F131MW1KG13607_0131mdo sdeAll versions of this work

'phags pa chos dang don rnam par 'byed pa zhes bya ba theg pa chen po'i mdo

Āryadharmaarthabyicayan

Text

ff. 313a–317b · 10 folio sides

  1. 313a

    dag legs so// legs so// de ltar khyed rnams kyis bcom ldan 'das kyi bstan pa la gdos pa 'dzin pa lta bur gyis shig/ bcom ldan 'das kyis de skad ces bka' stsal la nas/ byang chub sems dpa' rnam par rgyal ba'i phung po dang / thams cad dang ldan pa'i 'khor dang / lha dang mi dang lha ma yin dang / dri zar bcas pa'i 'jig rten de dag/ bcom ldan 'das kyi gsungs pa la rings ste/ mngon par stod do// 'phags pa seng ge'i sgra sgrags pa zhes bya ba theg pa chen po'i mdo rdzogs s+ho// rgya gar gyi mkhan po bid+yA ka ra sing ha dang / lots+tsha ba ban de sgra rje ye shes snying pos bsgyur ba// / @rgya gar skad du/ Ar+ya d+harma ar+tha byi tsa yan/ bod skad du/ 'phags pa chos dang don rnam par 'byed pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal/ mgon med zas sbyin gyi kun dga' ra ba na/ dge slong gi dge 'dun chen po dang thabs gcig tu bzhugs te/ byang chub sems dpa'i dge 'dun chen po dang thabs gcig go// de nas bcom ldan 'das kyis byang chub sems dpa' sems dpa' chen po rgyal ba la bka' stsal pa/ rigs kyi bu sngon byung ba 'das pa'i dus/ bskal pa grangs med pa'i yang ches grangs med cing / tshad med par gyur pa de'i tshe/

  2. 313b

    de'i dus na 'jig rten lhums me tog gi 'byung gnas shes bya ba/ 'byor pa rgyas pa/ bde ba la legs pa/ nyams dga' ba/ skye bo mang po dang / mi rnams kyis gang ba/ lag 'thil ltar mnyam par gyur pa zhig byung ngo // rigs kyi bu 'jig rten gyi khams me tog gi 'byung gnas de na/ de bzhin gshegs pa dgra bcom pa yang dag par rdzogs pa'i sangs rgyas me tog las byung ba zhes bya ba da ltar yang bzhugs te/ 'tsho zhing bzhes la 'khor bzhi dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa rnams la chos bston to// rigs kyi bu 'jig rten gyi khams me tog gi 'byung gnas de na/ mi'i dbang po 'khor los bsgyur ba'i rgyal po stong gsum gyi stong chen po'i 'jig rten gyi khams la dbang byed pa/ rgyal ba thob pa zhes bya ba zhig byung ngo // rigs kyi bu rgyal po rgyal ba thob pa de'i tshig rab la sems can dag bde zhing yid bde ba skyes la/ dge ba bcu'i las kyi lam dang ldan zhing / bdag gi chung mas mngon par dga'o// sems can de dag thams cad kyang theg pa gcig la yang dag par zhugs pa sha stag ste/ 'di lta ste theg pa chen po la yang dag par zhugs pa theg pa mchog la yang dag par zhugs pa/ theg pa gtso bo la yang dag par zhugs pa/ theg pa dam pa la yang dag par zhugs pa/

  3. 314a

    theg pa khyad par 'phags pa dang / rab tu phul dang / bla ma dang / bla ma'i yang bla ma dang / bla na med pa yang dag par zhugs pa/ theg pa mnyam pa med pa la yang dag par zhugs pa/ theg pa mi mnyam pa dang / mnyam pa la yang dag par zhugs pa/ theg pa bsam gyis mi khyab pa la yang dag par zhugs pa/ theg pa gzhal du med pa la yang dag par zhugs pa sha sta go/ rigs kyi bu rgyal po rgyal ba thob pa de'i tshig rab la theg pa chen po ma gtogs par/ theg pa gzha gyi ming yang mi grag go/ rigs kyi bu rgyal po rgyal ba thob pa de'i btsun mo'i 'khor ni dgu khri dgu stong yod de/ de dag thams cad kyang theg pa gzhan ma yin pa la yang dag par zhugs pa/ theg pa chen po'i khongs su 'dus pa/ nyin mtshan du chos 'dod cing chos la dga' ba sha stag go/ rigs kyi bu de nas rgyal po'i btsun mo dam pa rin po che'i dpal zhes bya ba byang chub sems dpa' bsdad pa/ sangs rgyas dang chos dang dge 'dun la yang dag par zhugs pa/ theg pa chen po'i khongasu 'dus pa/ nyin mtshan du chos 'dod pa/ chos kyi kun dga' la dga' ba zhig yod de/ rigs kyi bu rin chen dpal de chen po la 'os pa'i seng ge'i khri la 'dug pa dang / de'i bang nas bu rin chen 'byung gnas shes bya ba lha'i rgyan gyis rnam par brgyan pa/ lha'i gos gos pa/ lus mtshan dang dpe byad bzang pos legs par brgyan pa zhig dkyil mo dkrus bcas te byung nas/ gzhon

  4. 314b

    des ma la 'di skad ces smras so// yum de bzhin gshegs pa me tog las byung ba de'i 'tsho 'am/ de nas rgyal po rin chen dpal des gzhon nu de la 'di skad ces smras so// bu cig kun mkhyen 'jig rten mgon/ bla na med pa dga' mdzad pa/ lha dang mi dang bcas pa'i/ 'jig rten na ni de 'tshe'o// de nas rgyal bu rin chen 'byung gnas kyis/ pha ma la ni 'di skad ces smras so// yab yum tshur gshegs/ de nas bzhin gshegs pa dgra bcom pa yang dag par rdzogs pa'i sangs rgyas me tog las byung ba de la/ blta ba dang / phyag bgyi ba dang / bsnyen bkur bgyi ba dang / chos mnyan pa'i slad du gshegs so// de ci'i slad du zhe na/ yab yum de bzhin gshegs pa de ni/ lha dang mir bcas pa'i 'jig rten na/ dga' ba mdzad pa ste/ ma grol ba rnams grol mdzad mgon/ ldongs pa rnams las mig sbyin mdzad/ chos la dpa' zhing shes rab 'bar/ lhun po ltar na ma g.yoso// de nas rgyal po rgyal ba thob pa dang / rgyal mo rin chen dpal gyis bu de blangs te/ btsun me'i 'khor dang g.yog tu bcas par/ bcom ldan 'das de'i zhabs kyi drang du phyin nas/ bcom ldan 'das la lan bdun bskor ba byas te/ brgya stong ri ba'i mu tig gi se mo do phul lo// phul nas kyang 'khor de nyid du 'dug par gyur to// rigs kyi bu de nas rgyal bu des rdzu 'phrul gyi stobs bskyed pa byas nas/ shing ta la bdun srid tsam gyis bar snang gi na mkha' la 'dug te/ bcom ldan 'das me tog las byung ba de la rin po che'i char dang /

  5. 315a

    me tog gi char dang / spos kyi char rnams kyi gtor/ mngon par gtor te/ gtor nas bcom ldan 'das 'di skad ces gsol to// ston pa rgal nas sems can rnams sdug bsngal chu bo che las sgrol/ bdag ni thams cad mkhyen pa khyod/ blta ba'i slad du 'dir mchis so// 'jig rten mgon po bla na med/ lha dang mi'i 'jig rten na/ khyod kyis yon tan gang bstan dang / khyod 'dra ba ni yong ma mchis/ sems can shul ngan lhung gyur cing / 'dod chags zhe sdang dbang mchis rnams/ theg pa dman la gzhag mdzad nas/ theg pa chen po brjod par mdzad/ thabs la mkhas shing dpa' ba ste/ thugs rje chen po'i dbang du gyur/ chos ni don te chos kyis ngoms/ chos rtsom yon tan 'byung gnas so// gang dag skye ba ma mchis pa/ chos de snying po med mkhyen nas/ chos nyid kyang ni khyod kyis mkhyen/ des na khyod ni dka' ba mdzad/ de nas gzhon nu des tshig de dag gis/ bcom ldan 'das la bstod nas/ yang bskor ba byas te/ bcom ldan 'das kyi zhabs drung du 'dag go/ de nas bcom ldan 'das kyis pad ma'i/ 'dab ma ltar yangs pa'i spyan gyis phyogs thams cad du gzigs te/ 'khor bzhi po de dag gi sems dang sems las byung ba mkhyen nas/ rgyal po chen po rgyal ba thob pa de la 'di skad ces bka' stsal to// rgyal po chen po phung po lnga po de dag ni snying po med pa yin na/ byis po so so'i skye bo rnams ni snying por 'du shes so// rgyal po

  6. 315b

    chen po phung po rnams ni dog ngan pa/ dri nga ba khrag dang rnag 'byung ba/ shing dang bong ba dang / mal dang mtshungs pa/ snying po med pa/ g.yo ba med pa/ dga' ba dang mi dga' bar 'brel ba/ sred pa'i lug gu rgyud kyi phan tshun 'brel ba/ nyon mongs pa mang ba/ smad pa yin pa/ snying po med pa la snying por 'du shes pa/ mi rtag pa la rtag pa 'du shes pa/ mi sdug pa la sdug par 'du shes/ mi gtsang ba la gtsang bar 'das shes/ bden pa ma yin pa la bden par 'du shes so// rgyal po chen po phung po lnga ni rang gi las lus kyis rnam par bris ste/ rgyal po chen po dper na/ rma bya'i 'jug tshogs tshon sna lnga pa de la/ ri mo mkhan gyis bris pa yang med/ tshon kyang ci yang med de/ de ni rang gi las kyis rnam par bris pa nyid do// rgyal po chen po de bzhin du/ byis pa so so'i skyes po rnams kyang / rang gi lus kyis rnam par bris pa/ phan tshun gyi rkyen las byung ba dag go// de nas 'khor de'i nang nas byang chub sems dpa' sems dpa' chen po mi pham dbang phyug ces bya ba de stan las langs te/ bcom ldan 'das la bskor ba byas nas/ bla gos phrag pa gcig tu gzar nas/ pus mo g.yas pa'i lha nga sa la btsugs te lus btud lus spang / sor mo bcu thal mo sbyar nas/ bcom ldan 'das la/ 'di skad ces gsol to// bcom ldan 'das phung po 'di dag ni kha dog ngan pa/ dri nga ba/ khrag dang snag 'byung ba/ shing dang bong ba dang / rtsig pa dang / lam dang /

  7. 316a

    'dra ba snying po ma mchis pa/ g.yo ba ma mchis pa lags na/ byis pa so so'i skye bo rnams de ni snying por 'du shes te/ yang dag pa lags pa/ ldongs pa rmongs pa dang 'dra ba/ gti mug la gzhol ba dang / mun pa dang rab rib dang / ling tog gis khebs pa/ lta ba thams cad kyi tshang tshing thibs pos gtibs pa lags so// bcom ldan 'das kyis phung po'i dag ni zab ste/ nam mkha' dang mtshungs shing 'dra ba lags so// bcom ldan 'das gang dag 'di lta bu'i mdo sde'i tshig bshad pa 'di dag la yang dag pa'i 'du shes bskyed pa'i sems can de dag 'byung bar 'gyur ba lags sam/ de skad ces gsol pa dang / bcom ldan 'das me tog las byung ba des/ byang chub sems dpa' sems dpa' chen po de la 'di skad ces bka' stsal to// rigs kyi bu gang gi tshe byang chub sems dpa' sems dpa' chen po 'byung ba de'i tshe/ sems can rnams sbyang ba'i phyir 'byung ste/ mos pa ji lta ba bzhin du sems can rnams la chos kyang bston to// sred pas nyams thag pa rnams kyi sred pa rnams sel lo// sdug bsngal gyi nyams thag pa rnams kyi mya ngan sel to// chos thams cad snying po med par shes te/ namakha' dang mtshungs zhing 'dra bar shes te/ sems can rnams chos nyid la rab tu 'god de/ de'i tshe byang chub sems dpa' rnams sems can spyong bar byed pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas me tog las byung ba des sems can la bstan pa 'di

  8. 316b

    bshad pa na/ rgyal po rgyal ba thob pa bu dang bcas pa dang / rgyal mo rin chen dpal de dang / btsun mo'i 'khor dang / g.yog 'khor du bcas pa'i thams cad/ skra dang kha spu bregs te/ bcom ldan 'das de las rab tu byung ngo // de nas bcom ldan 'das kyi 'khor de dag la 'di skad ces bka' stsal to// rigs kyi bu dag rgyal bu gzhon nu 'di la ltos// rigs kyi bu dag skyes bu dam pa 'dis sangs rgyas bye ba khrag khrig brgya stong phrag dgu bcu rtsa dgu la dge ba'i rtsa ba bskyed de thams cad du yang chos smra bar gyur to// 'di ni rtag tu skyes bu dam pa 'di'i phar gyur te/ rtag tu skyes bu dam pa 'dis/ bla na med pa yang dag par rdzogs pa'i byang chub yongs su smin par byas so// rigs kyi bu dag rgyal bu rin chen 'byung gnas 'di ni/ nga yongs su mya ngan las 'das ma thag tu sangs rgyas su 'gyur te/ rin po che du ma bkod pa'i byang chub kyi shing drung du 'dug nas/ de byang chub thob pa'i tshe/ de bzhin gshegs pa dgra bcom pa yang dag par rdzogs spangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od zer kun nas 'phags pa dpal brtsegs rgyal po zhes bya bar 'gyur ro// 'jig rten gyi khams kunas rin po ches yang dag par bris pa zhes bya bar 'gyur ro// de'i nyan thos kyi dge 'dun ni chad med par 'gyur ro// de'i tshe'i tshad ni bskal pa bye ba khrag khrig dgu bcu rtsa drug thub par 'gyur ro// de'i ngas pa'i chos kyi gzugs bstan ni lo 'bras

  9. 317a

    phrag bdun bcu rtsa lngar gnas par 'gyur ro// rigs kyi bu de nas byang chub sems dpa' sems dpa' chen po'i lung bstan pa na/ srog chags brgyad khri bzhi stong mi skye ba'i chos la bzod pa thob par 'gyur to// rigs kyi bu de'i tshe/ de'i dus kyi de bzhin gshegs pa/ gzhan zhig yin pa snyam du dogs shing the tshom za 'am/ yid gnyis su gyur na/ de de ltar mi lta'o// de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba 'di/ de'i tshe de'i dus na/ de bzhin gshegs pa mi byung ba zhes bya bar 'gyur te/ 'jig rten gyi khams der chos bstan par gyur to// rigs kyi bu de'i tshe de'i dus na/ gzhon nu rin chen 'byung gnas shes bya ba de gzhan zhig yin pa snyam du dogs shing the tshom za 'am/ yid gnyis su gyur na/ de ltar mi lta'o// de ci'i phyir zhe na/ rigs kyi bu byang chub sems dpa' spyan ras gzigs dbang phyug 'di/ de'i tshe de'i dus na/ rgyal po rgyal ba thob pa zhes bya ba de'i bur gyur te/ de bzhin gshegs pa des/ nga las 'tshang rgya bar 'gyur ro zhes bya bar lung bstan to// de nas 'khor de'i byang chub sems dpa' sems dpa' chen po rgyal bas dga' zhes bya bas/ bcom ldan 'das la sor mo bcu'i thal mo sbyar te/ bcom ldan 'das la 'di skad ces gsol to// bcom ldan 'das chos kyi rnam grangs 'di ni sems can dge ba'i rtsa ba ma bskyed pa rnams kyi rna lam du grag par yang mi 'gyur na/ gang dag yi ger

  10. 317b

    'dri ba dang / yi ger 'drir stsol ba dang / 'dzin pa dang / kha don bgyid pa dang / me tog dang / bdug pa dang / spos rnams kyis mchod par 'gyur ba/ lha smos kyang ci 'tshal de nas bcom ldan 'das kyis byang chub sems dpa' sems dpa' chen po rgyal bas dga' la 'di skad ces bka' stsal to// rigs kyi bu gang dag gis sangs rgyas bcom ldan 'das gang ga'/ klung gi bye ma snyed la bsnyen bkur byas pa de dag gis/ mdo sde 'di snyed par 'gyur ro// rigs kyi bu chos kyi rnam grangs 'di gang dag gi rna lam du grag par 'gyur la/ the tsom mi za ba'i sems can de dag 'di nas shi 'phos nas 'jig rten gyi khams bde ba can du skye bar 'gyur ro// rigs kyi bu gang na mdo sde 'di lta bu dag 'dzin pa'i sa phyogs de dag phyag bya ba'i 'os su 'gyur ro// rigs kyi bu phyi mi'i tshe phyi ma'i dus na/ bud med la la zhig la chos kyi rnam grangs 'di skad ces bka' stsal na/ byang chub sems dpa' sems dpa' chen po rgyal bas dga' dang / byang chub sems dpa' de dag dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa chos dang don rnam par 'byed pa zhes bya ba theg pa chen po'i mdo// rdzogs s+ho// chug skad du/ ud+ya sman d+ha ra nas mA dza/ @#bong skad bu/ 'phag pa gnas mchog ces bya

Colophon

phags pa chos dang don rnam par 'byed pa zhes bya ba theg pa chen po'i mdo// rdzogs s9ho/