Q3053MW1KG13126_3053rgyud 'grelAll versions of this work

dam tshig gi rgyan

Samayaalaṅkāra

Text

ff. 224a–226a · 5 folio sides

  1. 224a

    blug/ sngags dang phyag rgya byin gyis brlab// paM las pad+ma dkar po ste// sngags dang phyag rgya ting 'dzin gyis// phyogs skyong rigs drug 'khor dang bcas// spyan drangs gdan la bzhugs su gsol// oM in+d+ra ye hU~M dzaHag na ye hUM dzaH/ ya ba ye hUM dza ni rai ta ye hUM dzaH/ ba ru Na ye hUM dzaH/ bA ya be ye hUM dzaH/ ku be ra ye hUM dzaHI sha na ye hUM dzaH/ hi ta a d+hi pa ta ye hUM dzaH sur+ya tsan+d+rA ya hU~M dzaH/ spyan drangs pa liM yongs su dbul// bstod dang dngos grub blang ba dang // tha ma tshig bcad bsngos byas nas// smon lam rdzogs par gdab par bya'o// gtor ma'i man ngag gzhung don 'di// sgrub pa po yi don du bris// tshig dang don gyi nges pa rnams// rigs lnga bde bar gshegs pa dang // mkha' 'gro rnams la bzod par gsol// sngon bya med dang go rim bral// 'di ni bar chod sbyor ba ste// de nas bar chod sbyor ba yongs spangs nas// dngos grub klu mo mkha' 'gros 'byung // bdag gis 'di brtsams bsod nams kyis// rags dang phra ba'i rtog pa/ kun spangs nas// sems can ma lus thams cad kun// gsang chen lam la rab gnas nas// gos sngon dngos grub thob par shog/ gtor ma'i rgyan gyi man ngag dge slong klu'i byang chub kyis mdzad pa rdzogs so// dam tshig gi brgyad bzhugs/ @#// rgya gar skad du/ sa ma ya a laM k+Sha ra/ bod skad du/ dam tshig gi rgyan phyag na rdo rje la phyag 'tshal lo// dam tshig med dang 'chal bar gtong / som nyi la sogs bsal ba'i phyir// dam tshig rnams ni mdor bsdus nas// gsang ba bdag la 'dud de bshad// sngags pas srung ba'i dam tshig ni// dang po byang chub sems bskyed/

  2. 224b

    nas// nya 'am stong gi dus dag tu// yan lag brgyad pa nyer gnas te// lo gcig pa 'am zla gcig go/ de nas ji srid sems bskyed de// bslab pa lnga po legs gzung nas// lo gcig zla gcig bar dag tu// sdom pa brtan par gzung bar bya// de nas dge tshul dge slong gis// bslab pa la ni legs gnas te// mi btang lo 'am zla ba 'am// sdom pa nyams pa blang bar bya// so sor thar pa'i sdom pa la// gang zhig gis ni legs gnas na// mkhas pa rnams kyis dus kun tu// srog gi phyir yang mi btang ngo // gang zhig gis don de goms 'gyur// gang tshe gong ma'i bslab gnas pa// de tshe 'og ma'i ming dang bral// dang po sbyin pa bslab bya ste// dngos po bcu gnyis yang dag ldan// bzod dang brtson 'grus bsam gtan dang / shes rab gsum ste gsum du bsten// gzhan gyi mya ngan sang la sogs// sems can don 'gyur thams cad kun// srog gi phyir yang mi btang ngo // sdom pa lo'am zla ba ru// brtan nas sngags kyi dam tshig blang // spyi dang khyad par gnyis su shes// dang po bdag ni bshad bya ste// dang por slob dpon mnyes par bya// yi dam spong len mi bya ste// lus dang ngag yid sku gsung thugs// phyag rgya che la rab tu gnas// dam pa rnams ni smad mi bya// gsang ba'i don yang bstan mi bya// rtags chen sku yang mi bstan te// bzlas dang sems nyams bstan / mi bya// rdo rje dril bu phreng ba dag/ skad cig tsam yang spang mi bya// grogs po'i sems ni dkrug mi bya// khyad par grogs la smos ci dgos// tshegs dang gtor ma sbyin sreg bu// maN+Dal

  3. 225a

    sAts+tsha la sogs pa// srog gi phyir yang mi btang ngo // chos kyi spyod pa gzhan rnams kyang // spang bar 'gyur ba smos ci dgos// sha chen khrag dang khu ba dang // dri chen dang ni rba/ chu dang // blang dang spang bar bya ba min// rtsa ba byang chub sems mi btang // chos la smod pa spang bar bya// dad ldan bsam pa sun mi dbyung // bud med rnams ni spang mi bya// spang dang/ blang bar bya ba min// bgrod min la ni bgrod pa min// spong ba mi spong gyur pa dang // blang bya mi len spang bar bya// dug lnga spong ba spang bar bya// thang ba yang ni spang ba min// rtsa ba dam tshig yan/ lag spyad pa nyams na bshags// rdo rje slob dpon las phan yon nyes dmigs// bzod pa la sogs bsgom pa/ dam pa ma yin bsten mi bya// 'du 'dzi nang du 'jug mi bya// dgongs pa can gyi gzhi rnams kun// bla ma med par bsten mi bya// dkyil 'khor la sogs sbyor ba yis// gzhan la phan 'dogs byed pa rnams// cho ga rdzogs par bya ba min// ma rdzogs par ni spang / bar bya// 'jug kyang lhag chad 'gyur ba yi// dus ma yin pa'i spyod pa spang // dus kyang gzhan dang mi mthun spang // grogs su 'gyur na smod pa spang // rtag tu mi dang spyod pa bstun// dang po dka'// thub bstan pa ste// tha ma'i dus su spang bar bya// chang sogs nyes par gyur pa spang // thabs ldan dngos grub sbyong bar 'gyur// gang tshe bcom ldan rdo rje can// de bzhin sangs rgyas thams cad kun// bslab pa 'di la bsten pas 'grub// bslab pa dag la mi gnas par// rtag tu bya ba rnams la 'jug/ skyes bu de ni bdud kyis bslus// gang zhig bzod pa mi bsten pa'i// rnal 'byor 'bras//

  4. 225b

    bu mi 'dod 'du// dgra sogs nyes pa ci byas pa// rang gi zhe sdang khros rbad pas// nyes na zhe sdang khro bar rigs// dgra rnams gzhan du bros phyir min// de phyir de la nyes pa med// bzod na dge rtsa kun gyi mchog/ nga rgyal la sogs nyon mongs kun// bskyed pa don med spang don can// de phyir nyon mongs spang bar bya// khyad par thod pa'i phreng ba can// gos sngon po dang ru drAk+Sha// rus pa'i phreng ba blang bar bya// dus kun tu ni rang la mchod// rtag tu bla ma mnyes par bya// rtag tu rang lha bsnyen pa bya// rtag tu rang gi dam tshig bsrung // rtag tu sngags kyi spyod pa bstan// rtag tu chos kyi dam pa blang // rtag tu khrus kyi cho ga bya// srog gcod pa yi sems can pas// kun tu rgyug par byed pa bla// de bas mkhas pas dus kun tu// srog gcod pa ni spang bar// grong khyer 'jug dang gtor ma btang // srog gi phyir yang mi btang ngo // dam tshig rtag tu srung byed pa'i// rnal 'byor de la dngos grub 'byung // dam tshig rnams ni rdo rje che// dam tshig gdug pa zil gyis non// dam tshig thub dka' gdug pa 'joms// de bas mkhas pas dus kun tu// dngos grub 'grub 'gyur dam tshig bsten// gang dag dam tshig med cing sbyor ba kun spang ba// rtag tu dngos grub sbyor spangs sdug bsngal thams cad bskyed// 'gro ba sdug bsngal sel mdzad sangs rgyas rdo rje can// rtag tu thub byed sdom gnas rtag tu bde ba'i mchog/ bla med lam mchog gsang ba de nyid gsang // mi gnas dngos grub med cing cha grang sdug bsngal myong // don nor smra ba nyams shing slob dpon bka' sogs bcag/ spyi gnas bla med blang zhing mkha' 'gros snying 'dren na// gnod byed me dpal rtag tu

  5. 226a

    dgra bzhin spang // yid bzhin nor bu rang gi srog bzhin blang // srung dang blang sogs bca' thabs mkhas pas bya// des ni rtag tu bde ldan sdug bsngal spang // bdag gis thabs 'di brtsam par mi rigs kyang // bslab pa gnas phyir nor bu len byed brtsams// 'di las bdag gis bsod nams ci thob pa// des ni thams cad bde bar gnas par/ shog/ dam tshig gi rgyan rdzogs so// // spyir sdom pa la// bsnyen gnas sdom pa nya stong ngam// tshe brgyad gang na gang ngo // dge bsnyen sdom pa la/ dbye na sna 'ga' srung ba'i dge bsnyen rtsa ba lda nas 'ga' snyan pa'o// tshangs par spyod pa'i dge bsnyen ni// rtsu ba las 'dod chags rang gi bud med min pa spangs pa'o// yongs su rdzogs pa'i dge bsnyen la lugs gnyis te/ rtsa ba lnga ka srun pa'o// yongs su rdzogs pa'i dge bsnyen la// dge tshul gyi sdom pa nas phyi dro'i kha zas kyi bar du bya ba nas// khyim pa'i rtags spang ba de gnyis min pa bcu'o// dge tshul gyi sdom pa la bcu gsum mo// dge slong la khrims nyis brgya lnga bcu rtsa gsum mo// byang chub sems kyi sdom pa la nyi shu tham pa sngags kyi dam tshig la rang gi dam tshig dang sngags pa'i gnyis so// de tshe yod tshad/ yang ldan du brtsi sngags kyi sdom pa'i khog tu brtsi gsung // // 6/ gos sngon can gyi sgrub thabs bzhugs/ @#// rgya gar skad du/ Ar+ya nI lAM ba ra d+ha ra badz+ra pA Ni satwa ne pi ka/ bod skad du/ 'phags pa lag na rdo rje gos sngon po can gyi sgrub thabs/ dpal ldan gos sngon can la phyag 'tshal lo// 'gro ba sems can mun 'thobs pa'i// kun nas dkris pa'i nyon mongs kun// sgron mes bsal phyir

Colophon

dam tshig gi rgyan rdzogs so/