bung ba 'dod pa'i sgrub thabs
Text
ff. 525b–527a · 4 folio sides
- 525b
skye zhing skye bar 'gyur bar shog/ lag pa rdo rje dril bu 'khrol// zab mo'i chos ni klog pa dang // btsun mo'i khu ba mnyam zas can// skye zhing skye bar 'gyur bar shog/ de nas gshegs su gsol pa ni// oM khyod kyis sems can don kun mdzad// rjes su mthun pa'i dngos grub gsol/ sangs rgyas yul du gshegs nas kyang // slar yang 'byon par mdzad du gsol// zhes brjod la he badz+ra maN+Dal muHzhes pas gshegs su gsol bar bya'o// ma dor bsdus pa'i bya ba rdzogs so// // sA tsha bya ba'i rim pa yang // sa la 'jim pa byas nas ni// rang gi lha yi rnal 'byor gyis// 'jim pa rin chen snga lngar bsam// de nas sems can thams cad la// byams dang snying rje ba skyed bya zhing // rigs gsum lha yang dran par byas// chos sku'i gzugs brnyan bzhengs pa dang // de yang sems can don du'o// de nas 'jim pa dag la ni// sngags ni nyi shu rtsa gcig gdab// na mo b+ha ga ba te/ bi ro tsa Na/ ta thA ga ta ya/ a ra ha te/ saM mya ka sa br-id+d+ha ya/ tad+ya thA/ oM suk+Sh+me suk+She sa me sa ma ye/ shAn+ti dan+te/ a sa ma ro bi a na lam+be/ ta raM be ya sho ba ti ma hA te dza ne ra ku le ni rbA Ne/ sarba ta thA ga ta/ a d+hiSh+ThA na a d+hiSh+TaM te swA hA/ rten 'brel dag gi sngags dag gis// rab tu gnas pa bya ba yin rdzogs so// bcom ldan 'das dpal dgyes pa rdo rje la phyag 'tshal lo// de nyid ye shes rgyus skyes pa'i// longs spyod rdzogs sku phyag 'tshal nas// shin tu bsdus par gyur pa yi// bung ba'i sgrub tha bas bshad par bya// dang po kho nar khams gsum thams cad sems tsam du shes par byas la/ de nas bdag nyid dpal he ru ka'i gzugs chu skyes dmar po dang 'dra ba skad cig gis rdzogs par byas te
- 526a
rang gi snying gar bcu drug phyed kyi pad+ma shin tu dmar ba bsams la/ de'i lte ba la A li yang dag par bsdus pa'i gzugs/ sangs rgyas thams cad kyi yon tan rjes su chags pa'i yi ge AHdang hUM yang dag par yid kyis bris te/ de nas hUM dang a las byung ba shin tu dmar ba'i 'od zer yid bzo bar byed pa spros te/ gur gum lta bu'i 'od zer de phyogs thams cad khyab ste/ sems can thams cad rang gi gzugs su byas la/ de'i sku gsung thugs lhan cig tu bkug ste/ hUM dang / aM gnyis kyi thig le la gzhug par bya'o// de nas hUM yongs su gyur pa las/ thabs dang shes rab kyi rang bzhin bung ba'i gzugs/ rin po che lta bu'i snying rje chen po'i rang bzhin me tog gi ro 'thungs pas brgyal ba/ hUM gi ngo bo sgra rtag ring du sgrog pa/ bdag med ma dang he ru ka'i rang bzhin bsgom par bya'o// de nas de'i snying gar mtshon dmar po/ ko ba'i chu lta bu'i thig le phra mo e dang hUM gi yi ge bltas te/ de nas thabs dang shes rab kyi phung ba srog gi rlung la zhon te sna'i bu ga na sa phyung la/ khams gsum na gnas pa sems can gyi lus ngag yid gsum rnam par dag par byas te bsdu'o// yang dbugs kyi rlung la brten nas ji lta bar bya ste/ rang gi snying ga'i pad+ma'i lte ba la rab tu rnam par dag pa la gzhug par bya ste/ gzhan gyi sku gsung thugs dang / rang gi sku gsung thugs gcig tu mnyam par bsgom par bya'o// de ltar yang dang yang du ji srid skad cig gis ma mthong gi bar du/ dbugs la brten pa'i gzugs bsgom par bya'o// de ltar goms pa'i rting la skyes pa dang bud med kyi skad cig pad+ma dmar po 'dab ma brgyad pa rnam par bsam la/ de'i ro bung ba srog dang rtsol ba la brten nas snga ma bzhin du
- 526b
byung ste/ bdag nyid kyi snying gi me tog gi lte ba la gzhug par bya ste/ skyes pa'i sna'i bu gar zhugs te/ lus ngag yid gsum gyi gzugs/ snying ga'i pad+ma lte ba la 'dug ste/ de'i snying ga'i pad+ma'i 'dab ma laM lus kyis rang bzhin gyi rdul yod pa bdag nyid kyi lus bsgom/ ngag gi rang bzhin pad+ma 'thung / sems kyi rang bzhin pad+ma'i snying po zos te/ de nas sgrub pa pos rang gi dbugs kyi rlung bkug ste/ skyes pa'i sna'i bu ga nas phyung la/ bdag nyid lnga'i bu ga nas snying gi pad+ma'i ge sar la gzhug go// de ltar lus sprugs der lus kyang rang bzhin gyi chu kyes kyi rdul gnyis gcig tu byas/ ngag gi nga bzhin gyi me tog gi khra ba gnyis gcig tu byas/ sems kyi rang bzhin pad+ma'i snying po gnyis gcig tu byas par bsam par bya'o// de yang di ltar smos pa dang / de ltar gzhug pa dang / de ltar bstims te/ yang dag par bsam par bya'o// de yang dang yang du ji srid du rjes su chags kyi bar du bya'o// rjes su chags pa mthong ba dang / ji ltar bsgom pa bzhin du shes nas byed de/ ji ltar mngon par 'dod pa grub par byed do// 'dir bsgom pa 'di byas na/ bud med dga' ba'i sems kyis chags par byed pa dang / 'dod pas brgyal ba'i lus kyis/ sgrub pa po'i sems bde bar byed cing dbang du 'gyur ro// nyes pa yod par mthong na/ ji ltar bstan par mi bya'o// gal te byas na chen po'i sdig par 'gyur ro// de bas na sngon du yul dang yul ma yin pa shes par byas la/ de shes pa dang / ji ltar bstan pa bsgom par bya'o// bung bas 'dod pa bsgrub pa'i thabs// rnam par bsgrubs pa'i bsod nams kyis// 'di na 'khor ba'i rtse bo rnams// dpal gyi snying rje thob par shog/ rdzogs so// // grub pa brnyes pa'i ratan tsan dras mdzad pa
- 527a
lo tsa ba khu dngos grub po// 6/ tong ma da ba shid brgyas / rgya gar skad du/ bA liM ta ta ta sa gra ha/ bad skad du/ gtor ma'i de kho na nyid bsdus pa/ ye shes ldan pa la phyag 'tshal lo// gnas las la bzhugs pa yi// byang chub sems dpa' grags chen dang / grub thob rnams la phyag 'tshal te// gtor ma'i de nyid bshad par bya// bskyed rim lha yi dran pa bskyed// mdun du nam mkha'i dbus gnas par// chos 'byung e yi dbyibs 'dra ba// pad+ma 'dab brgyad bsam pa ni// steng 'og dbus kyi lha yi gdar// ji ltar rigs par rim pa gsum// kha dog dbye ba so so yi// steng 'og phyogs sbyong brgyad nyid do// spyi bo snying ga mgrin pa ru// yi ge gsum ni so sor dgod// de las 'od ni dkar po 'byung // gzugs med srid pa'i lha sogs nas// rgyal chen rigs bzhi'i lha rnams ni// 'od kyis bsdus/ nas gcig tu byas// de la yi ge nyid du 'gyur// yi ge la sa ni mtshan mar ro// de nyid yongs su gyur pa las// sku yi rdo rje ngo bo nyid// sku mdog dkar zhing g.yas brkyang ba'i// g.yas na rdo rje dril bu bsnam// lha mo spyan dang bzhugs pa'o// sngar gyi thugs ka'i yi ge las// sngags kyi yi ge pUng nas ni// phyogs skyong bcu dang pha ma rnams// bsdus te 'od kyi gong bur ngo // de las rang gi sa bon nyid// mtshan mar yang dag blta ba'o// de nyid las ni lha yi gzugs// thugs kyi rdo rje su mdog sngo// phyag mtshan su yi rdo rje mtshungs// g.yas brkyang pad+ma'i gdan la na// mA ma kI dang lhan cig bzhugs// thugs kyi rdo rje rab 'dra ba'o// sa steng mi dang sa 'og klu// byol song yi dgas dmyal ba rnams// a las 'od zer byung nas ni// gcig tu gyur pas tshes 'byung bsam// sku mdog dmar po phyag bzhi pa// phyag mtshan/
Colophon
dzogs so/_grub pa brnyes pa'i rat+na tsan dras mdzad pa lo tsA ba khu dngos grub bo/