dpal 'khor lo sdom pa'i dbang gi bya ba'i rim pa
Śrīcakrasambaraṣakakṛyākrama
Text
ff. 74b–85b · 23 folio sides
- 74b
phrag gnyis// slob dpon gcig dang mnyam par bshad// de nas bla ma dag la yon// de bzhin gshegs pas gsungs pa dbul// gser ni brgya stong dbul ba dang // rin chen rnam pa sna tshogs dang // ras ni bzung 'gyur brgya nyid dang / glang po rta dang yul 'khor dang // rna rgyan dang ni gdu bu dang // mgul rgyan sor gdub dam pa dang // gser las byas pa'i mchod phyir thogs// chung ma bzang dang bu mo nyid// bran pho bran mo sring mo rnams// ding nas brtsams te bran du ni// de la bdag ni dbul lags zhes// blo ldan kun nas dang pa yis// bdag nyid kyang ni dbul bar bya// de nas de la mkha' 'gro ma// rnal 'byor ma rnams mnyes par 'gyur// tshon la sogs pa'i dngos po kun// nang par tho rangs bsdu/ bar bya// bsdus nas gser gyi bum par ni// bcug nas chu bo chen por dor// bum pa thams cad bsdus nas ni// sngon bzhin du ni dga' stor bya// de nas bdud rtsi lnga sogs ni// sbyar bas sa ni byug par bya// slob dpon chen po lnga yi pa'i// mngon rtogs tshad mar rab gzung ba'i// lam de'i dkyil 'khor cho ga ni// lung la dad pas rab tu blangs// dpal ldan 'khor lo sdom pa yi// dkyil 'khor cho ga mdor bsdus pa// byas pa'i dge ba gang thob pa// 'gro kun rdo rje 'dzin gyur cig/ dpal 'khor lo sdom pa'i dkyil 'khor gyi cho ga lag tu blang ba'i rim pa pradz+nyA rak+Shi tas mdzad pa gsal ba rdzogs so// 66// dpal 'khor lo sgom pa'i dbang gi bya ba'i rim pa bzhugs so/ @#// rgya gar skad du/ shrI tsakra sam+ba ra Na ka kr-i yA kra ma/ bod skad du/ dpal 'khor lo sdom pa'i dbang gi bya ba'i rim pa/ dpal 'khor lo sdom pa la phyag 'tshal lo// dngos po thams cad gcig sdom pa// dpa' bo sdom pa la btud de// rgya che mchog tu gsal ba yi// dbang / gi bya rim bshad par bya// de la ji lta ba bzhin du dbang bskur ba rjes su gnang zhing / rnal 'byor bzhi la mkhas pa/ rnal 'byor pa rig pa bzlas pa'i rang gi slob ma legs par yongs su brtags te rjes su 'dzin par 'dod pas//
- 75a
rgyal po dang chom rkun la sogs pa'i nye bar 'tshe ba thams cad spangs pa'i dkyil 'khor gyi khang par/ cho ga ji lta ba bzhin gnas te/ rdul tshon gyi dkyil 'khor ram ras bris pa la sogs pa'i dkyil 'khor la nyer spyod lngas mchod de/ mtshan mo'i dus la bum pa rnams lhag par gnas par bya'o// bzhi bcur gcig gis dman pa'i bum pa las ma rnyed na dgu'o// de la gtso bo 'gyur ba'i bum pa la sna tshogs pad+ma'i ze 'bru la gnas pa'i gau ri dang 'phrog byed kyi snying kha'i steng du nyi ma la rdo rje dang rdo rje can bshad pa'i mtshan ma gnyis bri bar bya'o// mkha' 'gro ma dang lA ma dang / khaN+Da ro hi dang gzugs can ma rnams kyi bum pa bzhi la sna tshogs pad+ma'i ze 'brul gnas pa'i ro'i snying gar nyi ma bzhi la gri gug bzhi'o// rab gtum ma la sogs pa dang / yang dag par ldan pa'i thod pa'i dum bu la sogs pa dpa' bo nyi shu rtsa bzhi rnams kyi bum pa nyi shu rtsa bzhi rnams la sna tshogs pad+ma'i dbus su gnas pa'i ro'i snying gar nyi ma la so sor gri gug dang rdo rje'o// khwa gdong ma la sogs pa phyogs dang phyogs bral du gnas pa rnams kyi bum pa brgyad rnams la sna tshogs chu skyes kyi dbus bu gnas pa'i ro'i snying gar nyi ma la gri gug re re'o// las thams cad pa'i bum pa dang rnam par rgyal ba'i bum pa dag gi slar yang so sor// glang po dang / seng ge dang / rta dang / rma bya dang / nam mkha'i lding rnams kyi steng du gnas pa'i sna tshogs pad+ma'i snying por yi dgas lnga bris pa'i snying gar zla ba dang nyi ma bzhi la go rim bzhin 'khor lo dang rin po che dang pad+ma dang / sna tshogs rdo rje dang rdo rje rnams rnam par snang mdzad dang / rin chen 'byung ldan dang 'od dpag med dang / don yod grub pa dang mi bskyod pa ste/ de bzhin gshegs pa lnga po rnams kyi mtshan ma bri bar bya'o zhes pa rim pa'o// de la gtso bor gyur pa'i bum pa ni ches che ba/ nag po dang rtsa ba med pa/ lto ba 'phyang ba/ mgrin pa mtho ba/ mtshan ma
- 75b
legs par bris pa/ gos bzang pos mgrin pa bkris pa/ tsU ta'i lo ma la sogs pas kha brgyan pa/ gser dang dngul dang / mu men dang / mu tig dang / byu ru dang / nas dang gro dang 'bras dang so ba dang / til dang / ma sha dang / br-i ha ti dang / kaN+Da ka ri/ gzhan gyis mi thub pa dkar po dang / dan+tol+lal dkar po dang / sa ha de wa ste/ sman lnga rnams lto bar gzhug go// bdud rtsi lnga dang sgron ma lnga lhan cig pa'i dri'i chu thod pa'i nang du gnas pa rnams kyis kyang lto ba yang dag par gang zhing yongs su gang bar bya'o// hUM lan bdun bzlas pa'i b+ha ru dang lhan cig pa'i skud pa dkar pos de rnams kyi mgrin pa dkri bar bya'o// lA ma la sogs pa rnams kyi bum pa bzhi dang kha gdong ma la sogs pa rnams kyis bum pa bzhi ni/ sgo bzhi'i legs brgyad rnams su go rim bzhin mthar re re'o// ku sha'i stan la dgu po dgod de/ gtso bor gyur pa bcom ldan 'das kyi bum pa lte ba'i steng de nyid du dgod par bya'o// 'di ni bum pa'i rnams kyi grangs su dgu la/ par bya'o// de la chog 'di yin te/ slob dpon rang nyid lha'i rnal 'byor dang ldan pas/ rang gi snying ga'is bon gyi 'od zer gyi nam mkhar gnas pa'i dkyil 'khor gyi 'khor lo bkug nas/ mchod yon dang zhabs bsil la sogs pa dbul bar bya'o// rtse nas 'kho sa de chags pa chen po'i mes nu bar gyur te/ go rim bzhin rang rang gi bum pa rnams su gzhug go// me tog gi phreng bas nye bar mdzes pa'i rdo rje rnam par rgyal ba'i bum pa'i steng du bzhag go// oM badz+ra kuN Da li baH hUM phaT ces pa'i sngags brgya rtsa brgyad kyis bsngags la las thams cad pa'i bum pa la yang sngags 'di kho na brgya rtsa brgyad kyi grangs mngon par bsngags par bya'o// gtso bo la sogs pa'i bum pa la yang rnal 'byor ji lta bzhin gtseg
- 76a
dang dkyil 'khor ba'i sngags kyis so// de nas me tog dang bdug spos la sogs pa rnams kyis yang dag par mchod de/ gtor ma phul nas/ mi bskyod rdo rje zhes pa la sogs pa'i bstod pa sngon du 'gro bas dril bu dkrol bar bya'o// bum pa lhag par gnas pa'i tshe ga'o// de nas dril bu dang / ak+Sha pI Da dang / pa Ta ha dang / ha tA'i rnam pa dang / pi wang dang gling bu dang / rnga zlum dang / rdza rnga dang / rgod po dang / sgeg pa dang / glu dang / gar dang / me tog dang / bdug pa dang / dri dang / zhal zas dang / me long dang / ro dang / reg pa dang / chos kyi dbyings kyi mtshan nyid de nyi shu po rnams kyis dkyil 'khor mchod par bya'o// de'i rjes su dkyil 'khor par byas pa'i slob ma sngags kyi/ tshul gyi gal pa dang ldan pa ma tog gi phreng ba 'dzin pa pus po'i lha nga sa la btsugs pa napas la// kha cig gsang sngags grub don gnyer// dkyil 'khor 'dir ni 'jug par byed// de nas gzhan gyi bsod nams 'dod// gzhan dag 'jig rten pha rol gnyer// 'jig rten pha rol la dmigs pa'i// dad pa mang du byed pa yi// blo ldan dkyil 'khor 'dir 'jug bya// tshe 'di'i 'bras bu 'dod ma bya// tshe 'di 'dod bzhin pa la ni// 'jig rten pha rol de bzhin min// skyes bu ted 'dzin pha rol gnyer// tshe 'di'i 'bras bu 'bad med nyid// ces slob pa rnams la rjes su bsgrags la// de rnams kyang sems kyis dpal he ru ka'i gzugs rang gi lus la gzhug cing // rdo rje phag mo'i pad+mar gnas pa'i de bzhin gshegs pa thams cad zhu ba rnams kyis dbang bskur bar bsams nas/ dngos su lha'i dkyil 'khor gyi sgor 'dug ste// 'jug par gsol ba gdab bo// phag mo lhan cig yang dag sbyor// dpal chen khyod bdag ston pa ste// byang chub chen po'i tshul brten pa// mgon po chen po bdag 'tshal lo// dam tshig de nyid bdag la stsol// byang chub sems kyang bdag la stsol// sangs rgyas chos dang dge 'dun te// skyabs gsum bdag la stsal du gsol// mthar/
- 76b
pa chen po'i grong mchog tu// mgon pos bdag ni gzhug tu gsol// zhes brjod nas dkyil 'khor du 'jug par gsol ba gdab bo// de nas slob dpon gyis slob ma gcig gtso bor byas nas// bu tshur shog cig theg chen gyi/ gsang sngags spyod tshul cho ga ni// khyod la yang dag bstan par bya// khyod ni tshul chen snod yin te// sku gsung thugs kyi rdo rje can// dus gsum 'byung ba'i sangs rgyas rnams// rdo rje sngags kyi mthu rnams kyis// mnyam med ye shes yang dag brnyed// sngags kyi rab sbyor mnyam med pa// gang gis shAkya seng+ge sogs// dpa' bo rnams kyis bdud kyi sde// stobs chen drag po chen po bcom// 'jig rten rjes 'jug rtogs nas ni// 'khor/ lo bskor nas mya ngan 'das// de bas kun mkhyen theb byed du// bu yis blo gros 'di gyis shig/ ces de rnams la brjod nas// dkon mchog gsum la bdag skyabs mchi// sdig pa thams cad so sor bshags// 'gro ba'i dge la rje yi rang // sangs rgyas byang chub yid kyis bzung // de ni thub pa skal ba che// sangs rgyas rnams kyis bskyed ji ltar// byang chub sems ni bla na med// dam pa bdag gis bskyed par bgyi// srid pa'i rgya mtshor bying ba yi// 'gro 'di mtha' dag sbrul ched du// bdag kyang thams cad mkhyen gyur nas// dbang phyug kun gyi gnas la gnas// zhes skyabs gsum gyis tshigs su bcad pa lan gsum brjod nas// slob ma de rnams la// oM badz+ra kuN+Da li badz+ra hUM phaT/ ces pa'i sngags kyis bsrung ba byas te/ de rnams kyi snying ga mgrin pa spyi bo rnams su go rim bzhin zla ba la gnas pa'i rdo rje pad+ma dang 'khor lo'i dbus su hUM AHoM zhes pa bsam par bya'o// slob dpon langs te rdo rje g.yas pa'i khu tshur gyis bzung nas slob ma rnams kyi snying ga mgrin pa mgo bor rdo rjes reg nas hUM AHoM rang nyid brjod de mgo bor me tog mdun du bdug spos dang mar me de bzhin du snying gar dri sbyin par bya'o//
- 77a
/ de'i rjes su oM badz+ra kuN+Da li badz+ra hUM phaT zhes pa'i sngags lan bdun bzlas pas A shwat+tha la sogs pa mags shing rma med pa sor bcu gnyis pa'i tshad rtse mor me tog gi phreng ba dkris pa'i so shing slob/ ma rnams so sor sbyin no// de rnams kyang gdong shar ram byang du bltas te zos na steng du bltas nas ba lang gi lcibs ba lang gi ko ba tsam du byugs pa'i sa phyogs su dor ro// de la zhi ba la sogs pa'i las kyi bye brag/ gang gi mngon phyogs lhung gyur na// de'i dngos grub mchog shes bya// de bzhin shar du rtse mo yis// dngos grub par mar rab tu grags// byang bltas de bzhin thad kar ni// 'jig rten pa yi dngos grub 'dod// so shing dor ba de bzhin du// ji lta'ang rtse mo 'og 'gro ni// de tshe sa 'og dngos grub 'gyur// rnam dpyad med par nges pa yin// steng du phyogs na mkha' spyod nyid// de ltar the tshom med par 'gyur zhes so// de'i rjes su zhal bsil ba'i dri'i chu khyor ba gsum 'thungs te/ oM hrIH bi shud+d+ha d+harmAHsarba pA pa ni tsA sho d+ha ya sar+b+ba bi kalpan+sa na ya hUM/ zhes pa'i sngags 'dis kha bshal bar bya'o// so shing gi cho ga sgrub pa'o// // de'i mdun du nye bar 'dug ste oM badz+ra kuN+Da li zhes pa la sogs pa'i sngags lan bdun bzlas pa'i ku sha rnams stan dang sngas kyi phyed du de rnams kyi lag par byin nas/ sngags 'di nyid kho na lan bdun mngon par sngags pa'i bsung skud sum sgrol mdud pa gsum byas pa dpung pa g.yas la bcings te/ chos bstan pas spro// ba bskyed par bya'o// 'jig rten du ni kun mkhyen rnams// res 'ga' 'byung ngam mi 'byung srid// u duM bA ra'i me tog bzhin// brgya lam na ni res 'ga' zhig/ gsang sngags spyod pa'i tshul 'byung ba// de bas kyang ni rnyed dka' ste// gang gi mnyam med sems can don// mya ngan mi 'da' byed par nus// bskal pa bye ba du ma ru// sngon du sdig pa byas pa gang // dkyil 'khor 'di 'dra mthong nas ni// de kun zad par 'gyur yin na// grags pa mtha' yas sngags spyod kyi// tshul la/
- 77b
gnas na smos ci dgos// skyob pa'i gsang sngags bzlas na ni// go 'phang bla na med par 'gyur// spyod mchog 'di la gang rnams kyis// blo gros shin tu dri ma med// de rnams kyi ni sdug bsngal kun// 'byung ba'i ngan 'gro yang dag bcad// bdag nyid chen po khyed rnams kyis// rnyed pa mnyam med de ring rnyed// gang gis khyed rnams rgyal ba kun// sras bcas rnams kyis bstan pa 'dir// bdag nyid chen pos skye bzhin par// kun tu yongs su bzung nas gnas// de yis khyed rnams theg chen du// / sang ni legs par skye bar 'gyur// theg pa chen po cher 'byung ba'i// lam mchog 'di ni dpal dang ldan// gang gis khyed rnams 'gro 'gyur la// de bzhin gshegs pa rnams su 'gyur// zhes chos bstan pa bsgrags nas slar yang de/ rnams la oM badz+ra kuN+Da li'i sngags kyis bsrung ngo // rdo rje can gyi sangs rgyas la// 'gro ba skyabs pa'i ches du dbang // yon tan 'byung gnas ji ltar stsal// de ltar bdag la gnang bar gsol// slob ma de rnams ku sha'i stan la nyal du gzhug cig/ rmi lam gang cung zad mthong ba de nang par nga la smos shig ces so// de ltar rig pa'i dbang bskur bar 'os pa'i slob ma lhag nas bstan to// slar yang dkyil 'khor gyi khang par zhugs te/ slob dpon gyis bsrung ba'i don du rdo rje 'khyil pa'i sngags 'o/ rang bar gar ma yang byin nas meng byung nas thob ma de rnams la bas te// de rnams kyi zil ma dge mi dag dris nas/ rmi lam mi dag par byung na rdzob ma rnams pa rdo rje 'khyil pa'i sngags kyis yang dag par bsrungs te/ sngar bzhin tshes bstan pas spro bar bya'o// gal te slob dpon du dbang bskur ba 'dzin par 'dod pa de'i tshe khyad par gyi sdom pa bzung bar bya'o// 'khor lo phyir mi ldog pa'i dbang // dam pa bdag la stsal nas ni// mgon po 'khor lo lha dag pa/ de nyid slob dpon 'phrin las dang // sangs kyis kun gyi dam tshig dang // sdom pa gsang mchog rtag tu ni// sems can kun gyi don bgyid byer// slob dpon padag 'gyur gsung du gsol// tshigs su
- 78a
bcad pa de dag gis slob dpon gyi sdom pa la gsol ba gdab par bya'o// lhag par dang bas/ bla mas rigs thams cad la gsol ba gdab pa/ che ge mo zhes bya ba 'di// byang chub sems dang dam tshig dang // sdom pa rnams ni yongs 'dzin zhing // gsang ba'i 'khor lo 'dir 'jug 'tshal// zhes pa 'dis bya'o// de nas gsang ba chen po'i rigs dag pa'i// gsang chen yongs su 'dzin par ni// bdag nyid chen po khyed 'dod dam zhes brjod par bya'o// slob mas/ kyang 'tshal lo zhes brjod do// de nas rigs lnga la sogs pa'i dam tshig brjod de/ sangs rgyas chos dang dge 'dun te// dkon mchog gsum la skyabs su song // 'di ni sangs rgyas rigs dga' ba'i// sdom pa brtan par gyur pa'o// rdo rje dril bu phyag rgya rnams// blo gros chen po khyed kyis gzung // byang chub sems gang de rdo rje// shes rab dril bu zhes bshad de// slobang pon dag kyang bzung bar bya// bla ma sangs rgyas kun dang mnyam// 'di ni rdo rje rigs dag pa'i// sdom pa'i'o// sdom pa dam tshig yin par gsungs// rin chen rigs la de bzhin du// nyin dang mtshan mo lan gsum du// zang zing mi 'jigs chos dang bya mas// sbyin pa bzhi ni rab sbyin bya// phyi dang gsang ba theg pa gsum// dam chos khyod kyis bzung bar bya// 'di wAr pad+ma rigs dgal// sdom pa dam tshig mchog yin no// las kyi rigs chen mthob la// sdom pa thams cad ldan par ni// yang dag nyid du bzung bar bgyi// mchod pa'i las kyang ci nus bya// grogs nyid rdo rje'i spun gyur pa'i// rnal 'byor/ rnams kyi bsnyen bkur ni// spang zhing dor bar mi bya ste// ji ltar nus bzhin kun tu spyad// theg pa spen pa 'dod min zhing // sems can don la rgyab phyogs min// 'khor ba yongs su mi spang zhing // rtag tu mya ngan 'das dga' min// lha dang lha min gsang ba la// khyod kyis brnyas par mi bya zhing // phyag rgya bzhon pa mtshon cha dang // mtshan ma 'gom par mi bya'o// khyod kyi srog chags bsang mi bya'o// ma byin par yang mi blang ngo // 'dod pa log par mi spyad cing // brdzun du smra bar mi bya'o//
- 78b
sems can gdul don ma gtogs pa// byab ma yin thams cad spangs// rnal babyor pa rnams bsnyen bkra shing / legs pa rnams la nyer gnas bya// lus kyi las ni nam gsum dang // ngag gi rnam pa bzhi dag dang // yid kyi rnam pa gsum rnams ni// ji ltar nus bzhin bkang bar bgyi// de ltar bla mas slob mal dam tshig dang sdom pa la sogs pa sbyin par bya'o// slob mas kyang gus pa dang bcas pas phyag 'tshal te/ gzung bar bya ba'i rim pa 'dis// sangs/ sa thams ca pa thaMg patshal la/ tha~M pa sangs rgyas de yegs pa rnams kyang bdag pa nangs smrams / na nas nas da nas mas / srid kyang chus skyed par 'dugag par du/ drus gsum mgon po rnams/ byang chub tu ninges mdzad pa'i// byang chub sems ni bla na med// rab mchog bdag gis bskyed par bci// tshul khrims bslabs pa rnam pa gsum// dge ba'i chos ni sdud pa dang // sems can don bya'i chu khrims ni// so sar ba tan pa bdag gis gzung // sangs rgyas chos dang dge 'dun te// dkon mtsha ba mchog gsum than med// sangs rgyas rnal 'thor skyes rngom pa// deng nas mchog tu bzung bar bsti// rdo rje rigs mam chen pos/ rdo rje dril bu phyag rgya yang // yang dag nyid du gzung bar bgyi// slob dpon dag kyang bzung bar bgyi// rin chen rigs chen rnal 'byor gyi// dmachog yid du 'ong ba la// nyin re zhing yang drug byas nas// sbyin pa bzhin rab sbyin bgyi/ byang chub chen/ bo las byung ba'i// pad+ma'i rigs chen dag pa'o// bye dang gsang ba zag pa gsum// dam chos so sor gzung bar brtsi// las kyi rigs chen mtho ba la// sdom pa thams cad yang dag ldan/ mchod pa'i las ni tsa nus bzhin// de nyid/ kyis ni so sor bzung // byang chub sems ni bla na med// dam pa bskyed par bgyis nas ni// sems can kur gyi don bgyid phyir// bdag gi sdom pa ma lus gzung // ma bsgral ba rnams bdag gis bsgral// ma grol ba rnams bdag gi das
- 79a
dbugs ma phyung rnams dbugs byung zhing // sems can mya ngan 'das la dgod// oM sarba ta tha ga ta yo ga kA ya bAk+ShIt+ta mut+sa da yi Shu mya she ShA na ba she Sha satwa d+hA tu hi ta su khot+ta ma sid+d+hi a t+yan+na b+ha ba sid+d+hi ma he shwar+ya d+hi pad+hA ya tsa zhes pa 'dis slob ma byang chub tu bskyed do// de ltar slob dpon gyi sdom pa bzung nas// zhes pa slob dpon du dbang bskur bar 'os pa'i slob ma lhag gnas bstan pa'o// // de'i rjes su bris pa la sogs pa'i dkyil 'khor la mchod pa rgya chen po byas nas rang gi lha'i rnal 'byor sngon du 'gro bas slob ma 'jug pa'i tshogs rang nyid zhugs te phreng ba'i dbang bskur ba la sogs pa bcom ldan 'das bdag po'i thugs las thob par bya'o// de'i tshe slob ma rnams 'jug pa'i don du/ bden pa'i gsol ba gdab par bya ste// chos rnams gzugs brnyan lta bu ste// gsal zhing dag la rnyog pa med// gzung du med cing brjod du med// rgyu dang las las kun du byung // de bzhin de kho nyid nges 'byung / zhes pa'i bden pas dkyil 'khor ni// gzugs brnyan gsal bar slob ma rnams// kun gyi sdig med mthong bar shog/ ces pa la sogs pas gsol ba gdab bo// de nas yol ba las/ phyi rol tu yon phul bya'o// dkyil 'khor du 'jug pa'i don dadu/ kye dga' ba la dga' lteng su yin zhes dr-i/ des kyang 'di skad du/ bskal bzang ba dag bde ba chen po la'o// zhes brjod do// de nas bla mas slob ma'i snying gang rdo rje bzhag ste/ oM sarba yog tsit+ta ut+pA da yA mi/ oM sur te sa ma ya s+t+waM hoHsid+d+hi badz+ra ya thA su khaM/ zhes byang chub tu sems bskyed pa brjod de/ deng khyod de bzhin gshegs pa thams cad kyis byin gyis rlob pa 'gyur gyi/ de bzhin gshegs pa thams cad kyi/
- 79b
gsang ba chen po 'di khyod kyis dkyil 'khor du ma zhugs pa rnams la smra bar mi bya ste/ ma dad par yang mi bya'o// hUM dzaHhUM zhes pa 'dis bkug ste/ yol ba'i nang du bcug ste dkyil 'khor shar sgor bzhag nas 'di skad brjod par bya'o// deng khyod de bzhin gshegs pa thams cad kyi rigs su zhugs kyis de'i phyir ngas khyod la rdo rje ye shes bskyed par bya ste/ ye shes gang gis khyod de bzhin gshegs pa thams cad kyi dngos grub kyang thob par 'gyur na/ dngos grub gzhan lta ci smos// khyod kyis 'di dkyil 'khor ma mthong ba'i mdun du smra bar mi bya ste/ khyod dam tshig nyams par gyur ta re zhes so// slar yang mgo bor rdo rje bzhag ste smras pa/ 'di ni khyod kyi dam tshig gi rdo rje ste/ gal te 'ga' zhig la smras na khyod kyi mgo bo 'gem par byed do// me tog dang bcas rdo rje snying gar bzhag ste brjod pa oM rdo rje sems dpa' rang nyid dang // khyod kyi snying la yang dag gnas// gal te tshul 'di smras nas ni// skad cig de la dral nas gshegs// zhes pa 'dis mna' byed du bcug nas bdud rtsi lnga pad+ma'i snod du gnas pa'i yi ge gsum gyis byin gyis brlabs te/ oM badz+ra a br-i to da ka Tha zhes pa 'di bdun bzlas so// 'di ni khyod kyi dmyal ba'i chu// dam tshig 'dra na sreg par byed// dam tshig bsrungs pas dngos grub ste// rdo rje bdud rtsi'i chu 'thung shig/ ces brjod de 'thung du gzhug go// de nas 'di brjod par bya ste// deng nas brtsams te khyod kyi phyag na rdo rje nga yin gyis/ ngas 'di gyis shig ces gang smra ba de khyod kyis bya'o// khyod kyi nga la brnyas par yang mi bya ste// khyod yang ba ma spangs par dus byas nas dmyal bar lhung bar gyur ta re zhes so// dam tshig gi chu sbyin pa'o// de nas slob mas 'di skad brjod par bya ste/ de bzhin gshegs pa thams cad kyis bdag la byin gyis rlobs shig/ rdo rje sems dpa' bdag la 'bab par mdzod cig ces so// de nas ra'i yan lag lnga de bzhin gshegs pa lnga'i sa bon gyis byin gyis brlabs te/ til mar chen po
- 80a
dang gu gul chen po dag cha mnyam par lhan cig tu bsres pa chang dang gu gul yang dag par ldan par byas pa'i bdug spos 'dus byas nas/ slob dpon gyis rdo rje phag mo'i sngags bzlas te/ slob ma la bdug spos 'dis bdug par bya'o// de nas kun du 'bebs par 'gyur ro// gsung babs na sngon med pa'i tshigs su bcad pa brjod par byed do// thugs babs nas byung ba dang 'byung bar 'gyur ba dang / da ltar ba yang shes par byed do// oM tiSh+Tha sa ma ya ba ri pA li te hUM hUM hUM ho ho ho swA hA/ zhes pa 'dis rdo rje spyi bor bzung na gshegs so// de nas oM tiSh+Tha badz+ra zhes pas brtan par byas nas khyod kyis mig la ci lta bu snang zhes dris te/ de nas de rnams kyis dkar po dang ser po dang dmar po dang nag por snang ba brjod pa rnams kyis/ zhi ba dang rgyas pa dang dbang dang mngon spyod kyi dngos grub kyi skal pa can du brjod nas bden pa'i byin rlabs bya'o// yang dag dkyil 'khor 'di zhes byar// bdag gi slob ma rab tu gzhug lha rnams rigs kyi rim pa ni// bsod nams ji lta de ltar shog/ 'di yi dngos grub ji 'drar 'gyur// rigs ni gang gi snod du rung / bsod nams mthu yang ji 'dra ba// de ltar dkyil 'khor du gyur cig/ slob mas kyang g.yon skor du bskor ba lan gsum byas nas g.yas su mngon par phyogs par gyur pas sngar bzung ba'i me tog gi phreng ba/ pra tIts+tsha badz+ra ho zhes pa 'dis dkyil 'khor du dor ro zhes so// de nas me tog lhung po'i rjes su 'brangs nas dman pa dang mchog la sogs pa'i dngos grub slob ma la mtshon te de la gal te sangs rgyas rnams kyi dbu'i gtsug tor raM mdzod spur lhung na de'i tshe phyag rgya chen po'i dngos grub bo// gal te spyan nam zhal la lhung na de'i tshe sngags kyi dngos grub bo// stod kyi cha la yang mchog go// bar gyi cha la yang bar ma'o// 'og gi cha la dman pa'o// gzugs brnyan las shin tu ring na mngon spyod do// nyen dngos grub myur ro// lha rnams kyi rang gi ba'i gnas kyi re'u mig gis yongs su
- 80b
bcad pa las shes par bya'o// gal te lha gnyis dag gi bar du lhung na de'i tshe me tog gang la nye ba de'i rigs su 'gyur ro// dkyil 'khor gyi phyi rol tu lhung na dngos grub phra mo'o// gal te re khA rnams su lhung na de'i tshe slar yang dor bar bya'o// gsum byas nas de nyid du lhung na dngos grub med do// phyi'i rdo rje phreng ba'i phyi rol du lhung na dngos grub med do// snying por lhung na ches dka' 'o zhes pa me tog lhung ba'i cho ga'o// // de nas de dag gi me tog gi phreng ba slar/ yang bzung nas slob ma'i mgo bor bcings te/ pra ti gr-ih+Na tA mi maM satwa ma hA ba la zhes brjod// de nas de'i mig dag tu zla ba la oM yig gnyis bsams te/ oM yig gi 'od zer gyis bkug pa'i dkyil 'khor pa rnams dang lhan cig/ rdo rje drag po slob ma'i snying gar gzhug cing sngags 'dis gdongs bcings pa dgrol bar bya'o// oM rdo rje drag po rang nyid deng / mig 'byed par ni brtson par mdzad// mig ni thams cad 'byed mdzad de// rdo rje'i mig ni bla na med// ces brjod la mig dar bsal bar bya'o// de nas dkyil 'khor bstan par bya ste// rang bzhin gyis dag sangs rgyas bdag/ lus ni rang bzhin dri ma med// dpa' bo dpa' mo'i dbang po'i grong // dkyil 'khor la ni bu khyod ltos// de nas gnas dang nye ba'i gnas la sogs pa'i bdag nyid can gyi dkyil 'khor lus kyi dkyil 'khor la gnas pa byang chub kyi phyogs kyi chos sum cu rtsa bdun gyi rang bzhin/ sum cu rtsa bdun gyi dkyil 'khor pa'i lha'i 'khor lo// dpal he ru ka'i lha'i yan lag nye bar bstan par bya'o// dkyil 'khor du 'jug pa'i cho ga'o// de ma thag tu slob mas bla ma mgon la bdag nyid thams cad kyis btud nas gsol ba gdab ste/ bsam gyis mi khyab chos snod mchog/ bdag la dbang bskur bar mdzod cig / slob mas gsal ba btab ma thag tu rnam par rgyal ba la sogs pa'i bum pa grangs te/ bad+ma'i snod du gnas pa'i tshul hUM yig dang rdo rje las byung ba'i ma bskyod rdo rje thob dpon gyis bsgom par bya'o// nga gi nis
- 81a
ga'i sa bon gyi 'od zer gyis ye shes sems dpa' bskul bar brtson pas ye shes sems dpa' gzhug cing / de ltar yang dag par mchod nas chus gtor ro// de nyid mi bskyod gzugs kyis ni// rnam shes phung po'i ngo bo ste// brtse chen ston pa dpa' ba yis// dbang bskur 'di ni spyi bor sbyin// oM tri tsakra bI ra traM a b+hi Shiny+tsa mi zhes pa chu'i 'o// // ri mo la sogs cod pan rnams// rin chen mchog gi sa bon aM// las bsgrubs rdo rje nyi mar bshad// 'di ni snga ma bzhin mchod nas// rdo rje mkha' 'gro spyi bo ru// bsams nas rdo rje can bskyed bya// cod pan rnam pa de nyid ni// sdig med tshor ba'i bdag nyid do// oM sar+b+ba bud d+hA DA ki ni ye badz+ra bar+t+ta ni ye hUM hUM phaT swA hA/ zhes pa'i sngags 'di yin te/ sngags de lta bu gzhan rnams kyang brjod par bya'o// / cod pan gyi'o// de nas bcom ldan 'das kyi phreng ba'i sngags kyis lan bdun mngon par sngags pa'i phreng ba mgo bor bcings nas dbang bskur bar bya'o// zhes pa 'phreng ba'i dbang bskur ba'o// // badz+ri dang rdo rje pad+ma las byung ba'i 'du shes de bzhin gshegs pa 'od dpag med rdo rje bsgrubs nas slob ma dag la lag pa g.yas dang snying gar sbyin par bya'o// he ru ka dpal dpa' bo la sogs kyis// de ring khyod la dbang bskur ro// 'di de sangs rgyas thams cad nyid// legs par grub phyir rdo rje zung // rdo rje'i'o// // ral gri khaM yig yang dag byung // don yod grub pa'i gzugs can te// 'du byed ngo bo dril bu ni// lag pa g.yon par sbyin par bya// 'di ni rnal 'byor ma kun gyis// dril bu dbyangs kyi rjes 'gror bshad// khyod kyis kyang ni rtag tu bcang // byang chub mchog tu rgyal ba bzhed// 'khor lo gsum bdag dpa' bo yis// lag tu rdo rje dril bu 'dzin// rang bzhin gyis mdzes dga' ba ni// phyag rgya chen por byin gyis brlag/ bdag po'i'o// slob ma'i spyi bor lag byin nas// bum las rnam snang mdzad gzugs kyis// gzugs kyi phung po'i ngo bo nyid// rdo rje can gyis ming dbang bskur//
- 81b
oM wi tsakra a d+hi pa ti shrI he ru ka ba'i rA s+t+waM a b+hi Shiny+tsa mi// khyod ni che ge mo rdo rje'o// ming gi'o// // dbang lnga thob pa'i rgyu las ni// rnam dag sangs rgyas lnga 'di dag/ ma rig bral ba'i rim pa las// ye shes lnga rnams thob par byed/ de ma thag tu/ gang gi bdag ni khyod drin las// rang dang gzhan don nus 'gyur ba// rdo rje slob dpon gyi ni dbang // thugs rje'i gter kye bdag la stsol// zhes gsol ba btab pas yi ge nyi shu rtsa gnyis pa'i sngags brjod de sngags kyi dbang bskur bar bya'o// sngags kyi dbang ngo // de nas rdo rje'i brtul zhugs mi bskyod pa'i gzugs su dmigs te/ 'di de sangs rgyas thams cad nyid/ he ru ka dpal phyag na gnas// khyod kyis kyang ni rtag tu bcang // he ru ka dpal brtul zhugs brtan// zhes pa 'dis hUM yig las skyes pa'i rdo rje sbyin par bya'o// oM sarba ta thA ga ta sid+d+hi badz+ra sa ma ya tiSh+Tha e Sha traM d+ha ra yA mi hrIHhi hi he hi hUM/ zhes brjod de slob ma rdo rje'i brtul zhugs 'dzin du gzhug go/ nas pa dz+ra rje'i brtul zhugs sbyin pa'o// de nas dril bu'i brtul zhugs sbyin par bya ste/ oM badz+ra g+haN+Te ra Ni tA pra ra Ni tA sa pra ra Ni t+ta sarba bud+d+hak+She tra pratsA li ni pradz+nyA pU ra mi tA nAd swa b+hA ba badz+ra d+harma hri da ya san to Sha Ni hUM hUM hUM phaT swAH/ zhes pa dril bu'i brtul zhugs so// de nas kha T+wAM ga dang Da ma ru dang thod pa'i brtul zhugs sbyin par bya ste// kha T+wAM ga dang cang te'u snod// dpa'i bos byin pa 'di ni bzung // he ru ka dpal phyag rgya 'di// phyi dang nang du yang dge gnas// zhes pa'i tshigs su bcad pa 'dis// slob ma'i lag pa g.yas pa dang g.yon par sbyin par bya'o// kha T+wAM ga dang cang te'u dang thod pa'i brtul zhugs so// de nas lung bstan pa/ rdo rje can gyi lag g.yon gyis// gri gug chos gos grwa bzung nas/ lag pa mi 'jigs sbyin pas gnas// slob ma dbug dbyung bstan par bya// 'dir bdag 'khor lo gsum dbang phyug/ rang nyid sangs rgyas kun rang bzhin// he ru ka dpal ming can gyi// de bzhin gshegs par khyod lung bstan//
- 82a
dpal he ru ka zhes bya ba'i de bzhin gshegs pa// sid d+hi sa ma tre b+hur b+hu ba swaHkhams gsum pa yi rgyal srid che/ dpal ldan yon tan 'byung gnas bdag/ bdud kyi tshogs kun pa ma byas nas// grong khyer mchog tu khyod zhugs so// zhes pa lung bstan pa'o// de nas slar yang gsol ba gdab par bya ste/ da ltar mtshan ma med par ni// 'gro ba'i bya ba byed 'gyur ba// phyir mi ldog pa'i dbang bskur che// dpa' bo chen pos bdag la stsol zhes gsol ba btab pa'i slob ma rgyan tham cad kyis brgyan pa mtho ba'i gdugs dang rgyal mtshan dang bla re rgyan pa shar sgor seng ge'i stan la gnas pa'i pad+ma 'dab ma brgyad pa'i steng du rdo rje sems dpa'i gzugs su dmigs te/ hUM yig las skyes pa'i rdo rje bsgoms nas// thog mtha'/ med pa'i sems dpa' ni/ rdo rje sems dpa' dga' ba che/ kun ta bzang po kun bdag nyid// da je snyems ma'i bdag pos bdag cas pa 'dis sbyin par bya ste/ bcom ldan 'das dpal mchog dang po'i skyes bu'o zhes pa'i de kho na nyid kyis bzung bar/ bya'o// de'i rjes su AHyig las skyes pa'i rgyal bu// 'di de sangs rgyas thams cad kyi/ shes rab dbyangs kyi rjes 'gror bshad// khyod kyis kyang ni rtag tu bcad// byang chub mchog tu rgyal bas bzhed// ces pa 'dis lag pa g.yon du sbyin no// srid pa ngo bo nyid kyis bdag ngo bo nyid kyis srid bral byas// rang bzhin dag pa'i sems dpa' mchog/ srid pa mchog ni mdzad pa yin// zhes brjod cing slob mas kyang mngon par brjod par bya'o// de'i rjes su yid kyis lus brtan de nyid lnga// / phyag rgya'i dam tshig rab tu brjod// gang gi lus ni thams cad brtan// des na phyag rgya rab tu bsgrags// ces pa 'dis rang gi 'dod pa'i lha'i lus nang gi phyag rgya chen por byin gyis brlab nas 'khyud par bya'o// de nas 'khor lo gsum bdag po// ston pa ye shes sems dpa' yi// thugs ka'i sa bon 'od zer gyis// bskul ba'i rim pas bkug gyur pa'i// dpa' bo lha mo rnams kyis ni// bkur sti rgya chen rnams kyis mchod// de bzhin ye shes chus gang ba'i// bum thogs de
- 82b
bzhin gshegs rnams kyis// rdo rje 'chang dbang dbang bskur bar// dpa' bos rnam par bsam par bya'o// dbang bskur ba ni rdo rje che// khams gsum pa yis phyag byas pa// sangs rgyas kun gyi gsang gsum gyi// gan las byung ba sbyin par bya// zhes sngags brjod de dbang bskur bya'o// ji ltar gsungs pa/ bcu drug lo can shes rab la// lag pa dag gis yang dag 'khyud// rdo rje dril bu mnyam sbyor las// slob dpon gyi ni dbang du 'dod// ces pa phyag rgya'i dam tshig go// de nas mi bskyod pa cod pan du 'gyur te dpa' bo dang lha mo dag gis byin gyis rlob par byed do// oM su pra tiSh+Tha badz+re swA hA/ zhes pa'i sngags brjod do// de nas me tog la sogs pa'i mchod pa rnam pa sna tshogs pa rnams kyis 'di kun nas mchod par bya ste/ rnal 'byor ma chen mo rnams kyis ji ltar 'dod par ro// de nas rdo rje can gyis bka' bsgo bar bya ste/ de nyid rig pa'i rnal 'byor pas// mi bya ba ni cung zad med// de nyid shes nas de nas ni// dpa' bos 'dod pa lnga spyod cig/ bdag nyid dpa' bo kun rang bzhin// lha mo kun bdag rang nyid do// de phyir bdag gis thams cad bya// bdag nyid he ru ka dpal mchod// brten nas skyes pa'i chos can gyis// sem can gzugs brnyan rang bzhin no// khams gsum de ltar shes nas ni// sems can don ni dri med byos// zhes pa dka'i'o// // de nas bya ba byas slob mas// bla ma la ni yon phul te// skye bo dam pa 'dus pa la// bdag nyid kun gyis bstod phyag bya// phyir mi ldog pa'o// slob dpon gyi dbang ni phyir mi ldog pa'i dbang zhes brjod la// dbang lnga dang slob dpon gyi dbang yang bum pa'i dbang du brjod de/ thams cad du bum pa rnams kyi bya ba yin pa'i phyir/ dbang bskur ba drug po 'di rnams rgyud thams cad du mi 'gal lo// de ltar slob dpon du dbang bskur bas sku rdo rje rnam par sbyangs nas// de'i rjes su yol ba la sogs pa rnams kyis dben par byas pa'i phyogs su slob ma rang gi sems dga' ba
- 83a
ba sbyin par bya'o// de gnyis ka'i dus tshad rdzogs pa dang gsang ba'i de nyid las mthe bong dang ming med dag gis btsir te/ zhes pa des na rdo rje dang pad+ma yis so// slob ma 'od dpag tu med pa'i bdag nyid// a ho shin tu bde chen nyid// bstan la ston pa yang dag brjod// kun rtog bcom pa'i slob ma yis// pad+mar gnas de kun tu spyad// 'das pa'i rdo rje 'chang sogs kyis// ji ltar sangs rgyas sras dbang bskur de bzhin du ni byang chub sems// mdzes pas bu khyod dbang bskur ro// gsang ba'i dbang bskur ba'i dus su slob pa dang shes rab ma rnams kyang mig dar bcings te mig gnyis la oM yig gnyis bsam mo// oM rdo rje sems dpa' rang nyid dang // khyod kyi mig ni 'byed par brtson// zhes pa la sogs pa brjod pas phye ste dkyil 'khor bstan nas dkyil 'khor gyi 'khor lo'i rnam pa nA da las skyes so zhes de kho na nyid bsgrag par bya'o// gsang ba'i dbang bskur bas gsung rdo rje rnam par sbyar bar bya'o zhes pa gsang ba'i dbang bskur ba'i cho ga'o// de'i rjes su yan lag lngas slob dpon la phyag byas nas pus mo g.yas pa'i lha nga sa la btsugs te/ ka po ta'i thal mos mdun du 'dug ste sngar brjod pa'i tshigs su bcad pa gnyis kyis gsol ba gad ba ste/ de'i lag par shes rab ma'i lag pa bzhag nas// dpa' mo dang dpa' bo'i tshogs thams cad dbang du byas te/ rdo rje'i spyi bor bzhag nas bla ma rdo rje can gyis brjod par bya ste/ lha mo 'di ni phyag rgya che// mtha' yas bde ba sbyin pa mo// bu yis rnam pa kun tu bzung // mchod pa bla na med pa gyis/ zhes brjod nas sbyin par bya'o// de yang gur kum dang tsan dan gyis byug pa/ dri bzang po'i me tog gi phreng bas nye bar mdzes par/ gos med par rang gi chu skyes gsal bar ston par byed do// de de ma thag tu/ lha mo de dpa' bo'i bul bla na med pa'i bka' bsgo bar byed de/ dpa' bo byang chub sems za bar// khyod ni spro ba yin nam
- 83b
gzugs dang lang tshos brgyan pa/ dam tshig dang sdom pa'i skal pa can// rigs lnga so sor bcings pa'i me tog dang ldan pa'i shes rab ma/ bla ma la gsang dbang bskur ba'i don du phul te/ de la bdag nyid 'brel pa spangs pa'i dus su/ bla ma la btus nas pus mo btsugs thal mo sbyar te/ 'khor lo'i mdun du bya ba byas// 'khor lo'i spyan ni bla ma che// dpa' bos de nyid la btud nas// de nas gsang don don gnyer bya// skyob pa skyabs med rnams kyi skyabs// 'khor// lo sdom pa bdag skyob mdzod// rgyu med par ni thugs rjes che// mgon med bdag gi mgon mdzod cig/ bdag nyid chen po khyed ji ltar// khyab bdag bdag kyang de ltar mdzod// 'khor ba'i 'dam gyis tshogs su ni// bying ba bdag la skyabs mdzod cig / ces pa'i tshigs su bcad pa gnyis po 'dis gsol ba gdab par bya'o// de'i rjes su rim gyis bsgoms sam// skad cig gis bdag nyid dpal he ru kar bsgoms te/ slob mas phul ba'i shes rab ma rdo rje phag mo'i rnal 'byor gyis// sprul pa la go cha chen po la sogs pa rnams kyis go bgos nas/ de bzhin du sku gsung thugs byin gyis brlab cing kye'i rdo rje las bshad pa/ rdo rje pad+ma byin gyis brlab ste/ hUM yig las rdo rje/ bya yig las nor bu rtse mor b+ha yig ser pos/ dang / A ya~M ga las pad+ma 'dab ma gsum pa b+ha yig las ze'u 'bru dkar po rtse mor d+ha yig ser pos byin gyis brlab cing / ji ltar gnas pa'i bcom ldan 'das dang bcom ldan 'das ma'i sngags kyi tsum pa na'am/ dkyil 'khor gyi dbus sam dkyil 'khor dang nye bar shing dang gos kyi khri la sogs pa'i bde ba'i mal du bzhag ste/ mtshan phyed kyi dus su gsang ba'i dbang bskur brtsam par bya ste/ de bzhin du rdo rje pad+ma 'byed pa la sogs pa'i bya bas 'dzag pa'i gnas skabs su/ gdong g.yogs bcings pa'i slob ma'i mgo bo dang / dpral ba dang mig gnyis dang kha dang mgrin pa dang / snying ga ste gnas bdun du snying po dang nye ba'i snying po dang / phreng sngags brjod cing rdo rje dang / pad+mas dbang bskur
- 84a
ci/ rigs lnga las ni rab byung ba// rigs ma mchod pa la gus sam// rin chen dri chu stobs khrag sogs// da lta za bar yid ches sam// gzhan yang lha yi dam tshig ni// ji ltar 'dod pa smos shig bu zhes so// slob mas 'di skad brjod de/ dam tshig la sogs 'dzin par ni// lha mo bdag ni cis ni spro// bud med rnams la rtag gus dang // pad+ma mchod par cis mi bgyid// de nas lha mo de dga' ste// skra grol gos dang lhan cig tu// rnam par rgyas pa'i pad+ma/ ni// bstan te b+ha dza pad+ma ho// e ma bdag gi pad+ma 'di// bde ba thams cad yang dag ldan// gang zhig tshogs sten byed pa// de'i mdun na bdag gnas so// sangs rgyas mnyes pa la sogs pa// pad+mar bya ba ji bzhin gyis// bde chen rgyal po rang nyid dang // 'di nyid du ni rtag tu bzhugs// b+ha dza mok+Sha haMHzhes so// de ma thag tu slob mas shes rab ye shes kyi dbang bskur ba'i don du/ dkyil 'khor dang bla ma la btud nas// dkyil 'khor la g.yon skor gyis bskor ba gsum byas/ nye/ slar yang de bzhin nyid du brtsams par bya ba nyid kyi phyir yang rtsom pa 'jug go// bdag nyid dpal 'khor lo sdom pa'i gzugs kyi sa dang / de yang rdo rje phag mo'i gzugs kyi rdzogs par bya ste go chen po la sogs pa rnams kyi go bgos na/ rdo rje dang pad+ma dag ji ltar brjod pa'i sa bon las yongs su gyur par byin gyis brlab pa yang byas nas g.yon ngos su 'jug pa'i rtsa bla mas bstan pa la brten nas sor mo la brten bskul te/ oM sarba ta thA ga ta a nu rA ga Na badz+ra sa/ b+hAb+ha ba an+ta ko tsa zhes brjod pas// pad+mal rdo rje bzhag ste shin tu dga' ba'i bstan bcos byed pa'i bya bas bla ma'i mdun du thob pa'i gsang ba'i dbang nyid la yang / shes rab mal 'ji ltar gnas pa bzung ba'i brdas slob mas shes rab ye shes nyams su myong ba yin la/ bla mas kyang brda las slob ma'i bde ba nyams su myong ba nges par rtags so// dbang bskur ba ni rdo rje che// khams gsum pa yis phyag byas pa// sangs rgyas kun gyi gsang gsum pa'i/
- 84b
gnas las byung ba sbyin par bya// zhes brjod cing bskang bar bya'o// de nas bcom ldan 'das ma de mnyes nas/ bsnyen zags sngags brjod pa mos// mgo bor lag pa g.yon byin nas/ rjes su gnang ba bstan par bya// deng nas bzung ste bu khyod kyis// ji srid byang chub snying po'i bar// rmil ma bzhin du 'gro kun gyis// den ni bdag nyid kun gyis byas// zhes shes rab ye shes kyi dbang bsrung bas thugs rdo rje rnam par spang bar bya'o// zhes shes rab ye shes kyis dbang bskung ba'i tshiga'o// rim pa gsum po 'di la mchog man ngagags ni 'dir shes bya/ 'di ni rang nyid gsal ba ste// phyi rol yul ni spangs pa'o// ga 'dobor nas de nas ni/ babs gzhan gyis ni sangs rgyas med/ brtul zhugs rnams kyi mchog gi mchog rig ma'i brtul zhugs spyod cig pu// zhes pa rig pa'i brtul zhugs so// chu sogs phyir mi sdug pa'i mtha'/ slob dpon dbang du bshad pa ste/ phyi rol bstan pa gang 'di dag thams cad nang du gnas pa'o// kun du spyod pa'i rim dbye las// dpa' bo man dag las shes bya// gang tshe dbang bzhi bstan rnams kyi// brtul zhugs can ni dbang bskur 'gyur// de tshe de nyid ces bya bdi// bsam med chos ni thob phyir ro// gyi dang / nang du yang dag bshad// phyi dang nang gi rang ngo bo// chos rnams kun gyi ngo bo ste// bsam gyis mi khyab ces bshad do// snang ba med cing skye ba med// ngag gi lam min gnas med pa// de nyid lnga pa rdzogs pa'i rim// lhan cig skyes pa mi zad pa'o// bsam gyis mi khyab mtha' yas sogs// de ni brtan g.yo 'gro bdag nyid// bdag med nyid kyis bdag tu gnas// dpa' bo bde ba chen po rtogs zhes pa de kho na nyid kyi man ngag go// de ltar dbang bskur ba mtha' dag yang dag par thob pa'i slob ma bya ba byas pa yang dag par shes pa sems mngon par dang bas bla ma la yon dbul bar bya ste/ de nas de bzhin gshegs pa gsungs pa'i// yon ni bla ma la dbul bya// stong phrag brgya yi gser dang ni// rin chen
- 85a
rnam pa sna tshogs dang // gos zung brgya phrag nyid dang ni// glang po rta dang yul 'khor dang // rna rgyan dang ni gdu bu dang // mgul rgyan dang ni sor gdub mchog/ gser las byas pa'i mchod phyir thogs// rang gi chung ma'am bu mo dang / bran dang bran mo sring mo dang // bcas pa'ang bsgrubs nas dbul bar bya// bdag kyang dngos po thams cad kyis// rtag tu bla ma la dbul bya// deng nas tsams te bdag bran du// khyod la bdag gis phul ba lags// de ltar cho ga de byas nas// sgrub pos shin tu nges pa nyid// // yon phul ba'i phan yon gsungs pa/ de nas de ni mnyes byed pa// gang yang mkha' 'gro lA ma nyid// dum skyes ma yang khyad par du// mkha' 'gro ma rnams rnal 'byor yum// sgrub por bcas pa'i mkha' 'gro ma// kun gyis 'gro 'di rnam par stong// kun tu sgrub pa po de yaM// bran du 'gyur bar the tsham med// 'jig rten gsum gyis mi bzlogs pa'i// 'di yi rnal 'byor 'grub par 'gyur// mi snang ba dang khrur bur gnas// mkha' spyod rkang byug bcud len nyid// sgrub pa po yi 'dod pa ni// rtag tu brtan par 'gyur ba ste// gzugs rnams du mar byed pa dang // nam mkha' la ni 'gro bar byed// mkha' 'gro ma yang khyad par du// kun tu skye bo nges 'dul byed// lan cig mthong ba'i sbyor ba yis// skad cig rnal 'byor nyid du 'gyur// mngon par dbang bskur ba med pa'i nga rgyal gyi rnal 'byor la dgos pa med par lta bar gsungs pa// sngags pa dkyil 'khor ma mthong ba// gang zhig rnal 'byor nyid 'dod byed// mkha' la khu tshur bsnun pa dang // smig rgyu la ni 'thung bar byed// sbyin sreg byas shing gtor ma sbyin byas nas// dam pa'i skye bo 'dus par gyur pa la// dge 'dun ston mo byas nas de nas ni// dman dang mgon med rnams kyang tshim par bya zhes so// ma lus 'grol phan chad du// 'di bris pa yis bsod nams kyis// gang tshe bdud kyi tshogs bcom na// thams cad he ru ka dpal gyur// / dpal 'khor lo sdom pa'i dbang gi bya
- 85b
ba'i ma pa// pati chen po slob dpon rtag pa'i rdo rje'i nabs kyis mdzad pa rdzogs sa// / bde ni lo rtsa ba chen po thams cad mkhyen pa bu ston zhabs kyis bka' drin las// brda sprod pa'i tshul la gro'i snang ba cung zad skyes pa shUH'i dge slong d+harmA shrI b+ha dras 'dren pa dam pa de nyid kyi bka' sgribs blangs te/ dpal mar ma mdzad ye shes kyis brlabs pa'i gnas na lu raM phug tu bsgyur ba'o// / 'phags pa kun tu bzang po la phyag 'tshal lo// sdom ni/ thab khung btsos te ri mo bri/ bud shing brtsegs te lnga yis mchod// dz+wa las me sbar lha bskyed cing // e hi sogs kyis ye shes gzhug/ sar+b+bas yungs kar chu zan gyis// rdul bsal suM b+has bsang ba bya// ar+g+hal sogs bral nas ne/ a b+hi mar gyi sra gzugs gsum// dbul le ta la dang mnyams 'bras/ sar+b+ba dang ni pus dbul// gtso ba gsum las khyad par bas// sarbAs pad sngags kyis ni// zhazan bu ram las sbyar ba sreg/ duR+sha me tig bcas pa ni// badz+ra A yuMs bsreg par bya// a pra ti yis ku sha dang // yams shing til gyi snala'o// 'bru dang 'bras gzhan je snyed pa// skabs 'dir sngar bzhin gsum gsum dbul// na maHa ner bcas pa yis// paN+Da hu ra ti dbul bar bya// dung chos chu yis bsangs nas ni/ lnga yis mchod de zhu bar bsam// dar ni rten dang brten par bcas// dkyil 'khor man ga bzhin tu bsam// bsang ba ar+g+ha la sogs pa// sngar bzhin rnam pa lnga yis mchod// ye shes lnga yi gsang sngags kyis// yam shing ku sha ma gtogs pa// pur+Na hu ra ti'i mthar thug pa// rdzas rnams snga bzhin bsreg par bya// pur+Na rkang pa brgyad pas so// bsgrub pa'i sbyin sreg 'di ru bsgyur// min na de'i rjes bsdus lhag bsreg de ni yi ge gsum pa'am// rkang pa brgyad pa'i sngags kyis so// bsang ba byas te lnga yi mchod// ji bzhin gtor ma btang nas naM// yi ge brgya pas lhag chad bskang // dngos grub bslangs te dge rtsa bsngo// pad ma'i phyag rgya bsdu
Colophon
dpal 'khor lo sdom pa'i dbang gi bya ba'i rim pa/_/paN+Di ta chen po slob dpon rtag pa'i rdo rje'i zhabs kyis mdzad pa rdzogs so/_/'di ni lo tsA ba chen po thams cad mkhyen pa bu ston zhabs kyis bka' drin las/_/brda sprod pa'i tshul la blo'i snang bcung zad skyes pa shAkya'i dge slong d+harma shrI b+ha dras 'dren pa dam pa de nyid kyi bka' spyi bos blangs te/_/dpal mar me mdzad ye shes kyis brlabs pa'i gnas zha lu ri phug tu bsgyur ba'o