Text

ff. 1a–338a · 675 folio sides

  1. 1a

    sgron gsal gyi TI ka dgongs pa rab gsal zhes bya ba slob dpon b+ha bya kIrtis mdzad pa bzhugs/

  2. 1b

    rgya gar skad du/ pra dI pa u dyo ta na a no sand+hi pra kA shi kA nA ma byA khyA TI kA /bod skad du/ sgrol ma gsal bar byed pa'i dgongs pa rab gsal zhes bya ba bshad pa'i TI kA /rdo rje 'chang la phyag 'tshal lo/ /dpal ldan rtog pa'i dra ba du ma sna tshogs mun pa'i tshogs ni 'joms byed nyi ma ni/ /gang zhig yod dang med pa nyid kyang yongs su spong ba la brtson ngo bo nyid med sku/ /shin tu rjes chags yid can lha mo reg bya rdo rje ma la yang dag par 'khyud pa/ /dkyil 'khor pa rnams

  3. 2a

    dag gis yongs bskor dpe med rdo rje sems dpa' de la bdag gis 'dud/ /'khor ba'i dgon par rtog pa'i dra ba du mas rnam par 'khor ba ni/ /rkun po dang 'dra gang gis shin tu dka' ba'i gnas su 'jig rten khyer/ /gang yod pas ni srid pa pa rnams skye yin khams tshogs de dag ni/ /yang dag sbyangs te gsal byed rigs bdag btsun mo spyan sogs bdag gis 'dud/ /dri ma dang bcas gzugs sogs nye bar len pa'i phung po lnga rnam dag byas nas/ /nam mkha' i dkyil mtshungs shel ltar dang zhing ye shes

  4. 2b

    lnga po ro gcig rab bskyed pa/ /thabs dang shes rab bdag nyid sku yis skye dgu'i phan 'dogs brtson 'grus bdag nyid can/ /rang bzhin gyis grub rtag pa la sogs rgyal ba'i tshogs rnams mchog gyur de la bdag phyag 'tshal/ /gang gis dbang po rnams ni nges par nyams byas pa/ /tshul skyes dri yi tshogs kyis bung ba'i tshogs rnams bzhin/ /de dag gang gis rab tu zhi bar byed pa ni/ /gzugs kyi rdo rje ma sogs de la bdag phyag 'tshal/ /gzugs sogs spyod yul tshogs ni rab nyams rgyu yi phyir/ /skad cig bde ba'i sred pas gzung bar byed pa gang/ /dbang po de rnams gang gis rgyal ba nyid byed pa/ /sa snying la sogs de la spyi bos bdag rtag 'dud/ /'gro ba ma lus gzir byed 'jig rten skyong ba rnams/ /shin tu zil gyis mnan cing theg mchog 'jug byed pa/ /sbrul bdag tshogs

  5. 3a

    kyis yan lag brgyan cing khro bcas pa/ /gshin rje gshed sogs khro rgyal rnams la phyag 'tshal lo/ /kongka na yi grong khyer du/ /dpal gyi ri yi rtse mor ni/ /skye bos dben pa'i gnas nyid du/ /dang por de la gnas byas nas/ /mi dang lha yi bdag por mtshungs/ /mchog tu gyur pa'i chos gsung ba/ /sgra gcan 'dzin gyi zhal snga nas/ /sa steng 'di la rgyal gyur cig /mnyes pa de las de nyid ni/ /theg chen rnal 'byor pas thob pa/ /sa thob gzhan gyi don la brtson/ /dpal ldan klu sgrub rgyal gyur cig /de las de nyid rin chen ni/ /thob pa 'jig rten gsum du grags/ /'dus pa rgya mtsho'i pha rol phyin/ /zla grags gsal byed rgyal gyur cig /de yis byas pa'i 'grel pa ni/ /mdza' drug bshad pas zab pa nyid/ /de ni deng bdag ma lus par/ /skal

  6. 3b

    ldan grags pas gsal bshad bya/ /sngags kyi theg pa chen po 'di la ni ne rany+dza na'i chu bo'i 'gram du rgyal bu don thams cad grub pa de bzhin gshegs pa thams cad kyis bskul bas thams cad mkhyen pa'i ye shes thob pa dga' ldan gyi gnas su gshegs pa bzhin du/ rgyud la sogs pa'i rigs pa rnam pa bzhi las brten te/ snyigs ma rnam pa lngas rnyog par byas pa'i sems kyi rgyud dang ldan pa'i ma 'ongs pa'i sems can gyi khams rjes su gzung bar bya ba'i phyir rin po che sna tshogs pa'i rang bzhin chos kyi 'byung gnas kyi gzhi can gzhal yas khang pa la bzhugs te/ dkyil 'khor pa rnams spro zhing de bzhin gshegs pa lngas gsol ba gdab pa'i dpal rdo rje 'chang chen pos bsam pa dang bag la nyal dang khams dang bag chags kyi dbye ba las sngags kyi bstan bcos rnam pa lnga ru gsungs te/ bya ba dang/ spyod pa dang/ rnal 'byor gyi bla ma dang/ rnal 'byor ma'i rgyud kyi dbye bas so/ /de la dkyil 'khor dang skor ba dang sbyin sreg dang rab tu gnas pa dang dus gsum du khrus dang gos dus gsum du brje ba dang bsnyung bar gnas pa la sogs pa rjod par byed pa'i rgyud ni bya ba'i rgyud de sgrol ma byung ba la sogs pa'o/ /brtul zhugs dang dngos grub dang rdzu 'phrul gtsor gyur pa la sogs pa spyod pa'i rgyud de dpal mchog

  7. 4a

    dang po dang rnam par snang mdzad mngon par byang chub pa'i rgyud rnams so/ /phyag rgya'i gzhi dang dkyil 'khor dang ting nge 'dzin gtsor gyur pa'i rnal 'byor gyi rgyud ni dpal de kho na nyid bsdus pa la sogs pa'o/ / bskyed pa dang rdzogs pa la sogs pa so sor brtan pa'i rgyud ni rnal 'byor gyi bla ma ste dpal gsang ba 'dus pa la sogs pa'o/ /rim pa gnyis po de yang spros pa med par gang du khyad par du bstan pa de dag ni dpal dgyes pa'i rdo rje la sogs pa rnal 'byor ma'i rgyud do/ /de la rab dang 'bring gi gti mug gi rigs can la dgongs te bya ba'i rgyud bstan to/ /gti mug dman pa'i rigs can rnams la spyod pa'i rgyud bstan to/ /dman pa dang bar ma'i 'dod chags dang zhe sdang dang gti mug gi rigs can rnams la rnal 'byor gyi rgyud bstan to/ /'dod chags dang zhe sdang dang gti mug rab kyi rigs can rnams la rnal 'byor gyi bla ma'i rgyud do/ /rab kyi rab kyi 'dod chags dang zhe sdang dang gti mug gi rigs can rnams la rnal 'byor ma'i rgyud bstan to zhes rgyud kyi dbye ba dang yul gyi bye brag bstan to/ /yul gyi dbye ba de la ni tsanda dang utpa la dang pad+ma dkar po dang pad+ma dang rin po che ste gang zag rnam pa lnga yod de/ de la tsandan ni blon po'i rigs can no/ /utpal ni dbang po dman pa'o/ /pad+ma dkar po ni dbang po bar pa'o/ /pad+ma ni dbang po rno ba'o/ /rin po che ni dbang po rab kyi rab bo/ /bag chags kyi bye brag gis gang zag rnams la rigs kyi bye brag bstan to/ /de yang gdod ma nas chags pa yin te

  8. 4b

    de dngul la sogs pa'i rigs bzhin no/ /de'i phyir gang zag gi dbye ba la dgongs te bcom ldan 'das kyis rgyud thams cad kyi ngo bo rnal 'byor gyi rgyud chen po 'di gang zag thams cad gdul bar bya ba'i phyir gsungs pa/ /de'i 'grel pa slob dpon zla ba grags las bskyed pa dang rdzogs pa'i rim pa gnyis la brten te/ sgrol ma gsal bar byed pa brtsams so/ /ji skad du rgyud phyi ma las/ bskyed pa yi ni rim pa dang/ /rdzogs pa'i rim pa gnyis dang ni/ /rim pa gnyis la brten byas nas/ /rdo rje can gyis chos gsungs so de la bskyed pa'i rim pa rnam pa gsum ste/ dang po'i sbyor ba dang/ dkyil 'khor rgyal ba mchog dang/ las rgyal ba mchog go /rdzogs pa'i rim pa ni rnam pa lnga ste/ rdo rje bzlas pa'i rim pa dang/ sems la dmigs pa thob pa'i rim pa dang/ bdag la byin gyi rlob pa'i rim pa dang/ mngon par byang chub pa'i rim pa dang/ zung du 'jug pa'o/ /de la dang po'i sbyor ba la rnam pa bzhi ste/ rnal 'byor dang rjes su rnal 'byor dang/ shin tu rnal 'byor dang/ rnal 'byor chen po'o/ /rnal 'byor la ni rnam pa bcu ste snying rje chen po mngon du bya ba sngon du 'gro ba khyad par gyi gnas la brten pa dang/ bgegs bskrad pa'i bdag nyid can gnas bsrung ba dang/ stong pa nyid kyi sgom pas bdag nyid bsrung ba dang/ ye shes kyi sa gzhi bsgom pa dang/ gzhal yas khang dang/ de'i nang du pad+ma dang zla ba dang nyi ma'i gdan la gnas pa lhag par mos pa'i dkyil 'khor bsgom pa dang/ don dam pa'i dkyil 'khor bsgom pa dang/ gzhal yas khang gi nang du gdan dgod pa dang/ chos kyi dbyings kyi de kho na nyid bsgom pa dang/ yi ge gsum las skyes pa'i dbus kyi gtso bo bsgom pa'o/ /rjes su rnal 'byor ni ye shes sems dpa' dang ting nge 'dzin sems dpa' bsgom pa'o/ /phung po khams dang skye mched byin gyis rlob pa ni shin tu rnal 'byor ro/ /sku dang gsung dang thugs byin gyis rlob pa'i

  9. 5a

    bdag nyid can ni rnal 'byor chen po ste/ dang po'i sbyor ba'i ting nge 'dzin to/ /dkyil 'khor rgyal ba mchog ni rnam pa brgyad de/ phyag rgya'i dbye ba dang rigs kyi dbyebs de dag la dmigs pa dang/ rdo rje pad+ma snyoms par zhugs pa dang/ de bzhin gshegs pa thams cad rjes su 'jug pa dang/ pad+ma'i nang du dam tshig gi dkyil 'khor dbyung ba dang/ sems can gyi khams sbyang ba sngon du 'gro ba'i phyir spro ba dang/ phyir mi ldog pa'i dbang dang rgyas btab pa ste dkyil 'khor rgyal ba mchog gi ting nge 'dzin to/ /las kyi rgyal ba mchog gi ting nge 'dzin la bcu gnyis te/ phra mo'i rnal 'byor dang/ bzlas pa'i cho ga dang bya ba byas pas zhu ba nyid dang/ lha mos bskul ba dang/ slar yang bzhengs pa dang/ gzhengs pa la de bzhin gshegs pa lngas bstod pa dang/ dkyil 'khor gyi 'khor lo nye bar bsdu ba dang/ tshim par byed pa'i cho ga dang/ nang gi sbyin sreg gi cho ga dang gshegs su gsol ba dang/ gtor ma'i cho ga dang/ gnyid log pa'i cho ga ste las kyi rgyal ba mchog gi ting nge 'dzin to/ /'di ni bskyed pa'i rim pa ste tha mal pa'i lus rnam par dag pas khyab par can gyi lha'i rnam pa rdzogs par byed pa'i phyir ro/ /rdo rje'i bzlas pa'i rim pa la rnam pa bcu gcig ste/ rdo rje 'chang chen po bzlas pa dang sku'i bzlas pa dang/ gsung gi bzlas pa dang/ thugs kyi bzlas pa dang/ rin po che'i bzlas pa dang/ don yod pa'i bzlas pa dang/ khro bo'i bzlas pa dang/ 'dod chags kyi bzlas pa dang/ zhe sdang gi bzlas pa dang/ gti mug gi bzlas pa dang/ ma ning gi bzlas pa'o/ /sems la dmigs pa thob pa yang rnam pa gsum ste/ snang ba rnam par dag pa dang/ snang ba mched pa rnam par dag pa dang/ snang ba nye bar thob pa rnam par dag pa'o/ /bdag la byin gyis rlob pa yang rnam pa gsum ste/ chos kyi skur bdag byin gyis brlab pa dang/ longs spyod rdzogs pa'i skur byin gyis brlab pa dang/ sprul pa'i skur byin gyis brlab pa'o/ /mngon

  10. 5b

    par byang chub pa'i rim pa la yang rnam pa gsum ste/ 'dod chags rnam par dag pa dang/ 'dod chags par ma rnam par dag pa dang/ 'dod chags dang bral ba rnam par dag pa'o/ /zung du 'jug pa'i rim la yang gnyis te/ rgyu'i zung du 'jug pa dang/ 'bras bu'i zung du 'jug pa'o/ /de ni rdzogs pa'i rim pa ste rang bzhin gyis grub pa'i phyir dang/ dbang po rno ba'i gdul bya'i yul yin pa'i phyir zhes bya ba'i bar du'o/ /de la bskyed pa'i rim pa mdor bsdus pa 'di yin te/ dang po re zhig rnal 'byor pas snying rje chen po mngon du byas te/ sems can thams cad sdud par byed pa'i tshad med pa'i sems bskyed la/ de nas yid du 'ong ba'i sa phyogs su bdud rtsi lngas dkyil 'khor byugs te/ nang tshangs can la sogs pa'i stan 'jam po la sems dpa' i skyil mo krung du 'dug ste/ myur du tha mal pa'i lus rnam par dag par bya ba'i phyir zhe sdang rdo rje bdag nyid bsgom par bya'o/ /de nas gnas bsrung bar bya ba'i phyir zhe sdang rdo rje'i ting nge 'dzin mngon du byas te/ snyoms par zhugs pa'i reg bya rdo rje ma'i chos 'byung ba'i phyag rgya'i nang du sna tshogs pad+ma la nyi ma'i dkyil 'khor gyi steng du/ khro bo thams cad 'jug pa sngon du 'gro ba rdo rje'i lam nas hUM yongs su gyur pa las khro bo'i rdo rje las 'byung ba zhal gsum pa phyag drug pa/ spyan gsum pa rigs kyi glu brgyad kyis brgyan pa sku mdog sngon po dang dkar po dang dmar ba'i zhel/ spyan zlum zhing g.ye la g.yon brkyang ba rdo rje dang ? du rtsa ba'i phyag gnyis kyis bsnams pa/ zhags pa dang lcags kyu dang ral gri dang rdo rje tho ba 'dzin pa/ zhe sdang rdo rje'i cod pan can smin ma kham pa ha ha hi hi sgra sgrogs pa'i gnod mdzes kyi rgyal po bsgom par bya ste/ rdo rje dang pad+ma'i nang nas phyin phyed? sna nyi ma'i dkyil 'khor gyi steng du gnas shing bka' nod bzhin par rnam par bsams te/ de'i rjes su snga ma bzhin du reg bya rdo rje ma'i chos 'byung ba'i nang du yi ge hUM bcu yongs su gyur pa las gshin rje dgra la sogs pa khro bo bcu po 'og nang 'byung pa'i kha dog dang mtshon cha

  11. 6a

    'dzin pa spros te/ rim pa bzhin du shar la sogs pa'i phyogs su bsgom par bya'o/ /khro bo rnams kyang stong khro bo'i rnam pa smad phur bu'i rnam par shes par bya'o/ /de'i rjes su dbus kyi gtso bo'i bdag nyid kyis sngags 'di dang gnod mdzes la bka' bsgo bar bya'o/ /oM suM b+ha ni suM b+ha ni hUM hUM phaT/ oM gri h+Na gri h+Na hUM hUM phaT/ oM gri h+NA pa ya grih+NA pa ya hUM hUM phaT/ oM A na ya ho b+ha ga pAn badzra rA dza hUM hUM phaT/ zhes pa 'dis phyogs bcur gnas pa'i brgya byin la sogs pa'i phyogs skyong dgug par bya ba'i phyir bka' bsgo bar bya'o/ /bka' thos ma thag tu gnod mdzes kyi rgyal pos zhags pa dang/ lcags kyu phyogs bcur spros te/ brgya byin la sogs pa phyogs skyong rnams kyi mgrin par zhags pas bcings te/ lcags kyus spyi bor btab pa la shar la sogs pa'i phyogs dang mtshams su dgong par bsam mo/ /phyogs skyong ba rnams kyi kha dog dang phyag mtshan la sogs pa'i rim pa ni 'di yin te/ shar gyi phyogs brgya byin mdog ser po gdong gcig pa la gnyis pa rab brtan la zhon pa lag na rdo rje thogs pa bsgom par bya'o/ /lho phyogs su gshin rje kha dog nag po gdong gcig pa lag gnyis pa ma he la zhon pa be con thogs pa'o/ /nub kyi phyogs su chu lha ste mdog dkar po gdong pa gcig pa lag gnyis pa klu'i zhags pa thogs pa chu srin la zhon pa'o/ /byang gi phyogs su nor lha ste mdog dmar ba gdong gcig pa lag pa gnyis pa seng ge'i rgyal mtshan dang ne'u le'i gter 'dzin pa seng ge'i stan la 'dug pa'o/ /me'i mtshams su me lha ste mdog dmar po gdong gcig pa lag pa gnyis pa dbyug pa dang bgrang phreng 'dzin cing ra skyes lam pa la zhon pa'o/ /bden bral gyi mtshams su srin po ste mdog nag po gdong gcig pa lag pa gnyis pa ral gri dang phub 'dzin cing yi dags la zhon pa'o/ /rlung gi mtshams su rlung lha ste/ mdog dud ka gdong gcig pa lag pa gnyis pa bdan 'dzin cing sha ba

  12. 6b

    la zhon pa'o/ /dbang ldan gyi mtshams su 'byung po'i bdag po ste kha dog dkar po gdong gcig pa lag pa gnyis pa rtse gsum dang sa bon rgyas pa'i 'bras bu 'dzin cing khyu mchog la zhon pa'o/ /steng du tshangs pa mdog dkar po gdong bzhi pa dbyug pa dang spyi blugs 'dzin pa/ dad pa la zhon pa'o/ /steng du yang nyi ma ni mdog dmar po gdong gcig pa lag pa gnyis pa pad+ma thogs pa pad+ma'i gdan la 'dug pa'o/ /zla ba ni mdog dkar po gdong gcig pa lag pa gnyis pa me tog ku mu da thogs shing ku mu da'i stan la 'dug pa'o/ /'og tu srin po'i bdag po thag bzangs ris te kha dog nag po gdong gcig pa lag pa gnyis pa sdigs mdzub dang ral gri thogs pa glang po che la zhon pa'o/ /sa'i lha mo yang mdog ser po gdong gcig pa lag pa gnyis pa lus kyi stong mngon pa gser gyi bum pa thogs pa bsgoms par bya'o/ /de'i rjes la gnod mdzes rgyal po la yang phyogs skyong rnams la phur bus gdab par bya ba'i phyir bka' bsgo bar bya'o/ /des kyang gshin rje gshed la sogs pa khro bo rnams phur bu'i rnam pa spyi bos blangs te phyogs skyong rnams kyi spyi bor 'debs par byed par bsams te/ de'i sngags ni 'di yin te/ oM g+ha g+ha g+hA ta ya g+hA ta ya sarba duSh+TaM hUM hUM phaT/ kI la ya kI la yA sarba pA paM hUM phaT hUM hUM hUM badzra kI la ya badzra d+ha ra Adz+nyA pa ya te sarba big+haM kA ya bAg tsit+ta badzra kI la ya hUM phaT/ zhes sngags 'dis mgo bo nas rkang pa'i bar du phur bus gdab par bya'o/ /slar yang gnod mdzes kyi rgyal pos gshin rje gshed la sogs pa'i phur bu rnams la rdo rje tho bas brdung bar bya'o/ oM badzra mud+ga ra badzra kI la yA A ko Ta ya hUM phaT/ zhes 'dis brdungs pas sa 'og bdun gyi bar du de dag thams cad son par gyur par bsam mo/ /gshin rje gshed la sogs pa'i khro bo rnams kyis rang gi sku las nges par byung ba'i me stag 'phro pa lta bus brgya byin la sogs pa'i 'khor gnod sbyin dang srin po la sogs pa tshig cing thal? bar byas

  13. 7a

    pa bsam par bya'o/ /de ltar bgegs bskrad pa byas la rang gi snying gnas nges par 'byung ba'i 'od zer gyi tshogs kyis khro bo'i tshogs dgug par byas la de nyid du 'jug par bya'o/ /zhugs ma thag tu stong pa nyid kyi de kho na nyid mngon du bya'o/ /ci'i slad du zhe na/ gang gi phyir bsgom pa'i rim pa nges kyang gal te bgegs zhi bar mi 'gyur na de'i tshe don dam pa'i bden pa la 'jug par bya'o/ /gang gi phyir 'od gsal ba'i sems la bgegs 'jug pa de ni gnas ma yin zhing glags skabs yod pa ma yin no/ /de la stong pa nyid kyi bsgom pa 'di yin te/ reg bya rdo rje ma dang snyoms par zhugs pa'i dbang gis bde ba chen po skye ba ni/ /dngos po med pas bsgom pa med/ /bsgom par bya bsgom pa min/ /de ltar dngos dang dngos med pas/ /sgom pa dmigs su med pa'o/ /zhes byang chub kyi sems kyi tshigs su bcad pa rjes su dran par byas te/ snod dang bcud kyi 'jig rten gnyis po 'od gsal zhing stong pa nyid kyi rang bzhin du bsam par bya'o/ /de brtan par bya ba'i phyir/ oM shU n+ya tA dz+nyA na badzra swa b+hA ba At+ma konyahaM zhes sngags brjod do/ /de'i rjes la kun gyi gzhi'i dkyil 'khor gru gsum pa nag po dang dkar po dang dmar po dbus dang g.yas pa dang g.yon pa'i cha bsam par bya'o/ /de'i dbus su yi ge hUM kha dog sngon por bsam te/ de'i phyi rol du dbyangs kyi yi ge nyis 'gyur gyi phreng ba dang/ de'i phyi skor du gsal bya'i phreng ba rim pa ji lta ba bzhin du dkar po dang dmar po dang thabs dang shes rab kyi ngo bor bsam par bya'o/ /dbyangs yig gi phreng ba las grub pa'i lha mo rnams dang gsal bya'i yi ge las grub pa de bzhin gshegs pa de dag kyang snyoms par zhugs pa sems dpa' gsum gyi bdag nyid can snyoms par zhugs pa las skyes pa'i bde ba chen pos thim par gyur nas yi ge hUM dang lhan cig tu ro gcig par gyur nas chos 'byung ba'i phyag rgya'i nang byang chub sems kyis gang ba bsgom mo

  14. 7b

    zhes de bzhin gshegs pa thams cad kyi ngo bo nyid chos 'byung ba'i phyag rgya zhes bya ba kun gyi gzhi'i dkyil 'khor du bsgom mo/ /de'i steng du mdog sngon po yi ge yaM las skyes pa hUM gnyis kyis spel ba chos mngon pa las bshad pa'i tshad dang ldan pa'i gzhu'i dbyibs can pa dan dag gis mtshan pa rlung gi dkyil 'khor hUM gnyis las skyes pa'i rdo rje sngon po gnyis kyis bcings pa rnam par bsams te/ de'i dbus su khaM sngon po rnam par dgod cing de'i 'od zer gyis me tog can zhes bya ba'i 'jig rten gyi khams na bzhugs pa bcom ldan 'das don yod grub pa 'khor dang bcas pa der 'jug par byas la/ de yongs su gyur pa las slar yang bcom ldan 'das don yod grub pa sku mdog sngo bsangs zhal gsum pa phyag drug pa ral gri dang rdo rje dang 'khor lo dang rin po che dang pad+ma dang gril bu 'dzin pa/ dam tshig sgrol ma dang snyoms par zhugs par bsams te/ ye shes sems dpa' i thugs kha'i sa bon gyi thig le'i 'od zer gyi lcags kyus snga ma dang 'dra ba'i don yod grub pa dgug pa la sogs pa byas pas gnyis ka bde ba chen po'i dbang gis zhu pa'i gzugs thig ler gyur pa de nyid rlung gi dkyil 'khor dang lhan cig tu 'dres par gyur nas/ slar yang gzhu'i dbyibs can rlung gi dkyil 'khor du gyur par bsam mo/ /de'i rjes la rlung gi dkyil 'khor gyi steng du raM dmar po hUM gnyis kyis rnam par spel ba rnam par dgod de/ de yongs su gyur pa las rlung gi dkyil 'khor de nyid zung gsum pa me 'bar ba spro bar byed pa me'i dkyil 'khor hUM gnyis las skyes pa'i rdo rje dmar po gnyis kyis bcings pa rnam par bsams te/ de'i dbus su A dmar po yongs su gyur pa las bcom ldan 'das 'od dpag tu med pa sku mdog dmar po zhal gsum pa phyag drug pa pad+ma dang rdo rje dang 'khor lo dang dril bu dang rin po che dang ral gri 'dzin pa gos dkar mo dang snyoms par zhugs pa rnam par bsams te/ ye shes sems dpa' i thugs ka'i

  15. 8a

    sa bon gyi thig le'i 'od kyi tshogs kyi bde ba can gyi sangs rgyas kyi zhing na bzhugs pa'i 'od dpag tu med pa 'khor dang bcas pa bkug la de nyid du 'jug par bya ste/ gnyis ka bde ba chen po'i dbang gis bzhu zhing thig le'i gzugs su yongs su gyur pa me'i dkyil 'khor de nyid dang lhan cig tu 'dres par gyur pa yang me'i dkyil 'khor bsam par bya'o/ /de'i rjes la de'i steng du yi ge baM dkar po hUM gnyis kyis spel ba rnam par dgod de/ de yongs su gyur pa las me'i dkyil 'khor de nyid kha dog dkar po chu'i dkyil 'khor zlum po 'o ma can gyi rgya mtsho bzhin du pha rol med par bltas te/ rba rlabs kyi phreng ba dkar po 'phro ba bsams la/ de'i dbus su yi ge hUM kha dog gnag pa rnam par bkod nas de yongs su gyur pa las bcom ldan 'das mi bskyod pa sku mdog nag po zhal gsum pa phyag drug pa rdo rje dang 'khor lo dang pad+ma dang dril bu dang rin po che dang ral gri 'dzin pa/ mA ma kIs 'khyud par rnam par bsams te/ ye shes sems dpa' i thugs ka'i sa bon gyi thig le'i 'od zer gyi tshogs kyis mngon par dga' ba'i 'jig rten gyi khams na bzhugs pa'i mi bskyod pa 'khor dang bcas pa bkug la/ gnyis ka bde ba chen po 'bebs pa'i dbang gis bzhu zhing thig le'i gzugs su yongs su gyur pa chu'i dkyil 'khor de nyid dang lhan cig 'dres par gyur pas me'i dkyil 'khor de nyid slar yang chu'i dkyil 'khor du bsgom par bya'o/ /de'i rjes la de steng du yi ge laM las skyes pa'i kha dog ser po yi hUM gnyis kyis spel ba yongs su gyur pa las sa'i dkyil 'khor gru bzhi rnam par bsams te de'i dbus su oM kha dog dkar po rnam par bkod la de yongs su gyur pa las bcom ldan 'das rnam par snang mdzad sku mdog dkar po zhal gsum pa phyag drug pa 'khor lo dang rdo rje dang pad+ma dang dril bu dang rin po che dang ral gri 'dzin pa sangs rgyas spyan de dang 'dra bas 'khyud par bsams la/ ye shes sems dpa' i thugs

  16. 8b

    ka'i sa bon gyi thig le'i 'od zer gyi tshogs kyis/ 'og min gyi gnas na bzhugs pa'i bcom ldan 'das rnam par snang mdzad bkug la de nyid du 'jug par bya ste/ gnyis ka bde ba chen po 'bab pa'i dbang gis zhu ba'i thig les gzugs yongs su gyur pa las sa'i dkyil 'khor de nyid dang lhan cig 'dres par gyur nas/ chu'i dkyil 'khor de nyid slar yang dbang chen gyi dkyil 'khor du bsgom par bya'o/ de yang ji lta bu zhe na/ ji skad du gsang ba thams cad kyi rgyud las/ gru bzhi pa las shin tu rgyas/ /rin chen sna tshogs rang bzhin brtan/ /spros pa'i 'od zer tshogs kyis ni/ /nam mkha' ma lus go khyab pa/ /rdo rje chen po gnyis kyis ni/ /kha dog ser pos mdzes byas pa/ /rnam par snang mdzad rang bzhin te/ /sa yi dkyil 'khor bsgom par bya/ zhes 'byung ngo/ /de nas de'i steng du yi ge swA ser po yongs su gyur pa las rin chen 'byung ldan sku mdog ser po zhal gsum phyag drug pa/ rin po che dang/ 'khor lo dang/ rdo rje dang/ dril bu dang rin po che dang/ ral gri 'dzin pa/ mA ma kI nyid dang snyoms par zhugs par bsams te/ ye shes sems dpa' i thugs kha'i sa bon gyi thig le'i 'od zer gyi tshogs kyis rin po che'i 'byung gnas zhes bya ba'i 'jig rten gyi khams na bzhugs pa'i bcom ldan 'das rin chen 'byung ldan bkug la/ de nyid du 'jug par bya ste/ gnyis ka bde ba chen po 'bab pa'i dbang gis zhu ba'i gzugs su bsams te sa'i dkyil 'khor de nyid nam mkha' lta bu shin tu rgyas pa bsam pa'o/ /ye shes lnga'i ngo bo nyid de bzhin gshegs pa rnam pa lnga rnam par dag pa rlung la sogs pa'i dkyil 'khor gyi rang bzhin ye shes kyis bzhi'o// de'i rjes la de'i steng du kha dog ser po yi ge swA yongs su gyur pa las rin po che sna bdun gyi ngo bo nyid gru bzhi pa rtse mo brgyad kyis nye bar mdzes pa/ rgyal po chen po bzhi la sogs pa'i lha'i gnas ris drug gis rnam par brgyan pa yongs su 'du zhes bya

  17. 9a

    ba la sogs pa'i dpag bsam gyi shing la sogs pas nye bar brgyan pa'i ri'i rgyal po rnam par bsams te/ de'i steng du yi ge b+h+ruM dkar po yongs su gyur pa las 'khor lo rtsibs brgyad pa b+h+ruM gyis mtshan pa rnam par bsgoms te de'i 'od zer gyi tshogs kyis snga ma bzhin rnam par snang mdzad 'jug par bya ste/ de yongs su gyur pa las slar yang snang mdzad rig ma dang bcas par bsgoms te/ phyogs bcu 'jig rten gyi khams na bzhags pa'i de bzhin gshegs pa 'jug pa de ma thag tu rnam par thim zhing thig le'i gzugs su bsgom par bya'o/ /de'i rjes su ye shes kyis gzhi dang ri rab dang thig le yongs su gyur pa las gzhal yas khang pa bsgom par bya ste/ ji skad du/ gru bzhi po la sgo bzhi pa/ /rta babs bzhi pos rnam par brgyan/ /g.yer ka dar dpyangs 'phan la sogs/ /rnga yab la sogs dag gis brgyan/ /mtshams kyi cha rnams thams cad dang/ /sgo dang sgo khyud zur rnams la/ /rin chen rdo rjes mdzes par ni/ /phyi yi dkyil 'khor bsgom par bya/ /lha yi snam bu la sogs kyis/ /khyad par du ni rnam par brgyan/ /byang chub phyogs chos tshogs rnams kyi/ /rnam par dag nas dran par bya/ /zhes gzhal yas khang pa bsgom pa'i rim pa'o/ /de nas gzhal yas khang pa'i dbus su pad+ma 'dab ma sna tshogs pa dang/ de'i shar la sogs pa'i phyogs su sna tshogs pad+ma bzhi dang/ ji srid bsgo ba'i bar du sna tshogs pad+ma sum cu rtsa gnyis bsgom par bya'o/ /dbus kyi gdan dang mA ma kI'i gdan dang/ khro bo bcu'i nyi ma'i gdan du shes par bya'o/ /lhag ma rnams kyi zla ba'i gdan no/ /dbus su sna tshogs pad+ma dang/ nyi ma'i steng du bcom ldan 'das kha dog gnag pa zhal gsum pa phyag drug pa/ cung zad mche ba gtsigs shing tsham ngam pa 'og nas 'chad pa'i phyag mtshan 'dzin pa rdo rje skyil mo krung gis bzhugs pa bcom ldan 'das ma reg bya rdo rje ma dang snyoms par zhugs

  18. 9b

    zhi ba dang sgeg pa dang khro bo'i nyams dang ldan pa myur ba'i ting nge 'dzin gyis rdzogs pa mi bskyod rdo rje bsgom par bya'o/ /de bzhin du yang shar la sogs pa'i phyogs su rnam par snang mdzad la sogs pa zhal gsum pa phyag drug dkar ba la sogs pa'i mdog dang ldan pa la sogs pa dang snyoms par zhugs pa bsam par bya'o/ /mtshams rnams la yang spyan la sogs pa'i rigs kyi lha mo rigs dang rjes su mthun pa bsgom par bya'o/ /phyi'i mtshams bzhi la gzugs rdo rje ma la sogs pa de bzhin du bsam par bya'o/ /shar gyi snam bu la sa'i snying po dang byams pa dag go /lho'i snam bu la phyag na rdo rje dang nam mkha' i snying po'o/ /nub kyi snam bu la 'jam dpal dang spyan ras gzigs kyi dbang phyug go /byang gi snam bu la sgrib pa thams cad rnam par sel ba dang kun tu bzang po dag bsgom par bya'o/ /sgo rnams su gshin rje gshed la sogs pa dang sgo'i mtshams su mi g.yo mgon la sogs pa dang/ steng dang 'og tu gtsug tor 'khor los sgyur pa dang gnod mdzes kyi rgyal po bsdom par bya'o/ /de dag gi kha dog dang phyag mtshan la sogs pa'i bye brag 'og nas 'chad par 'gyur ro zhes lhag par mos pa'i dkyil 'khor nye bar bstan to/ /de nas phung po dang khams dang skye mched 'di dag thams cad lha'i ngo bo nyid tha mal pa'i lus rnam par dag pas khyad par can gyi lha'i rnam pa'i bdag nyid yin yang spros pa yin pas/ de rnam par rig par bya ba'i phyir thams cad stong pa nyid ngo bo nyid don dam pa'i dkyil 'khor du thim par bya'o/ /de'i rim pa 'di yin te/ gzugs kyi phung po spyi bor rnam par snang mdzad dang spyan ma dang gzugs rdo rje ma dang sa'i snying po dang byams pa dang gshin rje mthar byed dang mi g.yo mgon rnams 'jug par bya'o/ /tshor ba'i phung po lte bar rin chen 'byung ldan dang mA ma kI dang sgra rdo rje ma dang phyag na rdo rje dang nam mkha' i snying po dag dang shes rab

  19. 10a

    mthar byed dang 'dod pa'i rgyal po dag 'jug par bya'o/ /'du shes kyi phung po'i mgrin par 'od dpag tu med pa dang gos dkar mo dang rdo rje dri ma dang 'jam dpal dang spyan ras gzigs kyi dbang phyug dang pad+ma mthar byed dang dbyug sngon can 'jug par bya'o/ /'du byed kyi phung po rkang pa dag la don yod grub pa dang dam tshig sgrol ma dang ro rdo rje ma dang sgrib pa thams cad rnam par sel ba dang kun tu bzang po dang bgegs mthar byed dang stobs po che rnams 'dug par bya'o/ /rnam par shes pa'i phung po snying gar sku'i dkyil 'khor de dag thams cad gtsug tor dang gnod mdzes kyang 'jug par bya'o/ /rnam par shes pa'i phung po yang nam mkha' i dbyings zhes bya ba 'od gsal ba la 'jug par bya'o/ /de'i rim pa ni reg bya rdo rje ma dang snyoms par zhugs pa'i dbang gis tshangs pa'i bu ga na gnas pa'i rtsa'i 'khor lo nang nas byang chub kyi sems 'pho ba'i tshe/ shes rab kyi ngo bo nyid mtshan ma'i cha snang ba'o/ /yan lag thams cad la khyab pa'i dus su nyin mo'i rang bzhin thabs kyi ngo bo nyid snang ba mtshar pa'o/ /rdo rje 'chang zungs su gnas pa'i byang chub kyi sems kyi thig le gsum 'pho ba'i gnas skabs su mtshams kyi ngo bo nyid shes rab dang thabs ro gcig pa'i tshul can snang ba thob pa'o/ /de'i rjes la gsang ba'i rdo rje'i rtse mo nor bu'i char byang chub sems kyi bde ba nyams su myong ba thob pas/ chags pa dang chags pa dang bral ba dang chags pa bar pa rnams spangs pa shes rab dang thabs dang nye bar thob pa dang bral ba/ thams cad stong pa'i bdag nyid skad cig ma gang shar ba de 'od gsal ba'i bdag nyid can skad cig ma yin par shes par bya'o/ /snang ba nye bar thob pa dang 'od gsal ba'i skad cig ma gnyis kyi bar du rtags rnam pa lnga de kho na nyid la mthong ba la mi bslu bar byed pa de dag bshad par bya ste/ de la dang po smig rgyu'i rnam pa dang gnyis

  20. 10b

    dbu ma rnam pa dang/ gsum pa mkha' snang gi rnam pa dang/ bzhi pa mar me'i rnam pa dang/ lnga pa sprin med pa'i nam mkha' dang mtshungs par shes par bya'o/ /de la sa chu la thim pas smig sgyu'i rnam pa dang/ chu me la thim pas du ba'i rnam pa dang/ me rlung la thim pas mkha' snang gi rnam pa dang/ rlung nam mkha' la thim pas mar me'i rnam pa dang/ nam mkha' 'od gsal ba la thim pas sprin med pa'i nam mkha' lta bu skye bar 'gyur zhes rtags kyi dbye ba'o/ /de nas bde ba chen po zhes bya ba'i rnam grangs can 'od gsal du 'byung bar 'gyur ro/ /de nyid kyi yab yum gnyis ka zhu bar gyur nas zla ba zhu ba bzhin du gnas pa stong ba nyid gcig pu'i bdag nyid can du gyur pa/ 'od gsal ba'i rang bzhin du bsgom par bya zhes 'di ni don dam pa'i bden pa la 'jug pa'o/ /de brtan par bya ba'i phyir sngags 'di brjod par bya ste/ oM shU n+ya tA dz+nyA na badzra swa b+hA ba At+ma konyahaM/ zhes don dam pa'i dkyil 'khor nye bar bstan pa'o/ /ji skad du rgyud las kyang/ sku yi rdo rjer chud pa yi/ /sangs rgyas cho ga bzhin bsams te/ /don dam pa yi rdo rje yis/ /de bzhin nyid du 'jug par bya/ /de bzhin gshegs pa'i tshogs bsad na/ /dngos grub nges par thob par 'gyur/ zhes 'byung ngo/ /de'i rjes la sngon du bshad pa'i pad+ma'i steng du yi ge gsum las byung ba'i nyi ma dang pad+ma dang zla ba'i dkyil 'khor de bzhin gshegs pa'i rigs dang rjes su mthun pa'i kha dog rnam par bsgoms te/ de'i steng du yi ge gsum las byung ba'i zla ba'i dkyil 'khor bsams te/ 'og gi zla ba dang nyi ma dang pad+ma dang zla ba'i dkyil 'khor de nyid du bzhugs par bsam mo/ /rnam par byung ba'i zhen pa yongs su bzlog par bya ba'i phyir sngags 'di brjod par bya ste/ oM d+harma d+hA tu dz+nyA na badzra swa b+hA ba At+ma konyahaM/ de nas zla ba'i dkyil 'khor gyi steng du yi ge gsum po sngar bshad pa'i kha dog can rnam par dkod de/ yi ge gnyis thugs kyi rdo rje'i sa bon la nges par 'jug cing de yongs su gyur pa la/ rdo rje

  21. 11a

    dmar po yi ge hUM gis byin gyis brlabs pa/ de'i 'od zer rnams kyis nam mkha' i dbyings na gnas pa'i de bzhin gshegs pa'i tshogs de nyid du 'jug par byas la sems can thams cad kyi don bya ste/ bcom ldan 'das chu shel gyi nor bu'i 'od dang 'dra ba zhal gsum pa/ phyag drug pa/ zla ba'i dkyil 'khor la bzhugs pa/ dkar po dang/ nag po dang/ dmar po ste/ zhal gsum mdzes pa/ ral pa'i tho tshugs 'dzin cing rdo rje skyil mo krung can/ rdo rje dang/ 'khor lo dang/ pad+ma g.yas na bsnams pa/ dril bu dang/ yid bzhin gyi nor bu dang/ ral gri g.yon na bsnams pa/ rgyan thams cad kyis brgyan pa bdag nyid bsgom par bya zhes dbus kyi bdag po skyed pa'i mtshan nyid yan lag bcu dang ldan pa'i rnal 'byor ro/ /de'i rjes su rang gi snying ka'i sa bon gyi 'od zer las bcom ldan 'das mi bskyod pa spros te sems can gyi khams ma lus pa'i nyon mongs pa zhe sdang rnam par dag par byas te/ slar yang gshegs shing bdag rdo rje 'dzin pa la zhugs te/ 'o ma dang chu bzhin du gcig gi dngos po myur bar bsam mo/ /de zhugs ma thag tu nyi ma'i dkyil 'khor la bzhugs pa nor bu in+d+ra nI la'i mdog can bcom ldan 'das zhe sdang rdo rje mi bskyod pa zhes bya ba bsgom par bya'o/ /de'i thugs kar paM las skyes pa'i pad+ma'i steng du a las skyes pa'i zla ba la sa bon hUM las skyes pa'i rdo rje las byung ba'i thugs rdo rje 'dzin pa de dang 'dra bar bsams te/ de'i thugs kar de bzhin du pad+ma dang zla ba la gnas pa/ rang gi chos kyi yi ge hUM ting nge 'dzin sems dpa' zhes bya ba rnam par dgod de/ chos dang longs spyod dang sprul pa'i sku'i bdag nyid bsgom par bya zhes rjes su rnal 'byor ro/ /de'i rjes su mig gnyis la thig le las skyes pa'i sa'i snying po'o/ /rna ba gnyis la oM las skyes pa'i phyag na rdo rje'o/ /sna bug gnyis la oM las skyes pa'i nam mkha' i snying po'o

  22. 11b

    lce la oM las skyes pa'i spyan ras gzigs dbang phyug go /lus la oM las skyes pa'i sgrib pa rnam par sel ba'o/ /yid la hUM las skyes pa'i 'jam pa'i dbyangs so/ /rtsa rgyus thams cad la yi ge maiM las skyes pa'i byams pa'o/ /yi ge laM las kun tu bzang po tshigs thams cad la dgod par bya'o/ /zhes mig la sogs pa'i skye mched byin gyis rlob pa'o/ /sra ba'i mtshan nyid ji srid sha dang rus pa la sogs pa'i tshogs de la yi ge laM las skyes pa'i sangs rgyas spyan ma'o/ /ji srid gsher ba'i mtshan nyid khrag la sogs pa de dag la e baM ma las skyes pa'i mA ma kI'o/ /ji srid drod kyi cha de dag tu yi ge baM las skyes pa'i gos dkar mo'o/ /ji srid g.yo 'gul la sogs pa de dag la taM las skyes pa'i dam tshig sgrol ma dgod ces khams byin gyis brlab pa'o// spyi bor zla ba'i dkyil 'khor gyi steng du yi ge oM las skyes pa'i rnam par snang mdzad do/ /mgrin par pad+ma'i steng du yi ge A(rgyud 'grel): las skyes pa'i 'od dpag tu med pa'o/ /thugs ka'i rdo rje dang nyi ma'i steng du yi ge hUM las mi bskyod pa'o/ /lte bar yi ge sA las skyes pa rin chen 'byung ldan no/ /rkang pa dag la yi ge hA las skyes pa don yod grub pa dgod par bya zhes phung po byin gyis brlab pa'o/ /slar yang gshin rje gshed dpung pa g.yas la'o/ /shes rab mthar byed dpung pa g.yon la'o/ /kha rta mgrin no/ /rdo rje la bdud rtsi 'khyil pa'o/ /lag pa g.yas pa la mi g.yo mgon no/ /g.yon pa la 'dod pa'i rgyal po'o/ /pus mo g.yas pa la dbyug sngon can no/ /g.yon pa la stobs po che'o/ /spyi bo la gtsug tor 'khor los sgyur pa'o/ /rkang pa'i 'og tu gnod mdzes kyi rgyal po dgod par ba zhes yan lag dang nying lag thams cad du dgod pa ni shin tu rnal 'byor ro/ /de'i spyi bor yi ge oM las byung ba'i zla ba'i dkyil 'khor gyi steng du yi ge oM kha dog dkar po dgod de/ de'i 'od zer

  23. 12a

    gyi tshogs las phyi rol du sangs rgyas spyan ma'i tshogs spros te/ nam mkha' i khams nas 'og min gi gnas su bzhugs pa'i bcom ldan 'das sku rdo rje 'khor dang bcas pa sangs rgyas spyan ma'i tshogs des rjes su chags par byas la phyag gi zhags pas mgrin par bcings te bkug la gzhal yas khang pa'i mdun du pad+ma dang zla ba'i dkyil 'khor gyi steng du bzhugs par bsams te/ 'di ltar gsol ba gdab par bya ste/ dpal ldan sangs rgyas sku 'chad ba/ /rdo rje mi phyed gsum bsgoms pas/ /ded bdag byin brlabs go 'phang ni/ /sku yi rdo rjes mdzad du gsol/ /zhes bdag po'i tshigs su bcad pa'i gsol ba gdab pa'o/ /phyogs bcur zhugs pa'i sangs rgyas rnams/ /mi phyed rdo rje gsum bsgoms pas/ /ded bdag byin brlabs go 'phang ni/ /sku yi rdo rjes mdzad du gsol/ /zhes de'i 'khor rnams la gsol ba gdab pa'i tshigs su bcad pa'o/ /de'i rjes la mchod pa rnam pa lnga de mchod nas spyan gyi tshogs dang bcas pa rnam par snang mdzad kyis tshogs yi ge oM la 'jug par bya'o/ /zhugs pa'i de ma thag tu mtshan dang dpe byad kyis brgyan pa'i bdag nyid kyi lus mthong nas nga rgyal bya'o/ /sangs rgyas kun gyi sku gang yin/ /phung po lnga yis rab rdzogs pa/ /sangs rgyas kun gyi rang bzhin ni/ /bdag la'ang de dang 'dra bar shog / oM sarba ta thA ga ta kA ya badzra swa d+hA ba At+ma konyahaM/ de'i 'og tu mgrin pa'i phyogs su A(rgyud 'grel): las skyes pa'i padmo'i steng du A(rgyud 'grel): rnam par dgod de/ de las byung ba'i 'od zer gyi 'khor los gos dkar mo'i tshogs spros pa des nam mkha' i dbyings na bde ba can gyi 'jig rten gyi khams na bzhugs pa'i 'od dpag tu med pa 'khor dang bcas pa bkug la/ shar gyi sgor mngon par phyogs pa pad+ma dang zla ba'i dkyil 'khor du bzhugs par lta ste/ tshigs su bcad pa 'dis gsol ba gdab par bya'o/ /dpal ldan

  24. 12b

    chos kyi gsung lam nyid/ /rdo rje mi phyed gsum bsgoms pas/ /ded bdag byin rlabs go 'phang ni/ /gsung gi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /der dag byin gyis go 'phang ni// gsung gi rdo rjer mdzad du gsol/ /de'i rjes su mchod pa rnam pa lngas mchod la/ /'od zer gyi sgo nas yi ge A(rgyud 'grel): la 'jug par bya'o/ /zhugs ma thag tu dung g.yas su 'khyil ba'i dbyibs can gyi mgrin pa'i gnas las byung ba'i pad+ma'i 'dab ma dang mtshungs pa'i yan lag drug cu dang gsung rab yan lag bcu gnyis dang ldan ba tshangs pa'i dbyangs can rang gi lce la bltas te/ tshigs su bcad pa 'dis 'di ltar nga rgyal 'dzin par bya ste/ gang zhig rdo rje chos kyis ni/ /gsung gi nges tshig phun sum tshogs/ bdag la'ang de dang 'dra ba'i dag /rdo rje 'dzin dang mtshungs par shog /bstan par bya ba'i phyir sngags 'di brjod par bya'o/ /oM sarba ta thA ga ta bAka badzra swa b+hA ba At+ma konyahaM/ de'i rjes su rang gi thugs kar pad+ma dang nyi ma dang rdo rje'i steng du/ sprin gyi mdog can yi ge hUM rnam par bkod nas/ de las byung ba'i 'od zer gyi tshogs las spros pa'i mA ma kI'i tshogs des nam mkha' i dbyings na mngon par dga' ba'i 'jig rten gyi khams na bzhugs pa/ dpal mi bskyod pa 'khor dang bcas pa rjes su chags par bya ste/ phyag gi zhags pa dag gis bkug la shar gyi sgor mngon par phyogs pa pad+ma dang nyi ma la bzhugs te/ tshigs su bcad pa 'dis gsol ba gdab par bya ste/ dpal ldan thugs kyi rdo rje ni/ /rdo rje mi phyed gsum bsgoms pas/ /deng bdag byin gyis rlob pa ni// thugs kyi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis rlob pa ni/ /thugs kyi rdo rjes mdzad du gsol/ /snga ma bzhin du mchod pa rnam pa lngas mchod cing 'od zer

  25. 13a

    gyi sgo nas mA ma kI'i tshogs dang bcas pa dpal mi bskyod pa 'khor dang bcas pas de nyid du 'jug par bya'o/ /zhugs pa'i de ma thag tu me long gi dri ma med pa ltar me long lta bu'i ye shes kyi ngo bo nyi zla ba'i bdud rtsi dang mtshungs shing dang bar rang gi sems blta ste/ tshigs su bcad pa 'dis nga rgyal 'chang ba ni/ gang zhig kun tu bzang po'i thugs/ /blo ldan gsang ba'i dbang po ni/ /bdag la'ang de dang 'dra ba'i thugs/ /rdo rje 'dzin dang mtshungs par shog/ brtan par bya ba'i phyir sngags 'di brjod par bya ste/ oM sarba ta thA ga ta tsit+ta badzra swa b+hA ba At+ma konyahaM/ de ltar sku la sogs pa tha dad par byin gyis brlabs nas/ sngags 'di cig car du yang byin gyis brlab par bya ba yin te/ oM sarba ta thA ga ta kA ya bAk+tsit+ta badzra swa b+hA ba At+ma konyahaM/ de ltar bdag nyi ma'i dkyil 'khor gyi dbus su gnas pa zhal gsum pa phyag drug pa rdo rje skyil mo krung bcas pa in+d+ra nI la'i mdog can/ rdo rje dang dril bu dang/ 'khor lo dang/ rin po che dang/ pad+ma dang ral gri 'dzin pa/ cung zad mche ba gtsigs pa spro ba dang bsdu ba'i rim pas rang dang 'dra ba'i lhag par bdag po dang bcas ba gsar gyis gsar ba'i dkyil 'khor gyi 'khor lo skyes par byed pa bcom ldan 'das ye shes lnga'i ngo bo nyid rdo rje sems dpa' bsam par bya'o zhes rnal 'byor chen po'o/ /de ltar rnal 'byor bzhi'i bdag nyid can dang po'i sbyor ba zhes bya ba'i ting nge 'dzin te/ ngo bo nyid kyi sku'o/ /de'i rjes la dkyil 'khor rgyal ba mchog gi ting nge 'dzin tsam pa'i dus su phyag rgya legs par spyad pa'i cho ga ni 'di yin te/ de la phyag rgya mdza' yas pa yin pas rigs kyi dbye bas lnga ru gyur pa'o/ /de la yang mdor bsdus na sku dang gsung dang thugs kyi dbye bas gsum du 'gyur ro/ /de la thugs kyi rdo rje'i rnal 'byor pa la sme sha can gyi bu mo utpal sngon po'i mdog 'dra ba/ lo bcu gnyis lon pa sngags so/ /gsung gi rdo rje'i rnal 'byor pa la lo bcu drug pa gar mkhan mo dmar mo bsngags so/ /sku'i rdo rje'i

  26. 13b

    rnal 'byor pa la tso blag mkhan gyi bu mo lo nyi shu mdog dkar mo sngags so/ /'dir yang sme sha can gyi bu mo utpal sngon po'i mdog dang 'dra ba brang skyes sras zhing mtho ba rgyas ba dang ldan pa lo bcu gnyis pa blangs te/ mdun du me'i dkyil 'khor zur gsum pa la gnas par bsam ste/ rang gi snying ga nas spros pa'i reg bya rdo rje ma dang snyoms par zhugs pa'i bdag nyid bsgoms te/ ye shes sems dpa' i thugs ka na gnas pa'i rdo rje rtse lnga pa dmar po de'i chang zung na gnas pa'i hUM dmar po las byung ba'i 'od zer gyi 'khor lo me 'bar ba spros pa'i sna bug g.yas pa nas nges par 'byung ba nges sme sha can gyi bu mo'i lus po bsregs te thal bar gyur ba las thal ba de yang rlung drag po'i shugs can gyis phyogs bcur khyer zhing de'i rnam par smin pa mar me dang 'dra ba dang/ nor bu dang ba'i 'od zer dang 'dra ba mi g.yo bar bsgoms te/ sngar byung ba'i 'od zer gyi sna bug g.yon pa nas nang du bsdus te/ lam dbus ma 'dod pa'i gdugs zhes bya ba'i rtsa bam nas zla ba zhu ba'i zla gzugs su spros te reg bya rdo rje ma'i chos 'byung ba'i phyag rgya'i nang du gnas pa'i 'dab ma sna tshogs pa'i pad+ma'i lte ba la gnas pa'i zla ba'i dkyil 'khor gyi steng du 'bar ba chen po 'bab pas dbang du gyur pas byang chub kyi sems thig le'i tshul du dgod par bya'o/ /dgod pa'i de ma thag tu lha mo reg bya rdo rje ma dang 'dra ba zhal gsum phyag drug pa mdog sngo bsangs rdo rje dang 'khor lo dang pad+ma dang dril bu dang yid bzhin nor bu dang ral gri 'dzin pa/ rdo rje skyil krung gi gnas pa/ sgeg pa dang bzhad pa dang rnam par rol pa can 'byung bar bsams te/ de'i snying gar rang gis chos kyi yi ge las 'byung ba'i pad+ma dang zla ba la gnas pa'i ye shes kyi lha mo de'i rnam par bkod la/ de yang snying gar snga ma bzhin du rang gi chos kyi yi ge las 'byung ba'i rdo rje steng du rang gi chos kyi yi ge la bltas te/ gsang ba'i rdo rje dang chu skyes kyi bya ba las 'byung ba'i 'od zer gyi 'khor los phyi rol du spros te de

  27. 14a

    dang lhan cig tu mar la mar thim pa bzhin du ro gcig par byas la/ spyi bo dang lkog ma dang snying ga dang lte ba dang rkang pa'i bol dag du rim pa bzhin/ oM A(rgyud 'grel): hUM swAhA sa bon 'di dag dgod de/ nu ma gnyis kyi steng du sa'i rang bzhin laM las skyes pa'i sangs rgyas spyan bsams te/ yongs su gyur pa las slar yang nu ma gnyis su bsgom mo/ /ma mchu la yang chos kyi ma yig las 'byung ba'i mA ma kI yongs su gyur pa las slar yang ma mchur bsgom mo/ /gsang ba'i pad+ma la yang yi ge baM las skyes pa'i gos dkar mo me'i khams kyi rang bzhin can rnam par bsgoms te/ de'i nang gi khong stong la yang rlung gi khams kyi ngo bo nyid yi ge hUM yongs su gyur pa las dam tshig sgrol ma yaM yongs su gyur pa las khong stong nam mkha' lta bu bskyed par bya'o/ /de'i gzugs la gzugs rdo rje ma dang/ de'i pad+ma la sogs pa'i dri rnams la yang dri rdo rje ma dang/ de'i skad snyan pa la sgra rdo rje ma dang/ de'i kha la sogs pa'i ro drug la rdo rje ma de dag dza(rgyud 'grel): hUM baM ho(rgyud 'grel): sa bon las skyes pa rnam par dgod do/ /de rnams dang lhan cig tu sa'i snying po la sogs pa dang snyoms par zhugs par bsams te/ g.yas pa dang g.yon pa'i phyag gnyis dang kha dang gsang ba dang/ g.yas pa dang g.yon pa'i dpung pa gnyis dang de bzhin du g.yas dang g.yon pa'i pus mo dang/ spyi bo dang rkang pa'i thil du rim pa ji lta ba bzhin du rdo rje ro langs ma dang/ gzhan gyis mi thub ma dang/ khro gnyer ma dang/ ral pa gcig ma dang/ sna tshogs rdo rje ma dang/ rin chen sna tshogs ma dang/ pad+ma sna tshogs ma dang/ las sna tshogs ma dang/ nam mkha' i rdo rje ma dang/ sa 'dzin ma khro bo'i rgyal po rnams kyi btsun mo/ gshin rje gshed la sogs pa'i khro bo bcu'i mdog dang mtshungs pa zhal gsum la phyag drug pa dgod par bya'o/ /de'i rjes la bdag nyid kyi rdo rje sa bon hUM las yongs su rdzogs pa'i rdo rje rtse lnga'i rnam

  28. 14b

    pa tshangs pas byin gyis brlabs pa'i nor bu che dang ldan par bya ste/ lha mo la yang a las skyes pa'i pad+ma dmar po 'dab ma brgyad pa/ de'i lte bar char 'bab pa dgag par bya ba'i phyir yi ge phaT kyis byin gyis brlabs te de gnyis ka las kyang kha dog sna lnga pa'i 'od zer gyi 'khor lo 'byung bar bsams te/ bsnyen pa mchog la sogs pa'i rim gyis bsgrub pa la brtsam par bya'o/ /de la bsgrub bya dang sgrub byed kyi sbyor ba ni bsnyen pa'o/ /rdo rje dang pad+ma 'dus pa ni nye bar sgrub pa'o/ /sa bon gyis byin gyis brlabs pa de dag gis bskyod pa ni sgrub pa'o/ /de las bde ba chen po nyams su myong ba ni sgrub pa chen po'o/ /ji skad du rgyud phyi ma las/ /gang phyir bsgrub bya sgrub byed kyi/ /sbyor ba bsnyen pa yin par 'dod/ /rdo rje pad+ma mnyam sbyor bas/ /nye bar sgrub par gsungs pa yin/ /sgrub pa bskyod pa rab bshad pa hUM phaT yang dag ldan pa ste/ /rang ngo rang bde zhi ba ni/ /sgrub pa chen po yin par 'dod/ ces 'byung ngo/ /de'i 'og tu 'dod chags chen po'i dbyangs kyis de bzhin gshegs pa 'jug pa sngon du 'gro ba rdo rje dang pad+ma snyoms par 'jug pa'i dus su bcom ldan 'das rin chen 'byung ldan gyi sngags brjod par bya ste/ oM sarba ta thA ga ta a nu rA ga ta badzra swa b+hA ba At+ma konyahaM/ yan lag dang nying lag thams cad la phyung zhing rdo rje'i 'chang zungs su gnas pa'i byang chub kyi sems/ hUM gi sgra brjod cing de'i 'og tu phaT kyi sgras de bzhin gshegs pa thams cad 'dus pa'i blos pad+ma'i nang zla ba'i dkyil 'khor gyi steng du 'byung bar bya'o/ /de'i sngags 'di yin te/ oM sarba ta thA ga ta pU dza badzra swa b+hA ba At+ma konyahaM/ bcom ldan 'das don yod grub pa'i sngags so/ /byang chub sems de nyid oM badzra d+h+rika ces sngags kyi tshul du yongs su gyur pa las mi bskyod pa zhal gsum pa phyag drug pa sku mdog sngon po mche ba gtsigs pa tsam dam pa/ sems dpa' gsum gyi bdag nyid can phyir spros pa des zhe sdang la sogs pa'i sems can gyi khams sbyangs la/

  29. 15a

    mngon par dga' ba'i 'jig rten gyi khams su rab tu dgod de slar yang gshegs nas phyogs bcu la gzigs te rdo rje sems dpa' de nyid dang lhan cig tu mar la mar thim pa bzhin du gcig tu gyur pa dpal mi bskyod rdo rje bsgom par bya'o/ /phyag la sogs pa'i bshad pa'i rgyud las gsung ba ni ji skad du/ in+d+ra nI la'i mdog dang mtshungs/ /cung zad mche ba gtsigs pa ste/ /nyi ma'i dkyil 'khor la gnas pa/ /zhal gsum phyag drug gzi brjid che/ /rdo rje 'khor lo chu skyes ni/ /g.yas pa'i phyag du bsgom par bya/ /dril bu yid bzhin nor bu dang/ /de bzhin ral gri phyag g.yon na'o/ /mgon po rdo rje skyil krung can/ /ral pa'i thor tshugs 'dzin pa mchog /zhib rjes chags sgeg pa dang/ / zhal gsum pa ni rnam par mdzes/ /spros pa'i 'od zer 'khor los ni/ /nam mkha' i gtos ni ma lus khyab/ /zhe sdang rdo rje go 'phang gnas/ /bdag nyid de ltar bsgom par bya/ /zhes 'byung ngo/ /de'i rjes la byang chub sems kyi thig le gnyis pa dzi na dzika zhes sngags kyi tshul du spros te/ pad+ma'i nang du rnam par snang mdzad kyi gzugs yongs su gyur pa phyi rol tu spros te gti mug la spyod pa'i sems can gyi khams sbyangs nas 'og min gyi gnas su bkod de/ slar yang gshegs nas phyogs bcur gzigs pa sngon du 'gro bas mdun du zla ba'i dkyil 'khor 'khor los mtshan pa la bzhugs pa bsgom par bya'o/ /rdo rje phreng ba las kyang/ de yi rtsa ba'i phyag la ni/ /'khor lo rtsibs ni brgyad pa mchog /kha dog dkar zhing kun da 'dra/ /zhi ba yi ni gzugs 'chang ba/ /lhag ma thams cad sngon bzhin du/ /mdor bsdus par ni shes par bya/ /zhes 'byung ngo/ /de'i rjes su slar yang byang chub kyi sems kyi thig le ratna d+h+rika ces bya ba'i sngags kyi tshul du yongs su gyur pa'i rin chen 'byung ldan de nyid du spros te phyir

  30. 15b

    gshegs shing nga rgyal la spyod pa'i sems can gyi khams sbyangs te/ rin chen 'byung ldan gyi 'jig rten gyi khams su rab tu bkod de/ slar yang gshegs nas phyogs bcur gzigs nas lho phyogs su zla ba'i dkyil 'khor la rtsibs drug pa'i rin po che'i steng du bzhugs par bsam mo/ /de'i rtsa ba'i phyag na yid bzhin gyi nor bu sku mdog ser po shes par bya'o/ /lhag ma ni snga ma bzhin no/ /de'i rjes su byang chub kyi sems kyi thig le A ro lig ces bya ba'i sngags kyi tshul du yongs su gyur pa 'od dpag tu med pa'i gzugs de nyid du spros te/ phyi rol du gshegs nas 'dod chags la spyod pa'i sems can gyi khams sbyangs te/ bde ba can gyi 'jig rten gyi khams su bkod de/ slar yang gshegs nas phyogs bcu la gzigs te/ nub kyi phyogs su zla ba dang pad+ma'i steng du bzhugs par bsam mo/ /'di'i rtsa ba phyag gnyis kyi pad+ma bskum pa rgyas par bya ba mdog dmar po bsgom par bya'o/ /lhag ma ni snga ma bzhin no/ /de'i rjes su yang slar byang chub kyi sems kyi thig le pradz+nyA d+h+rika ces pa'i sngags kyi tshul du yongs su gyur pa de las don yod grub pa de nyid du spros te phyi rol du gshegs nas phrag dog la spyod pa'i sems can gyi khams sbyangs nas me tog can zhes bya ba'i sangs rgyas kyi zhing du rab tu gnas par mdzad nas slar yang gshegs te/ phyogs bcur gzigs nas byang gi phyogs su sna tshogs pad+ma dang sna tshogs rdo rjes mtshan pa'i nyi ma'i dkyil 'khor gyi steng du bzhugs par bsam mo/ /de'i rtsa ba'i phyag g.yas pa la ral gri dang sku mdog sngo sangs su bsam par bya zhes lhag ma rnams snga ma bzhin no/ /de dag ni phung po lnga dang/ 'byung ba chen po lnga dang/ dbang po lnga dang/ rnam par shes pa lnga dang/ nam mkha' rnam par dag pa'i ye shes

  31. 16a

    lnga'i ngo bo nyid de bzhin gshegs pa lnga po shes par bya'o/ ji skad du/ zhe sdang gti mug 'dod chags dang/ dam tshig nor bu'i rigs de bzhin/ /de dag rigs ni lnga nyid de/ /'dod dang grol ba rab sgrub byed/ ces 'byung ngo/ /de'i rjes la mo ha ra ti zhes sngags kyi tshul du yongs su gyur pa'i thig le las sangs rgyas spyan ma de nyid du bskyed pa'i phyir spros te/ bdag tu gti mug pa'i rnam par rtog pa'i sa'i khams la mngon par zhen pa rnams rnam par snang mdzad kyi zhing ka bkod de/ slar yang gshegs nas me'i mtshams su pad+ma dang zla ba'i dkyil 'khor gyi steng du bzhugs par bsam mo/ /de'i rjes su dwe Sha ra ti zhes bya ba'i sngags kyi tshul du yongs su gyur pa'i thig le las mA ma kI de nyid du bskyed la chu'i khams la mngon par shes pa rnams kyi bdag tu nga rgyal ba'i rnam par rtog pa sbyangs te/ rin chen 'byung ldan gyi zhing khams su rnam par bkod de slar yang gshegs shing bden bral gyi mtshams su pad+ma dang nyi ma'i dkyil 'khor gyi steng du bzhugs par bsam par bya'o/ /de'i 'og tu rA ga ta ri zhes bya ba'i sngags kyi tshul du yongs su gyur pa las gos dkar mo de nyid du bskyed de phyir spros la me'i khams la mngon par zhen pa rnams kyi bdag tu chags pa'i rnam par rtog pa sbyangs te snang ba mdza' yas kyi zhing khams su bkod par byas la/ slar yang gshegs te rlung gi mtshams su pad+ma dang zla ba'i dkyil 'khor la bzhugs par bsam mo/ /de nas badzra ra ti zhes bya ba'i sngags kyi tshul du yongs su gyur pa thig le las lha mo sgrol ma de nyid du bskyed de/ de phyir spros la rlung gi khams la mngon par zhen pa rnams kyi bdag tu lta ba'i rnam par rtog pa 'joms shing don yod grub pa'i zhing du rnam par bkod de slar

  32. 16b

    yang gshegs nas dbang ldan gyi mtshams su pad+ma dang zla ba'i dkyil 'khor du bzhugs par bsam mo/ /rigs kyi btsun mo bzhi po de dag zhal dang phyag dang mtshon cha dang sku mdog dang gnas skabs gtso bo bzhin du 'dzin pa lha'i gzugs can rgyan thams cad kyis brgyan pa 'dod kyang/ khyad par du ni mA ma kI'i phyag 'tshan ni rdo rjes mtshan pa'i utpal la'o/ /lha mo sgrol ma'i utpa la ser po'o/ /de dag kyang stong pa nyid rnam par thar pa bzhi dang/ tshad med pa bzhi dang/ 'phrin las bzhi dang/ pha rol tu phyin pa bzhi dang/ bsdu ba'i dngos po bzhi'i ngo bo nyid du shes par bya'o zhes nang gi pho brang gcig go /de'i phyi rol du gru bzhi pa de'i zur bzhi'i nang du/ dza(rgyud 'grel): hUM baM ho(rgyud 'grel): zhes bya ba'i sngags kyi tshul du thig le yongs su gyur pa las bzhugs rdo rje ma la sogs pa'i mchod pa'i lha mo bzhi de nyid du bskyed la/ /phyi rol tu spros te gzugs la sogs pa'i mngon par zhen pa rnams la 'dod pa'i yon tan sbyangs te/ rang gi rigs kyi bdag po'i zhing khams su bkod par byas la/ /slar yang gshegs te snga ma bzhin du zur bzhir zla ba rnams la bzhugs par bsam mo/ /de rnams kyi rtsa ba'i phyag g.yas pa'i dang po rnams la me long dang rgyud mangs dang dri'i dung chos dang bdud rtsi lngas gang ba'i snod bsgom par bya'o/ /lhag ma ni sangs rgyas spyan la sogs pa bzhin du shes par bya'o/ /de rnams thil mam sa bon las yongs su rdzogs pa sa'i snying po dang byams pa dag gis thig le'i gzugs las de nyid du spros te de'i phyi rol du gshegs nas sems can thams cad kyi mig gi dbang po lha'i mig tu byas pa/ rtsa rgyus kyi dra ba yang sangs rgyas kyi sku dang 'dra bar bskyed de/ rang gi rigs kyi bdag po'i zhing khams su rab tu bkod cing slar yang gshegs nas shar gyi snam bu la zla

  33. 17a

    ba'i dkyil 'khor bdag po la 'dud par byed cing gnas par bsgom mo/ /de dag rim pa bzhin du dkar po dang ser po sku mdog shes par bya'o/ /rtsa ba'i phyag dang po'i mtshan ni rang rang gi rigs kyi bdag po bzhin no/ /'on kyang byams pa'i phyag du nA ga ge sar gyi shing gi yal ga'o/ /de'i rjes su oM gnyis thig le'i gzugs su yongs su gyur pa las phyag na rdo rje dang nam mkha' i snying po de nyid du spros te/ phyi rol tu gshegs nas sems can thams cad kyi rna ba dang sna'i dbang po sbyangs te/ lha'i dbang por byas la/ rang gi rigs kyi bdag po'i zhing khams su gnas par mdzad cing slar yang gshegs te lha'i snam bu la zla ba'i dkyil 'khor du bdag po la 'dud pa sngon du 'gro bar zhugs par bsam mo// 'di dag gi zhal la sogs pa ni lhag pa'i bdag po bzhin no/ /'on kyang phyag na rdo rje nag po dang/ nam mkha' i snying po ser po'o/ /de'i rjes su oM hUM dang oM sa bon las thig le'i gzugs de dag las 'byung ba 'jam dpal dang spyan ras gzigs kyi dbang phyug de nyid du spros te phyi rol tu gshegs nas sems can gyi lce dang yid kyi dbang po dag lha'i rang bzhin du byas nas rang gi rigs kyi bdag po'i zhing khams su rab tu bkod de/ slar yang gshegs nas nub kyi snam bu la zla ba'i dkyil 'khor gnyis kyi steng du rang gi bdag po la 'dud pa sngon du 'gro bar bzhugs so/ /sku mdog ni dmar po dang dkar po ste lhag ma ni bdag po bzhin no/ /de'i 'og tu paM dang oM sa bon dag las grub pa kun tu bzang po dang sgri pa thams cad rnam par sel ba de nyid spros te/ sems can thams cad kyi yan lag gi tshigs dang/ lus kyi dbang po rnam par sbyangs te lha'i gzugs su bskyed la rang gi rigs kyi bdag po'i zhing khams su rab tu bkod de/ slar yang

  34. 17b

    gshegs nas byang gi snam bur zla ba'i steng du bdag po la 'dud pa mdzad cing bzhugs so/ /sku mdog ni dmar po dang ljang khu dag go /lhag ma ni bdag po bzhin no/ /byang chub sems dpa' brgyad po de dag ni le'u bcu gnyis pa las phyag rgya chen po yongs su gyur pa'i gnas skabs su gsungs pa'i sa bon las shes par bya'o/ /'di yang 'chad par 'gyur te/ de ltar las kyi lam rnam par dag pa so sor bstan zhes bya ba la sogs pas so/ /de'i rjes su ya mAn+ta krita ces bya ba'i sngags las rdzogs pa gshin rje gshed po de nyid du spros te phyi rol tu gshegs nas phung po'i bdud dang nyon mongs pa'i sgrib pa dang/ 'jigs tshogs la lta ba dang ma dad pa rnam par bcom ste/ sems can thams cad dad pa'i dbang po la nges par bkod de/ slar yang gshegs nas shar gyi sgor pad+ma dang nyi ma'i dkyil 'khor gyi steng du bzhugs par bsam mo/ /'di'i rtsa ba'i phyag g.yas pa la thob pa'o/ /sku mdog nag po lhag ma rnams ni snga ma bzhin no/ /de'i 'og tu pradz+nyAn+ta krita ces bya ba'i sngags las rdzogs pa'i shes rab mthar byed de nyid du spros te phyi rol tu gshegs nas 'chi bdag gi bdud dang shes bya'i sgrib pa dang mthar 'dzin pa'i lta ba dang le lo rnam par 'joms shing/ sems can thams cad brtson 'grus kyi dbang po la rnam par bkod de/ /slar yang gshegs nas lho'i sgor pad+ma dang nyi ma'i dkyil 'khor gyi steng du bzhugs par bsam mo/ /rtsa ba'i phyag g.yas pas dbyug pa bsnams pa'o/ /sku mdog dkar po'o/ /lhag ma snga ma bzhin no/ /de'i 'og tu pad+ma t+mAn+ta krita ces bya ba'i sngags las grub pa pad+ma mthar byed de nyid du spros te phyi rol tu gshegs nas nyon mongs pa'i bdud dang las kyi sgrib pa dang lta ba log pa dang brjed ngas ba rnam par 'joms shing/

  35. 18a

    sems can gyi khams dran pa'i dbang po la gnas par byas nas/ slar yang gshegs te nub kyi sgor pad+ma dang nyi ma'i dkyil 'khor gyi steng du bzhugs so/ /rtsa ba'i phyag g.yas pas pad+ma bsnams pa'o/ / sku mdog dmar po'o/ /lhag ma ni bdag po bzhin no/ /de nas bag+hIn+ta krita ces bya ba'i sngags las skyes pa bgegs mthar byed de nyid du spros nas phyag gshegs te/ lha'i bu'i bdud dang rnam par smin par sgrib pa dang lta ba mchog du 'dzin pa dang/ g.yeng ba rnams rnam par 'joms shing ting nge 'dzin gyi dbang po las sems can thams cad rab tu bkod de/ slar yang gshegs nas byang phyogs kyi sgor pad+ma dang nyi ma'i dkyil 'khor la bzhugs so rtsa ba'i phyag g.yas pas rdo rje 'dzin pa sku mdog mar gang lta bu ste/ lhag ma snga ma bzhin no/ /khro bo de rnams g.yas brkyang ba dang g.yon brkyang pa mnyam pa dang mi mnyam pa'i stang stabs kyis bzhugs par bsam mo/ /de'i 'og tu swAhA A(rgyud 'grel): oM hUM b+h+ruM sa bon drug las rdzogs pa mi g.yo mgon dang/ dbyug sngon can dang/ 'dod pa'i rgyal po dang/ stobs po che dang/ gnod mdzes kyi rgyal po dang/ gtsug tor 'khor los sgyur ba snga ma bzhin du spros nas phyir gshegs te/ mig la sogs pa'i rnam par shes pa drug gi rnam par rtogs pa'i dri ma sbyangs te/ sems can gyi khams pha rol tu phyin pa drug dang ldan pa dang mngon par shes pa drug thob par byas te/ slar yang gshegs te shar la sogs pa'i sgo'i mtshams rnams dang/ steng dang 'og dag tu bzhugs par bsam mo/ /de rnams kyi sku mdog ni rang rang gi rigs dang mthun pa zhes la la 'dod do/ /drug car sku mdog nag po yin zhes dpal klu sgrub

  36. 18b

    kyi zhal snga nas bzhed do/ /de dag g.yon brkyang ba'i stang stabs can no/ /khro bo bcu po mi g.yo zhing zlum pa'i smin ma kham pa/ shangs sdum pa/ dbu skra 'bar zhing gyen du brdzes pa/ zhal gsum pa/ spyan gsum pa/ phyag drug pa/ mi'u thung gi rnam pa can/ mche ba gtsigs shing tsham ngam pa/ ljags bsgul zhing me stag 'phro ba rigs kyi klu brgyad kyis byas pa/ 'jigs pa'i gzugs can rim pa ji lta ba bzhin du rdo rje ro langs ma dang/ khro gnyer ma dang/ gzhan gyis mi thub pa dang/ ral pa gcig ma dang/ rdo rje sna tshogs ma dang/ rin chen sna tshogs ma dang/ pad+ma sna tshogs ma dang/ las sna tshogs ma dang/ sa 'dzin ma dang/ nam mkha' rdo rje ma khro bo'i rgyal po'i btsun mo rnams de dag gi chos nyid dag gis 'khyud par bsam mo/ /mi g.yo mgon la sogs pa'i khro bo drug gi rtsa ba'i phyag g.yas pa'i dang po rnams la lcags kyu dang/ dbyug pa dang/ rtse gsum dang/ ral gri dang/ rdo rje dang/ 'khor lo dag shes par bya'o/ /lhag ma rnams ni snga ma bzhin no/ /rgyud phyi ma las kyang/ lcags kyu dbyug pa rtse gsum dang/ /ral gri rdo rje 'khor lo ste/ /'dod pa dbyug sngon mi g.yo stobs/ /steng 'og gnod mdzes gtsug tor gyi'o/ /zhes 'byung ngo/ /srung pa'i 'khor lo 'di ni dang gi de bzhin gshegs pa dang lha mo dang byang chub sems dpa' snyoms par zhugs pa rnams kyi ting nge 'dzin bsrung ba'i don dang/ bgegs rnam par 'jig par bya ba'i phyir bcom ldan 'das kyi khro bo'i rgyal po'i dkyil 'khor gsungs so le'u bcu gsum pa las kyang/ 'gog pa'i rdo rje khro bo ni/ /sangs rgyas 'khor lo la brten pas/ /ting 'dzin ye shes rdo rje rnams/ /rdo rje khro bos las 'grub 'gyur/ /zhes 'byung ngo/ /de ltar yongs su grub pa'i

  37. 19a

    dkyil 'khor gyi 'khor lo lha sum cu rtsa gnyis kyi bdag nyid la bltas te/ gzhal yas khang pa'i phyi rol tu yi ge swA las byung ba'i bai DUrya dang pad+ma rA ga dang in+d+ra nI la'i nor bu'i khyad par rnams kyis sprul pa'i/ rkas kyi rim pa can chu dang ba'i nang du skyes pa'i gser gyi pad+ma can gyi rdzing rnams dang/ de bzhin du yang de las skyes pa'i bai DUrya'i sdong po can gser gtso ma'i kha dog ldan pa'i pad+ma'i lte ba la bzhugs pa bsam gtan la 'jug pa'i de bzhin gshegs pa rnams so/ /de'i yang phyi rol tu me tog dang 'bras bu phun sum tshogs pa dang ldan pa'i yongs 'du la sogs pa'i shing sna tshogs pa rnams kyi rtsa bar kraSh+Ne swA ra'i bags pa'i gdan la bzhugs pa'i rang sangs rgyas dang dgra bcom pa mdza' yas pas mdzes pa'o/ /de'i yang phyi rol tu gdugs dang rgyal mtshan dang ba dan g.yer kha dang rwa dung dang rdza rnga dang rnga zlum dang pi wang dang gling bu rgyud mangs dang chal cung pi ril dang/ tam+bu ra dang rkeng phran la sogs par rol cha sna tshogs pa 'dzin pa'i lha mo rnams kyis brgyan pa'o/ /de'i yang phyi rol tu rin po che sna bdun ni 'khor lo rtsibs brgyad la kha dog ser po dang glang po rin po che ni mche ba drug pa kha dog dkar po dang/ rta rin po che ni kha dog ljang gu dang bud med rin po che ni lo bcu drug gi rnam pa sngo bsangs ma tshul khrims dang ldan pa dang/ yid bzhin nor bu rin cha ni rtsibs drug pa kha dog ser po dang/ khyim bdag rin po che ni mdog dmar po mdzod mi zad pa dang ldan pa/ dmag dpon rin po che ni mdung dang ral gri 'dzin cing kha dog nag po go cha dang bcas pa bsgom par bya'o/ /de'i phyi rol tu lha'i gnas ris drug gi lha'i bu mo sna tshogs pa dang bcas pa/ mchod rdzas sna tshogs thogs par bsam mo/ /de'i yang

  38. 19b

    phyi rol tu gnod sbyin dang srin po dang/ 'byung po dang/ yi dags dang/ sha za dang/ grul bu'i dang/ brjed byed dang/ mkha' 'gro ma dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye dang/ mi dang/ mi ma yin pa dang/ rkang med dang/ rkang gnyis dang/ rkang bzhi dang/ rkang mang ba rnams steng du lag pa tshol pa la brtsan pa kI li kI li'i sgra rjod par byed pa rnams kyis bskor ba'o/ /gzhal yas khang pa'i 'og tu yang sa 'og bdun gyi bar du khyab par byed pa yi ge hA yongs su gyur pa las rdo rje rgya gram bsam mo/ /steng du yang ba dan dang g.yer kha rnams sing ba'i rtse mo'i bar du slab par bsam mo/ /de lta bu'i dkyil 'khor gyi 'khor lo mthong nas dbus kyi bdag por gyur pa'i rnal 'byor bas snga ma bzhin du reg bya rdo rje ma'i chos 'byung ba'i rgya'i nang du sna tshogs pad+ma dang/ zla ba'i dkyil 'khor gyi steng du bde ba chen po 'dod pa'i dbang gis gsang ba'i rdo rje rab tu 'jug pas ba spu'i khud bu nas ngos par 'byung ba'i 'od zer lcags kyu'i rnam pas phyogs/ bcu na bzhugs pa'i de bzhin gshegs pa dbang bskur ba'i don du 'gugs shing gsol ba gdab par bya'o/ /kye bcom ldan 'das de bzhin gshegs pa rnams bla na med pa'i dbang bskur bar bdag la dbang bskur bar mdzod cig pa'o/ gsol pa btab pa gsan ma thag tu/ bcom ldan 'das de bzhin gshegs pa dang lha mo dang byang chub sems dpa' khro bo'i 'khor dang bcas pa gser gyi me tog sna tshogs pa thogs pa dang/ la la ni rol cha sna tshogs pa'i sgras phyogs kyi cha rnams khyab? par byas la kha cig kyang mchod pa rnam pa lnga lag na thogs pa dang/ la la yang bdud rtsi lngas bkang ba'i snod 'dzin pa/ de bzhin du yang kha cig dri bzang po'i chus bkang ba'i rin po che'i bum pa thogs pa gzhan dag kyang bstod pa'i tshig rnams rjod pa

  39. 20a

    la brtson pa/ gzhan dag kyang bkra shis pa'i tshigs su bcad pa rjod par byed pa la la ni rdo rje'i glu len pa/ la la ni gar byed cing nam mkha' i dbyings nas gshegs shing sgrub pa po la mngon par phyogs pa/ dkyil 'khor gyi 'khor lo'i bdag po 'khor dang bcas pa la dbang bskur ba mdzad par bsam mo/ /de'i dus su yang sngags dang tshigs su bcad pa rjod par mdzad do/ ji ltar bltam pa tsam gyis ni/ /de bzhin gshegs kun dbang bskur ba/ /lha yi chu ni dag pa yis/ /de bzhin khyod la dbang bskur ro/ /oM sarba ta thA ga ta a b+hi She ka ta sa ma sh+rI ye hUM/ dbang bskur ma thag tu dbus kyi bdag po'i cod pan du rdo rje 'chang ba'o/ /rnam par snang mdzad la sogs pa de bzhin gshegs pa bzhi la rdo rje 'chang ba nyid do/ /spyan la sogs pa bzhin rnam par snang mdzad dang/ rin chen 'byung ldan dang/ 'od dpag tu med pa dang/ don yod grub pa'o/ /gzugs rdo rje la sogs pa yang de bzhin no/ /sa'i snying po dang byams pa dag la rnam par snang mdzad nyid do/ /phyag na rdo rje dang nam mkha' i snying po dag la rin chen 'byung ldan nam mi bskyod pa'o/ /'jam dpal dang spyan ras gzigs kyi dbang phyug la 'od dpag tu med pa'o/ /kun tu bzang po dang sgrib pa rnam par sel ba la don yod grub pa'o/ /gshin rje gshed la sogs pa bzhi la rnam par snang mdzad la sogs pa'o/ /'dod pa'i rgyal po la sogs pa bzhi la rnam par snang mdzad la sogs pa'am mi bskyod pa'o/ /ji skad du/ khro bo zhe sdang gnas las 'byung/ zhes gsungs so/ /rdo rje ro langs ma la sogs pa rnams la gshin rje gshed kho na'o/ /rgyas gdab pa de rang gi rigs rnal 'byor bas rjes su dran par 'gyur ro/ /ji skad du/ rgyas gdab pas ni lhar 'grub dang/ rigs la'ang byin gyis rlob pa ste/ /rigs 'tshal ba yi sbyor ba yis/ /dngos grub med cing sgrub pa'ang med/ ces 'byung ngo/ /'dir ni phyir mi ldog pa'i bskur bas sa brgyad

  40. 20b

    pa thob pa dang/ kun bzhi rnam par shes pa gnas gyur pa zhes bya ba'i bar ro/ /de'i rjes su sngar bshad pa'i rim pas phyogs bcu na bzhugs pa'i de bzhin gshegs pa'i tshogs rnams bkug la zhal du 'jug par bya ste/ 'dod pa'i gdugs zhes bya ba'i rtsa'i dbus nas byang chub kyi sems kyi gzugs su reg bya rdo rje ma'i chos 'byung ba'i nang du lha sum cu rtsa gnyis kyi bdag nyid kyi dkyil 'khor gyi 'khor lo rim gyis spros te/ snga ma bzhin du sems dpa' gsum gyis bdag nyid dang/ dbang bskur ba rgyas btab pa'i shin tu mngon par 'dus byas la/ phan tshun snyoms par zhugs pas zhu ba byang chub kyi sems de yongs su gyur pa las mchod pa'i lha mo rnams pad+ma'i nang nas phyung ste/ dkyil 'khor gyi sgo rnams kyi bar du yongs su gyur par bsam mo/ /de dag gis kyang mchod pa rnam pa lnga dang nang gi mchod pa dang/ gsang ba'i mchod pa la brtson pa/ gdugs dang rgyal mtshan dang ba dan dang rnga yab la sogs pa thogs shing phyag 'tshal ba sngon du 'gro bas pus mo g.yas pa sa la btsugs te/ dpus kyi bdag po nas brtsam zhing sgo ba rnams kyi bar du rang gi bdag nyid mchod par bya ste/ de la rim pa ni me tog mas me tog dbul ba'i dus su oM sarba ta thA ga ta puShpe pu dza me g+ha sa mu dra spha ra Na sa ma ya sh+rI ye hUM/ de bzhin du yang/ oM sarba ta thA ga ta d+hU pa pU dza me g+ha sa mu dra spha ra Na sa ma ya sh+rI ye hUM/ zhes bya ba la sogs pa'i sngags kyis tshogs brjod par bya'o/ /mchod pa yongs su rdzogs pa na snga ma bzhin du 'od zer gyi lcags kyus bkug la mchod pa'i lha mo rnams ?? 'jug par bya zhes mchod pa'i rim pa'o/ /de bzhin du yar spros te snyan pa'i skad rnams kyis lha mo'i tshogs kyis bdag nyid kyi 'khor lo la bskyod par bsam te/ oM sarba ta thA ga ta d+hu? te pU dza me g+ha sa mu dra spha ra Na

  41. 21a

    sa ma ya sh+rI ye hUM/ zhes 'di ni dkyil 'khor rgyal ba mchog gi ting nge 'dzin dang longs spyod rdzogs pa'i sku'o// //da ni las kyi rgyal ba mchog gi ting nge 'dzin las thams cad dag par bya ba'i phyir brtsam par bya ste/ de'i rim pa ni re zhig dang po rnal 'byor pas phra mo'i rnal 'byor bsgom par bya ste/ de la reg bya rdo rje ma'i chos 'byung ba'i phyag rgya'i nang du rdo rje 'chang chen po'i rnal 'byor pas/ dkyil 'khor ma lus pa'i rnam par rtog pa spangs pas na ra'i sna dang 'dra ba'i pad+ma'i sna'i rtse mor yungs kar phra ba tsam gyi tshod thig ler bsgoms la/ de'i dbus su bdag nyid lha sum cu rtsa gnyis dang bcas pa 'am gsang pa lnga'i dkyil 'khor chen po rnam par bsgoms te/ de srid gnas srid pa ji srid sems rtse gcig par gyur pa'i par ro/ /sems rtse gcig pa'i rtags ni gam na gnas pa'i sgra la sogs pa'i mtshan nyid gzung bar mi nus pa dang/ de ltar gyur pa'i rnal 'byor pa la shin tu gsang ba'i rnga dang rwa dung dang/ 'brug sgra 'am yan lag mchog dang ldan pa'i rol mo byed pa'i reg pa 'am shin tu sra ba'i brag dang/ gnam lcags la sogs pa rnams kyis kyang sems rtse gcig pa la nyams par mi 'gyur te/ phra mo'i rnal 'byor dang ldan pa'i phyir ro/ /rdul phra rab bam shin tu che ba'i mdza' la gnas pa'i sems dbang du 'gyur zhes gzhan nas 'byung ngo/ /de lta bur gyur pa'i brtan pa'i rtags mthong nas spro bar bya'o/ /dang po kha dog sna lnga pa 'od zer gyi tshogs de gsal bar gyur na rnam par snang mdzad la sogs pa'i sa bon rnams spro ba dang/ de'i rjes su de yongs su gyur pa'i 'khor lo la sogs pa'i mtshan ma rnams so/ /de rnams las kyang de bzhin gshegs pa'i gzugs du ma spros te/ slar yang thig le de nyid du 'jug par bya'o

  42. 21b

    zhes rdo rje 'chang chen po'i rnal 'byor pa'i phra mo'i rnal 'byor ro/ /zhe sdang rdo rje'i rnal 'byor pas tsa na ka'i 'bru'i tshod tsam inda nI la'i mdog can chos 'byung ba'i phyag rgya'i nang du phra ba'i rdo rje rnam par bsgom ste/ de'i chang zungs kyi nang du snga ma bzhin du bdag nyid bsgom ste/ brtan par byed pa'i mtshan ma mthong ba sngon du 'gro bas rdo rje'i rigs rnams spro ba dang bsdu bar bya'o/ /zhes rigs kyi rnal 'byor pa'i phra mo'i rnal 'byor ro/ /sku'i rdo rje'i rnal 'byor pas ni yungs kar gyi 'bru'i tshod tsam 'khor lo'i mtshan ma de nyid du bsgoms te/ de'i lte ba la bdag nyid snga ma bzhin du bsams te/ brtan par byed pa'i mtshan ma mthong nas sku rdo rje rnams spro pa dang bsdu bar bya'o zhes sku rdo rje'i rnal 'byor pa'i phra mo'i rnal 'byor ro/ /de bzhin du gsung gi rdo rje'i rnal 'byor pas chos 'byung ba'i nang du tsa na ka'i 'bru'i tshad tsam pad+ma dmar po rnam par bsam ste/ de'i lte ba la snga ma bzhin du bdag nyid rnam par bkod de/ brtan par byed ba'i mtshan ma byung ba na gsung gi rdo rje'i lha rnams spro ba dang bsdu bar bya'o zhes gsung gi rdo rje'i rnal 'byor pa'i phra mo'i rnal 'byor po de'i rjes su rin chen 'byung ldan gyi rnal 'byor pas zur drug pa mdog ser po tsa na ka'i 'bru'i tshad dam nas 'bru'i tshod kyi rin po che rnams btags la/ de'i dbus su bdag nyid snga ma bzhin du bsams te/ brtan par byed pa'i mtshan ma rnyed nas rin po che'i rigs kyi lha rnams spro ba dang bsdu bar bya'o zhes rin po che'i rigs kyi rnal 'byor pa'i phra mo'i rnal 'byor ro/ /de'i rjes su dam tshig gi rdo rje'i rnal 'byor pas chos 'byung ba'i nang du yungs kar gyi 'bru'i tshod tsam gyi ral gri la dmigs te de'i chang zungs kyi nang du snga ma bzhin bdag nyid bsams te/ brtan pa'i mtshan ma byung ba na dam tshig gi rdo rje'i rigs kyi lha rnams spro ba dang bsdu bar bya'o zhes dam tshig gi rdo rje'i rigs kyi rnal 'byor pa'i phra mo'i rnal 'byor ro/ /rdzogs pa'i rim pa'i

  43. 22a

    rnal 'byor pa la yang phra mo'i rnal 'byor ni 'og nas 'chad par 'gyur ro zhes phra mo'i rnal 'byor gyi bsgom pa'i rim pa bstan to/ /de nas bzlas brjod bshad par bya ste/ re zhig dang por ye shes sems dpa' i snying ga'i pad+ma'i lte bar pad+ma dang zla ba'i dkyil 'khor gyi steng du rdo rje 'chang chen po la sogs pa'i snying po 'am nye ba'i snying po la sogs pa gang yang rung ba kha gyen du blta ba/ shel gyi phreng ba lta bu 'od dang ba de'i nang na srog dang rtsol ba mdog dmar po skud pa lta bus brgyus pa ye shes sems dpa' i thugs ka nas byung zhing kha'i lam nas nges par spros te/ dam tshig sems dpa' i snying gar phyin nas de las kyang dam tshig sems dpa' i kha nas nges par byung ste/ dam tshig gi lha mo'i kha nas zhugs te/ de las kyang ye shes kyi lha mo'i kha nas ye shes kyi lha mo'i thugs kar thim nas de las kyang de nyid kyi chos 'byung ba'i phyag rgyar phyin te/ de las nges par byung nas dam tshig gi lha mo'i pad+mar phyin zhing de las kyang dam tshig sems dpa' i rdo rjer zhugs nas ye shes sems dpa' i rdo rje nas de'i thugs kar phyin cir thugs ka de nyid du gnas par bya'o/ /de la yang dang yang du mu tig phreng ba ltar sngags kyi phreng ba yongs su 'khor bar bsam par bya'o/ /kha cig ni ye shes sems dpa' rdo rje'i lam nas nges par byung zhing slar yang dam tshig sems dpa' i rdo rje'i lam nas byung ste/ dam tshig sems ma'i pad+mar zhugs shing ye shes sems ma'i pad+ma'i sgo nas de'i thugs ka dang kha la phyin te/ de las kyang dam tshig sems ma'i kha nas dam tshig sems dpa' i kha la phyin te/ de las kyang ye shes sems dpa' i khar zhugs shing de'i thugs kar phyin te de nyid du gnas par bya'o/ /steng dang 'og gi bye brag ni zhe sdang dang 'dod chags kyi rnal 'byor ba'i dbye bas rtogs par bya'o zhes rdo rje 'chang chen po'i bzlas

  44. 22b

    pa 'di ye shes kyi tshogs kyi ngo bo nyid rdo rje sems dpa' i rnal 'byor pas bzla bar bya'o/ /rnam par snang mdzad kyi rnal 'byor pas kyang ye shes sems dpa' i thugs kar zla ba dang khor lo'i steng du dzi na dzika ces bya ba'i sngags snga ma bzhin du bkod la/ de nyid mu tig gi phreng ba bzhin du spro pa dang bsdu pa'i rim pas bzla bar bya'o/ /de bzhin du yang rin po che dang 'od dpag tu med pa dang don yod grub pa'i rnal 'byor pa rnams kyis rang rang gi ye shes sems dpa' i thugs ka pad+ma dang zla ba la gnas pa'i rang rang gi rigs kyi mtshan ma rnams su ratna d+h+rika ces bya ba'i sngags rnams rnam par bkod la/ spro ba dang bsdu ba'i rim pas so sor bzla bar bya'o/ /zhes rigs drug gi dbye bas dam tshig gi bzlas pa bstan to/ /de ltar dbus kyi gtso bo'i bzlas brjod byas nas dkyil 'khor pa rnams la yang sngar bshad pa'i rim pas spro ba dang/ bsdu ba sngon du 'gro ba'i sngags bzlas brjod bya'o/ /rtag tu bzlas pa'i dus su dbus kyi gtso bo la brgya rtsa brgyad dam de'i phyed dam phyed kyi phyed bzlas par bya'o/ /dkyil 'khor pa rnams la yang lan bdun rnam gsum mam re re bzlas par bya'o/ /dkyil 'khor bri ba'i dus dang rab tu gnas pa dang/ sbyin sreg gi cho ga'i dus su bzlas pa de nyid khyad par du bya ba yin te/ ji skad du/ 'khor lo can la 'bum bzla zhing/ /rang 'dod lha yi 'bum de bzhin/ /gzhan dag la ni khri phrag gcig /sngon du bsnyen pa di bshad do zhes 'byung ngo/ /yang na rdo rje 'chang chen po'i 'das pa ji ltar bshad pa bzhin du yin te/ 'on kyang rnam par snang mdzad la sogs pa'i sngags kyis bzlas pa ni ye shes sems dpa' i thugs ka nas pad+ma dang zla ba'i steng du 'khor lo la sogs pa'i mtshan ma rnams la rang gi chos kyi yi ge rnam par bkod de/ de las snga ma bzhin du 'od zer gyi 'khor lo spro ba dang bsdu bar bya zhing ji srid sems rtse gcig par gyur pa de srid du

  45. 23a

    gnas kyi bar du gnas par bya'o zhes dam tshig gi bzlas pa'i rnam pa'o/ /ngag gi bzlas brjod gnyis pa'i rim pa ni lag pa g.yas pa dang g.yon pa dag la dbyangs dang gsal byed yongs su gyur pa las zla ba dang nyi ma'i dkyil 'khor du bsgoms te/ de dag gi steng du dbyangs dang gsal bya'i yi ge phreng ba gnyis po dgod do/ oM la sogs pa'i sa bon yongs su gyur pa'i phyag mtshan las skyes pa'i rnam par snang mdzad la sogs pa lag pa g.yas pa'i sor mor gyur pa dang/ de bzhin du lam la sogs pa'i sa bon yongs su gyur pa'i rang rang gi mtshan ma las skyes pa'i spyan la sogs pa rigs kyi btsun mo rnams lag pa g.yon pa'i sor mo la dgod de/ sems rtse gcig pa gnyis la dmigs te shel la sogs pa'i rang bzhin du bgrang phreng blangs la/ ngal ba dang myur pa spangs pa'i srog dang rtsol ba'i rlung rgyu ba'i tshod du dbus ma zhi ba'i rang bzhin du bzlas brjod bya'o/ /ji skad du gdan bzhi las kyang/ grangs la rab tu 'jug pa ni/ bgrang phreng yang dag bsten par bya/ /shel dang dung dang mu tig dang/ /de bzhin dkar po khams la byung/ /zhi ba yi ni las rnams la/ /shes rab can gyis gzung bar bya/ /dngul dang gser dang zangs dag ni/ /rgyas pa la ni rgyal bas gsungs/ /dbang la gur kum gla rtsi dang/ /bzhi mnyam rang gzhan shes par bya/ /dgug pa la ni ru rak+Sha/ /sdang pa la sogs glang po'i lus/ /rtsa ba'i sngags kyis bzlas brjod la/ /mi rus rang bzhin yin par 'dod/ /las rnams thams cad rab bsgrub phyir/ /bo d+he tsi yi phreng bar 'dod/ /ces bya ba la sogs pa 'byung ngo/ /zhes bya ba 'di ni bskyed pa'i bzlas brjod kyi cho ga'o/ /rdzogs pa'i rim pa'i rnal 'byor la yang phra ma'i rnal 'byor dang rdo rje bzlas pa dag /rdo rje bzlas pa'i rim pa gtan la dbab pa'i dus su 'chad par 'gyur ro/ /phra mo'i rnal 'byor dang dam tshig gi bzlas pa dag gis sems can thams

  46. 23b

    cad kyi don byed pa na de bzhin gshegs pas rnal 'byor pa la lung ston pa yin no/ /dus de nas brtsams te dkyil 'khor 'dri ba dang rab tu gnas pa dang sbyin sreg dang mchod pa'i cho ga dang/ slob ma lhag par gnas pa dang/ dbang bskur ba la sogs pa la rnal 'byor pa snod du rung bar 'gyur ro/ /de'i rjes su rang dang gzhan gyi don phun sum tshogs pa yongs su rdzogs pa la bltas te/ bya ba byas pa byed pa rdzogs pa bdag yin zhes bdag rnam par dpyod cing spros pa 'dis ci zhig bya zhes bsam ste/ dbus kyi gtso bo reg bya rdo rje ma dang lhan cig tu bde ba chen po'i dbang gis mar gyi bum pa thim pa dang 'dra bar byang chub kyi sems kyi thig le'i gzugs su yongs su gyur par bsam par bya'o/ /le'u bcu bdun pa las kyang/ de nas bcom ldan 'das phyag na rdo rje de bzhin gshegs pa thams cad kyi bdag po de bzhin gshegs pa thams cad kyi rjes su chags pa'i rdo rje zhes bya ba'i ting nge 'dzin la snyoms par zhugs te/ snyoms par zhugs ma thag tu bcom ldan 'das kyis 'od kyis nam mkha' i dbyings kun tu zhugs pa'i de bzhin gshegs pa thams cad rdo rje'i dpal des reg pas kun tu bzang zhing kun tu bzang po zhes yang dag par gyur to/ /de nas nam mkha' i dbyings thams cad 'di rdo rje'i chu'i bum pa bzhin du yongs su gang bar gyur to zhes bya ba la sogs pa 'byung ngo/ /de nas bcom ldan 'das ma spyan la sogs pa'i rigs kyi btsun mo bzhi pos bcom ldan 'das rdo rje 'dzin pa thim par mthong nas gzhan gyi don med pas sngon gyi smon lam dang mi ldan pa'i phyir dang/ chad pa'i lta ba bzhin du dbang phyung ba'i bstan par thal bar 'gyur bas tshad med pa'i ngo bo nyid kyi lha mos bcom ldan 'das bdag po ma mthong ba'i gdung ba'i yid can rnams kyis de bslang ba'i don du glu snyan pas 'di ltar sad par byed de/ sems can khams na gnas kyi dbang phyug khyod ni rdo rje'i thugs/ /dga' ba'i yid 'ong don chen 'dod pas bdag la bskyab du gsol/ /

  47. 24a

    mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes bar mdzad du gsol/ /rdo rje'i sku khyod bka' yi 'khor los sems can kun la phan/ /sangs rgyas don du byang chub don dam rjes su phan ston pa/ /mgon po gal te de ring bdag ni gsen par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje'i gsung ste kun la phan zhing thugs brtse ba/ /'jig rten dag gis dgos pa'i don mdzad pa la rab tu brtson// mgon po gal te de ring bdag ni gson par mchis bzhed na/ /rab dga' i spyod pa kun tu bzang po bdag la dgyes par mdzad du gsol/ khyod ni rdo rje 'dod pa dam tshig mchog gi phan don che/ /yang dag rdzogs sangs rgyas kyi gdung mchog mnyam pa nyid gzigs pa/ /mgon po gal te de ring bdag ni gson par mchis bzhed na/ /yon tan rin chen mang po gter gyur bdag la dgyes par mdzod/ /ces bskul ba'i glu rmi lam bzhin du gsan nas mi dmigs pa'i snying rjes bskul bas sngon gyi smon lam 'bras bu dang bcas par bya ba'i phyir dang// ma 'ongs pa'i sems can rjes su bzung bar bya ba'i slad du bcom ldan 'das don dam pa'i bden pa las bzhengs par gyur to/ /sgron gsal las kyang bshad pa/ tshad med pa bzhi'i lha mo rnams kyis bskul ba gyur pa dang/ sngon gyi smon lam rgyus kyi shugs kyis stong pa nyid kyi rnal 'byor las bzhengs nas dang la rab tu dga' ba'i 'dod chags la spyod pa brtan par bya ba'i phyir/ 'khyud pa dang/ 'o byed pa dang/ 'jib pa dang/ thal mos gdab pa dang/ so dang sen mos 'debs pa dang/ nyed pa dang/ phyang thag dang/ brkyang ba dang/ grong gi 'dug stangs dang/ brgyal ba dang/ mu tig phreng ba g.yo ba dang/ gdub bu dang/ gser gdub dang/ rkang gdub kyi sgra dang/ yul dang dbang po ste rdo rje dang pad+ma mnyam par sbyor zhing shes rab dang thabs kyi snyoms par zhugs pas A li dang kA li dang/ 'dod pa'i gdugs dang ru sbal dang/ ?

  48. 24b

    gang ba ste/ rtsa gsum sor mo gsum gyis bskyod cing rab tu bsgul ba'i dga' ba'i sgyu ma'i sgras mchog tu dga' ba'i bde ba nyams su myong bas phung po dang khams dang skye mched kyi ngo bo de bzhin gshegs pa thams cad spyi bo nas brtsams te/ dri ma med pa'i chu'i rgyun bzhin du bzhus la byang chub kyi sems kyi ngo bo nyid du 'dzag pas chos 'byung ba'i nang du yang dag par bzhag ste/ des zhe sdang la sogs pa la spyod pa'i sems can rnams rnam par sgyang ba'i phyir dkyil 'khor gyi 'khor lo phyung ste/ slar yang 'od gsal bar zhugs nas rnam par rtogs pa med pa nyid du gyur pa de la ye shes kyi phyag rgya dang lhan cig tu zhal gsum la sogs pa'i rnam pa la dmigs te/ 'dod pa'i yon tan thams cad kyi dpal zhes bya ba'i ting nge 'dzin la snyoms par zhugs par bsam par bya'o/ /de'i dgongs pa ni bcom ldan 'das dang lha mo rnams ni thabs dang shes rab kyi ngo bo nyid stong pa nyid dang snying rje'i rang bzhin no/ /de dag phan tshun dbyer med pa yin te byas pa dang mi rtag pa bzhin no/ /de bas na bcom ldan 'das gang gi tshe don dam pa'i bden pa la rab tu bzhugs so/ / lha mo rnams kyi stong pa nyid cha gang yin pa de bcom ldan 'das la gzugs brnyan du zhugs te/ me long gnyis kyi gzugs brnyan phan tshun snang ba bzhin no/ /de bas na bcom ldan 'das la gnas pa'i snying rje'i cha gzugs brnyan du zhugs pa'i stong pa nyid kyi ngo bo lha mo rnams kyis bcom ldan 'das rang gi chos nyid kyis kho na bskul bar byed pa yin te/ ye shes cha shas med pas gcig pa yin pa'i phyir ro/ /gzhan du tha na dad par smra bar 'gyur ro/ /gnyis su med pa'i ye shes ni tha mi dad pa yin te/ rang bzhin gyis grub pa'i phyir/ de ltar na gsal te ye shes la gnyis pa med na de'i tshe skyes pa dang bud med kyi dbye ba ji ltar 'gyur zhe na/ smras pa 'dod chags kyis 'dul ba'i sems can gyi khams spyang par bya ba yin gyi don dam par ni ma yin no/ /gang gi phyir don dam par ni gzugs med cing

  49. 25a

    bag chags pa dang bcas pa'i nyon mongs pa dang shes bya'i sgrib pa dang bral zhing rang gis rig pa'o/ /'og nas kyang 'chad par 'gyur te/ 'dod pa'i khams na gnas pa'i yul la zhen pa'i sems can rnams la 'dod pa'i yon tan lnga longs spyod pa'i sgo nas thar par bstan par bya ba'i phyir gsungs so zhes bya ba la sogs pa'o/ /le'u dang po las kyang/ rang gi gzugs brnyan bud med kyi gzugs brnyan du sprul ces gsungs so/ /de'i de bzhin gshegs pa thams cad kyi rang bzhin du bsgrub la/ sa bon dang rdzas yongs su gyur pa las de bzhin gshegs pa lnga zhal gsum la sogs pa'i rnam pa can/ sems dpa' gsum gyi bdag nyid rang rang gi phyag rgya dang snyoms par zhugs pa sna tshogs pad+ma dang zla ba'i dkyil 'khor la bzhugs pa 'od gsal ba'i rang bzhin can bsgom par bya'o/ /de nas rdo rje dang pad+ma snyoms par 'dug pa'i dus su de rnams kyi rjes su chags pa'i sgra dam pas bkug pa de bzhin gshegs pa rnams nang du zhugs par bsams la zhugs pa'i de ma thag tu zhu zhing sems kyi gzugs 'o ma can gyi rgya mtsho lta bu bdud rtsi de nyid du gnas par blta bar bya'o/ /de la bltas te chos kyi dbyings kyi ye shes kyi rang bzhin yi ge hUM gis sbyangs pas tha mal pa'i rnam par rtog pa bzlog par bya'o/ /yi ge A(rgyud 'grel): so sor rtog pa'i rang bzhin gyis bsad par bya ba g.yas dang g.yon du 'khor bsam par bya'o/ /yi ge oM me long lta bu'i ye shes kyi rang bzhin gyis spang zhing 'od kyi tshogs spro bar gyur par bsam mo zhes bdud rtsi spyang ba la sogs pa'i rim pa'o/ /oM swa b+hA ba shud+d+ha sarba d+harmA swa b+hA ba shud+d+honyhaM/ zhes sngags saM yang na oM badzra d+h+rik ces bya ba'i sngags kyis byin gyis brlab par bya'o/ /de'i rjes la yang ye shes sems dpa' i thugs kar ting nge 'dzin sems dpa' i me lce bdun dang ldan pa lta bur bsam ste/ mgrin par yi ge A(rgyud 'grel): yongs su gyur pa las pad+ma'i 'dab ma brgyad pa dmar po de'i 'dab ma gcig lce ru bsams la/ de la yang sa bon hUM yongs su gyur pa'i rdo rje dkar po phra mo de'i ?

  50. 25b

    kyi rtse la yi ge oM gyis byin gyis brlab par bya ste/ snga ma bzhin du de bzhin gshegs pa dang yum gyis byin gyis brlabs la dgang gzar dang blugs gzar du lag pa gnyis bsams te/ de dag gi bdud rtsi'i snod phyag btsal ba sngon du 'gro bar blangs te/ dbye ba rnam par spangs pa'i blos de bzhin gshegs pa thams cad 'dus pa'i ngo bo nyid oM badzra a mri te sa mA d+hi d+hA na bri Na ne swAhA zhes bya ba'i sngags 'dis kha'i thab khung gi lam gang ye shes kyi me la bsreg par bya'o/ /'di'i phan yon ni lha mo bzhis zhus pa'i rgyud las/ rga ba med cing nad med dang 'chi ba med cing dug sogs med/ /de ni dus min 'chi ba med/ /gnod pa thams cad 'joms par byed/ ces 'byung ngo/ /zla gsang thig le las kyang/ dus de brtsams nas de ni rtog med de/ /de yi kha dog dbyibs dang mtshan ma 'dzin/ /bsam mi khyab pa'i ngo bo rnam smin ?/ / sdom pa de las bya ba byas pas bsgom/ zhes 'byung ngo/ /bza' ba dang btung ba la sogs pa gang ci yang rung ba de dag thams cad zas kyi dus su rang 'dod pa'i lha'i rnal 'byor pa dang ldan pas bdud rtsi lnga bzhin du sbyangs te bza' bar bya'o/ /de la lkeg ma dang snying ga dang lte ba dang gsang ba ngag tu khams bzhi'i rang bzhin dkyil 'khor bzhi ste/ me dang chu dang rlung dang dbang chen no/ /de la me'i dkyil 'khor ni rlung gi dkyil 'khor gyis spar ba yin te/ chu'i dkyil 'khor gyis yongs su smin par byed de/ dbang chen gyi dkyil 'khor snod kyi 'jig rten gyi ngo bor bsreg bya gnas par gyur te/ de nyid du 'jug go 'jug pa'i tha mar bshang lam las thal bar gyur pas nges par 'byung bar 'gyur zhes nang gi sbyin sreg gi cho ga'o/ /de'i rjes su mchod pa'i cho ga brtsam par bya ste/ ye shes sems dpa' i thugs ka na gnas pa'i dkyil 'khor gyi 'khor lo gang yin pa de nyid srog dang rtsol bas bskul ba na g.yas dang g.yon pa'i sna'i bug pa kha sbyar gyi nang nas phyi'i rdul tshon la sogs pa'i dkyil 'khor dag tu rnam par spro zhing dgod la/ snga ma bzhin du kha sbyar du byas te

  51. 26a

    dkyil 'khor gyi 'khor lo yongs su gsal bar mthong nas yan lag lngas phyag 'tshal ba bzhi po bya'o/ /oM sarba ta thA ga ta sku'i rigs kyi dkyil 'khor pa rnams la kA ya bA ka tsit+ta pa Na me na pA dA bandA naM ka ro maM zhes shar nas so/ /oM sarba ta thA ga ta rin po che'i rigs kyi dkyil 'khor ba rnams la kA ya bAk tsit+ta pra Na men pA dA band+ha nAM zhes lho nas bya'o/ /oM sarba ta thA ga ta pad+ma'i rigs kyi dkyil 'khor pa rnams la kA ya bA ka tsit+ta pra Na me na pA dA bandA nAM ka ro mi zhes nub nas bya'o/ /oM sarba ta thA ga ta las kyi rigs kyi dkyil 'khor pa rnams la kA ya bAk tsit+ta pra Na me na pA dA bandA nAM ka ro mi zhes byang nas so/ /de ltar phyag bzhi byas la sdig pa bshags pa la sogs pa bla na med pa'i mchod pa rnam pa bdun byas la slar yang 'dud te sku khrus kyi cho ga sngon du 'gro bar rang gi mchod pa'i sngags dang bcas pa'i sngags dag gis mchod pa rnam pa lngas dkyil 'khor gyi 'khor lo mchod par bya ste/ oM badzra puShpe A(rgyud 'grel): hUM phaT swAhA/ oM badzra d+hU be A(rgyud 'grel): hUM phaT swAhA/ oM badzra dI pe A(rgyud 'grel): hUM phaT swAhA/ oM badzra gand+he A(rgyud 'grel): hUM phaT swAhA/ oM badzra a mri te A(rgyud 'grel): hUM phaT swAhA/ mchod pa rnam lnga'i sngags so/ /oM sarba ta thA ga ta pA tyaM sa ma ya sh+rI ye hUM/ oM sarba ta thA ga ta arg+haM sa ma ya sh+rI ye hUM/ zhabs bsil dang yon chab dag gi sngags so/ /de'i rjes su rang rang gi sngags brjod par bya ste/ oM badzra d+h+rik A(rgyud 'grel): hUM phaT swAhA/ oM dzi na dzi ka A:hUM phaT swAhA/ oM ratna d+h+ri ka A(rgyud 'grel): hUM phaT swAhA/ oM A ro lo ka A(rgyud 'grel): hUM phaT swAhA/ oM pradz+nyA d+h+rika A(rgyud 'grel): hUM phaT swAhA/ oM ma ha ra ti A(rgyud 'grel): hUM phaT swAhA/ oM dwe Sha ra ti A(rgyud 'grel): hUM phaT swAhA/ oM rA ga ra ti A(rgyud 'grel): hUM phaT swAhA/ oM badzra ra ti A(rgyud 'grel): hUM phaT swAhA/ oM dza rShu pa badzri ni A(rgyud 'grel): hUM phaT swAhA/ oM hUM shapda badzri ni A(rgyud 'grel): hUM phaT swAhA/ oM baM gand+ha badzri ni A(rgyud 'grel): hUM phaT swAhA/ oM hUM spAr sha badzri ni A(rgyud 'grel): hUM phaT swAhA/ oM thli k+Shi ti garba A(rgyud 'grel): hUM phaT swAhA/ oM maM me tri ya A(rgyud 'grel): hUM swAhA/ oM aM badzra pA Ni A(rgyud 'grel): hUM swAhA/ oM oM a kA sha garb+ha A:

  52. 26b

    hUM swAhA/ oM maM many+dzu sh+rI badzra A(rgyud 'grel): hUM swAhA/ oM oM lo kI shwar A(rgyud 'grel): hUM swAhA/ oM saM sa man+ta b+ha dra A(rgyud 'grel): hUM swAhA/ oM oM sarba Ni wa ra Ni bi skam bi ni A(rgyud 'grel): hUM swAhA/ oM ya mAn+ta krita A(rgyud 'grel): hUM swAhA/ oM pra dz+nyAn+ta kri ta A hUM swAhA/ oM pad mAn+ta krita A(rgyud 'grel): hUM swAhA/ oM big+hA nAn+ta krita A(rgyud 'grel): hUM swAhA/ oM a tsa la A(rgyud 'grel): hUM swAhA/ oM Tak+ki rA dzA A(rgyud 'grel): hUM swAhA/ oM nI la daN+Da A(rgyud 'grel): hUM swAhA/ oM hA mahA ba la A(rgyud 'grel): hUM swAhA/ oM hUM suM b+ha rA dza A:hUM swAhA/ oM b+h+ruM uShpi Sha tsakra brti ni A(rgyud 'grel): hUM swAhA/ 'di dag mchod pa dang bzlas pa'i sngags so/ /mchod pa'i mdza' ru dkyil 'khor snga ma bzhin du bstod cing bskor bar bya ste/ 'dud te bsod nams yongs su bsngos la/ smon lam byas la slar yang dkyil 'khor sangs rgyas kyi zhing du gshegs su gsol nas dam tshig gi dkyil 'khor snga ma bzhin du sku'i dkyil 'khor du 'jug par bya'o/ /dkyil 'khor gyi 'khor lo dang/ rgyal po chen po bzhi dang/ 'byung po thams cad dang/ khro bo rnams la gtor ma sbyin par bya'o/ /zhes mchod pa'i cho ga'o/ /de la re zhig dang po mdun du 'dab ma sum cu rtsa gnyis pa'i pad+ma bsams te de'i dbus kyi lte ba nas brtsams te/ 'dab ma thams cad kyi bar du rang byin gyis rlob pa'i rim pas lha sum cu rtsa gnyis la dmigs shing/ snga ma bzhin du btung la sngar bshad pa'i bsgom pa'i rim pas pad+ma'i snod kyi nang du ye shes kyi bdud rtsir bsgoms te zhabs bsil dang zhal bsil dang yon chab sngon du 'gro bar dril bu'i sgra sgrogs shing bdug spos bsregs te/ oM badzra d+h+ri ka swAhA/ zhes bya ba'i sngags kyis spyan drang bar bya'o/ /de nas dam tshig gis phyag rgya bcings te 'chad par 'gyur ba'i sngags kyis gtor ma sbyin par bya'o/ /phyag rgya ni rdo rje khu tshur gnyis bcings te/ mdzub mo dang mthe chung gnyis lcags kyu'i rnam par bcas te/ gung mo dang srin lag gnyis bkug pa dag gis rtsa ba'i tshigs su mthe bong btang la lag pa g.yon pa'i 'khrig ma lag pa g.yas pa'i 'khrig mas 'khyud cing/ snying khar bcangs la sngags 'di brjod la/ oM sarba

  53. 27a

    thA ga ta tsa kra kra ma prI Na ye swAhA zhes 'di gtor ma'i snod phul nas/ de'i rjes su oM badzra satwa sa ma ya ma nu pA la ya zhes bya ba la sogs pa'i yi ge brgya pa dang/ bdud rtsi 'khyil ba'i sngags dag gis shing gcig gam lam gyi sum mdo la sogs par spyi gtsug tu bcings te gtor ma sbyin par bya'o/ /khyed kyis sems can don kun mdzad ces bya ba la sogs pa'i tshigs su bcad pas gshegs su gsol bar bya'o/ /zhes dkyil 'khor gyi gtor ma'i cho ga'o/ /de'i rjes su gling bzhi'i bdag po rgyal po chen po bzhi la rim pa 'dis gtor ma sbyin par bya ba yin te/ mdun du Dh+ri dang bi dang bI dang re re zhes bya ba rnams las byung ba/ gdong gcig pa lag pa gnyis pa dkar po dang ser po dang nag po dang dmar po'i mdog can/ lus la go cha bgos pa spyi bor rmog gis brgyan pa/ mdung dang ral gri lag na thogs pa/ yul 'khor bsrung dang/ 'phags skyes po dang/ mig mi bzang dang/ rnam thos sras rgyal po chen po bzhi de rnams la snod bzhi po ni chang dang/ sha dang 'o ma dang 'bras thug la sogs pa kha zas rnams kyis bkang bar byas te/ dkyil 'khor gyi phyogs bzhi'i mdza' dgod par byas la sngags 'di dag gis sbyin par bya ste/ oM Dh+ri Ta rASh+Ta ya gand+harba se nA pa ta ye i maM ba li pra tIts+tsha ya sa ma ya ma nu sma ra A(rgyud 'grel): hUM phaT swAhA/ oM wI ru Dha kA ya mahA kuM b+hAna DA ti pa ta ye i maM pa liM pra tIts+tsha sa ma ya ma nu sma ra A(rgyud 'grel): hUM phaT swAhA/ oM bi rU pAk+Shu ya ma hA nA gA ti ba ta e i maM pa liM pra tIts+tsha sa ma ya ma nu sma ra A(rgyud 'grel): hUM phaT swAhA/ oM bai sh+ra ba na ya mahA yak+Sha se nA d+hi pa ta ye i maM ba li pra tIts+tsha sa ma ya ma nu sma ra A(rgyud 'grel): hUM phaT swAhA/ sngags de dag gis byin gyis rlabs te shar la sogs pa'i phyogs su gtor bar bya'o/ zhes rgyal po bzhi'i gtor ma'i cho ga'o/ /de'i rjes su 'byung po thams cad kyi gtor ma'i cho ga 'dis sbyin par bya ste/ re zhig dang por phyogs bzhi dag tu gling bzhi bris te/ zla ba phyed pa dang sogs kha'i rnam pa dang zlum po dang gru bzhi

  54. 27b

    rnams kyi dkyil du suM las ri rab bskyed de lha'i gnas ris drug gis brgyan pa/ dbus kyi cha ru zla ba dang nyi ma dag gis 'khor bar bsam te/ de'i 'og tu 'jog po dang rigs ldan dang mdza' yas dang/ pad+ma dang pad+ma chen po dang nor rgyas dang dung skyong dang stobs kyi rgya zhes bya ba'i klu'i rgyal po rnams kyis bskor ba/ de rnams kyi yang 'og tu gser mig la sogs pa'i lha ma yin gyi rgyal po 'khor dang bcas pa'o/ /de rnams kyi yang 'og tu yi dags gcer bu skam zhing skra gyen du song ba'o/ /de rnams gyi yang 'og tu dmyal ba chen po brgyad 'bar ba'i mes bzod par dka' ba dang/ grang ba'i dmyal ba yang shugs drag po can rlung gi reg pa dang bcas par bsams te/ gling bzhi la gnas pa'i skye bo sna tshogs pa'i mi rnams dang ngang pa dang phug ron la sogs pa dang rkang med dang rkang gnyis dang rkang bzhi pa dang rkang mangs la sogs pa byol song dang bcas par dmigs shing de rnams thams cad tshim par bya ba'i phyir shin tu rgyas pa'i snod chen po'i nang du 'bras chan dang sha chang dang myos byed dang bag phye'i 'bras bu dang nya skam po dang rlon pa dang 'bru lnga'i chan dang sla gor zho sha dang/ zangs la sogs pa'i phye ma dang dar dang dngul gyi dong rtse dang mgron bu la sogs pa rnams kyis yongs su bkang bar byas la/ sngar bshad pa'i bdud rtsi'i cho gas mi 'chi bar bya ste/ dril bu dkrol zhing spos bdugs la gong du bshad pa'i phyag rgya dang/ gdan bzhi las gsung ba'i sngags kyis de rnams dgug par bya ste/ snying rje chen po bskyed la sngags 'dis gtor ma sbyin par bya ste/ oM a kA ro mu khaM sarba d+harmA Ni A bya nutpan+na twA ta oM A(rgyud 'grel): hUM phaT swAhA zhes 'byung po la sogs pa'i gnas su gtor ma btang ngo/ /gtor mas tshim par byas ma thag tu de dag thams cad zhal gcig phyag gnyis pa sku mdog dkar po rdo rje dang dril bu 'dzin pa sems dpa' i skyil

  55. 28a

    mo krung du zhugs pa rdo rje sems dpa' i cha lugs can pad+ma'i gdan la bzhugs pa shin tu mnyam par bzhag pa/ mngon par dga' ba'i 'jig rten gyi khams su gshegs shing byang chub sems dpa' i tshogs kyis bskor ba chos ston par byed par bsgom par bya'o/ /zhes 'byung? po thams cad kyi gtor ma'i cho ga'o/ /nyal ba'i dus dang rab gnas mthar/ /de bzhin sbyin sreg tha mar ni/ /phyogs bcur tshim par bya ba'i phyir/ /khro rgyal rnams la gtor ma sbyin/ /re zhig dang por rnal 'byor pas/ /mdun du khro bo'i dkyil 'khor ni// rang gi sa bon las byung ba'i/ /ji ltar bshad pa'i mdog ldan pa/ /pad+ma'i steng du bsgom par bya/ /'khor lo bsgyur dang gnod mdzes dag /steng dang 'og tu bsgom par bya/ /drag po'i gzugs can bsgom byas nas/ /de nas gtor ma sbyin par bya/ /sha dang myos byed dag gis ni// snod bcu po ni dgar bar bya/ /mchod pa rnam lngas mchod byas nas/ /tshigs su bcad pa 'di rnams brjod/ /gtsang zhing gtsang ma'i gnas las byung/ /lha yi me tog dge ba 'di/ /bdag gis dad pas 'bul lags na/ /bzhes te bka' drin bdag la gsol/ /de bzhin du spos dang/ mar me dang/ dri dang/ lha bshol gyi tshig rnams brjod par bya'o/ /de nas yon chab dang/ zhabs bsil dang/ 'thor 'thung phul la/ dril bu'i dbyangs kyis spos bsreg cing spyan drangs par bya'o/ /oM A(rgyud 'grel): yanho A yanho kru d+ha rA dza e ha san+te swa b+hA ban+toM swAhA/ de nas rang rang gi sngags kyis snod rnams byin gyis brlab par bya ste/ na ma(rgyud 'grel): sa man+ta bud+d+ha b+hyo na mo badzra mud+ga ra hasta ya tsaN+Da maN+Da la ak+She pa kA rA ya hUM phaT/ gshin rje gshed kyi'o/ /na ma(rgyud 'grel): sa mAnha bud+d+he b+hyo na mo ma hA daN+Da d+ha ra bi bi d+ha su ra a su ra mar da na b+huM tan+ni rma tha hUM phaT shes rab mthar byed kyi'o/ /na ma(rgyud 'grel): sa man+ta bud+d+he b+hyo hu lu hu lu mahA pad+ma a mri te ku ru mahA bi ShA na a/ pad+ma mthar byed kyi'o/ /na ma(rgyud 'grel): sa man+ta bud+d+ha b+hyo na ma(rgyud 'grel): badzra kro d+ha ya mahA daMSh+Trod? ka Da b+hi ra wA ya badzra san+to ha darba ya a mri ta kuN+Da li hUM phaT bgegs

  56. 28b

    mthar byed kyi'o/ /na ma(rgyud 'grel): sa man+ta bud+d+he b+hyo oM ya ma daN+DA ya nI la dAN+DA ya/ tu ru tu ru mu ru mu ru sarba duSh+TaM ma ra ya hUM phaT dbyug sngon can gyi'o/ /na ma(rgyud 'grel): sa man+ta bud+d+he b+hyo na mo mahA ba lA ya u tsu shma kro d+ha rA dza ya/ sarba na gA nAM h+ri da yaM dA Da ya hUM phaT stobs po che yi'o/ /na ma: sa man+ta bud+d+he b+hyo na mo a tsa la kA Na tseTTa tseTTa moTTa moTTa g+ha g+ha/ g+hA ta ya g+hA ta ya hUM phaT mi g.yo mgon gyi'o/ /oM TAk+ki hUM dza 'dod pa'i rgyal po yi'o/ /oM suM b+ha ni suM b+ha hUM hUM/ oM grih+Na grih+Na hUM hUM/ grih+Na pa ya grih+Na pa hUM hUM/ oM A na ya ho b+ha ga bAnbi dyA rA dza hUM phaT gnod mdzad kyi rgyal po yi'o/ /na ma(rgyud 'grel): sa man+ta bud+d+he nA ma nA ma sa man+ta d+harmA NI na ma sa man+ta saM g+hA nAM/ oM si tA ta pa tre oM bi ma le oM shaM ka re/ oM pa tyaM gi ra badzra uSh+NI Sha tsakra warti sarba yan twa man tra mU la karma ban d+hA naM tA DA ni kI la naM wA ma ma kri te ye na ke? na tsit+ta kri te tadsa? dzaM tya tshinda tshinda b+hinda b+hinda di ri di ri tsi ri tsi ri hUM hUM hUM hUM hUM hUM hUM hUM hUM hUM phaT phaT phaT/ gtsug gtor 'khor los sgyur ba yi'o/ /sngags mchog dam pa de rnams kyis/ /gtor ma'i snod la sngags btab cing/ shar la sogs par gtor byas nas/ /rang gi gnas su 'jug par bya/ /gtor ma'i sbyin pa 'di yis ni/ /phyogs bcur gnas pa'i 'byung po rnams/ /khro bo'i rgyal po tshim byas nas/ /de dag ma lus tshim par 'gyur/ /gang phyir khams gsum thams cad ni/ /phyogs bcu pos ni yongs bskor ba/ /khro bo'i rgyal po rang nus pas/ /thams cad rtag tu skyong bar byed/ /rab gnas mthar ni 'di byas pas/ /gtor ma yis ni brtan par 'gyur/ /gzugs brnyan ras bris mchod rten sogs/ /bskal pa'i bar du gnas par 'gyur/ /sbyin sregs mthar ni lha mo rnams/ /de bzhin gshegs pa mnyes par 'gyur/ /nyal ba'i dus su cho ga bzhin/ /gtor ma sbyin pa 'di nyid kyis/ /rmi lam ngan pa sgrub pa pos/ /nam yang mthong bar mi 'gyur ro/ /rnal 'byor dbang po rmi lam ni/ /bzang po kho nar mthong bar 'gyur/ /zhes khro bo'i

  57. 29a

    rgyal po'i gtor ma'i cho ga'o/ /de'i rjes su rang dad pa'i lha'i nga rgyal dang ldan pa'i rnal 'byor pas rang gi snying gar yi ge khaM yongs su gyur pa'i sna tshogs rdo rje'i chang zungs la gnas pa'i yi ge khaM gi thig le la ngal bso ste/ de'i rjes sngar bshad pa'i khro bo'i rgyal po'i sngags bcu brjod cing se gol brdabs te phyogs bcing bar byas la nyal bar bya'o/ /de'i tshe rmi lam bzang po mthong bas slob dpon la bzla bar bya'o/ /de med na bcom ldan 'das de bzhin gshegs pa rnams kyi mdun du smra par bya yis gzhan du ni ma yin te/ tho rangs ldang ba'i dus su khyod ni rdo rje thugs te zhes bya ba la sogs pa'i tshigs su bcad pa brjod cing spyan la sogs pa rnams kyi bdag la sad par byed par bsam mo/ /slar yang tho rangs nas brtsams te snga ma bzhin du gnas bzung ba la sogs pa sngon du 'gro bar bsgom par bya'o zhes las kyi rgyal ba mchog gi ting nge 'dzin dang sprul pa'i sku bstan pas gzhan gyi don phun sum tshogs pa yang bstan to/ /de ltar phun sum tshogs pa gnyis ka gtsor gyur pa'i ting nge 'dzin gsum gyi bdag nyid bskyed pa'i rim pa bstan to// //da ni rdzogs pa'i rim pa bshad par bya ste/ de yang bskyed pa'i rim pa'i pha rol tu phyin pas bsgom par bya ba 'di yin te/ dbang po rno bas dbang ba dang rang bzhin gyis grub pa'i phyir bskyed pa'i rim pa'i pha rol tu phyin pa'i rtags ni 'di dag yin te/ rang gi bdag nyid kyis ji bzhin bsgoms pa'i rang 'dod pa'i lha'i rnam pa gang yin pa de ma 'khrul zhing bsal bar snang ba dang/ gzhan rnams kyang de bzhin du mngon par mthong ba dang ldang ba dang 'dug pa dang nyal ba dang 'chag pa'i mtshan nyid spyod lam bzhi po'i dus su lha'i rnam par dag pa mthong ba dang/ zhi ba dang/ rgyas pa dang/ dbang dang/ dgug pa dang/ rnam par sdang ba dang/ rengs pa dang/ bskrad pa dang/ mngon spyod ces bya ba dngos grub brgyad dang/ de bzhin

  58. 29b

    du sman mchog dang ro dang bcud kyis len dang/ gser 'gyur gyi rtsi dang sbyor ba dang nam mkha' lding gi sbyor ba dang/ sa 'og gi dngos grub dang/ ro langs dang ral gri dang ril bu dang mig sman dang rkang mgyogs dang 'khor lo'i rig pa 'dzin pa la sogs pa dngos grub rnam pa du ma gang yin pa de rnams gzhan gyi don du mi bslu bar 'grub pa dang/ rang gi lus la utpa la sngon po'i dri bro ba dang/ chos gos la sogs pa dang rdul dang lus la shig dang 'bu med pa dang/ phyi'i kham gyi zas la bltos pa med pa dang/ bza' bca' thob nas kyang sred pa med pa dang shing rtog la sogs pa gang ci yang rung bas chog shes pa dang/ yul la 'dod pa chung ba dang/ mi slong zhing sbyin pa gtong ba dang/ bshang ba dang gci ba chung ba'o/ /nges pa can gyi rtags de dag gis bskyed pa'i rim pa'i rnal 'byor la mthar phyin par shes par bya'o/ /ji skad du/ langkar gshegs pa las/ du ba las ni mer shes te/ /chu skyar las ni chu yin no/ /byang chub sems dpa' blo ldan gyis/ /rigs ni mtshan ma rnams las shes/ zhes 'byung ngo/ /de ltar bskyed pa'i rim pa mthar phyin nas rdzogs pa'i rim pa la goms par bya ste/ rab tu byed pa'i mkhan pos kyang/ /bskyed pa'i rim pa legs gnas shing/ /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ zhes 'byung ngo/ /de la bskyed pa'i rim pa la legs par gnas pa gang zhe na/ gang dang po'i sbyor ba la sogs pa'i bsgom pa'i rim pas/ rigs brgya'i dbye bas lus rnam par dben pa la zhugs pa'o/ /rigs brgya'i dbye ba ni gzugs kyi phung po'i tshogs ni rnam par snang mdzad do/ /tshor ba'i phung po'i tshogs ni rin chen 'byung ldan no/ /'du shes kyi phung po'i tshogs ni 'od dpag tu med pa'o/ /'du byed kyi phung po'i tshogs ni don yod grub pa'o/ /rnam par shes pa'i phung po'i tshogs ni mi bskyod pa'o/ /de rnams re re rigs lnga'i dbye bas nyi shu rtsa lngar 'gyur ro/ /sa ni sangs rgyas spyan yin te/ /chu khams mA ma kI ru

  59. 30a

    bshad/ /gzi brjid gos dkar mo yin te/ /rlung ni dam tshig sgrol mar bshad/ /de rnams re re rigs lnga dbye bas nyi shur 'gyur ro/ /rdo rje skye mched 'di dag kyang byang chub sems dpa' i dkyil 'khor mchog ces bya bas mig la sogs pa'i dbang po rnams re re'ang rigs lnga lnga'i dbye bas nyi shu rtsa lngar shes par bya'o/ /yul gyi lha mo rnams re re rigs lnga lnga'i dbye bas nyi shu rtsa lnga'o/ /khyab par byed pa ye shes lnga ni rigs brgya'i bye brag go /ji skad du/ phung po khams dang skye mched rnams la ni// lnga po'i dbye bas lnga ru byas pa la/ /de bzhin gshegs pas so sor byin gyis brlab/ /'khor ba'i las rnams dag ni gang las byung/ /de bzhin dbang po phyi rol yul bcas lnga/ /re re zhig kyang bde gshegs lnga rnams kyis/ /de la rang rang rtag tu byin brlob cing// ye shes lnga dang gsum du yang dag gnas/ /zhes 'byung ngo/ /de bzhin du yang/ rigs ni rnam par brgyar bshad pa/ /mdor bsdus pa ni rnam pa lnga/ /lus ngag yid kyi dbye ba yis/ /phyis ni rnam pa gsum du 'gyur/ zhes 'byung bas so/ /rigs brgya'i dbye bas lha'i gzugs su lus rnam par dben par byas la/ thams cad stong pa'i rang bzhin de kho na nyid rnal 'byor bas mngon du byed de/ ci'i phyir zhe na/ rigs brgya po gang bshad pa de mdor bsdus pas lnga ru 'gyur te/ phung po lnga dang nyon mongs pa lnga dang 'byung ba chen po lnga dang ye shes lngas rnam par dag pa'i phyir ro/ /rigs lnga po de yang slar yang gsum du 'gyur te/ sku dang gsung dang thugs kyis so/ /rin chen dang don yod pa'i rigs dag ni sku'i rigs dang gsung ngam thugs kyi rigs su bsdu bar bya'o/ /de la nga rgyal gyi ngo bo nyid rin chen 'byung ldan ni gti mug las 'byung ba'i phyir sku'i rigs su bsdu bar bya'o/ /don yod grub pa phrag dog gi ngo bo nyid ni 'dod chags sam zhe sdang las 'byung ba'i phyir 'dod chags kyi rigs sam zhe sdang las kyi rigs su bsdu'o/ /rigs gsum po de gcig pa nyid du shes

  60. 30b

    par bya'o/ /gang gi phyir lus dang ngag gi ni thugs kyi rdo rje la bsdu ba yin te/ snang ba thams cad kyi rtsa ba yin pa'i phyir ro/ /sems de yang snang ba dang snang ba mched pa dang nye bar thob pa'i dbye bas dpyad pa na thams cad stong pa'i ngo bo nyid du 'gyur te/ ji skad du stong pa'i chos las stong chos rnams 'byung zhes slob dpon klu sgrub kyi zhal snga nas kyis gsungs so/ /rab tu byed pa las kyang/ ji ltar chu klung dang ba las/ /nya ngag myur du ldang gyur te/ /de bzhin thams cad stong gsal la/ /sgyu 'phrul dra ba 'byung bar 'gyur/ zhes 'byung ngo/ /rigs brgya'i dbye ba bsgom pa'i rim pa 'dis/ /rnal 'byor pa phyir mi ldog pas brgyad pa la gnas par 'gyur ro/ /de ltar bskyed pa'i rim pa la mthar phyin nas rdzogs pa'i dang po/ rdo rje 'das pa la goms par bya'o/ /de la dang po rlung gi de kho na nyid la dmigs nas sngags kyi de kho na nyid la dmigs par ro/ /rlung gi de kho na nyid ces bya ba ni gdong gi sna la sogs par gnas pa'i yungs kar phra mo tsam gyi thig le bsgom pa'o/ /gang gi phyir rlung ni lus thams cad la khyab pa dang/ las thams cad byed cing srog chags thams cad kyi srog tu gyur pa rnams shes kyi bzhon pa gcig pu kho na'o/ /de yang phung po lnga'i dbye bas lnga ru 'gyur te/ srog dang thur du sel ba dang/ me dang/ mnyam pa dang/ gyen du rgyu ba dang/ khyab pa'o/ /de la srog ni lte ba la gnas shing rnam par shes pa skyed par byed pa'i las can no/ /thur du sel ba ni bshang lam la gnas shing tshor ba'i phung po mngon par bskyed pa'i las can no/ /gyen du rgyu ba yi ni mgrin pa la gnas shing 'du shes kyi phung po mngon par bskyed pa'i las can no/ /me dang mnyam pa ni snying ga na gnas shing 'du shes kyi phung po mngon par bskyed pa'i las can no/ /khyab par byed pa ni lus kyi tshigs thams cad la gnas shing gzugs kyi phung po mngon par bskyed pa'i las can no/ /de dag sa la sogs pa 'byung ba chen po lnga dang/ de bzhin gshegs pa lnga dang/ kha dog lnga dang ldan zhing zhi ba la sogs pa'i las byed pa'i ye shes lnga'i ngo bo nyid du shes par bya'o/ /yan lag gi rlung

  61. 31a

    ni rgyu ba dang rnam par rgyu ba dang kun tu rgyu ba dang/ rab tu rgyu ba dang/ nges par rgyu ba'o/ /de dag gi mig la sogs pa'i dbang po lnga la brten te gzugs la sogs pa gzung ba'i mtshan nyid can gyi las byed do/ /de rnams kyang de bzhin gshegs pa lnga'i ngo bo nyid do/ /bcu po de rnams kyi ming ni sgra ji bzhin ma yin pas dpal sangs rgyas thams cad dang mnyam par sbyor ba las bcom ldan 'das kyis gsungs te/ ku Ta khya dang ku Ta dang/ /ku Ta b+ha dang ku Ti ra/ /ka ku la tsha ku la wa/ /ku lA b+ha ko la ra ba/ /srog dang thung sel mo mnyam dang/ /gyen du de bzhin khyab byed dang/ /glang po rus sbal rtsangs pa dang/ /lhas byin dang ni gzhu las rgyal/ zhes 'byung ngo/ /rlung bcu po de dag gnas dang nyon mongs pa dang las kyi bye brag la brten te/ nyin mtshan du zo chun bzhin du sems can gyi khams 'jug par byed pa na 'khor bar byed cing/ yang dang yang du 'khor ba'i sgo nas nying mtshams sbyor ba la bcings pas nyon mongs par byed do/ /rlung de rnams kyi de kho na nyid yongs su shes pas grol bar 'gyur bas de bshad par bya ste/ de'i de kho na nyid ni thig le bsgom pa'o/ /gang gi phyir thabs dang shes dang snyoms par zhugs pa'i dus su rtsa stong phrag bdun cu rtsa gnyis kyi 'khor lo las byung ba'i byang chub kyi sems rdo rje nor bu'i rtse mor gong bu'i gyur pa na/ rlung dang nye ba'i rlung thams cad rab tu zhi bar byung bas na/ gsal ba dang dga' ba'i rang bzhin can gyi 'od gsal ba'i de kho na nyid mngon par 'gyur ro/ /de'i phyir bde ba chen po'i dbang gis rlung gzugs med kyang byang chub kyi sems kyi thig le'i gzugs 'gyur te/ shin tu brang ba'i dbang gis chu'i sra ba nyid bzhin no/ /thig le de yang rnam pa gsum ste/ gsang ba'i sna'i rtse mor byang chub kyi sems kyi thig le gsung gi rdo rje'i rnal 'byor pas bsgom par bya ba dang snying ga'i pad+ma'i sna'i rtse mor sngags kyi thig le thugs kyi rdo rje'i rnal 'byor pas bsgom par bya ba dang/ gdong gi sna'i rtse mor

  62. 31b

    rlung gi thig le 'od zer can sku'i rdo rje'i rnal 'byor pas bsgom par bya ba'o/ /de la snyoms par zhugs pa las 'byung ba yan lag dang nying lag thams cad nas 'pho bas dam pa dga' ba'i gnas skabs su/ rdo rje dang pad+ma'i sna ru 'dzin par gyur pa na dag gi spros pa thams cad sangs la/ brjod du med pa'i thig le 'dod chags can gyi rnal 'byor pas bsgom par bya'o zhes gsung gi rdo rje'i rnal 'byor ro/ /spyi bo dang lkog ma dang/ snying ga na gnas pa'i yi ge gsum po la dmigs te/ sku'i rdo rje'i sa bon gyi cha rnams steng nas brtsams te gcig nas gcig tu thim par byas te/ 'og gi cha gsung gi rdo rje'i cha rnams la 'jug par bya ste/ de'i cha rnams kyang snga ma bzhin du 'jug par byas la yi ge hUM du thim par bsam mo/ /yi ge hUM cha bzhi pa yang zhabs kyu nai ' la thim pa dang/ 'a ha la thim pa dang/ ha mgo bo la thim pa dang/ mgo bo zla tshes la thim pa dang/ zla tshes thig le la thim pa dang/ thig le sems rtse gcig par byas pas nam mkha' lta bu'i ngo bo nyid du gnas pa ni zhe sdang rdo rje'i rnal 'byor pa'i phra mo'i rnal 'byor ro/ /de bzhin du lus 'di la khams bzhi'i rang bzhin dkyil 'khor bzhi yod de/ de yang mgrin pa dang/ snying ga dang/ lte ba dang/ gsang bar gnas pa ste/ gru gsum dang/ zlum po dang/ gzhu'i dbyibs can dang/ gru bzhi'o/ /dmar po dang/ dkar po dang/ dung ka dang/ ser po'i mdog can me dang/ chu dang/ rlung dang/ sa'i ngo bo nyid do/ /yaM raM baM khaM zhes bya ba'i sa bon las byung ba dang/ snang ba mdza' yas dang/ mi bskyod pa dang/ don yod grub pa dang/ rin chen 'byung ldan gyi byin gyis brlabs pa ste thabs bstan to/ /de nas gos dkar mo dang/ mA ma kI dang/ sgrol ma dang/ sangs rgyas spyan gyi byin gyis rlob pa ni shes rab kyi ngo bo nyid do/ /g.yas pa dang/ gnyis ka dang/ dman par rgyu ba rnams kyi sna'i sgor bstan to/ /snga dro dang/ nyi ma phyed dang/ phyi dro dang/ mtshams dag gi dus bstan pa de bzhin du yang mtshan mar ro/ /dbang dang/ zhi ba dang/ dgug pa dang/ rgyas pa ni phrin las so/ /dkyil 'khor de rnams las tho rangs nas brtsams te/ kha dog dmar po'i 'od zer sna'i

  63. 32a

    bug pa g.yas pa nas 'byung bar 'gyur zhing sna'i rtse mor thun gyi phyed kyi phyed kyi bar du gnas par 'gyur ro/ /de bzhin du thun gnyis pa la kha dog ljang ser can/ 'od zer sna'i bug pa g.yon nas 'byung zhing de nyid du thun gyi phyed kyi phyed kyi bar du gnas pa'o/ /thun gsum pa la yang kha dog ser po 'od zer gnyis ka las 'byung zhing sna'i bug pa de nyid du thun gyi phyed kyi phyed kyi bar du gnas so/ /thun bzhi pa la yang gnyis ka kha nas 'byung zhing 'on kyang dal zhing dman par rgyu ba kha dog dkar po'i 'od zer 'byung zhing/ de yang thun gyi phyed kyi phyed kyi bar du gnas pa ste mtshan mo yang de bzhin no/ /de ltar nyin mo dang mtshan mo thun brgyad la chu tshod drug cu'i bar du stong phrag nyi shu rtsa gcig dang drug brgya dkyil 'khor so sor dag tu 'jug pa dang gnas pa dang ldan pa'i rim gyis rgyu ba'o/ /dkyil 'khor re re dag la bzhi bzhi'i bdag nyid yod de/ cha de rnams su 'jug pa la sogs pa'i rim pas sngar bshad pa'i grangs 'byung ngo/ /gdong gi sna'i rtse mor de dag thams cad gcig tu bsdus te thig le'i gzugs bsgom pa ni/ gzugs la dga' ba'i sku'i rdo rje'i rnal 'byor pas phra mo rnal 'byor bsgom la la na re smin ma'i mtshams dang lte ba'i dbus su thig le tsam bsgom pa ni rin chen 'byung ldan dang don yod grub pa bsgrub pa rnal 'byor pa dag gi bsgom par bya ba yang rigs te/ phung po dang/ nyon mongs pa dang/ 'byung ba chen po dang/ dbang po dang/ yul dang/ rnam par shes dag gi rnam par dag pa brten pa'i phyir ro/ /sku dang gsung dang thugs kyi dbye bas rnam pa gsum bsgom par bya ste/ 'on kyang smin ma'i mtshams dang lte ba'i dbus su gsang ba nas thig le thur du sel ba'i rlung bzlog ste/ steng du bcug la byang chub kyi sems kyi thig le kho na bsgom pa yin cing? sngar ma byung ba las gzhan dag ni ma yin no/ /snying ga'i pad+ma dang gdong gi sna la gnas pa'i thig le de nyid 'og nas 'gugs shing bsgom par bya zhes rgyal po in+d+ra bo d+hi bzhed do/ /dgongs pa de bcom ldan 'das kyis gsungs te/ sna yi rtse mor yungs kar bsgom/ /'gro dang ma

  64. 32b

    'gro yungs kar la/ /gsang ba'i ye shes kyis brtags pa'o/ /ye shes mchog gi gnas bsgom mo/ /rin chen kha dog sna lnga pa/ /yungs kar gyi ni 'bru tshad tsam/ /sna yi rtse mor nan tan du/ /rnal 'byor rig pas rtag tu bsgoms/ zhes 'byung ngo/ /thig le phra mo'i rnal 'byor 'dis rtags rnyed pa'i rnal 'byor pa'i sems rtse gcig par 'gyur te/ rdul phra rab dang chen po dam pa la dmigs pas sems dbang du 'gyur ba'i phyir ro/ /zhi ba la sogs pa'i las kyi rab 'byams 'bad pa med par 'grub par 'gyur te/ de kho na nyid mthong ba'i phyir/ ji skad du/ dam pa'o don du don cig mthong ba na/ /don gcig 'gro ba thams cad mthong bar 'gyur/ /'gram gyi phyogs gcig chu ni mthong 'gyur na/ /chu yi 'byung gnas thams cad myong ba yin zhes 'byung ngo/ /de bzhin du yang/ dngos po gcig ni dngos po kun 'dra bzhin/ /de bzhin dngos kun dngos po gcig tu bzhin/ /de nyid kyis ni dngos po gcig mthong bas/ /dngos po thams cad de yi de nyid mthong/ zhes 'byung ngo/ /'di ni rlung gi de kho na nyid do// //de nas sngags kyi de kho na nyid rim pa 'di bsgom par bya ste/ sngags kyi de kho na nyid rnam pa bzhi'i sngags btu ba dang/ sngags kyi don dang/ /sngags kyi brda dang/ sngags kyi de kho na nyid do/ /de la sngags thams cad ni A li kA li las 'byung zhing de rnams kyang bcom ldan 'das kyi sems can thams cad kyi bsam pa dang/ bag la nyal dang rigs dang bag chags kyi bye brag la brten te/ sa ya bdun phyir thabs dang shes rab kyi ting nge 'dzin las dbyer med pa'i lha mo rnams kyi bstod de thal ches pas chog go /de'i rjes su snga ma bzhin du bcom ldan 'das zhal dang phyag mtshan ji lta ba bzhin du ye shes kyi phyag rgyas 'byung ba bzhengs par mthong nas de bzhin gshegs pa lnga'i sgo nas rnam par snang mdzad la sogs pas bstod par 'gyur te/ mir skyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje gsum la phyag 'tshal lo/ /rnam?

  65. 33a

    par snang mdzad dga' chen po/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje phyag 'tshal bstod/ /rin chen rgyal po shin tu zag /rdo rje nam mkha' dri ma med/ /rang bzhin gyis dag gos pa med/ /rdo rje gsung la phyag 'tshal bstod/ /rdo rje 'chi med rgyal chen po/ /rtog med nam mkha' rdo rje 'dzin/ /'dod chags pha rol phyin thob pa/ /gsung gi rdo rjer phyag 'tshal bstod/ /don yod rdo rje rdzogs sangs rgyas/ /bsam pa thams cad yongs rdzogs pa/ /rnam dag ngo bo las byung ba/ /rdo rje sems la phyag 'tshal lo/ /de'i rjes la bstod pa'i tshig thos ma thag tu nga rgyal brtan par gyur pas kyang gal te skyo bar gyur na/ de'i tshe phung po khams dang skye mched kyi rang bzhin gyi lus tshim par bya ba'i phyir cho ga 'di brtsams par bya ste/ 'tshogs ma'i bug pa nas mtho gang tsam gyi steng du kunda dag pa'i 'od dang mtshungs pa'i yi ge oM rnam par dgod de/ de yongs su gyur pa'i dri med pa'i nam mkha' i zla ba'i dkyil 'khor dang mtshungs pa'i lha'i bdud rtsi'i rang bzhin gyi gzugs brnyan rnam par bsgoms te/ de'i dbus su thur du 'phyang ba 'bar ba'i phreng ba can/ oM rnam par dgod de/ de'i 'od zer gyi bzhu bar bya ste/ de'i bdud rtsi 'bab chu'i rgyun gyi rnam pas 'tshogs ma'i bu ga'i lam nas 'ongs pa de rkan gyi phugs la gtad pa'i lces kun tu myang bar byas la/ rtsa kun tu spyod pa'i rim pas yan lag dang nyid lag thams cad rgyas par bya'o/ de ltar byas pas bsam gtan gyi zas can dbang po thams cad yongs su rdzogs pa/ kham gyi zas la bltos pa med cing gnas par 'gyur ro zhes tshim par byed pa'i cho ga gcig go /cho ga gnyis pa yang yod de/ mchu gnyis kyi rtse mor oM yongs su gyur pa'i kha dog ser po bum pa bzang po bkod de de'i nang du saM yongs su gyur pa las bdud rtsis kha'i bar du yongs su bkang ba la dmigs te/ lce'i rtse mor hUM phra mo yongs su gyur pa'i rdo rje phra mos de'i nang nas bdud rtsi bkug la snga ma bzhin du phung po la sogs pa tshim par bya'o zhes khyad par ro/ /de'i rjes su

  66. 33b

    phyi'i dkyil 'khor lus kyi dkyil 'khor la rab tu 'jug cing bdud rtsi myang bar bya ste/ ye shes sems dpa' i thugs ka'i sa bon las byung ba'i 'od zer gyi tshogs lcags kyu'i rnam pas phung po la sogs pa'i ngo bo nyid de bzhin gshegs pa dang lha mo dang byang chub sems dpa' dang khro bo'i 'khor lo snga ma bzhin du bkug la/ yan lag dang tshigs thams cad du nges par dgod de/ de las kyang sku'i rdo rje 'jig pa'i ngo bo nyid lha'i 'khor lo spyi bor oM las bsdu ba dang/ gsung gi rdo rje'i ngo bo nyid lha'i 'khor lo mgrin par yi ge A(rgyud 'grel): la bsdu ba dang/ thugs kyi rdo rje 'dzin pa'i ngo bo nyid kyi lha'i 'khor lo thugs ka na gnas pa'i yi ge hUM la bsdu bar bya'o/ /de'i rjes la yi ge oM A(rgyud 'grel): la thim pa dang/ A(rgyud 'grel): yi ge hUM la thim pa dang/ hUM de nyid la yang ye shes kyi phyag rgya dang snyoms par zhugs pa'i rang gi lha'i gzugs brnyan bsdus te/ slar yang hUM de nyid la khams gsum ma lus bsdus te/ de nyid yongs su gyur pa las slar yang bde ba chen po'i rang bzhin can rdo rje 'chang chen po'i gzugs brnyan bsgom par bya'o zhes dpa' bo gcig tu bsgom pa'i bdag nyid can gyi 'khor lo nye bar bsdu ba'i bsgom pa'i cho ga'o/ /de'i rjes la kha dog sngon po yi ge yaM yongs su gyur pa las/ mdun du gzhu'i dbyibs can rlung gi dkyil 'khor rnam par bsams te/ de'i steng du yi ge raM yongs su gyur pa las me'i dkyil 'khor zur gsum pa me'i phreng bas dkrugs par bsam mo/ /de'i steng du yi ge a dkar po yongs su gyur pa las dum bu gcig pa pad+ma'i snod bsam ste/ de'i dbus su ma ri wI shu me'i sa bon dang go ku da ha na zhes bya ba'i sa bon lnga bkod de/ yi ge bcu 'dres par gyur pas lnga ru song bar rnam par bsams te/ de dag yongs su gyur pa las rtag pa la sogs pa'i rang bzhin can gyi rdzas rnam pa lnga po de'i steng du rim pa ji lta ba bzhin du de bzhin gshegs pa lnga'i sa bon oM la sogs pa rnam par dgod de/ spro ba dang bsdu pa'i rim pas sum cu rtsa gnyis gsungs so/ /de dag thams cad kyi rtsa ba ni bcom ldan

  67. 34a

    'das ma phyi mo'i yi ge bzhi bcu rtsa dgu pa'o/ /de yi yang rtsa ba ni lte ba'i 'og 'od gsal ba'i gnas las byung ba srog ces bya ba'i rlung ngo/ /ji skad du/ nam mkha' i rlung ni lus la 'byung ba ste/ /yang dag brjod pas dbyangs ni khang phyin pa/ /gnas gzhan dag tu rab tu phye bas na/ /yi ge nyid du gyur ba gang yin de sgra yin/ /de ni tshangs pa'i yi ge dag byed mchog /phugs na gnas par yang dag bram zes 'dod/ /de ni yang dag rab tu sbyor gyur na/ /des legs mngon par mtho bas skyes bur sbyor/ /zhes so/ /de bas na srog de nyid snying la sogs pa'i gnas brgyad la reg pas dbyangs dang gsal bya'i sde tshan rnams bskyed par byed do/ /ji skad du yi ge rnams kyi gnas brgyad de/ /brang dang mgrin pa mgo de bzhin/ /lce yi rtsa bso dang ni/ /sna dang mchu dang rkan dag go /zhes 'byung ngo/ /gnas brgyad po de dag las sde tshan brgyad skye bar 'gyur te dbyangs kyi sde ka la sogs pa ma'i bar du sde tshan lnga dang bar na gnas pa dang drod kyi yi ge sde tshan gnyis te/ rnam par shes pa tshogs brgyad rnam par dag pa'i ngo bo yin zhes par du'o/ /de las kyang tshig rnams ni ba lang dang rta la sogs pa'i sgra 'byung ngo/ /de rnams las kyang ngag skye ba yin te/ dper na kye lhas byin pa dkar mo dbyug pas brdungs shig ces bya ba la sogs pa'o/ /de rnams kyang dag chen por 'gyur te/ dper na 'di skad bdag gis thos pa'i dus gcig na zhes bya ba la sogs pa'o/ /dag chen po las kyang bstan bcos rtsom pa dang/ gar gyi bstan bcos dang/ rab tu byed pa dang/ rlung dang lung bstan pa dang/ rtog ge dang/ grangs can pa dang/ mchog 'os dang/ phyugs kyi bdag por dang/ rigs par? dang/ khyad par pa dang/ dpyod pa pa dang/ bde bar gshegs pa la sogs pa'i bstan bcos dang/ 'jig rten gyi tha snyad kyi bye phrag gi rnam pa drug tu byung ba de dag thams cad kyi rgyur gyur pa ni phyi mo'i yi ge kho na'o/ /de la sngags thams cad btu bas na sngags kyi btu ba ste/ phyi mo'o/ /de ni spro

  68. 34b

    ba'i rim pas sngags btu ba'o/ /bsdu ba'i rim pas kyang 'di lta ste/ a la sogs pa nas ha'i bar du sde tshan brgyad pa dang po'i yi ge rnams kyis bsdus pa yin te/ a ka tsa Ta ta pa ya sha'o/ /de dag kyang 'byung ba'i yi ge bzhi la bsdu bas a ka ya sha'o/ /de dag kyang gsum du bsdus pa las a ka ya'o/ /de rnams kyang yi ge gsum du 'gyur te/ de la shes rab kyi rang bzhin yi ge a/ 'dod chags kyi sa bon yi ge A'o/ /thabs kyi ngo bo nyid kyi yi ge ka yongs su gyur pa'i thugs kyi rdo rje'i sa bon yi ge hUM ngo/ /gnyis ka snyoms par zhugs pa'i mtshan nyid yi ge a yongs su gyur pa gti mug rdo rje'i sa bon yi ge A(rgyud 'grel): 'o/ /de rnams khams gsum dang/ srid pa gsum dang/ sku gsum dang/ ye shes gsum dang/ rtsa gsum dang/ rdzas gsum dang/ sems dpa' gsum dang/ de bzhin gshegs pa gsum dang/ lha mo gsum dang/ dkyil 'khor gyi ngo bo nyid bud med dang skyes pa dang ma ning dang/ thabs dang shes rab dang gnyis ka snyoms par zhugs pa dang/ zla ba dang/ nyi ma dang/ me dang/ nyin mo dang/ mtshan mo dang/ mtshams kyi rang bzhin yi ge gsum skye bar 'gyur te/ de yang phan tshun yi ge oM A(rgyud 'grel): la zhugs pa dang/ A(rgyud 'grel): hUM la zhugs pa dang/ hUM ni thig le dang bcas pa la dmigs te/ thig le ni zla tshes la thim pa dang zla tshes mgo bo la thim pa dang/ mgo bo ha la thim pa dang/ ha zhabs skyed la thim pa dang/ zhabs skyed thung du a ru gyur pas dag ma lus pa'i ngo bo nyid gnas par 'gyur ro zhes sngags kyi de kho na nyid kyis btu ba'o/ /sgyu 'phrul dra ba las kyang/ a ni yig 'bru kun gyi mchog /don chen yi ge dam pa ste/ /khong nas 'byung ba skye ba med/ /tshig tu brjod pa spangs pa ste// brjod pa kun gyi rgyu yi mchog /tshig kun rab tu gsal bar byed/ /ces 'byung ngo/ /rdo rje dkyil 'khor gyi rgyan las kyang/ /snying gi dkyil na mi shigs pa'i/ /'bar ba'i mar me dag dang mtshungs/ /yi ge dam pa phra ba ni/ /a ni khyab bdag gtso bor gnas/ shes 'byung ngo

  69. 35a

    gang las 'byung ba dang thim pa de ni yi ge a ste/ de'i rgyu can sngags thams cad yin pas btu ba yang de kho na nyid kyis khyab pa'o/ /gang gi tshe ma ning gi bzlas pa'i dus su lte bar thim par gyur pa de'i tshe 'gro ba dang 'ong ba dang bral ba/ 'od gsal ba nyid sngags thams cad skyed par byed pa'i rgyu yin pas de nyid las btu bar bya'o/ /btu ba ni rnam pa gsum ste/ gang gi phyir phyi mo'i yi ge dang a dang 'od gsal ba nyid de/ spros pa dang spros pa med pa dang shin tu spros pa med pa'i phyir spyod pa bzhin zhes btu ba'o/ /sngags kyi don zhes bya ba ni yi ge oM gyi don ni rnam par snang mdzad do/ /A(rgyud 'grel): 'i don ni snang ba mdza' yas so/ /yi ge hUM gi don ni mi bskyod pa'o/ /swA dang hA dag gi don ni rin chen 'byung ldan dang don yod grub pa'o/ /de bzhin du gzhan rnams kyi brjod par bya'o don la brtan te rang rang gi lha'i bdag nyid kyi don brtag par bya'o zhes bya ba'i don to/ /sngags kyi brda zhes bya ba ni sbrul dang mgo med dang mdza' med dang btu ba'o/ /de la oM dang swAhA ldan pa ni sbrul lo/ /oM med cing swAhA dang ldan pa ni mgo med do/ /swAhA med cing oM dang ldan pa ni mdza' med do/ /gnyis ka spangs pa ni btus pa'o/ /de rnams kyi dpe ni le'u bcu bzhi pa las 'chad par 'gyur ro/ /de yang las kyi dbye bas brda'i dbye ba ste/ zhi pa dang rgyas pa dang dbang dang dgug pa la sogs pa dag tu dgongs pa'i phyir ro/ /gzhan yang brda bcu gcig po ni spel ba dang 'dres pa dang kha sbyar la sogs pa rdo rje gtsug tor gyi rgyud las rtogs par bya'o/ /de bzhin du yang snying po dang/ nye ba'i snying po dang/ snying po bskul bar byed pa dang/ rtsa ba'i sngags dang/ phreng ba'i sngags dang/ rig sngags dang/ gzungs sngags dang/ sa bon dang/ ming gi yi ge dang po dang/ phyung ba'i sngags rnams ni las dang rjes su mthun pas bcom ldan 'das kyis gsungs so/ /de la snying po ni bcom ldan 'das mngon du rjod par byed pa'o/ /nye ba'i snying po ni yan lag gi sgo nas yin gyi

  70. 35b

    dngos su ni ma yin no/ /de dag ni 'das pa'i dus dang las kyi rab 'byams sgrub pa la shes par bya'o/ /snying po bskul ba ni lha'i thugs kyi nus pa nan tan gyis bkug la bdag nyid 'jug pa'o/ /rtsa ba'i sngags ni mngon par 'dod pa'i lha mngon du byed pa'o/ /phreng ba'i sngags ni mchod pa'i mthar chun 'phyar 'bul ba'o/ /rig pa'i sngags ni sa 'og la sogs pa'i dngos grub sgrub pa'o/ /gzungs sngags ni rgyal po la sogs pa'i 'jigs pa bzlog pa'o/ /sa bon gyi sngags ni de bzhin gshegs pa dang lha mo rnams bskyed pa'o/ /byung? ba'i sngags ni gsang ba'i gnas su dam tshig gi dkyil 'khor spro bar byed pa'o/ /ming gi dang po'i yi ge rnams ni sa bon gyi sngags kyi khyad par ro/ /de bas na brda'i sgo nas 'dod pa'i don thams cad 'grub pa yin zhes sngags kyi brda'o/ /sngags kyi de kho na nyid ni de bzhin gshegs/? chos thams cad kyi don dam pa'i 'od gsal bas brtags shing chos nyid kyi mtshan nyid do/ /gang gi phyir de kho na nyid yongs su shes pa med par zhi ba la sogs sgrub pa la sngags thams cad don dang ldan par 'gyur ro/ /ji skad du/ yi ge'i gzugs can sngags rnams ni/ /de bas? dan? pa rnams mi 'dod/ /gang phyir rtsa mchog tsam nyid ni/ /'gugs par byed par mi nus so/ /zhes 'byung ngo/ /mthar thug pa'i rim pa las kyang/ so mchu rkan dang le'u sogs kyis/ /ngag ni bskyod pa dang ldan pa/ /de ni 'gyur pa nyid yin te/ /mi shigs pa nyid ga las 'gyur/ zhes pa dang/ rgyud phyi ma las kyang sngags kyi sgra man+t+ra'i tshig gi sgo nas sngags kyi de kho na nyid bstan te/ ji skad du/ dbang po dang ni yul dag la/ /brten te yid ni gang skyes pa/ /de ni man zhes brjod pa ste/ /skyob pa'i don gyis tra zhes bya/ /zhes so/ /lung bstan pa las kyang/ man tra gsang bar brjod pa'i don to/ /de bas na sngags kyi de kho na nyid mi shes na gang las byed pa de'i las de rnams 'grub par mi 'gyur te/ ngo bo nyid yongs su mi shes pa'i phyir bye ma la mar bzhin no/ /sngags kyi de kho na nyid shes pa'i rnal 'byor pas zhi ba la

  71. 36a

    sogs pa 'bad pa med par 'grub par 'gyur te/ de rnams zhar la 'byung ba'i phyir ro/ /de bas na rnam pa thams cad du bla ma'i drin la brten te sngags kyi de kho na nyid btsal bar bya'o/ /de ltar rnam pa bzhis sngags kyi de kho na nyid bstan to/ /rlung gi de kho na nyid dang/ sngags kyi de kho na nyid bstan nas/ rdo rje bzlas pa la sogs pa brjod par bya ste/ de rdo rje 'chang chen po'i bzlas pa zhes bya ba ni dang po rnal 'byor pas myur du rdo rje 'chang chen po'i gzugs reg bya rdo rje ma dang snyoms par zhugs par bsams te/ lte bar rtsibs brgyad pa'i chos kyi dbyings kyi 'khor lo'i dkyil 'khor du mar me 'bar ba'i 'od dang mtshungs pa'i yi ge a la dmigs te/ de'i 'od zer gyis me stag dang 'dra ba'i yi ge gsum mdog ji lta ba bzhin du spros te/ snying la sogs pa'i gnas gsum du dgod de/ 'jug pa la sogs pa'i 'khor rim pas yan lag mnyams par bzlas te/ ji srid sems rtse gcig par gyur gyi bar du tha mar me dang 'dra ba'i 'od gsal ba'i yi ge la gnas par bya'o/ /gdod ma nas ma skyes pa'i yi ge tsa la dmigs te rdo rje 'chang chen po'i ting nge 'dzin mngon du byas te/ srog la sogs pa'i 'khor lo dang/ yid dang de nyid du zhugs pas brtan pa dang g.yo ba'i dngos po thams cad kyi rnam par rtog bzhi pas/ ye shes lnga'i ngo bo nyid dpal rdo rje sems dpa' i rang bzhin 'od gsal ba la rnal 'byor pas gnas par bya'o zhes rdo rje 'chang chen po'i bzlas pa'o// //de bzhin du yang myur ba'i ting nge 'dzin gyis sangs rgyas spyan dang snyoms par zhugs pa'i rnam par snang mdzad du bdag nyid bsgoms te/ spyi bo la sogs par yi ge gsum rnam par dgod de/ de'i 'od zer spro ba dang bsdu ba'i rim pas sems can gyi don byas la/ thugs dang gsung gi sa bon sku'i sa bon la 'jug par bya ste/ yi ge oM gcig pu la dmigs shing me long lta bu'i ye shes kyi ngo bo nyid nyon mongs pa dang shes bya'i sgrib pa rab tu zhi bar gyur bar gnas par bya'o zhes sku'i bzlas pa'o//

  72. 36b

    de bzhin du yang myur ba'i ting nge 'dzin gyi gos dkar mo dang snyoms par zhugs pa 'od dpag tu med par bdag nyid bsgom ste/ yi ge gsum lkog ma la sogs par dgod de/ de'i 'od zer spro pa dang bsdu bas sems can gyi don byas pas/ thugs dang sku'i sa bon gsung gi sa bon la 'jug par byas te/ yi ge a gcig pu la dmigs shing so sor rtog pa'i ye shes kyi ngo bo nyid du rtog pa thams cad nye bar zhi bar gnas par bya'o zhes gsungs bzlas pa'o/ /de bzhin du yang myur ba'i ting nge 'dzin gyis mA ma kI dang snyoms par zhugs pa'i thugs kyi rdo rjer bdag nyid rnam par bsgoms te/ thugs la sogs pa'i yi ge gsum dgod de/ 'od zer spro ba dang bsdu bas sems can gyis don byas la/ lus dang ngag gi sa bon thugs kyi sa bon la 'jug par bya ste/ yi ge hUM gcig pu la dmigs shing chos kyi dbyings kyi ye shes kyi ngo bo nyid du rtog pa ma lus par rab tu zhi bar gnas par bya'o zhes thugs kyi bzlas pa'o// //de bzhin du yang myur ba'i ting nge 'dzin gyis mA ma kI dang snyoms par zhugs par rin chen 'byung ldan du bdag nyid rnam par bsgoms te/ spyi bo la sogs par yi ge gsum dgod de/ 'od zer spro ba dang bsdu ba'i rim pas sems can thams cad la dbul ba'i sdug bsngal phrogs te/ yi ge gsum po thig le la 'jug par bya ste/ nam mkha' dang mtshungs pa'i thig le la sems gtad de/ mnyam pa nyid kyi ye shes kyi ngo bo nyid du dmigs pa thams cad nye bar zhi bar bya'o zhes rin po che'i bzlas pa'o// //de bzhin du yang myur ba'i ting nge 'dzin gyis dam tshig sgrol ma dang snyoms par zhugs pa don yod grub par bdag nyid bsgoms te/ spyi bo la sogs par yi ge gsum dgod de/ 'od zer spro ba dang bsdu ba'i rim pas gzhal yas khang pa dang bcas pa'i de bzhin gshegs pa spros te/ sems can thams cad kyi don byas la tho rangs kyi skar ma lta bu'i thig le la yi ge gsum bsdus te/ bya ba nan tan gyi ye shes kyi ngo bo nyid du bya ba byas pa nyid

  73. 37a

    kyis gnas par bya'o zhes don yod bzlas pa'o// /de bzhin du yang myur ba'i ting nge 'dzin gyis bdag nyid gti mug rdo rjer snyoms par zhugs par bsams te/ spyi bo la sogs par yi ge gsum dgod de/ sa bon gnyis yi ge oM la 'jug par bya ste/ da'i 'od zer gyi gti mug gi rigs can thams cad bkug la 'jug par bya ste/ gti mu rnam par dag pa'i gnas su sems can 'jog par bya'o zhes lhag par mos pas gti mug ces bya ba gcig pa dang du ma yin zhes dpyod pas gang sems rtse gcig pa nyid de ni gti mug gi bzlas pa'o/ /de bzhin du yang myur ba'i ting nge 'dzin gyis 'dod chags rdo rjer bdag nyid snyoms par zhugs par bsgoms te/ spyi bo la sogs par yi ge gsum dgod cing sa bon gnyis gsung gi yi ge la bsdus te/ de'i 'od zer gyis 'dod chags kyi rigs can gyi sems can kug cing de nyid du 'jug par byas la/ 'dod chags rnam par dag pa'i gnas su dgod par bya'o zhes lhag par mos pas 'dod chags zhes bya ba la gcig pa dang du ma ma yin zhes spyod pas gang sems rtse gcig pa 'di ni 'dod chags kyi bzlas pa'o/ /de bzhin du myur ba'i ting nge 'dzin gyis bdag nyid zhe sdang rdo rjes snyoms par zhugs par bsgoms te/ spyi bo la sogs par yi ge gsum dgod de sa bon gnyis hUM la 'jug par byas la/ de'i 'od zer gyis zhe sdang gi rigs can bkug la de nyid du 'jug par bya ste/ zhe sdang rnam par dag pa'i gnas su dgod par bya zhes lhag par mos pas zhe sdang zhes bya ba ni gcig gam du mar med ces dpyod pas gang sems rtse gcig pa de ni zhe sdang gi bzlas pa'o// //de bzhin du yang myur ba'i ting nge 'dzin phyi ma rang gang 'dod pa'i lha gang yang rung ba snyom par zhugs par bdag nyid bsgoms te/ spyi bo la sogs par yi ge gsum po bkod pa de la dmigs pas phyogs bcu na bzhugs pa'i sangs rgyas dang byang chub sems dpa' rnams bdag gi sngags bcos

  74. 37b

    par gyur pa 'di nyid cig lhag par mos pas dngos grub 'dod pa'i sgrub pa pos rang ngam gzhan gyis thos par gyur pa khro bar brjod pas na khro bo'i bzlas pa'o// //de bzhin du yang myur ba'i ting nge 'dzin gyis rdo rje 'chang chen po la sogs pa gang yang rung ba rang gi shes rab ma dang snyoms par zhugs pa'i bdag nyid bsams te/ spyi bo la sogs par yi ge gsum pa dgod cing/ lte bar rtsibs brgyad pa kha dog dkar po chos kyi dbyings kyi 'khor lo de'i lte bar dbyangs yig dang po mar me dang 'dra ba la dmigs te/ de'i 'od zer spro ba dang bsdu ba'i rim pas sems can ma lus pa'i don byas la/ sems rtse gcig par gyur pas cha dang ba'i? dbye bas yi ge gsum po skye ba med pa'i yi ge a la 'jug par bya ste/ de yang rtsibs brgyad pa'i 'khor lo la thim zhing de yang lte ba'i nam mkha' la dbyer med par bsams la/ rnam par rtog pa'i bag chags rab tu zhi ba sgo thams cad 'gags pa 'gro ba dang 'ong ba las nges par 'gro ba srog la sogs pa'i rlung gi 'khor lo thams cad ro gcig par gyur na/ dri ma med pa'i mdza' yas pa'i nam mkha' dang mtshungs pa 'od gsal ba'i de kho na nyid 'ga' zhig tu rnal 'byor par gnas par bya'o/ /'di ni thabs dang shes rab ro gcig pa'i bdag nyid bud med dang skyes pa'i tha snyad dang bral ba'i ma ning gi bzlas par bshad do zhes rdo rje bzlas pa rnam pa bcu gcig pa'o// //rdo rje 'chang chen po'i bzos pa yang dbye ba gzhan bshad par bya ste/ re zhig dang po rdo rje 'chang chen po'i gzugs su bdag nyid bsams te/ lkog ma dang snying ga dang lte ba dang gsang ba dag tu 'byung ba chen po bzhi'i rang bzhin gyi dkyil 'khor myur du dgod de/ de rnams kyi steng du thugs kyi rdo rje'i sa bon gyi bar re re rnam par bkod la/ 'jug pa la sogs pa'i rim pas ji srid sems rtse gcig pa'i bar du bsam par bya'o/ /de la cha dgod pa'i rim pa 'di yin te/ snying ga'i pad+mar yi ge mgo med de dper na ha'o/ /lkog ma'i pad+mar mgo bo ste/ dper na a'o

  75. 38a

    gsang ba'i pad+mar dbyangs te dper na u'o/ /lte ba'i pad+mar dbyangs kyi mdza' ste dper na dbyangs kyi mdza' o/ /ji skad du lha mo bzhi yis zhus pa las kyang/ mgo med snying ga'i pad+mar gnas/ /kha yi pad+mar mgo bo ste/ /gsang ba'i pad+mar dbyangs gnas pa/ /lte ba'i pad+mar dbyangs mdza' o/ /'di nyid 'gro dang 'ong ba yis/ /thig le rnal 'byor la 'jug pa'o zhes 'byung ngo/ /rab tu byed pa las kyang thabs kyi dam pa rab 'jug pa'i/ /rnal 'byor dngos grub rab ster ba'i// gsang ba'i yi ge bshad par bya/ /gang zhig bsams pa tsam gyis ni/ /rnal 'byor can la mchog ster 'gyur/ /dang po'i yi ge'i sbyor ba yis/ /rtag tu dpug ni rdub par byed/ /brgyad pa'i mdza' dang yang dag ldan/ /yi ge u dang thig ler bcas/ rnal 'byor pa yis dbugs stong byed/ /'di ni ci dga' i bzlas par bshad/ /rdo rje 'das pa rnam pa bcu gcig po 'dis tha mal pa'i ngag gi brjod pa'i rnam par rtog pa bzlog pas 'jig rten las 'das pa'i ting nge 'dzin mngon du gyur pa na/ gsung gi rdo rje'i ting nge 'dzin la 'jug par 'gyur ro/ /tha mal pa'i ngag ni rnam pa bzhi ste/ mtshan nyid kyi ngag dang/ rmi lam gyi ngag dang/ gnas ngan len pa'i mngon par zhen pa'i ngag dang/ thog ma med pa'i dus kyi rnam par rtog pa'i ngag go /ji skad du/ de la blo gros chen po mtshan nyid kyi ngag ni rang gi rnam par rtog gi gzugs kyi mtshams la mngon par zhen pa las 'byung ba'o/ /blo gros chen po'i rmi lam gyi ngag ni sngar myong ba'i yul rjes su dran par rtog pa'i yul med bzhin du 'byung ba'o/ /blo gros chen po gnas ngan len pa'i mngon par zhen pas 'byung ba'i ngag ni sems can gyi sngon byas pa'i las kyi dbang las 'byung ngo/ /blo gros chen po thog ma med pa'i dus su rnam par rtog pa'i tshig ni tha ma med pa'i spros pa la mngon par zhen pa'i gnas ngan len gyi rang gi sa bon goms pa las byung ste

  76. 38b

    blo gros chen po ngag gi rnam par rtog pa'i mtshan nyid bzhi po 'di dag go zhes mi 'am ci'i rgyal pos zhus pa las 'byung ngo/ /de bzlog pas 'jig rten las 'das pa'i ngag mngon du gyur pas rdo rje lta bu'i ngag rdzogs par gyur pa dang/ bstod pa dang smad pa la sogs pa'i tshig gi tshogs thob nas/ yid bde ba dang yid mi bde bar mi 'gyur ro zhes rdo rje bzlas pa'i rim pa bstan to/ /ngag rnam par dag pa'i 'og tu sems rnam par dag pa la 'bad par bya ste/ de la thabs ni gnyis te/ sngags kyi rim pa dang/ phyag rgya'i rim pa'o/ /de la sngags kyi rim pa ni 'di ltar rig par bya ste/ dang po sems ni rnam pa brgyad de/ kun gzhi rnam par shes pa dang/ nyon mongs pa can dang/ sgo lnga dang/ yid kyi rnam par shes pa'o/ /rnam par shes pa brgyad pa de dag mdor bsdus pas gsum du 'gyur te/ rnam par smin pa'i rnam shes dang/ nyon mongs pa can gyi ming dang/ 'jug pa'i rnam par shes pa'o/ /rnam par shes pa gsum po nges sems can gyi khams 'khor ba'i sa ru 'gro ba dang/ 'ong ba dag gis 'khor bar byed do/ /ji skad du/ dmyal ba nas ni yi dag gnas su 'gro /slar yang lha yi gnas su skye bar 'gyur/ zhes 'byung ngo/ /de rnams gnas gyur pa las 'od gsal ba'i de kho na nyid sngon du byas pas thar par 'gyur te/ ji skad du/ 'dod chags la sogs kyis gos pa'i/ /sems nyid 'khor bar bshad pa ste/ /de las rnam par dben pa ni/ /rgyal bas mdor bsdus thar pa gsungs/ zhes 'byung ngo/ /rnam par shes pa gsum po de'i brda 'di dag yin te/ sems dang yid dang rnam shes dang/ snang ba dang snang ba mcher ba ba dang snang ba 'thob pa dang/ shes rab dang thabs dang nye bar thob pa'o/ /zla ba dang nyi ma dang mun pa'o/ /mtshan ma dang nyin mo dang/ tshams dang/ stong pa dang shin tu stong pa dang/ stong pa chen po zhes bya'o/ /de la 'jug pa'i rnam par shes pa gnas gyur pa la gnyen po ni stong pa nyid dang snang ba'i ye shes so/ /nyon mongs pa can gyi yid gnas gyur pa la gnyen po ni snang ba mched pa dang

  77. 39a

    shin tu stong pa'o/ /kun gzhi rnam par shes pa gnas gyur pa la gnyen po ni snang ba thob pa dang/ chen po stong pa'o/ /ye shes gsum po ro gcig par byed pa 'od gsal ba'i ye shes thams cad stong pa'i ngo bo'o/ /rnam par shes pa gsum po'i rang bzhin ni brgyad cu'o/ /de la 'jug pa'i rnam par shes pa'i rang bzhin shes rab kyi ngo bo ste sum cu rtsa gsum mo/ /nyon mongs pa can gyi yid kyi rang bzhin ni bcu ste/ thabs kyi rang bzhin no/ /kun gzhi rnam par shes pa'i rang bzhin bdun po ni ma rig pa'i ngo bo nyid do/ /de rnams kho na nyid mo dang mtshan mo'i dbye bas brgya drug cur 'gyur ro/ /de rnams spang bar bya ba'i phyir sngags kyi rim pa bstan par bya ste/ dang por lte bar rtsibs brgyad pa'i chos kyi dbyings kyi 'khor lo'i lte bar pad+ma'i steng du zla ba'i dkyil 'khor la thig les brgyan pa'i dbyangs yig dang po dgod par byas la/ spyi bo la sogs par yi ge gsum la dmigs te a'i thig le las byung ba'i 'od zer dkar pos spyi bo nas yi ge oM 'jug pa'i rnam par shes pa'i ngo bo nyid bkug cing de nyid du 'jug par bya ste/ de la yid rtse gcig par gnas par bya'o/ de'i tshe rang bzhin sum cu rtsa gsum dang ldan pa'i 'jug pa'i rnam par shes pa leg pa las zla ba'i snang ba dang 'dra ba'i ye shes skye bar 'gyur ro/ /de'i 'og tu chos dbyings kyi 'khor lo de nyid du nyi ma'i dkyil 'khor dang rdo rje'i chang zungs kyi nang na gnas pa'i thig le gnyis kyis brgyan pa'i dang po'i dbyangs yig kha dog dmar po rnam par bsams te/ de la byung ba'i 'od zer dmar po mgrin pa na gnas pa'i yi ge a nyon mongs pa can gyi yid kyi ngo bo nyid bkug la de nyid du 'jug par bya ste/ de nyid du yid rtse gcig par gnas par bya'o// de'i tshe rang bzhin bzhi bcu dang ldan pa'i nyon mongs pa can gyi yid log pas nyi ma'i snang ba dang 'dra ba'i snang ba mched pa'i ye shes skyes bar 'gyur ro/ /de'i rjes la sa bon dang pad+ma dang zla ba dang nyi ma dang rdo rje'i dmigs pa spangs te/ 'khor lo la gnas pa'i thig le tsam

  78. 39b

    la bltas te/ de las byung ba'i mtshams kyi snang ba dang mtshungs pa'i 'od zer gyi snying ga na gnas pa'i thugs kyi rdo rje'i sa bon bkug la de nyid du 'jug par bya ste/ de nyid du yid rtse gcig par gnas par bya'o/ /de'i tshe kun gzhi rnam par shes pa rang bzhin bdun dang ldan pa log pas mtshams kyi snang ba dang mtshungs pa'i snang ba thob pa'i ye shes skye bar 'gyur ro/ /de nas kyang rim gyis thig le dang 'khor lo lte ba'i mkha' la thim pas rtags lnga'i snang ba sngon du 'gro bar lus la sogs pa'i rnam par rtogs pa'i bag chags ma lus pa zad pas sprin med pa'i nam mkha' dang 'dra ba chos kyi dbyings kyi ye shes 'od gsal ba'i de kho na nyid skye bar 'gyur ro/ /de dag rim pa ji lta ba bzhin du stong pa dang shin tu stong pa dang stong pa chen po dang thams cad stong pa ste/ snang ba la sogs pa'i ye shes rnams kyi rnam grangs su/ shes par bya ste/ kun nas nyon mongs pa dang rnam par byang ba dag rang bzhin gcig pa yin pa'i phyir zhes bya ba'i tha tshig go /zhes sngags kyi rim pas sems rnam par dag pa'i rim pa bstan to// //da ni phyag rgya'i rim pa bshad par bya ste/ re zhig dang po rnal 'byor dang myur ba'i ting nge 'dzin gyis rdo rje 'chang chen po la sogs pa'i phyag rgya bsgoms te/ sme sha can la sogs pa'i bu mo lo bcu gnyis la sogs pa'i na tshod dang ldan pa'i phyag rgya blangs te/ de ni mA ma kI la sogs pa lhag par mos te/ mchog gi bsnyen pa la sogs pa bde ba chen po nye bar mtshon par bya ba'i phyir de dang lhan cig snyoms par zhugs par bya'o/ /de la rdo rje dang pad+ma bskyed pa la 'jug pa tshangs pa'i bu ga nas zhu ba'i byang chub kyi sems kyi gnas skabs su snang ba'i ye shes dang rnam pa sna tshogs pa'i skad cig dang 'dod chag dang bral ba la sogs pa'i rang bzhin rnams dang/ mtshan mo dang shes rab dang zla ba'i snang ba lta bur dang 'jug pa'i rnam par shes pa rang gi rang bzhin dang ldan pa rnams 'gog par 'gyur ro/ /yan lag gi tshigs thams cad khyab pa'i dus su snang ba mched pa'i ye shes dang/ rnam par smin pa'i skad cig ma

  79. 40a

    dang/ 'dod chags pa dang 'dod chags kyi rang bzhin dang bcas pa dang/ nyin mo dang thab sdang nyi ma'i 'od zer snang ba lta bu dang/ nyon mongs can gyi yid rang gi rang bzhin dang bcas pa 'gog par 'gyur ro/ /de'i rjes su rdo rje chang zungs su gnas pa'i byang chub kyi sems kyi thig le gsum gyi bdag nyid kyi skabs su snang ba thob pa'i ye shes dang rnam par 'dzoms pa'i skad cig ma dang/ chags pa bar ma rang bzhin dang bcas pa dang/ mtshams kyi dus dang/ thabs dang shes rab snyoms par zhugs pa dang/ mun pa lta bu'i snang ba dang/ kun gzhi rnam par shes pa rang gi rang bzhin bdun dang bcas pa 'geg par 'gyur ro/ /de'i rjes su rdo rje'i nor bu'i rtse mor byang chub kyi sems phyin pa'i gnas skabs su snga ma bzhin du rtags lnga sngon du 'gro ba'i thabs dang shes rab dang/ nye bar thob pa dang bral ba/ zla ba dang nyi ma dang mtshams kyi mun pa'i snang ba la sogs pa chags pa dang chags bral dang/ chags pa bar ma dang bral zhing/ sgo 'gags pa 'gro ba dang 'ong ba dang bral ba snang ba la sogs pa'i ye shes spangs pa sprin med pa'i nam mkha' dang 'dra ba'i ye shes rnal 'byor pas mthong bar 'gyur ro/ /ji skad du/ de nyid ye shes gnyis med de/ chos dbyings shes rab pha rol phyin/ zhes 'byung ngo/ /rab tu byed pa las kyang/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /'di nyid du ni gsal bar mtshon/ zhes 'byung ngo/ /sems rnam par dag pa'i rim pa 'dis rnal 'byor pa sa bcu pa gnas par 'gyur ro/ /rab tu byed pa las kyang/ dang po las kyi sbyor ba yis/ /sa brgyad pa ni thob par 'gyur/ /snang ba gsum po mthong bas ni/ /sa bcu la ni gnas par 'gyur/ zhes 'byung ngo/ /sa bcu'i dbang phyug rnal 'byor pas ye shes la dbang thob ba'i dbang gis kun la dbang byed par 'gyur ro zhes phyag rgya'i rim pas sems la dmigs pa thob pa'o// //de ni lus dang ngag dang yid rnam par dag pas don dam pa'i bden pa la 'jug pa nyid kyis gzhan gyi don dang bral ba dang/ chad par thal bar

  80. 40b

    'gyur ba dang/ sngon gyi smon lam gyi 'bras bu med pa dang/ 'gro ba'i don mi byed pas nyan thos kyi byang chub bzhin du rang gi don tsam la lta ba de dag bzlog par bya ba'i phyir dang/ kun rdzob kyi bden pa yang dag par mthong ba'i phyir sgyu ma lta bu'i ting nge 'dzin zhes bya/ bdag byin gyis rlob pa myur ba'i rnam pas yongs su rdzogs pa rdo rje 'chang chen po'i phyag rgya'i gzugs rim pa 'dis bsgom par bya'o/ /de la rnal 'byor gnyis te/ myur ba'i rnam pa'i rnal 'byor dang/ snang ba thob pa la sogs pa'i rnal 'byor ro/ /de la dang po sems rnam par dag pa'i rim pas 'od gsal ba thob pa gang yin pa de las mi dmigs pa'i snying rje'i bdag gis 'bad pa med par rnam pa thams cad kyi mchog dang ldan pa/ zhal gsum la sogs pa dang ldan pa/ rin po che sna tshogs pa'i rang bzhin gzhal yas khang pa la pad+ma dang zla ba la sogs pa'i gdan la bzhugs pa/ de bzhin gshegs pa dang lha mo dang byang chub sems dpar khro bo tshogs kyis yongs su bskor ba/ de'i ba spu'i khung po nas 'byung ba'i 'od zer gyis 'khor los khams gsum pa rnams kyi re bskor bar byed la/ yid bzhin gyis nor bu dang dpag bsam gyi shing bzhin du 'dod pa'i don stobs kyis ster bar byed pa sar zhing sar pa'i dkyil 'khor gyi 'khor lo spros pas nam mkha' i dbyings mdza' med pa ma lus pa khyab par byed pa/ rdo rje 'chang chen po la sogs pa'i phyag rgya chen po'i gzugs myur du spros te/ de nyid sgyu ma la sogs pa'i dpe bcu gnyis kyis yang dag par bltas te/ khams gsum thams cad kyang sgyu ma lta bur shes nas sngags dang phyag rgya la sogs pa'i sbyor ba dang/ rab gnas pa dang/ sbyin sreg dang dkyil 'khor dang/ bzlas pa dang/ sku khrus dang/ gtor ma dang/ spyan drang ba dang/ bzhugs su gsol ba dang/ gshegs su gsol ba dang/ rim pa gnyis bsgom pa la sogs pa dang/ phrin las thams cad dang/ de bzhin du yang gar dang glu dang rol mo dang/ sgeg pa la sogs pa longs spyod pa dang/ ji srid spyod lam bzhi'i bar du sgyu ma

  81. 41a

    dang dri za'i grong khyer dang/ brag cha dang smin rgyu dang/ chu zla dang me long gi gzugs brnyan dang/ chu shing dang seng ge zla ba'i grong khyer la sogs pa dang 'dra bar blta bar bya'o/ /ting nge 'dzin 'dis spyod par gyur pa'i rnal 'byor pas rang dang gzhan gyi don thams cad 'bad pa med par 'grub par 'gyur ro/ /bskal pa dang bskal pa steng gi bar du gnas par 'gyur ro/ /zhes 'di ni myur ba'i ting nge 'dzin gyis bdag byin gyis rlob pa'i rim pa gcig go/ //gnyis pa ni re zhig dang po sprin med pa'i nam mkha' 'dra ba'i 'od gsal ba la dmigs te/ de las mtshams kyi snang ba dang 'dra ba'i chos dbyings kyi 'khor lo la gnas pa'i thig le la bltas te de'i rjes su nyi ma dang rdo rje'i steng du/ a(rgyud 'grel): tshag drag can dmar po bsams te/ de'i rjes la pad+ma dang zla ba'i dkyil 'khor gyi steng du thig le dang bcas pa dbyangs yig dang po dkar po la bltas te/ /de dag thams cad yongs su gyur pa las snga ma bzhin du lha'i gzugs yongs su rdzogs pa zhes bya ba'i snang ba thob pa la sogs pa'i rim pas bdag byin gyis rlob pa'o/ /gal te yang sa bon dang mtshan ma yongs su gyur pa las byung ba'i rnam pa yin yang/ 'on kyang sgyu ma la sogs pa'i dpe rnams kyis nye bar brgyan pas na bskyed pa'i rim pa las khyad par gyur pa'o/ /gang gi phyir bskyed pa'i rim pa la sgyu ma nyid du mthong ba med de/ lha'i nga rgyal kho na der bsgrub par bya ba yin pa'i phyir ro/ /lha'i nga rgyal dang sgyu ma lta bur mthong ba dag ni phan tshun 'gal ba yin no/ /de bas na lha'i rnal 'byor pa gnyis te/ rtog pa dang yongs su rdzogs pa'o/ /de la rtog pa'i rnal 'byor ni zla ba dang rdo rje la sogs pa yongs su gyur pa las skyes pa/ bskyed pa'i rim pa'i rnal 'byor pa'i spyod yul sngags kyi sku'o/ /yongs su rdzogs pa'i rnal 'byor ni myur ba'i ting nge 'dzin gyis rdzogs pa 'am/ snang ba thob pa la sogs pa'i rim pa las bskyed pa'i ye shes kyi sku yin pas khyad par yod pa kho na'o zhes bdag la byin gyis rlob pa'o/ /da ni sgyu ma lta bu'i ting nge 'dzin yang dag par bya ba yin te/ rtog

  82. 41b

    ba dang bcas pa yin pa'i phyir ro/ /de'i phyir don dam pa'i bden pa'i ngo bo nyid mngon par byang chub pa'i rim pas de bzhin nyid kyis spyad par bya ba'i phyir mngon par byang chub pa'i rim pa bstan par bya ste/ de la yang rnam pa gnyis yin te/ phyag rgya dang/ ting nge 'dzin bye brag gis so/ /phyag rgya'i rim la rnam gnyis te/ phyi'i mngon par byang chub pa dang/ nang gi mngon par byang chub pa'o/ /ting nge 'dzin gyis mngon par byang chub pa rnam pa gnyis te/ ril po 'dzin pa dang/ rjes su gzhig pa'o/ /de la phyag rgya'i rim pa bstan par bya ste/ dang po re zhig sgrub pa pos slob dpon dang gsang ba'i dbang thob pas shes rab kyi dbang bskur ba thob par bya ba'i phyir phyi dang nang dang gsang ba'i mchod pa rnams kyis rdo rje slob dpon mchod par bya ste/ de la phyi'i mchod pa ni mchod pa rnam pa lnga'o/ /nang gi mchod pa ni go da ha na/ ma ra wi sho mu zhes bya ba'i mtshan nyid do/ /gsang ba'i mchod pa ni lo bcu gnyis pa gzugs bzang rgyan thams cad kyis brgyan pa/ dri dang me tog gis nye bar mdzes pa'i lus can gdol pa'i rigs kyi bu mo dam tshig dang sdom pa la gnas pa/ thos pa dang bsam pa dang/ sgom pa'i rim gyis shes rab kyi pha rol tu phyin pa'i rnal 'byor ma rdo rje slob dpon la dbul bar bya'o/ /de'i rjes su dkon mchog gsum tshim par bya ba'i phyir tshogs kyis 'khor lo'i nang du yang de mchod par bya'o/ /de la dang po re zhig nyan thos kyis rigs ma gtogs pa dge slong dang dge tshul dang rdo rje slob dpon dang dge bsnyen rnams spyan drangs te/ de rnams go rim bzhin du brtul zhugs kyis rgan gzhon gyi rim pas gdan rnams dbul bar bya'o/ /de la rim pa gcig la dge slong gi tshogs dgod pa dang/ gnyis pa la dge tshul gyi tshogs dang/ gsum pa la rdo rje slob dpon gyi tshogs dang/ dge bsnyen gyi tshogs so/ /gal te dge slong rnams rdo rje slob dpon du gyur pa na de rnams kyi mdun du brtul zhugs can dang brtul zhugs can ma yin pa rnams dgod par bya'o/ /gal te

  83. 42a

    dge bsnyen rdo rje slob dpon du gyur na/ de'i mdun du dge slong slob ma dang slob ma ma yin pa rnams dgod par bya'o/ /rnal 'byor pa'i tshogs rnams ni rab tu byung ba 'am/ rab tu ma byung ba rnams rnam pa thams cad du gong du dgod par bya'o/ /dge slong dam dge tshul lam dge bsnyen yin yang rung la/ rnal 'byor pa'i rtags dang ldan pa yin na tshogs kyi bdag por bya'o/ /thams cad rim pa bzhin du bzhugs par mthong nas las kyi rdo rje mdun du phyin te phyag 'tshal ba/ sngon du 'gro bar rgan gzhon gyi rim pas re re la zhabs bsil dbul bar bya'o/ /de'i rjes su mchod pa rnams pa lngas mchod de lag pa g.yas pas bdud rtsi lngas bkang pa'i pad+ma'i snod blangs te/ lag pa g.yon pa'i srin lag dang mthe bong gis de rnams kyi mdun du gru gsum pa chas 'byung ba'i phyag rgya bri bar bya'o/ /de'i nang du thig le zlum po bris te/ de'i yang nang du dkyil 'khor gyi 'khor lo dang ba blta bar bya'o/ /dkyil 'khor gyi bdag po la sogs pa'i thugs kar sems dpa' gnyis po snod dang bcud kyi ngo bo nyid ma lus par blta bar bya'o/ /de'i shar gyi zur gyi steng du bdud rtsi lngas gang ba'i snod dang/ thabs dang shes rab kyi ngo bo nyid h+ri hUM dag gis byin gyis brlabs pa myos byed dang sbyar ba'i chang gis bkang ba'i snod gnyis ni dbus kyi snod kyi logs gnyis su gzhag par byas la/ nag po dang dmar po dang dkar po'i ras kyis kha bkab la me tog rnying pas gtong bar byas te/ thugs rdo rje la sogs pa'i sngags kyis byin gyis brlob par bya'o/ /de nas phyag byas te dbus kyi snod las thigs pa gsum gsum blangs te/ g.yas g.yon gyi snod tu gtor bar bya zhing myos byed kyi snod dam chang gi snod blangs la rnal 'byor pa rnams la las kyi rdo rje dang po bsnyod par bya'o/ /de'i rjes su dge slong dang dge tshul dang dge bsnyen gyi tshogs la'o/ /gang las btung ba tsam pa tha mar de nyid la snyod par bya'o/ /de nas re re'i mdun du tshod ma sna tshogs pa dang/ sha sna tshogs pa dang ro drug dang ldan

  84. 42b

    ba'i rgyal ba'i sa lu la sogs pas bkang pa'i snod rnams dbul bas tshim par bya'o/ /phyed zos pas bza' bca' thams cad gcig tu bsdus te thams cad kyis gcig tu bza' bar bya'o/ /de nas btung ba'i snod rnams gcig tu bsres te btung bar bya'o/ /las kyi rdo rjes kyang cang te'u la yi ge gsum gyis mchod par bya ste/ lag pa g.yas pas blangs la hUM phaT ces bya ba'i sgra sgrogs par bya'o/ /rdo rje rnal 'byor ma rnams kyis rdo rje'i gar sna tshogs bya'o/ /tshogs kyis bdag pos gar bya ba dang/ gzhan ma rnams kyis glu dang rol mo bya'o zhes la la 'dod do/ /thams cad kyis kyang gar bya'o zhes la la 'dod do/ /dam par dga' ba skyes pa na gar bya ba yin gyi/ gzhan du na sems rtse gcig par gnas par bya'o/ /tshogs kyi 'khor lo'i byin gyis rlob pa'i rtags ni ngang pa dang bung ba dang khyu mchog dang 'ug pa la zhon pa'i mkha' 'gro ma rnams 'ong bar gyur pa na de rnams kyi lus kyi dri sgog skya dang ga bur dang pad+ma dang/ sha'i dri bro ba dang/ ngang pa la sogs pa'i sgra thos pas so/ /de'i tshe de rnams la lhag pa'i gtor ma rgyas par sbyin par bya'o/ /tshogs kyi nang du rtsod pa 'am rgod pa 'am rtag pa gang gis byed pa de de ma thag tu phyi rol tu dbyung bar bya'o/ /bzod par gsol ba byed na mchod pa'i las byed du gzhug go /de nas lag pa la sogs pa dkrus la me tog gi gcal bkram par bya ste/ so rtsi phul la yon rnam pa bzhi pos mnyes par bya ste/ gshegs su gsol bas tshigs su bcad pas tshogs kyi 'khor lo gshegs su gsol lo/ /oM ko ro ko ro bat+ta le zhes bya ba la sogs pa'i sngags kyis lhag ma'i gtor ma dur khrod du bskyal bar bya'o/ /zhes tshogs kyi 'khor lo'i cho ga'i rim pa'o// //de lta bu'i mchod pa rdo rje slob dpon la byas pas mnyes par gyur pa'i slob dpon gyis kyang slob mas phul ba'i phyag rgya dang lhan cig snyoms par zhugs te phyag rgya de nyid dam/ phyag rgya gzhan gyis slob ma de la

  85. 43a

    shes rab kyi dbang bskur bar bya'o/ /de la slob ma rdo rje slob dpon la bdud cing tshigs su bcad pa 'dis bstod par bya ste/ khams gsum las ni nges sgrol zhing/ /mkha' dang mnyam pa nyid gyur pa/ /khyod ni 'dod pas mgos pas// mi dmigs khyod la phyag 'tshal bstod/ /phung po dang ni khams rnams dang/ /skye mched rnams la mi brten pa/ /phyin ci log des nges grol ba/ /dmigs med khyod la phyag 'tshal bstod/ /ji ltar nam mkha' gzhi med cing/ /spros pa med cing snang ba med/ /khyod kyi thugs ni mkha' dang mtshungs/ /mi dmigs khyod la phyag 'tshal bstod/ /de ltar bstod nas slar yang mngon par byang chub pa mthong bar 'dod pa'i phyir tshigs su bcad pa 'di dag gis gsol pa gdab par bya ste/ mngon par byang chub mthong ba ni/ /mgon po chen po bdag la gsol/ /las dang skye ba las grel zhing/ /snang ba gsum po rnam par spangs/ /rdo rje ye shes bla med pa/ /slob dpon chen po bdag la gsol/ /sangs rgyas kun gyi ye shes che/ /de bzhin gshegs pa kun gyi gnas/ /lus ngag yid ni dag byed pa/ /rdo rje chen po bdag la gsol/ /thog ma tha ma med zhi ba/ /nyon mongs thams cad spyong byed pa/ /zhes tshigs su bcad pas mnyes pa'i slob dpon gyi rdo rje dbyings kyi dbang phyug ma'i ngo bo nyid kyi phyag rgya rdo rje 'chang gi rang bzhin slob ma de la sbyin par bya'o// de nas yang shes rab kyi pha rol tu phyin ma'i rang bzhin dam tshig gi phyag rgya rgyan thams cad kyis brgyan pa sgra grol ba gcer bur gyur nas khri'i thog tu bzhugs te/ bshang gci la sogs bza' ba ni/ /rdo rje can khyod ci nus sam/ /khrag dang khu ba sha dag dang// bud med rnams la dad pa dang/ /b+ha ga'i 'o byed mi rtog gam/ /bu khyod smros shig rdo rje can/ /slob nas kyang 'di ltar brjod de/ sha khu khrag sogs bza' ba ni/ /lha mo ci phyir bdag mi nus/ /rak+ta sha Shu sha chen dang/ /bud med rnams la dad de bzhin/ /b+ha ga'i

  86. 43b

    pad+ma nus pa na/ /thams cad bdag gi nus pa nyid ces slob ma'i tshig thos nas lag pa gnyis kyis pad+ma phye bar byas te/ nang du gnas pa'i rtsa'i 'khor lo bstan par byed de/ kye bu gsang ba'i pad+ma 'di la re zhig blta bar gyis shig/ gang gi nang du rtsa rnam pa lnga po 'di dag nam mkha' lnga'i ngo bo nyid du gnas so/ /de la 'dod pa'i gdugs zhes bya ba'i rtsa dbum 'di ni chu rgyu ba thugs kyi rdo rje'i ngo bo nyid du shes par bya'o/ /'di ni g.yon pa'i rtsa ste ri bong 'dzin ma zhes bya ba'i shu ku rgyu ba ste/ bcom ldan 'das 'od dpag tu med pa'i bdag nyid du shes par bya'o/ /g.yas pa'i rtsa 'di yang khrag rgyu ba ste ru sbal mo zhes bya ba bcom ldan 'das rin chen 'byung ldan gyi ngo bo nyid du shes par bya'o/ /de bzhin du mdun na gnas pa'i rtsa 'di yang lhas byin no zhes bya ba dri chen rgyu ba ste/ bcom ldan 'das rnam par snang mdzad kyi ngo bo nyid du shes par bya'o/ /de bzhin du nub kyi cha la gnas pa nor rgyal mo zhes bya ba rtsa 'di ni sha rgyu ba ste/ bcom ldan 'das don yod grub pa'i rang bzhin du shes par bya'o/ /nam mkha' lnga'i bdag nyid de rtsa pa'i 'khor lo'i phyi rol du 'dab ma brgyad pa'i pad+ma 'od gsal ba'i rdo rje 'chang chen po'i gzhal yas khang yin par shes par bya'o/ /ji skad du rdo rje bdud rtsi las/ b+ha ga'i dbus su nam mkha' gang/ /nam mkha' lnga bo rnam par brgyad/ /lte ba ze 'bru rnams dang ldan/ /'dab ma brgyad pos nye bar mdzes/ /der gnas rtag tu zag pa ni/ /thig le bdud rtsi'i tshul can no/ /zhes 'byung ngo/ /de bzhin du nyid las kyang gsungs te/ bdud rtsi rgyu ba'i rtsa gang ni/ /b+ha ga'i gnas su rnam par bsam/ /sum cu rtsa gnyis rtsa gzhan dag/ de rnams kyis ni gtso bo yin zhes 'byung ngo/ /gzhan yang kye ma'o nga'i pad+ma 'di/ /bde ba thams cad yang dag ldan/ /cho ga bzhin du gang bsten pa/ /de yi mdun na bdag gnas so/ /'di ni chos dbyings rnam par dag /sems can khams ni grol bar byed

  87. 44a

    bde chen rdo rje rgyal po nyid/ /dngos kun gyi ni 'di la gnas/ /zhes so/ /gzhan yang nu ma'i sna dang lpags pas g.yogs pa sor bzhi pa'i lte ba 'jam pa de nyid bud med kyi dbang po'o/ /gang gi phyir de la ni rtsa stong phrag bdun cu rtsa gnyis de nyid du 'dus pa de'i phyir bde ba chen po'i mtshan nyid can gsang ba 'dus pa zhes bya'o/ /de ltar gtam dag smras te lha mo cang mi smra bar gyur to/ /slob mas kyang de'i pad+mar lag pa g.yon pa'i sor mo phyag rgyar bcings te 'jug par bya ste/ mig dang lcags kyu dang snam bu dang ba dan no/ /phyag rgya'i sbyor ba des de srid bskyod par bya ba ni ji srid mkhur chos dmar ba dang ba spu ldang ba dang/ dga' ba dam pa skyes pa'i dam tshig gi phyag rgya slob pa'i mgrin par rang nyid kyis 'khyud pa'i bar du bya'o/ /de'i rjes su rdo rje mkhregs mo'i steng du nye bar 'dug ste/ mchog gi bsnyen pa la sogs pa'i rim pa yang dag par bdar bar bya'o/ /de la bsgrub bya sgrub byed kyi sbyor ba ni bsnyen pa'o/ /rdo rje dang pad+ma mnyam par sbyor ba ni nye bar sgrub pa'o/ /sa bon gyi byin gyis brlabs pa'i rdo rje dang pad+mas bskyod pa ni sgrub pa'o/ /bde ba chen po nyams su myong ba ni/ /sgrub pa chen po'i zhes mchog gi bsnyen pa la sogs pa'o/ /rgyud phyi ma las kyang/ bsgrub bya bsgrub byed sbyor ba ni/ /gang phyir bsnyen par brjod pa ste/ /rdo rje pad+ma mnyam sbyor bas/ /nye bar sgrub pa zhes su bstan/ /yi ge hUM dang phaT ldan pa'i/ /bskyod pa sgrub par rab tu grags/ /rang zhi rang bde rang ngo bo/ /sgrub pa chen por rab tu bshad/ /dang la ldan sangs rgyas kun gyi bdag /rdo rje 'chang ba'i go 'phang che/ /cho ga'i sbyor ba 'di yis ni/ /myur du dngos grub thob par 'gyur/ zhes 'byung ngo/ /gnas skabs de la rdo rje dbyings kyi dbang phyug ma dang/ snyoms bar zhugs pa'i slob ma mthong nas rang gi snying ga nas gti mug dga' ma la sogs pa bzhi spros te slob ma'i kha la 'jug par byas la/ gti mug dang zhe sdang dang 'dod chags dang phrag dog gi rgyun rnams kyis slob dpon gyi rim pa 'dis dbang bskur bar bya

  88. 44b

    ste/ rang gi snying ga'i ye shes sems dpa' i phyag mtshan gyi sa bon gyi thig le las 'od zer gyi sgo nas sangs rgyas spyan ma dang snyoms par zhugs pa'i rnam par snang mdzad sems dpa' gsum gyi bdag nyid can rnam par spro zhing slob ma'i kha la 'jug pa ste/ de'i yang snying gar nam mkha' i dbyings nas rnam par snang mdzad kyi tshogs 'jug par byas la/ bde ba chen po 'bab pa'i dbang gis zhu zhing byang chub kyi sems kyi thig le'i gzugs su gyur pa gti mug gi rgyun des dbang bskur bar bya'o zhes gti mug gi rgyun gyi dbang ngo/ /de bzhin du snying ga'i 'od zer gyis gos dkar mo dang snyoms par zhugs pa'i snang ba mdza' yas sems dpa' gsum gyi bdag nyid can rnam par spros shing/ slob ma'i kha la bcug ste/ de'i snying gar snang ba mdza' yas kyi tshogs nam mkha' i dbyings nas bkug cing bcug la bde ba chen po 'bad pa'i dbang gis zhu zhing byang chub kyi sems kyi thig le'i gzugs su gyur pa 'dod chags kyi rgyun gyi dbang ngo/ /de bzhin du yang snying ga'i 'od zer gyis mA ma kI dang snyoms par zhugs pa'i mi bskyod pa sems dpa' gsum gyi bdag nyid can rnam par spro zhing slob ma'i kha la bcug ste/ de'i yang snying gar mi bskyod pa'i tshogs nam mkha' i dbyings nas bkug cing bcug la bde ba chen po 'bab pa'i dbang gis zhu zhing byang chub sems kyi thig le'i gzugs su gyur pa zhe sdang gi rgyun des dbang bskur bar bya'o zhes zhe sdang gi rgyun gyi dbang ngo/ /de bzhin du yang snying ga'i 'od zer gyis dam tshig sgrol ma dang snyoms par zhugs pa'i don yod grub pa sems dpa' gsum gyi bdag nyid can rnam par spro zhing slob ma'i kha la bcug ste/ de'i snying gar don yod grub pa'i tshogs nam mkha' i dbyings nas bkug cing bcug la bde ba chen po 'bab pa'i dbang gis zhu zhing byang chub kyi thig le'i gzugs su gyur pa phrag dog gi rgyun des dbang bskur bar bya'o zhes phrag dog gi rgyun gyi dbang ngo/ /de ltar dbang bskur ba bzhin bskur bas de bzhin gshegs pa thams cad kyis ngo bo nyid kyis

  89. 45a

    phung po dang khams rgyas par byas pa zhes 'byung ba rgyas pa sngon du 'gro ba shes rab ye shes kyi dbang ngo/ /de'i rjes su slob ma langs te thal mo sbyar zhing slob dpon gyi mdun du 'dug nas gsol ba 'debs pa'i slob ma la man ngag gi dbang bzhi pa 'di bstan par bya ste/ thabs dang shes rab snyoms par zhugs pa'i dus su tshangs pa'i bu ga nas 'pho ba'i byang chub kyi sems las 'byung ba khyod kyis gang myong ba de ni snang ba'i ye shes dang 'dod chags dang bral ba dang/ rnam pa sna tshogs pa'i skad cig ma'i bdag nyid dang/ nas bsnyen pa dang dga' ba'i rnam grangs can du shes par gyis shig /de'i rjes la byang chub kyi sems yan lag thams cad du khyab pa na khyod kyis bde ba gang myong ba de ni snang ba mched pa'i ye shes te/ rnam par smin pa'i skad cig ma'i bdag nyid can nye bar sgrub pa dang/ mchog tu dga' ba'i ngo bo nyid du shes par gyis shig de'i 'og tu rdo rje'i nang du song ba'i byang chub kyi sems las khyod kyis bde ba gang myong ba de ni snang ba thob pa'i ye shes te rnam par 'joms pa'i skad cig ma'i bdag nyid can sgrub pa dang/ 'dod chags par pa'i ngo bo nyid du shes par gyis shig /de nas yang rdo rje nor bu'i rtse mor phyin pa'i byang chub kyi sems kyi bde ba chen po nyams su myong bas sgo rnams 'gags pas sems kyi rnam par rtog pa'i tshigs thim zhing rab tu zhi ba'i gnas la sogs pa'i tshogs ro gcig par gyur pa ye shes mthong ba gang yin pa de ni snang ba la sogs pa gsum dang bral ba/ 'dod chags dang/ 'dod chags bral ba dang/ 'dod chags par ba spangs pa thabs dang shes rab gnyis las 'das pa de ni 'od gsal ba/ gnyis su med pa'i ye shes sgrub pa chen po mtshan nyid dang bral ba'i skad cig ma bde ba chen por shes par gyis shig /de ltar dri ma thams cad dang bral ba'i ye shes shes rab kyi pha rol tu phyin pa dang chos kyi dbyings kyi ngo bo nyid du shes par gyis shig kye bu

  90. 45b

    mtshan mo yang ma yin/ nyin mo yang ma yin/ mtshams kyang ma yin te/ snang ba yang ma yin/ snang ba mched pa yang ma yin/ snang ba thob pa yang ma yin/ snang ba thob pa yang ma yin pa/ gnyid log pa yang ma yin pa/ sad pa yang ma yin/ chags pa dang chags pa bral ba dang/ chags pa bar ma'i rang bzhin rnams dang bral ba'i 'od gsal ba'i ye shes ma dus thams cad du gnas par gyis shig /de nas rdo rje slob dpon gyi bka' drin thob pa'i slob ma thal mo sbyar bar gyur pas de kho na nyid thob pa la rjes su yi rang zhing byang chub kyi sems kyi tshigs su bcad pa 'di brjod par byed de/ oM dngos po thams cad las 'das shing/ phung po khams dang skye mched bral/ /gzung dang 'dzin pa rnam spangs pa/ /chos rnams bdag med mnyam nyid kyis/ /rang sems gdong nas ma skyes pa/ /stong pa nyid kyi ngo bo yin/ zhes bya ba byang chub kyi sems kyi sngags 'di brjod cing/ bla ma'i zhabs kyi rtsa bar snyim pa'i me tog dbul bar bya'o zhes 'di ni nang gi mngon par byang chub pa'i rim pa'o/ /de'i dpe ni nyin mo snang ba mched pa'i ye shes so/ /mtshan mo snang ba'i ye shes so// nub kyi dus kyi mtshams ni snang ba thob pa'i ye shes so/ /skya rengs kyi dus su bzhi pa 'od gsal ba'i ye shes te phyi'i mngon par byang chub pa'i rim pa'o/ /rim pa 'dis kyang mngon par byang chub pa'i ris pa bstan pa yin te/ dper na/ smig rgyu dang/ du ba dang/ mkha' dang/ mar me dang/ sprin med pa'i nam mkha' dang 'dra ba'i rtags rnam pa lnga'o/ /ji skad du/ las kyi mdza' rnam par 'byed pa las/ /dang pos ni chur thim zhing/ /chu ni me la thim par 'gyur/ /me ni rlung gi rjes 'gro zhing/ /rlung ni nam mkha' yang dag 'jug /nam mkha' 'jig pa de nyid de/ /ye shes gsum po rnam spangs pa'o/ zhes 'byung ngo/ /yang na dam tshig gis phyag rgya'i sgo nas phyi'i mngon par byang chub pa dang/ ye shes kyi phyag rgya dang phyag rgya chen po'i sgo nas ni nang gi mngon par byang chub par shes par bya'o/ /rim

  91. 46a

    ba de dag gi de kho na nyid rtogs pa'i rnal 'byor pas brtan par bya ba'i phyir ting nge 'dzin rnam pa gnyis kyis kyang de bzhin nyid la 'dun par bya'o/ /de la lte ba'i phyogs su rtsibs brgyad pa'i chos kyi 'khor lo'i dkyil 'khor du me'i 'od 'phro ba'i yi ge raM 'bar ba bsgoms te/ de'i snang bas spyi nas lus ma lus pa la khyab par bya ste/ stong pa nyid kyi rang bzhin 'od gsal gnas par bya'o zhes ril por 'dzin pa zhes bya ba'i ting nge 'dzin to/ /de bzhin du yang brtan pa dang g.yo ba'i rang bzhin khams gsum po dang po 'od gsal bar bya ste/ phyis de de bzhin du bdag nyid la bya ba ni rjes su gzhig pa'i ting nge 'dzin to/ /ting nge 'dzin gnyis kyi dpe ni ji skad du/ chu bo 'am steng ka'i chu ni dri med dag la zla ba gnas pa ltar/ /de bzhin de la rjes su 'jig par byed pa rnal 'byor pas ni rtag tu bsam/ me long la ni dbugs rlung rim gyis zad 'gyur de bzhin yang dag blta/ /ril por 'dzin par rim pa 'di yang rnal 'byor pa yi rtag tu brtag /ces 'byung ngo/ /mngon par byang chub pa'i rim pa 'dis ye shes lnga'i ngo bo nyid rnam par rtog pa ma lus pa ring du spangs pa/ /mchog tu dga' ba'i rang bzhin rnal 'byor pa gson bzhin grol bar gnas par bya'o zhes mngon par byang chub pa'i rim pa'o// //da ni zung du 'jug pa'i rim pa bstan par bya ste/ de yang gnyis so/ /rgyu'i zung du 'jug pa dang/ /'bras bu'i zung du 'jug pa'o/ /rgyu'i zung du 'jug pa la rnam pa bzhi ste/ nyan thos dang/ rang sangs rgyas dang/ dbu ma dang/ sngags kyi lta ba'i bye brag gis so/ /de la rim pa bzhi po 'od gsal ba thob nas de'i rjes su kun rdzob dang don dam par dbye ba med pa dpal rdo rje 'chang chen po'i phyag rgya chen po'i rnam pa thams cad kyi mchog dang ldan pa/ sems can ma lus pa'i don byed pa myur du spros te gnyis pa thams cad kyi snang ba dang bral zhing/ bla na med pa'i sku thob par 'gyur zhes zung du 'jug pa'i ting nge 'dzin mdor

  92. 46b

    bsdus pa'o/ /de la ni lhag ma dang bcas pa dang lhag ma med pa'i mya ngan las 'das pa'i dbyings gnyis kyi rnam par rtog pa dang/ gang zag la bdag med pa dang chos la bdag med pa dang/ 'du shes med pa'i snyoms par zhugs pa dang 'gog pa'i snyoms par zhugs pa dang rnam pa dang/ bcas pa dang/ rnam pa med pa dang/ rtag pa dang chad pa dang/ kun rdzob dang/ don dam pa dang/ rtag pa dang/ mi rtag pa dang/ gtsang ba dang mi gtsang ba dang/ yod pa dang med pa dang/ dngos po dang dngos po med pa dang/ sngags kyi sku dang/ ye shes kyi sku dang/ bskyed pa dang/ rdzogs pa dang/ rtog pa'i rnal 'byor dang/ yongs su rdzogs pa dang/ stong pa nyid dang snying rje dang/ thabs dang shes rab la sogs pa'i gnyis par 'dzin pa'i bag chags thams cad med pas bcu gnyis pa kun tu 'od ces bya ba la gnas pa'o/ /de bas na de las ldang pa'i dag pa 'jig rten pa'i ye shes la gnas pas bcu gsum pa thob pa'i yongs su rdzogs pa'i spyod pa zung du 'jug pa'i ngo bo nyid do/ /dper na bram ze dang gdol pa ma dang/ smad 'tshong ma dang/ bu mo dang chung ma dang ga pur dang/ bshad pa dang/ drag po dang/ rdo rje 'chang ba dang mtho ris dang ngan song dang/ bde ba dang sdug bsngal ba dang/ grags pa dang grags pa ma yin pa dang/ rnyed pa dang rnyed pa ma yin pa dang/ bstod pa dang smad pa la sogs pa dang bral ba/ rjes su dran pa dang ma 'dres pa'i chos dang ldan pa/ sangs rgyas kyi sku 'dzin pa/ sangs rgyas kyi zhing gcig nas gcig tu sems can gyi don mdzad pa la brtson pa dpal bde ba chen po'i rnam grangs can rdo rje sems dpa' nyid du 'gyur ro/ /de lta na gal te 'bras bu de yin na rgyu nyid du ji ltar 'gyur te/ gang gi phyir rim pa bzhi po ni thabs te rgyu'o/ /lnga pa ni mi slob pa'i ngo bo nyid 'bras bu'o/ /de ci'i phyir cig la rgyu nyid dang 'bras bu nyid 'thad ce na/ smras pa ro gcig pa'i zung du 'jug pa la blos brtags pa'i rgyu dang 'bras bu'i tha snyad yin gyi dam pa'i don du ni ma yin no/ /de ltar thams cad mkhyen pa'i ye shes thob pa'i

  93. 47a

    rnal 'byor pa la rgyu dang 'bras bu'i bye brag tu gnas pa'i dngos po thams cad ngo bo gcig kho na yin gyi bye brag tu de la de rnams snang ba ma yin no/ /bdag cag lta bu gzhal bar byed pa rnams kyis de ltar 'dod pa la skyon med do/ /yang na srid pa dang mya ngan las 'das pa'i rnam par rtogs pa phan tshun bye brag tu rab tu 'jug pa de rnams kho na ro gcig par shes pas ting nge 'dzin mngon du 'gyur zhing rgyu dang 'bras bu'i bye brag 'di ni brtags pa yin pas gnod pa gang yang med do/ /de lta na gal te ting nge 'dzin 'di yin na/ ji ltar ldang bar 'gyur te/ ldang ba med na de'i tshe sems can gyi don med ces phan tshun 'gal ba thob par 'gyur zhe na/ smras pa ldang ba zhes bya ba ni ting nge 'dzin nyams par byed pa ma yin te/ 'on kyang ting nge 'dzin la zhugs pa nyid kyis 'gro ba'i don mdzad pa'o/ /gang gi phyir sangs rgyas bcom ldan 'das kyi spyod lam rnam pa bzhi ste/ spyod lam gyi bzhugs pa dang/ bstan pa'i bzhugs pa dang/ ting nge 'dzin gyi bzhugs pa dang/ so sor yang dag pa'i 'jug pa'i bzhugs pa'o/ /de la sangs rgyas rnams kyi sku'i phrin las rtag tu mnyam par bzhag pa gang yin pa de ni spyod lam gyi bzhugs pa'o/ /gang gsung gi phrin las rtag tu mnyam par bzhag pa gang yin pa de ni bstan pa'i bzhugs pa'o/ /gang thugs kyi phrin las rtag tu mnyam par bzhag pa gang yin pa de ni ting nge 'dzin gyi bzhugs pa'o/ /gang sangs rgyas rnams kyis mthong ba'i chos kyi bde ba'i bzhugs pa dang/ lha la sogs pa'i gnas su nye bar gshegs pa la thugs kyi phrin las rtag tu mnyam par gzhag pa gang yin pa de ni so sor yang dag par 'jug pa'i bzhugs pa'o/ /mnyam par bzhag pa'i spyod pa ni bzhugs pa ste gang gi phyir sangs rgyas bcom ldan 'das rtag tu mnyam par bzhag pas so/ /de ltar zung du 'jug pa'i rim pa la gnas pa'i rnal 'byor pa'i ting nge 'dzin las ldang yang

  94. 47b

    rung mi ldang yang rung khyad par gang yang med de zhes ting nge 'dzin kho na yin te/ ting nge 'dzin ma yin pa las log pa'i phyir ro/ /gal te phyogs gnyis ka la mtshungs pa yin na de ci'i phyir rnam par mi rtog par gyur nas kyang sems can gyi don byed ce na/ smras pa sngon gyi smon lam dang thugs rje chen po'i shugs kyis sems can gyi don mdzad pa yin gyi rnam par rtog pas ni ma yin no/ /sems can rnams kyi yang de phrad pa tsam gyis re ba thams cad yongs su rdzogs par 'gyur te yid bzhin gyi nor bu dang bum pa bzang po bzhin no// ji skad du/ de ni phrad pa tsam gyis ni/ /skyes bu yid bzhin nor bu ltar/ /rtsig pa la sogs rnams las kyang/ /ji 'dod bstan pa rnams ni 'byung/ zhes 'byung ngo/ /de bas na sangs rgyas kyi sa la nyon mongs pa'i dra ba zad nas kyang sngon gyi smon lam gyi 'phen pa'i dbang gis skur byung ba dang sems can gyi don yang 'byung ste/ rdza mkhan gyi 'khor lo bzhin no/ /ji skad du/ skyon med skyed byed 'jig tshogs lta bu'i bud shing sreg byed gang/ /rang gzhan yul rnams rtsa nas 'don byed de rnams skyon med de/ /skyon med pa yang thugs rjes sgyu ma'i skyes bu las la 'jug /blo bzang sngon gyi smon lam dbang gis 'khor lo 'khor bzhin gnas/ zhes 'byung ngo/ /kaM pa la'i zhes snga nas kyis kyang gsungs te/ mi shig khyod kyis mngon par byang chub thob nas ni/ /gang cha mi shig nyid kyang yi ger gsungs pa ni/ /de tshe ring du nyams pa rnams kyi ji ltar ni/ /lcags kyu med pa rnams kyis leg pa'i rtsol ba byed/ ces 'byung ngo/ /zung du 'jug pa'i rim pa'i ting nge 'dzin te rdzogs pa'i rim pa'o// //de ltar bskyed pa dang rdzogs pa'i rim pa dag yan lag dang dbye bar bcas pa ni rab tu bstan to/ /'grel pa ma lus pa'i don de nyid la brten te slob dpon zla ba grags pas 'grel pa las don bstan te/ /de brtsams pa la dang po rnam pa gsum yin te/ bya ba dang bya ba'i 'bras bu dang/ bya ba'i 'bras

  95. 48a

    bu'i 'bras bu'o/ /de la rdo rje phreng ba dang/ lha mo bzhis yongs su zhus pa dang/ dgongs pa lung bstan pa dang/ ye shes rdo rje kun las btus pa rnal 'byor gyi rgyud chen po'i bshad pa'i rgyud bzhi po las yang dag par khungs te/ dpal gsang ba 'dus pa'i 'grel par byed pa gang yin pa de bya'o/ /bshad pa'i rgyud rgyas pa/ rnams las blo dman pa rnams kyis don gzung bar mi nus te/ de rnams kyi bde blag du go ba ni bya ba'i 'bras bu'o/ /bde blag du go bas phan tshun slob dpon dang slob ma dag gis 'chad pa po dang nyan pa po'i 'brel pa dang bsnyen bkur byed pa dang/ bsnyen bkur bya ba dang/ thos pa dang bsam pa dang bsgom pa dang rtogs pas zab cing rgya che ba bla na med pas sems can ma lus pa la rjes su gzung bar byed pa dpal rdo rje 'chang chen po'i go 'phang thob pa ni bya ba'i 'bras bu'i 'bras bu'o/ /de yod pas nyan pa po 'jug par 'gyur ro/ /de bzhin du gzhan yang rjod pa la sogs pa rnam pa lnga po nyan pa po 'jug par bya ba'i phyir smra bar bya ste/ rjod pa dang brjod par bya ba dang 'brel pa dang/ dgos pa dang/ dgos pa'i dgos pa'o/ /de la rjod par byed pa 'grel pa'i ming ni sgron ma rab tu gsal bar byed pa'o/ /dpal gsang ba 'dus pa'i rnal 'byor gyi rgyud chen po thos pa chung ba'i slob dpon gyis bshad pa'i mun pas khebs pa'i rdo rje'i tshig rnams sgron ma ltar gsal bar byed cing ji lta ba bzhin du mngon par gsal bar byed pas sgron ma gsal ba'o/ /mdza' drug ces bya ba de nyid kyi don gyi sgo nas ma yin te/ brjod par bya ba drug du bstan pa'i phyir brjod par byed pa'o/ /brjod par bya ba ni sngon du bshad pa'i rim pa gnyis te/ de la yang dang po la rnam pa gsum ste/ lus rnam par dben pa'i bar du'o/ /gnyis pa ni rnam pa lnga ste ngag rnam par dben pa nas brtsams te mi gnas pa'i mya ngan las 'das pa'i bar du'o zhes brjod par bya'o/ /'grel pa zhes bya ba ni sgra dang don dag gi

  96. 48b

    thabs dang thabs las byung ba'i mtshan nyid dam/ rgyu dang 'bras bu'i tshul lam/ rjod pa dang brjod par bya ba'i mtshan nyid nges par bya'o/ /gal te sgra dag gis 'brel ba gtso bo yod pa ma yin yang blos byas pa kho na'o/ /gang gi phyir sgra dang don dag la 'brel ba med de rang gi mtshan nyid ston mi nus pa'i phyir ro/ /'brel pa zhes bya ba ni rnam pa gnyis te/ de'i bdag nyid dang/ de las byung ba'o/ /de la de'i bdag nyid ces bya ba ni dbyer med pa'i dngos po gcig po kho na la ldog par byas pa'i bye brag la brten te bsgrub par bya ba dang sgrub par byed pa dang/ rtog par bya ba dang rtog par byed pa'i sgrub pa dag so sor bstan pa ni rmongs pa'i blo can rnams kyi rmongs pa sel bar byed pa'o/ /dper na shing dang/ sha pa dag dang/ byas pa dang mi rtag pa dag gi dbyer med pa ni shing dang sha pa dag dang byas pa dang mi rtag pa bzhin du sgra dang don dag la dbyer med pa nyid med do/ /dper na sgra rjod par gyur pa na skyes bu'i kha yongs su khebs par 'gyur gyi don gyis ni ma yin no/ /sgra ni skad cig ma yin pa'i phyir brjod ma thag tu rnam par 'jig go /don do bum pa la sogs pa'i mtshan nyid phyi rol tu yod pa de yang skad cig ma can ma yin zhes de dag tha dad pa'o/ /tha dad pa dang tha mi dad pa dag gis phan tshun spangs pa'i mtshan nyid can gyis 'gal ba de'i bdag nyid med do/ /gal te skyon de gsal bar bya ba'i phyir tha dad pa'i don la yang brda'i sgo nas rjod par byed ce na/ de yang mi rigs te/ gang gi phyir dngos po'i chos nyid du gnas pa'i rang gis mtshan nyid du gnas pa'i rang gi mtshan nyid mi rtog pa'i ye shes pa'i spyod yul ni brdas bstan par mi nus te/ tha dad pa dang tha mi dad pa dang/ ming dang rigs la sogs pa'i dbye bas kyang brjod par bya ba ma yin pa'i phyir ro/ /re zhig brjod bya ni skad cig ma yin pa'i phyir mi gnas te/ rjod par byed pa de yang de bzhin te/ dngos po thams cad skad cig mas khyab pa'i phyir ro/ /brda ni tha snyad la dgos pa ste/ gang

  97. 49a

    la brten pa'i tha snyad te/ gal te gnas par mi 'gyur na/ de'i tshe gang gi brda yin te/ /mo gsham gyi bu yi brda bzhin no/ /ji skad du tshad ma rnams 'grel las/ /sgra rnams kyis ni brda can ston/ /de ni tha snyad phyir bshad pa/ /de tshe rang gi mtshan nyid med/ /des na de la brda med do/ /zhes 'byung ngo/ /de bas na de'i bdag nyid kyi 'brel pa med pa kho na'o/ /de las byung ba'i 'brel pa yang med de/ ci'i phyir zhe na/ de las byung ba'i mtshan nyid kyi 'brel pa ni tha dad pa'i dngos po dag la yod de/ don gyi rjes su 'gro ba dang/ /ldog pa rjes su 'jug pa'i phyir te/ du ba dang me bzhin no/ /me yod pas du ba yod pa dang/ me med pas bud shing la sogs pa rgyu rnams ma tshang ba med pa yod pas kyang du ba yod par mi 'gyur zhes rgyu yod pa dang med pa dag gis 'bras bu la yang yod pa dang med pa nyid de/ de ni rgyu'i rjes su 'gro ba'i phyir ro/ /de bas na yod pa dang med pa dag gis byas pa'i bdag nyid yod pa dang med pa can gyi du bas me rtogs par byed do/ /rtog pa dang rtogs par bya ba'i dngos po 'am/ sgrub bya dang sgrub par byed pa dngos po dag gi rjes su 'gro ba dag ldog pa kho na rgyu yin no/ /de lta bu'i rigs pa sgra dang don dag la med de/ ci'i phyir zhe na/ bum pa la sogs pa'i don yod pas kyang dngos po gcig la yid 'brel pa can gyi skyes bus sgra rjod par mi nus pa dang/ don med pas kyang rtog pa dang bcas pa'i rnam par shes pas rang dbang du sgra rjod par byed pa ste/ 'khor los bsgyur ba dang rgya mtsho la sogs pa'i sgra bzhin no/ /de'i phyir don gyi rjes su 'gro ba dang ldog pa med pas sgra dang don dag gis de las byung ba'i 'brel pa med do/ /de la smras pa/ rang gi mtshan nyid kyi 'brel pa med de spyi'i mtshan nyid kyis byas pa'i 'brel pa yod pa nyid de dper na rtog bcas kyi shes pa la spyi'i tshul don gyi rnam pa gang snang ba de nyid kyis pha rol po la rtogs par bya ba'i phyir 'bras bur gyur

  98. 49b

    pa'i sgra bskyod par byed do/ /spyi'i sgra'i rnam pa des kyang nyan pa po'i rgyud la rtog pa skyed par byed do/ /de'i phyir sgra'i yul gang yin pa de nyid rnam par rtog rnams kyi yul lo/ /de bas sgra dang don rnams kyi btags pa pa'i 'brel pa yod pa kho na'o/ /de nyid la brten te nye bar btags pas rang gi mtshan nyid la yang sgra 'jug gi 'jug pa gtso bos ni ma yin no/ /'brel pa de yang rnam pa drug tu gyur te/ de bzhin gshegs pa dang lha mo dang byang chub sems dpa' dang/ lha dang mi 'am ci dang/ mi rnams kyis bya'o/ /de la dang po 'gro ba 'di dag mun par gyur pa stong pa nyid kyi rang bzhin du yod de/ de nas bsam gtan bzhi pa'i gzugs khams su gnas pa dang/ nam mkha' mdza' yas kyi skyed mched du gnas pa dang/ rnam par shes pa mdza' yas skye mched dang/ ci yang med pa'i skye mched dang/ 'du shes yod min med min gyi skye mched du gnas pa rnams yun ring ba'i dbang gis/ chang gis myos pa'i nus pa bzhin du 'dod chags kyi bag chags 'byung bar 'gyur to/ /de'i de ma thag tu de rnams gzugs can du gyur te/ de nas chags pa dang mngon par 'brel pa'i dbang gis rang gi lus las bcud kyi rang bzhin char gyi rgyun 'bab par 'gyur ro/ /bab pa de rnams kyang kha dog ser po sa'i cha 'dam du'o/ /yang dus kyi dbang gis de dum bu bzhir gas nas gling bzhi dang dkyil 'khor du ri rab kyi rgyal po yang dag par byung bar gyur te/ de nas de dag kyang de nyid du babs so/ /bag chags ldang ba'i shugs kyis bud med dang skyes pa'i rtags su pa'i gyur pas phan tshun 'brel pa'i dbang gis skye dgu dang rigs bzhi'i tha snyad kyang 'byung ngo/ /ma smos pa'i smin pa'i 'bras la sogs pa'i 'bru rnams dang/ de dag bsrung bar bya ba'i phyir mdza' yas grags pa la sogs pa rgyal po rnams byung ngo/ /bdag dang gzhan gyi dbye ba'i dbang gis nga dang bdag tu 'dzin pa byung ngo/ /de'i rtsa can ni 'dod chags la sogs pa'i nyon mongs

  99. 50a

    pa dang de las byung ba'i dge ba dang mi dge ba'i las dang/ de'i rgyu can bde 'gro dang ngan 'gro dag ces zo chun gyi 'khrul 'khor bzhin du yongs su 'khor bzhin du yongs su 'khor zhing 'khor ba'i dgon par 'khor bar gyur to/ /de nas bcom ldan 'das rdo rje 'chang chen pos snyigs ma lnga'i dus su nyon mongs pa lngas dkrugs pa'i sems can gyi khams la gzigs te/ nyan thos la sogs pa'i lam gzhan gyis 'di dag 'dul bar mi 'gyur te zhes mkhyen nas nyon mongs pa nyid kyis nyon mongs pa thams cad nye bar zhi bar 'gyur zhes dgongs nas sgeg pa la sogs pa'i cha lugs dang ldan pa'i de bzhin gshegs pa ye shes lnga'i ngo bo nyid spro bar mdzad de/ de bzhin gshegs pa de dag gis dga' ldan gyi lha'i gnas su rin po che sna bdun gyi rang bzhin gzhal yas khang pa la bzhugs pa'i rdo rje sems dpa' la gsol ba btab par gyur pas bcom ldan 'das kyis kyang rig pa'i chu skyes kyi nang dkyil 'khor spros te/ de bzhin gshegs pa rnams la rigs ma'i dbang bskur nas phyi rol tu spros te/ de kho na nyid bstan to zhes pa de ni de bzhin gshegs pa'i 'brel pa'o/ /bcom ldan 'das de nyid kyis 'dod chags kyis rigs can rjes su gzung bar bya ba'i phyir/ lha mo bzhi spros te/ de rnams kyis yongs su zhus pas de kho na nyid gsungs pa de ni lha mo'i 'brel ba'o/ /dbang po rnams la mngon par zhen pa'i nyon mongs pa la gnas pa'i sems can rjes su gzung bar bya ba'i phyir byang chub sems dpa' i tshogs su spros te de kho na nyid bstan pa ni byang chub sems dpa' i 'brel pa'o/ /brgya byin gyis yongs su zhus pa la sogs pa'i bshad pa'i rgyud la sogs pa gang gsungs pa de ni lha'i 'brel pa'o/ /mi 'am ci dang klu dang drang srong la sogs pa rnams la sgrol ma 'byung ba la sogs pa'i rgyud bstan pa gang yin pa de ni mi 'am ci'i 'brel pa'o/ /rab gsal zla ba

  100. 50b

    la sogs pa'i rgyal po rnams la yul dbus su grong khyer bco brgyad la chos gsungs pa de ni mi'i 'brel pa'o/ /de ltar 'brel pa drug po rgyas pa de mdor bsdus pas rnam pa gnyis su 'gyur te/ sgra dang don gyi 'brel pa ston pa dang/ 'khor gyi 'brel pa'o/ /ji skad du/ bstan bcos gang zag dbye ba yis/ /'brel pa rnam pa gnyis su 'dod/ /bstan bcos sgra dang don 'brel pa/ /'chad pa nyan pa'i cig shos yin/ /gnyis pa'i bya brag drug yin te/ gcig nas gcig tu rgyud rim 'ongs/ /de bzhin gshegs sogs dbye ba yis/ /bcom ldan grags pa rnams kyis gsungs/ zhes 'byung ngo/ /'dir ni de bzhin gshegs pa'i 'brel pa gcig pu yin te/ de bzhin gshegs pa lngas dbus kyi gtso bo la gsol ba btab pas so zhes 'brel pa bstan to/ /dgos pa zhes bya ba ni thos pa dang bsams pa dang bsgoms pa'i rim pas bsgrub byar gyur pa'i rdo rje 'chang chen po'i gnas thob pa'o/ /de thob nas khams gsum pa thams cad kyang de'i gnas su dgod pa ni bya ba byas pa'i phyir dgos ba'o/ /gzhan dag na re thos pa la sogs pa'i rim gyis rtogs pa ni dgos pa'o/ /de las kyang tha mal pa'i lus bzlogs pas 'jig rten las 'das pa'i lha'i rnam pa bsgrub pa ni dgos pa'i dgos pa yin no zhes brjod pa de ni mi rigs te/ gang gi phyir byang chub sems dpa' rnams kyis rang gi don sgrub pa la 'bad pas ma yin te/ de rnams kyi ni gzhan gyi don gtso bo yin gyi rang gi don ni ma yin no/ /ji skad du/ 'gro ba ma lus rang bzhin don mdzad pa'i/ /de bzhin gshegs nyid de yis zhar la 'byung/ zhes de'i phyir gzhan gyi don kho na dgos pa'i gtso bo yin gyi/ gzhan du na rang gi don ni dgos pa nyid du mi 'gyur ro/ /sgrub par snang ba dang/ don gyi bya bar snang ba'i ye shes gnyis bzhin no/ /dper na dang po mig

  101. 51a

    phye ba'i dus su sreg pa dang 'tshed pa la sogs pa'i don gyi bya ba byed nus pa yang me la sogs pa tsam du snang ba yin te/ don gyi bya ba med pa'i phyir ro/ /me la sogs pa thob nas sreg pa dang 'tshed pa la sogs pa'i bya ba dngos su byed pa'i shes pa ni don gyi bya bar snang bar bshad do/ /de nyid du bya ba byas pa'i phyir ro/ /gang don gyi bya ba byed pa de nyid dam pa'i don du yod ces 'byung ngo/ /'dir yang dgos pa ni sgrub par snang ba'o/ /dgos pa'i dgos pa ni don gyi bya bar snang ba yin zhes rgyas pa mchog go /dgos pa la sogs pa'i sgo nas 'dul bya 'jug pa yin pas de dag bstan par bya ba'i phyir gang zag lnga brtags par bya ste/ de yang tsan dan la sogs pa'i gang du bshad pa ste/ de la tsan dan zhes bya ba ni gti mug 'ba' zhig gi rigs can thos pa chung zhing nga rgyal gyi dbang gis gzhan rnams skyo bar byed pa de las gzhan dang rang gi don sgrub par mi nus te blun po yin pa'i phyir ro/ /utpal zhes bya ba ni thos pa la sogs pa'i rim gyis 'jug pa yang brjed ngas pa'i ngang tshul can yin te/ dang po dman pa yin pa'i phyir ro/ /de'i rang gi skye ba 'di la med de skye ba gzhan la 'byung bar 'gyur ba'i phyir/ pad+ma dkar po ni thos pa la sogs pa'i rang gi sems la 'dzin cing gzhan la ston par mi nus pas rang gi don tsam yin te/ dbang po dad pa yin pa'i phyir ro/ /pad+ma zhes bya ba ni gzhan rnams la ston par byed nus te/ dbang po rnon po yin pa'i phyir ro/ /rin po che zhes bya ba ni rang gi don dang gzhan gyi don phun sum tshogs pa dang ldan pa tshul khrims la sogs pa'i yon tan dang bcas pa byang chub sems dpa' rigs can dbang po rab kyi rab yin pa'i phyir ro/ /bzhi pa ni kun rdzob kyi phyogs kyi bshad pa la snod du rung ba dang/ gcig ni don dam pa'i phyogs kyi bshad pa'i snod du rung ba'o/ /de yang shin tu rgyas pa'i

  102. 51b

    'og nas 'chad par 'gyur ro/ /gzhan na re gang zag bzhi yod de/ mi shes pa dang/ the tshom za ba dang/ phyin ci log pa'i blo dang/ nges pa can gyi blo can no/ /de la mi shes pa ni rnam pa gnyis te/ tshad ma'i rjes su 'brang ba dang mtshad ma ma yin pa'i rjes su 'brang ba'o/ /de la tshad ma'i rjes su 'brang ba ni gzhan gyi rigs pa len cing thob pa la sogs pa'i rim gyis lam la brten pa'o/ /tshad ma ma yin pa'i rjes su 'brang ba ni mkhas pa'i tshig la brten te lam la 'jug pa'o/ /de dag gnyis ka yang lam gyi snod du rung ba'o/ /the tshom za ba yang rnam pa gnyis te snga ma bzhin te/ the tshom za ba tshad ma'i rjes su 'brang ba ni yang dag par tshad ma brjod pas the tshom las log cing yang dag pa'i laM la bzhag pa bya ba zhes rjes su bzung bar bya'o// tshad ma'i rjes su mo 'brang ba'i the tshom za ba ni bcom ldan 'das de bzhin gshegs pas kyang rjes su gsung bar mi spyod do/ /ji skad du/ mi shes pa ni bde bar mgu gyur cing/ /khyad par shes pa de bas myur bar mgu/ /dum gcig shes pa'i me yis phyed tshig pa// ming sangs rgyas kyis kyang mgu bya min/ /de bas na btang snyoms kyi gnas su bshad do/ /phyin ci log pa'i blo can ni rnam pa gsum ste/ the tshom za ba la phyin ci log pa dang/ mi shes pa la phyin ci log pa dang/ shes pa la phyin ci log pa'o/ /de la the tshom za ba la phyin ci log pa ni nyan thos lta bu sngags ni yang dag pa ma yin no/ /zhes zer ba thabs gang gis kyang rjes su gzung bar bya ba ma yin pas btang snyoms kyi gnas kho na'o/ /mi shes pa la phyin ci log pa ni chos bstan pa tsam gyis phyin ci log pa las log cing lam du 'jug par bya'o/ /shes pa la phyin ci log pa yang gnyis te/ tshad ma'i rjes su 'brang ba dang/ tshad ma'i rjes su 'brang ba ma yin pa'o/ /de la shes pa la tshad ma'i rjes su 'brang ba ma yin pa'i blo phyin ci log pa'i blo

  103. 52a

    can ni gang gis kyang lam du 'jug par byed mi nus te/ phyin ci log pa'i lta ba dang ldan pa yin pa'i phyir ro/ /shes pa la tshad ma'i rjes su 'brang ba phyin ci log pa'i blo can rnam pa drug ste/ grangs can pa dang/ rigs pa pa dang/ 'jig rten rgyang pan pa dang/ mchod 'os pa dang/ zhi ba pa dang/ spyod pa pa'o/ /g.yo ba dang mi g.yo ba 'di dag thams cad de kho na nyi shu rtsa lnga pa'o/ /blo'i dbang po lnga ni mig la sogs pa lnga'o/ /las kyi dbang po lnga ste/ ngag dang/ lag pa dang/ rkang pa dang/ bshang lam dang/ gsang ba pa'i bdag po'o/ /gzugs la sogs pa yul lnga dang/ sa la sogs pa 'byung ba chen po dang/ nang gi byed pa gsum ste/ yid dang/ blo dang/ nga rgyal lo/ /gtso bo'i rnam grangs can rang bzhin dang skyes bu'o/ /de la de kho na nyid nyi shu rtsa gsum ni 'bras bu yang yin la rgyu yang yin no/ /rang bzhin ni rgyu kho na'o/ /skyes bu ni rgyu yang ma yin 'bras bu yang ma yin no/ /ji skad du/ rtsa ba'i rang bzhin bya ba ma yin te/ chen po la sogs bdun po rgyu 'bras yin/ bcu drug po ni 'bras bu nyid yin te/ /rgyu min 'bras min skyes bu de yin no/ /de'i don ni 'di yin te/ yon tan gsum gyi bdag nyid can lus can thams cad kyi rgyur gyur pa'i rang bzhin ni gtso bo'o/ /snying stobs dang/ rdul dang mun pa gsum ni yon tan no// de la snying stobs ni yang zhing gsal bar byed pa dge ba'i bag chags gtsor gyur pa ste mtho ris kyi rgyu'o/ /rdul ni g.yo ba ste g.yo zhing 'ching bar byed pa ste dmyal ba'i rgyu'o/ /mun pa ni lci zhing sgrib par byed pa mi dge ba'i bdag nyid dmyal ba nyid kyi rgyu'o/ /ji skad du/ snying stobs yang zhing gsal bar byed par 'dod/ /rdul ni 'ching byed g.yo ba nyid du bshad/ /mun pa lci zhing sgrib par byed pa ste/ /don la mar me bzhin du gnas par 'gyur/ zhes 'byung ngo/ /de ltar snying stobs la sogs pa'i yon tan gsum ro gcig

  104. 52b

    par gyur pa/ dbang po la sogs pa rnams kyi rgyur gyur pa rtag pa'i rang bzhin ni bya ba'i sgo nas rjes su dpag par bya ba yin te me bzhin no/ /de ni rang gi gzugs su dmigs par mi 'gyur te/ phra ba'i phyir ro/ /mi dmigs pa de yang rnam pa bdun du 'gyur ro/ /'di lta ste/ shin tu ring bas nam mkhar 'thur ba'i bya dang/ shin tu nye bas mig gi dbang po'i gze ma dang/ dbang po nyams pas long ba la sogs pas gzugs mi mthong ba dang/ yid mi brtan pas smyo ba la sogs pa rnams kyis dngos po mi mthong ba dang/ phra bas phra ba la sogs pa mi mthong ba dang/ zil gyis gnon pas rlung dang mtshon la sogs pas smras pa dang/ mtshungs pa dang phrad pas 'o ma dang/ chu dang til dang 'bras can la sogs pa yi'o/ /'dir ni rang bzhin phra ba'i phyir mi dmigs pas 'bras bus dpag par bya ba yin no/ /ji skad du/ shin tu ring ba dang ni shin tu nye ba yis/ /dbang po nyams dang/ yid ni mi gnas pas/ /phra ba nyid dang zil gyis non pas ni/ /de bzhin mtshungs pa phan tshun rnams tshogs pas/ /phra phyir de ni mi dmigs pa nyid de/ /de ni med min bya bas dmigs pa yin/ /bya ba de yang chen po la sogs te/ /rang bzhin dang ni 'dra dang mi 'dra yin zhes bya ba la sogs pa'o/ /de la rgyu dang 'bras bu'i tshul ni rang bzhin las blo dang/ de las kyang nga rgyal ba dang/ de nyid las kyang blo'i dbang po lnga dang las kyi dbang po lnga dang de tsam lnga dang yid kyang skye bar 'gyur ro/ /de tsam rnam pa lnga las 'byung ba chen po yon tan gsum gyi bdag nyid skye bar 'gyur te/ yang dang yang du 'jig cing slar yang skye bar 'gyur/ zhes rgyu dang 'bras bu'i tshul du 'khor ba pa rnams yongs su 'khor bar gyur pa ste dbyer med par shes pa'i phyir ro/ /dbyer yod par she pas rang bzhin dang skyes bu dag las 'di'i ni rang bzhin dang 'di ni skyes bu'o/ /zhes pas grol ba'o/ /skyes bu ni dri med pa shel gyi rnam pa mthong ba po ste/ btang snyoms pa nyid kyi sgo nas thams cad mthong bar byed do/ /mthong nas kyang rang bzhin kha

  105. 53a

    drag yin pas mthong bar mi 'gyur te/ dge ba dang ni mi dge ba'i rgyu gnyis las skye ba dang/ tshe dang longs spyod kyi mtshan nyid kyi 'bras bu myong bar 'gyur ro/ /ji skad du/ dge ba yis ni steng du 'gro 'gyur te mi dge ba yis 'og tu 'gro bar 'gyur/ /ye shes kyis ni grol ba nyid 'gyur zhing/ /phyin ci log pas 'ching ba nyid du 'dod/ ces 'byung ngo/ /de bas na skyes bu du ma nyid de/ gang gi phyir gcig yin na skyes bu gcig grol bas thams cad grol bar thal ba dang/ gcig skye ba 'am 'chi bas thams cad de bzhin du thal bar 'gyur ro/ /rang bzhin ni bems bos kyang legs pa dang/ mi legs pa'i las rtag tu skyes bu rab tu 'jug par byed de/ 'o ma bzhin no/ ji skad du/ skyed par byed pa'i rgyu mtshan gyis/ bems po 'o ma dri bzhin 'byung gyur pa// de bzhin skyes bu grol ba'i ched du ni/ /rang bzhin gtso bos rab tu 'jug par byed/ ces 'byung ngo/ /de ltar de kho na nyid nyi shu rtsa gsum rang bzhin dang lhan cig tu bems po yin te/ tha dad pa med pas 'byung po rnam ba bcu bzhi'i 'khor bar yongs su 'khor bar 'gyur ro/ /tha dad par yongs su shes pa tsam gyis grol bar 'gyur ro/ /rang bzhin bems po yin yang skyes bu dang 'brel ba'i dbang gis dngos po thams cad la 'jug pa dang ldog par byed de 'phye bo dang long ba bzhin no/ /'phye bo long ba'i 'brel ba bzhin/ /de yis byas pa 'di dag 'gro ba yin/ zhes 'byung ngo/ /bye brag de yang tshig gi don drug cu yongs su shes pas skye bar 'gyur te/ gtso bo yod dang gcig pa nyid/ /don ldan nyid dang de las gzhan/ /gzhan don nyid dang du ma dang/ /bral ba dang ni ma bral nyid/ /lhag ma'i skabs dang byed min nyid/ /don ni gtso bo bcu ru bshad/ /phyin ci log pa'i bye brag lnga yin te/ /byed pa ma tshang bas ni mi nus pa/ /dbye ba nyi shu rtsa brgyad can zhes bya/ /dga' ba dgu dang dngos grub rnams brgyad do/ /zhes mdor bstan pa'o/ /rgyas par

  106. 53b

    bstan pa yang mun pa dang/ gti mug chen po dang/ mun pa thibs po dang/ shin tu mun nag thibs po zhes phyin ci log pa lnga'o/ /mig dang rna ba dang sna dang lce dang lus ma chad ba dang/ ngag dang lag pa dang rkang pa dang bshad sgo dang/ gsang ba'i dbang po ma tshang ba ste yid ma tshang ba ste bcu gcig go /dbang ba dang dngos grub ma tshang bas blo drug pa ni bcu bdun no/ /rtog pa sgra dang kha dog 'dzin pa dang/ /sdug bsngal sel ba gsum ste bshes gnyen phrad/ /spyin pa dang dang dngos grub rnams brgyad do/ zhes 'byung pas so/ /lhag pa'i lha las 'byung ba dang/ 'byung ba lhag pa las 'byung ba dang lhag pa'i nang gi bdag nyid las 'byung ba de sel bas dngos grub gsum ni dga' ba dag zer gcig go /phra ba la sogs pa'i mtshan nyid dngos grub brgyad dang ni dga' ba dgu'o/ /tshig gi don drug cu gang gi tshe skyes bus bye brag tu mthong na de'i tshe grol ba'o/ /de yang tshad mas nges par bya ba yin te/ mngon sum dang/ rjes su dpag pa dang/ yid ches pa'i tshig ste tshad ma gsum mo/ /de la mngon sum gyi de kho na nyid nyi shu rtsa gsum nges par bya ba ste/ so so'i yul rnams la rtogs pa ni mngon sum yin zhes bshad pa'i phyir ro/ /rang bzhin ni yon tan gsum gyi bdag nyid rjes su dpag pas nges par bya ba ste/ lkog du gyur pa'i phyir ro/ /skye ba dang tshe dang longs spyod ni spyir mthong ba'i rjes su dpag pas so/ /? pa la sogs pa shin tu lkog du gyur pa rnams la yid ches pa'i tshig gis so/ /de ltar tshad ma dang bcas pa 'ching ba dang grol ba tha snyad kyi rgyur gyur pa grangs can gyi gzhung 'dod do/ /de la smras pa/ re zhig dang po de kho na nyid nyi shu rtsa lnga med de/ /yid dang blo dang nga rgyal gcig pa yin par phyir ro/ /'dir ni phyi'i don bdag gis rtogs so zhes nges par byas pa tsam gyis blo dang nga rgyal dag yid las tha dad pa ma yin no/ /yid kho na bdag gis rtogs so zhes nges pa dang bdag nyid du skye bar 'gyur ro/ /la la smre ba ni rtog par byed

  107. 54a

    ba yid yin no/ /zhes mi rigs te/ khyad par gyi bdag nyid rnam par rtogs pa ni spyi'i bdag nyid nges pa la 'dus pa'i phyir ro/ /dngos po'i bye brag ma nges pas rnam par rtog pa mi 'byung ngo/ /bdag gis rtogs pa dang bdag rtogs pa po zhes khyad par ni nges pa las tha dad ma yin te/ yid ni thams cad nges par byed pa'i bdag nyid yin pa'i phyir ro/ /gang gi phyir shes pa ni ldog du ma dang ldan pa/ ldog pa gang gis brtags pa de'i bdag nyid de yin no/ /nga rgyal ma yin pa las log pa de nyid nga rgyal du bstan pa dang/ rnam par mi rtog pa ldog pa las de nyid rnam par rtog pa yin zhes yid gcig pu kho na yin gyi blo dang nga rgyal med do/ /las kyi dbang po rnams kyang gud na med de/ de rnams lus kyi dbang po la 'dus pa'i phyir ro/ /gang 'di ltar smra ba'i tshig dang len pa dang/ 'gro ba dang/ 'dor ba dang/ dga' ba lnga po'i dbye ba ni mi rigs te ma khyab pa dang thal ches par 'gyur ro/ /gang gi phyir rkang pa med pa sprul la sogs pa rnams kyi 'gro ba med par thal bar 'gyur ro/ /so dang mig gi gze ma dag ldang ba dang/ btsum pa dang/ phye ba'i las yod pas las kyi dbang por thal bar 'gyur ro/ /gzhan yang dur pa'i mchi mas dur mo mngal len pa'i phyir mchi ma yang las kyi dbang por thal bar 'gyur ro/ /de bas las kyi dbang po rnams ni med do/ /rang bzhin yang ni de kho na nyid gud pa ma yin te/ de tsam las kyang thams cad skye ba'i phyir ro/ /skyes bu yang tshad mas ma grub pas ngo bo nyid med de/ de'i mthong ba la sogs pa'i bya ba'i 'brel pa ji ltar de ltar grangs phyogs gcig pa ma grub pas nges pa med do/ / de'i phyir na lnga las dngos po gang yang med do/ /rang bzhin bems po yin pas bya ba ji ltar byed/ be'u 'o ma skyed pa yin zhes mi rigs te/ de la gang gi phyir ba'i sems kyis 'o ma sbyin pa 'jug pa yin gyi 'o ma ni ma yin no/ /dper na ba mi 'dod na rang

  108. 54b

    gi be'u la yang mi ster ba'i phyir ro/ /de'i phyir sems dang ldan pa kho na la 'jug pa dang ldog pa'o/ /gang gi phyir skyes bus mi byed do zhes khyed cag 'dod pas bya ba thams cad gang las 'byung/ de ltar skyes bus med de dmigs pa'i mtshan nyid dang ldan pa mi dmigs pa'i phyir ro/ /dper na bum pas dben pa'i sa phyogs bzhin no/ /med pa'i skyes bu gang yin pa de la 'ching ba 'am thar pa ga las srid ri bong rwa la spong ba dang len pa bzhin no/ /rang bzhin yod pas skyes bu dang lhan cig tu bye brag yongs su shes par rigs so/ /de med pas skyes bu du ma dang de thar pa'i phyir rang bzhin 'jug pa dang thams cad ces bya ba ni mi rigs so/ /de ltar grangs can pa rnams bkag go /rigs pa dang khyad par ba rnams ni rtag pa dang bems po bdag tu smra ba bdag gi yon tan dgu log pa na tshig gi don bcu drug yongs su shes pa na/ tshad ma bzhis grub pa'i bdag shes pas grol ba'o/ /de ltar yongs su mi shes pas 'ching ba'o/ /de rnams la 'di lan yin te/ bdag med de/ dmigs pa'i mtshan nyid dang ldan pa mi dmigs pa'i phyir te/ bum pas dben pa'i sa phyogs bzhin no/ /gang yongs su shes pas grol ba yon tan dgu po de gang yin/ gal te 'di ltar 'dod na khyed cag phung po lnga kho na bdag yin na/ de ni mi rigs te/ phung po mi rtag pas bdag kyang mi rtag par thal bar 'gyur ro/ /yang na mi rtag pa ma yin te de rang bzhi mthun pa med pas 'on kyang phung po la bdag yod do zhes gzhi dang gzhi can gyi tha snyad du gnas shes 'dod do zhe na/ de yang mi rigs te/ rtag pa dang mi rtag pa dag gi gzhi dang gzhi can mi 'thad pa'i phyir ro/ /yang na gzhi dang gzhi can gyi 'brel pa yod med kyi 'on kyang rgyu dang 'bras bu'i 'brel pa kho na/ gzhi dang gzhi can gyi 'brel pa yin gyi gzhan ma yin no/ /'di ltar rten gyis brten pa'i ltung ba 'gog par byed pa'i mtshan nyid kyi gnas skabs skyed par byed pa yin te/ ltung ba'i chos dang mi ltung

  109. 55a

    ba'i chos can tha dad pa yin pa'i phyir ro/ /dngos po'i gnas skabs gzhan skyed par byed pa ni bya ba yin te/ skad cig ma'i rang bzhin yod pa'i phyir ro/ /dper na snod la 'bras bu bzhin no/ /gzhi gang yin pa de nyid rgyu yin zhes bya ba'i gzhi can yang mi rtag par 'gyur ro/ /de yang mi rigs te/ bdag rtag pa yin pa'i phyir ro/ /bdag la phung po yod ces phyogs ni mi rigs te/ snga ma bzhin du skyon thal bar 'gyur ba'i phyir ro/ /bya ba'i rab tu skyed pas rgyu nyams par mthong bas shin tu yang bdag mi rtag par thal bar 'gyur ro/ /rgyu rnams ni nges par 'bras bu dang ldan par mi 'gyur te/ khyod kyi bdag gi phung po rnams mi skyed par yang srid pa'o/ /phung po kho na bdag yin zhes gzhi mthun pa'i phyogs su sngar bshad pa'i skyon kho nar thal bar 'gyur te tha mi dad pa'i phyir/ phung po dang bdag ni me dang bud shing bzhin du tha mi dad ce na de yang med do/ /gal te de ltar yin na bud shing nyams pa las mi skye ba ni me yin gyi gzhan ma yin no/ /de bzhin du bdag nyams pa las phung po skye bar gyur pas bdag yod pa ma yin no/ /yang na bdag yongs su gyur zhing phung po skye ba ma yin gyi/ 'on kyang phung po yongs su gyur pa las bdag tu 'gyur ro/ /zhes na/ smras pa/ phung po ma rtogs pa'i bdag mi dmigs pas med do zhes rtag pa nyid kyang med do/ /bems po nyid kyang mi rigs te brag dang 'dra ba'i bems po la 'ching ba dang grol ba'i tha snyad mi 'thad pa'i phyir ro/ /de'i phyir yon tan dgu po mtho ris dang dmyal ba sgrub par byed pa ji ltar rigs/ chos dang chos min bde sdug bsngal/ /'dod dang zhe sdang de bzhin te/ /rtsol ba shes pa 'du byed rnams/ /bdag yod pa la rtag rnams so/ /zhes 'byung ba de ni mi rigs te/ gang gi phyir rtags ni rtags can mtshon par byed pas de las tha dad pa yin nam/ tha mi dad pa yin/ gal te tha dad pa yin na dngos po thams cad la

  110. 55b

    chos la sogs pa rtags su 'gyur ro/ /yang na tha mi dad pa yin na de'i tshe/ /rang rigs pa yin nam/ las gzhan yin na/ rang gis ma rig pa'i chos la sogs pas dmyal ba dang/ mtho ris la sogs pa'i 'bras bu dang 'brel ba med do/ /rang rigs pa yin na bems po nyid du ji ltar 'gyur zhes phan tshun 'gal ba'o/ /me dang du ba bzhin du bdag dang rtags dag gi 'brel ba yin na de yang chos la sogs pa'i bya ba rtogs par byed pa 'byung bas rtogs par bya ba rgyur 'gyur ba bdag 'gog par thal bar 'gyur te/ 'bras bu 'byung bas rgyu rnams nyams par 'gyur ba'i phyir bdag med ces rigs pa pa dang bye brag smra ba rnams la lan no/ /'jig rten rgyang pan pas ni mngon sum kho na tshad ma yin gyi rjes su dpag pa ni ma yin no/ /ci'i phyir zhe na/ lag pa reg pas long ba la/ dka' ba'i lam du rgyug pa ni/ /rjes su dpag pa gtsor gyur la/ /ltung ba dag ni dkon pa min/ /'bad pas don ni rjes dpag pa/ /mkhas pa 'jal ba spro rnams kyi/ /shin tu mkhas pas gzhan rnams kyis/ /rnam pa gzhan du sgrub par byed/ /de bas na rjes su dpag pa med do/ /gang mngon sum gyis nye bar dmigs pa de yod de/ ji skad du/ ji srid 'tsho bar bde tshol zhing/ /shi nas 'byung ba khyod la med/ /thal bar 'gyur ba'i 'chi ba la/ /slar yang 'byung ba ga las 'gyur/ zhes 'byung ngo/ /de bzhin du 'byung ba chen po bzhi 'byung ba las sna tshogs 'di dag so sor snang ba yin gyi sems dpa' zhes bya ba gzhan gang yang med de/ gang gi longs spyod dang thar pa bsgrub par bya ba'i phyir rjes su dpag pa tshad ma nyid yin/ gal te 'byung ba chen po yongs su gyur pa mtshungs pa yin na yang/ g.yo ba nyid dang mi g.yo ba nyid dang mi g.yo ba nyid mi rigs so zhes na/ de la yang smras? pa nges pa can gyi 'bru yongs su gyur pa las skyes pa'i chang gis ji lta ba'i myos pa'i nus pa de bzhin du pha dang ma las skyes pa'i lus

  111. 56a

    kyi gong bu'i sems kyi nus pa skye bar 'gyur ro/ /shing la sogs pa'i dngos po rnams de ltar ma skyes pas sems pa med do/ /'byung ba chen po yongs su gyur pa ni mtshungs pa kho na'o/ /de yang mi rigs te/ 'byung ba chen po ni bems po dang sems pa ni bems po ma yin pas zhes de dag ni phan tshun rgyu gcig pa ni mi rigs so/ /rgyu mtshungs pa yin pas thams cad sems dpa' nyid du 'gyur ba 'am sems dpa' med pa nyid du 'gyur ro/ /rgyu med na rtag tu yod pa 'am med pa nyid du 'gyur ro/ /ji skad du/ rgyu med gzhan la bltos med phyir/ /rtag tu yod pa 'am med par 'gyur/ /dngos po yi ni bltos pa las/ /brgya la nyid du 'byung bar 'gyur/ /don gzhan rgyu mtshan can nyid ni/ /chos de gzhan pa nyid du 'gyur/ /phyi nang 'byung brgyu med nyid/ /'bras bu nges pa can mi 'gyur/ zhes gsungs pas so/ /sems dpa' dang 'byung ba chen po rnams ni tha dad med pa'i rgyu can no/ /gal te 'byung ba chen po las tha dad pa bdag gis sems dpa' khas ma blangs te/ 'on kyang de'i rang bzhin de rnams yin zhes zer ba na/ 'di yang bden pa yin te/ sems can 'byung ba chen po dag ni tha dad pa'i tshad ma'i yul can pa'i phyir ro/ /dper na dbang po'i mngon sum gyi 'di nyid du so sor snang ba 'byung ba chen po'o/ /rang rig pa'i mngon sum gyis bdag nyid nyid du so sor snang ba ni sems pa nyid do/ /'di nyid dang bdag nyid dbang po dang rang rig pa'i mngon sum gyi tshad ma dag dang gzhal bya rnams phan tshun tha dad pa'i phyir ro/ /chos rnams kyi 'di nyid kho na dbye ba 'am dbye ba'i rgyu ste/ gang 'gal ba'i chos dan ldan pa 'am rgyu'i dbye ba'o/ /de ltar na bde bar gshegs pa ba khyed rnams la dngos po gcig la ni tshad ma tha dad pa 'jug par mthong ngo/ /'di lta ste/ dngos po nyid dang skad cig ma dag bzhin no/ /dper na mngon sum yan lag thams cad dang ldan pa ma nyams

  112. 56b

    pa'i dngos po nges par byas pa 'am/ slar yang de nyid du rjes su dpag pas skad cig ma'i ngo bor dpag pa bya ba de bzhin du 'byung ba dang sems dpa' i bdag nyid can dbyer med pa'i dngos po la yang dbang po'i mngon sum dang rang rig pa'i mngon sum 'jug par 'gyur zhe na/ smras pa dbyer med pa'i dngos po mngon sum gyis yongs su gcod pa yin te/ 'on kyang yul gang du gang la the tshom yod pa de dag tu 'jal ba po de'i 'khrul pa tsam yang spang bar bya ba'i phyir rjes su dpag pa 'jug par 'gyur te/ dper na dngos po rtag par smras pa'i skad cig ma yin pa nyid kyi'o/ /khyed cag la yang 'khrul pa gang yang mi dgos te/ gang bzlog par bya ba'i phyir tshad ma gzhan btsal bar bya ste/ sems dpa' nyid 'byung ba chen po'i rang bzhin yin pa'i phyir ro/ /de'i phyir dbyer med pa'i dngos po la tha dad pa'i tshad ma 'jug par mthong ba'i phyir sems pa tha dad pa yod pa kho na'o/ /chang gis myos pa bzhin zhes dpe ni don dang mi ldan pa ste/ lhan cig mi dmigs par phyir ro/ /gang gi tshe chang gi rdzas myong bar mi byed pa na de'i tshe myos pa'i nus pa ga la yod de/ chang gis myos par gyur pa na yang lus kyi nang du thim pas myong ba'i nus pa gcig tu snang gi chang ni ma yin zhes lhan cig dmigs pa med do/ /de bzhin du yang 'byung ba dang sems pa dag la med do/ /dper na lus med pas kyang phra pa'i lus dang ldan pa'i sems dpa' yod pa nyid do/ /sems dang ldan pa'i lus thams cad du mthong ngo/ /gzugs med pa'i khams la yang ting nge 'dzin gyi lus med par mi 'byung ba'o/ /gzhi dang gzhi can gyi 'brel pa ni lus dang/ sems dag la 'brel pa rigs pa nyid do/ gzhi 'jig pas gzhi can 'jig pa ma mthong ste/ shing bcad pas bya rog bcad pa ma mthong ngo/ /gal te de lta yin na gson pa dang 'chi ba'i tha snyad ji ltar 'gyur zhe na/ smras pa/ thog ma med pa'i dus nas sred pa dang ma rig pa'i bag chags kun

  113. 57a

    'byung gi bden pa'i rnam grangs can gyi dbang gis srog dang dbang po'i tshogs g.yo bar gyur pas tshe gnas par byed pa'i las kyi dbang gis phung po zam tog gi nang du ji srid rnam par shes pa gnas pa de srid gson po yin zhes tha snyad 'byung ngo/ /tshe gnas par byed pa'i las 'gog pas srog la sogs pa'i 'khor lo mdzad pas 'chi'o zhes 'jig rten du grags so/ /rnam par shes pa ni yang dang yang du skye zhing 'gag par 'gyur zhes 'byung ba chen po las sems tha dad pa kho na'o/ de'i phyir rnam par shes pa'i tshogs drug ni yod de de rnams kyi yang bde ba la sogs pa sgrub par byed pa dge ba dang mi dge ba yod pas mtho ris dang dmyal ba la sogs pa yod ces de rtogs par bya ba'i phyir rjes su dpag pa yang yod pa kho na'o/ /zhes 'jig rten rgyang pan pa'i lan no/ /mchod 'os rnams kyis kyang yongs su 'gyur pa dang/ gang zag pa yin zhes smra ba'o/ /de rnams kyi gzhung 'di yin te/ dus gsum gyi dngos po rnams ni gang ma 'ongs pa'i dus su gnas pa de dag da ltar 'byung bar 'gyur te/ gang yang da ltar byung ba de dag 'das pa'i dus nyid du 'gyur te/ 'das pa rnams kyang ma 'ongs par 'gyur zhing/ ma 'ongs pa yang da ltar byung bar 'gyur zhes gang yang skye ba dang 'jig par mi 'gyur te gser bzhin no/ /dper na gnas 'gyur bar gser dang gser yang 'gyur bas gnas lta bur 'gyur zhes gser gyi rang gzugs nyams par mi 'gyur ro/ /de ltar yin pas zhe'ang rnga mor 'gyur ba dang rnga mo yang zhor 'gyur ro/ /bdag rtag pa la ni 'gyur bas kyang skyon med do/ /ji skad du/ snga ma'i chos gzhan spangs pa ni/ /gang tshe chos gzhan len gyur na/ /chos can de nyid las ma 'phos/ /yongs su gyur pa de bshad do/ zhes 'byung ngo/ /de la smras pa/ gal te 'gro ba dang mi 'gro ba'i bdag nyid 'gro ba bdag rtag pa'i ngo bo yin ni/ de'i tshe ci'i phyir yongs su 'gyur

  114. 57b

    te yongs su 'gyur ba zhes bya ba ni rang gi gzugs 'jig pa'i bdag nyid mi rtag pa'i mtshan nyid can gyi chos kyi khyad par ro/ /gang mi rtag pa de ji ltar bdag yin gal te gser dang mdud pa dang khu tshur gyi rigs pas rang gi ngo bo mi 'jigs ces zer na/ de yang rigs te/ gser la khyad par mthong ba'i phyir ro/ /dper na gser ltar snang ba 'jig pas kyang de ni brtag pa shes pa rnams kyis srang dang kha dog la sogs pas byas pa'i khyad par 'ga' nges par 'byung ngo/ /gang khyad par 'byung ba de nyid mi rtag pa nyid do/ /gal te bdag ces bya ba tha dad pa dang tha mi dad pa yang rung ste/ de'i rang gi ngo bo 'jig par mi 'gyur zhe na/ de yang bden pa ma yin te/ tha dad pa dang tha mi dad pa ni phan tshun 'gal ba'o/ /gal te tha dad ni ci'i phyir tha mi dad/ tha mi dad pa la tha dad pa yang mi rigs te/ tha mi dad pa yang yin la tha dad pa yang yin zhes 'gal ba'i chos brtags pa'i dbang gis bdag ji ltar brtag par 'gyur de'i phyir na gang zag gi tha snyad ni brtags pa yin no zhes mchod 'os la lan no/ /zhi ba pa na re rtag cing thams cad byed pa kun shes pa 'dod pa dang bya ba dang ye shes kyi nus pa gsum gyi mthus skye ba dang gnas pa dang/ 'jig par byed pa 'jig rten gsum gyi dbang phyug kho na rgyu yin zhes de nyid las thams cad 'byung zhing thim par 'gyur ro/ /brtan pa dang g.yo ba'i dbye bar 'gyur ba'i 'bras bu'i dngos po gang yin pa de dag thams cad 'jig pa'i chos can de las 'byung zhing/ rang nyid ni mi 'jig go /ji skad du/ 'dir ni gnas skabs gnyis yin te/ bya ba byed pa nyid du grags/ /bya ba nyid ni zad gyur pa/ /byed pa nyid ni zad med do/ zhes 'byung ngo/ sbyor ba ni gang dang gang rgyu rtag pa las byung ba de dag ni 'jig pa'i chos can du mthong ste/ dug gi shing gi myu gu dang 'dab ma dang 'bras bu dang yal ga bzhin no/ /rtag pa'i dbang phyug las 'byung ba thams cad 'jig pa'i chos can yin gyi rtsa bar gyur pa'i dbang phyug

  115. 58a

    la 'jig pa med de nam mkha' bzhin zhes rang bzhin gyi gtan tshigs so/ /smras pa/ gal te des khams gsum skyed par byed na de'i tshe ji ltar rtag pa yin te/ byed pa dang rtag pa nyid phan tshun 'gal ba'i phyir ro/ /byed pa po yin na ci'i phyir sngon du mi byed/ /lhan cig byed pa la bltos pa ci dgos te/ bltos pa dang bcas pa ni nus med pa'i phyir ro/ /yang na bltos pa mi dgos na de'i tshe ci ste byed de nam mkha' bzhin no/ /de'i phyir bya ba'i dus dang bya ba med pa'i dus dag yod pas byed pa dang phan tshun 'gal ba yin pas mi rtag pa kho na'o/ /yang na gal te dbang phyug des rang dbang du yin na de'i tshe sngon du bshad pa'i nus pa gsum la la bltos pa mi rigs so/ /yang na dbang phyug las nus pa tha mi dad pa zhe na/ de'i tshe nus pa kho na byed pa yin gyi dbang phyug ni ma yin no/ /yang na dbang phyug byed pa po yin na nus pas ci zhig bya/ yang na dbang phyug gi nus pas zhes 'brel pa gang zhig yod/ de'i bdag nyid la sngon du bshad pa'i skyon du thal bar 'gyur ro/ /rgyu 'bras kyi 'brel bas kyang dbang phyug la nus pa skyes pas dbang phyug 'gag par 'gyur ro/ /de yang 'dod pa ma yin te/ de rtags pa'i phyir ro/ /rgyu rnams ni nges par 'bras bu dang ldan par mi 'gyur zhes nus pa kho na rgyu ru 'gal ba med do/ /de bas na dbang phyug byed pa por mi 'gyur ro// 'du ba'i 'brel bas de'i bdag nyid du 'thad ce na/ 'du ba zhes bya ba ci yin na snam bu dang snal ma tha dad pa dag la yang 'dir snal ma la snam bu zhes tha snyad yin zhe na/ 'o na ni snal ma ma gtogs pa'i snam bu gang zhig yod/ gang la bstos pas de dag gi 'du ba'i 'brel bar 'gyur/ /mchu dang zheng gi bdag nyid khebs pa la sogs pa'i bya ba byed pa snam bu yin zhe na/ de ni ma yin te/ de'i tshe de dag snal ma ma yin gyi snam bu gcig bu kho na don gyi bya ba byed pas so/ /gang don gyi

  116. 58b

    bya ba byed pa de nyid bden pa'i don no/ /gal te snam bu ma yin na de'i tshe snal ma ma yin pas 'brel ba med de/ gnyis la 'brel pa yod pa'i phyir ro/ /yang na rgyu spun dang snam bu rang gi bdag nyid du gnas pa yin na de'i tshe 'brel pa med de rang dbang yin pas so/ /ji skad du/ gang phyir 'brel pa gzhan dang ni/ /grub pas gzhan dbang gang zhig yod/ /de bas dngos po thams cad kyi/ /de nyid kyis ni 'brel pa med ces 'byung ngo/ /gal te 'du ba'i mtshan nyid kyi 'brel pas snal ma dang snam bu'i 'brel ba yin na de'i tshe 'du ba la gzhan 'du ba dang de la yang gzhan dang gzhan zhes thug pa med par thal bar 'gyur ro/ /gal te bltos pa med na de'i tshe 'brel pa med pa des gang gi 'brel pa byed/ de bas na snal ma rnams dang snam bu tha dad pa kho nar snang bar 'gyur na/ de ltar yang ma mthong ste/ 'dir snal ma la snam bu yod ces sgra dang rnam par rtog pa tsam yin gyi chad ma ma yin no/ /de bas na dngos po rnam par dpyod pa na snam bu zhes bya ba med do/ /snal ma kho na ni thags mkhan gyi yongs su las nus pas gnas skabs de lta bu thob pa gang gis khebs pa la sogs pa'i bya ba byed pa'o/ /blo dman pas snam bu zhes rtog ste/ bum pa chag pa bzhin no/ /dper na rdza mkhan gyi sprul pa'i dus su 'jig pa'i chos can kho na bum pa skyes pa de 'jig par byed pa rgyu gzhan med do/ /tho ba la sogs pa phrad pa'i dus su bum pa chag go zhes 'jig rten pas sems so/ /bum pa de 'jig rten pa ma yin te/ dang po kho na 'jig pas so/ /gyo mo la sogs pa'i 'bras bu'i gnas skabs gzhan skyes pa nyid do/ /de bzhin du snal ma rnams ni phebs pa la sogs pa'i las can la snam bu btags pa'o/ /de'i phyir 'du ba'i 'brel pa med pas dbang phyug dang nus pa gcig pa ma yin no/ /gal te nus pa des nus pa gzhan la bltos pa 'am mi bltos pa yin drang/ gal te bltos par

  117. 59a

    byed na de'i tshe des kyang gzhan la bltos pa dgos zhes thug pa med par thal bar 'gyur ro/ /yang na bltos pa med na nus pa med pas nus pa nyid du mi 'gyur ro/ /de bas na skyes par mi byed do/ /nus pa dang dbang phyug tha dad pas skyon snga ma bzhin no/ /de nyid kyi na kun shes pa nyid kyang mi rigs te de la thams cad shes pa ni gang yin zhe na/ thams cad shes pa na thams cad shes pa zhe na/ 'das pa la sogs pa'i dus gsum na gnas pa'i sems can thams cad kyi sems kyi spyod pa shes pa 'am/ sems kyi rang bzhin shes zhe na/ gal te 'das pa la sogs pa shes na de'i tshe khyu mchog dang 'phel ba la sogs pas byas pa'i skar ma'i bstan bcos yongs su shes pas pha rol po'i sems kyi spyod pa dang dus gsum gyi mtshan nyid bdag cag gis kyang shes pas thams cad thal bar 'gyur ro/ /yang na sems kyi ngo bo nyid shes pa yin na bdag yod pa 'am med par ni mi shes te/ de ltar mi 'dod pa'i phyir ro/ /bdag yod par shes zhe na/ ngo mi shes te bdag sngon du bkag pa'i phyir ro/ /dngos po rnams kyang bdag med pa kho na don dam pa yin te/ de yang le'u gnyis pa las 'chang par 'gyur te de'i phyir/ de ni thams cad shes pa ma yin no/ /byed pa yin du 'jug na des ni cig car du thams cad ci'i phyir skye ba dang 'jig par mi byed par ri gyis pa'i phyir mi rtag pa'o/ /bltos pa med pa'i dngos pos cig car dang rim gyis don gyi bya ba ma mthong bas nam mkha' bzhin dbang phyug med do/ /dbang phyug 'dod pa la lan no/ /spyod pa ba la rnam pa gnyis te/ bya ba'i phyogs la gnas pa dang/ ye shes kyi phyogs la gnas pa'o/ /de la bya ba'i phyogs la gnas pa la tshad ma brgyad de/ ji skad du/ mngon sum dang ni rjes dpag pa dang/ sgra las byung ba dpe dang bcas/ /don gyi shugs dang med nyid dang/ /srid dang yod snyam de bzhin te/ /zhes bshad

  118. 59b

    pas so/ /tshad ma de rnams kyis dngos po rnams la spyi dang khyad par du 'jog par byed do/ /mchod sbyin la sogs pa gcod pa dang bcas pas kyang mtho ris dang thar pa dag 'dod do/ /de yang mi rigs te/ de rnams kyi rigs sam gsal ba 'am ci dang ldan pa 'am de'i 'brel pa'i sgra don yin zhe na/ de la spyi zhes bya ba gang yang dngos po las gus na med de dmigs pa'i mtshan nyid dang ldan pa'i de dmigs pa'i phyir bum pas dben pa'i sa phyogs bzhin/ de lta na gcig gi rnam pa rtog pa dang sgra rtog par byed pa'i rgyu ni spyi yin pas khyed kyis ji ltar sbed par byed ce na/ de ni bden pa ma yin te khyad par gzhan las log pas rnam par rtog pa dang sgra gcig tu skyed par byed ces par gcod par byed pa des ci zhig bya'o/ /khyad par rnams ni sgra dang rnam par rtogs pas so sor bstan ni nus pas sgra shes pa gcig pa nyid du skyes pa'i nus pa ji ltar 'gyur zhe na/ /smras pa/ khyad par gyis ni 'jug pa gtso bo sgra dang rnam par rtog pa skyed par mi nus te/ 'on kyang rtog bcas kyi rnam par shes pa la so sor snang ba'i spyi tsam gyis so/ /de bas ji skad du/ bye brag gzhan ni so sor bkag /ma bkag pa dang de dag gi /brda yi bye brag gnas yin te/ /shes pa po yi 'dod dor ro/ /zhes 'byung ngo/ /de'i phyir med pa'i spyi ni khas blangs te ji ltar bdag nyid smod par byed/ de pas spyi med do/ /khyad par yang sgra'i don ma yin te/ khyad par ni don gyi bya ba byed pa 'on kyang de skad cig ma can yin pas mi gnas pa'i chos can no/ /gang la ngo bo nyid kyis gnas pa med pa de ji ltar rnam par rtog pa'i shes pa 'am sgra skyed par nus ji skad du/ sgra yis mtshon cha bshad pa ste/ /tha snyad phyir ni de bshad do/ /de tshe rang gi mtshan nyid med/ /des na de la brda yang med ces 'byung ngo/ /'di la 'di ltar dpyad par bya ste/ ci

  119. 60a

    rtog pa dang bcas pa'i shes pa dang sgra dag las khyad par sngon du 'byung ba 'am khyad par las kyang sngon du rnam par rtog pa'i shes pa sgra dag 'byung ngam/ ci lhan cig tu skyes pa rnam par rtog pa'i shes pa dang khyad par rnam par yin nam/ gal te khyad par dang po skyes na de'i tshe de gang gi yul yin/ yang na phyis skyes pa yin na rnam par rtog pa dang sgra dag gi khyad par dang lhan cig tu phan tshun 'brel pa med do/ /rgyu de dag gis rgyu dang 'bras bu 'brel pa ni tshad ma ma yin te/ 'khrul pa dang ma nges pa'i phyir ro/ /khyad par sgra dang rnam par rtog pa rnams lhan cig tu 'byung bas gang gis gang yul yin zhes nges par byed/ ma nges pa la brjod par bya ba dang rjod par byed pa'i 'brel ba med de go'i sgra dag bzhin no/ /gzhan yang gal te khyad par sgra'i don nyid du brtags de de'i ma'i sgra brjod pa'i dus su kha 'tshig par 'gyur ba dang/ bum pa brjod pa'i dus su yang bum pas kha khebs par 'gyur ro/ /de ltar ni ma mthong ste de'i phyir ma khyad par ni sgra'i don ma yin no/ / spyi med pas spyi dang ldan pa'ang med de ldan pa'i sgra ni 'brel pa byed pa'i tshig las 'byung ba'i phyir ro/ /'brel pa ni spyi bkag pa'i sgo nas sel ba yin te/ gnyis las 'brel pa 'dod pa'i phyir ro/ /de'i phyir sngar bshad pa'i rim pas 'brel ba rtag par byed na dngos po rnams kyi phan tshun 'brel ba gang yang med de thams cad rang nyid las grub pa'i phyir ro/ /dngos po thams cad rang bzhin gyis/ rang rang ngo bor gnas pa ste/ /rang dang gzhan gyi ngo bo las/ /gang phyir ldog pa la brten pas/ /de phyir dngos rnams gang gang las/ /ldog pa de yi rgyu mtshan ni/ /spyi yi dbye bar rab brtags pas/ /de yi khyad par gzung bar byed/ /de phyir gang zhig chos gzhan gyis/ /khyad par yang dag rtogs 'gyur ba/ /de las

  120. 60b

    gzhan gyi de mi rigs/ /des na tha dad tha snyad yin/ /gzhan dbang nyid dang 'brel pa yin/ zhes bya ba la sogs pas 'brel pa med par bshad do/ /de ltar spyi la sogs pa bkag pas spyod pa pa rnams la sgra'i don nyid med do/ /zhes don gang la tshad ma brgyad don dang ldan par mi 'gyur te gzhal bya med pa'i phyir ro/ /gang gi phyir tshang ma las gzhal bya grub ces bshad do/ /de bas na yul med pa'i sgra rnams kyis don gang rjod par byed/ gzhan yang dpyod pa pa rnams kyi sgra'i don ma grub pas kyang khas blangs te lan smra bar bya ste/ re shig bya ba'i phyogs su ni mchod sbyin dang khrus dang brtul zhugs dang bsnyung ba dang dka' thug la sogs pa'i mtshan nyid mtho ris dang thar pa'i 'bras bu thob pa'i phyir/ rnam par 'tshe ba'i bdag nyid kyi las ra bsod pa la sogs pa 'gal ba mi rigs te/ mtho ris ni bde ba la longs spyad pa'i mtshan nyid de/ bde ba sbyin pas thob par 'gyur gyi srog chags gsod pas ni ma yin no/ /yang na cho ga mkhan gyi sngags kyi mthus de sgrol ba yin na/ de ci'i phyir sgo thams cad bkag nas sgrol ba yin te/ ci sngags kyi mthu med dam yang na dbang po bkag pa gcig pu gtso bo yin na de'i tshe sngags don med do/ /sngags dang bcas pas rlung bkag par byed pa snying rjes gsod pa yin zhe na/ de lta na shin tu yid du 'ong ba rang gi nye ba rnams ci'i phyir mi gsod/ /de ni des mi 'dod ce na/ phyugs kyis kyang 'dod pa ma yin zhes ci'i phyir rnam par 'tshe/ de bas rnam par 'tshe ba'i bdag nyid can me mchod pa'i las la sogs pa sdig pa yin pa'i phyir mtho ris kyi rgyu ma yin no/ /ji skad du/ srog chags gsod pa mi bzod pa/ /drag po khrag gis lag bsgos pa/ /rtag tu sdig pa'i las spyod pa/ /de dag du 'bod skye bar 'gyur/ zhes 'byung ngo/ /gzhan yang rtogs pa dang

  121. 61a

    ldan pa'i phyir thar bar mi 'gyur te/ gang gi bya ba'i phyogs ni mchod pa dang/ kha dog dang khrus la sogs pa dang ldan pa'i phyir te rtog pa dang bcas pa'o/ /thams cad 'dor ba'i rang bzhin ni mi rtog pa ste thar pa'o// de bas rtog pa dang bcas pa'i lam gyis mi rtog pa'i thar pa thob pa rmi gyur te/ rgyu mi 'dra ba'i phyir nas kyi sa bon las sA lu'i 'bras bu mi 'byung ba bzhin no/ /de bas na rtog pa thams cad yongs su spangs pa'i ting nge 'dzin gyis rtag tu dri ma med pa zag pa med cing rnam par mi rtog pa'i thar pa thob par 'gyur ro/ /de ngas khyed cag gi bya ba'i phyogs su 'bras bu gang thob par mi 'gyur ro/ /zhes sbyor ba pa rnams kyis gtsang sbra la sogs pa ngal ba don med du 'gyur ro/ /ji skad du/ khrus kyis dge 'dod rigs kyis brnyas pa dang/ /rig byed tshad mar byed pa kha cig yod/ /sdig pa zad phyir dka' thub la brten pa/ /blo med rnams kyis blun po'i rtags lnga'o zhes bya ba'i phyogs kyi dpyod pa pa rnam la lan no/ /ye shes kyi phyogs su yang chos gos la sogs pa 'dzin pa ni 'gal ba'o/ /rig byed kyi mdza' gsang bar smra ba bram ze rnams kyi thams cad 'dor ba'i ye shes can gyi phyogs su chos gos 'dzin pa dang/ gcug phud 'dzin pa dang/ dbyug pa gsum dang/ thig le gsum pa spras pa dang/ kriSh+Na sA ra'i pags pa gyon pa dang/ yul nas yul du 'khyams pa sogs pa ni 'gal ba'o/ /dang po dam pa'i rnal 'byor la gnas pa'i brtul zhugs pa rnams kyis de dag thams cad spyod pa ni chos gos la sogs pas de kho na nyid thob pa ma yin te spros pa dang bcas pa'i phyir ro/ /spros pa med pa'i rgyus spros med pa'i 'bras bu bskyed pa yin gyi spros pa dang bcas bas ni ma yin no/ /ji skad du/ gzhan rkyen med cing zhi ba ste/ /spros pa dag

  122. 61b

    gis ma spros pa/ /tha dad don min rnam mi rtog /'di ni yang dag mtshan nyid do/ /zhes 'byung ngo/ /de'i phyir rang gi phyogs khas blangs pa ma grub pa ste tshad ma med pa'i phyir ro/ /gzhan yang de rnams kyi phyogs ni sna tshogs kyi ngo bo dngos po thams cad gang snang ba de ni tshangs pa nyid kho na'o/ /dper na bum pa dang re lnga la sogs pa phyi rol tu snang ba gang yin pa de rnam par spyod pa na rang gzugs su yod pa ma yin te snang ba gud pa med pa'i phyir ro/ /snang ba yang bdag nyid kyis yod kyi 'od nyid kyis ni rig pa ma yin no/ /bdag nyid dang 'di nyid ces phan tshun 'gal ba'o/ /de'i phyir snang bar gyur pa'i bdag nyid kyis bsdus pa'i dngos po snang ba gang yin pa de nyid tshangs pa nyid do/ /rtag tu dga' ba'i bdag nyid bag chags sna tshogs dang bcas pa de nyid kyi dbye ba 'di dag go /ji skad du/ tshangs pa'i tshul ni dga' ba ste zhes bya ba la sogs pa 'byung ngo/ /zhes tshangs pa smra ba rnams kyi rang gi phyogs te de mi rigs pa ni tshad ma med pa'i phyir ro/ /tshangs pa nyid yod pa'i tshad ma mthong ba'o/ / re zhig mngon sum yang ma yin te mi rtog pa'i phyir ro/ /tshangs pa'i sna tshogs pa nyid ni rnam par rtog pas 'jog par bya bas so/ /de lta na gzhan yang rtog pa dang bcas pa'ang mngon sum ma yin nam/ ji skad du/ dang po mthong ba'i shes yod de/ rtog pa thams cad rnam bral ba/ /byi pa lkugs pa dang 'dra bas/ /shes pa dag pa'i dngos las byung/ /de las gzhan pa'i dngos po ni/ /skye sogs chos bcas gang gis ni/ /blo yis rtog pa de nyid kyang/ /mngon sum nyid du 'dod pa yin zhes 'byung ngo/ /de la smras pa/ dang po mi rtog pa kho na tshad ma yin te/ gang gi rang gi mtshan nyid don gyi bya ba byed nus pa yul dang rgyu yin pa de nyid mi rtog pa chad ma'o/ /de nyid kyis bya ba byas pa'i phyir gzhan na brtags pa la 'thag

  123. 62a

    pa dang mtshungs pa don med ni tshad ma ma yin no/ /don dang phrad par byed pa ni ma yin te/ bstan pa'i don la skyes bu 'byung 'jug pa na de thob pas tshad ma'i bya ba de nyid du rdzogs so/ /de lta bu'i mtshan nyid dang po kho na la yod kyi/ de'i phyir mi rtog pa'i bdag nyid mngon sum gyi ni de yul ma yin no/ /gang gi yul yin pa de ni tshad ma ma yin no zhes tshangs pa nyid la yod pa la mngon sum mi 'jug go /rjes su dpag pa yang de bzhin te gang gi phyir rjes su dpag pa ni rtags can gyi 'brel pa sngon du 'gro bar 'gyur te/ du ba dang me bzhin no/ /tshangs pa de'i 'bras bur gyur pa'i rtags gang yang mthong ste/ gang gis de mthong bar med par mi 'byung bas rtags can du gyur pa tshangs pa nyid dpag par bya'o/ / dngos po thams cad de las 'byung ba yin zhes 'bras bu mthong bas de dpag par bya zhe na/ de yang mi rigs te/ gang 'bras bu skyed par byed pa de ni rgyu nyid de/ 'bras bu byung bas de 'jig par 'gyur bas rtag pa ma yin no/ /tshangs pa nyid kyi tshul ni khyed cag gi phyogs su rtag par 'dod pad+ma yin nam/ re zhig rgyud nyid du 'dod na yang/ rang dang 'dra ba'i 'bras bu ci'i phyir mi skyed phyin ci log par skyed pa la rigs pa mthong ngo/ /dper na lha la sogs pa kha cig bde bar gyur pa dang/ yi dags la sogs pa kha cig sdug bsngal can du mthong ba'i phyir ro/ /de'i sna tshogs pa nyid lta bu yod ce na/ smras pa sna tshogs pa nyid ni de dang tha dad pa yin nam/ tha mi dad pa yin na tshangs pa nyid kyis der mi 'gyur ro/ / dbyer med pas de'i bdag nyid du gyur pa'i ngo bo gang yin pa de dang 'dra ba dga' ba'i gzugs can du 'gyur te/ tshangs pa'i gzugs ni dga' ba ste/ zhes bshad pas so/ /de ltar yang mthong ste de'i phyir na 'bras bu'i rjes su dpag

  124. 62b

    pa med do/ /yang na skyon de gsal bar bya ba'i phyir rgyu'i rjes su dpag pa rtog par byed na dper na/ bud pa ma he sbrul dag dang/ /ta ma la yi 'od nag can/ /sprin rnams de dang 'dra ba ni/ /char 'bab nam yang slu mi byed/ /ces 'byung ba de bzhin du tshangs pa thams cad kyi bdag nyid gal te med na de'i tshe sna tshogs pa nyid kyang 'byung bar mi 'gyur ro/ /de la smras pa/ rgyu'i rjes su dpag pa ni bslu pa yin pa'i phyir nges pa med pa nyid do/ dper na/ phyogs bcur khyab pa'i shin tu nag po'i mdog can sprin rnams kyang char res 'ga' mi 'byung ngo/ /nyi ma dro ba'i dus su sprin bu las kyang char pa 'byung bar mthong bas rgyu'i rjes su dpag pa ni bslu ba kho na'o/ /des ni grog mo 'byung ba dang nya 'phar ba la sogs pa bkag go/ spyi ru mthong ba'i rjes su dpag pa ni rtogs par byed pa yin zhe na/ dper na khang bzang la sogs pa brtsigs pa'i sngon du 'gro ba 'phel par mthong bas nags kyi sman la sogs pa rnams kyi skye ba sngon du 'gro ba'i 'phel ba rjes su dpag par bya'o/ /de ltar tshangs pa'i sna tshogs pa nyid kyis dngos po sna tshogs pa nyid do/ /tshig gi don sna tshogs pa nyid kyang tshang pa'i sna tshogs pa nyid rjes su dpag par bya'o/ /de gang gi phyir tshangs pa sna tshogs pa smra ba pos tshangs pa'i rang bzhin can dngos po rnams 'dod/ /spyir mthong ba'i rjes su dpag pa'i phyogs su tha dad par thal bar 'gyur ro/ /ci'i phyir zhe na/ tshig gi don rnams gud gud du grub pa yin pas tshangs pa'i sna tshogs pa nyid nges pa dang tshangs pa yang gud na grub pas tshig gi don sna tshogs tha dad pa'o/ /de las bslu ba nyid kyis kyang nges pa med de/ de yang dper na spyir mthong ba'i rjes dpag pa ni bslu bar mthong ste/ khang bzang la sogs pa'i 'phel ba skye ba sngon du 'gro bas nags tshal la

  125. 63a

    sogs pa'i 'phel ba rtogs par mi byed do/ /nags tshal la sogs pa kha cig na chu 'bab pas kyang 'phel bar mi 'gyur ba dang/ kha cig kyang mig 'phrul mkhan gyis sprul pa yang mthong ngo/ /de bas na rjes dpag pa nges nges pa med do/ /sgra las byung ba yang tshad ma ma yin te/ tshangs pa'i sna tshogs pa nyid la mngon du bshad pa'i rigs pas sgra dang don dag gi 'brel pa med pa'i phyir ro/ /don tsam yang so sor bstan par sgras mi nus na de'i sna tshogs pa nyid ji ltar brjod/ spyi'i rnam pas nus kyang sgra'i rang gi mtshan nyid dang lhan cig tu don gyi rang gi mtshan nyid la brjod pa dang rjod par byed pa'i mtshan nyid med do/ spyi yang gong du bkag pas ltar de kho bor tshad mar gzung skad cig ma yin pas kyang nges pa med de gang gi phyir sgra ni gnas dang byed pa dang skyes bu'i rtsol ba las 'byung bas brjod ma thag tu 'jig par 'gyur ba de rang gzugs su yod par mi 'gyur bas ji ltar don rtogs par byed do/ ga dang u dang chog drag rnams re re lhan cig tu mi dmigs pa'i phyir ro/ /rna ba'i dbang pos gzung bar bya ba dbyangs tsam ni rtogs par byed pa yin te/ dril bu'i sgra bzhin no zhe na/ smras pa yi ge dang/ tshig dang ngag rnams kyi rang gi ngo bo dor nas don gzhan gyi dbyangs tsam mi dmigs so/ /de las zhig nas dbyangs ni mi 'jig par ji ltar 'gyur/ de'i phyir na dbyangs tsam gyi tha snyad ni btags pa yin gyi nges pa'i rgyur ni ma yin no/ /dpe yad tshad ma ma yin te/ gang gi phyir de ni chos gsum dang ldan pa yin te/ dpe dang dpe las byung ba dang thun mong gi chos kyis so/ /dper na ba dang 'dra ba ni ma min no/ /de la ba min mthong ba'i skyes bus ba la gnas pa'i lkog shal la sogs pa'i chos mthun pa'i phyir ba men ma mthong ba'i skyes bu la cig

  126. 63b

    rtogs par byed de/ ba dang 'dra ba ni ba min no zhes pas so/ /des ni de'i ba min yin zhes khong du chung ngo/ /de bzhin du 'dir tshangs pa'i sna tshogs pa nyid dngos po sna tshogs pa nyid kyis dpe ma yin pa dang/ de la sogs pas kyang ma yin te dang mthun pa'i chos med pa'i phyir ro/ /tshangs pa ni gzugs med pa dang/ dngos po rnams gzugs can yin pas gang gang gis dper bya don gyi shugs kyis kyang nges pa med do/ /dper na lha sbyin chen po nyin par mi za zhes bya bas don gyi shugs kyi mtshan mo za zhes nges so/ / de ltar tshig gi don rnams la sna tshogs pa med do/ /don gyi shugs kyis tshangs pa daQng yod do zhes mi rigs te/ /dngos po rnams la sna tshogs pa nyid dmigs pa'i phyir ro/ /gcig bkag pas chos gzhan nges par dmigs pas ni don gyi shugs so/ /de yang dngos po dang tshangs pa dag la med do/ /dngos po med pa yang tshad ma ma yin te/ gang gi phyir de la rnam pa bzhi yod de/ snga na med pa dang 'jig pas med pa dang phan tshun med pa dang shin tu med pa'o/ /de la snga na med pa ni 'o ma zhor gyur pa'o/ /'jigs pas med pa ni bum pa thob dang phrad pas 'jig pa'o/ /phan tshun med pa ni snam bu dang buM pa dag go/ /shin tu med pa ni ri bong gi ra la sogs pa'o/ /dngos po med pa ni yul la dngos po med pa tshad ma yin gyi dngos po yod pa'i yul du ni ma yin no zhes ji ltar dngos po'i chos ni tshangs pa'i sna tshogs pa nyid sgrub par byed de/ dgag pa gtso bo yin pa'i phyir ro/ /zho la mar srid pa dang/ til 'bru la mar khu zhes srid pa ni tshad ma ma yin te/ /sa mi gshin pa las skyes pa'i til 'bru rnams la mar khu mi 'byung ngo/ /phal cher la dgongs pa ni nges par byed pa'i rgyu ma yin te bslu ba'i phyir ro snyam pas yod pa yid tshad ma yin te/ shing 'di la gnod sbyin yod pa dang/ khang pa 'di

  127. 64a

    la sha za yod do zhes nges pa med do/ /res dga' de nas gzhan du 'gro ba'i phyir dang sngags shes pa'i skyes bu'i nus pa'i 'brel pas gnod sbyin la sogs pa bskrad pa rnams der mi gnas pa'i phyir ro/ /de bzhin du 'dir tshangs pa'i sna tshogs pa nyid dngos po rnams la ma nges so/ /ma mthong ba rang bzhin gyis bskal pa sha za la sogs pa la snyam pa zhes bya bas nges par byed par rigs so/ /sna tshogs pa ni mngon sum gyis snang na snyam pas ji ltar nges par byed do/ /de bas na tshad ma brgyad kyis ma grub pa'i tshangs pa nyid dang de'i sna tshogs pa nyid du gnas pa dang dam pa pa rnams ji ltar grol bar 'gyur/ /des na tshangs pa zhi ba smra ba'i phyogs kyang bkag go /gal te tshangs pa nyid dngos po'i sna tshogs ma skyes pa zhi ba yin no/ /ji ltar dngos po 'di rnams rnam pa sna tshogs su snang ngo/ /de rnams kyang zhi ba yin zhes 'dod pa rigs pa ma yin te/ tshad ma dang 'gal ba'i phyir ro/ /gang gi phyir mthong ba la mi rigs pa zhes bya ba med do/ /khrul pa kho na dngos po rnams kyi sna tshogs pa yin zhe na/ 'khrul pa ni ci de las tha dad pa 'am tha mi dad ce na/ tha dad pa yin na 'khrul pa dang tshangs pa nyid gnyis ka yod ces tha dad pa'o/ /tshangs pa ni gnyis su med pas 'gal lo/ /tha mi dad pa ni tshangs pa nyid 'khrul pa'i ring bzhin du song bas de kho na nyid du mi 'gyur ro/ /de ni 'khrul pa med pa yin du 'jug na ci'i phyir 'khrul pa bskyed par byed pa yin te/ 'gyur ba med pa la spros pa med de nam mkha' bzhin no/ /de bas na zhi ba'i tshangs pa nyid sku ba'i phyogs ni mi rigs so zhes tshad ma pa dpyod pa pa'i lan no/ /de rnams bstan pa drug la gnas pa phyin ci log pa'i blo can du bshad do/ /nges pa'i blo can ni rnam pa bzhi ste/ nyan thos dang rang sangs rgyas dang rnal 'byor spyod pa dang dbu ma'i

  128. 64b

    dbye bas so/ /de la nyan thos pa'i gzhung ni bden pa bzhi ste/ sdug bsngal dang/ kun 'byung ba dang/ 'gog pa dang/ lam mo/ /de la bden pa gnyis ni rgyu dang 'bras bu'i dbye bas gnas pa ni 'khor ba'o/ /bden pa yang gnyis ni rgyu dang 'bras bu'i bye brag gi mya ngan las 'das pa'o/ /de la 'dod pa dang gzugs dang gzugs med pa'i dbye pas nyon mongs pa dgu bcu rtsa brgyad mthong ba dang/ bsgom pa'i lam gyis spangs te/ 'geg pa'i snyoms par zhugs pa gtso gyur pa rang gi don tsam dang ldan pa nyan thos kyi byang chub thob par 'gyur ro/ /de rnams kyi re ba ni gzhan gyi don gyis ci zhig bya/ /bdag gi don ni bsgrub bya yin zhes bya ba la sogs pa 'byung ngo/ /de rnams gang zag la bdag med par 'dod cing/ phung po la sogs pa chos rnams la bdag yod par 'dod cing gzung ba dang/ 'dzin pa las zhen pa'o/ /de'i phyir de rnams kyi grol ba rnam par dag pa ma yin pas sngags kyi theg pa chen por snod ma yin par bshad do/ /ji skad/ dge slong nyid du gang gnas pa/ /gang yang rtog ge ba rnams mi/ /rgan par gyur pa gang rnams dang/ /de la de nyid bstan ma bya/ zhes gsungs so/ /mdo sde pa zhes bya ba rjes su dpag pas phyi'i don 'dod de/ phyi'i don ni gcig dang du mas ma grub pas med pas kyang rnam par shes pa'i skye ba gzhan du na mi 'gyur bas rjes su dpag pa yin te/ mig gi dbang po bzhin no/ /zhes rjes su dpog pa'i mdo sde pa phyi'i don smra ba rnams kyis snga ma bzhin du thar pa ni rnam par ma dag pas de dag kyang sngags kyi snod du rung ba ma yin no/ /rnal 'byor spyod pa pa ni rnam pa gnyis te/ rnam pa dang bcas pa smra ba dang/ rnam pa med pa smra pa'o/ /de la dngos po thams cad kyi pha rol tu so sor snang ba rnams rang gi rnam pa yin te/ rang gi

  129. 65a

    rnam par snang ba'i phyir ro/ /gang dang gang rang snang ba'i dngos po de dang de yod de blo bzhin no/ /gzhan gyi snang ba bum pa la sogs pa rang nyid kyis yod pa ma yin te/ gzhan gang yin pa de rnam par shes pa yin no/ / don ni gcig dang du mar ma grub pas zhes grags so zhes smra ba de'i gzhung ni mi bden te/ gal te don med na gang la bltos nas rnam par shes pa 'byung/ rnam par shes pas na rnams par shes pa'o/ /de bas na rnam par rig pa smra ba rang gi tshig dang 'gal ba 'di yin te/ rnam par shes pa 'dod pa dang don 'gog par byed pa'i phyir ro/ /gal te gzung ba dang 'dzin pa rnam par rtog pa 'khrul pa yin na de'i tshe rnam par rig pa yang 'khrul bar 'gyur ro/ /de las blangs na yang de'i theg pa ma dag par 'gyur ro/ /yang na ci'i phyir rnam par ma dag /bdag cag rnams ni mtshan nyid gsum ste// kun brtags dang/ gzhan dbang dang/ yongs su grub pa'o/ /de la kun brtags na yang dag pa ma yin pa'i kun tu rtogs pa'i mtshan nyid de/ gzung pa dang 'dzin pa'i rnam par rtog pa'o/ /gzhan dbang zhes bya ba ni de'i rnam pa so sor snang ba'i 'khrul gzhi'o/ /yongs su grub pa zhes bya ba ni gnyis kyis stong pa'i mtshan nyid do/ /dngos po shes don de'i rnam pa/ de med pa nyid mkhas pa yis/ /kun brtags la sogs mtshan nyid ni/ /go rim bzhin du shes par bya/ zhes 'byung ngo/ de la mtshan nyid gnyis med pas yongs su grub pa'i ngo bo nyid ni spros pa'i dri ma thams cad dang bral ba/ chos kyis dbyings kyi ye shes zhes bya ba rnam par dag pa'i thar pa yin zhe na/ de yang bden pa ma yin te/ rnam par dag pa zhes bya ba ni mdud pa thams cad bral ba'i stong pa nyid du bshad kyi/ rnam par rig pa ni ma yin no/ /de'i dmigs pa ji srid blo la rgyu ba de'i bar du

  130. 65b

    rnam par ma dag pa'o/ /ji skad du/ 'byung ba che sogs rnam shes la/ /bstan pa de dag 'gag par 'gyur/ /de ni ye shes la thim zhing/ /nges par phyin ci log pa yin/ /zhes 'byung ngo/ /kaM pa la'i zhal snga nas kyis/ re zhig thams cad brdzun yin te/ / ji srid ji srid rnam par rtog /gang zhig rtog par mi byed pa/ /de yi bden pa de nyid yin/ /zhes gsungs so/ /rnam rig tsam nyid 'di dag ces/ /de ltar nye bar dmigs gyur pa/ /mdun du cung zad 'jog byed na/ /de tsam la yang gnas mi 'gyur/ zhes khyed cag rnams kyi rang bzhin tshig dang 'gal ba'o/ /'o na ji ltar 'gal ba yin zhes 'dod na/ smras pa/ gang tshe shes pa'i dmigs pa ni/ /dmigs pa nyid du mi 'gyur na/ /de tshe rnam rig la gnas shing/ /gzung ba med pas de mi 'dzin/ /zhe na yang bden pa ma yin te/ /gang gi phyir de lta bus kyang stong pa nyid ni mngon par rtogs pa ma yin te/ rnam par rig pa 'jig par byas pa'i phyir de yang sngon du bkag zin to/ /ji skad du/ gal te shes pa shes bya'i sngon/ /ci la dmigs te de byung ste/ /shes bya zhig pas shes 'byung na/ /ci la dmigs te de 'byung 'gyur/ zhes 'byung bas shes pa dang shes bya dag la 'brel ba med pas rnam par shes pa'i snang ba med do/ /de'i phyir de lta bu'i lta ba can sngags kyi theg pa chen po la mi 'jug pas rjes su gzung bar bya'o zhes rnam par rig pa smra pa po rnams la lan na/ /dbu ma ba zhes bya bas gzung ba dang 'dzin pa'i rnam par rtog pa dang bral ba 'ba' zhig tu dri ma med pa'i mdza' yas pa nam mkha' dang mtshungs pa/ dngos po thams cad kyi de kho na nyid ces bya ba 'dod de rnam par thar pa gsum gyis rtog par bya ba'i phyir ro/ de bas na dngos pa thams cad stong pa nyid de/ gcig dang du mas bral ba'i phyir ro/ /dbang phyug la sogs pa'i rgyu mtshan dang bral ba dngos po rnams yin te dbang phyug la sogs par byed

  131. 66a

    pa ni mi dmigs pa'i phyir ro/ /dngos po thams cad smon pa med pa yin te/ smon par bya ba ma grub pas so/ /'di la sbyor ba ni dngos po thams cad stong pa yin te gcig dang du mas bral ba'i phyir/ gzugs bsnyan bzhin no/ /de la gal te chos mthun pa'i dpes ngo bo med pa nyid dmigs na de bzhin du yang de tsam las gtan tshigs kyi 'brel ba nges so/ /rjes su 'gro ba nye bar len pas ldog pa don gyis rtogs pa'i phyir ro/ /mkhas pa rnams kyis gtan tshigs gcig pu tsam gyis nges pa yin gyi yan lag lnga 'am yan lag gsum gyi tshig gi sbyor bas bstan mi dgos so/ /de dngos dang ni rgyu dngos dag /dpe yis de ni mi rigs la/ /smra ba yin gyis mkhas pa la/ /gtan tshigs gcig pu smra ba yin/ /de'i phyir phyogs dang dpe la sogs pa'i tshig rgyas pa spangs te rjes su 'gro ba tsam gyis kho bo cag gi stong pa nyid du 'grub bo/ /gal te gcig dang du mas bral ba tsam gyis stong pa nyid nges par byed na/ de ci'i phyir bye brag bco brgyad pa'i stong pa nyid gsungs she na/ smras pa/ 'dir ni gdod ma nas ma rig pa'i bag chags kyi shugs kyi dbang gis ji srid rnam par rtog pa de dag gis rgyu ba spang ba'i don du 'bad ba bya ba yin te/ nang stong pa nyid dang/ phyi stong pa nyid dang/ phyi nang stong pa nyid dang/ stong pa nyid stong pa nyid dang/ chen po stong pa nyid du don dam pa stong pa nyid dang/ 'dus byas stong pa nyid dang/ 'dus ma byas stong pa nyid dang/ mdza' las 'das pa stong pa nyid dang/ thog ma dang tha ma med pa stong pa nyid dang/ dor ba med pa stong pa nyid dang rang bzhin med pa stong pa nyid dang/ chos thams cad stong pa nyid dang/ rang gi mtshan nyid stong pa nyid dang/ mi dmigs pa stong pa nyid dang/ ngo bo nyid stong pa nyid dang/ rang gi ngo bo nyid stong pa nyid dang/ ngo bo med pa'i rang bzhin

  132. 66b

    stong pa nyid do/ /nang gi chos ni mig la sogs pa ste/ de dag mig la sogs pa nyid kyis stong pa ni nang gi stong pa nyid do/ /phyi'i chos ni gzugs la sogs pa ste/ de dag gzugs la sogs pa stong pa nyid kyis stong pa zhes phyi stong pa nyid do/ /nang dang phyi'i chos ni nang dang phyi'i chos nyid kyis stong pa ste phyi nang stong pa nyid do// chos thams cad kyis stong pa gang yin pa de nyid kyis stong pa yin no zhes stong pa nyid kyis stong pa nyid do/ /shar la sogs pa'i phyogs rnams la shar la sogs pa'i phyogs nyid kyis stong pa yin no zhes stong pa chen po'o/ /don dam pa ni mya ngan las 'das pa ste/ de yang mya ngan las 'das pa stong pa nyid kyis stong pa yin zhes don dam pa'i stong pa nyid do/ /'dus byas pa ni khams gsum ste/ 'dod pa dang gzugs dang gzugs med pa'i khams so/ /de de rnams kyis stong pa yin no zhes 'dus byas stong pa nyid do/ /skye ba dang gnas pa dang 'jig pa dang bral ba ni 'dus ma byas pa ste/ de de nyid kyis stong pa nyid ni 'dus ma byas kyi stong pa nyid dang/ rtag pa dang chad pa dag ni mdza' o/ /de dag nyid kyis stong pa ni mdza' las 'das pa stong pa nyid do/ /gang thog ma dang tha ma med pa de la bden pa'i dngos po med de/ 'gro ba dang 'ong ba med cing thog ma dang bar ba dang mthas stong pa'i phyir thog ma dang tha ma med pa'i stong pa nyid do/ /dor ba ni spong ba ste de las log pa ni dor ba med pa ste/ de nyid kyis stong pa nyid ni dor ba med pa'i stong pa nyid do/ /chos thams cad kyi rang bzhin gang yin pa de ni sus kyang ma byas pa dang 'dus ma byas pa yang ma yin te/ de rang bzhin gyis stong pas na rang bzhin gyis stong pa'o/ /chos thams cad ni 'dus byas pa dang 'dus ma byas pa de dag nyid kyis stong pas na chos thams cad stong pa nyid do/ /chos thams cad ni rang rang gi gzugs la

  133. 67a

    sogs pa'i mtshan nyid kyis stong pas na rang gi mtshan nyid stong pa nyid do/ /'das pa dang ma 'ongs pa dang da ltar byung ba nyid kyis stong pas na mi dmigs pa'i stong pa nyid do/ /sbyor ba las byung ba'i chos kyi mtshan nyid med do rten cing 'brel bar 'byung ba las 'byung ba'i phyir ro/ /sbyor ba ni sbyor ba nyid kyis stong pas na ngo bo nyid do/ /rang bzhin gyis stong pas na rang gi ngo bo stong pa nyid do/ /dngos po med pa'i rang bzhin dngos po de de nyid kyis stong pas na ngo bo med pa'i rang bzhin stong pa nyid do/ /de'i phyir stong pa nyid bco brgyad bstan to/ /de bas na rnam par thar pa gsum thob pas rdo rje lta bu'i ting nge 'dzin gyi rjes thogs las bcu gnyis pa kun tu 'od kyis la byang chub sems dpas byang chub thob bo zhes de nyid yang dag par rdzogs pa'i sangs rgyas nyid de/ /phyogs der nyan thos la sogs pa'i 'dod pa'i dngos po'i mngon par zhen pa med de/ de rnams kyi stong pa nyid mngon du gyur pa la spangs pa'i phyir ro/ /ji skad du/ dngos po gos dang 'dra ba rnams/ /rnam pa du mas tha dad pa/ /stong pa nyid kyi? mas tshig na/ /thal ba'i dbye ba gang yang med/ /snod dang sems can zhes bya ba'i/ /'jig rten gnyis po 'di bsregs nas/ /de yang rang nyid de nyid du/ /me sgron bzhin du zhi bar 'gyur/ /zhes 'byung ngo/ /sngon gyi smon lam dang snying rje chen po bskul bas sems can gyi don 'grub pa yin pas chad pas phyogs med do/ /spros pa thams cad dang bral ba'i ting nge 'dzin la rtag tu gzhol bas rtag pa yang med do/ /zhes stong pa nyid smra ba theg pa chen po bdag cag rnams kyi zhi gnas dang lhag mthong gi bdag nyid zung du 'jug pa'i ting nge 'dzin gyis phyogs so/ /'o na mngon par 'dus ma byas pa'i rnam par thar pa yang yod de de ci'i

  134. 67b

    phyir ma stan zhe na/ de ni yod pa bden te/ /'on kyang gsum pa la goms pas 'bad pa med par lhun gyis grub pa yin te chu thigs bzhin no/ /de bas de ni byang chub kyi rgyu yin yang shin tu nye ba'i phyir 'bras bu yang yin pa la skyon gang med do/ /dbu ma pa de rnams gal te rang bzhin med par smra na yang sngags kyi theg pa chen po ni thabs du mas khyad par du 'gyur te/ ji skad du/ don cig pa la ma rmongs phyir/ /thabs mang pas ni dka' thub med/ /dbang po rno ba'i dbang byas nas/ /sngags kyi theg pa khyad par 'phags zhes 'byung ngo/ /de la pha rol tu phyin pa'i rnal 'byor pas chos kyi dbyings kyi ye shes kyis ngo bo nyid de kho na ji ltar thob pa bzhin du sngags kyi theg pa chen po pa rnams kyis kyang thob par 'gyur ro zhes 'bras bu la log par rtogs pa gang yang med do/ /'on kyang de rnams la rmongs pa yod de/ dper na byang chub sems dpa' sems dpa' chen po thugs rje'i dbang gis sbyin pa'i pha rol tu phyin pa yongs su rdzogs par bya ba'i phyir don gnyer ba rnams la mgo bo la sogs pa sbyin par byed de/ de'i des ni sbyin pa'i pha rol tu phyin par mi 'gyur te/ /sems can gcig la phan pa'i yin gyi kun la med pa'i phyir ro/ gang gi phyir sbyin pa'i pha rol tu phyin pas na sbyin pa'i pha rol tu phyin pa zhes bya'o/ /de nyid kyi phyir da ni dge ba'i 'du byed de de dag gis gzhan dang gzhan du skye zhing 'chi 'pho bar 'gyur ro/ /de bas na bskal pa grangs med pa gsum gyis thob pa'i byang chub can byang chub sems dpa' zhes bya'o/ /sngags kyi theg pa la gnas pa la rmongs pa med de/ 'gro ba gsum par des sbyin pa'i pha rol tu phyin pa spro ba la sogs pa'i rim gyis cig car du rdzogs pa'i phyir ro/ /sems can gyi bsod nams kyi bdag po'i rkyen dang de rnams kyi skal pa nyid kyis kyang gsal ba thams cad yongs su rdzogs par 'gyur ro/ /ji skad du/ lha yi dbang pos char

  135. 68a

    bab kyang/ /sa bon dan la skye mi 'gyur/ /sangs rgyas rnams ni byung na yang/ /skal pa med pas ni 'bras mi thob/ ces 'byung ngo/ /de nyid kyi phyir des ni skad cig ma gcig gis byang chub pa yin no/ /de bzhin du nyan thos pa rnams kyi 'bras bu dang thabs yang dag pa ma yin te/ mi sdug pa la sogs pa'i sgom pas chos kyi dbyings thob par mi 'gyur te/ des keng rus la sogs pa tsam thob pa'i phyir ro/ /de yang de kho na nyid ma yin no/ /mar me lta bu mya ngan las 'das pa tshad ma gnyis dang bral ba rang dang gzhan gyi don phun sum tshogs pa med pa gang yin pa de yang de kho na nyid du bstan pa ma yin te/ mthong ba'i chos kyis de kho na nyid mi thob pa'i phyir ro/ /theg pa chen po rnams kyi de kho na nyid ngo bo gcig yin mod kyi 'od kyang thabs ni gcig kho na te/ rnam par thar pa'i sgo nas stong pa nyid rtogs pa'i phyir ro/ /de yang brtags pa pa yin te/ /gcig dang du ma la sogs pa'i gtan tshigs kyis de rtogs par bya ba yin pa'i phyir ro/ /mos pa dang rigs dang bag chags dang bag la nyal ba dang/ bsam pa sna tshogs pa'i sems can gyi khams la lam gcig bstan pa ni mi 'dod pa'i phyir ro/ /de bzhin du theg pa chen po pa rnams kyis kyang dka' thub dang mgo pa sogs pa sbyin pa dang/ stong pa nyid bco brgyad bsgom pa dang/ bskal pa grangs med pa gsum gyis byang chub thob pa'i phyir sangs rgyas nyid thob par 'gyur ro/ /de bzhin du sngags kyi theg pa'i spyod pa dang ldan pas dka' thub dang brtul zhugs la mi brten te/ de rnams kyi 'dod pa'i yon tan lngas spyod pa'i sgo nas de nyid thob pa'i phyir ro/ /le'u lnga pa las kyang dka' thub nyes pa ma rungs la/ /rten par byed pas 'grub mi 'gyur/ /'dod pa'i yon tan longs spyod

  136. 68b

    la/ brten pas myur du 'grub par 'gyur/ zhes 'byung ngo/ /gzhan las kyang/ dka' thub nyes pa ma rungs pas/ /sdug bsngal dang ldan lus skam 'gyur/ /sdug bsngal gyis ni sems g.yengs te/ /g.yeng bas dngos grub thob mi 'gyur/ zhes 'byung ngo/ /de bzhin du theg pa chen po pa rnams ni dbang po rno ba ma yin/ de rnams kyi dod pa la sogs pa'i yon tan rnams dman pa yin pa'i phyir ro/ /de ltar ji srid tha mal pa'i lus ma sbyangs pa de srid du tha mal pa ma yin pa'i rdo rje'i sku'i mtshan nyid kyi sangs rgyas thob par mi 'gyur ro/ /de yang theg pa chen po la med de/ lha'i rnam par bsgom pa med pa'i phyir ro/ /de ni bsgom pa ni dbang po rno ba ma yin pa'i phyir ro/ /lus gang gi tha mal ba 'ching ba de nyid kyi rnam par sbyang ba dang yongs su shes na grol bar 'gyur ro/ /rmongs pa gang gis 'ching ba ni/ /mkhas pa des ni rab tu grol/ /de ltar byang chub bsgoms pa'i phyir/ thabs 'di thams cad log pa yin/ zhes 'byung ngo/ /gang dang gang gis skye bo rnams/ /mi bzad las kyis 'ching 'gyur ba/ /thabs dang bcas pa de nyid kyis/ /srid pa'i 'ching ba las 'grol 'gyur/ zhes 'byung ngo/ /'od srungs 'di lta ste/ bu ram gyi shing dang 'bras kyi zhing rnams la lung kyi phung po phan par gyur pa de bzhin du byang chub sems dpa' sems dpa' chen po la yang nyon mongs pa kho na phan par 'gyur/ /zhes gsungs pas so/ /de'i phyir sngags kyi theg pa la snod du gyur pa'i rnams 'byor ba rnams ni dbang po rno ba yin no/ /theg pa chen po ba de dag kyang 'dir rjes su gzung bar bya ba yin pa dang/ sngags kyi theg pa chen po'i snod du rung ba yin te/ 'bras bu la dbyer med pa'i phyir ro/ /ji skad du/ dga' ba mi zad 'od gsal zhing/ /sna tshogs gzugs can mi rtog pa/ /snying rje chen po'i ngos khyab

  137. 69a

    pa/ /chos dbyings bdag nyid 'bras bu yin/ zhes gsungs so/ /re zhig theg pa chen po pa 'di gzhan na gsum po dag kyang sngags kyi theg pa chen po'i snod du rung bar 'gyur ro/ /gang gis tshe de rnams bcom ldan 'das yang dag par rdzogs pa'i sangs rgyas rnams kyi 'od zer gyi 'khor lo bskul ba de'i tshe/ don dam pa'i blo yang dag par skyes pas mi rtogs pa'i ting nge 'dzin mngon du byas nas/ de kho na nyid la 'jug cing yang dag par rdzogs pa'i sangs rgyas nyid du 'gyur ro/ 'khor los sgyur ba'i rgyal pos dbang bskur bas tha mal ba'i rgyal po chen por 'gyur pa bzhin no/ /gzhan yang nyan thos la sogs pa de rnams sangs rgyas kyi snod yin zhes ngo mtshar med de/ de ni rang gi tshogs pa dang bcom ldan 'das kyi lam la gnas pa'i phyir sngags kyi theg pa chen po la brten te 'grub par 'gyur ro/ /rgyad pan pa la sogs pa gzhan gyi tshogs pa rnams de dag kyang bstan pa 'di la brten te dngos grub thob pa'o/ /ji skad du/ pha rol smra ba gang dag ni/ rtags kyi dbye bas rnam par gnas/ /rdo rje sems dpa' sprul pas so/ /zhes 'byung ngo/ /tshad ma'i lam la gnas pa mkhas pa de dag re zhig tshad mas grub pa'i bstan bcos thos pa tsam gyis lam 'di 'jug par 'dod pa de dag gzhag na/ 'on kyang shin tu gdug pa dang rku ba dang g.yem pa'i chos can dang mtshams med pa'i las byed pa de rnams kyang sngags kyi theg pa chen po la brten te/ dngos grub lhag par thob pa'o/ /ji skad du/ rigs ngan smyug ma mkhan la sogs/ /gsod pas nor ni don gnyer ba/ /de yang theg pa mchog 'di la/ /bla med dngos grub thob par 'gyur/ /mtshams med la sogs las byed rnams/ /shin tu sdig can sems can rnams/ /de yang

  138. 69b

    theg pa bla med 'di/ /'grub par 'gyur te the tshom med/ /ces 'byung ngo/ /de ltar 'di skyon thams cad las nges par grol ba/ /yon tan thams cad kyis brgyan pa/ /zab pa dang rgya che ba rdo rje theg pa chen po 'di yin no/ de la rnam pa la ste/ bya ba dang/ spyod pa dang/ rnal 'byor dang/ rnal 'byor chen po dang/ rnal 'byor chen po'i mthar thug pa'i bye brag gi de rnams kyi rang gi mtshan nyid dang/ dbang po'i dngos po dang yul gyi bye brag sngon du bshad zin to/ de rnams kyis rim pa gnyis 'di ltar yin te/ de la bya ba rnal 'byor pa rnams kyis bskyed pa'i rim pa ni dang po'i yi ge tsam yongs su gyur pas so/ /rdzogs pa'i rim pa yang mdzod spu las byung ba'i 'od zer gyi 'khor los spro ba dang bsdu ba'i rim pas so/ /spyod pa dang rnal 'byor gyi rgyud gyi rnal 'byor pa rnams kyi bskyed pa'i rim pa mngon par byang chub pa rnam pa lnga'i rim pas so/ /rdzogs pa'i rim pa ni phra ba'i rdo rje la sogs pa'i bsgoms pa'i rim pas so/ rnal 'byor pa chen po pa rnams kyi bskyed pa'i rim pa ni rnal 'byor bzhi dang ldan pa'i dang po sbyor ba la sogs pa'i ting nge 'dzin gyi rim pa 'am rdo rje bzhi pas so/ /rdzogs pa'i rim pa ni sgom pa du ma ste/ dper na phra mo'i rnal 'byor ni so sor snang ba tsam gyi rang bzhin shel dag pa lta bu'i rnam pa 'od zer gyi sbyor bas so/ /thig le'i rnal 'byor ni sna gsum gyi rtse mor dgod pa'i khams gsum ma lus pa'i ngo bo phra zhing dang ba'i thig le tsam bsgom pa'i rim pas so/ yang na rtsi'i kun tu rgyu bas byang chub kyi sems yongs su g.yo bas so/ /yang na pad+ma'i nang du dam tshig gi dkyil 'khor bsgom pa'i rim pas so/ /yang na rtsa thams cad kyi khung bu nas 'pho ba'i byang chub kyi sems kyi steng du bzlog par 'gyur bas bde ba chen

  139. 70a

    po nyams su myong ba'i ting nge 'dzin gyis so/ /rdo rje nor bu'i nang du chud pa'i thig le hUM phaT la sogs pa'i sa bon mngon du 'gro bas 'dzin pa 'am snyoms par zhugs pa'i dus su de bzhin gshegs pa rnams 'jug pas ro gcig pas byed pa'i rnal 'byor gyis sam/ de las ma lhung ba'i byang chub kyi sems de de bzhin gshegs pa thams cad 'dus pa'i blos ltas yang dag par myong pa'i rim pas sam/ yul dang dbang po phrad pa dang de'i rnam par dag pa dang byang chub kyi sems de spro ba dang de 'dzin pa dang/ nam mkha' i gtos de bzhin gshegs pa thams cad kyis yongs su gang ba dang/ thams cad yongs su sdud pas rdo rje 'chang chen po'i phyag rgya chen po bsgom pa'i rim pa zhes bya ba yan lag drug gi rim pas so// yang na rim pa lnga ste rdo rje bzlas pa'i rim pa ni dag rnam par dag pa'i phyir ro/ /sems rnam par dag pa ni sems la dmigs pa'i rim pas so/ /kun rdzob kyi bden pa rnam par dag pa ni rang byin gyis rlob pas so/ /don dam pa'i bden pa rnam par dag pa ni mngon par byang chub pas so/ mi gnas pa'i mya ngan las 'das pa'i dbyings su 'jug pa ni zung du 'jug pa'i ting nge 'dzin gyi rim pas so/ /sems dpa' gnyis ni ye shes sems dpa' i sa bon gyi thig ler 'jug par bya ste/ de tsam gyi nga rgyal la gnas pa'i rim pas so/ /ril bor 'dzin pa dang rjes su gzhig pa'i ting nge 'dzin gyis rang bzhin dang gzhan gyi rgyud la gnas pa'i lus la sogs pa'i rnam par rtog pa bkag pa'i sgo nas so/ /de dang 'dra ba gzhan yang rdzogs pa'i rim pa'i ting nge 'dzin 'og nas 'chad par 'gyur ba dang/ rtsa yang dag par rgyu la sogs pa gang yin pa dang/ de dag thams cad rim pa lnga por 'dus par rig par bya'o/ /rnal 'byor chen po'i phyogs

  140. 70b

    'di gang zag lnga 'dul ba'i yul can gang yin pa de'i dbye ba 'og nas 'chad par 'gyur ro// //da ni 'di ltar dpyad par bya ste/ bcom ldan 'das kyis gang gsungs pa de dag las bskyed pa'i rim pa bsgom pa po'i gang zag gang zhe na/ smras pa/ dbang po dman pa dang bar pa dang/ rab ni tsan dan la sogs pa'o/ /de'i phyir de dag tshogs la bshad pa la snod yin no/ /bskyed pa'i rim pa zhes bya ba ni rtog pa'i rnal 'byor ro/ /phung po dang khams dang skye mched tha mal pa spangs pa ste/ de bzhin nyid dang phyag mtshan dang sa bon las spro ba dang bsdu ba'i rim pas phyag rgya bsgom pa yin no/ /de bas na spros pas bsgrub pa'i phyir rnal 'byor pas brgyad pa la gnas par gyur nas de'i 'og tu dad pa la sogs pa'i chos la mthar phyin pas de rnams kho na dbang po rno bar 'gro bas rin po che lta bu'i gang zag du 'gyur ro/ /la la na re gser khud lta bu'i tha dad pa'i rigs tsan dan la sogs pa yin no/ /de'i phyir gang bskyed pa'i rim pa sgom pa po de dag de'i rigs can kho na'o/ /gang rin po che lta bu'i gang zag gang yin pa de rnams tha dad pa ste/ rdzogs pa'i rim pa'i sgom pa po kho na'o/ /de bas na de rnams kyi bskyed pa'i rim pa ma bsgoms pas kyang rdzogs pa'i rim pa gcig pu sgom la dbang ba ste/ bskyed pa'i rim pa tshe snga ma la goms pa'i phyir zhes skyon med do/ /ji skad du/ bskyed pa'i rim pa legs gnas shing/ rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bu'i gsungs/ /shes gsungs pa'o/ /de la gal te bcom ldan 'das kyis gsungs gi ngo bo mi bzod nas myur ba'i ting nge 'dzin gyis phyag rgya la dmigs te rim pa la slob par bya'o/ /yang na med na de'i tshe snga ma bzhin du rdzogs pa'i rim pa nyid

  141. 71a

    bsgom par bya'o/ /goms pa'i rim pas ci zhig bya zhes gang gsungs pa de ni rdzogs pa'i rim pa'i go rims la slob pa'i phyir yin gyi/ bskyed pa'i rim pa la ni ma yin no// //de la 'di ltar dpyod par bya ste/ rdzogs pa'i rim pa gtsor gyur pa rim pa lnga po yin na de'i tshe rim pa'i grangs kyis rnal 'byor pa'i rim pa lnga po yin nam gcig yin zhe na/ gal te gcig yin na de'i tshe rdo rje bzlas pa'i rim pa nyid kyis bya ba byas pa'i phyir rim pa gzhan gyis ci zhig bya/ /de la yang ma ning gi bzlog pa la sogs pa'i skabs su 'od gsal ba nyid bstan pa'i phyir ro/ /lnga yin na ni de'i tshe re re dag la ngag rnam par dben pa la sogs pa yin gyi sems rnam par dag pa la sogs pa ma yin no/ de bzhin du gzhan dag gi'o/ /smras pa/ rnal 'byor pa gcig pa yin gyi lnga ni ma yin no/ /gang gi phyir bskyed pa'i rim pas ting nge 'dzin gsum po de nyid la dmigs te/ rigs brgya'i dbye bas lus rnam par dben pa la 'jug go /de'i rjes su yi ge gsum 'jug pa la sogs pa'i rim gyis rdo rje'i bzlas pa la goms pas ngag rnam par dben pa la 'jug go/ de'i 'og tu snang ba la sogs pa'i ye shes gsum rnam par dag pas de rdzogs pa na sems rnam par dben pa la 'jug go/ rang byin gyis rlob pa'i rim pas kun rdzob kyi bden pa mthong ba la 'jug go /mngon par byang chub pa'i rim pas 'od gsal ba la 'jug go /zung du 'jug pa'i rim pas mi gnas pa'i mya ngan las 'das pa'i dbyings su 'jug go /de'i phyir sangs rgyas nyid rim gyis rnyed pa yin par rnal 'byor pa gcig rdo rje'i bzlas pa gcig bu 'am gang yang rung ste gcig gis mi 'grub bo/ /de'i phyir tsan dan la sogs pa lta bu

  142. 71b

    'am rin po che lta bu'i rnal 'byor pas rim pa lnga car bsgom par bya'o/ /de lta na pad+ma la sogs pa bskyed pa'i rim pa gcig pu'i snod yin pas rdzogs pa'i rim pa lnga po ci'i phyir sgom par byed ce na/ smras pa/ drang ba'i don du yang rdzogs pa'i rim pa gsungs pas kun gyi bsgom par bya ba yin no/ /de bas na bcom ldan 'das kyis kyang gzhan du gsungs te/ /de skad du spyod pa bsdus pa'i sgron ma las/ rdo rje slob mas gsol pa/ bdag cag lta bu'i so so'i skye bo thog ma med pa nas phyi rol gyi dngos po rnam pa sna tshogs pa la mngon par zhen pas yod pa dang med pa dang gcig pa dang du ma dang/ gnyis dang gnyis ma yin pa dang/ yod pa ma yin pa med pa 'ang ma yin pa rtag pa dang mi rtag pa la sogs pa'i rang bzhin gyi bag chags kyi rgyus rnam par rtog pa la mngon par zhen pa la zhugs pa rnams kyis rdzogs pa'i rim pa'i go rim gyi ting nge 'dzin la slob pa na/ go rim ji lta ba bzhin du bslab par bgyi ba 'am yang na bla ma'i man ngag tsam gyis de dag skad cig tsam gyis so sor snang bar bgyi/ rdo rje slob dpon gyis smras pa/ rim gyis 'jug pa la bslabs par bya'i cig car ni ma yin no/ /bcom ldan 'das kyis kyang lang kar gshegs pa'i mdo las gsungs te/ de nas bcom ldan 'das la byang chub sems dpa' sems dpa' chen po blo gros chen pos rang gi sems snang ba'i rgyud rnam par dag par bya ba'i phyir yang gsol ba btab pa/ bcom ldan 'das rang gi sems snang ba'i rgyud cig car ram rim gyis 'jug pas sam/ ji ltar rnam par dag par 'gyur/ bcom ldan 'das kyis bka' stsal pa/ blo gros chen po rang gi sems snang ba'i rgyud ni rim gyis 'jug pas rnam par dag ste cig car ni ma yin no/ /'di lta ste blo gros chen po shing a mra'i 'bras bu ni rim gyis

  143. 72a

    smin par 'gyur gyis cig car ni ma yin no/ /blo gros chen po de bzhin du sems can rnams kyi rang gi sems snang ba'i rgyud kyang rim gyis rnam par dag ste/ / cig car ni ma yin no/ /blo gros chen po 'di lta ste/ rdza mkhan gyi snod rnams ni rim gyis byed kyi/ cig car ni ma yin no/ /blo gros chen po de bzhin du de bzhin gshegs pa yang sems can rnams kyi rang gi sems snang ba'i rgyud rim gyis rnam par sbyangs te/ cig car ni ma yin no/ /blo gros chen po 'di lta ste/ sa chen po las rtswa dang shing gel pa dang/ sman dang nag tshal rnams rim gyis 'jug pas skye'i cig car ni ma yin no/ /blo gros chen po de bzhin du de bzhin gshegs pa yang sems can thams cad kyi rang gi sems snang ba'i rgyud rnams rim gyis spyod ste cig car ni ma yin no/ /blo gros chen po 'di lta ste/ gzhan gan dang/ rol mo dang/ glu dang/ pi wang dang/ sil snyan dang/ rol mo dag la mkhas pa ni rim gyis 'byung gi cig car ni ma yin no/ /blo gros chen po de bzhin du/ de bzhin gshegs pa yang sems can thams cad kyi rang gi sems snang ba'i rgyud rnams rim gyis spyod ste cig car ni ma yin no/ /rim pa 'di nyid ni dpa' bar 'gro ba'i ting nge 'dzin gyi mdo las kyang gsal bar gsungs te/ de nas byang chub sems dpa' sems dpa' chen po blo gros brtan pas 'di skad ces gsol to/ /bcom ldan 'das ji ltar slob na byang chub sems dpa' bslab pa thams cad la dmigs pa ma mchis par dpa' bar 'gro ba'i ting nge 'dzin la slab pa las/ /de skad ces gsol ba dang/ bcom ldan 'das kyi byang chub sems dpa' chen po blo gros brtan pa la 'di skad ces bka' stsal to/ /blo gros

  144. 72b

    brtan pa 'di lta ste/ dper na 'phong gi slob dpon nam 'phong gi slob ma ni thog mar ba glang gi ko ba la slob par byed do// gang gi tshe ba lang gi ko ba la lebs pa de'i tshe shing leb la 'phog par byed do/ /gang gi tshe shing leb la longs pa de'i tshe 'phen la 'phog par byed do/ /gang gi tshe 'ben la lobs pa de'i tshe dbyug gu la 'phog par byed do/ /gang gi tshe dbyu gu la lobs pa de'i tshe skra brgya la 'phog par byed do/ /gang gi tshe skra brgya la lobs pa de'i tshe ska bcu la 'phog par byed do// gang gi tshe skra bcu la longs pa de'i tshe/ skra gcig la 'phog par byed do/ /gang gi tshe skra gcig la lobs pa de'i tshe/ sgras mtshon pa la 'phog par byed do/ /gang gi tshe sgras mtshon pa la 'phog pa de'i tshe/ mi 'tshor bar 'phog par byed de/ /gang gi tshe mi 'tsher bar 'phog par byed pa de'i tshe 'phong bslangs pa mthar phyin pa yin te/ de 'dod na nub mo mun pa mun nag gis nang na mi dang mi ma yin pa gang dang gang dag gi sgra grags pa de dang der lhun gyis grub cing mi 'tshor pa nyid du mda''gro'o/ /sgras mtshon pa phog par byed par gnas pas phyis gang du yang mi slob ste/ de ci'i phyir zhe na/ sngon legs par bslabs pa'i phyir phog par bya ba thams cad de la mngon sum du 'gyur ro/ /blo gros brtan pa de bzhin du dpa' bar 'gro ba'i ting nge 'dzin 'di la gnas pa'i byang chub sems dpas phyis chos gang la yang bslab par mi bya'o/ /de ci'i phyir zhe na/ ting nge 'dzin de nyid la legs par bslab pa'i phyir byang chub sems dpa' i yon tan gyi chos thams cad mngon sum du 'gyur ro/ /yang tshul 'di nyid kyis rdo rje'i theg pa la gnas pa'i dpa' bar 'gro ba'i ting nge 'dzin la slob par 'dod pas kyang rim pa 'di nyid kyis brlab par bya'o/ /de'i rim pa 'di yin te/ thog ma nyid du sangs rgyas kyi

  145. 73a

    theg pa'i bsam pa la slob po/ /gang gi tshe sangs rgyas kyi theg pa'i bsam pa la lobs par gyur pa de'i tshe theg pa sar pa la dran pa gcig pa'i ting nge 'dzin la slob po/ /gang gi tshe theg pa sar ba la dran pa gcig pa'i ting nge 'dzin la lobs pa de'i tshe rtog pa'i rnal 'byor la slob bo/ /gang gi tshe rtog pa'i rnal 'byor la lobs pa de'i tshe las dang po pa'i ting nge 'dzin la rab tu gnas par 'gyur ro/ /gang gi tshe las dang po pa'i ting nge 'dzin la gnas pa de'i tshe rigs brgya'i dbye ba la 'jug go /gang gi tshe rigs brgya'i dbye bas lus rnam par dben pa shes pa de'i tshe sku rdo rje'i ting nge 'dzin la gnas par 'gyur ro/ /lus rnam par dben pa la gnas nas A li kA li sgo nas ngag rnam par dben pa la 'jug go /gang gi tshe rdo rje bzlas pa'i rim gyis srog dang rtsol ba shes par 'gyur ba de'i tshe gsung gi rdo rje'i ting nge 'dzin gsal bar 'gyur ro/ /ngag rnam par dben pa la gnas nas rang bzhin gyi snang ba'i rim gyis sems kyi ting nge 'dzin la 'jug par 'gyur ro/ /sems yang dag pa ji lta ba bzhin du yongs su shes pa la gnas nas sgyu ma'i dpe bcu gnyis kyi kun rdzob kyi bden pa la 'jug par 'gyur ro/ /gang gi tshe sgyu ma lta bu'i ting nge 'dzin la 'jug pa de'i sangs rgyas kyi dbang bskur ba thob bo/ /gang gi tshe dbang bskur ba thob pa de'i tshe sgyu ma lta bu'i ting nge 'dzin la gnas nas stong pa chen po bco brgyad kyi rim pas don dam pa'i bden pa la 'jug go /gang gi tshe ril por 'dzin pa dang? rjes su 'dzin pa'i ting nge 'dzin gyis yang dag pa'i mdza' la 'jug pa de'i tshe nyon mongs pa thams cad rnam par dag par 'gyur ro/ /gang gi tshe ye shes kyi rim gyis ldang ba'i phyir rang bzhin gyis 'od gsal ba'i bden pa

  146. 73b

    gnyis la gnyis su med pa'i rnal 'byor pas bdag nyid mngon par rdzogs par sangs rgyas pa de'i tshe rdzogs pa'i ting nge 'dzin la slob par 'gyur ro/ /gang gi tshe rdzogs pa'i ting nge 'dzin la snyoms par 'jug pa'i rnal 'byor pas ni yang chos gang la yang mi slob po/ /de ci'i phyir zhe na/ sngon legs par bslabs pa'i phyir de'i phyir sngon gyi 'phen shugs kyi stobs kyis mngon sum du 'gyur ro zhe'o/ /de'i phyir na rim gyis thob par bya ba rdo rje 'chang chen po nyid/ rim pa lnga bsgoms pas thob pa yin zhes rnal 'byor ba gcig gis thams cad bsgom mo/ /gang yang rim pa re re la 'od gsal la bshad pa de ni kho na nyid kyis khyab bo/ /zhes bstan par bya ba'i phyir yin gyi/ de nyid du yongs su rdzogs pa ma yin no/ /bya ba byas pa nyid ni zung du 'jug pa'i ting nge 'dzin la'o/ /ji skad du/ 'di ni rdzogs pa'i rnal 'byor zhes/ rdo rje 'chang ba chen po nyid/ /rnam pa thams cad mchog ldan pa/ /thams cad mkhyen pa'ang de nas 'gyur/ zhes dang/ de bzhin du yang gsungs te/ zung 'jug gi ting nge 'dzin la gnas pas slar yang gang la mi bslab bo zhes 'byung ngo/ /de'i phyir rim pa lnga la brten nas rnal 'byor ba gcig gis 'bras bu'i gnas skabs su dngos grub thob pa yin no/ /le'u bco brgyad pa'i brjod par bya ba'i rim pa gnyis sgom pa po rnal 'byor pa gcig gis thob par bya ba rdo rje 'chang gi go 'phang bzhin no/ /rtsa ba'i rgyud kyi le'u bco brgyad la rnal 'byor pas bco brgyad so sor sgom pa po ma bstan to/ / 'on kyang gcig pu nyid do/ /rim pa gnyis ma gtogs par gzhan ma gsungs te/ de dag gi sgom pa po ni gcig yin zhes sngon du bshad do/ /gang zag gi dbye ba ni bshad pa'i dbye bas bshad du rung ba'o/ /thabs la mkhas

  147. 74a

    pa dang ldan pa'i bcom ldan 'das sangs rgyas rnams kyis sems can gyi bsam pa'i dbye bas sems can gyi rgyud kyi khyad par shes nas de dang rjes su mthun pa bstan par mdzad do/ /'bras bu la dgongs te dbye ba ma bstan te/ de gcig gi rang bzhin yin pa'i phyir ro/ /lam ni tha dad pa kho na ste/ lam gyi 'bras bur gyur pa'i de kho na nyid kyi dbye ba sgrub par byed pa ma yin te/ lam du mas thob par bya ba grong khyer chen po bzhin no/ /mos pa'i bye brag gi de kho na nyid gcig pu yang nyan pa pos bye brag tu bzung ngo/ /dper na nyan thos rnams kyis 'gog pa'i snyoms par zhugs pa'i sgo nas gzung bar byed de/ mdo sde pa rnams kyis de nyid rjes su dpag pa'i phyi'i don yang par so sor snang ba'i sgo nas so/ /rnam pa dang bcas pa'i rnam rig smra ba rnams kyi shes pa'i rnam pa phyi ma'i don yod pa'i sgo nas so/ /rnam pa med pa'i rnam rig smra ba pos phyi'i dngos po las nges par grol ba dri ma med pa mdza' las 'das pa'i nam mkha' gcig pu dang mtshungs pa'i rnam par rig pa gcig pu yod pa'i sgo nas bzung ngo/ /la la yang dbu ma pa rnams kyis gzung ba dang 'dzin pa las grol ba rab tu zhi zhing spros pa med pa 'ba' zhig tu stong pa nyid kyi ngo bo nyid dngos po so sor snang ba tsam gyi sgo nas gzung ba dang/ bya ba'i rgyud kyi rnal 'byor pas lha'i rnam pa sgom pa tsam gyi sgo nas bzung ba dang/ spyod pa'i rgyud kyi rnal 'byor pas dngos grub dang/ ting nge 'dzin dang cho 'phrul dang ldan pa/ sngags kyi sku sgom pa'i sgo nas so/ /rnal 'byor gyi rgyud gcer gyur pa'i rnal 'byor pas sngags dang phyag rgya la sogs pa gtsor gyur pa'i rnal 'byor bas rdo rje dbyings kyi dkyil 'khor chen po

  148. 74b

    la sogs pa'i sgom pa'i rim pas so/ /rnal 'byor chen po'i rgyud kyi rnal 'byor pas rim pa gnyis kyis so/ /de la bskyed pa'i rim pa'i rnal 'byor pas ting nge 'dzin gsum gyi sgo nas de kho na nyid bzung ba'o/ /rdzogs pa'i rim pa'i rnal 'byor pas phra mo'i rnal 'byor gzung ba'i sgo nas de kho na nyid bzung ba'o/ /la las kyang thig le'i rnal 'byor sgom pa'i rim pas 'dod do/ /la las kyang rtsa kun tu rgyu ba rtsa'i sgom pas so/ /la las kyang dam tshig gi dkyil 'khor gyi sgo nas gzung ngo/ la las kyang de'i nang du gsang ba'i dkyil 'khor la gsang ba'i dbang rigs so/ /gzhan dag gis kyang byang chub kyi sems gzung ba gcig pus so/ /gzhan yang de nyid steng du bzlog pa'i sgo nas so/ /la las kyang yul dang dbang po'i longs spyod cing so sor sdud pa'i sgom pa'i rim pas so/ /gzhan dag gis kyang de'i rnam par dag pa'i ngo bo nyid de bzhin gshegs pa lnga'i rang bzhin rtog pa dang spyod pa la sogs pa rnam pa lnga'i bsam gtan gyi rim pas so/ /kha cig gis kyang steng dang 'og tu sgyu ba'i rlung gsum gyi bdag nyid srog dang rtsol ba'i rlung gi sgo nas de kho na nyid nges par gzung ngo/ /de bzhin du gzhan rnams kyis kyang sna gsum gyi rtse mor 'dzin par gyur pa rlung dang sngags dang byang chub kyi sems kyi thig le 'dzin pas so/ /kha cig gis kyang sprul pa mdza' yas pa sbro bas nam mkha' i dbyings yongs su bkang zhing rjes su dran pa'i yan lag bsgom pas so/ /la las kyang dngos po thams cad nye bar sdud cing gcig dang du ma la sogs pa spangs pa'i gnyis su med pa'i ting nge 'dzin gyi rim pas so/ /la la sngags kyi de kho na nyid dam rlung gi de kho na nyid sgom pas so/ /la las kyang sngags dang phyag rgya la sogs pa'i rim pas so/ /kha cig gis kyang de las skyes pa'i sngags kyi

  149. 75a

    sku dang sgyu ma lta bu'i ting nge 'dzin gyis so/ /gzhan dag gis kyang snang ba thob pa la sogs pa'i rnal 'byor gyis lha'i skur bsgom pas so/ /la las kyang phyag rgya dang ting nge 'dzin sgom pa'i rim pas 'od gsal ba la 'jug pas so/ /gzhan yang srid pa dang mya ngan las 'das pa ro gcig pa gnyis su med pa zung du 'jug pa'i ting nge 'dzin gyi sgo nas de kho na nyid bsgom par byed do/ /de kho na nyid gcig yin pa'i phyir lam gyi bye brag du ma la skyon med do/ /gzhi'i bye brag gi dbang gis bye brag ltar snang ba ste char bzhin no/ /dper na char pa'i dus su chu 'dzin gyi tshogs kyi nang nas 'byung ba'i char ba rma byas 'thung ba na bdud rtsi nyid du 'gyur ro/ /de nyid sprul gyis 'thung ba na dug tu 'gyur ro/ /bu ram gyi shing la sogs par de nyid mngar ba'i ro ru 'gyur ro/ /nim pa'i shing la de nyid kha ba'i ro du 'gyur ro zhes de kho na nyid la de bzhin du bye brag tu med do/ /'di ltar dpyad par bya ste/ gal te dpal gsang ba 'dus pa'i phyogs su rim pa lnga ma gtogs par gzhan rdzogs rim pa med pa yin na de ci'i phyir phra mo'i rnal 'byor la sogs pa yan lag drug pa'i rnal 'byor bcom ldan 'das kyis de dang de ru gsungs she na/ de dag gi nang du song bas rdzogs pa'i rim pa de las gzhan med do/ /de la phra mo'i rnal 'byor dang thig le'i rnal 'byor dag ni rdo rje bzlas pa'i rim pa la bsdus so/ /rtsa'i kun tu spyod pa dang dam tshig gi dkyil 'khor dang de'i nang du gsang ba'i dbang sems la dmigs pa thob pa'i bdag nyid do/ /byang chub sems par 'dzin pa ni mngon par byang chub pa'i rim pa la'o/ /de steng du bzlog pa ni de nyid du 'dus so/ /so sor sdud pa dang bsam gtan dag ni sems rnam par dag

  150. 75b

    pa la'o/ /srog dang rtsol ba ngag gis rdo rje bzlas pa mtshon pa dang/ 'dzin pa ni mngon par byang chub pa'i rim pa mtshon no/ /rjes su dran pas ni bdag byin gyis rlob pa'i rim pa mtshon pa dang ting nge 'dzin gyi yan lag ni zung du 'jug pa'i rim pa la bsdus so zhes rim pa lnga'i bdag nyid kho na rdzogs pa'i rim pa'o/ /de la 'di ltar dpyad pa yin te/ ci rim pa 'di dag bzhi 'am drug la sogs par mi 'gyur zhing lnga kho nar bshad ce na/ zhes grangs la log par rtogs pa gsal bar bya ba'i phyir/ smras pa/ 'dir ni rnal 'byor pas tha mal pa'i lus dang ngag dang yid rnam par dag bya ba yin te/ de'i don du bskyed pa'i rim pas lus rnam par dag pa dang/ rdzogs pa'i rim pa'i dang po rdo rje 'das pa'i rim pas ngag rnam par dag pa dang/ thams cad rnam par dag pas sems rnam par dag pa'o/ /lus dang ngag dang yid rnam par dag na sems can gyi don bya ba'i phyir sgyu ma lta bu'i ting nge 'dzin gyis rang byin gyis rlob pa'o/ /de la mngon par zhen pa yongs su spong ba'i phyir don dam pa'i bden pa'i ngo bo mngon par byang chub pa'o/ /de ltar na chad par thal bar 'gyur bas de yongs su spang ba'i phyir bden pa gnyis gnyis su byar med pa'i mtshan nyid rnam pa thams cad kyi mchog dang ldan pa rdo rje sku zhes bya ba'i rnam grangs can rin po che sna tshogs kyi rang bzhin gzhal yas khang pa'i nang du gnas pa'i dkyil 'khor gyi bdag po nyid du bzhugs pa/ sar zhing sar pa'i dkyil 'khor gyis 'khor lo spros pa nam mkha' i gtos ma lus par khyab pa du sems can ma lus pa dgrol ba la brtson pa/ khyab 'jug dang lha chen po dang tshangs pa dang brgya phyin la sogs pa lha'i mchog rnams kyi zhabs kyi pad+ma la phyag byas pa/ yid bzhin nor bu dang dpag?

  151. 76a

    bsam shing dang bum pa bzang po ltar re ba thams cad skong bar byed pa zung du 'jug pa'i ting nge 'dzin la dmigs nas rnal 'byor pas gnas par bya'o/ /de bas na kun tu 'od kyis sa bcu gnyis pa la gnas par 'gyur ro/ de'i 'og tu bslab par bya ba med pas de nyid sa bcu gsum par bshad do/ /ji skad du/ zung 'jug ting 'dzin la gnas nas/ /slar zhing gang la 'ang mi slob po/ /zhes 'byung ngo/ /de ltar rim pa de dag gi rnal 'byor bas gal te gang la yang mi slob pa'i dbang gis bya ba byed pa rdzogs pas rim pa drug gang yang med do/ /zhes grangs lhag pa bsal to/ /nyung ba yang ma yin te/ lnga med pas gzhan dang rang gi don med pa'i phyir zhes grangs la log par rtogs pa can gyis lan no// //'dir yang 'di ltar dpyad par bya ste/ ting nge 'dzin de rnams kyi tshang ma mngon sum mam rjes su dpag pa yod ce na/ /de la re shig mngon sum ni mi 'thad de/ rtog pa med pa'i phyir ro/ mngon sum rtog pa dang bral zhing ma 'khrul pa yin zhes bshad pas so/ /rdo rje bzlas pa la sogs pa'i bsgom pa'i rim pas de kho na nyid kyi rnam par rtog pa 'byung ba'i phyir ro/ /rdo rje bzlas pa'i rim pa la ni sngags dang rlung gi de kho na nyid yid la byed pa ji srid ma byas pa de srid rnam bcu gcig gis rdo rje bzlas pa ji ltar bsgom/ /sems la dmigs pa thob pa la ni yi ge gsum gyi bdag nyid sngags chos 'byung ba'i 'khor lo'i nang du thig le dang tsheg drag gi nang du 'jug pa dang/ /phyag rgya dang lhan cig tu snang ba la sogs pa'i ye shes rtogs par byed do/ /sgyu ma lta bu'i ting nge 'dzin la yang sgyu ma'i dpe bcu gnyis kyi rnam par rtog pa skye'o/ /mngon par byang chub kyi rim pa la phyag

  152. 76b

    rgya dang rdo rje dang pad+ma snyoms par zhugs pa'i yid la byed pa dang/ chags pa dang chags bral dang/ chags pa bar ma'i rnam par rtogs pa yid la byed pa 'byung ngo/ /zung du 'jug pa'i ting nge 'dzin la yang bden pa gnyis gnyis su med pa'i rtog pa skye bar 'gyur ro/ /de ltar rim pa gnyis bsgom pa ni rtog pa dang bcas pa'i phyir mngon sum du ni mi srid do/ /nges pa'i shes pas 'grub po zhe na/ ma yin te/ nges pa'i shes pa ni rtog pa med pa'i mngon sum las phyir 'byung ba yin gyi dang po ni ma yin no/ /rdo rje bzlas pa la sogs pa ni rnam par rtog pa la rtog pa med pa'i mngon sum 'jug par mi 'gyur zhes ci la brten te/ nges pa'i shes pa 'byung bar 'gyur/ rgyun tu gnas pa'i shes pa rnams kyi tshad ma nyid med de/ don gyi yul can ma yin pa'i phyir ro/ /rang dbang gi rtog pas yang nges pa med de/ de tshad ma ma yin pa'i phyir ro/ /tshad ma med pa ni bden pa'i dngos po la brten te mi 'byung ba'i phyir ro/ /slob dpon gyis bstan pa'i rdo rje bzlas pa la sogs pa'i rim pa rnams rna ba'i dbang gis gzung bar bya ba yin pas dbang po'i mngon sum nges pa'i shes pa dang bcas pas nges par 'byung zhe na/ bden mod kyi 'on kyang nye bar ston pa'i dus su de tshad ma nyid du nges na de phyis kyi dus su ji ltar des/ rnam par rtog pas zhe na/ bden te don la brten pa ma yin pas rtog gi tshad ma ma yin no/ /yang na skyon de bsal bar bya ba'i phyir slob dpon gyis bstan pa'i phyis kyi dus su de nyid 'di yin ngo shes pas shes par byed pa dper na ma ga d+ha'i 'bru gang yin pa de nyid yul 'di'i yin no zhes pa dang/ gang ma ga d+ha ru mthong ba de 'di nyid yin zhe na/ de la smras pa/ ngo shes pas ni tshad ma ma yin te/ sgra dang don 'gal ba'i phyir ro/ /de zhes bya ba ni thams cad kyi

  153. 77a

    ming gi sgra 'das pa'i dus so sor rtogs pa'o/ /'di zhes bya ba ni mngon sum gyi dngos po rtogs par byed pa thams cad kyi ming gi sgra'o/ /'das pa dang da ltar byung ba dus so sor bstan pa'i sgra gnyis kyi gzhi mthun pa med pa'i phyir khyad par dang khyad par can gyi mtshan nyid mi rigs so/ /ji ltar mi rigs te/ rdzas tha dad pa ston par byed pa'i sgra dag gi don gcig la 'jug pa ni gzhi mthun pa'o/ /de zhes bya ba'i sgra ni 'das pa'i dus kyi yul gyi rdzas ston par byed pa dang/ 'di zhes bya ba'i sgras kyang da ltar byung ba'i yul gyi rdzas so sor ston zhes 'dir ni 'di dang de gnyis kyi de nyid 'di yin zhes gzhi mthun par rigs pa yin no zhe na/ de la smras pa/ gzhi mthun pa'i tha snyad 'di brtags ba pa yin gyi/ dngos po'i yul can ma yin no/ /ci'i phyir zhe na/ dngos po gang 'das pa de'i 'jigs pas de'i rdzas ji ltar rtogs/ gang da ltar byung ba de yang skad cig mas mi gnas pa 'am chos can zhes 'di sgras ji ltar brjod nus/ /brjod ma thag tu 'jig pa'i sgra rnams rang gi bdag nyid kyi nus pa zad pa'i phyir ro/ /ji ltar don gcig la 'di yin zhes ji ltar 'dug ces sgra 'gral ba'o/ /sgra dang don dag gi 'gal ba ni 'brel pa med pa'i sgo nas so sor bstan to/ /bum pa la sogs pa'i sgra gcig gis kyang gtsor 'jug pa'i sgo nas dngos po so sor bstan pa ma mthong ngo/ /'das pa dang mngon sum gyi dus kyi yul can don dag gi sgra gnyis kyis so sor bstan pa ci mthong ngam gzhan yang de nyid la 'di yin zhes 'khrul pa kho na yin gyi gzhan ni ma yin no/ /gang gang phyir gang ma ga d+ha la sogs pa'i yul du ba lang dang/ 'bru la sogs pa mthong ba dang myong ba gang yin pa de dag gi gzugs kyi

  154. 77b

    bye brag dang ro mchog la sogs pa gzhan yin la 'di dag gis yang gzhan yin pa'i phyir ro/ /ji skad du/ yul la sogs pa'i bye brag gis/ /rdzas kyi nus pa tha dad yin/ /de la gcig ni mthong ba yis/ /gzhan du de dngos mthong nges med/ /ces 'byung ngo/ /dper na lho'i phyogs kyi a ru ra bsdam par byed pa yin te/ gzhan du 'khrus sman du 'gyur ro/ /yul gyi bye brag re zhig 'jog na dngos po thams cad rang rang gi gzugs su yod pa ma yin te zhes gang gang gis shes brjod cing 'brel ji skad du/ 'du byed thams cad skad cig ma/ /mi gnas bya ba ga la yod/ /gang yod de nyid bya ba ste/ /byed pa po yang de nyid bshad/ /ces 'byung ngo/ /de'i phyir dran pa'i shes pa ltar ngo shes pa yang don gyi yul can ma yin pas tshad ma ma yin no/ /rjes su dpag pas kyang rdo rje bzlas pa la sogs pa rnams kyi nges pa med de/ de ni rtags dang rtags can gyi dngos po'i 'brel ba'i sgo nas rtogs pa ste/ me dang du ba bzhin no/ /de lta bu'i rtags rdo rje bzlas pa la sogs pa rnams la med do/ /rlung gi de kho na nyid dang sngags kyi de kho na nyid med par mi 'byung ba'i rdo rje bzlas pa'i shes pa ni rang bzhin gyi gtan tshigs kyis nges par 'dzin ce na/ de ni ma yin te/ bye brag tu dmigs pa'i phyir ro/ /rlung gi de kho na nyid ni thig le phra mo'i rnal 'byor ro/ /sngags kyi de kho na nyid kyi yi ge gsum mam yi ge a'o/ /rdo rje bzlas pa'i rim pa yang 'jug pa la sogs pa'i bya ba'i gzhi srog dang rtsol ba dang me dang mnyam pa'i ngo bo yin zhes bye brag go /de'i bdag nyid kyi 'brel pas ni byas pa dang/ mi rtags pa dang shing dang sha ba bzhin dbyer med par nges par byed pa'o/ /mi dmigs pa'i gtan tshigs kyis kyang rdo rje bzlas pa la sogs pa yang nges par mi nus te/ dngos po med pa'i tha snyad de'i

  155. 78a

    yul yin pa'i phyir ro/ /'dir chos can thams cad kyi chos nyid kyi ngo bo de kho na nyid dngos po dang dngos po med pa dag gis brjod du med par grags so/ /de'i phyir mngon sum dang rjes su dpag pa dag gis gang ma grub pa'i rdo rje bzlas pa la sogs pa rnams tshad ma med pa kho na'o/ /de la smras pa/ mngon sum kho nas 'grub pa yin te/ yang rnam pa bzhi yin pas rang rig pa'i mngon sum gyis rdo rje bzlas pa la sogs pa mngon par byang chub pa'i bar du nges par byed do// rlung dang sngags kyi de kho na nyid ces bya ba'i thig le tsam sgom pa ni rang rig gi mngon sum gyi yul kho na'o/ /thig le bsgom pa zhes bya ba ni ting nge 'dzin gyi chos de sems las byung ba'o/ /sems las byung ba'i chos rnams kyang rang rig pa'i yul yin no/ /rang rig pa'i mngon sum gyi mtshan nyid ni sems dang sems las byung ba thams cad rang gis rig pa'o/ /sems la rnam par dag pa yang rnam par shes pa gsum gnas pa'i mtshan nyid 'od gsal ba de nyid kyi rjes su myong ngo?/ /bdag byin gyis rlobs pa'i rim pa la yang sgyu ma'i dpe bcu gnyis kyis nye bar mtshon pa'i ye shes kyi sku thob pa ste/ sems las byung ba'o/ /thob pa dang ma thob pa dang rigs gcig ces bya ba la sogs pa sems dang mi ldan pa'i 'du byed kyang sems las byung ba nyid do/ /mngon par byang chub pa'i rim pa la yang bde ba chen po 'od gsal ba 'dod chags la sogs pa dang bral ba ni rang rig pa nyid do/ /bzhi po de dag rig pa ste/ ma 'khrul zhing gsal bar snang ba'i phyir ro/ /rang bzhin gyis grub pa'i dngos po las skyes pa'i phyir rtog pa med pa'o zhes mngon sum gyi mtshan nyid las ma 'das pa'o/ /ji skad du/ mngon sum mi rtog mi bslu ba/ zhes 'byung ngo/ /rim pa tha ma ni rnal 'byor

  156. 78b

    gyi mngon sum gyis thob pa yin te/ gang gi phyir de ni lhun gyis grub pa'i yang dag pa'i don la bsgom pa mthar thug pa'i dbang gis rdo rje'i sku lag mthil gyi skyu ru ra bzhin no/ /dngos po thams cad mthong ba la brtson pa thams cad mkhyen pa yin pas rtog pa med cing ma 'khrul pa yin no/ /ji skad du/ bsgom pa'i stobs kyis gsal ba ni/ /'jigs pa la sogs gsal ba bzhin/ /mi bslu ba yis shes pa gang/ /de ni rtog med mngon sum mo/ /zhes 'byung ngo/ /rdzogs pa'i rim pa'i tshad ma nyid du yongs su brtag pa'o// //da ni 'di ltar dpyod pa bya ste/ gsang ba 'dus pa'i rnal 'byor gyi rgyud chen po 'di gsung rab yan lag bcu gnyis kyi nang na gang yin zhe na/ smras pa/ mdo sde zhes bya ba 'di yin te/ de yang zab pa dang rgya che ba'i tshig gi don mtshon par byed pas na mdo zhes bya'o/ /'o na dpal gsang ba 'dus pa zhes bya ba rnal 'byor chen po'i rgyud yin na ji ltar mdo sde bshad ce na smras pa/ yan lag yin pa'i phyir de'i tha snyad yin te/ rgyud kyi mdo zhes bya ba yan lag gtso bo yin te/ de'i phyir de nyid kyis bstan pa yin te/ gdengs ka can dang sna can bzhin no/ /'o na rgyud kyi yan lag gtso bo mdo sde zhes smras pas yan lag gzhan rnams kyang smras par bya ba'i rigs so zhes yan lag tu dang ji lta bu yin zhe na/ smras pa/ mdo dang tshad ma yan lag grub pa dang/ /ma tshad mod dang 'dri lan 'debs pa dang/ /mdor bstan pa dang rgyas bshad go rim dang/ /ming dang nye bar bstan pa rgyud kun yin/ /mdo dang tshad ma yan lag rnams ni mdo dang tshad ma dang yan lag rnams so/ /de rnams grub pa ni mdo dang tshad ma yan lag grub pa'o/ /'grub pa ni yod pa zhes don gzhan ma yin no/ /'grub pa'i sgra ni re re dang sbyar te mdo grub pa zhes bya ba la sogs pa'o/ /mtshan nyid dang ldan pa'i mdo grub pa zhes bshad par

  157. 79a

    bya ste/ gzhan du na mtshan nyid dang mi ldan pa'i mdo rgyud kyi yan lag tu 'gyur ro zhe na/ smras pa/ brjod par mi bya ste/ med par mi 'byung ba'i phyir ro/ /mtshan nyid grub pa ma gtogs pa mdo nyid du ni mi 'gyur ro/ /de'i phyir mtshan nyid brjod par mi bya ste/ yang na mdo zhes bya ba ci'i phyir zhe na/ smras pa/ don mdor bstan pas na mdo'o/ /khyad par gyi don de dag ston par byed pas na mdo'o/ /de nas bcom ldan 'das ye shes sgron ma rdo rje zhes bya ba'i ting nge 'dzin la snyoms par zhugs te zhes bya ba de'i bshad pa rnam pa bzhi'i rigs pas bskyed pa'i rim pa dang/ rdo rje bzlas pa dang/ sems rnam par dag pa dang/ bdag la byin gyis brlab pa dang/ 'od gsal ba dang/ zung du 'jug pa'i rim pa rnams mtshon to/ /de bzhin du dngos po thams cad dang bral ba/ /phung po khams dang skye mched dang/ /gzung dang 'dzin pa rnam spangs pa/ /chos bdag med pa mnyam nyid pas/ /rang sems gzod nas ma skyes pa/ /stong pa nyid kyis rang bzhin no/ /zhes bya bas rang gi sems la dam bca' ba dang/ gtan tshigs dag nyid kyis gsungs so/ /de dag gzung bas bsgrub bya bsgrub par bya ba'i phyir ro/ /dpe med pa'i sgrub par byed pas sgrub mi nus pa'i phyir ro zhes bya ba nas/ ji ltar sgyu ma'i rmi lam bzhin/ /ji ltar srid pa bar ma do zhes bya ba la sogs pa rgyud gzhan nas gsungs pa'i dpe rnams ston pas na mdor shes par bya'o/ /yang na g.yeng ba gzhan nye bar sdud pa'i dge slong brtse gcig pa'i blo ni tshig de dang de dag tu spel bar byed pas na 'di lta ste/ thugs kyi dkyil 'khor gyi le'u bzhi pa las/ de nas las kyi cho ga ni/ /mthong bas phyag rgya dgod par bya/ /zhes smos pa las las kyi cho ga mthong ba ni cho ga mthong ba'i rdo rje slob dpon gyis lha dang dkyil 'khor dang thig gdab pa la sogs pa'i rnam pa

  158. 79b

    dkyil 'khor gyi cho ga'i spros pa gang yin pa de dag thams cad rgyud gzhan las 'dir mtshon pa'o/ /gzhan yang mdo'i mtshan nyid dang ldan pas na mdo sde/ mdo'i mtshan nyid slob dpon rnams kyis nye bar bstan pa gang yin pa dang/ de dang ldan pas na mdo ni 'di lta ste/ tshig nyung the tshom med pa dang/ /sna tshogs sgo nas snying po can/ /zlos med kha na mtho med/ /mdo shes pas ni mdo sder bshad/ /zlos med ces bya ba ni snga phyi dag la khyad par yod pa'o/ /de bzhin du yang/ yang na de ni don mtshon pa/ yi ge dang ni tshig nyung ba/ /kun tu snying por gyur pa ste/ /blo dang ldan pas mdo ru bshad/ /de nas mdo zhes bya ba yan lag dang po gtso bo ste/ gang gi ming gis rgyud yin yang mdo sde zhes bya bar bstan to/ /tshad ma ni mngon sum dang rjes su dpag pa gnyis te/ de dag kyang 'og nas 'chad par 'gyur ro/ /de bzhin du yang le'u bcu bdun pa las/ de nas de bzhin gshegs pa phyag na rdo rjes de bzhin gshegs pa de dag thams cad 'di skad ces bka' stsal to/ /bcom ldan 'das de bzhin gshegs pa thams cad sangs rgyas kyis chos kyi mnyam pa nyid mthong ngam/ de nas de bzhin gshegs pa thams cad kyis phyag na rdo rje de bzhin gshegs pa thams cad kyi bdag po la 'di skad ces gsol to/ /bcom ldan 'das de bzhin gshegs pa thams cad kyi rdo rje ye shes kyi spyod pa mthong lags so/ /bde bar gshegs pa mthong lags so zhes pa dang/ le'u dang po'i gleng gzhi'i tshig la ni 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga la bzhugs so zhes bya ba 'dir mthong ba dang thos pa'i sgra dag gis mngon sum gyi tshad mas so sor rtogs so/ /de bzhin du le'u dgu pa las kyang/ rigs kyi bu dper na gtsub shing dang gtsub gtan dang/ mi'i lag pa

  159. 80a

    bskyod pa'i rkyen gyis du ba rab tu 'byung zhing me 'byung bar 'gyur mod kyi zhes tshogs pa'i rgyu la rten nas/ me dang du ba dag gi rgyu dang 'bras bu'i ngo bo'i mtshan nyid can rjes su dpag par bstan to/ /de ltar tshad ma zhes bya ba'i yan lag gnyis pa'o/ /yan lag ni bshad pa'i rgyud dang/ yan lag gi rgyud rnams te lha mo bzhis yongs su zhus pa dang/ dgongs pa lung bstan pa dang/ rdo rje phreng ba dang/ ye shes rdo rje kun las btus pa'i rnal 'byor chen po'i rgyud la sogs pa de rnams kyis rgyud kyi don yongs su rdzogs par 'gyur te/ lag pa dang rkang pa la sogs pas lus bzhin no/ /de yang de nas las kyi cho ga ni mthong bas zhes bya ba la sogs pa'i tshig gis rgyud gzhan las mthong ba'i yan lag rdzogs pa bstan to/ /de ltar na yan lag ces bya ba yan lag gsum pa'o/ /ma tshang ba med pa ni tshig gi don ma lus par grub pa'o/ /de la tshig gi don ni gnyis te/ bskyed pa'i rim pa dang rdzogs pa'i rim pa'o/ /de dag gis ma lus pa de ni dang po'i dbye ba gsum dang gnyis par lnga'o/ /de rnams grub pa ni bshad pa'i rgyud kyis tshig gis bstan pa'o/ /de bzhin du yang le'u bco brgyad pa las/ bskyed pa yi ni rim pa dang/ /rdzogs pa yi ni rim pa ste/ /rim pa gnyis la brten nas ni/ /rdo rje can rnams chos bstan pa'o/ /zhes rtsa ba'i rgyud kyi tshig go /yi ge'i don dang spyi don dang/ /sbas pa dang ni mthar thug pa/ zhes bya ba'i rdo rje phreng ba'i bshad pa'i rgyud las gsungs pa'i tshig gis bskyed pa'i rim pa'i dang po sbyor ba la sogs pa gsum dang/ rdzogs pa'i rim pa'i rdo rje bzlas pa la sogs pa'i tshig gi don lnga bstan to/ /de rnams tshad bar bstan pa ni ma tshangs pa med pa zhes bya ba'i yan lag bzhi pa'o/ /'dri ba dang lan 'debs pa ni 'dri ba dang lan 'debs pa'o/ /de dag bstan pa ni 'dri ba

  160. 80b

    dang lan 'debs pa bstan pa'o/ /ji skad du le'u bco brgyad pa las/ gsang ba zhes bya ba ji ltar bshad bya ba nas brtsams te 'phrin las kyi tshogs mchog ces bya ba'i bar du 'dri ba'i tshig bdun cu rtsa gnyis so/ /sku gsung thugs ni rnam pa gsum/ /gsang pa zhes byar bshad pa yin/ zhes bya ba nas brtsams te/ khros pas drag po kun tu spyod/ ces bya ba'i bar du lan 'debs pa'i tshig kyang bdun cu rtsa gnyis bstan to/ /gang gi phyir spyir ston pa ni 'dri ba dang khyad par ston pa ni lan 'debs pa'o// de la rnam pa gnyis te/ sgra dang don gyis so/ /de la sgra ni sku gsung thugs ni rnam pa gsum zhes bya ba la sogs pa'o/ /don gyi ni/ yul dang dbang po rnam dag la/ /brten te gang zhig yid skyes pa/ /de ni man zhes bshad pa ste/ /tra ni skyob pa'i don yin no/ /zhes bya'o/ /de ni 'dri dang lan btab pa'i mtshan nyid can yan lag lnga pa'o/ /mdor bstan pa dang rgyas par bstan pa ni mdor bstan pa dang rgyas par bstan pa'o/ /zlas dbye ba thams cad ni phyogs gcig tu 'gyur ro zhes gcig gi tshig gi mdza' can no/ /mdor sdus pa'i tshig ni mdor bstan pa'o/ /'di lta ste/ tha mal mchog gi dbye ba yis/ /bsnyen pa rnam pa gnyis yin te/ /tha mal pa ni rdo rje'i gzhi/ /yan lag drug ni mchog yin no/ /rgya che ba'i tshig ni rgyas par bshad pa 'di lta ste/ dang por stong nyid byang chub ste/ /gnyis pa sa bon bsdus pa dang/ /gsum pa gzugs brnyan rdzogs pa ste/ /bzhi pa yig 'bru rnams dgod pa'o/ /so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting 'dzin ni/ / rnal 'byor yan lag drug tu bshad/ /de ni mdor bsdus bstan pa dang/ rgyas par bstan pa'i mtshan nyid can yan lag drug pa'o/ /tshig gi don rim pas ston pa ni go rims so/ /le'u dang po las/ badzra d+h+rika dzi na dzika ran+ta d+h+rika A ro lika pra dz+nyA d+h+rika ces bya bas

  161. 81a

    dang po de bzhin gshegs pa lnga phyung ba'o/ /de'i rjes la mo ha ra ti dwe Sha ra ti rA ga ra ti badzra ra ti zhes bya bas dga' ma rnams phyung ba'o/ /de nas yang ya mAn ta krita/ pradz+nyAn+ta krita/ pad+ma mAn+ta krita/ big+hA nAn+ta krita/ ces bya bas khro bo phyung ba zhes go rim zhes bya ba'i yan lag bdun pa'o/ /ming dang nye bar bstan pa ni ming dang nye bar bstan pa dag go/ ming can rtog par byed pa'i sgra ni ming ngo/ /de yang rnam pa gnyis te/ don gyi rgyu mtshan can dang/ gzugs kyi rgyu mtshan can no// de la don gyi rgyu mtshan ni/ /don gyi dbang gis don gyi bya ba la bltos pas so/ /rigs la sogs pa'i don rang gzugs su bsdus par bya ste/ ji ltar don yin pa de lta bur gyur pa'i ming can rtogs par byed do/ dper na 'chong? pa dang/ byed pa dang dra bar byed pa'o/ /rang gzugs kyi rgyu mtshan can ni ming dang rtogs par byed pa'i thabs tsam yin te/ rang gzugs tsam la phan par byed pa yan lag gi don ma gtogs par rang gi brda'i dbang gis de lta bur gyur pa'i ming can yang rtogs par byed do/ /dper na glang po'i rna ba can dang/ rta'i rna ba can no/ /de la bcom ldan 'das khams gsum ma lus pa'i bden pa mkhyen pa'i thams cad mkhyen pa'i ye shes kyi dngos po thams cad kyi bden pa gzigs nas ming brtags pa la rang gzugs kyi rgyu mtshan can gyi sgra med do/ /dper na mi bskyod pa zhes bya ba ni nyon mongs pa dang shes bya'i sgrib pa'i bag chags kyi rlung gis ma bskyod pas mi bskyod pa ste/ chos kyi dbyings kyi ye shes kyi ngo bo nyid yin pa'i phyir ro/ /rnam par snang mdzad pas na rnam par snang mdzad de me long lta bu'i ye shes gsal ba yin pa'i phyir ro/ /de ltar na ming gi brda don dang ldan pa gzhan dag tu yang shes par bya'o zhes ming bstan pa zhes bya ba yan lag brgyad pa'o/ /'di ltar bya ba'i 'bras

  162. 81b

    bu yang dag par bstan pa ni nye bar bstan pa'o/ /'di lta ste/ de ltar byas na sangs rgyas dang/ /byang chub sems dpa' grags chen mnyes/ /shes 'byung ngo/ /de bzhin du yang/ rnal 'byor 'di dag nyid kyis ni/ /myur du sangs rgyas nyid thob 'gyur/ zhes nye bar bstan pa zhes bya ba'i yan lag dgu pa'o/ /lnga pa dang drug pa gnyis gnyis su byas te/ mdo sde la sogs pa rgyud kyi yan lag bcu gcig yin no zhes bya ba'i sgra ni rnam pa'i don to/ /des na de lta bu'i rnam pa can gzhan rnams kyang shes par bya'o/ /'di lta ste/ spyir btang pa dang/ dmigs kyis bsal ba dang/ gzhan gyi chos yongs su thob pa'o/ /ji skad du/ le'u lnga pa las/ rigs ngan smyug ma mkhan la sogs/ /gsod don don gnyer sems dpa' rnams/ /theg chen bla na med pa yi/ /theg mchog 'di la 'grub par 'gyur/ zhes spyir btang ba'o/ /gzhan yang/ slob dpon la ni smod pa dag/ bsgrubs kyang 'grub par yong mi 'gyur/ zhes dmigs kyis bsal ba'o/ /le'u bco brgyad pa las kyang/ /ji ltar sngon byung de bzhin kun/ /'di ni gsang ba yang dag ster/ zhes gzhan gyi chos thob bo/ /yang na 'dam kha yang rgyud kyi yan lag yin te/ sku gsung thugs kyi rdo rje 'am/ /rang sngags don gyi yon tan nam/ /yang na gtsug tor dam tshig gis/ /bka' yi 'khor lo sbyang bar bya/ zhes 'dam kha'o/ /bsdu ba yang rgyud kyi yan lag yin te/ /rdo rje can gyi gzugs sogs kyis/ /gtsug tor mnyes par byed par bshad/ /khro bo rnams la'ang de mchog ste/ /sangs rgyas rdo rje rab bsgom pa'o/ /zhes le'u bco lnga ba las 'byung ngo/ /nges pa yang rgyud kyi yan lag yin te/ le'u de nyid las kyang/ gnod sbyin ma'i sngags rgyud la/ /gshin rje gshed ni nyid du bsgom/ zhes 'byung ngo/ /rdo rje phreng ba las kyang/ ming dang

  163. 82a

    yongs su smra ba dang/ /cho ga dang ni nges pa nyid/ /so sor bkag pa dbang ba dang/ /'dam kha' dang ni gzhan dag bsdud/ /rjes su smra ba gzhan chos thob/ /mdo yi mtshan nyid rnam pa bcu/ /zhes bya ba'i tshig 'dus so/ /de ltar gzhan yang rgyud kyi yan lag 'di nyid du bstan par byed nus te/ 'on kyang shin tu rgyas pas don rnam mo/ /sgrib par byed pas ma bstan to/ /rgyud kyi yan lag grub pas rgyud grub bo/ /gtso bo yin pa'i phyir mdor yang bstan to/ / gal te de ltar yin na yan lag du ma yod pas tshad ma la sogs pa ci'i phyir ma bstan zhe na/ smras pa/ gang gnyi ga las skyes pa de ni gcig gis nye bar bstan du yod de/ dper na/ u ma'i bu ni gzhon nu dang ma hA de ba'i bu bzhin no/ / bshad pa'i rgyud rnams kyang de ltar gyur pa'i yan lag lnga dang ldan pa'i phyir mdo sde'i yan lag gi nang du 'dus so/ /gal te 'di mdo sder bshad pa yin na de'i tshe dgos pa bsdus pa'i mdo dang bcas/ /tshig don dgongs pa yang dag ldan/ /rgal lan bcas pa nyid dang ni/ /mdo don smra pa pos bshad bya/ zhes 'byung bas dgongs pa la sogs pa drug po nges par bshad par bya ba yin zhe na/ smras pa/ rjod pa la sogs pa rnam pa lnga po 'dus pa'i phyir logs su ma bstan te brjod pa la sogs pa bshad pa'i dus nyid du dgongs pa la sogs pa'i don rtogs pas logs su mi bshad de/ mdo'i dgos pa ni dgos pa'i nang du 'dus pa dang/ rgal lan dag ni 'brel pa bsdus pa'o/ /gang gi phyir de bzhin gshegs pa la sogs pa'i 'brel pa rnam pa drug bsten pa'i dus su nyan pa po dang 'chad pa po dag gi dus su phan tshun 'dri ba dang lan gyi bye brag nges par 'byung ba yin te/ 'dri ba dang ldan kho na rgal lan dag go/ brjod par bya ba la tshig gi don dang

  164. 82b

    'dus pa'i don dang dgongs pa rnams 'dus pa'o/ /de yang ma bsdus pa'i don dang dgongs pa med pa/ brjod par bya ba dang bral ba brjod pa nyid du mi 'gyur ro/ /bya rog gi skad dang se'u bcu la sogs pa'i tshig bzhin no/ /de'i phyir 'di ni mdo sde'i yan lag kho na yin pas skyon med do/ /de lta na brjod pa la sogs pa lnga po de dag ni tshad ma med pa'i tshig las ji ltar gzung zhe na/ rtag pa sngon du 'gro ba rnams kyis kyang tshad ma sngon du 'gro bar 'jug par byed de tshig la ni tshad ma nyid med do/ /ji skad du/ dngos po dngos po ston min ste/ /dngos po'i dus su dngos med yin/ /de nyid kyis ni 'das pa de/ /de ni 'das pa zhes brjod do/ /brag gi za ma tog dpe yis/ /sgra yis bdag dang 'jig rten dang/ /sgra ni sbal pa'i phung po yis/ /rang nyid kyis/ ni dman par byas/ /yi ge cho ga dang ngag rnams dang/ /rtags dang tshig gi tshogs dag nyid/ /bya ba byed pa 'brel pa rnams/ /brdzun yin pas na rjod byed min/ /tshig bshad tshig rkang lnga 'am ni/ /gsum gyis kyang ni cis mi 'dod/ /ngag ni brjod bya ngag las phyir/ /mkha' 'gro ma yi brnga ltar 'gyur/ /gzung bar bya ba'i chos rnams la/ /sngon gyi mkhas par 'dod rnams kyis/ /sgra yi legs sbyar g.yang sa ru/ /e ma'o 'jig rten lhung bar byas/ /'di ni snang zhes brjod pa la/ /dris pa mkhas pa gang gis ni/ /mgo nas bskor nas lag g.yas kyi/ /de ltar gang gis ston par byed/ /gzhan gyis gzhan ni mi rig ste/ /'brel pa med pas skye mi 'gyur/ /gzhan du ral gri phog pa la/ /gzhan la 'gyur bar phreng ngam ci/ /bya ba med pa'i rang bzhin gyis/ /gang gis gang gi'i dang ston byed/ /dngos med las byung dngos po yis/ /dngos po gang las bskyed pa med/ /de bas skyob pa rnams kyis ni/ /'byung ba chen po zhes bshad do/ /'byung ba kun gyi sngon

  165. 83a

    gyur pas/ /nges tshig mkhas pa rnams kyis gsungs/ /zhes bya ba la sogs pa sngon gyi slob dpon tshad ma'i tshig rnams kyis gsal ba'i sgra dang don gyi 'brel pa la ngag gi tshad ma nyid med pa'i phyir brjod pa la sogs pa'i tshig tsam gyis ji ltar nges par byed ce na/ de la smras pa/ ngag las the tshom skye ba ni/ de yang rnam pa gsum ste/ don dang ldan pa'i the tshom dang/ don med pa'i the tshom dang/ don yod pa dang don med pa'i the tshom mo/ /de la don dang ldan pa'i the tshom ni dper na/ sa 'og na gnas pa'i gter 'don pa bzhin no/ /don med pa ni dper na shugs che ba'i gtsang po la gcod bzhin no/ /don yod pa dang med pa'i the tshom ni dper na ro langs bslang ba bzhin no/ /de la don dang ldan pa ni 'jug pa'i yan lag go/ don dang mi ldan pa dang don med pa dang yod pa'i the tshom dag ni ldog pa'i yan lag go /'dir ni dang po'i tshig tshad ma med pa las ci 'dir brjod pa la sogs pa yod dam med ces the tshom la 'jug par 'gyur te/ de'i rjes su rim pa gnyis kyis mtshon pa'i brjod par bya ba dang/ de rjod par byed pa'i tshig gi tshogs dang de dag gi 'brel pa yang thos nas bsam pa dang sgom pa'i rim pas tha mal pa'i lus bzlog pa dang 'jig rten las 'das pa'i rdo rje'i sku'i mtshan nyid rdo rje 'chang chen po'i phrin las thams cad pa thob nas/ de'i rjes thogs su 'gro ba thams cad kyang rdo rje 'dzin par byed pa ni dgos pa'i dgos pa yang la la yod par 'dod pas bstan bcos 'di legs shes mgu zhing bya ba byas par 'gyur ro/ /de'i phyir don gyi the tshom las 'jug pa ni rigs pa kho na'o/ /gzhan dag gis kyang khyab par byed pa mi dmigs pas rgol bar byed pa gang yin pa de'i bstan tshigs ma grub pa yin zhes smra bar bya ba'i phyir/

  166. 83b

    brjod pa la sogs pa'i mtshan nyid 'chad par 'gyur ro// //'dir 'brel pa rtsom pa'i dus su slob dpon zla grags rang 'dod pa'i lha la phyag 'tshal rtsom par byed de/ de la rnam pa gsum ste/ mthun pa'i rjes su mthun pa dang gnyi ga'i rjes su 'gro ba'o/ /de la mthun pa zhes bya ba ni gang bstan bcos dang mi 'gal ba yin gyi bstan bcos mkhan gyi ni ma yin no/ /'di lta ste/ dpal gyi phun sum tshogs pa'i sa yin sa las 'das zhes bya ba la sogs pa so sor thar pa'i rab tu byed pa'i dang po bcom ldan 'das 'dod chags dang bral ba la phyag 'tshal lo/ /rjes su mthun pa zhes bya ba ni bstan bcos dang mi 'gal ba yin te/ bstan bcos mkhan gyi mngon par 'dod pa kho na'o/ /'di lta ste/ dag ni rtogs par byed pa mchog/ 'jig rten mgon po la btud nas/ /shes snang ba'i phreng ba'i 'grel pa dang po la phyag 'tshal ba bzhin no/ /de la ni bstan bcos kyi brjod par bya ba dang mthun pa ma yin te/ 'on kyang 'grel pa mkhan gyi yid dam yin pas rjes su mthun pa'o/ /gnyi ga'i rjes su 'gro ba ni gang bstan bcos pa dang bstan bcos mkhan po dag gi brjod par bya ba dang mngon par 'dod pas gnyi ga'i rjes su 'gro ba'o/ /gzhan yang 'di lta ste/ khams gsum spyod pa las grol zhes bya ba la sogs pa'i phyag 'tshal ba'i tshig la brjod par bya ba dang/ rang 'dod pa'i lha gnyi ga'i rjes su 'gro ba'o/ /de ltar 'dir yang dpal rdo rje sems dpa' la phyag 'tshal ba ni slob dpon zla ba grags pa'i de nyid rang 'dod pa'i lha yin te/ dpal klu grubs kyi zhal snga nas kyi 'dod pa dang rjes su mthun pa'i phyir ro/ /sgrol ma gsal bar byed pa las kyang/ de nyid brjod par bya ba yin te/ ting nge 'dzin thams cad kyi sgo nas de nyid

  167. 84a

    thob par bya ba'i phyir ro/ /rjod pa dang brjod par bya ba'i bdag nyid rdo rje 'chang chen po yin zhes 'chad par 'gyur ro/ /de'i phyag 'tshal ba gnyi ga'i rjes su 'gro ba 'di yin no/ /de lta na phyag 'tshal ba byas pas cir 'gyur bgegs nye bar zhi bar 'gyur zhes rigs pa gang zhig yod ce na/ phyag 'tshal ba byas pas bcom ldan 'das rdo rje 'chang chen po'i yon tan brjod pa las skyes pa'i bsod nams kyi tshogs kyis bsod nams ma yin pa log par 'gyur ro/ /bsod nams ma yin pa las skyes pa'i bgegs bsod nams nye bar dmigs pas de dag med do zhes dgag par bya ba'i rgyu 'gal ba dmigs pa'i phyir ro/ /phyag 'tshal ba de yang la las rnam pa bzhi ru 'dod de lus dang ngag dang yid dang bla na med pa'i mchod pas phyag 'tshal ba'o/ /de la lus kyi yan lag lnga pa'i phyag go /dag gis ni de'i yon tan gyi tshogs brjod pa'i mtshan nyid do/ /yid kyis ni de nyid rjes su dran pa'o/ /bla na med pa'i mchod pa'i phyag 'tshal ba ni de'i bdag nyid rjes su 'jug pa'o/ /rab tu byed pa las/ ji ltar chu la chu bzhag dang/ /ji ltar mar la mar bzhin du/ /rang gis rang gi ye shes ni/ /legs mthong gang yin 'dir phyag yin/ zhes de lta bu'i phyag 'tshal ba yang 'dir 'dus pa kho na'o// /da ni phyag 'tshal ba bshad par bya ste/ dpal ldan rgyud rgyal zhes bya ba la sogs pa la bcom ldan 'das rdo rje sems dpa' la phyag 'tshal nas/ slob dpon zla ba grags pas 'dus pa ni gsang ba 'dus pa zhes bya ba'i rgyud do/ /rab gsal zhes bya ba ni gsal bar byed pa'o/ /'dus pa ji lta bu zhe na/ dpal ldan rgyud rgyal dam pa zhes bya ba 'di nyid kyi khyad par ro/ /dpal ni bsod nams dang ye shes kyi tshogs so/ /de dang ldan pas na dpal

  168. 84b

    ldan no/ /de bzhin du ni dang po snying rje chen po'i sems bskyed la dang po'i sbyor ba la sogs pa'i ting nge 'dzin gyi rim gyis sems can ma lus pa'i don byas te de'i rjes la ngag sogs pa rnam par dag par byed pa rim pa lnga'i mtshan nyid ye shes kyi tshogs mngon du bya'o/ /yang na dpal ni las kyi phyag rgya la sogs pa bzhi'o/ /de nye bar bstan pa yod pas dpal ldan no/ /de ltar dkyil 'khor rgyal ba mchog gi ting nge 'dzin gyi dus su rigs ngan gyi bu mo la sogs pa las dang dam tshig gi phyag rgya med pas ye shes kyi phyag rgya bsams te/ bde ba chen po'i mtshan nyid can phyag rgya chen po thob par 'gyur zhes bstan to/ /rgyud ni spyod pa la sogs pa'i rgyud do/ /de rnams kyi dam pa'i rgyal po ni rgyal po dam pa ste rnal 'byor chen po'i rgyud do/ /rgyud ces bya ba gang zhe na/ bcom ldan 'das kyi rgyud phyi ma las gsungs te/ rgyud ni rgyun zhes bya ba ste/ /rgyun de rnam pa gsum du 'gyur/ /gzhi dang rang bzhin nyid dang ni/ /'gyur ba med pa ? dbye ba'o? ? rang bzhin rnam pa rgyu yin te/ /de bzhin 'gyur med 'bras bu yin// gzhi ni thabs shes bshad pa ste/ /gsum gyis rgyud kyi don 'dus so/ /zhes 'byung ngo/ de'i dgongs pa ni rgyu'i rgyud dang 'bras bu'i rgyud dang thabs kyi rgyud do/ /de'i rgyu'i rgyud ni gang du tshangs pa'i gnas dang rnam par thar pa'i sgo la sogs pa'i sgom pa bstan ba'o/ /'bras bu'i rgyud ni gang du rdo rje 'chang chen po'i phyag rgya chen po nges par bstan pa'o/ /thabs kyi rgyud ni gang du zhi ba la sogs pa'i las kyi tshogs nges par bstan pa'o/ /de ni so sor ston par byed pa'i rgyud rnams kyi rgyal po dam pa'o/ /de nas las 'dzin pa'i bsdu ba bya'o/ /des ni rgyud thams cad kyi dam pa nyid nye bar bstan pa yin no/ /gal te rgyud thams cad kyi dam pa yin na/ de tshe don zab mo dang ldan pa'i phyir khyed kyis ji ltar bshad pa nus she na/ rnal 'byor rgyud rnams kyis legs par bshad pa ni rnal

  169. 85a

    'byor gyi rgyud yan lag dang bshad pa'i rgyud sngar bshad pa'o/ /de rnams kyi legs par bshad pa ni bsal bar bshad nus pa'o/ /shin tu gsal bar rnam par phye zhes pa ni de rnam ni khyad par ro/ /bshad pa ni don gsal bar rtogs pa'i rgyus so/ /rtsa ba'i rgyud ni bshad pa'i rgyud kho nas rtogs par bya zhes bya ba'i don to/ /rnal 'byor gyi don gang zhe na/ rgyud phyi ma las kyang/ thabs dang shes rab mnyam sbyor bas/ /rnal 'byor zhes ni mngon par brjod/ /rang bzhin med pa shes rab ste/ /thabs ni dngos po'i mtshan nyid de/ /zhes 'byung ngo/ /de'i dgongs pa ni bskyed pa'i rim pas snying rje chen po sngon du 'gro bar bsgom pa ni thabs so/ /rdzogs pa'i rim pa gnyis pa dang bzhi pa dag gis chos thams cad rang bzhin med pa'i mtshan nyid can stong pa nyid sgom pa ni shes rab bo/ /de dag snyoms par zhugs pa ni rnal 'byor ro/ /yang na snga ma bzhin du dkyil 'khor rgyal ba mchog gi ting nge 'dzin nam/ yang na gang du phyag rgya'i mnyam par sbyor ba dgos pa de la dbang po gnyis kyis mnyam par sbyor ba thabs dang shes rab snyoms par 'jug pa'i mtshan nyid rnal 'byor zhes bshad do/ /sems rnam par dag pa la sogs pa'i rim pa dag tu bde ba chen po bskyed pa'i slad du bsgrub bya dang sgrub byed kyi dbye ba la dmigs te/ thabs dang shes rab nyid du 'jog par byas pa gnyi ga snyoms pa'i mtshan nyid ni rnal 'byor zhes bya'o/ /de bzhin du yang bshad pa'i bye brag gzhan rnams kyang 'og nas skabs skabs su 'chad par 'gyur ro/ /gal te rnal 'byor gyi rgyud kho nas rtsa ba'i rgyud bshad pa yin na/ de'i tshe 'grel pa brtsams pas ci zhig bya zhe na/ mdza' drug 'ching ba rnams kyis bcings pa zhes bya ba smos te mdza' drug ces bya ba'i bshad pa ni/ /'og nas 'chad par gyur pa de nyid

  170. 85b

    'ching ba ni 'brel pa'o/ /des bcings pa ni bcings pa ste de'i phyir ro/ /tog par dka' zhes bya ba'i tha tshig go/ gang gi phyir bshad pa'i rgyud kyis ni rtsa ba'i rgyud kyi tshig dang ngag gi don tsam so sor bstan par nus kyi mdza' drug gi bye brag dang rab tu dbye ba bshad par mi nus so zhes 'grel par bya bar don dang ldan no/ /de lta na 'dus pa'i rgyan la sogs pa gzhan yod pas 'grel pa 'dis ci zhig bya zhe na/ rgyal sras yul gyur zhes smos pa la rgyal ba'i sras ni nyon mongs pa dang shes bya'i sgrib pa bral bas sa bcu'i dbang phyug byang chub sems dpa' o/ /de rnams kyi yul gyur ni bshad pa'i spyod yul 'dus pa 'di yin zhes 'di nyid bdag nyid snod du rung ba nyid du 'grel pa byas pas te/ skye bo gzhan gyis 'grel pa byed mi nus so/ /rgyud kyi ming bstan par bya ba'i phyir/ /rgyal ba rnams kyi 'dus pa gang yin pa zhes te/ rgyal ba rnams ni de bzhin gshegs pa lnga'o/ /de rnams kyi 'dus pa ni gcig tu gyur pa'o/ /dgongs pa ni 'di lta ste/ bskyed pa'i rim pa'i rigs brgya'i dbye ba nye bar bsdus te/ phung po lnga dang nyon mongs pa dang dbang po dang yul dang rnam par shes pa dang 'byung ba dang rlung rnam pa lnga la sogs pa'i rnam par dag pa bcom ldan 'das rdo rje 'chang chen pos ye shes lnga'i ngo bo nyid de bzhin gshegs pa rnam par snang mdzad la sogs pa spros te/ de dag gcig tu gyur pa dag gis mgrin pa gcig gi dang po zhu ba sngon du 'gro bar gsol ba gdab bo/ /bcom ldan 'das kyis kyang de rnams la so sor bstan zhes rgyal ba rnams kyis 'dus pa'o/ /yang na dam tshig gi dkyil 'khor du thams cad phyung ba ni 'dus pa'o/ /yang na sku dang gsung thugs kyi ngo bo nyid yi ge gsum po 'jug pa la sogs pa'i rim gyis goms par gyur pa na de bzhin gshegs pa thams cad kyi 'khor lo ro gcig par gyur pa

  171. 86a

    ni 'dus pa'o/ /gzhan yang phyir mi ldog pa'i dbang gis dus su slob ma'i tshangs pa'i sgo nas de bzhin gshegs pa 'jug pas gcig tu gyur pa ni 'dus pa'o/ /rdzogs pa'i rim pa la yang rtsa stong phrag bdun cu rtsa gnyis kyi bug pa nas 'pho ba'i byang chub kyi sems de bzhin gshegs pa thams cad kyi ngo bo nyid rdo rje rtse mor 'dzin pa'i yan lag gis gzung ba mi 'dus pa'o/ /yang na dngos po thams cad nye bar bsdus shing sangs rgyas dang byang chub sems dpa' thams cad kyi ngo bo nyid phyag rgya chen po'i gzugs sgom pa ni 'dus pa'o/ /de lta bu'i rnam pa du ma gzhung rgyas pa'i 'jigs pas 'dir ma bshad do/ /gsang ba zhes bya ba brjod par bya ba yin te/ gsang ba 'dus pa zhes bya ba'o/ /tha mal pa'i lus ngag yid 'jig rten las 'das par byed pa ni gsang ba'o/ /sku la sogs pa'i ngo bo nyid yi ge gsum gyi 'jug pa la sogs pa'i sgom pa ni gsang ba'o/ /yang na 'dod pa'i gdugs la sogs pa rtsa gsum du bde ba chen po myong ba ni gsang ba'o/ /de bzhin du gzhan yang 'og nas 'chad par 'gyur ro/ /ji skad du/ sku gsung thugs ni rnam pa gsum/ /gsang ba zhes ni mngon par brjod/ /'dus pa bsdus par brjod pa ste/ /sangs rgyas thams cad ming zhes bya'o/ /zhes 'byung ngo/ /rang glegs bam la blta ba bkag pa dang slob dpon gyi man ngag bstan par bya ba'i phyir/ /de ni dpal ldan klu grub las rnyed pa/ /zhes bya ba smos te/ de ni dpal klu grub kyi zhal snga nas kyi dngos su slob ma nyid du so sor bstan gyi/ rgyud pas ni ma yin no/ /des 'dus pa'i tshig khyad par dang bcas par smra ba na rgyud kyi ming bstan to/ /brjod par bya ba bstan par bya ba'i phyir/ rim pa gnyis kyi gnas zhes bya ba smos pa la/ bskyed pa'i rim pa dang rdzogs pa'i rim pa

  172. 86b

    gnyis so/ /de dag gi gnas ni 'dus pa'o/ /des dag kho na bstan par bya ba ni brjod par bya ba yin gyi gzhan ma yin no/ /rim pa gnyis po ni dbye ba dang/ mtshan nyid dang bcas par bshad zin to/ /mdza' drug kyang bshad pa'i rgyud las shes par byas la rgyud go bar gyur pas 'grel pas ci zhig bya zhes de la bstan par bya ba'i phyir sangs rgyas kun gyi rgyas btab pa zhes smos te/ dper na rgyal po rnams kyis rang gi mdzod la rgyas btab pa bzhin du sangs rgyas kun gyi man ngag gi gnas dag tu/ rdo rje'i tshig gis rgyud 'di la rgyas btab pa'o/ /de bas na 'grol pa'i lde mig gis phye bar byas so/ /rdo rje sems dpa' de ji lta bu zhe na/ khyab bdag ces smos te de bzhin gshegs pa thams cad kyi bdag po yin pa'i phyir ro/ /gang gi phyir ye shes lnga ni tha dad pa ltar snang ba yin zhes kun rdzob kyi phyogs so/ /de dag nus pa thams cad nye bar bsdus pa na gnyis su med pa'i ye shes kyi gnas skabs su gyur pa thams cad stong pa'i mtshan nyid kyi de kho na nyid gang yin pa bcom ldan 'das te ye shes dang shes bya ro gcig pa rdo rje 'chang chen po khyab bdag zhes bshad do/ /dpal gyi sgra ni sngar bshad do/ /rdo rje sems dpa' bshad par bya ste/ spong ba lnga dang ye shes lnga/ /rdo rje zhes ni mngon par brjod/ / don ni 'di yin te/ rnam par shes pa lnga po spong bar byed pa ye shes lnga'i ngo bo nyid stong pa 'od gsal ba ni rdo rjer bshad do/ /de nyid sems dpa' ste ngo bo nyid gang la yod pa de ni rdo rje sems dpa' 'o/ /yang na rdo rje ni thabs kyi ye shes so/ /sems dpa' ni shes rab kyi ye shes so/ /de dag ro gcig pa ni bcom ldan 'das rdo rje sems dpa' 'o/ /yang na dpal ni thabs te rdo rje shes rab bo/ /des na snying rje dang stong pa nyid dbyer med pa nyid dpal rdo rje sems dpa' o/ /rdo rje rtse mo

  173. 87a

    las kyang/ brtan zhing snying po khod stong med/ /dbyer med gcad med mtshan nyid can/ /bsreg tu med dang me 'jig ni/ /stong nyid rdo rje zhes su bshad/ ces 'byung ngo/ /btung de zhes pa ni lus ngag yid kyis 'dus pa 'am de'i bdag nyid du rjes su 'jug pa'o/ /rim pa bzhin ni go rim gyis so/ /zla ba grags pas rab gsal bshad pa ni gsal bar ston par byed/ /ces bya ba'i don to/ /rim pa gnyis po'i gnas shes gang bshad pa de nyid bstan par bya ba'i phyir/ bskyed pa'i rim pa dang po yin/ zhes smos te/ bskyed pa gtsor gyur pa'i rim pa ni bskyed pa'i rim ste de bzhan du zla ba dang rdo rje dang sa bon dang spro ba dang bsdu bas lha'i gzugs kyis tha mal pa'i lus bzlas pas 'jig rten las 'das pa'i rdo rje lta bu'i sku 'byung ba'i phyir ro/ /de la dang po'i sbyor ba la sogs pa dbye ba gsum sngar bshad zin to/ /rigs brgya'i bye brag gi mdza' can zhes smra bar bya ba yin te/ bskyed pa'i rim pa gcig pus tha mal pa'i lus rnam par dag par byed mi nus te/ 'on kyang ting nge 'dzin gsum gyi 'og tu gang gi tshe phung po khams dang skye mched kyi bdag nyid kyi lus cha chas kyi dbye bas ye shes lnga'i ngo bo de bzhin gshegs pa lngas rnam par dben par byed pa de'i tshe tha mal pa'i lus kyi nye bar dmigs pa spangs nas/ tha mal pa ma yin pa'i sku byung ba de nyid bskyed pa'i rim pa'i mthar phyin pa'o/ /gcig pus mi nus zhes smra bar mi bya ste/ ting nge 'dzin gsum bzhin de grub pa'i phyir ro/ /rigs brgya'i dbye ba'i mdza' can bskyed pa'i rim pa yin zhes smra bar mi bya ste/ ci'i phyir zhe na/ ting nge 'dzin gsum rtsa'i rgyud las ji ltar brtags pa bzhin du rigs brgya'i dbye ba yang shes par bya'o/ /de ltar ma yin te gung bar bstan pa'i phyir ro/ /ting nge 'dzin gsum bzhin du de yang grub po

  174. 87b

    zhes gang smras pa de ni ma yin te/ gnyi ga gsungs pa'i phyir ro/ /'di lta ste/ de nas bcom ldan 'das de bzhin gshegs pa rdo rje rnam par snang mdzad chen pos de bzhin gshegs pa thams cad kyi 'dod chags chen po'i tshul zhes bya ba'i ting nge 'dzin la / snyoms par zhugs so zhes bya ba nas brtsams te de bzhin gshegs pa thams cad kyi sku dang gsung dang thugs kyi rdo rje la zhugs par gyur to/ /zhes bya ba'i bar du dang po'i sbyor ba zhes bya ba nye bar bstan to/ /de nas bcom ldan 'das de bzhin gshegs pa thams cad kyi dam tshig 'byung ba chen po rdo rje zhes bya ba'i ting nge 'dzin la snyoms par zhugs te zhes pa nas brtsams te/ de bzhin gshegs pa thams cad kyi sku dang gsung dang thugs mnyes par byed pa dkyil 'khor gyi dam tshig sems dpa' rnams so so zhes bya ba'i bar gyis dkyil 'khor rgyal ba mchog gi ting nge 'dzin bstan to/ /de'i rjes su le'u drug pa la sogs pa dag tu sna yi rtse mor yungs kar bsam zhes bya ba la sogs pas las kyi rgyal ba mchog gi ting nge 'dzin bstan to zhes de'i phyir ting nge 'dzin gsum po gsal bar bstan to/ /rigs brgya'i bye brag gi mdza' can du smra ba kho na'o/ /de yang dang po yin zhes pa ni dang po lus kyi rnam par rtog pa rags pa spang bar bya ba yin zhes pa'i tha tshig go /de las lus rnam par dag nas dag rnam par dag par bya ba'i phyir/ rim pa lnga po'i dang po rdo rje bzlas pa zhes bya ba bsgom par bya ste/ de'i phyir gsang sngags kyi sku ni rab sgrub byed ces bya ba ni smos te de'i bcom ldan 'das kyis bsam pa dang bag la nyal ba dang khams dang bag chags kyi dbye bas sngags kyis yang bdun cu rtsa gnyis bshad do/ /de dag thams cad kyi rtsa ba ni yi ge bzhi bcu rtsa dgu pa phyi ma'o/ /de yang snga tshan brgyad kyi bdag nyid dang po'i yi ge rnams la yongs su thim par gyur pa'o/ /de dag kyang ba ni//

  175. 88a

    la thim/ bzhi po yang yi ge gsum gyi bdag nyid du gyur pas zhes yi ge dang tshig dang ngag dang rab tu byed pa dang sngags thams cad kyi yi ge gsum po kho na rgyu gtso bo yin te/ rigs gsum rnam par dag pas sku gsung thugs kyis da bar gyur pa gsang sngags kyi sku'o/ /de yang gnyis te rlung gi bdag nyid dang/ yi ge'i bdag nyid do/ /de la 'jug pa dang/ gnas pa dang/ ldang ba'i rim pas nyin mtshan du nyi khri chig stong drug brgya'i dkyil 'khor bzhi'i sbyor bas goms pas sems rtse gcig pa nyid gang yin pa de ni rlung gi bdag nyid kyi sngags kyi sku'o/ /rdo rje 'chang chen po la sogs pa'i sngags kyi bzlas pa la yi ge gsum po kho na spyi bo la sogs par gnas pa/ yan lag mnyams par bzlas pa'i rim pa goms par byed pa na sems rtse gcig pa nyid gang yin pa de ni yi ge'i bdag nyid gsang sngags kyi sku'o/ /de gnyis ka rab tu sgrub par byed pa ni rdzogs par byed pa rdo rje bzlas pa'i rim pa ste gcig go /des ni dag gi ngo bo shes nas bstod pa dang smod pa la sogs pa'i tshig gis rnal 'byor ba mgu bar dang mi mgu bar mi 'gyur ro zhes gsung gi rdo rje'i ting nge 'dzin la gnas pa'o/ /gcig ces smra bar bya ba yin te/ rdo rje bzlas pa'i rim pa gsang sngags kyi sku rab tu sgrub par byed pa gcig ni dang po ste rdzogs pa'i rim pa'i dang po'o/ /la la na re bskyed pa'i rim pa khyad par du gyur pa kho na gsang sngags kyi sku rab tu sgrub par byed pa zhes 'chad ba de ni mi bden te/ de lta yin na rdo rje bzlas pa ma 'dus par thal bar 'gyur ro/ /de la gtogs par ngag rnam par dag pa med pas dgos pa kho na'o/ /gang gi tshe bskyed pa'i rim pa dang po yin/ zhes dang po bskyed rim pa sgom pa yin na de'i tshe gcig smras pas/ rdo rje bzlas pa'i rim pa'i 'og tu sems la dmigs pa tsam zhig ni/ rim

  176. 88b

    pa gnyis pa zhes brjod do/ /zhes smra bar mi rigs te/ rdo rje bzlas pa'i 'og tu de nye bar bstan pa yin gyi bskyed pa'i rim pa'i 'og tu ni ma yin no/ /de'i phyir gsang sngags kyi sku rab tu sgrub par byed pa'i sgra ni bskyed pa'i rim pa'i khyad par ma yin te 'on kyang rdo rje bzlas pa'i rim pa kho na ston par byed pa'o/ /de'i khyad par byed pa'i phyir gcig ces smra bar bya bar kho na'o// ji ltar rim pa kho na mchog go /sems la dmigs pa zhes bya ba la sogs pa la dag rnam par dag par gyur pas rnam par shes pa gsum gyi bdag nyid kyi sems la dmigs pa ni mthong ba ste/ sngar bshad pa'i sngags dang phyag rgya'i rim pas 'od gsal bar bya'o/ /de nyid ni de tsam zhig yin gyi sngags kyi sku'i bdag nyid gzhan ni ma yin no/ /sems rnam par dag pa tsam gcig pu rim pa gnyis pa yin zhes tshig gi don to/ /rnam par dag pa'i sems kyi rgyud dang ldan pa'i rnal 'byor pas gzhan gyi don bya ba'i phyir/ /lha'i sku yid kyi rang bzhin gyis chos thams cad sgyu ma lta bur lta bar bya zhes de'i slad du kun rdzob bden pa bstan pa ni zhes bya ba smos te/ 'od gsal ba las myur bar rnam pa thams cad kyi mchog dang ldan pa yid du 'ong ba ni dkyil 'khor pa'i lha tshogs kyis yongs su bskor ba/ mi ngoms pa'i gzugs ye shes kyi sku spras te gnas pa bstan pa ni sgyu ma dang mtshungs par bdag dang dngos po thams cad la blta'o/ /yang na yid 'ong ni bstan pa dang dge ba'i rtsa ba smin pa dang rnam par grol ba dang/ spro ba'i rim pas 'gro ba'i don byed pas so/ /de bas na bdag byin gyis rlob pa zhes bya ba rim pa gsum pa stan to/ /sgyu ma lta bu'i ting nge 'dzin mngon du byas nas de nyid du mngon par zhen par brgya lam du 'gyur bas de dgag par bya ba'i phyir kun rdzob bden pa'i dag pa ni zhes smos te/ kun rdzob kyi bden pa ni sgyu ma lta bur mthong

  177. 89a

    ba de'i dag pa gang yin pa thams cad stong pa la 'jug pa ste 'od gsal ba rtogs pa'o/ /de ni mngon par byang chub pa zhes bya ba rim pa bzhi par bshad do/ /'od gsal ba'i de kho na nyid thob pas chad pa'i phyogs su lhung bas skyon de bsal bar bya ba'i phyir bden gnyis sbyor ba gang yin pa/ zhes smos te/ bden pa gnyis ni kun rdzob dang don dam pa'i bdag nyid ye shes kyi skye dang 'od gsal ba'i rnam grangs can bdag la byin gyis rlob pa dang/ mngon par byang chub pa'i rim pa gnyis dang/ de bzhin du phan tshun 'gal ba'i dngos po dang dngos po med pa la sogs pa'i chos rnams la sbyor ba ni gcig tu byed pa ste gnyis su med par yongs su shes pa gang yin pa de zung du 'jug pa'o/ /zung ni dngos po dang dngos po med pa la sogs pa'i bdag nyid du 'jug pa ni dbyer med pa'o/ /zhes rim pa lnga par shes par bya'o/ /de las gzhan pa'i rim pa med de/ bya ba med pa'i phyir dang mi slob pa'i phyir ro/ /grangs la log par rtogs pa la sogs pa sngon du bshad zin to/ /bsdus pa bstan par bya ba'i phyir/ /'di ni sgrub pa'i yan lag ces bya ba la sogs pa smos te/ sgrub pa ni lha'i rnal 'byor gnyis te brtags pa dang yongs su rdzogs pa'o/ /de la brtags pa ni ting nge 'dzin gsum gyi bdag nyid do// yongs su rdzogs pa ni rim pa lnga'i bdag nyid do/ /de dag gi yan lag ni bye brag ste/ ting nge 'dzin gsum dang rim pa lnga'o/ /de nyid kyi phyir mchod ces smos te/ gzhan la bltos pa med pa ste/ bdag dang gzhan gyi don byed nus pa'i phyir ro/ /de bzhin du yang rgyud kun ni don zhes bya ba ni dpal gsang ba 'dus pa ma lus pa'i brjod par bya ba gang yin pa de sdu bar byed pa ni rim pa gnyis po zhes pa'i tha tshig go /la la na re bsnyen pa la sogs pa yan lag bzhi dang ldan

  178. 89b

    pa rgyud kyi don du 'chad pa de rnams kyis rdzogs pa'i rim pa ma gzung ste dpal sangs rgyas ye shes zhabs kyi gzhung bzhin no/ /gang yang rdo rje bzhi pos rgyud kyi don bshad pa byed pa de rnams kyi bskyed pa'i rim pa tsam yang yongs su ma rdzogs pa'o// ji skad du/ dang po stong nyid byang chub sems /gnyis pa sa bon bsdu ba ste/ /gsum pa gzugs brnyan rdzogs pa ni/ /yi ge dgod pa bzhi pa'o zhes bya bas sbyor ba dang po ting nge 'dzin kho na gzung ba yin gyi gzhan dag ni ma yin ni/ /kho bos ni ji ltar gyur pa de bzhin 'og nas bshad par bya'o/ /da ni rim pa gnyis kyi nang nas rdzogs pa'i rim pa rgyas pa dang mdor bsdus par rtogs par byed pas rgyud zhes pa yin gyis gzhan gyis ma yin zhes dgongs nas/ rim pa 'di'i zhes bya ba la sogs pa smos te/ de'i sngon du bshad pa'i rim pa rnams kyi'o/ /spros pa'i rim pa ni rgya che ba'i rim pas so/ /rnam pa mang ba ni bshad par bya ste/ 'di lta ste/ rdo rje bzlas pa ni rnam pa bcu gcig ste/ rdo rje 'chang chen po'i bzlas pa dang/ sku'i bzlas pa dang/ gsung gi bzlas pa dang/ thugs kyi bzlas pa dang/ rin po che'i bzlas pa dang/ don yod pa'i bzlas pa dang/ kho bo'i bzlas pa dang/ zhe sdang gi bzlas pa dang/ 'dod chags kyi bzlas pa dang/ gti mug gi bzlas pa dang/ ma ning gi bzlas pa'o/ /sems rnam par dag pa la gsum ste/ snang ba rnam par dag pa dang/ snang ba mched pa rnam par dag pa dang/ snang ba nye bar thob pa rnam par dag pa'o/ /bdag la byin gyis rlob pa la gsum ste/ chos kyi skur byin gyis rlob pa dang/ longs spyod rdzogs pa'i skur byin gyis rlob pa dang/ sprul pa'i skur byin gyis rlob pa'o/ /mngon par byang chub pa la rnam pa gsum ste/ chags pa rnam par dag pa dang/ chags bral rnam par dag pa dang/ chags pa bar ma rnam par

  179. 90a

    dag pa'o/ /zung du 'jug pa la gnyis te/ rgyu'i zung du 'jug pa dang/ 'bras bu'i zung du 'jug go/ rgyu'i zung du 'jug la bzhi ste/ nyan thos dang/ rnal 'byor spyod pa dang/ dbu ma dang sngag kyi dbye bas so/ /'bras bu yang bzhi ste/ rigs dang yon tan dang/ bya ba dang/ rdzas kyi bye brag gis so/ /kun tu sdus pas dbye ba nyi shu rtsa brgyad kyi ting nge 'dzin to/ /de rnams kyi don ni sngon du bshad zin to/ /de bzhin du yang phung po lnga dang 'byung ba chen po dang rnam par shes pa dang/ dbang bskur ba rang/ lam dang de bzhin gshegs pa dang ye shes lnga'i ngo bo nyid rim pa lnga'o/ /de la gzugs kyi phung po'i sku rnam par dag pa ni rdo rje bzlas pa'i rim pa ste/ des khrag dang khu ba las byung ba'i gzugs kyi phung po phra mo'i rnal 'byor gyis spong ba'i phyir ro/ /tshor ba'i phung po rnam par dag pas sems rnam par dag pa ste/ bde ba la sogs pa'i rnam pa can gyi sems nges spong ba'i phyir ro/ /'du shes kyi phung po rnam par dag pas bdag byin gyis rlob pa ste/ gzugs la sogs pa'i yul rnams kyi mtshan ma thams cad sgyu ma tsam du mthong ba so/ /'du byed kyi phung po rnam par dag pas mngon par byang chub pa'i rim pa'ang ste/ 'dod chags dang 'dod chags dang bral ba dang 'dod chags bar pa rnams nges spong ba'i phyir ro/ /rnam par shes pa'i phung po rnam par dag pa ni zung du 'jug pa'i rim pa ste/ bag chags dang bcas pa'i rnam par shes pa'i phung po gnas gyur pas/ 'jig rten las 'das pa'i rdo rje lta bu'i skur 'gyur ba'i phyir ro/ /sa'i khams rnam par dag pas rdo rje bzlas pa ste sra ba'i gnas brgyad la brgyab pa las sngags skyes pa'i phyir ro/ /chu'i khams kyi rang bzhin ni sems rnam par dag pa ste des rnam shes dang ye shes kyi dri ma bkrus pa'i phyir ro/ /me'i khams kyi ngo bo nyid ni bdag la byin gyis rlob pa ste/

  180. 90b

    des dngos po'i mtshan ma'i bur shing sgyu ma lta bu'i ting nge 'dzin gyi mes bsreg pa'i phyir ro/ /rlung gi khams kyi ngo bo nyid mngon par byang chub pa'i rim pa ste/ 'du byed thams cad 'od gsal ba des sbyangs pa'i phyir ro/ /nam mkha' i khams kyi ngo bo nyid zung du 'jug pa ste/ nam mkha' dang mtshungs pa mdza' yas shing dri ma med pa gnyis su med pa'i ye shes gcig pu yin pa'i phyir ro/ /de la rnam par shes pa lnga ni gzugs la sogs pa so sor snang ba'i rnam par shes pa dang/ 'jug pa'i rnam par shes pa dang/ yid kyi rnam par shes pa dang /nyon mongs pa can gyi yid kyi rnam par shes pa dang /kun gzhi rnam par shes pa'o/ /de la gzugs la sogs pa'i so sor snang ba'i rnam par shes pa'i ngo bo rdo rje bzlas pa'i rim pa ste de ni bzlas pa la sogs pa'i sangs rgyas thams cad kyi ngo bor gzugs la sogs pa mthong ba'i phyir ro/ /sgo lnga rnam par dag pa ni sems la dmigs pha thob pa'i rim pa ste/ snang ba thob pa la de thim pa'i phyir ro/ /yid kyi rnam par shes pa rnam par dag pa ni bdag byin gyis rlob pa ste/ sgyu ma lta bu'i ting nge 'dzin mngon du gyur pas yid kyi rnam par rtog pa nub pa'i phyir ro/ /nyon mongs pa can gyi yid rnam par dag pa ni mngon par byang chub pa ste/ bdag tu blta ba la sogs pa'i nyon mongs pa nges sbyangs pa'i phyir ro/ /kun gzhi rnam par shes pa rnam par dag pa ni zung du 'jug pa ste/ bag chags dang bcas pa'i sgrib pa thams cad rnam par shes pa thams cad kyi gzhir gyur pa nub pa'i phyir ro/ /dbang bskur ba lnga ni de la rig pa'i dbang gi ngo bo ni rdo rje bzlas pa'i rim pa ste rigs lnga'i bzlas pa'i skabs su sgo lnga'i rnam par shes pa rnam par dag pa'i phyir ro/ /phyir mi ldog pa'i dbang gi ngo bo ni sems rnam par dag pa'i rim pa ste sa bcu las slar mi ldog pa'i phyir ro/ /gsang ba'i dbang gi ngo bo ni bdag la

  181. 91a

    byin gyis rlob pa'i rim pa ste des ni kha dog dang dbyibs can ye shes kyi sku thob pa'i phyir ro/ /ji skad du/ de dus brtsams nas de ni mi ldog pa/ /de yi kha dog dbyibs dang phyag mtshan can/ /bsam gyis mi khyab rnam par smin pa'i sku/ sdom pa de las bya ba byas pas thob ces 'byung ngo/ /shes rab ye shes kyi dbang gis ngo bo ni mngon bar byang chub pa'i rim pa ste des de thob pa'i phyir ro/ /ngag gi dbang bskur ba'i ngo bo ni zung du 'jug pa'i rim pa ste srid pa dang mya ngan las 'das pa ro gcig pa ste de kho na nyid thob pa'i phyir ro/ /tshogs kyi lam gyi ngo bo nyid ni rdo rje bzlas pa ste/ bzlas pa'i yan lag bcu gnyis mngon du byas pa'i phyir ro/ /sbyor ba'i lam gyi ngo bo ni sems la dmigs pa ste snang ba la sogs pa'i ye shes kyis sa bcu la sbyor ba'i phyir ro/ /mthong ba'i lam gyi ngo bo ni rang byin gyis rlob pa ste/ yan lag bdun dang ldan pa'i yid kyi rang bzhin gyi sku sgyu ma'i de kho na nyid du mthong ba'i phyir ro/ /sgom pa'i lam gyi ngo bo ni mngon par byang chub pa ste phyi dang nang gi mngon par byang chub pa'i rim pa'i lam gyi yan lag brgyad dang ldan pa'i phyir ro/ /mi slob pa'i lam gyi ngo bo na zung du 'jug pa'i rim pa ste/ de las slob pa'i rgyu med pa'i phyir ro/ /rnam par snang mdzad kyi ngo bo ni rdo rje bzlas pa'i ngo bo ste/ rlung rnam par dag pas me long lta bu'i ha hu med par snang ba'i phyir ro/ /rin chen 'byung ldan gyi ngo bo ni sems rnam par dag pa ste rang bzhin gyis tshogs 'gog pas thams cad mnyam pa nyid du 'gyur ba'i phyir ro/ /snang ba mdza' yas kyi ngo bo ni bdag la byin gyis rlob pa ste chos thams cad sgyu ma nyid du so sor rtog pa'i phyir ro/ /mi bskyod pa'i ngo bo ni mngon par byang chub pa ste 'od gsal ba ni shin tu rnam par dag pa chos kyi dbyings kyi ye shes yin pa'i phyir ro/ /don

  182. 91b

    yod grub pa'i ngo bo nyid ni zung du 'jug pa'i rim pa ste bya ba byas pa'i phyir ro/ /ye shes lnga ni 'dir de bzhin gshegs pa dang dbyer med pa'i phyir ma bstan to/ /gti mug rnam par dag pa'i ngo bo ni rdo rje 'das pa ste/ sngags thams cad la ma rmongs pa'i phyir ro/ /zhe sdang rnam par dag pa ni sems rnam par dag pa ste/ phyin ci ma log pa'i rang bzhin dang snang ba thams cad la rnam par ldang pa'i phyir ro/ /nga rgyal rnam par dag pa ni bdag la byin gyis rlob pa ste tha lam pa'i nga rgyal log pas so/ /'dod chags rnam par dag pa ni mngon par byang chub pa ste 'dod chags thams cad spangs pa'i phyir ro/ /lta ba rnam par dag pa ni zung du 'jug pa ste lta ba thams cad kyi dri ma med pa'i phyir ro/ /dag rnam par dag pa ni rdo rje bzlas pa ste dag gi brjod pa thams cad spangs pa'i phyir ro/ /sems rnam par dag pa ni thams cad rnam par dag pa'i rim pa ste sems dang sems las byung ba thams cad 'gog pa'i phyir ro/ /lus rnam par dag pa ni bdag la byin gyis rlob pa ste yid kyi rang bzhin gyi sku thob pa'i phyir ro/ /des ni kun rdzob kyi bden pa rnam par dag pa ste thams cad sgyu ma tsam du mthong ba'i phyir ro/ /don dam pa'i bden pa rnam par dag pa ni mngon par byang chub pa ste 'od gsal ba'i don kho na nyid mngon du byas pa'i phyir ro/ / bden pa gnyis ro gcig pa ni zung du 'jug pa ste mi gnas pa'i mya ngan las 'das pa'i dbyings kyi ngo bo yin pas so/ /de bzhin du nye ba'i nyon mongs pa rnams kyang gti mug la sogs par 'dum par shes pa'o/ /de rnams yang dag bsdus pa ni zhes bya ba la/ dbye ba thams cad gcig tu 'dus pa de yang rnam pa gnyis so/ /rang rang gi rigs la bltos pa dang tha dad pa'i rigs la bltos pa'o/ /de la yang rang gi rigs la bltos pa ni ji ltar 'grub rdo rje bzlas pa rnam pa bcu ma ning gi bzlas

  183. 92a

    pa gcig pu la 'dus so/ /de bas na de ni le'u bcu gsum pa las tha mal bstan to/ /snang ba la sogs pa'i ye shes gsum po ni 'od gsal ba la'o/ /chos kyi sku la sogs pa ye shes sku la'o/ /'dod chags dang 'dod chags bral ba dang 'dod chags bar ma 'od gsal ba'i de kho na nyid la'o/ /rgyu dang 'bras bu dag ni zung du 'jug pa'i ting nge 'dzin la 'dus par 'gyur ro/ /rigs tha dad pa la bltos pa ni ji ltar rim pa thams cad rgyu dang 'bras bu'i ngo bor gnas te/ de la rdo rje bzlas pa la sogs pa rim pa bzhi po ni rgyu'o/ /zung du 'jug pa 'bras bu yin pas rim pa bzhi po ni zung du 'jug pa'i rim pa lnga pa la 'dus te/ bya ba byas pa dang de las gzhan pa mi slob pa'i phyir ro/ /de ltar rim pa lnga po de dag gi dbye ba dang bsdu ba gang gis shes pa des rgyud ni rnal 'byor chen po'i rgyud rnams rig cing shes so/ /zhes tshig gi don no/ /tshig gi don gcig pu tsam bshad pa la mkhas pas shes pa ma yin no/ /da ni rim pa lnga'i bsdus pa'i don shes pas mdza' drug gi 'brel pa 'di la snod du rung bar 'gyur zhes bstan par bya ba'i phyir/ /sngags dang zhes bya ba la sogs pa smos pa la/ de la sngags dang sngags ni sngags so/ /gcig lhag ma'i bsdu ba byas nas sngags kyi sgra gnyis gzung ngo/ /de la sngags kyi sgra dang pos ni dang po'i sbyor ba la sogs pa ting nge 'dzin gsum gyis rdzogs pa'i sngags kyi sku brjod pa'o/ /gnyis pas kyang sngags thams cad kyi snying por gyur pa yi ge gsum po 'jug pa la sogs pa gtsor gyur pa rjod par byed do/ /de'i rjes su yid dang rnam shes dang rang bzhin thams cad 'gog pas sngags dang phyag rgya'i rim pas rdzogs pas sems rnam par dag pa'i mtshan nyid so sor bstan pa'i rim pa ni sems so/ /de la rnam par dag pa'i tshig mi

  184. 92b

    mngon par shes par bya'o/ /de'i rjes su grib ma dang/ sgyu ma dang 'ja' tshon la sogs pa sgyu ma'i dpe rnams kyis mtshon pa ye shes kyi sku ston par byed pa ni lus so/ /sgyu ma'i lus po de la yang phyag rgya dang ting nge 'dzin gyi rim pa bsgom pa'i dbang gis nye bar zhi bas 'od gsal ba la 'jug pa'i mtshan nyid kyi rim pa ston par byed pa ni rnam dag go /sngar bshad pa'i kun rdzob dang don dam pa la sogs pa gnyis su 'dzin pa'i rnam par rtog pa bsal ba'i mtshan nyid kyi rim pa so sor bstan pa ni zung 'jug go/ de dag la bsten te rkyen phyis pas las kyi don duAm sgyu ma la lnga pa'o/ /rim pa lnga'i bsdus pa'i don ni de dag skas kyi rim pa'i rigs pas bsdus pa'i don rnams shes nas ni rtogs nas so/ /ci bya zhe na/ mdza' drug la 'jug go zhes smos te don drug so sor bstan pa'i 'grel pa 'di la 'jug par bya ste/ /de mnyam pa 'am bshad pa la snod du rung ba 'gyur zhes pa'i don to/ /ji ltar mdza' drug gi 'grel pa'i rim pa lnga brjod par bya bar de bzhin du sngon du bshad zin pa dang 'chad par yang 'gyur ro/ /da ni gang la brten te 'grel par byas pa de nyid yi ge gsum po bsten par byed pa dpal gsang ba 'dus pa nyid bsngags par bya ba'i phyir/ ji srid ces bya ba la sogs pa smos pa la yang/ ra la wa la sogs pa gsal bar bya ba rnams dang/ gang med par mi 'byun ba dbyangs kyi sde ji srid yod pa de rnam de de'i rtsa ba yi ge gsum la de rnams 'byung ba zhes bya ba'i don to/ /dgongs pa ni 'di yin te lte ba'i phyogs nas langs pa'i srog gi rlung gis gnas brgyad dang phrad pa la dbyangs dang gsal ba'i bye brag gis sde mtshan brgyad skye bar 'gyur te/ de dag kyang sde tshan gyi yi ge dang po rnams la thim par gyur nas slar yang bzhi ru gyur nas de nyid skyes pa dang bud med dang ma ning gi dbye bas yi ge gsum du 'gyur ro/ /

  185. 93a

    de'i phyir 'di la grub pa'i mdza' 'di yin te/ yi ge hUM las ka la sogs pa nas ma'i bar du skyes pa dang/ yi ge oM las bar na gnas pa ya la sogs pa dang/ yi ge a la sogs pa dbyangs yi ge bcu drug skye bar 'gyur ro// dbyangs yig med pas gsal bya rnams brjod par mi nus te/ ke khe ge nge zhes bya ba la sogs pa bzhin no/ /de'i phyir ya la sogs pa bzung bas dbyangs yig rnams kyang 'dus so/ /de lta na ka la sogs pa dang po brjod par rigs pa yin na ji ltar ya la sogs pa brjod de/ go rim 'dor ba'i rgyu med pa'i phyir ro/ /smras pa ya la sogs pa'i rgyud yod de las kyi rab 'byams gtso bo yin pas na gong du gsungs so/ /rab tu byed pa las kyang/ ya'i don gyis gang ci yang rung/ /dngos grub 'dod pas bya ba ni/ /ra la sogs pa gsum gyis ni/ /'gro ba'i bya ba rab tu 'jug zhe'o/ /gzhan dag na re dpal gsang ba 'dus pa rnal 'byor gyi rgyud chen po'i yan lag gi yi ge sum cu rtsa gnyis kyi grangs kyis rnal 'byor chen po'i rgyud sum cu rtsa gnyis yod de/ de rnams kyang ka la sogs pa'i gsal bya mdza' can no/ /'di lta ste/ dz+nyA na badzra sa muny+dza ya ni ya'i mdza' can no/ /badzra d+hA ra rgyud ni ra'i mdza' can no/ /badzra ma la rgyud ni la'i mdza' can no/ /sam gra ha rgyud ni ha'i mdza' can no/ /de ltar gsal bya'i mdza' can rgyud gzhan rnams kyang shes par bya'o/ /de rnams kyi yi ge gsum pa rjod par byed pa dpal gsang ba 'dus pa kho na rtsa ba'o/ /de yang rnal 'byor gyi rgyud rnams kyis rtsa ba gcig pur ma zad kyi gsung rab yan lag bcu gnyis kyi yang rtsa bar 'gyur zhes bstan par bya ba'i phyir/ thub pa chen po'i chos kyi phung po zhes bya ba la sogs pa smos pa la/ /thub pa chen po ni shAkya seng ge'i 'o/ /chos kyi phung po brgyad khri bzhi stong yod de de dag thams cad kyi dpal gsang ba 'dus pa snod yin te/ de kho na nyid kyi rin po che'i

  186. 93b

    za ma tog go /de la gnas pa 'am de nyid las 'byung ngo zhes tshig gi lhag ma'o/ /de bas 'di ni rgyud kyi rtse zhes bya ba ni de nyid rnal 'byor chen po'i rgyud rnams kyi gtsug phud yin no/ /dgongs pa 'di yin te lus dang ngag dang yid dag par bya ba'i phyir bcom ldan 'das kyis gsung rab gsungs pa de nyid rgyud 'di ru mdor bsdus shing thabs bde bas bstan to/ /yang na yi ge gsum po kho na las sngags kyi sde thams cad dang lus la sogs pa'i bya ba yang 'byung ngo zhes de la bltos pas dpal gsang ba 'dus pa kho na rgyud kyi rtse mo yin no/ /chos kyi phung po'i tshed ni gro ga rim pa gcig pa dang shing rta la'i 'dab ma rnams su/ phag ze'i rtse mos bris pa'i tshed kyi yi ge rnams kyis gang bar byas te gang par byas pa'i gro ga'i khur ji srid glang rgod kyis theg pa de ni chos kyi phung po gcig go /de'i grangs kyis brgyad khri bzhi stong ngo/ /de ni nye bar mtshon pa yin te/ nyan thos kyi sde snod ni chos kyi phung po brgyad khri bzhi stong yin no/ /theg pa chen po la dgu khri'o/ /sngags kyi theg pa la stong phrag brgya yin no/ /da ni don zab ba yin pa'i phyir nyan pa pos rgyud 'di rtogs par dka' ba nyid du bstan par bya ba'i phyir/ gzhung nyung ba la don mang ba zhes bya ba smos te/ rgyud 'di gzhung nyung ba yin pas mdor bsdus pa'i blo can gyi nyan pa po la phan pa'o/ /de lta yin na rjod par byed pa nyung bas brjod par bya ba yang nyung bas blang bar bya bar mi 'gyur zhe na/ don mang ba zhes bya ba smos te/ rim pa gnyis yongs su rdzogs par ston par byed pa'o/ /dgongs pa 'di yin te bya ba'i rgyud la sogs pa ma lus pa dang/ chos kyi phung po ma lus pa'i don gang yin pa de dag thams cad 'dir me long la zhugs pa'i gzugs brnyan gyi rigs pas nang du 'dus pa zhes dgongs pa'o/ /'dus pa'i rgyud ni rnyed dka' zhing/ zhes bya ba las/ sngon du bshad pa'i rgyud rnams kyi nang nas

  187. 94a

    rnyed par dka' ba ste/ rtog par dka' ba'o/ /thams cad du ni dus thams cad du'o/ /rnam pa 'khor ba ni nyan pa po rmongs shing go bar mi 'gyur ro/ /zhes tha tshig go /ci'i phyir zhe na/ rgyun bdun rtogs par dka' bas na/ zhes smos te/ rgyan rnams dka' bas yongs su mi shes pa'i phyir ro/ /sbyor ba ni 'dus pa zhes chos can no/ /rnam par 'khor ba zhes bsgrub bya'i chos so/ /rgyan bdun rtogs par dka' bas na zhes gtan tshigs so/ /rgyud kyis brjod pa bya ba rgyan rnams dgongs pa dang bcas par bstan par bya ba'i phyir/ /de bas zhes bya ba la sogs pa smos pa la/ rgyan rtogs par dka' ba can yin pas gang gang gi phyir 'dus pa la 'khor ba de'i phyir kho bos de yi rnam par dbye bar bya/ zhes smos te/ rgyan de rnams phye nas bshad par bya'o/ /thos pa mang ba nyid bstan par bya ba'i phyir/ 'bad de rnam par shes nas ni/ zhes bya ba smos te/ chos mang du thos pa la brtson pas dngos su phyin ci ma log par shes nas so/ /rang bzo dgag par bya ba'i phyir/ /de bas bla ma'i bka' drin gyis zhes smos te/ 'phags pa klu grubs kyi zhabs kyi pad+ma'i dga' drin las so/ /ci'i don du zhe na/ sems can rjes bzung 'dod pa yis/ /zhes smos te/ sgra ji bzhin pa'i don tsam bzung bas blo rnam par 'khor ba rnams la yang dag par gyur pa'i de kho na nyid kyi don rab tu bstan par 'dod pas so/ /rgyan de ji lta bu zhe na/ rgyan pa ni rgyan te dngos po sgrub par byed par gyur pa 'am yang na 'dis brgyan par byed pas na zhes byed pa sgrub par byed pa yin nam zhe na gal te dngos po sgrub par byed pa yin na de'i tshe dngos po ni bya ba tsam du gtso ba yin pas brjod par bya ba dang brjod par byed pa las de tha mi dad pa yin pas sgra dang don rgyan nyid du thal bar 'gyur ro/ /rgyan ni tha dad pa yin te ldum bu la sogs pa bzhin no/ /gal te byed pa sgrub par byed pa yin

  188. 94b

    na de'i tshe sgra dang don ma gtogs par rgyan nyid du 'gyur ro/ /rjod pa dang brjod par bya ba las gzhan pa brgyan ni ma mthong ngo zhe na/ smras pa 'dis brgyan pas na rgyan zhes bya ba ni byed pa sgrub pa byed pa sgrub pa byed pa'o/ /gal te tha dad pa ni mi dmigs zhes bshad ce na/ smras pa/ 'dir sgra ni nus pa du mas khyab pa'i rang bzhin can gyis don du ma la ston par byed pa'i nus pa yod de/ don yang de dang de dag sel ba ston pa'i sgo nas nus pa du ma can no/ /'di lta ste/ sgra'i don gnyis yod de/ brjod par bya ba dang gsal bar bya ba dag go /de la brjod par bya ba ni bum pa'i 'og rgyas pa dang lto ba'i rnam pa can tshig gi don to/ /gsal bar bya ba ni brjod par bya ba las tha mi dad kyang de lta bu'i sna tshogs kyi sgra'i sbyor bas mtshon par bya ste/ dper na go da wa ra'i yul du chu bo'i 'gram na gnas pa'i seng ges khyi de bsad do zhes/ kye dge slong bde bar song zhig ces pa bzhin no/ /de la song zhig ces sgra'i don 'gro ba gtso bo ste/ 'gro ba bkag pa ni gsal bar bya ba yin no/ /de bzhin du yang byed pa sgrub pa'i phyogs su tha mi dad pa yang brjod par bya ba ni gsal bar bya ba yin te/ rab tu grags pa'i yan lag la gnas pa'i mdzes pa nyid bud med dam skyes bu'i tha mi dad pa ltar ro/ /de'i dbye ba sgra dang don la sogs pa'i bye brag gi 'og nas 'chad par 'gyur ro/ /mdor bstan pa dang rgyas par bstan pa dang yongs su brtag pa zhes 'grel pa byed pa po rnams kyi lugs so/ /dang po mdor bstan pa yin te de yang grangs sngon du 'gro bar bstan par bya'o/ /grangs ma bstan pas kyang mdor bstan pa ma nges par 'gyur ro/ /rgyas par bstan pa de lta bus brjod pas na bstan bcos mkhan du mi 'gyur ro/ /gleng bslangs pa'i grangs ni lnga zhes bya ba la/ /rnal mo bsgrub par bya ba'i phyir/ /sems dpa' gleng bslang ba ru bshad/ ces 'byung ba las

  189. 95a

    bstan bcos rtsom pa'i dus su rjod par byed pa la sogs pa ji lta bu yin zhes dpyod pa'o/ /de la rnam pa lnga'o/ /de'i rjes la de nyid bstan par bya ba'i phyir phyin ci log pa'i phyi dang nang gi bye brag gis tshang ma nye bar ston pa'i mtshan nyid can rigs pa ste/ rnam pa bzhi'o/ /de'i rjes la sgra don rgyan gyi dbye bas rgyas bshad mdza' ni rnam pa drug go /de nas de'i yan lag kho na rim pa gnyis gtsor gyur pa'i bshad pa ni rnam pa bzhi'o/ /'chang pa'i rgyan lnga pa ste rnam pa gnyis so/ /nyan pa po'i rgyan drug pa ste rnam pa lnga'o/ /bdun pa'i dbye ba rnam pa gnyis te/ zhes bya ba la brjod par bya ba'i don ma lus pa bsdu ba'i rgyan yin te rim pa gnyis gtsor gyur pa'i phyir ro/ /de las gzhan pa med de mi dgos pa'i phyir ro/ /mdor bsdus pa ni mdor bstan pas so/ /de'i dgongs pa ni 'di yin te/ bcom ldan 'das rdo rje 'dzin pas ngag ji srid gsungs pa de dag zab pa dang rgya che ba dang/ sna tshogs kyi don ston par byed pa'i phyir/ rgyun du ma dang ldan pa yin pas mdor bsdus pa ni 'dir bdun gzung bar byas so/ /rgyas par bstan par bya ba'i phyir/ bshad pa'i rgyud kyi rjes su 'brangs nas/ zhes bya ba la sogs pa la/ dgongs pa lung bstan pa la sogs pa'i bshad pa'i rgyud kyi rjes su 'brangs nas zhes bya ba'i 'dir rang bzor bkag pa bstan to/ /rgyan ni bdun po rnams kyis ni/ /zhes bya bar nges par gzung ba'i drug pa'o/ /rim pa bzhin du ni mdor bstan pa'i tshig gi rjes su 'brangs pas so/ /re re yi ni gleng bslang ba la sogs pa rnams kyi'o/ / bstan pa dag ces pa ni kho bos 'chad do/ /de nyid bstan par bya ba'i phyir/ /rgyud 'di'i ming ni ci zhig yin/ zhes bya ba la sogs pa smos pas dri tshig lnga bstan to/ /lan smras pa/ rgyud kyi mtshan ni ming yin la/ /zhes pa ni mtshan ni ming

  190. 95b

    ste/ de yang rgyud brjod par byed pa dpal gsang ba 'dus pa zhes bya'o/ /ji skad du/ bstan bcos dag ni thams cad kyi/ /las rnams gang ci'ang rung ba yi/ /ming med pas ni 'jig rten 'di/ /long ba 'am lkug pa 'dra bar 'gyur/ zhes 'byung ngo/ /skye bo 'dod chags can don du/ /zhes pa ni don du rgyu mtshan te rgyu'o/ /gang la rten te bcom ldan 'das kyi rgyud gsungs so/ /'dod chags can zhes nye bar mtshon pa ste 'dod chags la sogs pa nyon mongs pa lngas dkrugs pa'i skye bo rnams la gzigs nas de rnams sbyang bar bya ba'i phyir rim pa gnyis ston par byed pa'i rgyud gsungs te/ ji skad du/ zhe sdang gi gti mug 'dod chags dang/ /yid bzhin nor bu dam tshig ste/ rigs lngar gtogs pa 'di rnams kyis/ /'dod dang thar pa rab bsgrub pa'o/ /zhes 'byung ba'i phyir ro/ de ltar 'dod chags la sogs pa'i rigs can gyi skye bo rjes su gzung bar byed pa rim pa gnyis po ni brjod par bya'o/ /ji skad du/ brjod bya med pa'i ngag rnams ni/ /gang phyir bya rog skad bzhin no/ /de'i phyir bstan bcos brtsams dus su/ /brjod bya sngon du mngon par brjod/ /ces 'byung ngo/ /brjod bya dang brjod par byed pa 'di dag gis thabs las byung ba'i mtshan nyid kyi 'grel ba ma bshad kyang shes par bya ste/ de dag gnas pa'i phyir ro/ /'di'i byed pa rdo rje sems zhes ba ni rdo rje sems dpa' byed pa po yin pas nyan pa po rnams bkur ste dang bcas pas 'jug par 'gyur ba de nyid kyi phyir zur gyis 'brel pa yang bstan to/ /dper na dga' ldan gyi gnas su bcom ldan 'das rdo rje sems dpa' dpal gsang ba 'dus pa'i rgyud gsungs pa na de la de bzhin gshegs pa rnams kyis zhus par gyur to/ /zhes don gyi shugs kyis nyan pa po dang 'chad pa po'i 'brel pa yin no/ /gang la brten te 'chad pa pos bshad pa dang/ nyan pa pos nyan pa de ni sgra dang don gyi 'drel pa

  191. 96a

    rtogs par bya'o/ /ji skad du/ gang phyir 'brel ba yod pas na/ /nyan pa po yi 'jug 'grub pa/ /de phyir bstan bcos thams cad kyi/ /sngon du 'brel pa rtogs par bya/ /zhes 'byung ngo/ /tshad dag kyang ni bshad bya ste/ zhes bya ba ni brjod par bya ba dang rjod par byed pa'i bstan bcos kyi khyad par ro/ /de yang brjod bya dang rjod byed gnyis ka'i yan lag las gzhan ma yin no/ /le'u de bzhin cho ga dang/ zhes pa ni le'u la sogs pa bzhi po ni gzhung rdzogs pa'i gnas yin te/ gang gi phyir yongs su gcod cing gzhal bya gang rdzogs par byed pa de ni le'u'o/ /gzhan du na le'u bco brgyad kyi bdag nyid kyi rgyud nges par mi 'gyur te/ mang nyung gi skyon du thal bar 'gyur ba'i phyir ro/ /de bzhin du cho ga la sogs pa yang shes par bya'o/ /ji skad du/ yongs su gcod pas le'u ste/ /stong pa nyid kyi cho gar 'gyur/ /spros pa mang bas dum bu ste/ /sgrib pa med pas rim pa phye/ /zhes 'byung ngo/ /gzhung nyid kyis ni grangs kyang ngo zhes pa la/ kyang gi sgra ni don gyis yin te/ gang du yongs su rdzogs pa de yang le'u la sogs pa yin no/ /dgos pa bstan par bya ba'i phyir/ /dgos pa yang ni/ zhes bya ba smos te de yang rnam pa gnyis te/ dgos pa dang/ dgos pa'i dgos pa'o/ /de dag rang dang gzhan gyi don sgrub par byed pa'i mtshan nyid do/ /sgrub pa brgyad ni rang gi don phun sum tshogs pa gtsor gyur pa'o/ /sangs rgyas nyid ni gzhan gyi don phun sum tshogs pa'o/ /grub pa ni rnam pa gnyis te/ 'jig rten pa dang 'jig rten las 'das pa'o/ /'jig rten pa ni zhi ba la sogs pa'i cho ga'o/ /'jig rten las 'das pa ni phra ba la sogs pa'o/ /de la zhi ba la sogs pa ni zhi ba rgyas pa dang dbang dang dgug pa dang rnam par sdang ba dang gsod pa dang skrod pa dang rengs pa'o/ /yang na 'khor lo dang rin po che dang pad+ma dang ral gri dang rdo rje dang

  192. 96b

    ril bu dang mig sman dang rkang mgyogs te brgyad do/ /phra ba la sogs pa ni gzugs phra ba dang reg pa yang ba dang khyab pa dang yang dag par thob pa nyid dang rab tu snang ba nyid dang brtan pa dang dbang du gyur pa dang 'dod dgur gyur pa'o/ /yang na sku'i dbang phyug gsung dbang phyug /de bzhin thugs kyi dbang phyug ste/ rdzu 'phrul yon tan kun dbang phyug /bza' ba byed pa yon tan brgyad/ /de ltar rang gi don phun sum tshogs pa gtsor gyur pa ni dgongs pa'o/ /gzhan gyi don phun sum tshogs pa gtsor gyur pa ni dgos pa'i dgos pa'o/ /dgos pa'i tshig gcig gis gnyis ka gzung ba ste/ rgyud ni rigs pa las/ shwi ru dang ba de ni khyi dang dkar po 'gro ba la yang 'jug pa bzhin no/ /des na dgos pa dang de'i yang dgos pa yang dag par bsdus so/ /gleng bslang ba ni 'das zin te/ zhes bya ba 'dis nye bar bsdud pa bstan to/ /gnyis pa zhes pa la sogs pa 'dis gnyis pa mdor bstan pa'o/ /rgyud ces bya ba la sogs pa 'dis rgyas par bstan pa'o/ /mi yi skye bo 'khrungs pa ni zhes bya ba la sogs pas so so bstan pa'o/ /de la mdo sde dang 'dus ba dang mngon pa rnams kyi rigs pa nges par bstan nas slar yang sngags kyi theg pa chen po'i sgo nas ston pa yin te/ de la re zhig dang po ni bcom ldan 'das kyis mi'i skye bar 'khrungs par bstan te/ gang gi phyir bcom ldan 'das shAkya seng ges 'gro ba gdon par bya ba'i phyir rjes su mthun pa'i mi'i skye bar 'khrungs so/ /rigs pa de nyid 'thad pa yin te mi 'gal ba'i phyir ro/ /gang gi phyir rigs mi mthun pa rnams la de'i lus la sogs pa dang mtshungs pa ma yin te/ ba lang la sogs pa dang bya rnams la sogs pa bzhin no/ /de bas na mtshungs pa ni rgyud yin te/ rgyal rigs kyi skyes bu chen po 'am bram ze'i skyes bu chen por 'khrungs pa'o/ /de tsam gyis gzhan gyi don mi 'grub pas chags pa dang

  193. 97a

    bral zhing dben pa la ma bsten pa'i bar du mi 'grub pas btsun mo'i 'khor gyi nang nas zhes smos te/ bcom ldan 'das de nyid kyis btsun mo'i 'khor gyi nang du bzhugs pas mtshan phyed kyi dus su btsun mo thams cad gnyid log pas dur khrod 'di nyid yin zhes mi sdug pa'i sgom pa mngon du byas te de'i tshe mkha' la byon pa'i sangs rgyas kyi tshogs 'dod chags dang bral ba dag rgyal po'i pho brang gi nang du zhugs pa la bltas te/ de rnams kyi sku bstan pa mthong nas skyo ba skyes par gyur pas de rnams kyi chos gos kyi mdza' bzung zhing/ bcom ldan 'das rang sangs rgyas gang gis bzhud pa'i lam de nyid nas nges par 'byung bar gyur to// byung nas dgon ba dben pa la drang srong dam pa las chags bral gyi lam blangs te/ ral gris dbu skra bregs te chos gos 'dzin par gyur to zhes btsun mo'i 'khor gyi nang nas ni nges par byung ba ni gleng gzhi yin te/ 'dod chags dang bral ba'i sngon byung ba'i bcas gzhi'o/ /dgon par gnas pas kyang gal te 'dod chags la sogs pa skye bar gyur na/ de'i tshe khyim nas 'byung ba don med par 'gyur bas de'i phyir gsum pa yin te/ 'dul ba las zhes bya ba la sogs pa 'dul pa las bstan pa ni so sor thar pa'i sdom pa la sogs pa nas gsungs pa'i bslab pa'i tshig gi tshogs gang yin pa de bcom ldan 'das kyis blangs so// des ni don mthun pa bsdu ba'i dngos po bstan to/ /gzhan du na sdom pa ma blangs pas pha rol po rnams la de bstan pa don med par 'gyur ro/ /de bas na de rigs pa yin te/ sems can gyis don gyi yan lag gtso bo yin pa'i phyir ro/ /de ni nges pa'i tshig ces bya ba la 'dul ba la sogs par gsungs pa'i sdom pa'i tshig nges par bsrung ba'i phyir ro/ /'bras bu ni sangs rgyas nyid do/ /de 'dod

  194. 97b

    pas ni de thob par bya ba'i mdun pas so/ /chos spyod pa ni dka' thub kyi spyod pa la sogs pa bcom ldan 'das kyis gang mdzad pa de ni rgyu zhes brjod bya ste/ 'bras bu thob pa la thabs yin pa'i phyir ro/ /de nyid ni rigs pa yin te/ gang gi phyir lus dang ngag dang yid sdom par byed pa brtul zhugs kyi khyad par 'di byang chub 'dod par bya yin no/ /'di ni zhes bya ba la sogs pas nye bar bsdus pa bstan to/ /'dod chags chos kyi zhes bya ba la sogs pa la/ /'dod chags rnam par dag par byed pa'i sngags kyi bstan pa la'o/ / don gsal rtogs phyir bshad par bya /zhes pa ni mi bslu ba'i don yongs su shes pa'i rgyu bshad par bya'o/ /rigs lnga'i sangs rgyas zhes bya ba la sogs pa la/ /nyon mongs pa lnga dang khams dang dbang po dang yul dang rnam par shes pa dang phung po lha rnam par dag pa'i slad du bcom ldan 'das rdo rje 'chang chen pos gzugs gcig pu yang ye shes lnga'i ngo bo nyid de bzhin gshegs pa lnga'i rigs su sprul par mdzad de/ de nyid kyis sngon du bshad pa'i nyon mongs pa la sogs pa 'gog pa'i phyir ro/ /de nyid rigs pa yin te/ gang gi phyir lha'i sku ni tha mal pa'i lus dang 'gal ba yin pa'i phyir ro/ /kun rdzob kyi phyogs 'di yin gyi don dam pa ma yin par bstan par bya ba'i phyir/ rgyud ces bya ba yin par brjod ces smos so/ /slar yang zhes bya ba la sogs pa la/ rigs lnga bo rdo rje 'chang chen po'i rigs su gcig tu gyur te/ de yang skyed pa'i rim pa las kyi rgyal ba mchog gi ting nge 'dzin gyi bar du phyi'i dkyil 'khor lus kyi dkyil 'khor la bsdus te/ bde ba chen po'i rang bzhin dpa' bo gcig pu gnas pa bzhin no/ /rdzogs pa'i rim pa la yang gnyis pa dang bzhi pa'i rim pa las gsungs pa'i 'od gsal ba la 'jug pa 'am/ zung du 'jug pa'i ting nge 'dzin ni rigs gcig tu gyur pa'o/ /de nyid gleng gzhi yin par bstan pa ni rdo rje 'chang chen po nyid bskal pa'i bar

  195. 98a

    du gnas pa dang/ rang bzhin gyis rtogs pa yin gyi gzhan ni ma yin pa'i phyir ro/ /rigs pa 'di yang yin te/ dbye ba thams cad stong par nub pa'i phyir ro/ /rdo rje la sogs pa zhes bya ba la/ mos pa sna tshogs pa'i sems can gyi khams rjes su gzung ba'i phyir/ de bzhin gshegs pa rigs lnga po rdo rje la sogs pa'i phyag mtshan gzung bar bya bar gsungs so/ /de rnams kyang rnam par dag pa dang bcas par bstan te/ spong ba lnga dang rig pa lnga/ rdo rje zhes ni mngon par brjod ji ltar pad+ma dmar ba 'di/ gnas kyi skyon gyis ma gos pa/ /dngos po sna tshogs skyon rnams kyis/ /ma gos de ltar khams gsum yin/ zhes 'byung ba dang/ de bzhin du yang rig pa'i dbang bskur ba'i dus su slob ma'i lag pa dag tu rdo rje dang dril bu byin nas/ byang chub sems gang de rdo rje/ /shes rab dril bu zhes brjod do/ /zhes 'byung ngo/ /'dir yang rig pa ste/ don dang rjes su 'gro ba'i ming dang ldan pa 'dzin pa'i phyir ro/ /gzhan du na lcags la sogs pas 'dzin pa med do/ /de nyid kyi phyir/ nges pa'i tshig ni yin par bshad/ ces smos te/ sgeg pa la sogs pa'i zhes bya ba la sogs pa ni/ /bde bas byang chub thob par 'gyur/ /zhes tshig las sgeg pa la sogs pa'i gar gyi nyams dgu dang ldan pa'i spyod pas rdo rje 'chang chen po'i go 'phang thob par 'gyur/ /zhes 'bras bu thob pa'i phyir spyod pa lnga ni snga ma bzhin kho na'o/ /de la sgeg pa dpa' ba 'jigs rung dang/ /rgod dang gshe dang 'jigs byed dang/ /snying rje rngam dang zhi ba ni/ /gar gyi nyams ni dgu ru bshad/ /de la sgeg pa'i spyod pa ni/ /dam tshig gi phyag rgya la sogs pa bsten pa'o/ /dpa' bo'i spyod pa ni thams cad du mi 'jigs pa'o/ /'jigs su rung

  196. 98b

    ba'i spyod pa ni go ku nga ha na bza' ba'i mtshan nyid do/ /smad pa dang 'jigs par byed pa ni 'jigs su rung ba zhes bshad do/ /rgod pa'i spyod pa ni ro langs bslang ba la sogs pa'i mtshan nyid dam sgeg pa'i nyams kyi bye brag go/ gshe ba'i spyod pa ni mngon spyod la sogs pa'i las drag po'i rab 'byams byed pa'i mtshan nyid do/ /'jigs par byed pa'i spyod pa ni zhe sdang rdo rje'i ting nge 'dzin gyis khro bo'i 'khor lo spros te bgegs rnam par gnon pa dang phur bus gdab pa dang rdud ba'i mtshan nyid do/ /snying rje'i spyod pa ni sems can rjes su gzung ba'i mtshan nyid do/ /rngam pa'i spyod pa ni bstan pa la sogs pa'i rdzu 'phrul lam chos 'di ru bstan pa'i dus su gzhan du yang bstan pa ltar snang ba yang 'gal ba'i sgo nas sems can gyi don byed pa'i mtshan nyid do/ /zhi ba'i spyod pa ni rang bzhin gyis grub pa'i 'od gsal ba la 'jug pa'i ting nge 'dzin to/ /'di yang rigs pa yin te/ thabs bde bas 'dod chags can la sogs pa 'dul ba'i phyir ro// rig pa bstan nas gsum pa brgyan bshad par bya ba'i phyir/ /rgyan ni gsum pa zhes bya ba la sogs pa smos te/ mdza' drug ni mdza' i sgras bye brag bshad de/ des bye brag drug gi bshad pa'i rim pa yin zhes bshad do/ /rnal 'byor rgyud tshul las bshad pa'i/ zhes pa ni rdo rje phreng ba la sogs pa'i rgyud las bcom ldan 'das nyid kyis gsungs so/ /rgyas btab don ni rab rtogs pa/ zhes bya ba ni phyed par dka' ba'i don ji lta ba bzhin du phyin ci ma log pa'i de kho na nyid rab tu rtogs shing rab tu gsal ba zhes tha tshig go /ji lta bu zhe na/ mdza' drug gi ni tshig nges shing/ zhes smos pa ni mdza' drug gis tshig rnams nges par byed pa'o/ /tshig rnams kyi don yang nges par bya/ zhes smas pa yang yin te/ mdza' drug ni don dang sgra'i rgyan yin pa'i phyir ro/ /drang ba

  197. 99a

    dang zhes bya ba la sogs pas rgyas par bshad do/ /skal ngan rnams la zhes bya ba la sogs pas so sor bstan par bshad do/ /skal ldan ni sems la g.yo rgyud yod pa dang the tshom rgol ba la dga' ba'i phyir ro/ /de lta bu nyin pa po gang yin pa de rnams la rgyal ba ste rdo rje 'chang chen pos drang ba'i don du gsungs te/ de kho na nyid kyi don las bskyed pa'i rim pa tsam gzhan du drang bas na drang ba'i don to/ de kho na nyid ston par byed pa ma yin no/ /sbas te zhes pa ni don dam pa ma yin zhes bya ba'i don to/ /yang dag don ni rab ston phyir/ zhes pa ni rtsa kun tu spyod pa la sogs pa'i mtshan nyid can gyi don ji lta ba bzhin du bstan par bya ba'i phyir ro/ /nges pa'i don ni nges par bshad pa'i don no/ /gsum pa ni bshad pa'o// brjod par byed pa gcig gis don gnyis brjod pa la nus pa ji ltar yod ce na/ smras pa/ sna tshogs sel ba dang ldan pa'i sgra yin pa'i phyir ro/ /dper na go'i sgra gcig pus don bcu brjod de/ ji skad du/ ngag phyogs 'od rdo rje mda'// phyugs mig mtho ris chu dag tu/ /don bcu la ni blo can gyis/ /go yi sgra ni brtags par bya/ zhes 'byung ngo/ /don gyi rgyan de dag yin te/ /sgra'i bye brag med pa'i phyir ro/ /mchog 'dod ces bya ba la sogs pa ni de kho na nyid 'dod pa'i slob ma rnams la'o/ /de rnams la chos kyi de nyid rab ston pa zhes pa ni 'od gsal ba'i de kho na nyid bshad pa'o// 'gal ba'i tshig gis sbyor ba yis/ /shes pa la 'jig rten dang 'gal ba'i sgra'i sgo nas so/ /gsungs pa gang yin dgongs bshad de/ zhes pa ni dgongs pa dang bcas pa'i sgra'i sbyor ba bstan to zhes tha tshig go /'di ni sgra yis rgyan yin te/ de lta bur gyur pa'i sgra gtso bo yin pa'i phyir ro/ /dbang po dman pa'i sems can rnams/ /zhes bya ba la sogs pa ni shes rab

  198. 99b

    kyi mthar thug pa med pa de bas dad pa che ba'i phyir de kho na nyid ston pa la snod du gyur pa dbang po dman pa'o/ /rtogs phyir zhes pa ni de rnams de kho na nyid du rtogs su 'jug pa'o/ /mchog tu gsal ba yis/ zhes pa ni gsal zhing 'jam pa'i tshig gis ston pa'o/ /de nyid gsal bar ston pa ni zhes pa la rab tu grags pa'i de kho na nyid bshad pa'o/ /dgongs pa min pas bshad pa'o zhes pa ni 'gal ba'i sgra med par gsungs zhes tha tshig go/ 'di ni don gyi rgyan yin te/ don kho na brgyan par bya pa yin pas so/ /dkyil 'khor la sogs dang/ zhes pa ni dkyil 'khor sna tshogs 'bri ba dang/ tshad la sogs pa'i tshig rnams la'o/ /de bzhin du rtog pa ni gshin rje gshed la sogs pa'i sgom pas rnam par sdang ba la sogs pa las kyi rab 'byams ston par byed pa la'o/ /spyod pa ni spros bcas la sogs pa'o/ /ji lta ji ltar gsungs/ zhes pa ni de dang de ston par byed pa'i tshig dag la'o/ /don zab min bshad gang yin pa/ /zhes pa ni de kho na nyid kyi don dang bral zhing phyi'i spros pa tsam ston par byed pa'o// de ni ji bzhin sgrar gsungs pa'o/ /zhes pa la/ sgra ji ltar yod pa de dang 'dra ba'i ston pa'o/ /'di yang sgra'i brgyan yin te/ ji skad du/ thugs kyi dkyil 'khor dam pa ste/ khru ni bcu gnyis tshad du bya/ /zhes gsungs pas de las mang ba 'am nyung bar mi bya'o/ /de bzhin du rtogs pa dang spyod pa dag las shes par bya'o/ /ko Ta khya la sogs pa'i sgra/ zhes bya ba la sogs pa ni 'dir sgra gnyis te/ 'jig rten pa dang/ bstan bcos pa'o/ /de la 'jig rten pa ni dper na/ ba lang dang rta dang skyes pa dang bya dang ri dags dang glang po che dang bram ze zhes bya ba dang/ bstan bcos pa ni dper na bden pa dang dkon mchog gsum dang de bzhin nyid dang yang dag pa'i mdza' dang stong pa nyid do zhes/ ko Ta khya la sogs pa ni 'jig rten pa yang ma yin la/ bstan bcos pa

  199. 100a

    yang ma yin no/ /de lta yin na ci'i phyir brjod ce na/ de bzhin gshegs pa zhes pa ni rang gis glegs bam lta ba rnams la 'khrul pa bskyang bar bya ba'i phyir bcom ldan 'das de bzhin gshegs pa rtsa ba dang yan lag gi rlung rnams kyi de dag bsngags? gsungs so/ /dper na b+hu su ku bzhin no/ /za ba dang nyal ba dang 'chag tu 'gro ba zhes bya ba'i don to/ /de ni ji bzhin min sgrar grags/ zhes pa ni don brjod pa la sgra mi 'dra ba'i phyir ro/ /'di yang sgra yi rgyan te/ brda yang sgra yin pa'i phyir ro/ /de lta na sgra ji bzhin pa dang drang ba'i don la bye brag gang zhe na/ smras pa/ sgra dang don gyi rgyan gyi dbye bas so/ /drang ba'i don dang dgongs pa ma yin pa dag gi ni dbang po rno ba dang dman pa'i gang zag gi dbye bas so/ /dgongs pa dang sgra ji bzhin ma yin pa dag gi ni 'gal ba dang ma grags pa rag dag gi sgra'i dbye bas so/ /de ltar drang ba dang nges pa'i don dang dgongs pa ma yin pa'i don gyi rgyan no/ /dgongs pas bshad pa dang sgra ji bzhin pa dang sgra ji bzhin ma yin pa ni sgra'i rgyan zhes mdza' drug gi dbye ba zhes bya ba bshad pa'i bye brag bstan to/ /rim pa gnyis po gcig pu ston par byed pa bshad pa'i rnam pa bstan par bya ba'i phyir/ /bshad pa'i dbye ba zhes bya ba la sogs pa smos so/ /yi ge don zhes bya ba la sogs pas mdor bstan pa'o/ /dang po gcig pu kho na nyid/ ces bya ba la sogs pas grangs sngon du 'gro bas rgyas par bshad pa'o/ /kun tu bsdus te rnam pa brgyad du 'gyur ro/ /so sor bstan par bya ba'i phyir/ /sgra tsam la ni rab gzhol ba/ /zhes bya ba ni sgra tsam la mngon par zhen pa'o/ /phyi rol bstan bcos mkhas pa yis/ zhes pa ni rtog ge dang sgra'i bstan bcos la sogs par byed pa'i tshig dang byed pa po dang rtags dang bsdu ba la sogs pa la mkhas pa'o/ /de yi sgrub pa rab ston pa/ zhes pa ni de dang rjes su mthun

  200. 100b

    pa'i bstan pa bcom ldan 'das kyis gang bstan pa de ni yi ge'i don te/ yi ge tsam gyi don brjod cing brjod par bya ba gang yang rung ba ste/ rdzogs pa'i rim pa spangs pa'i bskyed pa'i rim pa'i phyogs gcig gi mtshan nyid do/ /de bas 'di sgra'i rgyan yin te/ sgra sna tshogs pa tsam yin pa'i phyir ro/ /spyi'i don bstan par bya ba'i phyir/ /mdo sogs zhes bya ba la sogs pa smos te/ mdo sde la sogs pa ni nyan thos dang mdo sde pa dang rnal 'byor spyod pa dang/ dbu ma ba rnams so/ /gang gi tshe sngon gyi bag chags gyi 'grel pa 'am/ dge ba'i bshes gnyen dang phrad pas sngags kyi theg pa chen po bstan par gyur pa de'i tshe rang gi sdom pa dang 'gal ba'i dam tshig dang sdom pa thos nas 'gyod par 'gyur pas gsang sngags kyi gsung la bskur ba btab pa'i sdig pa ma la bye ma leb bzhin du ldung bar 'gyur ro/ /de rnams kyi 'gyod pa bzlog par byed pa'i phyir de dang mthun par bcom ldan 'das kyi bstan pa gsungs so/ /gang gis 'di ni rigs pa yin/ zhes lam de nyid du zhugs shing bskur ba mi 'debs so/ /mdo sde la sogs pa la zhugs pa'i 'gyod pa bzlog par byed pa'i mtshan nyid ni spyi'i don gyi yan lag dang po'o/ /de bzhin du yang bskyed pa'i rim pa dang ldan pas na/ zhes pa ni yan lag gnyis po'o/ /de yang rnam pa gnyis te/ yongs su grags pa dang bstan bcos pa'o/ /de la dang po sbyor ba dang dkyil 'khor rgyal ba dang las kyi rgyal ba'i ting nge 'dzin gsum ston par byed pa ni yongs su grags pa'o/ /byang chub kyi sems kho na las khams gsum thams cad skye ba ste/ byang chub kyi sems de yang dbang po gnyis snyoms par zhugs pa las 'byung ngo/ /zhes pa ni bstan bcos pa'o/ /gnyi ga de dag kyang spyi'i don zhes bshad pa'i bye brag ste bskyed pa'i rim pa'o/ /rdzogs pa'i rim pa so sor bstan par bya ba'i phyir/ /'dod chags zhes bya ba la sogs pa 'dod chags kyi chos ni 'dod chags

  201. 101a

    kyi chos te de'i chos nyid do/ /gang gis 'dod chags rnam par dag par gyur pa'o/ /'di ni nye bar mtshon pa ste/ zhe sdang la sogs pa'i rnam par dag pa yang shes par bya'o/ /de rab tu ston pa ni sbas pa'i don gcig pa'o/ /de yis rdo rje bzlas pa'i rim pa bshad do/ /bzlas pa'i gnas skabs su ni 'dod chags la sogs pa'i bzlas pas rnal 'byor pas dag par byed do/ /kun rdzob bden pa rtogs pa dang/ zhes pa ni myur ba'i ting nge 'dzin nam snang ba thob pa la sogs pa'i rnal 'byor gyis skyed pa'i lha'i sku sgyu ma la sogs pa'i dpe bcu gnyis kyi sgo nas mthong ba zhes bya ba 'dis bdag la byin gyis rlob pa'i rim pa sbas pa'i don gnyis pa'o/ /ye shes gsum po rnam dpyad pa'i/ zhes pa ni 'dis sems rnam par dag pa'i rim pa bstan to/ /de ltar rdo rje bzlas pa dang sems rnam par dag par dang byin gyis brlab pa ste rim pa gsum ni sbas pa'o/ /sbas pa ni sbas pa'i mtshan nyid can rim pa gsum po gang la yod pa de ni sbas pa'o/ /rim pa tha ma gnyis po so sor ston par byed pa na mthar thug pa bstan par bya ba'i phyir/ 'od gsal ba la rab 'jug dang/ zhes smos te/ phyag rgya dang ting nge 'dzin gyi rim pa ngag gis yang dag par thob par bya ba'i de kho na nyid bzhi pa mngon du byed pa'o// de ni mngon par byang chub pa'i rim pa bstan to/ /de bzhin du zung du 'jug pa rtogs pa ste/ zhes bya ba 'dis zung du 'jug pa'i rim pa bstan to/ /mdza' ni mur thug pa'i tshig ces pa ni de las gzhan pa'i rim pa med pa'i phyir ro/ /de ltar bshad pa rnam pa bzhis rim pa gnyis po yongs su rdzogs par bstan to/ /de ltar yi ge'i don ni sgra'i rgyan no/ /spyi'i don dang sbas pa dang mthar thug pa'i don ni don gyi rgyan no/ /de rnams kyis rim pa gnyis po brgyan par byed ces pa'i tha tshig go/

  202. 101b

    gal te bshad pa rnam pa bzhi pos rim pa gnyis po bstan pa yin na/ de'i tshe sgra dang don gyi dbye bas ci zhig bya zhe na smras pa/ nges pa med pa'i phyir mdza' drug tu gsungs te/ bshad pa rnam pa bzhi po bzhin du mdza' drug gis nges par rim pa gnyis po bshad pa ma yin/ drang ba'i don gyis rdzogs pa'i rim pa bkag nas bskyed pa'i rim pa'i yan lag tsam ston par byed de/ de bas na spyi'i don las khyad par yod pa'o/ /nges pa'i don ni rdzogs pa'i rim pa ston par byed pa yang rdo rje bzlas pa la sogs pa'i rim pa ston pa la nges pa med de/ stong pa nyid tsam mam gzhan gang ci yang rung ba ngas ston par byed pa'i phyir ro/ /res 'ga' zhig bstan pas kyang de'i tha snyad mi rigs so/ /dgongs pa bshad pas kyang de kho na nyid kyi don so sor ston par byed pa snga ma bzhin no/ /khyad par ni 'gal ba'i sgra rab tu sbyor bas so/ /dgongs pa ma yin pa ni de bzhin yin no/ /sgra ji bzhin pas ni phyi'i spros la tsam ston par byed pa'i nus pa yod kyi gzhan ni ma yin no/ /shin tu spros pa med pa'i spyod pa ni rdzogs pa'i rim pa'i yan lag yin yang sgra ji bzhin pas de bsgrub par bya ba ma yin gyi 'on kyang de'i mtshan nyid tsam rjod par byed pas skyon med do/ /sgra ji bzhin ma yin pa ni 'jig rten dang bstan bcos las phyir gyur pas bskyed pa'i rim pa tsam la yang ston par byed pa'i nus pa med na yang/ yan lag lnga dang ldan pa'i rdzogs pa'i rim pa lag las 'gyur te/ brda tsam ston par byed pa yin pa'i phyir ro/ /de'i phyir na mdza' drug las bshad pa rnam pa bzhi po tha dad pa kho na'o/ /'chad pas zhes bya ba la sogs pa 'dis 'chad pa po'i rgyun bshad pa yin te/ gal te 'chad pa pos bshad bya ma shes nas slob ma rnams kyi bsam pa ma longs shing bshad par byed na/ de'i tshe thams cad dkrugs par 'gyur

  203. 102a

    ro/ slob ma'i dbye ba yongs su shes pas bshad pa sna tshogs pa byed pa la brtson pa'i 'chad pa po yod na/ thams cad mdzes par byed pas 'chad pa po'i rgyan yin no/ /'dod pa ni smon pa ste srid pa'i don du lung sbyar ro// gal te 'chad pa pos bshad par 'dod na/ /de'i tshe dbye ba gnyis kyis nyan du gzhugs pa'i phyir bshad par bya'o/ /de la dbye ba gnyis ni tshogs pa la bshad pa dang/ slob ma la bshad par bstan pa'o/ /de la tshogs kyi nang du gsang ba'i don grub par byas la bshad pa gang yin pa de ni tshogs la bshad pa'o/ /dbang po rno ba'i gang zag rnams la shin tu gsal ba'i de kho na nyid rab tu bstan pa ni slob ma la bshad pa'o/ /de la dang po rnam pa lnga ste/ ji bzhin sgra ni sgra'i rgyan no/ /dgongs min ni don gyi rgyan no/ /drang pa'i don ni don gyi rgyan no/ /yi ge'i don ni sgra'i rgyan no/ /spyi'i don ni don gyi rgyan no/ /de ltar yi ge'i don dang sgra ji bzhin pa sgra'i rgyan dag dang/ drang ba'i don dang dgongs pa ma yin pa dang/ spyi'i don dang rnams ni don gyi rgyan te tshogs pa la bshad pa yin te bskyed pa'i rim pa tsam ston par byed pa'i phyir ro/ /gal te dbang po dman pas rtogs par byed pa'i de kho na nyid gsal bar bshad pa dgongs pa ma yin pa yin na/ ji ltar tshogs pa la bshad par 'gyur/ smras pa/ rnam par dag pa tsam ston par byed pas sam/ rigs brgya'i dbye bas lus rnam par dben pa ston pas skyon med do// /gal te res 'ga' zhig dgongs pa ma yin pas rim pa lnga'i nang nas gang yang rung bston par byed na de'i tshe tshogs pa la bshad pa nyid du 'gyur ro/ /gang gi tshe bya mjug ring 'phur bas sbrul du mi 'gyur ro/ /ji bzhin min sgra ni sgra'i rgyan no/ /nges don

  204. 102b

    ni don gyi rgyan no/ /dgongs te bshad pa ni sgra'i rgyan no/ /sbas pa dang mthar thug pa dag ni don gyi rgyan yin/ zhes slob ma la bshad pa dbye ba lnga ste/ rdzogs pa'i rim pa bstan par byed pa'i phyir ro/ /bshad pa'i rgyud kyi rjes 'brangs nas/ zhes pa 'dis lung gi tshad ma bstan to/ /de ltar mdor bsdus te gdul bya rnams la ni gang zag rnams la rim pa gnyis la brten te sngon du bshad pa'i dbye ba bde bar gshegs pa rnams kyis gsungs so/ /nyan pa po'i rgyan bstan par bya ba'i phyir// rnam pa kun tu zhes bya ba la sogs pa smos te/ 'jig rten na ni nges gyur pas/ shes pa la/ rigs so sor nges pa can no/ /de bas na lnga yin te/ byang chub sems dpa' i rigs can gcig pur ci'i phyir ma gsungs she na/ rnam pa kun tu nyan 'dod pa'i/ zhes pas ni thos pa la 'jug pa btang snyoms bya bar mi rigs pa'i phyir ro/ /blo'i rnam pa dpag med phyir/ zhes pa ni rigs so sor nges pa'i rgyu yin pas so/ /u ta pa la dang zhes bya ba la sogs pas mdor bstan pa'o/ /rang bzhin tha dad ming can de/ zhes pa ni don dang ldan pa'i ming 'dzin pa'o/ /thams cad mkhyen pas gsungs pa yin/ zhes pa 'dis rang bzo bkag pa'o/ /de ni ma lus don thos nas/ zhes pa ni rgyas par bstan pa'o/ /don ma lus pa ni gzhal bar bya ba'i dngos po slob dpon gyi zhal nas thos te/ 'dzin pa la ni rnam par mkhas/ zhes pa ni phyin ci ma log par 'dzin par byed do/ /skad cig gis ni brjed par gyur pa zhes pa ni de nas langs te cang mi dran pa'o/ /de bas na utpa la ltar utpa la te/ gang gi phyir mtshon gnas pa'i utpa la'i dri de'ang kha dog yod de/ de nas bcad ma thag tu dri med pa dang mdog yal lo/ /gzung bya lhag par mang thos kyang/ zhes bya ba la sogs pa 'dis pad+ma dkar po bstan te/ /gzung bya ni chos kyi don no/ /lhag pa ni chos

  205. 103a

    grogs po las khyad par du gyur pa'o/ /de nyid mang du thos nas 'dzin cing dran pas kyang byed do/ /ston pa yis ni nus med pa/ zhes pa ni thos nas kyang bshad pa'i dus su phyogs dang gtan tshigs dang dpe dang bshad pa'i rgyud dang yan lag/ gi rgyud kyi rim pas so sor ston par mi nus pa ste/ skye bas thob pa'i shes rab med pa'i phyir dang/ chos la dmigs pa las 'byung ba'i shes rab dman pa'i phyir/ zhes dgongs so/ /bum pa'i ras bal zhes bya ba'i dpe yin te/ des na bum pa na gnas pa'i ras bal gyi sa bon las/ myu gu la sogs pa mi 'byung ngo/ /zhes tha tshig go /'dra ba ni pad+ma dkar po'i gang zag kyang de dang 'dra ba yin te pad+ma dkar po'i dri rang gi lte bar 'khor zhing phyir spro ba med do/ /pad+ma bstan par bya ba'i phyir/ dad dang ldan zhing snying rje shes/ zhes pa ni yon tan thams cad kyi gzhir gyur pa ni dad pa'o/ /des ni dge ba can ma bzhin du rnal 'byor pa la srung bar byed pa ste/ bden pa dang dkon mchog gsum la sogs pa rnams la mngon par dag pa'o/ /shes pa ni yang dag par rtogs pa'o/ /snying rje ni thos pa la sogs pa'i 'bras bu de dang ldan pa'o/ /thos pa blo la rgyas par gyur pa zhes pa ni slob dpon gyi zhal nas gang thos pa de nyid sems kyi rgyud du rigs pa rnam pa bzhis 'bel bar gyur pa'i ngang tshul can no/ /de bzhin du 'chad pa'i dus su tshigs med 'od ma bzhin du dzag ces pa ni chos thams cad gtong par byed pa'o/ /de ni pad+mar bshad pa yin te/ pad+mar lte bar yod pa'i zil pa rnams nyi mas kha phye ma thag tu thor bar byed do/ /tsan dan bstan par bya ba'i phyir/ thos pa nyung zhing zhes smos te/ slob dpon gyi zhal las thos pa mang du ma thos pa'o/ /gal te mkhas pa gzhan gang zhig gis bskul bar byed na kyi gdod bzang 'bad par gyis shig /ji srid 'dod par

  206. 103b

    bdag gis khyod la thams cad bshad par bya zhes thos nas smra na bdag gis thams cad shes pas chos gzhan thos pas bdag la dgos pa med do zhes khros nas langs ste 'gro ba ni nga rgyal ldan pa'o/ /ji skad du thos pa'i rjes su 'brang ba gang zhig blo ldan nyid/ /thos nas thos pa nyid la btang snyoms gang byed pa/ /thos pa sna tshogs rnam pa dpag med lus pa na/ /rmongs pa de ni nges pa skye bar ga la 'gyur/ zhes 'byung ngo/ /gal te nga rgyal ldan pa yin na de skyon med du chug na gal te bshad pa'i dus su mang du smra ste skyo ba skyed par byed do/ /gal te rigs pa smra na de'i tshe skyon med do/ /'on kyang rtsa ba med par ni mdo las 'das shing bstan pa gzhan dang bsres te rang gi grub pa'i mdza' dang bral bar smra zhes bya ba'i tha tshig go /skyon de bsal bar bya ba'i phyir thos pa'i snod du rung bar gal te byas na de yang mi nus te/ nga rgyal dang ldan pa'i phyir ro/ /ji skad du/ mi shes pa ni bde bar mgu bya ste/ khyad par shes pa shin tu mgu bar bla/ /du ma cig shes pa khengs pa gang yin pa/ sangs rgyas kyis kyang mgu bar byed mi nus/ zhes 'byung ngo/ /de ni tsan dan zhes bya ba ste tsan dan ni rang bzhin gyis 'bras bu med pa dang mche ba'i dug can gyi sbrul rnams kyis bskor ba'i phyir de'i gan du gang gis kyang mi nye bas rjes su gzung bar mi nus so/ /de ltar bsod nams dang ye shes kyi tshogs dang bral ba'i phyir bdag gis don dang gzhan gyi don sgrub par byed pa ma yin no/ /rin po che bstan par bya ba'i phyir/ tshul khrims zhes bya ba la sogs pa smos te/ rgyu dang mi rgyu rnams kyi rten sa gzhi bzhin du yon tan thams cad kyi gzhi ni tshul khrims de dang ldan pa'o/ /dag pa ni g.yo rgyu med pa'o/ /mkha' la sprin zhes bya ba ni dge ba'i las rnams la brtson zhing yongs su shes pa'o/ /shes rab ldan zhing zhes pa ni lhan cig skyes pa'i shes rab yod pa'o/ /rgyud gcig pa

  207. 104a

    ni lan cig gzhan gyis brjod pa'i gzhal bya thos nas ji srid 'tsho ba'i bar du 'dzin cing dran pa'o/ /thos nas legs par ston pa ni zhes pa la/ ji ltar slob dpon gyi zhal nas thos pa de bzhin du/ bshad pa'i rgyud la sogs pa dang bcas pa ma nor bar ston pa de ni rin po che lta bu'i gang zag ste re ba thams cad rdzogs par byed pa dang rin thang med pa'i phyir ro/ /yang sngon du bshad pa'i yon tan gyi tshogs rin po che'o/ /de dang ldan pa'i phyir rin po che'o/ /gang zag de rnams rnam pa gnyis su bstan pa'i phyir utpa la zhes bya ba la sogs pa smos so/ /gang zag bzhi po 'di dag ni/ zhes bya ba la sogs pa smos te/ bskyed pa'i rim pa gtsor gyur pa'i tshogs kyi bshad pa'i snod du rung ba yin gyis gzhan gyi ni ma yin zhes tshig gi lhag ma'o/ de lta na tsan dan zhes bya ba bems po'i rigs can de ci'i phyir bshad pa'i snod du rung bar 'gyur zhe na/ smras pa/ rnam pa kun tu nyan 'dod pa zhes sngon du bshad de nyan pa la 'jug pa ni btang snyoms kyi gnas ma yin pa dang/ rjes su gzung bar bya ba yin pas so/ /gang gi phyir gsang ba 'dus pa 'di la ni/ rigs ngan dang/ smyag ma mkhan la sogs pa yang snod du rung bar 'gyur na/ chos thos pa la sogs pa'i rim gyis 'jug pa ni lta smos kyang ci dgos/ de'i lta ba log pa tsam rim gyi de gsal bar nus kyi de nyid kyi phyir rdzogs pa'i rim pa'i snod ma yin no/ /gang gi tshe skas kyi rim pa'i rigs pas bskyed pa'i rim pa mthar phyir na de'i tshe tsan dan lta bu yang rdzogs pa'i snod du 'gyur ro/ /des na rnam pa thams cad du de la btang snyoms bya ba ma yin no/ /rdzogs pa'i rim pa'i zhes bya ba la sogs pa ni 'di slob ma la bshad pa'i snod du rung ba gcig pu kho na zhes dam bca' ba'o/ /rtag tu spyod pas rnam brgyan pa ni tshul khrims la sogs pa'i yon tan rnams

  208. 104b

    kyis brgyan pa zhes khyad par gyi sgo nas btan tshigs so/ /da ni slob ma brtags pas bshad pa'i dbye ba bstan par bya ba'i phyir/ gang zag ces bya ba la sogs pa smos te/ gang zag gang yin pa dang ji lta bu'i shes pa dang ldan pa ces yongs su brtags te snod dang snod min zhes pa las yon tan can dang yon tan can ma yin pa shes nas/ rdo rje slob dpon mkhas pa ni zhes pa la/ de rnams kyi bsam pa dang bag chags la sogs pa'i dbye ba shes pas so/ /bshad pa rnam pa gnyis bya'o zhes ba na sngar bshad pa'i bshad pa bya ba yin te/ gzhan du na thams cad dkrugs par 'gyur ro/ /bstan bcos thams cad khyad par byed pa bsdu ba'i rgyan bstan par bya ba'i phyir/ rgyan ni drug po zhes bya ba la sogs pa smos te/ gleng gzhi la sogs pa drug gis rgyud kyi lus nges par byas pas so/ /bden gnyis rnam par nges byas pa/ zhes pa ni kun rdzob dang don dam pa dbyer med pa'i ting nge 'dzin so sor bstan pa'o/ /de ni rgyan 'gyur bdun pa ste/ zhes pa la/ de las gzhan pa'i rgyan mi dgongs te bslab par bya ba med pas so/ /rdzogs pa'i rim pa sgrub pa'o/ zhes pa ni rdo rje'i sku rnam grangs can chos kyi dbyings dang shes rab kyi pha rol tu phyin pa dang/ ji ltar gyur pa'i tshul zhes bya ba la sogs pa'i sgras brjod pa ste 'bras bur gyur pa'i phyir ro// de lta na zung du 'jug pa rab tu bstan pa ni mthar thug pa'i rnam pa gnyis pa 'di yin na/ de ci'i phyir rdzogs pa'i rim pa sgrub par byed pa'i rgyan bshad ce na/ de ni bden gyi rgyas par bshad pa dang mngon du byed pa dag gis bye brag yod do/ /dgongs pa ni mthar thug pas ni zung du 'jug pa'i rgyas par bshad pa dang mtshan nyid ston to/ /de bas na zung du 'jug pa la rtogs pa zhes bshad kyi thob pa ni ma yin no/ /'dir ni bstan bcos kyi don ma lus pa yongs su brtags pas gnyis su med pa'i ting nge 'dzin mngon

  209. 105a

    du gyur te/ thos pa dang bsam pa'i shes rab dag las bsgom pa'i rang bzhin khyad par du 'phags pa yin pas mngon du byed pa'i dbang gis rgyan 'di tha dad pa kho na'o/ /da ni gzhung gi tshad ma nyid bstan par bya ba'i phyir bshad pa'i rgyud kyi rjes 'brang nas/ zhes smos te/ rdo rje phreng ba la sogs pa'i rgyud kyi rjes su 'brangs pas so/ /smras bshad shin tu rnyed par dka' / /zhes pa ni smras pa/ de nyid bshad pa ni bstan bcos kyis don ma lus pa yongs su ma brtags na rnyed par dka' ba'o// des ni sgra ji bzhin pa la brten te bshad pa po gzhan rnam sun 'byin pa'o/ /de'i phyir/ rnal 'byor rgyud rnams 'di nyid kyis/ /drangs te bshad pa gzhan gyis min/ /zhes pa ni rnal 'byor gyi rgyud chen po ni bshad pa'i de nyid kyis bshad par rigs so/ / gzhan du mi ni sgra ji bzhin tsam gyis ni ma yin no/ /nye bar bsdud pa'i phyir/ de bas zhes bya ba la sogs pa smos te/ /rdo rje slob dpon ni yang dag pa'i dbang bskur ba la sogs pa yon tan gyi tshogs dang ldan pa las so/ /bshad pa'i rgyud la mkhas pa las ni rdo rje slob dpon gyi khyad par ro/ /gleng gzhi ni bskyed pa'i rim pa'o/ /rim pa ni rdzogs pa'i rim pa ste/ de dag gi sbyor ba ni bshad pa'i 'brel pa'o/ /yis ni byed pa'i gsum pa'o/ /de'i sgo nas bshad pa'i rgyud la mkhas pa'i rdo rje slob dpon gang yin pa de las so/ /'bad de ni thos pa la sogs pa'i stsol bas so/ /rnal 'byor rgyud rnams gzung/ zhes pa ni rnal 'byor chen po'i rgyud rnams mnyan par bya ba'o/ /de lta na rim pa'i sgras ni bskyed pa dang rdzogs pa gnyis ka brjod na/ /'dir rdzogs pa'i gcig pu ji ltar brjod ce na/ smras pa gleng gzhi'i sgra gang du yod pas de'i phyir gleng gzhi'i sgras ni bskyed pa'i rim pa brjod do/ zhes don gyi shugs kyi rim pa'i sgras rdzogs pa'i rim pa rjod par byed pa'i phyir ro//

  210. 105b

    gang gis phyir spyi'i sgra rnams ni rgyud rnam pa bzhis khyad par can du 'gyur te/ don rtags dang rab tu byed pa dang sgra gzhan dang 'grogs pas so/ /de la don gyis ni dper na bza' ba po 'di yin no zhes 'dis thams cad bza' ba po'i sgras don gyi shugs las khyad par ston to/ /des na mang po za zhes rtogs par bya'o/ /rab tu byed pas ni dper na sen nga ba khyer la shog pas tshang ba dan gnas pa'i mis tshwa 'ong ngo/ /g.yul dor gnas pa'i mis smras na rta 'dod pa yin no/ /rtags kyis ni g+ho zhes 'dis rtags gnyis ka can yin yang bud med kyi rtags kyi byed dang gzhi mthun pas bud med kyi don la 'jug go /dper na g+ho e yaM zhes pas mo bstan to/ /g+ho a yaM zhes pas pho bstan to/ /sgra gzhan dang 'grogs pa ni ba yang 'ongs pa dang glang rnams kyang 'ongs so zhes bya ba la sogs pa bzhin no/ /de bzhin du 'dir yang shes par bya'o/ /rgyan rnam pa bdun bshad pa'i rigs pa'o/ /zhes pa 'dis rgyan gyi bshad pa rdzogs zhes bstan pa'o// //da ni le'u bcu bdun gyi bsdus pa'i don bshad par bya zhes bya ba la/ de'i dgongs pa ni rgyud kyi don ni rnam pa gsum ste/ tshig gi don dang/ ngag gi don dang/ bsdus pa'i don no/ /de la tshig gi don ni 'di skad bdag gis thos pa zhes bya ba la sogs pa'i bshad pa'o/ /dag gi don ni le'u so so dag tu yod pa'i dag rnams kyi brjod par bya ba so sor bstan pa'o/ /bsdus pa'i don ni le'u de rnams kyis brjod par bya ba ni 'di yin te/ zhes brtag pa na bsdus te/ don so sor bstan pa'o/ /de la bsdus pa'i don nges pa las tshig gi don dang dag gi don dag ni bde bar rtogs pas dang po bsdus pa'i don smra bar bya ba'i phyir/ de la zhes bya ba la sogs pa'i smos so/ /rjod pa dang brjod par bya ba'i bdag nyid rdo rje 'chang chen po zhes pa'i don ni 'di yin te/ rjod ba ni rgyud kyi tshig rnams so/ /brjod par bya ba ni rim pa gnyis so/ /

  211. 106a

    de dag gi bdag nyid ni ngo bo gang la yod pa de rjod pa dang brjod par bya ba'i bdag nyid bcom ldan 'das rdo rje 'chang chen po ste/ dpal rdo rje sems dpa' zhes bstan to/ /gang gi phyir rgyud kyi tshig rnams dang de las nye bar dmigs pa'i don gyi khyad par bsgoms pa rnams kyis rdo rje 'chang chen po'i sku nyid thob par 'gyur ro/ /sgra dang don gyi ngo bo rdo rje sems dpa' kho na'o/ /gang gi phyir lte ba na gnas pa'i chos kyi dbyings kyi 'khor lo 'od gsal ba las/ /srog gi rlung langs te gnas brgyad dang phrad pas yi ge rnams 'byung bar 'gyur te/ /de dag gis tshig rnams so/ /de dag gis kyang ngag bskyed cing de las kyang rgyud dang rab tu byed pa la sogs pa sgra'i tshogs thams cad rgyu dang rjes su mthun pa nyid yin no/ /rgyu de yang 'od gsal ba'i bdag nyid rdo rje 'chang chen po nyid do/ /yang na brjod pa ni rgyud kyi ming ste gsang ba 'dus pa zhes bya'o/ /des ni sku gsung thugs kyi ngo bo nyid sangs rgyas thams cad 'dus pa'i bdag nyid de rdo rje sems dpa' zhes bstan par 'gyur ro/ brjod par bya ba ni rim pa gnyis te/ de las bskyed pa'i rim pa zhes bya ba dang po'i sbyor ba la sogs pa'i ting nge 'dzin gsum gyi ngo bo rdo rje 'dzin pa'o/ /rdzogs pa'i rim pa yang rdo rje bzlas pa la sogs pa'i rim pa'i mtshan nyid do/ /de la rgyu dang 'bras bu'i ngo bo zung du 'jug pa lnga pa'i ting nge 'dzin las rdo rje 'chang chen po'i go 'phang thob par 'gyur ba de yang rdo rje 'chang nyid de/ /bcom ldan 'das des le'u dang po las lha'i rnal 'byor rnam pa gnyis bstan to zhes 'brel ba'o// sprul pa'i dkyil 'khor du ni/ zhes pa reg bya rdo rje ma'i chos 'byung bar 'gyur ro/ /nyan pa'i bskal pa zhes bya ba la sogs pa ni badzra d+hik ces bya ba la sogs pa'i phyung ba'i sngags kyi dam tshig gi dkyil 'khor spros te/ de nyid la rig ma'i dbang

  212. 106b

    bskur ba byin nas/ zhes pa ni rig ma'i chos 'byung bar dbang bskur ba ni rig ma'i dbang ngo/ /byang chub kyi sems kyis zhes bya ba'i don to/ /byin nas ni byin gyis brlab par byas nas so/ /drang ba dang nges pa'i don/ zhes bya ba la sogs pa la/ de la brtags pa'i rim pa ni drang ba'i don gyis so/ /rdzogs pa'i rim pa ni nges pa'i don gyis so/ /le'u bcu drug pa las don gzhan dag rnyed pas/ zhes pa ni de la yang don de nyid bstan to/ /de lta na bcu drug pa dang le'u dang po dag gi bye brag gang yin pa zhe na/ don gzhan dag rnyed nas/ zhes smos te/ de dang 'dra ba'i don blangs pa yin gyi de nyid ni ma yin no/ zhes dgongs pa'o/ /lha'i rnal 'byor rnam pa gnyis ni bskyed pa dang rdzogs pa'i rim pa dag de nyid rtog pa dang rdzogs pa'i rim pa'i rdzogs par byed pa'i thabs so sor bstan zhing gsungs pa'o/ /de'i dgongs pa ni rgyal bu don thams cad grub pas byang chub sems dpa' gnas skabs las 'das de rdo rje 'chang ba'i sku thob nas ma 'ongs pa'i sems can gyi khams rjes su gzung ba'i phyir 'dod chen po'i tshul zhes bya ba'i ting nge 'dzin la snyoms par zhugs te/ spyan la sogs pa rigs kyi mA ma bzhi dang gzugs rdo rje la sogs pa'i yul gyi lha mo lnga spros te/ de dang lha cig tu bde ba chen po dam pa rjes su myong nas de dag kho na rang gi sku la 'jug par mdzad cing slar yang de bzhin gshegs pa lnga'i gzugs su phyir spros te/ rin po che sna bdun gyi gzhal yas khang ba'i nang du bzhugs pa de la de rnams kyi gsol ba gdab pa gsan nas bcom ldan 'das kyis gsang ba 'dus pa'i dkon pa nyid bstan par bya ba'i phyir cang mi gsung bar gyur pas slar yang zhus par gyur te/ de nas de dag nang du 'jug cing badzra d+h+rik ces bya ba la sogs pas mi bskyod pa la sogs pa reg bya rdo rje ma'i chos 'byung ba'i nang du pad+ma dang zla ba'i dkyil 'khor gyi steng du spros nas de rnams la byang chub

  213. 107a

    kyi sems kyi dbang bskur te de las kyang spyir spros te/ sems can gyi don byed du bcug nas shar la sogs pa'i phyogs su 'khor gyi rnam par dgod cing/ dbus kyi gtso bo'i bdag nyid rdo rje 'chang chen po'i gzugs su bzhugs par gyur to/ /le'u bcu drug pa la gsang ba lnga'i lha'i 'khor lo'i rim pa gnyis kyis 'chad par 'gyur ro/ /de'i phyir dag gi don ni 'di yin te/ bcom ldan 'das rdo rje 'chang chen pos dang po'i sbyor ba dang dkyil 'khor rgyal ba mchog gi ting nge 'dzin bstan nas thugs kyi rdo rje 'dzin pa'i sku la dmigs te/ dpal gsang ba 'dus pa'i rnal 'byor gyi rgyud chen po'i rim pa gnyis rjod par byed pa bstan par bya ba'i phyir dang po'i le'u gsungs te/ de la gnyis pa las ni/ zhes pa nas brtsams te dam tshig dang sdom pa rab tu bstan pa yin no/ /zhes bya ba'i par du don ni 'di yin te/ lha'i rnal 'byor gnyis kyis rgod pa skyes par gyur na de nye bar zhi bar bya ba'i phyir rdzogs pa'i rim pa 'ba' zhig gtsor gyur pa byang chub kyi sems kyi le'u gnyis pa bstan to/ /bskyed pa'i rim pa las dang po'i sbyor ba'i ting nge 'dzin gyi yan lag go/ rdzogs pa'i rim pa las sems rnam par dag pa la sogs pa'i mtshan nyid kyi yan lag go /don dam pa'i bden pa 'ba' zhig la zhugs pas gzhan gyi don mi 'grub bas de sgrub par bya ba'i phyir/ yongs su dag pa'i lha'i rnal 'byor rjod par byed pa ni le'u gsum pa bstan to/ /yongs su dag pa'i sgra ni rnam pa gnyis te/ gcig gis ni sngags kyi sku bstan pa dang/ gnyis pas ye shes kyi sku bstan to/ /'dir ni gnyis ka gzung ba yin te/ des ni sbyor ba dang po'i ting nge 'dzin gyi dbus kyi gtso bo bskyed pa ni yan lag dang po ste rnal 'byor du bshad do/ /yongs su dag pa'i sgra'i yang don gnyis pa nye bar blangs pa'i phyir phra ma'i rnal 'byor yang rnam pa gsum du

  214. 107b

    bshad do/ /de yang rdzogs pa'i rim pa las rdo rje bzlas pa las 'dus so/ /sku rdzogs pa ni de bzhin gshegs pa'i dbang bskur ba thob par bya ba'i phyir le'u bzhi pa gsungs te/ phyir mi ldog pa dang slob pa rnams la dbang bskur ba'i ched du thugs kyi dkyil 'khor so sor bstan pa'i phyir ro/ /de ni dkyil 'khor rgyal ba mchog gi ting nge 'dzin gyi yan lag go /dbang bskur ba thob pas rnal 'byor gyi spyod pa gsum gyis dngos grub thob pa yin zhes de'i phyir le'u lnga pa bstan to/ /las kyi rgyal ba mchog gi ting nge 'dzin gyis yan lag go /le'u gsum pa las bsgrubs pa lha'i rnam pa'i sku la sogs pa byin gyis rlob pa'i phyir le'u drug pa bstan to/ /dang po'i sbyor ba'i yan lag bzhi pa rnal 'byor chen po zhes bya ba yin no/ /de yang nye bar mtshon pa yin te/ de la yang phra mo'i rnal 'byor zhes bya ba rdzogs pa'i rim pa yang bshad do/ /le'u bdun pa la ni khyad par gang yang med do/ /'on kyang le'u lnga pa las bshad pa'i rnal 'byor gyi spyod pa'i spros pa nyid bstan te/ las kyi rgyal ba mchog gi ting nge 'dzin gyi yan lag go /gtsang ba'i rnam par rtog pa zlog pa med pas spyod pa 'am sngags kyi sku mi 'grub pas/ shes rab de'i phyir/ gsang ba'i dbang skur ba so sor ston par byed pa le'u brgyad pa gsungs so/ /dkyil 'khor gyi rgyal ba mchog dang las kyi rgyal ba mchog gi yan lag go /nan gyis sbyor ba'i ting nge 'dzin gyi sems can gyi don 'grub ces shin tu rmad du 'byung ba'i lung bstan rjod par byed pa le'u dgu pa bstan to/ /las kyi rgyal ba mchog gi yan lag go/ de bzhin gshegs pa'i thugs kyi snying pos bskul bar sems can gyi don dang dngos grub mngon du 'gyur bas de'i ched du bsdums dang/ sbyin pa dang/ dbyes dang/ 'chad pa zhes bya ba thabs bzhi gtsor gyur pa le'u bcu ba gsungs so/ /dang po sbyor ba'i

  215. 108a

    ting nge 'dzin gyi shin tu rnal 'byor ces bya ba yan lag gsum pa'o/ /las kyi rgyal ba mchog ces la 'dod do/ /de bzhin gshegs pa'i byin gyis rlob pa thob pas sngags kyi sku rnam pa gnyis te/ sngags dang ye shes kyi sku'o/ /de dag gi slad du le'u bcu gcig pa bstan to/ /sngags kyi sku ni dang po'i sbyor ba dang dkyil 'khor rgyal ba mchog gi ting nge 'dzin gyi yan lag go /ye shes kyi sku ni bdag la byin gyis rlob pa'i yan lag ces bya'o/ /spros pa spang bar bya pa'i phyir sku rnam pa gnyis po yang phyag rgya chen por yongs su 'gyur bar bya ba'i ched du le'u bcu gnyis pa bstan to/ /snga ma bzhin du dkyil 'khor rgyal ba mchog gam las kyi rgyal ba mchog gam bdag la byin gyis rlob pa'i rim pa'i yan lag bstan to/ /rim pa gnyis pa yongs su rdzogs pa'i rnal 'byor pas 'gro ba'i don bya ba'i phyir zhi ba la sogs pa'i las kyi rab 'byams rjod par byed pa le'u bcu gsum pa dang bcu bzhi pa dag bstan to/ /rim pa gnyis yan lag tu shes par bya'o/ /de dag thams cad nye bar mi dmigs pas sgyu ma lta bu'i ting nge 'dzin gyis 'grub par 'gyur zhes de'i slad du le'u bco lnga pa gsungs so/ /rdzogs pa'i rim pa'i nad nas bdag la byin gyis rlob pa'i rim pa'i yan lag tu shes par bya'o/ /le'u bcu drug pa ni le'u bzhi pa'i yan lag yin te/ gang gi phyir bzhi pa las thugs kyi dkyil 'khor gcig pu gsungs pas sku gsung thugs kyi dkyil 'khor gyis yongs su bkang bar bya ba'i phyir le'u bcu drug pa yin te/ yi ge gsum gyi rgyud ni sku gsung thugs kyi ngo bo yin pa'i phyir ro/ /de ltar le'u bcu drug gis bdag gi don dang gzhan gyi don phun sum tshogs par shes par bya'o/ /de yang dam tshig dang sdom pa ma gtogs par 'grub par mi 'gyur bas thabs phun sum tshogs

  216. 108b

    pa gtsor gyur pa le'u bcu bdun pa gsungs so/ /dang po'i sbyor ba'i yan lag ni rnal 'byor zhes bya ba dang po ste/ dam tshig sdom pa glangs nas rim pa gnyis sgom pa la dbang ba'i phyir ro/ /de las le'u ni gzhan med do/ /de lta na le'u bco brgyad pa yang yod pas ci'i phyir bcu bdun po bstan to/ /zhe na/ bden te 'on kyang bco brgyad pa ni le'u bcu bdun po rnams gyi bshad pa dang 'dra ba yin pas de'i bsdus pa'i don tha dad par ma bstan te/ rgyud phyi ma yin pa'i phyir ro/ /de bas na de'i 'dus pa'i phyi ma zhes grags pas 'gal ba med do// //da ni zhes bya ba la sogs pas rgyud ma lus pa'i sgra dang don gyi rgyan gyi dbye bas gang don rnam pa bcu bshad pa de rnams tshig re re la ji ltar gnas zhe so sor bstan par bya ba'i phyir/ da ni zhes bya ba la sogs pa bstan to/ /'di skad bdag gis zhes bya ba nas bzhugs so zhes bya ba'i bar du ni bshad pa'i tshul rnam pa bzhi zhes bya ba la yi ge'i don la sogs pa ste/ rim pa gnyis bstan par bya ba'i phyir 'dod pas so/ /brjod kyis mi lang ba'i zhes bya ba nas brtsams te drang ba dang nges pa'i don zhes bya ba'i bar du ni snga ma bzhin du kun rdzob dang don dam pa'i mtshan nyid can gyi don yod pa'i phyir ro/ /de bzhin gshegs pa thams cad ces pa nas/ rnam pa bzhir bshad ces bya ba'i bar du ni dpal gsang ba 'dus pa'i rgyud rim pa gnyis kyi gtso bo yin pa'i phyir ro/ /'dod chags chen po zhes bya ba nas/ drang ba dang nges pa zhes pa'i don zhes bya ba'i bar du ni snga ma bzhin du kun rdzob dang don dam pa yod pa'i phyir ro/ /sku gsung thugs zhes bya ba nas/ rnam pa bzhir bshad/ ces bya ba'i bar du rim pa gnyis bshad par 'dod pa'i phyir ro/ /rim pa chen po'i skyes bu zhes pa nas/ drang ba dang nges pa'i don zhes bya ba'i bar du ni phyi dang nang gi mchod pa gnyis 'thad pa'i phyir ro//

  217. 109a

    phyi'i ni mchod pa rnam pa lnga'i mtshan nyid do/ /nang gi ni gzugs rdo rje ma la sogs pa'i yan lag mchog gi mchod pa'o/ /e ma'o zhes bya ba nas gnas med pa zhes bya ba'i bar du ni dgongs pa ma yin zhes bya ba ni de kho na nyid gsal bar gsung ba'i phyir ro/ /bcom ldan 'das zhes bya ba nas dgongs pa'i bshad pa zhes bya ba'i bar du ni 'gal ba'i sgra'i sgo nas de kho na nyid gsungs pa'i phyir ro/ /'gal ba la gnyis te/ 'jig rten pa dang 'gal ba dang/ sgra dang 'gal pa'o/ /'jig rten dang 'gal ba ni dper na pha dang ma ni bsang bya zhing/ /rgyal po gtsang ma gnyis dang ni/ /yul 'khor 'khor bcas bsang byas nas/ /mi de dag par 'gyur zhes bshad ce'o/ /sgra dang 'gal ba ni dper na bum pa'i sgra smra ba na snam bu'i sgra bzhin no/ /'dir ni sgra dang 'gal ba yin te/ de bzhin gshegs pa thams cad kyi sgras rnam par snang mdzad la sogs pa rjod par mi rigs te/ 'on kyang rin po che lta bu'i gang zag rnams brjod do/ /zhe sdang gi rigs zhes bya ba nas/ sgra ji bzhin pa zhes bya ba'i bar du ni dkyil 'khor gyi rgyal ba mchog gi bshad par 'os pa'i phyir ro/ /badzra d+h+rika ces bya ba nas/ drang ba dang nges pa'i don gyi bar ni rtog pa'i rnal 'byor dang yongs su dag pa'i rnal 'byor gyi mtshan nyid dkyil 'khor gyis 'khor lo spros pa'i phyir ro/ /de bas na bskyed pa'i rim pa'i phyogs su dkyil 'khor rgyal ba mchog gi ting nge 'dzin to/ /rdzogs pa'i rim pa'i phyogs su bdag la byin gyis rlob pa'i rim pa bstan to/ /le'u dang po zhes bya ba la sogs pas dang po'i le'u'i bshad pa'i dbye ba nye bar bsdus pa bstan to// //de nas zhes bya ba nas/ sgra ji bzhin pa'i bar du ni bde bar gshegs pa'i gsung tsam bstan pa'i phyir ro/ /khyed kyi sems zhes bya ba nas drang ba dang nges pa'i don zhes bya ba'i bar du ni

  218. 109b

    rim pa gnyis bshad par 'os pa'i phyir ro/ /e ma'o zhes bya ba nas dgongs pa ma yin pa zhes bya ba'i bar du de kho na nyid shin tu gsal bar bstan pa'i phyir ro/ /de yang myur ba'i ting nge 'dzin gyis rdzogs pa'i ye shes kyi sku 'chad par 'dod pa'i phyir ro/ /dngos po med pa zhes pa nas rnam pa bzhi yis bshad ces bya ba'i bar du ni yi ge'i don gyis stong pa nyid tsam bstan te/ rnam par thar pa bzhi so sor bstan pa'i sgo nas stong pa nyid kyi de kho na nyid rtogs par bya bas so/ /spyi'i don gyis ni mdo sde la sogs pa rnams kyi 'gyod pa bzlog par bstan to/ /sbas pa'i phyogs su bdag byin gyis rlob pa'i rim pa bstan pas so/ /mthar thug pa'i phyogs su ni zung du 'jug pa'i rim pa bstan zhes pa'i tha tshig go /dngos po thams cad zhes? bya ba nas dgongs pa ma yin pa zhes bya ba'i bar du ni de kho na nyid gsal bar bshad pa'i phyir ro/ /de kho na nyid ni rdzogs pa'i rim pa'o/ /byang chub kyi sems kyi tshigs su bcad pa lnga pos rdo rje bzlas pa la sogs pa'i rim pa lnga po ma nges par bstan pa'i phyir ro/ /de nas zhes bya ba nas sgra ji bzhin zhes pa'i bar du ni phyag 'tshal ba tsam bshad pa'i phyir ro/ /le'u gnyis pa'o zhes pas nye bar bsdud pa bstan to/ /de nas bcom ldan 'das zhes bya ba nas drang ba'i don dang zhes bya ba'i bar du ni sku rdo rje la sogs pa'i ngo bo dang de rnams kyi de kho na nyid bstan pa'i phyir ro/ /rin chen zhes bstan pa nas rnam pa bzhi yis bshad/ ces pa'i bar du ni de la spyi'i don gyi phyogs su gdong gi sna la thig le bsgom pa'o/ /sbas pa'i phyogs su gsang ba'i chu skyes dang rdo rje'i rtse mor bsgom pa'o/ /mthar thug pa'i phyogs su snying gi pad+ma'i sna la sgom pa ste/ gti mug dang 'dod chags dang zhe sdang gi rigs can rnal 'byor pa'i dbye bas so/ /tshig re re'i bsdu ba dang chos mthun pa bshad pa ni yi ge'i don te thams cad du sbyor ro/

  219. 110a

    nam mkha' zhes pa drang ba dang nges pa'i don zhes pa'i bar du ni rim pa gnyis 'chad par 'dod pa'i phyir ro/ /de la bskyed pa'i rim pa ni rnam par snang mdzad la sogs pa lha'i tshogs sgom pa'i gtsor gyur pa'o/ /rdzogs pa'i rim pa ni dkyil 'khor bzhi 'char ba na rdo rje bzlas pa 'char par 'dod pa'i phyir ro/ /le'u gsum pa'i zhes pa 'dis nye bar sdud pa bstan to// //de nas zhes pa nas sgra ji bzhin pa zhes pa'i bar du ni bstod pa tsam gtso bo yin pa'i phyir ro// dkyil 'khor la sogs pa zhes pa'i sgras shes par bya'o/ /zhes dgongs so/ /de bzhin zhes pa nas dgongs pa ma yin zhes pa'i ba du ni dkyil 'khor gyi de kho na nyid bstan pas so/ /de lta na dkyil 'khor la sogs zhes bya ba 'dis sgra ji bzhin par ji ltar mi 'gyur zhe na/ smras pa/ dkyil 'khor gyi tshad tsam dang dgod pa dag tu sgra ji bzhin pa'o/ /'dir ni dkyil 'khor gyi de kho na nyid kyi skabs yin pas dgongs pa ma yin pa'o/ /de nas ston pa zhes pa nas/ sgra ji bzhin pa zhes bya ba'i bar du ni thugs kyi dkyil 'khor tsam brjod bya yin pas so/ /de nas thugs zhes pa nas/ drang ba dang nges pa'i don zhes bya ba'i bar du ni mtshan ma'i phyag rgya dang bcas pa'i dkyil 'khor dang de'i de kho na nyid kyang bstan pa'i phyir ro/ /le'u bzhi pa'i zhes pa 'dis nye bar bsdud pa'o/ /de nas zhes bya ba nas sgra ji bzhin zhes bya ba'i par du ni spyod pa'i mtshan nyid bstan te/ spyod pa ji lta ji ltar gsungs zhes bshad pa'i phyir ro/ /rnam pa mi rtog pa zhes bya ba nas dgongs pa ma yin pa zhes bya ba'i bar du de kho na nyid gsal bar bstan pa'i phyir ro/ /rigs ngan zhes pa nas sgra ji bzhin pa'i bar du ni dngos grub kyi cho ga dgag pa sgra ji bzhin pa nyid de/ sogs pa'i sgra sbyor bas so/ /srog gcod ces pa nas/ dgongs pas bshad ces bya ba'i bar

  220. 110b

    du ni 'jig rten dang 'gal ba'i sgra'i sgo nas de kho na nyid bstan pa'i phyir ro/ /ma dang zhes pa nas drang ba'i don dang nges pa'i don gyi zhes bya ba'i bar du ni legs par bslab pa'i dam tshig gi phyag rgya dang chos dang longs spyod dang sprul pa'i sku brjod bya yin pa'i phyir ro/ /de nas zhes pa nas sgra bzhin zhes bya ba'i bar du ni spyod pa ji lta ji ltar gsungs zhes bya bas de mtshon pa'i phyir ro/ /de nas zhes pa nas drang dang nges pa'i don zhes bya ba'i bar du ni rgyal ba dang 'od gsal ba la 'jug pas bstan pa'i phyir ro/ /de nas zhes pa nas sgra ji bzhin pa zhes bya ba'i bar du ni lan btab pa dang 'od zer spro ba bstan pa'i phyir ro/ /de yang sogs pa'i sgras shes par bya'o/ /de nas zhes pa nas drang ba dang nges pa'i don gyi bar du ni rang gi gdan la gnas pa dang 'od gsal ba dang bdag la byin gyis rlob pa bstan pa'i phyir ro/ /de nas zhes pa nas dgongs pa ma yin pa'i zhes bya ba'i bar du ni spyod pa'i de kho na nyid bstan pa'i phyir ro/ /le'u lnga pa zhes bya ba 'dis nye bar sdud pa bstan to// //de nas zhes pa nas/ drang ba'i don bas pa'i don zhes bya ba'i bar du ni bskyed pa'i rim pa'i phyogs su spyi bo la sogs par yi ge gsum bkod pa la/ rnam par snang mdzad la sogs 'jug pa sku rdo rje la sogs pa'i byin gyis brlab pa bstan pa'i phyir ro/ /rdzogs pa'i rim pa la de bzhin gshegs pa lnga'i bdag nyid sku la sogs pa'i ngo bo nyid kyis sgyu ma'i lus so sor bstan pa'i phyir ro/ /de nas bcom ldan 'das zhes pa nas/ dgongs pa bshad pa/ zhes bya ba'i bar du ni 'gal ba'i sgra brjod pa'i sgo nas rim pa lnga po bstan pa'i phyir ro/ /de nas dpal zhes bya ba nas nges pa'i don dang drang ba'i don zhes bya ba'i bar du ni lo bcu drug pa'i rol byed ma dang/ snyoms par zhugs pa dang phyi dang nang gi mchod pa dang chos kyi dbyings kyi ngo bo nyid shes rab dang rjes su mthun pa'i mchod pa bstan pa'i

  221. 111a

    phyir ro/ /le'u drug pa zhes bya ba 'dis nye bar bsdus pa bstan to// //de nas zhes pa nas/ sgra ji bzhin pa zhes bya ba'i bar du ni spyod pa'i gnas skabs yin pa'i phyir ro/ /slong mo za zhes pa nas/ drang ba dang nges pa'i don zhes bya ba'i bar du ni dman pa nyid yongs dgag pa dang rdo rje bzlas pa'i rim pa bstan pa'i phyir ro// sangs rgyas zhes bya ba nas/ rnam pa bzhi'i tshul bshad ces bya ba'i bar du ni de la spyi'i don gyi phyogs su gzugs la sogs pa'i ngo bo yongs su shes pa la longs spyod pa ste/ de rnams de'i ngo bo yin pa'i phyir ro/ /sbas pa'i phyogs su ni ye shes gsum gyi rang bzhin gyi gzugs la sogs pa rnams la longs spyod pa'o/ /mthar thug pa la yang 'od gsal ba'i ngo bo nyid gzugs la sogs pa spyod pa'o/ /sangs rgyas rjes dran zhes bya ba nas dgongs pa bshad pa zhes bya ba'i bar du ni 'gal ba'i brjod pa'i sgo nas rdzogs pa'i rim pa'i rnam grangs can rim pa lnga po bstan pa'i phyir ro/ /bud med ces bya ba nas dgongs pa ma yin pas bshad pa zhes bya ba'i bar du ni rdo rje 'chang chen po la sogs pa'i rnal 'byor pa rnams kyis phyag rgya'i 'brel pa de kho na nyid nye bar mtshon pa bstan pa'i phyir ro/ /sangs rgyas zhes pa nas dgongs pas bshad pa zhes bya ba'i bar du 'gal ba'i sgra'i sgo nas bdag byin gyis rlob pa'i rim pas de bzhin gshegs pa lnga'i sku sgom dang/ tshim par byed pa'i cho ga dang dam tshig dang ye shes kyi phyag rgya dang? las gang yang rung ba dang snyoms par zhugs pa'i don rab tu bstan par bya ba'i phyir ro/ /nga la sku zhes pa nas sgra ji bzhin par bshad pa zhes bya ba'i bar du ni sku la sogs par byin gyis rlob par bya nas de'i nga rgyal tsam de'i brjod par bya ba yin pas so/ /de yang sogs pa'i sgras snga ma bzhin du shes par bya'o/ /de la zhes

  222. 111b

    bya ba nas dgongs pas zhes bya ba'i bar du ni 'gal ba'i sgra'i sbyor bas sgo nga la skyes pa la sogs pa'i sems can gyi khams rnam pa bzhi'i ngo bo yongs su shes pa dang/ dam tshig gi dkyil 'khor byung ba rdo rje phreng ba las gsungs pa'i don dam pa'i dkyil 'khor bstan pa'i phyir ro/ /de la shes rab ces pa nas dgongs pa ma yin pas bshad pa zhes bya ba'i bar du ni shes rab kyi pha rol tu phyin pa'i ngo bo nyid kyi 'od gsal ba bstan pa'i phyir ro/ /de la ma skyes pa zhes pa na sgra ji bzhin par bshad pa zhes bya ba'i bar du ni spyod pa nyid kyi phan yon tsam rab tu bstan pa'i phyir ro/ /le'u bdun pa'i zhes pa ni nye bar bsdu ba'o// //de nas zhes pa nas sgra ji bzhin pa bshad pa zhes bya ba'i bar du ni sogs pa'i sgras gsol ba gdab pa tsam bshad pas so/ /'dod chags ces pa nas drang ba dang nges pa'i don gyi bshad pa zhe bya ba'i bar du ni drang ba'i don gyi phyogs su de bzhin gshegs pa lnga'i ngo bo rdo rje 'chang chen po la bstod pas so/ /nges pa'i don gyi phyogs su ye shes gsum gyi ngo bor gyur pa rang bzhin gyis 'od gsal ba'i rnam pa la bstod pa'i phyir ro/ /de nas zhes pa nas dgongs pa ma yin pas bshad pa/ zhes bya ba'i bar du ni kun rdzob kyi bden pa rnam par dag pa'i ngo bo nyid de kho na nyid bstan pas so/ /de bzhin zhes pa nas dgongs pas bshad pa zhes bya ba'i bar du ni 'gal ba'i sgras myur ba'i ting nge 'dzin gyis grub pa'i rdo rje 'chang chen po'i gzugs brnyan bstan pa dang/ bdag la byin gyis rlob pa'i rim pas de kho na nyid bstan pa'i phyir ro/ /sa phyogs zhes pa nas sgra ji bzhin bshad pa/ zhes bya ba'i bar du ni gnas kyi dbye ba dang de legs par sbyangs pa dang/ lha'i sku bsgom pas sngon du 'gro bas mchod pa'i sprin spro bar bstan pa'i phyir ro/ /mkhas pa zhes pa nas drang ba dang nges pa'i don

  223. 112a

    du bshad pa zhes bya ba'i bar du ni phyi'i me tog dang/ srog la sogs pa'i klu rnams bstan pas so/ /dpag tshad ces pa nas sgra ji bzhin par bshad pa zhes pa'i bar du ni dbang bskur ba'i dkyil 'khor dang de'i tshad dang de nyid du slob ma 'jug pa dang/ de'i phan yon gsungs pas so/ /le'u brgyad pa'i zhes pa 'dis nye bar sdud pa'o/ /de nas rgyal po zhes pa nas sgra ji bzhin par bshad pa zhes pa'i bar du dam tshig lnga tsam bstan pas so/ /de yang sogs pa'i sgras shes par bya'o/ nam mkha' zhes pa nas drang ba dang nges pa'i don du bshad pa zhes pa'i bar du ni de la drang ba'i don gyi phyogs su rnam par snang mdzad la sogs pa de bzhin gshegs pa lnga'i sku la dmigs te ser sna dang 'dod chags dang dkon mchog gsum la gnod pa dang nga rgyal dang phrag dog can rnams kyi rdzas 'phrog pa la sogs pa mi dge ba'i las kyi lam lnga spyod pas bsod nams chen po thob par 'gyur zhes rab tu bstan pas so/ /nges pa'i don gyi phyogs su phung po la sogs pa rnam par rtog pa rnams chos kyi dbyings kyi ye shes kyis ro gcig pa nyid du bstan pa'i phyir ro/ /de nas zhes pa nas/ dgongs pa bshad pa zhes bya ba'i bar du ni lag na rdo rje la sogs pa byang chub sems dpa' rnams kyi smod pa'i sems bzlog par bya ba'i phyir de bzhin gshegs pa rnams kyis 'gal ba'i sgra'i sgo nas srub shing srub gtan la sogs pa'i rang bzhin med pa'i dpes 'od gsal ba'i de kho na nyid rab tu bstan pa'i phyir ro/ /le'u dgu pa'i zhes pa 'dis nye bar sdud pa bstan to// //de nas zhes pa nas dgongs pa ma ma yin pas bshad pa'i zhes bya ba'i bar du ni lus la sogs pa rnams mnyam pa nyid kyi ngo bo yin pas stong pa nyid yin par rab tu bstan pas so/ /de nas bcom ldan 'das zhes pa nas sgra ji bzhin par bshad ces bya ba'i bar du ni

  224. 112b

    rim pa spong ba dang de bzhin gshegs pa'i thugs bskul ba med pas dngos grub med ces dngos grub yongs su bkag pa tsam pa rab tu bstan pas so/ /de yang sogs pa'i sgras shes par bya'o/ /de nas rgyal po zhes pa nas dgongs pas bshad pa shes bya ba'i bar du ni 'gal ba'i sgra'i sbyor bas phyag rgya chen po'i mtshan nyid de kho na nyid thob pa rab tu bstan pas so/ /le'u bcu pa'i zhes pas nye bar bsdus pa bstan to// //de nas bcom ldan 'das zhes pa nas/ sgra ji bzhin pas bshad ces pa'i bar du ni rdo rje 'chang chen po dang de bzhin gshegs pa pa lnga'i skyed pa'i rim pa brjod bya yin pa'i phyir ro/ /ye shes zhes pa nas/ dgongs pas bshad pa zhes bya ba'i bar du ni 'jam pa'i rdo rje la sogs pa zhes 'gal ba'i sgras brjod pas 'od gsal ba bstan pa'i phyir ro/ /'od zer zhes pa nas dgongs pa ma yin par bshad/ ces pa'i bar du ni shin tu rnal 'byor gyi lha'i dmigs pa la sogs pa de kho na nyid bstan pas so/ /rnam par dben pa zhes pa nas drang ba'i don dang nges pa'i don du bshad pa zhes bya ba'i bar du ni de la drang ba'i don gyi phyogs su rnam par dben pa dang ri'i mchog la sogs pa gnas bstan pa'i phyir ro/ /nges pa'i don gyi phyogs su nu ma rgyas pa dang/ yan lag mchog la sogs pa dang ldan pa'i dam tshig gi phyag rgya dang lhan cig tu spyod pa bstan pas so/ /mi bskyod pa zhes pa nas sgra ji bzhin pas bshad ces bya ba'i bar du ni byang chub sems dpa' rnams kyis mig la sogs pa byin gyis rlob pa bzhin du de bzhin gshegs pa rnams kyis kyang bya'o zhes bstan pas so/ /rdo rje 'chang chen po zhes bya ba nas dgongs pas bshad pa zhes bya ba'i bar du ni 'gal ba'i sgras rdo rje bzlas pa la sogs pa rdzogs pa'i rim pa bstan pas so/ /le'u bcu gcig pa'i zhes pas nye bar bsdus pa'o// //de nas ston pa zhes pa nas dgongs

  225. 113a

    pa ma yin pas bshad pa/ zhes bya ba'i bar du ni spros pa 'di dag thams cad rang bzhin med par bstan pas so/ /dgon pa zhes pa nas drang ba'i don dang nges pa'i don bshad bya ba'i bar bu ni drang ba'i don gyi phyogs su rnam par dben pa'i gnas kyi khyad par rab tu bstan pas so/ /nges pa'i don la yang chos kyi sku la sogs pa'i nye bar dmigs pa bstan pa'i phyir ro/ /lus dang zhes pa nas dgongs pas bshad pa zhes bya ba'i bar du ni lcags gsum la sogs pa'i sgra'i sgo nas ye shes gsum rnam par dag pa'i mtshan nyid 'od gsal ba'i de kho na nyid bstan pas so/ /'khor lo zhes pa nas sgra ji bzhin pas bshad/ ces bya ba'i bar du ni 'khor lo dang rdo rje dang pad+ma'i dang rin po che dang ral gri'i rig pa 'dzin pa'i dngos grub dang ril bu dang mig sman gyi dngos grub dang rnam par snang mdzad la sogs pa de bzhin gshegs pa'i sku bskyed pa dang bskyed pa'i rim pa'i yan lag tu gyur pa'i bsnyen pa la sogs pa bzhi po bstan pa'i phyir ro/ /rtog ge'i sgras shes par bya zhes dgongs so/ /bsnyen pa'i ye shes zhes pa nas dgongs pas bshad ces pa'i bar du ni 'gal ba'i sgras brjod pa'i rdzogs pa'i rim pa'i mtshan nyid can rnal 'byor gyi yan lag drug bstan pa'i phyir ro/ /dgon pa chen po zhes pa nas drang pa'i dang nges pa'i don dang bshad/ ces bya ba'i bar du ni drang ba'i don gyis phyogs su ni phyi'i gnas tsam so sor bstan pas so/ /nges pa'i don gyi phyogs su ni ye shes lnga'i nye bar dmigs pa'i gzhi bstan pa'i phyir ro/ /dus bzhi zhes pa nas sgra ji bzhin pas bshad/ ces bya ba'i bar du ni dman pa la sogs pa dbye bas dus kyis dbye ba gang gis dngos grub bstan pa'i phyir de yang sogs pa'i sgras shes par bya'o/ /gsang ba zhes pa nas dgongs pas bshad pa/ zhes bya ba'i bar du ni zla

  226. 113b

    ba phyed la sogs pa'i 'gal ba'i sgras de kho na nyid thob par rab tu bstan pas so/ /de la zhes pa nas sgra ji bzhin pas bshad pa zhes bya ba'i bar du ni rnal 'byor chen po'i yan lag tu gyur pa sku rdo rje la sogs pa gsum pa la gsol gdab pa tsam bstan pa'i phyir ro/ /sogs pa'i sgras yin zhes dgongs so/ /le'u bcu gnyis pa'i zhes pas ni nye bar sdud pa bstan to// //de nas bcom ldan 'das zhes pa nas/ sgra ji bzhin pas bshad pa zhes bya ba'i bar du ni de bzhin gshegs pa thams cad dang lha mo dang byang chub sems dpa' dang khro bo rnams rdo rje 'chang chen po la gsol ba gdab par gyur pas so/ /e ma'o zhes pa nas dgongs pas bshad pa zhes bya ba'i bar du ni sangs rgyas la sogs pa zhes 'gal ba'i sgras rnal 'byor yan lag drug la sogs pa'i de kho na nyid bstan pas so/ /ma skyes zhes pa nas/ dgongs pa ma yin pas bshad pa zhes bya ba'i bar du ni rang bzhin gyis rnam par dag pa'i ngo bo nyid med pa'i phyogs su yang bstan pa dang bstan bya'i sgo nas ye shes skye ba bstan pa'i phyir ro/ /yid 'ong zhes pa nas dgongs pas bshad pa zhes bya ba'i bar du ni 'gal ba'i sgras rdo rje bcu gcig so sor bstan pas so/ /'dod chags zhes pa nas/ sgra ji bzhin pas bshad pa/ zhes bya ba'i bar du ni 'dod chags la sogs pa'i sgra rigs can rnal 'byor pa rnams la rdo rje bzlas pa'i phan yon bstan pas so/ /gti mug ces pa nas drang ba'i don dang nges pa'i don du bshad pa zhes bya ba'i bar du ni drang ba'i don gyi phyogs su rnam par snang mdzad la sogs pa'i lha rnams kyi rang rang gi sa bon las bskyed pa bstan pas so/ /nges pa'i don gyi phyogs su ni rang bzhin dang snang ba'i rim pas 'od gsal ba la 'jug pa bstan pa'i phyir ro/ /ye shes zhes pa nas sgra ji bzhin pas bshad pa zhes

  227. 114a

    bya ba'i bar du ni rnam par snang mdzad la sogs pa de bzhin gshegs pa lnga'i sku'i sgo nas zhi ba la sogs pa'i las kyi rab 'byams lnga bstan pas so/ /rtog pa'i sgras shes par bya'o/ /nam mkha' rdo rje zhes pa nas/ dgongs pas bshad ces bya ba'i bar du ni 'gal ba'i sgra'i sbyor bas lus dang ngag dang yid nye bar bsdud pas 'od gsal bar bstan pa'i phyir ro/ /rnam pa zhes pa nas/ sgra ji bzhin bshad ces pa'i bar du ni chu rengs pa bstan pas so/ /rtog pa'i sgras shes par bya zhes dgongs so/ /rkang pa zhes pa nas/ dgongs pa bshad pa zhes bya ba'i bar du ni 'gal ba'i sgras sgo nas mi gnas pa'i mya ngan las 'das pa'i ngo bo rdo rje'i sku bstan pas so/ /dbang chen zhes pa nas sgra ji bzhin bshad pa zhes bya ba'i bar du ni dgra rengs pa dang dpung rengs par dgug pa phur bus gdab pa dang grong dang grong khyer la sogs pa dag tu zhi ba la sogs pa sgrub pa dang/ gshin rje gshed la sogs pa'i khro bo'i 'khor lo bskyed pa'i rim pa bstan pas so/ /rtog pa'i sgra dang sogs pa'i sgras shes par bya'o/ /'gog pa zhes pa nas drang ba'i don dang nges pa'i don du bshad pa/ zhes bya ba'i bar du ni drang ba'i phyogs su ni bsrung ba'i 'khor los dbus kyi bdag po'i ting nge 'dzin bsrung bas so/ /nges pa'i don gyi phyogs su ni 'od gsal ba'i de kho na nyid so sor bstan pas so/ /le'u bcu gsum pa'i zhes pas nye bar bsdud pa'o// //le'u bcu bzhi pa la sogs pa zhes bya ba la/ phreng ba'i sngags rnams ni las kyi rab 'byams sgrub par byed pa zhes bya ba'i don to/ /las kyi rab 'byams ni zhi ba la sogs pa'o/ /sgra ji bzhin pa ni sogs pa'i sgra dang rtog pa'i sgra brjod pas so/ /bar bar na zhes pa ni skabs skabs su'o/ /la la ni zhes pa la rim pa med

  228. 114b

    bar gnas pa'o/ /dgongs pas bshad pa yang yod do/ /zhes pa ni gang du 'gal ba'i sgras de kho na nyid bstan pa'o/ /de bzhin du le'u bco lnga pa dang zhes bya ba la sogs pas mdza' drug gi de ni? kho na bstan to/ /lung tshad ma nyid du bstan par bya ba'i phyir/ de ltar mdo'i tshig ces bya ba la sogs pa smos so/ /bshad pa'i rgyud las zhes pa ni rdo rje phreng ba las so/ /dgongs pas bshad pa zhes bya ba la sogs pas ni sngar bshad zin to/ /rnal 'byor gyi rgyud ces pa ni rnal 'byor chen po'i rgyud ces bya ba'i don to/ /de lta na yang rnal 'byor ma'i rgyud rnams las kyang mdza' drug mthong na rnal 'byor gyi rgyud kho na las ci'i phyir bshad ce na/ de ni bden te rnal 'byor gyi rgyud ni thun mong yin la rnal 'byor ma'i rgyud thun mong ma yin zhes khyad par thams cad spyi'i dbang du song ba yin pas khyad par rnams bsdu bar bya'o/ /de lta na rnal 'byor rgyud ni mdza' drug can yin zhes pa'i tshig las 'grel pa 'di mdza' drug pa zhes mi 'thad do/ /rgyan bdun pa zhes rigs pa yin te/ de dag tshang ba'i phyir ro zhe na/ smras pa gleng gzhi zhes bya ba ni tshig thams cad du bshad par bya ba yin te/ gang gi phyir nges brjod pa la sogs pa lnga ston gyi tshig re re la ni mi 'jug go /rigs pa yang tshig re re la smra bar bya ba yin te/ gleng bslad pa bzhin du de yang de'i ngo bo nyid yin pa'i phyir ro/ /'chad pa po'i rgyan yang log pa ma yin te ma gtogs par bshad pa'i dbye ba mi 'grub pas so/ /nyan pa po'i rgyan yang rten med pa ma yin te de'i rten mdza' drug pa'i yin pa'i phyir ro/ /mdza' drug gi don so sor bstan pa nyid kyi rim pa gnyis sdud par byed pa'i brjod par bya ba'i don ma lus pa bsdu ba'i rgyan zhes bya ba 'grub po zhes don gyi shugs kyis tshig re re la mdza' drug gis bshad pas de'i

  229. 115a

    ming gis 'grel pa grags so/ /de lta na bshad pa rnam pa bzhi yang tshig re re la/ la lar yod pas zhes mdza' drug gi bshad pa mi rigs she na/ smras pa/ gzhan gyi brjod pas nyes pa med do/ /dper na ma'i bu dang pa'i bu zhes bya ba bzhin no/ /gang gi phyir gnyi ga la 'byung ba de cig shos kyi ming gis kyang grags pa yin no/ /de bas na rim pa 'di nyid kyis zhes bya ba la sogs pa smos so/ /mdza' drug tu bshad pa dang rnam pa bzhir bshad pa zhes pa ni mdza' drug dang bshad pa rnam pa bzhis bzung bas rgyan gzhan rnams de dag tu 'dus pas so/ /dpal gsang ba 'dus pa'i don rgyas btab pa yin la zhes pa ni de bzhin gshegs pa'i bdag po rdo rje 'chang chen pos de dag gis rgyas btab pa ni bcings pa'o/ /des na rtogs par dka' ba'i rgyud 'di yin zhes bstan to/ /de ma gtogs pa zhes bya ba 'dis de ltar byung ba rnams kyis mi rtogs zhes bstan to/ /sgra ji bzhin par bshad pa'i sgra'i don tsam la brten te zhes pa ni mdza' drug gi don mi shes nas so/ /'gal ba dang shin tu rmad tu gyur pa'i bya ba byed pas ni lta ba la log pa'i dbang gis ma dang sring mo zhes bya ba la sogs pa sgra ji bzhin du gzung bas 'gal ba sbyod pas so/ /las kyi dbang du 'gyur ro zhes pa ni sdig pa'i las kun tu spyod pas mnar med pa la sogs par skye bar 'gyur te zhes bya ba'i don to/ /de yang bcom ldan 'das kyis/ zhes bya ba la sogs pas lung tshad ma nyid du bstan to/ /gsang ba'i bdag po zhes pa ni bod pa'i tshig go /tshul chen 'di ni rnyed gyur nas zhes pa ni rnal 'byor gyi rgyud chen po zhes bya ba'i don to/ /zab min don ni sgra ji bzhin pa yin zhes tha tshig go /lam ngan pa zhes pa ni so so'i skye bo'i lam du'o/ /mngon pa'i nga rgyal

  230. 115b

    zhes bya ba la sogs pa ni rig pa'i dbang tsam thob nas sgrub pa'i thabs tsam yongs su shes pas nga rgyal dang ldan par 'gyur ro/ /zhes tha tshig go /chos ni g.yo yis byed par 'gyur zhes pa ni g.yo rgyu'i dbang gis chos byed pa ste so bya bzhin no// sems can slu bar byed pa zhes pa zhes bya'i don to/ /des ni 'dus pa zhes bya ba la sogs pas dam tshig nyams pa dang yongs su mi shes pa dag bstan to/ /mngon sum zhes bya ba la sogs pas rdo rje slob dpon la smod par byed pa bstan to// skad cig ces pa nas byams pa'i sems med pa dang/ bgrod min la 'gro ba dang/ mtshams med pa byed pa dang/ mi dge ba'i las kyi lam la spyod par byed pa ston par byed do/ /de nyid ye shes pa ni rnam pa gnyis te/ bskyed pa'i rim pa lhag par mos pa'i sbyor bas stong pa nyid mngon du byed pa dang/ rdzogs pa'i rim pa la rdo rje bzlas pa la sogs pa'i mtshan nyid do/ /ting nge 'dzin ni rim pa gnyis kyi mtshan nyid do rtogs pa med pa'i 'bras bu bstan par bya ba'i phyir/ nyes pa cung zad ces bya ba la sogs pa smos te slongs mo'i khyim nas gal te bza' ba tsam ma rnyed na de'i tshe le'u gsum pa la sogs pa nas gsungs pa'i mngon spyod kyi las byed par 'gyur ro/ /gal te des grub par gyur na de'i tshe skyon med do/ /'on kyang rnal 'byor ni bskyed pa'i rim pa'i 'byor? bas ting nge 'dzin to/ /sbyor ba ni rdzas la sogs pa ji lta ba bzhin du sbyor ba'o/ /de dag gi dman pa ni bral ba'i phyir 'grub par mi 'gyur ro/ /sngags pa ni bzhad gang pa'i tshig ste blun po zhes bya ba'i don to/ /de yi sbyor ba la mkhas pa zhes bya ba la sogs pa 'dis bsgom pa med pas rang gi bstan pa la skur ba 'debs shing/ phyi'i bstan bcos la brten te de'i sbyor ba slob pas rang gi tshig dang bral zhing rang dbang du song bas sngags

  231. 116a

    la sogs pa'i sbyor bas mtsho ba tshol zhing/ gang du rnyed pa yod pa de nyid du 'jug par 'gyur te/ bzo bo bzhin no/ /de rnams rjes su gzung bar bya ba'i phyir/ gsang ba dgongs pas bshad pa yin zhes pa ni sems can de rnams rjes su gzung bar bya ba'i phyir dgongs pas lung bstan te/ rtsa ba'i rgyud kyi dka' ba'i tshig phye nas blta ba bzhin du don nges par gzung bas so// //de ltar zhes bya ba la sogs pas yan lag gi don bye bar bya ba'i phyir bshad par byed de/ 'dir zhes bya ba la sogs pas gleng gzhi'i tshig gi gnas skabs so/ /sdud pa po 'phags pa phyag na rdo rje zhes pa ni le'u bcu bdun pa las/ /kye rdo rje chos kyi rnam grangs 'di long zhig ces 'chad par 'gyur ro/ /de bas ni sdud pa por gyur pa ni chos kyi mdzod de nyid la gtad pa'i phyir ro/ /'di skad bya ba'i tshig gi phrad kyi rgyud kyi don ma lus pa mtshon par byed pa ni rgyud kyi don ma lus pa sems la bzhag nas 'di skad ces gsungs te/ tshig phrad rnams la don du ma yod pa'i phyir ro/ bdag nyid kyis ni dngos su thos kyi rgyud pas ni ma yin zhes bya ba la dngos su thos pas 'khrul pa med pa nyid ston te/ /rgyud pa'i sgo nas thos pa la ni de las gzhan par 'gyur zhes bya ba'i don to/ /rtog pa ma yin pa zhes pa ni thos pa tsam gtso bo yin pas so/ /rtogs pa yod na bsgom pa'i rang bzhin gyi shes rab kyi nges pa rnyed nas de'i ngo bor gnas pa'i phyir ro/ /sdud pas ci zhig bya zhes pa'i tha tshig go /dus gcig na zhes pa la sogs pa 'dis thos pa mang ba la sogs pa yon tan gsum bstan pa'o/ /rgyud kyi dkon pa nyid ni rgyud kyi yon tan no/ /thos pa mang ba dang shes rab phul du byung ba dag ni sdud pa po'i yon tan no/ /gang las zhes bya ba la sogs pas gleng gzhi gsungs so/ /gang gi phyir ston pa dang

  232. 116b

    gnas dang nyan pa phun sum tshogs pa gtso bo yin pa'i phyir gleng gzhi yin no/ /de la ston pa phun sum tshogs pas rgyud kyi che ba nyid bstan to/ /gnas phun sum tshogs pas yongs su dag pas sangs rgyas kyi zhing rnams su tshad bstan pas tshad ma nyid du 'gyur ro// 'khor phun sum tshogs pas 'di dang lhan cig thos shes pas dbang po nyid bstan pa yin no/ /bcom ldan 'das shes bya ba la sogs pas de nyid bstan to/ /skal ba dang ldan pa'i phyir zhes pa ni/ ji skad du/ dbang phyug ma lus pa nyid dang/ /ye shes dang ni grags pa dpal/ /chags bral rtsol ba nyid dang ni/ /bcom pa rnam par rab tu grags/ /zhes 'byung bas so/ /de rnams dang ldan pa'i phyir na bcom ldan 'das so/ /mi mthun pa la rnam pa gnyis te/ phyi dang nang gi dag go /de la phyi'i ni lha'i bu la sogs pa'i bdud rnams kyi'o/ /de rnams rdo rje lta bu'i ting nge 'dzin gyis bcom pa'i phyir na/ bcom ldan 'das so/ /nang gi ni nyon mongs pa dang zhes bya dang lus dang rnam par smin pa'i sgrib pa zhes bya ba rnams mthong ba dang/ sgom pa la sogs pa'i rim gyis bcom pas na bcom ldan 'das so/ /rab tu byed pa las kyang/ /skya rengs 'char ba'i dus su ni/ /rdo rje lta bu'i ting nge 'dzin gyi/ /byang chub shing drung bzhugs nas ni/ /des ni bdud rnams 'joms par mdzad/ /ces 'byung ngo/ /ji srid yid ni g.yo 'gyur par// de srid bdud kyi spyod yul yin/ /de ltar yod pas skyon med ni/ /'di ni ci phyir rigs pa min/ zhes 'byung ngo/ /kyang gi sgas ni ma bshad pa bsdu ba'i don yin te/ /de nas bcom ni chos 'byung ba'i nang du bde ba chen po'i tshul lam thig le'i gzugs su gnas pa'i phyir ro/ /bcom ldan 'das zhes spyi'i don gyi phyogs su 'chad par 'gyur ro/ /de bzhin gshegs pa thams cad ces bya ba la sogs pa ni gnas phun sum tshogs pa bstan pa yin te/ zhes pa ni bcom ldan 'das gang du bzhugs zhes 'drin?

  233. 117a

    ba la/ /rgyud gang du bshad pa der bzhugs zhes lan no/ /de bzhin nyid du gshegs pas na de bzhin gshegs pa'o/ /zhes pa ni 'od gsal ba la 'jug pa 'am mkhyen pa'o/ /de bzhin gshegs pa yang yin la/ zhes bya ba la sogs pa ni rdo rje 'chang chen po snod dang bcud kyi 'jig rten gnyis kyi ngo bo nyid yin pa'i phyir ro/ /mgon po sems can kun bdag nyid/ ces rab tu byed pa las 'byung ba'i phyir ro/ /de bzhin gshegs pa thams cad kyi sku dang gsung dang thugs kyi snying po ste/ rdo rje 'chang chen po zhes pa ni de bzhin gshegs pa thams cad kyis yongs su rdzogs pa'i phyir ro/ /gang gi phyir rigs lnga phung po lnga rnam par dag pas gsungs te/ de dag kho na sku dang gsung dang thugs kyi dbye bas gsum du 'gyur ro/ de rnams kyang 'od gsal ba la nye bar bsdus pas rdo rje sems dpa' i rigs gcig po kho nar 'gyur ro/ /de bas rdo rje 'chang chen po zhes gsungs te/ shes pa dang shes bya'i rnam par dag pa'i spros pa las nges par grol ba thams cad stong pa'i ngo bo nyid dpal rdo rje sems dpa' i zhes bya ba'i don to/ /de'i rdo rje btsun mo ni shes rab ste zhes pa la 'od gsal ba'i de kho na nyid mngon du byed pa rnal 'byor gyi mngon sum gyi tshad mas yang dag par rtogs par bya ba bsgom pa'i rang bzhin gyi shes rab ste stong pa nyid ces bya ba'i don to/ /de nyid nyon mongs pa rnams 'joms pas na b+ha ga'o/ /zhes pa ni ye shes gsum dang de dang 'brel ba'i chags bral la sogs pa'i rang bzhin brgya drug cu ni nyon mongs pa rnams so/ /de rnams sngags dang phyag rgya'i rim pas bcom zhing rnam par dag pas na b+ha ga zhes bshad do/ /'di skad ston pa yin te/ zhes pa 'dis nye bar bsdud pa bstan to/ /de bzhin nyid ces bya ba la sogs pa 'dis bgegs bsgrad par byas nas chos kyi dbyings kyi ye

  234. 117b

    shes kyi ngo bo nyid stong pa nyid bsgoms te/ slar yang de bzhin gshegs pa lnga'i rang bzhin ye shes kyi sa gzhi byin gyis brlabs la/ de'i steng du ri rab yongs su gyur pa'i gzhal yas khang pa'i nang du myur du lhag par mos pa'i dkyil 'khor rnam par bsam la/ rdo rje phreng ba las gsungs pa'i rim pas don dam pa'i dkyil 'khor la dmigs shing stong pa nyid sngags mngon du byas te/ yi ge gsum spro ba dang bsdu ba'i rim pas pad+ma dang zla ba dang nyi ma bsams la slar yang de'i steng du yi ge gsum bkod la/ de yongs su gyur pa'i zla ba'i dkyil 'khor du sngar bshad pa'i nyi ma la sogs pa de nyid du 'jug pa byas la/ chos kyi dbyings zhes bya ba'i sngags brjod pa sngon du 'gro bas rang gi sems brtan par byas la/ slar yang zla ba de la yi ge gsum bkod cing de nyid las spro ba dang bsdu ba'i rim pas rdo rje dkar po rtse lnga pa sa bon dang bcas par bsams la de yongs su gyur pa las bcom ldan 'das rdo rje sems dpa' bskyed la de'i thugs kar ye shes sems dpa' de'i thugs kar ting nge 'dzin sems dpa' rnam par bsgoms te/ mig la sogs pa'i dbang po rnams la byang chub sems dpa' i sa bon rnam par dgod pa'i mtshan nyid can shin tu rnal 'byor rdzogs par byas la/ sku gsung thugs kyi byin gyis rlob pa'i mtshan nyid can rnal 'byor chen po yongs su rdzogs par byas pa dang/ pad+ma dang zla ba'i dkyil 'khor gyi steng du zhal gsum la sogs pa'i rnam pa can rdo rje 'chang chen pos rgyud gsungs so zhes dgongs so/ /yi ge'i don te zhes pa ni bskyed pa'i rim pa ston pa la dang po'i sbyor ba tsam tshig gi sbyor bas ston pa dang sgra la rnam par zhen pa rnams la 'di skad ces bya ba la sogs pa rnams su bya ba dang byed pa dang bsdu ba la sogs pa bshad pa'i phyir ro/ /tshogs pa la bshad pa'i zhes pa ni yan lag lnga dang ldan pa de'i yang gcig gis kyang

  235. 118a

    tha snyad du rigs te/ tshig rnams la tshig gi phyogs gcig yod do zhes 'byung ba'i phyir ro/ /dper na yul tshig dang? snam bu tshig pa bzhin no/ /de ni spyi'i don gyi skabs la dang po rgol ba dang lan gyi sgo nas so sor bstan par bya ba'i phyir/ /'dir smras pa zhes bya ba la sogs pa smras so/ /dgongs pa gang gis na zhes bya ba la sogs pas ni dgongs pa ni 'di yin te/ 'das pa dang da ltar byung ba dag rdzogs par byed pa de dang 'dir zhes sgra gnyis po yod na 'di skad ces bya ba'i tshig gi phrad ci'i phyir gzung zhe na/ smras pa zhes bya ba 'dis lan yin no/ /de bzhin gshegs pa thams cad ni spyan la sogs pa lha mo dang bcas pa rnams kyi'o/ /brdar gyur pa ni brda tsam nyid du bzung ba'o/ /de bas na thabs dang shes rab ston pa nyid kyis na/ zhes pa ni ston pa nyid dang snying rje'i de kho na nyid thob par byed pa sgrub bya dang sgrub byed dang/ rdo rje dang pad+ma dang de dag gi snyoms par zhugs pa las skyes pa'i bde ba chen po rjod par byed pa zhes par du'o/ /smras pa gal te de lta na ni zhes bya ba la sogs pa ni sdud pa po yod par mi 'gyur te zhes bstan to/ /sdud pa po med ces dam bca' ba'o/ /'brel pa med pa'i phyir zhes gtan tshigs so/ /dgongs pa ni 'di skad bdag gis thos pa 'dis thabs dang shes rab mtshon par byed pas bdag gis thos pa zhes bya ba la sogs pa'i byed pa po dang bya ba la sogs pa rnam grangs can gyi las med pas 'brel ba med do/ /de bas na bdag gis thos zhes sdud par byed pa po med par thal bar 'gyur ro/ /rgyud kyi don yang mchog tu 'dzin par mi 'gyur ro zhes dri'o/ /de ni bden te smras pa/ zhes pa ni bden te zhes pa 'dis lan no/ /'dir sdud par byed pa po ni med do zhes pa ni rdo rje 'chang chen po nyid longs spyod dang sprul pa'i sku nyid kyis

  236. 118b

    'chad pa po yang yin na nyan pa po yang yin no/ /gang gi phyir thams cad stong pa'i ngo bo nyid rdo rje 'chang chen po zung du 'jug pa'i ting nge 'dzin las mi g.yo ba de dang tha mi dad pa'i sprul pa phyag na rdo rje la sogs pa sdud pa po rnams la the tshom med na/ gang bzlog par bya ba'i phyir de rnams la rdo rje 'chang chen pos chos bstan pa dang de rnams kyis kyang de las thos nas gzhan rnams la so sor bstan par 'gyur ro/ /de bas na ma 'ongs pa'i sems can gyi khams gdon par byed pa'i bsam pas sna tshogs pa sangs rgyas kyi rol ston 'di bstan to zhes 'chad pa po'i dang nyan pa po tha dad pa gang zhig yod/ de'i phyir spros pa med pa rdo rje 'chang chen po gcig pu nyid rdo rje 'chang chen pos dbang du byas pa'i thugs kyi 'chad pa po dang/ nyan pa po dang sdud pa po'i dbye bas bdag nyid kho na rab tu ston par mdzad do/ /de lta na smras pa ni 'o na btsun pa kun dga' bo bya ba la sogs pas slar yang 'dri ba'o/ /de'i bsam pa ni 'phags pa shes rab kyi pha rol tu phyin pa las btsun pa kun dga' bo ni sdud pa po ste/ de bzhin du yang mdo sde dang rgyud kyi rgyal po gzhan rnams la yang 'od srung dang maung+gal gyi bu la sogs pa sdud pa po yod ces ci'i phyir 'dis sdud pa po med ces smras she na/ smras pa zhes bya ba la sogs pas lan yin te/ kun dga' bo ni 'dir byang chub sems dpa' sems dpa' chen po kun tu bzang po ste/ zhes pa ni nyan thos kyi sde snod rnams la gang btsun pa kun dga' bo sdud pa po yin pa de nyid sngags kyi bstan pa 'di la kun tu bzang po zhes bya'o/ /sngags kyi theg pa la sdud pa po phyag na rdo rje gang yin pa de nyid rdo rje 'chang chen po nyid de/ longs spyod dang sprul pa'i sku dag ni dbyer med pa'i phyir ro/ /gzhan du na zhes bya ba la sogs pas de dag dbyer med pa la tshad ma nyid gsungs so/ /chos kyi phung po brgyad khri bzhi stong zhes pa ni nyan thos

  237. 119a

    kyi sde snod kyi tshad do/ /nye bar mtshon pa yin pas theg pa chen po pa ni stong phrag dgu bcu rdo rje theg pa yang zhes pa ni yang gis sgras khri phrag bcu'i tshig can no/ /lhag chad med par lan cig gis 'dzin par ga la nus zhes pa ni mi nus zhes bya ba'i don no/ /de bas na rdo rje 'chang chen po kho na'o/ /bcom ldan 'das kyis kyang zhes pa la sogs pas lung ched ma nyid du bstan pa yin te/ 'di lta ste/ 'jam dpal ni rgyal po zas gtsang mar gyur to zhes pa ni zas gtsang ma ni bcom ldan 'das kyi yab ste rgyu'i rdo rje 'chang ba'o/ /'jam dpal ni rgyal ba'i sras te sprul pa'i sku'o/ /de dag tha mi dad pa yin te/ mdzad pa gcig pa yin pa'i phyir ro/ /'jig rten dbang phyug ni lha mo chen mo sgyu 'phrul tu gyur to zhes pa ni 'dis kyang bud med dang skyes pa dbyer med par sgyu ma lta bur mthong bas dngos po thams cad la gnyis su med pa'i mtshan nyid bstan to/ /dpal lha mo ni grags 'dzin no/ /zhes pa ni bcom ldan 'das kyi btsun mo dam pa'o/ /de nyid dpal gyi lha mo ni reg bya rdo rje ma'o/ /rdo rje sems dpa' ni sgra gcan 'dzin no zhes pa ni shAkya seng ge'i sras te sprul pa'i sku'o/ /rdo rje sems dpa' ni longs spyod rdzogs pa'i sku'o/ /zhes de dag dbyer med pa nyid du bstan to/ /de bzhin du thams cad shes par bya'o/ /rigs pa 'dis zhes bya ba la brtson pas nye bar sdud pa bstan to/ /'dis sangs rgyas mya ngan mi 'da' zhing zhes pa ni rdo rje'i sku nyid kyis mi zad pa'i phyir ro/ /chos kyang nub par mi 'gyur te/ /zhes pa ni sangs rgyas kyis byin gyis brlabs pa de yin pa'i phyir ro/ /sems can rnams ni gdul bya'i phyir bya ba ni ma 'ong pa'i sems can sbyong ba'i phyir ro/ /mya ngan las 'das pa ni yongs su mya ngan las 'das

  238. 119b

    pa dang nub pa yang nye bar bstan to/ /de ltar bsdud pa po rnams dang dbyer med pa nyid du bstan nas/ gleng gzhi'i tshig rab tu bstan par bya ba'i phyir 'di skad ces bya ba la sogs pa gsungs so/ /bcom ldan 'das zhes bya ba la sogs pas lung tshad ma nyid du bstan to/ /brgya byin gyis gsol ba ni dri ba'o/ /dri ba de nyid ci'i phyir zhes bya ba la sogs pas bstan te/ 'dir ni skad kyis yi ge'i don gang yin pa dang ci'i slad du dang po sbyor ba dang sangs rgyas kyis gsungs pa 'am nyan thos kyis gsungs sam zhes 'dri ba'o/ /dam chos yon tan smra ba yi/ /zhes bya ba la sogs pas lan gsungs so/ /dri ba mchog yin pa'i phyir legs so/ /zhes bya ba byin pa'o/ /gang phyir thams cad gzigs pa zhes bya ba la sogs pas dang por sbyor ba'i dri ba'i lan no/ /gang gi phyir gyis ni don gang yin zhes dri ba'i lan no/ /thams cad gzigs ba yis/ /zhes pa 'dis nyan thos kyis gsungs pa bkag pa'o/ /don de nyid las bde bar gshegs pa'i gsung yin zhes bstan par 'gyur ro/ /ji bzhin du zhes pa ni spyi'i don gyis bshad pa'i rim pas so/ /de ni go rim shes pa ni dkyil 'khor rgyal ba mchog dang las kyi rgyal ba mchog gi ting nge 'dzin gyi phyogs so/ /chos kyi phung po zhes bya ba la sogs pas mdo sde la sogs pa chos kyi phung po thams cad du'o/ /pha dang ma'i ngo bo yi ge gnyis yin zhes dam bca' o/ /de nyid bstan par bya ba'i phyir/ /yi ge e ni mar gyur la/ zhes smos te/ ma ni shes te e'i rnam pa can chos 'byung ba'i phyag rgyas nye bar mtshon pa'i phyir ro/ /wa ni pha zhes bya bar grags zhes pa ni thabs kyi ngo bo nyid rnal 'byor pa yin te/ yi ge was nye bar mtshon pa'i rtags dang ldan pa'i phyir ro/ /thig le de ni sbyor ba ste/ zhes pa ni de dag 'dus pa'i ngo bo yin pa'i phyir ro/ /des ni bsgrub bya dang sgrub byed kyi 'brel ba'i ngo bo nyid ni bsnyen

  239. 120a

    par bstan to/ /sbyor te shin tu rmad 'byung ba zhes pa ni 'khyud pa dang btsun pa na la sogs pa'i sna tshogs pa'i skad cig ma rdzogs par byed pa'i phyir ro/ /zhes yan lag dang po'o/ /e ni pad+ma zhes pa ni gru gsum yin pa'i phyir ro/ /bam ni rdo rje nyid yin na/ zhes pa ni yi ge bas gsang ba'i rdo rje mtshon pa'i phyir ro/ /thig le der ni sa bon te zhes pa ni de gnyis kyi dbus su gnas pa'i byang chub kyi sems so/ /de las 'gro ba gsum po skyes zhes pa ni dkyil 'khor 'khor lo dang khams gsum yang skyes so/ /des ni rdo rje dang pad+ma snyoms par zhugs pa'i mtshan nyid nye bar sgrub pa zhes bya ba yan lag gnyis pa bstan to/ /e ni shes rab nyid gyur pa/ zhes pa ni shes rab kyi pad+ma ma'i lte bar char bkag par bya ba'i phyir yi ge phaT rnam par bkod nas bskyod pa gang yin pa de ni shes rab po/ wa ni rab dga' i bdag po zhes pa ni rab tu dga' ba'i bdag po rdo rje la yi ge hUM bkod nas bskyod pa gang yin pa de ni sgrub pa zhes bya ba yan lag gsum pa'o// thig le ni myong ba'i tshul can no/ /de yang rnam pa gnyis te/ rdzas kyi bdag nyid dang bde ba chen po'o/ /de la bde ba chen po ni mi shigs te de nyid ces smos te/ rang rig pa'i de kho na nyid ces bya ba'i don te/ rdzas kyi bdag nyid ni gang rdo rje rtse mo nas phyir spros pa'i byang chub kyi sems so/ /de las yi ge de nyid kyang skyes zhes pa ni thig le de las badzra d+h+rika ces bya ba la sogs pa'i sa bon gyi sngags las skyes pa'i thugs rdo rje 'dzin pa la sogs pa zhes sgrub pa chen po zhes bya ba yan lag bzhi pa'o/ /chos kyi phyag rgya yi ge gnyis zhes bya ba la sogs pa la/ chos ni brgyad khri bzhi stong gi tshad kyi phung po de la gang gis rgyas btab cing bsdus pa de ni chos kyi phyag rgya ste e waM ngo/ /de bas na chos yang dag par rjod pa'i mdo las dge slong

  240. 120b

    rnams pa'i chos 'di skad bdag gis thos pa zhes bya ba la sogs pas bsdud par bya'o zhes gsungs so/ /de bas na gsung rab thams cad kyi snying por gyur pa'i yi ge gnyis po yongs su shes pas sems can thams cad la chos kyi 'khor lo bskor bar 'gyur ro/ /'gro ba gang gis yi ge gnyis zhes bya ba la sogs pa la/ skye bo gang gis sngon du bshad pa'i yi ge gnyis po mi shes nas chos klog pa mnyan pa 'am sgom par byed pa de ni sangs rgyas kyi chos las phyi rol tu gyur pa sbyor spangs ni rnal 'byor med pa'i thub pa bzhin zhes pa ni mu stegs kyi bram ze bzhin du 'gyur ro/ /yang na dgag par byed pa'i sgra spangs te/ zhes nas rtag tu 'don pa dag ces pa ni 'dis yi ge gnyis po tsam yongs su zhes pa sangs rgyas kyi chos kyi mas kyi phyi rol tu 'gyur zhing sbyor ba spangs pa ni ting nge 'dzin spangs pa yang thub pa bzhin zhes pa ni shAkya'i seng ge dang 'dra bar 'gyur ro/ /e waM yi ge gnyis sgyu ma la zhes pa ni rig ma dang skyes bu'i bdag nyid yin pa'i phyir ro/ /thams cad mkhyen pa 'dir bzhugs pas zhes pa ni dkyil 'khor gyi bdag po nyid du rdo rje 'chang chen po zhugs pas so/ /dam chos bstan pa'i thog mar ni/ zhes bya ba la sogs pas rtag pa'i gnas thob par 'dod pas dang po bstan bcos kyi thog mar e waM zhes bya ba sbyar bar bya ba dang/ bstan bcos kyi bkur sti bya ba dang/ yi ge gnyis po dran par bya'o zhes brgya byin la bod cing gdams pa'o/ /bdag gis zhes bya ba la sogs pas lung tshad ma nyid bstan to/ /bshad pa'i rgyud las zhes pa ni rdo rje phreng ba las so/ /'khor los sgyur ba'i ngo bo'i zhes pa ni dbus kyis bdag po'i tshul gyis so/ /bdag gis thos pa zhes gsungs pa'i thos zhes bya ba'i don bshad par bya ste/ sa bon ngo bos gang sprul pa zhes pa ni rdo rje rtse mo las 'phros pa'i byang chub kyi sems las skye ba'o/ /rnams kyi ni

  241. 121a

    'khor lo mchog ces pa ni mi bskyod pa la sogs pa lha sum cu rtsa gnyis kyi bdag nyid dkyil 'khor gyi 'khor lo'o/ /dus bshad par bya ste mchog tu dga' ba'i dus gang yin/ dus gcig na zhes bshad pa yin/ zhes pa ni snyoms par zhugs pa'i dus su bde ba chen po myong nas phyis dkyil 'khor gyi 'khor lo spro ba yin no/ /dbus kyi bdag po'i khyad par bstan par bya ba'i phyir/ dbang phyug brgyad kyis bcom ldan 'das zhes bya ba smos te/ dbang phyug brgyad ni sku'i dbang phyug la sogs pa 'am phra ba la sogs pa sngon du bshad zin to/ /bde ba chen po ni bde ba chen po rgyu mthun par gyur pa byang chub kyi sems las skyes pa'i dkyil 'khor gyi 'khor lo de nyid gnas zhes bya ba ni bzhugs gnas te gzhi'i dkyil 'khor ro/ /der bzhugs pa ni der bdag po nyid du bzhugs so/ /'di ni phung po lnga rgyal ba zhes bya ba la sogs pa phung po lnga dang sku gsung thugs kyi bdag nyid rdo rje 'chang chen po kho na bzhugs so/ /de tsam gyis ni dkyil 'khor rgyal ba mchog gi ting nge 'dzin bshad do/ /btsun mo zhes bya ba la sogs pa rnams ni reg bya rdo rje ma'o/ /b+ha ga legs sbyangs zhes pa ni de'i pad+ma'o/ /bzhugs pa zhes bya ba la sogs pas ni phra mo'i rnam 'byor la sogs pa byas nas dkyil 'khor gyi 'khor lo nye bar bsdus la/ /sku dang gsung thugs kyi mtshan nyid yi ge gsum po tsam la dmigs te/ de yang cha shas kyi dbye bas bsdus te thig le tsam la dmigs shing gnas par bya'o/ /de bas na 'dir bshad pa zhes bya ba la sogs pa ni cha gnyis pa ni yi ge a'o/ /dgu pa ni ma ning gi yi ge spangs te o'o/ /sum cu bcu pa lnga pa'i sa bon hi'o/ /cha gnyis ni tsheg drag go /lnga pa ni mdza' ma'o/ /de nyid rjes dbyangs so drug pa ni u'o/ /thig le ni rjes

  242. 121b

    dbyangs so/ /de ltar oM A(rgyud 'grel): hUM 'byung ngo/ /sku gsung thugs kyi dkyil 'khor nye bar bsdus te gnas par bya'o/ /yang na yi ge a dgag par byed pa sprel te/ thig le tsam du dmigs te gnas par bya'o/ /de'i bsdus pa'i don ni 'di yin te/ yi ge'i don gyi phyogs su dang po sbyor ba'i ting nge 'dzin gyis dbus kyi bdag por gyur nas sme? sha can la sogs pa'i rigs su skyes pa'i dam tshig gi phyag rgya blangs te/ ye shes sems dpa' i sa bon gyi thig le las byung ba'i 'od zer gyi 'khor lo sna'i bug pa g.yas? pa nas 'byung bas de'i lus por bsreg par bya ste/ de'i rnam par shes pa dri ma med pa rlung gis ma bskyod pa'i mar me lta bu/ de nyid lcags kyu'i rnam pas rnam par bcings te bkug la sna'i bug pa g.yon pa nas bcug la 'dod pa'i gdugs zhes bya ba lam nas byang chub kyi sems kyi gzugs su rnam par spros te/ reg bya rdo rje ma'i chos 'byung bar pad+ma dang zla ba'i steng du de dang 'dra ba'i sems ma gsum gyi bdag nyid bskyed par byas la/ shin tu rnal 'byor dang rnal 'byor chen po'i rim pas lha mo thams cad kyi ngo bor byas la phyir spros te/ 'khyud pa'i reg bya rdo rje ma dang gnyis su med par byas pa rdo rje dang pad+ma sbyor ba sngon du 'gro ba'i rin chen 'byung ldan dang don yod grub pa'i sngags dag gis snyoms par zhugs te bskyod par byas la/ rjes su chags pa dam pa'i sgras nam mkha' i dbyings kun tu gnas pa'i de bzhin gshegs pa'i tshogs bkug cing 'jug par byas la/ snga ma bzhin du dbus ma'i lam nas thig le'i gzugs su dmigs te/ badzra d+h+rika ces bya ba la sogs pa phyung ba'i sngags kyis mi bskyod pa nas brtsams te/ sgo skyong gi bar du dkyil 'khor gyi 'khor lo de nyid du spros te/ sems dpa' gsum gyi bdag nyid du byas nas slar yang rnam par spros te/ sems can gyi don byas nas

  243. 122a

    slar yang gshegs te shar la sogs pa'i phyogs su rnam par dgod cing dbang bskur ba dang phyag rgya gdab par bsams te/ phra mo'i rnal 'byor dang bzlas pa byas nas bya ba byas pa'i phyir rnam par zhu ba lha mo'i glus bskul bas bzhengs te/ de bzhin gshegs pa rnams kyis bstod pa gsan nas tshim par byed pa'i cho ga la sogs pa rdzogs nas phyi'i dkyil 'khor lus kyi dkyil 'khor du bcug la/ yi ge gsum gyi bdag nyid du gyur nas de yang yongs su gyur cing bde ba chen po'i rang bzhin thig tsam du mthar thug la rdo rje 'dzin par 'gyur ro zhes bya'o/ /spyi'i don zhes bya ba ni bskyed pa'i rim pas so/ /zhes tshig gi lhag ma'o/ /yang lung gis bshad pa/ zhes bya ba 'dis lung tshang ma las sbas pa'i don bshad par bya ba'i phyir/ e ni shes rab dam pa ste/ /'dod chags bral sogs skad cig bdag /srid pa gsum na yongs shes pa/ /'di ni rtsa bar rnam par bstan/ zhes smos te/ 'dir dang po ye shes gsum po rnam par dpyad pa'i mtshan nyid can sbas pa'i don bshad par bya ste/ sems rnam par dag byed par 'dod pa'i rnal 'byor pas dang po sngags sam phyag rgya'i rim pa la dmigs par bya'o/ /de la sems ni rnam gsum ste/ sems dang/ yid dang/ rnam par shes pa ste/ de nyid 'jug pa'i rnam par shes pa dang/ nyon mongs pa can gyi yid dang/ kun gzhi rnam par shes pa'o/ /de la 'jug pa'i rnam par shes pa gnas gyur pa zla ba'i snang ba dang 'dra ba'i snang ba'i ye shes skye bar gyur ba dang/ 'dod chags bral ba la sogs pa'i rang bzhin sum cu rtsa gsum 'gog par 'gyur ro/ /nyon mongs pa can gyi yid gnas gyur pas nyi ma'i 'od zer dang 'dra ba'i snang ba mched pa'i ye shes skye ba dang/ 'dod chags la sogs pa rang bzhin

  244. 122b

    bzhi bcu 'gog par 'gyur ro/ /kun gzhi rnam par shes pa gnas gyur pas mtshams kyi snang ba dang 'dra ba'i snang ba nye bar thob pa'i ye shes skye bar 'gyur ba dang/ chags pa bar ma zhes bya ba la sogs pas rang bzhin bdun 'gog par 'gyur ro// de yang gang gi tshe thams cad stong pa la 'jug pa de'i tshe/ sprin med pa'i nam mkha' dang 'dra ba'i 'od gsal ba'i de kho na nyid 'chad par 'gyur ro/ /de'i phyir rnam par shes pa gsum po'i rnam grangs ni shes rab dang thabs dang ma rig pa'o/ /snang ba gsum ni gnyen po'i phyogs so/ /stong pa la sogs pa gsum ni de rnam par dag pa'i thabs so/ /'bras bur gyur pa ni sems kyi 'od gsal ba'o/ /la la'i skabs su mi mthun pa'i phyogs kyi ming gis gnyen po brtan pa dang/ gnyen po'i ming gis mi mthun pa'i phyogs bstan pa dang/ de'i thabs kyi ming gis kyang de nyid bstan pa'o/ /dper na char gyis bya ba'i mu ge ni char med pas mu ge byung zhes bya ba'i don to/ /de la dang po shes rab kyis ye shes bstan par bya ba'i phyir/ e ni shes rab ngam pa/ zhes smos te/ shes rab ni 'jug pa'i rnam par shes pa'o/ /dbang po dang yul dang snang ba dang yid la byed pa'i rten cing 'brel pa tshogs pa las rab tu shes pa ste/ rnam par shes pa'i tshogs drug go /'dod chags bral sogs skad cig bdag/ / ces pa ni 'dod chags bral ba la sogs pa rang bzhin sum cu rtsa gsum gyi ngo bo'o/ /srid pa gsum na zhes bya ba la sogs pa ni khams gsum na gnas pa'i gzugs rnam pa gsum la sogs pa yul dag tu'o/ /yongs shes pa ni yul bzung ba'i ngo bo nyid do/ /'di ni rtsa bar zhes pa la mig la sogs pa'i rnam par shes pa'o/ /gnyis pa bstan par bya ba'i phyir khams ni 'od ma 'greng ba zhes bya ba la sogs pa smos pa la/ rnam par shes pa ni nyon mongs pa can gyi yid gnyis pa de bdag tu lta ba la sogs pa

  245. 123a

    bzhi dang ldan pa'i phyir ro/ /baM/ 'od ma 'greng ba ltar zhes pa ni dper na khong stong 'od ma yin yang tshigs mdud kyi dbang gis bstan pa nyid du 'gyur ro/ /de bzhin du rang bzhin gyis stong pa yin yang shes pa de nyid nyon mongs pa'i mdud pa bzhi'i dbang gis bstan par snang bar 'gyur ro/ /sems las byung ba bstan par bya ba'i phyir/ 'dod chags la sogs rab skye ldan/ /zhes pa ni thabs kyi ngo bo nyid rang bzhin bzhi bcu'i skad cig ma la sogs pa'i dbye bas skye ba gang yin pa de dang ldan pa'o/ /de bzhin du gnyen po'i ming gis snang ba mched pa zhes brjod de de 'gog pas de dmigs pa'i phyir ro/ /de nyid thabs zhes pa ni 'khor ba'i grong khyer sna tshogs pa sprul ba'i rgyu yin pa'i phyir ro/ /ming zhes pa ni de nyid kyi brda' ru shes par bya'o/ /gsum pa brtan par bya ba'i phyir/ /ma rig chen zhes bya ba la sogs pa smos te rig chen ni chos kyi dbyings kyi ngo bo ste 'od gsal ba'o/ /gang gi phyir zhe na/ ma rig pa ni bzlog pa yin zhes smos te/ kun gzhi rnam par shes pa rang bzhin bdun dang bcas par 'gog pa byed pas so/ /ma rig pa ni kun gzhi rnam par shes pa'o/ /'di 'byung ba zhes pa ni de spangs pas de bas snang ba 'byung ba ni mtshams kyi snang ba dang 'dra ba'i snang ba thob pa skye bar 'gyur ro/ /rnam par shes pa gsum gyi mtshan nyid bstan nas gnyen po'i sgo nas 'od gsal ba la 'jug pa bstan par bya ba'i phyir ro/ /ya/ gang yang rnam shes dang po ste zhes smos te/ dang po'i rnam par shes pa ni sngags sam phyag rgya'i rim pas sbyangs pa na/ snang ba mched pa'i ming ni ye shes gnyis pa nyid du 'gyur ro/ /de ni snang ba mchod pa dag pa'o/ /de ni stong pa chen 'gyur la/ /zhes pa ni mtshams kyi snang ba dang 'dra ba'i snang ba thob pa'i ye shes kyi ngo bo nyid du

  246. 123b

    'gyur ro/ /de ni stong pa chen po'i ngo bo nyid snang ba mched pa'i ye shes dag par 'gyur bas 'od gsal ba ni thams cad stong pa 'od gsal bar 'gro ba ni 'gyur ba'o/ /dgongs pa 'dis rab tu byed mkhan gyis kyang gsungs te/ stong nyid shin tu stong pa dang/ gsum pa stong pa chen po dang/ bzhi pa thams cad stong pa ni/ /rgyu dang 'bras bu'i bye brag go /snang ba snang ba mched pa dang/ /de bzhin snang ba nyer thob pa/ /sems ni rnam pa gsum bstan pa/ /de yi sgrub pa bshad par bya/ /zhes 'byung ngo/ /bsdu pa bstan nas bskyed par bya ba'i phyir ro/ /sh+ru/ snang ba gsum gyis zhes bya ba la sogs pa smos te/ sngon du bshad pa'i rnam par shes pa gsum po gang yin pa de snang ba gsum gyi mtshan nyid can de 'gog pas snang ba la sogs pa'i sgras brjod par bya bar 'gyur ro/ /sems can khams ni ma lus pa'i/ zhes pa ni khams gsum na spyod pa'i sems can gyi khams kyi'o/ /rang bzhin rtsa ba 'di yin no/ /zhes pa ni shes rab dang thabs dang ma rig pa'i ngo bo nyid 'dod chags bral ba la sogs pa brgya drug cu rnams kyi rtsa ba ste rgyu'o/ /de rnams rnam par shes pa gsum las byung ba'i phyir ro/ /ji skad du/ len pa'i rnam par shes pa zab cing phra/ /sa bon thams cad chu bo'i rgyun bzhin 'bab/ /bdag tu rtog par gyur na mi rung zhes/ nyan thos byis pa rnams la ngas? ma bsten/ /zhes 'byung ba dang/ de bzhin du yang/ yang dag ma yin kun brtags ni/ /sems dang sems byung khams gsum pa/ zhes 'byung ngo/ /da ni rlung dang rnam par shes pa yang dag par sbyor bas 'gro ba rnams kyi skye ba bstan par bya ba'i phyir/ taM/ da ni re re zhes bya ba la sogs pa smos te/ mig la sogs pa'i dbang po'i sgo nas/ sngon po la sogs pa 'am/ bde ba la sogs pa'i don gang dang gang snang ba de dang de dag rlung gis kho na yang dag par blangs nas 'dzin par byed

  247. 124a

    de g.yo 'gul la sogs pa'i ngo bo de yin pa'i phyir ro/ /rnam par shes pas ni ma yin te/ g.yo 'gul la sogs pa med pa'i phyir ro/ /de bas na 'phye bo dang long ba bzhin du rlung dang ldan pa'i rnam shes ni/ rtag tu 'gro la gnas par 'gyur/ /zhes bya ba 'dis srid pa gsum gyi bar du yang 'gro ba dang 'ong zhing 'jug par 'gyur ro/ /las kyi lus kyis skye ba bstan par bya ba'i phyir/ e/ 'di ni zhes bya ba la sogs pa smos te/ 'chi ba'i srid pa 'das nas zhag nyi shu rtsa gcig gi bar du bar ma do'i srid pa nam mkha' la gnas par 'gyur te/ rang gi gnyen dang gnas la sogs pa dang bdag gi lus 'di yin zhes yongs su ngo shes shing gnas so/ /de bas na las kyi rlung gis bskul bas pha ma'i g.yem pa'i dus su zhe sdang dang bcas pa 'am 'dod chags dang bcas pas skye gnas su 'jug cing lus len par byed do/ /de bas na rnam par shes pa gsum gyi ni bzhi pa ste/ skul bar byed pa'o/ /de yid rang bzhin rtag tu ni/ /ji lta ji ltar nges par 'byung/ /zhes pa ni rnam par shes pa rnams las/ sems las byung ba'i ngo bo nyid kyi 'dod chags bral ba la sogs pa rang bzhin rnams skad cig la sogs pa'i dus kyi dbye ba dang/ yul gyi snang ba yod pa las skye bar 'gyur ro/ /mngal nas 'byung ba'i ngo bo bstan par bya ba'i phyir/ /ka/ sra ba'i khams zhes bya ba la sogs pa smos te/ rlung nyid kyis 'byung ba chen po bzhi blangs te/ lus can rnams khams gsum du 'khor bar byed do/ /phung po 'byung ba bstan par bya ba'i phyir/ /smin/ 'di na zhes bya ba la sogs pa smas pa 'dis de lta bu'i lus po gzugs la sogs pa'i phung po lnga'i bdag nyid du skye bar 'gyur ro/ /'dus byas mtshan nyid ni de dag rten cing 'brel pa las 'byung gi rang dbang du ni ma yin no/ /ji skad du/ dngos po las ni dngos mi skye/ /dngos med

  248. 124b

    las kyang 'byung ba min/ /dngos po rtag tu skye ba ni/ /'khrul bas mkha' yi me tog bzhin/ /bdag las ma yin gzhan las min/ /gnyi ga las min rgyu med min/ /dngos po gang dang gang na yang/ /skyes pa ni yang yod ma yin/ zhes 'byung bas so/ /de bas na 'khrul ba tsam gyi ngo bo gzugs la sogs pa phung po lnga zhes tha tshig go /byang chub kyi sems kyis rnam 'grel las kyang gzugs ni dbu ba lta bu ste/ /tshor ba chu bur lta bu yin/ /'du shes smig rgyu lta bu ste/ /'du shes chu shing dang 'dra zhing/ /rnam shes sgyu ma lta bu ste/ /phung po'i bstan pa 'di yin no/ /zhes 'byung ngo/ /kun nas nyon mongs pa'i phyogs bstan nas rnam par byang ba'i phyogs bstan par bya ba'i phyir/ sa mnyam nyid ces bya ba la sogs pa smos te/ phung po lnga gnas gyur pas ye shes lnga thob pa'i rnam par shes pa gsum kho na rgyu yin no/ /de med pas phung po yang med do/ /ci'i rnam par dag par bya ba'i phyir ye shes skye'o/ /skye mched kyi bskyed pa bstan par bya ba'i phyir ram yid kyi skye mched ces bya ba la sogs pa smos te/ yid la sogs pa nang gi skye mched drug ste/ gang gi las kyi lus po 'di dang yul rnams dang len par byed de/ 'dir ni tshigs su bcad pa gcig dor te bshad par bya ba yin no/ /lus skyes pas las kyi dbang gis skye ba len pa bstan par bya ba'i phyir/ b+ha/ 'di las rang bzhin zhes bya ba la sogs pa smos te/ 'dod chags la sogs pa'i rang bzhin brgya drug cu'i dbang gis bde ba dang mi dge ba'i las byas nas de nas shi 'phos te ngan song dang bde 'gro la sogs pa'i mtshan nyid can skye ba thob pa gang yin pa de'i rgyu ni rnam par shes pa gsum po kho na las gzhan ma yin no/ /bskyed pa'i rim pa phung po rnam par dag pa bstan par bya ba'i phyir/ ga/ 'gro ba zhes bya ba la sogs pa smos te/

  249. 125a

    'gro ba ni mi la sogs pa'i 'gro ba'o/ /des na bde 'gro dang ngan 'gro dag tu nye bar len pa'i phung po lnga gzugs la sogs pa gang yin pa de dag 'byung bar ni skye bar 'gyur te nyon mongs pa dang las dang rnam par smin pa'i ngo bo nyid rten cing 'brel pa yan lag bcu gnyis kyi mtshan nyid can srid pa'i 'khor los yongs su 'khor ro de dag dag par bya ba'i phyir bskyed pa'i rim pa mngon par byang chub pa rnam pa lnga'i bsgom pas sangs rgyas lnga'i ngo bo nyid thob pa gang yin pa de'i yang rgyu ni rnam par shes pa gsum yin no/ /sa la sogs pa rnam par dag pa'i rgyu bstan pa'i phyir/ wA na rlung dang zhes bya ba la sogs pa smos te/ sa la sogs pa khams bzhi po rnam par dag pa'i ngo bo spyan ma la sogs kyi btsun mo bzhi po yang rnam par shes pa gsum po las byung ba ste/ de la dmigs pa las de dag rnam par dag pa'i phyir ro/ de pas na sangs rgyas byang chub ni zhes smos te sa brgyad pa la gnas pa'i byang chub sems dpa' las sangs rgyas nyid ster bar byed pa de nyid ces tshig lhag ma'o/ /mig la sogs pa rnam par dag pa'i rgyu nyid bstan par bya ba'i phyir/ sa thams cad ces bya ba la sogs pa smos te/ bskyed pa'i rim pas de bzhin gshegs pa thams cad kyis gang sngar bshad pa de nyid rnam par shes pa gsum gyi rgyu can yin no/ /phyag rgya bzhis ni rgyas btab cing/ zhes pa ni de las dgug pa dang/ gzhug pa dang/ bcing ba dang/ dbang du bsdu ba'i mtshan nyid can phyag rgya bzhi po'o/ /gang gis ye shes sems dpa' dgug pa la sogs pa bya ba'o/ /yang na spyan la sogs pa bzhi po ni phyag rgya bzhi ste/ /de rnams kyis rgyas btab pa ni yongs su bskor te des ni gsang ba lnga'i dkyil 'khor chen po bstan to/ /yang

  250. 125b

    na las dang/ chos dang/ dam tshig dang phyag rgya chen po'i dam tshig can bzhi'o/ /phyag rgya chen po'i gzugs de dag gis 'grub par byed pa'o/ /ji skad du thams cad mkhyen pa 'jigs byed ces bya ba rnal 'byor chen po'i rgyud las/ de nas de dag rnams kyis ni/ /rnal 'byor gsang ba mchog bshad bya/ /dang po ye shes sems bsgoms nas/ phyag rgya chen po 'chad par bya/ /zla ba'i dkyil 'khor dang mtshungs pa'i/ /snying gar gnas pa'i byang chub sems/ phyi mo'i yi ge dang mtshungs pa/ cung zad snang ba tsam du bsgom/ /rnal 'byor chen po'i mthong ba bzhin/ /dam tshig ces bya bcang bar bya/ /rtag tu las kyi rgya bcings te/ /sna tshogs rdo rje snying gar gnas/ /des pa nyid du shes byas na/ /de tshe the tshom med par 'grub/ /dang po rdo rje lcer bsgoms te/ /chos kyi phyag rgya yang dag 'chang/ /ci 'dod pa yi las rnams ni/ /myur du the tshom med par 'grub/ /de ltar phyag rgya rnam pa bzhi/ /blo ldan gang gis mi shes na/ /sdom pa'i rnal 'byor mchog nyid ni/ /de yis nges par thob mi 'gyur/ /dkon zhing bde ba'i thabs 'di ni/ /sangs rgyas rol ston gsang ba yin/ /de ni byang chub sems yin te/ rtag tu shes rab rgya mtshor gnas zhes 'byung ngo/ /mig la sogs pa'i bdag nyid der zhes pa ni lus de nyid du mig la sogs pa gang yod pa de dag tu shin tu rnal 'byor gyi rim pas sa'i snying po la sogs pa byang chub sems dpa' brgyad kyi sa bon bkod pas rnam par dag par byed pa gang yin pa de ni shes pa gsum gyi rgyu can kho na'o/ /rtog pa'i rnal 'byor pa'i yan lag la dgod pa ni shes pa gsum gyi yang rgyu can yin par bstan par bya ba'i phyir/ rba/ rol pas zhes pa la sogs pa smos te/ phyogs bcu na gnas pa khro bo'i rgyal po'i phyi'i dkyil 'khor du brgya byin la sogs pa phyogs skyong rnams

  251. 126a

    zil gyis mnan nas bzhugs pa/ stobs dang mthu che ba gang yin pa de rnams zhal la sogs pa'i yan lag dang nying lag rnams su rnam par bkod pa/ sku'i dkyil 'khor gyi tshul du bzhugs pa gang yin pa de yang shes pa gsum gyi rgyu can yin no/ /de'i rjes su dkyil 'khor nye bar sdud pa la rang bzhin med pa'i nyid kyi sgom pa'i yang rgyu shes pa gsum yin pa zhes bstan par bya ba'i phyir/ ta/ de dang de yi zhes bya ba la sogs pa smos te/ thugs kyi rdo rje 'dzin pa la sogs pa'i rigs las 'byung ba ste/ de bzhin gshegs pa dang lha mo dang byang chub sems dpa' dang khro bo rnams so/ /de dag kho na yod min zhes pa ni las kyi rgyal ba mchog gi ting nge 'dzin gyi mthar nye bar bsdu bas dmigs par mi 'gyur ro// 'on kyang 'gro ba'i don du bstan pa yin zhes pa ni 'dod chags la sogs pa'i nyon mongs pas dkrugs pa'i sems can gyi khams rjes su gzung bar bya ba'i phyir/ /de dang de'i mos pas dbye bas bcom ldan 'das kyi sprul pa yin gyi/ /don dam par de dag thams cad 'od gsal ba nyid do/ /rdzogs pa'i rim pa'i rnal 'byor pas so sor sdud pa'i yan lag gis 'jug pa ni shes pa gsum gyi rgyu can yin no zhes bstan par bya ba'i phyir/ /thA/ 'di las zhes bya ba la sogs pa smos te/ 'dod pa'i yon tan lnga nye bar spyod pa'i dus su dman pa dang bar mang dam pa'i dbye bas so so tha dad pa'i gzugs la sogs pa yul lnga mchog tu gyur par rnam par 'jog cing shes pa gsum gyi ngo bo nyid yin zhes rnam par spyod cing/ /yul dang dbang po bcu gnyis po gnyis su med par mthong nas rnam par snang mdzad la sogs pa de bzhin gshegs pa'i ngo bor lhag par mos te/ rnal 'byor pas gnas par bya'o/ /so sor sdud pa dag par bya ba'i phyir/ bsam gtan gyi yan lag gis 'jug pa gang yin pa de

  252. 126b

    ni ye shes gsum gyi rgyu can no/ /zhes bstan par bya ba'i phyir/ ga/ dbang po rang nyid ces bya ba la sogs pa smos te/ dbang po lnga ni rang rang gi yul 'dzin pa la sred pa can yin pas gang gi tshe de rnams gzung bar byed na de'i tshe de bzhin gshegs pa'i ngo bo nyid ye shes lnga'i rang bzhin gyis snang bas spyod par bya'o/ /don de nyid rgyas par bstan par bya ba'i phyir/ ta/ dbang po de de'i zhes bya ba la sogs pa smos te/ mig la sogs pa'i dbang po'i sgo nas rang rang gi yul thob cing/ de dang de las 'byung ba'i dga' bas de bzhin gshegs pa thams cad tshim par bgyid do/ /zhes lhag par mos pas shes pa gsum po kho na'i rnam 'phrul yin te/ bde ba'i rang bzhin rnam par shes pa gsum las 'byung ba'i phyir ro/ /shes pa gsum brtag pa nye bar bsdud pa bstan par bya ba'i phyir/ kA/ sku gsum zhes bya ba la sogs pa smos te/ dang po'i sbyor ba la sogs pa'i ting nge 'dzin gsum gyi rim pa 'am bdag la byin gyis rlob pa'i rim pas/ chos dang longs spyod dang sprul pa'i bdag nyid sku gsum pa bcom ldan 'das kyis gang gsungs pa/ tha dad par skyob pas gsungs pa ni so sor nges pa can bstan pa gang yin pa de yang shes pa gsum gyi rnam 'phrul yin no/ /rdzogs pa'i rim pa'i sbyor ba yis/ /gcig tu yang ni gyur pa yin/ zhes pa la/ ye shes gsum gyi rnam par rtog pa spangs pas/ 'od gsal ba shar bar gyur pas ro gcig tu 'gyur ro/ /zhes bya ba'i don to/ /de yan chad ye shes gsum po rnam par dpyod pa'i mtshan nyid can sbas pa'i don rnam pa gcig tu bstan to/ /ye/ gang yang khams gsum sems can rnams zhes bya ba la sogs pa sngon du bshad pa'i tshigs su bcad pa bshad par bya ste/ sgo nga las skyes pa dang mngal nas skyes pa dang drod gsher las skyes pa dang rdzus te skyes

  253. 127a

    pa'i dbye bas khams gsum gyi sems can ji srid yod pa de srid thams cad/ bsam gtan dang klog pa'i ting nge 'dzin dang kha dog med cing mi shes pas kyang rdo rje'i bzlas pas gsang sngags kyi rgyal po rang bzhin gyis bzlas par byed de/ /srog dang rtsol ba de'i ngo bo bzlos pa'i phyir ro/ /gang gi phyir pha ma mnyam par sbyor ba'i dus su 'jug pa la sogs pa'i rlung gsum gyi bdag nyid nye bar sdud pas sems can de rnams skyes pa'i phyir ro/ /nyin dang mtshan du stong phrag nyi shu rtsa gcig dang drug brgya'i rlung rnams rgyu ba ste/ zo chun bzhin no/ /'dis ni 'dod chags kyi chos rab tu bstan pas sbas pa'i don gnyis bshad do/ /da ni kun rdzob kyi bden pa rtogs par byed pa'i mtshan nyid bdag la byin gyis rlob pa'i rim pa bstan par bya ba'i phyir/ ya/ gang zhig ces bya ba la sogs pa smos te/ sangs rgyas rnams kyi ni de bzhin gshegs pa thams cad kyi sku ste rnam pa'o/ /de 'ja' tshon bzhin du gang gis mthong ba de mtshan nyid do/ /kun rdzob ces pa ni myur ba'i ting nge 'dzin gyis bzhengs pa'i ye shes kyi sku'o/ /de'i bden pa ni sgyu ma bcu gnyis kyi dpe dang 'dra bar mthong ba'o/ /de nyid rdzogs pa'i rim pa zhes bshad pa yin te/ 'od gsal ba rnam par dag pas so/ zhes pa ni sems rnam par dag pa'i rim pas thob pa'i 'od gsal ba'i de kho na nyid las myur du yang dag par byung pa'i phyir ro/ /bdag la byin gyis rlob pa'i sgyu ma dang mtshungs shing 'gro ba'i don byed pa yang bstan par bya ba'i phyir/ wA ga/ tshig gi lam zhes bya ba la sogs pa smos te/ 'di ni rang bzhin ye shes sku/ /ngag gi lam gyi spyod yul yin/ /zhes pa ni sprul pa bzhin du chos bstan pa la brtson pa'o/ /sems can kun las phan pa'i phyir/ zhes pa ni grol ba'i gnas thob par bya ba'i phyir 'ja' tshon bzhin du ni dbang po'i gzhu dang 'dra bar snang ba ste gdul bya

  254. 127b

    rnams kyis mthong ngo/ /myur ba'i rnal 'byor bstan nas snang ba thob pa la sogs pa bstan pa'i phyir/ /tsi ta sems zhes bya ba la sogs pa smos te/ sems ni 'jug pa'i rnam par shes pa'o/ /sems las 'byung ba ni nyon mongs pa can gyi yid do/ /ma rig pa ni kun gzhi rnam par shes pa'o/ /de rnams kyi go rim bzhin du shes rab dang thabs nye bar thob pa ste/ ming gi rnam grangs so sngags dang phyag rgya'i rim pas rnam par shes pa rnams lo gang na de nyid snang ba dang snang ba mched pa dang/ snang ba thob pa dang stong pa dang shin tu stong pa dang stong pa chen por 'gyur ro/ /de ltar gnas pas dbang po dman pa'i rnal 'byor pas dang po 'od gsal ba nyams su myong nas des rjes su mtshams kyi snang ba dang 'dra ba'i snang ba thob pa'i ye shes mthong nas/ de'i rje'i nyi ma'i snang ba dang 'dra ba'i snang ba mched pa'i ye shes rnam par rtogs shing/ de las kyang zla ba'i snang ba dang 'dra ba'i snang ba'i ye shes nges par byas la/ thams cad yongs su gyur pa las ye shes kyi sku rdzogs par 'gyur zhes snang ba thob pa la sogs pa'i rim pas bdag byin gyis brlob pa gnyis pa'o/ /rim pa gsum pa la gnas pa'i spyod pa bstan par bya ba'i phyir/ ta/ rang bzhin zhes bya ba la sogs pa smos te/ rang bzhin ni 'dod chags dang bral ba la sogs pa dang/ snang ba ni snang ba'i ye shes la sogs pa rnams kyi dbye ba shes pa ste/ rim pa gnyis pas de rnams la goms pa'i phyir ro/ /de nas spyod pa rab tu bya/ zhes pa ni sku'i rnam pa thob nas dkyil 'khor dang mchod pa dang sbyin sreg dang bstod pa la sogs pa'i mtshan nyid spyod lam rnam pa bzhi dag tu gang byed pa de dag thams cad sgyu ma bzhin du bya'o/ /de bas na sgyu ma lta bu yongs su shes pas/ /lus kyi las ni yongs spangs nas/ zhes pa ni dge ba dang mi dge bas las dang 'brel pa'i lus po yongs su spangs pas rdo rje sku ste/ ye shes kyi rang bzhin gyi sku nyid thob par 'gyur ro//

  255. 128a

    longs spyod rdzogs pa'i sku'i rang bzhin gyis brlab pa bstan nas/ sprul pa'i sku'i bdag byin gyis brlab pa bstan pa'i phyir/ h+ri/ thugs la zhes bya ba la sogs pa smos te/ don spyod pa ni sems can gyi don la spyod pa ni sngon gyi smon lam gyi bag chags las 'byung ba'i 'jig rten pa ni 'jig rten pa dang 'dra ba'i spyod pa thugs la bzhag nas so/ /kun rdzob pa'i skur sprul nas zhes pa ni de bzhin gshegs pa dang lha mo dang byang chub sems dpa' dang/ khro bo'i bdag nyid can gyi dkyil 'khor gyi 'khor lo spros te/ 'dod la zhes pa ni 'dod pa'i yon tan lnga la longs spyod cing sems can gyi don mdzad nas bya ba byas par 'gyur ro/ /de nyid bstan par bya ba'i phyir ro/ /nga/ yid bzhin zhes bya ba la sogs pa smos te/ bdag la byin gyis rlob pa la gnas pa'i rnal 'byor ba de nyid kyis sems can thams cad la mngon par 'dod pa'i don yid bzhin nor bu ltar ster bar 'gyur ro/ /sangs rgyas rnams kyi phun tshogs kyang/ /zhes pa ni de bzhin gshegs pa rnams kyi sbyor ba ste/ phra ba la sogs pa dang bstan pa'i cho 'phrul la sogs pa rnams kyang stobs kyis blangs nas spyod par 'gyur ba ni nan gyis bdag nyid du 'jog par byed do/ /de nyid kyis thams cad kyi dbang phyug nyid bstan par bya ba'i phyir/ ya/ rnal 'byor zhes bya ba la sogs pa smos ste rnal 'byor pa'i dbang phyug des/ gang dang gang 'dod pa ni bde ba nye bar spyod pa la sogs pa 'gal ba 'am mi 'gal ba gang 'dod pa de dang de dag sgrib pa med cing ma gos pa'i ngo bo nyid kyis byed pa ni thams cad spyod pa'o/ /de bas na mnyam par ma bzhag rnal 'byor gyis/ zhes bya ba smos te/ bzhengs pa dang 'dug pa dang nyal ba dang 'tsheg pa'i sbyor bas gnas na yang/ rtag tu mnyam par bzhag par 'gyur ba ni dus thams cad du rtse gcig pa

  256. 128b

    ste/ sgyu ma lta bu'i ting nge 'dzin las mi g.yo ba'i phyir ro/ /'phags pa byams pas kyang/ ji lta ji ltar mngon sum sna tshogs spyod yul la/ /spyod pa la gnas snying rje'i bdag nyid kyis 'jug pa/ /de dang de ltar rigs pa dang mtshungs tshig rnams kyis/ /sems can rnams la phan phyir mngon par 'du byed pa'o/ /zhes 'byung ngo/ /sgyu ma lta bu'i ting nge 'dzin nyid kyis snyoms par 'jug pa bstan par bya ba'i phyir/ wa/ rdo rje pad+ma zhes bya ba la sogs pa smos te/ mchog gi bsnyen pa la sogs pa'i rim pas rdo rje dang pad+ma mnyam par sbyor zhing sngon du bshad pa'i ye shes gsum gyi dbye ba shes par 'gyur ro/ /de shes nas bde bas ni bde ba chen po'i ting nge 'dzin gyis rtag tu gnas par bya'o/ /blo la gos dang ma gos pas zhes pas ni nyon mongs pas so/ /blo gos pas ni 'od gsal bas so/ /de ltar 'od gsal ba'i de kho na nyid kyis khyab pa'i sgyu ma lta bu'i ting nge 'dzin bstan to/ /'od gsal ba la gnas pa'i rnal 'byor pas sems can gyi don bstan pa'i phyir/ dzre/ sgyu ma lta bu zhes bya ba la sogs pa smos te/ rnal 'byor ba des sgyu ma lta bu'i ting nge 'dzin gyi sgo nas dngos po thams cad dang sangs rgyas kyi bya ba ni bstan pa dang/ yongs su smin pa dang/ rnam par grol ba la sogs pa byed pa ni mdzad pa'o/ /gtan la dbab pa'i gzhi ni grub pa'i mdza' ste/ de nyid mi 'pho ba'i phyir gnas pa'o/ /de la gnas pa ni ngal so ba'o/ /rim pa gnyis goms pas gsum pa thob nas de nyid 'dor bar byed do zhes bya ba'i don to/ /bskyed pa'i rim pa'i rnal 'byor pa'i rnal 'byor bzhi las khyad par bstan par bya ba'i phyir/ yo/ ba la sogs pa'i ting nge 'dzin 'grub par 'gyur ro/ /'dir rnal pa'i rnal 'byor bzhi ste/ gang gis dang po'i sbyor ba zhes bya ba la sogs pa'i ting nge 'dzin 'grub par 'gyur ro/ /'dir rnal 'byor ni thabs

  257. 129a

    so/ /rjes su rnal 'byor ni shes rab bo/ /shin tu rnal 'byor ni de dag gi snyoms par zhugs pa'o/ /rnal 'byor chen po ni snyoms par zhugs pa las bde ba chen po thob pa'o/ /de nyid bstan par bya ba'i phyir dang/ rdo rje can ni skyes bu'o/ /mkha' 'gro ni shes rab bo/ /de dang nyid ni rdo rje dang pad+ma snyoms par zhugs pa'o/ /yang gi sgras ni bde ba chen po'o/ /rnal 'byor gyi sgras ni rjes su rnal 'byor du shes par bya'o/ /de ltar gyur pa'i rnal 'byor pa rang dbang du spyod pa na yang na gos pa nyid bstan par bya ba'i phyir/ ShiTa/ dgag pa zhes bya ba la sogs pa smos te/ dgag pa ni 'jig rten dang 'gal ba'i las so/ /dper na dkon mchog gsum la gnod pa can rnams la rnam par 'tshe ba dang/ ser sna can la rdzas 'phrog pa dang/ 'dod chags can la bu smad 'phrog pa dang/ nga rgyal can la nga rgyal gcod pa dang/ phrag dog can la rtsub mo smra ba dang/ de la sogs pa 'jig rten dang 'gal ba'i las rnams thabs la mkhas pa'i dbang gis byas te gos par mi 'gyur te/ snying rje chen po'i dbang gis byas par gyur na sgrib par mi 'gyur ro/ /bya dang bya min rnam spangs la/ zhes pa la/ bgrod pa dang bgrod par bya ba ma yin pa la sogs pa'i rnam par rtog pa spangs pa yin te/ ngo bo nyid shes pa'i phyir ro/ /pad+ma la ni 'dam gyis bzhin zhes bstan to/ /de'i phan yon bstan par bya ba'i phyir/ /b+ha/ yon tan zhes bya ba la sogs pa smos te/ phra ba la sogs pa yon tan brgyad kyi dbang phyug gam sku'i dbang phyug la sogs pa de dang ldan pa'o/ /sems can thams cad rig 'byung/ /zhes pa ni 'das pa la sogs pa'i dus gsum gyi nad na gnas pa'i sems can thams cad kyi sems kyi spyod pa dang 'chi 'pho ba dang skye ba la sogs pa shes par 'gyur ro/ /de bzhin du

  258. 129b

    yang sems can gyi don bya ba phyir bdag nyid ye shes lus kyi spyod/ ces pa ni sgyu ma lta bu'i rnam pas 'jig rten gyi khams ma lus pa ste/ sangs rgyas kyi zhing rnams yongs su spyod do/ /phyi dang nang gi rim pas de'i gzhi bstan par bya ba'i phyir/ /ge/ gtso bo zhes bya ba la sogs pa smos te/ nam mkha' ni nam mkha' i dbyings so/ /de'i khyim ni bzhugs gnas so/ /gtso bo gang du spyod pa'i/ /zhes pa la/ mi bskyod pa la sogs pa lnga'i gtso bo dpal rdo rje sems dpa' / 'gro ba'i don mdzad pa'i phyir gang du spyod pa pa zhes pa ni bzhugs shing gnas pa 'tsho zhes bya ba'i bar du'o/ /bde ba chen po'i ting nge 'dzin gyis/ de nyid du ni rtag tu rol ces pa la/ 'od gsal ba'i de kho na nyid mngon du byas pas/ spro ba dang bsdu ba'i rol pas rol par 'gyur ro zhes phyi'i don to/ /de bzhin du rnal 'byor pa de'i nam mkha' ni nam mkha' dang 'dra ba'i khong stong pad+ma ni khyim ste/ bzhugs pas so/ /gtso bo gang du spyod pa zhes pa la/ phyag rgya'i pad+ma gang du dpal rdo rje 'dzin pa steng dang 'og tu byang chub kyi sems gzugs kyis yongs su spyod pa'o/ /ji skad du/ b+ha ga'i dbus su nam mkha' gang/ /nam mkha' lnga yis rnam par brgyan/ zhes 'byung bas so/ /de bzhin du yang chos dbyings 'di ni rnam par dag/ sems can khams ni grol byed pa/ /rang nyid rdo rje 'dzin rgyal po/ / dngos kun gyis ni 'di la bzhugs/ zhes 'byung ngo/ /de la phyag rgya'i pad+mar bde ba chen po'i ting nge 'dzin gyis ni snang ba la sogs pa'i ye shes gsum rnam par dad par byed pa bde ba chen po'i rnam grangs can 'od gsal ba nyams su myong bas rol te/ rang rig pa'i ngo bo nyid kyis gnas so zhes nang gi don to byin gyis rlob pa'i rim pa'i rnal 'byor pas dbang du sems rnam par dag pa yang mngon du bya ba'i phyir/ ? 'di la snang ba/ zhes bya ba la sogs pa smos te/ snang ba la sogs pa'i ye shes

  259. 130a

    gsum po mtshams la sogs pa'i sgras tha snyad du bya'o/ /'jig rten na mtshams la sogs pa gzhan med de ye shes gsum du mthong ba'i phyir ro zhes pa la/ 'jug pa rnam par shes pa la sogs pa'i bzlog pas spangs pa'i phyir ro/ de dang de'i rjes su mthun pa snang ba gsum bzhin du phyi'i mtshams la sogs pa'i rnam par rtog pa brdzun pa nyid do/ /'das pa la sogs pa yang ye shes gsum gyi rnam par dag pa bstan par bya ba'i phyir wi/ sna tshogs zhes bya ba la sogs pa smos te/ sna tshogs pa'i tha snyad ni lus dang ngag dang yid kyi bya ba ste/ spyod lam bzhi'i mtshan nyid can de dag chags pa dang bral ba la sogs pa'i rang bzhin gyi dbye bas sna tshogs can te dge ba dang mi dge ba dang lung du ma bstan pa zhes bya ba'i bar ro// 'jig rten pas ni yongs brtags pa zhes pas ni so so'i skye bos btags pa gang yin pa de dag dus gsum gyi dbye bas ni ye shes rnam pa gsum las 'byung zhes rig par bya'o/ /de ltar yin na ye shes gsum ltar spang bar bya zhes tha tshig go /skye ba la sogs la yang de'i ngo bo yin zhes bstan par bya ba'i phyir/ dza/ skye dang zhes bya ba la sogs pa smos te/ 'dus byas pa'i mtshan nyid gsum ste/ skye ba dang gnas pa dang 'jigs pa'o/ /de bzhin du yang srid pa bar ma ni gong du bstan to/ /ji snyed 'jig rten gyis brtags la/ zhes pa ni rten cing 'brel bar 'byung ba yan lag bcu gnyis la sogs pa'i rnam par rtog pa'o/ /sems kyi rlung gi rnam 'phrul la zhes pa ni de dag thams cad rnam par shes pa'i rlung gi rgyu las kun tu skye bar 'gyur ro/ /de ltar shes nas de dag rnam par dag par bya ba'i phyir 'bad bar bya'o/ /slar yang bdag byin gyis rlob par bya ba'i phyir/ ha/ rgod dang zhes bya ba la sogs pa smos te/ rgod pa ni sgeg pa'i ro'i bye brag go /rtsed mo ni gar dang glu dang rol mo la sogs pa'o/ /de bzhin du

  260. 130b

    yang gar gyi ro dgu zhes pa ni sngon du bshad pa'o/ /ldan pa ni de'i lag tu gyur pa'i tha snyad do/ /de bzhin du phyag rgya ni lag pa dang rkang pa dang rked pa dang mgrin pa la sogs pa'i yan lag gi khyad par gyi bya ba'i nyid do/ /sngags ni zhi ba dang khro bo dang gnyi ga ma yin pa'i dag gis brjod par gyur pa'o/ /rnam par rtog pa ni sems las gyur pa rtse gcig pa la sogs pa'o/ /rdo rje sems dpa' i rnam 'phrul zhes pa ni de dag thams cad sgyu ma lta bu'i ting nge 'dzin las rnam par 'phrul pa ste/ 'byung po zhes rnal 'byor pas shes par bya'o/ /de ltar shes pas ting nge 'dzin de la legs par gnas par 'gyur ro/ /nye bar sdud pa bstan par bya ba'i phyir/ ra/ bdag byin zhes bya ba la sogs pa smos te/ bdag byin gyis rlob pa'i rim pa spangs te/ rin po che gzhan ni 'gro ba thams cad kyi re ba rdzogs par byed pa yod pa ma yin te/ gang gis phyir bskyed pa'i rim pa'i sngags kyi skus re ba rdzogs par byed pa mi nus te/ btags pa ma yin pa'i phyir ro/ /rdzogs pa'i rim pa'i sems rnam par dag pa dang mngon par byang chub pa'i rim pa dag gis 'gro ba'i don yang mi 'grub ste/ 'od gsal ba tsam gtso bo yin pa'i phyir ro/ /rdo rje bzlas pa'i rim pas kyang sems can gyi don med de/ rlung la dbang thob pas so/ /de'i phyir 'gro ba'i don la bdag byin gyis rlob pa kho na mchog yin no/ /sgyu ma lta bu'i ting nge 'dzin la mngon par zhen pa brgya la srid pas de dgag par bya ba'i phyir/ rim pa bzhi bsgom par bya ba yin zhes zur gyis mthar thug pa'i phyogs gcig pa 'od gsal ba la 'jug par bya ba'i phyir/ mes zhes bya ba la sogs pa smos te/ rim pa bzhi pas thob pa'i 'od gsal bas gal te/ bdag byin gyis rlob pa'i sku dag par 'gyur na/ de'i tshe mes sbyangs pa'i gser bzhin du rnam par dag pa dri ma med cing spros pa med par 'gyur ro/ /de'i phyir rim pa bzhi yang sgom par byed par rig pa kho na'o/ /lung tshad ma nyid du bstan par bya ba'i phyir/

  261. 131a

    dpal ldan 'dus pa zhes bya ba la sogs pa smos te/ rdo rje phreng ba zhes bya ba'i bshad pa'i rgyud las bcom ldan 'das 'jam pa'i dbyangs kyis khro bo'i rgyal po gshin rje gshed la bzhugs pa'i tshig don ni gleng bzhi'i tshig don bshad pa yin zhes pa ni de ltar gtan la dbab par bstan pa'o/ /sbas pa zhes pa ni bshad pa'i khyad par ro/ /des na don 'di yin te/ 'dod chags kyi chos bstan pa'i sgo nas rdo rje bzlas pa'i rim pa dang ye shes gsum brtags pa'i sgo nas sems la rnam par rtog pa'i rim pa dang/ kun rdzob kyi bden pa rtogs pa'i sgo nas bdag la byin gyis rlob pa'i rim pa bstan ces sbas pas rim pa gsum so sor bstan to/ /yang lung gis bshad pa gsungs pa zhes bya ba 'dis rim pa tha ma gnyis po ston par byed pa mthar thug pa nyid bstan par bya ba'i phyir/ rgyud 'di zhes bya ba la sogs pa smos te/ 'di skad bdag gis thos zhes sdud pa po'i tshig gsal ba kho na'o/ /gsal ba 'ga' zhig dus yin te/ zhes pa ni snyoms par zhugs pa'i dus su bcom ldan 'das kyi khyad par ro/ /rdo rje gsang ba bcom ldan 'das zhes pa ni gsang ba'i rdo rje ni rtags bstan pa'o/ /de'i dbang phyug ni snyoms par zhugs pa'i dbang gis bde ba thob pa'o/ /rdo rje gsum po dam tshig mchog /ces pa ni de bzhin gshegs pa thams cad kyi sku gsung thugs zhes 'di bshad pa'o/ /des na don 'di yin te/ rdo rje gsum ni sku la sogs pa'o/ /de rnams kyi dam tshig ni dbyer med par yongs su shes pa'o/ /des mchog ces pa ni zung du 'jug pa'i rim pa'i yan lag tu gyur pa bcom ldan 'das kyi khyad par ro/ /ye shes de bzhin gshegs pa kun/ zhes pa ni rdo rje gsum ni btsun mo'i b+ha ga'i khyad par ro/ /de bzhin gshegs pa kun ni phung po lnga'i ye shes te/ ro gcig pa nyid du rtogs pa ni 'od gsal

  262. 131b

    ba'o/ yon tan phun tshogs bsam mi khyab/ /ces pa ni byang chub kyi phyogs la sogs pa sangs rgyas kyi yon tan gyi tshogs bsam gyis mi khyab pa gang la yod pa de la 'di skad ces bya'o/ /des ni chos kyi sku'i ngo bo rtag tu dga' ba'i rang bzhin can rim pa bzhi nges par bstan to/ /chad par lta ba spang bar bya pa'i phyir mi gnas pa'i mya ngan las 'das pa'i dbyings la mngon du byed pa'i mtshan nyid bsgom par bya ba yin pas de bstan par bya ba'i phyir/ yod med ces bya ba la sogs pa smos pa la/ yod pa dang med pa dang gnyi ga spangs pa dang/ gnas dang gnas ma yin pa gnyi ga bral ba ste zung du 'jug pa'i ting nge 'dzin to/ /nam mkha' gcig pu'i ngo bo 'dir zhes pa ni sgrib pa med pa'i ye shes kyi dbyings kyi ngo bor ro/ /thams cad mkhyen pa'i ye shes dngos/ zhes pa ni rtag tu 'bar zhing dri ma med pa'i 'gro ba gsum po skad cig ma gcig gis yongs su shes pa'o/ /'gro snying zhes pa ni g.yo ba dang mi g.yo ba'i ngo bo nyid khams gsum gyi rgyu rdo rje 'chang chen po'i de kho na nyid ces 'od gsal ba'i khyad par ro// rnam dag ces pa ni bden pa gnyis kyi rnam par rtog pa'i dri ma dag par byed pa zhes zung du 'jug pa'i rim pa'i khyad par ro/ /thub pa chen po ni bcom ldan 'das rdo rje 'chang chen po bzhugs so zhes pa ni mi gnas pa'i mya ngan las 'das pa'i dbyings kyi ting nge 'dzin la bzhugs so/ /mthar thug pa zhes pa ni rim pa tha ma so sor ston par byed pa yin te/ de las gzhan la mi slob pa'i phyir ro/ /slob ma la bshad pa'i zhes pa ni rin po che lta bu'i gang zag snod yin pa'i phyir ro/ /de yang sngar bshad zin to/ /bsdus pa'i don 'di yin te/ yi ge'i don dang spyi'i don dag gis bskyed pa'i rim pa dang sbas pa dang mthar thug pa'i rim pa dag gis rim pa lnga zhes pa rdzogs pa'i rim pa bstan to/ /de bas na bzhugs pa'i tshig nyid kyis zhes bya ba la sogs pa smos te/ bzhugs pa'i

  263. 132a

    phyogs gcig dang ldan pa'i tshig ni bzhugs pa'i tshig go /bar gyi sgra'i dbye bar byas pa'i las 'dzin pa'o/ /rgyud ma lus pa'i dgongs pa/ zhes pa ni le'u bco brgyad kyi bdag nyid kyi rgyud kyi don rim pa gnyis ma gtogs par gzhan mi dmigs pa'i phyir ro/ /yod na yang de nyid du 'dus pa'o/ /'khor phun sum tshogs pa bstan par bya ba'i phyir/ brjod kyis mi lang ba'i zhes bya ba la sogs pa smos te/ 'khor phun sum tshogs pa ni nyan pa po phun sum tshogs pa'o/ /ston te zhes pa ni sdud pa pos shes tshig gi lhag ma ste 'chad pa po dang gnas phun sum tshogs pa dag ni gleng gzhi'i tshig nyid du bstan pa'i phyir ro/ /brjod kyis mi lang ba zhes bya ba la sogs pa ni mang ba tsam du dgongs pa'i phyir ro/ /yang brjod kyis mi lang ba zhes bya ba la sogs pa ni de la gzugs ni mi ngoms pa'o/ /yon tan ni sbyin pa la sogs pa'i pha rol tu phyin pa'i mtshan nyid do/ /de yang dag gi spyod yul las 'das pa'o/ /de dag ces pa ni grangs dang gzugs la sogs pa'i yon tan dpag tu med pa'i phyir ro/ / sangs rgyas kyi zhing zhes bya ba la sogs pas dpe bstan to/ /gang gis zhes bya ba la sogs pa dkyil 'khor la smos te/ de tsam rgyud 'di ru bsgom par bya ba yin pa'i phyir ro/ /'di lta ste/ zhes bya ba la sogs pas de dag kho na gsungs so/ /dam tshig rdo rje ni don yod par grub pa zhes pa la/ dam tshig gi rigs yin pa'i phyir ro/ /ji skad du/ zhe sdang gti mug 'dod chags dang/ /yid bzhin nor bu dam tshig ni/ /'di da rigs ni lnga po ste/ /'dod dang thar pa rab sgrub pa'o/ zhes 'byung ngo/ /'dir yang zhes bya ba la sogs pa ni rigs dang rigs can rnams la bye brag med pa'i phyir ro/ /byang chub sems dpa' i sgra ni longs spyod rdzogs pa'i sku dang sprul pa'i sku dbyer? med pa'i phyir ro/ /dbyer med pa yang bya ba gcig yin pa'i phyir ro/ /de ltar sku rdo rje la sogs pa snga

  264. 132b

    ma bzhin no/ /ting nge 'dzin rdo rje ni nam mkha' i snying po zhes pa la/ rin chen 'byung ldan gyi rigs nam mkha' mdzod kyi ting nge 'dzin gtsor gyur pa'i phyir ro/ /rgyal ba rdo rje ni byams pa zhes pa la/ ma 'ongs pa'i dus su chos kyi rgyal srid la mnga' mdzad pa'i phyir ro/ /sa rdo rje zhes bya ba la sogs pa khams bzhi'i rnam par dag pa'i ngo bo spyan la sogs pa bstan to/ /dam tshig sgrol ma zhes pa ni don yod grub pa'i rigs yin pa'i phyir ro/ /gang gi phyir sgrol ma ni gnyis te/ dam tshig gi sgrol ma dang/ dbang gi sgrol ma'o/ /dbang gi sgrol ma ni 'od dpag tu med pa'i rigs pa can no/ /dam tshig sgrol ma ni de nyid kyi sku'i bye brag go/ nam mkha' rdo rje ni 'jam dpal zhes pa la rtag tu dri ma med cing zag pa med pa'i shes rab dang ldan pa'i phyir ro/ /gzugs rdo rje zhes bya ba la sogs pas gzugs la sogs pa rnam par dag pa'i mtshan nyid can na chod pa'i lha mo dang dbus kyi gtso mo yang bstan to/ /chos kyi dbyings kyi rdo rje ni kun tu bzang po zhes pa ni chos ni bya ba nan tan grub pa'i ye shes kyi rang bzhin can 'dzin pa dang/ mi phye ba'i phyir rdo rje ste/ chos kyi dbyings kyi rdo rje dam tshig gi rigs can no/ /byang chub sems dpa' i tshogs zhes bya ba la sogs pas nam mkha' i dbyings dang mtshungs pa/ longs spyod rdzogs pa'i sku'i ngo bo nyid de bzhin gshegs pa rnams kyang gsungs so/ /de dag ces bya ba la sogs pas rnam par snang mdzad la sogs pa lnga gzung ste/ de dang 'dra ba'i de bzhin gshegs pa gzhan rnams kyang bstan to/ /rigs lngas bsdus pa zhes bya ba la sogs pas de rnams kho na bstan to/ /de ltar gang gis lha'i 'khor lo yongs su rdzogs pa de tsam nyid kyi dpe bstan pa'i phyir de bas na sum cu rtsa gnyis dgod par rigs na ci'i phyir khro bo rnams ma bstan zhe na/ de ni bden te/ 'on kyang 'grel pa mkhan gyis 'chad par 'gyur te/ dper na sku'i dkyil 'khor nyid du lha dgod pa ji ltar zhes bya ba la sogs pas bshad pa'i rgyud kyi khungs las/ sku'i dkyil

  265. 133a

    'khor bzhin du 'byin pa'i dkyil 'khor yang yod par rigs so/ /'dir ma gsungs pa ni rang gis glegs bam lta ba rnams la 'khrul pa bskyed par bya ba'i phyir ro/ /'byin pa'i dkyil 'khor gyi skabs su le'u dang po las bzhi po gsungs te/ lhag ma rnams le'u bcu gsum pa las gsungs pa rnams mdo bsres te shes par bya'o/ /klog pa'i rim pa las don gyi rim pa stobs dang ldan pa yin no zhes gsungs so/ /de'i phyir gang gis lha'i 'khor lo yongs su rdzogs par 'gyur ba gang gsungs pa de ni rigs pa kho na'o/ /nam mkha' i dbyings thams cad dang mnyam pa zhes bya ba la sogs pas gzhal yas khang pa'i phyi rol tu bar snang la bzhugs so zhes pa'i bar du'o/ /'di lta ste zhes bya ba la sogs pas til gyi gang bu'i dpes de bzhin gshegs pa mdza' yas pa rnams kyi gnas pa mi 'gal bar bstan pa'o/ /drang ba'i don zhes pa ni yod pa tsam nyid bstan pa'i phyir ro/ /brjod kyis mi lang ba zhes bya ba la sogs pas dkyil 'khor gyi 'khor lo ma lus pa nye bar bsdus nas kyang lha thams cad kyi ngo bo rdo rje 'chang chen pos sems can rjes su gzung bar bya ba'i phyir gzhal yas khang pa dang dkyil 'khor pa rnams pa rnams sprul te rgyud gsungs zhes bya ba 'dis dkyil 'khor rgyal ba mchog gi ting nge 'dzin bstan to/ /nges pa'i don zhes pa ni rdo rje 'chang chen po nyid gzhi dang gzhi can gyi dkyil 'khor gyi de kho na nyid kyi rang bzhin yin pa'i phyir ro/ /de ltar zhes bya ba la sogs pas gleng gzhi sdud par byed do/ /de ni 'dod pa'i khams na gnas pa'i yul la tshogs pa'i sems can rnams shes bya ba la sogs pa la dpal gsang ba 'dus pa bstan pa'i dus su dang po rang gi sku la grub pa'i 'khor lo phyi rol tu spros te/ slar yang sku'i dkyil 'khor gyi tshul du bsdus la/ yang lha mo dgur spros te/ de dag gcig tu song ba dang lhan

  266. 133b

    cig tu bde ba chen po myong nas slar yang de bzhin gshegs pa thams cad nye par bsdus te gzhal yas khang pa sprul zhing de'i nang du lhag par mos pa'i dkyil 'khor byin gyis brlabs la de yang don dam pa'i dkyil 'khor gyi rim pas nye bar bsdus te/ dbus kyi gtso bo gyur nas dang po'i sbyor ba'i ting nge 'dzin gyi mthar dkyil 'khor 'byin pa'i mtshan nyid can dkyil 'khor rgyal ba mchog gi ting nge 'dzin rab tu bstan par gyur to/ /de nyid spros te bstan par bya ba'i phyir/ 'dod pa'i yon tan zhes bya ba la sogs pa spros pa la/ gzugs la sogs pa las/ phyag gyo gcig la gnas pas grol ba rab tu bstan par bya ba'i phyir ro/ /de nas zhes bya ba ni de ma thag pa'o zhes pa ni 'khor gyi nang du gnas pa'i 'og tu'o/ /yon tan brgyad kyi dbang phyug dang ldan pa ni sngar bshad zin to/ /chen po yang yin la rnam par snang mdzad kyang yin pas na zhes pa ni rdo rje 'chang chen po zhes bya ba'i don to/ /'dod chags kyi 'dod chags rab tu spang bar bya ba'i phyir zhes pa ni phyag rgya bsten pa'i chags pas chags kyi nyon mongs pa bzlog par bya ba'i phyir ro/ /'dod chags dang bral ba'i sku spangs nas zhes pa ni snyigs ma lnga'i dus su sgeg pa'i nyams gtsor gyur pas sgeg cing gzugs bstan to/ /de nyid bstan par bya ba'i phyir/ rdo rje 'chang chen po zhes bya ba smos so// sems can rnams smin pa zhes bya ba la sogs pas de bzhin gshegs pa rnams kyi ngo bo ni snying rje chen po'i bdag nyid kyi rgyu can yin zhes bstan to/ /de bas na dkyil 'khor gyi 'khor lo bsgom pas gang gi tshe 'gro ba'i don byed na de'i tshe de rdzogs par bya ba'i phyir de dang rjes su mthun pa'i ting nge 'dzin la dpal rdo rje 'chang chen pos dmigs par mdzad ces rgyud thams cad kyi gzhung lugs so/ /dkyil 'khor ba rnams/ shes pa ni 'khor rnams so/ /rang gi sa bon zhes bya ba la sogs pas ye shes sems

  267. 134a

    dpa' i thugs ka na gnas pa pad+ma dang zla ba dang rdo rje la gnas pa rdo rje 'chang chen po'i sa bon gyi 'od zer gyi lcags kyus nam mkha' i dbyings na bzhugs pa'i de bzhin gshegs pa la sogs pa'i tshogs bkug la 'jug par mdzad do// de nas de bzhin gshegs pa thams cad ces bya ba la sogs bas sngar nye bar bsdus pa gang yin pa de rnams kyis dga' ba bskyed par bya ba'i phyir bud med mchog gi gzugs su bcom ldan 'das kyi spros pa mdzad do/ /de ni don dam par bud med dang skyes pa'i bye brag gang yang med do zhes bstan to/ /gdul bya rnams 'jug par bya ba'i phyir sangs rgyas kyi rol ston gyi spros pa smad du 'byung bar bstan to/ /de la bcom ldan 'das mchog tu dga' ba'i bde bas/ shes pa ni mchog tu dga' ba las phyi ma'i dga' ba ni mchog tu dga' ba ste/ 'od gsal ba bzhi pa la 'jug go /yang na mchog ni thams cad kyi phul du byung ba ste dga' ba bzhi pa kho na'o/ /rnal 'byor pa la grags pa'i rigs pas mchog tu dga' ba'i sgras kyang bzhi pa brjod do/ /de lta na rang gzugs su de nyid ci'i phyir mi gzung zhe na/ skad cig ma yin pa'i phyir ro/ /bzhi pa ni blang bar bya ba yin te/ rtog pa med pa nyid kyis rtag pa yin pa'i phyir ro/ /de bas na tshim par bya ba'i phyir zhes smos pa la/ de nyid kyis tshim par bya bar rigs te/ 'khrul pa med pa'i phyir ro/ /snang ba la sogs pa'i ye shes gsum gyi bde ba ni 'khrul pa dang bcas pa yin te/ de ma yin pa la de nyid du gzung ba'i phyir ro/ /rang bzhin gyis dga' ba ni 'khrul pa med de/ chos nyid ni 'khrul pa med pa'i phyir ro/ /gnas skabs zhes bya ba la sogs pas ni 'og nas 'chad par 'gyur ba'i lha mo dgu ni de bzhin gshegs pa thams cad dang lha mo dang byang chub sems dpa' dang khro bo rnams kyi ngo bo nyid yin no zhes rab tu bstan to/ /gzhi dang gzhi can thams cad kyi dkyil 'khor

  268. 134b

    nye bar bsdus pa'i byang chub kyi sems las 'byung ba yin pas de'i rgyu mthun pa bde ba chen po'i ngo bo nyid gsal bar byas pa yin no/ /sa'i khams ni zhes bya ba la sogs pas rigs kyi btsun mo bzhi bstan to/ /yang rnam par snang mdzad ni zhes bya ba la sogs pas rnam par snang mdzad la sogs pa'i rigs las 'byung ba'i lha mo lnga bstan to/ /drang ba'i don zhes pa ni spro ba dang bsdu ba tsam brjod pa'i phyir ro/ /des ni bcom ldan 'das nam mkha' i dbyings thams cad du bzhugs pa'i de bzhin gshegs pa rnams nye bar bsdus pas lha mo bkur spros te/ de'i dbus su 'dod pa sna tshogs kyi dbang phyug nyid du bzhugs so/ /de'i 'og tu 'di ltar bya ba nyid bstan par bya ste/ 'dod chags kyang yin la chen po yang yin pas zhes bya ba la sogs pa ni 'dod chags chen po'i chos zhes nang du song ba'i dngos po'i rgyen nyid kyis 'dod chags chen po'i chos nyid kyis brjod par bya ba ni 'od gsal ba nyid bstan to/ /de nyid bstan par bya ba'i phyir/ 'dod chags dang 'dod chags bral ba zhes bya ba la sogs pa ni snang ba mched pa la sogs pa'i ye shes gsum gyi rnam grangs yin zhes pa'i tha tshig go /rnam par dag pa ni mngon du bya ba ste/ 'od gsal ba thob pa'o/ /thabs ni sngags dang phyag rgya'i rim pa'i mtshan nyid kyis ni sems rnam par dag pa'o/ /phyag rgya dang ting nge 'dzin gyi rim pa'i mtshan nyid can gyi rim pa ni mngon par byang chub pa'o/ /phyi rol gyi de bzhin gshegs pa'i 'khor de dag tu dmigs pa'i mngon sum par zhen pa spangs nas/ zhes pa ni bdag ni 'di yin pa dang 'di rnams de bzhin gshegs pa yin zhes de dag gi ni sems rnam par dag pa dang mngon par byang chub pa'i rim pa dag la med pa'i phyir ro/ /de bzhin gshegs pa thams cad kyis yongs su sgrubs pa'i sku ni bdag yin no zhes bya ba 'dis gnyis pa'i rim pa las myur du lha'i gzugs

  269. 135a

    bdag byin gyis rlob pa'i rim pas spro ba 'am/ yang na bzhi pa las zung du 'jug pa'i rim pas rdo rje lta bu'i sku byin gyis brlab par mdzad do/ /bdag nyid ces bya ba la sogs pas lung gi tshad ma nyid bshad do/ /snga ma bzhin zhes bya ba ni spro ba tsam gyi dpe yin gyi thams cad ni ma yin no/ /gang gi phyir sngon du ni rtog pa'i rnal 'byor gyis spros pa'i phyir ro/ /'dir ni sgyu ma lta bu nyid kyis so/ /nges pa'i don zhes pa ni sems rnam par dag pa dang bdag nyid byin gyis brlob pa dang/ mngon par byang chub pa dang zung du 'jug pa rnams 'chad par 'dod pa'i phyir ro/ /de ltar zhes bya ba la sogs pas 'dod pa'i dbang phyug gi nyid bstan par bya ba'i phyir lha mo dgu'i bdag nyid gzungs kyi dkyil 'khor bstan to/ /sems gtso bo ni ngag dang lus kyi nang nas sems kho na gtso bo yin pa'i phyir ro/ /mi bskyod pa'i bsdus pa'i dkyil 'khor sprul pa'i bya ba zhes pa ni ro rdo rje 'char chen po la rjes su zhugs pas skyed pa'i thugs kyi rdo rje'i gzhi dang/ gzhi can gyi mtshan nyid kyi dkyil 'khor gyi sprul pa mdzad ces tha tshig go /snga ma bzhin te she rab kyi gnas/ zhes pa ni bgegs bskrad pa dang stong pa nyid bsgom pa'i rjes su hUM las byung ba'i chos 'byung ba'i phyag rgya la'o/ /der chud pa zhes bya ba la sogs pas ye shes kyi sa gzhi dang ri rab la sogs pa yongs su gyur pa las skyes pa'i gru bzhi pa la sogs pa'i yon tan dang ldan pa'i gzhi'i dkyil 'khor zhes bya ba'i bar ro/ /dam tshig chen po zhes pa ni de bzhin gshegs pa la'o/ /de gang du 'dus pa de dam tshig chen po ste rdo rje 'chang chen po kho na'o/ /dri ma thams cad dang bral ba las/ shes pa ni 'dod chags kyi nyon mongs pa'i dri mas ma gos pa'o/ /sprul par mdzod ces pa ni bskyed pa'i rim pas sprul to/ /zhes tha tshig go /gzhal yas khang pa'i phyi rol na/ zhes

  270. 135b

    bya ba la sogs pas shin tu dang ba nyid bstan to/ /in dra nI la zhes bya ba la sogs pas rin po che'i kha dog lnga bstan to/ /phyung ba'i dkyil 'khor zhes bya ba la sogs pas de'i nang du sna tshogs pad+ma dang zla ba dang nyi ma'i dkyil 'khor dag tu myur du bsgom pa'i lha sum cu rtsa gnyis kyi bdag nyid kyi dkyil 'khor gyi 'khor los nye bar mdzes pa'o/ /'dis ni gzhal yas khang pa bsgom pa'i 'og tu lhag par mos pa'i dkyil 'khor bstan to/ /phyogs bcu zhe bya ba la sogs pa nas brtsams te/ dkyil 'khor zhes bya ba'i don to/ /zhes bya ba'i bar du ni lhag par mos pa'i dkyil 'khor nyid kyi khyad par ro/ /rdo rje 'chang chen po zhes bya ba la sogs pa lhag par mos pa'i dkyil 'khor gyi bdag po dbus kyi gtso bo rdo rje 'chang chen pos byin gyis brlab pa bstan to/ /rigs lngas bsdus pa'i zhes bya ba la sogs pa lhag par mos pa'i dkyil 'khor de nyid rdo rje phreng ba'i rgyud las gsungs pa'i rim pas sku'i dkyil 'khor 'jug pa'i mtshan nyid kyi don dam pa'i dkyil 'khor bstan to/ /drang ba'i don zhes bya ba ni dang po sbyor ba'i ting nge 'dzin gyi phyogs gcig bstan pa'i phyir ro/ /tshig gi don yang 'dir yang 'di yin te/ le'u bco brgyad pa las gsungs pa'i gzung kyi dkyil 'khor sprul te/ 'dod pa'i dbang phyug nyid du gyur pa bstan nas gnod mdzes kyi rgyal po spro ba sngon du 'gro bas khro bo'i 'khor los bgegs bskrad la le'u gnyis pa las gsungs pa'i dngos po med pa zhes pa la sogs pa'i tshigs su bcad pa stong pa nyid mngon du byas la/ rlung la sogs pa'i dkyil 'khor bzhi yongs su gyur pa'i ye shes kyi sa gzhir byin gyis brlabs te/ ri rab yongs su gyur pa las skyes pa'i gzhal yas khang pa bsams la/ de'i nang du sna tshogs pad+ma dang zla ba dang nyi ma'i steng du myur du dkyil 'khor pa'i tshogs bskyed de/ de nyid slar yang rang gi lus la 'jug pa'i mtshan nyid can don dam pa'i

  271. 136a

    dkyil 'khor du rnam par bsams te/ bdag po de yang dbang po gnyis kyi snyoms par zhugs pa las 'byung ba'i 'dod chags kyi sems zhu bar gyur par bsams te/ stong pa nyid kyi sngags kyis bstan par bya zhing gnas par bya'o/ /rnam par shes pa'i bdag nyid/ ces pa nas brtsams te skye gnas yin te zhes bya ba'i bar du ni rdzogs pa'i rim pa bstan to/ /de la shes rab kyi pha rol tu phyin pa zhes bya ba ni sems rnam par dag pa'i rim pa gnyis pas 'od gsal ba thob pa bstan to/ /dgongs pa lung bstan zhes bya bas lung gi tshig tshad ma nyid du bstan to/ /sangs rgyas kun gyi gang bstan pa'i/ /zhes pa ni de nyid la brten te/ de bzhin gshegs pa thams cad kyis byang chub thob pa'i phyir ro/ /sar gyur pa ni bcu gsum pa/ /zhes pa ni lhag par mos pa'i spyod pa'i sa ni tshogs kyi lam mo/ /rab tu dga' ba ni mthong ba'i lam mo/ /dri ma med pa dang/ 'od byed pa dang/ 'od 'phro ba dang sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sbyin rnams ni bsgom pa'i lam ma/ /kun tu 'od kyis ni mi slob pa'i lam mo/ /de la rnams pa gnyis te/ 'jig rten las 'das pa dang/ de'i rjes la skyes pa ste dag pa 'jig rten pa'o/ /ji skad du/ rnam par rtogs pa la 'jug pa'i gzugs las shes bya ma lus pa'i ye shes kyis nam mkha' i dkyil dang mtshungs par chos thams cad mthong ngo/ /de'i rjes las skyes pas ni sgyu ma dang/ smig rgyu dang/ dri za'i grong khyer dang brag cha dang/ gzugs brnyan dang mtshungs par rnal 'byor par mthong ngo/ /de'i phyir sa bcu gsum pa ste rdo rje 'chang chen po'i'o/ /btsun ma ni shes rab po/ /de'i chos b+ha ga ni nang du song ba'i dngos po'i rgyan du shes par bya ste/ des na chos nyid ni sa bcu gsum pa'o/ /'jog par gyur ba ni 'od gsal ba la ye shes kyi sku 'jug par mdzod

  272. 136b

    de mngon par byang chub pa'i rim pas so zhes tshig lhag ma'o/ /gsal ba zhes bya ba ba la sogs pas rdo rje 'chang chen po'i sku phyag rgya dang ting nge 'dzin gyi rim pas 'od gsal par rab tu bzhugs par gyur to/ /zhes pa ni de'i bdag nyid du mdzad pa'o/ /de nas shes bya ba la sogs pas rim pa bzhi'i sgom pas de kho na nyid thob pas na 'gro ba'i don bya ba'i phyir/ zung du 'jug pa'i ting nge 'dzin gyis rdo rje'i sku'i blangs so zhes bstan to/ /ji skad du/ nam mkha' kun gyi skabs na dpal/ zhes pa ni nam mkha' i dbyings ma lus pa la khyab pa'i bsod nams dang ye shes kyis chags dang ldan pa'i rdo rje sems dpa' rab tu bzhugs/ zhes pa ni mi gnas pa'i mya ngan las 'das pa'i ngo bo rdo rje 'chang chen po'o/ /de nas zhes bya ba la sogs pas don dam pa'i dkyil 'khor yang snga ma bzhin du bshad par bya'o/ /nges pa'i don zhes pa ni sems rnam par dag pa dang bdag la byin gyis brlab pa dang/ mngon par byang chub pa dang/ zung du 'jug pa'i rim pa brjod par 'dod pa'i phyir ro/ /don dam pa'i dkyil 'khor gyi bar du bsgom pa rdzogs pa de nyid yang spros te/ bstan par bya ba'i phyir/ don 'di nyid ces bya ba la sogs pa smos te/ 'das pa dang ma 'ongs pa zhes pa ni dus gsum gyi de bzhin gshegs pa rnams so/ /zla ba dang rdo rje la sogs pa'i rim gyis gcig tu mdzad pa ni zhes pa la/ lhag par mos pa'i dkyil 'khor du zla bar brjod la sogs pa'i steng du rnam par dgod cing bsgom pa gang yin pa de ni zil gyis gnon pa zhes bya ba'i don to/ /de'i don du rdo rje ni zhes bya ba la sogs pas ting nge 'dzin gyi ming ngo/ /de la snyoms par zhugs zhes pa ni lhag par mos pa'i dkyil 'khor du bdag po nyid du gnas so/ /de bzhin gshegs pa thams cad ces bya ba la sogs pas dbus kyi bdag po de nyid kyis rdo rje 'chang chen po'i dkyil 'khor pa rnams myur du bsgom par bstan to/ /des zhes bya ba nas brtsams te/ rdo rje sems dpa' nyid

  273. 137a

    thob bo zhes bya ba'i bar du ni rdo rje 'chang chen po'i dkyil 'khor pa rnams kyis sems can gyi don gyi bya ba bstan to/ /'di ltar bshad pa yin te/ lhag par mos pa'i dkyil 'khor myur du bsgom zhing de ma thag tu 'gro ba thams cad de'i rang bzhin du bya'o/ /zhes bya ba'i don to/ /spyi'i don zhes pa ni lhag par mos pa'i dkyil 'khor dang po sbyor ba'i phyogs gcig bstan pas so/ /don dam pa'i dkyil 'khor bstan par bya ba'i phyir ting nge 'dzin gang gis/ zhes bya ba la sogs pas ni phung po la sogs pa'i rnam par rtog pa yongs su 'gag par byed pa kun rdzob kyi byang chub kyi sems la brten pa'i bde ba chen po'i ting nge 'dzin la snyoms par zhugs zhes pa bstan to/ /'di rtsa phran stong bdun cu rtsa gnyis kyi khong stong zhes pa ni phung po lnga'i bdag nyid can lus 'di la ji snyed kyi bsdu? yod pa de srid kyi rtsa rnams kyi dbus kyi khong stong ni nam mkha' i cha'o/ /thabs kyi ye shes ni snang ba mched pa'i ye shes ni phung bo la sogs pa zhes pa ni de'i rgyur gyur pa'i 'dod chags la sogs pa'i rang bzhin rnams so/ /thabs kyi ye shes shar ba zhes pa ni bshad ma thag pa de nyid kyis so/ /dbang po gnyis zhes bya ba la sogs pas dam pa dga' ba'i bde ba nyams su myong ba thob par 'gyur to zhes bstan to/ /des ni 'dod chags la sogs pa rnam par dag pa'i sgo nas don dam pa'i dkyil 'khor bstan to/ /sbas pa zhes pa ni 'dod chags kyi chos kyi mtshan nyin bstan pa'i phyir ro/ /phung po lnga rnams so zhes pa nas de'i ngo bor gnas par gyur pa zhes bya ba'i bar du ni stong gsum gyi rim pas thams cad stong pa la 'jug pa bstan to/ /mthar thug pa ni 'od gsal ba la 'jug pas so/ /de ltar lhag par mos pas zhes bya ba la sogs pas lhag par mos pa'i sbyor bas rdo rje 'chang chen po yongs su rdzogs par bstan to/ /de ni nye bar mtshon pa yin te/ don dam pa'i dkyil

  274. 137b

    'khor yang rdzogs par mdzad do/ /yongs su dag pa dang ma dag pa zhes bya ba la sogs pas bskyed pa'i rim pa dang bdag byin gyis brlab pa'i rim pa las skyes pa dkyil 'khor gyi 'khor lo'i bdag po so sor ston par byed do zhes dgongs pa'o/ /rtog pa'i rnal 'byor gyi rim pa rdzogs par bya ba'i phyir/ ting nge 'dzin la snyoms par zhugs pa bstan par byed de/ sku la sogs pa'i ngo bo nyid yin pas yi ge gsum po kho na sku la sogs pa ste dbyer med par brtags so/ /'da' bar mi bya bas ni bskyed pa'i dam pa'i rnal 'byor pa rnams kyis dor bar bya ba ma yin pa'i phyir ro/ /sngags kyi yi ge rnams zhes bya ba la sogs pas don dam pa'i dkyil 'khor 'og tu yi ge gsum yongs su gyur pa las skyes pa'i zla ba dang nyi ma dang pad+ma gsum rnam par bsgoms te/ de'i steng du yi ge gsum las skyes pa'i zla pa'i/ dkyil 'khor la zla ba la sogs pa 'jug par byas la/ chos kyi dbyings brjod pa'i sngags kyis zla ba'i dkyil 'khor gyi rnam par sems brtan par byas la/ de'i steng du yi ge gsum yongs su gyur pa las skyes pa'i rdo rje rtse lnga pa rnam par bsgoms pas spro ba dang bsdu pa yang byas te/ de yongs su gyur pa las byung ba'i rdo rje sems dpa' / de'i thugs kar ye shes sems dpa' dang/ ting nge 'dzin sems dpa' byin gyis brlabs te/ mig la sogs pa dang sku gsung thugs byin gyis brlabs la/ sna tshogs pad+ma bzla ba'i dkyil 'khor gyi steng du zha la gsum pa dang/ phyag drug pa'i gzugs 'chang bar gyur to/ /des ni rnal 'byor bzhi'i bdag nyid can dang po'i sbyor ba zhes bya ba'i ting nge 'dzin bstan to/ /sgrub thabs las bshad pa'i rigs pas/ zhes pa ni mdor bsdus pa'i sgrub thabs las bshad pa'i rigs pas so/ /rnal 'byor bzhi'i rim gyis/ zhes pa ni rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po'i rim pa'o/ /sems dpa' gsum gyi mthar thug pa'i bar gyis/ shes pa ni sems dpa' gsum gyi

  275. 138a

    bdag nyid kyi rdo rje 'chang chen po'i sku rdzogs pa'i mthar thug pa'i bar ro/ /byin gyis brlabs pa zhes bya ba la sogs pa dbus kyi bdag po'i zhal dang phyag mtshan gyi khyad par bstan to/ /zhal gsum lta bu'i zhes pa ni phyag drug la sogs pas kyang nye bar mtshon par bya'o/ /'jig rten gyi khams na gnas pa rnams kyis/ zhes pa ni sangs rgyas kyi zhing mdza' yas pa la gnas pa'i 'khor thams cad kyis mthong ngo zhes bya ba'i bar ro/ /drang ba'i don zhes pa ni rnal 'byor bzhi'i bdag nyid can dang por sbyor ba'i ting nge 'dzin du bshad pas so/ /'od gsal bzhes bya ba la sogs pa ril por 'dzin pa dang/ rjes su gzhig pa'i ting nge 'dzin gyi thob par bya ba'i 'od gsal ba'i de kho na nyid mngon du byas te/ kun rdzob dang don dam pa dbyer med pa'i lha'i sku zung du 'jug pa'i ting nge 'dzin gyi mtshan nyid can blangs par gyur to zhes bstan to/ /chen po'i sgra'i don rnam pa drug ste/ mchog ni dper na skyes bu chen po bzhin te skye dgu thams cad kyi mchog ces bya ba'i don to/ /tshad med pa ni dper na rgya mtsho chen po bzhin tshad med ces bya ba'i don to/ /mkhas pa ni dper na blo gros chen po zhes bya ba'i don to/ /brtson pa ni dper na chen por 'gro ba ste/ brtson 'grus kyi kun tu 'gro ba'o/ /spro ba ni dper na chen po dge ba ste dge ba'i las rnams la brtson pa'o/ /rmad byung byed pa ni dper na bstan bcos chen po brtson pa bzhin sngar med pa sprul pa la mkhas pa'o/ /'dir ni mchog gi don gtso bo yin te/ thams cad kyi mchog tu gyur pa'i rnam pa yin zhes bya ba bstan to/ /don dam pa'i de na bzhes pa nas snga ma bzhin zhes pa'i bar du rdo rje 'chang chen po'i sku bstan to/ /nges pa'i don zhes pa ni rim bzhi pa dang zung du 'jug pa rjod par 'dod pas so/ /gzhung? de tsam gyis ni dpal gsang ba 'dus pa'i rgyud stan par bzheng pa'i dpal rdo rje 'chang

  276. 138b

    chen pos ma 'ongs pa'i sems can gyi khams gdul bar bya ba'i don tu gnas dang dgegs bskrad pa dang stong pa nyid bsgom pa dang/ ye shes kyi sa gzhi dang gzhal yas khang bsgom pa dang lhag par mos pa'i dkyil 'khor dang don dam pa'i dkyil 'khor dang gdan gyi dbye ba dang chos kyi dbyings kyi de kho na nyid mngon du bya ba dang/ sa bon las phyag mtshan bsgom pa dang/ de yongs su gyur pa las rdo rje 'dzin pa sems dpa' gsum gyi bdag nyid bskyed pa dang/ mig la sogs pa'i byin gyis rlob pa dang sku gsung thugs byin gyis slob pa'i mtshan nyid dang po'i rnal 'byor gyi ting nge 'dzin las grub pa rdo rje 'chang chen po'i sna tshogs pad+ma dang zla ba'i dkyil 'khor gyi steng du bzhugs so zhes bstan to/ /dpal gsang pa 'dus pa'i rgyud gsung pa dang de bzhin gshegs pa spros pa sngon du 'gro bar slob dpon dang slob ma'i 'brel pa bstan par bya ba'i phyir/ de nas/ zhes bya ba la sogs pa smos te/ de'i dgongs pa ni bcom ldan 'das rdo rje 'chang chen po des ma bskyod pa la sogs pa de bzhin gshegs pa rnams spros te/ de rnams kyi ched du brjod pa nyid bstan to/ /lha'i sku rnam pa gnyis zhes bya ba la sogs pas ni dpal rdo rje 'chang chen po'i lha'i rnal 'byor gnyis bsgrub par bya ba'i phyir de dang rjes su mthun pa'i ting nge 'dzin rnam pa gnyis bstan pa gang yin pa de ni rmad du byung ba zhes bstan to/ de bzhin gshegs pa kun gyi zhes pa la sogs pas dpal gsang ba 'dus pa'i rgyud de dang rjes su mthun pa bstan to/ /dgongs pa ma yin pa ni rim pa gnyis gtsor gyur ba'i rgyud kyi de kho na nyid bstan pa'i phyir ro/ /da ni zhes bya ba la sogs pas mchod pa sngon du 'gro bar gsol ba gdab par rigs te/ de bas dang po phyi dang nang gi mchod pa'i bye brag yongs su bstan te/ 'dus pa mdzad nas zhes pa ni mdun du thams cad gcig tu bsdus pa mdzad nas so/ /de bzhin gshegs pa thams cad kyi mchod pa rgyas pa de kho na nyid dam tshig rin po che'i

  277. 139a

    rgya mtsho'i tshogs ni zhes pa la nye bar spyod pa lnga la sogs pa dang bdud rtsi lnga dag ni sprin dang 'dra ba'o/ /de dag gis yang dag par mchod nas so/ /drang ba'i don ni phyi ma'i me tog la sogs pa dang bdud rtsi'i mchod pa brjod par 'dod pas so/ /gzugs la sogs pa ste zhes pa ni gzugs rdo rje ma la sogs pa'o/ /bud med rin po che zhes pa ni mchog tu bde ba ster bar byed pas na rin po che'o/ /de rnams kyis mchod de phyag 'tshal nas 'di skad ces gsol to/ /zhes pa ni de'i don 'di yin te/ rdo rje 'chang chen po'i thugs ka nas de bzhin gshegs pa lnga byung ste/ nye bar spyod pa lnga la sogs pa'i phyi'i mchod pa dang/ bdud rtsi'i mtshan nyid gsang ba'i mchod pa dang/ gzugs rdo rje ma la sogs pa'i snyoms par zhugs nas 'di skad ces gsol to/ /nges pa'i don ni snyoms par zhugs pa'i mchod par brjod par 'dod pa'i phyir ro/ /de bzhin gshegs pa rnams kyis gsol ba gdab pa'o/ /gnyis gcig tu gyur pa ni stong pa nyid dang snying rje'i bdag nyid ces pa'i tha tshig go /yi ge'i don ni de nyid tsam so sor bstan pa'i phyir ro/ /rdo rje dang pad+ma yang dag par sbyor ba ni zhes pa la gsang ba'i rdo rje rgyu skyes sbyangs pa las khams gsum gyi bdag nyid dkyil 'khor gyi 'khor lo skye bar 'gyur ro/ /sbyi'i don ni bskyed pa'i rim pa brjod par 'dod pa'i phyir ro/ /shes rab dang/ thabs yang dag par sbyor ba ni zhes pa la/ shes rab ni 'jug pa'i rnam par shes pa 'gog par byed pa'i mtshan nyid de snang ba'i ye shes so/ /thabs ni nyon mongs pa can gyi yid 'gog par byed pa'i mtshan nyid can snang ba mched pa'i ye shes so/ /yang dag par sbyor ba ni kun gzhi rnam par shes pa 'gog pa'i mtshan nyid can snang ba thob pa'i ye shes so/ /don de lta bu ston par byed pa'i phyir na 'dus pa'o/ /sbas pa ni ye shes rnam par dag par mtshan nyid

  278. 139b

    gtsor gyur pa'i phyir ro/ /yang na shes rab ni yi ge A:O/ /thabs ni hUM ngo/ /yang dag par sbyor ba ni ma ning gi ngo bo nyid yi ge oM mo/ /de rnams kyi 'jug pa la sogs pa'i rim pa la rtan te/ dam tshig gam ye shes kyi phyag rgya dang 'brel pas yan lag ma nyams pa'i mtshan nyid can bzlas pa ni 'dus pa'o 'dod chags kyi chos bshad pa'i sgo nas rdo rje'i bzlas pa bshad pa'o/ /yang na shes rab ni zla ba dang 'dra ba'i snang ba'o/ /thabs ni nyi ma dang 'dra ba'i snang ba yang dag par sbyor ba ni mtshams kyi snang ba'o/ /de yongs su gyur pa las yang dag par skyes pa'i sgyu ma lta bu'i ye shes kyi sku te/ 'dus pa'o zhes kun rdzob kyi bden pa rtog pa'i mtshan nyid can bdag byin gyis rlob pa'i rim pa bstan to/ /kun rdzob dang don dam pa'i bden pa dag tu 'dus pa ni/ zhes pa la nye bar mtshon pa 'di yin pas yod pa dang med pa dang/ dngos po dang dngos po med pa dang/ rnam pa dang/ rnam pa med pa dang/ rtag pa dang/ chad pa dang/ gcig pu dang/ du ma dang/ thabs dang shes rab la sogs pa gnyis gnyis po gcig tu 'dus pa'i rang bzhin no/ /gsal ba zhes pa ni 'od gsal ba ste rim pa bzhi pas thob par bya ba nyid do/ de las byung ba ni zhes pa la myur ba'i rnam pas so zhes tshig gi lhag ma'o/ /gnyis su med pa'i ye shes kyi bdag nyid can rdo rje 'chang chen po zhes bya ba'i bar du ste zhes pa la/ zung du 'jug pa'i rim pa thob bar bya ba phyag rgya chen po'i gzugs kyi mtshan nyid ye shes so/ /mthar thug pa ni rim pa bzhi pa dang lnga pa'i rim pas so sor bstan pa'i phyir ro/ /de ltar gsang ba 'dus pa'i don bshad pas rim pa gnyis gsal bar bstan to/ / gcig nas gcig tu brgyud pa'i zhes pa la rdo rje 'chang chen po nas brtsams te de bzhin gshegs pa la sogs pa 'brel pa drug gtsor gyur pa'o/ /sba bar bya'o zhes pa la/ /bya ba dang spyod pa'i tshul la gnas pa rnams la bstan par bya ba ma yin pa'o//

  279. 140a

    de rnams kyi gcig tu gyur pa'i mtshan nyid can ni zhes pa la/ rigs brgya'i dbye ba la brten te bsdus pas sku dang gsung dang thugs kyi ngo bor bsdus pa'i phyir ro/ /ji lta ba bzhin du 'byung ba/ zhes pa ni rim pa gnyis brjod par bya ba yin pa'i phyir ro/ /des ni de bzhin gshegs pa rnams kyis zhus pa'o/ /de nas zhes bya ba la sogs pa nas brda sprod pa yin no zhes bya ba'i bar du ni rdo rje 'chang chen pos legs so legs so sbyin pa sngon du 'gro ba rin po che lta bu dbang po rno ba rnams kyang spyod yul ma yin na/ tsan dan la sogs pa dbang po dman pa rnams kyis gi las 'gyur ro/ zhes pas dri ba la lan mi rtsol zhes bstan to/ /de ltar bya ba nas brtsams te ston pa yin te/ zhes pa'i bar du ni dbang po rno ba dang dman pa dag gis yul ma yin pa nyid kyis dpal gsang ba 'dus pa'i rgyud mi gsung pa'i phyir ngo mtshar dang rmad du byung pa'i de bzhin gshegs pa rnams kyis rin po che lta bu'i gang zag gi ngo bo bdag cag rnams 'khor 'di yin pas/ bcom ldan 'das kyis bka' stsol ci ces gsol ba btab par gyur te zhes bstan te/ /dgongs pas bshad pa ni de bzhin gshegs pa'i sgra ni rin po che lta bu gang zag gi rnam grangs dang byang chub sems dpa' i sgra yang tsan dan la sogs pa brjod par byed pa yin pas 'gal ba'i tshig gi sbyor ba dang/ gsang ba 'dus pa'i de kho na nyid bstan pa'i phyir ro/ /da ni snod du rung bar bya ba sngon du 'gro bas dpal gsang ba 'dus pa rab tu ston cig ces slar yang gsol ba gdab par bya ba'i phyir dam tshig dang sdom pa la sogs pa gsungs te de la dam tshig ni srung bar bya ba dang bza' bar bya'o/ /de la bsrung bar bya ba ni de bzhin gshegs pa rigs lnga'i dam tshig ste dkon mchog gsum la skyabs su 'gro ba la sogs pa srog gcod pa la sogs pa las log pa'o/ /rdzogs pa'i rim pa'i phyogs su

  280. 140b

    srog gcod pa la sogs pa kho na'o/ /bza' bar bya ba ni bdud rtsi dang lcags kyu la sogs pa myang bar bya ba kho na'o/ /sogs pa'i sgras ni tshad med pa bzhi bsgom pa la sogs pa'o/ /rigs gsum yongs su gyur pa ste zhes pa ni dam tshig la sogs pa blangs nas bskyed pa'i rim pas lus dang ngag dang yid sbyang bar bya ba'i phyir rnam par snang mdzad la sogs pa'i rigs gsum gyi gzugs bdag nyid yongs su gyur nas lha'i nga rgyal gyis gnas pa'o/ /yi ge'i don ni dam tshig la sogs pa tsam so sor bstan pas so// yi ge sum ste zhes na ni yi ge gsum yongs su gyur pa las skyes pa'i lha'i sku'o/ /spyi'i don ni bskyed pa'i rim pa brjod par 'dod pa'i phyir ro/ /ye shes gsum ni rnam par shes pa gsum gyi gnyen por gyur pa'o/ /rang bzhin gyis snang ba rlung gi bzhon pa dang ldan pa ste/ zhes pa ste 'dod chags dang bral pa la sogs pa rang bzhin gyis tshogs dang bcas pa 'jug pa'i rnam par shes pa la sogs pa gsum po ni mi mthun phyogs so/ /de ltar mi mthun pa dang gnyen po'i sgo nas sems rnam par dag par gyur ro/ /spas pa ni yi ges gsum po brtags pa'i mtshan nyid can gyi sems rnam par dag pa'i rim pa so sor bstan pa'i phyir ro/ /ye shes kyi rang bzhin gyi sku ste zhes pa ni ye shes ni bzhi pa'o/ /de las byung ba'i sku ni ye shes kyi sku'o/ /mthar thug pa ni 'od gsal ba dang zung du 'jug pa bstan pas so/ /sku la sogs pa bzhugs pa ste de mdzad pa zhes bya ba ni lus la sogs pa snod du rung bar bya ba'i phyir pad+ma'i nang du dam tshig gi dkyil 'khor spro bar mdzad nas so/ /des bskyed pa'i sa bon gyi yi ge ste/ zhes pa ni badzra d+h+ri ka ces bya ba la sogs pa phyung pa'i sngags kyi yi ge rnams so/ /do rnams kyis byin gyis brlab par mdzad nas zhes bya ba'i bar ro/ /spyi'i don ni bskyed pa'i rim pa'i yan lag tu gyur pa'i dkyil 'khor rgyal ba mchog brjod par 'dod pa'i phyir ro/ /dbang

  281. 141a

    po gnyis kyi snyoms par 'jug pa zhes pa ni gsang ba'i rdo rje dang chu skyes phrad pa'o/ /rdo rje'i dam tshig ces pa ni rdo rje dang dam tshig go /rdo rje dang dam tshig ste zlas dbye ba'i bsdu ba'i don gcig pa'o/ /yang na rdo rje ni de bzhin gshegs pa 'am rnal 'byor ba rnams kyi'o/ /dam tshig ni dbang po gnyis snyoms par zhugs pa kho na'o/ /byang chub sems kyi thig le zhes pa ni snyoms par zhugs pa'i sgras nam mkha' i dbyings ma lus pa na gnas pa'i de bzhin gshegs pa 'jug pas yongs su gyur pa'i dbu? kra'i thig le rnams so/ /dbang bskur bar bya ba ste zhes pa ni chos 'byung ba'i nang du thig le rnams kyi gsang ba'i dbang byin nas so/ /sbas pa ni 'dod chags kyi chos bstan pas so/ /'od gsal ba ni phyag rgya dang ting nge 'dzin gyi rim pas thob par bya ba'i de kho na nyid bzhi pa'o/ /chen po stong pa zhes bya ba la sogs pas ni chags pa bar ma dang chags pa dang/ chags pa dang bral ba'o/ /des byin gyis brlab pa ni chags pa bar ma la sogs pa bkag nas so/ /gdul bya'i skye bo'i rgyud la ni 'khor gyi sems kyi rgyud rnams su'o/ /lha'i sku rnam pa gnyis gsal par mdzad nas zhes pa ni sngags kyi sku dang ye shes kyi sku dbyer med par byas nas so/ /mthar thug pa ni 'od gsal ba la 'jug pa dang zung du 'jug pa bstan pa'i phyir ro// de ltar gsol ba btab pa dang/ zhes bya ba la sogs pas rang gi snying ga nas spros pa'i de bzhin gshegs pa rnams kyis gsol ba btab pa thos ma thag tu de rnams la dbang bskur bas chos bstan pa la dbang ba yin pas de dang 'grel ba'i ye shes kyi dkyil 'khor sprul par mdzad do/ /zhes bstan to/ /ye shes kyi 'khor lo ni legs par sbyangs pa'i yan lag dang nying lag dang ldan pa'i dam tshig gi phyag rgya pad+ma'i nang du byang chub kyi sems kyi thig le las sprul pa'i dam tshig gi dkyil 'khor ro

  282. 141b

    de'i sprul pa'i dang rjes su mthun pa'i ting nge 'dzin la snyoms par zhugs pa nyid bstan par bya ba'i phyir/ ye shes nyid sgron ma yin pas na/ zhes smos te/ ye shes na dkyil 'khor sprul pa'i phyir sems rtse gcig pa nyid do/ /sgron ma ni sprul pa'i dkyil 'khor rab tu bstan pas so/ /yi ge'i don ni de tsam rab tu bstan pas so/ /sems can rnams kyi rgyud la zhes bya ba la sogs pa ni gdul bya'i rgyud la'o/ /ye shes ni shin tu rnam par dag pa'i chos kyi dbyings kyi ye shes so/ /de nyid kyis rab tu snang ba mdzad pas na ye shes kyi sgron ma ste mi bskyod pa'o/ /spyi'i don ni mdo sde la sogs pa rnams kyi 'gyod pa bzlog pas so/ /rnam par shes pa gsum gyi snang bas zhes pa ni/ rnam par shes pa gsum rnam par dag pa'i ngo bo ye shes gsum rnam par dag pa sems la dmigs pa thob pa'o/ /phyogs bcur snang ba mdzad pas zhes pa ni gtan tshigs so/ /sbas pa ni ye shes gsum brtags pa'i mtshan nyid can gyi don yin pa'i phyir ro/ /dz+nyA na rtog pa'i don to/ /zhes pas ni 'dod chags dang bral ba la sogs pa yongs su shes pa'i mtshan nyid ni ye shes te dz+nyA'o/ /na ni dgag pa la 'jug ste zhes bya ba ni a ma non dgag pa'i don zhes 'byung bas so/ /de gang yin zhes pa ni 'dod chags la sogs pa'i 'gog pa'i mtshan nyid can 'od gsal ba'i rnam grangs de kho na nyid bzhi pa gzi brjid ma lus pa'i zil gyis gnon pa mi phyed pa'i ting nge 'dzin zhes bstan to/ /mthar thug pa ni man ngag bzhi pa brjod par 'dod pas so/ /rang bzhin gyis 'od gsal ba'i ting nge 'dzin las bzhengs nas zhes bya ba la sogs pa'i don ni 'di yin te/ dang po'i sbyor ba'i ting nge 'dzin gyi rjes su ut pa la sngon po'i 'dab ma dang 'dra pa'o/ /lo bcu gnyis pa sme sha can gyi bu mo phyag rgya rnyed nas sngon du bshad pa'i rim pas de'i tha mal pa'i lus ni bsreg pa te/ de'i

  283. 142a

    rnam par shes pa ni 'khyud pa'i ye shes kyi phyag rgya'i chos 'byung ba'i nang du pad+ma dang zla ba'i dkyil 'khor la zhal gsum pa phyag drug pa sku mdog nag po dang mthing ga dang dkar ba dang dmar po ste zhal gsum pa/ rdo rje dang 'khor lo dang pad+ma dang dril bu dang rin po che dang ral gri g.yas dang g.yon pa'i phyag na bsnams pa rdo rje skyil mo krung gis bzhugs pa sems dpa' gsum gyi bdag nyid can reg bya rdo rje ma rnam par spros te rnal 'byor dang rjes su rnal 'byor byas nas/ de nas kyang phyi rol tu spros te de dang lhan cig tu ro gcig par byas te spyi bo la sogs pa'i gnas lnga la rigs lngas khyab par byas te mig la sogs pa rnams su sa'i snying po la sogs pa dang/ snyoms par zhugs pa'i gzugs rdo rje ma la sogs pa'i lha mo'i tshogs rnam par bkang la/ sa'i khams kyi ngo bo yi ge lam yongs su gyur pa'i sangs rgyas spyan las skyes pa'i de'i nu ma dang/ yi ge mi mchu'i khams kyi ngo bo yongs su gyur pa las mA ma kI yongs su gyur pa las de'i rang bzhin ma mchu dang/ baM gi sa bon las me'i khams kyi ngo bo yongs su gyur pa las gos dkar mo'i rang bzhin de'i pad+ma dang/ yi ge tam las rlung gi khams kyi rang bzhin sgrol ma yongs su gyur pa'i pad+ma'i nang du khong stong bsams la/ gsang ba la sogs pa'i gnas bcu la rdo rje ro langs ma la sogs pa khro bo rgyal po rnams kyi btsun mo bcu rnam par bkod la sku gsung thugs kyang byin gyis brlab bya ste/ de'i pad+ma yang stong pa nyid bsgom pa sngon du song ba yi ge a yongs su gyur pa'i pad+ma 'dab ma brgyad pa'i rnam par byas la/ /de'i lte ba la oM gyis brlab par byas la/ /bdag nyid kyi gsang ba'i rdo rje yang snga ma bzhin du hUM yongs su gyur pa las rdo rje rtse lnga pa bsgom par bya ste/ de'i chad zungs yang yi ge oM gyis brlabs pa byas la/

  284. 142b

    dang po rjes su chags par bya ba'i phyir/ de'i pad+ma la hUM gis byin gyis brlab pa'i mig dang lcags kyu dang ba dan dang sdig 'dzub kyi phyag rgya rnams las gang yang rung ba bcug la grang ba ma yin pa'i reg pa'i bar du bskyod par byas la/ /byang chub kyi sems kyi rgyun 'byung bar 'gyur ba'i tshe 'dod chags chen po'i dbang gis rang gi mgrin pa nas bzung ste rnam par bsams la/ de dang 'khyud pa dang 'o la sogs pa rnam /brgyad de'i skad 'jam pa dga' ba'i rang bzhin thos nas/ oM sarba ta thA ga ta/ a nu rA ga na badzra swa b+hA wa At+ma konyahaM zhes 'dis ni rdo rje dang pad+ma yang dag par btsir la/ oM sarba ta thA ga ta pu dza badzra swa b+ha wa At+ma konyahaM/ zhes bya ba'i sngags kyis bskyod cing/ dam pa dga' ba'i sgras phyogs bcu na gnas pa'i de bzhin gshegs pa bkug la dag gi lam du 'jug par byas la/ rtsa dbu ma nas rdo rje nor bu'i rtse mor byang chub kyi sems thig ler bsams te/ 'dod chags dang 'dod chags bral ba dang 'dod chags par ba'i rim gyis 'od gsal ba'i de kho na nyid myong nas 'chang par 'gyur ba'i badzra d+h+rika ces bya ba la sogs pa'i phyung ba'i sngags kyis de bzhin gshegs pa la sogs pa spro bar mdzad do zhes dgongs so/ 'od gsal ba'i ting nge 'dzin las bzhengs nas zhes bya ba ni bde ba chen po'i ting nge 'dzin las so/ /nyon mongs pa lngas khyab pa'i sems can gyi khams gzigs nas zhes bya ba ni 'dod chags la sogs pa'i skyon gyis yongs su khyab par rnam par gzigs nas so/ /nyon mongs pa'i rang bzhin yongs su shes pa zhes pa ni gzod ma nas ma skyes pa'i rang bzhin de kho na nyid shes pa'o/ /byang chub yin la ni rdo rje 'chang nyid do/ /de'i ngo bo nyid bdag yin no/ /zhes bya ba ni 'dod chags la sogs pa nyon mongs pa yongs su shes pa'i rang bzhin rdo rje 'chang chen po bdag yin no zhes bya ba'i don to/ /gdul bya

  285. 143a

    rnams kyi nyon mongs pa zhe sdang rnam par sbyang ba'i zhes pa ni nye bar mtshon pa tsam yin te/ de'i 'brel pa dang ldan pa khro ba la sogs pa'i nye ba'i nyon mongs pa rnams kyang rnam par sbyang bar bya ba'i phyir zhes pa'i tha tshig go /thugs rje chen po'i thabs ni thugs rje chen po'i thabs gang la yod pa de ni thams cad de khro ba'o/ /gang gi phyir bcom ldan 'das ni thugs rje chen pos drag po'i gzugs mdzad kyis zhe sdang gis ni ma yin no/ /ji skad du /shin tu ma rungs gdug pa la/ /zhi ba nyid du mi rigs so/ /zhes dpal bde mchog las 'byung bas so/ /de bas na bcom ldan 'das snying rje chen pos khyab pa yang gdug pa 'dul bar bya ba'i phyir phyi'i khro bo'i gzugs 'chad par 'gyur ro/ /nyi ma'i 'od kyis sros pa'i mtsho chen dang mtshungs pa/ / snying rje chen po can rnams khro bo'i sku dang ldan/ /nang gi gangs dang 'dra zhing bsil ba ste/ /spro ba 'dul zhing phyi'i khro bor snang zhes 'byung ngo/ /'dod pa'i 'bras bu bskyed pas na/ /zhes pa ni 'dod pa'i 'bras bu ni chos kyi dbyings kyi ye shes kyi mtshan nyid do/ /de bskyed pa ni thob par byed pas so/ /sngags ni dngos su mi bskyod pa brjod par bya ba yin zhes ston pa'o/ /blo la gzhag pa ni bsdud pa po'i blo la gnas pa'o/ /snyoms par zhugs pa las zhes pa ni sngar bshad pa'i reg bya rdo rje ma'i pad+ma dang rdo rje mnyam par sbyor ba las yang dag par 'byin pa mdzad do/ /zhes bya ba'i don to/ /sgra ji bzhin pa mi bskyod pa spro ba brjod par 'dod pa'i phyir ro/ /dkyil 'khor la sogs shes sogs pa'i sgras shes par bya'o/ /mngon par byang chub pa rnam pa lnga yang dag par ston pa'i zhes pa la/ 'og gi rtse lnga rnam par shes pa lnga'i ngo bo nyid steng gi rtse lnga po ye shes lnga'i ngo bo dag gis sbyangs pa'i phyir rdo rje rnam par dag pa'o/ /rgyud phyi ma las kyang/ spang bya lnga dang rigs pa lnga/ /rdo rje

  286. 143b

    zhes par brjod pa'o/ /zhes 'byung bas so/ /drang ba'i don ni rnam par dag pa dang bcas pa'i phyag mtshan tsam bstan pas so/ /bde ba gnyis kyi bdag nyid can/ /zhes pa ni zung du 'jug pa'i ting nge 'dzin gyi ngo bo nyid do/ /nges pa'i don ni 'bras bur gyur pa'i de kho na nyid bstan pa'i phyir ro/ /des na ni yongs su dag pa dang yongs su ma dag pa'i mtshan nyid lha'i rnal 'byor gnyis bstan to/ /de ltar dkyil 'khor ba gzhan rnams la yang shes par bya'o/ /sngar bshad pa'i rdo rje 'chang chen po zhes bya ba la sogs pas reg bya rdo rje ma'i pad+ma nas byung ste/ zhe sdang la spyod pa'i sems can gyi khams rnam par sbyangs te/ mngon par dga' ba'i 'jig rten gyi khams su bzhag nas slar yang gshegs te/ phyogs bcu la gzigs pa sngon du 'gro ba rdo rje 'chang chen po'i sku dang gsung dang thugs rdo rje 'chang mar thim pa bzhin du gyur nas mi bskyod pa kho na in+d+ra nI la dang 'dra ba'i rnam pa zhal gsum pa phyag drug pa cung zad mche ba gtsigs pa/ pad+ma dang nyi ma'i steng du rdo rje'i gdan la skyil mo krung gis bzhugs pas sems pas gsum gyi bdag nyid can sngon po dang dkar po dang dmar po'i zhal gsum gyi nye bar mdzes pa/ rdo rje dang 'khor lo dang/ pad+ma dang dril bu dang yid bzhin nor bu dang ral gri 'dzin pa/ rdo rje 'chang chen po'i gcod pan can mdog kha dog? lnga dang ldan pa'i 'od zer gyi 'khor lo spro bar gyur to/ /de gsum gyi bdag nyid can zhes pa ni sems dpa' gsum gyi bdag nyid can no/ /bden pa gnyis kyi bdag nyid can zhes pa ni yongs su dag pa'i lha'i rnal 'byor gyi skabs su zung du 'jug pa'i bdag nyid yin pas so/ /gcig tu gyur pa de ni rdo rje 'chang chen po de'i bdag nyid kyis so/ /snga ma bzhin no/ /zhes kha dog gis khyad par ro/ /rdo rje 'chang chen po zhes bya ba la sogs pas ni gcig gi ngo bor rab tu gnas par bya ba'i phyir ro/ /rdo rje sems dpa' chung ba zhes pa ni dang po sbyor ba'i ting nge 'dzin gyi

  287. 144a

    lhag mar gyur pa phyag rgya spyang ba dang mi bskyod pa'i dkyil 'khor gyi bdag po nyid ston par byed do/ /sgra ji bzhin zhes pa ni bskyed pa'i rim pa'i yan lag tu gyur pa dang/ dang po'i sbyor pa ston par byed pas so/ /dang po'i sbyor ba'i 'og tu zhes pa la sogs pas dkyil rgyas pa mchog ston par byed de/ sems can rmongs pa rnams rnam par spyod bar bya ba'i phyir zhes pa ni gti mug gi rigs can gdul bya rnams spyang bar bya ba'i phyir ro/ /zhi ba'i tshul ni zhi ba'i las kyi rab 'byams kyi ngo bo nyid rnam par snang mdzad yin zhes mtshon par byed do/ / rgyal ba'i ngang tshul can zhes pa ni so so'i skye bo'i sa la gnas pa'i sems can rnams las rgyal ba ste bdud do/ /bdud ni lha'i bu la sogs pa'i bdud rnams so/ /de dag las rtsibs bcu gnyis pa'i chos kyi 'khor los rgyal bas na 'dzi na 'dzi ka go /sdug bsngal dang/ kun 'byung ba dang/ 'gog pa dang/ lam ste bden pa bzhi'o/ /sdug bsngal ni shes par bya ba dang/ kun 'byung ba spang bar bya ba dang/ lam bsgom par bya ba dang/ 'gog pa mngon du bya ba'o/ /sdug bsngal shes zin pa dang/ kun 'byung spong ba dang/ lam bsgom pa dang/ 'gog pa mngon du byas so zhes mthong ba dang bsgom pa dang mi slob pa'i lam gyis tshigs bcu gnyis pa'o/ /rten 'brel yan lag bcu gnyis pa'i mtshan nyid chos kyi 'khor lo yin zhes pa la 'dod do/ /drang pa'i don ni nyan thos dang theg pa chen po'i lta ba tsam sten pas so/ /rdo rje lta bu'i ting nge 'dzin gyis shes pa ni kun tu 'od kyi sa'i skad cig ma dang pos thob par bya ba'i ting nge 'dzin gyi khyad par gyis so/ /nges pa'i don gyi bzhi pa dang lnga pa'i rim pa dag so sor bsten pa'i phyir ro/ /rnam par snang mdzad ces bya ba la sogs pas dzi na dzi ka ces spro ba'i rjes su chos 'byung ba'i phyag rgya nas phyi rol tu byung ste/ gti mug la spyod pa'i sems can gyi khams sbyangs nas 'og min gyi gnas su bzhag nas slar yang gshegs

  288. 144b

    te/ phyogs bcur gzigs pa mngon du 'gro bar bcom ldan 'das kyi shar gyi sna tshogs pad+ma dang zla ba'i gdan la 'khor lo'i steng du rdo rje skyil mo krung du zhugs pa/ 'khor lo la sogs pa phyag mtshan drug 'dzin pa sku mdog dkar po rnam par snang mdzad bzhugs so zhes bstan to/ /sgra ji bzhin pa ni snga ma bzhin no/ /kun rdzob byang chub kyi sems/ shes pa ni bde ba chen po'i rgyu mthun pas rin thang med pa'i phyir ro/ /de las byung ba zhes bya ba ni dam tshig gi dkyil 'khor gyi nang du spros pa'i phyir ro/ /ting nge 'dzin yang de bzhin du shes par bya'o/ /drang ba'i don ni bskyed pa'i rim pa brjod par 'dod pa'i phyir ro/ /don dam pa'i byang chub kyi sems te zhes pa ni 'dod gsal ba'i de kho na nyid do/ /de las byung bas na zhes pa ni bdag byin gyis rlob pa dang zung du 'jug pa'i rim pa dag brjod par 'dod pa'i phyir ro/ /nges pa'i don rdzogs pa'i rim pa so sor bstan pas so/ /bsam pa thams cad yongs su zhes bya ba la sogs pas rin chen 'byung ldan gyis don dang ldan pa'i mtshan nyid so sor bstan to/ /re ba thams cad yongs su rdzogs par byed bas na zhes pa ni nam mkha' mdzod kyi ting nge 'dzin gyis sems can rnams la dbul ba nyid bcom pa'i phyir ro/ /drang ba'i don ni las kyi rgyal ba mchog brjod par mdzad par 'dod pas so/ /yang dag pa'i mdza' rin po che zhes pa ni rim pa bzhi pas thob par bya pa'i 'od gsal ba'i de kho na nyid do/ /nges pa'i don ni mngon par byang chub pa'i rim pa rjod par byed pas so/ /nam mkha' ltar gos pa med pa'i mnyam pa nyid kyi ye shes/ shes pa ni skye ba bzhis bsdus pa'i sems can thams cad tha dad pa rnams gcig tu yongs su nges? pa'i phyir ro/ /nor gyis dregs shing/ zhes bya ba la sogs pa ni nor mang ba'i phyir nga rgyal gang la yod pa de rnams la nam mkha' mdzod kyi ting nge 'dzin las rin po che la sogs pa'i char 'bebs pa'i sgo nas dregs pa bcug pa'i phyir ro/ /bcom ldan

  289. 145a

    'das kyis g.yas phyogs su bzhugs/ shes pa ni snga ma bzhin du rdo rje dang pad+ma'i ting nge 'dzin las phyung ste/ de nas yang phyi rol tu gshegs te/ nga rgyal can gyi sems can gyi khams sbyangs te rin po che'i 'byung gnas zhes bya ba'i sangs rgyas kyi zhing la rab tu gnas par byas nas slar yang gshegs te/ zhal gsum pa phyag drug pa rin po che la sogs pa'i phyag mtshan 'dzin pa sku mdog ser po bcom ldan 'das kyi g.yas phyogs su sna tshogs pad+ma dang zla ba dang rin po che'i gdan la bzhugs nas so/ /sgra ji bzhin pa ni snga ma bzhin no/ /'dod chags kyi 'dod chags rab tu spang ba'i don du zhes pa ni 'dod chags ni de kho na nyid la chags pa'o/ /yang 'dod chags ni nyon mongs pa nyid do/ /don des spong ba ste gsal ba'o/ /mchog tu dga' ba ni 'dod chags chen po'i mthun pa yin pa'i phyir ro/ /byang chub kyi sems yin la/ zhes pa ni kun rdzob kyi rjes kyi tshul can shu kra'o/ /de las byung ba ni dam tshig gi dkyil 'khor gyi rim pas rdzogs zhes pa'i bar du'o/ /drang ba'i don ni dkyil 'khor rgyal ba mchog rjod par 'dod pa'i phyir ro/ /'od gsal ba ste/ zhes pa ni mngon par byang chub pa'o/ /de las byung ba ni zung du 'jug pa'i ting nge 'dzin de las byung ba'i phyir ro/ /nges pa'i don ni yang dag pa'i don bstan pas so/ /so sor rtog pa'i ye shes la kun tu chags pa zhes pa ni snang ba mdza' yas de'i ngo bo yin pa'i phyir ro/ /ro ni 'khor ba'o zhes pa ni ro sgra'i don to/ zhes 'byung bas sgra'i rnam par rtog pa'i ngo bo ni 'khor ba yin pas so/ /lig ces pa ni so sor rtog pa'i ye shes kyi 'khor ba las 'das pa'i phyir ro/ /drang ba'i don ni mi thun pa'i phyogs dang gnyen po'i phyogs kyi las rjod par byed pa'i phyir ro/ /ro zhes bya ba ye shes gsum ste/ ra a e'o/ /de la ra ni chags pa ste snang ba'o/ /a ni 'dod chags dang bral

  290. 145b

    ba ste snang ba mched pa'o/ /gcig tu bsdus pa las snang pa mched pa la sogs pa ye shes gsum bshad do/ /de las zhes bya ba la sogs pa la/ ye shes gsum la nye bar dmigs te slar yang 'od gsal ba la 'jug par bya'o/ /nges pa'i don ni yang dag pa'i don bstan pas so/ /don yod par grub pa zhes pa ni las thams cad pa yin pa'i phyir ro/ /bya ba grub pa'i ye shes/ zhes bya ba la sogs pas ni de bzhin gshegs pa rnams kyi sems can gyi don kho na dam tshig go /drang ba'i don ni sems can gyi don ni byed pa'i mtshan nyid can las kyi rgyal ba mchog rjod par 'dod pa'i phyir ro/ /'od gsal ba ni bzhi pa'o/ /mtshan ma med pa'i 'bras bu ster ba shes pa la/ /lhun gyis grub pa nyid kyis byang chub kyi mtshan nyid kyi 'bras bu mngon par 'byung ba'i phyir ro/ /nges pa'i don ni yang dag pa'i don ston pas so/ /nyon mongs pas dam tshig nyams dang/ zhes bya ba la sogs pa la phrag dog can rnams kyi dam tshig nyams pa ni slar yang don yod grub pa'i bsgoms pas bzlog pa'i phyir ro// sogs pa'i sgras mchod pa chags pa la sogs pa gzung ngo/ /drang ba'i don ni snga ma bzhin du bskyed pa'i rim pa'i bsgom pa brjod par 'dod pas so/ /khams phra ba ste zhes shes pa ni 'od gsal ba'o/ /des zhes pa ni rgyu'i gsum pa ste/ des thabs kyi ye shes dgug pa ni snang ba mched pa'i ye shes bskyed nas/ de'i rjes su mchog tu dga' ba ni bde ba chen po bskyed la yongs su sbyang ba'i rigs ni 'dod chags la sogs pa rang thams cad sbyod? bar byed pa'i rigs zhes bya ba'i bar ro/ /nges pa'i don ni rig pa gnyis pa bstan pas so/ /rab tu rnam par 'byed pa'i mtshan nyid ni shes rab ste/ zhes pa la bya ba nan tan grub pa'i ye shes kyi bdag nyid can rnam par rtog pa bla na med pa'i blo ste shes rab bo/ /drang ba'i don ni bsgom pa'i shes rab kyi rang bzhin

  291. 146a

    yin pas so/ /zla ba ltar snang ba ste zhes pa ni snang ba'i ye shes so/ /de yang nye bar mtshon pa yin te/ nyi ma'i snang ba dang mtshams kyi snang ba'o/ /khams phra bas 'dzin par mdzad pas/ zhes pa la 'od gsal ba la 'jug par byed do/ /nges pa'i don ni sems rnam par dag pa rjod par 'dod pa'i phyir ro/ /byang phyogs su bzhugs so/ /zhes pa la sogs pa ni snga ma bzhin no/ /zhe sdang zhes bya ba la sogs pas zhe sdang la sogs pa nyon mongs pa rnam par dag pa'i ngo bo de bzhin gshegs pa lnga yin zhes nye bar bsdud pa bstan to/ /gdul bya rnams kyi thar pa'i mngon par 'dod pa zhes bya ba la sogs pas 'dod pa dang thar pa dag gi lam dang 'bras bu'i bye brag bstan to/ /drang ba'i don ni bskyed pa'i rim pa bstan pas so/ / 'dod pa la nye bar longs spyod pas thar pa rab tu thob pa 'am/ zhes pa ni spros pa dang bcas pa'i spyod pa yin pa'i sgo nas phyag rgya chen po'i dngos grub ster bar byed pa'o/ /yang na zhes bya ba la sogs pas 'dod pa dang thar pa dag ni cig car du sgrub par byed pa nyid du bstan to/ /sgra ji bzhin pa ni spyod pa rjod par 'dod pas so/ /bshad pa'i rgyud las/ zhes pa la/ dgongs pa lung bstan pa'i bshad pa'i rgyud las so/ /phung po 'od dag sangs rgyas te/ zhes pa la phung po kho na sangs rgyas nyid yin te dam bca' ba'o/ /rdzogs pa'i byang chub rkyen du 'byung/ /zhes pa ni phyag rgya chen po'i gzugs bsgrub par bya ba'i phyir pha dang ma'i bde ba dang yid bde ba'i mtshan nyid bde ba chen po'i rgyu mthun pa byang chub kyi sems kyi rgyu las 'byung ba ni yang dag par skyes pa'o/ /gnyis med de bzhin nyid sbyor bas so/ /zhes pa ni 'od gsal ba las 'byung ba'i phyir ro/ /de yang de bzhin gshegs zhes bya/ /zhes pa la rang bzhin gyis grub pa'i de bzhin gshegs pa'i rkyen las byung

  292. 146b

    ba kho na'o/ /de bas na phung po lnga rnam par dag pa'i nga ba de bzhin gshegs pa lnga yin/ zhes gsungs te dgongs pa'o/ /nges pa'i don ni 'od gsal ba tsam bstan pa'i phyir ro/ /longs spyod kyi phyir/ zhes pa ni mchog tu dga' ba'i bde ba myong ba'i phyir ro/ /rdo rje 'dzin rjes su mnyen par byed pa'i dam tshig ni mA ma kI'o/ /zhes pa la/ thugs kyi rdo rje 'dzin pa'i yid du 'ong ba'i lha mo yin zhes bya ba'i don to/ /sgra ji bzhin pa ni ting nge 'dzin tsam bstan pas so/ /drang ba'i don ni thugs kyi rdo rje'i btsun mo bstan pa tsam gyis so/ /nges pa'i don ni/ de rnam par dag pa'i rang bzhin lha ma bstan pas so/ /mA ma kI'i gzugs su gyur nas zhes pa ni rdo rje 'chang chen po nyid kyis mA ma kI'i gzugs su bdag nyid sprul pa yin gyi skyes pa dang bud med kyi dbye ba de la gang yang med de/ spros? pa med pa'i de kho na nyid la gang yang bye brag med pa'i phyir ro/ /gdul bya rnams 'jug pa'i phyir sangs rgyas kyi rol ston sna tshogs yin te sprul pa bzhin no/ /shar phyogs kyi grar/ zhes bya ba la sogs pas me'i mtshams su nye bar bzhugs so/ /de bzhin thams cad du shes par bya'o/ /rnam par snang mdzad ni de bzhin gshegs pa thams cad kyi gong du byung ba'i phyir ro/ /sgra ji bzhin pas ni sangs rgyas spyan gyi gzugs tsam bstan pas so/ /drang ba'i don ni rnam par snang mdzad la rjes su chags pa'i lha mo bstan pas so/ /nges pa'i don ni de rnam par dag pa bstan pa'i phyir ro/ /'dod chags 'dzin pa ni 'od dpag tu med pa zhes pa ni 'dod chags rnam par dag pa'i rang bzhin yin pa'i phyir ro/ /gos dkar mo ste zhes pa la/ gsung rdo rje'i btsun mo'o/ /drang ba'i don ni gos dkar mo'i gzugs bstan pas so/ /nges pa'i don ni rnam par dag pa bstan pas so/ /sgra ji bzhin pa ni zhes pa ni snga ma bzhin no/ /mi rtag pa zhes bya ba la sogs pa ni nye bar mtshon pa ste/ chos sgra sgrogs pa rnam

  293. 147a

    bzhi ste/ 'dus byas thams cad mi rtag pa zhes pa dang/ zag pa dang bcas pa thams cad sdug bsngal ba'o zhes pa dang/ chos thams cad bdag med pa dang/ mya ngan las 'das pa zhi ba yin no zhes so/ /gzhan dag la rab tu ston pa na gdul bya rnams la bstan pa'o/ /yi ge'i don ni chos bstan pa tsam yin pas so/ /chos thams cad stong pa'o/ /zhes pa ni rnam par thar pa'i sgo nas shes tshig gi lhag ma'o/ /spyi'i don ni/ mdo sde pa la sogs pa'i 'gyod pa bzlog pas so/ /snang ba gsum gyi ngo bo nyid ces pa ni snang ba la sogs pa'i rang bzhin no/ /khams phra ba ni 'od gsal ba'o/ /skad cig re re zhing zhes pa la/ skad cig dang thang cig dang yud tsam mig btsums dang thal mo brdebs pa la sogs pa'o/ /rjes su myong ba la sogs pas 'dod chags bral ba la sogs pas rang bzhin gyi tshogs brgya drug cu de'i bdag nyid kyis nyams su myong nas slar yang 'od gsal ba nyid du 'jug par bya zhes bstan to/ /ji skad du/ chu 'dzin du ma sna tshogs pa/ /mdog dang dbyibs ni tha dad pa/ /nam mkha' i dbyings las byung nas ni/ /de nyid du ni thim 'gyur bzhin/ /de bzhin rang bzhin thams cad ni/ /snang pa gsum gyi rgyu can te ma lus lus la 'jug nas ni/ /'od gsal bar yang 'jug par 'gyur/ zhes 'byung ngo/ /sbas pa ni ye shes gsum rnam par spyod pas so/ /ril po 'dzin pa dang rjes su gzhig pa'i rim gyis shes pa ni re zhig dang po rnal 'byor pas lte bar rtsibs brgyad pa'i chos kyi dbyings kyi 'khor lo la 'od 'bar ba'i yi ge raM la ltas te/ de las byung ba'i 'od zer gyi tshogs kyi spyi bo nas rkang pa'i bar du bsreg par bya ste/ 'od gsal ba'i rang bzhin du gnas pa gang yin pa de ni ril por 'dzin pa zhes bya ba'i ting nge 'dzin to/ /'od zer gyi tshogs de nyid kyis bstan pa dang g.yo ba'i 'jig rten gyi khams dang po snang

  294. 147b

    ba med par byas la/ phyis bdag nyid kyang de bzhin du bya ba gang yin pa de nyid rjes su gzhig pa'i ting nge 'dzin to/ /de dag gis snang ba med par byas pa ni 'od gsal bar byas pa'o/ /mthar thug pa ni de kho na nyid bzhi pa bstan pas so/ /don yod grub pa zhes bya ba ni bya ba nan tan grub pa'i ye shes can no dam tshig sgrol ma ni dam tshig gi rigs las 'byung ba'i phyir ro/ /de'i rnam par thugs rtse gcig pa zhes pa ni sgrol ma'i bskyed pa'i rim pa'i mtshan nyid can no/ /sgra ji bzhin pa ni bskyed pa'i rim pa tsam bstan pa'i phyir ro/ /don yod grub pa zhes bya ba la/ dam tshig nyams pa la sogs pa'i skyon bzlog pa'i don du rtsol ba bstan pa'i phyir ro/ /drang ba'i don ni bskyed pa'i rim pa tsam 'dod pas so/ /rdo rje ye shes ni bya ba nan tan grub pa'i ye shes so/ /nges pa'i don ni rnam par dag pa'i ngo bo nyid de kho na nyid bstan pa'i phyir ro/ /sgra ji bzhin pa ni snga ma bzhin no/ /lha mo bzhi po'i de dag lhan cig spyod pa ste/ de bzhin gshegs pa rnams snyoms par zhugs par mngon par 'dod pa'o/ /de rnams dang lhan cig ces bya ba la sogs pas de bzhin gshegs pa rnams la de dang yang dag par sbyor bas/ bsod nams dang ye shes kyi tshogs phun sum tshogs pa 'grub par 'gyur ro/ /'dod pa'i dbang phyug yin pas shes pa ni 'khyud pa dang/ 'o byas pa dang 'jib pa la sogs pa'i mtshan nyid can longs spyod pa'i mchog gi khyad par rgyu yin pas/ btsun mo mchog gi phun sum tshogs pa'i sgras spyan la sogs pa'i rigs kyi yum bshad do/ /sgra ji bzhin pa ni lha mo nye bar sdud pa'i don tsam so sor bstan pas so/ /rnam par snang mdzad nyid kyis dbang bskur ba'i rdo rje zhes pa ni 'phags pa gshin rje gshed po dpal rnam par snang mdzad kyi gcod pan can yin pa'i phyir ro/ /dkyil 'khor bskyed pa gang yin pa zhes pa ni khro bo'i rgyal po

  295. 148a

    rnams bsrungs pa'i 'khor lo yin pa'i phyir ro/ /sgra ji bzhin pa ni bskyed pa'i rim pa tsam brjod pas so/ /dmyal ba zhes pa ni yi dags kyi lhag par bdag po'o/ /khro bo chen po'i ting nge 'dzin gyis zhes pa ni thabs la mkhas pa dang ldan pa'i khro bo'i ting nge 'dzin gyis zhes bya ba'i bar ro/ /drang ba'i don ni khro bo'i rnam par rjod par 'dod pa'i phyir ro/ /rmongs pa'i mun pa ste zhes pa ni kun gzhi rnam par shes pa'i ngo bo nyid do/ /ma rig pa ni de'i khyad par ro/ / don dam pa'i bden pa shes pa ni phyag rgya dang sngags kyis thob par bya ba'i sems rnam par dag pa'i mtshan nyid can gyi 'od gsal bas so/ /nges pa'i don ni sems rnam par dag pa nyid bstan pas so/ /sgra ji bzhin pa ni snga ma bzhin no/ /rin chen 'byung ldan zhes pa ni de bzhin gshegs pa thams cad kyi nang na chos kyi rgyal srid kyi bdag po'i mtshan nyid kyis mngon par byang chub thob pa'i phyir dang nam mkha' mdzod kyi ting nge 'dzin dang ldan pa'i phyir ro/ /de'i gcod pan du rdo rje gang la yod pa/ zhes pa ni 'phags pa gzhan gyis mi thub pa ni rin chen 'byung ldan gyi rigs yin pa'i phyir ro/ /drang ba'i don ni shes rab mthar byed kyi bskyed pa'i rim pa tsam bstan pa'i phyir ro/ /'od gsal ba zhes pa ni rim pa gnyis pas thob par bya ba de kho na nyid do/ /nges pa'i don ni rdzogs pa'i rim pa brjod pas so/ /shes rab kyis ni mthong ba dang bsgom pa'i lam gyi mtshan nyid kyi blos so/ /nyon mongs pa zhes pa ni khams gsum la gnas pa'i 'dod chags la sogs pa'o/ /de la mdor bsdus pa ni 'dir bden pa bzhi po la brten te/ nyon mongs pa spong bar byed pa yin te/ de la sdug bsngal gyi bden pa la brten te/ mthong ba'i lam gyi nyon mongs bcu spong ba yin te/ 'di lta ste/ 'dod chags dang/ khong khro dang/ gti mug dang/ nga rgyal dang/ the

  296. 148b

    tshom dang lnga'o/ /lta ba yang rnam pa lnga yin te/ 'jig tshogs kyi lta ba dang/ nang du 'dzin pa'i lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'i lta ba'o/ /kun 'byung gi bden pa la brten pa bdun spang bar bya ste/ 'jig tshogs kyi lta ba dang/ nang du 'dzin pa'i lta ba dang/ tshul khrims dang brtul zhugs mchog tu 'dzin pa'i lta ba ma gtogs pas so/ /'gog pa'i bden pa la brten te bdun po de nyid do/ /lam gyi bden pa la brten te mthong ba'i lam gyis sngar bshad pa'i nyon mongs pa bdun dang/ tshul khrims dang/ brtul zhugs mchog tu 'dzin pa'i lta ba ste spang bar bya ba'o/ /bsgom pas spang par bya ba ni bzhi ste/ 'dod chags dang/ khong khro dang/ nga rgyal dang/ ma rig pa'o/ /de ltar 'dod pa'i khams sum cu rtsa drug nyon mongs pa spang bar bya ba yin no/ /de bzhin du ni gzugs dang gzugs med pa'i khams su khong khro bcu ma gtogs dgu bcu rtsa brgyad du 'gyur ro/ /gcig tu bsdus te/ mthong ba'i lam gyis brgyad cu rtsa brgyad spong ba dang/ bcu ni bsgom pa'i lam gyis spang bar bya'o/ /gang yang nyon mongs pa'i chos gzhan rnams 'du byed kyi phung por 'dus pa de dag nye ba'i nyon mongs pa kho na yin te/ de dag gang zhe na/ rgyu dang/ rgyags pa dang/ rnam par 'tshe ba dang/ 'tshig pa dang/ khon du 'dzin pa dang/ g.yo la sogs pa rnam pa du ma'o/ /bcu ni kun tu sbyor ba ste/ ngo tsha med pa dang/ khrel med pa dang/ phrag dog dang/ ser sna dang/ rgyags pa dang/ 'gyod pa dang/ gnyid dang/ rmugs pa dang/ khro ba dang/ 'chag pa dang/ bcu'o/ /nyon mongs pa de dag ni zag pa'i sgras bshad pa'o/ /de la zag pa'i gsum du 'gyur te/ 'dod pa'i zag pa dang/ srid pa'i zag pa dang/ ma rig pa'i zag pa'o/ /de la 'dod pa'i khams su song ba'i nyon mongs pa ni ma rig pa rnam pa lnga ma gtogs par rdzas su ma

  297. 149a

    cu rtsa gcig gi ngo bo ni 'dod pa'i zag pa'o/ /de bzhin du yang gzugs dang gzugs med pa na gnas pa'i nyon mongs pa ni ma rig pa rnam pa bcu ma gtogs par rdzas lnga bcu rtsa gnyis kyi ngo bo srid pa'i zag pa'o/ /khams gsum pa'i ma rig pa ni rdzas bco lnga'i bdag nyid can ni ma rig pa'i zag pa'o/ /dmigs pa dang yang dag par sbyor ba dag ni rjes su 'gro bas na nyon mongs pa'o/ /srid pa'i rtse mo nas mnar med pa'i bar du skye mched drug gi rma nas kun tu 'khor bar zag par byed pas na zag pa'i don to/ /chu bo bzhi ste/ 'dod pa dang/ srid pa dang/ blta ba dang/ ma rig pa zhes pa'o/ /de la 'dod pa'i zag pa'i kho na 'dod pa'i chu bo'o/ /srid pa'i zag pa nyid ni srid pa'i chu bo ste/ lta ba rnams ma gtogs pa'o/ /khams gsum pa'i lta ba dag ni lta ba'i chu bo ste rdzas sum cu rtsa drug go /ma rig pa'i zag pa nyid ni/ ma rig pa'i chu bo ste khyer bar byed pas so/ /bzhi po de nyid ni sbyor ba bzhi ste/ sbyor bar byed pas na sbyor ba'i don to/ /len pa ni bzhi ste/ 'dod pa dang/ lta ba dang/ tshul khrims dang/ brtul zhugs mchog tu 'dzin pa dang/ bdag tu smra ba'i len pa'o/ /de la 'dod pa'i len pa ni rdzas nyi shu rtsa bzhi'o/ /gzugs dang gzugs med pa ni gnas pa'i nyon mongs pa ni bdag tu lta ba'i len pa ste/ rdzas sum cu rtsa brgyad do/ /lta ba'i len pa ni rjes sum cu'o/ /tshul khrims dang brtul zhugs len pa ni rdzas drug go /gzung bar byed pas na len pa'i don to/ /mdud pa bzhi ste/ mnar sems dang/ gnod sems dang/ tshul khrims dang/ brtul zhugs mchog tu 'dzin pa dang/ 'od bden pa zhes mngon par zhen pa ni lus kyi mdud pa'o/ /sgrib pa lnga ste/ 'dod pa la 'dun pa dang/ gnod sems dang/ gnyid dang rmugs pa dang/ rgod 'gyod dang/ the tshom mo/ /mthong pa'i lam du shes pa bcu ni chos

  298. 149b

    shes pa dang/ rjes su 'gro ba shes pa dang/ kun rdzob kyi shes pa dang/ pha rol gyi sems shes pa dang/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa dang/ zag pa shes pa dang/ mi skye ba shes pa'o/ /bzod pa brgyad de/ sdug bsngal la chos shes pa'i bzod pa dang/ de bzhin du sdug bsngal la rjes su 'gro ba shes pa'i bzod pa dang/ de bzhin du kun 'byung dang/ 'gog pa dang/ lam dang lam gyi bden pa rnams la shes par bya'o/ /sdug bsngal la chos shes pa'i bzod pa skye bar gyur pas 'dod pa thob pa'i sdug bsngal gyi mthong bas spong pa nyon mongs pa thob pa la brten te 'gog par 'gyur ro/ /chos shes pa yang de rnams kyi kho na mya ngan las 'das pa thob pa la brten te skye bar 'gyur ro/ /sdug bsngal nyid rjes su 'gro ba'i shes pa'i bzod pa skye bar 'gyur bas gzugs dang gzugs med pa na gnas pa'i sdug bsngal mthong bas spong ba'i nyon mongs pa thob pa blangs te 'gog par 'gyur ro/ /rjes su 'gro ba shes pa yang de rnams kyi mya ngan las 'das pa'i thob pa blangs te skye bar 'gyur ro/ /de la bzod pa rnams ni bar chad med pa'i lam mo/ /shes pa ni grol ba'i lam mo/ /de ltar kun 'byung ba dang/ 'gog pa dang/ lam rnams su sems bzhi bzhi shes par bya'o/ /sems rnam pa bcu drug gis lag la nyal brgyad cu rtsa brgyad sdangs? pas bden pa bzhi pa sngon du gyur pa dang rgyun tu zhugs pa'i 'bras bu yang thob par 'gyur ro/ /bsgom pas spang bar bya ba bcu lhag mar gyur pa ni 'dod pa na gnas pa bzhi dang/ gzugs dang gzugs med pa la gnas pa gsum gsum mo/ /de la 'dod pa na gnas pa ni 'dod chags dang/ khong khro bo dang/ nga rgyal dang/ ma rig pa gcig tu byas te/ rnam pa dgur 'gyur te/ dman pa dang/ bar ma dang/ rab kyi dbye bas so/ /de la shes rab kyi nyon mongs pa la dman pa'i yang dman

  299. 150a

    pa 'phags pa'i lam ni gnyen po yin no/ /nyon mongs pa'i rnam pa drug spangs pa lan cig phyir 'ong ba'o/ /rnam pa dgu po spangs pas phyir mi ldog pa'o/ /ji ltar 'dod pa na gnas pa'i nyon mongs pa rnam pa dgu dang/ de rnams kyi yang bar chad med pa dang rnam par grol ba'i lam zhes bya ba dgu gnyen po yin pa de bzhin du yang sa re re la nyon mongs pa rnam pa dgu dgu dang/ de rnams kyi gnyen po yang de bzhin du shes par bya'o/ /de'i phyir snga ma snga ma spong ba phyi ma phyi ma nye ba rnams mi gnas pas srid pa'i rtse mo pa dman yang dam pa la nyon mongs pa'i rnam pa rab tu spangs pas dgra bcom par 'gyur ro/ /'bras bu bzhi'i bar na gnas pa rnams ni lam du zhugs par shes par bya'o/ /sdug bsngal ba la sogs pa 'phags pa'i bden bzhi'i yul can skad cig ma bco lnga'i bdag nyid mthong ba'i lam dang/ bcu drug pa bsgom pa'i lam gyis mdor bsdus te lam gnyis kyis nyon mongs pa rab tu spangs par 'gyur ro/ /ji skad du/ na? mthong mthong phyir mthong ba'i lam/ /der ni skad cig bco lnga yin/ /bcu drug pa ni bsgom pa'i lam/ /zhes bya ba la sogs pa 'byung ngo/ /de'i phyir mthong ba dang bsgom pa'i lam la dmigs pa'i shes rab de lta bus nyon mongs pa rnams mthar byed pas na shes mthar byed do// drang ba'i don ni mi mthun pa dang gnyen po'i lam brjod par 'dod pa'i phyir ro/ /rnam par rtog pa'i bdag nyid can ni shes rab ste zhes pa la/ rtog pa ni gsum ste/ snang ba dang/ snang ba mched pa dang/ snang ba thob pa'o/ /de rnams sngags dang phyag rgya'i rig pas 'od gsal bar 'jug pas mthar byed pas shes rab mthar byed do/ /nges pa'i don ni sems rnam par dag pa brjod par 'dod pa'i phyir ro/ /rdo rje dam tshig gis zhes pa ni khro bo'i gzugs dang ha ha rgod pa dang gsod pa la sogs

  300. 150b

    pa drag po las kyi rab 'byams rnams kyis so/ /gdug pa ni brgya byin la sogs pa phyogs skyong ba rnams so/ /de rnams bskrad par mdzad pa ni dgug pa dang phur bus gdab pa dang/ brdung ba'i mtshan nyid do/ /yang na zhes bya ba 'dis phyogs gzhan bshad pa yin te/ 'jig rten pa'i mkha' 'gro ma rnams ni/ u ma dang/ bde phyogs ma dang/ dpal mo dang/ grags pa ma la sogs pa'o/ /de rnams skrag par mdzad pa ni nan tan gyis phrogs te longs spyod pa'o/ /khro bo'i gzugs kyis de dag gdul ba'i phyir ro// ji skad du/ bde mchog las/ sangs rgyas thams cad lhag mos pas/ /sdig med stobs kyis mnan nas kyang/ /gnod dang zil gyis gnon pa yin/ /'jig rten thams cad rab 'joms byed/ /shin tu gdug pa drag po mchog /sems can khams ni du ma rnams/ /byi shor rku ba bcings pa yis/ /sems can khams ni sbyor bar mdzad/ /nan gyis sgyu ma'i sbyor ba yis/ /sdig med stobs kyis bkug byas nas/ /mtshon pa lnga yi go bgo zhing/ /'jig rten kun las rgyal bar 'byung 'gro ba brtan dang g.yo ba dag /'grub pa thams cad las rgyal zhing/ /sna tshogs gdul ba'i thabs kyis ni/ /rang gi rgyal srid skyong bar mdzad/ /'dod ldan ma la 'dod 'gyur zhing/ /drag po rnams la drag po mchog /zhi ba rnams la zhi pa mchog /gnod byed rnams la gnod byed mdzad/ /dbang phyug dam pa 'gugs byas nas/ /sdig med stobs kyi nus pa yis/ /lha mo 'jigs ma 'gugs byas nas/ /rang gi longs spyod kyis ni spyod/ /khyab 'jug dag ni bkug nas kyang// sdig med nus pa'i stobs kyis ni/ /lha mo dpal mo bkug byas nas/ /rang gi longs spyod kyis nga spyad/ /skye dgu'i bdag po bkug nas kyang/ /sdig med nus pa'i stobs kyis ni/ /nus pa'i lha mo phrog byas nas/ /rang gi longs

  301. 151a

    spyod kyis de spyad/ /'dod pa'i lha ni dgug byas nas/ /sdig med nus pa'i stobs kyis ni/ /dga' mo chags ma dbrog byas nas/ /rang gi longs spyod kyis de spyad/ /de la sogs te mdza' yas mchog /chos kyi dbyings dang mnyam mi mnyam/ /nam mkha' i mdza' yi mthar thug pa/ /rdo rje chos mchog mchog dpa' bo/ /zhes 'byung bas so/ /sgra ji bzhin pa ni drag po'i spyod pa so sor bstan pas so/ /de nyid 'byung nas ni rigs su gyur pa/ zhes pa la/ rta mgrin ni 'od dpag tu med pa'i rigs yin pa'i phyir ro/ /drang ba'i don ni bskyed pa'i rim pa tsam bstan pas so/ /'od gsal ba zhes pa ni chos thams cad kyi snying por gyur pas rin thang med pa'o/ /de nyid 'byung gnas ni bdag byin gyis rlob pa'i rim pas 'byung ba'i phyir ro/ /nges pa'i don ni sgyu ma lta bu'i ting nge 'dzin bstan pas so/ /nyon mongs pa rnams kyis ma gos shing zhes pa ni de'i dbus su gnas pa dang de rnams bsten cing so sor sdud pa dang/ bsam gtan gyi rim pas de'i skyon gyi mi gos pa'o/ /gang gi phyir 'dod chags la sogs pa'i nyes pa rnams kyis so so'i skye bo 'jig par gyur pa de rnams kho na thabs kyi bsten par gyur pa na byang chub sems dpa' rnams la de kho na nyid kyi 'bras bu bster bar 'gyur te/ thabs la mkhas pa'i phyir ro/ /don yod grub pa'i rgyur las kyang/ rmongs pa gang gis 'ching 'gyur pa/ /mkhas pa de nyid kyis grol 'gyur/ /de ltar byang chub bsgom don du/ /'di dag phyin ci log pa yin/ zhes 'byung ngo/ /dkon mchog brtsegs pa las kyang/ 'di lta ste/ 'od srung bu ram gyi zhing ngam/ 'bras kyi zhing dang 'dam bu'i zhing la lung gyi phung pos phan par 'gyur te/ de bzhin du yang byang chub sems dpa' sems dpa' chen po'i nyon mongs pa kho na phan par 'gyur te/ 'di lta ste/

  302. 151b

    'od srung gyi ta ki'i me tog spos kyi glang pos zos par gyur na bla rtsi'i dngos por 'gyur ro/ /de nyid gzhan dag gis zos pa na mi gtsang ba'i gzugs su yongs su 'gyur ro/ /dpal mchog dang po las kyang/ 'dod chags zhe sdang gti mug ni/ /'jig rten na ni? dug chen gsum/ /dug nyid du ni bsten pa ni/ /dug nyid du ni nye bar 'gro/ /bdud rtsi rim pas bsten pa ni/ /de bzhin bdud rtsi nyid du 'gyur/ /zhes 'byung ngo/ /rab tu byed pa las kyang/ sems gang gis ni byis pa rnams/ /'khor bar 'ching ba nyid du 'gyur/ /sems de nyid kyi rnal 'byor pa/ /bde bar gshegs pa'i gnas su 'gro /zhes so/ /sbyor ba ni gang dang gang khyad par tsam gyi bud shing skam po'i rgyud las me la sogs pa de dang de rnams bsreg pa dang/ 'chod pa la sogs pa'i bya ba byed par mthong ste/ bsam pa bzang pos nye bar spyod pa'i 'dod pa'i yon tan lnga khyad par can gyi thar pa'i mtshan nyid can gyi 'bras bu ster bar 'gyur zhes mthun pa'i dpe'o/ /gang rgyu khyad par can las ma skyes pa me la sogs pa de dag don gyi bya ba sgrub par byed par mi nus te/ khyad par ma yin pa'i bsam pas gzugs la sogs pa'i yul rnams spyad par gyur pa na khyad par can gyi 'bras bu ster bar byed par mi 'gyur zhes mi mthun pa'i dpe'o/ /rgyu khyad par can gyi bsam pas gzugs la sogs pa rang bzhin gyi gtan tshigs so/ /de bas na byang chub sems dpa' rnams kyi thabs la mkhas pa nyid gang gis yul rnams spyad pa na yang de zhen pa las byung ba'i skyon rnams kyis gos par mi 'gyur te pad+ma bzhin no/ /zhes dpe'o/ /rigs pa 'dis de nyid 'jigs par mdzad pa na zhes gsungs so/ /drang pa'i don ni thabs la mkhas pa nyid tsam bstan pas so/ /pad+ma ni skye gnas shes pa la/ phyag rgya'i chos 'byung ba'o/ /mthar ni nang ste/ 'dod pa'i gdugs so/ /der dbang po

  303. 152a

    gnyis snyoms par zhugs pa'i thabs kyis shes pa ni gsang ba'i rdo rje dang chu skyes dang phrad pa'i mtshan nyid kyis so/ /mchog tu dga' ba'i bde ba zhes pa ni tha mal ba ma yin pa'i bde ba chen po bskyed par byed cing gsal bar mdzad do/ /dgongs pa ni 'di yin te/ pad+ma mthar byed 'od dpag tu med pa'i rigs can yin pas byang chub sems kyi ngo bo nyid do/ /de yod pas mchog tu dga' ba yang dag par 'gyur gyis gzhan du ma yin no/ /pad+ma rdo rje'i zhal snga nas kyis kyang/ dngos grub kun gyi gter gyur pa'i/ /byang chub sems ni lhung 'gyur na/ /rnam shes phung po rgyal 'gyur bas/ /bla med dngos grub ga las 'gyur/ /zhes 'byung bas so/ /rdo rje phreng ba las kyang/ /rin chen rgyal po dpag med gnyis/ /'khor ba sgrub pa'i rtsa ba yin/ /zhes bya ba la sogs pa 'byung ngo/ /de ltar na yang snyoms par zhugs pa'i thabs kyis bde ba chen po skye bar 'gyur zhes mi rigs te/ ci'i phyir zhe na/ de nam mkha' bzhin du 'dus ma byas pa'i phyir ro/ /gang gi phyir rgyu gang gis kyang nam mkha' mi bskyod cing 'gog par yang mi nus te/ rtag pa yin pa'i phyir ro/ /de bzhin du ni 'od gsal ba'i de kho na nyid chos thams cad kyi ngo bo nyid thabs gang gis kyang mi bskyod cing 'gog par yang mi nus so/ /gal te de ni bskyed par bya ba yin na ni de'i tshe/ 'dus byas pas 'jig pa'i chos can du thal bar 'gyur ro/ /'jim pa la sogs pa'i rgyu rnams kyis bskyed par 'gyur ba'i bum pa bzhin no/ /gang gi phyir chos nyid ni chos gang gi kyang 'brel par mi 'gyur zhing bral bar yang mi 'gyur ro/ /de dang ldan pa yin na tha mal ba'i skyes bu bzhin du byis pa dang/ lang tsho dang/ gnas skabs bar pa dang/ rgas pa dang/ shi bar thal bar 'gyur ro/ /'phags

  304. 152b

    pa byams pas/ chos kyi dbyings ni dbyer med cing/ /rigs ni tha dad rung ma yin/ /gzhi yi chos kyi dbye ba yis/ /de yi dbye ba rab tu grags/ zhes 'byung ngo/ /de bzhin du/ ji ltar/ rlon pa chu shing sdong bu ni/ /snying po 'dod pa'i skyes bus rnam spyod na/ /phyi dang nang med snying po yong mi snang/ /de ltar chos rnams thams cad shes par gyis/ /zhes 'byung ngo/ /rigs pa drug cu pa las kyang/ /mi rtag bslus pa'i chos dang ldan/ /khong stong stong pa bdag med pa/ /dngos dang dngos med la mkhas pas/ /rnam par dben pa zhes mthong ngo/ /rtog pa med cing dmigs pa med/ /bkod pa med cing gnas med pa/ /ma rigs phan las byung ba'i/ /thog ma tha ma bar ma med/ /chu shing nang ltar snying po med/ /dri za'i grong khyer dang mtshungs pa/ /gzhan dag rmugs byed 'jigs pa ste/ /'gro ba sgyu ma bzhin du snang/ /zhes 'byung ngo/ /de bzhin du bdag las ma yin gzhan las min/ /gnyis ka las min rgyu med min/ /dngos po gang dang gang du yang/ /skye ba nam yang 'thad ma yin/ /zhes 'byung ngo// rab tu byed pa las kyang/ /'dir ni kha cig mi skye zhing/ /kha cig kyang ni 'chi mi 'gyur/ /sems kyi ngo bor rnam gnas pa'i/ /'khor ba nyid du shes par bya/ /zhes 'byung ngo/ /srid pa 'pho ba'i mdo las kyang/ /dngos po las kyang dngos mi skye// dngos med las kyang skye mi 'gyur/ /dngos po rtag tu skye ba ni/ /'khrul pas nam mkha' i me tog bzhin/ /zhes 'byung ngo/ /kampa la'i zhal snga nas kyis kyang/ /de nyid yang dag mdza' yin te/ /de nyid de bzhin de stong nyid/ /de nyid mnyam nyid de grol ba// de nyid rnam rig tsam nyid de/ /chos kun nang du chud pa'i phyir/ /ring por ma yin gam du min/ /de nyid rtogs pa dka' ba'i phyir/ /de yi ngo bo spyod mi 'gyur/ /zhes gsungs pa'i phyir ro/ /de bas na dang po ma skyes pa'i rang bzhin gyi de kho na nyid thabs?

  305. 153a

    kyi dbang gis ji ltar skye bar 'gyur zhe na/ 'dir smras pa/ de kho na nyid ni thabs gang gis kyang skye bar mi 'gyur te/ /rang bzhin gyis grub pa'i phyir ro/ /'on kyang de rang bzhin gyis grub kyang de'i dbang po gnyis snyoms par zhugs pa gsal bar byed pa'i rgyu yin gyi skyed par byed pa ni ma yin no/ /gang gi phyir rgyu ni rnam pa bcu yang yin te/ skye dang gnas dang gsal byed dang/ /'gyur ba rkyen dang thob pa dang/ /sbyor ba dang gzhan dang rten dang ni/ /sgyu ni rnam pa bcu ru bshad// ces 'byung ngo/ /de nyid kyi phyir gsal ba tsam sgyu yin na/ /de kho na nyid la skyed pa'i skyon du thal bar mi 'gyur ro/ /'on te skad kyi dbyings don du ma yin pas mdzad pa'i sgra ni gsal bar byed pa tsam la 'jug gi byed pa po'i nus pa la ma yin no zhes shin tu rgyas pas chog go /da ni rnal ma dpyad par bya ste/ sgra ji bzhin pa ni khro bo'i rgyal po dbyings tsam bstan pas so/ /don yod par grub pa ni/ /de bzhin gshegs pa thams cad kyi sku la sogs pa'i nang du 'dus pa'i phyir ro// don yod grub pa ni phrag dog rnam par dag pa'i ngo bo phrag dog yang zhe sdang las byung ba ste/ zhe sdang gi ngo bo nyid thugs rdo rje 'dzin pa'i rigs su 'dus par 'gyur ro/ /yang na 'dod chags las byung ba yin nam/ /snang ba mdza' yas kyi rigs su 'dus par 'gyur ro/ /de nyid rdo rje zhes pa ni rigs sam? rgyas btab pas so/ /drang ba'i don zhes bya ba 'phags pa bdud rtsi 'khyil pa khro bo brjod par 'dod pa'i phyir ro/ /rnam par dag pa'i gnas ni 'od gsal ba ste/ sems rnam par dag pa'i rim pas slob par bya ba'i sems kyi de kho na nyid do/ /nges pa'i don zhes bya ba ni sems rnam par dag pa'i rim pas so sor bstan pas so/ /bgegs rnams mthar mdzad cing 'jig par mdzad pas na/ zhes pa ni de la bgegs

  306. 153b

    ni bdud bzhi ste/ de rnams la rdo rje lta bu'i ting nge 'dzin gyis mthar byed pas na/ bgegs mthar byed do/ /drang ba'i don ni bdud 'joms pa rnam par bstan pas so/ /khams bzhi po ste/ zhes pa ni sa la sogs pa'o/ /'phel ba dang 'grib pa zhes pa ni skye ba dang 'jig pa dag gis so/ /lus gzir bas na/ zhes pa ni lus kyis nye bar mtshon pa'i sems gzir bas so/ /de rnams thabs kyis ye shes shar bas na/ zhes pa ni snang ba mched pa'i ye shes yang dag par 'byung bas so/ /snang ba la sogs pa'i ye shes kyi tshogs kyi rnam par rtog pa'i bdag nyid rnam par 'jig cing nyams par mdzad do/ /nges pa'i don ni sems rnam par dag par rab tu bstan pa'i phyir ro/ /dkyil 'khor ba rnams mnyes par byed pa'i phyir/ /zhes pa ni dkyil 'khor gyi bdag po dang bcas pa'i dkyil 'khor pa rnams brgya byin la sogs pa'i bgegs kyis rnam par g.yeng ba las bsrung bas mnyes par mdzad pa zhes bya ba'i don to/ /de bas ni bgegs thams cad rnam par 'joms pa'i phyir/ zhes pa ni brgya byin la sogs pa phyogs skyod rnams 'joms par mdzad pas so/ /sgra ji bzhin pa ni khro bo'i rgyal po dang 'brel ba'i sku tsam ston pa'i phyir ro/ /gzhung de tsam gyis ni dkyil 'khor rgyal ba mchog gi ting nge 'dzin bstan to/ / dkyil 'khor gyis 'khor lo yongs su rdzogs par bya ba'i phyir dkyil 'khor pa gzhan rnams kyi 'brel pa mkhan gyis lung gi tshad ma nyid bstan par bya ba'i phyir/ /de ltar sgo rnam par bzhir bkod nas/ zhes smos te/ gshin rje gshed dang shes rab mthar byed ded pad+ma mthar byed dang/ bgegs mthar byed rnams ni shar dang lho dang nub dang byang gi sgo rnams su dgod par bya'o/ /shar gyi mtshams nas brtsams te/ zhes pa ni me dang bden bral dang rlung dang dbang ldan gyi mtshams su'o/ /mi g.yo la sogs

  307. 154a

    dgong par bya'o/ /zhes pa mi g.yo mgon dang 'dod pa'i rgyal po dang dbyug sngon can dang stobs po che dgong pa ni bsam par bya'o/ /shar phyogs su ni snam bu zhes bya ba la sogs pas nang gi dkyil 'khor gyi phyi rol tu snam bu bzhi la ni shar du sa'i snying po dang byams pa dag go /lho'i snam bu la nam mkha' i snying po dang phyag na rdo rje dag go /nub kyi snam bu la 'jam dpal dang 'jig rten dbang phyug go /byang gi snam bu la ni kun tu bzang po dang sgrib pa rnam par sel ba dag dgod pa ni sgom par bya'o/ /nang gi dkyil 'khor/ /zhes pa ni gang du bcom ldan 'das mi bskyod pa dbus su bzhugs pa dang/ shar la sogs pa'i phyogs su rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dgod pa'o/ /mtshams su ni sangs rgyas dang/ mA ma kI dang/ gos dkar mo dang/ sgrol ma dgod par bya'o/ /de'i dkyil 'khor gyi phyi rol gyi byang shar gyi mtshams nas brtsams te/ zhes pa la nang gi dkyil 'khor gyi phyi rol dang byang chub sems dpa' i snam bu'i bar rnams la gzugs rdo rje la sogs pa dgod do zhes pa ni gzugs rdo rje ma dang/ sgra rdo rje ma dang/ dri rdo rje ma dang/ ro rdo rje ma rnams dgod do/ /reg bya rdo rje ma ni dbus kyi bdag po la brten te bzhugs so/ /steng dang 'og dag tu ni gnod mdzes dang gtsug tor dgod do/ /zhes rigs par bya'o/ /de ltar sum cu rtsa gnyis kyi bdag nyid kyi dkyil 'khor yin no/ /thams cad kyi gdan la sogs pa'i des pa/ zhes bya ba ni gdan dang sku mdog dang phyag mtshan la sogs pa'i nges pa'o/ /sgrub thabs su byas pa nyid yin no/ /zhes pa ni mdor bsdus pa'i sgrub thabs sam yang na rang gis byas pa las/ zhes bya ba'i tha tshig go /de ltar na sum cu rtsa gnyis kyi dkyil 'khor gang las rtogs par bya ba ste bcu gsum las

  308. 154b

    ma bstan zhe na/ smras pa/ lha'i rnal 'byor ji lta ba/ zhes bya ba la sogs pa ni lha'i rnal 'byor ni bskyed pa'i rim pa'o/ /dkyil 'khor ni rten dang brten pa'i mtshan nyid do/ /gzhan dag tu bshad pa'i rgyud la sogs par ro/ /rdzogs pa ni ma lus pa'o/ /bcom ldan 'das ni rdo rje 'chang chen pos so/ /ma gsungs pa ni ma bstan pa'o/ /slob dpon med par 'jug par ma gyur cig snyam du dgongs pa yin no zhes pa la/ slob dpon dang slob ma'i rim pa bzhin du gyur cig ces dgongs nas so/ /gzhan du na glegs bam glog pa tsam gyis bdag cag slob dpon yin zhes smos pa rnams la nga rgyal skye bar gyur pas so/ /de bzhin du 'dir yang zhes pa ni/ dpal gsang ba 'dus pa'i le'u dang po las kyang ma bstan to/ /sku'i dkyil 'khor zhes bya ba la sogs pa la dkyil 'khor gyi 'khor lo ma lus pa nye bar bsdud pa'i dus su dkyil 'khor pa thams cad sku'i dkyil du bsgom par bya'o/ /de bzhin du phyung ba'i dkyil 'khor la yang phyung ba'i dus su yang lha sum cu rtsa gnyis de bzhin du spros par de lta na gang ma grub pas grub par byed ba de yang ma grub pa nyid ces 'byung bas sku'i dkyil 'khor nyid la yang nges pa ga? las 'gyur zhe na/ smras pa/ bcom ldan 'das nyid kyis/ zhes bya ba la sogs pas lan bstan to/ /bshad pa'i rgyud ces pa ni/ rdo rje phreng ba las so/ /'dus pa rnams la/ zhes pa ni rnal 'byor chen po'i rgyud gsang ba 'dus pa'i rnal 'byor ba rnams la'o/ /don the tshom med par zhes pa ni gsang ba 'dus pa'i dkyil 'khor gyi 'khor lo lha sum cu gsum gyi bdag nyid yin nam sum cu rtsa gnyis yin zhes the tshom med par bya ba'i phyir ro/ /de nyid bstan par bya ba'i phyir sems zhes bya ba la sogs pa smos te/ sems dpa' chen po zhes pa ni khro bo'i rgyal po gshin rje gshed la bod pa'o/ /gang gi phyir rdo rje phreng ba'i rgyud las ni gshin rje gshed kho na zhu ba po yin no/ /rdo rje

  309. 155a

    slob dpon lus 'di la/ zhes pa ni rdo rje slob dpon gyi lus bshad pa'i sgo nas rdo rje 'chang ba'i sku kho na bstan par 'gyur te/ bden par rdo rje slob dpon dang rdo rje 'chang chen por dbyer med pa yin no/ /rgyal ba'i sku zhes bya ba la sogs pa la rgyal ba dang/ rgyal ba'i sras ni rgyal ba'o/ /zhes mi 'dra ba rnams la gcig lhag ma'i sdud pa'o/ /de nas de bzhin gshegs pa dang lha mo dang/ byang chub sems dpa' dang khro bo rnams kyi sku gnas pa nyid bstan to/ /dang pa zhes bya ba nas brtsams te rdo rje slob dpon nyid kyi lus zhes bya ba'i bar du ni go sla'o/ /'on kyang dkyil 'khor ba thams cad la de bzhin gshegs pa'i tshig gi khyad par ni longs spyod rdzogs pa dang sprul ba'i sku dbyer med par bstan pa'o/ /gzugs la sogs pa yang rnam par dag par shes par bya'o/ /gang gi phyir rdo rje phreng ba las gzugs rdo rje ma la sogs pa rnams sku'i dkyil 'khor la ma bstan to/ /zhes de ni logs nas smra bar bya'o zhe na/ de ni ma yin te/ dkyil 'khor pa rnams kyi kha dog lnga gang yin pa de ni gzugs rdo rje ma'i// sngags brjod pa'i sgra'am rjes su chags pa'i sgra ni sgra rdo rje ma'o/ /zhal gyi dri'am chos 'byung ba'i dri ni dri rdo rje ma'o/ /bdud rtsi la sogs pa'i ro myang ba ni ro rdo rje ma'o/ /rnam pa sna tshogs la sogs pa'i skad cig mas thob par bya ba'i bde ba chen po nyams su myong ba'i mtshan nyid can rang rig pa'i rnam par dag pa'i ngo bo nyid ni reg bya rdo rje ma'o/ /rdo rje slob dpon gyi lus/ zhes bya ba la sogs pas phung po la sogs pas rnam par dag pa'i tshul du bstan pa'o/ /rdo rje can ni rdo rje slob dpon gyis gzugs can rdo rje sems dpa' o/ /sbyangs zhes pa ni dod dang ldan pa'i bstan bcos bstan pa'o/ /mya ngan 'das pa 'jug gyur zhing/ /zhes pa ni rdo rje 'chang chen po'i gnas thob par byed pa'o/ /khyod kyi rigs ni yongs smin pas/ /zhes pa ni bya ba ni byas ba'i phyir ro//

  310. 155b

    bcom ldan myur du mya ngan 'das/ /zhes pa ni kye bcom ldan 'das khyod kyi sku rdo rje slob dpon gyi skur snang bar 'gyur te/ gzhan la bltos pa med pa'i phyir ro/ /de bas zhes bya ba la sogs pas rdo rje slob dpon gyi lus la sku'i dkyil 'khor nye bar bsdus pa bstan to// mthong na don ni yod pa skye/ zhes bya ba la sogs pas ma 'ongs pa'i dus su sems can thams cad kyis rdo rje slob dpon kho na la bsnyen bkur bya zhes lung bstan pa nyid du gsungs so/ /de nas mthong ba don yod bcas/ /zhes pa ni gshin rje gshed dang lhan cig tu'o/ /byang chub sems dpa' ni byams pa la sogs pa'o/ /grags pa che zhes bya ba ni 'gro ba'i don byed pas grags pa thob pa'o/ /dga' zhing mgu la/ /zhes pa ni sku'i dkyil 'khor thos pas so/ /rab dang ba ni de bsams pas so/ /phyag 'tshal nas ni mchi ma blags/ /zhes pa ni de bsgoms pas so/ zhes rdo rje phreng ba las gsungs pa 'dis lung tshad ma nyid du bstan to/ /rigs pa 'dis zhes pa ni sngar bshad pas so/ /bri ba'i dkyil 'khor du yang zhes pa ni sgrub pa'i dkyil 'khor du'o/ /lha sum cu rtsa gnyis dgod par bya'o zhes pa ni sngar bshad pa'i zhal dang phyag mtshan la sogs dbye ba dang ldan pa'i lha'i 'khor lo dgod par bya zhes bya ba'i don to/ /bsdus pa'i don ni gleng gzhi'i tshigs gis rgyud kyi don ma lus pa so sor bstan nas 'dod chags kyi rigs can gdul bar bya ba'i phyir/ lha mo dgu'i dbus su 'dod chags chen po'i ting nge 'dzin bstan to/ /de'i rjes la sgrub pa'i thabs kyi rim pas rdo rje 'chang chen po la zhugs pa'i mtshan nyid can thugs rdo rje 'dzin pas dbus kyi gtso bo nyid yin pas dang po'i sbyor ba zhes bya ba'i ting nge 'dzin bstan to/ /pad+ma'i nang du dam tshigs gis dkyil 'khor sprul pa dang rnam par snang mdzad la sogs pa lha'i 'khor lo spro ba dang dgod pa'i rim pas dkyil 'khor rgyal ba mchog gi ting nge 'dzin bstan to/ /de'i

  311. 156a

    nang du dbang bskur ba la sogs pa'i mtshan nyid las kyi rgyal ba mchog gi ting nge 'dzin dang rdzogs pa'i rim pa yang bstan to/ /de gleng gzhi'i tshig gi don yin te/ gang gi phyir gleng gzhi ni ston pa po dang nyan pa po dang/ gnas phun sum tshogs pa gtso bor gyur pa yin no/ /de la bcom ldan 'das zhes bya ba 'dis ston pa po phun sum tshogs pa gtsor gyur pa ste dang po'i sbyor ba bstan to/ /de bzhin gshegs pa thams cad ces bya ba la sogs pa 'dis gzhi'i dkyil 'khor gyi ngo bo de nyid kyi yan lag ste gzhal yas khang pa so sor bstan pa'i phyir ro/ /badzra d+h+rita ces bya ba la sogs pa phyung ba'i dkyil 'khor spro ba'i sgo nas dkyil 'khor rgyal ba mchog gi ting nge 'dzin bstan to/ /nges pa'i don gyi phyogs su yang dbang bskur ba la sogs pa'i mtshan nyid las kyi rgyal ba mchog gi ting nge 'dzin dang/ rdzogs pa'i rim pa mtshon to/ /bskyed pa dang rdzogs pa'i rim pa dag las ma gtogs pa'i rgyud kyi don gzhan med do/ de nyid bstan par bya ba'i phyir/ gleng gzhi zhes bya ba la sogs pa smos pa la/ gleng gzhi ni dang po'i tshig dang de'i lhag mar gyur pa le'u dang po'o/ /dbang du mdzad nas kyang zhes pa ni de la brten pas so/ /don gang zhes pa ni rim pa gnyis kyi mtshan nyid do/ /bstan pa zhes pa ni so sor bstan pa'o/ /de nyid du zhes pa na gleng gzhi'i tshig kho na la'o/ /rgyud kyi don zhes pa ni rgyud phyi ma dang lhan cig tu le'u bcu bdun gyi bdag nyid can gyi dpal gsang ba 'dus pa'i rgyud kyi don bstan to/ /arga las sbrang thob 'gyur na/ /ci yi phyir ni ril 'gro 'dod pa'i don rnyed 'gyur na/ /mkhas pa gang gi yang 'bad byed/ /ces tshig las gleng gzhi'i tshig tsam yongs su shes pas rnal 'byor pa bya ba byas par 'gyur zhes ci'i phyir bcom ldan 'das kyi le'u bcu bdun gyi bdag nyid bstan zhe na/ smras

  312. 156b

    lhag ma zhes pa la gleng gzhi'i tshig las gzhan thams cad rgyud kyi lus ni lhag ma'o/ /dgongs pa las gzhan ni lhag ma yin zhes 'byung ngo/ /zhar la byung ba/ zhes pa ni gleng bzhi'i tshig gis rgyud kyi don shes kyang de'i spobs pa'i mtshan nyid ni zhar la byung zhes bya ba'i don to/ /ji skad du/ sgrub pa de rnams ni legs par gzung ba yin te/ gang gi mtshan nyid dang spros pa yod pa'o zhes 'byung ngo/ /de bzhin du yang rgyas bar bshad pa ni shin tu gsal bar 'gyur ro zhes 'byung bas so/ /gal te de lta yin na bshad pa'i rgyud par/ rgyud phyi ma dang/ yan lag gi rgyud bcom ldan 'das kyis ci'i phyir gsungs she na/ smras pa/ 'dir ni bskal ba dang po la bcom ldan 'das kyis zhal gyi man ngag kho na gsungs te/ de tsam gyis gdul bya rnams kyi dngos grub thob par 'gyur ro/ /de'i rjes su zhal gyi man ngag 'dzin par nus pa med par gzigs nas rtsa ba'i rgyud rnams gsungs pas glegs bam du grags so/ /de'i yang rjes su rtsa ba'i rgyud kyis kyang rtogs pa med pas rgyud phyi ma yan lag gi rgyud gsungs so/ /de'i rjes su rgyud byi ma yan lag gi rgyud kyis gang gsal bar ma gyur pas bshad pa'i rgyud rnams gsungs te/ gang gi tshe de rnams kyis kyang rtogs par ma gyur na de'i tshe sngon gyi slob dpon khyad par du gyur pa rnams kyis 'grel pa dang/ dka' 'grel dang/ TI kA dang/ rgyan la sogs pa byas pa dang/ byed par yang 'gyur ro/ /de'i phyir na dus kyi dbye ba dang/ gdul bya'i blo'i bye brag la brten te/ bcom ldan 'das kyi chos bstan pa ni mdor bsdus pa dang rgyas par gsungs pa zhes zhar la gsungs pa la skyon med do/ /sku dang gsung dang thugs gsang ba la gzigs nas zhes pa la don ni 'di yin te/ bskyed pa'i rim pa'i phyogs su rigs lnga nye bar bsdus pa'i rigs gsum gyi ngo bo de kho na nyid bstan pas sku gsung thugs so/ /gsang ba ni de yang nye bar sdud?

  313. 157a

    par byed pa rdo rje 'chang chen po'i ngo bo nyid so sor bstan pas so/ /rdzogs pa'i rim pa la yang lus dang ngag dang yid rnam par dag pa'i ngo bo nyid rdo rje bzlas pa dang/ sems rnam par dag pa dang/ bdag byin gyis rlob pa'i mtshan nyid dang man ngag bzhi pa'i 'od gsal ba'i mtshan nyid mngon par byang chub pa'i rim pa so sor bstan pa'i phyir/ sku gsung thugs gang yin pa la de nye bar bsdus pa myur du yang dag par bskyes pa'i bde ba gnyis mi phyed pa'i mtshan nyid can mi gnas pas mya ngan 'das pa'i ngo bo nyid zung du 'jug pa'i rim pa sor bstan par byed pa'i phyir gsang ba yang yin pas sku gsung thugs kyi gsang ba'o/ /gzigs nas zhes pa ni thos pa dang bsam pa dag gis so/ /thugs su chud par zhes pa ni bsgoms pas so/ /mdzad ni rdo rje 'chang chen po las thob nas dbyangs de nyid dang tshig de nyid dang/ de dang mi mthun pa'i don gyis sdud pa pos rnam par mdzad pa'o/ /ting nge 'dzin gyi dkyil 'khor ni pad+ma'i nang du bskyed cing sprul pa'i dkyil 'khor ro/ /gsang ba 'dus pa zhes pa ni sngar bshad pa'i dang ldan pa la'o/ /byin gyis rlob pa/ zhes pa ni spro ba dang dgod pa le'u gang la yod pa de ni de bzhin gshegs pa thams cad kyi ting nge 'dzin gyi dkyil 'khor byin gyis rlob bzhes bya'o/ /le'u zhes pa ni 'di ni grags pa'i sgra ste rgyud kyi don yongs su gcod pa'i mtshan nyid so sor bstan pa'o/ /yang na sbyor ba la grags pa'i sgra'o/ /yan lag gi don gyi dbye ba'i sgo nas gzung bar bya'o/ /sha sbrang mchu snyung la sogs pa'i gnod pa 'joms par byed pa gos su// grags pa de bzhin du/ nyon mongs pa dang las dang skye ba'i nye bar 'tshe ba 'joms par byed pas na/ gos dang 'dra bas na gos so 'dir bcom ldan 'das kyis rten cing 'brel pa yan lag bcu gnyis pa'i mtshan nyid srid pa'i 'khor lo gsungs pa 'di

  314. 157b

    lta ste/ ma rig pa dang/ 'du byed dang/ rnam par shes pa dang/ ming dang/ gzugs dang/ skye mched drug dang/ reg pa dang/ tshor ba dang/ sred pa dang/ nye bar len pa dang/ srid pa dang/ skye ba dang/ rga shi'o/ /de la dang po dang brgyad pa dang/ dgu pa ni ma rig pa dang sred pa dang len pa ni nyon mongs pa zhes bya ba'o/ /gang gi phyir nyon mongs pa thams cad kyi rtsa ba ni ma rig pa'o/ /gang ga phyir mi rtag pa dang/ mi gtsang pa dang sdug bsngal pa dang/ bdag med pa rnams su rtag pa dang gtsang ba dang/ bde ba dang/ bdag tu snang ba ni ma rig pa ste/ gti mug chen po'i mun pa'i mtshan nyid yin pa'i phyir ro/ /de dang ldan cig spyod pa ni sred pa dang dga' ba dang chags par bcas pa gang gis srid pa'i longs spyod rnams la 'dod pa skye ba'o/ /de dag srid pa snga ma ma rig pa dang srid pa dag gis 'gro ba rigs drug gi srid pa'i 'khor lo ma lus pa'i rtsa ba yin no/ /ji skad du/ bdag yod pa ni gzhan gyi 'du shes te/ rang dang gzhan gyi dbye bas chags sdang byung de gnyis phan tshun kun tu 'brel pa las/ skyon rnams thams cad rab tu skye bar 'gyur/ zhes 'byung ngo/ /len pa yang de dag rgyas pa'i mtshan nyid phung po so sor len pa'o/ /de ltar nyon mongs pa de dag go /de bzhin du gnyis pa dang bcu pa ste 'du byed dang srid pa dag ni las so/ /de la 'ang byed ni gnyis to/ sems dang ldan pa dang sems dang mi ldan pa'o/ /de la sems dang ldan pa ni rnam pa gsum ste/ dge ba dang/ mi dge ba dang/ lung du ma bstan pa'o/ /lung du ma bstan pa ni rnam pa gnyis te/ sgribs la lung du ma bstan pa dang/ ma sgribs la lung du ma bstan pa'o/ /de la gang nyon mongs pa dang ldan pa de ni sgrib la lung du ma bstan pa'o/ /gang de dang bral ba de ni ma sgribs la lung du ma bstan pa'o/ /de la sems dang ldan par

  315. 158a

    sems dpa' dang tshong ba dang 'du shes dang 'dun pa dang reg pa dang/ blo dang dran pa dang yid la byed pa dang/ lhag par mos pa dang/ ting nge 'dzin dang/ dad pa dang/ ngo tsha dang khrel dang ser sna med pa dang zhe sdang med pa dang/ gti mug med pa dang/ brtson 'grus dang/ sbyangs pa dang bag yod pa dang btang snyoms dang rnam par 'tshe ba med pa dang/ 'dod chags nas brtsams te spyod pa'i bar du lnga bcu rtsa gcig go /thob pa dang ma thob pa dang/ bskal pa mtshungs pa dang 'du shes med pa dang/ 'gog pa'i snyoms par 'jug pa dang/ 'du shes ma yin pa'i snyoms par zhugs pa dang/ srog gi dbang po dang/ skye ba dang/ gnas pa dang/ rga ba dang/ mi rtag pa dang/ ming gi tshogs dang tshig gi tshogs dang yi ge'i tshogs te/ sems dang mi ldan pa ni bcu bzhi'o/ /srid pa ni gsum ste/ 'chi ba'i srid pa dang /bar ma do'i srid pa dang/ skye ba'i srid pa'o/ /de dag ni las te/ dge ba dang mi dge ba'i ngo bo yin pa'i phyir ro/ /lhag ma bdun ni sdug bsngal can gyi rnam grangs te skye ba'o rnam par shes pa dang ming dang gzugs dang skye mched drug dang reg pa dang tshor ba dang skye ba dang rga shi'o/ /de la rnam par shes pa ni kun gzhi rnam par shes pa dang/ nyon mongs pa can gyi yid kyi rnam par shes pa dang/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa ste brgyad do/ /yang na lnga ste/ kun gzhi dang/ nyon mongs pa can gyi yid dang/ rang dang gzhan rgyud la gnas pa'i dbang po'i rnam par shes pa dang/ 'jug pa'i rnam par shes pa dang/ gzugs la sogs pa'i so sor snang ba'i rnam par shes pa'o/ /yang na gsum te/ rnam par smin pa'i rnam par shes pa dang/

  316. 158b

    yid kyi rnam par shes pa dang/ 'jug pa'i rnam par shes pa'o/ /'jug pa'i rnam par shes pa drug po gcig tu byas te/ rnam par shes pa gcig ces la la 'dod de/ ji skad du/ don dang sems can bdag rnam rig/ so sor snang ba rab skye ba/ /rnam par shes pa de don med/ /de don pas ni de yang med/ /gcig ni rkyen gyi rnam shes te/ /gnyis pa nye bar spyod pa can/ /longs spyod yongs su spyod pa dang/ sku la byed de la sems las byung/ /zhes 'byung ngo de bzhin du yang/ rnam par smin pa dang sems dang/ /yul la rnam par rig pa'o/ /zhes 'byung ngo/ de bzhin du/ gcig pu nyid ni gnyis su snang/ /sems nyid rnam par 'khrul pas so/ /gzung 'dzin dag gi dbye ba yin/ /shin tu mkhas pas ci min nam/ /zhes bya ba la sogs pa 'byung bas so/ /ming dang gzugs ni rnam pa bzhi ste/ /tshor ba dang 'du shes dang 'du byed ni gzugs med pa'i phung po'o/ /gzugs ni gzugs kyi phung po ste/ /dbang po dang yul dang rnam par rig byed ma yin pa rnam pa bcu gcig go /de ltar phung po bzhi'i bdag nyid kyi ming dang/ gzugs zhes bya'o/ /skye mched drug ste/ mig dang/ rna ba dang/ sna dang/ lce dang/ lus dang/ yid kyi skye mched do/ /dbang po dang yul dang rnam par shes pa 'dus pa las skyes pa ni reg pa'o/ /tshor ba ni myong ba rnam pa gsum pa ste/ bde bar sdug bsngal ba dang/ btang snyoms kyi ngo bo nyid do/ /de yang mig la sogs pa'i dbye bas rnam pa bco brgyad du 'gyur ro/ /skye ba yang rnam pa bzhi ste/ sgo nga dang/ drod gsher dang/ mngal dang/ rdzus te skyes pa'o/ /dmyal ba dang/ yi dags dang byol song dang/ /lha dang/ lha ma yin dang/ mi'i dbye bas drug ces pa la 'dod do/ /ngan song dang bde 'gro'i dbye bas gnyis su yang 'dod do/ /rga? ba yang nus pa dang dral ba'i mtshan nyid kyis chos so/ /shi ba ni phung po 'dor bar rnam par shes pa'i skad cig

  317. 159a

    ma tshor ba la gnas pa'i ngo bo chos bdun po de dag ni skye ba ste skyes pa la ni rnam par shes pa la sogs pa'i chos bdun dang 'brel pa'i phyir ro/ /nyon mongs pa dang las dang skye ba 'di dag gis khams gsum na gnas pa'i sems can gyi tshogs zo chun gyi 'khrul 'khor bzhin du/ 'khor bar byed pas 'gro ba gcig nas gcig tu thob par gyur nas nyon mongs pa chen po myong bar 'gyur ro/ /thal tshan gyi chu bo'i mdo las kyang/ /nor phrogs rkun ma las kyang bdag mi 'jigs de yis ni nga phrogs te yang yod ma yin/ /yid la bsags shing gsags pa'i dge ba'i nor/ /tha mal rtogs pa dag gis nges par 'phrog /ces mgon pa'i dge slong gi lag pa gyen du brkyang zhes nyin mo'i 'o dong 'bod ces 'byung ngo/ / de bas na nyon mongs pa'i dbang gis las 'byung ba dang/ las kyi dbang gis skye ba dang/ de las kyang las dang/ yang nyon mongs pa skye zhes 'khor ba tha ma med pa 'khor lo bzhin du yongs su 'khor ba'o/ /srid pa'i 'khor lo 'di ni bdag la sogs pa gang gis kyang mi bskyed de/ /stong pa kho na las kyang chos stong pa 'byung ba'i phyir ro/ /ji skad du/ gsum las gnyis po skye bar 'gyur ba ste/ gnyis las bdun po skye zhing bdun las ni/ /gnyis po yang dag skye 'gyur de phyir 'di/ /thog ma med pa'i srid pa'i 'khor lo yin/ /stong pa kho na'i chos las chos rnams ni/ /stong pa'i rang bzhin rab tu skye bar 'gyur/ /kha thon mar me long rgya/ me shel sa bon skyur dang sgra/ /phung po nying mtshams sbyor ba dang/ mi 'pho bar yang mkhas rtogs bya/ /zhes 'byung ngo/ /de'i phyir nyon mongs pa dang las skye ba nyin ni nye bar 'tshe ba ste skyon chen po'o/ /de rnams rim pa rim pa gnyis sgom pa'i sgo nas bzlog pa ni nye bar byed pas gos dang 'dra bas gos

  318. 159b

    so/ de len cing 'dzin pas na/ /zhes pa la/ bskyed pa'i dang rdzogs pa'i mtshan nyid can gyi brjod par bya ba'i don rjod par byed pa'i tshig gi mtshan nyid do/ /de ston pa'i gzhung gi tshogs la yang le'u zhes bya'o/ /zhes pa ni rim pa gnyis ga'i ngo bo rtog pa dang yongs su rdzogs pa'i lha'i sku ston par byed pa'i tshig gi tshogs ni le'u zhes bya ba'i don to/ /la la ni rlung dang char pa la sogs pa'i skyon ser bar byed pa'i khyim gyi blag ba bzhin nyon mongs pa dang zhes bya ba la sogs pa'i sgrib pa zhi bar byed pas le'u zhes smra'o/ /sgrol ma gsal bar byed pa zhes bya ba'i 'grel pa'i TIka las le'u dang po'o// //de ltar le'u dang po thams cad bskyed nas zhes pa ni le'u dang pos ni rgyud kyi don ma lus pa mtshon par byed pa gleng gzhi'i tshig gi khyad par du gyur pa'i le'us so/ /thams cad bskyed pa ni bcom ldan 'das rdo rje 'chang chen pos ma 'ongs pa'i sems can gdul bar bya ba'i phyir 'dod chags chen po'i ting nge 'dzin gyis lha mo'i 'khor lo nye bar spyod pa dang/ bgegs bskrad pa nas brtsams te gzhal yas khang ba dang lhag par mos pa'i dkyil 'khor dang pad+ma la sogs pa'i gdan dang chos kyi dbyings kyi de kho na nyid mngon du bya ba dang yi ge gsum yongs su gyur pa las skyes pa'i dkyil 'khor gyi gtso bo bsgom pa dang mig la sogs pa byin gyis rlob pa dang/ sku gsung thugs byin gyis rlob pa'i bar du dang po sbyor ba'i ting nge 'dzin gyi 'og tu phyag rgya sbyang ba dang/ rdo rje dang pad+ma snyoms par zhugs pa dang/ de las mi bskyod pa la sogs pa dkyil 'khor pa spro ba dang/ de dag gis sems can gyi don bya ba dang/ dkyil 'khor gyi shar la sogs pa'i phyogs su dgod pa dang/ cod pan du bya ba bstan to/ /sems rnam par dag pa la sogs pa'i rim pas yang dag par 'byung ba'i yongs su dag pa'i lha'i sku

  319. 160a

    rdzogs pa'i rim pa'i phyogs su bstan pa de ni de dag thams cad bskyed pa bstan to/ /rdzogs pa'i rim pa gsal bar bya ba'i phyir/ zhes pa ni dpal gsang ba 'dus pa'i rgyud bstan pa'i ched du lha'i rnal 'byor gnyis kyi rang bzhin dam tshig gi dkyil 'khor spros te/ da ni don dam pa'i bden pa gcig pu gtong pa'i rang bzhin gyi de kho na nyid bskyed pa'i rim pa rgyur gyur pa dang/ rdo rje bzlas pa la sogs pa'i mtshan nyid rdzogs pa'i rim pa lnga yang gsal bar bya ba'i phyir ro// byang chub kyi sems kyi le'u ni gdod ma nas ma skyes pa'i rang bzhin ston par byed pa'i le'u'o// gsungs te ni gsungs pa'o zhes sbyar ba ni bya ba dang byed pa po'i sgra dag gi phan tshun 'brel pa'o/ /rdo rje 'chang chen po ni sku la sogs pa nye bar bsdus pa'i mtshan nyid dpal rdo rje sems dpa' la'o/ /mchod pa ni me tog ma la sogs pa lha mo spros pa'o/ /bcom ldan 'das la gsol ba btab pa ni byang chub sems kyi le'u nyan pa'i don du'o/ /sku dang gsung thugs gsum gyi mi phyed pa'i ngo bo nyid ni tha mal ba'i lus la sogs pa stong pa nyid kyi bsgom pas mi snang bar byas pas rdo rje'i rang bzhin du skye bar 'gyur ro/ /rgyu la 'bras bu'i nye bar gdags pas mchog ni rgyu ni stong pa nyid kyi de kho na nyid do/ /'bras bu ni de'i dbang gis sku la sogs pa ni phyed par thob pa'o/ /de dag dbyer med par byas te sku gsung thugs kho na mchog tu bshad do/ /gang gi phyir nye bar brtags pa ni rgyu mtshan gsum gyis 'gyur te don gtso bo bsag pa dang/ rgyu mtshan dang dgong pas so/ /dper na tshong dpon pa lang yin te/ ba lang dang tshong dpon phyugs dang mi dang shin tu 'gal ba yin pas don gtso bo bkag pa'o/ /rgyu mtshan ni mi gsal ba dang blun pa la sogs pa'i yon tan dang 'brel pa'o/ /gang gi dbang gis gzhi mthun pa'i sgo nas ba lang

  320. 160b

    dang tshong dpon dag byed pa'i tshig dang pos so sor bstan to/ /dgod pa ni ba lang dang 'dra bar rmongs par gyur pa'i tshong dpon la mi rtsi zhes bya ba'i don to/ /de bzhin du 'di yang sku gsung thugs dang byang chub kyi sems phan tshun 'gal ba ste 'dus pa dang 'dus ma byas nyid kyis don gtso bo bkag pa'o/ /rgyu mtshan ni de la dmigs pa'i yon tan gyi 'brel pa'o/ /gang gi dbang gis sku gsung thugs ni byang chub kyi sems zhes gzhi mthun pas don gnyis ga yang byed pa'i tshig dang pos brjod do/ /dgos pa ni byang chub kyi sems bzhin du sku gsung thugs kyang stong pa dang rgyu ma'i rang bzhin yongs su shes par bya ba yin pas nye bar gdags pa ni rigs pa kho na'o/ /bya ba'i rgyud la sogs pa la gnas pa rnams la mi bstan pas na/ zhes pa ni rnal 'byor gyi rgyud kyi bar du rnal 'byor pa rnams la sba bar bya'o/ /sgrib pa thams cad las rnam par grol bas na zhes pa la/ nyon mongs pa dang shes bya'i sgrib pa la sogs pa bral ba ste/ byang chub sems kyis rnam par rtog pa thams cad nye bar zhi bar byed pa'i phyir ro// yongs su dag pa lha'i sku bskyed pa'i phyir/ zhes pa ni yongs su dag pa'i sgra 'dir ni rnam pa gnyis te/ gcig ni sngags kyi sku rjod par byed pa yin te/ tha mal pa'i lus la sogs pa'i rnam par rtog pa zlog par byed pa'i phyir ro/ /gnyis pa ni ye shes kyi sku rjod par byed pa ste/ sgyu ma la sogs pa'i dpes nye bar mtshon pa'i phyir ro/ /rdo rje'i sku yang yongs su dag pa'i lha'i skur brjod pa yin te/ mi gnas pa'i mya ngan las 'das pa'i dbyings kyis rnam par rtog pa'i spros pa thams cad spangs pa'i phyir/ /'dir ni thams cad gzung bar bya ste/ byang chub kyi sems ni stong pa nyid kyi rang bzhin yin pa'i phyir dang/ rdzogs pa'i rim pa ston par byed pa'i phyir ro/ /byang chub chen po'i sems brtan par mdzad pa na zhes pa la/ /byang chub kyi sems chen po ni

  321. 161a

    stong pa nyid kyi kho na nyid dang rdzogs pa'i rim pa'i de kho na nyid do/ /chen po yang yin la byang chub kyi sems kyang yin pas na byang chub kyi sems chen po'o/ /nges ni sems can gyi don chen por 'gyur ro/ /zhes bya ba'o zhes pa ni sems can ni tsan dan lta bu'i la sogs pa'i gang zag rnams so/ /chen po ni rin po che lta bu'i gang zag rnams so/ /de rnams kyi don ni rang gi bsam pa dang mthun pa'i rnam par grol ba'i mtshan nyid do/ /gang gi phyir tsan dan lta bu la sogs pa gang yin pa de rnams bskyed pa'i rim pa'i yan lag tu gyur pa dang/ stong pa nyid kyi de kho na nyid la lhag par mos pas grol bar 'gyur ro/ /rin po che lta bu'i gang yin pa de rnams kyang rdzogs pa'i rim pa'i de kho na nyid yid la byed pas grol bar 'gyur ro/ /zhes bya ba'i don to/ /de lta bu'i sems kyi yongs su rtog pa thugs kyis mkhyen nas zhes pa ni sangs rgyas rnams ni mngon par shes pa drug dang ldan pa'i phyir ro/ /sgra ji bzhin pa ni rim pa gnyis mdo tsam bstan pas so/ /khyod kyi/ zhes bya ba la sogs pa la/ sku gsung thugs kyi bdag nyid can sngags kyi sku rnams tha mi dad par bstan to/ /sku rdo rje lta bu'i thugs kyi rdo rje sku rdo rje'i ngo bo yang yin te/ sku rten med pas brten pa yang sems mi gnas pa'i phyir ro/ /thugs rdo rje lta bur zhes pa ni sku rdo rje'i sku yang thugs kyi rdo rje 'dzin pa'i sku'i ngo bo yin te/ sku ni sems kyi snang ba yin pa'i phyir ro/ /tshig tu brjod pa ni ngag tu smra ba ste/ zhes pa la/ ji srid ngag gis brjod pa ni 'jig rten pa'i brda la sogs pa dang 'jig rten las 'das pa'i kha tan dang klog pa dang/ bzlas pa la sogs pa gang yin pa de rnams gsung rdo rje lta bur zhes pa ni gsung rdo rje'i sku'i rang bzhin gyis thugs rdo rje 'dzin pa'i gzugs kho na ste sems las dang byung ba'i phyir ro/ /de ltar lte ba'i

  322. 161b

    phyogs nas 'byung ba'i srog ces bya ba'i rlung yid kyis bskul ba'i phyi rol gyi don gzung bar 'dod pas gnas brgyad kun reg pas yi ge rnams bskyed par bya ste/ yi ge rnams kyis kyang tshig dang tshig de rnams kyis kyang ngag chen po 'byung bar 'gyur ro/ /de bas na ngag gi spros pa thams cad 'di sems kyi rtsa ba can yin no/ /ji skad du/ nam mkha' las byung rlung ni lus po las/ /kun tu rgyu zhing dbyangs ni khar 'byin pa/ /gnas gzhan rnams la rab tu dbye 'gyur ba/ /yi ge nyid du gyur pa gang de sgra/ /yi ge de ni tshangs pa dag byed mchog /gsang ba la gnas bram ze yang dag 'dod/ /de ni yang dag rab tu sbyor ba na/ /legs thob mngon par 'byung bas skyes bur sbyar/ /zhes bshad pa'i phyir ro/ /de ltar sku rdo rje la sogs pa'i rnal 'byor pa rnams la/ /sku la sogs pa'i rnam pa gsum gyi phan tshun dbyer med pa nyid bstan to/ /stong pa nyid kyi ngo bo nyid ces pa ni bgegs bskrad pa'i de kho na nyid dam don dam pa'i dkyil 'khor gyi rim pas thob pa'i stong pa nyid kyi de kho na nyid kyis so/ /gcig tu byas nas/ /zhes pa ni ngo bo nyid med pa bsgom par bya'o/ /dgongs pa ni 'di yin te/ bgegs bskrad pa'i bsgom pas thugs rdo rje 'chang bsgom pa dang gzhal yas khang pa'i bsgom pas sku rdo rje 'chang bsgom pa dang/ lhag par mos pa'i dkyil 'khor gyis gsung rdo rje 'chang gi rang bzhin sku bsgom pa'o/ /sku gsung thugs kyi rdo rje 'chang gi sku rnams bsgoms nas yang rdo rje phreng ba las gsungs pa'i don dam pa'i dkyil 'khor gyi rim pas stong pa nyid du gyur pa rnam par bsam par bya ba dang/ oM shU n+ya tA zhes bya ba la sogs pa'i sngags kyang brjod do/ /drang ba'i don ni bskyed pa'i rim pa'i yan lag tu gyur pa dang po sbyor ba'i ting nge 'dzin gyi phyogs gcig pa'i rnal 'byor zhes bya ba'i yan

  323. 162a

    lag don dam pa'i dkyil 'khor gyi rang bzhin stong pa nyid kyi de kho na nyid rab tu bstan pa'i phyir ro/ /rdzogs pa'i rim pa bstan pa'i phyir yid kyi rang bzhin gyi lus gcig pa zhes bstan to/ /sems gsum pa zhes bya la/ kun gzhi la sogs pa rnam par shes pa gsum pa'o/ /khams phra ba ni 'od gsal ba dang lhan cig tu'o/ /longs spyod rdzogs pa'i sku lta bu zhes bya ba ni snang ba nye bar thob pa la sogs pa'i rim pa 'am cig car gyis rdzogs pa'i sgyu ma lta bu'i sku'o/ /lus gang bskyed pa zhes pa ni 'od gsal ba las cig car ram rim gyis ye shes kyi sku spro ba'o/ /de ni sems nyid yin no zhes pa la/ sems la rnam par dag pa'i rim pas thob par bya ba'i 'od gsal ba'i de kho na nyid las ye shes kyi sku byung ba'i phyir ro/ /tshig tu brjod pa gang yin pa de dang de'i ngo bor sems nyid skyed cig pa'o/ /zhes pa ni tshig tu brjod pa ni yi ge gsum po 'jug pa la sogs pa'i rim pas bzla ba'o/ /de gang gi tshe 'od gsal pa'i mtshan nyid sems la brten te 'jug pa de'i che tshig tu brjod pa nyid sems yin no zhes rdo rje bzlas pa dang sems rnam par dag pa dang bdag la byin gyis rlob pa'i rim pa bstan pa yin no/ /sku dang zhes bya ba la sogs pas bzhi ba dang lnga ba'i rim pa ston par byed de/ de ltar bskyed pa'i zhes pa ni rim pa gsum bsgom pas so/ /nam mkha' i ngo bo nyid kyis yang dag par sbyor zhing/ zhes pa la/ sgyu ma'i gzhan lus kyang rang bzhin 'od gsal ba'i rang bzhin de kho na nyid kyi rnam par sbyangs nas so/ /rdo rje 'chang chen por bdag nyid bskyed par bya ba ste/ zhes pa la bden pa gnyis gnyis su med pa'i mtshan nyid can zung du 'jug pa'i ting nge 'dzin las rdzogs pa'i rdo rje'i sku rdzogs par bya'o/ /zhes pa 'dis mngon par byang

  324. 162b

    chub pa dang zung du 'jug pa'i rim pa bstan to/ /de la mdor bsdus pa ni rigs brgya'i dbye ba'i 'og tu rdzogs pa'i rnal 'byor pas yi ge gsum po 'jug pa dang/ gnas pa dang/ ldan pa'i rim pas rnam par bcu gcig yan lag mnyams pa'i bzlas pa bya ste/ ngag sbyong ba'i 'og tu sngags dang phyag rgya'i rim pas rnam shes gsum po gnas gyur pa'i mtshan nyid snang ba gsum rnam par dag pas sems la dmigs pa thob nas de la cig car ram snang ba nye bar thob pa la sogs pa'i rim gyis sems can gyi don du blangs la/ sgyu ma'i sku yang chags pa dang chags bral dang /chags pa bar ma'i rim pas sbyang zhing 'od gsal ba'i rang bzhin du byas te/ de las kyang cig car du rnam pa thams cad kyi mchog dang ldan pa mtshan dang dpe byad kyis rnam par mdzes pa mi gnas pa'i mya ngan las 'das pa'i dbyings kyi ngo bo rdo rje'i sku'i rnam grangs can zung du 'jug pa'i ting nge 'dzin gyis thob par bya ba rdo rje 'chang gi phyag rgya chen po'i sku bsgom par bya'o/ /dpal rdo rje phreng ba zhes bya ba la sogs pas lung tshad ma nyid du bstan to/ /snying por gyur pa zhes bya ba la sogs pa la khams gsum 'di la snying por gyur pa ni rang gi srog ste/ rnam par shes pa gsum mo/ /de la gzhan pa med pa ni rnam par shes pa'i sna tshogs nyid rnam pa de dang der snang ba'i phyir ro/ /de nyid sems rnam par dag pa'i rim pas rnam dag sbyangs nas sems kyi 'od gsal ba nyid thob par 'gyur ro/ /nges ni sems rnam par dag pa'i rim pa bstan pa yin no/ /skyes bu zhes pa ni rnal 'byor pas so/ /rlung gi khams gsum pa zhes pa la rlung gi khams kyi rang bzhin gyi rang gi lus dang khams gsum pa la yang dri ma med par mthong ngo/ /des ni yi ge gsum gyi rang bzhin 'jug pa la sogs pa'i rim pas yan lag ma nyams pa'i

  325. 163a

    bzlas pa rab tu bstan pa yin no/ /de ni rdo rje bzlas pa'i rim pas so/ khams gsum bdag nyid ces pa ni khams gsum gyi nang du gnas pa khyab 'jug dang drag po dang dbyig snying la sogs pa'i nang du mchog tu gyur pa ye shes kyi sku'i rnam grangs can bdag la byin gyis brlab pa'i rim pa'i mtshan nyid can sgyu ma'i sku thob par 'gyur ro/ /nges ni bdag la byin gyis brlob pa'i rim pa bstan to/ /gcig tu myur bar mthong ba ni zhes pa la chags pa dang/ chags bral dang/ chags pa bar ma yongs su spangs nas gcig tu 'gyur ba lhan cig skyes pa'i bde ba chen po'i mtshan nyid shes rab kyi pha rol tu phyin pa'i ngo bo de kho na nyid bzhi pa'i man ngag gi phyag rgya'i dbye ba 'am/ ting nge 'dzin gyi rim pas mthong ba ni thob par 'gyur ro zhes bya ba 'dis mngon par byang chub pa'i rim pa bstan to/ /byin gyis brlabs nas de bzhin nyid ces pa ni kun rdzob dang don dam pa dang chags pa dang chags bral dang chags pa bar ma dang/ rtag pa dang chad pa dang/ dngos po dang dngos po med pa dang/ yod pa dang med pa dang 'khor ba dang mya ngan las 'das pa dang/ srid pa dang zhi ba dang 'chi ba dang 'gro ba dang/ kun nas nyon mongs pa dang/ rnam par byang ba dang yongs su dag pa dang/ ma dag pa dang/ sngags kyi sku dang/ ye shes kyi sku dang/ stong pa nyid dang/ shes rab dang thabs dang rnam pa dang bcas pa dang rnam pa med pa dang/ gang zag la bdag med pa dang/ chos la bdag med pa dang/ ma rig pa dang rig pa la sogs pa ni byin gyis brlab pa rnams so/ /de rnams kyi gnas ni dbyer med pa'i sgo nas gzhir gyur pa'o/ /de bzhin nyid ni chos thams cad kyi snying por gyur pa mi slob pa'i lam gyis khong du chud par bya'o/ /dngos grub myur ba zhes pa ni 'jig rten pa dang 'jig rten las 'das pa'i dngos grub rnams kyis

  326. 163b

    myur du rgyur gyur pa'o/ /thod par 'gyur zhes pa la rnal 'byor pas thob par 'gyur ro zhes bya ba 'dis zung du 'jug pa'i rim pa rab tu bstan pa yin no/ /nges pa'i don zhes bya ba ni rim pa lnga pa'i rang bzhin rdzogs pa'i rim pa gsal bar bshad pa'i phyir ro/ /rdo rje 'chang chen po zhes pa ni thog ma dang bar ma dang tha mar kun las bzang po gang la yod pa zhes byas pas so/ /de'i byang chub kyi sems rab tu bstan pa ni ngo mtshar che'i zhes pa la bskyed pa'i rim pa'i phyogs su stong pa nyid kyi de kho na nyid mngon du gyur pa'i mtshan nyid dang rdzogs pa'i rim pa'i phyogs su rim pa lnga'i ngo bo byang chub kyi sems kyi rab tu bstan pa gang yin pa de ni ngo mtshar che'o zhes pa ni tshig bdag gis de rnams bstan pa'i phyir ro/ /don dam pa'i bden pa ni bskyed pa'i rim pa la don dam pa'i dkyil 'khor gyi ngo bo stong pa nyid mngon du bya'o/ /de yid kyi rang bzhin gyi lus 'jug pa'i lhag par mos pa'i dkyil 'khor rdo rje phreng ba las gsungs pa/ gzugs phung rtog pa me long dang/ zhes bya ba la sogs pas mi snang bar bya ba'o/ /'di gsal ba las zhes bya ba la sogs pa la 'od gsal ba las byung ba'o/ /yongs su dag pa'i lha'i sku 'dzin pa'i mtshan nyid ni tha mal pa'i phung po la sogs pa ldog ba'i mtshan nyid rdo rje 'chang gi phyag rgya chen po'i sku rdzogs pa'o/ /bzhengs pa zhes bya ba ni de nyid dkyil 'khor ma lus pa sprul par byed pa'o/ /gang gis rab tu sgrogs shing brjod pa zhes ngo mtshar ba'o/ /dgongs pa ma yin pa zhes bya ba ni bskyed pa'i rim pa'i yan lag tu gyur pa'i don dam pa'i dkyil 'khor dang de las byung ba'i dag pa'i sku bstan pa'i phyir ro/ /tshigs su bcad pa de nyid kyang bshad par bya ste/ don dam pa'i bden pa'o/ /zhes pa ni sems rnam par dag pa'i rim pas thob par bya ba'i 'od gsal ba'o/ /der yid kyi rang

  327. 164a

    bzhin gyi lus 'jug pa ni cig car du spros pas 'ja' tshon dang 'dra ba'i sku mngon par byang chub pa'i rim pa'i mtshan nyid kyi 'od gsal ba'i de kho na nyid dang gcig tu gyur pa'o/ /'od gsal ba las ni man ngag bzhi pa las yongs su dag pa'i lha'i sku 'dzin pa'i mtshan nyid ces pa ni ji srid 'khor ba'i bar du 'gro ba'i don mdzad par bya ba'i phyir cig car du 'byung ba'i rnam pa sna tshogs pa'i sprul pa rnams kyis nam mkha' i dbyings khyab pa srid pa dang zhi ba ro gcig pa'i mtshan nyid dbyig snying la sogs pa'i lha'i mchog gis zhabs kyi pad+ma mchod par bya ba rnam pa thams cad kyi mchog dang ldan pa mtshan dang dpe byad kyis rnam par mdzes pa phyag rgya chen po'i rang bzhin mi gnas pa'i mya ngan las 'das pa'i dbyings zhes bya ba chos kyi dbyings kyi ye shes kyi rnam grangs shes pa dang shes bya'i bag chags dang bral ba 'od kyi tshogs kyis zla ba dang nyi ma'i gzi brjid zil gyis gnon pa zung du 'jug pa'i ting nge 'dzin rdo rje'i sku'i mtshan nyid 'dzin pa ni dmigs bar bya'o/ /bzhengs pa 'di ni zhes pa ni ldang ba'o/ /gang gis rab tu bsgrags shing ni bcom ldan 'das kyis gsungs pa'o/ /dgongs pa ma yin pa ni rim pa tha ma de kho na nyid so sor bstan pa'i phyir ro/ /de bzhin gshegs pa drug ces bya ba la sogs pas bcom ldan 'das rdo rje 'chang chen po'i bka' lung thob pa'i 'og tu byang chub kyi sems kyi ngo bo de bzhin gshegs pa rnams kyis thos pa gang yin pa de nyid bsams nas bsgoms te/ de'i don ston par byed pa tshigs su bcad pa drug drug gis 'byung bar bstan to/ /de la rdo rje 'chang chen po'i tshigs su bcad pa'i don ni stong pa nyid kyi de kho na nyid dang don dam pa'i dkyil 'khor gyi rang bzhin no/ /gzhan rnams kyi don ni rdo rje bzlas pa la sogs pa ste/ rdzogs pa'i rim pa'o/ /tshigs su bcad pa brjod pa'i sngon du de dang rjes su mthun pa'i

  328. 164b

    ting nge 'dzin rnams bstan pa'i phyir/ /bden pa gnyis gnyis su med pa'i mtshan nyid ces pa ni zung du 'jug pa'i ting nge 'dzin no/ /de mngon du bya ba'i thabs shes pa la/ rim pa bzhi pa bsgom pa'i mtshan nyid do/ /gang gi phyir rim pa bzhi pas rim pa lnga pa thob par 'gyur zhes pa'i don to/ /dgongs pa ma yin pa zhes pa ni 'bras bur gyur pa'i de kho na nyid bstan pas so/ /de nyid bstan par bya ba'i phyir/ brtan pa dang g.yo ba zhes bya ba la sogs pa smos te/ 'di ltar snang bar 'gyur pa bstan pa dang g.yo ba'i bdag nyid 'di yod pa ma yin te/ gcig dang du mas bral ba de mi dmigs pa'i phyir gzugs brnyan bzhin no zhes khyab par byed pa mi dmigs pas so/ /de'i phyir dngos po rnams med do/ /bsgom par bya ba med pa'i phyir/ zhes pa ni shes bya'i yul can gyi sgom pa yang med do/ /yang na 'gro ba'i dngos po thams cad 'di/ ma brtags pa la nyams dga' ba zhes 'byung bas gang gi tshe mi dmigs pa'i sbyor bas mi sbyong ngo/ /'on kyang ji ltar snang ba tsam yul nyid du 'dod pa de'i tshe dngos po de rnams yod pa ltar snang ngo zhes 'dod na/ /de la smras pa/ gang yod par sgom pa zhes pa ni yongs su brtags pa'i tshul du snang bar gyur pa'i dngos po'i sgom pa gang yin pa de ni rjes su dran pa 'am 'jog pa nyid gang yin pa de yang mi rigs te sgom pa med pas kyang yod pa'i phyir ro/ /de'i dgongs pa ni gang brtags pa'i dngos po 'di yin pa de rang las grub pa 'am gzhan la grub na rang las grub pa ni gzhan la rag ma las pas sgom pa mi dgos so/ /yang na gzhan las grub pa'i dngos po zhes brjod na de'i tshe de ni yod par mi brjod de rten cing 'brel ba las 'byung ba'i phyir ro/ /ji skad du/ /de de rten nas gang byung ba/ /de nyid kyis ni des ma skyes/ /ngo bo nyid kyis ma skyes gang/ /de ni skye zhes ji ltar yin/ /zhes 'byung ngo/ /de bas na

  329. 165a

    gzhan las grub pa'i phyogs su yang bsgom pa ni dgos pa ma yin no/ /gal te mi dmigs pa'i sbyor bas dngos po med par sgrub pa dang de nas yod pa'i bsgom pa bkag nas bsgom pa yang med do/ /zhes dgongs na/ de'i phyir yod pa dang med par 'dres pa'i dngos po kha cig yod de zhes dgag par bya ba'i phyir/ /dngos po med pa dang yod par 'dod pas ldan pa zhes bya ba ni dngos po yin na ni rang dang rjes su mthun pa'i tshogs pa las bdag nyid rnyed pa don gyi bya ba byed pa yin pa des dngos po thams cad kyi nus pa dang bral ba'i mtshan nyid nam yang med pa'i phyogs su mi 'gyur ro/ /dngos po med pa yang ri bong gi rwa dang 'dra ba don gyi bya ba byed pa'i nus pa dang bral ba brjod par mi nus pas ji ltar dngos po'i gnas thob par 'gyur te phan tshun spangs pa'i mtshan nyid can gyi 'gal ba dang ldan pa'i phyir ro/ /de nyid kyi phyir dngos po yang yin la/ dngos po med pa yang yin zhes gcig tu gnyis ka'i tha snyad mi rigs so/ /'o na dngos po nyid dang skad cig ma dag phan tshun 'gal ba ji ltar dngos po gcig la yod pa de bzhin du 'dir yang yin no zhe na/ smras pa/ dngos po nyid dang skad cig ma nyid ni dngos po gnyis mi 'thad de/ /'on kyang skad cig ma nyid gang yin pa de nyid dngos po nyid do/ /brtan pa ni dngos por smra bas 'dra ba gzhan dang gzhan skyed pas bslu ba'i blo dang ldan pa dngos po brtan pa cig 'di yin no zhes sems so/ /tho ba la sogs pa 'jig pa'i rgyu dang phrad pa'i dus su rmugs pa'i blo dang ldan pas bum pa 'jig go zhes sems so/ /don dam par de ni thog mar 'jig pa yin te/ skad cig ma yin pa'i phyir ro/ /de bas na dngos por smra ba brtan pa rnams kyi 'khrul pa gsal bar bya ba'i don du dngos po nyid dang skad cig ma nyid ldog pa'i dbye bas brtags te bsgrub par bya ba dang/ sgrub par byed pa'i 'brel pa mkhas

  330. 165b

    pa rnams kyis byas so/ /de bas na 'khrul ba nyid gsal bar bya ba'i phyir rjes su dpag pa'i tshad ma bstan to/ /ldog pa ma lus pa dang ldan pa'i rang bzhin gyi dngos po gzung ba la mkhas pa mngon sum gyi skad cig ma nyid gzung ba la nus pa med dam/ 'on kyang nges pas gang zhig chag zung ba mi nus pa de la de'i tshad ma yang bstan to/ /cha dang bral ba'i khyad par ni/ /mngon sum gyis ni gzung bas kyang/ /gang zhig khyad par rtogs nges pa/ /de ni rtogs par 'gyur pa yin/ /zhes bshad pa'i phyir ro/ /dngos po dang dngos po ma yin pa ni rang bzhin gcig par brjod par mi rigs te/ tha dad pa'i tshad ma'i yul yin pa'i phyir ro/ /de la don bya ba byed pa'i dngos po ni rang gi mtshan nyid dang ma bral ba 'khyal pa med pa gsal bar snang ba dbang po'i mngon sum gyis nges par 'gyur ro/ /dngos po ma yin pa yang nus pa thams cad dang bral ba'i mtshan nyid snang ba ma dmigs pas med pa'i tha snyad du bya'o zhes bsgrub pa dang bkag pa sgrub par byed pa mngon sum dang rjes su dpag pa'i spyod yul dngos po dang dngos po ma yin pa zhes ji ltar dngos po gcig gi rang bzhin yin/ 'o na dngos po gcig gnyis ka'i rang bzhin de'i bdag nyid kyis bkag pas shes par bya ba ma yin nam/ dper na bum pa 'di sha za ma yin no/ /zhes bya ba bzhin no/ /gal te yin na sha za yang mthong bar 'gyur ro/ /de bzhin du yod pa'i rang bzhin gyi dngos po dngos po med pa'i cha dang 'dres pa yin no zhe na/ de ni yang dag pa ma yin te/ dpe mi 'dra ba'i phyir ro/ /gang gi phyir bum pa 'di sha za ma yin no zhes bya bas/ sha za las ldog pa tsam bstan pa yin te/ bum pa las zlog pa dang ldan pa'i snam bu bzhin no/ /dngos po'i ldog pa ji srid de brjod pa'i nus pa yod de/ de bas na sha za las ldog pa'i rang bzhin dum pa 'ba' zhig so sor

  331. 166a

    snang bas 'di sha za ma yin no zhes de'i bdag nyid kyis dgag par rigs so/ /de bzhin du dngos po dang dngos po med pa dang ldan pa'i dngos po ni mi rigs so/ /dngos po med pa bkag pa'i sgo nas dngos po rtog par 'gyur ba dang/ dngos po dgag pa'i sgo nas kyang dngos po med pa rtogs par 'gyur ro/ /de bas na dngos po dgag pas dngos po med pa nges par bya ba dang dngos po med pa bkag pas dngos po nges par bya ba yin no/ /de bas na 'ga' zhig dngos po tsam 'grub pa 'am dngos po med pa tsam 'grub pa yin gyi dngos po dang dngos po med pa'i bdag nyid can gyi dngos po ni gnyis ka'i rang bzhin mi rigs so/ /de bas ni zhes bya ba la sogs pas nye bar bsdus pa bshad par bya ste/ bsgom par bya ba ni sgom par byed pa ste/ sgom pa gzhal bar byed pa'o/ /bsgom pa ni bya ba'i bdag nyid med de/ /las dang byed pa po gnyis med pa'i phyir ro/ /de bas na chos thams cad stong pa yin no zhes bya'o/ /yi ge'i don ni khyab par bya ba mi dmigs pas dngos po thams cad kyi stong pa nyid so sor bstan par bya ba'i phyir ro/ /rnam par thar pa'i sgo gsum gyi rim? pas dngos po thams cad kyi stong pa nyid so sor bstan par bya ba'i phyir/ steng 'og ces bya ba la sogs pa smos te/ cha drug dang ldan pa'i sa la sogs pa'i khams bzhi'o/ /de rnams gcig dang du ma bral ba'i phyir stong pa yin no zhes stong pa nyid kyis mtshan nyid can gyi rnam par thar pa'i sgo gcig go /'dus byas dang 'dus ma byas pa zhes pa ni 'dus byas pa ste phung po lnga'o/ /'dus ma byas pa ni nam mkha' zhes pa la sogs pa'o/ /de dag thams cad sngar bshad pa'i rigs pas stong pa ste/ dngos med pa ni zhes bya ba ni pha rol tu phyin pa'i rnal 'byor pa rnams kyi sgom pa gang yin pa de ni sgom pa ma yin te/ ci'i phyir zhe na/ stong pa nyid la mngon par zhen par lta ba

  332. 166b

    yin pa'i phyir ro/ /zhes pa la/ chos thams cad stong pa yin zhes mngon par zhen pa'i bdag nyid kyi lta ba gang yin pa rgyu zhes bya ba'i don to/ /stong pa nyid la mngon par zhes pa'i lta bas 'dus byas pa dang 'dus ma byas pa'i dngos po'i yul can gyi bsgom pa ni mi rigs te/ de ni brten med pa'i phyir ro/ /stong pa nyid la mngon par zhen pa kho na sgom pa'i rten yin no zhes pas ji ltar bsgom pa dgag ce na/ smras pa/ stong pa nyid ces bya ba ma yin par dgag pa'i mtshan nyid can gyi don rtogs pa ma yin gyi/ 'on kyang med par dgag pa'i mtshan nyid do/ /de la dngos po 'dra ba yongs su 'dzin par byed pa de ma yin par dgag pa ste/ dper na bram ze ma yin pa la khyer shog ces bya bas bram ze dang 'dra ba'i rgyal rigs la sogs pa khyer ba ni rtogs pa'o/ /med par dgag pa ni dngos po med pa nyid ston par byed pa'o/ /de bzhin du stong pa nyid kyi dngos po bkag nas gang yang rung ba'i tsig shos brjod pa ma yin te/ gang gis mngon par zhen pa tsam yang bzhag par bya/ 'on kyang dngos po cha thams cad dgag pa ston pa yin no/ /rnam pa du mas tha dad pa'i/ /dngos po rnams ni gos dang 'dra/ /stong pa nyid mes tshig gyur na/ /thal ba'i dbye ba gang yang med/ /sems can dang ni snod ces bya/ /'jig rten gnyis po 'dir bsregs nas/ /rang bdag kyang ni de nyid do/ /me sgron bzhin du zhi bar 'gyur/ /zhes bshad pa'i phyir ro/ /de nyid kyi phyir bcom ldan 'das kyi cha dang cha tsam gyis rnam par rtogs pa yang spong ba'i phyir stong pa nyid ni rnam pa bco brgyad gsungs te/ lta bas byas pa'i skyon kun ni/ /sdong phyir stong pa nyid gsungs so/ /zhes bshad pa'i phyir ro/ /gal te nus pa thams cad dang bral ba'i mtshan nyid can stong pa nyid yin na/ de'i tshe bcom ldan 'das kyis shes rab kyi pha rol tu phyin pa las/

  333. 167a

    gzugs stong pa nyid dang stong pa nyid gzugs so zhes gsungs te/ med par dgag pa'i phyogs ni don gyi bya ba byed pa'i dngos po dang lhan tu de'i bdag nyid kyi 'brel pa ji ltar yin zhe na/ smras pa/ med par dgag pa'i bdag nyid can stong pa nyid yin te/ gang gi phyir stong pa nyid dang dngos po dag ni de'i bdag nyid kyis dngos po ni stong pa yin no zhes rtogs pa dang/ stong pa yang dngos po yin no zhes rtogs pas dngos po ni gung na med do/ /gal te de ltar yin no/ /don gyi bya ba byed pa'i dngos po stong pa nyid dang 'gal bar gyur pas ji ltar rtogs she na/ smras pa/ don dam pa don gyi bya ba byed pa ma yin te/ 'khrul pas de ltar snang ba'i phyir ro/ /dper na mya ngan gyi sa'i bye ma nyi ma'i 'od zer gyis tshogs dang phrad pas chu ltar snang ba'i ri bo'i rtse nas shin tu dga' bas 'ongs pa'i ri dags rnams kyi skom pa sal bar mi byed kyi 'on kyang rmongs pa de rnams rnam par slu bar byed do/ /de bzhin du dngos po 'di rnams kyis dngos po las mngon par zhen pa 'khrul pa'i sems kyi rgyu dang ldan pa thog ma med pa'i ma rig pa'i bag chags kyis ye shes kyi mig btsums pa rnams kyis don gyi bya ba mi byed do/ /de rnams kyi chos kyi dbyings kyi de kho na nyid mngon du byed pa'i mtshan nyid can gyi don gyi bya ba gang yin pa de ni rnal 'byor pa rnams kyis rtogs par bya ba yin gyi bag chags rags pas blo'i me long bsgribs pa bdag cag lta bu la mi snang ste/ mi shes pa'i dri ma dang ldan pa'i phyir ro/ /ji skad du/ so ka'i dus su smig rgyu ni/ /ji ltar sems 'khrul g.yo ba ste/ /ri dags rnams kyis chur? 'dzin pa/ /de la chu dom yod pa min zhes 'byung ngo/ /de bzhin du yang phra bar gzigs pa'i sangs rgyas kyis/ /phra phyir de ni rang rig yin/ /rang gnas kyang ni bdag 'dra bas/ /blo rags phyi rin ma mthong ngo/ /rnal 'byor

  334. 167b

    cig pas nam yang ni/ /thar pa'i 'du shes ring mi bya/ /brtags pa'i ngang tshul dang bdag nyid/ /stong par mthong na thar pa yin/ /zhes bshad pa'i phyir ro/ /de bas na de'i bdag nyid kyi dgag pas dngos po rnams stong pa nyid yin no/ /de yang med par dgag pa'i bdag nyid yin pas stong pa nyid la mngon par zhen pa med do/ /des ni stong pa nyid ces bya ba rnam par thar pa'i sgo dang po bstan to/ /mtshan ma bzlog par bya ba'i phyir zhes pa ni rnam par thar pa'i sgo gnyis pa bstan par bya ba'i phyir ro/ /yang rgyu dang 'bras bu zhes pa ni/ rgyu ni rten cing 'brel bar 'byung ba yan lag bcu gnyis kyi mtshan nyid nyon mongs pa dang las dang skye ba zhes bya'o/ /'bras bu ni sems can gyi khams rigs bzhi'i dbye bas phye bar gyur mtho ris dang ngan song zhes grags par 'gro ba drug go /de rnams kyi rnam pa ni so sor snang ba'o/ /mngon par zhen pa ni rgyu 'di dag dang 'bras bu 'di dag ces rtog pa dang tha snyad do/ /de nyid kyang rigs pa ma yin te zhes pa ni rigs pas mi 'grub bo/ /rgyu dang 'bras bu gnyis su med pa'i phyir ni bya ba dang byed pa dag gnyis su med pa ste rgyu ni rang bzhin gyi ngo bo med pa dang/ 'bras bu yang rang bzhin gyis ngo bo med pa'o/ /ji skad du/ sgyu ma rmi lam smig rgyu chu zla dang mtshungs srid pa 'di dag gsum/ /yod pa ma yin 'gag phyir skye phyir gzhan min gnyis min gnyis min min/ skye dang gnas dang 'jig pa dang bral dngos po de rnams de bas na/ /gzhi med blo can la ni 'khor dang thar pa'i dbye ba med/ /ces 'byung ngo/ /gang zhig rgyu med mi 'byung ba/ /rkyen med pas ni gnas pa med/ /rkyen dang bral bas gang bral ba// de yod ces ni ji ltar rtogs/ /rgyu zad pas ni gang zad pa/ zad pa zhes bya nye bar bstan/ /gang zhig ngo bor ma zad pa/ /de ni zad ces ji ltar brjod/ /de ni gang gis yongs shes te/ /rten 'brel 'byung ba thob pas na/ /rten nas skyes pa ma skyes pa/

  335. 168a

    de nyid rig pa mchog gis gsungs/ /de ltar gang yang mi bskyed cing/ /cung zad 'gag par mi 'gyur te/ /skye ba dang ni 'jig pa'i lam/ /dgongs pa'i don du nye bar bstan/ /skye ba shes pas 'jig shes te/ 'jig shes pas ni mi rtag shes/ /mi rtag pa la 'jug shes pas/ /dam pa'i chos ni 'byung bar 'gyur/ /zhes 'byung ngo/ /de bzhin du bden pa gcig ni grub par ma gzigs pas/ /byang chub thob pas bzhi ni ga la gzigs/ /shes 'byung ngo/ /rje btsun rin chen tA la las kyang/ /ji ltar rlon pa chu shing sdong bu ni/ /snying po 'dod pa'i skyes bus rnam par spyod/ /phyi dang nang na snying po de med pa/ /chos rnams thams cad de ltar shes par gyis/ /zhes 'byung ngo/ /yang na rgyu ni pha rol de rnams kyis yongs su brtags pa bdag dang dbang phyug la sogs pa'o/ /de rnams rnam par dpyad na 'grub par mi 'gyur te/ /ngo bo med pa'i phyir ro/ /'bras bu yang de kho na nyid nyi shu rtsa bzhi'i rang bzhin rnam par spyad na mi 'grub ste/ rgyu rnams med pa'i phyir ro/ /de rnams med pa kho na sngar bshad zin to/ /rgyu ma grub na 'bras bu gang las 'byung bar 'gyur te/ rgyu med pas 'bras bu med pa'i phyir ro/ /de bas na bdag dang dbang phyug la sogs pa'i rgyu yis sprul pa bstan pa dang/ g.yo ba la sogs pa'i sems can snod du gyur pa khams gsum gyi nang na gnas pa'i dngos po'i tshogs ni don dam par yod pa ma yin no/ /ji skad du/ bdag dang chos su nyer brtags pa'i/ /gang zhig rnam pa du ma 'jig /de yang rnam shes g.yos 'gyur ba/ /zhes 'byung ngo/ /de bzhin du/ bdag ces bya ba dngos po med/ /byed pa po zhes ga las brjod/ /chos can yod na 'jig rten pas/ /chos rnams la ni bsam pa 'gyur/ /phung po bdag min der de min/ /de la de min de med min/ /

  336. 168b

    bdag dang phung po me shing bzhin/ /'dres min bdag des ji ltar yod ces 'byung bas so/ /dbang phyug la sogs pa'i bdag ga pa'i sgo des mtshan ma med zhes bya ba rnam par thar pa gnyis pa bstan to/ /smon pa bzlog pa'i phyir/ /zhes bya ba la sogs pas rang dbang gi rnam par rtog pa yongs su dgag par bya ba'i phyir bshad par bya ste/ /de ltar zhes bya ba ni dngos po dang de'i byed pa po tshad ma med pas bkag na de'i don dang bral ba'i rnam par rtog pa yang mi 'grub bo/ /de ltar phyi rol gyi rnam pa zhes pa ni rnam par rig pa smra ba rnams kyis 'di ltar khas blangs te/ /rnam par shes pa 'ba' zhig tu 'di snang ba yin gyi don ni med do/ gcig dang du ma dang bral ba'i phyir ro/ /ji ltar snang ba rnam pa sna tshogs pa mdza' yas pa spros pa'i ngo bo'i dngos po'i tshogs ni rnam par shes pa'i so sor snang ba yin no/ /'di lta ste/ gang dang gang rang gi snang ba'i rang bzhin de ni yod do/ /gang rang snang ba ma yin pa de ni med do/ /gzugs la sogs pa dngos po rnams ni gzhan gyi snang ba yin no/ /gang gis de rnams snang bar bya ba de nyid rnam par shes pa don dam par yod la/ /phyi rol gyi don ni 'khrul pas brtags par byas te/ /rnam par shes pa ni don gyi rnam pa yin pa'i phyir zla ba gnyis so sor snang ba'i shes pa bzhin no/ /gal te phyi rol gyi don don dam par yod par 'gyur na de'i tshe bud med kyis ros mi rtags pa'i shes pa nyid skye ba yin gyi tha dad pa ni ma yin no bud med ro ni gcig pu la/ /dge slong 'dod pa khyi rnams kyis/ /ro dang 'dod ma bza' ba zhes/ / rnam par rtog pa gsum byung ngo/ /zhes dang de bzhin du/ nyin dang mtshan mo snang ba'i don/ /long ba yi ni 'dra ba na/ /nang par shes bya sgra thos pas/ /snang ba dang bcas bad bar 'gyur/ /mi gtsang ba yi ri dags kyis/ /me zad dug ni dug byi bas

  337. 169a

    zos kyang shi bar mi 'gyur ro/ /srog ni thar byed rdzas kyis so/ /byis pa rnams kyis yang dang yang/ /gang dang gang ni sgom bya pa/ /goms pa'i stobs kyi sbyor ba yis/ /de dang de ni mdun du snang/ /gos kyi rnam pas bkag pa yang/ /ma gos pas ni yan lag gnod/ /gangs kyi tshogs ni ma rungs pas/ /mig la mi gnod ngo mtshar che/ /goms pa'i sbyar ba'i nus pa yis/ /ko ba lag pas mnyed byed pa'i/ /lham mkhan gyis ni dri mi zhim/ /gnod pa byed par mi 'gyur ro/ /dang por lus can rnams kyis ni/ /du rnams zos nas shi bar 'gyur/ /de nyid goms pa'i sbyor ba yis/ /mthar ni bcud kyis len par 'gyur/ /gal te 'byung ba 'di rnams ni/ /shes pa'i ngo bor mi rtag na/ /rkang lag la sogs bya ba rnams/ /bya ba gzhan la ji ltar 'jug /pha ma'i khrag dang khu ba las/ /mgo lag la sogs ji ltar 'gyur/ /sa bon las skyes yal ga can/ /ji ltar zhing rnams skye bar 'gyur/ /sgra ni kha las byung pa dang/ /rdza rnga las kyang ji ltar byung/ /de yi rgyu rnams re re la/ /rang bzhin med par mthong phyir ro/ /bya rnams nam mkha' 'gro ba dang/ /mun khung la yang don mthong ba/ /khang par byi ba la sogs pas/ /mtsho la sogs par nyes don mthong/ /sprul rnams kyis ni mig dag gis/ /gos pa dang ni mthong bar 'gyur/ /de bzhin 'khor bar du ma ni/ /gzhan dang gzhan gyis 'gal bar snang/ /gnas dang dbyibs ni ma mthong ba'i/ /goms pa'i dbang gis sgra thos nas/ /ye shes rtogs pa rnams med na/ /'ben la mnga' rnams ji ltar phab/ /brjod pa yang ni ma goms pas/ /ji ltar kha ton 'byung bar 'gyur/ /gal te rnam rig rgyun bzhin du/

  338. 169b

    rab tu rgyu bar mi 'gyur ro/ /ri ngo'i tshogs ni mtho ba dang/ /rgya mtsho chen po dkyil mod pa/ /rdul ni phra rab yong bsdus nas/ /las byed gang gis byed pa yin/ /lcags la sogs pa dgug pa'i phyir/ /rngo ni khab len la sogs dang/ /sngags rnams dang ni ste? snyams? kyi/ /nus pa gang gis byas pa yin/ /de bas ma rig sna tshogs pas/ /lcog chung gi ni skad rgyas bzhin/ /ji ltar 'di dag thams cad snang/ /sems nyid kyis ni sprul pa yin/ /zad par skye mched bsgom pa ni/ /rnal 'byor pa yis ji ltar sbyar/ /brtan pa'i rang bzhin dngos po rnams/ /gzhan dang gzhan du bzhag pa med/ /shes dang 'dra ba du ma ni/ /de ltar 'khrul pas sbyar bar rigs/ /bag chags chu la til mar bzhin/ /sems nyid 'di ni khyab par 'gyur// klog dang 'brug sgra char ba dang/ /sprin dang rlung dang thog rnams ni/ /sems tsam yod par med pa na/ /nam mkha' i dkyil la grub mi 'gyur/ /dngos po rnams kyi bdag nyid kyi/ /ngo bo kha cig rab grub na/ /mdud pa'i dbye bas de rnams kyi// dbye ba du ma snang ma'i gyur/ /kha gcig mdzes ma gzhon nu ma/ /gzhan la de nyid dar la bab/ /la la yis ni tshon po ste/ /kha cig la ni sha phra sdo/ /gang tshe sems nyid bud med kyi/ /rnam pa nyid du skyes gyur na/ /de tshe rang sems 'dod can gyis// bdag nyid bdag gis gang gis spyod/ /rnam pa thams cad bdag rang bzhin/ /blo dang ldan pas thams cad ni/ /yul rnams nye bar spyod pa'i phyir/ /byis pa bzhin du mi 'jug go /lag pas lag la gzung nas ni/ /rmi lam 'khrul pa bdag nyid kyis/ /kun ma bdag gis 'jig shes pa'o/ /rnam par smra ba gzhan gyis smod/ /skam po rtswa la phyugs rnams ni/ /bza' ba'i sems ni mi rnams min/ /e ma'o rnam par rtog pa nyid/ /rnal 'byor pas kyang bsam mi khyab/ /ma dran

  339. 170a

    pa dang lus reg dang/ /gnyid log pa dang rlung rnams kyis/ /nya dang bya dang khyi dang sbrul/ /sems can de dag 'tsho bar 'gyur/ /dben sa rlag sha khyi dang 'dra/ /rang gi 'khor dang khyab pa 'dra/ /gnod byed dang ni gnod sbyin mos/ /las sna tshogs pas mthong bar 'gyur/ /bshang gcis khyab pa rnag rgyu ba/ /yi dags rnams kyis chu bor mthong/ /dang ba dang ni bsil ba'i chu/ /mis de mthong dang btung bar 'gyur/ /'bras bu 'dod dang mi 'dod pa'i/ /rnam pa las kyis yongs gnas pa/ /rnam zhes de dang de nyid kyis/ /stong pa'i don la 'jug par 'gyur/ /kye ma'o yul ni sna tshogs pa/ /dus gcig tu ni rnam pa mang/ /rol mo'i tshogs kyi sgra bzhin du/ /rtog pa nyid du rjes 'gro ba 'gyur/ /gal te don yod de med pas/ /don gyi bya ba byed mi 'gyur/ /skyur rdzas gzhan gyi zos pa na/ /gzhan gyi kha nas kha chu 'byung/ /mtshan mor kha cig 'bras bu ni/ /zos pas gzhan la smra byed na/ /gal te skyur zes nges smras ?? ? por 'gyur bar mi 'gyur ram/ /rmi lam 'dod pa'i mi phrad pas/ /bde ba'i phun sum tshogs rgyu med/ /don med pas kyang khu ba ni/ /ji ltar shor bar mi 'gyur ram/ /goms pa'i stobs kyis rmi lam du/ /mthong yang gal te yod zer na/ /bu me'i lto las bu skyes pa/ /mthong ba zhes bya rigs pa min/ /yun ring lam dang ri rnams dang/ /yul rnams khang pa'i nang du ni/ /tha dad pa ni rab mthong bas/ /rmi lam mthong ba don med pa'o/ /theg pa chen po'i rnal 'byor spyod pa'i gzhung la 'jug pa slob dpon kam pa la'i zhal sar la sogs pas dpe rnams bstan to/ /rnam rig gi rang bzhin gyi chos thams cad rnam par bzhag pa'i phyir ro/ /de phyi'i rnam pa can gyi rnam par shes pa yin gyi/ don 'khrul

  340. 170b

    pa'i rang bzhin du snang ngo/ /don snang ba yang gsum ste/ yod par snang ba dang/ med par snang ba dang/ log par snang ba'o/ /de la yod par snang ba ni dper na/ /bya ma ni smig rgyu'i rnam pas so/ /med par snang ba ni rab rib can gyi skra shad la sogs pa bzhin no/ /log par snang ba ni dung dkar ser po ltar snang ba bzhin na/ /de ltar snang ba gsum gyi dbang gis phyi rol gyi don med pa yang rmongs pa'i blo can gyis bzung bar 'gyur ro/ /smon pa'i 'bras bu zhes pa ni de nyid rnam par rig ba'i rang bzhin phyi rol gyi don snang ba'i phyir ro/ /de yang med de zhes pa la phyi dang nang gi ngo bo med do/ /smon lam la sogs pa'i nye bar dmigs pa med pa'i phyir ro/ /zhes pa ni/ 'dun pa ni smon lam ste/ phyi'i rnam pa nyid du mngon par zhen pa'o/ /de'i nye bar dmigs pa ni gzung ba 'dzin pa'i tshul gyis gzung ba'o/ /med pa ni de'i ngo bo med pa'i phyir ro/ /ji skad du/ yang dag ma yin kun rtog yod/ /de la gnyis po yod ma yin/ /de la stong pa nyid yod te/ /de la yang ni de yod do/ /yod dang med dang yod pa'i phyir/ /de yang dbu ma'i lam yin no/ zhes 'byung ngo/ /de bas na phyi rol gyi dngos po lta bur bsgom pa dmigs su med cing yod pa ma yin te zhes bya ba ni rnam par shes pa'i rnam pa dngos po so sor snang ba'i rtog pa ni med do/ /sems kyi rang bzhin yin pa'i phyir ro zhes pa ni sems nyid so sor snang ba'i phyir ro/ /don dang sems can bdag rnam rig/ /so sor snang bar bskyes pa/ /rnam par shes pa de don med/ /de med pas kyang de yang med/ /gcig ni rkyen gyis rnam par shes/ /gnyis pa nye bar longs spyod pa/ /spyod dang gcod dang skul byed ni/ /de la sems las 'byung ba yin zhes 'byung ngo/ /spyi'i don zhes bya ba ni mdo sde la sogs pa'i 'gyod pa sel bar byed pa'i phyir ro//

  341. 171a

    gang gi phyir mdo sde pa la sogs pa rnams kyi phyogs ni phyi rol gyi don med pa dang rnam par rig pa tsam yod pa ma yin pa'o/ /gang phung po la sogs pa zhes pa la/ phung po dang khams dang skye mched rnams so/ /de rnams med pa ni gcig dang du ma dang bral ba'i phyir med pa'o/ /de bas ni phyi rol tu gyur pa phung po la sogs pa zad pas rnam par shes pa tsam 'ba' zhig tu yod pa zhes rnal 'byor spyod pa pa rnams kyi phyogs so/ /de nyid kyi phyir bsgom par bya bar gyur pa phung po la sogs pa med pas 'ba' zhig dri ma med pa mdza' yas pa nam mkha' dang mtshungs pa/ /sems tsam gang yin pa zhes pa ni rnam par rig pa tsam mo/ /de ni dngos po med de zhes pa la/ /ma dag pa yin pas grol bar thob par mi 'gyur ro zhes bshad do/ /rtag tu med pa yin pa'i phyir zhes pa ni/ /shes bya med pas shes pa rnams mi dmigs pa'i phyir ro/ /ji skad du/ shes bya'i sngon du shes pa na/ /ci la dmigs te de 'byung 'gyur/ /shes bya 'jig nas shes pa na/ /ci la dmigs te des byung 'gyur/ shes dang shes bya lhan cig na/ /ci la dmigs te de 'byung 'gyur/ /zhes bshad pa'i phyir ro/ /yang na rtag tu med pa yin pa'i phyir ro/ /zhes pa ni rtag tu ni dus thams cad de dus gsum la yang sems ni med do gang gi phyir 'das pa'i sems gang yin pa de ni 'jig pa'i phyir shes zhes bya ba yod pa ma yin no/ /ma 'ongs pa'i sems kyang ma phrad pa'i phyir ro/ /rnam par shes pa zhes ma grags so/ /da ltar byung ba yang 'das pa dang ma 'ongs pa'i skad cig ma dang ldan pa'i phyir snga ma bzhin no zhes dus gsum gyi rang bzhin sems med do/ /gang 'das pa ni de 'jig pa/ /ma 'ongs pa ni ma thob ste/ skad cig gnyis ka ldan pa'i phyir/ /da ltar byung ba ga la gnas

  342. 171b

    zhes 'byung ngo/ /de bas na rigs pa 'dis/ /sems rnam par dpyad pa rnam par shes pa gsum gyi rang bzhin sngags dang phyag rgya'i rim pas 'od gsal bar bya'o/ /des ni ye shes gsum dpyod pa'i mtshan nyid sbas pa'i don bstan pa yin no/ /gang kun rdzob kyi bden pa'i bdag nyid can zhes pa la/ /'od gsal ba las myur du lam snang ba thob pa la sogs pa'i rim pas brgyan byin gyi gzhu dang 'dra ba'i ye shes kyi sku gang spros pa sgyu ma lta bu'i lha'i sku bsgom pa ni sgyu ma'i dpe bcu gnyis kyis nye bar mtshon pa'o/ /de yang mi rigs te zhes pa ni de kho na nyid kyi ngo bo ma yin pas so/ /'od gsal bar rnam par dag pa'i phyir ro/ /zhes pa ni mngon par byang chub pa'i rim pa bzhi pas de yang sbyar bar bya ba'i phyir/ /de ltar kun rdzob kyi bden pa tsam gyi dngos po ni zhes pa la bdag byin gyis rlob pa'i rim pas thob par bya ba ye shes kyi sku'i mtshan nyid lha'i sku'i rnam pa'o/ /dngos po ma yin te zhes pa ni/ don dam pa ma yin no/ /de gnyis pa las ma 'das pa'i phyir ro zhes pa ni gnyis su snang pa'i phyir ro der ni sgyu ma lta bu'i lha'i rnam pa dang/ sgyu ma'i dpe de gnyis so sor snang ba yod pa'o/ /gang dang gang du gnyis sor snang ba yod pa de dang de ru 'khor ba kho na yin te/ /gzung ba dang 'dzin pa so sor snang ba bzhin no de'i phyir na de yang rnam par dag par bya bar rigs so/ /de bas na zhes bya ba la sogs pas rim pa bzhi'i 'bras bu zung du 'jug pa'i rim pa'i phan yod tsam bstan to/ /bden pa gnyis lta bur bsgom pa ni zhes pa la kun rdzob dang don dam par dbyer med pa'i ngo bo nyid zung du 'jug pa'i rim pa bsgom pa'o/ /dka' bas mi dmigs pa yin pas so zhes pa ni sngon bsags pa'i dge ba'i stobs dang dge ba'i bshes gnyen dang phrad pa dang rjes su mthun pa'i gnas su skye

  343. 172a

    ba dang byang chub sems dpa' i rigs dang 'brel ba dang/ sangs rgyas kyi byin brlabs pas thob par 'gyur zhes bya ba'i don to/ /des ni kun rdzob bden pa yang dag par rtogs pa'i mtshan nyid can sbas pa'i don bstan to// sbas pa zhes pa la sems rnam par dag pa dang bdag byin gyis brlob pa'i rim pa brjod par 'dod pas so/ /don dam pa'i bden pa la zhes pa ni phyag rgya dang ting nge 'dzin gyi rim pas thob par bya ba mngon par byang chub pa'i rim pas thob par bya ba la'o/ /sgom pa med pa ste shes pa ni sgom pa'i rigs ma yin te/ /gang gis phyir sgom pa zhes bya ba ni sems kyi rnam par dpyod pa'i mtshan nyid can rtogs bcas kyi rnam par shes pa'i ngo bo ste 'dus byas so/ /don dam pa'i bden pa ni rdzas su med pa'i phyir 'dus ma byas pa'o/ /'dus byas pa dang ma byas pa'i rgyu dang 'bras bu'o 'brel pa mi rigs te/ bum pa dang nam mkha' bzhin no/ /gang gi phyir 'dus byas pa nyid 'dus byas pa'i rgyu 'am 'bras bur 'thang de nas kyi sa bon dang nas kyi myu gu bzhin no/ /de bzhin du yang 'dzin pa dang dbyug pa dang 'khor lo dang skud pa dang skyes pa'i lag pa'i rtsol ba rnams kyis bum pa bzhin no/ /chos thams cad kyi chos nyid kyi ngo bo don dam pa'i bden pa la de ltar bsgom pa mi rigs te/ rtag pa bskyed par bya ba ma yin pa'i phyir ro/ /ma grub pa 'am ma dag pa gang yin pa de thob par bya ba 'am rnam par dag par bya ba'i phyir bsgom par bya ba yin te/ gang rang bzhin gyis grub pa'am rnam par dag pa yin pa de la sgom pas dgos pa med do/ /gal te yang na don dam pa nyid du mi 'gyur ro/ /de nyid bstan par bya ba'i phyir ro/ /gzod ma nas dag pa'i phyir zhes te/ rtag pa ni dri ma med pa zag

  344. 172b

    pa med pa ni thog ma nas dag pa'i phyir ro/ /gal te de lta yin na mngon par byang chub pa thob par bya ba'i phyir phyag rgya dang ting nge 'dzin gyi rim pa'i sgom pa ci'i phyir bya zhe na/ smras pa/ phyag rgya'i 'brel pa 'am ting nge 'dzin mngon du bya bas 'od gsal ba ni skye ba 'am sbyang bar bya ba ma yin te/ de nyid gzod ma nas grub pa'i phyir ro/ /phyag rgya dang ting nge 'dzin tsam gyi glo bur gyi dri ma bsal bar bya ba yin gyi/ de kho na nyid thob pa ni ma yin no/ /de kho na nyid ni rang snang ba ste/ nam mkha' bzhin no/ /chu khams gser dang nam mkha' yi/ /dag pa bzhin du dag par 'dod/ /ces bshad pa'i phyir ro/ /des ni 'od gsal ba la 'jug pa'i mtshan nyid can gyi rim pa bzhi pa ston to/ /gang kun rdzob kyi bden pa'i bdag nyid can zhes bya ba la rim pa gsum pas thob par bya ba'i sgyu ma lta bu'i lha'i sku sgom pa de yang bsgom par bya ba ma yin zhes pa la bsam par bya ba mi rigs so/ /mi bden pa nyid do zhes bya ba ni rim pa bzhi pas rnam par dag pa la bltos pa'i phyir ro/ /rnam par zhes bya ba la sogs pa 'dis zung du 'jug pa'i rim pa'i ting nge 'dzin bstan to/ /bden pa gnyis kyi bdag nyid bya ba ni/ /kun rdzob dang don dam pa dbyer med pa'i zung du 'jug pa'i ting nge 'dzin to/ /dngos po'i bsgom par bya bar mi 'gyur te zhes pa ni de nyid bsam par bya ba ma yin no/ /di ci'i phyir zhe na/ bden pa gnyis gnyis su med pa mthong ba tsam gyis grol bar 'gyur ba'i phyir ro/ /zhes pa ni bden pa gnyis dbyer med pa'i rang bzhin gyis mi gnas pa'i mya ngan las 'das pa'i dbyings mngon du gyur pa tsam gyis rnam par grol ba thob pa'i phyir ro/ /de bas na zhes bya ba la sogs pas zung du 'jug pa'i rim pa nye bar bsdus pa bstan te/ sgom pa po zhes pa ni

  345. 173a

    rnal 'byor pa'o/ /sgom pa ni sgom pa'i shes rab bsgom par bya ba ni bsgom du rung pa'i man ngag go /de ltar mngon par zhen pa ni 'di nyid rnam par rtog pa'o/ /zung du 'jug pa'i rim pa rtogs pa rnams la zhes pa ni mi gnas pa'i mya ngan las 'das pa'i dbyings thob pa'o/ /rnal 'byor pa rnams la yod pa ma yin no zhes bya ba'i tha tshig ste mi slob pa'i phyir ro/ /zung 'jug ting nge 'dzin la gnas pas/ /slar zhing gang la mi slob po/ /'di ni rdzogs pa'i rnal 'byor zhes/ /de ni rdo rje 'chang chen po/ /rnam pa thams cad mchog ldan pa'i/ /thams cad mkhyen pa de nas 'gyur/ /'das pa dang ni ma 'ongs pa/ /da ltar byung ba srid gsum la/ /de yis skad cig ma lus par/ 'od gsal rnam dag 'dzin pas mthong zhes 'byung ngo/ /rdo rje 'chang chen pos gsungs te zhes bya ba ni sdud pa po'i tshig go /mthar thug pa zhes bya ba ni 'od gsal ba la 'jug pa dang zung du 'jug pa bstan pa'i phyir ro/ /de ltar yi ge'i don gyis bskyed pa'i rim pa'i yan lag tu gyur pa'i stong pa nyid kyi de kho na nyid bstan pa dang/ /spyi'i don gyi rnam par thar pa'i sgo gsum gyi sgom pas mdo sde pa la sogs pa'i 'gyod pa bsal ba'i mtshan nyid can gyi don bstan to/ /sbas pa'i don gyis sems rnam par dag pa dang/ bdag la byin gyis brlob pa'i rim pa dag bstan to/ /mthar thug pas 'od gsal ba la 'jug pa dang zur du 'jug pa'i rim bdag bstan to zhes rdo rje 'chang chen po'i tshigs su bcad pa'i skyed pa'i rim pa'i phyogs gcig dang rdo rje bzlas pa ma gtogs pa'i rdzogs pa'i rim pa yang bstan to/ /de bzhin gshegs pa thams cad kyis zhes bya ba la rdo rje 'chang lnga'i'o/ /rnam pa kun nas zhes pa ni sku gsung thugs kyi bya ba rnams kyis so/ /'od gsal

  346. 173b

    ba zhes pa ni de bzhin gshegs pa rnams kyi 'od gsal ba'i ngo bo nyid de gtan tshigs ni mi 'da' ba' i phyir ro/ /ting nge 'dzin de la dmigs pa zhes pa ni phyag rgya dang ting nge 'dzin gyi rim par thob par bya ba'i mngon par byang chub pa'i ting nge 'dzin nas bya ba'i tha tshig go /snod du gyur pa'i zhes bya ba la sogs pa ni bdag dang dbang phyug la sogs pa dngos po thams cad do/ /thams cad dang bral ba ni de dag dang bral ba'o/ /de la bdag ces bya ba sngar bshad pa'i rigs pas med do/ /de la rtag pa la sogs pa'i chos rnams ga las 'gyur/ /bdag ces bya ba dngos po med/ /byed pa po zhes ga las brjod/ /chos can yod na 'jig rten pas/ /chos la bsam pa rab tu 'jug /phung po bdag min der nge min/ /de la de med de med min// me shing bzhin du 'dres pa min/ /de phyir bdag ces ji ltar yod ces 'byung ngo/ /de'i don 'di yin te/ bdag ni phung po yin no zhes brjod pa mi rigs te de'i bdag nyid kyi 'brel pas phung po bzhin du bdag dang mi rtag par 'gyur ro/ /rigs pa rnams kyi phyogs ni bdag ces rtag pa'o/ /skyen de sel bar bya ba'i phyir/ /bdag la phung po yod ces phyogs 'dzin na de'i tshe rtag pa dang mi rtag pa dag gi gzhi dang gzhi can gyi 'brel par mi 'gyur ro/ /gzhi dang gzhi can gyi 'brel pa ni rtag dang mi rtag dag gi med ces 'byung ngo/ /'o na gzhi rtag pa yin na gzhi can rnams mi rtag pa yin no zhes 'dod ces na/ smras pa/ gzhi dang gzhi can gyi 'brel pa nyid du mi 'gyur ro/ /gzhi dang gzhi can gyi 'brel pa nyid rgyu dang 'bras bu'i 'brel pa yin te/ phan ? par bya ba ma yin pa ni gzhi can mi rigs pa'i phyir ro/ /phan gdags par bya ba dang phan 'dogs par byed pa nyid ni gzhi dang gzhi can gyi 'brel pa nyid yin no/ /rgyus ni 'bras bu la phan 'dogs na rang la gnas pa'i chos dang med par mi

  347. 174a

    'byung bas nges par phan 'dogs par byed pa dang/ 'bras bus kyang rgyu la gnas pa'i chos ma blangs pas de la 'byung bar mi 'gyur ro/ /de bas na gal te bdag dang phung po dang rgyu dang 'bres bu'i 'brel pa khas blangs na de'i tshe phung po mi rtag pas kyang bdag kyang mi rtag par 'gyur ro/ /gal te bdag rtag pa yin na/ /phung po rnams kyang rtag par 'gyur ro/ /de yang ma mthong ste rang dang gzhan gyi grub pa'i mdza' dang 'gal ba'i phyir ro/ /gzhan yang bdag gzhi yin mod kyi de yang rgyu yin pas phung po bdag nyid kyi 'bras bu byung na 'jig par 'gyur ro/ /phyogs gnyis ka la yang mi rtag par 'gyur ro/ /gal te phung po la bdag yod do zhes 'dod na de'i tshe snga ma bzhin du gzhi dang gzhi can gyi 'brel pa mi 'grub bo/ /de lta yin mod kyi de bzhin du yang phung po rnams gzhi yin pas rgyu yin pa'i phyir 'bras bu rnams nges par mi 'byung ngo zhes pas phung po rnams kyis bdag skye bar mi 'gyur bas bdag kyang mi 'gyur ro/ /gal te res 'ga' byung na de'i tshe rnams kyis bdag bsal bar 'gyur ro/ /gang zhig res 'ga' byung ba de ni rtag pa ma yin te lam gyi skyes bu'i bzhin no zhes de nyid mi rtag par 'gyur ro/ /phung po dang bdag phan tshun tha mi dad pa ste me dang bud shing bzhin no zhes 'dod na/ /de'i tshe bud shing rnams sol ba bzhin du 'gyur ba me zhes brjod pa de bzhin du bdag ni phung po'i ngo bo nyid 'thob pa phung po'i tha snyad du brjod do zhes shin tu mi rtag pa nyid khas blangs pa yin no/ /de bas na phyogs bzhi po yang bzang po ma yin no/ /de bzhin du gzugs kyi phung po la rnam pa bzhi bkag nas tshor ba dang 'du shes dang 'du byed dang rnam par shes pa rnams kyi yang phan tshun bdag tu smra ba khas blangs bkag par shes par bya'o/ /de ni ri'i rtse mo rnam pa nyi shu las byung ba'i 'jig

  348. 174b

    chogs kyi lta ba bkag go /gang gis 'khor ba'i 'khor lo ma lus pa 'di nyid mtshan du 'khrul 'khor gyi rigs pas 'khor ba zhes bdag tu smra ba'i phyogs bkag pa'o/ /dbang phyug dang thams cad byed pa dang thams cad 'jig par byed pa nus pa gsum gyis sprul pa'i bdag nyid brtag pa yin no zhes 'gal ste gang gi phyir thams cad byed cing 'jig par byed pa na de'i tshe cig car du byed pa 'am 'jig pa ci'i phyir mi byed/ /de mi byed pas rim gyis byed pa yin te/ de nyid mi rtag pa nyid do/ /gang gi phyir gang gis dus su byed na de'i tshe de la nus pa yod do/ /dus gzhan du de med do zhes bltos pa dang bcas pa yin no/ /bltos pa dang bcas pa'i nus pa med pa ste/ /lhan cig byed pa la bltos pa'i phyir te/ /bum pa bzhin no/ /de bas na dbang phyug med do/ /sgrub dang byed pa nges pa rang bzhin dang/ /dus dang gza' dang dbang phyug lha nyid dang/ /rgal ba bsod nams gshin rje mthar byed ni/ /mngon du byas pa'i ming gi rnam grangs yin zhes la la 'dod do/ /de la sgrub pa zhes pas dngos po 'di dag bskyed par byed pa dang/ /'jig par byed pa ste/ de nyid gcig pu 'gro ba'i rgyu yin zhe na/ /de yang mi rigs te/ rang gi las kyi bag chags kyi sprul pa'i khams gsum pa la sprul pa gzhan ni med de/ /de nyid sngar bkag pa'i phyir ro/ /lus dang ngag dang yid kyi las/ /dge dang mi dge rang gis byas/ /'jig rten pa yis de 'bras spyod/ /byed pa gzhan ni kha cig med ces bshad pa'i phyir ro/ /byed pa po zhes bya ba rnam par spyad na med de/ nyon mongs pa dang lha dang skye ba'i rgyun gyi phung po rnams/ /'khor ba nyid khams gsum zhes bshad do/ khur bu khur ba ltar kha cig gang zag yod de/ /gang gis phung po 'di rnams spangs te phung po gzhan len pa'o/ /'dir gang zag ni las dang nyon mongs pa'i bag chags dang ldan pa'i rnam par shes pa nyid do/ /de nyid khams

  349. 175a

    gsum gyis ngo bor yongs su 'khor bar 'gyur te/ de bas na byed pa po gzhan med do/ /nges pa zhes bya ba ni 'chi bdag ces brjod do/ /de nyid kyis 'gro ba skyed cing 'jig par byed do/ /zhe na/ de yang ma yin te/ gal te 'chi bdag yin na de'i tshe 'jig pa'i nus pa dang ldan pa yin gyi/ skye ba'i nus pa dang ldan par mi 'gyur ro/ /skye pa'i nus pa dang ldan na 'chi bdag ma yin no/ /de bas na nges pa'i smra ba 'di ni gtags pa yin no/ /rnam par shes pa dang dbang po dang tshe 'gag par 'gyur na/ shi'o zhes brjod pas 'chi ba dag med do/ /rang bzhin gyi smra ba'i phyogs su dngos po rnams sna tshogs par skye bar mi 'gyur gyi thams cad rang bzhin gcig par 'gyur ro/ /sna tshogs pa nyid rang bzhin yin zhe na smras pa/ de ltar yin na cig char du skye ba dang 'jug par ji ltar mi 'gyur/ /de bas na rang bzhin gyis smra ba'i phyogs ni mi rigs so/ /dus smra ba rnams na re/ dus kyi 'byung ba smin par 'gyur zhes zer na/ /de yang mi rigs te/ gang gi phyir dus de ni 'das pa dang ma 'ongs pa'i dbye bas gsum du 'gyur te/ 'das pa ni zhig pa'i phyir smin par byed pa'i nus pa med do/ /ma 'ongs pas kyang smin pa'i nus pa yod pa ma yin te ma thob pa'i phyir ro/ /da ltar byung ba la yang nus pa med de skad cig ma yin pa'i phyir ro/ /de bas na skye ba'am 'jig pa'i nus pa med do/ /gzhan yang nyin mo la sogs pa'i mtshan nyid nyi ma la sogs pas byas pa zla ba la sogs pa'i dus yin no zhes mi rigs ste/ re zhig zla ba la sogs pa nyid ni yod pa ma yin te/ skad cig ma yin pa'i phyir ro/ /de rnams kyis byas par gyur pa'i dus kyis kyang 'byung ba skye ba la sogs pa'i nus pa ji ltar yin zhes dus kyi smra ba'i phyogs med do/ /nyi ma la sogs pa gza' rnams

  350. 175b

    kyis kyang khyim dang rgyu skar la rgyu ba'i dbang gis/ 'gro ba bskyed pa dang 'jig par byed do zhe na/ de yang mi rigs te/ gza' rnams ni shar ba dang/ nub pa'i dbang gis mi rtag pa yin no/ /gang zhig rang yod pa ma yin pa des ni gzhan bskyed pa'i nus pa ji ltar yod/ /smin drug la sogs pa gzung ba'i cha'i sbyor bas de rnams la dgos pa med do/ /rang nyid kyis ji ltar mi byed de/ bltos pa dang bcas pa'i phyir de rnams kyang mi rtag pa zhes bya'o/ /sngar bshad pa'i rigs pas dbang phyug bkag pas de'i byed pa nyid dang kyang mi rigs so/ /lhas thams cad byed do zhes zer na bde ba'i rang bzhin thams cad ci ste mi byed sdug bsngal gyi rang bzhin byed pa dgos pa med do/ de yang spang bya yin pa'i phyir ro de bas na/ 'dod dang mi 'dod 'bras bu can/ /las rnams kyis ni yongs smin pa/ /rnam par shes pa stong pa 'di de de rnam pa don la 'jug ces 'byung ngo/ /de bzhin du las las 'jig rten sna tshogs skyes zhes bshad pa'i phyir ro nga rgyal las ni rab skyes pa/ /bdag gi byed pas 'phel 'gyur te/ /'gro ba phan pa des smras pas/ /skye dgu ma lus 'di dag gsung/ /zhes glu sgrub kyi zhal snga nas kyis kyang bstan to/ /de bas lha gzhan med do/ /de bzhin du brgal ba zhes bya ba ni gang gis dbang gis 'jig rten pa bde ba dang ldan par 'gyur ba dang de med pas sdug bsngal dang ldan par 'gyur ro/ /tshad mas gnod par bya ba'i phyir de rnams ni med do/ /gal te de lta yin na pha rol gyi bstan pas grub pa'i bdag la sogs pa med do/ /de rnams kyang las kyis rnam grangs yin pas de'i mtshan nyid ni logs su med do/ /de bzhin bsod nams kyang 'gag par bya ba yin no/ /gshin rje mthar byed dag kyang nges pa

  351. 176a

    bzhin du bshad par bya'o/ /de nyid kyi phyir de rnams ni sngar byas pa'i rang gi sems gyi chos kyi bag chags kyi ngo bo'i las la ming gi rnam grangs yin no zhes don gzhan med do/ /de ltar gzhan gyis yongs su brtags pa'i bdag la sogs pa de rnams snod du 'gyur ba yin no/ /dngos po thams cad bral ba dang zhes pa ni tshad mas gnod pa'i phyir ro/ /rgyu dang 'bras bu'i ngo bo sdug bsngal dang kun 'byung gi bden pa dag yod de/ /sdug bsngal ba'i nye bar len pa'i phung po lnga'o/ /de la gzugs kyi phung po'i phyogs gcig gi gzung ba'i lus kyi dbang po 'byung ba chen po bzhi'i bdag nyid yin pa'i phyir khams bzhi ni mngon sum gyi grub bo/ /de bzhin du gzugs la sogs pa'i yul rnams kyang de'i phyogs gcig nyid kyis 'grub bo/ /dbang po dang yul phrad pa las skyes pa'i mig la sogs pa'i rnam par shes pa'i tshogs drug kyang mngon sum gyi spyod yul yin no/ /rten dang brten pa dang dmigs pa drug rnam par bzhag pa'i phyir khams bco brgyad ni mngon sum dang rjes su dpag pa'i tshad mas grub bo/ /kun byung gi bden pa yang ma rig pa dang srid pa'i rang bzhin 'bras bur gyur pa'i sdug bsngal gyi bden pa mthong bas rtags bar bya ste/ dub las me bzhin no/ /de bas na phung po la sogs pa yod de/ de rnams spang bar bya ba'i phyir bcom ldan 'das kyis 'gog pa dang lam gyi bden pa gnyis gsungs te zhes smra ba la lan ni rnam par shes pa 'di 'ba' zhig phyi'i ngo bo snang ba ste rang gsal ba'i phyir ro/ /phung po la sogs pa gzhan rnams ni med de/ gzhan gyi snang ba yin pa'i phyir ro/ /rang snang ba gang yin pa de ni rnam par shes pa yin te gzhan ma yin pas gzugs la sogs

  352. 176b

    pa med do/ /de'i rnam pa can de rnams ni phyi rol gyi ngo bor 'khrul pa'i dbang gis snang ste don dam par ma yin no/ /dper na rgya mtsho dang dbang rlabs bzhin no/ /ji skad du/ dpa' rlabs g.yo ba de dang des/ /chus ni rang bzhin tha dad pa/ snang bar byas te skad cig gis/ /slar yang g.yo med nyal bzhin 'gyur/ /gang zhig de ni gnyis snang ba/ /de la rigs pa'i spyod yul mi/ /glo bur du ni brjod pa yi/ /bag ca yi ni sgra bzhin no/ /zhes bshad pa'i phyir ro/ /de bas na phung po dang khams dang skye mched can ni med de/ /rnam par shes pa nyid de'i rnam pa nyid du snang ba'i phyir ro/ /des ni mdo sde ba yang bkag pa yin te/ /gang gi phyir de'i rnam par shes pa'i rnam pa dngos po yin na yang mngon sum gyi yul ma yin no/ /'on kyang mig la sogs pa'i rnam par shes pa'i bskyed pa med mi 'byung ba'i phyir/ /phyi rol gyi don ni rjes su dpag pas rnam par bzhag go /de bas na mngon sum mam rjes su dpag par bya ba'i dngos po ni rnam pa thams cad du med de/ /rnam par shes pa kho na mngon sum dang rjes su dpag pa'i tshad ma gnyis kyi ngo ba snang ba'i phyir ro/ /nges ni nyan thos pa dang mdo sde pa'i phyogs bkag pa yin no/ /rnam rig smra bas ni rnam par rig pa tsam 'ba' zhig tu don la mi bltos pa yod de/ gang gis sems can snod du gyur ba'i khams gsum pa 'di snang ba yod pa yin no/ /nyi ma zla ba nam mkha' dang/ /rgyu skad tshogs dang sa gzhi dang/ /chu bo rgya mtsho phyogs ri rnams/ /de dag sems kyi sprul pa yin/ /ji srid srid pa'i rtse mo'i bar/ /khams gsum pa rnams 'di dag ni/ /gang zhig thams cad 'di ltar snang/ /sems nyid las ni nges par byung/ /zhes bshad pa'i phyir/ /de bzhin du dbyig gnyen gyi zhal snga nas kyang rnam rig tsam ni don med de/ /med pa'i don ni snang ba'i phyir/ /ji ltar rab rib

  353. 177a

    can gyis ni/ /med pa'i sgra zla sogs mthong bzhin/ /zhes bshad do/ /de ltar rang bzhin gyis pag pa yang glo bur gyi dri ma dang ldan pa bzhin du snang ste me long bzhin no/ /de'i ngo bo ni nyams par mi 'gyur te/ mtshan nyid gsum yongs su dag pas de'i rang bzhin rnam par dpyad par bya'o/ /'di lta ste/ kun brtags dang gzhan dbang dang yongs su grub pa'o/ /de la kun brtags ni phyi rol gyi don med pa yang 'di nyid kyis tha snyad du bya ba yin te/ bum pa 'di dag snam bu 'di zhes pa la sogs pa bzhin no/ /gzhan dbang ni med pa de nyid gzung ba dang 'dzin pa'i tshul du rtogs pa'o/ /yongs su grub pa ni gzung ba dang 'dzin pa'i ngo bo med pas 'ba' zhig dri ma med pa mdza' yas pa nam mkha' dang 'dra ba'i ye shes myong ba'o/ /glang po zhes don de rnam pa/ /de med pa ni mkhas pa yis/ /kun rtags la sogs rang bzhin rnams/ /grangs ni ji bzhin shes par bya/ /zhes 'byung ngo/ /de bzhin du/ dang po yis ni mtshan nyid kyis/ /ngo bo med pa gzhan dag kyang/ /rang nyid dngos med shes bya ba/ /de yi ngo bo med pa bstan/ /gang phyir chos rnams don dam pa/ /de yang de bzhin nyid yin no/ /rtag tu de bzhin yod pa'i phyir/ /de nyid rnam rig tsam nyid do/ /zhes 'byung ngo/ /mtshan nyid gsum yongs su brtags pas sems tsam shes nas rtag pa bde ba chos kyi sku'i mtshan nyid rnam par rig pa tsam dang shes pa dang 'dra ba rnam par snang bar 'gyur ro/ /zhes bya bas thar pa dang 'ching ba'i cha dbye ba'o/ /de ni sems med mi dmigs pa/ /'jig rten las 'das ye shes te/ /gnas ngan len gnyis spong ba'i phyir/ /de ni gzhi ni gnas gyur pa'o/ /de nyid zag pa med pa'i dbyings/ /bsam gyis mi khyab rtag par dge /bde ba rnam

  354. 177b

    par grol ba'i sku/ /thub pa chen po'i chos zhes bya/ /zhes 'byung ngo/ /'dir smras pa/ sems tsam zhes bya ba don dam par med de/ gar gyi phyir shes pas na sems so/ /re zhig khyod nyid kyis phyi rol gyi dngos po bkag par byas so/ /de med pas ci shes pas sems shes bya ste/ gzung ba med pas 'dzin pa med pa'i phyir ro/ /de bas na sems na de'i phyi rol gyi snang ba gang las yin te/ mo gsham gyi bu 'gro ba dang 'ong ba la sogs pa bzhin no/ /gzod ma nas ma skyes pa'i ngo bo'i rang bzhin dngos po rnams la gang dang gang gi lhan cig tu snang ba 'am mi snang ba yin gang gis sems nyid don gyi rnam pa zhes brjod de/ don ni sgyu ma dang smig sgyu la sogs pa bzhin du brdzun pa yin pas de sems kyi rnam pa nyid ji ltar yin sems kyang cha cha'i dbye bas rnam par dpyad na stong pa nyid kyi rang bzhin yin pas de'i don gyi rnam pa ji ltar yin/ /de bas na rnam par shes pa'i bag chags kyi gdon gyis gzung ba'i blo dang ldan pa khyod kyi gzung ba dang 'dzin pa'i dbye bas phyi nang gi tshul du brtags so/ /sems med pas de la mtshan nyid gsum bzhag pa ni ji ltar yin/ 'ba' zhig ngo bo med pa'i rang bzhin gyi sems la mtshan nyid gsum ni ga las 'byung/ /de ni dri ma dang bcas pa yang ma yin te/ gang zhig rnam par sbyang ba'i phyir mtshan nyid gsum ni bsgom par bya/ /'byung ba la sogs rnam shes la/ bshad pa gzhan dag 'gag par 'gyur ro/ /de shes pas ni bral gyur na/ /log par rtog par ma yin nam/ /gang tshe de nyid kho na la/ / rgyal bas mya ngan 'das gsungs pa/ /de tshe lhag ma brdzun pa ni/ /mkhas pa gang gi rtog par byed ces 'byung ngo/ /de kho na nyid gcig kho na ni stong pa nyid kyi mtshan nyid de mya ngan las 'das pa kho na'o/ /rgyal bas gsungs pa ni bstan

  355. 178a

    pa'o/ /de tshe lhag ma ni phung po dang khams dang skye mched yod pa'i mtshan nyid dang rnam rig snang ba yang brdzun pa nyid do/ /de ltar mkhas pa gang ni rig pa dang ldan pas rtogs par ni dpyod par bya'o/ /de bas na gzod ma nas grub pa spros pa thams cad dang bral ba de kho na nyid yin no zhes bya ba rnam par shes pa'i rnam pa'i don dang rnam rig tsam yang med do/ /de bas na gzung ba dang 'dzin pa rnam par spangs pa'o/ /des ni gang zag la bdag med pa dang chos la bdag med pa nyid bstan to/ /des ni rnal 'byor spyod pa rnams kyi rnam pa dang bcas pa dang/ rnam pa med pa'i rnam rig tsam gyi phyogs sel to/ /gnyis ga la bdag med pa'i mtshan nyid can gyi theg pa chen po pa'i phyogs bstan par bya ba'i phyir/ /chos bdag med pa ni rang bzhin gyis 'od gsal ba ste zhes pa la/ chos thams cad ni phung po la sogs pa dang rnam rig tsam te/ de dag rang bzhin gyis bdag med pa ste stong pa'o/ /sgom pa 'di la rnam par thar pa'i sgo gsum yan lag yin te/ de la chos thams cad stong pa yin te/ /gcig dang du ma dang bral ba'i phyir te gzugs bsnyan bzhi no/ /dbang phyug la sogs pa'i rgyu byas pa yang ma yin te/ rgyu rnams med pa'i phyir ro/ /smon pa'i 'bras bu yang ma yin te/ smon lam la sogs pa dmigs pa med pa'i phyir ro/ /de ltar 'od gsal ba zhes nye bar bsdus pa'o/ /gang gi rang bzhin ngo bo yod ma yin/ /ngo bo med de gzhan gyi ji ltar rgyu/ /ngo bo med pas ji ltar 'bras bu skye/ /bde bar gshegs pas gtan tshigs ji ltar gsungs/ /de bzhin du yi ge a ni chos thams cad kyi sgo yin te/ gzod ma nas ma skyes pa'i phyir ro/ /yi ge tsa ni chos thams cad kyi sgo yin te/ /'chi 'pho ba dang skye ba

  356. 178b

    med pa'i phyir ro/ /yi ge sha chos thams cad kyi sgo yin te/ /zhi ba'i ngo bo yin pa'i phyir ro/ /yi ge ha chos thams cad kyi sgo yin te/ /dga' ba dang mya ngan las 'das pa'i phyir ro/ /de la sogs pa chos kyi yi ge nges pa'i tshig gi sgo nas bdag med pa nyid bstan to/ /de ltar chos bdag med pa nyid ni 'od gsal ba ste/ gzung ba dang 'dzin pa dang bral ba/ /chags bral dang chags pa dang chags pa bar ma'i rim gyis rnam par sbyangs pa'i de kho na nyid bzhi pa'o/ /de dang mnyam pa nyid ni gnyis su med pa yin par dgongs so/ /zhes pa ni ji ltar bdag nyid kyis 'od gsal ba nyams su myong ba de bzhin du ting nge 'dzin de nyid kyis khams gsum pa yang 'od gsal ba'i rang bzhin du lta bar bya'o/ /dper na ril por 'dzin pa'i ting nge 'dzin gyis bdag nyid 'od gsal bar byas nas khams gsum pa yang de bzhin du bya ba ni rjes su gzhig pa'i ting nge 'dzin to/ /rab tu byed pa las/ /mgo bo nas ni rkang pa'i bar/ /ji srid snying gar phyin gyi bar// rnal 'byor yang dag mdza' la 'jug /ril por 'dzin pa de bshad do/ /bstan pa dang ni g.yo ba dag /sngon du 'od gsal bar byas te/ /phyi nas de bzhin bdag byas pa'i/ /rjes su 'dzin pa'i rim 'di yin/ /zhes 'byung ngo/ /chos bdag med pa ste de rnams dang mnyam pa nyid yin pas/ shes pa ni rang dang gzhan gyi rgyud la gnas pa'i dngos po'i chogs ngo bo med pa 'od gsal ba dang bas so/ /rang gi sems zhes pa ni rang dang gzhan gyi rgyud la gnas pa'i sems so/ /ye nas ma skyes pa zhes pa ni 'od gsal ba'i rang bzhin no/ /rdo rje gsum mi phyed pa'i lus ni rdo rje 'chang chen po'i sku'i rang bzhin gang la yod pa de la de skad ces bya'o/ /de nyid kyi phyir stong pa nyid kyi ngo bo ste zhes pa ni

  357. 179a

    lhan cig skyes pa'i dga' pa'i ming gi rnam grangs can chos kyi dbyings kyi ye shes kyi ngo bo 'od gsal ba zhes bya ba'i don to/ /mig gi spyod yul ma yin pa'i phyir ro zhes pa la nye bar mtshon pa yin te/ dbang po kun las 'das pa yang yin par shes par bya ste/ 'dus ma byas pa'i phyir ro/ /dgongs pa ma yin pa ni rim pa bzhi bas mngon par byang chub pa ston pa'i phyir ro/ /mi bskyod pa'i tshigs su bcad pa bstan par bya ba'i phyir/ mi zad pa zhes bya ba ni mi zad cing 'jig par mi 'gyur bas ni mi zad pa ni don dam pa'i bden pa ste/ skye ba dang 'jig pa med pa'i phyir ro/ /brtan zhing snying po khong stong med/ /gcod med dbyer med mtshan nyid med/ /sreg pa med cing 'jig med pa/ /stong pa nyid ni rdo rje bshad/ /ces rdo rje rtse mo las 'byung ngo/ /yang dag pa'i mdza' zhes pa ni de bzhin nyid de sems rnam par dag pa'i rim pas thob par bya ba'i 'od gsal ba'i de kho na nyid do/ /de nyid rdo rje ste/ zhes pa ni bdud thams cad kyi dbyer mi phyed pa'i phyir ro/ /de la dmigs pa'i ting nge 'dzin zhes pa ni sngags phyag rgya'i rim pa'i mtshan nyid can gyi sems rtse gcig pa nyid do/ /de la snyoms par zhugs nas zhes bya ba'i tha tshig go /phyi dang nang gi bdag nyid can gyi dngos po 'di rnams zhes pa ni/ /snod kyi 'jig rten dang bcud kyis 'jig rten gyi rang bzhin gyis snang ba'i rnam par shes pa gsum mo/ /de dag ma skyes pa ste zhes pa ni sngags dang phyag rgya'i rim pas spong bar 'gyur na rang bzhin med pa de nyid do/ /rang bzhin gyis 'od gsal ba'i phyir ro/ /zhes pa ni thams cad stong pa 'am/ /gnas la 'jug pas so/ /de bas na chos re zhig med pa kho na'o zhes pa ni/ sngar bshad pa'i rigs pas rnam par shes pa

  358. 179b

    gsum spong bar 'gyur na yod pa ma yin pa'i rgyud de las so/ /chos nyid med pa zhes pa ni de rnams kyi chos nyid kyang med/ /rnam par shes pa gsum med pas de las byung ba'i shes rab dang/ thabs dang ma rig pa'i ngo bo nyid dang mtshan mo rang bzhin brgya drug cu yang med do/ /chos rnams med pa'i phyir ro/ /zhes pa ni sems kyi rang bzhin rnam par shes pa gsum med pas so/ /rang bzhin gyi tshogs ni rnam par shes pa gsum gyi rtsa ba can yin te/ rnam par shes pa gsum med na de las byung ba'i sems byung pa'i rang bzhin rnams kyang med de/ /rgyu med pa'i phyir ro/ /de bas na 'di ltar nam mkha' lta bur bdag med pa'i mtshan nyid can zhes pa ni de nyid thams cad stong pa zhes bya ba'i 'od gsal ba'i de kho na nyid kyi khyad par ro/ /byang chub pa'i thabs so zhes pa ni sems kyi 'od gsal pa la 'jug pa'i mtshan nyid kyi de kho na nyid kyi lam mo/ /snying po yod pa yin no zhes pa ni/ sngags dang phyag rgya'i rim pas brtan par 'gyur ro zhes bya ba'i don to/ /de bzhin gshegs pa mi bskyod pas gsungs pa ste/ /zhes pa ni rnam par shes pa'i phung po rnam par dag pa'i ngo bo yin pa'i phyir ro/ /dgongs pa ma yin pa zhes pa ni sems rnam par dag pa'i rim pa bstan pa'i phyir ro/ /bdag med pa ni don dam pa'i bden pa'o zhes pa ni de bzhin gshegs pa thams cad kyi rang bzhin gyi rnam par shes pa gsum rnam par dag pa'i mtshan nyid yin pas 'od gsal ba nyid don dam pa'i bden ba zhes bshad do/ /snang ba la sogs pa'i rnam par dag pa'i ngo bo thams cad stong pa'i go 'phang zhes bya pa'i tha tshig go /de nyid rdo rje zhes pa ni sa bcu pa la ye shes kyi dbang thob pa dang zag pa dang bcas pa dang zag pa med pa rnams so zhes pa ni dge ba dang mi dge ba dang lung du ma bstan pa'i chos dang

  359. 180a

    ldan pa rnam par shes pa gsum mo/ /mtshan ma med pa'i phyir ro zhes pa ni rnam par shes pa gsum gyi rgyu med pas so/ /chos kyi mtshan nyid rnam spangs pa zhes bya ba ni chos ni rnam par shes pa gsum te/ de rnams kyi mtshan nyid ni gang gi mtshon par 'gyur ba'i mtshan nyid de/ dge ba dang mi dge ba dang lung du ma bstan pa'i rang bzhin rnams so/ /rnam par spangs bya ba ni de med pa'i 'od gsal ba zhes bya ba'i tha tshig go /'di nyid du ni rigs pa bstan pa'i phyir/ /re zhig chos rnams nyid ma grub na zhes pa ni rnam par shes pa gsum nyid sngags dang phyag rgya'i rim pas spong bar 'gyur na rang med pa kho na'o/ /de rnams kyis mtshan nyid ga la yod de zhes pa ni rnam par shes pa de rnams kyi sems las 'byung ba'i rang bzhin rnams gang las yod mo gsham gyi bu zhes bya ba la sogs pas dpe bstan to/ /'o na ji ltar lha'i sku bskyed ce na/ zhes bya ba la sogs pa gang gi tshe 'od gsal ba mngon du gyur na/ / de'i tshe sems can gyi don ma yin no zhes de bsgrub par bya ba'i phyir lha'i sku bskyed pa bstan te/ 'od gsal ba las cig char ram snang ba nye bar thob pa la sogs pa'i rim pas ye shes kyi sku spro ba ni lha'i sku bskyed pa'o/ /don dam pa'i bden pa ste zhes pa ni thams cad stong pa'o/ /de las rang la byin gyis brlab pa zhes bya ba'i rim pa ni rim pa gsum pas so/ /kun 'byung bas na zhes pa la cig car ram rim gyi sgyu ma lta bu nyid du skyes pa zhes bya ba'i don to/ /'o na 'od gsal ba ni bag chags kyi dri ma thams cad dang bral ba'i rnam par mi rtog pa yin na de las lha'i sku ji ltar bskyed ce na/ smras pa/ sngon gyi 'phen pa'i shugs kyi 'byung ba'i zhes pa ni sngar bsags

  360. 180b

    pa'i thugs rje chen po dang smon lam gyi shugs kyi shes bya ba'i tha tshig go /skyon rnams thams cad skyed byed 'jig tshogs lta bu'i bud shing rnam bsreg pa/ rang dang gzhan gyi bye brag yul rnam gnyis spangs de yi skyon 'byung med/ /nyes pa med kyang sgyu ma'i skyes bu las la thugs rjes rig bzhin bskul/ /sngon gyis smon lam gyis ni blo bzang 'jug ste rdza mkhan 'khor lo'i shugs bzhin 'phen zhes 'byung ngo/ /de bas na sangs rgyas bcom ldan 'das ni 'od gsal ba'i ting nge 'dzin la bzhugs pas kyang sems can gyi don mdzad de/ /skyes bu yid bzhin nor bu bzhin/ /de yi gnas pa tsam gyis ni/ /rtsig pa la sogs rnams las kyang/ /ji bzhin bstan pa rnams 'byung ngo/ /zhes 'byung ngo/ /dgongs pa ma yin zhes pa ni sems rnam par dag pa dang bdag byin gyis brlab pa gnyis 'chad pa'i phyir ro/ /ye shes kyi 'od gzer zhes bya ba la sogs pas 'dri'o/ /'od gsal ba'i snang ba zhes bya ba ni lan no/ /'od gsal ba ni de kho na nyid bzhi pa'o snang ba ni gsal ba ste bde ba chen pos so sor snang ba'o/ /de nyid rdo rje ste zhes pa ni rdo rje lta bu'i ting nge 'dzin gyi ngo bo yin pa'i phyir ro/ /'dus byas pa dang 'dus ma byas pa rnams la'o/ /zhes pa ni chags pa dang bral ba dang chags pa dang chags pa bar ma spong bar 'gyur ba dang/ ril por 'dzin pa dang rjes su 'jig pa'i ting nge 'dzin dag kyang spang bar bya'o/ /bsgom par bya ba med pa'o zhes bya ba ni 'od gsal ba'i de kho na nyid thob na de rnams bsgom par bya bar mi rigs te/ 'bras bu thob pas thabs dor bar bya ba yin pa'i phyir ro/ /'bras bu thob pas gang 'dor ba dor de ni thabs zhes bshad pa yin/ de ltar kha cig me sgron mas/ /lam la mthong ste de nyid bor/ /shes pas shes bya gzigs nas ni/ /

  361. 181a

    de bzhin gshegs pa 'dor bar bya zhes 'byung ngo/ /yang na bsgom par bya ba med pa'o/ zhes pa ni 'od gsal ba'i yul du nyin mo dang mtshan mo mtshams dang chags pa dang chags bral dang chags pa bar ma rnams ni bsgom/ par bya ba ma yin te/ 'dus byas pa dang 'dus ma byas pa dag 'gal ba'i phyir ro/ /mtshan mo snang ba'i cha ste nyi ma'i 'od gzer 'gyed pa snang ba mched pa yin/ /mtshams ni snang ba mched pa rang gi rang bzhin lhan cig min dang sbyar mtshan mo ma yin mtshams min nyin min rang bzhin gang dag pa/ /de ni byang chub skad cig bla ma mchog bshad rnal 'byor pa nyid yul zhes 'byung ngo/ /bsgom pa yang med de zhes bya ba ni de thob par bya ba'i phyir sems rtse gcig pa nyid kyi ting nge 'dzin gyi khyad par yang med do/ /bsgom par bya ba med pa'i phyir ro zhes pa la bsgom par bya ba ni 'od gsal ba ste de med pa ni 'dus pa'i tshul du med pa dang/ ngo bo nyid kyis grub pa dang/ bsgom pa ni glo bur gyi dri ma sel ba'i mtshan nyid yin pa'i phyir ro/ /'o na lha'i rnal 'byor du ji ltar 'gyur zhe na zhes pa ni/ dgongs pa ni 'di yin te/ mngon par byang chub pa'i rim pa thob pas zag pa med pa rnam par mi rtog pa don dam pa'i bden pa la 'jug pa'i rnal 'byor pa'i chad pa'i phyogs kyi mtshan nyid du thal bar 'gyur ro/ /de bas de spang bar bya ba'i phyir lha'i rnal 'byor bsgom par bya ba'i rigs so/ /don dam pa'i bden pa'o zhes pa ni phyag rgya dang ting nge 'dzin gyi rim pas rtog par bya ba'i de kho na nyid bzhi pa ste/ de ni nam mkha' dang mtshungs pa'i phyir ro/ /kun rdzob kyi bden pa'o zhes ya ni de las byung ba'i rdo rje'i sku spro bas te sems can gyi don gyi bya ba la gzhir gyur pa'i phyir ro/ /gcig tu gyur pa ste zhes pa la

  362. 181b

    bzhi pa dang lnga pa'i rim pas thob par bya ba'i don dam pa dang lha'i sku ngag yang dag par sbyor ba zhes bya ba'i don to/ /de dag gis zhes bya ba la sogs pas kun tu 'od kyis la gnas pa'i rdo rje 'chang chen po'i/ bdag dang gzhan la phan thogs pa'i rgyur gyur pa rnal 'byor pas bsgom par bya'o/ /zhes bstan to/ /dgongs pa ma yin pa ni mngon par byang chub pa dang zung du 'jug pa'i rim pa dag 'chad par 'dod pa'i phyir ro/ /bshad zin to zhes pa ni le'u dang po nas bshad pa rnam pa bzhi pos bstan to/ /chos rnams rang bzhin 'od gsal ba zhes pa 'dis zung du 'jug pa'i ting nge 'dzin nyid bstan te/ rang bzhin ni kun rdzob kyi bden pas te/ rgyu dang rkyen gyi khyad par gyis byas pa'i phyir ro/ /'od gsal ba ni don dam pa'i bden pa ste zhes pa la/ rtag pa dri ma med pa zag pa med cing de kho na nyid kyi rang bzhin yin pa'i phyir ro/ /phyi dang nang gi dngos po rnams ni brtan pa dang g.yo ba'i dngos po zhes bya ba'i tha tshig go /bden pa nyid kyi ngo bo nyid do/ /zhes pa ni rim pa gnyis pa dang bzhi pas thob par bya ba'i 'od gsal ba'i de kho na nyid rim pa gsum pa dang lnga pas thob par byas ba'i ye shes kyi sku dang/ rdo rje'i sku'i rang bzhin no/ /de bas zhes bya ba la sogs pas chos nyid kyi phyogs la brten te rang bzhin gyis dag pa nas mkha' dang chos mthun pa bstan to 'bras bu'i ngo bo nyid do zhes pa ni zung du 'jug pa'i rim pa'i mtshan nyid mi slob pa'i phyir ro/ /de thob pa'i rgyu ste zhes pa ni/ /rdo rje bzlas pa la sogs pa'i rim pa bzhi ste/ /de rnams kyis rim pa ji lta ba bzhin du ngag dang sems dang lus dang kun rdzob dang don dam pa rnam par dag pa thob par byed pa sgom pas zung du 'jug pa'i ting nge 'dzin thob pa'i phyir ro/ /zung 'jug gi ting nge 'dzin la gnas pas/ /slar zhing gang la 'ang mi slob po zhes

  363. 182a

    'byung ngo/ /rgyu dang 'bras bu dbyer med pa'i phyir ro zhes pa ni thams cad mkhyen pa'i ye shes kyi mtshan nyid can gyi zung du 'jug pa'i de kho na nyid nges bya ba thob nas 'di'i rgyu dang 'di'i 'bras bu zhes tha dad par mi snang ste de ni de'i rang bzhin yin pa'i phyir ro/ /rgyu dang 'bras bu dag ces pa ni rdo rje bzlas pa la sogs pa'i rim pa bzhi dang/ zung du 'jug pa'i rim pa dag go /mi phyed par yongs su shes pa nyid ni zhes pa la/ slob pa'i gnas skabs su yang lam ni da kho na nyid du mos pa'i phyir 'bras bu thob nas kyang lam ni de dang ro gcig par 'gyur ba'i phyir ro/ /las dang po pa can 'jug par bya ba'i don du rim pa'i dbye bas rgyu dang 'bras bu'i dbye ba rab tu bstan to/ /las dang po pa'i 'jig rten pa rnams don dam pa la 'jug pa'i phyir ro/ /thabs 'di rdzogs pa'i sangs rgyas kyis/ /skabs kyi rim pa lta bur gsungs/ /zhes 'byung ngo/ /dgongs pa ma yin pa zhes bya ba ni zung du 'jug pa'i rim pa 'ba' zhig tu bstan pa'i phyir ro/ /yid kyi rang bzhin gyi sku'o zhes pa ni/ /bdag la byin gyis brlabs pa'i rim pas thob par bya ba'i ye shes kyi sku'o/ /don dam pa'i bden pas rnam par dag pa'o/ /zhes pa ni 'od gsal ba'i de kho na nyid bzhi pas so/ /gang gi phyir sgyu ma lta bu'i rnam par rtog pa nyid yongs su spong ba'i don du 'od gsal ba de kho na nyid bsgom par bya'o/ /de gsal bar byed pa'i dag gi tshogs so zhes pa ni gsum pa dang bzhi pa'i rim pa rjod par byed pa'i tshigs rnams so/ /kun rdzob kyi bden pas so zhes pa ni sgyu ma lta bu'i ting nge 'dzin gyi rang bzhin gyi bdag la byin gyis brlab pa'i rim pa'i man ngag gis so/ /don dam pa'i bden pas so zhes pa ni de rnam par dag par byed pa'i 'od gsal ba la 'jug pa'i mtshan nyid can gyi mngon par byang chub

  364. 182b

    pa'i rim pas so/ /'gro ba'i don mdzad pa'i rdo rje 'chang chen po'i sku yang rnam par dag par bya ba yin no/ /zhes bya bas ngo mtshar ba dang rmad du gyur pa'o/ /e ma'o sangs rgyas zhes bya ba la sogs pas don de nyid bstan par bya ste/ kun rdzob kyi bden pa'i sgo nas bstod pa'o/ /zhes pa ni bdag la byin gyis brlab pa'i man ngag gi sgo nas so/ /don dam bden pa'i sgo nas so zhes pa ni sems rnam par dag pa dang mngon par byang chub pa bstan pa'i sgo nas so/ /bden pa gnyis mi phyed pa'i zhes bya ba la sogs pas zung du 'jug pa'i ting nge 'dzin gsal bar byed pa'i man ngag gi sgo nas bstod pa'o/ /'od gsal ba'o/ /zhes pa ni sngags dang phyag rgya'i rim pas thob par bya ba'i sems rnam par dag pa'i mtshan nyid do/ /yongs su dag pa'i lha'i sku ste zhes pa ni de las byung ba'i ye shes kyi rang bzhin gyi sku'o/ /des na rim pa gnyis kyi sgo nas bstod pa'o/ /don dam pa'i bden pa las yang dag par 'khrungs zhes pa ni rim pa bzhi pas thob par bya ba'i 'od gsal ba'i de kho na nyid las zung du 'jug pa 'byung bas so/ /des rim pa bzhi pa dang lnga pa zhes bya ba'i rim pa gnyis so sor bstan pa yin no/ /rdzogs pa'i rim pa'o zhes pa ni sngar bshad pa'i sems rnam par dag pa la sogs pa'i bdag nyid do des ni rdzogs pa'i rim pas so/ /gdul bya rnams bskyed par mdzad pa zhes pa la rdo rje 'chang chen po'i sku nyid du rdzogs par byed pa'o/ /des ni gzigs pa'i de kho na nyid kyi don ston pas na bcom ldan 'das skyob pa zhes bshad do/ /rang mthong lam ston skyob pa yin zhes 'byung ngo/ /des ni rang gi don dang gzhan gyi don phun sum tshogs pa bstan to/ /rtog pa thams cad las 'das pa na/ zhes pa la chags dal la sogs pa'i rang bzhin rnams dang bral ba'i phyir ro/ /dmigs su

  365. 183a

    med pa ste de nyid kyi khyad par ro/ /'khor ba dang mya ngan las 'das pa dag tu bzung bas na zhes pa la mi gnas pa'i mya ngan las 'das pa'i dbyings thob pa'i phyir kun tu bzang po ni rdo rje 'chang chen po nyid do/ /phun sum tshogs pa thams cad ces pa ni rang gi don la sogs pa de'i ngo bo ni de nyid do/ /lha'i dkyil 'khor spro bar mdzad pas na zhes pa la bran dang bran mo dang pho nya dang pho nya mo dang/ bka' nyan dang bka' nyan mo la sogs pa dkyil 'khor la du ma 'od zer gyi sbyor bas bskyed pa'i phyir ro/ /des ni zung du 'jug pa'i ting nge 'dzin la gnas pa'i bcom ldan 'das la bstod pa bstan pa yin no/ /byang chub pa ni don dam pa'i bden pa la zhes pa la rim pa bzhi pa thob bya ba'i de kho na nyid do/ /de gang gis sbyor cing thob par byed pa ni zhes pa la rdo rje 'chang chen po'i go 'phang thob pa'i mos pas man ngag bzhi pa la rnal 'byor pa rnams brtson par byed pa'o/ /kun rdzob kyi bden pa'o zhes pa ni sgyu ma lta bu'i lha'i sku'i rnam pa bzung ba'o/ /rdo rje ni bden pa gnyis kyi bdag nyid can te zhes pa la bden pa gnyis kyi bdag nyid can rdo rje 'chang chen po nyid do/ /dag pa ni don dam pa'i bden pa ste zhes pa ni/ snang ba la sogs pa'i ye shes gsum dang/ 'dod chags bral ba la sogs pa'i rang bzhin gyi tshogs brgya drug cu dang bral ba'i de kho na nyid do/ /des ni rim pa gnyis pa gsal bar bstan to/ /yongs su dag cing yid kyi rang bzhin gyi sku zhes pa la 'ja' tshon dang dri za'i grong khyer dang chu zla la sogs pa sgyu ma'i dpes nye bar mtshon pa'i rnam pa thams cad kyi mchog dang ldan pa 'od gsal ba la cir char du byung ba'i rdo rje 'chang chen po'i sku zhes bya ba'i don to/ /de bzhin gshegs pas na

  366. 183b

    zhes pa ni sems rnam par dag pas thob par bya ba'i 'od gsal ba'i de bzhin nyid de bden par gyur pa'i phyir ro/ /gshegs pa ni sngags dang phyag rgya'i rim pas thob pa'i phyir ro/ /rdo rje gsum la sogs pa'i rnam par zhes bya ba ni sku rdo rje la sogs pa'i sku 'am sems rnams pa gsum gyi bdag nyid can gyi rdo rje 'chang chen po'i sku yis so/ /gdul bya rnams la snang bas so zhes bya ba ni khams gsum gyi nang na gnas pa'i sems can rnams la rang gi sku gsal bar mdzad pa'i phyir ro/ /mi gnas pa'i mya ngan las 'das pa'i dbyings la mngon par byang chub pa thob pa'i 'og tu/ /zung du 'jug pa'i ting nge 'dzin la 'jog pa'i don to/ /zhes bya ba'i tshig go /des ni sems rnam par dag pa dang bdag la byin gyis brlab pa dang mngon par byang chub pa dang zung du 'jug pa'i rim pa rnams bstan to/ /sgra ji bzhin par bshad par zhes pa ni bstod pa'i mtshan nyid kyi don bstan pa'i phyir ro/ /de yang sogs pa'i sgras shes par bya'o/ /'dir tshigs su bcad pa lnga ni rdo rje 'chang chen pos rjes su zhugs pa'i de bzhin gshegs pa rnams kyis gsungs so/ /gzhan du na rdo rje 'chang chen po ston pas yin pa gzhan rnams kyis chos ston pa mi rigs so/ /la la na re rdo rje 'chang chen po longs spyod rdzogs pa'i sku'i ngo bo yin la de bzhin gshegs pa rnams ni sprul pa'i sku'i rang bzhin yin no zhes longs spyod rdzogs pa dang sprul pa'i sku gnyis dbyer med par phyir rdo rje 'chang chen po kho nas gsungs so zhes zer ro/ / dbyer med pa yang 'gro ba'i don tu gcig pa'i phyir ro/ /byang chub kyi sems rab tu ston pa zhes pa la byang chub sems ni bskyed pa'i rim pa'i phyogs su stong pa nyid do/ /de gsal bar byed pa ni byang chub kyi sems rab tu ston pa'o/ /de nas

  367. 184a

    rdzogs pa'i rim pa'i phyogs rdo rje bzlas pa la sogs pa'i rim pa lnga pa thob par bya ba'i stong pa nyid dang snying rje dbyer med pa'i ngo bo rdo rje 'chang chen po'i go 'phang ni byang chub kyi sems so/ /de gsal bar byed pas na byang chub kyi sems rab tu ston pa'o/ /stong pa nyid snying rje'i dbyer med pa'i/ /byang chub sems shes bshad pa yin zhes rgyud phyi ma las 'byung ngo/ /le'u'i sgra'i don ni sngar bshad zin to/ /sgron ma gsal bar byed pa'i 'grel pa'i TIkA las le'u gnyis pa'o// rnal 'byor pa rnam pa gnyis kyis zhes bya ba la sogs pas lha'i le'u gsum pa bstan par bya ste/ /gang gi phyir byang chub kyi sems kyi le'u las stong pa nyid thob nas de nas bskyed pa'i rim pas lha'i 'khor lo bsgom par bya'o/ /de bzhin du dang po sbyor ba dang dkyil 'khor rgyal ba mchog yongs su rdzogs nas/ /las kyi rgyal ba mchog gsal bar bya ba'i phra mo'i rnal 'byor bsgom par bya'o/ /rdzogs pa'i rim pa'i rnal 'byor pas phra mo'i rnal 'byor bsgom par bya ba'i phyir rdo rje bzlas pa'i rim pa bstan par bya'o/ /rnal 'byor pa gnyis kyi ni bskyed pa dang rdzogs pa'i rim pa'i rnal 'byor dag gis so/ /phra mo'i rnal 'byor bsgom pa gnyis bya'o zhes pa la de la bskyed pa'i rim pa'i rnal 'byor pas rdo rje la sogs pa pha mo'i rnal 'byor bsgom pa dang/ rdzogs pa'i rim pa'i rnal 'byor pas kyang 'dod chags dang zhe sdang gti mug gi rigs kyi dbye bas gsang ba dang snying ga dang gdong gi sna rtser phra mo'i thig le bsgom par bya'i/ /de la 'dod chags kyi rigs can gyi rnal 'byor pas stong phrag bdun cu rtsa gnyis kyi rtsa'i khong stong nas rgyu ba'i byang chub kyi sems kyi thig le rdo rje nor bu'i rtse 'am pad+ma'i lte ba'i rtser ba yuongs kar gyi 'bru'i tshang tsam gyi thig le bsgom par bya'o/ /zhe sdang gi rigs can gyi rnal 'byor pas yi

  368. 184b

    ge sum cha shas bsdus nas thugs rdo rje 'chang gi sa bon gyi thig le tsam snying gar dmigs la sngags kyi thig le bsgom par bya'o/ /gti mug gi rigs can gyis dkyil 'khor bzhi po las g.yas dang g.yon dang dman pa dang ngal bus rgyu ba'i dbye bas spros pa'i 'od zer gyi tshogs kun rdzob kyi sna rtser thig le'i gzugs bsgom par bya'o/ /de bzhin du rin chen 'byung ldan dang don yod grub pa'i rnal 'byor pa dag gis kyang smin mtshams dang lte ba'i dkyil du thig le bsgom par bya ba ni phra mo'i rnal 'byor rtogs par bya'o/ /de bzhin gshegs pa thams cad ni zhes pa la phung po lnga dang de rnams bsdu bar byed pa sku la sogs pa'o/ /de dag nye bar sdud par byed pa'i phyir sku gsung thugs kyi rdo rje ni rdo rje 'chang chen po ste drug pa'o/ /de bzhin gshegs pa thams cad ni mi bskyod pa la sogs pa ste phyag rgya legs par spyad pa'i sngon du 'gro bar phyung ba'i sngags kyi rim pas dam tshig gi dkyil 'khor dang sgrub pa'i dkyil 'khor spros la lha sum cu rtsa gnyis kyi bdag nyid can gyi de bzhin gshegs pa dang lha mo dang byang chub sems dpa' dang khro bo rnams so/ /de rnams kyis sems can gyi don gyi phyir zhes pa ni de dag gis 'gro ba'i don mdzad pa'i phyir ro/ /phyogs bcur khyab pa zhes pa la reg bya rdo rje ma'i chos 'byung ba'i nang nas phyi rol tu spros te mngon par dga' ba la sogs pa'i sangs rgyas kyi zhing du 'jug par bya ba'i phyir phyogs bcur gshegs pa'o/ /de nyid ni chos kyi char 'bebs na zhes pa ni nye bar mtshon pa tsam yin te/ bstan pa dang smin pa dang grol ba dang sangs rgyas kyi zhing la 'jug pa'i phyir ro/ /de nyid ni sems can bsam pa sna tshogs pas phye ba la zhes pa ni 'dod chags la sogs pa'i rigs can rnams kyis bsam pa'i rjes su 'brangs nas bud med

  369. 185a

    dang skyes pa'i dbye bas spro ba dang zhi ba dang drag po'i gzugs dang sgeg pa la sogs pa'i nyams dang ldan pa'i sku'i dbye bas kyang spro ba zhes bya ba'i tha tshig go /sku du mar ston pa'i phyir bkod pa'o zhes pa ni zhal gsum pa la sogs pa dang rigs sna tshogs pa'i rang gi sku bstan pa'i phyir ro/ /gang gi phyir rdo rje 'chang chen po gcig bu kho na chos kyi dbyings kyi rang bzhin yin na yang kha dog lnga dang zhi ba dang drag po dang pho dang mor dbye bas rab tu snang ste/ de don dam par dbye ba ni med de/ /'od gsal ba'i rang bzhin yin pa'i phyir ro/ /de lta bu'i tshul gyis zhes bya ba la sogs pa ni dang po'i sbyor ba la sogs pa'i mtshan nyid can zhes bya ba'i tha tshig go /rdo rje ni de bzhin gshegs pa rnams so zhes pa la rdo rje bzhin du me long lta bu la sogs pa'i ye shes kyi mi phyed pa'i phyir ro/ /'dir de bzhin gshegs pa'i sgra ni nye bar mtshon pa yin te des na de'i rigs las 'byung ba'i lha mo dang byang chub sems dpa' dang khro bo rnams kyang gzung ngo/ /de skad ces bya ba'i ting nge 'dzin gyi gzhi'i le'u zhes bya ba la ting nge 'dzin ni gzhi can no/ /le'u ni gzhi'o/ /gzhi dang gzhi can gyi dbyer med par byas nas ting nge 'dzin gyi le'u zhes bstan te/ tshom bu du ba bzhin no/ /tshom bu la gnas pa'i bu chung du ba zhes bya ba'i tha tshig go /de ltar zhes bya ba la sogs pas le'u'i ming don dang ldan pa bstan to/ /lha rnams bskyed pa'i yan lag dag tu gyur pa'i gsang sngags dang por ston pa ni zhes pa la dang po sbyor ba'i ting nge 'dzin gyi yan lag tu gyur pa'i rnal 'byor gyi phyogs gcig pa stong pa nyid bsgom pa brtan par byed pa'i mtshan nyid kyi sngags dang po bstan par bya'o zhes pa'i don to/ /oM zhes bya ba la sogs pa la don dam

  370. 185b

    pa'i dkyil 'khor bsgom pa'i 'og tu sngags 'di brjod par bya zhes bya ba'i don to/ /chos 'byung ba la gnas pa'o zhes pa ni bgegs bskrad pa dang stong pa nyid bsgom pa'i 'og tu yi ge hUM gi sa bon las bskyod pa'i gzhi'i dkyil 'khor gyi rang bzhin gyi chos 'byung gi phyag rgya'i steng du ye shes kyi sa bzhi 'byung ba chen po bzhi'i rang bzhin dang ri rab yongs su gyur pa las rin chen sna bdun gyi gzhal yas khang pa'i nang na sna tshogs pad+ma dang zla ba dang nyi ma'i dkyil 'khor du skad cig gis rdzogs pa'i lha sum cu rtsa gnyis kyis lhag par mos pa'i dkyil 'khor rnam par bsgom pa la/ de nyid rdo rje phreng ba las gsungs pa'i gzugs phung gtogs pa zhes bya ba la sogs pas don dam pa'i dkyil 'khor du byas la yab yum ro gcig par gyur nas sngags 'dis bstan par byas te/ yang yi ge gsum las byung ba'i pad+ma dang zla ba dang nyi ma'i steng du yi ge gsum yongs su gyur pa las zla ba'i dkyil 'khor la snga ma'o pad+ma la sogs pa gsum zhugs te chos kyi dbyings kyi sngags kyis rang gi sems brtan par byas la/ /de'i steng du yi ge gsum rnam par bkod la de nas spro ba dang bsdu ba sngon du 'gro bar rdo rje bskyed la/ /de yongs su gyur pa las rdo rje 'chang chen po la sogs pa'i lha'i 'khor lo gang yang rung ba rnam par bsgoms te/ ye shes sems dpa' dang ting nge 'dzin sems dpa' dgod pa'i mtshan nyid kyi rjes su rnal 'byor byas la phung po dang khams dang skye mched la yig 'bru dgod pa'i mtshan nyid kyi shin tu rnal 'byor rdzogs na sku la sogs pa la byin gyis brlab pa'i rnal 'byor chen po byas te/ phyag rgya 'dus nas reg bya rdo rje ma'i chos 'byung gi nang du phyung ba'i sngags kyis dkyil 'khor ba rnams sprul te/ de las kyang phyi rol tu sprul la 'gro ba'i don byas nas slar yang gshegs te shar la sogs pa'i phyogs

  371. 186a

    dang mtshams su dkyil 'khor pa rnams rim gyis bzhugs par bsams la/ dbang bskur ba dang rgyas btab cing de'i 'og du 'chad par 'gyur ba'i las kyi rgyal ba mchog gi ting nge 'dzin gyi yan lag phra mo'i rnal 'byor bsgom par bya'o/ /de nyid bstan par bya ba'i phyir rnam par snang mdzad la sogs pa'i lha rnams kyi 'khor lo zhes smos te/ yi ge gsum yongs su gyur pa las bskyed pa'i 'khor lo'i phyag 'tshang las byung ba'i rnam par snang mdzad kyi sprul ba'i lha sum cu rtsa gnyis kyi bdag nyid kyi 'khor lo zhes bya ba'i don to/ /rigs dang der 'brel ba'i lha rnams te zhes pa ni rnam par snang mdzad la sogs pa'i rigs kyi 'brel pa dang ldan pa'i lha rnams zhes bya ba'i tha tshig go /de nyid gnas ji lta ba bzhin du yang dag par gnas pas na zhes pa la shar phyogs la sogs pa'i gnas la nye bar bkod pas so/ /rang gi bdag po'i sku mdog dang 'dra ba'o zhes pa ni dbus kyi gtso bo la bltos pas dbus kyi sa'i cha ni bdag po dang mtshungs pa zhes pa'i don to/ /de ltar rnam par snang mdzad kyi dkyil 'khor gyi dbus kyi sa'i cha ni dkar po'o/ /shar dang lho dang nub dang byang gi sa'i cha rnams ni nag po dang ser po dang/ dmar po dang ljang gu'o/ /de bzhin du mi bskyod pa'i dkyil 'khor gyi dbus kyi sa'i cha ni kha dog nag po dang shar la sogs pa dkar po dang ser po dang dmar po dang ljang gu'o/ /rin chen 'byung ldan gyi dkyil 'khor gyi dbus kyi sa'i cha ni ser po dang shar la sogs pa dkar po dang nag po dang dmar po dang ljang gu'o/ /snang ba mdza' yas kyi dkyil 'khor gyi dbus kyi sa'i cha ni dmar po dang shar la sogs pa ni snga ma bzhin no/ /'on kyang nub ni nag po'o/ /don yod grub pa'i dkyil 'khor gyi sa'i cha

  372. 186b

    ni ljang gu dang/ shar la sogs pa snga ma bzhin no/ /'on kyang byang ni nag po'o/ /de ltar sangs rgyas spyan ma nas btsams te gnod mdzes kyi rgyal po'i bar du lha sum cu gnyis kyi bdag nyid can gyi dkyil 'khor sum cu rtsa gnyis su shes par bya'o/ / de rnams mdor bsdus na stong phrag gcig dang nyi shu rtsa bzhi'i lha rnams su 'gyur ro/ /de rnams bdag po la bltos te gnas ji lta ba bzhin du dgod bar bya'o/ /kha dog sna lnga'i sa'i cha dang ldan pa'i zhes pa la/ bdag po la bltos te shar la sogs pa'i phyogs kha dog lnga dang ldan pa'o/ /thams cad du bzang ba'o zhes pa ni nang gi dkyil 'khor gyi khyad par ro/ /phyi'i dkyil 'khor ni gru bzhi pa nyid do/ /gzugs rdo rje la sogs pa dang ldan pa'o/ /zhes pa ni lha'i snam bu dang dra ba phyed pa dang rin po che ba gu dang pany+tsa rA ga la sogs pa dang ldan pa'o/ /lha la sogs pa nye bar bstan pa'i mchod pa rnam pa lnga dang bcas pa'o zhes pa la/ shin tu dad pa las 'ongs pa'i brgya byin la sogs pa'i lha'i tshogs kyi leg pas 'bul ba rnam pa sna tshogs pa'i mchod pa dang bcas pa zhes bya ba'i tha tshig go /mdor na zhes pa na sngar bshad pa'i bskyed pa'i rim pas so/ /lha'i 'khor lo 'di ltar bsam par bya'o zhes bya ba ni dkyil 'khor rgyal ba mchog gi ting nge 'dzin gyi sgo nas bskyed pa'i de bzhin gshegs pa la sogs pa'i lha'i 'khor lo bsgom par bya'o/ /bdag nyid ni dkyil 'khor gyi 'khor lo sogs su bdag nyid kyang tha dad par bsgom par mi bya'i/ /'on kyang dkyil 'khor gyi bdag po'i rang bzhin du bzhugs par bdag nyid bsam par bya zhes bya ba'i don to/ /'khor lo'i dkyil du zhes pa la lha sum cu rtsa gnyis kyi lha'i 'khor lo'i dbus su'o/ /bdag por gyur pa nyid kyis bzhag go zhes pa ni rnal 'byor bzhis bdag nyid kyi dang po sbyor ba'i ting nge 'dzin gyi zhes

  373. 187a

    bya ba'i don to/ /skad kyi dbyings brjod pa ni don du ma yin pas bsgom pa'i sgra ni bzhag pa'i don la 'jug go /de nas zhes bya ba la sogs pas rdo rje 'chang chen po la rjes su 'jug pas rnam par snang mdzad la sogs pa'i phyag rgya chen po bsgom pa bstan to/ /gang gi phyir bcom ldan 'das rdo rje 'chang chen po ni shes pa dang shes bya ba nye bar bsdus pa'i ngo bo chos thams cad kyi chos nyid kyi rang bzhin no/ /de bas na des byin gyis brlabs pa'i de bzhin gshegs pa'i sku rnams kyis bsod nams kyi tshogs dang ye shes kyi tshogs ster bar 'gyur ro/ /gzhan du na brtags par bya ba tsam de rnams kyi 'bras bu gang yang ster par mi 'gyur ro/ /de la rjes su zhugs pa'i lha'i sku/ /brtags pa yang yongs su dag pa'i skur 'gyur ro/ /de nyid kyi phyir le'u bcu gsum pa las kyang rdo rje sems dpa' rgyal po che/ /yang dang yang du bskul par bya/ /de ni sngags rnams thams cad kyi/ /rgyal po rtag pa mchog yin no zhes 'byung ngo/ /rab tu byed ba las kyang de ni rab byung bcom ldan 'das gcig pu'i bdag nyid che ba'i lha/ man ngag rnams ni rab ster bar/ /rdo rje slob dpon de bas lhag ces 'byung ngo/ /rdo rje 'chang gi sprul pa yi zhes pa ni/ /rdo rje 'chang chen pos bskyed cing/ /de la rjes su zhugs te de'i rnam pa nyid du 'gyur ba'o/ /brtan pa dang g.yo ba'i bdag nyid 'jig rten pa 'di ji srid de dag thams cad rdo rje 'chang ba las bskyed cing de nyid du thim mo/ /ji skad du pha rol 'gro ba kha cig gang/ /rtags kyi dbye bas rnam par gnas/ /de rnams kyang 'dis smod mi bya/ /rdo rje sems dpas sprul pa yin zhes 'byung ngo/ /nam mkha' i dbyings ni thams cad la/ /rdo rje sems dpa' dpal ldan bzhugs/ /bde mchog las 'byung ngo/ /rnam par snang mdzad kyi phyag rgya chen po ni rdo rje 'chang chen po'i lhag par mos pas/ /

  374. 187b

    bsgom pa'i rnam par snang mdzad la sogs pa'i sku zhes bya ba'i tha tshig go /sku rdo rje nyid du gyur pa yin yang/ /zhes pa ni sku rnam par dag pa'i rang bzhin du gyur pa'o/ /yon tan gyi ngo bo nyid kyang mnga' bas/ /zhes pa ni nang du chud pa'i gsung dang thugs kyis nus pas so/ /gang gi phyir bcom ldan 'das rnam par snang mdzad ni/ /sku rdo rje rnam par dag pa yin par ma zad kyi/ /'on kyang gsung dang thugs rnam par dag pa'i ngo bo yang yin no/ /de nyid kyi phyir de bzhin gshegs pa rnams kyi gtso bor gyur pa'i cha gcig gis mtshan gyi tha snyad bya ba yin te/ dper na snying rje'i rang bzhin 'jig rten dbang phyug bzhin no/ /de la snying rje gcig pu yod kyi shes rab la sogs pa sangs rgyas kyi yon tan gzhan med pa ma yin no/ /gtso bo dang gtso bo ma yin pa'i sangs rgyas kyi yon tan dang ldan pa sangs rgyas dang byang chub sems dpa' thams cad yin no/ /dper na zhi pa'i rang bzhin rnam par snang mdzad yin na zhes zhi ba tsam gyi ngo bo yang ma min te/ /rgyas pa la sogs pa yang mdzad pa'i phyir ro/ /de bzhin du rgyas pa la sogs pa'i rang bzhin rin chen 'byung ldan la sogs pa yang shes par bya'o/ /sems can rnams kyis bsam pa dang bag la nyal dang bag chags dang rigs kyi dbye bas de dang rjes su mthun pa'i gtso bor gyur pa'i yon tan gyi khyad par dmigs te/ bcom ldan 'das kyi de bzhin gshegs pa dang byang chub sems dpa' la sogs pa'i rang bzhin bstan to/ /de bzhin du me long lta bu la sogs pa'i ye shes lnga'i rang bzhin rnam par snang mdzad la sogs pa re re la yod na yang mos pa'i dbye bas ye shes re re'i rang bzhin du bstan to/ /nyon mongs pa dang shes bya'i sgrib pa med pa mngon par byang chub pa rnam pa lnga'i rim pas yang dag par rdzogs pa'i sangs kyi go 'phang thob

  375. 188a

    pa de bzhin gshegs pa rnams la bar chad med de gang gis de rnams re res ming thob pa yin gyi tshang bas ni ma yin no/ /las dang po pa 'jug par bya ba'i phyir rim gyis/ ye shes thob pa yin no zhes me long lta bu la sogs pa'i rang bzhin to/ /chos dang chos min dka' thub stong/ /bsams dang nges bsdams 'dul ba dang/ /dud 'gro dmyal ba yi dags dang/ /lha dang bcas pa'i mi rnams dang/ /ston pa dang ni nyan thos dang/ /thams cad de dag kun rdzob stan/ /las dang po yi 'jig rten pa don dam pa la 'jug pa'i phyir/ thabs 'di rdzogs pa'i sangs rgyas kyis/ /skas kyi rim pa lta bur gsungs/ /de ltar byis pa'i smra ba 'di/ /mthar ni thams cad 'jig par 'gyur brjod du med cing brjod med pa'i/ /gang yang de nyid snang ba'o zhes 'byung ngo/ /de bas na de bzhin gshegs pa thams cad sku gsung thugs kyi rnam par dag pa'i rang bzhin yang 'dul bya'i dbang gis ngo bo gcig yin no zhes bstan to/ / rgyu du ma tshogs pa las skyes pa'i 'bras bu gang las de ma thag tu skyes pa de nges ming gi tha snyad du byas te/ dper na rnga po che'i sgra dang nas kyi myu gu bzhin no/ /de bzhin du gang la dmigs nas rnam par dag pa 'byung ba gang yin pa de/ /de'i ming gis bstan pa yin te/ dper na sku rdo rje dang gsung rdo rje dang thugs rdo rje la sogs pa bzhin no/ /'di la lha rnams kyi 'khor lo bsdus pas na zhes pa la/ rdo rje 'chang chen po nyid la dkyil 'khor gyi 'khor lo thams cad yongs su bsdu bar 'gyur te/ gang gi phyir zung du 'jug pa'i rim pas thob par bya ba'i rdo rje 'chang chen po'i sku la phung po la sogs pa'i dkyil 'khor gyi 'khor lo thim par snang ste/ bden pa gnyis gnyis su med pa'i phyir ro/ /de ni nye bar mtshon pa can

  376. 188b

    yin te/ nyon mongs pa dang nye ba'i nyon mongs pa'i khams gsum pa yang de la thim par 'gyur te/ ji skad du/ dbyibs dang kha dog sna tshogs pa'i/ /ji srid sprin ni du ma rnams/ /nam mkha' i khams las byung nas ni/ /de nyid du ni thim par 'gyur/ /de bzhin rang bzhin thams cad ni snang ba gsum gyi rgyur gyur pa/ /ma lus yul la zhugs nas ni/ /'od gsal bar ni 'jug par 'gyur zhes 'byung ngo/ /theg pa chen po'i mdo las kyang/ /skra rtse gcig las sangs rgyas du ma ni/ /gang+ga'i bye ma snyed dang mtshungs pa ste/ rdul gcig steng na rdul rnyed sangs rgyas rnams/ /sangs rgyas sras kyi dbus na bzhugs pa'o/ /zhes 'byung ngo/ /rdo rje 'chang chen po ste zhes pa ni drug pa'o/ /de dang lhan cig tu sbyor ba zhes pa ni dang po sbyor ba'i ting nge 'dzin gyi phyogs gcig ni ting nge 'dzin gyis rdzogs la rdo rje 'chang chen po'i sku bsgoms pa'i 'og tu rang gi thugs ka nas mi bskyod pa spros te/ des 'gro ba'i don byas la de dang lhan cig dus gcig tu gyur nas mi bskyod rdo rjer bdag nyid bsgom par bya zhes bya ba'i don to/ /de bzhin du zhes bya ba la sogs pas rin chen 'byung ldan la sogs pa'i ting nge 'dzin bstan to/ /sku mdog ces bya ba la sogs pas zhe sdang rdo rje la sogs pa'i sku mdog dang phyag 'tshan dang nyams dang rnam par dag pa stan te/ khro bo dang 'dod chags chen po 'dres par gyur pas shes pa ni rnal 'byor chen po'i rgyud ni 'dod chags dang/ zhe sdang rnam par dag pa'i rang bzhin yin pa'i phyir ro/ /de la mche ba cung zad gtsigs pa'o zhes pa ni khro bo'i nyams dang ldan pa dang reg bya rdo rje mas 'khyud pa chags pa'i ro dang ldan par bstan to/ /shel zhes bya ba la sogs pas rnam par snang mdzad kyi dbyibs dang sku mdog dang phyag mtshan rnams bstan to/ /gser gyi mdog can la zhes pa ni rgyas pa'i rang bzhin yin pa'i phyir ro/ /de bzhin gshegs pa'i sprin gyis kun

  377. 189a

    du 'khrigs par bsgom pa'o zhes pa ni dbus kyi gtso bo nyid du bzhugs nas 'gro ba dbul ba'i sdug bsngal bcom pa'i phyir rang dang rjes su mthun pa'i dzam+ba la la sogs spro bar mdzad pa'o/ /rdo rje rtse dgu pa zhes pa ni de bzhin gshegs pa lnga dang lha mo bzhi'i rang bzhin yin pa'i phyir ro/ /bshad pa'i rgyud las kyang/ /dbus rtse rnam par snang mdzad dang/ /shar la mi bskyod rin chen lhor/ /nub dang byang gi rtse dag la/ /'od dpag med dang don yod grub/ /pad+ma dang 'dab ma brgyad pa ni// de ni 'dab ma re re la/ /shin tu gsal ba'i phyag mtshan can/ /byang chub sems dpa' brgyad yin te/ lag na pad+ma byams pa dang/ /nam mkha' i snying po kun tu bzang/ /gnod sbyin bdag po 'jam dpal dang/ /rnam par sel dang sa snying po/ /shar rtser rdo rje mkha' 'gro ma/ /lho ru 'jigs ma'i mkha' 'gro ma/ /nub tu gtum mo zhes ni bya/ /ro langs ma ni byang du dgod/ /dbus su ye shes mkha' 'gro ma/ /'og lce rnam par dag pa yin/ /spyan ma dang ni mA ma kI /gos dkar ma dang sgrol ma dang skul byed ma dang rin chen sgron/ /ska rags gzhan kyi mi thub ma/ /pad+ma la gnas mkha' 'gro ma/ /rdo rje de nyid 'di yin no/ /dbus kyi tshang gzungs ye shes dbyig /spro dang bsdu ba mdzad pa'o zhes 'byung ngo/ /de ltar lha nyi shu rtsa brgyad kyi rang bzhin ni rdo rje yin no/ /ma ra ga ta zhes bya ba ni nam mkha' ltar sngo ba zhes bya ba'i tha tshig go /rin chen 'byung ldan gyi phyag mtshan gsungs pa'o zhes pa ni zur drug pa'i rin po che ste 'gro ba rigs drug pa'i sems can gyi khams kyi zung re res bsam pa thams cad rdzogs par byed pa'i phyir ro/ /'od dpag tu med pa'i phyag mtshan gsungs pa'o zhes pa ni kha phyed pa'i phyag rgya dang ldan pa'i pad+ma ra ga'i kha dog dang 'dra ba'i pad+ma zhes bya ba'i tha tshig go /ji ltar pad+ma dmar po 'di/ /'dam gyi skyon gyis ma gos pa/

  378. 189b

    dngos po'i skyon ni sna tshogs pas/ /de bzhin khams gsum pa ni dag ces 'byung ngo/ /sna tshogs pa'i 'gro ba ma lus pa'i don sgrub par mdzad pa'i ngo bo nyid yin pas shes pa la/ don yod pa ni bya ba nan tan grub pa'i ye shes kyi rang bzhin yin pa'i phyir ro/ /'od gzer dkar po la sogs dang ldan pa'i phyir ro zhes pa ni don yod grub pa las thams cad yin pa'i phyir ro/ /ral gri bsnams pa ni nyon mongs pa thams cad gcod par byed pa'i shes rab kyi ngo bo 'chang bas so/ /des ni sems can gdul bar bya ba'i phyir ye shes nyid sngon po la sogs pa'i kha dog gi khyad par gyi rnam pa nyid du bstan to/ /in+d+ra b+hU ti'i zhal snga nas kyis kyang/ /shin tu rnam dag ngo bo'i phyir/ /kha dog dkar pos rab tu bstan/ /kun la gtong bas ser po nyid/ /rtag tu brtse bas dmar po yin/ /dkon mchog gsum la gnod byed sogs/ /'dul bar byed pa la brtson pa/ /'gro ba'i don la mdzad pa'i mchog /ye shes de ni nag por bshad/ /sna tshogs thabs kyis gdul ba'i phyir/ /kha dog ljang gu rab bstan pa'o zhes gsungs so/ /de bzhin du thugs rdo rje 'chang ba la sogs pa'i rdo rje la sogs pa phyag 'tshal gang yin pa de rnams ye shes kyi khyad par nyid yin no/ /ji skad du/ gzugs la sogs pa skye mched rnams/ /gang phyir rang nyid kyis brjod pa/ /nges na sangs rgyas ye shes ni/ /de bzhin gshegs pas phyag drug gsungs/ /byang chub sems ni rdo rje ste/ /shes rab dril bu mngon par brjod/ /ma rigs gcod byed 'khor lo ste/ /rin chen rin thang med pa'i phyir/ /srid pa'i skyon gyis ma gos pas/ /ye shes nges ni pad+mar bshad/ /ral gri nyon mongs sgra gcod pa/ /utpal de las skyob pa'i phyir/ /'khor lo'i dra ba nges tshig pa'i/ /gang phyir ye shes nyid skyes pa/ /sangs rgyas rjes snang sems

  379. 190a

    can gyis/ /rdeg par byed pa tho bar bshad/ /chad pas gdul phyir dbyug pa ste/ /sems can 'dul byed de shes yin/ /phan tshun khyab pa mi byed phyir/ /sna tshogs rdo rje yin par bshad/ /sku mdog dang phyag mtshan dang ye shes kyi rang bzhin 'ba' zhig tu ma zad kyi/ /'on kyang rnam par snang mdzad la sogs pa yang de'i ngo bo nyid do/ /sems can kun la snang byed phyir/ /rang gi rang bzhin snang byed pas/ /de bzhin gshegs shes dag pa ni/ /de ni rnam par snang mdzad bshad ma rungs thams cad skye bo dang/ /bla ma la ni log pa rnams/ /mi ston pa yi rang bzhin phyir/ /de ni mi bskyod rab tu bshad/ /gang phyir sangs rgyas la sogs pa/ /rin po che rnams rab byung bas/ /sems can don ldan ye shes ni/ /rin chen 'byung ldan bshad pa yin/ /mi gnas mya ngan las 'das pa'i/ /srid dang mthar pa mi dmigs pa/ /mdza' yas yon tan dang ldan pas/ /de ni snang ba mdza' yas bshad/ /sems can kun gyi don mdzad pa'i/ /gang phyir rang nyid grub pas na/ /don dang bcas pa'i ye shes te/ /don yod grub par bshad pa yin/ /khams gsum pas ni yongs bsgom pas/ /phra ba dang ni rigs pa'i gzugs/ /zhing kyang la gnas gzigs pa'i phyir/ /des na sangs rgyas spyan mar bshad/ /gang phyir bdag dang bdag gis ni/ /de bzhin gshegs kun ye shes te/ /phan tshun khyab par byed pas na/ /des ni mA ma kI ru bshad/ /skyon kun 'phrogs pa'i ye shes ni/ /de bzhin gshegs pa kun gyi mchog /sems can spang ba la brtson pa'i/ /gos dkar mo ni bshad pa yin/ /rtag tu thugs rje chen po yis/ /'gro ba 'don pa'i bsam pa can/ /sems can sgrol ba la brtson pa/ /sgrol ma shes rab tu ni grags/ /sa la sogs pa'i khams gyur pa/ /sangs rgyas ye shes kyis brjod pas/ /'dod pa thams cad longs

  380. 190b

    spyod phyir/ /spyan ma la sogs rab tu grags/ /'chi sogs 'jigs pa las grol ba'i/ /de bzhin gshegs pa kun gyi mchog /gdul dka' 'dul ba'i ye shes ni/ /de phyir snying rje mthar byed bshad/ /dag pas spyad ni 'gro ba ni/ /thams cad dga' ba'i rang bzhin 'gyur/ /srid pas ma gos rtogs pa'i phyir/ /de ni pad+ma mthar byed bshad/ /ye shes don kun sgrub byed pa/ /sangs rgyas kun gyi rang bzhin grub/ /bgegs la sogs pa mi gnod pa/ /de phyir bgegs ni mthar byed bshad/ /rmongs pa'i sems can gyis smras pa/ /log pa'i shes pa rnams spyad nas/ /yang dag ye shes la 'jog pas/ /shes rab mthar byed bshad pa yin/ /shes bya med pas shes pa min/ /snyoms par zhugs pa bshad pa yin/ /chags pa la sogs gsum sbyangs pas/ /srid gsum mngon gyur ye shes ni/ /sangs rgyas kun gyi rab bzhin 'grub/ /des ni zhal gsum bshad pa yin zhes bya ba la sogs pa 'byung ngo/ /des ni de bzhin gshegs pa lnga ni ye shes lnga'i rab bzhin nyid du bstan to/ /de rnams kyi nges tshig ni/ /de las kyang ji skad du/ ji ltar gzugs brnyan me long la/ /rang gi gzugs ni gnyis snang ba/ /chos skur de bzhin ye shes ni/ /me long zhes bya snang ba yin/ /de bzhin gshegs kun ye shes ni/ /srog chags rnams kyi rang lha nyid/ /rang nyid cig tu rtogs pa'i phyir/ /mnyam nyid ye shes bshad pa yin/ /bzod ma nas ngag ma skyes pa'i rang bzhin nyid kyi 'od gsal ba/ /phan tshun khyab par byed pas na/ /so sor rtogs pa'i ye shes bshad/ /kun tu rtag tu kun nas ni/ /sangs rgyas mdzad pa rab 'jug pa/ /sangs rgyas kun mdzad gcig yin phyir/ /bya ba nan tan grub par bshad/ /nyon mongs shes bya'i sgrib pa kun/ /gang tshe grol na de tshe yi//

  381. 191a

    rnal 'byor ba mchog rdo rje can/ /shin tu rnam par dag ces 'byung ngo/ /de rnams bskyed pa'i zhes bya ba la sogs pa zhes pa ni/ /dang po sbyor ba'i phyogs gcig tu gyur pa'i don dam pa'i dkyil 'khor gyi 'og tu pad+ma la sogs pa bsdu bar byed pa'i zla ba'i dkyil 'khor rnam pa'i sems brtan par bya ba'i phyir chos kyi dbyings kyi sngags brjod pa'i mtshan ces bya ba'i don to/ /gang chos kyi dbyings kyi ngo bo nyid du gyur pa zhes bya ba ni stong pa nyid kyi ye shes kyi rang bzhin no/ /skyed par mdzad pa ste zhes pa ni don dam pa'i dkyil 'khor gyis rim pas 'od gsal bar byas la yang de'i ngo bo nyid du sku gsung thugs bskyed par bya'o/ /byang chub kyi sems kyi zla ba'i dkyil 'khor gyi ngo bo ni rdo rje 'chang gi sku gsung thugs zhes bya ba'o/ /oM zhes bya ba la sogs pa la/ oM ni sku gsung thugs nye bar sdud par byed pa'i ngo bo don dam pa'i bden pa'i rnam pa can rdo rje 'chang chen po'o/ /d+harma d+hA tu ni chos thams cad gnyis su med pa'i ngo bo nyid yin pa'i phyir ro/ /swa b+hA ba ni rang bzhin gang la yod pa de ni chos kyi dbyings kyi rang bzhin khams gsum gyi bdag nyid g.yo ba dang brtan pa'i 'gro ba ste/ de'i rnam pa bdag yin no zhes rnal 'byor pas/ nga rgyal bskyed par bya'o/ /'dis ni bdag nyid zla ba'i dkyil 'khor dang 'dra bar byin gyis brlabs la zhes pa ni yi ge gsum yongs su gyur pa las skyes pa'i pad+ma la sogs pa gsum gyi steng du yi ge gsum yongs su gyur pa las skyes pa'i zla ba la sngar bsgom pa'i pad+ma la sogs pa gsum dang ro gcig par gyur pa'i zla ba'i dkyil 'khor dang 'dra ba'i sems nyid byin gyis bslabs nas zhes bya ba'i don to/ /yid mi bde ba las grol ba'i/ /rnam rtog mun pa sel byed cing/ /nyon mongs dri ma kun las dag /zla ba bzhin

  382. 191b

    du sems zla ba'o zhes 'byung ngo/ /rtsa ba'i rgyud las kyang/ /bcom ldan 'das zla ba'i dkyil 'khor dang 'dra ba'i sems mthong ngo zhes 'byung ngo/ /de'i steng du yi ge gsum la sogs pas lha'i skur bskyed de zhes pa la zla ba'i dkyil 'khor gyi steng du yang yi ge gsum bkod pa de yongs su gyur pa las rdo rje rtse lnga pa 'am 'khor lo la sogs pa bsgoms la/ /de la yang yig 'bru dgod cing spro ba dang bsdu pa'i rim pas 'gro ba'i don byas la badzra At+ma ko nyra haM zhes bya bas nga rgyal byas la/ /de yongs su gyur pa las rdo rje 'chang chen po'i sku dang gcig tu gyur pa'i rnam par snang mdzad la sogs pa'i de bzhin gshegs pa'i phyag rgya'i sku bsgoms la/ /ye shes sems dpa' dang ting nge 'dzin sems dpa' dgod cing phung po khams dang skye mched rnam par dag par bya ste/ sku la sogs pa byin gyis rlob pa'i mtshan nyid can gyi rnal 'byor chen po yongs su rdzogs shing dbus kyi gtso bor gyur nas/ /dang po sbyor ba'i 'og tu phyag rgya legs par sbyar zhing dkyil 'khor pa rnams sprul la dkyil 'khor la dgod de/ dbang bskur ba dang rgyas gdab pa'i bar du dkyil 'khor rgyal ba mchog yongs su rdzogs te las kyi rgyal ba mchog gi phyogs gcig pa 'chad par 'gyur pa'i rim pas/ /phra mo'i rnal 'byor zhes pa ni 'og nas 'chad par 'gyur pa'i rim pas bsgom par bya'o/ /drang ba'i don to zhes pa ni ting nge 'dzin gnyis 'chad par 'dod pa'i phyir ro/ /de nyid gsal bar bya ba'i phyir/ bskyed pa'i rim pa'i ting nge 'dzin to zhes smos pa la/ /'chad par 'gyur pa'i phra mo'i rnal 'byor dang lhan gcig tu ting 'dzin gyi bdag nyid ces bya ba'i tha tshig go /da ni le'u brtsems pa nas brtsams te tshig de rnams nyid rdo rje bzlas pa la sogs rdzogs pa'i rim pa'i sgo nas bstan par bya ba'i phyir 'od

  383. 192a

    zer lnga po zhes smos pa la/ /me la sogs pa'i dkyil 'khor bzhi po las 'byung ba'o/ /steng gi sgo nas 'byung ba zhes bya ba ni gdong gi sna khung gnyis kyi lam nas so/ /tshogs so zhes pa ni nyin mo dang mtshan mor nyi khri chig stong drug brgya srog dang rtsol ba 'byung ba'o/ /dkyil 'khor re re la dkyil 'khor bzhi rab tu 'byung zhing zhes pa la lkog ma'i gnas su me'i dkyil 'khor yin na yang sa dang chu dang rlung gi khams kyi rang bzhin gyi cha gsum gyi khyab pa'i de bzhin du snying gar chu'i dkyil 'khor yang sa dang me dang rlung gi dkyil 'khor gyi chas khyab pa'o/ /de bzhin du lte bar rlung gi dkyil 'khor yang sa dang chu dang me'i khams kyi chas khyab pa'o/ /de bzhin du gsang ba'i gnas su sa'i dkyil 'khor yang chu dang me dang rlung gi khams kyi chas khyab pa'o/ /de bzhin du dkyil 'khor gyi cha re re la nyis brgya dang nyi shu rtsa lnga'i grangs kyis cha bzhi po la dgu brgyar 'gyur ro/ /'jug pa dang ldang ba dang gnas pa'i rim pas dkyil 'khor gcig la nyis stong bdun brgyar 'gyur ro/ /chu dang rlung dang sa'i dkyil 'khor rnams su yang nyis stong bdun brgya dang nyis stong bdun brgya'i grangs kyi stong phrag bcu dang brgyad brgyar 'gyur ro/ /de bzhin du mtshan mor yang stong phrag bcu dang brgyad brgyar 'gyur ro/ /gcig tu sdus te nyi khri chig stong drug brgyar 'gyur ro/ /de nyid kyi phyir dkyil 'khor bzhi po la 'jug pa la sogs pa'i rim gyi nyin mor rgyu ba bcu gnyis dang mtshan mor rgyu ba bcu gnyis te/ gcig tu bsdus nas nyi shu rtsa bzhir 'gyur ro dgongs pa lung bstan pa'i bshad pa'i rgyud las kyang/ gos dkar mo la sogs par bshad/ /brgya phrag gnyis dang nyi shu lnga/ /bzhi po legs par bsgras pas ni/ /sbyor bzhi bsdus pas brgya phrag dgu /dgu brgya dag tu gang bstan pa/ /nyi shu rtsa

  384. 192b

    bzhi'i rim pa yis/ /legs par bsdus te de dag ni/ /nyi khri chig stong drug brgyar 'gyur zhes 'byung ngo/ /dkar po la sogs pa kha dog rnams kyi bye bas na bkod pa de zhes pa ni 'dir dkyil 'khor re re gal te rigs dang rjes su mthun pas kha dog dkar po la sogs pa dang ldan pa yin na yang de bzhin du kha dog lnga'i 'od zer gyi tshogs dang ldan pa de dag shes par bya'o/ /g.yas pa las byung 'od zer ni/ /de nyid me yi dkyil 'khor te/ kha dog dmar po de gsal bas/ /der ni pad+ma'i mgon po'i lha/ /g.yon pa las byung 'od zer ni rlung gi dkyil 'khor zhes bya ba'i/ /ljang ser kha dog dang tshungs pa'i/ /der ni las kyi mgon po lha/ /gnyi ga las byung 'od zer ni/ /kha dog ser po 'od chen po/ /dbang chen dkyil 'khor de nyid de/ /der ni rin chen mgon po lha/ /dal bus dman par rgyu pa ni/ /dkar ba kun ta zla ba mtshungs/ /de nyid chu yi dkyil 'khor te/ /der ni rdo rje mgon po lha/ /rlung ni lus kun rjes 'gro ba'i/ /bya ba kun la rab 'jug pa/ /rnam par snang mdzad rang bzhin te/ /'chi ba'i lus las 'byung bar 'gyur zhes 'byung ngo/ /ting nge 'dzin la yang dag par dmigs pa'o zhes pa ni rdo rje bzlas pa'i mtshan nyid can gyi ting nge 'dzin la dmigs nas so/ /rdo rje yi ni yi ge sum mo zhes pa ni sku rdo rje la sogs pa'i sa bon yin pa'i phyir ro/ /de'i bkod pa ni tshogs te zhes pa ni bcom ldan 'das rdo rje 'chang gis sems can rnams kyis bsam pa dang/ bag chags dang bag la nyal dang rigs kyi dbye bas sngags kyi dbye ba bdun khri nyis stong gsungs so/ /de dag thams cad sku gsung thugs kyi rang bzhin gyi yi ge gsum la bsdu bar 'gyur te/ de la 'byung ba'i rim pa ni lte ba'i phyogs nas srog ces bya ba'i rlung gi gnas brgyad la reg pas yi ge rnams 'byung ngo/ /de rnams kyi tshig dang des kyang dag chen po skye bar 'gyur ro/ /de rnams kyis kyang bya ba dang byed pa po dang rtags

  385. 193a

    dang bsdu ba dang bdag gi tshig dang byed pa dang de la phan pa dang kun tu bshad pa dang/ tshig phrad dang nye bar bsgyur ba dang las rab tu brjod pa la sogs pa'i dbye bas rol mo dang tshig ltug pa la sogs pa dang/ bya ba dang spyod pa la sogs pa'i dbye bas chos kyi phung po brgyad khri bzhi stong 'byung bar 'gyur ro/ /de ltar ngag gi spros pa thams cad kyi yi ge phyi mo gcig pu nyid rtsa ba yin te/ de la sde tshan rnam par shes pa brgyad kyi rang bzhin no/ /dbyangs kyi sde tshan gcig dang ka la sogs pa du ma'i bar du rigs pa'i sde mtshan lnga dang/ mthar gnas pa dang drod kyi sde mtshan gnyis so/ /de rnams kyang a la sogs pa dang po'i yi ge rnams la bsdu bar 'gyur ro/ /de rnams kyang a ka ya sha'i yi ge bzhi po la thim par 'gyur te/ khams bzhi'i rang bzhin yin pa'i phyir ro/ yi ge bzhi po yang a ka ya yi ge gsum la thim par gyur to/ /de rnam las shes rab kyi rang bzhin yi ge a yongs su gyur pa 'od dpag tu med pa'i rang bzhin gyi yi ge a 'gyur te/ dbyangs kyi sde tshan ni mo rtags yin pas so/ /thabs kyi rang bzhin yi ge a yongs su gyur pa las hUM byung bar gyur te/ de ni pho rtags yin pa'i phyir ro/ /gnyis ka'i rang bzhin gyi yi ge ya yongs su gyur pa las yi ge oM byung bar gyur te/ de ni ma ning gi rtags yin pa'i phyir ro/ /de ltar yi ge oM A(rgyud 'grel): hUM yi ge gsum po ni sku gsung thugs la sogs pa'i rang bzhin du shes par bya'o/ /dgongs pa lung bstan pa'i rnal 'byor chen po'i rgyud las kyang/ /dang po gcig ni dgu dbus na/ /gang zhig bcu yis ma bcings pa/ /de ni bcings med ces bya ste/ /de yi mchog gis gnas shes so/ /dbyangs dang gsal byed yi ge ste/ /grangs dgu ru ni rjes 'jug pa

  386. 193b

    as bcings phan tshun yang dag sbyor/ /gang gis shes te 'gro ba'i bA/ /'byung ba'i mdza' dang yang dag ldan/ /cha la sogs pa bcu drug gnas/ /lnga pa lnga dang yang dag ldan/ /bzhi ni gsum du nges par sbyar/ /yi ge oM bcas ring bar bcas/ /yon tan sbyor sogs phyis dang mtshungs/ /thung du ma lus dag tu 'gyur/ /gcig min du ma 'ong ma yin no/ /drug bshad dang gsum gcig dang/ /ngo bo nyid med rang bzhin can/ /de dag dang po'i don sbyar na/ /dus gsum ye shes skye bar 'gyur zhes bya ba la sogs pa 'byung ngo/ /yi ge gsum po dag 'jug pa la sogs pa'i rim gyis nyin mtshan du stong phrag nyi shur tsa gcig dang drug rgya'i rlung rnams rgyu'o/ /de nyid yan lag ma nyams pa'i bzlas pas ngag rnam par dag pa byed de/ /de nyid cha shas su thim pas ma ning gi bzlas pa'i mthar 'od gsal ba nyid thob par byed do/ /de nyid khro bo'i bzlas pa'i dus su bzlas par gyur pa zhi ba la sogs pa'i las byed par 'gyur ro/ /de nyid kyis kyang bskyed pa'i rim pa'i rnal 'byor rnams la rdo rje la sogs pa yongs su gyur pa las lha'i sku yongs su rdzogs par byed do/ /de nyid kyis yang de bzhin gshegs pa'i thugs bskul ba'i sgo nas de rnams kyi nus pa 'gugs par byed par byed do/ /de nyid gyen du rgyu bas sngags thams cad kyi rgyur gyur pa'i A lI dang kA la'i tshul du rnam par 'jug go /de nyid thabs dang shes rab kyi snyoms bar zhugs pas thar du rgyu ba can khu ba dang khrag dang chu'i ngo bo nyid rin chen 'byung ldan dang snang ba mdza' yas dang mi bskyod pa'i gzugs su rjes su 'jug go /de nyid chos 'byung ba'i nang du spros pas bu dang tsha bo'i tshul du khams gsum pa dang de'i rnam par dge pa'i ngo bo nyid dkyil 'khor gyi 'khor lo yang skyed par byed de/ /mdza' mar 'od gsal ba la zhugs nas

  387. 194a

    rdo rje 'chang chen po'i go 'phangs thob par byed do/ /de'i khams gsum khyab par byed pa longs spyod dang grol ba'i 'bras bu ster ba rnam par snang mdzad la sogs pa de bzhin gshegs pa gsum gyi bdag nyid yi ge gsum po kho na sngags thams cad kyi tshul du grags pas tshogs zhes bshad do/ /de bas na sngags btu ba la sogs pa bzhi po gong du bshad pa gang yin pa de dag yi ge gsum po kho na la brten te bcom ldan 'das kyis gsungs so/ /ji skad du brjod dang dmigs par grags pa dang/ /brdar gyur dang ni don dam mo/ /tshig gi brjod pa thun mong ste/ /dmigs par bcas pa sangs rgyas nyid/ /sngags kyi de nyid brda ru bshad/ /don dam de bzhin nyid yin no/ zhes 'byung ngo/ /gtan tshigs bshad par bya ba'i phyir A lI kA li zhes bya ba la sogs pa smos te/ /a la sogs pa'i phreng ba ni A li'o/ /a la sogs pa dbyangs kyi yi ge bcu drug zla ba'i cha'i ngo bo nyid gang yin pa de rnams gyi rtsa ba ni a nyid do/ /ji skad du/ snying gi dkyil 'khor mi shigs pa'i/ /'bar ba'i mar me lta bu ni/ /yi ge dam pa phra ba ni/ /a yig gi gsal ba'i gtso bor gnas zhes 'byung ngo/ /dbyangs yig gi phreng ba de nyid thabs dang shes rab nyis 'gyur du byas te de mtshan bzang po sum cu rtsa gnyis kyi ngo bo nyid du 'gyur ro/ /de nyid tsheg drag dang rjes su 'jug pa'i dbyangs dang lce'i rtsa ba'i yi ge dang grub pa'i yi ge dang rjes dbyangs dang bcas pa'i mthar gnas pa'i yi ge gsum dang bcas par gsal bya sum cu rtsa gsum nyis 'gyur gyis dpe byad brgyad cu'i rang bzhin du 'gyur ro/ /de nyid thung ngu lnga'i bdag nyid kyis phung po lnga'i ngo bo nyid yi shes lnga'i mtshan nyid can thabs kyi rang bzhin de bzhin

  388. 194b

    gshegs pa lnga'i bdag nyid du 'gyur ro/ /de nyid ring po lha dang 'brel pa'i yi ge bzhi'i tshul gyis shes rab kyi rang bzhin gyi sangs rgyas spyan ma la sogs pa'i yum bzhi dang gzugs rdo rje ma la sogs pa mchod pa'i lha mo lngar shes par bya'o/ /ma ning gi yi ge bzhi yongs su spangs nas dbyangs bcu gnyis kyi tshul du phyi dang nang gi skye mched kyi rang bzhin du 'gyur ro/ /thung ba dang ring ba gnyis gnyis kyi tshul du 'brel pa'i yi ge bzhi dang lhan cig spyan ma la sogs pa yis 'khyud pa de bzhin gshegs pa lnga dang gshin rje mthar byed la sogs pa'i khro bo bzhi ste bcu gsum gyi bdag nyid can gyi dkyil 'khor gyi 'khor lo'i rang bzhin nyid du 'gyur ro/ /de nyid ka la sogs pa'i yi ge lnga lnga pa'i sde tshan lnga'i rang bzhin gyi lha mo bzhis yongs su bskor ba'i de bzhin gshegs pa lnga dkyil 'khor lnga mthar gnas pa dang drod kyi yi ge dang tshig drag dang rjes su 'jug pa'i dbyangs dang lhan cig tu khro bo'i rgyal po bcus bskor ba'i dkyil 'khor gyi 'khor lo nyid du 'gyur ro/ /de ni thung ba dang ring ba dang 'phar ba'i dbye bas rnam pa bco brgyad kyi tshul gyis khams bco brgyad kyi ngo bo nyid du 'gyur ro/ /de la thung ba dang ring ba dang 'phar ba ste re re la rjes su 'jug pa'i dbyangs dang bcas pa dang rjes su 'jug pa'i dbyangs med pa dang mtho ba dang dma' ba dang bar ma'o ji skad du thung dang ring dang 'phar ma dang/ dbyangs ni gsum po dang sbyar dang/ /sna rjes 'gro ba'i med pa yid/ /grangs su rnam pa bco brgyad yin/ /zhes 'byung ngo/ /de ltar gyur pa'i yi ge a'i 'brel pa dang ldan pa'i phreng ba ni A li zhes bya'o/ /de bzhin du ka'i 'brel pa dang ldan pa'i phreng ba ni kA li zhes bya'o/ /A li dang kA li de dag yi ge bzhi bcu rtsa dgu'i yi ge ni phyi mo'i rang bzhin no/ /ma ning la sogs pa'i gzugs can rnams ni zhes pa ni de la bud med kyi rang bzhin ni yi ge a la sogs pa ste/

  389. 195a

    shes rab kyi ngo bo yin pa'i phyir ro/ /pho rtags kyi rang bzhin ni ka la sogs pa ste/ thabs kyi ngo bo yin pa'i phyir ro/ /gnyis ka dang snyoms par zhugs pa'i rang bzhin a la sogs pa ste ma ning rtags kyi ngo bor shes par bya'o/ / yi ge gsum du zhugs pas mo rtags la sogs pa'i rang bzhin gyi a la sogs pa de rnams sku gsung thugs kyi bdag nyid kyi yi ge gsum la bsdus pa'i phyir ro/ /da ni 'di ltar dpyad par bya ste/ /mo rtags dang pho rtags dang ma ning gi rtags ni ji lta bu yin zhe na/ de la kha cig na re/ nu ma sgra can bud med yin/ /kha spu dang ldan skyes par bshad/ /gang zhig gnyis ka las 'das pa'i/ /de ni ma ning bshad pa yin zhes zer ro/ /de yang mi rigs te/ gal te nu ma dang skra can mo rtags yin na de'i tshe phreng ba dang nyal khri la sogs pa dag ma rtogs su mi 'gyur te/ de rnams nu ma dang skrar mi ldan pa'i phyir ro/ /'breg pa'i skra dang ldan pa'i sa phyogs dag kyang mo rtags su 'gyur ro/ /sbyar ba'i nu ma dang skra'i cha lugs 'dzin pa'i gar mkhan skyes pa yang mo rtags nyid du thal bar 'gyur ro/ /de bzhin du/ kha spu dang ldan pa po rtags yin na sgog pa la sogs pa yang de nyid du thal bar 'gyur te/ de rnams ni sgra'i gzugs la bltos pas ma ning gi rtags yin pa'i phyir ro/ /gnas la sogs pa gnas pa'i rnal 'byor ma rnams kha spu dang ldan pas pho rtags su 'gyur ba dang/ skyes pa kha cig kha spu ba dang mi ldan pas mo rtags su thal bar 'gyur ro/ /de yang mi 'thad de/ gnyis ka'i rang bzhin gyi rtags ma ning yin nas kha sogs pa rnams kyang ma ning nyid du thal bar 'gyur ro/ /de yang mi 'thad de/ /de rnams mo rtags yin pa'i phyir ro/ /gzhan na re 'phel ba dang 'grib pa dang/ /bar ma ni pho rtags la sogs pa'i mtshan nyid yin no zhes zer ro/ /

  390. 195b

    de la 'phel ba ni nus pa dang po dang ldan pa'o/ /'grib pa ni nus pa chung ba dang ldan pa'o/ /bar ma ni nus pa bar ma dang ldan pa'o/ /zhes na de yang ma yin te/ /gang gi phyir gal te 'grib pa ni mo rtags kyi mtshan nyid yin na de'i tshe bu mo skye na de'i tshe nus pa 'phel bas pho rtags su thal bar 'gyur ro/ /de yang mi thang de/ de bzhin du 'phel ba zhes bya ba pho rtags kyi mtshan nyid yin na de'i che skyes bu rgas pas de'i nus pa 'grib par 'gyur na mo rtags su thal bar 'gyur ro/ /de yang mi 'thod do/ /skyes pa dang ma gral ba'i phyir ro/ /nus pa bar ma ma ning gi rtags kyi mtshan nyid yin na de'i tshe skyes pa 'am bud med nus pa bar ma dang ldan pas ma ning nyid du thal bar 'gyur ro/ /de bas na mtshan nyid de dag ni ma nges pa yin no/ /kha cig na re skad rags pa la sogs pa pho rtags kyi mtshan nyid yin la/ skad phra ba la sogs ni mo rtags kyi mtshan nyid yin no/ /de dag mer na ni ma ning gi mtshan nyid yin no zhe na de yang ma yin te/ /gal te skad rags pa la sogs pa pho rtags kyi mtshan nyid yin na/ /de'i tshe mdzes zin pa'i skyes pa rnams skad phra ba yin pas mo rtags su thal bar 'gyur ba dang/ dbyangs rags pa'i mo rnams kyang pho rtags su thal bar 'gyur ro/ /gnyis ka med pa ma ning yin na phreng ba dang nyal khri la sogs pa ma ning du thal bar 'gyur ro/ /de yang mi 'thad da/ de rnams mo rtags yin pa'i phyir ro/ /skad rags pa dang ldan pa'i rdza rnga la sogs pa yang pho rtags su thal bar 'gyur ro/ /de yang mi 'thad de/ ma ning yin pas so/ /de bas na mtshan nyid de yang ma nges pa'o/ /bu chung chags pa la sogs pa yang mo rtags kyi mtshan nyid du mi rigs te/ mo sham la de med pas skyed pa nyid du thal bar 'gyur ba'i phyir ro/ /shes rab dang ldan pa pho rtags kyi mtshan nyid du mi rigs te/ de dang ldan pa'i mo rnams kyang skyes pa nyid du thal bar 'gyur ro//

  391. 196a

    chags pa'i cha che ba dang chung bas mo rtags dang pho rtags yin na de'i tshe chags pa che ba'i skyes pa yang mo rtags nyid du thal bar 'gyur ba dang/ chags pa chung ba'i bud med kyang skyes pa nyid du thal bar 'gyur ro/ /de bas na mtshan nyid de yang ma nges pa'o/ /pho'i dbang po dang mo'i dbang po dang ldan pa yang pho rtags dang mo rtags kyi mtshan nyid dang ldan pa ma yin te/ nang du chud bas pho'i dbang po mi mngon pa'i sangs rgyas dang byang chub sems dpa' rnams mo rtags su thal bar 'gyur ba'i phyir ro/ /mo'i dbang po dang ldan pa yang mi rtags ma yin te/ ma ning la de yod pa'i phyir ro/ /de bas na mtshan nyid de yang ma nges so/ /rtags ni khyad par med pa ste/ 'jig rten la brten pa phyir ro zhes bya bar brda sprod pa rnams kyis smra ba de ni ma yin te/ gal te 'jig rten la brten pa'i rtags yin na/ /de'i tshe dngos po thams cad ni rtags thams cad dang ldan par thal bar 'gyur te/ 'gram dang khang pa la sogs pa'i sgra bzhin no/ /de bas na pho rtags la sogs pa'i mtshan nyid ni rigs pas grub pa yin no/ /'dir smras pa khyab par byed pa dang gnyis ka dang bral ba ni pho rtags dang mo rtags dang ma ning gi rtags yin te/ gang gi phyir snyoms par zhugs pa'i dus su lhan cig skyes pa'i dga' ba'i bde ba chen pos gang gis khyab par byed pa ni sems kyi rgyud de'i rang bzhin du byed pa khyab par byed pa de ni mo rtogs yin no/ /bde ba chen pos khyab par bya ba ni pho rtags yin no/ /bde ba chen pos khyab par bya ba dang khyab par byed pa med pas gnyis ka dang bral ba ni ma ning gi rtags yin te snod kyi 'jig rten no/ /snod kyi 'jig rten gyi dngos po rnams la mo rtags la sogs pa gang yod pa de ni rtags pa yin te/ /don dam par

  392. 196b

    de med pa'i phyir ro/ /de bzhin du dbyangs kyi sde tshan zla ba'i cha bcu drug gi rang bzhin gyis gsal bya'i sde tshan khyab par byed pas na thim par byed pa shes rab kyi rang bzhin ni A li ste mo rtags so/ /khyab par bya ba ni de rnams kyi brjod par bya ba de ni kA li ste thabs kyi rang bzhin pho rtags yin no/ /khyab par bya ba dang khyab par byed pa gnyis ka'i rang bzhin ni ya la sogs pa'i sde tshan ma ning gi rtags so/ /de nyid kyi phyir mo rtags kyi rang bzhin dbyangs kyi sde tshan gyi thog ma dang tha ma'i yi ge gnyis yang dag par sbyar nas shes rab kyi rang bzhin gyi yi ge a ru 'gyur ro/ /yi ge ka la sogs pa yang dag par sbyor bas thabs kyi rang bzhin ni yi ge hUM ste pho rtags yin no/ /ya la sogs pa sde tshan yongs su gyur pa las yi ge oM du 'gyur ro/ /de la a u ma zhes yang dag par sbyar bas oM du 'gyur ro/ /yi ge a ni shes rab kyi rang bzhin no/ /yi ge ma ni thabs kyi rang bzhin te/ /gsal bya yin pa'i phyir ro/ /yi ge oM ni de dang sbyor ba'i rang bzhin te ma ning zhes bya'o/ /de nyid kyi phyir shes rab dang thabs gnyis ka yang dag par sbyor ba'i rang bzhin gyi ma ning gi rtags so/ /de ltar pho rtags dang mo rtags gnyis ka'i rang bzhin ni oM la sogs pa'i yi ge gsum yin no/ /mnyam par bzhag cing zhes pa ni skad kyi dbyings don du ma yin pa'i phyir mnyam par bzhag pa'i sgra ni bzlas pa'i don la 'jug pa'o/ /de nyin dang mtshan du ldang ba dang 'jug pa dang/ gnas pa dang zhes pa ni srog gi rlung nang du zhugs pa ni 'jug pa'o/ /me dang mnyam pa'i rlung bar du bzhag pa ni gnas pa'o/ /srog gi rlung gyen du rgyu ba ni ldan pa yin no/ /de bas rlung gi bya ba de dag gsung ni 'gugs pa dang bzhugs su gsol ba dang gshegs su gsol ba'i rang bzhin du

  393. 197a

    shes par bya'o/ /gang gi phyir yi ge oM brjod pa'i dus su nang gi tshul du rlung 'jug par 'gyur ro/ /yi ge hUM brjod pa'i dus su phyi'i tshul du rlung 'byung bar mtshon pa'o/ /yi ge a brjod pa'i dus su rlung ni bar na gnas pa mtshon par 'gyur te/ rlung dang yi ge tha mi dad pa'i phyir ro/ /de la rlung rgyu bas yi ge rnams 'byung ba yin te/ yi ge brjod pa'i dus su rlung nyid kyis rtsol bar byed pa'i phyir ro/ /de bas na bya ba dang byed pa'i 'brel pa 'am phan gdags par bya ba dang phan 'dogs par byed pa'i 'brel pas rlung dang yi ge dbyer med pa yin no/ /rlung gi las kyi bdag nyid kyi 'jug pa la sogs pa'i bya ba ni rlung dang de'i bdag nyid du 'jug pas rlung las tha dad pa ma yin te/ 'gro ba dang bskum pa dang brkyang ba'i mtshan nyid de yin pa'i phyir ro/ /ji skad du/ yi ge oM gyi dbugs ni nang du 'jug pa dang/ yi ge a yi sngags ni bar du gnas pa dang/ yi ge hUM gi sngags ni ldan par gyur pa ste/ /rkan dang mchu ngag 'brel med gsang sngags bzla zhes 'byung ngo/ /der ni 'gro ba dang 'ong ba dang bar du gnas pa'i 'jug pa dang gnas pa dang ldang ba de rnam pa gsum gyi bzlas pas na/ zhes pa ni yan lag ma nyams pa'i bzlas pas rdo rje 'chang chen po la sogs pa'i rnam pa bcu gcig pa'i rdo rje bzlas pa ting nge 'dzin gang gis byed pa de la de skad ces bshad do/ /yan lag ma nyams pa'i bzlas pa ni sngags dang rlung dang lha'i rnam par dag pa'i ngo bo ye shes gsum dang khams gsum dang rtsa gsum dang de kho na nyid gsum dang rnam par thar pa'i sgo gsum dang sku gsung thugs dang sku gsum dang rdzas gsum dang srid pa gsum dang 'jig rten gsum la sogs pa gcig tu byas pa'i yid la byed

  394. 197b

    pa'i mos pas rdo rje tshig gis sems rtse gcig pa thob pa'i bar du rdo rje bzlas pa bya ba yin gyi/ /phyi rol gyi bzlas pa brjod pa 'am thos pa dag gi bzlas pa'i rang bzhin brtags par bya ba ma yin no/ /rkan dang mchu dang lce sogs kyi/ /gang zhig g.yo bar gyur pa ni/ /de nyid mi 'gyur ga las te/ /'gyur ba nyid du gnas pa'i phyir zhes kam pa la'i zhal snga nas kyis gsungs pa'i phyir ro/ /de bzhin du/ yi ge rang bzhin sngags rnams ni/ /de nyid kyi phyir mi 'thad de/ /gang phyir rtswa mchog tsam nyid ni/ /'gugs par byed par mi nus so zhes gsungs so/ /rab tu byed pa las kyang/ de yi brtul zhugs ma bshad cing/ /bgrang phreng ma yin bzlas pa min/ /'dzin dang sbyin bsreg las rnams ni/ /yang dang yang du 'jug pa min zhes 'byung ngo/ /rtsa ba'i rgyud las kyang/ slong mo za zhing mi bzla ste/ /ma blangs pa la'ang chags mi bya/ /thabs dang shes rab la gnas pas/ /yan lag ma nyams gsang sngags bzlas/ /de bzhin du de nyid las kyang/ /don rtogs pa yi bzlas pa ni/ /ngo bo nyid med mdzes pa ste/ /dus gsum sangs rgyas rnam spyod pas/ /de ni rdo rje bzlas par bshad ces gsungs so/ /de lta bu'i ting nge 'dzin zhes pa ni rlung gi de kho na nyid dang sngags kyi de kho na nyid rjes su rtogs pa sngon du 'gro bar rdo rje bzlas pa'i mtshan nyid can gyi sems rtse gcig pa nyid do/ /gang yin pa de la de skad ces bya ste zhes pa la/ brjod par bya ba'i sgo nas le'u gang du yod pa zhes tshig gi don to/ /don 'di nyid ni zhes pa ni gtso bor gyur pa'i dbang po rdo rje bzlas pa dang/ de'i 'og tu sems rnam par dag pa la sogs pa'i rim pa gzhan rnams kyang zhes bya ba'i tha tshig go /oM ni dad pa gcig dang ldan pa zhes pa ni bcom ldan 'das rnam par snang mdzad de/ de'i yi ge 'bru yin pa'i phyir ro/ shU n+ya

  395. 198a

    tA ni gnyis pa ste zhes pa ni nam mkha' i dbyings ni stong pa nyid de de'i rang bzhin ni rin chen 'byung ldan te gnyis pa'o/ /dz+nyA na zhes pa gsum pa nyid ces pa ni mkhyen pas na ye shes so/ /des na dngos po thams cad so sor rtog pa'i ye shes kyi bdag nyid ni bcom ldan 'das snang ba mdza' yas te gsum pa'o/ /badzra zhes bya ba ni bzhi pa'o/ zhes pa ni rdo rje ltar mi phyed pa'i chos kyi dbyings kyi ye shes kyi rang bzhin ni bzhi pa ste mi bskyod pa'o/ /swa b+hA ba At+ma ko lnga pa zhes pa ni bya ba nan tan grub pa'i ye shes kyi rang bzhin nam/ rlung gi khams kyi rang bzhin te/ lnga pa de don yod grub pa'o/ /a haM zhes pa drug par brjod ces pa ni de bzhin gshegs pa lnga sdud par byed pa thams cad gcig gi bdag nyid can rdo rje 'chang chen po zhes bya ba'i don to/ /de ltar bde gshegs drug po ni rnam par snang mdzad la sogs pa drug po rdzogs pa'i rim pa sgom par byed pa'i rin po che lta bu'i gang zag la bstan to/ /des na don 'di yin te/ rdo rje bzlas pa bsgom par bya bar 'dod pa'i rnal 'byor pas dang por cig car du lha'i sku bskyed cing de bzhin gshegs pa drug gi rang bzhin bsgoms la/ de nas rnam pa bcu gcig bzlas par bya'o/ /yang na sgra ji bzhin ma rig pa'i bshad pa'i rim pas yi ge drug gi mtshon pa'i rnam par snang mdzad la sogs pa drug gi rnal 'byor pas zla ba gcig gis 'bum phrag drug bzlas par bya'o/ /de la nyin mtshan gcig gis nyi khri chig stong drug brgyar 'gyur/ zhag lngas 'bum phrag cig dang stong rtsa brgyad ni 'bum phrag gcig ces bstan pa yin no/ /grangs 'di nyid kyis mdor na zla ba gcig gis 'bum phrag drug tu 'gyur ro/ /ji skad du/ sngags ni rnam shes las 'byung ba'i/ /'bum phrag drug tu bzlas byas te/ /rdo rje sems

  396. 198b

    la phyag 'tshal nas/ /de ni nya la 'grub par 'gyur zhes 'byung ngo/ /rnam pa gzhan gyis kyang rdo rje bzlas pa bstan pa'i phyir/ /oM shu n+ya tA zhes bya ba la sogs pa smos te/ zung ni tshig gnyis so/ /dang po rnam par snang mdzad do/ /dz+nyA ni badzra gnyis po zhes pa ni snang ba mdza' yas so/ /swa b+hA wa At+ma konyahaM gyur ces pa ni tshig gnyis kyis mi bskyod pa bstan to/ /de nyid gsum du 'dir btags pa'o zhes pa la sku gsung thugs kyi bdag nyid can gyi rdo rje 'chang chen po a haM zhes cig car du nga rgyal bskyed la/ snga ma bzhin du/ lha la sogs pa'i rnal 'byor gyi bzlas pa bya'o/ /rab tu byed pa las kyang/ /'jug pa dang ni gnas pa dang/ /ldang ba yi ni rim pa yis/ /mtshon bya mtshon byed grangs kyis ni/ /yan lag ma nyams gsang sngags bzlas zhes 'byung ngo/ /yang na sku rdo rje la sogs pa rnal 'byor pa gsum gyis sna'i rtse mor yungs kar gyi 'bras bu'i tshod tsam gyis thig le phra mor bsgom la brtan pa'i rtags mthong ba'i bar du bzlas par bya'o/ /de nyid gsum na gcig gyur ces pa ni sku la sogs pa nye bar sdud pa las 'byung ba'i gzugs so/ /yang dag ces pa ni rnal 'byor pa'i mngon sum mam rang rig pa'i mngon sum gyis thob par bya ba gsal bar snang ba rnam par mi rtog pa ma 'khrul pa zhes pa'i tha tshig go /gsal ba zhes bya ba ni dag cing zla ba dang kun da ltar mtshungs pa'i phyir ro/ /mi gsal zhes pa ni khams nyi shu rtsa bzhi nye bar bsdud pa las byung ba'i zhal dang phyag dang sku mdog dang dbyibs la sogs pa dang bral ba thig le'i gzugs zhes bya ba'i don to/ /lha mo bzhis yongs su zhus pa'i bshad pa'i rgyud las kyang/ /de phyir lha mo bshad bya ba/ /snying po las ni snying po mchog /sangs rgyas kun gyi gsang bas na/ /thams cad bdag nyid gang

  397. 199a

    zhig gnas/ /de nyid ye shes lnga rang bzhin/ /yungs kar gyi ni 'bru tshad tsam/ /de yi dbus na gnas pa'i lha/ /mi gsal gsang ba'i bdag nyid can/ zhes 'byung ngo/ /rdo rje bzlas pa bshad nas sems la dmigs pa la sogs pa'i rim pa bzhi bstan par bya ba'i phyir/ yang dag par sbyar ba gsum gyi skur bsgom zhing zhes pa ni snang ba la sogs pa gsum gyis nye bar mtshon pa'i 'od gsal ba'i de kho na nyid do/ /snang ba gsum gyis tshogs kyis snang ba 'khrigs pa'o zhes pa ni sngags dang phyag rgya'i rim pas thob pa'i zla ba dang nyi ma dang mtshams kyi snang ba dang 'dra ba'i snang ba la sogs pa'i ye shes kyi ngo bo ste de kho na nyid bzhi pa 'od kyi tshogs dang bcas pa sprin med pa'i nam mkha' dang mtshungs pa thams cad stong pa zhes bya ba'i de kho na nyid bsgom par bya'o/ /des ni sems la dmigs pa'i rim pa bstan to/ /'ja' tshon ltar zhes bya ba la sogs pa ni sngon gyi smon lam gyi shugs kyi ye shes sku sgyu ma'i dpe bcu gnyis kyis nye bar mtshon pa bsgom par bya'o/ /dkar po la sogs pa'i 'od zer lngas brgyan pa'i zhes pa ni dkar po la sogs pa'i sku mdog lngas nye bar mtshon pa'i de bzhin gshegs pa rigs lnga las 'byung ba lha mo dang byang chub sems dpa' dang khro bo'i rgyal po bcas pa'o/ /khams phra ba zhes pa la/ 'od gsal ba'i de kho na nyid do/ /snang ba mched pa la sogs pa'i rim pa 'am cig car gyi rnal 'byor gyis de las 'byung ba'i yongs su rdzogs zhes bya'o/ /dngos po thams cad kyi ngo bo nyid do zhes pa la brtan pa dang g.yo ba'i bdag nyid dam/ rang dang gzhan gyi rgyud sgyu ma'i dpe bcu gnyis nye bar mtshon pa'i rang bzhin yin no/ /rgyu ba la sogs pa'i 'od zer lnga ste/

  398. 199b

    zhes pa la rgyu dang rnam par rgyu ba dang yang dag par rgyu ba dang/ rab tu rgyu ba dang nges par rgyu ba dang zhes bya ba yan lag gi rlung lnga ste sgra ji bzhin ma yin pas rdo rje'i rnal 'byor chen po'i rgyud las/ sprul dang rus sbal rtsangs pa dang/ /lha sbyin dang ni gzhu las rgyal zhes 'byung ngo/ /de rnams kyi 'od zer ni yul bzung bar bya ba'i phyir mig la sogs pa'i dbang po rnams 'jug go /de dang ldan pa ni so sor sdud pa dang bsam gtan gyi yan lag dag gis yul dang dbang po'i nye bar spyod ba dang ldan pa zhes bya ba'i tha tshig go /ji skad du gang zhig mthong ba reg pa dang/ /thams cad sgyu ma bzhin mthong ste/ /kun rdzob tu ni mi gnas pas/ /sgyu ma bzhin du mtshon par bya/ /dbang po gang dang gang lam gyis/ /de dang de yi rang bzhin 'gro/ mnyam par ma bzhag sbyor ba yis/ /sangs rgyas kun gyis rang bzhin lha/ /gzugs dang sgra dang de bzhin dri/ /ro dang reg bya nyid dag la/ /mig la sogs pa'i 'jug pa ni/ /sgyu ma bzhin du mtshon par bya/ /'dir ni mang po smos ci dgos/ rdo rje theg par de nyid la/ /gang gang rnal 'byor pas dmigs pa'i/ /de de sgyu ma bzhin gzhan min zhes 'byung ngo/ /yul rnams la nye bar longs spyod pa zhes pa ni so sor sdud pa'i rim pas bzung ste/ /bsam gtan gyi rim pas rnam par dag pa thob pa gang yin pa'o/ /dbang po lnga rnams so zhes pa ni mig la sogs pa'o/ /de rnams kyis brgyan pa zhes pa la sgyu ma lta bu'i dbang po dang ldan pa yin gyi/ khrag dpal sogs pa'i rang bzhin ni ma yin// rab tu byed pa las kyang/ /khyod kyi sku la khong stong med/ sha dang rus pa khrag kyang med/ /nam mkha' i 'ja' tshon dang mtshungs pa'i/ /khyod kyi sku ni ston par byed/ /sku la nad dang mi btsang med/ /bkris dang skom pa mi srid de/ /khyod kyi 'jig rten 'jug

  399. 200a

    pa'i phyir/ /'jig rten bya ba bstan par mdzad ces 'byung ngo/ /dbang po tshang ba'i phyir zhes pa ni ji ltar dri zi'i sems can gzugs dang dbang po phra ba dang ldan pa de bzhin du sgyu ma'i sku yang gzugs dang dbang po phra ba dang ldan pa zhes bya'o/ /dbang po tshang ba'i dri za ni/ /de nyid dri za'i sems can te/ /rdo rje sku yang de nyid do zhes 'byung ngo/ /de lta bu'i rnam pa ces pa ni sgyu ma lta bu'i sku'o/ /sangs rgyas kyi dkyil 'khor gsal bar 'jug cing zhes pa la/ sangs rgyas ni de bzhin gshegs pa rnams la/ dkyil ni snying po'o/ /de len zhing 'dzin par byed pas na sangs rgyas kyi dkyil 'khor ro/ /chos kyi dbyings dang de bzhin nyid dang/ shes rab kyi pha rol tu phyin pa dang yang dag pa'i mdza' dang chos nyid kyi rang bzhin ni gsal ba zhes pa'i tha tshig go /de la 'jug cing zhes pa ni phyag rgya'i rim pa 'am ting nge 'dzin gyi rim pas yang dag pa'i mthar 'jug par bya'o zhes pa'i don to/ /de ltar bdag nyid ces bya ba la sogs pas bdag la byin gyis brlab pa'i mtshan nyid kyi sku rim pa bzhi bas 'od gsal ba la 'jug par bya'o/ /skad cig ma'i rnam pas shes pa ni cig car du sgro ba'o/ /rdo rje 'chang chen po'i sku zhes pa la rdo rje sku'i rnam grangs can dpal rdo rje sems dpa' i phyag rgya chen po'i gzugs so/ /'khor ba dang mya ngan las 'das pa dag gi? dbus su shes pa ni/ srid pa dang zhi ba'i ro mnyam pa'i rang bzhin can no/ /yod pa dang med pa'i phyogs dang bral ba zhes pa la/ de ni nye bar mtshon pa tsam yin te/ yod pa dang med pa dang dngos po dang dngos po ma yin pa dang rtag pa dang chad pa dang/ kun rdzob dang don dam pa dang brtags pa dang yongs su rdzogs pa dang sngags kyi sku dang thabs dang shes rab dang stong pa dang snying rje la sogs pa'i

  400. 200b

    rnam par rtog pa dang bral ba'o/ /bdag nyid ces pa ni rang gi sku'o/ shes par bya ba zhes pa la rjes su dran par bya'o/ /des ni zung 'jug gi rim pa bstan pa'o/ /rim pa 'di nyid kyis shes bya ba la sogs pas rdo rje bzlas pa la sogs pa'i rim pa'i mtshan nyid can gyi rdzogs pa'i rim pas so/ /rnam par snang mdzad la sogs par zhes pa ni de bzhin gshegs pa drug gi phyag rgya chen po'i sku'o/ /bsam pa ji lta ba'i dbye bas shes pa ni gti mug la sogs pa'i nyon mongs pa'i bag chags kyi dbye ba'i sgo nas so/ /rang gi bdag nyid bskyed pa la zhes pa ni spros nas so/ /bdag gi don bya ba'o zhes pa la nye bar mtshon pa tsam yin te/ gzhan gyi don kyang bya'o zhes bya ba'i tha tshig go /de bas na zhes bya ba la sogs pas rnam par snang mdzad la sogs pa'i phyag rgya chen po'i sku rdzogs pa'i rim pas bsgom par bya'o zhes bstan to/ /rdo rje 'chang chen po'i rnal 'byor zhes bya ba ni rdzogs pa'i rim pa las 'byung ba'i rdo rje 'chang chen po'i lha'i sku'o/ /'di nyid ni rim pa lnga'i sgo nas rdzogs pa'o/ /brten par bya ba'i phyir zhes pa ni chos kyi dbyings kyi ngo bo nyid ni de bzhin gshegs pa drug gi rang bzhin du bya ba'i phyir ro/ /gsungs te ni sdud pa po'i tshig ces lhag ma'o/ /'od gsal ba'o zhes pa ni dngos po thams cad de'i rang bzhin yin pa'i phyir ro/ /ting nge 'dzin te zhes pa ni spros pa thams cad dang bral ba'i sems rnam par dag pa'i rim pas thob par bya ba 'am mngon par byang chub pa'i rim pas thob par bya'o/ /de la dmigs pa'o zhes pa ni bsgom par byas nas so/ /bskyed pa de ni zhes pa la rdzogs pa'i rim pas ye shes kyi sku'i rang bzhin nam rdo rje'i sku'i rang bzhin du bsgrub par bya zhes bya ba'i don to/ /'di'i don ni bshad pa'i rgyud las zhes pa ni rdo rje phreng ba'i rgyud las so/ /oM ni dang por

  401. 201a

    shes par bya zhes pa rnam par snang mdzad de/ de ni oM las 'byung ba'i phyir ro/ /d+harmA zhes bya gnyis pa'o zhes pa ni chos kyi phung po brgyad khri bzhi stong gi rnam par dag pa'i rang bzhin gyi rdo rje ches te snang ba mdza' yas so/ /d+hA tu zhes bya gsum par bshad ces pa ni chos thams cad kyi rang bzhin chos kyi dbyings rnam par dag pa'i ngo bo ni mi bskyod pa'o/ /swa b+hA bar grags bzhi pa'o zhes pa ni nam mkha' i khams kyi rang bzhin rin chen 'byung ldan no/ /At+ma ko 'a ni lnga pa yin zhes pa ni/ thams cad kyi bdag nyid las thams cad pa ste don yod par grub pa'o/ /a haM du gyur drug par 'dod ces pa ni de bzhin gshegs pa lnga nye bar sdud par byed pa'i rnam pa can te rdo rje 'chang chen po'i zhes pa'i don to/ /sngags ni dbang po thams cad dang rnam par shes pa rnam par dag pa'i mtshan nyid can gyi bsgom pa'i rnam pa'o/ /'di brjod nas zhes pa ni de bzhin gshegs pa drug gi mos pa byas nas so/ /rgyud phyi ma las kyang/ dbang po dang ni yul rgyas yid/ /rten te byung ba gang yin pa/ /de ni man zhes bshad pa ste /tra ni skyob pa'i don yin no/ /zhes 'byung ngo/ /de'i 'og tu zhes pa ni de dang 'dra ba'i lhag par mos pa byas nas so/ /sgom pa'i bdag nyid can gyis shes pa ni rdzogs pa'i rim pa'i rnal 'byor pas so/ /bsgom zhes pa ni zung du 'jug pa'i rim pa'i ting nge 'dzin gyi de bzhin gshegs pa drug gi nga rgyal bya ba'i don to/ /des pa'i don ni rdzogs pa'i rim pa so sor bstan pa'i phyir ro/ /de ltar le'u nas brtsams te yongs su dag pa dang yongs su ma dag pa'i lha'i sku'i dbye bas rim gnyis bstan to/ /bskyed pa'i rim pa'i phyogs su dang po'i sbyor ba dang dkyil 'khor rgyal ba mchog gi ting nge 'dzin dag gis rnam par snang mdzad la sogs

  402. 201b

    pa de bzhin gshegs pa lnga dang de'i lha'i dkyil 'khor bstan to/ /rdzogs pa'i rim pa'i phyogs su yang rdo rje bzlas pa la sogs pa'i rim pas zung du 'jug pa'i bar du rdo rje 'chang chen po'i sku rdzogs par bstan to/ /da ni zhes pa ni bskyed pa'i rim pa'i yan lag tu gyur pa'i las kyi rgyal ba mchog gi phyogs gcig phra mo'i rnal 'byor zhes bya ba yan lag dang po bstan par bya ba yin no/ /rang gi sems brtan par bya ba'i phyir zhes pa ni rdul phra rab dang shin tu rags pa'i bsgom pa'i mdza' i bar du sems dbang du 'gyur pa'i phyir ro/ /dgongs pa ni sa 'og bdun gyi bar du khyab par byed pa'i zhabs kyi pad+ma dang/ srid pa'i rtse mo'i bar du spyi bos khyab par phyag rnams kyis phyogs bcu dang nam mkha' i dkyil khyab par byed pa'i rdo rje 'chang chen po la sogs pa'i lha'i sku'i sna tshogs pa'i rang bzhin yin no zhes gang gi che rnal 'byor pas bsgom na de'i tshe rang gi sems brten par 'gyur ro/ /gang gi tshe yungs kar gyi 'bru'i tshad tsam gyi phra ba brtan pa dang g.yo ba'i khams gsum gyi rang bzhin skra'i rtse mo'i brgya stong gi cha'i tshad tsam thig le'i bdag nyid bsgom na de'i tshe rang gi sems dbang du 'gyur ro/ /'dir ni rdul phra rab bsgom pa'i gnas skabs yin te/ shin tu rags pa'i bsgom pa ni sngar bshad pa'i phyir ro/ /phra ba'i rnal 'byor rnam pa gsum bsgom pa gsungs te zhes pa ni bskyed pa'i rim pa'i rnal 'byor pa'i gcig dang gzhan ma gnyis rdzogs pa'i rim pa'i rnal 'byor pa yi'o/ /'chad par 'gyur ba'i gsum pa la yang rdzogs pa'i rim pa'i rnal 'byor pa nyid kyi'o/ /bsdus pa'i don ni 'di yin te/ spyi'i don gyi phyogs su bskyed pa'i rim pa'i rnal 'byor pas phra mo'i rnal 'byor bsgom pa dang/ sbas pa dang mthar thug pa'i bshad pa'i phyogs dang 'og

  403. 202a

    nas bshad pa'i nges pa'i don gyi phyogs su yang rdzogs pa'i rim pa'i rnal 'byor pas phra mo'i rnal 'byor bsgom pa'o/ /de ltar bskyed pa'i rim pa dang rdzogs pa'i rim pa'i rnal 'byor pa dag la phra mo'i rnal 'byor rnam pa gsum gyi bsgom pa bstan te/ 'dod chags dang zhe sdang dang gti mug gi rigs can gyi rnal 'byor pa'i dbye bas so/ /de la dang po bshad pa'i phyir/ /rdo rje la sogs pa'i phyag mtshan te zhes pa ni rdo rje dang 'khor lo dang rin po che dang pad+ma dang ral gri la sogs pa'o/ /rin chen ltar rin che ba nyid do zhes pa ni mdza' yas pa'i 'jig rten gyi khams la gnas pa'i sems can rnams kyi bsam pa thams cad cig car ru rdzogs par byed pa'i phyir ro/ /rigs las 'byung bas so zhes pa ni rigs lnga'i 'brel pa dang ldan pa'i de bzhin gshegs pa la sogs pa spro ba'i rgyu ste thig le khyad par ro/ /de ni yungs kar gyi 'bru'i tshad tsam zhes pa ni nas dang tsa na ka la sogs pa'i 'bru'i tshad tsam yang yin no zhes bya ba'i tha tshig go /sna'i rtse mor zhes pa ni reg bya rdo rje ma'i chos 'byung ba la'o/ /rang gi lha'i rnal 'byor gyis shes pa ni rnam par snang mdzad la sogs pa'i lha'i phyag rgya chen po la sogs pa'i gzugs kyis so/ /nyin mtshan du ni dus ji srid kyi sems rtse gcig tu 'gyur ba'o/ /gang gi tshe mthong ba'i mtshan ma zhes bya ba la sogs pa ni gang gi tshe thig le bsgom pa bstan par 'gyur na de'i tshe rnal 'byor pa la mtshan ma 'di ltar 'byung ste/ thig le tsam la khams gsum thams cad kyi nga rgyal dang phyi'i sems can du gyur pa'i rnam par rtog pa dang bral ba dang/ sems dang sems las byung ba'i chos mi 'byung ba dang/ gam na gnas

  404. 202b

    pa'i sgra la sogs pa mi zin pa dang/ rang gis lus mi tshor ba zhes bya ba la sogs pa'o/ /de'i tshe rdo rje la sogs pa zhes pa ni thugs rdo rje la sogs pa'i rnal 'byor pa rnams kyis bsgom par gyur pa'i rang gi phyag mtshan no/ / bsgom pas mi g.yo bar shes nas shes pa ni bsgom par bya ba dang bsgom pa bdag gcig tu gyur pa'i mtshan nyid kyis de'i bdag nyid du shes nas so/ /bsgom pa la dbang du gyur pa bskyed pa'i phyir zhes pa na thig le bsgom pa 'di ni brtan pa yin nam mi brtan pa yin zhes dbang nyid du rdzogs par bya ba'i phyir ro/ /spro bar bya'o zhes pa ni 'chad par 'gyur ba'i 'od zer la sogs pa spro bar bya'o/ /bsgom pa la slob bzhin par mi spro ba'o zhes pa ni bsgom pa'i dus su de nyid ma rdzogs na de las spro ba ga las yod de/ de nyid kyi phyir slob bzhin par zhes bya ba ni da ltar byung ba'i dus kyi rkyen gyi bstan pa'o/ /rdo rje la sogs pa'i kha dog sna lnga pa'i 'od zer dang phyag mtshan rnams brtan par gyur pa'o/ /phyag rgya chen po'i gzugs kyang zhes pa ni de bzhin gshegs pa dang lha mo dang byang chub sems dpa' dang khro bo'i tshogs rnams kyang sems can gyi don bya ba'i phyir spro bar bya'o/ /dkar po la sogs pa'i kha dog dang ldan pa'o zhes pa ni rang gi rigs dang mthun pa'i 'od kyis mdzes pa'o/ /sangs rgyas kyi tshogs so zhes pa ni de bzhin gshegs pa'i tshogs so/ /'khor lo dang zhes bya ba la sogs pas de rnams kyi phyag mtshan rnams bstan to/ /nye bar mtshon pas zhes bya ba la sogs pas sprul pa'i sku'i rang bzhin gyi byang chub sems dpa' dang lha mo dang khro bo rnams kyang spro bar bya'o zhes bstan to/ /nam mkha' khyab par spro bar bya zhing g.yo bar bya'o zhes pa la 'gro ba'i don bya ba'i phyir nam mkha' i

  405. 203a

    khams sngar bshad pa'i sprin gyis g.yog par bya'o zhes bya ba'i don to/ /spyi don zhes bya ba ni bskyed pa'i rim pa'i phyogs gcig las kyi rgyal ba mchog gi yan lag dang po ste phra mo'i rnal 'byor yin pa'i phyir ro// de bas na bsdud pa'i don ni 'di yin te/ dkyil 'khor rgyal mchog gi ting nge 'dzin gyi mthar zhe sdang rdo rje'i ting nge 'dzin la gnas pa'i rnal 'byor pas rang la 'khyud pa'i reg bya rdo rje ma'i chos 'byung ba'i phyag rgya'i nang du sna tshogs pad+ma dang zla ba'i dkyil 'khor gyi steng du dkyil 'khor pa dang lhan cig dkyil 'khor gyi bdag po'i tshul du bdag nyid bsgoms la thabs dang shes rab snyoms par zhugs pa'i rjes su chags pa'i dam pa'i sgras de bzhin gshegs pa thams cad 'gugs shing 'jug la/ 'dod chags chen po'i rang bzhin gyi ye shes kyi mes zhus la/ thig le gzugs su dmigs la de nyid yungs kar gyi 'bru'i tshad tsam gyi nang na lha sum cu rtsa gnyis kyi lha'i 'khor lo cig car du bsams la/ de rnams kyi thugs kar yang ye shes sems dpa' dang ting nge 'dzin sems dpa' dag bsgoms la/ ye shes sems dpa' i yig 'bru'i thig ler yang sum cu rtsa gnyis kyi bdag nyid kyi dkyil 'khor gyi 'khor lo 'am/ gsang ba lnga'i dkyil 'khor chen po bsams la sems can dang snod kyi 'jig rten gnyis kyi rnam par rtog pa spangs nas/ /gam na gnas pa'i sgra la sogs pa mi zin pas bsgom pa dbang bskyed par bya ba'i phyir dang po kha dog lnga pa'i 'od zer gyi 'khor lo spro zhing des sems can gyi khams sbyangs te slar yang bsdus la de nyid du zhugs te/ de nas rang gi rigs dang rjes su mthun pa'i rdo rje la sogs pa spro zhing nam mkha' i khams

  406. 203b

    khyab pa de las byung ba'i 'od zer gyi tshogs kyi 'gro ba ma lus pa'i don byas te/ slar yang bsdu zhing de nyid du 'jug par byas la de nas rnam par snang mdzad la sogs pa de bzhin gshegs pa lnga'i phyag rgya chen po'i sku yang spros te/ 'gro ba'i don bya ba de ni rdo rje 'chang chen po'i rnal 'byor pa'i phra mo'i rnal 'byor bsgom pa'i rim pa'o/ /sku rdo rje'i rnal 'byor pas sangs rgyas spyan ma'i chos 'byung ba'i nang du/ yungs kar gyi 'bru'i tshad tsam gyi 'khor lo'i phyag mtshan bsgoms la de'i lte bar snga ma bzhin du bdag nyid bsams la/ rtan pa'i rtags mthong nas spro ba dang bsdu bas sku rdo rje'i rigs kyi 'gro ba'i don byas te/ sku rdo rje'i rnal 'byor pa'i phra mo'i rnal 'byor bsgom pa'i rim pa'o/ de bzhin du gsung rdo rje'i rnal 'byor pas gos dkar mo'i chos 'khyung gi nang du tsa na ka'i 'bru'i tshad tsam gyi pad+ma dmar po bsams la de'i lte bar snga ma bzhin du bdag nyid bsams te/ brtan pa'i rtags mthong zhing gsung rdo rje'i lha'i rigs spro ba dang bsdu ba bya ba ni gsung rdo rje'i rigs kyi rnal 'byor pa'i phra mo'i rnal 'byor bsgom pa'i rim pa'o/ /rin chen 'byung ldan gyi rnal 'byor pas mA ma kI'i chos 'byung ba'i nang du kha dog ser po tsa na ka'i 'bru'i tshod tsam gyi zur drug pa'i rin po che bsgoms la/ de'i ched zung la snga ma bzhin du bdag nyid bsams la/ brtan pa'i rtags mthong bas rin po che'i rigs kyi lha rnams spro ba dang bsdu ba rin chen 'byung ldan gyi rnal 'byor pa'i phra mo'i rnal 'byor bsgom pa'i rim pa'o/ /dam tshig rdo rje'i rnal 'byor pas sgrol ma'i chos 'byung ba'i nang du yungs kar gyi 'bru'i tshod tsam gyi ral gri bsgoms la/ de'i chang zungs su snga ma bzhin du bdag nyid bsams te brtan pa'i rtags mthong zhing dam tshig gi rigs kyi lha rnams spro ba dang sdu bar

  407. 204a

    byed pa'i dam tshig gi rdo rje'i rnal 'byor pa'i phra mo'i rnal 'byor bsgom pa'i rim pa'o/ /de ni rigs drug gi rjes su 'brang ba'i phra mo'i rnal 'byor bstan to/ /phra mo'i rnal 'byor nges kyang dkyil 'khor bri ba dang de la slob ma gzhug pa dang/ sngags dang phyag rgya dang ting nge 'dzin rnams pha rol la stan pa dang/ sngags kyi theg pa bshad pa'i phyir mngon par dga' ba la sogs pa'i sangs rgyas kyi zhing la bzhugs pa'i bcom ldan 'das de bzhin gshegs pa rnams kyi rnal 'byor pa la lung ston par 'gyur ro/ /rdzogs pa'i rim pa'i phra mo'i rnal 'byor bstan pa'i phyir/ /kun rdzob byang chub kyi sems te zhes smos pa la/ thabs dang shes rab snyoms par zhugs pa las byung ba'i shu kra'i thig le'i gzugs so/ yungs kar gyi 'bru'i tshad tsam zhes bya ba 'dis shin tu phra ba nyid bstan to/ /rang gi rdo rje'i khar zhes pa ni rang gi gsang ba'i rdo rje'i bu ga la'o/ /de bzhin gshegs pa lnga'i bdag nyid du byas la zhes pa ni 'byung ba chen po lnga'i rang bzhin dang ye shes lnga'i ngo bo nyid du byas la'o/ /de la de'i sra ba nyid gang yin pa de ni sa'i khams so/ /de'i gsher ba nyid gang yin pa de ni chu'i khams so/ /de'i dro ba'i mtshan nyid gang yin pa de ni me'i khams so/ /de'i 'gro ba dang ldog pa la sogs pa'i mtshan nyid gang yin pa de ni rlung gi khams so/ /de'i nang na khyab pa'i bde ba chen po'i chos kyi dbyings kyi ye shes kyi khyab pa gang yin pa de ni nam mkha' i khams de bzhin du dag pa kun da dang zla ba dang 'dra ba'i gsal ba'i rang bzhin gyi tshul gang yin pa de ni me long lta bu ye shes so/ de bzhin du de'i khams nyi shu rtsa bzhi sdud par byed pa'i khams drug gi tshul gang yin pa de ni mnyam pa nyid kyi

  408. 204b

    yi shes so/ /de'i rnam par mi rtags pa'i mtshan nyid can gyi spyod pa gang yin pa de ni so sor rtog pa'i ye shes so/ /de bzhin du de'i 'od zer gyi tshogs spro bas sems can gyi don rdzogs pa gang yin pa de ni bya ba nan tan sgrub pa'i ye shes so de bzhin du de'i rtag par dri ma med pa zag pa med pa'i chos kyi sku'i mtshan nyid can gyi don dam pa byang chub kyi sems kyi ngo bo nyid gang yin pa de ni shin tu rnam par dag pa'i chos kyi dbyings kyi ye shes so/ /ji skad du bshad pa'i cho ga zhes bya ba la sogs pa ni cho ga 'di yin te/ dang por rdo rje dang pad+ma'i gnas dang po stong pa nyid du bsgoms la/ de nas hUM A(rgyud 'grel): sa bon gnyis yongs su gyur pa las rtse lnga pa'i gsang ba'i rdo rje dang pad+ma 'dab ma brgyad pa yang bsgoms la/ de dag gi rtse mor tshar gcad pa'i don du hUM dang phaT bkod cing rin chen 'byung ldan dang/ don yod sgrub pa'i sngags dag gis rdo rje dang pad+ma sbyar zhing bskyed par bya rjes su chags pa'i mchog gi sgras de bzhin gshegs pa bkug cing 'jug la/ bdun khri nyis stong gi rtsa nas chu'i rgyun dang 'dra ba'i byang chub kyi sems dbu ma'i lam nas rdo rje'i rtse mor smig rgyu la sogs pa'i rtags lnga mtshon pa sngon du 'gro bar byang chub kyi sems la mchog tu dga' ba nyams su myong zhing de'i mthar byang chub kyi sems las snga ma bzhin du 'od zer dang phyag mtshan dang/ phyag rgya chen po'i gzugs spro zhing/ de rnams kyi 'gro pa'i don byas la slar yang de nyid du 'jug par bsam par bya'o zhes bstan to/ /byang chub kyi sems phyung ba las zhes pa ni byang chub kyi sems de nyid 'od zer gyi tshogs kyi sgo nas sangs rgyas dang byang chub sems dpa' i tshul du spro bar bya'o zhes bya ba'i tha tshig go /bu ni rdo rje 'chang chen po la bltos pas de bzhin gshegs pa lnga'o/ /tsha bo ni de rnams las kyang byung

  409. 205a

    pa'i byang chub sems dpa' rnams so/ /sogs pa'i sgras ni rigs kyi yum dang mchod pa'i lha mo dang khro bo'i 'khor lo yang bstan to/ /sbas pa'o zhes pa ni 'dod chags kyi chos nyid bstan pa'i phyir ro/ /'dod chags kyi rigs can gyi rnal 'byor pa'i phra mo'i rnal 'byor te rdzogs pa'i rim pa'i phyogs su yin no/ /zhe sdang gi rigs can gyi rnal 'byor pa'i phra mo'i rnal 'byor gnyis pa bstan par bya ba'i phyir de bzhin gshegs pa'i bdag nyid can zhes smos pa la sku rdo rje la sogs pa de bzhin gshegs pa gsum gyi yig 'bru nye bar sdud pa las 'byung ngo/ /mi shigs par grags pa ste zhes pa ni 'ba' zhig tu sngags kyi thig le brjod du mi nus pa'i phyir ro/ /sangs rgyas kyi rin po che bskyed pas so zhes pa ni de las kyang spro ba'i sbyor bas sangs rgyas 'byung ba'i phyir ro/ /yungs kar gyi 'bru tshad tsam ni rjes su 'jug pa'i dbyangs kho na'o/ /thig le'i gzugs can yin pas so zhes pa ni rjes su 'jug pa'i dbyangs kyi rang bzhin yin pa'i phyir ro/ /snying ka'i pad+ma'i lte bar zhes pa ni thugs rdo rje 'chang gi gnas la'o/ /de la zhen pas ni de la sems rtse gcig pas so/ /de nyid kyi bshad pa ni 'jug pa dang ldang pa dang/ gnas pa dang sdud pa'i rnal 'byor gyis so/ /thugs rdo rje 'chang gi yig 'bru 'ba' zhig tu dmigs la/ de'i cha shas nye bar bsdu zhing srog dang rtsol ba dang me dang mnyam pa'i rlung gsum gyi bya ba'i mtshan nyid kyis 'gro ba dang 'ong ba dang bar du gnas pa'i tshul gsum du gnas par bya'o/ /sdud pa'i rnal 'byor zhes pa ni rlung gsum pa yang sngags kyi thig le de nyid du phyin nas bsdu bar bya'o/ /snga ma bzhin du brtan pa'i rtags

  410. 205b

    mthong ba sngon du 'gro bas spro bar bya'o zhes bya bas rtag pa ste zhes ston te/ thig le nye bar sdud pa'i mtshan nyid can gyi 'od gsal ba'o mi shigs pa zhes pa ni rdo rje 'chang gi sa bon gyi thig le'o/ /de las rin po che ste 'od gsal pa'o/ / de rtogs shing mngon du byas la des yang dag par sbyor ba ni spro ba'i dus su yang de nyid du lhag par mos par bya'o/ /'od zer gyi chogs zhes pa la kha dog lnga dang ldan pa'i dkyil 'khor de las yongs su brtags te g.yas pa la sogs pa'i dbye bas me'i dkyil 'khor la sogs pa'i rim gyis de bzhin gshegs pa'i tshogs spro bar bya'o zhes bya ba'i don to/ /mthar thug pa'o zhes pa ni thugs kyi bzlas pa'i 'od gsal ba'i de kho na nyid bstan pa'i phyir ro/ /'dir ni bsdus pa'i don ni 'di yin te/ zhe sdang rdo rje'i rnal 'byor pas mgo bo la sogs par yi ge gsum bkod pa la 'jug pa dang ldang ba la sogs pa'i rim gyis de nyid bzla zhing kun rdzob kyi phyogs 'dor bar bya ba yin pas sku rdo rje'i yig 'bru gsung rdo rje'i sa bon la 'jug cing/ de'i cha rnams kyang snying ga'i pad+ma la gnas pa'i thugs kyi rdo rje'i yig 'bru'i thig le la bsdus te/ de'i cha rnams kyang de nyid du thim la 'od gsal ba nyid du dmigs nas spro ba'i dkyil 'khor bzhi'i 'od zer gyi sgo nas de bzhin gshegs pa'i tshogs kyis nam mkha' i dkyil khyab par byas la/ de rnams kyis 'gro ba'i don byas nas de nyid du 'jug par bya'o zhes pa ni zhe sdang gi rigs can gyi rnal 'byor pa'i phra mo'i rnal 'byor bstan to/ /de ltar phra mo'i rnal 'byor pa rnam pa gsum las bskyed pa'i rim pa gtso bor gyur pa'i rnam pa drug pa ni gcig yin te rigs drug las byung ba'i phyir ro/ /gnyis pa dang gsum pa ni rdzogs pa'i rim pa'i

  411. 206a

    rnal 'byor pa 'dod chags dang zhe sdang gi rigs can ngag la bstan to/ /gti mug gi rigs can dag la ni 'og nas 'chad par 'gyur ro/ /da ni sngar bshad pa'i rnam par snang mdzad la sogs pa'i bskyed pa'i rim pa'i yan lag tu gyur pa rnal 'byor dang rjes su rnal 'byor bstan par bya ba'i phyir rnam par snang mdzad ces pa la sogs pa smos te/ de bzhin nyid la dmigs pa sngon du 'gro bas shes pa ni don dam pa'i dkyil 'khor bsgom pa mngon du 'gro bas so/ /zla ba'i dkyil 'khor bsgoms la zhes pa ni yi ge gsum yongs su gyur pa las bskyed pa'i pad+ma dang zla ba dang nyi ma'i gdan gyi steng du yi ge gsum bkod pa yongs su gyur pa las skyes pa'i zla ba'i dkyil 'khor la sngar bshad pa'i pad+ma la sogs pa thim zhing ro gcig par byas la chos kyi dbyings kyi sngags kyis brtan par byas pa'i zla ba'i dkyil 'khor zhes bya ba'i don to/ /de'i steng du 'khor lo bsams te zhes pa ni zla ba'i dkyil 'khor de nyid la yi ge gsum bkod cing yi ge gnyis yi ge oM la zhugs te/ spro ba dang bsdu ba byas la de yongs su rgyur pa las skyes pa'i kha dog dkar po rtsibs bcu gnyis pa'i 'khor lo bsgom par bya'o zhes bya ba'i don to/ /bsgom mo zhes pa ni 'khor lo de'i lte ba'i dbus su yang yi ge bkod la/ spro ba dang bsdu ba byas te zla ba dang 'khor lo dang sa bon yongs su gyur pa las bcom ldan 'das rnam par snang mdzad bsgom par bya'o/ zhes bya ba'i don to/ /de bzhin du zhes bya ba la sogs pas de bzhin gshegs pa bzhi po'i bskyed pa'i rim pa bstan to/ /snang ba mdza' yas pa'i

  412. 206b

    rnal 'byor pas bgegs bskrad pa nas brtsams te chos kyi dbyings kyi sngags kyi bar du rang gi sems zla ba'i dkyil 'khor dang 'dra bar dmigs la de'i steng du yi ge gsum dgod cing yi ge gnyis rang gi sa bon la zhugs te/ de yongs su gyur pa las bskyod pa'i kha dog dmar po pad+ma 'dab ma brgyad pa bsams la/ de'i lte bar yang yig 'bru de nyid gong cing zla ba dang pad+ma dang yig 'bru yongs su gyur pa las bcom ldan 'das 'od dpag tu med pa bsgom par bya'o/ /rin chen 'byung ldan gyi rnal 'byor bas bgegs bskang pa nas brtsams te chos kyi dbyings kyi sngags kyi bar du rang gi sems zla ba'i dkyil 'khor dang 'dra bar lhag par mos la/ de'i steng du yi ge gsum swA dang bcas par dgod cing yi ge gsum yang rang gi sa bon la dgod de/ de yongs su gyur pa las kha dog ser po zur drug pa'i rin po che bsgoms la/ de las sa bon de nyid dgong de zla ba dang rin po che dang yig 'bru yongs su gyur pa las bskyed pa'i bcom ldan 'das rin chen 'byung ldan bsgom par bya'o/ /don yod grub pa'i rnal 'byor pas bgegs bskrad pa nas brtsams te chos kyi dbyings kyi sngags kyi bar du rang gi sems zla ba'i dkyil 'khor dang 'dra bar bsgom la/ yi ge gsum ha dang bcas par dgod de/ yi ge gsum yang rang gi sa bon la 'jug cing spro ba dang bsdu bar bya ste/ de yongs su gyur pa las bskyed pa'i ral gri bsgom la/ de'i chang thungs la yig 'bru de nyid dgod de/ zla ba dang ral gri dang sa bon yongs su gyur pa las bcom ldan 'das don yod par grub pa bsgoms par bya'o/ /mi bskyod pa'i rnal 'byor pas bgegs bskrad pa nas brtsams te/ chos kyi

  413. 207a

    dbyings kyi sngags kyi bar du rang gi sems zla ba'i dkyil 'khor dang 'dra bar bsgoms la/ de'i steng du yi ge gsum dgod cing yi ge gnyis thugs kyi rdo rje'i sa bon la zhugs te/ spro ba dang bsdu ba byas la de yongs su gyur pa las bskyed pa'i rdo rje nyer? lnga pa rnam par bsgoms la/ de nyid kyi dbus kyi rtse mor yig 'bru de nyid dgod cing zla ba dang rdo rje dang sa bon yongs su gyur pa las bskyed pa'i bcom ldan 'das mi bskyod par bsgom par bya'o// de tsam gyi dang po'i sgor ba'i ting nge 'dzin gyi phyogs gcig par gyur pa'i rnal 'byor dang rjes su rnal 'byor bstan to/ /de yang nye bar mtshon pa tsam yin te/ phyag rgya legs par sbyangs pa sngon du 'gro bar dkyil 'khor rgyal mchog gi ting nge 'dzin yang bsgom par bya'o/ /las kyi rgyal mchog gi phyogs gcig phra mo'i rnal 'byor ni rang gi tshig gis gsungs so zhes ting nge 'dzin gsum gyi bdag nyid can gyi bskyed pa'i rim pa bstan pa dang rdzogs pa'i rim pa yang rdo rje bzlas pa la sogs pa'i dbye ba'i sgo nas bstan to/ /de ltar rim pa gnyis ni gsal bar bshad pa yin no/ /de ltar pad+ma yongs su gyur pa las shes pa ni zla ba dang pad+ma dang yig 'bru yongs su gyur pa las shes bya ba'i don to/ /pad+ma rA ga'i 'od can ni dbang gi las la nus pa'i phyir ro/ /kha dog ser po ni rgyas pa'i las la nus pa'i phyir te gser bzhin no/ /sna tshogs rdo rje ni sgra ji bzhin ma yin pas ral gri 'am rang gi gzugs so/ /nam mkha' 'dra ba der gnas pa ni zhes pa ni de'i kha dog dang ldan pa'o/ /nam mkha' ltar sngo bsangs zhes bya ba'i don to/ zhes pa ni de nyid kyi bshad pa'o/ /sku dang gsung dang thugs bsgrub pas mtshon pa'i zhes pa ni sku gsung thugs rdo rje'i nang nas thugs

  414. 207b

    rdo rje nyid gtso bo yin te/ lus dang ngag gi rtsa ba de yin pa'i phyir ro/ /de bas na sku gsung thugs kyi sgrub pa ni de bskyed pa'i rgyur gyur pa yi ge gsum mo/ /des mtshon pa ni thugs rdo rje 'chang nyid de 'od gsal ba'i rang bzhin gyi thugs la yi ge gsum byung ba'i phyir ro/ /de dang 'dra ba bcom ldan 'das ni mi bskyod pa'o/ /de'i rdo rje las byung ba'i zhes pa ni zla ba dang rdo rje dang yig 'bru dang de'i bdag nyid kyi nga rgyal las bskyed pa zhes bya ba'i tha tshig go /thams cad mkhyen pa nyid ni zhes pa la rang gi go 'phang nyon mongs pa dang shes bya'i sgrib pa spangs pa me long lta bu'i ye shes la sogs pa'o/ /sems can rnams dmigs shing zhes pa ni sems can rnams la ster bar byed pa bcom ldan 'das rnam par snang mdzad la sogs pa rnams so/ / dang tshul gang la yod pa de la de skad ces bya'o zhes pa ni nye bar bsdu ba'i sgo nas dkyil 'khor rgyal ba mchog gi ting nge 'dzin bstan te de ni sems can gyi don byed pa'i ngo bo yin pa'i phyir ro/ /rdo rje ni de bzhin gshegs pa rnams so/ /zhes pa ni rdo rje ni mi phyed pa'i ye shes dang ldan pa'o/ /'dus pa mdzad pa zhes pa ni de bzhin gshegs pa lnga'i bdag po nyid kyis so/ /de rnams kyis re re la lha sum cu rtsa gnyis kyi dkyil 'khor ro/ /de ltar dkyil 'khor sum cu rtsa gnyis ni lha sum cu rtsa gnyis kyi bdag nyid bsdus par mdzad pa'o/ /drang ba'i don ni bskyed pa'i rim pa bstan pa'i phyir ro/ /gti mug gi rigs can gyi rnal 'byor pa'i phra mo'i rnal 'byor bstan par bya ba'i phyir ro/ /'od gsal ba'o zhes smos pa la/ lus rnam par dben pa'i mthar chos kyi dbyings kyi ye shes kyi ngo bo 'od gsal ba'i de kho na nyid ces bya ba'i tha tshig go /de'i dbus su gnas pa'i zla ba'i dkyil 'khor de mi shigs pa'o zhes pa ni zla ba'i dkyil 'khor ltar 'bar bar 'gyur pa'i dbyangs kyi yi ge

  415. 208a

    dang po mi shigs pa zhes bya'o/ /rab tu byed pa las kyang/ phung du ma lus ngag yin te/ gcig min du ma ma yin zhes 'byung ba'o/ /rdo rje dkyil 'khor gyi rgyan las/ 'bar zhing mar me dang mtshungs pa'i/ /snying ka'i dbus na mi shigs pa/ /mi 'gyur pad+ma phra ba ste/ /a yig gtso bo mchog yin no zhes 'byung ngo/ /sgyu 'phrul dra ba las kyang/ a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu bsal bar byed ces 'byung ngo/ /mi shigs pa la nges par 'byung ba'o zhes pa ni chos kyi dbyings kyi 'khor lo rtsibs brgyad pa'i yi ge a las 'byung zhing de'i sprul pa las bskyed pa'o/ /chu'i dkyil 'khor te mi bskyod pa'i ngo bo nyid kha dog dkar ba ni zhes pa la snying gar gnas pa'i phyir dang/ chu'i khams kha dog dkar ba'i phyir dang/ zhi ba'i las la brtson pa'i phyir ro/ /dal bar rgyu ba'i phyir ro zhes pa ni rlung gi dkyil 'khor bzhin du chu ni drag par rgyu ba ma yin te 'on kyang rang bzhin gyi chu'i khams ngal bar rgyu ba ste/ steng dang 'og gi gnas kyi 'brel pas de rnams kyi myur ba dang dman pa dbang bar ma rgyu ba yin te/ chu bo dang rgya mtsho la sogs pa bzhin no/ /me'i dkyil 'khor kha dog dmar po'o zhes pa la de nyid kyi rang bzhin las 'byung ba gru gsum pa lkog mar gnas pa'o/ /g.yas nas 'byung ba zhes pa ni sna khung g.yas pa las 'byung ba'o/ /me'i dkyil 'khor gyi rang gi kha dog ni dmar po nyid do/ /dbang chen gyi dkyil 'khor zhes pa ni sa'i dkyil 'khor te/ de nyid kyi sa las 'byung ba gsang ba'i gnas su gru bzhi par gnas pa'o/ /gnyi ga las 'byung bar zhes pa ni sna khung gnyi ga las 'byung

  416. 208b

    ba'o/ /sa'i dkyil 'khor kha dog ser po ste gser gyi rang bzhin yin pa'i phyir ro/ /de yang dal bus dman par rgyu ba yin te sa bzhi ni snod kyi 'jig rten yin pas bstan pa'i phyir ro/ /rlung gi dkyil 'khor te zhes pa ni de nyid kyi yi ge yi las byung ba gzhu'i dbyibs can lte bar gnas pa'o/ /kha dog nag po zhes pa ni rlung gi ngo bo nyid kyis kha dog sngo ba yin pas so/ /g.yon na rgyu ba yin par zhes pa ni sna khung g.yon pa las rgyu ba'o/ /yin par shes par bya ste zhes pa ni bsam par bya'o/ /de rnams ni de bzhin gshegs pa'i ngo bo nyid 'od zer bzhi'i rab tu rgyu ba zhes pa ni mi bskyod pa la sogs pa'i ngo bo nyid do/ /de ni nye bar mtshan pa tsam yin te/ gos dkar mo la sogs pa lta mo bzhi'i rang bzhin dang/ so la sogs pa'i khams bzhi dang/ zhi ba la sogs pa phrin las bzhi dang/ dkar po la sogs pa 'od zer 'byung ba/ g.yas dang g.yon dang gnyig dang ngal bus rgyu ba dang/ wa la sogs pa'i yi ge las byung ba dang gru gsum dang zlum po dang gzhu'i dbyibs dang gru bzhi dang kha dog dmar po la sogs pa dang ldan par shes par bya'o/ /bshad pa yin no zhes pa ni sdud pa pos bshad pa'o/ /sku la sogs pa bskrad pas na zhes pa ni 'jig rten las 'das pa'i ye shes kyi sku'i rang bzhin gyi sku gsung thugs rdzogs par byed pa zhes bya ba'i tha tshig go /de nyid bstan par bya ba'i phyir 'od gsal ba las bzhengs te zhes smos te/ rim pa bzhi bas thob pa'i de kho na nyid las 'byung ba'o/ /bden pa gnyis kyi bdag nyid can gyi zhes pa ni mi gnas pa'i mya ngan las 'das pa'i dbyangs kyi rang bzhin no/ /lha'i dkyil 'khor yin par shes par bya'o zhes pa ni mi bskyod pa la sogs pa de bzhin gshegs pa'i tshogs

  417. 209a

    bsgom par bya'o/ /thams cad mkhyen pa'i go 'phang thob par 'dod pa'i zhes pa ni rnal 'byor pas shes tshig lhag ma'o/ /de ni byed pa'i drug pa yin no/ /dgongs pa ni 'di yin te/ re zhig dang po'i rnal 'byor pas cig car du ye shes kyi sku dmigs la lte ba'i phyogs su rtsibs brgyad pa'i chos kyi dbyings kyi 'khor lo'i yi ge las ya ra la wa sprul te/ de dag yongs su gyur pa las lkog ma la sogs pa'i gnas bzhi la gru gsum dang zlum mo dang zla gam dang gru bzhi pa'i me dang chu dang rlung dang sa'i dkyil 'khor rnams bsgoms la/ de rnams re re la yi ge gsum dmigs pa sngon du 'gro bar 'jug pa la sogs pa gsum gyi rim pas/ bzlas par bya ste/ de las byung ba'i 'od zer gyi 'khor los phra mo'i rnal 'byor bslab bar bya'o/ /de'i rim pa ni me'i dkyil 'khor la kha dog dmar po 'od zer sna khung g.yas pa las 'byung zhing thun phyed phyed kyi dus su zin na de'i tshe rnal 'byor pas 'bad rtsol med par dbang gi las grub par 'gyur ro/ /de bzhin du rlung gi dkyil 'khor las kha dog ljang ser sna bug g.yon pa nas 'byung zhing gdong gi sna rtser thun phyed phyed kyi dus su zin na de'i rnal 'byor pas 'bad rtsol med par dgug pa dang mngon sbyong dag 'grub bo/ /de bzhin du sa'i dkyil 'khor kha dog ser po sna khung gnyis ka las 'byung zhing gdong gi sna rtser phun phyed phyed kyi dus su zin na/ de'i tshe rnal 'byor pas 'bad rtsol med par rgyas pa'i las grub po/ /de bzhin du chu'i dkyil 'khor las gnyis las byung ba'i kha dog dkar po 'od zer 'byung zhing gdong gi sna rtser thun phyed phyed kyi dus su zin na/ de'i tshe rnal 'byor pas 'bad rtsol med par zhi ba'i las grub bo/ /'od zer gyi thig le de las snga ma

  418. 209b

    bzhin du brtan pa'i rtags mthong ba sngon du 'gro bar 'od zer dang phyag mtshan dang de bzhin gshegs pa'i phyag rgya chen po spro zhing slar yang dkyil 'khor de nyid 'jug pa ni/ gti mug gi rigs can gyi rnal 'byor pa'i phra mo'i rnal 'byor bsgom pa'o/ /'di dang snga ma gnyis bsdus te rdzogs pa'i rim pa'i rnal 'byor pa'i sku rdo rje la sogs pa'i dbye bas phra mo'i rnal 'byor rnam pa gsum bstan to/ /rin chen 'byung ldan dang don yod grub pa'i rnal 'byor pa dag gis kyang smin mtshams dang lte ba'i dbus su thig le tsam bsgom par bya'o/ /de la gsang ba'i gnas kyi byang chub kyi sems kyi thig le gang yin pa de nyid thur du sel ba'i rlung bzlog nas gyen du 'dran par bsgom par bya'o zhes bla ma'i man ngag go /yang na sku'i rigs la sogs pa la bsdus pa'i phyir logs su bsgom par mi bya ste/ gang gi phyir rin chen 'byung ldan ni nga rgyal gyi rang bzhin no/ /nga rgyal yang gti mug las 'byung ba 'am zhe sdang las byung ba'o/ /de la gti mug las 'byung na rnam par snang mdzad kyi rigs la bsdu'o/ /zhe sdang las 'byung na mi bskyod pa'i rigs la bsdu'o/ /don yod grub pa yang brag dog gi rang bzhin te phrag dog kyang zhe sdang las 'byung pas na thugs rdo rje'i rigs kyi nang du bsdu'o/ /de'i phyir rnam par snang mdzad dang mi bskyod pa dag gi phra mo'i rnal 'byor gyi bsgom gang yin pa de dag ni de nyid rin po che dang don yod grub pa'i rnal 'byor pas bsgom par bya zhes gung nas bshad mi bya'o/ /de nyid kyi phyir rgyud phyi ma las kyang sku gsung thugs ni rnam pa gsum/ /gsang ba zhes bya mngon par bshad/ /rigs ni rnam pa brgyad bshad de/ /mdor sdus pas ni

  419. 210a

    rnam pa lnga/ /sku gsung thugs kyi dbye ba yis/ /gsum du yang ni bstan pa yin zhes 'byung ngo/ /rdo rje'i bdag nyid can gyi tshogs te zhes bya ba ni nye bar bsdus pa'o/ /yongs su rdzogs pa'i lha'i sku yin pa zhes pa ni bdag la byin gyis brlab pa'i rim pas ye shes kyi sku bskyed pa zhes bya ba'i don to/ /de'i don ston pa'i le'u la yang de skad ces bya'o zhes pa ni/ de'i don so sor ston pa'i tshig gi tshogs ni le'u zhes bya'o/ /bshad pa'i rgyang ni zhes pa la dgongs pa lung bstan pa 'dus pa'i bshad pa'i rgyud las so/ /gsal bar ston pa zhes pa ni the tshom med pa'o/ /de 'dir 'jug par bya ste/ zhes pa ni 'grel 'dir yang bstan par bya'o/ /thog mdza' med pa ces pa ni/ thog ma dang tha ma'i skad cig ma dang bral ba'o/ /de la thog ma ni snang ba dang snang ba mched pa dag go /mdza' ma ni snang ba nye bar thob pa'o/ /de med pa ni thog ma dang mdza' ma med pa'o/ /rnal 'byor zhes pa ni thabs dang shes rab yang dag par sbyor bar thob par bya ba ste rgyu la 'bras bu'i ming btags pa'i phyir ro/ /phra mo zhes ni zhes pa la rnal 'byor gyi mngon sum gyi tshad mas lhag par rtogs par bya ba ting nge 'dzin gyi khyad par kyis thob pas te sangs rgyas kyi spyod yul yin pa'i phyir ro/ /phra bar gzigs pa'i sangs rgyas kyis/ /phra phyir rang gi rig pa yin/ /rang bzhir gnas kyang bdag 'dra ba'i/ /blo rags pa ni ma mthong ngo zhes 'byung ngo/ /dbyig gnyen gyi zhal snga nas kyis kyang/ rnam rig tsam ni grub pa ste/ /rang nus 'dra ba bdag gis ni/ /byas pa thams cad bsam mi khyab/ /sangs rgyas rnams kyis spyod yul yin zhes 'byung ngo/ /de lta bu'i 'od gsal ba'i de kho na nyid dbyangs kyi yi ge

  420. 210b

    dang po gzod ma nas ma skyes pa'i ye shes kyis rang bzhin gyis mtshon par bya ba ste/ nye bar brtags pas yi ge a yang phra mo'i sgras bstan to/ /de yang ji lta bu yin zhe na/ mi gsal ba zhes pa ni spros pa thams cad dang bral bas so/ /gsal bar yang dag sbyor zhes pa ni de las dkyil 'khor bzhi phyung ba'i phyir ro/ /dngos med ces pa ni gzod ma nas ma skyes pa'o/ /ngo bo nyid du byung zhes pa ni 'od gsal ba la 'byung ba'o/ /a yig chos kun sgo yin te gzod mnas ma skyes pa'i phyir zhes 'byung ngo/ /rang bzhin gyis grub pa zhes pa ni/ chos nyid kyi ngo bo yin pas so/ /dang po zhes pa ni chos thams cad kyi gtso bor gyur pa 'am/ A li kA lir thog mar dmigs pa'i phyir ro/ gcig ni sde mtshan brgyad sdud par byed pa'i dngos po'i yi ge brgyad de/ de sdud par byed pa'i yi ge bzhi/ yongs su gyur pa las yi ge gsum bsdu bar byed pa'i rang bzhin yin pa'i phyir ro/ /ji skad du/ dang po gcig ni dgu dbus na/ /gang zhig bcu yis ma bcings pa/ /de ni bcings med ces bya ste/ /ye shes pa ni mchog gi gnas/ /dbyangs dang gsal byed yi ge ste/ /grangs dgu yi ni rjes 'jug pa/ /as bcings phan tshun yang dag sbyor/ /gang gis shes te 'gro ba'i bla/ /'byung ba'i mdza' dang yang dag ldan/ /cha la sogs pa bcu drug gnas/ /lnga pa lnga dang yang dag ldan/ /bzhi ni gsum du nges par sbyar/ /yi ge oM bcas ring por bcas/ /yon tan sgyor sogs phyis dang mtshungs thung du ma lus ngag tu 'gyur/ /gcig med du ma ma yin no/ /yi ge gang zhig sngar bshad pa/ /gang yang mngon par phyogs pa rnams/ /skyes pa bud med ma ning dang/ /khams la sogs pa yongs su brtags/ /steng dang

  421. 211a

    'og tu bcas par ni/ /shes nas blo ni nges par sbyar/ /brjod pa yi ni sngags 'di dag /dngos med ngo bo nyid du 'byung zhes gsungs so/ /gcig dang du ma rnam spangs pa zhes pa ni yi ge phyi mo thams cad de nyid kyi nang du bsdus pa'i phyir dang/ de nyid la dag gi spros pa thams cad 'byung ba'i phyir ro/ /rten cing 'brel 'byung chos su grags zhes pa ni rten cing 'brel par 'byung ba'i rang bzhin gyi las dang/ nyon mongs pa dang/ skyes pa'i ngo bo srid pa gsum gyi bdag nyid can gyi 'khor ba'i 'khor lo'i chos nyid yin te/ de dag stong pa yin pa'i phyir ro/ /de bzhin du dngos po kun gyi 'byung gnas gcig ces pa ni sems can dang snod kyi 'jig rten zhes bya ba'i 'byung ba'i gnas gcig go /gang las 'byung ba ni 'byung gnas te bskyed pa'i rgyu'o de la khams gsum thams cad bskyed pa'o/ /brjod pa kun gyi rgyu yi mchog ces 'byung ba'i phyir ro/ srid pa gsum po 'di dag ni/ /ma lus mun pa ltar 'gyur te/ /gal te sgra zhes sgron ma yis/ /tha snyad 'di dag mi bsal na zhes 'byung bas so/ /bdag nyid 'di ltar byas na ni/ zhes pa la 'od gsal ba gcig bu las 'byung ba'i yi ge a'i rang bzhin du byas nas so/ /chos kyi dkyil 'khor du bri bar bya zhes pa ni chos kyi de bzhin gshegs pa bzhi po'i dkyil 'khor ni me la sogs pa'i dkyil 'khor bzhi zhes bya ba'i don to/ /dkyil 'khor zhes bya ba ni rigs kyi don du tshig gcig dang sbyar ro/ /de rnams kyi kha dog bshad pa'i phyir dmar po zhes bya ba la sogs pa smos te/ dmar po ni me'i dkyil 'khor te lkog mar ro/ /nag po ni rlung gi dkyil 'khor te

  422. 211b

    lte bar ro/ /ser po ni sa'i dkyil 'khor te gsang bar ro/ /dkar po ni chu'i dkyil 'khor te snying kar ro/ /mdor bsdus pa ni 'byung ba chen po bzhi'i ngo bo yin pas so/ /bzhi bzhi yid ni sbyor ba yis/ /zhes pa ni dkyil 'khor re re la yang cha bzhis khyab pa'i phyir ro/ /de la lkog ma'i dkyil 'khor me'i khams kyi ngo bo yang sa dang chu dang rlung gi khams kyi chos khyab pa'o/ /snying ga'i dkyil 'khor chu'i khams kyi ngo bo yang sa dang me dang rlung gi khams kyis chas khyab pa'o/ / lte ba'i dkyil 'khor rlung gi rang bzhin yang sa dang me dang chu'i khams kyi chas khyab pa'o/ /gsang ba'i dkyil 'khor sa'i rang bzhin yang chu dang me dang rlung gi khams kyis chas khyab pa'o/ /sa la sogs pa 'byung ba chen po rnams ni phan tshun med par mi 'byung ba'i 'brel pa dang ldan pa yin te/ byas pa dang mi rtag pa bzhin no/ /gos dkar la sogs legs par bri zhes pa ni snang ba mdza' yas la sogs pa'i de bzhin gshegs pa bzhi po'i btsun mo khams bzhin byin gyis brlab pa zhes bya ba'i don to/ /sa ni spyan ma zhes pa ste/ /chu'i khams ni mA ma kI /gos dkar ma ni mer bshad pa/ /rlung ni sgron mar rab tu grags zhes 'byung ngo/ /de'i dbus su rang gi lha zhes pa ni dkyil 'khor bzhi po'i nang na rang gi lha ste 'od dpag tu med pa dang mi bskyod pa dang/ don yod grub pa dang/ rin chen 'byung ldan gyi byin gyis brlab par shes par bya ste/ 'dir ni pad+ma'i mgon po lha zhes bya ba la sogs pa bshad pa'i phyir ro/ /sbyor ba bzhi yi go 'phang mchog ces pa ni gru gsum dang zlum po dang gzhu'i dbyibs dang gru bzhi pa dang ldog ma dang snying ka dang lte ba dang gsang ba'i gnas dang/ dmar po dang nag po ser po dang dkar po'i kha dog la sogs pa dang ldan pa'i phyir ro/ /steng dang zur

  423. 212a

    dang mnyam dang 'og ces pa ni steng gi lkog ma'o/ /zur ni snying ka'o/ /mnyam pa ni lte ba'o/ /'og ni gsang ba'o/ /yang na steng ni me'i dkyil 'khor g.yas pa'i sgo nas 'byung ba'o/ /zur ni rlung gi dkyil 'khor g.yon nas rgyu ba'o/ /mnyam pa ni chu'i dkyil 'khor gnyis ka las rgyu ba'o/ /'og ni sa'i dkyil 'khor gnyis ka kho na las 'byung ba zhes bya ba'i tha tshig go /gos dkar la sogs shes pa ni gos dkar la sogs pa'i lha mo bzhis nye bar mtshon pa'i dkyil 'khor pa bzhi zhes bya ba'i tha tshig go /ji bzhin du zhes pa ni rim pa ji lta ba bzhin du zhes bya ba'i don to/ /me dang rlung dang dbang chen dang chu ste zhes pa ni dkyil 'khor rnams kyi gnas kyi rim pas ming ma yin gyi/ 'on kyang rlung rab tu rgyu ba'i rim pas so/ /de la thun dang por me'i dkyil 'khor g.yas pa las rgyu ba'o/ /thun gnyis pa la rlung gi dkyil 'khor ni g.yon las rgyu ba'o/ /thun gsum pa la sa'i dkyil 'khor gnyi ga las rgyu ba'o/ /thun bzhi pa la chu'i dkyil 'khor dal bus dman pa gnyi ga las rgyu ba'o/ /so so'i dkyil 'khor ro zhes pa ni nyin mo dang mtshan mo 'jug pa dang 'gags pa dang ldan pa'i rim gyis rgyu ba nyi shu rtsa bzhir 'gyur ro/ /rgyu ba de rnams kyi nyi khri chig stong drug brgyar rlung gi grangs su 'gyur ro/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres pas na/ /sbyor bzhi bsdus pas brgya phrag dgu/ /dgu brgya dag tu gang bshad pa/ /nyi shu rtsa bzhi'i rim pa yis/ / legs par bsdus te de dag ni/ /nyi khri chig stong drug brgya 'gyur zhes 'byung ngo/ /de la don bsdus pa ni gti mug gi rigs can gyi rnal 'byor pas phra mo'i rnal 'byor bsgom par 'dod pas sems rnam par dag pa'i rim pas 'od

  424. 212b

    gsal ba la 'jug ste de las bdag byin gyis brlab pa'i rim pas ye shes kyi sku dmigs la/ lte ba'i phyogs su rtsibs brgyad pa'i chos kyi dbyings kyi 'khor la cig car du bsgom zhing de'i lte bar dang po yi ge 'bar ba bsams te de'i me steg dang 'dra ba'i ra la sogs pa yi ge bzhi'i lkog ma la sogs pa'i gnas las spros te/ de yongs su gyur pa las me la sogs pa'i dkyil 'khor bzhi bsgoms la/ kha dog dmar po la sogs pa'i dbye ba dang g.yas pa la sogs pa'i sgro'i dbye bas 'od zer gyi tshogs spros te/ de nyid sna'i rtse mor thun phyed phyed kyi dus 'dzin nas brtan pa'i rtags mthong mngon du 'gro bas spro ba dang bsdu ba byas la 'bad rtsol med par zhi ba la sogs pa bsgrubs la ji srid sems rtse gcig par 'gyur ba de srid kyi bar du gnas par bya'o zhes gti mug gi rigs can gyi rnal 'byor pa'i rdzogs pa'i rim pa'i sgo nas phra mo'i rnal 'byor bsgom pa bstan to/ /de ltar rdzogs pa'i rim pa'i rnal 'byor pa'i rnam pa gsum gyi phra mo'i rnal 'byor bsgom pa bstan pa dang/ bskyed pa'i rim pa'i rnal 'byor pa ni gcig ste/ mngon 'dor bsdus pa'o zhes bcom ldan 'das kyis gsungs te zhes pa ni sdud pa po'i tshig go /nges pa'i don to zhes pa ni rdo rje bzlas pa'i rim pa'i rgyur gyur pa phra mo'i rnal 'byor bstan pa'i phyir ro/ /rlung gi de nyid rim gyis ni/ /sngags kyi de nyid yang dag 'jug /sngags kyi bskyed pa rtogs nas ni/ /rdo rje bzlas pa rnams la slob ces 'byung ngo sgron ma gsal ba'i TIka las le'u gsum pa'o// //lha'i sku yang dag par thob pas gzhan rnams rjes su gzung ba'i phyir dkyil 'khor bri bar bya'o zhes bya bas lha la dmigs pa zhes bya ba la sogs pas le'u

  425. 213a

    bzhi pa'i bshad pa rtsom par byed de/ lha la dmigs pa sngon du 'gro bas shes pa ni le'u gsum pa nas gsungs pa'i dang po'i sbyor ba dang dkyil 'khor rgyal mchog gi ting nge 'dzin gnyis kyi bsgrub par bya ba'i lha'i sku bsgom pa sngon du 'gro ba zhes bya ba'i tha tshig go /phra mo'i rnal 'byor bsgom pas shes pa ni las kyi rgyal mchog gi ting nge 'dzin gyi phyogs gcig tu gyur pa/ phyag rgya'i pad+ma'i nang du thig le bsgom pa dang sna rtse gsum la thig le la bsgom pas so/ /khyad par thob pa ma shes pa ni sems rtse gcig pa nyid thob pa dang de bzhin gshegs pa rnams kyi 'gro ba'i don bya ba'i phyir lung bstan pa la'o/ /slob ma rnams la rdul tshon gyi dkyil 'khor du dbang bskur ba'i phyir zhes pa ni mtshan ma'i phyag rgya rang ldan pa'i rdul tshon gyi dkyil 'khor du rig pa'i dbang la sogs pa bskur ba'i phyir ro/ /des na don 'di yin te phra mo'i rnal 'byor bsgom pa'i sgo nas sems la dbang thob pa'i slob dpon gyis thugs kyi dkyil 'khor du slob ma la dbang bskur ro zhes bya ba'i don to/ /bla ma la gsol ba 'debs pa'i cho ga zhes pa ni rdo rje slob dpon la dkyil 'khor du 'jug pa'i phyir slob mas zhu ba zhes pa'i don to/ /sgra ji bzhin pa ni sogs pa'i sgras shes par bya'o/ /mi bskyod pa'i sgo nas zhes pa ni de bzhin gshegs pa lnga'i nang nas thugs rdo rje gtso bo yin pa'i phyir ro/ /bstod pa ni bstod pa byas nas so/ /mnyes par byed pa zhes pa ni gsol ba 'debs pa'o/ /rnam par snang mdzad kyi ngo bo nyid kyis so zhes pa ni nyon mongs pa dang shes bya'i sgrib pa'i spros pa zhi ba'i mtshan nyid kyi me long lta bu'i ye shes kyi rang bzhin nam zhi ba'i 'phrin las mdzad pa'i rang bzhin gyis so/ /de bzhin gshegs pa kun gyis ni

  426. 213b

    de bzhin gshegs pa thams cad kyi 'od gsal ba las byung ba rnam par dag pa'i rang bzhin de 'byung ba chen po bzhi'o/ /de rnams kyi gnas ni bskyed pa'i gnas te nam mkha' o/ /de'i ngo bo ni rin chen 'byung ldan zhes bya ba'i don to/ /mdo sde la sogs pa yan lag bcu gnyis gsung rab ni chos kun te de'i rnam par dag pa'i rang bzhin 'od dpag tu med pa zhes pa ni dag rnam par dag pa'i ngo bo yin pas so/ /yang na chos kun ni sems can dang snod kyi 'jig rten gyi rang bzhin no de rnams kyi byang chub kyi sems kyi rgyu yin te rgyu dang 'bras bu dbyer med pa'i phyir ro/ /chos thams cad kyi rgyur gyur pa'i byang chub kyi sems kyi ngo bo 'od dpag tu med pa de nyid yin no zhes bya ba'i don to/ /yang na chos kun ni chos thams cad rab tu byed pa'i mtshan nyid can gyis so sor rtog pa'i ye shes te de'i rang bzhin de nyid yin no/ /bdag med pa'i zhes pa ni rdo rje 'chang gi go 'phang de/ /mchog gi khams gsum la bya ba nan tan grub pa'i ye shes kyis de thob par byed pas na bdag med pa mchog ni don yod grub pa'o/ /yang mchog ni g.yo ba'i rang bzhin gyi rlung gi khams te/ de nyid rdo rje bzlas pa'i rim pas dbang du byed cing mi snang bar byed pas na/ bdag med de bdag med mchog ni don yod grub pa nyid de/ rlung gi khams rnam par dag pa'i phyir ro/ /rigs gsum gyi ngo bo nyid kyis zhes pa ni rin chen 'byung ldan dang don yod grub pa sngar bshad pa'i rigs pas rigs gsum la bsdus pa'i phyir ro/ /zhes bya bar sbyar te zhes pa ni bya ba dang byed pa'i tshig go /ji skad du bshad pa'i dkyil 'khor gyi mtshan dang zhes pa ni 'og nas bshad pa'i mtshan nyid do/ /chad pa dang lhag pa'i zhes pa ni thugs kyi dkyil 'khor ni khru tshang bcu gnyis bya ba ma yin gyi de las chad pa khru bcu gnyis la/

  427. 214a

    la sogs pa dang/ de las lhag pa khru bcu gsum la sogs pa zhes bya ba'o/ /nyes pa ni bcom ldan 'das rdo rje 'chang chen pos ma gsungs pa'i phyir ro/ /bral ba zhes pa ni de med pa zhes bya'o/ /sku'i mchog ces pa ni sku rnam par dag pa'i rang bzhin rnam par snang mdzad ces bya ba'i don to/ /des ni sku'i rigs kyi gtso bos rdo rje slob dpon la bstong pa bstan to/ /don dam pa'i bden pa la nges par 'byung ba zhes pa ni 'od gsal ba las kun nas nyon mongs pa dang rnam par byang ba'i chos 'byung ba'i phyir ro/ /ji skad du/ ji ltar chu klung dang ba las/ /nya dag myur du ldang ba bzhin/ /thams cad stong pa'i dang ba las/ /sgyu 'phrul dra ba de bzhin 'byung zhes bshad do/ /snang ba gsum po zhes pa ni bder dang sdug bsngal dang btang snyoms kyi tshor ba gsum dang ldan pa'i kun gzhi la sogs pa'i rnam par shes pa gsum mo/ /'dod chags la sogs pa ste zhes pa ni rnam par shes pa de rnams kyi dge ba dang mi dge ba dang lung du ma bstan pa'i sems las byung ba'i 'du byed kyi phung po'i ngo bo ste spyod pa'o/ /'dod chags la sogs pa ni shes rab kyi rang bzhin sum cu rtsa gsum gyi chos dang thabs kyi rab bzhin bzhi bcu dang ma rig pa'i rang bzhin bdun te/ nyin dang mtshan du brgya bcu gnyis 'gyur nas brgya drug cur 'gyur ba'o/ /de rnams kyang rang bzhin zhes pa ni brgya drug cur grangs dang ldan pa'o/ /mngon par byang chub par bsgoms pas shes pa ni sngags dang phyag rgya'i rim pas sems rnam par dag pa'i rim pas so/ /rnam par sbyong bar mdzad pas na zhes pa ni mi snang bar byed pa'o/ /ye shes spyod pa rnam spyod pa'o zhes pa ni rang bzhin gyis dag pa'i 'od gsal ba'i de kho na nyid rtogs pa zhes bya ba'i don to/ /thams cad kyi

  428. 214b

    dbang phyug brnyes pas na zhes pa ni sku'i dbang phyug la sogs pa'i yon tan brgya dang ldan pa'i phyir dang phra ba la sogs pa'i rdzu 'phrul brgyad thob pa'i phyir ro/ /de tshe dbang phyug kun thob nas/ /rdo rje sku ni mgu bar 'gyur zhes 'byung ngo/ /dag gi dbang phyug brnyes pas na zhes pa ni yan lag drug cu dang ldan pa'i tshangs pa'i dbyangs la sogs pa'i mtshan nyid can gyi dag gi dbang phyug ste dbang du 'gyur zhing mngon du byas pa de thob pa'i phyir ro/ /des ni gsung gi rang bzhin gyis 'od dpag tu med pa'i sgo nas rdo rje slob dpon la bstod pa bstan to/ /sems can thams cad kyi sems ni rdo rje nyid pas na zhes pa ni thams cad sems can de rigs bzhi las byung ba'i 'gro ba rigs drug las/ rang rig pa'i mngon su gyis rtogs par bya ba'i rnam par shes pa'i phung po rnam par dag pa'i rang bzhin yin pa'i phyir ro/ /'dod chags la sogs pa rnams rnam par dpyad na dmigs su med pas zhes pa ni chos thams cad rang bzhin gyis dag pa dang/ bdag kyang rang bzhin gyis rnam par dag pa'o/ /'dod chags la sogs pa'i dri ma dang bral bas ni zhes pa ni sngags dang phyag rgya'i rim pas rang bzhin brgya drug cu dang bral ba'i phyir ro/ /des na khams gsum pa ni 'od gsal ba'i rang bzhin nyid dang sems kyang stong pa nyid kyi rang bzhin no zhes de med pas sems las byung ba'i chos kyi ngo bo 'dod chags la sogs pa'i nyon mongs pa dang nye ba'i nyon mongs pa rnams ga la yod de chos can yang na chos rnams la 'jig rten pa'i bsam pa 'jug pa zhes bshad pa'i phyir ro/ /de bzhin du gzhan las kyang/ dbang po'i cho gas la chags pa med/ /don la ma yin sems la min/ /gzhan dang bdag la'ang

  429. 215a

    mi dmigs te/ /des na yod min med min te/ /bsam gyis mi khyab 'brel pa yis/ /rgyu can sems kyi 'khrul pa las/ /sprin gyi bug ga gang las kyang/ /thog ni me ltar 'byung bar 'gyur zhes 'byung ngo/ /de bzhin du 'dod chags rang gi sems rtogs te/ /mun pa zhe sdang lus can gyi/ /brdzun pa'i bdag nyid byis pa yis/ /gang dag chos rnams brtags pa ste/ /don dam rnam rtog la yang ni/ /mkhas pas zhen par mi bya'o zhes 'byung ngo/ /zhi ba'i lha'i zhal snga nas kyis kyang/ nyon mongs yul la med cing dbang po'i tshogs la'ang med par mi gnas te/ /de las gzhan du ma yin gar gnas te yis 'gro ba thams cad bcom par byed/ 'di ni sgyu ma yin gyi de phyir sems kyi 'jig pa 'dor zhing rtsol ba brtan par gyis/ /shes rab kyi ni don du don med pas ni dmyal bar bdag nyid ci phyir gnod par byed ces bshad pa'i phyir ro/ /de nyid kyis na kun tu bzang po'o zhes pa ni nyon mongs pa thams cad dang bral bas thog ma dang tha ma dang bar mar dge ba zhes pa'i don to/ /rang gi thugs so sor thugs su chud pas na zhes pa la rang gi sems phra mo'i bsgom pa dang sngags dang phyag rgya'i bsgom pa'i sgo nas 'od gsal ba'i de kho na nyid sngon du byed pa ni rang gi thugs so sor thugs su chud pa'o/ /rtsa ba'i rgyud las kyang rigs kyi bu rang gi sems la so sor rtog cing mnyam par zhog la zhes gsungs so/ /yid mi bde las rnam grol ba'i/ /rnam rtog mun pa sel byed pa/ /nyon mongs dri ma las dag pa'i/ /zla ba bzhin du sems zla'o zhes 'byung ngo/ /de bzhin du rtsa ba'i rgyud las kyang/ /bcom ldan 'das zla ba'i dkyil 'khor dang 'dra ba'i sems bdag gi

  430. 215b

    mthong ngo zhes 'byung ngo/ /sems can thams cad mya ngan las 'das pa thob par mdzad pas na zhes pa ni 'gro ba drug pa'i sems can thams cad brtan pa dang smin pa la sogs pa'i rnam par thar pa chen po'i mtshan nyid kyi grong khyer chen po la 'jug pa'i phyir ro/ /dgongs pa ma yin pa'o zhes pa ni sku gsung thugs kyi rdo rje 'chang gi ji lta ba bzhin du de kho na nyid bstan pa'i phyir ro/ /sdud pa po ni lag na rdo rjes so/ /gdul bya rnams la ci rigs par rjes su ston par mdzad pas na zhes pa la bsam pa ji lta ba dang rigs ji lta ba bzhin du bstan pa la sogs pas sems can gyi don mdzad pa'i phyir ro/ /ji skad du/ ri bong stag dang seng+ge dang/ /blang po rnams kyi skye bar yang/ /thugs rje'i thugs dang ldan pa yis/ /phyag rgya grub pas skye bar 'gyur zhes 'byung ngo/ /gnyis su med pa'i ye shes te zhes pa ni bzung ba dang 'dzin pa'i rnam par rtog pa'i bag chags gnyis dang bral ba'i de kho na nyid ces bya ba'i don to/ /de la dngos po 'di dag rang bzhin gyis stong pa ste gcig dang nu ma dang bral ba'i phyir te gzugs brnyan bzhin no zhes sbyor ba gcig go /gnyis pa yang re zhig dang po gcig dang du ma la sogs pas rnam par dpyad na med pas 'dzin par gyur pa'i sems kyang med de/ gzung ba med pas 'dzin pa med pa'i phyir ro/ /de ltar gzung ba dang 'dzin pa'i rnam par rtog pa gnyis dang bral bas rang bzhin med pa gang yin pa de ni gnyis su med pa'i ye shes te? nge 'dzin par mdzad pas na rdo rje 'dzin no/ /gzung ba dang ni 'dzin pa dag /rnam pa gnyis ni dri med pa/ /gang zhig tha dad med pa ste/ /de ni zung 'jug bshad pa yin zhes 'byung ngo/ /de ltar mi gnas pa'i mya ngan las 'das pa'i dbyings kyi rnam grangs can/ /gzung ba dang 'dzin pa gnyis kyi rnam par rtog pa

  431. 216a

    dang bral ba zung du 'jug pa'i ting nge 'dzin la gnas pa bcom ldan 'das rdo rje 'chang ngo zhes bya'o/ /sa 'og dang sa steng dang mtho ris kyi ngo bo nyid du gyur pas na zhes pa la pha rol gyi bstan pa la grags pas 'jig rten gsum po 'o/ /'dod pa'i khams la sogs pa zhes pa ni rang gi bstan pa la grags pas/ 'dod pa dang gzugs dang gzugs med pa ste khams gsum pa'o/ /de'i ngo bo nyid kyis/ /zhes pa ni bcom ldan 'das te 'dod pa'i khams la sogs pa'i ngo bo nyid kyis bzhugs pas na'o/ /'jig rten gsum gyi sgras lha'i rigs drug ste/ de rnams kyi nang na mchog ni drag po dang khyab 'jug dang dbyig snying la sogs pa'o/ /de rnams kyi nang na yang lung bstan pa nyid kyis rdo rje dang 'dra bas na rdo rje ste/ rang sangs rgyas la sogs pa ni nyan thos dang rang sangs rgyas dang yang dag par rdzogs pa'i sangs rgyas rnams so/ /de rnams kyi mchog ni gtso bor gyur pas so zhes pa la thams cad kyi mchog ni dpal rdo rje 'chang ngo/ /'jig rten gsum mchog ni zhes pa la tshangs pa la sogs pa ste mngon par shes pa lnga thob pa dang/ dpal rdo rje 'chang gi sprul pa'i ngo bo yin pa'i phyir ro/ /de rnams la rjes su brten pa nyid de zhes pa ni rang gi phyogs las bkag cing theg pa chen po'i lam la 'jug pa'o/ /gang gi phyir de rnams kyi skyes bu la sogs pa'i yod pa'i lta ba log par rtogs pa gang yin pa de las ldog cing yang dag pa'i lam gyi mtshan nyid kyi gang zag dang chos la bdag med pa'i de kho na nyid la 'jug pa'i phyir ro/ /'jig rten 'di la bden pa gang/ /tshangs pa la sogs rnams kyis bstan/ /'phags pas de nyid brdzun bshad de/ /de las lhag ma gzhan ci yod/ /srid pa'i chu bo'i rjes 'brang pa'i

  432. 216b

    ma rig mun pa 'jig rten dang/ /srid pa med pa'i mkhas pa rnams/ /dam pa dang ni ji ltar mnyam zhes 'byung ngo/ /de lta bu'i rdo rje 'chang chen po zhes pa ni phan yon dang bcas pa'i tshig go /de rnams kyi bzhugs gnas su gyur pas so zhes pa ni gang gzhi'i dkyil 'khor gyi rang bzhin zhes pa'o/ /de bzhin gshegs pa thams cad gshegs pas na zhes pa ni de bzhin gshegs pa thams cad kyi yon tan gyi tshogs kyi mtshan nyid can gyi byang chub kyi phyogs kyi chos kyi rang bzhin yin pa'i phyir ro/ /sku dang gsung gi dkyil 'khor dag dga' bo zhes pa ni sku dang gsung gi cha de la yon tan gyi sgo nas yod kyi gtso bos ma yin no/ /gtso bo ni thugs kyi dkyil 'khor nyid de kun gyi nang na thugs mchog yin pas so/ /sku gsung thugs kyi dkyil 'khor dag ni 'og nas 'chad bar 'gyur ro/ /dkyil ni snying po'o zhes pa la dkyil 'khor gyi de kho na nyid kyi mtshan nyid de/ mi mnyam med pas gru bzhi pa zhes bya ba la sogs pa'o/ /de len pas na dkyil 'khor zhes bya'o/ / de'i rnam pa lta bu'i dkyil 'khor gang yin pa zhes pa ni 'dir bcom ldan 'das rdo rje 'chang gis 'dod chags la sogs pa'i rigs can gyi sems can gyi khams rjes su gzung bar bya ba'i phyir dbang po rno bas rtogs par bya ba'i sangs rgyas kyi chos rnams thabs bla bas rtogs pa'i don du'o/ /gru bzhi pa dang ldan pa'i dkyil 'khor gyi sgo nas bstan to/ /gang gis de dag dkyil 'khor 'bri ba dang 'jug pa dang de'i de kho na nyid thob pas sangs rgyas kyi chos de rnams khong du chud cing dpal rdo rje 'chang gi go 'phang thob par 'gyur ro/ /phyi rol gyi dmar po la sogs pa'i kha dog gru bzhi pa la sogs pa'i dbyibs dang ldan pas dgongs pa ni cung zad kyang med/ /las dang po pa'i sems can 'jug pa'i don du bcom ldan 'das

  433. 217a

    kyis dkyil 'khor la sogs pa bstan to/ /ji skad du/ chen po ma yin thung ba min/ /ring po ma yin zlum po min/ /tshad dang ldan pa nyid thob pa'i/ /gzhal med khyod la phyag 'tshal bstod/ /dmar dang ljang dang dung ka ste/ / khyed la kha dog mi dmigs te/ /dkar nag ser po ma yin pa'i/ /kha dog las 'das khyod la 'dud ces gsungs so/ /dkyil 'khor 'dra ba zhes pa ni de ltar gyur pa gzhi'i dkyil 'khor yang/ /de bzhin gshegs pa thams cad kyi yon tan gyi tshogs dang ldan pa'o/ /yid du 'ong bas na zhes pa la rin po che 'bar ba nyid kyi sems la tshim par byed pa'o/ /sgra ji bzhin pa'o zhes pa ni dkyil 'khor bshad pa'i phyir ro/ /rdo rje 'chang chen po'i gsung gis shes pa ni sdud pa pos rjes su brjod pa zhes bya ba'i tha tshig go /de nas zhes bya ba ni tshig gi skabs 'byed pa'o zhes pa ni tshig phrad rnams don du ma dang ldan pa'i phyir ro/ /de'i phyir zhes pa ni gtan tshigs kyi don te zhes pa la/ snga ma'i rnal ma la bltos pa'i/ /bkra shis dang ni dbang nyid brjod/ /de nas sgra dang de phyir sgras/ /rim dang gtan tshigs don ston to zhes 'byung ngo/ /gtan tshigs kyi don de nyid bstan par bya ba'i phyir slob ma'i tshogs khas blangs nas zhes smos te/ sngar bshad pa'i de bzhin gshegs pa lnga'i rang bzhin gyi rdo rje slob dpon la bstod pa'i tshig ste gsol ba gdab pa'i tshig ces bya ba'i don to/ /dad pa la sogs pa'i yon tan rdzogs pa yin pas na zhes pa la sogs pa'i sgras shes rab dang tshul khrims dang brtson 'grus dang ldan pa la sogs pa'i yon tan bzung ngo/ /ji skad du/ slob dpon bsnyen bkur dag gis ni/ /mkhas pa rnams kyis mgu byas te/ /dkyil 'khor lag len bsgrub pa rnams/ /mthong zhing mkhas pa rnams kyis 'dod

  434. 217b

    zhi brgyus dang rab gnas sogs/ 'dod cing don byed la nus pa'i/ /dkyil 'khor 'bri phyir slob ma yis/ /lan ni gnyis gsum gsol 'debs bya zhes 'byung ngo/ /dkyil 'khor zhes bya ba la sogs pas ni yon tan phun sum tshogs pa du ma dang ldan pas de la bshad par bya'o/ /thugs gtso bor byas pa'i dkyil 'khor ni zhes pa la bar ma'i tshig mi mngon pa'i las 'dzin pa'i bsdu ba'o/ /mi bskyod rdo rje bdag po nyid du gyur pa zhes bya ba'i don to/ /de nyid kyi phyir rdo rje'i rigs gtso bo yin pas na zhes smos te thugs kyi rigs kho nas rdo rje'i rigs yin no zhes bya ba'o/ /thugs gtso bo yin te de med pas lus dang ngag mi gnas pa'i phyir ro/ /sems kyi byang chub thob pa dang/ /sems kyi 'gro ba lngar 'gro ba/ /sems las ma gtogs cung zad kyang/ /bde dang sdug bsngal mtshan nyid med ces 'byung ngo/ /de bas na 'di nyid ni dang por gsungs so zhes pa la sems ni dang po nyid du dmigs pa'i phyir ro/ /mi bskyod pa'o zhes pa ni sems ni chos kyi dbyings kyi ye shes kyi rang bzhin pa'i phyir ro/ /de dang 'dra bar zhes bya ba la sogs pas ji ltar phung po'i bdud la sogs pa bzhi pos rdo rje lta bu'i ting nge 'dzin la zhugs pa'i bcom ldan 'das kyi thugs g.yo bar mi nus pa de bzhin du dkyil 'khor 'di yang g.yo bar mi nus te de'i rten pa'i phyir dang de'i ngo bo yin pa'i phyir ro/ /rten pa'i chos ni rten la yang mthong ste nyi ma'i 'od zer gyi gsal bar byed pa'i nam mkha' bzhin no/ /snying po ste gsang ba'o zhes pa la lus la sogs pa'i tha mal pa'i ngo bo nyid spangs nas ting nge 'dzin gsum gyi sgo nas rnam par snang mdzad la sogs pa'i ngo bo nyid du snang ba gang yin pa de ni snying po gsang ba ste/ de len pas na dkyil 'khor ro/ /gang gi phyir sku gsung

  435. 218a

    thugs kyi rigs kyi lha rnams kyi gzhir gyur pa de nyid kyi phyir sku gsung thugs kyi dkyil 'khor te zhes bstan pa yin gyi 'bri ba'i dkyil 'khor tsam ni ma yin no/ /de yang dag par zhes pa ni dkyil 'khor gyi cho ga'i rim pas bshad par bya zhes bya ba'i don to/ /lus dang ngag dang sems mnyam par bzhag pas so zhes pa ni rdo rje slob dpon gyi rang gi lus la sogs pa yang dag par bsdams pas so/ /de la rdo rje slob dpon gyi dkyil 'khor bri ba'i dus su sems ni rang gi yi dam gyi lha bsgom pa la 'jug pa dang ngag kyang sngags bzlas pa la brtson par 'gyur ba dang lus kyang dkyil 'khor 'dri ba dang thig gdab pa dang g.yas brkyang ba la sogs pas yongs su bskor ba'i bya ba la 'jug par 'gyur ba'i bya bas so/ /las kyi cho ga mthong ba'i slob dpon zhes pa ni dkyil 'khor mang po 'dri ba dang de'i sgo nas grags pa thob pa de ni las kyi cho ga mthong ba'i slob dpon no/ /gang gi tsha de kho na nyid bcu shes pa dang bzo'i rigs thams cad shes pa'i rdo rje slob dpon yin na de'i tshe dkyil 'khor bri ba la sogs pa'i snod du gyur pa yin no/ /de nyid bcu ni yongs shes pa/ /dkyil 'khor bri ba la ni mkhas zhes 'byung ngo dkyil 'khor dang ni ting nge 'dzin phyag rgya dang/ /sngags dang byed pa stang stabs bzlas sbyin sreg /phyag rgya sngags dang nges sbyar bsdu ba ni/ /de nyid bcu ni sngags kyi tshul las so/ /rnam par bgo ba'o zhes pa ni thig kyang brgya rtsa brgyad kyis phyed par byas te cha chung la sogs pa'i rim pas shes bya ba'i tha tshig go /dkyil 'khor ston pas thig skud do zhes pa ni phyi dang nang gi dkyil 'khor gyi dbye bas phye ba'i de nyid thig skud kyis gsal bar byed pa'i phyir ro/ /gzhan dag tu ma

  436. 218b

    spyad pa'o zhes pa ni khru tshad drug dkyil 'khor gzhan la thig ma btab pa'o/ /yang dag par bsgril ba'o zhes pa ni brtan par bsgril bas te ji ltar chad par mi 'gyur bas so/ /gzhan du na skyon chen por 'gyur te/ /thig skud chad na bla ma 'chi zhes bshad pa'i phyir ro/ /dkyil 'khor gyi nyis ldab po zhes pa ni khru tshad nyi shu rtsa bzhi 'am yang na khru tshad drug gi so/ /de yang phyogs re re 'am thams cad du dkyil 'khor gyi dbyibs las shes par bya'o/ /des ni mtshams bzhi'i thig legs par btab par 'gyur ro/ /tshen sna lnga pa la ste zhes pa ni rim pa ji lta ba bzhin du kha dog lnga dang ldan pa'i thig skud kyis so/ /des ni de bzhin gshegs pa lnga'i rang bzhin gyis gsungs zhes 'byung ngo/ /dkyil 'khor 'dri ba dang rjes su mthun pa'i thig skud bstan to/ /shin tu phra ba dang sbom po ma yin pa'i zhes pa ni tshad par ma tsam gyis zhes bya ba'i tha tshig go /thig skud sbom pos ri mo sbom po dang phra bas kyang phra mor gyur te/ sbom po byung na nad 'byung dang phra ba yis ni nor 'jig 'gyur/ /zhes bshad pa'i phyir ro/ /de lta bu'i thig skud kyis zhes pa ni/ thig skud kyi mtshan nyid dang ldan pa'o/ /zhes bya ba'i tha tshig go /dkyil 'khor gyi tshad bstan pa yin no zhes pa ni sdud pa pos shes tshig lhag ma'o/ /khru bcu gnyis pa zhes pa ni phyogs re'ang kun tu ste/ snang ba dang snang ba mched pa dang snang ba nye bar thob pa dang 'od gsal ba'i bdag nyid can gyi sems re re 'am chung ba dang 'bring dang che ba'i dbye bas rnam pa cu gnyis yin pa'i phyir ro/ /gang gi phyir snang ba la sogs pa'i ye shes kyi rang bzhin ni bcom ldan 'das mi bskyod pa yin no/ /zur bzhi dang ldan pa'i phyir ro/ /zhes pa ni kun tu bzang po yin pas so/ /shar la sogs pa'i sgo bzhi dang ldan pa ste

  437. 219a

    zhes pa ni rta babs dang dril bu dang ba dan dang mu tig gi phreng ba dang rnga yab dang dra ba dang dra ba phyed pa la sogs pa dang ldan pa'i shar la sogs pa'i sgo bzhi dang bcas pa zhes bya ba'i don to/ /don gyis na phyi'i dkyil 'khor yin no zhes pa ni nang gi dkyil 'khor la khru bzhi pa la sogs pa med do zhes bya ba'i don to/ /'khor lo ste nang gi dkyil 'khor zhes pa ni dkyil 'khor 'di ni rim pa gnyis pa yin no zhes bstan to/ /nang gi zlum po dang phyi'i gru bzhi pa zhes bya ba'i don to/ /de nyid bstan par bya ba'i phyir kun tu yongs su zlum po lta bur bri bar bya'o zhes pa ni nang gi dkyil 'khor nyid do/ /cho ga ni sa sbyang ba la sogs pa'i cho ga nyi shu'o zhes pa ni 'phags pa klu sgrub kyi zhal snga nas kyi mdzad pa'i sa sbyor ba la sogs pa'i cho ga rnam pa nyi shu ston par byed pa'i cho ga'o/ /da ni sems can rnams 'jug par bya ba'i phyir sgrub pa'i dkyil 'khor gyi cho ga bshad par bya ste/ slob dpon lan gnyis gsum zhus pa/ gsang ba'i bdud rtsi dam pa'i snod/ /yang dag dang zhing dang pa ldan/ /thar pa 'dod pa'i slob ma rnams/ /dpal ldan 'dus pa'i rjes bzung ba'i/ /byang chub la sbyor bdag gis 'di/ /de ltar bla mas de dag gzung/ /snying rje dang ldan sems kyis so/ /rdo rje slob dpon ni theg pa chen po'i tshul la mkhas pa 'gro ba thams cad gdon pa'i bsam pa dang ldan pa dang pa dang thos pa la sogs pa'i stobs kyis/ chos thams cad kyi rang bzhin gyi 'od gsal ba khong du chud pas/ yul gyi spyod pa ma lus pa dri ma med par byas pa kun tu 'gro ba'i chos kyi dbyings so sor 'bigs pa'i bsam pas dga' ba'i rnam par dag pa la gnas pa/ /shes rab kyi tshogs mngon par 'phel bas brdzun pa'i

  438. 219b

    rnam par rtog pa'i bag chags las byung ba'i gti mug gi dra ba'i rab rib ring du byas pa'i slob dpon la gang gi slob mas zhus pa de'i tshe/ sems can gyi khams thams cad 'di ni bla na med pa'i bde ba chen po'i go 'phang la bdag gis bzhag par bya'o zhes pa'i bsam pas/ khyod kyis yo byad kun tshogs sam ma tshogs zhes slob ma la dri bar bya'o/ /cung zad tshogs te cung zad ma tshogs so zhes gal te de skad smra na de'i tshe/ de'i lte bar dgod pa'i nyi ma'i dkyil 'khor gyi steng du yi ge hUM gi 'od zer gyi snying la gnas pa'i yi ge kaM las bskyed pa kha dog nag po ma rungs pa sha za dang 'dra ba'i sdig pa sna khung g.yas pa nas phyung ste/ yi ge hUM yang snying gar phyin pa las byung ba g.yas kyang ba la gnas pa/ mche ba rnam par brtsigs pa lto ba 'phyang ba kha dog nag po mche ba dang bcas pa'i g.yon pa'i sdigs 'dzub snying gar 'chang ba/ mche ba dang bcas pa'i phyag g.yas pa 'greng ba rdo rje gnod sbyin gyi khro bo'i rgyal po'i gzugs bsams te/ phyung oM badzra yak+Sha kro d+ha kha da kha da sarba pA paM bya sya hUM phaT ces bya bas sdig pa de zos la/ yi ge sam yongs su gyur pa las kun tu bzang po'i gzugs su slob ma bsams la/ sngar bshad pa'i bdud rtsi 'khyil pa'i sngags kyi de'i sems kyi bgegs phur bus btab la/ de las byung ba'i drag po'i 'od zer gyi tshogs kyis gdug pa rnams bsregs la/ slob ma'i sems bsrung bar bya ba'i don du spyi bo'i steng du dbyangs dang po las byung ba'i zla ba'i dkyil 'khor la gnas pa'i dbyangs tha ma las byung ba rdo rje rgya gram de nyid du gnas pa yi ge haM gis byin gyis bslab par bya'o zhes slob ma gzung ba'o/ /de nas sgrub thabs las bshad pa'i gnas su/ de las bshad pa'i bsrung ba'i cho ga dang ting nge 'dzin gsum bsgom pa sngon du 'gro bar phra mo'i rnal 'byor la sogs pa gang yang rung ba'i

  439. 220a

    bsgom pas sems brtan par byas la/ lha re re la 'bum phrag gcig dang khri phrag gcig bzlas la shar dang byang phyogs kyi cha ru/ mdor bsdus pas ni dge ba snum/ /zug rngu'i skyon dang nges par bral/ / shar dang byang phyogs mtho ba ste/ /me tog shing gis nye bar mdzes/ /yang na gang du yid dga' ba/ /de nyid du ni brtsam par bya/ /de nas phyi dro'i dus su mi bskyod pa'i rnal 'byor dang ldan pas yi ge laM las byung ba'i sa'i lha mo kha dog ser mo lag pa gnyis kyis gser gyi bum pa bsnams pa/ lus kyi phyed phyi rol tu byung bar bsams la/ /lag pa g.yas pas gnon pas bskul bar bya'o/ /skyob pa sangs rgyas thams cad kyi/ /skyod pa'i tshul dang khyad par gyi/ /sa dang pha rol phyin pa la/ /lha mo khyod ni dbang du gyur/ /shAkya seng+ge skyob pa yis/ /ji ltar bdud dpung 'joms par mdzad/ /de bzhin bdud dpung las rgyal nas/ /bdag gis dkyil 'khor bri bar gyi/ /sngags bas cho ga bzhin bskul nas/ /sa gzhi lag pas reg byas nas/ /me tog dri tshogs kyis mchod nas/ /de nyid du ni thim par bsams/ /de nas zhing skyong la sogs pa la gtor ma dang mchod pa la sogs pa byin nas sa gzhi la gsol ba gdab cing de nyid du nyal bar bya'o/ / gal te rmi lam la sogs pas bslu bar 'gyur na de'i tshe/ zhag gnyis pa'i nyin phyed kyi dus su gang yang rung ba'i khro bo'i rnal 'byor dang ldan pas mngon spyod kyi cho gas bgegs gzhom par bya ba'i don du sbyin sreg byas la de'i phyi dro khrus byas shing gtsang sbra yan lag dris byug pa/ rdo rje 'chang gi nga rgyal dang ldan pas 'chad par 'gyur ba'i cho gas zhi ba'i sbyin sreg byas te pus mo dang rked pa dang lte ba tsam ste/ pha ma dang bar ma dang mchog gi dngos grub

  440. 220b

    kyi dbye bas sa bzhi brkos la phub ma dang rdo dang rus pa dang rde'u la sogs pa bton nas/ /dri bzangs kyi bdud rtsi lnga dri zhim pa'i chu dang ldan pa yang bya ste/ des gang bar byas la bdud rtsi 'khyil pa bzlas pa'i bdud rtsi'i chus bsad gtor bya zhing/ mi bskyod pa'i rnal 'byor pas gzhal yas khang pa'i nang na gnas pa rin po che dang sman dang 'bru thams cad kyi snying po can phyogs bzhir rta babs dang lcags ris bskor ba thams cad du rnam pa sna tshogs pa'i dril bu dang ba dan dang/ rgyal mtshan dang bla bre rgyas pas mchog tu mdzes pa dpal bdud rtsi zhes bya ba khro bo'i rnal 'byor gyis yi ge gsum gyis mngon par 'dus byas pa'i bdud rtsi lngas byugs pa/ me tog dang sbos la sogs pa dang ldan pa khro bo'i lta pas g.yon phyogs su blta zhing/ rim gyis bgegs bskrad pa dang phyogs bcing pa byas la/ oM b+hu khaM zhes bya bas sa gzhi nam mkhar byas te hUM lo hUM zhes bya bas rdo rje'i rdul phra rab kyis yongs su rdzogs par byas la oM me de ni badzri b+ha pa badzra band+ha hUM zhes bya bas byin gyis brlabs la lag pa g.yas pas reg cing yi ge gsum gyis byin gyis brlab cing mi mngon par sngags gdab par bya'o/ /khang thog gam 'og khang ngam nags tshal lam kun dga' ra ba 'am gtsug lag khang la sogs pa 'am chu bo'i 'gram du sa gzhi rko ni yi ge gsum bzla bar bya'o zhes bya bas sa sbyang ba dang sa gzung ba'i cho ga dag go /'dir smras pa ston zla tha chung la sogs nas/ /zla ba gsum gsum brtsas nas yog /lho dang nub dang byang phyogs dang/ /shar du mgo ni bzhag nas nyal/ /glo g.yon nyal ba de nyid kyi/ /mgo bo bor nas sa gzhi rko/ /mgo dang dpral sogs brkos pa na/ /skyon ni rgya chen shes par bya zhes 'byung/ de

  441. 221a

    nas nyin re 'am zla se 'am lo re dkyil 'khor bri bar bya ste/ nya nas brtsams te ji srid nya phyi ma'i bar du yar gyi ngo'i tshes gcig nas brtsams te brgyad pa 'am dgu pa la sogs pa'i bar du dang/ nya'i snga dro'i mtshams te zhag de nyid du thams cad bya'o/ /de nas sngar bshad pa'i gnas bskyed pa'i rim pas gzhal yas khang pa'i nang du dkyil 'khor gyi rnam pa can gyis gzhi lhag par mos te de bzhin gshegs pa la sogs pa dang dkyil 'khor pa'i lha'i gnas du de bzhin du pad+ma dang zla ba la sogs pa'i gdan rnams bsams la/ de'i dbus kyi gdan la bzhugs pa'i rdo rje 'chang gi rang bzhin gyi bdag nyid du mgu bar byas te/ ding bdag ste ba 'bras bu bcas/ /bdag ni gson po 'am 'bras bur bcas/ /lha dang dam tshig gis mnyam par/ /gyur par bdag ni som nyi med/ /byang chub sems dang sems gcig las/ /mi ldog par ni bdag 'gyur te/ /de bzhin gshegs pa'i rigs su ni/ /dod? bdag skye par the tshom med/ /di ring bdag la zhag mchog ste/ /ding bdag mchog sbyin bla na med/ /sangs rgyas thams cad spyan drangs bas/ /ding bdag tshogs ni mchog yin no zhes bya ba la sogs pas so/ /de nas yan lag kun 'dud de/ /lag na spos khang 'dzin pa yis/ /sangs rgyas thams cad spyan 'dren bya/ /phyogs rnams thams cad na bzhugs pa'i/ /sangs rgyas bdag la dgongs du gsol/ /che ge mo bdag rdo rje can/ / che ge mo zhes dkyil 'khor bri/ /sangs rgyas kun sogs 'dir gshegs nas/ /bdag la dngos grub stsal du gsol/ /zhes bya bas so/ /de nas dbus kyi gdan la gnas shing bdag po'i rnal 'byor dang ldan pas

  442. 221b

    sku la sogs pa byin gyis brlab pa'i 'og tu rdo rje'i rigs can mngon par 'dus byas pa'i phyi'i phyag rgya dang ldan pas mchod pas bsdus pa'i zla ba'i dkyil 'khor du badzra d+h+rika ces bya ba la sogs pas mi bskyod pa la sogs pa byung zhing zhe sdang la sogs pa'i spyod pa dang ldan pa'i sems can gyi don byas la slar yang gshegs te rang rang gi gnas la bzhugs par bsams la/ spo ba dang bsdu ba dang 'jug pa dang brtan par 'gyur ba dang/ rjes su chags pa dang las la gnas par bya ste/ oM badzra At+ma konyahaM/ oM swa b+hA ba shud+d+honyahaM/ oM sarba sa mo haM/ zhes bya ba brjod pas rdo rje'i bdag nyid dang rang bzhin gyi dag pa dang/ lha thams cad dang dbyer med pa'i bdag nyid bsgom par bya'o/ /des na rnam par snang mdzad la sogs pa'i rnal 'byor dang ldan pa shar la sogs pa'i phyogs la gnas pa rdo rje dang dril bu mchog tu 'dzin pa nye ba'i sgrub po rnams kyis de bzhin gshegs pa kun zhi zhes bya ba la sogs pa'i bstod pa'i mchod pas dkyil 'khor bri bar bya ba'i phyir slob dpon la gsol ba gdab par bya'o/ /de nas rdo rje dril bu 'dzin pa'i slob dpon gyi sangs rgyas thams cad la phyag 'tshal nas hUM badzro ta tiSh+Tha zhes bya bas ji ltar sprul pa'i dkyil 'khor gyi 'khor lo nam mkhar bzhag ste/ dpal rdo rje 'chang gi nga rgyal dang ldan pas/ dkyil 'khor sa gzhi'i phyogs su yongs su bskor nas rdo rje ra ba la sogs pa kun tu bkod nas rkang pa'i 'og tu sna tshogs rdo rje bsgoms nas/ sgeg pa dang bcas pa'i gar byas te rdo rje'i zhabs kyis khro ba dang bcas pa rdo rje sems dpa' i nga rgyal dang ldan pas yi ge gsum brjod cing dkyil 'khor gyi sa gzhi la yongs su bskor bar bya'o/ /rdo rje sems dpa' i rnal 'byor ldan/ /ma mchu'i

  443. 222a

    kha sbyor ngos gzung ba/ /dpal ldan g.yon phyogs sgeg 'chang bas/ /phyogs kyi 'khor lo bskor bar bya/ /steng dang 'og gnyis byin brlab nas/ /sa dang sa stengs mtho ris bsgom/ /yi ge hUM ni brjod bzhin pa/ /bdag nyid ngan pas mnan mi nus zhes 'gyur ro/ /de nas snga ma bzhin du rin po che sna bzhi'i rang bzhin gyi mchod rten bsam la gsang ba'i dkyil 'khor du mi thung lto ba chen po kha dog nag po ral pa can zhal gcig pa/ phyag bzhi pa g.yas pa dag gis rdo rje dang 'khor lo bsnams pa/ cig shos kyi pad+ma dang dril bu 'chang ba/ zhal de rnams sgo bzhir gyur pa las gdul bya rnams sangs rgyas kyi go 'phang thob par bya ba'i phyir rang gi lto ba la 'jug par byed pa'i rten gyur pa rdo rje he ru ka'i rang bzhin gyi dkyil 'khor du gyur pa bsams te/ sgo phyed pa'i sngags kyi sgo rnams phye bar byas te gsang ba'i dkyil 'khor sngags 'dis dgug par bya ste/ oM badzra maN+Da la hAM dza(rgyud 'grel): oM mahA badzra tsakra a d+hi tiSh+Tha hUM/ de dag gi dkyil 'khor gyi 'khor lo'i rnam pa byin gyis brlab la/ oM kha kha zhes bya ba la sogs pa snga ma bzhin du 'phags pa bdud rtsi 'khyil pa zhes bya ba'i khro bo'i bsam gtan gyi phur du saM?/ dkyil 'khor gyi phyi rol gyi gra? bzhir oM badzra mung+ga ra hUM zhes bya ba 'dis phur bus gdab par bya'o/ /de nas snga ma bzhin du yi ge hUM brjod pas phyogs dang phyogs mtshams dang nam mkha' bcing ba la sogs pa'i bsrung ba byas la 'chad par 'gyur ba'i cho gas 'phags pa bdud rtsi 'khyil bas yongs su bzlas pa'i las thams cad pa'i bum pa ku sha'i chun po dang ldan pa dkyil 'khor gyi phyi rol lam nang ngam sgo'i gam du/ 'jug par 'dod pa'i slong ma rnams la bsang

  444. 222b

    gtor bya ba'i phyir bzhag la/ bgegs mthar byed kyi nga rgyal gyis snying po'i sngags bzla bar bya'o/ /nye ba'i grub pa pos kyang/ shar phyogs nas brtsams te bdud rtsi lngas dkyil 'khor gyi sa gzhi byug par bya'o/ /de nas bdag po lnga'i? gnas su gru bzhi pa tsandan dang bcas pa'i bdud rtsi lnga'i maN+Dal rang rang gi lha'i sngags kyis yang dag par bzlas pa gnas ji lta ba bzhin du byas la/ me tog dgra mi ste rdo rje slob dpon dbus kyi maN+Dal gyi sna tshogs pad+ma dang zla ba la gnas pas maN+Dal de nyid la snga ma bzhin du gdan rnams bsam te lha'i 'khor lo rang rang gi gnas la bzhugs par bltas te nam mkha' la gnas pa gcig tu byas nas bla na med pa dang bcas pa'i mchod pa la sogs pas mchod la/ gser dang dngul dang rdza la sogs pa'i rang bzhin nag po dang rtsa ba med pas lto ba che mgrin pa ring ba mchu 'phyang ba me tog gi phreng ba dang bcas pa'i ras gnyis kyis mgul bcings pa khar lo ma dang bcas pa rang gi lhag pa'i lha'i mtshan mas mtshan pa/ dkar po 'am dmar po ba dan gtong ba la bi ha ti dang kaN+Da ka ri dang/ she nga rang/ a pa ra dzi ta ste sman chen po dang ldan sa/ nor bu dang mu gtig dang byu ru dang dbul dang gser gyi rin po che dang ldan pa til dang nas dang ma sha dang gro dang 'bras so ba ste 'bru lnga dang ldan pa'i rnam par rgyal ba'i bum pa badzra d+h+rika ces bya ba brgya rtsa brgyad du bzlas pa'i arg+ha'i dri'i chu cung zad mngon par 'dus byas pa dang/ bdud rtsi lnga yang der bcug ste/ yi ge hUM gi 'phags pa bdud rtsi 'khyil ba ral pa gcig ma dang snyoms par zhugs pa bsgom ste dbang bskur nas mchod pa rnam pa lnga bla na med pa dang bcas pa la sogs pa'i mchod pas mchod la/ de la me tog gi phreng ba dang bcas pa'i hya sha rdo rje bzhag nas de'i phreng ba'i mthar lag pas blangs la/ /oM A(rgyud 'grel): big+hAn+ta

  445. 223a

    krita hUM phaT ces bya ba brgya rtsa brgyad bzlas la/ me tog dkar po bkram nas spros btul bar bya'o/ /de bzhin du rdo rje me ltar 'bar ba dang thugs rdo rje dag gis thams cad la yang byas te spos btul bar bya'o/ /de la me ltar 'bar ba ni yi ge hUM las kha dog sngon po/ /g.yas brkyang ba la gnas pa snying gar g.yon pa'i khu tshur gyi khro bo'i sdigs mdzub can/ /cig shos kyis 'bar ba'i rdo rje bsnams pa bsgom mo/ /de'i bzlas pa'i sngags ni/ oM badzra a na la ha na da ha pa tsa ma tha b+hany+dza ra Na hUM phaT/ ji srid lha'i 'khor lo dgod pa de srid kyi bar du nyin re dag lan gsum gsum du byas te bum pa lhag par gnas pa'o/ /de nas phyi rol gyi gtor ma byin nas 'phags pa bdud rtsi zhes bya bas bgegs bskrad pa'i sbyin sreg dang rdo rje 'chang chen pos zhi ba'i sbyin sreg kyang byas la dkyil 'khor la bzhugs su gsol nas mchod cing arg+ha phul nas lhag par gnas par bya'o/ /lce'i rtse mor yi ge hUM las byung ba'i rdo rje bsams la oM pad+ma sa ra sa he ma warha ya sha d+ha ya hUM h+ri(rgyud 'grel): ra h+ri(rgyud 'grel): zhes bya ba sa lce byin gyis brlabs la spos khang lag tu thogs te yan lag thams cad kyis phyag byas la/ thugs rje phan 'dogs nus ldan pa'i/ /sangs rgyas bdag la dgongs su gsol/ /bdag ces bya ba che ge mo/ /thugs kyi rdo rje dkyil 'khor mchog /mi nus pa yis mchod pa yis/ /bdag gis nang par dkyil 'khor bri/ /slob ma rnams la brtse ba dang/ /khyed rnams la yang mchod pa'i phyir/ / slob ma dang bcas bdag la ni/ /thugs rje nye bar blangs nas su/ /sras bcas kun gyi dkyil 'khor du/ /yang dag par ni bzhugs par mdzad/ /sras dang bcas par 'dir gshegs nas/ /dkyil 'khor yongs su gzung

  446. 223b

    bar mdzod/ /ces bya ba'o/ /de ni dkyil 'khor lhag par gnas pa'o/ /de nas slob ma lhag par gnas par bya ste/ sngar bshad pa'i mtshan nyid dang ldan pa'i slob ma dkyil 'khor gyi sgor mngon par kha bltas pas slob dpon la phyag byas te 'di ltar smra bar bya'o/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pa'i/ /mgon po chen po bdag 'tshal lo/ /dam tshig de nyid bdag la rtsol/ /byang chub sems kyang bdag la rtsol/ / sangs rgyas chos dang dge 'dun ni/ /dkon mchog gsum yang bdag la rtsol/ /thar pa chen po'i grong mchog tu/ /mgon po bdag ni 'jug par 'tshal zhes bya bas so/ /de nas slob dpon gyis slob ma gtso bo sngon du byas nas 'di skad bka' stsal te/ de yang slob ma re res 'bod pa re rer shes par bya'o/ /tshur shog rigs bu theg chen gyi/ /sngags kyi spyod pa cho ga'i tshul/ /theg chen la khyod snod gyur pas/ /yang dag ka yod la bstan par bya/ /gang zhig sangs rgyas 'das pa dang/ /de bzhin gang zhig ma byon dang/ /gang zhig mgon po da ltar byung/ /'gro la phan phyir bzhugs pa ste/ /thar pa'i cho ga mchog 'di ni/ /bzang po mkhyen nas de kun gyis/ /byang chub drung du dpa' bo yis/ /kun mkhyen mtshan nyid med thob po sngags kyi sbyor ba bzhal med 'di/ /gang gis shAkya seng+ge yis/ /bdud dpung 'jigs pa chen po ni/ /skyob pa yis ni 'dzems par mdzad/ /bu kye kun mkhyen nyid thob phyir/ /de bas blo ni brtan par gyis zhes bya bas mnga' bdag byas la slob ma re re me'i dkyil du gnas pa'i yi ge ra'i mes thal bar byas la/ /de'i rnam par shes pa yi ge gsum gyi bdag nyid rang gi snying gar bcug ste bde ba chen po'i rang bzhin rdo rje'i lam nas phyung la de'i sku la sogs pa byin gyis brlab

  447. 224a

    ba dang hUM las byung ba'i snying kar rdo rje dang/ A kham wi ra hUM zhes bya bas lkog ma dang spyi bo dang dpung pa g.yas pa dang g.yon pa dang snying gar rim pa ji lta ba bzhin du bkod la/ sdig pa bshags pa la sogs pa 'di ltar byed du bcug ste/ bdag gis sdig pa gang byas pa 'am/ /byed du 'jug gam rjes kyi rang/ /ding de sangs rgyas thams cad kyi/ /mdun du so sor bshags par bgyi/ /sangs rgyas mgon po'i bsod nams gang/ /rang rgyal slob ma rnams kyis gang/ /'gro ba thams cad rnams kyi yang/ /de ni bdag gis rjes kyi rang/ /sangs rgyas byang chub sems dpa' yi/ /chos kyi rin chen bla na med/ /byang chub sems sogs slob dpon la/ /bdag gis yang dag skyabs su mchi/ /sangs rgyas rnams ni chos gsungs shig /nam yang mya ngan 'das ma shes/ /sems can bde ba can mdzod cig /go 'phang mchog ni thob par mdzad/ /byang chub sems ni bla na med/ /ji ltar sangs rgyas kyi bskyed pa/ /de sras byang chub sems dpas kyang/ /de bzhin bdag gis bskyed par bgyi/ /kun gyi dbang phyug gnas gnas pa/ /bdag ni kun rigs gyur pa yis/ /gting med srid pa'i rgya mtsho la/ /'gro ba thams cad bsgral bar bgyi/ /ji ltar stobs ni sangs rgyas nyid/ /thob pa'i rgyur ni bdag gyur cig /gal te ma nus de yi tshe/ /smon lam dag ni bdag gis bgyi/ /skye ba 'di la grub pa'i phyir/ /de yis thabs la brtson byas pa/ /skyon med bde med yon tan ldan/ /phun sum tshogs kun dbang phyug 'gyur/ /bdag gis bsod nams gang byas pa/ /gang zhig kyang ni byed par 'gyur/ /des ni bdag dang 'gro ba dag /bde gshegs go 'phang thob par shog ces brjod du gzhug

  448. 224b

    ste de'i snying gar yi ge hUM gis zla ba'i steng du rdo rje bsams la dri'i chu dang bcas pa lag pa g.yas pa'i rdo rje can gyis reg cing su ra ta sa ma ya stwam ho si d+hya badzra ya thA su khaM zhes bya bas byin gyis brlabs la/ /yi ge oM dar a dag las spyi bo dang lkog ma dag tu 'khor lo dang pad+ma bsams la/ /dzi na dzika A ro lik ces bya ba bdag gis de nyid la reg la yi ge gsum brjod pas de rnams kyang lag tu dri dang me tog byin nas spros btul te snang bas gsal bar byas nas 'phags pa bdud rtsi zhes bya ba zlas pa'i shing u duM ba ra'am a shwadtha'i sor bcu gnyis pa du ga med pa dri'i chus bkrus la dkyil 'khor la me tog bcings pa'i so shing thal mo sbyar ba'i slob ma rnams la byang phyogs su bltas pa'i bla mas sbyin par bya'o/ /de rnams kyis kyang ba'i pags pa tsam gyi tshad kyis dkyil 'khor gyi dkyil du 'dug nas/ shar phyogs su kha bltas pa 'am byang phyogs su kha bltas pas rtse mo zos te ma chags pa mngon du bltos pa med par dor bar bya'o/ /de la mngon du bab na bar chad med pa'i dngos grub thams cad grub par 'gyur ro/ /de ni gyen du bab na rig pa 'dzin pa'i dngos grub tu 'gyur ro/ /'og tu kha dang ldan pa bab na sa 'og gi dngos grub tu 'gyur ro/ /g.yas bskor ba'i ril pas shar phyogs su kha bltas par bab na/ rgyas pa dang mngon sbyong dang/ dbang dang zhi ba la sogs pa grub par 'gyur ro/ /maN+Dal nas phyi rol du bab na grub par mi 'gyur ro/ /de nas yi ge wa las skyes pa de nyid kyis bzlas pa'i slob dpon gyis chu blangs la/ de rnams kyi lag pa la sbyin te oM h+ri bi shud+d+ha d+harma sarba ba ba ne dza sya bi sho d+ha ya/ sarba bi kalpa na ya hUM zhes bya ba bzlas pa'i di dang bdud rtsi'i chu'i thor 'thung gsum blud par bya'o/ /oM A(rgyud 'grel): hUM zhes bya ba

  449. 225a

    bzlas pa'i yi ge hUM las skyes pa sar pa mnyams pa'i ku sha gcig dbu sngas dang yi ge hUM las skyes pa bdud rtsi 'khyil pa bzlas pa'i ku sha gnyis mal stan du byin te/ de nyid kyis bzlas pa'i bsrung skud sum khugs yi ge gsum gyis brtan par byas la/ /de rnams kyi dpung pa g.yas pa la mdud pa gsum rang gis bcings te/ oM b+hU ta mai tri rak+Sha sarba swAhA zhes bya ba'i byams pa'i go chas bsrung zhing chos bstan pas dga' bar byas te/ bdag nyid chen po khyod rnams kyis/ /de ring rnyed pa gzhal med rnyed/ /gang gi khyod ni rgyal ba kun/ /sras dang bcas pas bstan 'di la/ /thams cad yongs su gzung gyur la/ /bdag nyid che las skye bar 'gyur/ /des ni khyod rnams theg chen la/ /gang phyir nang par skye bar 'gyur/ /theg pa chen po 'gyur ba che/ /de ni lam mchog dam pa yin/ /gang gis khyod rnams ma 'ongs pa'i/ /de bzhin gshegs pa rnams su 'gyur/ /rang 'byung skal pa che ldan pa'i/ /'jig rten thams cad 'dul byed pa/ /yod dang med pa las 'das pa'i/ /nam mkha' bzhin du dri ma med/ /zab cing gsang ba kun 'gro ba'i/ /rtog pa med cing gnas med pa/ /spros pa thams cad dang bral ba'i/ /spros pa rnams kyis ma spros pa/ /las dang bya ba la sogs bral/ /bden pa gnyis dang dbyer med pa/ /'di ni theg chen dam pa ste/ /tshul la gnas pas thob par 'gyur/ /zhes brjod nas/ kye bzhin bzang dag longs shig rdo rje 'chang chen po'i drin gyi nang par thugs kyi dkyil 'khor mthong bar 'gyur ba dang ji ltar mthong ba'i rmi lam yang bdag kho na la smos shig ces brjod nas nyal du gtang ngo zhes bya ba ni lha dang slob ma lhag par gnas pa'i cho ga'o/ /de nas

  450. 225b

    dkyil 'khor yang dag pa mchod cing/ slob ma dang bcas pas yid mnyam par bzhag pa'i slob dpon gyis dkyil 'khor gyis gzhi'i mthar nyal bar bya'o/ /zhag gnyis pa'i rnal 'byor byas pas de bzhin du dkyil 'khor de nam mkha' i dkyil du bteg nas dkar po dang ser po dang dmar po dang ljang gu dang sngon po bdud rtsi dang bcas pa dri zhim po'i rdul tshon yungs kar gyi phye ma dang 'dres pas thig skud sa sar btsos la rim pa de nyid kyis bzhag ste/ oM swA A(rgyud 'grel): ha hUM gi sa bon gyi rnam par snang mdzad la sogs pa thig skud la dgod de/ /sa bon de nyid kyis rang rang gi phyogs na bzhugs pa'i de bzhin gshegs pa rnams kyi thugs kan/ gnas pa de dang de'i kha dog dang ldan pa'i 'od zer gyi phag skud mthong na ste/ bcom ldan 'das de bzhin gshegs pa thams cad kyi thugs kyi dkyil 'khor la thig gdab par bya ba'i phyir/ rdo rje'i thig skud bdag la brtsol cig ces bya bas rnam par snang mdzad la sogs pa bskul bar bya ste/ oM di b+ha driSh+TA dku shi dza zhes bya ba mig dag la bkod de/ rab tu g.yo zhing 'gul ba'i mig /'bar ba'i lta ba zhes su bshad ces bya bas 'bar ba'i lta ba'i lcags kyus rnam par snang mdzad la sogs pa'i thugs ka nas 'od zer gyi thig skud de rnams kyi gsal bar 'gugs shing rang gi lag pa la gnas pa'i thig skud de dang 'dres par byas la/ oM a n+yo nyA nu ga tra sarba d+harmA spha ra spha rA nu pra biShta sarba d+harmA zhes brjod pas yi ge gsum bzla zhing dkyil 'khor las nyis 'gyur ba sgo'i nyi shu cha'i sbom pa'i thig skud bsgril bar bya'o/ /yi ge ma dang Ta dag las nyi ma dang zla ba mig dag la dgod de/ triShti ma Ta zhes bya pas brtan par byas la dri dang bdud rtsis byugs pa'i gser la sogs pa'i snod du bzhag

  451. 226a

    la dri la sogs pas mchod la lag pas reg cing yi ge gsum gyis brgya rtsa brgyad bzla'o/ /yang dkyil 'khor gyi sa gzhi snga ma bzhin du nye ba'i sgrub pa pos dris byugs la rnam pa sna tshogs pa'i me tog dgram zhing bar snang la gnas pa rnams la arg+ha dang dri la sogs pas mchod de phyag 'tshal nas rdo rje 'chang du gyur pas thig skud 'dzin pa rnam par snang mdzad dam bdud rtsi 'khyil pa'i rnal 'byor la gnas pa yang dag par phyung ste/ /mig g.yon pa dang g.yas pa dag la yi ge dza las byung ba'i kha dog ser po zla ba dang nyi mar bsgoms la yi ge gsum gyis bzlas pa'i yungs kar phye ma dang 'dres pas bdud rtsi lnga dang ldan pa'i dri bzangs kyis chus bskus la/ /thig skud de lag pa g.yon pa'i khu tshur gyi lta bar gzung bar bya'o/ /oM dza dza dza zhes bya bas slob ma la gtang la nye ba'i sgrub pa pos kyang oM dza dza dza zhes bya bas de nyid gzung zhing de bzhin du lte ba'i phyogs su 'dzin par bya'o/ /lha gnod sbyin gyi bdag po'i phyogs su zhal bltas pa'i rdo rje 'chang gis nam mkha' i thig skud gdab par bya'o/ /de nas phyogs thams cad kyi mnyam pa nyid la dmigs te tshangs pa'i thigs mung gnyis dbus la btab nas gnod sbyin dang dbang po'i phyogs su zhal bltas pas yi dags dang klu'i phyogs su btab pa dang me dang rlung gi mtshams la gnas pa'i bla mas/ shar dang nub dang byang dang lho'i phyogs la thig btab nas yang me'i 'tshams la gnas nas rlung gi mtshams thig gdab pa dang/ bden bral la gnas pas dbang ldan gyi mtshams thig btab nas/ shar dang nub dang byang dang lha'i phyogs bzhi'i thig gis dum bu brgyad pa'i dkyil 'khor la yang rim pa 'di nyid kyis yi ge gsum brjod pa sngon du 'gro bas thig

  452. 226b

    gdab par bya'o/ /oM badzra sa ma ya su tra ma ti kra ma hUM zhes bzlog pas thig gdab pa'i sgras de bzhin gshegs pa nam mkha' la bzhugs pa la khyed kyis sems can gyi don bya pa'i dus yin pas 'di nyid gshegs su gsol zhes pas bskul bar bya'o/ /thams cad la yang slob dpon dang nye ba'i sgrub pa po dag gis g.yas bskor du 'gro bar bya'o/ /gru bzhi ba dang zur bzhi pa/ /sgo bzhi pa dang rtab ba bcas/ /thig bzhi dang ni yang dag ldan/ /dar dang me tog phreng bas brgyan/ /sgra yi cha na thams cad dang/ sgo dang sgo khyung kha khyer la/ /rdo rje rin chen gyis spras pa'i/ /phyi yi dkyil 'khor thig gdab bya/ /de yi nang gi dkyil 'khor ni/ /dum bu brgyad dang dkyil 'khor mtshungs/ /phyi yi dkyil 'khor byed kyi tshad/ /kun nas yongs su zlum po ste/ /rdo rje ba? ? mchog gi spras/ /dge zhing rdo rje phreng bas bskor/ /h+ri yi khro bo'i lta ba yis/ /de nas sgo rnams phye bar bya/ /sgo ni 'khor lo'i cha brgyad pa/ /kha khyer dang ni bral bar 'dod/ /sgo khyud sgo yi tshang yin te/ /de bzhin lha yi snam bu yang/ /kun tu ba khyed sgo yi phyed/ /de bzhin sgo 'gram sgo logs so/ /rdul tshon sa gzhi de byed kyi/ /rtsa ba'i thig les phyi rol tu/ /dra ba dra phyed me tog phreng/ /dar dbyangs sogs rnams de bzhin du/ /kha khyer re khA la brtan te/ /rta bab la ni ka ba gnas/ / rdo rje ka ba'i thig rnams ni/ /rdul cho na sa gzhi dang mtshungs pa/ /spo las nyis gyur rta bab ste/ /ba dan dril bu dang ldan pa/ /dril bu dang bcas rlung gis g.yo/ /phyi yi mtshams las ngan rnams/ /'khor lo dang mtshungs gzhan dag ni/ /ji ltar mdzes bar brtag par bya/ /gal te kha cig thig btab la/ /snod med de che rang gis ni/ /nye bar sgrub pa po med pas/ /phur bus btab la thig gdab bya/ /de nas dkyil 'khor gyi ste bar ji ltar bshad pa'i phur bu 'am rdo rje btab nas de la thig skug

  453. 227a

    btags nas de mthe bong gi nang du sbyar ba'i thig skud kyis/ /phyi dang nang gi dkyil 'khor dag dang phyi rol gyi rdo rje dang 'khor lo dang pad+ma'i rab dbang ldan gyi mtshams nas brtsams te g.yas bskor du thig btab nas/ /ye shes kyi thig skud gshegs su gsol bar bya'o/ /de nas waM laM raM yaM haM gi sa bon las bskyed pa'i thig skud la bshad pa'i kha dog gi rim pas dkar po la sogs pa tshon rnams rin po che las byung ba'am/ lcags lnga las byung ba 'am/ /khams lnga las byung ba 'am/ /'bru sna lnga las byung ba 'am/ /so phag las byung ba'i sngar bshad pa'i sa bon las spyan ma la sogs pa dang yang dag par ldan pa'i de bzhin gshegs pa'i rang bzhin du bsgoms la/ /yi ge hUM gi mngon par bzlas pa'i yi ge rdza yis 'bar ba'i lta bas rdul tshon rnams yang dag par spang la yi ge hUM gis phur bus rnams gdon te/ de'i bu ga tshon sna lngas kun tu gang bar byas la thugs rdo rje'i rnal 'byor dang ldan pas bla na med pa'i shes rab kyi dril bu'i sgras mtshan ma ngan pa la sogs pa bsal te chos kyi dbyings rnam par dag pa la lhag par mos nas g.yon pa'i khu tshur gyis dbang ldan gyi mchams nas brtsams te shar phyogs su kha bltas par gyur nas/ /oM badzra tsi tra sa ma ya hUM zhes brjod nas g.yas bskor du nas rdul tshon gdab par bya'o/ /de nas ji ltar bde ba yi/ /mnyam pa bar med yon po med/ /bar chad med cing g.yas bskor ba/ /sgo yi nyi shu'i cha yi tshad/ /ri mo spom pa bri bar bya/ /sbom po byung na nang byung ste/ /phra ba yis ni nor 'jig 'gyur/ /yon po yis ni sdang ba ste/ /bar chad pas ni mkhan slob 'chi/ /g.yas skor ma yin phab pa na/ /rdul tshon phur bus btab par 'gyur/ /phyi yi re khA dkar po ste/ /gnyis pa kha dog ser po yin/

  454. 227b

    gsum pa pad+ma rA ga mtshungs/ /bzhi pa ma rgad dang 'dra pa'i/ /nang gi re khA nag po ste/ /nges na pany+tsa ra ga'i rim/ /shar gyi sa gzhi dkar po ste/ /lho phyogs ser po dang mtshungs pa/ /nub ni kha dog dmar po dang/ /byang ni ljang gu dang ldan pa/ /dbus ni in+d+ra nI la mtshungs/ /thugs kyi dkyil 'khor du 'dra ba'o/ /rtag tu mnyam par bzhag pa yis/ /rdo rje dril bu 'dzin pas bri/ /nas kyi 'bru tshod rdul tshon gyi/ /re khA phan tshun gdab par bya/ /dkyil 'khor bri ba'i dus su gal te bgegs byung na de'i tshe bdud rtsi zhes bya ba'i khro bo'i rnal 'byor dang ldan pas de'i phreng ba'i sngags bzlas nas bzlog par bya'o/ /na ma sa man+ta kA ya bAk+tsi t+ta badzrA NAM na mo badzra kro d+ha ya mahA daM Sh+To Ta ka Ta b+hi ra wA ya a si mu sha la pa ra shu pA sha ha? la oM a mri ta kuN+Da li kha kha khA hi khA hi tiSh+Tha tiSh+Tha band+ha band+ha ha na ha na da ha da ha gardza gardza bi spho Ta ya bi spho Ta ya sarba big+hAn bi na ya ka na mahA ga Na pa ti dzI wi tnyn+ta ka ra ma hUM phaT/ /bdud rtsi 'khyil pa'i rnal 'byor dang ldan pas lag pa g.yon pa'i srin lag dang mdzub mo dag bskum par byas te mthe'u chung dang mthe bong gi rtse mor yang dag par sbyar nas mche'i ba'i phyag rgya'i gam du bcas la yi ge phaT bzlas pas bgegs bskrad par bya'o/ /yang na sngar bshad pa'i bsrung pa'i khor lo sa phur bus gdab par bya'o/ /yang na don dam pa byang chub kyi sems bsgom par bya ste/ /gang gi phyir 'od gsal pa'i sems kyi bgegs 'byung ba gang yin pa de ni gnas skabs kyang ma yin gyi gnas kyang med pa bgegs la sogs pa'i tha mal pa'i rnam par rtog pa las 'byung ba'i phyir ro/ /de nas lha rnams dgod pa'i gnas su snga ma bzhin du pad+ma dang nyi ma la sogs pa'i gdan rnams ji lta ba bzhin du blos bkod la badzra d+h+rig ces bya ba la sogs pa'i

  455. 228a

    snying po'i sngags brjod pas mtshan ma la nang du gnas pa'i lha'i gzugs dang nam mkha' la gnas pa'i de bzhin gshegs pa gcig tu bya ba'i phyir/ blugs pa 'am 'bur du byas pa 'am bris pa'i phyag mtshan rnams dgod par bya'o/ /de la dbus su in+d+ra nI la dang 'dra ba bskal pa'i me ltar 'bar zhing 'jigs pa rtse lnga pa'i rdo rje bri bar bya'o/ /rnam par snang mdzad kyi gnas su rdo rje'i rnam pa dang 'dra ba'i 'bar bcan rtsibs brgyad pa'i 'khor lo dkar po dgod do/ /de bzhin du rin chen 'byung ldan gyi gnas nas brtsams te/ lha mo ro rdo rje ma'i bar du rim pa ji lta ba bzhin du me stag spro ba'i nyi ma dang 'dra ba'i rin po che dang pad+ma dang ral gri 'od zer dang bcas pa dang sprin dang 'dra ba'i 'od 'phro ba'i mig dang/ 'bar zhing kha dog sngon po rdo rje dang sdong bu dang bcas pa'i pad+ma dang/ de dang 'dra pa'i utpa la sngon po dang 'bar ba dang bcas pa'i tho ba dang rdo rje la sogs pa'i 'bar ba dang ldan pa'i dbyug to dang ral gri'i rnam pas spro ba'i pad+ma dang kha dog sngon po'i sna tshogs rdo rje dang dbus dang shar la sogs pa'i phyogs bzhi ru sngon po dang dkar po dang dmar po dang/ ljang gu bri bar bya'o/ /shar gyi snam bu nas brtsams te/ 'khor lo dang nA ga ke sa ra'i yal ga dang/ yang na rdo rje dang rin po che dang pad+ma dang/ ral gri dang/ yang ral gri dang/ chos ston pa'i phyag rgya dang/ phyi rol gyi snam bu'i gru bzhi ru me long dang pi waM dang dri'i dung phor dang khrag chen pos yongs su bkang ba'i thod pa bri bar bya'o/ /sgo bzhi po me'i mtshams la sogs pa bzhi la lcags kyu dang dbyug to dang rtse gsum dang ral gri bkod nas/ shar phyogs kyi sgo'i tho ba'i gong du 'khor lo dang/ de bzhin nub kyi sgo'i pad+ma'i rgyab tu bri?

  456. 228b

    bu dang bcas pa'i rdo rje'i pad+ma dang nyi ma'i gdan gyi steng du dgod par bya'o/ /gal te 'dir thugs la sogs pa nas gang yang rung ba'i rang gi lta sgrub par 'dod na de'i che/ lo bcu gnyis lon pa'i bu mo dang/ khye'u dag la mi bskyod pa dang mA ma kI la sogs pa zhus nas/ /de dag gi thig gdab ba la sog pa'i cho ga sngon du 'gro bar bris pa'i rten gyi dkyil 'khor la sgrub thabs las bshad pa'i gdan la gzugs dang kha dog dang zhal dang phyag la sogs pa dang ldan pa lha ma lus pa dgod pa'i gnas la ji bzhin du zhugs nas bsgrub par bya'o/ /phyogs bzhi ru rin po che la sogs pa'i rang bzhin gyi rta babs bzhi dang/ me tog gi phreng ba dang dril bu dang ba dan la sogs pa dang ldan pa'i sgo bzhi rdo rje 'chang gi sngags kyis dbul bar bya'o/ /dkyil 'khor gyi phyi rol tu phyogs bzhi ru shes rab pha rol phyin ma dang/ phal po che dang/ de bzhin gshegs pa'i gsang ba dang/ gser 'od dam pa'i mdo sde rnams klag tu bzhug ga bur dang a ga ru dang tu ruSh+ka la sogs pa'i spos khang phyogs dang mtshams su rgyun mi 'chad par gtul par bya'o/ /de nas nye ba'i sgrub pa pos bdud rtsi 'khyil pa'i nga rgyal dang ldan pas rdo rje rab nas phyi rol tu bdud rtsi lnga dang bcas pa'i dri'i chus sa gzhi byugs te me tog bkrams nas las thams cad bas bzlas pa'i chus dkyil 'khor la bsang gtor byas te de'i dbus su lag pa bzhag nas 'khor lo byin gyis brlab par abya pa'i phyir yi ge sum cu rtsa brgyad du bzlas nas/ oM a(rgyud 'grel): bib+han+ta kri ta hUM phaT/ ces bzlas par bya'o/ /de nas mtshams kyi dus su dpal gcod mdzes kyi rgyal po'i nga rgyal dang ldan pas me tog sngon po'i phreng ba blangs nas/ oM sum b+ha ni zhes bya ba

  457. 229a

    la sogs pa'i sngags brjod pas dkyil 'khor du gzhug ste/ dril bu bkrol zhing lan gsum bskor te/ ma tshang ba dang lhag pa'i skyon zhi bar bya ba'i phyir rdo rje la bltas te me tog gi phreng ba bcom ldan 'das la phul zhing/ yang de nyid gar gyi tshul gyis blangs la rang gi mgo bo la yi ge hUM bzhi'i sngags kyis bcings par bya'o/ /de nas phyi dang nang gi dkyil 'khor dag gi bar na gnas pa'i mnyam par bzhag par rdo rje slob dpon gyi yi ge gsum brjod nas yid kyi sgo phye bar bya'o/ /sgo rnams shar la sogs par ni/ /nub kyi phyogs su gnas pa yis/ /rim gyis che bar byas pa ste/ /de bzhin g.yas brkyang la sogs pas zhes 'byung ngo/ /sngar lhag par gnas par byas pa'i rnam par rgyal ba'i bum pa cho ga de nyid kyis lan bdun bzlas pas/ bdag po'i mdun du bzhag par bya'o/ /gzhan ma badzra d+h+rika ces bya ba brgya rtsa brgyad bzlas pas 'jug pa'i sgo la mngon par phyogs par bzhag nas de'i chus bdag nyid dang slob ma la bsang bar bya ba'i phyir bzhag nas bzlas la/ dkyil 'khor gyi phyi rol dang rdo rje ra ba'i bar na/ shar dang lho'i sgo'i mtshams su mtshan nyid dang ldan pa rang gi lha dang rjes su mthun pa'i tshon gyi bris pa/ ras dmar po gnyis kyis mgul ba bcings pa lo ma dang 'bras bur bcas par khar bcug la rin po che lnga dang spyan lnga 'bru lngar ldan pa dang/ bdud rtsi dang ldan pa'i tsandan gyi chus bkang ba/ /rang rang gi sngags kyis brgya rtsa brgyad bzlas pa/ 'phags pa gshin rje mthar byed la sogs pa'i khro bo'i rgyal po'i bum pa bzhag par bya'o/ /de bzhin du lho dang nub kyi mtshams su dpal gnod mdzes kyi rgyal po nas brtsams te dri rdo rje ma'i bar du bum pa bzhi dang

  458. 229b

    lnga bzhag go /de bzhin du nub dang byang gi mtshams su 'jig rten dbang phyug nas brtsams te spyan ma'i bar du bum pa bdun nyid do/ /byang dang shar gyi sgo'i mtshams su mA ma kI nas brtsams te mi bskyod pa'i bar du bum pa brgyad dgod do/ / ma tshogs pa rnam par rgyal ba dang spyan ma la sogs pa bzhi dang/ lha rnams kyi bzhi dang/ las thams cad kyi bum pa gang ba yang bzhag ste bcu las nyung bar mi bya'o/ zhes bshad pa'i phyir ro/ /de nas sgrub thabs las gsungs pa'i tshogs la sogs pa dang phyi'i yo byad kyis kyang dkyil 'khor mchod nas rdo rje slob dpon gyi ji ltar bshad pa'i rig pa dang lhan cig tu slob ma gzhug pa'i cho ga dang 'dra bar rang zhugs te bcom ldan 'das kyi drung nas bum pa'i dbang ? bsang ba dang shes rab ye shes kyi dbang dang rjes su gnang ba dang dbugs 'byung ba dang lung bstan pa dang ting nge 'dzin bsgom pa thob nas/ sna tshogs pad+ma ras kyis bkab pa'i gdan gyi steng du gnas pas/ sme sha can gyi bu mo lo bcu gnyis pa/ bzhin bzang mig ni yangs pa ste/ /rgyan rnams thams cad kyis brgyan pa/ /de nyid rig pa rjes gnang ba/ /yon tan ska rags mA ma kI /sgrub thabs las bshad cho ga yis/ /dri dang me tog gis khyab pa/ /lha rnams thams cad mchod pa'i phyir/ /rnal 'byor bas de 'dod par bya/ /de nas rang gi byang chub kyi sems spro pa dang bsdu zhing zla ba'i dkyil 'khor du sngar bshad pa'i snying po rnams kyis dam tshig gi dkyil 'khor phra mo phyung ste/ phyag mtshan gyi nang du gnas pa'i lha'i sku rnams la bsdus par bsams te/ /lcags kyu dang zhags pa thogs pa'i mnod mdzes kyi rgyal pos yi ge dza'i mdza' can gyi hUM bzhi po'i sngags kyi ye shes kyi 'khor lo dgug cing lha re re'i thugs

  459. 230a

    kar zhugs pa sngon du 'gro bas phung po la sogs pa byin gyis brlab pa dang sku gsung thugs byin gyis brlab pa'i bar du byas te/ snga ma bzhin rdo rje 'chang chen po la sogs pa'i cod pan dang dar dbyangs kyis dbang bskur te/ /rjes su chags pa'i cho gas rjes su chags par byas nas snga ma bzhin du byang chub kyi sems de bzhin gshegs pa dgod pa'i rnam pa can du bsdus te pad+ma la zhugs nas zhu bar gyur pa ye shes kyi bdud rtsi'i rang bzhin de bzhin gshegs pa la sogs pas spyod par bya ba'i phyir phul la yang lha mo'i tshogs kyi gzugs su phyung zhing/ glan dang bcas pa'i mchod pa de rnams kyis dkyil 'khor la mchod nas yi ge gsum gyis bzlas pa'i me tog dang spos dang snang ba dang dri dang lha bshos phul te rdo rje 'chang la sogs pas mngon par bzlas ba'i dung phor la sogs pa'i snod la gnas pa bdud rtsi dang til dang nas dang ku sha dang dri bzang me tog dkar po dang bcas pa'i dri chu gang yin pa des lha rnams zhabs bsil dang mchod yon dbul bar bya ste/ de nas mchod pa bya ba ni lha re re la na bza' gnyis gnyis sam/ yang na thams cad la gcig gcig phul nas rnam pa sna tshogs pa'i gdugs dang rgyal mtshan dang ba dan dang bla re rnams yi ge oM maM rdo rje sems dpa' bzlas te/ badzra spha ra Na khaM zhes bya ba 'dis dbul lo/ /oM sarba ta thA ga ta pU dza me g+ha sa mu dra spha ra Na sa ma ya sh+rI ye hUM/ zhes bya ba'i sngags kyis mngon 'dus byas pa'i ga pur dang a ka ru dang tu ruSh+ka? la sogs pa'i dri bzang tsan dan dang 'dres pa dang me tog gi shing yang rung brgya 'am bzhi dang me tog thams cad dang/ spos khang stong ngam brgya 'am bcu las nyung bar mi dbul lo/ /mar ma 'bum phrag brgya'i grangs sa ma yang na

  460. 230b

    mar me snod brgya 'am yang na bzhi dbul lo/ /de ma thag tu bshad pa'i sngags kyi me tog dang spos dang mar me'i mchod pa la sogs pa la re re dang sbyar ro yi ge gsum gyis mngon par bzlas pa'i o lo pi la sogs pa'i bza' ba dang/ rnam pa sna tshogs pa'i bza' ba dang/ bca' ba dang myang ba dang nyes pa bcas pa'i dang nyes pa med pa'i gtor ma'i mchod pa yang stong phrag gi grangs su de nyid kyis dbul lo/ /rol mo stong ngam pi waM ngam/ /dung la sogs pa yang na rol mo bcu dbul lo/ /phyi'i gar mkhan dang gdu bu dang rna ba dang cod pan la sogs pa dang/ rta dang glang po dang ba lang gi tshogs kyang legs par brgyan pa dbul bar bya'o/ /yang bla dang bcas pa'i mchod pa la sogs pas mchod cing/ /mi skyod rdo rje ye shes che/ zhes bya ba la sogs pas snga ma bzhin du bstod par bya'o/ /de 'am gzhan gyis bstod nas dung phor la gnas pa'i bshang gci la sogs pa dang ldan pa'i spros pa'i byang chub kyi sems yi ge gsum gyis mngon par sbyangs te dkyil 'khor gyi 'khor lo'i dbus su phul nas dkyil 'khor ba rnams des tshim par bya'o/ /de nas mngon par 'dus byas pa'i bza' ba la sogs pa la gtor ma byin nas lha rnams kyis tshim par byed pa'i sbyin bsreg bya'o/ /de nas gzhan la dkyil 'khor du zhugs nas dbugs dbyung ba dang lung bstan pa thob pa sngon du 'gro ba thams cad bskyed la slob ma rnams 'jug par bya ba'i phyir de ltar bden pa gsan du 'jug par bya ste/ chos rnams gzugs brnyan dang mtshungs pa'i/ /dag cing dang ba dri ma med/ /gzung ba ma yin brjod bya min/ /rgyu dang las las kun byung ba/ /de bzhin de nyid las byung ba'i/ /de ltar bden pas dkyil 'khor 'di/ /dri med slob ma thams cad kyis/ /gzugs

  461. 231a

    brnyan ltar gsal mthong bar byed/ nam mkha' bskyed pa'i mtshan ma'i phyir/ /thog ma tha ma med pa'i mchog /sems dpa' rdo rje che rang bzhin/ /rdor sems ding bdag 'grub par mdzod/ /dngos grub chen po kun gyi mchog /dbang phyug chen po lhag pa'i lha/ /rdo rje 'chang kun rgyal po ste/ /mi 'gyur dam pa bdag grub mdzod/ /khyod ni skyon med rtag pa ste/ /chags pa kun gyis rjes chags pas/ /chags pa chen po dga' ba che/ /bcom ldan de nyid bdag grub mdzod/ /shin tu dag pa kun gyi mchog /gzod ma nas dag de bzhin gshegs/ /kun tu bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug chen po brgyad mchog gi /rdo rje chen po phul du byung/ /rdo rje sgeg bdag bdag grub mdzod/ /sems can kun gyi yab nyid de/ /dam tshig mchog ldan 'dod pa mchog /dben pa gang gis dkyil 'khor 'di/ /thabs dang shes rab bdag nyid can// mgon po bden pa de nyid kyis/ /bdag la re ba rdzogs par mdzod/ /ces bya ba'i dam tshig gsum gyi glu'i mchod pa dang gsol ba 'debs pa yang bya'o/ /da ni slob ma 'jug pa'i cho ga yin te snga ma bzhin mngon par 'dus byas pas/ dam tshig dang sdom pa khas blangs pa yon phul ba de'i snying gar snyoms par zhugs pa'i bde ba chen po rnam par bsams te/ de'i sbyor ba'i g.yo ba las 'byung ba'i sgra'i kha dog dmar po yi ge a'i 'od zer gyi phreng bas lus thams cad snang bar byas pa bsgoms la/ bdud rtsi 'khyil ba'i khro bos bzlas pa'i mig ? pa dang stod smad kyi rigs dang ldan pa sgo skyong bzhi pos mngon par bzlas pa'i mig bkab pa'i gos byas te rang gi dbang bskur ba'i de bzhin gshegs

  462. 231b

    pas byin gyis brlabs pa'i ras kyis spyi bor bkab la ji ltar bshad pa'i rang gi rigs kyi bu mo lag pa g.yon pas 'khyud pa'i phyag rgyas gzung ba zhugs par byas te las thams cad pa'i bum pa'i chus bsang gtor byas la phyag bzhi byed du gzhug par bya ste/ e ma'o sangs rgyas e ma'o chos oM ma'o chos kyi bstan pa ste/ dag pa'i de nyid don dag pa/ /byang chub sems khyod la phyag 'tshal/ /chos rnams bdag med las byung ba'i/ /sangs rgyas byang chub rdzogs byed pa/ /rnam par mi rtog dmigs pa med/ /byang chub sems la phyag 'tshal lo/ /kun tu bzang po kun gyi don/ /sangs rgyas byang chub rab 'jog pa/ /byang chub sems ni rdo rje che/ /byang chub sems khyod la phyag 'tshal/ /thugs ni de bzhin gshegs pa'i bdag /sku gsung thugs kyi rdo rje can/ /sangs rgyas byang chub rab rtsol ba'i/ /byang chub sems khyod la phyag 'tshal zhes bya bas so/ /de nas a kham wi ra hUM zhes bya ba'i sngags kyis thal mos me tog gi phreng ba bzung ba sgo ru gnas pa dga' ba la brten pa khyod gang yin zhes dri bar bya'o// des ni skal ba dang ldan pa'i bde ba chen po bdag yin no zhes smra bar bya'o/ /de nas rdo rje sems dpa' i bum pa'i chus bsangs la/ yi ge lngas 'jug cing 'di skad smra bar bya ste/ /khyod di ring de bzhin gshegs pa'i rigs su bzhugs pa de bas na khyod la bdag gis rdo rje ye shes bskyed par bgyi gang gis de bzhin gshegs pa thams cad kyi dngos grub thob par 'gyur na/ dngos grub gzhan dag smos kyang ci dgos/ /dkyil 'khor chen po su zhig gis ma mthong ba'i mdun du smra bar mi bya ste/ gzhan du na dam tshig nyams par 'gyur ro/ /rdo rje sems dpa' khyod kyis ding/ /snying ga ru ni yang dag bzhugs/ /gal te tshul 'di smra ba na/ /'gags nas skad cig gis 'byung 'gyur/ /spyang ba dang ni sad pa ste/ /ye shes 'bar ba'i 'od kyis khyab

  463. 232a

    'khor lor gnas pa 'grub ster ba/ /dung chen la gnas bdud rtsi lnga/ /sa bon lnga 'am gsum bkod pa'i/ /slob ma blud par bya ba ste/ /'di ni dmyal ba'i chu yin te/ /dam tshig 'das pa sreg par byed/ /dam tshig bsrungs nas 'grub 'gyur bas/ /rdo rje bdud rtsi chu 'di spyod/ /oM badzro da ka tha(rgyud 'grel): tha(rgyud 'grel): zhes bya bas byin no/ /di ring nas brtsams nas khyod kyi lag na rdo rje ba yin no/ /de bas na khyod kyi 'di gyis shig ces bya ba'i bdag gis smra ba gang yin pa de khyod kyis bya ba dang/ bdag khyod kyis smad par mi bya'o/ /gzhan du ni dka' bar ma 'das bas dus byas nas dmyal bar ltung bar 'gyur ro/ /de nas slob ma la 'di skad smra ba ste/ de bzhin gshegs pa thams cad bdag la byin gyis brlab par mdzod cig ces pa dang/ rdo rje sems dpa' yang bdag la zhugs shig ces brjod du bcug nas/ de'i snying gar yi ge hUM las byung ba'i kha dog ser po rtse gsum pa'i rdo rjes mtshan pa/ zur bzhi pa dbang chen gyi dkyil 'khor la gnas pa'i yi ge hUM las byung ba'i kha dog dkar po bum pas mtshan pa zlum po chu'i dkyil 'khor la gnas pa yi ge haM ste spyi bo la'o/ /yi ge yam las byung ba kha dog sngon po ba dan gyis mtshan pa g.yo ba gzhu'i dbyibs can te rlung gi dkyil 'khor la gnas pa ye ge a sta lkog ma la'o/ /yi ge ram las bskyed pa me ltar 'bar ba gru gsum pa me'i dkyil 'khor la gnas pa yi ge dzhaiM 'od gsal ba rkang pa'i 'og tu bkod nas hUM ha a(rgyud 'grel): dzhaiM zhes bya bas bskul nas rdo rje dbab par bya'o/ /ji ltar bshad pa'i dbang chen la sogs pa'i dkyil 'khor la yi ge hUM las byung ba'i thugs rdo rje la sogs pa/ yi ge dzhaiM las byung ba me'i 'od zer gyis khyab bar 'gyur bar bsams la dbab po/ /bcas par byas pa'i lce la yi ge a

  464. 232b

    dmar po bsams la smros shig rdo rje zhes 'di na dge ba dang mi dge ba thams cad smra bar 'gyur ro/ /zhes bcom ldan 'das rdo rje 'chang gis gsungs so/ /'bab pa de nyid tiSh+Tha badzra dri Dho me b+ha ba shA shA to me b+ha ba h+ri da ya me a b+hiSh+Thi sarba sid+d+hiM me pra yats+tsha hUM ha ha ha ha ho/ /zhes bya ba brjod nas brtan par byas la yi ge lnga pas phreng ba de dkyil 'khor la gtor zhing de nyid kyis blangs la de'i spyi bor byin nas snying ga'i zla ba la hUM bdag po dang mig la oM dang dpral ba la raM bsgoms nas yi ge lnga pas mig phye la man ngag ji lta ba bzhin du dkyil 'khor bstan zhing 'di skad smra bar bya ste/ kye rdo rje'i bu/ mig sman dag pa ldan bzhin pas/ /'di ni da ni khyod kyis mthong/ /sangs rgyas chos kyis rigs las byung/ /sngags dang phyag rgyas byin gyis brlab/ /dngos grub kun gyi phun sum tshogs/ /dam tshig rnams kyis mchog tu 'gyur/ /rdo rje pad+ma rol mchog gi /sngags rnams la ni brten par gyis/ /gru bzhi pa ni mi mnyam med/ /dran dang dbang po sgo bzhi pa/ /bsam gtan dag gis rta babs bzhi/ /snam bu rnams ni ting 'dzin bshad/ /'dod yon la gnas rdo rje mchog /gzugs kyi lha mo dang ldan pa/ /bsam pa thams cad yongs rdzogs pas/ /rnam pa sna tshogs rgyan kun ldan/ /sna tshogs rtse mor ba dan dang/ /gril bu sgra sgrogs gdul bya'i phyir/ /me long ye shes byang chub kyi/ /yan lag me tog phreng ba can/ /dra ba dra phyed rin chen mchog /nyi ma zla ba gdan gyis khyab/ /mi 'gyur bde ba dngos grub kun/ /bde ba chen po zhes par bshad/ /de yi nang gi 'khor lo ni/ /dkyil 'khor rnam pa brgyad dang mtshungs/ /rnam par thar brgyad de yin pas/ /dngos grub thams cad rab tu ster/ /theg pa chen po'i byang chub sems/ /chos kyi 'khor lo rab bskor bas/ /rdo rje ra bas yongs bskor ba/ /thams cad kyis kyang yongs su rdzogs/ /

  465. 233a

    tshon dag rdzogs pa'i sangs rgyas lnga/ /sems can ye shes kyis mtshon phyir/ /dbang po yul dang rnam dag pa/ /rang gi mtshan nyid rab dbye bas/ /ye shes bdud rtsi lngar spyad gang/ /rdo rje'i bum pa de nyid yin// tshogs rdzogs rgyu mthun snying rje yis/ /rlan pas gang ba'i bum pa yin/ /me tog spos dang mar me dang/ /dri zhes bya ba'i dkyil 'khor la/ /byang chub yan lag yid tshim pa'i/ /chos sgron grags pa'i tshogs yin no/ /chos kyi bza' ba lha bshos te/ /ngo tsha khral yod na bza' yin/ /glu dang gar dang rol mo ni/ /bde ba chen po 'phel byed phyir/ /grong khyer thar pa grong yin pas/ /dkyil 'khor snying po len pas so/ /zhes bya ba 'dis rgyu dang 'bras bu'i rang bzhin gyi rten gyi dkyil 'khor bstan nas brten pa'i dkyil 'khor bstan par bya ste/ /de la re zhig dad pa'i dbang po'i rnam par dag pas gshin rje mthar byed de/ sems can thams cad kyi rgyud la gnas pa 'chi bdag gi bdud zil gyis gnon pa'i rang bzhin yin no/ / de bzhin du dran pa dang ting nge 'dzin dang brtson 'grus kyi dbang po'i rnam par dag pas 'phags pa gzhan gyis mi thub pa dang rta mgrin dang 'phags pa bdud rtsi 'khyil ba zhes bya ba ste/ /nyon mongs pa dang phung po dang lha'i bu'i bdud zil gyis gnon pa'i rang bzhin te sgo skyong rnams so/ /de bzhin du 'dod pa'i rgyal po dang dbyug sngon dang stobs po che dang mi g.yo ba dang gtsug gtor 'khor los bsgyur ba dang gnod mdzes kyi rgyal po zhe sdang gi rigs rnam par dag pa ste rang bzhin te/ mig gi rnam par shes pa la sogs pa rnam par dag pa'i ngo bo yin no/ /mig gi skye mched rnam par dag pa'i rang bzhin ni sa'i snying po'o/ /phyi'i gzugs rnam pa gsum rnam par dag pa'i rang bzhin ni gzugs rdo rje ma'o//

  466. 233b

    byams pa dam pa rnam par dag pa'i rang bzhin ni byams pa'o/ /rna ba'i skye mched rnam par dag pa'i ngo bo ni phyag na rdo rje'o/ /sgra gsum rnam par dag pa dang rin chen 'byung ldan gyi rang bzhin ni sgra rdo rje ma'o/ /sna'i skye mched rnam par dag pa nam mkha' i snying po'o/ /dri gsum rnam par dag pa 'od dpag tu med pa'i rang bzhin ni dri rdo rje ma'o/ /lce'i skye mched rnam par dag pa ni 'jig rten dbang phyug go /ro gsum rnam par dag pa dang don yod grub pa'i rang bzhin ro rdo rje ma'o/ /shes rab rnam par dag pa'i rang bzhin ni 'phags pa 'jam dpal lo/ /lus rnam par dag pa ni sgrib pa rnam par sel pa'o/ /reg bya gsum rnam par dag pa dang mi bskyod pa'i rang bzhin ni reg bya rdo rje ma'o/ /yid rnam par dag pa ni kun tu bzang po'o/ /phyi dang nang gi bdag nyid kyi sa'i khams rnam par dag pa'i rang bzhin ni sangs rgyas spyan ma'o/ /de bzhin du chu dang me dang rlung rnam par dag pa'i rang bzhin ni mA ma kI dang gos dkar mo dang sgrol ma rnams so/ /de bzhin du stong pa nyid kyi rgyu mthun pa me long lta bu la sogs pa ye shes kyi rang bzhin rnam par snang mdzad dang rin chen 'byung ldan dang 'od dpag tu med pa dang don yod grub pa rnams so/ /stong pa nyid la sogs pa rnam par thar pa'i sgo bzhi ni rgyu mthun pa ye shes lnga'i rang bzhin ni bcom ldan 'das de mi bskyod rdo rje'o/ /gang du 'jug pa tsam gyis ni/ /zil gyis gnon min phyir ldog min/ /bde ba chen po'i dngos grub phyir/ /mkhas pa de rnams 'byung 'gyur zhes bshad par bya'o/ /de nas rdo rje slob dpon la/ /yon ni mang du phul nas ni/ /phyag 'tshal byas nas tshig bshad pas/ /dbang bskur thob phyir gsol 'debs bya'o/ /byang chub rdo rje sangs rgyas la/ /ji ltar mchod cing gsol ba bzhin/ /bdag la yang ni skyobs don du/ /nam mkha' rdo rje ding bdag stsol/

  467. 234a

    'jug pa'i sgo yin kha bltas pa/ /pad+ma 'dab ma brgyad steng du/ /sna tshogs gdan la bzhag nas ni/ /rang gi lhag pa'i lhar spyir? bas/ /lus la dgong pa'i dkyil 'khor can/ /cho ga 'dis ni dbang bskur bya/ / gdugs dang rgyal mtshan ba dan dang/ /bum pa rol mon gza' mchog /lha yi rgyan dag thogs pa ste/ /sangs rgyas kun gyi nam mkha' i khams/ /sngar bshad bya ba'i dbang gis ni/ /khyad par chen po yang dag ldan/ /dbang gis dus su slob dpon gyis yongs su gang ba rnam par bsgom/ /bum pa'i chu la de bsdus nas/ /bdud rtsi lnga sogs bzhugs gyur pa/ /mgul ni dar gyis bcings pa ste/ /spyan sogs phyag gis gzung bya ba/ /bum pas ba spu bu ga nas/ /sangs rgyas thams cad 'jug par bya/ /tshigs bcad dang ni sngags brjod pas/ /slob ma dga' bas dbang bskur bya/ /dbang bskur ba ni rdo rje che/ /khams gsum pas ni phyag bya ba/ /sangs rgyas kun gyi gsang ba gsum/ /gnas las byung ba bdag gis stsol/ /ji ltar cod pan ngag gis kyang/ /dbang bskur byas te de nas blos/ /brtan par byas te rnal 'byor gyis/ /de ltar rim pas phyag mtshan sbyin/ /sangs rgyas rdo rje'i dbang bskur gyis/ /khyod ni de ring dbang bskur ro/ /'di ni sangs rgyas kun nyid de/ /dngos grub thob phyir rdo rje long/ /oM badzra d+hi pa ti twa a b+hi Shiny+tsa mi tiSh+Tha badzra sa ma ya stwaM/ /sems dpa' thog mdza' med pa ni/ /rdo rje sems dpa' dga' ba che/ /kun tu bzang po kun bdag nyid/ /rdo rje sgeg pa bdag po'i bdag/ hUM las byung ba'i rdo rje'i dbang/ /'di ni sangs rgyas thams cad kyi/ /shes rab sgra ni rjes 'gror bshad/ /rgyal bas bzhed pa'i byang chub mchog /khyod kyis rtag tu gzung bar gyis/ /yi ge a las skyes pa'i dril bu'o/ /

  468. 234b

    srid pa ngo bo nyid kyis bdag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog ni grub par byed/ /ces bya bas de nyid dkrol bar bya'o/ /srid pa'i bde ba shin tu chung/ /sdug bsngal chen po dag bya'i phyir shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad dag /ce 'dod pa ni bsten bzhin du/ /rang gi lha yi sbyor ba yis/ /bdag dang gzhan la mchod par gyis/ /ji srid 'khor ba'i gnas su ni/ / mkhas pa mchog gis gnas gyur pa/ /de srid 'gro don yal med pa/ /mya ngan 'das pas byed par nus/ /shes rab pha rol phyin pa'i thabs/ /bsod nams byin brlabs 'grub byed pa/ /dngos grub kun dbang 'grub pa yis/ /sems can gyi don brtan par byed/ /phyag rgya mngon par rtogs bshad de/ /yid kyi sku ni bstan phyir ro/ /gang gis sku kun brtan pa ste/ /de phyir phyag rgya mngon par brjod/ /ces bya ba ni dam tshig go /de ltar dam tshig gsum byin nas/ /oM badzra de ba te twa a b+hi Shinyu ne badzra nA mA b+hi She ka ta zhes bya bas kye dpal che ge mo rdo rje zhes bya bas dpal gyi sgra dang sbyar ba ni ming gi dbang bskur ro/ /'di de sangs rgyas thams cad kyi/ /rdo rje sems dpa' i phyag na gnas/ /phyag na rdo rje'i btul zhugs brtan/ /khyod kyis kyang ni tog tu zung/ /oM sarba ta thA ga ta badzra sa ma ye e Sha twaM d+ha ra ya mi he he he he he hUM zhes bya ba brjod pas slob ma bzung du bcug nas/ me tog la sogs pas mchod cing bzhag go /de ni bum pa zhes bya bas bsdus pa'i phyi'i dkyil 'khor gyi dbang bskur ro/ /bum pa'i dbang ni dang po ste/ /gsang ba'i dbang bskur gnyis pa yin/ /shes rab ye shes gsum pa yin/ /zhes le'u bco brgyad pa nas gsungs pa'i phyir ro/ /de nas skye bos dben pa'i sa phyogs su sngags dang rgyud la legs par slong ba/ bzhin bzhar

  469. 235a

    ba mig yangs pa de nyid/ rig pa la sbyor ba dam tshig bsrung pa la brtson pa/ bde ba thams cad yo byad dang ldan pa rang gi rigs kyi bu mo rdo rje slob dpon la slob mas dbul bar bya'o/ /de nas g.yon phyogs na gnas pa'i de dang lhan cig tu gnas pa'i bla ma la/ lcags kyu dang sgron ma'i bsnyen bkur dang dri dang phreng ba la sogs pa dang/ rgya che ba'i phyi'i yo byad dang/ bla ma dang bcas pa la sogs pa'i mchod pas yang dag par mchod cing pus mo g.yas pa sa la btsugs te/ de nas thal mo sbyar nas slob dpon che la gsol ba gdab/ /khyad kyis zhabs gyi drin gyis ni/ /bla med bya ba bdag gis shes/ /nga ni dbang bkur rin chen gyis/ /mgon pos rjes su bzung bar mdzod/ /ji ltar bde chen mgon po yis/ /dpal ldan rdo rje chos can la/ /dag pa'i de nyid ces ston pa/ /mgon po bdag la'ang de bzhin stsol/ /sdug bsngal kun gyi gnas gyur pa/ /gtso bo dmyal ba las bton mdzod/ /sdug bsngal thams cad des gcod phyir/ /mgon med la ni thugs rjes gzigs/ /khyod zhabs pad+ma spangs nas ni/ /gtso bo bdag la gzhan skyabs med/ /de phyir sangs rgyas mchog 'gro ba'i/ /dpa' o thub chen bka' drin mdzod/ /gsol ba 'debs la mkhas pa yi/ de ltar tshig mchog gsan nas ni/ /slob mas snying rje bskyed byas nas/ /bla ma dpal ldan yon tan mche/ /zhal ni rab tu dga' 'gyur bas/ /brtse ba dang bcas mgu ba yis/ /gsang ba'i las ni gsang ba mchog /dam tshig mchog de nyan du gzhu/ /khyod kyis srog chags bsang bya ste/ /ma byin par yang khyod kyis blang/ /gzhan gyi bud med bsten pa dang/ /tshig kyang brdzun du smra bar bya/ /thugs kyi sdom pa mchog 'di ni/ khu bzang khyod kyis bsrung bar bya/ /bshang ci dang na

  470. 235b

    sha dang khrag/ sems las byung ba lnga pa ste/ /khyi mi glang po ba lang lta'i/ /shin sbyang sogs chog yis /khyod kyis rtag tu bza' bya ba/ /'di ni dam tshig rmad byung che/ /de nas sngar bshad pa'i dkyil 'khor ram yang na bsgom pas yongs su brtags pa'i lha'i 'khor lo thams cad kyi nang na bzhugs pa'i rdo rje slob dpon rdo rje 'chang chen po'i nga rgyal dang ldan pas rang gi rig ma'i pad+ma'i khar bdud rtsi lnga'i ril bu bcug la/ man ngag ji lta ba bzhin du yang dag pa'i dbang bskur ba'i don du snyoms par zhu bar bya ste rang gi lhag pa'i lha skur zhing des 'gro ba'i don byas la/ de dgug cing rang gi lus la bcug ste de'i rnam par 'gyur nas slob ma yang de'i rang bzhin du phung po la sogs pa byin gyis brlab pa rang gi lha mo dang bcas par bsams te rang gi bsdu'i bu ga las byung ba'i 'od zer gyi lcags kyu'i tshogs kyis nam mkha' i dbyings ma lus par khyab par byed pa'i de bzhin gshegs pa rnams bsdus la/ /rang gi sku gsung thugs la 'jug ste lam la gnas par 'gyur zhing rang gi snying ga nas de bzhin gshegs pa rnams phyung la/ /mchog tu dga' ba'i cho zhu bar gyur pa de dag la slob ma'i khar bcug par bya'o/ /e ma'o bde chen 'di brjod nas/ /slob mas sems byung spyod par bya/ /'dir sangs rgyas thams cad kyi/ dbang bskur ba yi gnas kyi mchog /las kyi rab byams mchog dang ni/ /rdo rje kun yang 'grub par 'gyur/ /de ni gsang ba'i dbang bskur ba'o/ /sems byung me tog dang bcas pa/ /pad+ma la gnas blangs nas ni/ /rang gi zhal gyis mchod pa'i phyir/ /rig ma'i kha ru gzhug par bya/ /bshang ci sha dang yang dag ldan/ /mi yi dung phor la bzhug go /shin tu dad ldan shes rab che/ /gzugs bzang sgrub pa po la dga' / /rnal 'byor gcig la goms byas pas/ /dam

  471. 236a

    tshig la mkhas rnal 'byor ma/ /sgrub pa pos ni bla ma la/ /sngar ni yon du phul ba gang/ /bla mas de nyid byin brlabs nas/ /slob ma de la sbyin par bya/ /me tog la sogs dam tshig ldan/ /sangs rgyas sogs kyis byin brlabs la/ /de dang lhan cig snyoms zhugs pa/ /bla ma dang bcas la sogs pas/ /phyi yi nye bar spyod pa yis/ /rdor can gnyis pa bzhin du mchod/ /bkra shis pa yi tshigs bcad dang/ /rol mo dang ni sna tshogs dbyangs/ /rnga yab rgyal mchan gzugs sogs dang/ /me tog phreng ba sogs kyis mchod/ /shes rab ye shes dbang bskur gyi/ /mnyam par brtan par bzhag nas ni/ /sngar ni thal mo dang sbyar ba/ /cho ga 'dis ni dbang bskur bya/ /de la rdo rje slob dpon spyan ma dang bcas pa'i gti mug rdo rje'i rnal 'byor dang ldan pas slob ma la ji ltar bshad pa byed du bcug la/ rnam par snang mdzad dang snyoms par bzhugs pa'i sangs rgyas spyan ma'i sprin/ /kha dog dkar po'i byang chub kyi sems kyis yongs su gang ba'i chu shel gyi bum pa lag na thogs pa snyoms par zhugs pa las spros te/ de rnams kyis dbang bskur la/ de rnams kyis snyoms par zhugs pa las byung ba'i kha dog dkar po byang chub kyi sems kyi rgyun gyis dbang bskur byas la/ sku rdo rje dang spyan ma'i tshogs de dag thams cad bde ba chen po'i dbang gis gzhan dbang du gyur pa/ /mar gyi bum pa bzhin du bzhus pa ye shes kyi bdud rtsi'i rnam pa slob ma'i lus la rjes su bcug nas/ de yang lha'i sku bde ba chen po'i rang bzhin du bsams? bar? bya'o/ /don ni 'di ltar bshad pa yin te/ rmongs pa la ni gti mug bdag /gti mug dga' ma'i rnal 'byor ldan/ /gti mug rgyun gyis dbang bskur bas/ /gti mug rdo rje rang nyid 'gyur/ /zhe sdang can la zhe sdang bdag /zhe

  472. 236b

    sdang dga' ma'i rnal 'byor ldan/ /zhe sdang rgyun gyis dbang bskur bas/ /zhe sdang rdo rje rang nyid 'gyur/ /chags pa can la chags bdag nyid/ /chags pa'i dga' ma'i rnal 'byor ldan/ /'dod chags rgyun gyis dbang bskur bas/ /'dod chags rdo rje rang nyid 'gyur/ /shes rab ye shes bdag nyid can/ /rdo rje dga' ma'i rnal 'byor ldan/ /ye shes rgyun gyi dbang bskur bas/ /shes rab ye shes rang nyid 'gyur/ /zhes bya bas rang rang gi de bzhin gshegs pa dang rjes su mthun pa'i byang chub kyi sems kyi rgyun rnams shes par bya'o/ /de ni shes rab ye shes kyi dbang bskur ro/ /de nas de ltar gnas pa'i slob ma'i lag tu rig ma'i lag pa bla mas byin nas de bzhin gshegs pa rnams dbang por bya'o/ /'di nas brtsams te bdag gis ni/ /'di la rig pa yang dag sbyin/ /byang chub chen po bsgrub pa'i phyir/ /de bzhin gshegs pas snang bar mdzad/ /de nas slob ma la smra bar bya ste/ /'di ni gzugs ma dga' ma ste/ /khyod kyis rtag tu bstan par bya/ /bar du gnas pa'i bla ma yis/ /slob ma'i spyi bor phyag bzhag nas/ /sangs rgyas nyid la thabs gzhan med/ /de phyir rig ma 'di nyid mchog /chos rnams thams cad gnyis med pa/ /gnyis su snang ba rtog pa med/ /de phyir rtag tu khyod kyis ni/ /'khor ba spang bar bya ba min/ /'di ni sangs rgyas thams cad kyi/ /rig pa'i brtul gzhugs bla na med/ /rmongs pa gang gis 'das pa na/ /de yi dngos grub thob mi 'gyur/ /de nas brtsams te res de la/ gsang ba mchog ni bstan par bya/ /rgyud kun las ni gang zhig ni/ /brda' yis rgyas btab sbas par bshad/ /yang ji lta ba bzhin du sangs rgyas la sogs pa'i rnal 'byor dang ldan pas/ /sems can kun la phan pa'i phyir/ /'jig rten

  473. 237a

    thams cad kun nas ni/ /ji ltar gdul bya sna tshogs pa/ /chos kyi 'khor lo bskor bar gyis/ /de bzhin du rdo rje dang rin po che dang pad+ma dang 'khor lo bskor bar gyis/ zhes bya la sogs pa'i tshigs su bcad pa lngas rjes su gnang ba byin nas blangs te/ de bzhin gshegs pa thams cad kyi rnal 'byor gyi snying gar g.yon pa'i khu tshur gyis chos 'khor gyis dkyil bzung ba'i tshul dang/ g.yas pa'i mchog sbyin gyi phyag rgya rdo rje ming gi dbang bskur gyis lung bstan par bya ste/ /rdo rje sems dpa' de bzhin gshegs/ /bdag gis khyod la lung bstan te/ /srid pa'i ngan 'gro las bton nas/ /shin tu srid pa grub phyir ro/ /he badzra na ma ta thA ga ta sid+hya sa ma ya stwaM b+hurb+hu wa swA/ /langs nas lung bstan pa 'dis mchog tu gsang ba'i cho gas lung bstan par bya ba de la rdo rje 'chang chen po dang bcas pa de bzhin gshegs pa thams cad dang byang chub sems dpa' dang/ /dkyil 'khor pa rnams kyi de bzhin gshegs pa thams cad kyi rang gi dam tshig gi slob dpon nyid du byas pa'i phyir ngag gcig gis bla na med pa yang dag par rdzogs pa'i byang chub du lung bstan par 'gyur ro/ /gzhan yang lung bstan pa'i phyag rgya chen po de'i gsang ba dam pa mchog gi dngos grub kyis byin gyis brlabs pa dang sngags de nyid kyi stobs kyi dad par bya'o zhes slob pa la smras nas gsang ba bstan par bya ste/ /chags bral dang mtshungs sdig pa ni/ /khams gsum las ni gzhan med de/ /de phyir 'dod pa'i chags bral nyid/ /blo can khyod kyi mi bya'o/ /oM mahA sa ma ya ha na phaT/ /de nas slob ma'i g.yas pa'i the bong nas/ /lag pa g.yon pas gzung byas te/ /slob ma gtso bo la brten cing/ /mar gyi dgang blugs brgya brgyad bsregs//

  474. 237b

    sku? rtsi mar dang zho bsres pa'i/ /dgang blugs brgya dang rtsa brgyad bsreg /kun gyi snying rigs rig pa yis/ /bsangs te snying ga reg par bya/ /bdud rtsi 'khyil pa'i bzlas bya ba/ /de yi dpung la srung skud gdags/ /spyi bor gdugs ni sbyin byas nas/ thal mo dang bcas sgor 'jug nas/ /gdugs dang bcas pa'i slob ma ni/ /dkyil 'khor sgo ru 'dud du gzhug /slob ma 'di ni bdag gis 'bul/ /rgyud rnams 'dzin par 'gyur ba yin/ /slob dpon gyis ni gdugs blangs pas/ /de la tshig snyan gtad par bya/ /nga ni dkyil 'khor slob dpon te/ /sngags dang rgyud 'chang khyod yin te/ /sangs rgyas byang chub sems dpa' dang/ /lha mo rnams kyis yang dag bshad/ /sems can rnams la brtse ba'i phyir/ /khyod kyis dkyil 'khor cho ga yi/ / 'bad de bri bar bya ba dang/ /rgyud la slob ma sbyad par gyis/ /de nas man ngag ji lta ba bzhin du byin nas drang ba'i don la sogs pa dang dgongs pa'i gnas kyang bstan par bya'o/ /de nas ji ltar 'jug pa la de bzhin gshegs pa thams cad kyi dbugs dbyung pa sbyin par bya ste/ /gsang ba mchog gi dkyil 'khor 'di/ /dam pa mthong dang 'jug byas nas/ /sdig pa thams cad las grol ba'i/ /khyed rnams ding nas bde bar gnas/ /khyod la slar yang 'chi ba med/ /bde ba chen po theg chen las// zil gyis mi gnon gsong byed pa/ /gang las 'jigs med rol par gyis/ /srid pa'i sdug bsngal khyed la med/ /shin tu srid pa grub phyir ro/ /dam tshig sdom pa 'grub pa 'di/ /khyod kyis rtag tu bsrung bar gyis/ /bka' lung ngam brtag pa 'dis/ /sangs rgyas kun gyi mnyam par gsungs/ /rdo rje zhes bya phyag rgya 'dis/ /byang chub sems 'dor mi bya ste/ /gang zhig bskyed pa tsam gyis ni/ /sangs rgyas nyid de gdon mi za/ /dam pa'i chos ni 'dor mi bya/ /nam yang smod

  475. 238a

    par mi bya'o/ /mi shes pa 'am rmongs pa la/ /tshul chen bstan par mi bya'o/ /rang gi bdag nyid yongs spangs nas/ /dka' thub gyis ni gzir mi bya/ /'di ni ma 'ongs sangs rgyas pas/ /ci bde bas ni bde bar bzung/ /rdo rje dril bu phyag rgya rnams/ /nam yang 'dor bar mi bya ste/ /slob dpon smod par mi bya zhing/ /de ni sangs rgyas kun dang mnyam/ /bla ma sangs rgyas kun dang mtshungs/ /gang gis smod par gyur ba na/ /sangs rgyas thams cad smad pas na/ /des na rtag tu sdug bsngal thob/ /rims dang sbyar dug dug dang nad/ /mkha' 'gro 'chi ba gdon rnams dang/ /bgegs dang log 'dren 'jigs pa yis/ /bsang nas dmyal bar 'gro ba yin/ /de phyir 'bad pa thams cad kyis/ /rdo rje slob dpon bla ma che/ /dge ba dam pa rab sbas? ba'i/ /nam yang smad par mi bya'o/ /bza' bca' yon tan bcas par ni/ /bla ma la ni mthun par dbul/ /de nas rim sogs gdung ba rnams/ /slar yang 'byung bar mi 'gyur ro/ /rang gi dam tshig slob dpon ni/ rang srog gis kyang bstan par bya/ /bud med la sogs dbul byas te/ /'byor ba gzhan ngag smos ci dgos/ /grangs med bskal pa bye ba yi/ /gang phyir rtag tu rnyed dka' ba/ /rtsol ba ldan la sangs rgyas nyid/ /tshe 'di nyid du ster bar byed/ /der sbyin sangs rgyas thams cad la/ /rtag tu dbul bar gyur pa yin/ /de phyir pas ni bsod nams tshogs/ /tshogs las dngos grub dam pa yin/ /rtag tu dam tshig bsgrub bya ba/ /rtag tu de bzhin gshegs pa mchod/ /bla ma la yang rtag tu dbul/ /de ni sangs rgyas kun dang mtshungs/ /ding sang khyod skye 'bras bur bcas/ /gang phyir 'di la 'bras bur gnas/ /dam tshig lha dang mnyam pa ni/ /khyod rnams gyur te the tshom med/ /rdor bcas sangs rgyas thams cad kyis/ /khyod rnams de ring dbang bskur ro/ /khams gsum pa yi

  476. 238b

    rgyal srid che/ /rgyal po'i bdag po rnams su gnas/ /de ring bdud rnams rnam bcom nas/ /grong khyer dam pa la ni zhugs/ /di ring khyod kyi sangs rgyas nyid/ /thob par byas te the tshom med/ /de ltar yid ni dang ba'i rdo rjer gyis/ /rang gi dam tshig mi zad bde ba bstan/ /bde ba 'gro la di ring rdo rje sems dpa' ni/ /'dra bar rtag tu khyod rnams 'gyur ba yin/ /dang dang ldan pa'i slob ma yis/ /bla ma'i zhabs la phyag 'tshal nas/ /ji ltar gtso bos bka' stsal pa/ /thams cad bgyi zhes smra bar bya/ de ltar dam bca' rnams byas pa'i/ /slob ma'i cho ga 'di nyid kyi/ /zhi ba'i don du sbyin bsreg bya/ /'chad par 'gyur ba'i rim pas so/ /de nas slob ma re re yis/ /mthe bong g.yas pa mkhas pa yis/ /lag pa g.yon pas gzung byas nas/ dgang blugs? bdun pos sbyin bsreg bya/ /g.yas bskor ba yi rim pa yis/ /spyi bor blugs gzar bskor byas nas/ /sbyin bsreg byas te slob kun la/ /bla mas yon ni blang bar bya/ /gser dang dngul dang rin chen dang/ /rta dang glang po sa gzhi dang/ /de rnams kyi sa phul blangs nas ni/ /cho ga bzhin du sngags sbyin bya/ /sngags kyi rgyal po'i ting 'dzin te/ /ji bzhin nye bar brtan byas nas/ /ji ltar gsungs pa'i phyag rgya yi/ /gsang ba'i sbyor ba byed bcug nas/ /de las byung ba kun blangs nas/ /byang chub sems ni sbyong du gzhug /de nyid la ni yi dam gyi/ /sgrub thabs de tshe bshad par bya/ /de nas sngar bshad pa'i mchod pa rnam pa lnga dang 'dod pa'i yon tan lnga dang bla ma dang bcas pa la sogs pa'i mchod pa rnams kyis mchod cing slob ma rnams la 'di skad smra bar bya ste/ khyod rnams kyis ci nus pa de bzhin gshegs pa thams cad la mchod pa gyis shig /de nas ji ltar gnas pa thams cad la bza' ba la sogs pa dang ba lang dang rta dang glang po dang khyi dang mi'i sgron ma dang bdud rtsi dang/ nyes pa dang bcas

  477. 239a

    pa dang nyes pa med pa'i gtung ba'i khyad par gyis dkyil 'khor la phul bas tshim par bya'o/ /de nas 'di ni sangs rgyas thams cad nyid ces bya ba la sogs pas yang rdo rje brtul zhugs byin la/ de dang lhan cig tu mtshan mo gnyid ma log pas dga' ba dam pa'i cho ga dang dpal bde ba chen po'i bsgom pa dang gar dang glu la sogs pas gnas shing bzlas par bya'o/ /yang su la yang smra bar mi bya ste zhes bya ba thams cad mna' bskyal zhing 'jug pa thams cad la yang 'jug cing mgon po rnams la mchod cing bstod la/ phyogs skyong la gtor ma byin nas nye reg byas te phyag btsal nas arg+ha dbul zhing dge ba'i rtsa ba yongs su bsngos te/ dkyil 'khor la lan gsum bskor nas badzra d+h+rika a zhes brjod pas yi ge gsum mu'i yi ge'i mdza' can gyis nam mkha' dang mnyam pa nyid kyis rang gi lus ngag yid la dkyil 'khor gyi 'khor lo zhugs nas a kA ro mu khaM sarba d+harmA NaM adya nutpan+na twAta zhes bya ba brjod nas dkyil 'khor gyi 'khor lo phyung zhing snga ma bzhin du gsang ba'i dkyil 'khor gshegs su gsol nas rdul tshon la sogs chu bo chen po la gtor zhing sngags de nyid brjod pas dkyil 'khor gyi phur bu rnams gton nas bdud rtsi dang bcas pa'i 'o mas bkrus la rang dang slob ma rgyal po rnams la bsrung ba dang zhi ba'i don du dus gsum mnyam pa nyid kyi sgom pas ji ltar bde bas gnas par bya'o/ /de ni thugs kyi dkyil 'khor gyi cho ga ste cho ga'i sgra bstan to/ /cho ga mthong ba ste zhes pa ni dkyil 'khor gyi cho ga de nyid la mthong ba'o/ /las de zhes pa ni dkyil 'khor gyi cho ga las gsungs pa'i bya ba'i khyad par gyis so/ /gzhir gyur pa'i dkyil 'khor zhes pa la 'bri ba'i dkyil 'khor ji lta ba bzhin du rdul tshon gyi 'bar ba rdzogs par byas nas so/ /de nas shes pa ni rdul tshon gyis dkyil 'khor bris

  478. 239b

    pa'i 'og tu'o/ /slob dpon rdo rje slob dpon gyis so/ /rdo rje la sogs pa'i phyag rgya rnams dgod par bya'o/ /zhes pa ni sngar bshad pa'i sngon po'i rdo rje la sogs pa mtshan ma sum cu rtsa gnyis so zhes bya ba'i tha tshig go /chos kyi phyag rgya zhes bya ba la sogs pas mdor bstan pa ste sku gsung thugs kyi rnam par dag pa la sogs pas de nyid gsum gyis rgyas btab pa'o/ /yi ge hUM las sogs pa chos kyi phyag rgya'o zhes pa ni/ yi ge hUM la sogs pa yig 'bru de bzhin gshegs pa'i sa bon yin pa'i phyir dang rgyu dang 'bras bu dbyer mi phyed pa'i phyir ro/ /de bas na de bzhin gshegs pa'i brda bstan pa'i dus su yig 'bru la sogs pa phan tshun ming dang ming can gyi tha snyad yin no/ /chos kyi phyag rgya'o zhes pa ni/ /de bzhin gshegs pa'i brda'i mtshan nyid kyi chos ni yi ge rnams kyis brjod par bya ba'i phyir ro/ /de bzhin gshegs pa'i de kho na nyid rgyas btab pa gang gis de ni phyag rgya'o/ /chos la rgyas btab pas na chos kyi phyag rgya ste de'i skyes bu'i bsdu ba'o/ /rdo rje la sogs pa mtshan ma'i phyag rgya'o zhes pa ni/ /thugs rdo rje la sogs pa lha sum cu rtsa gnyis kyis brten pa'i dkyil 'khor de rnams phyag mtshan yin pa'i phyir ro/ /de'i rnam par dag pa ni le'u bcu gsum pa nas bstan to mtshan ma yang yin la phyag rgya yang yin pas na mtshan ma'i phyag rgya ste las 'dzin pa'i bsdu ba'o/ /mi bskyod pa la sogs pa lha'i 'khor lo ni zhes pa la zhal gsum pa la sogs pa'i rnam pas thugs rdo rje la sogs pa'i dkyil 'khor sngon du 'bri ba'o/ /phyag rgya chen po'o zhes pa ni zhal gsum pa la sogs pa'i bdag nyid kyis phyag rgya yang yin la/ /chos kyi dbyings la sogs ye shes kyi rang bzhin yin pas chen po yang yin te/ phyag rgya chen po ni

  479. 240a

    bcom ldan 'das mi bskyod pa la sogs pa'i 'bri bar bya ba'i sku zhes bya ba'i don to/ /de la phyag rgya chen po ni sems kyi rang bzhin yin te sems nyid de'i rnam par snang ba'i phyir ro/ /chos kyi phyag rgya ni ngag gi rang bzhin te yig 'bru rnams dag yin pas so/ /mtshan ma'i phyag rgya ni lus kyi rang bzhin te de rnams lus kyis 'dzin pa'i phyir ro/ /sems can gyi rgyud thams cad las bltos nas zhes pa ni gti mug dang 'dod chags dang zhe sdang gi rigs can gyi rgyud thams cad ces bya ba la sogs pa ste/ /bsam pa dang bag la nyal ba dang rigs dang bag chags la sogs pa'o/ /bltos nas shes pa ni de rnams la brten pas so/ /rnam pa gsum pa 'di dag gis/ /zhes pa ni blo la gnas pa dbye ba gsum gyi chos la sogs pa zhes bya ba'i phyag rgya rnams so/ /dgod pa yang bya'o zhes pa ni de dag thams cad bri bar bya'o zhes bya ba'i tha tshig go /'di skad bshad pa yin te gal te gti mug gi rigs can gyi rnal 'byor pa yin na de'i tshe/ phyag rgya chen pos mtshan pa'i dkyil 'khor bri bar bya'o/ /de bzhin 'dod chags dang zhe sdang gi rigs can dag la bltos nas chos dang mtshan ma'i phyag rgya dag dgod par bya'o/ /de dag la nye bar mtshon pa'i don tsam du zhes pa ni chos dang phyag rgya chen po dag mtshon par bya ste/ tha mi dad pa'i phyir ro zhes sngar bshad zin to/ /mtshan ma'i phyag rgya zhes pa ni zhe sdang gi rigs can gyi phal che ba la brten pas so/ /zhe sdang gi de kho na nyid yin pa'i phyir zhes ba ni nyon mongs pa zhe sdang dang de'i 'brel pa dang ldan pa'i nye ba'i nyon mongs pa rnams kyang thugs rdo rje 'chang gis sbyang bar mdzad pa'i phyir ro/ /rnam shes zhe sdang bshad pa ste/ /spong dang rigs pa gnyis sbyor bas shes 'byung ngo/

  480. 240b

    rdo rje ni 'jigs pa rnams kyang 'jigs par byed pa'o/ /zhes pa ni 'khor ba can gang las 'jigs par 'gyur ba'i 'jigs pa ni nyon mongs pa dang shes bya'i sgrib pa gnyis so/ /nga yang 'jigs par byed pa ni mthong ba dang bsgom pa'i lam gyi rim pas 'joms par byed pa ste/ chos kyi dbyings kyi ye shes so/ /de nyid dbyer med pas rdo rje ste/ /rdo rje'i gzugs su phyi rol tu snang ba'i phyir ro/ /ji skad du spong bya lnga dang rig pa lnga/ /rdo rje zhes bya mngon par bshad/ / bstan pa snying po khor stong med/ /gcod med dbyer med mtshan nyid can/ /bsreg ba med cing 'jig med pa/ /stong pa nyid ni rdo rje bshad ces 'byung ngo/ /rdo rje ni de bzhin gshegs pa rnams so zhes pa ni me long lta bu la sogs pa mi phyed pa'i ye shes lnga'i rang bzhin yin pa'i phyir ro/ /'od zer lnga ste zhes pa ni zhi ba la sogs pa'i las kyi rab 'byams lnga'i rang bzhin nyid do/ /des 'khor lo rnam par brgyan pa'o zhes pa ni 'od zer lnga dang ldan pa'i rnam par snang mdzad kyi phyag mtshan zhes bya ba'i don to/ /des ni 'khor lo kha dog dkar po yin na yang de bzhin gshegs pa lnga'i de kho na nyid kyi rang bzhin bstan pa yin te/ gang gi phyir me long lta bu'i ye shes ni mnyam pa nyid la sogs pa'i ye shes kyi chas khyab pa'i phyir ro/ /de bzhin du gzhan rnams kyang shes par bya'o/ /rin po che la 'od zer gyi chogs kyi rgyal po'o/ /zhes pa ni de bzhin du rin po che yang 'od zer lngas khyab pa zhes bya ba'i tha tshig go /kha dog sna lnga pa'o zhes pa ni ral gri'i rang bzhin gyi 'od lnga yin te/ las thams cad pa yin pa'i phyir ro/ /gang gi phyir bya ba nan tan grub pa'i ye shes kyis ni zhi ba la sogs pa'i phrin las thams cad 'grub par 'gyur bas

  481. 241a

    so/ /ral gri la 'od de'i tshogs kyis khyab pa'o zhes pa ni bya ba nan tan bsgrab pas bsam pa sna tshogs pa'i gdul bya yin pas tshogs yin pa'i phyir ro/ /shar gyi mtshams la zhes pa ni mo'i mtshams la'o sprin gyi mdog 'dra ba ste zhes pa ni mig gi dpus gnag pa ste mig 'bras sngon po yin pas so/ /mdza' dkar ba'i 'od dang ldan pa gang yin pa de ni zhes pa la mig gi mdza' ma'i cha gnyis dkar po yin pas so/ /sprin gyi mdog dang 'dra ba zhes bya ba la sogs pas las 'dzin pa'i bsdu ba byas nas kha dog dkar dang nag po mig la bstan pa yin te me long lta bu'i ye shes kyi dngos po thams cad kyi ngo bo nyid mthong ba'i phyir ro/ /rdo rje'i rigs las bltos pa ste zhes pa ni rdo rje'i phyag mtshan no gang gi rin chen gyi rigs la bltos par gyur pa zhes pa ni nga rgyal kun de nas 'chad par 'dod na mA ma kI ni rin chen gyi rigs can du 'gyur ro/ /de'i tshe na rin po che yang mA ma kI ni phyag mtshan du 'gyur te zhes pa ni rin po che yang phyag mtshan yin no/ /zhes bya ba'i don to/ /rdo rje ni ma yin no zhes pa ni rdo rje tsam 'ba' zhig bkab pa zhes dgongs pa'o/ /'o na de bzhin gshegs pa lnga'i rim pa ji lta ba bzhin du reg bya rdo rje ma dang spyan ma dang mA ma kI dang gos dkar mo dang sgrol ma ste btsun no mchog go /de la mA ma kI ni rin chen 'byung ldan gyi rigs yin pas gnyis ka'i rigs can ci'i phyir zhe na/ smras pa/ 'dir khams bzhi'i rang bzhin ni yum bzhi ste/ stong pa nyid bzhi'i rang bzhin nyid du rab tu grags so/ /de bzhin gshegs pa lnga yang phung po lnga rnam par dag pa'i rang bzhin no zhes thabs lnga la shes rab bzhi ji ltar rigs/ de bas na zhe sdang nga rgyal dag

  482. 241b

    dbyer med par byas nas thugs rdo rje dang yid bzhin nor bu'i rigs dag la mA ma kI gcig bu sbyar na rigs gnyis par 'gyur/ 'o na dbus kyi gtso bo'i reg bya rdo rje ma nyid 'khyud par gnas na de la mA ma kIs dgos pa ci bya zhe na/ smras pa/ reg bya rdo rje ma'i rnam grangs can mA ma kI kho na yin te skyon med do/ /de nyid kyi phyir de mA ma kI chen mo yin no zhes ming du grags so/ /de bas na gnyi ga'i rigs can mA ma kI yin no zhes bstan pa ni rigs so/ /pad+ma la phye zhing bya ba la sogs pas 'od dpag tu med pa'i rigs can gyi phyag mtshan bstan te so sor rtogs pa'i ye shes kyi dngos po thams cad rab tu 'byed pas rgyas pa'i phyir ro/ /sprin sngon po ltar zhes pa ni kha dog ljang khu utpa la srid pa'i 'jigs pa las grol bar byed pa dam tshig gi rigs kyi phyag mtshan te/ bya ba nan tan grub pa'i ye shes kyi sems can thams cad kyi rgyud lhag par gnas par byed pa'i phyir ro/ /des ni gang gi rim pa la phyag rgya dgod pa bstan pa yin no/ /phyi'i rim pa'i sgo rnams la mtshan ma'i phyag rgya dgod pa'i phyir thob zhes smras te gshin rje mdza' byed kyi phyag mtshan te nyon mongs pa'i sgrib pa rlag par byed pa'i phyir ro/ /ston po la sogs pa zhes bya bas rigs lnga'i rang bzhin gyi 'phags pa gzhan gyis mi thub pa'i phyag mtshan bstan to/ /dbyug pa ni shes bya'i sgrib pa gdul bar byed pa'i rang bzhin yin pa'i phyir ro/ /pad+ma zhes pa ni las kyi sgrib pa rnam par sbyong ba'i rang bzhin yin pa'i phyir ro/ /ral gri ltar rno ba'i 'phro ba gang yin pa zhes pa ni pad+ma mthar byed kyi phyag mtshan gyi khyad par ro/ /rdo rje ni sna tshogs rdo rje'o zhes pa ni rig byed bzhin du mdo rnams kyang yin no zhes bya bas snga ma'i tshig mi mngon pa zhes bya ba'i dgod pas so/ /bdud rtsi 'khyil pa zhes pa ni de'i phyag mtshan

  483. 242a

    te las thams cad pa yin pa'i phyir dang/ rnam par smin pa'i sgrib pa sbyong bar byed pa bya ba nan tan grub pa'i ye shes kyi bdag nyid de kun tu zhal yin pa'i phyir ro/ /thugs kyi dkyil 'khor zhes bya ba la sogs pas nye bar bsdus pa yin te/ mtshan ma'i phyag rgya'i dkyil 'khor gyi bri ba'i cho ga rdzogs pa'i phyir ro/ /'dir rgya cher zhes pa ni byang chub sems dpa' dang/ /mchod pa'i lha mo dang/ /khro bo drug po'i mtshan ma'i phyag rgya dgod pa'i spros pa dang dkyil 'khor lo thig gdab pa la sogs pa'o/ /dkyil 'khor gyi cho ga las ni rang gis byas pa 'am dpal klu sgrub kyi zhal snga nas kyis mdzad pa las so/ /blta bar bya ba ni dpyad bar bya ba ste de yang sngar bshad zin to/ /mchod pa rnam pa gsum ni dkyil 'khor rdzogs pa dang bum pa dang dkyil 'khor dang lha dang slob ma lhag par gnas pa rdzogs nas slob ma 'jug pa dang/ de la byin gyis brlab pa dang/ /dbang bskur ba la sogs pa rdzogs pa'i 'og tu/ /slob dpon gyis dkyil 'khor pa rnams mnyes par bya ba'i phyir lus kyi mchod pa phyag la sogs pa dang/ ngag gi mchod pa bstod pa la sogs pa dang/ yid kyi ni de'i rtse gcig pa nyid kyi yid la byed pa'i mtshan nyid kyi mchod pa byas te de ni phyi'i mchod pa'o/ /nang gi mchod pa bstan bar bya ba'i phyir zhes bya bas nang gi mchod pa bstan te/ rang gi rigs kyi bu mo ni utpal sngon po'i 'dab ma dang 'dra ba'i sme sha can gyi bu mo'o/ /gzugs sdug ba la sogs pa'i yon tan ldan pa'o/ /zhes pa ni rang bzhin skyes pa'i mdzes ma nyid dang sman dang nu ma tshen mo dang/ rkang pa phra ba dang mig yangs pa dang ma mchu dmar ba la sogs pa'i yon tan gyi tshogs dang ldan pa zhes bya ba'i tha tshig go /lo grangs bcu drug lon pa zhes pa ni gal te

  484. 242b

    gzugs kyi dkyil 'khor du lo bcu gnyis lon pa gsungs pa de bzhin du yang gsung gi dkyil 'khor la mthun pa'i phyag rgya gzung ba bsten te/ gsung dang sku'i dkyil 'khor dag la thugs kyi dkyil 'khor la gsung ba'i phyag rgya bzung ba bzhin no/ /dri dang me tog ces bya ba la sogs pas phyi'i yo byad kyis mdzes pa nyid dang ldan par bstan to/ /phyag rgya'i mdzes pa ni rnam pa gnyis te/ rang bzhin pa dang byas pa'o/ /de la rang bzhin pa ni lus mdzes pa la sogs pa'i mtshan nyid do/ /byas pa ni rgyan la sogs pa'i mtshan pa'o/ /snga ma ni rtag pa ste rgyan med pas kyang mdzes pa'i phyir ro/ /phyi ma ni rtag pa ste snga ma med pas yid mi mgu ba'i phyir ro/ /'dir gnyis ka yang gzung bar bya'o/ /dkyil 'khor de'i dbus su zhes pa ni dkyil 'khor gyi sa gzhi'i phyogs gcig dbus su dmigs nas de dang lhan cig snyoms par zhugs par bya'o/ /gzhan du dkyil 'khor la gning pa 'gyur te de'i dbus la lhag par mos pa'i yid la byed pas de'i phyogs gcig tu rol bar bya ba zhes bya ba'i tha tshig go /snga bshad par zhes bya ba ni thugs kyi dkyil 'khor la mthun pa'i phyag rgya'o/ /mkhas pa zhes pa ni 'o dang 'khyud pa la sogs pa'i rnam pa sna tshogs pa'i las bya ba la mkhas pa'o/ /de la shing la 'jog pa dang/ yal gas 'khril ba dang/ til 'bras dang chu dang 'o ma 'dres pa zhes bya ba la sogs pa 'khyud pa rnam pa brgyad dang stod smad gyi mchu la sogs pa rnam pa brgyad kyi bum pa na dang ri bor mchod ba dang nor bu'i phreng ba la sogs pa'i mtshan nyid kyi sen mo 'debs pa dang stag rjes la sogs pa'i mtshan nyid kyi rnam pa brgyad kyi sos 'debs pa dang rnam pa brgyad kyis nye bar phul ba dang rang bzhin dang dus dang yul gyis mthun pa nyid dang/ drug cu rtsa bzhi dbye ba'i

  485. 243a

    rked pa'i las dang bde ba'i sgra dang phyin ci log pa'i dga' ba la sogs pa'i dbye ba shes pa gang yin pa de ni sngags pa mkhas pa zhes bshad do/ /de yang dpal rdo rje gdan bzhi'i rgyud las 'brang bar bya'o/ /sngags pa'o zhes pa 'di sngags dang rgyu dang sbyor ba la sogs pa la mkhas pa'o/ /gang yon tan nyid kyi ska rags su byas pa zhes pa la ji ltar gser la sogs pa sna tshogs pa'i rin po ches byas pa'i ska rags kyis bud med kyi rked pa'i phyogs mdzes par byed pa /de bzhin du yon tan gyi rang bzhin gyi ska rags kyis brgyan pa'i phyag rgyas thabs kyis sems 'phrog par byed do zhes bya ba ni dgongs pa'o/ /de mA ma kI dang 'dra bar byin gyis brlabs te zhes pa ni bskyed pa'i rim pas tha mal ba'i rang bzhin spangs nas reg bya rdo rje ma'i ming gi rnam grangs can mA ma kI'i rang bzhin du sprul ba zhes bya ba'i tha tshig go /rang bzhin gyi tha mal pa'i dngos bo bsal te zhes pa ni de nyid kyi don to/ /rigs sngags zhes bya ba la sogs pas rigs lnga'i bskyed pa'i rgyur gyur pa oM la sogs pa'i sa bon te rigs lnga'o/ /khyab pa ni mgo bo la sogs pa gnas lnga la de dag dgod pa'o/ /mnyes par bya'o zhes pa ni byed pa'i tshogs mngon du 'gro bas rol par bya'o/ yang gi sgra ni nges par bzung ba la'o/ /zhes pa ni nges par bzung ba ste gzhan las rnam par gcod pa'o/ /des na nges par mnyes par bya ba kho na zhes pa ni gnas pa tsam 'ba' zhig dang/ bcum pa na dang 'khyud pa tsam dgag bar byed de bde ba chen po dang de'i rgyur gyur pa'i byang chub kyi sems dam pa rnams kyis mi 'byung ba'i phyir ro/ /de ni rnal 'byor pa rnams kyi mchog tu blang bar bya ba yin te/ de med pas mchod pa nyid du mi 'gyur ro/ /sangs rgyas kun la mnyes byed pa

  486. 243b

    de ni mchod pa chen jo 'dod/ ces gsungs pa'i phyir ro/ /zhi ba ni byang chub kyi sems te zhes pa ni zhi ba nyid ni zhi ba ste zla ba'i rang bzhin byang chub sems zhes bya ba'i don to/ /spros pa zhes pa'i bshad pa ni rdo rje'i lam nas phyi rol tu bya ba'o zhes pa ste/ phyogs bcu 'jig rten gyi khams na bzhugs pa'i de bzhin gshegs pa thams cad la 'jug pa sngon du 'gro bas mchog tu dga' ba'i bde ba myong zhing rtsa stong phrag bdun cu rtsa gnyis las 'bab pa'i chu'i rgyun rgyu'i rnam pas byang chub kyi sems 'jug par 'gyur na rtags lnga 'byung ba'i de ma thag tu bde ba chen po nyams su myong zhing brtse gcig pa'i yid kyi 'di ni don dam pa'i bden pa'i phyogs yin gyi kun rdzob kyi bden pa'i phyogs ma yin no zhes rnam par dpyad nas/ /sems can gyi don med pas snga ma'i smon lam gyi 'bras bu med par 'gyur ro/ /zhes bya bas rmi lam bzhin du so sor rtog cing rang gi phyag rgya'i chos 'byung gi nang na hUM phaT kyi rang bzhin gyi spras byang chub kyi sems spro bar bya'o zhes bya ba'i don to/ /sangs rgyas rab tu 'byung ba zhes pa ni de bzhin gshegs pa thams cad kyi skyed pa'i rgyur gyur pa ste de las de bzhin gshegs pa thams cad 'byung ba'i phyir ro/ /nam mkha' i khams ma lus par brgyan par 'gyur ba zhes pa ni nam mkha' i dbyings ma lus pa brgyan par byed pa/ de bzhin gshegs pa spros par gyi'o/ /'di skad bstan pa yin te zhes bya ba la sogs pas byang chub kyi sems las byung ba'i de bzhin gshegs pa bsgom par bya'o zhes bya ba'i tha tshig go /byang chub kyi sems 'ba' zhig gi mchod par ma zad de zhes pa ni shukra 'ba' zhig tu dgag pa'o/ /gzhan yang lus kyi rgyu mthun pas kyang zhes pa ni khams nyi shu rtsa bzhi'i rtsas kyi bdag nyid kyi lus ba las 'byung ba ma ra nga we she mu dang

  487. 244a

    lcags kyu rnams kyis so/ /bdud rtsi lnga zhes pa ni bshad pa ba la sogs pa rdzas lnga'o/ /dkyil 'khor gyi 'khor lo la dbul lo zhes pa ni de'i cho ga 'di yin te/ skyes ma thag pa'i bu chung gi sa la ma lhung ba'i bshad pa kham por kha sbyar du bzhag la zhag bdun gyi bar du rang gi 'dod pa'i lha'i sngags dang rje btsun yi ge brgya pa dang lhan cig tu mngon par bzlas la grib ma la skam du bcug la/ phyi nas dri bzangs dang/ sh+rI khaN+Da dang/ tsan dan bsres nas btags te bskyed pa'i rim pas rnam par snang mdzad kyi gzugs su bskyed la de yongs su gyur pa las slar yang de nyid rdzas su bsam par bya'o/ /de med na rang las byung ba'i mdza' mar gyur pa thigs pa gsum tsam blang bar bya'o/ /dang po byung ba'i rags pa'i dri ma ni blang bya ma yin pa'i phyir ro/ /de la byin gyis brlab pa'i rim pa ni snga ma bzhin du'o/ /dri chu yang tha ma nas byung ba'i thigs pa gsum tsam mi bskyod pa'i rnal 'byor gyis byin gyis brlabs te blang ngo khrag kyang lo bcu gnyis lon pa'i bu mo'i rang byung ba'i me tog blang bar bya ste/ de med na g.yon pa'i srin lag las byung ba'i rin chen 'byung ldan gyi bskyed pa'i rim pas byin gyis brlabs nas blang ngo/ /byang chub kyi sems kyang zla ba gzas zin pa'i dus su dbang ba gnyis snyoms par zhugs pa las byung ba sa la ma lhung ba dung phor gyis blang ste gsung rdo rje'i rnal 'byor gyi byin gyis brlab pa'o/ zla ba gzas zin dus su ni/ kha ru bcug ste 'dzin par bya/ zhes gsungs pa'i phyir ro/ /la la na re thur du sel ba'i rlung gyen du drangs nas rnal 'byor dang rnal 'byor mas ngag gi lam nas phyung ba bzlas par bya'o/ /snang ba mdza' yas kyis byin gyis brlabs pa yang de nyid la bya'o/ /sha chen

  488. 244b

    po yang dpal rdo rje bdud rtsi'i rgyud las gsungs pa'i cho gas blang bar bya ste/ de la re zhig dang po rnal 'byor pas dpal rdo rje he ru ka'i bdag nyid bsgoms la/ keng rus la sogs pa 'jigs pa'i dur khrod kyi phyogs su phyin nas de las lang tsho dang ldan pa lo bcu drug pa so sum cu rtsa gnyis tshang ba/ 'gegs nas shi brdol ba mo'i bud med dam/ yang na gang yang rung ba'i lus po mthong nas dpa' bo'i sems byas la bdud rtsi 'khyil pa yongs su bzlas pa'i bdud rtsi dang dri bzangs kyi chus de nyid bkrus la dbang bskur gyi cho gas dbang byin la keng rus kyi gdan la sgrub pa po'i mngon phyogs su bzhag la/ dpal rdo rje he ru ka bzlas pa'i yungs kar gyis khal gtor te rkang pa dang bcas pa'i til mar chen pos de'i lus rgyugs la mdun du dpal rdo rje he ru ka'i dkyil 'khor bris te/ mchod pa rnam pa la sogs pas de nyid mchod la/ rdo rje dang dril bu lag na thegs pa phyag rgya lnga yis brgyan pa khro bo'i tshig gis sngags brjod bzhin pas dur khrod sa la zhugs te spos gtul ba dang/ cang te'u'i sgras de nyid du gtul bar bya'o/ /de ma thag tu 'bab par gyur pa ro langs te ha ha rgod pa'i sgra sgrogs par byed de/ de nas sgrub pa pos dpal he ru ka'i nga rgyal dang ldan pa 'jigs pa med pas 'das pa la sogs pa de nyid la dris te/ rang gi lag pas de'i lag tu zangs kyis byin na/ rang gi sna la sogs pa'i yan lag brgyad pa'i sha'i dum bu rnams bdag la byin cig ces smra bar bya'o/ /des kyang khyod la bsgrubs shig ces smras nas byin na sgrub pa pos blangs nas de gshegs su gsol bar bya'o/ /sgrub pa pos kyang de dang 'dra ba la yang yig 'bru bkod nas/ de yongs su gyur pa las de bzhin gshegs pa mi bskyod pa la sogs pa lnga bsgoms te rnal 'byor dang rjes su

  489. 245a

    rnal 'byor dang/ /shin tu rnal 'byor dang rnal 'byor chen po byas la de bzhin gshegs pa thams cad 'jug pa sngon du 'gro bar rjes su chags pa'i ting nge 'dzin dam pas bzhugs pa'i gzugs can rnam par bsams la de yongs su gyur pa lam 'o ma'i rgya mtsho'i rba rlabs ltar dkar la byang chub kyi sems nyid du bsgoms par bya'o/ /de nas bcom ldan 'das yi ge gsum gyis sbyang ba la sogs pa byas la dkyil 'khor pa rnams la dmigs nas/ oM sarba ta thA ga ta pri Na ya me swAhA/ /zhes bya ba'i sngags kyis dbul bar bya'o/ /bdag nyid kyi lag pa dang gdong pa la sogs pa sbyangs nas lus kyi dkyil 'khor yang tshim par bya'o/ /de nyid bstan par bya ba'i phyir lha bshos su gyur pas dkyil 'khor gyi 'khor lo la btab par bya zhing/ /zhes bya ba smos te/ sngags kyi byin gyis brlabs pa'i khyad par gyi rdzas dang bcas pa'i snod ni lha bshos su gyur pa de nyid kyi bsams pas so/ /de nyid kyis bdag nyid tshim par bya'o zhes pa ni bdag rang gis kyang de nyid bza' bar bya'o/ /de ltar zhes bya ba la sogs pas nang gi bdag nyid kyi mchod pa'i phan yon bstan to/ /gzugs kyi phung po la sogs pa zhes pa ni de rnams dag par gyur na/ /sangs rgyas kyi ngo bo 'byung bar 'gyur ba dang/ / rang bzhin gyis kyang chos thams cad de bzhin gshegs pa'i ngo bo yin pa'i phyir ro/ /'dir rnam par dag pa ni rnam pa gnyis de khyab par byed pa dang nyi tshe ba'o/ /de la khyab par byed pa ni gzugs kyi phung po la sogs pa stong pa nyid du grags pa'o/ nyi che ba ni so sor nges pa nyid kyi rnam par snang mdzad la sogs pa'i mtshan nyid do/ /'dir ni gnyis ka yang gzung bar bya'o/ /mdor bsdus pas ni phung po lnga/ /sangs rgyas lngar ni rab tu grags/ /rdo rje skyes mchod nyid dang

  490. 245b

    ni/ /byang chub sems dpa' dkyil 'khor mchog ces 'byung ngo/ /de nyid bstan par bya ba'i phyir mig la sogs pa'i skye mched de zhes bya ba la sogs pa smos so/ /grags pa che zhing zhes pa ni mngon par brjod pa'i ye shes thob pa'o/ /spyod pa bzang po de rnams shes pa ni skad cig tsam gyi rang bzhin gyi bskal pa'i dngos po rnams mthong ba la gzhol ba'o/ /mnyes shing zhes bya ba la sogs pas 'gro ba'i mig la bde ba ster bar 'gyur te cho ga mi shes pa yin pa'i phyir ro/ /de dus brtsams nas de ni rtog med pa/ /de yi dbyibs dang kha dog mtshan ci bzhin/ /bsam gyis mi khyab rnam par smin pa'i sku/ /sdom pa de las bya ba byas pas phob ces 'byung ngo/ /de bzhin du mi bskyod la bsten pa'i rnal 'byor pa/ /nad rnams kun dang bral bar 'gyur zhes bya ba la sogs pa bshad pa'i rgyud la gsungs so/ /drang ba'i don te zhes pa ni/ /bskyed pa'i rim pa gtso bor gyur pa'i dkyil 'khor bstan pa'i phyir ro/ /lung gi bshad pa brjod par bya ba zhes pas dkyil 'khor gyi rnam par dag pa'i mtshan nyid kyi de kho na nyid bstan par bya ba'i phyir bdag nyid kyi ye shes ni dkyil 'khor lta bur snang ngo zhes bstan par bya ste/ /de nas zhes bya ba ni sdud pa po'i tshig go /thugs kyang yin la thugs nyid dkyil 'khor yin pas thugs kyi dkyil 'khor de las 'dzin pa'o/ /'dir rang bzhin gyis sam rnam par dag pa'i rim pas dag pa'i sems gang yin pa de nyid pa'i sha'i dum bu blangs nas dpal las kyi rdo rje'i bskyed pa'i rim pas bskyed pa sngar bshad pa'i rdzas dang 'dre bar bya'o/ /dpal rdo rje bdud rtsi rnal 'byor chen po'i rgyud las kyang/ /de nas gzhan yang bshad bya ba/ /ro langs chen po bsgrub pa ste/ /mar ngo'i brgya? dang bcu bzhi la/ /rtags gcig gam ni bzhi mdo 'am/ /shing

  491. 246a

    gcig ma ni sum mdo 'am/ /chu bo'i 'gram ma ma ri bo la/ /phrin las thams cad 'grub bya ba/ /ro langs kyang ni de bzhin no/ /mtshan nyid thams cad dang ldan pa'i/ /'gegs nas shi ba bud med gang/ /sme sha can nam rigs ngan mo/ /yan lag ma nyams mdzes pa ste/ /zhi ba so ni sum cu gnyis/ /lo ni nyi shu lnga lon pa/ /yang na bu chung skyes dus su/ /shi ba'i bud med ro blangs te/ /lha yi chu yi khrus bya ba/ /sngags dang sman gyis 'dres pa yis/ tsan dan dkar po ga dur gyis/ /de nyid kyi lus byug par bya/ /me tog spos kyis mchod bya ba/ /rnam pa sna tshogs gtor ma sbyin/ /til mar chen pos lus byugs nas/ /yungs kar rnams ni gdong la gtor/ /mi bskyod pa yi dkyil 'khor ni/ /sgrub pa pos de bri bar bya/ zla ba phyed dang thod pa dang/ /rdung ba'i gzhu yi dbyibs can te/ /rig pa brgya dang yang dag ldan/ /thod pa rnams kyis nye bar mdzes/ /gdan ni thod pa rnams min te/ /thams cad kyang ni kha TwA 'dzin/ /zhal gsum pa dang phyag drug pa/ /bdag po'i gzugs can ral gri thogs/ /de yi dkyil 'khor phyi rol tu/ /phyogs skyong rnams ni dgod par bya/ /ba sna dang ni glang sna dang/ /bzhin bzangs dang ni bzhin mi bzang/ /drag po lcags kyu thogs pa ste/ /'jigs su rung ba 'jigs byed pa/ /zhal gcig pa dang phyag gnyis pa'i/ /me tog spos ma la sogs bri/ /rol mo rnam pa sna tshogs pa'i/ /dkyil 'khor la ni mchod phyir dri/ /de nas dpa' o sgrub pa pos rdo rje he ru gzugs 'chang pa/ /dung? chen pos ni brgyan byas nas/ /cod pan thod pa rnams kyis bya/ /de la cang ti'u brdung bya ste/ /gar byed pas ni grong du 'jug /sngags rnams kyis ni lus bcings pa/ /de la phaT sgra sgrog par bya/ /khrag

  492. 246b

    chen pos ni gsang gtor nas/ /dkyil 'khor mchog ni mchod par bya/ /dpal ldan rdo rje he ru ka'i/ /sgrub pa pos ni sngag chen bzlas/ /khro dang bcas pa'i ro langs kyis/ /ha ha rgod pa sgrog par byed/ /sngags pa chen pos 'jigs mi bya/ /rdo rje he ru yang dag dran/ /ro langs de ni langs nas su/ /sgrub pa mo la 'di skad smra/ /dpa' bo chen po bdag ci byed/ /rdo rje can mchog bka' lung sbyin/ /ral gri mig sman sa 'og dang/ /mkha' spyod nyid dang rgyal ba nyid/ /sgrub pa po ni gang 'dod pa/ /las ni de nyid sgrub par byed/ /de nas sgrub pa pos smras pa/ /gang dang gang ni yid kyis 'dod/ /pad+ma rgyas pa'i mA ma kI /de de thams cad sgrub par byed/ /rdo rje bdud rtsi las byung ba'i/ /ro langs sgrub pa mchog yin no/ /lus dang ngag yid dag pa'i phyir/ /sgrub pa po la bde bskyod pa'o/ /rdo rje bdud rtsi bde ba che/ /bcom ldan rdo rjes de skad gsungs/ zhes 'byung ngo/ /rdzas lnga de dag bsdus nas rlung dang me'i dkyil 'khor gyi steng du yi ge a las byung ba kha dog dmar po pad+ma'i snod bsgom nas/ de'i steng du bdud rtsi lnga'i sa bon las skyed pa'i rdzas bsams la/ /de rnams snying po len pas na dkyil 'khor zhes bya'o/ /rdo rje ye shes ni ye shes lnga ste de dang 'dra ba ni de'i rang bzhin te de'i bdag nyid du 'jug pa zhes bya ba'i don to/ /lus la sogs pa tha mal pa'i ngo bo spangs nas 'od gsal ba'i rang bzhin du gyur pa gang yin pa de nyid thugs kyi ngo bo yin no/ /zhes bya ba snying po len pas na sku gsung thugs kyi dkyil 'khor zhes bya ba'i don to/ /gzhan yang ji lta bu yin zhe na/ 'di ni dgu'i bdag nyid ces pa ni snang ba dang snang ba mched pa dang snang ba nye bar thob pa dang stod pa dang shin tu stong pa dang stong pa chen po dang shes rab dang thabs dang ma rig pa'i rang bzhin no/ /yang na

  493. 247a

    gsung rab yan lag dgu ba'i rang bzhin zhes kha cig zer ro/ /de'i phyir mchog yin no/ /sna tshogs lung gi brdar gyur pa zhes pa ni rnam pa sna tshogs pa'i lung gis nye bar mtshon pa'i sems zhes bya ba'i tha tshig go /de la sems ni gcig yin te nyan thos la sogs pa'i rigs sna tshogs pa'i gdul bya'i dbang gis ngo bo tha dad par snang ste/ /ngo bo snang ba thams cad sems kyi me long la gzugs brnyan du snang ste/ /shel gyi nor bu sngon po la sogs pa bzhin no/ /lha rnams la ni dmigs pa'i phyir/ /sems can mos pa sna tshogs pa/ /sems rdo rje las rnam grol ba'i/ /lha gzhan grub pa ma yin no/ /sems kyi byang chub brnyed bya ba/ /sems kyis 'gro ba ldang 'gro ba/ /sems las ma rtogs kha cig ni/ /bde dang sdug bsngal mtshan nyid med ces 'byung ngo/ /kun rdzob ni brtags pa'i tshul du so sor snang ba ste dngos po'i tshogs so/ /don dam pa ni dngos po thams cad kyi chos kyi mtshan nyid de stong pa nyid do/ /rnam par rtog pa gzhan med pa/ /rnam par rtog pa kun rdzob bshad/ /rnam par rtog pa zlog pa yin/ /don dam pa ni de nyid yin zhes bshad do/ /kun rdzob dang ni don dam pa de dag phan tshun med par mi 'byung bas 'jug pa yin te/ 'phags pa brgyad stong pa'i shes rab pha rol phyin pa las/ ji skad du/ rab 'byor gzugs ni rang bzhin gyi stong pa nyid pa dang/ gzugs kyang stong pa nyid dang/ stong pa nyid kyang gzugs so/ /gzugs las stong ba nyid tha dad pa ma yin/ /stong pa nyid las kyang gzugs tha dad pa ma yin te/ /gnyis su med pa rnams la gnyis med pa bcad du med pa zhes 'byung ngo/ /klu bsgrub gyi zhal snga nas kyi kyang/ med par

  494. 247b

    mi 'byung nges pa ni/ /byas dang mi rtag pa bzhin no/ /zhes 'byung ngo/ /kun rdzob dang don dam pa de dag sems gang la dbyer med par snang ba de gnyis pa ste/ /gnyis su med pa'i ye shes kyi ngo bos mdzes pa zhes bstan te/ rnam par rtog pa gnyis kyi dri ma dang bral ba'i phyir ro/ /yang na kun rdzob ni ye shes kyi sku ste/ /bdag la byin gyis brlab pa'i rim pas so/ /don dam pa ni 'od gsal ba ste/ /mngon par byang chub kyi rim pas so/ /de dag gnyis su med pa'i zung du 'jug pa'i rim pas thob par bya ba'i rdo rje'i sku ste/ /mi gnas pa'i mya ngan las 'das pa'i dbyings kyi rang bzhin no/ /de nyid mdzes pa ni bskal pa 'am bskal pa stong gi bar du sems can gyi don mdzad pa la brtson pas so/ /shes rab 'di ni thig yin te zhes pa ni chos thams cad stong pa nyid kyi rang bzhin so sor rtog par byed pa'i bdag nyid can gyi blo ni shes rab bo/ /de nyid thig btab pa yin te khams gsum pa sems can dang snod kyi 'jig rten gnyis so/ /de'i rang bzhin gyis mtshon pas so/ /chad pa'i phyogs spong bar bya ba'i don du thabs ni de'i rjes 'jug pa zhes smos te/ /'gro ba ma lus pa'i don byed pa'i snying rje chen po ni thabs so/ /de la rjes su 'jug pa ni ldang ba'o/ /shes rab ces bya ba ni thig gdab pa yin te shes rab dang snying rje dag gis sems can gyi don 'grub pa'i phyir ro/ /chos dang longs spyod rdzogs pa zhes pa ni sku gnyis kyi rang bzhin gyi dkyil 'khor te thugs kyi dkyil 'khor ro/ /de la zag pa med pa shes rab kyi pha rol tu phyin pa'i rang bzhin ni sangs rgyas rnams kyi chos kyi sku nyid do/ /de nyid sems can rnams kyi don mdzad pa'i phyin mtshan dang dpe byad kyi mdzes pa ni longs spyod rdzogs pa'i sku'o/ /shes rab thabs kyi thig gcig gis zhes pa ni stong pa nyid dang snying rje gtsor gyur pa'i sems kyi rgyud kyi so/

  495. 248a

    thugs kyi dkyil 'khor thig gdab bya zhes pa ni de'i bag chags dang ldan pa'i sems kyi rgyud bya ba gang yin pa de ni thig gdab pa zhes bya'o/ /rten 'brel yan lag bcu gnyis pa zhes pa ni 'di lta ste/ ma rig pa dang/ 'du byed dang rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga ba dang/ shi ba'o/ /de rnams las dang po dang brgyad pa dang dgu pa ni nyon mongs pa'o/ /gnyis pa dang bcu pa ni las so/ /lhag ma bdun ni sdug bsngal lo/ /gsum po de dag gis bsdus pa'i yan lag bcu gnyis kyis 'gro ba 'di nyid yongs su 'khor te 'khrul 'khor bzhin no/ /de la dbang phyug la sogs pa byed pa po kha cig yod pa ma yin te gang gis 'di sprul bar bya ba yin/ /yan lag bcu gnyis pa rten cing 'brel pa'i rang bzhin gyi srid pa'i 'khor lo 'di mthong ba dang/ /bsgoms pa'i lam gang gis sbyang bar bya ba de ni sems nyid khru bcu gnyis pa'i dkyil 'khor zhes bya'o/ / bden pa ni bzhi ste/ sdug bsngal ba dang/ kun 'byung ba dang/ 'gog pa dang/ lam mo/ /de la 'phags pa rnams kyis bden pa gnyis dang/ 'phags pa rang gi bden pa gnyis so/ /de la sdug bsngal ni nye bar len pa'i phung po lnga ste 'bras bu'o/ /kun 'byung ni ma rig pa dang srid pa ste rgyu'o/ /'gog pa ni nyon mongs pa dang bral ba'i mtshan nyid do/ /lam ni rnam pa lnga ste/ 'jig rten pa dang 'jig rten las 'das pa'i dbye bas so/ /de rnam par dag par byed pa sems nyid ni bzhi zhes bya ba'i don to/ /tshangs pa'i gnas bzhi zhes pa ni byams pa dang snying rje dang dga' ba dang btang snyoms so/ /de la sems can thams cad bde ba dang ldan par gyur cig ces bsams pa gang yin pa de ni byams pa ste/ rnam par ldang ba dang

  496. 248b

    khro ba la sogs pa ldog par byed pa'i las can no/ /sdug bsngal dang ldan pa'i sems can rnams sdug bsngal dang bral bar gyur cig ces bsam pa ni snying rje'o/ /bsod nams can gyi sems can rnams kyi dge ba la rjes su mi rang ba'i bsam pa gang yin pa de ni dga' ba'o/ /bsod nams med pa'i sems can rnams la khong 'khro ba dang rjes su chags pa dang bral ba'i bsam pa gang yin pa de ni btang snyoms so/ /de rnam par dag pa'i rnal 'byor pa'i sems nyid grwa bzhi yin zhes bya ba'i don to/ /ji skad du/ byams pa dang snying rje dang dga' ba dang btang snyoms dang bde ba dang sdug bsngal ba dang bsod nams dang bsod nams med pa'i yul can bsgoms pas sems dag par 'gyur ro zhes 'byung ba dang/ de bzhin du bsam gtan tshad med gzugs med pas/ /tshangs pa la sogs bde thob 'gyur zhes 'byung ngo/ /bsdu ba'i dngos po grangs ni bzhi ste/ sbyin pa dang/ tshig snyan pa dang don dpyod pa dang/ don mthun pa'o/ /yan lag bzhi po de dag gi rnal 'byor bas sems can rnams bsdu bar 'gyur ro/ /longs spyod 'dod pa la ni sbyin pas bsdus so/ /nga rgyal dang ldan pa dang zhe sdang dang bcas pa la ni tshig snyan pas so/ /gti mug dang ldan pa la ni don dpyod pas so/ /de dag thams cad la ni don mthun pas so// rnam par dag pa de nyid kyis rnal 'byor pa'i sems nyid ni sgo bzhi yin te/ /gang gi phyir sgo nas ji ltar srog chags rnams khang pa la sogs pa la 'jug pa de bzhin du bsdu ba'i dngos po'i sgo nas thar pa'i grong khyer la sems can rnams 'jug pa la 'jug go /re re ni bsdu ba'i dngos po re re'i grangs kyis bzhi'i ming can ni sgo bzhi po'i ming gi tha snyad du bya'o/ /chos ni kun rdzob kyi bden pa'o/ /de nyid don ni don dam pa'i bden pa'o/ /de dag dbyer med pa ste zung du 'jug

  497. 249a

    pa'i ting nge 'dzin gyi sgo nas brda ste ming can no/ /'khor lo'i nang gi dkyil 'khor ro zhes pa ni snying po'i dkyil 'khor zhes pa ste kun rdzob dang don dam pa dbyer med pa'i ngo bo'o/ /rdo rje 'chang chen po'i de kho na nyid ni nang gi dkyil 'khor gyi rnam pa so sor snang ba ste sems nyid ces bya ba'i don to/ /mi phyed ye shes mtshan ma ste zhes pa ni chos kyi dbyings kyi ye shes kyi rang bzhin no/ /rdo rje in+d+ra nI la rgya zhes pa la dbus su mi bskyod pa'i phyag rgya gang yin pa de ni sems nyid do zhes bya ba'i don to/ /mi phyed pa'i rang bzhin ye shes de nyid sems te de'i rnam pa lnga nyid du bstan par bya ba'i phyir rnam pa lnga ? dbye bar bshad ces smos te sems nyid gang yin pa de nyid me long lta bu la sogs pa'i ye shes lnga'i rang bzhin te dri ma rnams glo bur ba yin pa'i phyir ro/ /chu khams gser dang nam mkha' ni/ /dag pa bzhin du dag par 'dod/ /ces 'byung ngo/ /ye shes lnga ni kun bzhi la sogs pa rnam par shes pa lnga'i gnyen po'i phyogs yin pas rtse mo 'khor ba 'jigs byed pa'o/ /yang dag ma yin kun rtog ni/ /sems dang sems byug khams gsum pa'o/ /zhes 'byung ngo/ /rgyud phyi ma las kyang/ /spang bya lnga dang rig pa lnga/ /rdo rje zhes ni bshad pa yin zhes 'byung ngo/ /shar nas zhes bya ba la sogs pas rnam par snang mdzad kyi mtshan ma 'bar ba dang bcas pa'i 'khor lo gang yin pa de ni me long lta bu'i ye shes kyi rang bzhin du shes par bya ste/ de bas na rnal 'byor ba'i sems la bsgom pa'i dus su sa dang por mthong ba'i lam gyi me long lta bu'i ye shes 'byung bar 'gyur ro/ /de bas na phyi rol tu yang/ shar phyogs su de nyid rnam par dgod par bya'o/ /de bzhin du lho ru zhes bya ba la sogs pas lho phyogs su yid bzhin nor bu rin chen gang yin pa de ni mnyam pa

  498. 249b

    nyid kyi ye shes kyi rang bzhin te sems nyid du rtogs par bya'o/ /sgom pa'i lam gyi sa gnyis pa dang gsum pa dang bzhi pa la de nyid khams gsum pa dang dbyer med pa'i snang bas so/ /de bas na rin thang med pa dang/ /dkon pas na de nyid rin po che zhes bya'o/ /nub tu zhes bya ba la sogs pas nub kyi phyogs su ngag gi dbang phyug gi mtshan ma pad+ma gang yin pa de ni kun tu so sor rtog pa'i ye shes kyi rang bzhin gyi sems nyid du shes par bya ba ste/ sa lnga pa dang drug pa dang bdun pa la khams gsum yang dag par so sor rtog pa'i bdag nyid du skyes pa'i phyir ro/ /byang du zhes bya ba la sogs pas byang phyogs su ral gri gang yin pa de ni khams gsum gyi yul gyi rnam par rtog pa gcod par byed pas na bya ba nan tan grub pa'i rang bzhin gyi sems nyid du shes par bya ste/ /sa brgyad pa dang dgu pa dang/ bcu pa la kun gzhi nas su gyur pa dang/ las kyi dbang dang ye shes kyi dbang gi rang bzhin de skyes pa'i phyir ro/ /rnam par mi rtog pa'i ting nge 'dzin la zhugs pa'i sangs rgyas bcom ldan 'das rnams kyi sems can gyi don mdzad kyang sems can rnams ni mi dmigs te/ skyes bu yid bzhin nor bu bzhin/ /de yi phrad pa tsam gyis ni/ /rtsigs pa la ? rnams las kyang/ /ji bzhin bstan pa rnams 'byung ngo/ /zhes 'byung ngo/ /shar lho zhes bya ba la sogs pa la me'i mtshams su sangs rgyas spyan ma'i mtshan ma mi gang yin pa de ni dga' ba dang sbyor ba'i 'dod pa mthong ba'i rang bzhin tshangs pa'i gnas byams pa zhes bya ba'i ngo bo rang gi sems nyid du shes par bya'o/ /lho nub ces bya ba la sogs pa ni bden bral gyi mtshams su mA ma kI'i mtshan ma rdo rje gang yin pa de ni sdug bsngal ba dang bral bar 'dod pa'i mtshan nyid

  499. 250a

    tshangs pa'i gnas snying rje zhes bya ba'i rang bzhin rnal 'byor pa'i sems nyid du shes par bya ste/ sdug bsngal gyi ngo bo rnams gzhom pa'i phyir ro/ /nub byang zhes bya ba la sogs pa'i rlung gi mtshams su gos dkar mo'i mtshan ma pad+ma gang yin pa de ni sems can thams cad kyi dge pa'i spyod pa rjes su yi rang ba'i mtshan nyid tshangs pa'i gnas dga' ba zhes bya ba'i ngo bo sems nyid du shes par bya ste/ pad+ma kha phyed pa ni dga' ba dang ldan pa'i bde ba rgyas par 'gyur ba'i phyir ro/ /byang shar zhes bya ba la sogs pa ni dbang ldan gyi mtshams su bcom ldan 'das ma sgrol ma'i mtshan ma utpa la sngon po gang yin pa de ni dge ba dang mi dge ba'i dri ma gnyis dang bral ba btang snyoms kyi ngo bo sems nyid de/ utpa la bzhin du 'dam las byung na yang de'i skyon gyis mi gos pa'i phyir ro/ /de bzhin du sbyin pa la sogs pa bsdu ba'i dngos po bzhi don dang ldan pa'i ming can sngar bshad pa gang yin pa de dag /shar la sogs pa sgo bzhi la gnas pa 'phags pa gshin rje mthar byed la sogs pa khro bo'i rgyal po bzhi'i mtshan ma tho ba la sogs pa bzhi'i rang bzhin gyi sems nyid du shes par bya'o/ /de nyid bstan par bya ba'i phyir/ /de bzhin shar sgor zhes bya ba la sogs pas bstan to/ /phyag rgya dgong pa'i mtshan nyid ni phyi rol gyi mtshan ma'i phyag rgya dgod pa'i de kho na nyid ces bya ba'i don to/ /legs par zhes bya ba la sogs pas dkyil 'khor gyi de kho na nyid nye bar bsdud par bstan to/ /legs par bshad pa ni ji lta ba bzhin du gsal bar bshad pa'o/ /ji lta ba'i dbyibs kyis mchod pa zhi zhes pa ni de dang 'dra ba'i rang gi sems nyid do/ /rnam gsum bsgoms pas gyur pa yin/ zhes pa ni snang ba la sogs pa'i ye shes gsum gyis mchod pas mchod

  500. 250b

    bar byed/ /de 'od gsal ba la 'jug go /de nyid rnam pa gsum gyi mchod pa yin te/ /mchod pa'i 'bras bu yin pas so/ /dang por chen po zhes pa ni mchod pa'i khyad par ro/ /des na sems rnam par dag pa'i mtshan nyid kyi mchod pa ni mched pa chen po zhes bya'o/ /de yi brtul zhugs mi bshad de/ /bgrang phreng ma yin bzlas pa min/ /'dzin pa dang ni sbyin sreg las/ /gzhan dag kyang ni 'jug pa min/ zhes 'byung ngo/ /phyag rgya'i dkyil 'khor yin par bshad ces bya ba las/ phyag rgya ni chos kyi dbyings kyi ye shes kyi rang bzhin te chos nyid ces bya'o/ /de nyid snying po'i don len pas na dkyil 'khor zhes bshad do/ /nang la sogs pa'i dbye ba yi zhes pa ni snang ba dang snang ba mched pa dang snang ba nye bar thob pa dang zhi ba dang stong pa dang shin tu stong pa dang chen po stong pa dang thams cad stong pa dang shes rab dang thabs dang ma rig pa dang 'od gsal ba dang/ nyin mo dang mtshan mo dang dus mtshams dang de dang ldan pa'i mtshan nyid de skad cig ma bcu drug go /stong pa nyid bcu drug ces la la zer ro/ /de'i grangs kyis lo bcu drug lon pa'i sems nyid de shes rab bstan to/ /ma skyes pa'i zhi ba gang/ zhes pa ni gzod ma nas ma skyes pa'i de kho na nyid ni chos nyid do/ /spos pa thams cad dang bral bas na zhi ba'o/ /rkyen gzhan med pa zhi ba ni/ /spros pa rnams kyis ma spros pa/ /tha dad ma yin du ma min/ /de ni de nyid mtshan nyid do zhes so/ /bud med ces pa ni/ shes rab kyi pha rol tu phyin pa zhes bshad do/ /zhi ba'i chos dang rjes ldan pa zhes pa ni 'od gsal ba la 'jug pa'i sems tsam de nyid kyi zhi ba'i chos dang rjes su 'gro ba'i yon tan gang yin pa de ni mdangs bzangs 'od yin par bshad do/ /rten 'brel bag chags dri yin te zhes pa ni/ /shes rab pha rol phyin ma de nyid rten cing 'brel ba bcom pa'i mtshan nyid kyi bag chags te rang rig pa'i

  501. 251a

    chos gang yin pa de ni sems kyi rgyud dga' bar byed pas na dri zhes bya'o/ /nyon mongs pa las rnam grol ba'i/ /snang ba gsum dang bral ba'o/ /zhes 'byung bas so/ /ye shes kha bye me tog go zhes pa ni/ /de ltar gyur pa'i 'od gsal ba'i ye shes las kha phye ba ni cig car ram snang ba nye bar thob pa la sogs pa'i rim pas ye shes te sku bskyed pa gang yin pa de ni 'gro ba ma lus pa'i re ba yongs su rdzogs par byed pas dga' ba bskyed pas na me tog ces bya'o/ /de dang 'dra ba'i dri dang me tog dag gis brgyan pa'i shes rab kyi pha rol tu phyin pa bud med ces bya'o/ /dngos po med ba rigs yin te zhes pa ni de nyid kyi thams cad mkhyen pa'i ye shes mi zad pa thog ma dang tha ma med pa chos kyi dbyings kyi de kho na nyid rang bzhin med pa rig pa zhes bya ba ste/ chos thams cad ni 'od gsal ba las byung ba'i phyir ro/ /ji ltar chu bo dang ba las/ /ta dag myur bar ldang bar byed/ /thams cad stong pa dang ba las/ /sgyu 'phrul dra ba 'byung bar 'gyur zhes 'byung ngo/ /de bzhin du/ 'od gsal dag pa de nyid las/ /ye shes gsum ni yang dag 'byung zhes 'byung ngo/ /chos dbyings zhes bya ba la sogs pa ni sngar bshad pa'i mtshan nyid can chos kyi dbyings kyi ye shes kyi ngo bo 'od gsal gyi rang bzhin bud med de sa bcu gnyis pa la shes rab mnyam par bya ba ni sngags dang phyag rgya'i rim pas mnyes par bya'o/ /de nyid kyi phyir shes rab ni sngags kyi mtshan nyid dang phyag rgya'i mtshan nyid dang ldan pa'i shes rab kyis so/ /sgyu ma thams cad rnams kyis ni/ bud med sgyu ma khyad par 'phags/ /ye shes gsum gyi dbye ba ni/ /de las 'od gsal bar mtshon par byed ces 'byung ngo/ /sems rnam par dag pa'i rim pas 'od gsal ba'i rang bzhin gyi shes rab mA ma kA'i ming gi tha snyad bya ba'i

  502. 251b

    phyir nang na ma yin phyi? na min zhes smos te/ nang ni mig la sogs pa'i skye mched rnams so/ /phyi ni gzugs pa'i yul rnams so/ /gnyis ka ni sems can gyi 'jig rten dang snod kyi 'jig rten dag go /rnam par rtog pa de dag gsum spangs pas gnas med pa'i 'od gsal ba'o/ /de la gnas pa'i rnal 'byor ni 'jug pa'i mtshan nyid kyi 'brel pa gang yin pa de ni mA ma kI zhes bya'o/ /mA ma'i sgras ni dgag pa gnyis brjed par byed pa dang/ kI'i sgras kyang phur bus gdab pa bzhin du dgag pa nyid bstan par phyir ro/ /de'i ngo bo nyid gcig pa zhes pa ni 'od gsal ba'i rang bzhin lhan cig skyes pa'i dga' ba'i mtshan nyid kyi de kho na nyid do/ /gcig ni gnyis su med pa ste rnal 'byor la 'jug pa gang yin pa de ni byin gyis brlab pa zhes bya'o nam mkha' dang ni gcig tu gnas zhes pa de ni nam mkha' i dbyings dang 'dra ba mi gos pa de kho na nyid do/ /spros pa med pas na zhi ba'o/ /sangs rgyas thams cad skyed pa'i rgyur gyur pas na sangs rgyas kyi gnas so/ /'gyur ni bsgom par bya ba'o/ /gaM gA'i bye ma dang mtshungs pa'i/ /'di nyid las ni sangs rgyas 'gyur/ /zhes 'byung ngo/ /de bas na 'od gsal ba'i de kho na nyid la 'jug pa'i phyir ro/ /yul du rnam brtags pa zhes pa ni mig la sogs pas longs spyod pa gzugs la sogs pa bstan to/ /sdud pa dag ni bshad pa yin zhes pa mig la sogs pa'i dbang po la 'jug pas na de kho na zhes bya'o/ /ye shes dbang po stong pa ci zhes pa ni mi gi rnam par shas pa la sogs pa drug dang/ de bzhin du mig la sogs pa'i dbang po drug gang yin pa de rnams kyi stong pa ni 'od gsal ba'i chos nyid gcig pa yin te nyon mongs pa thams cad zad par byed pa'i phyir ro/ /rnam dag chos ni zhes pa ni rang bzhin brgya drug cu'i tshogs spong par byed pa'i mtshan nyid do/ /de

  503. 252a

    nyid srid pa la 'khor ba'i mtshan nyid kyi mya ngan gcod pas na khu ba zhes bya'o/ /thams cad mkhyen pa'i ye shes ni 'od gsal ba la rtogs pa'i ye shes kyi mtshan nyid do/ /sems can gyi don gyi bya ba la rjes su chags pas de nyid khrag ces bya'o/ /gang zhig chos rnams yongs brtags pa/ /zhes pa ni phyi dang nang gi chos te bdud rtsi lnga la sogs pas brda ru byas pas dbang po la sogs pa'o/ /de nyid lha rnams zhes pa ni chos nyid la 'jug pa'i phyir ro/ /dngos med pa ni sems rnam par dag pa'i mtshan nyid kyi stong pa nyid gang yin pa de la sngar bshad pa'i de rnams dbul ba ni 'jug par bya'o/ /de ni bdud rtsi lnga 'bul ba zhes bshad do/ /de byas zhes bya ba la sogs pa ni 'dir sangs rgyas dang rgyas sras ni phung po la sogs pa'o/ /khyad par du zhes pa ni the tshom med pas so/ /mnyes par gyur pa zhes pa ni 'od gsal ba nyid du 'gyur ro/ /gang yang zhes bya ba la sogs pas phyi'i dkyil 'khor la mngon par zhen pa'i lta ba gang la yod pa de rnams kyis de spang bar bya ba'i phyir de ltar sems kyis ngo bo'i mtshan nyid kyi de kho na nyid bstan te/ bshad pa'i rgyud las bcom ldan 'das kyis gsungs so zhes tshig gi lhag ma bstan to/ /de nyid bstan par bya ba'i phyir/ /de ltar bri ba'i dkyil 'khor la sogs pa bstan pas zhes smos te/ /phyi'i dkyil 'khor bri ba dang mchod pa la sogs pa'i rim pas so/ /yongs su dag pa'i lha'i ngo bo nyid rab tu gnas pa yin te zhes pa ni sems rnam par dag pa dang bdag la byin gyis brlab pa dag gis thob par byed pa yid kyi rang bzhin gyi sku bstan to/ /nges pa'i don to zhes pa la sems rnam par dag pa dang bdag la byin gyis brlab pa'i rim pa gnyis bstan pa'i phyir ro/ /thugs rdo rje zhes pa

  504. 252b

    ni thugs rdo rje bdag po nyid du 'jug pa'i 'bri ba'i dkyil 'khor zhes bya ba'i tha tshig go /dkyil ni snying po ste/ zhes pa ni rtogs pa dang bcas pa'i rdul tshon la sogs pa nyid du snang ba'o/ /kun rdzob kyi bden pa'o zhes pa ni gzhi'i dkyil 'khor zhes pa'i don to/ /de len cing 'dzin pas ma dkyil 'khor te zhes pa ni byin gyis brlab par byed pa gang yin pa de ni lha'i 'khor lo'i bdag nyid kyi rten pa'i dkyil 'khor zhes bya ba'i don to/ /drang ba'i don to zhes pa ni rten dang brten pa'i rang bzhin gyi dkyil 'khor so sor bstan pas so/ /dkyil 'khor ni snying po ste don dam pa'i bden pa'o zhes pa ni sems rnam par dag pa'i rim pa thob par bya ba'i de kho na nyid bzhi pa'o/ /de len cing 'dzin pa na dkyil 'khor de zhes pa ni dngos po thams cad kyi de kho na nyid du gyur pa'i don dam pa'i bden pa len par byed par ting nge 'dzin gyis thob par byed pa'i ye shes zhes bya ba'i don to/ /lung gi tshad ma nyid bstan par bya ba'i phyir/ ji skad du zhes bya ba la sogs pa bstan to/ /bshad pa'i rgyud ces bya ba ni rdo rje phreng ba las so/ /yan lag kun bsgoms las 'das shing/ /zhes pa ni dang por sbyor ba dang dkyil 'khor rgyal ba mchog dang las kyi rgyal ba mchog ste bsgom pa'i yan lag kun no/ /de las 'das pa ni de dang bral ba zhes bya'o/ /rtog pa ni 'jug pa dang gnas pa dang ldang ba'i mtshan nyid kyi rlung gi spyod pa'o/ /rtog min ni snang ba gsum dang rang bzhin rnam pa gsum mo/ /de dang bral ba rnam par spangs pa zhes pa ni rang bzhin snang ba rnam par dag par byed pa'i de kho na nyid kyis de rnams spangs pa'o/ /gug skyed ni i la sogs pa dbyangs bcu drug go /thig le ni snying ga la dgod pa'i yungs kar phra mo'i tshad tsam mo/ /'das pa ni de dang bral ba'o/ /'di ni dkyil 'khor zhes pa ni snying po gyur pa'i 'od gsal ba'i de

  505. 253a

    kho na nyid ces bya ste/ /thams cad stong pa 'od gsal ba zhes bshad pa'i phyir ro/ /mchog yin no zhes pa ni don dam pa'i bden pa'i rang bzhin yin no/ /nges pa'i don to zhes pa ni sems rnam par dag pas 'od gsal ba'i de kho na nyid bstan pa'i phyir ro/ /sgron me gsal bar byed pa'i TIkA las le'u bzhi pa'o// //rim pa gnyis zhes bya ba la sogs pas le'u lnga pa'i bshad pa brtsam par bya ste/ de la le'u dang po nas rnam pa gnyis kyi lha'i sku bstan to/ /le'u gnyis pa nas don dam pa'i bden pa 'ba' zhig tu bstan to/ /le'u gsum pa nas lha'i sku'i bdag nyid kun rdzob kyi bden pa bstan to/ /le'u bzhi pa nas kun rdzob dang don dam pa'i bden pa'i bdag nyid kyi thugs kyi dkyil 'khor bstan to/ /de ltar bsgom pas rim pa gnyis yongs su rtogs pa'i rim pa gnyis rtogs pa'o/ /dbang bskur ba thob pas kyang zhes pa ni le'u bzhi pa nas gsungs pa'i rim pas so/ /spyod pa dang bral bas ni 'grub par mi 'gyur ro zhes pa ni spros pa la sogs pa'i rnam pa gsum gyi spyod pa spang nas rnal 'byor pas dngos po thob par mi 'gyur ro/ /zhes bya ba'i don to/ /gang gi phyir rim gyis bsgom pa dang goms pas bla na med pa'i go 'phang thob par 'gyur ro/ /spyod pa ni rgyu yin te des 'bras bur gyur pa'i de kho na nyid khong du chud par 'gyur ro/ /goms pas thob par bya ba yin gyi rang bzhin gyis thob par bya ba ma min no/ / goms pa'i sbyor bas ci zhig bya/ /gzod nas grub pa'i ngo bo nyid/ /de nyid rang bzhin gyis grub kyi/ /rnam rtog las skyes ma yin no/ /ye shes rim pa spangs nas ni/ /gang zhig 'di ltar rtog byed pa/ /de yi dbye ba mi shes pas

  506. 253b

    phyir yang de rnams slob bzhin 'gyur/ /las dang po yi 'jig rten 'di/ /don dam pa las 'jug pa'i phyir/ /thabs 'di rdzogs pa'i sangs rgyas kyis/ /skas kyi rim pa lta bur gsungs zhes bshad pa'i phyir ro/ /de bzhin gshegs pa thams cad kyi zhes pa ni sku rdo rje 'chang la sogs pa rnams kyi'o/ /sku dang gsung dang thugs kyi bdag nyid can gyi zhes pa de nye bar sdud par byed pa dpal rdo rje sems dpa' o/ /de la rigs ni rnam pa brgyar bstan te/ mdor bsdus pa ni rnam pa lnga/ /sku gsung thugs kyi dbye ba yis/ /phyi nas rnam pa gsum du 'gyur zhes 'byung ngo/ /de nyid kyi phyir de rnams kyi bdag po yin pas na rgyal po ste khams kyi bdag po'o/ /sa 'og dang sa steng dang mtho ris rnams su rjes su ston par mdzad pas na zhes pa ni mtho ris dang sa bla dang sa 'og la gnas pa'i sems can gyi khams gdul ba la brtson pas ston pa zhes bya'o/ /khyab 'jug dang lha chen po la sogs pa 'jig rten gyi lta rnams zhes pa la mngon par shes pa lnga thob pa'i phyir ro/ /nyan thos la sogs pa zhes pa ni/ /nyan thos pa dang rang sangs rgyas dang byang chub sems dpa' rnams so/ /'jig rten las 'das pa zhes ni mngon par shes pa drug thob pa'i phyir ro/ /yang na bdag dang bcas pa dang bdag med pa'i phyogs kyi lta ba ? po yin pas 'jig pa dang 'jig rten las 'das pa nyid do/ /yang na rnam par 'tshe ba dang bcas pa dang/ rnam par 'tshe ba med pas so/ /rdzu 'phrul la sogs pas zil gyis gnon par mdzad pas na zhes pa ni 'bar ba dang snang ba la sogs pa lus kyi rdzu 'phrul dang bstan pa la sogs pa gsung gi rdzu 'phrul dang/ rtse gcig pa la sogs pa thugs kyi rdzu 'phrul gyis de rnams zil gyis gnon par mdzad pa'i phyir ro/ /ji skad du/ rgya mtsho yi ni gting mi rnyed/ /ba yi rjes

  507. 254a

    dang 'dra bar 'gyur/ /gang tshe khyod kyi blo zab pa/ /gting dang pha rol med mthong na/ /khyod kyi bstan pa mngon gyur pas/ /chos rnams kun gyis mi g.yo ba/ /sa yi khams kyi brtan pa nyid/ /shing gi 'dab rtse ltar yang 'gyur zhes 'byung ngo/ /bdag dang gzhan gyi tshogs kyi zhes pa ni de la bdag gi tshogs ni sngar bshad pa nyan thos la sogs pa'o/ /gzhan gyi tshogs ni grangs can la sogs pa'o/ /de rnams kyi spyod pa ni gang zag dang chos la bdag med pa'i spyod pa dang skyes bu la sogs pa yod pa'i mtshan nyid la sogs pa'o/ /mchog gis chos zhes pa ni yon tan mchog dang ldan pa'o/ /de rnams kyis don du gnyer bar bya ba'i phyir don to/ /de nas las 'dzin pa'o/ /de ltar rang dang gzhan gyi tshogs kyis mngon par 'dod par bya ba bcom ldan 'das rdo rje 'chang chen po zhes bya ba'i don to/ /de la sangs rgyas rnams kyi 'od zer gyi 'khor los bskul bas mu stegs pa dang nyan thos la sogs pa yang dag bar rdzogs pa'i byang chub thob par 'gyur te/ bsod nams kyi ni tshogs bsags nas/ /de yang 'jig rten 'dren par 'gyur/ /zhes bshad pa'i phyir ro/ /thar pa 'dod pa thams cad kyis kyang/ /thams cad mkhyen pa nyid gsol ba gdab par bya ba yin pas so zhes pa ni mu stegs dang nyan thos la sogs pa thams cad mkhyen pa nyid 'dong pas so/ /sems ni rab tu 'jug pa la/ /spyod pa la ni 'jug mi bya/ /'khor ba rab tu bcom pa'i phyir/ /kun gyi bla na mnyam po yin zhes bshad do/ /spros pa thams cad dang spros pa med pa dang shin tu spros pa med pa ste spyod pa rnam pa gsum po zhes pa ni rim pa gnyis la brten te/ rnal 'byor pa rnams kyis spyod par bya'o/ /bskyed pa'i rim pa'i rnal 'byor pas gnyis sbyong ba dang/ rdzogs pa'i rim pa'i rnal 'byor

  508. 254b

    pas gcig spyod par bya ste/ khyad par ro/ /spyod pas ni khyad par ro zhes pa ni brtul zhugs kyis khyad par gang gis so/ /de'i mtshan nyid ni rang gi ngo bo nyid de zhes pa ni 'chad par 'gyur ba'i spyod pa gsum gyi de kho na nyid do/ /bka' stsal pa ste zhe pa ni rig byed kyi tshul du dus log par bstan to/ /sgra ji bzhin pa'o/ /zhes pa ni spyod pa ji ltar gsungs zhes bstan pa'i phyir ro/ /gang la brten nas spyod pa rdo rje theg pa de nyid kyi khyad par bstan par bya ba'i phyir/ /don dam pa'i bden pa ste zab pa'i mtshan nyid do zhes pa la/ shes rab kyi pha rol tu phyin pa'i ngo bo chos thams cad kyi chos nyid kyi mtshan nyid 'od gsal ba'i rim pa gnyis pa dang bzhi pa thob par bya ba man ngag bzhi pa de kho na nyid ces bya ba'o/ /kun rdzob kyi bden pa ste zhes pa ni don thams cad byed pa gzhol ba/ rim pa gsum pa dang bzhi pa thob par bya ba ye shes kyi sku 'am rdo rje'i sku'i mtshan nyid de lha rnam pa gnyis kyi rnal 'byor gyi mtshan nyid do/ /de nyid kyi phyir rgya che ba'i mtshan nyid de zhes bya ba 'gro ba'i don byed pa la brtson pa/ /sar zhing sar pa'i dkyil 'khor gyi 'khor lo spros pas nam mkha' i khams ma lus pa rdzogs par byed pa'i rang bzhin no/ /gnyis po de dag ces pa ni kun rdzob dang don dam pa'i bden pa gnyis so/ /gnyis su med pa'i rnam pa zhes pa ni mi gnas pa'i mya ngan las 'das pa'i dbyings kyi rnam pa'o/ /yang dag par ni ji ltar bstan pa de bzhin du bsgom pa'o/ /rnal 'byor pa de zhes pa ni de lta bu'i sgrub pa po rnams so/ /'dod chags la sogs pas 'khrugs kyang zhes pa ni 'dod chags kyis spyod pa spros pa dang bcas pa zhes bya ba dang ldan pa yang ngo/ /theg pa mchog ni rdo rje theg pa zhes pa la sngags kyi theg pa chen po zhes bya ba'o/ /gtan tshigs bshad par bya ba'i phyir theg pa thams cad kyi bla mar gyur pa zhes smos so/ /de la/

  509. 255a

    nyan thos pa'i theg pa dang theg pa chung ngu zhes bya ste/ rang gis don tsam 'grub par dang thabs dang thabs las byung ba'i lam dang 'bras bu ma dag pa'i phyir ro/ /de la re zhig mi sdug pa'i bsgom pa ni keng rus bsgom pa'i bdag nyid yang dag pa'i lam ma yin te/ de dag ngo bo nyid kyis ma grub pa'i phyir ro/ /'bras bu yang 'gog pa'i snyoms par 'jug pa'i mtshan nyid ni yang dag pa ma yin te bag chags dang bcas pa'i phyir dang slar yang de / rnams byung nas 'khor ba'i rgya mtshor lhung ba'i phyir rang sangs rgyas kyi theg pa yang gzhan gyis don dang bral bas chud pa nyid de/ de rnams kyi thar bas kyang 'dud par gyur pa rnam par rig pa tsam yod pa'i mtshan nyid thob par mi 'gyur bas ma dag pa'o/ /byang chub sems dpa' i lam yang bskal pa grangs med pa gsum gyis byang chub thob pa'i phyir thabs nyid kho na ma yin no/ /rdo rje theg pa ni thabs dang 'bras bu dag la ma 'khrul ba yin te gang gi phyir 'dod pa'i yon tan lnga nye bar spyod pa dang phyag rgya bsten pa la sogs bde ba'i thabs kyis 'ba' zhig dri ma med pa mdza' yas pa nam mkha' dang 'dra ba chos kyi dbyings kyi ye shes su grags pa rdo rje 'chang chen po'i go 'phang rang dang gzhan gyi don grub pa la brtson pa/ skad cig ma gcig gis sna tshogs sprul pa dang bsdu bar mdzad pa 'gro ba ma lus pa'i rang bzhin sngon du byed pa de bzhin gshegs pa thams cad kyi ngo bo de kho na nyid skad cig ma gcig gis thob par 'gyur te rgyu dang 'bras bu la ma 'phrul ba'i phyir ro/ /the tshom gyi bdag nyid kyi 'khrul bas de mngon du byed pa dang yun yang ring bar 'gyur ro zhes bya ba de yod na dag par mi 'gyur ro/ /sbyor ba ni gang dang gang 'khrul pa'i ngo bo snang ba gtan tshigs la sogs pa de dag

  510. 255b

    ma 'khrul pa'i 'bras bu la 'brel pa med de/ brgya byin gyi spyi bo la sogs pa las byung ba'i du ba la sogs pas me la sogs pa bzhin no/ /nyan thos kyi lam la sogs pa 'khrul ba'i rang bzhin du snang bas mi 'khrul ba'i rdo rje 'chang chen po'i go 'phang 'bras bur gyur pa'i rgyu ma yin zhes rgyu mi dmigs pa'o/ /ma 'khrul ba'i ngo bo snang ba'i lam gyis thob par bya ba dpal rdo rje 'chang gis go 'phang zhes nye bar bsdu ba'o/ /de bas na theg pa thams cad kyi mchog rdo rje theg pa zhes bya'o/ /gcig la gcig ces zhes pa ni phan tshun la bltos pas so/ /tshig lhag ma zhes pa ni tshig rdzogs par byed pa'o/ /phul du phyung ba'i dngos grub ste zhes pa ni phyag rgya chen po'i dngos grub rdo rje 'chang chen pa'i sku'o/ /skyed par byed pa ni sngon du byed pa ste spros pa dang bcas pa'i spyod pas rdo rje 'chang chen po nyid thob par 'gyur ro zhes bya ba'i don to/ /dgongs pa ma yin pa'o zhes pa ni gsal ba'i de kho na nyid bstan pas so/ /rang bzhin yongs su zhes bya ba la sogs pas rigs la sogs pa bkag par bstan to/ /rdo rje theg pa la brten nas bla ma'i man ngag bsgom pa gang yin pa de rnams rigs la sogs pa dman pas kyang byang chub thob par 'gyur te/ /skye ba sna tshogs rigs dang ni/ /yul dang dus la ma bltos pa/ /bcom ldan khyod kyis bstan bcos ni/ /thams cad la ni bstan pa lags zhes bshad pa'i phyir ro/ /skye gnas kyis smad pa nyid du bstan pa'o zhes pas ni rigs dman pa bstan to/ /las kyi so zhes pa ni ba lang gi pags pa dang gzhu la sogs pa byed pa dang mi gtsang ba la sogs pa gdon pas so/ /sgyu ni yi ge pa rnams kyis gzhan gyi zhing la sogs pa 'phros pas log ngas 'tsho ba'o/ /'khrul 'khor dang zhes pa ni/ /btson ra'i khang ba la lag pa dang rkang pa la sogs pa 'ching ba'i shing la sogs pa'o/ /mtshon ni

  511. 256a

    ral gri la sogs pa'o/ /rgya ni ri dags la sogs pa bshor ba'i don du srad bu'i sbyor ba'o/ /sogs pa'i sgras ni rtsig pa phug nas nor rku ba dang chang gi nang du d+ha d+hu ra'i khu ba btab nas brgyal bar byed pa dang/ lcags kyus nya bzung pa dang/ grong la sogs pa la me gtang ba zhes bya'o/ /dgos par zhes pa ni rang gi lto ba rgyas pa tsam mo/ /sems bas ni bsam par byed pa'o/ /theg pa chen po bla na med pa'o zhes pa ni kun gyi mchog ces bya ba'i don to/ /bla na med pa'o zhes pa ni rdo rje theg pa te bla na med pa'i sgra dang 'brel bas so/ /spyi bo'i sgra ni khyad par du 'jug ste don la sogs pa'i 'brel ba zhes sngar bshad zin to/ /rin po che'i gang zag ces pa ni tsan dan la sogs pa la bltos pas dam pa chen po yin pas so/ / de nyid kyis 'gro bas na zhes pa ni nye bar mtshon pa'i tshogs yin te tsan dan la sogs pa rdo rje theg pas mi 'gro ba ma yin te des thams cad rjes su bzung bas so/ /gtso bos kyang tha snyad mthong bas te gang 'gro ba rgyal po zhes pa bzhin no pha zhes bya ba la sogs pa la de la pha gsod pa ni rgyal bu khyab 'jug bzhin du ste/ des pha dang de'i blon po bsad pas so/ /ma gsod pa ni sor 'phreng can no/ /dgra bcom pa gsod pa ni mya ngan med pa'i rgyal po gtum po'o/ /sangs rgyas kyi sku 'jig ces pa ni stag gzig pa rnams so/ /dam pa'i chos spong ba zhes pa ni grangs can la sogs pa'o/ /mtshams med pa'i don bshad pa'i phyir/ /'chi ba'i dus byas ma thag tu dmyal bar ltung bar 'gyur bas na zhes pa ni dmyal bar skyes ma thag tu las kyi 'bras bu myong bas so/ /nye bar mtshon pa zhes bya ba ni dbyer med pa'i nye bar brtags pa'i mtshan nyid kyi chos las so/ /de byed pa la 'jug go zhes pa ni las dang byed pa po la dbyer med pas so/ /mtshams

  512. 256b

    med pa dang nye ba rnams bzung ba ni ma dang dgra bcom ma yin pa la bgro ba dang byang chub sems dpa' des gnas dang/ slob pa gsod pa dang/ dge slong gi nor 'phrog pa dang/ mchod rten bshig pa ste/ de byed pa'o/ /rtsa ba bzhi'i ltung ba zhes pa ni srog gcod pa dang/ /rku ba dang/ gzhan gyi bud med la bgrod pa dang/ brdzun smra bas so/ /tA la mgo bcad pa ltar zhes pa ni mgo bcad pa'i tA la'i shing drung bzhin no/ /sangs rgyas kyi bstan pa las nyams nas zhes pa ni de bzhin gshegs pa'i theg pa chen po las ltung ba zhes bya ba'i don to/ /theg pa las nyams pa ni sdig pa chen po'i rgyu yin te/ tshul khrims las kyang nyams pa ru/ /lta ba las ni ma yin te/ tshul khrims kyis ni mtho ris 'gro /lta bas gnas ni dam pa thob/ /ces 'byung ngo/ /dmyal ba las gzhol bzhes pas ni sangs rgyas kyi bstan pa las nyams pa'i 'bras bu bstan to/ /de rnams kyang 'dir zhes pa ni sdig pa chen po byed pas kyang zhes bstan to/ /bla ma'i drin gyis zhes pa ni/ /rdo rje slob dpon gyi zhabs rjes su bzung bas so/ /rdzogs pa'i rim pa thob na zhes pa la zung du 'jug pa'i ting nge 'dzin thob nas so/ /'grub par 'gyur zhing zhes pa ni 'bras bu'i gtso bo'i sgo nas bstan te bskyed pa'i rim pa la sogs pa yang 'bras bu la mngon du gyur pa'i phyir ro/ / sangs rgyas thob par gyur na zhes pa la rdo rje 'chang nyid thob par 'gyur ro/ /sangs rgyas rdo rje sems dpa' nyid/ /de bzhin kun gyi dbang phyug nyid/ /rdo rje lta bu'i ting nge 'dzin/ /de ni gnyis med bstan pa'o/ /zhes 'byung bas so rigs ngan la sogs pa lta smos kyang ci dgos zhes pa ni gang de rnams kyi skye gnas la sogs pa ngan pa tsam yod pa'o/ /de la skye gnas gyi skyon tsam gyis skal ba med pa ma yin te/ /bstan pa la mi dmigs pa'i yan

  513. 257a

    lag ma yin pa'i phyir ro/ /dang pa la sogs pa'i yon tan rnams ni bstan pa la brten pa'i rjes su mthun pa yin gyi skye gnas la sogs pa ma yin te/ lhas sbyin dang ko ka ke la dag gis dmyal bar 'gro ba dang 'khor los sgyur ba'i gnas thob pa bzhin no/ /de ltar zhes bya ba la sogs pas nye bar bsdus ba bstan to/ /snod dang snod ma yin pa la bltos pa med par don mdzad pas na zhes pa ni skal ba dang skal pa med pa'i rdo rje rjes su bzung bar byed pas shes pa'i don to/ /theg pa'i che ba'i bdag nyid gsal bar ston pa yin no zhes pa'i rdo rje theg pa'i phul du byung ba rab tu gsal bar bstan pa yin no zhes bya ba'i don to/ /de ltar zhes bya bas ldog pa bstan to/ /skye bo sdig tsan ma lus par zhes pa ni sngar bshad pa'i mtshams med par byed pa la sogs pa'o/ /rnam par spyod ba zhes ba ni de rnams grol bar byed pa'o/ /rdo rje theg pa zhes bya ba la sogs pas bla ma la smod pa 'grub par mi 'gyur ro zhes bstan to/ dang por slob dpon la bsnyen bkur byas te zhes pa ni sngon gyi bsnyen pa'i rim pa dang zla ba la sogs pa'i dus kyi dbye bas de la bsnyen bkur byas te/ /mgu bar 'gyur ba de las rig pa'i dbang bskur ba la sogs pa rnyed nas thos pa la sogs pa'i rim gyis man ngag mngon du byas la lhan cig skyes pa'i shes rab dang ldan pa'i phyir nga'i blo'i khyad par 'di yin gyis slob dpon gyis cung zad kyang phan ma byas so zhes bsams bas de la smod pa gang yin pa de ni bla ma la brnyas par byed pa'o/ /tshogs la mthong nas rgyab kyi phyogs su 'gro/ dben pa la gnas de la phyag byed pa/ /de ltar bdag nyid ngan pa'i slob ma ni/ /rang gi bu 'am 'phang

  514. 257b

    pas bzung bas te/ bram ze 'am ni rgyal rigs rje'u rigs la/ bstan pa'i sa ni gam du mi bya'o/ /zhes bshad pa'i phyir/ /de dang lhan cig zang zing gi longs spyod kyis zhes pa ni bza' ba la sogs pa'i spyod pas so/ /kun tu dga' bar byed pa ni rol bar byed pa'o/ /gang yin pa yang zhes bya ba la sogs pa ni de dag kyang 'grub par mi 'gyur te sdig pa can dang 'brel ba'i phyir ro/ /slob dpon zhes bya ba la sogs pas rang sdig pa can bla ma la nyes par byed pa bzung bar bstan to/ /nges par mdzad pa'o zhes pa ni nges par gzung bar mdzad pa'o/ /des ni mngon spyod kyi snod du rung ba la sangs rgyas kyis phyogs mdzad na yang dngos grub thob par mi 'gyur zhes bstan te srung ba sogs dang sngags rnams dang/ lha rnams la yang phur bus gdab ces gsungs pa'i phyir ro/ /'grub par mi 'gyur ba zhes pa ni/ /gdol pa la sogs pas 'grub par byed pa ni 'grub ba ster bas 'grub pa ni ma lus pa nyid do/ /sgrub pa de la yang 'grub par mi 'gyur na zhes pa 'dis bla ma la nyes pa byed pa la 'grub pa ni ma yin no/ /zhes bstan to/ /gzhan dag tu zhes pa ni bya ba'i rgyud la sogs pa la smos ci dgos so/ /ji skad du/ zhes bya ba la sogs pas lung gi tshad nyid bstan to/ /slob dpon la smod par byed pa'i mi rnams la gnyid log ba'i dus su yang de bzhin gshegs pa mthong bar mi 'gyur te/ gang gi phyir dang po de rnams kyis slob dpon la smod par mi bya ba dang/ de bzhin du de ring nas brtsams te/ lag na rdo rje bdag gis khyod la smras pa gang yin pa de khyod kyis bya ste gzhan du na dus byas te dmyal bar ltung bar 'gyur ro/ /zhes mna' bskyal ba sngon du 'gro bar khas blangs nas yang rdo rje 'chang dang 'dra ba'i bla ma de nyid la smod pa zhes rang gi tshig gis de'i dam tshig /

  515. 258a

    nyams pa dang de'i 'bras bu de bzhin gshegs pa la sogs pa la byin gyis ma brlabs par 'gyur ro/ /zhes ston to/ /mthong ba'i chos la myong ba'i las kyi rnam par smin pa bshad pa'i phyir/ /slob dpon smod pa gang yin te/ zhes pa ni bla ma la smad par byed pa'o/ /bgegs dang log 'dren rnams kyis bzung zhes pa ni/ /tshogs bdag la sogs pa dang/ srin po la sogs pas bzung bar 'gyur ro/ /ngan pa ni sdig pa'i bsam pa can no// gtum po'i las can zhes pa ni drag po'i spyod pa dang ldan pa'o/ /mkhas pas rtag tu spang bar bya zhes pa ni bla ma dam pas gam du mi bya ba'i don to/ /sgra ji bzhin pa zhes pa ni sogs pa'i sgras shes tshig lhag ma'o/ /rgyud kyi rgyal po khyad par du gyur pa bstan nas zhes pa ni spyod pa gsum gyis gzhir gyur pa'i rgyud kyi rgyal po bstod nas so/ /slob dpon med par 'jug par ma gyur cig ces pa ni bla ma'i zhal gyi man ngag dang bral ba zhes bya ba'i tha tshig go /bla ma'i zhal gyi man ngag med pas yang dag par gyur pa'i de kho na nyid kyi man ngag rtogs par ma'i gyur ro/ /spyod pa'i khyad par bstan pa'i phyir zhes pa ni spros pa med pa'i spyod pa'i khyad par ro/ /bshad pa'i rgyud ni dgongs pa lung bstan pa'i bshad pa'i rgyud las so/ /phung po la sogs pa zhes pa ni sngags dang phyag rgya'i rim pas dngos med pas ni 'od gsal ba'i go 'phang thams cad stong pa'i gnas la 'jug pa'o/ /zhi gnas las byung zhes pa ni/ zhi gnas kyi bsgom pas byas pa gang yin pa de rnams ni srog gcod par byed pa ste srog ni rlung yongs su gyur pas skyes pa'i phung po lnga la sogs pa spong ba'i phyir ro/ /nges sems rnam par dag pa'i rim bstan to/ /nang zhes bya ba la sogs pas nang dang phyi dang

  516. 258b

    gnyis ka'i rang bzhin gyis chos thams cad stong pa yin no zhes lhag par mos pas ye shes kyi sku gzung ba sngon du 'gro bar bstan pa gang yin pa de la dga' ba ni brdzun smra ba la dga' ba zhes bshad par bya ste/ lha'i bu chos thams cad brdzun dang rgyu ma yin pa de skad bdag smra bas na/ des na de'i brdzun smra ba yin no zhes gsungs pa'i phyir ro/ /gnas med la gnas rnal 'byor pa'o zhes pa ni/ /sgyu ma la sogs pa'i dpe bcu gnyis la gnas pa zhes bya ba'i don to/ /de ni bdag byin gyis brlab pa'i rim pa bstan to/ /rdzogs sangs rgyas kyis ye shes gang/ /zhes pa ni mi gnas pa'i mya ngan las 'das pa'i rang bzhin gyi de kho na nyid rim pa lnga pas thob par bya ba'i rdo rje 'chang chen po'i go 'phang zhes bya ba'i don to/ /de nyid bstan pas na rdzas zhes bya ba ste bstan pa snying po khong stong med ces pa'i phyir ro/ /de 'phrog ngang tshul gang yin zhes pa ni zung du 'jug pa'i ting nge 'dzin sgom par byed pa gang yin pa de rnams gzhan gyi nor la chags par 'dod pa'i rnal 'byor bas bshad do/ des ni zung du 'jug pa'i rim pa gsal bar bstan pa yin no/ /de nyid ces pa ni sngags dang rlung gi de kho na nyid rtogs pa sngon du 'gro bar ma ning gis bzlas pa'i dus su byung ba'i 'od gsal ba'o/ /de la dngos gcig ni bsgom pa gang la yod pa de ni/ /de nyid dngos gcig ste rdo rje 'das pa'i rnal 'byor pa zhes bstan to/ /de bzhin nyid ni phyag rgya dang/ ting nge 'dzin gyi rim pas thob pa'i 'od gsal ba'i gnas so/ /de la rtag tu sbyor ba ni mngon par byang chub pa'i rim pa zhes bya ba'i don to/ /sems can de de 'dor la dga' zhes pa ni rim pa dang po dang bzhi pas nye bar bstan pa'i de kho na nyid la 'dod pa'i rnal 'byor pa zhes bya ba'i tha tshig go /sgrub pa mchog la dam par 'gyur zhes pa ni rnal 'byor pa lnga

  517. 259a

    po de dag sngags kyi theg pa chen po la snod dang gyur pa rang dang gzhan gyi don phun sum tshogs par byed pa zhes bya ba'i tha tshig go /de'i stong nyid gti mug la zhes pa ni stong pa nyid mi gti mug ste mi shes pa ste ma rig pa'o/ /rgyu de las skrag pa ni 'jigs pa gang yin pa de dag gcin gyi sgras ni dbang po rnams bshad do/ /yul rnams la 'jug pa'i rang bzhin yin pas bshad pa'i sgras ni yul rnams bstan to/ /de dag zhi ba za ba yin zhes pa ni dbang po dang yul dag yan lag drug pa'i phyogs gcig pas so sor sdud pa'i rim pas sbyang bar byed pa zhes bya ba'i tha tshig go /theg pa chen po'i chos mchog 'dir zhes pa ni sgrub par byed pa dpal gsang ba 'dus pa zhes pa theg pa thams cad kyi mchog la/ /snod du gyur pa ni skal pa dang ldan par 'gyur ro/ /dgongs pas bshad pa zhes pa ni srog gcod pa la sogs pa'i sgra'i 'gal ba'i sgo nas rim pa lnga'i mtshan nyid dang/ so sor sdud pa zhes bya bas de'i rang bzhin bstan pa'i phyir ro/ /de ni rim pa lnga sgom par byed pa'i rnal 'byor pa rnams la ye shes kyi phyag rgya dang snyoms par zhugs pas/ /shin tu spros pa med pa'i spyod par bstan to/ /spros pa dang bcas pa'i spyod pa bstan par bya ba'i phyir/ ma dang 'dra ba rjes su mthun pa'i zhes pa la sogs pa smras so/ /rigs dang rjes su mthun pas rnal 'byor pa la chags pa nyid du bstan to/ /'di rnams las gang yang rung ba zhes pa ni mi bskyod pa la sogs pa'i rigs dang rjes su mthun pa'o/ /rang gi rigs kyi bud ces pa la/ sme sha can dang/ nam mkhan dang 'khrus mkhan dang bram ze mo la sogs pa'o/ /sgrub pa'i thabs las bshad pa'i rim pas shes pa ni dkyil 'khor rgyal ba mchog gi ting nge

  518. 259b

    'dzin gyi phyogs gcig phyag rgya legs par sbyar pas so/ /rigs lnga bkod pa zhes bya ba la sogs pas de nyid gsal bar bstan to/ /mnyes par byas pa ni rigs dang rjes su mthun pa shing gi sdong po la sogs pa la phyag la sogs pa byas nas mtshal la sogs pas bris pa ji ltar 'dod pa'i bza' ba dang bcas pa rang gi brtul zhugs dang rjes su mthun pa'i phyag rgya dang bcas pa'i rnal 'byor pas snyoms par 'jug par bya'o/ /de dngos grub rgya chen po zhes pa ni rdo rje 'chang chen po'i go 'phang gi mtshan nyid thob par 'gyur ro/ /mchog gi chos zhes pa ni rnam par mi rtogs pa'i mtshan nyid gang la yod pa de dag /theg chen mchog gi chos nyid ces pa ni/ /chos kyi dbyings kyi de kho na nyid so sor rig pas shes rab kyi pha rol tu phyin pa'i rnal 'byor pa zhes bya ba'i don to/ /de'i nang du dngos grub rgya che zhing zhes pa la rdo rje 'chang chen po'i dngos grub ste rang dang gzhan gyi don sgrub par byed pa'i mtshan nyid do/ /zhes bya ba'i don to/ /pha rol phyin pa'i rnal 'byor pas ni yang dag par rdzogs pa'i byang chub kyang rgya che ba ma yin te/ /dus mang pos thob pa'i phyir dang gzhan gyi don phun sum tshogs pa chung pa'i phyir ro/ /rdo rje theg pa las de las ldog pa thams cad yin no zhes sngar bshad zin to/ /ldog pa bstan par bya ba'i phyir rjes su mi mthun pa'i phyir phyag rgya dang mnyam par sbyor ba zhes bya ba ni mi mthun pa'i shes rab dang 'brel pas so/ /rjes su mthun pa ni rigs dang mthun pa nyid gal te rtag par byed na de tshe dngos grub rten par 'gyur te/ gzhan du ni ma yin no/ /'jigs shing 'khrul pa'i sems ldan g.yo rgyu can dang gzhan dbang 'gyur zhes 'byung ngo/ /sems g.yeng ba skye bar 'gyur ro zhes pa ni rtse gcig pa

  519. 260a

    nyid 'chad par 'gyur te yid bde bar 'gyur ba'i phyir ro/ /rjes su mthun pa de yang skye ba gzhan dag tu 'ang yid gcugs par 'gyur ba zhes pa ni smon lam gyi dbang gis so/ /sangs rgyas kyis byin gyis brlabs pa'i mthus lung bstan de dang 'dra ba'i shes rab phrad bar 'gyur ro zhes bya ba'i tha tshig go /des ni spros pa dang bcas pa'i spyod pa bstan to/ /sngags dang rgyud la sogs pa la zhes pas spos pa med pa'i spyod pa bstan par bya ste/ sngags dang rgyud la sogs pa la legs par bslabs pa'o zhes pa ni dbang thob pa dang sngags la sogs pa'i sbyor ba la mkhas pa'o/ /sgrub ba po dang rjes su mthun par zhes pa ni phyag rgya chen po'i sgrub pa'i yan lag tu gyur ba dam tshig gi/ phyag rgya zhes bya'o/ /ma rnyed na zhes pa ni dkon pa 'am sgrub pa po dge slong yin pas so/ /sangs rgyas kyi yum shes rab kyi pha rol tu phyin pa zhes pa ni/ /gang las sangs rgyas thams cad 'byung ba de ni sangs rgyas kyi yum ste/ de bzhin gshegs pa thams cad kyi yum zhes bya ba'i don to/ /gang zhig kun mkhyen nyid kyis zhi bar 'dod pa'i nyan thos pa rnams nye bar zhi mdzad pa/ gang zhig lam mkhyen nyid kyis 'gro la phan 'dogs mdzad pas sems can don rdzogs pa gang dang 'brel pas rnam pa thams cad sna tshogs 'di nyid thob pa rnams kyis rigs/ /nyan thos byang chub sems dpa' tshogs dang ldan pa sangs rgyas kyi yum de la 'dud/ /ces 'byung ngo/ /de nyid bstan par bya ba'i phyir/ /rang gi snying la gnas pa zhes smos te/ /bsgom par bya zhes bya ba'i tha tshig go /byung la ni yid kyi rang bzhin nyid du rdzogs par bya ba'o zhes bya ba'i tha tshig go /de dang snyoms par 'jug par bya ste zhes pa ni nags tshal du smongs mo za ba'i

  520. 260b

    mtshan nyid can gyi brtul zhugs dang ye shes kyi phyag rgya dang lhan cig tu bde ba chen po nyams su myong bar bya'o zhes bya ba'i don to/ /lung gi tshad ma nyid bstan par bya ba'i phyir snying la gnas pa zhes smos te/ /yid kyi ngo bo nyid du bsgom pa'o lha mo che zhes pa ni ye shes kyi phyag rgya zhes bya'o/ /rnal 'byor pa'i zhes pa ni thabs dang shes rab snyoms par 'jug pa'i mtshan nyid kyi sbyor ba dang ldan pa'o/ /rnal 'byor skyed ces pa ni/ ting nge 'dzin gyi bde ba ster bar byed pa'o/ /de nyid kyi phyir sangs rgyas kun gyi yum gyur pa ni sngar grub pa'i de bzhin gshegs pa rnams kyi yum ste sems tsam mo/ /shes rab pha rol phyin pa'i ngo bo ye shes kyi phyag rgya blangs nas bcom ldan 'das sangs rgyas rnams kyi dngos grub thob par 'gyur to/ /rdo rje dbyings kyi dbang mor bshad ces pa ni/ /rdo rje ltar mi phyed ba'i dbyings ni rdo rje dbyings te chos kyi dbyings kyi ye shes so/ /de la dbang mo ni chos nyid kyi ngo bos bdag po nyid du gnas pa zhes bya'o/ /mnyes par byas kyang zhes pa la sogs pas dam tshig dang ye shes kyi phyag rgya dag nye bar bsdus pa dag bstan to/ /mchog tu dga' ba'i bde ba nyams su myong bar byas pas ni zhes pa la bde ba chen pos yang dag par rigs pas so/ /'dod chags la sogs pa'i nyon mongs pas gos par mi 'gyur ba'o/ /zhes pa ni 'dod chags la sogs pa rnam par spyad par bya ba'i phyir phyag rgya rnams blang bar bya'o/ /ji skad du/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye bas ni/ /gsal bar 'di las mtshon pas so/ /rdo rje pad+ma yang dag sbyar/ /kun rdzob tu ni gang la'ang med/ /lan gcig tu ni nyams myong bas/ /rnal 'byor stobs kyis 'grub par 'gyur/ ye shes 'jug pa'i rang bzhin ni/ /ji ltar dbye

  521. 261a

    ba shes nas ni/ /slar yang rang bzhin de nyid de/ /rnal 'byor pas ni rtag tu mtshon/ /'dod chags la sogs pa zhes bya ba la sogs pa rnam par sbyod ba 'ba' zhig tu mi 'gyur gyi 'on kyang sangs rgyas nyid kyang thob par 'gyur ro zhes ston to/ /legs par brlabs pa'i phyag rgya zhes pa ni/ /shes rab kyi rnam grangs yin pas so/ /ngo bo nyid shes pas zhes pa ni gang gi don du 'jug pa de nyid mngon du byed pas so/ /de yi rang bzhin mi shes pas/ / di shes mun pas sgrib pa rnams/ /dge dang mi dge'i las byas nas/ /'gro ba lngar ni 'khor bar 'gyur/ /zhes 'byung ngo/ /bdag nyid rdzogs par 'gyur ba ste zhes pa ni/ /'bad pa med pas 'grub par 'gyur ro/ /dngos po'i chos ni 'di nyid yin te dam tshig gi phyag rgya dang ye shes kyi phyag rgya 'brel pas de kho na nyid snang ngo/ /drang ba'i don ni spros pa med pa'i spyod pa bshad pas so/ /yang lung gis brjod par bya ste zhes pa 'dis shin tu spros pa med pa'i sbyod ba bstan par bya ste/ chos skur mtshan nyid gcig pa'o zhes pa ni chos kyi sku'i rang bzhin nyid de de bzhin nyid ces bya ba yum mo/ /ji skad du gcig med du ma rang gzhan phan 'dogs phun sum tshogs chen gzhir gyur pa/ /dngos med dngos med ma yin mkha' bzhin ro gcig ngo bo rtogs pa dka' / /gos med 'gyur med zhi ba mi mnyam dang mtshungs khyab byed spros pa med/ /rang gis rig pa dpe med rgyal ba'i chos kyi sku la rtag tu dud/ /ces 'byung ngo/ /shes rab pha rol phyin zhes pa ni sems rnam par dag pa'i rim pas thob par byed pa'i thabs stong pa'o/ /de nyid yum ste bsgom pa'i rang bzhin gyi 'bras bur gyur pa dang de las chos thams cad 'byung ba'i phyir ro/ /dbyibs dang kha dog /sna tshogs pa'i/ ji ltar

  522. 261b

    sprin rnams du ma ste/ /nam mkha' i khams nas byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyur gyur pa/ /yul ni ma lus la 'jug nas/ /'od gsal bar ni zhugs par 'gyur/ /ji ltar chu bo dang ba las/ /de? ni myur du ldang? bar 'gyur/ /thams cad stong pa dam pa las/ /de bzhin sgyu 'phrul dra ba 'byung/ /zhes bshad pas so/ /gnyis med de bzhin nyid sbyor bas zhes pa ni sems rnam par dag pa'i rim pas/ /dngos med ces bya ba'i don dpyod pa'o zhes pa ni mngon du bya'o/ /des ni sems rnam par dag pa'i rim pa bstan to/ /longs spyod rdzogs dang mnyam gang yin zhes pa ni cig car rnam snang ba nye bar thob pa la sogs pa'i rim pas spros pa'i sku'o/ /de nyid sring mo ni sgyu ma'i dang? bcu gnyis kyis nye bar mtshon pa'o/ /rang lha'i rnal 'byor ldan pa yi zhes pa ni mi bskyod pa la sogs pa de bzhin gshegs pa'i mos pa dang ldan pas so/ /gsang sngags lus kyis mnyes par bya zhes pa ni ye shes kyi sku bsgom par bya'o/ /des ni bdag la byin gyis brlab pa'i rim pa bstan to/ /sprul pa'i sku'i gzugs can bu mo de zhes pa ni mig g.yar dang sgyu ma dang 'dra ba'i rdo rje'i sku'i mtshan nyid du zung du 'jug pa'i rim pas thob par bya ba'i sku zhes pa'i don to/ /sgrub pa pos ni bsgom pa zhes ba nye bar bsdus pa'o/ /ma dang zhes bya ba la sogs pas snga ma bzhin du phan yon bstan to/ /nges ni zung du 'jug pa'i rim pa bstan pa yin no/ /nges pa'i don to zhes pa ni sems rnam par dag pa dang bdag la sbyin gyis brlab pa dang zung du 'jug pa'i rim pa bstan pas so/ /des sems sin tu spros pa med pa'i sbyod pa bstan to/ /chos 'byung mngon par byang chub pa/ /tshogs sogs rol mo rgya che bas/ /chos dbyings mngon par

  523. 262a

    byang chub pa/ /ji ltar rnyed pa'i spyod pa yis/ /bla med mngon par byang chub pa/ /mngon par byang chub sbyor ba yis/ /spro ba la sogs spyod pa ni/ /rnal 'byor pa rnams slob par byed/ /ces 'byung ngo/ /rigs ngan la sogs pa zhes bya ba la sogs pas snod du 'gyur ba rnams kyis kyang 'bad pa chen pos bsgrub par bya ba sangs rgyas kyi go 'phang snod ma yin pa'i skye bos thob pa thos nas ngo mtshar la sogs pa 'gyur ba bstan to/ /sgrib pa rnam par sel ba la sogs pa zhes ni las kyi rigs can gyi byang chub sems dpa' gzung ba ste spyod pa dang mthun pa'i phyir ro/ /spyad pa ni sbyod ba'i mtshan nyid dbye ba nan tan grub pa'i ye shes kyi rang bzhin dang rlung gi khams rnam par dag pa'i ngo bo nyid kyis so/ /gzhan du na 'jam dpal la sogs pa ci ste ma blangs so zhes tshig gi don to/ /pad+ma dkar po lta bu'i gang zag la sogs pa dbang po brtul po zhes pa ni ma 'ongs pa'i sems can dang mthun pa'i rol mo rab tu bstan par byed pa'i byang chub sems dpa' rnams kyi de dag rjes su gzung bar bya ba'i don du de lta bu'i spyod pa spyod de/ gzhan du na 'khrul pa dang nyon mongs pa med pa'i byang chub sems dpa' rnams kyis sngar med pa'i thob par bya ba ni ci yod do/ /gang thos pas de rnams ngo mtshar ba dang rmad du byung ba thob par 'gyur ro/ /bde ba chen po zhes bya gtso bos ni rnam pa sna tshogs rol mo'i mchog la 'jug /gang du spros pa thams cad dang bral bas/ /gcig kyang du ma'i ro yis gang mdzad pa'o/ / zhes 'byung ngo/ /rdo rje'i tshig rnams zhes pa ni/ /don zab pa'i tshig rnams so/ /dgongs pas bshad pa la zhes pa ni 'jig rten dang 'gal ba'i tshig gis de kho na nyid so sor ston par bye dpa' o/ /sgra ji bzhin pa'i don la zhes pa ni brjod

  524. 262b

    par bya ba'i tshul du don bzung bar bya ba yin gyi gsal bar bya ba'i tshul du ma yin gyi brjod par bya ba dang gsal bar bya ba ni sgra'i don gnyis te sngar gtan? la phab pa'o/ /ci zhes pa ni smod pa'i don la sbyor bar smad par bya ba bstan pa zhes dgongs pa'o bcom ldan 'das ni tshogs gnyis dang ldan pa zhes pa ni kun rdzob dang don dam pa'i bdag nyid kyi rgyu dang 'bras bu mngon du mdzad pa dang sems can rnams la de ston par mdzad pa'o/ /'phags par gyur pa zhes pa ni mi bskyod pa la sogs pa de bzhin gshegs pa'i nang nas gtso bor gyur pa de ji ltar de bzhin du bstan pa'o zhes pas smod do/ /tshig 'di nyid ni zhes pa ni/ /sngar bshad pas so/ /rang mthong bzhin du gzhan rnams la/ /nges par bskyed par bya ba'i phyir/ /dam pa rnams kyis 'jug pa ste/ /rtag tu slu ba med pas so/ /zhes byang chub kyi sems kyi rnam 'grel las 'byung ngo/ /de bzhin du skyob pa rang mthong lam ston pa'o/ /zhes 'byung ngo/ /de ltar gyur pa gang yin pa des ni tshig ngan pa ston pa mi rigs so zhes bya bas tshig ngan pa gsung ba'i gnas ma yin par bstan to zhes bshad do/ /rdzogs pa dang ma rdzogs pa zhes ni tsan dan la sogs pa dang rin po che lta bu'i gang zag rnams so/ /de'i tshul rjes su byed pa byang chub sems dpa' dang de bzhin gshegs pa rnams yin te sa bcu pa dang bcu gcig pa thob pa'i phyir ro/ /der yang zhes bya ba la sogs pa 'dis gsung pa ni mi rigs so zhes bstan to/ /'phags pa ma yin rab tu 'jug pa'i las kyi mtshan nyid do/ /zhes pa ni mi dge ba'i las te lus la sogs pa'i rnam pa bcu mi dge ba'i las rnam pa bcu zhes bya ba'i don to/ /de gsungs pas na gsang bas de zhes pa ni bcom ldan 'das kyis bka' lung ngo/ /tshig ngan pa zhes bya ba la sogs pa ni las 'dzin pa'i bsdu ba'o/ /mi

  525. 263a

    bskyod pa la sogs pas zhes pa ni thugs rdo rje la sogs pas so/ /de la 'di skad ces bka' stsal to/ /zhes pa ni byang chub sems dpa' rnams la lan ston te 'chang chen po dang de bzhin gshegs pa rnams kyang dbyer med pa'i phyir ro/ /gzhan du na rdo rje 'chang chen po gsung ba po yin na/ de nyid kyis the tshom sel bar bya ba'i rigs pa yin no zhes pa ci'i phyir de bzhin gshegs pa rnams kyis len btab par 'gyur/ /zlog pa ste zhes pa ni yongs su rdzogs pas zlog zhes bya'o/ /khyod rnams kyi bsam pa shes kyis zhes bya ba la sogs pas don de nyid bstan to/ /dgongs pa de nyid bstan pa'i phyir/ /bcom ldan 'das kyis dgongs pas bshad pa'i zhes bya ba la sogs pas de nyid kyi don ston par byed pa'i dgongs pas bshad pas brjod par bya ba'i tshig rnams ni zab pa ma yin pa'i don dang ldan pa'i sgra ji bzhin pas dbye bar mi 'gyur te/ gang gi phyir pad+ma'i rtsa ba'i snal mal lcags kyi lu gu rgyud mi phyed pa bzhin no/ /de bas na log pa'i don bzung bas smod pa'i yid la byed pa byang chub sems dpa' rnams kyi dgongs pa yin no/ /zhes bya'o/ /de ci'i phyir zhe na/ zhes bya ba la sogs pas sgra ji bzhin pa'i don med pa dgongs pas bshad pa'i de kho na nyid de bzhin gshegs pa rnams kyis bshad do zhes bstan to/ /chos rnams kyi de nyid ni bzhes pa la chos thams cad kyi nang du khyab pa stong pa nyid ces bya ba'i tha tshig go /blo mchog tu gyur pa'i rin po che lta bu'i gang zag ces pa ni rdzogs pa'i rim pa 'ba' zhig la snod du rung ba'i slob ma rnams so/ /mi gnas pa'i mya ngan las 'das pa'o zhes pa ni zung du 'jug pa'i man ngag go /de la

  526. 263b

    ye shes ni khong du chud pa zhes bya ba ni de'i bdag nyid du 'jug pa zhes bya ba'i don to/ /don dam pa'i bden pa zhes bya ba la sogs pas gnyis su med pa'i ting nge 'dzin gyi mtshan nyid rtogs par byed pa'o/ /rin po che lta bu'i gang zag rnams la chos nyid bstan par bya'o zhes ston to/ /gzhan la ni ma yin te zhes bya bas tsan dan la sogs pa la dgag par bstan to/ /de bas zhes bya ba la sogs pas nye bar bsdu ba bstan to/ /byang chub thob par bya ba'i phyir spyod pa ni byang chub sbyod pa ste spros pa dang bcas pa la sogs pa'i sbyod pa gsum mo/ /gnas ni de'i 'bras bur gyur pa byang chub spyod pa'i gnas te rdo rje 'chang nyid du bstan to/ /'di ni 'di nyid de zhes bya ba la sogs pas the tshom med par spyod pa des rdo rje 'chang nyid thob par 'gyur ro zhes bstan to/ /sgra ji bzhin pa zhes pa ni spyod pa ji ltar gsungs zhes bshad pas so/ /bshad zin to zhes pa ni le'u dang po las so/ /de'i rnam par smin pa tsha ba'i phyir zhes pa ni mnar med pa la sogs pa la ltung ba'i rgyu mthun pa'i 'bras bu yin pas so/ /bya ba ma yin pas shes pa ni srog gcod pa la sogs pa mi phyed pas so/ /bcom ldan 'das kyi bka' las 'das pa'i zhes bya ba la sogs pa ni bde bar gshegs pa'i bka' las 'das pa'i mtshan nyid kyi rtsa ba'i ltung ba'i thos pas so/ /rtsa ba'i ltung ba'i 'bras bu bstan par bya ba'i phyir/ /dmyal ba'i 'jigs pa zhes bya ba smos te/ /dka' ba ma spangs pas dus byas te khyod dmyal bar ltung bar 'gyur zhes bshad pa'i phyir ro/ /bya ba la rmongs pas kun tu 'khor bar 'gyur te zhes pa 'di bsam pa 'di yin te/ bcom ldan 'das kyis gsung ba'i kha na ma tho ba dang bcas pa byed pa 'am yang na srog gcod pa la sogs pa mi byed do/ /zhes phyogs gcig la brtan pa

  527. 264a

    dang/ phyogs gnyis pa yongs su spong ba 'am yang na de las ldog pa zhes rnam pa thams cad du bcom ldan 'das kyis bka' lung blang bar bya ba yin nam ma yin zhes the tshom dang ldan pa'i blo yis gnyis po 'am mi bya'o zhes yid mi bde bar gyur to/ /phyi nas zhes bya ba la sogs pas nges pa'i gsung thos pa'i dga' ba las 'byung ba 'am rgyal ba thob pa nyid du bstan to/ /nges pa'i don zhes pa ni rdo rje'i tshig gi khyad par ro/ /rdo rje'i tshig gi khyad par te sngar khong du mchud pa'i don ji lta ba bzhin du rig pa'i phyir ro/ /sngon chad ma rtogs pa'i chos nyid rtogs pas/ /zhes pa ni dgongs pas bshad pa'i don thos pas so/ /de yid rtse gcig tu gyur pas zhes pa ni dgongs pas bshad pa'o/ /chos nyid kyi mtshan nyid brjod par bya ba la bsam pa dang bsgom pa la zhen pa'i yid dang ldan pa'i phyir ro/ /drang ba'i don to zhes pa ni thos pa la sogs pa'i rang bzhin gyi shes rab kyi 'brel pa bstan pa'i phyir ro/ /yang lung gis bshad pa zhes bya ba la sogs pas nges pa'i don bstan par bya ste/ mi g.yo ba ni sems rnam par dag pa'i rim par thob par bya ba'i stong pa chen po'o/ /de las kyang gsang ba ni thams cad stong pa'o/ /zhi ba ni rnam par shes pa dang snang ba med pa'o/ /gcig ni gnyis su med pa'o/ /bde ba zhes pa ni bde ba chen po'o/ /rang bzhin thams cad spangs pas na mchog go /rdzogs pa'i byang chub thob byed pa zhes pa ni rdo rje 'chang chen po'i go 'phang thob par byed pa'o/ /'di ni dgongs pas gsungs pas zhes pa ni bcom ldan 'das kyis gsungs pa'o/ /de yang rnal 'byor pas mngon du bya ba'o zhes bya ba 'dis sems rnam par dag pa'i rim pa bstan to/ /nam mkha' i mdza' yas sbyor ba yis zhes pa la nam mkha' i bzhin du mdza' yas pa'i sgyu ma lta

  528. 264b

    bu'i sbyor ba yis so/ /de'i 'brel pas gzugs la sogs pa ni sgyu ma'i rnam pas mtshon pa'i ye shes kyi mdza' yas pa ste sgyu ma'i dpe bcu gnyis kyi sgro nas mtshon pa'o/ /de nyid de bzhin gshegs pa dang/ /de bzhin byang chub sems dpar bshad ces pa ni/ /sgyu ma nyid kyis nye bar mtshon pa'i lha'i sku'i 'brel ba dang ldan pa'i phung po dang khams dang skye mchod yin no/ zhes bya ba'i don to/ /de nyid kyi phyir khams gsum pa thams cad bstan pa la sogs pas bsdu ba ni 'dul bar mdzad pas rnal 'byor pas ye shes kyi sku gzung ba gang yin pa de nyid lus kyi dkyil 'khor yin te dkyil 'khor ba thams cad de nyid du bsdus pas so/ /lus rtog la zhes pa ni sgyu ma'i lus de las sar zhing sar pa'i dkyil 'khor gyi 'khor lo'i rim pas spro bar byed pa gang yin pa de ni byang chub sems dpa' i brgyal bar gyur ces bstan to/ /des ni longs spyod rdzogs pa dang sbrul pa'i sku'i rang bzhin gyi bdag la byin gyis brlab pa'i rim pa bstan pa yin no/ /de ltar bde ba ni de dang 'dra ba'i bde ba chen po bskyed pas so/ /bskul pa ni khyab pa'i rnal 'byor pa rnams kyis mi shes pa ni 'dod chags la sogs pa rnam par rtog pa thams cad yongs su gcod pas rnam par mi rtog par gyur pa gang yin pa de nyid byang chub sems dpa' brgyal bar 'gyur ro zhes bstan to/ /des ni mngon par byang chub pa'i rim pa bstan pa yin no/ /nges pa'i don to zhes pa ni sems rnam par dag pa dang bdag la byin gyis brlab pa dang/ mngon par byang chub pa'i rim pa gsum gyi mtshan nyid can gyi rdzogs pa'i rim pa bstan pa'i phyir ro sgra ji bzhin pa'o zhes pa ni rdo rje 'chang chen po'i gsol ba 'debs pa bstan pa'i phyir te/ sogs pa'i sgras shes par bya'o/ /de dang 'dra'i zhes ba ni spros pa thams cad la nges par grol ba'o/ /gnyis

  529. 265a

    med pas na zhes pa ni zung du 'jug pa'i ting nge 'dzin gyi mtshan nyid la zhugs pa'o/ /de lta bu zhes bya ba la sogs pa ni zung du 'jug pa'i ting nge 'dzin gyis thob pa'i rdo rje'i sku'o/ /'od zer yang dag par bsdus pa zhes pa ni rang gi sku las byung ba'o/ /reg par gyur pa tsam gyis shes pa ni zla ba'i 'od zer dang 'dra bar bsil ba byang chub sems dpa' i lus las phab pas so/ /rang rang gi stan la yang gnas par gyur to zhes pa ni pad+ma dang zla ba dang nyi ma la sogs pa'i gdan la bzhugs pa ste/ bsgoms pa las byung ba'i brgyal ba sangs nas dran pa tho par gyur to zhes bya ba'i don to/ /de nyid bstan par bya ba'i phyir dran pa slar yang so sor rnyed par gyur to zhes bstan to/ /drang ba'i don to zhes pa ni spro ba tsam ston par byed pa'i sogs pa'i sgras so/ /stong pa nyid gsum ni stong pa dang shin tu stong pa dang chen po stong pa ste sngags dang phyag rgya'i rim pas thob par bya'o/ /'od gsal pa zhes pa ni stong pa gsum gyi rgyu can 'bras bur gyur ba ste thams cad stong pa'o/ /stong pa shin tu stong pa dang/ /stong pa chen po gsum pa ste/ /bzhi pa thams cad stong pa ni/ /rgyu dang 'bras bu'i dbye bas so/ /zhes 'byung ngo/ /zung du 'jug pa ni gang gis phyir zung du 'jug pa'i rim pa las rgyu dang 'bras bu'i dbye bas bsgom pa ni med do/ /rgyu dang 'bras bu'i bdag nyid ni/ /rang bzhin med par byas nas so/ /rnal 'byor pa ni gang gnas pa/ /zung 'jug sangs rgyas kyis gsungs so/ /mi phyed pas na rdo rje ste/ /zhes pa ni zung du 'jug pa ting nge 'dzin la rnam pa dang bcas pa la sogs pa'i rnam par mi gtsang pa dang gtsang ba la sogs pa'i rnam par rtog pa yang 'byung bar mi 'gyur ro/ /rnam bcas dngos

  530. 265b

    po'i rtog pa dang/ /rnam pa med pa'i rtog pa ste/ /gcig tu byas nas spyod pa ni/ /zung 'jug rim pa de bzhin no/ /ji ltar dri bzangs ga pur dang/ /de bzhin mi gtsang dri yin no/ /zhes bya ba la sogs pa 'byung ngo/ /de skad ces bya ba la sogs pa ni de 'dra ba'i ting nge 'dzin la bcom ldan 'das bzhugs par gyur to/ /mi g.yo ba zhes bya ba la sogs pa la stong pa chen po la sogs pa gnas pa byang chub sems dpa' i gzugs kyi longs spyod rdzogs pa dang sprul pa'i sku gnyis dbyer med pas gnas pa rdo rje 'chang chen pos bdag nyid thob par 'gyur ba yi ni zhes pa rang gi ting nge 'dzin dang mtshungs par gyur to/ /de ltar byin gyis brlabs pa tsam gyis shes pa ni rim pa lnga'i de kho na nyid khong du chud pas so/ /snang ba'i lang tshogs kyis zhes pa ni kha dog lnga pa'i 'od zer gyi tshogs kyis so/ /rlung ni reg pa'o zhes pa ni reg pa'i yon tan dang ldan pas so/ /des rig pa tsam gyis zhes pa ni 'bru mang po la 'od ni mchog tu gzung ba'o/ /tsam zhes bya ba ni rlung gi de kho na nyid 'od gsal ba'o/ /nges na 'od de khams phra ba la rjes su zhugs pa'i ye shes kyi 'od zer 'phros pas zhes smos pa la bsam pa ni 'di yin te/ /zung du 'jug pa'i ting nge 'dzin la zhugs pa'i rdo rje 'chang chen pos 'od zer gyi 'khor la spros la/ byang chub sems dpa' rnams 'od gsal ba'i go 'phang la 'jug pa'i sems kyi rgyud la 'jug ste/ cig car ram snang ba mched pa la sogs pa'i rim pas bdag la byin gyis brlab pa'i rim pas thob par bya ba yid kyi rang bzhin gyi ye shes kyi sku blangs la rang rang gi gdan gyi brdar bstan pa'i 'jig rten gyi khams la sems can gyi don bya ba la nus pa dang ldan par mdzad do zhes ston to de nyid bstan par bya ba'i

  531. 266a

    phyir 'od gsal ba las ldang bar 'gyur ro zhes bya ba la sogs pas bstan to/ /nges pa'i don to zhes pa ni sems rnam par dag pa dang bdag la byin gyis brlab pa dang zung du 'jug pa'i rim pa bstan pa'i phyir ro zab pa'i chos stan pa zhes pa ni 'gal ba'i sgra'i sgo nas spyod pa gsum gyis thob par bya ba'i de kho na nyid bsten pa'o/ /de la mkhas pa ni 'jig rten las 'gal ba'i sgra'i sgo nas gsungs pa'o/ /sngon ma byung ba zhes pa ni sgra ji bzhin pa tsam kyis srog gcod pa la sogs pa la 'jug pa'o/ /gyur pa ni dgongs pas bshad pas de'i don yongs su spangs te/ /de kho na nyid kyi don la 'jug pa'o/ /rmad du gyur pa ni gzhan thos pa dang rnam pa gzhan sgrub pa'o/ /rangs? nye zhes pa ni rmad du byung ba nyid kyi 'bras bur gyur pa'i sems kyi skabs kyi khyad par ro/ /bka' stsal pa zhes pa ni 'gal ba'i sgras gtso bor gyur pa'i tshig bstan pa'o/ /rtogs shing zhes pa ni mngon du byas pa'o/ /ting nge 'dzin gyi khyad par zhes bya ba ni sems rnam par dag pa la sogs pa'i mtshan nyid kyi rdzogs pa'i rim pa'o/ /des bskyed pa ni rdo rje 'chang gi go 'phang thob pas sems can gyi tshogs shes pa ni khams gsum la gnas pa'i rin pa cha lta bu'i gang zag gang yin pa'o/ /de rnams gzigs pa ni gzigs pas dges pas khyab par gyur pa'o/ /rnam pa de lta bu zhes pa ni 'chad par 'gyur pa'o/ /chos dang yang dag pa dang ldan pa zhes pa ni bcom ldan 'das kyis ma nges pa med pa yon tan gyi tshogs la bstod pa dang yang dag par ldan pa'o/ /chos bstan pas dges pas shes pa ni rdzogs pa'i rim pa'i rgyur gyur pa spyod pa gsum gyi mtshan nyid can gyi chos bstan pas mgu ba zhes

  532. 266b

    bya ba'i don to/ /chos bstan pa'i sgo nas zhes bya ba la sogs pa ni nges gsungs pa'i chos dang gsungs pa po la dbyer med pa'i phyir ro/ /rjod par byed pa dang brjod par bya ba'i bdag nyid can rdo rje 'chang chen po zhes le'u dang po nas bstan pas so/ /bstan pa'i mtshan nyid can gyi chos so/ /zhes pa la rjod par byed pa'i ngo bos nges bstan pa'i don zhes pa ni brjod par bya ba'i ngo bo'o/ /mtshon pa zhes pa ni 'chad pa po'i 'dod pas sgra rnams kyi sbyor ba yin gyis gzhan du ni ma yin no/ /rjod par byed pa gang dang gang/ 'chad pa pos ni nges sbyor ba/ /phyi yi don la ma rtogs pa/ /tshig de de bzhin rjod pa byed pa'o/ /zhes 'byung ngo/ /chos ni brjod pa'i mtshan nyid do zhes bya ba la sogs pa la rjes su smra ba tsam yin no// gang yin zhes byes 'dri ba la/ /chos ni thos pa'i rang bzhin no/ /zhes bya ba la sogs pas lan btab pa bstan te/ /chos ni sgra'i yin pas rna bas bzung bya yin pa'i phyir ro/ /don dam pa'i bsam pa'i rang bzhin no zhes pa la rigs pa bzhi'i sgo nas chos de nyid rnam par dpyad na dag pa'i don du 'gyur te don nges par rtogs pa dang the tshom bral bas so/ /de dag mngon sum byas pa ni thos pa dang bsam pa rdzogs na chos kyi don bsgom par bya bar rigs so/ /de nyid bstan par bya ba'i phyir/ /rdo rje 'chang chen po zhes bstan to/ /de lta bu khyod la phyag 'tshal 'dud/ /ces bya ba 'dis brjod par bya dang brjod par byed pa dang de'i gzhi can gyi thos pa dang bsam pa dang bsgom pa dang de'i 'bras bur gyur pa de kho na nyid kyi sku gcig pa rdo rje 'chang la bstod pa bstan to/ /rdo rje 'chang yang kun rdzob dang don dam pa dbyer med pa'i ngo bo yin pas phyag 'tshal ba'i sgra gnyis pa bstan to/ /de bzhin du 'og tu yang sbyar ro/ /sku la sogs pa phan tshun tha dad pa ma yin no

  533. 267a

    zhes pa ni sems ni lus lta bu zhes bya ba la sogs pa gsungs pa'i phyir ro/ /'od gsal ba ste zhes pa ni glo bur gyi dri mas mi gos bar phyir ro/ /de'i gnas zhes bya ba la sogs pas sngags dang phyag rgya'i rim pas thob par byas pas zhes bya'o/ /skye ba dang 'gag pa dang bral zhes pa ni 'od gsal pa ste 'dus ma byas pa'i phyir ro/ snang ba rnam par dag ba zhes pa ni snang ba la sogs pa gsum spong bas so/ /de ni sems rnam par dag pa'i rim pa'i sgo nas bstod pa'o/ /'ja' tshon ltar zhes bya ba la sogs pas 'od gsal ba las spros pa'i ye shes kyi sku'i bdag nyid gzung bar bstan to/ /des ni bdag la byin gyis brlab pa'i rim pa'i sgo nas bcom ldan 'das la bstod pa'o/ /sangs rgyas thams cad kyi yon tan gyi zhes pa ni stobs dang mi 'jigs la sogs pa rnams so/ /thugs nyid yin pas na zhes pas ni de rnams kyis bsags pas na thugs te rnam pa thams cad mchog dang ldan pa'i sku'i rang bzhin khyod yin no/ /de bzhin gshegs pa rnams kyi thog mar gyur pas zhes pa ni rdo rje 'chang chen po'i ngo bo yin pas so/ /gtso bo ni mi slob pas so/ /de 'ba' zhig tu ma zad kyi 'on kyang 'das pa la sogs pa'i dus la gnas pa'i dngos po rnams shes pa ni sems can dang snod kyi 'jig rten gyi rang bzhin gnyis ka'i dngos po rnams so/ /nyid yin zhes pas dngos po thams cad khyab par byed pa bcom ldan 'das bstan to/ /dngos po thams cad kyi ngo bo nyid du gyur pas so/ /zhes pas ni chos thams cad kyi nang du chud pa'i chos nyid kyi ngo bo yin pas so/ /'od gsal ba zhes pa ni 'od gsal 'bras bur gyur pa'i rdo rje'i sku khyod yin no/ /khyod nyid khams gsum pa yang yin te

  534. 267b

    zhes pa ni khams gsum gyi bdag nyid yin pas so/ /sgyu 'phrul gyi dbang brnyes pas zhes pa ni sku la sogs pa'i dbang phyug brgyad thob bas so/ /bden pa gnyis kyi bdag nyid can yin shes pa ni zung du 'jug pa'i de kho na nyid kyi rang bzhin yin pa'i phyir ro/ /des ni zung du 'jug pa'i rim pa'i sgo nas bcom ldan 'das la bstod pa'o/ /me long lta bu'i ye shes zhes pa ni nyon mongs pa dang shes bya'i sgrib pa'i sprin gyis ma bsgribs pa'i phyir ro/ /de las yang dag par byung ba na rnam par snang mdzad de zhes pa ni ma 'brel pa rnam par gcod pas lha sbyin ni gzhu 'dzin pa bzhin no/ /de'i ngo bo nyid yin pa'i phyir ro zhes pa ni gtan tshigs kyang de bzhin no/ /de bzhin gshegs pa gzhan rnams kyi ni me long lta bu'i ye shes kyi ngo bo nyid med pa ma yin no/ /nam mkha' ni re zhig 'od gsal ba ste de'i lam ni de thob par byed pa'i ye shes te mnyam pa nyid kyi ye shes so/ /de las byung bas gnas par mdzad cing zhes pa ni skad kyi dbyings don du ma yin pa'i phyir 'byung ba ldang 'jug go /nam mkha' i zhes bya ba la sogs pas chos kyi dbyings kyi ye shes kyi rang bzhin gyi thugs gang la yod pa de ni mi bskyod pa ste ye shes dang rjes su mthun par bstan to/ /pad+ma'i rigs so zhes pa ni yan lag bcu gnyis pa'i gsung rab la 'jug pa la de nyid kyis dbang byed pas so/ /de rnams kyi mchog ces pa ni de rnams sprul pa'i ngo bo nyid do/ /'gro ba ma lus pa'i don ni zhes pa la bstan pa dang smin pa dang grol ba la sogs pa dang stobs kyi rnal 'byor gyi mtshan kyi rang bzhin rlung gi khams kyi ngo bo ste/ de rnams bya ba nan tan grub pa'i ye shes kyis rdzogs par 'gyur pas de'i bdag nyid don yod grub pa 'dir bstan to/ /rigs lnga'i bdag nyid kyi zhes pa ni rdo rje 'chang

  535. 268a

    chen po ste bdag nyid du gyur pas zhes bya ba'i tha tshig go /ji skad du/ rigs ni rnam pa brgyad bstan pa/ /mdor bsdus pas ni rnam pa lnga/ sku gsung thugs kyi dbye ba yis/ /phyi nas rnam pa gsum du 'gyur/ /de ni rang byung bcom ldan 'das/ /gcig po nyid de lhag pa'i lha zhes 'byung ngo/ /bdag dang gzhan gyi don sgrub pa/ /zhes bya ba'i spyod pa ni/ zhes pa la sngar bshad pa'i rnam pa gsum gyi spyod pa'i rigs pas rang dang gzhan gyi don 'grub par 'gyur ro/ /de nyid khyad par du gyur pas na zhes pa ni theg pa dman pa la sogs pa la bltos pa dang/ bya ba'i rgyud la sogs pa la bltos pas shes tshig lhag ma'o/ /gang gi phyir bde ba'i ngo bo dang yun ring ba ma yin pas bsgrub par bya ba'i spyod pa ni lam dang gzhan dang rgyud las ma bstan te/ brtul zhugs dang sbyangs pa'i yon tan la sogs pas lus ngal bar byed pa'i phyir dang lan gsum bkrus pa la sogs pas lus gzir bar byed pa'i phyir ro/ / de'i don ston pa ni zhes pa ni spyod pa gsum rjod par byed pa'i gzhung gi tshogs la le'u zhes bya'o/ /dgongs pa ma yin no zhes bya ba ni yongs su gsal pa'i de kho na bstan pa'i phyir ro/ /sgron ma gsal bar byed pa'i 'grel pa'i TI ka las le'u lnga pa'i rgya che ba'i bshad pa'o// //bdag la byin gyis brlab pa'i nga rgyal zhes bya ba la sogs pas le'u drug pa'i bshad pa rtsom par byed de/ bdag ni lha'i sku la'o/ /byin gyis brlab pa ni sku la sogs pa byin gyis brlab pa'o/ /sngon 'gro ba'i spyod pa bya ba ni rnal 'byor chen po'i mdza' i bar du dang po sbyor ba bsgoms nas lha'i rnam pa thob pas spyod pa bya'o/ /gzhan du ni khyi dang spyang ki la sogs pa dang/ /so sor skye bo bzhin

  536. 268b

    du spyad pa thal bar 'gyur ro/ /sku la sogs pa byin gyis brlab pa'i rim pa zhes pa ni rnal 'byor dang rjes su rnal 'byor dang/ shin tu rnal 'byor rdzogs nas/ /rnal 'byor chen po'i mtshan nyid can gyi dang po'i sbyor ba'i yan lag tu gyur pa zhes ba ba'i don to/ /rab tu ston to zhes pa ni rab tu phye nas bshad par bya zhes bya ba'i don to/ /mi bskyod pa zhes bya ba ni sku la sogs pa de'i rang bzhin yin pas so/ /de byin gyis brlab pa'i gsang sngags te zhes pa ni gang brjod / /pas thugs rdo rje sgrub pa pas byin gyis brlab par 'gyur ro/ /gang la ming de skad ces pa'i thugs rtse gcig tu mdzad de zhes pa ni thugs byin gyis brlab par byed pa'i sngags rjes su dran pa'i mtshan nyid kyi blo zhes bya ba'i don to/ /thugs byin gyis brlab pa gang yin pa zhes pa ni rtog pa dang bcas pa'i tha mal pa'i ngo bo bral nas ston ka'i zla ba'i dkyil 'khor rdzogs pa dang 'dra ba gang gis byed pa de la de skad ces bshad do/ /yid skyob pas na zhes pa la de la gcig tu gzhol bas rnam par rtog pa gzhan las skyob pas so/ /dbang po dang ni yul dag la/ /brten nas gang zhig yid 'gyur ba/ /de ni nam zhes bshad pa ste/ /tra ni skyob pa'i don yin no/ /zhes 'byung ngo/ /bka' stsal par gyur to/ /zhes pa ni bcom ldan 'das kyis te tshig lhag ma'o/ /oM zhes bya ba la sogs pa ni thugs la byin gyis brlab pa'i sngags so/ /de brjod pa tsam gyis thugs kyi byin gyis brlab par 'gyur ro/ /me long lta bu'i ye shes kyi bdag nyid can zhes pa la nyon mongs dang/ shes bya'i sgrib pa'i rdul rnams med pa dang mi phyed pa'i phyir ro/ /des byin gyis brlob pa'i sngags te/ zhes pa ni skad kyi dbyings don du ma yin pas gnas kyi sgra ni byin gyis brlab pa'i rnam grangs so/

  537. 269a

    sku byin gyis brlab pa'i sngags gsungs pa ni zhes pa la gang gi lus kyi tha mal pa'i ngo bo spangs nas mtshan sum cu rtsa gnyis dang dpe byad bzang po brgyad cus rnam par spras pa/ rnam pa thams cad mchog dang ldan par bya ba de la 'di skad ces bya'o/ /oM zhes bya ba la sogs pa ni lus byin gyis brlab pa'i sngags so/ /de brjod pas lus byin gyis brlabs par 'gyur ro/ /tshang med pa gang las brnyes pa zhes pa ni byang chub kyi sems la sod? pa'i rnal 'byor pa rnams yun ring du 'tshe bar 'gyur ro/ /de na phyir 'bad pa thams cad kyis/ /'pho ba'i chags pa bral bar bya zhes 'byung ngo/ /ku gyen du 'dren pa'i brdzes sangs rgyas rnams ni/ /bskal pa'i bar du thug bar 'gyur te byang chub kyi sems mi 'pho bas so/ /de dus brtsams nas de ni rtog pa med/ /de yi dbyibs dang kha dog ji ltar mtshan/ /bsam gyis mi khyab rnam par smin pa'i sku/ /sdom pa de la bya ba byas pas thob ces rdo rje hUM mdzad kyi sgrub thabs las 'byung ngo/ /de'i ngo bo ni tshe dpag tu med par bstan to/ /so sor rtog pa'i ye shes kyi bdag nyid can zhes pa ni mnyam pa nyid gyi ye shes dang tha mi dad pa so sor rtog pa'i ye shes yin te chos thams cad kyi rang bzhin rnam par dpyad par byas nas mnyam pa nyid kyis khyab pa'i phyir ro/ /de med pas dngos po thams cad so sor rtog par mi 'gyur ro/ /de'i rang bzhin 'od dpag tu med pa'i ste chos rnams so sor rtog par mdzad pas so/ /de byin gyis rlob par byed pa zhes pa ni de mngon du 'gyur pa dang brtan pa nyid sgrub pa'i phyir ro/ /mi phyed pa'i ngo bo nyid kyi sngags te zhes pa ni gsung gi dbang phyug la sogs pa'i dngos grub dang dug dang bral ba la sogs pa la nus pa mnyams pa'o

  538. 269b

    tha mal pa'i ngag spangs nas yan lag drug cu dang ldan pa g.yas su 'khyil ba'i dung dang 'dra ba'i mgrin pa la gnas pa'i gdong gi dkyil 'khor khyab par byed pa/ ljags dang bcas pa gang gi byed pa de ni gsung byin gyis brlab pa'i sngags gsungs pa de snga ma bzhin no/ /oM zhes bya ba la sogs pa sngags te de brjod pas gsung byin gyis brlabs par 'gyur ro/ /de ltar zhes bya ba la sogs pas sngags rnams la mdor bstan pa dang brgyas par bshad pa yin te/ rim pa gang gis ? sogs pa byin gyis brlabs par bya zhes bstan to/ /mi skyod pa la sogs pa'i ngo bo nyid ni shin tu rnal 'byor gyi rim pas shes par bya ba'o/ /nyan thos la sogs pas yongs su mi shes pas na zhes pa ni nyan pas nas brtsams te rnal 'byor gyi rgyud kyi rnal 'byor pa'i khar du zhes bya ba'i don to/ /sku dang gsung dang thugs rdo rje gang yin pa zhes pa ni bsnyed? pa'i rim pas sems dpa' gsum gyi bdag nyid yin pas so/ /de la dam tshig sems dpa' ba ni sku'i rang bzhin te phyi'i gzugs su snang bas so/ /ye shes sems dpa' ni gsung gi ngo bo ste bar na gnas pa'o/ /ting nge 'dzin sems dpa' i ni thugs kyi rang bzhin te dra ba'i ngo bo yin pas so/ /yang na lha'i sku dam tshig sems dpa' zhes bya ba sku la sogs pa'i rang bzhin zhes bya ba'o/ /de nyid bstan par bya ba'i phyir zhes smos to/ rnal 'byor gsum gyis rdzogs pa'i rdo rje 'chang chen po la sogs pa'i sku'o/ /lha rnams kyis 'khor lo'i gzhir gyur ba'i phyir ro zhes pa ni rjes su rnal 'byor dang? shin tu rnal 'byor gyi rim pas de bzhin gshegs pa dang lha mo dang byang chub sems dpa' dang khro bo thams cad kyi ngo bo yin pas so/ /spyan la sogs pa bkod gsum pa zhes pa ni 'khor dang bcas pa'i spyan ma la sogs pa'i lha mo gsum

  539. 270a

    zhes bya ba'i don to/ /bdag dang gzhan gyis don phun sum tshogs pa'i gzhir gyur pa'i phyir ro zhes pa ni spyan ma la sogs pa gsum po spros nas zhi ba la sogs pa'i phrin las grub pas na gzhan gyi don phun sum tshogs pa dang/ des 'gugs pa'i rnam par snang mdzad la sogs pas rang gi sku la sogs pa byin gyis brlab pa'i phyir rang gi don phun sum tshogs pa yang 'grub par 'gyur ro/ /sku rdo rje la sogs pa byin gyis brlab pa'i phyir zhes pa ni rnam par snang mdzad la sogs pas rang gi lus la sogs pa de'i rang bzhin du bya ba'i phyir ro/ /spros pa ni ye ge oM la sogs pa las 'od zer gyi sgo nas phyung ba zhes bya ba'i don to/ /mi bskyod pa la sogs pa te zhes pa la yid kyi rnam par rtog pa'i 'jigs pa las skyob pa'i phyir ro/ /de rnams kyis mtshon pa gang yin pa zhes pa ni brjod par bya ba dang/ rjod par byed pa mi phyed pa'i phyir dang/ rgyu dang 'bras bu'i dbye bas 'chad par 'dod pa ma yin pa'i phyir ro/ /des ni yi ge gsum gyis so/ /mgo dang lkog ma dang snying ga'i phyogs su zhes bya ba ni zla ba dang pad+ma dang rdo rje rnams kyis mtshan pa'o/ /rnam par bkod pa ni zhes pa ni de rnams bkod nas so/ /des shin tu mchan pa zhes pa ni lha'i sku gang yin pa de nyid sngar bshad ma thag pa zhes pa la sku la sogs pa'i byin gyis brlab pa'i sngags sngar bshad pa gsum gyis dam par gyur pa zhes pa ni de bzhin gshegs pa mngon du byed ba rnams kyis byin gyis brlab po zhes bstan pa bskyed par bya'o/ 'dir bsdus pa'i don ni rnal 'byor dang rjes su rnal 'byor dang/ shin tu rnal 'byor byas la/ /rang gi mgo bo dang lkog ma dang snying gar zla ba dang pad+ma dang/ nyi ma'i dkyil

  540. 270b

    'khor bkod la de rnams su dkar pa dang dmar po dang nag po yi ge gsum bkod nas/ oM la sogs pa'i yi ge gsum po'i thig le'i nang nas spyan ma dang gos dkar mo dang/ mA ma kI rang dang 'dra ba'i mdza' yas pa'i spyan ma la sogs pa'i 'khor gyis bskor bar spros te/ des nam mkha' i khams gang bar byas nas 'og min dang bde ba can dang mngon par dga' ba'i sangs rgyas kyi zhing la bzhugs pa'i rnam par snang mdzad dang/ /'od dpag med dang mi bskyod pa gsum spyan ma la sogs pa'i tshogs des tshig snyan pa dang/ sgeg pas mgu ba byas la dpung pa'i zhags pas 'khyud cing bkug la shar phyogs kyi sgo ru pad+ma dang/ zla ba'i dkyil 'khor gyi steng na bzhugs par mthong nas dpal ldan sku yi rdo rje 'chang zhes bya ba la sogs pa gsum gyis gsal ba btab nas mchod pa rnam pa lngas mchod la spyan ma la sogs pa'i tshogs de nyid dang bcas pa yi ge gsum de dag la 'jug cing/ sangs rgyas kun gyi sku gang yin/ zhes bya ba la sogs pa tshigs su bcad pa gsum gyis nga rgyal byas la sku gsung thugs ni rnam pa thams cad kyi mchog dang ldan pa la sogs pas mtshan ma mthong te/ oM sarba ta thA ga ta kA ya badzra swa b+hA ba At+ma konyahaM zhes bya ba la sogs pa'i sngags gsum gyis byin gyis brlab par bya'o zhes pa 'di ni sku la sogs pa byin gyis brlab pa'i bdag nyid can gyi rnal 'byor chen po bsan pa ste dang po sbyor ba'i ting nge 'dzin no/ /drang ba'i don to zhes pa ni bskyed pa'i rim pa'i yan lag tu gyur pa'i dang po sbyor ba'i ting nge 'dzin gyi phyogs gcig pa rnal 'byor chen po so sor bstan pas so/ /rdzogs pa'i rim pa'i rnal 'byor pa rnams kyi zhes pa ni/ rdo rje bzlas pa la sogs pa'i rim pa lnga po bsgom pas so/

  541. 271a

    bshad pa'i rgyud las zhes pa ni rdo rje phreng ba'i rgyud ces bya ba las so/ /de nas dpal chen zhes bya ba la sogs pa'i ting nge 'dzin gyi sngar bshad zin to/ /oM zhes bya ba dang po zhes ba ni rnam par snang mdzad do/ /sarba ni rin chen 'byung ldan de nam mkha' i khams ni thams cad kyi bdag nyid yin pas so ta thA ga ta ni 'od dpag tu med pa ste byang chub kyi sems de bzhin gshegs pa'i bdag nyid yin pas so/ /yon tan yin pas shes pa ni snying stobs dang rdul ba mun pa ste yon tan gsum mo/ /des na rnam par snang mdzad dang rin chen 'byung ldan dang 'od dpag tu med pa ste de bzhin gshegs pa gsum zhes bya ba'i don to/ /tit+tsa badzra zhes bya ba ni tshig gnyis te ldan pa ni gcig tu gyur nas tshig gcig go /des na mi bskyod pa yin te thugs rdo rje'i rang bzhin pas so/ /swa b+hA wa At+ma ko zhes pa ni rlung gi khams kyi rang bzhin don yod grub pa ste lnga ba'o/ /a hi zhes pa ni sna tshogs kyi nga rgyal gyi rang bzhin du gnas pas bcom ldan 'das rdo rje 'chang ste de nyid du drug pa'o/ /sku drug ces bya ba la sogs pas de dag dang de bzhin gshegs pa drug sku gsum gyi ngo bo yin te/ de'i rang bzhin nga yin no/ /zhes lhag par mos pa nyid thugs byin gyis brlab pa bstan to/ /de bzhin du 'og ma la yang sbyar ro/ /de nas sngar zhes bya ba la sogs pa ni sngar bshad zin to/ /oM tshangs par bshad ces pa ni dang po yin pa dang/ gcig yin pas tshangs pa ni rnam par snang mdzad de dang po'o/ /sarba ta thA ga ta zhes pa rin chen 'byung ldan te de bzhin gshegs pa thams cad kyi nang na chos kyi rgyal srid la mnga' mdzad pa'i phyir ro/ /chags

  542. 271b

    gtogs dbang phyug ces pa ni 'dod chags rnam par dag pa'i rang bzhin 'od dpag tu med pa'o/ /kA ya zhes pa ni kA ni sgra ste nges na gsung gi rang bzhin gsum pa'o/ /badzra ni thugs rdo rje ste bzhi pa'o/ /snyan ngag gi rig byed dang mchod sbyin gyi rigs byed dang srid srung gi rig byed dang mang du brjod pa'i rig byed de bzhi pa'o/ /swa b+hA wa At+ma ko zhes pa ni snga ma bzhin du don yod grub pa'o/ /'dod lha ni gzugs la sogs pa 'dod pa'i yon tan lnga ste des na lnga'o/ /a haM ni snga ma bzhin du rdo rje sems dpa' o/ /smin drug ni sprin drug gi bu karti ka ste gdong drug pa yin pa'i phyir ro/ /des na de bzhin gshegs pa drug gi rang bzhin ni nga'i sku yin no zhes lhag par mos pa gang yin pa de ni sku byin gyis brlab pa zhes bya'o/ /dgos pa yis ni yang dag brtags pa zhes pa ni tshig gi tshogs de dag dgongs pas bshad pa yin zhes bya ba'i don to/ /shes rab dbyer bar bya zhes pa ni rdo rje slob dpon bsten pa las thob pa'i shes rab kyi khyad par gyis nges par rtogs par bya'o de nas zhes bya ba la sogs pa'i don bshad zin to/ /oM ni dang po de rnam par snang mdzad snga ma bzhin no/ /sarba ta thA ga ta zhes pa ni rin chen 'byung ldan te gnyis pa'o/ /wA ka ni dag gi rang bzhin te 'od dpag tu med pa gsum pa'o/ /badzra ni thugs kyi rdo rje'o rdzogs ldan dang/ gsum ldan dang/ gnyis ldan dang/ rtsod pa ste dus bzhi'o/ /de pas na bzhi pa zhes bya ba'i don to/ /swa b+hA wa At+ma ko zhes pa ni don yod grub pa'o/ /'dod lha ni 'dod lha'i lha'i smyo byed dang/ nyams byed dang/ rmongs byed dang/ gdung byed dang/ skem byed de mda' lnga'o/ /des na lnga pa zhes bya ba'i don to/ /a haM zhes pa ni rdo rje 'chang ngo/ /dus ni dgun stong dang/ dgun smad dang/ dpyid ka dang/ so ga dang/ dbyar ka dang/ ston ka drug go /

  543. 272a

    des na drug pa zhes pa'i don to// des na don 'di yin te de bzhin gshegs pa drug gi rang bzhin ni nga'i ngag yin no/ /zhes lhag par mos pa gang yin de ni gsung byin gyis brlab pa'o zhes bya'o/ /nye bar bsdus pa bstan pa'i phyir de ltar zhes bya ba la sogs pa smos te/ gsum ni sku la sogs pa byin gyis brlab pa gsum mo/ /ji lta bu yin zhe na/ re re ni sku byin gyis brlab pa dang/ gsung gi byin gyis brlab pa dang/ thugs byin gyis brlab pa la'o/ /drug gsum du bshad pa zhes pa ni/ /de bzhin gshegs pa drug sku gsum gyi rang bzhin du bshad pa'o/ /thugs zhes bya ba la sogs pa ni thugs gsung sku zhes brjod par bya bar rigs na thugs sku gsung zhes ci'i phyir go rim log ces na/ smras pa/ de ltar bshad mod kyi/ /'on kyang go bzlog pa bstan te/ /rang gis glegs bam mthong pa rnams kyis 'khrul pa yin pa'i phyir ro/ /gzhan du na slob dpon dang slob ma'i 'brel ba dang bsnyen bkur bya ba dang/ bsnyen bkur byed pa'i 'brel ba yang chad par 'gyur ro/ /des na dngos grub kyang thob par mi 'gyur ro/ /rdo rje gsum zhes pa ni sku rdo rje la sogs pa'i rang bzhin ni lus la sogs pa yin no zhes 'du shes dang yid la byed pa gang la yod pa de ni rdo rje 'chang gsum zhes bya ba ste rdzogs pa'i rim pa'i rnal 'byor ba rnams so/ /bdag po'i chos can gcig tu byung zhes bya ba ni khams gsum 'dul bar byed pa'i byin gyis brlabs pas 'byung ngo zhes sku la sogs pa byin gyis brlab dang ldan pas rnal 'byor ba rnams la phan yon bstan to/ /rdzogs pa'i rim pa'i ting nge 'dzin gsum bsgom pa'i don du ye shes gsum zhes bya ba smos te/ /snang ba la sogs pa'i ye

  544. 272b

    shes gsum ste tha mal ba rnams kyi mi phyed pa'i phyir ro/ /de bzhin gshegs pa rnams las byung ba zhes pa ni de bzhin gshegs pa la sogs pa 'brel pa drug gi sgo nas byung ba'o/ /yang de bzhin gshegs pa ni 'od gsal ba'o/ /de las gyur ba ni spros pa'o/ /ji lta chu bo dang ba las/ /nya dag myur du ldang bar 'gyur/ /zhes bshad pa'i phyir ro/ /bskyed pa'i rim pa la gnas pa'i rnal 'byor pa'i spyod yul ma yin pa'i phyir ro/ /zhes pa la gang gi phyir bskyed pa'i rim pa'i rnal 'byor pa rnams ni ye shes gsum rnam par 'byed pa las snod ma yin te/ de ni rdzogs pa'i rim pa'i yan lag yin pa'i phyir ro/ /don dam pa'i bden pa ste zhes pa ni sems rnam par dag pa'i rim pas thob par bya ba'i 'od gsal ba'o/ /rnam par shes pa gsum gyi gnas su gyur ba yin pa'i phyir ro zhes pa ni de nyid las de bskyed pa'i phyir ro/ /kun rdzob kyi bden pa ste zhes pa ni snang ba la sogs pa'i rang bzhin gyi tshogs kyi mtshan nyid ni rtog pa dang bcas pa'i phyir ro skyed par gyur pa zhes pa ni 'od gsal ba nyid las kun nas nyon mongs pa dang rnam par byang ba'i chos thams cad 'byung bas so/ /gal te de ltar yin na gnyis su med pa'i rang bzhin ni ji ltar tha dad par 'gyur ba dang/ de yod na tha mi dad pa ji ltar yin zhin?/ smras pa re zhig 'od gsal ba ni tha mi dad pa'i rang bzhin yin te/ brten par gyur pa snying po med pa'i chos kyi dbye bas de'i dbye ba so sor snang ste nam mkha' dang char bzhin no/ /gang gis phyir nam mkha' ni ngo bo gcig yin na yang dngos po'i dbye bas dbye bar 'gyur te/ bum pa'i nam mkha' dang snam bu'i nam mkha' i tha snyad bzhin no/ /char ngo bo gcig na yang bu ram gyi shing la sogs pa'i 'brel pas mngar ba la sogs pa'i ro dang

  545. 273a

    ldan pa nyid du tha snyad du bya'o/ /de bzhin du 'od gsal ba yang dngos po'i tshogs de dang de bskyed pa dang 'jig pa'i 'brel pas dbye ba tha snyad du bya ba yin gyi 'od gsal ba ni dbye ba gang yang med do/ /chos kyi dbyings la dbyer med phyir/ /rigs kyi dbye ba rigs ma yin/ /brten pa'i chos kyi dbye ba yis/ /de yi dbye ba rab tu brjod ces 'byung ngo/ /skye bo byes pas don dam pa'i bden pa ngo bo gcig yin na yang tha dad par snang ste rtog pa dang bcas pa'i phyir ro/ /dngos po'i ngo bo mthong ba'i rnal 'byor ba rnams kyis ma yin te/ rtog pa med pa'i phyir ro/ /rtsangs pa yis ni bdag nyid lus/ /sngo dang ser por snang ba bzhin/ /byas pa rnams la gzhan ston dang/ /mkhas pa rnams la gzhan ston to/ /de yi ngo bo dang ba ni/ /rnam med gos pa med par 'dod/ /nam yang sangs rgyas ma yin pas/ /de ni bshes par bya mi nus/ /ji ltar skye bo gzhan dag gis/ /de bzhin sangs rgyas kyis mi rig /de yi rang bzhin gang yin pa/ /de nyid kyis ni mkhyen pa yin/ /dam chos lung sogs la mthong nas/ kho bo cag ni 'ba' zhig smra/ /mig dang bcas pa'i spyod yul ni/ /dmu long rnams kyi gzugs bzhin no/ /zhes 'byung ngo/ /don dam pa'i bden pa de nyid kyi khyad par ro/ /zhes pa ni sngar bshad pa'i mtshan nyid dang 'brel bas so/ /stong pa nyid bzhi zhes pa ni 'od gsal ba dang bcas pa'i ye shes gsum mo/ /de bzhin gshegs pa rnams so zhes pa ni/ /sngags kyi sku yin pas so/ /'od zer lnga ste zhes pa ni de rnams kyi de bzhin gshegs pa'i rang bzhin mtshon par 'gyur gyi gzhan du ma yin no/ /yul du gyur pa'i zhes pa ni 'od zer lngas mdzad pa'o/ /rdo rje sku zhes pa ni bdag la byin gyis brlab pa'i rim pas 'byung ba ye

  546. 273b

    shes kyi sku zhes bya ba'i tha tshig go /bskyed par bya'o zhes pa ni spro bar bya'o/ /nges pa'i don to zhes pa ni sems rnam par dag pa dang/ bdag la byin gyis brlab pa'i rim pa gnyis 'chad par 'dod pa'i phyir ro/ /de ltar zhes bya ba la sogs pas dang po sbyor ba'i 'og du dkyil 'khor rgyal ba mchog la 'jug pa'i phyir ro/ /phyag rgya spyad pa'i cho ga bstan par bya ste/ /sku byin gyis brlab pa la sogs pa byas nas/ /zhes pa ni rnal 'byor chen po'i mdza' i bar du zhes tshig lhag ma'o/ /rang gi rigs kyi yum la zhes pa ni mi bskyod pa la sogs pa'i rigs dang mthun pa sme sha can la sogs pa'i bu mo la'o/ rigs ldang god par byas la zhes pa ni de bzhin gshegs pa la sogs pa'i yig 'bru rnams kyi yan lag byin gyis brlab pa byas nas so/ /gnyis ga'i 'khor lo rjes su mnyes ba'i gsang sngags bstan pa'i phyir zhes pa ni thabs dang shes rab dag gi brdar byas pa/ /skyes pa dang bud med gnyis kyi yan lag la gnas pa dkyil 'khor pa rnams mnyes pa la 'jug pa'i phyir ro/ /bshad zin to zhes bya ba ni le'u dang po rnams so/ /oM zhes bya ba la sogs pa ni sngags so/ /'dis 'khyud par bya'o zhes pa ni sor mo gzhug pa la sogs pa byas nas rdo rje pad+ma dag snyoms par 'jug par bya'o/ /zhes bya ba'i tha tshig go /de nyid bstan par bya ba'i phyir snyoms par zhugs pa'i 'og tu zhes pa smos te/ /'khor lo gnyis la zhugs pa'i de bzhin gshegs pa thams cad kyi'o/ /mchod pa'i sngags bstan pa'i phyir zhes pa ni snang ba la sogs pa'i ye shes las 'byung bar rig pa'i bde ba myong ba'i phyir ro/ /oM zhes pa ni mchod pa'i sngags so/ /'dis bdag nyid kyi snang ba la sogs pa'i ye shes las 'byung ba'i bde ba myong nas de nyid byin gyis brlab par bya'o/ /de nyid bstan par bya ba'i phyir bshad ma thag pa'i cho ga zhes bya ba la sogs

  547. 274a

    pas bstan to/ /de nyid la bstan par bya ba bskyed pa'i phyir zhes pa ni rdo rje dang pad+ma la snyoms par zhugs pa la'o/ /des ni dkyil 'khor rgyal mchog bsgom par bya ba'i phyir/ dang po phyag rgya sbyong ba'i mtshan nyid kyi don bstan to/ /de yang sgrub pa'i sngags las sngar bshad zin to/ /rdzogs pa'i rim la gnas pa'i rnal 'byor pa rnams kyi yang zhes pa ni rin po che lta bu'i spyod yul gyi mchod pa bstan to/ /nye bar 'phrog cing zhes pa ni nye bar bsgyur ba dang bcas pa'i 'phrog pa'i skad kyi byings ni zhu ba'i don la 'jug ste nye bar gyur pa'i dbang gis ni/ /skad kyi dbyings las don gzhan 'gyur/ /gang ga'i mun mngar mod kyang/ /rgya mtsho'i chu yim ji bzhin no/ /zhes la shing pas so/ lnga ni rnam par snang mdzad la sogs pa'o/ /drug pa ni de bzhin gshegs pa'o/ /zhes pa ni ye shes lnga'i 'od gsal ba la thim pas so/ /de bzhin gshegs pa zhes bya ba la sogs pas me long lta bu la sogs pa ye shes lnga ni rgyu'o/ 'od gsal ba khong du chud pa 'bras bu'o/ /de yang rim pa lnga dang sbyar ro/ /gang gi phyir rdo rje bzlas pa'i rim pa la sku la sogs pa'i bzlas pa rnam par snang mdzad la sogs pa'i ye shes lnga'i rang bzhin gyis/ ma ning gi bzlas pa'i dus su 'od gsal ba rtogs par 'gyur ro/ /sems la dmigs pa'i rim pa la yang phyag rgya'i rim pas byang chub kyi sems kyi thig le lta bu la sogs pa'i ye shes lnga'i rang bzhin nyams su myong bas 'bras bur gyur pa'i 'od gsal ba'i de kho na nyid mngon du gyur to/ /bdag la byin gyis brlob pa'i rim pa la yang de bzhin gshegs pa lnga'i sku blangs nas sgyu ma lta bu'i ting nge 'dzin gyis 'od gsal ba nyid myong bar 'gyur ro/ /mngon par byang chub pa'i

  548. 274b

    rim pa yang ye shes lnga'i rang bzhin gyi rtags lngas 'od gsal ba nyid rtogs par 'gyur ro/ /zung du 'jug pa'i rim pa la yang rdo rje bzlas pa la sogs pas sngar bshad pa'i rim pas ye shes lnga'i rang bzhin gyi rgyus mi gnas pa'i mya ngan las 'das pa'i dbyings kyi ngo bo 'od gsal ba'i de kho na nyid rtogs par 'gyur ro/ /yan lag drug pa'i rim pas kyang 'di lta ste/ yul dang dbang po gcig tu gyur pa'i mtshan nyid can gyi de bzhin gshegs pa lnga'i ngo bo ye shes lnga'i rang bzhin gyis so sor sdus pas bde ba chen po'i ngo bo 'od gsal ba rtogs par 'gyur ro/ /de rnam par dag par byed pa ye shes lnga'i ngo bo dbye ba lngas phye ba'i bsam gtan gyi yan lag gi rgyus sems rtse gcig pa'i mtshan nyid can 'od gsal ba'i de kho na nyid rtags so/ /steng dang 'og tu 'dren ba de bzhin gshegs pa lnga'i ngo bo ye shes lnga'i rang bzhin gyi srog gi rlung gi rgyus 'od gsal ba de kho na nyid rtogs par 'gyur ro/ /ye shes lnga'i rang bzhin gyi thig le sna gsum gyi rtse mor 'dzin pas 'od gsal ba'i de kho na nyid rtogs so/ /ye shes lnga'i rang bzhin gyi de bzhin gshegs pa'i dkyil 'khor gyi 'khor lo spras pas 'bras bur gyur pa'i 'od gsal ba'i de kho na nyid rtogs par 'gyur ro/ /de dag nye bar sdud par byed pa bden pa gnyis dbyer med pa'i bdag nyid can gyi ting nge 'dzin gyis rgyus mi gnas pa'i mya ngan las 'das pa'i dbyings kyi mtshan nyid can gyi 'od gsal ba'i de kho na nyid rtogs par 'gyur ro/ /rtsa ba'i rim pas kyang 'di lta ste 'dod pa'i gzugs la sogs pa'i rtsa lnga po la kun tu sbyong ba ye shes lnga'i bdag nyid kyi byang chub kyi sems kyi don dam pa byang chub kyi sems kyi ngo bo 'od gsal ba'i de kho na nyid rtogs par 'gyur ro/ /de bzhin du rlung gi de kho na nyid

  549. 275a

    dang sngags kyi de kho na nyid la sogs pa yang shes par bya'o/ /de yang 'og tu le'u bcu gnyis pa las 'chad par 'gyur ro/ /mchod pa de rnams kyi zhes pa la rdo rje bzlas pa la sogs pa rdzogs pa'i rim pa'i sgom pa rnams kyis zhes bya ba'i don to/ /sangs rgyas nyid ces bya ba la sogs pas bskal pa grangs med pa gsum gyis thob par bya ba'i byang chub shes rab kyi pha rol tu phyin pa'i rnal 'byor pa las ldog pa bstan to/ /mchod pa gnyis smos pas zhes pa ni rim pa gnyis kyi dbye bas so/ /rdo rje 'chang chen pos zhes pa ni bka' stsal to zhes sdud pa dang po'i tshig go /mchod pa'i chog zhes bya ba la sogs pas lung gi tshad ma nyid du bstan par bya ste/ gzugs zhes bya ba ni sogs pa ni gzugs la sogs pa phyi'i skye mched drug go /de dag dngos po med byas pa zhes pa ni so sor sdud pa dang bsam gtan gyi yan lag dag gi ngo bo nyid med pa gang yin pa de ni sangs rgyas la mchod pa bla na med pa bstan to/ /des ni so sor sdud pa dang bsam gtan dag gis bsdus pa'i sems rnam par dag pa'i rim pa bstan to/ /mig sogs bya ba la sogs pas tha mal pa'i mig la sogs pa dang de'i rnam par shes pa dang de dag 'od gsal ba las cig car ram snang ba nye bar thob? pa la sogs pa'i rim pas so/ /ye shes las byung ba ni spos mngon par shes pa lngas nye bar mdzes par byas la rnal 'byor pas bsgom pa gang yin pa de ni myur tu byang chub nyid thob par 'gyur te/ sgyu ma'i dpe bcu gnyis kyi nye bar mtshon pa'i ye shes kyi sku thob par 'gyur ro zhes bya ba 'dis bdag la byin gyis brlab pa'i rim pa bstan to/ /dgongs pa bshad pa'o zhes pa ni 'gal ba'i tshig gi sgo nas 'od gsal ba'i de kho na nyid dang ye shes kyi sku

  550. 275b

    bstan pa'o/ /de ltar phyi dang nang gi mchod pa bstan pa nas zhes pa mi brtags pa dang rdzogs pa'i rim pa gnyis kyi mched pa zhos pa'i tha tshig go /rdzogs pa'i rim pa dang bral bas zhes pa ni rdo rje bzlas pa la sogs pa'i rim pa lnga med pa zhes bya ba'i don to/ /gang gi phyir rim pa lnga las ma gtogs pa'i rdzogs pa'i rim pa gzhan na med do/ /yod na yang de'i nang du bsdus par 'gyur te yang 'og nas bshad par bya'o/ /rdo rje 'chang chen po zhes bya ba la sogs pas de bzhin gshegs pa thams cad kyi sku gsung thugs kyi sngags bstan to/ /sngags la dmigs pa zhes bya ba la sogs pas rim pa lnga gsal bor bstan to/ /sngags zhes pa ni bsam pa ni bka' nyal dang rigs dang bag chags dang kyi dbye bas bcom ldan 'das kyis dbye ba bdun cu rtsa gnyis gsungs so/ /de dag thams cad A li kA li'i ngo bo yi ge bzhi bcu rtsa dgu'i bdag nyid can gyi yi ge phyi mos byung ba ni bskyed pa'o/ /nam mkha' las rlung rab tu byung zhes bya ba la sogs pa'i rim pas so/ /sgra la sogs pa'i ngo bo yin la zhes pa ni lte ba'i phyogs nas dang po yid kyi bskul ba mi gsal ba'i sgra'i ngo bo 'byung ngo des na gnas dang byed ba dang 'bad rtsol gyi dbang gi gnas brgyad la reg cing gsal bar 'gyur ba gang yin pa de ni sgra'i/ /de bas na yi ge dang tshig dang dag dang dag chen po'i rim gyis chos kyi phung po brgya khri bzhi stong byung ngo/ /yang na yi ge dbyangs dang sgra dang ni/ /mdza' sgra ku co 'brug sgra glu /'ug nas 'byung 'dod tshig drag dang/ /sgra yi mtshan nyid bcu yin no/ /zhes rdo rje sa 'og gi rgyud las 'byung ngo/ /sgra la sogs pa'i rang bzhin de dag bstan to/ /de rnams ni zhes pa ni sngags rnams kyi'o/ /bud med dang skyes pa dang ma ning nyid kyis zhes pa ni bud med

  551. 276a

    kyi rang bzhin ni yi ge A ste shes rab kyi rang bzhin yin pas so/ /skyes pa'i rang bzhin ni yi ge hUM ste thabs kyi rang bzhin yin pas so/ /ma ning gi rang bzhin ni oM ste/ gnyi ga dang snyoms par zhugs pa'i ngo bo yin pas so/ /de la sde tshan brgyad ni dang po'i yi ge brgyad la bsdus nas bzhir 'gyur ro/ /bzhi po a ka ya zhes bya ba'i gsum la bsdu'o/ /de rnams kyang yi ge phyi mo ma lus pa nye bar bsdus pa'i sgo nas yongs su 'gyur zhing sbyar ro// oM a hUM gsum zhes yi ge gsum du 'gyur ro/ /yi ge gsum gyi gzhir gyur pas/ /zhes pa ni yi ge gsum gyis bsdus pas sngags kyi sgyas ni yi ge gsum bshad do/ /de nyid bstan pa'i phyir/ /sngags ni yi ge gsum zhes bya'o/ /de rnams kyi zhes pa ni yi ge gsum gyi'o/ /'jug pa la sogs pa ni 'gro ba dang 'ong ba dang bar du gnas pa'i rim pas so/ /yongs su shes pa zhes pa ni yan lag mnyams pa'i rnal 'byor gyi rim pas bzlas pa'o/ /de la srog la sogs pa rlung gsum dang/ de bzhin gshegs pa gsum dang/ khams gsum dang/ ye shes gsum dang/ srid pa gsum dang/ sku gsum dang/ sku dang gsung dang thugs dang/ ting nge 'dzin gsum dang rtsa gsum dang/ ye shes sems dpa' gsum la dbyer med par lhag par mos nas 'jug pa la sogs pa'i rim pas yi ge gsum bzlas pa gang yin pa de ni sngags la dmigs pa ste yan lag mnyams pa'i rim pas rdo rje bzlas pa zhes bya ba'i don to/ /ji skad du don rtogs pa yi bzlas pa ni/ /ngo bo nyid med bzang po ste/ /dus gsum sangs rgyas rnams spyod pas/ /de ni rdo rje bzlas par bshad ces 'byung ngo/ /de las zhes bya ba la sogs pas rdo rje

  552. 276b

    bzlas ba la lus ngag yid ni lhan cig byed pa yin no zhes bstan to/ /sprul ba'i las dang zhes pa ni bdag la byin gyis brlab pa'i rim pas spros pa'i lus kyis so/ /des ni rdzogs pa'i rim pa bsgom pas ye shes kyi sku gzung ba yin gyis sngags kyi sku ni ma yin no/ /zhes bstan to/ /rdo rje bzlas pa nyer mtshon pas zhes pa ni de ltar gyur pa'i mtshon pa'i mngon du byed tshig gsum pa bstan to/ /snying gar gnas pa'i rdo rje bzlas pa zhes pa ni rdo rje bzlas pa'i dus su rdo rje sems dpa' mos pas so/ /ji lta ba bzhin du yongs su shes pas yul du byas pa'o zhes pa ni/ /shes pa dang shes bya dang bral ba'i 'od gsal ba'i de kho na nyid lhag par rtogs pa mngon du byas pa'o/ /phyag rgya chen po rnam par dag pa'i phyir ro zhes pa ni phyag rgya dang ting nge 'dzin gyi rim? bas sgyu ma'i sku la mngon par zhes pa bcom pa'i phyir ro/ /don dam pa'i bden pa'o/ /zhes pa ni mngon par byang chub pa'i rim pas thob par bya ba 'od gsal sa zhes bya ba'i don to/ /srid pa dang zhi ba'i zhes pa ni 'khor ba dang mya ngan las 'das pa dang/ rtag pa dang chad pa la sogs pa lta ba gzhan rnams kyi gcig gis mtshan nyid chan zhes pa ni gnyis su med pa nyid du snang ba yid du 'ong ba'i zhes pa ni 'bras bur gyur pa nyid kyis mngon par 'dod pa rdo rje 'chang chen po'i sku'i mi gnas pa'i mya ngan las 'das pa'i dbyings kyi ngo bo rdo rje 'chang chen po'i phyag rgya chen po'i sku bskyed par gyur pa'o zhes pa 'dis zung du 'jug pa'i rim pa'i mdor bstan to/ /dngos grub ni bdag la byin gyis brlab pa'i mtshan nyid can phyag rgya chen po'o zhes pa la 'od gsal ba las cig car du byung ba sgyu ma'i dpes nye bar mtshon pa rdo rje 'chang la sogs pa'i sku zhes bya ba'i don to/ /des ni bdag la byin gyis brlab pa'i rim pa mdor bstan to/ /phul du byung ba

  553. 277a

    zhes pa ni rang bzhin dang snang ba'i dri ma bral bar byed pas mchog go /sems rnam par dben pa'i mtshan nyid can zhes pa ni rnam par shes pa gsum gyi rang bzhin gyi sems sngags dang phyag rgya'i rim pas rnam par sbyong ba'i phyir ro/ /rdo rje bzlas pa las lhag pa yin pa'i phyir ro zhes pa ni dag dben pa las sems rnam par dben pa ni bsgom par dka' ba'i zhes bya bas so/ /de ni sems rnam par dag pa'i rim pa mdor bstan to/ /rnal 'byor pa'i rgyud las zhes pa ni sgrub pa po'i sems las/ /'og nas bshad pa'i gnas skabs bzhi po zhes pa ni sems rnam par dag pa la sogs pa'o bskyed par bya ste bcom ldan 'das rdo rje sems dpa' zhes tshig lhag ma'o/ /'di skad bshad pa yin te rdo rje bzlas pa'i rim pas bsgoms nas de'i 'og tu sems la sogs par rnam par dag pa'i phyir sems la dmigs pa rim pa rim pa bzhi bsgom par bya'o zhes bya ba'i don to/ /'di dag gis ni zhes pas ni rim pa bzhi bsgom pa'i sgo nas so/ /rdo rje bzlas pa zhes pa ni rim pa dang po'i phan yon gsungs pa ni bstod pa bstan to/ /gang gi phyir rdo rje bzlas pa slob pa'i rnal 'byor bas rim pa bzhi thob par 'gyur ro/ /de bas rdzogs pa'i rim pa'i yan lag gtso bo de nyid yin no/ /sngags dang sems dang de nas lus/ /rnam dag pa dang zung du 'jug ste/ /rim pa lnga yi bsdus pa'i don/ /shes pas mdza' drug la ni 'jug ces 'byung ngo/ /mdor bstan pa'i tshig bzhi zhes pa ni rim pa bzhi ston par byed pa'i tshig rnams so/ /bshad par bstan pa'i phyir zhes pa ni rgyas par bshad pa'i phyir ro/ /rim pa gnyis pas ji lta ba bzhin du yongs su shes pa'o/ /zhes pa ni sngags dang phyag rgya'i rim pas rang

  554. 277b

    bzhin dang ye shes kyi tshogs spangs nas thams cad stong pa dang mngon du byas pa'o/ /de nyid sems ni bdag med pa ste sems gnas 'gyur ba'i phyir ro/ /dag dang lus ngag kyang zhes pa ni rdo rje bzlas pa la? rim pa'i mtshan nyid kyi ngag dang ye shes kyi sku'i mtshan nyid kyi lus ngag yin pa de dag kyang sems rnam par dag pa'i rim pas bdag med pa nyid du bsgom par bya'o/ /gang gi phyir lus dang ngag dag gi rgyu ni sems yin no zhes spangs pas 'bras bur gyur pa'i lus dang ngag kyang spang par 'gyur ro zhes rgyu mi dmigs pa'o/ /sems so sor rtogs par bsgrub par bya'o zhes pa ni ye shes gsum gyi rang bzhin can gyi sems ni 'od gsal ba'i ngo bor bya'o/ /'dis ni zhes pa ni 'das ma thag tu bshad pa'i sgom pa'i rim pas so/ /sku dang gsung dang thugs kyi mtshan nyid ces pa ni lus la sogs pa rnam par dag par byed las nus pa can no/ /shes pa dar thabs dang nye bar thob pa gsum zhes pa ni shes rab kyi rang bzhin sum cu rtsa gsum dang/ de'i rgyur gyur pa 'jug pa'i rnam par shes pa dang thabs kyi rang bzhin bzhi bcu dang/ de'i rgyur gyur pa'i nyon mongs pa can gyi yid kyi rnam par shes pa dang/ ma rig pa'i rang bzhin bdun dang/ de'i rgyur gyur pa kun gzhi rnam par shes pa nye bar sogs? par byed pa ston par gyur pa yin no/ /zhes pa ni 'od gsal ba bstan to/ /de ni sems rnam par dag pa'i rim pa rgyas par bshad pa'o/ /de nas zhes bya ba la sogs pas rim pa gsum pa bshad par bya ste/ /don dam pa'i bden pa ste zhes bya ba la sogs pas 'od gsal ba las cig car du spro bar bstan to/ /bskyed par bya'o zhes pa ni 'od gsal ba las spro bar bya'o/ /sbyor ba gsum pa gcig tu gyur pa de ni zhes ba ni go bzlog pas snang ba nye bar thob pa dang snang ba mched ba dang snang ba

  555. 278a

    rnams yongs su gyur pa las 'gyur ba'i rdo rje'i chang la sogs pa'i sku'o/ /de nyid bstan par bya ba'i phyir/ /yid kyi rang bzhin gyi lha'i gzugs zhes bstan to/ /des ni bdag la byin gyis brlab pa'i rim pas rgyas par bshad pa bstan to/ /lus zhes bya ba la sogs pas rim pa bzhi pa bstan par bya ste/ lus dang ngag dang sems kyi dmigs pa nye bar rtogs pa zhes pa ni/ /lus la sogs pa'i sgyu ma lta bu yongs su shes pa'o/ / gang thob pa'i kun rdzob kyi bden pa ngo bo nyid de zhes pa ni 'ja' tshon ltar so sor snang ba rdo rje 'chang la sogs pa'i sku'o/ /de ni dmigs su med pa ste zhes pa ni sngags dang phyag rgya'i rim pas 'od gsal ba la thim pas so/ gtan tshigs bstan par bya ba'i phyir/ /thams cad ces bya ba la sogs pa smos te/ /thams cad ni sgyu ma lta bu nyid kyis mtshan pa rdo rje 'chang la sogs pa'i ye shes kyi sku'o/ /don dam pa'i bden pa nyid rtog pas so zhes pa ni yang dag pa'i mdza' la 'jug pa'i phyir ro/ /'dis ni mngon par byang chub pa'i rim pa gsal bar byed do zhes pa ni mngon par byang chub pa'i rim pa rgyas par bstan to zhes bya ba'i don to/ /da ni brtags pa'i rnal 'byor gyis thar ba thob par mi 'gyur ro/ /zhes bstan pa'i phyir 'dir zhes bya ba la sogs pa smos te/ 'dir ni rim pa bzhi'i bsgom pa byas nas yang ngo/ /ye shes kyi rang bzhin gyi sku la zhes pa ni bdag la byin gyis brlab pa'i rim pas thob par bya ba la'o/ /rab tu gnas pa mi dmigs kyang zhes pa ni dbang po dman pas gnas par mi 'gyur ro/ /kyang gi sgras 'od gsal ba la yang ngo/ /gal te ni dam tshig nyams pa la sogs pa'i skyon gyi dbang gis so/ /rtog

  556. 278b

    pa'i rnal 'byor gyis zhes pa ni rdo rje bzhi po bsgoms pas so/ /lha'i skur gnas pa dmigs par zhes pa ni sngags kyi skul gnas par 'gyur ro/ /de bzlog pa'i phyir zhes pa ni spong ba'i phyir ro/ /oM la sogs pa ni spas nas brjod pas so// des lus su byas pa zhes pa ni yongs su gyur pa las skyes pa'o/ /rdo rje bzhi po'o zhes pa ni/ /dang po byang chub stong pa nyid/ /gnyis pa sa bon bsdus pa dang/ /gsum pa sku ni bskyed pa dang/ /bzhi pa yi ge dgod pa'o zhes 'byung ngo/ /rdo rje de bzhin gshegs pa'i sku rnams skyed par byed pa'o/ /bzhi ni bsgom par zhing zhes bya ba'i don to/ /des rdo rje bzhi pos so/ /sangs rgyas pa nyid ces pa ni rdo rje 'chang gi phyag rgya chen po thob par mi 'gyur ro/ /gang gi phyir zhe na zhes bya ba la sogs pas sngags las 'byung ba'i sku bden pa ma yin no zhes bstan to/ /sngags kyi yi ge zhes pa ni sngags kyang yin la yi ge yang yin pas na sngags kyi yi ge'o/ /? par byas na sngags so/ /gnas dang byed pa dang 'bad pa'i stabs kyis 'byung bas na yi ge'o/ /de srid tshogs pa las skyed pa yin te zhes pa na 'dod pa dang dbye ba la sogs pa'i 'brel pa 'byung ba'i phyir ro/ /skyes nas 'jigs par 'gyur bas zhes pa ni oM brjod pa'i dus su a dmigs par 'gyur pa dang/ /de dag brjod pa'i dus su yang hUM mi dmigs so/ /de bzhin du oM brjod pa'i dus su 'jug pa'i dbyangs mi dmigs so/ /de bzhin du thams cad la sbyar ro/ /nam mkha' dang mnyam na zhes pa ni stong pa'o/ /de bas na stong pa'i rang bzhin gyi sngags las sngags kyi sku ni lha'i sku gang las bskyed par 'gyur/ gang gi phyir ?? ga na ma tA zur? gyur pa ma yin te/ gnyi ga yang brdzun pas so/ /de nyid bstan pa'i phyir/ /bsgom par bya ba'i lha'i sku med pas zhes pa ni

  557. 279a

    dmigs pas gzugs la sogs pa'i bsgom pa'i bya ba yang med do/ /de bas na bsgom par bya ba dang/ sgom pa dag med pas gang la dmigs te sgom pa pos byang chub kyi mtshan nyid kyi 'bras bu thob par 'gyur ro/ /de bas na zhes bya ba la sogs pas nye bar bsdus pa bstan te/ /bskyed pa'i rim pa'i chos ni chos kyi sku ste/ don dam pa'i bden pa 'ba' zhig gtso bo yin pas chad pa'i rang bzhin gyi phyir gzhan gyi don ji ltar nus te spang bya'o/ /longs spyod rdzogs pa'i sku yang stong pa'i rang bzhin gyi sngags las 'byung bas ma bskyed pa nyid do/ /de brdzun yin na sprul pa'i sku yang med do zhes bstan to/ /blang bar gyur pa'i zung du 'jug pa'i rim pa'i ting nge 'dzin bstan par bya ba'i phyir/ zhi ba dang skye ba mi gnas pa'i zhes smos te/ 'khor ba dang mya ngan las 'das pa dag la mi gnas pa ste/ /shes rab kyis ni srid mi gnas/ snying rjes zhi ba la gnas min/ /zhes 'byung ngo/ /rdo rje 'chang chen po'i go 'phang zhes pa ni dpal rdo rje sems dpa' i go 'phang zhes bya ba'i don to/ /sku dang gsung dang thugs kyi mtshan nyid ces pa na sku ni bdag la byin gyis brlab pa'i rim pas sgyu ma lta bu dang/ gsung ni rdo rje bzlas pa'i rim pa sbyod pa dang/ thugs ni rim pa gnyis pas 'od gsal ba rtogs pa dang/ mtshan nyid ni ye shes kyi sku yang mngon par byang chub pa'i rim pas 'od gsal bar bya ba dpyad nas so/ /sngags la dmigs pa la sogs pa'i rim gyi zhes bya ba la sogs pa ni de nyid kyi bshad pa'o/ /stong pa nyid gsum zhes pa ni sems rnam par dag pa'i rim pas thob par bya ba stong pa gsum gyi rgyu can 'od gsal ba'o/ /kun rdzob kyi bden pa nyid kyis zhes

  558. 279b

    pa ni ye shes kyi sku gzung bas so/ /gcig tu byas pas zhes pa ni de dag gnyis su med par byas pa rim pa lnga pa zhes bya'o/ /de nyid kyi khyad par bstan par bya ba'i phyir 'od zer lnga ni de bzhin gshegs pa sngags kyi sku las byung ba'o/ /de rnams bskyed par zhes pa ni de bzhin gshegs pa lnga'i rang bzhin gyi 'od zer lngas rnam par spras pa zhes bya ba'i don to/ /rdo rje lta bu'i ting nge 'dzin to zhes pa ni kun tu 'od kyis la de rtogs pas so/ /don dam pa'i bden pa zhes pa ni rim pa gnyis pa dang bzhi pa las bstan pa 'od gsal ba zhes bya'o de dang sbyar ba zhes pa ni 'od gsal ba dang 'brel ba ste de las skyes pa'o/ /bslab par bya ba zhes pa ni goms par bya'o/ /'dis ni sngar bshad pa'i sgom pa'i rim pas so/ /zung du sbyor ba'i rim pa ston pa yin te zhes pa ni zung du 'jug pa'i rim pa rgyas par bshad pa yin no/ /dgongs pas bshad pa'o zhes pa ni 'gal ba'i tshig gi sbyor bas rim pa lnga'i de kho na nyid kyi don bltan pas so/ /nga ni zhes bya ba sogs par rim pa gnyis kyi rnal 'byor rnams la rnam pa gsum gyis phra mo'i rnal 'byor gyi sgom pa le'u gsum pa nas bshad pa yang bstan par bya ste/ mdor bstan pa ni rgyas par bshad pa'i phyir ro/ /de la 'dod chags dang zhe sdang dang gti mug gi rigs can la rdzogs pa'i rim pa la brten nas rnam pa gsum gyi phra mo'i rnal 'byor dang/ de'i phyogs gcig pa yang brtags pa'i rnal 'byor la gcig ces bya ba'i don to/ /rnam par shes pa rlung dang bcas pa zhes pa ni rlung dang rnam par shes pa dag ni rta dang rta pa'i rigs pa'i tshul du 'jug pa'o/ /de dag gis 'dres par gyur pa las 'byung ba thig le gang yin pa de ni rlung dang rnam shes pa dang bcas pa'o/ /rdzogs pa'i rim pa bstan pa'i 'og tu'o

  559. 280a

    zhes pa ni rim pa lnga'i mtshan nyid kyi rdzogs pa'i rim pa bstan pa'i 'og tu zhes bya'o/ /tshogs gnyis shes pa ni bsod nams dang ye shes kyi tshogs gnyis so/ /de la sbyin pa la sogs pa'i pha rol tu phyin pa lnga ni bsod nams kyi tshogs so/ /stong pa nyid kyi shes rab kyi pha rol tu phyin pa ni ye shes kyi tshogs te de dang ldan pa'o/ /rdo rje 'chang bar mdzad pa ste/ zhes pa mi rtse lnga pa'i phyag mtshan 'chang pas so/ /yi ge don te zhes pa ni phyag mtshan tsam bstan pa'i phyir ro/ /me long lta bu la sogs pa ye shes lnga po zhes pa ni mthong ba dang sgom pa'i rim pas thob pa'i ye shes lnga 'chang pas so/ /spyi'i don to zhes pa ni mdo sde ba la sogs pa'i 'gyod pa sel ba'i phyir ro/ yid kyi rang bzhin gyi sku zhes pa ni bdag la byin gyis brlab pa'i rim pas thob par bya ba'i ye shes kyi sku'o/ /sbas pa'o zhes pa ni kun rdzob kyi bden pa'o/ /mtshan nyid kyi don bstan par dbye bas so/ /gnyis su med pa'i ye shes te zhes pa ni rim pa bzhi pas thob par byed pa'i 'od gsal ba'o/ /mthar thug pa'o zhes pa ni 'od gsal ba la zhugs pa'i mtshan nyid kyi don bstan pas so/ /spyan la sogs pa ste zhes pa la 'dir de bzhin gshegs pa'i sgra ni ma gtogs so/ /de rnams kyi mchod pas na zhes pa ni bde ba chen po'i mtshan nyid can gyi mchod pas mchod pa zhes pa'i don to/ /rnam par snang mdzad la sogs pa ste zhes pa ni ye shes lnga rtogs pas so/ /mchog tu gyur pa zhes pa ni de rnams nye bar sdud par mdzad pas so/ /thugs rdo rje zhes pa ni/ sems kyi rang bzhin gsum pa yongs su shes pas so/ /bka' stsal cing zhes pa ni 'das pa'i dus su da ltar byung ba'i rkyen no/ /'od gsal

  560. 280b

    ba la gnas pa'o zhes pa ni sems rnam par dag pa'i rim pas thob par bya ba thams cad stong pa'i gnas la gnas pa'o/ /snang ba'i tshogs so/ /zhes pa ni zla ba dang nyi ma dang mtshams kyi snang ba dang 'dra ba'i 'od zer gyi 'khor lo'o/ / dang por longs spyod rdzogs pa'i sku bskyed pa'o zhes pa ni snang gsum yongs su gyur pa las snang ba nye bar thob pa la sogs pa'i rim pas ye shes kyi sku bsam par bya'o/ /phyi nas sems can la sogs pa rjes su zhugs pas zhes pa ni lus mchog tu dga' ba'i chags pa'i sgras khams gsum gyi nang na gnas pa rdzogs pa dang ma rdzogs pa'i sems can dang de bzhin gshegs pa rjes su zhugs pas so/ /de bzhin gshegs pa thams cad kyi phra rab las bsgrub pa'i zhes pa ni ma lus pa lus pa med cing rigs lnga'i de bzhin gshegs pa rnams kyi cha shas rnams kyis rdzogs pa zhes bya ba'i don to/ /sprul pa'i skur zhes pa ni 'od gsal ba las byung ba'i sku ni sprul? ba'i sku ste/ de la cig car ngam snang ba nye bar thob pa la sogs pa'i rim pas 'byung ba zhes bya ba'i don to/ /'chad par gyur pa'i rim gyis shes pa la 'og nas 'chad pa'i sgom pa'i rim pas so/ /phra mo'i rnal 'byor kun tu brtsam par bya'o zhes pa rnam pa gsum gyi sna'i rtse mor thig le'i rnal 'byor bsgom par bya'o/ /rdo rje mdo zhes pa ni zab pa'i don dang ldan pa'i tshig gis so/ /yi ge nyung dang the tshom med/ /snying po can te don zab pa/ /mdo ni mkhas pa rnams kyis bshad/ ces 'byung ngo/ /mdo'i don bstan par bya ba'i phyir/ /tha mal pa'i sems can rnams kyi skye ba zhes bya ba ni sems can gyi 'jig rten gyi ngo bo sems can gyi rigs rnam pa bzhi skye ba'o/ /brtags pa'i lhar dmigs pa zhes pa ni dam tshig gi dkyil 'khor gyi rim

  561. 281a

    pas de bzhin gshegs pa la sogs pa la dmigs par gyur pa'o/ /rlung gi de kho na nyid dang zhes pa ni srog la sogs pa'i rlung gi tshogs sdung par byed pa'i bdag nyid can gyi de kho na nyid do/ /sngags kyi de kho na nyid dang zhes pa ni sngags kyi dbye ba bdun cu rtsa gnyis bsdu bar byed pa'i yi ge pa'i yang snying po zhes bya ba'o/ /ye shes kyi de kho na nyid dang zhes pa ni snang ba la sogs pa don dam pa 'jug pa'i rang bzhin te/ lhag par mos pa'i rnal 'byor gyis so/ /yongs su dag pa'i lha'i de kho na nyid ces pa ni 'dir bsgom par bya ba lha'i sku ni rnam pa gnyis te brtags pa dang yongs su dag pa'o/ /de la brtags pa ni bskyed pa'i rim pas so/ /yongs su ma dag pa ni bdag la byin gyis brlab pa'i rim pas so/ /de nyid kyi phyir sngags kyi sku dang ye shes kyi sku ste/ /de'i ming gi rnam grangs so/ /ston to zhes pa ni de ltar phra mo'i rnal 'byor sgom na de bzhin gshegs pa drug gi rang bzhin tha mal pa'i sems can rnams skye ba la sogs pa de kho na nyid drug bsgom par 'gyur ro/ /dang po'i zhes bya ba la sogs pas yan lag dang po bstan par bya ste/ steng na gnas pa'i srog dang rtsol ba zhes bya ba ni gdong gi sna'i bu gnas rgyu ba'o/ dbang po gnyis po ni rdo rje dang pad+ma ngag 'brel pa la so/ /nang gi shes rab dang thabs snyoms par 'jug pa'i zhes pa ni shes rab dang thabs la rgyur gyur pa bud med dang skyes pa gnyis kyis nyams su myong ba snang ba'i ye shes phrad pas so/ /dga' bas drangs pa zhes pa ni snang ba'i ye shes byung bas so/ /yan lag ma lus pa las shes pa ni bdun khri nyis stong gi rtse'i khong stong las so/ /'dod chags chen po'i med zhes pa ni snang ba mtshang pa'i

  562. 281b

    brda can gyi mchog tu dga' ba'i mes so/ /bzhus par gyur nas zhes pa ni yan lag thams cad kyi chags las byung zhing/ rdo rje'i rtse 'am de'i dkyil du phyin pas so/ /byang chub kyi sems kyi thig le'i gzugs su zhes pa ni 'od gsal ba'i bdag nyid do/ /pad+ma'i sna'i rtse mor ltung ba zhes pa ni snang ba nye bar zhes pa'i dus su chos 'byung ba'i lte ba las phyung zhing spro bar 'gyur ro/ /'di ni zhes pa ni thig le tsam mo/ /srid pa skye ba'i rim pa ltar zhes pa na khams gsum gyi nang na gnas pa'i sems can gyi tshogs bskyed pa'i rim pa'o/ /bsgom pa rnams la zhes pa ni/ de'i ngo bo bsam par byed pa'i rnal 'byor pa rnams la'o/ /de bzhin gshegs pa rnams kyis zhes pa ni de bzhin gshegs pa thams cad kyi ngo bo rdo rje 'chang gis so yungs kar gyi sgras mtshon par mdzad ces pa ni/ /shin tu phrab yin pas byang chub sems kyi thig le nyid la brda bstan te/ /tha ma'i bde pa'i dbang gis ni/ /skad cig mas ni khams gsum bskyed/ /me dang zla ba'i cha mnyam pas/ /'byung ba bzhi yi bag chags 'byung/ /rlung gi stong pa nyid ngo bo/ /ye shes dang ni 'bres gyur pas/ /dbang po'i lam nas byung nas ni/ /yul khams la ni gzung bar 'gyur/ /gang tshe snang ba dang ldan pa/ /rlung ni gzhon pa nyid gyur na/ /de? tshe? rang bzhin thams cad ni/ /ma lus yul la 'jug par 'gyur/ /'dir ni bsdus pa'i don 'di yin te/ /re zhig dang po rnal 'byor pas bdag la byin gyis brlab pa'i rim pas ye shes kyi sku blangs la shes rab kyang de'i ngo bo nyid du dmigs la 'dod chags chen po'i sgras de bzhin gshegs pa 'jug pa sngon du 'gro bar legs par sbyangs pa'i rdo rje dang pad+mar sbyar la tshangs ba'i pu ga gnas byang chub kyi sems po ba'i dus su snang ba'i ye shes dang/

  563. 282a

    yan lag thams cad la khyab pa'i dus su snang ba mched pa'i ye shes dang/ rdo rje'i rtse mor phyin pa'i dus su 'od gsal ba'i de kho na nyid nyams su myong zhing don dam pa'i bden pa la gnas pa mi rigs so zhes rnam par dpyad nad rig ma'i pad+ma'i nang du de nyid spro bar bya'o/ /de nyid kyi sems can gyi khams rnam la bzhi thams cad skye bar 'gyur ro/ /'dus pa'i rgyud phyi ma las kyang gsungs te zhes pa ni le'u bco brgyad pa las so/ /ye shes lnga yi rang bzhin dbugs zhes pa ni de'i gsal ba nyid gang yin pa de ni me long lta bu'i ye shes so/ /khams nyi shu rtsa bzhi'i rdzas de dag gcig tu gyur pa gang yin pa de ni mnyam pa nyid kyi ye shes so/ /de'i nang du don dam pa'i mchog tu 'dzin pa gang yin pa de ni so sor rtog pa'i ye shes so/ /de'i spro ba dang bsdu ba'i rim pas sems can gyi don bya ba gang yin pa de ni bya ba nan tan grub pa'i ye shes so/ /de'i don dam pa'i tshas nyid gang yin pa de ni shin tu rnam par dag pa'i chos kyi dbyings kyi ye shes so/ /rlung bcu nye bar bsdus pas na dbugs so/ /'byung ba lnga ni sa la sogs pa ste de'i ngo bo nyid ni de'i rang bzhin no/ /de la de'i sra ba gang yin pa de ni 'byung ba chen po sa'i de'i gsher ba nyid gang yin pa de ni 'byung ba chen po chung ngo/ /de'i dro ba'i reg pa gang yin pa de ni 'byung ba chen po'i me'o/ /de'i 'gro ba dang ldog pa'i mtshan nyid gang yin pa de ni 'byung ba chen po rlabs ngo/ /de'i 'ba' zhig zhi ba spros pa med pa'i ngo bo gang yin pa de ni 'byung ba chen po nam mkha' 'o/ /de ltar gyur pa'i byang chub sems kyi thig le pad+ma'i sna rtser zhes pa ni nye bar mtshon pa yin te/ des na rdo rje'i sna rtser yang de?

  564. 282b

    byung nas ni zhes pa la yan lag dang tshigs thams cad kyi sgo nas spros nas so/ /thig le'i gzugs su brtag par bya zhes pa ni yungs kar gyi 'bru'i tshang tsam gyi gong bu rdo rje rin po che'i rtser 'dzin par bya'o/ /de nyid nye bar bsdu ba'i sgo nas khyad par bstan par bya ba'i phyir rin chen kha dog sna lnga pa zhes smos te/ /rang dang gzhan gyi don 'grub pa la nus pa rin chen no/ /yang na rnam pa sna tshogs kyi sems can gyi khams skyed par byed pa ni rin chen no/ /de bzhin gshegs pa lnga'i rang bzhin yin pas kha dog sna lnga pa'o/ srog dang rtsol ba zhes pa ni srog gi rlung ste rtag tu gyen du rgyu'o/ /rtsol ba zhes pa ni de nyid nye bar bsdus pas thur du sel ba ste srog dang rtsal bzhes bya'o/ /des ni/ /tha mal pa'i sems can bskyed pa'i mtshan nyid de pa na lag dang po bstan to/ /sa bon gyi thig le dbus su zhes pa ni byang chub kyi sems kyi nan na'o/ /skyed bzhin par shes par bya ste zhes pa ni mos pa'i rnal 'byor gyis bskyed pa zhes bya ba'i don to/ /bdud rtsi sa bon zhes bya ba la sogs pa'i tshig ni dpal rdo rje bdud rtsi'i rnal 'byor gyis rgyud las 'byung ngo/ /rtog pa'i rnal 'byor slob po na zhes pa ni lhag par mos pa'i rnal 'byor bsgom pas so/ /rgyu ba dang mi rgyu ba zhes pa ni bstan pa dang g.yo ba'i khams gsum pa'i rnam pa can gyi rdo rje sems dpa' bsam mo zhes pa ni lhag par mos bar bya'o/ /'di nyid kyi khyad par ni zhes pa ni de'i lhag par gyur pa'i tshig ces bya'o/ /me long lta bu la sogs pa'i ye shes rnams kyi gzhir gyur pas na ye shes gnas so/ /rnam pa sna tshogs pa'i sangs rgyas sprul pas na nyams dga' ba'o/ /bya ba la sogs pa'i tshul la 'jug pa la ma bstan pas na gsang ba'o/ /yang nar ni rdo rje'i rtse mo

  565. 283a

    dang 'dra ba yin pas rdo rje'o/ /ha ni bya'i gdod dang 'dra bas padmo /sya ni 'dzag pa'i don to/ /des na ra ha dang 'dra bas rdo rje dang pad+ma las sya ni 'dzag pas na/ ra ha sya ni gsang ba ste byang chub kyi sems zhes bya pa'i don to/ /ye shes kyis brtags pa zhes pa ni rang rig gi mngon sum gyi tshad ma'i spyod yul zhes bya ba'i tha tshig go/ /drang ba'i don zhes pa ni rdzas kyi ngo bo nyid du bstan pas so/ /rdzogs pa'i rim pa yang zhes pa ni/ /yang gi sgra ni slar zhes bya ba'i don to/ /de na rdzogs pa'i rim pa'i 'brel pa dang ldan pa'i phra mo'i rnal 'byor gzhen yang bshad par bya zhes bya ba'i don to/ /snyig zhes bya ba sogs pa la lkog ma la sogs pa'i gnas bzhi po la gru gsum dang bla ma po dang gzhu'i dbyibs can dang gru bzhi'o/ /gos dkar po dang mA ma kI dang sgrol ma dang spyan mas byin gyis brlob pa/ /'od dpag tu med pa dang mi bskyod pa dang/ don yod grub pa dang rnam par snang mdzad kyis dbang du byas pa dmar po dang ljang gu dang dkar po dang khra dog ser por ldan pa /de dang 'dra ba'i 'od spro ba dbang dang zhi ba dang 'gugs pa dang rgyas pa'i las can g.yas g.yon dang gnyi ga dang dal bus dman par 'gyur ba/ /me dang chu dang rlung dang sa'i khams kyi ngo bo dkyil 'khor bzhi bsams pa /de rnams la thun dang po nas brtsams te nyin mo dang mtshan mo'i rim pa kha dog dmar po la sogs pa'i 'od zer gyi tshogs spros la/ /gdong gi sna rtser thun phyed phyed kyi dus su 'dzin na ji srid sems rtse gcig par gyur pa de srid gnas par byas pas 'bad rtsol med par zhi ba la sogs pa'i las kyi tshogs 'grub par 'gyur ro/ /de ni gti mug gi rigs can gyi rnal 'byor pa'i phra mo'i thig le bsgom pa'i man ngag go /lus thams cad la gnas pa zhes pa ni rtsa

  566. 283b

    rgyas thams cad kyi lus la zhes bya ba'i don to/ /ye shes lnga'i ngo bo zhes pa ni rnam par snang mdzad la sogs pa'i ngo bos so/ /'od zer lnga po zhes srog la sogs pa'i rlung lnga ste/ /bzhi bo ni phung po bzhi la gnas pa ste gsal ba'o/ /lnga pa ni mi gnas pa'o de nyid kyi phyir/ rlung gi lus thun? rjes 'gro ba'i/ /spyod pa kun le rab 'jug pa/ /rnam par snang mdzad ro go ste 'chi ba'i lus las 'pho bar 'gyur/ /zhes bshad pas so/ /srog dang rtsol bar gyur nas zhes pa ni/ /lnga'i gang ga nyid rlung de nyid srog dang rtsol ba nyid du gyur nas so/ /steng gi sna la sna'i phug las zhes pa ni/ /kun rdzob gyi sna khub g.yas pa la sogs pa'i dbye bas phya bar gyur pa las so/ /dkyil 'khor bzhi'i kha dog gis zhes pa ni nyin ma'i thun dang po las me'i dkyil 'khor 'char ba dang/ /gnyis pa la rlung gi dkyil 'khor dang/ gsum pa la sa'i dkyil 'khor dang bzhi pa la rlung gi dkyil 'khor 'char ba de bzhin du mtshan mor rtogs par bya'o/ /ge rim bzhin du nges par 'byung ste zhes pa ni g.yas pa la sogs pa'i dbye bas rim pa ji lta ba bzhin du 'byung ngo/ /zhes bya ba'i don to/ /ji skad du zhes bya ba la sogs pa'i lung tshad ma nyid du bstan to/ /sna rtse ni gdong gi sna rtser ro/ /yungs kar zhes pa ni yungs kar gyi 'bru'i tshad tsam gyi 'od zer gyi thig le'o/ /srog dang rtsom pa'i brtag pa'o zhes pa ni de nyid rlung nye bar bsdus pa'o/ /thig le de nyid srog dang rtsol ba la sangs rgyas kyi rang bzhin no/ /de bzhin gshegs pa'i ngo bo 'od zer lnga yod de dkyil 'khor re re'ang de bzhin gshegs pa lnga'i bdag nyid yin pas so/ /'od zer rnams ni steng gi sna la te gdong gi sna las nges par 'byung ba ni 'byung bar 'gyur ro/ /sgo las 'byung ba'i rim pa bshad pa'i phyir/ /g.yon zhes bya ba la sogs pa smos ?

  567. 284a

    rlung gi dkyil 'khor g.yon nas 'byung ba me'i dkyil 'khor g.yas pa las 'byung ba dang sa'i dkyil 'khor gnyis pa las 'byung ba dang/ chu'i dkyil 'khor gnyi ga las dal bus rgyu ba'i de nyid kyi nang dus yin par bshad pa ni rnal 'byor pa rnams kyi nang gi dus yin/ /dus kyi rim pa 'dis rnal 'byor pas zhi ba la sogs pa'i las byed de/ rang gi 'od gsal ba ste mi shigs pa'i ngo bo'o/ /de las byung ba'i sngags ni yi ge gsum mo/ /de'i gzhi ni dkyil 'khor bzhi'o/ /de rnams kyi sbyor ba ni rab tu sbyor ba ste 'od zer spro ba'i rim pa'o/ /nyin mtshan ni nyin ma dang mtshan mor des gnas shing sna'i rtse mor 'od zer de 'dzin par bya'o/ /thun phyed phyed ni chu tshod brgyad kyi bdag nyid kyi dus ni thun no/ /de'i phyed ni chu tshod bzhi'o/ /de'i yang phyed ni chu tshod gnyis so/ /de na thun re re chu tshod gnyis gnyis kyi bar du 'od zer gyi grig le 'dzin pas 'od gsal brtogs par 'gyur ro/ /rim ni zhes pa ni kha dog dmar po la sogs pa'i dbye bas g.yas pa la sog pa'i dbye bas so/ /go rim ji bzhin du zhes pa ni me dang rlung dang sa dang chu'i dkyil 'khor shar ba'i rim pas so/ /rdo rje'i tshig gi don zhes pa ni don zab pa dang ldan pa'i tshig gis brjod par bya'o/ /rlung gi de kho na nyid ces pa ni yungs kar gyi 'bru'i tshad tsam gyi byang chub kyi sems kyi thig le'i de kho na nyid do/ /sngags kyi de kho na nyid ces pa ni yi ge gsum gyi skyed pa'i rgyur gyur pa mi 'jigs pa'i mtshan nyid do/ /de las dkyil 'khor dang rlung dang yi ge gsum yang byung ba'i phyir ro/ /ye shes kyi de kho na nyid bstan pa'i phyir zhe sdang gi rigs can gyi phra mo'i rnal 'byor bstan pa bya ste/ rnam par shes pa gsum ni sems can dang snod kyi 'jig rten gyi rang bzhin kun gzhi la sogs pa'i mtshan nyid can ni

  568. 284b

    byang chub kyi bdag nyid can gyi sems shes pa ni snang ba la sogs pa'i rang bzhin can no/ /khams phra ba ste zhes pa ni oM dang A(rgyud 'grel): nye bar bsdus nas thugs rdo rje'i yig 'bru'i thig le lhag mar gyur pa'i khams phra ba'o/ /snying ga la gnas pa'i de la rten dang brten par gyur pa zhes pa ni 'gro ba de nyid rnam par shes par byed de bsams par bya'o/ /de ni ye shes kyi de kho na nyid de yin lag lnga pa'o/ /rlung dang rnam par shes zhes brtags pa'i zhes pa ni rlung ma lus pa'i 'khor lo rnam par shes pa gsum gyi rang bzhin gyi sngags kyi thig le de la'o/ /ye shes kyi sku zhes pa ni cig car du 'byung ba 'ja' tshon bzhin no/ /'ja' tshon ltar zhes pa ni yod pa dang med pa gnyis dang bral ba'o/ /dkar po la sogs pa zhes pa ni 'od zer gyi tshogs dang ldan pa'o/ /rtog pa rnal 'byor pa rnams kyi spyod yul ma yin pa'i phyir zhes pa ni bskyed pa'i rim pa'i rnal 'byor pa rnams la bstan par mi bya ba 'od gsal ba las 'byung ba rdo rje 'chang chen po'i sku bsgom par bya'o des yongs su dag pa'i lha'i de kho na nyid bstan to/ /theg pa chen po'i mdo sde zhes pa ni rje btsun rin chen ta la las so/ /dgongs pas bshad pa zhes pa ni 'gal ba'i tshig gi sbyor bas so/ /skra tsam zhes bya ba la sogs pa ni skra'i rtse mo dang 'dra ba shu kra dang sngags dang 'od zer gyi bdag nyid kyi thig le la ji srid gang gA klung gi bye ma dang 'dra ba dang bzhugs pa de bzhin du rdul re re'i cho cha'i bye bas rdul ji srid yod pa de'i rtses kyis de la yang byang chub sems dpa' de dang 'dra bar bzhugs zhes bsam par bya'o/ /des ni brtan pa dang g.yo ba'i rang bzhin gyi dkyil 'khor gyi 'khor lo'i bdag nyid can thig le yin no/ /zhes bstan to/ /lha'i de kho na nyid ces bya ba ni nye bar bsdus pa'o/ /nges pa'i don ni

  569. 285a

    rdo rje bzlas pa'i rim pa'i yan lag tu 'gyur ba rlung gi de kho na nyid la sogs pa bstan pas so so/ /da ni zhes bya ba la sogs pas gti mug gi rigs can la bltos nas phra mo'i rnal 'byor spros pas bstan par bya ste/ sngags dang rlung mnyam par sbyor ba las shes pa ni 'jug pa la sogs pa'i rang bzhin gyi srog la sogs pa'i ngo bo snang bar 'gyur ba'i yi ge gsum dang 'jug pa la sogs pa'i mtshan nyid can gyi rlung dang 'brel pas dkyil 'khor bzhi 'byung ba zhes bya ba ni g.yas pa la sogs pa las rgyu ba'o/ /de ltar gyur na yan lag ma nyams pa'i bzlas pa la zhes pa ni yan lag ma nyams pa'i lha la sogs pa'i dbyer med pa'i sbyor bas bzlas pa gang yin pa de'i rim? pa'i rim bstan pa'i phyir zhes pa ni gsal bar bya ba'i phyir ro/ /mi shigs pa zhes pa ni spros pa thams cad med pa'i mtshan nyid 'od gsal ba'o/ /de las byung ba ni 'od gsal ba las me la sogs pa'i dkyil 'khor bzhi 'byung ba'o/ /me'i dkyil 'khor kha dog dmar po'i ngo bo zhes pa ni nyi ma'i dkyil 'khor ni dmar po yin pas so/ /g.yas las 'byung ba zhes bya ba ni ngo bo nyid kyis de'i de lam yin pa'i phyir ro/ /rnam par snang mdzad do zhes pa ni de bzhin gshegs pa'i rigs yin pas so/ /sku ni nyi ma'i dkyil 'khor 'od dpag tu med pa ste kha dog dmar po yin pas so/ /oM dang a(rgyud 'grel): ste zhes pa ni de dag gis bskyed pa'i sa bon yin pas so/ /de nyid 'jug pa dang gnas pa zhes pa ni sngags dang rlung gi tha dad pa ma yin gyi 'on kyang de'i bdag nyid du 'jug pa'o/ /yi ge hUM ldang ba'i bdag nyid can zhes pa ni thugs rdo rje'i sa bon yin pas dbang po la brten nas phyi rol yul la 'byung ba'i rang bzhin yongs su brtag pa ste bsgom par bya ba'o/ /'di ni 'od dpag

  570. 285b

    tu med pa'i bzlas pa'o zhes pa ni me'i dkyil 'khor la dbang byed pa'i phyir ro/ /chu'i dkyil 'khor ste zhes pa ni zla ba dang 'dra bas so/ can gyi yi ge ni yi ge oM mo/ /tshul 'di kha dog dkar po'o dkar zhing zhes pa ni de nyid do/ /de nas te zhes pa ni tshig grang don du ma yin pas de nas kyi sgra ni bkra shis kyi don rdzogs par byed pa ste yi ge oM gyi rnam grangs so/ /'das ma thag pa'i don yang yin te snga ma 'das pa la bltos pas bkra shis dang ni dbang nyid brjod/ /des na sgra dang de'i phyir sgras/ /rim dang? gtan tshigs don ston to/ /zhes 'byung ngo/ /yi ge oM ni bkra shis kyi don la rab tu grags so/ /yongs su gyur pa'i rjes la zhes pa ni de nyid 'jug pa'i bdag nyid kyi bzlas pa'i 'og tu'o/ /yi ge A(rgyud 'grel): ni pad+ma'i rigs kyi sa bon yin pas so/ /yi ge hUM rdo rje rigs kyi sa bon yin pas so/ /rdo rje bzlas pa zhes pa ni thugs rdo rje'i bzlas pa'o/ /kha dog ser po zhes pa ni rin chen 'byung ldan gyi dkyil 'khor te rgyas pa'i rang bzhin yin pas so/ /yi ge gsum zhes pa ni sngags thams cad kyi skyed pa'i rgyu yin pas so/ /rtsa gcig tu bsgom zhing zhes pa ni dkyil 'khor gyi rnam dang kha dog dang sgo ba la sogs pa la mnyam par bzhag pas so/ /rin po che'i bzlas pa zhes pa ni nye bar bsdus pa'o/ /mi shigs pa ni 'od gsal ba las so/ /rlung gi dkyil 'khor te zhes pa ni gzhu'i dbyibs can no/ /sangs rgyas kyi tshul te yi ge hUM zhes pa ni sangs rgyas thams cad kyi bdag po mi bskyod pa bskyed pa'i sa bon yin pas so/ / zhi ba thung du zhes pa ni/ de nyid kyi khyad par te ldang ba'i rang bzhin yin pas so/ /'jug pa dang gnas pa'i rjes la zhes pa ni yi ge oM dang a'i gzhi 'jug pa dang gnas pa'i 'og tu zhes bya ba'i don to/ /don yod bzlas pa zhes pa ni

  571. 286a

    nye bar bsdu ba'o/ /de ni gsung rdo rje la sogs pa rnam pa bzhi yan lag ma nyams pa'i bzlas pa bstan te sngags dang rlung dang rnam par shes pa la sogs pa dbyer med pa'i phyir ro/ /slong mo za zhing mi zla ste/ ma blangs pa la chags mi bya/ /'dod pa thams cad longs spyod pas/ /yan lag ma nyams gsang sngags bzla zhes 'byung ngo/ /de re'i zhes pa la me'i dkyil 'khor la sogs pa re re'i 'o/ /dkyil 'khor gsum po 'khor du gyur pas zhes pa ni chu la sogs pa'i dkyil 'khor gsum pa'o/ /de'i nang du tshud pa spro zhes pa ni de'i cha shas nyid kyi spro bar bya ste 'byung ba chen po'i gcig ni 'byung ba bzhi'i rang bzhin yin pas so/ /bshad pa'i rgyud ces pa ni dgongs pa lung bstan pa'i gsang ba 'dus pa'i rgyud las so/ /gos dkar can sogs bzlas bshad pa/ /zhes bya ba la sogs pa tshigs su bcad pa gnyis po'i don ni le'u gsum pa nas bshad zin to/ /rnal 'byor pa gnyis ga zhes bya ba la sogs pas brtags pa dang rdzogs pa'i rnal 'byor pa rnams la phra mo'i rnal 'byor bstan par bya ste/ utpa la mthing ga'i kha dog dang 'dra ba zhes pa ni mi bskyod pa'i rigs yin pa'i phyir ro/ /rang gi rdo rje'i bu gar zhes pa ni gsang ba'i rdo rje'i rtse mo'i bu ga la'o/ /mi bskyod pa'i rnal 'byor pa de nyid kyi sme sha can gyi phyag rgya'i pad+ma'i nang du nas kyi 'bru'i tshad tsam gyi rdo rje phra mo'i sgom par bya'o/ /tsa na ka zhes bya ba la sogs pas rnam par snang mdzad la sogs pa'i rnal 'byor pa rnams kyis 'khor lo la sogs pa bsgom par bya'o/ /zhes bstan to/ /de nyid bstan pa'i phyir rigs kyi dbye ba zhes bya ba la sogs pa smos so/ /des ni bskyed pa'i rim pa'i rnal 'byor pa rnams kyi dkyil

  572. 286b

    'khor rgyal ba mchog gi ting nge 'dzin gyi dang po phyag rgya legs par sbyong ba'i dus su de dag bsgom par bya'o/ /rdzogs pa'i rim pa'i rnal 'byor pa rnams kyis kyang rim pa snga car yang rtag tu bsgom par bya'o/ /des kyang cir 'gyur zhe na/ zhes bya ba la sogs pas phra mo'i rnal 'byor bsgom pa'i 'bras bu bstan to/ /zhi ba la sogs pa zhes pa ni zhi ba dang rgyas pa dang/ dbang dang dgug pa dang rnam par sdang ba dang gsod pa dang dkar ba dang rengs pa la sogs pa'o/ /'dod pa'i dbang phyug la sogs pa brgyad ces pa ni/ /sku dbang phyug dang gsung dbang phyug /de bzhin thugs kyi dbang phyug dang/ cho 'phrul yon tan dbang phyug dang/ byed dang longs spyod yon tan ces bshad pa'i phyir ro/ /gnyis su med pa'i ye shes zhes pa ni zung du 'jug pa'i mtshan nyid do/ /rgyu ni bzhi'o/ /don dam pa'i bden pa ni rim pa gnyis pa dang bzhi pa dag gis thob par bya ste 'od gsal ba'o/ /nyon mongs pa thams cad rnam par dag pas ni zhes pa ni 'dod chags bral ba la sogs pa la rang bzhin brgya drug cu spong ba'i phyir ro/ /yid dga' pa'o zhes pa ni 'dod chags dang 'dod chags bral ba dang 'dod chags par ma spong ba'i phyir ro/ /de lta bu'i dngos grub thams cad kyi gzhir byung? ba zhes pa ni/ dngos grub thams cad de las byung ba yin gyi gzhan las ma yin no/ /rnal 'byor pa de'i mngon du gyur pa zhes pa ni rnal 'byor pa'i mngon sum gyi tshad ma'i spyod yul du 'gyur ro zhes bya ba'i don to/ /don dam pa zhes bya ba la sogs pa 'khor? ? ni nyid thob pa'i thabs bstan par bya ste/ phung po la sogs pa'o zhes pa ni de'i rnam par dag pa'i rang bzhin yin pas so/ /sprul pa'i sku'i gnas skabs so/ /zhes pa ni sngags kyi slu blang pa'i skabs kyis bzung ba'o/ /ye shes gsum gyi sbyor

  573. 287a

    bas gnas par zhes pa ni sngags dang phyag rgya dag gi rim pa gang yang rung bas snang ba la sogs pa ngo bo byas nas so/ /don dam pa'i bden pa der spro zhing 'jug pa'o zhes pa ni 'od gsal ba la de rnams 'jug par bya ba ste rim pa bzhi pas 'od gsal pa'i go 'phang la 'jug pa'o/ /ldang ba bstan par bya ba'i phyir/ /zhes pa ni don dam pa'i bden pa la 'jug pas gzhan gyi don med pa'i phyir zhes bya ba'i tha tshig go /sku gsum gyi bdag nyid can no zhes pa ni chos dang longs spyod rdzogs pa dang sprul pa'i sku'i rang bzhin no/ /'od gsal ba'o zhes pa ni chos thams cad kyi rang bzhin du gyur pa ste rim pa gnyis pa dang bzhi pas thob par bya ba'i de kho na nyid do/ /rgyu gang yin pa zhes pa ni sa bcu pa la ye shes kyi dbang thob nas bdag la byin gyis brlab pa'i rim pas sku blangs ste/ mngon par byang chub pa'i rim pas rdo rje lta bu'i ting nge 'dzin thob nas zung du 'jug pa'i rim pas sa bcu gcig pa thob par 'gyur ro/ /zhes bya bas 'od gsal ba nyid zung du 'jug pa'i rim pa'i rgyu yin no/ /de gang yin zhes na/ rdo rje 'chang chen po'i bdag nyid du bskyed par bya'o zhes pa ni zhi ba dang skye ba la mi gnas pa dpal rdo rje 'chang gi phyag rgya chen po'i sku rdzogs par bya'o/ /zhes bya ba'i don to/ /'di bshad pa yin te bskyed pa'i rim pa'i rnal 'byor pas rdo rje dang pad+ma la sogs pa'i phra mo'i rnal 'byor bsgom pas 'bras bur gyur pa'i zung du 'jug pa'i ting nge 'dzin la snod du gyur pa yin gyi de'i dus su thob pa ma yin te/ /de'i dbang po dman pa nyid kyis de kho nyid snang na yang mngon du mi 'gyur ba'i phyir ro/ /rdzogs pa'i rim pa'i rnal 'byor pas ni rdo rje 'chang chen po'i bdag nyid dmigs nas phra mo'i rnal 'byor bsgom

  574. 287b

    pa de ma thag tu sems rnam par dag pa la sogs pa'i rim gyis 'od gsal ba la 'jug nas de'i 'bras bur gyur pa zung du 'jug pa'i rim pa thob par 'gyur ro/ /dgongs pas bshad pa zhes ni 'gal ba'i tshig gi sbyor bas zung du 'jug pa'i ting nge 'dzin thob pa'i phyir rdo rje bzlas pa la sogs pa'i mtshan nyid can gyi rdzogs pa'i rim pa bstan pas so/ /da ni zhes bya ba la sogs pas 'dod pa'i yon tan lnga bsten pas byang chub thob par 'gyur ro zhes bstan to/ /gang gi phyir brtul zhugs dang sbyangs pa'i yon tan la sogs pa dang lus dal bas sangs rgyas nyid thob par mi 'gyur ro/ /dka' thub bsdams bas ma rungs pa'i/ /sdug bsngal gyis ni lus skams 'gyur/ /sdug bsngal gyi ni sems g.yengs te g.yengs pas dngos grub thob mi 'gyur/ /zhes dpal mchog dang po las 'byung ngo/ /gang gi phyir lus ni gdung ba yis 'ba' zhig gis ni chos med do/ /des gzhan 'tsho ba bral min dang/ /gzhan dag rjes su gzung ba min/ / sbyin pa tshul khrims bzod pas gsal/ /dam pa'i chos ni lam chen po/ /gang zhig bor nas lus ngal ba'i/ /lam ngan nas ni 'gro 'gyur na/ /'khor ba'i dgon pa ma rungs pa/ /skye bo mdza' yas shing drung can/ /nyon mongs sprul gyis lus bcings pa/ /de ni yun ring 'khor bar 'gyur/ /zhes 'byung ngo/ /'dod pa'i yon tan lnga zhes pa ni/ /gzugs la sogs pa yul lnga nye bar spyod pa'i mtshan nyid de nyid do/ /rdzogs pa'i rim pa zhes pa ni so sor sdud pa dang bsam gtan gyi rim pas thob par bya ba rdo rje 'chang nyid ces bya ba'i tha tshig go /phra mo'i rnal 'byor bshad pa'i 'og tu zhes pa ni rim pa gnyis kyis bsgom par bya ba'i phra mo'i rnal 'byor rnam pa gsum gyi 'og tu zhes bya

  575. 288a

    ba'i tha tshig go /gnyis su med pa'i ye shes te zhes pa ni sems can thams cad kyi de nyid 'dod par bya bas so/ /kun ni zhes bya ba rnam pa gsum mo/ /spros pa bcas pa zhes pa ni chags pa'i rol pa la sogs pa'i rgya che bas nye bar mtshon pa'o/ /spros pa med pa zhes pa ni ji ltar rnyed pa'i spyod pas nye bar mtshon pa'o/ /shin tu spros pa med pa zhes pa ni bla na med pa'i mngon par byang chub pa'i 'bras bu can mngon par byang chub pa'i sbyor bas so/ / de rnams kyi mchog ni longs spyod pa dang grol pa'i spyod pa'o/ /zhes pa ni de la longs spyod pa ni longs spyod rdzogs pa'i skus sems can thams cad la chos kyi bdud rtsi byin par byed pa'i longs spyod kyi tshim par byed pa dang/ /rang gis mtshan nyid kyang de bzhin du tshim par byed pa ste longs spyod pa'i spyod pa'o/ /grol ba'i spyod pa ni chos kyi sku'i mtshan nyid de rtog pa thams cad yongs su spong ba'i rang bzhin no/ /de rnams kyis dag pa ni zhes pa ni rnam par dag pa'i gnas thob par byed pa'o/ /rdo rje 'chang chen po'i go 'phang thob pas so/ /zhes pa ni dpal rdo rje sems dpa' i go 'phang thob par byed pa yin pa'i phyir ro/ /gsang ba'i dam pa zhes pa ni nyan thos pa la sogs pa la bstan par mi bya'o/ / 'og nas bshad pa ste zhes pa ni 'chad par 'gyur ba'o/ /gzugs la sogs pa zhes pa ni dus kyi tshad bstan par bya ste/ /gzugs dang sgra dang dri dang ro dang reg dang ldan pa zhes pa ni gzugs la sogs pa 'dod pa'i yon tan nye bar spyod pa'i mtshan nyid can gyi yul rnams kyi zhes bya ba'i don to/ /rdo rje ltar mi phyed pa'i rang bzhin gyi bdag nyid can du shes nas zhes pa ni bdag la byin gyis brlab pa'i rim pas/ chos dang longs spyod rdzogs pa dang

  576. 288b

    sprul pa'i sku gsum gyi bdag nyid can ye shes kyi sku shes nas zhes pa'i don to/ /zas su dri chu zhes bya ba la sogs pas sbyang bar dang sad par dang sba bar bya ba sngon du 'gro bar bdud rtsi lnga rang gis spyad nas gtor ma'i don du lha rnams la yang dbul? bar bya'o/ /zhes bstan to/ /sangs rgyas byang chub skyon med pa zhes pa ni mi gnas pa'i mya ngan las 'das pa'i dbyings kyi brdar byas pa zung du 'jug pa'i go 'phang zhes bya ba'i tha tshig go /zas su zhes bya ba la sogs pas lcags kyu rnams kyang dbul bar bya zhes bstan to/ /khro bo'i lha rnams la dbul bar bya ba'i phyir te/ zhes pa ni gshin rje mthar byed la sogs pa'i khro bo'i 'khor la dbul bar bya zhes pa'i don to/ /de'i sha chen po rtag par bya'o zhes pa ni kha na ma tho ba med pa dpal rdo rje bdud rtsi'i rgyud kyi rim pas blang ba zhes bya ba'i don to/ /gsang ba ni sba bar bya ste zhes pa ni drag po'i las te de'i yul can ni de'i rgyur gyur pa'o/ /sku gsung thugs zhes pa ni rnal 'byor pa'i 'o/ /rjes su mthun pa 'byung bar gyur pa'o/ /zhes pa ni gsod pa la sogs pa drag po'i las ni mthun par 'gyur ro zhes bya ba'i don to/ /de yang gshin rje mthar byed kyi rgyud la sogs pa la rtog par bya'o de dag la sogs pa 'ba' zhig tu bstan par ?? kyi zhes bya ba la sogs pas drag po'i las kyis kyang dngos grub thob par ma zad kyi/ 'on kyang 'jig rten las 'das pa'i dngos grub thob par 'gyur ro zhes bstan to/ /de rnams ji lta ba bzhin du bstan par bya ba'i phyir/ /ril bu la sogs? pa'i dngos grub rnams zhes pa ni/ ril bu dang mig sman dang rkang mgyogs dang ral gri dang phra dbab pa dang/ sman mchog dang bcud kyis len dang bdud rtsi dang/ /khams sbyor ba dang dbang du bya ba dang nam mkha' lding dang sa 'og grub pa dang

  577. 289a

    ro langs dang sngags smra ba dang/ zhi ba dang rgyas pa dang dbang dang dgug pa dang rnam par sdang ba dang gsod pa dang dgar ba dang rengs pa la sogs pa'o/ /de dang 'dra ba'i dngos grub rnams la rnal 'byor pa de zhes pa ni khro bo la lha bshos dbul bar byed pa'i 'o/ /lus dang ngag yid legs par gnas par 'gyur ba zhes pa ni las su rung ba nyid 'grub par 'gyur ro/ /de ltar rdo rje rigs kyi zhes pa ni mi bskyod pa'i rigs can gyi khro bo'i lha rnams la ste/ /rdo rje rigs ni thams cad mchog yin pa'i phyir na sha chen 'bul lo/ /de bzhin gshegs pa la sogs pa'i rigs kyi zhes bya ba la sogs pas rnam par snang mdzad kyi rigs kyi khro bo rnams la glang po'i sha dang/ rin chen 'byung ldan gyi rigs kyi khro bo rnams la ta'i sha dang/ 'od dpag tu med pa'i rigs kyi khro bo rnams la khyi'i sha dang/ don yod grub pa'i rigs can gyi khro bo rnams la ba lang gi dbul bar bya'o/ /dam pa zhes ba ni ba lang gi sha ste/ 'jig rten pa rnams kyi ba lang ni mchog yin no zhes sems so/ /de bzhin gshegs pa'i rigs la sogs pa'i khro bo'i tshogs kyi zhes pa ni rnam par snang mdzad la sogs pa de bzhin gshegs pa bzhi po'i 'brel ba dang ldan pa'i khro bo'i tshogs kyis/ zhes bya ba'i don to/ /dam rnams med na ji ltar bya zhes pa ni/ ji ltar bshad pa'i tshogs gzung ba'i kha na ma tho ba med pa'i sha ma rnyed na zhes bya ba'i don to/ /zas gzhan zhes bya ba la sogs pa gsungs te zhes pa ni 'jig pa dang mi 'gal ba gzugs brnyan la sogs pa'i sha ste ? zan gyi gzugs brnyan byas nas de dang 'dra ba'i phyugs rnams kyis brtags pa'i sha zhes bya ba'i tha tshig go /'bras chen no zhes bya ba la sogs

  578. 289b

    pas 'bras chan bza' ba bkag par bya ste/ 'jig rten thams cad dang mthun pa'i bza' bas de ni dngos grub gyi yan lag ma yin te khyad par du ni khro bo'i rgyal po tshim pa zhes smos ci dgos/ /'bras bu bstan par bya ba'i phyir zhes bya ba la sogs pas sngar bshad pa'i phra mo'i rnal 'byor la sogs pas sngar bshad pa'i phra mo'i rnal 'byor la sogs pa bsgom pa khro bo rnams la zas dbul ba'i bar gyis mthong ba'i chos su skye ba dang/ gnas pa dang 'jig pa dang bral ba rdo rje'i sku thob pa'i mtshan nyid ces bya ba'i tha tshig go /rigs de dang 'brel ba'i zhes bya ba la sogs pas srid pa'i rtse mo'i steng na gnas mngon par dga' ba la sogs pa'i sangs rgyas kyi zhing la bzhugs pa 'khor los sgyur ba lnga dang/ rang gi phyag rgya gzugs rdo rje ma la sogs pa'i lha mo dang bcas pa de dang de'i rigs kyi 'brel pa dang ldan pa byang chub sems dpa' sa'i snying po la sogs pa rnams kyang sngags kyi sbyangs pa'i lcags kyu phul bas sgrub pa po la mgu zhing sngon du 'gyur gyi gzhan du na ma yin no zhes bstan to/ /de nyid bstan par bya ba'i phyir/ /rang gi rigs kyi mchod pa byas nas zhes pa ni rigs dang rigs can dbyer med pa'i phyir ro/ /'di skad bshad pa yin te sngags kyi brlabs pa'i kha na ma tho ba med pas lcags kyu phul bas mi bskyod pa la sogs pa de bzhin gshegs pa lha mo dang byang chub sems dpa' dang/ khro bo'i tshogs kyis rnal 'byor pa la sogs pa kun tu bsrung zhing rjes su gzung bar 'gyur ro/ /yang 'di nyid kyi phan yon zhes bya bas ni 'jig rten pa dang 'jig rten las 'das pa'i mtshan nyid can zhes bya ba'i don to/ /'jig rten las 'das pa bstan par bya ba'i phyir gtor ma'i sbyor ba 'di yis ni zhes ba smos te/ lcags kyu dbul ba'i skyes?

  579. 290a

    bas so/ /byang chub pa nyid thob par 'gyur ba zhes pa ni rdo rje 'chang chen po'i go 'phang thob par 'gyur ro/ /rnam par dag pa rjes su dran pas lha bshos dbul bas ye shes kyi tshogs thob par 'gyur gyi gzhan du ni ma yin te/ bsod nams kyis tshogs de yang de las dman pa yin te so sor skye bo bzhin no/ /ye shes dang ldan pa 'ba' zhig tu ma zad kyi zhes bya ba la sogs pas ye shes kyi tshogs thob pa 'ba' zhig tu dgag par byed do/ /'dod pa'i khams ni bud med thams cad ces pa ni 'dod pa'i longs spyod kyi bde ba'i gzhi yin pa'i phyir ro/ /bud med thams cad ni lha mo dang klu mo la sogs pa'o/ /ji skad du/ lha mo klu mo snod sbyin mo/ /lha ma yin mo ma mo yang/ /rnyed nas rig pa'i brtul zhugs bya/ /de ltar sgrub ste the tshom med/ /ces 'byung ngo/ /de rnams kyi yul la dga' ba'i dbang du 'gyur ro/ /zhes pa ni thams cad rnams kyang dbang du byas pas rol pa'i bdag por 'gyur te/ de kho na nyid zhes pa la phyi'i dngos grub ni zhang las 'byung ba'i phyir ro/ /de yang ri rab sum cu rtsa drug gi zhes bya ba la sogs pa ni le'u bcu gsum pa las 'chad par 'gyur ro/ /las kyi sa zhes pa ni dge ba dang mi dge ba dang lung du ma bstan pa la sogs pa'i las kyis nye bar mtshon pa 'gro ba lnga'o/ /phyir mi ldog pa'o zhes pa ni sa brgyad pa la bskyed pa'i rim pa'i ting nge 'dzin gyis thob par bya'o/ /de'i las ni gzhan gyi don gyi mtshan nyid do sems can smin cing grol bar byed pa'i mtshan nyid can no zhes pa ni ma bsgral ba bsgral bar byed pa dang/ ma grol ba grol bar byed pa dang/ dbugs ma phyung ba dbugs dbyung ba sbyin pa dang yongs su mya ngan las ma 'das pa yongs su mya ngan las

  580. 290b

    'da' bar bya zhes bya ba'i tha tshig go /yongs su brtags pa'i rnal 'byor pa rnams kyi zhes pa ni spyod pa dang rnal 'byor rgyud kyi rnal 'byor pa rnams dang/ rnal 'byor chen po'i rgyud kyi bskyed pa'i rim pa'i rnal 'byor pa rnams kyi mchog tu gyur pa'i zung du 'jug pa'i rim gyi bcu gnyis pa thob pa'i phyir ro/ /sdug bsngal ba zhes pa ni sdug bsngal gsum mo/ /yid bde ba zhes pa ni 'dod chags la sogs pa bag chags kyi mtshan nyid/ /bril kyi mi gnod pa'i gzi brjid ni de rnam par sbyong bar byed pa 'od gsal ba'i mtshan nyid can gyis snang ba'o/ /de yod pas na gzi brjid can no zhes pa ni 'od gsal ba mngon du byas pa zhes bya ba'i tha tshig go /'jig rten gyi chos brgyad kyis zhes pa ni rnyed pa dang mi rnyed pa la sogs pas so/ /zung du 'jug pa thob pas 'jig rten gyi chos mngon du mi 'gyur te/ gnyis su med pa yin pa'i phyir ro/ /ji ltar drag po rdo rje can zhes bya ba la sogs pa bshad pa'i phyir rdo rje sems dpa' i zhes bya ba la sogs pa ni rdo rje sems dpa' bzhin du mi shigs pa tshe dang na sos ldan pa ste bsam gtan gyi za? bas mi 'jigs pa'i phyir ro/ /rtag tu rab tu dga' bar 'gyur bas na zhes pa ni bsam gtan gyi bde? ba la longs spyod pas mi zad pa'i dga' ba thob pa'i phyir ro/ /rnal 'byor chen po dang ldan pa zhes pa ni bya ba la sogs pa'i tshul la brten pa la bltos pas so/ /mthong ba ni khong du chud pa ste zhes pa ni skabs kyi dbyings don du ma yin pas mthong ba ni shes pa'i don la 'jug go /mig ni mthong ba ste mig gi rnam par shes pas yongs su shes pa'o/ /rna bas mthong ba zhes pa ni rna ba'i rnam par shes pas yongs su shes pa'o/ /yid kyi mthong ba ni yid kyi rnam par shes

  581. 291a

    pas yongs su shes pa'o/ /de la mthong pa tsam zhes pa ni mig la sogs pas mthong ba dang thos pa dang rtogs par byas nas so/ /sna tshogs pas rnam par phye ba zhes pa ni slob pa dang mi slob pa la sogs pa'i khyad par dang ldan pa'o/ /dbang du byed par 'gyur ba ste zhes pa ni mngon par shes pa thob pas so/ /spyi'i spros pas 'grub par bya ba las kyi rab 'byam kyi sgo nas dbang du 'gyur zhe na/ smras pa yin te/ phyi'i sngags dang phyag rgya la sogs pa ni ngag gi bzlas par bya ba'i yi ge'i bdag nyid can ni sngags so/ /lag pa'i bya ba la sogs pa'i mtshan nyid khyad par ni phyag rgya'o/ /de rnams kyis bskul ba ni drangs pas dbang byed par mi 'gyur gyi 'on kyang lhun gyis so/ /'das pa dang ni ma 'ongs pa/ /de ltar gyur ba srid gsum gyi/ /'od gsal rnam par dag 'dzin pas/ /skad cig de la ma lus mthong/ /ya yi don gyi gang ci'ang rungs/ /dngos grub 'dod pas bya ba ni/ ral sogs pa gsum gyi ni 'gro ba'i don la rab tu 'jug ces 'byung ngo/ /don dam par ni don gcig mthong ba na/ /'gro ba thams cad don gcig mthong bar 'gyur/ /'gram gyi phyogs su chu ni 'thung ba yis/ /rgya mtsho ma lus pa'i myong bar 'gyur/ zhes 'byung ngo/ /mtshan ma dang bcas pa'i ting nge 'dzin la gnas pa las mtshan ma med pa'i 'bras bu mi 'gyur ro zhes pa la mtshan ma dang bcas pa'i ting nge 'dzin ni rnam par rtog pa dang bcas pa'o/ /de la gnas pa ni de la dmigs pa la'o/ /mtshan ma med pa'i 'bras bu ni mi 'gyur pa thar pa chen po'i bde ba'i mtshan gyis sangs rgyas nyid thob par mi 'gyur te/ rgyu dang 'bras bu mi 'dra ba'i phyir ro/ /rgyu mthun pa las 'bras bu 'dra

  582. 291b

    bar 'gyur te gzhan du ni ma yin no/ /nas kyi sa bon las 'bras kyi myu gu bzhin no/ /de bzhin du sngags dang phyag rgya la gnas pa'i rnal 'byor pa la mtshan ma med pa'i 'bras bu 'byung bar mi 'gyur gyi/ /'on kyang rnam par me rtog pa'i ting nge 'dzin pa la'o/ /rnam par snang mdzad mngon par byang chub pa'i rgyud ni/ /gnyi ga'i rgyud de/ /de las gsungs pa zhes bya ba la 'dis lung tshad ma nyid du bstan to/ /bde ba thams cad bsdus pa ni bde ba thams cad de 'od gsal ba'o/ /lhun gyis grub pa nyid do zhes pa ni 'bad rtsol med pas rdzogs par 'gyur te zung du 'jug pa'i rim pa la de kho na nyid rang gsal ba'i phyir ro/ /zung 'jug ting nge 'dzin la gnas pas/ /slar zhing gang la'ang mi slob bo/ /'di ni rdzogs pa'i rnal 'byor zhes/ /de yang rdo rje 'chang chen po/ /rnam pa thams cad mchog ldan pa'i/ /de las thams cad mkhyen pa 'byung/ /zhes bshad pa'i phyir ro/ /nye bar bsdu ba bstan par bya ba'i phyir/ /rtog pa'i rnal 'byor pa thams cad de zhes pa ni tha mal pa'i spros pa thams cad spang ba'i phyir lha'i sku sgom par byed pa'o/ /de rnams kyi phul du byung ba'i zhes pa ni dbang po rno ba yin pas dam pa'o/ /rtogs shing zhes pa ni rig pa lnga yongs su shes pa'o/ /rdzogs pa'i rim pa'i ting nge 'dzin la gnas pa'o zhes pa ni rdo rje bzlas pa la sogs pa'i rim pa lnga po sgom par byed pa'o/ /de rnams kyi gsang ba ni sba ba ste rnal 'byor pa de rnams kyis bya ba'i rgyud la sogs pa'i tshul la brten pa'i rnal 'byor ba rnams la bstan par mi bya'o/ /de sku gsung thugs byin gyis brlab pa ni drang ba dang/ nges pa'i don gyi dbye bas rnam pa gnyis dang phra mo'i rnal 'byor rnam pa gnyis kyis bsdus pa'i rnal 'byor pa la bstan pa'i phyir ro/ /byang chub dam pa zhes pa ni nyan thos pa la

  583. 292a

    sogs pa la bltos nas rdo rje'i sku zhes bya bas zung du 'jug pa'i skad cig ma rdo rje 'chang chen po'i go 'phang ngo/ /des thob par 'gyur ba zhes pa ni/ sngar bshad pa'i sgom pa'i sgo nas de sngon du byed pas so/ nye bar brtags pas so zhes pa ni rgyal 'bras bu nye bar brtags pa ste ma rin che bzhin no/ /de bzhin gshegs pa'i gsang ba'o zhes pa ni sku rdo rje la sogs pas byin gyis brlab pa'i gsang ba zhes bya ba'i don to/ /tha mal pa'i lus dang ngag dang sems las zhes pa ni nye bar len pa'i phung po lnga'i rang bzhin bden pa ma mthong ba'i lus la sogs pa las so/ /'da' ba ni spyad pa ste ting nge 'dzin gang gis dag par bya ba kho na nyid la de skad ces bya'o/ de nyid ni de kho na nyid thob par byed pa'i ting nge 'dzin yang de nyid de nye bar brtags pas so/ /'di skad ston par 'gyur te zhes bya ba la sogs pas nye bar bsdus pa bstan te/ tha mal pa'i lus zhes pa ni nye bar len pa'i phung po lnga'i mtshan nyid do brtags par bya ba spangs pa'o/ /gang gis ni sgom pa'i rim pas so/ /rdo rje'i rang bzhin gyi lus thob par 'gyur ba'i zhes pa ni 'jig rten las 'das pa'i rdo rje 'chang chen po'o rang bzhin 'grub par 'gyur ba'o/ /de kho na nyid de lta bu yin no zhes pa ste zhes pa la le'u drug pa 'di nyid las gsungs pa lta bu'o/ /de skad du zhes pa ni gsang ba'i grub pa las zhes tshig lhag ma'o/ /rnam rtog med pa'i sngags pa ni zhes pa la sgom pa la mngon par zhen pa'i rnam par rtog pa dang bral bas so/ /'di lta bu'i ting nge 'dzin ldan? pa dag ces pa ni sngar bshad pa'i rnam pa gnyis kyi ting nge 'dzin gang yin pa de dang ldan pas so/ /nges pa'i lus ni zhes pa la zla ba la sogs pa'i mtshan nyid kyi 'od tsam gyi dus kyi tshad yongs su spangs

  584. 292b

    nas so/ /bla med go 'phang thob par 'gyur zhes pa ni phyag rgya chen po'i mtshan nyid rdo rje 'chang chen po'i gnas thob par 'gyur ro zhes tshigs su bcad pa'i don to/ /drang ba'i don to zhes pa ni lcags kyu lnga'i lha bshos 'bul bas bla na med pa'i go 'phang thob par bstan pa'i phyir ro/ /rdo rje'i tshig ces bya ba la sogs pas rdo rje phreng ba'i rgyud las tshad ma nyid du bstan to/ /de nas zhes bya ba la sogs pa'i tshigs su bcad pa'i don ni sngar bshad zin to/ /skad cig ni se gol brdab pa'i dus so? ? gcig ni yungs kar bskor ba'i dus so/ /yud tsam ni dbugs 'byung ba'o/ /zhag bco lnga ni zla ba phyed do zhag sum cu ni zla ba'o/ /de bcu gnyis kyis lo'i dus so/ /de rnam pa drug gis dus kyi dbye ba'o/ /de rnams kyis 'jig rten pa 'di 'gro ba dang ldog pas srid par 'khor bar 'gyur pa dang/ skye ba dang gnas pa dang/ 'jigs pas ngal bar 'gyur ro/ /de bas na rnam pa drug la gnas pa'i dus de dang bskal pa grangs med gsum po ni thig le'i drug cu'i rtsis sum 'gyur la brten te dus kyi spros pa gang yin pa de ni/ skad cig gcig ni yin par bshad ces pa ni skad cig ma gcig gis mos pa'i 'od gsal bas myong bar bya ba'i skad cig ma zhes bya'o/ /zla ba drug bshad de nyid yin zhes pa ni skad cig ma gcig gis sngar bshad pa'i mtshan nyid can gyi dus drug gi dbye ba zhes bya ba de'i dngos med gang yin pa de ni rdzogs par yongs spyad pa ste/ 'od gsal ba'i sgom pa'i skad cig ma zhes bya'o/ /de nyid kyi skad cig ma gcig tu zhes pa ni 'od gsal ba la 'jug pa'i mtshan nyid kyis skad cig ma'o/ /dus gsum las 'das pa yin par dgongs zhes pa ni 'das pa dang ma 'ongs pa dang da ltar byung ba'i rang bzhin gyi snang ba dang snang ba mched pa dang snang ba nye bar thob pa'i skad

  585. 293a

    cig ma dang bral ba'i ngo bo bsam par bya zhes pa'i tha tshig go /gzugs dang sgra dang ror ldan pa zhes pa ni dam tshig gi phyag rgya la gnas pa'i gzugs la sogs pa'i rnams la spyod par gyur pas so/ /rnal 'byor pas ni zla ba drug bsgom zhes pa ni dus kyi dbye ba gang yin pa 'od gsal ba nyid du bsgom par bya'o/ /mchod chen de ni zhes pa la 'od gsal ba la 'jug pa'i mtshan nyid kyi mchod pa chen po de ltar byas nas gsang ba'i de nyid ces ba ni 'od gsal pa'i de nyid bsgom par bya'o zhes pa'i don to/ /yul dang dbang po zhes bya ba la sogs pa sngar bshad pa'i rim pas yul dang dbang po nye bar bsdu pa'i mtshan nyid can rim pa gnyis pas thob par bya ba'i de kho na nyid bshang gci zas su byed pa'o zhes bstan to/ /de nyid kyi de 'dra ba'i dngos grub ste/ /de mngon du byed pa'i mtshan nyid de/ /bza' ba rnams rtog med pa'o zhes pa ni phyi'i bza' ba spangs nas bsam gtan gyi bza' ba'i mtshan nyid de kho na nyid ces bya ba'i don to/ /de nyid gyi phan yon bstan par bya ba'i phyir/ de nyid ces bya ba la sogs pa smos te/ bla na med pa'i 'od gsal ba'i mtshan nyid do/ /byang chub sems gcig las 'byung ba'o zhes pa ni phyag rgya'i rim pas kun rdzob byang chub kyi sems la dmigs pa las 'byung ngo/ /rtog pa med pa ni spros pa med pa'o/ /'dus ma byas pa ni rnam par shes pa gsum dang bral ba'o/ /dri med don ni zhes pa la rang bzhin brgya drug cu dang bral ba'o/ /'grub par 'gyur ba ni rnal 'byor pas mngon du 'gyur ro/ /sems rnam par dag pa'i rim pa'i thabs phyag rgya'i mtshan nyid bshad par bya ste/ /ma zhes pa ni ming gi yi ge dang pos nye bar mtshon pa dang/ dam tshig gi phyag rgya'i rang bzhin mA ma kI'o/ /de bzhin du ming

  586. 293b

    gi yi ge dang pos nye bar mtshon pa ni phyag rgya de'i bka' drin rtogs nas mngon par byang chub pa ni sems rnam par dag pa'i mtshan nyid nyams su myong bar 'gyur ba'o/ /de ltar gyur pa'i bsam gtan las dga' ba dang bcas pa'i bde ba chen po gang yin pa de ni dga' bcas zas te sha zhes bya'o/ /de ni bsam gtan gyi bza' ba'i mtshan nyid kyi de kho na nyid de sha'i sgra'i don to/ /rab tu byed pa las kyang/ /sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /gsal bar 'di las mtshon par 'gyur/ /chags pa ma yin chags bral min/ /bar ma yang ni mi dmigs so/ /stong pa ma yin mi stong min/ /bar ma yang ni mi dmigs so zhes 'byung ngo/ /de kho na nyid nam mkha' i khams dang 'dra ba mdza' yas pa yin pa de'i rnal 'byor dang ldan pas chen po'i sgras khyad par du byas nas sha chen de ni yin par bshad pa ste tshad med pa yin pas so/ /dam pa tshad med mkhas pa dang/ /brtson 'grus spro ba'i bdag nyid dang/ rmad 'byung ba'i byed pa ni/ /chen po zhes bya rtag tu bshad/ /ces 'byung ngo/ /phan yon bstan par bya ba'i phyir/ /gsang ba zhes bya ba la sogs pa smos te/ gsang ba ni bskyed pa'i rim pa'i rnal 'byor pa rnams la bstan par mi bya'o/ /go 'phang ni brtan pa dang g.yo ba'i bdag nyid kyi khams gsum pa thams cad kyi gzhi'o/ /mchog ni ye shes la bltos nas bla na med pa'o/ /de nyid kyi khyad par ni rdo rje gsum bsdu bar byed pa ni rdo rje gsum ste/ 'od gsal ba'i go 'phang ni rgyur gyur pa snang ba la sogs pa'i ye shes gsum mo/ /de myur du 'grub pa ni rdzogs pa ste 'od gsal ba la 'jug pas dag par 'gyur ro/ /zhes bya ba'i don to/ /dam tshig chen po zhes bya ba la sogs pas de kho na nyid

  587. 294a

    phung po lnga rnam par dag par byed pa glang po la sogs pa'i lcags kyu lnga'i brdas/ brdar byas pa gang dang sbyor bas rnal 'byor pa ni bsam gtan gyi zas dang ldan par 'gyur ro/ /zhes bstan to/ /kham zhes pa ni phyi'i bza' ba'i ngo bo'i ming ngo/ /de nyid 'jig rten pa'i bza' ba yin no/ /'jig rten las 'das pa ni dgongs pas bshad pas bsam gtan gyi bza' ba zhes bya'o/ /de kho na nyid thob pa'i phan yon bstan pa'i phyir gang yang zhes smos te/ / 'jig rten las 'das mchog ces pa ni zag pa med pa'i ye shes thob pa'o/ /rnam par mi rtogs pa la mkhas zhes pa ni 'od gsal ba'i de kho na nyid la gcig tu gzhol ba zhes bya ba'i don to/ /de bzhin ni chos nyid de de nyid du ro gcig pa ni de'i bdag nyid du 'jug pa zhes bya ba'i don to/ /'khor ba ni kun rdzob kyi bden pa'i bdag nyid do/ /gcig shos ni don dam pa'i bden pa ste spangs pa ni de la dbyer med pa mngon du byad pa zung du 'jug pa'i ting nge 'dzin la rab tu gnas par 'gyur ro/ /rnal 'byor brtul zhugs bzang po 'dis zhes pa ni sngar bshad pa'i sems rnam par dag pa'i rim pa dang rdzogs pa'i rim pa'i mtshan nyid kyis bsgom pa'i brtul zhugs bzang pos so/ /byang chub sems dpa' blo can dang zhes pa ni phyag rgya dang ldan pa'i sa'i snying po la sogs pa rnams kyi'o/ /sangs rgyas kyi dbang bskur ba thob pas sangs rgyas rnams ni mnyes par 'gyur ba'o/ /dngos grub ni yang dag par rdzogs pa'i byang chub ste rim pa lngas thob par bya ba'i rdo rje 'chang chen po'i go 'phang zhes bya ba'i don to/ /myur du ni bde ba dang yun ring po ma yin pas thob par 'gyur ro/ /'dod khams dbang phyug ces pa ni khams gsum gyi bdag po'o/ /las kyi go 'phang zhes

  588. 294b

    pa ni thams cad kyi gzhir gyur pa'i dngos grub thob par 'gyur ro/ /gzi brjid dang ldan pa zhes pa ni ye shes kyi dbang thob pas 'bad ba dang snang ba la sogs pa ston par byed pa'o/ /stobs kyis phyug ces pa ni gzhan la med pa sangs rgyas kyi spyod yul la gnas dang gnas ma yin pa mkhyen pa'i stobs la sogs pa dang bcas pa'o/ /skye bu chen po'i mtshan sum cu rtsa gnyis dang/ dpe byad brgyad cu dang ldan pas na mdangs dang ldan pa'o/ /ma 'dres pa'i ngan pa nye bar gzhag pa dang thugs rje chen po dang thun mong ma yin pa'i sangs rgyas kyi tshes bco brgyad dang/ byang chub kyi phyogs kyi tshes sum bcu rtsa bdun dang ldan pa'i na mthong na dga' ba'o/ /mthong ba tsam gyis zhes pa ni mchog mi shes pa'i sku mthong bas so/ /bskul nas zhes pa ni lam la 'jug par mdzad pa'o/ /'jig rten 'di dag dbang du 'gyur zhes pa ni tshangs pa la sogs pa lha'i tshogs 'dul bar mdzad pas so/ /nye bar bsdu ba bstan par bya ba'i phyir/ /'di ni zhes bya ba la sogs pa smos te/ sangs rgyas thams cad kyi zhes pa ni rin po che lta bu'i gang zag rnams kyi'o/ /gsang ba byang chub dam pa'o zhes pa ni tsan dan la sogs pa la bstan par mi bya ba rdzogs pa'i rim pa'i de kho na nyid ces bya ba'i don to/ /yang dag sngags kyis gsang ba 'di zhes pa ni sems skyob la gsang bar gyur pa'o/ /rdo rje gsum 'das dam pa'o zhes pa ni ye shes gsum yongs su spyod par byed pa kun gyi mchog ces bya ba'i don to/ /de bas na rang dang gzhan gyi phun sum tshogs pa rdzogs par mdzad pas na gtso bo'o/ /de bzhin gshegs pa thams cad bsdu bar mdzad pa'i rdo rje 'chang chen po las 'byung bas na de bzhin gshegs pa kun no/ /dam tshig ni dam tshig gi spyod pas thob par bya ba bskyed pa'i rim pa'i

  589. 295a

    rnal 'byor rnams kyi sngags kyi sku'o/ /de las kyang dam tshig ni 'jug pa la sogs pa'i rim pas thob pa sngags kyi de kho na nyid mngon du byed pa'i mtshan nyid de rdo rje bzlas pa'i rim pa'o/ /de las kyang mchog ni sems la dmigs pa'i de kho na nyid kyi mtshan nyid do/ /nges pa'i don to zhes pa ni sems rnam par dag pa'i rim pa brjod pas so/ /de kho na nyid rnam par mi 'jigs pa'i ngo bo nyid ces pa ni 'od gsal bas so/ /lus dang ngag dang yid ni ye shes gsum mo/ /byin gyis rlob cing bskyed pa zhes pa ni gang gis sbyar bar bya ba'o/ /de brjod pa'i gzhung gi tshogs kyi le'u ni zhes pa la de'i don ston par byed pa'i tshig gi tshogs ni le'u zhes bya ba'o/ /sgron ma gsal bar byed pa'i 'brel ba'i TIka las le'u drug pa'i rgya cher bshad pa'o// //de ltar zhes bya ba la sogs pas le'u bdun pa'i bshad par rtsam par bya ste/ rnal 'byor pa tha mal pa dang mchog rnams kyi zhes pa ni rim pa gnyis sgom par byed pa'i sgrub pa po rnams kyi'o/ /spyod pa ni le'u lnga pa las bshad pa rnams pa gsum mo/ /yang dag par bstan nas shes pa ni rnam par bshad nas so/ /de nyid slar yang spros nas bshad pa'i phyir zhes pa ni rgyas par so sor bshad par bya ba'i phyir ro/ /dam tshig chen po de bzhin gshegs pa lnga spro ba dang bsdu bar mdzad pas na dam tshig chen po ni rdo rje 'chang chen po'o zhes bya'o/ /yan lag drug go zhes pa ni so sor bsdud pa la sogs pa'i mtshan nyid de de'i go 'phang thob par 'gyur te des nye bar brtags pas so/ /thun mongs ma yin pa'i sgrub pa'o zhes pa ni rdo rje bzhi po'o/ /de dag gi mngon par rdzogs par byang chub pa thob pa ni zhes pa la yan lag drug

  590. 295b

    dang rdo rje bzhi pos sngags kyi sku dang ye shes kyi sku thob pa ste rdo rje 'chang ba nyid do/ /de'i don gyi le'u ni zhes bya ba la sogs pa ni de rjod par byed pa'i phyir ro/ /tha mal mchog gi dbye ba yis/ /bsnyen pa rnam pa gnyis yin te/ tha mal pa ni rdo rje bzhi/ /mchog ni yan lag drug gis so/ /zhes 'byung ngo/ /'dod pa thams cad ces bya ba 'dis spros pa dang bcas pa'i spyod pa bstan par bya ba'i phyir/ /nye bar brtsam par bya ste gzugs la sogs pa'i yul rnams so zhes pa ni dam tshig gi phyag rgya gnas pa 'am logs su gnas pa'o/ /rjes su myong zhing bsnyen pas so zhes pa ni so sor sdud pa'i rim pas gzung nas bsam gtan gyi yan lag gis de bzhin gshegs pa'i rang bzhin du rtogs pa'o 'dod pa ni bdun pa ste zhes pa ni de bzhin gshegs pa'i yul rnams gzung ba'i 'dod pa'o/ /'dod pa ni gzung ba'i rnam pa ste zhes pa la dman pa la sogs pa'i mtshan nyid do/ /mig la sogs pas zhes pa ni dbang po drug gis so gzugs la sogs pa zhes pa ni yul drug go /ngan pa dang 'bring dang mchog rnams gcig pa'i snang bas yul du byed pa'o zhes pa ni dbang po rnams kyi skad cig ma dang po la ngan pa la sogs pa'i rnam par rtog pa skye bar mi 'gyur te rtog pa las 'das pa'i phyir ro/ /mngon sum rtog pa las 'das pa/ /ma 'khrul pa zhes mngon par brjod/ /don rtogs pa ni rtog pa ste/ /spyi las yang dag 'byung ba'o zhes bshad do/ /mig la sogs pa de rnams kyis yul rnams gzung ba'i dus su ngan pa la sogs pa rnam par rtog pa ni med do/ /nges pa'i rtog pas ni de rnams la med pa dang ngan pa dang bar ma dang mchog nyid du gzugs byed pa ste dngos po ni cha shas med pa'i ngo bo yin pas so/ /'dzin par byed pa'i rnam par

  591. 296a

    rtog pa gang yin pa de ni bden pa las gzhan yin pa'i phyir ro/ /rnal 'byor pas kyang zhes bya ba la sogs pas mig la sogs pa'i rnam par shes pa drug po'o/ /gang dang gang 'dod pa 'byung ba de'i 'dod pa dang rjes su mthun pa'i yul rnams spyod par bya'o zhes bstan to/ /ji skad du/ dbang po'i lam ni gang dang gang/ /rang bzhin de dang de nyid 'gro /mnyam par ma bzhag sbyor ba yis/ /sangs rgyas thams cad rang bzhin lta/ /dbang po'i lam ni de dang nges/ /sgrub pa po na yul phrad nas/ /ma lus de bzhin gshegs pa la/ /tshim par bya phyir dbul bar bya/ /zhes rdo rje phreng ba las 'byung ngo/ /de nyid kyi phyir rten par byed pa zhes bya ba la sogs pa'i tshig gis spros pa dang bcas pa'i spyod pa bstan par bya'o zhes bstan to/ /ci zhig ce na zhes bya ba la sogs pas spyod pa'i 'bras bu bstan to/ /yul dang dbang po mnyam par sbyor ba zhes pa ni so sor sdud pa dang bsam gtan gyi yan lag gi yul 'dzin pa dang/ /de rnam par dag pa'i mtshan nyid kyi sbyor bas so/ /rdo rje 'chang nyid myur zhing zhes pa ni de'i 'og tu yan lag bzhi'i rnal 'byor bsgom par bya bas so/ /'dir dgongs pa 'di yin te/ /re zhig dang po'i rnal 'byor pa rnam par snang mdzad la sogs pa'i lha rnams kyi gang yang rung ba'i rnal 'byor dang ldan pas gdong dang phyag rgya dang dbyibs la sogs pa shing gis byas la khang pa sum brtsegs la 'dug ste/ log khang la bza' ba dang bca' ba la sogs pa bzhag cing bar khang la gar dang rol mo la sogs pa la mkhas pa bzhag cing/ /steng khang la stan 'jam po'i steng du dbus kyi gtso bo'i nga rgyal dang ldan pas bzhugs la phyogs

  592. 296b

    bzhi po la gzugs bzang legs par brgyan pa dam tshig gi phyag rgyan so gzhon pa rigs kyi yum sangs rgyas spyan ma la sogs pa'i tshul dang ldan pa bzhi po bzhag cing/ /de rnams kyi yang phyi rol gyi mtshams su gzugs rdo rje ma la sogs pa yum gyi lha mo bzhi'i tshul dang ldan pa'i phyag rgya rnams bkod la/ dam tshig gi phyag rgya ma gcig rang gi 'khyud la de dang lhan cig tu brang skyes dang mchan khud la sogs pa bzhi mtho zhing reg la/ mig yangs pa la sogs pa'i lta bas yid dga' bar gyur pa 'dod pa'i yon tan nyams su myong zhing ji srid sems rtse gcig pa nyid kyi mtshan nyid bde ba chen po byung ba de srid kyi bar du gnas par bya'o/ /de ni spros pa dang bcas pa'i spyod pa ste/ /bskyed pa'i rim pa'i rnal 'byor ba'i spyod yul yin no/ /de ltar zhes bya ba la sogs pas nye bar bsdus pa'o/ /spros pa med pa'i spyod pa'i dbang du mdzad nas/ /zhes pa ni gnyis pa brtsam par bya ste/ bdag nyid 'dod pa dang rjes su mthun pa ni ji ltar rnyed pa'i spyod pas so/ /'dod pa'i yon tan lngas bdag ste/ /zhes pa ni dam tshig gi phyag rgya la gnas pas so/ /rang nyid dang ni bdag nyid do/ /gzhan rnams la ni rnal 'byor ma dam tshig gi phyag rgya ste tshim par bya ba ni de dang lhan cig snyoms par 'jug par bya'o/ /sgyu ma lta bu'i ting nge 'dzin gyis so zhes pa ni bdag la byin gyis brlab pa'i bsgom pas so/ gtsug lag khang la sogs pa'i sgrub pa'i bka' thub dang zhes pa ni de dag bsgrub pa'i don du 'bad pa chen po yin pas bka' thub yin no/ /shing drung pa la sogs pa sbyangs pa'i yon tan bcu gnyis kyi sdom pa dang zhes pa ni 'di lta ste/ bsod snyoms pa dang/ chos gos gsum pa dang/ phyag dar phrod pa dang/ phying ba pa dang/ shing drung pa dang/ bla gab med pa dang/ phyis mi len pa dang/ gdan gcig pa dang

  593. 297a

    dur khrod pa dang/ cog bu pa/ dgon po pa? ste sbyang pa'i yon tan bcu gnyis ni lus ngal ba dang 'brel ba'i phyir ro/ /de rnams kyi lus ngal ba yin gyis de kho na nyid rtogs par mi 'gyur ro/ /ri las mchod zhing mar 'jug pa la sogs pa mi zad pa ste/ zhes pa ni mu stegs pa rnams kyi lta ba 'di ltar yin te/ ri las mchos pas sa rnam par dag par 'gyur ba dang/ chu las mchos pas chu rnam par dag par 'gyur pa dang/ me la 'jug pas me rnam par dag par 'gyur ba dang/ mi za bar shi bas rlung rnam par dag par 'gyur ba dang/ 'pho bas shi bas nam mkha' i khams rnam par dag par 'gyur ba'o/ /de bzhin sdug bsngal grol bar byed pa'i don du rgan po gsod par byed pa zhes bya ba la sogs pa lta ba ngan pa gzhan yang rtogs par byed pa'o/ /de rnams kyis gdungs bzhin pas ni zhes pa la lus dang yid sdug bsngal dang yid kyi sdug bsngal sbyin pa'i phyir ro/ /byang chub rnyed par mi 'gyur zhes pa ni thabs ma yin pa'i phyir dang log pa'i lta ba yin pa'i phyir ro/ /'o na zhes bya ba la sogs pas bka' thub bkag nas bde ba'i spyod pa la phan yon bstan par bya ste/ /thams cad kyis 'dod cing don du gnyer bya ba yin pa'i phyir zhes pa ni sngar bshad pa'i gzugs la sogs pa'o/ /de rnams la nye bar longs spyod pa zhes bya ba la sogs pas de'i longs spyod kyi sgo nas gal te bdag nyid rdo rje 'chang chen po mnyes bar byed na de'i tshe phyag rgya chen po'i 'bras bu mngon du byed par 'gyur ro/ /tshe 'di nyid la zhes pa ni pha rol phyin pa'i rnal 'byor pa las ldog par bstan to/ /gang gi phyir de ni bskal pa

  594. 297b

    grangs med pa gsum gyi byang chub thob par 'gyur ro zhes dgongs pa'o/ /sgra ji bzhin pa zhes pa ni spyod pa ji ltar ji ltar gsungs shes bshad pa'i phyir ro/ /'dir bsdus pa'i don 'di yin te re zhig dang po rnal 'byor pa rnam par snang mdzad la sogs pa'i lha'i gzugs 'dzin pa phyag rgya yang de dang 'dra bar byas te bdag la byin gyis brlob pa'i rim pa'i sgyu ma lta bu'i ting nge 'dzin mngon du byas pa/ ji ltar rnyed pa'i bza' ba tsam gyis chog shes pa/ lung bstan pa'i phyag rgya dang ldan pas yul nas yul du 'khor pas ji srid phyag rgya chen po'i dngos grub thob pa de srid du gnas par bya'o/ /de ni spros pa med pa'i spyod pa'o/ /de ltar zhes bya ba la sogs pas shin tu spros pa med pa'i spyod pa bshad par bya ste/ lus gdung ba'i sgo nas zhes pa ni sngar bshad pa'i lus nges par bsdams pas so/ /phyag rgya chen por 'gyur ba thob pa bkag nas zhes pa ni/ rdo rje 'chang chen po'i go 'phang bkag nas so/ /sgrub pa po'i yid kyi gdung ba yang dgag par bya ba'i phyir zhes bya ba ni rnam par rtog pa'i spros pa'i mtshan nyid dgag par bya ba'i phyir ro/ /byang chub sems dpa' i rtog pa ni nyon mongs pa yin no zhes 'byung bas so/ /brjod par mi bya'o zhes ni dman pa'i tshul du gang yang smra bar mi bya'o/ /slong mo za ba ni nye bar mtshon pa'i don yin te zhes pa ni 'dra ba'i sgras sbyor ba'i phyir ro/ /de bas na slong du 'gro ba dang 'dra bar zhes pa ni pha bza' ba slong du 'gro ba dang yid chung ba dang tshig dman pa zhes rab tu grags so/ /yongs su tshol ba zhes pa sogs pas ni g.yo sgyu dang pha rol la bstod pa dang tshig sbyangs pa la sogs pa dang ldan pas mi 'gyur ro zhes bstan to/ /nye bar mtshon pas na zhes pa ni

  595. 298a

    'dra ba'i rkyen mi mngon pas so/ /zas la zhen par ma gyur pa zhes pa ni phyi'i bza' bkag pa'o/ /ji tsam zhes bya ba la sogs pas bsam gtan gyi bza' ba dang ldan pas shin tu spros pa med spyod pas sbyang par bya'o/ /gal te yod na ji tsam gyis lus gnas par 'gyur ba zhes pa ni 'bad pa med pas rnyed pa 'bras bu dang rtsa ba la sogs pa nags tshal gyi lha mos sbyin pas cho ga shes par bya ba'o/ /rtag tu nags tshal slong du 'khor brtan par nges pa'i sgrub po la/ /lha mos brgyan pas bza' ba ni/ /skrag cing 'jigs pas ster bar byed/ rmongs pa'i bdag nyid kyis bltas nas/ /rdo rje ltar na'ang 'jig par 'gyur zhes 'byung ngo/ /de lta'i spyod pa zhes bya ba la sogs pas shin tu spros pa med pa'i spyod pa la gnas pas spyod par bya'o zhes bstan to/ /yi ge gsum ni sngags thams cad nye bar sdud pa'i rang bzhin dang gsang ba yin pa'i phyir ro/ /lha'i rnal 'byor mi phyed pa'i zhes pa ni sogs pa'i sgra mi mngon par byas nas/ lha la sogs pa'i rnal 'byor dang mi phyed pa bsgoms par bya ba'i don to/ /'dod pa kun la longs spyad pa'i/ /sngags pas zhes pa ni gal te mi phyed pa'i bzlas pa rnal 'byor pas slob na de'i tshe 'dod pa thams cad nye bar spyod pas kyang 'gal bar mi 'gyur ro zhes dgongs pa'o/ /de ltar zhes bya ba la sogs pas phan yon bstan par bya ste/ rtse gcig par gyur pa zhes pa ni/ rdo rje bzlas pa la sogs pa'i rim pa bzhi pos zhes bya ba ni rtse gcig pa nyid do/ /de thob na zhes pa ni rim gyis thob nas so/ /rdo rje 'chang chen po nyid thob cing/ zhes pa ni zung du 'jug pa'i rim pa yis thob par

  596. 298b

    bya ba'i rdo rje 'chang gis go 'phang nyid do/ /yang dag par nyams su myong ba rnyed par 'gyur ba'i zhes pa ni bla mas nye bar bstan pa'i bsgom pa'i lam gyis thob par 'gyur ro zhes bya ba'i don to/ /gzhan du na zhes bya ba la sogs pas bka' thub dang bde ba'i spyod pa dag la skyon dang yon tan bstan to/ /yang ba ma spangs zhes pa ni rims la sogs pa ngal ba myong ba'i 'brel pas so/ /des ni tshe 'di nyid kyi cha ba'i rnam par smin pa bstan to/ /'chi ba'i dus byas shing 'di nas 'pho nas zhes pa ni tshe 'di nyid la 'chi bar 'gyur bas so/ /mnar med pa la sogs par nges par bsreg par 'gyur ro zhes pa ni grang ba dang dro ba'i dmyal ba chen po la tshig par 'gyur ro zhes bya ba'i tha tshig go /drang ba'i don to zhes pa ni spyod pa tsam bstan pas so/ /lung gis bshad pa brjod par bya ste zhes pa ni rdo rje phreng ba'i rgyud las gsungs pa zhes bya ba'o/ /tha dang yi ge slong mo yin zhes bya bas ni sku gsung thugs kyi sa bon ni tha dad par brjod pa ni sa bon te/ yi ge rnams tha dad pa'i phyir ro/ /de lta bu'i yi ge ngag gi bzlas pa tsam gyis 'don pa gang yin pa de ni slad ma za ba'o/ /lkog ma rkan dang lce yis ni/ /gang zhig dag ni g.yo 'gyur ba/ /de ni mi 'gyur ga la ste 'gyur ba nyid du 'jug pa'o/ /zhes 'byung ngo/ /de dag slong mo za ba mi 'dod ces pa ni de ltar mi 'gyur ba'i slong mo za ba mi 'dod pa gang yin pa /'on kyang dbyer med pas rdo rje bzlas pa 'jug pa la sogs pa'i rim pas gang zhig bzlas pa ste/ mi 'jig pa tsam la gnas pas rdo rje bzlas par byed pa de dag la dga' bar mi 'gyur te/ ngag gi bzlas pa tsam la mchog tu gzhol bar mi 'gyur ro zhes dgongs pa'o/ /dbugs dbyung ba zhes pa ni yi ge hUM ldang ba'i bdag nyid bsgom par bya'o/ /rdub pa ni yi ge oM gyis 'jug par byed pa'o/ /sbyor ba bzhi zhes pa ni myur ba dang langs pa dang/ rnam par

  597. 299a

    bcings pa dang 'khyil ba ste/ me long la sogs pa'i dkyil 'khor bzhi po las sna'i rtse mor thun phyed phyed kyi dus su 'dzin par byed pas shes dang ni yi ge A(rgyud 'grel): ste dbyangs kyi sde mtshan nye bar sdud par byed pas so/ /thab ni yi ge hUM ste gsal bya ma lus pa'i tshogs mngar bsdus pas so/ /gzhan ni ma ning ste yi ge oM mo/ /der gnas nas zhes pa 'jug pa la sogs pa'i ngo bo yi ge gsum dmigs par byed pa'o/ /sngags kyi yan lag ma nyams bzlas zhes pa ni lha la sogs pa'i sbyar ba dang ma nyams pa'i yi ge gsum bzla bar bya'o/ /rnal 'byor dbang po zhes bya ba la sogs pas nyin mo dang mtshan mo stong phrag nyi shu rtsa gcig dang drug brgya rnal 'byor pas bzlas par bya zhes bzlas pa'i grangs bstan te/ rlung rgyu ba ni de tsam gyis yin pas so zhes bstan to/ /nges pa'i don to zhes pa ni rdo rje bzlas pa'i rim pa bstan pas so/ /'dir ni bsdus pa'i don 'di yin te/ rdzogs pa'i rim pa'i rnal 'byor pa ye shes kyi phyag rgya dang snyoms par zhugs pa bsgoms pas gang yang rung ba'i nags tshal las 'byung ba'i bza' bca' i cho ga shes pa 'am bsam gtan gyi bza' bca' dang ldan pa dag dang bdag gi med? pa 'gro ba thams cad sgyu ma dang mtshungs par mthong ba sman pa'i brtul zhugs 'dzin pa/ 'jig rten pas bzhad gang du byas pa gcer bu 'am tshem po gyon pas ri dags dgon pa la sogs pa la bla na med pa'i phyag rgya chen po'i sku dpal rdo rje 'chang gi go 'phang ji srid thob pa de srid du gnas par bya'o/ /gcer bu 'am ni gcer bu min/ /gang dang gang du ji ltar bzhin/ /rang lhag lha yis rnal 'byor gyis/ /de nyid gcig pu bsam par bya/ /smyon pa'i

  598. 299b

    brtul zhugs la brten te/ phun sum tshogs kun 'grub 'gyur zhes 'byung ngo/ /des na rdzogs pa'i rim pa'i rnal 'byor pa shin tu spros pa med pa'i spyod pa bstan to/ /'das pa zhes bya ba la sogs pas spyod pa gsum gyi sgo nas ye shes can gyi dngos grub thob po zhes bstan to/ /ye shes can zhes pa ni sngar grub pa mi bskyod pa la sogs pa'o/ spyod pa 'di nyid kyi zhes pa ni rnam pa gsum gyi spyod pas so/ /nyid gyi sgra ni nges par gzung ba'i don to/ /thabs gzhan gyis ma yin no/ /rin po che lta bu'i gang zag ces pa ni dbang po rno ba'o/ /pad+ma dkar po lta bu'i gang zag la sogs pa'o zhes pa ni dbang po dman pa'o/ /bya ba'i rgyud ni sgron ma 'byung ba sogs pa'o/ /spyod pa'i rgyun ni rnam par snang mdzad mngon par byang chub pa la sogs pa'o/ /gnyis ga'i rgyud ni dpal mchog dang po la sogs pa'o/ /de las bshad pa'i spyod pa ni khyad par gyi spyod pa ste dam tshig rnams so/ /de dag gi mchog ni rnal 'byor gyi spyod pa ste/ /zhes pa ni dpal 'dus pa las gsungs pa rnam pa gsum gyi spyod pa'o/ /de rnams sbyod pa'i tshul can gang yin pa de ni de bzhin du/ zhes pa ni sngar bshad pa dang 'chad par 'gyur ba'i rim pas des bstan pa'i rang bzhin gang la yod pa de ni rin po che lta bu la sogs pa zhes bya'o/ /kun rdzob gyi bden pa zhes pa ni rtog pa dang bcas pas so/ /don dam pa'i bden pa zhes pa ni mi 'jigs pa'i phyir ro/ /des na bar gyi tshig mi mngon pa ni las 'dzin pa'o/ /de dag zung du 'jug pa'i bdag nyid can zhes pa ni mi gnas pa'i mya ngan las 'das pa'i dbyings kyi brdas byas pa de nyid rdo rje 'chang chen po nyid ces bstan to/ /dbang phyug thams cad kyi gzhir gyur pas na zhes pa ni phun sum tshogs pa thams cad kyi gzhir gyur pas so/ /phul du byung ba ni dam pa'o

  599. 300a

    mngon sum du byas pa zhes pa ni rang rig par byas par 'gyur ro/ /rtse gcig par mi 'gyur ba'i phyir zhes bya ni ngal ba dang bcas pas sems g.yeng bar byed pas so/ /yang zhes bya ba la sogs pas slar yang bka' thub dgag pa stan to/ /dgongs pas ma yin pa bshad pa'o zhes pa ni spyod pa gsum gyi rgyus thos pa shin tu gsal ba'i de kho na nyid bstan pa'i phyir ro/ /de rnams kyis zhes bya ba la sogs pas spros pa dang bcas pa la sogs pa'i spyod pa gsum rgyas par bstan par bya ste/ yul thob pa rnams la zhen pa yin la zhes pa ni yul la mngon par zhen pa can no/ /de yang gnyis su med pa ye shes 'dod cing zhes pa ni yan lag drug gi rnal 'byor gyi rim pas spros pa med pa'i go 'phang 'dod pa ste spyod pa'i 'bras bu yin pa'i phyir ro/ /spyod lam thams cad du zhes pa ni ldang ba dang 'dug pa dang nyal ba dang 'chag pa zhes bya ba la brten pas so/ / sems can thams cad kyi 'dod cing zhes pa ni 'gro ba rigs drug po la gnas par 'dod pa ste 'dod pa'i khams de'i rang bzhin yin pas so/ /sangs rgyas nyid rab tu ster ba'i yon tan dang ldan pas na zhes pa ni so sor snang ba dang bsam gtan gyi yan lag gis de rnams sangs rgyas nyid ster bas so/ /thabs la mkhas pas sten pa'i skyon rnams kyang yon tan nyid du 'gyur bar mthong ste/ sngags kyis byin gyis brlab pa'i dug thos pa la bdud rtsi nyid du 'gyur ba bzhin no/ /de nas las 'dzin pa ste/ yon tan gnyis rdzas gcig yul can yin pa'i phyir ro lnga po de dag ni zhes pa la sogs pa la chos kyi dbyings yongs su spangs nas so

  600. 300b

    zhes tshig gi lhag ma'o/ /mig la sogs pa zhes bya ba la sogs pa ni/ /rdo rje skye mched rnams ni/ /byang chub sems dpa' i dkyil 'khor mchog /ces bshad pa'i phyir ro/ /byang chub ni sa la sogs pa'i rang bzhin de spyan la sogs pa zhes pa ni snyoms par zhugs pa'i sbyor bas byang chub thob par byed pa'i phyir ro/ /sa yi khams ni spyan mar bshad/ /chu khams mA ma kI yin te/ /me ni gos dkar mo zhes bya/ /rlung ni dam tshig sgrol mar bshad/ /ces 'byung ngo/ /'od gsal ba las nyon mongs pa nges par bsreg pa'i lha mo dang snyoms par zhugs pa las 'byung ba'i bde bas chags pa la sogs pa'i rang bzhin rnams spangs pa'o/ /rnam par snang mdzad la sogs pa zhes pa ni de bzhin gshegs pa lnga'o/ /gzugs kyi phung po la sogs pa ngo bo nyid du zhes pa ni rnam par snang mdzad la sogs pa'i ming gi tha snyad du byas pas so/ /mdor bsdus pas ni phung po lnga/ /sangs rgyas lngar ni rab tu bshad/ /ces 'byung ngo/ /dges par gyur la tshim par bya'o zhes pa ni yan lag dang po gnyis pas so/ /rnam pa gsum po zhes bya ba la sogs pas so sor sdud pa'i yan lag spros par bstan te/ /dman pa dang bar ma dang mchog gsum ni ngan pa dang 'bring dang dam pa'o/ /mchog gsum du rnam par shes shing zhes pa ni dam pa lhag par mos pas ngan pa dang 'bring dag mchog la bsdus pas so/ /de bzhin du kun dang sbyar ro/ /rang gi rigs kyi lha rnams zhes pa ni rnam par snang mdzad la sogs pa'i rigs can te/ phung po dang khams dang skye mched rnams la'o/ /gzugs sna tshogs pas zhes pa ni mig yangs pa la sogs pa'i lta ba la sogs pa'i spros pas so

  601. 301a

    spros pa dang bcas pa'i spyod pa la gnas pa'i sngags pas zhes pa ni sngar bshad pa'i rim pa dang ldan pas so/ /lha'i 'khor lo mchod par bya zhing zhes pa ni lus kyi 'khor lo'i nang du gnas pa rnam par snang mdzad la sogs pa'i dkyil 'khor pa'i 'khor lo zhes bya ba/ /de nyid lha'i mos pa nyid gzugs la sogs pa rnam pa gsum zhes bya ba la sogs pa bstan to/ /gang gsung pa ni rnam pa gsum du gsungs pa'o/ /de dang gzhan ma yin pa zhes pa ni logs su dmigs pa ma yin pa'o/ /thams cad kyi bdag nyid can zhes pa ni brtan pa dang g.yo ba'i ngo bo nyid do/ /me long lta bu'i ye shes kyis nyon mongs pa dang shes bya'i sgrib pa dag pa'i mtshan nyid dang ldan pas na bcom ldan 'das so/ /rnam par snang mdzad do zhes pa ni khyad par du snang ba ste rags pa nyid du snang ba'i phyi rol gyi don gyi tshogs dag par byed bzhi ba'i ngo bo yin pas so/ /shes par ni so sor sdud pas dmigs nas so// rang gi rigs zhes pa ni rin chen 'byung ldan gyi rigs kyi rnam par dag pas gnas pa phung po dang khams dang skye mched rnams la'o/ /mnyam pa nyid kyi ye shes so so tha dad pa'i rnam par rtog pa bcom pas na bcom ldan 'das so/ /rnam pa bco brgyad kyis tshor ba'i phung po sbyong bas na rin chen ltar dkon pa gang la yod pa de ni rin chen 'byung ldan no/ /yang na bsam pa thams cad rdzogs par byed pas na rin chen 'byung ldan te/ /rgyas pa'i rang bzhin yin pas so/ /'od dpag tu med pa'i rigs can zhes pa ni 'od dpag tu med pa'i rigs kyi rnam par dag pas gnas pa phung po dang khams dang skye mched rnams la'o/ /'od dpag tu med pa zhes pa ni yan lag

  602. 301b

    bcu gnyis pa'i gsung rab rnam par dag pa 'dzin pa dang/ dag sbyangs pa'i ngo bo yin pas so/ /yang na so sor rtog pa'i ye shes kyis mdza' yas pa'i ye shes rang bzhin gyi 'od gsal yod pa de ni 'od dpag tu med pa'o/ /yang na byang chub sems kyi rang bzhin gyi 'od dang ldan pas na 'od dpag tu med pa ste/ dbang gi ngo bo yin pas so/ /las kyi rigs can zhes pa ni don yod grub rnam par dag pas gnas pa phung po dang khams dang skye mched rnams la'o/ /'grub pa'i phrin las mdzad pas na bcom ldan 'das so/ /bya ba nan tan grub pa'i ye shes kyi 'gro thams cad rjes su bzung bar mdzad pas na/ don yod grub pa'o/ /yang na dgug pa'i ngo bo yin pas so/ /bdag gi rigs rdo rje rigs can rnams la zhes pa ni thugs kyi rdo rje 'chang ni rigs thams cad kyi nang na mchog yin pas so/ /mi bskyod pa zhes pa ni chos kyi dbyings kyi ye shes mngon du mdzad pas na bdud bzhis mi phyed pa'i phyir ro/ /yang na mngon spyod kyi las la nus pa ma nyams pas na mi bskyod pa zhes bya'o/ /bshad ma thag pa'i don zhes pa ni/ /yul lnga nye bar spyod pa'i mtshan nyid do/ /bsdus nas ston pa ni mdor bstan nas bshad pa'o/ /de ltar zhes bya ba la sogs pa ni gzugs la sogs pa ni rnam par snang mdzad la sogs pa'i de bzhin gshegs pa lnga'i rang bzhin yin te de la phyi rol tu snang ba'i gzugs ni rags pa nyid du snang ngo/ /de las gzhan sgra la sogs pa ni phra ba nyid du snang ngo/ /de bzhin du me long lta bu la sogs pa'i ye shes rnams kyang rags pa dang phra ba nyid dang gong nas gong gi rim pas snang bar 'gyur bas gzugs la sogs pa rnam par snang mdzad kyi rang bzhin yin pa'i phyir ro/ /de rnams la zhes pa ni

  603. 302a

    rgyu de las gzugs la sogs pa la'o/ /nyin dang mtshan zhes pa ni des rnal 'byor pa la don med pa'i skad cig ma yang bkag ste yun ring dang bar chad med pa dang dad pas bsten nas bstan par 'gyur ro zhes 'byung bas so/ /yid la byed pa ni lhag par mos pa de bskyed par bya'o/ /'di ni zhes bya ba la sogs pas phan yon bstan te/ sems bskyed pa zhes pa ni so sor sdang ba dang bsam gtan dag gi yan lag ngag las 'gyur ba'i yid la byed pa'i khyad par ro/ /sba bar gyur pa zhes pa ni zhal gyi man ngag gi brgyud la gnas pa'o/ /sangs rgyas kyi 'bras bu thob par byed pas ni zung du 'jug pa'i rim pas thob par bya ba dpal rdo rje 'chang gi go 'phang thob par byed pas so/ /de nyid snying po btus pa zhes bya'o/ /thabs kyi rang bzhin du zhes pa ni rnam par snang mdzad la sogs pa de bzhin gshegs pa lnga'i rigs kyis ngo bos so/ /spyan la sogs pa shes rab kyi ngo bo nyid du zhes pa ni stong pa bzhi'i rang bzhin gyi yum bzhi'i ngo bos so/ /yongs su gyur pa zhes pa ni des byin gyis brlab pa nyid do/ /'dir ni chos kyi dbyings kyi ye shes ni gcig te dbyer med pa bcad du med pa mi 'jig pa nyid bcom ldan 'das rdo rje sems dpa' o/ /des ni gzhan rnams yongs su gzung ba'i phyir rnam pa gnyis su snang ste/ /de la rnam par snang mdzad la sogs pa'i de bzhin gshegs pa'i gzugs kyis thabs kyi ngo bo ste pho rtags ltar snang ngo/ /spyan ma la sogs pa rigs kyi yum bzhi'i gzugs gyis shes rab kyi ngo bo ste/ mo rtags ltar snang bar 'gyur te/ /snying rje chen po dang stong pa nyid kyi rang bzhin yin pa'i phyir dang/ chos kyis

  604. 302b

    dbyings ni cha gnyis kas thob pa'i phyir ro/ /ji skad du chos kyi dbyings la dbyer med phyir/ /rigs kyi dbye ba mi 'thad de/ /brten pa'i chos kyis dbye ba yis/ /de yi dbye ba rab tu bshad/ /ces 'byung ngo/ /rgyud phyi ma las kyang gang zhig dngos med shes rab ste/ /thabs ni dngos po'i mtshan nyid do/ /thabs dang shes rab snyoms 'jug pa/ /rnal 'byor zhes pa ni mngon par brjod/ ces 'byung ngo/ phyogs gzhan ston par byed pa'i tshig phrad ces pa ni shes rab kyi phyogs ston par byed pa'o shes rab ni rigs kyi yum las gang yang rung ba zhes bya'o/ /gzugs rdo rje la sogs par rigs kyi dbye bas zhes pa ni de'i sprul pa'i rang bzhin yin pas so/ /rigs kyi dbye bas zhes pas ni yul rnam par dag pa'i ngo bo yin pas so/ /gtsugs rdo rje la sogs pa rigs lnga las 'byung ba zhes pa ni mchod pa'i lha mo dang byang chub sems dpa' dang/ /khro bo'i mdza' i bar du dbang po la sogs pa rnam par dag par byed pa de rnams kyis so/ /rdo rje 'chang chen por dmigs par byed de/ /zhes pa ni ji ltar mos pas gzugs la sogs pa spyod cing yan lag drug gi rnal 'byor yongs su rdzogs nas dpal rdo rje sems dpa' i go 'phang thob par bya'o/ /zhes bya ba sogs pa sbyor ba thams cad la ni sngar bshad zin to/ /spyi'i don to zhes pa ni mdo sde ba la sogs pa'i 'gyod pa bzlogs par byed pa dang/ /bskyed pa'i rim pa bstan pas so/ /spros pa dang bcas pa'i spyod pa'o zhes pa ni chags pa la sogs pa'i rol ba rgya che ba'i don dang ldan pas// /yid du 'ong ba dang yid du mi 'ong ba dang lung ma bstan pa'i dbye bas rnam pa gsum zhes pa ni bde ba dang sdug bsngal dang btang snyoms kyi dbye bas gsum mo/ /snang ba ni phyi rol tu gzugs su snang bas na

  605. 303a

    snang ba gsum ste rnam par shes pa gsum mo/ /de las 'byung ba ni zhes pa ni sems las byung ba'i rang bzhin no/ /chags pa dang chags pa bral ba dang btang snyoms kyi rang bzhin rnams kyi zhes pa ni nyin mo dang mtshan mor brgya drug cu'i rang bzhin gyis so/ /yul zhes bya ba la sogs pas ni rang bzhin de rnams kyi phyi rol gyi ngo bor snang ba gzugs la sogs pa gang yin pa rnams mig la sogs pa'i rnam par shes pas nyams su myong zhing/ rnam par shes pa gsum las byung ba'i chags pa bral ba la sogs pa'i rang bzhin gyi ngo bo yul de dag yin no zhes mig la sogs pa rnam par shes pa nyams su myong zhing mchod par bya zhes bstan to/ /mchod pas de len pa nye bar mtshon pa'i zhes pa ni bya ba'i stobs kyis byed pa po dang las kyis mchod par bya ba dang mchod par byed pa dag mchog tu 'dzin no/ /rnal 'byor pas bdag nyid la zhes pa ni/ /bdag nyid sangs rgyas kun nyid de/ /byang chub sems dpa' kun rang bzhin/ /de phyir 'bad pa thams cad gyis /rang gi bdag nyid mchod par bya/ /zhes 'byung ngo/ /brtan pa dang g.yo ba'i bdag nyid ces pa ni sems can dang snod kyi 'jig rten gnyi ga'i rang bzhin no/ /rigs thams cad kyi bdag nyid can zhes pa ni rnam par snang mdzad la sogs pa'i sku'i rigs kyi bdag nyid ces bya ba'i don to/ /rdo rje 'chang chen po ni rigs thams cad kyis skyed pa'i rgyu yin pas so/ /mgon po sangs rgyas kun bdag nyid/ /ces 'byung ngo/ /gang du thim par gyur pa zhes pa skad kyi dbyings nye bar bsdus pa yin na yang don du ma yin pas bskyed pa'i don du 'jug go /des na rnam par snang mdzad kyi gzhi ni rnam par snang mdzad bskyed par mdzad pa zhes ston to/ /tshogs gnyis dang ldan pa

  606. 303b

    zhes pa ni bsod nams dang ye shes kyi tshogs gtso bor gyur pa rim pa gnyis ston par mdzad pa'o/ /de nyid rnal 'byor pa zhes pa'o zhes pa ni 'od gsal bas ye shes gsum spangs nas rdo rje 'chang ba nyid du thob par 'gyur ba'i phyir ro/ /shes rab dang thabs nye bar thob pa rnams la 'jug pa'i rnam par shes pa dang nyon mongs pa can gyi rnam par shes pa dang kun gzhi rnam par shes pa dang de las byung ba'i rang bzhin rnams la 'bul bar bya ba ni de'i ngo bo nyid du bstan bar bya'o/ /rin chen 'byung gnas gtso zhes pa ni brtan pa dang g.yo ba'i bdag nyid can gyi 'gro ba'o/ /'di las rin po che rnams 'byung bas na zhes pa ni de dag gang las byung ba de ni rin chen 'byung gnas gtso bo ste/ 'od gsal ba'i bdag nyid rdo rje 'chang zhes bya ba'i don to/ /de nyid kyi phyir sna tshogs kyi bdag nyid rdo rje 'chang chen po zhes bstan to/ /des ni thams cad 'di khyab ste/ /til mar gyi ni til sogs bzhin/ /zhes rdo rje sa 'og las 'byung ngo/ /rnam par shes pa gsum gyi bdag nyid can zhes pa la de rnams nye bar bsdus par byed pa 'od gsal ba'i de kho na nyid kyi bdag nyid can zhes bya'o/ /rnal 'byor can de nyid do zhes pa ni dbyar med pa nyid du bstan to/ /snang ba la sogs pa dbul bar bya'o zhes pa ni/ snang ba dang snang ba mchod pa dang snang ba nye bar thob pa ni zla ba dang nyi ma dang mtshams kyi snang ba rnams de'i bdag nyid du shes par bya'o/ /'dod chags rnam par dag par byed pas na 'od dpag tu med pa'o/ /rdo rje 'chang chen po zhes pa ni de las byung ba dang der ba'i phyir ro/ de bskyed pa'i ngo bo nyid kyis 'chang bar mdzad pas na zhes pa ni spros pa dang nyi ma bsdu ba'i rang bzhin de la de skad ces bya'o/ /bdag nyid la dbul bar bya'o zhes pa ni bdag nyid ni de bzhin gshegs pa thams cad kyi rigs kyi rang

  607. 304a

    bzhin yin pa'i phyir ro/ /bdag nyid sangs rgyas thams cad nyid ces 'byung bas so/ /kun tu kun nas thams cad na/ /kun po rnam pa kun bdag nyid/ /sangs rgyas kun gyi rang bzhin 'grub/ /rang gi bdag nyid des mthong ba/ /zhes 'byung ngo/ /mi bskyod par snang ba zhes pa ni rnal 'byor pa de'i rnam pas snang ba'o/ /rdo rje 'chang chen po de nyid do zhes pa ni dbyer med bstan pa'o/ /bshad ma thag pa'i don gnyis gsal bar ston pa yin te zhes pa ni spros par bshad pa'o/ /'das pa dang ma 'ongs pa'i skad cig ma med par zhes pa ni/ /gang zhig 'das pa de med pa/ /ma 'ongs ba ni ma byung ba'o/ /zhes bshad pa'i phyir ro/ /de ltar gyi skad cig mas zhes pa ni da ltar byung ba skad cig ma dang yud tsam ma dang thang cig ma la sogs pa'o/ /skad cig thang cig yud tsam dang/ /mig btsums thal mo sbyar ba ste/ /skad cig se gol gtogs pa tsam/ /thang cig yungs kar bskor ba tsam/ /yud tsam dbugs rdub 'byung ba ste/ mig btsum mig ni 'dzum pa'i bar/ /lag gnyis thal mo sbyar ba ste/ /skad cig ma sogs mtshan nyid do/ /de rnams gang yang rung ba la skad cig ma zhes bya'o/ /rnam par shes pa gsum la sbyor bar bya'o/ /zhes pa ni snang ba la sogs pa ye shes gsum yongs su spangs nas 'od gsal ba'i rang bzhin du bya'o/ gzugs la sogs pa sems nyid shes par bya'o/ /zhes pa ni gzugs la sogs pa phyi rol gyi yul lnga gang yin pa de rnams ni rang gi snang ba med pas kun gzhi la sogs pa rnam par shes pa gsum gyi ngo bo nyid do/ /de rnams kyi rang bzhin yod pa ma yin te/ /gcig dang du ma bral ba'i phyir ro/ /bdag dang chos rnams nyer brtags pa/ /rnam

  608. 304b

    ba sna tshogs gang zhig 'jug rnam par shes pa yongs gyur te/ /'gyur ba de yang rnam pa gsum yin/ /rnam par smin dang yid dang ni/ /yul ni rnam par rig pa'o/ /zhes 'byung ngo/ /de bzhin du/ gcig ni rnam pa gnyis snang ba/ /sems ni rnam pa'i 'khrul pa can/ /gzung ba 'dzin pa'i dbye ba yis/ /ji ltar shin tu mkhas pa yin/ /dbyer med pa yang tha dad pas/ /phyir 'gro ming dang phyi rol tu/ /yul gyi rnam pa dri ma can/ /sems ni rnam pa du mar snang zhes 'byung ngo// dgongs so zhes pa ni dgongs pa'o/ /'di de zhes bya ba la sogs pas phan yon bstan par bya ste/ /bshad ma thag pa nyid yongs su shes pa zhes bya ba snang ba la sogs pa rnam par shes pa gsum gyi bdag nyid kyi gzugs la sogs pa'i yul gyi tshogs zhes bya ba'i don to/ /rin po che lta bu'i gang zag rnams la sbyin par bya ba yin gyi zhes pa ni dbang po rno ba'i phyir ro/ /tsan dan lta bu la sogs pa rnam la bstan par bya ba ma yin pas na zhes pa ni bskyed pa'i rim btsam de rnams kyi yul yin no zhes dgongs pa'o/ /yang dag pa zhes pa ni ji lta ba bzhin du'o blangs nas bsags shing zhes pa ni bshad pa'i rgyud la sogs pa las btus te rdzogs pa'i rim pa nyid kyis bsams par bya ba zhes pa'i tha tshig go /de nyid bstan pa'i phyir/ /dus gsum du bzhugs pa'i de bzhin gshegs pa rnams te zhes pa ni snying par gyur pa'i chos kyi dbyings rtogs par gyur pas so/ /yang na yang dag pa'i ye shes gang la yod pa de la 'di skad ces bya ba'o/ /bshad ma thag pa'i tshul zhes pa ni sems rnam par dben pa'i rim pa'i mtshan nyid do/ /sngags pas te yan lag mnyams par bzlas pas shes pa ni rdo rje bzlas pa'i rim pa'i mthar thob nas sems la dmigs pa/

  609. 305a

    sgom par 'dod pas so/ /rdo rje bzlas nas rnal 'byor pas/ /sems la dmigs pa thob par 'gyur zhes 'byung ngo/ /rnam pa gsum ni sngar bshad zin pas so/ /ye shes gsum du shes par bya'o/ /zhes pa ni dag par 'gyur na de nyid lha'i rnam pa nyid du 'gyur ro zhes dgongs pa'o/ /rang bzhin gyi dbye ba nyid ni de'i sems las byung ba'i rnam pa'o/ /rigs te zhes pa ni nyon mongs pa'i bag chags dang ldan pa'i sems kyi chos rnams so/ /chags pa zhes pa ni thabs kyis rang bzhin bcu ste nyon mongs pa can gyi yid las byung ba'o/ /chags pa dang bral ba ni zhes pa ni shes rab kyi rang bzhin sum cu rtsa gsum te 'jug pa'i rnam par zhes pa las 'byung ba'o/ /chags pa bar ma ni shes rab dang thabs snyoms par zhugs pa las byung ba rang bzhin bdun te kun gzhi las 'byung ba'o/ /rang bzhin zhes pa ni sems las byung ba'i chos rnams so/ /de rnams kyi dbye ba ni khyad par rnams kyi tshul la zhes pa ni dge ba dang mi dge ba lung du ma bstan pa la sogs pa'i dbye ba'i mtshan nyid do/ /de na 'di skad ces bya ba sogs kyis phyi rol gyi rnam pa nyid du gzugs la sogs pa yul rnams snang ba gang yin pa dman pa la sogs pa'i dbye bas nye bar mtshon pa de dag rnam pa shes pa gsum gyi rgyu can rang bzhin brgya drug cu'i ngo bo yin no zhes nges par byas la de rnams kyi 'od gsal ba nyid rang bzhin yin no zhes sngags dang phyag rgya'i rim pas de dag sbyangs la/ 'od gsal ba'i ngo bo nyid du shes par bya'o/ /sbas pa zhes pa ni ye shes gsum rnam par sbyor ba'i mtshan nyid kyi don bstan pas so 'di na spros pa med pa'i

  610. 305b

    spyod pa'o zhes pa la sems rnam par dag pa'i rim pa sgom par byad pa'i rnal 'byor pas ji ltar rnyed pa'i spyod pa'i don bstan pas so/ /mchog la sogs pa zhes pa la sogs pa ni yid du 'ong ba dang yid du mi 'ong ba dang gnyis ka'i ngo bo nyid do/ /snang ba gsum gyi ngo bo nyid du yongs su shes pa'o zhes pa ni sngags dang phyag rgya'i rim pas rnam par sbyangs nas 'od gsal ba'i ngo bo nyid du bya'o/ /rang bzhin shes pa'o zhes pa ni chags pa dang chags pa bral ba dang chags pa bar ma'i sgom pa'i sgo nas chags pa la sogs pa de rnams kyi 'od gsal mngon du byed pa'o/ /'od gsal ba'i ngo bo nyid du yongs su bstim pa ste zhes pa ni bde ba chen po'i ngo bo dang ro gcig par bya'o/ /'di nyid ni bla na med pa'i mchod pa ste zhes pa ni 'od gsal ba la 'jug pa'i mtshan nyid do/ /de nyid kyi phyir le'u bcu bdun pa las rdo rje gsum mchog phyag mi bya/ /zhes bya bas 'od gsal pa la 'jug pa'i dgongs pas phyi rol gyi phyag dang mchod pa la sogs pa bcom ldan 'das kyi dgag par gsungs so/ /de bzhin du/ sangs rgyas thams cad mnyes byed la/ /de ni mchod pa chen por 'dod ces 'byung ngo// de nyid rdo rje 'chang chen po ste zhes pa ni/ /'di ni rdzogs pa'i rnal 'byor zhes/ /rdo rje 'chang chen de nyid de/ /rnam pa thams cad mchog ldan pa/ /de la kun mkhyen 'byung bar 'gyur/ /zhes bshad pas so/ /de'i bskyed pa'i rgyur gyur pa'i phyir ro/ /zhes pa ni rim pa bzhi pa la zung du 'jug pa'i rim pas rdo rje 'chang chen po 'byung ba'i phyir ro/ /de ltar zhes bya ba la sogs pas sgral sogs pa rnams kyang 'od gsal ba

  611. 306a

    las nges par spyad par bya'o zhes bstan to/ /ji skad du bshad pa'i rgyud las zhes pa ni dgongs pa lung bstan pa las so/ /nang ni rang rgyud la gnas pa'o/ /phyi rol ni gzhan gyi rgyud la gnas pa dang/ snod kyi 'jig rten la gnas pa ni gnyis ka zhes bya'o/ /de lta bu'i rnam pa gsum gyi gzugs la sogs pa mi dmigs pa ste gcig dang du ma dang bral ba'i phyir ro/ /de bas na 'od gsal ba'i rang bzhin du bya ba gang yin pa de ni lha rnams la dbul ba zhes bya'o/ /shin tu spros pa med pa'i spyod lte zhes pa ni ye shes kyi phyag rgya dang snyoms par 'jug pa la mngon par byang chub kyi sbyor bas spyod pa bstan pa'i phyir ro/ /thar thug pa'o/ /zhes pa ni 'od gsal ba la 'jug pa'i mtshan nyid ston pas so/ /da ni zhes bya ba la sogs pas rjes su dran pa drug gi sgo nas rgyud thams cad kyi snying por gyur pa rim pa gnyis las gcig ni rigs brgya'i dbye ba'i bar dang/ /gnyis pa ni rim pa lnga pa'i mtshan nyid so sor bstan par bya ste gcig ni rjes su dran pa gcig gis bskyed pa'i rim pa dang rim pa lngas ni rim pa lnga bstan to/ /rigs brgya'i dbye bas zhes pas ni sngar rgyas par bshad pas so/ /lus rnam par dben pas byed pa zhes pa ni lus kyi cha cha'i dbye bas rigs lnga'i de bzhin gshegs pa nyid du rtogs par byed pa'o/ /de nyid kyi phyir sangs rgyas rjes su dran pa ni phung po dang khams dang skye mched rnams de bzhin gshegs pa nyid rjes su dran pa zhes bya'o/ /de bzhin du rdo rje bzlas ba mthar thug pas zhes pa ni rdo rje 'chang chen po la sogs pa rnam pa bcu gcig gi rdo rje bzlas pa yongs su rdzogs nas so/ /ngag rnam par 'byed pa ni nyon mongs

  612. 306b

    pa'i ngag spyad pas so/ /chos rjes su dran pa zhes pa ni A li dang kA li'i rang bzhin gyi yi ge dang tshig dang ngag dang dag chen po la sogs pa'i dbye ba dang ldan pa'i dag gi spros pa ni chos rnams so/ /rjes su dran pa ni de rnams kyi rang bzhin yongs su shes par 'gyur ro/ /rdo rje bzlas pa'i rim pa 'di/ /gsung ni rdo rje sgrub byed pa/ /ye shes gsum gyi dbye ba yis/ /sems tsam la ni nges par sbyor/ /zhes 'byung bas so/ /rang bzhin snang ba'i rim gyis zhes pa ni/ /sngags dang phyag rgya'i rim pas nye bar bsdus pa'i rnam par shes pa gsum dang/ de'i rang bzhin gyi chos bsgom pa'i sgo nas so/ /sems la rnam par rtog pa ni zhes pa la/ rnam par shes pa gsum po 'od gsal ba'i go 'phang la 'jug par byed pas so rdo rje rjes su dran pa'i zhes pa ni rdo rje ltar mi phyed pa gnyis su med pa'i ye shes kyi rang bzhin gyi 'od gsal ba rjes su dran pa'o/ /snang ba la sogs pa ye shes gsum thob nas phyi nas 'od gsal ba mngon du 'gyur ro/ /lus dang ngag dang yid do zhes pa la rdul phra rab tu ma tshogs pa'i bdag nyid yin pas so/ /ye shes gsum gyis ngo bo so sor yongs su shes pa'o zhes pa ni ye shes gsum gyi bdag nyid can ni lus la sogs pa yin no zhes lhag par mos pa gang yin pa'o/ /sbyor ba ni phyis gcig tu byas pa ste zhes pa ni 'od gsal rtogs pas ro gcig tu 'gyur ba ste/ /ngo bo nyid med rdzogs pa'o/ /de bas na zhes bya ba la sogs pas snang ba nye bar thob pa la sogs pa'i rim pa las 'byung ba ye shes kyi sku ste bdag nyid la byin gyis brlab pa'i rim pa'i mtshan nyid do/ /khro bo ni thabs kyi ye shes so zhes pa ni ma rig pa 'og tu 'byung ba zhes brjod par bya'o/ /des na snang ba nye bar thogs

  613. 307a

    pa dang snang ba mched pa dang snang ba pa ste/ /mtshams dang nyin mo dang zla ba'i snang ba dang 'dra bas ro gcig tu bsgom pa ni khro bo rjes su dran pa ste/ /sgyu ma'i sku'i rgyur gyur pa zhes bstan to/ /rang gi zla ba'i gzugs brnyan 'dra/ /bdag nyid kyis ni sems nyid mthod/ /gal te zla ba la dmigs nas/ /rdo rje mtshan ni rab tu brtag /de ni thabs te ston byed pa/ /rdor sogs bskyed pa'i rnal 'byor pa'i/ /zla ba rdo rje sogs sbyor bas/ /sems dang sems byung yang dag sbyar/ /shes rab thabs dang kun sbyor bas/ /lha yi sku ni 'byung par 'gyur/ /zhes 'byung ngo/ /lha ni phyag rgya chen po'i tshul lo zhes pa ni ma lus lus pa med pa de bzhin gshegs pa thams cad kyi sku rnams kyi byin gyis rlob pa ye shes kyi sku zhes bya ba'i tha tshig go /de'i rjes su dran pa ni de mthong ba ste sgyu ma la sogs pa dang 'dra bar yongs su shes pa'o/ /de nyid bstan par bya phyir/ /chu zla la sogs pa'i rnam pas yongs su shes pa'o/ /zhes pa ni chu zla la sogs pa skye ma'i dpe bcu gnyis kyi nye bar mtshon pa zhes bya ba'i don to/ /de ni bdag la byin gyis brlab pa'i rim pa bstan pa yin no/ /don dam pa'i bden pas gcig tu byas pa'o zhes pa ni phyi dang nang gi mngon par byang chub pa'i rim pa 'am ril po 'dzin pa dang rjes su gzhig pa'i ting nge 'dzin gnyis kyis rim pas 'od gsal ba nyid du 'gyur pa man ngag bzhi pas mngon du bya ba'i don to/ /nges ni mngon par byang chub pa'i rim pa bstan pa yin no/ de bas na rjes su sbyar bas shes pa ni don dam pa'i bden pa dang gcig tu byas pa ste/ /ye shes kyi sku dang 'od gsal ba ro gcig tu gyur pa'i mtshan nyid kyi mngon par byang chub pa'i rim pa las so zhes bya ba'i don to/ /bsgom

  614. 307b

    pa ni bden pa gnyis kyi rnam pas dmigs nas shes pa ni nye bar mtshon pa tsam yin te/ /rnam pa dang bcas pa dbyer rnam med pa dang thabs dang shes rab la sogs pa dbyer med pas kyang bsgom par bya'o zhes bya ba'i don to/ /ji skad du rnam bcas dngos po rtog pa dang/ /rnam pa med pa'i rtog pa sta/ /gcig tu byas nas gang du spyod/ /de ni zung du 'jug par bshad/ /ces 'byung ngo/ /chos thams cad ji lta ba bzhin du yongs su shes pa'i mtshan nyid ni byang chub bo/ /de nyid bde ba chen po'i mtshan nyid gcig pa zhes pa ni chos kyi sku ro gcig pa'i ngo bo rtag tu bde ba'i rang bzhin zhes bya ba'i don to/ /ji skad du/ de nyid zag pa med pa'i dbyings/ /bsam gyis mi khyab dag pa rtag /bde ba rnam par grol ba'i sku// thub pa chen po'i chos shes bya/ /zhes 'byung ngo/ /rdo rje 'chang chen po'i thob par 'gyur ba'o zhes pa ni dpal rdo rje sems dpa' i phyag rgya chen po'i sku'o zhes pa'i don to/ /des ni zung du 'jug pa'i rim pa bstan pa yin no/ / don 'di nyid ces pa ni rdo rje bzlas pa la sogs pa rdzogs pa'i rim pa'i mtshan nyid do zhes bya ba'i don to/ /bshad pa'i rgyud las zhes pa ni rdo rje phreng ba las so/ /nyams dga' sangs rgyas kun gyis bsten/ /zhes pa ni de bzhin gshegs pa thams cad kyi rang bzhin sku rnam par dbyen pa'o/ /b+hag ni bsod nams dang ye shes kyi chogs dang ldan pa'o/ /zhi ba gcig bu'i ming zhes pa ni 'gro ba dang 'ong ba rnam par grol ba'i rang bzhin gyi rdo rje bzlas pa'i mthar thug pa ma ning gi bzlas pa'o/ /rang gi sku la sogs pa'i de kho na nyid de snang ba la sogs pa'i ye shes rnams so/ /de nyid gnyis med ces pa ni stong pa gsum mo/ /de 'byung ba ni gang las skyes pa ste de ni rang gi ngo bo nyid

  615. 308a

    gnyis med 'byung ste 'od gsal ba'o/ /rdo rje ni sngar bshad pa'i lus la sogs pa'o/ /de nyid du sbyor ba zhes pa ni 'od gsal ba'i de kho na nyid bzhi pa de la sngags dang phyag rgya'i rim pas mi snang bar bya'o/ / sangs rgyas rjes dran sbyor ba ste zhes pa ni de bzhin gshegs pa thams cad ro gcig par byed pa 'od gsal ba rtogs pa'i mtshan nyid kyi de kho na nyid ces bya ba'i don to/ /de nyid b+ha gar ni 'od gsal ba la'o/ /ling+ga ni thim pa nyid yin par grags pa ni bstan to/ /zhes bya ba'i don to/ /des ni sems rnam par dag pa'i rim pa bstan to/ /bzhugs pa zhes pa sgyu ma la sogs pa'i rnam pas so/ /gnyis med sbyor ba ste zhes ni sbyor ba ni tha mi dad pa'o/ /sangs rgyas gzugs su bsgom pa'o zhes pa ni de ltar gyur pa'i sangs rgyas kyi sku sgyu ma'i rnam pa'i lha'i sku'o/ /sgom pa'i zhes pa ni snang ba nye bar thob pa la sogs pa'i rim pa'am cig car du spro bar bya'o/ /des ni bdag la byin gyis brlab pa'i rim pa bstan pa yin no/ /de las ni de la dmigs nas mngon par byang chub pa'i rim pa'i mtshan nyid kyi man ngag yin pa de bas ni man ngag bzhi pa mngon du byed pa'i mtshan nyid 'od gsal ba las so/ /blo ldan gyis zhes pa ni rnal 'byor pa las so/ /spro ba ni zhi pa dang skye ba la mi gnas pa rdo rje 'chang chen po'i sku bskyed par bya'o/ /de'i tshe ba spu'i bu ga'i rtse mor gnas zhes pa ni ba spu'i bug la sogs pa la gnas pa'o/ /mnyam pa med pa khyad par du zhes pa ni brjod du mi nus pa'o/ /sangs rgyas sprin rnams der spro bo zhes pa ni gzhan gyi don bya ba'i phyir de bzhin gshegs pa rnams spro bar bya'o zhes pa ni zung du 'jug pa'i rim pa bstan pa yin no/ /dgongs pas bshad pa'o zhes pa na 'gal

  616. 308b

    ba'i tshig gi sgo nas rim pa lnga'i de kho na nyid kyi mtshan nyid bstan pa'i phyir ro de ltar zhes pa la sogs pas sngar bshad pa'i don bsdu pa'i phyir bshad par bya ste/ /yongs su dag pa'i lha'i sku 'di zhes pa ni zung du 'jug pa'i rim pas thob par bya ba'i rdo rje 'chang chen po'i phyag rgya'i sku bskyed nas so/ /rnal 'byor pa thams cad kyi thun mong gi zhes pa ni bskyed pa dang rdzogs pa'i rim pa dag gis thun mong ba'o/ /snyoms par zhugs pa'i rim pa zhes pa ni dbang po gnyis yang dag par sbyar ba'i mtshan nyid can gyi rim pa zhes bya ba'i don to/ /de la bskyed pa'i rim pa'i rnal 'byor pa la dkyil 'khor rgyal ba mchog gi ting nge 'dzin rtsom na phyag rgya legs par sbyong ba'i dus su snyoms par 'jug pa'i rim pa bstan pa dang rdzogs pa'i rim pa'i rnal 'byor pa la rim pa lnga car la yang snyoms par 'jug pa'i rim pa bstan to/ /na tshod gzhon pa la sogs dang ldan pa'i zhes pa ni gzhon pa nyid dang mdzes pa nyid dang dam tshig dang sdom pa la sogs pa dang ldan pa zhes bya ba'i don to/ /bud med ni dam tshig dang ye shes kyi phyag rgya las gang yang rung ba'o/ /rnyed cing zhes pa ni rnyed pa ni rnyed pa dang bsgom par byas nas so/ /de ji ltar rnyed pa'i gzugs dang zhes pa thams cad ma tshogs na las kyi phyag rgya ste/ byol songs la'ang rab tu brtag /ces 'byung bas so/ /yan lag ma nyams pa gzugs dang ldan zhing zhes pa ni rigs dang rrjes su mthun pa utpal sngon po'i kha dog dang 'dra ba zhes bya pa'i tha tshig go /rab tu dben zhing yid dang mthun pa zhes pa ni spros pa dang bcas pa dang spros pa med pa'i rnal 'byor pa dag gis lha khang sum brtsegs la sogs pa'o/ /gzugs la sogs pa'i

  617. 309a

    yul gyi mtshan nyid kyi mchod pa brtsam par bya'o zhes pa ni dpal sangs rgyas thams cad dang mnyam par sbyor ba/ /mkha' 'gro dra ba'i bde mchog gi rim pa'i rgyud las gsungs pas chags pa'i rol pa la sogs pa'i mtshan nyid kyi yul gyi mchod pa bya'o/ /gang gis she na zhes bya ba la sogs pas brtson pa'i dus su bya ba bshad par bya ste/ /yul du byin gyis brlabs pa na zhes pa ni yul rnams len pa 'am dmigs pa 'am de las gzung ba'i gtso bo'i sgo nas 'byung ba'o/ /'dod chags la sogs pa rang bzhin gsum zhes pa ni chags pa dang bral ba dang chags pa dang chags pa bar ma la sogs pa ste/ shes rab dang thabs dang nye bar thob pa gsum zhes bya ba'i tha tshig go /yid du 'ong ba'i yul rnams shes pa ni rnam pa gsum gyi yul rnams gcig tu bya ste yid du 'ong ba'i yul zhes bya'o/ /yul gsum pa ngag gis zhes pa ni 'dod chags la sogs pa'i rgyur gyur pa'i yul rnams zhes bya ba'i don to/ /gang gi bdag nyid mchod par bya'o zhes pa ni rnam par snang mdzad la sogs pa'i de bzhin gshegs pa'i rigs kyi 'brel pa dang ldan pa'i yul rnams nye bar spyod pa la brten nas rang gi rgyud tshim par bya'o zhes bya ba'i don to/ /de ltar rdo rje 'chang chen po ni dbus kyi gtso bo ste dpal rdo rje sems dpa' o/ /reg rdo rje ni dbus kyi gtso bo ste khyad par du ma gzung bas so/ /rnam par snang mdzad la sogs pa zhes pa ni rigs kyi dbye bas gnas pa zhes pa'i tha tshig go /'di ni de bzhin gshegs pa'i yin pas na zhes pa ni rnam par snang mdzad kyi rigs las 'byung ba'o/ /rigs de'i phyag rgya gzhan rnams kyi ni zhes pa la rnam par

  618. 309b

    snang mdzad de bzhin gshegs pa'i rigs kyi 'brel pa dang ldan pa'i phyag rgya gang yin pa de rnams kyi nan na gtso bo ni btsun mo yin pas so/ /nyon mongs pa dang shes bya ba'i sgrib pa la sogs pa spong ba'i phyogs su me long lta bu'i ye shes dang gtso bo yin pas so/ /btsun mo chen po ste sngar bshad pa zhes pa ni snga ma bzhin du mtshan nyid dang ldan pa zhes 'byung ngo/ /ma bshad pa rnams kyang bsdus pa'i don to zhes pa ni rin chen 'byung ldan la sogs pa'i de bzhin gshegs pa'i rigs gzung ba'i phyir ro/ /de nyid rin po che'i rnal 'byor pa mA ma kIr bsgom par bya'o/ /zhes pa ni rigs kyi dbang gis bsgom par bya'o zhes dgongs pa'o zhes sbyar ro zhes pa ni bya ba'i tshig med kyang rtogs par bya'o zhes bya ba'i don to/ /de ltar zhes bya ba la sogs pas gsung rdo rje la sogs pa'i rnal 'byor pa rnams kyis kyang de nyid gos dkar mo dang sgrol ma'i gzugs su bsgom par bya zhes bstan to/ /skyes pa dang bud med kyi dbang po zhes pa ni rdo rje dang pad+ma gnyis zhes bya ba'i don to/ /phan tshun rjes su chags pa sngon du 'gro bas zhes bya ba'i rim pa yin te/ re zhig dang por rnal 'byor pas ji ltar bshad pa'i mtshan nyid dang ldan pa'i phyag rgya blangs la/ de'i yan lag dang nying lag la de bzhin gshegs pa lnga la sogs pa'i sa bon dgod cing mig dang lcags kyu dang ba dan dang sdigs mdzub gnyis la sogs pa'i lag pa'i phyag rgya de'i ? du bcug la byang chub sems 'dzag pa 'dod pa'i gdugs pa la sogs pa'i rtsa rnams dro ba'i reg pa rnyed pa'i bar du bskul nas rang gi rdo rje'i rtse mo nas 'od zer gyi tshogs spro zhing/ /ston pa'i pad+ma'i snar zhugs pa des de'i lus po'i nang gsal bar byas nas pad+ma las

  619. 310a

    kyang 'od zer gyi tshogs spros te/ rdo rje'i lam nas thabs kyi lus des gsal zhing 'dod pas 'byung na rang nyid kyis thabs kyi skye la 'khyud pa'i 'dod pa dang ldan pa'i phyag rgya 'gyur na/ oM sarba ta thA ga ta a nu rA ga na badzra swa b+hA wa At+ma konyahaM zhes brjod nas rdo rje dang pad+ma sbyor ba'i dus su oM sarba ta thA ga ta pu dza badzra swa b+hA wa At+ma konyahaM/ zhes bya ba brjod pas bsgom pa gang yin pa de ni phan tshun rjes su chags pas rnal 'byor pas bsgom par bya'o zhes bya ba'i don to/ /'khyud pa la sogs pa'i las rjes su bsten pa te zhes pa ni 'khyud pa dang 'dod 'jib pa dang so dang sen mo gdab pa la sogs pa rang gi bya ba rdzogs par bya'o zhes bya ba'i tha tshig go /rdo rje 'chang chen po zhes pa ni sangs rgyas thams cad kyi ngo bo gcig yin pas so/ /mchog tu dga' ba'i mtshan nyid gcig pa ste/ zhes pa ni bde ba chen po zhes bya'o 'dir zhes bya ba la sogs pas rim pa gnyis bsgom pa po'i nang na bskyed pa'i rim pa'i rnal 'byor pa rnams la nges par gzung bar bya ste sngags pa rjes su gzhol ba rnams kyi zhes pa ni sngags la mngon par zhes pa bskyed pa'i rim pa'i rnal 'byor pa rnams kyi'o/ cho ga ni sngags dgod pa'i mtshan nyid can zhes bya ba'i don to/ /yi ge hUM yongs su gyur pa las ni thugs rdo rje'i sa bon las 'byung ba rtse lnga pa'i rdo rje bsgom par bya'o/ /oM gyis nor bu'i cha byin gyis brlab pa bsam pa dang zhes pa ni sra ba yin pas rnam par snang mdzad kyi sa bon gyis brlab par bya'o/ /a las phyag rgya'i pad+ma mngon par 'dus byas pa zhes pa ni gsung rdo rje 'chang gi sa bon shes rab kyi rang bzhin gyis dam tshig gi phyag rgya'i chos 'byung ba sa

  620. 310b

    bon de nyid las bskyed cing de nyid dgod par bya ste/ de shes rab kyi yan lag yin pas shes rab kyi rang bzhin yin pa'i phyir ro/ /rin chen 'byung ldan gyi nga rgyal dang ldan pas ni/ /nam mkha' khams kyi rang bzhin gyi rgya che ba'i sems kyis so// yi ge hUM gi rlung dang dga' ba nyid kyi rdo rje dang pad+ma snyoms par zhugs pa las 'byung ba'i yi ge hUm gi dbugs bsnyoms pas mnyes nas te/ rang gi phyag rgya mnyes nas mchog gi mnyes pa la sogs pas snang ba la sogs pa'i ye shes 'byung ba dang yang dag par sbyar nas so/ /yi ge phaT kyi ? byang chub kyi sems dbab par bya'o zhes pa ni lhan cig skyes pa zhes bya ba bde ba chen po nyams su myong zhing de nas dam tshig gi dkyil 'khor bskye bar bya ba'i phyir rdo rje'i lam nas pad+ma'i nang du rang gi rAk+ta spro bar bya'o/ /rdo rje'i tshig gi don 'di yin no/ /zhes pa ni zab pa'i don dang ldan pa'i tshig don zhes bya'o/ /'di dag thams cad sku gsum gyi rtag pa zhes pa ni snang ba la sogs pa ye shes gsum gyi rdzogs pa'i rim pa dang dam tshig dang ye shes dang ting nge 'dzin sems dpa' gsum gyi bdag nyid de bskyed pa'i rim pas so/ /rnam par rtog pa tsam nyid kyi zhes pa ni brtags pa yin pa'i phyir ro/ /de kho na nyid ma yin no zhes pa ni thabs dang shes rab kyi bdag nyid du bsgom pa yang yin pa de ni don dam pa ma yin no zhes bya ba'i tha tshig go /de kho na nyid ni spros pa du mas bsgrub bya ma yin te 'ba' zhig tu rang snang ba'i phyir ro/ /phyag rgya la sogs pa'i rgyu'i tshogs pa de nyid gsal bar byed pa yin gyi byed pa ma yin no/ /de kho na nyid rang snang bas khams gsum la gnas pa ste/ glo bur gyi dri ma'i bag chags med pas mi snang ngo zhes phal cher du sbar? bshad

  621. 311a

    bas 'dir ma bstan to/ /snyoms par zhugs pa'i dus su du zhes bya ba la sogs pas snyoms par zhugs pa'i bsgom pa'i rim pa'i khyad par bstan par bya ste/ dkar po la sogs pa'i 'od zer lnga zhes pa ni de bzhin gshegs pa lnga'i rang bzhin yin pa 'am/ rdo rje dang pad+ma dag gis 'dod pa'i gdugs la sogs pa'i rtsa lnga dang ldan pa zhes bya ba'i don to/ /zla 'od zer bya ba la sogs pas zhes pa ni kha dog dkar po 'od spro ba zhes bya'o/ /zla 'od ces bya ba la sogs pas me long lta bu'i ye shes kyi ngo bos phyi rol tu yang rnam pa sna tshogs kyi 'od zer gyi tshogs spro ba zhes bya ba'i tha tshig go /yid 'phrog pa'i bud med ces pa ni phyag rgya'i mtshan nyid du ma rgyas pa dang pad+ma can dang byang chub kyi sems 'dzag pa dang bde ba'i sgra mkhas pa la sogs pas rnal 'byor pa'i sems 'phrog pa zhes bya ba'i don to/ /bsam pa 'di ni nye bar mtshon pa zhes pa ste gsung dang thugs dang rin chen dang don yod grub pa'i rnal 'byor pa rnams kyis rang gi rjes su 'brangs nas/ /dmar po dang sngon po dang kha dog ljang gu dang ldan pa sngar bshad pa'i yon tan gyi tshogs kyis brgyan pa'i phyag rgya bsgom par bya zhes bya ba'i tha tshig go/ dgongs pa ma yin pas bshad pa'o zhes pa ni shin tu gsal ba'i de kho na nyid bstan pa'i phyir ro/ /sngar gsungs pa'i rjes su dran pa drug ces pa ni rim pa gnyis rjod par byad pa'o/ /nges par ston par bzhed nas zhes pa ni phyogs gcig tu chad par bzhengs pas so/ /gzhan du na mdor bstan pa dang rgyas par bshad pa thun par mi 'gyur ro/ /gang gi phyir lus rnam par dben pa nas brtsams te rjes su dran pa drug mdor bstan par byas so/

  622. 311b

    'di ni bskyed pa'i rim pa rnam par snang mdzad la sogs pa de bzhin gshegs pa lnga'i sku bsgoms nas rim pa gnyis kyi 'od gsal las zhugs nas bdag la byin gyis brlab pas de rnams rdo rje chang chen po'i sku bsgom par bya'o/ /de ltar na phyogs gcig gi sgo nas mdor bstan pa dang rgyas par bshad pa rnams 'brel lo/ /la la ni ma lus pas 'brel to zhes zer te gang gi phyir bskyed pa'i rim pa'i rnam par snang mdzad la sogs pa'i sku bsgoms la/ /rim pa dang pos ngag rnam par dben par byas te gnyis pas 'od gsal pa la 'jug cing gsum pa de rnams rnam par snang mdzad la sogs pa bsgoms de bzhi pas 'od gsal bar byas nas lnga pas rdo rje 'chang gi phyag rgya chen po'i sku bsam par bya'o/ /de bas na mdor bstan pa dang rgyas par bshad pa rnams mthun pa yin no/ /zhes gnas so/ /de nyid bstan par bya ba'i phyir gnas ston par mdzad pa yin te zhes spros te/ /rgyas par bshad pa'i rim pas brtson par bshad do/ /ston pa rang nyid kyis zhes pa ni 'dri ba dang lan 'debs par mdzad pa ste pha rol gyi rtog pa la dgongs nas zhes tshig lhag ma'o/ /de nyid yang nas yang bslab par bya ba yin par shes pa shin tu gsal bar bya ba'i phyir ro/ /sgom pa sems rtse gcig pa'i ting nge 'dzin gyi khyad par ro b+ha ga ni don dam pa'i bden pa zhes pa ni chags pa dang bral ba la sogs pa'i rang bzhin bcom pas so/ /der thim pas na zhes pa ni de las 'byung ba 'am de la 'jug pa'o/ /kun rdzob kyi bden pa'o zhes pa ni sgyu ma lta bu'i sku'o/ /'od gsal ba la rab tu zhugs nas zhes pa ni phyag rgya dang ting nge 'dzin gyi rim pas stong par byas nas so/ /sangs rgyas kyi sku zhes bya ba la sogs pas zung du 'jug pa'i rim pa bstan par byas te/ /don dam pa'i bden pa las ldang bar

  623. 312a

    bya'o zhes pa ni mngon par byang chub pa'i rim pa las phyag rgya chen po'i sku blang bar bya'o/ /ba spu'i bu ga zhes bya ba la sogs pas rim pa lnga pa la gnas pas gzhan gyi don bstan to/ /de la gang las byung ba de ni ba spu'i bu ga ste sdu'i rtsa ba zhes bya'o/ /de rnams kyi mdza' ni rtse mo'o/ /ba spu'i gnyi ga'i bar zhes pa ni ba spu'i bar la bya'o/ /des na don 'di yin te dang po bskyed pa'i rim bas rnam par snang mdzad la sogs pa'i sku bsgoms la rdzogs pa'i rim pas mi gnas pa'i mya ngan las 'das pa'i dbyings kyi rang bzhin de kho na nyid thob nas de bzhin gshegs pa thams cad spro ba sngon du 'gro bar gzhan gyi don bya'o zhes tshig gi don to/ /mkhas pa ni rang bzhin shes pa zhes bya ba la sogs pa'i rim pa gnyis thob nas rdo rje 'chang gi gzugs kyi rang bzhin shes pas spro bar bya'o zhes bstan to/ /de ltar zhes bya ba la sogs pas spro ba'i khyad par bshad par bya ste/ gti mug la spyod pa zhes bya ba la sogs pas gti mug gi rigs can rnams sangs rgyas spro zhing gti mug gi dri ma de las bzlas te rnam par snang mdzad du gyur pas 'od zer gyi sbyor bas de rnams rang gi rdo rje'i sku la 'jug par bya'o zhes gzhan gyi don phun sum tshogs pa sgrub par bstan to/ /de bzhin du gsung rdo rje la sogs pa yang shes par bya'o/ /mi 'jigs pa'i ngo bo nyid yin pa'i phyir ro zhes pa ni/ brtan pa snying po khong stong med/ /bcad med dbyer med mtshan nyid de/ /sreg pa med cing 'jig med pa/ /stong pa nyid ni rdo rje bshad/ /ces 'byung bas so/ /de la sngar bshad pa'i rim pas zhes pa ni 'dod chags kyi spyod pa dang ldan pa sems can gyi khams sbyang ba'i rim pas

  624. 312b

    spro zhing bsdu bar bya'o/ /rdo rje sems dpa' ni rdo rje 'chang chen po'o zhes pa ni/ /lnga spong ba dang lnga rigs dang/ /rdo rje zhes byar bshad pa yin/ /de la sems dpa' ni rang bzhin gang la yod pa de la rdo rje sems dpa' zhes bya'o/ /sku ni sa'o zhes pa ni tshig phrad kyi don du ma yin pas so/ /la ste 'dzin cing bdag gi ra mdzad pos na zhes pa ni re ba thams cad yongs su rdzogs pas so/ /rin chen 'byung ldan ni nam mkha' i mdzod kyi nye bar mtshon pas so/ /sangs rgyas thams cad kyi rang bzhin yin pas na rdo rje 'chang chen po'i/ /dam tshig gis khro bar mdzad pas na/ /zhes pa ni dam tshig nyams pa la khros pa'i stobs kyis nge par bsdams pa 'am spyad par byed pa'o/ /dam tshig gsos pa la bcom ldan 'das don yod grub pa dbang byed pa yin no zhes bla ma'i rgyud yin no/ /zhe sdang las byung ba'i phyir khro bo ni mi bskyod pa zhes bya'o/ /de ni sangs rgyas rjes su dran pa la sogs pa lnga pos rim pa gnyis sngar mdor bstan pas ni rgyas par bshad pa yin no/ /dam tshig gi rjes su dran pas las kyi rgyal ba'i mchog gi yan lag gcig tshim par bya ba'i cho ga bstan par bya ste/ dam tshig thams cad sprul par mdzad pas na dam tshig ni rdo rje 'chang chen po'o/ /ye shes kyi sku'i rang bzhin zhes pa ni ye shes lnga'i rang bzhin gyi lha'i sku zhes bya ba'i don to/ /bdag la byin gyis brlab pa'i rim pas thob par bya ba'i ye shes kyi sku 'dir 'chad par 'dod pa ma yin te/ de rdzogs pa'i rim pa yin pas bdud rtsis tshim pa'i cho ga mi nrigs pa'i phyir ro/ /dgongs na yang rdzogs pa'i rim pa nyams par 'gyur ro/ /de'i phyi nas rjes su dran zhing zhes pa ni ting nge 'dzin gnyis kyi rdzogs pa rdo rje 'chang ni sku phyi ma'i dus su'o/ /sprul pa'i sku'o zhes pa ni spyan ma la sogs pa lha mo bzhis bskul ba dang mi bskyod

  625. 313a

    pa la sogs de bzhin gshegs pa lngas bstod pa las 'byung ba'o/ /de rgyas par bya ba'i phyir zhes pa ni de tshim pa'i phyir ro/ /lce rdo rje ni rdo rje lta bu'i lce bsgoms nas so/ /rkan gyi pad+ma zhes pa ni rkan gyi phyogs so/ /rdo rje pad+ma la sogs pas dpe bstan to/ /glang rgyas na gnas pa'i bdud rtsi zhes pa ni tshangs pa'i bu ga'i nang na gnas pa'i byang chub kyi sems so/ /thigs pa'i bskul ba dbab pa'i cha rnams kyis zhes pa ni oM gyi yi ge 'bar bas bzhus pa dang dbyangs bcu drug gi bdag nyid kyi zla ba'i dkyil 'khor zhes bya'o/ /gzugs kyi phung po la sogs pa zhes pa ni phung po dang khams dang skye mched kyi bdag nyid kyi lus so/ /sems dang sems las byung ba rnams zhes pa ni sems dang sems las byung ba'i rang bzhin te/ /rnam par shes pa lus bde bar 'gyur nas sems la yang yid bde ba bskyed pa'i phyir ro/ /tshim par bya ba zhes pa ni tshim pa nyid mchod pa zhes dgongs pa'o/ /bdud rtsi dbab pa zhes bya ba la sogs pas bdud rtsi myang ba'i cho ga la phan yon bstan to/ /tshig gi don 'di yin te/ phra mo'i rnal 'byor dang bzlas pa dang 'od du bzhus pa dang lha mos bskul bas ldang ba dang/ /de bzhin gshegs pa bstod pa'i 'og tu sems dub par gyur na mtho gang tsam bor nas rang gi spyi bor cha bcu drug yongs su gyur pa las gdugs dkar po lta bu rgyas par bdud rtsi lnga'i rang bzhin gyi zla ba'i dkyil 'khor dkar po bsam la/ /de'i dkyil du thur du kha bltas pa yi ge oM 'bar ba dgod de/ lce'i rdo rje rkan gyi phyogs su yang dag par sbyar zhing yi ge oM de'i 'bar bas de bzhus par 'gyur ba tshangs pa'i sgo nas 'jig pa ces myong bar bsams la kun tu spyod pa'i rim bas lus po thams cad tshim par

  626. 313b

    'gyur pa bsgom par bya'o/ /de'i phan yon ni/ rga ba ma yin gnyer ba min/ /de bzhin dus med 'chi ba med/ /rdo rje sems dpa' bzhin du de'i/ /tshe dang nad med gzhon bar 'gyur zhes 'byung ngo/ /de ni las kyi rgyal ba mchog gi ting nge 'dzin to/ /dkyil 'khor rgyal ba mchog gi ting nge 'dzin gyi dang po'i yan lag bshad par bya ste/ /mchog sgrub pa la gnas pa zhes pa ni snyoms par 'jug pa la gnas pa'o/ /phyi'i bud med dang yang dag par sbyor bas/ /zhes pa ni legs par sbyangs pa shin tu slob pa dam tshig gi phyag rgya dang 'brel pas so/ /bdud rtsi 'byin pa'i dgos pa bstan par bya ba'i phyir zhes pa ni snyoms par 'jug pa las 'byung ba'i byang chub kyi sems spro bar bya'o/ /phyung ba'i dkyil 'khor zhes bya ba ni badzra d+hika ces bya ba la sogs pa'i phyung pa'i sngags kyi ngo bo byang chub sems kyi thig le rnams kyis sprul pa'i dkyil 'khor zhes bya ba'i don to/ /rang gi bya ba la dbang byed pas na dbang po zhes pa ni dkyil 'khor la spro ba'i phyir bdag po yin pas/ skyes pa dang bud med kyi bdag po dag ste zhes pa ni sngar bshad pa'i tshim pas sngags kyi yi ge ma lus pa dgod pa gsang ba'i rdo rje dang pad+ma'o/ /'khyud pa la sogs pa'i sbyor ba la byang ba'o zhes pa ni dpa' rdo rje gdan bzhi'i rgyud las gsung pa'i spang? thob sging thob la sogs pa'i bya ba la mkhas pa'o/ /rang gi sa bon zhes pa ni byang chub kyi sems so/ /rtsa sbubs stong bdun cu rtsa gnyis bskul nas zhes pa ni/ /rdo rje dang pad+ma dang snyoms par 'jug pa'i mtshan nyid kyi sbyor bas so/ /snying khar phyin pa zhes pa ni rtsa thams cad kyi gtso bor gyur pa snying ga ni 'dod pa'i gdugs te rtsa dbu ma'o/ /de las thob pa'i byang chub kyi sems zhes bya'o/ /rdo rje'i lam

  627. 314a

    nas phab? pa'o zhes pa ni snang ba la sogs pa'i ye shes gsum myong zhing rtags lnga mtshon pa sngon du 'gro ba'i 'od gsal ba la 'jug ste/ /badzra d+h+rika ces bya ba la sogs pa'i phyung ba'i sngags kyi bdag nyid phaT kyi sgra ste spro bar bya'o/ /de nas zhes bya ba la sogs pas byang chub kyi sems spros pa'i 'bras bu bstan par bya ste/ bu dang tsha bo la sogs pa'i dkyil 'khor zhes pa ni rdo rje 'chang chen po las 'byung ba'i phyir bu ni de bzhin gshegs pa lnga'o/ /de'i sprul pa yin pa dang de'i bya ba byed pas tsha bo ni sa'i snying po la sogs pa byang chub sems dpa' rnams so/ /de rnams kyi dkyil 'khor ni rang rang gi byung ba'i sngags las 'byung ba'o/ /de ltar gyur pa'i dkyil 'khor na rgyan pa zhes pa la chos 'byung ba'i nang nas dam tshig gi dkyil 'khor dang bsgrub pa'i dkyil 'khor la yang rgyan du gyur pa'o/ /sangs rgyas nyid rab tu ster bas na sangs rgyas kyi bur gyur pa'o/ /de ltar zhes bya ba la sogs pas nye bar bsdus pa bstan to/ /dgongs pas bshad pa zhes pa ni 'ga' ba' i sgra'i sgo nas dkyil 'khor gyi de kho na nyid bstan pas so/ /dkyil 'khor rgyal ba mchog ces bya ba'i ting nge 'dzin to/ /rnal 'byor ni thugs rje chen po bsgom pa sngon du 'gro ba khyad par gyi gnas bzung ba dang bgegs bskrad pa dang/ stong pa nyid bsgom pa dang/ ye shes kyis gzhi bsgom pa dang/ gzhal yas khang ba bskyed pa dang/ lhag par mos pa'i dkyil 'khor bsgom pa dang/ don dam pa'i dkyil 'khor bsgom pa dang/ gdan la sogs pa'i dbye ba dang/ chos kyi dbyings kyi sngags byin gyis brlab pa dang/ zla ba'i dkyil 'khor bsgom pa dang

  628. 314b

    de la sa bon dgod pa dang/ de yongs su gyur pa las phyag 'tshal dang/ de yongs su gyur nas rdo rje sems dpa' la sogs pa'i sku rdzogs pa de rnal 'byor ro/ /ye shes sems dpa' dang ting nge 'dzin sems dpa' gnyis bsgom pa ni rjes su rnal 'byor ro/ /phung po dang khams dang skye mched dang/ de bzhin gshegs pa dang lha mo byang chub sems dpa' i sa bon gyi byin gyis brlab pa ni shin tu rnal 'byor ro/ /de rdzogs nas gang zhig bya ba yin pa de zhes pa ni sku la sogs pa byin gyis brlab pa'i mtshan nyid kyi rnal 'byor chen po'o/ /de bstan pa'i phyir zhes pa ni gsal bar bshad pa'i phyir ro/ /rnam par snang mdzad la sogs pa zhes pa ni gzhung gi 'di skad bshad par bya ste/ mgo bo lkog ma dang snying ga'i phyogs su zla ba dang pad+ma dang rdo rje yi ge gsum las 'byung pa bsgoms nas/ /de'i steng du dkar po dang dmar po dang sngon po'i yi ge oM la sogs pa gsum po de nyid bkod la/ /de rnams las byung ba'i 'od zer gyi tshogs la spyan ma dang na bza' dkar mo dang mA ma kI'i tshogs spros la des 'og min dang bde ba can dang mngon par dga' ba'i sangs rgyas kyi zhing na bzhugs pa/ rnam par snang mdzad dang 'od dpag tu med pa dang mi bskyod pa rnams tshig snyan pa dang rol mo'i nyams kyis gsol ba 'debs shing rjes su chags par byas la phyag gi zhags pas 'khyud cing 'gugs te mdun du gzhal yas khang pa'i shar phyogs kyi sgor sna tshogs pad+ma dang zla ba'i dkyil 'khor gyi steng du bzhugs nas/ /mchod pa rnam pa lngas mchod cing mnyes pa byas nas spyan ma la sogs pa de dang lhan cig tu 'jug par bya ste/ dpal ldan rdo rje gsung gi lam zhes bya ba'i gsol ba gdab pa sngon du 'gro bas oM sarba ta thA ga ta kA ya badzra swa b+hA wa At+ma konyahaM/ /zhes bya ba la sogs pa

  629. 315a

    sngags kyi tshig rnams kyis brtan par byas la/ tshigs su bcad pa 'di rnams kyis nga rgyal bya'o/ /rnam par snang mdzad de zhes pa ni lus rnam par dag pa'i rang bzhin yin pas so/ /dus gsum zhes pa la so// pos longs spyod rdzogs pa dang sprul pa'i sku'i rang bzhin gyi rnam par snang mdzad kyis dkyil 'khor du zhugs pas de'i rang bzhin gyi nga rgyal bya'o zhes bstan to/ /sprul pa'i sku gang zhig yod pa zhes pa ni sems can gyi don mdzad pa'i phyir dang 'byung ba'i sku ni sprul pa'i sku zhes bya'o/ /gzhan du na rtag tu dga' ba nam mkha' dang mtshungs pa me long lta bu la sogs pa'i ye shes kyi rang bzhin gyi de bzhin gshegs pa rnams la sku dang 'brel pa ci dgos so// ji skad du/ dmar dang ljang gu dung ka ste/ khyed la sku mdog yod pa min/ /dkar nag ser po ma yin pa'i/ /kha dog las 'das khyod la 'dud/ /chen po ma yin thung ba min/ /ring po ma yin zlun po min/ /tshad med kyi ni tshul thob pa'i/ /tshad med khyod la phyag 'tshal bstod ces 'byung ngo/ /bdag gi slob mar gyur pa yang zhes pa ni slob mar 'dod pa'i yang ngo/ /lus ni de lta bu'i ngo bor gyur cig pa ste zhes pa ni rnam par snang mdzad kyi rang bzhin skyes bu chen po'i mtshan sum cu rtsa gnyis kyis brgyan pa/ dpe byad brgyad cu dang ldan par gyur cig go /gsol ba la gsol ba 'debs par bya'o/ /de'i ngo bo nyid du gyur pa na zhes pa ni gsung rab yan lag bcu gnyis kyis rang bzhin yin pas na 'od dpag tu med pa'o/ /zhes grangs so/ /byang chub kyi sems kyi ngo bo yin pas na rdo rje'o/ /gsung rab thams cad kyi rang bzhin yin pas na chos so/ /rdo rje yang yin la chos kyang yin pas na rdo rje chos te

  630. 315b

    ngag gi dbang phyug ces bya ba'i don to/ /nges pa ni ming gi rnam grangs thams cad kyi sgo nas bshad pa ni gsung ba ste nges par bshad pa'o/ /yang dag pa zhes pa ni phyin ci ma log pa gang la yod pa de la de skad ces bya'o/ /nye bar mtshon pa tsam ste zhes pa ni nges pa'i tshig gi 'ba' zhig tu ma yin no/ /des zhes bya ba la sogs pa ni de la chos sor sor yang dag par rig pa ni gsung rab yan lag bcu gnyis kyi chos ma lus pa kha ton du mnga' ba'o/ /don so sor yang dag par rig pa ni de'i brjod par bya ba'i don dran pa'o/ /spobs pa so sor yang dag par rig pa zhes pa ni sngar ma byung ba'i gzhal bya rtsom par byed pa ste/ ji skad du/ ser zhing sar pa'i gzhal bya ni/ /rtsom pa'i shes rab spabs par bshad/ /ces 'byung ngo/ chos 'dzin pa dang 'dra ba gyur cig pa'o zhes pa ni yan lag drug cu dang ldan pa pad+ma'i 'dab ma dang mtshungs pa mnga' i ba g.yas su 'khyil pa'i dung dang 'dra ba'i lkog ma'i phyogs su gnas pa gsung rnams su gyur cig ces gsol ba 'debs pa'o/ /mi bskyod pa'o zhes pa ni chos kyi dbyings kyi rang bzhin sems yin pas so/ /blo bur gyi dri ma so sor snang ba dang ldan pas 'khor bar 'khor bar 'gyur ro/ /sems pa 'di'i rang bzhin 'od gsal te/ glo bur ba rnams dri ma yin/ /chu khams gser dang nam mkha' yi/ /dag pa bzhin du dag par 'dod ces 'byung ngo/ /gsang ba ni gnyis su med pa'i ye shes zhes pa ni chos kyi dbyings kyi ye shes so/ /de gsung zhing ston par mdzad pa ste zhes pa ni ston par mdzad pa ste ni guhya ka ni gsang ba ste bcom ldan 'das rnam par snang mdzad la sogs pa'o/ /de kho na nyid bstan pa rnams kyi gtso bor gyur ba zhes pa ni de rnams kyi bdag po yin pas thugs rdo rje'o/ /blo ni reg rdo rje'i zhes pa ni

  631. 316a

    shes rab kyi rang bzhin yin pa'i phyir ro/ /kun nas bzang bas na zhes pa la thog ma dang bar ma dang tha mar bzang ba ni dge ba gang las 'byung ba de ni kun tu bzang po ste dpal thugs kyi rdo rje 'chang ba'o/ / de lta bu'i zhes bya ba la sogs pas nyon mongs pa dang/ shes bya'i sgrib pa dang bral ba zla ba'i dkyil 'khor rdzogs pa dang 'dra bar bdag la yang sems gyur cig ces gsol ba 'debs pas nga rgyal bya'o/ /sgra ji bzhin pa'o zhes pa ni dang po sbyor ba'i ting nge 'dzin gyi phyogs gcig rnal 'byor chen po'i mtshan nyid 'chang bar 'dod pa'i phyir ro/ /de ni sogs pa'i sgras shes par bya'o/ /de ni zhes bya ba la sogs pas bskyed pa'i rim pa'i rnal 'byor ba rnams la sku la sogs pa byin gyis brlab pa bstan nas rdzogs pa'i rim pa'i rnal 'byor pa rnams la yang bstan par bya ste/ sgrub pa'i cho ga la gnas pa'i zhes pa ni rdzogs pa'i rim pa'i rnal 'byor pa'o/ rang bzhin yongs su shes pa tsam gyis/ zhes pa ni khams gsum la gnas pa'i sems can gyi khams kyi lus la sogs pa dang/ bdag gi lus la sogs ba nad yin pa de dag thams cad ngo bo nyid du mnyam pa yin te chos kyi dbyings kyi rang bzhin yin pas so/ /sgong nga las skyes pa dang zhes pa ni/ 'dab chags bya la sogs pa'o/ /mngal nas skyes pa dang zhes pa ni mi dang phyugs dang ri dags la sogs pa'o/ /drong gsher las skyes pa dang zhes pa ni sbrang bu la sogs pa'o/ /brdzus te skyes pa ni dmyal ba dang yi dags dang lha dang lha ma yin rnams so/ /bshad ma thag pa rnams kyi'o zhes pa ni rnam pa bzhi'i sems can rnams kyi skye gnas zhes bya ba'i tha tshig go /'di ni lus so

  632. 316b

    shes pa ni rkang pa'i dkyil nas brtsam te mgo bo'i bar du bshang gci la sogs pa'i rdzas rnams kyis gang ba'o/ /'di ni ngag go zhes pa ni rnam pa bzhi'i gnas ngan len pa la sogs pa'i rtog pa bzhi dang bcas pa'o/ /'di ni sems so zhes pa ni rnam par shes pa brgyad kyi mtshan nyid rnam pa sna tshogs pa'i sems las 'byung ba'i tshes dang ldan pa'o/ /brtags pa zhes bya ba la sogs pas de ltar gyur pa lus la sogs pa so sor snang ba'i sems ni khams gsum pa dang/ bdag gi gang yin/ /de ni 'dra ba yin no/ /ci'i phyir zhe na zhes pas gtan tshigs bshad par bya sto/ de kho na nyid rig pa zhes pa ni rdzogs pa'i rim pa la gnas pa'i rnal 'byor pa rnams kyi'o/ /gang gi phyir sems de nam mkha' dang 'dra ba ni zhes pa ni nam mkha' i dkyil dang mtshungs pa'o/ /'dres par gyur pas zhes pa ni sems mnyam pas/ /ji skad du/ dngos po kun ni dngos po gcig rang bzhin/ /dngos po gcig ni dngos po kun ngo bo/ /gang gis dngos gcig de nyid du mthong na/ /dngos po kun gyis de nyid des mthong 'gyur/ /zhes 'byung ngo/ /'dis ni thams cad du song ba'i dbang phyug du bstan pas zhes pa ni thams cad du song ba ni khams gsum gyi yul can no/ /dbang phyug ni sems kyi dbang phyug gang yin pa de bstan pas so/ /thugs kyi byin gyis brlab par 'gyur ro/ /zhes pa ni sems kyi mnyam pa nyid shes pas so/ /zla ba'i dkyil 'khor dang 'dra pa'i/ /sems ni rang nyid kyi ma mthong ba gyur zhes 'byung ngo/ /de ni thugs byin gyis brlab pa'o/ /tshig thams cad don zhes pa ni sngags kyi sgras tshig gi don ston pas so/ /phung po de dag gi tshogs so zhes pa ni 'byung ba chen po las rgyur gyur ba'i sgra zin pa la sogs pa'i rgyu la sogs pa'i dbye ba 'am/ yi ge dang tshig dang dag dang dag chen po la sogs pa'i dbye ba 'am/ /chos kyi

  633. 317a

    phung po brgya khri bzhi stong gi dbye bas so/ /sku dang zhes bya ba ni brjod par bya ba'i thugs gang yin pa zhes pa la lus nyid du snang pa'i sems so/ /sku'i ngo bo nyid du yongs su gyur pa ni zhes pa ni sems nyid lus kyi rnam pa nyid du snang ba'i phyir ro/ /lus ni logs su yod pa ma yin te gzhan gyi snang ba yin pa'i phyir ro/ /rang snang ba gang yin pa de ni don dam par yod pa ste rang gi rnam par shes pa yin no/ /gzugs la sogs pa ni gzhan gyi snang ba yin no/ zhes rang bzhin gyi gtan tshigs so/ /sems can thams cad kyi sngags kyi thugs dang sku dang gsung dang thugs gang yin pa la zhes pa ni ngag dang lus dang pa la zhes bya ba'i don to/ /ngag yin la zhes pa ni smra ba'i don dang ldan pas so/ /mi phyed pas na rdo rje'o/ /zhes pa ni so so skye bo rnams kyis dgag par bya ba ma yin pa'o/ /lus ngag yin pa ni lus kyi sgra ni tshogs kyi rnam grangs so/ /de nyid bstan par bya ste/ sgo nga las skyes pa la sogs pa'i sgra'i tshogs gang yin pa de ni de rnams kyi rnam pa sna tshogs pa'i skad rnams so/ /de ni sems can thams cad kyi ngag gi tshogs bstan to/ /kun tu rtog pas na zhes pa ni bsgom zhing tha snyad du bya'o/ /tshig gi sku rnam par bsgom pa ni ngag gi sgo nas lus tha snyad bya'o/ /tshig tu brjod cing sku zhes btags pa ni ngag gi brjod pas lus shes brdar bstan par bya ste/ /rnam par rtog pa'i tshig 'byung ba dang/ tshig las sgra 'byung ba'i phyir sgra rnams kyi lus zhes tha snyad du byas te/ sgra rnams kyi ni brdar ston pa/ /de ni tha snyad bya phyir bshad ces 'byung ngo/ /de dang 'dra ba'i sku zhes pa ni ngag gi brjod pa tha snyad du byas pa'o/ /sems can thams cad kyi sngags kyi gzugs dang zhes pa ni tshig gi tshogs so/ /de rnams kyi sgo nga la

  634. 317b

    sogs pa sngar bshad pa rnams kyi'o/ /rdo rje chen po'i sku zhes pa ni lus nyid do/ /bdag gis lus zhes bya ba la sogs pas khams gsum la gnas pa'i lus dang ngag dang bdag gi yang de dag mnyam pa yin no zhes bya ba'i tha tshig go /dus gsum ni 'das pa la sogs pa'i dus gsum la'o/ /de ni dus mnyam pa yang rab tu bstan pa yin no/ /'o na 'das pa dang ma 'ongs pa ni 'jig pa dang ma phyin pa'i phyir ji ltar mnyam pa yin zhe na/ de ltar byung zhing zhes bya ba la sogs pa ni da ltar byung ba'i dus ni dus kun la 'dra ba yin pas de la log par rtog pa ni med do/ /'das pa dang ma 'ongs pa gang yin pa de dag de'i cha tsam gyis brten te dus gsum brtan par bya'o zhes skyon med do/ /yang rgyun rtag pa nyid kyis da ltar byung ba'i dus ni 'das pa dang ma 'ongs pa'i tshul du thob pas dus gsum la gnas pa'i sems can thams cad kyi dag dag dang lus mnyam pa nyid kyi lhag par mos pa rnal 'byor pas bya'o zhes dgongs pa'o/ /sngags 'dzin pa ni rdo rje 'chang chen po ste zhes bya ba la de bzhin gshegs pa thams cad spro ba dang sdu ba mdzad pa'i phyir ro/ /des ni rdzogs pa'i rim pa'i rnal 'byor pa rnams kyis rdo rje 'chang chen po'i lhag par mos pas khams gsum gyi yul can gyi lus la sogs pa dang/ rang gi bdag nyid kyi lus la sogs pa yang mnyam pa nyid du rtogs par bya'o/ /zhes bston pa yin no /bdag gi sangs rgyas kun nyid de/ /byang chub sems dpa' thams cad nyid/ /de phyir 'bad pa thams cad kyis/ /rang gi bdag nyid rtag tu mchod ces 'byung ngo/ /de bzhin du nam mkha' i dbyings ni thams cad la/ /dpal ldan rdo rje sems dpa' bzhugs zhes dpal bar mchog las 'byung ngo/ /dgongs pas bshad pa zhes pa ni sngags dang sku la sogs pa'i 'gal ba'i tshig gi sgo nas rdzogs pa'i rim pa bstan pas

  635. 318a

    rnal 'byor pa thams cad kyi thun mong gi zhes pa ni rim pa gnyis sgom par byed pa rnal 'byor pa dag gis lhag par rtogs pas na mnyam pa'o/ /don dam pa'i dkyil 'khor gyi rim gyis zhes pa ni ngo bo med pa'i mtshan nyid de dkyil 'khor ma lus pa nye bar bsdus pas so/ /de la bskyed pa'i rim pa'i rnal 'byor pa rnams kyis dkyil 'khor rgyal ba mchog gi mthar las kyi rgyal ba mchog gi phyogs gcig dkyil 'khor ma lus pa nye bar sdud pa'i mtshan nyid kyi don ston pa dang/ /rdzogs pa'i rim pa yang sems rnam par dag pa'i rim pas 'od gsal bar bya zhes pa'i don to/ /mi 'da' ba' i don ni 'od gsal ba ste thams cad kyis de nyid 'dod pas so/ /sems can ni rab tu 'jug pa'i phyir/ / spyod la 'jug par mi bya ste/ /'khor ba 'joms par bya ba'i phyir/ /ma lus pa yi blo mnyam pa'o/ /zhes 'byung ngo/ /sangs rgyas kyi sku bskyed pa'i rjes thogs la zhes pa ni dang por sbyor ba dang dkyil 'khor rgyal ba mchog gi ting nge 'dzin dag gi sems can gyi khams ma lus pa sbyong bar byed pa'i rnal 'byor bas so/ /don dam pa'i bden pa rtogs pa ste/ /zhes pa ni phra mo'i rnal 'byor dang bzlas pa'i 'og tu zhu ba'i de nyid bstan pa'i phyir/ /dam tshig lus khu ba phyung ste/ /zhes bya ba la sogs pas legs par sbyangs pa'i phyag rgya dang snyoms par zhugs pas de bzhin gshegs pa thams cad 'jug pa sngon du 'gro bar reg bya rdo rje ma'i chos 'byung ba'i nang du badzra d+h+rika ces bya ba la sogs pa phyung ba'i sngags kyi dkyil 'khor ma lus pa spro bas dam tshig gi dkyil 'khor bskyed la/ /de las kyang phyi rol tu spros te phyogs bcu la gnas pa'i sems can gyi khams rab tu sbyor ba sngon du 'gro bar sgrub pa'i dkyil 'khor dgod pa dang dbang bskur ba dang/ rgyas gdab pa

  636. 318b

    byas la phra mo'i rnal 'byor dang bzlas pa byas te/ bya ba byas nas dkyil 'khor la 'jug pa sngon du 'gro bar ro mnyam par gyur pa 'od tsu nu ba nyid bstan to/ /shes rab dang thabs su sbyor bas so zhes pa ni thugs rdo rje dang reg bya rdo rje ma la snyoms par bzhugs pas so/ /de nas mer mer po la sogs pa'i rim gyis zhes pa ni snang ba la sogs pa nyams su myong ba sngon du 'gro bar rtsa dbu ma nas 'byung ba'i byang chub kyi sems kyi thig le 'dzag pa dang sra bar gyur pa dang bsdu bar gyur pa'i rim pas so/ /mngon par 'phel lo zhes pa ni sngags la sogs pa'i gzugs kyis 'phel bar 'gyur ro/ /de nyid sa bon dang myu gu dang 'dra ba zhes pa ni badzra d+h+rika la sogs pa phyung ba'i sngags kyi gzugs ni sa bon no/ /de yongs su gyur pa las dkyil 'khor pa rnams 'byung ba ni myu gu'o/ /gzhon nu ni thig le phyung ba'i mtshan nyid do/ /bar ma ni phyung ba'i sngags yongs su gyur pa mtshan nyid do/ /gnas skabs zhes pa ni rnam par snang mdzad la sogs pa'i dkyil 'khor pa rnams kyi gzugs sgrub pa'i mtshan nyid do/ /yang na gzhon nu ni dam tshig sems dpa' bskyed pa'i mtshan nyid do/ /bar ma ni yong zhes sems dpa' dgong pa mtshan nyid do/ /skabs ni ting nge 'dzin sems dpa' dgod pa'i mtshan nyid do/ /de nas chos 'byung gi nang du sems dpa' gsum gyi bdag nyid dkyil 'khor pa bskyed pa gzhon nu dang bar ma'i gnas skabs thob par zhes bya'o/ /de nyid bstan par bya ba'i phyir/ /rnam par snang mdzad la sogs pa sku'i dkyil 'khor ni yongs su rdzogs pa ma tshang ba med par bzhugs pa ni sangs rgyas kyi bya ba rdzogs pa 'gro ba'i don rdzogs nas shar la sogs pa la bzhugs pa'o/ /'dod pa'i yon tan lnga rjes su myong bar 'gyur ro/ /

  637. 319a

    zhes pa ni rang gi phyag rgya dang snyams par zhugs pas gzugs la sogs pa'i yul lnga so sor sdud pa dang/ bsam gtan gyi yan lag gis myong zhing spyod par 'gyur ro/ /des ni dkyil 'khor rgyal ba mchog gi ting nge 'dzin rab tu bstan te/ /de nas zhes bya ba la sogs pas phra mo'i rnal 'byor dang bzlas pa'i 'og tu 'od du bzhus pa nyid bstan te/ rdo rje phreng ba zhes bya ba la sogs pa'i don ni 'di yin te/ bya ba byas par bdag nyid shes na rnam par snang mdzad dang/ spyan ma dang/ gzugs rdo rje ma dang/ sa'i snying po dang/ byams pa dang/ gshin rje mthar byed dang/ 'dod pa'i rgyal mo rnams 'od zer gyi sbyor bas bsdus la gzugs kyi phung po la 'jug go /rin chen 'byung ldan dang mA ma kI dang/ sgra rdo rje ma dang/ nam mkha' i snying po dang/ lag na rdo rje dang/ shes rab mthar byed dang/ mi g.yo ba rnams ni tshor ba'i phung po la 'jug go /'od dpag tu med pa dang/ gos dkar mo dang dri rdo rje ma dang/ 'jam dpal dang/ spyan ras gzigs dang/ pad+ma mthar byed dang/ dbyug sngon can rnams 'du shes kyi phung po la 'jug go /don yod grub pa dang/ dam tshig sgrol ma dang/ ro rdo rje ma dang/ sgrib pa thams cad rnam par sel ba dang/ kun tu bzang po dang/ bgegs mthar byed dang/ stobs po che ste 'du byed kyi phung po la 'jug go /gnod mdzes rgyal po dang gtsug tor 'khor lo bsgyur ba nyid dang/ sngar bshad pa'i phung po bzhi po rnam par shes pa'i phung po la 'jug go /rnam par shes pa gsum pa yang 'od gsal ba la 'jug par bya ste de'i rim pa ni reg bya rdo rje ma dang snyoms par zhugs bas bdag nyid

  638. 319b

    rtag tu dga' ba dang ldan pa bsgoms te tshangs pa'i sgo nas byang chub kyi sems 'byung ba'i dus su snang ba'i ye shes nye bar mtshon zhing yan lag thams cad kyi tshigs byab pa'i dus su mchog tu dga' ba'i bde ba snang ba mched pa'i ye shes nyis su myong zhing rdo rje'i dkyil 'khor la byang chub kyi sems gnas par gyur na snang ba nye bar thob pa'i ye shes sngon du byas te/ smig rgyu dang/ du ba dang mkha' snang dang/ mar med dang/ sprin med pa'i nam mkha' dang 'dra ba'i rtags lnga dang/ de nyid mthong ba la mi bslu ba mthong nas spros pa thams cad dang bral ba'i de kho na nyid bzhi pa mngon du bya'o/ /de ni don dam pa'i dkyil 'khor la 'jug pa'i cho ga'o/ /rang bzhin lnga bcu'i zhes pa ni gzugs ni rnam pa gnyis te/ kha dog dang dbyibs kyi dbye bas so/ /kha dog ni rnam pa bcu gnyis dbyibs ni rnam pa brgyad de/ de ltar gzugs ni rnam pa nyi shu'o/ /tshor ba ni bde ba la sogs pa rnam pa gsum rnam par shes pa tshogs drug gi dbye ba bco brgyad du 'gyur ro/ /'du shes ni rnam pa gcig go /'du byed ni dge ba dang/ mi dge ba dang/ lung du ma bstan pa'i dbye bas rnam pa gsum mo/ /kun bzhi la sogs pa rnam par shes pa'i dbye bas/ /rnam par shes pa'i phung po ni rnam pa brgyad do lnga bcu bstan to/ /don dam pa'i bden pa yang 'jug par bya'o zhes pa ni sngar bshad pa'i rim pas mi snang bar bya'o/ /'bras bu 'dod pa zhes bya ba la sogs pas rim pa bzhi pas rtogs par bya ba zung du 'jug pa'i rim pa mngon du bya ba bstan to/ /ji ltar don dam pa'i dkyil 'khor gyi rim pas song zhing zhu bar gyur pa zhes pa ni 'od gsal ba la rab tu zhugs pa'o/ /de bzhin du slar 'ong bas na zhes pa ni las kyang sems can gyi don bya ba'i phyir yang dag par 'byung ba'o/ /rnam

  639. 320a

    par snang mdzad la sogs pa'i brtags pa'i gzugs kyi phung po la sogs pa zhes pa ni de'i rnam par dag pa'i rim pas 'chad par 'dod pa gzugs la sogs pa'o/ /srog dang rtsol ba gnas pa de bcad de zhes pa ni rdo rje bzlas pa'i rim pas 'jug pa la sogs pas srog bkag la don dam pa'i bden pa la 'jug par bya'o zhes pa ni sems rnam par dag pa'i rim pas thob par bya ba'i 'od gsal ba sngags dang phyag rgya'i rim pas 'jug pa ni de'i rang bzhin du bya'o/ /shin tu mchog tu gyur pa'i zhes pa ni zung du 'jug pa'i ting nge 'dzin gyis thob par bya ba'o/ /phyag rgya chen po'i dngos grub thob par 'gyur ba'o zhes pa ni rdo rje 'chang gi phyag rgya chen po'i sku thob par 'gyur ro/ /des ni rdzogs pa'i rim pa'i rnal 'byor pas yang dag pa'i mdza' la 'jug par bstan to/ /rdzogs pa'i go rim rtogs par gyur kyang zhes pa ni rdo rje bzlas pa la sogs pa'i rim pa lnga bsgom pas so/ /gal te brtul ba can gyi brtson 'grus ma yin na zhes pa ni brtson 'grus dman pa ma yin pa'o/ /de'i tshe 'gro ba'i rgyud nyid du byas nas zhes pa ni mthong ba'i chos kyi myong ba'i lus kyis sems rnam par dag pa'i rim pa 'od gsal ba mngon du byas nas so/ /langs te zhes pa ni de las cig car du snang ba nye bar thob pa la sogs pa'i rim pas rdo rje 'chang gi phyag rgya chen po'i sku spros nas so/ /rgyu ma lta bu'i ting nge 'dzin gyis mngon du byed do zhes pa ni ye shes kyi sku dmigs par bya'o zhes don bsdus pa'o// rdo rje'i tshig 'di nyid kyi don zhes pa ni don sbas pa dang ldan pa'i tshig gis brjod par bya ba'o/ /dam tshig rjes su dran pa ni ji lta bu yin zhes na smras pa/ de bas ni rdo rje dang pad+ma'i snyoms par 'jug pa'i 'brel pas so

  640. 320b

    tshangs pa ni de kho na nyid kyi ngo bor rak+ta ste byang chub kyi sems shin tu byung ba ni phyag rgya'i chos 'byung la phyung ba'o/ /des ni dkyil 'khor rgyal ba mchog gi ting nge 'dzin bstan to/ /de'i rjes la don dam pa'i dkyil 'khor gyi rim pas dangs med gcig tu sbyor ba yis zhes pa ni thim pa'i cho ga'i rim pa'i man ngag gi mkhas pas cho ga bzhin du btud/ /ces pa ni don dam pa'i dkyil 'khor gyi cho gas mi snang bar bya'o/ /de ni brtags pa'i rnal 'byor pas 'od gsal ba rtogs pa'o/ /rdzogs pa'i rim pa'i rnal 'byor pa la yang bstan par bya ste/ de bzhin gshegs pa tshogs che ba ni zhes pa la snga ma bzhin no/ /dngos med ces bya bsad pa ste zhes pa ni sngags dang phyag rgya'i rim pas tha mal pa'i phung po la sogs pa mi snang bar byed pa stong pa nyid ces bya'o/ /blo dang ldan pa zhes pa ni phan yon no/ /don 'di nyid rdo rje gtsug tor gyi rgyud las kyang rgyas par bshad par bya ste/ /'chi ba zhes bya ba'i ni phung po 'jig pa'i mtshan nyid de ni mi rtogs pa ste don dam par skye ba dang 'jig pa med pa'i phyir ro/ /ji skad du/ 'dir ni kha cig mi skye zhing/ /kha cig yang ni 'chi ba med/ /sems kyi rnam par dngos gnas pa'i 'khor ba nyid du shes par bya/ /ma rig rkyen las byung ba yi/ /yang dag ye shes kyis bltas na/ /skye ba 'am ni 'jig pa dag /kha cig dmigs par mi 'gyur ro/ /zhes 'byung ngo/ /rgyu de las kha cig kyang 'byung ba dang 'gog par mi 'gyur gyi/ /'on kyang shes rab pha rol phyin ma ni chos thams cad bdag med pa'i mtshan nyid de bskyed pa'i rim pa'i rnal 'byor pa dag la de nyid tshul ni lam ste ting nge 'dzin gsum sgom pa'i bdag nyid can no/ /rnam par rtog pa'i rang bzhin can gyi tha mal pa'i lus ngag gis sbyong bar bya'o/ /de bzhin du rdzogs pa'i rim pa'i rnal 'byor pa la yang 'jug pa la

  641. 321a

    sogs pa'i rim pa rnam pa bcu gcig gis rdo rje bzlas pa'i rim pa slob na tha mal pa'i rnam par rtog pa bdag nyid can gyi dag spangs nas 'jig rten las 'das pa'i rang bzhin skye ba shes rab pha rol phyin ma gsung rdo rje skye bar 'gyur ro/ /rdo rje bzlas pa'i rim pa 'di/ /gsung gi rdo rje sgrub byed pa'o/ /zhes 'byung bas so/ /yang bcom ldan 'das ma shes rab kyi pha rol tu phyin ma de nyid rtog pa dang bcas pa rnam par shes pa gsum gyi 'brel pa dang ldan pa rang bzhin gyi tshogs brgya drug cu spong bas 'od gsal ba thob par byed pas dran pa ni de kho na nyid yid la byed pa mngon du bya ba'i sems la dmigs pa zhes bya'o/ /de bzhin du de nyid sems can gyi don byed pa'i phyir 'ja' tshon ltar yongs su snang ba rnam pa thams cad mchog dang ldan pa ye shes kyi sku sgyu ma'i dpe bcu gnyis kyis nye bar mtshon pa byang chub ces bya ste sgyu ma'i rnam pa nyid kyis ma lus pa lus pa med pa'i dngos po rtogs pa'i phyir ro/ /de bzhin du de nyid sgyu ma lta bu'i rnam pa can gyi kun rdzob sbyang ba'i phyir 'od gsal ba la thim pas na thim pa zhes bya'o/ /de bzhin du de nyid bden pa gnyis su med par byed pa'i mtshan nyid srid pa dang zhi ba ro gcig pa 'gyur ba zung du 'jug pa'i bdag nyid ?an dpal rdo rje 'chang gi phyag rgya chen po'i sku ni grol ba zhes bya ste/ mi slob pa'i lam gyi ngo bo yin pas so/ /de nyid kyi phyir 'khor ba'i bar du sems can gyi don sgrub par byed pas na bsam pa thams cad rdzogs par byed ba zhes bstan to// de ltar bshad pa'i rgyud kyi tshigs su bcad pa gnyis kyi rim pa gnyis bshad pas dam tshig rjes su dran pa yang bshad do/ /dgongs pas bshad pa'o zhes pa ni 'gal ba'i sgra'i spyod pas de kho na nyid so sor bstan pas so/ /de la zhes bya ba

  642. 321b

    la sogs? pa ? pa bzhi pas thob par bya ba'i 'od gsal ba thob par bya ste/ shes rab ni snang ba'i zhes pa ni zla ba'i snang ba dang 'dra ba ni dga' ba'o/ /'dir rtsom pa'i sgra ni mi mngon par byas pa yin par blta bar bya ste/ /don rtogs pas mi sbyor ba nyid mi mngon pa'o/ /de bas na shes rab ? ? sha? zin to/ /thabs ni nyi ma'i snang ba dang 'dra ba ste snang ba mched pa'o/ /nye bar thob pa ni mtshams kyi snang ba dang 'dra ba ste snang ba nye bar thob pa'o/ /mthar phyin pa zhes pa ni spyod par byas nas gnas pa'o/ /don dam pa'i bden pa zhes pa ni ?? ba'i mdza' i mtshan nyid can gyi 'od gsal ba'o/ /de nyid ni sems can thams cad kyi 'da' bar mi bya ba yin pas zhes pa ni sems can thams cad kyi chos can yin pa'i phyir ro/ /ji skad du/ sangs rgyas thams cad 'gyur ba la/ rgal min 'khor bar yod pa min/ /yang dag rdzogs pa'i byang chub ni/ /'grub phyir le lo mi bya'o zhes 'byung ngo/ /de ril por 'dzin pa zhes pa ni rang gi lus kyi phung po la sogs pa mi snang bar byed pa'o/ /rjes su 'jug pa'i rim gyis shes pa ni rtsibs brgyad pa chos kyi dbyings kyi 'khor lo la gnas pa yi ge ra'i 'bar bas rang gi lus kyi phung po la sogs pa bsreg cing pha rol gyis yang bsreg go /de nyid la rgyun mi 'chad pa ni yang dang yang du'o/ /ji skad du/ me long la ni dbugs kyi rlung/ /ji ltar de la thim 'gyur ba/ /yang dag mdza' la rnal 'byor pas/ /yang dang yang du de bzhin 'jug ces 'byung/ /kun tu snang ba la sogs pa snang ba gsum pa ni chags bral dang chags pa dang chags pa bar rnams/ /'dod chags la sogs pa rang bzhin brgya drug cu dang bcas pa rnams ni zhes pa ni dge ba dang mi dge ba dang lung du ma bstan pa'i sems las byung ba'i chos dang bcas pa'o/ /'od gsal ba zhes pa ni dri ma med pa

  643. 322a

    ste phyag rgya dang ting nge 'dzin gyi rim pas spangs na shel sgong dag pa dang 'dra bar 'gyur ro/ /thams cad stong pa la bltos pas shes pa ni de kho na nyid bzhi pa la 'jug pas so/ /sgyu ma lta bu'i lus mi len zhes pa ni bdag la byin gyis brlab pa'i rim pas thob par bya ba'i sgyu ma'i lus sbyong bar byed pas so/ /ye shes gsum ni snang ba ste/ de med pas na snang ba med pas so/ /'bras bu'o zhes pa ni/ /zung du 'jug pa'i ting nge 'dzin to/ /de thob pa'i rgyu ste zhes pa ni rdo rje bzlas pa la sogs pa rim pa gsum mo/ /rtog pa gnyis po de dag de nas yod pa ma yin no zhes pa ni rim pa bzhi pa la rim pa dang po la sogs pa gsum dang rim pa lnga pa yang med pas so/ /dngos pa thams cad rang bzhin gyis/ /rang rang ngo bo la gnas so/ /zhes 'byung ngo/ /dngos po ni dngos gzhan las ldog pa la 'jug pa'o/ /gnas ni phyag rgya'i pad+ma'o/ /gnas pa'o zhes pa ni gsang ba'i rdo rje'o/ /ting nge 'dzin gyi rim pa la yang gnas ni rtsibs brgyad pa'i chos kyi dbyings kyi 'khor lo'o/ /gnas pa ni 'od spro ba'i rim pa'o/ /gnyis po de dag 'od gsal la 'jug pa des na mi dmigs par 'gyur te zhes pa ni rnam par mi rtog pa yin pas so/ /ji skad du ji srid sgom pa'i sbyor ba ni/ /ji srid las ni dang po can/ /yongs su rdzogs pa'i rnal 'byor ni/ /de ni 'od gsal bstan par bya zhes 'byung ngo/ /dgongs pa ma yin pas bshad pa'i/ /zhes pa ni shin tu gsol ba'i de kho na nyid bstan pas so/ da ni zung du 'jug pa'i rim pa zhes bya ba ni rim pa lnga pas so/ /ldang ba'i gnas bstan pa'i phyir zhes pa ni 'od gsal ba de las rdo rje'i sku gzung ba'i gnas bstan par ro/ /'dzin pa'i yan lag ces pa ni yan lag bzhi de rgyud phyin? ?

  644. 322b

    ?? sor sdud dang bsam gtan dang/ /srog dang rtsol ba 'dzin pa dang/ /rjes su dran dang ting 'dzin ni/ /yan lag drug gi rnal 'byor bshad/ /ces 'byung ngo/ /de'i rjes su 'og tu dran pa ni ldang ba'i zhes pa ni rmi lam dang rgyu ma dang mtshungs pas de las spro ba zhes bya'o/ /de bsgom pa ni bden pa gnyis kyi bdag nyid de nye bar mtshon pas rnam pa dang bcas pa dang rnam pa med pa la sogs pa gnyis kyi bdag nyid kyang yin no zhes bya'o/ /rdo rje 'chang chen po zhes pa ni drug pa'i 'o ting 'dzin ? gcig pa nyid kyis dmigs pa'o/ /de nas zhes bya ba'i sgra ni tha dad pa rim pa ste/ zhes pa ni tshig gnyis pa las drangs te 'dir bshad par bya'o/ /de nyid bstan par bya ba'i phyir/ /'dzin pa'i yan lag tu zhes pa ni man ngag bzhi pa'i 'og tu zhes bya ba'i don to/ /kun rdzob kyi bden pa ste zhes pa ni byis pa'i skye bos de nyid rang bzhin bzung bas so/ /don dam pa'i bden pa ste zhes pa ni spros pa thams cad 'bral ba rab tu snang ba'i phyir ro/ /rang bzhin dang ldan pa'i zhes bya ba la sogs pa ni bar ma'i tshig mi mngon pa'i las 'dzin pa'i ba spu ba ste lo ma'i rgyal po bzhin no/ /de gang yin zhe na zhes pa ni dri ba'o/ /gnyis su med pa'i ye shes kyi bdag nyid can zhes pa ni kun rdzob dang don dam pa dbyer med pa'i rang bzhin no/ /rdo rje 'chang chen po'i sku'o zhes pa ni drug pa'o/ /de na gnas pa'i 'ja' tshon zhes pa ni dbang po'i gzhu ste/ rten dang brtan pa dbyer med pa'i phyir tshom bu du ba bzhin no/ / de dang mnyam pas na zhes pa ni mig yor dang/ sgyu ma nyid du snang bas de nyid nam mkha' o/ /rgyu ni rim pa bzhi pa'o/ /'bras bu ni rim pa lnga pa'o/ /de dag gnyis su med pa ni dbyer med pas so/ /zung du 'jug pa'i rim pa la

  645. 323a

    rgya dang 'bras bur snang ba ni med de/ /rnam par mi rtogs pa'i phyir ro snga ma'i smon lam gyi dbang gis sems can gyi don 'grub pa yin gyi dgongs pas ni ma yin no/ /skyes bu yid bzhin nor bu ltar/ /de yid phreng ba tsam gyis ni rtsig pa la sogs rnams las kyang/ /ji bzhin bstan pa rnams 'byung/ /'jig cing zad pas na zhes pa ni 'dus byas pa'i dngos po skye ba'i tshas dang ldan pa'o/ /de las gzhan bas na mi zad pa'o zhes pa ni mi 'jigs pa'i chos can gyi ngo bo de las byung bas na/ mi 'gyur ba ste zhes pa ni gnyis ka dang bral ba'o/ /skye ba dang 'jig pa dang bral ba zhes bya ba'i bar du'o zhes pa ni nye bar mtshon pa yin te/ 'on kyang yod ba dang med pa dang dngos po dang dngos po ma yin pa dang/ 'phel ba dang 'grib pa dang stong pa dang/ snying rje dang thabs dang shes rab dang/ rtag pa dang chad pa dang/ 'gro ba dang 'ong ba la sogs pa dang bral ba zhes bya'o/ /bden pa gnyis so zhes bya ba la sogs pas gang gi tshe ye shes de la bden pa gnyis po ro gcig par 'gyur bar snang ba de'i tshe gnyis su med pa yin no/ /gang gi tshe zung 'jug de la yod pa de'i tshe gnyis su med pa yang yod pa yang ma yin no/ /sdug bsngal thams cad ni 'jig rten pa'i chos brgyad la sogs pa'i rnam par rtog pa'o/ /nye bar zhi ba'i mtshan nyid can yin pas na zhes pa ni de bcom par byed pas na zhi ba zhes bya'o/ /de nyid kyi phyir zag pa ni chags pa la sogs pa dang de las byung ba rang bzhin brgya drug cu'o/ /de med pas na zag pa med pa'o/ /reg bya'i yul ma yin pas na zhes pa ni 'dus byas pa'i dngos po ni rag par bya bar nus te/ 'dus byas ma yin pa'i rang bzhin gang yin pa de ni gang gis reg par bya'o/ /dgongs pas bshad pa'o zhes

  646. 323b

    pa ni 'gal ba'i tshig gi sgo nas de kho na nyid ston pas so/ /de ltar zhes bya ba la sogs pas sngar bshad pa'i don bsdus nas bshad par bya ste/ chos kyi sku ni rim pa gnyis pa dang bzhi pa dag gis thob par bya'o/ /longs spyod rdzogs pa'i sku ni rim pa gsum pa dang lnga pas thob par bya'o/ /gnyis su med pa'i mtshan nyid can du nges par byas nas zhes pa ni de dag dbyer med pa ste zung du 'jug pa'i rim pa bshad nas so/ /sprul pa'i sku bzhi zhes pa ni brtag pa'i rnal 'byor pas rtogs par bya ba'i sku'i phyag rgya bzhi bstan par bya ba'i phyir bshad par bya ste/ zhe sdang sbyod par mdzad pas na mi bskyod pa ni thugs kyi rdo rje'o/ /rang gi bdag nyid las nges par byung ba'i lha mo rnams kyi 'khor lo zhes pa ni snyoms par zhugs pa las byung ba'i rigs kyi yum bzhi dang/ /gzugs la sogs pa yul lnga'i lha mo'i tshogs so/ /bud med kyi gzugs su mngon par sprul nas zhes pa la sogs pa ni le'u dang po nas bshad pas na/ /'dir ma bshad do/ /der zhes bya ba la sogs pas ni ma mo'i 'khor los byas pa'i phyi dang nang dang gsang ba'i mchod pa bstan to/ /chags pa la sogs pa nyams su myong ba zhes pa ni snyoms par 'jug pa'i dbang gi ye shes gsum rang gis rig pa'o/ /bu mo'i zhes pa ni sme sha can gyi bu mo ste utpa la sngon po'i kha dog 'dra ba'o/ /rang bzhin brtan pas thob cing rnyed pa zhes pa na dam tshig dang sdom pa la sogs pa la brten par brtan pa ste yid ma 'khrul brnyed pa 'am rang gis btsal ba 'am bcom ldan 'das kyis lung bstan pas thob pa 'am dgug pa'o/ /ji skad du lha mo klu mo gnod sbyin no/ /lha ma yin mo mi mo yang/ /rnyed de reg pa'i brtul zhugs bya/ /the tshom med pas de ltar 'grub/ /ces 'byung ngo/ /pad+ma can zhes bya ba la sogs

  647. 324a

    pa rigs bzhi zhes pa ni pad+ma can dang dung can utpal can zhes bya'o/ /de la pad+ma can ni thun mong gi pad+ma dang ldan pa'o/ /dud can ni yon po'i pad+ma dang ldan pa'o/ /utpal can ni pad+ma phra mo'o/ /ba ni shin tu rgyas pa yan lag mchog dang ldan pa'o/ /gzhan dag na re bud med ni gsum ste/ /ri dags mo dang/ rgod ma dang/ glang po mo'o/ /skyes pa ni gsum ste/ /re bong dang/ glang dang/ rta'o zhes zer ro/ /der byas pa'i rab tu dbye ba'i las kyis/ /zhes pa ni ji ltar rdo rje ring ba dang/ pad+ma chung ba dang/ mnyam por 'gyur ro/ /de bzhin du rdo rje phra ba dang pad+ma che ba mnyam por 'gyur ro/ /de ltar rdo rje bar ma dang phra ba'i pad+ma la sogs pa la yang shes par 'gyur ro/ /las drug cu rtsa bzhi'i bya ba'i sbyor bas bsgrub par bya ba dpal rdo rje gdan bzhi'i rgyud las rjes su 'brang bar bya'o/ /'dod pa'i bstan bcos las kyang/ /yang dag par 'jug byed ces dbyer med dngos/ /khyad par sbyor bas de nyid sna tshogs dga' / /de yi spro ba dang ni bshad bya ba/ /'khor ba'i lam ni rgyas dang bsdu ba'i phyir/ /zhes 'byung ngo/ /bdag nyid kyi'o/ /zhes pa rnal 'byor pas so/ /shu zhes bya ba la sogs pas mya ngan shing dang 'dra ba sogs le dang 'dra ba gang gis gcod par 'gyur ba de ni mchog tu dga' ba zhes bya'o/ /khu ba de dang bdag nyid mchod par bya'o zhes pa ni gnyis kas kyang bdag nyid tshim par bye'o/ /'dod pa'i dbang phyug tu gsal bar bstan pa yin no/ /zhes pa ni spros pa'i spyod pa'i sgo nas chags pa'i rol pa la sogs pa rgya che ba bstan pa'o/ /rjes su dran pa'i 'bras bu ni phan yon no/ /yongs su shes pas ni zhes pa la/ sgom pa yongs su rdzogs nas mngon du byed pas so/ /rnam par snang mdzad la sogs

  648. 324b

    pa'i ngo bo nyid kyis zhes pa ni sku rdo rje la sogs pa'i rang bzhin no/ /rdzu 'phrul dang ldan pa'i sku thob par 'gyur ba dang zhes pa ni sku'i dbang phyug la sogs pa'i dngos grub brgyad dang ldan par 'gyur ro/ /'das zhes bya ba la sogs pas yun ring du gnas pa nyid du bstan to/ /mi bskyod pa dang 'brel ba'i zhes bya ba la sogs pas thugs kyi rang bzhin yin pas sems kyi dbang phyug nyid thob par 'gyur ro zhes bstan to/ /yid la gang dang gang 'dod pa zhes pa ni 'khor los sgyur ba'i rgyal srid la sogs pa'i zhes bya ba'o/ /ri bo la sogs g.yo ba dang/ de bzhin 'jig pa 'phrog pa dang/ de yi steng du chu bzhin du/ /nus pa dang 'byung bar 'gyur ro/ /zhes 'byung ngo/ /de'i gsum ni de dang 'brel bas zhes pa na 'od dpag tu med pa'i 'brel ba dang ldan pa'i gsung gi dbang phyug nyid thob par 'gyur te/ de ni gsung rang bzhin yin no zhes bstan pa'i phyir ro/ /ji lta bu zhe na zhes pa ni dri ba'o/ /sgra snyan dang mtshungs pa'i sgra'i ngo bo nyid ces pa ni de'i ngo bo nyid ces pa'o gang zhig smra bar 'gyur ba zhes pa ni dmod pa la 'debs pa dang rjes su gzung ba la sogs pa'i tshig gang yin pa de ni rang bzhin yongs su shes pa nyid kyis 'grub par 'gyur ba ni ngag gi dbang phyug go /yang na sngar med pa'i bstan bcos so sor rtsom pas ni ngag gi dbang phyug go /skye ba srid pa tha ma yin zhing zhes pa ni skye ba phyi ma dang/ mi ldan pa ste skye ba bzhin med pa'i phyir ro/ /zung du 'jug pa'i bdag nyid can gyi ni zhes pa la thams cad mkhyen pa'i ye shes thob pa'i 'o/ /tshe 'di nyid las zhes bya ba ste/ zhes pa'i bskal pa grangs med pa gsum gyis byang chub thob pa'i shes rab pha rol phyin pa'i rnal 'byor pa las ldog pa bstan to/ /las kyi dbang gis zhes pa ni sa dgu pa la las kyi dbang gis

  649. 325a

    thob pa'i rgyur gyur pas so/ /skye bar 'gyur ba dgag par mdzad pas zhes pa ni slar yang srid pa'i skye ba len pa dgag pa yin no/ /skye ba'i las ni rtsa ba yin te/ las dbang du 'gyur na skye ba med do/ /rlung gi sbyor ba med pa yis/ /sems kyi rang bzhin ma dmigs te/ /sems ni rang bzhin rgyur gyur pas/ /las dang skye ba 'byung bar 'gyur/ /zhes 'byung ngo/ /mthong ba'i chos ni mya ngan 'das zhes bya ba la sogs pa 'phags pa'i tshig gis tshang ma nyid du bstan to/ /'bras bu'i khyad par zhes pa ni 'jig rten dang 'jig rten las 'das pa'i dngos grub kyi khyad par ro/ /phyag rgya chen po 'grub pa'o zhes pa ni dpal rdo rje 'chang chen po'i lha'i sku sgrub pa'o/ /sngags la rjes su gzhol ba rnams zhes pa ni bskyed pa'i rim pa'i rnal 'byor pa rnams so/ /'jig rten pa'i dngos grub rnams kyang zhes pa na sman mchog dang bcud kyi len la sogs pa ste/ 'jig rten pa rnams 'dul ba tsam byed pas so/ / zung du 'jug pa'i ting nge 'dzin pa gnam pa rnams la 'grub par 'gyur ro zhes pa ni 'bad rtsol med pas 'grub par 'gyur ro zhes tshig gi lhag ma'o/ /khams gsum mo zhes pa ni khams gsum gyi rang bzhin te/ sangs rgyas thams cad do/ /dbyer med par gyur pa'o zhes pa ni dus gsum pa'i sangs rgyas dang bdag nyid dbyer med pa'i mos pas? so/ /bsgom pa'i rgyu des na 'grub par 'gyur ba ste dbyer med pa'i bsgom pas so/ /yan lag ma nyams par bzlas shing zhes pa ni lha la sogs pa dbyer med pa dang ldan pa'i rdo rje bzlas pas so/ /bden pa mthong bas so zhes pa ni chos thams cad rdzogs pa'i mtshan nyid kyi de kho na nyid yid la byed pas so/ /gal te zhes bya ba la sogs

  650. 325b

    pas tha dad pa'i sgom pas 'jig rten pa'i dngos grub kyang thob par mi 'gyur na 'jig rten las 'das pa'i dngos grub thob par 'gyur ro/ /zhes smras kyang ci dgos pa'o/ /gang gi phyir dngos grub thams cad kyi rgyu ni gnyis su med pa'i ting nge 'dzin te de don nyid yid la byed pa'i ngo bo yin pas so/ /thub pa chen po'i chos kyi phung/ /brgya khri bzhi stong shes na yang/ /gang zhig nyid med mi shes pas/ /de dag thams cad 'bras bu med/ /ces 'byung ngo/ /rnal 'byor thams cad ces bya ba la sogs pas lung tshad pa nyid bstan te/ rnal 'byor thams cad ni thabs gang la yod pa de ni rnal 'byor thams cad de thabs thams cad kyi 'grub par bya'o/ /nyon mongs pa'i sgrib pa la sogs pa bcom pas na bcom ldan 'das so/ /rdo rje sems dpa' ni rdo rje 'chang chen po'o/ /de nyid thob pa dang de las gshegs pas na/ /de bzhin gshegs pa'o/ /khams gsum ma lus zhes pa ni 'gro ba thams cad do/ /de'i longs spyod ni 'jig rten dang 'jig rten las 'das pa'i dngos grub ster ba'i sgo nas dpal rdo rje sems dpa' i dbang du gyur pa'o/ /'di skad bshad pa yin te/ 'jig rten pa dang 'jig rten las 'das pa'i dngos grub ni gnyis su med pa'i ye shes kyi rang bzhin dpal rdo rje sems dpa' la rag lus pa yin no zhes bya bas de nyid la 'bad rtsol bya'o zhes dgongs pa'o/ /'don cing zlos pa zhes pa ni yan lag ma nyams pa'i rim pa dang ngag gi bzlas pos bzlas pa gang yin pa de dag sgrub pa po ni rim pa gnyis la gnas pa'i rnal 'byor pa zhes bya'o/ /spros pa med pa la slob pa'i ngo bo nyid ces pa ni nye bar mtshon pa ste spros pa dang bcas pa dang shin tu spros pa med pa'i spyod pa dang/ kyang slob pa zhes bshad par bya ste/ le'u'i brjod bya ba de rnams yin pas so/ /de nyid mchog ces pa ni dpal rdo rje

  651. 326a

    'chang gi gnas thob par byed pa 'am bya ba dang spyod pa la sogs pa las khyad par du gyur pas so/ /de ston pa ni spyod pa gsum ston par byed pa'o/ /sgra'i tshogs zhes pa ni tshig gi tshogs te le'u zhes bya'o/ /sgra ji bzhin pa zhes pa ni phan yon tsam so sor bstan pa ste/ /sogs pa'i sgras shes par bya'o/ /sgrol ma gsal ba'i 'grel ba'i TI ka las le'u bdun pa'i rgya cher bshad pa'o/ /de ltar zhes bya ba la sogs pas le'u brgyad pa'i bshad pa brtsam par bya ste/ spyod pa la gnas pa zhes pa ni rnam pa gsum gyi spyod pa la rtsol ba byas pas so/ /tshogs yongs su rdzogs par bya ba'i don du zhes pa ni bsod nams dang ye shes kyi tshogs gnyis 'phel bar bya ba'i phyir ro/ /de la spyod pa spyod par 'dzin pa'i rnal 'byor pa la gsang ba'i dbang bskur med pas dngos grub tu mi 'gyur ro zhes le'u brgyad pas de ston pa yin no/ /de las gsang ba'i dbang thob pa'i phyir bla ma la phyi dang gsang ba'i mchod pa byas nas bsod nams kyi tshogs thob par 'gyur ro/ /gang gi tshe mgu bar gyur pa'i bla mas kyang/ slob ma la gsang ba'i dbang bskur byin na de'i tshe/ /des ye shes kyi tshogs thob par 'gyur ro/ /de nyid bstan pa'i phyir/ bla na med pa'i mchod pa bya'o zhes pa ni gang gis ye shes kyis tshogs thob par 'gyur ro/ /spyod pa thos pa'i 'og tu zhes pa ni/ de nas kyi sgras de ma thag pa'i don bshad pa'i phyir ro/ /dkon mchog dpal ni ci'i phyir zhen smras /nam mkha' khams kyi rang bzhin ni byang chub kyi sems te de'i rang bzhin yang rin chen dpal lo/ /zhes pas de la 'dri ba po ni mthun pa'o/ /de nyid bstan pa'i phyir/ byang chub kyi sems zhes pa ni byang chub kyi sems kyis bsam pa thams cad rdzogs par byed pas so/ byang chub

  652. 326b

    kyi dbang bskur ba'i gsol ba'i gzhir gyur ba'i phyir ro zhes pa ni gsang ba'i dbang bskur de'i rang bzhin gsol ba 'debs par byed pa yin pas so/ /b+ha gar bzhugs pas na zhes pa ni b+ha ga'i nang du 'dod pa'i gdugs kyi rtsal byang chub kyi sems gnas pas so/ /rigs thams cad kyi bdag nyid can zhes pa ni rigs lnga nye bar bsdud pas so/ /dam pa ni spyan ma la sogs pa zhes pa ni mchog tu dga' ba rab tu ster ba rigs kyi yum bzhi zhes bya ba ste dran pa'i don to/ /mchog gi de kho na nyid gzhal bar byed pas na dam pa ni 'byung ba'i rtsa bzhi'o/ /spyan ma la sogs pa ni rus sbal ma dang zla ba ma/ /lhas sbyin ma dang nor rgyas ma zhes bya'o/ /de rnams kyi dbang phyug ni gtso bor gyur pa ste zhes pa ni rtsa dbus ma bzhi dang ldan pa thig le'i gzugs su 'jug pa ste nges pa'i don to/ /rdo rje 'chang chen po'i drug pa'o/ /mnyes par byas so zhes pa ni gsol ba 'debs par byas pa'o/ /tshigs su bcad pa de bzhis de bzhin gshegs pa drug gi sgo nas bstan par bya ste/ /rdo rje ltar mi phyed pa'i tshul gyis mdzes pas na zhes pa ni de bzhin gshegs pa lnga bsdu bar byed pa rnam par mi rtog pa'i ye shes mi phyed pa'i de kho na nyid ston pa'i ngang tshul can te/ bcom ldan 'das rdo rje 'chang chen po'o/ /gang gis sems can mang zhing zhes pa ni sangs rgyas dang byang chub sems dpa' rnams so/ /sangs rgyas nyid du son par mdzad pa ni rdo rje 'chang chen po bsgoms nas/ sangs rgyas nyid thob pa yin gyi gzhan gyi sa ni ma yin te/ rtogs pa dang bcas pa'i phyir ro/ /gang gis phyir de bzhin gshegs pa'i dbugs dbyung ba ni 'khor ba dang rdo rje 'chang gi dbyung ba ni mya ngan las 'das pa yin no zhes 'byung ngo/ /des ni rdo rje 'chang chen po'i sgo nas bstod pa'o don dam pa'i bden pa ni rim pa gnyis pa 'am

  653. 327a

    bzhi pas thob par bya ba'i 'od gsal ba'o/ /de rnams par dag pa'i spyod pa ni zhes pa la 'jig rten pa'i chos brgyad rnam par dag pa'i mtshan nyid do/ /ji ltar sdug bsngal de bzhin bde zhes bya ba la sogs pa 'byung bas so/ des rnal 'byor pa'i rgyud spyod par byed pas na zhes pa ni rnam par mi rtog par byed pa'o/ /de spyod pas ni sems so sor rtog par bya ba yin te/ des ni rin chen 'byung ldan gyi sgo nas bstod pa'o/ /rnam par rtogs pa thams cad kyi spros pa dang bral pa zhes pa ni sems can rnams lam smin pa la sogs pa rtog pa thams cad de/ de dang bral ba ni sems can rnams la bstan pa dang grol ba dang smin pa la sogs pa'i mtshan can gyi spyod pa'o/ /des na phul du byung bas na zhes pa ni bya ba nan tan grub pa'i ye shes dang ldan pa'o/ /rgyal bar gyur pas na zhes pa ni mthong ba dang bsgom pa la sogs pa'i lam gyis nyon mongs pa dag par mdzad pas na rgyal ba'o/ /sangs rgyas la sogs pa ste zhes pa ni bse ru la sogs pa'o/ / de rnams 'od zer gyis bskul bas sngags kyi tshul la 'jug par mdzad pas na mchog ni don yod grub pa'o/ /des ni don yod grub pa'i sgo nas bstod pa'o/ /sgra ji bzhin pa'o zhes pa ni spyod pa'i sgo nas bstod pa'i don bstan pa'i phyir ro/ /'dod chags la sogs pa nyon mongs pa dang nye ba'i nyon mongs pa rnams 'dod chags la sogs pa'i sgo nas sbyor bar mdzad pa'i phyir ro/ /'dod chags zhes bya ba la sogs pas bstan te/ bar gyi sbyor ba tshig mi mngon pa zhes dgongs de ston par mdzad pas na de skad ces bya'o/ /nam mkha' i dbyings dang mtshungs pa zhes pa rnam par mi rtog pa'i byang chub kyi sems kyang nam mkha' o/ /de'i rang bzhin yin pas na mchog ces 'od dpag tu med pa'i sgo nas bstod pa'o/ /dus

  654. 327b

    gsum du gshegs pa'i de bzhin gshegs pa rnams te rnam par snang mdzad kyi rigs can no/ /skye bar mdzad pas na zhes pa ni rnam par snang mdzad kyi rigs las 'byung bas so/ /bag chags ma lus pa dang bral ba zhes pa ni nyon mongs pa dang shes bya'i sgrib pa med pa'o/ /'khor ba ji srid par gnas pa zhes pa ni 'khor ba'i bar du gnas pa'o/ /sems can gyi khams sbyong bar byed pa'i ye shes ni me long lta bu'i ye shes te grol bar byed pas na thar pa zhes bya'o/ /lam ni lam lnga'i mtshan nyid de rgyu'o/ /'chad par mdzad pa zhes ni rnam par snang mdzad nyid do/ nyan thos la sogs pa'i theg pa gsum mo zhes pa ni de'i tshe dgongs pas chos kyi 'khor lo bskor ba'i phyir ro/ /de la lam gyi ngo bo nyid kyis rab tu gnas pas na/ zhes pa ni lam gyi ngo bor bcom ldan 'das gnas pa'o/ /rnam par snang mdzad la sogs pa zhes pa ni sprul pa'i rnam par snang mdzad dang/ spyan dang gzugs rdo rje ma la sogs pa'o/ /de rnams kyi bdag por gyur pas zhes pa ni longs spyod rdzogs pa'i sku'i rang bzhin gyi rnam par snang mdzad de bdag po'o/ /des na dag pa'i bdag nyid can gyis zhes pa ni rang dang gzhan gyi don phun sum tshogs pa la mkhas pas dag pa'i gnas thob pa'o/ /des ni rnam par snang mdzad kyi rang bzhin gyis bstod pa'o/ /byang chub ni chos kyi dbyings kyi ye shes so/ /de'i ngo bo'i thugs gang la yod pa de mi bskyod pa zhes bya ba'i don to/ /rgyas pa'i spyan dang ldan pa gang yin pa de ni zhes pa ni skyes bu chen po'i mtshan dang ldan pa nyid bstan to/ /chos kyi 'khor lo ni rnam pa bcu gnyis pa'o/ /zhes pa ni bden pa ni bzhi ste/ sdug bsngal ba dang/ kun 'byung dang 'gog dang lam bya ba ste/ mthong ba'i lam la'o/ /sdug bsngal shes par bya/ kun 'byung dgag par bya/ 'gog pa mngon du bya/ lam bsgom par bya

  655. 328a

    zhes bya ba bsgom pa'i lam mo/ /sdug bsngal shes/ kun 'byung spong/ /'gog pa mngon du bya lam bsgom zhes mi slob pa'i lam ste/ de ltar rnam pa gsum bskor ba ni bden pa bzhi ste rnam pa bcu gnyis zhes bya'o/ /bcom ldan 'das kyis khams gsum po la rab tu bskor bar mdzad do/ /sku dang gsung dang thugs rdo rje 'chang gi ngo bo yin pas na/ rdo rje gsum mi phyed pa'i mtshan nyid do/ /des ni mi bskyod pa'i sgo nas bstod pa'o/ /drang ba'i don zhes pa ni/ de bzhin gshegs pa drug gi ni bstod pa tsam bstan pas so/ /da ni rdo rje 'chang chen po nyid nges pa'i don gyi sgo nas bstod par bya ste/ /ye shes gsum gyi sgo nas zhes pa ni snang ba ni zhes sdang ngo/ /snang ba mched pa ni 'dod chags so/ /snang ba nye bar thob pa ni gti mug ste ma rig pa'i ngo bo yin pas so/ /de nyid bstan pa'i phyir/ 'dod chags ni thabs kyi rang bzhin zhes bya ba la sogs pa bstan to/ /'od gsal ba zhes pa ni mi phyed pa'i phyir ro/ /de nyid ces bya ba la sogs pa 'od gsal ba dri ma rnam par dag par byed pa nyid bstan to/ /dbang po mchog ni rnam par shes pa ste/ thams cad kyi mchog yin pas so/ /de nyid shel sgong dag pa dang mtshungs pa ni dbang po mchog tsam mo/ /de bzung bas ni bcom ldan 'das te rnal 'byor gyi mngon sum gyis rtogs par bya ba nyid du bstan to/ /rdo rje 'chang chen po ni brtan pa dang g.yo ba'i dngos po thams cad kyi dang por gyur pas na mchog ces bya'o/ /'od gsal ba yang dngos po'i tshogs thams cad kyi dang po nyid chos kyi ngo bo yin pas so/ /rnam par snang mdzad la sogs pa sangs rgyas dang byang chub sems dpa' i rigs lnga las 'byung ba ste/ gang du ni rdo rje 'chang chen po'i rigs gcig pa thim par gyur pas na de la de skad ces bya ba'o/ /gnyis su

  656. 328b

    med pa'i ye shes kyi bdag nyid can no zhes pa ni 'od gsal ba dang de'i bdag nyid kyi mtshan nyid kyi mchod pa zhes bya'o/ /rdo rje sku nyid kyis zhes pa ni zung du 'jug pa'i sku nyid kyis so/ /tshad med pa'i lha mo dang snyoms par zhugs pas zhes pa ni rigs kyi yum dang mchod pa'i lha mo dang/ pho nya mo dang bka' nyan mo dang bran mo'i pad ma'i 'brel pas so/ /mchog tu dga' ba'i mtshan nyid gcig par zhes pa ni bde ba chen po'i ngo bo gcig gis so/ /lha dang mi las 'das pa'i zhes pa ni lha dang mi rnams kyi bde ba ni ma dag pa ste/ mi rtag pa'i chos dang ldan pa'i phyir dang bral ba'i sdug bsngal gyis rnam par smin pa tsha ba yin pas dri ma med pa ma yin no/ /bcom ldan 'das kyis bde ba chen po ni zag pa med pa ste rtag pa zhes bya'o/ /yon tan brgyad kyi dbang phyug bde ba zhes pa ni sku'i dbang phyug la sogs pa ste sngar bshad zin no/ /de ltar gyur pa'i bde ba chen po thob pa'i thabs ni rigs dang bsam pa la sogs pa'i dbye bas rnam pa du ma gang yin pa de ston par mdzad pa ni de so sor ston par mdzad pas so/ /shes rab dang thabs dang nye bar thob pa gsum ni snang ba gsum mo/ /de nyid bgrod par bya ba yin pa na lam ste rgyu'o/ /don dam pa'i bden pa'o zhes pa ni rim pa gnyis pa dang bzhi pas thob par bya ba'i 'od gsal ba'o/ /de nyid blang ba yin pas na grong khyer dang 'dra ba ni grong khyer chen po'o/ /der 'jug par mdzad pas na zhes pa ni de ston par byed pa'o/ /bde ba thams cad ni snang ba la sogs pa'o/ /bdag nyid ni 'Od gsal ba'o/ /de sgrub pa ni rdzogs par byed pa zhes bya ba'i tha tshig go /bden pa gnyis kyi bdag nyid can yin pas na zhes pa ni kun rdzob dang don dam pa gnyis kyi ngo bo yin pa'i phyir ro/ /byan chub ni don dam pa'i bden pa zhes bya ba la sogs pas zung du 'jug pa'i rim pa gtso bor gyur

  657. 329a

    gyur pa bcom ldan 'das kyi bstan to/ /rgyas shing zhes bya ba la sogs pas mdor bstan pa'o/ /de gang zhe na zhes pa ni 'dri ba'o/ /zhes bya ba la sogs pa ni rgyas par bshad pa'o/ /de la sha'i mig gis bcom ldan 'das skyes bu chen po'i mtshan dang ldan pa zhes bya'o/ /lha'i mig gis ring ba dang bskal ba dang bar mchod dang bcas pa'i dngos po rnams gzigs so/ /shes rab kyi mig gis dngos po'i rang gi mtshan nyid gzigs so/ /chos kyi mig gis chos thams cad stong pa ye shes lnga gzigs so/ /sangs rgyas kyi mig gis 'ba' zhig dri ma med pa mdza' yas pa nam mkha' dang mtshungs pa chos kyi dbyings so sor rtogs par 'gyur ro/ /'dus byas pa dang 'dus ma byas pa bden pa gnyis kyi bdag nyid can no/ /zhes pa ni kun rdzob dang don dam pa la sogs pa'o/ /de sems can gyi 'jig rten du rab tu ston par mdzad pas na zhes pa ni de'i man ngag sten par byed pas so/ /yang dag pa'i mdza' ni 'od gsal ba'o/ /de rnam par dag pa'i sku gsum la sogs pa bdag la byin gyis brlab pa'i rim pas thob par bya'o/ /de'i bdag nyid can ni de'i rang bzhin yin pa'i phyir ro/ /mi 'jigs pa'i lam gyi bdag nyid yin pas na zhes pa ni phyir mi ldog pa'i lam gyi rang bzhin yin pas so/ nges pa'i don to zhes pa ni yang dag pa'i de kho nyid ston pa'i phyir ro/ /thams cad stong pa ste/ zhes pa ni de kho na nyid bzhi pa ste/ nam mkha' la ni nam mkha' sbyar/ /thams cad nam mkha' nam mkha' che/ /zhes 'byung ngo/ /ye shes chen po la bltos pas chen po yang yin la/ 'od gsal yin pa'i phyir mi 'gyur ba yang yin no zhes bsdu ba'o/ /thams cad kyi dbang bskur bar gyur pas na zhes pa ni/ de bzhin gshegs pa thams cad kyi rdo rje 'chang chen po ni cod pan du 'gyur bas so//

  658. 329b

    nam mkha' i mdzod kyi ting nge 'dzin gyis zhes pa la sogs pa ni mi zad pa'i gter gyi phun sum tshogs par byed pa'i dngos po dang ldan pas so/ /'jig rten gsum gyis mchod par bya ba drag po dang khyab 'jug dang mtshangs pa la sogs pa rnams kyi yang bdag po yin pas so/ /don dam pa'i bden pa zhes pa ni gnyis pa 'am bzhi pa'i 'od gsal ba ste mi phyed pa'i phyir ro/ /bsam pa thams cad rdzogs par byed pas shes pa ni sgyu ma lta bu'i ting nge 'dzin gyis 'gro ba'i don rdzogs par byed pas so/ /bdag la byin gyis brlab pa'i rim pas thob par bya ba'i ye shes kyi sku ni rin chen zhes bya'o/ /de'i ngo bo nyid kyis de zung du 'jug par byed pas na zhes zung du 'jug pa'i rim pa bstan to/ /dgongs pa ma yin par bshad pa zhes pa ni shin tu gsal ba'i de kho na nyid so sor bstan pas so/ /dus gsum du bzhugs pa rgyal ba rnams ni 'das pa la sogs pa'i dus gsum la bzhugs pas so/ /de dang 'brel pa dang ldan pa'i mchod pa ni zhes pa la/ de bzhin gshegs pa thams cad 'jug pa sngon du 'gro bar byang chub kyi sems spro zhing spyod pa'i phyir ro/ /bskyed pa'i rim pa la gnas pa'i thun mong yin pa zhes pa ni ting nge 'dzin gsum sgom par byed pa'i rnal 'byor pa rnams la spyod yul ma yin pa'i phyir ro/ /'o na dang po dbang bskur ba'i dus su ji srid slob dpon dang gsang ba dang shes rab dang bzhi pa yang ni de bzhin no zhes bya bas dbang mo bskur ba de srid sngags kyi theg pa bstan pa dang nyan pa dang bsam pa dang bsgom pa la dbang ma yin no/ /bskyed pa'i rim pa'i rnal 'byor rnams kyis kyang 'di dag thams cad byed pas na ji ltar thun mong ma yin pa zhes bshad ce na/ smras pa/ bskyed pa'i rim pa'i rnal 'byor pa rnams la dbang bskur ba'i rim pa thams cad bla ma rnams kyis kun tu spyod par

  659. 330a

    byed pa ste/ snod du bya ba'i phyir/ /de rnams kyi pha rol la bstan pa'i phyir dbang ni ma gnang ste rdzogs pa'i rim pa mi rtog pa'i phyir ro/ /rdzogs pa'i rim pa'i rnal 'byor pa rnams kyis thams cad la dbang byed pa yin no zhes nyes pa ni cung zad kyang med do/ /rdo rje mi phyed gsum zhes pa ni sku gsung thugs kyi rdo rje 'chang dbyer med pa'i rang bzhin no/ /de ni khams gsum pa rnams nyid kyi sku dang gsung dang thugs dang 'dus par mdzad pa na/ zhes pa ni khams gsum gyi nang na gnas pa rgyal ba'i tshogs dang/ rang gi sku la sogs pa dang lhan cig tu gcig tu bya'o/ /gsang ba'i dbang bskur ba'i dus su khams gsum na gnas pa'i de bzhin gshegs pa thams cad rdo rje slob dpon gyis kha spyad du bya'o zhes bstan to/ /rgyal ba rnams 'di las 'byung bar gyur pa na zhes pa ni spyod pa tha mal pa'i lus spangs nas slob pa rnams kyis rdo rje 'chang gi rnam par smin pa'i sku thob par 'gyur ro/ /de dus brtsams nas de ni rtog pa med/ /de yi dbyings dang kha dog ji ltar mtshon/ /bsam gyis mi khyab rnam par smin pa'i sku/ /bya ba byas pas sdom pa de las thob ces 'byung ngo/ /dgongs pas bshad pa zhes pa ni 'gal ba'i tshig gi sbyor bas de kho na nyid so sor bstan pas so/ /de nyid ces bya ba la sogs pas gsang ba'i dbang bskur ba sbyin par bya ba'i phyir rdzogs pa'i rnal 'byor bdag la byin gyis brlab pa'i rim pa ye shes kyi sku bzung ba bstan to/ /yid du 'ong ba'i gzugs can yin pas na zhes pa ni 'ja' tshon ltar 'od spro ba'i bdag nyid dam rnam pa thams cad mchog dang ldan pa'o/ /bden pa gnyis kyi bdag nyid can ni sems

  660. 330b

    rnam par dag pa'i rim pas don dam pa'i bden pa'i bdag nyid can dang bdag la byin gyis brlab pa'i rim pas kun rdzob kyi bden pa'i bdag nyid can no/ /gzugs gzang zhes pa ni chog mi shes pa'i gzugs so/ /gzhon pas brgyan pa'i zhes pa ni rnam pa thams cad mchog dang ldan las so/ /lha nyi shu rtsa lnga'i bdag nyid can gyi zhes pa ni nye bar mtshon pa tsam yin te/ lha sum cu rtsa gnyis 'khor dang ldan pa zhes bya ba'i tha tshig go /bdag la byin gyis brlab pa'i mtshan nyid can zhes pa ni cig car ram snang ba nye bar thob pa la sogs pa'i rim pas 'od gsal ba las 'byung ba zhes bya ba'i don to/ /bla ma'i kha nas rnyed pa zhes pa ni rdo rje slob dpon gyi zhal nas thob nas so/ /yang na dgongs pas bshad pas bla ma'i kha ni 'od gsal ba ste de las rnyed nas so/ /de nyid dang bla na med pa'i mchod pa rab tu brtag cing bya ba'o/ /zhes pa ni bdag la byin gyis brlab pa'i rim pa'i mtshan nyid kyi ye shes kyi sku bzung ba'i rang bzhin gyi mchod pa zhes bya'o/ /dbus kyi gtso bo'i bdag la byin gyis brlab pa'i rim pas skye bar bstan nas/ dkyil 'khor pa rnams la ji lta bu yin zhe na/ smras pa/ byol song gi sgra ni logs na yod pa la bya ste zhes pa ni shar la sogs pa'i phyogs dang mtshams brjod pa'i phyir ro/ des na bdag po las gzhan pa ni 'khor rnams la'o/ /dkyil 'khor gyi lha'i sku zhes pa ni 'khor gyi lha'i sku rnams so/ /rdo rje 'chang chen po dang 'dra bar bzung ste zhes pa ni cig car ram snang ba nye bar thob pa'i rim pa la sogs pa gzung ba'o/ /rdo rje 'chang chen po'i rnam par 'phrul pa'i phyir ro/ /zhes pa ni de'i sprul pa'i sku'i rang bzhin yin pa'i phyir gtan tshigs bshad do/ /dgongs pas bshad pa'o/ /zhes pa ni bu mo la sogs pa'i 'gal pa'i sgra'i sgo nas bdag la byin gyis brlab pa'i rim pa

  661. 331a

    bstan pas so/ /'jig rten las 'das pa'i rnal 'byor pa zhes pa ni rdzogs pa'i rim pa'i rnal 'byor pa rnams so/ /de ni bskyed pa'i rim pa'i rnal 'byor pa rnams kyi zhes pa ni sngags la mos pa'i brtags pa'i rnal 'byor pa rnams kyi'o/ /sa'i phyogs shes pa ni gtsug lag khang dang nags tshal dang chu bo'i 'gram la sogs la'o/ /sa sbyang ba la sogs pa'i rim pas zhes pa ni sa sbyang ba la sogs pa rnam pa nyi shu'i cho gas so/ / yongs su dag pa ni zhes pa la rdo dang phub ma la sogs pa gton pa'o/ ji skad du/ phub ma rdo dang rde'u dang/ /sol ba la sogs bton byas nas/ /'bru dang rin chen sman snying po/ /shin tu legs par brdung bar bya/ /zhes 'byung ngo/ /skye ba dang 'dus pa dang bral bas zhes pa ni de'i dbang gi sems rtse gcig par 'gyur ro/ /lam gyis sgra ni tha dad pa'i rim pa ste sa la sogs pa'i sgra las 'og tu blta bar bya'o/ /phyogs gzhan ston pa yin par blta bar bya'o zhes pa ni rnam par rtog pa rab tu ston pa'i phyir ro/ /sngags pa'o zhes pa ni sngags pa sgrub pa la gzhol ba'i sgrub pa po'o/ /skye bo dam pa'o zhes pa ni skyes bu dam pa ste dge bsnyen rnams so/ /de rnams kyi khyim ni mchod khang la'o/ /lha'i khang pa zhes pa ni lha chen la sogs pa'i lha khang la'o/ /gang gi phyir dbang phyug dang lha chen po la sogs pa smod par bya ba ma yin te/ bcom ldan 'das rdo rje 'chang gi sprul pa yin pas so/ /ji skad du/ pha rol rgol ba kha cig gang/ /rtags kyi dbye bas rnam par gnas de rnams 'dir mod mi bya ste/ rdo rje sems dpa' i sprul pa'i phyir/ /zhes 'byung ngo/ /ba'i lci ba la sogs pa'i zhes pa ni ba'i 'brel ba dang ldan pa'i lci ba dang chu blang bar bya ste gtsang spra yin pa'i phyir ro

  662. 331b

    shing shin dri bzang po la sogs pa yongs su bzung ste zhes pa ni tsan dan la sogs pa'i dri'i chu zhes bya ba'i tha tshig go /byug cing dkyil 'khor bya'o zhes pa ni gru bzhi pa'i dkyil 'khor bya'o/ /lam gyi sgra ni ma bshad pa dag kyang bsdu ba'i don to zhes pa ni me tog la sogs pa yang bzung ba'i phyir ro/ /des ni me tog la sogs pa zhes bya ba la sogs pa bstan to/ /rang gi lha mnyes par bya ba'i don to zhes pa ni/ rang gi yi dam gyi lha yongs su mgu bar bya ba'i don to/ /nyin re'i ni ji srid dkyil 'khor gyi cho ga yongs su rdzogs pa'o/ /de ltar zhes bya ba la sogs pas snying rje chen po bya ba ston du 'gro bar gnas bzung ba dang bgegs bskrad pa dang/ stong pa nyid bsgom pa dang/ ye shes kyi sa bzhi dang/ gzhal yas khang bskyed pa dang/ lhag par mos pa'i dkyil 'khor dang/ don dam pa'i dkyil 'khor bsgom pa dang/ gnas pa la sogs pa'i dbye ba dang/ chos kyi dbyings kyi sngags brjod pa sngon du 'gro bar sngags dgod pa dang phyag mtshan las rdo rje 'chang gi sku pa sgrub pa dang mi bskyod pa rjes su 'jug pas dbus kyi gtso bo rdzogs pa dang/ ye shes sems dpa' dang ting nge 'dzin sems dpa' bsgom pa byas la 'chad par 'gyur ba'i zhes bya ba ste/ de nyid bstan par bya ba'i phyir rnal 'byor dang rjes su rnal 'byor byas la bstan to/ /bdag nyid ni rang gi lha'i sku'o/ /rang gi phyag rgya ni dam tshig gi phyag rgya dang ye shes kyi phyag rgya dang gang yang rung ba'i 'o/ /rigs sngar bya ba ni/ phung po khams dang bskyed mchod? la sngags dgod pa'i mtshan nyid can gyi shin tu rnal 'byor dang/ de bzhin du sku la sogs pa byin gyis brlab pa'i rnal 'byor chen po zhes bya'o/ /de srid kyi bar 'dir yi ge hUM ni rnam par shes pa na snying la gnas pa'i phyir mi bskyod pa'i rigs dgod

  663. 332a

    bar shes par bya'o/ /skra skye ba'i gnas ji srid pa'i bar du yi ge oM las byung ba'i rnam par snang mdzad dgod do zhes pa ni yan lag dang snying lag thams cad kyi rang bzhin gyi lus kyi mgo bo gtso bo yin pa'i phyir ro/ /lus kyi rang bzhin yang rnam par snang mdzad yin pa'i phyir ro/ /bskyed pa'i rim pa shes pa'o zhes pa ni shin tu rnal 'byor gyi dgod pa shes pas so/ /'dir yi ge a las byung ba'i 'od dpag tu med pa dgod par bya'o zhes pa ni 'od dpag tu med pa ni ngag gi rang bzhin gyi yin pa'i phyir ro/ /dag kyang lkog ma nas gsal bar 'gyur ro zhes bya ba'i tha tshig go /der yi ge ha las byung ba'i don yod grub pa dgod par bya'o zhes pa ni rkang pa'i bar rkang pa gnyis la las kyi rdo rje dgod par bya ste/ don yod grub pa ni 'gro ba dang 'ong ba'i rang bzhin gyi rlung gi khams kyi mtshan nyid dang mthun pa'i phyir ro/ /lte ba zhes pa la sogs pas lte ba la sogs pa las swA las byung ba'i rin chen 'byung ldan dgod par bya ste lte ba la sogs pa khong stong yin pas nam mkha' i khams kyi ngo bo rin chen 'byung ldan dang mthun pa'o/ /rgyal ba dang rgyal ba'i sras dag ni rgyal ba'i sras zhes bya ste/ zhes pa ni mi 'dra ba rnams kyang gcig tu bsdu bar 'byung ro/ /rnam par snang mdzad la sogs pa zhes bya ba la sogs pas mdor bsdus pa'i sgrub thabs pa la sogs pa'i rim pas de rnams kyi kha dog la sogs pa shes par bya'o zhes bstan to/ /rigs lnga'i bdag nyid dgod pa zhes pa ni rnam par snang mdzad la sogs pa dang de'i rigs can rnams dgod do/ /ji lta ji lta bar bya'o zhes pa ni de bzhin gshegs pa la sogs pa gang dang gang gi gnas la de dang de dgod par bya ba dang/ sku gsung thugs kyi

  664. 332b

    byin gyis brlab pa yang bya'o/ /de ltar bya ba'i snyoms par 'jug pa'i phyag rgya sbyong mod du 'gro bar rdo rje dang pad+ma mnyam par sbyar bar byas pas so/ /des ni yan lag bzhi pa dang po sbyor ba zhes bya ba'i ting nge 'dzin bstan to/ /dkyil 'khor rgyal ba'i mchog bstan pa'i phyir/ /rang gi phyag rgya'i chos 'byung te zhes smos te reg bya rdo rje ma la sogs pa'i pad+ma'o/ /de'i dbus su gnas pa zhes bya ba la sogs pas 'di skad bshad pa yin te/ phyag rgya 'dus byas pa'i 'og tu rjes su chags pa byas la reg bya rdo rje ma sogs pa'i chos 'byung gi nang du zla ba'i dkyil 'khor bsam te/ de las 'od zer gyi tshogs spro zhing de nam mkha' i dbyings la bzhugs pa de bzhin gshegs pa thams cad dgug cing bcug la/ rtsa dbu ma nas spros te zla ba'i dkyil 'khor de nyid la mchod pa'i lha mo'i gzugs su bskyed cing spros la/ de rnams kyis bla na med pa dang bcas pa rnam pa la byas te slar yang bsdus nas byang chub kyi sems kyi ngo bo pad+ma'i nang du thig le'i gzugs su yongs su gyur nas de'i nang du rdo rje 'chang gi rnam pa'i bdag nyid bsgom par bya'o/ /de nyid bstan pa'i phyir/ byang chub kyi sems so zhes pa ni/ de bzhin gshegs pa 'jug pa yongs su gyur pa las skyes pa'o/ /kun rdzob byang chub kyi sems kyi dbus na gnas par zhes pa ni de bzhin gshegs pas bzhugs pa yongs su gyur pa'i byang chub kyi sems kyi nang na gnas pa bsam par bya'o/ /de bzhin gshegs pa rnams spro bar bya'o zhes pa ni mchod pa'i lha mo'i gzugs su de rnams rnam par spros nas so/ /sems rtse gcig pa'o zhes pa ni zla ba'i dkyil 'khor gyi rnam pa bsgom pa la sems brtan pa nyid du bstan to/ /bdag nyid kyi snying gar bsdu ba dag kyang rab tu bya'o zhes pa ni mchod pa

  665. 333a

    byas nas slar yang bdag nyid kyi rtsa dbu ma la bsdu bar bya'o/ /bsdu ba zhes bya ba la sogs pas dkyil 'khor rgyal ba mchog gi gnas skabs su dkyil 'khor pa spro ba ni gtso bo yin la/ sngar bshad pa'i de bzhin gshegs pa 'jug pa dang mchod pa'i lha ma'o spro ba dang slar yang bsdu ba'i gtso bo ma yin pa gal te rnal 'byor pa 'dod na de'i tshe bya ste gzhan du ma yin no zhes bstan to/ /da ni dkyil 'khor ba spro bar bya ba'i phyir/ /de ltar zhes bya ba la sogs pa smos te/ slar yang bdag nyid kun rdzob byang chub kyi sems kyi nang nas langs la khams bzhi'i rang bzhin gyi spyan ma la sogs pa lha mo bzhi'i rang bzhin gyi ngo bo rnam pa thams cad kyi mchog dang ldan pa sems dpa' gsum gyi bdag nyid reg bya rdo rje ma dang snyoms par zhugs pa bsams te/ rjes su chags pa'i dam pa'i ting nge 'dzin gyis snang ba la sogs pa'i ye shes 'byung ba yang dag par dmigs la/ thig le spro? ba'i skabs su/ badzra d+h+ri ka ces bya ba la sogs pa phyur? pa'i sngags yongs su gyur pa las mi bskyod pa la sogs pa de nyid du bskyed cing phyi rol tu spros la de rnams kyis kyang 'gro ba'i don byas te/ slar yang gshegs nas shar la sogs pa'i phyogs dang mtshams su go rim gyis gnas pa yongs su bskor bar bsgom par bya'o zhes bstan to/ /dkar po la sogs pa zhes pa ni 'od zer lngas brgyan pa ste/ de bzhin gshegs pa lnga'i rang bzhin yin pas ste/ de bzhin gshegs pa rnams so zhes pa ni me long lta bu la sogs pa'i ye shes pa'i rang bzhin yin pas so/ /dus gsum du bzhugs pa ste zhes pa ni dus gsum la yang 'grub pa'o/ /zhing du gyur pa yin par rnam par bsam pa ste zhes pa ni

  666. 333b

    de bzhin gshegs pa thams cad kyi rdul phra rab kyis mdzad pa zhes bya ba'i don to/ /sngar bshad pa'i bdag gi ba spu'i bu ga rnams las shes pa ni lha mo'i pad+ma nas spros te/ de'i ba spu'i bu ga nas thams cad la spro bar bya'o/ /bskyed pa'i rim pa/ la byang pa'i mkhas pas zhes pa ni dkyil 'khor rgyal ba mchog la gzhol ba'i sgrub pa po zhes bya ba'i don to/ /ji ltar 'dod pa'i rdzogs par byed pas shes pa ni zhe sdang la sogs pa'i nyon mongs pa rnam par sbyang ba sngon du 'gro par mngon par dga' ba'i sogs pa'i sangs rgyas kyi zhing la rab tu gnas pas so/ /rjes su 'dzin par mdzad pas na mchod pa ste/ zhes pa ni don de nyid do/ /de bzhin gshegs pa ste zhes pa ni rnam par snang mdzad la sogs pa'o/ /tshogs te zhes pa ni dkyil 'khor ba ste/ lha mo dang byang chub sems dpa' dang khro bo rnams so/ /sgra ji bzhin ba zhes pa ni dang po spyod pa dang dkyil 'khor rgyal ba mchog gi ting nge 'dzin gnyis so sor bstan pas so/ /de ni zhes bya ba la sogs pas rim pa gnyis kyi rnal 'byor ba la mchod pa bya ste/ de la bskyed pa'i rim pa'i rnal 'byor pa la las kyi rgyal ba mchog gi ting nge 'dzin gyi mchog gcig tu gyur pa mchod pa'i cho ga dang/ /rdzogs pa'i rim pa'i rnal 'byor pas rdo rje bzlas pa'i rim pa slob pa nyid mchod pa'o/ /ji skad du/ de yi brtul zhugs ma bshad do/ phreng ba ma yin sdom pa min/ /'dzin pa sbyin sreg las rnams ni/ /yang yang 'jug pa min zhes bya/ /zhes 'byung ngo/ /rigs rnam pa lnga'i shes par byas la zhes pa ni rnam par snang mdzad la sogs pa'i kha dog lnga'i dbye bas so/ /kun ta ma le ka ma la ti/ /sangs rgyas rdo rje can ma dbul/ /de bzhin zhes bya ba la sogs pas de dang 'dra ba'i dpe bstan to/ /dzaM taM nam mkha' kha dog

  667. 334a

    gsum yod pas te zhes pa ni/ dkar po dang nag po ste sku la sogs pa rigs gsum gtso bo yin pas so/ /de bzhin dkar na kar dang/ /zhes bya ba la sogs pa rnam pa bzhi'i rigs kyi yum bzhi gtso bo yin par dbul bar bya'o/ /bsam gtan gyi stobs kyis rab tu bskyed nas zhes pa ni phyi rol gyi me tog med na yid kyi mchod pas de bzhin gshegs pa rnams mchod par bya'o/ /drang ba'i don to zhes pa ni phyi'i mchod pa tsam bstan pas so/ /lung gis bshad par bya ba ste zhes pa ni rdo rje phreng ba'i rgyud las ti tshig gi lhag ma'o/ /gang zhig rlung ni bcur bsgrags pa zhes pa ni srog la sogs pa rlung lnga dang/ rgyu la sogs pa nye ba'i rlung lnga ste/ bcu ni phung po dang dbang po la brten pa'i phyir ro/ /de ni pad+ma utpal ming zhes pa ni/ shin tu zab pa 'od gsal pa'i de kho na nyid kyi mtsho las skyes pa'i phyir ro/ /de nyid ni yi ge gsum mo/ /rdo rje gsum ni sku la sogs pa'o/ /de nyid rnam pa gsum ni dza ti gcig pu 'dod pa ste/ sku la sogs pa nyid yi ge gsum las 'byung ba'i phyir ro/ /kar ni kar la sogs pas me'i dkyil 'khor la sogs pa bzhi yin te/ kha dog dang mthun pa'i phyir ro/ /mchod pa'i don bshad par bya ste/ dngos med go 'phang la goms pas zhes pa ni/ 'od gsal ba'i go 'phang bsgoms pas so/ /lha rnams kyi ni skur ba zhes pa ni dkyil 'khor bzhi la dbang byed pa stan ma la sogs pa'i gzugs dang mthun pas rdo rje bzlas pa la slob pa gang yin pa de ni gcig tu sangs rgyas kun mnyes pa'i zhes pa ni de bzhin gshegs pa thams cad kyi rang bzhin phung po dang khams dang skyed mched spyod bar byed pas mchod pa chen por de 'gyur ro zhes pa ni bla na med pa'i mchod pa 'dod par bstan pa'o/ /de nyid ni dgongs pas bshad pas me tog bstan to/ /phyi dus skye bos mi shes pa zhes pa ni ma 'ongs pa'i dus su sems can rnams kyis shes par mi 'gyur ro/ /mi rtogs

  668. 334b

    pa zhes bya ba la sogs pas dgongs pa'i don ma rtogs pas rdo rje 'chang chen po'i dngos grub thob par mi 'gyur pa dang/ mos pa dman pa'i dbang gis nyan thos pa'i rigs can dang 'dra pa bdag cag sngags kyi theg pa chen po la snod ma yin no/ /zhes smras na lta'i ngo bo rang gi bdag nyid smod nas mi sdug pa'i bsgom pa bshad gci la sogs pa'i rang bzhin rtogs pas de smod pa sangs rgyas thams cad kyang smos par 'gyur ba'i phyir 'khor ba la 'khor bar 'gyur ro zhes bstan to/ /nges pa'i don to zhes pa ni rdo rje lhag? ba'i rim pa so sor? bston pas so/ /rnal 'byor pa gnyi ga'i thun mong zhes pa ni rdzogs pa dang ma rdzogs pa'i rnal 'byor pa'i spyod yul lo/ /ngos re zhing dpag tshad nyi shu rtsa lnga yod pa na zhes pa ni rigs brgya'i dbye ba rnam par dag pas so/ /de nyid nye bar mtshon pas? ma yin te/ stong dang? khri dang 'bum la sogs pa brgya che ba yin te/ rnal 'byor pa'i sems kyi rgyud kyi mos pa rgya che ba yin pa'i phyir ro/ /nye bar mtshon pas zhes pa ni phyag mtshan gyi sgo nas de bzhin gshegs pa nye bar mtshon pas so/ /yid kyis sam? bris pas bskyed par bya'o zhes pa ni gal te rgyal po la sogs pa slob ma yin na de'i tshe dpag tshad brgya'i tshad tsam gyis rgyas par bya'o khyim pa la sogs pa rnams la rnam par snang mdzad kyi dkyil 'khor ni rgyud las gsungs pa'i tshad dang ldan pa bri bar bya'o/ /'di gyis ni dpag tshad brgya? tsam ? sgom par bya'i 'dri ba ni dgag pa ma yin no zhes dgongs pa'o/ /'og nas bshad pa zhes pa ni mi bskyod pa la sogs pa'i dkyil 'khor bzhi po la yang gru bzhi pa la sogs dang sbyar ro/ /de yang phyi'i dkyil 'khor gyi tshad yin te/ /nang gi dkyil 'khor ni zlum po nyid do/ /bag yod pa dus thams cad du'o zhes pa ni dkyil 'khor 'dri ba la sogs pa la sems rtse gcig pa'o/ /mi bskyod pa la sogs pa'i rigs rnams te zhes pa ni thugs rdo rje 'chang dang/ nges sprul pa'i

  669. 335a

    rigs rnams so/ /de yang zhes bya ba la sogs pas rnam par snang mdzad kyi mtshan ma dang 'dra bar 'od dpag tu med pa la sogs pa'i yang mtshan ma'i sgo nas dkyil 'khor mtshon pa bstan to/ /sde ba sbyor gyi don dang 'gal ba zhes pa ni tshigs su bcad pa ma chad par 'gyur ro/ /utpa la ni rin po che ste rdo rje'i? khyad par yin pas so/ /de yang dpag tshad nas brtsams te zhes bya ba la sogs pas slob dpon dang slob ma dag la mos pa'i khyad par bstan to/ /mchod rten dang 'dra bas na mchod rten te zhes pa ni sangs rgyas thams cad kyi gzhi yin pas so/ /rin po che sna bzhi'i bdag nyid yin pas na zhes pa ni shar la sogs pa'i phyogs kyi dbye bas so/ /'dis ni kha dog dkar po yongs su gzung ba zhes pa ni dbus kyi sa bzhi'i kha dog bstan to/ de bzhin gshegs pa bdag po'i dbang gis kha dog ldog par shes par bya'o/ /dkyil 'khor gyi de kho na nyid kyi bdag nyid can yin pas zhes pa ni dkyil 'khor gyi rnam pa dag dang ldan pas so/ /gzhir gyur pa zhes pa ni rten dang/ rten gyi rang bzhin no gsang pa'i dbang bskur pa'i phyed ces pa ni slob ma la de sbyin pa'i phyir ro/ /bsgom par bya'o zhes pa ni rdzogs pa'i rim pa la bltos nas bsam par bya'o/ /de ltar zhes bya ba la sogs pas slob ma'i bya ba bstan pa ste gzugs la sogs pa yul lnga zhes pa ni na bza' la sogs pa phyi'i yo byad rnams so/ /dkyil 'khor la brten par gyur pa 'am lha rnams la zhes pa ni mi bskyod pa la sogs pa rnams so/ /mchod pa sna tshogs pa'i rgya mtsho zhes pa ni mdza' yas pa mthar thug pa med pa'i mchod pa'o/ /'dod pa'i yon tan zhes bya ba la sogs pas mchod pa'i sgros pa bstan to/ /pad+ma rA ga la sogs pa zhes pa ni rigs so kyi dbye bas rnam pa sna tshogs pa'i rin po che dbul bar bya'o/ /na bza' ni dar dang bal la sogs pa ste zhes pa ni dar

  670. 335b

    dbyangs la sogs pa'o/ /mig ces bya ba la sogs pas dbang po lnga'i spyod yul bstan to/ /dri ma'i rnyog pa thams cad 'khrud pas zhes pa ni gtsang ba dang mi gtsang ba la sogs pa'i rnam par rtog pa'i dri ma gsang ba'i dbang bskur gyis ldog par 'gyur ro/ /de thob pa'i 'dod pas kyang mchod par bya'o/ /ji srid dbang bskur ba yongs su rdzogs kyi bar du zhes pa ni de bzhin gshegs pa rnams dgug pa'i phyir ro/ /me tog la sogs pa zhes bya ba la sogs pas bla ma dang lha dag la mchod pa 'bul bar bstan to/ /thun mong gi mchod pa zhes pa ni gnyi ga la yang mtshungs pa'o/ /bla ma'i khyad par gyi mchod pa gsang ba'i mchod pa'o/ /'khor ba ji srid par gnas pa zhes pa ni bla ma'i bka' drin gyis bskal pa la sogs pa'i dus kyi bar du gnas pa'o/ /bskal pa 'am ni bskal stong par/ /ye shes dbang bskur gyis gnas 'gyur/ /ye shes gsum las dam pa yin pas na mchog go /chags pa la sogs pa'i rang bzhin brgya drug cu dang bral bas na zag pa med pa'o/ /'od gsal ba yin pas na bde ba chen po'o/ de bskyed pa'i zhing du khrud? pas zhes pa ni phyag rgya mtshon pas so/ /lang tsho ma nyams pa'o zhes pa ni lo bcu gnyis nas brtsams te rigs kyi dbye bas lo bcu gnyis pa'i bar du'o/ /thams cad med na nyi shu rtsa lnga pa las phyi ma blang bar mi bya'o zhes dpal 'dus pa'i rgyud kyi man ngag go /bud med kyi yon tan thams cad dang ldan pa zhes pa ni brang skyes dang yan lag mchog la sogs pa rgyas pa dang ldan pa'o/ /pad+ma can no zhes pa ni/ pad+ma 'bring po 'am sbu med pa dang mtshan mo'i pad+ma ro/ /dpag tu med pa tha dad pa zhes bya ba la sogs pas cha lugs kyi mdzes pa nyid bstan to/ /'bras bu tha mal ba'o zhes pa ni zhi ba la sogs pa'i las kyi tshogs so/ /khyad par can grub la sangs rgyas nyid de zhes pa ni phyi ma'i spros pa la mi bltas pa'i phyir ro/ 'grub pa'i rgyur zhes

  671. 336a

    pa ni 'jig rten pa dang 'jig rten las 'das pa'i dngos grub kyi don to/ /sangs rgyas thams cad kyi rang bzhin yin pas zhes pa ni/ rdo rje slob dpon sku 'di la/ go rim gyis ni rgyal ba gnas/ zhes 'byung ba'i phyir ro/ /de nyid bstan pa'i phyir/ bla ma zhes bya ba la sogs pas bstan to/ /rab tu btab pa zhes pa ni dad pas 'dul lo/ /bla ma la khyad par can gyi rdzas dbul bar bya ba'i don tu zhes pa ni dbul bar bya ba'i rdzas kyi phyir ro zhes bya ba'i don to/ /tshad yongs su chad pa med pa zhes pa ni bla ma la dbul ba'i yon la yongs su gcod pa'i nges pa ni med de/ thams cad yongs su dbul ba'i phyir ro/ /pad+ma rA ga la sogs pa ni rin po che bdun no/ /yongs su bkang ba'i zhes pa ni gal te yod na de'i tshe dbul bar bya'o/ /yang na bud med la sogs pa rin po che bdun te lam gyi sgra'i don to/ /de la bud med rin po che ni gzhon pa ma nyams pa lon pa'o/ /skyes pa ni mdzod de nor mi zad pa'o/ /rin po che ni yid bzhin gyi nor bu rin po che ste bsam pa thams cad rdzogs par 'khor lo rin po che'o/ /ral gri ni ral gris nye bar mtshan pa'i dmag dpon no/ /glang po ni kha dog dkar po mche ba drug pa'o/ /rta rin po che ni utpa la sngon po dang 'dra ba'o/ /bsod nams dang ye shes kyi tshogs la mkhas pa ni zhes pa ni 'dis ni bsod nams dang ye shes kyi tshogs 'phel bar 'gyur ro/ /zhes bsam pa dang ldan pa'o/ /mthar thug pa'i ye shes dang ldan zhing zhes pa ni sngags kyi theg pa'i don ma lus pa rtogs pa'o/ /gnyis su med pa'i ye shes zhes pa ni byang chub kyi sems sbyong pas/ /gtsang pa dang mi gtsang ba la sogs ba'i rnam par rtog pa gnyis dang bral ba'i de kho na nyid ces bya'o/ /so sor rtogs par bya bar 'dod cing zhes pa ni de mngon sum du bya ba'i phyir 'dod pa dang ldan

  672. 336b

    ba'o?/ /de'i man ngag gis zhes pa ni gsang ba'i dbang bskur gyi man ngag gis so/ /phyag rgya chen po'i dngos grub sgrub par 'dod pas zhes pa ni dpal rdo rje 'chang gi go 'phangs thob pa'i rgyur gyur pa shes rab dang ye shes 'dod pas so/ /shes rab dang ye shes kyi dbang bskur ni gsang ba'i dbang bskur ba sngon du 'gro bas so/ /bsam gtan zhes bya ba la sogs pas phyi'i yo byad med na yid kyis bya'o zhes bstan to/ de ltar zhes bya ba la sogs pas bla ma'i bya ba bstan te/ ji ltar rang gi zhes bya ba la sogs pas dkyil 'khor gyi bdag po gang yang rung pa'i rdo rje 'chang gi phyag rgya chen po bsgom par 'dod pa blangs nas de bzhin gshegs pa'i 'khor lo'i dbus su ni lha'i tshogs kyi nang du gnas pa/ sangs rgyas ni de bzhin gshegs pa ste rang gi phung po dang khams dang skye mched rnams la reg bya rdo rje ma las 'byung ba'i bde ba ni rang gi phyag rgya dang snyoms par zhugs pa las 'byung ba'i bde ba chen po dbul bar bya'o zhes bstan to/ /de yang ci ltar zhe na zhes pas de nyid spros par bstan te/ de'i dbus na gnas par zhes pa ni nam mkha' i dkyil la bzhugs pa'i de bzhin gshegs pa'i tshogs so/ /gzugs kyi phung po la sogs par gyur pa'i zhes pa ni gzugs la sogs pa'i phung po lnga la'o/ /rnam par snang mdzad la sogs pa'i zhes pa ni nam mkha' i dbyings la bzhugs pa rtag pa la sogs pa'o/ /ye shes kyi rang bzhin gyi sku la zhes pa ni bdag la byin gyis brlab pa'i rim pa las 'byung ba'i sku la'o/ /sprul pa'i sku 'dzin par bya ba'i phyir zhes pa ni de yongs su gyur pa las rdo rje 'chang chen po'i sku rdzogs pa'i don to/ /de nas zhes bya ba la sogs pas de bzhin gshegs pa thams cad bzhugs nas sangs rgyas thams cad kyi rang bzhin gyi rdo rje 'chang chen po bsgom par bya'o zhes bstan to/ /yul dang dbang po'i gzugs rnams kyis/ zhes pa ni snyoms zhugs pa'i

  673. 337a

    rim pas so/ bla ma la mchod cing zhes pa ni rang gi bdag nyid tshim par bya'o/ /mchod pa de nyid ces bya ba la sogs pa snyoms par zhugs pa'i mchod pa bstan par bya ba'i phyir bstan pa'o/ /dga' bas sems rab tu dan ba'i yid ces pa ni mchod pa la sogs pa'i sbyin pa las byung ba'i rab tu dga' bas dri ma med pas shin tu mgu ba'i yid dang ldan pa'o/ /tshim par byed pa'i phyir zhes pa ni na so gzhon pa dang/ mdzes pa la sogs pa'i khyad par gyis yid tshim par byed pa'i phyir ro/ /yid du 'ong ba ni dga' bar byed pa'o/ /slobs mas bstabs pa'o zhes pa ni gsang ba'i dbang bskur ba'i don du slob mas dbul ba'o/ /lhag par gnas gsan zhes pa ni sku la sogs pa la dmigs nas gang gi rjes su gzhung gang la de skad ces bya'o/ /oM la sogs pa sa bon rnams ni skyed pa'i sa bon rnams so/ /de'i phyag rgya'i lus la zhes pa ni dam tshig gi phyag rgya'i lus la'o/ /gnas ji lta ba bzhin du zhes pa ni dam tshig gi phyag rgya'i lus la'o/ /gnas ji lta ba bzhin du zhes pa ni yan lag la gang nyid lag rnams la bzod nas so/ /rigs lngas byin gyis brlab par byas la zhes pa ni de bzhin gshegs pa lnga'i sa bon gyis byin gyis brlab pa byas pa'o/ /snyoms par 'jug pa'i mtshan nyid can zhes pa ni rdo rje dang pad+ma sbyor ba'i rang bzhin zhes bya ba'i tha tshig go /phyi'i mchod pa ni mchod pa rnam pa lnga'i mtshan nyid dang yid kyis te/ de la bltos nas de kho na nyid kyi mchod pa ni mchog ces bya'o/ /gtan tshigs bstan pa'i phyir/ chags pa dang chags pa bral ba dang chags pa bar min ? pa la sogs pa ye shes gsum mo/ /nyon mongs pa rnam par dag pa'i gnas ni 'od gsal ba ste/ snang ba la sogs pa dang de las byung pa'i rang bzhin rnams kyang spyod bar byed pa'i phyir ro/ /mngon sum du byed pa'i phyir ro zhes pa de ni dmyod

  674. 337b

    bas so/ slob ma la bla mas byin pa zhes bya ba la sogs pas snyoms par zhugs pa'i cho ga'i 'og tu 'od gsal ba la dmigs pa'i phyi ma'i dus su phaT kyi sgras byang chub kyi sems spro zhing sa lam lhung pa dang por gyis pad+ma'i nang nas blangs te/ bla mas byin pa de bzhin gshegs la thams cad kyi rang bzhin phung po la sogs pa tshim par bya ba dang/ kye ma'o bde ba chen po zhes smra ba'i slob mas spyod par bya ba dang/ bla mas kyang bdud rtsi lnga dang 'dres shing spyod pa las lhag ma byang chub kyi sems de nyid kyis bkra shis kyi tshigs su bcad pa sngon du 'gro bar slob ma la spyi bor dbang bskur bar bya'o zhes bstan to/ la la ni snyoms par zhugs pa'i 'og tu shes rab kyi pad+ma nyid ces bya ba la 'jug par bya'o/ /shes rab kyi gsang ba'i dbang bskur ro/ /rdo rje slob dpon gyi byang chub kyi sems kyi thig le 'jig pa pad+ma'i nang nas bstan pa gsang pa'i rdo rje myang ba la 'jug go zhes thabs kyi gsang pa'i dbang bskur ba la 'jug go/ de bas na thabs dang shes rab kyi gsang ba'i dbang bskur yin no zhes Shinga la'i zhal snga nas kyis gsungs so/ /ji skad du zhes bya ba la sogs pas lung tshang ma nyid du bstan to/ /byang chub sems zhes bya ba la sogs pas rin po che lta bu bsam pa thams cad rdzogs par byed pa'i 'bar ba'i byang chub kyi sems spro bar bya ste/ de bzhin gshegs pa thams cad 'jug pa sngon du 'gro bar byas la nam mkha' i khams la bzhugs pa rgyal ba ma lus pa'i rnam par dag pa'i sku ni dri ma med pa'i ye shes kyi rang bzhin gyi sku lhag par mos te/ dbang bskur ba'i slob ma'i kha la nges par 'jug pa'o/ /de bzhin du rin chen dang 'dra ba rdo rje las byung ba ye shes kyi chu bdud rtsi lnga dang ldan pa'i byang chub kyi sems kyi thig le dang bcas pas spyi bor yang dbang bskur bar bya'o zhes bstan to/ /'di ni zhes bya ba la sogs pas phan yon bstan par bya'o/ /mchod pa bstan pas zhes pa ni/ bla na med pa'i mchod pa'i tshul gyis so/ /gsang ba'i dbang bskur bas

  675. 338a

    zhes pa ni sngar bshad pa'o/ /de bzhin gshegs pa thams cad dang 'brel bar gyur pa'o zhes pa ni nam mkha' i dbyings la bzhugs pa'i de bzhin gshegs pa thams cad 'jug pa yongs su gyur pa las byung ba'o/ /mi 'jigs pa'i sku dang gsung dang thugs bskyed pa zhes bya ba ni rnam par smin pa dpal rdo rje 'chang gi sku la sogs rdzogs par byed pa'o/ /ji skad du/ de dus nas brtsams de ni rtog pa med/ /de yi kha dog dbyibs dang ji ltar mtshan/ /bsam gyis mi khyab rnam par smin pa'i sku/ /sdom pa de las bya ba byas pas thob ces 'byung ngo/ /slob bzhin pa'i rnal 'byor pa rnams kyis zhes pa ni bskyed pa'i rim pa bsgom par byed pa'i rnal 'byor ba rnams so/ /bya ba'i rgyud la sogs pa zhugs rnams la gsang ba yin pas so zhes pa ni bya ba'i rgyud la sogs pa 'jug pa la sba bar bya'o 'jig rten pa'i dngos grub ni zhi ba la sogs pa'o/ /A li dang kA li las byung ba zhes bya ba ni A li dang kA li sdu bar byed ba'i yi ge gsum gyis slob pa'o/ /sprul zhes bya ba la sogs pa zhes pa ni sprul dang/ mgo med dang/ mdza' med dang/ bsdu ba la sogs pa'o/ /mchad ba med pa'i dngos grub bskyed pa zhes bya ba ni zhi ba la sogs pa'i 'phrin las yongs su tshang bar byed pa'o/ /sgra ji bzhin pa zhes bya ba ni spyod pa'i don bstan pa ste/ spyod pa ji lta ji ltar gsungs zhes 'byung ba'i phyir ro/ /sgrol ma gsal bar byed pa'i 'grel pa'i TIka las le'u brgyad pa'i rgya cher bshad pa'o// bkra shis// //