stong chen po rab tu 'joms pa zhes bya ba'i mdo
Mahāsadsrapramardanasutra
Text
ff. 27a–60b · 68 folio sides
- 27a
ba dang / klag pa dang / kha ton dang / kun nub pa dang / tshul bzhin du yid la byed pa dang / gzhan dag la yang rgya cher bstan par bya'o zhes bka' stsal pa dang // thams cad dang ldan pa'i 'khor rnams/ yi rangs te mngon par bstod do// rje btsun ma sgrol ma'i 'jigs brgyad skyob pa'i mdo// rdzogs s+ho// // dge'o// sarba mang+ga le// // rgya gar skad du/ ma hA sang sra pra ma rda na sutra/ bod skad du/ stong chen mo rab tu 'joms pa zhes bya'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na// bcom ldan 'das rgyal po'i khab na// bya rgod phung po'i ri lho phyogs kyi ngos// sangs rgyas kyi spyod yul shing ljon pa rib tu snang ba'i nags tshogs na/ dge slong gi dge 'dun chen po stong nyis brgya lnga bcu la 'di lta ste/ tshe dang ldan pa sha ri'i bu dang / tshe dang ldan pa me'u 'gal gyi bu chen po dang / tshe dang ldan pa 'od srungs chen po dang / tshe dang ldan pa ka ya 'od srungs dang / tshe dang ldan pa chu klung 'od srungs dang / tshe dang ldan pa cang shes ko'u di n+ya dang / tshe dang ldan pa dga' byed dang / tshe dang ldan pa ka t+ya'i bu chen po dang / tshe dang ldan pa bkul dang / tshe dang ldan pa rlangs pa dang / tshe dang ldan pa gsus po che dang / tshe dang ldan pa ngag dbang dang / tshe dang ldan pa rtag thul dang / tshe dang ldan pa rab 'byor dang / tshe dang
- 27b
ldan pa lag bzangs dang / tshe dang ldan pa ma 'gag pa dang / tshe dang ldan pa lteng rgyas 'od srungs dang / tshe dang ldan pa nam gru nas/ tshe dang ldan pa kun dga' bo'i bar du de dag la sogs pa'i dge slong stong nyis brgya lnga bcu'i dge slong gi dge 'dun chen po dag dang thabs gcig tu bzhug so// de'i tshe/ bcom ldan 'das dge slong gi dge 'dun dang bcas pa la lus 'phags mo'i bu/ yul ma ga ta'i rgyal po ma skyes dgras na bza' dang / bshos dang / gzims cha dang / snyun gyi gsos sman dang / yo byad rnams kyis bkur sti byas/ bla mar byas/ sti stang du byas/ mchod par byas so// yang de'i tshes cher gos par gyur/ sprin 'dus pa chen po yang 'byung / das ma yin pa'i rlung dang ser ba chen po yang byung ste/ sprin chen po las char pa chen po yang bab par gyur/ 'brug kyang dir re zer/ glog kyang byung / phyogs bcu yang 'khrugs par gyur to// mun pa mun ga chen po yang byung ste/ skar ma rnams kyang mi snang / nyi ma dang zla ba rnams kyang 'od dang mi ldan par gyur te/ lham mer ma yin/ lhan ner ma yin/ lhang der ma yin zhing 'od mi gsal bar gyur to// de nas yangs pa can gyi grong khyer chen por 'jigs pa de dag byung ba dang / yangs pa can gyi li tsa byi kha cig gi grong gzhan dang grong khyer ba gang yin pa de dag gdon 'byung pos btab par gyur/ grong gi gzhonu rnams dang / rtsis mkhan rnams dang / blon po dang / blon po chen po dang // 'khor na gnas pa dang bran po dang / bran mo dang
- 28a
las byed pa dang / mngag pa dang g.yog kha cig kyang gdon 'byung pos btab par gyur// yul yangs pa can gyi ljongs kun gyi dge slong dang / dge slong ma dang / dge bsnyen ma rnams kyang 'jigs skrag sngangs te/ skye bung zhes byed nas kha gnam du bltas te/ ngu 'bod cing / sangs rgyas dang chos dang dge 'dun la phyag 'tshal/ bram ze dang khyim bdag gang dag sangs rgyas kyi bstan pa la mngon par ma dad pa'i bram ze dang khyim bdag de dag kha cig ni tshangs pa la phyag 'tshal/ kha cig ni brgya byin la/ kha cig ni 'jig rten skyong ba rnams la phyag 'tshal/ kha cig ni dbang phyug chen po dang / nor bu bzang po dang / gang ba bzang dang 'phrog ma dang / nyi ma dang / zla ba dang / gza' dang / skar ma dang / ri dang nags tshal dang / sman dang / shing ljon pa dang / klung dang lteng ka dang / 'che'u dang rdzing bu dang / rdzing dang mchod rten gyi gnas na gnas pa dag la phyag 'chal zhing / bdag cag 'di 'dra ba'i gnod pas 'jigs pa'i gnas nas ji ltar thar par 'gyur snyam du sems shing 'khod pa dag/ bcom ldan 'das kyis mi las 'das pa'i spyan rnam par dag pas gzigs so// de nas bcom ldan 'das kyis rdzu 'phrul mngon par 'du mdzad pas stong gsum gyi stong chen po'i 'jig rten gyi khams dbyangs kyis go bar mdzad nas/ lha dang mi dang lha ma yin du bcas pa'i 'jig rten dad par gyur nas 'das par gyur pa de rnams de lta bu'i rdzu 'phral mngon par 'du mdzad pa mngon par mdzadado// /
- 28b
de nas mi mjed kyi bdag po tshangs pa dang / tshangs ris kyi lha rnams dang / lha rnams kyis dbang po brgya byin dang / sum bcu rtsa gsum gyi lha rnams dang / rgyal po chen po bzhi dang / rgyal chen bzhi'i ris kyi lha rnams dang / gnod sbyin gyi sde dpon nyi shu rtsa brgyad dang / gnod sbyin chen po stobs po che sum bcu rtsa gnyis dang / 'phrog ma bu dang bcas 'khor dang bcas pas/ kha dog 'phags pa dag nub mo 'das pa dang / dag pa lta bu'i bya rgod phung po'i ri la bdag gi kha dog dang mthus/ snang ba chen pos snang bar byas te/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'khod nas tshig gcig dbyangs gcig ngag gcig tu/ bcom ldan 'das la tshigasu bcad de mngon par bstod pa// shin du 'bar ba'i ser dang 'dra// zla ba nya ba'i 'od dang mtshungs// dpal ldan rnam zos bu bzhin bzhin brtan// rin chen rnams kyi 'byung gnas lags// seng ge glang chen 'dra ba'i 'gros// glang chen myos pa shin du gnon// gser gyi ri bo dang yang mtshungs// 'dzam bu gling gi gser rgyan 'dra// skar ma rnams kyis yongs bskor ba'i// na mkha'i zla ba dri med bzhin// nyan thos dge 'dun rnams kyi dbus// mtshan rnams kyis ni brgyan par gyur// lha dang bcas pa'i 'jig rten 'di/ thub pa la ni skyab su mchi// mi rnams la ni phan pa'i phyir// bsrung ba dus su
- 29a
nye bar gnas// sangs rgyas snga mas bshad pa yi// stong chen rab 'joms mdo sde 'di// kho ra khor yug ri mtha'i bar/ 'tshams gcod pa yi dam pa lags// phyag 'tshal skyes bu dpa' khyod la// phyag 'tshal skyes bu mchog khyod la// chos kyi rgyal po mthu chen la// thal mo sbyar te phyag 'tshal lo// de nas bcom ldan 'das kyis yud tsam cig cing mi gsung bar dgongs nas// rgyal po chen po bzhi po dag la bka' stsal pa// rgyal po chen po dag gang khyed kyi 'khor nga'i 'khor la 'tshe bar sems pa de ni tshul ma yin no// de ci'i phyir zhe na/ mi yi 'jig rten 'dir sangs rgyas 'byung ba dang / chos legs par gsungs pa dang / dge 'dun legs par bsgrub pa de la sa bon 'di btab na/ sangs rgyas bcom ldan 'das rnams dang rang sangs rgyas rnams dang / dgra bcom pa rnams dang / nyan thos rnams 'jig rten du 'byung bar 'gyur// de la 'jig rten de dag gis dge ba'i rtsa bskyed nas/ lha'i ris sum bcu rtsa gnyis las lha'i ris gang yang rung ba dag tu skye bar 'gyur/ rgyal po dag kyang dpag rnam pa bzhi dang ldan pa nas/ gling bzhi la dbang po'i 'khor los bsgyur ba'i rgyal por 'gyu ro// rgya mtsho la thug pa'i sa'i dkyil 'khor chen por chos kyi rgyal srid byed par 'gyur te/ de dag la yang bu dpa' ba brtul phod pa/ yan lag mchog gi gzugs dang ldan pa/ chen po che'i stobs kyi shugs bdog pa/ pha rol gyi
- 29b
sde rab tu 'joms pa/ rin po che sna bdun dang ldan pa stong 'byung bar 'gyur ro// de bas na 'jig rten 'dir rnam pa 'di lta bu 'byung bar 'gyur bar// khyed snying las chung ngus gnas pas gnas par gyis shig/ de nas rgyal po chen po rnam thos kyi bu stan las langs te/ bla gos phrag pa gcig tu gzar te/ pus mo g.yas pa'i lha nga la btsugs te/ bcom ldan 'das ga la ba der log su thal mo sbyar ba btud de/ bcom ldan 'das la 'di skad ces gsol to// bcom ldan 'das bdag cag la grong dang bskyed mos tshal dang / gzhal med khang dang / khang pa brtsegs pa dang bsil khang dang / sgo khang dang / rta babs dang / skar khung dang / dar gyi lda lding bzang zhing mdzes pa/ rnam pa sna tshogs dang ldan pa dang / dril bu dang mu tig gi dra bas yongasu bskor ba dang / pog por nas bdug pas bdag pa dang / me tog gi gtor ba'i khyim dang / gnas khang dang khang pa chen po dag mchis te/ der bdag cag bud med brgya phrag stong dag gis yongs su bskor cing / 'dod pa'i yon tan lnga tshang par spyod pa dang ldan par gyur nas gnas te/ btsun pa bcom ldan 'das bdag cag rab tu myos pas bag ma mchis par gnas pas gnas pa na/ 'khor zas dang skom tshol du phyogs bcu kun du 'byer zhing / skyes pa dang bud med dang / khye'u dang bu mo dang bcas ma thag pa dang / dud 'gro'i skye gan su gtogs pa'i srog chags rnams kyi sa mdangs 'phrog/ 'tshe bar bgyid/ bgegs bgyid/ srog dang
- 30a
bral bar bgyid/ btsun pa bcom ldan 'das kyi spyan sngar bdag cag gi 'khor bzhi'i tshul gyi mtshan ma bstan par bgyi'o// gang gi 'kho gyi gdon 'byung ba'i der rgyal po chen po de'i gzugs mchod rten dang bcas pa chen po bgyis te/ nad pas rgyal po chen po de'i ming nas dbyung zhing dri sna tshogs kyis rang gi lag nas bdug par bgyi'o// dog sa la me tog sil ma bkram ste/ zhugs mar byas la/ mchod rten de la mchod par bgyi'o// btsun pa bcom ldan 'das bdag gi 'khor gnod sbyin gyi gdon gyis btab pa'i tshul gyi mtshan ma ni 'di lta bu lags te// phyi phyir rgod cing 'jigs par 'gyur// smra bar bgyid cing khro bar 'gyur// de ni gnyid kyang log pa 'gyur// yang na shin du bar 'gyur// rtag tu gyen du lta bar 'gyur// skar ma dag la snyegs par bgyid// nub mo shin du dga' bar 'gyur// rtag tu 'dar zhing sgra 'byin te// de la sngags kyi tshig mchis kyis// 'jig rten mgon po bdag la gson// s+yAd ya the dan/ sid+d+he su sid+d+he/ a re a ra Ne/ ba le ma hA ba laM/ dzam b+he dza Ta le/ a kha ne ma kha ne/ kha kha ni/ kha ra T+Te/ ha ri ping ga le/ ti ming gi li/ ti ming gi lA ne/ maM ga le swA hA// / bdag gi sngags kyi tshig rnams grub par gyur cig/ rgyal po chen po rnam thos kyi bu'i ming dang stobs dang / dbang phyug dang byin gyis bdag dge bar gyur cig swA hA/ de nas rgyal po chen po yul 'khor srung stan las langs te/
- 30b
bla gos phrag pa gcig tu gzar nas/ pus mo g.yas pa'i lha nga la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das bdag gi 'khor dri za'i gdon gyis btab pa'i mtshan ma ni 'di lta bu lags te/ glu len cing ni bro brdung ste/ rgyan rnams la yang dga' bar bgyid// brkam pa ma mchis mang bar smra// rgod pa bgyid cing khro bar 'gyur// skom par 'gyur la mig dmar te// rtag tu rims kyis 'debs par bgyid// mig dang 'byed par mi bgyid de// rgyab kyis phyogs shing nyal bar bgyid// de la sngags kyi tshig mchis kyis// 'jig rten mgon po bdag la gson// s+yad ya the dan// kha ne kha ne/ b+hi na khe ban d+he/ bar d+he/ tsa le/ ba khe ba khe ne/ a khi ni/ na khi ni/ ba hu le/ b+ha g+ho// ba ga na da le/ pa she ba sha ba ni swA hA// rgya lo chen po yul 'khor srungs gi ming dang / stobs dang dbang phyug byin gyis bdag gdon thams cad dang / gnod pa thams cad las thar par gyur cig/ swA hA/ de nas rgyal po chen po 'pha skyes po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba/ bcom ldan 'das la phyag 'tshal nas 'di skad ces gsol to// bcom ldan 'das bdag gi 'khor yi dgas grul bus gyis zin pa'i tshul gyi mtshan ma ni 'di lta bu logs te/
- 31a
shin du skom pas 'debs par 'gyur// g.yeng bas btab cing blta bar 'gyur// bzhin yang dmar por gda' bar 'gyur// skums nas sa la nyal bar 'gyur// kha dog dan cing lus kyang skem// skra dang srin mo rang ba ste// dri ma can la dri gda'// brdzun dang brkyal pa smra bar bgyid// de la sngags kyi tshig mchis kyis// 'jig rten mgon po bdag la gson// s+yad ya the dan/ kha kha kha me/ kha la ne/ kha lo me/ kha ra li/ kha ra le/ ka ra khe/ ka shi ne/ ka ra te/ ka le/ ka ma ni/ ba ba le/ bi d+he ya sha/ ba ti sha mi/ sha ma ni/ swA hA// // rgyal po chen po 'phags skyes po'i ming dang / stobs dang / dbang phyug dang / byin gyis bdag gi gdon dang gnod pa thams cad zhi bar gyur cig swA hA/ de nas rgyal po chen po mig mi bzang stan las langs te/ bla gos phrag pa gcig tu gzar nas/ pus mo g.yas pa'i lha nga sa la bcugs te/ bcom ldan 'das ga la ba de logs su thal mo sbyar nas/ bcom ldan 'das nyid la phyag 'tshal zhing 'di skad ces gsol to// bcom ldan 'das bdag gi 'khor 'dab bzangs kyi gdon gyis btab pa'i tshul gyi mtshan ma ni 'di lta bu lags te/ snyigs bu 'debs shing dbugs kyang 'byin// de bzhin dbugs kyang grang bar 'gyur// rdul zhi sbu ba kha chu 'byung // phyi phyir gnyid kyang log par 'gyur// kha dog ldan zhing dpa' ba ste// de bzhin 'dar zhing rgyug par 'gyur// sen mo dag kyang ston par byed// dog
- 31b
sa mchis shing ngu bar bgyid// de la sngags kyi tshig mchis kyis// 'jig rten mgon po bdag la gson// s+yAd the dan/ kra ga se/ kra ga she/ kra ga se/ kru sha me/ kru ke/ krug kha me/ kru ge a le/ a ga le/ na ga le/ ma ma ga le/ ku hu me gu me/ a la ke/ ka la ke/ i ri mi ri/ d+hi re/ a ru ga ba hi swA hA/ rgyal po chen po mig mi bzang gi ming dang / stobs dang dbang phyug dang / byin gyis bdag dge bar gyur cig swA hA/ de nas bcom ldan 'das kyis de'i tshe/ 'khor thams cad kyi mdun du seng ge'i sgra sgrags pa/ ni stobs bcu dang ldan zhing mi 'jigs pa bzhis 'jigs pa med pa ste/ 'khor gyi nang du seng ge'i sgra khyu mchog lta bu rgya chen po yang dag par bsgrags so// tshangs pa'i 'khor lo// bskor la/ sde dang dpung dang gzhon bcas pa'i// bdud kyang gcig gis rab tu brtul// sems can thams cad bsrung ba'i phyir/ rig sngags thams cad nga la nyon// s+yad the dan/ a saM ge/ kha da ga ba ti/ ba la ba te/ ba la nir g+ho She/ shu re shu ra d+ha re/ badz+ra ga me badz+ra d+ha re/ staM b+he dza ma b+he dri d+ha sA re/ b+hi ra dze/ b+hi g+ha swe/ ba ra gra pra ba te/ a ra Ni d+harma yug te/ de shi bi g+huSh+Te swA hA/ de bzhin gshegs pa'i mtshan dang stobs dang dbang phyug dang / byin gyis bdag dge bar gyur cig/ swA hA/ phyogs bcu'i 'jig rten skyong ba dag/ sangs rgyas kyi ni gsung thos nas// 'jigs dang skag dang sngangs gyur te/ thal mo sbyar nas 'khod par gyur// 'byung po'i tshogs ni lhags pa rnams// sngags 'khrugs rod rod por
- 32a
gyur nas// phyogs bcu rab tu 'byer byed cing // spra bo che yang sgrogs par byed// rgyal po chen po de shes nas// gsang ba gsum ni yang dag smra// kye ma rig sngags rig sngags che// stong chen rab tu 'joms byed pa// sangs rgyas kyis ni gsungs pa de// zos nas 'byung po skag gyur te// dper na rab tu 'bar me dang // til mar ngar btags ral gri bzhin// ke'u ta mas ni rab bshad pa'i// rig sngags spu gri'i so dang 'dra// drang srong chag ni legs pa bshad// de la gang zhig ma dad na// de'i bu'i mthu bo ni// tshangs pa'i zhags pas med par 'gyur// me ni rab tu 'bar byas la// bla dang 'og dang phyogs bzhir yang // sbyin bsreg gi ni chu gtor to// nas dang nyangs dkar blangs nas su// mar gyi snying po dang sbyar nas// me'i nang du blag par bya// legs par gsungs pa 'di thos nas// gol te myur du mi gtong na// thams cad 'bar bar 'gyur ba ni// mar dang yungs dkar mes blugs bzhin// gnod sbyin chad pas bsdigs nas su// de dag bde ba mi rnyed de// de yi rtsib logs g.yas par ni// 'bras chen nad kyang 'byung bar 'gyur// gnod sbyin nad kyis btab pas na// sha bkri'i nad kyis btab par 'gyur// ljang lo can gyi pho brang du/ gzhan yang 'gro bar mi 'gyur ro// lus ngan grags dang ldan pa yi// khyim yang mthong bar 'gyur ro// 'byung po mang po tshogs pa na// stan yang thob par mi 'gyur ro// gno
- 32b
sbyin dag gi dkyil 'khor du// zas skom dang yang bral bar 'gyur// stong chen rab 'joms mdo sde la// gnod sbyin gang dag mi phyogs pa// de la rdo rje 'chang khros te/ spyi bo dag ni 'gems par 'gyur// spu gri'i so ni brtsub mo yis// de yi lce ni gcod par 'gyur// mtshon cha shin du rnon po yis// de yi sna dang rna ba gcod// 'khor lo spu gri'i so 'dra ba// klad pa rab tu gsheg par byed// tho ba lcags kyis dkris pa yis// de'i snying la 'joms par byed// rnag dang khrag ni dron mo dag/ de'i kha na 'dzag par 'gyur// rig sngags zhags pa'i chad pa yis// rtag tu 'khor bar 'gro ba na// 'khor bar gnod sbyin dkyil 'khor du// de nyid du ni 'khor bar 'gyur// rgyal po chen po dpal ldan pa// phyogs bzhi dag tu song gyur nas// chos kyi go cha bgos gyur te// bzang po'i khri la 'dug pa ni// shar phyogs na ni yul 'khor bsrung // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po// dpal dang gzi brjid 'bar ba yi// rgyal po dag ni phyin pa dang // de che ston pa thams cad mkhyen// bar snang gnas la rab tu 'phags// tshangs pas sprul pa'i gzhal med khang // de ni rdo rje'i gdan la gzhugs// de nas tshangs pa tshangs chen rnams/ thal mo sbyar 'khod phyag 'tshal lo// dpal ldan gser gyi ri bo 'dra// gser gyi mchod sdong dang yang mtshungs// me tog pad+ma bzhin du rgyas// nyi ma dang 'dra zla nya la// skar
- 33a
ma rnams kyis yongs bskor bzhin// thub sku gser gyi kha dog la// mtshan rnams kyis ni yongs su bskor// 'jig rten mes po tshangs pa sa 'jig rten sgrol ma bstod byas te// 'jig rten mgon po'i spyan sngar ni// 'jog rten skyong la 'di skad smras// 'jig rten skyong gi 'khor rnams kyis// rje su bstan pa ma thob ste// gang phyir 'di las sangs rgyas dang / rang sangs rgyas dag 'byung 'gyur zhing // 'di la nyan thos rnams kyang skyes// lha rnams dag kyang skye bar 'gyur// rigs byed yan lag drug mthar phyin// bri ze rnams kyang skye bar 'gyur// drang srong bskal pa chen po dang // dge sbyong bram ze 'di las skyes// khyed cag snying las chung byed pa// mi'i skye rgu gnod par 'gyur// tshangs pa yi ni tshig thos nas// 'jig rten skyong gis tshig smras pa// tshangs pa chen po de bzhino// thub pa chen po de bzhi no// / bdag gis ri rab bskul byas shing // sa yang rab tu bzlog byas la// rgya mtsho la ni thug pa rnams// rnam par spang ba nyid du bya// zhags pa dam po ma nyams pas// / nyis zla ba rlung rnams dang // skar ma dag ni bas cad kyang // bdag gis su ni bcing bar 'gyur// gang dag rab tu snang byed cing // 'jig rten la ni phan mi byed// de dag la ni da du// phyogs kyang snang bar mi bya'o// 'jig rten lha dang bcas pa de// 'byung po rnams kyis phyir smod de// 'byung po mi yi skye rgyu la// gnod par byed cing 'tsho bar byed// gang dag
- 33b
sngags dang sman rnams dang // rigs sngags las ni 'da' byed pa// 'di la sngags kyi dam pa ni// pha rol gnon pa ston par byed// rig sngags la ni 'da' ba'i 'khor/ kun du chad pas bsdigs byas ste// 'jig rten mgon po'i spyan sngar ni// yang dag par yang brjod par bgyi// gang gi 'byung po'i dkyil 'khor du// 'di bshad pa ni mi nyan pa// de dag chad pas bcad par bya// tshangs pas sprul pa'i mdo sde'o// sangs rgyas zhabs la phyag 'tshal lo// phan tshun du ni blta byas na/ bai dUr+ya dang gser dang dngul// mu tig rnams dang shel dag dang // spug dang rdo'i snying po dang // rin chen bdun gyi brgyan pa yi// rtsibs stong kha dog gser 'dra ba'i// shing rta rnam pa bzhi byas pa// bzo rnams kun dang ldan pa ste// rdza 'phrul gyis ni mkha' la 'gro// rgyal po dag ni der bzhugs nas// 'byung po'i dkyil 'khor nyid du dong // sa ni gser gyi be ma dang // me tog dag gis bkang byas nas// mgul bar ltung dang skud pa dang // zhags pa dag kyang gdags byos la// phyogs kyi sa ni ji snyed pa'i// 'byung po thams cad khrid shog ces// gnod sbyin gyi ni sde dpon kun// phyogs bzhi dag pa dge ba byas// stong chen rab tu 'joms pa yi// mdo sde yi ni dam pa 'di// tshangs pa'i 'jig rten bar du 'byung / lha rnams kun gyis rnam par bsams// stong chen po yi lus kyis su// gnod sbyin dang ni srin po brtul// lus ngan po'i tshig thos nas// gnod sprin gyi ni sde dpon dag/ phyogs
- 34a
bzhi dag tu song nas su// gsang ba po la drag tu bsgo// thub pa 'byung po nyi shu brgyad// dri za las byung gnon gyi rnams// shar phyog chan 'khod pa dang / mdo sde'i zhags pas de dag kun// bcing ba lnga yis bsdams pa yi// 'byung po mngang la nyon// thub pa 'byung po nyi shu brgyad// grul bum las byung gad gyi rigs// lho phyogs cha 'dir 'khod pa dag/ mdo sde'i zhags pas de dag kun// bcing pa lnga yis bsdams pa yi// 'byung po mang po nga la nyon// thub pa 'byung po nyi shu brgyad// klu las gdon du gyur pa rnams// nub phyogs cha 'dir 'khod pa dag/ mdo sde'i zhags pas de dag kun// bcing ba lnga yis bsdams pa yi// 'byung po mang po nga la nyon// thub pa 'byung po nyi shu brgyad// gnod sbyin las gdon gyur pa// byang phyogs cha 'dir 'khod pa dag/ mdo sde'i zhags pas de dag kun// bcing pa lnga yis bsdams pa yi// 'byung po mang po nga la nyon// lus ngan po'i bu thu bo// kun tu rgyal ba mi la zhon// de yi drung na 'khod pa yi// gnod sbyin bye ba drag bcu dag/ bcing ba rna ba lngas bsdams nas/ mdo sde'i zhags pas kun du drangs/ de nyid kyis ni bu gnyis pa/ bskyed pa po zhes rnam grags pa// de yi drung na 'khod pa yi// gnod sbyin bye ba drug bcu dag/ bcing ba rnam pa lngas bsdams nas// mdo sde'i zhags pas kun du drungs/ de nyid kyis ni bu gsum pa/ de'i ming ni gdon po che// de'i drung na 'khod pa yi// gnod
- 34b
sbyin bye ba drug bcu rnams// bcing ba rnam pa lngas bsdams nas// mdo sde'i zhags pas kun tu drangs// de nyid kyis ni bu bzhi pa/ de yi ming ni bum pa'i lto// de yi drang na 'khod po yi// gnod sbyin bye ba drug bcu rnams// bcing ba rnam pa lngas bsdams nas// mdo sde'i zhags pas kun tu drangs/ dbang phyug chen po lha chen po// lag pa bzhi pa stob che// de'i drung na 'khod pa yi// gnod sbyin bye ba drug bcu rnams// bcing ba rnam pa lngas bsdams nas// mdo sde'i zhags pas kun du drangs// 'byung po 'joms pa'i ril ni// 'byung po thams cad lhags nas su// rig sngags thams cad 'byung ba'i gnas// rig sngags 'di ni kun du bsams// chad pa mi bzang drag po ste// gang phyir/ sangs rgyas kun gyi gsung // go'u ta ma la gus par ni// thams cad de la skyabs su song // g.yo med par ni rjes zhugs shig thams cad med par gyur ta re// de nas theng cig tsam gyis ni// 'byung po mang po thams cad lhags// ri rnams dang ni g.yang sa dang // rgya mtsho dang ni rgyo rnams dang // klung dang 'bab chu lum dang / rnga rlong dag na gang 'khod dag/ bskyed mos tshal dang gzhal med khang // kun dga' dang ni nags rnams dang // mchod rten gnas dang grong gi gnas// ljon shing drang na gang gnas dang // grong khyer sgo dang grong dang ni// grong rdal dang ni ldod rnams dang // rgyal po'i pho brang sgo dang // gzhal med khang na gang gnas dang // dkyil 'khor dag dang dur khrod dang // de
- 35a
bzhin lha khang rnams dang ni// mtshams dang sho gam gnas rnams dang // khang stong dang ni gram sa dang // gnod sbyin gang rnams bla 'og dang // phyogs bzhi dang ni mtshams rnams dang // gnod sbyin bye ba stong rnams ni// rig sngags zhags pas bkug pa rnams/ rdza rnga dag ni brdung nas su// la la rnga zlus dag ni brdang // pi wang gling bu 'khar ba'i rnga// stobs chen rnams ni sgra 'byin te// rol mo dbyangs sgra sna tshogs dang // glu dang gar rnams byas nas su// dbang po zla ba chu zla dang // ba ra d+ha dza skye rku'i bdag/ ma ldan pa dang kun tu lta// mngon shes can rdzogs pa dang // tsan dan dang ni 'dod mchog dang // mgul pa mdzes dang mgu la nges dang // skye rgu'i bla mar gyur pa dang / lha las byung ba'i ma ldan dang // dri za sna tshogs sde dang ni// mi rgyal rgyal khyu mchog dang // de bzhin phud bu lnga zhes bya// g.yer ma dang ni nyi zer dang // nye lcibs dang ni ral gri bu// kun gyi bshes dang grags 'dzin dang // 'brog gnas dang ni yid bzangs dang // khab rna dang ni ri sul kho// lnga 'dzin dang ni khab bzangs dag/ sde dang dpung dang gzhin bcas pa// lha dang klu dang dri za dang // gnod sbyin srin po lha ma yin// nyin gsum pa'i sgo byed dang // de bzhin bzhi pa'i rims dag dang // 'jig rten 'tsho ba gang yin pa// gnod sbyin srin po ma rungs rnams// phyogs bzhi nas ni bkug nas su// bcing ba lnga yis bsdams pa rnams// 'jig rten mgon po'i spyan snga ru// thal
- 35b
sbyar 'khod nas 'di skad smras// phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// chos rgyal khyod la phyag 'tshalo// de dag gi ni mdun rgyug pa// 'byung po gnod sprin lus po che// lag pa bzhi pa ma rungs pa// rkang mdangs dang ni rkang gcig pa// rkang bzhi pa dang rkang gnyis pa// rkang pa sbreng la spyi tshugs dang // lus mangs mgo bo gcig pa dang // lus gcig pa la mgo bzhi pa// mig mang po la lus phyed dang // mig gcig lto ni bcu gnyis dang / bong bu rnga mo glang chen mgo/ lag pa sgreng la mgo btud dang // mtshon cha'i so dang mtshon cha'i lag/ mtshon cha'i rkang pa srin po rnams// zangs kyi skra dang zangs kyi so// zangs kyi mig dang zangs kyi lag/ zangs kyi tho ba'i rkang pa dang // zangs kyi sna dang zangs kyi kha// rkang lag kun tu 'bar ba dang // mi yi lus su gnas pa rnams// / skur zhar lba ba gsum yod pa// mig mi sdug la kha ral po// chu srin stag gi gzugs dang ni// gzugs mi sdug la kha ral po// chu 'phyangs po la so yon po// rab tu gtum po khro gnyer can// gsus po che la bum sna bo// rna 'phyangs pa dang rna ba med// lag ring dang ni rna ba ring // sna'i rtse dang lag ce ring // lus rkam lus ni ring ba dang / ska rings rab tu brgyan pa dang // rkang pa med pa phra ba dang // dri nga ba dang bum lto bo// yan lag chu srin 'dra ba dang // gtum shing tho ba 'dra ba'i lto// gnam
- 36a
lto bo la rna bo che// gyen du sgra brdzes rab tu dmar// mgo bo che la gzhu mgrin po// skem po sgur po bum lto bo// ri rab rtse mo sbrul nas su// me mdag gi ni char pa 'bebs// ljon shing ri dang rdo ba dang // sprin gyi tshogs kyi mdog 'dra ba// dung dang rnga chen rdza rnga dang // gril bu rnga bran rnams kyi sgra// 'jigs pa'i sgra ni rab tu 'byin// ming po che la bong bu'i sgra// nag po ser po sngon po dang // dmar ser me ltar dmar ser// khab 'dra'i spu dang ral gri'i sgra// dmar po khrag gi bskus pa rnams so// mi ro dag ni khyer nas su// ze bzhin du ni rnam par rgyug/ so rnon lag pa dmar po dang // mchu ni khrag gis bskus pa rnams// lus phyed dag ni zos pa dang // mkhal ma snying dang nang grol gyis// snyim pa shin du bkang ba dang / byin pa dag ni za bzhin du// mer mer po dang srog chags kyi// rkang lag rnams kyi stob kyang 'phrog/ keng rus kyi ni lus kyi su// skye bo mang po skrag par byed// khrag gis rab tu bkang pa yi// mi yi lpag pa thogs na su// mi bzad dug gis kun bskus te phyogs phyogs dag tu rnam par rgyug/ grong khyer rnams kyi sgo dag dang // khyim nas khyim du rnam par 'thor// rlung dang bad kan mkhris rnams// phyogs bzhi dag tu 'khrug par byed// de ltar de na rgyal po yi// gdon dang 'jigs pa chen po rnams// lhags pa de dag thams cad kyang // rig sngags zhags rlab tu bsdams// phyag
- 36b
'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag tshal lo// chos rgyal khyod la phyag 'tshal lo// grong khyer grong dang yul 'khor dang // pho brang 'khor na rgyu ba ni// gnod sbyin ma rungs mdangs 'phrog pa// snying sde med cing khrag 'thung ba// lus cher 'jigs pa chen po ste// stobs po che la sgra yang che// mgrin bcu po la mig stong po// gdon tshon mig ni dmar po rnams// 'khor ni ming po rnams btang ste// lag na mtshon thogs rab tu 'jigs// sbrul gyi zhar pa thogs pa dang // lag bzhi lag na sgron ma thogs// lag na mtshon chad byug pa thogs// rdo rje mdung rtse lag thogs pa// rab tu grag po'i dmag brgal nas// phyogs kun du ni skrag par byed// sdang ba'i gnas nas 'khod pa yi// gsang ba po ni dad kun kyang // mi yi 'jig rten 'di dag tu// skyes pa bud med gzhan yang 'dzin// sha khrag dron mor bcas pa la// rnam par 'khrug cing 'dod pa'i gzugs// seng ge dang ni stag dang rta// ma he ba glang bong du lnga// glang po che'i gzugs 'dra// dom dang gzig dang spyang khyi dang // khyi dang wa dang ra dag dang // byi la byi ba spre'u'i gzugs// gse dang phag dang sre mo dang // nya dang rus sbal dag gi gzugs// kha cig dag ni sram gyi gzugs// khra dang thug pa bu byug dang // bya rgod khra dang nya mid bcas// rma bya dang pa thi ba dang // khrung khrung dang ni bya rnams dang // kha cig bya ga ga gzugs na su//
- 37a
gnod sbyin rnams ni mi yis mthong // mdab bzangs bya yi tshul gyis kyang // skye bo mang po skrag par byed// kha cig mi yi mgo can la// lus ni bya gag bong bu 'dra// kha cig mtshon gyis rab tu 'tshe// lus dang bral ba dag tu snang // rnam par 'khrugs shing 'dod la mosad// kha cig mgo can la// sgyu ma'i phreng bas kun du dkris// rtse gsum 'dung gis rab 'debs shing // srog chags rnams la gnod par byed// mi bzad gdug pa'i dbyugs 'byin cing // skye rgu 'di dag skrag par byed// srog chags rgyu de ni ji snyed par// sna tshogs kyi ni gzugasu snang // kha cig dag ni ri yang thogs// la la ral gri 'khor lo thogs// grangs ni brgya phrag stong rnams te// dbyug pas bsngags shing kha drag po// mig chung ba la bzhin me sdug/ srin po son rno ba dang // sna dang rna ba bcad pa dang / skye chad gdong ni gnyer ma can// rkang lag dag ni brngubs pa dang // mgo bo bcad pa'i srin po rnams// skabs ni rab tu tshol bar byed// sdig pa can rnams mdangs kyang 'phrog/ me dag go ni sras rnams la// rab tu rtsa ba'i gdan du snang // sgyu yi bar dang gnad rnams dang // de bzhin pa le kha rnams sa// lpags pa de dag da kyang // rig sngags zhags pas rab tu drung // phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// chos
- 37b
rgyal khyod la phyag 'tshal lo// ri'i rgyal po ri rab dang // de bzhin khor khor yug dang // bya rgod phung po bshos mda' 'dzin// spos dang ldan dang gdangs kyi ri// sna tshogs brtsegs dang ban Da bA// na la da yi ri gnyis dang // dpal gyi ri yi rtse mo ni// gang dag shin du 'thor 'phags dang // ri bo de dag kun la yang // lha dang drang srong gang gnas pa// de dag thams cad mi dga' zhing // 'jigs pa'i yid kyis mya ngan byed// bye ba stong gi lha dag dang // bye ba phrag brgya'i lha rnams dang // lha'i bu mo bskal chen dag/ thal mo rab tu sbyor bar byed// thag bzangs ris dang sgra can dang // sim byed pa'ang der phyin te// lha min bye ba phrag stong dang // lha min bye ba phrag brgya dang // de dag bu mo 'phrul ldan ma// mang po kun kyang thal mo sbyar// rab tu gnas dang rgya mtsho dang // klu'i rgyal po gzi can dang // klu'i rgyal po ma dros dang // dga' bo nye dga' gnyis po dang // rdo rje blo gros lpag shu dang // gang ga dga' bo sin du mtsho// bya yi rgyal po mdab bzangs dang // rgya mtsho chen po 'khrug byed// stong phrag bye ba'i klu rnams dang // bye ba brgya yi klu dag dang / de dag bu mo bskal chen rnams// thal mo rab tu sbyor bar byed// nyi ma zla ba gnyis ka yang // ska ma'i tshogs kyis yongs su bskor// gser gyi me tog yan lag na// ma ga na 'jigs byed pa// gso ba'i mtha' na mi thod can// ko sa la na rab tu dkar/ bzang po'i yul na kha spu can// gyad kyi yul na grags pa 'dzin// lnga 'dzin pa na skrag byed
- 38a
pa// rta skye ba na mig dmar gnas// bsrung byed pa na ser skya ste// sems pa na ni mig ser po// be'u la na bum pa'i lto// dga' ba'i yul na ring por skyes// ba glang 'dzin na rab tu 'joms// dung yul na ni nyi ma'i grogs// ljongs chen rnams kyi gnod sbyin ni// brjod pa bcu drug de dag dang // lag na rdo rje gnod sbyin che// chos skyong rab tu dkar ba dang // ser skya rab tu mdzes khyab 'jug dang // bum lto gsus pa zlum po dang // chu srin bden pa 'chang ba dang // lnga ldan rgyal ba khyu mchog dang // gnod srin chen po dbang phyug che// lag pa bzhi can stobs po che// sde pa rab tu 'dul ba ni// gshin rje gshin rje'i pho nya dang // bdud rnams sde dang bcas pa dang // gnod sbyin bye ba'i g.yog 'chang ba// gnod sbyin de ming 'phrog po yin// sha ri tar ni sder bcas dang // ri'i bu mo gnod sbyin ma// gzi brjid chen po 'jigs pa'i gzug/ 'phrog ma zhes kyang grags pa dang // gdol pa mo ni gtum mo dang // bu rnams lnga brgyas bskor ba dang // mi brdung nag po kar ka te// pad ma dang ni pad ma can// me tog song sa ga dang // srin po bong bu'i rna can dang // tsan dan dang ni khyab 'jug dang // seng ge ser skya dmar ser po// glang po klu'i so can dang // rig ses drag po mche ba can/ srin po so bzangs yod pa dang // tshangs pa len dang khyab 'jug len// gnod sbyin ha la ha la dang // gnod sbyin rnam pa'i mchu can dag/ mdung dang mda' gzu
- 38b
kun thogs zhing // mi rta ba glang ri dgas rnams// za zhing 'che ba de dag ni// phyogs rnams kun tu rgyug cing dong // sa 'di rab tu g.yo bar byed// nags tshal rnams kyang rang tu skyems// ri rnams kun du g.yo bar byed// skye rgu 'di dag 'tshe byed cing // phan tshun nas ni 'du ba dag/ rig sngags kyis ni drangs nas lhags// phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// tshes rgyal khyod la phyag 'tshal lo// 'jig rten mgon po'i spyan sngar de dag lhags par gyur pa dang // de nas rgyal po rnam thos bus// 'jig rten mgon la 'di skad gsol// bdag gi phyogs cha byang phyogasu// rgyal po'i gan su sprul pa ni// lcang lo ldan pa yid du mchi// de bas bdag ni lcang lo'i bdag/ rgyal po'i pho brang lcang lo can// lha rnams kun gyis bsam par gyur// phyir ni shin du mthon po can// rin chen kun gyis brgyan pa lags// 'phang du dpag tshad bcu drug ste// gser gyi rgyu las bgyis pa lags// phyogs bzhi'i cog ni re re la 'ang // gnod sbyin rdo rje 'chang ba dag/ kun nas rab tu gnas par 'gyur// lag na mtshon cha legs par sprul// rgyal po'i pho brang de yi sgo// bzhi po gtod pa bgyis pa ni// gcig ni gser las bgyis pa'i sgo// gnyis pa dngul las bgyis pa ste// gsuM pa shel gyi sgo mo lags// bzhi pa gser gyis rnam par spras
- 39a
grong khyer de'i nang dag na// bskyed mos tshal gyi me tog rgyas// de'i nang na gzhal med khang // rin chen bdun rgyu sna tshogs mchis// bya bran sna tshogs skad kyang 'byin// me tog sna tshogs legs par bkram// sna tshogs sras kyi byugs pa lags// gnod sbyin mo ni 'joms ma dang // glu dang myos rab tu brgyadan// dpal gyi dam pa nyamasu myong // der ni 'byung po'i dkyil 'khor der// gang dag 'khor zhing mchis pa dag/ rnams pa'i mchog kun ldan pa ste// chos 'chal ba dang chos spyod pa// srog chags rnams la 'tshe mi bgyid// zas dang skom gyis mi brel te// skye rgu mi bzad gzhan dag ni// longs spyod chen po tshal bgyid cing // phyogs ba kun tu rnam par blta// grong khyer sgo'i gam yo dang // gza' shing ra ba nags tshal na// gnod sbyin srin po 'byung po'i tshogs// bye ba stong phrag brgya mchis pa// de dag thams cad mdo sde yi// zhags pas drangs te brlag par bgyi// rgyal po'i pho brang dbus na ni// chos kyi rgyal po gnas gyur pa// bsil ba'i rdzing bus bskor ba ste// can dan nag kyi 'khor ba lags// kun nas dpag tshad drug bcu ste// khang pa brtsegs ma sprul pa dag/ gcig ni gser las bgyis pa ste// gnyis pa dngul las bgyis pa lags/ gsum pa bai dUr+ya las bgyis// bzhi pa gtsang dngas shel gyi rgyu// lnga pa mu ti ga dmar po ste// drug pa rdo'i snying po lags// bdun pa spug las gyis pa ste// brgyad
- 39b
pa rin chen bdun las bgyis// bud med stong phrag brgya dag kyang // de dag re re kun na gnas// lhab lhub sna tshogs chog dag dang // cha byad sna tshogs mang pos brgyan// glu dang rol mo sna tshogs dang // gzo yi gnas la mkhas pa mchis// de lta'i rab tu dga' ba yi// bde zhing tshim pa'i yid gyur cing // de na bdag ni dgun skyems dang / 'dod pa dag gis rab myos pas// bdag gis 'khor rnams 'phyan bgyid cing // phyogs bcu dag tu 'jigs pa bskyed// bud med dag dang skyes pa dang // de bzhin khye'u bu mo dang // mngal na gnas pa'ang 'jigs par bgyid// dud 'gro'i skye gnas gtogs la'ang 'tshe// skar ma dag dang nyi zla dang // gtum pa'i gza' rnams gnod par bgyid// lo tog sa bon 'bras bu dang // me tog sman dang zas skom dang // mi rnams kyi ni dpal 'phrog cing // mthon po rnams kyang dmar bar bgyid// 'jig rten dag na nongs pa rnams// dmag dang 'thab mo shar gnyer dang // tshig gam zhig gam gsad phye ba// de kun 'byung po'i rnam par 'gyur// sbed cing ston par bgyid pa dang // bzlog par bgyid cing rgod bgyid// 'jigs par bgyid cing blta bar bgyid// dgrar 'gyur ba yang ston par bgyid// sdig pa'i rmi lam mthong bgyid// nyal ba dag la gnod par bgyid// sgo nas se gol sgra phyung zhing // mi snyan brjod de za bar bgyid// 'dza' bo gnyen bshes gzugs dag tu// gda' zhing bka' mchid smra /
- 40a
/ bgyid// bu mo sdug gu'i gzugs dag tu// 'dod la spyod pa dga' bar bgyid// nyi ma skar ma'i gzugs dang ni// zla ba'i gzugs// su gda' bar bgyid// rlung dang skar mda' lce gzugasu// tshe la gnod pa de dag gda'// ska mda'i tshogs dang 'dra ba dag/ 'jigs par bgyid pa wa dang khyir// rna par sprul nas ljon shing dang // mchod rten dag gi gnas na gda'// skyes pa gzhon nu'i gzugs mdzes pas// 'bar zhing shing rta'i sgra yang 'byin// gnas rnams dang ni shul dag tu// rnam pa sna tshogs rjes kyang ston// grong khyer dag dang khyim rnams kyi// sgo yang gdon chen de dag 'byed// srog dang lus kyang blang bgyis shing // laM ngan kun du bskor bar bgyid// rnam pa sna tshogs gzugs dag dang // rnam pa sna tshogs sgra rnams dang // rnam pa sna tshogs nad kyi rnams// lus la na bar gan par ston// nad rnams kun gyi mtshan nyid kyang // phyin ci log tu ston par bgyid// ji snyed 'jig rten rang bzhin dag/ thams cad log par de dag ston// rig sdug zhags pas drang bas na// de dag kun kyang 'dir mchiso// de nas rgyal chen rnam thos bu// langs te phal mo rab tu sbyar nas// zhabs la 'khor lo'i mtshan mang dag gser gyi mchod sdong 'bar ba bzhin// 'jig rten snang bar mdzad pa po// thub pa chen po me dang 'dra// gnod sbyin gsang sngags mi zad can// stong phrag drug
- 40b
bcu rtsa bzhi dag byang gi phyogs ca'i phyogs na gnas// byang phyogs dag tu gnod pa bgyid// 'jig rten mgon po'i spyan snga ni// de dag chad pa bdag gi bshad s+yad ya the dan// kharge kharge kharga gar+b+he/ bi tsak+Sha ne/ tsakre/ ra tsa ni/ tsan dre/ tsa pa le/ b+hi ma pa ra pa te// kha rA gre ku Ti la ka ra gre// e ka khyi/ ba ra ga ba ti/ sa rang ga ba ti/ tsan+da kAn ti/ bdag byang phyogasu bde legasu gyur cig swA hA// tshangs pa dang ni brgya byin dang // 'jig rten skyong ba dbang phyug che// gnod sbyin sde dpon thams cad dang // 'phrog ma bu dang bcas pa yang // bdag gi me tog spos dag dang // sbyin bsreg 'di ni blang bar bgyis// de dag gi ni brtson 'grus dang // gzi brjid dbang phyug stobs kyis kyang // nad rnams thaMd bcom par 'gyur// bdag 'jigs pa thaMd dang // gnod pa thams cad las dge bar gyur cig/ swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// chos rgyal khyod la phyag 'tshal lo// rgyal chen yul 'khor bsrung ba yang // langs te thal mo sbyar btud nas// me tog tshogs ltar rgyas gyur cing // ka la bying ka'i sgra dbyangs can// khu byug dang ni rma bya'i sgra// rnga dang 'brug gi sgra sgrogs pa// thub chen gnod sbyin srin po dang // dri za stong phrag drug bcu bzhi// shar phyogs cha'i phyogs na gnas// shar phyogs pa la ga
- 41a
par byed// 'jig rten mgon po'i spyan sngar ni// de dag chad pa bdag gis bshad// s+yAd ya the dan// d+ha ra Ni d+ha ra Ni pra d+ha na sa ni// pra b+han dza na/ bi d+ha ma Ni/ ki ma pu ru She/ sha ka le/ sA ra the/ shU la d+ha ra Ni/ shud d+ha tsa ra Ne/ g+ho sha pa te/ shwa rA gre/ shan ti// bdag shar phyogasu dge bar gyur cig swA hA/ tshangs pa dang ni brgya byin dang // 'jig rten skyong ba dbang phyug che// gnod sbyin sde dpon thams cad dang // 'phrog ma bu dang bcas pa yang // bdag gi me tog spos dang dang // sprin bsreg 'di ni blad par gyis// de dag gi ni brtson 'grus dang // gzi brjid dbang phyug stobs kyis kyang // nad rnams thams cad bcom par 'gyur// bdag 'jigs pa thams cad dang // gnod pa thams cad las dge bar gyur cig swA hA// phyag 'tshal skyes bu dpa' khyod la// phyag 'tshal skyes bu mchog khyod// thal mo sbyar nas phyag 'tshalo// chos rgyal khyod la phyag 'tshal lo// rgyal po chen po 'phags skyes kyang // thal mo sbyar te de nas langs// thams cad mkhyen pa thams cad gzigs// smra ba thams cad rab 'joms pa// the tshom thams cad gcod mdzad pa// 'jig rten thas cad rnam 'dren pa// grul bum ma yi dgas srul po dag/ spong phrag drug bcu rtsa bzhi rnams// lho'i phyogs cha'i phyogs na gnas// de nas byung la gnod par bgyid// 'jig rten mgon po'i spyan sngar ni// de dag chad pa bdag
- 41b
gis bshad// s+yad pa the dan// shan ti shwa ra ba ti// kAn ti kA ra ba ti// kis ka si// kIng gar ti// kis ba ti/ d+ha ra Ni/ prad+ha ni/ b+hU mi/ d+ha ra ni/ tim b+hU ti/ dz+yo tiSh+Thar Ne/ mA lA gro// bdag lho phyogasu dge bar gyur cig/ swA hA/ tshangs pa ni brgya byin dang // 'jig rten skyong ba dbang phyug che// gnod sbyin sde dpon thams cad dang // 'phrog ma bu dang bya yang // bdag gi me tog spos dag dang // sbyin bsreg 'di ni blang bar bgyis// de dag gi ni brtson 'grus dang // gzi brjid dbang phyug stobs kyis kyang // nad rnams thams cad bcom par 'gyur// bdag 'jigs pa thams cad dang gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshalo// rgyal po mig mi bzang ba yang // thal mo sbar ba byas nas langs// sprin chen seng ge chen po pa// che ba'i che ba rgya mtsho che// gsung ba chen po dpa' chen po// g.yul chen rab tu 'joms mdzad pa// klu dang mad pa bzangs gsang ba po// stong phrag drug bcu rtsa ba'i dag/ nub kyi phyogs cha'i phyogs na gnas// de nas byung la gnod pa bgyid// 'jig rten mgon po'i spyan sngar ni// de dag chad pa bdag gis bcad// s+yA ya the dan// bani ba rA gre// ba la ba ti/ ba li ni bi sha me// bi ba shi/ sa ga re/ khA re/ ka pi li/ tsa na Da li/ ki ra Ni/ nA ra dza ne/ bi d+ha ra Ni/ balka ma ti/ a tsa le/ bdag nub phyogs
- 42a
dge bar gyur cig swA hA/ tshangs pa dang ni brgya byin dang // 'jig rten skyong ba dbang phyug che// gnod sbyin sde dpon thams cad dang // 'phrogam bu dang bcas pa yang // bdag gi me tog spos dang // sbyin bsreg 'di ni blang bar gyis// de dag gi ni brtson 'grus dang // gzi brjid dbang phyug stobs kyis kyang // nad rnas thams cad 'joms par 'gyur// bdag 'jigs pa dang gnod pa thams cad las dge bar gyur cig/ swA hA/ phyag 'tshal skyes bu dpa' khyod la// phyag 'tshal skyes bu mtsha khyod la// thal mo sbyar te phyag 'tshal lo// chos rgyal khyod la phyag 'tshal lo// de nas tshangs pa tshangs chen yang // thal mo sbyar ba byas nas langs// tshangs pas bkrus pa dag pa'o// rig byed kun gyi pha rol phyin// skye bo dga' mdzad sman pa'i rje// 'jig rten thams cad gso mdzad pa// gnod sbyin srin po gang gi rnams// phyogs dang phyogs dang 'tshams gnas pa dang // sa yi 'og dang bar dang steng // nam mkha' dag la gnas pa'i gdon// 'jig rten mgon gyi spyan sngar ni// de dag chad pa bdag gi bshad// smad pa ze na// brah+ma/ brang+ge/ glo she/ brah+ma so re/ badz+re badz+ra g+ho'i/ badz+ra d+ha re/ swe ta sA re/ a tsa le/ ar Ne/ i sha ne/ a ra Ni te/ shU re ba ra pra pra ba te/ sbar pa te// bdag phyogs thams cad du dge bar gyur cig/ swA hA// tshangs pa ni brgya byin dang // 'jig rten skyong ba dbang phyug che// gnod sbyin sde dpon thams cad dang //
- 42b
'brog ma bu dang bcas pa yang // bdag gi me tog spos dang // sbyin bsreg 'di ni blang bar gyis// de dag gi ni brtson 'grus dang // gzi brjid dbang phyug stobs kyis kyang // nad rnams thams cad bcom par 'gyur// bdag 'jigs pa dang gnod pa thams cad las dge bar gyur cig swA hA/ rlung las gyur dang mkhris las gyur// ban kan la gyur 'dus las gyur// nad rnams thams cad bcom par 'gyur// bdag 'jigs pa dang gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshal lo// de nas bcom ldan 'das 'di snyam du dgongs te/ sangs rgyas bcom ldan 'das rnams ni rgyal srid gcig gi phyir 'jig rten du byung ba ma yin/ sangs rgyas bcom ldan 'das rnams ni grong khyer dang grong rdal dang / ljongs dang / grong dang / khyim nas sems can gcig gi bar gyi don gyi phyir 'jig rten du byung ba ma yin gyi// 'jig rten lha dang bcas pa// bdud dang bcas pa// tshangs pa dang bcas pa// dge sbyong dang bram zer bcas pa'i skye rgu dang // lha dang mi dang lha ma yin du bcas pa'i 'jig rten gyi don du// sangs rgyas bcom ldan 'das rnams 'jig rten du byung ste// de ni dper na sman pa mkhas pa'i mchog tu phyin pa// gso ba la brtson pa// sman shes par bya ba shin du bslabs pa// rgyal po gcig gi don du
- 43a
byung ba ma yin// yul gcig gi don du byung ba ma yin pa nas sems can gcig gi don du byung ba ma yin pa dang 'dra'o// de ci'i phyir zhe na/ phyogs gang na sangs rgyas bcom ldan 'das bzhugs pa'i phyogs de dag tu mi rnams dang / mi ma yin pa dag kyang rnam par 'tshe bar mi bya bar sems kyis// nga yangs can gyi grong khyer chen po ga la ba der song ba dang // yangs pa can gyi grong khyer chen po'i skye bo'i tshogs phal po che'i don kyang byas par 'gyur/ sangs rgyas kyi mdzad pa yang byas par 'gyu ro snyam du dgongs te/ de nas bcom ldan 'das snga dro'i dus kyi tshe chos gos dang sham thabs bsnams te/ lhung bzed bsnams nas/ dge slong stong nyis brgya lnga bcu dang thabs gcig tu/ bya rgod phung po'i ri las shod du gshegs pa dang / mi 'jed kyi bdag po tshangs pas lha'i gdugs lnga brgya tsam blangs te// bco ldan 'das la g.yas rol nas phul lo// phul nas bcom ldan 'das la rdul yab kyis g.yob cing 'dus par gyur to// lha rnams kyi dbang po brgya byin gyis kyang gdugs lnga brgya tsam blangs te/ bcom ldan 'das la g.yon rol nas phul lo// phul nas bcom ldan 'das la rdul yab kyis g.yob cing 'dug par 'gyur to// rgyal po chen po bzhis kyang re re zhing lha'i gdugs lnga brgya tsam blangs te/ bcom ldan 'das la gnam logs nas phul nas/ bcom ldan 'das la rdul yab kyib g.yob cing 'dug par gyur to//
- 43b
'i budabang phyug chen po dang // gnod sbyin gyi sded pon chen po nyi shu rtsa brgyad dang / gnod sbyin mthu ba ni sum bcucu gnyis dang / 'phrog ma'i bu lnga bcu'i 'khor dang bcas pas kyang so so nas lha'i gdugs dag blangs te/ nyan thos rnams la phul nas rdul yab kyis g.yob cing 'khod par gyur to// de lta bu'i grags pa dang bkur sti/ dang / brnyes par bya ba brnyes nas/ bcom ldan 'das dge slong gi dge 'dun dang bcas pa dang thabs gcig tu bya rgod phung po'i ri las shod du babs te// yangs pa can gyi grong khyer chen po ga la ba der gshegs pa dang / yangs pa can gyi l-i tsa byi rnams kyis bcom ldan 'das shin tu mdzes pa// dad par 'os pa/ dbang po zhi ba/ zug zhi ba// dbang po dul ba/ thugs dul ba/ dul ba dang zhi gnas kyi dam pa'i pha rol tu phyin pa brnyes pa/ dbang po dben shing khugs pa/ glang po chen po lta bu shin du dul ba/ mtsho ltar dngas zhing rnyog pa med pa/ rnam pa gsal ba/ skyes bu chen po'i mtshan sum bcu rtsa gnyis kyis skra legs par brgyan pa/ dpe byad bzang po brgyad bcus shin du rgyas pa/ shing sa la'i rgyal po ltar de bzhin gshegs pa'i sku rnam par spras pa/ nyi ma ltar 'od zer gyi dra ba kun du 'gyed pa/ mtshan mo mun pa'i nang na ri bo'i po la me'i phung po chen po rab tu 'bar ba dang 'dra zhing // bcom ldan 'das gser gyi ri bo chen po dam pa ltar lha me lhan ne/ lhang de rgyang ring po nas gshegs
- 44a
pa mthong ngo // mthong ma thag tu yangs pa can gyi li tsa byi rnams bcom ldan 'das la sems dad par gyur nas// sems dad par gyur bar pa de dag bcom ldan 'das yangs pa can gyi grong khyer chen por lam gang de phyags shing chag chag 'debs/ byi dor byed/ me tog 'thor/ dar gyi lda ldi dang / dril bu dang / gdugs dang / rgyal mtshan dang ba dan sna tshogs kyis brgyan te/ bdug sna tshogs kyis bdugs nas/ bcom ldan 'das ga la ba der dong ste phyin pa dang / ma'i snying po 'jam pa/ sngon legs par spyad pa'i mtshan gyis brgyan pa/ gzhon sha chags shing 'jam pa/ nyi ma'i 'od zer bas lhag pa'i 'od dang ldan pa/ 'od zer brgya phrag mang po kun du 'phro ba/ dri ma med pa'i phyag gis li tsa byi de dag gi mgo la byugs te/ rjes su bstan pa mdzad do// de nas bcom ldan 'das yangs pa can gyi grong khyer chen po'i nang du gshegs nas/ nam gyi gung thun la sgo skyes kyi gzhi zhabs kyis mnan nas phyogs bzhir gzigs te/ phyag gser gyi mdog can brkyang nas na bza' bla gos bsil te bka' stsal pa/ phye ma'i dus na dge slong ngam dge slong ma 'am/ dge bsnyen nam dge bsnyen ma gang su yang rung ba dag de bzhin gshegs pa'i sku gdung ring srel yung 'bru tsam las mchod pa byed pa dang / stong chen mo rab tu 'joms pa'i reg sngags kyi rgyal mo// gdon thaMd las thar par byed pa'i chos
- 44b
kyi rnam grangs de bzhin gshegs pa dgra bcom pa yang dag par rdzogs pa'i sangs rgyas gang ga'i bye ma snyed kyi sangs rgyas kyi phyag rgya 'di 'dzin cing 'chang ba dang / klog cing ston pa dang / kun chub par byed pa de dag la yams kyi nad dang / 'jigs pa dang 'tshe ba dang / nad 'gro ba dang / 'khrug pa dang / 'thab pa dang / brtsod pa dang / 'ching ba dang / kha chu dang / shags dang / tha na phra ma dang / sdig pa mi dge ba'i sdug bsngal ba'i las kyis mi tshugs shing / 'che bar byed pa zad kyis mi thub par 'gyu ro// de skad ces bka' stsal pa dang / bcom ldan 'das la mi mjed kyi bdag po tshangs pas 'di skad ces gsol to// btsun pa bcom ldan 'das stong chen mo rab tu mjoms pa zhes bya ba'i gsang sngags kyi rgyal mo gdon thams cad las thar par bgyid pa'i chos kyi rnam gras/ de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma snyed rnams kyi sangs rgyas kyi phyag rgya de gang lags// de skad ces gsol ba dang / bcom ldan 'das kyis mi 'je kyi bdag po tshangs pa la 'di skad ces bka' stsal to// tshangs pa de'i phyir khyod legs par nyon la yid la zung shig dang ngas khyod la bshad do// btsun pa de bzhin zhes gsol nas mi mjed kyi bdag po tshangs pa/ bcom ldan 'das kyi ltar mnyan pa dang / de la bcom ldan 'das kyis 'di skad ces bka' stsal to// s+yAd ya the
- 45a
dan/ a tsa le/ ma tsa le/ sA ra ma tsa le/ pra kri ti brne/ pra kri ti ni g+ho She/ sa man+t+ra mu khe s+thi re/ s+thi ba re/ bi g+huSh+T+wA/ sha ba de/ pra ga la ne/ pa ra ga me/ sA ra su te/ sA ra ga pra te/ ba le ma hA ba le/ ma hA ni rba ye swA hA// // de la 'di skad ces bya ste/ lus su gtogs pa dran pa dang / zhi gnas dang lhag mthong dang / ting nge 'dzin gsum dang / rdzu 'phrul gyi rkang pa bzhi dang / yang dag par spong ba bzhi dang / dran pa nye bar gzhag pa bzhi dang / bsam gtan bzhi dang / 'phags pa'i bden pa bzhi dang / dbang po lnga dang / stobs lnga dang / rjes su dran pa drug dang / byang chub kyi yan lag bdun dang / 'phags pa'i lam yan lag brgyad pa dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / rnam par grol ba'i skye mched bcu gcig dang / rten cing 'brel par 'byung ba yan lag bcu gnyis dang / rnam pa bcu gnyis dang ldan pa'i chos kyi 'khor lo dang / dbugs dbyung ba dang rngub pa rjes su dran pa bcu drug dang / sangs rgyas kyi chos ma 'dres pa bcwo brgyad dang / yi ge bzhi bcu rtsa gnyis te/ tshangs pa de ni stong chen mo rab tu 'joms pa zhes bya ba'i rig sngags kyi rgyal mo gdon thams cad las thar par byed pa'i mdo// de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma snyed
- 45b
kyi sangs rgyas kyi phyag rgya ste/ sangs rgyas bsgrub pa'o// chos bsgrub pa'o// dge 'dun bsgrub pa'o// tshangs pa bsgrub pa'o// dbang po bsgrub pa'o// 'jig rten skyong ba bsgrub pa'o// dbang phyug bsgrub pa'o// bden pa bsgrub pa'o// lam bsgrub pa'o// rten cing 'brel bar 'byung ba bsgrub pa'o// zla ba bsgrub pa'o// nyis bsgrub pa'o// gza' bsgrub pa'o// rgyu skar bsgrub pa'o// spyad pa the dan/ sA me/ ka se ne/ bi d+ha ra Ni/ ba rA pra/ sa re A mar sha Ni/ a mo g+ha ba ti/ sa tsane kA li na kA lI/ kA shi ka ba te/ b+ha ra Ni/ b+ha ra kau sha khe/ saM man+ta pra pa te/ staM b+ha Ni/ staM b+ha pra ba te/ badz+ra d+ha re swA hA// / de nas bcom ldan 'das kyis de'i tshe tshigasu bcad pa 'di dag bka' stsal to// 'jig rten 'di 'am yang dag 'das pa dang // mtho ris dag na rin mchog gang yod pa// de bzhin gshegs pa lha yi lhar gyur pa// mi yi mchi/ dang 'dir ni mtshungs pa med// de bas 'dir ni rin chen mchog tu gsungs// bden pa de yis 'dir ni dge bar shog/ zag pa chags bral bdud rtsi 'dus ma byas// shes pa shAkya thub des rab tu phye// bdad rtsi zhi ba 'dus byas ma yin pa// chos de dang ni mtshungs pa gang yang med// de bas 'di ni rin chen mchog tu gsungs// bden pa de yis 'dir ni dge bar shog/ mchog tu gang 'dod nul bzhin rab brtan pa// ston pa'i rnal 'byor bla med rtag bsgrub pa// rdo rje lta bu'i mig gnyis la mthong ba// ting 'dzin de dang mnyam pa yod ma yin/
- 46a
de bas 'dir ni rin chen mchog tu gsungs// bden pa de yis 'dir ni dge bar shog/ gang zag chen po brgyad po rab bsngags shig/ gang zag zung bzhir brjod pa de dag ni// drang srong chen po gang zag mtshungs pa med// bde bar gshegs pa sbyin pa'i gnas zhes gsungs// de la byin na 'bras bu cher 'gyur te// zhing rab ba shin la sa bon btab pa bzhin// 'dir ni dge 'dun rin chen mchog tu gsungs// bden pa de yis 'dir ni dge bar shog/ gang dag bstan pa'i yid kyis rab brtson zhing // go'u ta ma'i bstan la 'jug byed pa// de dag thob nas bdud rtsi 'jug thob ste// mun pa gsal nas mya ngan 'das thob pa// de bas dge 'dun rin chen mchog tu gsungs// bden pa de yis 'dir ni dge bar shog/ lta ba 'di la sbyar ma thag tu ni// 'jig tshogs lha dang tshul khrims brtul shug dang // the tshom dang ni nyon mongs gsum po dag gcig char spangs ste 'phags pa'i bden mthong ba// dri na dge 'dun rin chen mchog tu gsungs// bden pa de yis 'dir ni dge bar shog/ lus sam ngag dam 'on te yid kyis kyang // sdig pa rnams gsum nas yang mi byed cing // blo bur byas na'ang 'chab par mi byed pa// de ltar de dag lta bas 'dzin mi byed// de bas dge 'dun ring chen mchog tu gsungs// bden pa de yis 'dir ni dag par shog/ ji ltar dbang po'i sdong bu sar btsugs pa// phyogs bzhi'i rlung rnams kyis ni mi g.yo ltar// 'phag
- 46b
pa'i laM gyi dam pa mthong ba yi// gang zag 'phags pa'i dge 'dun de bzhin no// des na dge 'dun rnon mchog tu gsungs// bden pa de yis 'dir ni dge bar shog/ shes rab zab mo shin du brten pa yi// 'phags pa'i bden pa su dag rnam bsgom zhing // lus kyang sbyin par yid la byas pas ni// de dag 'jigs pa brgyad dang 'phrad mi 'gyur// des na dge 'dun rin chen mchog tu gsungs// bden pa de yis 'dir ni dge bar shog/ ji ltar me ni rlung gi rab gtor ba// lag tu blangs te bgrang du med pa nyid// de ltar kun du sbyor ba rab btang ba/ sangs rgyas sras rnams bstan du med par 'gro// des na dge 'dun rin chen mchog tu gsungs// bden pa de yis 'dir ni dge bar shog/ sems can gang dag 'gro dang mi 'gro ba// de dag thas cad 'dir ni bde gyur cig/ ston mchog dam pa lha mis mchod 'os pa/ sangs rgyas phyag 'tshal ding 'dir dge bar shog/ sems can gang dag 'gro dang mi 'gro// de dag thams cad 'dir ni bde gyur cig/ zhi ba chags bral lha mis mchod 'os pa// chos la phyag 'tshal deng 'dir dge bar shog/ sems can gang dag 'gro dang mi 'gro ba// de dag thams cad 'dir ni bder gyur cig/ tshogs kyi dam pa lha mes mchod 'os pa// dge 'dun phyag 'tshal la deng 'dir dge bar shog/ 'byung po dag 'dir ni lhags gyur cig/ sa 'am 'on te bar snang 'khod pa dag/ skye rgu rnams la rtag tu byams byed shog/ nyin dang mtshan du chos kyang spyod par shog/ 'di na rgyal ba dgra
- 47a
rgyal bden gang gis// shin du bden pa gsung shing brdzun pa med// bden pa de yis 'dir ni dge bar shog/ de kun 'jigs pa che las zar gyur cig sA hA/ s+yAd ya the dan/ d+hi ri d+hi hi re/ ba la nir g+ho She/ ba lA pA re/ sA ra pa te/ stu ti pra tusta/ prA pa te/ A ra d+he/ a ra nir g+ho She/ A ra ba ti/ a ts+yu te/ pa la ba te/ shU ra pra ba te/ sA ra ga me/ sur+ya ba le/ sur+ya nir g+ho She/ swA hA// / tshangs pa stong chen mo rab tu 'joms pa zhes bya ba'i rig sngags kyi rgyal mo gdon thad rab tu thar par byed pa 'di ni de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma snyed kyis sangs rgyas kyi phyag rgya'o// sangs rgyas kyi gnas so// chos kyi gnas so// dge 'dun gyi gnas so// tshangs pa'i gnaso// dbang po'i gnaso// 'jig rten skyong ba'i gnas so// dbang phyug gi gnaso// drang srong chen po'i gnas so// 'byung po'i gnaso// mi'i gnas so// rgyu'i gan so// phyogs kyi gnas so// bstan pa'i gnaso// sangs rgyas rnams kyis mngon par rdzogs par sangs rgyas pa'o// nyan thos rnams kyi reg pa'o// tshangs pas byin gyis brlabs pa'o// dbang pos rab tu bsngags pa'o// 'jig rten skyong ba rnams kyis mchod pa'o// dbang phyug gis phyag byas pa'o// lha rnams kyis kun du mchod pa'o// rnal 'byor spyod pa rnams kyis bsngags pa'o// mkhas pa rnams mngon
- 47b
par dga' bar gyur pa'o// drang srong rnams kyis rab tu bsngags pa'o// tshangs pa rnams kyis rab tu brgyan pa'o// lha rnams kyis mngon par bston pa'o// khrus byed pa rnam kyis bsangs pa'o// rigs bzhi'i 'jig rten gyis dga' bar byas pa'o// sangs rgyas thams cad kyis spyod yul lo// rang sangs rgyas rnams kyis bskyed mos tshal lo// / drang srong rnams kyis gan so// nyan thos rnams kyis mya ngan lan las 'das pa'o// rnal 'byor spyod pa rnams kyi gnas so// byang chub kyi phyogs kyi chos rnams kyi 'byung gnaso// nyon mongs pa rnams 'joms pa'o// bag la nyal gyi zug rngu rnams 'byin pa'o// 'phags pa'i lam kun du ston pa'o// thar pa'i sgo rnams 'byed pa'o// 'jigs tshogs la lta ba rnams 'jig par byed pa'o// nga rgyal gyi ri rab tu rnyil bar byed pa'o// 'khor ba'i rgya mtsho skems pa'o// 'khor ba'i rgya mtshor lhung ba'i sems can thams cad sgrol ba'o// bdud kyi zhags pa gcod pa'o// bdud kyi 'khor skrag par byed pa'o// bdud kyi mchil ma 'dor ba'o// nyon mongs pa'i g.yul las sgrol ba'o// mya ngan 'das pa'i grong khyer du 'jug par byed pa'o// 'khor ba'i khyim nas 'byung bar byed pa'o// smad la the dan/ kharge kha na/ kharge g+hoShe/ u sho d+ha ni/ swe ra be/ pra b+he de/ bi pu la pra be/ saM kaR+Sha Ni/ bi sha gra ba ti/ shud+ha sa d+ha ni/ ba ru na ba te ba sa be/ bi b+hu thu ne/ bi saM ga me/ pa shu pa ti/ bu ya gar+the// bdag dang sems can thams cad
- 48a
kyi 'jigs pa dang / nye bar 'tshe ba dang / ngal ba thams cad las bde leg su gyur cig swA hA/ stong chen mo rab tu 'joms pa zhes bya ba'i rig sngags kyi rgyal mo gdon thas cad las thar par byed pa'i mdo sde 'di ni// de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma snyed kyi sangs rgyas kyi phyag rgya ste/ 'dis ni lha dang mi dang lha ma yin du bcas pa'i 'jig rten phyag rgyas btab ste/ mya ngan las 'das pa'i grong khyer bla na med pa zhugs pa'o// de'i don gyi phyir sngon par rdzogs par sangs rgyas pa'i yang dag par rdzogs pa'i sangs rgyas dang / rang sangs rgyas rnams dang / nyan thos rnams dang / pha ma dang sbyin gnas dang / bla ma lta bu rnams la bsnyen bskur to// tshangs par spyod pa sprad do// tshul khrims bsrungs so// sbyin pa byin no// snying rje'i pha rol tu phyin pa yod su bskangs so// byang chub thob pa bsgrub so// bdud pham par byas so// de nas mo brjed kyi bdag po tshangs pa dang / lha rnams kyi dbang po brgya byin dang / rgyal po chen po bzhi dag gis ska cig dang / blo gros gcig dang / dbyangs gcig gis bcom ldan 'das lnga phyag 'tshal nas gsol pa/ kye ma rig sngags rig sngags che/ stong chen rab tu 'joms byed pa// sangs rgyas phyag rgya de yis ni// phyogs bzhi'i sems can thams cad bsrungs// phyag rgya gang gis btab gyur na/ 'byung po thams
- 48b
cad skrag bgyid pa// stong chen rab tu 'joms pa'i mdo// phyag rgya bdag cag 'tshal bar bgyi// mi gang rab tu sdang ba dang // bstan pa 'di la ma dad pa// de dag tshangs pas sprul pa yi// rig sngags chad pas bcad pa'i bgyi// brgya byin gyis ni spyi bos blangs// 'jig rten skyong bas rgyas gdab po// // s+yAd ya the dan/ ka lim ge/ b+ha ra de/ dzu'u ta gre/ dza ma ne/ sim hA ba de/ pA rA gra prA pa te ha sa gA mi ni/ mA li ni/ hu li si hu li si hu li si hu le me/ ha ha ma/ ha ha ma/ pu da ma ni/ ba rA gra ba ti/ ha stai ne/ ner mi sa tsan Da li/ tsa re me/ tsa ra tsa re swA hA/ stong chen mo rab tu 'joms pa zhes bya ba// rig sngags kyi rgyal mo 'di bshad pa'i tshe/ stong gsum gyi stong chen po'i 'jig rten gyi khams 'di rnam pa drug tu g.yos// rab tu g.yos so// kun du rab tu g.yos so// phyogs bzhi yi gnod sbyin dang / srin po sha za rnams kyis sgra skad drag po phyung ba/ kye ma'o sdug bsngal kye ma'o// brlag/ bdag cag 'byung po'i tshogs phung ngo // 'byung po'i tshogs ni rab tu phung / bdag cag rtag tu dbang gis khrid/ srog chags 'byung po thams cad ni/ de ring dgrar bcas dbang med do// de dag sa la 'khod nas ni// 'gre zhing ldog par rab tu byed// de nas bcom ldan 'das kyis sa gzhi rdo rje mngon par bral pa dang / de dag kyang phyogs bzhir byer ro// de nas rgyal po chen po bzhis phyogs bzhir me lce'i phung po chen/
- 49a
por mngon par sprul pa dang / de dag na mkha' la kun du rgyug go// de nas mi mjed kyi bdag po tshangs pas na mkha' lcags su mngon pa sprul pa dang / de dag shing ta la bdun tsam nas na mkha' la kun du rgyug go/ de nas lha rnams kyi dbang po brgya byin gyis ral gri dang / mda' dang / mdud thung dang / mdung dang mda' bo che dang / shing ljon pa dang / ri'i char mngon par phab po// de'i tshe gnod sbyin lnga stong mi mjed kyi 'jig rten gyi khams su kun tu nas 'dus pa rnams rig sngags kyi dmod pas bcom ste/ rims nad kyis btab nas myos te rma zhing // bco ldan 'das kyi zhabs gnyis la gtugs te gsol pa/ dge slong go'u ta ma ni sems can thaMd la phan pa dang thugs brtse ba can lags kyis/ dge sbyong go'u ta mas bdag cag bskyab tu gsol// de nas bcom ldan 'das kyis/ gsang ba pa de dag la byams pas khyad par mdzad nas bslab pa 'dzin du btsud do// bdag cag phyag rgya spong gyur nas// ma gsad pa'i 'gro ba'i 'gro gang dang // pa bsad pa yi 'am gang dang // dgra bcom pa yang gsod pa dang // dge 'dun dbyen bgyid 'gro gang dang // rdzogs sangs rgyas la sdang sems kyis// sku 'tshal chung ba bgyis pa yi// 'gro ba gang lags der mchi'o// ardza ka'i dog pa ltar// mgo ni tshal bdun 'gas shing // gnod sbyin nad kyis btab pa dang // bdag lus sha bkra 'byung bar shog/
- 49b
gang 'di rgyal bas gsungs pa'i mdo// stong chen rab tu 'joms pa yi// rig sngags rgyal las 'gal bgyis na// bdag cag 'dod bzhin mi 'gyur ro// de'i tshe grong khyer chen po yangs pa can na yams kyi nad dang / 'jigs pa dang / gnod pa dang / nad 'gro ba dang / 'khrug pa thams cad rgyun chad par gyur to// gnod sbyin dang srin po dang / mi dang mi ma yin rnams kyang rang rang gi spyod yul las 'das so// ngang pa dang ne tso dang / ri skegs dang / khu byug dang / rma bya dang / dur pa dang / shang shang te'u dang / bya yi tshogs rnams kyang skad snyan pa 'byin to// mi 'am ci rnams ni lha'i bu mo bzhin du lus la gnod pa med do// rin po che'i cha byad rnams kyang ma dkrol bar 'khrol lo// rnga bo che dang dung dang / rdza rnga dang / rnga bran dang / pi wang dang / gling bu rnams kyang ji ltar gan su bkod pa bzhin du sgra byung ngo // bal po se'u dang bil ba dang / skyu ru ra dang / n+ya kro ta dang / byang chub kyi shing dang / spre'u gnas dang / blag sha dang / u dum b+ha ra dang / sa la dang ta ma li' shing ljon pa rnams kyang dri rab tu 'byin to// lha brgya stong dag gis kyang a la la zhes bya ba'i sgra phyung ste/ bar snang las me tog gi char mngon par phab po// mi ma yin pa'i dri dag kyang 'jig rten du byung ngo // de nas rgyal po chen po bzhis thal mo sbyar te/ bcom ldan 'das la 'di skad ces gsol to//
- 50a
/ btsun pa bcom ldan 'das ga la la gis bslab pa'i bzhi yongs su bzung ste/ gos dur smrig bgos nas stong chen mo rab tu 'joms pa mdo sde'i rgyal po gdon thams cad las thar par byed pa/ sangs rgyas kyi phyag rgya'i chos kyi rnam grangs 'di blangs shing bzung ste/ klags shing bshad la/ kun chub par bgyis shing yi ge bris nas mdung ba bor te 'chang na/ de la khams kyi nad dang / 'jigs pa dang / gnod pa dang nad 'go ba dang / 'khrug pa dang / khrag 'khrug pa dang 'thab mo dang / bcing pa dang / brtsod pa dang / 'gyed pa nas phra ma'i bar gyi sdig pa mi dge ba'i chos rnams kyis mi tshugs par 'gyur lags so// rnam par 'tshe ba thams cad las rgyal bar 'gyu gas so// yul 'khor 'tshams bcad par 'chal pa khras bgyis pa/ zas dkar gsum 'tshal pa/ zas ngan pa sna lnga spangs pa/ mi yi bslab pa'i gzhi yongs su bzung ba/ sems can thams cad la sems snyoms pa/ shin du brgyan pa/ gos dang rgyan dang / ldan pa des grong dang / grong khyer dang / grong brdal dang / yul 'khor dang / sum mdo// khyim rnams nyal nyil gyi phung po ma mchis par bgyis te/ rgyal po'i pho brang 'khor gyi dbus kyi dog sa rnam su me tog sil ma bkram la sna tshogs kyis rab tu bdug par bgyi'o// phyogs bzhir bu mo shin du khrus bgyis pa brgyan pa/ lag na mtshon thogs pa bzhi dang / dril bu bzhi dang rin po che'i snod
- 50b
bzhi bzhag go/ snga dro'i dus kyi tshe gdugs shar ba dang rig sngags klag par bgyi ste/ mdo sde bzlas shing klag par bgyi'o// yi ger bris te mchod rten chen po dang / shing ljon pa chen po dang / rgyal mtshan chen po'i rtse mo la bstod de btags la me tog sna tshogs dang / spos sna tshogs dag gis dgung zla phyed kyi bar du mchod par bgyi'o// gdugs re re zhing rig sngags lan re klag par bgyi'o// de ltar na yul 'khor yongs su thar par 'gyur ro// de ltar grong dang grong khyer dang / grong brdal dang / ljongs dang / yul 'khor dang / pho brang 'khor dang / gnas dang / gtsug lag khang dang / khyim dang / zhing dang / las khang dang / shing ljon pa dang / 'bras bu dang / ne'u sing dang kun dga'i ra ba dang / gnag lhas dang phyag lhas rnams nyal nyil ma mchis par bgyis te/ seng ldeng dang / rgya shug gis bzhugs bltam la/ dog sa la me tog sil ma bkram ste/ sgo khang g.yas g.yon nas dri sna tshogs kyis bdugs la/ sa bon thams cad mar gyis skus te phyogs bzhis gtor bar bgyi/ chab sgor mtshon tud skad sna tshogs bre bar bgyi'o// dud 'gro'i skye gnas su gyur pa dag ni bton la slar yang bzud par bgyi'o// rigs sngags kyang klag par bgyi'o// yi ger bris sam mdud pas mdud de mthon po'i khar btags la mchod par bgyi'o// nad pa'i mdun du sangs rgyas kyi sku gzugs sam/ sangs rgyas kyi ring bsrel lam/ tshangs pa'i
- 51a
gzugs sam/ brgya byin gyi gzugs sam/ rgyal po chen po bzhi'i gzugs khri'u 'am/ za ma tog gi steng du gzhag ste/ phyag rgya bzhi bgyis la gzhag par bgyi'o// me tog sna tshogs dang / spos sna tshogs dang / tshangs pa dang brgya byin dang / rgyal po chen po bzhi dang / dbang phyug chen po dang / gnod sbyin gyi sde dpon dang / gnod sbyin stobs po che dang / 'phrog ma la sogs pa'i ming gis dkon mchog gsum la mchod par bgyi'o// de nas kyis stobs dang / dbang phyug dang byin gyis bdag dge bar gyur cig/ bdag la bsrung bar gyis shig/ nad thams cad pa thar par gyur cig/ nad pa'i zas dang skom dang / sman rnams kyang rig sngags 'dis btab ste brtsal bar bgyi'o// rdzogs sangs rnam par sangs rgyas che// 'jig rten skyong bas phyogs bzhi nas// snod bzhi dag ni blangs nas su// bde bar gshegs la phul ba dang // mthu yis gcig tu sprul mdzad pa// lha yi snod mchog de dang ni/ bdud rtsi 'dra ba'i sman gyi rnams// ston pa'i phyag na bsnam gyur pa// bden pa'i tshig ni de dag gis// sman rnams bdud rtsir gyur par shog/ de bzhin lha mo 'phrog ma yis// lha rdzas dge ba a ru ra// blangs nas ston la rab phul ba// bdud rtsi 'dra ba'i sman gyi rnams// bden pa'i tshig ni 'di dag gis// nad pa rnams kyi nad sil cing // nyes pa thaMd 'phro bar byed pa//
- 51b
sman rnams bdud rtsir gyur par shog/ sangs rgyas rnam gzigs gzi brjid dang // gtsug gtor can gyi stobs rnams dang // thams cad skyob kyi bden tshig dang // log dad sel gyi ting nge 'dzin dang / gser zhes bya ba'i ye shes dang // 'od bsrung gi ni rdzun 'phrul dang // shAkya seng ge'i mthu rnams kyis// sman rnams bdud rtsir gyur par shog/ nad pa shar phyogs kha bstan la// sman rnams nye bar bstsal bar bgyi// de yi che na rig sngags 'di// lag 'thil gzhag ste klag par bgyi// s+yad ya the dan/ kha Te kha Te/ kha Te kha Ta bi kha Te/ bi ma le/ bi lam be/ bi laM be/ bi le/ ba la ba ti/ tsan dre/ tsa ra NaM/ a mri ta nir g+ho She swA hA// rlung las gyur dang mkhris las gyur// bad kan las gyur 'dus gyur// nad rnams thams cad rab bcom ste// bdag la rtag tu dge bar shog/ byad dang ro langs ldan pa'i las rnams la/ skyes pa 'am bud med gdugs zhag gcig bsnyung ba bgyis pa/ rab tu bkrus pa shin tu brgyan pa des dog sa la me tog sil ma bkram ste// spos sna tshogs kyis bdugs la/ seng ldeng dang rgya shug rigs gnyis kyi zhugs bus te/ sa bon thams cad phyogs bzhir gtor bar bgyi'o// zhugs kyi nang du yang gtor bar bgyi'o// rtsa ba thams cad dang me tog thams cad mtshon skad sna tshogs la brgyus te/ ral gri 'am mdang rtse gsum pa 'am/ mdung ngam mda' la
- 52a
gtag par bgyi'o// spos chab sna tshogs sbyar te/ bum pa chen po'i nang du blugs la/ gang byed sdems kyis phog pa de skud pa des bcings te bum pa'i chab kyis bkru bar bgyi'o// skud pa yang ral bris bcad de zhugs kyi nang du dor ro// steng chen mo rab tu 'joms pa'i mdo 'di yang brjod par bgyi'o// gang dag sangs rgyas rang sangs rgyas// sangs rgyas rnams kyi nyan thos dang // tshangs dbang dang ni 'jig rten skyong // gnod sbyin sde dpon dbang phyug dang // de bzhin gnod sbyin stobs chen dang // 'phrog ma bu dang bcas pa dang // de dag mthu dang gzi brjid kyis// ro langs las rnams chad gyur cig/ rdo rjes rin chen phug pa dang // me yi bud shing bsreg pa dang // rlung gis sprin ni 'thor ba dang // nyi mas nags chal skems byed pa// bden pa'i tshig ni de dag gis// byad sdems las rnams tshig par shog spos dang me tog sna tshogs kyis// sdig pa thams cad nges par gsal// tad+ya thA/ hu me hu me/ ka kha li/ ka kha li/ kha ra le/ dzu hI ni/ dza ba le/ ha ra ge/ ha ri ni/ shA ba ri/ shAn ta/ ba sha na ti swA hA/ d+has na swA hA/ pa d+ha ba ni swA hA/ gan d+harbe swA hA/ ba la~M ga~M ni swA hA/ sarbaka khor dachod ni swA hA/ sgra thams cad kyigs sngags 'di dag gis bdag gi byad dang ro langs dang / sman sngags dang / dug dang dug sbyar ma rnams bcad do// bshig go/ pham par byas so// pha rol pham par byas
- 52b
swA hA/ lba ba dang / shu ba dang / skyo ba dang / 'bras dang / 'brum bu dang / rkos po dang / dug 'thungs pa las thar par 'jal ba shin du khrus bgyis pa/ shin du rgyun bstan bzang po'i steng du mchis te/ rig sngags 'di brjod par bgyi'o// sangs rgyas kun gyi gzi brjid dang / rang rgyal dag gi gzi brjid dang / dgra bcom dag gi mthu dag dang / gsang sngags 'dzin pa thams cad dang / sha ri'i bu'i shes rab dang // me'u 'gal bu yi rdzu 'phrul dang // ma 'gags pa yi mig dang ni/ 'od srungs sbyangs pa'i yon tan dang / ke'u di n+ya'i sngar thob dang // kun dga' bo'i thos pa dang / tshangs pa yi ni byams pa dang / brgya byin gyi ni dbang rnams dang // 'jig rten skyong ba'i yul rnams dang // dbang phyug chen po'i stobs dang // sde dpon rnams kyi mthu dang // 'phrog ma gzi brjid rdzu 'phrul dang // de dag rnams kyi mthu dang gzigs// bdag gi dug ni dug med shog/ dug med dag rnams 'jig byed pa// gsang sngags tshig rnams de lags so// // s+yAd ya the dan/ ha ri ke shi na ki li// e hi re/ a ma re/ a raN+Da re/ paN d+ha raM/ ka TaM ke/ ke yu'u re/ ha se ha se ha se kha se kha se kha se kha ra ge/ ma ru ga ha Ne swA hA/ ma mu k+Sha swA hA/ hi li swA hA/ mi li swA hA/ 'bras dang rma dang shu ba dang / g.yan pa ni 'brum bu dang / lhog pa dang ni g.yan pa ni/ bdun pa lags te rab tu bcom/ 'dod chags zhe sdang gti mug rnams/
- 53a
kya/ de dag 'jig rten du ma gsum ste// bcom ldan sangs rgyas dag mi mnga'// sangs rgyas gzi yis dag bcom mo// 'dod chags zhe sdang gti mug rnams// de dag 'jig rten dug gsum ste/ bcom ldan chos ni dug mi mnga'// chos kyi gzi yis dag bcom mo// 'dod chags zhe sdang gti mug rnams// de dag 'ji rten dug gsum ste/ bcom ldan dge 'dun dag mi mnga'// dge 'dun gzi yis dag bcom mo// sa ni dag gi ma yin te// sa ni dug gi pha yang yin// bden pa'i bden tshig de dag gis// bdag gi dug ni dug med shog/ dug ni sa'i nang du song / gang ba'i snod du dug song shig/ de nas khrag 'khrug pa dang // 'thab pa dang / brtsod pa dang / 'gyed ba dang / pha rol gyi dmag tshogs dang dgra rnams las rgyal bar 'tshal bas// thog mar mchod rten chen po la mchod par bgyi'o// stong chen po rab tu 'joms pa'i rig sngags kyi rgyal mo 'di yang brjod par bgyi'o// sangs rgyas kyi ni bdud pham mdzad// chos ma yin ni chos kyis so// dge 'dun gyis ni mu stegs pham// dbang pos lha min pham par gyur// lha rnams kyis ni zla ba pas// nam mkha' lding gis rgya mtsho'o// me yis shing rnams pham par 'gyur/ chus ni me yang pham par 'gyur// rlung gis sprin rnams rab tu pham/ lha rnams bden par rab tu gnas// sa yang bden par gnas pa lags// sangs rgyas dang ni chos kyang bden// bden pa rgyal 'gyur brdzun ma lags// // s+yAd ya ze dan// ji me ni rin phug/
- 53b
spyan ras gzigs a mr-i te/ a gra puSh+pe/ ba hu ba le/ ni dA rA Ni/ sarba ar+tha sA d+ha na/ a pa rA dzi ti/ d+ha ra d+ha ra ni/ gu hA ba re te/ go'u ta me/ gu b+h+ra ma ti/ dzas b+hi ni/ swA hA/ prang b+ha ni swA hA/ pa pra b+han dza ni swAhA/ dza ye swA hA/ bi dza ye swA hA/ dza ya bi dza ye swA hA/ phyir rgol ba ni kun las rgyal/ sdig pa thams cad rab tu bam swA hA/ de nas ston pa kun mkhyen gyis/ tshigasu bcad pa 'di dag gsungs/ mi 'khrugs pa dang snang mdzad kyi dbang // rin chen 'od 'bro ri ra mu khyud 'od dpag med/ rdo rje rnams kyi mtshan rnams rtag tu bzung na ni// 'jigs par 'gyur ba ma yin non par mi 'gyur ro// gang gis mthu stobs chen po brgyad po 'di dag gi/ mtshan rnams rjesu bzung ba'i phyir ni rab brjod cing // kun du bskyab pa byas na de yi lus la ni// me dang dug dang mtshon gyis tshugs par mi 'gyur ro// gal te de la gnod pa byed pa nye bar gnas// gshed mas mtshon rnams kyis ni gdab par gzas pa las// spyan ras gzigs kyi dbang po rjesu dran na ni// mtshon cha de dag dum bu dum bur chag cing 'brul// gal te mtshon cha rnams ni thogs par gyur na yang // lag pa chag nas sa pa rab tu ltung bar 'gyur// de yi lus la cung zad 'bab par mi 'gyur te// sngon chad byas pa gang yin de ni ma rtogs so// lha rnams kyis 'thun par tshig su bcad pa 'di dag gsol to// sangs rgyas spyod yul mtha' yas khyod la phyag 'tshal lo// bden pa rab ston thub pa khyod la phyag 'tsha'o// /
- 54a
deng ni bden pa rnams la gnas nas mchi bar bgyi// bdag gi las rnams 'bras bur bcas gyur cig/ de nas tshangs pa tshangs chen gyis// langs te thal mo sbyar btud nas// stong chen rab tu 'joms byed pa// legs par gsungs pa'i rig sngags 'di// byis pa rnams la phan bgyid pa// rig sngags bdag gis brjod par bgyi// gang gi sa dang por 'dzam gling du// rig sngags rab tu ston mdzad pa// chos kyi rgyal po snang mdzad pa// sangs rgyas dpal la phyag 'tshal lo// khyad par 'phags pa'i chos rnams dang // chos kyi dam pa dge 'dun dang // sangs rgyas zhabs la phyag 'tshal na// tshangs pas 'di skad tshig gsol to// gang dag sangs rgyas rang sangs rgyas// sangs rgyas kyi ni nyan thos dang // drang srong dang ni 'jig rten skyong // lha rnams ji snyed mchis pa dag/ de kun mi yi 'jig rten na// 'di las skyes pa sha stag go/ thub chen mngal la 'tshal ba yis// gnod sbyin srin po 'di na 'chis// rgyal po chen po rnams kyis mthong mi nus// bstan par yang ni mi nus so// gang la bu ni mi 'chags dang // gang gi mngal du mi gnas dang // skyes pa bud med 'dra ba na// dbang po rnams ni myos par bgyid// mer mer po dang nur nur po// bu'i sa bon ma rungs bgyid// gang yang mngal ni thur du 'gyur// sha ma mi 'byung gnod bgyid// de rnams kyi ni ming brjod kyis// 'jig rte
- 54b
'gon po bdag la gson// 'jam pa po na ri dgas rgyal// skye ma byed brjed byed khu tshur can// ma ma dang ni dza mi ka/ 'dod pa can dang nam grub dang // srul po dang ni ma dga' byed// bya dang gnya' ba'i lag can dang // bzhin rgyan dang ni mig 'chang ba// de dag thams cad sa la rgyu// gdon rnams bco lnga de dag ni// byis pa rnams la 'jigs pa bgyid// ji ltar byis pa 'dzin pa yi// mtshan dang gzugs kyang brjod par bgyi// 'jam pa pos ni zin gyur na// mig ni rab tu 'gyur bar bgyid// ri dgas rgyal gyis zin gyur na// skyugs pa mi bzad skyug par 'gyur// skem byed kyis ni zin gyur na// ske ma byed pas ni byis pa 'gul// brjed byed kyis ni zin gyur na// 'gre zhing de ltar sgra yang 'byin// dbri ba dang ni khu chu 'dzag/ khu tshur can gyis rab zin na// khu tshur 'phyang zhing 'byed par bgyid// ma mo yis ni zin gyur na// rgod cing de bzhin sgra yang 'byin// dza mi kas ni rab zin na// na zho nu bar mngon mi dga'// 'dod pa can gyis rab zin na// mal na gnyid log du bar 'gyur// nam grus rab tu zin gyur na// lce la sos ni 'cha bar bgyid// srul pos rab tu zin gyur na// ku co 'dod cing sgra yang 'byin// ma dga' byed pas zin gyur na// rnam pa sna tshogs gzugs su 'gyur// bya yis rab tu zin gyur na/ mnal ba'i 'di ni 'byung 'gyur// gnya' lag can gyi zin gyur na// mgul ba rab tu 'gag par 'gyur// bzhin brgyan gyis ni zin gyur na//
- 55a
dza mi ka ni rta'i gzug / rims kyis btab cing 'khru bar 'gyur// mig 'phyang bas ni zin gyur na// skyigs bu dang ni rngam pa 'byung // byis pa ji ltar skrag bgyid// de'i gzugs ni brjod par bgyid// 'jam pa po ni ba glang gzugs// ri dgas rgyal po ra dgas 'dra// skem byed pa ni gzhon nu'i gzugs// brjod byed pa ni wa 'dra'o// khu tshur can ni bya rog gzugs// ma mo de ni ma'i gzugs// 'dod pa can ni rdo rje'i gzugs// nam gru khyi yi gzugs kyis te// srul po phag gi gzugs kyiso// ma dga' byed pa byi la'i gzugs// bya ni 'dab chags gzugs kyi so// gnya' lag can ni bya gag gzugs// bzhin brgyan 'ug pa'i gzugs kyis ste// mig 'phyang ba ni pa wa gzugs// 'di dag byis pa skrag par bgyid// 'di dag bu 'phrog ma rungs pa// byis pa rnams la 'jigs bgyid pa// mdo sde'i zhags pas drangs nas ni/ 'di dag shin du dgug pa bgyi// gnod sbyin sde dpon chen po dang // dri za can dan zhes bgyi ba// yi ge phyag rgya de bskul te// song la gdon ni drag po pa// bco lnga de dag khug shig ces// pho nyar yang ni btong bar gyis// de dag rnams ni skra cig gis// bcing pa lnga yis bcing bzhin bkug/ de nas 'jig rten mgon po la// tshangs chen thal sbar 'di skad gsol// srog chags sa bon 'jigs bgyid pa// 'byung po 'di dag rnams lhag te// mgon po yi ni spyan snga ru// de dag chad pa bshad par bgyi//
- 55b
bu med gang dag bu mi 'tshal// gang zhig bcas pa 'dzin 'tshal bas// ces brgyad dang bcu bzhi la// bslab bzung dam chos skyabs mchil// mchod rten legs par brgya khrus gyis shin du brgyan nas ni// sa bzhir yungs dkar gtor nas su// me tog spos kyis brgyan par bgyi// sna lnga'i tshon gyi skud pas ni// khor yug tu ni bskor b.ri bgyi// nam phyed bar du mchis nas ni// spyi bor yud dkar gzhag nas su// tshangs pas rab tu byas pa ste// tshangs par sprul ces brjod par bgyi// lo bgrangs bcu gnyis bar du ni// gzhon nu rnams la phan bgyid pa// tshangs pas sprul pa'i mdo sde yi// rigs sngags 'di las gang 'da' ba// ardza ka'i dog pa bzhin// mgo bo tshal pa bdun po 'ges/ s+yAd ya the dan// ang ge bang ge/ b+haM ge/ b+ha ba ne/ i nan de/ su lu ri gi ri gi ri// sha pa ri ga ru ni// sha ru ne/ gi ri ga ba re// lo tsa ne/ la sa naM/ ro tsa ne/ a le b+he/ a ga ne/ a la b+he/ ta la b+he/ pra kar Shi ne swA hA// / mngalan bde bar gnas gyur cig/ dbang po yang dag 'phel bar shog mngal na 'dug pa bde gyur cig/ btsas pa 'jigs par ma gyur cig/ mngal na bde bar gnas gyur cig/ dus bzhin du ni 'byung bar shog/ mtshon skud sna tshogs rnams dang ni// yungs dkar 'bru ni ma grugs pa// de dag bsrung bar gsungs pa ste// byis pa ring du 'tsho bar shog/ de nas ston pa kun mkhyen gyis// rig
- 56a
pa'i sngags ni 'di dag gsungs// mngal ni 'dug pa bsrung bar shog/ byis pa rnams ni bder gyur cig/ s+yAd ya the dan/ bo d+ha bo d+ha ma hA bo d+ha/ bo d+ha a nu ma te/ pha li ni ma hA pa le/ shi k+Sha shi k+Sha/ sA ra ba te sa ga le/ du rA/ sa de/ du rA ga me/ shU ra pra pa te/ shu ra pa te/ b+hi ge/ b+ha ga b+ha ge/ b+ha ni/ ni/ pA Ni swA hA// // de nas gdon ni bcwo lnga po// rtag tu khrag la 'thung rnams kyis// 'jig rten mgon la phyag 'tshal te// thal mo sbyar nas 'di skad gsol// grong ngam khyimi 'am grong khyer ram/ gang na legs par gsungs pa yi// mdo sde 'di ni bzhugs pa der// byis pa rnams ni 'chi mi 'gyur// thob chen khyod ni ji bzhin du// rjes su 'thun par 'jug par bgyi// sangs rgyas bcom ldan 'das la phyag 'tshal lo// tshangs pa la phyag 'tshal lo// gsang sngags kyi tshig rnams grub par gyur cig/ grub par gyur cig/ rig sngags kyis sgrol par gyur cig/ tshangs pas bsam par gyur cig swA hA/ de nas rgyal po rnam thos kyis bus bla gos phrag pa gcig tu gzar nas// thal mo sbyar te/ bcom ldan 'das la phyag 'tshal nas 'di skad ces gsol to// btsun pa bcom ldan 'das nyan thos gang la la stong chen mo rab tu 'joms pa'i mdo sde 'di ni mngon tam 'chang ngam// klog gam kun chub par bgyid pa des// mang du thos pa la brtson par bgyi'o// mchod rten mchod pa la brtson par bgyi'o//
- 56b
tshes brgyad dang bcu bzhi dang bco lnga'i dus su mchod rten la mchod pa rgya chen po bgyis nas// rig sngags klag par bgyi'o// ches brgyad kyi tshe ni rgyal po chen po bzhi skyes bu dag/ rgyal po chen po rnams kyi mdun na de la sems par bgyid// ming nas kyang gdon par bgyid do// tshes byu zhi'i cha ni rgyal po chen po bzhi po dag nyid mdun na sems par bgyid// ming nas kyang 'don par bgyid do// ches bcwo lnga'i tshe ni rgyal po chen po dag nyid sems par bgyid cing ming nas kyang 'don par bgyid de// bcom ldan 'das nyan thos gang stong chen mo rab tu 'joms pa'i mdo sde 'di len pa dang / 'chang ba dang / ston pa dang / klog pa dang / kun chub par bgyid pa de ni srog chags 'byung po thams cad la snying brtse zhing phan par bgyid pa lagaso// btsun pa bcom ldan 'das bdag cag rgyal po chen po bzhis kyang de la gos dang zas dang / mal cha dang stan dang / na ba'i gsos sman dang / yo byad rnams kyis mi brel bar bgyi'o// sems can thams cad kyis kyang sti bstang bgyis par 'gyur// rgyal po dang blon po dag gis kyang bla mar bgyi ba dang / rim gro bgyi ba dang / mchod pa bgyid par 'gyuraro// gzhan su stegs can dang / dge slong dang / bri ze dang / spyod pa can dang / kun du rgyu dang / mdza' ba dang / mi mdza' ba dag gi nang du mchis kyang mchod par 'gyur// rigs kyi bu 'am rigs kyi bu mo dad pa des gtsang mar bgyis te lus gtsang ba dang / gos dang rgyan dang / mal cha dang / stan dang po
- 57a
byad khyad par can gtsang mar bgyi/ yul ngan pa rnyed par mi bgyi/ yul ngan pa'i mdza' bo bsten par mi bgyid/ yul nas na gnas pa la bsngags par mi 'gyi'o// gang 'byung po'i gdon gyis zin pa'i mdun du stong chen mo rab tu 'joms pa'i mdo sde 'di dran par gyur na/ de la rgyal po chen po bzhi po dag nyid bsrung ba dang / skyob pa dang sbed pa bgyid par 'gyur ro// btsun pa bcom ldan 'das de ltar na stong chen mo rab tu 'joms pa'i mdo sde 'di mthu chen ste/ gang gis rang gi khyim du mtshan gcig gam nyin gcig kyang rung // yang dag par bsams na/ de la lo gcig gi bar du mi ma yin pas glags rnyed par mi 'gyur ro// 'byung po'i tshogs thams cad kyis phyag bgyi ba'i 'os su 'gyur ba lag so// gang chen mo rab tu 'joms pa'i mdo sde 'di 'chang ba de 'tshal na rgyal po bzhi yang bzhin ston par 'gyur na/ gnod sbyin dang / srin po dang / phal pa gzhan lta smos kyang ci 'tshal/ de ci'i slad du zhe na/ sems can rnams la sman pa'i slad du 'jig rten gang dag rig sngags bgyis pa de dag pas/ gsang sngags kyi tshig 'di dag rab mchog/ gtso bo khyad par 'phags pa/ zab pa/ rgya che ba tshad ma mchis pa 'jug par dka' ba/ 'thun mongs lags pa'i slad du ste/ 'di ni chos kyi phyag rgya lagaso// de nas dbang mig stong po// lha yi rgyal po bde sogs khyod// thal mo sbyar te phyag 'tshal na/
- 57b
'jig rten mgon la 'di skad gsol// 'jig rten kun la phan bgyid pa// rig sngags 'di ni legs par gsungs// gsang sngags sman dang ldan pa yi// rig sngags bdag gis brjod par bgyi// shar sha me tog a pa sarga dang // ka ta ka'i 'bras bu a ka ru// rdo dreg dang ni med gcod rnams dang // pu ka ri dang dza ya marga ti// pa ri be la sar bi ra dang // sa ma ka dang pu sa rgya spos dang / tsan dan a brta ka ru rta dang // sder mo lo ma ka tam bi ra dang // pri yang ku dang 'bug sum smin bcud dang // yungs dkar dag dang ldong ros rnams dang ni// shing rtsa shu dag gur kum shing kun dang // lo ma dag dang ldan pa'i brna ka/ de dag sbyar te ril bur bgyis pa ste// gdon rnams kun las grol bar bgyid pa ste// 'byung po dag ni kun gyi 'gyur ba la// mig la de yi skas pa bgyis na ni// de nas 'byung po rdo rje dang // gnam lcags mda' yis zin las thar// ljon shing che dang de bzhin no// mchod rten che la bskus bgyis na// gang gis gnas de mthong de// 'byung po la ni 'jigs ma mchis// de ni 'byung po mi gnas te// gnod byed gzhan yang ma lagaso// rnga chen dung dang rdza rje dang // rnga bran dag la bskus na ni// de dag sgra ni gar grags par// 'byung po'i dkyil 'khor skrag par 'gyur// grong du rgyu ba'i bya rnams kyi// mdab ma dag la bskus na ni// yul dang phyogs ni gzhan dag tu// bya de gang du gnas pa der/ jeH// 'byung po rnams ni
- 58a
mi gnas te// gnod byed gzhan yang ma lags so// chu mig 'tsho'am lteng ka 'am// gang dang gang du bor yang rung // der ni dpag tshad khor yug tu// bde ba dang ni zhi bar 'gyur// pha rol dmag tshogs nang mchis te// mtshon cha dag ni 'bab pa na// gnas rnams kun du byugs bgyis na// bde blag tu ni thar par 'gyur// lba ba dang ni gzhang nad dang // me dpal dang ni 'bras byung dang // gdug pas zin dang dug 'thungs pas// 'thungs sam byugs na thar par 'gyur// lus la de yis byugs na ni// byad sdems thams cad bcod par bgyi// brtsod pa rnams las thar par 'gyur// rgyal po'i gyod las thar par 'gyur/ ma grub pa ya grub par 'gyur// dbul po las ni phyag por 'gyur// bu ma mchis pa bu rnyed 'gyur// nor ma mchis pa nor rnyed 'gyur// rig sngags 'chang nas par yang // 'dis ni gsang sngags grub par bgyid// dud 'gro'i skye gnas gyur pa dang // ljon shing rnams kyi 'bras bu dang // rig sngags 'chang gnas bar du yang / 'di ni zhi ba'i las dge bgyid// 'di la gsang sngags tshig ches te// dper na dbang po'i tshig bzhin no// sud ya the dan// a kra me/ bi kra me/ b+hu'u ta g+hoShe/ b+huT taM ga me/ da ha ni d+ha d+ha re/ da d+hi ni ni kha me/ kha kha me/ kha kha kha kha/ sA rang ga me/ tsan dre/ tsa ba le/ ha li me/ ha sa/ ha ri Ne swA hA// / phyogs thams cad
- 58b
nas bdag gi sdig pa thams cad zhi bar gyur cig swA hA/ de nas tshangs pa dbang po dang // 'jig rten skyong ba dbang phyug ce// gnod sbyin sde dpon thams cad dang / 'brogam bu dang bcas pa yang // thal mo dag ni rab sbyar nas// sgra skad gcig tu 'di skad gsol// nyi ma stong ltar gsal ba bo// zla ba nya ltar 'od gsal ba// lha mir bcas pa'i 'jig rten na// khyod dang 'dra ba yong ma mchis// legs bsams legs par sbyar na ni// gnod sbyin srin po rnam 'joms pa// rgyal srid mthar bgyi ces bgyi ba// rig sngags rgyal srid rab sbyor ba// stong chen gyi ni 'jig rten na// bsrung ba'i mdo sde dam pa lags// phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal nas// de nyid du ni mi snang 'gyur// de nas bcom ldan 'das nub ka'i dus kyi tshe// nang du yang dag 'jogs las bzhengs na// dge slong rnams la bka' stsal pa// dge slong dag stong chen mo rab tu 'joms pa zhes bya ba'i mdo long shig/ chongs shig/ lhogs shig/ ston cig/ kun chub par gyis/ shig/ de la lha dang bcas pa'i 'jig rten la yun ring po'i don dang // phan pa dang bde ba la reg par gnas par 'gyur ro// dge slong dag de'i dge slong gang la la zhig gi stong chen mo rab tu 'joms pa'i mdo sde 'dis shing skam po la skud pas bcings na/ de la lo ma dang me tog dang 'bras bu rnams skye bar 'gyur na/ rnam par shes pa dang ldan
- 59a
pa'i lus can lta smos dang ci dgos// sngon gyi las kyi rnam par smin pa ni ma gtog so// de skad ces bka' stsal pa dang / bcom ldan 'das la dge slong de dag gis 'di skad ces gsol to// btsun pa bcom ldan 'das kyis mdo sde chen po lnga gsungs pa de dag ni 'di lta ste/ stong chen mo rab tu 'jom ba dang / rma bya chen mo dang / bsil ba'i tshal chen mo dang / so sor 'brang ma chen mo dang / gsang sngags kyi rjesu 'brang ma chen mo lags te/ btsun pa bcom ldan 'das kyis de dag zas rnam pa lnga yongs su spos la chongs shig ces kyang bka' stsal la/ zas bsod snyoms la brten te rab tu byung shing ces kyang gsungs na/ bcom ldan 'das zas rnam pa lnga dang sa 'dres pa'i bsod snyoms ni nyung / 'di ltar zas rnam pa lnga dang 'dres pa de ni mang lags na// btsun pa bcom ldan 'das de la bdag gis ji ltar nan tan du bgyi/ de skad ces gsol pa dang / bcom ldan 'das kyis dge slong de dag la 'di skad ces bka' stsal to// dge slong dag de nyid kyi phyir su stong chen mo rab tu 'joms pA mdo sde 'di 'chang ba des rma med pa'i nor bu gsungs zhes bya ba de/ bdag nyid bsrung ba'i phyir chongs shig/ des bsod snyom len pa'i tshe zas la mi mthun pa med pa'i 'du shes bskyed par bya'o// zas rnams pa lnga dang 'dres pa'i bsod snyoms la yang zas rnam pa lnga dang ma 'dres pa'i 'du shes bskyed par bya/ 'dus byas
- 59b
thams cad la mi rtag pa'i 'du shes dang // mi rtag pa la sdug bsngal ba'i ye shes dang // sdug bsngal ba la bdag med pa'i 'du shes bskyed par bya'o// zas rnam pa lnga po dag ga la yod// zas rnam pa lnga po su yi yin// su zhig zas rnam pa lnga po za// sems can med do// sems can ga la yod// sems can dmigs su med do// de la zas rnam pa lnga dang 'dres na ches brgyad dang / bcu bzhi dang bco lnga la bdag bsrung ba byas te rgyal rigs kyi bu mo legs par dkrus pa shin du brgyan pa/ nyin zhag gcig zas bcad pa/ bslab pa'i gnas lnga bzung ba/ skud pa dmar po bzhi sgril du 'khal du bcug la/ gsang sngags 'dzin pas rig sngags dran par byas te// skud pa de mdud pa mdud la/ skud pa de mtshon gsar pas chod de bsregs la/ rin po che'i snod dam lcags kyi snod kyang rung / chus khong ste me tog gis khyab par khrim la// bdag pa sna tshogs kyis bdags te/ snod kyi nang nas skud pa de slar 'byor te ma byung gi bar du rig sngags 'di brjod par bya'o// de yang lag pa la bcings la tshig 'di skad brjod do// bram ze rnams kyi smras nas su// shAkya seng ge skyob pa la// dpal sbas kyi ni dug can gyi// bsod snyoms dag ni phul ba dang / de la des ni blangs nasu// / ston pa dug ni bsad nas gsol// bden pa'i tshig ni de yis su// zas ni bdud rtsir 'gyur bar shog/ rnam par gzigs la lhag gang dang // gtsug gtor can dang
- 60a
kun skyob dang // log par dad pa sel ba la// stobs chen lha gang dad pa dang // gser dang dpal ldan 'od srungs dang // shAkya yi ni seng ge la// rab dang lha'i dbang po dang // tshangs dbang sum bcu'i dbang phyug dang // 'jig rten skyong ba bzhi dag dang // nor bu bzang dang dbang phyug che// srin mo nag mo chen mo// de bzhin gdol pa gtum po dang // me tog so dang bdug pa dang // bdag gi sbyin bsreg 'di bzhes shig/ de dag tshim zhing mchod gyur nas/ bdag gi kha zas byang bar mdzod// zas lnga dag dang 'dres pa yang // bdag la ma 'dres mdzad du gsol// kha zas lnga dang dris pa yang // zas de kun ni bza' ba bgyi// sa bon dag gi tshogs kun la// sa bcud dag ni zhugs pa yi// kha zas 'dres pa thams cad kyang // bdag la ma 'dres mdzad du gsol// ji ltar skud pa bcad bsregs pa// de lta bu yang slar 'byor pa// de ltar zas rnams bla yang // ma 'dres par ni bdag la mdzod// // s+yAd ya the dan/ kha kha me/ kha kha khe kha// kha kha me/ shi me shi me/ shi hu me/ she me shi me/ swa sti sa sti swa sti swa sti/ ma ma shan te/ sha rA gri/ kha zas lnga dang 'dres pa yang // ci ltar ma 'dres zas bzhin du// gang gis ji ltar skud bsred pa// de 'dra'i bden pa mdzad du gsol// s+yAd ya the dan/ ka le ke/ ka la le/ ba la ni ka ru ta/ a la ye/ ag ni saM kra sa
- 60b
ne swA hA/ sangs rgyas rnam par gzigs dang gtsug gtor can// bde gshegs kun skyob sangs rgyas log par dad sel dang // gser thub 'od srungs shAkya thub pa go'u ta ma// bsnyengs pa mi mnga' ba la skyab su mchi bar bgyi// mi mchog pa bdun po de dag gi ni skra rnams la/ me tog dag dang spos rnams kyis ni mchod par bgyi// lus dang ngag dang rab tu dang ba'i sems kyi ni// de dag rnams la skyabs su nye bar mchi bar bgyi// sangs rgyas rdzu 'phrul che dang ldan pa de dag la// lha gang mngon par rab tu dang ba yod pa yi// lha de mgu zhing yid ni rab tu dga' gyur nas// rab tu dang ba'i yid kyis bdag la bsrung du gsol// // bcom ldan 'das kyis de skad ces bka' stsal nas// dge slong de dag yi rangs te/ bcom ldan 'das kyis gsungs pa la mngon par bstod do// // 'phags pa stong chen mo tu 'joms pa zhes bya ba'i mdo bam po gnyis pa/ rdzogs s+ho// / pan tri ta shri len tra bo d+he dang // nyadz+nyA na si ti dang shAkya pra b+ha tha dang / zhu chen gyi lo tsha ba ye shes sde'i 'gyur ro// / zhu dag/ sarba mang+ga laM// rgya gar skad du// ma hA mA yA ri bid+yA rA d+he/ bod skad du// rig sngags kyi rgyal mo ma bya chen mo// 'das pa dang ma byon pa dang / da ltar byung ba'i sangs rgyas dang byang chub sems dpa' dang /
Colophon
'phags pa stong chen mo rab tu 'joms pa zhes bya ba'i mdo bam po gnyis pa// rdzogs s+ho// //pan tri ta shri len tra bo d+he dang/ nya dz+nyAn si ti dang shAkya pra b+ha tha dang/ /zhu chen gyi lo tsha ba ye shes sde'i 'gyur ro/