F307MW1KG13607_0307mdo sdeAll versions of this work

mdo chen po stong pa nyid chen po zhes bya ba

Mahāśūnnyatanāmamahāsūtra

Text

ff. 159b–172a · 26 folio sides

  1. 159b

    rgya gar skad du/ ma hA shun n+ya tan ma ma hA su tra ma/ bod skad du/ mdo chen po stong pa nyid chen po zhes bya ba/ dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das ser skya'i gnas na/ shing n+ya kro d+ha'i gnas kun dga' ra ba na bzhugs so// de nas bcom ldan 'das snga gro sham thabs dang chos gos gsol te/ lhung bzed bsnams nas bsod snyoms kyi phyir ser skya'i gnas su zhugs so// ser skya'i gnas nas bsod snyoms bzhes te/ zhal zas kyi bya ba mdzad cing / zas phyis len pa'i zhal zas spangs nas/ lhung bzed dang chos gos bzhag ste/ zhabs ga sil nas shAkya das de'i gtsug lag khang ga la ba der gshegs so// de'i tshe na dge slong rab tu mang po dag gis shAkya dus de'i gtsug lag khang du bla gab med par stan rab tu mang po dag gting ste deng ngo // de nas bcom ldan 'das gtsug lag khang gi phyir rol du zhabs gsil nas/ nang du yang dge 'jog gi slad du gtsug lag khang du bzhugs so// de nas bcom ldan 'das phye ma red nang du yang dag 'jog pa las bzhengs nas/ shAkya lhag pa ri'i gtsug lag khang ga la ba der gshegs so// de'i tshe na tshe dang ldan pa kun dga' bo dge slong

  2. 160a

    narab tu mang po dag dang lhan cig tu shAkya lhag pa'i ri'i gtsug lag khang du 'di lta ste/ chos gos kyi las la 'dus te 'dug par gyur to// tshe dang ldan pa kun dga' bos rgyang ring po nas/ bcom ldan 'das mthong ngo // mthong nas kyang stan las langs te/ bcom ldan 'das kyi gdan bshams nas/ 'di skad ces kyang gsol to// bcom ldan 'das tshur gshegs su gsol/ bcom ldan 'das legs par gshegs lags so// bcom ldan 'das gdan bshams pa 'di la bzhugs su gsol/ bcom ldan 'das gdan la bzhugs nas/ tshe dang ldan pa kun dga' bo la bka' stsal pa/ kun dga' bo dge slong rab tu mang po dag gis/ shAkya das bde'i gtsug lag khang du/ bla gab med par stan rab tu mang po dag gting ste deng ngo // gsol pa/ bcom ldan 'das chos gos stsal ba'i des lags so// bde bar gshegs pa chos gos stsal ba'i dus lags so// bka' stsal pa/ kun dga' bo dge slong bre mo gtam la dga' ba dang / bre mo gtam la kun du dga' ba dang / bre mo gtam la kun tu dga' ba nyid la brtson pa'i rjes su sbyor ba dang / tshegs la dga' ba dang / tshogs la kun tu dga' ba dang / tshogs la kun tu dga' ba nyid la brtson pa'i rjes su sbyor ba la gnas pa ni mi mdzad de/ kun dga' bo dge slong bre ma

  3. 160b

    gtam la dga' ba dang / bre mo gtam la kun tu dga' ba dang / bre mo gtam la kun tu dga' ba nyid la brtson pa'i rjes su sbyor ba dang / tshogs la dga' ba dang / tshogs la kun tu dga' ba dang / tshogs la kun tu dga' ba nyid la/ brtson pa'i rjes su sbyor ba la gnas shing / tshogs las gcig pu log shig na mi gnas pa des ni/ res shig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs pa'i byang chub pa'i bde ba dang / de lta bu'i bde ba gang yin pa de dag ci 'dod pa bzhin 'thob pa dang / dga' ba med par thob par 'gyur ba de ni gnas med do// kun dga' bo dge slong bre mo gtam la mi dga' ba dang / bre mo gtam la kun tu mi dga' ba nyid la brtson pa'i rjes su mi sbyor ba dang / tshogs la mi dga' ba dang / tshogs la kun tu mi dga' ba dang / tshegs la kun tu dga' ba nyid la/ brtson pa'i rjes su mi sbyor ba la gnas shing / tshogs/ las gcig pu log na gnas pa des ni re shig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba dang / de lta bu bde ba gang yin pa dag ci 'dod pa bzhin 'thob dang / dga' ba med par 'thob

  4. 161a

    mdonabar 'gyur ba de ni gnas yod do// kun dga' bo dge slong bre mo gtam la dga' ba dang / bre mo gtam la kun tu dga' ba dang / bre mo gtam la kun tu dga' ba nyid la brtson pa'i rjes su sbyor ba dang / tshogs la dga' ba dang / tshogs la kun tu dga' ba dang / tshogs la kun tu dga' ba nyid la brtson pa'i rjes su sbyor ba la gnas shing / tshogs las cig pu log shig na mi gnas pa des ni/ re shig dus dang sbyor zhing bsrung ba'i sems rnam par grol ba 'am/ dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni gnas med do// kun dga' bo dge slong bre mo gtam la mi dga' ba dang / bre mo gtam la kun tu mi dgo' ba dang / bre mo gtam la kun tu dga' ba nyid la brtson pa'i rjes mi sbyor ba dang / tshogs la mi dga' ba dang / tshogs la kun tu mi dga' ba dang / tshegs la kun tu dga' ba nyid la brtson pa'i rjes su mi sbyor ba la gnas shing / tshogs las gcig pu log shig na gnas pa de ni re shig dus dang / sbyor zhing bsrung ba'i sems rnam par grol ba 'am/ dus dang mi sbyor zhing mi nyams pa lus kyi mngon sum du byas nas bsgrubs te gnas par 'gyur ba de ni gnas yod do// kun dga'

  5. 161b

    ngas gang la kun dga' ba dang / mngon par dga' ba'i gzugs de'i rnam par 'gyur ba dang / gnan du 'gyur ba las mya ngan dang / smre sngags 'don pa dang / sdug bsngal ba dang / yid mi bde ba dang / 'khrul pa dag 'byung bar mi 'gyur ba'i gzugs ni gcig kyang yang dag par rjes su mi mthong ngo // kun dga' bo de lta bas na nga'i gnas pa 'di lta ste/ rnam pa thams cad du gzugs kyi 'du shes las yang dag par 'das nas/ phyi stong pa nyid mngon sum du mdzad nas bsgrubs/ bzhugs pa nyid rjes rtogs shing rab tu rtogs so// nga gnas pa 'dis gnas pa na mchog tu dga' ba skyes te/ nga mchog tu dga' ba des lus kyis thams cad yang dag par myong zhing dran pa dang / shes bzhin gyis lan mang du gnas so// nga gnas pa 'dis gnas pa ni dpa' ba dang / shin du sbyangs pa dang / bde ba dang / ting nge 'dzin skyes te/ nga ting nge 'dzin des lus thams cad yang dag par myong zhing dran pa dang / shes bzhin gyis len mang du gnas so// nga gnas pa 'dis gnas pa na/ dge slong dang / dge slong ma dang / dge bsnyen dang / dge bsnyen ma dag nye bar lhags par gyur nas/ nga de la gzhol ba dang de la 'bab pa dang / de la bab pa'i sems kyis/ de dag la 'di lta ste/ brtson 'grus su rung bar bya

  6. 162a

    ba'i phyir/ phan tshun kun dga' bar gtam 'dre bar smra/ phebs par smra zhing chos kyi gtam yang zer ro// kun dga' bo de lta bas na/ dge slong yang kye ma dag phyi stong pa nyid lus kyis mngon sum byas nas/ bsgrubs te gnas par bya'o zhes 'dod par gyur na/ kun dga' bo dge slong des/ sems nang kho nar gzhag par bya/ yang dag par gzhag par bya/ bsdus te gzhag par bya/ nye bar gzhag par bya// dal bar bya/ zhi bar bya/ nye bar zhi bar bya/ rgyud cig tu bya zhing ting nge 'dzin du bya'o// kun dga' bo dge slong gang 'di skad ces bdag gis sems nang kho nar ma gzhag/ yang dag par ma gzhag/ bsdus te ma gzhag nye bar ma gzhag/ dul bar ma byas/ zhi bar ma byas/ nye bar zhi bar ma byas/ rgyud cig tu ma byas shing / ting nge 'dzin du ma byas par/ phyi stong pa nyid lus kyis mngon sum du byas nas bsgrubs te/ gnas par bya'o zhes zer na/ kun dga' bo de ni rnam par 'khrul pa yin par rig par bya'o// de ci'i phyir zhe na/ kun dag 'o de ni gnas ma yin zhing skabs ma yin te/ gang sems nang kho nar ma bzhag/ yang dag par ma bzhag/ bsdus te ma bzhag/ nye bar ma bzhag/ dul bar ma byas/ zhi bar ma byas/ nye bar zhi bar ma byas/ rgyud cig tu ma byas shing / ting nge 'dzin du ma byas par/ phyi stong pa nyid lus kyis

  7. 162b

    mngon sum byas nas/ bsgrubs te gnas par 'gyur ba de ni gnas med pa'i phyir ro// kun dga' bo dge slong gang 'di skad ces bdag gis sems nang kho nar bzhag/ yang dag par bzhag/ bsdus te bzhag/ nye bar bzhag/ dul bar byas/ zhi bar byas nye bar zhi bar byas/ rgyud gcig tu byas shing / ting nge 'dzin du byas te/ phyi stong pa nyid lus kyis mngon sum du byas nas bsgrubs te/ gnas par bya'o zhes zer na/ kun dga' bo de'i tshig ni legs pa yin no// de ci'i phyir zhes na/ kun dga' bo de ni gnas yin zhing skabs yin te/ gang sems nang kho nar bzhag/ yang dag par bzhag/ bsdus te bzhag/ nye bar bzhag/ dul bar byas/ zhi bar byas/ nye bar zhi bar byas/ rgyud gcig tu byas shing / ting nge 'dzin du byas te/ phyi stong pa nyid lus kyis mngon sum du byas nas bsgrubs te/ gnas par 'gyur ba de ni gnas yod pa'i phyir ro// kun dga' bo ji ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dal bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed ce na/ 'di la dge slong dben pa las skyes pa'i dga' ba dang / bde bas lus de nyid mngon par brlan par byed/ yongs su brlan par byed/ yongs su tshim par

  8. 163a

    / byed cing yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang / bde bas khyab par ma gyur pa dang / khyab par bya ba cung zad kyang med do// 'di lta ste dper na/ khrus mkhan nam/ khrus mkhan gyi slob ma mkhas pa zhig gis khrus chal zhib mo dag 'khar por ram/ gzhong bu 'am/ nya phyis su blugs te/ chus btab cing mnyes na/ de khrus tshal gyi ril bu rlan pa/ rlan dang ldan pa rlan gyis kun tu gong ba/ phyi nang bcas par rlan gyis khyab par 'gyur zhing / phyir yang mi 'jig la zag par yang mi 'gyur ro// de bzhin du dge slong yang dben pa las skyes pa'i dga' ba dang / bde bas lus de nyid mngon par rlan par byed yongs su rlan par byed/ yongs su tshim par byed cing yongs su khyab par byed do// de'i lus thams cad la 'di lta ste/ dben pa las skyes pa'i dga' ba dang / bde bas khyab par ma gyur pa dang / khyab par bya ba cung zad kyang med do// kun dga' bo de ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dul bar byed/ zhi bar byed/ nye bar zhi bar byed/ rgyud gcig byed cing / ting nge 'dzin du byed pa yin te/ kun dga' bo dge slong des ni sems nang kho nar bzhag/ yang

  9. 163b

    dag par bzhag/ bsdus te bzhag/ nye bar bzhag/ dul bar byas/ zhi bar byas/ nye bar zhi bar byed/ rgyud gcig tu byas shing / ting nge 'dzin tu byas te/ byi stong pa nyid yid la bya'o// kun dga' bo dge slong de phyi stong pa nyid yid la byed pa na sems rnam par g.yo bar 'gyur zhing / 'di lta ste/ phyi stong pa nyid la de'i sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun dga' bo gal te/ dge slong de de ltar so sor rtog pa'i tshe/ bdag phyi stong pa nyid yid la byed pa na sems rnam par g.yo bar 'gyur zhing / 'di lta ste/ phyi stong pa nyid la sems 'jug par mi 'gyur// dang bar mi 'gyur/ gnas par mi 'gyur/ mos par mi 'gyur bar shes par gyur na/ kun dga' bo dge slong des nang stong pa nyid yid la bya'o// kun dga' bo dge slong des nang stong pa nyid yongs su rdzogs par yid la byed pa na/ yang sems rnam par g.yo bar 'gyur zhing 'di lta ste/ nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur la/ mos par mi 'gyur la/ kun dga' bo gal te dge slong de de ltar so sor rtog pa'i tshe/ bdag nang stong pa nyid yid la byed pa na yang sems rnam par g.yo bar 'gyur zhing 'di lta ste/ nang stong pa nyid la

  10. 164a

    sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par 'gyur ba na/ kun dga' bo dge slong des/ phyi nang stong pa nyid yid la bya'o// kun dga' bo dge slong de phyi nang stong pa nyid yid la byed pa na yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la kun dga' bo gal te dge slong de de ltar so sor rtog pa'i tshe/ bdag phyi nang stong pa nyid yid la byed pa na/ yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun dga' bo dge slong de mi g.yo bar yid la bya'o// kun dga' bo dge slong de mi g.yo bar yid la byed pa na/ yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la kun dga' bo gal te dge slong de de ltar so sor rtog pa'i tshe/ bdag mi g.yo ba yid la byed pa na yang / sems rnam par g.yo bar 'gyur zhing / 'di lta ste/ mi g.yo ba la sems

  11. 164b

    'jug par mi 'gyur/ dang bar mi 'gyur/ gnas par mi 'gyur/ mos par mi 'gyur ba de ni/ shes par gyur na/ kun dga' bo dge slong des sems can de ting nge 'dzin de dang de dag la gzhol bar bya/ dul bar bya/ zhi bar bya/ las su bya/ bsro bar bya/ yang dag par bsro bar bya/ yongs su bsro bar bya/ drang por bya zhing las su rung ba dang / gnam pa dang / bcos su rung ba dang / btub par bya'o// kun dga' bo dge slong des sems de ting nge 'dzin de dang / de dag la gzhol bar byas/ dul bar byas/ zhi bar byas/ las su byas/ bsro ba byas/ yang dag par bsro bar byas/ yongs su bsro ba byas/ drang por byas shing las su rung ba dang / gnas pa dang / bcos su rung ba dang / btub par byas te/ phyi stong pa nyid yid la bya'o// kun dga' bo dge slong de phyi stong pa nyid yid la byed pa na sems rnam par g.yo bar mi 'gyur zhing / 'di lta ste/ phyi stong pa nyid la sems 'jug pa dang / dang ba dang / gnas pa dang / mos par 'gyur la/ kun dga' bo gal te dge slong de de ltar so sor rtog pa'i tshe/ bdag phyi stong pa nyid yid la byed pa na/ sems rnam par g.yo bar mi 'gyur zhing / 'di lta ste/ phyi stong pa nyid la sems 'jug pa dang / dang ba dang / gnas pa dang / mos par 'gyur bar shes na/ kun

  12. 165a

    dga' bo dge slong des/ nang stong pa nyid yid la bya'o// kun dga' bo dge slong de nang stong pa nyid yid la byed pa na yang / sems rnam par g.yo bar mi 'gyur zhing 'di lta ste/ nang stong pa nyid la sems 'jug pa dang / dang ba dang / gnas pa dang / mos par gyur la/ kun dga' bo gal te/ dge slong de de ltar so sor rtog pa'i tshe/ bdag nang stong pa nyid yid la byed pa na yang / sems rnam par g.yo bar mi 'gyur zhing / 'di lta ste/ nang stong pa nyid la sems 'jug pa dang / dang ba dang / gnas pa dang / mos par gyur par shes na/ kun dga' bo dge slong des phyi nang stong pa nyid yid la bya'o// kun dga' bo de dge slong de phyi stong pa nyid yid la byed pa na yang / sems rnam par g.yo bar mi 'byung zhing / 'di lta ste/ phyi nang stong pa nyid la sems 'jug ba dang / dang ba dang / gnas pa dang / mos par 'gyur la/ kun dga' bo gal te dge slong de de ltar so sor rtog pa'i tshe/ bdag phyi nang stong pa nyid yid la byed pa na yang / sems rnam par g.yo bar mi 'gyur zhing / 'di lta ste/ phyi nang stong pa nyid la 'jug pa dang / dang ba dang / gnas pa dang / mos par gyur par shes na/ kun dga' bo de dge slong des mi g.yo ba yid la bya'o// kun dga' bo dge slong de mi g.yo ba yid la byed pa na yang / sems rnam par g.yo

  13. 165b

    khar mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang // mos par gyur la/ kun dga' bo gal te dge slong / de de ltar so sor rtog pa'i tshe/ bdag mi g.yo ba yid la byed pa na yang / sems rnam par g.yo bar mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang / mos par gyur par shes na de de la dran pa dang / shes bzhin can du 'gyur ro// kun dga' bo dge slong de gnas pa 'di gnas pa dang / gal te 'chag pa la sems 'jug par gyur na/ kun dga' bo dge slong des gtsug lag khang gi phyi rol bla gab med pa'i 'chag sar/ dbang po rnams nang du bsdus shing / yang phyi rol du ma song bar snga phyi'i 'du shes kyi bcag par bya'o// de de ltar 'chag pa ni 'jig rten la brnab sems dang / yid mi bde ba dang / sdig pa mi dge ba'i chos rnams kyi sems kyi rjes su mi 'brang zhing / de de la dran pa dang / shes bzhin can du 'gyur ro// kun dga' bo dge slong de gnas pa 'dis gnas pa ni gal te 'dug pa sems 'jug par 'gyur na/ kun dga' bo de dge slong de gtsug lag khang gi phyi rol du rkang pa bkrus te/ gtsug lag khang gi nang du zhugs la kyil mo krung bcas te lus drang por bsrang la/ dran pa phyogs par bzhag te/ 'dug

  14. 166a

    dochen@par bya'o// de de ltar 'dug pa na 'jig rten la brnab sems dang / yid mi bde ba dang / sdig pa mi dge ba'i chos rnams kyi sems kyi rjes su mi 'brang zhing / de de la dran pa dang / shes bzhin can du 'gyur ro// kun dga' bo dge slong de gnas pa 'dis gnas pa na/ gal te rnam par rtog pa dag la sems 'jug par gyur na/ kun dga' bo dge slong des mi dge ba sdug bsngal ba/ 'phags pa ma yin pa/ gnod pa dang ldan pa'i rnam par rtog pa 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / de lta bu'i rnam par rtog pa gang dag yin pa de dag mngon par spangs la/ dge ba/ bde ba 'phags pa/ gnod pa med pa dang ldan pa'i rnam par rtog pa/ 'di lta ste/ nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi mche ba'i rnam par rtog pa dang / de lta bu'i rnam par rtog pa gang dag yin pa de dag la rnam par rtog par bya'o// de de ltar rnam par rtog pa na 'jig rten la brnab sems dang / yid mi bde ba dang / sdig pa mi dge ba'i chos rnams kyi sems kyi rjes su mi 'brang zhing / de de la dran pa dang shes bzhin can du 'gyur ro// kun dga' bo dge slong de gnas pa 'dis gnas pa na/ gal te gtam

  15. 166b

    la sems 'jug par gyur na/ kun dga' bo dge slong des mi dge ba'i 'phags pa ma yin pa gnod pa dang / ldan pa'i gtam 'di lta ste/ rgyal po'i gtam dang / rgan po'i gtam dang / zab mo'i gtam dang / zas kyi gtam dang / skom gyi gtam dang / gos kyi gtam dang / lam srang gi gtam dang / smad mtshong ma'i gtam dang / 'jig rten gyi gtam brgyud kyi gtam dang / lam ngan pa'i gtam brgyud kyi gtam dang / rgya mtsho'i gtam brgyud kyi gtam dang / yul gyi mi dang / sna chen po la btogs pa'i gtam rgyud kyi gtam dang / de lta bu'i gtam gang dag yin pa de dag mngon par spangs la/ 'phags pa yo byad bsnyungs pa sems kyi sgrib pa med pa dang / 'thun par gyur pa'i gtam 'di lte ste/ tshul khrims kyi gtam dang / ting nge 'dzin gyi gtam dang / shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi stsog pa'i gtam dang / yo byad bsnyungs pa'i gtam dang / 'du 'dzi'i med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di pa nyid kyi rten cing 'brel bar 'byung ba'i gtam dang / de lta bu'i gtam gang dag yin pa de dag gi gtam bya'o// de de ltar

  16. 167a

    mngonagatam zer ba na 'jig rten la brnab sems dang / yid mi bde ba dang / sdig pa mi dge ba'i chos rnams kyi sems kyi rjes su mi 'brang / zhing / de de la dran pa dang shes bzhin can du 'gyur ro// kun dga' bo 'phags pa nyan thos kyis ma la bdag sems 'dod pa'i yon tan lnga po 'di dag las/ 'dod pa'i yon tan gang yang rung ba la brten nas/ kun 'byung ba yod dam/ 'on te bdag gi sems 'dod pa'i yon tan lnga po 'di dag las/ 'dod pa'i yon tan gang yang rung ba la brten nas/ kun 'byung ba med ces yang dang yang du 'dod pa'i yon tan lnga po 'di dag la rang gi sems so sor brtag par bya ste/ kun dga' bo nga ni 'dod pa'i yon tan lnga po dag las gzhan pa la sems kun tu 'byung bar mi smra'o// kun dga' bo gal te dge slong de de ltar so sor rtog pa'i tshe/ bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun tu 'byung ba yod par shes par gyur na/ kun dga' bo dge slong des 'dod pa'i yon tan de dang de dag la mi rtag par rjes su blta zhing gnas par bya/ zad par rjes su lta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung bar rjes su blta zhing gnas par bya'o// kun dga' bo dge slong de 'dod pa'i yon tan de dang de dag la mi rtag par rjes su blta

  17. 167b

    zhing gnas pa dang / zad par rjes su blta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung bar rjesu blta zhing gnas pa na/ de'i sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun tu 'byung bar 'gyur ba/ gang yin pa de dag kun tu 'byung bar mi 'gyur ro// kun dga' bo gal te dge slong de de ltar so sor rtog pa'i tshe/ bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la rten nas kun tu 'byung bar gyur pa gang yin pa de spangs par shes par gyur na/ de de ltar dran pa dang shes bzhin can du 'gyu ro// kun dga' bo 'phags pa nyan thos kyis ma la bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma gsal ba yod dam/ 'on te bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la/ ma bkag ma stsal ba med ces yang dang yang danye bar len pa'i phung po lnga po 'di dag la rang gi sebs so sor brtag par bya'o// kun dga' bo gal te dge slong de de ltar so sor rtog pa'i tshe bdag gis nye bar len

  18. 168a

    @#pa'i phung po lnga po 'di dag la/ nga'o snyam pa'i nga rgyal dang / nga'o snyam pa'i 'dun pa dang / nga'i snyam pa'i bag la nyal ma spangs shing / yongs su ma shes la/ ma bkag ma stsal ba yod par shes par gyur na/ kun dga' bo dge slong des nye bar len pa'i phung po lnga po 'di dag la yang dang yang du 'di lta ste/ 'di ni gzugs so// 'di ni gzugs kyi sku 'byung ba'o// 'di ni gzugs kyi zad pa'o// 'di lta ste/ 'di ni tshor ba dang / 'du shes dang / 'du byed rnams dang / 'di ni rnam par shes pa'o// 'di ni rnam par shes pa'i kun 'byung ba'o// 'di ni rnam par shes pa'i zad pa'o zhes kun 'byung ba dang / zad par rjes su blta zhing gnas par bya'o// nye bar len pa'i phung po lnga po 'di dag la yang dang yang du kun 'byung ba dang zad par rjes su lta zhing gnas pa na/ de la nye bar len pa'i phung po lnga po 'di dag lnga nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing / yongs su ma shes la/ ma bkag ma stsal par gyur pa gang yin pa de med par 'gyur ro// kun dga' bo gal te dge slong de de ltar so sor rtog pa'i tshe/ bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal 'byung bar gyur pa dgang

  19. 168b

    gcig tu dge ba yin pa de spangs par shes par gyur na/ de de la dran pa dang / shes bzhin can du 'gyur te/ kun dga' bo chos de dag ni gcig tu dkar ba/ gcig tu kha na ma tho ba med pa ste/ bdud sdig can gyis 'da' bar bya ba ma yin zhing sdig pa mi dge ba'i chos kun nas nyon mongs par 'gyur ba/ yang srid par 'gyur pa/ gdung ba dang bcas pa/ rnam par smin pa/ sdug bsngal ba phyi ma la skye ba dang / rga ba dang / 'chi bar 'gyur ba rnams kyis mi 'phrogs pa yin no// kun dga' bo ji snyam du sems/ nyan thos dad pa can dag ji srid mtsho'i bar du phyir bkag kyang ston pa'i phyi bzhin rjes su 'brang bar 'os pa ci'i phyir snyam/ gsol pa/ btsun pa bcom ldan 'das ni/ chos rnams kyi gzhi po lags ste/ bcom ldan 'das kyis mtshon pa dang / bcom ldan 'das la brten pa lags pas/ bcom ldan 'das kyis don de dge slong rnams la legs par bka' stsal du gsol/ bcom ldan 'das las thos nas dge slong rnams kyang 'dzin par 'gyur lags so// bka' stsal pa/ kun dga' bo de'i phyir legs par rab tu nyon la yid la zung shig dang bshad par bya'o// kun dga' bo nyan thos dad pa can gang dag 'di lta ste/ mdo'i sde dang / dbyangs kyis bskyed pa'i sde dang / lung bstan pa'i sde dang / tshigs su bcad pa'i sde dang / rmed du

  20. 169a

    yad cen/ brjod pa'i sde dang / gleng gzhi'i sde dang / rtogs pa brjod pa'i sde dang / de lta 'byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / bstan la bab par bstan pa'i sde'i chos de dag dang / de lta bu'i chos rnams mnyan pa'i phyir ji srid mtsho'i bar du phyir bkag kyang ston pa'i phyi bzhin rjes su 'brang ba ni 'os pa ma yin no// de ci'i phyir zhe na/ kun dga' bo chos de dag ni yun ring po nas thos shing gzung la/ brtan par byas shing kha don byed pa dang / yid kyis brtags pa dang / mthong bas shin tu rtogs par byas zin pa'i phyir ro// kun dga' bo nyan thos dad pa can gang dag 'phags pa yo byad bsnyungs pa/ sems kyi sgrib pa med pa dang mthun par 'gyur ba'i gtam 'di lta ste/ tshul khrims kyi gtam dang ting nge 'dzin gyi gtam dang / shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi stsogs pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di pa nyid kyi rten cing 'brel par 'byung ba'i gtam dang / de lta bu'i gtam gang yin pa

  21. 169b

    dag mnyan pa'i phyir ji srid mtsho'i bar du phyir bkag kyang ston pa'i phyi bzhin rjes su 'brang ba ni rigs pa yin no// kun dga' bo gsum po 'di dag ni gnod pa yin no// gsum gang zhe na/ slob dpon gyi gnod pa dang / slob ma'i gnod pa dang / tshangs par spyod pa'i gnod pa'o// kun dga' bo slob dpon gyi gnod pa gang zhe na/ kun dga' bo 'di la ston pa rtog ge pa can/ rtog ger rtogs pa'i sar rang gi spobs pa las byung ba so so'i skye bo pa/ dpyod pa'i rjes su spyod pa la gnas pa de 'jig rten du byung na/ de gnas mal dgon pa 'am/ nags 'dab bam/ bas mtha' dag tu gnas par byed do// de gnas mal dgon pa 'am// nags 'dab bam/ bas mtha' dag na gnas pa'i tshe/ nyan pa po khyim pa dang / rab tu byung ba dag rjes su 'brang bar 'gyur ro// de nyan pa po khyim pa dang / rab tu byung ba rjes su lhags pa dag chums par byed cing / brgyal ba bskyed par byed la/ mang po sdu ba'i phyir rjes su 'jug par byed de/ kun dga' bo de ni slob dpon gyi gnod pa zhes bya'o// kun dga' bo slob dpon gyi gnod pas gnod par gyur pa'i slob dpon de ni/ sdig pa mi dge ba'i chos/ kun nas nyon mongs par 'gyur ba/ yang srid par 'gyur ba/ gdung ba dang bcas pa rnam par smin pa/ sdug bsngal ba dang / phyi ma la skye ba dang / rga ba dang / 'chi bar 'gyur ba rnams

  22. 170a

    / kyis gnod par 'gyur ba'o// kun dga' bo slob ma'i gnod pa gang zhe na/ kun dga' bo 'di la nyan pa po dad pa dang / ldan pa ston/ pa de nyid kyi tshig la mngon par dad par gyur pa de/ ston pa de nyid kyi dben pa'i rjes su slob pa'i tshe/ gnas mal dgon pa 'am/ nags 'dab bam/ bas mtha' dag tu gnas par byed do// de gnas mal dgon pa 'am/ nags 'dab bam/ bas mtha' dag na gnas pa'i tshe/ nyan pa po khyim pa dang / rab tu byung ba dag rjes su 'brang bar 'gyur ro// de nyan pa po khyim pa dang / rab tu byung ba rjes su lhags pa dag la chums par byed cing brgyal ba skyed par byed la/ mang po sdu ba'i phyir rjes su 'jug par byed do// kun dga' bo de ni slob ma'i gnod pa zhes bya'o// kun dga' bo slob ma'i gnod pas gnod par gyur pa'i slob ma de ni/ sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang / bcas pa/ rnam par smin pa/ sdug bsngal ba phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro// kun dga' bo tshangs par spyod pa'i gnod pa gang zhe na/ kun dga' bo 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen

  23. 170b

    skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung na/ de gnas mal dgon pa 'am/ nags 'dab bam/ bas mtha' dag tu gnas par mdzad do// de gnas mal dgon pa 'am/ nags 'dab bam/ bas mtha' dag na bzhugs pa'i tshe nyan pa po khyim pa dang / rab tu byung ba dag rjes su 'brang bar 'gyur ro// de nyan pa po khyim pa dang / rab tu 'byung ba rjes su lhags pa dag la chums par mi mdzad cing brgyal bar skyed pa mi mdzad la/ mang po sbas pa'i phyir rjes su 'jug par mi mdzad kyang / de nyan pa pos kun tu gang zhing gnas na lhag pa'i sems las byung ba bzhi po de dag gis tshe 'di la bde bar gnas pa thob pa gang dag yin pa dag las gang yang rung ba las yongs su nyams par nga smra la/ gcig pu ma 'dres pa dang / bag yod pa dang / rtul pa dang / sems bsdus pa'i bdag nyid de dag gis nyams pa med pa'i sems rnam par grol pa/ skas mngon sum du mdzad cing gnas pa gang yin pa de la ni/ rnam grangs gang gis kyang yongs su nyams pa med par smra mod kyi/ 'on kyang nyan pa po dang ldan pa ston pa de nyid kyi bka' la mngon par dang par gyur pa/ de ston pa de yid kyi dben pa'i rjes su slob pa'i tshe/ gnas mal dgon pa 'am/ nags 'dab bam/ bas mtho

  24. 171a

    dag tu gnas par byed de/ de gnas mal dgon pa 'am/ nags 'dab 'am/ bas mtha' dag na gnas pa'i che/ nyan pa po khyim pa dang / rab tu byung ba dag rjes su 'brang bar 'gyur ro// de nyan pa po khyim pa dang / rab tu byung ba rjes su lhags pa chums par byed cing / brgyal ba skyed par byed la/ mang po bsdu ba'i phyir rjes su 'jug par byed de/ kun dga' bo de ni tshangs par spyod pa'i gnod pa zhes bya'o// kun dga' bo gnas mal gyi gnod pa rnam las 'di lta ste/ slob dpon gyi gnod pa dang / slob ma'i gnod pa de dag ni cung zad tsam du zad kyi/ gnod pa rnams las 'di lta ste/ tshangs par spyod pa'i gnod ba de ni tha chad yin no// kun dga' bo tshangs par spyod pa'i gnod pas gnod par gyur pa'i tshangs par spyod pa de ni/ sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/ rnam par smin pa sdug bsngal ba phyi ma yin skye ba dang / rga ba dang / 'chi bar gyur pa rnams kyis gnod par 'gyur ro// kun dga' bo nga ni mdza' bshes dang / ldan pas kun tu spyod par byed kyi/ 'gran zla dang ldan pas ni ma yin no// kun dga' bo ji ltar na nyan thos rnams ston pa la 'gran zla dang ldan pas/ kun tu spyod cing mdza' shes dang ldan pas ma yin zhe na/ kun dga' bo 'di la ston pa/ rjes su thugs

  25. 171b

    brtse ba dang ldan pa/ thugs rje dang ldan pa/ don du bzhed pa/ phan par bzhed pa/ thugs rje bar gyur pa/ nyan thos rnams la dge slong dag/ khyed la phan pa 'di dang bde ba 'di dang / phan pa dang bde ba 'di'i phyir ro// zhes chos ston par mdzad pa na/ de'i nyan thos de dag gus par nyan par mi byed cing / rna klog par mi byed/ kun shes par bya ba'i sems nye bar 'jog par mi byed/ chos kyi rjes su mthun pa'i chos sgrub par mi byed la/ ston pa'i bstan pa las rnam par 'das shing gnas par byed na/ kun dga' bo de ni nyan thos rnams ston par 'gran zla dang ldan pas/ kun tu spyod cing / mdza' shes dang ldan pas ma yin pa yin no// kun dga' bo ji ltar na/ nyan thos rnams ston pa la mdza' bshes dang ldan pas kun tu spyod cing / 'gran zla dang ldan pas ma yin zhe na/ kun dga' bo 'di la ston pa rjes su thugs brtse ba dang ldan pa thugs rje dang ldan pa/ don du bzhed pa/ phan par bzhed pa/ thugs rje bar gyur pa/ nyan thos rnams la dge slong dag khyed la phan pa 'di dang / bde ba 'di dang / bde ba dang / bde ba 'di'i phyir ro zhes chos ston par mdzad pa na/ de'i nyan thos de dag gus par byed cing / rna klog par byed/ kun shes par bya ba'i sems nye bar 'jog par bya'o// chos kyi rjes su mthun pa'i chos sgrub par byed la/ ston pa'i bstan pa yang dag par blangs

  26. 172a

    ga phyu g+sa ldan pa ma man pa la // na dga' ba na med pa 'as nga sa / 'as ma pa sa la sa shang na pa las par sa la rnam n+d+hang gags nadu shig/ bcom ldan 'das kyis de skad ces bka' stsal nas/ dge slong de dag bam ldan 'das kyis gsungs pal mngon par bstod de// bang rdzom sa/ 'phags pa'i bde dang dus sbyor dang // gzugs dang mchog dga' dge slong dang // khrul ril phyi stong nyid srogs dang // ting nge 'dzin la sems gsol dang // 'chag pa dang ni 'dag pa dang // rnam rtog gtam dang 'dod yon dang // phung po gcig dkar nyan thos dang // gnod dang mdza' bshes tshar bcad pa'o// mdo chen po stong pa nyid chen po zhes bya ba rdzogs s+ho// // rgya gar gyis mkhan po 'dzin mi tra dang / prad dz+nyA bar ma dang / zhu chen gyi lo tsA ba ban de ye shes sde las stsogs pas/ bsgyur cing zhes te// gtan la phab pa'o// zhus dag go/

Colophon

mdo chen po stong pa nyid chen po zhes bya ba rdzogs s+ho// //rgya gar gyi mkhan po 'dzi na mi tra dang/ prad dz+nya bar ma dang/ zhu chen gyi lo ts+tsha ba ban de ye shes sde las stsogs pas/ bsgyur cing zhus te// gtan la phab pa'o// zhus dag go