rdzogs pa chen po lta ba'i yang snying /_sangs rgyas thams cad kyi dgongs pa/_nam mkha' klong yangs kyi rgyud
Text
ff. 97b–154a · 114 folio sides
- 97b
la ngas bshad pa// don 'di rgyud la shin tu spos// yang dag nyid khu sems kyi bcud// thig le nyag gcig mngon phyung ba// chos kyi gter gyi 'byung gnas 'di// snod ldan rnal 'byor rnams kyis kyang // gal te phyi rabs don ston na// sangs rgyas chos skyong dbang du btsugs// gzhan la mi spel ma nas bor nas// snod ldan man ngag tshang bar bstan// tshogs kyi mchod pa ci nus bya// de ltar ma bcos chos bstan na// slob dpon tshe thung bar chad 'ong // bka' rku bla ma smad pa la// mi tshe 'di nyid da lta'i dus// nad dang kha yogs sna tshogs 'ong // de phyir man ngag yang snying 'di// 'jig rten grags pa nor 'dod phyir// don 'di ma spel sems la chongs// rdo rje sems dpas de skad gsungs// rdzogs pa chen po 'khor ba rtsa da nas gcad pa chos sku skye med rig pa'i rgyud las/ rin po che gter gyi 'byung gnas zhes bya ba rdzogs so// // rgya gar gyi mkhan po bi ma la mi tra dang / oM tsar+ya ngan pa ye shes kyis rang 'gyur byas te ga tan la phab pa'o// rgya gar skad du/ san+ti ma hA ts+li thig rje bud+d+ha sarba sa ma ti/ a kha g+ha sU rba tan+da nA ma/ bod skad du/
- 98a
rdzogs pa chen po lta ba'i yang snying/ sangs rgyas thams cad kyi dgongs pa/ nam mkha' klong yangs kyi rgyud ces bya ba/ bcom ldan 'das rang 'byung ngo bo nyid kyi sku dpal kun tu bzang po la phyag 'tshal lo// 'di skad gsungs pa'i dus gcig na// bcom ldan 'das kun rig rgyal po de// 'og min chos kyi dbyings kyi pho brang du// snying po byang chub sku bzhugs pas// rigs lnga'i 'khor la thugs gzigs te// ye shes 'khor lo'i dgongs pa la// g.yos pa med par lhun gyis grub// de tshe 'dus pa rnam bzhi yang // rnam gzigs gtsug gtor thams cad skyob// 'khor 'jig bsod skyabs rin chen mang // mar me log par dad sel dang // 'od srungs rin chen snying po dang // dbang po zhi dang pad+ma brtsegs// gser thub dang ni shAkya thub// me tri mthu chen thob dang ni// smyan ras gzigs dang 'jam pa'i dpal// dri med phyag na dga' ba'i dbang // dus gsum sangs rgyas rnams kyang bzhugs// sems dpa' rdo rje snang ba dang // yo shes dpal dang yon tan snying // skyon med grags pa grub pa btsal// ye shes spyan ma rdo rje dbyings// dpal 'bar ma dang dpal ldan bde// las kyi sems ma
- 98b
chen mo rnams// rang rang gtso la 'khyud nas 'khod// gzhan yang sprul pa mang po'i tshogs// 'jig rten mkha' 'gro pho mo dang // dregs can dam btags zhal 'ches pa// rang dbang med par dad 'dus rnams// rang sems rtogs par 'dod pa'i phyir// lus ngag sems kyi zol med par// thabs cig rigs pas 'khod gyur to// de tshe rdo rje sems dpa' yis// dus gsum bde bar gshegs pa yi// thams cad sku gsung thugs gtad ni// rdo rje las 'byung phun sum tshogs// kun rig rgyal po'i dgongs pa de// mngon par gzigs pa'i don go nas// rdo rje yid kyi don bskul ba// 'khor 'das ma reg rnal 'byor thugs// nam mkha' bzhin du ye gnas pas// ye shes rnam par grol ba'i thugs// ngo bo nyid kyi sku bskyod nas// thugs dam dbang gis bzhengs su gsol// de skad bskul ba mkhyen gyur nas// ngo bo nyid las gzugs skur bzhengs// gzugs sku rol pa'i mdzad spyod kyis// 'od zer spros pas nam mkhar khyab// thams cad kun tu snang mdzad pas// 'khor rnams ngo mtshar du gyur nas// rtse gcig lus ngag yid kyis kyang // rnal 'byor tshogs kyis phyag 'tshal nas// bden
- 99a
pa'i yid kyis yang bskul ba// 'khor 'das rtsa ba thugs kyi dbyings// shes rab chen po mnga' brnyes pa'i// sprul pa grangs med 'byung ba'i gnas// chos sku bde bas 'gro don gyis// de don bskul ba thugs tshud nas// 'khor 'das ma reg don chen po// 'bral mid dgongs pa snyoms bzhugs te// cang mi gsung bar lhun gyis bzhugs// de nas blo gros dam pa de// cang mi gsung ba ngo mtshar te// dpa' bo mgon pos yang zhus pa// u ma nam mkha' lta bu yi// sku mchog khyab pa'i byin rlabs kyis// thog med rol pa'i cho 'phrul gyis// gzi brjid bdud dpung zil gyis gnon// yid bzhin gsung mchog sgra snyan gyis// tshig gcig don go thams cad 'dus// gzung sla yan lag tshangs pa'i gsung // sang ge'i sgra yis gsang sngags gsung // ye shes snying po'i rdo rje'i thugs// nyi zla lta bur rang gsal ba// 'khor 'das spros bral thig la thugs// ya shes rig pa byin gyis rlobs// thugs rje kun gyi bdag po khyod// sangs rgyas rnams kyi yang mes po// rnal 'byor kun gyi dam pa'i lam// bdud
- 99b
rnams kun gyi bdud chen po// yon tan thams cad 'byung ba'i gnas// byang chub sems kyi mdzod chen po// ma rig mun pa bsal du gsol/ de skad gsol ba'i don go nas// bcom ldan ngo bo nyid rku des// 'khor rnams la ni thugs gzigs nas// phyogs bcur zhal ni 'dzum mdzad de// dper na nyi ma'i snying po las// 'od zer kun tu bkye ba ltar// khyab par mdzad cing bka' stsal pa// 'khor 'das med pa'i gang rol tu// nga rtogs kun tu bzang po byung // gzhan sangs zhi gnas blos sgoms pas// sangs rgyas nyid kyang gdeng me gol// phra mo rnal 'byor smos ci dgos// de skad bka' stsa la gsungs ma thag/ 'khor rnams ma dga' yid 'grogs te// don la the tsom za gyur te// mya ngan yid ni zin gyur nas// 'jig rten kun 'gul rab tu g.yos// lha mi mi ma yin la sogs// kun kyang skrag cing ya ngar gyur// de nas rdo rje sems dpa' yis// thugs kyis gzigs nas don rig nas// 'khor rnams zhi gnas bsam gtan la// zhen pa gsal bar yid gzigs nas// ting nge 'dzin gyi don gsol pa// 'jig rten
- 100a
mkhas pa rdzogs sangs rgyas// ye shes thugs rje chen po yis// chos nyid gnas lugs ji lta ba// ma nor ma bcos snying pa'i thugs/ 'khrul pa'i blo yis rtogs pa'i thabs// 'khor 'das ma reg lhag mthong don// dus 'dir bdag la bshad du gsol// rang 'byung ngo bo nyid sku des// don rig thugs kyis bka' stsal pa// sangs rgyas chos nyid ji lta ba// 'khor 'das ma reg rnying pa'i don// yang mes nga yis don bshad du/ rdzogs chen skye med don zab kyang // ma rtogs pa la sdigs mor che// nor bu rin chen rnyed dka' bzhin// phyi ma dus kyi mi ngan rnams// dar drag dang thung tshor rkyen la// bka' yi don la yid mi ches// gzhung mang sprin tshig rtog pa za// byang chub pas ni khe grags sgrub// le lo ches pas grub rtags ring // 'jug la brtson la 'dor ba rkyen// nges pa'i don la gal chen 'jug/ bden pa'i tshig la sgro skur 'debs// tshig tu zhi ba la don la rtsing // thos bsam pas ni ngom pa rings// shes nas mi sgrub yal bar 'dor// gong 'og gzhung ni bsres te slod// bka' min mi ches don du byed// man ngag zab mo zong du
- 100b
'tshang / tshig nyung zab mo gting phyin la// shan 'thangs mi phyed spongs zhes smra// gdam ngag blo chud mi gson par// don nyid rtogs par byed pa la// yid ches med par rig pas 'jug/ mang por bshad kyang don med la// mkhas pa yi ni zhes yon tan brjod// bla ma smod pa'i gang zag la// kho bden zer zhing rjes su 'jug/ gsang ba'i man ngag mgo bar// slob bu ma byas slob dpon rings// khungs nas brgyud pa'i man ngag la// ma nor yin par mi rtsi bar// rang bzo kha tsha bas che ba la// yid ches byed cing dam par 'dzin// lta dman rnams kyi ngo srung byed// de lta bu mi dus byung tshe// don bstan skad cig de nyid la// rgyud lung sangs rgyas skrag cing dngangs// nyan thos mdo sde brgyal zhing 'bag/ lha dang lha mon srin po'i tshogs// smre skur 'dogs pa'i gang zag rnams// gtan du dmyal ba chen por ltung // 'di la tshe yi bar chad dang // 'jigs pa sna tshogs de la 'ong // mgo sus tshal pa stong du 'gas// rigs 'dzin rnams kyis spong bar 'gyur// de phyir shin tu gsang ba'i don// snod ldan slob bu mi rnyed dkon// de skad bka' stsa la don go nas// 'khor rnams mgrin
- 101a
gcig thal sbyar nas// yid kyis gdung ba'i don gsol pa// 'khor ba'i g.yang sar ltung ba la// thugs rje chen pos mi 'dzin nam// ri dgas 'dzin pa'i rgyar chud pa// rnam rtog dra ba mi gcod dam// sems can las la thugs dam kyang // 'gro don snying rje mi mdzad dam// ma rig mun pa'i smag rum du// dmus long bzhin du rang sems 'thibs// ye shes nyi ma mi 'char ram// zhe sdang me chen 'bar ba la// las kyi rlung dmar chen pos bus// chos nyid rlan gyis mi 'jil lam// 'dod chags chu ltar 'khrug pa yis// bse rtsi bzhin du zhen pa la// ye shes me yis mi sreg gam// don stor lus kyi nang du 'khor// lam stor ba dag las mkhan mdzod// dus 'dir 'dus pa rnams kyis kyang // 'gal sems rdul tsam med par ni// dad pas byang chub don la mos// des shing dad pas yid bsdus so// de nas ngo bo nyid sku des// ye shes 'khor lo'i dgongs pa las// thugs kyis mngon par bzhengs nas kyang // kun bzang chos sku'i rtogs don de// 'dus pa'i 'khor la bka' stsal pa// legs so dad ldan 'khor rnams nyan// lhag mthong gsal bar
- 101b
ngas bshad kyis// legs par nyon ma yid kyi zung // gol sa chod pa'i lta ba yis// gdeng du go 'gyur rnal 'byor pas// ched du mi sgom rang yan te// sangs rgyas bcom ldan 'das rnams kyis// dbang po rang yan btang las 'byung // ma bsgoms ye shes shugs la shar// gol med ye shes chos nyid klong // thugs kyi 'od zer stong gi cha// phyogs bcu kun tu rab spros pas// 'khor rnams sems la don shar nas// zhi gnas las ni lhag mthong du// rdul tsam du yang ma bsgoms par// phra mo cha tsam rtogs gyur nas// dga' ba'i yid kyis don ston pa// 'khor ba'i nad 'byin sman pa'i mchog/ rab med sgrol ba chos kyi gru// 'jigs sar rten pa ye shes 'khar// 'dren med byams pa pha dang ma// 'dren mdzad khyod la phyag 'tshal bstod// ded dpon kun bzang chos kyi sku 'khor ba'i lam med lam ston pa// rang rig ye shes byang chub glong // ye shes sku la yid kyis bstod// nam mkha' lta bur dang ba yis// khyab gsal rab brjid skur ston cing // mkhas la rgya che shin tu gsal// e ma sangs rgyas bcom ldan gsung // shes rab gting phyin g.yos pa med//
- 102a
rgyun mi 'chad la phyag 'tshal lo// ma rtsol bdud rnams gdul mdzad pa// stobs ldan dpa' bo chen po ste// yon tan 'phrin las rdzogs mdzad pa/ ci bsams 'grub la phyag 'tshal bstod// da ni khyod kyi 'bangs su mchi// dpa' bo chen po bdag la dgongs// bka' las mi 'da' yid kyis gzung // lta ba'i yang snying bshad du gsol// de skad gsol pa'i don gsan nas// bcom ldan ngo bo nyid chen des// gdod nas 'bral med ting 'dzin la/ bde bar bzhugs nas bka' stsal pa// yang snying lta ba'i rgyud chen 'di// yid kyis bshad pa rtogs pa'i don// ngang shes ye shes dam par gyis// bdud dang bar chod thams cad kyang // nga nyid rol pa las gzhan med// nga ma shes par ci spyad kyang // 'bras bu brlag cing 'tshig par 'gyur// de skad gsungs nas sku gsung thugs// skye 'gag med pa'i ye shes kyis// rgyun mi 'chad kyi dgongs pa la// thugs ni shin tu thim gyur to// de nas rdo rje sems dpa' yis// 'dus pa'i tshogs la phan btags phyir// yid kyis nges don 'di skad gsol// dad pas bsgom dang rtogs pa yis// rjod
- 102b
ldan sno nga na bye brag gis// 'bras bu bstan pa bshad du gsol// // kun rig rgyal pos bka' stsal pa// khyod kyis zhus pa ngas bshad do// nga yi ye shes lhun grub la// re zhig mos pa drang ba'i phyir// spyi yi mtshan nyid rtogs pa'i thabs// brda tsam mtshon nas zhen grol ba'i// rang don sems kyi mos pa yis// theg pa kun la thos bsam ga nas// dben pa'i dgon par gang bsgom pa// rang sems dar+m+ma rgod stong khams ya na// mngal gyi sgrib g.yogs khang stong bsrung // bcos ma'i spyod pa su bsgom pa// 'bras bu sangs rgyas thob 'dod pa// zhe 'dod yod phyir 'khor ba'i rgyu// snang ba sems su byas pa'i phyir// 'bras bu mo shes 'byung ma thod/ de yang 'dus pa'i snying pa tsun// 'khor bdas tshig tu brjod dka' gA// chos rba nam mkha' lta bu de// kun la gnas kyang rtogs par dka'// u dum ba ra'i me tog bzhin// brgya lam yang na re 'ga' zhig/ 'byung srid kun gyi thun mong min// don 'di khyod la bshad kyis nyon// bla ma rdo rje slob dpon la// nyan bshad sgrub pa'i dbang nos nas// mched la sring ltar gdung
- 103a
byed cing // thos bsam sgom par 'dod pa'i phyir// byang chub srog dang sngo ba la// snod ldan ma nor phrad gyur na// 'tsho ba rang gis sbyar la yang // lta ba'i dgongs don 'di bstan te// ma mtshon go dang ma spyad rtogs// don ldan man ngag rig pa'i blos// ma bsgoms rtogs pas nges par cho ga/ de yi 'bras bu da lta nyid// sangs rgyas rgyal po ye shes sku// thams cad mkhyen pa'i ye shes te// 'bras bu kun gyi mchog tu bshad// rdo rje sems dpa' de yang nyon// ngo bo nyid kyi chos sku la// 'das dang ma 'das mi mnga' yang // nga nyid dngos su mi bzhugs tshe// 'dzam gling dbus kyi shar phyogs su// skal ldan rigs kyi sprul pa gcig/ pha med bram ze'i rigs skyes nas// nga yi nges don lta ba 'di// gdam ngag man chad ston pa 'byung // phyis kyi rnal 'byor 'jug 'dod pas// nga yi rgyud 'di rtogs par gyis// 'di shes bla ma dam par gzung // de bzung yon tan brjod mi lang // nges don 'di la gang mos rnams// bka' dang mthun par don go nas// rdul tsam du yang ma bsgoms kyang // sangs rgyas sa la smos ci dgos// de tshe dad ldan 'di la 'jug
- 103b
'khor 'das ma reg chos sku'i don// las can kun gyi rtogs don chos// man ngag rdzogs chen bstan pa 'byung // // de tshe nga yi 'khor rnams kyis// nges don lta ba 'chad pa la// lta dman tshul 'chos sde pa ni// sngags par khas 'ches mu stegs dang // drang don sa la zhen pa rnams// zhe sdang byed pa'i dus byung tshe// kha zer 'phyar kha gtong ba dang // dug dang rdo sogs mtshon rnams kyis// de la gsod par sems 'gyur zhing // sa phyogs mnga' ris 'gegs pa'i tshe// kun bzang lta ba nges don 'di// ngo bsrung tshul 'chos ma yin par// zhum med dam chos 'di 'chad pa// tsham tshom med par dpa' bo'i mchog/ 'jigs med ma nor ston pa la// bde gshegs rnams kyis byin gyis rlobs// mkha' 'gro chos skyong smos ci dgos// gnod pas mi tshugs bsod nams 'phel// de tshe nyan thos mu stegs sogs// rang rang brkam chags rtsod gyur nas// g.yul 'gyed byed cing ru dra 'dra// rims nad sna tshogs bkra mi shis// yon bdag rnams ni dad pa ldog/ 'og ma'i bstan pa 'jig pa'i rtags// phyi nang ngan song smos ci dgos// de yang 'dus pa'i
- 104a
snying po nyon// de lta bu yi dus byung tshe// gal te tshogs la chos 'chad na// nyams dang lkugs pa zhe 'khon rnams// yod med gsher la gshegs su gzhug/ de mi nus la chos mi 'chad// dper na ldum rar dug skyes na// bdag pos dug tu shes me thag/ rtsa nas phyung ste med par byed// de bzhin dam nyams mi mthong na// gang yin tshogs las bkar la btang // lta bshags chen po yid la bya// de ltar ma byas phyal gzhag na// rten byed ma thub srog gcod bzhin// nyams sgrib skyon gyis nang tshang 'byung // mkha' 'gros chad pa rims kyis gcod// da yang 'dus pa'i snying po nyon// gal te dad pas gdung sems kyis// dam tshig nyams pa'i skyon 'gyod nas// bskang bshags g.yo sgyur mi byed pa// gser dngul chags bcos phyir legs bzhin// don la brtson 'grus shin tu che// de ni snod kyi dam pa'i mchog/ man ngag yang snying rdzogs par bstan// de don shin tu btsal dka'i phyir// snod la brtag pa shin tu gces// bka' dang mthun pa'i don grub phyir// ma brtags rang 'dod chos mi bshad// rdzogs pa chen po lta ba thams cad kyi yang snying / sangs rgyas
- 104b
thams cad kyi dgongs pa/ nam mkha' glong yangs kyi rgyud las/ bstan pa 'byung ba'i rgyud gleng gzhi bstan pa'i le'u ste dang po'o// / de nas 'dus pa'i 'khor rnams la// zhal gyis bzhes te bka' stsal pa// rgyud lung man ngag yul la lta// de phyir ma nor chos sku min// sems yin zer zhing snang ba 'tshal// sems dang 'bral med rdzogs byas kyang // glang po phag dang 'dra ba bzhin// 'brel med don ni rtogs bya'i phyir// de phyir yul 'di sems/ 'dra yang // snang ba chos skur 'brel med pas// gzhi nyid rang sems rtogs par bya// de yang rdo rje sems dpa' nyon// yul nyid snang ba 'di nyid la// mtha' yas ming du btags pa yin// yod mthong snang grags chos rnams kun// bla dgas tsam du btags par zad// de la dngos gzhig la yod// med pa nyid na yod rtog pa/ 'khrul pa rnams kyi shes pa la// sangs rgyas rnams kyis mi mkhyen phyir// phyi rol yul la don mi gzhag/ de phyir 'khor 'das 'byung ba kun// glo bur yin phyir gnas lugs man// de phyir 'dus pa'i snying po nyon// nga yi gsung gi 'od zer gyis// ma rig sems kyi mun khung du// sgron ma snang ba nyi bzhin
- 105a
'char// yul dang ma 'brel chos kyi sku// rang la rang chas ye gnas pas// lung bstan rkyen gyi rtogs pa 'byung // rgyu 'bras rkyen rnams ngas bshad nyon// ngo bo gnas lugs chos sku dang // de las 'khrul pa 'khor bar 'khyam// ldeg thabs snod bcud ldan pra yis// nges pa'i don mthun ga dam ngag gis// the rtso ma gags chen bsal ba dang // 'bras bu lhun rdzogs gdul bya 'byung // de skad gsungs pa'i don thos te// 'khor rnams dga' zhing yi rangs te// gus pa'i sems kyis chos nyan to// rdzogs pa chen po lta ba'i yang snying nam mkha' glong yangs kyi rgyud las/ gsung bar zhal gyis bzhes pa'i le'u ste gnyis pa'o// // de nas kun rig rgyal po yis// dad ldan 'dus pa'i 'khor rnams la// sems kyi rtog pa bsal ba'i phyir/ ched du brjod pa'i don gsungs pa// 'khor 'das gnyis kyi gzhir gyur pa// ngo bo nyid kyi sku mchog ni// rang 'byung yin phyir thog mtha' med// 'dus ma byas kyi nam mkha' 'dra// da yang 'dus pa'i snying pa nyon// ma mtshon go dang ma spyad par// de nyid rtogs pa'i kun bzang la// mya ngan thog
- 105b
mtha' dus gcig gcod// ri bo ta la'i nyi shar 'dra// lung bstan rkyen gyi gang ma ngag gis// thog ma'i gzhi shes rnal 'byor pas// 'khor ba'i mtha' ma shugs la chod// mun las nam langs nyi shar 'dra// sems can rang sems 'khrul pa'i phyir// mtshon spyad rtogs pa 'khor ba'i chos// 'khrul pa yod phyir thog mtha' yod// phyi nang 'byung ba chags 'jig 'dra// da yang rdo rje sems dpa' nyon// 'khor ba'i rgyu ni zhen rtog bzhin// gzung 'dzin zhen pas 'khor bar snang // ras dka' la ni snum zhe na 'dra// bag chags rtas phyir kun gzhi yin// da yang 'dus pa'i snying po nyon// ye shes mya ngan 'das pa'i rgyushes rab lhag mthong las byung ba// lung bstan rkyen gyis rtogs pa de// thig le chos sku de la bya// gnyis ka'i rgyu yi rgyu ru ni// rang 'byung ngo bo nyid kyi sku// chos rnams kun gyi gzhi yin phyir// ye shes rgyu zhes de la bya// rtog ma rtogs la tha dad kyang // lung ldan rkyen gyis ye shes te// thams cad rkyen gyi rgyu yin phyir// rgyu yi ye shes de la bya// bya byed lam gyi babad rtsol gyis// rang byung byang chub gegs yin pas// shes pa rtsol med ye shes 'di//
- 106a
lam gyi ye shes dam par gsungs// rtogs pa'i ngang las ma g.yos par// theg brgyad lam gyi spong len dang // pha rol mdzad spyod 'di yis 'grub// yon tan stobs rnams ma lus 'byung // ye shes 'bras bu 'di shes pas// dbul po'i ri ni chen rnyed pa bzhin// phyi ma ma yin dus 'dir rang / rtsol med rig pa mngon sangs rgyas// da yang 'dus pa'i snying po nyan// mi gnas chos sku don rtogs pa// 'ching grol dge sdig gnyis kyi chos// gzhi la gnyis ka gdod nas med// de phyir thig le nyag gcig go/ da yang 'dus pa'i snying po nyon// nyi ma'i dkyil na mun med ltar// de bzhin don rtogs ma bsgoms kyang // skye na med byang chub chos sku'i glong // gol sgrib dag la ya ming // de per na seng gos smra ba sgrags pas// ri dgas phra mo'i byer ba bzhin// don 'di rnal 'byor gang yod pa// lta dman sgom sgrub zil gyis non// dper na pad+ma 'dam gnas kyang // dri ma sa mi gos shin tu gsal// de bzhin rnal 'byor lus yod kyang // sgrib pas mi gos ye shes gsal// dper na 'khor lo sgyur rgyal nyid// gling bzhi gling phran dbang du
- 106b
rjud// de bzhin don 'di rtogs pa yis// pha rol phyin bcu dbang rnams kyang // rang bzhin ma btsal lhun grub rdzogs// rnal 'byor gdeng du de 'chang na/ de la sgrub pa ma byas kyang // gcig shes pa ni kun shes pas// 'bras bu sangs rgyas smos ci dgos// de las gzhan pa'i don med phyir// lhun gyis rdzogs pa'i chos sku la// skye shi'i sdug bsngal mi 'byung bas// gzhi la mi 'gyur gser bzhin no// de skad gsungs pa'i don go nas// rang sems rtogs par bya ba'i phyir// rtse gcig dad pas gus gyur nas// la bzla ba la don gyis mos// rdzogs pa chen po lta ba'i yang snying nam mkha' glong yangs kyi rgyud las/ ched du brjod pa go bar bstan pa'i le'u ste gsum pa'o// // de nas kun rig rgyal po la// 'dus pa'i 'khor gyis don zhus pa// chos nyid rang byung gnas lugs kyi// dpe don khyad par gang gis dbye// yid ches pa yi gtan tshigs gang // kun bzang thugs ni ji ltar rtogs// zhus pa'i don gsan bka' stsal pa// dpe don khyad par ngas bshad kyis// nam mkhas gar khyab sems can gyis// nam mkha'
- 107a
dag la rig pa med// sems nyid ma bsgribs rig par gsal// de phyir nam mkha' byang chub dpe// 'degs byed rlung gi 'byung ba la// ye shes rlung gi byang chub khyab// dran rig dngos med byang chub dpe// chos nyid glong du mngon sangs rgyas// sdud pa'i tshu la sems kyis khyab// chu nyid byang chub dngos ma yin// de bas rig pa sems kyi chu// byang chub chur ni mngon sangs rgyas// sra byed 'degs pa'i sa nyid la// rang sems snying po dngos med kyang // thams cad bskyed phyir byang chub dpe// 'gyur med sra phyir mngon sangs rgyas// drod snyoms tsha ba me 'di la// rang sems me yi gzhi med kyang // nyon mongs sreg byed dpe bstan pas// byang chub mer ni mngon sangs rgyas// 'byung ba lnga po 'di nyid kyang // don gyi sangs rgyas ma yin kyang // brtags pa'i sangs rgyas yin pa'i phyir// 'di la dgag sgrub ci yang med// da yang 'dus po'i stong pa nyon// ma dros mtsho dkyil me 'bar ba// mthong nas gsal ba chu yis ni// bskal par de la gnod mi nus// de bzhin ma rig ye shes kyis// thog mtha' rtsa ba mchod na// myang 'das yon tan mi 'byung phyir// 'khor ba zil gyis kyi
- 107b
la gnon// bya khyung rgyal po rlabs chen gyis// rin chen nam mkha' thon pa'i tshe// rgya mtsho nyid kyang bdud rtsire 'gyur// de bzhin bla ma'i gdam ngag gis// rang 'byung snying po rtogs tsam na// sdug bsngal nyid kyang bde chen 'chang // tshig dang yi ges mtshon pa rnams// ming du btags pa'i chos kun no// 'khrul rkyen dpe yis bstan pa'i phyir// dpe don dbye ba shin tu gces// rdzogs pa chen po lta ba'i yang snying nam mkha' klong yangs kyi rgyud las/ mtshon pa'i dpe don ma yin par bstan pa'i le'u ste bzhi pa'o// // de nas 'dus pa'i tshogs rnams la// kun rig sems kyi rgyal po yis// don gyi dbye ba bka' stsal pa// sangs rgyas pas kyang sems can gnyen// sems can dus na ma rtogs na// dug lnga rang grol tsi la 'ong // mnyam gzhag pas kyang rjes thob gces// rjes thob lta bar ma shes na// thun mtshams sgoms pas sangs mi rgya// lus la brtan nas rtogs pa yis// dus bzhi'i gdam ngag ma shes na// ye shes 'bral med ci la 'char// da yang sems dpa' chen po nyon// skye shi gnyis kyi bar do ni// lung bstan rkyen gyi gdamang gzhu// 'khor
- 108a
'das gnyis kyi bar den// chos nyid gnas lugs rtogs par bya// yul sems gnyis kyi bar de ni// phyi yi gol sgrib gcad par bya// mnyam gzhag rjes thob par do ni// rnam rtog ye shes blang bar bya// srid pa dag gi bar da ni// sangs rgyas rgyal po ye shes sku// byang chub sems dpa' thams cad la/ dpe don 'di rtogs khyad par 'phags// da yang 'dus pa'i snying po nyan// don rtogs pas ni 'dzin rtog nub// nyi ma shar na mun pa med// lung 'di rtogs pas rtog pa bros// 'khor 'das byung bas rnam rtog bcom// spong sdud gnyis po 'tsher med gzung // rtag chad gnyis po rdul du rlags// zhen len gnyis po phye mar btags// bzang ngan 'dzin pa sprin ltar dengs// sangs rgyas sems can gcig tu byas// mtho rasi ngan song rdzun du song // 'khor ba chos nyid ngang du rlags// chags sdang skyes shing ting 'dzin gsal// g.yeng ba che na bde che na rgyas// skye shi med pa'i g.yul ngo rgyal// rigs 'dzin rnams kyi thugs ngan sangs/ rdzogs pa chen po lta ba'i yang snying nam mkha' glong yangs kyi rgyud las/ don gyi dbye ba bstan pa'i le'u ste lnga pa'o// // de nas
- 108b
kun rig rgyal po yis// 'dus pa'i 'khor la bka' stsal pa// 'gro drug sems can thams cad la// rang sems snying po ye shes ni// rtogs dang ma rtogs med par gnas// de yi de nyid mtshon pa'i dpe// bar snang rkyen gyis mi tshugs ltar// rang sems stong pa'i ye shes ni// snga phyi med pa'i chos sku la// 'khor ba'i rnam rtog gzung 'dzin med// khyung phrug sgo ngar gshog rgyas ltar// rnal 'byor rang sems rtogs pa'i mi// mngal gyi sgrib g.yogs ma bral kyang // rang 'byung ye shes thugs la gnas// khu byug bya phran zil gnon ltar// chos sku sems la ngos zin pas// theg brgyad gol sgrib zil gyis gnon// de phyir 'khor ba'i ming yang med// seng phrug mngal du rtsa la rdzogs ltar// lung bstan gdam ngag bstan ma thag/ sgrib gnyis ma spangs shugs la dag/ rtogs pa mngon gyur sangs rgyas yin// pad+ma 'a dam gyis ma gos ltar// dug lnga nang nas rang byung gsal// nyon mongs nyid kyang rang sar grol// ye shes don la 'du 'bral med// dpras rnaMs rag chas ma gyur sbyar// dang ba shes bzhin lungs bstan// bar du nges pa'i don rtags pas// da gra'i shes pa 'ad mad no// ngos den chas
- 109a
rang gsal nyid// dus gsum mi 'gyur ye nas gsal// da yang 'dus pa'i snying po nyan// rang bzhin gzhi nyid spros bral bas// brjod// du med par yis ches pas// yul la mi ltos don go'i phyir// dgos don gzhi nyid ye nas bden// ngo bo nyid kyi lta ba de// rtogs ma rtogs kyi khyad par las/ 'khor 'das gnyis su shar ba yis// gang yang gnyis med yid ches pas// rig pa lta bar gzhag pa yin// chos nyid rang gi mtshan nyid ni// mi g.yogasal ba'i ting 'dzin gyis// 'khor 'das gnyis la rtsa ba gcig/ de phyir ma yengs sgom pa'i mchog/ me nas rang sems 'gyur med pas/ nas mthun par rtogs pa yis// 'khor 'das ma reg 'bras bu la// re dogs med pas lhun gyis grub// da yang 'khor gyi snying po nyon// chu nyid rkyen gyis chang 'gyur ltar// bla ma'i man ngag don stobs kyis// ci spyad rang byung shar ba las// thog ma ma yin tha ma min// dwa lta'i shes pa 'di nyid la// bzang por song ba gang yang med// rdzogs pa chen po lta ba'i yang snying nam mkha' gling yangs kyi rgyud las/ yid ches pa'i gtan tshigs kyi le'u ste drug pa'o// /
- 109b
/ de nas 'dus pa'i tshogs rnams la// kun rig sems kyi rgyal po yis// don gyi gnas lugs bka' stsal pa// chos sku gzhan dang ma 'brel phyir// phyi nang snod bcud kun gyi gong // sangs rgyas sems can gnyis pas snga// ltar med ngo bo kun gyi gzhi// rang 'byung snying po chos sku nga/ sangs rgyus rnams kyis nga ma mdzad// sems can rnams kyi sa ngam bcos// 'byung ba lnga la rag ma lus// da yang 'dus pa'i snying po nyan// thig le chos sku gzhi nyid ni// rgyu rkyen gnyis las 'das pa dang // gnyen po cis kyang mi tshugs shing // dus gsum mi 'gyur yang dag yod// de yang 'dus pa'i snying po nyon// nam mkha' mtha' dbus med pa ltar// rang sems phyogs bcur dmigs dang bral// dmigs med chos skur shes shing rig/ de tsam nyid na zhe na med bde// nyi ma ma bsgribs gsal ba ltar// sgo lnga gsal la rtogs pa med// rtog med snying po ye shes thugs// 'khor ba'i 'dzan pa kun dang bral// rin chen yon tan 'byung ba bzhin// don rtogs 'bras bu chos sku la// sangs rgyas che ba'i yon tan kun// ma btsal lhun gyis rdzogs pa 'byung //
- 110a
sa gzhi skyed pa'i gzhi yin ltar// rang 'byung ngo bo nyid kyi sku// 'khor 'das kun gyi gzhir gyur pas// rig dang ma rig khyad par las// rgyu 'bras rnams ni de las byung // rgya mtsho g.yos pa med pa ltar// snying po rtogs pa'i ye shes la// ting nge 'dzin la g.yo ba med// de nyid ye shes chos nyid sku// ri bo 'gyur ba med pa ltar// yul med rig pa nges pa'i gzhi// rkyen gyis mi 'gyur byang chub sems// ma bsams 'du 'bral med par gnas// da yang 'dus pa'i snying po nyon// dus gsum sangs rgyas kun gyis ni// rtogs pa nga dang bral ba med// ma bral chos skur rtogs pa la// 'khor med yon tan bsams mi khyab/ rwa rnal 'byor dam pa las can gyis// yid kyi don rtogs ngo shes pas// kun bzang chos sku da lta nga // dman pa'i lus la sangs rgyas yin// rdzogs pa chen po lta ba'i yang snying nam mkha' glong yangs kyi rgyud las/ kun tu bzang po thugs rtogs pa'i le'u ste bdun pa'o// // de nas rdo rje sems dpa' yis// ngo bo nyid kyi kun bzang la// bden pa'i yid kyis 'di skad gsol// chos nyid ngo bo gnas lugs dang // thog mar 'khor ba
- 110b
gang nas byung // tshogs brgyad chos sku ji ltar min// theg brgyad 'khrul gzhi ci las byung // ma rtogs sboms na ji ltar gol// lta spyod nyams pa'i nyes pa gang / rnam smin lus kyis ji ltar bsgribs// 'khor ba'i bag chags gang na gnas// kun rig rgyal pos bshad du gsol// de skad gsol pa'i don gsan nas// sems can 'khrul tshul thugs rje yis// 'dus pa'i 'khor la bka' stsal pa// gzhi la 'khrul pa byung ba ni// thog ma dus kyi mtha' drug gnyis// kun gzhi rnam shes tshogs brgyad kyang // rang sems yin te chos sku min// yarang ldan mar 'khrul 'khor 'das byung // da yang 'dus pa'i snying po nyon// nyi ma 'char ka'i ma dngas bzhin du// dang po shes bzhin lung ma bstan// chos nyid dag gi rtsal yin kyang // lung ma bstan pas rkyen dbang 'gyur// ma rig rgyal log rtog rkyen// rkyen gzhi dag gis skyed gyur pas// ma rig rnam pa gnyis su tshang // zung du 'dzom nas kun gzhi grub// da yang 'dus pa'i snying po nyon// yod med la sogs ma rig pas// thog ma med nas bden 'dzin pas// 'khor ba lugs 'jug phyir 'byung rtags// thag sbrul mtho
- 111a
yor ji bzhin du// dbang po yul la rtag tu yengs// thar lam mi thob skyes shing 'chi// 'khor ba'i rgyu ni rtog pa ste// lta bas ma gyur yul la zhe na// chos brgyad gzung 'dzin dam pa lta// skye shi sdug bsngal mi 'jigs phyir// bag chags mtshan mas rkyen byas nas// khams gsum 'khor ba'i 'khor lor 'khyam// thar med 'khor bar kun gzhis byas// de phyir 'khor ba 'ba' zhig yin// rdzogs pa chen po lta ba'i yang snying nam mkha' glong yangs kyi rgyud las 'khor ba dang po gang nas byung bar bstan pa'i le'u ste brgyad pa'o// // de nas 'dus pa'i 'khor rnams la// kun rig rgyal byas bka' stsal pa// 'khor ba rnams kyi rtsa ba ni// yul dang sems ni gnyis su 'dus// gang yang rang sems 'khrul pa ste// sems ni rnam shes tshogs brgyad la// sems las byung ba lnga bcu gcig/ rtsa ba kun gzhi nyid du 'dus// sems can kun la gnas lugs ni// phyir lta ba dang nang lta ba// gnyis kar ltas pa'i shes pa dang // bcos dgos pa dang mi dgos su// rtag chad bral dang ngo bor gnas// yang dag yod dang byin rlabs su// lan du phye
- 111b
nas bstan pa'i don// tshogs brgyad sems su bstan pa yang // 'khor ba'i bag chags rtas pa'i phyir// nges don snying po ma yin no// dmang sems dpa snying po nyon// sgo lnga'i rnam shes ngo bo ni// yul snang tsam na shes pa skye// yul mi snang tsam shes pa 'gag/ yid kyi rnam shes ngo bo ni// yul la sna tshogs sems pa'i phyir// chags sdang log rtog dag tu 'dzin// rnam rtog sna tshogs ngo bor gnas// nyon mongs yid kyi ngo bo ni// nang du zhen pa dam par ni// rtag tu 'dun pa rang 'dzin pa'o// kun gzhi rnam shes ngo ba ni// ma rtogs tha mal dus tsam na// rtag pa rgyas shing rig pas bsgribs// rtogs pa mngon du gyur tsam na// ma rig pabasgribs shing ye shes rgyas// gzhan du de dang mtshungs par ni// tshogs bdun skyes na 'phel bar snang // tshogs bdun 'gags na 'grib par snang // des na shes pa tshogs brgyad kyang // yang dag ma yin 'khor ba'i chos// de yang 'khor gyi sems dpa' nyon// sems can mos pa tha dad pas// gang zag blo mi rim pa la// gnas 'gyur chos su bstan pa yang // bkri drang ldem dgongs tsam du bstan// de yi skyon yon khyad
- 112a
par ni/ 'byung ba me chu'i dpe bzhin du// ye shes log rtog khyad par gyis// shes pa kun gzhi'i mtshan nyid ni// rgyu rkyen gnyen pos 'jig pa dang // dus gsum mi rtag 'gyur ba dang // bag chags mtshan ma'i rten byas pas// yang dag ma yin 'khor ba'i gzhi// rdzogs pa chen po lta ba'i yang snying nam mkha' glong yangs kyi rgyud las/ tshogs brgyad chos sku min par bstan pa'i le'u ste dgu pa'o// // de nas kun rig rgyal pos yang gsungs pa// log rtog mu stegs rnam gnyis dang // phyi rol yang dag gsang sngags dang // gsang chen 'khrul tshul das bshar nyon// ngo bo chos sku gnyis med de// gzhi byas pha rol rgyu 'bras med// 'byung ba lnga byung rang zhi ste// chad par 'dod pa 'khrul pa yin// dngos med ngo bo mi 'gyur te// gzhi byas rang sems dngos po bdag/ kha dog dbyibs su grub pa la// rtag pa ther zug 'dod pa 'khrul// da yang 'dus pa'i snying po nyon// snang ba chos kyi dbyings nyid kyis// gzhi byas sems las tha dad pas// phra rab don yod lnga yi yul// don dam bdag med
- 112b
'dod pa 'khrul// rang don sgor zhugs skye bo la// dam tshig khyad yod don la med// de phyir nyan thos theg pa bas// rang sems mi rtogs shin tu gol// da yang 'dus pa'i snying po nyan// ngo bo dngos med rig pa de// gzhi byas snang ba rang sems su// blos byas rig pa skad cig de// gong 'og mtha' bral shes dag 'khrul// rang sems rgyun gyi rtag par 'dod// bdag tu khas len mu stegs dang // tshig la khyad yod don la med// snang ba sems su 'don pa'i phyir// sgro 'dogs sems tsam don las gol// de yang 'dus pa'i snying po nyon// rig pa ngo bo gnyis med de// gzhi byas yul sems chas gzhig nas// skad cig/ ma de ma grub 'dod// stong par btags te don las 'khrul// mu stegs chad par lta ba dang // tshig la khyad yod don la med// yul sems gnyis la skur btab phyir// dbu mar 'dzin pa don las gol// da yang sems dpa' chen po nyon// 'gro drug sems can thams cad dang // nyan thos rang rgyal mdo sde bcas// / nga nyid 'grogs pas ngo ma shes// de phyir blun po'i spyod yul min// rdzogs pa chen po lta ba'i yang snying nam mkha' glong yangs kyi rgyud las/ rgyu mtshan nyid
- 113a
'khrul tshul bstan pa'i le'u ste bcu pa'o// // de nas 'dus pa'i tshogs rnams la// kun rig sems kyi rgyal po yis// gsang sngags 'khrul tshul bka' stsal pa// dag dang ma dag gzhi gcig pa// yul med rang sems dag par 'dod// chos nyid ngang las bzang ngan 'byung // dngos grub gzhan las re phyir 'khrul// da yang 'khor gyi snying po nyan// rje 'bangs tshul du spyod pa'i phyir// gtsang sbra spyod pa'i bram ze dang // tshig la khyad yod don la med// de phyir dag byed kri ya go la// gzhi la gnyis med ngo bo la// lta spyod gong 'og gnyis 'dod pa// lta spyod yo che bdud kyi las// lta bas khyad par 'phags 'dod 'khrul// da yang rdo rje sems dpa' nyon// u la dang ma 'brel ngo bo las// dbyer med chos dbyings 'dod pa de// spu na grogs tshul du mnyam zer nas// ting 'dzin gtsor byed tha dad 'khrul// da yang 'dus pa'i snying po nyon// kun rdzob yig 'bru ltar bskyed 'dod// don dam 'grub pa zer ba de// kri yog rnam gsum lta ba ste// mtshan nyid lta ba rnam pa gnyis// tshig la khyad yod don la med// de phyir kr-i yog don yas gol// yo ga man
- 113b
cha dang yi gtam// ji snyed brjod pasang mi rnyed// snang ba lta ru 'dod pa'i phyir// mtshan ma rags phyir nga mi rtogs// rdzogs pa chen po lta ba'i yang snying nam mkha' glong yangs kyi rgyud las/ phyi rgyud rnam gsum gyi 'khrul tshul bstan pa'i le'u ste bcu gcig pa'o// // de nas 'dus pa'i 'kho rnams la// kun rig rgyam pos bka' stsal pa// 'khor 'das ma reg chos skul// sul sems snang stong dbyer med 'dad// rtogs tshogs bzang ngan ltar gyur sgom// bzang ngan byung byir ma hA 'khrul// da mang blo gros dam pa nyon// rang 'byung ngo bo nyid kyi sku// skye med mkha' glong stong pa las// snang ba kun bzang rol par 'dod// gnyis med pa de chen sras su sgom// rtsol bsgom phyir a nu 'khrul// don dam kun rdzob gnyis ka'i chos// mtha' dbus med pa'i dbu ma dang / khyad med rgyud lung du ma reg/ de phyir rgyud lung lta ba gol// da yang 'dus pa'i snying po nyon// rgyud lung rnal 'byor chen po las// nga tsholas 'khor nga mi rnyed// ngam rnyed pas snang ba' che la// de phyir nga nyid rtogs mi 'gyur// rdzogs pa chen po lta ba'i yang snying nam mkha' glong yangs kyi rgyud las/ bskyed
- 114a
rdzogs rnam gnyis kyi 'khrul tshul bstan pa'i le'u ste bcu gnyis pa'o// // de nas 'dus pa'i tshogs rnams la/ kun rig rgyal bas bka' stsal pa// don gyi gnas yugs ngo ba yis// 'khor 'das par dom shes par// gang sgoms ma rig rmongs pas gol// rang sems ma rtogs rtsol ba ste// yul gyi 'byung ba sems bsdus nas// gsal stong mnyam gzhag don tshol ba// dug lnga sgoms pa'i gang zag de// bying rgod 'phrang dog byar mkhan// / lta bar ma shes gti mug ste// gsal la mi rtog 'dod chags sgom// de la zhen pa'i nga rgyal can// nyon mongs spong ba'i zhe sdang gis// rtsa dang thig le'i thabs sgo nas// yul dmigs pa mi sgom pa po// rtog pa bzang ngan sems su byas// sgoms kyang yul la 'gyur med phyir// ji bzhin ma nor don dang bral// da yang rdo rje sems dpa' nyo na// dpyid dus so nam ma byas par// ston dus rtswa ru 'gro ba bzhin// rang sems don nyid ma rtogs par// sgom du 'gro ba snying re rje// rgya la ma sbyangs par chur 'jug 'dra// de bzhin ma rtogs su sgom pa// 'bras bu mi 'byung bdud kyi las// rgyu mthun bag chags blo rtas pas// dpag bsam ljon shing sdug
- 114b
bsngal zhing // rang sems snying po ma rtogs par// sgom chen yin zhes phug ma 'dug/ ma rtogs sgom pa'i tshul mi bstan// dmus yang chung ma mdzes ma bzhin// ngo bo nyid ni ma rtogs par// 'khor 'das chos la ci bsams kyang // sgoms pas grol bar mi 'gyur ro// da yang rdo rje sems dpa' nyan// phra rab rdul ni gnyen po spong // ris su 'dzin pa dbye ba spong // mdo med 'chel ba rgyu 'bras spong // ched du spang ba'i rtog pa yis// blo yis gzhi nyid 'chos pa'i phyir// 'khor pa'i mtha' la thar pa med// rdzogs pa chen po lta ba'i yang snying nam mkha' glong yangs kyi rgyud las/ sgoms nas gol bar bstan pa'i le'u stebacu gsum pa'o// / de nas 'dus pa'i 'khor rnams la// lta ba'i dam tshig nyams pa'i spyan// kun rig rgyal pos bka' stsal pa// chos rnams kun gyi rtsa ba ni// bla ma dag la ma bsten par// gsang sngags gsar pa'i sgor zhugs nas// rang dbang ma tho ba gzhan dbang bskur// mkhas la smod cing mnyam la 'gran// rang la don gyi gdeng med par// dregs shing nga rgyal mkhas 'dod na// tshig tsam lung las khung phyung nas// rtsal bshad tho chos
- 115a
gzhung nyams byed// dmyal bar nges 'gro gtan du 'khyam// da yang rdo rje sems dpa' nyon// nong pos blon gral mi zin bzhin// nyan pa'i dbang ni mnos pas// gsang sngags rgyud chen mnyan pa rnams// srog gi bar chad tshe thung 'gyur// sngar mas dpa' bo mi nus bzhin// 'chad pa'i dbang ni ma bskur bar// rgyud dang sgrub thabs gang 'chad pa// lcel zhing rmed dmyal bar skye// gdol pas rgyalas mi zin bzhin// sgom sgrub dag gi dbang med na// dam rdzas 'dres bkres nyod par 'gyur// rang nyid gling bar mun par skye// da yang 'dus pa'i snying po nyon// dper na rgyus med dug 'thung bzhin// sku yi dam chog nyams pa ni/ gsum ldan rdo rje slob dpon la// brnyas shing ngan sems bskyed byas na// rdo rje dmyal ba chen por lhung // ngo ma shes na gnyen gsod bzhin// gsung gi dam tshig nyams pa ni// snod med chos ba shad lha mi dga'// 'bras bu mi thob skyo 'bog 'byung // don ma rig par mna' za zhing // thugs kyi dam tshig nyams gyur na// gsang mi thub cing 'dzag pa yis// lkugs pa'i dmyal ba chen por skye// da yang 'dus pa'i snying po nyon// nar ma phyin na shed mi rdzogs//
- 115b
gong 'og shes la shan mi phyed// lta ba'i snying po'i don med na// golas mi chod rgyud mi grol// dbang med grol thag mi chod bzhin// don gyi gdeng med rkyen mi thug/ gdam ngag med par sems mi rtogs// lus ngag chos spyod sangs mi rgya// gshog ma rgyas par 'phur mi nus// nyams su ma blangs kha cig gis// chags sdang zil gyis mi non te// skye bo rang rgyud sar mi gol// da yang 'dus pa'i snying po nyon// dper na spu ngan rang sdug bzhin// gang yang goms par ma byas par// zhi gnas las su mi rung phyir// snang ba'i zhen pa ci la zlog/ mun sros lam ni stor ba bzhin// lhag mthong gsal bar ma rtogs par// gzugs/ sku rnam gnyis mi 'byung bas// sems can 'gro don byed mi nus// 'bras bu la nyes lto bkres bzhin// lha sgom gcig tu ma shes na// res 'jog thun mtshams sgom pa des// 'bral med rgyun gyi rnal 'byor min// rdo rje sems dpa' da yang nyon// gos gyon mi shes 'bral ba bzhin// lus kyi spyod pa ma bsrungs na// the tsha spyod pa'i las byas na// 'bras bu sdug bsngal rgyu ru 'gyur// za mi shes pas bsngags pa bzhin// ngag gi spyod pa ma bsrungs na// gzhan
- 116a
gyi chos la skur pa 'debs// phyi mar tsha ba'i dmyal bar skye// 'thung ma shes na 'bo ba bzhin// yid kyi spyod pa ma bsrungs na// bdag tu rtog pa'i gzung 'dzin skye// phyi mar mun pa'i dmyal bar skye// da yang 'dus pa'i snying po nyon// rgyus med ngo mi shes pa bzhin// las kyi go rims ma shes na// gsang sngags mdzad spyod nyams pa yin// mthu dang byin rlabs med par 'gyur// mig med lam na mi mthong bzhin// phyag rgya ye shes ma gsal na/ ye shes lha yi don rtogs med// mchog gi dngos grub thob mi 'gyur// gru med chu ni mi sgrol bzhin// bdag dang gzhan gyi don gyi phyir// ting 'dzin gsal bar ma gyur ni// gnas ma 'byongs shing bgegs su skye// de yang 'dus pa'i snying po nyan// dbang dang dam tshig la sogs pa// nyams par byed pa'i gang zag de// skyes bu lag gi brkyang ba skum tsam// skad cig gcig la dmyal bar ltung // de yi sdug bsngal brjod mi lang // de las 'jigs shing thar 'dod pas// rang sems snying po ma rtogs par// ma hA yo ga man chad kyis// be skang bshags gzhung du byas gyur kyang // lta ba nyams pa
- 116b
slongs pa med// rdzogs pa chen po lta ba'i yang snying nam mkha' klong yangs kyi rgyud las/ lta spyod nyams pa'i skyon bstan pa'i le'u ste bcu bzhi pa'o// / / de nas 'dus pa'i 'khor rnams la// kun rig rgyal pos bka' stsal pa// rnam smin lus dang ma bral par// sangs rgyas yon tan 'byung mi srid// mtshan dang dpe byad stobs dang ni// mi 'jigs chos ni bco brgyad kyang // da ltar mi 'byung lus kyis bsgribs// khyung chen sgo ngar gshog/ rgyas kyang // ma bcag bar du 'phur mi shes// de bzhin sems rtogs rnal 'byor pas// lus 'di che ba'i yon tan bsgribs// da yang 'arus pa'i snying po nyon// rgyud lung slob dpon spre'u 'dra bas// nga yi drang don rtse dmo la// tshe yi dngos grub thob 'dod pas// thun mong sman gyi sbyor ba yis// bcur len ri lu rgyun ldog dang // 'o mas lus gsos bkrag rgyas tshe// dug mtshon la sogs tshugs mi 'gyur// bya bzhin 'phur ba byung nas kyang // rmi lam mngon shes phra mo 'ong // lha dang bgegs la dam par 'dzin// rang sems ma rtogs 'khor ba'i phyir// lus 'di phyi rol yul yin pas// gnas skabs 'brel
- 117a
ba yod mod kyang // thabs sbyor mi grol shin tu 'ching // de bas blo gros dam pa nyon// sems can lus dang ma bral bar// sangs rgyas yon tan ci las 'byung // lus bcas 'bras bu thob 'dod pas// shin tu gti mug smad pa'i gnas// da yang 'khor gyi snying po nyon// bcom ldan 'das kyis rna mchog tu// rang lus bor nas par do la// 'og min gnas su mngon sangs rgyas// sems can kun la smos ci dgos// rdzogs pa chen po lta ba'i yang snying nam mkha' glong yangs kyi rgyud las/ lus dang ma bral bar sangs mi rgyu bar bstan pa'i le'u ste bco lnga pa'o// // de nas 'dus pa'i 'khor rnams la// kun rig rgyal pos bka' stsal pa// ma rtogs par dor 'khyam pa ni// thog mar 'khrul pa'i zhi gnas kyis// 'dod chags gnyid dang 'jig tshogs rnams// sngar gyi skye ba blangs pa'i rtags// de phyir zhi gnas bag chags yin// da yang blo gros dam pa nyon// ma rtogs tshe 'phos par dor ni// sprin dang ling tog mun pa yis// chu bur mig ni bsgribs pa bzhin// ma rig ngo bo nyid du bsgribs// mig phyung long ba'i bag chags bzhin// de tshe sngon gyi gnas
- 117b
dran te/ gos dang gnyen 'dun dran pa 'byung // lus kyi mig 'bral 'thoms nas sdug/ dper na 'dab chags mkha' 'gro yang // 'dod pa'i dbang gis rnyi 'dzin bzhin// dbang po kun tshang 'gro ba'i phyir// ma rig dbang gis rkyen 'gyur 'jug/ lta ba'i shes rab mig med phyir// lus ngag dge ba ci spyad kyang // rdul tsam mi phan don med 'khyam// bar do'i gnas su don dran med// gcig gi tha dad gang len pa// chags sogs sdug bsngal zhen gyur nas// bu ga spyil bu khyim sogs su// dbang med shugs kyis mngal du 'jug/ da yang 'dus pa'i snying po nyon// ma rig bag chags rnam gnyis kyis// mi shes bzhin du skye ba'i phyir// rnam bzhi gang rung las kyis skye// mtho dman gnas la gdam dbang med// rdzogs pa chen po lta ba'i yang snying nam mkha' glong yangs kyi rgyud las// srid pa bar do'i bag chags bstan pa'i le'u ste bcu drug pa'o// // de nas 'dus pa'i tshogs rnams la// kun rig sems kyi rgyal po yis// 'khor ba'i sa mtshams bka' stsal pa// dper na mun pa'i smag rum du// rang gi mgo ba thug pa ltar// phyis 'byung ma rig rkyen gyis bslad// nyon mongs
- 118a
rang rgyud rim gyis bskyed// lang tsho bab pa'i skyes bu ni// 'gro ba bzang mos bslus pa yin// 'jig rten kha brod nyon mongs pa// zhen pa'i dbang gis sems la 'chang // dper na rgya mtshor nor len pa// nga rgyal gyis ni sa 'khor bzhin// rtsol ba rjes su nyon mongs pas// skye rgan 'chi thar pa med// da yang 'dus pa'i snying po nyon// dang po sems kyi kun gzhi de// rgyu rkyen ngan pas bskyed pas na// min pa'i chos la yin 'dzin pas// nyon mongs thams cad skyed par byed// khams gsum 'khor ba'i sa bon yin// bar ma bag chags kun gzhi de// snga ma'i rjes su 'brang byed kyang // rang 'byung mi nus rkyen la ltos// skyed pa'i rkyen ni rnam bzhi'o// tha ma lus kyi kun gzhi de// chags sdang lnga la dngos su spyod// de yi sdug bsngal 'bras bu ni// skye rgan 'chi bsam mi khyab// sems can kun la gnas pa yi// kun gzhi 'khor ba'i gzhi yin pas// chos kyi sku yi gzhi nyid man// de bzhin kun gzhi 'dus byas la/ rkyen gyi dbang gis 'khor ba ste// chu bo bzhi yi mtha' la chud// ma bsgral bar du thar mi srid// rdzogs pa chen po lta ba'i yang rnying nam mkha' glong yangs
- 118b
kyi rgyud las/ 'khor ba da lta gang na gnas pa bstan pa'i le'u ste bcu bdun pa'o// // de nas rdo rje sems dpa' yis// kun tu bzang la 'di skad gsol// 'khrul pa zlog pa'i thabs chen gyis// snod bcud ldan pa'i rtogs thabs gang // rang 'byung ye shes ji ltar dbye// tha ma 'khor ba ji ltar brlag/ kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// 'khrul pa zlog pa'i thabs chen de// dad pa brtson 'grus dam tshig gsum// rtogs pa'i thabs su shes par bya// de yang 'khor gyi snying po nyon// bram ze zla dpal ji bzhin du// bla ma dam pa don ldan na// lus dang srog la mi lta bar// gus ldan man ngag gnang bar 'gyur// dper na drang srong rlung nad can// sman pa'i ngag ni nyan pa bzhin// 'khor 'das gcig tu bstan pa la// skrag cing yang med par zhu// gzhan gyis ma bslad bud med la// dus tshod zin pa'i bu bzhin du// the tsom med par dad pa yis// rang sems don nyid rtogs par gyis// de yang 'dus pa'i snying po nyon// 'khor 'das rtsa ba gcig pa'i phyir//
- 119a
seng sa su'i brdzun 'grus kyis// rmugs dang mtshan nyid ma dag pa'o// 'am 'ad sa smra ba'i gdam dgas// glang rgyun ma ldag sa/ 'joms bzhin// bla ma'i spyod pa ma brtag par// chos nyid ga dam ngag don la brtag/ brtson 'grus mi ldog the tsom bcad// sa rku rtse yi rkang lag bzhin// ba dag nyid spyod lam thams cad du// don la yengs pa med par ni// yid la rgyun du dran par bya// da yang 'khor gyi snying po nyan// brtse gdung/ dam tshig chen po ni// ma med bu ni mi 'byung bzhin// rang sems ma rtogs sangs rgyas ni// dus gsum btsal yang mi rnyed pas// tha mal 'di las btsal mi bya// gzugs spangs grib ma mi rnyed bzhin// dug lnga spangs pa'i pha rol na// sangs rgyas bya ba'i ming yang med// de nyid rtogs na chos sku yin// dper na zangs lcags la sogs pa// gser 'gyur rtsi yis thebs pa bzhin// rang gi sems kyi dug lnga la// man ngag rtsi yis thebs pas rtogs// dug la sngags btab dpe bzhin du// dug ma bsal bar sman 'gyur bzhin// dgag sgrub med pa'i don gyis ni// dug lnga ye shes ngo bor shar// nor bu
- 119b
rin chen rnyed pa'i mi// 'jig rten so nam mi dgos bzhin// ma bsgoms sems kyi don rtogs na// de las mi 'da' dam tshig yin// rdzogs pa chen po lta ba'i yang snying nam mkha' glong yangs kyi rgyud las/ 'khrul pa zlog pa'i dus thabs bstan pa'i le'u ste bco brgyad pa'o// // de nas 'dus pa'i 'khor rnams la// rang 'byung ye shes chen po yi// yin min dbye ba ngas bshad kyis// yid kyis nyon la legs par zung // ma shes ma yin rang 'byung de// sems can kun la yod mod kyang // ma rtogs phyir na ye shes min// long ba mig mkhan ma rnyed 'a dra// rang 'byung min pa'i ye shes de// gnas 'gyur ye shes ltar 'dod pa// rkyen 'gyur phyir yang rang 'byung min// ra gan gser du 'dzin pa 'dra// ye shes rang 'byung ma yin pa// yid gnyis kun gzhi glo bur rkyen// gzhi ni'i khrul phyir gnyis ka min// ri bong ra yi kha dog 'dra// rang 'byung ye shes yin lugs ni// shes rab lhag mthong las byung ba// me nas gnas pa'i rang 'byung de// lung ldan rkyen gyis rtogs pa'i phyir// rang 'byung mi shes 'dzom pa ni// mar gyi yang zhun lta bur
- 120a
gsungs// rdzogs pa chen po lta ba'i yang snying nam mkha' glong yangs kyi rgyud las/ rang 'byung gi ye shes kyi dbye ba bstan pa'i le'u ste bcu dgu pa'o// // de nas 'dus pa'i tshogs rnams la// kun rig rgyal pos bka' stsal pa// lung ldan bla ma'i gdam ngag gis// rang sems snying po chos sku ni// bstan na de ma thag tu shes// ma bstan par du shes mi srid// da yang 'dus pa'i snying po nyon// rang rig ye shes 'od po che// 'gro 'ong med par 'khor ba brlag/ ma rig log pas ye shes bskyed// 'khor ba ru zlog mya ngan 'das// ye shes ma bsgoms lhun gyis grub// don dang mthun na nyams myong skyes// de phyir rtog pa rab tu gces// rdzogs pa chen po lta ba'i yang snying nam mkha' glong yangs kyi rgyud las/ tha ma 'khor ba rang brlag tu bstan pa'i le'u ste nyi shu pa'o// // de nas rdo rje sems dpa' yis// kun rig sems kyi rgyal po la// yid kyis dran pas 'di skad gsol/ nges pa'i don mthun gdam ngag gis// ngo bo nyid kyi sku mchog gang // snang ba chos dbyings ji ltar lags// rang sems chos skur ji ltar sprad// 'bral med mthun
- 120b
'jug ji ltar spyad// gsang ba rnam bzhi'i snang bkag gang // sgom med la ni ji ltar bzla// mnyam pa'i rgyal pos bshad du gsol// zhus pa'i don gsan bka' stsal pa// ngo bo chos nyid gnas lugs ni// sems can med pa'i gong rol du// bag chags ma bsags lus ma blangs// sangs rgyas med pa'i sngon rol du// rtogs pa ma gzhag byang ma chub// 'khor 'das ma reg kun gyi gzhi// de yang rdo rje sems dpa' nyon// dngos med sems kyi snying po ni/ 'dus ma byas pa'i gnyug ma la// bzang ngan rnam rtog gting nas med// rgyu rkyen med pa'i snying po yin// ma rig med pa'i rang 'byung ni// mi srid phung po ga la skye// lus med chos sku 'gyur med de// rang 'byung sangs rgyas yang dag yod// tha snyad ming bsang snga'i phyir// yod cing rtag par sgro ma 'dogs// stong pa nyid pas nga snga'i phyir// nga la med par skur ma 'debs// 'byung bzhi ma 'brel rig pa la// sgrib byed med par rang gsal 'di// dus gsum gcig pa shes pa'i rgyun// ma byung ma skyes da lta nyid// de yang 'khor gyi snying po nyon// rang 'byung sku la skye 'chi med// de phyir 'khor bar ltung ma myong // don ma rtogs pa'i
- 121a
sangs rgyas med// de phyir mya ngan 'da' ma myong // rang gsal rang nyid kun gyi mes// da yang 'dus pa'i snying po nyon// dngos po med pas nam mkha' 'a dra// mi 'gyur sra bas rdo rje'adra// skye ba med pas a dang 'dra// de na ma yin phyir dpe 'di bstan// ngo bo nyid kyi sku mchog ni// dngos po mtha' bral nyon mongs ldog/ stong pa'i mtha' bral ngo bo nyid// gnyis ka las ldog chos kyi sku// da yang 'khor gyi snying po nyan// mtshan nyid phyir ltas 'dra ba med// rgyal po gdung chad bu bzhin du// kha dog 'di 'dra mtshon mi nus// gdod nas dpe mede chos kyi sku// nang du bsams pas yid med de// nam mkha' lcags kyis byug shApa bzhin// rig tshor rnam pa cir snang yang // dran pa nyid ni ye shes glong // yul gyi snang grags 'di nyid la// nyi ma shar na mun med ltar// da lta'i rang sems chos kyi sku// de la 'khor ba'i rang bzhin med// 'gro drug sems can thams cad la// til la mar gyis khyab pa bzhin// rang sems ye shes byang chub sems// ba de gshegs snying pos chos sku khyab// ye nas den dang mi 'bral ba'i// lung bstan rkyen gyis rang sems rtogs// nor bu rin chen 'od bzhin du//
- 121b
ye shes dag la 'char nub med// 'khor ba dag gi mtshan nyid kyang // min pa tsam gyis mi spang bar// yang dag don du mi bya'i phyir// dgag sgrub med pa tsam du gzhag/ mya ngan 'das pa'i mtshan nyid kyang // yin pa tsam gyis mi blang bar// sems can gdul phyir ma rtogs par// ched du mi sgrub btang snyoms gzhag rdzogs pa chen po lta ba'i yang snying nam mkha' glong yangs kyi rgyud las/ rig pa ma bslad ngo bo nyid kyi sku bstan pa'i le'u ste rtsa gcig pa'o// / / de nas kun rig rgyal po yis// snang ba'i mtshan nyid bka' stsal pa// rnam bzhi phyi la bar snang nang // gsum bral snang ba chos kyi dbyings// gcig la tha dad ngos 'dzin pas// nyi ma'i zer dang char ngogs bzhin// dgag sgrub med phyir chos kyi dbyings// da yang 'dus pa'i snying po nyon// dred mo gdod thag ma chod par// brid sngags gnyis kyis mi phan bzhin// yul dang gol sa mchod par// ci sgroms don med 'khor bar 'khyam// 'khrul pa las ni yul med kyang // 'byung ba chen po lnga nyid la// rang sems rig pa'i don med par// gzhan 'byung yin phyir ye shes min// da yang
- 122a
'dus pa'i snying po nyon// gser dang ser po'i tshul bzhin du// byis pa tha dad zhen zlog phyir// bdag nyid gcig pa'i 'brel ba yod// de nyid la 'ang skang mi dgas// b+h+yo mi 'byung ba sems thud pa// zer mdzang skyed po ma mthong bzhin// gnyis med snang spyod khas mi yin// yul la phyir don mi rtogs// bden pa mthong ba'i dge slong ni// 'khor dang longs spyod mi sdud bzhin// gzhi la snang ba med pa'i phyir// yul 'di sems su blos mi sdu// me dang du bi'i tshul bzhin du// snang ba 'di la rang rgyud du// rang sems yul du 'khrul pa yis// bdag tu rtogs pa'i zhen pa zlog/ kun tu rgyu// ba'i skyel ma bzhin// mthar thug 'brel pa med pa yis// tha dad gcig tu mi bsam pas// snang ba 'di la don mi gzhag/ da yang 'dus pa'i snying po nyin// dper na khyung chen mkha' lding la// chu klung gye na thur nyam ming // bar snang khams kun lam du bde// dmigs pa'i sa phyogs yud kyis phyin// de bzhin snang ba ma bcos pas// sna tshogs mdun na snang bzhin du// snang tsam nyid na spong sdud med// zhen med rnal 'byor spyod yul la// 'khrul pa'i rtogs pas gzhi
- 122b
me 'gyur// btsal ba'i bsam pas dbyings mi bskyed// da yang 'dus pa'i snying po nyan// nyi ma lta bu'i chos kyi sku// thig le'i rtsa la ni ma 'gags pa// sgo lnga gsal ba nyi zer 'dra// ngo bo gcig phyir dgag sgrub med// de phyir chos kyi dbyings zhes bya// rdzogs pa chen po lta ba'i yang snying nam mkha' glong yangs kyi rgyud sa ma na gnyis / nas 'dus pa par rnam la/ kun rig sems kyi rgyal po yis// chos sku ngo spror bka' stsal pa// rnam smin lus dang bcas pa yi// tha mal kun gzhi bzhi cha la// snga phyi rang bral chos sku gsal// chu dang sa rnyog med dpe bzhin no// da yang 'dus pa'i snying po nyon// yang dag zab mo chos sku ni// skye ba med cing 'gag pa med// rnam rtog mtshan ma zhi nas med// nyan mongs ngar 'dzin rnams dang bral// 'phel 'grib rkyen rnams ngang gis med// de yi dang lA gnas thabs ni// snga phyi gzhi la med shes pas// sems can dus na chos kyi sku// mi da kyi yul du ma bsgoms kyang // rang 'byung rig pa'i ting 'dzin
- 123a
gsal// da yang rdo rje sems dpa' nyon// rang gi thig le don lta na// rab 'bring tha ma'i blo tshad du// rim gyis sgoms par ngas bshad kyis// gzhan du ma yangs yid la zung // tha ma rnal 'byor sgom pa pos// snga phyi med pa'i gnyug ma la// ma 'phros ma bying rang lugs tsam// de la rgyun du ma yengs sgom// chags sdung dbang gis 'phro 'gyur na// don dam dgag sgrub med pa'i phyir// rang 'byung snying po rang shar bas// ba mo nyi shar ji bzhin no// gti mug dbang gis byang ba ni// rang sems shes pa gzengs bstod la// phyi rol yul la mi spyad par// dbang po sgo dbye yan du gzhug/ 'bring gi rnal 'byor sgom pa pos// chos sku nam mkha' lta bu la// ji bzhin pa yi ye shes de/ brjed med rgyun mi 'chad pa ltar// gal te byung tshor rtag chad rnams// rnam rtog ye shes bskul mar shes// mi la shing bsnan ji bzhin du// de tsam nyid na sgom pa gsal// sgo lnga shes pa rmugs 'gyur na// nyid gsum sras pa'i don dran pas// chos nyid ye shes glong du bying // bum nang rin chen gter
- 123b
dang 'dra// dbang po rab kyi sgom pa la// nyams dang mi nyams med pa'i phyir// 'bral med don la bcos mi dgos// sprin med nam mkha' ji bzhin no// de yang blo gros dam pa nyid// nyi zla gzas zin dpe bzhin no// dbyings dang chos sku dus mnyam phyir// chos nyid rang gsal don gnas pas// / ye shes mi 'bral rdzogs pa yin// rdzogs pa chen po lta ba'i yang snying nam mkha' glong yangs kyi rgyud las/ rang sems chos skur ngo sprad pa'i le'u ste rtsa gsum pa'o// // de nas 'dus pa'i 'khor rnams la// 'bral med spyod pa bka' stsal pa// rang sems lte bas rtogs pa yis// mnyam rjes dug lnga gcig tu shes// de tshe nyon mongs ci spyad kyang // ngo bo nyid la 'phel 'grib med// da yang 'dus pa'i snying po nyon// de tsam nyid na ngo bo nyid// de don mi brjed rtogs pa'i phyir// ched du byas lo sgom mi bya// ma ki ta la gang reg 'dra// yul nyid sems su mi sgom pas// dran rig chos nyid byang chub sems// de nyid spyad pa'i yul las 'das// de phyir don la nyams pa med// da yang 'khor gyi sems dpa' nyon// gnyid nyid sgom pa gsal thebs na//
- 124a
ldog ka sad ka'i dus dag tu// ti se chos sku'i don dran na// rin chen ga'ur bcug pa 'dra// gshog rno rdul med tsha grang snyoms// mi 'tshub chu yi nya bzhin du// rmi lam 'brel thogs med pa 'byung // tshogs drug 'gags kyang chos skur gnas// da yang 'khor gyi sems dpa' nyon// 'chi ka bar de'i don dran na// gnad gcod sdug bsngal ci 'byung yang // 'jigs pa rgal 'dod mi bzhin du// ched du dran pa shin tu gces// na ba ta yi mig gnyis 'dra// rtsa drod yod la srog dang bral// rtsa med drod bcas bkrag ma nyams// chos kyi sku ni dran pa'i rtags// na tsha byung na smos ci dgos// da yang 'dus pa'i snying po nyon// dbang po 'bring gi rnal 'byor pas// gzhi shes mngon du ma gyur pas// lus su zhugs kyang don dran te// rtogs pa yin phyir mngal na sgom// tshe'iphos nas ni mngon sangs rgyas// tha ma phyi rol brtags pas brjed// dran tshe rkyen dang phrad pa'i tshe// skad cig zur tsam brda yis ni// the tsom med par don go nas// skye ba gcig gis sangs rgyas 'grub// de yang 'dus pa'i snying po nyon// de ltar ma rtogs rnal 'byor pas// ji ltar sgoms kyang don med 'khyam//
- 124b
'khor ba lugs kyi nang du 'jug/ de tshe lus kyi za sgo yis// mi dgos gnyid mi 'ong zhing bde// gsal la yul gyi rtog pa med// dus la ma bab bar du ni// mkhas kyang lnga sgom lta thabs med// bum pa nang gi mar me 'dra// da yang 'a dus pa'i snying po nyon// sangs rgyas sems can rnal 'byor pas// so sor snang ba ma yin te// ma 'khrul ma rtogs gong rol gyi// ngo bo nyid kyi sku dang ni// ma 'khrul rtogs pa'i kun bzang thugs// 'khrul nas ma rtogs sems can sems/ 'khrul kyang rtogs pa'i rnal 'byor thugs// ngo bo gcig phyir gol sa med// de tshe chos sku zang kha ma// mi 'gyur brtan pas gser bzhin no// rdzogs pa chen po lta ba'i yang snying nam mkha' glong yangs kyi rgyud las/ dus bzhi rigs sprod bstan pa'i le'u ste rtsa bzhi pa'o// / de nas 'dus pa'i 'khor rnams la// kun rig rgyal pos bka' stsal pa// mthun 'jug thabs kyi spyod pa yi// tshogs chen ma lus rdzogs pa yis// 'gro don thugs rjes mthar dbyung phyir// rdzogs chen shin tu rnal 'byor pas// bla med go 'phang mchog pa rnyes pa'i// sems can bla ma'i mchog rnams kun// bla ma
- 125a
sgoms na chos kun sgoms// lha sku 'bum phrag stong sgoms pas// bsod nams de yi char mi phod// de phyir dkar po chos spyod kyis// nyan bshad sgom dang 'dzin pa dang // mchod gtor la sogs gang byed kyang // sngon du 'gro ba'i las byed phyir// bla ma dus gsum sangs rgyas dpal// dkyil 'khor sgor bzhugs thams cad kyi// 'a bral me da yi dam lha tshogs dang // man ngag rgyud don rang rig lha// btsal med 'bras bu'i chos dang ni// don ldan rnal 'byor mkha' 'gro la// lus ngag yid kyis phyag 'tshal nas// bla ma mchod gtor gtong ba'i tshe// phyi yi 'jig rten snod nang du// bdud rtsi'i rgya mtsho gting zab 'gyur// de steng 'bras bu'i phye btab pas// gser gyis gzhi chen por 'gyur// me tog sna tshogs gtor bas na// 'dza ma gling byi ba phrag brgyar bsam// rin chen sna lnga brdar bas ni// rin chen ri bdun ma bskyed rdzogs// snying po rnam lA blag pa yis// mi brjed dran pa'i gzungs thob 'gyur// sman lnga 'bru lnga blug pa yis// nad dang mu ge'i bskal pa thar// lta ba byin gyis brlabs pa'i phyir// mgron bzhi rim pas
- 125b
bsngo mi dgos// da yang 'dus pa'i snying po nyon// bsngo ba med pa'i bsngo ba ni// bla med mya ngan 'das pa nas// 'jig tshogs dmyal ba yan chad du// bla med mchod sbyin 'di bsngos pas// sems can bsam pa 'grub 'gyur nas// lhun grub sa la gnas par shog/ rdzogs pa chen po lta ba'i yang snying nam mkha' glong yangs kyi rgyud las/ phyi'i mchod gtor btang ba'i le'u ste rtsa lnga pa'o// // de nas 'dus pa'i 'khor rnams la// kun rig rgyal pos yang gsungs pa// nang gi mdzad spyod tshogs chen ni// 'phrin las rnam pa bzhi yi chos// don ldan dbang bskur byed la sogs// tshogs mchod rim pa gang byed kyang // yid 'thad pa yi ga nas dag tu// dam tshig sel med 'khor sogs la// dkyil 'khor maN+Dal gzhung bzhin du// ye shes tshogs chen bsags pa'i phyir// dga' ldan lU yi longs spyad dang // 'byor ldan mi yi longs spyod dang // dgongs ldan 'phrul gyi longs spyod rnams// yid dang dngos su bsags bsams la// sngon du 'gro ba'i las byas te// gnas khang byin gyis brlabs pa dang // ting 'dzin zhal zas spri skyed nas// dam can
- 126a
'du bar bsgo ba dang // thugs dam bskul dang tshar gcad nas// gsang ba'i lha mos mtshams gcad de// rnal 'byor gnod bshags byas nas ni// dkyil 'khor bskyed dang dbang bskur dang // don rtogs byin gyis brlab mi dgos// ma rtogs sngags dang yig 'bru brlab// da yang 'dus pa'i snying po nyon// yid kyis mdun gyi nam mkha' la// dus gsum bzhugs pa'i sangs rgyas dang // bla med khrag 'a thung rigs lnga'i tshogs/ rigs 'dzin rje btsun bla ma rnams// mkha' 'gro'akhor bcas spyan drangs nas// tso 'byor pa yi tshogs drangs nas// de nas rnam 'byor dad ldan gyis// snang ba gzugs kyi mchod pa dang // sgrogs pa sgra yi mchod pa dang // thabs dang shes rab bde ba yis// ye shes lha la rdzogs par mchod// lhag ma rol la lha gshegs dang // skye shi dus kyi smon lam dang // da yang rdo rje sems dpa' nyon// de ltar tshogs chen gnyis rdzogs mis// stong gsum sangs rgyas sar shes kyang // grong yul gnas la chags mi bya// ci spyod rgyal ba'i mdzad spyod kyang // 'du 'dzig yeng
- 126b
ba'i dbang mi gtang // rnam smin lus dang ma bral kyang // sems la chos sku shin tu gsal// nyin dang mtshan mo dbye ru med// ci spyod rang 'byung ye shes la/ ta ma chags dang du blang ba med// rtogs pa skyon du 'bor ba med// dka' thub tshul gyis bsdams pa med// gang yang blo yi rten med kyang // 'on kyang mgo drang ba'i phyir// re zhig tsam du dkar chos spyod// rdzogs pa chen po lta ba'i yang snying nam mkha' glong yangs kyi rgyud las/ gsang sngags kyi tshogs 'bul ba'i le'u ste rtsa drug pa'o// / de nas 'dus pa'i 'khor rnams la// kun rig rgyal pos bka' stsal pa/ chos rnams kun gyi rtsa ba ni// srog ni rnam pa gnyis su 'dus// ma rig thar pa gang spyod pa// de yi bye brag ngas bshad nyon// thar pa mya ngan 'das pa'i chos// sems pa sa da lta nyams rang srog gcod// nyon mongs dbang du gyur pas na// 'dus byas chos kyis mi skye ba ltung // da yang rdo rje sems dpa' nyon// dug lnga 'khor ba'i rtsa ba ni// ma rig kun gzhi yin pa'i phyir// kun bzang shes rab mtshon rnon gyis// thog mtha' bar du ma rig bsad//
- 127a
de yang sems can srog 'di la// lus 'di gnas skabs 'brel yod phyir// lus gcad srog ni gcad mi bya// gal te zhe sdang srog gcad na// rang sems ma rtogs tha mal te// skyabs 'gro nyams phyir dmyal bar ltung // skye bo bdun 'gyur sdig pas che// da yang blo gros dam pa nyen// nam mkha' me yis mi 'cho ga bzhin// de bzhin don rtogs rnal 'byor pas// slob dpon sku dgra la sogs pa// bsgral pa'i zhi bcu bsgral gyur kyang // sgrib par mi 'gyur tshogs su 'gyur// ngo bo nyid kyi sku dran na// ma rig srog ni gcad pa'i phyir// srog gi nang na dam pa'i mchog de dang mi bral mngon sangs rgyas// da yang 'dus pa'i snying po nyon// gzhan gyi mi dang mi ma yin// rgyud gzung nor ni dngos po'i rdzas// gsang sngags sgor zung rnal 'byor pas// rku ba'i sems kyis blang mi bya// de phyir bdag nyid rdzas la yang // ma byin blang sems dran na ni// yi dgas gnas su skye 'gyur gsungs// gzhan gyi rdzas la smos ci dgos// da yang blo gros dam pa nyon// rgya mtsho skyogs kyis mi 'gro ba ltar// don rtogs rnam
- 127b
'byor gdeng ldan pas// ser snas bcings pa'i rdzas rnams ni// g.yo sgyu thabs kyis nor blangs la// bla ma dkon mchog tshogs su 'bul// bla ma nges pa'i lung ldan gyis// de la gsang ba'i sku lnga byin// de phyir ma byin blangs na grol// da yang 'khor gyi snying po nyan// gnas skabs 'brel ba'i lus med pas/ 'tsho ba'i bza' sgo dgos pa'i phyir// log 'tsho'i gam sgyu ma yin par// chos kyi 'tsho bas rdzas rnams btsal// de yang lam gyi rnal 'byor pas/ bum pa bcud len zhen med ltar// khyim pa sun ni ma byung bar// 'tsho ba'i yo byad tshod zin bya// de yang rdo rje sems dpa' nyon/ lus la po mo yod pa'i phyir// sems can las kyi chags spyod tshe// 'khor ba'i 'bras bu ma smin na// don zin bde ba grogs su che// de phyir snga phyir ma song bas// ye shes chos sku rang yin pas// de la skyon gyis mi gos phyir// thabs dang ldan pas zin par bya// da yang blo gros dam pa nyan/ bdag nyid ma yin bdag gzhan la// chags sems tsam yang mi bya ste// dam tshig sdom pa bsrung ba dang // rgyal rigs mo dang bslab
- 128a
bsrungs dang // bdag po can gyi bud med na// rtsa ba yan lag dam chog rga/ nyams par byed pa'i gzhi yin phyir// ro myags du 'bo da dmyal bar lhung // bag chags zhe na pa'i rgyu yin pas// lta bas ma zin rtag tu spang // zhe na med chos sku spyod par bshad// de phyir 'khor spangs rab tu gces// da yang 'dus pa'i snying po nyon// 'jig rten 'khor brdzun gyi chos// yod med skyon la dam par lta// ma rig 'khrul par the tsom med// mi bden rdzun par shin tu smra// de yang blo gros dam pa nyon// 'du shes bsgyur nas rang 'dod kyis// mi chos bla ma rdzun sogs zlos// rang sems bcos phyir don dang 'gal// de bzhin lce rmed dmyal bar ltung // de yang rang sems rtogs pa'i don// 'khor ba mya ngan 'das pa'i chos// gnyis kas 'bras bu mi 'byin na/ dug lnga rang grol rgyal ba'i thugs// rtogs la drang po ma btses pa// sangs rgyas mdzad spyad de go bas// g.yo sgyu med pa dam pa'i don// de ltar rnal 'byor dam// pa'i lem// rdzogs pa chen po lta ba'i yang snying nam mkha' glong yangs kyi rgyud las/ gsang ba'i spyod pa bstan pa'i le'u ste rtsa bdun pa'o// /
- 128b
/ de nas kun rig rgyal po yis// ma bsgoms 'brel med bka' stsal pa// sems nyid sgom du med pa'i dpe// nam mkha' sgom du sems dang bral// de bzhin sems kyi sems sgom du// chos nyid spyad pa'i yul las 'das// sems kyi gzhi shes sgom mi dgos// don nyid tshig tu 'byung ba'i phyir// tshig la don med zer ba 'khrul// da yang rdo rje sems dpa' nyon// rgyun du 'bral med chos kyi sku// nyams myong med pa nyams kyi mchog/ TI yang yid la mi byed na// gol dang sgrib par ga la 'gyur// sgom pa'i mchog tu de gsungs so// rnal 'byor spyod lam thams cad du// lta ba'i dam tshig chen po ni// ma nor ma bcos dam tshig gis// de rtogs de las mi 'da' bas// rgyal ba rnams kyi thugaso ma yin// skye med don la sems zhugs pa'i// nam mkha' lta bu'i rnal 'byor de// don las mi 'da' dam tshig ni// rang rig chos sku dam pa'i mchog/ brjed pa med pa'i dam tshig ni// bsrung du med pa'i ngang du bsdam// de nyid dran pa'i rnal 'byor pas// spyod lam rnam bzhi gang byed kyang // 'ching bar mi 'gyur grol bar nges// da yang
- 129a
'dus pa'i snying po nyan// snying po chos sku rang gas la don// ma bsgoms 'bral med ye shes glong // rang sems shes pa sna tshogs pa// ye shes las ni gzhan med pa// tha mal rang sems chos nyid ni// de yang mi 'gyur ngo ba ston// dag dang ma dag gzhi gcig phyir// dus dang spyod lam thams cad du// gnyid dang bar dor sgom pa ni// da ltar wal le snang ba rnams// ma rtogs bar du 'khrul pa ste// rtogs na de nyid chos sku yin// de yang de 'dus snying po nyon// thig le ma btsal lhun gyis grub// ye nas rang 'byung chos sku ni// yul nyid sems su mi sgom phyir// sgom pa po yang med par 'gyur// gang gis gang la bsam zhing sgom// de phyir gnas lugs sgom du med// mi rtogs thabs kyis ci zhig bya// dbang po rab kyis rtsal du med/ ta tha mal mi rtogs gdam ngag med// rdzogs pa chen po lta ba'i yang snying nam mkha' glong yangs kyi rgyud las/ sgrom du med par la bzla ba'i e'u ste rtsa brgyad pa'o// de nas rdo rje sems dpa' yis// dad ldan 'khor la phan dan du// kun rig ston pa chos rje la// bden/
- 129b
pa'i yid kyis 'di skad gsol// 'bral med rkyen thub ting 'dzin gyis// ye shes bde ba rkyen thub dang // sdug bsngal zhi byed rkyen thub dang // btang snyoms lhag mthong rkyen thub dang // rmi lam glong tha mi rkyen thub dang // dug lnga rang grol rkyen thub dang // skye phyis mi len rkyen thub dang // kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsol pa// bde ba nang dang phyir bstan pa// nang gi zhi gnas bde ba ste// gang zag bdag med bde ba dang // chos la bdag med bde ba dang // 'jig rten mi g.yo'i bde ba yin// da yang 'dus pa'i snying po nyan/ pho mo lus kyi bde ba dang // rang sems rtogs pa'i bde ba dang // zang zing dbang gi bde ba dang // thabs med 'dod chags bde ba'o// da yang 'dus pa'i snying po nyon// phyi 'dzan longs spyod bde ba yang // zas nor 'khor gyi longs spyod dang // 'dod yon lnga la ci bder spyod// zhen pa'i dbang gi chog shes med// da yang rdo rje sems dpa' nyon// nang gzhi gnas bde ba ni// gong zag bdag med 'gag be ru// mi gol rkyen gyi gdam
- 130a
ngag gis// sgo lnga mi 'phag rang gsal la// yid la lhag mthong dran pa'i gsungs// rkyen thub 'bral med ye shes yin// da yang 'dus pa'i snying po nyon// chos la ba dag med bde ba ni// dbu ma sems tsam sgom pa ste// der mi gol ba'i ge dam ngag gis// bde na gnyis sems su blo mi bsdu// rig pas mi gzhig rang sa la// yul me dang shes pa'i rang 'byung shes// yengs pa mi 'i byung rkye na thub rnams// de phyir 'bral me da yeng shes yin// da yang 'dus pa'i snying po nyan// 'jig rten mi g.yo'i bde ba ni// bsam gtan gsum sogs bde ba de// zhen pa yod phyir 'khor ba'i rgyu// der mi gol ba'i gdam ngag ni// lung ldan rkyen gyi gdam ngag rgyun// shan phyed ngos zin la zlos phyir// bden pa zhe na med rkyen thub pa'i/ yid ches gdeng gis zin pa'i phyir// 'gal rkyen mi 'byung chos skur gsal// nga yang rdo rje sems dpa' nyon// phyi 'dzin longs spyod yul la zhe na// der mi gol ba'i gdam ngag ni// yul rig bar du bdag gzhan gyi// ngar badzin bden 'dzin dam par ni// snang ba zhen pa med pa'i phyir// phyi yaM
- 130b
g.yeng ba'i rkyen rnams thub// de phyir snang ba chos kyi dbyings// rdzogs pa chen po lta ba'i yang snying nam mkha' glong yangs kyi rgyud las bde la zhe na med ye shes su rkyen thub par bstan pa'i le'u ste rtsa dgu pa'o// // de nas 'dus pa'i tshogs rnams la// kun rig ston pa chos rdza yis/ sdug bsngal zhi byed bka' stsal pa// sems can kun la gnas pa yis// phyi yi sdug bsngal zhi 'gyur pa'i// lus kyi sdug bsngal nad yin bzhi brgya rtsa gcig 'du ba bzhini// mi bde sna tshogs skyed par byed// da yang 'dus pa'i snying po nyon// nang gi sdug bsngal ba dag gzhan la// byams bral sdang ba phrad dogs pa dang // yod skyong meda' tshol zhen pa kun// phyi yi sdug bsngal yin par gsungs// da yang 'khor gyi snying po nyon// rang lus na tsha bzod dka' ste// rkyen dbang mi gol gdam ngag ni// gang na blo yis ma gzung bas// bzod dka' rang rig chos skar shes// snga phyir ma gtang da lta'o// bde sdug bdag kyang chos skur gsal// sdug bsngal rang zhi ye shes 'char// yid chad khang gzhi'i rkyen rnams thug/ de yang rdo rje sems dpa' nyon// phyi ma
- 131a
sdug bsngal rnam bzhi la// zhen pa rang rgyud mi gol ba// yul sems bar de'i gdam ngag gis// nges don dran pas rkyen mi tshugs// sdug bsngal ye shes rang du shar// rnam rtog zhi byed chos kyi sku// da yang 'dus pa'i snying po nyan// de dag sdug bsngal phyi nang gnyis// rtsa ba ma rig blos byas te// lung ldan rkyen gyi ma rig bral// ye shes rang rig chos skur shes// sdug bsngal bya ba'i ming yang med// reng 'byung rtogs pas mngon sangs rgyas// rdzogs pa chen po lta ba'i yang snying nam mkha' klong yangs kyi rgyud las sdug bsngal zhi byed chos skur rkyen thub par bstan pa'i le'u ste sum cu pa'o// / / de nas 'dus pa'i 'khor rnams la// kun rig chos kyi rgyal po yis// ma rig las 'byung btang snyoms la// lhag mthong rig pa bka' stsa la pa// bde sdug ma dran btang snyoms ni// gzhi gnas ma rig gti mug ste// gang gi blo yang ma zhugs pas// dge sdig gnyis su yung ma bstan// de las bag tsamacha phra las// lung ma bstan pa rnam gsum 'byung // bde sdug bskyed pa'i rgyud 'di gsungs// de yang 'dus pa'i snying po nyon// shes bzhin lung ma
- 131b
bstan du ni// mi gol ba yi ga dam ngag gis// thog mar rang 'byung ngo shes nas// ma rig med phyir nges lung bstan// de phyir rang rig chos skur rtogs// btang snyoms lhag mthong rig par shar// kun gzhi dag phyir rkyen thub pas// 'gyur med ye shes chos kyi sku// da yang 'dus pa'i snying po nyan// btang snyoms lhag mthong rang 'byung de// shes pa gsal la mi rtog pas// chos ska mi g.yo don gyis zin// de phyir lung bstan chos skur gsal// gsal tsam nyid na rkyen thub phyir// rang 'byung thugs la 'gyur ba med// da yang 'dus pa'i snying po nyon// nges pa'i lung bstan gdam ngag gis// dge sdig ma dran chos skur dran// de phyir lhag mthong rog pa la// thig le nyag gcig de la bya// rang 'byung snying po yul las 'das// sems kyi spyod yul ma yin phyir// rtogs pas chog pa sgom mi dgos// nor bu rin chen rnyed dang 'dra// da yang 'khor gyi snying po nyon// tha ma la shes pa btang snyoms 'di// kun bzang rgyal ba'i dgongs par shes// de tshe yul sems gnyis las 'das// rang 'byung chos sku nyi ltar gsal// de la 'gal ba'i skyon mi 'byung // 'dus
- 132a
ma byas pa'i nam mkha' 'dra// rdzogs pa chen po lta ba'i yang snying nam mkha' rlung yangs kyi rgyud las/ btang snyoms lhag mthong rig pa'i rkyen thub par bstan pa'i le'u ste so gcig pa'o// // de nas 'dus pa'i tshogs rnams la// kun rig ston pa chos rje yis// rmA lam glong thim bka' stsal pa// rnal 'byor dam pa gnyid byung tshe// rmi lam dge sdig lung ma bstan// bag chags mtshams sbyor ltas bstan pa'i// rmi lam sna tshogs byung dus su// ye shes glong thim shes par bya// da yang 'dus pa'i snying po nyon// tshe stod sngar byas gang rmis pa// bag chags rmi lam yin shes pas/ de rjes mo gcod don dran phyir// bag chags rmi lam rang stongs nas// ye shes glong thim rkyen thub tshe// 'di la ma mthong med ma myo// gang rmis ma nga'i mtshams sbyor ba// bag la nyal du shes pa'i phyir// kun brtags med pa'i lhag mthong gis// mtshams sbyor rang zhi rkyen rnams thu// da yang rdo rje sems dpa' nyon// 'jig rten lhas byas lung bstan pa'i// rmi lam bzang ngan gang byung yang // slu ba'i bdud du shes pa'i phyir// rnam par ltar
- 132b
med gang bzhag pa// slu med rkyen thub chos skur gsal// da yang 'dus pa'i snying po nyon// rnal 'byor dam pa gnyid log tshe// dge sdig lung ma bstan pa'i tshe// gang dmigs gang yang ma bsams par// chos nyid dang la gnas par bya// gang yang rtog pa ma zhugs na// bzang ngan zhen pa rang zhi ste// ye shes glong thim rkyen rnams thug// de phyir nges don gdam ngag che// rdzogs pa chen po lta ba'i yang snying nam mkha' klong yangs kyi rgyud las/ gnyid ye shes glong thim du rkyen thub par bstan pa'i le'u ste so gnyis pa'o// // de nas 'dus pa'i dad ldan la// kun rig ston pa chos rje yis// dug lnga rang grol bka' stsal pa// nyi shar mun sgrib med pa bzhin// lung bstan ma rig rtsa ba gcad nas// ngo bo rig pa chos skur gsal// ma rig med pas ge ti mug sangs// da yang 'dus pa'i snying po nyan// ldum bu sad kyis bsad pa ltar// zhe sdang yul med don shes pas// log non dran pa gsal ba'i phyir// zhe sdang rang grol rkyen rnams thub// rmi lam 'dod chags 'chal med bzhin// snga phyir ma song dus de ru// pha mo 'dod chags
- 133a
ci spyad kyang // de tsam nyid na skyon mi gos// da yang rdo rje sems dpa' nyon// ri bo chen po'i khar phyin lta// nga rgyal chen po rtog pa 'chang // lhag mthong rig pa'i ye shes kyis// nga rgyal rang sar rkyen thub grol// lta ba ma nor gdeng go 'bring // gol sgrib med pa'i chos sku la// phrag dog rang sar rkyen thub phyir// ba mo la ni nyi shar 'dra// da yang 'dus pa'i snying pa nyon// nges don shes pas gti mug 'joms// rang rig dran pas zhe sdang brlag/ pa de la zhe na med 'dod chags bral// yid ches 'dzan med nga rgyal grol// chos sku dran pas phrag dog dag/ da yang rdo rje sems dpa' nyon// don gyi ngo bo gnas lugs la// sgro skur gnyis kyi skyon med pas// dug lnga kun brtags rang sar grol// de phyir chos sku snying por gsungs// rdzogs pa chen po lta ba'i yang snying nam mkha' glong yangs kyi rgyud las/ dug lnga rang grol du rkyen thub par bstan pa'i le'u ste so gsum pa'o// // de nas 'dus pa'i tshogs rnams la// kun rig ston pa chos rje se yis// bar dor rkyen thub bka' stsal pa// nges don rtogs pa'i rnal 'byor pas// dus
- 133b
kyi tha ma byung ba'i tshe// snang ba skyes dang mched pa dang // snang ba 'gyur zhing thob pa'i dus// lung ldan nges pa'i gdam ngag gis// bar dor skye ba mi len pa'i// rkyen thub 'bras bu sangs rgyas 'byung // da yang 'dus pa'i snying po nyon// snang ba 'gyur zhing spang ba'i dus// bar dor lus gsum mi len pa'i// nges don gdam dag don dran pas// gzhi gnas ma rig med pa'i phyir// rkyen bzhi ma bskyed lus mi len// shes pa chos skur 'gyur med brtan// mngon shes drug dang rjes dran drug/ sangs rgyas pa yi yon tan kun// thogs pa med par dus gcig rdzogs// de phyir rkyen thub sa zin pas// ma rig sangs la ye shes rgyas// thams cad mkhyen pa'i ye shes dang // sangs rgyas yon tan kun rdzogs phyir// 'gro dan gzugs sku dus gcig 'byung // da yang 'dus pa'i snying po nyon// de tshe ye shes snang ba la// bag chags bral bas chags sdang med// snang ba med pas zhen pa grol// rig pa gsal ba chos skur shes// lus can gang yang med pa'i phyir// be mo ma mthong mngal mi 'jug/ de phyir skye ba mi len nges// de yang 'dus pa'i snying po nyon//
- 134a
nges pa'i 'bras bu sangs rgyas ni// rnam dag chos sku gcig cig la// nges don 'bras bu logs na med// drang don sangs rgyas grangs mang yang // mthar thug chos sku yin pa'i phyir// sgrubs pa bas kyang rtogs pa gces// rdzogs pa chen po lta ba'i yang snying nam mkha' glong yangs kyi rgyud las/ srid pa bar ma do la skye ba phyis mi len par rkyen thub par bstan pa'i le'u ste so bzhi pa'o// // de nas kun rig rgyal po la// 'dus pa'i 'khor gyis yang gsol pa// the tsom gags rnams bsal ba'i phyir// gdam ngag rnam bzhi ji ltar dbye// 'khrul pa legs pa'i rtags chen gang // thig le'i la sha na ji ltar dbye// nges par the tsom ji ltar bsal// de skad zhus pa'i don gsan nas// kun rig rgyal pos bka' stsal pa// lta sgom spyod pa 'bras bu yi// dbye ba rnam pa drug drug gis// dbye ba bstan gyis legs par nyon// lta ba'i ngo bo shes rab ste// mos pa'i blo yis gang gzung ba// dbye ba rang gnas ngo bo ni// stong par khyab pas nam mkha' 'dra// nges tshig chos
- 134b
skur lta ba yin// gal sa ma rig rtag chad gnyis// skyon ni yul sems pa sre byed pa// da yang 'dus pa'i snying po nya na// sgom pa'i ngo bo mi rtog pa// dbye ba mthun pa 'bral med de// til gyi mar me dud med 'dra// nges tshig dbang po ma yengs pa// gol sa bya ba dang rgad pa'o// skyo na ni nan gyis glen sgom byed// da yang 'khor gyi snying po nya na// spyod pa'i tshul ni ma bcos pa// dbye ba rigs gsang mthun pa'i thabs// 'tshol med glang chen chur 'jug 'dra// nges tshig shugs 'byung blang dor med// go lo sa rang rgyud nyon mongs spyod// skyon ni tshes brgyad yul la zhe na// da yang 'dus pa'i snying po nyon// 'bras bu nges pa'i gdeng zin pas// dbye ba gnas skabs mthar thug 'grub// rin chen rgyan gyi yon tan 'dra// nges tshig sla med rang yid ches// gol sa med pa don med khyam// skyen ni phyis 'byung re dogs blo// da yang rdo rje sems dpa' nyon// de dag dbye ba tha dad kyang / ma rig rmongs pa bstan pa la// ngo bo rang 'byung 'di nyid las// gzhan du g.yos pa rdul tsam med// rdzogs pa chen po lta ba'i yang snying nam
- 135a
mkha' glong yangs kyi rgyud las/ gdam ngag gi dbye ba bstan pa'i le'u ste so lnga pa'o// / de nas 'dus pa'i 'khar rnams la// kun rig rgyal pos bka'i rgyal pa// 'phrul ldag rtags bdun ngas bshad kyis// legs par grang sa yid kyis nyan// chos rnams kun gyi gzhi shes pas// 'khor 'das glo bur 'khrul par shes// re dogs med pa gzhi shes rtags// mtha' drug rkyen bzhi 'dzin med pas// yid ches gdeng gis don zin te// lhan cig ma rig log pa'i rtags// thog ma'i rang byung ngo shes pas// dus gsum gcig tu shes pa'i phyir// 'khrul pa'i dus las log pa'i rtags// yul ni ma nges sna tshogs kyang // chos brgyad zhen pa med pa'i phyir// kun rig ma rig log pa'i rtags// thag pa rang du shes tsam na// sbrul du 'dzin pa rang sar grol// dpe las don du log pa'i rtags// rdzun la bden par mi 'dzin pas// sgom du med par rang sar grol// 'khrul pa'i ngo sa log pa'i rtags// ma rig med phyir bag chags bral// blang dor gnyis sogs don dran pas// lugs su 'jug pa log pa'i rtags// rang gi sems la dbang
- 135b
thob pas// shes bzhin skye ba drang don phyir// skye shi'i sdug bsngal log pa'i rtags// shes rig rang sems snying po ste// glo bu ra ma yin ye gnas pas// shes rig dus gsum mi 'gyur phyir// chad pa'i 'khrul pa log pa'i rtags// rang 'byung ngo bo nyid kyi sku// dngos po yul las 'das pa de// shes rig rang sems snying po de// kha dog dbyibs med gnyug mar rtogs// rtags par 'dzin pa'i 'khrul log rtags// da yang 'khor gyi snying po nyan// 'jig/ rten 'khrul pa de dag dang // ma rig dbang gi lag lta ba// nam langs mun pa med pa bzhin// de nyid rtogs pa sa 'khrul pa sangs// rdzogs pa chen po lta ba'i yang snying nam mkha' glong yangs kyi rgyud las 'khor ba 'khrul pa log pa'i rtags bstan pa'i le'u ste sa drug pa'o// // de nas 'dus pa'i 'khor rnams la// kun rig rgyal po sa bka' stsal pa// mya nga 'das 'khrul pa leg pa dang // yul sems tha dad mi 'dod cing // ye nas gnyug ma'i gzhi shes pas// 'gro don snying rje mi 'bral na// nyan thos 'khrul pa log pa'i rtags// snang ba sems su mi sdud cing // don dam skad
- 136a
cig mi 'dod pas// 'phel 'grib med pa'i don rtogs na// sems tsam 'khrul pa log pa'i rtags// bden pa gnyis su mi rtog cing // yang dag stong par mi 'dod pas// rang 'byung ye shes 'gyur med de// dbu ma'i 'khrul pa log pa'i rtags// yul med sems su mi 'dod cing // sngags dang yig 'bru ltar mi skyed// re dogs dngos grub mi tshol bas// kri ya'i 'khrul pa log pa'i rtags// bden pa dbyer mi 'dod cing // ting 'dzin rim gyis mi sgom pas// rtsol ba med pa'i don rtogs pa// ma hA 'khrul pa log pa'i rtags// mkha' glong rol par mi 'dod cing // snying po dran tsam wAr mi sgom// ngang 'jog mi dgos don rtogs pas// a nu 'khrul pa log pa'i rtags// de rtogs brgyad ldan skyes bu ni// mi yi lus la sangs rgyas sras// rigs 'dzin gdung 'tsho ba sprul pa'i sku// de yi yon tan brjod mi lang // rdzogs pa chen po lta ba'i yang snying nam mkha' glong yangs kyi// rgyud las/ theg pa 'og ma 'khrul pa lag pas bstan pa'i le'u ste so bdun pa'o// // de nas 'dus pa'i 'khor rnams la/
- 136b
kun rig ston pas bka' sprul pa// phyi nang ma bcos mya ngan 'das// myang ba des don ni chos kyi sku// chos kyi dbyings ni chos sku'i 'od// snying po 'bras bu ye shes sku// snying po kun la khyab cing 'dus// thugs kyi nying khu yin pa'i phyir// thig le 'gyur ba med pa'i phyir// kun bzang rdo rje byin gyis brlabs// / tshig tu ma bkod thugs la brgyud// don gyi ga ting phyin bskrun pa'i phyir// tshig nyung don la rdzogs pa yis// thig le la ni shan dbye ba// mtshan nyid rtag pa'i thig le dang // gsang sngags gzhi yi thig le dang // rdzogs chen spyi mi thig le dang // yang ti thig le nyag gcig dang // re re la yang bzhi bzhi ste/ ngo bo dpe dang gtan tshigs kyis// 'gro ba la sha na dbye ba yang // rtsal gyi sgo nas gsum bstan pa// snang ba chos kyi dbyings la rdzogs// da yang 'dus pa'i snying po nyan// bArtags pa ming gi thig le yi// mtshun nyid theg pa rnam gsum ste// ngo bo rnam shes tshogs brgyad la// dpe ni dmus lang gsu rdo 'dra// gtan tshigs nges pa gang yin pa// thig ni tshogs brgyad sems su gcig/ le ni khams gsum
- 137a
yongs la khyab// 'gro sa srid pa'i yang rtse yin// gol sa skye mched mu bzhi legs// gzhi yi thig le bstan pa ni// gsang sngags phyi rgyud rnam pa gsum// ngo bo kun gzhi rnam shes la// dpe ni sa dang chu 'dres 'dra// gtan tshigs nges pa gang yin pa// thig ni kun gzhi sems kyi gzhi// le ni 'gro drug yongs la khyab// 'gro sa 'das dang ma 'das pa// don gyi thig le bstan pa ni// rdzogs che na a ti spyi yi gzhung // ngo bo kun gzhi'i lung ma bstan// dpe ni zho dang 'o ma 'dra// gtan tshigs nges pa gang yin pa// thig ni kun gzhi gnyug ma la// la ni thams cad sems su snang // 'gro sa gar 'gro nges pa med// da yang 'dus pa'i snying po nyan// de ltar thig le bzhi bstan pa// theg pa kun gyi sgo bstun phyir/ !shan gyi sgo nas bstan pa yin// don la dbyer med ngo bor gcig/ rdzogs pa chen po lta ba'i yang snying nam mkha' glong yangs kyi rgyud la sa// thig le la sha na dbye ba'i le'u ste so brgyad pa'o// // de nas 'dus pa'i 'khor rnams la// kun rig sems kyi rgyal po yis// la
- 137b
ba zla ba yi thig gsungs// nang gi rig pa chos sku la// sgra mthun don dpags gtan tshigs kyis// don gyi ngo bo gnyis su 'dus// la bzla gcig/ gi ngang du rdzogs// da yang rdo rje sems dpa'i nyon// brtags pa'i thig le la bablan// ngo bo snang la rang bzhin med// dpe ni nyi ma bad brda pa la// gtan tshigs nges pa gang yin pa// thig ni dngos po yul dang bral// le ni thams cad rgyas pa'i zhing // 'gro sa thag le phyi ma'i rtsal// gzhi yi thig le la bzlan// ngo bo rang gi mthu dang ldan// dpe ni dug nyid sman gyi ngang // gtan tshigs nges pa gang yin pa// thig ni thams cad ma sbyin pa'i rgyu// oM ni m+bu drug yangs pa stu/ sa sman rtswa bye la/ b+h+rUM l-i rdzogs che nA m+b+ha bag+h+nAn// gsung thugs kyi rgyu// deper ni nor bu rin chen 'dra// gtan tshigs nges pa gang yin pa// thig ni ma nor drang po'i lam// le ni brdal ba chen po 'gros thig le phyi ma'i rtsal/ yang ti rdzogs chen la bzla na// 'khor 'das ma reg rang 'byung zhing // ngo bo thig le nyag gcig
- 138a
nyid/ dpe ni nyi ma'i snying po 'dra// gtan tshogs nges pa gang yin pa// thig ni bag chags skyon dang bral// le ni nyon mongs rnam par dag/ 'gros kun bzang sangs rgyas nyid// da yang 'dus pa'i snying ba nyan// gyi nang med par thig sen// 'khor 'das med pas rtag gcig ma/ snang stong med par bral zab// thams cad thig ser sangs rgyas pas// stong 'ag mtha' dbus med pa dang // kyi nang 'khar 'das med pa kun// thams cad thig le chen po las// gzhan gyi chos ni rdul tsam med// da yang 'dus pa'i snying po nyan// nga yi sku gsung thugs la tshang // ye sangs rgyas pa'i rang bzhin las/ yon tan nam mkha'i mtha' dag 'das// gzhan yang chos kyi dbyings kyi gleng // rdzogs ni lhag ma med par rdzogs// 'khor ni dus gsum rgyal bar ldan// thams cad kun tu bzang po'i sa// skad cig rtogs pas mngon sangs rgyas// rtogs thabs bzhi ni bstan par zad// de las mang du 'byed pa ni// thig le ma yin 'chal tshig yin// rdzogs pa chen po lta ba'i yang snying nam mkha' gleng yangs kyi rgyud las/ thig ya nyag gcig la bzla ba'i le'u ste so dgu pa'o// /
- 138b
/ de nas kun rig rgyal po yis// 'dus pa'i 'khor la bka' stsal pa// zung lnga ma bcu bdun gyi bgegs// rim par bshad kyis yid kyis nyon// 'khor 'das gnyis kyi gzhir gyur pas// rtag chad ma yin chos smrar nges// snang ba nges med yin pa'i phyir// yul dang goms gcad pa gces// da yang 'dus pa'i snying po nyon// rang sems yul dang yul nyid sems// gnyis ka ma yin gnyis med min// tha dad ma yin mi bsdu bar// zhe na med rang sar grol ba'i phyir// snang ba ma bcos chos kyi dbyings// rtogs dang ma rtogs khyad par gyi// sangs rgyas sems can rnam pa gnyis// so so rig pa ma yin te// gnas skabs 'brel ba mthar thug yod// las dang thugs rje tha dad phyir// gdam ngag med la phan mi nus// da yang 'khor gyi snying pa nyan// 'khor 'das 'byung ba'i rtog pa yin// log rtog ye shes tha dad kyang // ngo bo nyid kyi gzhi la med// snang lugs zhe na dor cir yang 'char// rnal 'byor nyams su blang thabs kyis/ sgom du yod med gnyis ka 'gal// yod par blo btags zhi gnas yin// med par skur btab chad par 'gyur// de phyir nges don stong pa ni// ma bsgoms
- 139a
'bral med dgongs pa gces// zung lnga ya bcu de la bya// da yang 'dus pa'i snying po nyan// ma nor nges pa'i yung chen ni// sangs rgyas sems can gnyis kyi gzhi// ngo bo nyid kyi kun bzang gis// tshig med don gyi rtogs shar bas// don nyid tshig tu byung ba'i phyir// nges pa yis ni lung du bshad/ takun tu bzang po'i byin rlabs kyis// thugs nas snyan du gsung brgyad pa// tshegs med don chen rtogs pa'i phyir// tshig la brten nas don go bas// bla ma slob dben khyad par che// da yang 'dus pa'i snying po nyon// nyams myong yod med gnyis ka skyon// gang yang mi 'gal gdam ngag gis// don gsal yul la ma nges pa// nyams myong dam par nga yis bshad// rnam rtog tha ma la glo bur la// bcos na thul ba'i zhi gnas yin// ma bcos bka' la dgos med phyir// bcos med dran pa chos skur gsal// mdo rgyud nges don gang yang rung // drang ba'i don la khyad che yang // gzhi rtogs bya ba'i thabs la 'dra// nges pa'i don la khyad par med// da yang 'khor gyi snying po nyon// nges don chos skur nyid 'dzin kyang // yod med 'gal ba med na yang // yod kyang
- 139b
ma rtogs sems can la// lung ldan rkyen gyi gdam ngag ston// de phyir mthar thug 'brel ba yod// gzhi nyid 'khrul lugs blos bcos pas// ma rig 'khrul 'khor bden 'dzin kyang // yar ldan mar 'khrul gzhi la med// de phyir 'khrul med don la gces// bdun gyi bgegs ni de la bya// da yang rdo rje sems dpa' nyon// de dga' gal bgegs rnam mang yang // blo yis byas pa thams cad min// ngo bo nyid sku ngos zin na// thams cad the tsom shugs la ched// rdzogs pa chen po lta ba'i yang snying nam mkha' glong yangs kyi rgyud las/ the tsom gags bsal ba'i le'u ste bzhi bcu pa'o// // de nas kun rig rgyal po la// 'dus pa'i 'khor gyis 'di skad gsol// thig le gcig tu 'dus pa yis// phyi nang chos rnams ji ltar rdzogs// gal sa sgrib pa ji ltar mkhyen// nyams rtags don ldan ji ltar 'byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// thig le gcig tu rdzogs pa yi// rang sems snying po byang chub des// snying rje byang sems don zin pas// sems skyed
- 140a
gong 'o ga de la rdzogs// dad pas sngon du dran byas pas// mi dmigs don la ma bstan kyang // bying rgod gnyis kyi rgyan bral bas// na gnas bsam gtan de la rdzogs// phyi nang chos rnams thams cad kun// so sor rtogs pa'i ye shes kyis// sgyu ma lta bur rab shes pas// rang bzhin med pa'i lhag mthong rdzogs// 'jig rten gol bar don rtogs pas// ser sna 'dzin pa'i don med phyir// re ba med pa'i bsam pa yis// sbyin pa'i pha rol phyin pa rdzogs// ma nor khrims las mi'i da'i phyir// lus ngag yid kyi las rnams kun// mi dge nyes byas mi 'byung bas// tshul khrims pha rol phyin pa rdzogs/ za ba la rgya che lta ba yis// yin dang min pa'i chos rnams kun// chos kyi dbyings su kun shong bas// bzod pa'i pha rol byin pa rdzogs// ngo bo nyid la 'bral med phyir// ched du mi sgom da lta nyid// lta ba'i don la yengs med pas// brtson 'grus pha rol phyin pa rdzogs// gzhi gsum dus gsum 'bral med pa'i// ye shes kun tu rgyun mi'i 'chad// snying po'i don la ma g.yos pas// bsam gtan pha rol phyin pa rdzogs// dang po 'khor ba
- 140b
rtsad chod pas// ye shes rig pa'i ngos zin phyir// yid ches gdeng gis thag chod pas// shes rab pha rol phyin pa rdzogs// da yang 'dus pa'i snying po nyon/ de phyir yul gyi rnam pa la// spong sdud zhen pa med pa'i phyir// snang ba gang yang mi 'gog pas// thabs kyi pha rol phyin pa rdzogs// tshe rabs sngon nas sbyangs pa'i phyir// mi gnas blo med don rtogs pas// da lta nyid du rang yid ches// smon lam pha rol phyin pa rdzogs// rang sems snying po/ rtogs pa'i phyir// ma rig sgrib pa zil non nas// lus ngag rtsol bas mi dgos pa// stobs kyi pha rol phyin pa rdzogs// 'khor 'das gnyis me gong rol du// skye shi med par thag tshad de// byang chub sems la 'gyur med pa// ye shes pha rol phyin pa rdzogs// lta ba rtogs pa'i rnal 'byor pas// lus ngag don lam nyams pas// phyi nang spyad pa don zin phyir// tshogs chen ma lus de la rdzogs// rdzogs pa chen po lta ba'i yang snying nam mkha' gleng yangs kyi rgyud las/ pha rol phyin pa'i chos rnams rdzogs par bstan pa'i le'u ste zhe gcig pa'o// // de nas 'dus pa'i tshogs rnams
- 141a
la/ kun rig rgyal pos yang gsungs pa// las can rnal 'byor don ldan gyis// ye shes dbang po sems nyid don// chos nyid rig pa'i dbang thob pas// byi nang dbang rnams de la rdzogs// lta ba nges pa'i gdeng zin pas// mi rtog ye shes gegs bsal bas// rnam par rtog pa'i gegs med phyir// phyi nang mtshams gcad de la rdzogs// ye nas ngo bo nyid sku la// bsgrub tu med pa'i chos nyid la// ma rig rnam rtag sgrib pa med// don rgya bshags pa de la rdzogs// sangs rgyas sems can gnyis med phyir// yul dang dbang po mi'i byed pa// gnyis med don gyi glong khyab pas// byin chen dbab pa de la rdzogs// rang 'byung ye shes kun khyab phyir// dug lnga rang grol don rtogs pas// nyon mongs bdud rtsi chen po la// ye shes byin rlabs de la rdzogs// dbang po yul gyi rnam pa la// dngos po 'byung ba'i rtsa ba de// sa chu me rlung kun khyab pas// dbang chen rim pa de la rdzogs// gdan dang yig 'bru la sogs pa// rang gi sems kyi cho 'phrul de// phyogs bcur rang bzhin lhu ni grub pas// gzhal yas khang chen de la rdzogs// 'khor
- 141b
'das bzang ngan mi 'byed pa// rig tshor don gyi lha yin pas// ma ba tsal lhun gyis grub pa yis// ye shes lha rnams de la rdzogs// ngo bo nyid kyi snying po la/ sangs rgyas sems can rgyu gcig phyir// ched du byar med rang rig 'di// spyan drang ba stim pa de la rdzogs// gzhi la snang ba med pa'i phyir// rang rig dran don cir snang yang // skye med chos la mi 'da' bas// zil gyis gnon pa de la rdzogs// thams cad 'dren pa chen po la// rnam par grol ba mtshon pa'i phyir// rig pa'i don 'di gsal thebs pas// nan tan phyag rgya de la rdzogs// lus ngag las kyi rnam pa la// drang ba'i don gyis zin pa'i phyir// 'gul skyod thams cad ye shes la// phyag rgya'i mtshon pa de la rdzogs// ye shes snying po byang chub la// blo dang dngos po gcig pa'i phyir// sems dang chos sku don 'byor pas// sbyor sgrol mchod pa de la rdzogs// ye nas gnas pa'i don go nas// skye shi med pa'i thag bcad phyir// yon tan thams cad lhun grub pas// mthar phyi na smon lam de la rdzogs// sangs rgyas che ba'i yon tan gyis// da lta nyid du rtogs pa'i phyir// sku gsung
- 142a
thugs kyi don tshung bas// bzlas brjod 'phro 'du de la rdzogs// dga' ldan lha dang 'byor ldan tshogs// nges pa'i lta bas gded zin pas/ snod bcud ye nas tshogs yin phyir// tshogs kyi mched pa de la rdzogs// gtso 'khor bzang ngan mo 'byid pas// phud dang lhag ma ngo ba gcig bde chen gnyis med rang sems la// lhag ma'i mchod pa de la rdzogs// bya ba med pa'i ting 'dzin gyis// mi bzung ye shes chen po la// rang gi rig pa gsal thebs pas// gtor ma'i cho ga de la rdzogs// 'khor ba mya ngan 'das pa'i chos// thig le gcig tu 'dus pa'i phyir// ci spyod rang gi lus ngag la// dkyil 'khor bsdu ba de la rdzogs// de rtogs rnal 'byor chen po la// ye shes chen po rdzong gi lus// ye shes lhun grub gar ldan pas// bka' nan lus bsrung de la rdzogs// ye nas sangs rgyas yin pa'i don// rang gi sems kyis shes pa'i phyir// gnyis med don du sangs rgyas pas// dge ba bsngo ba de la rdzogs// chos kyi rgyu la mnga' brnyes pas// yon tan thams cad rang las sprul// gzhan don bya ba smos ci dgos// ye nas lhun grub 'di la rdzogs//
- 142b
rdzogs pa chen po lta ba'i yang snying nam mkha' glong yangs kyi rgyud las/ 'phrin las mdzad spyod rdzogs pa'i le'u ste zhe gnyis pa'o// / de nas 'dus pa'i 'khor rnams la// kun rig rgyal pos bka' stsal pa// 'khor 'das mi reg rdzogs chen la// gol sgrib med par bstan pa yang // bcu gnyis gsum dang don bstan pa// yid la ma rgyus gol sa med// da yang rdo rje sems dpa' nyon// phyi rol yul gyi tha snyad la// dam par zhen pa'i rtog pa yis// byung tshor rjes su ma 'brengs pas// 'jig rten phal pa'i sar mi gol// rang gi sems kyi snying po 'di// dran rtog blo yi rnam pa yis// yod med yul du ma bsgoms pas// rtag chad mthar ni de mi gol// lung rig man ngag la brten nas// thos bsam lta bas yid ches pas// shes rab zab mo'i don zin pas// lung du ma bstan der mi gol// mi dmigs pa la blo gtod cing // bying rgod rnam gnyis bsal ba yis// zhi gnas ro la ma zhen pas// sems 'dzin bsam gtan sar mi gol// phyi rol yul gyi snang ba la// rang gi sems dang ma 'brel phyir// sgo lnga'i rnam shes mi 'gag pas// 'du shes med par de mi gol//
- 143a
rang 'byung rang snang 'di nyid la// sems kyi rtsol ba'i gnyen po yis// rnam rtog ma spangs rang zhi bas// nyan thos 'gog par de mi gol// phyi rol rten 'brel bcu gnyis la// brten nas sems kyi rgyu ba yis// rtogs dka' stong par mi sgom pas// rang rgyal sems su de mi gol// yul med sems su blos bsdus pas// don dam rang gi shes pa'i don// rang rig skad cig ma bsgoms pas// sems tsam lta bar de mi gol// yul 'di kun rdzob blos byas te// gtan tshigs dag gis gzhig byas nas// mtshan ma stong par bsgoms pas de// dbu ma gnyis su de mi gol// re dogs las kyi rtsol ba yis// dge ba bcu yi snying po la// rgyu 'bras rkyen la mi ltos par// 'dus byas chos su de mi gol// rang sems snying po ngo bo nyid// rtogs pa'i rkyen gyis mi 'gyur phyir// 'khor na das gnyis la mi sprod pas// las kyi dbang du de mi gol// spong sdud sems kyi rtog pa la// skyon yon gnyis su mi lwa zhing // mi rtog dben pa'i yul med pas// 'phra ba'i lam du de mi gol// smon 'jug gnyis la mi brten cing // tshogs sog dam par mi lta bas// lam lnga rim gyis ma sbyangs phyir// sa bcu bgrod par
- 143b
de mi gol// rdzogs pa chen po lta ba'i yang snying nam mkha' glong yangs kyi rgyud las/ bsam gtan gyi gol sa med par bstan pa'i le'u ste zhe gsum pa'o// / / de nas kun rig rgyal po des// 'dus pa'i 'khor la yang gsungs pa// chos nyid dag gi ngang las ni// rigs gsum dkyil 'khor ltar ma bskyed/ dga' bzhi'i ting 'dza ni ma bsgoms pas// kri ya'i theg par de mi gol// lta ba yo gar lta ba dang // spyod pa kri ar spyod pa dang // rnam gnyis 'dzin par ma bsgoms pas// u pa yar ni de mi gol// chos nyid dbyings kyi ye shes kyi// cho 'phrul lha yi nga rgyal gyis// byang chub rnam lngar ma bsgoms pas// yo ga'i sems par de mi gol// phung po khams dang skye mched kyis// rtog tshogs dgra rnams mang po yis// rnam rtog lhur ni ma bsgyur bas// ma hA yo gar de mi gol// las kyi phyag rgya gzhir gzhag nas// rtswa dang thig le bde ba yis// thabs kyi 'dzin pa ma bsgoms pas// chags pa'i lam du de mi gol// kun gzhi dag pa'i mkha' glang du// bde chen gnyis med rig pa'i rtsa la// 'du 'bral med 'jog yid med pas// a nu yo gar re mi ge la/
- 144a
'khor 'das gnyis kyi rnam pa la// yin dang min pa rnam pa kun// sems kyi mtshon du mi rtogs pas// mtshan ma'i rkyen du de mi gol// rnal 'byor spyod pa rnam gsum gyis// zhum pa med pa'i sems nyid kyis// brtul zhugs phyi nang mi dgos pas// re dogs spyod par de mi gol// snang ba rang gi blos byas pa'o// yul sems bsre ba'i lta ba yis// gnyis med don la mi gtod pas// phyogs can lta bar de mi gol// rang sems snying po chos kyi sku// lta ba rtogs pa'i don nyid las// de las gzhan du mi rtsol bas// gol sgrib bya ba'i ming med do// rdzogs pa chen po lta ba'i yang skying nam mkha' glong yangs kyi rgyud las/ gsang sngags kyi golas med par bstan pa'i le'u ste zhi bzhi pa'o// // de nas 'dus pa'i tshogs rnams la// kun rig rgyal pos yang gsungs pa// sgrib pa dag gi mtshan nyid ni// bla ma dam pa'i gdum ngag gis// ye shes chen po nges zin pas// skabs 'byed sgrib pa de la med// kun gzhi bzhi cha rang gsal la// rdza phyi rjes su ma 'grengs pa'i// rang sems chos sku ngos zin pas// bslad pa'i sgrib
- 144b
pa de la med// kun brtags ma rig rkyen byas pa'o// 'khrul pa dag gi yul rnams ni// snga phyi glo bur dngos med pas// phyogs lhung sgrib pa de la med// kun bzang nyid kyi bka' nyid la// bla ma'i gdam ngag ma 'chad cing // lta ba nges pa'i gdeng zin pas// tshogs kyi sgrib pa de la med// zhi rgyas drag po dbang dag dang // sa ma ti yi dgongs pa yis// bya ba med pa'i don rtogs pas// las bzhi sgrib pa de la med// 'khor 'das ma re ngos zin pas// ma bsgoms don dang mi 'bral phyir// ma chags mi g.yo stobs ldan pas// mchod pa'i sgrib pa de la med// rang rig rtogs pa'i nyams dang ni// sangs rgyas bka' dang mthun pa'i phyir// nges pa'i don la yid ches pas// the tsom sgrib pa de la med// de la sogs pa'i gol sgrib rnams// brgya dang brgyad cu grangs mang yang // spong sdud zhen pa gsum du 'dus// de las zhen pa'i gol sgrib med// rdzogs pa chen po lta ba'i yang snying nam mkha' glong yangs kyi rgyud las ma rig rtsol ba'i sgrib pa med par bstan pa'o le'u ste zhe lnga pa'o// // de nas 'dus pa'i tshogs rnams la// kun rig rgyal pos yang
- 145a
gsungs pa// yang dag sems kyi nying khu'i don// ye nas chos sku 'bral med phyir// nyams kyi rim pa lnga gsungs pa// dang po mkha' la nyi shar bzhin// ma rig sgrib pa med rtog pas// rang rig chos sku yid ches don// tshi ga mthas ma reg rang gsal nyams// gser 'gyur rtsi yis thebs pa bzhin// rtog dang mi rtog thams cad kun// lta ba sems kyi sems nyid gsal// rang rgyud zil gyis non pa'i nyams// skyes bu bya ba btang ba bzhin// snang ba'i gzugs sogs gang la yang // brtags dpyad ma byas sgo lja gas la// snang ba chos nyid gdeng ldan nyams// 'byung bas nam mkha' mo 'gyur ltar// yul gyi bde sdug sgra skad kyis// snod med chos sku mi 'gyur phyir// yengs pa rang sar grol ba'i nyams// rin chen gling du phyin pa bzhin// dus dang rnam pa thams cad du// tsa dran lhag mthong rig par 'gyur// 'byung 'jug med phyir 'bral med nyams// de dag lnga ldan sangs rgyas nyid// da yang rdo rje sems dpa' nyon// sprin la char rgyun 'bab pa bzhin// rang rgyud zhen med chags pa chung // gcig tu dga' la 'du 'dzi spong // g.yo ba las su rung ba'i rtags// 'bab chu dal
- 145b
drag snyoms pa bzhin// dang ngam shugs kyi ye shes gsal// 'khor ba'i chos la shin tu skyo// goms pa'i rtags chen yin par bshad// rgya mtsho'i gting ni mi g.yo ltar// 'khor 'das dngos po tsar ma mthong // de phyir nyon mongs yul med pas// bstan pa thob pa'i rtags su bstan// drang srong bzod ldan dpe bzhin du/ lus kyi bzod pa thob pa dang // gnyid kyi rtog pa tshems pa'i phyir// phyi nang dbugs kyi cha snyoms pas// 'jig rten yo byad bral ba rnams// bar der mngon sangs rgyas pa'i rtags// rdzogs pa chen po lta ba'i yang snying nam mkha' glong yangs kyi rgyud las/ nyams dang rtags bstan pa'i le'u ste zhe drug pa'o// / / de nas rdo rje sems dpa' yis// 'dus pa'i tshogs kyi don gyi phyir// yid la dran pas 'di skad gsol// 'bras bu yon tan gdul bya yi// lta ba'i dam tshig nyams pa gang gis skong // rtsa ba gcig pa'i bden pa gang // snang med rig pa'i rtogs dus nam// rtogs pa'i mdzad spyod ji ltar spyad// kun rig rgyal pos lung bstan gsol// de skad zhus pa'i don gsan nas// 'dus pa'i 'khor la bka' stsal pa// lta ba nyams pa bskang thabs
- 146a
rna/ nyes 'gyod yid la byas nas su// bla ma mkhas pa don ldan la// dbang rnams rim par nos nas ni// rang sems dbang btsugs don zhus nas// rgyun du mi gtong gus pa'i chos// lta bas sems rtogs ma brjed pas// rgyun du mi 'bral sgom pa'i mchog/ rtags ni shin tu gsal ba'i nyams// brtson 'grus ma yengs gus pa'i thabs// shes rab go ba dad pa'i thabs// rang sems gdeng gi 'gyur ba med// yul ni ma 'gags chos kyi dbyings// spyod pa ma 'gags khong khrel med// g.yo sgyu med pa'i dam tshig gis// rtse gdung chos byed mi 'gyod pa// rig pa so thub dgon pa'i mchog bag chags rjes med shes rab ste// rgyun du gsal 'debs chos spyod yin// the tsom mi za dgongs pa'i tshod// des skongs ga dang chen ngas bshad nyon// rang bzhin pa yi ngo bo la// ming gi tha snyad 'dzin med pas// yul la mo zhe na rang sar grol// bsam gtan btsal med nyams kyi gdeng // phan gnod byed pa gang phrad kyang // byams sdang gnyis ni skyes pa'i tshe// mnyam nyid rig pa gsal thebs na// blo dngos gnyis med nyams kyi gdeng // kun bzang gshin rje gang
- 146b
'ongs kyang // gzhi la med cing 'khrul par rtogs// gnyis ka spong len med rtogs na// lta ba gdeng ldan nyams kyi gdeng // theg pa'i bye brag ci gsungs kyang // bzang ngan sgro skur med rtogs na// chos la bzod pa thob pa'i gdeng // lus kyi bde sdug ci byung yang // skyon yon med pa'i don dran na// snga phyi ma bslad don ldan pas// chos nyid rang gsal nyams kyi gdeng // gnod par byed pa nad dang bgegs// rtog pa rtas pa yin shes na// mi gtong don ldan rnal 'byor pas// dngos grub btsal med nyams kyi gdeng // sems la skye shi med pa'i phyir// 'jig rten gnas ni gang 'dug kyang // skye 'gag med pa'i don la gnas/ 'bral med dgongs pa nyams kyi gdeng // rtags chen gdeng ldan rnal 'byor pa// ci spyad sangs rgyas ye shes thugs// mi lus rin chen 'di nyid la/ lha mi phyag 'tshal mchod par 'gyur// rdzogs pa chen po lta ba'i yang snying nam mkha' gling yangs kyi rgyud las// lta ba nyams pa skong ba'i tshad bstan pa'i le'u ste zhe bdun pa'o// // de nas 'dus pa'i 'khor rnams la// bcom ldan 'das kyis bka' stsal pa// 'khor 'das 'byung
- 147a
ba'i rtsa bar ni// pha ma med pa'i bu bzhin du// de yang gdod nas gcig las gnyis// gsum la 'brel yod gcig la med// bden mthong snang med rtogs dus yin// da yang 'dus pa'i 'khor rnams nyon// gcig ni nam mkha'i mthongs su tshar// ming ni 'byung ba rnam pa lnga// snang srid kun gyi mes por byung // phyi nang snod bcud de las skyed// gcig ni chos kyi dbyings su tshar// ming ni chos sku kun tu bzang // sangs rgyas kun gyi mes par grags// theg pa'i chos rnams de las byung // gcig ni ma rig mun par tshar// ming ni 'gro drug sems can te// chags sdang lngal longs spyod pas// 'khor ba'i sdug bsngal de la smin// gcig ni 'khor 'das gong du tshar// ming ni ngo bo nyid kyi sku// 'khor 'das rabs chad yang mes po// do rtogs gdod nas skye shi med// da yang rdo rje sems dpa' nyon// skal ldan rnams kyi rang rig pa// tshig tu mtshon par mi nus kyang // sems la rtogs pa yod pa'i phyir// don chen yi ge dam pa'i/ mchog/ lha yi rang sems ngo bo nyid// 'khor 'das gnyis las 'das pa'o// sgom du med pa yid la dran// rang sems snying po rtogs pa'i thabs// de phyir
- 147b
sems kyis sems rtogs na// de yang dngos por cang ma mthong // rig pa ye shes chos nyid ni// dus gsum dag tu skye 'gag med// sngar ma mthong ba'i don mthong ba/ blo la rgyus pa kho nar zad// de ltar rig pa'i don mthong na// mtshan mar mthong ba ci yang med// rin chen ngan khung stor gyur kyang // de yi yon tan mkha' la 'byung // de bzhin rang sems ngo bo nyid// mngal du rang sems byi gyur kyang // rang gsal ye shes rgyun mi 'chad// rdzogs pa chen po lta ba'i yang snying nam mkha' glong yangs kyi rgyud las/ nges pa'i bde ba mthong bar bstan pa'i le'u ste zhe brgyad pa'o// // de nas 'dus pa'i tshogs rnams la// kun rig sems kyi rgyal po yis// snang med rig pa bka' stsal pa// bum pa'i nang gi mar me bzhin// lus kyi nang na chos sku bzhin// nang nas sgo lnga'i 'od shar bas// snang ba grogs su 'ong ba snyam// de tshe tha mal lus 'di la// brten pa'i rnal 'byor las can kun// snang med rig pa'i rgyun mi 'chad// de nyid sangs rgyas de las byung // de sems ma bcos ngang gis gsal// gsal yang yul la zhen med grol// lus kyi nang na sangs rgyas gnas// de phyir lus la smad mi bya// dpar
- 148a
na cang shes rta pho yis// yid kyis bsam par lus kyis phyin// de bzhin gang dran chos skur gsal// sgrib par nus par byed pa med// de phyir ci spyod ye shes la// 'phel 'grib med par rang sems rtogs// de don rtogs pa'i mchog yin pas// sangs rgyas kun dang dgongs pa gcig/ da yang 'dus pa'i 'khor rnams nyon// dper na reg 'jam spu yis ni// gang reg 'jam zhing spu mi dgos// de bzhin rnal 'byor yul phrad kyang // de la skyon gyis dgos pa med// de phyir dus rnams kun tu ni// 'bral med ye shes thugs la gsal// de tshe rang nyid rtogs pa'i thabs// dus 'di nyid du rtogs par gsungs// da yang 'dus pa'i snying po nyan// dper na nam mkha' lding chen ni// bdag gzhan kun la mdzes pa bzhin// rnal 'byor so thub pa gzon bcas// gol sa med kyang sgro skur spang / dper na chu 'dus rgya mtsho gser// bskal par gzhag kyang ga ya' mi gos// de bzhin don rtogs rnal 'byor pas// 'khor bar gnas kyang gol sa med/ da yang 'dus pa'i snying po nyon// dper na dbus kyi mchog rab la// 'gyur ba med par brtan pa ste// de phyir rang 'byung ma ltas gsal// de phyir chos
- 148b
ma 'gyur brtan// de la rtog pas mi dgas te// da lta nyid du rtags pa'i thabs// des na tshogs med dan pa rgya// bsam pa tsam gyis 'grub pa'i mchog rad yang 'dus pa'i snying po nyan// rang sems rtogs pa'i 'bras bu la// bstun te cig car 'jug nus na// sgom pa'i thun la ring thung med// nam sgrub mnyam pa'i khar ma lus// mnyam pa'i don la ye gnas pas// 'bras bu rig pa de lta nyid// de nyid mi brjed don ldan pas// myang 'das zhes ni de la bya// rdzogs pa chen po lta ba'i yang snying nam mkha' glong yangs kyi rgyud las// snang med rig pa'i rtogs dus bstan pa'i le'u ste zhe dgu pa'o// // de nas 'dus pa'i 'khor rnams la// kun rig rgyal pos bka' stsal pa// nga yi mdzad spyad chen po ni// sku med gzugs skur byung bas ni// thams cad zil gyis gnon par byed// chog med rig pa'i gsung gis ni// sangs rgyas bstan pa rgyas par sgrogs// rnam par rtog med ye shes thugs// spyir yang sa le thams cad mkhyen// stong gsum 'jig rten thams cad ni// nga yi bzhugs gnas gzigs ma'i sa// da yang 'dus pa'i snying po nyon// spros kyang ngal bsdus kyang nga // nga yi sku gsung thugs
- 149a
las ni// 'khor ba bya ba gdod nas med// da yang rdo rje sems dpa' nyon// ye nas gnas pa'i gzhi nyid ni// chos kyi sku yi thugs su bstan// de nyid rtogs pa'i ye shes de// chos kyi sku yi longs spyod thugs// dran rtog don du shes pa de// chos kyi sku yi sprul pa'i thugs// don ldan gzugs kyi phung po 'di// longs spyod rdzogs pa chos kyi sku// dbang po ma 'gags gsal ba de// longs spyod rdzogs pa'i longs spyod sku// bskul spyod yan lag gang yang ni// longs spyod rdzogs pa'i sprul pa'i sku// don ldan tshig tu brjod pa de// sprul pa'i sku yi chos sku'i gsung // dngos med tshig tu gsol ba 'di// sprul pa'i sku yi longs spyod gsung // / tshig la brten nas don go bas// sprul pa'i sku yi gsung yin phyir// da lta chos sku kha mig can// da yang 'dus pa'i snying po nyan// lus bral skad cig de nyid la// ba ra dor mngon sangs rgya ba nyid// mngal gyi sgrib g.yogs med pa'i phyir// kun tu bzang po gud na med// gzugs med rig pa'i ye shes de// dus gsum dag tu 'gyur med pas// rgyal ba sangs rgyas chos kyi sku// lus ni ye shes chen po'i lus// thugs ni ye shes thams cad mkhyen// gzhan don ci bsams 'grub pa yis// gzugs sku rnam
- 149b
gnyis shugs las 'byung // de yang rang rang 'khor rnam la// gang gis gang la ci rigs su// sems can bsam pa'i khyad par las// yid bzhin dbang po gang 'thad ston// rdzogs pa chen po lta ba'i yang snying nam mkha' gleng yangs kyi rgyud las/ yan tan gyi gdul bya ba stan pa'i le'u ste lnga bcu tham pa'o// / / de nas 'dus pa'i 'khor rnams la// kun rig rgyal pos bka' stsal pa// sangs rgyas rnams dang rigs 'dzin tshogs// mkha' 'gro chos skyong dang ldan rnams// nga yo byin gyis brlabs pa yis// rang rang rtags pa 'dir smros shig/ de skad ces ni gsungs pa dang // rnam gzigs gtsug tor thams cad skyob// bsod skyo ba 'khor 'jig rin chen mang // sangs rgyas mar me mdzad rnams kyis// rang rang dgongs pa las langs nas// go rims bzhin du rtogs pa brjod// skye med rig pa 'di nyid la// 'gag med rig pa rang shar bas// gsal la rig pa byang chub rgyun// ma bsgoms gol med chos kyi rmu nges pa'i lung dang mthun pa mo// rtags pa'i ye shes ma pa gags gsal// brjid med rig pa 'di nyin po// des gzung med par rang yid ches// ma
- 150a
btsal rig pa byang chub sku// kun gzhi bzhi cha de nyid la// rang gas la ngo bo bde chen glong // yid ches don la 'gyur ba med// gsal dran stong pa chen po la// bying rgod zhen 'dzin sbyin bral bas// ngang du gzhag pa ci yang med// de tsam nyid na lta sgom gcig/ snang ba med pa'i ye shes 'di// rgyu rkyen ma byas rang sems don// yid la rang sems chos skur gsal// ma rig rtog pa gdod nas sangs// shes pa rang lugs 'di nyid la// ci yang mi skem da lta nyid// 'du shes ma gzung don gsal ba// ye shes zang thal nyams pa med// sngon med lta ba shes shing rig/ rig tsam nyid na ngang gis stong // rig stong gsal ba mtha' dbus med// gang dran ngo bo ye shes thugs// ye shes sku ni yang ston cig/ log dang sel dang 'od srungs dang // rin chen snying po dbang po zhi// pad+ma brtsegs dang gser thub dang // shAkya thub rnams go rims bzhin// rang rang rtogs pa 'dir brjod la// nam mkha' lta bur khyab pa yis// rang 'byung ye shes chos kyi sku// snang srid gsal le spong sdud med// rig pa gsal ba ye shes yin// phyi rol yul gyi snang ba yi// 'khor
- 150b
'das mi rtog sa le ba// gnyen pos mi sgom da lta nyid// rang 'byung de nyid chos sku yin// rang la gnas pa'i don rtogs pas// ma bskams rig pa 'di nyid la/ nang gsal gyi lam yengs pa// rkyen bzhis mi shigs rdo rje 'dra// dngos med sems kyi ye shes 'di// gsal la 'dzin pa rdul tsam med// 'dzin med rig pa 'di nyid la// de la ched du sgom mi dgos// chos nyid gnas lugs zhes bya ba// skye bo rang sems yin rtogs na// gzhan du mi sgom da lta sems/ de nyid las ni bogs mi don// dang bar ngo bo nyid kyi sku// de rtogs chos sku 'gyur med la// ma bcos rang gsal 'dzin med pas// de las gzhan pasgom du med// rgyun gyi gdam ngag don rnyed pas// tha ma la lus dang bcas pa yi// rang sems snying pa rtogs par byar// da lta'i chos sgyusmra kha mig can// lus gyi nang ni ye shes bzhugs// da yang kun bzang nges par gsan// mai tri mthu chen thob dang ni// thugs rje can dang 'jam pa'i dpal// dri ma med dang phyag na rdor// dga' ba'i dbang po rnams kyis ni// rang rang rtogs pa'i don brjod pa// da lta'i shes pa 'di nyid la// gzung 'dzin med pa'i byang chub
- 151a
sems/ de la yid ches rig pa'i rgyun// lhun gyis grub ces de la bya// 'khrul pa'i rtogs pa cir snang yang // don gyi dgag sgrub ma zhugs na// zab cing cha phra'i rtogs don de// rgyal ba rnams kyi dgangs pa yin// snga phyi zhen pa'i yul rnams la// rtog pa ma zhugs yengs med don// skom du med par ye nasang shes// de tsam nyid na rgyun mi'i chad// dus dang gnas skabs thams cad du// rang sems rnal du rig pa la// rgyun mi 'chad du ye shes gsal// de nyid don la 'gyur ba med// skye shi med par rang gi sems// de rtogs sgom du rdul tsam med// de nyid rig pa byang chub sku// ma bsgoms 'bral med bde ba'i mchog/ brjod du med pa'i shes rab la// dmigs pa med pa'i ting 'dzin gsal// ma bsgoms ye shes da lta nyid// 'byung 'jug med pa'i rgyun du gnas// rang / sems snying po 'di nyid ni// ci yang ma bcos rang rig gsal// de nyid rang rig byang chub sems// de la mi btsal don la zhog/ dus gsum sangs rgyas de dag gise// rang rang rtogs pa brjod pa'i phyir// de don sangs rgyas thams cad kyi// dgongs pa gcig phyir ye shes mthun// rdzogs pa chen po lta ba'i yang snying nam mkha'i glong
- 151b
yangs kyi rgyud las/ dus gsum sangs rgyas rnams rtogs pa brjod pa'i le'u ste nga gcig pa'o// // de nas rigs 'dzin sems dpa' rnams// / rdo rje snang ba ye shes spyan// ye shes dpal dang rdo rje dbyings// yon tan snying po dpal 'bar ma// skyon med grags dang pad ldan bde// grub pa rtsal dang las kyi sems/ go rims bzhin du rtogs brjod pa// thog ma'i ye shes 'di nyid ni// dmigs 'dzin med la ngang gis gsal// 'gag pa med la rig pa stong // de las mi 'da' sangs rgyas thugs// rin chen 'od kyi mun med ltar// rang sems rtogs pa'i don 'di la// dran pa ma yengs ma rig med// gang yang ma bsams 'gyur med do na// spyod bral gnyug ma'i sems 'di la// gol sa lta bar shes pa'i phyir// btsal du med de yul las 'das// sgom du med phyir yengs pa med// 'dus ma byas pa'i ye shes ni// skye shi med pa rang gi sems// zhe sdang skyon gyis mi gos te// don ldan phyir na rang sar grol// da lta'i rang sems 'di nyid la// 'gag pa med pa rig pa stong // ci spyad don las mi 'da' bas// snying po don la 'gyur ba med// ji bzhin pa la ma skyes phyir// nga rgyal skye med ngo bo nyid// de phyir mi
- 152a
dmigs chos kyi sku// btsal bar mi 'gyur bde chen slong // dus gsum med de rang sems la// dngos med ye shes gsal ba'i phyir// zung du med par zhem gcod// ci spyod chos nyid longs spyod rgyan// snga phyi ma song don gsal don// pho mo chags pa ci spyad kyang // gol med ye shes rgyun mo 'chad// bde chen longs spyod chen por shar// ro dgas med pa'i lta ba la// rtsol ba med pa'i ting 'dzin gsal// de nyid byang chub bde bar glong / nor bu chu dngas dpe bzhin du// snang srid gsal la zhe na med do// dran pa tsam gyis ye shes gsal// de phyir nyams kyi dam pa yin// da yang 'dus pa'i snying po nyon// rgyal sras sprul pa dang ldan gyis// rang rang rtogs pa'i don brjod pa// zhal mthong sprul pa bdag gis ni// dus gsum rang sems 'gyur med de/ mtha' dbus med par rig pa gsal// gang yang ma spangs gnas su dag/ de nyid rtogs pa chos kyi sku// dad ldan rnal 'byor bdag cag gis// chos sku rang chas don rtogs pas// nges pa'i lta bas gdang ldan pa// rtsol zhing sgrub pa'i nad dang bral// re dogs med par lam du rtogs// de skad brjod cing
- 152b
gsal ba'i don// thugs kyis dgongs pa bka' stsal pa// legs so dang ldan 'khor rnams nyan// shes rab blo yi khyad par 'phags// tshig tu mtshon pa sna tshogs kyang // don la dbyer med ngo bo gcig/ gcig la rtogs tshul kun gyi ngang // don la 'gyur ba rdul tsam med// rdzogs pa chen po lta ba'i yang snying nam mkha' glong yangs kyi rgyud las/ 'khor gyi rtogs pa brjod pa'i le'u ste nga gnyis pa'o// // de nas dus gsum sangs rgyas dang // rig pa 'dus pa'i rgyal sras 'khor// dad ldan la sogs 'khor rnams kyis// rang sems rtogs pa mngon gyur nas// dga' ba'i sems kyis yi rangs te// kun tu bzang la 'di skad gsol// 'bras bu sangs rgyas da lta nyid// rang sems ma dang stug gis phrad// de phyir chos sku da lta nyid// sems dpa' rdo rje dge ba tshe/ 'dren mdzad khyed la phyag 'tshal lo// de skad gsol pa'i don go nas// rdo rje sems dpas yang gsungs pa// sangs rgyas thugs kyis byin brlabs pas// dgongs pa ma lus bcud bsdus pa'i// man ngag tshegs med nyid khu 'di// gal te phyi bas rnal 'byor la// don 'di 'chad cing ston srid na//
- 153a
dad pa rab ldan brtson 'grus che// dul zhing gus par bla ma khur// dam tshig gzhung ldan dbang rnams rdzogs// blo rno chags med bzod pa che// gtad pa dang len chud migs na// dul ba'i sems dang mi 'bral zhing // phyi ma byang chub don du gnyer// bka' dgu rdzos nas zhus pa'i tshe// dus gsum sangs rgyas dpang btsugs la// ging chen dam med shan par bsgo// rgyal chen bzhi ni sems par bzhugs// gzhan la mi spel mna' bor te// chos gyi gter gyi 'byung gnas 'di// man ngag snying po tshang bar bstan// tshogs kyi mchod pa ci nus bya/ de ltar mi nus snod ngan la// dper na don med g.yeng ba wa// gzhan la khro zhing ga tum pa dom// rtag tu dran med glang chen smyon// med par za 'dod lce spung kha// kha 'jam don 'khri reg 'ja ma s+phu/ ba slabs pa mi nyan dud 'gro phyugs// byi ne nas nor chung 'a tshwang rdzogs pa// snying sgor phyung yang mi bstan nau// srog chad pa yi kha bzhin bsdam// de lta bu yi snod ngan la// man ngag zab mo mi gtang yang // dad chung man ngag kun la spel// bla ma smod cing rang che 'byin// de lta bu yi mi ngan le//
- 153b
'di spe la tshe thung nad mang dang // yid du mi 'ong rkyen rnams 'byung // dam sri langs pa ma yin te// sangs rgyas rnams kyi bka' chad 'byung // de phyir shin tu rgyud 'di spos// chos skyong yod pa'i gtsug lag khang // lha 'dre yod pa'i brag dkyil du// smon lam btab nas sbas la gzhag/ rdzogs pa chen po lta ba'i yang snying nam mkha' glong yang kyi rgyud las/ rgyud gtad pa'i le'u steng gsum pa'o// // rdzogs pa chen po lta ba'i yang snying rdzogs so// / rdzogs pa chen po lta ba'i yang snying / sangs rgyas thams cad kyi dgongs pa/ nam mkha' glong yangs kyi rgyud ces bya ba/ gser rgya dril shing can 'di// dang po ngo bo nyid kyi skus/ rgyal ba kun tu bzang po la bsha da des rdo rje sems dpa' la ba shad/ des dga' rab rdo rje la bshad// des bram ze bde mchog snying po la pa shwa da/ de sang shri sing ha la ba shad/ des bi ma la mi tra la kha sha da/ des myang ting 'dzin bzang po la ba shad/ des gter du sbas pa 'bro ma ye shes bla ma'i bu 'bro mo ye shes snying po sa bton nas/ des myang shes rab mchog gi sras des shangs kyi ston pa lce chung
- 154a
ba ye shes rgyal mtshan la ba shad// des bla ma gnyan chung ba la gnang ba'o// rgya gar gyi mkhan po bi ma pa mi tra dang / bod kyi lo tsa ba dran pa ye shes kyi sa basbyar cing gtan la phab nas// myang ting 'dzin bzang pos lkugs sgrom nag po'i nang du br-i ze'i rgyud drag gdams pa dang bcas pa ba se sgrom thug par bcug nasadab nu bzang sug ma'i zug sa ma 'a 'gram du ra rgyun gcigs dang/ badz+ra m+b+ha d+hAlegs pa kyi li lag ta nas thos pa chags sa/ rgya gar skad du/ san+ni ma hA bud d+hA sarba sa ma ti/ d+har+m+ma k+ShA ya e ka tad+ya tha wA ka pr-i ka rat+na 'gun mu ta ya tAn+danA ma/ bod skad du/ rdzogs pa chen po sangs rgyas thams cad kyi dgongs pa chos sku gcig tu 'dus par bka' bgres pa'i don rin po che 'byung gnas kun 'byung gi rgyud ces bya ba dpal sku gcig chos kyi sku de kho na nyid ma nor bar rtogs pa'i don dang ldan pa de la brjod med nan tan rig pa'i sku la phyag 'tshal lo// 'di skad gsungs pa'i dus gcig na// rang 'byung rig pa'i ston pa de// 'og mon glong gi gnas mchog na// nyid las mi zhan rtogs pa'i 'khor// don gcig bstan pas mngon