rje btsun dpal he ru ka sgrub pa'i thabs mdor bsdus pa zhes bya ba
Śrījerukabhaṭṭārakaprasādhanopayikapaṇḍikināma
Text
ff. 143b–145b · 5 folio sides
- 143b
sum cu rtsa bdun dang/ pha rol tu phyin pa bcu dang/ sa bcu dang dbang phyug la sogs pa drug gi chos kyi rang bzhin can bcom ldan 'das dpal he ru ka rten cing 'brel par 'byung ba yan lag bcu gnyis bdud bzhi 'dul bar mdzad pa/ bde ba chen po'i ye shes ro gcig pa 'grib pa med pa nyams su myong pa'i mtshan nyid can rdo rje 'chang gi sa ste/ bcu gsum pa rnam par dag pa zhes bya ba'i don te/ /slob dpon sh+rad+d+hA ka ra warmmas mdzad pa/ he ru ka'i rnam par dag pa rdzogs so// //slob dpon de nyid dang/ lo tsa ba rin chen bzang pos bsgyur cing zhus te gtan la phab pa'o// // */ /rgya gar skad du/ sh+rI ste he ru ka b+haTTA? ra ka pra sA d+ha no pa yi ka paN+Di ki nA ma/ bod skad du /rje btsun dpal he ru ka sgrub pa'i thabs mdor bsdus pa zhes bya ba/ dpal rdo rje mkha' 'gro la phyag 'tshal lo/ /re zhig dang pe mal nas langs te/ gdong la sogs pa dag par byas te/ bdud rtsi lnga'i ring bu khar bcug la/ A li dang kA li lan gsum brjod nas/ stan 'jam po la gnas shing lus drang por byas te/ sna'i rtse mor bltas nas/ so'i rgyal po'i bar mtshams kyis skra'i rtse mo tsam la yang dag par reg cing/ ri bo ltar mi g.yo bar gnas par bya'o/ /de nas phung po lnga dang rang gi lha'i nga rgyal bskyed cing/ rang dang gzhan la phan pa'i phyir 'og nas 'chad par 'gyur ba'i bcom ldan 'das kyi gzugs chos 'dis bsgom par bya'o/ /re zhig dang po oM suM b+ha ni suM b+ha huM huM phaT/ oM grih+Na grih+Na huM huM phaT/ oM grih+Na pa ya grih+NA pa ya huM huM phaT/ oM A na ya ho b+ha ga bAn pi dyA rA dza huM huM phaT/ oM g+ha:g+ha:g+hA ta ya g+hA ta ya sarba duSh+TA na phaT/ oM kI la ya kI la ya sarba pA paM phaT/ hUM hUM hUM/ badzra kI la/
- 144a
badzra d+ha ra A dz+nyA pa ya ti kA ya wAk+tsit+taM badzrI hUM phaT/ oM badzra mung+ga ra badzra kI lA ko ta ya hUM phaT/ ces bya ba la sogs pa'i sngags kyis phyogs bcur se gol brdab par bya'o/ /de nas rang gi snying gi nam mkhar mdog ser po yi ge paM las byung ba'i sna tshogs pad+ma dang/ yi ge oM yongs su gyur pa las zla pa dkar po la A li kA li yongs su gyur pa'i zla ba dang nyi ma'i dkyil 'khor kha sbyar gyi dbus su yi ge hUM nag po'i 'od zer gyis bla ma dang sangs rgyas la sogs pa mchod cing/ sdig pa bshags pa la sogs pa bya zhing/ mdun du oM hUM A:grangs ji lta ba bzhin du dkar po dang sngon po dang dmar po'i sa bon gsum bltas dbus kyis sa bon yongs su gyur pa las rdo rje/ de'i dbus ma'i rtse mo la yi ge hUM bltas la/ de'i yi ge gsum gyi 'od zer gyis sems can gyi khams sbyang zhing/ yang bsdus te rang rang gi sa bon la zhugs so/ /de nas oM ni A(rgyud 'grel): la thim pa dang/ A ni rdo rje'i rtse mo lA'o/ /rtse mo ni rdo rje la'o/ /rdo rje ni a'u la'o/ /a'u ni ha la'o/ /ha ni mgo bo la'o/ /mgo ni zla tshes la'o/ /zla tshes thig le la'o/ /thig le yang sgra'o/ /sgra ni sgra tsam la'o/ /de ltar rim gyis bsdus shing/ khams phra ba la zhugs shing snod kyi 'jig rten spangs la/ cig car du khams phra ba la A kA li'i dbus su yi ge hUM yongs su gyur pa las/ rang gi bdag nyid he ru ka'i gzugs su blta bar bya'o/ /bcom ldan 'das ni zhal bzhi pa/ spyan gsum pa/ sku mdog nag po phyag bcu gnyis pa/ g.yas brkyang ba'i stang stabs can/ 'jigs byed chen po dang dus mtshan mo zhabs kyis mnan pa/ rdo rje phag mo la 'khyud pa'i phyag gnyis po la rdo rje dang dril bu /steng gi phyag gnyis pa la glang po che'i pags pa
- 144b
bsnams pa/ g.yas pa'i gsum pa na cad te'u/ bzhi pa la dgra ste/ lnga pa la gri gug /drug pa la rtse gsum 'phyar ba/ g.yon gyi gsum pa la kha TwAM ga rdo rjes mtshan pa/ bzhi pa khrag gis gar? ba'i thod pa/ lnga pa rdo rje zhags? pa/ drug pa tshangs pa'i mgo po bsnams pa/ ral pa'i cod pan can zla gam dang sna tshogs rdo rjes brgyan pa/ zhal 'gyur zhing mche ba rnam par gtsigs pa/ sgeg pa la sogs pa'i nyams dang ldan pa/ zhal g.yon pa ser po/ nub pad+ma rA ga dang 'dra ba/ g.yas pa markata lta bu/ stag gi pags pa'i sham thabs bsnams pa/ rgyu ma la brgyus pa'i mi mgo'i phreng ba bsnams pa/ mgul rgyan dpung rgyan rna cha dang/ spyi bo nor bus rnam par brgyan/ mchod phyir thogs dang thal ba ni/ /phyag rgya drug ni rab tu grag /pha rol phyin drug rnam dag pa/ /phyag rgya drug gis rgyas btab pa'o/ /de'i mdun du bcom ldan 'das ma rdo rje phag mo/ /sku mdog dmar mo zhal gcig phyag gnyis ma/ spyan gsum ma dbu skra bkrol ba/ gcir? bu dum bus brgyan pa'i ska rags can/ 'khyud pa'i phyag gnyis kyi gdug pa dang bdung la sogs pa'i khrag gis gang ba'i snod bsnams pa/ g.yas pas ni phyogs thams cad kyi gdug pa la sdigs mdzub mdzad pa'i rdo rjes mtshan pa'i gri gug bsnams pa/ bskal pa'i me ltar 'jigs pa che/ /khrag la dgyes shing khrag 'dzag pa/ /byin pa gnyis po 'khyud nas ni/ /bde chen thugs rje'i bdag nyid do/ /mkha' 'gro ma dang lA ma dang/ /dum skyes ma dang gzugs can ma/ /dngos grub thams cad rab stsol bzhi? phyogs kyi 'dab ma rnams la dgod/ /nag dang ser dang dmar dang ljang/ /zhal gcig ma la phyag bzhi ma/ /g.yon pa thod pa kha TwAM dang/ /g.yas pa cad te'u gri gug bsnams/ /spyan gsum dbu skra grol ba ste//
- 145a
g.yon brkyang phyogs kyi gos can te/ zhal ni mche ba rnam par gtsigs/ phyag rgya lnga yis sku brgyan pa'o/ /byang chub sems kyis gang ba ni/ /grwa bzhi la ni thod bzhi gnas/ /shar dang byang nub lho sgo ru/ /khwa dang 'ug pa khyi dang ni/ /phag gi gdong can de bzhin de/ /me dang bden bral rlung mtshams dang/ /de bzhin dbang ldan mtshams su yang/ /gshin rje sreg ma gshin rje yi/ /pho nya gshin rje mche ba ma/ /de bzhin gshegs rje 'joms ma dgod/ /ji ltar mkha' 'gro ma la sogs/ /khwa gdong la sogs de bzhin lta/ /de bzhin grwa yi lha mo rnams/ /yid 'phrog mdzes pa'i gzugs gnyis 'dzin/ /yi dags gdan can drag po che/ /mchog tu 'gro ba'i don mdzad pa'o/ /oM sh+rI badzra he he du ru kaM huM hUM phaT DA ki ni dzA la shoM ba raM swAhA/ oM badzra be ro tsa nI ye huM hUM phaT swAhA/ oM h+rI:ha ha huM hUM phaT swAhA/ oM sarba bud+d+ha DA ki nI ye badzra bar+Na nI ye huM hUM phaT swAhA/ oM DA kaM? nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM ru paM NI ye huM hUM phaT/ oM kA kA sye huM hUM phaT/ oM u lu kA sye huM hUM phaT/ a shwa nA sye huM hUM phaT/ oM sU ka rA sye huM hUM phaT/ oM ya ma dA DhA huM hUM phaT/ oM ya ma du tI huM hUM phaT/ oM ya ma daMSh+Ti NI huM hUM phaT/ oM ya ma ma thA na huM hUM phat/ skye bo kun la ? chags? med pa'i?/ /dam tshig ldan zhing bde mcho ston/ /bla ma la gus snying rje can/ /skye dang skye bar bdag gyur cig /lag na rdo rje dril bu bsnams/ /zab mo'i chos ni ston byed pa'i/ /btsun mo'i shukra len pa po/ /skye dang skye bar bdag gyur cig /ces bya ba ni smon lam mo/ /khyod kyis sems can don kun mdzad/ /ci ltar mthun pa'i dngos grub stsol/ /sangs rgyas yul du gshegs su gsol/ /slar yang 'gro ba'i don du gshegs/ /mu:zhes pas gshegs su
- 145b
gsol/ /oM a kA ro mu khoM sarba d+harmA NAM/ Adya nutpAn+na twad oM A:hUM phaT swAhA/ zhes brjod cing utpa la'i phyag rgya bcas la gtor ma btang ngo/ /dpal rje btsun he ru ka'i sgrub pa'i thabs mdor bsdus pa zhes bya ba bram ze b+h+ri? ka ra'i zhal snga nas kyis mdzad pa rdzogs so// //rgya gar gyi mkhan po gzhon nu bum pa'i zhabs kyis bsgyur/ /slad kyis paN+Di ta su ma ti kIrti'i zhal snga nas/ lo tsa ba mar pa chos kyi dbang phyug gis zhus dag byas pa'o// // ` yi ge bdun pa'i sgrub thabs zhes bya ba bzhugs// */ /rgya gar skad du/ sapta ak+Sha ra sA d+ha na/ bod skad du/ yi ge bdun pa'i sgrub thabs/ dpal rdo rje mkha' 'gro la phyag 'tshal lo/ /kun tu rtog pa yongs su spangs pa'i chos skur gang gsung dang/ dpe med bde ba rtsam gyi mdzes pa longs spyod rdzogs sku dang/ /gang gi gnas la phan par mdzad pa las ni/ sprul pa'i sku/ /bcom ldan rdo rje sems dpa' de yis khyed la bde legs shog /gang gi phyag na kha TwAM ga dang Da ma dus ni ched sgrogs pa yis gar mdzad gang/ 'jig rten gsum pa 'gul bzhin pa yis ri yi rtse mo bskyod pas chu yi phung po 'khrugs/ /mdzes pa'i spyan dang zhal rnams mnga' pas zhabs mnan rgya mtsho nang gi sa na dmar gyur pa/ /rnal 'byor ma yi tshogs ldan dpal ldan khrag 'thungs 'di de sa steng rtag tu rgyal gyur cig/ zhal gsum phyag drug sngon po la/ /rang snang shes rab lus 'jar ba/ /hUM skyes lha mo drug gi mgon/ /btud nas sgrub thabs bri bar bya/ /rnal 'byor pa snga bar langs la/ /dam tshig gi ril bu khar bcug nas/ /ri bo dang tshang tshing la sogs nyams dga' pa'i gnas su sna tshogs rdo rje'i gdan la 'dug ste/ snying gar nyi ma la gnas pa'i yi ge hUM sngon po bltas la yi ge hUM de las 'od zer rnam
Colophon
dpal rje btsun dpal he ru ka'i sgrub pa'i thabs mdor bsdus pa zhes bya ba bram ze b+h+ri ka ra'i zhal snga nas kyis mdzad pa rdzogs so//rgya gar gya mkhan po gzhon nu bum pa'i zhabs kyis bsgyur/_/slad kyis paN+Di ta su ma ti kIrti'i zhal snga nas//lo tsA ba mar pa chos kyi dbang phyug gis zhus dag byas pa'o