rnam rtog bcas pas ji ltar 'gyur// ji ltar me dag ra bab par ba// rtag tu shing rnams tshig par brjod// de la tshig pa shing rnams te// 'di yis tshig par mthong ba yis// de yis tshig pa ji bzhin du// blo ldan rnam rtog med pa yis// phung po lnga yi shing rnams te// de bzhin gzugs kyi phung po nyid// rus pa rkang dang bad kan dang // khrag dang khu ba dri chen dag/ mig gnyis de bzhin rna ba dang // de bzhin du ni sna nyid dang // sa dang chu dang de bzhin ma// rlung dang nam mkha' nyid dag dang // 'byung ba lnga po thams cad la// de nyid nyi shu rtsa lnga dag/ de yi gnas ni bye brag tu// nga yis bye brag brjod pa ste// lte bar gnas pa'i 'khor lo chos// bdab ma drug cu bzhi dang ldan// shes rab gnas su rab tu gsungs// zla ba'i gzugs// bzhin gsal ba ste// de yi dbus su gnas pa dag/ me lta bur ni 'bar ba yin// me chen de ni 'bar ba ste// de yi rtse mo mthong ba ni// de yid de ni gzugs mthong yin// dngos po thams cad gzugs 'dzin pa//
- 289a
blon po gnas su gsungs shing brjod// hUM yig nga ro tshul 'dzin pa// rdo rje can ni rtag tu 'byung // rdo rje 'dzin chen gzugs bzhin no// rlung gi nus pa ma yin te/ de yi dbus su rab tu grags// gang zhig ri bong can gzugs gsungs// shes rab de nyid mdor bsdus so// ji ltar nyi mar rab tu brjod// rdo rje 'dzin dang bcas par 'gyur// sde tshan brgyad kyis tha ma gzugs// thig me dang ni zhabs kyis bcas// de nyid nyi ma zhes su gsungs// 'od zer 'bar ba'i 'phreng ba can// de yi dbus su yang dag 'byung // rdo rje can gnas mnyam par 'gyur// ji ltar gnyid kyis bzung ba ni/ cung zad kyang ni mthong ba med// gzugs la sogs pa'i bzung ba dag/ langs na rtag tu mthong ba yin// de ru thabs ni bsgom pa yis// de yi rang bzhin mchog tu grags// sems can thogs med bde chen brjod// de ru der gnas dngos po yis// shes rab pha rol phyin pa gsal// de phyir de nyid dngos po yis// blo ldan sems kyis de nyid gsung // sems ni rnam par dag pa ste// 'khor ba'i rgya mtshor 'khyams par 'gyur// sngags pa gar 'dod 'gro ba yin// skad cig gis ni gnas par 'gro// 'dod chen rnams ni chags par 'gyur// drag po rnams la drug po mtshon// zhi ba rnams la zhi ba ste// 'di ni mdun rgyab rgyal ba rim// ji ltar 'di ru pad+ma rim// 'dod chags skyon gyis gos mi 'gyur// sna tshogs bag chags skyen mi chags// khams gsum po ni de bzhin dag/ stong pa ma
- 289b
6/ yin mi stong min// dbu ma nye bar thob pa'o// shes rab pha rol phyin rnal 'byor// thabs ni snying rje'i bdag nyid do// 'di ni byang chub sems rdo rje// sems dang sems byung rang bzhin gyis// dngos po med par bsgom pa'i dngos// de la bsgom par brjod pa min// 'phreng ba med cing bya ba med// spud pa med par brjod pa ste// rnal 'byor 'di la gnas pa ni// dbu ma'i mchog gi go 'phang ngo // bla na med pa'i ye shes ni// bla med ces ni rim pa med/ 'dis ni 'khor ba rnam par grol// phyir mi ldog pa'i go 'phang mchog/ rdo rje sems dpa' zhes su gsungs// de yis rdo rje sems dpa' 'grub// skye ba 'dri la 'grub pa ste// rdo rje sems dpa' dang mnyam 'gyur// khrag dang khu ba bza' ba ste// dri chen dri chu sha dang lnga// de yi tshe ni rgyas par 'gro// rdo rje sems dpa' dang mnyam 'gyur// ba hU bi ha hU tra ta ka ti ba hUM bi ha bi ha hu pa ri Ne sa ba hU bi ha ra/ ga b+ha dz+ye ta/ ba tu bi ha br-i t+yA ga ti tsi tsi dAr+dz+dzi ba sad kya she/ Sha na sha Sha sad tra baM na ya bi ta gre sam+ba ru saM bi shu ha ha ha ho/ a ho sa tsa bisti dz+ya ma d+h+hA a ho/ u ka ta u ka ru a la la la ho/ glu 'di dag ni blangs pa ste// brtag pa/ kun gyi bla na med// de yi tshe na rgyas par 'gro// rdo rje sems dpa' dang mnyam 'gyur// rnal 'byor ma bzhi'i kha sbyor las/ de kho na nyid gtan la dbab pa'i brtag pa ste drug pa'o//// de nas yang dag bshad bya ba// de nyid rnal 'byor thams cad ni// sbyin dang tshul khrims de bzhin brtson// bsam gtan bzod pa shes rab dang // stobs dang de bzhin thabs dang ni// smon lam ye shes yang dag 'a byung // pha rol/
- 290a
phyin pa bcu rdzogs pa// byang chub sems dpa'i sdom pa yi// sbyin pa rnam pa bzhi ru gsungs// tshul khrims gsum gyi ngo bo nyid// bsam gtan rnam bzhir gsungs pa ste/ brtson 'grus/ rnam pa lnga ru 'gyur// bzod pa rnam pa bcur shes bya// shes rab rnam pa drug tu 'gyur// stobs ni rnam bcu rab tu gsungs// thabs ni rnam pa lngar 'gyur te// smon lam gnyis su shes bya ste// ye shes rnam lngar gnas pa'o// chos dang mi 'jigs rdzas dang byams// sbyin pa rnam pa bzhi po ni// sbyin pa'i pha rol tu phyin pa'o// ngar 'dzin med cing khengs pa bral// bden pa gnyis med gnas pa ni// tshul khrims rnam gsum brjod pa ni/ tshul khrims pha rol phyin par gsungs// gang gis rnal 'byor ma gnyis dang // phyi yi rnam pa gnyis su gsungs// bsam gtan pha rol phyin pa ni// dri chen dri chu de bzhin sha// khrag dang khu bar ma dag 'byung // 'di rnams brtson 'grus lnga po ni// dam tshig sgra yis brjod pa'o// tshig rtsub brdzun dang ngag 'khyal dang // chags sadagang zhe sdang phrag dog dang // nga rgyal khro dang de bzhin dbyen// 'di bcu rnam par bshad pa ni// rdo rje can ni bzod bcas 'gyur// yang dag lta ba yang dag rtog/ yang dag ngag dang yang dag las// yang dag 'tsho dang yang dag rtsol// bdag gis mdo ru bsdus nas ni// shes rab rnam pa drug tu brjod// dad pa'i stobs dang dran pa'i stobs// ting 'dzin stobs dang shes rab stobs// lus kyi stobs dang ngag gi stobs// ye shes stobs dang smon lam stobs// brtson 'grus kyi ni stobs rnams te// 'di rnams stobs ni
- 290b
5/ bcu pa'o// ma skyes pa yi dge ba skyed// skyes pa'i mi dge yang dag spong // mi dge ma skyes mi skyed dang // dge ba skyes pa 'phel ba ste// lnga pa thams cad chos rnams kyi// dge ba'i chos rnams gsungs pa ni/ rdzogs par byed pa nyid dag go/ smon lam rnam pa gnyis su gnas// me long mnyam nyid so sor rtog/ bya grub chos dbyings rnam par dag/ ye shes rnam pa lnga ru 'gyur// 'di rnams bcu bzhi po dag ni/ pha rol phyin pa mdor bsdus pa// bdag gis de nyid brjod pa ste// rdor can nyon cig gtan la dbab// bcu gnyis mtha' dang brgya yi mtha'// mgo nas rkang pa'i mthil bar du// de yi dbus su nges 'gyur ba/ lte ba'i dbus su rnam par gnas// rtag tu shar bar 'gyur ba ste// 'di ru rdo rje can gyis mthong // lus ngag sems kyi dbus dag tu// 'bar ba'i 'phreng ba 'bar ba'o// steng gi sgo ru rtag gnas pa'o// nyi ma'i 'od zer 'a phreng ba can// cung zad lus las mthong ba med// mgal me'i 'khor lo'i gzugs can te// de nyid rnal 'byor lam gyis ni// rtag pa'i dus su rnam par gnas// de la dbyar gyi dus mer cing // dpyir med ston yang yod ma yin// dgun med sos kyang med pa ru// rnal ba byor pas ni rtag tu bsgom// sngags pas seng ge bzhin du spyod// sngags dang rgyud la ji ltar gnas// nya dang sha ni bza' bar bya// chang gi btung ba mchog yin no// bcud kyis len gyi cho ga yis// sngags ni brjod par mi bya'o// mtshon cha'i gnas la dus rtag tu// mtshon bya'i mtshan nyid mtshon par bya// bcom
- 291a
ldan 'das kyis de skad ces gsungs pa la 'khor lha dang / mi dang / lha ma yin rnams dang bcas pa'i 'jig rten yi rangs te/ bcom ldan 'das kyis gsungs pa la mngon par/ bstod do// rnal 'byor ma bzhi'i kha sbyor zhes bya ba rgyud kyi rgyal po chen po rdzogs so// dpal in d+hi pa na las nges par 'byung ba'i rnal 'byor ma'i rgyud chen po stong phrag bcu gnyis pa las/ 'jig rten pa dang 'jig rten las 'das pa'i rgyal po chen po rdo rje slob dpon dpal in+d+ra b+hU ti'i zhabs kyis bkod cing gsal bar mdzad pa'o// bod kyi lo tsa ba la tshangs yon tan 'a bar gyis bsgyur te/ slad kyis de nyid kyi tshe baN+Di ta gnyis la yang dag par gtugs te gtan la phab pa'o// // rgya gar skad du/ badzra ba ra hi a b+hi ra na/ bod skad du/ rdo rje phag mo mngon par 'byung ba/ sangs rgyas la phyag 'tshal lo// de nas rnal 'byor bshad bya ba// 'dod pa'i don kun sgrub byad pa'o// phyi ma las kyang phyi ma ste// mkha' bgro ma yi dra ba sgom// phag mo yi ni gtso mo yang // rnal 'byor rnams kyi grub ster ma'o// rnal 'byor ma lus rnams kyi yang // snying po rnal 'byor btus pa'o// sgrub pa po la phan don phyir/ bla ma'i brgyud ba gsal ba'o// phyi rol rnam rtog med pa dang // kun tu dam tshig chos nyid dang // spyod dang dogs pa med pa dang // kun tu ser sna rnam spangs te// tshes grangs dang ni rgyu skar med// bsnyen gnas cho ga ga co
Colophon
rnal 'byor ma bzhi'i kha sbyor zhes bya ba rgyud kyi rgyal po chen po rdzogs so/ /dpal in d+hi pa na las nges par 'byung ba'i rnal 'byor ma'i rgyud chen po stong phrag bcu gnyis pa las/ 'jigs rten pa dang 'jig rten las 'das pa'i rgyal po chen po rdo rje slob dpon dpal in d+ra b+hU ti'i zhabs kyis bkod cing gsal bar mdzad pa'o/ /bod kyi lo tsa ba la chings yon tan 'bar gyis bsgyur te/ slad kyis de nyid kyi tshe paN+Di ta gnyis la yang dag par gtugs te gtan la phab pa'o