Q2024MW1KG13126_2024bstod tshogsAll versions of this work

gnas chen po brgyad kyi mchod rten la bstod pa

Aṣṭamahāsthanacaitastotra

Text

ff. 94a–94b · 2 folio sides

  1. 94a

    spyod pa// khyed kyang gal te bdag gnod mi sel na// de tshe bdag ni mgon med bcom pa lags// bcom ldan khyed ni dran pa tsam gyis ni// 'grol 'bras bu mnyam med kun stsol na// bdag ni bsnyen bkur bgyid kyang bdag gi phyogs// rnam pa kun tu phyi bshol ci phyir mdzad// de ltar smre gsol ba yis khyed yon tan// cha tsam brjod las bdag gis dge bsags pa// gang yin des ni 'grol bsod nams dag/ rgya cher rang bzhin grub pa'i bum po bzang // yid bzhin nor bu lta bu gzugs su yi// zhabs gnyis rgyu ba'i dpag bsam 'dra ba yi// khyod kyi gzhon nu'i lus su bdag gyur cing // skye ba kun tu bdag po nyid gyur cig/ rje btsun 'phags pa 'jam dpal gyi snying rje la bstod pa slob dpon 'phags pa klu sgrub kyis mdzad pa rdzogs so// gnas chen po brgyan gyi tshod rten la bsnyad pa/ rgya gar skad du/ aSh+Ta ma hA s+than tsi ta s+pho tra/ bod skad du/ gnas chen po brgyad kyi mchod rten la bstod pa/ 'jam dpal gzhon nur gyur pa la phyag 'tshal lo// 'gro ba'i bla ma gcig pu lum pir bltams// ser skya'i grong khyer gzhi ru gnas par mdzad// yon tan rin tshon bye bas brgyan pa yi// bde gshegs mchod rten rnams la phyag 'tshal lo// ma ga d+hA yi byang chub shing drung du// chu bo ni rany+dzan zhes bya ba'i// 'gram bzhugs mchod rten yon tan rgya che ba// byang chub rten du gyur la phyag 'tshal lo// ka shi ka yi ba raNA se r+ya// chos kyi 'khor lo rnam grol rmad byung na// nyon mongs sgrib pa rnam par gcod mdzad pa// ye shes mchod rten gzhi la phyag 'tshal lo// mnyan du yod par gzhan stobs tshar bcad nas// dze ta'i tshal du chu

  2. 94b

    'phrul chen po bstan// sa gsum dgongs pa mchog tu bsgrub mdzad pa// mu stegs pham mdzad mchod rten phyag 'tshal lo// grong khyer dam pa mchog ni gsal ldan du// lha rnams gnas gshegs bla na med par babs// zhabs la tshangs dbang cod pan gyis mchod pa// sum cu'i lhas mchod mchod rten phyag 'tshal lo// dge 'dun dbyen du sngar gyur las// ston pa'i nyan thos rab mthun pa// rgyal po'i khab kyi 'od ma'i tshal// byams ngos mchod rten phyag 'tshal lo// skya tshe 'du byed btang ba las// slar yang sku tshe byin brlabs pa// rnam grol yangs pa can gyi ni// byin brlabs mchod rten phyag 'tshal lo// ku sha'i grong du 'gro ba rnams// dge ba la ni sbyor mdzad cing // 'gron med gyad gnas zung gi tshal// mchod rten mya ngan 'das phyag 'tshal// shAka thub mchod rten brgyad po dang / phyogs bcu gzhan dang gzhan rnams na// bzhugs pa'i chos sku kun la 'dud// zhal rtag tu skyes phyag 'tshal la// 'di ltar spros pa kun bral dpe med dag cing dag pa'i ngo bo nyid// sangs rgyas chos sku mkha' lngar 'gro ba la khyab yang dag phyag 'tshal bas// bsod nams gongs ro'i kha dog ltar dkar bdag gi rgyud la gang bsags pa// des na sems can ma lus rigs 'dzin pade rtogs byang chub thob par shog/ gnas chen po brgyad kyi mchod rten la bstod pa/ slob dpon chen po 'phags pa klu sgrub kyis mdzad pa rdzogs so// // mad+hA laM/ @#// rgya gar skad du/ aSh+Ta ma hA s+tha na ts+yai ta sto tra/ bod skad du/ gnas chen po brgyad kyi mchod rten la bstod pa/ 'jam dpal gzhon nur gyur pa la phyag 'tshal lo// dang po byang chub tu thugs bskyed nas// bskal pa grangs med gsum du tshogs bsags te//

Colophon

gnas chen po brgyad kyi mchod rten la bstod pa/_slob dpon chen po 'phags pa klu sgrub kyis mdzad pa rdzogs so/