gnas pa bsdus pa
Sthitisamuccāya
Text
ff. 99a–107a · 17 folio sides
- 99a
len pa yin// bla ma'i zhabs kyi rdul ni rin chen 'od 'bar ba// yid kyi mun pa 'joms par skad cig tsam gyis byed// rnam pa thams cad kyis brgyan de bzhin nyid 'di ni// 'jig rten/ 'di dag kun gyis nye bar mthong gyur cig/ theg pa chen po'i gsang sngags thams cad dang 'brel ba// bla ma dam pas bstan pa nyams su myong ba ni// gang zhig bdag gis bstan pas dge ba bas rba/ pa des// 'gro ba thams cad rgyal ba mchog gi go 'phang thob par shog/ shes rab ye shes gsal ba 'di// sems can kun la phan don du// dam pa'i lam ni thob bya'i phyir// mkhas pa pa/ rdo rjes byas// shes rab ye shes gsal ba zhes bya ba// mkhas pa chen po de ba tsan+da'i zhal snga nas mdzad pa rdzogs so// // par+t+ti ta badz+ra pA Ne dang / lo tsa ba d+harma kir+t+tis bsgyur ba'o// gsapa phrus pa da la na cig rgyas pa sa ma la bklags/ @#// rgya gar skad du/ s+thi ti sa muts+tsha ya/ bod skad du/ gnas pa bsdus pa/ bcom ldan 'das dpal 'jam pa'i rdo rje la phyag 'tshal/ lo// mdo sde bye brag spa rnams rig/ dbu ma'i rim bzhin gsal ba yi// chos dang gang zag bdag med la// btud de de nyid bshad par bya// kha cig gang zag ces bya smra// rtag min mi rtag ma yin zer// nam mkha' dang ni 'gog pa gnyis// 'dus ma byas gsum rtag pa yin// 'dus byas thams cad mi rtag ste// 'gro ba phung po lnga bdag nyid// srid pa sdug bsngal bden pa ste// de ni 'bras bu shes par bya// rgyu ni kun 'byung bden pa ste// las dang nyon mongs bdag nyid do// bden pa de gnyis zag bcas te// phyi ma gnyis ni zag pa med// las dang nyon mongs yongs zad nas//
- 99b
shin tu'ang 'gog par gyur pa na// dam pa'i rnam thar mngon sum don// zhi ba sdug bsngal zad pa yin// 'phags lam yan lag brgyad de ni// goms pas nges par 'byin pa'i mchog/ yang dag bstan/ pa la sogs zhes// yan lag brgyad lam thub pas gsungs// de nyid nyan thos mya ngan 'das// rang sangs rgyas kyi bsgom pa yang // lung bstan pa la mi ltos par// rang gi sngon gyi smon lam gyis// don mngon byas nas mya ngan 'das// lhag mar bcas pa'i lus 'dis su// bdag nyid chen po de kun nas// bdag dang gzhan don nus pa nyid// rang gi 'dod pas bstan nas su// mar me ltar yongs mya ngan 'das// 'di ni 'bring po'i sangs rgyas te// bye brag smra ba'i gnas pa'o// phung po khams dang skye mched rnams// 'dus byas thams cad skad cig ma// de dag bdag med pa ru ni// yang dag shes pa'i yul du byas// dam pa'i shes pa gnyis kyi tshul// mngon sum dang ni rjes dpag ste// yul gyi rang gi mtshan nyid la// mngon sum lkog tu gyur pa'o// yul dang dus ni nyi tshe pa// phra rab rdul dang skad cig mas// don gyi bya ba nus pa'i phyir// de nyid don dam dngos po yin// nam mkha' la sogs lta zhog gi/ bya ba'i don kun 'dod pa yis// tshad ma'i yul du byas nas su// de nyid 'dir ni yongs su brtag/ 'di ltar bum pa la sogs gzugs// rtag tu don gyi bya byed pas// so so'i skad cig de nyid la// rang gi dngos po nyid byed pa'o// bya ba'i don cig byas nas ni// de nyid byed pa ma yin la// byed pa byed par mi sbyor te// byas na de nyid gzhan du 'gyur// snga ma'i rang bzhin rnams kun tu// skad cig gzhan gyi rjes mi 'jug/ skad cig ma yi rgyun 'dra bas// mngon shes la sogs so sor gan//
- 100a
da lta mngon sum gyur pa'i don// yongs su spyod pa de bzhin yang // de ni rnam par gcod pa ste// mngon sum las byung bsgom pa yin// snang ba rnam par nyams nas ni// rgyud gzhan dgos pa ma yin te// bskyed pa gzhan ni 'jigs pas na// rang rig d+hA yi nyams par 'gyur// phra rab rdul ni 'dus pa las// rigs pa'i gzugs su mthong ba yi// lus la shing dang ma la sogs// rags pa cung zad gcig pa min// ji ltar de bzhin bde dang sdug/ bum pa la sogs so sor ro// gcig la bskyod dang dmar pas so// kun bskyod pa dang dmar por 'gyur// gcig la g.yogs par gyur pa yis// lus kun khyab 'gyur de bzhin no// 'on kyang cha shas bskyod sogs pas// yan lag can la min zhe na// yan lag can nyid mi baspyod na// ji ltar yul gzhan thob par 'gyur// rdul phran 'dus par bya rol gyi// snang ba skad cig gang yin pa// shes pa rang gi rnam pa ni// skyes pas yul nyid thob par 'gyur// de nyid tsam gyi spyod yul gyis// thams cad mkhyen pa thob min te// tshogs pa gcig la rag las pas// rgyu ni dbang po dang mnyam 'gyur// bye dang mgye rnam rtags pas// shes pa'i bye brag skyes don med// bems po sems min rnam brtags pas// kun nas skye ba yod ma yin// 'phags pa'i bden/ pa bzhi po yang // 'di la blo dang ldan pas bsgom// yang dag rdzogs pa'i byang chub sems// tshogs ma rdzogs na yod ma yin// mngon du byed pa mi bya ste// byas na theg pa dman par 'gyur// zab mo'i rim la goms pa yis// byang chub rtse ba snying rje yin// snying rje rtsa ba rab sbyor bas// bye brag smra ba'ang de bzhin te// theg chen rim pas goms pa yis// rdzogs pa'i byang chub cis mi 'gyur// gzhan du mdo/
- 100b
sde rtogs pa yi// blo de ji ltar theg chen yin// gang phyir dbu ma dang bral bas// de la'ang sangs rgyas yod ma yin// gnas pa tsam gyi bye brag gis// theg pa nges pa med pa'i phyir// shes rab 'ba' zhig dgra bcom dang // dbu ma pas kyang mthong ba'o// theg chen snying rje sbyor ba las// byin sogs lam ni lhag par 'gyur// sdug bsngal la sogs bden pa rnams// gnas pa'i dbye ba gzhan du 'gyur// gal te chung ngu 'bring sogs pa'i// dbye ba phye ste rab brtags nas// de ni so so rnam pa dgu/ de ni theg pa gnas par bye// mdo sde pa'i gnas pa bsdus pa'o// // rdul phran cha shas med/ pa'i phyir// phan tshun yang dag sbyor ba med// thams cad 'brel med bdag nyid pas// rags pa cung zad tsam yang med// dbang po las 'das rang rgyud pas// 'dus pa yang ni de bzhin no// gal te rags pa'i chos kyi don// shes pa ji ltar dngos med 'gyur// bye dang ma gye rab brtags pas// don gyi chos de med pa ste// phra mo'i dbye bas phye ba ni// rdzas de ji ltar rags pa yin// dngos dang dngos med 'gal bas na// bye dang ma phye gcig pa med// 'gul dang mi 'gul sogs smyon pas// gcig la'ang cha shas yod ma yin// phyogs dang snam sogs bye brag gis// bsgrub pa'i don la nges pa med// / ga dpyir 'di don dngos med de// rmi lam gzugs brnyan la sogs bzhin// sngon po la sogs don med phyir// rnam par shes pa 'thad ma yin// sna tshogs rnam par snang bas na// ji srid sngo sogs gcig pa min// phan tshun 'thad pa ma yin pas// nam shes sna tshogs ma yin no// bag chags stobs kyis bzung ba dang // 'dzin pa lta bur phye ba'i phyir// snang ba'i bye brag sngon po sogs// bden min 'khrul
- 101a
pas rnam pa med// 'gro ba rnam rig tsam du ni// de bzhin bcom ldan 'das kyis gsungs// de ltar bus pas rnam brtags pa'i// bag chags kyis ni dkrugs pa'i sems// don du rab// tu snang bar 'jug/ rnam pa med par mos pa yin// gsum po dmigs pa med pa ste// sbyin dang tshul khrims bzod brtson 'grus// so sor 'khor gsum rtse gcig bya// thos dang bsam pa las byung dang // bsgom pa las skyes shes rab ni// bsam gtan las skyes rnal 'byor gyis// zhi gnas dang ni lhag mthong ngo // bcom ldan 'das kyis de gsungs pa// sems tsam la ni brten nas su// phyi rol du ni mi rtag go/ de bzhin nyid la gnas bcas nas// sems tsam las kyang 'da' bar bya// sems tsam nyid la 'das nas su// snang ba med las 'da' bar bya// snang med gnas pa'i rnal 'byor pa// des ni theg pa chen po mthong // 'jug pa lhun gyis grub cing zhi// smon lam rnam par dag nas ni// ye shes dam pa bdag med pa// snang ba med pa mthong ba yin zhes gsungs so// sna tshogs gsal ba de nyid kun tu brtags pa sdug bsngal te// kun 'byung gis ni bag chags gzhan gyi dbang gi rang bzhin no// sbyin pa la sogs lam nyid yongs su rdzogs pa 'gog pa ste// rdzogs par yongs su grub pa rnams med rnam par rig pa tsam// rnal 'byor spyod pa'i lam rnam pa med pa'i gnas pa bsdus pa'o// // gang gang cung zad snang ba ni// de de sems la shin du gsal// ji ltar de bzhin rmi lam sems// gzugs la sogs pa so sar snang // ji ltar so sor snang ba'i sems// bag chags la ni rnam gnas pa// ci ste don med rnam shes ni// ji ltar gzhan las
- 101b
shes par 'gyur// don gyi snang ba'i phyi rol na// bse ru lta bur thub pas gsungs// gzung dang 'dzin pa stong par ni// snad med pa dag 'dod pa yin// rnam shes so sor snang bas na// sngon po la sogs don med de// de phyir kun gyi rnam pa bsgom// mi rtog snying rje chen po yin// kun 'byung bag chags bstan pa ni// sbyin pa la sogs bag chags spangs// sdug bsngal thams cad 'gog pa yang / sna tshogs gnyis su med pa mthong // rnam pa kun gyi mchog ldan pa'i// gzung dang 'dzin pa stong pa nyid// gsal bar byed pa'i chos sku las// longs spyod rdzogs dang sprul pa 'phro// gzung ba la sogs med pa'i dngos// snang ba'i bag chags yod ma yin// de bzhin gnyis ka yang ma yin// gzugs las gzhan du mi brtag go/ mtha' bzhi las ni rnam grol ba'i// dngos po 'di ni med pa min// rnam par mi rtog rang bzhin yang // ye shes rang rig nyams myong yin// rnal 'byor spyod pa'i las rnam pa dang bcas pa'i gnas pa bsdus pa'o// // mu stegs sangs rgyas par ma btus// gsum ni med par ma 'dod pas// legs shing mdzes pa dam pa'i chos// med par gnas pa'i sdig pa yin// dbu ma chen po'i rang bzhin nyid// gnas pa thams cad rnam spangs pa// btud de gnas pa zad byed nyid// lung dang rig pas bshad par bya// khams rnams nyid las grub pa gang // rkyen las skyes pa skad cig ma// gcig dang du ma dang bral bas// de nyid dngos po med pas yin// de yang lus la rkang lag dang // mgo dang rgyab sogs phye ba las// lag pa la sogs gcig kyang med// so sor phye bas byung ba yin// ji srid de yi cha phye ste/ rdul phran rnam par dpyad pa ni// lus po nyid na bshad pa las// rten dang rten pa la
- 102a
sogs shes// gcig gi dngos po bkag pas na// du ma'ang yod pa ma yin no// rmi lam dang ni mnyam gnas par// sngon du bkag pa nyid kyi min// shes pa'i rang bzhin med pa'i phyir// rig pa nyid dang 'gal ba min// gang phyir spyi yi gtan tshigs kyis// brjod pa dam pa'i chos yin no// // kun rdzob don byed nus pa yi// sna tshogs 'di ni rang bzhin med// de ni shes dang shes bya nyid// kho bos ci zhig yongs su brtag/ gzugs sogs so sor snang ba la// de nyid rnam par shes pa la// de ltar sgrub thabs lta byas te// blo ldan rig pas mi 'grub med// kun rdzob du ni skye ba gang // de ni skye ba med pa'i don// de phyir skye ba med pa'i sems// rang bzhin med pa'i phyir bzhin no// skye ba grub pas yod pa yin// yod pa yin pas med pa'ang med// rgyu yi dngos po med pas na// / rang bzhin gzhan las skye ba min// ji ltar gzugs brnyan 'byung ba ltar// bden min brdzun pa ma yin gzugs// de nyid chos rnams thams cad de// rang bzhin rig pa rnams kyi lugs// 'dus pa// mkhar dang gos la sogs// brtsams pa kun rdzob dngos po ste// 'di ni rang bzhin ma skyes pas// 'dus pa nyid kyang de bzhin no// de phyir bcom ldan 'das nyid kyis// 'gro ba 'di dag ming tsam gsungs// gzhan gyis sbas pa 'di dag kun// bdag gis legs par brjod pa yin// phyogs ni snga mar brjod pa dag/ de yi blo gros bsal nas su// rang gi phyogs ni bdag gis bshad// ji ltar me long la gzugs brnyan// gcig dang gzhan nyid spangs pa ltar// snang las gzhan na yod min te// de ltar dngos po'i rang bzhin no// 'jig rten sgyu ma rmi lam bzhin// rgyu dang rkyen ni rnam par
- 102b
spangs// rtag tu rgyu med par snang bas// rnam par rtog pa mi 'jug go// gang la dngos po yod min pas// sems tsam du ni rtogs par bya// ji ltar dngos po med pa'i sems// sems tsam du ni rigs/ bdag/ gnas ldan pa'i gyi grag gas// zlag ta mas na 'jugs/ lag d+han pams mas da // rnams la na pa gas sa// gras dang pangs sna ba ga/ gang rnal pa kyang bas na// sems ni gnyis su 'gyur ba ste// sems kyi mtshan nyid gnyis man no// gang pyir ji ltar ral gri'i so// dza g+hang rang gi mdzub rtse yi// me tsher po dang mi reg pa// de bzhin sems nyid rang snang ba'o// gzugs brnyan bzhin du snang ba'i sems// sngon du goms par gyur pa'i blos// ji ltar 'byung ba rnam par mthong // don gyi rnam pa don yod min// gang zag rgyun dang phud po dang // de bzhin rkyen dang rdul phran/ dang // gtso bi dbang mug byed pa 'o// sems tsas pa pa rnam par brtags// kyi rib dan mthong log pa ste// don gzhan med pa'i sems nyid do// rig pas yid la brtags nas ni// gzu dang 'dzin pa 'gog pa'o// bla yi rnam par gzhigs na ni// rang bzhin nges par gzung du med// de ni brjod du med pa/ phyir// dngos po med par bstan pa yin// yid la b+h+yo yi rnam brtags na// gzhan dbang med cing kun brtags med// yongs su grub pa'i dngos med na// ji ltar blo yi rnam par dpyad// rang bzhin med cing rig byed med// dngos med gzhi yang yod ma yin// nus pa ro dang / mtshungs pa'i phyir// rtog ge ngan pas 'di dag brtags// dngos po mtshan ma rnam rig go/ yid log g.yo ba gang yin las// nga yi lus rnams 'das nas su// rnam par mi rtogs pa yi spyod//
- 103a
de bzhin nyid dang stong nyid mtha'// mya ngan 'das dang chos kyi dbyings// skye ba med pa'i chos rnams ni// dam pa'i don gyi rang bzhin no// phyi rol dngos dang dngos med de// sems kyi yongs su bzung ba med// lta ba thams cad spangs pa gang // skye ba med pa'i mtshan nyid do// gang phyir tshogs pa'i rkyen yod na// 'jug pa dang ni ldog par 'gyur// tshogs pa so sor gyur na ni// skye ba med cing 'gag pa med// yod med dngos po skye ba med// sems ni yod min med pa min// gang phyir las gzhan 'dus pa las// 'jug pa dang ni ldog pa min// gang tshe 'jig rten 'di dag kun// 'dus pa nyid ni mthong ba ste// tshogs pa tsam po 'di nyid ni// de tshe sems la mnyam par gnas// gang la cung zad skye med pas// dag pa cung zad yod ma yin// de ni yod dang med min te// 'gro 'di brjod du med par lta'o// zung du 'jug pa yongs shes na// byang chub sems dpa' snying rje che// mkhas pas kun rdzob de nyid kyang // mi spang bar ni spyad par bya// gang phyir kun rdzob log na ni// de phyir de nyid ci yang med// kun rdzob nyid kyis skye ba gang // de nyid skye ba med pa'i don// 'di ni zung 'jug de nyid de// rkyen las skyes pa'i mtshan nyid do// de bzhin nyid dang chos kyi dbyings// shes rab pha rol phyin pa'i mchog/ yang dag mtha' dang skye ba med// mi dmigs pa dang mya ngan 'das// stong nyid mtshan ma med pa dang // smon pa med dang 'dus ma byas// rmi lam sgyu ma la sogs dpe// de nyid rgyal ba rnams kyis bsgrubs// theg chen 'di// ni mchog yon te// nges don mdo sder bsdus pa yi// mdo sde lta zhing nyan pa la// 'di ltar 'bad pas bsam par bya// snying rje sems can la bskyed de// byang chub sems ni brtson byas nas// byang chub sdom
- 103b
gnas brtson chen pos// rang bzhin med pa bsgom par bya// 'phags pa'i lam brgyad la gnas te// sbyin dang tshul khrims sogs la 'bad// mkhas rnams gang phyir bden gnyis gnyis med 'dis// ji ltar de nyid don de chad pa lta bur ni// mngon sum grub pa skye dang 'gag pa'i snod yin te// gal te don skyes rnam par nyams pa'i skyon yin no// gang phyir ji ltar me long nang du gzugs brnyan mthong // rig pas brtags pa'i stobs kyis de med de mthong med// phyi yi don med 'di med rnam pa sna tshogs sems// 'on kyang rten 'brel dag la rig pas 'gal ba med// 'di ni dbu ma'i gnad bsdus pa'i// de ltar mtha' bzhi rnam spangs pa// brtags te brtan par byas nas su// skye ba med cing gnas pa med// 'gag pa med cing mtshan nyid med// rang rig rkyen las skyes pa ste// de nyid pha rol phyin pa'i tshul// phyag rgya bzhi yi rang bzhin lung // sngags kyi tshul la brten nas su// bla ma'i khyad par myong ba yis// ma brtags par yang som nyi med// stong pa nyid ni rang rig ste// thabs dang shes rab bde chen po// 'bras gnas bzhin du rtsod pa med// byang chub sems ni rnam par bsgom// de skad du yang / gsang sngags tshul de shes pa yis// sngags kyi lugs kyi khyad par gsungs// don gcig na yang ma rmongs dang // thabs mang dka' ba med pa dang // dbang po rnon po'i dbang byas nas// sngags kyi bstan bcos khyad par 'phags// gang phyir stong pa rigs pa nyid// ye shes rang bzhin skad cig ma// gang phyir rdo rje sems dpar nges// phung po de bzhin gshegs par rtogs// rig pa'i rtobs kyis gzhag pa gang // ma brtags pa ru sbyor ba don// ci ste yongs su brtag bral ba// sngags kyi tshul dang bral na ni// rnam pa kun tu dpe med ni//
- 104a
zag pa med pa'i bde ba che// lha yi nga rgyal lta byas pa// ji lta stong nyid nyams su myong // las kyi phyag rgya legs grub nas// chos kyi phyag rgya rab phye bas// phan tshun re ba med na ni// dam tshig/ 'bras bu ji ltar yin// thabs ni mang po rnams kyis su// nyams su myong ba'i khyad par dang // las dang chos dang phyag rgya che// dbye ba gzhan du ji ltar yin// shin tu dbang po rnon po yis// stong nyid nyams// su myong ba'am// bde chen mngon par byang chub la// 'dod pa kun la longs spyod pas// der ni shin tu bde ba nyid// de ltar thabs kyi dngos po yis// dbang po'i dus la goms pa las// gzhan du ji ltar dka' ba min// pha rol phyin pa kun bdag nyid// bsgom pa'i stobs ni rdzogs pa ni// rdzogs pa'i byang chub sgrub pa la// dbang po rnon pos cis mi 'grub// lhan cig skyes dga' rtogs pa'o// oM ba la ni phyag byas nas// phyag rgya'i rang bzhin mdor bsdus pa// sngags kyi theg pa bshad par bya// / shes rab sprul pa'i gzugs can ma// las kyi phyag rgya bdag med nyid// lus dang ngag dang sems kyi las// ye shes gtso bo'i rang bzhin no// gar phyir de las shes pa gang // dga' ba la sogs rim skyes pa// dbus su rnam par shes pa ste// de ni shes rab ye shes brjod// rnam bcas dang ni rnam pa med// de bzhin dbu ma'i rtogs pa'o// ji ltar mos pa'i ye shes ni// man ngag gis ni thob par 'gyur// gsum pa'i lhan cig skyes par rtogs// bcan thabs dbang gis bzhi pa ste// rlung ga bkod pas sna rtsel// mi 'gyur ba yi sbyor ba yin// ji lta ji ltar bde ye shes// thabs kyis rab tu bsgrub pa yin// de lta de ltar rtogs pa ste// rtog pa lhan cig skyes pa mchog/ gar phyir 'bras bu 'dra ba'i dbang // btsan thabs
- 104b
lhan cig skyes par 'dod// yun rings dus su 'bral med gnas// ma bcos pa yi tshogs yin no// de gsungs pa/ dga' ba khu ba 'bab pa ste// gtsug tor smin phyag pad+ma'i tshad// mgrin pa snying gar mchog dga' ste// de nas dga' ba bral bar 'gyur// sna tshogs rol mos lte ba nas// ji srid gsang ba'i pad+mar son// de srid gsang ba'i nor bu nas// ma 'phos bar du lhan cig skyes// mi gnas pa yi mya ngan 'das// 'dod chags chen po'i khyab bdag gtso// ma 'phos bde ba chags bral te// 'di ni mya ngan 'das par gnas// chags bral las ni sdig pa med// bde ba mchog las bsod nams me// de phyir mi 'gyur bde ba'i sems// rtag tu nges gnas mos par bya// 'pho ba las ni chags bral 'byung // chags bral las ni sdug bsngal 'byung // sdug bsngal bas ni khams zad de// khams zad pas ni 'chi bar 'gyur// shi nas de dag gzhan du'ang 'byung // srid par 'ching zhing skye ba skye// de phyir 'bad pas thams cad kyis// chags pa dor ba rnam par spangs// chags bral 'dod ldan ma yin te// 'dod pa'i sbyor thabs mi 'dod na// nga yi bstan pa rgyun tu yang // ci sterna la 'byor sdug bsngal bskyed// bde ba mi 'gyur rang bzhin gyis// mi 'gyur mchog ni bsgrub par bya// rten ni shor bar gyur pa yis// brten pa chags dang bral ba yin// spyi bor rgyas pa'i theg le ni// shes rab chags las zhu bar 'gyur// gang bar gnas pa'i go 'phang ni// bcings pa dam pa'i don yin no// ji ltar zla ba 'char ba'i rims// 'phel ba'i dus kyis rdzogs par 'gyur// de bzhin sems bskyed rim pa ni// 'phel ba'i dus kyis rdzogs pa yin// de ni gcugs nas byung nas su// rdo rje nor bur gang bar
- 105a
'gyur// de ni chags dang bral na nyams// rdo rje rtse mor rab rgyas 'gyur// bde chen rang bzhin 'di nyid ni// rdzogs pa'i sgra yis bstan pa yin// rdzogs pa mi bskyod gyur pa yis// skad cig/ gcig mngon rdzogs byang chub// ji ltar chu bo'i chu sna tshogs// rgya mtsho chen por ro mnyam 'gyur// de bzhin dngos po sna tshogs kyang // mi 'gyur ba der nyams par 'gyur// ji ltar khams rnams 'dus pa nyid// gang zhig dngul chus phug pa ltar// dngos po sna tshogs 'di dag kyang // mi 'gyur mchog gis za ba yin// mi 'gyur mchog gi bdag nyid kyis// rnam pa kun gyi rang bzhin 'dzin// stong pa las skyes dngos po rgya// mi 'gyur las skyes bde 'bras bu// rgyu las 'bras bu bde rgyas btab// 'bras bu la yang rgyus rgyas btab// stong nyid dngos po 'dzin pas n+ya// mi 'gyur snying rje 'dzin pas 'bras// byang chub sems de ma 'bros na// stong nyid snying rje dbyer med pa// ngo bo nyid kyis ma skyes pas// 'byung ba zad par mi 'gyur te// sa tshogs 'di ni rang bzhin med// dngos dang / dngos med mtshan nyid gcig/ yul dang dbang po'i sgo yis su// sems ni rdzogs pa'i rang bzhin te// gzhan du sbrul gyis zos pa yi// sdug bsngal tshor ba rig pa min// ji ltar lcags kyi phyogs gci/ na// gang phyir gser 'gyur rtsi gnas pa// 'bar ba'i me yi bsdigs na ni// thams cad gser du 'gyur ba yin// de bzhin sems kyi phyogs gcig tu'ang // mi 'gyur bde la legs gnas pa// 'dod/ pa'i me yis rab bsregs nas// thams cad bde bar gyur pa yin// ji ltar lcags ni gser gyur na// nam yang nag por 'gyur ba min// de bzhin sems nyid rtogs pa yang // nam yang bag chags
- 105b
'gyur ba min// gang phyir me yi sbyangs pa'i gser// lcags su gyur pa ma yin no// de bzhin phyir zhing phyir zhing sems// 'dod chags me yi dri ma med// 'dir mang smra ba ci zhig dgos// 'jig rten kun rdzob// bden pa la// lcags ni 'gyur bar byed pa yi// ci yi rang bzhin bsam mi khyab// den dam par ni rab btags na// tho bar drims bsgos pa yi// sems nyid rtogs par gyur pa na// ye shes rang bzhin sa ci dgos// ji ltar ci yi bskur ba'i lcags// lcags kyi rjes su 'gro ba min// de bzhin bde bas bsgyur ba'i sems// sdug bsngal nyid du 'gyur ba min// zhes so// yang gsungs pa/ rdo rje dbyings phyug ma yirtsa// b+ha ga'i dbus nanam par gnas// 'bad pas nye bar thob nas su// bla ma'i bka' la goms pa yis// mdzub mo cung zad skyong ba yis// phyi nas lce dang rdo rje yis// rtsa de rgyas par gyur pa las// mchog tu bde ba rab tu 'bab// pha rol gyin bcu rdzogs pa ste// stobs dang dbang po rnams dang ldan// sa bcu las ni 'das nas su// de las rtags su gyur pa med ces so// yang gsungs pa/ gang che ye shes mthong ba ni/ nal 'byor pa ni bde bar gnas// 'gyur med thun nas zhag gcig gam// zla byed zla ba la gcig gam// bskal pa'am bskal pa stong du 'am// ye shes mngon par sbyor bas gnas// yang gsungs pa/ ji srid rnal 'byor byang chub sems// gtong bar byed pa ma yin pas// de srid rgyun mi 'chad pa 'thob// dga' ba las skyes bde ba yi// byang chub sems de lhung gyur na// dngos grub kun gyi gter yin pas// rnam shes/ phung po brgyal 'gyur nas// dngos grub ma smad ga la yod ces gsungs so// las dang dam tshig phyag rgya yi// dus su lhan cig skyes pa rtogs// chos kyi phyag rgya phyag rgya che// gnyis ni lhan cig skyes pa
- 106a
mchog/ byang sems bral na bde ba ni// brgya lam na yang mi 'thob po// bde chen nyid ni ma rtogs pa// nam yang gsang sngags theg pa med// shes rab ye shes thob pas na// las/ kyi phyag rgya lhan cig skyes// tha ma 'bring sogs dbye ba yi// de nyid rang bzhin dkyil 'khor bsgom// las kyi phyag rgya snyoms zhugs pas// dam tshig dkyil 'khor bsgom par bya// tha mas bskyed pa bsgom pa ste// las kyi yan lag dang bral 'bring // rab kyis kyang ni bsam bya ba// myur du rdzogs pa'i dkyil 'khor ro// chos kyi phyag rgya bsgom pa ni// thams rtsa dang yi ge rim// gtum mo'i bye brag 'bring gis so// mi shigs pa ni rab kyis te// thig le pra sogs rnal 'byor pas// bsdus pa rig par 'dod pa yin// rab kyi tha mas bsgom bya na// khams gsum po ni gzhal yas khang // sems can rnams ni dkyil 'khor// ba// rnal 'byor pa ni dkyil 'khor ba dag/ de bshad pa/ 'di ni gnas gsum ma yin gzhal yas khang pa yin// srog chags ma yin 'di ni rgyal ba yin// 'khor lo'i bdag po nga yin dbang po ma yin te// sa la sogs pa'ang ma yin gzugs la sogs pa'ang min// chos nyid bdag nyid de nyid des na dkyil 'khor pa yang yin// sna tshogs dkyil 'khor 'khor lor shes na ci ste 'khrul par byed// ces bstan to// khams bzhi dang ni phung po dag/ lha mo ye shes he ru kas// 'khor lo rgyas btab de bzhin nyid// rab kyi 'bring po'i bsgom bya ba// sna tshogs bdag med de bzhin nyid// thabs dang shes rab stobs kyis su// zung 'jug ldan gyis grub pa ste// dkyil 'khor snying po bsdus pa nyid// sems ni rtog med sbyor bas kyang // sems de nyid ni brtag mi bya// kun nas thams cad mchog yin te// rnam shes dbang /
- 106b
pa'i phral las 'das// dngos dang dngos med rang bzhin nyid// dngos dang dngos med rnam par sbas// mtha' bzhi las ni nam grol zhing // mtha' bzhi dag ni mnyam par brten// sna tshogs sde btags gnas pa med// chags med bde ba chen po nyid// 'bras bu de nyid mi mthun phyogs// brtags pa de nyid ma brtags pa'o// de rkyen thob pas skye ba ste// skye ba med pa'i rang bzhin te// bem po med de/ rang rig pas// ye shes pa dang ma mthong ba// brtags pas nam mkha' dngos med de// de ni mi 'gyur brtan pa'o// chad pa min pas dngos med min// skye ba med par rang bzhin nyid// kun rdzob las skyes dngos po ste// chos rnams thams cad lhan cig kyis// gnyug ma'i dga' ba'i rang bzhin nyid// bdag byin rlabs pas rang byung ste// mi nyams pas na mi shigs pa'o// chos kyi phyag rgya phyag rgya che/ gnyis med mos pas ldan pa'o// dbang po mchog gin la 'byor pa// rab kyi yang ni rab yin na// chu dang 'bras bu dbyer med pas// bsgom pa'i rim pa bdag la med// ji ltar basbed pas nyams byung bas dran dang dran pa nyams pa med// ma skyes pa yi tshong bas// de bzhin bsgom pa 'ang rtogs pa'o// gang phyir shes rab bsgom pa yis// stong nyid so sor rtogs pa yin// dpal ldan dgyes rdor sogs rgyud du// bcom ldan 'das kyis gsal bar gsangs// chos rnams thams cad yongs shes nas// bsgom pa nyid ni sgom pa min// gang phyir bdag byin brlab rim des// zung 'jug rim pa'ang de bzhin no// bde chen mngon par rdzogs byang chub// de bzhin phrag rgya chen po mchog/ chos kyi de nyid rig pa yis// ngal bar gyur pa ma yin no// chos kyi de nyid la bzhugs phyir// de yi 'byed par rab tu bstan// bla mdam
- 107a
pa'i man ngag gis// gsal bar 'gyur gyi gzhan du min// 'di la gzhan gyis bstan pa yis// don rtogs pa ni ma yin no// chos 'byung las skyes ye shes ni// ji bzhin 'di la rtogs/ pa gsungs// rang gi mos pas tshig gi don// gzung ba dngos nyid ma yin no// de bzhin bzhi po thams cad kyang // 'di la sogs pa gsungs pa ni// ji ltar de bzhin sku bzhi pa'o// bla ma dam pa'i thabs// kyis gsal// stong nyid bde ba dngos po ste// bde ba bde ba chen por 'dod// bde ba ro mnyam bde ba nyid// lhan cig skyes pa chos kyi sku// de nyid bde ba'i don byed pas// longs spyod rdzogs dang sprul pa/ yang // rnam pa lnga yo dod nyid// thams cad gzhug mar bye brag med// ces pa dang / sangs rgyas su lnga'i bdag nyid can// zhes pa la sogs gsungs pa yang // skul zab par gyur pa na/ @# gcig pa yi tshul// sku bzhi du ni rnam phye ba// dbyer med pas na rnam lnga'o// de nyid tsam du gcig pa 'di// sku yang de ltar 'dod pa yin// ji ltar 'di ni bdag gi blos// so sor rig pa nyams par 'jug/ dam chos yul la shes rab kyis// ji ltar blo gros kyis thob ltar// 'di ni cung zad brjod pa las// ji ltar byung ba'i don rtogs pa// 'gro rnams de yi snod du shog/ gnas pa bsdu ba rdzogs so// slob dpon chen po dpal lhan cig skyes pa'i rdo rjes mdzad pa/ bla ma d+ha ri shI dz+nyA na'i zhal ldan sa dang / bod kyi lo tsa ba rma ba na chos 'bar gyis bsgyur ba'o// // byis par ston gyis zhus nas bla ma rgya gang ba dang / mtshur lo tsa bsad pa phyi mo la gtugs te gtan la phab pa'o// @#// bsar gyis mi thal pa'i rim pa'i man gces bya brtsog tu zhabs kyis mang nga ba bzhugs so// @#// rgya gar skad du/
Colophon
gnas pa bsdus pa rdzogs so/_/slob dpon chen po dpal lhan cig skyes pa'i rdo rjes mdzad pa/_bla ma d+ha ri shrI dz+nyA na'i zhal snga nas dang /_bod kyi lo tsA barma ban chos 'bar gyis bsgyur ba'o/_phyis par ston gyis zhus nas bla ma rgya gar ba dang /_mtshur lo tsA bas dpe phyi mo la gtugs te gtan la phab pa'o