byang chub sems bsgom pa yi ge med pa'i rgyud
Text
ff. 324b–328b · 9 folio sides
- 324b
snying po zhes bya ba rnal 'byor ma'i rgyud/ rdzogs pa'i yang rdzogs pa/ zab mo'i yang zab mo/ shin tu rnal 'byor gyi don mthar thug pa nam mkha' che'i rgyud rdzogs so// / rgya gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing gtan la pha bo ba/ phyis skad gsar bcad kyis kyang bcos pa'o// / bod skad du/ byang chub sems bsgom pa yi ge med pa'i rgyud/ bcom ldan 'das dpa la rdo rje 'dzin pa la phyag 'tshal lo// chos kyi dbyings gting dpag dka' ba'i don zab mo zhes bya ba'i ting nge 'dzin la snyoms par zhugs nas/ thams cad yi ge med pa'i rang bzhin du bde ba mchog gis gzigs te/ rang bzhin gzung du med pa'i don 'di bka' stsal to// rang bzhin rang gis rtogs gyur nas// dngas snyigs med pa'i zab mo nyid// dang pa nyid na zab mo yis// lung du bsgom bsgrub kun dang bral// byang chub sems nyid ltar mi mthong // 'bad pas don nyid kun dang bral// bsgoms pas nyams rnyed mi 'gyur ro// de la bdud rnam bzhi 'byung ste// gzigs pa gzugs dang grags pa sgra// 'od kyi bdud dang bslu ba rnams// rang gi rgyud ni 'byung ba'o// ye shes phyin ci ma log pa// dang po bzlas dang
- 325a
brjod du med// sems kyi skad cig dang po la// chos so cog gi rtsa ba ste// bslab par bya zhing goms par bya// shin tu goms pa'i stobs ldan na// mtshan ma spyi dang rang gis spangs// theg pa kun dang khyad par 'jug/ rang ka ma la ga la gnas// ma bsgrubs thams cad lhun gyis rdzogs// rtog pa thams cad mi g.yo brtan// nges don snying po bla na med// byang chub sems bsgom pa'i rgyud yi ge med pa las/ chos nyid kyi skabs// // ring ba'i rgyu nyid rnams spangs la// nye ba nyid du 'jug pa yi// bsam pa dag dang ldan pas ni// thams cad tshul bzung man ngag brtag/ thabs che thabs myur thabs gsangs pas// mtshan ma'i don la rnam mi brtag/ dbyings nyid rig pa skad cig la// mthong ba thams cad blo yis bslad// ma mthong mthong phyir mthong ba ni// gong na med de de ltar min// mtshan ma'i bag chags rgyu ba chad// de yang mtshan ma'i mthar phyin no// mtshan nyid ye shes gsang ba ste// don dam blo yi spyod yul min// rtogs dang ma rtogs nyid kyi/ cha/ zung du 'jug dang 'od gsal med// dbang dang dam tshig cha lag rdzogs// 'khor ba mya ngan 'das mthar phyin// yon tan kun gyi tshogs nyid de// dngos med cing
- 325b
yang snang ba'i sems// cig char 'jug pa'i rnal 'byor pas// stong pa nyid la blo gtad de// mthar phyin 'gag med ba ka' yang dag/ ye shes zab mo'i ngo bo yis// ma bsams ma sbyangs rab zhi ba'i// rnam rtog nyid kyang ye shes sku// bla med rdzogs chen brjod las 'das// rang byung rang zhi rang la gnas// mthong med rtsol ba las 'das pa/ byang chub nam mkha'i rang bzhin no// byang chub kyi sems bsgom pa yi ke med pa las/ rang bzhin nang gi skabs/ mthong ba med pa'i da byings nyid la// ye shes zab mo'i skad cig mas// rang bzhin 'byung ba rab tu ste// de yi rtsol bral yang dag nyid// ye nas rang bzhin gnas pa yis// mnyam pa'i dbyings kyis kun la khyab// ye shes kyis kyang de bzhin no// dbyings la ye shes rab 'byor pa// de nyid sangs rgyas sa las 'das// shas rab thabs rdzogs rtog pas bskyed// de nyid sangs rgyas sa nyid do// stong dang mi stong tshig las 'das// ba sa ma me dag par gnas pa ste/ rgyu dang 'bras bu snyun grub pas// gnyen pos ma bcos rab tu zhi// rang bzhin zhi ba thabs chen po// bag chags rgyun nyid rang bzhin chad/ bkag
- 326a
nas chad pa'i shin tu srog/ srog las sdug bsngal byung tshor te// mthong dang ltar ni med pa ste// ye nas rang byung dbyings de la// ya nas rang byung ye shes dbab// rang la rang byung ye shes de// rig pa'i bya ras sod par bya// rig pas ma sod ma tshor 'chor// bde ba nyams te bying ba yin// yang dag bde ba ma yin no// bde ba rnyed pas thams cad 'dus// byang chub sems sgom po yi ge med pa'i rgyud las/ mthong bas ltar med pa'i skabs// // stong pa nyid las gzhan min pas// stong lta de ni thabs rgyal po// rgyal po mtho bo mi yi mchog/ de yis las rnams gzhan las btsal// gzhan rnams las rnams gang byas kyang // rgyal po min te phal pa la// rgyal las dmangs 'byung tha mar rgyal// ya nas rgyal po rgyal ba yang // zungs thub rgyal pos dmangs rnams kyang // 'o bad rtso la med pa'i thabs kyis bcom// rgyal po dpa' bo thams cad 'joms// bcom pas rgya la 'khor nga shin tu bzang // bzang mi dmos pa'i rgyal po ste// ku la las dpags pa yin par grogs// dpa' bo de bsad slar 'tsho ba// de ni rgyal po rdzu 'phrul can// byang chub kyi sems yi ge med pa'i rgyud las/ ye shes
- 326b
zang mar bstan pa'i skabs// gang gis dpag cing mtshon du med// de ni chos dbyings zang ma ste// gang gis ma bskyed rang 'byung ba// phyogs ris kun dang bral ba ste// yi ge med de dbyings kyi mchog/ gleng bral tshig la dbyings 'das pas// sna tshogs sogs pa'i spyod yul min// shin tu phra bas rnam brtags la// rtsing pos dpyad na phra ma dag/ sgra phyir 'brangs na grub mtha' nyams// rtsol ba 'ba' zhig 'ching ba'i rgyu// ma btsal ba na rtsol ba zhig/ de ni bcom ldan 'das zhes bya// mi dmigs dbyings kyi ngang nyid ni// cis kyang mi dmigs dngos snang ba// mkha' zhes pa nyid dbyings kyi don// byang chub kyi sems bsgom pa yi gi med pa las dbyings kyi don bstan pa'i skabs// // chos dbyings dag pa'i mkha' klong la// rgyu med spangs pa'i ye shes dbag// ye shes nyid de chos sku dag/ de ltar sangs rgyas chos sku de// sangs rgyas kyis kyang gzigs su med// chos dbyings spos med spos bral la// ye shes spun grub ma bskyed pas// de bzhin rang 'byung rig pa yin// yi ge med pa'i rgyud du grags/ rmad du byung ba spos dang bral// spros med dbyings dang ye shes ni// nam mkha'i dbyings te ye shes so//
- 327a
nam mkha' la ni nam mkha' bsgom// de las nyams pa'i 'khor ma yin// dag ma'i rmi lam lta bu la// 'di dang 'di zhes bstan du med// mkhas pa man ngag gsum dang ldan// byang chub kyi sems sgom pa yi ge med pa las/ dbyings dang ye shes gnyis su med par bstan pa'i skabs// / blun po rtog ge'i shes pa nyid// yod dang med pa'i chos la spyod// byang chub sems la ming med pas// dmigs na rtog dang 'khor ba nyid// rnam par rtog pa'i rgyu brtags na// rgyu yi rgyu de 'bras bu'i mchog/ der shes rig pa'i ye shes nyid// dbyings dang ye shes brtags pa'i mthus// snying po bstan du med pa'o// shes pa thang sha ma chad par// kun bzang nga las mi g.yo bar// ye nas blang dor med pas na// sems nyid gang la'ang gtad mi bya// rtag chad bde ba'i rlung yin pas// chos dang bde kun grub pa med// rnam dag 'khor ba'i don med pas// rdzogs sangs rgyas pas chos rnams med// rtog pa can la sna tshogs snang // dbyings dang ye shes gnyis yod na/ 'di ni ye shes dbyings ma yin// byang chub nyid la byang chub gnas// rgyun gnas bag chags ltas pa'i mthus// shes pa nang du rub pa yin// mthong
- 327b
ba med pa chos kyi sku// sems ni nam mkha' dang 'dra ste// gang du mi g.yo cir mi brtag/ g.yos na nyams te chags na 'khor// byang chub kyi sems bsgom pa yi ge med pa las/ sgom pa'i skyon bstan pa'i skabs// // sems mi g.yo ba mnyam pa nyid// spyod yul thams cad las 'das pas// mtshon pa las ni mi mtshon pa// bsgrub pa las 'das mi bsgrub pa// smra ru med pas mi bsgom pa// de ni gnyis med nyams zhes bya// rnam shes yul la mi 'brang ba// byang chub chen po zhes bya ba// rang 'byung chen po zang thal ba// sems ni dmigs med mkha' dang 'dra// nam mkha' la ni nam mkha' rol// mkha' ru bsgom pos mkhar mi smra// spyod yul gang la'ang mi spyad na// ye shes ye shes me bo che// mi g.yo ba ni de nyid do// yang dag phyin phyir g.yo ba med// mi gnas pa la'ang mi gnas te// gal te sems la gtad yod pas// sems kyis sems 'ching mi 'chor ro// snang ba med pas mi btsal gzhag/ byang chub kyi sems sgom pa yi ge med pa'i rgyud las/ zab mor bstan pa'i skabs// // rang byung snying po rang 'byung bas// byang chub sems la rgyu rkyen med// yul nyid sgyu
- 328a
mar shes pa de yang rtog/ smra med gleng bral de la sems gang med// blo med kun bral chos rnams 'dzin mi byed// ma g.yos mnyam pa// sems kyi gtsor bstan no// gang du ma mthong dngos ma grub// dngos grub yang dag don ma yin// ci yi ngo bo cir mi brtags// bde gshegs ma lus lam rgan yin// bsgrub bya grub par bya ba'i chos// rtog pa'i dbang gis sna tshogs 'dzin// rdzogs sangs rgyas pas chos rnams med// 'du 'bral med pa chos kyi sku// mtshan ma mtshan ma med pa nyid// yul la rig pa'i gnas mi bca'// byang chub kyi sems bsgom pa yi ge med pa'i rgyud las/ rang rig pa'i skabs// / / de nas chos kyi dbyings gting dpag dka' ba'i ting nge 'dzin las gzhengs nas/ 'khor gyi bde bar gshegs pa rnams la rigs kyi bu dag ces bos nas byang chub sems sgom pa yi ge med pa'i rgyud 'di'i don mthong ngam/ thos sam/ rtogs sam/ 'di'i don dang ldan pa dang / thog tu dbab pa dang / rig pas phugs pa shin tu dka' ste/ spros pa dang bral ba bde bar gshegs pa rnams kyis gzigs par dka' 'o// de nas dpa' bo'i mchog la bde bar gshegs pa
- 328b
rnams kyis gsol pa/ byang chub kyi sems bsgom pa yi ge med pa'i rgyud du gsungs pa 'di gang ltar yang ma 'khums pa lags te/ shin tu brtags dka' ba'i don lags te/ de bzhin nyid kyi don ma bcos pa 'di bka' stsal pa las yi rang ste/ mngon par bka' stsal pa'i tshe na/ thams cad slar yang yi ge med pa'i rang bzhin du gyur byang chub kyi sems bsgom pa yi ge med pa'i rgyud ces bya ba/ man ngag gi snying po don dam pa'i don dam pa las/ thams cad yi ge med par gyur pa'i skabs shin tu brtag dka' ba'i don rdzogs so// / rgya gar gyi mkhan po shri sid+ha dang d+ha na gar+b+ha zer ba 'dug/ bod kyi lo tsa ba dge slong bai ro tsa nas bsgyur ba'o// / rgya gar skad du/ bo d+ha tsit+ta ra tsa nu ha tan+ta/ bod skad du/ byang chub kyi sems rmad du byung ba'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis bros pa'i dus gcig na/ de bzhin gshegs pa dgra bcom pa yang dag par rdzogs pa'i sangs rgyas thams cad dang dbyer med pa'i bdag nyid/ gzugs can ma yin pa'i snying po/ yon tan thams cad kyi 'byung gnas/ shes bya thams cad kyi rgyal po de bzhin nyid