stong chen po rab tu 'joms pa zhes bya ba'i mdo
Mahāsahasrapramardanasūtra
Text
ff. 430a–467a · 75 folio sides
- 430a
kyang lags/ / sgyum smrig rgyu dang ni rgyu yi zla ba 'dra// 'dren pa khyod ni spyong pa che dang ldan pa lags// de nas bcom ldan 'das gdan las bzhengs te/ tshangs pa'i sgra dbyangs kyis bka' stsal pa/ rigs kyi lha mo legs so// khyod yang legs so// bcom ldan 'das kyis de skad ces bka' stsal nas/ rigs kyi lha mo byang chub yang dag par bsdus pa dang / lha mo chen mo dbyangs can la sogs pa lha mo de dag thams cad dang / lha mo dpal la sogs pa lha mo'i tshogs de dag thams cad dang rnam thos kyi bu la sogs pa lha'i dbang po de dag thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// gser 'od dam pa mdo sde'i dbang po'i rgyal po las/ bsdus pa'i le'u zhes bya ba ste nyi shu rtsa gcig pa'o// / 'phags pa gser 'od dam pa mdo sde'i dbyung ba'i rgyal ba zhes bya batheg pa chen po'i mdo rdzogs so// rgyu gar skad du/ ma hA sa ha sra pra mdzan suH/ bod skad du/ stong chen mo rab tu 'joms pa zhes bya ba'i mdo/ sangs rgyas dang byang chub sems dpa' thams cad la phyag 'tshal lo// 'a
- 430b
skad bdag gis zos pa dus gcig na/ bcom ldan 'das rgyal po'i khab na/ bya rgod phung po'i ri'i lho phyogs kyi ngos sangs rgyas kyi spyod yul rin po che'i shing ljon pa rab tu snang ba'i nags tshal na/ dge slong gi dge 'dun chen po stong nyis brgya lnga bcu la/ 'di lta ste/ tshe dang ldan pa shA ri'i du dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pag ya 'od srungs dang / tshe dang ldan pa chu klung 'od srungs dang / tshe dang ldan bcang shes bil ba can gyi bu dang / tshe dang ldan pa kun shes ko'u di n+ya dang / tshe dang ldan pa dga' byed dang / tshe dang ldan pa ka t+ya'i bu chen po dang / tshe dang ldan pa ba ku la dang / tshe dang ldan pa ba ku la chen po dang / tshe dang ldan pa rlangs pa dang / tshe dang ldan pa mdzod 'dzin gyi bu dang / tshe dang ldan pa dag dbang dang / tshe dang ldan pa rta thul dang / tshe dang ldan pa rab 'byor dang / tshe dang ldan pa lag bzangs dang / tshe dang ldan pa ma 'gags pa dang / tshe dang ldan pa lteng rgyas 'od srungs dang / tshe dang ldan pa nam gru nas/ tshe dang ldan pa kun dga' bo'i bar du/ de dag la sogs pa'i dge slong stong gis brgya lnga bcu'i dge slong gi dge 'dun chen po dag dang thabs cig tu bzhugs so/ / de'i tshe bcom ldan 'das dge slong gi dge 'dun dang bcas pa la lus 'phags mo'i bu yul ma ga
- 431a
d+ha'i rgyal po ma skyes dgras na bza' dang / bshos dang / gzims cha dang / bskrun gyi gsos sman dang / yo byad rnams kyis bkur stir byas/ bla mar byas ri mor byas/ bsti stang byas/ mchod par byas so// yang de'i tshe yangs pa can gyi grong khyer chen por sa'ang cher g.yos par gyur/ sprin 'dus pa chen po'ang byung // dus ma yin pa'i rlung dang / ser ba chen po dang / sprin chen po las char pa chen po'ang 'bab par gyur/ 'brug kyang di ri ri zer/ glog rnams kyang byung / phyogs bcu'ang 'khrugs par gyur to/ / mun pa mun nag chen po'ang byung ste/ skar ma rnams kyang mi snang/ nyi ma dang zla ba'ang 'od dang mi ldan par gyur te/ lham mer ma yin/ lhan ner ma yin/ lcang der ma yin zhing / 'od mi gsal bar gyur to// de nas yangs pa can gyi grong khyer chen por 'jigs pa de dag byung ba dang / yangs pa can gyi li tsa byi kha cig gi grong gzhan dang / grong khyer gang yin pa de dag gdon 'byung pos btab par gyur/ grong gi gzhon nu rnams dang / rtsis mkhan rnams dang / blon po dang / blon po chen po dang / 'khor na gnas pa dang zan pho dang / bran mo dang / las byed pa dang / mngag pa dang / g.yog kha cig kyang gdon 'byung pos btab par gyur/ yul yangs pa can gyi ljongs kun gyi dge
- 431b
slong dang / dge slong ma dang / dge bsnyen dang / dge bsnyen ma rnams kyang 'jigs skrag dngangs te/ spyi bung zhes byed nas kha gnam du bltas te ngu 'bod cing / sangs rgyas dang / chos dang / dge 'dun la phyag 'tshal/ bram ze dang khyim bdag gang dag sangs rgyas kyi bstan pa la mngon par ma dad pa'i bram ze dang khyim bdag de dag kha cig/ ni tshangs pa la phyag 'tshal/ kha cig ni brgya byin la phyag 'tshal/ kha cig ni 'jig rten skyong ba rnams la phyag 'tshal/ kha cig ni dbang phyug chen po dang / nor bu bzang po dang gang ba bzang po dang / 'phrog ma dang / nyi ma dang / zla ba dang / gza' dang / skar ma dang / ri dang / nags tshal dang / sman dang / shing ljon pa dang / klung dang / lteng ka dang / mtshe'u dang / rdzing bu dang / rdzing dang / mchod rten gyi gnas na gnas pa dag la'ang phyag 'tshal zhing / bdag cag 'di 'dra ba'i gnod pa'ajigs pa'i gnas nas ji ltar thar par 'gyur snyam du sems shing 'khod pa dag/ bcom ldan 'das kyis mi las 'phags pa'i lha'i spyan rnam par dag pas gzigs so// de nas bcom ldan 'das kyis rdzu 'phrul mngon par 'du mdzad pa gang mngon par 'du mdzad pas stong gsum gyi stong chen po'i 'jig rten gyi khams dbyangs kyis go bar gyur nas rgya
- 432a
dang / mi dang / l+h+wa ma yin du bcas pa'i 'jig rten dad par gyur te/ 'dus par 'gyur ba rnam pa de lta bu'i rdzu 'phrul mngon par 'du mdzad pas mngon par 'du mdzas de nas ni mad kyi bdag po tshangs pa dang / tshangs ris kyi lha rnams dang / lha rnams kyi dbang po brgya byin dang / sum cu rtsa gsum gyi lha rnams dang / rgyal po chen po bzhi dang / rgyal chen bzhi'i ris kyi lha rnams dang / gnod sbyin gyi sde dpon chen po nyi shu rtsa brgyad dang / gnod sbyin chen po stobs po che sum cu rtsa gnyis dang / 'phrog ma bu dang bcas 'khor dang bcas pa kha dog 'phags pa dag nub mo 'das pa dang / dag pa lta bu'i bya rgod phung po'i ril bdag gi kha dog dang mthus snang ba chen pos snang bar byas te/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ tshig gcig/ dbyangs gcig/ ngag gcig tu bcom ldan 'das la tshigs su bcad de mngon par bstod pa/ shin tu 'bar ba'i gser dang 'dra// zla ba nya ba'i 'od dang mtshungs// dpal ldan rnam thos bu bzhin brtan// rin chen rnams kyi 'byung gnas lags// seng ge glang chen 'dra ba'i 'gros// glang chen myos pa bzhin du gnon// gser gyi ring dang
- 432b
yang tshungs/ / 'dzam bu gling gi gser rgyan 'dra// skar ma rnams kyis yongs bskor ba'i// nam mkha'i zla ba dri med bzhin// nyan thos dge 'dun rnams kyi dbus// mtshan rnams kyis ni brgyan par gyur/ / lha dang bcas pa'i 'jig rten 'di// thub pa la ni skyabs su mchi// mi rnams la ni phan pa'i phyir// srung ba dus su nye bar gnas// sangs rgyas snga mas bshad pa yi/ / stong chen rab 'joms mdo sde 'di// kho ra khor yug ri mtha'i bar// mtshams gcod pa yi dam pa lags// phyag 'tshal skyes bu dpa' khyod la// phyag 'tshal skyes bu mchog khyod la/ / chos kyi rgyal po thub chen la// thal mo sbyar te phyag 'tshal lo// de nas bcom ldan 'das kyis yud tsam zhig cang mi gsung bar dgongs nas// rgyal po chen po bzhi po dgal bka' stsal pa/ rgyal po chen po dag gang khyed kyi 'khor nga'i 'khor la 'tshe bar sems pa de ni tshul ma yin no// de ci'i phyir zhe na/ mi'i 'jig rten 'dir sangs rgyas byung ba dang / chos legs par gsungs pa dang / dge 'dun legs par grub pa de la sa bon 'di btab na/ sangs rgyas bcom ldan 'das rnams dang / rang sangs rgyas rnams dang / dgra bcom pa rnams dang / nyan thos rnams 'jig rten du 'byung bar 'gyur/ de la 'jig rten de dag gis dge ba'i rtsa ba bskyed nas lha'i ris sum cu rtsa gnyis las
- 433a
@#lha'i ris gang yang rung ba dag tu skye bar 'gyur/ rgyal po chen po dag kyang dmag rnam bzhi dang ldan pa dang / gling bzhi la dbang ba'i 'khor los sgyur ba'i rgyal por 'gyur/ rgya mtsho la thug pa'i sa'i dkyil 'khor chen por chos kyi rgyal po srid byed par 'gyur te/ de dag la'ang bu dpa' ba/ rtul phod pa/ yan lag ma chog gi gzugs dang ldan pa/ chen po che'i stobs kyi shugs bdog pa/ pha rol gyi sde rab tu 'joms pa/ rin po chen sna bdun dang ldan pa stong 'byung bar 'gyur ro// de bas na 'jig rten 'dir rnam pa 'di lta bu 'byung bar 'gyur bas khyed cag snying las chung ngur gnas pas gnas par gyis shig/ de nas rgyal po chen po rnam thos kyi bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ / btsun pa bcom ldan 'das bdag cag la grong dang / skyed mos tshal dang / gzhal med khang dang / khang pa brtsegs pa dang / bsil khang dang / bu sh+ya dang / sgo khang dang / rta babs dang / skar khung dang / dar gyi lda ldi bzang zhing mdzes pa rnam pa sna tshogs dang ldan pa dang / dril bu dang / rnga yab dang / mu tig gi rba
- 433b
bas yongs su bskor bdud/ bog bor nas bdug pas bdug bdag dang / me tog gis gtor ba'i khyim dang / gnas khang dang / khang pa chen po dag mchis te/ der bdag cag bud med brgya phrag stong gis yongs su bskor cing 'dod pa'i yon tan lnga tshang bar spyod pa dang ldan par gyur nas gnas te/ btsun pa bcom ldan 'das bdag cag rab tu nyon mongs pa bag ma mchis par gnas pas gnas pa na/ 'khor zas dang skom 'tshel dro phyogs bcu kun tu 'byer zhing skyes pa dang / bud med dang / khye'u dang / bu mo dang btsas ma thag pa dag dang / dud 'gro'i skye gnas su gtogs pa'i srog chags rnams kyi mdangs 'phrog/ 'tsho bar bgyid/ bgegs bgyid/ 'gum par bgyid/ gsod par bgyid/ srog dang bral bar bgyid de/ btsun pa bcom ldan 'das kyi spyan sngar bdag cag gis 'khor bzhi'i mdun du rang rang gi 'khor gyi tshul gyi mtshan ma bstan par bgyi'o/ / gang gi 'khor gyi gdon byung ba der rgyal po chen po de'i gzugs mchod rten dang bcas pa chen po bgyis te/ nad pas rgyal po chen po de'i ming nas dbyung zhing dri sna tshogs kyis rang gi lag nas bdugs par bgyi'o/ / dog sal me tog sil ma bkram ste/ zhugs mar bus la mchod rten de la mchod par bgyi'o// btsun pa bcom
- 434a
ldan 'das bdag gi 'khor gnod sbyin gyi gdon gyis btab pa'i tshul gyi mtshan ma ni 'di lta bu lags te/ phyi phyir rgod cing 'jigs par 'gyur// smra bar bgyid cing khro bar 'gyur/ / de ni gnyid kyang ldog par 'gyur// yang na shin tu na bar 'gyur// rtag tu gyen du lta bar 'gyur// skar ma dag la snyegs par bgyid// nub mo shin tu dga' bar 'gyur// rtag tu 'drar zhing sgra 'byin te// de la sngags kyi tshig mchis kyis// 'jig rten mgon po bdag la gson// s+yAd ya the dan/ sid+d+he su sid+d+ha/ sat+su/ a re a ra Ne/ ba le/ ma hA ba laM/ dzam+b+ha/ dza Ti le/ a kha ne/ ma kha ne/ kha kha ne/ kha rang de/ kha rang+ge/ hi ri ping+ga le/ ta ming+ga le/ dI ming+ga li ni maM ga la swA hA/ bdag gi sngags kyi tshig rnams grub par gyur cig swA hA/ rgyal po chen po rnam thos kyi bu'i ming dang / stobs dang / dbang phyug dang / byin gyis sems can thams cad kyang bde legs su gyur cig swA hA/ de nas rgyal po chen po yul 'khor srung stan las langs te/ bla gos phrag pa gcig tu gzir nas pus mo g.yas pa'i lhang sa la btsugs te/ bcom ldan 'das gal ba der logs su thal mo sbyar nas/ bcom ldan 'das nyid la phyag 'tshal zhing / bcom ldan 'das la 'di skad ces
- 434b
gsol to/ / btsun pa bcom ldan 'das bdag gi 'khor dri za'i gdon gyis btab pa'i tshul gyi mtshan ma ni 'di lta bu lags te/ glu len cing ni bro rdung ste/ rgyan rnams la yang dga' bar bgyid/ / brkam pa ma mchis med par smra// rgod par bgyid cing khro bar 'gyur// skom par 'gyur la mig dmar te// rtag tu rims kyis 'debs par 'gyur// mig kyang 'byed par mi bgyid de// rgyab kyis phyogs shing nyal bar bgyid// de la sngags kyi tshig mchis kyis// 'jig rten mgon po dag la gson// s+yAd la the dan// a khen khe/ bi na khe/ ban+d+ha/ ba rA Ne/ tsa pa le/ ba khe/ ba kha ne/ ba khi ne/ a khi ne/ na khi naM/ ba ha le/ b+ha ge/ b+ha gan+da le/ ba sha/ ba sha brti ni swA hA/ rgyal po chen po yul 'khor srung gi ming dang / stobs dang / dbang phyug dang / byin gyis sems can thams cad gdon thams cad dang gnod pa thams cad las thar par gyur cig swA hA/ de nas rgyal po chen po 'phags skyes po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar nas/ bcom ldan 'das nyid la phyag 'tshal zhing / bcom ldan 'das la 'di skad ces gsol to//
- 435a
btsun pa bcom ldan 'das bdag gi 'khor yi dgas grul bum gyis zin pa'i tshul gyi mtshan ma ni 'di lta bu lags te/ shin tu sgom pas 'debs par 'gyur/ / g.yeng bas btab cing lta bar 'gyur// bzhin yang dmar por gda' bar 'gyur// bskums nas sa la nyal bar 'gyur// kha dog ngan cing lus kyang skam// skra dang sen mo ring ba ste// dri ma can la dri mi bda'// brdzun dang bkyil pa smra bar bgyid// de la sngags kyi tshig mchis kyis// 'jig rten mgon po bdag la gson// s+yAd ya the danra/ kha kha kha maM/ kha la na/ khA ra le/ kha la ma/ kha lo ma/ kha ra li khi/ ka ra khe/ kha Ti ne/ kha ra li/ ka ra khi/ ka sha ne/ ka ra Ta kA le/ kA mi ni/ bi d+ha li/ bi d+hi yaM/ bi d+he ye/ ya sha na/ sha ma ba te/ sha mi/ sha ma ni swAhA/ rgyal po chen po 'phags skyes po'i ming dang / stobs dang / dbang phyug dang / byin gyis sems can thams cad kyi gdon dang / 'jigs pa thams cad dang / nye bar 'tshe ba thams cad zhi bar gyur cig swA hA/ de nas rgyal po chen po mig mi bzang stan las langs te/ bla gos phrag pa gcig tu gzar nas/ pus mo g.yas pa'i nga sa la btsugs te/ bcom ldan 'das ga la ba der log
- 435b
su thal mo sbyar nas/ bcom ldan 'das nyid la phyag 'tshal zhing / bcom ldan 'das la 'di skad ces gsol to// btsun pa bcom ldan 'das bdag gi 'khor klu dang 'dab bzangs kyi gdon gyis btab pa'i tshul gyi mtshan ma ni 'di lta bu lags te/ skyigs bus 'debs shing dbugs kyang 'byin// de bzhin dbugs kyang grang bar 'gyur// rdul zhing dbu ba kha chu 'byung // phyi phyir gnyid kyang log par 'gyur// kha dog ldan zhing dpa' ba ste// de bzhin 'dar zhing rgyug par 'gyur// sen mo dag kyang ston par bgyid// dog sar mchis shing du bar bgyid// de la sngags kyi tshig mchis kyis// 'jig rten mgon po bdag la gson// s+yAd yathe dan/ kra ga me/ kra mA Ni/ kra ga shaM/ kra kra she/ kra kra sha se/ kru shru ma/ kru sh+tsa me kru kaM ke/ krug kha ma/ kru ga a ga le/ na ga le/ sa ma ga le/ ka hu me/ hu maM/ u Shu ke/ ka la ma ka/ i re mi re/ d+hi re/ a ru ga ba ti swAng+ge/ rgyal po chen po mig mi bzang gi ming dang / stobs dang / dbang phyug dang / byin gyis bdag dang sems can thams cad bde legs su gyur cig swAhA/ de nas bcom ldan 'das kyis de'i tshe 'khor thams cad kyi mdun du seng ge'i sgra bsgrags pa/ nga ni stobs bcu dang ldan zhing mi 'jigs pa bzhis mi 'jigs shing 'jigs pa med pa ste/ 'khor gyi nang du sang
- 436a
ge'i sgra khyu mchog lta bu rgya chen po yang dag par bsgrags so/ / tshangs pa'i 'khor lo bskor ro// sde dang mthu dang bzhon bcas pa'i// bdud kyang gcig gis rab tu btul/ / sems can thams cad srung ba'i phyir// rig sngags thams cad nga la nyon// s+yAng ya the dan/ a sang ge/ khaD+ga ba te/ ba la ba te/ ba la nir+g+ha She/ shu re shu ra d+ha re badz+ra ga me/ badz+ra d+ha re/ stam+b+he dzam+b+he/ dri ra Da sA re/ bi ra dze/ bi g+ha se/ ba rA gra prAp+te/ a ra Ne/ d+harma yuk+taM/ de shi bi g+huSh+Te sA hA/ de bzhin gshegs pa'i mtshan dang / stobs dang / dbang phyug dang / byin gyis bdag dang sems can thams cad bde legs gyur cig swA hA/ phyogs bzhi'i 'jig rten skyong ba dag/ sangs rgyas kyi ni gsung thos nas/ / 'jigs dang skrag dang dngangs gyur te// thal mo sbyar nas 'khod par gyur// 'byung po'i tshogs ni lhags pa rnams// dngangs 'khrugs red rod por gyur nas// phyogs bcur rab tu 'byer byed cing // spra bo che yang sgrogs par byed// rgyal po chen pos de shes nas// gsang ba gsum ni yang dag smras// kye ma rig sngags rig sngags che// stong chen rab tu 'joms byed pa// sangs rgyas kyis ni gsungs pa de// thos nas 'byung po skrag gyur te// dper na rab tu 'bar me dang / til mar ngar btags ral gri bzhin//
- 436b
go'u ta mas ni rab bshad pa'i// rigs sngags spu gri'i so dang 'dra// drang srong tshig ni legs bshad pa// de la gang zhig ma dad na// de yi bu yi thu bo ni// tshangs pa'i zhags pas med par 'gyur/ / me ni rab tu 'bar byas la// bla dang 'og dang phyogs bzhir yang // sbyin sreg gi ni chus gtor te// nas dang nyungs kar blangs nas su// mar gyi snying po dang sbyar nas me yi nang du blugs par bya/ / legs par gsungs pa 'di thos nas// gal te myur du mi gtong na// thams cad 'bar bar 'gyur ba ni// mar dang zhungs kar mer blugs bzhin/ / gnod sbyin chad pas bsdigs nas su// de dag bde ba mi rnyed de// de yi rtsib logs g.yas par ni// 'bras chen nad kyang 'byung bar 'gyur// gnod sbyin nad kyis btab pa na/ / sha bkra'i nad kyis btab par 'gyur// lcang lo can gyi pho brang du// gzhar yang 'gro bar mi 'gyur ro// lus ngan grogs dang ldan pa yi// khyim yang mthong bar mi 'gyur te/ / 'byung po mang po tshogs pa na// sman yang thob par mi 'gyur ro// gnod sbyin dag gi dkyil 'khor du// zas skom dang yang 'bral bar 'gyur// stong chen rab 'joms mdo dz+wal gnod sbyin gang dag mi phyogs pa/ / des rdo rje 'chang khros te// spyi bo dag ni gams par 'gyur// sdug so ni rtsub mo yis// de la sbyin gcong par 'gyur/
- 437a
@#mtshon cha shin tu rnon pa yis// de mi sna dang rna ba gcod// 'khor lo spu gri'i so 'dra bas// klang pa rab tu gshag par byed// thob lcags kyis dkris pa yis/ de yi snying yang 'joms par byed// rnag dang khrag ni dron mo dag/ de yi kha nas 'dzag par 'gyur// rig sngags zhags pa'i chad pa yis// rtag tu 'khor bar 'gro ba na// 'khor bar gnod sbyin dkyil 'khor du// de nyid du ni 'khor bar 'gyur// rgyal po chen po dpal ldan pa// phyogs bzhi dag tu song gyur nas// chos kyi go cha bgos gyur te// bzang po'i khri la 'dug pa ni/ / shar phyogs na ni yul 'khor srung // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po// dpal dang gzi brjid 'bar ba yin/ / rgyal po dag ni phyin pa dang // de tshe ston pa thams cad mkhyen// bar snang gnas la rab tu 'phags// tshangs pas sprul pa'i gzhal med khang // der ni rdo rje'i gdan la bzhugs/ / de nas tshangs dang tshangs chen rnams// thal mo sbyar 'khong phyag 'tshal lo// dpal ldan gser gyi ri bo 'dra// gser gyi mchod sdong dang yang mtshungs// me tog pad+ma bzhin du rgyas// sA la'i rgyal po bzhin du rgyas// nyi ma dang 'dra zla nyal// skar ma rnams kyis yongs bskor bzhin// thub sku gser gyi kha dog la// mtshan rnams
- 437b
kyis ni yongs su brgyan/ / 'jig rten mes po tshangs pa yis// 'jig rten sgron ma bstod byas te// 'jig rten mgon po'i spyan sngar ni// 'jig rten skyong la 'di skad smras// 'jig rten skyong gi 'khor rnams kyis// rjes su bstan pa ma thob ste// gang phyir 'di las sangs rgyas dang // rang sangs rgyas dag 'byung 'gyur zhing // 'di las nyan thos rnams kyang skye// lha rnams dag kyang skye bar 'gyur// rig byed yan lag drug mthar phyin// bram ze rnams kyang skye bar 'gyur// drang srong skal pa chen po dang // dge slong bram ze 'di las skye// khyed cag snying las chung byed pa/ / mi yi skye dgu gnod par 'gyur// tshangs pa yi ni tshig thos nas// 'jig rten skyong gis tshig smras pa// tshangs pa chen po de bzhin no// thub pa chen po de bzhin no// bdag gis ri rab bsgul byas shing // sa yang rab tu bzlog byas la// rgya mtsho la ni thug pa rnams// rnam par sbyang ba nyid du bya// zhags pa dam po ma nyams pas// nyi ma zla brlung rnams ngas/ skar ma dag ni thams cad kyang // bdag gis su ni bcing bar bya// gang dag rab tu sdang byed cing // 'jig rten la ni phan mi byed// de dag la ni thams cad du// phyogs kyang snang bar mi bya'o// 'jig rten lha dang bcas pa de// 'byung po rnams kyis phyir smod de// 'byung po mi yi skye dgu la// gnod par byed cing 'tshe bar byed// gang dag
- 438a
sngags dang sman rnams dang / / rig sngags las ni 'da' byed pa// de la sngags kyi dam pa ni// pha rol gnod pa ston par byed// rig sngags las ni 'da' ba'i 'khor/ / kun tu chad pas bsdigs byas te// 'jig rten mgon po'i spyan sngar ni// yang dag par yang brjod par bgyi// gang gis 'byung po'i dkyil 'khor du// 'di bshad pa ni mi nyan pa/ / de dag chad pa bshad par bya// tshangs pas sprul pa'i mdo sde'o// sangs rgyas zhabs la phyag 'tshal te// phan tshun du ni bltas byas na// bai DUn dang gser dang dngul/ / mu tig rnams dang shel dag dang // spug dang rdo yo snying po dang // rin chen bdun gyis brgyan pa yis// rtsibs stong kha dog gser 'dra ba'i// shing rta rnam pa bzhi byas pa/ / bzo rnams kun dang ldan pa ste// rdzu 'phrul gyis ni mkha' la 'gro// rgyal po dag ni der bzhugs nas// 'byung po'i dkyil 'khor nyid du dong // sa ni gsar gyi phye ma dang / / me tog dag gis bkang byas nas// mgul par lhung dang skud pa dang // zhags pa dag kyang gdags byos la// phyogs kyi sa ni ji snyed pa'i// 'byung po thams cad khrid shog ces/ / gnod sbyin gyi ni sde dpon kun// phyogs bzhi dag tu dgye bar byas// stong chen rab tu 'joms pa yi// mdo sde yi ni dam pa 'di// tshangs pa'i
- 438b
'jig rten bar du byung / / lha rnams kun gyis rnam par bsams// skyong chen po yi lus kyis su// gnod sbyin dang ni srin po btul// lus ngan po yi tshig thos nas// gnod sbyin gyi ni sde dpon dag/ phyogs bzhi dag tu song nas su// gsang ba po la drag tu sgo// thub pa 'byung po nyi shu brgyad// dri za las byung gdon gyi rnams// shar phyogs rgyan 'khod pa dag/ mdo sde'i zhags pas de dag kun// bcing ba lnga yis bsdams pa yi// 'byung po mang po ngal nyon// thub pa 'byung po nyi shu brgyad// grul bum las byung gdon gyi rigs// lho phyogs cha 'dir 'khod pa dag/ mdo sde'i zhags pas de dag kun// bcing ba lnga yis bsdams pa yi// 'byung po mang po nga la nyon// thub pa 'byung po nyi shu brgyad// klu las gdon du gyur pa rnams/ / nub phyogs cha 'dir 'khod pa dag/ mdo sde'i zhags pas de dag kun// bcing ba lnga yis bsdams pa yi// 'byung po mang po nga la nyon// thub pa 'byung po nyi shu brgyad/ / gnod sbyin las ni gdon gyur pa// byang phyogs cha 'dir 'khod pa dag/ mdo sde'i zhags pas de dag kun// bcing ba lnga yis bsdams pa yi// 'byung po mang po pa la nyon/ / lus ngan po yi bu thu bo// kun tu rgyal ba mi la zhon// de yi drung na 'khod pa yi// gnod sbyin bye ba drug cu dag/ bcing ba rnam pa lngas bsdams nas/
- 439a
mdzes pa// ngang pa'i rgyal pos par snang ji bzhin no// khyod kyi zhi zhal mtshams gnas zla ba 'dra// g.yas su 'khyil cing khong chung 'dra ba lags/ DUR+Ya 'dra sku 'od dkar rnams kyis// nam mkha'i dkyil na nyi ma lta bur mdzes// gser 'od dam pa mdo sde'i dbang po'i rgyal po las/ de bzhin gshegs pa thams cad la bstod pa'i le'u zhes bya ba ste nyi shu pa'o/ / // de nas rigs kyi lha mo byang chub yang dag par bsdus pas/ de'i tshe tshigs su bcad pa 'di dag gis bcom ldan 'das la bstod pa/ rnam par dag pa'i chos la spobs pa'i blo mnga' ba// las ngan lam dang bral ba'i bdag nyid blo mnga' zhing // srid dang srid min mkhyen pa rnam dag blo mnga' ba// sangs rgyas rnam dag blo mnga' ba la phyag 'tshal lo/ / kye ma'o kye ma'o sangs rgyas gzi brjid mtha' yas te// kye ma'o kye ma'o rgya mtsho dang ni ri rab 'dra// kye ma'o kye ma'o sangs rgyas spyod yul mtha' yas te/ / u dum pa rwa'i me tog bzhin du shin tu dkon// sems can dag ni thams cad rjes su gzung slad du// gang gis mdo sde dam pa 'di 'dra rab gsungs pa// mi dbang nyi ma shAkya'i dbang po rigs kyi tog/ kye ma'o kye ma'o de bzhin gshegs pa thugs rje ldan// de bzhin gshegs pa shAkya thub pa dbang po ni// zhi ba'i dam pa zhi pa'i grong khyer rab tu
- 439b
rirnams dang ni g.yangs dang / / rgya mtsho dang ni mtsho rnams dang // klung dang 'ab bachu lum dang // dpa' blong dag na gang 'khod dang // skyed mos tshal dang gnal med khang // kun dga' dang ni nags rnams dang / / mchod rten gnas dang grong gi gnas// ljon shing drung na gang gnas dang // grong khyer sgo dang grong dang ni// grong rdal dang ni ljongs rnams dang // rgyal po'i pho brang sgo rnams dang / gzhal mang khang na gang gnas dang // dkyil 'khor dag dang dur khrod dang // de bzhin lha khang rnams dang ni// mtshams dang sho gam gnas rnams dang // khang stong dang ni grams dang // gnod sbyin gang rnams bla 'og dang // phyogs bzhi dang ni mtshams rnams nas// gnod sbyin bye ba stong rnams ni// rig sngags zhags pas bkug pa rnams// rdza rnga dag ni brdungs nas su// la las rnga zlu ma dag ni brdungs/ / pi wang gling bu 'khar ba'i rnga// stobs chen rnams ni sgra byin te// rol mo'i dbyangs sgra sna tshogs dang // glu dang gar rnams byas nas su// dbang po zla ba chu lha dang // b+ha ra dwa dza skye dgu'i bdag/ ma ldan pa dang kun tu lta// mngon shes gangs can rdzogs pa dang // tsan dan dang ni 'dod mchog dang // mgul pa mdzes dang mgul nges dang // skye dgu'i bla mar gyur ba dang / / lha las byung ba'i ma ldan dang // dri za sna tshogs sde dang ni// mi rgyal rgyal ba khyu mchog dang // de bzhin phung bu lnga zhes bya// g.yer ma dang ni nyi zer dang // nya lcibs dang ni ral gri'u/
- 440a
kun gyi bshes dang grags 'dzin dang // 'brog gnas dang ni yid bzang dang // khab sna dang ni ri sul kha// lnga 'dzin dang ni khab bzang dag/ sde dang dpung dang bzhon par bcas// lha dang klu dang dri za dang // gnod sbyin srin po lha ma yin// nyin gsum pa yi smyo byed dang // de bzhin bzhi pa'i rims dag dang // 'jig rten 'tshe ba gang yin pa// gnod sbyin srin po ma rungs rnams// phyogs bzhi nas ni bkug nas su// bcing ba lnga yis bsdams pa rnams// 'jig rten mgon po'i spyan snga ru// thal sbyar 'khod nas 'di skad smras// phyag 'tshal skyes bu dpa' khyod la// phyag 'tshal skyes bu mchog khyod la/ / thal mo sbyar nas phyag 'tshal lo// chos rgyal khyod la phyag 'tshal lo// de dag gi ni mdun rgyug pa// 'byung po gnod sbyin lus po che// lag pa bzhi pa ma rungs pa// rkang mangs dang ni rkang gcig pa// rkang bzhi pa dang rkang gnyis dang // rkang pa sgreng la spyi'u tshugs dang // lus mang mgo bo gcig pa dang // lus gcig pa la mgo bzhi dang // mig mangs po la lus phyed dang / / mig gcig lto ni bcu gnyis dang // bong bu rnga mo glang chen mgo/ lag pa sgreng la mgo btud dang // mtshon cha'i so dang mtshon cha'i lag/ mtshon cha'i rkang pa srin po rnams// zangs kyi skra dang zangs kyi so// zangs kyi mig dang zangs kyi lag/ zangs kyi tho ba'i rkang pa dang // zangs kyi sna dang zangs kyi kha// rkang lag kun tu 'bar ba dang // mi yi lus su gnas
- 440b
pa rnams/ / skur zhar lnga pa gsum yod pa// mig mi sdug la kha glal ba// chu srin stag gi gzungs dang ni// gzugs mi sdug dang kha ral po// mchu 'phyangs po dang so yon po// rab tu gtum po khro gnyer can/ / gsus po che dang bum rna po// rna 'phyang ba dang rna ba med// lag ring dang ni rna ba ring // sna yi rtse dang lag rtse ring // lus skem lus ni ring ba dang // skra rings rab tu brgyan pa dang / / rkang pa mid pa phra ba dang // dring ba dang bum lto bo// yan lag chu srin 'dra ba dang // gtun shing tho ba 'dra ba'i lho// gnam lto bo la rna bo che// gyen du brdzes sgra rab tu dmar/ / mgo bo che la gzhu mgrin po// skem po sgur po bum lto bo// ri rab rtse mo bskul nas su// me mdag gi ni char pa 'bebs// ljon shing ri dang rdo ba dang // sprin gyi tshogs kyi mdog 'dra ba/ / dung dang rnga chen rdza rnga dang // grul bumadza bran rnams kyi sgra// 'jigs pa'i sgra ni rab tu 'byin// ming po che la bong bu'i sgra// nag po ser po sngon po dang // dmar ser me ltar dmar ser dang / / khab 'dra'i spu dang ral gri'i sgra// dmar po khrag gis bskus pa rnams// mi ro dag ni khyer nas su// za bzhin du ni rnam par rgyug/ so rnon lag pa dmar po dang / mchu ni khrag gis bslus pa dang // lus byed dge ni zos pa dang // mkhal ma snying dang nang grol gyis// sdom pa shin tu bkang ba dang // bris pa dag ni za bzhin du// mer mer po dang srog
- 441a
chags kyi/ / rkang lag rnams kyi stobs kyang 'phrog/ keng rus kyi ni lus kyis su// skye bo mang po skrag par byed// khrag gis rab tu bkang ba yi// mi yi pags pa thogs nas su/ / mi bzad dug gis kun bskus te// phyogs phyogs dag tu rnam par rgyug/ grong khyer rnams kyi sgo dag dang // khyim nas khyim du rnam par 'thor// rlung dang bad kan mkhris pab rnams/ / phyogs bzhi dag tu 'khrug par byed// de ltar de na rgyal po yi// gdon dang 'jigs pa chen po rnams// lhags pa de dag thams cad kyang // rig sngags zhags pas rab tu bsdams/ / phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// chos rgyal khyod la phyag 'tshal lo// grong khyer grong dang yul 'khor dang / rnga pho brang 'khor na rgyu ba ni// gnod sbyin ma rungs mngangs 'phrog pa// snying rje med cing khrag 'thung ba// lus chen 'jigs pa chen po ste// stobs po che la sgra yang che// mgrin bcu po la mig stong po/ / gdon chen mig ni dmar po rnams// 'khor ni mang po rnams btang ste// lag na mtshon thogs rab tu 'jigs// sbrul gyi zhags pa thogs pa dang // lag bzhi lag na sgron mthogs/ / lag na mtshon dang dbyig pa thogs// rdo rje mdung rtse lag par thogs// rab tu drag po'i dmag brgal nas// phyogs kun du ni skrag par byed// sdang ba'i gnas na 'khod pa yi//
- 441b
gsang ba po ni dang kun kyang // mi yi 'jig rten 'di dag tu// skyes pa bud med gzhan yang 'dzin// sha khrag zon mor bcas pa la// rnam par 'khrug cing 'dod pa'i gzugs// seng ge dang ni stag dang rta/ / ma he ba lang bong bu rnga// glang po che yi gzugs 'dra dang // dom dang gzig dang spung ki dang // khyi dang wa dang ra dag dang // byil byi ba spre'u'i gzugs// bse dang bag dang sre mong dang / / nya dang rus sbal dag gi gzugs// kha cig dag ni sram gyi gzugs// khwa dang 'ug pa khu byug dang // bya rgod khrag dang nya mi bcas// rma byadang pa thi bya dang // khrung khrung dang ni bya rnams dang / / kha cig bya gag gzugs rnams su// gnod sbyin rnams ni mi yis mthong // 'dab bzang bya yi tshul gyis kyang // skye bo mang po skrag par byed// kha cig mi yi mgo can la/ / lus ni bya gag bong bu 'dra// kha cig mtshon gyis rab tu 'tshe// lus dang bral ba dag tu snang // rnam par 'khrugs shing 'dod la mos// rgyu ma'i 'phreng bas kun tudakris/ / rtse gsum mdung gis rab 'debs shing // srog chags rnams la gnod par byed// mi bzang gdug pa'i dbugs 'byin cing // skye dgu 'di dag skrag par byed// srog chags rgyud ni ji snyed par/ / sna tshogs kyi ni gzugs su snang // kha cig dag ni ri lang rdzogs// la la ral gri 'khor lo thogs// grangs ni brgya phrag stong rnams te// dbyug pas
- 442a
bsdigs shing kha drag po/ / mig phyug pa la bzhin mi sdug/ srin po so ni rnob dang // sna dang rnab bcad pa dang // lce chad gdong ni gnyer ma can// rkang lag dag ni gtubs pa dang / / mgo bo bcad pa'i srin po rnams// skabs ni rab tu 'chol bar byed// sdig pa can rnams mdangs kyang 'phrog/ mi dag gi ni lus rnams la// rab tu phra ba'i gdon du snang / / spu yi bar dang gnad rnams dang // de bzhin rma yi kha rnams su// lhags pa de dag thams cad kyang // rig sngags zhags pas rab tu drangs// phyag 'tshul skyes bu dpa' khyod la/ / phyag 'tshal skyes bu mchog khyod la// thal mo sbyar nas phyag 'tshal lo// chos rgyal khyod la phyag 'tshal lo// ri yi rgyal po ri rab dang // de bzhin 'khor khor yug dang / / bya rgod phung po gshol mda' 'dzin// spos ngad ldan dang gangs kyi ri// sna tshogs brtsegs dang pAr+N+Na pa// nA la da yi ri gnyis dang // dpal gyi ri yi rtse mo ni// gang dag shin tu mthor 'phags dang // ri bo de dag kun la yang // lha dang drang srong gang gnas pa// de dag thams cad mi dga' zhing // 'jigs pa'i yid kyis mya ngan byed// bye ba stong gi lha dag dang // bye ba phrag brgya'i lha rnams dang // lha yi bu mo skal chen dag/ thal mo rab tu sbyor bar byed// thags bzangs ris dang sgra gcan dang // sim par
- 442b
byed pa'ang der phyin to/ / lha min bye ba phrag stong dang // lha min bye ba phrag brgya dang // de dag bu mo 'phrul ldan pa// mang po kun kyang thal mo sbyor// rab tu gnas dang rgya mtsho dang / klu yi rgyal po gzi can dang // klu yi rgyal po ma dros dang // dga' bo nye dga' gnyis dag dang // rdo rje blo gros pag shu dang // gan dga' bo sin+d+hu mtsho// bya yi rgyal po 'dab bzang dang // rgya mtsho chen po 'khrug byed dang / / stong phrag bye ba'i klu yi rnams// bye ba phrag brgya'i klu dag dang // de dag bu mo skal chen rnams// thal mo rab tu sbyor bar byed// nyi ma zla ba gnyis ka yang // skar ma'i 'khor gyis yongs su bskor// gser gyi me tog yan lag na// ma ga d+han 'jigs byed pa// gso ba'i mtha' na mi thod can// kau sa la na rab tu dkar// bzang po'i yul na kha spu can/ / gyad kyi yul na grags pa 'dzin// lnga 'dzin pa na skrag byed pa// rta skye ba na mig dmar gnas// srung bye ba na ser skya ste// sems pa na ni mig ser po// be'u la par bum pa'i lto// dga' ba'i yul na ring por skyes// ba lang 'dzin na rab tu 'joms// dung yul na ni nyi ma'i grogs// ljongs chen rnams kyi gnod sbyin ni// brjod pa bcu drug de dag dang // lag na rdo rje gnod sbyin che/ chos skyong rab tu dkar ba dang // ser skya rab mdzes khyab 'jug dang // bum lto gsus pa zlum po dang // chu srin bden pa 'chang ba dang // lnga rgyal rgyal ba khyu mchog dang // gnod sbyin
- 443a
@chen po dbang phyug che/ / lag pa bzhi can stobs po che// bde dpa' rab tu 'dul ba ni// mthu bo che la stobs po che// gshin rje gshin rje'i pho nya dang // bdud rnams sde dang bcas pa dang / / gnod sbyin bye ba'i g.yog 'chang ba// gnod sbyin de ming 'phrog po yin// hA rA tI ni sngar bcas dang // ri yi bu mo gnod sbyin ma// gzi brjid chen mo 'jigs pa'i gzugs/ / 'phrog ma zhes kyang grags pa dang // garol pa mo ni gtum mo yang // bu rnams lnga brgyas bskor ba dang // mi rdung nag mo rka Ti// pad+ma dang ni pad+ma can// me tog so dang sa ga dang // srin mo bong bu'i rna can dang // tsan dan dang ni khyab 'jug len// seng ge ser skya dmar ser po// glang po klu yi so can dang // ri shes drag po'i mche ba can// srin mo so bzang yod pa dang // tshangs palen dang khyab 'jug len/ / gnod sbyin ha la ha la dang // gnod sbyin rnam pa'i mchu can dag/ mdung dang mda' gzhu kun thogs shing // mi rta ba lang ri dgas rnams// za zhing 'tshe bde dag ni// phyogs rnams kun tu rgyug cing 'dong // sa 'di rab tu g.yo bar byed// nags tshal rnams kyang rab tu skems// ri rnams kun nas g.yo bar byed// skye dgu 'di dag 'tshe byed cing // phan tshun nas ni 'du bdag/ rig sngags kyis ni drangs nas lcags// phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar nas phyag 'tshal lo// chos rgyal khyer
- 443b
la phyag 'tshal lo/ / 'jig rten mgon po'i spyan snga ru// de dag lhags par gyur pa dang // de nas rgyal po rnam thos bus// 'jig rten mgon la 'di skad gsol// bdag gi phyogs na byang phyogs su/ rgyal po'i gnas su sprul pa ni// lcang lor ldan pa yid du mchi// de bas bdag ni lcang lo'i bdag/ rgyal po'i pho brang lcang lo can// lha rnams kun gyis bsams par gyur// phyir shin tu mngon po can/ / rin chen kun gyis brgyan pa lags// 'phang du dpag tshad bcu drug ste// gser gyi rgyu las bgyis pa lags// phyogs bzhi lcog ni re re la'ang // gnod sbyin rdo rje 'chang ba dag/ kun nas rab tu gnas par gyur/ / lag na mtshon cha legs par sprul// rgyal po'i pho brang de yi sgo// sgo bzhi btod par bgyis pa ni// gcig ni gser las bgyis pa'i sgo// gnyis pa dngul las bgyis pa ste/ / gsum pa shel gyi sgo mo lags// bzhi pa gser gyis rnam par spras// grong khyer de yi nang dag na// skyed mos tshal gyi me tog rgyas// de yi nang na gzhal med khang // rin chen bdun rgyu sna tshogs mchis// rin chen sna tshogs ljon shing can// bya bran sna tshogs skad kyang 'byin// me tog sna tshogs legs par bkram// sna tshogs spos kyis byugs pa lags// gnod sbyin mo ni 'jo ba dang // glu dang rol mos rab tu brgyan// dpal gyi dam pa nyams su myong // der ni 'byung po'i dkyil 'khor der// gang dag 'khor zhing mchis pa dag/ rnam pa'i mchog
- 444a
kun ldan pa ste/ / chos 'tshal ba dang chos spyod pa// srog chags rnams la 'tshe mi bgyid// zas dang skom gyis mi brel te// skye dgu mi bzang gzhan dag ni// chos min 'dod cing chos min spyod/ / srog chags rnams la rnam par 'tsho// longs spyod chen po 'tshol bgyid cing // phyogs bzhi kun tu rnam par lta// grong khyer sgo yi gam yo dang // bza' shing ra ba nags tshal na/ / gnod sbyin srin po 'byung po'i tshogs// bye ba stong phrag brgya mchis pa// de dag thams cad mdo sde yis// zhags pas drangs te dgug par bgyi// rgyal po'i pho brang dbus na ni/ / chos kyi rgyal po'i gnas gyur pa// bsil ba'i rdzing bus bskor ba ste// tsan dan nags kyis 'khor ba lags// kun nas dpag tshad drug cu ste// khang pa brtseg/ ma sprul pa dag/ gcig ni gser las bgyis pa ste// gnyis ni dngul lngas bgyis pa lags// gsum pa de DUR+Ya las bgyis// bzhi pa gtsang dang shel gyi rgyu// lnga pa mu tig dmar po ste/ / drug pa rdo yi snying po lags// bdun pa sdug las bgyis pa ste// brgyad pa rin chen bdun las bgyis// bud med stong phrag brgya dag kyang // de dag re re kun na gnas lhab sgrub sna tshogs mchog dag dang / / cha byad sna tshogs mang pos brgyan// klu dang rol mo sna tshogs dang // bzo yi gnas la mkhas pa mchis// de lha'i rab tu dga' ba yis// 'jo
- 444b
zhing tshim pa'i yid gyur cing / / de na bdag ni rgun skyems dang // 'dod pa dag gis rab myos pas// bdag gis 'khor rnams 'phyan bgyid cing // phyogs bcu dag tu 'jigs pa skyed/ bud med dag dang skyes pa dang // de bzhin khye'u dang bu mo dang // mngal na gnas pa'ang 'jigs par 'gyid// dud 'gro'i skye gnas gtogs la'ang 'tshe// skar ma dag dang nyi zla dang / gtum pa'i gza' rnams gnod par bgyid// lo tog sa bon 'bras bu dang // me tog sman dang zas skom dang // mi rnams kyi ni dpal 'phrog cing // mthon po rnams kyang dma' bar bgyid// 'jig rten dag na nongs pa rnams// dmag dang 'thab mo shar gnyer dang // tshig gam zhig gam gsad phye ba// de kun 'byung po'i rnam par gyur// sprad cing stong par bgyid pa dang // zlog par bgyid cing rgod par bgyid/ / 'jigs par bgyid cing lta bar bgyid// dgrar 'gyur ba yang ston par bgyid// sdig pa'i rmi lam mthong bar bgyid// nyal ba dag la gnod par bgyid// sgo nas se gol sgra phyung zhing / / mi snyan brjod de za bar bgyid// mdza' bo gnyen bshes gzugs dag tu// gda' zhing bka' mchid smra bar bgyid// bu mo sdug gu'i gzugs dag tu// 'dod la spyod par dga' bar bgyid/ / nyi ma skar ma'i gzugs dang ni// zla ba'i gzugs su ganga' bar bgyid// rlung dang skar mda' lce gzugs su// tshil gnod par de dag gda'// skar
- 445a
mnga'i tshogs dang 'dra ba dag/ 'jigs par bgyid cing wa dang khyir// rnam par sprul nas ljon shing dang // mchod cen dag gi gnas na gda'// skyes pa gzhon nu gzugs mdzes pas/ / 'bar zhing shing rta'i sgra yang 'byin// gnas rnams dag ni shul dag tu// rnam pa sna tshogs rjes kyang ston// grong khyer dag dang khyim rnams kyi// sgo yang gnod sbyin de dag 'byed/ / srog dang lus kyang blangs bgyid cing // lam ngan kun tu skrag par bgyid// rnam pa sna tshogs gzugs dag dang // rnam pa sna tshogs sgra rnams dang // rnam pa sna tshogs nad kyi rnams/ / lus la na pa gnas par ston// nad rnams kun gyi mtshan nyid kyang // phyin ci log tu ston par bgyid// ji snyed 'jig rten rang bzhin dag/ thams cad log par de dag ston// rig sngags zhags pas drangs pas na// de dag kun kyang 'dir mchis so// de nas rgyal po rnam thos bu// langs te thal mo rab sbyar nas// zhabs la 'khor lo'i mtshan mnga' ba// gser gyi mchod sdong 'bar ba bzhin/ / 'jig rten snang bar mdzad pa po// thub pa chen po me dang 'dra// gnod sbyin gsang sngags mi bzang can// stong phrag drug cu rtsa bzhi dag/ byang gi phyogs cha'i phyogs na gnas/ / byang phyogs dag na gnod par bgyi// 'jig rten mgon po'i spyan sngar ni// de dag chad pa bdag gis bshad// sAd ya tha na/ khaD+ge/ kha / di tsak+Sha Ne tsakre/
- 445b
rAdzar+the/ tsan+deHpa le/ N+Di ma parba te/ kha ra gre/ ku Ti la ka rarA gre/ e kAk+Shi/ brgad ti/ sA raM ga ba tI/ tsit+ta kAn ti swAhA/ bdug dang sems can thams cad byang phyogs su dge bar gyur cig saH/ tshangs pa dang ni brgya byin dang // 'jig rten skyong dang dbang phyug che// gnod sbyin sde dpon thams cad dang // 'phrog ma du dang bcas pa yang // bdag gi tshe tog spos dag dang / / sbyin sreg 'di ni blang bar gyis// de dag gi ni brtson 'grus dang // gzi brjid dbang phyug stobs kyis kyang // nang rnams thams cad bcom par gyur// bdag dang sems can thams cad 'jigs pa dang / / nye bar 'tshe ba dang / gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la/ / thal mo sbyar nas phyag 'tshal lo// chos rgyal khyod la phyag 'tshal lo// rgyal chen yul 'khor srung ba yang // langs te thal mo sbyar btud nas// me tog tshogs ltar rgyas gyur cing / / ka la bing ka'i sgra dbyangs can// khu byug dang ni rma bya'i sgra// rnga dang 'brug gi sgra sgrogs pa// thub chen gnod sbyin srin po dang // dri ba stong phrag drug cu bzhi// shar gyi phyogs cha'i phyogs na gnas/ / shar phyogs pa la gnod par byed// 'jig rten mgon gyi spyan sngar ni// de ngag chad pa bdag gis bshad// s+yAd mje na/ d+hA ra Nid+hA ra Ni/ pra
- 446a
d+hAnas ni/ b+han+da ni/ praHn+da ni/ bid+hA ma ni/ ki ma du ru she/ sha ka le/ sA raH/ sA rab ti/ shur d+ha re/ shU lan+d+ha ri Ni/ shraSh+Ta tsar// sto bya/ shwa rA gre/ shan+ti/ bdag dang sems can thams cad shar phyogs su dge bar gyur cig swA hA/ tshangs pa dang ni brgya byin dang // 'jig rten skyong dang dbang phyug che// gnod sbyin sde dpon thams cad dang / / 'phrog ma bu dang bcas pa yang // bdag gi me tog spos dag dang // sbyin sreg 'di ni blangs par gyis// de dag gi ni brtson 'grus dang // gzi brjid dbang phyug stobs kyis kyang / / nad rnams thams cad bcom par gyur// bdag dang sems can thams cad 'jigs pa dang / nye bar 'tshe ba dang / gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshal lo// rgyal po chen po 'phags skyes kyang / / thal mo sbyar te de nas langs// thams cad mkhyen pa thams cad gzigs// smra bo thams cad rab 'joms pa// the tsom thams cad gcod mdzad pa// 'dzag rten thams cad rnam 'dren pa/ / grul bum yi dgas srul po dag/ stong phrag drug cu rtsa bzhi rnams// lho yi phyogs cha'i phyogs na gnas// de nas byung la gnod par bgyid// 'jig
- 446b
rten mgon po'i spyan sngar ni/ / de dag chad pa bdag gis bshad// s+yAd ya the dan/ n+ti/ shA ra ba ti/ kAn+ti/ kAr ba ti/ ki ka si/ ki ri/ kiM ga DI/ be ra Ni/ bar+d+ha ni b+hU mi d+hA ra Ni/ bi b+hU mi d+hA ra Ni/ hi mA pa ti/ d+yo ti sh+tsa ra Ni/ mA lA gr-i/ bdag dang sems can thams cad lho phyogs su dge bar gyur cig swA hA/ tshangs pa dang ni brgya byin dang // 'jig rteni skyong dang dbang phyug che/ / gnod sbyin sde dpon thams cad dang // 'phrog ma bu dang bcas pa yang // bdag gi matog spos dag dang // sbyin sreg 'di ni blang bar gyis// de dag gi ni brtson 'grus dang / / gzi brjid dbang phyug stobs kyis kyang // nad rnams thams cad bcom par gyur// bdag dang sems can thams cad 'jigs pa dang / nye bar 'tshe ba dang / gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshal lo/ nga rgyal po mig mi bzang ba yang // thal mo sbyar ba byas nas langs// sprin chen seng ge chen po pa// che ba'i che ba rgya mtsho che// gsung ba chen po dpa' chen po// g.yul chan rab tu 'joms mdzad pa/ / klu dang 'dab bzang gsang ba po// stong phrag drug cu rtsa bzhi dag/ nub kyi phyogs cha'i phyogs na gnas// de nas byung la gnod par bgyid// 'jig rten mgon po'i
- 447a
/ spyan sngar ni// de dag chad pa bdag gis bshad// s+yAd ya phrethed na/ d+ha d+ha ra gri/ bal ba ti/ bu li ni/ bi shUm ke/ bid+ha shi/ sA grA re/ kha ri/ ka la tsaN+DAN+Da li/ ti ri Ni/ bi rA dza ne/ bi d+hA ra Ni/ bar+Na ba ti/ a tsa le/ bdag dang sems can thams cad nub phyogs su dge bar gyur cig swA hA/ tshangs pa dang ni brgya byin dang // 'jig rten skyong dang dbang phyag che/ / gnod sbyin sde dpon thams cad dang // 'phrog ma bu dang bcas pa yang // bdag gi me tog spos dag dang // sbyin sreg 'di ni blang bar gyis// de dag gi ni brtson 'grus dang / / gzi brjid dbang phyug stobs kyis kyang // nad rnams thams cad bcom par gyur// bdag dang sems can thams cad 'jigs pa dang // nye bar 'tshe ba dang / gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshal lo// de nas tshangs pa tshangs chen yang / / thal mo sbyar ba byas nas langs// tshangs pas bkrus pa dag pa po// rig byed kun gyi pha rol phyin// skyes po dga' mdzad sman pa'i rje// 'jig rten thams cad gso mdzad pa/ / gnod sbyin srin po gang gi rnams// phyogs dang phyogs mtshams gnas pa dang // sa yi 'og dang bar dang steng // nam mkha' dag la gnas pa'i gdon// 'jig rten mgon gyi
- 447b
ldan sngar ni/ / de dag chad pa bdag gis bshad// skad ya the na/ prar+b+ba prad+d+har+g+hoSha/ praHskA re/ badz+re badz+ra/ b+h+yo8/ dadz+raH8/ s+thi re swa re/ a tsale/ ar Ne/ ISha/ a ra Ni de ra Ni/ shU re bA rA gra/ prap+te sA ra ba te/ bdag dang sems can thams cad phyogs dang phyogs mtshams thams cad du dge bar gyur cig swA hA/ tshangs pa dang ni brgya byin dang // 'jig rten skyong dang dbang phyug che/ / gnod sbyin sde dpon thams cad dang // 'phrog ma bu dang bcas pa yang // bdag gi me tog spos dag dang // sbyin sreg 'di ni blang bar gyis// de dag gi ni brtson 'grus dang / / gzi brjid dbang phyug stobs kyis kyang // nad rnams thams cad bcom par gyur// bdag dang sems can thams cad 'jigs pa dang / nye bar 'tshe ba dang / gnod pa thams cad las dge bar gyur cig swA hA/ phyag 'tshal skyes bu dpa' khyod la// phyag 'tshal skyes bu mchog khyod la// thal mo sbyar te phyag 'tshal lo// chos rgyal khyod la phyag 'tshal lo// rlung las skyes dang mkhris skyes nad// bad kan skyes dang 'dus las skyes// nang rnams thams cad nges par bcom// bdag dang sems can thams cad kyang 'jigs pa dang / nye bar 'tshe ba dang gnod pa thams cad las rgyal bar gyur cig swA hA/ / stong chen mo rab tu 'joms pa zhes bya ba bam po gnyis pa ste tha ma'o// // de nas
- 448a
bcom ldan 'das 'di snyam du dgongs te/ sangs rgyas bcom ldan 'das rnams ni rgyal srid gcig gi phyir 'jig rten du byung ba ma yin/ sangs rgyas bcom ldan 'das rnams ni grong dang / grong khyer dang / grong rdal dang / ljongs dang / grong dang / khyim nas/ sems can gcig gi bar gyi don gyi phyir 'jig rten du byung ba ma yin gyi/ 'jig rten lha dang bcas pa bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i don du sangs rgyas bcom ldan 'das rnams 'jig rten du byung ste/ de ni dper na sman pa mkhas pa'i mchog tu phyin pa/ gso ba la brtson pa/ sman pas shes par bya ba shin tu bslabs pa rgyal po gcig gi don du byung ba ma yin/ yul gcig gi don du byung ba ma yin pa nas/ sems can gcig gi don gyi bar du byung ba ma yin pa dang 'dra'o// de ci'i phyir zhe na/ phyogs gang na sangs rgyas bcom ldan 'das rnams bzhugs pa'i phyogs de dag tu mi rnams dang / mi ma yin pa de dag kyang rnam par 'tshe bar mi bya bar sems kyis/ nga yang yangs pa can gyi grong khyer chen po ga la ba der song ba dang / yangs pa can gyi grong khyer chen po'i skye bo'i tshogs phal po che'i don yang byas par 'gyur/ sangs rgyas kyi mdzad pa'ang byas par 'gyur ro snyam du dgongs te/ de nas sangs rgyas bcom ldan 'das snga dro'i dus kyi tshe chos
- 448b
gos dang sham thabs mnabs nas lhung bzed bsnams te/ dge slong stong nyis brgya lnga bcu dang thabs cig tu bya rgod phung po'i ro las shong du gshegs pa dang / de nas mi mjed kyi bdag po tshangs pas lha'i gdugs lnga brgya tsam blangs te/ bcom ldan 'das la g.yas rol nas phul lo// phul nas bcom ldan 'das nyid la rdul yab kyis g.yob cing 'dug par gyur to// lha rnams kyi dbang po brgya byin gyis kyang lha'i gdugs lnga brgya tsam blangs te/ bcom ldan 'das la g.yon rol nas phul lo// phul nas bcom ldan 'das nyid la rdul yab kyis g.yob cing 'dug par gyur to/ rgyal po chen po bzhis kyang re re zhing lha'i gdugs lnga brgya tsam blangs te/ bcom ldan 'das la snam logs nas phul nas/ bcom ldan 'das nyid la rdul yab kyis g.yob cing 'dug par gyur to/ / lha'i bu dbang phyug chen po dang / gnod sbyin gyi sde dpon chen po nyi shu rtsa brgyad dang / gnod sbyin mthu bo che sum cu rtsa gnyis dang / 'phrog ma bu lnga brgya'i 'khor dang bcas pas kyang so so nas lha'i gdugs dgra blangs te/ nyan thos rnams la phul nas rdul yab kyis g.yob cing 'dug par gyur to// de lta bu'i grags pa dang / bkur sti dang / brnyes par bya ba brnyes nas/ bcom ldan 'das dge slong gi dge 'dun dang thabs cig tu bya rgod phung po'i ri las shod du babs te/ yangs pa can gyi grong khyer chen po gal bder gshegs pa dang / yangs
- 449a
pa can gyi li tsa byi rnams kyis bcom ldan 'das shin tu mdzes pa/ dad par 'os pa/ dbang po zhi ba/ thugs ni ba/ dbang po dul ba/ thugs dul ba/ dul ba dang ni gnas kyi dam pa'i pha rol tu phyin pa brnyes pa/ dbang po dben zhing khugs pa/ glang po che ltar shin tu dul ba/ mtsho ltar dngas shing rnyog pa med la rnam par gsal ba/ skyes bu chen po'i mtshan sum cu rtsa gnyis kyis sku legs par brgyan pa/ dpe byad bzang po brgyad cus shin tu brgyan pa/ shing sA la'i rgyal po ltar de bzhin gshegs pa'i sku rnam par spras pa/ nyim ltar 'od zer gyi dra ba kun tu 'gyed pa/ mtshan mo mun pa'i nang na ri bo'i spol me'i phung po chen po rab tu 'bar ba dang 'dra zhing / bcom ldan 'das gser gyi ri bo chen po dam pa ltar lham me/ lhar na/ lhang nger rgyang ring po nas gnas der gshegs pa mthong ngo // mthong ma thag tu yangs pa can gyi li tsa byi rnams bcom ldan 'das la sems dad par gyur nas/ sems dad par gyur pa de dag bcom ldan 'das yangs pa can gyi grong khyer chen por lam gang nas gshegs pa'i lam de 'phyag cing chag chag 'debs/ byi dor byed/ me tog 'thor/ dar gyi lnga lding dang / dril bu dang / gdugs dang / rgyal mtshan dang / ba dan sna tshogs kyis brgyan te/ bdug spos sna tshogs kyis bdugs nas/ bcom ldan 'das ga la ba der dong ste phyin pa dang / bcom ldan 'das kyi zhabs
- 449b
gnyis la mgo bos phyag 'tshal lo/ / de nas bcom ldan 'das kyis phyag gi mthil 'khor lo rtsibs stong dang ldan pa'i ri mo can/ me tog pad+ma'i snying po ltar 'jam pa/ sngon legs par spyad pa'i mtshan gyis brgyan pa/ gzhon sha chags shing 'jam pa/ nyi ma'i 'od zer bas lhag pa'i 'od dang ldan pa/ 'od zer brgya phrag mang po kun tu 'phro ba/ dri ma med pa'i phyag gis li tsa byi de dag gi mgo la byugs te bslang nas rjes su bstan pa mdzad do/ / nga ni khyed rnams nyid la rjes su brtse bas nye bar bslang nas/ bla na med pa'i ye shes mngon par rdzogs par byang chub pa'i phyir dang / sems can thams cad la phan pa dang bde bar bya ba'i phyir 'dir 'ongs kyis/ ma 'jigs shig/ ma 'jigs shig/ de nas bcom ldan 'das yangs pa can gyi grong khyer chen po'i nang du gshegs nas/ nam gyi gung thun la sgo skyes kyi gzhi zhabs kyis mnan nas phyogs bzhir gzigs te/ phyag gser gyi mdog can brkyang nas na bza' bla gos bsigs te bka' stsal pa/ phyi ma'i dus na dge slong ngam/ dge slong ma'am/ dge bsnyen nam/ dge bsnyen ma 'am/ gang su'ang rung ba dag de bzhin gshegs pa'i sku gdung ring bsrel yungs 'bru tsam la mchod pa byed pa de dag dang / stong chen po rab tu 'joms pa'i rig sngags kyi rgyal mo gdon thams cad las thar par byed pa'i chos kyi rnam grangs de bzhin
- 450a
gshegs pa dgra bcom pa yang dag par rdzogs pa'i sangs rgya sa gang+gA'i klung gi bye ma snyed rnams kyi sangs rgyas kyi phyag rgya 'di 'dzin cing 'chang ba dang / klog cing ston pa dang / kun chub par byed pa de dag la yams kyi nad dang / 'jigs pa dang / 'tshe ba dang / nad 'go ba dang / 'khrug pa dang / 'thab pa dang / rtsod pa dang / 'ching ba dang / kha mchu dang / gshegs dang / tha na phra ma dang / sdig pa mi dge pa'i sdug bsngal ba'i las kyis mi tshugs shing / 'tsho bar byed pa thams cad kyis mi thub par 'gyur ro// de skad ces bka' stsal pa dang / bcom ldan 'das la// mi mjed kyi bdag po tshangs pas 'di skad ces gsol to// btsun pa bcom ldan 'das stong chen po rab tu 'joms pa zhes bya ba'i gsang sngags kyi rgyal mo gdon thams cad las thar bgyid pa'i chos kyi rnam grangs/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi sangs rgyas kyi phyag rgya de gang lags/ de skad ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to// tshangs pa de'i phyir khyod kyis shin tu legs par rab tu nyon la yid la zung zhig dang ngas khyod la bshad do/ / btsun pa de bzhin du bgyi'o zhes gsol nas/ mi mjed kyi bdag po tshangs pa bcom ldan 'das kyi ltar mnyan pa dang /
- 450b
de la bcom ldan 'das kyis 'di skad ces bka' stsal to// s+yang yaje na/ a tsa le/ ma tsa le/ sA ra matsa le/ za kri tI/ gaN+De/ pra kri ti/ nir+g+ho ShaM/ sa man+ta mu khe/ s+thi raM/ s+thA ba re/ bi g+huSh+Ta shad+de/ pra ga la naM/ pA rad+hA ma/ swa ra ba Ne/ sA rang+ga ba te/ ba le ma hA ba le/ ma hA nir+N+Na se swA hA/ de la 'di skad ces bya ste/ lus su gtogs pa dran pa dang / zhi gnas dang / lhag mthong dang / ting nge 'dzin gsum dang / rdzu 'phrul gyi rkang pa bzhi dang / yang dag par spong ba bzhi dang / dran pa nye bar gzhag pa bzhi dang / bsam gtan bzhi dang 'phags pa'i bden pa bzhi dang / dbang po lnga dang / stobs lnga dang / rjes su dran pa drug dang / byang chub kyi yan lag bdun dang / 'phags pa'i lam yan lag brgyad pa dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / rnam par grol ba'i skye mched bcu gcig dang / rten cing 'brel par 'byung ba yan lagu bcu gnyis dang / rnam pa bcu gnyis dang ldan pa'i chos kyi 'khor lo dang / dbugs dbyung ba dang rngub pa rjes su dran pa rnam pa bcu drug dang / sangs rgyas kyi chos ma 'dres pa bco brgyad dang / yi ge bzhi bcu rtsa gnyis te/ tshangs pa de ni stong chen po rab tu 'joms pa zhes bya ba'i rig sngags kyi rgyal mo gdon thams cad las thar byed pa'i mdo/ de bzhin gshegs pa dam bcom pas
- 451a
@#/ dag par rdzogs pa'i sangs rgyas kang+gA'i klung gi bye ma snyed rnams kyi sangs rgyas kyi phyag rgya ste/ sangs rgyas sgrub pa'o// chos sgrub pa'o// dge 'dun sgrub pa'o// tshangs pa sgrub pa'o// dbang po sgrub pa'o// 'jig rten skyong ba sgrub pa'o// dbang phyug sgrub pa'o// bden pa sgrub pa'o// lam sgrub pa'o// rten cing 'brel par 'byung ba sgrub pa'o// zla ba sgrub pa'o// nyi ma sgrub pa'o// gza' sgrub pa'o// / rgyu skar sgrub pa'o// s+yAd ya the dan/ sA le ka si ni/ bi d+ha ra Ni/ ba rA gra sA re/ A maR+Sha Ne/ a mo g+ha ba ti/ se ba ne kA li/ na kA li/ kA shi ba re/ b+ha ra Na/ ka ra ka/ sha khe/ sa man+ta prAp+te/ sA ra prAp+tA/ stam+b+ha prAp+ta/ badz+ra d+ha re swA hA/ de nas bcom ldan 'das kyis de'i tshe tshigs su bcad pa 'di dag bka' stsal to// 'jig rten 'di'am gang dag 'das pa dang // mtho ris dag na rin chen mchog yod pa// da bzhin gshegs pa lha yi lhar gyur pa/ / mi yi mchog dang 'dir ni mtshungs pa med// de bas 'di ni rin chen mchog tu gsungs// bden pa de yis 'dir ni dge bar shog/ zad pa chags bral bdud rtsi 'dus ma byas/ / shes pas shAkya thub des rab tu phye// bdud rtsi zhi bas 'dus byas ma yin pa// chos de dang ni mtshungs pa gang yang med// de bas 'di ni rin chen mchog tu gsungs// bden pa de yis 'dir ni dge bar shog/ mchog tu gang 'dod tshul bzhin rang bstan pa// ston pa'i rnal 'byor bla med rtag sgrub pa// rdo rje lta bu'i mi gnyis lam mthong ba// ting 'dzin de dang mnyam pa yang ma yin// de bas/
- 451b
'di ni rin chen mchog tu gsungs// bden pa de yis 'dir ni dge bar shog/ gang zag chen po brgyad pa rab bsngags shing // gang zag zung bzhir brjod pa de dag ni// drang srong chen po gang zag mtshungs med pa// bde bar gshegs pas sbyin pa'i gnas zhes gsungs// de la byin na 'bras bu cher 'gyur te// zhing rab gshin la sa bon btab pa bzhin// 'di ni dge 'dun rin chen mchog tu gsungs// bden pa de yis 'dir ni dge bar shog/ gang dag brtan pa'i yid kyis rab brtson zhing // go'u ta ma'i bstan la rab 'jug pa// de dag thob nas bdud rtsi 'jug thob ste// mun pa bsal nas mya ngan 'das thob pa// de bas dge 'dun rin chen mchog tu gsungs/ / bden pa de yis 'dir ni dge bar shog/ lta ba 'di la sbyar ma thag tu ni// 'jig tshogs lha dang tshul khrims brtul zhugs dang // the tsom dang ni nyon mongs gsum po dag/ cig car spangs te 'phags pa'i bden mthong ba// des na dge 'dun rin chen mchog tu gsungs// bden pa de yis 'dir ni dge bar shog/ lus sam ngag gam 'on te yid kyis kyang // sdig pa rnam gsum nam yang mi byed cing // glo bur byas na'ang 'chab par mi byed la// de ltar de dag lta bas 'dzin mi byed// de bas dge 'dun rin chen mchog tu gsungs// bden pa de yis 'dir ni dge bar shog/ ji ltar dbang po'i sdong po sar btsugs pa// phyogs bzhi'i rlung rnams kyis ni mi g.yo ltar// 'phags pa'i lam gyi dam pa mthong nga yi// gang zag 'phags pa'i dge 'dun de bzhin no// nges rang ge 'dun
- 452a
rin chen mchog tu gsungs/ / bden pa de yis 'dir ni dge bar shog/ shes rab za' bos shin tu bstan pa yi// 'phags pa'i bden pa su dag rnam sgom zhing // lus kyang sbyin par yid la byas pa ni/ / de dag 'jigs pa brgyad dang phrad mi 'gyur// de bas dge 'dun rin chen mchog tu gsungs// bden pa de yis 'dir ni dge bar shog/ ji ltar ma ni rlung gis rab gtor ba// lag tu blangs te bgrang du med pa nyid/ / de ltar kun tu sbyor ba rab btang ba// sangs rgyas sras rnams bstan du med par 'gro// des na dge 'dun rin chen mchog tu gsungs// bden pa de yis 'dir ni dge bar shog/ sems can gang dag 'gro dang mi 'gro ba// de dag thams cad 'dir ni bder gyur cig/ ston mchog lha dang mis ni mchod 'os pa// sangs rgyas phyag 'tshal deng 'dir dge bar shog/ sems can gang dag 'gro dang mi 'gro ba/ / de dag thams cad 'dir ni bder gyur cig/ zhing chags bral lha mis mchod 'os pa// chos la phyag 'tshal dang 'dir dge bar shog/ sems can gang dag 'gro dang mi 'gro ba/ / de dag thams cad 'dir ni bder gyur cig/ tshogs kyi dam pa lha mis mched 'os pa// dge 'dun phyag 'tshal deng 'dir dge bar sheg/ sems can gang dag 'gro dang mi 'gro ba// de dag thams cad 'dir ni bder gyur cig/ 'byung po gang dag 'dir ni lcags gyur te// sa'am 'on te bar snang 'khod pa dag/ skye dgu rnams la rtag tu byams byed shog/ nyin dang mtshan du chos kyang spyod par shog/ 'di
- 452b
na rgyal ba dgra rgyal bden gang gis/ / shin tu bden pa gsung zhing brdzun med pa// bden pa de yis 'dir ni dge bar shog/ de kun 'jigs pa che las thar gyur cig swA hA/ s+yAd ya the na/ d+hi ri ri d+hi ra/ ba la ni She/ ba la sA re/ sA ra ba te/ s+yA ti/ pra b+hU ta/ prAp+te/ A ra d+ha/ A ra b+ho Sha/ sA ra ba te/ a ts+tsha te/ ba la d+ha re/ shU ra prap+te/ sA rang+ga me/ surur+ya ba me/ su 'ur+ya ni N+yai She swahA/ tshangs pa steng chen po rab tu 'joms pa zhes bya ba'i rig sngags kyi rgyal mo gdon thams cad las rab tu thar par byed pa 'di ni/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi ba ma snyed kyi sangs rgyas kyi phyag rgya'o/ / sangs rgyas kyi gnas so// chos kyi gnas so// dge 'dun gyi gnas so// tshangs pa'i gnas so// dbang po'i gnas so// 'jig rten skyong ba'i gnas so/ / dbang phyug gi gnas so// drang srong chen po'i gnas so// 'byung po'i gnas so// mig gi gnas so// rgyu'i gnas so// phyogs kyi gnas so// bstan pa'i gnas so// sa rgyas rnams kyis mngon par rdzogs par sangs rgyas pa'o/ / nyan thos dang rang sangs rgyas rnams kyis reg pa'o// tshangs pas byin gyis brlabs pa'o// dbang pos rab tu bsngags pa rten skyong ba rnams kyis mchod pa'o/ / dbang phyug gis phyag byas pa'o// rtsa thams cad kyis kun tu mchod pa'o// rnal 'byor spyod pa rnams kyis bsngags pa'o// mkhas pa rnams ma
- 453a
dga' bar gyur pa'o/ / drang srong rnams kyis rab tu bsngags pa'o// tshangs pa rnams kyis rab tu brgyan pa'o// lha rnams kyis mngon par bstod pa'o// khrus byed pa rnams kyis bsangs pa'o/ / rigs bzhi'i 'jig rten gyis dga' bar byas pa'o// sangs rgyas thams cad kyi spyod yul lo// rang sangs rgyas rnams kyi skyed mos tshal lo// drang srong rnams kyi gnas so/ / nga nyan thos rnams kyi mya ngan las 'das pa'o// rnal 'byor spyod pa rnams kyi gnas so// byang chub kyi phyogs kyi chos rnams kyi 'byung gnas so// nyon mongs pa rnams 'joms pa'o// bag la nyal gyi zug rngu rnams 'byin pa'o/ / 'phags pa'i lam kun tu ston pa'o// thar pa'i sgo rnams 'byed pa'o// 'jigs tshogs la lta ba rnams 'jig par byed pa'o// nga rgyal gyi ri rab tu snyil bar byed pa'o// 'khor ba'i rgya mtsho skems pa'o// 'khor ba'i rgya mtshor lhung ba'i sems can thams cad sgrol ba'o// bdud kyi zhags pa gcod pa'o// bdud kyi 'khor skrag par byed pa'o// bdud kyi mchil pa 'dor pa'o// nyon mongs pa'i g.yul las sgrol ba'o/ / mya ngan las 'das pa'i grong khyer du 'jug par byed pa'o// 'khor ba'i khyim nas 'byung bar byed pa'o// s+yAd ya the dan/ khaD+ge/ khaD+ga g+ho ShaShe/ u sho d+ha ne/ swa ra thi/ pra b+he de/ pi pu la pra b+he/ sang kan+ta tri/ bi kaR+Sha Ni/ bi shA gra ba ti/ shud+d+ha sA d+ha Na/ ba ru Na ba te/ bA sa bau/ bi bu'u Sha Ni/ bi'angag me/ ba shu pa ti/ puSh+pa gar+b+he/ swas+t+yastu swAhA/ bdag dang sems
- 453b
can thams cad 'jigs pa dang / nye bar 'tshe ba dang / ngal ba thams cad las bde legs su gyur cig swA hA/ stong chen po rab tu 'joms pa zhes bya ba'i rig sngags kyi rgyal mo gdon thams cad las thar bar byed pa'i mdo sde 'di ni/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyi sangs rgyas kyi phyag rgya ste/ 'dis ni lha dang / mi dang / lha ma yin du bcas pa'i 'jig rten phyag rgyas btab ste/ mya ngan las 'das pa'i grong khyer bla na med par zhugs so// de'i don gyi phyir sngon mngon par rdzogs par sangs rgyas pa'i yang dag par rdzogs pa'i sangs rgyas dang / rang sangs rgyas dang / nyan thos rnams kyis yang dag par rdzogs pa'i sangs rgyas rnams dang / rang sangs rgyas rnams dang / nyan thos rnams dang / pha ma dang / sbyin gnas dang / bla ma lta bu rnams la bsnyen bkur to/ / tshangs par spyod pa spyang do// tshul khrims bsrungs so// sbyin pa byin no// snying rje'i pha rol tu phyin pa yongs su bskangs so// byang chub sems dpa'i spyod pa bsgrubs so// byang chub thob par bsgrubs so// thams cad mkhyen pa thob bo// bdud pham par byas so// de nas mi mjed kyi bdag po tshangs pa dang / lha rnams kyi dbang po brgya byin dang / rgyal po chen po bzhi po ngag gis skang gcig dang / blo gros gcig dang / dbyangs gcig gis/ bcom ldan 'das la phyag 'tshal nas gsol pa/ kye ma'o rig sngags rig sngags che// sdong chen rab tu 'joms byed pa// sangs
- 454a
@rgyas phyag rgya de yis ni/ / phyogs bzhi'i sems can thams cad srung // phyag rgya gang gis btab gyur na// 'byung po thams cad skrag bgyid pa// stong chen rab tu 'joms pa'i mdo/ / phyag rgya bdag cag stsal bar bgyi// mi gang rab tu sdang ba dang // bstan pa 'di la ma dad pa// de dag tshangs pas sprul pa yi// rig sngags chad pas gcad par dgyi// brgya byin gyis ni spyi bos blangs// 'jig rten skyong bas rgyas btab bo// s+yAd ya the dan/ ka ling+ga/ b+hA ra de/ dzA da gr-i/ dzA ma Ne/ sAM ha ma de/ sA rA gra prAp+te/ haM sa gA mi ni/ mA li ni/ hu le mi hu li bi hu li/ bi hu li/ bi hu la me/ ha ha ma ha ha ma ha ha ma ha ha ma/ su'u da ni/ ba rA gra ba ti/ hasti ne/ ne tsa ra ma ti/ tsaN+DA li/ tsa ra me/ tsa ro tsa re swA hA/ stong chen mo rab tu 'joms pa zhes bya ba rig sngags kyi rgyal mo 'di bshad pa'i tshe/ stong gsum gyi stong chen po'i 'jig cher gyi khams 'di rnam pa drug tu g.yos/ rab tu g.yos/ kun tu g.yos/ kun tu rab tu g.yos/ phyogs bzhi'i gnod sbyin dang / srin po 'byung po sha la zab rnams kyis sgra skad drag po byung ba/ kye ma'o sdug bsngal/ kye mtho brlag/ bdag cag 'byung po'i tshigs ni phung ngo // bdag cag 'byung po'i tshogs ni rab tu phung ngo // 'byung po'i tshogs ni rab tu phung // bdag cag rtag tu dbang gis khrid// srog chags 'byung po thams cad ni// de ring dgrar bcas dbang med do//
- 454b
dag sa la 'khod nas ni// num zhing rnam par zhum gyur nas// 'gre zhing ldog par rab tu byed// de nas bcom ldan 'das kyis sa gzhi rdo rjer mngon par sprul pa dang / de dag kyang phyogs bzhir byer ro de nas rgyal po chen po bzhis phyogs bzhir me lce'i phung po chen po bzhi mngon par sprul pa dang / de dag nam mkha' la kun tu rgyug go// de nas mi mjed kyi bdag po tshangs pas nam mkha' lcags su mngon par sprul pa dang / de dag shing ta la bdun tsam nas nam mkha' la kun tu rgyug go// de nas lha rnams kyi dbang po brgya byin gyis ral gri dang / mda' dang / mdung thung dang / marung dang mnga' bo che dang / shing ljon pa dang / ri'i char mngon par phab bo// de'i tshe gnod sbyin lnga stong mi mjed kyi 'jig rten gyi khams su kun nas 'dus pa rnams rig sngags kyi dmod pas bcom ste rims nad kyis btab nas myos te rgyu zhing / bcom ldan 'das kyi zhabs gnyis la gtugs te gsol pa/ dge sbyong go'u ta ma ni sems can thams cad la phan pa dang thugs brtse ba can lags kyis dge sbyong go'u ta mas bdag cag bskyab tu gsol/ de nas bcom ldan 'das kyis gsang ba po de dag la byams pas khyab par mdzad nas bslab pa 'dzin du btsud do// bdag cag phyag rgya spong gyur na/ / ma gsod pa yi 'gro gang dang // pha gsod pa yi 'gro gang dang // dgra bcom pa yang gsod gang dang // dge 'dun dbyen bgyid 'gro gang dang // rdzogs sangs
- 455a
@/ rgyas la sdang sems kyis// sku mtshal phyung ba bgyis pa yis// 'gro ba gang lags der mchi'o// ar+tha ka yi dog pa ltar// mgo ni tshal pa bdun 'gas shing / gnod sbyin nad kyis btab pa dang // bdag lus sha bkra 'byung bar shog/ gang 'di rgyal bas gsungs pa'i mdo// stong chen rab tu 'joms pa yi// rig sngags rgyal las 'gal bgyis na// bdag cag 'dod bzhin mi 'gyur ro// de'i tshe grong khyer chen po yangs pa can na yams kyi nad dang / 'jigs pa dang / gnod pa dang / nad 'go ba dang / 'khrug pa thams cad rgyun chad par gyur toHrngaganod sbyin dang / srin po dang / mi dang / mi ma yin pa rnams kyang rang rang gi spyod yul las 'das so// yangs pa can gyi li ts+tsha byi rnams kyang nad dang gnod pa thams cad las grol te bde ba thams cad yang dag par 'phel nas/ sangs rgyas la mi phyed pa'i dad pa dang ldan par gyur/ chos la mi phyed pa'i dad pa dang ldan par gyur/ dge 'dun la mi phyed pa'i dad pa dang ldan par gyur nas/ rtag tu dkon mchog gsum mchod pal mngon par dga' ba'i dga' ston chen pos gnas so// ngang pa dang / ne tse dang / ri skegs dang / khu byug dang / rma bya dang / dur pa dang kuN+Da la dang / shang shang te'u dang / bya'i tshogs rnams kyang sgra snyan pa 'byin no// mi 'am ci rnams ni lha'i bu mo bzhin du lus la gnod pa med do// rin po che'i tshe byad rnams kyang ma dkrol
- 455b
bar 'khrol lo/ / rnga bo che dang / dung dang / rnga rnga dang / rnga bran dang / pi wang dang / gling bu rnams kyang ji ltar gnas su bkod pa bzhin du sgra byung ngo // bal po se'u dang / bil ba dang / skyu ru ra dang n+ya gro d+ha dang / byang chub kyi shing dang / spre'u gnas dang / p+lag sha dang / u dum ba ra ba dang / sa la ta dang / ta ma la'i dang / til ka dang / tsam pa ka'i shing ljon pa rnams kyang dri rab tu 'byin to/ rngalha brgya stong dag gis kyang a la la zhes bya ba'i sgra phyung ste/ bar snang las me tog gi char mngon par phab bo// mi ma yin pa'i dri dag kyang 'jig rten du byung ngo // de nas rgyal po chen po bzhis thal mo sbyar te/ bcom ldan 'das la 'di skad ces gsol to// btsun pa bcom ldan 'das gang la la zhig gis bslab pa'i gzhi yongs su bzung ste gos ngur smrig bgos nas/ stong chen po rab tu 'joms pa'i mdo sde'i rgyal po gdon thams cad las thar par byed pa sangs rgyas kyi phyag rgya'i chos kyi rnam grangs 'di rlangs shing bzung ste/ bklags shing bshad la/ kun chub par bgyis shing yi ger bris nas mdud pa bor te 'chang na/ de la yams kyi nad dang / 'jigs pa dang / gnod pa dang / nad 'go ba dang / 'khrug pa dang / khrag khrug dang / 'thab mo dang bcing ba dang / rtsod pa dang / 'gyed pa nas/ phra ma'i bar gyi sdig pa mi dge ba'i chos rnams kyis mi tshugs par 'gyur lags so// rnam par 'tshe ba thams cad las rgyal bar 'gyur
- 456a
lags so/ / yul 'khor mtshams gcad par 'tshal ba/ khrus bgyis pa/ zas dkar gsum 'tshal ba/ zas ngan pa rnam lnga spangs pa/ me'i bslab pa'i gzhi thams cad yongs su bzung ba/ sems can thams cad la sems snyoms pa/ shin tu brgyan pa/ gos dang rgyan dang ldan pa des grong dang / grong khyer dang / grong rdal dang / yul 'khor dang / sum mdo dang / khyim rnams nyal nyil gyi phung po ma mchis par bgyis te/ rgyal po'i pho brang 'khor gyi dbus kyi dog sa rnams su me tog sil ma bkram la/ spos sna tshogs kyis rab tu bdugs par bgyi'o/ / phyogs bzhir bu mo shin tu khrus bgyis pa/ brgyan pa lag na mtshon thogs pa bzhi dang / dril bu bzhi dang / rin po che'i snod dri'i chu dang / me tog dang 'bras bus yongs su gang ba bzhi gzhag par bgyi'o/ / snga dro'i dus kyi tshe gdugs shar ba dang rig sngags bklag par bgyi ste/ mdo sde bzlas shing bklag par bgyi'o// yi ger bris te mchod rten chen po dang / shing ljon pa chen po dang / rgyal mtshan chen po'i rtse mo la bstod de btags la/ me tog sna tshogs dang / spos sna tshogs dag gis dgung zla phyed kyi bar du mchod par bgyi'o/ / gdugs re re zhing rig sngags lan re re bklag par bgyi'o// de ltar na yul 'khor yongs su thar par 'gyur lags so// de ltar grong dang / grong khyer dang / grong rdal dang /
- 456b
ljongs dang / yul 'khor dang / pho brang 'khor dang / gnas dang / gtsug lag khang dang / lha'i khyim dang / zhing dang / las khang dang / shing ljon pa dang / 'bras bu dang / ne'u gsing dang / kun dga' ra ba dang / gnag lhas dang / phyugs lhas rnams nyal nyil ma mchis par bgyis te/ seng sdeng dang rgya shug gi zhugs bltams la/ dog sa la me tog sil ma bkram ste/ sgo khang g.yas g.yon nas dri sna tshogs kyis bdugs la/ sa bon thams cad mar gyis bskus te phyogs bzhir gtor bar bgyi'o// zhugs la yang gtor bar bgyi'o// chab sgor tshom skud sna tshogs bre bar bgyi'o/ / dud 'gro'i skye gnas su gyur pa dag ni bton la slar yang gzung par bgyi'o// rig sngags kyang bklag par bgyi'o// yi ger bris sam mdud pa mdud de mthon po'i khar btags la mchod par bgyi'o/ / nad pa'i mdun du sangs rgyas kyi sku gzugs sam/ sangs rgyas kyi ring bsrel lam/ tshangs pa'i gzugs sam/ brgya byin gyi gzugs sam/ rgyal po chen po bzhi'i gzugs khri'u 'am za ma tog gi steng du bzhag ste/ phyag rgya bzhi dgyis la gzhag par bgyi'o// me tog sna tshogs dang / spos sna tshogs dang / dri sna tshogs kyis tshangs pa dang / brgya byin dang / rgyal po chen po bzhi dang / dbang phyug chen po dang / gnod sbyin gyi sde dpon dang / gnod sbyin stobs po che dang / 'phrog ma bu la sogs
- 457a
@#/ pa'i ming gis dkon mchog gsum la mchod par bgyi'o// de rnams kyi stobs dang / dbang phyug dang / byin gyis bdag dge bar gyur cig/ bdag la srung gyis shig/ nad thams cad dang gdon thams cad las thar par gyur cig/ nad pa'i zas dang / skom dang / sman rnams kyang rig sngags 'dis btab ste stsal bar bgyi'o// rdzogs sangs rnam par sangs rgyas tshe/ / 'jig rten skyong bas phyogs bzhi nas// snod bzhi dag ni blangs nas su// bde bar gshegs la phul ba dang / mthu yis gcig tu sprul mdzad pa// lha yi snod mchog de dang ni/ / bdud rtsi 'dra ba'i sman gyi rnams// ston pa'i phyag na bsnams gyur pa// bden pa'i tshig ni de dag gis// sman rnams bdud rtsir gyur par shog/ de bzhin lbu mo 'phro ga ma yis/ / lha rdzas dge ba a ru ra// blangs nas ston la rab phul ba// bdud rtsi 'dra ba'i sman gyi rnams// bden pa'i tshig ni de dag gis// nad pa rnams kyi nad sal cing // nyes pa thams cad 'phrog byed pa/ / sman rnams bdud rtsir gyu par shog/ sangs rgyas rnam gzigs gzi brjid dang // gtsug tor can gyi stobs rnams dang // thams cad skyob kyi bde ma tshig dang / log dang sel gyi ting 'dzin dang // gser zhes bya ba'i ye shes dang // 'od srungs kyi ni rdzu 'phrul dang // shAkya seng ge'i mthu rnams kyis// sman rnams bdud rtsir gyur par shog/ nang
- 457b
pa shar phyogs kha bstan la/ / sman rnams nye bar stsal bar bgyi// de yi tshe na rig sngags 'di// lag mthil bzhag ste bklag par bgyi// s+yAd ya the ngan/ kha Te kha Ta/ bi kha Te/ tsa le/ bi tsa le/ bi tsa le/ bi ma le/ bi laM be/ ba la ba te/ tsan+na/ tsa ra Ne/ a mr-i ta ni N+yo She swA hA/ rlung las gyur dang mkhris las gyur// bad kan las gyur 'dus las gyur// nad rnams thams cad rab bcom ste/ / bdag la rtag tu dge bar shog/ byad stems dang ro langs dang ldan pa'i las rnams la skyes pa'am/ bud med gdugs zhag gcig smyung bar bgyis pa// rab tu khrus bgyis pa/ shin tu brgyan pa des dogs la me tog sil ma bkram ste/ spos sna tshogs kyis bdugs la/ seng ldeng dang rgya shug rigs gnyis kyi zhugs bus te/ sa bon thams cad phyogs bzhir gtor bar bgyi'o/ / zhugs kyi nang du'ang gtor bar bgyi'o// rtsa ba thams cad dang me tog thams cad chen skud sna tshogs la brgyus te ral gri'am// mdung rtse gsum pa'am/ mdung ngam/ mnga' la gdags par bgyi'o// spos chab sna tshogs sbyar te/ bum pa chen po'i nang du blugs la/ gang byang snyems kyis phog pa de skud pa de bcings te bum pa'i chab kyis bkru bar bgyi'o/ / skud pa yang ral gris bcad de zhugs kyi nang du dor ro// stong chen po rab tu 'joms pa'i mdo sde 'di'ang brjod par bgyi'o// gang dag sangs rgyas rang sangs rgyas
- 458a
sangs rgyas rnams kyi nyan thos dang / / tshangs dbang dang ni 'jig rten skyong // gnod sbyin sde dpon dbang phyug dang // de bzhin gnod sbyin stobs chen dang // 'phrogs budang bcas pa dang / / de dag mthu dang gzi brjid kyis// ro langs las rnams chad gyur cig/ rdi rjes rin chen phug pa dang // me yis bud shing sreg pa dang // rlung gis sprin ni 'thor ba dang / nyi mas nags tshal skems byed pa// bden pa'i tshig ni de dag gis// byang stems las rnams tshig par shog/ spos dang me tog sna tshogs kyis// sdig pa thams cad nges par sel// tad+ya thA/ hu me hu me/ ke kha li/ kha ra li/ dzu hra ni/ dza ba le/ ga ra ge/ ha ri Ni/ shA ba ri/ shAn+ti/ pra shAn+ti sA hA/ d+hU ba ni sA hA/ pra d+hA ba ni swA hA/ gan d+harbe swAhA/ ba lang ga ni swA hA/ sarba kA kher da ku ta be tA Da tshe d+ha nI swA hA/ lha thams cad kyi gsang sngags 'di dag gis bdag dang sems can thams cad kyi byad snyoms dang / ro langs dang / sman dang / sngags dang / dug dang Ta dug sbyar ma rnams bcang ngo / / bshig go/ pham par byas so// pha rol pham par byas so// swA hA/ lba ba dang / shu ba dang / spro ba dang / 'bras dang / 'brum bu dang / kom bo dang / dug 'thungs pa las thar bar 'tshal ba shin tu khrus bgyis pa/ shin tu brgyan pa stan bzang po'i steng du mchis te rig sngags 'di brjod par bgyi'o// sangs rgyas kun gyi gzi brjid dang //
- 458b
rang rgyal dag gi gzi brjid dang // dgra bcom dag gi mthu dag dang // gsang sngags 'dzin pa thams cad dang // shA ri'i bu yi shes rab dang // mo'u 'gal bu yi rdzu 'phrul dang // ma 'gags pa yi mig dang ni/ / 'od srungs sbyangs pa'i yon tan dang // ko'u di n+ya'i sngar thob dang // kun dga' bo yi thos pa dang // tshangs pa yi ni byams pa dang // brgya byin gyi ni dbang rnams dang // 'jig rten skyong ba'i yul rnams dang // dbang phyug chen po'i stobs dag dang // sde dpon rnams kyi mthu dag dang // 'phrog ma'i gzi brjid rdzu 'phrul dang // de dag rnams kyi mthu dang gzis// / bdag gi dug ni dug med shog/ dug med dug rnams 'jil byed pa// gsang sngags gzhi rnams de lags so// s+yAd ya the dan/ ha ri ka shi/ ni ki li/ re hi ra/ a ma re/ ar+tha re/ baN+Da re/ ka Ta ke/ ka yu'u re/ ha se ha sa ha se/ kha se kha saM kha sa/ ma ru ga ha ne swA hA/ mu mu kU swA hA/ hi le swA hA/ mi li swA hA/ 'bras dang rma dang shu ba dang // g.yan pa dang ni 'brum bu dang / / lhog pa dang ni g.ya' ba ni// bdun pa lags te rab tu bcom// 'dod chags zhe sdang gti mug rnams// de dag 'jig rten dug gsum ste// bcom ldan sangs rgyas dug mi mnga'/ / sangs rgyas gzi yis dug bcom mo// 'dod chags zhe sdang gti mug rnams// de dag 'jig rten dug gsum ste// bcom ldan chos ni dug mi mnga'// chos kyi gzi yis dug bcom mo//
- 459a
'dod chags zhe sdang gti mug rnams// de dag 'jig rten dug gsum ste// bcom ldan dge 'dun drug mi mnga'// dge 'dun gzi yis drug bcom mo// sa ni dug gi ma yin te/ / sa ni dug gi pha yang yin// bden pa'i bden tshigs de dag gis// bdag gi dug ni dug med shog/ dug ni sa yi nang du song // gang ba'i snod du dug song zhig swAhA/ de nas khrag drug dang 'thab pa dang / rtsod pa dang / 'gyed pa dang / pha rol gyi dmag tshogs dang / dgra rnams las rgyal bar 'tshal bas/ thog mar mchod rten chen po la mchod par bgyi'o// stong chen po rab tu 'joms pa'i rig sngags kyi rgyal mo 'di yang brjod par bgyi'o/ / sangs rgyas kyis ni bdud pham mdzad// chos ma yin ni chos kyis so// dge 'dun gyis ni mu stegs pham// dang bos lha min pham par gyur/ / lha min rnams kyis zla ba pham// nam mkha' lding gis rgya mtsho'o// me yis shing rnams pham par gyur// chus ni me yang pham par gyur// rlung gis sprin rnams rab tu pham/ / rdo rje yis ni rin chen phug/ lha rnams bden par rab tu gsungs// sa yang bden par gnas pa lags// sangs rgyas dang ni chos kyang bden// bden pa rgyal gyur rdzun ma lags/ / s+yAd mthe na/ amr-i te/ amra puSh+pe/ bahu pa le/ ni bA ra Ni/ sarba ar+tha sad+ha/ a bar dza~M te/ d+ha ra d+ha ra Ni/ gu h+yab te/ go ta me/ gud+ha ma te/ dzin+d+han
- 459b
swA hA/ pra dzam+b+ha ni swAhA/ bal pra b+hany+dza ni swA hA/ dzas swAhA/ bi dza ye swAhA/ dza ma bi dza ye swA hA/ phyir rgol ba ni kun las rgyal// sdig pa thams cad rab tu pham swAhA/ de nas ston pa kun mkhyen gyis/ / tshigs su bcangad ba 'di dag gsungs// mi 'khrugs pa dang snang mdzad spyan ras gzigs kyi dbang // rin chen 'od 'phro ri rab mu khyud 'od dpag med// rdo rje rnams kyi mtshan rnams rtag tu bzung na ni/ / 'jigs par 'gyur ba ma yin gnod par mi 'gyur ro// gang gis mthu stobs chen po brgyad po 'di dag gi/ mtshan rnams rjes su gzung ba'i phyir ni rab brjod cing / / kun tu bskyab pa byas na de yi lus la ni// me dang dug dang mtshon gyis tshugs par mi 'gyur ro// gal te de la gnod pa byed pa nye bar gnas// gshed mas mtshon rnams kyis/ ni gdab par gzas pa las// spyan ras gzigs kyi dbang po rjes su dran na ni// mtshon cha de dag dum bu dum bur 'chag cing 'brul// gal te mtshon cha rnams ni thogs par gyur na yang / lag pa cha gnas sa la rab tu ltung bar 'gyur// de yi lus la cung zad 'bab par mi 'gyur te// sngan chad las byas gang yin pa ni ma gtogs so// lha rnams kyis mthun par tshigs su bcad pa 'di dag gsol to/ / sangs rgyas spyod yul mtha' yas khyod la phyag 'tshal lo// bden par rab ston thub pa khyod la phyag 'tshal lo// dang ni bden pa rnams la gnas nas mchi bar bgyi// bdag
- 460a
dang sems can rnams ni thams cad kyi/ / las rnams thams cad 'bras bur bcas gyur cig/ de nas tshangs pa tshangs chen gyis// langs te thal mo sbyar btud nas/ stong chen rab tu 'joms byed pa// legs par gsungs pa'i rig sngags 'di// byis pa rnams la phan bgyid pa// rig sngags bdag gis brjod par bgyi// gang gis dang por 'dzam gling du// rig sngags rab tu ston mdzad pa// chos kyi rgyal por snang mdzad pa// sangs rgyas dpa' la phyag 'tshal lo// khyad par 'phags pa'i chos rnams dang // tshogs kyi dam pa dge 'dun dang // sangs rgyas zhabs la phyag 'tshal nas// tshangs pas 'di skad tshig gsol to// gang dag sangs rgyas rang sangs rgyas// sangs rgyas kyi ni nyan thos dang // drang srong dang ni 'jig rten skyong // lha rnams ji snyed mchis pa dag/ de kun mi yi 'jig rten ni// 'di las skyes pa sha stag go// thub chen mngal na 'tshal ba yi// gnod sbyin srin po 'di na mchis// rgyal po rnams kyis mthong mi nusarnga bstan par yang ni mi nus so/ / gang la bu ni mi 'chags dang // gang gi mngal na mi gnas dang // skyes pa bud med 'du ba na// dbang po rnams ni myos par bgying // mar mer po dang nur nur po/ / bu yi sa bon ma rung bgyid// gang yang mngal ni thur du gyur// sha ma mi 'byung gnod bgyid pa// de rnams kyi ni ming brjod kyis// 'jig rjem mgon po bdag la gson// 'jam pa
- 460b
po dang ri dgas rgyal/ / skem byed brjed byed khu tshur can// ma mo dang ni dzA mi ka/ 'dod pa can dang nam glu dang // srul po dang ni ma dga' byed// bya dang gnya' ba'i lag can dang // bzhin rgyan dang ni mig 'phyang ba/ / de dag thams cad sa la rgyu// gdon rnams bco lnga de dag ni// byis pa rnams la 'jigs par bgyid// ji ltar byis pa 'dzin pa yi// mtshan dang gzugs kyang brjod par bgyi/ / 'jam pa pos ni zin gyur na// mig ni rab tu 'gyur bar bgyid// ri dgas rgyal gyis zin gyur na// skyugs pa mi bzang skyug par 'gyur// skem byed kyis ni zin gyur na// skem byed pas ni byis pa 'gul// brjed byed kyis ni zin gyur na// 'gre zhing de ltar sgra yang 'byin// dbu ba dang ni kha chu 'dzag/ khu tshur can gyis rab zin na// khu tshur 'chang zhing 'byed par bgyid/ / ma mo yis ni zin gyur na// rgod cing de bzhin sgra yang 'byin// dzA mi kas ni rab zin na// nu zho nu bar mngon mi dga'// 'dod pa can gyis rab zin na// mal na ga 'di log ngu bar 'gyur/ / nam grus rab tu zin gyur na// lce la sogs ni 'chab bar bgyid// srul pos rab tu zin gyur na// ku co 'don cing sgra yang 'byin// ma dga' byed pas zin gyur na// rnam pa sna tshogs gzugs su 'gyur/ / bya yis rab tu zin gyur na// mnam pa'i dri ni 'byung bar 'gyur// gnya' lag can gyis zin gyur na// mgul pa rab tu 'gag par 'gyur// bzhin rgyan gyis
- 461a
ni zin gyur na/ / rims kyis btab cing 'khru bar 'gyur// mig 'phyang bas ni zin gyur na// skyigs bu dang nim pa 'byung // byis pa ji ltar skrag bgyid pa// de ma gzugs ni brjod par bgyi/ / 'jam pa po ni ba lang gzugs// ri dgas rgyal po ri dgas 'dra// skem byed pa ni gzhon nu'i gzugs// brjod byed pa ni wa 'dra'o// khu tshur can ni bya rog gzugs/ / ma mo de ni ra yi gzugs// dzA mi ka ni rta yi gzugs// 'dod pa can ni rdo rje'i gzugs// nam gru khyi yi gzugs kyis te// srul po phag gi gzugs kyis so// ma dga' byed pa byi la'i gzugs/ / bya ni 'ang ba chags gzugs kyis so// gnya' lag can ni bya gag gzugs// bzhin rgyan 'ug pa'i gzugs su ste// mig 'phyang ba ni pha wang gzugs// 'di dag byis pa skrag par bgyid// 'di dag bu 'phrog ma rungs pa// byis pa rnams la 'jigs bgyid pa// mdo sde'i zhags pas drangs nas ni// 'di dag shin tu dgug par bgyid// gnod sbyin sde dpon chen po ni/ / dri za tsan ngan zhes bgyi bas// yi ge phyag rgya de stsal de// song la gdon ni drag po pa// bco lnga de dag khug cig ces// pho nyar yang ni gtang bar bgyi// de dag rnams ni skad cig gis/ / bcing ba lnga yis bcing bzhin bkug/ de nas 'jig rten mgon po la// tshangs chen thal sbyar 'di skad gsol// srog chags sa bon 'jig bgyid pa// 'byung
- 461b
bo 'di dag rnams lhags te/ / mgon po yi ni spyan snga ru// 'di dag chad pa bshad par bgyi// bud med gang dag bu mi 'tshal// gang zhig btsas pa 'dzin 'tshal bas// tshes brgyad dang ni bcu bzhi la/ / bslab bzung dam chos skyabs mchis la// mchod rten legs par mchod par bgyi// khrus bgyis shin tu brgyan nas ni// sa gzhir yungs kar gtor nas su// me tog spos kyis brgyan par bgyi/ / sna lnga'i tshon gyi skud pas ni// khor yug tu ni skor bar bgyi// nam phyed bar du mchis nas ni// spyi bor yungs kar bzhag nas su// tshangs pas rab tu byas pa ste// tshangs pas sprul ces brjod par bgyi// lo grangs bcu gnyis bar du ni// gzhon nu rnams la phan bgyid pa// tshangs pas sprul pa'i mdo sde yis// rig sngags 'di las gang 'da' ba// ardza ka yi dog pa bzhin// mgo ngo tshal pa bdun du 'gas// s+yad ya the dan/ aM gaM baM ge b+haM ge/ b+ha ba ne/ i nin+da/ bi nan di/ mU la di/ gi ri ga pa ri/ ga ru Ni/ sha ru Ni/ gi ri gaM ba ro/ / lo tsa na/ ro laN/ ro tsa ne/ la sa ni/ a la b+he/ aM ga naM/ a la phe/ ta la phe/ ta la pheM/ pra kaR+ShA ni sAhA/ mngal na bde bar gnas gyur cig/ dbang po yang dag 'phel bar shog/ mngal na 'dug pa bder gyur cig/ btsas pa 'jig par ma gyur cig/ mngal na bde bar gnas gyur cig/ dus bzhin du ni 'byung bar shog/ tshon srung sna tshogs
- 462a
rnams dang ni/ / yungs kar 'bru ni ma grugs pa// de dag srung bar gsungs pa ste// byis pa ring du 'tsho bar shog/ de nas ston pa kun mkhyen gyis// rig pa'i sngags ni 'di dag gsungs/ / mngalan 'dug bsrung bar shog/ byis pa rnams ni bder gyur cig/ s+yAng ya the dan/ bo d+hi bo d+hi mahA bo d+hi/ bod+ha a num te/ pa liM ni/ bcu pa le shik+She shik+Sha sbyar ba ta sA ga le/ du rA sa de/ shU ra pra ba te/ shU ra ba te/ b+ha ge b+ha gA b+ha ge b+ha gi ni ni ba ra ni swA hA/ de nas gdon ni bco lnga po// rtag tu khrag la 'thung rnams kyis// 'jig rten mgon la phyag 'tshal te/ / thal mo sbyar nas 'di skad gsol// grong ngam khyim mam grong khyer ram// gang na legs par gsungs pa yi// mdo sde 'di ni bzhugs pa der// byis pa rnams ni mchi mi 'gyur/ / thub chen khyod ni ji bzhin du// rjes su mthun par 'jug par bgyi// sangs rgyas bcom ldan 'das la phyag 'tshal lo// tshangs pa la phyag 'tshal lo// gsang sngags kyi tshig rnams grub par gyur cig swAhA/ grub par gyur cig/ rig sngags kyis sgrol bar gyur cig/ tshangs pas bsam par gyur cig swAhA/ de nas rgyal po chen po rnams thos kyi bus bla gos phrag pa gcig tu gzar nas thal mo sbyar te/ bcom ldan 'das la phyag 'tshal nas 'di skad ces gsol to// btsun pa bcom ldan 'das nyan thos gang la la stong chen po rab tu 'joms pa'i mdo sde 'di
- 462b
'dzin tam/ 'chang ngam/ ston tam/ klog gam/ kun chub par bgyid pa des mang du thos pa la brtson par bgyi'o// mchod rten mchod pa la brtson par bgyi'o// tshes brgyad dang / bcu bzhi dang / bco lnga'i dus su mchod rten la mchod pa rgya chen po bgyis nas rig sngags bklag par bgyi'o// tshes brgyad kyi tshe ni rgyal po chen po bzhi'i skyes bu dag rgyal po chen po rnams kyi mdun na de la sems bar bgyid/ / ming nas kyang 'don par bgyid do// tshes bcu bzhi'i tshe ni rgyal po chen po bzhi po dag nyid mdun na sems par 'gying// ming nas kyang 'don par bgyid do// tshes bco lnga'i tshe ni rgyal po chen po bzhi po dag nyid mdun na sems par bgyid cing ming nas kyang gdon par bgyid de/ bcom ldan 'das kyi nyan thos gang stong chen po rab tu 'joms pa'i mdo sde 'di len pa dang / 'chang ba dang / ston pa dang / klog pa dang / kun chub par bgyid pa de ni srog chags 'byung po thams cad la snying brtse zhing phan 'dogs par bgyid lags so// btsun pa bcom ldan 'das bdag cag rgyal po chen po bzhis kyang de la gos dang / zas dang / mal cha dang / stan dang / na ba'i gsos sman dang / yo byad rnams kyis mi brel bar bgyi'o// sems can thams cad kyis kyang bsti stang bgyid par 'gyur ro/ / rgyal po dang blon po dag gis kyang bla mar bgyi ba dang / rim gror bgyi ba dang / mchod par bgyid par 'gyur ro// gzhan mu stegs can dang / dge sbyong dang /
- 463a
bram ze dang / spyod pa can dang / kun tu rgyu dang / mdza' ba dang / mi mdza' bdag gi nang du mchis kyang mchod par 'gyur ro// rigs kyi bu'am/ rigs kyi bu mo dang pa nges gtsang mar bgyis te/ lus gtsang ba dang / gos dang / rgyan dang / mal cha dang / stan dang / yo byad khyad par can gtsang mar bgyi/ yul ngan pa rnyed par mi bgyi/ yul ngan pa'i mdza' bo dang bsten par mi bgyi/ yul ngan pa na gnas pa la bsngags par mi bgyi'o// gang 'byung po'i gdon gyis zin pa'i mdun du stong chen po rab tu 'joms pa'i mdo sde 'di dran par gyur na/ de la rgyal po chen po bzhi po nyid srung ba dang / skyob pa dang / sbed par bgyid par 'gyur ro// btsun pa bcom ldan 'das de ltar na stong chen po rab tu 'joms pa'i mdo sde 'di mthu che ste/ gang gis rang gi khyim du mtshan gcig gam nyin gcig kyang rung / yang dag par bsams na/ de la lo gcig gi bar du mi ma lags pas glags rnyed par mi 'gyur ro// 'byung po'i tshogs thams cad kyis phyag bgyi ba'i 'os su 'gyur ba lags so/ / gang stong chen po rab tu 'joms pa'i mdo sde 'di 'chang ba de 'tshal na/ rgyal po chen po bzhi yang bzhin ston par 'gyur na/ gnod sbyin dang / srin po dang / phal pa gzhan lta smos kyang ci 'tshal/ de ci'i slad du zhe na/ sems can rnams la sman pa'i slad du 'jig rten la gang su dag rig sngags bgyid pa de dag pas/ gsang sngags kyi tshig
- 463b
'di dag rab mchog/ gtso bo khyad par du 'phags pa/ dam pa zab pa/ rgya che ba/ tshang ma mchis pa/ 'jug par dka' ba/ thun mong ma lags pa'i slad du ste/ 'di ni chos kyi phyag rgya lags so/ / de nas dbang po mig stong po// lha yi rgyal po bde sogs bdag/ thal mo sbyar te phyag 'tshal nas// 'jig rten mgon la 'di skad gsol// 'jig rten kun la phan bgyid pa/ / rig sngags 'di ni legs par gsungs// gsang sngags sman dang ldan pa yi// rig sngags bdag gis brjod par bgyi// shir sha me tog a pa marga dang // ka ta ka yi 'bras bu a ka ru/ / rdo dreg dang ni sa da brtsod rnams dang // su ka ri dang dza ya marga Ti// pa ri pe la sa ra bi ra dang // sa ma ka dang bu sa rgya spos dang // tsan dan a brda ka ru rta dang // sder mo lo ma kaN+DaM ba ra dang // pri yang ku dang 'bug sug smin bcung dang // yungs kar dag dang ldong ros rnams dang ni// shing tsa shu dag gur kum shing kun dang // lo ma dag dang ldan pa'i u0f7f k a/ de dag sbyar te reng bur bgyis pa ni// gdon rnams kun las grol bar bgyid pa ste// 'byung po dag ni kun gyi 'gyur ba la// mig la re yis bslus pa bgyid na ni// des na 'byung po'i rdo rje dang / gnas lcags mda' yis zin las thar// ljon shing che dang de bzhin du// mchod rten chel bskus bgyis na// gang gis gnas de mthong ba de// 'byung po la ni 'jigs ma mchis//
- 464a
/ der ni 'byung po mi gnas te// gnod byed gzhan yang ma lags so// rnga chen dung dang rnga rnga dang // rnga bran dag la'ang bskus na ni// de dag sgra ni gar grags par// 'byung po'i dkyil 'khor skrag par 'gyur/ / grong du rgyu ba'i bya rnams kyi// 'dab ma ngag la bskus na ni// yul dang phyogs ni gzhan dag tu// bya gang du mchis pa der// 'byung po rnams ni mi gnas te/ gnod byed gzhan yang ma lags so// chu mig mtsho dang lteng ka'am// gang dang gang du bor yang rung // der ni dpag tshad khor yug tu// bde ba dang ni zhi bar 'gyur// pha rol dmag tshegs nang mchis te/ / mtshon cha dag ni 'bab pa na// gnas rnams kun tu byugs bgyis na// bde blag tu ni thar par 'gyur// lba ba dang ni gzhang nad dang // me dpal dang ni 'bras byung dang / / gdug pas zin dang dug 'thungs pas// 'thungs sam byugs na thar par 'gyur// lus la de yis byugs na ni// byang sngams thams cad gcod par bgyid// rtsod pa rnams las thar par 'gyur/ / rgyal po'i gyod las thar par 'gyur// ma grub pa yang grub par 'gyur// dbul po las ni phyug por 'gyur// bu ma mchis pa bu rnyed 'gyur// nor ma mchis pa nor rnyed par 'gyur/ / rig sngags 'chang gnas bar du yang // 'dis ni gsang sngags grub par bgyid// dud 'gro'i skye gnas gyur pa dang // ljon shing rnams kyi 'bras bu dang //
- 464b
rig sngags 'chang ba thob la yang // 'di ni zhi ba'i las dge byed// 'di la gsang sngags tshig mchis te// dper na dbang po'i tshig bzhin no// s+yAd ya the dan// a kra me/ bi kra me/ b+hU ta g+ho She/ b+hU taM ga me/ da ha ni/ d+ha d+ha ra/ d+ha ra d+ha re/ da d+hi ni/ ni khu me/ kha kha me/ kha kha kha kha/ sA raM ga me/ tsan+ne/ tsa pa le/ ha li me/ ha la/ hA ri Ne swA hA/ bdag cag 'khor dang bcas pa dang sems can thams cad phyogs dang phyogs mtshams thams cad du dge legs su gyur cig swAhA/ sdig pa thams cad zhi bar gyur cig swAhA/ de nas tshangs pa dbang po dang / / 'jig rten skyong dang dbang phyug che// gnod sbyin sde dpon thams cad dang // 'phrog ma bu dang bcas pa yang // thal mo dag ni rab sbyar nas// sgra skad gcig tu 'di skad gsol nyi ma stong ltar gsal ba po/ / zla ba nya ltar 'od gsal ba// lha mir bcas pa'i 'jig rten na// khyod dang 'dra ba yod ma mchis// legs bsams legs par sbyar na ni// gnod sbyin srin po rnams/ 'joms pa// rgyal srid thar bgyid ces bgyi ba// rig sngags rgyal srid rab sbyor ba// stong chen rab tu 'joms ma zhes// bya ba'i rig pa dge 'byung ba// mtshon cha'i g.yul las rnam par rgyal// dgra rnams thams cad rab 'joms ma// stong chen gyi ni 'jig rten na// srung ba'i mdo sde dam pa lags// phyag 'tshal skyes bu dpa' khyod la// phyag 'tshal skyes bu mchog khyod la// thal mo
- 465a
sgyur te phyag 'tshal nas/ / de nyid du ni mi snang gyur// de nas bcom ldan 'das nub pa'i dus kyi tshe nang du yang dag 'jog las bzhengs nas/ dge slong rnams la bka' sprul pa/ dge slong dag stong chen po rab tu 'joms pa zhes bya ba'i mdo sde long zhig/ chongs shig/ lhogs shig/ ston cig/ kun chub par gyis shig/ de ltar lha dang bcas pa'i 'jig rten la yun ring po'i don dang / phan pa dang / bde ba la reg par gnas par 'gyur ro// dge slong dag nga'i dge slong gang la la zhig gis stong chen po rab tu 'joms pa'i mdo sde 'dis shing skam po la srung bas bcings na/ de la lo ma dang / me tog dang / 'bras bu rnams skye bar 'gyur na/ rnam par shes pa dang bcas pa'i lus la lta smos kyang ci dgos te/ sngon gyi las kyi rnam par smin pa ni ma gtogs so/ / de skad ces bka' stsal pa dang / bcom ldan 'das la/ dge slong de dag gis 'di skad ces gsol to// btsun pa bcom ldan 'das kyis mdo sde chen po lnga gsungs pa de dag ni 'di lta ste/ stong chen po rab tu 'joms pa dang / rma bya chen mo dang / so sor 'brang ba chen mo dang / bsil ba'i tshal chen mo dang / gsang sngags chen mo rjes su 'dzin ma chen mo lags te/ btsun pa bcom ldan 'das kyis de dag zas rnam pa lnga yongs su spongs la chongs shig ces kyang bka' stsal la/ zas bsod snyoms la brten te rab tu byung zhig ces kyang
- 465b
gsungs na/ bcom ldan 'das zas rnam pa lnga dang ma 'dres pa'i bsod snyoms ni nyung / 'di ltar zas rnam pa lnga dang 'dres pa de ni mang lags na/ btsun pa bcom ldan 'das de la bdag cag gis ji ltar nan tan du bgyi/ de skad ces gsol pa dang / bcom ldan 'das kyis/ dge slong de dag la 'di skad ces bka' stsal to// dge slong dag de nyid kyi phyir su stong chen po rab tu 'joms pa'i mdo sde 'di 'chang ba des/ rma med pa'i nor bu'i gzungs zhes bya ba de bdag nyid bsrung bar bya ba'i phyir chongs shig/ des bsod snyoms len pa'i tshe zas la mi mthun pa med pa'i 'du shes bskyed par bya'o/ / zas rnam pa lnga dang 'dres pa'i bsod snyoms la yang zas rnam pa lnga dang ma 'dres so snyam pa'i 'du shes bskyed par bya// 'dus byas thams cad la mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / bdag med pa la dge ba'i 'du shes bskyed par bya'o// zas rnam pa lnga po dag ga la yod/ zas rnam pa lnga po su'i yin/ su zhig zas rnam pa lnga po za/ sems can med do// sems can ga la yod dmigs su med do// de la zas rnam pa lnga dang 'dres na tshes brgyad dang bcu bzhi dang / bco lnga la bdag la bsrung ba byas te/ rgyal rigs kyi bu mo legs par bkrus pa/ shin tu brgyan pa/ nyin zhag gcig zas bcad pa/ bslab pa'i gnas
- 466a
na / rlu ba zan rnaM la d+hA la na bcag pa/ gas 'grus ngan pas ga rgyugs can pa rgyas sgyud ba du pa dum/ rlu m tshon gas rapas bcad 'i bsregs pa rin po che'i snong ngam lcags kyi snod ba ru / rgyas bkang ste me tog gis khyab par thamal/ 'dug pa snga rdzogs kyis bdugs te/ rjod kyi nas srud pa de slar 'byor te ma byung gi bar du rig sngags 'di brjod par bya'o/ / de yang lag pa la bcings la tshig 'di skad brjod do// bram ze rnams kyis bslus nas su// shAkyas ge skyob pa la/ / dpal sngas kyis ni dug can gyi// bsod snyoms dag ni phul ba dang // de las de ni blangs nas su// ston pas dug ni bsad nas gsol// bden pa'i tshig ni 'di yis su rnga zas ni bdud rtsir 'gyur bar shog/ rnam par gzigs dang lha gang dang // gtsug tor can dang kun skyob dang // log par dad pa sel ba la// stobs chen lha gang dad pa dang / gser dang dpal ldan 'od srungs dang // shAkya li ni sang ga la// rab dang lhayi dbang po dang // tshangs dbang sum cu'i dbang phyug dang // 'jig rten skyong ba bzhi dag dang // nor bu bzang dang dbang phyug che/ / srin mo nag mo chen mo dang // de bzhin gdol ma gtum mo dag/ me tog dang ni bdug pa dang // bdag gi sbyin sreg 'di bzhes shig/ de dag tshim zhing mchod gyur nas/
- 466b
bdag gi kha zas byang bar mdzod// zas lnga dag dang 'dres pa yang // bdag lam 'dres mdzad du gsol// kha zas lnga dang ma 'dres pa// zas de kun ni bza' bar bgyi// sa bon dag gi tshogs kun la/ / sa yi bcud ni zhugs pa yi// kha zas 'dres pa thams cad kyang // bdag lam 'dres mdzad du gsol// ji ltar skud pa bcang bsregs pa// de lta bu yang slar 'byor pa// de ltar zas rnams 'dres pa yang / / ma 'dres par yang bdag la mdzod// s+yAd ya the dan/ kha kha me/ kha kha kha kha/ khu khu me/ shi me shi me/ shi hu ne/ shi mi shi me/ swa sti swasti/ swasti swa sti/ ma ma shAn+ti/ sha rA gri/ kha zas lnga dang 'dres pa yang // ji ltar ma 'dres zas bzhin du// gang gis ji ltar skud bsregs pa// de 'dra'i bden pa mdzad du gsol// s+yAd ya the dan/ ka la ke/ ka la le/ ba la ni/ ka ruN+Da la ye/ kha lu me/ ag+ni/ sang grA ma Ni swA hA/ sangs rgyas rnam par gzigs dang sangs rgyas gtsug tor can// bde ga shegs kun skyob sangs rgyas log par dad sel dang / / gser thub 'od srungs shAkya thub pa go'u tam// bsnyengs pa mi mnga' ba la skyabs su mchi bar bgyi// mi mchog bdun po de dag gi ni sku rnams la/ / me tog dag dang spos rnams kyis ni mchod par bgyi// lus ngag yid gsum rab tu dang ba'i sems kyis ni// de dag rnams la skyabs su nye bar mchi bar bgyi// sangs
- 467a
rgyas rdzu 'phrul che dang ldan pa de dag la/ / lha gang mngon par rab tu dang bsod pa yi// lha de mgu zhing yid ni rab tu dgar gyur nas// rab tu dang ba'i yid kyis bdag la srung du gsol/ / bdag dang sems can thams cad dag legs su gyur cig swA hA/ bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / 'phags pa stong chen po rab tu 'joms pa zhes bya ba theg pa chen po'i mdo rdzogs so// slar yang rgya dpe la gtugs nas dag par byas so// / rgya gar skad du/ ma hA mA pU rI bid+yA rA dz+nyI/ bod skad du/ rig sngags kyi rgyal mo rma bya chen mo 'das pa dang / ma byon pa dang / ltar byung ba'i sangs rgyas dang / byang chub sems dpa' dang / nyan thos dang / rang sangs rgyas thams cad la phyag 'tshal lo// mgon po yang dag rdzogs pa'i sangs rgyas 'gro ba rnams la rab mchog rgya cher brtse bgrangs bdun po/ / khros shing ma rungs klu yi dbang po zad par 'byin byed dug rnams gnon pa rab tu grol ba'i sku// gang gi mthu las sna tshogs nang la sogs pa dgra yi so sor 'jigs pa ma lus 'joms byed pa/ / rma bya chen mo rgyun du yon tan tshogs rnams 'byin byed de la bdag ni gus pas phyag 'tshal lo// lha mo shi ba gsos byed ma// gdug pa'i
Colophon
'phags pa stong chen po rab tu 'joms pa zhes bya ba theg pa chen po'i mdo rdzogs so/ /slar yang rgya dpe la gtugs nas dag par byas so/