MW21521_2E663Fམན་ངག་ཨ་ཏི་ཡོ་གའི་ཆོས་སྐོར།All versions of this work

rdo rje gsang ba chen po'i sku rin po che dbyig gi sgron ma shes rab chen po'i mdo

Text

ff. 435a–442a · 15 folio sides

  1. 435a

    'od gsal du bstan pa'i le'u ste dgu pa'o// / de nas ston pas gdams pa/ e ma ho rdo rje lag na 'chang // gsang ba'i don nyid nges bshad rgyud// kun la ma bstan rin chen gter du spos// skal ldan can gyi bdud rtsi sman// skal med dug tu gyur ta re// zhes gsungs so// e ma ho rdo rje 'chang chen pos// dri med ka dag rin chen 'od gsal 'di// dri med dgongs pa 'dis rtogs pas// blo yi rnam rtog kun dang bral// mgon po nyid la rjes yi rang // zhes gsungs so// dri med ka dag gi rgyud rin po che 'od gsal chen po la sa/ rgyud gtad pa dang rjes su yi rang ba'i le'u ste bcu pa'o// / rdzogs pa chen po dri med ka dag gi rgyud rdzogs so// / gter gyi snying po dgongs pa'i zhe phugs so// 'di rol nas gangadan drangs pa yin// / rgya gar skad du/ badz+ra gu h+ya ma hA kA ya rang na b+hU le a kra ma sU tA/ bod skad du/ rdo rje gsang ba chen po'i sku rin po che dbyig gi sgron ma shes rab chen po'i mdo// rang byung rig pa'i rgyal po la phyag 'tshal lo// 'das pa'i dus ma byon pa'i sngon rol tu sems nyid kun tu bzang po ye shes kyi snang ba la bzhugs

  2. 435b

    pa'i dus na/ kun gzhi gsang ba dag pa'i dbyings nas// rang shes rig gi rgyal po rdo rje kun tu bzang pos nyid la nyid bka' stsal pa/ byams pa chen po thugs kyi gte/ lnga sbas// las kyi dbang po lnga la lung ba stan to// ma na ngag gi mjug rdo rje sem sa dpa' nyid kyi sa bsngas te lag na rdo rje la gtad do// rdo rje sam sa dpa' sangs rgyas kyi skad rang 'gyur du bshad pa seng ge 'khyil pa'i dgongs pa 'di la thabs khyad par can gsum gyis sgrub par bstan te/ phyi mtshan ma la brten nas sgrub pa dang / nad ye shes kyi dkyil 'khor la brten nas sgrub pa dang / gsang ba byang chub sems dngos su sgrub pa'o// phyi mtshan ma la brtan pa la gnyis te/ bag chags kyi sgyu lus ye shes kyi lus la 'jug pa dang / lam 'bras bu dang bcas pa la 'jug pa la sgrub pa dang / rgyu lus ye shes kyi lus la 'jug pa la/ ngo sprod bzhi nas chos nyid bar de'i lus da ltar dngos su bstan yang / de nyid la goms par bya ste/ de yang lam dang 'bras bu dang bcas pa bsgom par bya ste/ lam dngos su byed pa ni/ dpe'i ye shes las shes par bya'o// lam la gnas pa ni/ yengs pa med pa'i ga deng gis zin te dus thams cad pa'o// lam mingon du gyur pa ni/ rig pa gcer bur byung ba'i man ngag

  3. 436a

    las shes par bya'o// lam gyi 'bras bu mthar phyin pa ni// sku gsum ye shes bzhi ldan gyi dgongs pa mthar phyin nas bag chags kyi lus la nyam nga ba med pa'o// nang ye shes kyi dkyil 'khor la brten te sgrub pa ni/ gong ma'i rtsal 'byongs nas thugs rang byung gi dkyil 'khor ye shes kyi sgo phye ste/ 'od kyi lus phyi nang med pa'i nang na rang snang rtogs pa'i 'khor lo// rang re'i tshom bu dang bcas pa la rig pa mar me'i 'od gsal te/ sal la/ sang de/ lhag pa// lhun na// thog ma nas gnas pa/ ma byas pa/ rang byung ba/ ma bcos mdzes sdug rgyan dang ldan pa de sgrub pa ni gangs la nyi ma shar ba lta bu'i tshig gsum gyis 'grub ste/ dam tshig gi/ sngags dang phyag rgya rang yid la dran pa tsam gyis 'grub par 'a gyur ro// de la 'byongs na gsang ba byang chub sems dngos su sgrub pa ni/ tho ga lta bu'i man ngag gis tho ga ma'i rangs gzung / gzer lta bu'i man ngag gis tshig dang ya ge'i don mtha' la bskyal/ khyung lta bu'i man ngag gis rtsol ba'i mtha' grong la gzhag/ skar mnga' lta bu'i gdams ngag gis skad cig ma gsum la grol ba mthar phyin par bya'o// sangs rgyas rdo rje 'chang chen po sa mkha' 'gro ma lnga'i lung bsdus na sa lag na rdo rje la gtad do//

  4. 436b

    'jug dga' rab rdo rjes bsdus nas 'jam dpal la gtad de mgul khug ma'o// byang chub sems kyi snying po seng ge 'khyil ba'i sgrub thabs 'di la nges pa'i sgrub lugs kyi rtags rnam pa bzhi 'byung ba'i dus su bdud rnam pa bzhi 'jug ste/ phyi mtshan ma la brten te sgrub pa zhes 'byung ba de bag chags kyi sgyu lu sa ye shes kyi lus la 'jug pa'i dus su shes pa spangs mthon gyi kham sa skye/ 'ja' tshon gyi gdan pa ting / nyi zla'i rta zhon phyogs snang ba dag pa'i yul snang ste/ shes bya de'i dus su phung po'i bdud 'jug ste/ ye shes kyi lus la bar du gcod pa'i bdud ces bya ste/ de'i dus su bdag tu rtog pa'i nga rgyal 'phags pa nam mkha' mdzod ces bya ba 'byung ngo // de nyid pa dag nyid chen por shes par bya ste/ rta gas kyi ye shes mtshon gang ba dang don gyi a shes mtshon gang ba zhes 'byung ste/ de la mar ma mdzad chen po'i rgyas thob cig/ de mtshon par byed pa lam rnam pa bzhi la gnas pa'i dus su shes pa 'khor bu'i nyams skye ste/ smugazil lta bu dang / ra ro lta bu dang / lus yod du mi tshor ba dang / lus yang ba dang / phyi nang gi srin bu mi 'byung ba dang / ma zos par tshim pa dang / gang la yang nyam nga ba med pa dang / gzhan snying rje'i gnas su mthong ba dang /

  5. 437a

    ri dang khang khyim gyis mi khegs par shes zang thal dang / snang ba phyogs cha tsam dag pa dang / 'gro drug gi gnas dang gnas skabs kyis mthong ba dag 'byung ba ste/ de'i dus su nyon mongs pa'i bdud 'jug ste/ de ni bdag 'tshang rgya'o mnyam pa'i shes pa'i shes pa 'byung ste/ gzhan la 'di 'dra ba'i gtam smra zhing / de la dga' bar byed pa ni/ chos kyi mtha' la zhen pas na nyon mongs pa'i bdud ces bya'o// de'i dus su ma chags pa'i gnas sku gsum bzhi ldan gyis rgyas thob cig/ nang lha'i dkyil 'khor la brten te sgrub pa'i dus su thugs rnam dag gi glong na rang byung ye shes kyi dkyil 'khor gsal ba dang / des lung bstan pa dang / yi ge'i tshogs dang / snang ba med pa'i gtam thos pa dang / rin po che'i mchod rten la 'dzag pa dang / bdud rtsi'i zas la longs spyod pa dang / rten med gyi nam mkha' la steg bcas te bar snang lam du bde ba dang / lha dang / slob dpon dang / mkha' 'gro mas nam mkha' ba rgyud mar mchod pa'i phyag rgya'i tshogs mang po sa bdag la dbang bskur ba dang / lung ston pa dang / de'i tshe bdag la shes rab khyad par can skyes te/ nyams dga' zhing shes rab kyi mtha' grol ba dang / chos thams cad gang dang yang mthun la chos kyis

  6. 437b

    mi grol bar mthong ba dang / gzhan de la sogs pa'i snang ba dmyal ba'i sdug bsngal nyams su myong du yong ba dang / yi dgas dang byol song gi skye gnas ston pa dang / bdud kyi cha byad mang po bdag la skyi bung pa byed pa 'byung ste/ de'i dus su lha'i bu'i bdud 'jug ste/ de rnams la blang dor dang nyam nga ba med par gangs la nyi ma shar ba lta bu gsal pa gsum gyis rgyas thob cig/ gsang ba byang chub sems dngos su grub pa'i dus/ me long g.ya' dag gi dgongs pa du ma bsgribs pa yongs su gsal ba'ang nam mkha'i mthongs na sa snang gsal gyi nyi ma shar ba lta bu/ chos nyid dag pa'i grong nas ye shes rang snang gi dgongs pa/ gzigs snang gi mtha' las 'das pa'i nyams skye ste/ de'i dus su 'chi bdag gi bdud 'jug ste/ rgyu rkyen med par ye shes kyi sku/ skye 'chi mtha' las grol ba/ skur mnga' lta bu'i rgyas thob cig/ gang la de byung // de la de dgongs te/ de la de med/ de'i spyod yul min/ ces de nyid gsungs/ byang chub sems seng ge 'khyil pa'i dgongs pas bdud bzhi la ye shes bzhi'i rgyas gdab bo// de nas bcom ldan 'das thugs rje chen po dang ldan pa des ma byon par mkhyen nas/ thugs rje'i sprul pa ye shes kyi rnal 'byor ma bzhi ljags kyi 'od zer las

  7. 438a

    'phros te rdo rje thugs kyi bu mo bzhi zhes kyang bya/ nyid kyi sku las skyes pas nyid las mi gzhan pa'i 'khor rdo rje rnal 'byor ma bzhi zhes kyang bya/ 'khor ba zhe nas gnon cing sdug bsngal rtsad nas gcod pas srid pa sgrol byed kyi khro mo bzhi zhes kyang bya'o// 'das pa'i dus ma byon pa'i sngon rol 'og min gyi gnas lcang lo can gyi pho brang du/ ye she rnam dag gi dbyings nas nyid kyi zhal bzang po bstan nas dur khrod chen po bzhir mi 'gyur ba'i gzer chen po zhig btab nas/ badz+ra sa hA li ka ra ba zhag nas yod kyis/ lag na rdo rje khyod der song zhig/ dur khrod chen po bsil ba'i tshal na mkha' 'gro ma ro za shan ti thod pa'i 'phreng ba can bya bas gzer lta bu'i gdams ngag bskon to// dur khrod cher po me ri 'bar ba zhes bya ba nas mtha 'gro ma rdo rje khro gdong ma bya bas thogs pa med pa thog lta bu'i man ngag bstan te/ dur khrod chen po so sha'i gling zhes bya ba nas ka ru Da nam mkha' lding dang / shing gi lha mo 'od 'chang ma gnyis yid kyis 'chos pa'i bu mo mkha' 'gro nam mkha'i bu mo rdo rje rlung gi ga shog pa can zhes bya bas gangs la nyi ma shar ba lnga bu'i gdam sa ngag ston to// dur khrod/ chen po shin tu ru lung b+ha ra ha ti bya ba nas mkha' 'gro ma gtsug gi rgyan gcig ma bya bas phyir mi bzlog pa skar mda' lta bu'i gdams ngag ston to// badz+ra gu h+ya dz+nyA na ma hA/ rat+na b+ha

  8. 438b

    sAd+ha/ rdo rje gsang ba chen po'i sku/ rin chen khyig gi sgron ma'i man ngag/ rang byung rig pa'i rgyal po la phyag 'tshal lo// bcom ldan 'das rdo rje 'chang gis laglan rdorje la lung bstan pa/ rgya nag po'i yul stag shing nag po'i nags tshal nA/ ha sha ma dA yan gyi gnas/ rang byung gi brag phug kha byang du bltas pa na/ 'chi bdag gshin rje rje la 'bur du brkos pa/ gzugs gru bzhi pa'i zhabs g.yon bsgrub pa'i 'og na thog ma'i sangs rgyas 'od mi 'gyur ba yod kyis/ lag na rdo rje gnas de na mkha' 'gro ma burA nye bar zhi ba zhes bya ba/ gcer bu lus la e la'i thal ba byugs nas/ lce spyang gi g.yang gzhi phrag pa la bkal ba der song la/ bcom ldan 'das snang ba mtha' yas kyi thugs kyi me long 'di ston la zhus shig/ ces lung bstan pas/ de nas lag na rdo rjes bcom ldan 'das la bskor ba byas te phyin pa sa/ de bzhin du 'dug ste ltas pa dang / mthing gi shog pu sor bzhi pa gcig la rin po che'i yi ge rang gnan du bris nas/ ya mtshan rmad du byung ba'i 'od 'phro zhing 'dug ste/ nyid kyis gzigs pa dang / chos thams cad kyi de bzhin nyid bya btsal las 'das pa'o// 'dab chags kyi rgyal po khyung lta bu'i gdams pa bstan no// badz+ra dz+nyA na ma la ma hA/ bcom ldan 'das mnyam pa'i

  9. 439a

    pa'i rgyal po la phyag 'tshal lo// 'di skad bdag gis thos pa'i dus gcig na/ byang chub sems dpa' phyag na rdo rje thugs rje dang rdzu 'phrul du ldan pa legs par yid la zung zhig/ thog ma med pa'i gnas smon byung ba'i dus su ha shang 'bar ne'i nags tsha kha du/ bdag rdo rje rnal 'byor ma nyid kyis thugs rje rang byung gi nyi ma sha ra nas/ nga nyid ye shes rang snang ba'i dus na chos kyi dbyings kyi pho brang na rig pa las tha mi dad pa/ rang byung gi sku lnga snang la rang bzhin med par rang gsal ba/ gnan na nem zhes byed pa/ gdos pa'i spyod yul min pa/ btag na 'phar zhes byed pa/ gsal ba/ zang thal yin pa/ ngam grog dang g.yang sa med pa/ tsher ma dang rno zug med pa/ gtsong rong dang byi skyibs med pa/ shes rab nyams bde ba la phyogs su mu lhung ba/ bul ba'i yul bde ba nyams su myong ba'o// nang rig pa chos kyi sku 'gag pa med par lhug pa'i shes rab khong nas shar bas lhan cig skyes pa'i ye shes rin po che 'od 'bar ba'i na ngan bkod pa med pa phyag rgya'i dkyil 'khor/ rang re'i yon tan gyi sku ma 'dres par so sor gsal ba bdag med pa'i bdag nyid chen po zhi ba chos kyi sku mnyam la ma 'dres par bzhugs so// de kho na nyid ma byas pa'i chos

  10. 439b

    zhes bya ba'i thabs kyis grub pa ye shes rang snang dang bcas pa ni/ sangs rgyas thams cad kyi thugs mkhyen pa lags so// zhes rdo rje can la smras so// sa bcu pa'i byang chub sems dpa' khyod/ tshig nyung la don che ba/ sla sla ba ma go dka' ba/ 'di ni rang byung gi bcom ldan 'das rtsol sgrub kyi mtha' las 'das pa/ 'dab chags kyi rgyal po khyung lta bu ste/ las kyi mtha' gang la yang mi gnas so// de'i phyir rtogs pa'i don thugs su ma chung bar rnam par dag pa'i sa bon te/ mkha' 'gro ma puR+sha nye bar zhi ba/ dpal phyag na rdo rjes mgo bo khos zhes don mtha' la bskyal ba'o// rang rig pa'i ye shes kyi rtsal las rdo rje 'chang gi skur bstan/ chos nyid ma bcos pa'i ngang nas rdo rje mkha' 'gro ma phyung ste/ de gnyis su med pa las ye shes kyi mkha' 'gro ma bzhi phyung ste/ rgyu rgyu ru gnas pa/ rgyu 'bras bu ra smin pa/ 'bras bu rgya la rashar pa/ rgyu nyid ye shes su grol ba'o// rin po che dbyig gi sgron ma'i man ngag bya btsal med pa 'dab tshogs kyi rgyal po khyung lta bu'i man ngag gi dgongs pa mthar phyin pa lag na rdo rje la rdo rje 'chang gis lung bstan pa'o// badz+ra tsit+ta ma hA/ bcom ldan 'das rdo rje 'dzin pa lan mo/ rdo rje can nyon cig/

  11. 440a

    dur khrod chen po bsil ba'i tshal du song la thor pa'i 'phreng ba can la/ so na pha la g+hu tsha bra shig/ rdo rje gdan gyi shar phyogs na rang byung gi mchod rten khru brgyad pa'i 'og na/ srin po rak+Sha dzA la'i thod pa'i nang du rdzogs pa chen po gzer lta bu'i man ngag yod kyis/ de mkha' 'gro ma la byang chub sems dpa' 'phags pa gtsug tor dri ma med pa'i phyag rgya ston la zhus shig/ de nas rin po che gsang ba'i sbugs gsum na bkod pa med par phyag rgya'i dkyil 'khor lnga rang byung du gsal bas mi sgom pa'i sgom pa chen po rdzogs so// gsang sngags chen po yi ge lnga pa'i 'khor lo// mi gsung ba'i gsung ba chen po dang ldan pas de kho na nyid kyi sten pa rdzogs so// snying po byang chub mchog gi thig le yan lag med pa'i rdo rje la bca' ru med pa'i dam tshig gi phyag rgya rdzogs so// dam tshig sa ma ya bkod pa'i rgyal po bsrung ba med pa'i dam tshig la ma bsrungs pa med pa rdzogs so// rdzogs ldan chen po ye na sa lhun gyis grub pa la bstan pa'i chos med pas bskyod pa'i mtha' dang bral bar bstan pa rdzogs so// lag na rdo rje la rdzogs ldan chen po gzer lta bu'i lung bstan pa'o// badz+ra a tidz+nyA na ma hA/ rdo rje 'dzin pa la na mo/ gsang ba'i mgon po bla na med// ye shes dbyings

  12. 440b

    nas rang byung ba'i// thog dang 'dra ba'i man ngag 'di// bya khra gzan la bcu ma pa bzhin// the tshom med par yid la chongs// badz+ra pA Ni ma rI Shabar ba'i dur khrod na// mkha' 'gro ma rdo rje'i mchu can zhes bya ba yod kyis/ der song la shing 'dzA ma bu bri sha'i drung na gser gyi rus sbrul gyi 'og na bstan pa thams cad kyi snying po thog lta bu'i man ngag yod kyis/ der mkha' 'gro ma la rig pa'i me tog phul la zhus shig/ lag na rdo rje nub phyogs kyi zhing khams na snang ba mtha' yas kyi zhing khams bsam gyis mi khyab pa yod kyis/ der khyod seng ge'i 'gros skangs kyis song la glang po che'i lha sbyangs kyis ltos shig/ de na mngon par dga' ba'i tshal byang chub mtha' yas kyi brag phug seng ge'i sgra sgrog pa zhes bya ba na 'pha gas pa nam ma kha'i mdzod ces bya ba shin tu skye bung ba zhig yod kyis/ de la ma 'jigs shig/ de 'das pa'i pha rol na sangs rgyas mar me mdzad rgyan 'od kyi phung po snang ba zhes bya ba yod kyis/ de'i tshe de'i dus su mngon par rdzogs par sangs rgyas par 'gyur ro// badz+ra pA Ni la 'chang gis gdams ngag thog babs su bstan pa'i lung bstan pa'o// badz+ra sa twa khe ha badz+ra/ rdo rje 'dzin pa la phyag 'tshal lo// badz+ra pA Ni dur khrod

  13. 441a

    chen po ga'i gling na mkha' 'gro ma nam mkha'i bu mo rdo rje rlung gi gshog pa can bya ba yod kyis/ de'i thugs kyi phyag rgya ston la/ rang byung gi me to ston la zhus shig/ rgya'i bang sngo nag po'i byang phyogs pha bong dreg pa can gyi 'og na lcags kyi sdig pa mgo dgu pa zhig gi 'og na/ byang chub snying po nyi ma shar ba lta bu'i gdam sa ngag tshig gsum yod kyis/ de zhus shig/ badz+ra pA Ni bya ba tsal med par ye shes kyi 'od gsal ba dgongs pa nyi ma shar ba lta bu'i man ngag gis 'jig rten pa'i mun pa dag par byed pas/ yul dag pa chos kyi dbyings kyi pho brang me long g.yanga' dag pa ltar gsal ba/ rang rig pa chos kyi sku sangs rgyas lnga'i bdag nyid du gsal ba/ shes rab mar me rlung gis ma bskyod pa ltar gsal ba/ bar na ye shes kyi sku bde ba chen po nam mkha'i 'ja' tshon ltar ma 'dres la yongs su rdzogs par gsal ba'o// gsang ba gsum dang ldan gyur na// sangs rgyas nyid kyi dgongs pa yin// dgongs pa mthar phyin pa'i lung bstan pa'o// badz+ra tsit+ta pra ti ShA dzA ra AHhUM/ bcom ldan 'das rdo rje 'dzin pa la phyag 'tshal lo// badz+ra pA ni dur khrod chen po shin tu ru lung ba ra hat+ti bya ba na mkha' 'gro ma gtug gi rgyan gcig ma bya ba yod kyis/ der song

  14. 441b

    la phal phra sa ra da du pra shig/ yul ma ga d+ha'i shar phyogs na rin po che sna lnga'i pha khrong 'og na/ bstan pa thams cad kyi snying po gsang ba nam mkha'i rgyan ces bya ba yod kyis/ mkha' 'gro ma la skor ba lan gsum gyis la/ ljags kyi pad+ma yi ge lnga pa'i 'khor lo ston la zhus shig/ de nas ye shes kyi rtsal skar mnga' nam mkha' la byung ba lta bu'i man ngag gis skad cig ma gsum la sbubs gsum gcod par byed pa/ byed pa po med par mthong ba pos mthong nas shes pa pos shes so// khyod nub phyogs su phyin pa'i tshe/ bgrod pa med par skye med nam mkha'i grong nas/ bkod pa med par ye shes kyi gzhal med khang du/ 'gyur med rdo rje'i gangan la rang snang rtog pa'i 'khor dang lhan cig tu 'khod de/ yul chos kyi dbyings kyi pho brang bya ba brdal 'ub chub chen por 'dus te/ don gyi dgongs pa nyag gcig la 'du 'bral med par bzhugs so// de nas sangs rgyas kyi zhing sangs rgyas mya ngan las 'da' bar bstan to zhes lung bstan nas/ bcom ldan 'das dang thabs gcig tu bzhugs so// sangs rgyas thams cad kyi dgos/ pa gsang ba nam mkha'i rgyan ces bya ba/ lag na rdo rje la rdo rje sems dpas lung bstan pa'o// de la zhu ba po dga' rab rdo rjes zhus te/ sdud pa po rdo rje chos kyis bsdus nas/

  15. 442a

    rin po che za ma tog mtshon gang ba'i nang du sbas nas mgul khrug tu bcug nas nyid kyi thugs dam rtse gcig par mdzad do// rgyud lung man ngag grangs mang yang // bstan pa'i snying po yi ge lnga// thugs kyi gter du bcangs pa yin// gcig las gnyis su ma spel zhig/ ces bka' sdigs so nar skan// 'jam dpal rdo rje ye shes ngas// shrI sing ha khyod la gtad// phyag rgya lnga yi dbyings su sbas// rdo rje 'chang gis rgyu yis btab// mkha' 'gro lnga yis mdud pa bkrol// 'jam dpal rdo rje chos kyi mgul khug ma// snod du mi sgra rang gi lus la bcangs// yid la dran pa tsam gyis 'bras bu mngon sangs rgyas// chu srin par gre ba bzhin// srid pa 'khrugs kyang khar mi 'byung // bya ba tsal med pa gsang ba rin po che dbyig gi sgron ma skad 'gyur bzhi pa rdzogs so// / dbu gru smon lam seng ge nas brgyud pa/ jo sras sbas kyi thugs dam mo// khong la mgo ban nor bus nus so// / bcom ldan 'das dpal kun tu bzang po la phyag 'tshal lo// byang chub kyi sems nya mo bag la nyal// bcom ldan 'das kyi thugs kyi snying po'o// chos dbyings dam pa tshang