Text
ff. 1a–227a · 453 folio sides
- 1a
sgrol ma gsal bar byed pa'i 'grel bshad slob dpon Arya de bas mdzad pa bzhugs/
- 1b
rgya gar skad du/ pra dI po ta nA nA ma TI ka /bod skad du/ sgrol ma gsal ba zhes bya ba'i 'grel bshad/ byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /chos rnams rang bzhin med las sgyu ma'i skur bstan nas/ /thugs rje chen po'i stobs kyis sems can khams rnams ma lus pa'i/ /don rnams yongs su grub pa'i yid bzhin nor bu dang 'dra bas/ /mngon par byang chub mchog brnyes de la rtag tu dang bas phyag
- 2a
'tshal lo/ /'gran med mdza' yas dngos grub kun brnyes de la phyag 'tshal te/ /stong pa nyid kyi don rnams mngon 'gyur thogs med la phyag 'tshal/ /'das dang ma byon dus rnams kun tu khyab pa khyod la phyag 'tshal lo/ /rlung dang sngags dang sems la sogs pa kun mkhyen khyod la phyag 'tshal lo/ /sems can gang dag rgyal ba yis gsungs legs pa'i don la rab rmongs pa/ /de bsal phyir ni zla ba grags pas sgron ma gsal ba'i rgya cher 'grel pa mdzad/ /sems can blo dman kha cig
- 2b
don de nyid la rmongs gyur pas/ /nyi ma snang ba la sogs thun mong khyad par rgya cher 'grel pa brtsams/ /'dod rgyal dbang gis legs pa'i don gsungs legs par gsal byas kyang/ /rmongs pa'i dbang gis rgyud don nus pa ma mthong de phyir 'di la dga' ba mchog skyes nas/ /blo dman don du bdag gis cung zad bshad par bya/ /'di na mi mkhas gang zhig gis/ /sngon du bstan bcos ma rnyed pa/ /gang yin pa ni phyis rnyed pa/ /gang yin de ni ya mtshan te/ /de 'dir bdag gis rnam par dbye/ /gang yang blo dman rnams kyi phyir/ /mkhas pas bstan bcos mi brtsom par/ /nyon mongs dra bas bcings ba yis/ /bstan bcos mdza' dag gang rtsom yang/ /sdig pa 'ba' zhig bsod nams med/ /de phyir mkhas pas spang bar bya/ /bstan bcos rtsom pa'i mkhan po yis/ /rgyal ba'i bka' ni
- 3a
'byung khungs su/ /rnam par bzhag pas de las ni/ /dran dang ngo tsha shes pa dang/ /khrel yod pa dang shes rab dang/ /ngad dang mos pa la sogs la/ /sems las byung ba dge ba'i chos /gang gi sngon du song ba yis/ /bstan bcos mi rtsom gyur kyang bla'i/ /bsod nams 'ba' zhig sdig pa med/ /gang gis 'dod chags khong khro dang/ /de bzhin nga rgyal la sogs pa/ /nyon mongs mi dge sngon song nas/ /rgyal ba'i bka' rnams ma lus pa'i/ /rjes su 'brangs te rab bshad kyang/ /sa bon mi dge'i dbang gyur pas/ /mthong ba'i chos la dmyal tshogs bsreg /de bas bstan bcos rtsom pa yis/ /dge ba'i tshes 'di sngon song nas// gang yin bstan bcos brtsam par bya/ /shes rab zhan par gyur pa yis/ /bstan bcos gang zhig brtsams gyur kyang/ /de yis don byed nus ma yin/ /dper
- 3b
na long ba gang zhig gis/ /gzhan gyi long khrid mi nus pa/ /de bzhin de yang de bzhin no/ /gang tshe bstan bcos rtsom pa yang/ /sgra dang don rnams gtan la 'bebs/ /phyi rol bstan bcos legs par mkhas/ /sngags dang rdzas dang sman rnams dang/ /thun mong gso ba la sogs la/ /rab tu mkhas par gyur pa dang/ /gzhan gyi bstan bcos sun 'byin gyis/ /sbyor ba la ni shin tu mkhas/ /dge ba'i chos kyis rnam par brgyan/ /de yis bstan bcos brtsam par bya/ /yang na byang chub sems dpa' 'am/ /thugs rje'i stobs kyis sprul pa yi/ /sangs rgyas 'jig rten ltar snang te/ /de yis brtsam bya ma gtogs pa/ /gzhan gyis brtsams pa don med 'gyur/ /de bzhin gshegs pa thams cad kyi sku dang gsung dang thugs kyi gsang ba bsdus pa 'di ci'i phyir gsungs she na/ 'di ltar rigs thams cad gzung bar bya ba dang/ rigs mchog tu gyur ba gzung bar bya ba'i phyir te/ de bzhin gshegs pa thams cad kyi gsang ba 'dus pa'i dkyil 'khor 'dir mtshes? med pa lnga la sogs pa byas pa yang bla na med pa'i mchog thob par 'gyur zhes gsungs pa'i phyir dang/ gsang ba'i don 'di ni thams cad kyi thun mong ma yin no zhes 'byung ba'i phyir ro/ /rgol te/ rigs
- 4a
thams cad ces bya ba ni rigs chad pa la sogs pa yang smos pa yin nam/ gal te lta yin na ni bcom ldan 'das kyis bden pa bzhi dang/ pha rol tu phyin pa la sogs pa gsungs pa don med par 'gyur ro zhe na/ ma yin te/ rigs mchog tu gyur pa'i phyir ro/ /de ltar na ni rigs mchog tu gyur pa 'dul ba dang/ rigs thams cad pa 'dul ba gcig gis gcig spangs pa ma yin nam zhe na/ ma yin te/ chos kyi phung po brgyad khri bzhi stong gi snod yin pa'i phyir ro zhe'o/ /de lta na ni theg pa mchog tu mi 'gyur gyi theg pa thams cad par 'gyur ro zhe na/ ma yin te/ theg pa ni gnyis dang gsum du yod pa ma yin no/ /de ci'i phyir zhe na/ de bzhin gshegs pa thams cad kyi sku dang gsung dang thugs gsang ba las mi 'da' la sems can thams cad kyang de'i rang bzhin can yin pa'i phyir ro/ /de lta na ni bcom ldan 'das kyis bden pa bzhi'i chos kyi 'khor lo la sogs pa gsungs pa don med par 'gyur te snga ma bzhin no zhe na/ ma yin te/ sems can thams cad kyang rang rang gi rigs la gnas pa'i phyir ro/ /rigs zhes bya ba 'di yang rkyen las byung ba'am/ chos nyid kyis yin zhes rtog grang na/ rkyen las byung ba ni ma yin te/ rkyen thams cad dang ldan pa'i phyir ro/ /
- 4b
de lta na ni rigs nges par mi 'gyur gyi/ rigs ma des par ni 'gyur ro zhe na/ rang gi rigs kyis bskyed pa'i phyir ro/ /rang gi chos kyi bskyed pa zhes bya ba 'di yang sa bon thams cad kyis gcig bskyed dam/ sa bon gcig gis thams cad bskyed ce na /sa bon thams cad gcig gis bskyed pa ni ma yin te/ rkyen ma nges par 'gyur ba nyid dang/ thams cad las thams cad skye bar 'gyur ba dang/ rkyen can don med pa nyid du yang 'gyur ro zhe na/ ma yin te /'dir ni sa bon thams cad rkyen thams cad kyis gsos 'debs pa nyid kyi phyir ro/ /gsos 'debs pa zhes bya ba 'di yang sa bon nyid rkyen gzhan gyi dbang du 'gyur ba ni ma yin te/ gong ma'i skyon du 'gyur ro/ /lung las de bzhin gshegs pa gsang ba mchog gi phyir sa bon rnams ni gcig tu 'gyur zhes 'byung ba'i phyir chos nyid kyis thams cad yod pa ma yin no zhe na /'di laS dang po ba 'am/ sa la gnas pa yin /sa la gnas pa'i dbang du ni 'dod pa yin te /gnod pa cung zad kyang med do/ /phyogs phyi ma ltar na ni 'jug par yang mi 'gyur na/ rigs gcig pa ltar gyur pa lta smos kyang ci dgos /'o na sa la gnas pa thams cad kyang nga gsang ba'i mchog la gnas pa 'am so so rang rang gi lam la gnas zhe na/ dang po ltar ni ma yin te/ dus kyis gnod pa'i phyir ro/ /phyogs phyi ma ltar na ni rang gi tshig gis gnod pa'i phyir ro/ /de ci'i phyir zhe na/ tshig gi blang dor med pa'i byang chub sgrub pa 'am/ bskal pa grangs med pa gsum gyis 'grub pa nyid kyi phyir ro/ /thams cad gsang ba mchog la gnas zhes pa dang/ rang gi lam la gnas zhes pa yang gcig gis gcig spangs pa'i phyir ro/ /de bas na 'di ni blang bar bya ba nyid do/ zhe na/ ma yin te/ sa la gnas pa rnams ni thamS cad kyang bskyed ba'i rim pa nyams su len pa'i phyir dang /de bzhin gshegs pa thams cad kyi gsang ba chen por lung bstan pa'i phyir ro/ /de lta na ni theg ba'i bye brag med par 'gyur ro zhe na /ma yin te/ gnyis yod pa'i phyir ro gnyis zhes bya ba 'di yang gsum dang gnyis
- 5a
kyi bye brag gis yin no/ /theg pa chen po mdo sde'i rjes su zhugs pa rnams ni don dam pa chos nyid mngon du gyur nas snang ba sgyu ma tsam dang/ rtsol ba dang bcas pa lha dang lha mo'i dkyil 'khor du gsal ba'o/ gsang ba 'dus ba'i dkyil 'khor la gnas pa rnams ni don dam pa'i bden pa dang// yang dag pa'i kun rdzob 'ba' zhig la nye bar longs spyod pa'i phyir ro /dngos por snang ba sgyu ma tsam 'di ci yang dag pa'i kun rdzob pa 'am/ log pa ji kun rdzob ces rtog grang na/ re zhig yang dag pa'i kun rdzob ni ma yin te/ zlas gsal ba'i phyir ro/ /log pa'i kun rdzob ni ma yin te /thams cad las mthun bar snang ba'i phyir ro/ /dngos po lha'i dkyil 'khor du snang ba zhes bya ba 'di yang log pa'i kun rdzob ni ma yin te/ khas ma blangs pa'i phyir ro/ /yang dag pa'i kun rdzob kyang ma yin te /thams cad la mthun par snang ba ma yin pa'i phyir ro/ /de bas 'di ni blang bar bya ba yin no zhe na/ ma yin te /dngos por snang ba sgyu ma tsam dman pa la yang dag pa'i kun rdzob tu snang na ni mi 'dod pa med do/ /thams cad la yang dag pa'i kun rdzob tu snang zhes bya ba'i nges pa ci zhig yod/ log pa'i kun rdzob ces bya ba ni 'khrul pa nyid do/ /'di ltar 'khrul pa zhes bya ba yang rtog pa dang dbang po med pa ni yang dag par yang snang ngo/ /dngos po lha'i skur snang ba ni de lta ma yin te/ ma 'khrul ba'i dbang po yod pa'i phyir dang/ rtogs dus na der snang ba nyid kyi phyir ro/ /gang gis gang la gnas pa de nyid don la mi bslu bar byed pa ni yang dag ba'i kun rdzob te/ dper na du ba las me dpog pa bzhin no/ /log pa'i kun rdzob ni rtogs pa'i dus na mi gnas pa'i phyir don la bslu bar byed pa ste/ thag pa la sprul bzhin no/ /bskyed pa'i rim pa 'di yang phrad par byed pa'i phyir dang /mi bslu bar byed pa'i phyir yang dag pa'i kun rdzob tu 'gyur ro/ /'khrul pa'i shes pa dang ma 'khrul pa'i shes pa ni slu bar byed pa dang mi byed pas gcig gis gcig spangs pa'i phyir
- 5b
'gal bar gnas pa'o/ /de bas na mdo sde'i rjes su zhugs pa'i byang chub sems dpa' rnams ni don dam pa'i bden pa dang/ yang dag pa'i kun rdzob dang/ log pa'i kun rdzob gsum la nye bar gnas pa'o/ /sngags kyi sgor zhugs pa'i byang chub sems dpa' rnams ni/ don dam pa'i bden pa dang/ yang dag pa'i kun rdzob 'ba' zhig la nye bar spyod pa'i phyir/ de bas na theg pa gnyis su yang 'gyur/ /dus kyis gsal ba yang ma yin te/ slob pa dang mi slob pa'i bye brag gis yin no/ /rang gis tshig gis gsal ba yang ma yin te/ gnyis nyid yod pa'i phyir ro/ /de bas na 'di ni blang par bya ba nyid do/ /dgos pa med pa yang ma yin te/ sems can 'dod chags can la sogs pa 'dul bar byed pa nyid kyi phyir ro/ /sems can 'dod chags can rnams ni 'dod chags chen po'i chos kyi rjes su 'jug pa'i phyir de bzhin gshegs pa rnams kyis 'dod chags kyi sgo nas chos ston to/ /sems can zhe sdang can rnams ni zhe sdang chen po'i chos kyi rjes su 'jug pa'i phyir de bzhin gshegs pa rnams kyis zhe sdang gi sgo nas chos ston to/ /sems can gti mug can rnams ni gti mug chen po'i chos kyi rjes su 'jug ba'i phyir de bzhin gshegS pa rnams kyis gti mug chen po'i sgo nas chos ston to/ /sems can nga rgyal can rnams ni nga rgyal chen po'i chos kyi rjes su 'jug pa'i phyir de bzhin gshegs pa rnams kyi nga rgyal gyi sgo nas chos ston to/ /sems can phrag dog can rnams ni/ phrag dog chen po'i chos kyi rjes su 'jug pa'i phyir de bzhin gshegs ba rnams kyis phrag dog gi sgo nas chos ston to/ /de la sogs ba rmad du byung ba'i sbyor pa chen pos sems can thams cad kyi don byed ba'i phyir dgos ba chen po dang ldan pas rgyud chen po'o/ /de lta bu'i rmad du byung ba'i rgyud 'di ni spyod ba chen po dang/ dus chen po la sogs pa dang ldan pa'i phyir rgyud chen po zhes bya'o/ /'di'i brjod par bya ba ni gang dgos pa'i dgos pa ni gang 'brel pa ni gang zhe na/ de bzhin gshegs pa thams cad kyi gsang ba 'dus pa lam 'bras bu dang bcas
- 6a
pa 'di ni brjod par bya ba'o/ /lam 'bras bu dang bcas pa ji lta bu'i 'bras bu rnam par rtogs pa ni dgos pa'o/ /brjod par byed pa dang dgos pa ni gang la gang zhig rag las par 'gyur ba de'i phyir rag las pa'i 'brel par 'gyur ro/ /bdag gi don dang /gzhan gyi don phun sum tshogs par byed pa ni dgos pa'i dgos pa'o/ /yang na lam la gnas pa byed pa ni dgos pa yin la/ des 'bras bu thob pa ni dgos pa'i phyir ni dgos pa'o/ /yang na thun mong dang mchog gi dngos grub dang bdag dang gzhan gyi don rnam pa gnyis po dgos pa'i dgos par go rim bzhin du sbyar ro/ /brjod par bya ba de nyid la sogs pa rgyas par bstan pa'i phyir/ dpal ldan rgyud rgyal zhes bya ba la sogs pa smos te/ de la dpal ni dpal te dpal rdo rje 'chang chen po'o/ /dpal de dang ldan pas dpal ldan te / de bzhin gshegs pa btsun mo'i tshogs dang rnam par rol pa'o/ /de nyid thabs shes rab gnyis su med pa'i snyoms par zhugs pa'i rgyud do/ /rgyud de nyid rgyal po ste rnal 'byor rgyud kyis shin tu gsal bar rnam phye zhes bshad pa'i phyir ro/ /sems can thams cad kyang de lta bu'i chos dang ldan par 'gyur ro zhe na/ mdza' drug gi ni 'ching bas bcings zhes bya ba la sogs pa smos te/ 'dir mdza' rnam pa drug ni 'dod chags dang/ khong khro dang/ nga rgyal dang/ lta ba dang/ the tshom dang/ ma rig pa dang rnam pa drug so /'di ni mdza' ste/ 'khor ba'i g.yang sa dang nye ba nyid kyi phyir ro/ /mdza' yang yin drug kyang yin pas na 'di ni mdza' drug go /mdza' drug gang yin pa de ni 'ching bas bcing ba yang yin pas mdza' drug gi 'ching bas bcings pa'o/ /des cir 'gyur zhe na/ rgyal por ma gyur zhes pa ni dman par gyur zhes pa'o/ /de bas na mchog tu ma gyur pa de ni dman par gyur pa'o/ /gang dman par gyur
- 6b
pa de ni rmad byung ba'i spyod pa la mi gnas pa'o/ /gang rmad du byung ba'i spyod pa la mi gnas pa'i de ni rmad du byung ba'i spyod yul ma yin no/ /gang rmad du byung ba'i spyod yul ma yin pa de ni de'i 'bras bu can ma yin no/ /gang de'i 'bras bu can ma yin pa de ni log pa'i 'bras bu dang ldan par 'gyur ro/ /mdo dag las kyang/ sems dpa' chen po ma rig pa las ni 'du byed 'byung ngo/ /'du byed las ni rnam par shes pa 'byung ngo/ /rnam par shes pa las ni ming dang gzugs 'byung ngo/ /ming dang gzugs laS ni skye mched drug 'byung ngo// skye mched drug las ni reg pa 'byung ngo/ /reg pa las ni tshor ba 'byung ngo/ /tshor ba las ni sred la sogs pa 'byung ba dang/ gzhan las kyang/ sems dpa' chen po de bzhin gshegs pa btsun mo la nye bar long spyod pa ni rmad du byung ba'i spyod pa'o/ /sems can log srid can rnams ni 'dod chags dang zhe sdang la sogs pas de bzhin gshegs pa'i spyod pa la mi gnas te/ sems can 'di dag ni nyon mongs pa'i mdza' la gnas pa'i phyir ro/ /kye ma sems can 'di dag ni rab tu brlag go/ /kun tu brlag go /kun tu rab tu brlag go/ 'di dag ni 'khor ba'i chos nye bar len pa'o/ /'di dag ni nyon mongs pa lhur len pa'o/ /sems can 'di ngag ni rmad du byung ba'i spyod pa spangs pa'o/ /sems can 'di dag ni de bzhin gshegs pa'i dngos grub thams cad spangs pa'o zhes 'byung ba'i phyir ro/ / mdza' drug gis 'ching bas bcings pa'i phyir thams cad kyi spyod yul ma yin na ma zhe na /ma yin te/ de'i phyir rgyal sras yul gyur ces bya ba smos te /rgyal ba ni sangs rgyas te/ rdo rje 'chang chen po la sogs pa'o/ /rgyal ba'i sras ni rgyal ba'i sras te/ byams pa la sogs pa'o/ /de rnams kyi yul du gyur ces pa 'dis ni 'khor ba'i yul ma yin zhes sbyor ro/ /yul du gyur zhes pa ni de rnams kyis nye bar long spyod du yod ces pa'o/ /gang la spyod ce na/ dpal ldan rgyud rgyal zhes bya ba de nyid bshad pa/
- 7a
rgyal ba'i 'dus gang yin zhes bya ba smos te/ rgyal ba'i 'dus pa ni rgyal ba 'dus pa ste/ de bzhin gshegs pa btsun mo'i tshogs dang nye bar sbyor ba'o/ /de nyid sems can thams cad kyi yul du ma gyur pa ci'i phyir zhe na/ sangs rgyas kun gyis rgyas btab ces smos te/ sangs rgyas kun ni rdo rje 'chang chen po la sogs pas sa/ /des rgyas btab ces pa ni thams cad la sbas pa zhes pa'o/ /de dag gi don yang 'di skad du ston par 'gyur te /de bzhin gshegs pa rnams kyi spyod pa rmad du byung ba gnyis su med pa'i thabs kyi sbyor ba 'di ni nyan thos dang rang sangs rgyas la sogs pa rnams kyi thun mong ma yin pa shin tu gsang bar dgongs so/ /gal te gsang ba zhig yin na/ thams cad nas thams cad du rtogs pa med par 'gyur ro zhe na /ma yin pa'i phyir klu sgrub las rnyed pa zheS smos te/ legs par lung bstan pa'i byang chub sems dpa' klu sgrub las rnyed pa bshad ces sbyar ro/ /yang na dpal ldan rgyud rgyal gyi dpal ni sku rnam pa gsum mo/ /dpal de thob pa'i thabs gang la yod pa de ni dpal ldan te/ bskyed ba'i rim pa dang rdzogs pa'i rim pa'o/ /rim pa rnam pa gnyis gtso bor ston pa'i rgyud na rgyud rgyal te/ de bzhin gshegs pa thams cad kyi gsang ba 'dus pa'o/ /yang na dpal ldan ni de bzhin gshegs pa rnams so/ /de dang gang ldan pa ni dpal ldan te rdo rje 'chang chen po'o/ /de nyid kyis gsungs pa 'di nyid ni rgyud kyi rgyal po yin zhes sbyar ro /yang na dpal ldan yang yin rgyud kyang yin pas na dpal ldan rgyu nga rgyal te/ gang la bsod nams dang ye shes kyi tshogs thob par byed pa'i thabs yod pa de la de skad ces bya'o/ /de nyid ni rnal 'byor gyi rgyud kyis shin tu gsal bar rnam phye ste/ gang la ting nge 'dzin gtsor ston par byed pa'i rgyud ni rnal 'byor gyi rgyud do/ /gang zhe na/ de bzhin gshegs pa la byams pa la sogs pas zhus pa'i rgyud ye shes rdo rje kun las btus pa la sogs pa'o/ /des
- 7b
gsal bar byed pa ni des gsal bar bshad ste/ sgra dang don thams cad rgyas par byas zhe'o/ /de bzhin gshegs pa thams cad kyi gsang ba 'dus pa la rnal 'byor gyi rgyud kyis rgyas par byed pa ci'i phyir zhe na/ mdza' drug gi ni 'ching bas bcings zhes bya ba smos te/ gang la mdza' drug gi 'ching ba yod pa de la de skad ces bya'o/ /gal te mdza' drug gi 'ching bas bcings kyang nye bar gdags pa mi bya'o zhe na/ bla dman pa rnams kyis rtogs par byed par 'gyur te/ de'i phyir rgyal sras yul gyur zhes bya ba smos so/ /rgyal ba'i yul du gyur zhes pas ni rdo rje 'chang chen po la sogs pas rtogs par bya ba yin par bstan to/ /rgyal ba'i sras kyi yul du gyur zhes pas ni byams pa la sogs pa byang chub sems dpa' rnams kyis rtogs par bya ba yin par bstan to/ /rgyal sras yul gyur zhes bya ba 'di ni rgyal sras kyi yul du gyur pa kho na'o zhes bya ba ni ma yin gyi/ rgyal ba'i sras kho na'i yul du gyur zhes pa'o/ /'dis ni gzhan dang ldan pa rnam par bcad pa'o/ /mdza' drug gi ni 'ching bas bcings zhes bya ba 'di ni nye bar mtshon pa'i tshig ste/ bshad pa bzhi'i 'ching bas bcings zhes bya ba la sogs pa yang shes par bya'o/ /de dag gis bcings pa yang gang zhe na/ rgyal ba'i 'dus gang yin zhes bya ba smos te/ de bzhin gshegs pa thams cad kyi gsang ba 'dus pa mdza' drug gi 'ching bas bcings zhes sbyar ro/ rgyal ba'i 'dus pa yang sgra'i rnam pa bcings sam/ /don gyi rnam pa bcings zhes rtogs grang na/ sgra'i rnam pa ma yin pa'i pyir/ rim gnyis gnas kyi rgyas btab de ni zhes bya ba smros te/ bskyed pa'i rim pa dang /rdzogs pa'i rim pa gnyis kyis rgyas btab ca'o/? /de bzhin gshegs pa rnams kyis rgyas btab ces pa yang ci gdugs sems dang bcas pa 'am/ snyoms las kyis yin zhes rtog grang na/ phyogs gnyi ga ni blang bar bya ba ma yin pa'i phyir/ re zhig bsal lo/ /de nyid thams cad kyis rtogs pa ma yin no zhe na/ klu sgrub las rnyed pa
- 8a
zhes smos te/ de bzhin gshegs pa thams cad kyi gsang ba 'dus pa gang yin pa de sus kyang rnyed pa ma gyur pa slob dpon klu sgrub las rnyed ces sbyar ro/ /'di dag gi don ni 'di skad du ston par 'gyur te/ snod dang snod ma yin pa rnam par phye nas snod ma yin pa la ba'i don grub mdza' drug gi 'ching bas bcings pa'o/ /gang mdza' drug gi 'ching bas bcings ba de ni rgyal ba'i sras kyi yul du 'gyur ro/ /gang rgyal ba'i sras kyi yul du gyur pa de ni tshigs dang slob ma'i gang zag gis rnyed pa ma yin par 'gyur ro/ /gang tshogs dang slob mas rnyed par ma gyur pa de ni rnal 'byor gyi rgyud dang/ byang chub sems dpa' i sprul pa las rnyed par 'gyur ro/ /gang rnal 'byor gyi rgyud dang/ byang chub sems dpa' i sprul pa las rnyed pa de ni kun dang thun mong ma yin pa'i phyir ro/ /kun dang thun mong ma yin pa'i phyir rigs dbye par 'gyur ro/ /rnal 'byor gyi rgyud kyang ji ltar bshad ce na/ de bzhin gshegs pa thams cad ni phyi nang gi mngon par byang chub pa'i sgo nas mngon par rdzogs par sangs rgyas pas de bzhin gshegs pa'i gsang ba 'dus pa las kyang mngon par byang chub pa ston par 'gyur ro/ de bzhin gshegs pa'i gsang ba 'dus pa'i mngon par byang chub pa de nyid kyi phyi dang nang gi dbye bas rgyu'i mngon par byang chub pa dang/ lam dang/ 'bras bu dang/ dpe la sogs pa'i zab pa dang rmad du byung ba'i mngon par byang chub pa legs par bstan bar bya ba'i phyir mngon par byang chub pa'i rgyud gsungs so/ de bzhin gshegs pa rnams ni nges pa'i don du byang chub kyi sems la brten te/ sangs rgyas pas rgyud kyi rgyal po las kyang de nyid stong pas de nyid gsal bar bstan par bya ba'i phyir lha mo bzhis zhus pa byang chub kyi sems kyi rgyud gsungs so/ /de bzhin gshegs pa thams cad ni sprul pa'i sku las mi 'da' la/ sprul pa'i sku'i de kho na nyid dang chos 'grub par byed pa'i thabs sbyor ba yan lag drug ni gsang ba 'dus pa nas nye bar ston te/ gsal
- 8b
bar ston pa'i phyir byams pas zhus pa'i rgyud phyi ma gsungs so/ /de bzhin gshegs pa rnams ni bshad pa'i tshul rnam pa bzhi las mi 'da' la/ de gsal bar bya ba'i don du gsang ba'i rgyud rdo rje phreng ba gsungs so/ /de bzhin gshegs pa rnams ni thugs rje chen po'i stobs kyi sems can la chos ston pa las mi 'da' la/ de gsal bar byed pa'i rgyud ni dpal phyag na rdo rjes zhus pa ye shes rdo rje kun las btus pa'i rgyud gsungs so/ /de bzhin gshegs pa rnams ni rmad du byung ba'i spyod pa las mi 'da' la/ de gsal bar ? pa'i rgyud ni spyod pa mchog gi rgyud gsungs so/ /de bzhin gshegs pa rnams ni thob pa dang rtsol ba dang dngos grub rnam pa gnyis las mi 'da' la/ de gsal bar byed pa'i rgyud ni dngos grub bstan par byed pa zhes bya ba'i rgyud gsungs so/ /de bzhin gshegs pa rnams ni dbang dang dam tshig las mi 'da' la/ de gsal bar byed pa'i rgyud ni dam tshig gi de kho na nyid nye bar 'byed pa'i rgyud gsungs so/ /de bzhin gshegs pa ni bskyed pa'i rim pa dang lha'i rnal 'byor gyi rdzogs pa'i rim pa las mi 'da' la/ de gsal bar byed pa'i rgyud ni rdo rje rnon po'i rgyud gsungs so/ /de bas na de bzhin gshegs pa thams cad kyi sku dang gsung dang thugs gsang ba 'dus pa ni rnal 'byor gyi rgyud rnams kyis shin tu rgyas btab pa/ shin tu zab pa/ shin tu rmad du byung ba/ shin tu rtogs par dka' ba/ sangs rgyas dang byang chub sems dpa' thams cad kyis kyang rnyed par dka' bas mchog tu dam par gyur pa rnams kyi spyod yul du gyur pa yin pa'i phyir dad pa'i rjes su 'brangs pa dang/ chos kyi rjes su 'brangs pa rnams kyis rnal 'byor gyi rgyud dang/ byang chub sems dpa' byams pa'i TIka dang/ byang chub sems dpa' pad+ma'i man ngag la brten te rtogs par bya'o/ /de ltar bshad par dam bca' ba bstan nas/ da ni de kho na nyid kyi don mdor bsdus te bstan par bya'o//
- 9a
de'i phyir gsang sngags sku ni rab tu sgrub byed ces bya ba la sogs pa smos te/ sku sgrub par byed ba ni bskyed pa'i rim pa yin la/ sngags sgrub par byed pa ni rim pa dang po yin bas de la de skad ces bya'o/ /rim ba zhes pa ni gnyi ga la sbyar bar bya'o/ /'dis ni bskyed pa'i rim pa yang gzung bar bya'o/ /rim pa dang po zhes smos pa ma yin nam/ de ci'i phyir gnyi ga la dang po zhes brjod ce na 'di ni rdzogs pa'i rim pa 'ba' zhig gi dbang du byas pa yin gyi/ bskyed pa'i rim pa dang thun mong du ni ma yin no/ /rim ba dang po zhes bya ba 'di yang gang zhig ce na/ 'di ni rdo rje bzlas pa nyid do/ /rim pa gnyis pa brjod pa'i phyir/ sems la dmigs pa tsam zhig ni/ rim pa gnyis pa zhes brjod do zhes pa sems la dmigs pas na sems la dmigs pa ste/ gang gi sems yul du byas bas na sems la dmigs pa'o/ /rim pa gnyis pa zhes pa ni rdo rje bzlas pa la bltos pa'i rim pa gnyis so/ /tsam zhes pa ni dgag pa smos pa ste/ sems la dmigs pa tsam zhig rim pa gnyis pa yin gyi/ gzhan ni ma yin no/ /de nas rim pa gsum pa bstan pa'i phyir/ kun rdzob bden pa bstan pa ni/ yid dang rim pa gsum pa'o/ /zhes pa gang rgyu rkyen gyis bskyed pa brdzun par snang ba ni kun rdzob ste/ kun rdzob de'i dbang du byas na bden pas na bden pa'o/ /rim gnyis pa la bltos nas 'di rim pa gsum pa'o/ /'di ni cig car gyis 'byung ba'i sgyu ma lta bu'i sku gzung ngo/ /de nas rim pa bzhi pa bstan pa'i phyir/ kun rdzob bden pa dag pa ni/ rim pa bzhi pa zhes brjod do zhes pa'i ril por 'dzin pa dang/ rjes su gzhig pa'i stobs kyis sgyu ma lta bu'i sku rang bzhin gyis rnam par dag pa 'di ni 'od gsal ba ste/ rim pa bzhi pa'o/ /rim pa bzhi pa'i dus su ni bden pa rnam pa gnyis kyi tshul du gnas pa ste/ 'di ltar mnyam par gzhag pa ni don dam par bden pa'o/ /de'i rjes
- 9b
las thob pa'i sku ni kun rdzob kyi bden pa'o/ /de nas rim pa lnga pa bstan pa'i phyir/ bden gnyis sbyor ba gang yin pa/ /zung 'jug ces bya lnga pa ste/ zhes bya ba smos te/ don dam ba'i bden pa dang/ kun rdzob kyi bden pa rnam pa gnyis su dbyer med par rtogs pa 'di ni zung du 'jug pa ste rim ba lnga pa'o/ /de nas sgrub thabs kyi che ba bstan ba'i phyir/ 'di ni sgrub pa'i thabs kyi mchog ces pa/ bskyed pa'i rim pa dang rdzogs pa'i rim pa 'di ni sgrub thabs thams cad kyi mchog yin te /ci'i phyir zhe na/ dngos grub gnyis kyi rgyur gyur pa'i phyir ro/ /rgyud kun gyi ni don bsdus pa'o/ /zhes ba/ de bzhin gshegs pa thams cad kyi rgyud ni lam dang 'bras bu gnyis las mi 'da' la/ bskyed pa dang rdzogs pa'i rim pa 'di yang lam dang 'bras bu gnyis dang ldan pa'i phyir rgyud kyi don bsdus pa'o/ /yang na rgyud ni de bzhin gshegs pa thams cad kyi gsang ba 'dus ba'o/ /de'i yan lag ni lha mo bzhis zhus pa la sogs pa'o/ /de'i don mdor bsdus pa ni lam 'bras bu dang bcas pa'o/ /lam rnam pa gnyis te smin pa dang/ grol bar byed pa'i lam mo/ /smin par byed pa'i lam ni rnam pa bzhi ste /bum pa'i dbang dang/ gsang ba'i dbang dang/ shes rab ye shes kyi dbang dang/ dbang bzhi pa'o/ /grol bar byed pa'i lam ni rnam pa gnyis te/ de kho na nyid ting nge 'dzin dang grogs spyod pa'o/ /de kho na nyid kyi ting nge 'dzin la gnyis te/ bskyed pa'i rim pa dang/ rdzogs pa'i rim pa pa'o// rdzogs pa'i rim ba la rnam pa lnga ste/ rdo rje bzlas pa la sogs pa'o/ /spyod pa ni rnam pa gsum ste/ spros pa dang bcas pa dang/ spros pa med pa dang/ shin tu spros pa med pa'o/ /'bras bu ni rnam pa gnyis te/ 'bras bu gnas skabs pa dang/ 'bras bu mthar thug pa'o/ /thun mong gi dngos grub 'ba' zhig pa ni 'bras bu gnas skabs pa'o/ /mchog gi dngos grub ni 'bras bu mthar thug pa'o/ /'di dag ni de bzhin gshegs pa thams cad kyi rgyud kyi don mdor bsdus pa'o/ /sngags dang sems dang lus dang ni/ zhes bya ba la sogs pa ni
- 10a
bshad zin to/ /mdor bsdus pa zhes bya ba 'di yang 'og nas 'byung ba'i don nyid yin nam de las gzhan zhig yin zhe na /phyogs dang po ltar ni ma yin te/ don med pa nyid kyi phyir ro/ /phyogs phyi ma ltar na yang rgyud 'di nyid kyi don mdor bsdus pa zhes 'byung ba'i phyir ro zhe na/ ma yin te/ gang zag thams cad ni rigs rnam pa gnyis te/ dbang po rnon po mgo smos pas go ba'i gang zag go /re zhig dbang po rtul po don mdza' dag la gzhol ba'i dbang du ni ma yin te/ gong ma'i skyon nyid du 'gyur ba'i phyir ro/ /'di ni dbang po rnon po mgo smos pas go ba'i dbang du byas pa'o/ /de ci'i phyir zhe na/ dbang po rnon po ni de tsam gyis go bar 'gyur ba dang/ don rgya chen po la 'jug par mi 'gyur ba'i phyir ro/ /de bas na de bzhin gshegs pa'i gsang pa 'dus pa'i don rgya cher bshad pa 'dis ni dbang po rnon po dang/ dbang po brtul po'i gang zag gnyi ga bzung bar 'gyur ro/ /de dag gi ni don mdor bsdus pa bstan to/ /de nas rgyud kyi mdza' i yi ge shes par bya ba'i phyir/ zhes nas mdza' drug la 'jug go zhes bya ba smos te/ mdza' drug la 'jug pa yin pas na mdza' drug la 'jug pa zhe'o/ /mdza' drug po 'di yang gang la 'jug ce na/ de bzhin gshegs pa'i gsang ba 'dus pa'i rgyud chen po la sogs pa la 'jug go /de ci'i phyir zhe na/ de bzhin gshegs pa'i rgyud thams cad ni mdza' rnam pa drug las mi 'da' o/ /de bas na de bzhin gshegs pa'i rgyud kyi mdza' yi ge shes par bya ste/ de yang bshad pa ji srid ya ra la ha'i bar/ ka ga g+ha mdza' na dza'i mdza' / /da d+ha'i mdza' dang ma mthar bcas zhes pa 'di dag ni rnal 'byor gyi rgyud kyi ming gi mdza' i yi ge'o/ /'di dag ni dpal ye shes rdo rje kun las btus pa las kyang/ bcom ldan 'das rnal 'byor gyi rgyud kyi ming gi mdza' i yi ge gang lags/ bcom ldan 'das kyis bka' stsal pa/
- 10b
byams pa rnal 'byor gyi rgyud dang/ rnal 'byor chen po'i rgyud rnams kyi ming gi mdza' i yi ge ni 'di dag tsam du zad de/ a ka kha ga g+ha nga/ tsa tsha dza dzha nya /Ta Tha Da Dha Na /ta tha da d+ha na/ ba pha ba b+ha ma/ sha Sha sa ha k+Sha:/ byang chub sems dpa' sems chen po de'i mdza' can ni sum cu rtsa gnyis so/ /de bzhin du ha'i mdza' can gyi bar du yang sum cu rtsa gnyis so/ /de bas na rnal 'byor dang/ rnal 'byor chen po'i rgyud ni stong phrag bdun cu rtsa gnyis so/ /yang na ji srid yang la ha'i bar zhes bya ba la sogs pas ni A li kA li yang gzung bar bya ste/ ji skad du rdo rje rgyan gyi rgyud las kyang/ A li kA li mnyam sbyor bas /'khor lo bzhi ni 'grub pa yin zhes gsungs te/ 'khor lo bzhi ni A li kA li las gzhan ma yin no/ /'khor lo bzhi las ni rdo rje zlas pa dang/ sems la dmigs pa dang/ sgyu ma lta bu dang/ 'od gsal ba la sogs par 'byung bar 'gyur ro/ /gzhan las kyang snying gi dbus na mi shigs pa/ 'bar ba mar me'i rtse ltar 'bar/ zhes bya ba la sogs pa gsungs pa lta bu'o/ /gzhan las kyang 'khor lo sa bon 'od zer las/ rdo rjes bzlas dang sems la dmigs/ /sgyu ma 'od gsal zung du 'jug /thams cad 'di las 'byung ba yin zhes 'byung ba'i phyir/ de bas na rlung las ni rnam par shes pa 'byung ngo/ /rnam par shes pa las ni nye bar len pa'i lus 'byung ngo/ /de bas na nyams su len pa'i rnal 'byor pas kyang dang po ni rlung la bslab bar bya'o/ /de nas ni rnam par shes pa la bslab par bya'o/ /rnam par shes pa las rlung la logs par 'dod pas kyang 'khor lo rnam pa bzhi'i yi ge'i don ji lta ba bzhin du shes par bya'o/ /yi ge de dag kyang mdza' gang du 'dus zhe na/ de de'i rtsa ba yi ge gsum zhes smos te/ mdza' can gyi rgyud de dang de'i rtsa ba byed ces sbyar ro/ /yi ge gsum pa'i ngo bo gang yin zhe na/ skyes bu sgra la gzhol ba rnams kyi dbang du byas te/ sa ma dza zhes pa ni 'dus pa'i ming gi yi ge'o/ /yang na sgom
- 11a
pa la mchog tu byas te/ de de'i rtsa ba yi ge gsum zhes pa ni de bzhin gshegs pa thams cad kyi thabs kyi yi ge dang shes rab kyi yi ge'i rtsa ba ni/ oM A:hUM zhes pa ste/ de bzhin gshegs pa thams cad kyi gsang ba'i yi ge gsum las mi 'da' o/ /yi ge gsum de bzhin gshegs pa thams cad kyi thob par byed pa'i thabs la mi 'da' la/ yi ge gsum du yang thams cad ji ltar zhe na/ 'di ltar de bzhin gshegs pa thams cad kyi sku ni rdo rje gsum las mi 'da' ste/ 'di ltar yi ge oM ni sku rdo rje'o/ /A:ni gsung rdo rje'o/ /hUM ni thugs rdo rje'o/ /'di ltar de bzhin gshegs pa thams cad ni sku rnam pa gsum la mi 'da' la/ yi ge oM na chos kyi sku'o/ /A(rgyud 'grel): ni longs spyod rdzogs pa'i sku'o/ /hUM ni sprul pa'i sku'o/ /de bzhin gsheg? ba bskyed pa'i rim pa'i dbang du byas pa de bzhin no/ /de bzhin gshegs pa thams cad kyi smin par byed pa'i lam ji ltar 'dus zhe na/ yi ge oM ni bum pa'i dbang po/ /yi ge a(rgyud 'grel): ni gsang ba'i dbang ngo/ /hUM ni shes rab ye shes kyi dbang ngo// de bzhin gshegs pa thams cad kyi rim pa lnga pa ji ltar 'du zhe na/ 'di ltar yi ge A:ni rdo rje bzlas pa'o/ /hUM ni sems la dmigs pa'i dang 'od gsal ba dang/ zung du 'jug pa'o/ /oM ni sgyu ma lta bu'i sku'o/ /rdo rje bzlas pa 'ba' zhig gi dbang du byas te/ yi ge gsum ni 'di ltar 'byung ba dang/ 'jug pa dang/ gnas pa gsum yi ge gsum ci rigs su sbyar ro/ /sems la dmigs ba 'ba' zhig gis dbang du byas pa'i yi ge gsum ni snang ba dang/ snang ba mched pa dang snang ba thob pa'i ye shes so/ /yi ge gsum dang ci rigs su sbyar ro/ /sgyu ma lta bu'i sku 'ba' zhig gi dbang du byas pa'i yi ge gsum ni sku sgyu ma lta bu dang/ gsung sgyu ma lta bu dang/ thugs sgyu ma lta bu'i yi ge gsum dang go rim du sbyar ro/ 'od gsal
- 11b
'ba' zhig gi dbang du byas pa'i yi ge gsum ni 'od gsal ba'i ye shes dang/ 'ong gsal ba dang cha 'dra ba'i ye shes pa dang/ kun rdzob kyi bden pa yi ge gsum dang go rim du sbyar ro /zung du 'jug pa 'ba' zhig pa'i dbang du byas pa'i yi ge gsum ni rtsol ba dang bcas pa dang/ rtsol ba med pa dang/ shin tu rtsol ba med pa gsum dang/ go rim du sbyar ro/ /yang na spros pa dang bcas pa dang/ spros pa med pa dang/ shin tu spros pa med pa'i go rim du de bas na de bzhin gshegs pa'i chos thams cad kyi rtsa ba ni yi ge gsum mo/ /de bzhin gshegs pa thamS cad kyi don gyi rnam pa ji lta ba bzhin du sgra'i rnam pa la yang de bzhin te/ de bzhin gshegs pa thams cad kyi sgra'i tshogs ni dag gi lam nas 'byung ba yin la/ de yang lhan cig tu dbugs dang gnas pa yin te/ 'byung ba las 'byung pa'i sgra dang/ 'jug pa las 'jug pa'i sgra dang/ gnas pa las gnas pa'i sgra ni yi ge gsum las byung ba'i sgra'o/ /gzhan las kyang/ a ni yig 'bru kun gyi mchog /don chen yi ge dam pa yin/ /khong nas 'byung pa skye ba med/ /tshig tu brjod pa spangs pa ste/ /brjod pa kun gyi rgyu yi mchog / tshig kun rab tu gsal bar byed ces 'byung ba dang/ gsang ba thig le'i rgyud las/ /sgra rnams yi ge las byung ste/ yi ge yi ge gsum las byung/ /de phyir sgra rnams thams cad kyi/ /rgyu ni yi ge gsum du 'dus zhes 'byung ba lta bu'o/ /de bzhin gshegs pa thams cad kyi gsang ba 'dus pa dang/ de bzhin gshegs pa thams cad kyi yi ge rnam pa gsum ni/ gnyis su med cing gnyis su byar med so so ma yin tha mi dad do/ /de bas na yi ge la 'dus pa ji bzhin du de bzhin gshegs pa'i gsang ba 'dus par shes par bya'o/ /de nyid bshad par thub pa chen pos chos phung po/ /brgyad khri bzhi stong gsungs pa yi zhes bya ba smos te/ de bzhin gshegs pa thams cad kyis nyon mongs pa brgyad khri bzhi stong gsungs/ de dag gi snod 'dus pa'ang gang yin zhe na/ de bzhin gshegs pa thams cad ni dam tshig gi sgo
- 12a
nas sangs rgyas la dam tshig dang sdom pa thams cad ni lus dang ngag 'dul bar byed pas 'dul ba zhes bya ste/ gzhan las / gzhi dang spyi dang khyad par gyi/ /dam tshig mchog ni rmad po che/ /sdom pa gsum la rab gnas pa/ / 'dul ba'i sdom ba kun gyi mchog ces 'byung ba'i phyir ro/ /mdo sde dang mngon pa la yang de bzhin te/ 'di dag de bzhin gshegs pa thams cad kyi gsang ba chen po mdor gsungs pas / dpal ldan 'dus 'di snod yin te zhes bya'o/ /de bas 'di ni rgyud kyi rtse ste mchog yin no zhes sbyar ro/ /gzhung nyung ba la don mang ba zhes pa ni gzhung gi tshogs phra mo tsam gyis de bzhin gshegs pa'i bka' mdza' dag gi don rnyed par 'gyur ba'i phyir de la de skad ces bya'o/ /'di dag gis ni rgyud kyi che ba yang bstan par rig par bya'o/ /de nas rgyud rnyed par dka' ba bstan pa'i phyir/ 'dus pa'i rgyud ni rnyed pa dka' zhing zhes bya ba la sogs pa smos te / 'di ni sangs rgyas dang byang chub sems dpa' thams cad kyang the tshom skye bar byed pa yin na gzhan lta ci smos zhes gzhung 'di nyid las 'byung ba'i phyir ro/ /sangs rgyas the tshom skye ba ci'i phyir zhe na/ sangs rgyas dang byung chub sems dpa' thams cad la nam yang the tshom yod pa ma yin no/ /de pas na 'di dag gi don ni tshogs dang slob ma'i gang zag gsang ba 'dus pa'i dkyil 'khor du nyan pa'i skal pa dang ldan pa rnams kyang skye ba'i byed pa yin na/ nyan thos dang byang chub sems dpa' i rigs la sogs pa gzhan lta ci smos zhes bya ba'i don to/ /de bzhin gshegs pa'i gsang ba 'dus pa'i don rnyed par dka' ba yang ci'i phyir zhe na/ rgyan bdun rtogs par dka' bas na zhes pa smos te / rgyan bdun rtogs par dka' bas de'i phyir de la de skad ces
- 12b
bya'o/ /nges cing 'gyur zhe na / thams cad du ni rnam bar 'khor zhes sbyar ro/ /'di nyid kyang gzhung 'di nyid las bzhugs pa'i tshig nas brtsams te / mdza' rnam pa drug dang rnam pa bzhir bshad pa 'dis gsang pa 'dus pa'i don phyag rgyas btab pa yin la zhes smos pa'i phyir dang / bcom ldan 'das kyis dgongs pa lung bstan pa'i rgyud las / gsang ba'i bdag po don rgyas pa'i/ /tshul chen 'di ni rnyed gyur nas/ /ji bzhin don ni rnyed bzung ba/ /des na lam ngan ngag tu ltung/ /zhes bya ba la sogS pa bshad pa'i phyir ro/ /de nas de bzhin gshegs pa thams cad kyi gsang ba 'dus pa shes par bya ba yin par bstan pa'i phyir / de bas bla ma'i bka' drin gyis/ /'bad de rnam par shes nas ni zhes pa / de bzhin gshegs pa thams cad kyi gsang ba 'dus pa ni dbang dang dam tshig dang mi ldan pa la gsang ba ston par byed pa dang slob dpon smod par byed pa dang/ slob dpon gyi gdams ngag rjes su mi 'dzin pa dang / nyan thos kyi rigs can dang / rang sangs rgyas kyi rigs can dang / byang chub sems dpa' i rigs can dang/ rigs ma nges pa la sogs pa rnams kyi nam yang rnyed par mi 'gyur zhing / bla ma'i gdams ngag rjes su 'dzin par byed pa dang/ dad pa dang dam tshig la sogs pa dang ldan pa dang/ theg pa chen po'i rigs can gyi gang zag rgyu'i rgyud kyang shes par bya'o/ /de nas gzhan la chos bstan par 'dod nas bshad pa'i dbye bar bstan pa'i phyir / sems can rjes gzung 'dod pa yis zhes bya ba la sogs pa smos te / bla ma'i gdams ngag la brten nas / de bzhin gshegs pa'i gsang ba 'dus pa'i don ji lta bu rnam par shes pa'i gang zag nges ma 'ongs pa'i sems can blo dman
- 13a
pa rjes su gzung bar bya ba'i phyir bshad rgyud kyi rjes su 'brab te bshad pa'i phyir/ de'i rnam par dbye ba zhes bya ba smos pa'i phyir ro/ /'dis rgyan bdun bshad par dam bca' ba yang yin no/ /de nyid kyi dbye ba mdor bstan pa'i phyir / gleng bslang ba'i gangs ni lnga zhes bya ba la sogs pa smos te / gleng ba slangs pa yang yin la / lnga yang yin pas gleng bslangs pa lnga'o/ /rigs pa yang ni rnam pa bzhi zhes pa rigs pa ni 'thad pa ste /'thad ba'i chos rnam pa bzhi zhes pa'i tha tshig go /rgyas bshad mdza' ni rnam drug ces pa bsdus pa'i bshad pa ni ma yin gyi / 'dir rgyas pa'i bshad pa kho na'o/ /rgyas par bshad pa yang yin la/ mdza' drug kyang yin pas 'dir rgyas bshad mdza' drug go /bshad pa yang ni rnam bzhi zhes pa/ bshad pa ni bstan pa ste / bstan pa'i chos rnam pa bzhi zhes bya'o/ /lnga pa'i dbye ba rnam pa gnyis zhes pa'i lnga pa ni lnga pa ste grangs kyi lnga pa'o/ /de'i dbye ba gnyis ni tshogs dang / slob ma'i bye brag gis so/ /drug pa'i dbye ba lnga dang ldan zhes pa ni chogs kyi dang/ slob ma'i gnas skabs kyi dbye ba yin no/ /bdun pa'i dbye ba rnam pa gnyis te zhes pa ni de bzhin gshegs pas don mdza' dag bden pa rnam pa gnyis su bstan pa'o/ /'di dag gis ni mdor bsdus pa bstan pa'o/ /rgyan rnams mdor bsdus pa'o zhes bstan pa 'dis ni rgyan rgyas par bstan pa ni ma yin no zhes so/ /rgyas par yang gang zhig las shes par bya zhe na/ bshad pa'i rgyud kyi rjes 'brang nas/ zhes bya ba la sogs pa smos te / bshad pa'i rgyud ni lha mo bzhis zhus pa la sogs pa'o/ /de'i rjes su 'brangs nas bdag gis bshad ces sbyar ro/ /ci bshad
- 13b
zhe na/ rgyan ni bdun po rnams kyi ni/ /rim pa bzhin du re re yi/ /rgyas pa dag ni bdag gis bya/ /zhes pa gleng bslang ba'i grangs rgyas pa dang / rigs pa rgyas par bshad pa dang / mdza' drug rgyas par gshad pa la sogs pa'o/ /de la dang po gleng bslang pa'i grangs rgyas par bshad pa rnam pa gnyis te / dris pa dang / lan du bcas pa'o/ /dri ba bstan pa'i phyir rgyud 'di'i ming ni ci zhig yin zhes bya pa la sogs pa smos te/ ming med pa dang/ ming ma yin pa dang / ming log pa bsal bar bya ba'i phyir / rgyud 'di'i ming ni ci zhig yin zhes smos te /dgos pa med pa dang/ dgos pa ma yin pa dang / dgos pa log pa bsal pa'i phyir gang gi don du 'di nyid mdzad ces dgos pa 'dri ba'o/ /byed pa po med pa dang / byed pa po ma yin pa dang / byed pa po log pa bsal ba'i don du/ su zhig byed pa po zhes 'dri ba'o/ /tshad med pa dang / ma yin pa la sogs pa bsal ba'i phyir / 'di'i tshad gang zhes 'dri ba'o/ /de nyid bshad pa dang po'i lan du bstan pa'i phyir / rgyud kyi mtshan ni ming yin la zhes smos te / de bzhin gshegs pa thams cad kyi sku dang gsung dang thugs gsang ba 'dus pa zhes bya ba la sogs pa'o/ /de bzhin gshegs pa'i rgyu'i ming ji snyed pa'o/ /de bas na gang la de dag gi rtags su 'brel te / 'di'i ming gang zhig yin zhe na / gsang ba 'dus pa zhes bya ba 'di nyid yin zhes sbyar ro/ /gsang ba 'dus pa gang gis don du mdzad ces pa'i lan du / skye bo 'dod chags can don du mdzad ces sbyar te / gong du bshad pa nyid dang 'og nas kyang legs par ston pa nyid kyi phyir ma bshad do/ /'di'i byed pa po gang zhig yin zhes pa'i lan du /'di'i byed po rdo rje sems/
- 14a
zhes smos te/ gang gi gang zhig byed pa de ni 'di'i byed pa po zhes sbyar ro/ /byed pa po zhes pa ni gsung ba po zhes pa'o/ /gang zhig yin zhe na/ rdo rje sems dpa' yin zhes sbyar ro/ /'di dag gis ni 'di skad du ston par 'gyur te/ de bzhin gshegs pa thams cad kyi gsung ba 'dus pa'i gsung ba po rdo rje 'chang yin zhes sbyar ro/ /'di yi tshad gang yin zhes pa'i lan du tshad dag kyang ni bshad bya ste zhes bya ba la sogs pa smos te/ le'u dang de bzhin cho ga dang zhes pa le'u bcu bdun yod ces pa ni le'u'i tshad do/ /le'u la ji lta ba bzhin du cho ga la yang yod do/ /'di ltar smin par byed pa'i lam gyi dbang du byas pa ni cho ga nyi shu'o/ /cho ga la tshad yod pa de bzhin du du ma bu la yang tshad yod do/ /de bzhin gshegs pa thams cad kyi sku'i dum bu la sogs pa bcu bdun no/ /dum bu la ji lta ba bzhin du rim par phye ba la tshad yod de/ 'di ltar thun mong gi dbang du byas na rim pa gnyis so/ /khyad par gyi dbang du byas pa ni rim pa lnga pa ste/ rdo rje'i bzlas pa la sogs pa'o/ /tshad kyang yin la bzhi yang yin pas/ de ni rnam pa bzhir 'gyur te zhes bya ba smos te/ khyad par gyi dbyangs du le'u'i tshad dang cho ga'i tshad dang/ dum bu'i tshad dang/ rim pa'i tshad do/ /'di dag gi thun mong gi tshad kyang gang zhe na/ rnam pa gsum ste/ bsdus pa'i tshad dang/ rgyas pa'i tshad dang/ shin tu rgyas pa'i tshad do/ /bsdus pa'i tshad ni rnam pa bzhi ste/ rten gyi gang zag la sogs pa'o/ /rgyas pa'i tshad ni rnam pa lnga ste/ bsgrub par bya ba dang/ sgrub par byed pa dang/ thabS dang/ dgos pa dang skyon no/ /shin tu rgyas pa'i dbang du ni rnam pa bdun te/ dkyil 'khor dang sgrub pa dang/ dbang dang/ dam tshig dang/ phrin las dang de kho na nyid dang
- 14b
grogs so/ /dgos pa'ang gang zhig yin zhes pa'i lan du dgos pa yang ni bshad bya ste zhes bya ba smos te/ zhi sogs bya ba'i bya ba'i cho ga dang zhes pa ni de bzhin gshegs pa'i gsang ba 'dus pa'i dkyil 'khor 'dis zhi ba'i las dang/ rgyas pa la sogs pa rdo rje sde bzhin du 'grub par dgongs so/ /de bzhin grub pa brgyad dang ni zhes pa/ sa 'og gi dngos grub la sogs pa 'dis grub par dgongs so/ /'di dag gis ni thun mong gi dngos grub bstan te/ thun mong gi dngos grub ces bya ba yang gang zhig ci'i phyir bstan zhe na/ dang po ni bshad zin to/ /gnyis pa'ang lha thun mong pa nyid dang/ rdzas thun mong ba zhes brtag grang na/ lha thun mong ba'i ni ma yin te/ lha re re'i khyad par gyi las yin pa'i phyir ro/ /khyad par gyi las zhes bya ba 'di yang 'di ltar zhi ba'i las la ni rnam par snang mdzad kyi sbyor bas so/ /rgyas pa'i las la ni rin chen 'byung ldan gyis sbyor bas so/ /dbang gi las la ni snang ba mdza' yas kyis sbyor bas so/ / drag po'i las la ni don yod grub ba'i sbyor bas so/ /las thams cad la ni rdo rje sems dpa' i sbyor bas so/ /de'i phyir lha thun mong ba ma yin no/ /rdzas thun mong ba yang ma yin te/ re zhig zhi ba'i rdzas ni 'o ma dang / me tog dkar po la sogS pa yin pa'i phyir ro/ /rgyas pa'i rdzas ni ba bla dang / ldong ros dang/ me tog ser po la sogs pa'i phyir ro/ /dbang gi rdzas ni khrag dang/ mtshal dang me tog dmar po la sogs pa'i sbyor bas so/ /drag po'i las ni dug dang/ sol ba chen po dang/ grir shi ba'i sha khrag la sogs pa'i sbyor bas so/ /de bas na rdzas thun mong ba ma yin no/ /sngags thun mong yang ma yin no/ /zhi ba la ni shan+tiM ku ru zhes pa'i mdza' dang bcas pa'i phyir ro/ /rgyas pa la ni
- 15a
puSh+TiM ku ru zhes pa'i mdza' dang bcas pa'i phyir ro/ /dbang la ni ba shaM ku ru zhes pa'i mdza' dang bcas pa'i phyir ro/ /drag po la ni mA ra ya zhes pa'i sngags mdza' dang bcas pa'i phyir ro/ /de bas na sngags thun mong ma yin no/ /yid la byed pa'i khyad par thun mong ba yang ma yin te / zhi ba la ni byams pa yid la byed do/ /rgyas pa la ni snying rje yid la byed do/ /dbang la ni dga' ba yid la byed do/ /drag po la ni btang snyoms yid la byed do/ /spyod pa thun mong ba yang ma yin te / zhi ba la sbyin pa la spyod do/ /rgyas pa la ni snyan par smra ba la spyod do/ /dbang la ni don spyod pa la spyod do/ /drag po la ni don thun pa la spyod do/ /de bas na 'di ni thun mong gi dngos grub ma yin no/ /gzhan yang 'di ni mchog yin zhes pa 'am / rgyu thun mong ma yin pa las grub pa'i phyir ro/ /lung gzhan las kyang de bzhin gshegs pa thams cad kyi mchog gi dngos grub ces bya ba ni rgyu thun mong ma yin pa las grub pa 'byung ngo zhes 'byung ba lta bu'o/ /rgyu thun mong pa las grub kyang mchog yin no zhes pa'am / rgyu thun mong ma yin pa las grub kyang thun mong yin no zhe na ni ha cang thal bar 'gyur ro zhes smras pa de ni ma yin te / 'di ni rdzogs pa'i rim pa la smra ba mi bltos pa'i phyir ro/ /thams cad kyang kun rdzob kyi rnam pa can la brten pa'i phyir thun mong ma yin pa yang ma yin no/ /lha thun mong ma yin pa yang ma yin te / zhi ba la sogs pa so so'i las 'dre bar byed cing 'on kyang rdzogs pa'i rim pa dang/ thun mong du gyur pa'i phyir de la de skad ces bya'o/ /de bas na 'di ni thun mong gi dngos grub bo/ /mchog ces bya ba 'di yang gang zhig yin / de nyid mi shes so zhe na / de'i phyir sangs rgyas kyang ni mchog yin no zhes
- 15b
smos te/ de bzhin gshegs pa thams cad kyis gsang ba mchog gi dngos grub ni chos kyi sku la sogs ba'o/ /chos kyi sku zhes bya ba 'di yang gang zhig yin zhe na / de bzhin gshegs pa thams cad kyi don dam pa chos kyi sku ni thog ma med pa / tha ma med pa dbus med pa / bstan du med pa/ thogs pa med pa/ kha dog med pa/ dbyibs med pa / grangs dang/ bgrang ba dang / shes pa dang / brjod pa'i yul las 'das pa / dngos po mdza' thams cad dang bral ba ste / dkon mchog brtsegs pa las kyang / 'od srungs yod ces bya ba 'di ni mdza' gcig go /med ces bya ba 'di ni mdza' gnyis so/ /rtag ces bya ba 'di ni mdza' gcig go /mi rtag ces bya ba 'di ni mdza' gnyis so/ /dbu ma'i lam ni dmigs su med pa'o zhes 'byung ba dang / 'dus pa chen po rin po che tog las kyang/ ci ste mchis zhes bgyis na ni rtag par 'gyur/ ma mchis zhes bgyis na ni chad par 'gyur / dbu ma'i lam ni dmigs su ma mchis so zhes 'byung ba dang/ gzhan dag las kyang / yod dang med pa 'di yang mdza' yin te / dag dang ma dag gnyis kyang mdza' ru 'gyur / mkhas pas mdza' gnyis rnam par spangs nas kyang / dbu ma rtog cing gnas par mi byed do zhes 'byung ba dang / gzhung 'di nyid las kyang / dngos po med pa bsgom pa'i dngos zhes bya ba la sogs pa rgya cher gsungs so/ /'di nyid ni mchog yin par yang lung gis bshad chos rnams rang bzhin med pa dang/ sku gsum po yi khyad par gyis / thun mong las ni ma grub phyir/ /'di ni mchog tu gyur pa yin zhes gsungs so/ /de bas na 'di ni mchog gi dngos grub bo/ /sangs rgyas zhes smos pa ma yin nam / rdo rje 'chang chen po la sogs pa ma yin pa chos
- 16a
kyi sku la sogs pa ci'i phyir mchog gi dngos grub ces grags she na/ 'di nyid sangs rgyas te / sgrib pa rnam pa gnyis spangs pa dang / bsod nams dang / ye shes kyi tshogs rgyas pa'i phyir ro/ /mchog ces bya ba 'di thun mong ma yin pa zhig ma yin nam/ 'di ci'i phyir thun mong pa la mchog ces bya zhe na / 'di ni thun mong ma yin pa nyid de / nyan thos la sogs pa dang thun mong ma yin pa nyid kyi phyir ro/ /grub pa'i mdza' gzhan dang thun mong ma yin pa ni ma yin te /shes rab kyi pha rol tu phyin pa la sogs pa dang thun mong ba'i phyir ro/ /rigs kyi thun mong ma yin pa yang ma yin te / 'di ltar rdo rje'i rigs dang/ las kyi rigs kyi bar du thun mong du gyur pa'i phyir ro/ /thabs kyis thun mong ma yin pa yang ma yin te / bskyed pa'i rim pa dang / rdzogs pa'i rim pa la sogs pa thabs thams cad pa'i 'bras bu yin pa'i phyir ro/ /bstan du med pas thun mong ma yin pa yang ma yin te / yul dang dus dang rang bzhin gyis dka' ba thams cad mchog tu gyur pa'i phyir ro/ /de bas na mchog gi dngos grub ces bya ba 'di gang zhig yin / ci'i phyir mchog gi dngos grub ces brtag ce na / dang po ni bshad zin to/ /gnyis pa'i ni dbang du byas pa 'di ni thun mong ma yin pa'i phyir te / mchog rtogs pa'i bye brag gis ma yin gyi / mchog thob pa'i bye brag gis so/ /mchog thob pa zhes bya ba yang rgyu thams cad kyis thob pa ni ma yin gyi/ rdzogs pa'i rim pa 'ba' zhig gis nye bar thob pa'i phyir ro/ /'ba' zhig gis thob kyang thun mong yin no zhe na ha cang thal bar 'gyur ro/ /de bas na 'di ni mchog gi dngos grub nyid do/ /rgyan dang po bshad
- 16b
zin to// //'di la yang ci'i phyir rgyan zhes bya zhe na/ gang la gang gis phan 'dogs pa dang/ gang la gang gis mdzes par byed pa dang/ gang la gang gis dga' bar byed pa de ni de'i rgyan no/ /rgyan zhes bya ba yang du zhig ce na / de bzhin gshegs pa thams cad kyi rgyan ni rnam pa gnyis te / rang bzhin gyi rgyan dang/ gsal ba'i rgyan no/ /rgyan thams cad kyi dpe ni rnam pa gnyis te / rang bzhin gyi rgyan gyi dpe ni bu mo bzhin mdzes pa lta bu'o/ /gsal ba'i rgyan ni dper na bu mo'i rin po che lta bu'o/ /'di lta ste dper ni nor bu rin po ches ni bu mo'i bzhin mdzes par byad do/ /bu mo'i bzhin la phan 'dogs par byed do/ /de bzhin gshegs pa thams cad gsang ba 'dus pa'i gleng bslang ba la sogS pa 'dis ni de bzhin gshegs pa thams cad kyi bshad pa la phan 'dogs par byed do/ /de bzhin gshegs pa thams cad kyi rgyan gyi dgos pa ni sems can rgyan la dga' ba rjes su 'jug par byed pa dang/ de bzhin gshegs pa thams cad kyi bshad pa phun sum tshogs pa la phan 'dogs par byed do/ /gleng bslang ba ni 'das zin te zhes pa ni gleng bslang ba rnam pa lnga bshad zin zhes pa'o/ /de nas rigs pa rnam pa bzhi bshad pa bstan pa'i phyir/ rigs pa yang ni bshad par bya zhes bya ba la sogs pa smos te / rgyud dag dang ni zhes bya ba la sogs pa la / rgyud ni gang du rtogs / gleng gzhi ni gang zhig yin / ci'i phyir de la de skad ces bya thabs gang gis thob par byed ces bya ba'i don to/ /dang po'i lam bstan pa'i phyir/ mi yi skye bar 'khrungs pa ni / rgyud ces bya bar brjod pa yin zhes pa mi'i rgyud du gtogs zhes pa'o/ /ci'i phyir rgyud ces bya na / de nyid mi'i skye ba dang 'brel
- 17a
pa'i phyir de la de skad ces bya'o/ /'dis ni lha dang lha ma yin gyi rgyud du gtogs pa bsal ba yin no/ /gnyis lan bstan pa'i phyir/ btsun mo'i 'khor gyi nang nas ni/ /rab tu byung ba gleng gzhi yin zhes smos te/ khyim nas khyim med par nges par rab tu byung ba'o/ /'di la ci'i phyir thub pa chen po zhes bya zhe na/ 'dul las sdom pa bstan pa ni// nges pa'i tshig ces brjod pa ste// zhes pa 'dul ba las sdom pa thams cad thub pa'i phyir thub pa chen po zhes bya'o/ /lung gzhan las kyang/ dbang po sgo bsdams sdom pa rnams/ /ma lus brtsal med thub pas na/ /thub pa chen po zhes su bshad ces 'byung ba lta bu'o/ /'di'i rgyu gang zhig yin zhes pa'i lan du/ 'bras bu 'dod pas chos spyod pa/ /de ni rgyu zhes brjod pa ste zhes pa/ 'bras bu ni mchog dang thun mong gi dngos grub bo/ /yang na 'bras bu ni 'dir phyug pa dang/ gzugs bzang ba dang/ stobs dang mi 'jigs pa dang/ gzungs dang ting nge 'dzin dang/ de la sogs pa yon tan gyi chos rnams so/ /de thob par byed pa'i rgyu ni sbyin pa dang/ tshul khrims dang/ bzod pa la sogs pa'o/ /'di ni 'dod chags bral chos kyi/ /rigs pa rnam pa gzhir 'dod do zhes pa/ 'dod chags dang ldan pa'i dbang du byas pa ni ma yin gyi/ /'dod chags dang 'bral ba'i dbang du byas pa'i phyir ro/ /de bas na 'dod rgyal gyi zhags pas zin pa rnams ni dgos pa med kyang rtsom par 'gyur gyi/ de bzhin gshegs pa thugs rje chen po dang ldan pa rnams ni sems can gyi don dang mi ldan par nam yang rtsom mi srid do/ /de bas na dgos pa thams cad ni rnam pa gnyis te/ 'dod chags dang bral pa rnams 'dul ba dang/ 'dod chags dang ldan pa rnams 'dul ba'o/ /dang po'i dbang du
- 17b
byas pa ni bshad zin to/ /gnyis pa'i dbang du byas nas bshad pa/ rigs lnga'i sangs rgyas bskyed pa ni/ rgyud ces bya bar brjod pa ste zhes pa/ de bzhin gshegs pa thams cad kyi bdag po rdo rje 'chang chen po yab yum gnyis su med pa'i sbyor 17b2rgyud 'grel): ba las rigs rnam pa lnga la sogs pa bskyed pa 'di ni rgyud ces bya ba'o/ /'di la yang ci'i phyir rgyud ces brjod zhe na/ gnyis su med pa'i sbyor ba'i dbang du ni 'brel pa'i phyir rgyud do/ /rigs lnga'i sangs rgyas skye ba'i dbang du ni 'byung khungs kyi phyir rgyud do/ /dper na ri las gser 'byung zhes brjod na rig ser gyi rgyud du gtogs pa lta bur rigs lnga'i sangs rgyas bskyed pas thams cad de bzhin gshegs pa'i rgyud dang/ 'dod chags chen po'i chos dang ldan pa'i rgyud du gtogs par shes par bya'o/ /gleng gzhi yang gang zhig yin zhe na/ slar yang rigs gcig gyur pa ni/ /gleng gzhi yin par rab tu bshad ces pa'o/ /de bzhin gshegs pa thams cad rigs brgya'i dbye la rab tu bzhugs nas slar yang rdo rje bsdu ba'i sbyor bas bsdus te/ rigs gcig tu gyur pa ni gleng gzhi zhes brjod do/ /rdo rje la sogs bzung ba ni/ /nges pa'i tshig tu brjod pa ste zhes pa ni rdo rje 'dzin pa'i phyir rdo rje 'chang chen po'o/ /ci'i phyir rin chen 'chang zhes bya zhe na/ yid bzhin gyi nor bu rin po che 'chang ba'i phyir rin chen 'chang zhes pa'o/ /'di dag gi don ni 'og nas badzra d+h+rig ces bya ba la sogs pa'i sngags kyi don bshad pa las shes par bya'o/ /'di dag gi rgyu yang gang zhig yin zhes pa'i lan du/ sgeg pa la sogs spyod pa ni/ rgyu zhes bya bar brjod pa ste zhes pa/ sgeg pa dang 'jo ba la sogs pa ni sangs rgyas thams cad kyi skye ba'i rgyur gyur pa'i don to/ /rigs pa yang ni 'das zin te zhes pa ni rigs pa rnam bzhi ni bshad zin to/ /rgyan ni gsum pa nyid
- 18a
kyang ni zhes bya ba la sogs pa ni rigs pa rnam pa bzhi bshad pa'i 'og tu mdza' rnam pa drug bshad par rigs pas de bshad par bya'o/ /mdza' yang yin la drug kyang yin pas mdza' rnam pa drug ste/ mdza' drug gi tshig ces pa ni don ma yin zhes pa'o/ /des nges par byas pa ni de bzhin gshegs pa thams cad kyi gsang ba 'dus pa mdza' drug gis rgyas btab pa gang yin pa de 'dis rtags par byed do zhes pa'i don to/ /mdza' drug po nyid gang zhe na/ drang ba dang ni nges don bcas zhes bya ba smos te/ 'di dag la yang ci'i phyir mdza' zhes bya zhe na/ 'di ltar chos 'gal ba rnam par gnas pa'i phyir mdza' ste/ gang zhig yongs su gcod pa med na gang zhig rnam par bcad pa med de/ de ni phan tshun spangs te gnas pa'i mtshan nyid can gyi 'gal ba yin te/ rtag pa dang mi rtag pa bzhin no/ /dran pa dang nges pa'i don rnam pa gnyis kyang yongs su gcod pa med na rnam par bcad pa med pa'i phyir 'gal ba yin no/ /de bas na drang ba'i don ji lta ba bzhin du sgra ji bzhin pa la sogs pa la yang shes par bya ste/ 'di ltar drang ba'i don dang nges pa'i don rnam pa gnyis ni don gcig gis gcig spangs pa'i mdza' yin no/ /sgra ji bzhin pa dang ji bzhin pa ma yin pa rnam pa gnyis ni don la ma nges pa'i phyir sgra mdza' zhes bya'o/ /dgongs pas bshad pa dang/ dgongs pa ma yin pas bshad pa ni sgra dang don rnam pa gnyi ga gsal bar gnas pa'i phyir gnyi ga mdza' zhes sbyar ro/ mdza' yang yin la drug kyang yin pas 'di ni mdza' rnam pa drug go /de nas mdza' drug gi rang rang gi mtshan nyid bstan pa'i phyir the tshom dang/ ma rtogs pa dang/ log par rtog pa sel nus pa'i gang zag cig slob dpon gyi gan du 'ongs te/
- 18b
'di skad ces 'dri'o/ /drang ba'i don zhes bya pa gang yin /ci'i phyir drang ba'i don du brtag ce na bshad pa/ skal ngan rnams la rgyal ba yis/ /sbas te bshad pa drang ba'i don zhes pa/ skal pa ngan pa ni skal pa ngan pa ste/ nyan thos kyi rigs can la sogs pa'o/ /yang na skal pa ngan pa ni gnyis te/ dngos su skal pa ngan pa la bltos nas skal pa ngan pa'o/ /dngos su skal pa ngan pa ni rigs chad pa'i gang zag 'ba' zhig go /rigs chad pa'i zhes bya ba yang sa bon dang bral ba ni ma yin gyi/ nyon mongs pa'i spyod pa 'ba' zhig la bltos nas skal pa ngan pa ni rnam pa gnyis te dngos su nyan thos la sogs pa'i phyi'i phyogs su gtogs pa tshogs kyi gang zag nang pa'i phyogs su gtogs pa'o/ /'di dag la yang ci'i phyir skal pa ngan pa zhes bya zhe na/ dam pa'i chos zab cing rgya che ba mnyan pa'i skal pa med pa'i phyir ro/ /skal pa med pa'i phyir rigs chad pa ma yin nam/ ci'i phyir bltos nas skal pa ngan pa zhes bya zhe na/ rigs chad pa zhes bya ba ni/ thams cad kyi 'bras bu mi thob pa gang yin pa'o/ /'ga' 'gas kyang mi thob pa ni ma yin no/ /de la rgyal bas gang sbas/ sba ba ci'i phyir zhe na/ de bzhin gshegs pa'i chos zab cing rgya che ba la sogs pa sbas pa ste/ mthong ba tsam gyis skrag pa'i phyir ro/ /thams cad nas thams cad du bstan par bya ba ma yin nam zhe na/ ma yin pa'i phyir gsungs pa/ drang ba'i don zhes smos te/ bcom ldan 'das nyid kyis kyang/ bdag dang/ srog dang/ gso pa dang/ skyes bu dang/ gang zag dang/ byed pa po dang/ tshor pa po la sogs pa 'jig rten na yod do/ /zhes gsungs pa dang/ sems dpa' chen po ma rig pa las ni 'du byed 'byung ngo/ /zhes gsungs pa dang rgyal ba'i sras dag 'di dag ste/
- 19a
khams gsum pa 'di dag ni rnam par rig pa cam mo zhes 'byung ba dang/ gzhan yang chos thams cad ni rang bzhin med pa ste/ snang ba tsam ni ma gtogs so/ /rigs kyi bu lha'i rnal 'byor la dang par gyis shig /'di las yang dag pa'i thabs ni nam yang rnyed par 'gyur ba ma yin no/ /zhes gsungs pa 'di ni bcom ldan 'das nyid kyis lam khyad par can dang/ 'bras bu khyad par can thugs la 'khyud nas skal pa ngan pa'i sems can gang la gang gis 'dul ba de la de'i sgo nas de ltar chos ston pa 'di ni de bzhin gshegs pa thams cad kyi drang ba'i don zhes bya'o/ /de la nges pa'i don gang zhe na/ zhes dris pa dang/ de'i lan du/ mchog 'dod sems can rnams kyi phyir/ nges pa'i don yang gsungs pa yin zhes pa/ mchog 'dod pa'i sems can ni skal pa bzang po zhes bya ba ste/ 'bras bu bzang po la spyod pa'i skal ba yod pa'i phyir ro/ /mchog ces bya ba ni mchog gi dngos grub ste/ de 'dod pa ni de la gces par 'dzin pa'o/ /yang na mchog 'dod pa ni 'dun pa bskyed pa ste/ 'dun pa ni 'dod pa'i bdag nyid yin pa'i phyir ro/ /grogs ni mos pa'o/ /dad pa dang dran pa la sogs pa yang ci rigs su 'gyur ro/ /mchog 'dod pa'i sems can rnams kyi phyir/ de nyid kyi don gsungs pa ni nges pa'i don zhes bya'o/ /de ci'i phyir zhe na des pa'i don zhes bya zhe na/ lam nges pa nyid dang/ 'bras bu des pa nyid dang/ mchog tu gyur pa nges pa nyid dang/ rmad du byung ba nges pa nyid kyi phyir de la de skad ces bya'o/ /yang na nges pa'i don zhes bya ba ni byang chub tu sems bskyed nas mngon par sangs rgyas kyi bar du mi spong/ mi 'dor/ sgrib pa dang/ go gcod par mi byed/ bslab pa dang/ dran pa la sogs pa 'phel bar byed pa gang yin pa de ni nges pa'i don zhes bya'o/ /dgongs pas bshad pa gang zhe na/ de bshad pa'i phyir/ mchog 'dod sems can rnams kyi phyir/ zhes bya ba smros te/ mchog pa ni mchog 'dod pa
- 19b
ste/ mchog gi dngos grub 'dod ces pa'i don to/ /mchog 'dod pa yang yin la sems can kyang yin pas/ mchog 'dod pa'i sems can rnams te/ rnams zhes bya ba ni 'dir mang po la bya'o/ /de bas na mchog 'dod pa'i sems can mang po'i phyir bsten pa'o/ /mchog 'dod pa ni thun mong gi dngos grub 'dod pa ma yin zhes pa'o/ /de ci'i phyir zhe na/ chos kyi de nyid rab ston pa zhes smos te/ chos kyi de kho na nyid ni chos rnams kyi nges pa'i don to/ /de rab tu ston pa ni chos kyi de kho na nyid rab tu ston pa'o/ /ji ltar ston zhe na/ 'gal ba'i tshig gi sbyor ba yis/ gsungs zhes pa ste/ bstan bcos la 'gal ba ni ma byin par lan pa la sogs pa byed pa ste/ 'di ltar ma byin par len pa spangs pa dang/ ma byin par len pa bya ba ni gcig gis gcig spangs pa'i phyir ro/ /de bas na ma byin par len pa'i stobs gyis sangs rgyas thob par 'gyur zhes pa ni bstan bcos dang 'gal par 'gyur ro/ /'gal ba'i tshig gi sbyor ba de yis de kho na ston par byed pa gang yin pa 'di ni dgongs pas bshad pa ste/ 'di ci la dgongs zhes bya ba la sogs pa na de bzhin gshegs pa thams cad kyi dgongs pa lung ston pa'i rgyud du shes par bya'o/ /'dir ni pha shad par bya ba dang/ bshad pa'i dgos pa dang/ bshad pa'i yul dang/ bshad pa'i sbyor ba dang/ bshad pa'i ming tsam ston par 'gyur ro/ /'di yang gang zag ji lta bu la bshad ce na/ /shes rab mchog tu gyur ba dang/ brda la goms pa rnams so zhes pa'o/ /blo dman rnams la mi ston pa ci'i phyir zhe na/ /'di ltar lam log pa la 'jug pa'i phyir ro/ /'o na thams cad du thams cad ston par byed pa ma yin nam zhe na/ ma yin pa'i phyir ro/ /dbang po dman pa'i sems can rnams zhes bya ba la sogs pa ste/ dbang po dman pa ni dad pa'i dbang po la sogs pa dman pa'o/ /'di ltar zag pa med pa'i dbang po thams cad ni lngar 'gyur te/ 'dir ni shes rab kyi dbang po dman zhes pa'o/ /shes rab kyi dbang po dman pa ni shes rab zhen pa zhes pa'i don to/ /'di dag gis ni bshad
- 20a
par bya ba'i yul bstan to/ /de nas bshad pa'i dgos pa bstan pa'i phyir/ rtogs phyir/ zhes bya ba smos te/ dbang po dman pa'i sems can gyis rtogs pa'i phyir dgongs pa ma yin pas bshad ces pa'o/ /bshad pa'i sbyor ba bstan pa'i phyir/ mchog tu gsal ba yis zhes pa smos te/ mchog tu gsal ba ni dgongs pas bshad pa ma yin pa nyid do/ /bshad par bya ba bstan pa'i phyir/ de nyid nges par ston pa zhes bya ba smos te/ de nyid ces bya ba ni dkyil 'khor gyi de kho na nyid la sogs pa'o/ /de nyid monbar? bston pa ni de? la bston pa'o/ /bshad pa'i ming bstan pa/ ji skad ces bya ba bshad pa yin zhe na/ dgongs pa min pas bshad pa'o zhes smos so/ /'di'i don ni de bzhin gshegs pa thams cad kyi gsang ba 'dus pa ji lta bu'i rnam par ston pas ni dgongs pa ma yin pas bshad pa'o zhes smos so// de nas sgra ji bzhin pa bshad par bya ste/ de'i phyir/ dkyil 'khor sogs dang rtog pa las/ zhes bya ba la sogs pa smos te/ dkyil 'khor dang/ sgrub pa dang/ dbang dang/ dam tshig dang/ phrin las zhes pa'o/ /rtog pa ni de nyid gsal bar ston par byed pa'i rgyud do/ /de las spyod pa ji ltar gsungs zhes pa ni don ji lta bar sgra yang de ltar gsungs zhes pa'o/ /de lta bu'i don rgyas bshad pa gang yin pa de ni ji bzhin sgrar gsungs pa'o zhes pa'o/ /sgra ji bzhin pa ma yin pa gang zhe na/ ko Tak+Sha la sogs pa'i sgra zhes bya ba la sogs pa gsungs te/ ko Ta k+Sha? ni ko Ta k+Sha ste/ ko Ta ba zhes pa la sogs pa gzung ngo/ /'di nyid ni brda nyid do/ /brda can yang gang zhe na de bzhin gshegs pa thams cad kyi khyab byed kyi rlung la sogs pa'o/ /de lta bu'i bstan bcos shin tu bkon pa'i phyir/ 'jig rten bstan bcoS la med cing/ zhes bya ba smos te/ 'jig rten gyi bstan bcos ni 'jig rten gyi bstan bcos te/ de la gang med pa ni 'jig rten gyi bstan bcos la med pa'o/ /'jig rten dang 'jig rten las 'das pa thams cad la med pa ma yin nam/ /'di ci'i phyir 'jig rten gyi bstan bcos
- 20b
la med ces smos she na/ ma yin pa'i phyir/ de bzhin gshegs pa'i brdar gyur pa zhes smos te/ de bzhin gshegs pa kho na'i brdar gyur pa de la de skad ces bya'o/ /'jig rten bstan bcos la med cing zhes bya ba 'dis ni thun mong ma yin par ston to/ /de bzhin gshegs pa'i brdar gyur pa zhes bya ba 'di ni gnyis ste/ de bzhin gshegs pa kho na'i brdar gyur pa zhes bya 'dis gzhan dang ldan pa rnam par bcad pa'o/ /de bzhin gshegs pa'i brdar gyur pa kho na'o zhes bya ba 'di ni ma 'brel pa rnam par bcad pa'o/ /'di'i ming ci zhe na/ de ni ji bzhin min par bsgrags zhes bya ba smos te/ sgra ji bzhin pa las log pa'i phyir ji bzhin min par bsgrags zhes smos so/ /mdza' drug dbye ba bstan nas ni zhes pa mdza' drug gi dbye ba ni mdza' drug gi dbye ba ste/ mdza' drug spros pa dang bcas pa bstan zhes bya ba'o/ /ni zhes bya ba ni gzhan 'dren pa'i tshig go/ bshad pa'i dbye ba brjod par bya zhes bya ba ni bshad pa'i dbye ba ni yi ge'i don la sogs pa'o/ /de nyid bshad pa ni rnam pa gsum ste/ bsdus pa'i dbye ba dang/ bar mtshams kyi dbye ba dang/ shin tu rgyas pa'i dbye ba'o/ /bsdus pa'i dbye ba ni tshig gi don dang zhes bya ba la sogs pa'o/ / bar mtshams kyi dbye ba ni dang po gcig pu kho na nyid ces bya ba la sogs pa'o/ /shin tu rgyas pa'i dbye ba bstan pa'i phyir/ sgra tsam la ni rab gzhol ba'i zhes bya ba la sogs pa smos so/ /de nyid bshad pa/ yi ge'i don zhes bya ba ni du zhig /ci'i phyir yi ge'i don du brtag ce na /bshad pa/ sgra tsam las ni rab gzhol pa'i/ zhes pa ni sgra 'ba' zhig la nye bar gzhol gyi de bzhin gshegs pa thams cad kyi gsang ba'i don ni ma yin no/ /phyi rol bstan bcos mkhas pa yis/ zhes bya ba ni gzhung 'di pa ma yin pa'i phyi rol gyi bstan bcos rjes thob pa'o/ /de yi bkod pa rab bstan pa zhes pa ni sga'i bkod pa nyid do/ /ji skad bya ba yin zhe na/ yi ge'i don ni yin par bshad/ ces smos te/ sgra'i bshad pa yin zhes sbyar ro/ /dang po ni/ bshad par bya ba'i lung bstan to/ /zhar la ni bshad pa'i dgos pa bstan pa'o/ gnyis paS ni bshad pa po bstan
- 21a
pa'o/ zhar la ni de'i dgos pa bstan to/ /gsum pas ni bshad pa'i thabs bstan to/ /zhar la ni de'i dgos pa bstan to/ /bzhi pas ni bshad pa'i ming bstan to/ /zhar la ni de'i dgos pa bstan to/ /de nas gnyis pa bstan pa'i phyir/ spyi'i don gyi zhes bya ba la sogs pa smos te/ mdo sogs la ni rab bzhugs pa'i zhes smos so/ /mdo sde dang/ 'dul ba dang/ mngon pa'i rjes su zhugs zhes pa'i tha tshig go /de la 'gyod pa ni theg pa chen po'i sems skyed pa la'o/ /de'i 'gyod pa zlog par byed pa ni de dang mthun par ston pa'o/ /ji skad du rin po che 'bar ba'i rgyud las kyang/ rigs kyi bu 'dul ba la dad par gyis shig /de bzhin gshegs pa thams cad kyi gsang ba chen po bzhi yin no zhes pa lta bu'o/ /bskyed pa'i rim pa dang ldan pa dag ces pa ni bskyed bI rim pa ni bskyed pa'i rim pa nyid do/ /de dang gang ldan pa ni bskyed pa'i rim pa dang ldan pa'o/ /'di yang spyi yin zhes par sbyar ro/ /'di la yang ci'i phyir spyi zhes bya zhe na/ 'di ni khyab pa'i spyi yin zhes pa'o/ /spyi'i don ni spyi'i don te khyab pa'i don to/ /de sbas pa'i don bshad pa/ /'dod chags chos ni rab ston pa zhes bya ba la sogs pa smos te/ 'dod chags kyi chos ni 'dod chags kyi chos te/ 'phyang ba dang/ 'khyud pa dang dpyad thag la sogs pa'o/ /'di nyid ni thugs la phyung ba'i phyir sbas pa'o/ /kun rdzob kyi bden pa ni kun rdzob kyi bden pa ste/ sgyu ma lta bu'i sku'o/ /ye shes gsum po ni snang ba'i ye shes la sogs pa'o/ /'di dag kyang/ snying po yod pas sbas pa'o/ /zhes pa'o/ /dang pos ni dbye ba bstan to/ /gnyis pas ni nges pa'i tshig bstan to/ /gsum pas ni ming bstan to/ /de ltar spas pa'i don bstan nas/ da ni mthar thug pa'i don bstan par bya ste/ de'i phyir 'od gsal ba ni rab ston dang zhes bya smos te/ 'od gsal ba ni 'od gsal ba ste/ don dam pa'i bden pa'o/ /zung du 'jug pa ni zung du 'jug pa ste/ gnyis su med pa'i don to/ /rnam pa gnyis ni 'od gsal pa dang/ zung du 'jug pa'o/ /mas ni
- 21b
des? pa'i tshig bstan to/ /de ltar mdza' i dbye ba bstan nas/ da ni bshad pa'i dbye ba bstan ba'i phyir/ 'chid pas nyan par 'dod pa la zhes bya ba smos te/ 'chad par 'dod pa ni slob dpon no/ /nyan par 'dod pa ni slob ma'o/ /slob ma'i dbye ba la gnyis yod pas na/ dbye ba yang ni gnyis yin te zhes smos so/ /de nyid gang zhe na/ tshogs la bshad pa ston pa dang/ gnyis pa slob ma la bshad pa'o zhes smos te/ de la tshogs la bshad pa ni gang zhig yin/ ci'i phyir tshogs la bshad pa zhes bya zhe na/ ji bzhin sgra dang zhes bya ba la sogs pa smos te/ ji bzhin pa'i sgra ni ji bzhin sgra'o/ /de bzhin du spyi'i don gyi bar ni tshogs la bshad pa'o/ /ci'i phyir zhe na/ de de'i snod du gyur pa'i phyir de la de skad ces bya'o/ /slob ma la bshad pa du zhig /ci'i phyir slob ma la bshad pa zhes bya zhe na/ ji bzhin min sgra zhes bya ba la sogs pa smos te/ ji bzhin min pa la sogs pa rnam pa lnga po 'di ni slob ma la bshad pa'o/ /ci'i phyir zhe na/ de de'i snod yin pa'i phyir ro/ /de ltar bshad pa rnam pa gnyis bstan nas/ da ni gang zag gi dbye ba bstan pa'i phyir/ rnam pa kun tu nyan 'dod pa'i/ /zhes gsungs te/ dus dang rnam pa thams cad du nyan par 'dod pa'i gang zag ces pa'i don to/ /rigs du yod ce na/ blo yi rnam pa dpag med las/ /gang zag rnam pa lngar 'dod do/ /zhes smos te/ 'di ltar rigs kyi dbang du dpag tu med de/ dpa' i dbang du rnam pa lngar 'gyur ro zhes bya ba'i don to/ /lnga po nyid gang yin/ sus gsungs zhe na/ utpal dang pad dkar dang/ /pad+ma tsandan rin po che'i/ /rang bzhin tha dad ming gis te/ /thams cad mkhyen pas gsungs pa yin/ /zhes bya ba la sogs pa'o/ /de la utpa la zhes bya ba'i gang zag ni gang zhig / ci'i phyir utpal gyi gang zag tu brtag ce na/ bshad pa/ de ni ma lus thos gyur la/ /'dzin pa la ni rnam par mkhas zhes smos te/ bka' dang bstan bcos thams cad ma lus par thos pa ni ma lus thos pa'o/ /'dzin pa la rnam par mkhas/ zhes pa ni thos pa tsam gyi thams
- 22a
cad khong du chud pa'o/ /skad ji tsam gyis brjod 'gyur ba/ zhes pa ni bla ma dang bral ba tsam gyis brjod par 'gyur ro/ /de'i ming ci zhe na/ utpa la zhes bya ba'i gang zag go/ zhes smos te/ utpa la dang 'dra bas/ utpa la lta bu'i gang zag go/ utpa la zhes bya ba 'di la mthun pa'i chos ci yod ce na/ ji srid du utpa la zhes pa 'di ni nyi ma shar ba'i tshe na/ kha 'bye bar 'gyur gyi/ gang gi tshe nub par 'gyur ba'i dus na ni gang la 'bye bar 'gyur ba'i chos med do/ /pad dkar zhes pa'i gang zag 'di yang ci zhig yin zhe na/ gzung bya mang du thos gyur kyang zhes pa ni de bzhin gshegs pa'i sgra dpag tu med pa thos par gyur kyang zhes pa'o/ /ston pa yis ni nus med pa/ /zhes pa ni bsam pa dang brjod pa dang bral zhes pa'o/ /bum pa'i ras bal sa bon 'dra zhes pa ni/ bum pa'i nang du ras bal gyi sa bon bcug ba bstan du med pa bzhin no/ /pad dkar lta bu'i gang zag go /zhes pa ni pad+ma dkar po la chus mi chags pa bzhin no/ /pad+ma zhes bya ba'i gang zag kyang gang zhig yin zhe na/ dad pa dang ldan zhing snying rje shes zhes pa la sogs pa ste/ ldan zhes bya ba kun la sbyar bar bya ste/ dad pa dang ldan pa ni 'dod pa dang/ dang ba dang/ yid ches pa'o/ /de dang gang ldan pa ni de rnams dang ma bral ba ste/ de nyid dang ldan pa'o/ /snying rje dang ldan pa ni snying rje chen po ma bral pa'o/ /shes rab dang ldan pa ni shes rab chen po dang ma bral ba'o/ /thos nas blo'i kha bye la zhes pa ni blo rgya chen por gyur pa zhes pa'o/ /tshigs med 'od ma bzhin nyan pa zhes pa ni tshigs med pa'i 'od ma gas po ltar nyan zhes pa'o/ /'dis ni dus thams cad du nyan par byed cing bsgom pa dang bshad pa la sogs pa spangs zhes sbyar ro/ /'di nyid ming ci yin zhe na/ pad+ma zhes bya ba'i gang zag go zhes smos te/ tshigs med pa ni dper na pad+ma gas pa lta bu'o/ /zhes sbyar ro/ /tsandan lta bu'i gang zag zhes bya ba 'di yang gang zhig yin zhe na/ thos pa nyung zhing nga rgyal ldan zhes bya ba la sogs pa
- 22b
smos te/ thos pa nyung ba ni ma thos pa'o/ /nga rgyal ldan pa ni bdag thos pa dang ldan pa yin zhes smras pa'o/ /rtsa ba med par mang du smra zhes pa ni nges pa'i shes pa ma skyes par sna tshogs pa smra zhes pa'i don to/ /rjes su bzung bar mi nus pa zhes pa ni phyis rang gis 'dzin par mi nus pa'o/ de nyid kyi ming ci zhe na/ tsan dan zhes bya ba'i gang zag go zhes smos te/ tsandan dang 'dra bas tsandan lta bu'i gang zag go /rim la ya'i tsandan lta bu'o/ /nga rgyal ldan zhes pa ni dbyar gyi dus kyi tsandan lta bu'o/ /zhes pa'o/ /rtsa ba med par mang du smra zhes pa 'dis ni 'bad do la'i ri'i tsandan lta bu'o/ zhes pa'i don to/ /rjes su gzung bar mi nus pa zhes pa ni tsandan sbrul gyi snying po can lta bu'i zhes pa'i don to/ /'di dag gis ni tsandan lta bu'i gang zag bstan to/ /de nas rin po che lta bu'i gang zag bstan to/ /tshul khrims dag cing mkhas la sgrin zhes pa ni bslab pa rnaM pa gsuM gyi tshul khrims dang/ dge ba'i chos sdud pa'i tshul khrims dang/ sems can gyi don byed pa'i tshul khrims dang/ 'di rnaMs dang ldan pa ni tshul khrims rnaM par dag pa ste/ gang gi tshul khrims la skyon med pa de la de skad ces bya'o/ /mkhas pas ni mkhas pa ste /gang gis gang gi bya ba thamS cad la thogs pa med pa ni de la mkhas pa'o/ /shes rab ldan pa ni shes rab ldan pa ste/ shes rab mchog dang ma gral zhes pa'i tha tshig go /rgyud cig la thos nas legs par ston pa ni yang dag pa'i gdams ngag ma nor bar thos shing de nyid dang 'brel pa'i bya ba byed pa de la de skad ces bya'o/ /'di nyid kyi ming ci yin zhe na/ rin chen lta bu'i gang zag go zhes pa ste/ dper na rin po che'i bum pa lta bu'o/ /zhes pa'i don to/ /gzhan go sla'o/ /bden gnyis rnam par byas pa zhes pa ni thams cad kyang don dam pa'i bden pa dang/ kun rdzob kyi bden par 'dus? pa'o/ 'dir rgyan bdun yin pas rgyan bdun no/ /rdzogs pa'i rim pa sgrub pa'o/ /zhes pa 'di ni zung du 'jug pa 'ba' zhig gi dbang du byas pa'o/ /bshad smra shin tu gnyed bar dka' zhes pa ste/ bshad pa po dang smra ba po shin tu rnyed par bka' zhes bya ba'i don to/ /rnyed par dka' ba
- 23a
ci'i phyir zhe na/ rnal 'byor rgyud las gzhan du min zhes bya ba smos te/ rnal 'byor gyi rgyud kho na las rnyed kyi/ gzhan las rnyed pa ma yin no/ zhes pa'i don to/ /de bas rdo rje slob dpon gyis zhes pa ni gong ma dang 'brel to/ /gleng gzhi rim pa sbyor bar bcas zhes pa ni gleng bslang ba la sogs pa'o/ /rgyan rnam pa bdun bshad pa'i rigs pa'o zhes pa ni/ de bzhin gshegs pa thams cad kyi rgyud thams cad ni rgyan rnam pa bdun gyis 'tshang? bas bcings la/ rgyud shes par 'dod pas kyang de la blang bar bya'o/ zhes pa'i don to/ /rgyan rnam pa bdun yang yin la bshad pa'i rigs pa yin pas de la de skad ces bya'o/ /sgron ma gsal ba zhes bya ba'i 'grel bshad las/ rgyan rnam pa bdun spros pa dang bcas pa'i bshad pa'o// //de ltar rgyan rnam pa bdun rim bzhin du bshad nas/ da ni le'u bcu bdun po /nyid kyis bsdus pa'i don bshad par 'dod nas da ni zhes bya ba la sogs pa'i gzhung gi tshogs gsungs te/ da ni zhes bya ba'i skabs la bab pa'i tshig go /le'u bcu bdun gyi bsdus pa'i don bshad par bya ste/ zhes bya ba la le'u bcu bdun ni le'u bcu bdun te/ gzhung gi tshogs kyi rim par phye ba bcu bdun yod pa de la de skad ces bya'o/ /le'u bcu bdun zhes pa ni bcu bdun kho na te/ 'di dag gis ni mang ba 'am nyung ba rnam par bkag pa bstan to/ /ci'i phyir zhe na/ de bzhin gshegs pa thams cad kyi gsang ba 'dus pa'i lam 'bras bu dang bcas pa ni 'di nyid kyis ston par 'gyur gyi /gzhan gyi ni ma yin no/ /'on te ma yin na yang lam 'bras bu dang bcas par ston bar nam yang mi 'gyur ro/ /'o na le'u dang po las ni ci zhig gang gi phyir ston zhe na/ le'u dang po las ni/ zhes pa la sogs pa smos te/ le'u dang po ni thog ma zhes pa'i don to/ /thog ma'i rim pa zhes bya ba'i tha tshig go /de las ? ston zhe na/ rjod par byed pa dang brjod par bya ba ni/ sgra'i tshogs dang don gyi tshogs so/ /de'i bdag nyid kyang gang yin zhe na/ bdag nyid rdo rje 'chang chen po zhes
- 23b
smos te/ brjod par bya ba'i bdag nyid kyang yin la/ rdo rje 'chang chen po yang yin pas/ de la de skad ces bya'o/ /de'i sprul pa'i dkyil 'khor yang gang zhig yin zhe na/ de bzhin gshegs pa thams cad kyi gsang ba 'dus ba'i lha sum cu rtsa gnyis pa'o/ /der nyan pa'i skal pa dang ldan pa ni tshogs kyi gang zag dang slob ma'i gang zag go /de la yang ci byed ce na/ rig pa'i dbang bskur ba byin nas zhes smos te/ rigs pa'i dbang ni rig pa'i dbang te/ slob ma'i rig pa'i dbang ni 'di ltar chu la sogs pa'o/ /yang na rig pa dang bcas pa las byung bas rig pa'i dbang te/ de bzhin gshegs pa thams cad kyi gsang ba'i dbang ngo/ /yang na rig pa lha mo dang 'brel pas rig pa'i dbang ste/ shes rab ye shes kyi dbang ngo/ /yang na rig pa thob pas ? rig pa'i dbang ste/ de bzhin gshegs pa thams cad kyi gsang pa'i dbang bzhi pa'o/ /de la dang po'i dbang ni tshigs la sbyin pa'o/ /lhag ma gsum ni slob ma'i gang zag la sbyin pa'o/ /dbang ni byin nas kyang ci byed ce na/ dbang dang rjes su 'brel ba'i man ngag ston pa ste/ de'i phyir drang pa dang nges pa'i don zhes bya ba la sogs pa smos te/ drang ba'i don dang nges pa'i don la brtags pa ni gong du bstan pa nyid do/ /bskyed pa'i rim pa dang rdzogs pa'i rim pa'i sgrub pa'i thabs so sor ston cing zhes pa ni dbang rnam pa gnyis bskur ba'i gang zag de dang de la bskyed pa'i rim pa dang rdzogs pa'i rim pa'i sgrub pa'i thabs ma 'dres par ston to/ /'dir gang la bum pa'i dbang bskur ba de dang de la ni bskyed pa'i rim pa 'ba' zhig nye bar ston to/ /gsang pa'i dbang bskur ba la ni de bzhin gshegs pa thams cad kyi gsang ba'i spyod pa spros te ston to/ /de bzhin du rdo rje bzlas pa dang/ sems la dmigs pa 'ba' zhig kyang nye bar ston to/ /de bzhin du sgyu ma lta bu'i sku yang nye bar ston to/ /shes rab ye shes kyi dbang bskur ba la ni de bzhin gshegs pa thams cad kyi 'od gsal ba dang/ zung du 'jug pa 'ba' zhig nye bar ston to/ /le'u dang po las de nyid ston nam/ gzhan dag las kyang ston zhe na/ gzhan dag las kyang
- 24a
ston pa bstan pa'i phyir/ 'og nas bshad pa zhes bya ba la sogs pa smos te/ 'og nas bshad pa ni/ le'u gnyis pa la sogs pa ste/ gong ma ma yin pa zhes pa'i tha tshig go /le'u bcu drug bo ni dang po las gzhan pa'i le'u bcu drug po kho na zhes pa'i don to/ de'i don gzhan dag kyang rnyed pa ni rdzogs pa'i rim pa dang phra mo'i ting nge 'dzin la sogs pa yang 'dir rnyed ces sbyar ro/ /de la yang 'di las gzhan pa zhig yin nam zhe na/ ma yin pa'i phyir/ lha'i rnal 'byor rnam pa gnyis po nyid la 'jug cing zhes pa smos te/ lha'i rnal 'byor gnyis ni bskyed pa'i rim pa dang/ rdzogs pa'i rim pa gnyis so/ /'di la gang gi ting nge 'dzin gyi yul du byed pa de ni rnal 'byor pa'o/ /rnal 'byor rnam pa gnyis po 'di nyid kyang gang la shes shing bshad ce na/ gsang ba 'dus pa'i rgyud phyi ma las gsungs so zhes sbyar ro/ /gsang ba 'dus pa'i don de nyid gzhan yin no zhe na/ ma yin pa'i phyir don 'di nyid ces smos te/ 'di nyid nye bar ston te gzhan ni ma yin zhes shugs kyis bstan to/ /ji skad bstan zhe na/ sangs rgyas rnams kyis chos bstan pa zhes pa ni de bzhin gshegs pa rdo rje 'chang chen po la sogs pa rnamS kyis gsungs pa'i gzhung gi tshogs rnams so/ /rim pa gnyis la yang dag gnas zhes pa ni de thams cad kyang rim pa gnyis su 'dus zhes pa'i don to/ /rim pa gnyis nyid gang yin zhe na/ bskyed pa yi ni rim pa dang zhes smos te/ bskyed pa'i rim pa ni bskyed pa'i rim pa ste/ gang gi blos bskyed pa de la de skad ces bya'o/ /bskyed pa'i rim pa zhes pa ni de las skyes pa'i sku'o/ /yang na bskyed pa'i rim pa ni lha'i rnal 'byor 'ba' zhig pa'o/ /rdzogs pa'i rim pa ni phra mo'i rnal 'byor 'ba' zhig pa'o/ /'di yang de bzhin gshegs pa thams cad kyi gsang ba'i mdzod ces bya ba las gsungs te/ bcom ldan 'das bskyed pa'i rim pa zhes pa de gang lags/ bcom ldan 'das kyis bka' stsal pa/ sems dpa' chen po de bzhin gshegs pa thams cad kyi sbkyed pa'i rim pa ni rten du gyur pa nyid do/ /bcom ldan 'das rten du
- 24b
gyur zhes bya ba ni gang lags/ sems dpa' chen po de bzhin gshegs pa thams cad kyi gsang ba chen po'i rten du gyur pa'o/ /bcom ldan 'das gsang ba chen po zhes bya ba de gang lags/ de'i rten zhes bya ba de gang lags/ sems dpa' chen po de bzhin gshegs pa thams cad kyi gsang ba chen po zhes bya ba ni nyan thos dang rang sangs rgyas la sogs pa rnams kyi yul ma yin pa/ tshogs kyi gang zag gi yang yul ma yin pa/ shin tu rmad du byung ba/ theg pa chen po'i rigs can gyi spyod yul du gyur pa'o/ /sems dpa' chen po de'i rten ni de bzhin gshegs pa thams cad kyi sprul pa'i sku shin tu rmad du byung ba'o/ /bcom ldan 'das de bzhin gshegs pa thams cad bskyed pa'i rim pa zhes bya ba de gang lags/ sems dpa' chen po de bzhin gshegs pa thams cad kyi bskyed pa'i rim pa zhes bya ba ni gsang ba'i yang shin tu gsang ba phra mo'i ting nge 'dzin to/ zhes 'byung ba lta bu'o/ /nyid ces bya ba ni kho na zhes pa ste/ 'dir gzhan dang ldan pa rnam par gcod pa'i dbang du byas pa'o/ /rgol te 'og nas 'chad pa zhes bya ba yang 'di nyid dam gzhan zhig rtog grang na/ 'di nyid ni ma yin te/ grub pa la sgrub pa nyid kyi phyir don med par 'gyur ro/ /mdor bstan pa yang ma yin te/ ming nyid kyi thams cad mdor bstan pa'i phyir ro/ /rgyas par bshad pa yang ma yin te/ ming nyid dang 'gal ba'i phyir dang/ gzhung rgyas pas 'jigs pa'i phyir ro/ /'og ma dang tha dad pa ma yin te tha dad pa dang tha dang ma yin pa ni gcig gis gcig spangs pa'i 'gal ba yin pa'i phyir/ de ltan yang 'gyur ro zhe na/ ha cang yang thal bar 'gyur ro/ /'on te tha mi dad na ni snga ma'i skyon du 'gyur ro/ /rgyu tha mi dad pa gcig yin no zhe na ni 'bras bu yang de ltar 'gyur ro/ /tha mi dad pas tha dad pa bskyed na ni ha cang yang? thal bar 'gyur ro/ /thams cad tha mi dad kyang yin no zhe na ni gong ma'i skyon de nyid du 'gyur ro/ /gzhan yang rgyu tha mi dad pas 'bras bu tha dad pa skyed na ni rdzogs pa'i rim pa yang don med par 'gyur ro/ /ci ste gal te na nye ba'i phyir yin no/ /zhe na ni de lta na ni bskyed pa'i rim pa yang blang bya ba?
- 25a
yin par 'gyur ro/ /'di ltar ring bar 'gyur ba nyid dang/ phan mi 'dogs pa nyid dang/ gnod pa sgrub pa nyid ni sbrul nag po bzhin du dor bar bya ba yin gyi nor bu bzhin blang par bya ba ma yin no zhe na/ de ni yin te/ 'di ltar de bzhin gshegs pa thams cad kyi sku dang// gsung dang thugs gsang ba chen po 'di ni mdor bstan pa dang/ rgyas par bstan pa gnyis la 'jug ste/ de bzhin gshegs pa thams cad kyi gsang ba 'dus pa'i le'u dang po las ni mdor bstan pa 'ba' zhig nye bar bstan te/ de ci'i phyir zhe na/ de bzhin gshegs pa thams cad ni sems can gyi don chen po la rab tu 'jug pa'i phyir ro/ /bsdus pa 'di nyid kyis sems can gyi don du ji ltar 'gyur zhe na/ 'di ni sems can mdor bsdus pa la dga' ba'i phyir ro/ /lhag pa ni rgyas par bstan pa la dga' ba'i phyir ro/ /de bas na 'di ni dgos pa chen po dang ldan pa'i phyir blang bar bya ba nyid do bzhe'o/ /le'u dang po bsdus pa bshad pa'o// //le'u gnyis pa las ni rdzogs pa'i rim pa 'ba' zhig nye bar ston to/ zhes pa ni dang po ni bshad zin la de las gzhan ni ma byung pas de nyid kyi skabs su bar ste/ de la de skad ces bya'o/ /rtogs pa'i rim pa ni rdzogs pa'i rim pa ste/ rdzogs pa chen po dang shin tu nye ba'i rgyur gyur pa'i phyir de la de skad ces bya'o/ /yang na rdzogs pa ni rdzogs pa chen po ste/ de kho na nyid tshog kyi sku'o/ /de'i rim pa ni rdzogs pa thob pa'i thabs kyi rim pa ste/ phra mo'i ting nge 'dzin to /'ba' zhig ces bya ba ni lhag ma med ces bya ba'i don te/ rdzogs pa'i rim pa 'ba' zhig nye bar ston gyi gzhan mi ston zhes bya ba'i tha tshig go /'dir yang rdzogs pa'i rim pa 'ba' zhig ston gyi gzhan mi ston pa ci'i phyir zhe na/ 'di ni de bzhin gshegs pa thams cad kyis tshogs kyi gang zag gi dbang du byas pa ma yin gyi/ slob ma 'ba' zhig gi dbang du byas pa'o/ /de ltar yang ci mngon zhe na/ gsang ba lung bstan pa zhes bya ba las kyang/ bcom ldan 'das de bzhin gshegs pa thams cad kyi sku dang
- 25b
gsung dang thugs gsang ba'i yang shin tu gsang ba mchog tu gyur pa'i dngos kyi lam du gyur pa 'di ni nyan thos kyi yul ma yin rang sangs rgyas kyi yul ma yin/ byang chub sems dpa' i yum ma yin no/ /de'i ci'i phyir de bzhin gshegs pa thams cad kyi gsang ba chen po 'di ni 'das pa'i dus su yang ma gsungs so/ /ma 'ongs pa'i dus su yang gsung bar mi 'gyur ro/ /de ci'i phyir zhe na/ de ni gsang ba chen po'i de'i snod du ma gyur pa'i phyir ro/ /de bas na de la de skad ces bya'o/ /le'u gnyis pa brjod zin nas gsum pa brjod par rigs pas/ de'i phyir le'u gsum pa las ni zhes bya ba la sogs pa smos te/ le'u gsum pa ni 'dir grangs kyi gsum pa nyid do/ /las zhes pa 'dir 'byung khungs kyi don to/ /le'u gsum pa las yongs su gyur pa dag pa'i lha'i rnal 'byor gsal bar byed zhes bya ba ni yongs su dag pa'i lha'i rnal 'byor gyi rtog pa rnyed do// zhes bya ba'i don to/ /le'u gsum pa las lha'i rnal 'byor de nyid kyang rnyed pa ci'i phyir zhe na/ de bzhin gshegs pa thams cad kyi gsang ba chen po ni 'di de la bsams nas gsungs pa'i phyir ro/ /yongs su dag pa'i lha'i rnal 'byor yang gang zhig yin /de nyid mi shes so zhe na/ gang gis mdag rnam par bcad nas gang zhig dag par gyur pa/ yongs su gcod pa de la de skad ces bya'o/ /yongs su dag pa yang yin la lha'i rnal 'byor yang yin pa'i phyir yongs su dag pa lha'i rnal 'byor te/ rnam par rtog pa dang bral ba'i lha la dmigs pa'i ting nge 'dzin ces bya'o yongs su dag pa la sogs pa 'di yang gang zhig yin te/ de nyid mi shes so zhen spang byas yongs su dag pa ste/ bskyed pa'i rim pa'i lha'i rnal 'byor gyis ting nge 'dzin dang ldan pa de la de skad ces bya'o/ /yang na bral ba'i don gyi yongs su dag pa'i lha'i rnal 'byor te zhes bya ste/ rnam par rtog pa rags pa dang bral ba sgyu ma lta bu'i sku la de skad ces bya'o/ /yang na nye bar long spyod pa'i don gyis yongs su dag pa lha'i rnal 'byor zhes bya ste/ longs spyod rdzogs pa'i sku de la de skad ces bya'o/ /yang na sna tshogs pa dang/ thogs pa med pa'i phyir yongs su dag pa
- 26a
lha'i rnal 'byor te/ de bzhin gshegs pa thams cad kyi sprul pa'i sku gang yin pa de la de skad ces bya'o/ /le'u bzhi pa las ni dbang bskur ba'i dkyil 'khor ston to/ zhes bya ba ni slob ma dbang bskur ba'i dkyil 'khor chen po zhes bya ba'i don to/ 'dir yang de bzhin gshegs pa thams cad kyi dkyil 'khor chen po ni rnam pa gnyis su 'gyur te/ de bzhin gshegs pa thams cad kyi dngos grub kyi dkyil 'khor dang/ de bzhin gshegs pa thams cad kyi dbang bskur ba'i dkyil 'khor ro/ 'dir yang dbang bskur ba kho na'i dkyil 'khor ma yin gyi/ dbang bskur ba'i yang zhes bya ba'i don to/ /le'u lnga pa las ni rnal 'byor gyi spyod pa gsungs so/ /zhes bya ba'i rnal 'byor gyi spyod pa'i rnal 'byor gyi skyed pa ste/ ting nge 'dzin gyi spyod pa gang yin pa de la de skad ces bya'o/ /rnal 'byor gyi spyod pa yang bsdus pa dang rgyas pa zhes rtog grang na/ rgyas pa 'og nas ston pa'i phyir 'di ni bsdus pa zhes bya'o/ /de gang la ston pa'i le'u ni rnal 'byor gyi spyod pa'o/ /le'u drug pa las na zhes bya ba la sogs pa ni sku dang/ gsung dang thugs byin gyis rlob pa'i le'u ni sku dang/ gsung dang/ thugs byin gyis rlob pa'i le'u'o/ /de gang gis gsungs pa de la de skad ces bya'o/ /sku byin gyis rlob pa ni rnam pa gnyis te/ spangs pas byin gyis rlob pa dang/ thob pas byin gyis rlob pa'o/ /gsung dang thugs la yang de bzhin du sbyar bar bya'o/ /le'u bdun pa las ni le'u lnga pa la bshad pa'i spyod pa spros nas ston to/ zhes pa ni le'u lnga pa las bshad pa'i spyod pa nyid spros nas ston gyi de las gzhan du bshad pa'i spyod pa ni ma yin no/ /de ci'i phyir zhe na/ de bzhin gshegs pa thams cad kyi mchog gi spyod pa ni le'u lnga pa las bshad pa las nam yang gzhan nas mi 'byung bar 'gyur ba'i phyir ro/ /le'u brgyad pa las ni gsung ba'i dbang bskur ba gsungs so zhes pa ni /gang la byang chub sems kyi dbang bskur par yod pa de la de skad ces bya'o/ /le'u dgu pa las ni rmad du byung
- 26b
ba'i lung bstan pa gsungs so zhes pa ni mchog tu gyur pa'i lung ston la de la de skad ? bya'o/ /le'u bcu pa las ni mngon par 'dod pa'i dngos grub mngon du bya ba'i phyir phyi dang nang gi bdag nyid can gyi lha'i snying po bskul ba gsungs so zhes pa ni mngon par 'dod pa'i dngos grub ni/ blang bar bya ba'i dngos grub ste/ thun mong dang mchog gi dngos grub rnam pa gnyis so/ /de thob par byed pa'i thabs ni/ lha'i snying po yin pas de la de skad ces bya'o/ /le'u bcu gcig pa las ni sngags kyi sku bskyed pa dang/ ye shes kyi sku bskyed pa ston to/ zhes pa ni sngags kyi sku bskyed pa ni 'dis bskyed pa'i dbang du gsungs so/ /ye shes kyi sku bskyed pa ni longs spyod rdzogs pa'i sku'i dbang du byas pa'o/ /yang na sngags kyi sku bskyed pa ni bskyed pa'i rim pa'o/ /ye shes kyi sku bskyed pa ni sgyu ma lta bu'i sku'o/ /le'u gang la sngags kyi sku bskyed pa dang/ ye shes kyi sku bskyed pa yod pa de la de skad ces bya'o/ /le'u bcu gnyis pa las ni phyag rgya chen po yongs su gyur pa zhes pa ni phyag rgya chen po ni phyag rgya rnam pa bzhi dang ldan pa'i sku'o/ /de thob pa'i thabs gang la yod pa de la de skad ces bya'o/ /le'u bcu gsum pa dang/ bcu bzhi pa las ni las kyi tshogs rnams gsungs so zhes pa ni las tshog sming ba gang yin pa de la de skad ces bya'o/ /le'u bco lnga pa las ni dngos grub thams cad ni de kho na nyid rtogs pa nyid kyis 'grub par 'gyur ro zhes bstan pa'i phyir/ zhes pas ni de nyid kyi dgongS bstan to/ /ci'i phyir zhes /de'i phyir zhes pa'i don to/ /de bas na dngos grub thams cad ni /zhes pas thob par bya ba'i yul bstan pa'o/ /de kho na nyid ces pa 'di ni thob par byed pa'i thabs bstan to/ /thabs kyang ci zhig ce na/ sgyu ma lta bu'i ting nge 'dzin ces bya bar sbyar te/ rdo gang la ston par 'gyur pa'i ting nge 'dzin de la de skad ces bya'o/ /le'u bcu drug pa las ni le'u bzhi pa las gsungs pa'i rdul tshon gyi dkyil 'khor spros nas ston te/ /zhes pa ni le'u bzhi pa las bshad pa de nyid bshad kyi de las gzhan pa ni ma yin no zhes pa'i don to/ /rdul tshon
- 27a
gyi dkyil 'khor zhes pa 'dis ni ma 'brel pa rnam par gcod pa'o// //yang na le'u bzhi par ni bskyed pa'i dkyil 'khor 'ba' zhig nye bar ston to/ /'dir ni rdul tshon gyi dkyil 'khor dang bcas nas ston to/ /le'u bcu bdun pa las ni dam tshig dang sdom pa rab tu ston pa yin no zhes pa ni dam tshig dang sdom pa ni dam tshig dang sdom pa nyid do/ /de gang la ston pa de la de skad ces bya'o/ /'di dag gis ni de bzhin gshegs pa thams cad kyi gsang ba 'dus pa'i don mdor bsdus pa bstan to/ /de nas de bzhin gshegs? pa thams cad kyi bshad pa mdor bsdus pa bstan pa'i phyir/ 'di skad bdag gis thos pa zhes bya ba nas b+ha ga la zhugs so zhes pa'i bar du ni bshad pa'i tshul rnam pa bzhi dang ldan par bshad do /zhes pa yi ge dang/ spyi dang/ sbas pa dang/ mthar thug pa rnam pa gzhir bstan to/ /'di skad ces bya ba la sogs pa la bshad pa'i tshul rnams pa bzhis bshad pa 'di yang ci sgra'i 'gros so zhe 'am nus pa zhes rtog grang na re zhig sgra'i 'gros so ni ma yin te/ 'brel pa la sogs pa yi ge'i don la tshang ba'i phyir ro/ /nus pa zhes bya pa yang sgra'i sgo nas sam/ don gyi sgo nas zhes rtog grang na /re zhig sgra'i sgo nas ni ma yin te /'di ltar thams cad la bshad pa bzhi dang ldan par 'gyur pa'i phyir ro/ /de lta na yang yin no zhe na/ ha cang thal bar 'gyur ro/ /gal te de ltar ma yin na ni ji ltar der 'gyur/ de lta ma yin zhes pa'i nges par gzung ba ci zhig yod/ gal te don gyi sgo nas yin no zhe na ni 'dir brjod pa'i sgo nas sam/ de las gzhan zhig zhes rto grang na/ 'di nyid kyi yul ni ma yin te sngas pa dang mthar thug pa la sogs pa 'dis ma brjod pa'i phyir ro/ /'on te brjod na ni ha cang don med par 'gyur ro/ /don yod do zhes pa'i nges par gzung pa ni ci zhig yod/ rnam pa gzhan zhig brjod par gyur na ni/ 'di nyid kyi brjod bya ma yin par 'gyur te/ de lta na ni 'khrul par yang 'gyur ro/ /ji ste
- 27b
ma 'khrul na ni grang ba'i reg pas kyang cho ba'i reg ba rtogs par 'gyur ro/ /de lta na ni de las byung ba'am/ de'i bdag nyid kyi 'brel par yang 'gyur ro/ /ci ste gal te na 'brel pa yin no zhe na ni/ de nyid 'gal bar rnam par gnas par yang mi rung ste/ me dang du ba bzhin no/ /ci ste 'gal ba yin no zhe na ni/ de lta na ni 'di la 'dug sa gcig pa la gnod pa ci zhig yod/ gal te mi gnod do zhe na ni/ mngon sum dang 'gal bar 'gyur ro/ /de bas na don gzhan ni brjod bya ma yin no/ /don gyi sgo nas kyang sgra la bshad par bya ba'i phyir rigs pa ma yin te/ gal te de lta na ni don gong du gtan la dbab par 'gyur ro/ /de lta yin na ni don med do/ /de lta ma yin na ni ji ltar de las 'gyur/ ji ste gal te yin no zhe ni na ha cang yang thal bar 'gyur ro/ /don sngon du gtan la mi 'bebs na ni nam yang brjod par mi bya'o/ /de las gzhan zhig brjod do zhe na ni brjod par bya'o/ /gal te gang zag gi dbye bas yin na ni 'di nyid la rnam pa bzhir gsung bar mi rigs kyi/ rnam pa gzhan las gzhan du bstan pa'i phyir ro/ /gal te 'di ni yin la gzhan ni ma yin no zhes pa'i nges par gzung ba ni ci yang med do/ /ji ste/ yod na ni ha cang yang med par 'gyur ro/ /de lta yin na ni rgyas pa dang bsdus pa yang mi rigs so/ /de ci'i phyir zhe na / don gyi rnam pa gcig la rgya che ba dang chung ba'i bye brag gis bsdus pa dang rgyas par 'gyur gyi/ don tha dad pa la ni nam yang bsdus pa dang rgyas pa mi rigs so/ /ji ste gal te yin no zhe na ni ha cang yang thal bar 'gyur ro/ /mi rtogs par bya ba'i phyir yin no zhe na ni/ 'di ci'i dbang po rno ba'i dbang du 'am /gdug sems kyis smras zhes rtog grang na/ re zhig dang po ltar ni ma yin te/ tshogs kyi gang zag la sogs pa gzung pa'i phyir ro/ /gzhan yang 'di nyid las thub pa chen pos chos phung po zhes bya ba la sogs pa gsungs pa'i phyir ro/ /ci ste phyi ma ltar na yang ma yin te/ de bzhin gshegs pa rnams ni thugs rje chen po'i stobs kyis 'jug pa'i phyir ro/ /gdug sems dang snying rje ni
- 28a
gcig gis gcig spangs pa yin pa'i phyir 'gal ba yin no/ /ci ste de lta na yang yin no zhe na ni ha cang yang thal bar 'gyur ro zhes bya ba 'di yang brjod par bya ste/ re zhig sgra dngos kyi nus pa'am/ dgongs nas bshad pa'i nus pa zhes rtog grang na dgra dngos kyi nus pa ltar ni bden te /de ni ma yin no/ /'di ni de bzhin gshegs pa rnams kyis dgongs nas smras pa ste/ 'di ci la dgongs she na/ bcom ldan 'das nyid kyis kyang dang po bshad pa bzhi la dgongs nas gsungs so/ /des de ltar 'gyur ba yang ma yin te/ thugs rje chen po'i don dang ldan pa'i phyir ro/ /de lta na ni yang yin no zhe na ma yin te /gsang ba 'di ni sems can thams cad kyi thun mong du ma gyur pa'i phyir ro/ /yang na 'di ni phyi rabs pa'i gang zag slob dpon dang slob mar 'brel bar bya ba'i phyir te/ 'og nas bshad pa'i phyir ro/ /bla ma la rag las pa nyid ci'i phyir zhe na /rtsod pa'i dus na sems can thams cad 'dod rgyal gyi zhags pas zin te/ gzu lums la mchog tu gzhol bar 'gyur ro/ /gang gi tshe gzu lums la gzhol ba de ni /de bzhin gshegs pa'i bka' yang dag par myur du 'jug par 'gyur ro/ /gang zhig gang myur du zhugs pa des ni de ma thag tu de la skyo bar 'gyur ro/ /gang zhig gang la myur du skyo ba skye bar 'gyur pa de ni de'i bka' myur du spong bar 'gyur ro/ /gang gis gang zhig myur du spangs par gyur pa de ni bstan pa yun ring du gnas par mi byed de/ yun thung bar byed ces bya ba'i don to/ /de bas na de bzhin gshegs pa rnams ni slob dpon dang slob mar 'brel par bya ba dang/ bstan pa yun ring du gnas par bya ba dang/ bstan pa brtan pa dang/ gang zag rnams kyi blo zab cing rgya che bar bya ba'i phyir bshad pa bzhi la dgongs nas gsungs pa yin no/ /'di nyid ni de bzhin gshegs pa thams cad kyi gsang ba mngon par grub pa zhes bya ba'i rgyud las kyang /de bzhin gshegs pa thams cad
- 28b
kyi/ gsang ba de nyid dngos grub 'di/ bde gshegs rnams kyis bstan pa rnams/ /yun ring gnas par bya ba'i phyir/ /bshad pa'i mchog ni rab sbas te / bla ma las ni rtogs par bya zhes 'byung ba dang/ slob dpon gyis kyang/ bla ma la brnyas sgyu can dang pa med/ /zheS bya ba la sogs pa gsungs pa'i phyir ro/ /gzhan yang gsang ba chen pa zhes bya ba rnal 'byor chen po'i rgyud las kyang/ sems dpa' chen po 'jig rten gyi khams 'dir rtsod pa rgyas pa'i dus su sems can gzu lum pa mkhan bla ma la sdang ba dang/ chog par 'dzin pa dang/ de bzhin gshegs pa'i bka' zab mo rang 'dod du gcod pa 'byung gi nges de bzhin gshegs pa'i bka' zab cing rgya che ba rtogs par mi nus so/ /de pas na de bzhin gshegs pa thams cad kyi gsang ba chen po'i 'di ni theg pa chen po'i rigs can gyi gang zag rmad du byung ba'i yul yin par 'gyur ro/ /de yang gang las shes she na/ de bzhin gshegs pa thams cad kyi gsang ba'i lung las shes par 'gyur te/ ji skad du/ de bzhin gshegs pa thams cad kyi /gsang ba chen po'i bdag nyid mchog /rab tu gsang ba yin pa'i phyir/ thams cad kun gyi gsal ma byas/ /gang yang dus gsum sangs rgyas dang/ rnal 'byor rnal 'byor ma rnams kyis /kang tshe gsang ba'i don gsungs pa/ /phyir dang shin tu nang dag dang/ /de bzhin bla med la dgongs nas/ /gsang ba'i don rnams gsungs pa yin/ /rde las gzhan du gsungs gyur na/ /ji bzhin don du bzung pa ste/ /nges na lam ngan dag tu ltung/ /zhes pa la sogs pa 'byung ba lta bu'o/ /des na de bzhin gshegs pa'i gsang ba chen po 'di ni rnal 'byor gyi rgyud rnams kyis shin tu rgyas btab pa yin no /zhes bstan par bya'o/ /gzhan yang gzhan du shes par bya'o//de ltar bshad pa bsdus pa dang/ don bsdus pa bshad nas/ da ni de nyid kyi don bsdus pa rgyas par bshad par bya ste/ de'i phyir rim pa 'di nyid kyis na bzhugs
- 29a
pa'i tshig nas brtsams te zhes bya ba smos te/ 'dis ni phyag rgyas btab pa yin la zhes sbyar ro/ gang giS rgyas btab ce na/ rim pa 'di nyid kyis rgyas btab ces smos so/ /yang na rim pa 'di nyid kyis bshad pa'i phyir rgyas btab ces sbyar ro/ /gang rgyas btab ce na bzhuD pa'i tshig nas brtsams te/ rjes su yi rang pa'i par du'o/ /mdza' rnam pa drug tu bshad pa dang zhes bya ba la sogs pa ni bshad zin to/ /de nyid kyi gsang ba 'dus pa'i don phyag rgyas btab zhes smos pas na/ sgra phyag rgyas btab pa ni ma yin te/ don gsal bar byas zhes bya ba'i don to/ /'di dag la ma rtogs par cir 'gyur zhe na/ de ma rtogs par zhes bya ba la sogs pa smos te/ de la ma rtogs pa ni gong ma nyid ma rtogs pa'o/ /'o na gang zhig la brten zhe na/ sgra ji bzhin pa'i bshad pa'i sgra'i don tsam la brten te zhes smos so /sgra ji bzhin par bshad pa ni sgra ji bzhin pa nyid de/ de bshad pa'i don gang yin pa de la de skad ces bya'o/ /de lta bu la brten pa'i sems can gang zhig yin zhe na/ yul rnams la chags pa'i sems can rnams 'gal ba dang/ shin tu rmad du byung ba'i bya ba byed pas las kyi dbang du 'gyur ro/ /zhes pa ni yul rnams la chags pa ni yul rnams la chags pa ste/ yul la zhen par gyur pa'i tha tshig go /yul la chags pa yang yin la sems can yang yin pas yul rnams la chags pa'i sems can te/ de lta bu'i gang zag gis de la de ltar rtogs zhes pa'i tha tshig go /brtags pas ci byed ce na/ 'gal ba dang shin tu rmad du byung ba'i bya ba byed de/ 'di ltar ma byin par len pa la sogs pa'i bya ba la 'jug par 'gyur ro/ /de cir 'gyur zhe na/ las kyi dbang du 'gyur te/ las de'i stobs kyis 'bras bu rtsub mo nyams su myong bar 'gyur ro/ /zhes bya ba'i tha tshig go /'di dag gis ni 'di skad du ston par 'gyur te/ de bzhin gshegs pa thams cad kyi bka' dgongs pa dang bcas te/ bshad par ma gyur pa de'i tshe sgra ji
- 29b
bzhin par nges par 'dzin par 'gyur ro/ /gang gi tshe sgra ji bzhin par nges par bzung bar gyur pa de'i tshe yul la chags pa'i sems can 'jug par 'gyur ro/ /gang gi tshe yul la chags pa'i sems can zhugs par gyur pa de'i tshe/ de bzhin gshegs pa'i gdams dag dang du mi len par 'gyur ro/ /gang gi tshe de bzhin gshegs pa'i gdams ngag dang du mi len par gyur pa de'i tshe de bzhin gshegs pa'i bka' dgongs pa can gzhan la yang sgra ji bzhin par 'dzin par 'gyur ro/ /gang gi tshe sgra ji bzhin par bzung pa de'i tshe 'gal ba dang rmad du byung ba'i bya ba byed par 'gyur ro// shin tu rmad du byung pa'i bya ba byed pa de'i tshe sems can thams cad log pa'i lam la gnas par 'gyur ro/ /sems can thams cad log pa'i lam la gnas par gyur pa de'i tshe rmad du byung ba'i bya ba byed pa'i las kyi 'bras bu smin bar 'gyur ro zhes bya ba'i don te/ /de yang gang las shes she na/ bcom ldan 'das kyis dgongs pa lung bstan pa zhes bya ba'i rgyud las gsungs te/ zhes bya ba la sogs pa gsungs te/ gsang ba'i bdag po zhes bya ba ni bde pa'o/ don rgyas pa'i tshul chen 'di ni? rnyed gyur nas/ zhes pa don rgyas pa'i tshul chen po ni de bzhin gshegs pa'i gsang pa 'dus pa nyid do/ /ji bzhin don ni rnyed bzung pas/ zhes pa ni sgra ji bzhin pa'i don rnyed pa'o/ /des ji ltar bzung ba zhe na/ gsang ba 'dus pa'i dgongs pa can thams cad kyang sgra ji bzhin par bzung zhes bya ba'i don to/ /des cir 'gyur zhe na/ des na lam ngan dag tu ltung/ zhes pa ni gang bzod par dga' ba'i sdug bsngal dang ldan pa de ni lam ngan pa ste/ gang zhig gang du ltung pa de la de skad ces bya'o/ /de lta bur 'dzin par byed pa'i gang zag kyang ji lta bu yin zhe na/ mngon pa'i nga rgyal rtag dga' bas zhes bya ba ni mngon pa'i nga rgyal gtong bar mi byed pa ste/ gang zhig gang la phangs par 'dzin pa de la de skad ces bya'o/ /rnal 'byor pa ni bdag
- 30a
ces smra zhes pa ni rnal 'byor gyi don dang mi ldan par bdag nyid rnal 'byor pa yin zhes zer lta bu'o/ /chos ni g.yo yis byed par 'gyur zhes pa ni ma byin par len pa dang/ srog gcod pa dang/ brdzun dang/ tshig 'khyal pa dang/ ngag rtsub mo la sogs pas chos yongs su tshol bar byed pa de la de skad ces bya'o/ /des ni 'dus pa maM shes par/ zhes pa ni de bzhin gshegs pa'i gsang pa 'dus pa'i dgongs pa la sogs pa legs par mi shes pa'o/ /dam tshig la sogs spyod byed la/ zhes pa dri dam tshig dang bsgrub pa la sogs la nye bar sod pa'o/ /gsang ba bsrung bar mi byed cing/ zhes pa ni thams cad du ni rab tu ston/ zhes bya ba de nyid kyis bshad do/ /mngon sum sangs rgyas 'dra ba yi/ /slob dpon smod cing bskur mi byed/ /zhes pa ni bla ma'i bsrung bar bya ba'i sdom pa la phyal bar gtong pa'o/ /skad cig gis ni khong khro zhing/ zhes pa ni nyes pa mthong na skad cig tsam gyis khro bar byed pa'o/ /de bzhin skad cig gis rjes chags/ zhes pa ni bdag nyid dang rjes su mthun pa'i las byung na chags par byed pa'o/ /'di dag gis ni blo mi brtan pa bstan pa'o/ /de nas 'dod pas log par g.yem pa la sogs pa'i nyes pa bstan pa'i phyir/ ma dang sring mo bu mo ste/ zhes pa ni bdag nyid bskyed pa dang/ bdag nyid dang lhan cig tu bskyed pa dang/ bdag gis bskyed pa'o/ /de dag gis ni bgrod pa ma yin te/ de bzhin gshegs pa rnams kyis rmad pa yin pa'i phyir ro/ /de la bgrod par byed pa gang yin pa de ni nyes pa mchog dang ldan pa yin zhes sbyar ro/ /nyes pa gzhan yang yod pa'i phyir/ pha ma gsod cing zhes bya ba la sogs pa gsungs te/ pha ma gsong pa ni pha ma gsod pas te/ pha ma la ngan sems kyis tshom? ? yin pa de la de skad ces bya'o/ /srog chags gzhan yang gsod par byed ces pa ni 'jig rten gyi srog chags rags pa dang phra ba la sogs pa gsod pa gang yin pa de la de skad ces bya'o/ /de bzhin brdzun gyi chig smra zhing zhes pa ni gang zhig pa den par
- 30b
smra ba spangs pa'o/ /khyad par du yang rku bar byed/ /ces pa ni gang gis ma byin par len par byed pa de la de skad ces bya'o/ /bzhag byi chung ma'i thad 'gro zhing/ /zhes pa ni gzhan gyi chung ma la nye bar sbyor ba'o/ /smad pa gzhan par byed par 'gyur zhes pa ni bstan bcos las smad pa'i bya ba gzhan thams cad lhur len par 'gyur zhes pa'i don to/ /de nyid ye shes 'byung ba yi /dam tshig rnams ni des mi shes/ zhes pa ni gsang ba chen po mchog gi dam tshig rgyas pa de nyid kyis mi shes zhes pa'i don to/ /nyes pa cung zad tsam la yang/ /mngon spyod dag ni byed par 'gyur/ /zhes pa ni nyes pa phra mo tsam la yang/ /drag po'i las rtsom zhes pa'i don to/ /rtag tu phyi rol bstan bcos dga' / /zhes pa ni gzhung 'di pa ma yin pa'i bstan bcos la gzhol ba gang yin pa de la de skad ces bya'o/ /rang gi dam tshig yongs spangs te zhes pa ni rang gi dam tshig mi bsrung ba'o/ /lcags kyu med pa bzhin du spyod/ /ces pa ni thabs dang bral ba nyid do/ /sngags dang phyag rgya'i sbyor ba yis/ /'chi ba dang ni de sgrub byed/ /ces pa ni sngags dang phyag rgyas rang gi 'tsho ba yongs su tshol ba de la de skad ces bya'o/ /gang du rnyed ba thal 'gyur bar/ /dam pa'i chos ni 'chad par 'gyur/ /zhes pa ni yul shes pa dang mi ldan zhing rnyed pa nye bar thob par 'gyur bar dam pa'i chos 'chad par 'gyur zhes bya ba'i don to/ /des cir 'gyur zhe na/ sngags pa rnams ni 'grub mi 'gyur/ /zhes smos te de lta bu'i gang zag gis sngags dang phyag rgya'i dngos grub 'grub pa med kyi/ mnar med pa'i sdug bsngal chen po skyed ces pa'i don to/ /de ci'i phyir zhe na/ rnal 'byor rab sbyor dman pa'i phyir zhes smos te/ rab tu sbyor ba dman pa ni rab tu sbyor bzhan pa zhes pa'i don to/ /de rnams gzung bar bya ba'i phyir zhes pa ni de rnams kyi ngan 'gro'i srid pa dgag pa ni zhes pa'i don to/ /gsang ba dgongs pas bshad pa yin/ zhes bya ba ni bshad zin to/ /'dis ni bsdus pa'i don bstan to/ /zhes pa ni 'di nyid kyis/ bsdus pa'i don yin gyi
- 31a
rgyas par bshad pa ni ma yin no/ /gang zhig gang du gang gi phyir bstan pa yin zhe na/ de bzhin gshegs pa'i gsang ba 'dus pa'i don mdza' dag dang/ de bzhin gshegs pa'i gsang ba 'dus pa'i bshad pa mdza' dag bsdus pa'i don 'di nyid kyis bsdus pa'i phyir de la de skad ces bya'o/ /'dis kyang bsdus pa la dga' ba rnams 'di tsam gyis tshim pa zhes bya ba'i don to/ /de ltar bsdus pa'i don bstan nas zhes pa ni rgyas par bstan par bshad par 'dod pas de skad ces bya'o/ /da ni zhes bya ba ni skabs la bab pa'i tshig go/ yan lag gi don rnam par dbye ba'i phyir zhes pa ni rtsa ba'i don ma yin pa'i phyir de skad ces bya'o/ /rgyud la 'jug par bya ste/ zhes pa ni rgyud nyid bshad par bya zhes bya ba'i don to/ /'di skad bdag gis thos pa zhes bya ba 'di yang gang gis gang la bstan zhe na/ 'dir sdud par byed pa zhes bya ba la sogs pa smos te/ sdud par byed pa ni sdud par byed pa ste/ de bzhin gshegs pa'i rgyud thob par byed ces pa'i don to/ /thob par byed pa po gang yin zhe na/ 'phags pa phyag na rdo rje la zhes pa ste dgos pa thams cad 'byung bar byed pa'i rdo rje thogs pa gang yin pa de la de skad ces bya'o/ /des ji skad du thos pa thugs la bzhag nas zhes pa ni lhag pa dang chad pa la sogs pa'i nyes pa dang bral bar byas nas zhes pa'i don to/ /des ci byed ce na/ gdul bya rnams la bstan pa'i phyir zhes smos te/ rang gi gdul bya smin pa dang grol bar byed pa'i phyir de la de skad ces bya'o/ /'di skad bdag gis thos pa zhes bya ba la sogs pa gsungs pa yin te/ zhes bya ba ni sdud pa po rang gi tshig legs par ston pa yin te/ 'di skad thos zhes bya bar sbyar ro/ 'di skad ces bya ba 'di yang ji skad ces bya ba'i tshig yin zhe na/ de'i phyir 'di skad ces bya ba ni rgyud kyi don ma lus par ston pa'i tshig gi phrang do zhes smos te/ 'dis ni bshad par bya ba'i chos phun sum tshogs pa bstan to/ /de yang 'di
- 31b
zhes bya ba yang nye ba mngon sum pa'i tshig go /'di zhes bya ba yang gang yin zhe na/ gsal ba de'i zhes bya ba nas rjes su yid rang ngo zhes par du'o/ /de bas na 'di skad ces bya ba 'di ni rgyud kyi don thams cad brjod par byed pa'i sa bon can no/ /gang gis thos zhe na/ bdag gis thos zhes bya bar sbyin te/ bdag gis thos zhes bya bas ni sdud pa po phun sum tshogs pa ston te/ bdag nyid kyis mngon sum du thos zhes bya ba ni bdag nyid kyis dus nye bar thos zhes bya ba'i tha tshig go /'di skad thos zhes pa 'dis ni ma thos pa dang/ gzhan thos pa rnams bsal ba yin no/ /bdag gis thos zhes bya bas ni ma thos pa dang gcig nas gcig tu brgyud de thos pa dang/ rtogs pa bsal lo/ /dus gcig na thos zhes pa smos pas ni dus thams cad du thos pa dang/ thams cad dam thos pa bsal lo/ 'di dag gi sgra'i sbyor ba yang gzhan dag ni ma thos kyi/ 'di kho na skad thos zhes pa dang/ 'ongs pa dang/ rtags pa ni ma yin te/ bdag gis thos zhes pa dang/ thams cad du ma thos pa ni ma yin gyi/ dus gcig kho nar de thos zhes bya pa'o/ /dus phun sum? tshogs pa de nyid rgyas par bshad pa/ dus gcig gi tshe na /'di na 'di thos la gzhan du ni gzhan thos pa'o/ zhes pa ni gsang ba 'dus pa de bzhin gshegs pa thams cad kyis gsung pa'i dus su ni 'di thos kyi/ pha rol tu phyin pa la sogs pa gsung ba'i dus su ni gzhan thos zhe'o/ /de nyid rnyed dka' bar bstan pa yang/ gzhan dag tu ni 'di ma thos pa'o zhes pas te/ gzhan du ni 'di na ma yang thos par mi 'gyur ba'o/ /de ci'i phyir zhe na/ bcu bdun par gsang ba'i snod du ma gyur pa nyid kyis bstan to/ /blo ? pa ni skad cig ma gcig la'o/ /zhes pas ston to/ /skad cig la sogs pas ni yid tsam la sogs pa ma yin par bstan to/ /gang las gang du zhes bya ba la sogs pa ni 'og nas ston te/ ston pa phun sum tshogs pa ni ston pa phun sum tshogs pa ste/ yon
- 32a
tan chen po dang ldan pa'i ston pa gang yin pa de la de skad ces bya'o/ /yon tan gang zhig dang ldan zhe na/ skal pa phun sum tshogs pa zhes bya ba la sogs pa ste/ skal pa phun sum tshogs pa ni yang dag pa'i don gyi skal pa chen po dang ldan pa ste/ ? dag las de bzhin gshegs pa ni sgrib pa ma lus par bcom pa'i phyir skal pa chen po dang ldan pa'o zhe'o/ /gzhan yang gang giS tshogs chen po yongs su bsags pa ni skal pa chen po dang ldan pa'o/ /skal pa chen po ni skal pa thams cad de/ skal pa ma lus pa'i bdag nyid can no/ /mi mthun pa'i phyogs ma lus par bcom pa ni sa thams cad la sgrib pa yang dag pa'i ye shes kyis spangs pa'o/ /gzhan yang 'di dag gis ni mi slob pa'i zung du 'jug pa bstan to/ /de lta bu'i ston pa des gnas pa gang du gsung she na/ bshad pa/ de bzhin nyid ni de bzhin nyid de/ spros pa dang bral zhing rtog pa thams cad las nye bar grol pa'o/ /der gshegs pa ni de las grol ba ste/ rtogs pa thams cad yongs su spangs pa de nyid mngon sum du gyur pa dang/ lhun gyis grub pa zhes bya ba'i bar du'o/ /de bzhin gshegs pa yang yin la thams cad kyang yin pa ni spris pa'i mdza' gnyis bsal ba ste/ grangs dang grangs can la thal pa yongs su bsal ba gang yin pa'o/ /bdag nyid ces pa ni rang bzhin nam/ ngo bo nyid do zhes pa'i don to/ /sku dang gsung dang thugs kyi snying po ni yongs su 'dzin pa zhes bya ba'o/ /de'i btsun mo ni des bsten pa ste/ gzhal yas khang gi rnams pa nyid yongs su gsal ba'o/ /der gnas pa ni de la brten pa nyid do/ /de bzhin nyid dang zhes bya ba la sogs pas ni gang gi dus su yongs su snang ba nyid de/ rnam grangS des na ma 'ongs pa'i rnal 'byor rnams kyis kyang ji skad 'chang par 'gyur ba'i gzhal yas khang du mos pa'i dkyil 'khor dang yongs su bsdu pa'i cho ga dang/ rnal 'byor gsum bsgom par bya'o zhes bya ba'i don to/ /yi ge'i don ni sgra tsam la gzhol pa'i dbang du byas te
- 32b
'di'i tshe zhes bya ba la sogs pa bya ba bshad pa gong ma nyid do/ /tshogs la bshad pa yang de nyid de/ zab mo'i don ma yin pa nyid do/ /de bas na bshad pa'i sgra'i dbang du bya ste/ yi ge'i don to/ /bskyed pa'i rnal 'byor gyi dbang du byas te tshogs la bshad pa'o/ /gang zhig la gang zhig gis gang du ji ltar gnas par 'gyur ba dang/ gang gis gang gi spyod yul du gang bstan pa de la de skad ces bya'o/ /gzhan yang gang gis gang zhig gtan la 'bebs par 'gyur ba dang/ gang gis gang zhig nyams su len par byed pa dang/ gang dang gang gis yul du byas pa de la de skad ces bya'o/ /de ni rdzogs pa'i don to/ /gang gis gang gi rnam par bshad pa yongs su rdzogs par gyur pa de la de skad ces bya'o/ /de nas spyi'i don bshad par 'dod nas/ smras pa zhes bya ba la sogs pa smos so/ /gang la gang gis gang du gang gi phyir zhe na/ sgra'i tshogs 'di yongs su rgol ba smra bar 'gyur ro/ /gang du zhes pa'i lan du 'di lta ste /yi ge'i don bshad pa yongs su rdzogs pa'i skabs 'dir smras pa/ dgongs pa gang gis ni sdud par byed pas/ gsungs rab kyi mgor zhes bya ba la sogs pa smos te/ 'di dag gi don yang sdud pa pos gsung rab kyi slad du 'di skad ces bstan pa kho na la dgos pa ci zhig yod par 'gyur/ bcom ldan 'das kyis ci la dgongs te gsungs/ gal te rgyud kyi don mdza' dag bsdus par 'dod pa 'am/ de la gzhan du 'gyur zhes pa brgal ba'i don to/ /de'i lan du gong ma ltar gyur na cir 'gyur zhe na/ ma nges par 'gyur te/ 'di dag bdag gis zhe 'am/ 'di 'am/ 'di rnams 'di tsam bdag gis thos zhes pas kyang rgyud kyi don ma lus par yongs su rdzogs par ston par 'gyur te/ /dir 'gyur ro/ /gang gis gang zhig gang la nus pa des kyang de'i don yongs su rdzogs par 'gyur na ni kho na zhes bya ba gzhan dang ldan pa rnam par gcod pa rtogs par 'gyur ba med pa nyid do zhes bya ba'i don to/ /gang gis gang zhig gang la yongs su
- 33a
ma spangs pa de ni de'i bya ba yongs su rdzogs par 'gyur ro zhe na/ smras pa zhes pa de ni lan ston par 'gyur ba ste/ gang yang gang zhig yongs su ma spangs pa de ni de'i nyes par 'gyur ba ma yin te /ci'i phyir zhe na/ de bzhin gshegs pa thams cad kyi brdar gyur ba ni rgyud kyi ston pa po thams cad kyi brdar gyur pa nyid/ brda gang zhig ston pa'i brda yin zhe na/ shes rab dang thabs ston pa nyid do/ /yi ge gnyis su gyur pa 'di kho nas brda ston par byed kyis gzhan gyis ni nam yang rnyed par 'gyur ba ma yin zhes bya ba'i don to/ /gsung rab kyi dang por zhes bya ba ni gang zhig gang gis sngon nus ba de'i phyir de la de skad ces bya'o/ /gang gis de yongs su shes par 'gyur ba des ni de dang de dag yongs su shes par 'gyur ba nyid do zhes bya ba'i don to/ /gzhan yang gang gis de nyid bstan par 'gyur ba de ni de'i gzhung lugs yongs su rdzogs pa ma yin te /ci'i phyir zhe na/ sdud pa med par 'gyur ba'i phyir te/ 'di skad ces bya ba 'di sdud ba po'i sgra ji bzhin pa ma yin par 'gyur te/ de lta na sdud pa po med do zhes bya ba'i don to/ /des cing 'gyur zhe na /bdag gis zhes bya ba la sogs pa'i tshig 'brel pa med par 'gyur te/ ci'i phyir zhe na/ 'di skad ces bya ba ni brdar gyur pa nyid yin la bdag gis zhes bya ba ni sdud pa po rang gi mi brjod pas tha dad par 'gyur ro/ /ci'i phyir zhe na /gang la gang zhig yod pa de la de dang bral bar 'gyur ba'i phyir gcig gis gcig spangs par 'gyur ba yin no/ /des na sdud pa po med par 'gyur ro zhe na/ sdud pa po med par thal bar 'grub pa 'di ni thal ba ma yin pa nyid de gsang ba 'dus pa'i don mdor bsdus pa po ni med do/ 'o na zhes bya ba ni mgu ba ma yin pa'i tshig brjod pa nyid do/ /btsun pa kun dga' bo la sogs pa 'jig rten na sdud pa por ci'i phyir grags zhes pa ni lnga sde bzang po la sogs pa gang zhig yongs su bzung ba dang sdud pa gzigs pa mngon sum
- 33b
dang 'gal bar 'gyur ro/ /gang zhig gang gis yongs su 'dri ba med na de yang med par 'gyur bas/ de rjes su dpag pa dang yang 'gal bar 'gyur ro/ /gsungs pa lan la sogs pa gang zhig snang ba dang/ gang zhig yongs su brjod pa dang/ gang dang yongs su mthun par gyur ba de'i phyir de dag dang 'gal bar 'gyur ro/ /des na sdud pa pos yod par snang pa nyid de/ 'dod pa 'di thams cad yongs su bshig pa yin no/ /zhes skyon brjod pa dang skyon yongs su spang ba'i phyir/ slob dpon gyis gang la yongs su legs par smras pa de dang 'gal ba la sogs pa'i nyes pa 'di snang ba'ang des pa'i don du 'gyur snang ba la ni nam yang mi 'dod pa ma yin bas nyes pa nyid do/ /phyi ma ltar ni mi 'dod pa nyid de /kun dga' bo ni 'dir byang chub sems dpa' kun tu bzang po nyid de phyag na rdo rje yin la zhes pa ni phyi dang nang gi sdud ba po gnyis su med par bstan to/ /rdo rje 'chang chen po yang de nyid las gzhan ma yin te zhes pa ni gang gis rdo rje 'chang chen po dang sdud pa po tha dad du dbye ba med pa nyid do/ /des na sdud pa po dang ston pa ni gang gis gang zhig yongs su 'dzin pa de yang de nyid do/ /gal te tha dad du gnas na cir 'gyur zhe na /mdo sde la sogs pa ni mdo sde dang/ 'dul ba dang/ mngon pa'o/ /chos kyi phung po brgyad khri bzhi stong ni bshad zin to/ /de bzhin gshegs pa las phyag na rdo rje lhag chad med par lan cig gis thos shing 'dzin par ga? la nus zhes pa ni mi srid par bstan te/ 'di ltar rdzogs pa'i sangs rgyas ma yin pa ni mthar phyin pa'i sa la mi gnas so gang mthar phyin pa'i sa la mi gnas par gyur pa de ni gang gis rtog pa ma spangs so/ /gang gis rtog pa thams cad spangs par ma gyur ba de ni mthar phyin pa'i lam la mi gnas so/ /gang gis rtog pa thams cad ma spangs pa de ni thogs pa med pa'i shes rab dang mi ldan no/ /thogs pa med pa'i shes rab kyang rtog pa spangs pa las 'byung par rig par bya'o/ /thogs pa med
- 34a
pa'i shes rab med pas ni chos kyi phung po brgyad khri bzhi stong lhag chad med bar lan cig gi 'dzin par mi nus so/ /de ci'i phyir zhe na /chos kyi phung po brgyad khri bzhi stong yongs su 'dzin pa ni thogs pa med pa'i shes rab med na med pa'i phyir ro zhes 'byung bas sdud pa po ni rdzogs pa'i sangs rgyas las tha dad du mi 'jug go /de yang gang las shes zhe na/ bcom ldan 'das kyis kyang 'di nyid du thun mong ma yin pa'i gsang ba zhes bya ba rnal 'byor chen po'i rgyud las gsungs zhes smos so ji skad gsungs zhe na 'di lta ste zhes pa ni/ yongs su ston pa'i don to/ /'jam dpal ni zas gtsang mar gyur to zhes bya ba ni gang la gang gis 'dul ba de la der bstan zhes pa'i don to/ /'jig rten dbang phyug ni lha mo sgyu 'phrul du gyur to zhes bya ba ni lha mo chen mo sgyu 'phrul ni 'jig rten dbang phyug go /gzhan yang gang gi phyir lha mo chen mo sgyu 'phrul nyid kyis gang du yongs su 'dul ba de'i phyir de las de bstan to/ /bstan pa 'di dag gang zhig gang gis ji ltar yongs su snang ba de ltar gnas pa ni med de/ de ci'i phyir zhe na/ thams cad ro cig pa'i rang bzhin can nyid kyi phyir ro/ /rigs pa 'dis ni zhes pa ni mi slu bar byed pa'i tshad ma de lta bu yod pa'i phyir ro zhe'o/ /'o na de ltar bstan pa la dgos pa ci yod ce na/ las dang po pa'i sems can rnams 'jug par bya ba'i phyir/ zhes pa ni las dang po pa ni 'jig rten pa dang mthun pa'i chos la 'jug par 'gyur ro/ /'jig rten na ni rgyal po dang/ 'khor dang/ zhu ba po la sogs pa snang bar bya ba dang mi mthun par ston to/ /bcom ldan 'das kyis kyang sdud pa po la sogs pa yongs su bstan pa nyid do/ /gzhan yang gang gi phyir ston pa dang/ sdud pa po la sogs pa ma bstan na med par yongs su rtog par 'gyur ro/ /gang la gang med pa de ni 'jig rten pa'i bya ba dang mi mthun par bstan to/ /gang zhig gang dang mi mthun
- 34b
ba de la ni gang zag dad pa'i rjes su 'brang ba rnams yongs su tshol bar byed do/ /gang zhig gang yongs su tshol bar byed pa des ni srid par 'dzin pa yongs su spangs par 'gyur ro/ /gang zhig gang gis yongs su spangs pa des ni de'i don la som nyi za bar 'gyur ro/ /gang la gang gis ji ltar sems pa des ni skur ba 'debs par 'gyur ro/ /gang la gang gis gang zhig byas pa des ni ngan song gsum po yongs su blangs par 'gyur te/ gsang ba'i bdag po don rgyas pa'i zhes bya ba la sogs pa tshigs su bcad pa du ma dag gis kyang legs par bstan pa yin te de'i phyir sangs rgyas kyi rol mo ji skad du bshad pa 'di bstan pa yin no/ /de yang gang las shes she na/ gser 'od dam pa las/ sangs rgyas mya ngan mi 'da' zhing zhes bya ba la sogs pa gsungs te/ sangs rgyas mya ngan las mi 'da' ba ni rtag pa chen po'i bdag nyid can du gyur pa'i phyir ro/ /chos kyang nub par mi 'gyur te/ zhes pa ni sems can la snang ba 'ga' zhig tu zad kyis/ nges par chos nub pa med par 'gyur zhes bya ba'i tha tshig go /'o na gang gi phyir 'byung zhe na/ sems can rnams ni gdul ba'i phyir byung nas /mya ngan 'das pa nye bar ston zhes pa ni dus nye bar len pa nyid de/ gang gi phyir sems can sgrib pa thams cad dang ldan zhing blo ma smin par gyur pa dag gi phyir dang po 'byung ba dang/ mdzad pa mthar phyin pa la sogs pa nas yongs su mya ngan las 'da' ba'i par du yongs su rdzogs par bya ba'i phyir kun tu snang bar gyur to/ /de bas na zhes pa ni rig pa de'i phyir zhes pa'o/ /brgya byin gyis gsol pa zhes pa ni 'di skad ces bya ba la sogs pa'i yi ge gnyis yongs su ma shes nas dris pa'o/ /ci'i phyir 'di skad ces bya ba 'di zhes pa ni 'di skad ces bya ba 'di cil phyir smos zhes pa'o/ /gang gi phyir dang po rab tu sbyar zhes pa ni bka' dag la dang por sbyar ba ni dgos pa ci yod ces pa'o/ /gang 'di bde gshegs gsung yin nam zhes pa ni gang gis bdag gis?
- 35a
zhes bya ba dang ma 'brel ba'i nyes pa gzigs pa'o/ /nyan thos kyis bshad pa yin nam ci zhes pa ni bka' am yin pa'i nyes pa brjod pa'o/ /gzhan ni go sla'o/ /'di nas mar ni yi ge gnyis chos thams cad kyi rgyuAm sa bon du bstan pa nyid de/ de la chas kyi phung po brgyad khri zhes bya ba dang ma 'brel ba ni bshad zin to/ /de dag gi gzhi yi ge gnyis yin pa ci'i phyir zhe na/ yi ge e ni zhes bya ba la sogs pa gsungs te/ 'dis rim pa dang po bslab pa bzhi bstan te?/ /e ni mar gyur ba ni 'dis bud med mtshon par byed pa nyid de/ gang gi phyir gang gis gang la gang zhig byed par 'gyur ba de'i phyir de la de skad ces bya'o/ /ba ni pha zhes bya bar grags zhes bya ba ni ba zhes bya ba pha mtshon par byed pa nyid kyi phyir ro/ /thig le der ni sbyor ba nyid ces pa ni gang zhig gang dang gang du 'brel bar 'gyur pa de'i phyir de la de skad ces bya'o/ /'di dag gis ni 'di skad du ston par 'gyur te/ gang gi sems can skye ba dang mthun par lha'i sku rim gyis 'byung ba yab dang yum gnyis su med bar 'jug ba nyid do/ /yang na e ni pad+ma bzhin du gsungs zhes pa ni pad+ma dang 'dra ba'i chos yongs su gnas par 'gyur pas de la de skad ces bya'o/ /ba ni rdo rje nyid yin no zhes pa ni rdo rje yongs su ston pa'i brda gang la yod pa de la de skad ces bya'o/ /thig le der ni sa bon te zhes pa ni gang la byang chub sems kyi sa bon gang la yod pa de la de skad ces bya'o/ /des tsir 'gyur zhe na/ de las 'gro ba gsum pa skye zhes pa ni gang las gang gis stobs kyis sems can thams cad yongs su skye bar 'gyur ba de la de skad ces bya'o/ /de dag gis ni 'di skad du ston par 'gyur? te/ gang zhig gis sems can skye ba'i rim pa dang mthun par lha yab yum snyoms par zhugs pa las rang gi sprul pa'i dkyil 'khor rgyal po mchog yongs su skye bar 'gyur pa gang yin pa de la de skad ces bya'o/ /e ni shes rab nyid 'gyur
- 35b
la zhes pa ni rlung nyid do/ /ba ni rab dga' i bdag po ngo bo zhes pa ni rnam par shes pa nyid do/ /thig le mi shigs de nyid de zhes pa ni 'gro ba thams cad kyi snying gi dbus su rlung mi shigs rgyal po a thung ngu'i ngo bor snang pa'o/ /de las yi ge gnyis kyang skyes zhes pa ni A li kA li'i sde tshan gyi yi ge rnams 'byung bas te/ gang la gang gis ji ltar yongs su byed pa de la de skad ces bya'o/ /de bas ni 'di dag gis ni yi ge nyis po pho dang mong gyur te/ gang du skye ba dang/ yi ge gnyis pho mo'i mtshan mar gyur pas sems can rnams rang gi sa bon las skye pa dang/ yi ge gnyis kyi brda de dag gis bskyed pa gtso bo yab yum dang/ dkyil 'khor rgyal mchog gang gis yongs su rdzogs pa dang/ gang gis yi ge las sgra'i tshogs 'byung zhing 'di las chos kyi phung po brgyad khri bzhi stong la sogs pa 'byung ba'i phyir yi ge gnyis ni bzhi dang pha ma nyid do/ /des cir 'gyur zhe na/ chos kyi phyag rgya ni gang gis gang zhig yongs su shes pa dang brjod par rung ba nyid do/ /de gang yin zhe na/ yi ge gnyis te/ e baM? zhes bya ba'i don to/ /de'i de nyid brda'i? don yongs su shes pa gang dang gang yin pa'o/ /des ni sems can thams cad la chos kyi 'khor lo skor byed 'gyur zhes pa ste/ de'i don yang gang yi ge gnyis shes pa des ni yi ge brda'i rnam par shes par 'gyur ro/ /gang gis yi ge brda'i rnam par shes pa des ni yi ge de kho na nyid shes par 'gyur ro/ /gang gis yi ge'i de kho na nyid shes pa de ni sangs rgyas kyi chos yongs su shes par 'gyur ro/ /des ni chos thams cad kyi ston pa phun sum tshogs shes pa bstan pa yin no/ /de la gzhan du gyur pa'i skyon bstan pa'i phyir/ 'gro ba gang gis zhes bya ba la sogs pa smos te /yi ge gnyis ni e baM zhes pa'o/ /mi shes pa ni yi ge'i de kho na nyid mi shes pa'o/ /rtag tu 'don pa ni brjod pa'o/ /cir 'gyur zhe na/ de ni sangs rgyas chos rnams kyi/ /sbyor spangs phyi rol thub pa bzhin/ /grol bar? mi?
- 36a
'gyur zhes bya ba lhag ma'o/ /'di dag gis ni 'di skad ston par 'gyur te/ gang gis yi ge gnyis ma mthong par/ brdal? 'byor? yang? mi 'gyur ro/ /gang gis brda rnam par dpyad par ma byas par ni brda rnam par shes par mi 'gyur ro/ /gang gis brda ma shes par ni yi ge'i de kho na nyid shes par mi 'gyur ro/ /gang gis yi ge'i de kho na nyid shes par ma gyur par? ni chos thams cad kyi de kho na nyid shes par mi 'gyur ro/ /gang gis gang du gang zhig shes par ma gyur pa des ni sgra la 'jug par mi 'gyur ro/ /gang gis gang zhig gang la ji ltar gyur pa des ni bsam gtan gyi sbyor ba spangs par 'gyur ro/ /gang gis bsam gtan gyi sbyor ba spangs pa des ni thams cad mkhyen pa de kho na nyid kyi don yongs su thob par mi 'gyur ro/ /phyi rol pa'i dka' thub pa gzhan du 'gyur pa bzhin no/ /gzhan yang 'di skad du /sems dpa' chen po gzhan yang byang chub sems dpa' chen pos de kho na nyid kyi sbyor ba dang bral na ni bdag nyid yongs su grol bar mi 'gyur ro/ /gang gis gang yongs su grol bar ma gyur pas des? ni sems can thams cad 'khor ba'i rgya mtsho las grol bar mi nus so/ /de'i? chen po rnam grangs nges na byang chub sems dpa' sems dpa' chen pos de kho na nyid dang bral bar mi bya'o/ /zhes 'byung ba lta bu'o/ /gzhan dag las kyang/ rigs kyi buAm rigs kyi bu mo la la bdag dang gzhan gyi don thams cad yongs su rdzogs par 'dod pas ma nor ba de kho na nyid dang/ gzhan ma yin pa'i de kho na nyid dang/ chos nyid dang/ chos kyi dbyings nyid dang/ chos gnas pa nyid dang/ chos skyon med pa nyid dang/ yang dag pa'i mdza' dang/ bsam gyis mi khyab pa'i dbyings nyid la bslab par bya'o/ /de ci'i phyir zhe na/ 'di ltar gang gi tshogs yongs su rdzogs par 'dod pa dang/ bdag dang gzhan la phan 'dogs par 'dod pa'i gang zag gis lam 'di lam brten par nam yang thob par mi 'gyur pa'i phyir ro/ /zhes bya ba la sogs pa rgyas par gsungs so/ /de bas na 'di ni
- 36b
byang chub sems dpa' rnams kyi lam 'di la gnas par bya'o/ /e baM yig gnyis sgyu ma la/ /zhes pa ni ji skad du bshad pa'i phyir ro/ /thams cad mkhyen pa 'dir zhugs pas/ zhes pa ni thams cad mkhyen pa thob pa'i rgyu'i gtso bo yin pa'i phyir ro/ /de bas zhes pa ni don ni gong mar zad do/ /bdag gis zhes pa la sogs pa ni 'chad par 'gyur ba'o/ /rdo rje'i tshig ni rdo rje 'chang chen po'i tshig yin pa dang/ rtogs par dga' ba nyid kyi phyir de skad ces bya'o/ /bshad ba'i rgyud las bstan pa nyid la 'jug pa ni rtsa ba'i rgyud las gsal bor ma gsungs pa'i phyir ro/ /'khor lo sprul pa'i ngo bo la zhes pa ni lha'i 'khor lo gtso bo dang 'khor gyi dkyil 'khor lta bu'o/ /bdag gis thos pa zhes gsungs te/ zhes pa ni gang gis drang ba'i don du yin gyi/ nges pa'i don du ma yin zhes bya ba'i tha tshig go /sa bon las ni gang sprul pa/ zhes pa ni gang gis sa bon gyis bskyed pa nyid kyi phyir de skad ces bya'o/ /lha rnams kyis ni 'khor lo mchog ces pa ni 'di dag gis yon tan phun sum tshogs pa dang/ 'dis 'dod chags can la sogs pa'i sems can yongs su 'dul ba'i phyir ro/ /mchog tu dga' ni snyoms par zhugs pa'i bde ba gang la yod pa de'i dus la dus gcig ces bshad pa'i phyir ro/ /dbang phyug brgyad kyis bcom ldan 'das zhes pa ni dbang phyug tsha? dang/ gzugs bzang ba dang/ grags pa dang/ /dpal la sogs pa'i yon tan gang la yod pa de la de skad ces bya'o/ /khyad par ji lta bu zhig dang ldan pa'i bcom ldan 'das yin/ zhe na /bde ba chen po'i bdag nyid can/ zhes pa ni gang zhig bde ba chen po'i ngo bo nyid du gyur pa gang yin pa de la de skad ces bya'o/ /de bzhin gshegs pa thams cad ces bya ba'i ji lta bu yin zhe na/ 'di'i phung po lnga rgyal pa de bzhin gshegs pa thams cad yin zhes pa/ phung po lnga nyid sangs rgyas te/ mdor na phung po lnga rnams ni/ sangs rgyas lngar ni rab tu grags/ zhes bya ba la sogs pa rgyas par gzhung 'di nyid las gsungs pa'i phyir ro/ /sku dang gsung dang thugs zhes bya ba yang ji lta bu yin zhe na/ de'i bdag nyid de gang zhig gang
- 37a
du tha dad du dbyer med pa de'i phyir de la de skad ces bya'o/ /rdo rje zhes bya ba yang gang zhig yin zhe na/ thugs 'dir bde ba chen po zhes bya ba/ bde ba chen po rab tu mi rtog pa'i bdag nyid can gang yin pa ste/ gang zhig gang? giS gang du yongs su mkhyen par 'gyur ba de la de skad ces bya'o/ /btsun mo zhes bya ba yang gang yin zhe na/ legs sbyangs phyag rgya ste/ zhes bya ba smos te/ rang bzhin gyis legs par sbyangs pa ni rtags mchog dang ldan pa'o/ /rnyed pas legs par sbyangs pa ni nan gyis len pa la sogs pa dang bral ba'o/ /bsam pas legs par sbyangs ba ni chags pa dang bral ba dang/ rnam par 'tshe ba dang bral ba zhes bya ba la sogs pa'i bar du'o/ /thabs gyis legs par sbyangs pa ni gang gis gsang bdag nyid legs par rnyed pa'o/ /sngags dang rgyud kyis legs par sbyangs pa ni gang gi bdag nyid de las gzhan du nye bar byas pa'o/ /kun tu tshogs pas legs par sbyangs pa ni dad pa la sogs pa dang ldan pa'o/ /legs par sbyangs pa zhes bya ba yang gang zhig yin zhe na/ legs par sbyangs pa ni 'dir skyon med pa nyid de/ gang gis gang du nye bar gnas pa de'i phyir de la de skad ces bya'o/ /b+ha ga zhes bya ba yang gang yin zhe na/ legs sbyangs pad+ma b+ha ga yin zhes pa/ btsun mo dam par gyur pa gang yin pa de'i pad+ma ste/ yongs su dag par gyur pa dang /gang du kun du gnas par 'gyur ba dang/ nye bar 'joms par 'gyur ba gang yin pa de la de skad ces bya'o/ /bzhugs so zhes bya ba'i tha tshig gi don ji ltar bzhag ce na /bzhugs pa rdo rje 'dzin pa der/ thig le'i gzugs kyis gnas pa'o zhes gsungs te/ rdo rje 'dzin pa yang thig le'i gzugs nyid do/ /'di skad du ston te/ gang gis thabs dang shes rab gnyis su med par snyoms par zhugs te/ byang chub kyi sems btsun mo'i b+ha ga la gnas pa'o/ /yang na gang gis gang zhig gang dang gang du 'grub pa'i phyir de la de skad ces bya'o/ /
- 37b
'di dag gi nye bar bshad pa 'dir bshad pa ni spyi'i don gyis skabs 'dir zhes bya'o/ /cha gnyis pa ni dgu pa nyid kyis bshad ces bya ba la sogs pa la/ cha gnyis pa ni/ a dang u'o/ /dgu pa ni o'o/ /'di dag la gang gis yi ge dang ldan pa ni oM zhes bya bar 'gyur ro/ / sum cu pa ni da'o/ /bcu pa ni ha ste/ gang gis gang gi don du gnas pa nyid do/ /yang na sum cu pa ni ka Sha ste/ cha gnyis pa ni k+Sha'o/ /dgu pa ni de nyid do/ /bcu pa ni la'o/ /lnga pa ni ha'o/ /cha gnyis pa ni a A zhes pa ste/ des de ltar 'gyur ro/ /drug pa ni a'u ste/ gang la gang giS nye bar mdzes pa'o/ /bcom ldan 'das kyis kyang zab pa dang mi zad pa gnyis la dgongs nas gsungs par rig par bya'o/ /gang gis 'di dang bcas pa dang ldan pa las 'dir gcig gzung bar bya'o/ /'di dag la yang ci'i phyir spyi zhes bya zhe na /gong du bshad pa bzhin du rig par bya'o/ /sbas pa'i don du bshad pa rgyas par 'dod nas gsungs pa/ lung gis bshad pa zhes pa ni rig pa dang bral zhing rtog ge pa rnams kyi yul ma yin pa'i phyir ro/ /e ni shes rab dam pa ste/ zhes pa ni e ni shes rab snang ba'i mtshan nyid do/ /'di ci'i phyir bshad snyam pa la/ gang gis sems la dmigs pa la sogs pa gang zhig yongs su gsal bar bya ba'i phyir ro/ /gang yang sbas pa gsum po nyid la 'dis rtog par bya ba'i phyir yang 'di dag rgyas par 'chad par 'gyur ro/ /de bas na gang gis gang gi don du gang zhig byed pa des ni de'i de dag yongs su rdzogs par 'gyur ro/ /bdag nyid dam pa yongs su rdzogs par 'dod pa des kyang 'di la rten nas 'di dag yongs su rdzogs par 'gyur ro/ /bdag nyid dam pa yongs su rdzogs par 'dod pas kyang 'di la brten nas 'di dag yongs su rdzogs par 'gyur ro/ /snang ba'i bral tshul dang rang bzhin gang zhe na/ 'dod chags bral sogs zhes pa/ 'dod chags dang bral ba dang/ 'dod chags dang bral ba bar ma dang/ shin tu 'dod chags dang bral ba dang /gang yid kyis 'gro ba dang /'ong ba
- 38a
dang mya ngan dang mya ngan bar ma dang/ shin tu mya ngan du gyur pa dang/ zhi ba dang rnam par rtog pa dang/ 'jigs pa dang 'jigs pa bar ma dang/ shin tu 'jigs pa dang/ sred pa dang sred pa ngar? ma dang/ shin tu sred pa dang/ nye bar len pa dang/ mi dge ba dang/ dkres pa dang/ skom pa dang/ tshor ba dang/ tshor ba bar ma dang/ shin tu tshor ba dang/ rig pa po dang/ rig pa dang rig pa 'dzin pa'i gzhi dang/ so sor rtog pa dang/ ngo tsha shes pa dang/ snying rje ba dang/ snying brtse ba dang/ brtse ba bar ma dang/ shin tu brtse ba dang/ dogs pa dang bcas ba dang/ sdud pa dang/ phrag dog ste/ 'di dag ni snang ba'i rang bzhin no/ /de yang gang zhe na/ 'dod chags dang bral ba ni yid du 'ong ba mthong ba lam chags pa'o/ /bar ma la sogs pa ni ci rigs pa'o/ /yid kyi 'gro ba dang 'ong ba gang yin zhe na/ 'gro ba dang 'ong ba la sems rnam par g.yo ba'o/ /mya ngan gang zhe na/ sdug pa dang bral bar gyur nas sems shin tu gdung ba'o/ /'di yang ci rigs su sbyar ro/ /zhi ba gang zhe na /sems g.yeng ba dang bral ba'o /rnam par rtog pa gang zhe na /sems dang shes rab rtsing ba'o/ /'jigs pa gang zhe na/ yid du mi 'ong ba dang phrad nas sems skrag ba'o/ /'di la yang ci rigs su sbyar ro/ /sred pa gang zhe na/ phan 'dogs pa dang yid du 'ong ba la zhen pa'i bde ba'i tshor ba las byung ba'o/ /'di yang yul gyi bye brag las ci rigs su sbyar ro/ /nye bar len pa gang zhe na /gzhan gyi nor dang yo byad sogs pa gang yid kyis len pa ste/ sred pa las byung ba'o/ /mi dge ba gang zhe na/ 'dod chags la sogs pa dang/ de dang mtshungs par ldan pa yin/ lus ngag gi las so/ /bgres pa gang zhe na/ rgud pas zas 'dod pa'o/ /skom pa gang zhe na/ yongs su btung bas skom 'dod pa'o/ /tshor ba gang zhe na /bde ba dang sdug bsngal ba dang/ gnyi ga dang bral ba'i rnam pa nyams su myong ba'o/ /rig pa po gang zhe na/ gang gis gang gi rnam pa 'dzin pa'i shes pa'o/ /rig pa 'dzin pa gang zhe na/ gang
- 38b
zhig gang gis rten cing dmigs ba'o/ /gzhi gang zhe na/ yul gyi dngos po nyid do/ /so sor rtog pa gang zhe na/ rig pa dang/ mi rigs pa gang du tshol ba dang 'das pa ste/ spyod pa nyid do/ /ngo tsha shes pa gang zhe na /bdag gam chos kyi dbang du byas te kha na ma tho bas 'jom? pa'o/ snying rje gang zhe na/ gang zhig gang gi rnam pa dang bral bar 'dod pa'o/ /brtse ba gang zhe na/ gang zhig gang dang bral nas de dang khrad par 'dod pa'o/ /dogs pa dang bcas pa gang zhe na/ sems nges par mi gnas pa'o/ /sdung ba gang zhe na /gzhan gyi gang dag yongs su sdud pa'o/ /ser sna gang zhe na/ rang gi yid du 'ong ba blos yongs su 'dzin pa'o/ /rang bzhin 'di dag snang ba las 'byung ste/ sems can thams cad gang du ji ltar gnas pa'i rtsa bar bstan pa'o/ /'di dag yongs su shes pas kyang gang zhig yongs su 'dre ba med pa'i bsam gtan rdzogs par 'gyur bar dgongs so/ /de nas snang ba mched pa bstan par bya ste/ /de la snang ba mched pa'i mtshan nyid gang zhe na/ 'od ma 'greng ba ltar mdzes shing zhes bya ba la sogs pa smos te/ 'od ma 'greng ba ni/ 'od ma 'greng ba ste/ gang la 'od ma 'greng ba dang 'dra ba'i chos yod pa de la de skad ces bya'o/ /chags la sogs ba rab bskyed ldan/ zhes pa ni chags pa la sogs pa skyed pa ste/ gang la gang zhig 'byung bar 'gyur ba de la de skad ces bya'o/ /'di lta ste/ chags pa dang/ chags pa bar ma dang/ kun tu chags pa dang /dga' ba dang /dga' ba bar ma dang/ kun tu dga' ba dang/ rangs pa dang /rangs pa bar ma dang/ kun tu rangs pa dang/ ngo mtshar dang/ rgod pa dang/ tshim pa dang/ 'khyud pa dang/ 'o byed pa dang/ 'jib pa dang/ brtan pa dang/ brtson pa dang/ khengs pa dang/ bya ba dang/ dbrog pa dang/ stobs dang/ spro ba dang/ dga' ba la sbyor ba dang/ dga' ba la sbyar ba bar ma dang/ shin tu dga' ba la sbyor ba dang/ drag pa dang/ /rnam par sgeg pa dang /'gras pa dang/ dge ba dang/ tshigs gsal pa dang/ bden pa dang/ mi bden pa dang/ nges pa
- 39a
dang/ nye bar mi len pa dang/ sbyin pa po dang/ skul ba dang/ dpa' ba dang /ngo tsha med pa dang/ zin pa dang/ gdug pa dang/ mi srun pa dang/ gya gyu che ba ste/ mtshan nyid bzhi bcu po 'di dag ni snang ba mched ba'i rang bzhin no/ /'di dag gis bskyed pa dang gang gis yongs su gnon pa 'di ni snang ba mched pa yin par shes par bya'o/ /de la 'dod pa la chags pa gang zhe na/ ma thob pa'i yul la yid kun tu chags pa'o/ /chags pa gang zhe na/ ma bskal pa'i yul la yid kun tu chags pa'o/ /dga' ba gang zhe na/ yid du 'ong ba'i rnam pas sems khengs pa'o/ /rangs pa gang zhe na/ gang dga' bas ches dga' ba'o/ /mgu ba gang zhe na/ thob pa'i bye brag la bltos nas bdag bo la yongs su bstod pa'o/ /ngo mtshar gang zhe na/ mi spyod pa la mngon du byas pas ya mtshan du gyur pa'o/ /rgod pa gang zhe na /gang gis gang zhig la gnas par mi byed cing sems gzhan du 'phro ba'o/ /tshim pa ni tshor ba bde ba gzhan du bsten nas so/ /'khyud pa ni yid du 'ong ba'i yul la sems kyis kun tu zhen pa'o/ /gzhan ni go sla'o/ brtan pa gang zhe na/ nges pa rnyed de mi g.yo ba'o/ /brtson 'grus gang zhe na/ le lo dang bral ba'o/ /nga rgyal gang zhe na/ mtho bar sems pa'o/ /bya ba gang zhe na/ gang zhig yongs su 'grub par bya'o/ /dbrog pa gang zhe na/ gzhan gyis bdag gir byas pa len pa'o/ /stobs gang zhe na/ gyad dang g.yul 'gyed pa'o/ /spro ba gang zhe na/ dga' ba 'ba' zhig yul du byas nas brtson 'grus drag po dang ldan pa ste/ go cha la sogs pa yongs su rdzogs pa'i sems dpa' 'bras bu dang bcas pa'o/ /dga' ba la sbyor ba gang zhe na/ dregs pa las byung ba'i sems pas mi dge ba la sogs pa la sbyor ba'i sems pa 'bras bu dang bcas pa'o/ /drag pa gang zhe na/ rtsod pa'i rgyud med par 'dod pa'i dbang gis dam pa dang/ dam ba mchog dang/ dman pa la
- 39b
sogs ba la kun tu rtsed par sems pa'o/ /sgeg pa gang zhe na/ gang gis 'dod chags kyi yul lam /zhe sdang gi yul la thub par bya ba dang/ phrad par bya ba dang kun tu nyams par bya ba'i phyir tshul 'chos pa'o/ /zhe 'gras pa gang zhe na/ gang gis gang zhig dang rtsod pa sngon du song ba 'am /phyis 'byung ba'i bsam pa dang bcas te sems la 'dud par 'dzin pa nyid de/ /dge ba gang zhe na/ ma chags pa dang snying rje la sogs pa dang mtshungs pa'i sems kyis bslang ba'i lus ngag gi las de gang zhe na/ nyes pa gang zhig dang bral bde 'gyur ro/ /tshig gsal ba gang zhe na/ lce la nyes pa med cing lus yongs su dar bas ched du smras pa'o/ /bden pa gang zhe na /dngos po dang mthun pa'i tshig tu brjod pa'o/ /mi bden pa gang zhe na/ dngos po dang mi mthun par smra ba'o/ /nges pa gang zhe na/ som nyi rnam par spangs pa'i sems de'i las so/ /nye bar mi len pa gang zhe na/ dngos po thams cad bdag gir byed par mi 'dod pa'o/ /sbyin pa po gang zhe na/ gang gis rang gi sdug pa dang mi sdug pa thams cad yongs su gtong zhing 'dzin pa med pa'o/ /skul ba gang zhe na/ le lo can dag la kun tu spro ba skyed pa'o/ /dpa' ba gang zhe na/ gang gis gang zhig pham par byed pa dang/ der sems pa 'jigs pa dang bral ba'o/ /ngo tsha med pa gang zhe na/ rigs dang chos yongs su spangs te tshul bzhin ma yin pa'i las byed pa'o/ /sgyu gang zhe na /gzhan bslu ba'o/ /gdug pa gang zhe na/ nyon mongs pas nyes pa mi brjed pa'o/ /mi srun pa gang zhe na/ bshags kyang mi nyan pa'o/ /gya gyu che ba gang zhe na/ gang gis g.yo byed pa'o/ /g.yo yang de'i gnas skabs nyid do/ /gang 'di dag la yang gis sems dpa' i bye brag dang/ yul gyi bye brag gis dman pa dang/ bar ma dang/ chen po la sogs pa bzhag par bya'o/ /gang gis de dang ldan pa deS kyang der 'gyur ba de'i phyir de la de skad ces bya'o/ /de'i ming ni thabs zhes bya ba ste/ gang zhig gang la bltos ?
- 40a
dang gang zhig mthun par snang ba de la de skad ces bya'o/ /snang ba mched pa zhes bya ba yang rang bzhin gyis yongs su mched par 'gyur ba ste /gang zhig gang la gang dang lhan cig tu gnas par 'gyur ba nyid do/ /yang na rang bzhin 'khrul pa rigs par snang ba ste/ gang zhig kun tu gang la gang du 'byung ba de la de skad ces bya'o/ /yang na rlung gis kun tu bskyod pa nyid de/ gang zhig gang gi rlung gis gang la gang kun tu mchod por 'gyur ba de ba de skad ces bya'o// //de nas snang ba thob pa'i don bshad pa rig chen rang nyid rtsa ba ste/ zhes pa gang gis gang zhig yongs su rig par 'gyur ba ste /de las bzlog pa ni ma rig pa'o/ /gang zhig gang dang mthun par 'gyur ba de la de skad ces bya'o/ /bdag nyid gang la gang la gnas par 'gyur ba de la de skad ces bya'o/ /snang ba ni khol bur g.yo'o/ /snang ba mched pa ni kun tu rgyas so/ /thob pa ni log pa nyid do/ /ma rig pa las 'di 'byung 'gyur/ zhes pa ni chags pa bar ma dang brjod ngas pa dang/ 'khrul pa dang/ mi smra ba dang/ skye ba dang/ le lo dang/ the tshom dag pa ste/ gang zhig 'di las byung ba de'i phyir de la de skad ces bya'o/ /de la chags pa bar ma gang zhe na /gang zhig chags pa med pa yang ma yin la chags pa chen po yang ma yin pa nyid de dman pa'i chags pa'o/ /rjed pas pa gang zhe na /sems kun tu 'khrugs pas don du mi gnyer ba nyid dang/ kun tu gang gis dran pa nyams par gyur pa nyid do/ /ma 'dris pa dang/ rab tu gsum pa las byung ba nyid do/ /'khrul pa gang zhe na/ gang gis sems rnam par gzhan la gzhan du 'dzin pa la sogs pa ste/ gang gis gang dang mi mthun par 'dzin pa ste/ gang gis dogs pa dang bcas pa la sogs pa las byung ba'o/ /mi smra ba gang zhe na /ngag gi las spangs pa ste /tha snyad rnams rab tu spangs pa nyid ngo/ /skyo ba gang zhe na /gang gis gang la kun tu 'khyud pa la sogs pa ste /skyo ba nyid
- 40b
skyo bas de dag gi chos dang bral ba nyid do/ /le lo gang zhe na /gang gis don med pa'i las sngon du song bas gang la gang du gnas par 'gyur ba la sogs pa mi byed pa ste /go cha med par dang/ sbyor ba dang/ 'bral ba dang/ kun tu 'gong pa dang mi 'jug pa dang ldog pa la sogs pa'i chos dang bral ba'o/ /the tshom gang zhe na/ lam dang 'bras bu la sogs pa la gang yid gnyis za bas te/ grub pa med pa dang /spangs pa med pa dang/ thob pa med pa dang/ myur ba med pa'i gang zag la brten nas yin nam ma yin du snyam sems pa la sogs pa'i sems gnyis su gyur pa nyid do/ /'di dag yongs su 'phel ba dang/ 'grib par byed pa'o/ /de ci'i phyir zhe na /gang gis de dag 'phel ba dang 'grib par nus pa de'i phyir de la de skad ces bya'o// // de nas snang ba gsum gyi go rim gtan la dbab par bya ba'i phyir/ gang yang rnam shes gsum dang po zhes bya ba la sogs pa smos te/ rnam par shes pa gsum gyi dang po ni de'i ming can snang ba'o/ /gnyis pa snang ba mched pa ste zhes bya ba ni snang ba ched pa ni snang ba la bltos nas gnyis pa'o/ /de ni stong pa cher 'gro la zhes pa ni snang ba thob pa nyid do/ /gnyis sngon du 'gro ba'o/ /de yang 'od gsal bar 'gro'o /zhes pa ni nges thams cad stong ba 'od gsal ba thob par 'gyur ro/ /'di dag gis go rim kyang slob ma'i go rim dang/ rang bzhin 'byung ba'i go rim dang/ mthar phyin pa'i go rim mo/ /de la slob pa'i go rim gang zhe na/ /gang zhig rim gyis slob par 'gyur ba ste/ 'di ltar 'phong gi slob dpon nam/ slob ma mkhas pa dag ni thog mar ba glang gi ko? ba la slob par byed do/ /gang gi tshe ba glang gi ko ba lobs pa de'i tshe shing leb la slob par byed do zhes bya ba la sogs pa rgyas par gsungs pa'i phyir ro/ /'di ni slob pa'i go rim nyid do/ /rang bzhin 'byung ba'i go rim ni ma bcos par yod
- 41a
pa'i chos te/ 'di ltar rlung las ni rnam par shes pa zhes bya ba'i bshad pa/ blo gros chen po shing amra'i 'bras bu ni ri mi? gyis skye'i cig car ni ma yin no zhes bya ba 'di dang/ gzhan yang bskyed pa'i rim la logs gnas shing/ /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes bya ba la sogs pa'i sgra'i rjes su 'brangs te/ gsungs pa shes par bya'o/ /'od gsal ba las ni snang ba thob pa 'byung ngo zhes bya ba la sogs pas ni mthar phyin pa'i go rim bstan to/ /de bas na gang gis gang zhig legs par rtogs par 'dod pa dang/ myur du rtogs par 'dod pa dang/ thabs sla brtags par 'dod pas ni ji skad du gsungs pa dang/ bshad pa'i go rim lam mkhas par bya'o/ /de nas snang ba gsum po 'di ni sems can thams cad 'phel ba dang 'grib par byed do/ /zhes bya ba rtogs par bya ba'i phyir/ snang ba gsum gyi mtshan nyid can zhes bya ba la sogs pa gsungs te/ de la snang ba'i mtshan nyid gang zhe na /rnam pa med pa'i rang bzhin rang rig pa lus dang ngag med pa ste/ ji ltar ston ka'i dus su nam mkha' 'dri ma med pa la zla ba'i 'od zer gyis rab tu snang zhing kun tu snang ba dang/ khyab par bya ba de bzhin du rang bzhin gyis gsal ba'i rnam par dngos po ma lus pa thams cad la dmigs pas na/ snang bas te/ don dam pa byang chub kyi sems shes rab kyi snang ba stong pa dang po ste/ oM zhes bya ba'i dag gi sgol bsten nas rang gi sa bon bstan par byed ba ste/ mos pa dman pa'i sems can rnams kyis de bzhin gshegs pas dgongs te gsungs pa rtogs par mi 'gyur bas zla ba'i dkyil 'khor gyi gzugs so zhes dmigs par byed cing pad+ma 'am bud med kyi gzugs pas yongs su gsal bar brjod pas 'jug par 'gyur ro/ /snang ba mched pa'i mtshan nyid ji lta bu zhe na/ gzung ba dang/ 'dzin pa dang bral ba lus dang dag med pa ste/ dper na ston ka'i dus su nyi ma'i 'od zer gyis
- 41b
khyab pa bzhin du shin tu gsal zhing dri ma med pa'i ngo bo nyid du dngos po ma lus pa dmigs pa byang chub kyi sems kun tu bzang po'i rim pa gnyis pa shin tu stong ba'i mtshan nyid can/ a(rgyud 'grel): zhes bya ba'i dag gi sgol brten par byed pa'i sa bon brtan par byed pa'i rgyu ste/ mos pa chud pa'i sems can rnams kyis de bzhin gshegs pas dgongs te gsungs pa rtogs par mi 'gyur bas nyi mo'i dkyil 'khor la brten nas dmigs par byed cing rdo rje rtse lnga pa'am rin po che'am/ nyin mo'am/ g.yas pa zhes bya ste/ sra ba'i rnam pa dang/ kun tu rgyas pa'i rnam pa ni sems las byung ba kun rdzob kyi gzugs so/ /snang ba thob pa'i mtshan nyid gang zhen nam mkha' i mtshan nyid dngos po thams cad dang bral ba lus dang ngag med pa ste/ ji ltar mtshams kyi smag la bab pa ngo bo khyab pa bzhin du phra zhing bdag med pa snang ba med pa kun tu nye bar snang ba med pa ste/ srog dang rtsol ba mi rgyu bas sems med pa mi g.yo ba a:zhes bya ba ngag gi sa bon la brten pa'i sgo yongs su grub pa blun pa/ zhan pa gang gis gang la g.yo ba med pa ma rig pa 'di ni snang ba thob pa zhes bya'o/ /'di dag gis las ci byed ce na/ sems can khams ni ma lus pa'i/ /rang bzhin rtsa ba nyid yin no/ /zhes pa sems can thams cad yongs su skye ba dang kun tu 'chi ba la sogs pa byed pa ste/ byams pa'i gsung gis ji lta bur yongs su bshad pa lta bu'o/ /de nas yul 'di dag la ni shes pas so sor nges par 'dzin te/ de'i rlung gis nye bar blangs pa nyid do zhes bya ba 'di bstan la /de ni re re'i don snang ba zhes pa ni gzugs dang sgra la sogs pas shes pa so sor nges par 'gyur ro/ /de bas na zhes bya ba la sogs par snang ba'o/ /gang gis na 'byung zhe na / de ni re re'i don snang ba/ rlung gis blangs nas 'dzin byed la/ /zhes pa rlung gis shes pa kun tu g.yo bar 'gyur ro/ /zhes pas ni yul 'dzin par 'gyur ro/ /rlung dang rnam shes ni rlung dang rnam shes te/ lhan cig tu 'byung zhing mtshungs par ldan pa'i phyir bya ba'i don to/ /de dag gi don ni 'di skad du ston te/ shes ldan pa'i rnam shes ni/ /rtag
- 42a
tu 'gro la gnas par 'gyur zhes pa ste/ rlung dang shes pa gnyis ni 'gro ba thams cad la gnas par 'gyur ro zhes bya ba'i don to/ /de dag gi don ni 'di skad du ston te/ shes pa bsam po'i ngo bo las log cing rang rig pa ni sems can thams cad la rang bzhin gyis gnas te kun tu g.yo ba dang /rab tu 'khrugs pa'i bya ba byed par 'gyur ba med de/ gang zhig tu 'di dag rlung gis bskul nas mig la sogs pa la brten te gzugs la sogs pa la dmigs nas so sor rnam par rig par 'gyur ro/ /gang rnam par rig pa de ni gtso bo yin par 'gyur ro/ /gang gtso bo yin pa de ne nges par gzung ba gnyis dang ldan par 'gyur ro/ /gang nges par gzung ba gnyis dang ldan pa de ni nges par shes pa myur du skye bar 'gyur ro/ /de bas na gang dang gang ldan pa de la de dang de yis gang du nges par rtogs pa de ni rab ma yin te bshad par bya'o/ /sems de las kyang rang bzhin ji ltar 'byung bar 'gyur zhes nye bar rtog ba gang dag la rab tu bar bshad par/ e 'di ni rlung khams chen po ste/ zhes khams phra bar gyur pa nyid ngo/ /rnam shes gsum kyi bzhon pa yin zhes pa snang ba la sogs pa'i shes pa'i bzhin par gyur pa nyid/ de yis rang bzhin rtag tu ni/ /ji lta ji ltar 'gro bar 'gyur zhes pa shes pa po la yul la dmigs par las rang bzhin de dang de'i rnam pa ma lus pa dus thams cad du 'byung bar 'gyur ro/ /ji skad du bcom ldan 'das kyis ye shes rdo rje kun las btus pa zhes bya ba las gsungs te/ de nas byang chub sems dpa' sems dpa' chen po byams pa stan las langs te/ bcom ldan 'das kyi zhabs la spyi bos phyag 'cha' nas bcom ldan 'das la 'di skad ces gsol to/ /e ma'o ston pa rnam par shes pa gsum po rtogs par dka' ba mchog tu rtogs par dka' ba ste/ rnam par shes pa gsum gyi dbye ba bstan du gsol/ bcom ldan 'das kyis bka' stsal pa/ rnam par
- 42b
shes? pa'o zhes 'od gsal ba las 'byung ngo/ /de ni sems dang yid ces bya ste/ kun nas nyon mongs pa dang/ rnam par byang ba dang/ de'i bdag nyid can gyi chos thams cad kyi rtsa ba yin no/ /de las bdag dang gzhan du rtog pa 'byung bar 'gyur ro/ /rnam par shes pa de rlung zhon nas te/ rlung las ni me'o/ /me las ni chu'o/ /chu las ni sa'o/ /de dag las ni phung po lnga dang/ skye mched drug dang/ dbang po lnga rnams te/ de dag thams cad ni rlung dang 'dres par 'gyur ro/ /zhes bya ba la sogs pa rgyas par gsungs so/ /de nas ye shes kyi phung po lnga yang nye bar thob par bya ba'i phyir/ 'di ni phung po lnga rnams su zhes bya ba la sogs pa smos te/ phung po lnga nyid kyang sems las 'byung bar bstan to/ /de yang gang zhe na /gzugs tshor ba zhes bya ba la sogs pa smos te/ gzugs ni gzugs kyi phung po ste/ gzhag cing gzhom du rung ba la sogs pa'i phyir ro/ /tshor ba ni myong ba'o/ /'du shes ni mtshan mar 'dzin pa nyid ngo/ /'du byed ni mngon par 'du byed pa nyid do/ /rnam par shes pa ni rnam par shes pa'i phung po ste /dmigs pa so sor rnam par rig pa'i phyir ro/ /'di dag gis ni sems nyid gzugs su snang ba nyid du bstan to/ /gal te de lta na ni gzugs med pa las ni gzugs su snang bas rgyu'i byed pa dang/ 'bras bu'i byed pa gzhan du nye bar sbyar bar 'gyur ro/ /'di gnyis ni ngo bo gcig pa yang ma yin te/ gzugs dang gzugs de pa gcig gis spangs pa yin pa'i phyir ro/ /'brel pa yod par nges pa med de/ gang gis gang gi dus na rag las par 'gyur ba dang/ med na mi 'byung bar 'gyur ba'i nges pa med do/ /zhe na ma yin te/ rnam par shes pa 'pho ba'i mdo las 'di nyid rgyas par gsungs te/ bzang sbyong dpar na rlung gi khams gzugs can ma yin yang bstan du yod cing gzung du med pa las gzugs su snang ngo/ /de la bstan du yod pa ni shing 'gul zhing g.yo ba dang /sgra 'ur 'ur po'i skad 'byin pa dang/ grang ba dang drwo pa'i reg pas tshor ba skyed pa yin yod
- 43a
rkang lag dang /gdong dang mig la sogs par dmigs par mi 'gyur te/ sngo bsang dang/ dkar ba dang/ dmar bzhes bya ba la sogs pa'i kha dog yongs su sal ba mi dmigs so/ /bzang skyod de bzhin du rnam par shes pa'i khams 'di yang gzugs su mi dmigs shing gzugs su snang bar mi 'gyur te/ /'on kyang gang la gnas kyang 'byung bar 'gyur ro/ /de bas na khyod kyis bye brag de dag gis rnam par shes pa'i khams rtogs par bya'o/ /zhes bya ba la sogs pa gsungs so/ /de'i phyir rlung dang/ rnam par shes pa gzugs med pas rnam pa gsum mar gyi nang du mar bcug pa dang 'dra par 'dres par gyur nas 'jig rten 'jig rten las 'das pa'i bya b thams cad rtogs par byed do/ /gzhan yang rang rig tsam gyi ye shes ni/ nam mkha' bar mtshan nyid med/ /'on kyang de la dbye ba yod/ /mtshan mo nyin mo mtshams bdag nyid/ /snang ba dang ni snang ba mched/ /de bzhin snang ba thob pa ste/ /sems ni rnam pa gsum du bshad/ /de yi gzhi ni bshad par bya/ /phra ba'i gzugs can rlung dang ni/ /ye shes dag ni 'dres gyur pa/ /dbang po'i lam nas byung nas ni/ yul rnams la ni dmigs par byed/ /gang tshe snang ba ldan 'gyur pa/ /rlung ni bzhon par gyur pa yin/ /de tshe rang bzhin de thams cad/ /ma lus lus pa med par 'byung/ /rlung ni gang dang gang du gnas/ /de dang de ni rang bzhin 'byung/ /zhes bya ba la sogs pa rgya cher gsungs so/ /gzhung gzhan dag las kyang/ rnam par shes pa 'dis ni ji srid du lus skye bar byed/ 'chi bar byed/ nyid mtshams sbyor bar byed kyis/ rnam par shes pa la ni skye ba dang 'chi ba yod pa ma yin no zhes bya ba la sogs pa rgya cher gsungs so/ /de nas ye shes lnga'i mtshan nyid rgyas par bshad par bya ste/ de'i phyir/ mnyam nyid so sor rtog pa dang/ zhes bya ba la sogs par gsungs te/ de la mnyam pa nyid ces bya ba ni rkang med dang/ rkang gnyis dang rkang bzhi dang/ rang mdangs dang/ 'jig rten gyi chos brgyad la sogs pa rang bzhin gyi sems tsam dang rang bzhin med par cig
- 43b
dang rtogs pas ni/ /mnyam pa nyid do/ /gang gis gang gi de nyid yongs su shes par gyur pa de ni de'i ye shes yin pa'i phyir de la de skad ces bya'o / /gang gi phung po dang khams dang skye mched dang/ rten cing 'brel bar 'byung ba dang/ phyi dang nang gi chos thams cad so sor rnam pa bye ste/ rnam par rtag na thams cad sangs rgyas kyi rang bzhin no/ /chos thams cad kyi cha shas ni 'di dag go /zhes pad+ma'i 'dab ma ltar so sor rtog pa ste /gang la gang gis chos yod par gyur pa gang dang gang yin pa de dang de'i sa ji ltar gyur pa shes pa de la de skad ces bya'o/ /bya ba grub pas na bya ba grub pa nyid de/ bdag dang gzhan gyi bya ba ma lus dang ngag dang yid kyi las yongs su rdzogs par gyur pa nyid gang la gang gis ji ltar yongs su byed pa de la de skad ces bya'o/ /me 'od ni me long lta bu'i ye shes te/ phyi dang nang gis chos thams cad me long gis gzugs brnyan snang ba bzhin du snang bas te/ chos gang zhig gang gis ji ltar yongs su shes par gyur pa de la de skad ces bya'o/ /chos kyi dbyings ni chos kyi dbyings kyi ye shes te/ lus dang ngag dang yid kyi sgrib pa dag cing las dang nyon mongs pa las grol te /dge ba dang mi dge ba'i bag chags phra rgyas ma lus pa thams cad spangs nas gnas pa ni chos kyi dbyings spro pa thams cad dang bral ba'i ye shes te/ 'di dag gi don sems nyid thog ma la sogs pa dang bral yang ye shes su yang 'gyur ba ste/ gong du brjod pa'i lung nyid bzhin no// de nas sems de nyid skye mched kyi ngo bor yang 'gyur zhes bya ba de nyid bstan pa'i phyir/ yid kyi skye mched nyid dang ni/ zhes bya ba la sogs pa smos te/ chos la dmigs pa dang/ bdag dang gzhan gyi yul rigs pa dang/ spyi dang bye brag la sogs pa rig par byed pa ni yid kyi skye mched de dus gcig pa nyid do/ /mig dang zhes bya ba la sogs pa ni yul gcig pa nyi de/ rang gi yul pa dmigs pa dang/ rang gi mtshan nyid rig pa la sogs pa'o/ /de'i sems la dmigs pa ni gnas pa'i rlung la dbang thob nas 'byung ngo//
- 44a
gang gis gnas pa ni gang zhig gang du byed pa de la rag las par 'gyur ro zhes bstan pa'i phyir/ gang yang khams gsum sems can rnams zhes bya ba la sogs pa gsungs te/ theg pa chen po'i rigs can no/ /srog pa? dang rtsol ba ni srog pa ste/ /rtsa ba dang yan lag gi rlung ngo/ /'di la rten nas ci byed ce na/ /gsang sngags rgyal po ste/ /rdo rjes bzlas pa zhes bya ba'i don to/ /'di dag ni 'og nas/ sna'i rtse mor yungs kar bsam /zhes bya ba la sogS pa kyang bston la/ 'di dag rgyas par ni bshad pa'i rgyud las gsungs te/ sangs rgyas lnga yi rigs gnas pa/ sna rtse'i phu ga las byung zhing/ /rlung lnga steng du yang dag rgyu/ /lus la rtag tu spyod par 'gyur/ /kun rdzob snar ni spyod par ni/ /sgo de las ni rnam par 'byung/ /g.yon dang g.yas dang gnyi ga dang/ las zhes bya ba la sogs pa gsungs te/ byung ba ni snang ba sum sogs pa gsungs te/ 'di dag gis rgyas par shes par bya'o/ /'og nas so sor sdud dang/ zhes bya ba la sogs pa'i skabs su yang 'chad par 'gyur ro/ /mi shes bsam gtan klog pa spangs zhes pa'i de ni slob mo za zhing mi bzlas te bya ba la sogs pa bstan to/ /'dis ni sgom pa'i rten dang/ thabs dang spang rab bya ba tsam zhig dngos su bstan la/ yon tan dang las dang 'bras bu shugs nyid kyis bstan pas de las gzhan gyi spros pa dang bcas pa'i bshad pa thams cad ni shugs kyi 'dir shes par bya'o/ /rgyas par ni 'og nas/ shes par bya'o/ /de nas dge ba dang mi dge ba'i las dang 'bras bu sems las 'byung ngo zhes bstan pa'i phyir/ 'byung ba 'di las zhes bya ba la sogs pa gsungs te/ byung ba ni snang ba sum rkyen dang bcas pa'o/ /rang bzhin ni bshad zin to/ /dge dang mi dge'i las zhes pa ni 'di las dge ba dang mi dge ba'i las byung zhi'o/ /de las skye ba 'byung ba yin/ zhes bya ba ni bzang po dang ngan pa dang/ mi 'dod pa la sogs pa 'byung bar 'gyur zhes pa'o/ /'di dag rgyas par ni bcom ldan 'das kyi rdo rje gtsug tor gyi rgyud las gsungs
- 44b
te/ bcom ldan 'das kyis bka' stsal pa/ gsang ba'i bdag po nyon cig /lus kyi nyes par spyod pa ni rnam pa gsum mo/ /dag gi nyes par spyod pa ni rnam pa bzhi'o/ /yid kyi nyes par spyod pa ni rnam par gsum te/ de dag gis sems can dmyal bar ltung bar 'gyur ro/ /phyag na rdo rjes gsol ba lus kyi nyes par spyod pa dang/ ngag gi nyes par spyod pa dang/ yid kyi nyes par spyod pa ni du zhig ma chis/ bcom ldan 'das kyis bshad du gsol/ /bde bar gshegs pas bshad du gsol/ /bcom ldan 'das kyis bka' stsal pa/ gsang ba'i bdag po nyes par spyod pa de nyid ni tha mal pa rnams te/ de la pha ma dang bla mar gyur pa la sogs pa gsod pa dang/ brdeg par spyod pa ni nyes par spyod pa lci ba'o/ /srog gcod pa la sogs pa mi dge ba'i las kyi lam rnams ni nyes par sbyor pa tha ma la pa'o zhes bya ba la sogs pa rgyas par gsungs so/ /de nas phung po lnga ni yongs su dag pa'i rigs lnga bskyed pa'i rim par 'gyur la/ de dag sgyu ma'i dpe bcu gnyis kyis nye bar mtshon pas sgyu ma lta bu'i skur 'gyur ro/ /zhes bstan pa'i phyir/ 'gro bar 'gyur ba'i phung po yang zhes bya ba la sogs pa smos te/ 'gro bar 'gyur ba'i phung po ni gzugs la sogs pa'o/ /sangs rgyas lnga yi bdag nyid de/ zhes bya ba la sogs pa ni rnam par snang mdzad la sogs pa sangs rgyas kyi rang bzhin te/ mdor na phung po lnga rnams ni zhes bya ba la sogs pas rgyas par bstan to// mngon par byang chub pa rnam pa lnga ni sa bon yongs su rdzogs par 'dod pas zla ba la sogs pa yongs su sgrub pa'o/ /ming gis bskul ba ni ming gis bskul ba ste/ rang gi rkyen gyis bskul ba'o/ /yang na ming gis bskul ba ni se gol gyi snams blang te gang gis de kho na nyid gsal bar yongs su rdzogs par 'gyur ba'o/ /de nas sa la sogs 'byung pa lnga po 'od de dag ni spyan ma la sog pa yum gyi rang bzhin no/ /zhes bstan par bya ba'i phyir/ /rlung dang me dang chu dang sa zhes bya ba la sogs pa smos te/ phyi
- 45a
dang nang gi sa ba'i dngos por gyur pa dang/ rten par byed pa'i sa ni spyan mo'i rang bzhin no/ /gsher ba dang sdud par byed pa'i chu ni mA ma kI'i rang bzhin no/ /tsha ba dang smin par byed pa'i rang bzhin me ni gos dkar mo'i rang bzhin no/ /? zhing g.yo ba'i rlung ni sgrol ma'i rang bzhin no/ /ye shes bdag nyid can gsum ni/ gang la gang du ji ltar gnas pa de dang de la de skad ces bya'o/ /lhag mas ni yon tan bstan pa nyid do/ /de nas sku dang gsung dang thugs byin gyis brlab pa bstan par bya'o/ /zhes bya ba 'byung bas de bshad pa'i phyir/ thams cad de bzhin gshegs pa'i lus zhes bya ba la sogs pa smos te/ de bzhin gshegs pa thams cad ni rdo rje 'chang chen po la sogs pa ste/ de'i lus ji ltar bya zhe na/ phyag rgya bzhi ni rgyas btab cing zhes bya ba ni chos dang/ las dang dam tshig dang/ phyag rgya chen pos thobs par bya ba'o/ /mig la sogs pa'i bdag nyid der/ zhes ba ni mig dang rna ba la sogs pa'i nang la sogs pa'o/ /ci bya zhe na/ sa snying la sogs rab tu rtags zhes ste/ mig la sogs par sa'i snying po la sogs pa bsgom par bya'o zhes bya ba'i don to/ /de nas bdud thams cad dang bar du gcod pa thams cad spang bar bya ba'i phyir lus 'di ni khro bo bdud thams cad nges par 'joms pa'o zhes bstan par 'gyur bas rol pa'i dga' ba ni rol pa'i dga' ba ste/ snyoms par 'joms pa'i bdag nyid can no/ /khro bo'i rgyal po ni khro po'i rgyal po ste/ gang zhig gang las gang du gyur pa de la de skad ces bya'o/ de nyid ni stobs chen ste/ gdug thams cad 'dul ba'i stobs chen po dang ldan pa gang yin pa de la de skad ces bya'o/ /dgod pa'i gnas bstan pa gsungs pa/ de ni phyogs mtshams ngo bo ru/ dpung pa yan lag rnams su rtag /ces pa ni phyi rol gyi phyogs dang mtshams kyi ngo bo dang nang gi dpung pa la sogs par gang gis sgom par gyur pa de la de skad ces bya'o/ /'di dag gis ni
- 45b
sprul pa'i dkyil 'khor sbyor ba gsum yang gsungs la/ sbyor ba cig gsungs so/ /'di dag rgyas par ni/ sems kyis gzhan ni mi bsam par/ sems dpa' chen pos mnyan par gyis/ /rdo rje slob dpon lus 'di la/ /rgyal ba'i sku ni rim bzhin gnas// dang bo sku yi rdo rje ni/ /zhes bya ba'o gnas 'chad do/ /yang 'di skad du/ gang gi phyir sprul pa'i sku/ gsang ba 'di dngos su tha dad pa 'am/ tha mi dad pa 'am bstan nas snang ngam/ 'on te ma bstan na snang/ de las cir 'gyur/ gal te tha dad na ni gcig pa nyid du bshad par mi 'gyur/ gang zhig gang las gyur pa de yang 'di las ma gyur pa med pa dang 'gal bar gnas pa dang/ rnam par bshad pa mi rigs so/ /zhes pa de gsal bar bshad pa'i phyir/ de dang de'i rigs byung ba/ zhes bya ba la sogs pa smos te/ de dang de ni rdo rje'i rigs la sogs pa ste/ gang dang gang zhe na/ lha dang lha mo ste/ rigs can rnams smin pa dang grol bar bya ba'i phyir snang zhe'o/ /'di dag gis kyang 'di skad du ston par 'gyur/ gang gis phyir de bzhin gshegs pa thams cad ni thugs rje dang smon lam gyi dbang gis sems can gyi don du mi 'gyur ba nam yang mi mdzad la/ sangs rgyas kyi rol mo 'dis kyang sems can thams cad smin cing grol bar 'gyur bas na de la de bstan to zhe'o/ /'di dag gis ni lha'i sku sna tshogs par snang ba drang ba'i don yin zhes pa'o/ /'on nges pa'i don gang yin/ ji ltar mthong zhe na/ gnyis su med cing dbyer med pa/ rang bzhin gyi 'od gsal ba yin no/ zhes rtog par bya ba'i phyir/ de bas gnyis med mthong ba yi zhes bya ba la sogs smos pa ste/ de bas na zhes pa ni tshigs su bcad pas gong ma gtan tshigs nyid yin par bstan to/ /gnyis med mthong ba ni gnyis med mthong ba ste/ gang gis 'od gsal ba mthong ba'o/ /nges cir 'gyur zhe na/ ye shes gsum mthong phyir zhes pa snang ba gsum gyi de bzhin nyid gang du mthong
- 46a
bar 'gyur bde la de skad ces bya'o/ /'di dag gis ni kho na nyid gang yin pa 'di nyid nges pa'i don yin la blang bar bya ba yang yin bas thabs gzhan gyis kyang rnyed pa ma yin par bstan to/ /'on cig rnyed par 'gyur zhe na/ snang ba la sogs pas rnyed par 'gyur ba'i phyir/ dman dang bar ma mchog dang ni/ dam pa'i yul la bzhag par bya/ zhes pa snang ba dang snang ba mched pa dang / snang pa thob pa la gnas par bya zhes pa'i don to/ /de nas langs pa'i dus su spyod lam la mig gnas na yongs su grol bar mi 'gyur bas mthong ba la sogs pa'i gang zag gang du brtag ce na/ de bstan pa'i phyir dbang po rab nyid ces bya ba sogs pa smos te/ mig gi dbang po la sogs pa gang zhig gzugs la sogs pa gang dag la mig par gyur pa ste/ de ji ltar bya zhe na / dbang pa gang dang gang spyod yul/ /de de snang ba tsam nyid do zhes pa/ gzugs la sogs pa 'di dag sems kyi snang ba tsam yin gyi phyi rol na ni ma yin no/ /ci'i phyir zhe na/ yul gcig la 'dod pa'i dbang gis tha dad du gnas pa'i phyir ro/ /yang yul 'di dag ni sems tsam nyid yin te/ /yod pa ma yin pa la don du snang ba nyid de/ rab rib can gyi shes pa bzhin no/ /zhes pa dang ji ltar byis pas rnam btags pa'i/ /phyi rol don no yod ma yin/ /bag chags kyi ni dkrug pa'i sems/ /don du snang bar rab tu 'byung/ /zhes pa la sogs pa'i lung dang rigs pa dag gi phyi rol gyi chos thams cad sems tsam nyid du/ bstan pa ni gong du bshad pa nyid de/ /de bsan phyag na rdo rjes bshad pa/ thabs kyi rgyud du ni shes rab kyi rgyud shes par bya'o/ /shes rab kyi rgyud du ni thabs kyi rgyud shes par bya ba la sogs pa gsungs pas 'di ni 'di ltar shes
- 46b
par bya'o/ /de bas na bdag nyid kyi lam spyod lam 'di ni bstan par 'gyur bas kun rtog la sogs pa nye bar dgag par dgongs so/ /de ni dbang pos gzugs la sogs pa'i zhen pa bzlog nas bdag nyid tshim par bya'o zhes 'byung bas de bstan par bya pa'i phyir gsungs pa/ dbang po de de'i lan nas ni/ zhes bya ba dbang po la brten nas gzugs yongs su mthong bar gyur pa'o/ /ci bar gyur zhe na / sgrub pa pos ni yul thob pa zhes pa/ sgrub pa pos bdag nyid kyi lha dang lha mor byas pa de ni yul dbang thob par gyur pa'o/ /de ji ltar bya zhe na/ de nas de rnams ma lus par/ tshim par bya phyir dbul bar byas zhes pa/ gang gis bdag nyid phyag rgya chen por yongs su rdzogs par bya ste bdag nyid la kun tu dgul zhes pa'i don de dag gi don yang 'di skad du bston par 'gyur te/ gang gis rang nyid lha'i tshogs yongs su rdzogs par bya ste/ rnal 'byor ma thams cad kun tu gang gis leg par gnas nas la la ni gzugs kyi lha mor gyur te bdag nyid kun tu nyes par gyur to// la la ni sgra'i lha mor gyur te bdag nyid kun tu mnyes par gyur to/ /la la ni de'i lha mor gyur te /bdag nyid kun tu mnyes par gyur to/ la la ni ro'i lha mor gyur te bdag nyid kun tu mnyes par gyur to/ /la la ni reg bya'i lha mor gyur te bdag nyid kun tu mnyes par gyur to/ /la la ni snyoms par zhugs pa'i yul du gyur te bdag nyid kun tu mnyes par gyur to/ /'di dag gi dus su yang rol pa sna sogs kyi glu dang rol mo sna tshogs kyi gar dang/ /rol pa sna tshogs kyi 'phyang ba dang/ rol pa sna tshogs skyes pa dang/ rol pa sna tshogs kyi rtse ba la sogs pa kun tu spyod pa yongs su spyod do// //da ni sku gsum yang bshad par bya ste / chos kyi sku la sogs pa 'di ci gcig pa 'am/ tha dad par gyur/ de las cing
- 47a
'gyur/ gal te gcig pa yin na ni snang ba dang nyid dang 'gal bar 'gyur la/ /tha dad na ni rigs pas 'khrugs so zhe na/ ma yin pa'i sku gsum dag ni zhes pa/ chos kyi sku dang/ longs spyod rdzogs pa'i sku dang/ sprul pa'i sku'o/ /tha dad na ni 'gal bar gnas so/ /des sus bstan zhe na / skyob pa yis bstan te / sems can tha dad pa la gzhol pa'i dbang du bya ste/ bcom ldan 'das kyi sku gsum tha dad par bstan no/ /zhes bya ba drang pa'i don to/ /'on nges pa'i don du ji ltar bstan zhe na/ rdzogs pa'i rim gyi sbyor pa yis zhes pa ni chos kyi sku la sogs pa'i zung 'jug slob pa'i rim pas so/ /cir 'gyur zhe na/ gcig tu yang ni 'gyur ba yin zhes pa dbyer med do zhes pa ste/ gang zhig gang dang gang du gnyis su med cing gnyis su dbyer med pa'i rang bzhin can gang yin pa de la de skad ces bya'o/ /gang zhig sangs rgyas sku'i mtshan nyid ces pa ni sgyu ma lta bu'i sku'o/ /kun rdzob kyi bden pa ni snang ba tsam du mi slu ba ste /rig pa gsum pa'o/ /de nyid rdzogs pa'i sbyor gyur pas zhes pa ni ril por 'dzin pa dang rjes su gzhig pa'i sbyor bas so/ /cir 'gyur zhe na/ 'od gsal bas ni rnam par dag ces pa gcig dang du ma dang bral bar gyur zhes pa'o/ /'dis ni sgyu ma lta bu de nyid 'od gsal bar 'gyur ba bstan to/ /de nas gang gis snang pa 'di nyid yongs su dag pas lha dang lha mor 'gyur ro/ /zhes bstan pa'i phyir/ tshig gi lam gyi yul 'di nyid/ ces bya ba la sogs pa smos te/ tshig gi lam ni tshig gi brjod pa'i yul te snod dang bcud kyi 'jig rten no/ /gtso bo ni yab rnams so/ /gtso mo ni shes rab nyid de/ /de'i skur snang ba gang yin pa de la de skad ces bya ba'o/ /sems can kun la phan bya'i phyir/ zhes pa ni sems can
- 47b
rnams byang chub la sogs pa'i lam la dgod pa'o/ /'ja' tshon bzhin du snang ba yin zhes pa ni phyogs gcig gi dpe nye bar sgrub pa'o/ /de nas sems gsum gyi ming gi rnam grangs bstan pa ni/ sems dang sems 'byung ma rigs pa zhes bya ba la sogs pa gsungs te/ /'di dag ni shes pa gsal ba'i bye brag gis rnam par gnas par 'gyur ba'o/ /shes rab thabs dang zhes bya ba ni byed pa la bltos te/ rnam par bzhag go /stong dag zhes bya ba brjod pa bshad par bya ba'i phyir/ /gzhan snang ba'i dbye ba shes nas/ /zhes bya ba la sogs pa smos te/ rang bzhin ni 'khrug pa de nyid de/ gang zhig gang dang bral ba'i dus na 'gyur ba de la de skad ces bya'o snang ba ni bshad zin to/ /des shes nas ces bya ce na / de nas sbyor ba rab tu bya zhe na/ gang gzhig gang gi dus su gnas pa de la de skad ces bya'o/ /des cir 'gyur zhe na/ las kyi lus ni yongs spangs nas zhes pa ni tha mal pa'i lus spangs pa'o/ /rdo rje'i sku ni rdo rje 'chang chen po'i sku ste/ gang gi gang la gnas na gang zhig gang du 'gyur ba la de la de skad ces bya'o/ /de ni gang zhig gang gis dus su ji ltar bya zhe na 'thugs la 'jig rten pa rnams kyi don spyod bzhag nas/ zhes pa sems can thams cad kyi don bya'o/ /zhes bsam par bya'o/ /ji ltar bya zhe na /de bzhin gshegs pa kun rdzob tu sku sprul nas zhes stong pa nyid kyi dang las snang ba la sogs pa rims kyi lha'i skur ldang ba'o/ /ji lta ji ltar 'dod la spyod ces pa ni 'dod ba'i yon tan lnga la ji ltar 'dod pa bzhin spyod pa'o/ /de cir 'gyur zhe na/ yid bzhin nor bu mchog bzhin du / zhes pa ni dpe bstan pa'o/ /'dod pa thams cad ster bar 'gyur/ zhes pa ni rang gang 'dod pa'i yon tan thams cad 'byung ba'o/ /sangs rgyas rnams kyi phun tshogs kyang/ zhes pa ni sangs rgyas kyi yon tan ma lus pa'o/ /stobs kyis blangs nas
- 48a
spyod par 'gyur zhes pa ni gong dang brel pa nyid do/ /da ni gang zhig gis spyod pa la bslab pa'i chog ji ltar bya /de las cir 'gyur zhe na / rnal 'byor dbang po gang gang 'dod ces pa ni gzugs la sogs pa'o/ /de de thob pa med por bya zhes pa ni dgag par mi bya zhes pa'o/ /ci 'gyur zhe na mnyam par ma bzhag rnal 'byor ba/ /rtag tu mnyam par 'jog par 'gyur/ zhes pa ni de'i yon tan bstan to/ /'di yang kha cig 'di skad ces kye ma 'di tsa? gang gis gang la gnas pa de yis der 'gyur ba zhig gam / de las gzhan pas kyang 'gyur / dang po ltar na ni gang zhig byed pa gang zhig kyang byed par 'gyur bas des kyang de ltar 'gyur ro/ /de las gzhan du ni 'di la yang gnod par 'gyur ro/ /phyi ma ltar na yang rang gi 'dod pa las gzhan du gyur pa gyur pa nyid do zhe na/ 'di yang gong du bstan pa nyid do/ /chags pa la dga' ba'i rnal 'byor pa gang zhig gis gang du ji ltar gnas par ji ltar 'gyur zhe na / rdo rje padmo mnyam sbyor bas / zhes bya ba la ni pho dang mo'i dbang po gnyis snyoms par 'jug pa'i phyir ro// ye shes gsum gyi cha rig pa/ zhes bya ba ni rang bzhin skye ba dang 'gag pa'i bye brag gi ye shes gsum rig pa'o/ /blo la gos dang ma gos zhes pa ni gzung ba dang 'dzin pa'o/ /der ni bde bar rtag tu gnas/ zhes pa ni bde ba nyid la gnas pa'i ne'o// 'di dag gi don yang gang gi rang gi bdag nyid kun tu gnas par gyur nas gang du gang dang bral bar byas nas kun tu bde ba'i rnam pa can gyi sems dang po ni de'i ku pa ral gzung ngo/ /der ni dang po 'phel bar 'gyur ro/ /de nas ni 'gag par 'gyur ro/ /sa pi ti'i gnas su ni rang gi rnam par drangs la?/ dang po ni 'phel bar 'gyur ro/ /de nas ni 'gag par 'gyur ro/ /de nas ni smad pa'i gnas su dang po 'phel bar 'gyur ro/ /de nas ni 'gag par 'gyur ro/ /gang gis gang ni log pa'i dus su yang 'di dag ni sbyor ba rab tu gnas
- 48b
par 'gyur ro/ /sgyu ma lta bu'i ting nge 'dzin ni bshad zin to/ /dngos bdag kun la rnam par rol zhes pa ni snyoms par 'jug pa'o/ /sangs rgyas mdzad ba ni 'og nas ston te/ spyan mar gyur to zhes bya ba la sogs pa dang dus su zhes bya ba la sogs pas ston to/ /gtan la dbab pa'i gzhi la gnas zhes pa ni bsam gtan la gnas pa'o/ /rnal 'byor lhag pa'i rnal 'byor dang zhes bya ba la sogs pa la/ ting nge 'dzin gang gis bskyed pa dang/ rdzogs pa'i rim pa rgyan dang bcas pa la rtse gcig pa'o/ /nges cir 'gyur zhe na/ rnal 'byor chen po rang nyid 'gyur ro/ /rdo rjes can ni gtso bo la sogs pa'o/ /mkha' 'gro ni mkha' 'gro ma'o/ /gang yang rnal 'byor de rang nyid ces pa ni gang rdo rje can la sogs pa yang de nyid do zhes pas tha dad pa ma yin par bstan to/ /kun rdzob kyi bden pa gang zhig gis gnas pas ci 'gyur zhe na/ bkag pa dag kyang byed pas na/ zhes pa ni rtog pa'i dra ba dang bral ba'i phyir ro/ /bye dang bya min rnam spangs te zhes pa ni phung po la sogs pa blang dor gyi chos spangs pa'o/ /de ltar shes pas cir 'gyur zhe na/ pad+ma la ni 'dam gyi bzhin/ /ngo bo nyid shes gos mi 'gyur zhes pa ni chos thams cad kyi rang bzhin shes pas 'khor ba'i nyes pas mi gos zhes pa'o/ /yon tan brgyad ni dbang dang ldan pa la sogs pa'o/ /sems can thams cad rig 'gyur zhing zhes pa ni de lta bu'i chos dang ldan pa'i phyir ro/ /'jig rten khams rnams ma lus par/ /bdag nyid ye shes lus kyis spyod ces pa ni de lta bu'i nus pa dang ldan pa'i phyir de la de skad ces bya'o/ /gtso bo gang du spyod 'gyur ba zhes pa ni gtso bo gang dang gang na gnas pa'o/ /de'i khyim ni nam mkha' nyid ces pa ni gang gis stong pa nyid kyi dang la gnas pa'i phyir ro/ /bde ba chen po'i yul du byed pa ni bde ba chen po'i ting nge 'dzin to/ /rtag tu dgyes pa ni rtag tu dgyes pa ste/ rang bzhin
- 49a
gyis dga' zhes pa'i don to/ /'di la snang ba dbye ba la zhes pa ni/ thun mtshams nyin mo mtshan mo yi zhes ba ste/ gang gI mtshams la sogs par rang gi ye shes skye bde la de skad ces bya'o sna tshogs pa yi tha snyad dag /'jig rten pas ni yongs brtag pa/ zhes pa ni bdag la sogs pa dang/ sa la sogs pa brtags pa'o/ /lam gsum gyi ni dbye ba yis/ ye shes gsum du rab tu 'gyur zhes pa ni gang gis lam gsum la brten bas 'gag pa dang skye bar 'gyur zhes pa'o/ /skye dang gnas dang zhes bya ba'i don ni bshad zin to/ /rgod dang rtsed mo byed pa dang/ zhes bya ba la sogs pas 'di dag kyang spros pa dang bcas pa la sogs pa'i spyod pa ste/ bcom ldan 'das kyis kyang sangs rgyas thams cad dang mnyam par sbyor pa las ji skad du gsungs pa bzhin no/ /bdag byin brlabs chen ma rtog pa zhes bya ba la sogs pa'i tshig 'di dag gi don yang bdag byin gyis brlabs pa med na nam yang 'bras bu dam pa mi thob ces bya ba'i don to/ /gzhan yang e zhes bya ba ni dag go /ba ni bskyed pa'o/ /ma ni rtsa bo/ ya ni dang pa'o/ /sh+ru ni rtsa bo/ taM ni gnas pa'o/ /e ni 'gro ba'o/ /ka ni skye ba'o/ /smin ni 'byung ba'o/ /sa ni de nyid de rig pa'o/ /ma ni 'byung ba'o/ /ye ni spong ba'o/ /b+ha ni 'byung ba'o/ /ga ni 'byung ba'o/ /bA na ni ster ba'o/ /sa ni btab pa'o/ /rba ni btag pa'o/ /ta ni ston thA ni gzhag pa'o/ /ga ni lhag ma 'gog pa'o/ /kha ni dbul ba'o/ /kA ni gyur pa'o/ /ya ni dag pa'o/ /bA ka ni snang ba'o/ /tsita ni brjod pa'o/ /ta ni thob pa'o/ /h+ri ni spyod pa'o/ /da ni ster ba'o/ /ya ni bzhag pa'o/ /ba ni gnas pa'o/ /dze ni rol pa'o/ /yo ni 'gyur ba'o/ /shing ni mi 'gyur ba'o/ /b+ha ni spyod ba'o/ /ge ni dges pa'o/ /shu ni mthong ba'o/ /bi ni 'byung ba'o/ /dza ni 'phrul pa'o/ /ha ni spyod pa'o/ /ra ni med pa'o/ /'di dag kyang sgra'i rnam pa ? lam rmongs
- 49b
pas gang gi dus su sgra gtan la phab nas phyis don gzhan du gtan la pheb ba'i dus su gang gang la /zhes bya ba la sogs pa la de de la zhes bya ba la sogs pa kun tu gtan la dbab par bya'o/ /'di dag gis ni sbas pa'i don bstan to/ /yang lung gi bshad pa/ zhes pa ni mthar thug pa'i don bshad par 'dod pas/ de ci'i phyir zhe na/ gang gis gang du brtag par bya ba dang bral bar bya ba'i phyir/ rgyud ni 'di skad bdag gis thos zhes pa ni spros pa thams cad dang bral ba'i de kho na nyid do/ gsal ba 'ga' yang dus yin te/ zhes pa ni gang gis gang zhig yongs su gsal bar gyur pa de la de skad ces bya'o/ /rdo rje gsang ba ni sems gsum nyid de/ slob ma'i lugs su 'byung ba'o/ /rdo rje dam tshig ni gsang ba gsum lugs las bzlog pa dang ldan pa nyid de/ ye shes nyid de de bzhin gshegs pas na/ ye shes de bzhin gshegs pa'o/ /ye shes phun tshogs bsam mi khyab ces bya ba ni sangs rgyas kyi yon tan dpag tu med pa'o/ /yod med gnyis las 'das pa zhes pa ni gang gis gang zhig spangs par 'gyur ba de'i phyir de la rag las par gyur pa'i chos de yang yongs su spangs pa'o/ /de la gnas med gnas pa ni gnas dang gnas pa'i rtog pa dang bral ba'o/ /nam mkha' i rang bzhin ni 'dus ma byas ba ste/ chos thams cad kyi de bzhin nyid do/ /thams cad mkhyen pa ni sangs rgyas te/ de'i ye shes ni sangs rgyas kyi ye shes so/ /des 'di yul du byed pa ni sgom pa'o/ /bzhugs pa zhes bya ba yang ji lta bu yin zhe na/ 'gro snying rnam dag ste /chos thams cad kyi de bzhin nyid la bzhugs pa ni gnas par mdzad pa'o/ /de bas bzhugs zhes bya ba la sogs pa'i tha snyad thams cad kyang don dam pa la 'jug par bya ba yin gyis / don dam par brjod pa'i phyir ni ma yin no zhes bshad de/
- 50a
gzhan don du bshad pa'o/ /de ltar zhes bya ba ni de'i phyir te/ 'di skad ces bya ba la sogs pa ni/ gang gis ji ltar yongs su bstan pa'i phyir/ zhes pa'o/ /bzhugs pa'i tshig nyid kyis/ /zhes bya ba ni tha ma smos pa nyid do/ /rgyud ma lus pa'i dgongs pa bstan pa ni/ rgyud ma lus pa'i don bstan pas te/ 'dis mjug bsdu ba bstan to/ /de'i 'og tu zhes bya ba la sogs pas ni 'od nyid kyi yan lag bstan par bya'o/ /'khor phun sum tshogs pa yang grangs ji lta tsam zhe na/ brjod kyi mi lang ba'i zhes bya'o/ /de bshad pa bgrang ba las 'das pa ni bgrang du med pa'o/ /gang zhig kun tu bsam gyis mi khyab par gyur pa de la de skad ces bya'o/ /'o na lan gnyis smos pas ci zhig byed ce na/ gzungs dang yon tan/ zhes bya ba la sogs pa smos te/ 'di dag dpag tu med pa'o/ /des ci byed ce na/ gang gis gang zhig kun tu snang bar gyur pa de la de skad ces bya'o/ /gzhan ni go sla'o/ /de nas gang gis gang zhig yongs su rdzogs par bstan pa ni/ gang gis lha'i 'khor lo yongs su rdzogs pa ste de nyid do dam tshig rdo rje zhes bya ba gang zhig yin zhe na/ don yod par grub pa'o/ zhes gang zhig yongs su grub pa de la de skad ces bya'o/ /'o na sgrib pa rnam par sel ba la ci'i phyir dam tshig rdo rje'i sgrar brjod ce na/ 'dir de'i rigs dang ldan pa zhes bya ba la sogs pa smos te/ 'dir don yod grub pa'i rigs dang ldan pa gang yin pa de la de skad ces bya'o/ /de bas na cig ni dngos su brjod pa nyid do/ /cig ni btags dang bstan pa nyid do/ /rigs gzhan yang de bzhin du shes par bya'o/ /'di dag gis ni byang chub sems dpa' i 'khor bstan to/ /byang chub sems dpa' i 'khor kho na las ma gsungs sam zhe na/ ma yin pa'i phyir/ byang chub sems dpa' i tshogs 'ba' zhig dang lhan cig bzhugs par ma zad kyi zhes bya ba la sogs pa smos te/ 'o na gang dang bzhugs zhe na/
- 50b
de bzhin gshegs pa rnams dang yang lhan cig tu bzhugs pa ste/ bgrangs pa las 'das /zhes bya ba lhag ma rnams so/ /gzhan ni go sla'o/ /rdo rje 'chang chen po 'di yan lag gi cha shes su gyur pa zhes pa ni 'khor thams cad gtso bo las tha dad du 'jug par mi 'gyur? te/ gang gi phyir gang zhig gang las tha dad du mi 'gyur ba de'i phyir de la de skad ces bya'o/ /gang las shes zhe na/ 'di nyid las zhes pa gsang ba 'dus pa'o/ /mdor na zhes bya ba la sogs pa bshad zin to/ /de bsan zhes pa ni de'i phyir zhes pa'o/ /bcom ldan 'das de nyid kyi zhes pa ni rdo rje 'chang chen po zhes bya ba'i don to/ /rang gi sku'i dkyil 'khor spros nas zhes pa ni rang gi 'khor yongs su rdzogs pa'o/ /des ci byed ce na/ dkyil 'khor 'khor lo lta bus 'dul? ba'i skye bo rnams dga' bar bya ba'i phyir zhes pa'o/ /gzhal yas khang gi dbus su bzhugs zhes pa ni go bar zad do/ /de ltar zhes pa ni mjug bsdu ba'i tha tshig go /da ni zhes bya ba la sogs pa ni 'dod chags chen po'i spyod pa yongs su rdzogs par bstan par bya ba'i phyir ro/ /'dod chags kyis 'dod chags rab tu spang bar bya ba'i phyir/ zhes bya ba la sogs pa ni bshad zin to/ /bshad ma thag ni gong du bshad pa nyid do/ /rang gi sa bon gyi 'od zer gyi lcags kyus drangs zhes pa ni snying ga nas byung ste/ slar bsdu ba bsdus zhes pa'i don to/ /'di yang gang gi phyir gang zhig las byung nas gang du gnas par 'gyur pa de la de skad ces bya'o/ /de nas ci byed ce na/ bcom ldan 'das mchog tu dga' ba'i bde bas tshim par bya ba'i phyir/ zhes ba ni gang gi bde bas gang zhig gang du gnas par 'gyur ba de la de skad ces bya'o/ /de ci'i phyir zhe na /gnas skabs snga ma ni sangs rgyas dang byang chub sems dpa' i dkyil 'khor te/ gang gis de yongs su spangs pa de la de skad ces bya'o/ /'on gang du 'gyur zhe na /lta'i bu mo'i gzugs su mngon bar sprul nas / zhes pa ni gang gis lha'i bu mo gang dang 'dra?
- 51a
bar kun tu mdzes par gyur pa gang yin pa de la de skad ces bya'o/ /lha'i bu mo gzugs snang ba yang gang dang gang yin zhe na/ sa'i khams ni sangs rgyas spyan lta bu'o/ /zhes pa ni sa rdo rje las tha dad du gnas pa'o/ /'dir sa'i khams nyid sangs rgyas spyan lta bu'o/ zhes pa ni gang zhig gang las tha dad du gyur pa'o/ /yang na 'dir sa'i khams ni sangs rgyas spyan nyid ces pas ni gang zhig dang 'brel pa de la de skad ces bya'o/ /gzhan yang de bzhin no/ /'dod chags kyang yin la chen po yang yin pas /gang zhig nyon mongs pa dang bral ba gang yin pa'i chos nyid do/ /'dod chags dang bral ba la sogs pa yang gang yin zhe na/ nyon mongs pa dang bral ba'o/ /gzhan go sla'o/ /gzhan yang gang zhig phyi rol gyi de bzhin gshegs pa'i 'khor de dag tu dmigs zhes pa la sogs pa'i don ni gang gis gang zhig gang du 'dzin pa de dang de spang par bya ba'i phyir zhes pa'o/ /bdag nyid sangs rgyas thams cad de/ zhes pa ni rdo rje 'chang chen po dang sangs rgyas thams cad tha dad du med zhes pa'o/ /rgyal sras thams cad nyid kyang yin zhes pa ni byang chub sems dpa' i bdag por gyur pa yang yin zhes pa ste/ tha dad du med pa yin no zhes pa ni ma nor ba'o/ /da ni de nas zhes bya ba la sogs pa'i dgos pa bshad pa'i phyir / da ni rgyud 'di la zhes bya ba la sogs pa gsungs te / sems gtso bo yin pa ni ting nge 'dzin gtso bo yin pa'i phyir ro/ /mi bskyod pa ni thugs kyi ngo bo'i phyir ro/ /'di skad du ston te/ sems snang ba dang bcas pa gang gi ting nge 'dzin gyi yan lag gis sbyangs pas thob pa de ni de'i rigs te / de bas na gtso bor gyur pa nyid do/ /de bzhin gshegs pa zhes bya ba la sogs pa'i don ni gang gis chos kyi 'byung gnas kyi nang du b+h+rUM la sogs pa'i de bzhin gshegs pa'i gzhal yas khang phyi dang nang shin tu gsal ba ji ltar smos pa'i rgyan thams cad dang ldan pa shin tu mdzes pa/ blta na sdug
- 51b
pa'i ngo bo nyid do/ zhes ston to/ /de lta bu'i gzhal yas khang gi dbus su lhag par mos la lha lnga'i rnam par bsgoms te /slar rang la gzhug go /lung las kyang/ pad+ma 'dab ma bzhir ldan pa'i rigs lnga bskyed pa yang dag bsgom zhe'o/ /nges pa'i don du bshad pa'o/ /rnam par shes pa'i bdag nyid can zhes pa ni de'i ngo bo nyid dag pas der gyur pa'o/ /gzugs kyi phung po la sogs pa rnam par shes pa'i bar du ste/ 'di ltar phung po dang/ khams dang skye mched thams cad rang gi shes pa'i rang bzhin te/ de nyid ye nas spros pa dang bral zhing ma skyes pa'i rang bzhin thogs pa med bas sangs rgyas thams cad kyis bsten par bya ba'i phyir btsun mo'o/ /yongs su dag pa'i phyir gsal ba'o/ /'od zer thams cad kyi rang bzhin pas na/ sna tshogs kun tu rgyas so/ /de bzhin gshegs pa thams cad kyi rang bzhin pas na de'i ngo bo nyid do/ /snang ba las byung ba dang/ de'i rang bzhin pas na / de'i ngo bo nyid do/ /snang ba las byung ba dang/ /de'i rang bzhin pas na gsal ba la sogs pa ste/ 'dis chos thams cad kyi de bzhin nyid kyi ye sheS kyi skur bshad nas / de nas sems can dang byang chub sems dpa' la ji skad du bshad pa'i sku gnyis gsal bar snang bar 'gyur ro zhes bya ba'i don to/ /nam mkha' kun ni don dam pa'i de bzhin nyid do/ /de'i ngang la rdo rje sems dpa' rab tu bzhugs pa ni yang dag pa'i ye shes kyi yul dang bral ba'i tshul du byas pa'o/ /don 'di nyid ni bskyed pa'i rim pa nyid do/ /de gsal bar bya ba ni bstan pa dang bshad pa'i rim pas so/ /'das pa dang zhes bya ba la sogs pa bshad pa'i don ni gang gis dus gsum gyi sangs rgyas thams cad 'dus pa'i bdag nyid can rdo rje sems dpa' sa bon la sogs pa'i gzugs kyi skye pa dang sdud pa'i tshul bstan pa nyid do/ /rdo rje 'chang chen po zhes bya ba la sogs pa 'dis ni de'i dgos pa bstan te / ma 'ongs pa'i gang zag gis bskyed pa'i rim pa bsgoms na/
- 52a
zhes bya ba nyid do/ /rdo rje sems dpa' dang 'dra bar 'gyur bar dgongs so/ /phung po la sogs pa ni yul dang dbang po thams cad do/ /kun rdzob byang chub sems ni khu bas te/ zag pa med pa'i bde ba bskyed pa'i phyir ro/ /gcig tu mdzad pa ni des mi rtog pa'i ye shes skyed pa'i phyir ro/ /de nyid bshad pa/ rnam mkha' i dbyings zhes bya ba la sogs pa la/ rtsa phran bdun cu rtsa gnyis ni byang chub kyi sems kyi sa bon gnas pa'i rtsa ste/ der rlung la sogs pa'i rim pas byang chub kyi sems dpa' ? pas zag pa med pa'i bde ba yongs su rgyas par 'gyur ro/ /dbang po gnyis ni rdo rje dang pad+ma ste /skye ba la dbang ba'i phyir ro/ /der cir 'gyur zhe na /'dod chags chen po'i me ste/ gang la sems chen po dang ting nge 'dzin du ldan pa yod pa de la de skad ces bya'o/ /mchog tu dga' ba ni nyon mongs pa dang bral ba'i dga' ba'o/ /'di ni dbang po gnyis sbyor ba'i snang ba gsum mo/ /don dam pa'i bden pas gcig tu mdzad pa ni spros pa thams cad dang bral ba'i ye shes kyi rang bzhin med par gyur pa'o/ /stong pa nyid gsum ni gong du bshad pa'o/ /thams cad stong pa ni mthar thug pa nyid do/ /de ltar lhag par mos pas zhes bya ba ni drang ba dang spyi'i don du bshad pa yin gyi/ thams cad kyis ni ma yin no/ /yongs su dag pa dang yongs su ma dag pa ni slob pa dang mi slob pa ste/ shes bya'i sgrib pa mdza' dag spangs pa dang ma spangs pa'i phyir ro/ /de la gtso bo ni yongs su dag pa dang ma dag pa'o/ /lhag ma ni yongs su dag pa dang ma dag pa nyid do/ /yi ge gsum ni oM A(rgyud 'grel): hUM gsum mo/ /de nyid ni 'da' bar mi bya ba ni yongs su blang bar bya ba nyid do/ / de las byung ba ni yi ge gsum las byung ba ste/ rigs drug pa'o/ /rnal 'byor bzhi ni rnal 'byor dang/ lhag pa'i rnal 'byor dang/ rnal 'byor chen po dang/ de kho na nyid kyi rnal 'byor te bshad zin to/ /'di dag gi don yang/ thog
- 52b
mar bsrung ba'i 'khor lo sngon du 'gro bas stong pa nyid kyi ngang las rten gyi dkyil 'khor gzhal yas khang dang bcas pa gsal bar byas nas / de nas mos bas rang gi dkyil 'khor gsal bar byas te slar stong pa nyid du byas pa las nyi ma dang/ zla ba dang/ pad+ma dang oM A(rgyud 'grel): hUM/ zhes ba ni gsal bar bsam mo/ /de nas de dag zla ba'i dkyil 'khor la 'dus te/ de la dmigs par bya'o/ /de yongs su gyur pa las dang po'i mgon po zla ba lta bur bsams te/ der mi bskyod pa bzhugs pas zhal gsum pa'i rdorje sems dpa' bsam la/ 'og nas 'byung ba'i rim pas rdo rje sems dpa' i lus la lha thams cad kyi yi ge dgod par bya'o/ /de nas nam mkha' la sangs rgyas thams cad bltas te lha mo so sos mchod ba sngon du 'gro bas gsol ba btab pas ji skad du 'og nas 'byung ba'i cho gas gnas gsum byin gyis brlab par bya'o/ /de nas legs par sbyangs pa'i shes rab ma dang gnyis su med par snyoms par 'jug pa cho ga 'dis 'og nas ston pa'i dkyil 'khor spros te sems can gyi don byas nas slar 'dus nas rang gi dkyil 'khor la dmigs te brtan par bya'o/ /des nas sna'i rtse mor yungs kar bsam zhes bya ba la sogs pa'i rim pa 'di 'phra mo'i ting nge 'dzin sna'i rtse mor bstan bar bya'o/ /gzhan yang 'od du zhu ba bslangs pa dang/ zas la sogs pa legs par bza' ba dang/ lha'i 'khor lo la bstod pa zhes bya ba la sogs pa'i yan lag thams cad yongs su rdzogs par bya'o/ /'od gsal ba ni sangs rgyas thams cad kyi 'da' bar bya ba ma yin ba ste chos kyi sku'o/ /de las byung ba ni rdo rje 'chang chen po ste /ci'i phyir zhe na/ mkhas rtson zhes bya ba la sogs pa ste/ mkhas pa che ba dang/ brtson ba che ba dang/ rtson pa che ba zhes ba ste/ 'di dag gis rang dang gzhan 'gyi phun sum tshogs pa bstan to/ /gzhan ni go sla'o/ /the tshom skye bar byed ba zhes bya ba la sogs pa rigs pa 'di bla ma
- 53a
las byung gi gzhan du rtog ge pas nam yang rnyed par mi 'gyur/ zhes nges par ston bar byed do zhe'o/ /de rnams 'byung ba'i tshig ni de skyed par byed pa'i zhes bya ba ni dam las mi 'da' ba nyid do/ /dbang po gnyis zhes bya ba la sogs pas ni gsang ba'i dbang bskur bstan to/ /gdul bya'i skye bo ni slob pa yang ma yin pa'o/ /sku rnam pa gnyis ni longs spyod rdzogs pa dang/ sprul pa'i sku'o/ /yang dag par ston pa ni sku dang gsung gis chos ston pa ste/ des smin pa dang grol bar byed pas de la de skad ces bya'o// ye shes nyid ces pa ni gzhan dang ldan pa rnam par gcod pa'o/ /sems can rnams kyi rgyud lo/ zhes bya bas ni gsal bar bya ba'i yul bstan to/ /mi bskyod pa ni gsal par byed pa'o/ /rnam par shes ba gsum gyi snang ba/ zhes pa ni shes pa'i snang ba nyid/ / don dam pa'i bden pa ni yang dag pa'i shes pa dang ldan pa la bden pas so/ /rjod du med bas ni de'i mtshan nyid bstan to/ /snang ba ma lus pa zil gyis mnon pas ni de'i las bstan to/ /rang bzhin gyi 'od gsal ba'i ting nge 'dzin ni chos kyi sku ste de las tshu las nya'i tshul du rang gi skur bzhengs pa'o/ /des ci byed zhe na/ nyon mongs pa lngas khyab pa'i zhes pa la sogs ba ni spyir snying rje'i yul du bstan to/ /de lta na yang ci'i phyir snying rje skyed zhe na/ nyon mongs pa'i rang bzhin ni ye nas rnam par dag pa ste/ de yongs su shes pa nyid ni byang chub yin la/ de'i ngo bo nyid ni bdag yin no/ zhes pa 'di ni nyon mongs pa dang rdo rje 'chang dang/ de bzhin gshegs pa ni gnyis su med cing gnyis su dbyer med do/ zhes dgongs ba nyid do/ /bye brag tu bstan pa /nyon mongs pa zhe sdang ni sems khong nas 'khrugs pa ste/ de dang gang ldan pa de la de skad ces bya'o/ /de sbyangs pa ni yongs su dag pa ni bya ba'i phyir ro/ /zhe sdang zhes pa'i bshad pa/ thugs rje chen po'i thabs kyi khro bo ni thugs rdo rje chen pos sprul pa'o/ /de yang rab tu khros chos dang ldan pas ni zhe sdang te/
- 53b
gang la zhe sdang dang 'dra ba'i chos yod pa'i phyir de la de skad ces bya'o/ /de'i rig ni de'i rigs su skyed pa'o/ /'dod pa'i 'bras bu skyed pa ni sngags dang 'thun pa'i lus skyed pa'o/ /ji ltar skye ce na /sku dang/ zhes bya ba la sogs pa'i bshad pa snyoms par zhugs par zhes pa ni yab yum sbyor ba las te/ mngal nas skyes pa'i tshul can no/ /badzra d+h+rika? ces pas ni dbyung ba'i sngags bstan to/ /de'i don gyi zhe na/ rdo rje 'chang zhes pa'o/ /de nyid bshad pas/ mngon par byang chub pa ni skyed pa'i rim pa'i sa bon la sogs pa'o/ / de mtshon pa'i rdo rje rtse lnga po gang gis 'dzin pa de la de skad ces bya'o/ /bden pa gnyis ni dam pa dang/ kun rdzob ste/ gnyis su med pa ni spros pa thams cad dang bral ba'o/ /de nyid ni rdo rje ste /rnam par rtog pa'i ri bo gcod pa ste/ de gang dang ldan pa de la de skad ces bya'o/ /de spros nas phyi rol gyi sems can thams cad kyi zhe sdang rnam par sbyangs te/ slar log nas gtso bo'i mdun du bzhugs so zhes bya'o/ /ji lta bu'i rnam par bzhugs ce na /mi bskyod pa'i phyag rgya chen po'i ngo bor bzhugs so zhe'o/ / de ltar sbyor ba dang po ni ting nge 'dzin dang po nyid do/ /sems can rmongs pa ni rgyu dang 'bras bu dang/ de kho na nyid kyi don mi shes pa'o/ /de sbyangs pa ni de'i nyes pa sel ba'o/ /gzhan ni go sla'o/ /dbyung ba'i sngags ni dzi ni dzi ka ces pa'o/ / rdo rje lta bu'i ting nge 'dzin ni skad cig ma gcig gis sgrib pa thams cad dang bral bar byed pa'i ting nge 'dzin to/ /kun rdzob kyi byang chub kyi sems ni bshad zin to/ /'di ni gzhan du yang ste/ gang gi ting nge 'dzin gyis gang shes pa'i ting nge 'dzin gyis de yang shes pa nyid do/ /yang dag pa'i mdza' ni de bzhin nyid de/ des ye shes gang gis yul du byas pa de la de skad ces bya'o/ /nor gyi dregs pa ni nor la dga' bar byed pa'o/ /khengs pa nga rgyal chen po nyid dang ldan par gyur pa nyid do/ /
- 54a
sbyin pas 'dul ba ni nor bu rin po che'i sprin gyis nga rgyal rab tu zhi bar byed pa'o/ /ba rgyal rnam par dag pa'i gnas la yang dag gzhag pa ni des nga rgyal gyi rang bzhin dang bral ba'i don dam pa'o/ /gzhan ni go sla'o/ /'dod chags ni 'khrig pa dang yul la chags pa'o/ /de yang gang gis spong zhe na/ bcom ldan 'das 'od dpag tu med pa'i rnal 'byor te /ting nge 'dzin gang gis de yul du byas pa de la de skad ces bya'o/ /de gang gi lta bu'i rang bzhin yongs su shes par bya ba'i phyir gsungs so/ /zhes sbyar ro/ /'dod chags chen po yang gang yin zhe na/ mchog tu dga' ba ste/ dri ma med pa'i dga' ba'o/ /de'i rgyu ni de 'phel bar byed pa'i rgyu ste/ khu ba byang chub kyi sems so/ /de las byung ba ni rgyud de las skyed pa ste/ 'od dpag tu med pa'o/ / nges pa'i don du gang yin zhe na/ 'od gsal ba te stong pa nyid do/ /de las byung ba ni sems can de lta bu gdul ba'o don du de'i skur sprul pa'i/ /so sor rtogs pa'i ye shes ni chos thams cad ma 'dres par mkhyen pa gang la yod pa de la de skad ces bya'o/ /de la chags pa ni de yang dag par nges pa'i tshul du 'dzin pa'o/ /'khor ba ma lus par 'joms pa ni gang gis 'khor ba ma lus par rtog pa 'joms pa'o/ /gzhan yang de bzhin no/ /don yod grub pa ni de ci'i phyir zhe na / bya ba grub pa'i zhes bya ba la sogs pa bstan to/ /'od gsal ba la zheS ci'i phyir zhen/ mtshan med med pa'i 'bras bu ster ba ste / de la dmigs pas de grub pa'i phyir ro/ /phrag dog ni gzhan gyi yon tan la sems khong nas 'khrugs pa ste / gang gi de dang ldan pa'i sems can gdul bar byed pa de'i phyir de la de skad ces bya'o/ /khams phra ba ni lte ba la gnas pa'i rlung ste/ de thabs thams cad kyi ye shes byang chub kyi sems bkug nas mchog tu dga' ba skyed pa ste/ de las byung ba'i phyir ro/ /
- 54b
rab tu rnam par 'byed pa ni rtog pa dang/ spyod pa dang/ nges par 'byed pa ste / rgyu de las byung ba'i phyir ro/ /'dzin pa ni de dang ldan pa'o/ /zla ba ni byang chub kyi sems so/ /rlung gis 'dzin pa ni de mi gtong ba'o/ /gdul bya ba ni khams gsum gyi sems can no/ /de'i mngon par 'dod pa ni de'i blang bar bya ba'o/ /zag pa med pa'i bde ba chen po ni chos kyi sku'o/ /rigs 'di rnams zhes pa ni 'og nas ston to/ /phung po de dag ni gzugs la sogs pa ste/ de nyid don dam par sangs rgyas dang ngo bo gcig pa'i tshul gyis so/ /de lta bu'i dus su ma yin nam snyam pa la/ rdzogs pa'i byang chub rkyen du byung zhes pa ni 'di la brten nas bla na med pa'i byang chub sgrub pa nyid do/ /de'i phyir ni tha dad pa'o/ zhe na/ de bzhin nyid du gnyis med pa/ zhes don dam par gnyis su med cing dbyer med pa'o/ /yang rnam par snang mdzad ces bya ba la sogs pa'i don ni/ rdzogs sangs rgyas ni chags pa bral/ /'dod chags can la de nyid do zhes pa lta bu'o/ /mA ma kI ni 'khrig pa yi/ /reg byas mnyes par byed pa'i phyir/ /'da' bar bya ba ma yin no/ /zhes bstan bar 'gyur ro/ /zhe sdang ni mi bskyod pa ste zhe sdang can gyi 'gro ba 'dul bar byed pa'i phyir ro/ /de la dga' ba ni de mnyes par byed pa'i tshul gyis so/ /zhe sdang rnam par dag pa ni de bzhin nyid de / rgyu dang ngo bo la sogs pa ma grub pa'i phyir ro/ /de la dga' ba ni de dang dbyer med pa'i tshul gyis te yang dag par ye shes so/ /bcom ldan 'das rdo rje 'chang chen po de nyid ces bya ba la sogs pa'i don ni de dag kyang rdo rje 'chang gis sems can gyi don du de ltar bstan gyi don dam par ni ma yin no zhe'o/ /gzhan la yang de ltar shes par bya'o/ /sku dang gsung dang/ thugs mi rtags pa ni skad cig gnyis pa la sogs par mi gnas pa'o/ /bslu ba ni rtag par sems pa la'o/ /chos thams cad stong pa ni ji ltar brtags pa dang bral ba'o/ /slu ba ni yod par 'dzin ba'i
- 55a
gang zag la'o/ /snang ba gsum ni bshad zin to/ /slar yang dngos po med par byas pa ni 'od gsal ba'i dang du ste/ de nyid yod par 'dzin pa ni gang zag la'o/ /phung po la sogs pa ni sbyang bar bya'o/ /ril por 'dzin pa la sogs pa ni sbyor pa'i thabs so/ /de thams cad dbyer med par 'gyur ba ni de'i 'bras bu'o/ /'di ni thams cad rang gis brtags pa bslu pa ste bden par gyur pa'i don mthong bas/ dman la bden par gyur pa slu zhes 'byung ba lta bu'o/ /gzhan ni snga ma bzhin no/ /gshin rje ni dmyal ba'i srung ma dang bcas pa ste /de na dbang che bar snang ba'i phyir ro/ /khro bo chen po ni de dag 'jigs par snang ba'o/ /mthar thug par mdzad cing 'jigs pa ni gtum po'i las kyis don chen po dang ldan par byed pa'o/ /rmongs pa'i mun pa nyid ma rigs pa ste/ dman par gyur pa'i phyir sdug bsngal sna tshogs nyams su myong par byed pas gshin rje'o/ /don dam pa'i bden pas mthar thugs par mdzad pa ni rang bzhin gyis bag chags dang bcas te cang nas gdon pa'i phyir ro/ /de bzhin gshegs pa thams cad kyi mngon par byang chub pa yang gang zhe na/ rin chen 'byung ldan no/ /'od gsal chen ba ni mngon par byang chub pa las byung ba dang/ de'i ngo bo nyid kyi phyir ro/ /de nyid ni mi phyed pas rdo rje'o/ /rnam par rtogs pa'i bdag nyid can ni yid kyi rnam par shes pa dang mtshungs par dang ldan pa'o/ /de 'od gsal bar 'jug pa ni stong pa nyid du byas ba'o/ /rdo rje'i dam tshig ni gang zhig nges gang bsnyengs par bya zhe na /rdo rje ni de bzhin gshegs pa'i khro bo'i tshul can te / de gdug pa can slob dpon la sdang pa la sogs pa/ /bsregs pa ni don chen po dang ldan par bya ba'i phyir ro/ /yang bye brag bsdu ba ste/ /rdo rje dam tshig nyid bsregs pa'o/ /'od dpag tu med
- 55b
pa ni chos rin po che ste / chos thams cad kyi 'byung gnas su gyur pa'i phyir ro/ /rta mgrin yang 'od dpag tu med pa ste/ de'i rigs su gyur pa'i phyir ro/ /'od gsal ba ni chos rin po che ste /chos thams cad kyi de bzhin nyid kyi phyir ro/ rta mgrin yang de las byung ba'i phyir de skad ces bya'o/ /nyon mongs pa rnams kyis ma gos pa ni de'i rang bzhin ma yin pa'i phyir ro/ /de nyid 'jig par mdzad pa ni de dang lhan cig par 'gal ba'i phyir ro/ /pad+ma ni skye gnas so zhes pa la sogs pa'i ngan ni rdo rje pad+ma snyomS par zhugs pas byang chub sems phab ste / des bde ba dang bde ba dam pa skye bar 'gyur ro/ /zhes pa'i don to/ /rnam par dag pa'i gnas ni rnam par dag par byed pa'i rten de/ gang yin zhe na 'od gsal ba'o/ /bgegs ni bi na ya ka la sogs pa ste/ /de mthar byed pa ni thabs gang gis gang gi sgo nas don chen po ldan par byed pa'i phyir de la de skad ces bya'o/ /nges pa'i don du bgegs/ zhes bya ba gang zhig ce na/ bgegs ni khams gzhi po ste / sa dang chu dang me dang rlung rang gi lus kyis bsdud pa'o/ /de la yang ci'i phyir zhe na /de dag 'phel ba dang 'grib pas lus gzer par byed pa'i phyir ro/ /thabs kyis ye shes sher bas rnam par 'jig pa ni gang gis lus kyi rgyun las byang chub sems phab ste /de'i nyes pa dang bral bar byas pa nyid do/ /'di la kha cig gis ni 'di skad ces de bzhin gshegs pa'i gtso bo dang 'khor gyi rnam par snang ba'i tha dad pa 'am/ /gcig pa 'am de las gzhan du 'gyur zhes rtog grangs na re zhig dang por tha dad pa ma yin te/ so sor ma 'dres par rnam par snang ba'i phyir dang/ /gang gis rag las de'i dbang gis 'gyur ro/ /zhes bya bar yang mi nus te/ dung dang dkar po lta bu'o/ /rang gi blo ltar 'gyur ba yang ma yin te / brtags pa ma
- 56a
yin pa'i phyir ro/ /gal te yin no/ zhe na yang blang bar bya ba ma yin pa nyid do/ /phyogs de bar 'grub par mi 'gyur te/ de nyid kyi phyir tha dad pa ni ma yin no/ /gal te gcig pa nyid do zhes na yang shin tu rigs pa ma yin te/ kha dog dang gnas la sogs pa tha dad pa'i phyir ro/ /gal te gnas gcig pas gcig pa nyid do zhe na yang rigs pa ma yin te/ thams cad sa'i dkyil 'khor gcig la brten pa nyid kyi phyir ro/ /gal de lus 'dra bas gcig pa nyid zhe na yang ma yin te /gang giS mi rnams kyis lus 'dra bas gcig pa ma grub pa bzhin no/ /gal te ye shes gcig pa nyid kyis gcig pa nyid do/ zhe na yang ma yin te /mi rtag pa dang mi rtag pa can yang shin tu gcig par 'gyur ro/ /gal te rig pa tsam du 'dod pa'o /zhe na yang ma yin te / sangs rgyas dang byang chub sems dpa' dang so so'i skye bo'i bar la sogs pa zag pa med pa'i sa bon dang bcas pas bsdus ba'i phyir thams cad kyang/ /gal te shes pa tha dad du gyur pas yin no zhe na/ yang snga ma'i son 'dug pa nyid du zhe na yang ma yin te/ rang gi gdul bya'i dbang gis sna tshogs par snang ba'i phyir ro/ /de bas na 'dir yang sangs rgyas thams cad dbyer med kyang rang gi gdul bya'i dbang gi sna tshogs par snang ba'i phyir ro/ /gal te de lta na /gcig par 'gyur ro zhe na de ni 'dod pa ste/ de'i rang bzhin gyi phyir dus thams cad du gcig pa nyid kyi phyir ro/ /da ltar na sems can gyi 'dod pas byung ba'i phyir dus thams cad du 'dod pas ji lta ba bzhin du 'byung bar 'gyur ro/ /gal te de ni rang gi rnam par rtogs pas bsgribs pa'i phyir mi snang ngo/ /'dod pa la rag las pa'i dngos po ni mi snang bar mi 'gyur te/ gang gi phyir rang gi 'dod pa gtso bor byed pa'i phyir ro/ /gal te rang gi 'dod pa gtso bor mi byed na ni tha dad pas snang bar mi 'gyur te bkag pa'i phyir ro/ /gal
- 56b
te sgribs pas sgrib pa mi snang na/ bsgribs pa dang bral ba'i dus na tha dad par mi snang ste /de ni med pa'i phyir ro/ /gang gis sems can gyi mos pa 'ba' zhig las ma yin te/ smon lam chen po'i 'phen pas kyang snang ngo/ /de bas na gnyis tshogs na 'gyur gyi gzhan du ni ma yin no/ /yang ci tha dad par 'gyur ba'i smon lam 'grub pa ci'i phyir zhe na/ tha dad par sems can yongs su smin par bya ba'i phyir te/ 'di ltar tha dad pa'i sems can rnams la mthun ba dang mi mthun pa gcig gi don byed pa ni 'gal ba'i phyir ro// gal te de lta na rgyu gnyis las grub pa'i phyir gcig las sna tshogs su mi snang na/ gang gis phyir shes pa sna tshogs par gyur pa nyid gal te der ma gyur na / thams cad mkhyen pa grub par mi 'gyur ro zhe na / ma yin te/ gang gi phyir de'i rgyu tshogs pa de tsam gyi zhes bya thams cad mkhyen pa'i tshul du snang gi don dam par ni ma yin te/ sgyu ma'i rta la sogs pa bzhin no/ /gal te de lta ni nga ni zag pa zad do/ /nga ni chos thams cad kyi don yongs su sheS pa'o/ zhes bya ba la sogs pa 'di legs par gnas par mi 'gyur ro zhe na /de ni dgongs pa ste / 'dir chos thams cad kyi de kho na nyid kyi don ji lta ba bzhin la dgongs pa'o/ /gal te mtshan ma thams cad mkhyen na cir 'gyur zhe na/ mtshan ma ni thog ma med pa'i las kyis bsgrubs pas 'khrul pa'i phyir la/ 'khrul pa'i yul la dmigs pa'i phyir 'khrul pa'i yul can gyi shes par 'gyur gyi ye shes bar ni ma yin no/ /gal te 'di nyid ye shes so zhe na/ gang gi phyir ji ltar gnas pa'i don shes pas ye sheS zhes bya na/ de gang gis 'grub par 'gyur/ de ni so sor rtog pa'i ye shes so zhe na/ de ni long spyod rdzogs pa'i sku'i shes pa nyid sprul pa zhes bya
- 57a
bar yang mi 'gyur me long lta bu'i ye shes dang bral ba'i phyir ro/ /de ni de la yang mtshungs so// //de bas ni 'dir 'khor gyi snang ba ma gtogs pa gzhan ma yin no/ /gal te long spyod rdzogs pa'i sku sgrub pa nyid de / sprul pa'i las bye brag du bya ba'i phyir ro/ /zhe na ma yin te / snga ma'i skyon nyid do/ /gal te 'khrul pa ni 'khrul par/ ma 'khrul pa ni ma 'khrul par mkhyen na ji ltar 'khrul/ mtshan ma la dmigs pa 'am mtshan mar snang ba te/ mi 'khrul pa ma yin pa de rjod dgos so/ /gal te gzugs dang sems se? zhe na / gzugs ltar snang ba'i sa bon las byung ba'i phyir legs par bshad par 'gyur ro/ /'di ltar chos 'di dag las kyi 'khrul pa 'khor gyis byung ba ste / de nyid la sna tshogs par snang ba'i phyir ro/ /gal te sna tshogs pa de gcig pa'i rang bzhin yin no zhe na / de ltar snang bar gyur pa'i shes rab snang ba nyid las mngon sum dang ldan pa'i skyes bu sa bon sna tshogs pa nyid do/ /dge ba'i las kyis bsgrubs so zhe na/ thams cad dge ba'i las dang ldan pa nyid du 'gyur bas ci'i phyir 'og ma mi snang/ gal te shes pa nyid do zhe na/ tha dad pa 'am tha dad pa ma yin par 'gyur/ de ni gcig gis gcig spangs pa'i phyir /de las gzhan pa brjod par mi nus so/ / gang gi phyir de dag rgyu dang 'bras bu'i rang bzhin du ma grub na ni gcig yod pa med na med pa mi 'grub pa'i phyir ro/ /gzhan yang don dam pa gnyis su 'gyur ba 'di yang/ ma bzlog par 'gyur ba nyid do/ /de bas na rdzogs pa'i sangs rgyas thams cad chos thams cad zil gyi gnon pa rdo rje zhes bya ba'i ting nge 'dzin la snyoms par zhugs te / gzugs mi dmigs / gzugs kyi mtshan ma mi dmigs / rnam par shes pa'i bar du mi dmigs rnam par shes pa'i bar gyi
- 57b
mtshan mar mi dmigs so/ /zhes bya ba la sogs pa dang/ gzhan yang sangs rgyas thams cad ni don dam par ye shes gcig pa ma yin pa med do/ /chos thams cad kyi de kho na nyid thugs su chud pa'i phyir ro/ /zhes 'byung ba 'di legs par bshad pa yin no/ /de bas 57b2rgyud 'grel): na gang gis snang ba chos thams cad spros pa med pa'i ting nge 'dzin la gnas bzhin du smon lam chen po'i mthus sems can gyi snang ba sku gcig dang du ma dang/ gsung dang thugs sna tshogs pa nyid kyang rdo rje 'chang chen po'i ye shes kyi snang ba tsam du lta'o// // gzhan ni go sla'o/ /rdo rje slob dpon lus 'di la zhes bya ba la sogs pas ni sbyor ba dang po'i lus kyi dkyil 'khor nyid du brjod pa ste/ gang gis rang gi gnas su lha so so'i yi ge bsam par bya ba la sogs pa'o// //gang gis blo dman don du rgyud chen 'grel// //legs btsams de las gsal bar ma gyur pa/ /de 'dir bdag gis cung zad legs par bkrol/ /dman pa rnams kyi don du blta bar gyis/ /sgron ma gsal bar byed pa'i 'grel bshad/ /slob dpon arya de bas mdzad pa rdzogs so// // */ /gsang 'dus sgron gsal gyi TIka dgongs pa rab gsal slob dpon b+ha bya kIrtis mdzad pa bzhugs so// //dbang bskur ba zhes bya ba la sogs pas le'u dgu pa'i bshad pa brtsam par bya ste/ rmad du byung ba'i bya bas kyang zhes pa ni 'jig rten dang 'gal ba'i spyod pa'i bya bas so/ /byang chub sgrub pa zhes pa ni rdo rje 'chang gi phyag rgya chen po'i sku rdzogs pa'o/ /dgongs pa ni 'di yin te gsang ba'i dbang bskur ba thob nas de'i dus su rdo rje 'chang chen po de nyid 'grub pa'i phyir ro/ /stobs kyi sbyor bas byang chub bsgrub par bya ste de'i phyir/ le'u brgyad pa'i yan lag tu gyur pa'i le'u dgu pa yin no/ /nam mkha' bzhi'i bdag nyid can gyis na zhes pa ni stong pa dang shin tu stong pa dang stong pa chen po dang thams cad stong pa ste
- 58a
stong pa bzhi'i bdag nyid can no/ /yang na rus sbal ma dang zla ba ma dang lhas sbyin ma dang nor rgyal ma te b+ha ga'i shar phyogs la sogs pa'i phyogs rnams la gnas pa ste 'byung ba'i rtsa'o/ /dbus su ni 'dod pa'i gdugs te dpal rdo rje 'chang chen po'i rang bzhin no/ /de ltar nam mkha' bzhi'i bdag nyid can no/ /ji skad du/ b+ha ga'i dbus su nam mkha' gang/ /nam mkha' lnga yis brgyan pa ste/ /lte ba dang ni ze'u 'brur ldan/ /mdab ma rnam pa brgyad kyis mdzes/ /thig le'i gzugs can bdud rtsi ni/ der gnas rtag tu 'dzag par byed/ ces 'byung ngo/ /de bzhin du /nam mkha' nam mkha' dang sbyor ba/ /thams cad nam mkha' nam mkha' che/ /zhes 'byung bas so/ /de nyid kyis na zhes pa la mi 'jigs pa'i phyir ro/ /bya ba'i rgyud la sogs par rab tu zhugs pa rnams kyis zhes pa ni / dpal sgrol ma 'byung ba la sogs pa'i rgyud rnams la rab tu zhugs pa rnams kyi'o/ /dbang bskur ba'i spyod pa zhes pa ni bya ba'i rgyud de la 'jug pa rnams kyi bum pa la sogs pa'i dbang bskur lnga dang spyod pa'i rgyud la 'jug pa rnams kyi de nyid brgyad dang / rnal 'byor rgyud la 'jug pa rnams kyi de nyid de 'on kyang sems ma rdo rje la sogs pa'i dbang bskur ni bzhi'o/ /'dir bzhi ni rab tu phye nas bcu bzhir 'gyur ro/ /de rnams kyi steng na gnas pas zhes pa ni rnal 'byor chen po'i rgyud kyi spyod pa thams cad kyi mchog yin pas so/ /dngos grub 'dod pa rnams kyis zhes pa ni zhi ba la sogs pa'i 'jig rten pa'i dngos grub 'dod pas so/ /de bzhin gshegs pa drug pa ste zhes pa ni thams cad bsdu bar byed pa bcom ldan 'das rdo rje 'chang zhes bya ba'i don to/ /sbyar ro zhes pa ni bya ba dang byed pa po'i tshig dag gi 'brel pa'o/ /bdag nyid kyi sku dang gsung dang thugs kyi long spyod la zhes pa ni rnal 'byor pa'i 'brel pa dang
- 58b
ldan ba'i sku gsung thugs gyi bde ba chen po myong ba'o/ /rnam par snang mdzad la sogs pa'o zhes pa ni rnam par snang mdzad la sogs pa re re'i sku la sogs pa'i ngo bo yin pas so/ /shin tu rmad du byung ba'i dkyil 'khor zhes pa di srog gcod ba dang ma byin pa len pa dang gzhan gyi bud med la 'gro ba dang brdzun smra pa dang tshig rtsub mo'i sgo nas dpal rdo rje 'chang gi go 'phang thob par byed pa'o/ /rin po che lta bu'i gang zag gi spyod yul yin gyi zhes pa ni dbang po rno ba'i gang zag dam pa rnams kyi spyod yul yin pas so/ /gzhan sangs rgyas kyi mu stegs pa dag ces pa ni/ nyan thos kyi theg pa la sogs pa zhes bya ba'i don to/ /skrag par byed bas zhes pa ni bsdigs par byed pa'o/ /bsdigs pa de yang srog gcod pa la sogs pa'i tsha ba'i rnam par smin pa thos bas so/ /thabs la mkhas pa dang ldan pa'i sngags pa rnams kyis 'gal ba'am mi 'gal bar byed pas byang chub nyid thob par 'gyur te / dge ba 'am ni mi dge pa/ /byang chub sems dpa' brtags pa yis/ /thams cad dge ba nyid 'gyur te/ /gang phyir de rnams yid dbang ba'o/ /zhes bshad pa'i phyir ro/ /mi brtan pa ni zhes pa la de rnams la bshad par mi bya'o/ /de nyid bstan par bya ba'i phyir / rnam pa de lta bu zhes bya ba la sogs pa bstan to/ /sgra ji bzhin pa'o zhes pa ni/ bstan pa tsam so sor bstan pa la sogs pa'i sgras so/ /nam mkha' i dbyings kyi dbus gnas par zhes pa nas brtsams te gzhan du sdig pa'i phul yin no/ zhes pa'i bar du thugs rdo rje 'chang gi ting nge 'dzin gyis dkon mchog gsum la gnod par byed pa mtshams med pa rnam pa lnga byed pa la sogs pa mngon spyod kyi sgo nas mi bskyod pa'i sangs rgyas kyi zhing la skye? bar bstan to/ /de la rim pa ni 'di yin te/ re zhig dang po rnal 'byor pas dang po'i sbyor ba'i ting nge 'dzin gyis dpal rdo rje 'chang chen po'i phyag rgya chen po'i sku bsgoms la de yongs su gyur pa las bcom ldan
- 59a
'das mi bskyod pa zhal gsum phyag drug pa sngar bshad pa'i sku? mdog dang phyag mtshan 'dzin pa bsgoms te/ rang gi phyag la 'bar ba'i phreng bas khyab pa rtse lnga pa'i rdo rje rnam par bsams pa gdan gyi pad+ma'i nang nas gru gsum pa me'i dkyil 'khor gyi steng du yi ge hUM las byung ba'i nyi ma'i dkyil 'khor 'bar ba'i phreng ba rnam par spro ba bsams te / rang gi snying gar nyi ma'i dkyil 'khor gyi steng du hUM las 'byung ba'i 'bar ba'i rdo rje nyid bkod la dkon mchog gsum la sogs pa la gnod par byed pa gcer bu skra grol ba til mar gyis yan lag byugs pa / rlung gi dkyil 'khor gyi steng du me'i dkyil 'khor gru gsum 'bar ba'i phreng bas khyab pa la 'dug pa khro bo'i rgyal po'i tshogs gyis thob? la sogs pas brdeg par gyur pa/ mche ba rno ba dang ldan pa'i khri la sogs pa'i srog chags ma rungs pas bskrad par bya ba bsams la / sdig pa chen po dang ldan pa 'di yin no zhes nam mkha' la bzhugs pa'i de bzhin gshegs pa rnams la gsol ba 'debs shing gsan du bcug la / las kyi rnam par smin pa dka' ba mnar med pa'i sdug bsngal de'i rjes su dran nas de gdon pa'i bsam pa dang ldan pas rlung gi dkyil 'khor gyis g.yo ba chos 'byung gi nang nas 'jug pa/ de'i dbus na gnas pa'i gru gsum pa 'bar ba'i 'od kyis gdung bar bya ba pad+ma'i nang du zhugs pa'i gsang ba'i rdo rje 'bar bas phye mar brlag par bya ba rang gi snying ga la gnas pa'i 'bar ba'i rdo rje yang dag gi lam nas spros te / lha mo'i khar bcug la de'i snying gar phyin nas de las kyang thog 'bar ba bzhin du bcug nas phye mar gyur pa bsregS pas thal bar gyur par bsams te / de'i rnam par shes pa yang dang bar mar me dang 'dra bar bltas te / de yongs su gyur pa las bcom ldan 'das mi bskyod pa zhal gsum pa la sogs pa lta bu lha mo dang snyoms par zhugs par
- 59b
dmigs la de las spros te / zhe sdang gyi spyod pa dang ldan pa'i sems can gyi khams sbyong ba sngon du 'gro bas mngon par dga' ba'i sangs rgyas kyi zhing la bzhugs pa/ dkyil 'khor pa rnams kyis yongs su bskor ba chos ston bar mdzad par bsam par bya'o/ /'od 'phro ba zhes bya ba la sogs pas rdo rje 'od dang bcas pa 'di bstan to/ /'dis zhes bya ba la sogs pa ni spyi la gcig gi tshig go /khams gsum du byung ba'i de bzhin gshegs pa rnams shes pa ni de bzhin gshegs pa rnamS dang por byas nas so/ /rdo rje phye mar brlag pa ste / zhes pa ni rdo rje gsum gyis gdul bar dka' ba'i gdul bya rnams so/ /de rnams kyi zhes pa ni / gdul bar dka' ba'i bsgrub bya rnams kyi'o/ /sku la sogs pa ni rdo rje gsum po nges phye mar brlag par bsam par bya'o/ /thugs kyi dngos grub thob par 'gyur ba ste/ zhes pa ni bsgrub bya dpal rdo rje thugs kyi rdo rje 'chang gi go 'phang thob pa'o/ /rdo rje gsang ba 'di lta bus / zhes pa ni gsang ba'i rdo rje dang snying ga'i rdo rje dang phyag mtshan gyi rdo rje gsum gyis mtshams med pa lnga byed pa'i sems can thams cad brlag par bya'o/ /bsam gtan gyi khyad par/ zhes bya ba la sogs pas phan? yon bstan to/ /mi bskyod pa'i sangs rgyas kyi zhing du /zhes pa ni mngon par dga' ba la'o/ /rgyal ba'i sras zhes pa ni / rgyal ba dang rgyal ba'i sras ni rgyal sras te / sangs rgyas dang byang chub sems dbar skye bar 'gyur ro/ /'di ni/ zhes bya ba la sogs pas nye bar bsdus pa'o/ 'dir gang zhig gcig pu zhes bya ba la sogs pas lung tshad ma nyid du bstan te / gal te gcig pu ni gdul bar dka' ba skye bo thams cad 'tshe bar byed pa'o/ /bsang na ni de gdon pa'i phyir srog dang bral bar bya ba'o/ /mang po bde?
- 60a
bar 'gyur ba ni bde ba dang ldan par gyur pa gang yin pa de yin pas so/ /bsod nams kyi phung po chen por 'gyur ro/ /gzhan du ni gal te de ltar ma byas na/ 'phran tshogs la dmigs pa tsam gyis pha rol gyi skyon mthong nas mngon spyod byed na de'i tshe sdig pa'i phul du 'gyur te snying rje dang bral bas so/ /srog gcod pas ni mnar med pa'i sdug bsngal 'byung bar 'gyur te/ /srog gcod pa ni ma rungs pa/ drag po lag pa khrag gis byug /sdig pa'i las ni kun spyod pa// du 'bod la ni skye bar 'gyur/ /zhes 'byung bas so/ /'o na ting nge 'dzin gyi stobs kyis gsod pa de yang dmyal ba'i rgyur ji ltar mi 'gyur zhe na/ smras pa byang chub sems dpa' sems dpa' chen pos zhe sdang las byung ba'i gsod pa mi byed cing 'on kyang snying rje chen po las 'byung pa'o/ /snying rje chen po yang tshad med pa'i mtshan nyid can bsod nams kyi tshogs kyi rgyud nyid du 'gyur ro/ /de bas na bsam pa'i khyad par gyi dbang gis mi dge ba yang dge bar 'gyur ba dang/ /dge ba yang mi dge bar 'gyur te / sbyin pa btang pas sbyin pa'i 'gyod pa skyes pa bzhi no/ /dge ba 'am ni mi dge ba/ /byang chub sems dpa' rtogs pa yis/ /thams cad dge ba nyid gyur te/ /gang phyir de rnams yi bdang ba'o/ /zhes 'byung ngo/ / gzhan yang nang na snying rje khyab pa'i phyi rol tu gzugs 'gyur pa'i byang chub sems dpa' rnams kyis 'gro ba 'dul bar byed pa ste/ ji skad du/ nyi ma'i 'od kyis gdung ba'i mtsho chen po/ /mtshungs pa'i sku ldan khros pa'i snying rje che/ /nang na gangs ltar shin tu grang ba ste/ /'gro ba 'dul phyir phyi rol tu ni tsha/ /zhes 'byung bas so/ /gzhan yang mngon spyod yin mod kyi 'on kyang yan lag lnga po'i srog gcod pa'i yan lag gcig ma tshang bas srog gcod pa ma yin no zhes lung
- 60b
las gsungs so/ /rnam par rtog pa'i dra ba ma lus pa rab tu bcom pa sems kyi rgyud thugs rje chen pos tshim pa/ /mnar med pa'i sdug bsngal las gdul bar dka' ba'i sems can rnams gdon par dka' ba 'ba' zhig tu byang chub sems dpa' ma yin gyi ji srid mngon par dga' ba'i sangs rgyas kyi zhing la de rnams rab tu gnas par 'dod pa sngags dang phyag rgya dang ting nge 'dzin gyi rims pas/ /de rnams kyi srog 'gugs par byed pa'i ji ltar sdig pa skye bar 'gyur / 'on te sems can ma lus pa'i don sgrub pas long spyod dang thar pa'i 'bras du thob par 'gyur ro zhes bsdus pa'i don to/ /yang na 'khor gsum rnam par dag pas mngon spyod byed na yang skyon med de/ /drag po'i nyer 'gro rnam rig ni/ /skad gcig yin pas mi 'thad de/ /'on te tshul 'di nyid la ni/ /gang du bsad? bya gsod byed min/ zhes 'byung bas so/ /gti mug gi dam tshig ces pa ni rnam par snang mdzad kyi rigs kyi dam tshig go /rmongs shing ma rig pa zhes pa ni snang ba nye bar thob pa'i ye shes kyi rnam grangs so/ /yang dag pa'i mdza' thob par mdzad pa zhes pa ni 'od gsal ba'i de kho na nyid mngon du byed pa'o/ /snang ba nye bar thob pa la sogs pa'i rim pas 'od gsl ba'i go 'phangs mngon du byed par 'gyur te/ rim pa gnyis pa dang bzhi pa dag gis so/ /rang bzhin gyis yongs su dag pa ste nyid phyir ro/ /bsod nams dang bsod nams ma yin pa dag gis ma gos pa ni zhes pa la/ kun nas nyon mongs pa dang/ rnam par byang ba'i bag chaD dag gis ma rag? pa'o/ /des ni zung du 'jug pa'i rim pa'i bdag nyid bcom ldan 'das bstan to/ /ser sna'i nyon mongs pa sel ba'i bdag nyid kyis zhes pa ni nyon mongs pa ser sna las ldog pa'i mtshan nyid ces bya ba'i don to/ /phyin
- 61a
ci ma log pa zhes pa ni mi bslu ba'o/ /rdzas dgug pa ni ser sna dang bcas pa'i skye bo nor dgug pa'o/ /bshad zin pa ni mi bskyod pa la sogs pa'i ting nge 'dzin bzhin no/ /'khor lo'i dkyil 'khor zhes bya ba la sogs pas dang por sbyor ba'i ting nge 'dzin gyi rim pas rang gi bdag nyid rdo rje 'chang chen po'i sku bskyed la de yongs su gyur pa las ji ltar gsungs pa'i dbyibs dang kha dog la sogs pa dang ldan pa rnam par snang mdzad bsgoms la/ dkyil 'khor rgyal ba mchog gi ting nge 'dzin gyis dkyil 'khor pa rnams spros la de rnams kyang ser sna can gyi skyes bu'i mdzod la sogs pa la zhugs nas rang gi ba spu'i bu gnas byung ba'i 'od zer gyi tshogs kyis de rnams kyi rin po che la sogs pa bcings te / rang gi lce las byung ba'i yi ge hi: yongs su gyur pa'i lcags kyus bkug la rlung gi dkyil 'khor gyis bskul zhing de bzhin gshegs pa khro bo gzugs 'dzin pas bsrung ba/ rang gi mdzod la 'jug cing gnas par bsgom par bya'o/ /de nyid bstan par bya ba'i phyir/ rdo rje 'chang chen po'i phyag rgya chen po'i sku ste dang po sbyor ba'i yan lag tu gyur pa'i ting nge 'dzin las bskyed pa'o/ /de yongs su gyur pa las zhes pa ni rdo rje 'chang chen po yongs su gyur pas so/ /rnam par snang mdzad du bdag nyid bsgoms la zhes pa ni rnal 'byor dang rjes su rnal 'byor dang shin tu rnal 'byor dang rnal 'byor chen po'i rim pas rdzogs pa'o/ /dkyil 'khor thams cad ces pa ni mi bskyod pa la sogs ba'o/ /dbyung bar bya'o zhes pa ni phyag rgya 'dus byas pa sngon du 'gro bar dkyil 'khor rgyal ba mchog gi ting nge 'dzin gyi rim pas spro bar bya'o/ /dkar po la sogs pa'i mdog dang ldan pa zhes pa ni dkar po la sogs pa'i 'od zer dang ldan pa'o/ /rin po che'i rigs zhes pa ni chu shel la sogs pa'i rin po che'i rigs so/ /
- 61b
de'i don du rab sbyor bas zhes pa ni de rnams dgug pa'i don du'o/ /mi bskyod pa la sogs pa rnams su zhes pa ni rab tu brtag cing gtong ba ste / 'od ces pa ni 'od zer gyi sbyor bas spro bar bya'o/ /de nyid bstan par bya ba'i phyir / rin po che gang dang gang zhes bya ba la sogs pa smos te /dgongs pa ni ji ltar dkar po la sogs pa'i kha dog dang ldan pa rnam par snang mdzad la sogs pa'i sku la dmigs nas zhi ba la sogs pa 'grub pa de bzhin du kha dog mthun pa la dmigs nas / rin po che rnams kyang 'gugS par bya'o/ /de ltar zhes bya ba la sogs pas bka' i 'khor lo bskul ba sngon du 'gro bar rnal 'byor pa'i phrin las bshad par bya ste / de bzhin gshegs pa rnams kyi rdzas dgug pa zhes pa ni ser sna can gyi skyes bu'i nor dgug bya'o/ / rdo rje gsum ni mdor bstan pa'o/ /sku dang zhes bya ba la sogs pas ni rgyas par bshad pa'o/ /'di lta ste ba spu'i bu ga zhes pa la sogs pa yang bshad pa'o/ /de yang go sla'o/ /phan yon bstan par bya ba'i phyir/ /mi zad pa'i phyir na zhes pa ni snod dam pa la 'bul ba'i phyir ro/ /skyes bu gang gis sangs rgyas la 'bul te/ de yi longs spyod phun tshogs mi zad 'gyur/ zhes 'byung ngo/ /yid la mngon par 'dod par don rab tu skyed pa'i nor bu'i bye brag ste / zhes pa ni 'khor los sgyur ba'i khyim du gang yod pa'o/ /de dang 'dra ba ni deng mtshungs pa ste/ /pha rol rnams kyi yang dbul po'i sdug bsngal bcom par byed pa'o/ /'o na bsam pa dang dang pa dag gi gzhan la sbyin pa gang yin pa de'i 'bras bu dang 'brel pa'i rigS pa yin te / sbyin pa dang pas 'bul bar bya / zhes 'byung bas so/ /gang zhig dang pa'i sems ma byung ba'i ser sna can gyi nor stobS kyi? 'phrag de'i 'bras bu dang 'brel pa med na mi zad pa nyid smos kyang ci dgos/ gang gi phyir dge ba'am mi dge ba'i las
- 62a
thams cad kyi bya ba yid kyi bya ba dang 'brel pas 'bras bu dang ldan par 'gyur gyi/ lus dang ngag gi rnam par rig byed yod na yang de mngon du ma gyur pas don med par 'gyur ro/ /bzas pa dka' thub thams cad ni/ /yun ring du yang byas pa de/ /gzhan gyi sems kyi byas pa na/ /de nyid rig pas don med gsungs zhes 'byung ngo/ /ser sna can gyi sbyin pa'i sems mang pa 'ba' zhig tu ma zad kyi 'on kyang ? pa'i sems kyang bskyed de rdzas dbrog par mthong pas so/ / gang la smod pa'i sems bskyed pa de ni byang chub sems dpa' o/ /byang chub sems dpa' la sems kyis smod pas dmyal bar skyo bar 'gyur te/ de ltar yon bdag rgyal ba'i sras la ni / gang gi rang gis sems kyis smod byed pa / smod pa rnams ni 'byung ba'i grangs kyi ni/ /bskal par dmyal bar gnas zhes mgon pos gsungs/ /gal te gang gi yid ni dang gyur na/ /de yis 'bras bu de las lhag par skyed/ /gang phyir stobs ni chen pos sdig pa ni/ /rgyal ba'i sras la lhun gyis dge bar 'gyur/ zhes 'byung ngo/ /de bas na mi zad pa zhes rigs pa ma yin no zhe na/ /smras pa 'dir byang chub sems dpa' sems dpa' chen pos gzhan gyi don bya ba las ma gtogs pa gzhan ni mi spyod de gzhan gyi don yang snying rje chen po sngon du gyur pa mngon du 'gro ba yin no/ /ji skad du / sems bskyed pa ni gzhan don phyir/ /yang dag rdzogs pa'i byang chub 'dod/ /mdor bsdus pa dang rgyas pa yis/ /de ni ji ltar mdo bshad bya zhes 'byung ngo/ /de bas na snying rje chen po dang ldan pa'i byang chub sems dpa' ser sna can gyi rnam par smin pa tsha ba'i yi dags nyid rnam par spyod nas de las gdon pa'i bsam pas/ /gal te de'i nor sngags dang phyag rgya'i sbyor bas 'phrog na de'i tshe de'i sdom pa nyams par mi 'gyur te/ bsam pa'i
- 62b
khyad par dang ldan pa'i phyir ro/ /nor gyi bdag po rnams kyang snod dam pa'i lag tu byin pas 'bras bu dang ldan par 'gyur te / ji skad du mas tshig pa 'am chus khyer ba/ /rgyal po rnams kyi 'phrog pa 'am/ /gang zhig nor ni rang sbyin pa/ /tshe phyi ma la drug 'gyur 'gyur/ /zhes 'byung bas bems po khyer ba yang nor gyis 'bras bu dang ldan pa yin gyi 'dod chags la sogs pa'i nyes pa dang bral ba'i byang chub sems dpa' i phyag tu phyin na ji ltar 'bras bu dang ldan par mi 'gyur/ ser sna can la bsam pa ? med do / zhes gang smras? pa de la yang smra bar bya ste/ /ser? sna can gyi chos ston pa la sogs pas bskal pa stong gis kyang gtong ba'i sems bskyed par mi 'gyur ro/ /de ma skyes pas rnam par smin pa ni dka' ba snyed par mi 'gyur ro/ /bskal pa stong gis nyams su myong ba'i yi dags kyi sdug bsngal las/ /rdzas 'phrog pa'i sdug bsngal skad cig ma yin pas mi gnod de ji skad du / gsad bya'i lag pa bcad nas ni/ /gtong bar 'gyur na ci mi rung/ /ma yis mngal gyi dmyal ba las/ /grol bar gyur na ci mi rung/ /zhes 'byung ngo/ /de bas na che ba dang chung ba'i bsam pas ser sna can gyi skyes bu'i dub pa'i sems kyi 'bras bu mchog mthong bas legs pa yin no/ zhes skyon med do/ /yang na ser sna can gyi nor bkug nas slar yang de nyid la byang chub sems dpas byin nas chos bstan par bya ste/ /bud smad kyi phyir nor ba srung ba/ /gang zhig mi spyod ster ma yin/ /de las sbyin par blang ba yis/ /dad spyod yi dags skye bar 'gyur/ /zhes bya ba la sogs pa'i chos bstan pa'i tshig gi rgyud de nyid kyi btul la yang dag par gzung zhing nor de gtong ba la 'jug cing/ /bsod nams kyi tshogs sngon du 'gro bar ye shes kyi tshogs nye bar bsags la rim gyis byang chub sems dpa'
- 63a
nyid dang sangs rgyas nyid thob par 'gyur ro zhes shin tu phal cher thal bas chog /rnal ma rnam par dpyad par bya ste/ rdzas kyi bdag po zhes pa ni ser sna can gyi skyes bu phun sum tshogs pa dang ldan par 'gyur ro/ /'jig rten pa zhes bya ba la sogs pas rdzas kyi phun sum tshogs pa 'ba' zhig dgag par bstan to/ /sangs rgyas thams cad kyi sras kyi gtso bor gyur pa zhes bya ba la sogs pa ni mthong ba dang/ bsgom pa la sogs pa'i lam gyis yang dag pa'i ye shes mngon du byas la slar yang rim pa gnyis bsgoms pas byang chub sems dpa' dang sangs rgyas nyid thob par 'gyur ro/ /zhes bya ba'i don to/ /de nyid bstan par bya ste phyis de bzhin gshegs par 'gyur ro/ /zhes bya ba'o/ /'di ni zhes bya ba la sogs pas gti mug gi rigs kyi dam tshig nye bar bsdus par bstan to/ /dpal rnam par snang mdzad mngon par byang chub pa zhes bya ba spyod pa'i rgyud ces bya ba 'dis lung tshad ma nyid du bstan to// byang chub sems dpa' thams cad kyis shes pa ni byang chub semS dpa' i sku gsung thugs kyis so/ /ma byin par len pa thams cad ces pa ni dman pa dang bar ma dang mchog las so/ /ser sna can las ma gtogs pa'o/ /zhes pa ni de la ldog par mi bya'o zhes bya ba'i don to/ /'dod chags kyi rigs kyi dam tshig la 'jug pa zhes pa 'dis 'od dpag tu med pa'i rigs bsgoms pa'i sgo nas pha rol gyi bu smad la 'gro ba'i mtshan nyid kyi rnal 'byor gyis 'dod pa thams cad kyi dbang phyug nyid du bstan to/ /rang gi rang bzhin bsgyur bas shes pa ni mig la sogs pa'i dbang po'i tshogs la rang gi ngo bo so sor snang bas so/ /gzugs la sogs pa zhes pa ni mig la sogs pa'i dbang po'i spyod yul te yul lnga'o/ /thar pa 'dod pa zhes pa ni grol bar 'dod pa'i rnal 'byor
- 63b
pa rnams so/ /sdug bsngal thams cad nye bar zhi pa'i mtshan nyid can zhes pa ni sdug bsngal thams cad kyi rgyur gyur pa 'dod chags la sogs pa'i rang bzhin gang yin pa de rnams sngags dang phyag rgya'i rim pas nye par zhi ba'i mtshan nyid can ni spang ba'i mtshan nyid sgrub par byed pa ste rdzogs par byed pa'o/ /bden pa gnyis kyi bdag nyid can yin pas na/ /zhes pas ni kun rdzob dang don dam pa dbyer med pa'i bdag nyid do/ /mi gnas pa'i mya ngan las 'das pa la gnas pas na zhes pa ni gnyi ga la dmigs pa las rnam par grol bas so/ /nam mkha' zhes bya ba la sogs pas 'di skad bshad pa yin te / re zhig dang po rnal 'byor bzhi'i rim pas rdo rje 'chang chen po yongs su gyur pa las / zhal gsum pa la sogs pa'i rnam pa can bcom ldan 'das 'od dpag tu med pa gos dkar mo dang snyomS par zhugs par bsams te / dkyil 'khor rgyal ba mchog gi ting nge 'dzin gyi rim pas dkyil 'khor ba sum cu rtsa gnyis spros la/ /de dag thams cad dang khams gsum gyi nang na gnas pa'i sems can gyi khams thams cad kyi bud med kyi tshogs dang lhan cig 'dus te gos dkar mo'i rnam par bsams la / de dag thams cad rang 'od snang pa'i gos dkar mo la bsdus te / de dang lhan cig tu 'khor lo gnyis ka rjes su chags pa'i rim pas snyoms par zhugs pa'i bde ba nyams su myong la / ji srid chos dang longs spyod dang sprul pa'i sku dang dbyer med pa'i rang bzhin bde ba chen po myong bar gyur pa de srid du gnas par bya'o zhes ston to/ /de nyid bstan par bya ba'i phyir/ 'od dpag tu med pa bskyed par mdzad pa'i zhes pa ni rdo rje 'chang chen po'i phyag rgya chen po yongs su gyur pa las 'od dpag tu med pa bskyed pas so/ /nye bar gdags pas na zhes pa ni rgyu la 'bras bu nye bar gdags pa ste mar tshe bzhin no/ /rdo rje 'chang chen po yongs su gyur nas zhes pa ni snga ma bzhin du rnal 'byor gyi yan lag gis so/ /'od dpag tu
- 64a
med par rab tu bsgoms la zhes pa ni rjes su rnal 'byor la sogs pa gsum gyis so/ /dkyil 'khor ba'i lha rnams kyis ni mi bskyod pa la sogs pa'o/ /gzhan yas khang gi nang thams cad ces pa ni gzhan yas khang pa'i nang na gnas pa pad+ma dang zla ba dang nyi ma la sogs pa'i gdan rnams so/ /gnas ji lta bu bzhin du spro bar bya ba zhes pa ni shar la sogs pa'i phyogs rnams su phyag rgya legs par sbyangs pa sngon du 'gro bar/ dam tshig gi dkyil 'khor gyi rim pas byung bar bya'o/ /dkyil 'khor thams cad de zhes pa ni 'od dpag tu med pa'i dkyil 'khor la'o/ /dkyil 'khor thams cad ces pa ni mi bskyod pa la sogs pa'i dkyil 'khor ro/ /bud med dang skyes pa lta bu zhes pa ni de la bud med kyi rnam pa ni spyan ma la sogs pa'o/ /skyes pa'i rnam pa ni mi bskyod pa la sogs pa'o/ /bud med lta bur sbyar bar zhes pa ni khams gsum gyi nang na gnas pa'i ma lus pa lus pa med pa'i bud med kyi tshogs dang dbyer med par bsgom par bya'o/ / de nyid bstan par bya ba'i phyir / bud med lta bu ni mo lta bu ste/ /gos dkar mo'i rnam pa can no/ /de lta bu'i sbyor bar zhes pa ni dbyer med par bya'o/ /bud med kyi rnam pa lta bur yongs su gyur pa zhes pa ni rang 'od snang ba dang 'khyud pa gos dkar mo'i rnam par yongs su gyur pa ni gcig tu bya ba'o/ /ji ltar zhe na zhes pa la sogs pas bud med kyi tshogs thams cad kyis bskyed pa'i rim pa bsgom pa bstan to/ /rnal 'byor bzhi ste zhes pa ni rnal 'byor dang rjes su rnal 'byor dang/ /shin tu rnal 'byor dang rnal 'byor chen po'o/ /des ni dam tshig bzhi'i rnal 'byor gyis so/ /lha'i rnam pa ni gos dkar mo'i gzugs dang po sbyor ba zhes bya ba'i ting nge 'dzin gyis bsgom par bya'o/ /'dis ni zhes pa la sogs pas phan yon bstan te/
- 64b
rdo rje tshul ni mdor bstan pa'o/ /theg pa chen po'i tshul zhes pa ni dpal rnal 'byor chen po'i rgyud 'dus pa la'o/ /de ni 'dod pa'i dbang phyug gtso bo yin pas so/ zhes pa ni khams gsum gyi nang na gnas pa'i tha mal pa'i bud med dag par byed pa'i mtshan nyid can gyi dkyil 'khor pa'i lha mo yongs su gyur pa gos dkar mo dang snyoms par zhugs pas khams gsum gyi bud med dbang du gyur pas so/ /rjes su mnyes pa la sogs pa sngon du 'gro ba'i zhes pa ni sgrub thabs las gsungs pa'i rim pas 'od dpag tu med pa'i phyag rgya gar mkhan mo lo bcu drug lon pa phyag rgya legs par sbyangs pa'i rim pas 'dus byas la/ rnal 'byor gzhi'i bsgom pas gos dkar mo'i gzugs su bskyed la rdo rje dang pad+ma sbyar zhing de gnyi ga las byung ba'i 'od zer gyi tshogs phan tshul bzhugs pas yid kyi dga' ba myong zhing snga ma bzhin du de bzhin gshegs pa 'jug pa sngon du 'gro bar mchod pa'i lha mo spro zhing de rnams kyis mchod ba slar yang bsdus te /ma la sogs pa'i phyag rgya chos 'byung bskul nas dga' ba dang skyes pa'i phyag rgyas rang gi ske la 'khyud pa khams gsum gyi bud med dang dbyer med par byas te/ bde ba chen po skad cig ma gcig las myong bar bya'o de nyid bstan pa'i phyir/ /rdo rje dang pad+ma mnyam par sbyor bas zhes pa ni legs par sbyangs pa'i gsal ba'i rdo rje dang 'tsho skyes sbyar bas so?/ /sna tshogs dga' zhing zhes pa ni khams gsum gyi nang na gnas pa'i bud med kyi tshogs la 'dod pa'i blos so/ /bdag nyid rol pa'i bya ba dag gis zhes pa ni bud med thams cad kyi gzugs bsdus pa las byung ba'i gos dkar mo la 'dod pa'i bya bas so/ /skad cig ni dus gcig ste thams cad la gcig la 'jug pas so/ /gzhan du na rnal 'byor pa gcig gis phyag rgya du ma la dus gcig tu 'dod pa ji ltar 'gyur ro/ /'di zhes bya ba la sogs pas phan yon bstan te / sgrub pa po thams cad kyis zhes pa ni gsung gi rigs can 'od du?
- 65a
dpag tu med pa'i rnal 'byor ba rnams kyi'o/ /chos zhes bya ba la sogs pas bde ba chen po myong ba'i sgo nas chos kyi sku sgrub pa dang/ 'od dpag tu med pa'i phyag rgya chen po bsgom pa'i sgo nas longs spyod rdzogs pa'i sku sgrub pa dang/ pad+ma'i nang nas sprul pa'i dkyil 'khor sgom pa'i sgo nas sprul pa'i sku sgrub par 'gyur/ sgom pa ste zhes pa ni ting nge 'dzin ces bya'o/ /pad+ma'i rigs zhes pa ni gsung gi dbang phyug gi rigs la'o/ /bskyed pa'i rim pa la brten par gnas pas zhes pa ni rnal 'byor bzhi'i bdag nyid can gyi dang po sbyor ba dang dkyil 'khor rgyal ba mchog gi ting nge 'dzin bsgom par byed pa'i sgrub pa pos so/ /sgrub pa nyaMs su blang bar bya'o zheS pa ni bsgom par bya ba'o/ /ni zhes bya ba ni nges par gzung ba la'o/ /zhes pa ni tshig phrad don tu ma yin pa'i phyir ro/ /nges par gzung ba ni nges pa'o/ /de bsgrub par bya ba kho na yin zhes pa ni 'dod pa'i dbang phyug thams cad nyid bsgrub par bya ba'i don du bsgom par bya ba kho na'o// don yod par grub pa'i zhes pa la sogs pas rdzun smras pa'i sgo nas don grub pa'i dam tshig bshad par bya ste/ 'jug pa la sogs pa'i mtshan nyid rdo rje bzlas pa'o zhes pa ni 'gro ba dang 'od pa dang gnas pa'i sgo nas yi ge gsum yang dang yang du slob pa'o/ /des ston pas zhes pa ni rdo rje bzlas pa sngon du 'gro ba'i ngag rnam par dag pa'i rim pas so/ /mngon par 'dod pa'i don sgrub par mdzad pas na zhes pa ni/ sems rnam par dag pa'i rim pas thob par bya ba'i 'od gsal ba rdzogs par byed pa'o/ /des ni rdo rje bzlas ba dang/ sems rnam par dag pa'i rim pa gnyis bstan to/ /bdag dang bral ba gang yin pa de ni zhes pa la 'dod chags dang/ 'dod chags bral ba dang 'dod chags bar ma'i mtshan nyid kyi
- 65b
rnam par rtog pa gang du med pa de ni bdag dang bral ba ste/ phyag rgya dang ting nge 'dzin gyis rim pas thob par bya ba man ngag bzhi ba'o/ /bdag med pa de nyid ni zhes pa la mngon par byang chub kyi rim pas bstan to/ /sgyu ma lta bu'i sku dang ldan pas zhes pa ni sgyu ma lta bu'i sku la dmigs nas so/ /chos kyi sku'o zhes pa ni sngags dang rim pas thob par bya ba'i 'od gsal ba'o/ /de las 'byung ba zhes pa ni cig car ram snang ba nye bar thob pa la sogs pa'i rim pas ye shes kyi sku bskyed pa'o/ /des ni bdag la byin gyis brlab pa'i rim pa'i bdag nyid bcom ldan 'das bstan to/ /chen po ni kun rdzob kyi bden pa'o/ /rdo rje ni don dam pa'i bden ba'o/ /chen po dang ldan pa'i rdo rje 'chang chen po ni bden pa gnyis dbyer med pa'i mtshan nyid zung du 'jug pa'i bdag nyid bcom ldan 'das bstan to/ /de ltar rim pa lnga'i bdag nyid kyis bcom ldan 'das rdo rje 'chang chen pos 'og nas 'byung ba'i tshig 'di 'chad par 'gyur ba'i tshig bka' stsal pa ni gsungs so/ /sdud pa po'i tshig go zhes pa ni lag na rdo rje'i'o/ /rdo rje 'chang chen po bsgom pa ste zhes pa ni rnal 'byor gyi ting nge 'dzin gyis so zhes tshig lhag ma'o/ /de yongs su gyur pas rdo rje thog med de zhes pa ni lhag ma rnal 'byor gsum gyis so/ /dkyil 'khor pa thams cad bsgom par bya zhes pa ni dkyil 'khor rgyal ba mchog gi ting nge 'dzin gyis mi bskyod pa la sogs pa spro bar bya'o/ /sems can thams cad de nyid du gnas pa / zhes pa ni/ rdo rje'i tshig gi don sngar bshad pa'i chos thams cad bdag med pa'i mtshan nyid so sor ston pa'i tshig gi tshogs kyi brjod par bya ba la gnas pa / sems can thams cad zhugs pa'i yongs su gyur pa'i dkyil 'khor pa rnams chos thams cad bdag med par smra ba la bstan par gnas pa zhes pa ni bsam par bya'o//
- 66a
chos thams cad sgyu ma lta bu yin pas zhes pa ni gtan tshigs yin no/ /chos thams cad brdzun pa zhes pa ni dam bca' ba'o/ /nye bar mtshon pa tsam yin te chs thams cad stong pa yin te / rang bzhin med pa'i phyir ro chos thams cad mtshan ma med pa yin te/ dbang phyug la sogs pa'i rgyu med pa'i phyir ro/ /chos thams cad smon pa med pa ste/ rtog pa las 'das pa'i phyir ro/ /de bzhin du chos sgrogs pa bzhi ni 'dus byas pa thams cad ni mi rtag pa ste/ byas pa'i phyir ro/ /'dus byas pa thams cad skad cig ma yin te / byas pa'i phyir dang/ yod pa'i phyir dang/ rkyen gyi dbye bas phye bar 'gyur ba'i phyir ro/ /chos thams cad bdag med pa ste/ dmigs pa'i mtshan nyid dang ldan pa'i bdag mi dmigs pa'i phyir ro/ /mya ngan las 'das pa ni zhi ba ste / 'dus ma byas pa dang rang rig pa'i phyir ro/ /de la sogs pa brdzun pa'i tshig gis ni rdo rje'i tshig ces bya'o/ /yid kyi bya ba'i 'og tu ngag gi bya ba bshad par bya ste/ rgyal ba ni dkyil 'khor ba rnams so/ /sems can thams cad de zhes pa ni rang bzhin gyi dag pa'i phyogs la dmigs nas so/ /de bzhin gshegs pa'i snying po yin pa'i phyir zhes pa ni de bzhin gshegs pa thams cad kyi bdag nyid yin pa'i phyir ro/ /rgyal ba yang yin la zhes pa ni las 'dzin pa'o/ /de dag ni khams gsum pa la gnas pa'i sems can thams cad dkyil 'khor pa la bsdus pa'o/ /de nyid bstan pa'i phyir sems can thams cad ces bya ba la sogs pa bstan to/ /chos thams cad ni phung po la sogs pa'o/ /slu ba po ni brdzun pa ste stong pa'o/ /sgyu ma lta bu'i ngo bo nyid zhes pa ni dri za'i grong khyer la sogs pa bzhin du so sor snang ba yang bden pa yang ma yin pa ste/ rten cing 'brel pa las
- 66b
'byung ba'i phyir ro/ /brten nas 'byung ba ma byung ba/ /de nyid rig ba mchog gis gsungs/ /rtog ba med cing dmigs pa med/ /dgod pa med cing gnas med pa/ /ma rigs ben las byung ba'i/ /thog ma tha ma bar ma med/ /chu shing lta bur snying po med/ / dri za'i grong khyer dang mtshungs pa/ /rmongs par byed cing ma rungs pa'i/ /'gro ba sgyu ma bzhin du snang/ /zhes 'byung ngo/ /byang chub sems kyi rnam 'grel las kyang/ /gzugs ni dbu ba dang mtshungs la/ /tshor ba chu bur 'dra ba yin/ /'du shes smig gyu dang 'dra ba'i/ /chu shing dang mtshungs 'du byed rnams/ /rnam par shes ba sgyu ma bzhin/ /de ltar phung po rnams bstan pa'o zhes 'byung ngo/ /de bzhin du/ rang las ma yin gzhan las min/ /gnyi ga las min rgyu med min/ /dngos po gang dang gang du yang/ /skye ba nam yang 'thad pa min/ /zhes 'byung ngo/ /tshig brjod pa ni rang bzhin med pa/ /ston par byed pa'i tshig brjod pa/ bsgom pa ni bsam par bya'o/ /de yang zhes bya ba la sogs pas lha'i dbang po yongs su zhugs pa las tshad ma nyid bstan te/ /lha'ibu zhes pa ni kye brgya byin chos thams cad ni phung po la sogs pa'o/ /rdzun pa ni ngobo med pa'o/ /sgyu ma ni med pa yang 'khrul pa'i dbang gis snang ba ste brtags pa'i phyir dri za'i grong khyer bzhin no/ /da yang de bzhin du ston par byed pa zhes pa ni nges kyang sgyu ma lta bu nyid kyi chos ston pa st+te/ /rang mthong lam ston skyob pa yin zhes 'byung bas so/ /de na nga ni brdzun du smra ba'o zhes pa ni dngos po thams cad bdag med par smra ba'o/ /tshig dor tsam gyis bcom ldan 'das la brdzun smra ba'i skyon du thal bar 'gyur te nges pa'i tshig bstan pa'i phyir ro/ /de ltar bcom ldan 'das kyis nga ni yi dags yin no zhes ston pas de la bcom ldan 'das la yi dags nyid du thal bar mi 'gyur te/ gang gi phyir
- 67a
sdig pa thams cad 'joms mdzad pa/ srid pa'i rgya mtsho las grol phyir/ /de na nga ni yi dags te/ /ngan song las skyes ma yin no/ /zhes bya ba la sogs pa bzhin no/ /'di ni zhes pa la sogs phan yon bstan te/ de bzhin gshegs pa thaMs cad kyi zheS pa ni de bzhin gshegs pa thams cad kyi ngo bo rdo rje 'chang chen pos gsungs so/ /gsung ni nam mkha' dang 'dra bar zhes pa ni gsung yang yin la nam mkha' dang 'dra ba gang yin pa ste las 'dzin pa'o/ /dngos po med pas shes pa ni sgyu ma lta bu'i chos ston pa'i mtshan nyid 'dzin pas so/ /gnyis su med pa'i ye shes las/ /zhes pa ni ston pa nyid kyi de khon nyid la'o/ /lhag par mos pa zhes pa ni 'dod pa'o/ /des ni bskyed pa'i rim pa'i rnal 'byor ba rnams kyis sngar bshad pa'i ting nge 'dzin bstan to/ /slob bzhin pa'i zhes pa ni slob par byed pa ste las dang po ba rnams kyi'o/ /rang gi dam tshig ces pa ni don yod grub pa'i rigs kyi sdom pas so/ /'gugs pas na sgyu ma lta bu bstan pas 'dul bar bya ba'o ji lta ba'i dam tshig go zhes pa ni de kho na nyid dang ldan pa'i sdom pa'o/ /ji lta ba bzhin du zhes pa ni sems rtse gcig pas so/ /yang nas yang du bslab par bya ba ste zhes pa ni las dang po pas rgyun ma chad par bslab par bya'o/ /gzhan rnams bde bar bya phyir zhes pa ni rdo rje 'chang gi go 'phang thob pa'i mtshan nyid kyi bde ba'i rgyu / brdzun smra ba ni sgyu ma'i rang bzhin gyi chos thams cad smra ba ste brjod par bya'o/ /de bzhin spyod pa bde ba'i rgyu zhes pa ni bde bar phyir spyod pa gang yin pa de'i don du brdzun smra ba'o/ /dper na spros pa med pa dang shin tu spros pa med pa'i spyod pa dang ldan pa'i rnal 'byor pa smyon pa'i brtul zhugs dang ldan pas nga ni mu stegs pa yin pa dang tshogs kyi bdag po dang ldan pa nga yin pa dang ba smyon pa nga yin no zhes brdzun
- 67b
pa'i tshig smra te/ sbas nas rdo rje 'chang gi go 'phang thob ba'i phyir ro/ /ba smyon pa'i brtul zhugs la brten te/ phun sum tshogs pa 'grub par 'gyur zhes 'byung ngo/ /de bzhin du dkon mchog gsum la phan pa'i phyir zhes pa ni dkon mchog gsum ni sangs rgyas dang chos dang dge 'dun la phan gdags par bya ba'i phyir brdzun smra bar bya ste / dper na mtshams med pa byed pa dkon mchog gsum la gnod pa 'jug pa brdzun smra ba'i tshig gis bslu bar bya ste / des de la phan 'dogs pa'i phyir ro/ / de nas zhes bya ba la sogs pa 'dis rin chen 'byung ldan gyi ting nge 'dzin gyis tshig rtsub mo'i sgo nas 'gro ba'i don bya ba'i dam tshig bshad par bya ste / bcom ldan 'das de nyid ni dpal rdo rje sems dpa' o/ /sku la sogs pa'i rdo rje bsdus pa yin pa'i phyir zhes pa ni gcig tu gyur pa'i 'od gsal ba'i bdag nyid bcom ldan 'das rdo rje 'chang chen po la sku rdo rje la sogs pa thim zhing de las 'byung bas so/ /tha dad par byas pa zhes pa ni sku rdo rje la sogs pa bzhi dang/ /rdo rje 'chang 'di yin no zhes bya ba'o/ /de med pas na mi phyed pa de nyid do/ /bskyed pa yi ni rim pa dang/ /de bzhin rdzogs pa'i rim pa ste/ /rtogs pa rnam par bral ba ni/ /zung du 'jug pa'i mtshan nyid do/ /lha 'dis yongs su dag pa dang/ /'di ni yongs su ma dag ste/ /de ltar rtogs pa dbyer med pa/ /gang du de ni zung 'jug yin/ /zhes 'byung ngo/ /de nyid bstan par bya ba'i phyir/ /tha mi dad? pa'i ngo bo zhes pa ni zung du 'jug pa'o/ /dus gsum du bzhugs ba'i sangs rgyas zhes pa ni 'das pa la sogs pa'i dus la bzhugs ba'i de bzhin gshegs pa rnams so/ /bskyed pa'i gnas yin zhes pa ni 'od gsal ba'i bdag nyid can rdo rje 'chang chen po las grub pa 'dzin pa dang 'grub pa dang 'grub par 'gyur ro zhes 'byung ngo/ /dngos grub phyag rgya che bdag nyid/ /yod dang med pa'i
- 68a
phyogs spangs pa/ /gang ga'i bye ma dang mtshungs pa'i/ /de nyid kyis ni sangs rgyas 'gyur/ /zhes 'byung ngo/ /de nas rdo rje mi phyed pa gsum yang zhes pa'i las 'dzin pa'o/ /rdo rje 'chang nyid ngo? zhes pa ni 'jig rten las 'das pa'i phyir ro// mi phyed pas ni rnam par rtog pa'i tshogs dang bdud bzhi pos mi phyed pa'i phyir ro/ /de mchog tu ston par mdzad bas ni zhes pa ni sems can thams cad la dmigs par mdzad pa'o/ /don bshad zin pa zhes pa ni gong du bshad pa'o/ /rdo rje 'chang chen po'i phyag rgya chen po ste zhes pa ni chos 'byung gi nang na dam tshig gi dkyil 'khor de las bskyed pa'i phyir ro/ /de yongs su gyur pa las zhes pa ni rnal 'byor gyi ting nge 'dzin gyi 'og tu'o/ /dkon mchog dpal du rnam par bsgom zhes pa ni rgyal 'byor gsum gyi rdzogs pa'o/ /gzugs rnams kun gyi zhes bya ba la sogs pas dkyil 'khor rgyal ba mchog gi ting nge 'dzin gyis dkyil 'khor pa rnams spro bar bstan to/ /gzhal yas khang pa'i nang zhes pa ni gzhal yas khang pa'i nang na gnas pa pad+ma la sogs pa'i gdan rnams so/ /spro bar bya'o zhes pa ni gnas ji lta ba bzhin du dgod par bya'o/ /brtse ba med pa zhes pa ni dper na/ 'di ni dmyal ba'i chu yin te/ /dam tshig 'das pas bsreg par byed/ /dam tshig bsrung bas 'grub pa ni/ /rdo rje bdud rtsi chu 'dis 'grub/ /de bzhin du dka' ba ma 'das pas 'dus byas nas dmyal bar lhung bar 'gyur zhes pa la sogs pa rtsub mo yin yang rtsub mo'i tshig ma yin te / phan 'dogs pa'i bsam pa dang ldan pa'i phyir/ /me 'bar ba'i khang ba las stong pa'i khu tshur bstan pa'i phas byis pa la ston pa bzhin no/ /de la sogs pa'i tshig ces pa la sogs pa ni chags pas rol pa'i rol pa rgya che ba'i tshig dang 'khyal pa'i tshig de bzhin du de kho na nyid mtshon pa ngag gi brda'i rang bzhin dang phra ba'i tshig
- 68b
gis 'gro ba 'dul ba spyod par bya'o/ /de nyid bstan pa'i phyir/ de'i thabs kyi zhes bya ba la sogs pa bstan to/ /gnyis su med pa'i ye shes thob par 'gyur ro/ /zhes pa ni rtsub mo'i tshig gtso bor gyur pa dang tshig dang sdom pa la sogs pa bstan pas yang dag pa'i lam la bzhag ste/ rim gyis rim pa gnyis kyi sgom pas ston par byed pa dang/ slob ma dag kyang phyag rgya chen po'i dngos grub thob par 'gyur ro zhes bya ba ste/ /de bzhin gshegs pa thams cad kyi rdo rje bkod pa zhes bya ba ni de bzhin gshegs pa thams cad nye bar bsdus pa'i mtshan nyid dpal rdo rje 'chang zhes bya ba'i don to/ /drang ba 'i don to zhes pa ni bskyed pa'i rim pas dam tshig lnga ston pa'i phyir ro/ /lung gi bshad pa zhes pa ni dgongs pa lung bstan pa'i rgyud kyi tshad mas nges pa'i don bstan par bya ste/ dgongs pa 'i chos gcig pu zhes pa ni sbas par bshad pas don zab pa'i tshig go /dam tshig ni sngar bshad pa lnga po'i de nyid don ni nges pa'i don te sbas pa'i don gsungs pa ni de rjed par byed pa'i tshig bka' stsal to/ /zhes sbyar ro/ /gtso bo ni lnga po'i dbang byed pas so/ /kun mkhyen ni ye shes gsum rtogs pas so/ /'das pa la sogs pa'i dus gsum gyi sems kyi spyod pa mkhyen pas na kun rig go /nyan thos ba dang// rang sangs rgyas dang byang chub sems dpa' rnams kyis bsten par byas nas mgon po'o/ /lag na rdo rje ni byang chub sems dpa' dpal rdo rje 'chang la 'di skad gsol te zhugs so/ de bzhin du dngos gcig pa zhes pa ni stong pa nyid kyi rang bzhin no// dus gsum byung ba'i sangs rgyas zhes pa ni dus gsum la bzhugs pa'i bcom ldan 'das rnams so/ /chos sku gcig pu las 'khrungs pa zhes pa ni de rnams chos kyi sku'i rang bzhin yang yin la/ de las skyes pa ni longs spyod rdzogs pa dang
- 69a
sprul pa'i sku'i rang bzhin no/ /de ji ltar rdo rjes phye mar brlag pas zhes pa ni phyi rol gyi mtshon pa'i ngo bos ji ltar phye mar brlag par 'gyur te / sgrub pa mi nus pas so/ /gang gi phyir nam mkha' i me tog ni ri bong gi rwas phye mar brlag par mi 'gyur te/ /gnyig yang med pa'i phyir ro/ /de ni zhes pa la sogs pas de phye mar btags pas thugs kyi dngos grub ni mi bskyod pa'i go 'phangs ji ltar thob par 'gyur ro/ /de nyid spros pas bshad par bya ste/ 'das pa ni 'od srungs la sogs ba'o/ /ston pa ni bcom ldan 'das gdams ngag mdzad pa'o/ /da ltar ni shAkya thub pa la sogs pa rjes su ston par mdzad pa ni 'gro ba phan thogs par mdzad pa'o/ /mnyes bya zhes pa ni bsnyen bkur bya ba ma 'ongs pa'i sangs rgyas ni byams pa la sogs pa'o/ /chos bstan pa'i sgo nas rdzogs pa'i byang chub rtsol pa po/ /zhes pa ni rdo rje 'chang chen po'i go 'phangs thob par mdzad pa gang yin pa de rnams mi bskyod pa'i rang bzhin gyi thugs kyi rdo rje'i ting nge 'dzin gyis ji ltar gsod par 'gyur te/ mtshams med pa'i sdig par thal bar 'gyur bas so/ /de nyid sna tshogs don ni drang ba'i don yin nam yang na ldan tshig ces pa ni des pa'i don yin nam zhes de rnams kyis ni zhes pa la/ ma 'ongs pa'i sems can rnams kyis ji ltar rtogs pa ni shes par 'gyur ro/ /de bas na gang zhig ces bya ba la sogs pas ma 'ongs pa'i sems can rnams rjes su gzung bar bya ba'i phyir dam tshig gi tshig de kho na nyid gsungs shig /gang yongs su shes pas byang chub sems dpa' i rnal 'byor bas rnam par mi rtog pa'i go 'phangs thob par 'gyur ro zhes bstan to/ /de nas zhes pa la sogs pas lag na rje'i tshig gsan pa'i 'og tu 'dri ba mchog yin pas legs pa gsum de la
- 69b
byin nas bdag la gsol ba 'debs pa gang yin pa de ji lta ba bzhin du rab tu bshad par bgyi zhes bcom ldan 'das kyis bka' stsal to/ /mi bskyod 'di la gang bshad pa de ni sprul pa ste de ni ye shes kyi sku'i mtshan nyid ces bya ba'i tha tshig go /de nyid sgyu ma lta bu nyid du mthong bas mi phyed pas rdo rjer 'gyur zhes bstan to/ /ma rig ba ni snang ba nye bar thob pa'i ye shes so/ /de nyid 'od gsal ba'i 'bras bu lan par byed pas na lag pa dang 'dra bas lag pa zhes bya'o/ /de ni snang ba nye bar thob pa'i ye shes kyi yul du 'od gsal ba mngon du byed pa gang yin pa de ni rdo rje zhes bya'o/ /rim pa gnyis pa thob par bya ba'o 'od gsal ba'i de kho na nyid de las ye shes kyi rang bzhin gyi sku ni de bzhin gshegs pa lnga'i rang bzhin gyi 'od zer lnga ni 'gyur bar spro bar bya'o/ /de nas sgyu ma yang rtog pa dang bcas pas spang bar bya ba yin te/ cig car du bskyed pa'i phung po la sogs sangs rgyas ni bdag nyid kyi lus dang 'brel pa can gzugs la sogs pa'o/ /rdo rje gsum skyes dus gsum shes zhes pa ni sku la sogs pa'i bdag nyid de rnams kyang sku'o rdo rje ni mngon par byang chub pa'i rim pas thob par bya ba 'od gsal ba'i rdo rjes sgyu ma'i lus tha mal pa'i phung po la sogs pa'i rang bzhin ma yin pa yang mi snang bar bya'o/ /'di ni zhe sdang rigs zhes pa ni 'dod chags la sogs pa'i rang bzhin spong bar byed pa'i rim pa bzhin pa la'o/ /mi bskyod rdo rje'i ye shes pa ni man ngag bzhi pa las 'byung ba'i 'od gsal ba zhes bya'o/ /de'i zhes pa la sogs pas 'gro ba'i don bya ba'i phyir zhing ni man ngag bzhi pa la dmigs nas dngos grub chen po ni rdo rje 'chang chen po phyag rgya chen po'i gzugs skye ba ni de las 'byung ba'o/ /mchog ni bden pa gnyis dbyer med pa'i mtshan nyid thob bar 'gyur zhes pa ni rnyed par 'gyur ro zhes sems rnam par dag pa dang/ bdag la
- 70a
byin gyis brlab pa dang/ mngon par byang chub pa dang zung du 'jug pa'i rim pas bstan to/ /de nas zhes bya ba la sogs pas gti mug gi rigs kyi dam tshig bstan par bya ste/ bzhi pa'i bdag nyid yin pas na bde ba chen po'o/ /tshogs gnyis dang ldan pas na dpal ldan no/ /ye shes ni gsum mo/ /thar pa ni 'od gsal ba'o/ /ye shes kyi sgo nas thar pa bsgrub par mdzad pas na ye shes thar pa rab tu sgrub pa'o/ /'dod chags bral ba la sogs pa rang bzhin brgya drug cu spong par mdzad pas? na rang bzhin gyi dag pa'o/ /glo bur gyi dri ma dang bral bas na gos pa med pa'o/ /byang chub gsum dang spyod pa gsum mo/ /byang chub kyi phyir spyod pa ni byang chub spyod pa ste/ /de rnams ston par mdzad pas na byang chub spyod par bsgrub pa'o/ /gdul dka' thams cad 'dul bar mdzad pas na 'od chen po ste lag na rdo rje'o/ /bya ba'i rgyud la sogs pa thams cad kyi gtso bo ni dbang mdzad pa'o/ /bos nas ni mngon du byas nas so/ /rdzogs pa'i sangs rgyas kyis zhes pa ni/ /rdo rje 'chang chen po'i go 'bangs thob par byed pas so/ /dam tshig de nyid ces pa ni gti mug gi rigs kyis sdom pa gsungs so/ /rin chen chos zhes pa ni rim pa gnyis pa las thob par bya ba'i'od gsal ba'o/ /de la sngags dang phyag rgya'i rim pas rab tu 'jug nas slar yang chad pa'i phyogs spong ba'i phyir cig car rang snang ba nye bar thob pa la sogs pa'i rim pas snang ba thams cad mchog dang ldan pa rang gis bdag nyid rdo rje sems dpa' bsgom par bya'o/ /lus de yis ni zhes pa la sgyu ma lta bu'i lus kyis rnam par smin pa 'phrog pa zhes pa ni dpal rdo rje 'chang gi sku gzung ba gang yin pa de ni/ rdzogs pa'i byang chub rab bsgrub pa'i zhes pa ni rim pa bzhi pa myong ba sngon du 'gro bar mi gnas pa'i mya ngan las 'das pa'i dbyings gyi mtshan nyid rdo rje 'chang gi sku rdzogs
- 70b
par byed pa ni rdzas rnams thams cad mchog gi ngo bo thob pa'o/ /ting nge 'dzin des bsam ba thams cad rdzogs par mdzad pas na yid bzhin nor bu dang 'dra ba rnal 'byor pa 'gyur ro/ /nam mkha' i mdzod kyi ting nge 'dzin dang ldan pa'i nor gyi rgya mtshos rab tu 'gongs? pa'o/ /'di ni gti mug rigS dag giS zhes pa ni rnam par snang mdzad kyi rigs kyi'o/ /dam tshig de nyid yin par bsgrags zhes pa ni sdom pa'i nges pa'i don bshad pa'o/ /des ni sems rnam par dag pa dang bdag la byin gyis brlabs pa dang mngon par byang chub pa dang zung du 'jug pa'i rim pa rnams bstan to/ /dpag med ces pa la sogs pas 'dod chags kyi rigs kyi dam tshig bstan par bya ste / bskal pa 'am bskal ba stong gi bar du brtan par bzhugs pas che dpag med ni tshe dpag tu med pa ste 'od dpag tu med pa'o/ /sgyu ma'i sku ni ye shes kyi sku'o/ /der ni sgyu ma'i sku de la phung po la sogs dgang zhes pa ni tha mal pa'i lus la sogs pa 'jug par bya'o/ /sgyu ma lta bu nyid spang bar bya ba'i phyir yang/ shes rab pha rol phyin ldan pa'i zhes pa ni ril por 'dzin pa dang rjes su 'dzin pa'i ting nge 'dzin dag gis stong par gyur pa'i phung po la sogs pa zhes pa ni sgyu ma'i lus la gnas pa'i gzugs la sogs pa der bya ba ni mi snang bar bya'o/ /stong pa dang shin tu stong pa dang stong pa chen po dang thams cad stong pa ste stong pa bzhi'o/ /mnyam sbyor ba'i zhes pa ni rgyu dang 'bras bu'i rim pa'i 'brel bas so/ /byang chub kyis ni tshul mchog ces pa ni phyi dang nang gi mngon par byang chub pa ni bsgom par bya'o/ /des na man ngag bzhi thob nas 'gro ba'i don bya ba'i phyir dang kun rdzob ces bya ba la sogs pa smos te/ kun rdzob dang don dam pa'i rang bzhin dbang po gnyis dbyer med pa'i mtshan nyid kyi sbyor bas so gzugs la sogs pa 'dod pa'i yon tan lnga thams cad so sor sdud pa dang bsam gtan gyi yan lag
- 71a
dag gis nye bar spyod cing blang bar bya'o zhes bstan to/ /'di ni sangs rgyas thams cad kyi zhes pa? ni de bzhin gshegs pa thams cad kyi rang bzhin rdo rje sems dpa' o/ /'dod chags chen po'i tshul zhes pa ni 'gro ba'i don mdzad pa'i phyir snying rje chen po dang ldan pa'i lam mo/ /theg pa gzhan la bltos pas mchog go ni phul du byung ba'o/ /des ni bdag la byin gyis brlab pa dang mngon par byang chub pa dang zung du 'jug pa'i rim pa rnams bstan to/ /de nas zhes pa la sogs pa rin chen 'byung ldan dang don yod grub pa dag gi dam tshig bstan te/ brtan pa dang g.yo ba'i bdag nyid yin pas na sna tshogs so/ /rdo rje mi phyed gsum zhes bya ba la sogs pa'i don bshad zin to/ /phung po la sogs pa phyi rol gyi don yod pa ma yin no zhes bya ba la sogs brdzun dang rtsub mo'i tshig so sor skye'o rnams la spyod yul ma yin pas thos par dka' ba rnal 'byor pas slob pa gang yin pa nges ni myur du byang chub thob par 'gyur ro zhes bstan to/ /des ni sems rnam par dag pa'i rim pa bstan to/ nges pa'i don to zhes pa ni rdzogs pa'i rim pa bstan pa'i phyir ro/ /rdo rje 'chang chen po'i 'khor gyi nang na gnas pa zhes bya ba la sogs pas ma 'ongs pa'i sems can rnams yongs su gzung ba'i phyir// byang chub sems dpas ji ltar 'dra ba de bstan par bya ste/ dam tshig lnga bstan pa'i 'og tu'o zhes pa ni khyad par gyi don mi shes pa'i dam tshig lnga bstan pa'i phyi nas so/ /de bzhin gshegs pa dang mnyam pa nyid du gyur pas na zhes pa ni sangs rgyas thams cad dang mnyam pa nyid du gyur pas de bzhin gshegs pa thams cad kyi dam tshig ste sdud pa po yin pa'i phyir ro/ /rdo rje mtshan pas na zhes pa ni rdo rje'i phyag mtshan 'dzin pas so/ /de la sogs pas sngon du 'gro ba'i byang chub sems dpa' rnams te zhes pa ni sa'i snying po la sogs
- 71b
pa'o/ /'jig rten pa dang 'gal ba'i tshig dang zhes pa ni srog gcod pa la sogs pa'i tshig go /ldan pa ni pha rol la phan 'dogs pa'i mtshan nyid de'i sgo nas ting nge 'dzin gyi khyad par zhes pa ni bskyed pa'i rim ba la sngags dang phyag rgya'i rim bas gzhan la phan 'dogs pa'i mtshan nyid rdzogs pa'i rim pa la yang sems rnam par dag pa la sogs pas 'od gsal brtogs ba'i mtshan nyid do/ /ston par mdzad pas zhes pa ni de gsal bar gsungs pas so/ /ngo mtshar du gyur cing rmad du gyur nas zhes pa ni 'jig rten dang 'gal ba'i tshig thos pas ngo mtshar du gyur pa dang/ de'i rnam par dag pa thos bas rmad du gyur pa zhes bya ba ni dbye ba'o/ /gal te de ltar yin na slar yang ci'i phyir 'dri bar byed ce na/ smras pa ma 'ongs pa'i pad+ma la sogs pa dbang po dman pa rjes su gzung ba'i phyir zhes bshad zin to/ /'khor du gtogs pa'i de bzhin gshegs pa rnams la bcos par 'dri ba zhes pa la sogs pas/ /chos dang longs spyod rdzogs pa'i sku'i rang bzhin rdo rje 'chang dang de bzhin gshegs pa rnam tha mi dang par bstan to/ /tha mi dang ba yang bya ba gcig yin pas so/ /de bzhin gshegs pa thams cad kyi bdag po zhes pa 'dis ni gsung ba ngan pa mi ston pa nyid du bstan to/ /rang gi mtshan nyid 'dzin pa ste zhes pa ni rab tu rnam par 'byed pa nyid du 'dzin pas na khams ni shes rab bstan to/ /de nyid bshad pa'i phyir/ /rab tu rnam par 'byed pa'i mtshan nyid can gyi shes rab po zhes ni dngos po rnams kyi rang gi mtshan nyid rtogs par byed pa'i blo zhes bya ba'i don to/ /de yang zhes bya ba la sogs pas chung ba la sogs pa'i dbye bas de nyid rnam pa gsum bstan to/ /des na khams gsum pa dman pa la sogs pa'i shes rab dang ldan pa'o/ /'jig rten gyi khams thams cad las 'das pa ste zhes pa ni de rnams kyis mi 'da' ba' i tshig ma yin pa'o/ /rab 'bring zhes bya ba la sogs pas
- 72a
don de nyid bstan to/ /me yi grang ba bzhin no zhes pa'i dpes sngar ma byung ba nyid bstan to/ /de nyid bstan pa'i phyir / sngon chad ma byung ba zhes bya ba la sogs pa bstan to/ /rab tu 'jug par byed pa yin pas na zhes pa ni bcom ldan 'das kyi gsung gis thams cad 'jug par 'gyur bas so/ /gzung bar bya ba yin pa'i phyir zhes pa ni de bzhin gshegs pa'i gsung blang bar bya ba yin pa'i phyir ro/ /'khor gnyis kyi nang du zhes pa ni rdzogs pa dang ma rdzogs pa'i tshogs kyi nas du'o// 'gyod pa bskyed pa srog gcog pa la sogs pa'i rnam par smin pa dka' ba thob pa'i yid mi bde bar byed pa'o/ /ma gsung zhig ces bya ba ni gsung ba mi rigs so/ /zhes bya ba'i tha tshig go /bshad ma thag pa'i zhes pa la sogs pas bcom ldan 'das kyi dgongs pa la mkhas pa'i de bzhin gshegs pa rnams kyis ma 'ongs pa dbang po dman pa'i sems can rnams rjes su gzung ba'i don du dgongs pas bshad pa'i zab pa'i rdo rje'i tshig rnams 'dri ba ji lta ba bzhin du byang chub sems dpa' la lan btab po zhes bstan to/ /sbyar ro zhes pa ni bya ba byed pa'i tshig sbyar bar bya'o/ /don bshad zin pa ni le'u dang po nas so/ /rdo rje'i rigs la sogs pa zhes pa ni rdo rje dang pad+ma dang de bzhin gshegs pa dang yid bzhin nor bu dang dam tshig gi rigs so/ /ji skad du / zhe sdang gti mug 'dod chags dang/ /yid bzhin nor bu dam tshig ste/ /rigs ni de rnams lnga po ste/ /'dod dang thar par bsgrub pa'o/ /zhes 'byung ngo/ /de las skyes pas zhes pa la rigs lnga'i dam tshig spyod pa dang ldan pa byang chub sems dpa' zhes bya ba'i don to/ /dam tshig la the tshom skyed pa'i sgo nas shes pa ni sgra ji bzhin pa tsam thos pa las skyes pa smod ba'i sgo nas so/ /ngan cing dman pa'i 'du shes ni zhes pa la chung ba'i 'du shes so/ /'jig rten gyis smad
- 72b
pa'i 'du shes zhes pa ni 'jig rten pa sun 'byin pas so/ /de lta bu'i zhes pa la sogs pas rang gis smod pa dang/ 'jig rten pas smod pa 'du shes gnyis bya ba la mi rigs so/ /dman pa'i 'du shes bskyed pa'i nyes pa bstan pa'i phyir zhes pa la rtsa ba'i ltung pa'i 'jigs pas mthong pa'i phyir ro/ /rgyu gang gis na zhes pa la sogs pas de dang zhing mar me dang 'dra bar yongs su gyur nas yi ge hUM gi rnam par bsams la/ 'uM/ de yongs su gyur nas rdo rje la sogs pa las byung ba mi bskyod pa la sogs pa sems dpa' gsum gyi bdag nyid bsgom zhing phyi rol tu spros la / de dang lhan cig tu dbyer med pa'i bdag nyid bsgoms na de'i tshe? zhag bdun gyis nges par dngos grub rtsol bar 'gyur te 'chad pa'i thabs so/ /de bzhin gshegs pa thams cad kyi snying po bskul ba de nyid bshad pa yin no/ /de nyid bstan par bya ba'i phyir/ /yang 'dus te ces pa ni gsol ba 'debs pa'i don to/ /le'u dang por bshad pa'i rim gyis shes pa ni de bzhin gshegs pa thams cad nye bar bsdu bar mdzad pa dpal rdo rje 'chang gis bshad pa'i rim pas so/ /bden pa gnyis gnyis su med par gyur pa'i mtshan nyid can no/ /zhes pa ni zung du 'jug pa'i ting nge 'dzin la bzhugs pas zhes bya ba'idon to/ /sku dang gsung dang thugs kyi gsang ba yin pas zhes pa ni sku la sogs pa rnam bar snang mdzad la sogs pa'i mchog yin no/ zhes drang ba'i don to/ /ru sbal ma dang zla ba ma dang 'dod pa'i gdugs gsum byang chub kyi sems kyi ngo bos khyab pas na zab pa ste nges pa'i don to/ /gdul bya rnams zhes bya ba la sogs pa ni bsam pa ji lta ba'i dbye bas bzang la sogs pa'i thabs bzhi'i rim pas tha dad pa'i bsgom pa bstan pa'o/ /mkhyen pa ni de la brten pa de'i ngo bos so/ /mi bslu ba ni ji ltar bya ba'i snying po bskul ba'i 'bras bu ster ba'o/ /A li dang kA li las skyes pa rnams te/ rlung
- 73a
bskul bas gnas brgyad po la skyes pa'i dbyangs dang gsal byed las 'byung ba zhes bya ba'i don to/ /sbrul dang mgo med ces bya ba la sogs pa'o zhes pa ni/ /le'u bcu bzhi pa nas nges ba'i tshig 'chad par 'gyur ba'o/ /gtso bo ste yi ge oM la sogs pa gsum mo zhes pa ni pho dang mo dang ma ning gi dbye bas de rnams nyid du bsdus pas so/ /gsal bar byas pa'o zhes pa ni snying po bskul ba'i yi ge gsum gsal bar 'gyur bas so/ /de bzhin gshegs pa rnams so zhes pa ni sku la sogs pa rnam par ngag pa'i rang bzhin yin pas so/ /gsang ba'o zhes btags pa'i zhes pa de bzhin gshegs pa thams cad kyi spangs pa nyid du mngon par bzhed pa'o/ /dngos grub chen po'i thabs so zhes pa ni dang po sbyor ba la sogs pa'o/ /phul du byung ba'o zhes pa ni snying po bskul bas myur du dngos grub thob par 'gyur bas so/ /mi bslu ba ste zhes pa ni ji ltar byas pa'i snying pos bskul ba'i de ltar 'bras bu bskyed pa'o/ /shes rab dang zhes pa ni shes rab dang thabs dang nye bar thob pa'i bdag nyid can yin pas so/ / thabs kyi ye shes kyi bdag nyid yin pas na zhes pas ni snang ba mched pa'i ye shes kyi bdag nyid do/ /'dod chags la sogs pa'o zhes pa ni 'dod chags dang 'dod chags bral ba dang 'dod chags bar ma'o/ /de rnams kyi dbye ba dang rjes su dbye ba bzhes pa ni shes rab kyi rang bzhin sum cu rtsa gsum dang thabs kyi rang bzhin bzhi bcu dang/ ma rig pa'i rang bzhin bdun no/ /rjes su dbye ba ni nyin mo'i dbye bas rnam pa gnyis su 'gyur te brgya drug cu'i dbye ba'o/ /rgya mtsho dang mnyam pa'i phyir ro zhes pa ni so so'i skye bo rnams kyis brgal bar mi nus pa'i phyir rgya mtsho dang 'dra ba'o/ /de rnams kyis zhes pa ni de'i yul du'o/ /sdug bsngal dang yid mi bde ba la sogs pa'i rang bzhin rnams ni sems las byung ba'i chos rnams so/ /zil gyis mnan nas zhes
- 73b
pa ni snang ba nye bar thob pa la sogs pa'i rim pa dang sngags dang phyag rgya mi byed pa nyid bstan to/ /bstan pa 'di la spyod pa gnyis te/ mchog gi spyod pa dang/ sngags kyi spyod pa'o/ /de la mchog gi sprod pa ni byang chub sems dpa' i spyod pa'o /sngags kyi spyod pa ni de bzhin gshegs pa'i spyod pa'o/ /'gal ba 'am mi 'gal ba'i bya bas rang dang gzhan gyi don 'grub pa ni byang chub sems dpa' i spyod pa'o/ /de la 'gal ba'i spyod pa ni srog gcod pa la sogs pa'i sgo nas so/ /mi 'gal ba'i spyod pa ni bstan pa dang smin pa la sogs pa'i sgo nas so/ /rdo rje bzlas pa la sogs pa'i rim pa lnga po rtogs pas mnyam par bzhag pa dang/ ma bzhag pa'i skabs su gzhan gyi don sgrub par byed pa'i sbyod pa gang yin pa de ni de bzhin gshegs pa'i spyod pa'o/ /de ltar slob pa'i dus su bya chub sems dpa' i spyod pa dang/ rdzogs pa'i dus su de bzhin gshegs pa'i spyod pa ste brtags pa dang rdzogs pa'i rim pa'i rnal 'byor pa ngag gi spyod pa gnyis bstan to/ /de nyid bstan pa'i phyir/ mchog gi spyod pa zhes bya ba la sogs pa bstan to/ /tshe 'di nyid la zhes pa ni mthong ba'i chos la'o/ /rang gi ngo bo yongs su brje ba yin pas so zhes pa ni tha mal pa'i ngo bo spangs nas dpal rdo rje 'chang gi go 'phangs thob nas so/ /de ltar zhes bya ba la sogs pas spyod pa gnyis nye bar bsdus nas de'i 'bras bu sgrub pa bden pa gnyis kyi sgo nas bstan par bya ste tshig gi phrad bsu ba ste zhes pa ni tshig phrad gnyis so/ /dper na zhes bya ba'i don la zhes pa ni dpe ston pa'i sgra la 'jug ste/ tshig phrad kyi don du ma yin pa'i phyir ro/ /nam mkha' i don dam pa'i bden pa'o/ /zhes pa ni 'dus ma byas pa dang bstan pa med pa dang thogs pa med pa'i phyir ro/ /rten cing 'brel par 'byung ba'i chos thams cad la rjes su song zhing khyab pa'o zhes pas ni dngos po thams cad kyi rang dbang dang gzhan byed pa po nyid bkag go /rgyu dang rkyen las byung pa'i chos ni rten cing 'brel pa las
- 74a
byung ba zhes bya'o/ /rten cing 'brel pa las byung ba gang yin pa de rnams ma skyes pa nyid do/ /ji skad du gang zhig rgyu las skyed pa ni/ /rkyen med pas? mi gnas mi 'gyur/ /rkyen med pas ni 'gag 'gyur ba/ /de ni yod ces ji ltar rtogs de ltar gyur pa'i tshes? rnams la/ /nam mkha' khyab par 'jug pa ste/ /de yi rang bzhin yin pas so/ /phung po la sogs pas phung po dang khams skye mched la sogs pa chos thams cad de nyid kyi khyab pa yin te/ /nam mkha' med pas de rnams la glags skabs mi ldan pas zhes bstan no/ / gtan tshigs bstan pa'i phyir/ chos dang chos nyid dbyer med pa'i phyir zhes smos te/ /rab 'byor gzugs ni rang bzhin gyis stong pa dang stong pa nyid gzugs dang gzugs stong pa nyid do zhes rgyal ba'i yum las gsungs pa'i phyir ro/ /chos nyid las chos tha dad min/ /rnam pa gnyis min gnyis med pa/ /de ltar chos ni bsam par bya/ /med par mi 'byung nges pa ni/ /byas pa dang ni mi rtag bzhin/ /zhes 'byung ngo/ /'dod pa'i khams la mi gnas so/ /zhes bya ba la sogs pas sngar bshad pa'i don spros nas bshad par bya ste/ gzugs la sogs pa tshol ba zhes pa ni yul spyod pa'i mtshan nyid dang ldan pa'i 'dod pa'i khams yin pas so/ /rgyal chen ris bzhi la sogs pa'i lha rnams zhes pa ni lha'i ris drug go /de rnams 'dzin pa zhes pa ni de'i gzhir gyur pa'i phung po la sogs pa'o/ /der yang mi gnas te zhes pa ni 'dod pa'i khams rang bzhin med pas so/ /rten med na brten pa ni gang du zhes dgongs pa'o/ /gtan tshigs bstan pa'i phyir/ 'dod pa'i khams zhes bya ba la sogs pa bstan to/ /gzugs tsam la chags pa zhes pa ni gzugs tsam la dmigs nas bsam gtan bzhi gnas pa'o/ /rtogs pa dang bcas pa la sogs pa'i bsam gtan la gnas pas de rnams kyis tshor ba la soD pa la chagS pa med do/ /gzugs kyi 'dod chags dang bral bas/
- 74b
rnam par shes pa tsam du gnas pa de ni zhes pa ni gzugs med pa ste 'ba' zhig rnam par rig pa tsam gyi dbye ba bzhig ste/ nam mkha' mdza' yas kyi skye mched kyi rnam par shes pa tsam dang rnam shes mdza' yas skye mched kyi rnam par rig pa tsam dang/ ci yang med pa'i skye mched kyi rnam par rig pa tsam dang/ yod min med min skye mched kyi rnam par rig/ pa tsam mo/ /de dag na yang mi gnas so zhes pa ni don dam pa'i bden pa'i ngo bo de dag yin pas so/ /rlung gi dkyil 'khor la sogs pa'i rim gyi gnas pa'i zhes pa ni re shig dang po sa'i 'og tu khyab nas gnas pa mdza' yas pa rlung gi dkyil 'khor yod de/ de'i steng du de'i bus pa me'i dkyil 'khor dang/ de'i steng du yang chu'i dkyil 'khor zlum po'i rnam pa can de'i steng du sa'i dkyil 'khor gling bzhi ri rab dang bcas pa rol pa'i mtsho bdun gyis bskor ba yod do zhes go rim pa'o/ /rgyu ba ni 'gro ba rigS drug pa'i sems can gyi skye gnas bzhi'o/ /mi rgyu ba ni snod kyi 'jig rten gyi rang bzhin no/ /gzhir gyur pa zhes pa ni gnyi ga'i rten du gyur pa'o/ /de la yang mi gnas te zhes pa ni phung po la sogs pa de rnams la yang gnas pa ma yin no/ /gtan tshigs bshad pa'i phyir/ thams cad kyang 'od gsal ba'i ngo bo yin pa'i phyir ro zhes pa ni de dag thams cad stong pa'i ngo bo yin pas so/ /de ltar zhes pa ni dpe las byung ba bstan par bya ste/ dpe las byung ba de bzhin nyid de bzhin gshegs pa zhes bya ba la sogs pas gsal bar bshad de /rten cing 'brel par 'byung ba'i don zhes pa ni rgyu dang rkyen las byung pa'i dngos po rnams so/ /don dam pa'i bden pa zhes pa ni de rnams de la gnas pas so/ /gzhan gyi rgyu dang zhes pa ni tshogs pa las 'byung ba nyid do/ /de nyid bstan pa'i phyir rang nyid ma grub pa zhes bya'o/ /gang yang gcig bskyed par byed pa ma yin te tshogs pa ni skyed par byed pa yin no zhes 'byung bas/ kha cig skye ba 'am 'gog par mi 'gyur ro/ /'dir ni kha
- 75a
cig mi skye zhing/ kha cig kyang ni 'chi mi 'gyur/ sems kyi ngo bo rnam gnas pa'i/ /'khor ba nyid du shes par bya/ /ma rig rkyen las 'byung ba ni/ /yang dag ye shes mthong 'gyur na/ /skye ba'am ni 'gog pa dag /gang yang 'grub par mi rigs so/ /zhes 'byung bas so/ /dngos pa'o? rang bzhin de ltar gyur pas mkhyen cing thugs su chud cing de bzhin gshegs pa rnams kyis dbang po dman pa la sogs pa'i dbye ba la dmigs nas de dang mthun par ston par mdzad do/ /rnam par mi rtog kyang sngon gyi smon lam gyi dbang gis yid bzhin gyi nor bu dang bum pa bzang po bzhin du sems can rnams la bstan pa dang/ yongs su smin pa mdzad de de rnams kyis kyang ston par byed pa dang bstan pa'i rna bar rtogs pa'i dbye bas dmigs par mi 'gyur ro zhes bstan to/ /de ltar zhes bya ba la sogs pas srog gcod pa la sogs pa 'gal ba'i sgra'i nges pa'i don gyi sgo nas/ mi bskyod pa la sogs pa'i de bzhin gshegs pa rnams kyi dam tshig lnga'i don shes par bya'o zhes pa las 'byung ba'o/ /de yang mkhyen nas zhes bya ba nas brtsamS te rjes su rig par bya'o zhes bya ba la gzhung gis bshad do/ /de ltar zhes bya ba la sogs pas sngar bshad pa'i dam tshig rnams kyis rnam par dag pa bshad nas dpe'i sgo nas zung du 'jug pa'i ting nge 'dzin gyis thob par bya bar rdo rje'i sku bskyed pa brtsam par bya ste/ steng gi shing bu'o zhes pa ni byed pa'o/ /gzhi ste ni 'og ma'i shing bu'o/ /gnyi ga bems po yin pas me bskyed pa la mi nus pa'i phyir/ /mi'i lag pa'i rtsol ba lhan cig byed pa'o/ /de nas steng ma dang 'og ma'i shing bu ni nye bar len pa'i rgyu dang mi'i lag pa'i bya ba ni lhan cig byed pa'i rgyu'o/ /yang na gsum po de dag kyang gsal ba'i rgyu yin te/ de rnams kyis me gsal pa'i byed pas so/ /de ltar shing la gnas pa'i me/ /srub pa med par mi 'byung ste/ de bzhin goms pa med pas ni/ /'dir ni byang
- 75b
chub thob mi 'gyur zhes 'byung ngo/ /gsum po de dag gi rkyen la brten cing zhes pa ni rgyu gsum po la dmigs nas so/ /dro ba'i 'og tu zhes bya ba la sogs pas me bskyed pa'i go rim bstan to/ /'dus te 'byung bar 'gyur ro/ /zhes pa ni 'byung ba chen po bzhi'i bdag nyid kyi me'i khams so/ /des ni dngos po rnams rang dbang 'grub pa bkag go /gtsubs shing la yang mi gnas pa zhes pa ni steng gi shing bu la mi gnas pa ste gtsub gtan dang mi'i lag pa'i bya ba med na gcig tu de las mi 'byung ba'i phyir ro/ /de bzhin du gtsub gtan med pas ji ltar gnyi ga las mi 'byung ste/ de ltar gcig gcig med pas kyang mi 'byung ba zhes rtogs par bya ste/ gcig gcig ni skyed pa po ma yin gyi tshogs pa ni skyed pa po yin zhes 'byung ba'i phyir ro/ /de nyid bstan par bya ba'i phyir/ so sor dmigs su med do zhes pa ni re re las mi 'byung ba'i phyir ro/ /tshogs pa las shes pa ni tshogs pa'i 'brel pa las zhes bya ba'o/ /de dag gong nas gong du skye bar 'gyur ro zhes pa ni dman pa dang 'bring dang chen po nyid kyis so/ /de bzhin du zhes bya ba la sogs pas dpe las 'byung ba bstan te/ de bzhin gshegs pa thams cad kyi gnas su gyur pa yin pa'i phyir zhes pa ni 'od gsal ba las sangs rgyas thams cad 'byung bas so/ /rdo rje ni chen po stong pa nyid du zhes pa ni kun gzhi rnam par shes pa spong bas so/ /dam tshig ni shin tu stong pa nyid zhes pa ni/ /nyon mongs pa can gyi rnam par shes pa spangs pas so/ /stong pa nyid do zhes pa ni rnal 'byor pa rnams kyis dang po rtogS pas so/ /gsum po de dag gi zhes pa ni snang ba nye bar thob pa la sogs pa'i phyi nas 'byung ba'o/ /de bzhin gshegs pa thams cad ces pa la sogs pas de bzhin gshegs pa thams cad kyi dam tshig rtogs pa bstan to/ /stong pa gsum gyi rim gyi don dam pa'i bden par 'gro ba'o zhes pa ni sngags dang phyag rgya'i rim pas rang bzhin dang snang ba spong bas zla ba dang nyi ma dang mtshams kyi snang ba mthong
- 76a
bas dag pa nam mkha' dang 'dra ba 'od gsal ba la 'jug pa'o/ /yang bdag la byin gyis brlab pa'i rim pas stong ba chen po la sogs pa'i go rim gyi 'od gsal ba las cig car du ye shes kyi sku spro ba ni 'de ba'o/ /'gro ba dang 'ong ba med pa zhes pa ni mngon par byang chub pa'i rim pa khong du chud nas zung du 'jug pa'i ting nge 'dzin la 'gro ba dang 'ong ba med de rdzogs pa dang mi slob pas so/ /zung 'jug ting nge 'dzin la gnas pas/ slar zhing gang la mi slob po/ /'di ni rdzogs pa'i rnal 'byor zhes/ /de yang rdo rje 'chang chen po/ /rnam pa thams cad mchog ldan pa/ thams cad mkhyen pa de las 'byung/ /zhes bstan pas so/ /rdzogs pa la zhes bya ba la sogs pa ni rdzogs pa'i rim pa yongs su rdzogs pa la zhes bya ba'i don to/ /'dir ni bsdus pa'i don 'di yin te/ ji ltar gtsubs shing la sogs pa'i tshogs phrad pa las mi bskyed de/ 'on te de rnams rnam par dpyad na logs su bskyed par mi 'gyur pa de bzhin du 'gro ba dang 'ong ba la sogs pa rim gyis rdo rje 'chang chen po'i go 'phang thob par shes par bya'o/ /'gro ba la sogs pa rang med pas kyang rdo rje 'chang gi sku rdzogs par byed de/ /de bas na rten cing 'brel pa las 'byung ba 'di rnam pa sna tshogs pa dang sangs rgyas kyi rol mo sna tshogs pa yin no/ /de ltar zhes bya ba la sogs pas de kho na nyid thob nas dga' bar 'gyur ba byang chub sems dpa' rnams kyis ji ltar thos pa'i don mchog tu 'dzin pas bstod pa de bstan par bya ba'i phyir brtsam par bya ste/ de nas skad cig de nyid las zhes pa ni dang po myong ba'i skad cig ma la'o/ /snang ba skyes pas zhes pa ni stong pa la sogs pa'i rim pas snang ba la sogs pa'i ye shes gsum bskyed pas so/ /de nas chos nyid rtogs nas zhes pa ni 'od gsal ba mngon du byas nas so/ /yang bdag la byin gyis brlab pa'i rim pas mdog pa myong ba'i 'og tu thabs kyi ye shes bskyed cing snang ba'i ye sheS
- 76b
kyis mig gdangs ba zhes pa ni ye shes kyi sku dang ldan par 'gyur ro/ /nges ni stong pa la sogs pa'i rim pas 'od gsal ba myong zhing yang stong pa chen po la sogs pa'i rim pas byang chub sems dpa' rnams kyis ye shes kyi sku gzung ba nye bar bstan te/ /de bsan de bzhin gshegs pa rnams kyis nye bar ston pa gang yin pa de dbang po rno ba'i byang chub sems dpa' i rnams kyis mngon du byas pa yin no zhes bstan no/ /de nas don 'di nyid byang chub sems dpa' rnams kyis bstod pa'i sgo nas bstan par bya ste/ so sor rang gi rig pa'i chos nyid ston pa zhes pa ni 'od gsal ba la rab tu gsal bar byed pa'o/ /rmad byung chen po'i chos rnams ni don dam pa'i bden pa'i zhes pa ni dngos po thams cad de nyid du thim pa dang de las 'byung bas so/ /spyi la mang po'i tshig gis zhes pa ni dngos po re re la khyab par byed pa 'od gsal ba khyab par byed pa zhes bya bas gsal ba'i phyogs la brten te/ de'i spyi la mang po'i tshig brten nas smin pa bzhin no/ /thams cad du khyab pas na zhes pa na brtan pa dang g.yo ba'i dngos po'i tshogs khyab par byed pas so/ /ji skad du bu ram mngar ba me yi ni/ /ji ltar dro ba'i rang bzhin te/ /chos kun gyi ni stong pa nyid/ /de bzhin du ni rang bzhin 'dod/ /rnam pa du mas tha dad pa/ /dngos po rnams ni gos dang 'dra/ /stong pa nyid med bsregs gyur ba'i/ /thal ba'i dbye ba gang yang med ces 'byung ngo/ /rtog ge zhes bya ba la sogs pa ni rtog ge pa rnams kyis phyogs dang gtan chigs dang dpe'i sgo nas de kho na nyid rtogs par mi nus te/ de spros pa med pas so/ /ji skad du/ rnam par rtog pa gzhan byed pa/ /rnam par rtog pa kun rdzob bshad/ /de nyid dam pa'i don min te/ /rnam par rtog pa ldog pas so zhes 'byung ngo/ /de bzhin du/ rten cing ma nges mi khyab pa/ /kun rdzob dang ni tha dad ldan/ /byis pas brten pa'i rtog ge ni/ /de phyir de yi spyod yul min/ /zhes bcom ldan
- 77a
'das byams pas byang gsungs so/ /rtog ge pas ni mi shes pa/ /rnal 'byor byis pas rtogs mi 'gyur zhes dgongs pa lung bstan pa 'byung ngo/ /sgyu ma lta bu'i sku ni kun rdzob kyi ba'i ?/ /yongs su dag pas ni zhes pas ni ril por 'dzin pa dang rjes su bzhag pa dag gis mi snang bar byed pas so/ /mig gi dbang po'i yul du gyur pas na zhes pas ni rim pa bzhi pa las cig car du langs te gdul bya rnams la snang bar 'gyur ro/ /rdo rje 'chang ba'i sku'o/ zhes pa ni zung du 'jug pa'i ting nge 'dzin gyis rdo rje'i skur gyur to/ /don dam pa'i bden pa ni brtsams te ngo mtshar che'o zhes bya ba'i bar du'o zhes pa ni stong par gyur pas kyang sku gzung pa dang 'gro ba'i don mdzad pas ngo mtshor ro/ /'od gsal ba'o zhes pa ni rim pa gnyis pa dang bzhi pas rtogs par bya ba'o/ /de dag pas ni rang bzhin dang snang ba sgyu ma'i sku dag pas so/ /de kho na nyid ces pa ni don dam pa'i 'den pa'o/ /don ni kun rdzob kyi bden pa'o/ /de dang dbyed med pa'i ngo bo yin pas de kho na nyid kyi don ni zung du 'jug pa'i rim pa thob pas bya ba rdo rje'i sku'o/ /nges ni sems rnam par dag pa la sogs pa rim pa bzhi pa'i bdag nyid can bcom ldan 'das rdo rje 'chang chen pos bstan pa yin no/ /de nyid bstan pa'i phyir ro/ rdo rje 'chang chen pos zhes bstan to/ /de nyid ni 'da' bar mi bya bas na zhes pa ni rim pa gnyis sgom par byed pa'i rnal 'byor pas des par bsgom par bya bas so/ /de ston pa'i zhes bya ba la sogs pas de ltar gyur pa'i rdo rje 'chang chen po ston par byed pa'o gzhung gi tshogs gang yin pa de ni le'u zhes bstan to/ /dgongs paS bshad pa'o zhes pa ni 'gal pa'i sgra'i sbyor bas rdzogs pa'i rim pa so sor bstan pas so// //sgron ma gsal bar byed pa'i 'grel pa'i TI ka las le'u dgu pa'i rgya cher bshad pa'o// //
- 77b
sgrub pa mchog dang tha mal pa la gnas shing zhes bya ba la sogs pas le'u bcu pa'i bshad pa brtsam par bya ste/ nges na don 'di yin te/ rim pa gnyis po sgom pa'i rnal 'byor pa le'u drug gis 'grub pa dang/ spros pa dang bcas pa la sogs pa'i spyod pa rnams su le'u bdun pas rtsol bar byas pa dang de bzhin du le'u brgyad pa dang dgu pa dag gis gsang ba'i dbang bskur dang dam tshig rnams la gzhol ba byas pas de bzhin gshegs pa rnams kyis mi gzigs pa dang/ rigs 'bring yin bas gang gi tshe dngos grub thob par ma gyur pa de'i tshe/ rang gi lha'i dngos grub bsgrub par bya ba'i phyir rang gi lha ni rdo rje 'chang la sogs pa'i snying po bskul ba ni de'i thugs ka'i nus pa 'gugs pa sngon du 'gro bar rang gi bdag nyid la de 'jug par bya'o zhes bya bas le'u bcu pa brtsam par bya'o/ /le'u 'di'i bsdus pa'i don 'di yin te/ bskyed pa'i rim pa'i rnal 'byor pa lo skor ram zla ba drug gam gsum mam gnyis sam zla ba phyed kyi bar du rgyun ma chad pa'i sgom pa byed pas gang gi tshe dngos grub thob par mi 'gyur na de'i tshe de bzhin/ gshegs pa thams cad kyi snying po bskul bas 'grub par 'gyur ro/ /gang gi phyir bcom ldan 'das mi bskyod pa la sogs pa de bzhin gshegs pa rnams mngon par dga' ba la sogs pa'i sangs rgyas kyi zhing rnams la bde ba dang thugs bde ba myong ba rang gi phyag rgya dang lhan cig tu rol par mdzad pa spros pa med pa'i mtshan nyid can gyi de ba chen po rig cing bzhugs pas sngags tsam la gzhol ba'i sgrub pa po la gzigs par mi 'gyur ro/ /de mi zigs pas sgrub pa pos dngos grub thob par mi 'gyur ro/ /de bas na de rnams kyis sgrub pa po la gzigs par bya ba'i phyir bskul ba bsgom par bya'o/ /de'i thabs ni bzhi ste /bzang dang sbyin pa dang/ dbye ba dang/ 'chad pa'o/ /de la bzang gi rim pa 'di yin te /de la re zhig dang po rnal 'byor pas ji ltar mngon par 'dod pa'i
- 78a
lha'i rnal 'byor dang ldan pas ye shes sems dpa' i thugs ka'i sa bon gyi thig le las 'od zer gyi tshogs spros la/ de nyid gzugs rdo rje ma la sogs pa'i lha mo'i gzugs su gyur nas nam mkha' i khams khyab nas mngon par dga' ba la sogs pa'i sangs rgyas kyi zhing khams thob nas tshig snyan pa dang sgeg pa'i nyams dang ldan pas gsol ba gdab par bya ste/ kye bcom ldan 'das de bzhin gshegs pa thams cad che ge mo zhes bya ba sgrub pa po khyed rnams la dad cing rjes su chags pa de'i phyir de'i rjes su gzung ba bya ba'i don du khyed kyis myur du gzigs par mdzad du gsol zhes bya ba'i zhu ba rdzogs nas mchod pa phul zhing slar yang bsdu ba'i rim pas de rnams rang gi snying ka'i sa bon gyi ye shes sems dpa' i snying ga'i sa bon gyi thig le la 'jug par bya'o zhes pa ni bzang ba'o/ /de ltar byas kyang 'grub par ma gyur na de'i tshe sbyin pa'i thabs 'di ltar btsam par bya ste/ de'i rim pa ni snga ma bzhin du rnal 'byor pas ye shes sems dpa' i sa bon gyi thig le la 'od kyi tshogs spros la de nyid me tog rdo rje ma la sogs pa'i mchod pa'i lha mo'i gzugs su 'gyur nas mngon par dga' ba la sogs pa sangs rgyas kyi zhing la bzhugs pa de bzhin gshegs pa thugs rdo rje 'chang la sogs pa la mchod pa byas te/ tshig 'jam pa la sogs pas bstod cing/ phyi dang nang dang gsang ba'i mchod pa byas ste sgrub pa po'i ming bstan nas bcom ldan 'das la gsol ba btab ste/ ldog par 'gyur ba bsam zhing slar yang bsdu ba'i rim pas rang gi sa bon gyi thig ler 'jug par bya'o/ /zhes sbyin pa'i thabs so/ /des kyang gal te dngos grub mi stsal na de'i tshe snga ma bzhin du rang gi thugs ka'i ye shes sems dpa' i sa bon gyi thig le las kha dog nag po zhal gsum phyag drug pa zhal rnam par 'gyur ba/ /g.yon brkyang ba la zhags pa dang lcags kyu dang tho ba dang rdo rje dang
- 78b
dril bu dang sdig mdzub 'dzin pa gnod mdzes khro bo'i rgyal po spros te bka' nod pa bsam par bya'o/ /de nas de la bka' bsgo bar bya ste/ kye mngon par dga' ba la sogs pa'i sangs rgyas kyi zhing la bzhugs pa de bzhin gshegs pa rnams la gsol ba thob cig/ de nas de song nas nam mkha' i dkyil la gnas pa sangs rgyas kyi zhing la bzhugs pa mi bskyod pa la sogs pa'i ting nge 'dzin la snyoms par zhugs pas mthong nas 'di skad zhu bar bsam par bya ste/ che ge mo zhes rdo rje can/ /khyed kyi bstan pa la dga' ba/ /myur du dngos grub don gnyer ba/ /de la de ni gsol bar mdzod ces pas zhus nas rdo rje tho bas de rnams kyi thugs ka la brdeg par bsam bya'o/ /de nas nye bar bsdu zhing rang gi snying ga'i thig le de nyid la zhugs pa bsam par bya'o zhes dbye ba'i thabs kyi rim pa'o// de ltar byas kyang 'grub par ma gyur na de'i tshe 'chad pa'i thabs bstan par bya ste/ re zhig dang po rnal 'byor pas rang gi phyag rgya'i chos 'byung gi phyag rgya'i nang du raM las skyes pa'i gru gsum me'i dkyil 'khor bsgoms la/ rang gi snying ga las byung ba sngar bshad pa'i dbyibs dang/ kha dog dang ldan pa'i gnod mdzes kyi rgyal pos mngon par dga' ba la sogs pa'i sangs rgyas kyi zhing rnams las mgrin pa las btags pa zhags pas thugs rdo rje 'chang la sogs pa de bzhin gshegs pa bkug nas lcags kyus spyi bos btab la/ yi ge yaM las skyes pa'i rlung gi dkyil 'khor dang raM las skyes pa'i me'i dkyil 'khor gyi steng du bzhugs su gsol zhing/ rlung gi dkyil 'khor gyis bskul ba khro bo'i rgyal pos kyang rgyab tu brdeg par bsam te mdun du gshegs nas phyag rgya'i chos 'byung gi nang na bzhugs pa de la gnas pa'i me'i dkyil 'khor gyi bsregs pa thal bar 'gyur bar bsam ste/ de'i rnam par shes pa yang la sogs pa'i lam gyis spangs nas so/ /mchog tu dga' ba'i ngo bo nyid kyis zhes pa ni 'od gsal
- 79a
ba'i rang bzhin mngon du byas nas so/ /rol par mdzad pas na zhes pa ni spyod par mdzad pa'o/ /sdug bsngal thams cad ces pa ni 'jug pa'i rnam par shes pa la sogs pa ste sdug bsngal thams cad kyi rgyur gyur pas so/ /de rnams bsreg bya yin pa'i phyir bud shing ngo/ /de rnams 'od gsal ba'i mes bsregs par mdzad pas na 'bar ba'o/ /de nyid kyis na drag pa ste zhes pa ni shes rab kyi rang bzhin yin pas so/ /khro bo bdag nyid can du byung ba'o zhes pa ni rnam par rtag pa ma lus pa'i bag chags bcom bas bcom ldan 'das rdo rje 'chang ngo/ /tha mal pas kyang zhes pa ni rnam par 'byed pa ma skyes pa'i so so'i skye bo rnams kyis kyang ngo/ /rab tu rgyas pa'i spyan dgrad par mdzad pas ma zhes pa ni mchog mi shes pas mig rgyas par byed pas so/ /gsung la rtag tu 'jug pa zhes pa ni gsung 'jug pa de la rag lus pa'i phyir ro/ /de la gzhol bar mdzad pa yin pa'i phyir zhes pa ni de la rag lus pas so/ /'od gsal ba las rlung byung zhing de la yi ge la sogs pa rab tu 'jug go /nam mkha' las ni rlung 'byung zhes bya ba la sogs pa bshad pas so /sku dang gsung dang thugs rdo rje'i tshul gyis bsgom pa zhes pa ni lus la sogs pa'i chos nyid rjes su dran nas bsgom par bya'o/ /de nyid bstan pa'i phyir/ yongs su shes pas zhes pa ni dbyer med pas shes pa'o/ /bsgom par bya'o zhes pa ni nges par bsams par bya'o/ /bya ba'i khyad par 'di ni zhes pa ni bsgom pa'i bya ba'i khyad par ro/ /'di ni lus so zhes pa ni 'byung ba chen po bzhi'i bdag nyid do/ /'di ni dag go zhes pa ni A li kA li ngo bo rtogs pa dang bcas pa'o/ /'di ni yod do zhes pa ni dngos po yongs su shes pa'i bdag nyid rtogs pa dang bcas pa'o/ /de dag de kho na nyid du bsam par 'gyur na tha dad pa mi dmigs te dbyer med pas na lo gsum mi dmigs pa'i phyir ro/ /gzugs med pa'i khams su yang bsam gtan gyi lus yod pa dang srid pa par ma dor yang dbang po tshang bas
- 79b
phra mo'i lus can yin pas so/ /de nyid bstan pa'i phyir/ gcig la gcig brten pa med pa zhes smos te/ ngag dang sems dag gi lus ni brten du rigs ba ma yin te/ gzugs can yin pa'i phyir ro/ /ngag dang sems ni lus can ma yin pa'o/ /de bzhin du ngag dang sems dag kyang lus kyi brten ma yin no/ /zhes bshad par bya ste/ sems lus lta bu zhes bya ba la sog pa le'u gnyis pa las gsungs pas so/ /dbyer med pas sku la sogs pas ni gsum ro gcig pa ste mtshungs pa 'od gsal ba'i rang bzhin no/ /de nyid kyi phyir gang na yang mi gnas pa zhes pa ni so sor nges pa med pas kun tu gnas pa'o/ /dgongs pa ma yin pas bshad pa zhes pa ni shin tu gsol ba'i de kho na nyid bstan pas so/ /de ltar zhes bya ba la sogs pas dbyer med pa'i ting nge 'dzin nye bar bsdu ba bshad par bya ste/ sdud par byed pa zhes bya ba la sogs pas snying pos bskul ba'i gnas skabs bstan te/ de bzhin gshegs pa zhes pa ni rnam par mi rtog pa'i go 'phang thob pas so/ /spyan la sogs pa zhe pa ni 'byung ba chen po bzhi'i rgya mtsho las rnam par dag pa'i grus pha rol tu gshegs pas so/ /rnam par snang mdzad la sogs pa ste zhes pa ni yi ge gsum las 'byung bas so/ /de dag phan tshun kun tu chags bzhes pa ni snying po bskul ba'i rim pa'i mthun pas phan tshun bde ba chen po myong nas so/ /de nyid mi 'jigs nyid pas zhes pa ni bskal pa la sogs pa'i bar du bzhugs pas mi phyed pa'o/ /thugs rtse gcig tu bzhag cing zhes pa ni thabs dang shes rab gnyis su med pa'i rgyur gyur ba snying po bskul ba'i mtshan nyid kyi ting nge 'dzin gyi khyad par la'o/ /gsol ba 'debs pa'i zhes pa ni snying po bsul bas don du gnyer pa'o/ /'di skad ces bya ba la sogs pas snying po snying po bskul bar bya ba'i rgyu bstan to/ /'dir de bzhin gshegs pa'i sgr ni byed tshig dang po'i
- 80a
mang po'i tshig gi mdza' can no/ /gcig ni bod pa dang gnyis ni byed pa la'o/ /de nyid bstan pa'i phyir/ de bzhin gshegs pa thams cad ces bya ba la sogs pa bstan to/ /bstan pa'i bya ba las mngon par sbyor ba ste zhes pa ni byed pa po'i gsum pa mi mngon pas byed tshig dang po'i mang po'i tshig go /rdzogs pa'o zhes pa ni byang chub kyi shing drung la grub pa'o/ /lha mo rnams te zhes pa ni rigs kyi yum la sogs pa'o/ /de rnams lhan cig spyod pa la sogs pa'i dbye bas she pa ni pho nya mo dang bka' nyan mo dang bran mo'i dbye bas so/ /tshad med pa gnyis ps zhes pa ni sems can gyi bsam pa'i dbang gi lha mo rnams kyang mdza' yas pa yin pas so/ /ting nge 'dzin mdza' yas pa zhes le'u bcu gsum pa las 'byung ngo/ /de nyid bstan pa'i phyir/ nye bar mtshon pa tsam du gyur pa ste zhes bstan to/ /yul la nye bar spyod pas thar pa thob par 'dod pa'o zhes pa ni 'dod pa'i khams las bsky+d pas yul gyi bde ba 'dod pa'i sgo nas thar par 'dod pas so/ /'dun pa dang rjes su mthun pas zhe pa ni snyigs ma lnga'am dus su chags pa'i rol pa la sogs pa'i rgya che ba'i mtshan nyid kyis spros pa dang bcas pa'i spyod pas rdo rje 'chang chen po'i go 'phang thob pa'o/ /de'i ni sems can gyi don bya ba'i'o/ /bdag nyid ces bya ba la sogs pas ji ltar gar mkhan gcig pu gar gyi sa la bzhugs pas bud med dang skyes pa'i dbye ba dang lha la sogs pa'i cha lugs kyi dbye ba bstan pa de bzhin du/ rdo rje 'chang chen po gcig pus 'dod chags la sogs pa'i rigs can gyi sems can gyi khams rjes su gzung bar bya ba'i phyir bud med dang skyes pa'i dbye ba dang snyoms par zhugs pa'i dbye ba rol mo dang ? rol? mo bstan pa las? bde nyid kyi ngo bo ni nyams par mi 'gyur te/ rang 'byung yin pa'i phyir ro zhes bstan to/ /ji ltar zhe na zhe bya ba la sogs pas mi bskyod pa la sog pa las sangs rgyas kyi rol mo bstan to/ /sems can
- 80b
rnams so zhes pa ni 'gor ba rigs drug skye gnas bzhi dang ldan pa'o/ /de 'dzin par byed pas na zhes pas ni rten gyi tshul gyis so/ /de nyid bstan pa bya ba'i phyir/ snod kyi 'jig rten ni zhes pa la gling bzhi dang ri rab bo/ /de nyid phyogs bcu zhes bay ba la sog pas rgyas par bshad par bya ste/ mthar thug pa med pa nyid mthar thug pa yin la zhes bya ba ni sgra'i nus pa'i ran bzhin yin pas so/ /phyogs bcu zhes bya ba la sogs pas de bzhin gshegs pa rnams mdza' yas pa'i 'jig rten gyi khams la bzhug so zhes bstan te/ sems can rjes su gzung ba'i phyir/ rtag tu tshim par byed pa'i gzugs la sogs pa rnams kyi zhes pa ni phyag rgya la gnas pa'i 'od pa'i yon tan lngas so/ /rnam par rol pa'o zhes pa ni spros pa dang bcas pa'i spy+d pas so/ /sna tshogs pa'i dga' bas lha mo rnams dang lhan cig dgyes par mdzad pa'o zhes pa ni byed pa dang yan lag gi bya ba la sog pas so/ /rig pa'i tshogs kyis mchod cing zhes pa ni phyi dang nang dang gsang ba'i mchod par bya'o/ /de yang slar mchod par mdzad pa 'di ni zhes pa la ni rig pa'i tshogs la de bzhin du mchod par/ mdzad pa'o/ /'di ni yongs su spyod pa'o zhes pa ni de bzhin gshegs pa rnams kyis de lta bu'i spyod pa yin no zhes bya ba'i don to/ /de bzhin gshegs pa de rnams zhes pa ni rang rang gi sangs rgyas kyi zhing la bzhugs pa mi bskyod pa la sogs pa rnams so/ /dgyes pa'i sgo nas zhes pa ni sngar bshad pa'i sgo nas so/ /mchog tu dga' ba'i bde ba zhes pa ni lhan cig skyes pa'i dga' ba'i bde ba myong bar mdzad pas so/ /sngags smra ba rnams bzhi ste zhes pa ni mngor bstan pa'o/ /sngags kyi ming zhes bya ba la sogs pas rgyas par bshad pa'o/ de la sngags kyi ming ni sprul la sogs pa'o/ /sngags kyi don ni yi ge oM la sogs par rnam par snang bar mdzad pa la sogs pa brjod par bya'o/ /sngags spel ba dang zhes pa ni zhi ba dang sogs pa'i las kyi tshogs kyi skabs su 'au? Sha Ta la sogs pa dang che ge mo
- 81a
la sogs pa dang sbyar ba'o/ /ji skad du/ bau ShaT tha yis zhi ba dang/ wA ShaT yis? rgyas pa ste/ /hUM phaT mdza' yis bstod pa dang/ /dza:h+rI:'gugs dang dbang? dag? la zhes 'byung ngo/ /dang po dang bar ma dang mthar spel ba'i dbye bas de'i dbye ba du ma rdo rje gtsug tor gyi rgyud la rjes su 'brang bar bya'o/ /rdo rje'i tshig sgra spangs pa'o zhes pa ni rdo rje bzlas pa'i dus su 'jug pa la sogs pa'i rim pas slob pa rang rig bas yi ge gsum gyi bdag nyid kyis tshig ces bya ba'i don to/ /yi ge oM gyi dbugs ni nang du rdub bar byang/ yig A:yi ge sngags ni rab tu gnas ba ste/ yi ge hUM gi sngags ni ldang bar 'gyur ba yis/ /mchu dang rkan dang 'brel med gsang sngags bzlas zhes 'byung ngo/ /de bzhin du se mchu rkan dang lce rnams kyis/ /g.yo bar gyur pa gang yin pa/ /de ni mi 'gyur gal te /'gyur ba nyid du de gnas pas zhes 'byung bas so/ thabs de dag gis zhes ba ni dbye ba bzhi dang ldan pa'i sngags rnams kyis so/ zhi ba la sogs pa rab tu 'jug pa mi zhes pa la sprul la sogs ba'i sngags rnamS kyis zhi ba'i phrin las bya ba dang sngags kyi don rjes su dran nas de bzhin du de rnams bya ba dang/ wa ShaT mdza' i sa zhi ba zhes bya ba la sogs pa/ las dang rjes su mthun pa'i spel bas de rnams bya ba dang/ dkyil 'khor bzhi las 'byung ba'i gzhal yas la sogs bas las 'byung ba'i 'od zer dmar po la sogs pa'i spro bas kyang dbang la sogs pa bya'o/ /ya yi don gyis gang ci yang rung/ /dngos grub 'dod pas bya ba ste/ /ral sogs pa gsum gnyis kyis/ /'gro ba'i don la rab tu 'jug /me dang rlung dang dbang chen dang/ /chu yi dkyil 'khor re re ste/ /thun ni phyed phyed dus su ni/ /las ni gnyis gnyis 'grub par 'gyur zhes 'byung ngo/ /de la mngon par sems zhugs ba ste zhes pa ni rnam pa bzhi sngags la bsgom par byas pa'o/ /de la spyan
- 81b
ras kyis mi 'tsho? ba'o zhes pa ni thugs kyis mi dgongs pa'o/ /spyan ras kyis mi 'tsho ba'i zhes pa la sogs pas sngags kyi ming la sogs pa la gnas pa la mi 'gyur bstan to/ /sngags la gzhol ba rnams zhes ba ni sngar bshad pa'o/ /dus gsum du 'byung ba rnams zhes pa ni dus gsum pa'i sangs rgyas rnams so/ /shub bur bzlas pa ni gsang bar bya ba yin pas mi gsal bar bzlas pa'o/ /yul de la spyod ba ni sngags kyi yul can no/ /rnam pa bdun ni mdor bstan pa'o/ /dkyil 'khor zhes bya ba la sogs pas rgyas bar bstan pa'o/ /dkyil 'khor ni thugs kyi dkyil 'khor la sogs pa'i gsum ste/ rang gi mtshan nyid dang ldan pa khru bcu gnyis pa la sogs pa'i tshad dang ldan pa/ phyag rgya la sogs pa dkod pa bstan pa ni drang ba'i don to/ /nges pa'i don ni dkyil 'khor gsum ste rgyud phyi ma las kyang/ dkyil 'khor sku zhes bshad pa dang/ /byang chub kyis sems kyi dkyil 'khor/ /b+ha ga'i dkyil 'khor zhes bya ba/ /dkyil 'khor gsum ni rab tu brtag /snying po len pas dkyil 'khor zhes 'byung bas so tshogs zhes pa ni tshogs kyi 'khor lo'i cho ga ste de yang sngar bshad zin te/ /thabs dang ni zhes pa la zhi ba la sogs pa la bltos pas me thab bzhi dang las thams cad pa'i thabs gcig ste lnga pa'o/ /de rnams kyi zlum po la sogs pa'i dbye ba dang tshad kyang lung ji lta ba bzhin du 'brang bar bya'o/ /gzhan dag na re me thab ni mdza' yas par zer ro/ /rigs kyi dbye ba yis ni lnga rigs so zhes kho bo cag gi bla ma'i zhal snga nas gsung ngo/ /nges pa'i don gyi phyogs su kha ni thab yin no zhes sngar bshad zin pas 'dir ma bstan to// gtor ma ni lha dang lha ma yin pa'i dbye bas rnam pa du ma ste mdor bsdus na rnam pa gsum yin te/ /rgyal po chen po bzhi'i gtor ma dang/ 'byung po thams cad kyi gtor ma dang/ khro bo'i rgyal po'i gtor ma ste sngar bshad zin to/ /nges pa'i don gyis phyogs su
- 82a
thabs dang shes rab snyoms par zhugs pa'i mtshan nyid de nang? gi bdag nyid ni gtor ma'o/ /'dus pa dang ni rnam pa gnyis te/ rnal 'byor pa dang rnal 'byor ma gnyis kyi'o/ /de yang lus dang ngag gi brda'i bdag nyid do/ /de'i? sems rnal 'byor pa dang rnal 'byor ma rnams kyi dam tshig mthun par shes nas 'dul bar 'gyur ro/ /de la lus kyi brda ni sor mo gcig dang sor mo gnyis rab tu bstan pa'i mtshan nyid do/ /ngag gi brda ni b+hu su ku la sogs pa'i mtshan nyid do/ /go rim dang zhes? ba ni? rnam pa lnga ste/ rdo rje bzlas pa dang/ sems rnam par dag pa dang/ bdag la byin gyis brlab pa dang/ mngon par byang chub pa dang/ zung du 'jug pa'i rim pa ste de rnams kyi ngag la sogs pa rnam par dag pa'i sgo nas de kho na nyid mngon? du? bya'o/ /de nyid ni rnam pa drug ste rlung gi de kho na nyid dang/ sngags kyi de kho na nyid dang/ /ye shes kyi de kho na nyid dang/ /lha'i de kho na nyid dang/ /dkyil 'khor gyi de kho na nyid dang/ /yongs su brtag pa'i lha'i de kho na nyid do/ /de yang le'u drug pa las bshad zin to/ /de'i rnam pa bdun gyi sngags kyi tshul grags pa ste rim pa gnyis brjod par bya ba'i phyir ro/ /rdzogs pa'i rim pa pa'i ting nge 'dzin la gnas nas zhes ba ni rnam par dag pa mngon du bya ba'o/ /rnam pa de lta bu zhes bya ba la sogs pas zhal gyi man ngag gi rim pas sngags kyi spyod pa rnam pa bdun 'byung ba gang yin pa de ni tshul gyis sos ni lam gyi chos nyid gang yin pa de las rdzogs pa ni 'byung ba ste phyi rol tu 'byung ba'o/ /tshig phrad rnams don du ma yin pas de'i sgras ni mang du gces par mi mdzad pa'i don bstan te/ /de ltar zhes bya ba la sogs pas las dang po pa rnams la de bzhin gshegs pa rnams kyis ma gzigs pa nyid bstan to/ /dgongs pa ni 'di yin te yan lag dang nyid lag dang bcas pa'i sngags kyi theg pa ji srid yod pa de gzung ba'i sgrub par bya ba 'jig
- 82b
rten pa 'dis mi nus so/ /'on kyang sngags tsam la brten te 'ba' zhig tu zad par 'gyur ro zhes byas pas de bzhin gshegs pa rnams kyi de rnams mi gzigs so/ /de bzhin gshegs pa rnams kyis gzigs pa med pas de rnams 'grub par mi 'gyur ro zhes bya bas de rnams kyis gzigs pa'i thabs snying po bskul pa'i mtshan nyid bshad bar bya ste / gang gi phyir zhes bya ba la sogs pas de nyid bstan par bya ste rol pa la sogs pa'i sgo nas zhes pa ni spros pa dang bcas pa'i spyod ba'i sgo nas so/ /mchog tu dga' i bde ba zhes pa ni 'od gsal ba'i bde ba'o/ /sgrub pa po la gzigs par mi mdzad de zhes ba ni de la mngon du mi 'gyur ro/ /thugs rje chen pos gzhan dbang du gyur pas skyes bu yang yin la ye shes thob pas chen po yang yin pa ste/ skyes bu chen po mi bskyod pa la sogs pa'o/ /sgrub pa po la mngon sum du mdzad pas zhes pa ni bsgrub pa po la mngon du gyur pas so/ /dad pa bskyed par bya ba'i phyir zhes pa ni dngos grub mthong bas sgrub pa po'i sems dga' ba dang ldan par bya ba'i phyir ro/ /sku dang gsung dang thugs kyi gsang bar 'gyur ba'i zhes pa ni sku rdo rje la sogs pa de las skyes pa'i phyir ro/ /sprul la sogs pa'i gsang sngags kyi lha rnams so zhes pa ni sbrul la sogs pa byin gyis rlob par byed pa de bzhin gshegs pa rnams so/ /srog gi thugs yin pas so/ /rab tu sad par byed pa zhes ba ni rang rang gi ting nge 'dzin la bzhugs pa de bzhin gshegs pa rnams sgrub pa po gang gi mngan du byas pa'o/ /snod ma yin pa rnams la zhes pa ni skal pa med pa nyan thos pa la sogs pa rnams la'o/ /mchog tu sba? bang? bya'o zhes pa ni shin tu bstan pa de mi bya'o/ /gti mug gi rigs can rnams shes pa ni rnam par snang mdzad kyi rigs can no/ /de rnams kyi spyan ma la sogs pa rnams kyi sku la sogs pa mi phyed pa'i ngo bo ste sems dpa' gsum gyi bdag nyid can sngags gang gis yang dag par byon cing zhes pa
- 83a
rnam pa thams cad mchog dang ldan par 'gyur ba de ni dam tshig ces bya'o/ /de bzhin du sngags pa rnams kyis zhes pa na bskyed pa'i rim pa'i rnal 'byor pa rnams kyis so/ /dmigs shing ni gzung par bya'o/ /yid la byed pas na? zhes pa ni yid kyi bya ba bsgom pa'i bdag nyid kyi dmigs pa'o/ /yi ge oM ni phyag 'tshal pa'o/ /de bzhin du zhes bya ba la sogs pas thugs rdo rje 'chang gi rgyu 'gyur ba'i sngags bstan par bya ste/ yi ge hUM ni sprin gyi sgra'o/ /chos 'dzin pa thams cad ces pa ni 'od dpag tu med ba'i rigs can rnams kyi'o/ /sku la sogs pa dmigs pa zhes pa ni sku la sogs pa'i rdzogs par byed pa'o/ /yi ge A(rgyud 'grel): zhes pa ni/ gsung rdo rje 'chang gi sa bon zhes bya ba'i don to/ /rdo rje 'chang chen po nyid de zhes pa ni thams cad kyi nang du chud pas so de'i sku las yi ge oM zhes pa ni sku'i rang bzhin yin pas so/ /gsung las yi ge A(rgyud 'grel): zhes pa ni gsung gi rang bzhin yin pas so/ /thugs? las yi ge hUM zhes pa ni thugs kyi rang bzhin yin pas so/ /go rim ji lta ba bzhin du zhes pa ni sku gsung thugs las so/ /tshig gi lam ni kha ste zhes pa ni zhal zhes bya'o/ /ston pa'o zhes pa ni gsung gi yi ge gsum ston pa zhes bya'o/ /thugs dang sku dag kyang zhes pa ni thugs dang sku gsung la dbyer med pas so/ /sems ni lus lta bu zhes bya ba la sogs pa le'u gnyis pa las gsungs pa'i phyir ro/ /gsal ba'i tshig gis zhes pa ni thugs dang sku'i ngo bor yongs su gyur pa'i gsung gis so/ /ji lta ba'i gsung zhe na zhes pa ni las kyi yul 'dri ba'o/ /bud med dang skyes pa dang ma ning gi yi ge rnams te zhes pa ni de la bud med kyi rang bzhin a la sogs pa dbyangs bcu drug go /skyes pa'i rang bzhin ka nas me'i bar du gsal bya nyi shu rtsa lnga'o/ /ma ning gi rang bzhin mthar gnas dang drod kyi yi ge brgyad do/ /de yang sngar bshad zin to/ /gang du bsdus par gyur pa zhes pa ni yi
- 83b
ge gsum la'o/ /de la shes rab kyi rang bzhin gyi dbyangs kyi sde tshan yongs su gyur pa las bud med kyi rang bzhin ni yi ge a'o/ /thabs kyi rang bzhin gsal ba'i sde tshan yongs su gyur pa las yi ge hUM ngo/ /ma ning gi rang bzhin ya la sogs pa yongs su gyur? pa las thabs ? shes rab snyoms par zhugs pa'i rang bzhin oM mo/ /de nyid bstan pa'i phyir yi ge gsum gsungs so zhes ston to/ /sngags bsdus pa gsungs pa zhes bya ba la sogs pas yi ge gsum gyi nus pa bshad par bya ste/ yi ge gsum po 'di gsungs tsam gyis te zhes pa ni sgrub pa pos brjod pa tsam gyis so/ /mi bskyod ba la sogs pa dang byang chub sems dpa' i tshogs dang bcas pa zhes pa ni mngon par dga' pa la sogs pa sangs rgyas kyi zhing du mchog tu dga' ba'i bde ba myong ba mngon du 'gro bar gnas pa'o/ /rdo rje 'chang chen pas yongs su gzung bar 'os pa'i sems can rnams gzigs pas zhes pa ni gang gi phyir rdo rje 'chang chen po de bzhin gshegs pa thams cad kyi bdag po khyab par byed pa yin pas sems can thams cad rjes su gzung ba mdzad do/ /mi bskyod pa la sogs pa zhe sdang la sogs pa'i spyod pa dang ldan pa so sor nges pa dang ldan pa'i sems can gyi khams rjes su gzung bar mdzad pa ste/ de rnams rnam pa thams cad mi gzigs so/ /zhes dbye ba'o/ /rab tu zhes bya ba la sogs pas rdo rje 'chang chen po'i dam tshig blang ba la 'jigS pas mi bskyod pa la sogs pa gzigs par gyur to/ /rigs thams cad kyi bdag po rdo rje sems dpa' ni rdo rje 'chang chen po'o/ /rjes su 'dzin par mdzad pa zhes pa ni sems can thams cad la thugs rjes mdzad pa'o/ /dran pas ni bsam pa'o/ /dga' ba rgya chen po thob gyur pa ste zhes pa ni mi bskyod pa la sogs pas sgrub pa po la gzigs pas rjes su gzung ba'i phyir dga' ba'i tshogs thob par gyur to/ /dran pa'i 'og tu zhes bya ba la sogs pas rdo rje 'chang chen pos sngags gsungs pa'i 'og tu snying po
- 84a
bskul ba'i bsgom pa'i rim pa bshad par bya ste bstan to/ /'dal bar mi bya ba'i ngo bo nyid kyis zhes pa ni snying po bskul ba'i rnal 'byor pas nges par bya ba'o/ /de bzhin nyid de zhes pa ni gnas gzung ba dang bgegs bskrad pa dang stong pa nyid dang ye shes kyis gzhi dang gzhal yas khang pa dang lhag par mos pa dang don dam pa'i dkyil 'khor bsgom pa'i 'og tu gdan la sogs pa bsgom pa mngon du 'gro bar/ yig 'bru dang phyag mtshan yongs su gyur pa las 'byung pa'i dam tshig sems dpa' ni rdo rje 'chang zhes bya'o/ /lus kyi dbus yin pas dbus na snying ga zhes bya'o/ /de la gnas par zhes pa ni sna tshogs pad+ma dang zla ba'i dkyil 'khor la gnas pa'o/ /ye shes sems dpa' bsam par bya'o zhes pa ni dam tshig sems dpa' dang 'dra bar bsgom par bya'o// de'i ste zhes pa la sogs pas yi ge hUM yongs su gyur pa las rdo rje'i phyag mtshan de nyid kyis mtshan pa ting nge 'dzin sems dpa' i bsgom pa bstan to/ /gsum po de dag ces pa ni sems dpa' gsum gyi bdag nyid kyi sku'o/ /rang gi ngo bo nyid kyis zhes pa ni bdag nyid kyis bskyed par ni bsgom par bya'o/ /de rnams las zhes bya ba la sogs pas sems dpa' gsum gyi bdag nyid bskyed la / ting nge 'dzin sems dpa' ni 'od zer lngas khyab pa 'bar ba de bzhin gshegs pa thams cad kyi snying po skul bar byed pa bsgom par bya'o/ /zhes bstan to/ /rnam par snang mdzad la sogs pa rdzogs pa dang ma rdzogs pa zhes bya ba la sogs pa ni mngon par dga' ba la sogs pa la bzhugs pa 'khor dang bcas pa mi bskyod pa la sogs pa rnams kyi'o/ /sku dang gsung dang thugs kyi nus pa ste zhes pa ni sku rdo rje la sogs pa'i de bzhin gshegs pa rnams kyis thugs kyi nus pa 'am/ yang na gnod mdzes kyi rgyal pos bkug pa de'i sku'o/ /ting nge 'dzin sems dpa' las byung pa'i dkar po la sogs pa'i 'od zer
- 84b
gyis lcags kyus zhes pa ni ting nge 'dzin sems dpa' i sa bon las byung ba/ lcags kyu dang zhags pa lag na thogs pa'i gnod mdzes kyi rgyal pos rlung gi dkyil 'khor gyi steng du gru gsum pa'i me'i dkyil 'khor bkod nas dgug pa'o/ /thugs ka nas drangs par bsam par bya'o/ zhes pa ni rang gi phyag rgya'i chos 'byung gi nang du me'i dkyil 'khor gru gsum pa la zhugs nas thal bar gyur par bsam par bya'o/ /de ltar bslab pa'i sgrub pa pos zhes pa ni de'i rnam par shes pa dri ma med pa rlung med pa'i phyogs su mi g.yo ba'i mar me dang 'dra ba yongs su gyur pa'i mi bskyod pa hUM las byung ba sems dpa' gsum gyi bdag nyid can bsgom par bya'o/ /drangs shing zhes pa ni de'i pad+ma'i nang nas mi bskyod pa la sogs pa'i gzugs phyung nas so/ /ting nge 'dzin sems dpa' la 'jug pa tsam nyid kyi zhes pa ni ye shes sems dpa' i thugs kar yongs su thim bas so/ /thams cad zil gyis mnan nas zhes pa ni nyon mongs pa la sogs pa'i sgrib pa btsam nas rdo rje 'chang ni rdo rje sems dpar 'gyur ro/ /sku la sogs pa mi phyed pa'i ngo bo yin pa'i phyir zhes pa ni sku la sogs pa mi 'jig pa thob pa'i phyir ro/ /de rnams dgyes par byed pas zhes pa ni de rnams spro bar mdzad pas so/ /rgyu ba dang mi rgyu ba zhes pa ni sems can dang snod kyi 'jig rten no/ /tshangs pa la sogs pa'o/ zheS pa ni de rnams kyi bdag po yin pas 'jig rten skyong ba'o/ /de rnams kyang tshar gcod pa dang rjes su 'dzin par mdzad pas na zhes pa ni tshangs pa la sogs pa khro bo dang bka' drin mdzad pa'i phyir khams gsum rnam par rgyal ba'i skus lha chen po dang/ u ma mnan pa bzhi dang thal ma? can gyi 'jig rten gyi khams la byang chub kyi sems kyi gzugs de nyid bzhag pa yin no/ /rnam pa de lta bu'i rdo rje 'chang chen por zhes pa ni dpal rdo rje 'chang gi phyag rgya chen po'i skur bdag nyid bsgom par bya'o/ /rang gi lus kyi
- 85a
dkyil 'khor po zhes pa ni lha rnams thams cad kyi rang bzhin bdag nyid kyi sku'i dkyil 'khor ro/ /rang gi sems kyi bskyed pa'i cho ga 'di nyid do zheS pa ni rang gi semS kyi dpal rdo rje 'chang gi sku bskyed par bya'o/ /dus gsum du 'byung ba rnamS kyi'o zhes pa ni dus gsum pa'i sangs rgyas rnams kyi'o/ /bstan par 'gyur ba'o zhes pa ni ting nge 'dzin des bstan par gyur pas dus gsum gyi sangs rgyas kyi dngos grub thob par 'gyur ro zhes bya ba'i don to/ /de bzhin gshegs pa thams cad kyi thugs ni mi phyed pa'i ngo bo yin pas so/ /de rnams bkug nas zhes pa ni de bzhin gshegs pa thams cad kyi snying po bkug pa zhes bya ba'i tha tshig go /de ltar zhes bya ba la sogs pas de bzhin gshegs pa thams cad kyi rang bzhin bdag nyid bskyed la/ 'khor rnams kyang de'i rnam pa nyid du bskyed par bya ba'i phyir bstan par bya ste rang ste zhes bya ba la sogs pas dkyil 'khor rgyal ba mchog gis ting nge 'dzin gyi rim pas shar la sogs pa'i phyogs dang mtshams su dkyil 'khor pa rnams spro bar bstan to/ /ji skad du gsungs pa'i sku mdog dang phyag mtshan gyi gzugs kyi tshul du'o zhes pa ni sgrub thabs las gsungs pa'i rim pas so/ /cha 'dra zhing gsal bar gzung ba yin pas ni zhes pas ni rnam pa sna tshogs pa la sogs pa'i skad cig ma rnams kyi mtshon par 'gyur ba'o/ /'dod chags la sogs pa zhes pa ni 'dod chags dang 'dod chags bral ba dang 'dod chags bar ma rnams so/ /de rnams kyi sbyor bas na zhes pa ni phyag rgya 'dus byas pa sngon du 'gro bar snyoms par zhugs pa las byung ba'i snang ba la sogs pa'i ye shes sbyong ba'o/ /des nye bar mtshon par byas pa'o zhes pa ni snang ba la sogs pa'i ye shes mtshon par byas pas so/ /yi ge gsum gyis zhes pa ni yi ge gsum gyi spel ba dzi ni dzi ka ces bya ba la sogs pa phyung ba'i sngags kyis so/ /rnam par snang mdzad la sogs pa zhes pa ni sngags laS
- 85b
byung ba'i skyes bu ni sngags kyi skyes bu ste sngags kyi sku bcom ldan 'das de bzhin gshegs pa rnams so/ /gnas gzhir ni shar la sogs pa la'o/ /rigs pa 'dis zhes pa ni rnam par snang mdzad la sogs pa'i spro ba'i rim pas so/ /ji ltar rang gi ni gnas ba'i lta ba bzhin du'o/ /rigs dang 'brel pa'i lha tshogs zhes pa ni rnam par snang mdzad la sogs pa'i rigs las byung ba khro bo dang lha mo dang byang chub sems dpa' i tshogs so/ /de bzhin gshegs pa bzhi'i nye bar mtshon pa nyid kyis so zhes pa ni rnam par snang mdzad la sogs pa gtso bo yin pas so/ /gtso bo gzung bas yon tan yod pa yang don gyis gzung bar 'gyur ro/ /rdo rje ni chos kyi dbyings kyi ye shes so/ /de nyid dam tshig gang la yod pa ni ni rdo rje'i dam tshig ste chos kyi dbyings kyi ye sheS kyi rang bzhin no/ /rdo rje 'chang chen po ste zhes pa ni dpal rdo rje sems dpa' o/ /de ltar zhes bya ba la sogs pas dkyil 'khor rgyal ba mchog gis bskyed pa'i dkyil 'khor pa rnams nye bar bsdus pa bstan to/ /de las zhes bya ba la sogs pas 'khor dang bcas pas kyang snying po bskul bar bya'o zhes bstan to/ /dam pa ni bya ba'i rgyud la sogs pa la bltos nas mchog go /de bzhin gshegs pa'i gsang ba zhes pa ni de bzhin gshegs pa'i thugs ka'i nus pa dgugs pa gsang pa yin pas so/ /dbyer med pas zhes pa ni rten dang brten pa dbyer med pa nye bar brtags pas tshim bu du ba bzhin no/ /dkyil 'khor pa de rnams kyi re re'i zhes pa ni lha re re yi'o/ /snying ga'i zla ba la gnas zhes pa ni dam tshig sems dpa' i snying ga'i pad+ma dang zla ba la gnas pa'o bsgom par bya zhing khyad par du zhes pa ni med du mi rung pa dang 'dra bar yang bsgom par bya'o/ /ye shes kyi rang bzhin yin pas na zhes pa ni sems kyi rnam pa yongs su gyur pas so/ /ye shes sems dpa' bsgom par bya'o zhes pa ni mthe bong gi tshad tsam bsam
- 86a
par bya'o/ /thugs kyi zla bar chud pa zhes pa ni ye shes sems dpa' i thugs ka'i pad+ma dang zla ba la gnas pa'o/ /de bzhin du ni dbus kyi gtso bo dang 'dra bar khyad par bstan to/ /so so'i yi ge zhes pa ni dkyil 'khor pa re re la thugs rdo rje 'chang gi sa bon dgod par bya'o/ /mi 'gyur ba'i ngo bo nyid ces pa ni chos kyi dbyings kyi ye shes kyi rang bzhin yin pas so/ /mi shigs las byung ba'i phyir ro zhes pa ni 'od gsal ba las 'byung bas so/ /yi ge hUM zhes pa ni mi bskyod pa la sogs pa'i bsgyed pa'i gnas yin pas so/ /sgrub pa po'i mchog la sbyor bas byed pas na zhes pa ni chos kyi dbyings kyi ye shes kyi rnal 'byor pa sbyor bar byed pas so/ /ting nge 'dzin gyi sems pa'o zhes pa ni de nyid ye ge hUM zhes bya'o/ /de las ni yi ge hUM yongs su gyur pa las so/ /kha rnam par gyes pa bsam zhing zhes pa ni 'bar ba'i rdo rje bsgom par bya'o/ /tshul 'dis na zhes bya ba la sogs pas 'khor rnams kyang sems dpa' gsum gyi bdag nyid du bsam par bya'o zhes bstan to/ /de rnams kyi lcags kyu 'dra bas ni skye ba ste zhes pa la dbang du byed pa dang mngon du gyur par byas pas bskul ba bstan to /glang po che bzhin zhes pa ni dpe ste glang po che ni lcags kyus dbang du 'gyur bas so/ /de'i sbyor ba ni zhes pa la de spro ba'o/ /rdo rje gsum gyis zhes pa ni sems dpa' gsum gyi bdag nyid kyi dkyil 'khor pa rnams kyi snying ga dang de bzhin du rang gi snying ga las spros pa'i gnod mdzes kyi rgyal bos phyag rgya dang snyoms par zhugs pa'i dbang gis mchog tu dga' ba'i bde ba myong ba'i bsgrub bya'i lha dang mi bskyod pa la sogs pa'i lha'i thugs kar brdeg pa ni gsol ba gdab pa mngon du 'gro bar rdo rje'i tho pas? thugs la brdeg par bya'o/ /de nyid bstan pa'i phyir/ bdag po la sogs pa zhes bya ba la sogs pas bstan to/ /gcig tu gyur pa'i 'od zer gyis tshogs kyis zhes pa ni 'od zer gyi tshogs
- 86b
yongs su gyur pa gnod mdzes kyi rgyal po gang yin pa lcags kyu dang 'dra ba nges so /bsgrub par bya ba'i lha'i zhes pa ni mi bskyod pa la sogs pa'i rang bzhin sems dpa' gsum gyi bdag nyid can gyi yang bskul ba ni thugs kar brdeg par bya'o/ /rdo rje lcags kyu zhes bya ba la sogs pas don 'di nyid rgyas par bstan to/ /'di ni zhes pa la sogs pas phan yon bstan to/ /de rnams kyi byang chub kyi sems rab tu bsgrub pa ni zhes pa la byang chub nges par byed pa'i bdag nyid kyi sems so/ /'gugs pa'o zhes pa ni drangs pa'o/ /bshad ma thag pa zhes pa la sogs pas rnam par snang mdzad la sogs pa'i rnal 'byor pa rnams kyis kyang snying po bskul bar bya'o zhes bstan to/ /'di ni zhes bya ba la sogs pas snying pos bskul ba'i ting nge 'dzin gyi sgyu ma lta bu nyid bstan to/ /de ni rol mo ltar byung ba na zhes pa ni dper mdor bstan pa'o/ /ji ltar zhes bya ba la sogs pas rgyas par bstan pa'i don sngar gyi lo rgyus bstan pa'i bdag nyid kyi rol mo la gang mkhan gcig bus kyang lha'i dbang po brgya byin la sogs pa'i cha lugs byas nas ltad mo ba rnams la dga' bar byed pa de bzhin du/ mi bskyod pa'i rnal 'byor pa gcig pus bsgrub bya la sogs pa'i tshul gyis snying po bskul bar byed de de la mi bskyod pa la sogs pa'i lha'i tshogs ni bsgrub bya'o// sgrub po ni rnal 'byor pa'o/ /rdo rje lcags kyu la la sogs pa'i sbyor bas de dgugs pa ni sbyor ba'o/ /don dam pa rnaM par spyang na gsum pa yang mi dmigs so/ /'on kyang dngos grub don du gnyer ba'i sgrub pa po rnams kyis bsgrub par bya'o zhes bstan to/ /dus kyi tshad ces pa ni zhag gcig la sogs pa'i dbye ba'o/ /rdo rje ni de bzhin gshegs pa rnams te zhes pa ni thugs rdo rje 'chang la sogs pa'o/ /cho ga gang gi khrid cing drangs pa zhes pa ni rang gi snying ga nas spros pa'i gzugs rdo rje ma la sogs pa
- 87a
de bzhin gshegs pa rnams mgu bar byed pa'i tshig snyan pa dang sgeg pa la sogs pas dga' bar byed pa gang yin pa de rnams so/ /de la mchog tu gyur cing phul du byung bas na zhes pa ni de bzhin gshegs pa rnams mgu par byed pa sbyin pa la sogs pa te / skad cig gis bsgrub bya yin pas so/ /de'i cho ga rjes su bsgrub par bya'o zhes pa ni bzang ba'i thabs kyis de bzhin gshegs pa rnams mgu par bya'o/ /de bas na bzang ba'i thabs dang sbyin pa'i thabs bstan to/ /brtsams pa'i nyin mo nas zhes bya ba la sogs pa ni rtse gcig pa dang bstan pa'i nges pa'i sems dang ldan pa'i sgrub pa pos zhag gang nas brtsams te snying po bskul ba'i cho ga bsgom pa de nas zhag bdun gyis 'grub par 'gyur ro/ /gzhung des ni dbye ba'i thabs bstan to/ /cho ga'i phan yon gsungs pa zhes pa ni thabs bzhi dang ldan pa de bzhin gshegs pa'i snying po bskul ba'i phan yon gsungs pa'o/ /bla ma'i lung las rnyed pa yin pas so zhes pa ni snying po bskul ba de ni sba bar bya ba yin pas so/ bsgrub par bya ba'i zhes bya ba la sogs pas de bzhin gshegs pa dang 'dra bsgrub pa po'i sku la sogs pa 'grub par 'gyur ro/ zhes bstan to/ /'da' bas 'jigs pa'o zhes pa ni ye shes kyi dbang thob pas 'khor ba'i 'jigs pa las grol ba'o/ /de ltar gyur pa'i de bzhin gshegs pa rnams kyang zhes pa ni thugs rdo rje 'chang la sogs pa'o/ /skrag 'gyur nas zhes pa ni mdor bstan pa'o/ /thugs rdo rje'i dbang du gyur pas zhes pa ni rgyas par bshad pa'o/ /yid la 'dod pa'i dngos grub rab tu stsol bas zhes pa ni rang gi ngo bo bsgrub pa rnal 'byor pas rjes su gzung ba mdzad pa'o/ /'di skad bshad pa yin te thabs rnam pa bzhis snying po bskul nas sangs rgyas rnams kyi nyid dang 'dra ba sgrub pa po la mdzad do zhes pa tshig gi
- 87b
don no/ /de yang rjes su rnal 'byor gyis yan lag yin no zhes bla ma rnams kyis gsungs so/ /kha cig na re ting nge 'dzin gsum gyi mthar zhes zer te dngos grub mngon du ma gyur na zhag bdun gyis de 'grub pa'i phyir ro/ /de bzhin gshegs pa thams cad dang 'drang ba nyid thob na de bzhin gshegs pa rnams kyis dngos grub kyang stsol bar 'gyur ro zhes bstan pa'i phyir/ yid la mngon par mgu bas zhes pa ni 'dod pa dang rjes su mthun pa'o/ /dngos grub rgya che zhing zhes pa ni khams gsum gyi bdag po'i tshul can no/ /'jig rten pa ni zhi ba la sogs pa dang sku'i dbang phyug la sogs pa dang phra ba la sogs pa rnams so/ /'jig rten las 'das pa ni mkha' spyod pa la sogs pa dang rdo rje 'chang gi go 'phangs thob pa la sogs pa'o/ /su zhig ces bya pa la sogs pas sgrub pa pos mngon par 'dod pa'i bsgrub bya rnams kyis dngos grub stsol ba'i byed pa po nyid bstan te/ /byams pa la sogs pa'i zhes pa ni sgrub pa po'i dgongs pas zhes tshig gi lhag ma'o/ /byang chub nyid la slob pa'i zhes pa ni slob bzhin pa'o/ /grub pa'i skyes bu rnams so zhes pa ni spyod pa rnam pa gsum gyi sgo nas dngos grub thob pa'i rnal 'byor pa gang yin pa de rnams zhes bya'o/ /de ltar zhes bya ba la sogs pas snying po bskul ba mi byed pa'i rnal 'byor pa rnams la don med bar dus zad par 'gyur ro zhes bstan to/ /'di ni de bzhin gshegs pa zhes pa ni sa thob pa'i sangs rgyas rnams so/ /bdag ni tha mal pa'o zhes pa ni so so'i skye po'i sa la gnas pa'o/ /gang yongs su rtog pa de ni zhes pa ni tha dad pa'i rtog pa'o/ /de lta bu zhes bya ba la sogs pas de bzhin gshegs pa ni thams cad mkhyen pa yin no/ /bdag ni tha mal pa yin no zhes tha dad pa'i rtog pas rnal 'byor pas dngos grub thob par mi 'gyur ro/ zhes bstan to/ /srog gi tha ma zhes pa ni de'i las tsam la zhes
- 88a
pa de'i srog yin no zhes bya ba'i don to/ /de nyid bstan pa'i phyir las gang gi dngos grub tu 'dod pa'i las de zhes pa ni dngos grub thob par 'dod pa'i mtshan nyid can gyi las kyis so/ /srog zad par 'gyur gyi zhes pa ni dngos grub ma ma thob par shi bar 'gyur ro/ /de nyid bstan pa'i phyir/ snying po yang dag par bskul ba dang bral ba'i phyir ro zhes bya bar dgongs so zhes bstan to/ /sgra ji bzhin pa'o zhes pa ni sogs pa'i sgras so/ /de ltar zhes bya ba la sogs pas bskyed pa'i rim pa'i rnal 'byor pa rnams kyi snying po bskul ba bstan nas/ /rdzogs pa'i rim pa'i rnal 'byor pa rnams la yang bshad par bya ste zhes par bstan to/ /sngags kyi gsang ba la zhes pa ni zung du 'jug pa'i bdag nyid kyi ting nge 'dzin to/ /zhugs pa'i skyes bu zhes pa ni sngags kyi skyes bu ste rdzogs pa'i rim ba'i bsgom pa'i sgrub pa po zhes bya ba'i don to/ /de yongs su gang bsan zhes pa de ni de bzhin gshegs pa thams cad kyi rdul phra rabs kyis mdzad pa'i sku dang ldan pa'o/ /dngos po thams cad ni bshad ma thag dang 'og nas bshad pa ste zheS pa ni sngar bshad zin pa dang le'u bcu gsum pa la sogs pas 'chad par 'gyur pa'o/ /sgrub pa dang bsgrub par bya ba la sogs pa'i rab tu sbyar ba'o zhes pa ni sogs pa'i sgras sgrub pa po'i yang sbyor ba'o/ /bskyed pa'i ni mngon du bya ba'o/ /bden pa / gnyis ni kun rdzob dang don dam pa la sogs pa'o/ /gcig tu bsdus pa de zhes pa ni bden pa gnyis la sogs pa dbyer med pa'i mtshan nyid kyi ting nge 'dzin te/ /nges 'gyur zhes pa ni nges par gzung ba dang bcas pa'i tshig yin te/ de nyid kyis 'gyur ro zhes bya ba'i don to/ /de bas na 'jig rten pa dang 'jig rten las 'das pa'i dngos grub ni sngar bshad pa'i mtshan nyid can gang yin pa de ni dbang po gnyis kyi sbyor ba dang bral pas zhes pa ni zung du 'jug pa'i ting nge
- 88b
'dzin med pas 'grub par mi 'gyur ro zhes bstan to/ /sgrub pa rdzogs par byed pa zhes pa ni bden pa gnyis dbyer med pa'i phyag rgya chen po'i gzugs so/ /de bzhin gshegs pa thams cad dang 'brel pa'i zhes pa ni mi bskyod pa la sogs pa dang ro gcig pa gyur pa ste zung du 'jug pa'i ting nge 'dzin ni de bzhin gshegs pa thams cad kyi bdag nyid yin pas so 'da' par mi bya ba gang yin pa zhes pa ni rnal 'byor pa rnams so/ /de rnams kyi bsgom pa'i thabs so zhes pa ni phyag rgya chen po'i thabS 'di nyid yin no zhes bya ba'o/ /sbyor ba'i thabs zhes bya ba la sogs bas mngon par byang chub pa'i rim pa bsgom pa sngon du 'gro bzung du 'jug pa'i ting nge 'dzin bstan to/ /shes rab kyi pha rol tu phyin pa'o zhes pa ni phyag rgya dang ting nge 'dzin gyi rim pa'i bsgom pa thob par bya ba'i 'od gsal ba'o/ de rin rgyur 'gyur bas so/ /phung po la sogs pa rnams mi snang bar byas nas zhes pa ni tha mal pa rnams stong par byas nas so/ /kun rdzob dang zhes bya ba la sogs pas chad pa'i phyogs spang bar bya ba'i phyir kun rdzob dang don dam pa'i sbyor pa'i ting nge 'dzin bsgom par bya'o zhes bstan to/ /de nas zhes bya ba la sogs pas zung du 'jug pa'i ting nge 'dzin gyi 'phrin las bshad par bya ste/ don dam pa'i bden pa la bzhugs pa'i 'og tu zhes pa ni phyag rgya dang ting nge 'dzin gyi rim pas thob par bya ba man ngag bzhi pa la zhugs pa'i 'og tu'o/ /bden pa gnyis kyi bdag nyid can gyi zhes pa ni kun rdzob dang don dam pa la sogs pa dbyer med pa'i rang bzhin no/ /rang gi phyag rgya chen po zhes pa ni rdo rje 'chang chen po'i sku'i mtshan nyid do/ /bskyed pa ni cig car du spros nas so/ /de khams gsum du zhes pa ni khams gsum gyi nang na gnas pa sems can gyi khams la snying rje'i dbang du gyur pas chags pa dang de rnams ston pa'i phyir chos ston pa'i dam bca' ba la zhes pa de bzhin du de la gnas pa'i sems can
- 89a
gyi tshogs kyis 'khor pa'i 'jigs pa las dgrol ba'i phyir dang rdo rje 'chang chen po'i sku bskyed pa'i phyir srid pa'i sdug bsngal dang yid kyi sdug bsngal dang yid kyi sdug bsngal gyis nye bar 'joms? pa bdag cag dang 'dr ba 'di ba yin no/ zhes chags pa dang bcas par dgongs pa dang bcas pa yid ches pa dang gus pa dang bcas par blta bar bya ba dang/ /dad pa'i blos yongs su bsnyen bkur du bya ba shes par bya ba ni rtogs par bya'o zhes bstan to/ /'di zhes bya pa la sogs pas phyag rgya chen po'i gzugs de nyid nye bar bsdus par bstan to/ /de ltar zhes bya ba la sogs pas rgyu dang 'bras bu dang bcas pa'i snying pos bskul ba mngon par brjod nas rnal 'byor pa'i 'jug pa'i khyad par bstan par bya ste/ rnam par snang mdzad la sogs par yongs su brtags pa'i zhes pa ni gzugs la sogs pa ye shes lnga'i ngo bo yin pas de bzhin gshegs pa lnga'i ngo bo yin no/ /de rnams kyi ngo bo nyid de zes pa ni phung po la sogs pa'i rang bzhin no/ /don dam pa'i bden pa zhes pa ni 'od gsal ba'o/ /de laS skyes pas ni zhes pa ni 'od gsal ba las cig car du 'byung ba'o/ /de nyid rdo rje 'chang chen po ste dpal rdo rje sems dpa' o/ /sangs rgyas thams cad kyis dbang bskur du gyur pa zhes pa ni de bzhin gshegs pa thams cad kyi cod pan du gyur pa'o/ /de nyid kyis na zhes bya ba la sogs pas gtan tshigs bstan te/ /de bzhin gshegs pa thams cad kyi dbang bskur du gyur pa d ni sangs rgyas thams cad kyi mchog ces bya'o/ /bka' stsal pa'o zhes pa ni bcom ldan 'das kyis bka' stsal pa'o/ /mdza' yas shing mu med pa zhes pa ni ma lus pa'i 'jig rten gyi khams la'o/ /tha ma zhes bya ba la sogs pa gzugs rdo rje ma la sogs pa lha mo ji srid yod pa de rnams sngags kyi sku dang ye shes kyi sku'i phyogs la dmigs nas spro bar bya'o/ /sngags kyi sku ni
- 89b
bskyed pa'i rim pa'i dkyil 'khor rgyal ba mchog gi ting nge 'dzin gyis dkyil 'khor pa rnams spro ba dang/ ye shes kyi skus skad cig ma gcig gis spro bar bya'o zhes khyad par rdo zhes bstan to/ /de nyid bshad par bya ba'i phyir/ bya ba grang med bya ba la sogs pa bstan to/ /grangs med pa ni sems can gyi khams mdza' yas pa yin pas de rnams sbyang ba'i don du sprul pa'i sku yang mdza' yas pa bstan to/ /gang gi phyir sprul pa gcig gis cig car du thams cad gdon par mi nus te gdul bya rnams kyi bsam pa sna tshogs bso/ /rdo rje can gyis spro bzhes pa ni rdo rje 'chang gi rang bzhin gyi rnal 'byor pas spro bar bya'o/ /byang chub dam tshig ste zhes pa ni byang chub thob pa'i don du ldan par mi bya ba rdo rje 'chang chen po zhes bya ba'i don to/ /'dis zhes bya ba la sogs pas phan yon bstan to/ /rang gi ngo bo nyid thams cad la rtogs par mdzad pas na zhes pa ni khams gsum na gnas pa'i sems can thams cad ngo bo nyid nyams su myong ba'i mtshan nyid thob par byed pa'o/ /byang chub ni rdo rje 'chang chen po'i go 'phang ngo/ /sku rdo rje la sogS pa'i ngo bo nyid ni zhes pa ni rnam par snang mdzad la sogs pa byang chub kyi mtshan nyid do/ /rog pa byar med pas shes pa ni nam mkha' dang 'dra ba nyid thob par 'gyur te/ 'dus ma byas pa'i phyir ro/ /rdzogs pa'i rim pa'i rnal 'byor pas zhes tshig lhag ma'o/ / rdzogs pa'i rnal 'byor pa'i phan yon bstan nas/ slob bzhin pa'i yang bstan par bya ba'i phyir/ slob pa la gnas pa zhes bya ba la sogs pa smos te slob pa la gnas pa ni de bzhin gshegs pa'i snying po bskul pa la slob bzhin pa'o/ /nye bar brtags pas na zhes pa ni gzhi dang gzhi can dbyer med pas so/ /yon tan nyid rgyal pa ste zhes pa ni stobs bcu dang mi 'jigs pa la sogs pa'o/ /ji ltar rgya mtsho rin po che kun gyi gnas su gyur pa bzhin zhes pa ni slob bzhin pa de yang rin po che ltar
- 90a
yon tan de rnams kyi gzhir gyur pa'o/ /bde ba dam pa dang zhes pa ni phyi rol gyi longs spyod kyi tshogs las 'byung ba lus bde ba'i bdag nyid do/ /nad med pa ni skye 'chi med pa'o/ /sogs pa'i sgras rgas pa dang gnyer ma la soD pa med pa thob par 'gyur ro tshe ring? ba ni bskal pa stong gi bar du son cing gnas pa ste de gang la yod pa de la de skad ces bya'o/ /dgongs pas bshad pa'o zhes pa ni 'gal ba'i sgra'i sbyor pas de kho na nyid so sor bstan pas so/ /'jig rten pa'i dngos grub ni zhi ba la sog pa'o/ /'jig rten las 'das pa'i dngos grub ni dpal rdo rje sems dpa' i go 'phan thob pa la sogs pa'o/ /de 'grub pa'i phyir zhes pa ni de thob pa'i phyir ro/ /de bzhin gshegs pa thams cad kyi snying po bskul ba zhes pa ni mi bskyod pa thugs kyi nus pa dgug bas so so sor ston par byed pa'i tshig gi tshogs ni le'u zhes bya'o/ /le'u dang po las bstan la phab pa'o// //sgron ma gsal bar byed pa'i 'grel pa'i TIka las le'u bcu pa'i rgya cher bshad pa'o// //de ltar zhes bya ba la sogS pas le'u bcu gcig pa brtsam par bya ste /rnal 'byor rnam pa gnyis zhes pa ni bskyed pa dang/ rdzogs pa'i rnal 'byor rnam pa gnyis so/ /rnam pa gnyis ni brtags pa dang rdzogs pa'i sgom pa'i dbye bas so/ /rtog pa dang rdzogs pa rnal 'byor pa rnams kyis zhes pa ni rim pa gnyis kyi rnal 'byor pa rnams kyi'o/ /lha'i sku rnam pa gnyis po zhes pa ni yongs su dag pa dang mi dag pa'i lha'i sku dag go /le'u dang po las gsungs pa zhes pa ni mdor bstan pa nyid du gsungs pa'o/ /gsal bar bya ba'i phyir zhes pa ni rgyas par bshad pa'i phyir ro/ /le'u bcu gcig pa gsungs te zhes pa ni sdud pa pos zhes tshig lhag ma'o/ /'dir ni dgongs pa ni le'u dang po nas lha'i sku rnam pa gnyis kyi sgom pa'i khyad par gsungs pa gang yin pa de ni 'dir rgyas/
- 90b
par bshad par bya ste/ de bas na le'u dang po'i yan lag tu gyur pa yang le'u bcu pa'i yang yan lag tu 'gyur ba yin te/ gang gi phyir lha rnams kyi snying po bskul pa'i sgo nas de bzhin gshegs pa'i sku thob pa gang yin de ni rnam pa gnyis te/ sngags kyi sku dang ye shes kyi sku ste de bstan par bya ba'i phyir le'u 'di yin zhes bya bas so/ /de bas na 'grel pa mkhan gyis kyang le'u bcu gcig pa nas bshad pa'i phyag rgya chen po ni rnam pa gnyis te/ sngags kyi sku dang/ ye shes kyi sku'o/ /de la brtags pa'i rnal 'byor pa rnams la sngags kyi sku bsky+d pa'i phyir bsgom pa'i thabs bshad par bya ste/ de bzhin gshegs pa thams cad kyi rdo rje ni zhes pa la rnam snang mdzad la sogs pa'i bskyed pa rgyur gyur pa'o/ /oM la sogs pa'i yi ge gsum mo zhes pa ni oM A:hUM mtshan nyid can gyi yi ge gsum mo/ /des bsky+d par gyur pa'i zhes pa ni/ yongs su gyur pa las phyag mtshan gyi phyag rgya las 'byung ba'o/ /rnam pa thams cad mchog dang ldan pas skyes bu yang yin la sems dpa' gsum gyi bdag nyid yin pas mchog yin te/ skyes bu mcho go /lha rnams te ni rdo rje 'chang la sogs pa de bzhin gshegs pa drug gi rdzogs pa ni sngags kyi sku'o/ /de la thugs rtse gcig tu bzhag nas zhes pa ni de ltar gyur pa'i ting nge 'dzin la dmig nas so/ /'dir gsungs te ni bka' stsal to/ /sngags ni sbas nas smra ba dang yid skyob pas sngags kyang yin la de bzhin gshegs pa thams cad kyi snying po dang gsang ba yin pas rdo rje'i rigs pa yin te/ de bzhin gshegs pa thams cad kyi sngags kyi rdo rje'i rig pa'i sgras yi ge gsum bstan to/ /de rnams kyis shes pa la sogs pa ni yi ge gsum gyis bsky+d pa dang po sbyor ba la sogs pa'i rim pas byung ba skyes bu lta ste/ de bzhin gshegs pa'i sku gang du yod pa de ni de ltar gyur pa'i le'u bstan to/ /de ni nye bar mtshon pa tsam
- 91a
yin te/ bdag lus byin gyis brlab pa'i rim pas kyang ye shes kyi sku bsgrub? pa bstan pa'o/ /sdud pa'i zhes bya ba la sogs pas de nyid bstan par bya ba'i phyir bshad par bya ste/ sku dang gsung dang thugs rdo rje'o zhes pa ni rnam par snang mdzad la sogs pa rdzogs par byed pa'i yi ge rnams la yang de skad ces bya ste/ sngags kyi dbye ba bdun khri nyis stong gi rgyur gyur pa dang de nyid la sngags thams cad bskyed pa'i phyir/ /ji srid yang la la wa'i par zhes 'byung bas so/ /des phyag rgya chen po rnam par bsgom par bya'o zhes pa ni yi ge gsum gyis bskyed pa'o/ /sa 'og sa stengs sa bla ni khams gsum mo/ /des mchod par bya'o zhes pa ni bkur sti bya pa yin pa'i phyir ro/ /che ba'i dga' zhing mgu ba zhes pa ni gdul bya rnams la mchog mi shes pa'i gzugs kyis so/ /son par gyur pas na zhes pa ni ster bar mdzad pas so/ /ye shes lnga'i rang bzhin gyi rdo rje'i lha'i sku sgrub pa la brtson pas ye shes rdo rje sgrub pa po zhes bya'o/ /mngon par byang chub pa rnam pa lnga ni zla ba dang nyi ma dang yig 'bru dang phyag mtshan dang spro ba dang bsdu bas sku rdzogs pa'o/ /ji skad du /le'u dang po nas de bzhin nyid dang mtshan ma dang yig 'bru dang sku'i rim pa zhes bya'o/ /des bya'o zhes pa ni yi ge gsum mo/ /bya ba ni las zhes bya'o/ /de nyid oM zhes bya ba la sogs pa bstan to/ /gang gi phyir yi ge oM gyis mi phyed pa'i sku bskyed pa de'i phyir des ni sku rdo rje bskyed pa'o/ /byang chub ni de kho na nyid do zhes pa ni so sor rtog pa'i ye shes so/ /de las sprul pa ni so sor rtog pa'i ye shes kyi bdag nyid ces bya ba'o/ /de'i ngo bo nyid ni bdag med pa ste zhes pa ni de bskyed pa'i rgyur gyur pa'o/ /de nyid bstan pa'i phyir/ yi ge A:zhes gsungs/ /des mi phyed pa'i ngag bskyed pas na gsung rdo rje skyed par byed pa'o/ /rten par gyur pa'i zhes pa ni rten dang rgyu dang byed pa zhes rnam grangs so/ /mi bskyod pa'i ngo bo nyid kyi zheS
- 91b
pa ni thugS zheS bya'o/ /rdo rje gsum dang mi phyed pa zhes bya ba la sogs pa thugs kyi rang bzhin bstan to/ /sems de rnal 'byor pa'i rgyud la skyed par byed pas na zhes pa ni de ltar gyur ba'i thugs sgrub pa po'i lus kyi nang na rdzogs par byed pa gang yin pa de ni yi ge hUM zhes bya'o// de bzhin gshegs pa zhes bya ba la sogs pas rdo rje 'chang chen pos 'di skad dka' stsal to zhes bstan to/ /rim pa bzhin du zhes pa ni sgrub thabs las gsung pa'i rim pa zhes bya ba'i tha tshig go /nam mkha' i rdo rje zhes bya ba la sogs pas snying rje chen po mngon du gyur pa dang bgegs bskrad pa dang/ stong pa nyid bsgom pa dang ye shes kyi sa gzhi byin gyis brlab pa dang/ gzhal yas khang pa dang lhag par mos pa dang don dam pa'i dkyil 'khor gdan gyi bye brag dang/ chos kyi dbyings kyi bdag nyid zla ba'i dkyil 'khor gyi steng du yi ge gsum las byung ba'i phyag mtshan yongs su gyur pa las/ rdo rje 'chan la sogs pa rnal 'byor bsgom par bya'o zhes bstan to/ /nam mkha' i rdo rje'i dbus zhes pa ni khyad par gyi gnas sngon du 'gro bar bgegs bskrad pa'i 'og tu dngos po med pa zhes bya ba la sogs pa'i tshigs su bcad pas stong pa nyid kyi de kho na nyid bsgoms la/ de'i 'og tu de bzhin gshegs pa thams cad yongs su gyur pa las skyes pa'i chos 'byung ba'i steng du ye shes kyi sa gzhi bsgoms la/ spyan la sogs pa lha mo bzhi yi ge la zhes pa ni de nyid khams bzhi'i rang bzhin du bsgom pa byas la/ de la sa'i cha de'i steng du ni de ltar gyur pa'i ye shes kyi sa'i steng du yi ge b+h+ruM yongs su gyur pa las ri rab kyi rtse mor kha dog dkar po/ /yi ge b+h+ruM las 'khor lo'i phyag mtshan yongS su gyur nas rig ma dang bcas pa'i rnam par snang mdzad gyi yan lag las bsky+d pa gzhal yas k han pa bsam par bya'o/ /de bzhin gshegs pa'i tshogs te zhes pa ni de'i nang du sna tshogs pad+ma dang zla ba dang nyi ma'i gdan gyi steng du cig car du lha
- 92a
sum cu rtsa gnyis kyi bda gnyid lhag par mos pa'i dkyil 'khor bsgoms la yi ge hUM zhes bya ba la sogs pas gzhal yas khang pa'i bsgom pa sngar byas la/ gzugs kyi phung po zhes bya ba la sogs pas don dam pa'i dkyil 'khor gyi rim pas de nyid stong par bsgoms te/ yi ge hUM las byung ba'i nyi ma'i dkyil 'khor bsgom par bya'o zhes pa la sogs pas yi ge gsum yongs su gyur pa las nyi ma dang zla ba dang pad+ma bsgoms te/ de'i steng du yi ge gsum bkod nas dus gsum du de bzhin gshegs pa zhes bya ba la sogs pas yi ge gsum yongs su gyur nas zla ba'i dkyil 'khor la dkyil 'khor gsum zhugs nas/ d+harma d+hA tu swa b+hA ba At+ma konyahaM zhes brjod cing zla ba'i dkyil 'khor der zhes bya ba la sogs pas zla pa'i steng du yi ge gsum bkod nas de yongs su gyur pa las skyes pa'i rtse lnga pa'i rdo rje bsgoms la oM badzra At+ma konyrahaM? zhes bya bas nga rgyal bskyed la phyag rgya chen po rdzogs par byed pa'o zhes pa la sogs par rdo rje yongs su gyur pa las skyes pa'i dpal rdo rje 'chang chen po'i phyag rgya chen po'i sku zhal gsum pa la sogs pa lta bu bsam par bya'o zhes dang po sbyor pa'i yan lag tu gyur pa yan lag dang po ste rnal 'byor ro/ /phyag rgya chen po'i ngo bo zhes pa ni rdo rje 'chang gi sku'o/ /rdo rje 'chang chen pos rab tu bstan pa zhes pa ni dpal 'dus pa bshad pa'i dus su de nyid ston pa yin pas so/ /dgongs pa bstan pa'i phyir/ ci'i phyir zhe na zhes bstan to/ /rin po che lta bu'i gang zag ces pa dbang po rno ba yin pas so/ /kun rdzob kyi bden ba zhes pa ni rtog pa dang bca spas so /don dam pa'i bden pa ni rtog pa med pas so/ /rgyu dang 'bras bu las 'byung ba'i zhes pa ni rim pa gsum pa dang bzhi pa dag las 'byung ba gang yin pa de ni yongs su dag pa'i lha'i sku ste/ zung du 'jug pa'i ting nge 'dzin gyis dpal rdo rje 'chang gi sku'o/ /de'i don du ni de thob pa'i phyir ro/ /nye bar
- 92b
bsdu ba bshad par bya ste/ sngags ni yi ge gsum mo/ /rig pa ni las kyi tshogs sgrub par byed pa le'u bcu bzhi pa las 'chad par 'gyur ba'o/ /bsrung bar bya ba dang/ bza' bar bya ba'i dbye bas dam tshig pa gnyis te/ bsrung bar bya ba ni rigs lnga'i dam tshig go /bza' bar bya ba ni bdud rtsi dang lcags kyu la sog spa'o/ /de bzhin du sngar bshad pa'i rim pas rdzogs pa mi bskyod pa la sogs pa de dag thams cad de bzhin gshegs pa zhes bya ba ni de bzhin gshegs pa thams cad sdud par byed pa'i rang bzhin rdo rje 'chang chen pos bka' stsal to/ zhes bstan to/ /nye bar sdud ba ste ting nge 'dzin zhes bya ba ste tshig lhag ma'o/ /yi ge gsum zhes pa ni bgegs bskrad pa la sogs pa yongs su rdzogs nas gzhal yas khang pa'i nang du dgongs pa'o/ /nyi ma'i dkyil 'khor la sogs pa ni nyi ma dang pad+ma dang zla ba rnams so/ /de la ni pad+ma'i steng du'o/ /de kho na nyid ces pa ni pad+ma'i steng du skul sogs pa'i rang bzhin gyi yi ge gsum mo/ /ji skad du/ rgyus ni 'bras bu rgyas btab dang/ 'bras bu rgyu yang rgyas btab pa/ /rnam par bsgoms te gzan du na/ /nam yang dngos grub skye mi 'gyur zhes 'byung ngo/ /'dir rnam par dag pa ni nyi ma'i dkyil 'khor ni thugs kyi rang bzhin te/ nyi ma'i 'od zer dang 'dra bas khyab par byed pa'o/ /zla'i dkyil 'khor ni sku'i rang bzhin te/ /byang chub kyi sems kyi sprul pa dang de'i ngo bo yin pas so/ /pad+ma ni gsung gi rang bzhin te/ dbyangs dang gsal bya'i sde tshan brgyad kyis 'dab ma brgyad nye bar mtshon pas lte ba ni dgu pa'o/ /dang po gcig ni dgu dbus na zhes 'byung bas so/ /thams cad du yongs su gyur pa las 'byung ba'i zla ba'i dkyil 'khor zhes pa ni yi ge gsum yongs su gyur ba las skyes pa'i zla ba'i dkyil 'khor la nyi ma la sogs pa mtshan ma gsum bsdus nas de nyid la cho kyi dbyings kyi ye shes kyi bdag ny+d du blta bar bya'o/ /zla ba'i dkyil 'khor gyi steng du
- 93a
zhes bya ba la sogs pas zla ba'i steng du yi ge gsum bkod pa las 'byung ba rtse lnga pa'i rdo rje bsgoms la badzra At+ma konyahaM zhes bya bas nga rgyal bya'o/ /des byin gyis brlab pa zhes bya ba la sogs pas rdo rje yongs su gyur pa las phyag rgya chen po'i sku bsam par bya'o zhes bstan to/ /de'i rgyud zhes bya ba la sogs pas ting nge 'dzin gyi ming bstan to/ /sgrub pa po'i nan tan zhes pa ni gnas gzung ba sngon du 'gro bar ting nge 'dzin la brtan pa nges pa'o/ /skya'o 'dus pa dang bral bar zhes pa ni dgon pa la sogs pa 'am grong dang grong khyer la sogs pa dang nye ba'i ri la'o/ /me tog ces bya ba la sogs pas yid bde ba'i rgyu bstan te/ bde ba dang ldan pas sems mnyam par bzhag par 'gyur ro zhes 'byung bas so/ /bshad ma thag pa zhes pa ni dang po sbyor ba'i yan lag tu gyur pa'o/ /sbyor ba ni yan lag dang po'o/ /de ltar gyur pa'i sbyo bas rdo rje 'chang chen po bsgrub par bya ba ni thob par bya'o/ /bla ma dang lha rnams gyi yul la yid ches par 'gyur pa ste/ zhes pa ni bl ma'i yul du yang dag par dad pa dang des bstan pa'i yi dam gyi lha la yang dag pa'i lta ba'o/ /de la gal te brtsom pa yin na de'i tshe the tshom med par rdo rje 'chang 'grub par byed pa yin gyi gzhan du ni ma yin te/ dge ba'i shes gnyen bsten pa la sangs rgyas byang chub nyid du 'gyur ro/ /zhes 'byung bas so/ /rim pa 'dis zhes bya ba la sogs pas ting nge 'dzin gsum mngon du byas nas rigs brgya'i dbye bas lus rnam par dben pa bsgoms te/ rdo rje bzlas pa la sogs pa'i rim pa bzhi nye bar dmigs nas rim pa lnga pa thob par bya ba'i zung du 'jug pa'i rim pa la brten nas rdo rje 'chang chen por 'gyur ro/ zhes bstan to/ dgongs so zhes pa ni bla ma'i man ngag 'o/ /bskyed pa'i rim la legs gnas pa'i/ /rdogs pa'i rim pa 'dod rnams la/ /thabs 'di rdzogs pa'i sangs rgyas kyi/ /skad kyi
- 93b
rim pa lta pur gsungs/ /zhes bla ma'i zhal snga nas kyis gsungs pa'o/ /de ltar bya la sogs pas dang po sbyor pa'i ting nge 'dzin gyis rdzogs pa'i rdo rje 'chang gi bsgom pa bstan nas rnam par snang mdzad la sogs pa la yang bshad par bya ste/ dran pa gcig ba'i ting nge 'dzin zhes pa ni dang po sbyor ba'i yin lag tu rnal 'byor gyi ting nge 'dzin gyi mtshan nyid do/ /dngos po med pa zhes bya ba la sogs pas 'di skad bshad pa yin te/ gnas gzung ba dang snying rje chen po mngon du gyur pa sngon du 'go bar bgegs bskrad pa dang stong pa nyid dang ye shes gyi sa gzhi dang gzhal yas khang dang/ lhag par mos pa dang don dam pa'i dkyil 'khor dang/ gdan la sogs pa'i dbye ba dang de yongs su gyur pa las zla ba'i dkyil 'khor dang/ yi ge gsum yongs su gyur pa'i 'khor lo las 'byung ba sems dpa' gsum gyi bdag nyid zhal gsum pa la sogs pa lta bu dpal rnam par snang mdzad sku rdo rje'i rnal 'byor pas bsgom par bya'o zhes bstan to/ /de bzhin du gsung rdo rje dang thugs rdo rje dag la yang sbyar ro/ /de nyid bstan pa'i phyir/ tshigs su bcad pa'i rim gyis zhes pa ni gnas gzung ba la sogs pa byas nas don dam pa'i dkyil 'khor bsgom par bya'o/ /gzhal yas khang pa zhes bya ba la sogs pas ye shes kyi sa gzhi bsgoms pa'i 'og tu gzhal yas khan pa dang lhag par mos pa'i dkyil 'khor bstan to/ /oM shUn+ya tA? zhes bya ba la sogs pas don dam pa'i dkyil 'khor bsgom pa bstan te/ yi ge oM la sogs pa zhes bya ba la sogs pas gdan gyi dbye ba bstan to/ /de dag thams cad yongs su gyur pa zhes bya ba la sogs pas zla ba'i dkyil 'khor gyi rnam pa can chos kyi dbyings kyi bsgom pa bstan to/ /zla ba'i dkyil 'khor gyi steng du zhes bya ba la sogs pas yi ge b+h+ruM yongs su gyur nas rnam par snang mdzad kyi mtshan ma las byung ba/ dpal rnam par snang mdzad kyi bsgom pa bstan to/ /de ni rnal
- 94a
'byor ro/ /de'i thugs kar zhes bya ba la sogs pas ye shes sems dpa' dang/ ting nge 'dzin sems dpa' bsgom pa zhes bya ba rjes su rnal 'byor bstan to/ /'od zer lnga dang ldan pa zhes pa ni ting nge 'dzin sems dpa' i khyad par te/ de bzhin gshegs pa lnga'i bdag nyid yin pas so/ /rnam par snang mdzad kyi rnal 'byor pa rnams kyis zhes pa ni dbang byed pa'i gnas skabs bstan to/ /rnam par snang mdzad kyi tshogs zhes pa ni ting nge 'dzin sems dpa' i rang bzhin gyi yi ge oM las rnam par snang mdzad kyi tshogs spro bar bya'o/ /zhes bya ba 'dis gzhan gyi don bstan to/ /'di yis zhes bya ba la sogs pa rnam par snang mdzad kyi rigs las 'byung pa'i rnal 'byor pa bstan to/ /de'i lus 'grub par 'gyur ba zhes pa ni rnam par snang mdzad dang 'dra ba'i skur 'gyur te/ de'i ting nge 'dzin bsgoms pas so/ /de rnams gang la gnas pa zhes pa ni 'dzin par byed pa gang la yod pa d ni gzung ba ste gzugs la sogs pa'o/ /de nyams su myong bas zhes pa ni dam tshig dang ye shes kyi phyag rgya ngag gang yang rung ba la gnas pa so sor sdud pa'i rim pas 'dod pa'i yon tan lnga nye bar spyod cing gnas par bya'o/ /mtshan thams cad dang ldan pa zhes pa ni mtshan dang dpe byad skyes bu chen po'i mtshan nyid ni thams cad do/ /ldan pa na des spras pa'o/ /de dang 'dra ba'i rdzu 'phrul zhes pa ni ji ltar rnam par snang mdzad la rdzu 'phrul mnga' ba de bzhin du de la yang yod do/ /zla ba phyed kyi sgras ni don mang po la sbyor ba mthong ba ste 'dir ni mngon par zhen pa'i don gzung bar bya'o/ /de'i phyir ting nge 'dzin la kun tu zhen pa tsam zhes bstan to/ /bya ba'i zhes bya ba la sogs pas ting nge 'dzin tsam dngos grub kyi rgyu yin gyi spros pa gzhan dgos pa med do zhes bstan to zhes bya ba'i nye bar bsdus pa bstan to/ /de bzhin gshegs pa thams cad ces bya ba la sogs pas ting nge 'dzin gyi ming nye bar bsdus
- 94b
pa'o/ /mi phyed pa'i ngo bo nyid kyis 'khor lo zhes pa ni rdo rje nyid las phyag mtshan thams cad 'byung ba'i phyir ro/ /de bzhin du thams cad bskyed pa zhes bya ba la sogs pas 'od dpag tu med pa'i ting nge 'dzin bstan to/ /thams cad ni bgegs bskrad pa la sogs pa'o/ /dmar po 'dab ma brgyad pa zhes bya ba ni 'od dpag tu med pa'i phyag mtshan no/ /rang gi sngags kyi skyes bu zhen pa ni rang gi sngags las 'byung ba'i skyes bu ni lha'i sku gang la yod pa de la de skad ces bya'o/ /des ni dam tshig sems dpa' i gom pa rab tu bstan to/ /ye shes sems dpa' zhes bya ba la sogs pas sems dpa' gnyis kyi lhag par mos pa bstan to/ /mi phyed pa'i ngo bo nyid ces pa ni ting nge 'dzin sems dpa' bstan pa yin pas so/ /'od dpag tu med par rtogs pa'i sems kyi 'jug pas bkod pa'o zhes pa ni gsung rdo rje 'chang gi rnal 'byor pa rnams kyis dgod par bya'o/ /dam tshig ces bya ba la la sogs pas sems dpa' gsum gyi bdag ny+d can gsung rdo rje bsgom par bya'o zhes bstan to/ /de bstan par bya ba'i phyir ji ltar dang po sbyo ba'i ting nge 'dzin gyis 'od dpag tu med pa bsgom pa de bzhin du rin chen 'byung ldan la sog pa yang bsgom par bya ba'o zhes tshul 'di nyid kyi zhes bya ba la sogs pa bstan to/ /sems dpa' gsum brtsegs mar byas nas zhes pa ni dam tshig dang ye shs dang ting nge 'dzin sems dpa' gcig tu byas nas so/ /'od dpag tu med pa'i ting nge 'dzin to zhes pa ni snang ba mdza' yas kyi tin nge 'dzin bsdus so/ /kun rdzob kyi bden pa'o zhes pa ni tha mal pa rnams kyis phyed par mi nus pa'o/ /don dam pa'i bden ba zhes ni chos thams cad kyi chos nyid yin pas so/ /chos dang ldan pa'i zhes pas ni bar gyi tshig mi mngon pa las 'dzin pa'o/ /rdo rje 'chang chen po zhes bya ba la sogs pas bskyed pa'i rim pa bsgoms nas rdzogs pa'i rim pa'i mthar thug pa rdo rje 'chang chen
- 95a
po'i go 'phangs thob par 'gyur ro zhes bya ba'i don to/ /de bzhin gshegs pa thams cad ces bya ba la sogs pas sems dpa' gsum gyi bdag nyid kyi ting nge 'dzin nye bar bsdus pa bstan to/ /thams cad bskyed pa ni zhes pa ni/ bgegs bskrad pa la sogs pa byas nas so/ /dam tshig sems dpa' zhes pa ni mi bskyod pa'i phyag rgya chen po'i sku rnam par bsgom nas de'i 'og tu sems zhes bya ba la sogs pas ye shes sems dpa' dang ting nge 'dzin sems dpas byin gyis brlab par bstan to/ /de ltar zhes bya ba la sogs pas mi bskyod pa'i rnal 'byor pas mi bskyod pa'i phyag rgya chen po'i sku bsgom par bya'o zhes bstan to/ /de ltar zhes bya ba la sogS pas nyin mo dang mtshan mo'i thun bzhi la rtag tu bsgom par bya'o zhes bstan to/ dge ba'i rtsa ba yongs su sbyin bas zhes ba ni dge ba'i rtsa ba ni gsum ste /'dod chags med pa dang zhe sdang med pa dang gti mug med pa'o/ /de rnams smin pa ni yong su rdzogs pa'o/ /rdo rje lta bu'i ting nge 'dzin mngon par rtogS nas zhes pa ni mngon du byas nas so/ /tshe 'di nyid ni mthong ba'i chos la phyag rgya chen po'i dngos grub thob par 'gyur ba ni rdo rje'i sku'i rang gzhin gyi dpal zung du 'jug pa'i rim pas thob par byed pa rdo rje 'chan gi go 'phang mngon du byed par 'gyur ro/ /ston pa rdo rje zhes bya ba la sogs pas dpal rdo rje 'chang gi skus chos bstan pa'i sgo nas lha dang mi rnams rjes su bstan pa dang 'dul bar mdzad pas ston pa yin no zhes bstan to/ /'dod pa'i dbang phyug la sogs pa brgyad pa ni sngar bshad zin to/ /'byung gnas yin pa'i phyir zhes pa ni sku'i dbang phyug la sogs pa de las byung ba'i phyir/ rdo rje zhes bya ba la sogs pas sems dpa' gsum gyi bdag nyid kyi thugs rdo rje 'chang sprul bar byed pa bcom ldan 'das rdo rje 'chang chen pos bka' stsal to zhes sdud pa ngoS?
- 95b
bstan to/ /rab tu dbye ba'i don zhes pa ni de bzhin gshegs pa lnga'i bskyed pa'i rim pa'i rab tu dbye ba brjod par bya'o/ /rdo rje 'chang chen po zhes bya ba la sogs pas rang gi tshig gis gsung pa rdo rje 'chang dang mi bskyod du? dang 'od dpag tu med pa dang rnam par smad? na ? dang de bzhin du lnga'i tshig gis don yod grub pa dang rin chen 'byung ldan yang de bzhin du bsgom par bya'o zhes bstan to/ /sgra ji bzhin pa'o zhes pa ni rdo rje 'chang chen po drug pa dang de bzhin gshegs pa lnga'i dang por sbyar pa'i yan lag tu 'gyur pa rnal 'byor gyi ting nge 'dzin so sor bstan pas so/ /de yang la sogs pa zhes par bya'o/ /sgras de ltar zhes bya ba la sogs pas bskyed pa'i rim pa'i rnal 'byor rim gyis sgom par byed pas de rdzogs na rdzogs pa'i 'bras bus yang 'byung bar 'gyur ro zhes btan to /de mngon sum nyid du zhes bya ba la sogs pas rdzogs pa'i rim pa nyid du bstan par bya ste gang gi phyir brtags pa dang rdzogs pa'i rnal 'byor pa dag la sngags kyi sku dang ye shes kyi sku sngar bshad pa de dag las sngags kyi sku bstan nas ye shes kyi sku bstan par bya ba'i phyir/ shes pas zhes bya ba la sogs pas bstan te/ ye shes kyi sku yang rnam pa gnyis te sgyu ma'i sku dang rdo rje'i sku'o/ /de la sgyu ma'i sku ni rim pa gnyis pa las ldang bar byas pa dang rdo rje'i sku ni rim pa bzhi pa las ldan bar bya'o/ /da ni rim pa bzhi pa'i man ngag 'od gsal ba bstan par bya ba'i phyir/ ye shes ni rgyu ba dang mi rgyu ba'i zhes bya ba ni shes pa nyid bems po dang bems po ma yin pa'i tshul du snan bas so/ /tshogs zhes pa ni 'gro ba rigs drug pa'i sems can rnams so/ /de nyid 'jig rten gsum ni khams gsuM pa'o/ /rang gi byag rgya chen po'i gzugs zhes pa ni sems rnam pa shes pa'i rim pas tob pa 'od gsal ba'i de kho na nyid las byung ba rdo rje 'chang gi skur langs nas so/ /rgyu ba dang mi rgyu ba rnams la'o zhes pa ni rang dang gzhan la'o/ /nam mkha' byed pa zhes bya ba la
- 96a
sogs pas rjes su 'jug pa'i ting nge 'dzin gyi 'od gsal ba nyid du bya'o zhes bstan to/ /brtan pa dang ni g.yo ba dag /sngon du 'od gsal bar ni bya/ /phyi nas de bzhin bdag nyid bya/ /rjes su 'jug pa'i rim 'di yin/ zhes 'byung ngo/ sems dpa' gsum gyi bdag nyid kyi rnal 'byor pa slar gang yin pa de ni gcig pur 'gyur te 'od gsal ba'i ngo bo nyid du 'gyur ro/ /'od gsal ba zhes bya ba la sogs pa nang gi bdag nyid kyi dkyil 'khor la phyi'i rnam par snang mdzad la sogs pa'i dkyil 'khor rdo rje phreng ba las gsungs pa'i don dam pa'i dkyil 'khor gyis rim pas zhugs pa 'od gsa ba'i rang bzhin la gnas par bya'o zhes bstan to/ /rim pa gnyis pa 'od gsal pa la 'jug pa'i phyir bstan par bya ste/ shes rab ces bya ba la sogs pas sngags kyi rim pa 'am phyag rgya'i rim pas ye shes gsum ngon du byas la slar yang rim pa de nyid kyis 'od gsal ba la zhugs par bstan to/ /ye shes gsum ni snang ba la sog pa gsum mo/ /de yang mnyaM par gyur cing zhes bya ba la sogs pas de mi snang bar byed pa 'od gsal ba'i ngo bo rnal 'byor pa 'gyur ro zhes bya ba'i don to/ /rdo rje 'chang chen po ni nye bar bsdus pa bstan to/ /'og nas bshad pa zhes bya ba la sogs pas ye shes kyi sku yongs su gzung pa dang rdo rje'i sku gzung ba bstan to/ /phyag rgya chen po zhes pa ni rdo rje 'chang gi sku'o/ /de mi snang ba zhes pa ni de dag par byed pa 'od gsal ba ste sems rnam par dag pa'i rim pa 'am mngon par byang chub kyi rim pas thob pa rbya'o/ /de las 'byung bar 'gyur pa zhes pa ni 'dis bdag la byin gyis brlab pa'i rim pa 'am /zung du 'jug pa'i rim pas ldang ba'i rdo rje 'chang gi sku bstan to/ /g.yo ba dang mi g.yo ba'i dngos po thams cad kyi bdag nyid can zhes pa ni
- 96b
ye shes kyi sku dang rdo rje'i sku de'i rang bzhin yin pas so/ /sgyu ma lta bu dang gnyis s med pa yin pas so/ /ye shes kyi sku'o zhes pa ni nye bar mtshon pa ste rdo rje'i sku yang ngo/ /rnam par snang mdzad la sogs pa'i skus 'jug pa zhes pa ni gdul bya'i dbye bas so/ /zhes bya ba la sogs pas de ny+d nye bar bsdu ba bstan to/ /ting nge 'dzin zhes bya ba la sogs pas de nyid spros nas bstan pa bya ste/ rdo rje dkyil 'khor zhes bya ba la sog pas 'od gsal ba las 'byung ba'i rdo rje 'chang gi sku dmigs la srog dang? rtsol ba'i bda nyid gyi rdo rje bzlas pa la gnas par bya'o zhes bstan to/ /yongs su dag pa'i phyag rgya chen po'i gzugs su zhes pa ni bdag byin gyis brlab pa 'am zung du 'jug pa'i ting nge 'dzin gyis thob par bya'o/ /bsgom pa ni sems rnam par dag pa'i rim pas thob par bya'am/ mngon par byang chub pa'i rim pas thob par bya ba'i 'od gsal ba las 'byung ba'o/ /sems can tha mal pa'i zhes pa ni gdul bya rnams kyi'o/ /yul du gyur pa zhes pa ni bstan pa la sogs pa thob pa'i don du mig gi dbang po'i spyod yul du gyur pa'o/ /sprul pa'i sku yongs su gzung ba zhes pa ni spros nas so/ /srog dang rtsol ba'i yan lag tu gyur cing zhes pa ni 'jug pa la sogs pa gsum gyi rgyur gyur pa'o/ /mi shigs pa zhes pa na yi ge a las 'byung ba mi 'gyur pa'o/ /thugs rdo rje 'chang gi sa bon nye bar mtshon par 'gyur ba'i yi ge ha ni hUm zhes bya ba'i tha tshig go /snying gar gzhag ste zhes pa ni dkyil 'khor bzhi po la cha cha'i dbye bas de nyid phyin nas gsang ba'i bzlas pa bya ste/ ji skad du de nas rnal 'byor dbang phyug la/ /thabs kyi dam pa rab bstan pa rnal 'byor dngos grub 'bras ster ba'i/ /gsan ba'i yi ge bshad pa bya/ /gang zhig she pa tsam gyis ni/ /rnal 'byor pa rnams mchog ster 'gyur/ /dang po'i yi ge sbyor ba yis/ /dbugs ni rtag tu rdub par bya/ /brgyad pa'i mdza' dang yang dag ldan/
- 97a
yi ge u dang thig ler bcas/ /rnal 'byor pas ni dbugs 'byung bya/ /de ni ci dga' i bzlas par bshad/ /ces 'gyur ro/ /gzhal nas kyang/ snying ga'i pad+mar? mgo med gnas/ /mgrin pa'i pad+mar mgo bo ste/ /gsang ba'i pad+mar dbyangs yig gnas/ /lte ba'i pad+mar sgra mdza' o/ /'gro dang 'ong bar de byed pas/ /thig le rnal 'byor rab tu 'jug ces bya ba la sogs pa 'byung ngo/ /'od zer zhes bya ba la sogs pas dkyil 'khor bzhi 'byung ba'i dus su g.yas pa la sogs pa'i lam gyi kha dog dmar bo la sogs ba 'od zer gyi sgo nas rdo rje bzlas par bya'o zhes bstan to/ /srog dang rtsol ba la gnas pa'o zhes pa ni 'jug pa la sogs pa gsum la gnas pa'o/ /'od zer bcu po zhes pa ni rlung dang nye ba'i rlung rab tu rgyu ba'o/ /de nyid bstan pa'i phyir/ de rnams kyi zhes bya ba la sogs pa bstan to/ /ha zhes pa ni rdo rje bzlas pa'i rgyur gyur pa'i sa bon bstan to/ /brjod du med pa'i zhes pa ni mi 'gyur ba las 'byung ba'i phyir yang brjod du med pa zhes pa ni rang rig pa yin pa ste rdo rje'i tshig ni sgra med pa'o zhes bshad pa'i? phyir ro/ /'jam pa zhes bya ba la sogs pas phan yon gyi sgo nas rim pa bzhi'i bdag nyid kyis rdo rje 'chang chen po'i go 'phangs thob pa bstan to/ /'od gsal ba'o zhes pa ni sems rnam par dag pa'i rim pas thob par bya ba'am/ rim pa bzhi pas thob par bya'o/ /de las byung bas nas zhes bya ba la sogs pas bdag la byin gyis brlab pa'i rim ba 'am zung du 'jug pa'i rim pas ye shes kyi sku las rdo rje'i sku lnga dbang bstan to/ /phyir mi ldog pa rnams kyi yul du byas pas na zhes pa ni sems rnam par dag pa'i rim pas sa bcu pa thob par 'gyur te/ ji skad du/ dang po las kyi sbyor ba yin/ /sa brgyad pa ni thob par 'gyur/ /snang ba gsum po thob pa yis/ /sa bcu la ni rab tu gnas/ /zhes 'byung ngo/ /ye shes gyi rang bzhin
- 97b
gyi lus so zhes pa ni nye bar mtshon pa tsam yin te / rdo rje'i rang bzhin gyi sku yang ngo/ /de thob nas zhes bya ba la sogs pas rnam pa gnyis kyi sku gzung nas so/ /'od zer bcu ste zhes pa ni rlung bcu nye bar bsdu ba'i bdag nyid ma ning gi bzlas pa la rab tu gnas par 'gyur byang chub ces bya ba la sogs pas bden pa gnyis kyi bdag nyid can gyi phyag rgya chen po'i sku dang ldan pa nyid bstan to/ /bden ba gnyis kyi yongs su gzung pa'i gzugs ni zhes pa ni bden pa gnyis dbyer med pa'o/ /de nyid ni khams gsum pa tshim par byed ? zhes pa ni bsam pa thams cad rdzogs par byed pas so/ /bsam gtan gyi zas kyis bskal pa'i mdza' i bar gnas pas na 'khor ba ji srid par gnas nas sems can gyi don mdzad pas na'o/ /dgongs pas bshad pa'o zhes pa ni 'gal ba'i sgra'i sgo nas rim pa lnga'i bdag nyid rdzogs pa'i rim pa'i de kho na nyid bstan pas so/ /bshad ma thag pa zhes bya ba la sogs pas sngar bshad pa'i sngags kyi sku'o/ /rnal 'byor dang rjes su rnal 'byor gyi 'og tu shin tu rnal 'byor bstan par byas ste na gzung ba'i sprul pa'i sku zhes pa ni rnal 'byor dang rjes su rnal 'byor gyi bskyed pa'i sku'o/ /gang gi phyir rdzogs pa'i rim pas thob par bya ba'i ye shes kyi sku dang rdo rje'i sku mig la sogs pa'i byin gyis brlab par bya ba mi rigs te don med pa'i phyir ro/ /sgyu ma'i dpe bcu gnyis kyi sgo nas des dngos po thams cad rnam par dpyod pas mngon par shes pa thob par 'gyur ba'o/ /'bras bu ni mngon par shes pa'i mtshan nyid do/ /dang po zhes bya ba la sogs pas mig la sogs pa'i dbang po lnga stong par byas nas/ / yang sa'i snying po la sogs pa byang chub sems dpa' rnams kyi thig le la sogs pa'i yig 'bru rnam par bkod nas de yongs su gyur pa las sa'i snying po la sogs pa'i sku bsams la yang de yongs su gyur pa las mig gi dbang po la sogs pa de rnams
- 98a
bsam par bya'o/ /de ltar rtsol ba byas pa'i rnal 'byor pas ring ba dang bsgribs pa dang bskal pa'i gzugs la sogs mthong ba dang thob pa dang/ snom pa dang myang ba dang reg pas lha'i mig la sogs pa nyid thob par 'gyur ro zhes bstan to stong par byas bas ni rang bzhin med par byas pa'o/ /khong stong ni stong pa'i sa'o/ /tha ni sa'i khams kyi yi ge ? yin pa dang la'ang de'i rang bzhin pa'o/ /i ni shes rab kyi rang bzhin no/ /de ni thabs dang shes rab kyi bdag nyid sa'i khams kyi rang bzhin rnam par snang mdzad kyi rigs las byung ba sa'i snying po zhes bya ba'o/ /nyi ma dang zla ba'i 'od zer gyi 'bar bar gyur pa zhes pa ni mig g.yon pa dang g.yas pa dag la zla ba dang nyi ma'i rang bzhin gyi yi ge de'i kha dog dang ldan pa dgod pas so/ /gang gi zhes bya ba la sogs bas yi ge 'bru yongs su gyur pa las skyes pa'i mig gnyis kyi lta bas phyogs skyong dang bgegs kyi tshogs la sogs ba rab tu zhi bar 'gyur ro zhes bstan to/ /sa'i snying po'i ngo bo nyid kyis bsgom par bya'o/ /zhes pa ni sa'i snying po'i yongs su gyur pa las byung ba'i mig gi dbang po yig 'bru de nyid kyis mtshan ba bsgom par bya'o/ zhes bstan to/ /rdo rje 'chang chen po dang 'dra bar zhes bya ba la sogs pas lha'i mig thob pa nyid bstan to/ /dngos po thams cad ces pa ni ring pa la sogs pa'o/ /lag mthil gyi sgyu ru ra bzhin du zhes pa ni shin tu yang na gnas pa'i yul bzhin gsal bar mthong bar bstan to/ /bshad pa'i don bstan pa'i sa bon zhes pa la sogs bas yig 'brus dpe bstan to/ /nam mkha' rdo rje zhes bya ba la sogs pas ting nge 'dzin nye bar bsdus par bstan to/ /de ltar zhes bya ba la sogs pas sngar bshad pa'i lha'i mig dang 'chad par 'gyur ba'i sna la sogs pa'i phan yon ston to/ /rdo rje 'chang chen po dang 'dra bar 'gyur ba'o/ zhes pa ni rim gyis rdzogs pa'i rim
- 98b
pa bsgom pas so/ zhes tshig lhag ma'o/ /dus gsum du 'byung ba'i rgyal ba rnams so zhes ba ni khams gsum gyi de bzhin gshegs pa'i 'brel ba dang ldan pa'i lha'i mig la sogs pa bsgom par 'gyur bas rdo rje 'chang chen po dang 'dra bar 'gyur ro zhes bya ba'i tha tshig go /lha'i mig la sogs pa ste zhes bya ba la sogs pas mig byin gyis brlabs pas rang dang gzhan gyi sde pa'i dngos grub gtso bor thob par 'gyur ro/ /zhes bstan to/ /dngos grub thams cad kyi zhes pa ni gter dbyung ba dang sa 'og tu 'jug pa dang lha ma yin gyi bu mo dgug pa la sogs pa'i sbyor ba'i mchog ces bya ba'i don to/ /lha'i mig gis sa 'og la gnas pa'i gter la sogs pa mthong pa'i phyir ro/ /sangs rgyas kyi dkyil 'khor zhes bya ba la sogs pas rnal 'byor dang rjes su rnal 'byor dag gis rdo rje 'chang la sogs pa'i sku bskyed la/ de'i rna ba'i dbang po stong par byas nas de la yig 'bru dgod cing yongs su gyur pa las lag na rdo rje bsgoms pa las/ de yongs su gyur pa las yang rna ba'i dbang po de'i yig 'brus ma chen pa byas pas bsgribs pa la sogs pa'i sgra thos pas lha'i rna ba dang ldan par 'gyur ro zhes bstan to/ /sna ba'i gnas zhes pa mi rna ba'i nang na'o/ /'od gsal ba bsgoms pa zhes pa ni stong pa nyid bsgom par bya'o/ /de'i dbus su gnas par ro zhes pa ni khong gi dbus su gnas pa zhes bya ba'i don do/ /oM zhes pa ni dpe bstan pa'o/ /de'i rang bzhin du byas pas so zhes pa ni lag na rdo rje dang de'i bdag nyid du byas pa'o/ /rdo rje 'chang chen po ste/ zhes bya pa la sogs pas gang na gnas pa'i sgra thos pa bzhin du bsgribS pa la sogs pa'i sgra yang thob par 'gyur ro/ /rdo rje 'chang chen po dang mtshungs pa'i sku'o/ /zhes bya ba la sogs pas tha mal pa'i lus la sogs pa'i rang bzhin spangs nas rim gyi rdzogs pa'i rim pa khong du chung cing rdo rje 'chang chen po dang 'dra bar
- 99a
'gyur ro zhes bstan to/ /rna ba la gnas pa'i phyag na rdo rjes zhes pa ni yig 'bru dang sku dbyer med pa'o/ /mi bskyod pa zhes bya ba la sogs pas rna ba'i dbang bo gnyis byin gyi brlab pa nye bar bsdus pa'o/ /nam mkha' i snying po'i ting nge 'dzin gsungs pa zhes bya ba la sogs pas snga ma bzhin du rnal 'byor gnyis bsgoms la/ rna ba'i dbang po stong bar byas nas der dgod pa'i yig 'bru yongs su gyur pa la nam mkha' i snying po yongs su gyur nas sna'i dbang po yi ge de nyid kyis mtshan pa bsam par bya'o zhes bstan to/ /rdo rje 'chang chen po'i sku'i dkyil 'khor zhes pa ni nye bar mtshan pa yin pas rnam par snang mdzad la sogs pa'i sku yang bsam par bya'o/ /'od gsal ba bsgoms pas shes pa ni stong pa nyid du bsgoms bas so/ /yi ge oM zhes pa ni yig 'bru'i dpe bstan te/ /dri rnam pa gsum ste zhes bya ba la sogs pas nam mkha' i snying bo yongs su gyur ba'i sna'i dbang po yig 'bru de nyid kyis mtshon pa bstan to/ /'jig rten gyi khams zhes bya ba la sogs bas gman? gnas pa'i di gzung ba bzhin du bsgribs pa la sogs pa'i dri gzung ba yang bstan to/ /nam mkha' mdzod kyi ting nge 'dzin gyis zhes bya ba la sogs pas nam mkha' i snying po dang mtshungs par 'gyur ro zhes bstan to/ /blang bar bya bas na byang chub kyang yin la rang bzhin thams cad spong bar byed pas bdag med pa yang yin te/ bdag med byang chub ni 'od gsal ba ste thams cad stong ba'o/ /de nyid kyi stong pa bzhi khyab par byed bas stong pa bzhi'i bdag nyid can zhes bya ste/ rgyu dang 'bras bu dbyer med pa'i phyir ro/ /ji skad du/ stong pa shin tu stong pa dang/ /gsum pa stong ba chen po dang/ /bzhi ba thams cad stong pa ste/ /rgyu dang 'bras bu'i dbye bas so zhes 'byung ngo/ /nyan thos pa la sogs pa'i yul ma yin pas na zhes pa ni gang gi phyir de dang 'dra ba'i de kho na nyid nyan thos pa la sogs pas rtogs par ma gyur te/ /de rnams kyi gang zag la bdag
- 99b
med pa la sogs pa tsam goms bas so/ /de dang mnyam pa'i gnas su gyur pa gang yin pa zhes pa ni mi gnas pa'i mya ngan las 'das pa'i ngo bo gang la yod pa de la de skad ces bya'o/ /rin po che'i dam tshig ces bya ba la sogs pas nam mkha' i snying po'i rang bzhin gyi sna'i dbang po byin gyis brlab pa'i nye bar bsdus pa bstan to/ /snga ma bzhin du zhes pa la sogs pas 'di skad bshad pa yin te/ phyag rgya chen po'i bsgom pa sngon du 'gro bar lce'i dbang po stong par bsgoms nas de la 'jig rten dbang phyug gi yi ge 'bru bkod cing de yongs su gyur pa las 'jig rten dbang phyug bsgoms te/ de yongs su gyur pa las myur ba'i 'jig rten dbang phyug gi rang bzhin gyi lce'i yig 'bru de nyid kyi mtshan pa bsgom par bya'o zhes bstan to/ /yang dag pa'i mdza' zhes pa ni de bzhin dang stong pa nyid ces rnam grangs so/ /de skyed par byed pa'i zhes pa ni 'jig rten dbang phyug rdzogs par byed pa'o/ /oM zhes bya bas ni dpe bstan to/ /ro rnam pa gsum zhes bya ba 'dis 'jig rten dbang phyug gi ngo bo nyid bstan to/ /de bsgoms nas shes ba la sogs bas gam na gnas ba'i ro myong ba bzhin du bsgribs pa la sogs ba'i ro myong bar 'gyur ro zhes bstan to/ /dbang po dman pa la sogs pa'i sems can rnams ni dman ba la sogs pa'i dbye ba dang ldan pa'i gdul bya rnams so/ /sangs rgyas nyid du 'gyur ba'i lam zhes ba ni sngags kyi theg pa chen po'i lam ste/ gzhan rnams ni 'khrul pa dang ldan pas so/ /'khrul pa med na yang yun ring bas thob pa'i byang chub yin pa'i phyir ro/ /de'i don gyi thabs zhes pa ni rdo rje 'chang gi chos kyi 'khor lo gang la yod pa de la de skad ces bya ste / 'od dpag tu med pa'i rigs dang ldan pa'i 'jig rten dbang phyug ni ngo bo yin pa'i phyir ro/ /rdo rje 'chang chen po zhes bya ba la sogs bas 'jig rten dbang phyug gi rang bzhin lce'i dbang po byin gyis brlabs
- 100a
nye bar bsdus pa bstan to/ /snga ma bzhin zhes bya ba la sogs pas phyag rgya chen po'i gzugs rnal 'byor gnyis kyis bskyed la gsang ba'i rdo rje stong par bsgom zhing de las sgrib pa sel ba'i sa bon rnam par bkod te/ de yongs su ? pa las utpa la dang 'dra ba'i yig 'bru de nyid kyis mtshan ma byas la gam na gnas pa'i phyag rgya'i mtsho skyes kyi nang gi reg pa drang 'dra? bar khams gsum na gnas pa'i bud med thams cad kyi pad+ma'i reg pa myong bar 'gyur ro/ /zhes bstan to/ /'di'i phan yon zhes bya ba la sogs pas lus kyis byin gyis brlabs pa'i phan yon bstan to/ /lus la sogs pa zhes bya bas don yod grub pa dang 'dra bar 'gyur ro/ /zhes bstan to/ /mchog tu dga' ba'i bde ba zhes bya ba la ni 'dus ma byas pa'i sku'i dbang po dang ldan pas snyoms par zhugs pa'i dus su rtag tu dga' ba bskyed pa'o/ /ye shes ni bya ba nan tan grub pa'i ye shes so/ /de'i rang bzhin don yod grub pa'i rigs las byung bas na sgrib pa thams cad rnam par sel ba zhes bya'o/ /bskyed pa'i mtshan nyid can zhes ni lus kyi dbang po byin gyis brlabs nas dam tshig gi dkyil 'khor gyi rim pas de bzhin gshegs pa thams cad dang lha mo dang byang chub sems dpa' dang khro bo rnams spro ba'o/ /gdon mi za ba ste zhes bya ba la sogs pas gsang ba'i rdo rje las byung ba'i byang chub sems kyi thig le las 'byung ba'i khams kyi ting nge 'dzin nye bar bsdus par bstan to/ /de ltar zhes bya ba la sogs pas de bzhin gshegs pa mos pa dang ldan pas de bzhin gshegs pa nyid kyis mig la sogs pa byin gyis brlabs par bya'o zhes bstan par bya ste/ longs spyod rdzogs pa dang sprul pa'i sku phan tshun dbyer med pa'i phyir ro/ /dbyer med pa de yang bya ba gcig yin pas so/ /sgrub thabs brtsom pa rnams kyis kyang byang chub sems pa rnams kyis mig la sogs pa byin gyis brlab
- 100b
par 'dod de rdo rje skye mched nyid dang ni/ byang chub sems pa'i dkyil 'khor mchog /ces rgyud phyi ma las gsungs ba'i ched la sogs pa de bzhin gshegs pa rnams kyis kyang mig la sogs pa byin gyis brlab pa'i tshad ma ni/ de bzhin gshegs pa kun gyi sku/ /phyag rgya bzhi yis rgyas btab pa'o zhes 'byung bas so/ /de bzhin nyid do zhes bya ba la sogs pas bskyed pa'i rim pas rdo rje 'chang la sogs pa'i sku bsgoms la/ /de'i mig stong par byas te de la oM bkod cing de yongs su gyur pa las rnam par snang mdzad bsams la de yongs su gyur ba las mig gi dbang po yig 'bru des mtshan pa bsgom par bya'o zhes bstan to/ /bskyed pa'i rim gyis rdzogs pa zhes pa ni rnal 'byor dang rjes su rnal 'byor gyis 'byung pa'o/ /sku gsum oM ni zhes bya ba la sogs pas dang po mig la oM bkod cing de yongs su gyur pa las rnam par snang mdzad las byung ba'i mig bsgom par bya'o zhes bstan to/ /gzugs rnam pa gsum zhes bya ba la sogs pas yul dang dbang po'i rang bzhin gyi dpal rnam par snang mdzad bsgoms pas rdo rje 'chang dang 'dra bar 'gyur ro zhes bstan to// 'di'i phan yon bstan pa zhes bya ba la sogs pas de'i sku la sogs pa rnam par snang mdzad dang 'dra bar 'gyur ro zhes bstan to/ /ye shes kyi lus kyis mngon par byang chub cing rtog bar 'gyur ba'i phyir na zhes pa ni rim pas bsgom par byed pas ye shes kyis sku yang thob par 'gyur ro zhes bstan to/ /rdo rje 'chang chen po'i go 'bang zhes bya ba 'dis mngon du byang chub pa mngon du byas pas zung 'jug gi go 'phang yang thob par 'gyur ro zhes bstan to/ /lus dang ngag dang yid kyi dmigs shing bzung bas na zhes pa ni la sogs pa nye bar sdud par byed pas so/ /de'i zhes bya ba la sogs pas phyag rgya chen po'i mig gi dbang po las dgod pa rnam par snang mdzad kyis byin gyis brlabs pa'i ting nge 'dzin nye bar bsdus pa bstan to/ /dgongs pa ma yin pas bshad pa zhes pa ni shin tu rnam
- 101a
'byor gyi de kho na nyid shin tu gsal bar bstan pa'i phyir ro/ /sgrub pa po'i gnas zhes bya ba la sogs pas drang ba'i don gyi phyogs su yid dang mthun par skye bos dben pa'i gnas bstan to/ /ri'i rtse mo zhes bya ba ni kun la mtho bar dang mi g.yo ba dang ting nge 'dzin dang mthun pa'o/ /dben pa ni sems rtse gcig pa'i phyir ro/ /skyed mos tshal la sogs pa ni yang dag pa'i ting nge 'dzin la zhugs pa'i rgyur gyur pas mthun pa'o/ /dur khrod la sogs pa zhes pa ni chos la bdag med pa ston pa'i ting nge 'dzin dang mthun pa'o/ /shing gcig pa dang zhes pa ni gang shing gzhan gyi grib ma med pa 'am yang na gcig pu ste/ de'i drung du bcom ldan 'das kyi byang chub thob pa'i phyir ro/ /khang stong dang zhes pa ni sems rtse gcig pa nyid kyi rgyu yin no/ /lha'i khang pa ni gal te mi nus na de'i tshe rang gi lha khang bris sku la sogs pa dang ldan pa la ting nge 'dzin bya'o/ /sogs pa'i sgras ni sum mdo dang bzhi mdo dang mdza' dang ma mo'i khang pa la sogs pa yang yongs su bzung bas rtogs par bya'o/ /sa'i snying po la sogs pa ting nge 'dzin gyi tshogs bya ba zhes pa ni skye mched rnams ni byin gyis brlab pa'i mtshan nyid can zhes bya'o/ /drang ba'i don to zhes pa ni dang po'i sbyor ba'i yan lag tu 'gyur pa rnal 'byor gyi phyogs gcig gnas gzung ba so sor bstan pas so/ /nu ma dang sked pa rgyal ba la sogs pa dang ldan pa zhes pa ni gzugs mdzes pa dang ldan pa rab tu bstan to/ /bud med kyi ri bo zhes pa ni lo nyi shu lon pa la sogs pa'o/ /de ma rnyed na lus 'tshong ni smad 'tshong ba rnams so/ /'gro ba thams cad dang thun mong du gyur pa'i zhes pa ni gnod pa med pa rnams la'o/ /'jig rten pa rnams kyis smad pa zhes pa ni 'jig rten gyi smad par bya ba ste/ rigs ngan yin pa'i phyir ro/ /de la sme sha can gyi bu mo lo bcu gnyis pa mi bskyod pa'i rnal 'byor pa'i phyag rgya dang khrus mkhan gyi bu mo lo nyi shu rnam par
- 101b
snang mdzad kyi rnal 'byor pa'i phyag rgya dang/ gar mkhan gyi bu mo lo bcu drug pa 'od dpag tu med pa'i rnal 'byor ba'i phyag rgya'o/ /lhan gcig spyod pa de rnams byas nas sngar bshad pa'i ting nge 'dzin bya'o/ /nges pa'i don te zhes pa ni phyag rgya'i dbye ba bstan pas so/ /de ltar shes bya ba la sogs pas gnas gzung ba dang rnam par snang mdzad kyis byin gyis brlab ba nye bar bsdus pa bstan to/ /de bzhin du zhes bya ba la sogs pas rang rang gi bdag po bkod nas rna ba la sogs pa byin gyis brlab pa bstan par bya ste /mi bskyod pa zhes bya ba ? pas rdo rje 'chang chen po la sogs pa gang yang rung ba'i rnal 'byor dang ldan pas rna ba la sogs pa'i gnas stong pa nyid du bsgoms la/ /thugs rdo rje 'chang la sogs pa'i sa bon dgod pa sngon du 'gro bas de rnams bsgoms la/ de yongs su gyur pa las rna ba'i skye mched la sogs pa bsgom par bya'o zhes pa ni de bzhin gshegs pa'i sgo nas rna ba'i skye mched la sogs pa byin gyis brlab pa'i rim pas so/ /rdo rje 'chang gis de skad ces bka' stsal to zhes pas rdo rje 'chang chen po gsung bsdud pa pos nye bar bsdus pa bstan to// sgra ji bzhin pa'o zhes pa ni dang po sbyor pa'i yan lag tu gyur ba shin tu rnal 'byor gsum po so sor bstan to/ /bskyed ba'i rim pas shes bya ba la sogs pas rdzogs pa'i rim pa'i rnal 'byor pa rnams la lha'i mig la sogs pa bstan to/ /dbang po rnam pa lnga ste zhes bya ba la sogs pas so sor sdud pa'i rim pas yul dang dbang por bsdu ba gang yin pa de ni de bzhin gshegs pa'i mchod pa? yin no zhes lhag par mos pas ji srid phyi ma'i yan lag lnga bsgoms pas rdo rje 'chang chen po dang 'dra bar gyur pa de srid du gnas par bya'o zhes bstan to/ /gzugs la rnam pa gsum shes na/ lha rnams la ni dbul bar bya zhes le'u bdun pa las 'byung ngo/ /rang sngags shes bya ba la sogs pas ye shes kyi sku gzung ba sngon du 'gro bar 'jug pa la sogs
- 102a
pa'i rim gyis yi ge gsum yan lag ma nyams par bzla zhing de nyid du dbang po lnga zhugs nas de la langs nas rdo rje 'chang chen po dang 'dra bar 'gyur ro/ /des ni rdo rje bzlas pa'i rim pa bstan to/ /rang gi phyag rgya chen po gzugs so zhes bya ba la sogs pa 'od gsal ba las 'byung ba yul dang dbang po'i longs spyod sgyu ma lta bur mthong bas ye shes kyi sku bsgom par bya'o/ /des ni bdag la byin gyis brlab pa'i rim pa bstan to/ /ting nge 'dzin gzhan bdag ces? pa ni rdo rje bzlas pa'i phyogs gcig ste thig le'i rnal 'byor ro/ /thig le'i rnal 'byor yang rlung gi de kho na nyid ces bya ba ste/ rdo rje bzlas pa'i rgyur gyur pa'i/ /rlung gi de nyid rim gyis ni/ /sngags kyi de nyid yang dag 'jug /sngags rdzogs pa ni kun rtogs na/ /rdo rje bzlas pa slob par 'gyur// zhes 'byung ngo/ /de nyid bstan pa'i phyir/ rdzogs pa'i rim pas shes bya ba la sogs pa bstan to/ /rtogs par byed pas na zhes bya ba la sogs pas sku rdo rje la sogs pa'i rnal 'byor ba rnam par snang mdzad la sogs pa'i phyag rgya chen po gsum bsgoms la/ de'i snying gar oM la sogs pa rang dang thig le dbye bas ye shes sems dpa' dang ting nge 'dzin sems dpa' dag pa sgoms la khams gsum la sogs pa dang dbyer med par mos nas bdag nyid kyi lus la sogs pa/ oM la sogs pa la 'jug ste /oM la sogs pa rang yang thig le tsam la zhugs nas gang gi tshe thig le tsam la gnas pa'i sems su gyur nas de'i tshe sems dbang du gyur pas rdo rje 'chang chen po dang 'dra bar 'gyur ro zhes bstan to/ /ting nge 'dzin gsum gyi thig le'i rnal 'byor gsum mo/ / skyed pa'i rim pa bsgom pa'o zhes pa ni nyan thos la sogs pa'i dam tshig rnams las mchog yin pa'i phyir ro /de'i mchog yin pas na rdzogs pa'i rim pa'i ting 'dzin gyis so/ /rdo rje gsum zhes bya ba la sogs pas khams gsum gyi lus
- 102b
la sogs pa dang bdag nyid kyi yang dbyer med par bstan to/ /rang gi lus la sogs pa thig le la zhugs pas 'gog pa yang yin la 'dzin pa'i yan lag gis de tsam la gnas pas dam tshig kyang yin te/ 'gog pa'i dam tshig ni thig le'i rnal 'byor ro/ /de nyid kyi khyad par ni 'dzin pa ste yan lag bzhi pa'o/ /de gang gis shes pa zhes pas ting nge 'dzin gyi khyad par bstan to/ /tha mal pa'i lus dang bral nas zhes pa ni thig le la zhugs pas mi snang bas so/ /zab cing kun rdzob dang don dam pa dbyer med pa'i mtshan nyid dam sgyu ma lta bu nyid do/ rgya che ba ni rnam pa thams cad mchog dang ldan pa'o/ bdag nyid can gyi ye shes kyi lus zhes bya bas rdo rje sku yang gzung bar bya ste nye bar mtshon pas so/ /de thob cing zhes bya ba la sogs pas nye bar bsdus pa'o/ /'di skad bshad pa yin te/ thig le'i rnal 'byor gyi rnam grangs can gyi 'dzin pa'i yan lag gi sems brtan par byas la slar yang rjes su dran pa dang ting nge 'dzin gyi yan lag dag gis rdo rje 'chang chen po'i sku thob pa gnas par bya'o zhes bstan to/ /don 'di nyid ni rdzogs pa'i rim pa zhes bya'o/ /rnam pa gzhan gyi zhes pa ni khams gsum dang bdag nyid dbyer med pa'i rnam par snang mdzad la sogs pa'i sku bsgoms pas so/ /der 'dzin pa ni 'od gsal ba la gnas pa ste/ chos dbyings las ni ma bltos pa/ chos ni yang dag med pa'o zhes 'byung bas so/ sku rdo rje'i zhes pa ni rnam par snang mdzad kyi rang bzhin gyi sku'o/ /khams gsum gyi lus dang ngag dang sems ni des gcig tu byas pa'o/ /yi ge oM zhes bya ba la sogs pas thams cad nye bar gyur nas ye shes kyi sku bsgom par bya'o zhes bstan to/ de ltar zhes bya ba la sogs pas phan yon bstan to/ /bsgom pa 'dis sems can thams cad kyi bsam pa thams cad kyi rdzogs par byed pa'i rnal 'byor par 'gyur te rdo rje 'chang chen po'i go 'phang thob par byed pas so /'khor ba ji srid par ni
- 103a
'khor ba'i bar du'o/ /sku gsum gyi bdag nyid can zhes bya ba la sogs pas nye bar bsdus pa bstan to/ /ting nge 'dzin gnyis po ni gsung dang thugs rdo rje'i ting nge 'dzin dag go /sku rdo rje la sogs pa zhes pa ni rnam par mdzad la sogs pa'i sgo nas so// 'gro ba'i don ni sems can gyi don to /rtog cing zhes ba la sogs pas bcom ldan 'das rdo rje 'chang chen po drug pas 'di skad bka' stsal to zhes nye bar bsdus pa 'dzin pa'i yan lag rdzogs pa'i rim pa bstan to/ /rnal 'byor rnam pa gnyis po zhes pa ni brtagS pa dang rdzogs pa'i mtshan nyid do/ /gsang ba 'dus pa'i dbang bskur gyi tshogs dbang thob pa zhes pa ni rig pa'i dbang bskur ba la sogs pa thob pa'o/ /gnang ba thob pa ni bla ma dang de bzhin gshegs pa rnams kyis rjes su gnang ba'o/ /phyin chad nas brtsams zhes bya ba la sogs pas gang zhig nyan pa 'am 'chad pa 'am rang slob pa de dag thams cad rdo rje 'chang chen po dang 'dra bar 'gyur ro/ zhes bya bas bsgom pa pos gang yang the tshom med do zhes bstan to/ /de bzhin gshegs pa thams cad kyis sa bon yin pas de bzhin gshegs pa thams cad kyi sngags ni oM la sogs pa'o/ /de bskyed pa ni dang po sbyor ba'i rim pas bskyed ba'o/ /'od gsal ba yin pas de kho na nyid kyang yin la/ ma rig pa bcom pas na rig pa yang yin te/ de kho na nyid rig pa ni 'od gsal pa'o/ /de nyid shes rab pha rol phyin ma ste stong pa nyid kyi ngo bo yin pas so/ /de las yang dag par byung ba zhes pa ni bdag la byin gyis brlab pa'i rim pa nyid las ldang ba'o/ /de nyid bstan pa'i phyir/ ye shes kyi dam tshig yin pa zhes bya pa smos te/ ye shes kyi sku'i rang bzhin yin pas mchog ni rdzogs pa'i rim pa'i ngo bo yin pas so/ /de nas de bzhin gshegs pa thams cad ces bya ba la sogs pas las 'dzin pa'i bsdu ba byas ste/ sngags kyi sku dang ye shes kyi sku'i mtshan
- 103b
nyid can gyi le'u'i don bstan pa yin pas so/ dgongs pas bshad pa'o zhes pa ni 'gal pa'i tshig gi sgo nas de kho na nyid so sor bstan pas so// //sgron ma gsal bar byed pa'i 'grel ba'i TIka las le'u bcu gcig pa'i rgya che ba bshad pa'o// //de ltar zhes bya ba la sogs pas le'u bcu gnyis kyi bstan pa bshad par bya ste/ las kyi lam rnam par dag pa zhes pa ni rnam par snang mdzad la sogs pa'i sku yis tha mal pa'i lus ldog ? snying po la sogs pa'i skus mig ? la rnam par dag pa zhes bya ba'i don to/ /phyag rgya chen po yongs su gyur pa zhes bya ba smos pa la phyag rgya chen po'i rnam pa gnyis te/ 'od gsal ba'i mtshan nyid dang sku'i mtshan nyid do/ /de la phyag rgya chen po 'od gsal pa las rim pa gsum po dang rim pa lnga pa dag gis cig car du langs pa ni ye shes su 'gyur ba ste phyag rgya chen po yongs su 'gyur ba zhes bya'o/ /yang na phyag rgya chen po ni 'od gsal ba la yongs su gyur pa ni rim pa dang po dang gsum pas thob pa'i sku thim pa ni phyag rgya chen po yongs su 'gyur ba zhes bya'o/ /de lta bu'i don bstan pa'i phyir le'u bcu gnyis pa ste nye bar mtshon pa yin no /gzhan 'khor lo'i rig pa 'dzin pa la sogs pa'i dngos grub so sor bstan pa'o/ /ston par mdzad pas na zhes pa ni dam tshig dang sdom pa'i sgo nas 'dul bar mdzad pas so/ /'byin pa po yin pas na bskyed pa po rin po che lta bu'o/ /gang zag gi zhes pa ni dbang po rno ba'i sems can rnams so/ /de rdo rje lta bu'i ting nge 'dzin la zhes pa ni zung du 'jug pa zhes bya ba'i rdo rje'i sku la'o/ /don dam pa'i bden pa'o zhes pa ni rdo rje 'chang chen po gnyis su med pa'i ye shes kyi rang bzhin yin pas so/ /de ni de'i rgyu mtshan no/ /rdo rje gsungs zhes pa ni gsung nyid rdo rje ste mi phyed pa'i tshig gi tshogs kyi rang bzhin yin pa'i phyir ro/ /mkha' ni go 'byed do zhes bya ba la
- 104a
sogs pas rang bzhin gyi ngo bo med pa'i dngos po yin na yang rnam pa sna tshogs pa'i sems can gyi don mdzad pa'i phyir ro/ /bcom ldan 'das rdo rje 'chang chen pos sku'i rnam pa la sogs pa'i sprul pa mdzad do zhes bstan te /ji ltar chu klung dangs? pa las/ /nya dag myur du ldang po bzhin/ /de bzhin thams cad stong gsal las/ /sgyu 'phrul dra ba 'byung bar 'gyur zhes 'byung ngo/ /des ni phyag rgya chen po yongs su 'gyur ro zhes bya ba'i don gyi dbye ba gcig bshad do/ /dgongs pa ma yin pas bshad pa'i zhes pa ni shin tu gsal ba'i de kho na nyid bstan pas so/ /dngos grub thams cad ces pa ni de bzhin 'jig rten pa dang 'jig rten las 'das pa'i dngos grub rnams so/ /dgon pa chen po'i sa phyogs zhes bya ba la sogs pa ni go sla'o/ /drang ba'i don to zhes pa ni gnas tsam so sor bstan pas so/ /lung gis bshad pa brjod par bya ste zhes pa 'dis sku gsum thob par bya ba'i phyir bsgom par bya'o zhes bstan to/ /nam mkhar rtag pa ni 'od gsal ba mngon du byed pa'o/ /sbyor ba yis zhes pa ni de dang 'brel pas so/ /phung po ni tha mal pa'i gzugs la sogs pa gang yin pa de rnams stong pa nyid la rjes su zhugs pas dgon pa chen po'i sgros bstan to/ /gnas med pa ni dmigs pa med pa'i 'od gsal ba la'o/ /gnas pa'i sbyor ba yis zhes pa ni de la gnas pa'i sbyor bas gnas chen po ni sa phyogs so yin zhes bstan to/ /des ni cha shas kyi sku bstan pa yin no/ /de bzhin du longs spyod rdzogs pa'i sku ste/ de nyid shing ni dpag bsam gyi shing ngo/ /dngos grub sna tshogs me tog ldan pa de ni des brgyan pa ste/ sems can thams cad kyi bsam pa thams cad rdzogs par byed pa'i phyir ro/ /yang dag par rdzogs pa'i byang chub ces pa ni chos kyi skul?/ /de nyid mig g.yo ba'i phyir ro/ /de'i sprul pa gang yin pa de rnams 'gro ba la phan
- 104b
thogs pa'i phyir 'bras bu ste de rnams kyis yang dag par brgyan pa ni longs spyod rdzogs pa'i sku'o de ni longs spyod rdzogs pa dang sprul pa di sku gnyis bstan to/ /dngos med ni de ltar gyur pa'i chos kyi sku gnyis po'i gzhir gyur pa'o/ /rtog pa thams cad dang dbral bas dpen pa dang nyams dga' o/ /rdo rje zhes bya ba ni phyag rgya chen po yongs su gyur pa'i mtshan nyid can gyi de kho na nyid do/ /der bsgrub bya zhes pa ni bsgrub par bya ba'o/ /des pa'i don to zhes pa ni sku gsum gyi bdag nyid kyi rdo rje 'chang gi de kho na nyid bstan pas so/ /ma ma yig mtshon pa'i bsnyen pa yin bas na dpe zhes pa ni dpe bstan pa'o/ /'og nas bshad pa'i ting nge 'dzin zhes pa ni phyag rgya chen po yongs su gyur pa'i bdag nyid do/ ston pa'i sa bon no zhes pa ni de rjod par byed pa'i ye ge'o/ /yod kyi rang bzhin gyis zhes pa ni sems kyis chos nyid de stong pa nyid kyis so bsten cing bsnyen pa yin pas na zhes pa la bsgom par byas pas so/ /mi byed pa nyid pas na zhes pa la gnyis med pa yin pas so/ /rdo rje 'jam pa rab tu bsgom par bya'o zhes la sogs pas 'od gsal ba las 'byung ba'i ye shes kyi sku dang rdo rje'i sku rab tu bstan pa'o/ /rang gi lus la sogs pa zhes bya ba la sogs pa khams gsum dang dbyer med pa'i ye shes kyi sku bstan to/ /de nas zhes pa la sogs pa'i ye shes kyi sku gzung bas 'jam pa'i rdo rje dang 'dra bar 'gyur ro zhes 'bras bu bstan to/ /dpag tshad brgya'i zhes bya ba la sogs pas ye shes kyi sku dang rdo rje'i sku dag gis thams cad snang bar byed pa nyid bstan te/ sems can gyi don mdzad pa'i phyir ro/ /skyes bu chen po'i zhes bya ba la sogs pas rnam pa thams cad kyi mchog dang ldan pa nyid du bstan to/ /sgyu ma lta bu'i sku mnga' bsan zhes pa la sgyu ma'i dpe bcu gnyis nye bar mtshon pa yin pas so/ /des 'di ltar gyur pa zhes bya ba la sogs pas ye shes kyi sku tshangs pa la sogs pa'i spyod yul ma yin no zhes bstan to/ /phyir mi ldog pa'i spyod yul yin pa'i phyir ro
- 105a
zhes pa ni sa bcu thob pa'i byang chub sems dpa' rnams kyi spyod yul yin pa'i phyir zhes bya ba'i don to/ /gang gis phyir sems rnam par dag pa dang bdag la byin gyis brlabs pa'i rim pas sa bcu la rab tu gnas bar 'gyur te/ de bas na ye shes kyi sku ni phyir mi ldog pa'i spyod yul yin no/ /ji skad du/ dang po las kyi sbyor ba yis/ /sa brgyad pa ni thob par 'gyur/ /snang ba gsum po mthong ba yis/ /sa bcu la ni rab tu gnas zhes rdo rje 'jam pa mchog gi dam tshig ces bya pa la sogs pas ting nge 'dzin nye bar bsdus pa bstan to// / /sgyu ma'i rang bzhin zhes bya ba la sogs pas phyag rgya chen po 'od gsal ba la yongs su 'gyur pa ni ye shes kyi sku thim par bya'o zhes don gnyis pa'i dbye ba bshad par bya'o zhes bstan to/ /yul dang dbang po zhes bya ba la sogs pas ril por 'dzin pa dang rjes su gzhig pa'i ting nge 'dzin dag gis ye shes kyi sku yang 'od gsal ba la 'jug par bstan to/ /de ldang bar gyur pa zhes bya ba la sogs pas de las gcig spros pa'i rdo rje'i sku gzung bar bstan to/ /dgongs pas bshad pa zhes pa ni 'gal pa'i tshig gi sgo nas ting nge 'dzin so sor bstan pas so/ /de ltar zhes bya ba la sogs pas rdo rje lta bu'i ting nge 'dzin phyag rgya chen po yongs su gyur pa'i sgo nas bstan nas rnam par snang mdzad la sogs pa'i de bzhin gshegs pa lnga'i rang bzhin 'khor lo'i rig pa 'dzin pa la sogs pa'i bsgrub par ba ba'i phyir bshad par bya ste zhes bstan to/ /dang por rnam par snang mdzad kyi ting nge 'dzin mngon du byas la zhes pa ni phyag rgya chen po yongs su 'gyur ba'i rim pas so zhes tshig lhag ma'o/ /'khor lo zhes bya ba la sogs pas mdun du yi ge oM yongs su gyur pa las bskyed pa 'khor
- 105b
lo rtsibs brgyad pa bsgom pa mngon du 'gro ba de bzhin gshegs pa thams cad zhugs pas 'od zer 'bar ba spro bar bsgoms te/ /dro bar dang du ba dang 'bar ba'i mtshan nyid kyi rtags gsum mthong bas rang gi lag pas blangs te 'khor lo'i rig pa 'dzin pa mkha' la spyod par 'gyur ro/ zhes bstan to/ /de ltar zhes bya ba la sogs pas 'khor lo'i rig pa 'dzin pa'i bdag nyid kyi che ba bstan to/ /mthu ni kun gyi dbang phyug nyid do/ /rdul phra rab ji snyed pa zhes pa la sogs pas mdza' yas pa'i dpes de'i de dang 'dra ba 'khor gyi phun sum tshogs pa bstan to/ /thams cad ces bya ba la sogs pas de rnams kyi nus pa mi 'jigs pa nyid du bstan to/ /ting nge 'dzin zhes bya ba la sogs pas 'khor lo'i rig pa 'dzin pa'i ting nge 'dzin nye bar bsdus par bstan to/ /rnam par snang mdzad kyi rnal 'byor dang 'dra bar blta bar bya ste zhes pa ni de'i bskyed pa'i bsgom pa'o/ /yi ge hUM ni mi bskyod pa'i sa bon no/ /de yongs su gyur pa las rtse lnga pa'i rdo rje bsgoms la / dro ba la sogs pa'i rtags gsum mthong ba mngon du 'gro ba de blangs nas rdo rje'i rig pa 'dzin pa nam mkha' la spyod par 'gyur ro/ zhes bstan to/ /'dod pa'i dbang phyug tu zhes pa ni bud med thams cad kyis yongs su bskor ba'i phyir ro/ /drag po zhes bya ba la sogs pas khams gsum pas mchod par byas pa rnams kyis kyang mchod byar 'gyur ro/ /zhes bstan to 105b6rgyud 'grel): rdo rje 'chang chen por 'gyur ba'o zhes bya ba la sogs pas mdza' yas pa'i lhan cig spyod ma dang ldan pa'i rdo rje'i rig pa 'dzin pa'i ting nge 'dzin nye bar bsdus par bstan to/ /'od dpag tu med pa zhes bya ba la sogs pas pad+ma'i rig pa 'dzin pa'i bsgom pa bstan par bya ste/ yi ge a yongs su gyur pa las pad+ma'i rtags gsum gyis mtshon pa sngon du 'gro ba blangs pas pad+ma'i rig pa 'dzin pa mkha' la spyod par 'gyur ro zhes bstan to/ /thabs kyi ngo po nyid dang zhes pa ni skyes pa'i rnam pa can no/ /shes rab kyi ngo bo nyid
- 106a
dang zhes pa ni bud med kyi gzugs can no/ /de rnams kyi bya ba la sogs pas pho nya dang pho nya mo dang bran pho dang bran mo dang bka' nyan mo la sogs pa'i padmo'i rigs la byung ba thams cad kyis de rang gi rgyal srid la dbang bskur bar bya ba dang/ 'khor gyi tshul du gnas pa de rnams kyis kyang yongs su bskor bar 'gyur ro zhes bstan to/ /pad+ma'i rigs dang ldan pa zhes bya ba la sogs pas pad+ma'i rig pa 'dzin pa'i ting nge 'dzin nye bar bsdus pa bstan to/ /de bzhin gshegs pa thams cad dang zhes bya ba la sogs pas de bzhin gshegs pa thams cad kyi sku gsung thugs kyi rang bzhin rnal 'byor pa 'gyur ro zhes bstan to/ /'od zer lnga dang zhes bya ba la sogs pas snga ma bzhin du don yod grub pa sngon du 'gro bar mdun du yi ge kham las byung ba'i ral gri dro ba la sogs pa la rtags gsum sngon du 'gro ba mthong nas blangs te/ lha dang lha ma yin gyi bdag po'i gtso bo ral gri'i rig pa 'dzin pa nam mkha' la spyod par 'gyur ro/ zhes bstan to/ /lhag pa dang chad pa med par zhes pa ni de bzhin gshegs pa lnga'i rang bzhin yin pas so/ /rang gi sngags las zhes pa ni dang po sbyor ba'i ting nge 'dzin gyis bskyed pa rdo rje 'chang chen po yongs su gyur pa las byung ba'i mi bskyod pa'i gzugs dmigs la/ khro bo'i rgyal po'i yig 'bru yongs su gyur pa las rtse gsum la sogs pa mdun du bskyed nas de'i rtags mthong ba sngon du 'gro bar 'dzin pas de'i rig pa 'dzin par 'gyur ro zhes bstan to/ /gang tha mal pa'i dngos pos spangs nas bya ba la sogs pas bskyed pa'i rim pa mthar phyin pas phyag rgya chen po yongs su 'gyur bar slob bzhin pas 'grub par 'gyur ro zhes bstan to/ /theg pa chen po'i zhes pa ni sngags kyi theg pa chen po de'i dngos grub ni bshad ma thag pa ste zhes pa ni 'khor lo'i rig pa 'dzin pa la sogs pa'i mtshan
- 106b
nyid can no/ /dngos grub bsgrub pa'i thabs zhes bya ba la sogs pa rdo rje 'chang chen po'i rnal 'byor pa'i bram ze'i rigs dang rgyal rigs dang rje rigs dang dmangs rigs las 'byung ba'i phyag rgya bzhi dang lhan cig sbyor par bstan to/ /gcig pu nyid ni khyod ma blangs pa gzhon nu ma 'am smad 'tshod ma ste/ /rdo rje 'chang chen po'i rnal 'byor pa las rjes su gnang ba'i/ /rab tu mnyam pa'i cha lugs 'dzin pa zhes pa ni rnam par snang mdzad la sogs pa'i rnal 'byor pa rnams kyang 'thun pa'i phyag rgya'o/ /de rnams gdol pa la sogs pa'i bud med rnams zhes pa la sogs pas khyad par bstan to/ /rjes su myong ba zhes pa ni phyag rgya'i skye bo de rnams la rang gi rig pa'i yin pas 'od gsal bar bya ba'o/ /snyoms par zhugs pa zhes pa ni rdo rje dang pad+ma sbyor bas mtshon par 'gyur bas na snyoms par zhugs pa'i mtshan nyid ni 'od gsal ba zhes bya'o/ /ji skad du / sgyu ma dag ni thams cad las/ /bud med sgyu ma khyad par 'phags/ /snang ba gsum gyi dbye ba ni/ /'di nyid las ni mtshon par 'gyur/ /gang zhig rdo rje pad sbyor ba// kun rdzob kyis ni yod ma yin/ /lhan cig tu yang nyams myong bas/ /rnal 'byor stobs kyis 'grub par 'gyur/ /zhes 'byung ngo/ /yul gzhan dag ces bya ba 'dis gdol pa la sogs pa'i bud med kyi yul du de kho na nyid bsgrub par rigs so// gang gi phyir de rnams rigs ngan yin pas rtog pa med par 'gyur bas so/ /gzhan ma rnams ni rtog pa dang ldan pa'i phyir de dang 'brel pas ye shes bskyed par mi 'gyur ro zhes dgongs pas so/ /dgongs pas bshad pa'o zhes pa ni lag la ba'i sgra'i sgo nas de kho na nyid kyi don bstan pas so/ /de ltar zhes bya ba la sogs rnal 'byor ba'i rang gi don phun sum tshogs pa grub nas gzhan gyi don bun sum tshogs pa sgrub bar bstan par bya ba'i phyir sems dpa' gsum gyi bdag nyid can no zhes pa la sogS
- 107a
pa ni mdor bstan pa'o/ /de nyid kyi sbyor ba bstan par bya ba'i phyir zhes pa ni rgyas par bstan pa'o/ /ye ge yam las byung ba zhes bya ba la sogs pa snod du rung ba'i skye bo bkug nas gdul bar bya zhes bstan pa dang/ dbang gi skabs su yang bud med rnams dgug bar bya'o zhes bya ba'i phyir/ sbyor pa 'di nyid kyis zhes bya ba la sogs pas bstan to/ /lha mo rnams so zhes pa ni rgyal po'i btsun mo dang lha la sogs pa'i bu mo rnams so/ /rnam pa snang mdzad kyis mtshan par gyur pa'i zhes bya ba la sogs pas rnam par snang mdzad la sogs pa'i gzugs dmigs pa sngon du 'gro bas 'khor lo'i lcags kyu la sogs pa'i sgo nas bsgrub bya dgug pa bstan to/ /gnod sbyin ma la sogs pa ste zhes pa ni khams gsum pa dam tshig rdo rje'i sa bon yi ge kham las so/ /sgrub pa po yin ni dngos grub mthong bas mig rgyas par 'gyur ba'o/ /lag gis blangs pa'o zhes ba ni rtags mthong ba sngon du 'gro bas so/ /phyag rgya chen po ste zhes pa ni ji ltar 'dod pa de bzhin gshegs pa la sogs pa'i sku rnams de'i sgo nas de skad ces bya'o/ /rdzu 'phrul che ba'i zhes pa ni 'khor los sgyur ba bzhi ste/ gser dang dngul dang zangs dang lcags 'khor lo ldan pa 'khor los sgyur/ zhes 'byung bas so/ /de rnams kyis mchod pa dang zhes pa ni mchod par bya ba'o/ /tshangs pa'i gtso bo dang zhes pa ni drag po dang khyab 'jug dang dbyig gi snying po la sogs pa'o/ /lha ma yin gyi gtso bo zhes pa ni rnam par 'jog la sogs ba'o// de dag gis kyang phyag byas par 'gyur pa dang zhes pa ni lha dang lha ma yin gyi dam pa rnams kyis phyag btsal par bya ba dam pa nyid du bstan to/ /der bdag por gyur pas so/ zhes pa ni de la dbang byed pas so/ /tha mal pa'i bsgrub pa la gnas
- 107b
pa'o zhes pa ni bya ba la sogs pa'i tshul gyi rnal 'byor pa rnams so/ /de rnams kyi nang du cho 'phrul gyi khyad par bstan bas na gtso bo'o/ /gang rnams zhes bya ba la sogs pas zhi ba la sogs pa'i dngos grub dang nam mkha' la spyod pa la sogs pa'i dngos grub? gzhan rnams la yang ster bar 'gyur ro zhes bstan to/ /de bzhin gshegs pa thams cad kyi zhes bya ba la sogs pas ral gri'i rig pa 'dzin pa'i ting nge 'dzin nye bar bsdus pa bstan to/ /rin chen rig pa 'dzin ba'i dngos grub ma bstan pa yang don gyis go bar bya ste/ rigs ni de bzhin gshegs ba lnga'i bdag nyid yin pa'i phyir ro/ /de ltar zhes bya ba la sogs pa 'khor lo'i rig pa 'dzin pa la sogs pa'i dngos grub bshad nas / ri lu'i sgo nas rdo rje bzlas pa'i rim pa so sor bstan par bya ba'i phyir bshad par bya ste/ yi ge oM nyid tsa na ka'i 'bras bu'i tshad tsam zhes bya ba la sogs pas phyag rgya chen po mngon du byas ba sngon du 'gro ba mgo bo dang rkog ma dang snying gar yi ge gsum bsam la de nyid yan lag ma nyams pa'i bzlas pa'i rim pas ji srid sems rtse gcig par gyur pa de srid du bsgom par bya'o zhes bstan to/ /sa bon gyi bdag po'i gzugs su zhes pa ni nye bar mtshon pa tsam yin te/ lha gsum dang khams gsum dang sku gsum dang ye shes gsum la sogs pa lhag par mos pa'i rnal 'byor gyi bsam par bya'o/ /gang zhes bya ba la sogs pas bzlas pa'i mthar phyag rgya chen po'i 'bras bu thob par bstan to/ /'dir sa bon gyi yi ge phra ba yin pas na ril bu dang 'dra bar bstan to/ /de ni phyag rgya chen po'i gzugs kyis kyang zhes bya ba la sogs pas 'khor lo'i rig pa 'dzin pa la sogs pa sngar bshad pa'i phyag mtshan bstan nas/ de 'dzin par byed pa rnam par snang mdzad la sogs pa'i sku rdo rje 'chang chen po yongs su gyur pa las 'byung ba'i rim pa bstan to/ /de bzhin du zhes bya ba la sogs pas snga ma bzhin du
- 108a
khyad bar gyi gnas gzung ba sngon du 'gro bar yan lag bcu ba'i ting nge 'dzin gyis rdzogs pa'i rdo rje 'chang chen po yongs su gyur pa las 'byung ba rnam bar snang mdzad la chen po yongs su gyur pa las 'byung ba rnam bar snang mdzad la pa'i 'khor lo la sogs pa gzung bas/ 'khor lo'i reg pa 'dzin pa la sogs pa'i gzugs can du 'gyur zhes bstan to/ /ting nge 'dzin lnga po ni go sla bsam bshad do/ /de ltar zhes bya ba la sogs pas dam tshig gang la de ni gnod sbyin mo dang klu mo dang lha ma yin mo la sogs pa'o/ /de rnams kyi dgug pa ni zhes pa ni sngar bshad pa'i rim pas dgug pa zhes nye bar bsdus pa'o/ /rnam pa thams cad ces pa la sogs bas rdo rje 'chang chen po'i bsgom pa mngon du bya ba sngon du 'gro bar bsgribs pa la sogs pa'i phyogs nas gnas pa'i bsgrub bya lcags kyu dang zhags pa dang rlung gi dkyil 'khor gyi gam du bkug nas dbang du bya'o/ zhes bstan to/ /skye ba la sogs pa rnams kyis blang bar bya ste zhes pa ni sogs pa'i sgras zhags pa dang rlung gi dkyil 'khor shes par bya'o/ /de nyid bstan pa'i phyir lcags kyus drangs nas zhes bya ba la sogs pa bstan te/ /rgyas btab pa zhes bya ba la sogs pas rdo rje sems dpa' dang 'dra ba'i bsgrub pa po la bya ba thams cad byed mi nus pa nyid bstan to/ /bshad ma thag pa'i zhes bya ba la sogs pas bdag la byin gyis brlab ba'i rim pas rnam par snang mdzad la sogs pa de bzhin gshegs pa gsum gyi bdag nyid can gyis bdag nyid du bsams la/ 'od zer spro ba dang sngagS bzlas ba dang ting nge 'dzin mngon du bya ba'i sgo nas rnam par snang mdzad la sogs pa dang 'dra bar 'gyur zhes bstan to/ /ji skad du gsungs pa'i mtshan nyid dang ldan par bsgom pa zhes pa ni mtshan dang dpe byad rnams kyis rnam par spros pa'o zhes bya ba'i don to
- 108b
sngags 'don pa'o zhes pa ni khro bo'i dag gam rdo rje'i dag gis sngags brjod pa'o/ /lag par gnas pa'i zhes pa ni gam du gnas pa'o/ /bsgrub par bya ste zhes bya ba ni gnod sbyin mo la sogs pa'o/ /bzlas par bya ba sngags kyi don zhes ba ni rang gi sngags dang yi ge las dang mthun pa'o/ /bsams na ni yid kyi bsams pa'o/ /rnam pa zhes bya ba la sogs pas rnam par snang mdzad la sogs pa'i rang bzhin yongs su shes nas 'di dag thams cad bsgrub par bya'o zhes bstan to/ /sku'i rang bzhin mi shes pas rang gi don yang 'grub bar mi 'gyur gyi 'jig rten pa la sogs pa'i dngos grub 'grub par 'gyur zhes smos ci dgos/ /de nyid kyi phyir rang bzhin yongs su shes pa nyid kyi mchod pa yin gyi gzhan ni ma yin no zhes bstan to/ /mchod pas mchod nas zhes pa ni/ /dngos med go 'phang la goms pas/ /lha yi gzugs ni bsgom pa te/ /sangs rgyas thams cad rang mnyes pa/ /des ni mchod pa chen por 'dod ces 'byung ngo/ /de lta bu'i rnal 'byor pas bshad ma thag tu sbyor ba 'di zhes pa ni dgug pa bsgrub par bya'o/ /de bzhin gsheD pa thams cad dang 'brel pa zhes pa ni de bzhin gshegs pa thams cad kyi rang bzhin rdo rje 'chang chen pos gsungs pa'o/ /sba bar bya ba dang zhes pa ni bya ba la sogs pa'i tshul brten pa'o/ /mchog tu gyur pa ni sbyor ba gzhan la bltos nas khyad par ro/ /bsdus par gyur pa zheS pa ni lta la sogs pa dgug par byed pas so/ /de nyid kyi phyir rnam par snang mdzad la sogs pa'i rnal 'byor pas 'da' bar bya ba ma yin pa zhes pa ni nges par bya ba'o/ /sdud pa po'i tshig ces bya ba la sogs pas dgug pa'i rab tu byed pa nye bar bsdus pa bstan te/ /mi ste ni srog chags thams cad kyi mchog yin pas so/ /de rnams kyi zhes bya ba ni dpal rdo rje bdud rtsi las gsungs pa'i ro langs gyi cho ga'i sgo nas de nyid kyis rang gi lag pas sbyin ba zhes bya ba'o/ /de yang mi bskyod pa'i rnal 'byor pas sngar bshed pa'i khro bo'i rgyal
- 109a
po'i gtor ma'i tshogs khro bo rnams la sbyin par bya'o/ /de nyid bstan pa'i phyir shi ba'i ro las byung bas na zhes bstan to/ /gtor ma'i cho ga 'dis mkha' la sbyod pa'i dngos grub thob par 'gyur ro/ /de nyid bstan pa'i phyir/ rang gi lus bsgrub par byas nas nam mkha' la gnas pa thob par 'gyur ro/ zhes bstan to/ /de yang kha na ma tho ba med ba zhes bya ba la sogs pas gtor ma'i cho ga bstan te/ de yang sngar bshad zin to/ /sha chen zhes bya ba la sogs pas lcags kyu lnga dang bdud rtsi lnga 'dres par byas nas sngags kyis byin gyis brlabs la khro bo'i rgyal po rnams la gtor ma byin nas rig pa 'dzin pa'i dngos grub thob par 'gyur ro zhes bstan to/ /glang po zhes bya ba la sogs pas glang po dang rta dang ba glang dang khyi'i sha sngar bshad pa'i rim pas blangs la sngags dang phyag rgya'i rim pas sbyang zhing rigs dang mthun pa'i khro bo'i rgyal po rnams la gtor ma byin nas mngon par shes pa lnga dang mi snang ba dang rgyal po la sogs pa dgug pa dang mkha' spyod kyi dngos grub rnams thob par 'gyur ro/ /kha na ma tho ba'i sha med na zhes bya ba la sogs pas cho ga gzhan yang bstan par bya ste / rnam par snang mdzad la sogs pa'i rnal 'byor pa rnams kyi de ma thag tu bshad pa'i bag bye la sogs pa'i rang bzhin gyi mi la sogs pa'i gzugs brnyan byas la mdun du bzhag ste/ ro langs kyi cho gas blangs te de rnams kyi srog dang bsgrub bya'i srog gcig tu bya ste/ rang 'pho ba'i rim pas srog dang bral bar gyur par bsams la /de'i yan lag gis sngar bshad pa'i khro bo la dbul ba'i cho gas khro bo'i rgyal po la gtor ma byin nas mkha' spyod la sogs pa'i dngos grub bsgrub par bya'o zhes bstan to/ /rdo rje sbyor ba zhes bya ba la sogs pas ji ltar? mngon par 'dod pa'i dngos grub thob par bstan to/ /lus rgyas par bya ba'i phyir zhes bya ba la sogs pas bskyed pa'i rim pas rdo rje 'chang
- 109b
chen po'i bsgom pa mngon du byas la rang gi sbyi bor yi ge hUM yongs su gyur pa las rdo rje sems dpa' i sku rang gi phyag rgya dang snyoms par zhugs pa'i dbang gi bdud rtsi'i rgyun 'dzag par byed par bsams la/ de'i rgyun rgyu bas sems dpa' gsum gyi bdag nyid kyi lus rtsa kun la spyod pa'i rim bas tshim par gyur par bsams par bya'o zhes bstan to/ /ye shes kyi bdag nyid yin pas ye shes kyang de yin la mi phyed pas rdo rje yang yin te / ye shes rdo rje ni byang chub kyi sems te khams mdza' ma'o/ /tshim par ni spyod pa zhes bya ba la sogs pas nye bar bsdus pa bstan to/ /de ni las kyi rgyal po mchog gi ting nge 'dzin gyi phyogs gcig go /rigs kyi dbye bas zhes bya ba la sogs pas bza' ba sogs kyi rgyal ba mchog gi phyogs gcig bstan to/ /rigs lnga'i rnal 'byor pa rnams so zhes pa ni rnam par snang mdzad la sogs pa'i sgrub pa po rnams so/ /de rnams kyi nang na thugs kyi rig mchog yin pas mchog ni mi bskyod pa'i rigs zhes bya'o/ /der gnas nas zhes pa ni rnal 'byor de la gnas pa'o/ /hUM zhes bya ba la sogs pas mi bskyod pa'i rnal 'byor pas yi ge hUM yongs su gyur pa las lcer bsgoms la/ de'i steng du kha dog dkar po'i yi ge hUM yongs su gyur pa las phra mo'i rdo rje rnam par bsams la sgrub thabs las bshad pa'i rim pas lag pa dgong pa lkog ma dag pa mngon du 'gro bar bza' ba dang btung ba la sogs pa khyad par bya'o zhes nang gi bdag nyid kyi sbyin sreg gi cho ga bstan pa dang/ de bzhin du 'od dpag tu med pa'i dang rnam par snang mdzad kyi steng du rnal 'byor ba bdag gis rang gi yig 'bru yongs su gyur pa las bskyed pa'i lce la yi ge A:dang oM yongs su gyur pa las pad+ma dang 'khor lo snga ma bzhin du bkod la/ bza' ba dang btung ba la sogs pa sngam? bzhin du spyod par bshad do/ /zas su byas pa'i sbyor bas na zhes bya ba la nang gi bdag nyid kyi sbyin sreg gi cho ga'i mtshan nyid kyis so/ /lus la
- 110a
sogs pa'i shin tu sbyangs pa thob nas zhes bya ba la sogs pas lus dang ngag dang sems kyi bde ba thob nas rim gyis rdzogs pa'i rim pa bsgom pas so/ /rdo rje 'chang chen po dang 'dra bar 'gyur ba'o zhes bstan to/ /bdud rtsi byed pa'i zhes bya ba la sogs pas tshim par bya ba dang bza' ba'i cho gnye bar bsdu ba bstan to/ /'di yang las kyi rgyal ba mchog gi ting nge 'dzin gyi phyogs gcig bstan to/ /sgra ji bzhin pa'i zhes pa ni bskyed pa'i rim pa'i phyogs gcig tu gyur pa las kyi rgyal ba mchog gi ting nge 'dzin so sor bstan pas so/ /rnal 'byor pa'i bya ba'i zhes bya ba la sogs pas 'khor lo'i rig pa 'dzin pa la sogs pa'i dngos grub bstan nas/ gang gi tshe go rim gyis de rnams kyis rdzogs pa'i rim pa rtogs par 'gyur na/ de'i tshe rdzogs pa'i rim pa la gnas pa de rnams kyis phyag rgya chen po'i dngos grub bsgrub pa'i phyir thabs ni rgyu ste lam du bsten te/ /sku dang gsung dang thugs te zhes pa ni snang ba la sogs pa'i ye shes gsum mo/ /de gang du mnyan par thim par gyur pa zhes bya ba ni skad cig ma gcig gi mi snang bar 'gyur ba'o/ /don dam pa'i bden pa zhes pa ni 'od gsal ba ste rim pa gnyis pa dang bzhi pa dag gi thob par bya ba'o/ /de nyid 'jig rten gyi dngos grub la bltos pas 'jig rten las 'das pa'i rang bzhin te grub mchog go zhes pa'o/ /der ni mtshon pa'i bdun pa'o/ /des na 'od gsal ba thob par gyur nas snang ba nye bar thob pa la sogs pa'i rim pa'am cig car du rdo rje'i sku 'am ye shes kyi sku byung ba gang gang yin pa de ni chos dang longs spyod dang sprul pa'i sku'i mtshan nyid ces bya'o/ /de nyid mi phyed pas na rdo rje rnal 'byor pa gang gi bsgom pas de ni rdo rje 'chang chen por 'gyur ro zhes phan yon bstan to/ /de sems la dmigs pa dang bdag la byin gyis brlabs pa dang mngon
- 110b
par byang chub dang zung du 'jug pa'i rim pa rnams bstan to /de ltar zhes bya ba la sogs pa de kho na nyid thob pa'i rnal 'byor? pas cho 'phrul thob par bstan to/ /phyogs bcu na gnas pa'i sems can thams cad ces pa ni dngos grub thob pa'i rig pa 'dzin pa'i nang na'o/ /yid bzhin nor bu rgya mtshor 'gyur bas na zhes pa ni bsam pa thams cad rdzogs par byed pa'i phyir ro/ /de bzhin du 'jig rten las 'das pa'i rnam bar smin pa'i sku dang ldan pas rdo rje'i sku zhes pa'o/ /snang bar byed pa zhes bya ba la sogs pas zla ba dang nyi ma'i 'od pas lhag par gzi brjid dang ldan par 'gyur ro zhes bstan to/ /de ni rdo rje 'chang chen po'i dngos grub yin no/ /rnam par snang mdzad ces bya ba la sogs pas de kho na nyid thob ba'i bdag nyid rgya che ba bstan pa dang/ rnam par snang mdzad la sogs pa'i 'khor lo'i rig pa'i dzin pa la sogs pa'i dngos grub thob nas rnam par snang mdzad la sogs pa dang 'dra ba'i sku gsung thugs dang ldan par 'gyur ro zhes bstan to/ /bshad ma thag pa'i dngos po thams cad ni rig pa 'dzin pa la sogs ba'i sku rdzogs pa'i mtshan nyid kyi bsgom pa gang yin pa gang yin ba'i rgyu de rnams kyi bsgrubs pa ni rdzogs pa'o/ /gaM gA'i klung gi zhes bya ba la sogs pa'i cho 'phrul gyi dbang gis khams gsum pa mnan par bstan to/ / mkha' 'gro ma dang mkha' 'gro ma la sogs ba'i dam tshig ces pa ni phyi rol gyi mu stegs pa'i mkha' 'gro ma la sogs pa'i dam tshig rnams so/ /de rnams kyi bdag tu lta ba la sogs pa med pa'i phyir de rnams kyi dam pa'o zhes pa ni de bzhin gshegs pa'i dam tshig ste bsrung par bya ba dang bza' ba bya la sogs pa'o/ /de rnams kyi bsgrub par zhes pa ni rnams sgrub par byed pa'o/ /spags shes pa na yig 'bruAm phyung ba'i sngags rnams so/ /de 'dzin par byed bas ni rig pa 'dzin pa ste zhes pa 'dis so sor
- 111a
rigs pa thob pa nyid du bstan to/ /de rnams kyi yang gtso bor 'gyur ba'o/ zhes pa ni 'jig rten dang 'jig rten las 'das pa'i mkha' 'gro dang mkha' 'gro ma rnams kyi bdag por 'gyur te/ ston pa yin pa dang sprul par mdzad pa yin pa'i phyir ro/ /rdo rje'i sku ni zhes bya ba la sogs pas phyi dang nang gi mkha' 'gro ma la sogs pa'i dngos grub thob par 'gyur na phyag rgya chen po'i dngos grub thob par 'gyur ba dang/ de thob pas lus la sogs pa mi snang bas mi mngon pa'i mtshan nyid kyi cho 'phrul 'byung ba dang rang gi 'od kyis stong gsum la sogs pa'i 'jig rten gyi khams snang bar 'gyur ba dang ji srid de bzhin gshegs pa thams cad kyis yang phun sum tshogs pa ni bdag nyid che ba'i nus pa le'u bcu pa nas gsungs pa'i snying po bskul ba'i rim pas 'phrog par byed pa dang/ de bzhin du brgya byin la sogs pa lha'i mchog gdul bar bya ba'i phyir de rnams kyi btsun mo'i stobs kyis bkug nas spyod pa dang snyoms par 'jug pa'i rim pas rdo rje rnal 'byor ma'i ngo bo byed pa'o zhes bstan to/ /gaM gA ces bya ba la sogs pas lha'i mig gis yul dang dus dang rang bzhin gyis bskal pa'i dngos po mthong par bstan to/ /gaM gA glung gi zhes bya ba la sogs pas lha'i rna ba'i dngos grub thob pa bstan to/ /'jig rten gyi khams zhes bya ba la sogs pas pha rol gyi sems shes pa nyid bstan to/ /rang bzhin brgya drug cu'i rgyur gyur pa zhes pa ni 'dod chags la sogs pa'i sems las byung ba dang ldan pa pha rol gyi rnam par shes pa gsum shes par 'gyur ro/ /dge ba dang mi dge ba'i las kyi dbang gis zhes bya ba la sogs pas 'jig rten sna tshogs las las 'byung zhes bya ba'i rigs pas bde 'gro dang ngan 'gro'i rang bzhin gyi 'gro ba lnga'i 'khor ba dang 'chi 'pho ba dang skye ba la sogs pa 'das pa'i zhag gsum dang 'dra
- 111b
bar zhes bya ba'i shin tu nye ba'i dus kyis dpes sngon gyi gnas rjes su dran pa bstan to/ /gaM gA'i klung zhes bya ba la sogs pas rigs lnga'i rang bzhin de bzhin gshegs pa spros pas tshad med cing grangs med pa'i bskal pa la gnas te 'gro ba'i don byed pa zhes bya ba 'dis cho 'phrul bstan to/ /'od gsal ba'i 'brel pa dang ldan pas rdo rje cho 'phrul mchog dang ldan no zhes bya ba 'dis zag pa zad pa zhes bya ba mngon par shes pa drug pa bstan to/ /rdo rje spyan zhes bya ba la sogs pas 'od gsal bas de kho na nyid rtogs par 'gyur na lha'i mig la sogs pa thob par 'gyur ro zhes bstan to/ /'di dag gi zhes bya ba la sogs pas rtsis med cing tshad med pa'i sems can gyi las la rtsol ba dang ldan pas gzhan gyi don phun sum tshogs pa bstan to/ /gaM gA zhes bya ba la sogs pas grangs las 'das pa pho nya dang pho nya mo dang bran dang bran mo dang bka' nyan dang bka' nyan mo la sogs pa mchod pa'i yo byad du ma dang ldan pas yongs su bskor zhing mdun du byas pas chos bstan pa'i sgo nas mdza' yas pa'i 'jig rten gyi khams na bzhugs par 'gyur ro zhes bstan to/ /'bras bu'i phyogs gcig ces pa ni nye bar mtshon pa tsam yin te/ gzhan dag kyang gnas dang gnas ma yin pa'i mkhyen pa'i stobs la sogs pa'i stobs bcu dang sa bcu dang pha rol tu phyin pa dang so sor yang dag par rig pa dang gzungs dang rnam par thar pa dang mi 'jigs pa dang ma 'dres pa'i sangs rgyas kyi chos dang ldan par 'gyur ro zhes brjod par bya'o/ /bzhugs pa'i tshig ces bya ba la sogs pas gleng gzhi'i tshig nas brtsams te le'u bcu gnyis pa'i tha mal pa'i bsgrub pa ni bskyed pa'i rim pa dang mchog gi rdzogs pa'i rim pa so sor bstan pa ni ji ltar 'byung ba bshad nas bskyed pa'i rim pa ni ti nge 'dzin gsum gtso bor gyur pa bsgrub pa ni bsgrub pa'i don du yan lag ni bsnyen pa la sogs pa'i mtshan nyid kyi yan lag bzhi yang gsal bar?
- 112a
bya ba'i phyir ni rgyas par bshad pa'i phyir bstan par bya ste/ bsnyen cing dmigs par bya ba yin bas na zhes pa ni mdor bstan pa'o/ /de la bsdus pa'i don ni 'di yin te/ snying rje chen po sgom pa sngon du 'gro bar gnas gzung ba dang bgegS ? dang dag bstong pa nyid bsgom pa dang ye shes kyis gzhi bsgom pa dang gzhal yas khang pa bskyed pa dang lhag par mos pa'i dkyil 'khor bsgom pa dang/ don dam pa'i dkyil 'khor bsgom pa ste bsnyen pa'o/ /de nas yig 'bru dgod pa dang de yongs su gyur pa las nyi ma dang zla ba dang pad+ma bsgom pa dang yi ge gsum dgong pa dang/ de yongs su gyur pa las zla ba'i dkyil 'khor dang/ de la nyi ma la sogs pa zhugs pa dang de'i steng du yig 'bru dgod pa zhes bya bas ni nye bar bsgrub pa'o/ /sa bon yongs su gyur pa las sku rdzogs pa dang/ ye shes sems dpa' dang ting nge 'dzin sems dpa' bsgom pa dang phung po dang khams dang skye mched byin gyis brlab pa sku la sogs pa byin gyis brlab po zhes pa ni bsgrub pa ste dang po sbyor ba'o/ /phyag rgya legs par spyangs pa dang rdo rje dang pad+ma snyoms par zhugs pa dang/ rjes su chags pa dang mchod pa dang badzra d+hika ces bya ba la sogs pa'i byung ba'i sngags kyis mi bskyod pa la sogs pa spro ba dang de rnams kyis kyang 'gro ba'i don bya ba dang/ dbang bskur ba rlab pa dang sku la sog ba dang rgyas btab pa ste dkyil 'khor rgyal pa mchog go phra mo'i rnal 'byor dang bzlas pa'i cho ga dang bya ba byas nas 'od du zhu ba dang lha mo rnams kyis bskul ba dang langs pa de la de bzhin gshegs pa lngas bstod pa dang tshim pa'i cho ga dang nang gi sbyin sreg dang gtor ma dang/ mchod pa dag dang gshegs su gsol ba dang nyal ba ste bsgrub pa chen po ni las kyi rgyal ba mchog go /de ltar bsnyen pa la sogs pa'i yan lag bzhi ting nge 'dzin gsum gyis bsdus so/ /dang por sbyor ba yan
- 112b
lag bzhi'i bdag nyid kyis bsnyen pa dang nye bar sgrub pa dang sgrub pa gsum bsdus pas so/ /dkyil 'khor rgyal ba mchog dang las kyi rgyal ba mchog dag gis sgrub pa chen po gcig bsdus so/ /de nyid bstan pa'i phyir de bzhin nyid ni snying rje chen po mngon du 'gyur ba sngon du 'gro bas bgegs bskrad pa'i 'og tu stong pa nyid bsgom pa zhes bya ba'i tha tshig go /de nas sa'i cha la sogs pa yang dag par sbyang zhing zhes pa ni ye shes kyi sa gzhi bskyed pa dang gzhal yas khang pa 'byung ba dang/ lhag par mos pa'i dkyil 'khor dang don dam pa'i dkyil 'khor bsgom pa'o/ /nye bar bsdu ba bshad par bya ste/ stong pa nyid dmigs pa zhes pa ni don dam pa'i dkyil 'khor bsgom pa'i bar du yan lag dang po ste bsnyen pa zhes bya'o/ /nyi ma la sogs pa dmigs pa zhes la ni don dam pa'i dkyil 'khor bsgom pa'i 'og tu yig 'bru dgong pa dang yongs su gyur pa las nyi ma dang zla ba dang pad+ma bsgom pa dang/ de'i steng du yi ge gsum yongs su gyur pa las zla ba'i dkyil 'khor bsgom pa dang de la nyi ma la sogs pa 'jug pa dang chos kyi dbyings kyi sngags kyis rang gi sems so sor rtogs pa dang/ de'i steng du yig 'bru dgod pa'o/ /de nyid bstan pa'i phyir/ de nyid sngags rnam par dgod pa'i mthar thug pa 'byung ba ni zhes bstan to/ /nye bar sgrub pa 'byung ba ste gnyis pa ni yan lag gnyis pa'o/ /sgrub pa ni sku bsgrub pa'o/ /nye bar bzhag pa ni dmigs pa'i don du ni yig 'bru yongs su gyur pa nas phyag mtshan bsgom pa dang sku sgrub pa bstan to/ /gsol ba 'debs pa ni phung po dang khams dang skye mched byin gyis brlab pa dang sku la sogs pa'i byin gyis brlab pa'o/ /mnyam par gyur pa ni mi 'da' ba' i phyir ye shes sems dpa' dang ting nge 'dzin sems dpa' i bsgom pa zhes bya'o/ /de nyid bstan pa'i phyir/ /sgrub pa'i don ni dbus kyi gtso bo bskyed pa'i mtshan nyid kyi rnal 'byor ro/ /dam tshig ni
- 113a
ting nge 'dzin sems dpa' dang ye shes sems dpa' bsgom pa'i mtshan nyid de rjes su rnal 'byor ro/ /sngar bshad pa'i gsol ba btab pa yang phung po la sogs pa byin gyis brlab pa shin tu rnal 'byor dang/ sku la sogs pa byin gyis brlab ba ni rnal 'byor chen po zhes bstan to/ de ltar rnal 'byor bzhi'i bdag nyid kyi dang po sbyor bas bsnyen pa dang nye bar bsnyen pa dang sgrub pa gsum bsdus so/ de ni gsum pa ste sgrub pa'i yan lag go /lhag ma zhes bya ba la sogs pas dang po sbyor ba la bltos nas ting nge 'dzin gnyis po gang yin pa de gnyis kyis sems can gyi khams la don 'grub pas na sgrub pa chen po zhes bya ba yan lag bzhi pa bstan to/ /de ltar yan lag bzhi po zhes bya ba la sogs pas de bzhin gshegs pa rigs lnga'i dbye ba bsgom pas yongs su shes te 'chad par 'gyur ba ni le'u bcu gsum pa la sogs pa'i las kyi tshogs dang bshad pa ni le'u dgu pa la sogs pa las dam tshig lnga'i sgom pa la sogs pa rnal 'byor bar bsgrub par bya'o zhes bstan to/ /mdor bstan pa'o zhes pa ni bsnyen pa la sogs pa mdor bstan bsdus pa bshad ba'o/ /mdor bstan pa zhes bya ba la sogs pas de rnams rgyas par bshad pa bstan to/ /byang chub kyi sems la dmigs pa ni zhes bya ba nas bsgom par bya'o zhes bya ba'i bar du ni don dam pa'i dkyil 'khor bsgom pa'i mdza' i bar du bsnyen pa rab tu bstan to/ /nyi ma zhes pa nas phyag rgya chen po'i gzugs su bskyed pa na zhes pa ni nye bar sgrub pa bstan to/ /phyag rgya chen po'i grub pa'o zhes pa nas sngags kyi bdag po bsgoms pa yis zhes bya ba'i bar du ni sgrub pa zhes bya pa'i yan lag gsum pa bstan to/ /de nyid bstan pa'i phyir/ sngags kyi yi ge ma lus par bkod la zhes smos te/ phung po dang khams dang skye mched rnams la sa'i snying po la sogs pa'i yig 'bru'i tshogs rnam par bkod nas so/ /rnam
- 113b
par snang mdzad la sogs pa nas gnod mdzes kyi bar zhes pa'i sku'i dkyil 'khor gyi rang bzhin no/ /de rnams kyis skye mched de zhes pa ni gnas te gzhi'o/ /de gang yin zhe na/ gzugs kyi phung po la sogs pa zhes bya ba ni de la phung po rnams la oM la sogs pa yi ge lnga dang skye mched la lha thams cad la sogs pa yi ge brgyad pa dang/ khams la laM la sogs pa'i yi ge bzhi dang yan lag dang nyid lag thams cad la gshin rje mthar byed la sogs pa'i yig 'bru rnams dgod do/ /rim pa gsum gyi go rim shes pa ni shin tu rnal 'byor gyi rim pas so/ /rgyu dang 'bras bu yongs su shes nas zhes pa ni rgyu ni yig 'bru rnams so/ /'bras bu ni de las byung ba'i sku rnams so/ /yongs su shes pa zhes pa ni yongs su gyur ba las mig la sogs pa de rnams kyis mtshon pa shes nas so/ /shin tu rnal 'byor gyi 'og tu sangs rgyas sku 'dzin zhes bya ba la sogs pa'i tshigs su bcad pa'i sgo nas spyan ma la sogs pas bkug pa'i rnam par snang mdzad la sogs pa dang ro gcig par gyur pas sku la sogs pa byin gyis brlab ste rnal 'byor chen po bstan to/ /de ni yan lag bzhi pa dang po sbyor ba bstan pa yin no/ /sgrub pa chen po zhes bya ba nas sgra ji bzhin pa'i bar du dkyil 'khor rgyal ba mchog dang las kyi rgyal ba mchog ste sgrub pa chen po bstan to/ /rang gi lhag pa'i sbyor ba 113b6rgyud 'grel): dang ldan ba zhes bya ba la sogs pas ji ltar 'dod pa'i lha bsgom pas yan lag gsum pa'i 'og tu sgrub thabs las gsungs pa'i rim pas phyag rgya legs bar sbyangs te rdo rje dang pad+ma byin gyis rlabs nas snyoms par 'jug pa'i gong du rjes su chaD pa'i sngags dang mchod pa'i sngags brjod la snyoms par zhugs par bya ste/ de bzhin gshegs pa thams cad 'jug pa sngon du 'gro ba badzra d+h+ri ka ces bya ba la sogs pa'i phyung pa'i sngags kyis dkyil 'khor pa rnams sprul la/ dbang bskur ba dang
- 114a
rgyas gdab par bya ste dngos grub thob par 'gyur ro zhes bya ba 'dis phra mo'i rnal 'byor bzlas pa dang 'og tu zhu ba dang lha mo rnams kyis bskul ba dang ldang ba dang/ de bzhin gshegs pa rnams kyis bstod pa tshin ? pa dang nang gis sbyin sreg dang mchod pa dang gtor ma dang gshegs su gsol ba dang nyal bar byas nas rdo rje 'chang chen po nyid thob par 'gyur ro zhes bya ba 'dis ting nge 'dzin gnyis kyi bdag nyid kyi sgrub pa chen po bstan to/ /sgra ji bzhin pa'o zhes pa ni ting nge 'dzin gsuM gyi rang bzhin gyi yan lag bzhi bstan pa'i phyir ro/ /de ltar zhes bya ba la sogs pas bskyed pa'i rim pas rdo rje 'chang chen po'i sku bskyed pa bstan nas rdzogs pa'i rim pas kyang bstan par bya ste/ gsang ba 'dus pa'i rgyud phyi ma zhes bya ba la sog pas rim pa gnyis kyi dbye ba bstan par bya ste/ thun mong mchog gi dbye ba yis shes pa ni bsnyen pa rnam pa gnyis te/ thun mong gi bsnyen pa dang/ mchog gi bsnyen pa'o/ /de la thun mong gi bsnyen pa ni rdo rje bzhi po te sngar bshad pa'o/ /mchog gi bsnyen pa ni yan lag drug pa'i mtshan nyid de/ yan lag drug la brten nas rdo rje 'chang chen po rdzogs par 'gyur pas so/ /bsnyen cing thar 'dod pa zhes pa ni rdo rje 'chang chen po rdzogs pa'i mtshan nyid kyi thar pa 'dod pas slob pas na bsnyen pa'o/ /yongs su dag pa'i lha'i sku zhes pa ni rdo rje 'chang chen po'i sku ste ye shes kyi sku 'am rdo rje'i sku'o/ /ye shes rdzogs pa'o/ /de nyid bdud rtsi ste bcud kyis len te yan lag drug gi sbyor ba'i mtshan nyid de'i rgyur gyur par bya'o/ /rnam pa thams cad kyi bdag nyid ni lus ngag yid kyis so/ /dus thams cad dang zhes pa ni thun thams cad dang nyin mo dang mtshan mo la'o/ /spyod lam thams cad du'o zhes pa ni ldang ba dang 'dug pa dang nyal ba'i ste 'chag pa zhes bya ba ste bzhi la'o/ /ji skad du
- 114b
gcer bu 'am ni gcer bum? ni/ /gang dang gang du ji bzhin pas/ /rang gi lhag pa'i lha dmigs nas/ /de nyid gcig pu bsam par bya/ zhes 'byung ngo/ /'di ni zhes bya ba la sogs pas rnal 'byor drug po de nyid kyis bsnyen pa bya'o zhes bstan to/ /sprul zhes bya ba la sogs pa'o// zhes pa ni sprul dang mgo med dang mdza' med dang/ bsdu pa la sogs pa ste ming bstan to/ /lha'i de kho na nyid do zhes pa ni sngags kyi brjod bya lha rnams te don to/ /de bsan yan lag drug gi rnal 'byor zhes bya ste gang gi phyir sngags dang lha'i de kho na nyid kyi rang bzhin de bsan nges ni yan lag drug gi rnal 'byor gyi rim pas bsnyen par bya'o/ zhes pa ni mchog gi bsnyen pa bsgom par bya'o/ /de'i zhes bya ba la sogs pas rgyud phyi ma las tshad ma nyid du bstan to/ /yan lag drug ni sngar bshad pas so/ /bsnyen pa ni rdzogs pa'i rim pa'i bsgom par bya'o/ /mchog tu sgrub ni rdo rje 'chang chen po'i go 'phang bsgrub par bya'o/ /gzhan dag ni zhes bya ba la sogs pa gal te de ltar mi phyed na de'i tshe dngos grub mchog ni rdo rje 'chang chen po'i dngos grub thob par mi 'gyur te/ rdzogs pa'i rim pa'i thabs gzhan med pa'i phyir ro/ /so sor sdud ces bya ba la sogs pas mdor bstan pa ste/ yan lag drug po ni dang po mdor bsdus pa'i sgo nas gsungs pa'i phyir ro/ /bshad par bya ba'i phyir zhes bya ba la sogs pa rgyud phyi ma tshad mas tshigs su bcad pa bcu gnyis kyis de rnams rgyas/ par bstan par bya ste/ /bshad par bya ba'i phyir zhes pa la sogs pas yan lag drug po de rnams spros nas bshad par bya ste/ dbang po don bcu rnams kyis yang zhes bya ba la sogs pas de nyid ston par byed de/ rdzogs pa'i rim pa'i rnal 'byor pas phyag rgya chen po'i sku cig car du dmigs la mig la sogs pa'i dbang po'i sgo nas 'dod pa' yon tan lnga pa ngan pa dang 'bring dang mchog gi dbye bas gcig tu brtags la rnam par snang mdzad la sogs pa de bzhin gshegs pa'i tshogs rang gi lus kyi dkyil 'khor la
- 115a
gnas pa mchod par bya zhes mos par bya te/ dbang po gnyis sbyor ba'i ting nge 'dzin gyi nye bar spyod pa gang yin pa de ni so sor sdud pa zhes bya ba yan lag dang po yin te gzugs la sogs pa re re spyod pa'i phyir ro/ /gang gi phyir nyan thos pa rnams kyis yul rnams la sems bzlog cing nang du chud pa la sogs pa gang yin pa de/ de rnams kyi sdud pa yin no/ /de'i 'og tu yul dang dbang po'i tshogs de rnams gcig tu byas te/ lnga nyid du rnam par bzhag nas de bzhin gshegs pa'i ye shes lnga'i rang bzhin 'di dag yin no zhes rtags pa gang yin pa de ni bsam gtan zhes bya ba yan lag gnyis pa'o/ /de'i dbye ba lnga ste/ rtog pa dang/ dpyod pa dang/ dga' ba dang/ bde ba dang/ sems rtse gcig pa nyid ces bya'o/ /de la yul nye bar spyod pa'i dus su dbang po dang yul dang rnam par shes pa gang yin pa de dag thams cad de bzhin gshegs pa lnga'i bdag nyid yin no zhes rtog pa ni rtog pa ste/ mngon du rgyu ba yin pa'i phyir ro/ /de rnams ye shes lnga'i rang bzhin yin no zhes rtog pa ni dpyod pa ste/ rags pa'i rnam par rtog pa spangs nas phra ba yin pas so/ /rtog pa dang spyod pa gnyis mchog tu 'dzin pas de kho na nyid la mngon du gyur pa ni bdag yin no zhes bsams nas dga' ba'i khyad par skyes pa gang yin pa de ni dga' ba zhes bya ba ste gsum pa ste/ sems dang byed pa'i phyir ro/ /sems kyi bde ba de thob nas lus kyang shin tu sbyang bar gyur pa gang yin pa de ni bde ba'o/ /bde ba dang yid bde ba yang spangs nas mig la sogs pa'i rnam par shes pa de dang sbyor ba ste/ shes pa dang zhes bya ba'i rang bzhin ldog pa rab tu zhi ba nam mkha' dang mtshungs pa 'od gsal ba la gnas pa tsam du 'jug pa gang yin pa de ni sems rtse gcig pa zhes bya'o/ /de la bsdus pa'i don ni 'di yin te rtog pa dang dpyod pa ni rtog pa dang
- 115b
bcas pa yin par snang ba'i ye shes so/ /dga' ba ni snang ba mched pa'i ye shes so/ /bde pa ni snang ba thob pa'i ye shes so/ /sems rtse gcig pa nyid ni 'od gsal pa ste thams cad stong pa zhes bya ba ste kho na nyid de zhes dgongs pa ? yan dam tshig gi phyag rgya la sogs pa dang 'brel pas byung ba yin gyi gzhan du ni ma yin no/ /tha mal pa'i yul du nye bar spyod na de mi bskyod pa'i phyir ro/ /yul gyi khyad par spyod par 'gyur ba de 'byung bas so/ /de'i yan lag lnga dang ldan pa yan lag gnyis pa zhes bya'o/ /de'i 'og tu thabs dang shes rab snyoms par zhugs pas yan lag thams cad kyi tshigs las byang chub kyi sems kyi thig le spros te snying ga la sogs par sngags kyi thig le de nyid dmigs la sna'i rtse mor dkyil 'khor bzhi 'char? ba'i dus su g.yas pa la sogs pa'i sgo nas 'byung ba bsams te/ dmar po la sogs pa'i kha dog dang ldan pa rgyun mi 'chad pa/ 'khrul 'khor bzhin du 'jug pa dang gnas pa dang ldang ba'i bdag nyid yan lag ma nyams pa'i zlas pa la sogs pa gang yin pa de ni srog dang rtsol ba zhes bya ba yan lag gsum pa ste/ rlung gi de kho na nyid kyi ngo bo yin pas so/ /pad+ma'i sna rtse zhes bya ba ni nye bar mtshon pa ste rdo rje'i sna rtser yang gzung bar bya ste/ sgom pa rnams ni bud med dang skyes pa'i dbye ba dang ldan pas so /de'i 'og tu thig le de nyid kyi gzugs srog dang rtsol ba'i rim pa nye bar sdus pa/ 'gro ba dang 'ong ba thams cad shi ba sgo 'gags pa dbus ma la sems cam zhugs pa de tsam gyi gnas skabs kyis bsgom pa gang yin pa de ni rtog pa dang bcas pa'i rnam par shes pa 'gags pa 'dzin pas ni 'dzin pa zhes bya ba yan lag bzhi pa zhes bya'o/ /'dzin pa la sems 'jug na phyi rol gyi 'byung ba chen po lnga'i rnam par rtog pa spong bas de kho na nyid las mi bslu ba'i rtags las byung bar te me'i du ba bzhin no/ /de las chu la thim
- 116a
bar gyur na smig rgyu'i rtags pa 'byung bar 'gyur ro/ /chu las thim pa smig rgyu 'byung ba ste/ dngos po'i chos yin no/ /me la chu thim pas du ba 'byung ba ste/ dngos po'i chos yin pas so/ /rlung la me thim pas srin bu me khyer dang 'dra ba ? snang ba'i rtags 'byung ba'o/ /rlung dang me phrad par 'bar ba 'byung ba zhes dngos po'i chos yin no/ /srin bu mkhyer ni 'bar bas gsal ba'i gzugs can srin bu dang bcas pa'o/ /rnam par shes pa'i khams la rlung thim na mar me'i rtags 'byung ste/ snang ba gsum ni gsal ba'i rang bzhin yin pas so/ /rang bzhin dang snang ba 'od gsal ba la thim na 'ba' zhig dri ma med pa mdza' yas pa sprin med pa'i nam mkha' dang 'dra ba thams cad stong pa'i de kho na nyid 'byung ngo zhes rtags ldas mya ngan las 'das pa 'od gsal ba'i go 'phangs thob par byed pa'o/ /'di las dang mdza' rnam par byed pa'i theg pa chen po'i mdo'i tshad mas/ dang pos ni tshur thim zhing/ zhes bya ba la sogs pas gsal bar byas so/ /de'i 'og tu rtags lnga mtshon par gyur na 'od gsal ba la 'jug pas chad pa'i phyogs 'di yin zhes shes nas de spong ba'i phyi'i rim pa 'di nyid kyis thig le de las mdza' yas pa'i de bzhin gshegs pa spros zhing mdza' yas pa'i nam mkha' i khams khyab pa gang yin pa de ni rjes su dran pa yan lag lnga pa ste 'od gsal ba'i rjes las dran pa'i phyir ro/ /rtag pa'i phyogs 'di yin no zhes bya ba de bzhin gshegs pa thams cad kyi rang bzhin mi gnas pa'i mya ngan las 'das pa'i ngo bo sku 'dzin pa gang yin pa de ni ting nge 'dzin zhes bya ba yan lag drug pa zhes bya'o/ /des na bsdus pa'i don 'di ste/ so sor sdud pa dang bsam gtan dag ni sems rnam par dag pa'i rim pas bsdus so/ /srog dang rtsol ba ni rdo rje bzlas pa'i rim pas so/ /'dzin pa ni mngon par byang chub pa'i rim pas so/ /rjes su dran pa ni bdag la byin gyis brlab pa'i rim pas so/ /ting nge 'dzin
- 116b
ni zung du 'jug pa'i rim pas bsdus so/ /zhes yan lag drug gi rnal 'byor ni rim pa lnga'i bdag nyid yin no zhes shes par bya'o/ /dpal rgyu 'phrul dra ba zhes bya ba la sogs pas lus tshad ma nyid du bstan to/ /rnal 'byor rnams zhes bya ba ni dam bca' pa'o/ /byin gyis brlabs dang zhes bya ba la sogs pas mdor bstan pa'o/ /byin gyis brlabs tsam gyis nga rgyal bskyed ces bya ba la sogs pas rgyas par bshad par bya ba'o/ /de la lhag par mos pa'i dkyil 'khor du lha'i nga rgyal gyi sgo nas/ rdo rje 'chang la sogs pa bsgom pa gang yin pa de ni byin gyis brlabs pa'i rnal 'byor ro/ /zla ba dang rdo rje la sogs pa'i mngon par byang chub ba lnga'i rim pas sku bskyed pa ni brtags pa'i rnal 'byor ro/ /bdag la byin gyis brlab pa'i rim pa'am zung du 'jug pa'i rim pas sku byung ba gang yin pa de ni rdzogs pa'i rnal 'byor zhes bya'o/ /de bsan rnal 'byor gnyis ni bskyed pa'i rim pa'i yan lag dang gcig ni rdzogs pa'i rim pa'i yan lag ces bya'o/ /de bzhin du rnam par snang mdzad mngon par byang chub pa zhes bya ba'i tshad ma? brtags pa dang yongs su dag pa'i dbye bas lha'i sku rnam pa gnyis su bstan to/ /de la zhes bya ba la sogs pas ye shes kyi sku dang rdo rje'i sku sgyu ma la sogs pa'i rang bzhin dang kun rdzob dang don dam pa dbyer med pa'i ngo bo yongs su dag pa'i bdag nyid rgyas par bstan to/ /yongs su ma dag pa zhes bya ba la sogs pas mtshan ma dang bcas pa sa bon yongs su gyur pa las skyes pa dbyibs dang kha dog la sogs pa dang ldan pa brtags pa'i rnal 'byor rgyas par bstan to/ /de la zhes pa ni nges par gzung ba la'o/ /rnam pa gnyis ni dbye ba gnyis kyis so/ /lha'i gzugs ni rdo rje 'chang la sogs pa'i gzugs so/ /bya ba gnyis ni 'bras bu gnyis 'grub bo/ /mtshan ma bcas pas shes pa ni rdo rje dang zla ba la sogs pa las skyes pa'i gzugs kyis so/ /mtshan
- 117a
ma dang bcas pa'o zhes pa ni rtogs pa dang bcas pa ste/ zhi ba la sogs pa'i mtshan nyid can gyis dngos grub skye bar 'gyur ro /mtshan ma med pa zhes pa ni ye shes kyi sku'i mtshan nyid dam rdo rje'i sku'i mtshan nyid do/ /mtshan ma med pa ni sgyu ma lta bu dang 'od gsal ba so sor rtog pa'i mtshan nyid kyi dngos grub 'byung bar 'gyur ro/ /de bas ni mtshan ma med pas zhes pa ni 'od gsal ba'i ting nge 'dzin la dmigs nas so/ /mtshan ma dang bcas pa'i zhi ba la sogs pas dngos grub 'byung bar 'gyur te/ de kho na nyid la 'jug pa'i 'bad rtsol med pas zhi ba la sogs pa 'grub pa'i phyir ro/ /brtags pa'i rnal 'byor gyis 'bad rtsol gyis 'grub po zhes bya'o/ /de bas na rnam pa thams cad du ni rtsol ba thams cad kyi mtshan ma med pa ni rdzogs pa'i rim pa'i ting nge 'dzin bsten par bya ba ni bslab par bya ba'o/ /dgongs pas bshad pa zhes pa ni ye shes bdud rtsi la sogs pa 'gal ba'i sgra'i sgo nas yan lag drug gi rnal 'byor gyi mtshan nyid can gyi de kho na nyid so sor stan pas so/ /de ltar zhes bya ba la sogs pas rim pa gnyis bsgom par byed pa'i gnas kyi phun sum tshogs pa bstan to/ /drang ba'i don to zhes pa ni skye bos dben pa'i gnas tsam bstan pas so/ /me long lta bu la sogs pa ye shes lnga ni dgon pa chen po la sogs pa yin te/ de la gnas nas de thob par bya ba'i phyir bsgrub par bya'o/ /des pa'i don to zhes pa ni rdzogs pa'i rim pa bstan pas so/ /de ltar zhes bya ba la sogs pas gnas bstan par byas nas rim pa gnyis sgom par byed pa'i sgrub pa bstan par bya ste/ phyag rgya chen po'i gzugs gang gis sgrub pa de ni sgrub pa ste bsnyen pa la sogs pa'i yan lag bzhi dang stong pa gzhi'i bdag nyid can gyi sems rnam par dag pa'i rim ba zhes bya ba'i ting nge 'dzin zhes bya ba'i tha tshig go /'dus pa'i rgyud phyi ma las zhes bya
- 117b
ba la sogs pas lung tshad ma nyid bstan to/ /dang po stong pa nyid byang chub ste zhes pa ni gnas gzung pa nas don dam pa'i dkyil 'khor sgom pa'i bar du stong pa zhes bya ba'i yan lag dang po ste bsnyen pa'o/ /gnyis pa sa bon bsdus pa'o zhes pa ni de'i 'og tu sa bon yongs su gyur pa las nyi ma la sogs pa zla ba'i dkyil 'khor la 'jug ste/ yang yi ge gsum dgod pa'i mdza' i bar du gnyis pa ste/ nye bar sgrub pa'o/ /yig 'bru las byung ba'i phyag mtshan las skyes pa'i rdo rje 'chang gi ye shes sems dpa' dang/ ting nge 'dzin sems dpa' dgod pa dang mig la sogs pa'i byin gyis brlab pa dang/ sku la sogs pa byin gyis brlab pa'i bar du sku bsgrub pa zhes bya ba yan lag gsum pa de sgrub pa'o/ /de'i 'og tu phyag rgya legs par sbyang pa sngon du 'gro bas badzra d+h+rik? ces bya ba la sogs pa phyung ba'i sngags kyis bskyed pa thugs rdo rje 'chang la sogs pa spro ba phra mo'i rnal 'byor dang bzlas pa la sogs pa'i mtshan nyid lhag ma dkyil 'khor rgyal pa mchog dang las kyi rgyal ba mchog ces bya ba yi ge dgod pa sde yan lag bzhi pa sgrub pa chen po zhes bshad do/ /drang ba'i don to zhes ba ni rdo rje bzhi pa'i rim pas dang po sbyor ba la sogs pa ting nge 'dzin gsum gyi bdag nyid kyi bskyed pa'i rim pa bstan pa'i phyir ro/ /mchog gi sgrub pa zhes bya ba la sogs pas rdzogs pa'i rim pa'i rnal 'byor pa rnams kyis stong pa bzhi la dmigs nas rdo rje 'chang chen po'i go 'phang thob par 'gyur ro/ zhes bstan to/ /brtul zhugs bstan pa zhes bya ba la sogs pa'i mchog gi sgrub pa'i rim pas rdo rje bzhi bsgoM phyag rgya chen po'i dngos grub thob par 'gyur ro zhes bstan to/ /nges pa'i don to/ /zhes bya ba ni sems rnam par dag pa'i rim pa bstan to/ /dus bzhi zhes bya ba la sogs pas spros pa dang bcas pa'i spyod pa dang ldan pa'i rnal 'byor pas lha'i khang
- 118a
pa sum rtseg gi 'og tu rnam pa sna tshogs kyi khang bzang la sogs pa bzhag ste/ bar khang la rnam pa sna tshogs pa'i rol mo mkhan la sogs pa bzhag nas steng khang la stan 'jam po la 'dug la rgyan thams cad kyis rgyan pa dam tshig gi phyag rgya dgu spyan ma la sogs pa dang gzugs rdo rje la sogs pa'i ngang tshul can du byas nas shar la sogs pa'i phyogs bzhi dang mtshams rnams su go rim gyis bkod la reg bya rdo rje ma'i rang bzhin gyi dam tshig gi phyag rgya rang gi 'byung cing rdo rje dang pad+ma legs par spyangs pa sngon du 'gro bas 'dod pa'i yon tan lnga myong zhing snyoms par 'jug pa'i dbang gis bde ba chen po sngon du byas la/ ji srid tshe 'di nyid du yun ring ma yin pas rdo rje 'chang chen po'i dngos grub thob par 'gyur ba de srid du gnas par bya'o zhes bstan to /de ltar zhes bya ba la sogs pas yo byed phun sum tshogs pa dang bcas pa'i lha mo dgu legs par bslab pa dang lhan cig tu spyod pa brtson pa dang ldan pa'i rnal 'byor pas dus kyi dbye bas dngos grub thob par bstan to/ /dbang po rab kyis shes pa ni rin po che lta bu'i gang zag gis zhag bdun gyi dngos grub thob par bstan to/ /dbang po 'bring ni pad+ma lta bu ste de'i zla phyed kyis so/ /dbang po tha ma ni pad+ma dkar po dang utpal lta bu de dag gis zla ba 'am zla ba phyed dang gnyis kyis so/ /bems po'i rigs can gyi tsan dan gang yin pa des dge ba'i ba shes gnyen dang phrad pa'am sangs rgyas kyis byin gyis brlabs pas dngos grub lo gcig la sogs pas thob pa yin gyis de med pas 'grub par mi 'gyur ro/ /thos ba nyung ba nga rgyal can/ /rtsa ba med bar mang po smra/ /rjes su gzung bar mi nus pa/ /tsan dan zhes bya ba'i gang zag go zhes 'byung ngo/ /'od gsal ba zhes bya ba la sogs pas sngar bshad pa'i dus kyis dbye bas rdo rje 'chang chen po'i dngos grub thob par 'gyur ro zhes bstan to/ /rtog pa'i ting nge 'dzin zhes bya ba
- 118b
la sogs pas rdzogs pa'i rim pa'i rnal 'byor pa rnams la dus kyi nges pa med do zhes bstan to/ /sgra ji bzhin pa'o zhes pa ni dus kyi dbye bas dngos grub tsam bstan pa'i phyir ro/ /kun rdzob dang don dam pa'i zhes pa ni rtag pa dang chad pa'i mtshan nyid do/ /de gnyis kyi nang gi? bar ba ste/ zhes pa ni de dag gnyis su med pa'i mtshan nyid can gyi zung du 'jug pa'i ting nge 'dzin to/ /de la gnas pa'i rnal 'byor pa ni phyag rgya chen po'i dngos grub thob par 'gyur ro zhes bya ba'i don to/ /de yang dus gsum gyis de bzhin gshegs pas ni mi bskyod pa la sogs pas gsungs so/ /dgongs pas bshad pa'o zhes pa ni 'gal ba'i sgra'i sgo nas de kho na nyid bstan pa'o/ /bshad ma thag pa'i rim pas zhes bya ba ni bsnyen pa la sogs pa yan lag bzhi'i bsgom pa'i rim pas so/ /sgrub par 'dod pa'i rtsol ba byed pas so/ /sku la sogs pa byin gyis brlab pa zhes pa ni rnam par snang mdzad la sogs pas sku la sogs pa la bsten pa'o/ /sngon du 'gro ba ni sku la sogs pa byin gyis brlabs pa sngon du 'gro bas so/ /'jug pa ni rnal 'byor chen po'i mthar dkyil 'khor rgyal ba mchog dang las kyi rgyal ba mchog bsgom pa'o/ /de nyid bstan pa'i phyir /sgrub pa po sku zhes bya ba la sogs pa smos te/ rdo rje 'chang? chen po la sogs pa'i rnal 'byor pa rnams kyis rnal 'byor dang rjes su rnal 'byor dang shin tu rnal 'byor gyi mthar le'u drug pa nas gsungs pa'i yi ge gsum mgo po dang lkog ma dang snying ga'i phyogs su zla ba dang pad+ma dang rdo rje'i steng du rim pa ji lta ba bzhin du bkod nas/ de las byung ba'i 'od zer yongs su gyur pa'i las spyan ma la sogs pa'i lha mo'i tshogs spros la/ 'og min gyi gnas la sogs pa na bzhugs pa'i rnam par snang mdzad la sogs pa'i tshogs tshig snyan pas mgu par byas la des kyang lag pa'i zhags pa dgug cing/ gzhal yas khang pa'i shar phyogs kyi sgo'i mdun du pad+ma dang zla ba'i dkyil 'khor gyi
- 119a
steng du bzhugs su gsol la/ tshigs su bcang pa drug po 'dis gsol ba 'debs shing mchod par byas la spyan ma la sogs pa dang de dang lhan cig tu oM la sogs pa la 'jug cing/ le'u bdun pa las gsungs pa'i sangs rgyas kun gyi sku gang yin zhes bya ba la sogs pa tshigs bcad pa gsum gyi nga rgyal byas la / le'u drug pa nas gsungs pa'i oM sarba ta thA ga ta kA ya badzra swa b+hA wa AtA konyahaM zhes bya ba la sogs pa sngags gsum gyi brtan par bya'o zhes dang po sbyor ba'i ting nge 'dzin gyi yan lag tu gyur pas rnal 'byor chen po bstan to/ /tshigs su bcad pa dang pos dbus kyi gtso po la gsol pa 'debs pa dang/ gnyis pas de'i 'khor du gyur pa zhes sprul pa'i sku la khyad par ro/ /de bzhin du gzhan ma gnyis po la yang shes par bya'o/ /de ltar zhes bya ba la sogs pas sku la sogs pa byin gyis brlab pa nges par bya'o zhes bstan to/ /dbyer med pa zhes pa ni bsgom par bya ba dang sgom pa dag dbyer med pas so/ /de bzhin du zhes bya ba la sogs pas rnal 'byor pa gnyis po'i yang dbyer med pa bstan to/ /man ngag ma thob pas zhes pa ni bla ma'i zhal gyi lung ma rnyed pas so/ /sku dang gsung dang thugs byin gyis brlab pa dang tha dad par rtogs na zhes bya ba 'di sku rdo rje la sogs pa 'di dag tha dad pa yin la bdag kyang tha dad pa yin no zhes rtogs pa ni bsam par byed pa'o/ /bdag ni de'i rang bzhin yin no zhes mi rtog na de'i tshe rdzogs pa'i rim pa las ring du gyur zhes pa ni bskyed pa'i rim pas bsgom pas dus zad cing nam yang rdzogs pa'i rim pa thob par mi 'gyur ro zhes bya ba'i don to/ rdzogs pa'i rim pas ni gnyis su med pa'i ngo bo yin pas so/ /don 'di la som nyi ma byed cig /ces bya ba 'dis yang dag par bsgrub pa bstan to/ /gsungs pa'o zhes bya bas nye bar bsdus pa bstan to/ /le'u'i don gyi nges pa'i tshig
- 119b
bstan pa'i phyir/ sku rdo rje la sogs pa'o zhes smos te/ rnam par snang mdzad la sogs pa'o/ /de rnams kyis mi phyed pa'i ngo bo nyid ni bskyed pa'i rgyur gyur pa'o/ /sbyor ba bzhi ni zhes pa la dang po sbyor ba'i mtshan nyid do/ /sbyor pa bzhi po de nyid ting nge 'dzin gang gis mnyam par byas pas na zhes pa ni rtogs par 'gyur zhing nges par byas pa ste gzhung gi tshogs so/ /bsgrub par bya ba'i ngo bo nyid yin pas na zhes pa la rnal 'byor pa rnams kyis nges par bsgrub par bya bas so/ /des bsnyen pa la sogs pa'i mtshan nyid can le'u'i brjod par bya ba'i don to/ /rdzogs pa'i rim pa thob par byed pas ma? zhes bya ba 'dis phyag rgya chen po yongs su gyur pa dang yan lag drug gi rnal 'byor yang bstan to/ /rab tu bshad pa'o zhes pa ni gsal bar bshad pa'o/ /gzhung gi tshogs ni tshig gi tshogs zhes bya'o/ /'o na brjod par bya ba dang rjod par byed pa'i le'u yin ji ltar gzhung gi tshogs su bshad ces smras pa/ so so'i ming? la bltos bsan zhes pa ni rjod par byed pa las brjod par bya ba la sogs su brtags te gzhung gi cho gas ni le'u zhes bya'o/ /sgra ji bzhin pa zhes pa ni sku la sogs pa byin gyis brlab pa'i bdag nyid kyi dang po sbyor pa'i ting nge 'dzin gyi phyogs gcig rnal 'byor chen po so sor bstan pas so// //sgron ma gsal bar byed pa'i 'grel pa'i TI ka las le'u bcu gnyis pa'i rgya cher bshad pa'o/ /rim pa gnyis la bslab pa zhes bya ba la sogs pas le'u bcu gsum pa'i bshad pa brtsams par bya ste/ de'i don re zhig rim pa gnyis so le'u bcu gnyis kyi khong du chud par byas so/ /de rtogs pas rang gi don phun sum tshogs pa'i gtso bor rnal 'byor par 'gyur ro/ /de grub pas gzhan gyi don? nges par bya'o zhes de'i don du zhi ba la sogs pa'i las kyi tshogs sgrub pa'i don dang ldan pa'i le'u bcu gsum pa bstan to/ /gdul bya'i skye'o rnams shes pa ni dad pa po dang dbul dang chags pa 'dod pa dang/ dkon mchog gsum la gnod pa byed pa
- 120a
la sogs pa'o/ /de rnams mos par byed pa'i phyir ni de rnams la zhi ba la sogs pa byed pas 'dul ba grub pa'i phyir ro/ /bsnyen pa la sogs pa'i cho ga'i 'og tu'o zhes pa ni bsnyen pa la sogs pa la yan lag bzhi ni bskyed pa'i rim pa dang/ /so sor sdud pa la sogs pa yan lag drug ni rdzogs pa'i rim pa'o/ /de rnams kyi cho ga ni ji lta ba bzhin du bsgrub pa'o/ /de'i 'og tu ni de so sor bstan pa'i 'og tu'o/ /'dod pa'i dbang phyug la sogs pa zhes pa ni brgyad de? sngar bshad pa'o/ /ldan ba ni de'i 'brel pa dang ldan pas so/ /mi bskyod pa la sogs pa zhes pa ni dri ba po rnams so/ /gnyis su med pa'i ye shes so zhes pa ni zung du 'jug pa zhes bya ba'i de kho na nyid do/ /gtso bo yin pas na zhes ? ni rim pa thams cad kyi 'bras bu yin pa ste de thob pa'am 'dzin pas de skad ces bya'o/? zhi pa la sogs pa zhes pa nang pa la sogs pa'i sems can rnams la de dag bsgrub pa'i don du brtson pa'o zhes pa ni rtsol ba dang ldan pa ste/ bcom ldan 'das rnams thugs rje chen po'i ngo bo yin pas so/ /sa'i snying po zhes bya ba la sogs pas gzugs rdo rje ma la sogs pa rang rang gi phyag rgya dang ldan pa sa'i snying po la sogs pas bcom ldan 'das rdo rje 'chang la mchod pa'i tshogs kyis mchod cing 'di skad ces gsol to zhes bstan to/ /de bzhin gshegs pa thams cad kyi thugs la bzhugs pas ni zhes pa ni de bzhin gshegs pa thams cad kyi rang bzhin sems can thams cad kyi yid la bzhugs pas so/ /'jig rten pa dang 'jig rten las 'das pa zhes pa ni zhi ba la sogs pa dang mkha' spyod la sogs pa'o/ /yang dag par sbyin ba zhes pa ni de/ rnams ster pa'o/ /thogs med pa'i nus pa dang ldan pas zhes pa ni nus pa ma nyams pas so/ /bde ba gnyis yongs su mkhyen pas na zhes pa ni bden pa gnyis kyi bdag nyid kyis zung du 'jug pa'i rim pa sngon du mdzad pas so/ /phyi ni mchod pa rnam pa
- 120b
lnga la sogs pa'o/ /nang gi ni bdud rtsi lnga dang lcags kyu la sogs pa dang snyoms par 'jug pa la sogs pa'o/ /de rnams kyis mchod nas zhes bya ba'i tha tshig go /sgra ji bzhin pa'o zhes pa ni la sogs pa gdab pa tsam bstan pas so/ /so sor sdud pa la sogs pa yan lag drug gi sbyor ba'o zhes pa ni le'u bcu gnyis pa las mtshan nyid bshad pa'o/ /rdo rje bzhi las 'das pas na zhes pa ni bskyed pa'i rim pa'i yan lag tu gyur pa rdo rje bzhi brtags pa yin pas so/ /yan lag drug gi rnal 'byor ni de las 'das pa ste rdzogs pa'i rim pa'i yan lag yin pas so/ /bden pa gnyis bsres pa la zhes pa ni de'i 'bras bur gyur pa'i ting nge 'dzin zhes bya ba yan lag drug gzung? du 'jug pa'i rang bzhin la'o/ /yan lag drug gi rnal 'byor ro/ /zhes pa ni byang chub thob par byed pas so// bden pa gnyis nges par sbyor ba'o zhes pa ni zung du 'jug pa lnga ste rim pa thams cad de nyid 'dus pas so/ /phul du byung ba ni 'bras bur gyur pa'o/ /de bzhin gshegs pa thams cad kyi gsungs zhes pa ni drang ba dang nges pa'i don la sogs pa'i dbye bas gnas pa de rnams kyi don bsdus pa ni zung du 'jug pa'i rim pa yin pas so/ /rgyu'i zung du 'jug pa'i rim pa bstan nas 'bras bu'i zung du 'jug pa bstan par bya ba'i phyir/ bden pa gnyis zhes smos te/ chos dang chos nyid kyi dbye bas gnas pas so// gcig tu byas pa'o zhes pa ni 'bras bu'i tshul du dbyer med pa yongs su shes pas so/ /de bsan? mi slob pa'i lam gyi ngo bo yin pas ni spros pa rnams dang bral ba'o/ /de bzhin gshegs pa rnams so zhes pa ni sngags kyi sku yin pas so/ /de bzhin du de ltar gyur na yang rnam par dag pa'i sgo nas byang chub ni rdo rje 'chang chen po'i go 'phangs thob pa ni rgyur gyur pa ste / yan lag drug pa'i rnal 'byor la sogs pa'o/ nyan thos pa la sogs pas mi shigs pa'i phyir te zhes pa ni mi brten pa'i phyir de nyid mi phyed pa'o/ /dgongs
- 121a
bas bshad ba'o zhes ba ni 'gal ba'i sgra'i sgo nas de kho na nyid so sor bstan pas so/ /dbyangs de nyid bstan pa'i phyir stong pa nyid kyi rang bzhin yin bas na gzod mnas zhi ba zhes bstan to/ /phung po la sogs pa zhes pa ni phung po dang khams dang skye mched rnams la'o/ /de ltar 'gyur na yang rnam par dag pa'i sgo nas byang chub thob par byed pa ni rdo rje 'chang thob pa'i rgyur gyur pas phul du byung zhing khyad par du 'phags pa zhes pa ni rang bzhin gyi dag pa'i bdag nyid kyis so/ /brtags pa dang 'brel pa zhes pa ni phung po la sogs pa 'di yin no zhes rnam par rtog pa'i blo dang bral ba'o/ /ma brtags na nyams dga' ba tsam du yod pa zhes bya ba ni dngos po'i rang bzhin yongs su ma dpyad par rtags pas yod pa'i phyir ro/ /yan lag drug gi sbyor ba'i thabs kyis ni mchog gi bsnyen pa'i mtshan nyid kyis so/ /rdo rje sems dpa' skye bar zhes pa ni dpal rdo rje 'chang gi go 'phang de'i dus su thob pa gsungs bas ngo mtshar che'o/ /zhes pa ni spros pa med pa'i de kho na nyid las kyang rdo rje 'chang gi sku bskyed pa'i phyir ro/ /de yang ji ltar chu klung dang pa las zhes pa la sogs pas gtan la phab pa'o/ /dgongs pa ma yin pas bshad pa'o zhes pa ni shin tu gsang ba'i de kho na nyid bstan pas so/ /de ltar zhes bya ba la sogs pas bstod pa'i 'og tu gsol ba gdab pa bstan te / A li kA li las byung ba rnams so zhes pa ni sngar bshad pa'i rim pas dbyangs dang gsal byed las 'byung ba ste snying po la sogs pa'o/ /de gang du bsags shing bsdus pa ni zhes pa la bud med la sogs pa'i dbye bas A li kA li'i yi ge gsum la bsdus par gyur pa la'o/ /don yod grub pa'i bzlas pa'o zhes pa ni 'jug pa la sogs pa'i mtshan nyid kyi rdo rje bzlas pa'o/ /bla na med pa'i ye shes shes pa ni 'od gsal ba ste/ de ma ning gi bzlas pa dus su
- 121b
thob par byed pa'o/ /de yi ni rdo rje 'chang chen po yi'o/ /'jug pa la sogs pa ldang ba dang 'jug pa dang gnas pa'o/ /tshul gyis ni 'jug pa'i gnas dang rgyu ba'i gnas so/ /gang gi phyir 'jug pa la sogs pa'i rim pas sems rtse gcig pa nyid thob pas rdo rje 'chang chen po'i go 'phang mngon du byed par 'gyur ro/ /de nyid kyi khyad par bstan pa ni zhes pa nas rdo rje bzlas pa yongs su shes zhes pa'i bar du stobs bcu la sogs pa sangs rgyas kyi yon tan dang ldan par sgrub pa po rnams 'gyur pa dang de bzhin du 'jug pa la soD pa'i rim pas de bzhin gshegs pa thams cad kyis byin gyis brlab pa dang sbrul la sogs pa'i sngags kyi tshogs kyis brjod par bya ba rdo rje la sogs pa de bzhin gshegs pa'i rang bzhin dang/ /de slob par byed pa rnams kyis kyang gnyis su med pa'i ye shes thob pa nyid du bstan to/ /don dam ba'i bden pa zhes pa ni/ nam mkha' i khams dang 'dra ba sgrib pa med pas so/ /kun rdzob kyi bden pa'o zhes pa ni rtog pa dang bcas pa'o/ /gnyi ga de dag gis rdzogs pa ni bcom ldan 'das zung du 'jug pa'i rdo rjes sems dpa' zhes bya'o/ /zhi ba la sogs pa'i bya ba zhes pa ni rim pa gnyis kyis bshad par 'gyur ba bskyed pa ni de mdzad pa'o/ /dbang du gyur pa ma yin pa'i zhes pa ni dkon mchog gsum la gnod par bya ba la sogs pa'o/ / mngon spyod la sogs pa'i las kyis gcod pa ni thugs rje chen pos gsod pa gang yin pa de sprul par mdzad pa'o/ /tshangs pa la sogs pa'o zhes bya ba la sogs pas rdo rje 'chang chen po thams cad kyi mchog nyid du bstan to/ /de ltar bcom ldan 'das kyis bka' stsal to zhes sbyor ro/ /sprul la sogs pa zhes bya ba la sogs pa sngags thams cad kyi snying por gyur pa'i yi ge gsum 'jug pa la sogs pa gsum gyi rim pas bzlas pa'i cho ga gsungs so zhes bstan to/ /de rnam par dbye
- 122a
ba'i phyir zhes bya ba la sogs pa nas dgongs pas bshad pa'i bar du rdo rje 'chang chen po'i bzlas pa dang/ sku'i bzlas pa dang// gsung gis bzlas pa dang /thugs kyi bzlas pa ? rin po che'i bzlas pa dang don yod pa'i bzlas pa dang 'dod chags kyi bzlas pa dang/ zhe sdang gi bzlas pa dang/ gnyi mug gi bzlas pa dang/ khro bo'i bzlas pa dang/ ma ning gi bzlas ba te bcu gcig gi dbye bas rdo rje bzlas ba bstan to/ /de'i rim pas ni rdo rje 'chang chen po'i rnal 'byor pas phyag rgya chen po'i sku la dmigs te/ lte ba la gnas pa'i rtsibs brgyad pa'i chos kyi dbyings kyi 'khor lo dang por mar me dang 'dra ba yi ge a bsam zhing/ de las 'od zer gyi sbyor ba yi ge gsum mgo bo la sogs par spros la/ de 'jug pa la sogs pa'i rim bas bzlas shing yang yi ge gsum po de dag a las thim zhing de gcig bu la sems gnas par bya ba'i rdo rje 'chang chen po bzlas pa'o/ /de'i 'og tu rnam par snang mdzad kyi rnal 'byor pas snga ma bzhin du phyag rgya chen po'i gzugs dmigs la mgo la sogs pa la yi ge gsum bkod cing/ yan lag ma nyams pa'i bzlas pa byas la yi ge gnyis oM la thim zhing yi ge oM tsam la dmigs nas lus ni gcig pu dang du ma dang yod pa dang med pa ma yin no/ zhes dpyad nas sems rtse gcig pa nyid gang yin pa de ni sku'i bzlas pa'o/ /de bzhin du 'od dpag tu med pa'i rnal 'byor pas snga ma bzhin du phyag rgya chen por bsgoms la mgo bo la sogs par yi ge gsum po bkod la yan lag ma nyams pa'i bzlas par bya ste /yi ge gnyis A(rgyud 'grel): la thim zhing dag ni gcig dang du ma dang yod pa ma yin no/ /zhes nges bar bya bas sems rtse gcig pa gang yin pa de ni gsung gi bzlas pa'o/ /de bzhin du mi bskyod pa'i rnal 'byor pas snga ma bzhin phyag rgya chen po'i gzugs bsams la/
- 122b
mgo bo la sogs par yi ge gsum dmigs nas yan lag ma nyams pa'i bzlas pa bya ste/ yi ge gnyis hUM la thim na sems ni 'di gcig dang du ma dang yod? pa dang med pa ma yin zhes dmigs la sems rtse gcig pa nyid gang yin pa de ni thugs kyi bzlas pa'o/? de bzhin du rin chen 'byung ldan gyi rnal 'byor pas mgo bo la sogs pa yi ge gsum dmigs la yan lag ma nyams pa'i bzlas pa byas la 'od zer gyi tshogs spro zhing/ de bzhin gshegs pa'i rnam pa dang 'dra ba des sems can thams cad kyi bsam pa thams cad yongs su rdzogs par bya ste/ sems rtse gcig pa de nyid gang yin pa de ni rin po che'i bzlas pa'o/ /de bzhin du don yod grub pa'i rnal 'byor pas snga ma bzhin du phyag rgya chen po'i gzugs bsams la mgo bo la sogs par yi ge gsum dmigs la yan lag ma nyams pa'i bzlas pa byas nas de las 'od zer gyi sbyor ba byas bzhal yas khang pa dang bcas pa'i de bzhin gshegs pa'i tshogs spros la/ de rnams kyis bstan pa dang smin pa la sogs pa'i rnam pa 'gro ba sangs rgyas su ? la su/ slar yang bsdus te de nyid du thim zhing sems rtse gcig pa nyid gang yin pa de ni bya ba nan tangyi ye shes kyi rang bzhin don yod pa'i bzlas pa zhes bya ba'o/ /rnam par snang mdzad la sogs pa'i rnal 'byor bas snga ma bzhin du phyag rgya chen po'i gzugs la / phyogs bcu'i 'jig rten gyi khams na bzhugs pa'i de bzhin gshegs ba rnams pas brjod pa'i sngags kyi yi ge'i tshig gson cig /gsan nas phyag rgya chen po'i dngos grub bdag la stsol cig ces ba'i bsam pas/ shin tu gsal ba'i yi ge brjod ba 'am/ gzhan gyi thos ba gang yin pa de ni khro bo'i bzlas ba zhes bya'o/ /rnam par snang mdzad kyi rnal 'byor pas sku'i bzlas pa bzhin du thams cad byas la gti mug gi rigs can gyi sems can gti mug rnam par dag ba'i gnas la bzhag par bya'o
- 123a
zhes bsam pas yi ge oM la zhugs pa gang yin pa de ni gti mug gi bzlas pa'o/ /de bzhin du 'od dpag tu med ba'i rnal 'byor pas snga ma bzhin du thams cad byas la 'dod chags kyi rigs can gyi sems can rnams yi ge A(rgyud 'grel): la 'jug cing 'dod chags rnam par dag ba'i gnas la bzhag par bya zhes ba'i bsam pa gang yin pa de ni 'dod chags kyi bzlas pa'o/ /de bzhin du mi bskyod pa'i rnal 'byor pas snga ma bzhin du thams cad byas la /zhe sdang gi rigs can yi ge hUM la zhugs shing zhe sdang rnam par dag pa'i gnas la bzhag par bya'o zhes bsam pa gang yin pa de ni zhe sdang gi bzlas pa'o/ /bzlas pa gsum po de dag la gti mug dang 'dod chags dang zhe sdang yod pa dang med pa ma yin no zhesrnam par dpyad par bya'o/ /rdo rje 'chang chen po la sogs pa'i rnal 'byor pas snga ma bzhin du thams cad byas la /yan lag ma nyams pa'i bzlas pa'i mthar yi ge gsum a la chos kyi dbyings kyi 'khor lo la de yang stong pa la thim zhing rnam par mi rtog par gnas pa gang yin pa de ni ma ning gi bzlas pa zhes bya'o/ /rdo rje bzlas pa rnam pa bcu gcig po de dag dbye brjod par byed pa'i gzhung gi tshogs ni go bla'o/ /dgongs pas bshad pa'o zhes pa ni 'gal ba'i tshig gi sbyor bas rdzogs pa'i rim pas so sor bstan pas so/ /chags pas ma yin zhes pa ni snang ba'i ye shes ma yin zhes pa'o/ /chags bral ma yin zhes pa ni snang ba thob pa'i ye shes ma yin no/ /dbu ma'i snang ba mched pa'i ye shes te de yang gang du dmigs par mi 'gyur ba ni/ mngon du mi 'gyur pa'o/ /de ni 'od gsal ba zhes bya ba 'dod chags kyi de kho na nyid ces bya ste stong pa gsum dag par byed ba'i phyir ro/ /ji lta bu yongs su shes pa ni rang bzhin dang snang ba bral bas mngon tu bya'o/ /de shes pa ni sngags dang phyag
- 123b
rgya'i rim pas rtogs par 'gyur ro/ /rdo rje 'chang chen po zhes bya ba nas sgra ji bzhin gyi bar du bud med dang/ skyes pa'i dbye bas phye ba rnam pa gnyis kyi sgrub pa pos snyoms par zhugs pa'i mtshan nyid dang ldan pa'i spros pa dang bcas pa'i spyod pa'i sgo nas rdo rje 'ching? nyid thob par 'gyur zhes bstan to/ /de bdag por gyur pa gang yin pa bsten par bya ba nyid kyis so/ /sgrub pa po rnam pa gnyis ni skyes pa dang bud med kyi dbye bas so/ /sems can thams cad la bsam pa thams cad rdzogs par byed pas so/ /seM? thams cad la phan bar byed pa'i byang chub rdo rje 'chang chen po'i go 'phang gi mtshan nyid do/ /'dod pa'i yon tan rnam pa lnga zhes pa ni spros pa dang bcas pa'i spyod pas 'dod pa'i yon tan lnga las 'byung ba'o/ /mthar phyin par mdzad pa'o zhes pa ni mngon du byed pa'o/ /skyes pa 'ba' zhig ces bya ba la sogs pas rnam pa gcig bshad nas rnam pa gnyis pa btan pa'i phyir bud med kyang sgrub par byed do zhes bstan to/ /de rnams kyi khyad par ni pad+ma can la sogs pa'i zhes bya ba ni sngar des pa'i tshig bshad zin pa'o/ /legs par slob pa'i phyag rgya rnams zhes pa ni thos pa la sogs pa'i rim pas slob par byas pa'o/ /gzugs la sogs pa zhes bya ba la sogs bas de rnams kyang rjes su mthun pa'i thabs bsten nas 'dod chags la sogs ba rnam par dag par byed pa 'od gsal ba thob bar 'gyur ro zhes bstan to/ /sgra ji bzhin pa'o zhes pa ni spyod pa ji ltar ji bzhin no zhes bshad pas spros pa dang bcas ba'i spyod pa bstan pa'i phyir ro/ /rnam par snang mdzad do zhes pa nas drang ba'i don gyi bar du yi ge oM dang hUM gi sa bon dag las bskyed pa rnam par snang mdzad kyi rigs can dang mi bskyod pa'i rigs can gshin rje mthar byed la sogs pa gang yin pa de rnams kyis zhi ba dang mngon spyod kyi 'phrin las byed pas sgrub pa po'i mngon par 'dod pa'i don grub par byed do zhes
- 124a
bstan to/ /de ni nye bar mtshon pa tsam yin te /gzhan dag kyang rjes su mthun pa'i sa bon las 'byung ba 'od dpag tu med pa dang rin chen 'byung ldan dang don yod grub pa rnms/ /dbang dang rgyas pa dang dgug par mdzad pas sgrub pa pos mngon par 'dod pa'i don sgrub par byed pa'o/ /des ni 'chad par 'gyur ba'i zhi ba la sogs pa'i las rnams kyi gleng gzhi bstan pa yin no/ /drang ba'i don zhes pa ni bskyed pa'i rim pas zhi ba la sogs pa bstan bas so/ /ma rig pa nas brtsams te nges pa'i don gyi bar du sems rnam par dag pa dang bdag la byin gyis brlabs pa dang/ mngon par byang chub pa dang /zung du 'jug pa zhes bya ba rdzogs pa'i rim pa bstan to/ /de nyid bstan pa'i phyir ma rig pa ni kun gzhi rnam par shes pa'i bag chags so/ /de las byung ba ni de'i dbang gis bskyed pa nye bar len pa'i phung po lnga po blangs pa skyes pa dang bud med kyi rnam pa gnyis kyis rnal 'byor pa gang yin pa de rnams ma rig pa ni ma ning gi rang bzhin snang ba nye bar thob pa'i rang bzhin myong zhing de nas 'od gsal ba mngon du byas nas /de las cig car ram snang ba nye bar thob pa la sogs pa'i rim gyis rdzogs pa ni phyag rgya chen po'i sku spros nas sems can gyi don bya ba'i phyir gzhan rnams la yang phyag rgya chen po'i dngos grub ster bar 'gyur ro/ /des ni sems la dmigs pa dang bdag la byin gyis brlabs pa'i rim pa bstan to/ /thabs kyi rang bzhin ni zhes pa ni bzhi bcu'o/ /shes rab pa zhes pa ni rang bzhin sum cu rtsa gsum mo/ /'tshe ba'i bdag nyid can no zhes pa ni sems can rnams la gnod par byed pa'o rdo rje lta bu'i ting nge 'dzin te zhes pa ni rdo rje'i sku rdzogs par byas te rang bzhin rnams dbang du byas pa'o/ /phung po la sogs pa'i dbang po med par byas pa'o zhes pa ni phung po la sogs pa'i rgyu gyur pa'i rang bzhin rnams mi snang bar byed pa'o/ /des ni mngon par
- 124b
byang chub pa'i rim pa bstan to/ /bden pa gnyis gnyis su med par gyur pa la sogs pa zung du 'jug pa'i rim pa bstan to/ /rdo rje 'chang chen po ste zhes bya ba la sogs pas sdud pa po'i tshig gis nye bar bsdus pa bstan to/ /nges pa'i don to zhes pa ni rim pa bzhis so sor bstan pas so/ /gzhan yang zhes bya ba la sogs pas sngar mdor bstan ba'i bzhi ba la sogs pas 'phrin las rgyas pa'i ting nge 'dzin bstan par bya ba'i phyir bshad par bya ste ye shes sems dpa' i zhes pa nas 'dod pa ni 'bras bu 'grub pa thob par 'gyur ro/ zhes pa'i bar du rnam par snang mdzad la sogs pa'i rnal 'byor pa rnams kyis bskyed pa'i rim pas rang rang gi phyag rgya chen po'i sku bsgoms la /ye shes sems dpa' i thugs kar zla ba dang nyi ma dang nor bu dang pad+ma dang sna tshogs rdo rje'i steng du 'khor lo dang rdo rje dang rin po che dang pad+ma dang ral gri rnams bsam la/ rang rang gi sa bon gyis 'od kyi nad pa la sogs pa'i bsgrub bya rnams de rnams su bcug pa shad la sogs pa'i phyogs rnams la bzhugs pa'i de bzhin gshegs pa'i 'od zer gyi tshogs gyis sdig pa sbyar zhing gsal bar byas te de nas spros la phyi rol gyi sngar bshad pa'i gdan rnams la bzhag ste/ de rnams la spros pa'i spyan ma la sogs pa'i lha mo rnams kyis yang rang gi kha dog dang mthun pa'i bum pa'i chus dbang skur bar byas bye/? zhi ba la sogs pa dang ldan par bya'o zhes rab tu bstan to/ /? zhes bya ba la sogs pas phra mo'i rnal 'byor yongs su rdzogs nas sems can gyi don bya ba'i phyir spro bar bstan to/ /de la bskyed pa'i rim pa'i rnal 'byor pas phra mo'i rnal 'byor byas la/ rigs kyi dbye bas dang po'i 'od zer gyi tshogs spro zhing de nas phyag mtshan dang de nas rnam par snang mdzad kyi phyag rgya chen po yang spro bar bya'o/ /de ni sems can gyi don byas la yang de nyid du bsdu bar bya'o las kyi rgyal ba'i mchog gi ting nge 'dzin te/ /rdzogs pa'i?
- 125a
pa'i rnal 'byor pas kyang cig car du phyag rgya chen po'i sku bsams la /ba spu'i bug thams cad las de bzhin gshegs pa thams cad spros la de rnams kyis 'gro ba'i don byas la yang de nyid du bsdu bar bya'o/ /dkyil 'khor chen po ni zhes bya ba nas gsang ba'o zhes bya bar sbyor zhes bya ba'i bar du ni cig car du bskyed pa rdo rje 'chang chen po'i sku sems dpa' gsum gyi bdag nyid la dmigs te de'i lkog ma dang snying ga dang lte ba dang gsang ba'i gnas su me dang chu dang rlung dang dbang chen gyi dkyil 'khor bzhi/ gru gsum dang zlum po dang gzhu'i dbyibs can dang gru bzhi dmar po dang dkar po dang sngon po dang ser po de bzhin gshegs pa dang/ lha mo bzhi'i rang bzhin du rnam par bsam la/ 'jug pa la sogs pa'i yi ge gsum po re re dgod cing g.yas pa dang g.yon pa dang gnyis ka dal bus dman par rgyu pa'i dbye bas dmar po la sogs pa'i 'od zer gyi tshogs spros la thun phyed phyed kyi dus su gzung nas zhi ba la sogs pa'i las kyi tshogs bya'o/ /ya yi don gyis gang ci 'ang rung/ dngos grub 'dod par bya ba ste/ /ra la sogs pa gsum nyid kyis/ /'gro ba'i don la rab tu 'jug /me dang rlung dang dbang chen dang/ /chu yi dkyil 'khor re re la/ /thun ni phyed phyed dus su yang/ /las ni gnyis gnyis 'grub par 'gyur ro/ /g.yas pa la ni 'od 'byung ba/ /me yi dkyil 'khor de yin no zhes bya ba la sogs pa 'byung ngo/ /'dir las dang po pa rnams kyis thun mong ma yin pa'i de kho na nyid do zhes pa ni bskyed pa'i rim pa'i rnal 'byor pa rnams la bstan par mi bya'o/ /las rnam pa bzhi'i nang nas zhes pa nas de'i phyir ting nge 'dzin 'di la zhes pa'i bar du'o/ /dpal mi bskyod pa'i rnal 'byor pas bdag nyid zhe sdang rdo rje bsgoms la/ de'i g.yas phyogs su de bzhin gshegs pa dang byang chub sems dpa' dang khro bo rnams bsams
- 125b
la/ g.yon phyogs su spyan ma la sogs pa'i gzugs rdo rje ma la sogs pa dang/ rdo rje ro langs ma la sogs pa bsams te ye shes sems dpa' i thugs ka'i 'od kyi bkug pa de bzhin gshegs pa thams cad rang gi snying ga la 'jug cing/ yang gshin rje gshed la sogs pa khro bo rnams shin tu khros pa 'jigs ba'i cha lugs dang ldan pa de rnams spros la/ de rnams kyis kyang bsgrub pa bya rlung dang me'i dkyil 'khor gyi steng du gnas pa gcer bu til mar gyis lus byugs pa skyabs med pa mkha' spyod dang sa spyod dang thang spyod dang phyogs spyod la sogs pa srog chags kyi khyad par gyis skrag par byed la/ kha sbyor dbye ba bsams te de rnams kyis brdeg cing ji srid mtshon cha sna tshogs pas til tsam dum bur bcad par byas la/ srog dbyung ba bsgoms te de'i rnam par shes pa yang dri ma med pa rlung med pa'i mar me dang 'dra ba bsams la/ de yongs su gyur pa las bcom ldan 'das mi bskyod ba zhal gsum la sogs pa'i rnam pa lta bu 'od zer gyi sbyor bas sangs rgyas kyi zhing la gnas pa chos ston pa la brtson pa /de bzhin gshegs pa rnams kyi bskor ba bsgom par bya'o/ /'dir dkon mchog gsum zhes bya ba nye bar mtshon pa ste bla ma la smod par byed pa la sogs pas rnams kyang ngo/ /bla ma ni dbang gi bla ma'o/ /rdo rje slob dpon ni 125b6rgyud 'grel): gang zhing chos ston pa'o/ /ma gsod pa la sogs pa mtshams med pa lnga po byed pa'o/ /che ge mo sod cig ces bya ba la sogs pa ni snying rje sngon du 'gro ba'i bskul ba'i tshig go /'dod pa zhes bya ba la sogs pas skye ba bzhi dang ldan pa'i sems can gyi khams de bzhin gshegs pa dang 'dra bar bsams te gdug pa de gsod pa bsgom par bya'o zhes bya ba 'dis de shin tu nongs par byas pa nyid bstan to/ /de nas zhes bya ba la sogs pas gnod par byas pa sdig ba chen po dang ldan pa de
- 126a
rtogs shing de nas drag po'i las bya'o zhes bya ba'i tha tshig go /sdig pa nye bar bsgrags pa zhes pa ni kha nam tho ba bsags pa'o/ /kha sbyor dbye ba ni kha dang bshang sgo ni kha sbyor ro/ /yang tshangs ba'i sgo dang/ lte ba ni kha sbyor ro/ / de dag dbye ba ni gsang ba'o/ /yang na snying ga nyid kha sbyor te steng dang 'og gi pad+ma dang 'brel pa'i phyir ro/ /de'i phye ba ni dbye ba zhes bya'o/ /chad pas gcad par bya ba ni tshar gcod par byed pa'o/ /de nyid nam mkha' i khams zhes bya ba la sogs pas bstan to/ rdo rje sems dpa' ni mi bskyod pa ste/ khro bo zhe sdang gnas las skyes zhes bshad pa'i phyir ro/ /drag shul gyi las kyang mi bskyod pa'i ting nge 'dzin gyi bya ba yin gyi gzhan du ni ma yin no/ /g.yas dang g.yon gyi phyogs su sangs rgyas kyi tshogs dang lha mo'i tshogs bsgom par bya ba 'dis thams cad dang shes rab kyi ngo bo nyid bstan pa'i phyir/ g.yas phyogs su zhes bya ba la sogs pa bstan to/ /ji skad du/ /skye gnas dbus su rtsa gnyis te /g.yon pa dang ni g.yas pa gnyis/ g.yon pa zhu ba zhes bya ba/ /g.yas pa la ni khrag nyid de/ /de dag bsdus par byed pa gcig /de nyid chos kyi dbyings bsdus pa'o/ /de nyid kyi phyir na man ngag go /bla ma'i bka' lung ngo/ /phyogs bcu na bzhugs pa zhes pa ni khams gsuM na bzhugs pa'o/ /rnam par snang mdzad la sogs pa'i rigs kyi bye brag gis so zhes pa ni sku rdo rje la sogs pa'i bye brag gis so/ /rang gi phyag rgya chen po'i gzugs zhes pa ni rang gi rigs kyi sku dang ldan pa byas nas so/ /gzugs kyi phung po la sogs pa'i tshul gyis zhes pa ni rdo rje 'phreng ba las gsungs pa'i don dam pa'i dkyil 'khor gyi rim pas so/ /gzung par bya ba ni kha sbyor bar bya'o/ /yang zhes bya ba la sogs pas de rnams spro bar bya'o zhes bstan to/ /khros pas zhes bya ba la sogS
- 126b
pas spro ba'i khyad par bstan to/ /yid dang lus kyis zhes bya ba la sogs pas de rnams 'jigs su rung ba nyid du bstan to/ /sprul ske rags su bcings pa la sogs pas brgyan pas zhes pa ni rigs kyi klu brgyad kyis brgyan byas pa'o/ /dgra sta dang zhes bya ba la sogs pas mtshon cha'i khyad par dang ldan pa nyid du bstan to/ /rdo rje 'chang chen po'i zhes pa ni/ rdo rje 'chang chen bo yongs su gyur pa'i mi bskyod pa'o/ /che ge mo sod cig ces bya ba ni bka' i bye brag go /'joms pa'o zhes pa ni gsod par byed pa'o/ /gal te zhes pa la sogs pas phal cher gyi tshig gi sgo nas yid ches pa bstan to/ /sgyu ma lta bu'i nus pa ston pa yin no zhes pa ni rdo rje sems pa'i rnam pas rdo rje sems dpa' yang gsod par 'gyur ro zhes sgyu ma'o/ /sangs rgyas zhes bya ba la sogs pas las 'di nyid kyis the tshom med par 'gyur ro zhes bstan to// drag po'i tshig gi zhes bya ba la sogs pas zhag bdun gyi nung ba 'am lhag ma nyid bkag pa ste/ blo bstan pas dus de tsam gyis 'grub pa'i phyir ro/ /de la sbyor ba 'di yin te zhes bya ba la sogs pas sngar bshad pa'i ting nge 'dzin nyid du bstan to/ /rdo rje dam tshig ni zhes pa la sogs pas ting nge 'dzin bsdus pa'o/ /de ltar zhes bya ba la sogs pas rnam par snang mdzad la sogs pa'i rnal 'byor pa rnams kyis dang po bskyed pa'i rim pa'i bdag nyid rnam par snang mdzad la sogs pa'i sku bsgoms la de rnams yongs su gyur pa las rdo rje sems dpa' bsgom zhing/ bskal pa'i mdza' i me ltar spro ba rang gi lag pa la gnas pa'i drag po'i rdo rje dmigs la rang gi lus las dkyil 'khor pa sgro zhing zhi ba'i rnam par byas la nyon cig ces bya ba la sogs pas de rnams la bka' sbyin te/ bka' nyan pa de rnams kyis gdug pa bsad cing srog dang bral bar bsam par bya'o zhes bstan to/ /de bzhin du rin chen 'byung ldan la sogs pa'i yang zhes pa ni rin chen 'byung ldan dang 'od dpag tu med pa dang don yod grub pa'o/ /yongs su gyur par
- 127a
zhes ba ni rdo rje sems dpa' i gzugs su yongs su 'gyur par sbyor bar bya'o/ /de'i 'khor rnams kyi zhes pa nas ting nge 'dzin de la yang de skad ces bya'o/ /zhes pa'i bar du ni rim pas gshin rje mthar byed du bdag nyid bsams la/ rnam par snang mdzad la sogs pa'i dkyil 'khor pa rnams rang gi lus la 'jug ste/ yang gshin rje mthar byed kyi rnam pa dang ldan pa spro zhing bka' nyan pa de rnams kyis dkon mchog gsum la sogs pa la gnod ba rnams gsod par byed pa bsam par bya'o zhes bstan to/ / de yang nye bar mtshon ba tsam yin te 'phags pa rnams gzhan gyi mi thub pa dang rta mgrin dang bdud rtsi 'khyil pa la sogs pas kyang ngo/ /lha'i thams cad kyi thun mong gi zhes pa ni mos pa'i dbye bas so/ /rnam bar snang mdzad la sogs pa'i rnams kyis shes ba ni de bzhin gshegs ba rnams kyis so/ /de'i lha mo rnams kyis shes pa ni spyan ma la sogs pa dang de'i rigs dang ldan pa gzugs rdo rje ma la sogs pa rnams kyis kyang ngo/ /byams pa la sogs pa'o zhes pa ni byams pa la sogs pa byang chub chub sems dpa' brgyad kyis so/ /gtsug tor zhes bya ba la sogs pas khro bo'i rgyal po bcu bos kyang bka' i 'khor lo sbyar bar bya'o zhes bstan to/ /de ltar sum cu rtsa gnyis kyis bdag nyid kyi lha sum cu rtsa gnyis kyi bka' i 'khor lo'i dgos pa bshad nas/ dgos pa gzhan dag ces pa ni phyogs bcu la gnas pa'i bgegs bskrad pa dang phur bus gdab pa dang brdung ba bstan pa'i phyir bshad bar bya ste/ dbang po la sogs pa phyogs skyong rnams zhes pa ni shar la sogs par gnas pa'i lha'i dbang po zhes bya ba la sogs pa zhes bya'o/ /bgegs byed pa ni ting nge 'dzin gyi bar chod byed pa'o/ /sgrub pa pos bya'o zhes ba ni gnas gzung ba las 'og tu bya'o/ /sems rnam par g.yeng bar byed pa zhes pa ni brgya byin la sogs pa las bsrung ba'i don du mi
- 127b
bzlog pa'i don du'o/ /sgra ji bzhin pa'o zhes pa ni/ dang po sbyor ba'i yan lag tu gyur ba'i rnal 'byor phyogs gcig bgegs bskrad pa 'chad par 'dod pa'i phyir ro/ /de ni zhes pa nas dgongs pas bshad pa'i bar du ni rdzogs pa'i rim pa'i rnal 'byor bas sems rnam bar dag pa'i rim pas bsgrub bya mi snang bar byas la nam mkha' i khams dang 'dra bar bsgom zhing de'i nam mkha' i kha dog lnga'i 'od zer gyis tshogs kyis mnan par byas la de'i steng du cig car du sgyu ma lta bu'i skur bdag nyid dmigs la/ rten du gyur pa'i bsgrub bya'i 'od zer gyi 'khor lo yang rang gi bdag nyid la 'jug ste/ sku gsung thugs ni sgyu ma'i ngo bor bsams la gdug pa bsad par bya'o zhes bstan to/ /dgongs pas bshad pa'o/ zhes pa ni 'gal ba'i sgra'i sgo nas rdzogs pa'i rim pa bstan bas so/ /rengs? par bya ba'o zhes pa nas brtsams te/ sgra ji bzhin pa'o zhes pa'i bar du chu rengs ba bstan to/ /de la nam mkha' ni gzhi'o/ /de nas rlung gis bus la mes chu rnams bskam par 'gyur ro/ /de'i steng dus bsgom zhing chu'i steng du 'gro ba dang 'ong ba bya bas nub par mi 'gyur te/ chu ni khams bzhi bas nus pa bcom pa'i phyi'o/ /rdzogs pa'i rim pa'i ting nge 'dzin nas shes pa nas dgongs pas bshad ba'o zhes pa'i bar du ni zung du 'jug pa'i rim pas rdo rje'i sku spro la rnam par mi rtog par gyur cing chu'i steng du 'gro bar bya'o zhes bstan to/ /rdzogs pa'i rim pa la gnas pas dngos grub thams cad mngon du 'gyur ba'i phyir ro/ /dgongs pas bshad pa'o zhes pa ni 'gal ba'i sgra'i sgo nas de kho na nyid so sor bstan pas so/ /dbang chen zhes bya ba la sogs pa nas de skad ces bya'o/ zhes pa'i bar du ni pha rol rgol pa'i kha'i nang du yi ge lam las byung ba kha dog ser po dang dbang chen gyi dkyil 'khor lce mnan pa phyogs gnyis su rdo rje gnyis kyis mtshan pa des 'gram pa gnyis phye ba de'i steng du yi ge
- 128a
hUM las byung ba'i rdo rje sa rkan dang ko sa ko 'bugs pas spyi bor hUM las skyes pa'i sna tshogs rdo rje'i chang zungs kyi steng du sdigs 'dzub dang rdo rje gsor bar byed pa g.yon brkyang pa'i gang stabs kyis bzhugs pa bdud rtsi 'khyil ba? bsams la mu stegs pa rnams kyis ngag rengs par bya'o zhes bstan to/ /pha rol gyi 'khrul 'khor 'joms pa'i phyir bdud rtsi 'khyil pa bsgoms pa yin no/ /sgrub pa zhes bya bas nas drug pas de skad ces bka' stsal to zhes pa'i bar du ni bskyed pa'i rim pas rdo rje 'chang chen po la sogs pa gang yang rung ba'i rnal 'byor dang ldan pa'i dkyil 'khor pa rnams kyang kha dog ser po ri rab kyi tshad tsam dgra'i dpung gi steng du bzhag pas sa 'og bdun gyi bar du sen par bsams la sangs rgyas kyi dpung yang rengs par bya'o zhes nges par 'grub pa'i tshig bstan to/ /dgra'o skrag pa zhes bya ba nas ting nge 'dzin gang du de ston pa de la de skad ces bya'o/ zhes pa'i bar du ni rdo rje sems dpa' la sogs pa gang yang rung ba'i rnal 'byor dang ldan pas rang gi snying gnas 'od zer gyi sbyor bas yi ge hUM spros la / rdo rje'i de rnam pa de yongs su gyur pa las bdud rtsi 'khyil ba stod zhal gsum phyag drug pa lta bu /smad rdo rje rtse gcig pa'i rnam pa can bsams la bsgrub bya'i ngag gi lam nas zhugs nas snying gar bkod la de'i snying des dum bur gyur par bsams la sngags dang rgyu dang sbyor ba la mkhas pa rnams kyang phur bus gdab par bya'o zhes bstan to/ /des ni phur bus gdab pa yang gsod pa'i don du yang bya'o zhes bstan to/ /bdud la sogs pa'i rnam par 'tshe ba rnams kyis shes pa ni dus ma yin par 'chi ba'i 'jigs pa'i nye bar 'tshe ba dang ldan pa rnams kyi'o/ /grong khyer zhes pa nas ting nge 'dzin de la yang de skad ces bya'o zhes pa'i bar du ni grong ngam grong khyer ram grong brdal
- 128b
lam skye bo'i gnas sam yul 'khor ram rgyal sa rnams su ji srid nam mkha' la yod pa de srid kyi tshad tsam gyi rdo rje 'chang chen po rnam par bsgoms la/ de las byung ba'i 'od zer 'bar ba'i tshogs kyis nad ba rnams kyi nad bsred bar byas la de rnams kyang de'i nang du 'jug la slar yang slar spros te/ rang rang gi gnas la gnas par byas la rdo rje'i steng nas 'byung ba'i rnam par snang mdzad dang spyan ma'i tshogs snyoms par zhugs pa dang ldan par bsams la nam mkha' i khams la bzhugs la des shin tu dkar po 'o ma'i rgya mtsho'i dpa' rlabs dang 'dra ba byang chub kyi sems rgyun gyis lus po thams cad dbang bskur zhing yongs su tshim par gyur pa/ yid bzhin gyi nor bu dang 'dra bar pha rol rnams la yang bsam pa thams cad yongs su rdzogs par byed pa bsams la/ de bzhin gshegs pa rnam par snang mdzad la sogs pa de rnams kyis grong la sogs pa'i gnas de yang byin gyis brlab pa rnam par bsgoms pas zhi ba chen po byas par 'gyur ro zhes bstan to/ /de yang snying rje chen po mngon du gyur pa sngon du 'gro bar bya'o zhes bya ba'i tha tshig go /las dang po ba'i zhes bya ba nas de yang de skad ces bya'o zhes pa'i bar du ni re zhig dang po rnal 'byor pas zhe sdang rdo rje ting nge 'dzin sngon du byas la/ reg bya rdo rje ma'i chos 'byung gi nang na sna tshogs pad+ma dang nyi ma'i dkyil 'khor gyi steng du khro bo thams cad 'jug pa sngon du 'gro bar rdo rje'i lam nas yi ge hUM yongs su gyur pa las bskyed pa zhal gsum phyag drug pa/ spyan gsum pa /rigs kyi klu brgyad kyi brgyan byas pa/ kha dog sngon po dang dkar po dang dmar po'i zhal mnga' ba g.yon rkyang pa la gnas pa rtsa ba'i phyag gnyis kyi rdo rje dang dril bus 'brel pa'i phyag gis snyoms par zhugs pa lhag ma rnams kyis lcags kyu dang zhags pa dang ral gri dang thob thogs pa zhe sdang rdo rje'i cod pan can/ smin ma kham pa ha ha dang hI hI sgra sgrogs pa gnod mdzes
- 129a
kyi rgyal po bsgoms la/ rdo rje dang pad+ma'i bar nas phyi rol tu byung zhing nyi ma'i dkyil 'khor la gnas pa/ bka' nyan bar bsams de de'i 'og tu snga ma bzhin du reg bya rdo rje ma'i chos 'byung gi nang na yi ge hUM bcu yongs su gyur nas / gshin rje gshed la sogs par khro bo bcu 'og nas 'chad ba'i dbyibs dang kha dog phyag mtshan 'dzin pa spros te/ rim pa ji lta ba bzhin du shar la sogs pa'i phyogs dang mtshams rnams su dgod par bsam par bya'o/ /khro bo de rnams kyang stod 'phags pa bdud rtsi 'khyil ba'i khro bo'i dbyibs dang 'dra ba/ smad rdo rje rtse gcig pa'i phur bu'i rnam pa lta bu spro bar bya'o/ /de'i 'og tu dbus kyi gtso bo'i bdag nyid kyi ngo bo yis sngags 'dis gnod mdzes la bka' bsgo bar bya ste/ oM suM b+ha ni suM b+ha hUM hUM phaT/ oM gri h+Na? gri h+Na hUM hUM phaT/ oM gri h+Na pa ya gri h+Na pa ya hUM hUM phaT/ oM An ya ho b+ha ga bAn badzra hUM hUM phaT ces bya ba 'dis phyogs bcu la gnas pa brgya byin la sogs pa 'jig rten skyong ba rnams 'gugs ba'i don du bka' sbyin par bya'o/ /de thos pas de ma thag tu gnod mdzes kyi rgyal pos lcags kyu dang zhags pa phyogs bcur spro zhing lha'i dbang po la sogs pa 'jig rten skyong ba rnams zhags pas mgul pa bcings shing/ lcags kyu spyi bor btab la shar? la sogs pa'i phyogs dang mtshams rnams su dgod par byed par bsam par bya'o/ /de nas gnod mdzes kyi rgyal pos rdo rje'i phur bu de rnams kyi mgo bo nas rkang pa'i mthil gyi bar du 'jug par byed pa bsam par bya'o/ /oM g+ha g+hA zhes bya ba la sogs pa'i sngags kyi phur bus btab cing brdungs la/ sa 'og chen po bdun gyi bar du son bar bsgoms la khro bo'i rgyal po'i lus las 'byung ba'i bar ba'i tshogs kyi 'khor ba mdza' yas pa thal bar gyur par bsam par bya'o zhes bstan to/ /de ni dang po sbyor ba'i yan lag tu gyur pa rnal 'byor gyi phyogs
- 129b
gcig gi bgegs bskrad pa zhes bya ba'i ting nge 'dzin to/ /nam mkha' i dbyings kyi dbus te zhes bya ba nas ting nge 'dzin la yang de skad ces bya'o zhes pa'i bar du ni stong pa nyid bsgom pa sngon du 'gro bar yi ge oM yongs su gyur pa'i 'khor lo las 'byung pa bdag nyid rnam par snang mdzad sems dpa' gsum gyi bdag nyid phyag rgya dang snyoms par zhugs pa dang ldan par bsams te/ nam mkha' i dbyings kyang de bzhin du spyan ma dang snyoms par zhugs pa'i rnam par snang mdzed? kyi tshogs kyis til gyi gang bu dang 'dra bar yongs su rdzogs par bsgom la/ ye shes sems dpa' i snying ga'i 'od zer gyi sbyor bas bkug cing snyoms par zhugs pa'i bde bas thob par 'gyur bar zhugs shing ye shes sems dpa' i snying gar bsgrub bya bcug la/ de la des dbang bskur byin te nad thams cad zad par byas la slar yang nad pa rang gi snying ga nas spro zhing mdun du zla ba'i dkyil 'khor gyi steng du rnam par snang mdzad kyi gzugs su rnam par bkod pa de bzhin gshegs pa thams cad spyan ma'i chos 'byung ba'i nang na sngar bcug pa yang rdo rje'i rtse mo nas phyung zhing phyi rol tu spros la/ nam mkha' i khams la gnas pa de rnams kyis snyoms par zhugs pa las byung pa'i byang chub kyis sems kyi dpa' rlabs kyis dbang bskur par bya pas yan lag rdzogs pa nor gyi phun sum tshogs pa dang ldan par 'gyur bar nang pa bsam par bya'o zhes bstan to/ /de ni thabs dang shes rab snyoms par zhugs pa'i rim pas zhi pa'i las kyi sbyor ba'o/ /zla pa'i dkyil 'khor zhes bya ba nas ting nge 'dzin gang du ston pa de la de skad ces bya'o zhes bya ba'i bar du ni 'od dpe ge tu med pa dang rin chen 'byung ldan dang don yod grub pa dang mi bskyod pa rnams kyis snga ma bzhin du/ 'od dpag tu med pa la sogs pa'i gzugs kyis rang gi phyag rgya dang snyoms par zhugs pa'i bdag nyid bsgoms la/ rang gi phyag rgya'i chos 'byung gi nang nam dang rlung dang me'i dkyil 'khor bsgoms la de rnams su
- 130a
'od dpag tu med pa la sogs pa'i gzugs brnyan du bdag nyid bsams la/ rang gi snying gar bsgrub bya 'jug cing snga ma bzhin du nam mkha' i khams nas 'od dpag tu med pa la sogs pa'i tshogs rang gi phyag rgya dang snyoms par zhugs pa dgug cing/ snyoms par zhugs pa'i dbang gis zhu pa snying kar bcug pa/ des bsgrub bya dbang bskur zhing mdun du sngar bshad pa'i dkyil 'khor rnams la dgod cing snyoms par zhugs pa'i dbang gis rdo rje'i rtse mo nas spros pa'i nam mkha' i khamS la gnas pa de rnams kyis snyoms par zhugs pa las 'byung ba'i byang chub kyi sems kyi dba' rlabs kyi dbang bskur bar bya ba bsam par bya'o/ /de'i tshe dbang dang rgyas pa dang mngon spyod 'grub par 'gyur ro zhes bstan to/ /'dir mi bskyod pa'i ting nge 'dzin gyis mngon par spyod pa'i khyad par bstan par bya ba'i phyir/ rdo rje nam mkha' zhes bya ba la sogs pa'i bstan te/ mi bskyod pa'i rnal 'byor pas bskyed pa'i rim pa'i bdag nyid zhe sdang rdo rjer bsam la/ rang gi snying ga las srin po la sogs pa spros pas nam mkha' gang bar byas la bsgrub bya yang me'i dkyil 'khor la gnas pa skyabs med pa bsgoms te/ srin po la sogs pa de rnams kyis za bar gyur pa srog dang bral ba de'i rnam par shes pa yang snga ma bzhin du mi bskyod pa'i gzugs can bsgom par bya'o de'i tshe mngon spyod 'grub par 'gyur ro zhes bstan to/ /gzhan yang zhes bya ba la sogs pa gnas grangs med pa nyid du bshad pa yin no/ /zhes bya ba'i bar du ni sngar bshad pa'i rnam par snang mdzad la sogs pa'i sku mdog la sogs pa bstan par bya ba'i phyir bshad par bya ste/ sprin dkar po ltar zhes pa ni rnam par snang mdzad zhi ba'i rang bzhin yin pa'i phyir dang/ me long lta bu'i ye shes kyi rang bzhin yin pas so/ /zhal bar ma ni dkar po zhes pa ni sku'i mdog kyang yin te/ sku'i rang bzhin yin pas so/ /
- 130b
g.yas pa ni nag po'o zhes pa ni thugs kyi rang bzhin yin pas so/ /me tog ku mu da zhes pa ni pad+ma'i me tog go /de dang 'dra ba g.yon pa ni 'od dpag tu med pa'i rang bzhin yin pas so/ /de bzhin du gzhan rnams kyi yang zhal gri rnam par dag pa shes par bya'o/ /de bzhin du zhes bya ba la sogs pas mi bskyod pa'i sku mdog la sogs pa bstan to/ /de bzhin du 'dod chags can zhes bya ba la sogs pas 'od dpag tu med pa'o/ /de ltar zhes bya ba la sogs pas zhi ba la sogs pa las gang yin pa de lha gsum bsgom par sgrub cing rdzogs par 'gyur ro zhes bstan to/ /'khor lo dang rdo rje pad+ma zhes bya ba ni phyag mtshan gtso bor bstan to/ /sgrub pa'i thabs las bshad pa'i rim gyis zhes pa ni sngar bshad pa'i sgrub thabs kyi rim pas so/ /'dod pa'i don zhes pa ni zhi ba la sogs pa'o/ de rdzogs pa ni sgrub par byed pas so/ /de bzhin du rin chen la sogs pa rnams kyi yang zhes pa ni rin chen 'byung ldan dang don yod grub pa dang byams pa la sogs pa rnams kyi'o/ /rnam par snang mdzad kyi phyag rgya zhes bya ba la sogs pas spyan ma'i kha dog la sogs bas spyan ma'i kha dog la sogs pa yang rnam par snang mdzad dang 'dra ba bstan to/ /mi bskyod pa la sogs pas bdag po dang 'dra bar mA ma kI bstan to/ /gsung rdo rje ni 'od dpag tu med pa zhes bya ba la sogs pas gos dkar mo dang sgrol ma ni bdag po dang 'dra bar bstan to/ /de rnams kyang nad la sogs pa rab tu zhi ba'i ngo bo zhi ba la sogs pa'i las mdzad pa'i lha mo yin no/ /go sla ste zhes pa ni khro bo'i rgyal po'i dkyil 'khor gyi ji ltar gsungs pa'i kha dog dang dbyibs la sogs pa go sla bsam bshad do/ /de rnams kyang dad pa la sogs pa'i dbang po bzhi dang rnam par shes pa tshogs drug gi ngo bo yin no/ /bka' i 'khor lo zhes pa ni bgegs bskrad pa'i don du bskul bar byas pas so/ /gzi brjid phung
- 131a
po zhes bya ba la sogs pa ni gzi brjid kyi phung po dang/ rgyal ba'i gtsug tor dang rnam par rgyas pa'i gtsug tor dang bzhin bzang dang bzhin mi ? dang zhes bya ba la sogs pa dpal de kho na nyid bsdus pa dang sgyu 'phrul drang la sogs pa las gsungs pa'i khro bo rnams dang/ de bzhin du byams pa la sogs pa'i byang chub sems dpa' brgyad dang/ spos kyi glang po la sogs pa'i bskal ba bzang po'i byang chub sems dpa' bcu drug po de rnams rdo rje la sogs ba'i phyag mtshan rang rang gi rigs dang mthun pas so sor bsgom par bya'o/ /'di nyid kyi gtan tshigs bstan par bya ba'i phyir/ lta rnams kyis zhes bya ba la sogs pas sangs rgyas bcom ldan 'das rnams kyi ting nge 'dzin ni dpag tu med pa yod do/ /rnam pa sna tshogs kyi rigs dang bag chags kyi dbye bas sems can gyi khams kyang nam mkha' dang 'dra bar mdza' yas pa'o/ /de rjes su gzung ba'i don du yang bcom ldan 'das de bzhin gshegs pa rnams kyis sprul pa'i sku yang mdza' yas pa'o/ /de rnams kyang pho nya la sogs pa'i dbye bas dpag tu med pa ste/ gal te nam mkha' i khams la 'di tsam zhes tshad yod na de'i tshe de gang par byas nas logs su de dmigs par 'gyur srid do/ /de bas na de rnams ma gsungs pa yang rigs dang rjes su mthun pa'i phyag mtshan la sogs pa'i dbang gis rjes su dpag par bya'o/ /de ni zhes pa la sogs pa'i sems rnam par dag pa'i rim pas 'od gsal pa la 'jug cing/ de las byung ba'i sgyu ma lta bu sku dang ldan pa rnam par snang mdzad la sogs pa'i bskyed pa bstan to// nam mkha' i dbyings ni 'od gsal ba'i zhes pa ni sems rnam par dag pa'i rim pas thob par bya'o/ /snang ba gsum mo/ zhes pa ni snang ba nye bar thob la sogs pa gsum mtshams dang nyi ma dang zla ba'i snang ba dang 'dra ba'o/ /de nyid kyi phyir bskyed ba'i rim
- 131b
ba'i yan lag dang 'dra bar zla ba dang rdo rje la sogs pa ni mngon par byang chub pa'i rnam pa lnga ltas pa med pa zhes pa ni mi brten pa'i phyir ro/ /rdo rje 'chang chen po'i gzugs zhes pa ni dang po bdag nyid bsgoms la yang de nyid rnam par snang mdzad la sogs pa'i gzugs su yongs su gyur pa spro bar bya'o/ zhes bya ba 'dis phyag rgya chen po yongs su 'gyur pa bstan to/ /khug sna la sogs pa'i nyes pa dang bral gzhes bya ba la sogs pas bcom ldan 'das rnam par snang mdzad sku mdog dkar ba dang zhi ba dang 'od zer lngas mdzas pa dang me long lta bu'i ye shes kyi ngo bo dang rnam pa thams cad mchog dang ldan pa nyid bstan to/ /bsgom pa'i rim pa 'dis mngon par byang chub bsgoms nas rim gyis mi gnas pa'i mya ngan las 'das pa ni zung du 'jug pa'i ting nge 'dzin mthong ba ni thob par 'gyur ro zhes bya ba'i tha tshig go /sangs rgyas kyi dbang phyug ces bya ba la sogs pas phan yon bstan to/ /sku'i dbang phyug la sogs pa brgyad po ni sangs rgyas rnams kyi dbang phyug go /nyan thos la sogs pa 'dud par byed pa'i/ /zhes pa ni 'dud pa'i ngo bor byed pa'o/ /gang gi phyir yang dag par rdzogs pa'i sangs rgyas kyi cho 'phrul dang nyan thos la sogs pa'i cho 'phrul ni mtshungs pa ma yin te/ de rnams ma dag pa'i phyir ro/ /yod na yang skra'i rtse mo'i bye ba 'bum gyi grangs kyis kyang mtshungs pa ma yin te/ 'khor los bsgyur ba dang de bzhin gshegs pa dag gis mtshan dang dpe byad bzhin no/ /lus 'di nyid la ni mthong ba'i chos la'o/ /des ni pha rol tu phyin pa'i rnal 'byor pa las ldog pa bstan te/ bskal pa grangs med pa gsum gyis byang chub thob ba'i phyir ro/ /rnam par snang mdzad kyis zhes pa la sogs pas ting nge 'dzin nye bar bsdus ba'o/ /rdo rje'i dkyil 'khor zhes bya ba nas ting nge 'dzin de la de skad ces bya'o zhes pa'i bar du ni mi bskyod pa dang 'od dpag tu med pa dang rin chen
- 132a
'byung ldan dang don yong grub pa dang/ spyan ma dang mA ma kI dang? gos dkar mo dang dam tshig sgrol ma dang/ gshin rje mthar byed dang shes rab mthar byed dang pad+ma mthar byed dang bgegs mthar byed dang mi g.yo ba dang dbyug sngon can dang/ 'dod pa'i rgyal po dang stobs bo che dang gtsug tor 'khor los bsgyur ba dang/ gnod mdzas kyi rgyal po sems rnam par dag par rim pas 'od gsal ba la 'jug cing slar yang snang ba nye bar thob pa la sogs pa'i rim pas 'jug cing/ mngon par byang chub pa mngon du byas la zung du 'jug pa'i ting nge 'dzin thob par 'gyur ro zhes bstan to/ /'dir ni drug pa rdo rje 'chang ngo/ /de yongs su gyur pa las dkyil 'khor thams cad bsgom par bya'o zhes man ngag go /snang ba gsum zhes bya ba ni snang ba la sogs pa ye shes gsum mo// stong ba nyid gsum mo zhes pa ni stong pa dang shin tu stong pa dang stong pa chen po'o/ /sgyu ma'i mtshan ma'i phyir zhes pa ni bud med kyi sgyu mas thob par 'gyur ba'o/ /sgyu ma dag ni thams cad las/ /bud med sgyu ma khyad par 'phags/ /ye shes gsum gyis dbye ba ni/ /'di nyid las ni mtshon par 'gyur zhes 'byung bas so/ /don dam pa'i bden pa ni 'od gsal ba'o/ /shes rab dang thabs nye bar thob pa zhes pa ni snang ba la sogs pa'i ye shes gsum dang 'jug pa la sogs pa'i rnam par shes pa gsum spong bar byed pa'o/ /snang ba chen po zhes pa la sogs pa ni ye shes gsum nye bar sdud par byed pa'i 'od gsal ba'o/ /bstan pa la gnod par byed pa zhes pa la sogs pa 'dis gshin rje mthar byed kyis gdul bar dka' pa 'dul ba nyid bstan to/ /rdo rje gsum gyi gnas ni 'od gsal ba'o/ /zhes pa ni ye shes gsum nye bar sdud par byed pa'i phyir ro/ /rdo rje nam mkha' ni kun tu snang ba gsum gyi zhes pa ni snang ba la sogs pa gsum mo/ /de nye bar sdud
- 132b
pa'i bdag nyid 'dzin pa 'am thim pas na dbyings ni 'od gsal ba nyid do/ /nam mkha' la spyod pa rnams so zhes pa ni grub pa dang rig pa 'dzin pa la sogs pa'o/ /sgra ji bzhin pa'o zhes pa ni dkyil 'khor gyi 'khor lo bstan pas so/ /'gog pa ni gsod pa zhes bya ba la sogs pas bskyed pa'i rim pa'i rnal 'byor pas yan lag bzhi pa dang po sbyor ba sgom zhing/ dbus kyi gtso bo'i gzugs kyi bka' sbyin te khro po'i 'khor lo'i sgo nas gdug pa can tshar gcod pa'i thabs bstan to/ /rdzogs pa'i rim pa'i rnal 'byor pas sems rnam par dag pa'i rim pas 'od gsal ba la 'jug ste/ yang bdag la byin gyis brlab pa'i rim pas langs la sgyu ma lta bu'i ting nge 'dzin gyis 'phrin las thams cad 'grub par byed do zhes bstan to/ /gshin rje gshed la sogs pa'i ting nge 'dzin gyi zhes pa ni khro bo'i rang bzhin yin pas so/ /lha rnams kyi 'khor lo bsten cing dmigs pas so zhes pa bskyed pa'i rim pas dkyil 'khor spro bar byas pas so/ /de kho na nyid la dmigs pa sngon du 'gro bas zhes pa ni bgegs bskrad pa nas brtsams te chos kyi dbyings kyi sngon du 'gro bas so/ /sa bon dgod pa sngon du 'gro bas shes pa ni yi ge gsum dgod pa sngon du 'gro ba'o/ /rdo rje la sogs pa dmigs pa dang zhes pa ni yig 'bru yongs su gyur pa las mtshan ma la sogs pa dmigs pa'o/ /de yongs su gyur pa las zhes pa ni phyag mtshan yongs su gyur pa las byung ba'i rdo rje 'chang la sogs pa'i lha'i sku'o/ /de dag ni sku rnams so/ /bka' 'khor lo la dmigs pa zhes pa ni khro bo'i 'khor lo spro bas 'grub par 'gyur te/ de gdug pa rnams sel bar byed pa'i phyir ro/ /drang ba'i don to zhes pa ni bskyed pa'i rim pa bstan pas so/ /gzugs kyi phung po la sogs pa'o zhes pa ni tha mal pa'i nye bar len pa'i phung po lnga'i mtshan nyid do/ /de lrnams sngags dang phyag rgya'i rim pas 'gugs pa ni don dam pa'i
- 133a
bden pa la 'jug pa'o/ /rang bzhin gyi ni brgya drug cu'o/ /lus ltar snang ba'i ye shes gsum gyi lus so/ /rgyab kyis phyogs pa'o zhes pa ni de zlog par byed ba rdzogs pa'i rim pa'i ting nge 'dzin la gnas pa'o zhes pa ni 'od gsal ba la 'jug pa'o zhes bya'o/ /ting nge 'dzin gyi bdag nyid ces pa ni bde ba chen po'i ting nge 'dzin gyi rang bzhin no/ /rdo rje ye shes ni de bzhin gshegs pa'i sku rnams so/ /don dam pa'i dkyil 'khor ni 'od gsal ba la ldang bar gyur pa la zhes pa ni bdag la byin gyis brlab pa'i rim pas sprul pa'i sku blangs pas 'grub par 'gyur ba ni rdzogs par 'gyur ro/ /nges pa'i don to zhes pa ni sems rnam par dag pa dang bdag la byin gyis brlab pa'i rim pa bstan pa'i phyir ro/ /de bzhin gshegs pa zhes bya ba la sogs pas rim pa gnyis kyis phyag rgya chen po'i sku bskyed pa las kyi tshogs bsgrub pa'i sgo nas le'u'i ming don dang ldan pa bstan to/ /le'u'i don dam sngar bshad zin to// //sgron ma gsal bar byed pa'i 'grel pa'i TI ka las le'u bcu gsum pa'i rgya cher bshad pa'o// //da ni zhes bya ba la sogs pas le'u bcu bzhi pa'i bshad pa brtsam par bya ste/ sngags smras pa rnam pa bzhi ni zhi ba la sogs pa'i mtshan nyid do/ /rjes su 'brangs nas zhes pa ni de dang rjes su mthun pa'i sngags 'brangs nas so/ /gang gi phyir sprul la sogs pa'i sngags rnams ni zhi ba la sogs pa'i las byed pa ni yin no zhes rdo rje gtsug tor la sogs pa las bstan pas so/ /de bstan par bya ba'i phyir zhes pa ni sngagS kyi sgo nas zhi ba la sogs pa 'grub pa'i phyir ro/ /dgongs pa ni 'di yin te le'u bcu gsum pa nas las kyi tshogs bstan mod kyi 'on kyang de rnams bsgom pa sngon du 'gro ba yin no/ /le'u bcu bzhi pa las sngags bsgom pa dang rdzas kyi de rnams
- 133b
bsgrub par bya'o zhes bstan to/ /go rim zhes pa ni rim pa'o/ /bshad pa'i rgyud ni rdo rje phreng ba las so/ /zhi ba dang ni rgyas pa dag /zla ba yar gyi ngo la bya/ zhes bya ba la sogs pa ni zhi ba dang ni nad kyi zil gyis non pa la nad dang bral pa'o/ /rgyas pa ni nor med pa 'am nor chung ba'i 'bru dang gser la sogs pa byed pa'o/ /de dag yar gyi ngo la zhes pa ni rim gyis zla ba 'phel ba'i bdag nyid kyi dus su bya'o/ /zla ba ni gdung ba zhi ba dang 'phel bar 'gro bas so/ /dbang gis bstan pa la 'jug par byed pa'o/ /mngon spyod ni snying rjes gdul dka' gsod pa'o/ /sogs pa'i sgras ni gzhan dag kyang rengs pa dang dgar ba dang dgug pa dang sdang pa la sogs la drag shul las rnams so/ /mar gyi do ni go rim gyis zla pa nub pa'i dus su bya ba ste/ 'khrul pa bskyed pa'i phyir dang/ rmongs par byed pa'i phyir dang/ 'jigs par byed pa ste dus kyi nges pa'o/ /byang du kha bltas la zhi ba ste/ rnam thos sras kyi nad bcom par byed pas so/ /shar du blta pa ni rgyas par bya ste/ brgya byin gyis dus thams cad du rgyas par byed pa'o/ /lho phyogs ni lho phyogs su drag po'i las bya ste/ gshin rjes ni 'jig rten pa mthar byed pas so/ /dbang dang dgug pa nub kyi phyogs su bya ste/ chu lha ni sprul gyi zhags pas dgug cing dbang byed pas so/ /me'i phyogS ni shar lho'i mtshams su'o/ /gsod pa ni srog dang bral bar bya ste/ me bsreg pa nyid kyis gsod par byed pas so/ /bden bral ni lho nub kyi mtshams su'o/ /sdang bar bya ba'i ni byams pa gnyi ga la dbye bar byas te/ bden bral ni zhe sdang gi rang bzhin yin pas so/ /gnas las bskrad pa ni 'gar ba ste de rlung gi phyogs su ni nub byang gi mtshams su bya ste/ rlung ni g.yo ba'i ngo bo yin pas so/ /de ni phyogs dang mtshams kyi dbye ba'o/ /de bzhin du bsgom pa'i gnas skabs su zhi ba'i las byed
- 134a
na kha dog dkar po'i bdag nyid du bsgom par bya ste/ zla ba'i kha dog ni tshim par byed pa dang/ tsha ba la sogs pa zhi bar byed pas so/ /rgyas pa'i las byed na kha dog ser po'i bdag nyid bsgom par bya ste /gser ni rgyas par byed pas so/ /dbang dang dgug par byed na kha dog dmar po'i bdag nyid bsgom par bya ste /pad+ma la sogs pas snying 'phrog par byed pa'i phyir ro/ /gsod pa'i las la kha dog nag po bsgom par bya ste/ mun pas 'jig rten pa thams cad sgrib par byed pas so// de ni kha dog gi dbye ba'o/ /byams pa'i bde ba dang ldan pa ni 'dod pa'o/ /de gtso bor gyur pa'i sems kyis zhi ba'i las bya ste/ gzhan gyi sdug bsngal bzlog pa'i mtshan nyid yin pas so/ /de bzhin du dga' ba'i sems kyi rgyas pa'i las bya ste/ dga' bas ni gzhan la phun sum tshogs pa'i 'dod pa'i bdag nyid yin pas so/ /de bzhin du chags pa'i sems kyis dbang gi las bya ste/ chags pa dang bcas pas gzhan la dbang byed pa yin gyi chags pa dang bral bas ma yin pas so/ /de bzhin du khro bo'i sems ni zhe sdang dang ldan pa'i yid kyi gsod pa'i las bya ste/ khos pa gzhan gyi gnod pa la nus pa dang ldan pas so/ /de ni sems kyi skabs kyi khyad par dbye ba bstan to/ /de bzhin du ni srod ni mtshams kyi dus su zhi ba'i las byas te nyi ma nub nas zla pa shar bas so/ /gang gi phyir zla ba dang nyi ma ni zhi pa dang drag po ste de dag gi rjes su mthun pa'i las byed pas so/ /snga gro ni nang par de thams cad bsad ba'i dus su rgyas pa'i las bya ste/ nang bar gyi nyi ma 'phel bar byed pas so/ /dbang gi las dang mngon spyod kyi las ni nyi ma gung ni nyi ma phyed dang mtshams phyed kyi dus su bya ste/ nyi ma phyed pa'i dus su ni rno ba yin pa dang/ mtshan phyed kyi dus su thams cad gnyid log pas dran pa med pas so/ /de ni dus
- 134b
kyi khyad par gyi dbye ba'o/ /rdzogs pa'i rim pa la gnas pa zhes bya ba ni de'i tshe drag po'i las bya'o zhes pa'i bar du ni rdo rje 'chang chen po la sogs pa'i gang yang rung ba'i rnal 'byor pas lkog ma la sogs pa'i gnas gzhi la mi la sogs pa'i dkyil 'khor bzhi bsgoms la/ de rnams su yi ge gsum dmigs nas de la 'jug pa la sogs pa'i rim pas bzlas pas bya ste /g.yas dang g.yon dang gnyi ga dang ngal bus dman par rgyu pa'i dmar po la sogs pa'i 'od zer spro zhing sna'i rtse mor thun byed dus su de nyid 'dzin pas slar yang bsdus la de'i tshe 'bad rtsol med pas zhi ba la sogs pa'o/ zhes bstan to/ /bshad pa'i rgyud las zhes pa ni dgongs pa lung bstan pa las so/ /nang gi bdag nyid can gyi dus shes pa ni phyi ma yin pa'o/ /gsang ba chen po ni bskyed pa'i rim pa'o de las shin tu gsang pa ni rdzogs pa'i rim pa'o/ /shin tu phra ba na rnal 'byor gyi mngon gsum gyis rtogs par bya'o/ /byang chub sems kyis byin gyis brlabs pa yin te zhes pa ni byang chub sems kyi ngo bo rdo rje 'chang chen pos byin gyis brlabs pa'o/ /'od gsal ba'i ngo bo yin pas ni ye shes so/ /de bzhin du rim pa 'di nyid kyis sems can grol bar 'gyur ba dang sngags rnams 'grub par 'gyur te/ rang bzhin yongs su shes pas so/ /de bzhin du zhi ba la sogs pa'i las rnams su de nyid sems kyi dbyings ni phra mo'i rnal 'byor gyi mtshan nyid rtog pa ma lus pa sreg par byed pas ni zhi pa/ gzung pa ni brten par bya ba'o/ /bskyed ba'i rim pa ni zung bar bya ba ma yin te/ spros pa dang bcas pas so/ /dpe bstan par bya ba'i phyir me tog ces bya ba la sogs pa'i smos te/ ji ltar me tog zad na yang da'i dri snod la sogs pa 'am til sogs pa las tshor bar 'gyur ba de bzhin du kho na nyid mngon du ma gyur na yang sems can so so'i skye
- 135a
bo rnams kyi snying gar gnas te/ bsam gtan kha ton med pas kyang/ mi shes sngags kyi rgyal po zla zhes 'byung bas so/ /dus kyi dbye ba bshad par bya ste nyin mo dang mtshan mo chu tso? drug cu rtsa bzhi'i tshad dang ldan pa'i thun ni brgyad te/ nyin mo bzhi dang mtshan bzhi'o/ /de la chu tshod brgyad ni thun cig go /de'i phyed ni chu tshod bzhi'o/ /de'i phyed ni chu tshod gnyis so/ /des na don 'di yin te/ nyin mor chu tshod gnyis dang/ mtshan mo'i chu tshod gnyis gnyis su/ sna'i rtse mor thun brgyad kyi nang na thig le gzung nas 'od gsal ba rtogs pa'i bdag nyid kyi sems rtse gcig pa nyid thob par 'gyur ro/ /rim ni zhes bya ba g.yas pa la sogs pa'i dbye bas so/ /go rim ji bzhin me'i dkyil 'khor la sogs pa'i dbye bas dmar po la sogs pa'i kha dog gi bye zag gis so/ /de nyid bstan pa'i phyir/ me la sogs pa ni mdor bstan pa'o/ /chu'i dkyil 'khor zhes bya ba la sogs pa rgyas par bstan pa ste go sla'o/ /de rnams kyi bdag po ni gtso bo ste spro ba dang/ bsdu ba byed pa'i bdag nyid yin pas so/ /rims la sogs pa nye bar zhi ba la sogs pa ni rlung dang mkhris pa la sogs pa'i rnam pa las byung ba'i nang thams cad zhi bar byed pas so/ /de zhi bar byed pas na zhes pa ni de 'joms par byed pa'o// khyad par gyur pas na zhes pa ni nad bcom pa'i khyad par du gyur pas so/ /sgrub pa po ni rnal 'byor pa rnams te de bzhin gshegs pa thams cad kyi dngos grub 'dod pas so/ /de rnams kyi gzung bar bya ba yin pas na zhes pa ni sems can gyi don bya ba'i phyir yid kyi gzung bar bya'o/ /mnyam par byung ba la zhes pa ni lus la sogs pa phan tshun dbyer med pa'i phyir ro/ /bka' stsal pa'o zhes pa ni gsungs ba'o/ /oM zhes bya ba la sogs pa ni swAhA'i bar du'o/ /sbas nas
- 135b
brjod pas na sngags so/ /sbrul zhes bya ba ste zhes pa ni mgo bo dang mjug ma dang ldan pas so/ /rdo rje gtsug tor zhes bya ba la sogs pas lung tshad ma nyid du bstan to/ /thog ma dang zhes bya ba la sogs pas oM dang swAhA dag gis thog ma dang tha ma ? spyan bzhi ba don du bsbrul zhes bya'o/ /sngags kyi ming zhes bya ba 'dis sngags rnams kyi brda bstan to/ /sngags kyi don ni de'i brjod bya'o/ /'di lta ste zhes bya ba ni tshig phrad bsdud pas na sngags bstan par bya ba'i phyir ro/ /de la yi ge a'i na bcom ldan 'das mi bskyod pa'o u ni 'od dpag tu med pa'i 'o/ /ma ni rnam par snang mdzad chen po ste de nyid rjes su 'jug pa'i dbyangs so/ /de ltar thugs rdo rje la sogs pa'i yi ge gsum gyi bdag nyid ni yi ge oM mo/ /bsod nams len pa'o zhes pa ni bkra shis rtogs par byed pa'o/ /lhag ma ni 'grel pa mkhan pos legs par bshad pas ni 'dir ma bshad do/ /'dir zhes bya ba la sogs pas 'dir bzlas pa'i dus su sngags kyi yi ge kha dog dkar po dang de'i mchod pa'i dus su me tog la sogs pa gang yin pa de rnams kyang kha dog dkar po bsam par bya'o zhes bstan to/ /gzugs 'dis zhes bya ba nas thob par 'gyur ro/ zhes bya ba'i bar du gzungs 'dis thos pa tsam gyi nad pa rnams dga' bar 'gyur ba dang rnam par snang mdzad rjes su dran par 'gyur ro zhes bstan to/ /sgrub pa po mngon par 'dod pa rnams so/ /zhes pa ni zhi ba'i don gnyer ba'o/ /de rnams la rnam par snang mdzad kyi rigs yin pas re zhig zhib 'byung bar ma zad kyi 'on kyang bskul ba ni wo ShaTa la sogs pa'o kha dog ni ser po la sogs pa'o/ /bsam pa ni dga' ba dang chags pa dang khros pa la sogs pa'o/ /de'i bye brag gis kyang las thams cad rgyas pa la sogs pa byed ba'o/ /des ni sngags re res las thams cad byed pa yin na yang kha gcig gtso bo yin no zhes bstan te rab tu grags pa'i phyir ro/ /las gzhan bstan par bya ba'i phyir shi ba slong bar byed bas na
- 136a
zhes bstan to/ /de dag ni de dang 'dra ba'i sngags ni spyan ma'i sngags te mthu ni de'i nus pa bstan to/ /de bzhin du rdo rje dam tshig ces bya ba la sogs pas rnam par snang mdzad la bskul bar byed pa nyid kyang bstan to/ /gsungs so zhes bya ba la sogs pas nye bar bsdus pa'o/ /'dir man ngag 'di yin te rnam par snang mdzad kyi rnal 'byor dang ldan pas mdun du zla ba'i dkyil 'khor gyi steng du bsgrub bya nad pa bkod la de'i lte ba'i phyogs su yi ge hUM las byung ba'i rdo rje gnod sbyin gyi khro bo bsams la lag par rdo rje thogs pa des kaM yongs su gyur pa las/ pre la sogs pa'i gzugs can nad snying ka nas ngag gi lam nas byung ba brlag par byas pa rang gi lag pa'i 'khor lo 'bar bas kyang bsregs par gyur bar bsams te/ rang gi snying ga nas spyan ma la sogs pa'i tshogs spros la de rnams kyi kha dog dkar po bum pa'i chus dbang bskur te me tog dang spos la sogs pa kha dog dkar pos mchod pa rnam par snang mdzad kyis gzugs su bskyed cing spyi bo dang snying ga dang lte ba dang gsang ba rnams la sngags 'dis reg cing sor bar 'gyur ro/ /de'i 'og tu ni rig med pa'i gro ga 'am ta lar gur gum mam gi'u wang dag gis pad+ma 'dab ma brgyad pa bris la/ de'i phyi rol tu rtsibs bcu gnyis pa'i 'khor lo bris te/ dbus kyi lte ba la yi ge oM dang che ge mo la shAM tiM ku ru swAhA zhes bya ba bris nas lhag ma'i yi ge rnams/ 'dab ma re re la dgod cing rtsibs rnams kyi phyi rol yi ge has bskor zhing skud ba dkar pos bcings la brag dang lcags gsum gyis sbyar te/ tsan dan gyis byugs pa'i srad bu dkar pos phyogs gcig tu bcings la/ za ma tog gi nang du bzhag ste bskyed ba'i rim pas spyan ma'i rnam pa bskyed la/ dkyil 'khor gyi dbus su kha dog dkar po me tog la
- 136b
sogs pas mchod pa de las langs te de'i dpung ba g.yas pa la bcing bar bya'o zhes bya bas zhi ba bskyed pa yin no/ /de bzhin du de'i zhag tu 'chi ba'i mi ro blangs la ba spu rnam pa ldas sbyang zhing sku khrus kyi tshogs bkrus la/ sku'i dkyil 'khor gyi dbus su rdo rje skyil mo krung gis bzhag la gos dang rgyun la sogs pa dang ldan pa dris byugs la legs par 'dug par byas la/ spyan ma'i sngags kyis mgo bo la sogs par reg cing nam mkha' i phyogs la gnas pa'i yi ge gsum gyi rnam pa can srid pa bar ma de kha dog dkar po bsams la/ de yongs su gyur pa las rnam par snang mdzad chen po sems dpa' gsum gyi bdag nyid de'i snying gar bcug la yang mchod pa rnam pa lngas mchod la nam mkha' i dbyings la bzhugs pa'i sangs rgyas sbyin ma'i tshogs kyis bdud rtsi bum pa'i chu rgyun gyi dbang bskur zhing de'i drung du gru bzhi pa khru nyi shu'i tshad dang ldan pa 'o mas gang ba'i rdzing bu'i 'gram du zhi ba'i sbyin sreg byas la sbyin sreg gi mthar de las blangs pa 'o mas gang ba'i bum pa brgya rtsa brgyad kyi bkrus la sangs rgyas spyan ma'i sngags kyis reg cing bkra shis kyis tshigs su bcad pa brjod la dge slong gi dge 'dun la bzhes kyi drang zhing de'i tshe ro de 'tsho bar 'gyur ro zhes bstan to/ /de nyid kyi phyir shi ba slong bar byed pa zhes bstan to/ /de nas zhes bya ba nas brtsams te dmigs pa'o/ zhes pa'i bar du ni bgegs thams cad 'joms par byed pa'i ting nge 'dzin la snyoms par zhugs pa nyid bstan to/ /dngos po ni bgegs rnams so zhes bya ba la dge ba'i phyogs bcom par byed pa'i phyir 'byung zhing mthu dang ldan pas so/ /btsun mo mchog ltar zhes pa ni ji ltar rgyal po'i 'am btsun mo thams cad kyi mchog tu gyur pa de bzhin du gzungs sngags rnams kyi 'di yang gtso bor gyur pa'o/ /oM zhes bya ba la sogs pa'i sngags kyi bshad pa ni go sla'o/ /de rnams
- 137a
gyis mi phyed pa zhes pa ni ngo bo gcig gis lus gang la yod pa de/ sgrub pa bo ni mA ma kI'i rnal 'byor pa rnams so/ /sngags thos pas dga' nas spyan gyi utwa la gdangs bar gyur to/ /'phrin las bshad par bya ste/ bdud la sogS pa zhes ba ni dus ma yin ba'i 'chi ba las srung bar mdzad pa'o/ /de bzhin du bgegs dang log 'dren zhes pa ni 'jig rten skyong ba rnams kyi 'jigs pa des gzir ba ni mnan ba rnams kyis bgegs 'joms par mdzad pa'o/ /mA ma kI ni mi bskyod pa'i rigs 'ba' zhig tu ma zad kyi rin chen 'byung ldan gyi rigs can yang yin te/ gnyi ka'i rigs kyi thun mong yin no zhes bya ba'i tha tshig go /'dir rigs pa ni sngar bshad zin to/ /'dir man ngag ni mA ma kI rnal 'byor dang ldan bas dus ma yin pa'i 'chi ba'i 'jigs bas gdud ba 'am 'jig rten skyong ba la sogs pa zil gyis gnon pa'i bsgrub bya mdun du nyi ma'i dkyil 'khor gyi steng du gnas pa'i sdig pa byang bar byas la snga ma bzhin du mA ma kI'i tshogs kyis dbang skur la mi bskyod ba'i gzugs su bskyed cing/ sngags bris ba'i bsrung ba'i 'khor lo dpung pa g.yas pa la bcing par bya'o/ /de'i tshe ji ltar bshad pa'i las 'grub par 'gyur ro/ /de nas zhes bya ba la sogs pa rgyas pa'i ting nge 'dzin la snyoms par zhugs pa nyid tu bstan to/ /oM zhes bya ba la sogs pa'i sngags kyi don ni go sla'o/ /pad+ma'i rigs la lhag par mos pa rnams so/ zhes bya ba la sogs pas sngags thob pas de'i sgrub ba po'o/ /dga' zhing rang gi bdag po la brten par 'gyur ro zhes bstan to/ /ched du brjed ba la sogs pa'o zhes pa ni ngag la 'jug pa'i mtshan nyid kyis rgyas pa'o/ /lus rgyas pa ni stobs yin no/ /de nyid bstan ba'i phyir/ bya ba rnams la spro ba'o zhes pa ni bya ba byed pa la nus pa'o/ /nor dang 'bru la sogs
- 137b
pa ni phyi'i rgyas ba'o/ /de dag thams cad ni gsum po yod?/ /rdo rje gsum zhes bya ba la sogs pas dpe'i sgo nas sgrub pa po de'i ngo bo nyid du 'grub bar 'gyur ro zhes bstan to/ /bton pa tsam gyis zhes bya ba la sogs pas de zhig sgrub ? po ni bzhag ni rtogs pa ? gsungs pa'i bzlas pa'i chogs 'grub bar 'gyur na las thams cad kyang 'grub par 'gyur ro zhes bstan to/ /'dir sbyar ba ni re zhig dang po rnal 'byor bas gos dkar po'i rnal 'byor dang ldan bzla ba'i dkyil 'khor gyi steng du bsgrub bya mdun du bsgoms la rang gi snying gnas spros ba'i gos dkar mo'i tshogs phyung nas dbang bskur zhing/ 'od dpag tu med pa'i gzugs su bskyed la/ de'i dbung pa la sngags bris pa'i bsrung ba'i 'khor lo bcing bar byas na de'i tshe nor dang 'bru la sogs pa rgyas par 'gyur ro/ /de nas zhes bya ba la sogs pas dbang gi ting nge 'dzin tu snyoms par zhugs pa nyid bstan to/ /oM zhes bya ba la sogs pa'i sngags kyi don ni go sla'o/ /sangs rgyas thams cad kyi bya ba byed pas sangs rgyas kun ni don yod par grub pa'o/ /de la lhag par mos pa rnams so/ /zhes pa ni don yod grub pa'i dngos grub don du gnyer ba'o/ /mgu bar 'gyur ba ni sngags dang de'i mthu thos bas nang gi bdag nyid rab tu dga' bar 'gyur ba'o/ /skyes bu gtso bo zhes ba ni bram ze dang rgyal rigs dang dmangs rigs dang rje rigs kyi khyim bdag rnams so/ /snying srab rnams so zhes pa ni gdul bar bya dka' ba chom rkun la sogs ba'o/ /rgyal bo rnams so zhes ba ni sa bdag rnams so/ /de rnams dang ji srid gzhan rnams kyang 'jig rten tha? sal ba zhes pa ni tshod dpon dang tshong ba dang mtho ba'i rigs so/ /rnam pa thams cad du ni lus ngag yid kyis so/ /bran bzhin du ni 'phangs bzhin no/ /dbang du 'gyur zhing zhes pa ni sgrub pa po'i zhal blta ba de'i dka' yang nyan bar 'gyur ro/ /de nyid bstan pa'i phyir thams cad sgrub ba bo'i dbang du gyur pas sngar bshad pa'i
- 138a
bsgrub bya dbang du gyur pas so/ /g.yo med pa ste zhes pa ni bya ba gzhan med pa'o/ /de nyid kyi phyir gzhan gyi dbang du 'gyur ba ni rnal 'byor ? rag lus pa gzungs sngags 'dis byed pa'o/ /'dir sbyor ba ni sgrol ma'i rnal 'byor dang ldan pa'i sgrub pa pos sngon gyis bsnyen pas de'i sngags 'bum phrag gcig bzlas shing de nyid kyis bsnyen pas bzlas pa'i chus mig la nye bar reg cing gang mthong ba dang gang gis mthong ba de nyid dbang du 'gyur ro/ /de bzhin du lam du 'gro bar 'dod pas go skyi? mthar lan bdun bzlas shing bcings la mthong ba tsam gyis sgra mi g.yo bar 'gyur ro/ /sbyor ba gzhan yang dpal sgrol ma 'byung ba'i rgyud las rjes su 'brang bar bya'o/ /'od zer dkar po'i tshogs zhes bya ba ni rnam par snang mdzad kyi 'brel pa dang ldan pa'o/ rigs dang rigs can dbyer med pas ting 'dzin dang yang de skad ces bya'o/ /rdo rje ltar mi phyed pa'i gshin rje gshed po dbyer med pas de'i sngags la yang de skad ces bya'o/ /nam zhes bya ba la sogs pas rdo rje la sogs pa dang rjes su dran par byas ste/ khro bo thams cad las 'byung ba'i phyir ro/ /de'i phyir sngags 'den pa'i dus su ni khro bo thams cad kyi sngags bzlas pa'i dus su'o/ /oM zhes bya ba la sogs pas sngags kyi don bshad pa ni go sla'o/ /'dir bcom ldan 'das zhal gsum phyag drug pa yin na yang/ zhal bzhi pa phyag bzhi pa lhag pa 'am nyung ba nye bar slong ba 'di mos pas dbe bas so/ /de nyid kyi phyir bcom ldan 'das zhabs gnyis pa yin na yang zhabs drug tu bstan te/ rgyud gzhan la zhal drug pa dang phyag drug pa dang zhabs drug pa gsungs so/ /de gsungs pa yang gdul bya'i 'dod pas dbye ba la so/ /mahA big+h+nan ni gshin rje'o/ /A karlaya zhes bya ba 'dis dgug ba la sngags kyi mthu bstan pa/ de nas zhes bya ba la sogs pas brgya byin la sogs pa 'jig rten skyong ba rnaMs
- 138b
sngags thos pas 'jig pa dang rdo rje 'chang chen po rjes su dran pa nyid du bstan to/ /rnam par snang mdzad kyi sbyor pa dang ldan pas zhes bya ba la sogs pas 'di skad bstan pa yin te /ji ltar mngon par 'dod pa'i skyes pa 'am bud med mngon par dgug par 'dod pa'i rnal 'byor pas de'i ro langs kyi cho gas ma nyams pa'i thod pa blangs la sngags kyi byin gyis brlabs pa'i rgya skyegs kyi khu bas de'i gzugs de la bris te/ /de dag la che ge mo A karSha ya zhes bya ba snying gar bris la rim las bskyed pa'i nyi ma'i dkyil 'khor gyi steng du hUM las skyes pa'i sna tshogs rdo rjes mtshan pa'i rkang pa g.yon pas de dag la mnan zhing lcags kyu de nyid kyis snying gar brdegs la skyabs med pa gzhan dbang du gyur pa bud med dang skyes pa rnams dgug par bya'o/ /zhag bdun zhes bya ba 'dis dus kyi nges par bstan to/ /dgos pa ni 'di yin te sngon du bsnyen pa byas pa dam bca' ba bstan pa'i sgrub pa pos gal te zhag bdun sbyor ba 'dis bslab na de'i tshe sngar bshad pa'i skyes pa dang bud med rnams dgug par 'gyur ro zhes bya ba'i tha tshig go /de nas zhes bya ba la sogs pas don yod grub pa'i rigs can gyis bdud rtsi 'khyil ba'i ting nge 'dzin tu zhugs pa nyid bstan to/ /de las byung ba'i sngags kyi bdag nyid kyi khro bo zhes pa ni bdud rtsi 'khyil pa don yod grub pa'i rigs yin pas so// na ma zhes bya ba la sogs pa don bshad zin pa'o zhes pa ni nges pa'i tshig sar bshad pa'o/ /oM zhes bya ba la sogs pa'i sngags kyi don bshad pa ni go sla'o/ /ma hA ga na dzi bi tAn+ta ka ra ya zhes bya ba ni bgegs kyi bdag po'i srog 'phrog pa zhes bya ba'i don to/ /de nyid kyi phyir bcom ldan 'das 'phags pa bdud rtsi 'khyil ba'i bgegs kyi bdag po ni gdan yin no/ /swAhA zhes bya ba la sogs gong du ni swAhA'i sngon du'o/ /de nas zhes bya ba la sogs pas don yod grub pa'i rnal 'byor pas sngags 'bum
- 139a
phrag gcig bzla zhing 'chang bar 'gyur ba'i sbyor bas spong ba'i cho ga bstan to/ /rim ba ni 'dis zhes bya ba la sogs pas ske tshe dang rdzas drag? po khu ba chen po dang ldan pas dur khrod kyi gos la gzhu'i dbyibs can rlung gi dkyil 'khor bris la phyogs gnyis su rdo rjes mtshan pa byas te/ de'i dbus su che ge mo u tsa Ta ya h+ri zhes bya ba bris la bsgrub bya'i rnam par shes ba dgug cing de la gzhug ste/ bdud rtsi 'khyil pa'i sngags brjod cing sor brgyad pa mi'i rje ngar gyi khong stong la 'jug na de nyid dur khrod kyis ru brkos nas sbas na de'i tshe zhag bdun gyis dgra gnas las spong bar 'gyur ro/ /dgra'i sgo ru brkos nas sbas na de ma thag tu gnas las spong bar 'gyur ro zhes bstan to/ /de nas zhes bya ba la sogs pa la/ de kho na nyid kyi rin po che zhes pa ni 'od gsal ba 'am zung du 'jug pa'i rang bzhin no/ /de nyid rtog ni mtshan gang la yod pa de la de skad ces bya'o/ /sangs rgyas ni de bzhin gshegs pa rnams kyi nang na 'od zer ni nam mkha' mdzod kyi ting nge 'dzin gyis bsam pa thams cad yongs su rdzogs pa gang la yod pa de ni sangs rgyas 'od zer te rin chen 'byung ldan no/ /de'i bdag nyid kyi ting nge 'dzin la zhugs nas 'di skad bka' stsal to/ /gzhan gyi mi thub pa'i khro bo chen po zhes pa ni srin po la sogs pa las rgyal bas khro bo'i rgyal po zhes bya'o/ /sngags kyi bdag nyid ces bya ba 'dis sngags dang lha rjod par byed pa dang brjod par bya ba dbyer med par bstan to/ /nam zhes bya ba la sogs pa sngags kyi don bshad pa ni go sla'o/ /rAk+Sha a ti b+hyo bi mo tsa ya h+ri zhes bya ba 'dis gdug pa rnams gsod par byed pa'i bdag nyid bstan pa dang/ nad pa rnams sos pas shi bar byed pa yang 'di yin no zhes bstan to de nas zhes bya ba la sogs pas sngags dran pa dang thos pa de'i sgrub ba pos de bsten pa dang de la brtson pa'i phyir dga' ba dang rin
- 139b
chen 'byung ldan la skyabs su 'gro ba nyid bstan to/ /sha za'o zhes pa ni sha za ba'i 'byung po'i rigs so/ /nye bar mtshon pa yin te gnod sbyin dang srin po dang 'byung po dang yi dags dang smyo byed dang brjed byed dang mkha' 'gro dang mkha' 'gro ma la sogs pa yang gzung ngo/ /seng+ge? la sogs pa zhes pa ni nags tshal la sogs pa'i srog chags drag po'o/ phyir rgol ba zhes pa ni pa la la rgol ba'i dgra rnams te/ 'jig rten pa'i lha drag po dang khyab 'jug dang dbyig gi snying po la sogs pa'o/ /gnod par byed pa zhes pa ni rnam par 'tshe bar byed pa'o/ /me dang sbrul zhes pa la sogs pa ni srog chags drag pos khyab pa'i nags tshal la sogs pa la'o/ /rdo rje 'chang chen po'i zhes pa ni thugs rdo rje nye bar sdud bar byed pas so/ /des gsod pas na zhes pa ni de spros pa ste rdo rje 'chang las bskyed pa rin chen 'byung ldan zhes bya ba'o/ /rin chen 'byung ldan gyi ting nge 'dzin la dmigs pa zhes pa ni shes rab mthar byed la bka' sbyin par bya'o zhes dgongs pa ni man ngag ces bya ba'o/ /bsrung ba la sogs pa la las ni srin po la sogs pa'i las bsrung ba'i cho ga'o/ /rtog pa las byung ba'i cho ga ces pa ni gzhan gyis byas pa'i las kyi rtog pa las gsungs pa'i cho gas so/ /de la 'dir cho ga ni 'di yin te zhes bya ba la sogs pas dpal rin chen 'byung ldan gyi rnal 'byor pas yi ge hUM gnyis yongs su gyur ba las lag pa gnyis la nyi ma'i dkyil 'khor gnyis bsgoms te mdun du srin po la sogs pa'i gdon gyis bzung ba'i bsgrub bya bzhag nas de'i 'od zer spro bas bsgrub bya'i lus las so srin po la sogs pa bkug cing lag pa gnyis kyis nyi ma'i dkyil 'khor gyi dbus su son par byas la de'i 'bar bas bsreg cing thal bar gyur par bsam par bya'o/ /de'i tshe bsgrub bya srin po la sogs pas bkrol bar 'gyur ro/ /kha cig na re shes rab mthar byed kyi sngags kyis zangs gri byin
- 140a
gyis brlabs la sha za la sogs pas bzung ba'i sgrub bya'i grib ma sngags brjod pa sngon du 'gro bas de gcod la/ sha za la sogs pa yang gcod par 'gyur ro/ /de'i sa bzhi'i rdul dang yungs kar dang bcas pas bsregs la/ las thams cad pa'i gtor ma'i gam pa'i cho gas shes rab mthar byed kyi sngags bris pa'i bsrung ba'i 'khor lo gsungs pas bcing bar bya'o/ /de'i tshe bsgrub byas ses? par 'gyur ro zhes bstan to/ /de nas zhes bya ba la sogs pas tshe dpag tu med pa'i ting nge 'dzin la snyoms par zhugs pa nyid bstan te/ de las byung ba'i khro bo rta mgrin zhes pa ni 'od dpag tu med pa ste sprul pa yin pa'i phyir ro/ /sngags kyi bdag nyid du zhes pa ni sku dang sngags de'i bdag nyid yin pas so/ /nam zhes bya ba la sogs pa'i don bshad pa ni rdo rje 'chang chen po gsum po'i phyag btsal ba'i don zhes bya ba'i tha tshig go /oM zhes bya ba la sogs pa'i sngags kyi don bshad pa ni go sla'o/ /ha ya gril ba ya phaT ces bya ba la sogs pas phaT kyi mdza' can gyi tshig bcu la gnas pa'i bgegs bskrad pa'i don no/ /yi ge hUM gsum ni lus la sogs pa 'jigs pa'i phyir ro/ /dbugs dbyung ba de nyid la zhi ba'i phyir ro/ /dngos grub thams cad rab ster bar zhes pa ni zhi ba'i 'phrin las 'grub par byed pa'o/ /des zhes bya ba la sogs pas thos pa dang dran pa'i sgo nas 'od dpag tu med pa'i sgrub pa po/ /rnams 'gu bar 'gyur ro/ /zhes bstan to/ /nam mkha' i dbyings zhes bya ba la sogs pas ha la ha la dang/ ka la ku ha la sogs pa'i dug gi khyad par sngags 'dis ni bar 'gyur ro zhes bstan to/ 'dir man ngag 'di yin te zhes bya ba la sogs pas pad+ma mthar byed kyi rnal 'byor pas sems dpa' gsum gyi bdag nyid kyi bsgrub bya bsgoms la/ de'i snying ga'i pad mar zla ba'i dkyil 'khor gyi steng du bdud rtsi'i sa bon yi ge haM bkod la de'i 'od
- 140b
zer gyi ma lus pa'i lus khyab cing lag pa g.yas pa'i mthil la bkod pa'i zla ba'i dkyil 'khor gyi steng du yi ge haM 'od zer gyi 'khor lo spros par byed pa bkod la/ /sor mo rnams la rim pa ji lta ba bzhin du khri la sogs pa bdud rtsi'i sa bon lnga bkod cing de las byung ba'i 'od zer gyi tshogs kyis dug 'og tu song ba lus kyang bdud rtsis gang ba bsgom par bya'o zhes bstan to/ /gzhan dag na re lag pa g.yon pa'i zla ba'i dkyil 'khor gyi steng du oM bkod la sngags kyi bzlas pa'i chu blangs nas de btung bas du gzhi? bar 'gyur ro/ /song na rta mgrin dang ldan pa'i rnal 'byor pas bsgrub bya'i mgo bor la sogs pas ku ru kul+le'i sngags bkod la de las byung ba'i 'od zer gyi tshogs kyis nang nas dug bkug cing 'og tu son par bsgoms te/ rta mgrin gyi sngags kyis gnas der reg bas dug zhi bar 'gyur ro/ /ji skad du/ ku ru kul+le swAhA'i mthal /rig pa thog mar oM dang ldan/ /mgo bo kha dang lkog ma dang snying dang gsal ba rkang par dgod/ /ces 'byung ba'o/ /don yod grub pa'i dngos grub ni zhi ba la sogs pa'i las thams cad gyi dngos grub pa'o/ /de gtso bo yin pas don yod grub pa la yang de skad ces bya ba'o/ /don yod dam tshig ces bya ba la sogs pas don yod grub pa'i ting nge 'dzin la snyoms par zhugs pa nyid du bstan to/ /oM zhes bya ba la sogs pas sngags kyis don bshad pa ni go sla'o/ /'dir sarba big+hAM ni khyab 'jug dang drag po dang dbyig gi snying po la sogs pa'o/ /sarba bidyA ni pha rol gyis brjod pa'i gzungs sngags so/ /sarba man+ta? na zhi ba la sogs pa'i snying po dang nye ba'i snying po la sogs pa'o/ /sarba mu la karma ni gzhun gyis bstan pa las phran tshegs so/ /ka tre tse sha di zhes pa ni sbyar nas byas pa 'am sdig pa'i dug go /sarba gra hin ni za byed kyi gdon na ma brdzed byed kyi gdon nam bya ba'i gdon la sogs pa'o/ /bgegs kyi mchog rnams ni bdud kyi gtso bo te brgya
- 141a
byin la sogs pa'o/ brgya rtsa brgyad ces bya bas sbyor ba'i dus su brgya rtsa brgyad bzlas pas 'grub ste/ bsnyen ba'i dus su 'bum phrag gcig bzlas pas sngags 'grub bo/ /sngags kyi don yongs su shes pas lha rnams la spod pa'o/ /zhes pa ni dgongs pa ni 'di yin te/ brjod par bya ba dang/ rjod par byed pa'i dbye bas sngags ni rnam pa gnyis te/ de la rjod par byed pa tsam gyi sngags ni dngos grub ster bar byed pa ma yin te/ rang bzhin rtogs bar mi 'gyur bas kha skang bzhin no/ /sngags kyis brjod par bya ba yongs su shes na des lha'i de kho na nyid rtogs pas sngags rnams dngos grub ster bar 'gyur ro/ /'dir ni cho ga 'di yin te zhes bya ba la sogs pas 'khrul 'khor gyi sbyor bas gsod pa bstan to/ /'dir nyin phyed dang mtshan phyed ni drag shul gyi las kyis dus su'o/ /thod pa gsum gyi sgyed bu byas la ro langs kyi cho gas sam rang gi byas bas so/ /sgyed bus ni dur khrod la sogs pa'i rten byas nas so/ /de'i steng du gzugs brnyan bzhag la zhes pa ni sngar bshad pa'i kha sbyor bzhag nas so/ /dur khrod kyis mes zhes bya ba ni ro phyed sreg ba'i mes so/ /'phral du 'chi bar 'gyur ro zhes pas sbyor ba'i mthu bstan to/ /de nas zhes bya ba la sogs par char 'bebs pa'i cho ga mdzad ba stobs po che'i ting nge 'dzin dang snyoms par zhugs pa bstan to/ /dbyer med pa'i stobs pa che'i sngags kyang stobs ba che zhes bya'o/ /oM zhes bya ba la sogs pa'i sngags kyi don bshad pa ni go sla'o/ /thog ni glog go /de bzhin du sgra gang la yod pa zhes bya ba 'dis sprin gyi 'brug sgra dang 'dra ba nyid du bstan to/ /brgya rtsa brgyad bzlas ba zheS bya ba la sogs pas las kyi dus su bzlas pa'i grangs bstan to/ /sngon gyi bsnyen pa ni 'bum phrag gcig yin?/ /chang chang ba zhes pa ni gza' la sogs pa'i nyes pas char mi 'bab pa'o/ /de zhi bar byas nas char gyi rgyun gyi tshogs/ /klu ni 'jog
- 141b
po la sogs pa'o/ /'bebs ba ni 'bab par 'gyur ro/ /'dir rim pa 'di yin te zhes bya ba la sogs pas char 'bebs ba'i cho ga bstan te/ mngon spyod kyi rdzas ni lan tsha dang ske tshe ring dug dang lung hang gi khu ba'o/ /de rnams kyi pad+ma 'dab ma? brgyad pa bris la 'dab ma re re la klu chen po brgyad bris la klu de rnams kyi snying ga dang mgo bor hUM naM hUM zhes bya ba rdo rje gdan gzhi'i rgyud las gsungs ba'i sngags spel la sbyar ba'o/ ste ba'i dbus su ni pad+ma'i ze 'bru la'o/ /oM zhes bya ba la sogs pas yig gsum dang bcas pas badzra ru adz+nyA pa ya ti zhes bya ba la sogs ba bkod nas/ /yang 'khor lo gnyis pa de bzhin du ni de dang 'dra ba'i 'khrul 'khor gnyis ba bris nas so/ /kha sbyar byas te zhes pa ni 'khrul 'khor gnyis sbyar nas so/ /dgug pa sngon du 'gro ba zhes pa ni stobs po che'i sngags brjod pa sngon du 'gro bas de dgug pa'o/ /gzugs brnyan ni bsgrub bya'i gzugs brnyan gyi'o/ /snying gar gzhug gzhes pa ni snying ga'i nang du gzhug bar bya'o/ /gzugs brnyan ni zhes bya ba la sogs pas klu'i gzugs brnyen bya'i thabs bstan te /chu bo'i ngos gnyis kyi zhes pa ni 'gram gnyis kyi'o/ /? ni de'i 'brel pa dang ldan pa'i sa'o/ /bdud rtsi lnga dang ldan pa ni de dang 'dres pa'o/ /de bzhin du sngar bshad pa'i mngon spyod kyi rdzas ni lan tshal sogs pa dang 'dros? pa'o/ /dur khrod kyi me ni dur khrod kyi me'i 'obs la'o/ /gdung ba ni gdung bar bya'o/ /de ltar byas nas klu ni 'jog po la sogs pa'o/ /char 'bebs bar 'gyur ro zhes pa ni char chen po 'bab par 'gyur ro/ /kun tu nges par sgrogs pa'o zhes pa ni nam mkha' ma lus khyab pa'o/ /rdo rje'i sgra ni ma phyed pa'i ha ha rgod pa gang la yod pa de la de skad ces bya'o/ zhes bya ba 'dis ni 'dod pa'i rgyal po'i ting nge 'dzin la snyoms bar zhugs pa nyid bstan to/ /mthu chen po
- 142a
dang ldan ba'i bgegs rnams so/ zhes bya ba 'dis ni mig 'phrul dang ldan pa khyab 'jug dang drag po la sogs pa phyogs skyong rnams so/ /de 'ching bar byed pas na 'gugs par byed ba ste bcings pa'i don bstan to/ /de nyid gtso bo yin pas na zhes pa la thun mong ma yin pa'i las byed pas so/ /sngags kyi bdag nyid can zhes ba ni brjod par bya ba dang rjod par byed pa dbyer med pa khro bo ni sngags kyi bdag nyid ces bya'o/ /na ma zhes bya ba la sogs pa'i sngags kyi don bshad ba ni go sla'o/ /ming btus pa zhes pa ni sngags kyi brda'o/ /de yang zhes bya ba la sogs pas rdo rje gtsug tor gyi rgyud tshad ma nyid du bstan to/ /de nas zhes bya ba la sogs pas sngags bzlas pa dang thos pa tsam gyis gdug pa rnams 'jigs pa dang bcas pa dang/ rdo rje 'chang chen po rjes su dran par 'gyur ro zhes bstan to/ /rdo rje sems dpa' zhes bya ba la sogs pas gang yang rung ba'i rdzas kyis sa la sogs bas bsgrub bya'i gzugs brnyan bris la de'i snying ga'i phyogs su ming spel nas/ rgyal po la sogs pa'i bsgrub bya rnam par shes pa bkug la der bcug ste rdo rje 'chang chen po'i ting nge 'dzin mngon du byas pa sngon du 'gro bas 'dod pa'i rgyal po'i sngags lan brgya rtsa brgyad bzlas pas rdo rje lcags kyu bkod pa'i rkang pa g.yas pas de mnan zhing ji srid rgyal po la sogs pa de srid 'gugs par bzlas par bya'o/ /ye shes kyi phreng ba'i chu zhes bya ba la sogs pas mi g.yo ba'i ting nge 'dzin la snyoms par zhugs pa nyid du bstan to/ /sngags kyi bdag nyid can zhes pa ni khro bo'i sku dang sngags dag dbyer med pas so/ /nam zhes bya ba la sogs pa sngags kyi don bshad pa ni go sla'o/ /swA hAr ldan zhing zhes bya ba la sogs pa sngags kyi brda bstan to/ /mgo med ces pa ni oM zhes bya ba mgo bo dang bral bas so
- 142b
bgegs rnams long bar byed pa'o/ zhes pa ni 'jigs pa ni chen pos mig long bskyed bar byed pas so/ /yang na thams cad ni 'jig rten pa rnams kyi nyon mongs pa ni nad la sogs pa de mi bzod pa ni de bzhin gshegs pa rnams so/ /de nas zhes bya ba la sogs pas sngags brjod pa dang thos pas dbang phyug chen po la sogs pa rnams kyang 'jigs pa dang ldan pa dang rdo rje 'chang chen po la skyabs su 'gro ba nyid du bstan to/ /'di yis zhes bya ba la sogs pas sngags bris pa'i 'khrul 'khor gyi dbang phyug chen po la sogs pa yang 'gugs par 'gyur ro zhes bstan to/ /sngon du bsnyen pa sngags 'bum phrag gcig bzla zhing yang grogs la sogs pa la gi wang dang tsandan dang gur gum dang ga bur dang gla rtsi la sogs pa de med na tha mal pa'i rdzas kyis dbang phyug chen po la sogs pa'i gzugs brnyan ming dang spel bar byas la/ de dang 'dra ba'i 'khrul 'khor gnyis pas kha sbyar la snga ma bzhin du nyi ma'i dkyil 'khor gyi steng du dgod pa rdo rje lcags kyus mtshan pa'i g.yon brkyang ba'i rkang pas mnan cing mtshams gsum du brgya rtsa brgyad bzlas pa byas pas dbang phyug chen po la sogs pa 'gugs par 'gyur ro/ /rdo rje 'chang gi bka' zhes pa ni rdo rje 'chang gi bka' lung ngo/ /de nyid mi phyed pas na zhes pa ni bgegs thams cad kyis mi 'da' bas so/ /de'i ming can zhes pa ni de'i ming can ting nge 'dzin no/ /rdo rje 'dzin pa thams cad ces bya ba la sogs pas mdza' med pa'i sngags kyi brda bstan te swAhA med pas so/ /de'i don ni 'di yin te zhes bya ba la sogs pas sngags kyi bshad pa ni go sla'o/ /rdo rje sems dpa' zhes bya ba la sogs pas sbyor ba bstan to/ rdo rje 'chang chen po'i rnal 'byor dang ldan pas sems dpa' gsum gyi bdag nyid rnam par snang mdzad la sogs pa de bzhin gshegs pa'i tshogs bsgoms la ye shes sems dpa' i thugs ka nas 'od zer gyi tshogs spro zhing de nyid lcags kyu'i rnam par yongs su gyur nas bsgrub
- 143a
bya'i ye shes sems dpa' i 'od zer gyi sbyor bas bkug la gnod mdzes kyi rgyal pos rlung gi dkyil 'khor gyi steng du drangs bzhags pa dang lcags kyu dag gis mgul ba bcings shing spyi bor btab la /mdun du phyin nang? rang gi ye shes sems dpa' i snying gar 'jug par bya'o/ /de'i tshe de bzhin gshegs pa thams cad kyi nus pa 'gugs par 'gyur ro/ /de yang le'u bcu pa las thabs bzhi'i rim pa bstan to/ /rim pa 'di nyid kyis lha la sogs pa rnams kyi yang bu mo 'gugs par 'gyur ro zhes bya'o/ /de nyid bstan pa'i phyir bu mo zhes bya ba 'di nye bar mtshan pa tsam zhes bstan to/ /nang gi bdag nyid la gzhol ba zhes bya ba ni phyi rol gyi rdzas la mi bltos pa la 'jug pa'o/ /de nas zhes bya ba nas sku dgugs pa'i zhes pa'i bar du ni sangs rgyas dgug pa zhes bya ba'i ting nge 'dzin la snyoms par zhugs pa nyid bstan to/ /dang po rdo rje 'chang chen po la sogs pa'i sku dmigs pa sngon du 'gro ba rang gi snying ga nas zhags pa dang lcags rgyu'i rnam pa'i 'od zer rnams bsgrub bya'i lus la sogs pa la 'jug na de'i tshe lus kyang 'gugs par 'gyur ro zhes bstan to/ /'dir bsgrub par dka' ba ni tshangs pa la sogs pa 'jig rten pa'i lha dang 'jig rten las 'das pa'i de bzhin gshegs pa rnams kyang sgrub pa la mi gzigs pa zhes bya'o/ /ston pa zhes bya ba nas khugs par 'gyur ro// zhes pa'i bar du ni sngar bshad pa'i ting nge 'dzin gyis rdo rje 'chang gi sems dgug par bstan to/ /'khor lo zhes bya ba nas dgug ste zhes pa'i bar du ni rnam par snang mdzad la sogs pa'i rnal 'byor bas rim pa ji lta bzhin du rang gi sgoms la rang gi snying ga las spros pa'i 'od zer gyis tshogs 'khor lo dang pad+ma dang rin po che dang ral gri'i rnam pa yongs su gyur ba bsgrub bya'i snying gar
- 143b
bcug pas 'gugs par bya'o zhes bstan to/ /rdo rje sems dpa' chen po'i rnal 'byor pas zhes bya ba nas nges par 'gugs par 'gyur ro/ zhes bya ba'i bar du rdo rje 'chang gi ting nge 'dzin mngon du byas la/ yi ge hUM yongs su gyur pa'i sna tshogs rdo rje'i lteng du rgyal po? btsun mo zhags bar bsams la rang gi snying ga las byung ba'i 'od zer gyi tshogs rdo rje lcags kyu'i rnam pa can de'i snying gar btsug pas dgug par bsam par bya'o/ /de bzhin du rnam par snang mdzad ces pa nas dgug par bya'o/ zhes bya ba'i bar du rnam par snang mdzad kyi rnam pa yongs su gyur pa las zla ba'i dkyil 'khor steng du gnas pa brgya byin gyis chung ma rlung gi dkyil 'khor gyis khyer ba bdud rtsi 'khyil pas drang bar bsgoms te/ mdun du phyin pa bsams par bya'o/ zhes rnam bar snang mdzad kyi sbyor bas dgug par bya'o zhes bstan to/ /lan grangs lnga bcu brjod nas zhes ba ni thabs dang shes rab kyi bdag nyid kyis rnam pa gnyis su byas nas brgyar 'gyur ro/ /brgya bzlas pa ni brgya rtsa brgyad bzlas pa yin no/ /rdo rje dkyil 'khor zhes bya ba nas 'gugs par bya'o zhes bya ba'i bar du ni mi bskyod pa'i rnal 'byor pas 'dod pa'i rgyal po yongs su gyur ba las rdo rje lcags kyu la gnas pa'i lha'i bu mo bsams te rdo rje lcags kyu'i sbyor ba de nyid kyis bkug par bsam par bya'o/ /de'i tshe 'gug par 'gyur ro zhes? bstan to/ /rdo rje khro bo zhes bya ba nas dgug par bya'o zhes bya ba'i bar du ni thugs rdo rje 'chang gi ting nge 'dzin mngon du 'gyur ba sngon du 'gro bas rang gi snying ga nas sngar bshad pa'i kha dog dang dbyibs dang ldan pa'i gnod mdzes kyi rgyal po spros la/ des zhags pa dang lcags kyu dag gis lta? ma yin gyi bu mo bcings nas snying gar brdegs la rlung gi dkyil 'khor gyis drangs par bsams na de'i tshe 'gugs par 'gyur ro zhes bstan to/ /btsag gan zhes bya ba nas nges par 'gyur ro zhes pa'i bar du ni ?
- 144a
ni rdo rje lcags kyu lta bu'i rnam pa byas nas zla ba gzas zin dus su snyoms par zhugs pa'i tshe phyag rgya'i chos 'byung gi nang du bcug la ji srid zla ba btang ba de srid du bzla bar bya'o/ /de'i 'og tu de las langs la bsgrub bya'i ming bris te/ bsrung ba'i 'khor los bsrung zhing mngon par 'dod pa gang yin pa de dgug par bya'o zhes bstan to/ /rnam pa thams cad ces bya ba nas nye bar bsdud pa'o/ zhes bya ba'i bar du ni re zhig dang po bskyed pa'i rim pas 'jam dpa' i rdo rje'i bdag nyid bsgoms la rang gi snying gnas gshin rje mthar byed spros zhing de yongs su gyur pa las me'i dkyil 'khor te zla ba'i 'od la sogs pa mngon par 'dod pa'i gnod sbyin ma bzhag ste rlung gi dkyil 'khor gyis khyer pa gshin rje mthar byed de nyid kyis drangs pa bsam par byed na de'i tshe 'gugs par 'gyur ro zhes bstan to/ /phyag rgya chen po gnyis kyi dbye bas so zhes bya ba la sogs pas 'gug pa la sogs pa ni sngar bshad pa gang yin pa de rnams rnam pa gnyis kyi phyag rgya chen po'i sku dmigs pa dang/ rnam pa gnyis kyi bzlas pa byas nas dgug par bya'o/ /'dir sngags kyi sku dang/ ye shes kyi sku ste rnam pa gnyis so/ /ngag gi bzlas pa dang rdo rje bzlas pa zhes bya ba ni bzlas pa gnyis so/ /de yang rim pa gnyis kyi rnal 'byor pa la bltos nas bshad par bya'o/ /de spong bas gang sgrub par byed pa de 'jig pa ni dngos grub par mi 'gyur ro zhes bstan to/ /rdo rje sems dpa' zhes bya ba nas dmigs par bya'o zhes bya ba'i bar du las kyi tshogs sngar bshad pa gang yin pa de rnams bya ba'i dus su skad cig ma re re rdo rje sems dpa' i ting nge 'dzin dmigs par bya ste/ de ni thams cad kyi mchog yin pas so zhes bstan pa'o/ /lnga po rnams kyi rten du gyur pa'i phyir zhes pa ni de rnams skyed par byed
- 144b
pa'i phyir ro/ /yang dang yang du bskul bar bya zhing zhes pa ni skad cig ma re re'i bsgom par bya'o/ /ci'i phyir zhe na zhes pa ni gtan tshigs so gang gi phyir de bzhin gshegs pa thams cad kyi nang na rtag ba ste rang bzhin gyi rtag pa chos kyi sku'i rang bzhin yin pa'i phyir ro/ /gsal bar byed pa ni spro bar byed pa'o/ /las thams cad zhes pa ni zhi ba la sogs pa la'o/ /gnas skabs thams cad du dmigs par bya'o zhes pa ni spyod lam bzhi la de nyid du bsten par bya pa'i rigs so/ /ji skad du/ sbyor ba thams cad bcom ldan 'das/ /rdo rje sems dpa' de bzhin gshegs/ /khams gsum pa ni ma lus 'dis/ /de ni longs spyod thams cad yin zhes 'byung ngo/ /de nas zhes bya ba la sogs pas bcom ldan 'das don yod grub pa'i ting nge 'dzin la snyoms par zhugs pa nyid du bstan to/ /nam mkha' ltar thog ma med mdza' ma med pa'i zhes pa ni chos kyi sku la ngo bo nyid rtogs pas thog ma dang mdza' ma dang skye ba dang 'jig pa med de/ skye dang gnas dang 'jig pa'i nyes pa dang bral ba zhes 'byung bas so// sna tshogs rdo rje zhes pa ni sna tshogs rdo rjes byin gyis brlabs pa'i las kyi mtshan nyid gang la yod pa de la dbyer med pa'i ting nge 'dzin de skad ces bya'o/ /gnas skabs kyi khyad par la zhes pa ni sems rtse gcig pa nyid la bzhugs nas so/ / 'chad par 'gyur ba zhes bya ba la sogs pas bcom ldan 'das don yod grub pa'i rang bzhin gyi ral pa gcig ma'i sngags bstan to/ /ral ba gcig gang la yod pa de ni thor tshugs gcig ste/ phyi rol gyi mkha' 'gro ma rnams bskrad pa'i don du sprul pa'o/ /sngags kyi bdag nyid can zhes pa ni rjod bar byed pa'i dbyer med pas so/ /dam tshig chen po gzhan gyi mi thub pa'i zhes pa ni de'i rig las byung ba dang srin po la sogs pa las rgyal ba'i phyir ro/ /de'i dkyil 'khor pa
- 145a
ba rnams so zhes pa ni dam tshig gis rigs kyi 'khor rnams so/ /de rnams kyi gtso bo sto zhes pa ni khro bo'i rgyal po btsun mo yin pas so/ /oM zhes bya ba la sogs pa sngags kyi don ni go sla'o /rig pa 'di zhes bya ba la sogs pas bcom ldan 'das rdo rje 'chang gang gi che rig pa 'di gsungs pa de'i tshe klu'i rgyal po la sogs pa dang gzugs bzang la sogs pa'i klu mo 'gugs par 'gyur ro zhes rigs pa'i mthu bstan te/ /de la 'dir cho ga 'di yin no zhes bya ba la sogs pas klu dang klu mo rnams dgug pa'i sbyor ba bstan to/ /skyes pa'i thod pa la zhes pa ni ro langs gi cho gas blangs pa la'o/ /bcog? ces pa ni dgongs pas bshad pas rang 'byung gi me tog gis so/ /ji skad du /sna dung mtshal chen dang ldan sme sha can ma skal med gang/ de las zla re las 'byung phrag ni me tog ces su bshad ces 'byung ngo/ /rlung gi dkyil 'khor zhes pa ni zla gam dang 'dra ba ba dan gyis mtshan pa'o/ /nor rgyas la sogs pa'i klu'i gzugs brnyan gang yang rung pa'i gzugs zhes pa ni sgrub pa po'i dgongs pa'i dbang gi zhes bya ba'o/ /ming dang spel ba dang bcas pa ni dgug pa'i sa bon dang bcas pa ming dang bcas pa'o/ /sngags bzlas brjod byas nas zhes pa ni che ge mo klu A karSha a h+ri zhes bya ba dang ldan par thal pa gcig ma'i sngags brgya rtsa brgyad bzlas shing klu dang klu mo rnams dbang du 'gyur ro/ /che ga zhes bya ba la sogs pas klu mo 'gug pa yang bud med kyi thod pa las thams cad de ltar bya'o zhes bstan to/ /de bas na zhes bya ba la sogs pa thams cad bsdus so/ /de nas zhes bya ba la sogs pas 'od dpag tu med pa'i ting 'dzin la snyoms par zhugs pa de nyid du bstan to/ /nam mkha' dam tshig ni byang chub kyi sems so/ /de'i rang bzhin 'od dpag tu med pa'o/ /'od dpag tu med pa'o zhes bya ba la sogs pas smin ma bsdu
- 145b
ba dang bcas pa'i 'jigs pas khro gnyer ma'i gzugs sngags bstan to/ /oM zhes bya ba la sogs mas sngags kyi don bshad pa ni go sla'o/ /rku nam la sogs pas byas zhes pa ni glan po la sogs pas byas pa'i 'jigs pa brgyad dam bcas?/ 'jig ba ni de 'jig pa'o/ /dgra ni pha rol gyi dpung ngo/ /'jigs par mdzad pa ni rmongs par mdzad pa'o/ /'jigs pa'i gzugs can zhes pa ni gdul dka' 'dul bar bya ba'i phyir mngon du 'jigs pa'i gzugs can no/ /bka' bsgo ba zhes pa ni bcom ldan 'das rdo rje 'chang bka' bsgo bar mdzad pa'o/ /glog ltar g.yo ba'i gzugs can zhes pa ni thog bzhin du snang bas so/ /de pas na bgegs rnams bcom pa'i phyir 'brug? ltar sgra sgrogs pa'o/ /dri ma ngan pa ma lus pa ni 'dod chags la sogs pa'i dri ma rnams so/ /de dang bral ba ni de med pas shel te dri ma dag pa'i gos bzhin no/ /'dod chags rnam par dag pa ni bcom ldan 'das 'od dpag tu med pa'i rang bzhin yin pas so/ /gang gi mgo la yod pa zhes pa ni 'dis khro gnyer ma 'od dpag tu med pa'i rigs ldan bstan to/ /sngar bshad pa'i 'jigs pa dang bral bas b+ha sha na ya zhes bya ba la sogs pa kun kyang bod pa'i tshig yin no zhes bya ba la sogs pa bcom ldan 'das ma'i bod pa'i tshig go/ rig pa zhes bya ba la sogs pas khro gnyer ma'i sngags thos pa'i rig pa 'dzin pa'i bu mo chags pa'i mes bsreg par 'gyur ba'i snying dang ldan pas sgrub pa po rnyed pa'i phyir 'od dpag tu med pa dran par 'gyur ro zhes bstan to/ /sngags kyi mthu bstan par bya ba'i phyir/ gzugs la sogs pa'i yon tan dang ldan pa ni mdzes pa la sogs pas lus brgyan pa'o/ /rna rgyan 'chang zhing g.yo bar 'gyur ba zhes bya ba ni rgyan thams cad kyi brgyan pa zhes bya ba'i tha tshig go /mchog gi
- 146a
khyad par gyi zhes bya ba la sogs pas de ma thag tu bshad pa'i rig pa dang rtog pa las gsungs pa'i chogs kyang 'gugs par bya'o zhes bstan to/ /'dir zhes bya ba la sogs pas sbyor ba bstan to/ /sgra ji bzhin pa'o zhes pa ni bskyed pa'i rim pa tsam gyis las kyi rgyal ba mchog bstan pa'i phyir ro/ /'gog pa zhes bya ba nas dgongs pas bshad pa'o zhes pa'i par du ni 'jug ba la sogs pa'i yi ge gsum yan lag mnyams bar bzlas nas sngar bshad pa'i sngags rnams kyi ni ba la sogs pa'i las rnams 'grub par 'gyur ro zhes bstan to/ /de kho na nyid la 'jug pas 'bad rtsol med pas sngags 'grub par 'gyur te/ sngags kyi rang bzhin yongs su shes pas so/ /de nyid kyi phyir ring por mi thogs pas ni myur du zhes bstan to/ /dgongs pa ni rdo rje 'chang chen po'i rnal 'byor dang ldan pas lkog ma la sogs pa'i gnas bzhi la me la sogs pa'i dkyil 'khor bsgoms te/ de rnams re re la 'jug pa la sogs pa'i rim pas yi ge gsum bzla zhing de'i 'og tu g.yon pa dang g.yas pa dang gnyi ga dang dal bus dman par rgyu bas dmar po la sogs pa'i 'od zer spro zhing sna'i rtse mor thun byed phyed kyi dus su 'dzin pas dbang po la sogs pas 'grub par 'gyur ro/ /dgongs pas bshad pa ni 'gal ba'i sgra'i sgo nas de kho na nyid bstan pas so/ /sngags la mchog tu gzhol ba zhes bya ba nas dben pa'i dag tu zhes pa'i bar du ni las dang po pas sngar bshad pa'i khro bo'i sngags 'bum bzlas pas ri bo la sogs ba dben par 'grub par 'gyur ro zhes bstan to/ /mngon spyod ces bya ba la sogs pas gsod pa'i las kyi yul bstan to/ /bla ma la smod pa zhes pa ni dbang bskur ba'i bla ma la smod pa'o/ rdo rje slob dpon smod pa ni chos bstan pa smod par byed pa'o/ /rdo rje theg pa spyod pa ni de'i bstan bcos smod par byas pa'o
- 146b
de dag ni dmu rgod kyi rigs can nyan thos pa rnams so/ /sdig pa byed pa gzhan ngag ni ma bsod pa la sogs pa'i mtshams med pa'i las byed pa'o/ /gsang bar bya ba zhes pa ni nges par gzung ba dang bcas pa'i tshig ste bsad par bya ba kho na'o/ /yang na bskrad pa ni rang gi gnas nas dgar bar bya'o/ /de ltar zhes bya ba la sogs pas las 'di byed pa na zung du 'jug pa'i ting nge 'dzin kyi phyag rgya chen po'i dngos grub rnal 'byor pas thob par 'gyur ro zhes bstan to/ /pha rol 'tsho bas ji ltar 'grub ba ma ces rteg par mi bya ste/ gang gi phyir bsam ba'i khyad par las ldang ba'i dge pa'i las kyis 'bras bu'i khyad par sgrub par byed de/ de la snying rje chen po dang ldan pa'i bsam pas/ mtshams med par byed pa dmyal ba las gdon pa'i phyir sngags dang phyag rgya'i rims pa sa gal te 'tshe par bya ba dang mi bskyod pa la sogs pa sangs rgyas kyi zhing la bzhag bar byed na de'i tshe bsod nams kyi tshogs dang ye shes kyi tshogs 'byung bar 'gyur bas sdig par ji ltar 'gyur zhes shin tu phal cher thal pas chog go bsad par bya ba de rnams kyis bya ba ni 'tshe bar byed pa rnams kyi 'o/ /kha sbyar ba ni snying ga'i pad+ma dbye ba'o/ /phyogs bcu zhes bya ba la sogs pas gdug pa'i bdag nyid kyi sems can gyi khams bsgoms pas gsod par bya'o zhes bstan to// sbyor ba bstan ba zhes bya ba nas gsal par bya zhes pa'i bar du ni bdud rtsi lngas dgra'i gzugs brnyan byas la de'i snying gar ming spel te mngon spyod kyi rdzas kyi bskul zhing nyi ma'i dkyil 'khor la gnas pa'i sna tshogs rdo rjes mtshon pI rkang pa g.yas pas mnan zhing sngon gyi bsnyen pa byas pa'i gshin rje gshed la sogs pa'i khro bo'i bsngags brgya rtsa brgyad bzlas na bsgrub bya 'chi bar 'gyur ro/ /'dir thugs rdo rje'i rnal 'byor pa bdud rtsi lngas byugs pa'i gos dang ldan pa las
- 147a
bya ba dang rnam par snang mdzad kyi rnal 'byor pa chu dron gyis gsher ba'i gos gon pa dang 'od dpag tu med pa'i rnal 'byor ba bshang gcis gsher ba'i gos gon pa dang rin chen 'byung ldan gyi rnal 'byor pa thal pa'i chus gsher ba'i gos gon pa dang/ don yod grub pa'i rnal 'byor pa yang bshang gcis gshir? ba'i gos gon pa dang/ rdo rje 'chang chen po'i rnal 'byor pa yang thol ba'i tshus gsher ba'i gos gon pa la bya'o/ /de bzhin du rnal 'byor pa de rnams kyis gshin rje gshed la sogs pa khro bo'i nga rgyal la dmigs te/ snga ma bzhin du gzugs brnyan mnan zhing gdug pa rnams bsad par bya'o zhes bstan to/ /gzugs can ma yin pa'i nam mkha' yang zhes pa ni gal te gdug pa yin na de'i tshe de yang gsod par 'gyur ro/ /gzugs can lta mos kyang cis dgos zhes pa ni de nyid phul du byung ba ste khyad par dang ldan pa tshig go /bsam gtan gyi che ba nyid ni ting nge 'dzin gyi mthu gsal bar byas so/ /tshangs pa mo zhes bya ba la sogs pa ni ting nge 'dzin gyi ma ma bdun no/ /de rnams kyi khang pa ni lha khang ste ma ma ni drag po'i las la mthun pas so/ /dur khrod ni thams cad sdud par byed pas na mthun pa'o/ /khang stong ni skye bos dpen pa yin pas rigs pa kho na'o/ /gzhi mdo ni rab tu grags pa yin pas so/ /de bzhin du mtshan ma gcig kyang de bzhin no/ /gnas de rnams la brten te drag po las bya'o/ /rje ngar gyi phyogs zhes bya ba la sogs pas de nyid bstan to/ /dgongs pa ni 'di yin te dur khrod kyi ras la mngon spyod kyi rdzas kyi sna tshogs rdo rje bris la de'i lte bar sgrub bya'i ming phaT gnyis kyis spel ba bris la/ sna tshogs rdo rje'i phyi rol yi ge phaT kyi bskor zhing 'khor lo de sor brgyad pa'i mi'i rje ngar gyi khong
- 147b
stong la bcu gnas bsgrub bya'i rkang pa'i rdul gyi 'dam gyis bskus la gshin rje gshed la sogs pa gang yang rung ba'i khro bo'i sngags brgya rtsa brgyad bzlas pas dgra bo'i sgo ru brkos nas sbas na de'i zhag bdun nam zla ba phyed kyis dgra 'chi bar 'gyur ro zhes bstan to/ /sems can shes rab ldan pa dang zhes bya ba la sogs pas sems can thams cad la bsam pa thams cad rdzogs par byed pa chags pa dang sdad ba med pa/ sangs rgyas gal te slob dpon la smod par byed pa yin na de yang 'jig par 'gyur ba'am gnas las spo bar 'gyur ro zhes bstan to/ /thod par zhes bya ba nas sdud par byed pa'i tshig gi bar du ni mnyams pa'i thod pa 'am grog la sogs pa la mngon spyod kyi rdzas khro bo'i sngags ming dang bcas par bsgrub bya'i ming bris te/ khro bo'i tshig gis gshin rje gshed la sogs pa'i sngags bzla zhing dgra bo'i sgo ru brkos nas sbas na de'i tshe gnas las spo ba 'am 'chi bar 'gyur ro zhes bstan to/ /de nas zhes bya ba nas rnam par 'jig par 'gyur ro/ /zhes pa'i bar du ni gnod mdzes kyi rgyal po bsgom pas phur bus gdab pa'i sgo nas mngon spyod bstan to/ /ji lta ji ltar zhes pa ni drag shul la sogs pas so/ /gdug pa'i dngos por gyur cing bdag nyid ngan par son pa'o/ /de lta de ltar zhes pa ni rnam pa de dang des so/ /dgag par bya ba zhes pa ni gsod par bya ba nyid du thob pa'o/ /bsgrub par bya ba ni dkon mchog gsum la gnod par byed pa la sogs pa'o/ /de rnams kyis sgrub bya rnams kyi'o/ /lus la sogs pa mi g.yo bar byas ba zhes pa ni lus dang ngag dang sems phur bus 'debs par byed pa'o/ /de nyid kyi phyir mi phyed pa'i ngo bor gyur pa zhes pa ni pha rol gyi 'khrul 'khor dang sngags la sogs pas grol bar ma gyur pa'o/ /de skad ces bya ba la sogs pas mchog
- 148a
dang 'bring dang tha ma'i bsgrub bya'i lus la sogs pa phur bus gdab pa byed pa'i ting nge 'dzin bstan to/ /oM zhes bya ba la sogs pa sngags kyi don bshad pa ni go sla'o/ /phur bu'i sngags 'di zhes bya ba la sogs pas sngags thos pas mthu che ba'i brgya byin la sogs pa 'jig pa dang rgyal ba dang rdo rje 'chang la skyabs su 'gro par 'gyur ro zhes bstan to/ /'dir cho ga zhes bya ba la sogs pas phur bus gdab pa'i sbyor ba ni don gsal pa'o/ /seng ldeng gi snying po la sogs pa gang rung ba zhes pa ni seng ldeng dang shing sha ba dang a ka ru dang sha mi dang lcang ma ste 'bras bu med pa'i shing lnga drag shul can gyi las dang mthun pa gzung par bya'o/ /bsam gtan zhes bya ba la sogs pas bsgom pa'i dus su rnal 'byor gyi phyogs gcig tu gyur pa bgegs bskrad pa'i cho ga bstan to/ /'di 'phro ba zhes bya ba nas 'chi bar 'gyur ro zhes pa'i bar du ni re zhig dang rnal 'byor pas zhe sdang rdo rje'i ting nge 'dzin mngon du byas la reg bya rdo rje ma'i chos 'byung gi nang du sna tshogs rdo rje dang pad+ma dang nyi ma'i dkyil 'khor gyi steng du khro bo thams cad 'jug pa sngon du 'gro bas rdo rje'i lam nas yi ge hUM yongs su gyur pa las/ drag po'i rdo rje las skyes pa zhal gsum phyag drug pa spyan gsum pa'i rigs kyi klu brgyad kyis brgyan byas la kha dog sngon po dang/ dkar po dang dmar po'i zhal mnga' ba/ mig g.yo ba g.yas brkyang pa la gnas pa rdo rje dang dril bu rtsa ba'i phyag gnyis kyi bsnams pa/ zhags pa dang lcags kyu dang ral gri dang tho pa bsnams pa zhe sdang rdo rje'i cod pan can smin ma kham pa ha ha hi hi'i sgra sgrogs pa gnod mdzes kyi rgyal po bsgoms la/ rdo rje dang pad+ma'i nang nas phyi rol tu byung ba'i nyi ma'i dkyil 'khor la gnas nas bka' nyan par bsams te/ snga ma bzhin ni
- 148b
g.yas pa ni nag po'o zhes pa ni thugs gyi rang bzhin yin pas so/ /me tog ku mu da zhes pa ni pad+ma'i me tog go /de dang 'dra ba g.yon pa ni 'od dpag tu med pa'i rang bzhin yin pas so/ /de bzhin du gzhan rnams kyi yang zhal gri rnam par dag pa shes par bya'o/ /de bzhin du zhes bya ba la sogs pas mi bskyod pa'i sku mdog la sogs pa bstan to/ /de bzhin du 'dod chags can zhes bya ba la sogs pas 'od dpag tu med pa'o/ /de ltar zhes bya ba la sogs pas zhi pa la sogs pa las gang yin pa de lta gsum bsgom par sgrub cing rdzogs par 'gyur ro zhes bstan to/ /'khor lo dang rdo rje pad+ma zhes bya ba ni phyag mtshan gtso bor bstan to/ /sgrub pa'i thabs las bshad pa'i rim gyis zhes pa ni sngar bshad pa'i sgrub thabs kyi rim pas so/ /'dod pa'i don zhes pa ni zhi ba la sogs pa'o/ de rdzogs pa ni sgrub par byed pas so/ /de bzhin du rin chen la sogs pa rnams kyi yang zhes pa ni rin chen 'byung ldan dang don yod grub pa dang byams pa la sogs pa rnams kyi'o/ /rnam par snang mdzad kyi phyag rgya zhes bya ba la sogs pas spyan ma'i kha dog la sogs pas spyan ma'i kha dog la sogs pa yang rnam par snang mdzad dang 'dra ba bstan to/ /mi bskyod pa la sogs pas bdag po dang 'dra bar mA ma kI bstan to/ /gsung rdo rje ni 'od dpag tu med pa zhes bya ba la sogs pas gos dkar mo dang sgrol ma ni bdag po dang 'dra bar bstan to/ /de rnams kyang nad la sogs pa rab tu zhi ba'i ngo bo zhi ba la sogs pa'i las mdzad pa'i lha mo yin no/ /go sla ste zhes pa ni khro bo'i rgyal po'i dkyil 'khor gyi ji ltar gsungs pa'i kha dog dang dbyibs la sogs pa go sla bsam bshad do/ /de rnams kyang dad pa la sogs pa'i dbang po bzhi dang rnam par shes pa tshogs drug gi ngo bo yin no/ /bka' i 'khor lo zhes pa ni bgegs bskrad pa'i don du bskul bar byas pas so/ /gzi brjid phud
- 149a
'khor dang me'i dkyil 'khor gyi steng du rang gi snying ga nas 'byung ba'i 'od zer gyi lcags kyus bsgrub bya bkug? la 'jug ste/ rdo rje dang pad+ma dang snyoms par zhugs par byas te/ rtse lnga pa'i rdo rje'i rnam pa'i bsang ba'i rdo ? mgo bo nas rkang pa'i mdza' i bar du phung bus gdab pa bsgom na de'i tshe lus phung bus gdab par gnas las spo pa'am 'chi bar 'gyur ro/ /de bzhin du thams cad byas la 'on kyang lcal gsang pa'i rdo rjes de la brdeg na ngag rengs pa'am lkugs par 'gyur ba'am 'chi bar 'gyur ba'o/ de bzhin du thams cad byas pa las bsgrub bya'i snying ga'i pad+ma 'bar ba'i gsang ba'i rdo rjes brdeg la de'i tshe smyon pa'am 'chi par 'gyur ro/ /'dir rdo rje dang pad+ma snyoms par zhugs pa'i dus su rim pa ji lta ba bzhin du oM tshinda tshinda zhes bya ba la sogs pa sngags gsum brjod par bya'o/ /'dir ye shes gsum ni snang ba la sogs pa skyed par byed pa ni 'byung bar byed pa'i pad+ma zhes bya ste/ ji skad du sgyu ma dag ni thams cad las/ /bud med sgyu ma khyad par 'phags/ / ye shes gsum gyi dbye ba ni/ /gsal bar 'di las mtshon par 'gyur zhes 'byung bas so/ /bsgrub bya'i ngag gi spros pa'o zhes pa ni bsgrub bya'i ngag mkhas ba nyid do/ /nam mkha' las byung ba zhes pa ni lte pa'i nam mkha' i las sgra 'byung ba'i phyir ro/ /de'i ngo bo nyid kyis sems so zhes pa ni 'od gsal ba'i rang bzhin sems te de'i yin pa dang dri ma rnams glo bur ba yin pas so/ /de nas zhes bya ba la sogs pa'i de ma thag tu bshad pa'i sngags rnams dang de'i sgo nas bya ba'i las kyi tshogs thob par byang chub sems dpa' rmad du gyur pas ji ltar ched du brjod pa de skad bstan to/ /rdzogs pa'i rim pa la gnas pa zhes pa ni sngags kyi theg pa chen po'i snying por gyur pa de kho na sgom par byed pa byas pa la sogs pa'o/ /theg pa sar la gnas pa zhes pa ni bskyed
- 149b
pa'i rim pa'i rnal 'byor pa rnams so/ /de rnams kyi mchog go zhes ba ni rdzogs pa sgom pa'o/ /de bas na de kho na nyid thob pa'i phyir sems can gyi donbyed par nus pa'o/ /de dag thos pa dang rtogs pas dga' ba dang mgu pa dang ldan par 'gyur ro/ /rang gi rjes su myong ba'i gsung zhes pa ni chos thos pas so so rang rigs pa'i mngon gsum gyis myong ba'i dga' ba'i khyad par gang yin pa de nyid rdo rje 'chang gis leD par smras pas /phyi rol tu byung ba'i bstod pa'i tshig gi tshogs ni gsung zhes bya 'o/ /sngags kyi gnas te zhes pa ni sbyad? ma la sogs pa'i phreng pa'i spags rnams so/ /sngags rnams kyi rab tu sbyor ba'i bye thag? ces pa ni bsrung ba'i 'khor lo dang 'khrul 'khor la sogs pa'i mtshan nyid do/ /sbyor ba de nyid bsam gtan gyi rdzogs par byas pa'o zhes pa ni rdo rje lcags gyus mtshan pa'i rkang pa g.yon pas mnan zhing zhes bya ba la sogs pa'i mtshan nyid do/ /gdug ba rnams tshar gcod pa'o zhes pa ni sngon spyod kyi sgo nas bla ma smod par byed pa la sogs pa bsod pa'o/ /de bzhin du las kyi tshogs la nus pa dang ldan pa'i zhes? pa ni mu stegs pa'i rnal 'byor pa rnams la phur bus gdab ba'o/ /skye po tha mal pa zhes pa ni rgyal po la sogs pa'o/ /phyogs skyod ba rnams ni brgya byin la sogs pa'o/ /bsam gtan gyis so sor gsungs pa zhes pa ni rdo rje dang pad+ma yang dag par sbyor bas bsgrub bya'i lus dang ngag dang sems phur bus gdab pa'o/ /de ni ngo mtshar che'o zhes pa ni ston pa po la bstong pa dang/ nye bar bsdu ba yang rab tu bstan to/ /sgrub pa po rnam pa gnyis dang zhes pa ni rim pa gnyis sgom par byed pa dang nye bar mtshon pa'o/ zhes bya ste rdzogs ba'i rim pas kyang gsod pa'i las sngar bshad pa'o/ /rdo rje 'chan chen pos rab tu btan pa'o/ zhes pa ni bcom ldan 'das kyis bstan pa'i phyir yid ches pa nyid bstan to/ /de bzhin du sgrub pa po ni
- 150a
rnal 'byor pa rnams so/ /de rnams kyi 'dod pa'i don ster ba'o zhes pa ni zhi ba la sogs ba sgrub par bya'o/ /sprul la sogs pa ni sngar? bshad pa'i mtshan nyid do/ /de rnams kyi don la sogs pa yongs su shes pa ni sogs pa'i sgras? btung ba dang de kho na nyid yongs su shes pa'o/ /btus nas bstan pa'o zhes pa ni dpal rdo rje 'phreng ba la sogs pa bshad pa'i rgyud las bsdus te bstan pa'o/ /de yan chad kyi sdud pa pos bdag nyid kyi che ba dang le'u'i brjod par bya ba'i don man ngag dang bcas par bstan to/ /sku gsung thugs gcig tu gyur pas kyang zhes pa ni don dam par dngos po thams cad rnam par dpyad na tha dang par ma dmigs te/ gang zhig rang gi rgyud la gnas de nyid gzhan gyi rgyud la gnas pa yin no/ /'on kyang bsgrub par bya ba dang sgrub bar byed pa'i bye brag la dmigs te glo bur gyi dri ma ldog pa'i don du tshar gcod pa zhes bya ba ni sgrub pa pos bsgrub bya la tshar gcod par byed pa'o/ /de yang nye bar mtshon pa'i tshig yin te zhi pa la sogs pas kyang rjes su gzung bar mdzad pa'o/ /A li kA li zhes bya ba la sogs pas de ltar gyur pa sku la sogs pa'i rang bzhin sngags thams cad bsdu bar byed pa'i yi ge gsum gyi spel ba'i sngags kyi zhi ba la sogs pa'i las kyi tshogs grub pa rdzogs pas mdzes pa ting nge 'dzin gang yin pa de bstan to/ /de ston par byed pa'i zhes pa ni de ltar gyur ba'i gsal bar byed pa'i sgra'i tshogs gang yin pa de la de skad ces bya'o/ /dgongs pas bshad pa'o zhes pa ni 'gal ba'i sgra sgo nas de kho ni nyid bstan pas so// // sgron ma gsal bar byed pa'i 'brel pa'i TIka las le'u bcu bzhi pa'i rgya cher bshad pa'o/ /bshad pa dang ma bshad pa zhes bya ba la sogs pas le'u bco lnga pa'i bshad pa brtsam par bya ste / bsam pa ni 'di yin te bshad pa ni le'u bcu gsum pa
- 150b
dang bcu bzhi pa las bshad pa'o/ /ma bshad pa ni le'u bco lnga pa dang bcu drug pa dang bcu bdun pa las 'chad par 'gyur ba'i las kyi tshogs de rnams sgyu ma lta? bu'i ting nge 'dzin med pas 'grub bar mi 'gyur bas na le'u bco lngar stan to/ /ston? pa? bzhi'i bdag nyid can no zhes pa ni stong pa dang/ shin tu stong pa dang/ stong pa chen po dang/ thams cad stong pa'o/ /yang na snang ba dang/ snang pa mched pa dang/ snang ba nye bar thob pa dang/ 'od gsal pa'o/ /yang na pad+ma'i nang na rtsa bzhi'o/ /bdag nyid ni dbus kyi rtsa ste/ 'dod pa'i gdugs so/ /ji skad du/ b+ha ga'i dbus su nam mkha' gang/ /nam mkha' lnga yis brgyan pa ste/ /lte ba ge sar dang lan pa'i/ /'dab ma brgyad kyi rnam par mdzes zhes 'byung ngo/ /rnam par mig 'jig pa'o zhes pa ni chos kyi sku'i ngo bo yin no/ / dbang bskur ba thams cad ces pa ni slob dpon dang gsang ba dang shes rab ces bya'o/ /de rnams kyi yang dbang bskurba zhes pa ni shes rab ye shes te bzhi pa yang d bzhin no/ zhes bya ba'i mtshan nyid do/ /de'i ngo bo yin pas rdo rje 'chan ni thams cad dbang bskur ba zhes bya'o/ /sems can gyi bsam pa'i dbye bas rigs thams cad ni rigs brgya 'am lnga 'am gsum mo/ /ji skad du rigs ni rnam pa brgyar bshad ba/ mdor bsdus pas na rnam pa lnga/ /sku gsung thugs kyi dbye ba yin phyi nas rnam pa gsum du 'gyur zhes 'byung ngo de'i bdag nyid bcom ldan 'das ni de rnams sprul par mdzad pas so/ /de bas na mkhyen pa'i sgra sprul pa'i don to/ /mi phyed pa'i gsung ngo zhes pa ni phyag rgya dang snyoms par zhugs pa'i mtshan nyid kyi gsungs so/ / dgongs pa ma yin bas bshad pa zhes pa ni shin tu gsal pa'i de kho na nyid bstan pas so/ /spros pa med pa'i spyod pa ji snyed pa'i spyod pa'i sgo nas phyag rgya dang snyoms par zhugs pa'i mtshan nyid do/ /sme sha can zhes bya ba nas/ /rtogs pa'i
- 151a
rnal 'byor yin pa'i phyir ro/ zhes pa'i bar du ni rim pa ji lta ba bzhin du mi bskyod pa dang/ rnam par snang mdzad dang 'od dpag tu med pa'i rnal 'byor pa rnams kyis skye bos dben pa'i sa phyogs su ba'i lci ba la sogs pas byugs pa/ rten dang brten pa'i rang bzhin gyi 'khor lo bris pa 'am yid kyis bsgoms de dbus su rang gi rigs dang mthun pa'i legs par slobs pa gzugs bzang ba legs par brgyan ba/ sme sha can dang khrus mkhan dang gar mkhan gyi bu mo lo bcu gnyis pa dang nyi shu pa dang bcu drug lon pa utpa la sngon po dang dmar po dang kha dog dkar pa/ rigs lngas khyab pa slar bzhag cing rjes su chags pa chod pa sngon du 'gro bas so sor sdud pa'i rim pas nye bar spyod pa byas te gnas par bya'o zhes bya ba dang/ de bzhin du rin chen 'byung ldan dang don yod grub pa'i rnal 'byor pa dag gis kyang gti mug gi rigs dang zhe sdang bsdus pas khus mkhan dang sme sha can gyi bu mo dag pa sgrubs nas gnas par bya'o de ltar zhugs pa'i sgrub pa pos zhes pa ni spros pa med pa'i spyod pa la rtsol pa byas pa'o/ /'od dpag tu med pa'i rang bzhin zhes pa ni gang zhig 'od dpag tu med pa'i ting nge 'dzin bsgom pa de ni de dang 'dra bar 'gyur ro/ zhes bya ba gzhung gi bstan to/ /nye bar mtshon pa yin pas mi bskyod pa la sogs pa'i rnam 'byor pa rnams kyang de dang 'dra bar 'gyur ro zhes bya ba'i don to/ /sa bcu la gnas par 'gyur ro zhes pa ni sa bcu'i dbang phyug gi bdag po'o/ /ngag gi dbang phyug de 'dzin pa'o zhes pa ni 'od dpag tu med pa'i rnal 'byor pa'i phan yon bstan to/ /thugs kyi dban phyug dang sku'i dbang phyug kyang mi bskyod pa dang rnam par snang mdzad kyi nal 'byor pa dag la rtogs par bya ba dang/ de bzhin du nam mkha' mdzod
- 151b
nyid dang las thams cad byed pa nyid rin po che dang don yod grub pa'i rnal 'byor pa dag la bshad par bya'o/ /de yang de'i rnal 'byor dang ldan pas de dang 'dra bar 'gyur zhes bya ba'i gzhung gis bstan to/ /dbang phyug dam pa ngar ldan pa zhes pa ni sku'i dbang phyug la sogs pa dang ldan pa'o/ /sems can thams cad ni rang gi sde ba dang gzhan gyi sdi ba pa'i nang na mchog yin pas na sems can thams cad las khyad par du gyur pa'o/ /'khor los sgyur bar 'gyur pa zhes pa ni dkyil 'khor gyi 'khor lo'i bdag por 'gyur ro/ /rtog pa'i rnal 'byor pa yin pa'i phyir ro/ zhes pa ni bskyed pa'i rim ba'i sgom par byed pas so/ /de ltar zhes bya ba la sogs pas bskyed pa'i rim pa'i rnal 'byor ba'i phyag rgya'i dbye ba bstan pa'i 'og tu /rdzogs pa'i rim pa la gnas ba rnams la yang bstan par bya'o zhes bstan to/ /rigs bzhi po zhes bya ba nas rin por mi thogs par 'gyur ro zhes bya ba'i bar du ni rdzogs pa'i rim ba'i rnal 'byor pas bram ze la sogs pa gang yang rung ba'i bu mo blangs la snyoms par bzhugs pa'i rim pas snang pa la sogs pa'i ye shes gsum rgyu dang rkyen las 'byung ba'i 'od gsal ba phyi dang nang gi bdag nyid yi mngon par byang chub pa'i rim pas myong zhing de las byung ba'i mi gnas pa'i mya ngan las 'das pa'i bdag nyid kyi zung du 'jug pa'i rdo rje'i sku dmigs nas gnas par bya'o zhes bstan to/ /de nyid bstn pa'i phyir/ rigs bzhi pa rnams las gang yang rung ba zhes pa ni rdzogs pa'i rim pa la gnas pa la rtog pa med pa'i phyir ro// blangs nas zhes bya ba ni lhan cig spyod pa bzhin du blangs nas so/ /de rtogs pa dang ldan pa'i zhes pa ni rdzogs pa'i rim par lha'i sku thob pa'o/ /rdo rje 'chang ste zhes pa ni thams cad kyi 'bras bur 'gyur bas so/ /de rdzogs par
- 152a
byed pa ni zung du 'jug pa'i ting 'dzin skyed par byed pa'o/ /mngon par byang chub pa'i rim pas rdzogs bar byas te zhes pa ni rim pa gnyis kyis so/ /de'i thabs ni phyag rgya chen po'i dngos grub kyi rgyu'o/ /dmar th+g chad cing 'das par 'gyur te zhes pa ni dgongs ka ste de'i tshe nyi ma nub ba'i phyir ro/ /des na mtshan mo byun ba'i dus su tshogs kyi 'khor lo'i cho gas dkyil 'khor gyi dbus na gnas pa'i bla mas mchod pa rnam pa lnga la sogs pas de kho na nyid thob pa'i don du gsol ba 'debs pa sngon du 'go bas mchod par bya'o/ /de nas zhes bya ba la sogs pa ni mchod pa'i 'og tu mtshan phyed kyi dus su dang por gyur pa'i bla mas ji lta bzhin du gsang ba'i 'og tu shes rab kyis dbang bskur ba thob nas rang rig pa bstan to/ /bde ba zung bas dbang bskur ba thob pa'o/ /ro de nyid kyi nam langs nas skya rengs 'char ba'i dus su ni nyi ma'i kha los sgyur ba bla na med pa 'char ba'i dus su ni mtshan mo'i cha 'das pa'o/ /de nyid bstan pa'i phyir nyi ma 'char ba'i sngon du zhes pa ni dang po ni nyi ma'i kha loS sgyur ba skya rengs 'char ba dang phyi nas nyi ma 'char ba'o/ /de'i dus su mngon par byang chub pa'i rim pa'i man ngag gis dngos grub thob par 'gyur ro/ /phyi'i mngon par byang chub pa'i rim pa zhes pa ni phyi'i dus la bltos pas de kho na nyid rtogs pa'i mtshan nyid kyi man ngag go /nang gi bstan par bya ba'i phyir zhes bya ba la sogs pas nang gi bdag nyid kyi ngon par byang chub pa'i rim pa bstan par bya ste/ thabs kyi ye shes zhes pa ni snan ba mched pa'i ye shes te 'dod chags kyi ming can no/ /snyoms par zhugs pas mtshon pas na snyoms par zhugs pa'i mtshan nyid do/ /byung bar gyur nas zhes pa ni bskyed nas so/ /nub cing ni 'das na'o/ /shes rab kyi ngo bo nyid du gyur pas zhes pa ni snang ba'i ye shes kyi phyi nas
- 152b
'byung zhing thim pa'o/ /de nas 'od gsal ba sngon du 'gro bas zhes pa ni/ 'od gsal ba las sngon du snang ba nye bar thob pa'i ye shes 'byung ba ni myong bar 'gyur ro/ /ma rig pa ste zhes pa ni snan ba nye bar thob pa'i ye shes so/ /de son par gyur pa'i dus su zhes pa ni de'i bag chags kyi lhag ma med pa'i tshe'o/ /stong pa dang shin tu stong pa dang stong pa chen po ni snang ba la sogs pa'i rang bzhin gsum mo/ /rgyu dang rkyen gyi zhes pa ni nye bar len pa dang lhan cig byed pa'i rgyur gyur pa ste gcig rgyu dang gzhan dag kyang lhan cig byed pa yin pas so/ de rnams kyi 'od gsal ba ni 'bras bur gyur pa'i de kho na nyid mngon du byedpas so/ /phyag rgya chen po 'grub par 'gyur ro zhes p ni zung du 'jug pa'i ting nge 'dzin gyis rdo rje'i sku 'byung bar 'gyur ro zhes bya ba'i don to/ /ji skad du/ skya rengs shar ba'i dus su ni/ /rdo rje lta bu'i ting nge 'dzin gyis/ /byang chub shing drung bzhugs nas ni/ /des ni bdud rnams 'joms par mdzad/ /stong pa shin tu stong pa dang/ /gsum pa stong pa chen po dan/ /bzhi pa thams cad stong pa ni/ /rgyu dang 'bras bu'i bye? brag go /zhes 'byung bas so/ / mtshan mo snang ba'i cha st nyi ma'i zer 'gyed snang ba mched pa yin/ /mtshams ni snang ba rang gi rang bzhin rnams dang rtag tu bcas/ /mtshan min mtshams med gang zhig rang bzhin gyis dag pa/ /de ni byang chub skad cig bla ma mchog bshad rnal 'byor pa nyid du yul/ /zhes 'byung ngo/ /de ltar phyi nang gi mngon par byang chub kyi rim pas 'od gsal ba myong zhing de las byung ba'i rdo rje'i sku spro bar bstan to/ /rnam pa thams cad kyis brgyan pa zhes pa ni mtshan dang dpe byad kyis brgyan pa'o/ /stobs bcu ni gnas dang gnas ma yin pa la sogs pa'o/ /ji 'jigs pa ni bzhi te de bzhin du sogs pa'i sgras dbang po dang stobs dang byang chub kyi yan lag dang lam gyi yan lag la sogs pa sangs rgyas kyi yon tan de dang ldan pa ni ldan pa'o/ /de'i khyad par ni phyag
- 153a
rgya chen po rdzogs pa ste rdo rje sems dpa' i sku'i bdag nyid can no/ /de ltar zhes bya ba la sogs pas de kho na nyid thob pa'i phan yon bstan to/ /khams gsum pa ni 'jig rten gsum pa'i sangs rgyas nyid thob pas na mngon par 'dod pa'i don gyi 'bras bu ster ba'o/ /de bzhin du rab tu grags pa'i mtshan rnams ni thun mong ma yin pa'i dran pa nye bar gzhag pa la sogs pa de dang ldan pa'o/ /dpag tshad brgya zhes bya ba la sogs pas rang gi snang ba mdza' yas pa'i 'jig rten gyi khams snang bar byed par 'gyur ro zhes bstan pa dang/ de bzhin du kun rdzob dang don dam pa dbyer med pa'i ngo bo zung du 'jug pa'i ting nge 'dzin gyi 'gro ba'i don zhi la sogs pa'ang byed do zhes bstan to/ /bshad ma thag pa zhes pa la sogs pas rdzogs pa'i rim pa'i ting nge 'dzin mi 'da' ba nyid du bstan to/ /sgrub pa po'i zhes bya ba la sogs pas gang shig rnal 'byor pa dbang po dang/ yul nye bar spyod pa'i sgo nas so sor sdud pa'i ting nge 'dzin gyis 'od gsal bar nye bar mtshon pas mi gnas pa'i mya ngan las 'das pa zhes bya ba ni zung du 'jug pa'i bdag nyid de kho na nyid zhi ba ni spros pa thams cad dang bral ba/ gzhan gyi don phun sum tshogs pa gtso bor gyur pas na dge ba blang bar bya bas na de kho na nyid ma 'khrul bas na mi bslu ba/ 'jig rten dang 'jig rten las 'das pa'i dngos grub kyi gtso bor gyur pas na phul du byung ba thob par 'gyur ro zhes sdud pa pos bstan to/ /'dod pa zhes bya ba la sogs pas bden pa gnyis dbyer med par gyur pa'i mtshan nyid kyis rdo rje 'chang gis gsungs so zhes nye bar bsdus pa bstan to/ / dgongs pa bshad pa'o zhes pa ni 'gal ba'i sgra'i sbyor bas de kho na nyid bstan to/ /de ltar zhes bya ba sogs pa phran tshegs kyis dngos grub bshad par bya ste/ de nas zhes bya ba la sogs pas gshin rje gshed kyi ting nge 'dzin la zhugs pa nyid du
- 153b
bstan to/ /de bzhin gshegs pa zhes bya ba la sogs pas gdug pa skrag par byed pa gshin rje gshed kyi sngags brjod pa bstan to/ /oM zhes bya ba la sogs pa sngags kyi don bshad pa ni go sla'o/ /gshin rje gshed kyi sngags spel ba mi sbyor ba? bstan par bya ba zhes pa'i sgra'o/ /de nas don 'di yin te bstan par byas nas dgra thams cad gsod par gyis shig ces bya ba'i don to/ /gzhan dag gis ni hUM gis sngags spel ba zhes bstan te/ /hUM phaT mdza' yis gsod pa'o zhes bshad pa'i phyir ro// sdong bu zhes bya ba la sogs pas gshin rje mthar byed la sogs pa'i rnam pa la dmigs te tsher ma las byung ba'i me dang ldan pa'i khru gsum gyis me'i thab tu sngags brjod pa sngon du 'gro ba dug dang khrag dang lan tshe? dang skye tshe dang/ 'bru mar dang 'dres nas bu mo 'am pha rol gyi dpung gang yang rung ba la dmigs nas mtshan phyed dam nyin phyed kyi dus su bsregs na/ de zhig gsum gyi rengs par 'gyur ro zhes bstan to/ /de nyid bstan pa'i phyir /bu dang bu mo dag dang 'brel pa'i longs spyod kyi rgyur zhes bya ba smos te/ bu mo'i lus la longs spyod pa'i phyir dang de'i phyir 'byor pa la longs spyod pa'i phyir ro/ /de'i phyir sgrub pa po gzhan las zhes pa ni de ma gtogs pa gzhan la 'gro bar mi 'gyur ro/ /de 'ba' zhig tu ma zad kyi ji srid byis pa dang lang tsho dang rgan pa'i 153b6rgyud 'grel): gnas skabs su yang de med pas dga' bar mi 'gyur gyi de la chags par 'gyur ro zhes bya pa'i don to/ /rnam par snang mdzad kyi rnal 'byor ba'o zhes bya ba la sogs pas sku rdo rje la sogs pa'i rnal 'byor pa sum cu rtsa gnyis kyis gal te sbyor ba 'di mi brtsin/ de'i tshe de rnams kyi las de rtsom pa don med pa zhes bstan to/ /sbyor ba gzhan bstan pa'i phyir zhes bya ba la sogs pas 'byung po'i zhal la dur khrod kyi gos la dur khrod kyi sol ba kha sbyor gyi nang du brgya rtsa brgyad zlas pas gshin rje mthar byed kyi gzugs bris
- 154a
la de'i snying gar ming spel te sngags brjed pa sngon du 'gro bar che ge mo la e daM pa la h+ri swAhA? zhes pa'i sngags spel ba byas pa brjod cing brgya rtsa brgyad bzlas pa'i rnal 'byor pa sgrub pa pos pha rol rnams la mngon par 'dod pa'i 'bras bu ster bar 'gyur ro zhes bstan to/ /sngags 'di nyid ces bya ba la sogs par dur khrod kyi gos la sol bas dge bo'i gzugs brnyan bris la de'i snying gar ming spel zhing nyin phyed dam mtshan gyi dus su 'byung ngo'i zhag la/ khro bo'i rnam pa dang khro bo'i bsam pas/ mtshon cha rno ba'i bsam pas sol bas mgo po nas brtsams te/ rkang pa'i dkyil gyi bar du dbus su re khA btab na/ dgra'o 'gas par 'gyur ro zhes bstan to/ /tho ba zhes bya ba la sogs pas dgra ba'i rkang pa'i rdul dang gtsang po'i 'gram gnyis kyis bsgrub bya'i gzugs brnyan byas la sngar bshad pa'i dus su gshin rje gshed kyi rnal 'byor dang ldan pas khros nas yi ge phaT bzlas pas de'i mgo bor thob phag na de'i tshe mngon sum du de'i mgo bor thob phab pa gang gis srog dang bral bar 'gyur zhes bstan to/ /yang na bsam gtan gyis kyang 'di dag thams cad bya'o/ zhes pa ni ting nge 'dzin gyis kyang rnam par byas te/ gang gis phyi rol gyis zas la gtogs par mi 'gyur ro/ /hUM zhes bya ba la sogs pas thugs rdo rje yongs su gyur ba las bdag nyid gnod mdzes kyi rgyal por bsams la/ /rang gi lag bar yi ge hUM yongs su gyur pa las drag bo'i rdo rje yi gi hUM gis 'bar ba'i phreng ba ldan pa bsams la/ snga ma bzhin du bsgrub bya'i gzugs brnyan gyis go bar phab par bya'o/ zhes bya ba 'dis phyi'i rdzas la bltos pa med pa nyid du bstan to/ /rdo rje rgyud ces bya ba la sogs pa nas gdon mi za'o zhes pa'i bar du ni dur khrod kyi gos la sogs pa la khams kyi rdzas kyis skyes pa'am bud med gang
- 154b
yang rung ba'i gzugs brnyan bris la/ /yi ge hUM yongs su gyur pa las dgra ston pa rang gi lag pa na yod par bsams te/ de bsgrub bya'i skye ba yi ge phaT brjod pas bcad la de'i tshe dgra bo'i skye ba gcod par 'gyur ro/ /de nyid kyi phyir bsgrub par bya ba nyid du shes pa dang zhes smos te rgyal po la sogs pa'o/ /khyad par can gyi lus dang ngag dang yid kyi bdag nyid can zhes ba ni shin tu mdzes pa'i lus dang ldan pa'o/ /mchog dang 'bring dang tha ma zhes pa ni bram ze dang rgyal rigs dang rje rigs dang dmangs rigs so/ /de rnams ma lus pas phan 'dogs par mi byed pa'o/ /de nyid kyi phyir shin tu bag med pa la gnas pa ni drag po'i yis byed pa'o/ /sbyor ba 'dir ni dgra sta'i sbyor bas lnga pa nyid du 'gyur ro/ /zhes gdon mdza' o/ /bdud rtsi thab skyor zhes bya ba la sogs pas shin u char 'bab pa'i dus su bdud rtsi 'khyil ba'i ting nge 'dzin la gnas pas grong ngam grong khyer la sogs pa'i nam mkha' i phyogs su yi ge hUM las skyed pa kha dog ser po sna tshogs rdo rje bsams la de'i dbus su yi ge hUM las byung ba'i 'bar ba'i rdo rje bsams la/ de las byung ba'i 'bar ba'i tshogs kyis char skams par 'gyur bar bsgoms na char rengs par 'gyur ro zhes bstan to/ /rdo rje dbyings kyi dkyil 'khor chen po zhes bya ba la sogs pa ni dkyil 'khor chen po bri ba'i dus su rlung dang chad dang thog la sogs pa nam mkha' las byung ba dang/ dkyil 'khor gyi 'og nas kyang chu dang sprul la sogs pa 'byung ba dang/ sogs pa'i sgras la 'gul ba dang sha za ba la sogs pa 'byung bas so zhes gzung ngo/ /gzhan gyi rab tu sbyar ba zhes ba ni tshogs kyi bdag po la sogs pa mu stegs bas skyon byas pa'o/ /gang gi tshe 'byung par 'gyur na de'i tshe bcom ldan 'das 'od dpag tu med pa yongs su gyur pa las zhal gsum phyag drug pa spyad gsum ba g.yos rkyang ba la gnas pa
- 155a
'phags pa rta mgrin du bdag nyid bsams la/ de'i phyag mtshan las byung ba'i 'bar ba'i tshogs kyis phyogs bcu la gnas ba'i bgegs kyi tshogs bsreg cing thal bar gyur par bsam bar byed na de'i tshe rlung la sogs pa zhi bar 'gyur zhes bstan to/ /gal te rang bzhin de lta rim phyed na zhes bya ba la sogs pas de ma bsgoms pas dkyil 'khor bri ba'i bdag nyid can gyi rnal 'byor ma'i bya ba 'grub par mi 'gyur ro/ /'dir yang drag po'i las la rang gi sde ba dang gzhan gyi sde ba'i bgegs gsod par byed pa'i yi ge phaT kyis sa bon gsod pa ni dgra bo'i tshe ba'i dus su sbyor bar bya'o zhes bstan to/ /da ni zhes pa la sogs pas spros pa dang bcas pa'i rnal 'byor pas lha'i khang gsum? brtsegs la gnas te/ bdag la byin gyis brlabs pa rnam par snang mdzad la sogs pa gang yang rung ba ye shes kyi sku dmigs te/ phyogs bzhi la gzugs bzang ba shin tu legs par brgyan pa'i dam tshig gis phyag rgya bzhi gzhag nas de dang lhan cig 'dod pa'i yon tan lnga nye bar spyod pa dang snyoms bar zhugs pa dang/ so sor sdud pa dang bsam gtan gyi rim pas bde ba chen po myong par 'gyur ro zhes bstan to/ /ye shes kyi rim pas bskyed pa zhes pa ni bdag la byin gyis brlab pa'i rim pas spros pa'o/ /de'i sbyor ba zhes pa ni mdor bstan pa'o/ /skad cig gis dmigs pa zhes pa ni rgyas par bshad pa'o/ /de ni snang ba nye bar thob pa la sogs pa'i rim pa bkag go /gdan rnam pa bzhi'i dbus su zhes pa ni lha mo bzhi'i gdan gyi dbus su'o/ /rdo rje 'chang chen po'i sku zhes pa ni nye bar mtshon pa tsam yin te/ rnam par snang mdzad la sogs pa rnams kyi yang sku bsgom par bya'o/ /lha'i de kho na nyid shes pas so zhes pa ni bdag nyid dang lhan cig lha mo'i bzhi ye shes lnga'i ngo bo shes pa'o/ /spyan ma la sogs pa'i gnas rnams su
- 155b
zhes pa ni shar phyogs la sogs pa la'o/ /rnam par dag pa'i rim pa des phyi'i mngon par zhen pa spong ba dang/ so so'i skye bo bzhin ba spyod pa'ang bkag par byas pa yin no/ /sngags dang phyag rgya legs par slob pa de bas ni sngags gtso bor gyur pa'i phyag rgya ni sngags kyi phyag rgya ste sngags kyi theg pa chen bo'o/ /de la legs par bslab ba ni thos pa la sogs pa'i rim gyis mthar phyin pa dang pha rol la nye bar ston pa'o/ /spyan la sogs pa'i dngos po yongs su brtags pa zhes pa ni rigs kyi yum bzhi pa'i gzugs su bsgom pa'o/ /bud med bzhi ni bzhi kho na'o/ /nyid mtshan rtag tu'o/ /rgyan rnams thams cad kyis zhes bya ba la sogs pas lhan cig skyes pa dang/ cha lugs kyi yon tan rnams kyis brgyan pa nyid du bstan to/ /rang gi snying ga'i pad+ma zhes pa ni rang gi sems so/ /kha'i pad+ma ni zhal gyi pad+ma'o/ /rgyas pa ni de lta bas dga' ba bskyed par byas la de'i 'og tu 'khor lo lnga'i bdag nyid gang yin pa de nyid sems tsam yin gyi gzhan ni ma yin no zhes bsam par bya'o/ /'od zer lnga ni zhes bya ba la sogs pa dbang po dang yul nye bar spyod pa'i mtshan nyid kyi so sor sdud pa'i rim pas bde ba chen po de dang lhan cig tu myong bar bya'o zhes bston to/ /de ltar spyod pa zhes bya ba la sogs pas rnam par snang mdzad la sogs pa de bzhin gshegs pa lnga dang mtshungs bar 'gyur ro zhes bstan to/ /phyag rgya gcig dang lhan cig spyod pa zhes pa ni spros pa med pa'i spyod pa dang ldan pa'i rnal 'byor pa yi'o/ /dgongs pa ni rdo rje 'chang chen po la sog pa'i rnal 'byor pas bram ze la sogs pa gang yang rung ba'i phyag rgya blangs te/ bdag nyid dang des rnam bar snang mdzad dang spyan ma la sogs pa'i rnam pa bskyod la? yul nas yul du 'gro bar ji ltar rnyed ba'i kha zas can nags tshal la sogs pa skye bos dben pa la snyoms par zhugs pa'i
- 156a
sgo nas ye shes gsum rnam par dag pa'i ngo bo 'od gsal ba la slob par byed de de'i tshe rdo rje 'chang chen po dang 'dra bar 'gyur ro zhes bstan to/ /tha mal ba'i bdag gi rang bzhin yongs su spangs nas zhes pa ni ye shes kyi rim pas bsgrubs pa'i sngags kyi sku'o/ /de'i 'og tu ni rgyu de las so/ /bdag po ni khams gsum gyi bdag po'o/ /phyag rgya dang bcas par dngos grub thob pas na zhes pa ni de yang de bzhin du grub par 'gyur ro/ /nam mkha' mdzod kyi zhes bya ba la sogs pas phyag rgya chen po'i dngos grub thob pas sems can gyi don mdzad pa bstan to/ /de ni spros pa med pa'i spyod pa'o/ /da ni spros pa med pa'i spyod pa dang ldan pa'i rnal 'byor pa'i ji snyed pa'i zas legs par spyad nas spyod bas gnas pa bstan par bya ste/ thun mong du gyur pa ni rab tu grags pa'o/ /ba lang gi lci ba la sogs pa zhes pa ni de kho na nyid thob pa la zhim dang mi zhim gyi rnam par rtog ba med pa'i phyir ro/ /sha ni ji snyed pa dang zhes ba ni kha nam tho ba med pa rnyed pa smod pa 'am ma smod pa'o/ /gzhan dag gang ci 'am ma rung ba zhes pa ni btung pa la sogs pa'o/ /bza' ba dang btung ba la sogs pa de dag sbyang ba la sogs pa'i rim gyis sbyangs la snying ga dang lag pa dang lkog ma sbyangs nas ji ltar so so'i skye bos ma mthong ba de srid bza' bar bya'o zhes bstan to/ /'og nas bshad pa la bltos pa yin no zhes pa ni ril bu la sogs pa'i grub pa rnams kyang rdo rje 'chang nyid kyis gsungs so zhes sbyar ro/ /bshad pa zhes bya ba la sogs pas nyin de zhag las skyes pa'i bu chung gi mtshan bu sa la ma lhung ba kham phor gyi kha sbyar la bzhag cing gshin rje gshed kyi sngags kyis brgya rtsa brgyad bzlas zhing yi ge gsum gyi byin gyis brlabs nas lcags gsum gyis bskor ba'i ril bu khar bcug na rig pa 'dzin pa rnams
- 156b
kyis kyang mthong bar mi 'gyur na/ mi rnams kyis smos kyang ci dgos te mi snang ba'i sbyor ba bstan pa dang/ de bzhin du khyi la sogs pa'i mngal gyi ril bu thod pa kha sbyar la bzhag cing/ snga a bzhin mngon par bzlas la khar bcug ste bsgrub pa la sogs pas mthong bar mi 'gyur ro zhes bstan to/ /de ni mi snang ba'i sbyor ba kho na'o/ /bshad pa dang zhes bya ba la sogs bas bdud rtsi lnga'i ril bu lcags gsum gyi bskor bar byas la zla ba gang ? zin pa'i dus su phyag rgya'i b+ha gar bcug la snyoms par zhugs pa sngon du 'gro bar zla ba gzas grol bar gyur na de nas brtan te du ba la sogs pa'i rtags nye bar mtshon zhing khar bcug na sangs rgyas rnams kyang mthong bar mi 'gyur ro zhes bstan to/ /de yang mi snang ba'i sbyor ba kho na'o/ /de bzhin du zhes bya ba la sogs pas snga ma bzhin du mi snang ba nyid bstan te/ 'on kyang sha chen 'di gtso bo yin no/ /ba lang sha zhes bya ba la sogs pas snga ma bzhin du bshad par bya te mi snang ba nyid kho na bstan to/ /srog chags zhes bya ba nas gsungs so zhes pa'i bar du ni bshad pa las byung ba'i srog chags kyi ril bu dang ? btsan ni gyi ril bu dang/ gi wang? a ka ru nag po'i ril bu dang bdud rtsi lnga'i ril bu dang ga bur dang gur kuM gyi sbyar gis bdud rtsi lnga'i ril bu ste rigs lnga'i dbye ba sbyangs la lcags gsum gyis bskor bar byas te khar bcug la/ de'i tshe stobs mi nyams dang lha la sogs pa rnams kyis kyang mi mthong bar 'gyur ro zhes bstan to/ /de ni mi snang ba'i sbyor ba kho na'o/ /de ni zhes bya ba la sos pas 'jig rten pa'i dngos grub kyi sgo nas 'jig rten las 'das pa'i dngos grub thob par 'gyur ro zhes bstan to/ /dkyil 'khor ba'i zhes bya ba la sos pas sngar bshad pa'i zhi la sogs pa bsgrub ba'i don du zhi ba 'am drag po'i ngo bo'i sku bsgom ba'i rnal 'byor bas zhi la sogs pa sgrub par byed pa 'ba' zhig tu ma zad kyi 'on kyang de'i phyag rgya chen pos zhi ba'i ngo bo rdo rje 'chang chen po'i
- 157a
sku'i dbang phyug la sogs pa dang/ stobs chen po la sogs pa dang ldan par 'gyur ro zhes bstan to/ /gzhan yang skad cig ma gcig gis zhes bya ba la sogs pas mkha' spyod dang sa spyod dang phyogs spyod kyi dngos grub thob par 'gyur ro zhes bstan to/ /phyag rgya'i tshogs dpag tu med pa zhes pa ni lha'i bzhon pa gnas pa dam tshig gi phyag rgya'i rang bzhin spyan ma la sogs pa dang lhan cig spyod pas na dpal ldan no/ /stobs bcu zhes bya ba la sogs pa sangs rgyas kyi yon tan dang ldan pa nyid du bstan to/ /ji ltar dga' bar 'gro ba'i phyir zhes pa ni thogs pa med pa'i 'gro ba dang ldan pas so/ /rgyal chen rigs bzhi zhes bya ba la sogs pas lha'i rigs drug dang ldan pa'i khams la bde ba la sogs pa lha'i btsun mo ji srid dang de bzhin du ram pa til mchog la sogs pa dang lha'i smad 'tshong ma dang lha'i longs spyod dang lha'i longs spyod dang mtshungs ba gling bzhi'i bdag po 'khor los sgyur ba rnams kyi bu mo dang/ de bzhin dbyig dmigs dang rnam par 'jig la sogs pa lha ma yin gyi bu mo dang/ 'jog po dang dung skyong dang rigs ldan dang pad+ma dang pad+ma chen po la sogs pa'i klu rnams kyi bu mo stobs kyis mnan nas nye bar spyod par 'gyur ro zhes bstan to/ /gzugs kyi khams ba bsgoms chen 'dod chags dang bral bar gnas pa gal te de la bud med yod na zhes bya ba 'di/ srid na zhes phul du byung ba'i tshig tu bstan to/ /tha mal pa'i lus shes pa ni nye bar len pa'i phung po lnga'i bdag nyid can no/ /de ting nge 'dzin gyi khyad par can gang gis mi snang bar byas pa de la de skad ces bya'o/ /de nas zhes bya ba la sogs pas rin po che lta bu'i gang zag byang chub sems dpa' sngar bshad pa'i ting nge 'dzin gyi khyad par thos pa dang bsam pa dang/ bsgom pas 'khrul pa las byung ba'i the tshom dang bral bar 'gyur ba nang na myong ba'i man
- 157b
ngag gi tshig bcom ldan 'das la bstod pa'i sgo nas bstan to/ /sngags gcig bu zhes pa ni gshin rje mthar byed kyi sngags gcig bu las kyi tram? 'byams bsgrub pa ni phur bus gdab pa dang gnas spong ba dang rengs pa dang mngon spyod la sogs pa bsgrub pa'o// de bzhin du bud med dang lhan cig tu rol pas kyang zhes pa ni spros pa dang bcas pa dang spros pa med pa dag gis spyod pa'i gsang ba lnga'i dkyil 'khor chen po'i rim pas phyag rgya bzhi dang lhan cig spyod pa 'am phyag rgya gcig dang spyod pas 'dod chags rol pa la sogs pa'i rgya che bas 'jig rten pa la sogs pa'i dngos grub bsgrub pa gang yin pa'o/ /de bzhin du bdud rtsi lnga dang sgron ma lnga ni dam tshig dang lcags kyu rnams so/ /des byas ba'i ril bu rnams kyis dngos grub kyi phun sum tshogs ba ste mkha' la spyod pa dang mi snang ba'i mtshan nyid can no/ /chos stong pa nyid la sogs pa'i rang bzhin gyis dag pa ste/ kha na ma thob med pa'i phyir ro/ /de bzhin du gang yang rung ba'i phyag rgya chen po zhes pa ni lha sum cu rtsa gnyis kyi nang na gang yang rung ba'i dmigs pa la brten nas rdo rje 'chang nyid du 'gyur ba dang de la yang ma chags pa zhes bya ba gang gsungs pa de dag thams cad ni ngo mtshar pa ste rmad du gyur pa bcom ldan 'das kyis bstan to/ /sngar ma thos ma bshad pa zhes bya ba'i tha tshig go /dgongs pas bshad pa'o zhes pa ni 'gal ba'i sgra'i sgo nas de kho na nyid bstan bas so/ /de ni zhes bya ba la sogs pas phyir mi ldog pa'i dbang bskur thob nas rgyas btab pa bstan bar bya ste/ gdug pa thams cad 'dul bas na/ zhes pa ni 'tshams med pa lnga la sogs pa byed pa 'dul bar mdzad pas so/ /rnam par snang mdzad la sogs pa zhes pa ni de bzhin gshegs pa la sogs pa'i rigs lnga'o/ /'byin pas ni skyed par byed pa de rdo rje 'chang chen po'i rigs las rnam par snang mdzad la sogs pa de rnams me stag lta bur 'byung bas so/ /'jig rten pa ni zhi ba la sogs pa'o/ /sogs pa'i sgras
- 158a
ni 'jig rten las 'das mkha' spyod la sogs pa'o/ /skyes par mdzad pa ni zhes pa ni de sprul par mdzad pas so/ /gzhan yang ni de bzhin yang ngo/ /drug pa'i ngo bo nyid du gyur bas zhes pa ni lnga po bsdu bar mdzad pas so/ /de ltar spro ba dang bsdu ba'i bdag can nyid kyis bcom ldan 'das rdo rje 'chang gis bstan pa yin no/ /sangs rgyas zhes bya ba la sogs bas mi bskyod pa la sogs pa gsum po'i bdag nyid kyi bcom ldan 'das kyis bka' stsal to/ zhes bstan to/ /sems dpa' i rdo rje zhes bya ba la sogs pa mi bskyod pa'i rigs can mA ma kI dang lag na rdo rje dang nam mkha' i snying po dang sgra rdo rje ma dang shes rab mthar byed rnams la mi bskyod pas rgyas btab par bya'o zhes bstan to/ /rnam par snang mdzad do zhes bya ba nas nye bar gsal bar bya'o zhes pa'i bar du ni rnam par snang mdzad kyi rigs spyan ma dang sa'i snying po dang byams pa dang/ gzugs rdo rje ma dang gshin rje mthar byed rnams la rnam par snang mdzad kyi rgyas btab par bya'o/ zhes bstan to/ /mA ma ka'i zhes bya ba nas dkon mchog dpal gyi dbang bskur bar bya'o zhes bya ba'i bar du ni mA ma kI la sogs pa la rin chen 'byung ldan gyi rgyas gdab par bya'o zhes bstan to/ /mA ma kI la sogs pa gnyis ga'i rigs dang ldan pa'i phyir ro/ /rig pa'i rgyal mo ni gos dkar mo ste zhes pa ni dag gi spros pa thams cad kyi gzhir gyur pa'i phyir ro/ /'brel pas 'brel pa gang yin pa zhes pa ni re zhig 'od dpag tu med pa dad gos dkar mo 'brel to/ /de'i 'brel pas kyang pad+ma'i rigs can rnams la de skad ces bya'o/ /de'i phyir pad+ma'i rigs zhes pa ni gos dkar mo dang spyan ras gzigs kyi dbang phyug dang 'jam dpal dang dri rdo rje ma dang pad+ma mthar byed rnams la 'od dpag tu med pas rgyas gdab par bya'o zhes bstan to/ /las kyi rigs rnams zhes bya ba la sogs pas don yod grub pa'i
- 158b
rigs can sgrol ma dang sgrib pa rnam par sel ba dang kun tu bzang po dang rdo rje ma dang bdud rtsi 'khyil pa rnams la don yod grub pas rgyas gdab par bstan to/ /rnam par snang mdzad la sogs pa la zhes pa ni rnam par snang mdzad dang rin chen 'byung ldan dang 'od dpag tu med pa dang don yod grub pa rnams kyi mi bskyod pa ste rigs kyi bdag pos rgyas gdab pa zhes bya ba bstan to/ /mi bskyod pa la rdo rje 'chang gi rgyas gdab pa dang rdo rje sems dpa' la mi bskyod pas rgyas gdab par bya'o zhes man ngag go /rdo rje ro langs ma la sogs pa zhes bya ba la sogs pas rdo rje ro langs ma dang gzhan gyis mi thub ma dang khro gnyer ma dang sna tshogs rdo rje ma dang rin chen sna tshogs ma dang sna tshogs pad+ma dang las sna tshogs ma dang/ sa 'dzin ma dang nam mkha' sgyur ma ste khro bo'i btsun mo rnams la gshin rje mthar byed kyi rgyas gdab par bya'o zhes bstan to/ /gal te de rnams la rang rang gi rigs kyi bdag po dang rjes su mthun pa rnam pa snang mdzad la sogs pas rgyas gdab pa thob par 'gyur na de bzhin du yang gshin rje mthar byed kyi rgyas gdab pa la nus pa yod do zhes bcom ldan 'das kyis gsungs so/ /de rnams kyi zhes bya ba la sogs pas spyi bor bzhugs pa de bzhin gshegs pa rnams gang yin pa de rnams rang rang gi phyag rgya dang bcas par snyoms par zhugs pa las byung ba'i byang chub sems kyi rdzas kyis rgyun gyi rten du gyur pa rgyas gdab par bya bar dbang bar bya ba bsam par bya'o zhes bstan to/ /rgyas gdab pa zhes bya ba la sogs pas rgyas gdab pa'i sgo nas rang gi phyag rgya chen po ma nyes par 'gyur ro/ zhes bstan to/ /ji skad du/ rgyas btab pas na ltar grub dang/ rigs la'ang byin gyis rlob pa ste/ rigs 'chol ba yi sbyor ba yis/ dngos grub med cing bsgrub pa'ang med/ ces 'byung ngo/ /slob pa rnams la phan pa ste zhes pa ni bskyed pa'i rim pa'i rnal 'byor pa rnams kyis rang gi lha rjes su dran par byed pa'o//
- 159a
phyag rgya chen po ste zhes pa ni rang rang gi phyag rgya chen po'i sku'o/ /de skyed par byed pa zhes pa ni rdzogs par byed pa ste des ni lha grub pa'i bdag nyid kyis rgyas gdab pa yin no/ zhes bstan pa yin no/ /da ni zhes bya ba la sogs pas dkyil 'khor bri bar bya ba'i phyir snod la gdab pa'i cho ga bstan par bya ste/ bgegs thams cad ces pa ni brgya byin la sogs pa'o/ /de rnams nye bar zhi bar mdzad pas zhes pa ni ldog par mdzad pas na ston pa zhes bya'o/ /gzugs la sogs pa phung po lnga sbyor bar byed pa na chos kun gyi dbang phyug go /khams gsum gyi phyag btsal bar bya ste nyan thos la sogs pa gang yin pa de rnams rjes su ston par mdzad pa gtso bo yin pas na bdag po'o/ /rdo rje gsum zhes pa ni sku rdo rje 'chang la sogs pa'o de rnams spro ba dang bsdu bar mdzad pas na rdo rje gsum gyi mi phyed pa'i ngo bo'i bdag nyid can no/ /'das pa la sogs pa yongs su mkhyen pa'i cho ga zhes pa ni snod la bab pa 'das la sogs pa yongs su mkhyen pa'i rgyu yin pas so/ /bka' stsal pa'o zhes pa ni sdud pa po'i tshig go /ri bo dang 'dra bas na ri te zhes pa ni shin tu mtho ba nam mkha' sleb pa khang pa brtsegs ma chen po ni khang pa bzang po sum brtsegs la sogs pa'o/ /steng gis phyogs zhes pa ni bya tshang gis nye bar mtshon pa'i khang thog rnamS pa'o/ gnas gzhan dang zhes pa ni ma mo'i khang pa la sogs pa la'o/ /de rnams kyi khyad par ni skye bo'i 'du 'dzi dang bral ba rnams te zhes pa ni shin tu dben pa la'o/ /skyed mos tshal la sogs pa zhes pa ni rdzing bu'i 'gram dang chu 'gram dang khrod dang kha ba bstong dang/ rtags gcig dang sum mdo dang gzhi mdo dang sogs pa dngos grub kyi gnas rnams la'o/ /gnas gzhan gang yang rung ba zhes pa ni ji ltar mngon par 'dod pa'i gnas la'o/ /yid dang rjes su mthun pa zhes pa ni yid du 'ong ba
- 159b
la'o/ sgrub pa pos zhes pa ni rdo rje slob dpon gyis so/ /phyag rgya chen po rnam pa gnyis zhes pa ni rim pa gnyis kyi sngags kyi sku'i mtshan nyid dang ye shes kyi sku'i mtshan nyid do/ /de la dmigs par bya'o/ zhes pa ni bskyed par bya ba dang sgro bar bya ba ste/ dbang po dman pa dang rno ba'i dbye bas dmigs par bya'o/ /de'i 'og tu rnam pa gnyis kyi rnal 'byor pas ngag gis bzlas pa dang/ rdo rje bzlas pa gnyis kyi dbye bas bzlas par bya'o/ /ci phyir bya zhes na/ smras pa rdo rje sems dpa' zhes bya ba la sogs pas rang rang gi phyag rgya chen po dmigs pa dang/ rang rang gi sngags bzlas pas bskul ba thugs rdo rje la sogs pa rnam pa sna tshogs pa'i las ster bar 'gyur ro zhes bstan to/ /don de la mi bslu ba nyid rtog par bya ba'i phyir bcom ldan 'das 'od dpag tu med pa'i gsung gi bden pa gnyis su bstan to/ /de ltar zhes bya ba nas rab tu 'grub par nye bar 'gyur ro/ zhes pa'i bar du rim pa gnyis bsgom pa'i mi bskyod pa'i rnal 'byor pas dang po sbyor ba'i rim pas snod ni rdo rje chos su byas la rnal 'byor chen po'i rim gyis mgo po la sogs pa la yi ge gsum dgod cing de rnams la rnam par snang mdzad dang spyan ma la sogs pa'i tshogs 'jug la de nas 'chang bar 'gyur ba'i 'bab pa'i cho ga bya'o/ /de ltar gyur na rnal 'byor pa dngos grub rab tu nye bar 'gyur ba ni 'jig rten pa la grags par 'gyur gyi gzhan du ni ma yin no zhes bstan to/ /'gul pa ni sa khru gcig gam khru gnyis la sogs pa 'phar ba'o/ /g.yo ba ni yan lag dang nyid lag thams cad g.yo ba'o/ /'khor ba ni phyogs bcu ru 'khor lo bzhin du yongs su 'khor ba'o/ /de ltar rnam pa gsum gyi bdag nyid ni bskul ba yin no/ /de rnams kyi nang na gang yang rung ba bsgul ba zhes bya ba ste de'i yan lag yin pa'i phyir ro/ /de bzhin du snod de nyid la rdo rje 'chang la sogs pa mi 'jug na tha mal pa'i lus po'i nga rgyal med pas dri ma med cing rlung
- 160a
med pa dba' rlabs med pa'i rgya mtsho dang 'dra ba/ nye bar zhi ba la 'jug par gnas pa gang yin pa de ni rengs pa'o/ /shing ltar ni shing las byas pa'i gzugs brnyan 'dra ba'o/ /de bzhin du bcom ldan 'das rdo rje sems dpa' la sogs pa snod kyi lus la zhugs nas rengs pa dang rdul dang ba slu ldang ba dang skad 'gyur ba dang 'drar ba dang kha dog log pa dang mchi ma mdzag pa dang thim par 'gyur ba skyes pa gang yin pa de ni lha chen po'o/ /de'i 'og tu rdo rje slob dpon gyis dris pa'i snod kyis 'das pa la sogs pa ston pa gang yin pa de ni 'phags pa'i lam mo/ /dbab pa zhes bya ba la sogs pas sngags kyi sku grub pa dang/ yun ring du dka' thub spyod pa'i sgrub pa pos byas ba yin gyi gzhan du ni ma yin no zhes bstan to/ /snod kyi mtshan nyid ces bya ba nas smad par 'gyur ro/ /zhes bya ba'i bar du lo bcu gnyis lon pa khye'u dang bu mo grong gi chos ma myong pa mtshan nyid thams cad dang ldan pa blangs te sngar bshad pa'i rnam bzhi'i 'bab pa dang sngar bshad pa'i bskyed pa'i rim pas rdo rje chos kyi gzugs su bskyed la dbab par bya'o/ /gzhan du na mchog la sogs pa'i dbye bas phye ba'i sems can gyi khams kyi rnal 'byor pa ni bzhad gang du 'gyur zhes bstan to/ /thugs las byung ba ni rdo rje sems dpa' i thugs las byung pa'o/ /gsang ba yin pas zhes pa ni dbye ba la sogs pa'i tshul la brten pa la mi brtan pa'i phyir ro/ /yi ge hUM la sogs pa zhes pa ni hUM A(rgyud 'grel): hA dzhaiM zhes bya ba'o/ /bzhi'o zhes pa ni sku rdo rje la sogs pa gsum gyis rang bzhin dang las thams cad pa yin pas so/ /dbab pa'i gzhir gyur pas so zhes pa ni dbab pa'i cho ga'i rgyu yin pas so/ /rim pa 'dis zhes bya ba la sogs pas nam mkha' i khams dang 'dra ba stong pa'i lus dang rnam par mi rtog pa'i ngo bo rdo rje 'chang gi sku yang 'bab par 'gyur ro/ zhes 'bab pa'i cho ga la mthun
- 160b
bstan pa yin no zhes pa'o dgongs pa bstan pa zhes bya ba nas 'bebs par byed pa'o/ zhes pa'i bar du ni yi ge hUM la sogs pa gsum thugs rdo rje 'chang la sogs pa'i rang bzhin yi ge dzhaiM? ni 'gul ba la sogs pa bzhi po byed pa dang bzhin du sngags 'di nyid kyis ? dag par bskul ba'i snod rnams nam mkha' la 'phur bar 'gyur de bzhin du yi ge dzhaiM gis 'gul ba la sogs pa byed pa de bzhin du/ yi ge hUM la sogs pa bzhi pos kyang byed do zhes bstan to/ /'dir mdo bsdus pa zhes bya ba nas go cha la sogs pa bsrung bar bya'o zhes bya ba'i bar du ni snod la dbab pa'i cho ga'i bsgom pa'i go rim bstan to/ /de yang go sla ste 'grel pa mkhan gyi bshad pa'i phyir ro/ /rang gi bya ba zhes pa ni dkyil 'khor bri ba'o/ /gzhan gyi bya ba zhes pa ni de bstan pa'i 'das pa la sogs pa yongs su shes na sems can gyi don grub pa'o/ /nges par byas nas zhes pa ni rnam par bzhag nas so/ /gdug pa 'dul ba la zhugs pa'i zhes pa ni drag po'i las kyi gdug pa 'dul bar byed pa'i rnal 'byor pa yi'o/ /sgrub pa bstan pa zhes pa ni nan tan bstan par bya ba'i phyir ro/ /sku gsung thugs ni snang ba la sogs pa'i ye shes gsum mo/ /de gnas ni gzhir gyur pa'o/ /'od gsal ba ni thams cad stong pa'o de yongs su dag pas ni rdo rje 'chang chen po'o/ /'di skad bka' stsal pa ni drag po'i las 'chad par 'gyur ba bka' stsal pa'o zhing dang tshong zhes bya ba la sogs pa nas bar du'o zhes pa'i bar du ni rnam pa sna tshogs pa'i zhing dang tshong la sogs pa la 'brel pas kyang lha gsum cu rtsa gnyis kyi ngo bo mi bskyod pa'i sku la dmigs nas sgom na de'i tshe gdug pa rnams gsad bar bya'o zhes bstan to/ /dgra bo'i gzugs brnyan zhes bya ba nas sngags ton na zhes bya ba'i bar du ni mngon spyod kyi rdzas kyis dgra'i gzugs brnyan byas la dur khrod kyi gsol de'i ming brid nas de'i snying gar bcug te gcer bu skra grol ba khro bo'i sngags brjod pa de'i gzugs can
- 161a
lho phyogs su ? bltas pa g.yas brkyang pa rdo rje lcags kyus mtshan pa'i rkang phra? g.yon pas mnan zhing ji srid dgra'o 'chib de srid bsgom par bya'o zhes bstan to/ /bsregs pa'i zhes bya ba nas nges par 'chi bar 'gyur ro zhes pa'i bar du ni dur khrod kyi thal ba dang 'bru mar dang bcas pas dgra bo'i gzugs brnyan byas la zhe sdang rdo rje ting nge 'dzin gyis snga ma bzhin du mnan zhing gsod par bya'o zhes bstan to/ /ro bsregs pa'i thal ba zhes bya ba nas las kyi che ba'i bdag nyid bstan par bya'o zhes pa'i bar du ni dur khrod la de'i thal bas gru gsum me'i dkyil 'khor bris la tsher ma can gyi me spar zhing pa'i sha la sogs pa lnga byas pa'i dgra'i gzugs brnyan gyi gri gug gis gcod cing bcad nas bsregs na 'chi bar 'gyur ro zhes bstan to/ /sha chen zhes bya ba la sogs pas sha chen pos byas gzugs brnyan bsregs na thams cad kyi phul du byung ba'i drag po'i las yin no zhes bstan to/ /dgra'i zhes bya ba nas gsungs so zhes bya ba'i bar du ni sme sha can la bags pa'i bshad pa dang gci bas dgra po'i gzugs brnyan byas la snga ma bzhin du gru gsum gyi me thal ba la bsregs par byas na 'chi bar 'gyur ro zhes bstan to/ /chu bo 'bab pa zhes bya ba nas bskyed pa'i rim pa dang ldan pa rnams kyis gsungs pa yin no zhes pa'i bar du ni nub kyi rgya mtsho la rgya ba'i chu bo'i 'gram gnyis kyis blangs la nges dgra bo'i gzugs brnyan byas te dug dang shing ma da ni'i tshar ma dang sbrul la sogs pa'i gra mas bkad par byas te/ bsregs pa dang mngon spyod kyi rdzas kyi byas pa'i gzugs brnyan la yang de bzhin du byas nas bsregs pas dgra 'chi bar 'gyur ro zhes bstan to/ /'dir dkon mchog gsum la gnod pa byed pa rnams dag par bya ba'i phyir zhes bya ba 'dis drag po'i las kyi yul bstan to/ /gzhan dun ji
- 161b
lta ji bzhin du mngon spyod kyi las byed na sdig pa chen po bskyed par 'gyur te/ snying rje med pas 'grub par mi 'gyur zhes gsungs pas so/ /rdzogs pa'i rim pa gnas pa zhes pa ni rdo rje bzlas pa la sogs pa'i rim pa la gnas pa rnams so/ /gsod pa'i las zhes pa ni rnam par che'o/ /le'u dgu pa las gsungs pa'i tshul du zhes pa ni de las gsungs pa'i ting nge 'dzin gyi rtogs par bya'o/ /dper na dgongs pa'i chos gcig pu zhes pa nas nges pa'i don zhes bya ba'i bar du bshad pa'i rgyud kyi tshigs bcad pas bstan to/ /sol khus zhes bya ba nas bsgrub bya'i rims dang tshabs bskyed par bya'o zhes pa'i bar du ni ske tshol sgos pa'i rdzas kyis byas pa'i gzugs brnyan byas la dur khrod kyi sol chus gsher ba'i gos gon pa'i rtsal 'byor pa che ge mo rAk+Sha sa kri Na to zhes bya ba la sogs pa'i sngags brjod la ji srid de srin po rnams kyis gzung ba de srid du bzla bar bya ba dang/ de bzhin du dug dang khrag dang mi rus kyi phye mas dgra bo'i gzugs brnyan byas la snga ma bzhin du sngags spel zhing srin po rnams kyis bzung ba dang de bzhin du ske tshe dad bshad gcis gzugs brnyan byas la bdud rtsi thal sbyor gyi sngags kyis che ge mo dzha ru gre ? to zhes bya ba'i sngags brjod la bdud rtsi 'khyil pa'i rnal 'byor dang ldan pa sngam bzhin du mnan zhing dgra bo rnams rims kyi gzung bar 'gyur ro zhes bstan to/ /de la zhes bya ba la sogs pas drag po'i las la bdud rtsi 'khyil ba'i sngags bstan to/ /sngags kyi dong yang sngar bshad pa ste go sla'o/ / sbyin sreg ces bya ba la sogs pas sngar bshad pa'i sbyin sreg dang 'chad par 'gyur ba'i ting nge 'dzin gyis bdud rtsi 'khyil pa'i ting nge 'dzin gyis phrin las grub par 'gyur ro zhes bstan to/ /rdo rje sems dpa' zhes bya ba nas 'ug pa
- 162a
zhes bya ba la sogs ba ni go sla'o/ /zhes bya ba'i bar du ni gshin rje mthar byed la sogs pa'i gang yang rung ba'i rnal 'byor dang ldan pas gdug pa'i sems can mche ba rnam par gtsigs pa khro nyer dang ldan ? ste dang ? ? gan thogs pas khams gsum la gnas pa'i sems can thams cad dang phyogs bcu'i 'jig rten gyis khams la bzhugs pa'i de bzhin gshegs pa thams cad dgra ste nges bcang cing tho bas phyi mar btags par bsam par byed pa de'i tsho sdig ba bsags pa'i bsgrub bya gcer bu skra grol zhing lus til mar gyis byugs pa skyabs med pa me'i dkyil 'khor gru gsum la gnas pa 'jigs pas gdung pa bsgoms te nam mkha' i khams na rnam ba sna tshogs pa'i mtshon cha 'dzin pa/ gzugS 'jigs pa'i srin po dang kang ka dang khwa dang bya rgong dang khra dang 'ug pa mchu rna ba dang shin tu rgyags pa'i khyi dang/ sbyang ki dang dred de ral ba'i tshogs kyis 'jigs pa rdo rje ltar mche ba rno ba rnam par bsams la de dag thams cad kyis skrag par bya ba dum bu dum bur zab srog dang bral ba bsgom par bya'o zhes bstan to/ /sprul nag ces bya ba nas sdig pa sogs pa'i chog 'di nyid yin no zhes bya ba'i bar du ni gang yang rung ba'i khams kyi rdzas kyis gdengs ka lnga pa lce gnyis pa 'jigs par byed ba sbrul nag bo bris la de'i snying gar bkod pa'i yi ge hwaM? gis 'od zer gyi brtan pa dang g.yo ba la sogs pa'i dug bkug pa kha'i nang du bkod pa'i yi ge kham gyi nang du 'jug cing de'i tshe de srog dang ldan pa bzhin du 'gul bar 'gyur ba a mu kaM bag? ya zhes bya ba nges bskul zhing nges zos pa'i bsgrub bya 'chi bar 'gyur ro/ /de bzhin du sdig pa la sogs pa yang bskul bar bya'o zhes bstan to/ /de bzhin du phyogs bcu'i zhes bya ba nas las gzhan la bltos pas so/ zhes bya
- 162b
ba'i bar du ni khams gsum gyi nang na gnas pa'i nang ji srid dang dug gi bud dang bcas ba'i sbrul gyi 'bar ba dang 'jigs pa rnams dang khams gnod pa las 'byung ba'i lus la sogs pa'i 'gyur ba de srid yid kyis bsdus te kha dog nag po 'byung po'i gzugs kyis bsgrub bya'i lus la sogs par 'jug par bya'o/ /de'i tshe de 'jug pa'i mthus gdul bar dka' ba 'chi bar 'gyur ro zhes bstan to/ /bskul ba'i las gzhan la zhes pa ni sngar bshad pa'i drag po'i las rnams so/ /de la bltos pas mchog ni phul du byung ba yin pa ste gnod pa thams cad bsdu ba'i ngo bo yin pas so/ /de lta bu zhes bya ba nas bka' bzhin du zhes pa'i bar du ni snying rje bsgoms pas bsgrub bya'i brang la tho bas brdeg par bya'o/ /de'i tshe 'chi bar 'gyur ro zhes bstan to/ /bsgrub par bya ba de nyid la zhes bya ba nas 'chi bar 'gyur ro zhes bya ba'i bar du ni thag mdung la sogs pas kyang gsod par bya'o zhes bstan to/ /bsrung par zhes bya pa nas rdo rje 'chang chen pos gsungs pa'o zhes pa'i bar du ni gdug pa'i bsgrub bya de nyid la pha rol gyis byas ba'i bsrung ba'i 'khor lo dang de rnams kyis bzla bar bya ba'i sngags dang de rnams kyis brten pa'i yi dam gyi lha dang phreng ba'i sngags la sogs pa gzhan dag gang yin pa de rnams khro bo'i rnal 'byor dang ldan pas sngar bshad pa'i tshogs phur bus gdab bar bstan par bya'o zhes so/ /gsod pa'i yul zhes bya ba nas mi 'gyur ro zhes pa'i bar du ni bsam gtan gyi rim pas gsod par bya ba dang/ skye ba bzhi'i dbye bas phye ba'i sngar bshad pa'i ting nge 'dzin gyis sog med par byas nas de rnams kyi rnam par shes pa dri ma med pa rlung med pa'i phyogs su mar me gsal ba dang 'dra bar bsams te/ de yongs su gyur pa las yi ge hUM las 'byung ba'i rdo rje las bskyod pa'i mi bskyod pa'i gzugs bskyed la/ rang gi snying ga las 'jug
- 163a
cing de nas spros te mngon par dga' ba'i sangs rgyas kyi zhing du seng ge'i khri la bzhugs shing chos ston pa de bzhin gshegs pas yongs su bskor ba bsam par bya'o zhes gsod pa'i sgo nas rnam par dag po nyid du bstan to/ / de nyid ces bya nas sdud par byed pa'i tshig go /zhes bya ba'i bar du ni rtsibs brgyad pa'i chos kyi dbyings kyi 'khor lo'i nang du yi ge ra 'bar ba'i mgo bo nas rkang pa'i mthil gyi bar dang rkang pa'i mthil nas kyang rang gi snying ga'i bar du mi snang bar bya'o/ zhes ril bor 'dzin pa'i ting nge 'dzin dang de bzhin du dang po khams gsum pa'i ri'i 'bar bas mi snang bar byas nas phyi nas bdag kyang de bzhin du bya'o zhes rjes su 'jug pa'i ting nge 'dzin bya'o/ /ting nge 'dzin de dag rang dang gzhan gyi rgyud la gnas pa lus la sogs pa mi snang bar byed pa gang yin pa de ni rdzogs pa'i rnal 'byor pa'i gsod pa'i las yin te/ tha mal pa'i phung po la sogs pa ma dmigs pa'i phyir ro/ /zhes sdang rdo rje dang de'i bdag nyid du zhugs pa rdo rje 'chang ni rdo rje khro bo yin no/ /de nas zhes bya ba nas gsungs so zhes bya ba'i bar du thog ma nas ma skyes pa'i rang bzhin gyi dngos po rnams la de bzhin gshegs pa rnams kyis 'gro ba 'dul bar bya ba'i phyir sngar bshad pa'i zhi ba la sogs pa bstan to / zhes bya ba ngo mtshar ba ste sangs rgyas kyi rol mo rnam pha sna tshogs pa yin no zhes bstan to/ /'dir yid bzhin nor bu dang 'dra ba zhes bya ba ni gdug pa rnams tshar bcad pa'i don du mngon par 'dod pa'i 'bras bu ster bar mdzad pas so/ /chos bdag med ba zhes bya ba nas de'i mtshan nyid la mkhas pa'o zhes pa'i bar du ni rdo rgyus sam sal ba la sogs pa'i rdzas kyi khyad par gyis phyogs su gdengs ka gnyis pa 'am gdengs ka gcig pa 'jigs pa chen po'i dus kyi du ba ltar sngo ba mche
- 163b
ba rnam par gtsigs pa'i sbrul nag po bris nas de'i khar yi ge khaM bkod cing de yongs su gyur pa las ka la ku ta dang hal ha la'i dug kha la gnas pa bsgoms te/ snying ga la bkod pa'i yi ge h+rI'i? 'od zer gyis nor rgyas kyi bu la sogs pa rigs kyi klu ? kyi rnam par shes pa bkug cing de la 'jug ste yang rim pa nyid kyis brten pa dang g.yo la sogs pa'i dug bkug cing de la 'jug pas / sbrul g.yo bar 'gyur bar bsam par bya'o/ /de'i cha? g.yo bar 'gyur ba des chog mo ba? bka' sha ya ya zhes bskul ba des zos par 'gyur bas dgra rnams 'chi bar 'gyur ro zhes bstan to/ /de bzhin du bris pa'i sbal pa la sogs pa mngon par byas la snga ma bzhin du bya'o zhes bstan to/ /de la zhes bya ba nas rdo rje 'chang chen po'o/ /zhes bya ba'i bar du ni dug 'pho bar bstan to/ de'i sbyor ba 'di yin te rnam par snang mdzad la sogs pa'i rnam 'byor pas lnga pa'i dug la sogs pa'i spyi bor kha dog dkar po yi ge oM bkod la/ de'i 'od zer gyis dug thur du drangs la rkang pa'i dkyil la phyin pa bsgoms te/ de nas bsgrub bya'i snying gar yi ge khaM gi steng du yi ge h+ri gi 'od zer gyis bkug la yi ge khaM de nyid la ril po'i tshul du 'jug cing yig lam yongs su gyur pa'i dbang chen gyi dkyil 'khor gyis bskor bar bya'o/ /de'i tshe bsgrub bya la dug 'pho bar 'gyur ro zhes bstan to/ /'dir blta ba'i dug ni gang gis mthong ba tsam gyis dug 'pho bar 'gyur ro/ /mche pa'i dug ces pa ni gang gi mche ba la dug yod pa'o/ /gang reg pa tsam gyis dug 'pho ba de ni reg pa'i dug go /gang dran nas nyin zhag gcig gam zla ba phyed dam zla ba gcig gam lo skor gyis dug 'pho ba de ni dran pa'i dug go /mi zad pa'i dug ces pa ni a dza ka ra dang ba sna dang ngo 'od pa la sogs pa'i sbrul rnams so/ /gang mthong btsam gyis 'dir ri po'am nags tshal yong do zhes blo skye'o/ /gang
- 164a
khros pas grong dang grong rdal dang grong khyer dang / skye bo'i gnas dang yul 'khor dang rgyal sa dang/ skye bo dang nor dang 'bru dang bcas par bsreg par 'gyur ro/ /de rnams kyi yang dug 'pho bar 'gyur zhes sbyor ba'i khyad par bstan to/ de la zhes bya ba nas de skad ces bka' stsal to / zhes bya ba'i bar du sgrub bya'i rkang pa'i dkyil du yi ge hUM zla ba'i kha dog dang 'dra ba bkod la de'i 'od zer gyi tshogs kyis khong stong gi cha bshad ba'i sgor phyin par bsgoms la/ de las lte ba'i phyogs su phyin pa dang de las snying ga dang de las mgrin par phyin par dug bsams te / kha dog nag po de kha'i sgo nas skyug pa bsam par bya'o/ /de bzhin du tshangs pa'i sgo nas brtsams te gnas bzhir bsdu ba'i rim pas bshad sgo'i lam nas dug bshal bar gyur par bsam par bya'o/ /de'i tshe skyug pa dang khrus dag gis dug bral bar 'gyur ro/ zhes bstan to/ /de la zhes bya ba la sogs pa nas phyag na rdo rje bka' bstan pa ji lta ba bzhin du zhes pa'i bar du ni nye ba'i dug rnams sel pa nyid du mdor bstan to/ /nye ba'i dug ni lang tang dang lang ka li dang rtsi gu dang de rnams lhan cig skyes pa'o/ /sbyor ba'i dug ces pa ni rdzas sbyar ba las byung ba'o/ /dper na mar dang sbrang rtsi tshad mnyam pa dang zhom langs pa sprang rtsi dang ldan pa'o/ /spal ba'i tshig dang sbrul gyi tshal dang sbyar ba'i bsha' ma ka'i rtsa bskol pa'i sbyar pa'i dug go /bya pa ni sbrul khra bo dang gar da bin bong bu'o/ /sogs pa'i sgras dug gi byi ba dang khyi smyon pa dang zhes bya ba la sogs pa srog chags rnams so/ /rims dang dbugs mi bde ba dang smyo byed dang skem byed dang mdze dang rdo dang rgan rgon dang mchin ba na ba dang lhog pa la sogs pa dang rlung dang mkhris pa dang bad kan dang 'dus pa las byung ba lus kyi nad rnams so/ /pad+ma chen po 'dab ma rgyas pa zhes bya ba nas 'od
- 164b
gsal ba yongs su sbyangs pa'i phyir dang zhes pa'i bar du ni nye ba'i dug dang bral par bya pa'i phyir bsam gtan gyi khyad par bstan to/ /'od dpag tu med pa'i rnal 'byor pas lag pa g.yas pa la yi ge a yongs su gyur pa las pad+ma 'dab ma brgyad pa bsgom la de'i dbus kyi lte ba la kha dog dkar po yi ge a dgod pa dang 'dab ma rnams la kha dog dkar po yi ge h+ri brgyad bkod la de las byung ba'i kha dog dkar po 'od zer rnams kyis bsgrub bya'i lus las dug bkug la yi ge a las 'jug cing khu tshur gyis sdud pa'i rim gyis sa la bskul bar bsam par bya'o/ /de'i dgug pa la kha dog dkar po dang dug rengs pa la nag po bsgom par bya'o zhes bstan to/ /nyi ma'i dug ces bya ba nas nad las thar bar 'gyur ro zhes pa'i bar du ni phyi dang nang gi nad rnams sos pa nyid du bstan to/ /mtshon cha la sogs pa glo bur gyi rgyud las byung ba dang zhes pa ni mtshon cha brgyab pa las byung pa dang/ sems can dang sems can ma yin pas byas pa'i nang rnams so/ /mngon spyod kyi rgyu las byung ba ni zhes pa la/ de bzhin du sngags la mkhas pa'i pha rol pos drag po'i las las byung ba gang yin pa de rnams phyi'o/ /khams dang dri ma dang kha zas mi mthun pa'i rgyu las byung ba ni nang gi'o/ zhes pa ni khams kyi skyon ni rlung dang mkhris pa dang bad kan dang 'dus pa rnams kyi byas pa'o/ /dri ma ni dri ma bsdu ba las byung ba skran la sogs pa'o/ /kha zas mi mthun pa ni nyul ba'i lhag pa ste de la nyul pa las skem nad la sogs pa dang/ lhag pa las ma zhu ba la sogs pa de rnams nang gi'o/ /de rnams gzhom pa'i phyir ro zhig dang po rnam par snang mdzad la sogs pa gsum gyi nang pa'i lte bar yi ge hUM yongs su gyur pa las rdo rje gnod sbyin mche ba rnam
- 165a
bar gtsigs pa drag cing rno ba g.yas brkyang pa la gnas pa/ sdigs mdzub dang rdo rje gsor bar byed pa bsams te/ des yi ge kaM las byung ba bsgrub bya'i snying ga'i phyogs su sbro ba la sogs pa'i rnam pa gang yang rung ba'i nad grangs pa'i kha nas byung ba mdun du rdo rje gnod sbyin de nyid kyis rdo rje brgyab pas phye mar btags la rang gi lag pa la gnas pa'i 'bar ba'i rdo rje la sogs pa'i me 'od kyis bsregs par 'gyur zhing thal bar gyur par bya'o/ /de'i tshe nad rnams 'joms par 'gyur ro/ de'i 'og tu ye shes sems dpa' i 'od zer gyi gzugs can rnam par snang mdzad dang spyan ma la sogs pa'i tshogs spros la/ snyoms par zhugs pa las 'byung ba'i byang chub kyi sems kyi rgyud kyis de rnams la dbang bskur zhing bsgrub bya'i lus por 'od zer gyi sgo nas mar la mar bzhin du thim par gyur par bsam par bya'o/ /de'i tshe de bzhin gshegs pa thams cad kyis byin gyis brlab pas bsgrub bya rdo sku lta bur 'gyur ro/ zhes bstan to/ /rdzogs pa'i rim pa la gnas pa zhes bya ba nas rdo rje sems dpa' gsungs pa'o/ zhes pa'i bar du ni phyi dang nang gi nad rnams kyis dkrugs pa'i dbang po dang khams dang skye mched rnams mdun du dmigs la rdo rje 'chang chen po la sogs pa gang yang rung ba'i rnal 'byor pas sems rnam par dag bas thob par bya ba'i 'od gsal bsgom pas dkyil 'khor rnams las g.yas pa dang g.yon pa gnyis dang dal bus dman par rgyu ba dmar po la sogs pa'i 'od zer gyi tshogs spros la dkyil 'khor re re la dgu brgya dgu brgyas bzlas bas nyin mo dang mtshan mor nyi khri chig stong dag gis drug brgya bzlas nas gdong gi sna'i rtse mor 'od zer gyi thig le 'dzin na de'i tshe nad ba'i nad grol bar 'gyur ro/ /ji skad du/ ya yi don gyi gang ci'ang rung/ dngos grub 'dod bas bya ba ste/ ra
- 165b
la sogs pa gsum nyid kyis/ 'gro ba'i don la rab tu 'jug /me dang rlung dang dbang chen dang/ /chu yi dkyil 'khor re re la/ thun ni phyed phyed dus su ni/ /las ni gnyis gnyis byed par 'gyur/ /zhes 'byung do/ /de ni rdo rje bzlas pa'i ? pas nad las thar pa'o/ /de bzhin 'od gsal ba las cig car du ye shes kyi sku 'am rdo rje'i sku spros la / ba sbu'i bug? thams cad las 'od zer gyi 'khor lo spros la de bzhin gshegs pa'i rnam pa can gyis des nad pa'i lus nad ? par byas nas de nyid du 'jug par bsam par bya'o/ /de'i tshe bsgrub bya ni nad med par 'gyur ro/ /da ni bdag la byin gyis brlab pa dang zung du 'jug pa dag gis nad med par 'gyur ro zhes bstan to/ /de ltar rdzogs pa'i rim pa'i spyod pa nang ldan pas pha rol rnams kyi nad 'joms par byed de / de ltar zhes bya ba nas dgongs so/ zhes bya ba'i bar du ni de bzhin gshegs pa thams cad kyi bdag po rdo rje 'chang gi sgyu ma lta bu'i dngos po rmi lam gyi dpe'i sgo nas so song snang ba tsam gyi snying por gyur pa la rtag pa dang chad pa'i 'khrul pa yong ngo? zhes gsungs so/ /sgrub pa po rnam pa gnyis kyis zhes pa ni rdzogs pa dang ma rdzogs pa rnams so/ /mtshan ma dang bcas pa dang mtshan med pa'i dbye bas shes pa ni rtog pa dang bcas pa dang rtog pa med pa'i rgyus rmi lam mthong ba'o/ /rnam pa gnyis kyis de nyid kyi 'bras bu dang 'brel pa yin no/ /de la zhes bya ba nas mngon sum du byed par 'gyur ro zhes pa'i bar du ni sems rnam par dag pa'i rim pas 'od gsal ba thob nas de las byung ba'i ye shes kyi sku dang de bzhin du mngon par byang chub pa'i rim pas 'od gsal ba 'jug pas rdo rje'i sku brgya byin la sogs pa'i 'jig rten pa sangs rgyas dang byang chub sems dpa' 'jig rten las 'das pas mchod par 'gyur ba bdag nyid rmi
- 166a
lam du mthong ba de ni tshe myur du phyag rgya chen po'i dngos grub thob par 'gyur ro/ /sems can chen po zhes bya ba nas rmi lam gyi 'bras bu'o/ /zhes pa'i bar du ni thugs rdo rje la sogs ba de bzhin gshegs pa lnga'i rnam pa can sangs rgyas dang byang chub sems dpa' la sogs pas mchod par 'gyur ba de'i tshe pha rol rnams la yang de'i rnam pa ster ba la nus pa dang ldan par 'gyur ro zhes bstan to/ /rgyan rnam pa thams cad ces bya ba nas rig par 'gyur ro/ zhes bya ba'i bar du ni lha'i bu mo gzugs bzang ba legs par brgyan pa dang/ de bzhin du mi la sogs pa'i bu dang bu mo dang khyi'u rnal 'byor pa la mchod pa byed pa mthong na de bzhi pa la sogs pa'i dngos grub thob par 'gyur ro zhes bstan to/ /khye'u dang bu mo ni shes rab dang thabs kyi rang bzhin yin pas so/ /phyogs bcu zhes bya ba nas rmi lam mthong ba'i 'bras bu zhes pa'i bar du ni rnal 'byor pa gang zhig sangs rgyas kyi zhing la gnas pa de bzhin gshegs pa'i tshogs mthong ba dang/ de bzhin du gang la bcom ldan 'das ma la sogs pa'i shes rab kyi glegs pam? de bzhin gshegs pas lag tu stsol ba dang/ gang zhig seng ge'i khri la bzhugs pa chos ston pa la stsol ba sangs rgyas dang byang chub sems dpa' yongs su bskor bar bdag de nyid mthong na des phyag rgya chen po'i 'bras bu thob par 'gyur ro zhes bstan to/ /kun dga' ra ba nas rmi lam gyi 'bras bu thob par 'gyur ro zhes kyang gsungs so zhes pa'i bar du ni lha'i bu mos brgyan pa kun dga' ra ba dang nagS tshal la sogs pa bskyed pa'i rim pa ni rnal 'byor pa gang zhig mthong ba des ni zhi ba la sogs pa'i dngos grub thob par 'gyur ro zhes gsungs so/ /de bzhin du sangs rgyas dang byang chub sems dpa' dbang bskur pa gang zhig mthong ba ni rigs pa
- 166b
'dzin pa'i gtso bor 'gyur ro zhes bstan to/ /mngon par 'dod ba'i rmi lam zhes bya ba nas grub cing thob par 'gyur ro zhes bya ba'i bar du ni sngar bshad pa'i dge ba'i rmi lam gyis phyag rgya chen po'i dngos grub thob pa nyid du bstan to/ /gdol pa zhes bya ba nas bar du'o zhes pa'i bar du ni rnal 'byor pa gang zhig gdol la sogs pa'i rigs ngan dang de bzhin du gzugs 'jigs pa spra dang yi dags la sogs pa rmi lam mthong na des nges par dam tshig nyams pa yin no zhes bstan te/ /dam tshig stong pa'i rgyu des dngos grub bsgrub ba la 'jug par gyur na med la sogs pas lus zil gyis mnon par 'gyur ro zhes bstan to/ /de la de kho na nyid bsgrub pa zhes bya ba nas chos nyid med pa'o/ zhes pa'i bar du ni brtan pa dang/ g.yo ba'i rang bzhin gyi dngos lo rnams rang gi sems kyi snang ba tsam las ldog pa ni med do/ /rmi lam dang 'dra bas so/ /sems kyang rnam par dpyad na 'od gsal ba'i rang bzhin yin pas so/ /'od gsal ba yang rnam par mi rtog pa'i gnas skabs su 'di nyid du bdag nyid du mi dmigs te rnam par mi rtogs pa'i phyir ro/ /de ltar chos can dang chos nyid gnyig yang rnal 'byor pas mngon sum gyi tshang mas mi dmigs te /'ba' shig dri ma med pas byang chub tsam la /gnas pa'i rgyu dang ldan pa'i rnal 'byor pa rnam gnyis mi dmigs pa'i phyir ro/ /rnam bcas dngos po'i rtog pa dang/ rnam pa med pa'i rtog pa ste /gcig tu byas nas gang spyod pa/ /de ni zung 'jug bshad pa yin/ /zhes 'byung ngo/ /de bzhin khams dang zhes bya ba la sogs pa la dbang po dang / rnam par shes pa nye bar bsdus ba'i bdag nyid can gyi shes pa gnyis po ni snang ba dang snang ba mched pa zhes bya ba'o/ /legs 'dus ba ni rtag tu so sor snang bar gyur pa'o/ /stong chen nyid 'gyur ni snang ba nye bar thob pa'i ye shes yod na'o/ /rlung la brten pa ni rlung gi tshogS
- 167a
kyi dbang gis so/ /nges pa'i rmi lam mthong ba zhes ni sad pa'i gnas skabs su mthong ba gang yin pa de rmi lam du mthong bar 'gyur te/ rtog pa dang bcas pa'i phyir ro/ /gang zhig rmi lam dang mtshungs pa'i chos rnams yongs su shes pas 'bras bu 'dod ba'i 'od gsal ba'i go 'phang mngon du byed ba'i rnal 'byor pa des kun brtags pa ni rmi lam dang sad pa la bye brag mi rtog pa'o/ /chos rnams zhes bya ba la sogs pas rnal 'byor pa de nyid kyis brdzun dang bden pa las grol pa dngos po rmi lam dang mtshungs pa snang bar 'gyur ro/ /ji skad du gnyid log pa dang sad pa zhes / de dag rtog pa gnyis spangs pa'o/ ston pas zung 'jug gsungs pa ste / gnyis logs sad dang rnam bral pa'o zhes 'byung ngo/ /de ltar ye shes gsum tsam la gnas pa'i rnal 'byor pa rtog pa dang bcas par 'gyur pas rmi lam mthong ba dang 'od gsal ba la 'jug pas cung zad kyang mi mthong ngo/ /'on kyang gnyid log pa dang san pa dang 'dra bar dngos po'i ngo bo mthong bar 'gyur ro zhes bya pa'i don to/ /de nas zhes bya ba la sogs pas dngos po rnams sgyu ma lta bur shes nas ngo bo med par 'gyur na/ rmi lam rmi lam gyi 'bras bu de rnams gang las 'gyur zhes bcom ldan 'das la zhus pa dang /ngo mtshar ba dang rmad du byung ba thob par 'gyur ro zhes bstan to/ /de bzhin gshegs pa'i dgongs pa zhes bya ba la sogs pa nas 'od gsal ba'i ngo bo nyid du zhes bya ba'i bar du ni dngos po rnams kyi ngo bo med pa nyid bstan to/ /de bzhin gshegs ba thams cad ces bya ba ni mi bskyod pa la sogs pa bod pa'o/ /bum pa dang snam bu la sogs pa zhes bya ba ni sems dang ldan pa dang sems dang mi ldan pa'i bdag nyid kyi dngos pos so/ /mi ldan pa ni gcig gi ngo bo ma yin te tha dad
- 167b
pa nyid du snang ba'i phyir ro/ /de la bum pa la sogs pa dngos po rnams ni 'dus byas te/ rgyu dang rkyen gyis bskyed pa'i phyir ro/ /nam mkha' ni 'dus ma byas pa ste/ rgyu med pa'i phyir ro/ /gzugs dang ldan pa dang gzugs med pa nyid kyis bum pa la ? pa dang nam mkha' ni tha dad pa yin no/ /mi ldan pa yang ma yin te ldan pa kho na'o/ /dngos po thams cad ces pa ni sems can dang snod kyi 'jig rten gyi bdag nyid kyi de'i ngo bo yin pa'i phyir ro/ zhes pa ni nam mkha' ni dngos po thams cad kyi nang du chud pa'i phyir ro/ /khyab pa ni nam mkha' khyab par byed pa ste / me dro ba'o reg pa bzhin no/ /ngo bo nyid la gnas pa zhes pa ni dngos po rnams la med par mi 'byung bas gnas pa ste/ dngos po ni 'byung ba chen po lnga'i rang bzhin yin pa'i phyir ro/ /gnyis po de dag ni khyad par byed pa dang mthong ba med pa nyid do/ /mngon pa'i nga rgyal yang zhes pa ni sems pa med de / de bems po yin pa'i phyir ro/ /nam mkha' de zhes bya ba la sogs pas de nyid bsdu bar byed de/ de ltar zhes bya ba la sogS pas dpe bstan nas dpe las byung ba bstan par bya ste / ji ltar nam mkha' la bum pa la sogs pas ldan pa dang mi ldan pa med pa de bzhin du rmi lam dang de'i 'bras bu dag la yang ldan pa dang mi ldan pa dag med do zhes bstan to/ /dgongs pa ni 'di yin te/ re zhig rmi lam ni don med pa rang gi rnam par rtog pa'i bag chags las 'byung bar 'gyur te/ de'i 'bras bu dang 'brel bas ga la 'gyur ro / zhes bya ba las rmi lam dang 'bras bu dag ni ldan pa'o/ /'on kyang rnam par mi rtog pa nyid rmi lam ltar so sor snang ba'i 'bras bu'i rnam pas snang bar 'gyur ro zhes de dag dang ldan pa'o/ /de nyid kyi rnam par dag pa zhes pa ni nam mkha' i de kho na nyid bstan to/ /ji ltar ji ltar na mkha' la mthong ba med pa dang thos
- 168a
ba nyid yod pa de bzhin du dngos bo thams cad so sor snang ba ste / rang bzhin med pa'o/ /ci dgos zhes bya ba la sogs pas rmi lam de'i 'bras bu dag ngo bo med pa yang ma yin zhes bstan te/ brtags pa yin pa'i phyir ro/ chos thams cad ces bya ba la sogs pas sems can gyi 'jig rten dang snod kyi 'jig rten dang khams gsum la gnas pa'i dag gi spros pa de dag thams cad sems kyi rang bzhin kho na dang de bzhin du sems kyi rnam pa so sor snang ba lus dang ngag dang sems dang phung po dang/ khams dang skye mched kyi chos thams cad gang yin pa de rnams la khyab par byed pa nam mkha' dang khyab par sems can gyi rigs bzhi'i dbye bas gnas pa de dag thams cad ji ltar sngar bshad pa'i rigs pas / nam mkha' dang 'dra ba bzhin du chos thams cad bskyed pa dang/ gnas pa dang 'jig pa med pas 'od gsal pa'i rang bzhin yin no zhes bstan to/ /de bzhin gshegs pa thams cad ces bya ba la sogs pas sgyu ma'i skus dngos po rnams sgyu ma lta bu nyid du bstan to/ /dus gsum du gshegs pa zhes pa ni 'das pa la sogs pa'i dus gsum la bzhugs pa'o/ /de rnams kyi ye shes kyi sku'o/ zhes pa ni 'od gsal ba las cig car du 'byung ba'o/ /de 'byung bar byed pa zhes pa ni ye shes kyi sku skyed par byed pa rdo rje'i gnas lta bu ni mi phyed pa'i gzhi'i rang bzhin no/ /byang chub kyi sems ni stong pa nyid dang snying rje dbyer med pa ste/ thams cad stong pa'i bdag nyid 'od gsal ba'o /stong nyid snying rje dbyer med ni/ byang chub sems zhes bshad pa yin zhes 'byung ngo/ /byang chub sems zhes bya ba la sogs pas 'od gsal pa'i rang bzhin gyi byang chub kyi
- 168b
sems de yang 'dod pa'i khams la sogs pa la mi gnas te/ so sor res pa gnas pa med pas khyab par byed pa nyid kyi phyir de la don dam par skye ba dang 'jig khams? pa de bzhin dug chos thams cad la yang skye ba dang 'thog pa med pa ste/ 'od gsal nga'i ngo bo yod pa'i phyir ro/ /de ltar zhes bya ba la sogs pas rmi lam gyi dngos po rnams ngo bo med pa yin no zhes nye bar bsdus pa bstan to/ /gzhan yang zhes bya ba nas khor du chud par bya'o/ zhes pa'i bar du ni ji ltar rmi lam dang skyes bu dag la mthong bar bya ba dang/ mthong ba po'i mngon pa'i nga rgyal med pa 'on kyang phan tshun snang par bya ba dang snang ba po'i brdzun pa'i so sor snang ba yod pa dang/ de bzhin du sad pa'i skabs su yang dge ba dang mi dge ba la sogs pa'i bya ba rmi lam dang 'dra ba ji ltar 'gyur pa de bzhin du rdzogs pa dang ma rdzogs pa'i rnal 'byor pa'i sgyu ma lta bu'i sku dang 'dra bar dngos po thams cad rtogs par bya'o zhes bstan to/ /de ltar zhes bya ba la sogs pas yid bzhin gyi nor bu sems can thams cad la bsam pa thams cad yongs su rdzogS par byed pa mngon pa'i nga rgyal med pas / sbyin pa po dang sbyin par bya ba dang/ len pa mi bltos pas sems can thams cad la 'dod pa'i 'bras bu ster ba de bzhin du sgyu ma lta bu'i sku dang zhi ba la sogs pa'i 'phrin las gang yin pa de dag 'od gsal ba'i ngo bo rdo rje 'chang chen po las 'byung ba yin no/ /bcom ldan 'das zhes bya ba nas rmad du byung ba'i zhes pa'i bar du 'tshal ba sngon du 'gro bar ru rus phu ru zhes bya ba la sogs rnams kyi ngo mtshar spyan rgyas pa dang 'od gsal ba las byung ba'i sgyu ma'i sku la ched brjod pa nyid bstan to/ /de nas zhes bya ba nas zhus pa'o zhes pa'i bar du ni bcom ldan 'das kyi zhabs la phyag 'tshal ba sngon du 'gro bar ru rus phu ru zhes bya ba la sogs pa ? gsungs pa'i sngags de dang rjes su mthun pa'i ting nge 'dzin dang sngags
- 169a
dang ting nge 'dzin dag gis bsgrub par bya ba la sogs pa las kyi khyad par gang yin pa de dag ? pa zhes zhus pa bstan to/ /lan rto? zhes bya ba nas ngo bo nyid med par 'grub pa'o zhes pa'i par du ni don dam pa'i phyogs la brten te/ sngags dang ting nge 'dzin dang las kyi tshogs rnams gang du yang mi gnas gang las kyang ma byung zhes bstan to/ /'on kyang zhes bya ba nas dmigs su yod do zhe na zhes pa'i bar du ni kun rdzob kyi bden pa'i bdag nyid can sku la sogs pa dang de la dmigs pa'i sngags dang ting nge 'dzin dang las rnams kun rdzob du yod de zhes bstan to/ /'di skad bshad pa yin te rim pa gnyis kyi sku la dmigs de dag thams cad bsgrub par bya'o/ /don dam par sku ni sku ma yin no/ /de bzlas par bya ba zhes pa nas rten dang brten pa dgag pa'o zhes pa'i bar ni don dam pa'i phyogs la brten te /lus la sogs pa yod pa ma yin pa dang/ 'dod pa'i khams la sogs pa la mi gnas pa dang/ sems kyi lus mi gnas so zhes bya ba la sogs pa phan tshun rten dang brten pa nyid med pa ste/ ngo bo med pa'i phyir nam mkha' gzhin no/ /de nas zhes bya ba nas bdag nyid la gnas so zhes bya ba'i bar du ni de bzhin gshegs pa thams cad kyi bdag po rdo rje 'chang gang du gnas zhes zhus la yin gyi rang bzhin gyi lus la gnas so zhes lan no/ /yang lus la sogs so sor snang ba'i sems gang du gnas shes zhus pa la/ nam mkha' lta bu 'od gsal ba la gnas pa zhes lan bstan pa dang/ 'od gsal ba ni gang du gnas shes zhus pa la gang duAng mi gnas bdag nyid la gnas te chos nyid yin pas na 'od gsal ba ni thams cad la gnas so zhes bstan to/ /ji skad du/ bu ram mngar ba me dro ba/ /ji ltar rang bzhin yin pa ste/ /chos kun la ni stong pa nyid/ /de lta bu ni rang bzhin 'dod/ /rnam pa du mas tha dad pa/ /dngos po rnams ni gos dang 'dra/
- 169b
stong pa nyid mes bsregs gyur na/ /thal ba'i dbye ba gang yang mod/ /lta ba kun gyis byas pa rnams/ /stong pa nyid ni mthar phyin bstan/ /zhes 'byung bas so/ /de nas zhes bya ba nas mi smra bar gyur pa'i zhes pa'i bar du ni shin tu zab pa'i don thos nas rgyu dang 'bras bu dag la ngo mtshar ba rmad du gyur pa nyid thos nas de bsal ba dang bsgom pa'i nus brtse gcig pa nyid kyis don de nyid dmigs pas cang mi smra bar gyur to zhes bstan to/ /rgyu ba dang zhes bya ba la sogs pas dngos po thams cad kyi rang bzhin gyi rdo rje 'chang dang zhi ba la sogs pa'i las kyi tshogs dang/ de ston par byed pa'i gzhung gi tshogs kyi le'u yin no zhes ston to/ /dgongs pas bshad pa'o/ zhes pa ni shin tu gsal ba'i de kho na nyid 'gal ba'i tshig gi sgo nas so sor bstan pas so// // sgron ma gsal bar byed pa'i 'grel pa'i TI kA las le'u bco lnga ba'i rgya cher bshad pa'o// //sngar bshad pa'i zhes bya ba la sogs pa'i le'u bcu drug pa'i bshad pa brtsam par bya ste/ sngar bshad pa'i mtshan nyid ni le'u bcu gsum pa las gsungs pa'i/ /dngos grub thams cad ces pa ni 'jig rten pa dang 'jig rten las 'das pa ste zhi ba la sogs pa dang/ khams la spyod pa la sogs pa'o/ /de rnams kyi dkyil 'khor du dbang bskur ba nyid la zhes pa ni sku dang gsung gi dkyil 'khor dag gi dbus su rdo rje slob dpon gyis yang dag par dbang bskur ba nyid la 'grub par 'gyur ro zhes bya ba'o/ zhes bstan par bya ba'i phyir zhes pa ni bstan pa'i phyir ro/ /slob ma snod du bya ba'i don du zhes pa ni snod du gyur bskyed pa'i phyir ro/ /dkyil 'khor zhes pa ni sku dang gsung dang thugs kyi dkyil 'khor bsgrub ba ni de las nye bar dgongs pa ste de'i thabs su gyur ba la le'u bcu drug pa brtsam par bya'o/ /dgongs pa ni 'di yin te/ re zhig le'u bzhi pa las thugs kyi
- 170a
dkyil 'khor gyi chog bstan to/ /'dir ni sku dang gsung gi dkyil 'khor dag bstan par bya'o/ /de nas gang zhig dbus kyi bdag por gyur pa des yang de'i dkyil 'khor yin no zhes rin chen 'byung ldan dang don yod grub? pa'i dkyil 'khor rtogs par bya'o/ /de dag thams cad gcig tu bsdus nas sum cu rtsa gnyis kyi bdag nyid kyi dkyil 'khor sum cu rtsa gnyis rtog par bya'o/ /dgongs pa gcig tu gyur nas zhes pa ni bsam /gcig tu gyur nas so/ /rdo rje 'chang chen po la zhes bya ba nas ltag ma'o zhes pa'i bar du dkyil 'khor gyi cho ga thos pa'i don du ni/ de bzhin gshegs pa kun zhi ba zhes bya ba la sogs pa tshigs su bcad pas gsol ba 'debs pa dang/ mi bskyod rdo rje zhes bya ba la sogs pa'i bstod pas bstod cing/ phyi'i me tog la sogs pa dang/ nang gi bdud rtsi lnga la sogs pa dang/ gsang ba ni yum rdo rje ma la sogs pa dang snyoms par zhugs pa'i bde bas mchod par 'gyur ro zhes bstan to/ /rdo rje thams cad ces bya ba nas phyung ba'o zhes pa'i bar du ni sku'i dkyil 'khor gyi ting nge 'dzin la snyoms par zhugs nas sku'i dkyil 'khor gyi cho ga bstan par bya ste/ de nas zhes bya ba nas dngos grub thams cad rtsol ba'o zhes pa'i bar du ni bcom ldan 'das kyis de bzhin gshegs pa rnams la bstan pa rtsol ba bstan to/ /rnam par snang mdzad kyi dkyil 'khor ni sku rdo rje'i dkyil 'khor ro/ /dngos grub thams cad rtsol ba zhes pa ni zhi ba la sogs pa'i dngos grub ster ba'o/ /mi bskyod pa'i dkyil 'khor dang 'dra ba'o zhes pa ni le'u bzhi pa la sogs gsungs pa'i thugs kyi dkyil 'khor dang 'dra ba'o zhes bya'o/ /de nyid bstan par bya ba'i phyir/ grub ni la sogs pa'i yon tan gyis zhes smos so/ /sogs pa'i sgras sgo bzhi dang rta babs la sogs pa dang bcas
- 170b
pa'i mchog tu gyur pas nas zhes pa ni bya ba la sogs pa'i rgyud kyi dkyil 'khor la bltos pas so/ /khru ni bcu drug zhes pa ni sa'i khams ni khams bzhi'i ngo bo'i cha shas la bltos pa'i grangs bcu drug yin pas so/ /zur bzhi la ? ltos pa ste zhes pa ni kha cig na re kun tu ngos re re khru bcu drug pa bya'o zhes zer ro/ /de yang phun sum tshogs pa dang ldan pa'i rgyal po dang blon po dang khyim bdag rnams la bya'o/ /tha mal ba rnams la phyogs bzhi la bltas pas so/ /zlum po ma yin zhes bya ba ni phyi'i dkyil 'khor bkag pa'o/ /nang gi dkyil 'khor ni zlum po ni kho na zhes dgongs pa'i/ /dri ma med pa'i tshan zhes pa ni tshon pa ni dag pas so/ /sangs rgyas kun gyis zhes pa ni sprul par 'gyur pa'o/ /de bzhin gshegs pa thams cad gyis zhes pa ni de bzhin gshegs pa thams cad kyi ngo bo rdo rje 'chang gis so/ /rab tu bsngags zhes pa ni bstan pa'o/ /bdag po nyid kyis mdzes par gyur pa zhes pa ni gtso bos brgyan pa ste/ sku rdo rje'i gtso bo dkyil 'khor yin pas so/ /nang du ni phyi'i dkyil 'khor bkag pa'o/ /cho ga ni zhes bya ba la sogs pas de kho na nyid 'dus pa las gsungs pa'i ji ltar dkyil 'khor gyi cho ga de gzung ba la rtsol ba'i blos/ sku'i dkyil 'khor dang 'chang bar 'gyur ba'i gsung gi dkyil 'khor yang bri bar bya'o/ zhes bstan to/ /de yang le'u bzhi pa las rgyas par bstan pas na 'dir ma bshad do/ /zhar la 'og tu yang cung zad bshad par bya'o/ /de ltar dkyil 'khor bris nas zhes bya ba la sogs pas gzhi'i dkyil 'khor bris te / gzhi can gyi dkyil 'khor rnam par snang mdzad kyi bdag po lha sum cu rtsa gnyis kyis bskor ba bri bar bya'o zhes bstan to/ /slob dpon ste zhes pa de kho na nyid bcu mkhyen pas so/ /de kho na nyid bcu ni dkyil 'khor dang ni ting nge 'dzin phyag rgya dang/ sngags dang byed dang 'dug
- 171a
stangs bzlas sbyin sreb/ /sngags dang phyag rgya nges byas 'dus pa ni/ /sngags kyi tshul la de nyid bcu bstan to zhes 'byung ngo/ /rdo rje dang pad+ma yang dag bar 'dus par zhes bya ba nas sku'i dkyil 'khor 'di yin no zhes pa'i bar du ni rab tu gnas pa'i cho ga dang mchod pa'i cho ga dang slob ma 'jug pa dang/ lhag par gnas pa dang dbang bskur ba la sogs pa byas nas pad+ma dang rdo rje snyoms par zhugs pa'i mtshan nyid kyi gsang ba'i mchod pas mchod la bdud rtsa lnga dang lcags kyu lngas sku'i dkyil 'khor mchod par bya'o zhes bstan to/ /de nas zhes bya ba nas de ston pa'o zhes pa'i bar du ni gsung gi dkyil 'khor bstan pa'i phyir 'od dpag tu med pa'i ting nge 'dzin la snyoms par zhugs pa bcom ldan 'das kyi bstan pa'i phyir ro/ /khru nyi shu zhes pa ni rnam pa bzhi'i ngag re re rnam par shes pa lnga las byung ba'i rnam par dag pa'i ngo bo yin pas so/ /ngos re re zhing khru lnga lnga zhes pa ni tha mal pa rnams kyi'o/ /'byor pa tshogs na phyogs re rer khra nyi shu rgyal po la sogS pa la bya'o/ /de bzhin gshegs pa lnga'i kha dog gis zhes bya ba la sogs pas sngar bshad pa'i mtshan nyid kyi thig skud kyi dbus kyi dkyil 'khor zlum po pad+ma'i phreng bas bskor ba/ rigs dang rjes su mthun pa bri bar bya'o zhes bstan to/ / dkyil 'khor der zhes bya ba nas dgyes par 'gyur ro/ /zhes pa'i bar du ni gzhi'i dkyil 'khor rdzogs na bzhi can gyi dkyil 'khor 'od dpag tu med pa bdag po lha sum cu rtsa gnyis kyi bskor bar bya'o/ /de'i tshe de bzhin gshegs pa rnams mnyes par 'gyur ba dang/ dkyil 'khor la byin gyis brlab par 'gyur zhes bstan to /bshad gci zhes bya ba nas 'od dpag tu med pa'i dkyil 'khor ro zhes pa'i bar du ni snga ma bzhin du rab tu gnas pa la sogs pa byas nas bdud
- 171b
rtsi lnga dang lcags kyu la sogs pas bdag nyid dang slob ma dang dkyil 'khor ba rnams tshim par bya'o zhes bstan to/ /de ltar zhes bya ba nas tshul bstan par bya ba'i phyir zhes bya ba'i bar du ni le'u bzhi pa las gsungs pa'i thugs kyi dkyil 'khor dang bcas? pa sku gsung thugs kyi dkyil 'khor bstan pa dang de'i 'og tu rin chen 'byung ldan dang don yang grub pa dang/ dkyil 'khor gsum? cu rtsa gnyis kyi ? yang rung ba dbus kyi gtso bo yin na de'i dkyil 'khor yin no zhes bstan to/ /de ltar lha sum cu rtsa gnyis kyi bdag nyid can gyi dkyil 'khor sum cu rtsa gnyis gcig tu bsdus nas lha stong phrag gcig dang nyi shu rtsa bzhir 'gyur ro/ /de nas zhes bya ba nas/ sku la sogs pa gyur ro zhes pa'i bar du ni rnam pa sna tshogs pa'i dkyil 'khor ba rnams spros pas 'gro ba'i don byas pa'i ting nge 'dzin la snyoms par zhugs nas bcom ldan 'das kyis don de nyid gsungs so zhes bstan to/ /rdo rje 'dzin pa zhes bya ba nas de'i nang du 'dus pa yin no zhes pa'i bar du ni re zhig sku la sogs pa rnam par dag pas gtso bor gyur pa'i dkyil 'khor gsum byas te/ 'on kyang rin chen 'byung ldan dang don yod grub pa'i rigs de'i nang du 'dus par 'gyur ro/ /de la gal te nga rgyal gti mug las byung ba yin na de'i tshe rnam par snang mdzad kyi rigs kyi nang du bsdus so/ /gal te de nyid zhe sdang las byung na de'i tshe mi bskyod ba'i rigs kyi nang du bsdus so/ /phrag dog ni zhe sdang las byung bas na thugs rdo rje'i rigs kyi nang du don yod grub pa bsdus so/ /de ltar sku gsung thugs kyi rdo rje'i rigs gsum la brten nas dkyil 'khor sum cu rtsa gnyis de'i rang bzhin du shes par bya'o/ /de bzhin gshegs pa thams cad ces bya ba nas de la de skad ces bya'o zhes pa'i bar du ni sku rdo rje la sogs pa'i dkyil 'khor gsum nye bar bsdus pa bstan to/ /de nas zhes bya ba nas gyur
- 172a
zhing gsungs so zhes bya ba'i bar du ni gzhi'i dkyil 'khor rdzogs par byed pa'i ting nge 'dzin la snyoms bar zhugs pa nyid du bstan to/ /sku la sogs pa'i gsang ba ni rnam pa gsum gyi dkyil 'khor la'o/ /de bzhin gshegs ba'i 'khor lo zhes pa ni bdag po dang bcas pa'i dkyil 'khor ba'i tshogs so/ /sems dga' bar byed pa zhes pa ni de rnams mngon du byed pa'o/ /de nyid lha yin pas shes pa ni brjod par bya ba dang rjod pa da? dbyer med pa'i phyir/ /dkyi 'khor gsum po thig gdab ba ni dbye ba bskyed ba la nye bar dgongs pas thig ces bya'o/ /mi 'jig pa zhes pa ni nus pa ma nyams pa ste/ rang gi nus pa las mi 'gyur ba'i phyir ro/ /sngags thams cad kyi zhes pa ni snying po dang nye ba'i snying po bskul ba dang rigs sngags dang gzugs sngags dang/ phreng ba'i sngags dang sa bon dang chos kyi yi ge dang sbrul dang mgo med dang mdza' med dang bsdu ba la sogs pa rnams so/ /gnas su gyur pa ni bsdu bar gyur pas na tshig go /de yang sngar bshad zin to/ /oM A hUM zhes bya ba ni dpe bstan pa'o/ /rdo rje zhes bya ba la sogs pa nas dgongs so zhes bya ba'i bar du ni yi ge gsum gyis byin gyis brlabs pa'i srang bus a ga ta dang zhes bya ba la sogs pa'i sngags kyis bsgril la nam mkha' i zhugs pa'i de bzhin gshegS pa dang bcig tu byas te / de bzhin gshegs pa lnga'i rang bzhin gyi thig skud kyi dkyil 'khor la thig gdab pa dang/ de bzhin du kha dog lnga dang ldan pa'i rdul tshon dgyes par bya'o/ /'dus pa las gsungs pa'i cho ga bya ba yin gyi bzhin? du na dngos grub mi 'gyur ro zhes bstan to/ /de nas zhes bya ba nas bsgrub par bya'o zhes pa'i bar du ni rdo rje slob dpon gyis lhan cig spyod pa dam tshig gi phyag rgya lha mo'i gzugs su bskyed rigs lngas khyab bar byas la de dang lhan cig tu dkyil
- 172b
'khor la thig gdab bar bya'o zhes bstan to/ /de ltar thun mong gi zhes bya ba nas sdud par byed pa'i tshig go zhes pa'i bar du ni/ sku la sogs pa'i dkyil 'khor gsum bri bar 'dod pa'i sngags pa rnams kyis bskyed pa'i rim pas rnam par snang mdzad dang mi bsgyed pa dar? 'ong dpag tu med pa'i gzugs su bdag nyid bskyed la/ dam tshig gi phyag rgya rnams kyang spyan ma dang gos dkar mo dang mA ma ka'i gzugs can snga ma bzhin du rigs lngas byin gyis brlabs par byas la/ snga ma bzhin du thig gdab par bya'o/ /de ltar gyur pa'i thugs rdo rje la sogs pas sgrub pa po dang phyag rgya dag gis lus la 'jug cing/ de'i gzugs kyis dkyil 'khor bri bar bstan to/ /sngags kyis dngos grub ces bya ba nas rdzogs par byed pa'o zhes pa'i bar du ni dkyil 'khor bri ba rdzogs par gyur na/ rang gi snying gnas gnad mdzes kyi rgyal po spros la / de la gsol ba gdab pa sngon du 'gro bar de bzhin gshegs pa rnams dgug cing dkyil 'khor ba dang gcig tu byas te/ sgo bzhi la phyag 'tshal ba sngon du 'gro bar khrus la sogS ba rdzogs nas/ mchod pa rnam pa lnga yis dus gsum gyi de bzhin gshegs pa dang dbyer med pas mchod par bya'o de'i tshe 'jig rten pa dang 'jig rten las 'das pa'i dngos grub thob par 'gyur ro zhes bstan to/ /sngags thams cad cos bya ba nas bya bar dgongs so zhes pa'i bar du ni dkyil 'khor de nyid la mchod pa'i dus su rdo rje slob dpon dang rdo rje'i spun dang dge slong dang dge tshul dang dge bsnyen dang rnal 'byor pa dam tshig can de la gnas pa gang yin pa de rnams bshad pa la sogs pa'i sgras brdar byas ba'i 'dod ba'i yon tan lngas mchod par bya'o/ /de med na dgag pa'i mya ngan gcod pa'i chang gis tshim par bya'o/ /de ni nang gi sbyin sreg dang 'da' bar dka' ba'i dam tshig dang sdom pa de nyid yin no/ /des ni chogs kyi 'khor lo'i
- 173a
chog bsgrub par bya'o/ zhes bstan te de yang sngar bshad zin to/ /de ltar legs par brlabs pa'i phyag rgya zhes bya ba nas shes par bya'o zhes bya ba'i bar du ni gang gi tshe dkyil 'khor gsum 'dri bar 'dod pa'i rnal 'byor pas phyag rgya med na de'i tshe bdag nyid sku'i dkyil 'khor bri ba'i dus su rnam par snang mdzad bsgoms la/ slob ma rdo rje sems dpa' 'am bdud rtsi 'khyil bar bsam par bya'o/ /de bzhin du gsung gi dkyil 'khor 'dri bar 'dod pas bdag nyid 'od dpag tu med par bsgoms nas slob ma rnam par snang mdzad dam bdud rtsi 'khyil par bsam par bya'o/ /de bzhin du thugs kyi dkyil 'khor bri bar 'dod bas bdag nyid mi bskyod par bsams la/ slob ma 'od dpag tu med pa 'am bdud rtsi 'khyil bar bsam par bya'o zhes bstan to/ /sangs rgyas rgyal po zhes bya ba nas bgrod pa dam pa'o/ /zhes bya ba'i bar du ni kha dog lnga dang ldan pa'i thig skud re re la snal ma lnga dang ldan pa/ de bzhin du rdul mtshon rnams kyang de bzhin du byas la dkyil 'khor la thig btab pa dang bri bar bya'o zhes bstan to/ /'dir gtso bo dang yon tan pa'i tshul gyis zhes pa ni de la thugs kyi rdo rje 'chang gcig pu yang rnam par snang mdzad la sogs pa gzhan rnam gzhi dang dbyer med pa'i ngo bo nyid yin te chos kyi dbyings kyi ye shes la sogs pa ni gzhan gyi cha dang ldan pa'i phyir ro/ /de la gtso bo ni las kha cig nyon mongs pa la sogs pa rnam par dag pa la bdag po nyid do/ /yon tan la ni phrin las gzhan ma la sogs pa la'o/ /de'i nus pa de med pa ma yin pa ste ye shes lnga ni nus pa thaMs cad dang ldan pa'i phyir ro/ /ji skad du/ gdul bya'i bsam pa'i dbye ba yis/ /yon tan pa dang gtso bor brtags/ /sangs rgyas rnams kyi ye shes lngas/ /nus pa kun dang ldan pa yin/
- 173b
zhes 'byung ngo/ dkyil 'khor bri ba'i dus su zhes bya ba nas gegs byed par mi nus so zhes bya ba'i bar du ni gang gi tshe dkyil 'khor bri bar 'dod par brtsams na/ sa dang chu dang me dang rlung dang nam mkha' i byas pa'i grigs? 'byung bar 'gyur na de'i tshe bdag nyid rdo rje ? mdzad zhal gsum pa phyag drug pa sku mdog nag po sbyan gsum pa g.yas pa dang g.yon pa'i zhal dkar po dmar po mnga' ba/ rdo rje dang 'khor lo dang pad+ma dang dril bu dang/ nor bu dang ral gri bsnams pa g.yon brkyang pa mche ba rnam par btsigs pa bsgoms te /rdo rje lcags kyu 'god pa'i rkang pa dag gis dkyil 'khor gyis gzhi'i phyogs kun tu 'khor bas sngags brjod cing yid kyis mchod pa thams cad stong pa nyid du bsgoms la/ rang gi phyag mtshan las 'byung ba'i 'bar ba'i tshogs kyi bgegs de rnams bsregs shing thal bar gyur par bsams la thal ba yang rlung drag pos khyer bar gyur par bsam par bya'o/ /de'i tshe bde bas dkyil 'khor rdzogs par 'gyur ro zhes bstan to/ /rdo rje bum pa bzhag pa zhes bya ba nas ji lta ba bzhin du bzhag par bya'o/ /zhes pa'i bar du ni de kho na nyid 'dus pa'i rgyud la mngon par brtson pa'i 'grub pa pos rnam par rgyal ba la sogs pa'i bum pa rnams dkyil 'khor ba'i grangs kyis sum cu rtsa gnyis dang/ las thams cad pa'i bum pa/ de ma tshogs na de bzhin gshegs pa dang lha mo'i bum pa ste dgu dang/ las thams cad kyi bum pa ste bcu las nyung bar mi bya'o zhes bya ba gsungs pas bsdus pa de rnams kyang mgrin pa ring ba lto ba brgyas pa / nag po dang rtsa ba med pa'i shing gi yal ga dang ras kyis mgrin par brgyan pa/ ha sa de ba dang/ kaN+Da ka ri dang/ bri ha ti dang/ b+ho? la mu ta dang/ daN+Dotpa la te sman lnga'i? snying po can dang/ de bzhin du in+d+ra nI la dang/ mar gang dang/ pad+ma rA ga dang/ bai DU rya dang
- 174a
shel te rin po che lnga dang ldan pa/ nas dang/ til dang/ ma sha dang/ so ba dang/ gro ste 'bru lnga dang ldan pa dri bzang gi chus yongs su gang ba/ 'og tu 'bras dang sna? gor zho sha dang bilba dang/ dza ti pha la dang/ tA ka dang/ pe bcas pa'i snod gang bas brgyan pa rnam pa sna tshogs pa'i mchod ba rnam pa lngas mchod par byas pa me tog gi phreng ba dang dar dbyangs kyi brgyan pa lags par bdugs pas rang rang gi rigs kyi chos kyi yi ges mtshan bshad la sogs pa phyogs dang mtshams dang mdun dang g.yas phyogs su gzhag par bya'o zhes bstan to/ /de ltar dkyil 'khor yongs su rdzogs nas zhes bya ba 'dis rgyud kyi tshig rnams mdo bsres byas nas dkyil 'khor byi chog thams cad rdzogs la/ de nas sbyin sreg bya'o/ zhes bya ba 'dis sngags kyi lha rnams tshim par bya ba'i phyir dang/ de bzhin du bgegs rnams zhi bar bya ba'i phyir dang/ slob ma'i tshogs dang rgyal ba la sogs pa dang/ skye dgu rnams la zhi ba'i phyir sbyin sreg bya ste/ dam tshig gi me lta'i zhal nas ye shes kyi me lha'i dang dkyil 'khor pa rnams tshim par bya'o zhes dgongs pa'o/ /ji skad du/ ma bzlas pas ni sngags mi 'grub/ /sbyin sreg ma byas 'bras mi 'byin/ /de phyir las rnams thams cad la/ /sbyin sreg las ni rab tu 'dod/ char dkon dus su ji ltar 'bru/ /skams pa char gyi tshim gyur ba/ /de bzhin kye dgu thams cad ni/ /sbyin sreg gis ni tshim par 'gyur/ /zhes 'byung ngo/ /de la me thab ni/ gdul bya'i dbang gis mdza' yas ba/ /rigs kyi dbye ba rnam pa lnga/ las kyi dbye bas bzhi yin te/ /me thab de ltar gtan la dbab/ /zhi ba la ni zlum po dkar/ /rgyas par ser po gru bzhi pa/ /dbang la dmar po gru gsum pa/ /gsod la nag po gzhu bzhin no/ /de rnams kyi rim pa ji lta ba bzhin
- 174b
du dkyus dang dbangs su sku? gcig dang khru phyed dang khru gnyis dang khru gcig dang lhag ma rnams de dang 'dra ba/ khru bzhi pa dang/ khru gnyis pa dang khru brgyad pa dang khru bzhi pa zhes bya'o/ /khru gang gi tshad tsam gyi mthab? las sor bzhi dbangs te/ dbangs dang dkyus su kha khyer sor bzhi pa de 'dra bar bya'o/ /de bzhin du brgyad dang bcu drug ces bya'o/ /me thab thaMs cad kyi rang rang dang 'dra ba'i 'khyer bya'o/ /me thab thaM cad kyi phyir rol tu gru bzhi pa dang sgo bzhi'i dkyil 'khor du thig btab nas shar gyi sgo la sogs pa la lcags kyu dang zhags pa dang lcags sgrog dang dril bu rnams kyi phyag mtshan bri bar bya'o/ /de'i shar gyi snam bu la pad+ma dang nags kyi lcug ma dang 'grang phreng dang guN+Da dang/ kriSh+Na sa ra'i pags pa bri'o/ /lho'i snam bu la rtse gsum dang/ zla ba phyed pa dang/ rgyal mtshan dang/ ral pa'i thor tshugs dang/ mig ces pa te lnga'o/ /nub kyi snam bu la 'khor lo dang/ ral gri dang/ phub dang/ mdud dang/ be con te lnga'o/ /byang gi snam bu la mdud rtse dang/ dril bu dang/ ba dan dang/ rma bya dang/ ra skyes te lnga bri bar bya'o/ de lta bu'i me thab kyi dbus su/ 'khor lo dang/ rdo rje dang/ rin po che dang/ pad+ma dang/ sna tshogs rdo rje ste rim pa ji lta ba bzhin du de bzhin gshegs pa'i mtshan mas brgyan bar byas la las thams cad pa rdo rje phreng bas rnam par brgyan bar bya'o/ /yang na las thams cad pa ni zlum po kho na ste/ 'on kyang nang gi pad+ma'i lte bar sna tshogs rdo rje dang/ 'dab ma rnams la rdo rje brgyad bris la/ lhag ma ni snga ma bzhin no/ /dkyil 'khor ram lha'i khang bar shar la sogs pa zhi ba'i me thab dang/ de bzhin du lto dang/ nub dang byang phyogs su rgyas pa dang dbang dang drag po'i me thab bya'o/ /yang na las dang rjes su mthun/ /rdul tshon gyi ni me thab bri/ /de phyir bkos dang rdul tshon gyis/ /me thab rnam pa gnyis su 'dod/ /
- 175a
ces 'byung ngo/ /de ni me thab kyi mtshan nyid do/ /yam shing rnams kyi mtshan nyid ni/ /blang dor dbye bas bshad par bya/ /pa la sha du ma a mra dang/ /ka dam pa dang kaSh+mi rgya/ /a shwa da bla ga sha las 'byung ba/ /sha mi kha dang 'o ma can/ /'o ma dang bcas rlon pa ste/ /mnyam por bcad par 'dod par yin/ /mtho gang tsam gyi tshad dang ldan/ /sbrang rtse 'o ma mar gyis byugs/ /dkar po'i dri chus skus pa yis/ /'o ma dang bcas yam shing 'dod/ /ji skad du/ rgyas par sor ni bcu bzhi pa/ /zhi bar sor ni bcu gnyis te/ /dbang la sor ni bcu pa dang/ /sdang dang dgar ba sor brgyad pa'o/ /snying zhi chag pa 'bus zos pa/ /'bad de rnam par spang bar bya'o/ /mchod sbyin pa yi shing rnams kyi/ /srog chags med pa'i bud shing gang/ /me thab las ni cung nyung ba'i/ /tshad dang ldan pa nges par bya'o/ /yang na dgon pa'i lci ba ste /blo dang ldan pas blang bar bya/ /zhes bya ba la ni yam shing dang bud shing gi mtshan nyid gser dam zangs kyi rang bzhin ta?/ /nimpa 'am ni seng ldang ngam/ /'o ma can gyi shing sogs kyi/ /sbyor ba 'di ni rab tu grags/ /sor ni nyi shu rtsa bzhi yi/ /de nyid kyis ni tshang byas te/ snod dang dbyig pa gnyis byas nas/ /de yi kha ni sor drug pa/ /de ni kun tu sor bzhi pa/ /rdo rje phreng ba sor gnyis te/ /de las gzhan ni dbus yin te/ /sor ni bzhi yi tshad tsam bya/ /de yang 'og tu brkos nas ni/ /brko sa'i tshad ni sor gnyis pa/ /de'i dbus su pad+ma ste /lte ba rdo rjes mtshan par bya/ /sor mos mthe chung tshad tsam gyi/ /khu bcug 'dzag par rab tu grags/ /rtse mo'i cha ru rin po che/ /sor dgu kun tu mtho bar bya/ /pad+ma'i 'dab ma dang 'dra ba/ /mthar ni rgyal bas gsungs pa yin/ /de dbus rdo rje rtse gsum pa/ /dbyig pa'i mthar ni sor drug
- 175b
ste/ /zla ba rin chen de yi mthar/ /gang gis dbyig pa nyes mi 'gyur ro/ /de nyid kyis ni tshad kyi ste/ /blugs gzar gyis ni cho ga bya/ /mthar ni sor gnyis rgya che bas/ /kha ni pad+ma 'dab dang mtshungs/ /de yi phyed tsam brkos pa ste/ /de yi dbus ni rdo rjes mtshan/ /de ltar dgang gzar blugs gzer gyi/ /mtshan nyid chen po gsungs pa yin/ /zhes de ni sbyin sreg gi snod kyi mtshan nyid do/ /de nas rdo rje slob dpon ni/ khrus shing gtsang sbra dris byugs pa/ /ji ltar gsungs pa'i rgyan dang ldan /zhi ba rgyas dang dbang dgug dang/ sngar ba dgar pa gsod pa ste/ /sbyin sreg las la brtson bdag nyid/ /rang lhag lha yi rnal 'byor ldan/ /sems can kun la phan la brtson/ /ji ltar gsungs pa thams cad bya/ /de la zhi ba la ni gos dkar po dang cod pan thogs ba dag byed dang gdu bu dang ji ltad gsungs pa'i 'khor lo bzlas pa /byams pa chen po'i sems dang ldan pa mi smra bas sbyin sreg gi sa ru 'jug ste 'jam pa'i gdan la pad+ma'i skyil mo krung gi 'dug ste/ lag pa gnyis mkhrig ma'i bar du dri bzang gis byugs la srod la shar du kha bltas pas bsgrub bya blangs nas nya 'am tshe gcig la brten te zhag gsum 'am zhag bdun gyis bar du gzhan don du zhi ba'i las bya'o/ /de bzhin du gos ser po la sogs pa'i brgyan dang ldan pa 'am/ rnam pa sna tshogs pa'i gos dang ldan pa yid dga' ba byang du kha bltas pa bzang po'i 'dug stangs la gnas pa nya nas brtsams te phyi ma'i nya'i bar du rgyas pa'i las bya'o/ /de bzhin du khros pas gos sngon po la sogs pa'i brgyan dang ldan pa khrag dang chus gsher ba'i gos dang ldan pa /ro'i steng du tsog bu'i 'dug stangs kyis gnas pa rkang pa g.yon pas rkang pa g.yas pa mnan zhing mig mi g.yo bar so rnams gtsigs pa snying rjes dkon mchog gsum la gnod pa byed pa 'jig par byed pa'i phyir
- 176a
mngon spyod kyi las bya'o/ /de ni sgrub pa pa'i tshogs pa'o/ /de nas rang gi 'dod pa'i lha'i rnal 'byor ji ltar gsungs pa las dang rjes su mthun pa bya ste/ bgegs kyi tshogs la phur bus gdab pa dang rdo rje dra ba la sogs pa byas te/ yi ge hUM dam rang gi chos kyi yi ge las me thab bskyed la /de'i dbus kyis lte bar yi ge ra 'bar ba yongs su gyur pa las gru gsum bsams la/ de'i zur gsum shar la sogs pa la oM A hUM zhes bya ba'i yi ge gsum las 'dod pa dang gzugs dang gzugS med pa'i khams gsum gyi ngo bo 'khor lo dang pad+ma dang rdo rje gsum sa bon dang bcas par bskyed pa dbus su yi ge ra yongs su gyur pa las 'bar ba dang bcas par lta ste/ phyag mtshan gsum dang yi ge ra de dag yongs su gyur pa las 'bar ba'i dbus su chu'i dkyil 'khor la gnas pa dag byed kyi me lha khams gsum gyi bdag nyid zhi ba'i don du bsgom par bya'o/ /zhi ba dkar po zhal gcig pa spyan gsum pa phyag bzhi pa ral pa'i thor tshugs can phyag g.yas pa dag la dbyig pa dang mi 'jigs pa g.yon pa dag la phreng ba dang g+hund+he 'dzin pa na bza' dkar po dang rgyan dang ldan pa / mchod phyir thogs pa yan lag thams cad las bdud rtsi dkar po sbro bar byed pa blta bar bya'o /rgyas pa la yang de bzhin no/ /'on kyang kha dog ser po gos dang rgyan la sogs pa ser pos rgyan pa/ dbang chen gyi dkyil 'khor la gnas pa ye shes kyi me lha mchog sbyin gyi phyag gis sems can thams cad la stobs dang kha dog dang dpal gyis phun sum tshogs pa 'phel bar byed pa bsgom par bya'o/ /de bzhin du dbang dang dgug pa dag la kha dog dmar po 'dod pa'i me lha'i me'i dkyil 'khor la gnas pa na bza' dang rgyan dmar po la sogs pas rgyan pa/ phyag g.yas pa dang g.yon pa bdag la lcags kyu dang
- 176b
zhags pa 'dzin pa bsgom te lha ni snga ma bzhin no/ /gsod pa la rlung gi dkyil 'khor la gnas pa kha dog nag po mche ba rnam par gtsigs pa mi g.yo ba/ yi ge hUM las byung ba kha dog nag po na bza' la sogs pas brgyan pa/ phyag g.yas pa la ral gri dang g.yon pa la sdigs mdzub 'chang ba/ skra 'bar ba gyen du brdzes pa/ 'jigs byed chen po'i 'bar ba nag pos khams gsum khyab pa rlung gi me lha bsgom par bya'o/ zhes me lha mdor bstan pa'o/ /de la 'o ma can gyi shing las byung ba 'am dgon pa las byung ba'am/ rgyun zhags kyi me 'am tha mal ba'i bram ze'i me zhi ba'i las la blang bar bya'o/ /rgyal po 'am blon po 'am nags tshal lam tshang bang gi me rgyas pa la'o/ /rje rigs sam smad 'tshang ma'i me ni dbang la'o/ /gar mkhan dang mtshan mkhan dang 'gron po'i me ni dgug pa'o/ /dur khrod kyi me 'am rdo las byung ba'i me mngon spyod la gzung bar bya'o/ /zhes me'i ngo bo mdor bstan pa'o/ /de nas las dang rjes su mthun pa'i gser la sogs pa'i snod gnys te/ arg+ha'i snod dang las thams cad ba'i snod de/ /gnyig yang dri bzang gi chus gang ba de la yang arg+ha'i snod ni zho dang ku sha dang 'bru la sogs pa dang ldan pa byas la gnyi ga la yang me tog dgram zhing/ arg+ha la snod ni g.yon phyogs su rang gi rigs kyi brda gang gi mngon par bzlas nas bzhag par bya'o/ /rdo rje gnod sbyin dang/ rdo rje rtse mo'i sngags dag gis las thams cad pa'i snod pa lan nyi shu rtsa gcig mngon par bzlas nas bzhag par bya'o/ /oM badzra she kha re rung phaT?/ rdo rje khu tshur gnyis kyis mthe chung gnyis mche ba'i tshul tu bstan pa ni rdo rje gnod sbyin gyi phyag rgya'o/ /rdo rje khu tshur gnyis ri bo'i tshul byas pa ni rdo rje rtse mo'i phyag rgya ste/ arg+ha'i snod kyi cho ga'o/ /de nas yo byang thams cad g.yas phyogs su bzhag la mar dang dgang gzar dang blugs gzar mdun tu'o/
- 177a
g.yon phyogs su dril bu dang/ g.yas phyogs su rdo rje bzhag go /de nas sbyin sreg gi yo byad la sogs pa thams cad la thams cad ba'i chus lan gsum bsang gtor bya'o/ /de ni rdzas bzhag pa'i rim pa'o rdzas ni yam shing mar? dang ni// til dang 'bras dang de bzhin nas/ /gro dang ma sha 'bras so ba/ /spos dang star ga pilba? dang/ /gla gor zho sha'o ma zho/ /durba dang ni ku sha dang/ /'bras bu gsum dang sle tres dang/ /kha ra bye mkhar lo ma/ /ge sar dang ni tsan dan dang/ /spri yang ku du gur gum dang/ /spos gnyis dang ni sman kun dang/ /dzA ti pa la rin bo che/ /dar dbyangs so rtsi me tog phreng/ /de bzhin mchod pa rnam pa lnga/ /de ltar rnal 'byor rgyud rnams las/ /go rims kyis ni rdzas gsungs so/ /de ni rdzas kyi grangs kyi go rim mo/ /de nas phyi rol gyi me rdo rje gnod sbyin gyi sngags dang phyag rgyas mngon par bsngags la/ ku sha'i rtse mos blangs pa'i chus de la lan gsum bsangs te/ /gtsang ma sgom pa'i rtsa dang bcas pa me thab la bcug nas/ /oM dzwa la hUM zhes bya ba sngags dang bcas pa rlung g.yab kyi rlung gis 'bar du bcug ste/ /dam tshig sems dpa' i me lta sngar bshad pa de'i dbus su bsams te ye shes sems dpa' i me lha sngags dang phyag rgya 'dis dgug par byas te/ lag pa g.yas pa mi 'jigs par byas nas mthe bong gi rtse mo srin lag gi rtsa ba'i tshigs la brdab pa ni dgug pa'i phyag rgya'o/ /tshur gshegs tshur gshegs 'byung bo che/ /lha yi drang srong bram ze mchog /sreg blugs zhal zas bzhes slad du 'di nyid du ni bzhugs su gsel/ zhes bya ba dang/ oM bab kAgna ye swAhA zhi ba la'o/ /oM ma ha rAgAn ye swAhA rgyas pa la'o/ /oM kA mAgna ye swAhA dbang dang dgug pa la'o/ /oM krod+hAkna ye dza he kro Ta mu gaM mA ra ya hUM hUM phaT/ mngon spyod la'o/
- 177b
me lha byon pa la bsang gtor la sogs pa byas nas dgug pa la sogs pas dam tshig gi me lha 'jug par bya'o/ /de nas arg+ha'i snod blangs yid kyi zhabs la zhabs bsil dbul bar bya'o/ /oM pra ba ra sad ka raM pra tIts+tsha swAhA/ de nas arg+ham ma ya datu? mAgne ha na se te ba mi pra yats+tsha swAhA/ /sngags 'dis lan gsum arg+ha dbul bar bya ste spyan drang ba'i cho ga'o/ /de nas oM A hUM ni mgo bo dang lkog ma dang snying ga'i phyogs su dkar po dang dmar po dang nag po ste sa bon gsum zla ba la gnas pa'i 'khor lo dang ? pad+ma dang rdo rje'i cha zung la gnas pa khams gsum byin gyis brlabs nas sems ma rdo rje la sogs pas yid kyis dbang bskur la lA sya la sogs pa mchod pa rnam pa brgyad kyis mchod la/ dar dpyangs dang me tog phreng ba bcings nas go cha bgo ste/ me long lta bu sman thams cad la sogs pa'i sku khrus kyi yo byad kyi spos gtul ba dang dril bu dkrol ba na sngon du 'gro bas rje btsun ma'i yi ge brgyad pa lan gcig brjod nas sku khrus bya'o/ /de nas rigs kyi yum bzhi'i mngon par bsngags pa bzlas pa'i bum pa bzhi yis/ /rang rang gi sngags dang bcas pas dbang bskur ba sbyin bar bya'o/ /de nas zhi ba la rnam par snang mdzad kyi rgyas btab ba ma lha bsam par bya ba dang/ rgyas pa la rin chen 'byung ldan gyis rgyas btab pa dang/ dbang la 'od dpag tu med pa'i cod pan can dang/ gsod pa la mi bskyod pa'i cod pan can bsgom mo/ /de nas me lha'i bdag po'i sa bon bkod pa dang dgang gzar blags gzar gyi rtse mor yang dgod do/ /de nas oM dzi na dzig swAhA zhes bya bas zhi ba la mar la mang bar sngags btab pa'o/ /de bzhin du rgyas pa la sogs par rin chen 'byung ldan la sogs pa'i sngags rnams kyis mngon par sngags btab pa'o/ /de nas dang po sbar ba'i don du blugs gzar gyis dgang blugs gsum oM dzra la dzra? la hUM zhes dbul lo/
- 178a
de nas 'bar ba dang/ kha dog dang sgra la sogs pas me la bgegs med par shes nas bgegs thams cad bcing ba'i don du dang/ las rdzogs pa'i don du phyogs? bzhi la ku sha dgram mo/ /ku sha 'di ni dge ba'i mchog /gtsang ma gtsang ma'i rgyu las byung/ /dkon mchog gsum dga' yid 'phrog pa/ /sa yi snying po las skyes pa'o zhes bya ba dang/ a be g+hEM ma ma shAn+taM ku rban+ta swAhA zhes bya ba'i rim ba 'dis rtsa ba las bton pa mtshan nyid dang ldan pa sngon po'i ku sha ni zhi ba dang rgyas pa la'o/ /gzhan du ni mnyam por bcad pa yon po ma yin pa'i rim pa 'dis ma'i shar phyogs su shar du bltas pa dang/ lho ru lho'i rtse mo dang ldan pa dang/ nub tu nub kyi rtse mo dang ldan pa bya'o/ /byang du byang gi rtse mo dang ldan pa bya'o/ /me thab kyi sa/ gzhi kun tu las thams cad kyi chus bsang gtor byas la/ rdo rje gnod sbyin dang rdo rje rtse mos mngon par bsngags la tshon skud lnga'i skud pa dang mda' bzhi 'am brgyad mngon par bsngags la phyogs dang mtshams su bkod la tshon lnga'i srad bus bskor la rdo rje bcings par byas par 'gyur te ku sha dgram pa'i cho ga'o/ /de nas me lha'i las dang rjes su mthun pa dbul la sogs pa'i snod mdun du bsams la yang arga dang mthor 'thung dang zhabs bsil byin nas dgang blugs dbul lo/ /de'i rim pa ni pus mo'i nang du lag pa gnyis ba zhag la lag pa g.yas pa'i rdo rje khu tshur gyis dgang gzar blangs te / mthe bo dang mthe chung gis brtan por gzung la sor mo lhag ma dbyig pa'i steng du brkyang la mar gyis dgang bar byas la dgang blugs bdun nam gsum mam gcig me lha'i sngags kyis me lha'i zhal la 'bul lo/ /oM agna ye a mo ka sya shAn+tiM ku ru swAhA zhes de bzhin du thams cad la'o/ /de nas sreg dzes? kyi rim pa bstan par bya ste/ dgang blugs kyi 'og tu yam?
- 178b
shing 'od kyi dkyil 'khor la'o/ /mar ni zhal la'o/ /de nas til dang zhes dang bcas pa'i 'bras chan ni phyag tu'o/ /ku sha dang du rba'i myu gu ni gtsug pud la'o/ /nas dang gro dang 'bras so ba dang ma sha la sogs ba ni zhal du'o/ /zhu pa'i ? thams cad de bzhin no/ /dri ni snyed gar ro/ /me tog ni dbu la'o/ /spos ni 'bar ba la'o/ /zhabs bsil ni zhabs la'o/ /arg+ha dang mthor 'thung ni phyag la'o/ /mar ma ni mdun du'o/ zhes rim pa'o/ /de nas sdig pa bsreg pa'i phyir dang por til bsreg? par bya ste oM sarba pA paM da ha na badzra ya swAhA til rnams kyi'o/ /yang na rdzas thams cad sngags gcig gis bsreg par bya ste/ oM badzra a na lam hA b+hu ta dzwa la dzwa la sarbaM b+hasminku ru sarba big+h+rbAM? hUM phaT/ a mo ka sya shaM ti ku ru swAhA/ /yang na tha dad pa'i sngags yin te/ oM badzra ya dz+nya swAhA yam shing gi'o/ /oM agna ye swAhA mar gyi'o/ /oM sarba pa paM da nya na badzra ya swAhA/ /a ma ka sya pA paM da ha swAhA/ til dang yungs kar gyi'o/ /oM sarba saM pa de swA hA zho dang 'bras chan gyi'o/ /oM a pri ti nya? ti badzra? ya swAhA ku sha rnams kyi'o/ /oM badzrA yu le swAhA durba'i myu gu yi'o/ /oM mahA be ga ya swAhA nas rnams kyi'o/ /oM badzra g+hasma re swAhA gro'i'o?/ /oM bi dzA ya swAhA 'bras so ba yi'o/ /oM mahA ba la ya swAhA ma sha yi'o/ /oM badzra puSh+Ta yi swAhA 'bras kyi'o/ /oM mahA sh+rI ya wi ti swA hI ? dang star ga dang dzA ti pa la yi'o/ /lhag ma ni zhu ba'i rdzas thams cad me lha rang gi sngags kyis 'bul lo/ /u duM bA ra la sogs pa'i shing gi yal ga rnams ni dang por oM dang rang rang gi ming dang swAhA'i mdza' can gyi sngags kyis dbul bar bya'o/ zhes rim pa'o/ /de nas me lha la 'thor 'thung dang bsang gtor la sogs pa phul nas/ me thab tu me lta 'bar ba'i gzugs su thim par bya'o/ zhes kha cig zer ro/ /rang gi gzugs su me lha'i me'i mtshams su
- 179a
bzhag par bya'o zhes kha cig zer ro/ /kha cig na re gshegs su gsol zhes zer ro/ /kha cig na re me thab kyi nang du me mtshams su bzhag par bya'o zhes zer ro/ /de ltar mang po smras te 'dir bcom ldan 'das kyis bka' stsal pa/ me lha'i gtso bo lha rnams ni/ /sbyin sreg de nyid la ni gnas/ /sbyin sreg gis ni tshim byas te/ /tshim pas dngos grub ster bar 'gyur/ /me lha stong pa'i sbyin sreg ni/ /ro khar bsregs bzhin 'bras med 'gyur/ zhes 'byung/ gzhan las bcom ldan 'das kyis/ /me yi gnas ni mi shes pas gang zhig sbyin sreg byed pa ni/ /de nyid ma yin sbyang pa min/ /las kyi 'bras bur mi 'gyur ro/ /zhes 'byung ngo/ /kho bo cag gis bla ma'i zhal gyi man ngag ni chos kyi dbyings kyi yi ge yongs su gyur pa las dang? shes rab pha rol phyin pa'i ngo bo las ma lus pa'i gzhir gyur pa'i 'jig rten las 'das pa'i ye shes kyi me lha de'i snying ga'i pad+ma'i steng du rang gi lha'i sa bon yongs su gyur pa las phyag mtshan las byung ba'i las dang rjes su mthun pa/ kha dog rgyan la sogs pa dang ldan pa rnam par snang mdzad la sogs pa dmigs la rang gi snying ga'i ye shes sems pa'i sa bon gyi 'od zer dang rang rang gi dam tshig gi phyag rgya rnams kyis ye shes sems dpa' bkug la byang chub mchog gi phyag rgya bcings la/ oM e hya hi b+ha ga bAn+ne ta bA ka tya? ces ma ye na tsa arg+haM to saM pra tits+tsha swA bu dza ma tsa pe bra si ta mi/ 'dis lho phyogs su bltas te / badzra d+hA tu swAhA zhes bya bas/ zhabs bsil dang/ arg+ha phul nas la sya la sogs pas mchod cing rdo rje bsdams pas lcags kyu dang zhags pa dang lcags sgrog dang dril bu rnams kyis dgug pa dang gzhug pa dang bcing ba dang dbang du bya'o/ /dza:hUM baM ho sa ma ya stwaM? sa ma ya haM zhes bya bsam lha'i zhal nas dam tshig
- 179b
sems dpa' la rnam pa thams cad du 'jug par bya'o/ /de nas oM tri huM zhes bya ba yi ge gsum gyis dkar po dang ser po dang nag pos mgo bo la sogs pa byin gyis brlabs la rdo rje dbyings kyi dbang phyug ma la sogs pa'i phyag rgyas dbang bskur la snga na bzhin du khrus byas nas dar dpyangs dang me tog gi phreng ba bcings la/ ye shes sems dpa' i snying gar rang gi phyag mtshan rdo rje'i chang zungs la rang gi chos kyi yi ge dkyil 'khor ba'i lha ma lus pa'i ngo bo bltas la/ yang arg+ha? bul zhing sng ma bzhin du sbyin sreg gi yo byad thams cad bsang gtor byas la/ de bzhin du dgang gzar blangs la ji snyed pa'i dgang blugs me lha de'i zhal nas dpul lo/ /de nas blugs gzar gyi brgya rtsa brgyad dam de'i phyir dam sbyin sreg byas nas dgang blugs dbul te/ spos gtul ba dang dril bu'i sgra dang lhan cig yi ge brgya pa lan gsum lan cig brjod la lhag ma sbyin sreg gi yo byed snga ma bzhin du sngags 'dis dbul bar bya'o/ /oM badzra d+h+ra? tu ra mo ka sya shAn+tiM ku ru swAhA / yang na dzi na dzi ka ces bya bas so/ /de bzhin du rgyas pa la sogs pa yang ngo/ /dri bzangs kyi me tog ni tshogs gang yang rung ba de dag thams cad dang de bzhin du bdag nyid kyi kha zas la sogs pa phun sum tshogs pa'i phyir bsreg par bya'o/ /ji ltar mngon par 'dod pa'i sbyin sreg byas la mthar oM A:hUM h+rI?:zhes bya bas de bzhin gshegs pa thams cad kyi snying po gsum mam bdun nam nyi shu rtsa gcig mar gyi dgang blugs kyis sbar du bcug la zhabs bsil dang arg+ha dang 'thor 'thung dang dril bu dkrol pa sngon du 'gro bas ? de mthar de gang blugs phul nas/ yang arg+ha la sogs pa phul nas mchod cing bstod la mngon par 'dod pa'i don bsgrub pa'i phyir zhus la bzod par gsol to/ /sems ma rdo rje ma'i phyag rgya bcings nas mu zhes bya bas gyen du bkrol
- 180a
bar bya'o/ /khyed kyis sems can don kun mdzod/ /ji ltar mthun pa'i dngos grubs la/ /sangs rgyas yul du gshegs nas kyang/ /slar yang sems can don la gshegs/ zhes bya bas ye shes sems dpa' gshegs su gsol ba sprul pa ni ma'i nang du chos kyi dbyings su gyur pa la thim nas slar yang mchod yon la sogs pa phul te lhag ma sbyin sreg gi yo byad dbul lo/ /sbyin sreg gi mthar slob ma la brten te dgang blugs phul nas/ zhabs bsil dang/ arg+ha? dang mchod yon byin te/ slob ma'i mngon par 'dod ba'i dngos grub la gsol ba gdab bar bya'o/ /me lha khyod ni gshegs bar mdzad/ /lha yi drang srong bram ze mchog /bdag gi don dang gzhan gyi don/ /byin sa khyod kyis bsgrubs te gshegs/ /spyan 'dren ba'i phyag rgya'i mthe bong 'gra ba'i tshul gyis me lha gshegs su gsol nas 'bar ba'i ngo bor bltas te/ rang gi yi daM gyi lha 'di? rgyal gyis phyogs skyong la gtor ma sbyin par bya te/ rang gi chos kyi yi ge yongs su gyur pa las lha'i dbang po la sogs ba phyogs skyob kha dog dang dbyibs ji ltar bshad pa dang ldan pa/ phyogs bcu la 'khor dang bcas pa bsams te/ snod bcung bza' ba dang chang dang sha la sogs pas bkang?/ chu'i? maN+Dal la bzhag nas mchod pa rnam ba lngas mchod cing sbos gtul ba dang bril pu dkrol ba de rnams bkug la sngon du byas te/ g.yas rkyang bas 'jigs ba med ba'i sems dang ldan pas sngags 'di rnams kyis gtor ma btang ngo/ /oM in+d+ra ya swA hA lha'i dbang po yi'o/ /oM kh+khe was twa ya swA hA bug shin rje'o/ oM a bi pa ta ye swA hA chu lha yi'o/ /oM dge she Na we rya bA re swA hA rnam thos sras kyi'o/ /oM agna? /ye swAhA me yi'o/ /oM rA kA sa bta? ye swA hA bden bral gyi'o/ /oM khe ya wi swAhA rlung? lha yi'o/ /oM ru d+ha ya swA hA dbang ldan gyi'i?/ /oM pra hma Ni swahA/ oM
- 180b
surya yagra? hA de pra ta ya swA hA/ oM can trA ya na k+tha? tra de pa ta ye swAhA/ steng du'o/ /a pri thwi swAhA/ /oM so re thya swAhA/ oM ni ge bya swAhA 'og tu'o/ /de'i 'og tu'o/ /de'i 'og tu sngags 'di rnams kyis rang dang gi phyogs dang mtshams rnams su nye ba'i sgrub ba po bdud rtsi 'khyil pa'i sngags bzlas pa'i sgrub ba pos /gtor ma snod bshad gcig la sogs ba la gtor par bya'o/ /blo ldan gang zhig gtor ma btang/ /bdud rtsi 'khyil ba'i sngags kyi ni/ de la bsad gtor bya ba ste/ gzhan du na de de spyod 'gyur/ /zhes 'byung ngo/ /de'i dzum po li dang/ shako li la sogs bas bkang bar bya ste/ dril lag ba brgyad ba kha dog dmar bo dang nag po dang dkar po dang ljang khu'i gdong yong ba/ thod ba dang kha TaM ga dang rgyud mangs btung ba dang/ ral gri dang dbyig pa dang glang bo'i lpags pa bsnamS? pa/ g.yon? brkyang bas mi mgo gnyis la gnas ba ku co? chen bo dang bcas pa'i mkha' 'gro ma'i tshogs kyis yongs su bskor ba mche ba gtsigs ba bsboms te sku la sogs ba byin gyis brlabs ba dan ye shes sems dpa' ting nge 'dzin sems ba byin gyis brlab nas mngon du byas te tshang chen bo bum pa gcig chus bkang pa/ oM lo bi lA? sogs ba bza' ba dang bca' ba dang btung ba dang myang ba dang 'jib ba dang thub pa dang/ byis pa'i rtse mo dang/ myos? ba dang chad dar be na dang ? nag po dang sgog kyu? la? dbye ba ? dzum po li dang/ shako li la sogs bas bkang bar bya ste/ dril bu'i sgra dang spos gtul bas bkug la sngags 'di dag 'bul lo/ /oM mahA kA lakE tra pA la sarba ? ke ne naM ba lam pri tIn+tsha? sa ma ya ma nu sba ra ya hUM phaT swAhA zhes bya ba 'di dur khrod la gtor bar bya'o/ /de bzhin du me gtso por gyur ba gnod sbyin dang/ srin bo dang 'byung bo dang/ /
- 181a
yi dags dang sha za dang myo byed dang mkha' 'gro la sogs rang rang gi chos kyi yi ge yongs su gyur pa las byung ba/ dbyibs 'gyur ba rnam pa sna tshogs pa'i mtshon cha 'dzin pa bsams te/ de bzhin du bkug la mngon du byas te/ snga ma bzhin du snod gcig rdzas thams cad kyis bkang par byas la/ mchod pa rnam pa lnga yis mchod cing dril bu'i sgra dang spos kyi bgug la /sngags 'dis gtor ma btang ngo/ /oM agna ye sarba b+hu tA d+hi pa ta ye swAhA zhes bya ba brjod nas bzhi mdo la sogs par gtor ma btang do/ /de nas gre du wa zhes bya ba la sogs pas gshegs su gsol te/ rje btsun yi ge brgyad pa lan bdun brjod nas langs te /oM badzra ki longkI? lA ya zhes bya ba nas phur bu dang mda' rnams bton te/ las thams cad pa'i chu 'o ma dang bcas pas spyan ma'i sngags bzlas bzhin pas mnga' rnams gtsugs la bskor ba gsum byas te gar dang glu la sogs pa sngon du 'gro bas ji ltar bde bar gnas par bya'o/ /gal te yid bzhin gyi nor bu dang dpag bsam gyi shing dang bum pa bzang po dang ral gri dang rdo rje dang rkang mgyogs dang mig sman dang tshangs pa'i skud pa dang bcud kyi len pa la sogs pa'i dngos grub chen po bsgrub pa'i phyir sngags la tshim pa dang spar ba dang gsol ba ni cho ga 'dis byas nas phyin nas thams cad bsgrub par bya'o/ /de'i rim pa ni rgya mtsho la rgyu pa'i gtsang po'i gam du phyin nas/ de'i 'gram gnyis kyis blangs nas ma 'dres par brdungs te/ a ka ru dang tsan dan dang pad+ma ge sar gyi phye ma dang 'dres pa sa gong bu byas te pad+ma'i snal mas bcings la ga bur dang spos kyis bdugs la nyin zhag gcig tu mar dang sbrang rtsis bkang ba'i sned la bzhag ste phyin nas dri chu dkar po'i 'jam gyis rgyun gyis sngags 'dis dbang bskur
- 181b
bar bya'o/ oM sarba de bde bya mu tad re swAhA/ oM hUM phaT ne swAhA rim pa ji ltar bzhu ba de bzhin du de'i tshe rgya mtsho la rgyu ba'i gtsang por phyin nas bskyal bar bya'o/ /de ltar sngags kyi lha tshim pas myur du dngos grub ster bar 'gyur ro/ /blugs gzar? gyis kyang mang? gyi dgad blugs stong gis sbar ba dang gsal ba oM h+ri zhes sngags kyi bya'o/ /de ltar tshim ba dang dbul ba'i rim gyis thams cad 'grub par 'gyur ro/ /des ni phyis sbyin sreg gi chog bstan to/ /de nyid bstan pa'i phyir sbyin sreg bya zhes pa ni phyi'i sbyin sreg bya ba'o/ 'jig rten pa dang 'jig rten las 'das pa'i dngos grub 'dod pa ni zhi ba la sogs pa dang sangs rgyas nying 'dod pa'o/ /sngags pa'o zhes pa ni sbyin sreg gi cho ga las mkhas pa'i rdo rje slob dpon no/ /gnyi ga'i rgyud ni rnal 'byor dang rnal 'byor chen po'i rgyud do/ /de las gsungs pa'i cho ga ni rim pa ji ltar sngar bshad pa'o/ /de yan chad kyis phyi'i sbyin sreg bshad do/ /nang gi zhes bya ba nas go sla ste zhes pa'i nang du ni ji ltar btung ba dang bza' ba ji ltar rnyed pa bdud rtsi lnga'i chogs legs par sbyangs la lag pa dang mgrin pa spyangs zhing ye shes sems dpa' i me lha bsreg par bya ba dang de bzhin du tshogs kyi 'khor lo'i mthar lhag ma thams cad bsdus la/ dbang po gnyis dang snyoms par zhugs pa sngon du 'gro ba'i las kyi dbye bas/ dkar po la sogs pa'i kha dog gi rnam pa can gyi me thab kyi nang du shin tu sbar ba'i me lha'i zhal nas ye shes kyi me la sbyin bar bya'o zhes bstan to/ /de ni nang gi sbyin sreg go /gzhan yang dngos po med pa'i nang gi mtshan nyid kyi sbyin sreg yin te/ ji skad du/ nang gi sbyin sreg las ni rnam par rtog pa'i tshogs/ /sreg bar byed de thub dbang zla bas gsungs/ /bgegs dang grub pa rnam par rtog pa tsam/ /gnyis med de nyid rnam par rtog pas stong/ /thams cad stong pa'i bdag nyid de thabs zhes bya ba/ /
- 182a
pad+ma rdo rje dang ldan dngos po thams cad bud shing gis phyug pa/ /nam mkha' i dkyil bzhin dri med rgya chen rtog pa ni 'bru dang ldan/ /shes rab me yis shin tu 'bar zhing nyon mongs sdig pa rab tu zhi/ /sras bcas bde gshegs yum gyi gzi brjid 'bar bas rab tu khyab/ /khams gsum srid pa'i thab la 'du byed thams cad bsreg bya yin/ /ngan song lam la nges par phung po khams sogs bud shing rnams kyis ni/ /rtog pa thams cad las grol zhi ba'i las ni gyis/ / de bzhin du dpal sangs rgyas ye shes zhabs kyis kyang/ phyi yi sbyin sreg cho ga rtog bya ba/ /yid kyi byas pa nang gi bdag nyid ste/ /phung po la sogs bud shing sreg byed pas/ /ye shes 'bar ba bla na med par bshad/ /ces 'byung ngo/ /sgra ji bzhin ma yin par bshad pa'o zhes pa ni 'jig rten dang bstan bcos las phyi rol tu byas pa'i sgra'i sgo nas nang gi sbyin sreg gi brda bstan pa'i phyir ro/ /rnam par snang mdzad ces bya pa nas der 'jug par bya'o zhes bya ba'i bar du ni rdo rje 'chang chen po yongs su gyur pa las bdag nyid zhe sdang rdo rje nyid bsgoms la mdun du yi ge gsum yongs su gyur pa las 'od dpag tu med pa'i rnam pa can kha dog dmar po slob mas bsgoms la/ de'i yan lag thams cad yi ge a bkod nas mgo po dang lkog ma dang snying ga dang rkang pa'i 'og tu yi ge hUM dzhaiM? bkod la/ yang yi ge dzhai las 'od zer gyi tshogs bkang pa'i khong stong nas zhugs pa'i yi ge hUM la sogs pa yongs su gyur pa las bskyed pa'i mi bskyod pa la sogs pa bskul zhing mgul ba la sogs pa gsum po nye bar mtshon nas de'i tshe lce la a bkod las byung ba'i 'od dpag tu med pa bsgoms te/ rdo rje smros shig ces dris nas de'i ngag 'das pa la sogs pa shes nas mi bskyod pa la sogs pa la gshegs
- 182b
su gsol bar byas ste srung ba'i 'khor los snod bsrung bar bya'o zhes bstan to/ /'dis ni zhes bya ba ni sngags kyi rdo rje ni 'di yin no zhes pa'i bar du ni dkyil 'khor du 'jug pa la sngon du dkyil 'khor gyi sgo la gnas pa gos dmar po dmig bkab pa'i slob ma yi ge lnga pa'i sngags kyis dkyil 'khor du zhugs ste/ de nas sngar bshad pa'i rdo rje dbab par bya'o zhes bstan to/ /de la zhes bya ba nas bstim par bya'o zhes pa'i bar du ni rdo rje slob dpon gyi slob ma la dbang bskur ba'i don du dkyil 'khor bris la nam mkha' la bzhugs pa'i de bzhin gshegs pa rnams gzugs rdo rje ma la sogs pas mchod cing de rnams bkug nas dkyil 'khor la bstim par bya'o zhes bstan to/ /rdo rje sku gsum zhes bya ba nas dgod par bya'o zhes bya pa'i bar du ni rig pa'i dbang bskur ba'i don du thabs dang shes rab snyoms par zhugs pa las byung ba'i byang chub kyi sems kyi thig le 'od zer gyi tshogs kyis bskul ba'i de bzhin gshegs pa dang/ de bzhin du ye shes kyi chus gang ba'i bum pa bsnams pa spyan ma la sogs pa rdo rje sems dpa' i ting nge 'dzin la gnas pa'i rdo rje slob dpon gyis bsgoms la/ de rnams kyis slob ma dbang bskur te de'i ba spu'i bu ga'i sgo nas de rnams bcug la de bzhin gshegs pa thamS cad kyi ngo bor bya'o zhes bstan to/ /de ltar zhes bya ba nas slob mas dbugS dbyung bar bya'o/ zhes pa'i par du ni rig pa'i dbang bskur sbyin ba'i phyir ram/ phyir mi ldog pa'i dbang spyin pa'i don du khams gsum pa'i chos kyi rgyal srid la rab tu bzhag par byed pa/ mi byed pa rdo rje 'chang chen po'i rang bzhin dbang bskur khyod la spyin na de nas khyod kyis ji lta pa bzhin du nan tan bya'o zhes bstan to/ /de la zhes bya ba nas bla ma dbang sbyin par bya'o zhes pa'i bar du ni ji ltar bcom ldan
- 183a
'das rdo rje 'chang chen pos mi bskyod pa la sogs pa la dbang bskur ba de bzhin du shin tu bsgral? bar dka' ba'i 'khor ba'i rgya mtsho las bsgral pa'i don du bcom ldan 'das rdo rje bla ma de bzhin du bdag la yang stsol zhes rdo rje slob mas bla ma la gsol ba gdab par bya ba dang de bzhin du de dang 'dra ba'i zhu bas mgu ba'i rdo rje slob dpon gyis /phyir mi ldog pa'i dbang de la spyin par bya'o zhes bstan to/ /lha'i gzugs zhes bya pa nas dgong par bya'o zhes pa'i bar du ni phyir mi ldog pa'i dbang bskur gyi mthar nam mkha' i khams na bzhugs pa'i de bzhin gshegs pa la sogs pa gang gis slob ma dbang bskur ba de rnams gcig tu bsdus te 'od zer gyi tshogs kyi tshul du tshangs pa'i sgo nas 'jug cing sku'i dkyil 'khor khyab nas gnas pa bsgoms la/ de'i snying ka'i pad+mar lhag par mos pa'i dbang gis yi dam gyi lha dgod par bya'o zhes bstan to/ /de ltar zhes bya ba nas zhes kyang gsung zhes pa'i bar du ni snang bar gyur pa'i shes rab dang ldan pa'i slob ma dkyil 'khor gyi de kho na nyid dang / lha'i de kho na nyid dang/ le'u lnga pa las gsungs pa'i dam tshig lnga sbyin par bya'o zhes bstan to/ /sngags kyi zhes bya ba nas lha'i rnal 'byor byin la zhes pa'i bar du ni slob mas zhus pa'i bla mas de'i mos pa spyod cing dris la de dang rjes su mthun pa'i sngags dang de'i brjod par bya bar 'gyur ba'i ting nge 'dzin la sbyin par bya'o/ zhes bstan to/ /gsang ba zhes bya ba nas rnyed par mi dka' o zhes pa'i bar du ni mchod pa sngon du 'go bar gsol ba gdab ste/ slong mas bla ma la phyag rgya dbul bar bya ba dang/ des kyang snyoms par zhugs pa'i rim gyis sangs rgyas thams cad bkug la/ dag gi lam nas zhugs te snang ba la sogs ba'i rim gyis de kho na nyid myong zhing phyag rgya'i
- 183b
pad+mar byang chub kyi sems spros zhing de las sa la ma lhung ba dung por gyis blangs la lhag ma bdud rtsi bzhi dang spyar te yi ge gsum gyis spyang ba la sogs pa byas nas de bzhin gshegs pa thams cad bsdus pa'i blos kye ma'o bde ba chen po zhes tshig brjod? ba'i slob ma spyod du gzhug go zhes bstan to/ /rnyed par mi dka' ba ni rdo rje sems dpa' i go 'phangs rnyed par dka' ba ma yin te de'i dus nas brtsams te zhes bya ba nas 'byung bas so/ /de ltar zhes bya ba nas bar du'o zhes bya ba'i bar du ni rig pa'i dbang bskur ba'i 'og tu slob ma la lha'i de kho na nyid bstan par bya ste/ de la sogs pa khams bzhi'i rang bzhin gyi spyan ma la sogs pa dkyil 'khor du snangba yin pa de rnams 'dod chags kyi rigs can gyi sems can rjes su gzung ba'i don du rnam par snang mdzad la sogs pa yongs su gyur pa las byung ba min gyi zhi ba la sogs pa'i las kyi tshogs bzhi sgrub par byed pa'i phyir yin par bstan te/ de kho na nyid la skyes pa dang bud med kyi dbye ba ni med de tha dad pa med pa'i phyir ro/ /de yang nye bar mtshon pa tsam yin te gzhan yang zhi ba dang drag po dang bar ma'i gzugs can gyi de bzhin gshegs pa dang byang chub sems dpa' dang lha mo dang khro bo rnams ni de de dang rnam par dag pa dang ldan pa rtog par bya'o/ /de las zhes bya ba nas mnyes par 'gyur ro zhes pa'i bar du ni mchod pa'i dus dang sbyin sreg gi dus su rdo rje 'chang chen po la sogs pa'i rnal 'byor pa rnams kyis kha na ma tho ba med pa glang po la sogs pa sha spyod ba la sogs pa'i rim gyis sbyang bas dkyil 'khor pa rnams chim pa dang dam tshig gi me lha'i zhal nas ye shes kyi me lha tshim pa dang/ de tshim pas mgu bar gyur pa de bzhin gshegs pa rnams kyis sgrub pa po la dngos grub stsol bar 'gyur ro zhes bstan to/ /nyin re zhes bya ba nas zhes bya bar dgongs so zhes bya ba'i bar du ni gsang ba'i
- 184a
dbang bskur thams cad kyi mthar ram/ phyi dang nang dang gsang ba'i mchod pas tshogs kyi 'khor lo bya'o zhes bstan to/ /de yang le'u dang po nas rgyas par bstan pas 'drir ma bshad do/ /bdud rtsi? lnga zhes bya ba nas bka' ? stsal to/ zhes pa'i bar du ni bdud rtsi lnga'i spyod pa'i dus su de nyid sbyang ba la sogs pa'i rim pas spyangs nas 'bar bar 'gyur ro/ /de'i mthus kyang las dang po rnams kyis smod pa'i sems bzlog nas rtog pa med pa'i sems kyis spyod pa la stsol par 'gyur ro zhes bstan to/ /rdzogs pa'i rim pa la gnas pa'i rang bzhin gyis dag ba'i chos thams cad yongs su shes pas smod pa'i sems mi 'byung ste/ chos thams cad rang bzhin gyis dag pas kyang rang bzhin gyi dag pa'o zhas bshad pa'i phyir ro/ /de yang rigs pa dang lus ngag gis sngar bshad zin to/ /'di ltar zhes bya ba nas go sla'o/ /zhes pa'i bar du ni sngags kyis lam gyis zhi ba dang rgyas pa dang dbang dang dgug pa dang rnam par sdang ba dang/ gnas spong ba dang rengs ba zhes bya ba 'jig rten pa'i dngos grub brgyad dang/ 'khor lo dang rdo rje dang rin chen dang pad+ma dang ral gri dang ril bu dang mig sman dang rkang mgyogs la sogs pa dngos grub chen po brgyad dang 'jig rten las 'das pa'i phyag rgya chen po'i dngos grub kyang 'grub par 'gyur ro zhes bstan to/ /pha rol phyin pa'i tshul gyis ni/ shin tu 'bad pas bsgrub par bya'o zhes bya ba ni pha rol phyin pa'i rnal 'byor pas mthong ba dang bsgom pa'i lam gyi rim gyis bskal pa grangs med pa gsum gyis byang chub thob par 'gyur ro/ /'dir ni 'bad rtsol med pas so/ /bshad gcis shes bya ba nas de skad ces gsungs te zhes bya ba'i bar du ni ma ra we sho mu dang ku go da ha na cha mnyams par byas nas btags te thod pa kha sbyar
- 184b
du bzhag nas yi ge dgu pa'i sngags kyis byin gyis brlabs nas sbyang ba la sogs pa'i rim gyis sbyangs la chos brgyad pa 'am/ bcu bzhi pa'i gang yang rung ba'i zhag la yungs kar? gyi 'chu? 'tshad? tsam gyi ril bu gsum brgya drug cu? bring? mi la? bskam par byas nas/ nyin re ril bu gcig gcig khar bcug nas sgom par byed na de'i tshe rig pa 'dzin pa dang 'dra bar 'gyur ro zhes bstan to/ /de la zhes bya ba nas bka' bsgo ba'i tshig go zhes pa'i bar du ni rnam par snang mdzad la sogs pa'i rnal 'byor pa rnams kyis kha dog dmar po'i 'od zer lnga'i tshogs dang bcas pa'i yi ge h+ri nam mkha' la bsams te/ nam mkha' i khams de yang thugs rdo rje la sogs pa de bzhin gshegs pa rnams lha mo dang byang chub sems dpa' dang khro bo rnams kyi yongs su gang bar bsgoms la/ de rnams kyi sku gsung thugs kyi sa bon a khaM d+hi zhes bya ba yi ge h+ri la zhugs te de yongs su gyur pa las gnod mdzes rgyal po la sogs pa gang yang rung pa'i khro bo bsams la/ de la oM zhes bya ba'i sngags kyis bka' sbyin te/ de song zhing log nas sgrub pa po la 'jig rten dang 'jig rten las 'das pa'i dngos grub stsol bar 'gyur ro zhes bstan pa dang/ de bzhin du rnam par snang mdzad kyi rnal 'byor pas zla ba dang nyi ma la gnas pa'i gshin rje mthar byed dang/ 'od dpag tu med pa'i rnal 'byor pas pad+ma dang nyi ma la gnas pa'i rta mgrin dang mi bskyod pa'i rnal 'byor pas pad+ma dang nyi ma la gnas pa'i gnod mdzes kyi rgyal po 'am gzhan gyi mi thub pa'i bka' nyan pa sgrub par bya'o zhes bstan to/ /de ltar bdag po zhes bya ba nas gsungs so zhes pa'i bar du ni rigs kyi dbye bas 'dod pa'i rgyal po la sogs pa khro bo drug lag na lcags kyu la sogs pa thogs pa bsgrub par bya'o
- 185a
zhes bstan to/ /lcags kyu dbyig pa rtse gsum dang/ /ral gri grwa ru dgod par bya/ /'dod pa dbyig pa mi g.yo stobs/ /gnod mdzes gtsug tor steng 'og go /zhes gsungs pa'i phyir ro/ /des ni khro bcu'i bka' nyan bsgrub par bya'o zhes bstan to/ /'og na de bzhin gshegs pa dang lha mo dang byang chub sems dpa' i bka' nyan ci'i phyir ma gsungs zhes nas/ smras pa / 'dir dngos grub 'dod pa'i sgrub pa pos lo skor gcig gam zla ba drug gam bzhi'am/ gsum mam gcig gam zla phyed kyis rtsom pas kyang dngos grub thob bar mi 'gyur na/ de'i tshe zhag bdun gyis dngos grub thob pa'i phyir khro bo'i gzugs can bka' nyan kho na sgrub par byed / de'i tshe de'i mthus /bzang dang/ sbyin pa dang/ dbye ba dang/ 'chang ba zhes bya ba'i thabs bzhi pos de bzhin gshegs pa rnams la brten te/ stobs kyis dngos grub thob par 'gyur ro/ /de yang le'u bcu pa nas rgyas par bshad pas 'dir ma bstan to/ /don ni bshad zin to /zhes pa ni le'u bcu gnyis pa nas drang ba nas nges pa'i don gyi dbye bas bshad do/ /'dir zhes pa ni gnas la'o/ /sangs rgyas ni rdo rje 'chang nyid do/ /bsgrub par brtsams pa nyid do/ /zhes ba ni 'chad par 'gyur bsgrub par bya'o zhes tshig lhag ma ste/ bka' nyan bskul ba zhes bya ba'i tha tshig go /ri rab ces bya ba nas rdo rje 'chang chen po'o zhes pa'i bar du ni bka' nyan sgrub pa po'i grangs med cing tshad med pa bran dang bran mo dang pho nya dang pho nya mo dang bka' nyan dang bka' nyan mo la sogs pa 'khor rnams dbang du 'gyur ba dang/ de bzhin du grangs med cing tshad med pa bcom ldan 'das sangs rgyas kyis bzhugs par gyur pa'i zhing gang yin pa de rnams skad cig tsam gyi phyir nas log pa dang / de bzhin du mngon par dga' la sogs pa'i sangs rgyas kyi zhing la bzhugs pa'i de bzhin gshegS
- 185b
pa'i drung du phyin nas de'i man ngag thos ba'i nus pas thar bden pa gnyis dbyer med pa'i rdo rje 'chang chen po'i go 'phang thob par 'gyur ro/ /de la 'di ni zhes bya ba nas byin gyis brlab par bya'o zhes pa'i bar du ni 'jig rten pa'i gnod sbyin la sogs pa'i bka' nyan dang 'jig rten las 'das pa'i gshin rje mthar byed la sogs pa'i bka' nyan de dag thams cad sngags kyi rgyal po yi ge gsum gyis bskul bar bya'o/ /las de la nges par bya'o zhes bstan to/ /de yang le'u bcu pa nas gsungs so/ /de la zhe bya ba nas skabs zhes pa'i bar du ni bka' nyan bskul pa mdor bstan pa bshad do/ /de yang shes bya ba nas nges par sbyor ba'o zhes pa'i bar du ni bzang ba dang/ sbyin pa dang dbye ba dang 'chang ba'i dbye bas bka' nyan la bskul ba bstan to/ / de nyid bstan pa'i rdo rje 'chang chen po'i bka' zhes smos te/ rdo rje 'chang chen po'i gzugs can gyi sgrub pa po'i bka' 'o/ /gsol pa btab pa'o zhes pa ni bdag po'i bka' nyan nas de bzhin gshegs pa'i spyan sngar phyin te/ mchod pa sngon du 'gro ba'i tshig snyan pa'i zhu bas de rnams mnyes par byas nas / sgrub pa po la dngos grub stsol ba'i don du bka' nyan gyis gsol ba gdab bar bya'o zhes pa'i bar du'o/ /nges na bzang po zhes bya ba thabs dang po bstan to/ /dam tshig stong pa zhes bya bas sbyin pa zhes bya ba thabs gnyis pa bstan par bya ste/ dam tshig de nyid gyis zhes pa na rdo rje 'chang gis bka' bsgo ba'i bka' nyan gyis so/ /bya ba rnams la sbyar nas shes pa ni me tog rdo rje ma la sogs pa'i phyi'i mchod pa dang bdud rtsi dang lcags kyu la sogs pa nang gi mchod pa dang snyoms par zhugs pa'i mtshan nyid gyis gsang ba'i mchod bas mnyes par bya'o zhes sbyin pa zhes bya ba'i thabs gnyis pa bstan to/ /dam tshig ni sgrub par bya ba'i don to zhes pa ni phyag rgya chen po'i dngos
- 186a
grub kyi don ces bya ba'i don to/ /de las bod cing ming dang sbyar nas shes pa ni bka' nyan song nas de bzhin gshegs pa'i drung du phyin nas bsam gtan la chags pa'i thugs dang ldan pa'i de rnams kyi rdo rje tha bas thuD la brdeg cing che ge mo zhes bya ba sgrub pa po khyed rnams kyi bstan pa la dga' ba zhes bya ba'i zhu bas rab tu gsad la slar yang bzlog nas sgrub pa po la dbul bar dbyung bar bya ba'i/ /de ni dbye bas zhes bya ba'i thabs bstan pa yin no/ /dam tshig tu byed pa'o zhes bya ba ni rdo rje 'chang chen po'i go 'phang thob pa'i mtshan nyid de 'gro ba'i don la byed pa'i phyir ro/ /de la 'chi zhing nges par sbyar ba zhes pa thabs gsum gyis kyang ma grub na bka' nyan gyi lcags kyu dang zhags pas rlung gi dkyil 'khor gyi sbyar bas bkug la phyag rgya'i pad+ma la gnas pa'i gru gsum gyi mes bsreg cing/ de'i rnam par shes pa yang de bzhin gshegs pa'i gzugs su bskyed la rang rang gi bdag nyid la 'jug cing ro gcig par bya'o zhes pa 'dis chad pa zhes thabs bzhi pa bstan pa yin no/ /thabs bzhi po de rnams kyi zhag bdun gyi rnal 'byor pas dngos grub thob par 'gyur ro zhes bstan to/ /de ltar zhes bya ba nas bka' stsal par zhes bya ba'i bar du ni bsgrub pa po bskul pa'i bka' nyan gyis nam mkha' i khams gzugs med pa yang gzugs dang ldan par byed do zhes bya bas phul du phyung ba'i tshig gis ma bsgrub pa yang grub pa nyid du bstan to/ /de ni zhes bya ba nas bshad pa ni yin no zhes bya ba'i bar du ni/ re zhig dang po'i rnal 'byor pas stong pa nyid la ting nge 'dzin mngon du byas pa sngon du 'gro ba sna tshogs pad+ma dang nyi ma'i dkyil 'khor gyi steng du yi ge maM las bskyed pa'i yig 'bru dang bcas pa'i ral gri yongs su gyur pa las bcom ldan 'das 'jam pa'i rdo rje zhal gsum pa
- 186b
phyag drug pa kha dog dmar po dang dkar po dang nag po'i zhal gsum mnga' ba/ rtsa ba'i phyag gnyis kyi yi ge gsum yongs su gyur pa las bskyed pa'i gzhu dang mda' lnga 'dzin po de gzhu'i chang zungs ni yi ge hUM las byung pa dang/ mchog ma gnyis pa yang ye ge oM dang a:las byung ba gzhu rgyud kyang de bzhin du bsgoms te mnga' rnams kyang mde'u? oM las bskyed pa dang gnug ma dang ltong / A:dang hUM gis bskyed par bsams la/ bdag nyid kyang rdo rje skyil krung la gnas par bltas nas nyi ma'i dkyil 'khor dang me'i dkyil 'khor gyi steng du/ rgyas pa la sogs pa'i bsgrub bya mdun du bzhag nas de'i snying ga dang spyi bo dang/ lte ba dang/ gsang ba dang rkang pa gnyis la mda' de rnams gcig car du 'phangs par bsgoms te/ de rnams kyis mi g.yo ba rgyal bar 'gyur bskyabs med pa sgrub pa po la zhal bltas pa de'i zhabs la lhung bar bsam par bya'o/ /de'i tshe rgyas pa la sogs pa bdag nyid dang nor gyis dbang du 'gyur ro zhes bstan to/ /smyo byed myos byed pa dang rmongs byed dang/ gdung byed pa dang/ skye ma byed zhes bya'i mda'/ 'dod pa'i lha yi mtshon cha dam pa ni/ don dang ldan pa'i lnga po mngon par 'dod ces 'byung ngo/ /de la mda' dang pos sgrub bya'i dbang po smyo bar byed pas nas smyo byed ces bya'o/ /de nas de'i dbang po thams cad dga' bar byed pas na myos par byed pa ni gnyis pa'o /de dag rnam par shes pa'i dran pa med par rang gis byed pa de ni rmongs par byed pa ste gsum pa'o/ /dbang po dang yul dang rnam par shes pa nyams par gang gis shing bzhin du sa la lhung par byed pa de ni brgyal bar byed pa'i grags pa can te bzhi pa'o/ /ro bzhin du yan lag dang nyid lag skul bar byed pa de ni mi g.yo bar byed pa de skem byed pa ni lnga pa'o/ /mnga' lnga po de dag gzhu las cig car du 'phang bar bya'o zhes kha cig zer ro//
- 187a
gzhan dag na re rim gyis 'phang bar bya'o zhes zer ro/ /de ni 'jam pa'i rdo rje bsgoms pa'i sgo nas rdo rje yan lag med pa'i ting nge 'dzin rab tu bstan to/ /gdul ba'i don gyi zhes bya ba nas sgrub pa pos mthong bar 'gyur ba'o zhes pa'i bar du ni yi ge hUM yongs su gyur pa las sangs rgyas kyi dkyil 'khor nam mkha' i bar snang la bsgoms te/ bsgrub bar dka' ba'i bsgrub bya rnams kyi mig 'bras la yi ge oM dgod cing khyed rnams kyi nam mkha' mthong zhig ces bskul bas de rnams kyis mngon sum du sangs rgyas kyi 'khor lo mthong bar 'gyur ro/ /de ltar gyur ni de rnams gdul bar 'gyur ro zhes bstan to/ /dkyil 'khor la 'jug pa'i dus su ting nge 'dzin 'di yin nam yang na mi 'khrul gyi sbyor ba yin no/ /bkres skom zhes bya ba nas / rdo rje 'chang chen po'i zhes bya ba'i bar du ni rin chen 'byung ldan gyi ting nge 'dzin la gnas pa'i rnal 'byor pa'i ting nge 'dzin las du ban bkres skom bzlog pas tshe dang nang med pa dang lang tsho dang ldan par 'gyur ro zhes bstan to/ /de nas zhes bya ba nas de la de skad ces bya'o zhes pa'i bar du ni re zhig dang po rnal 'byor pas nam mkha' i khams su yi ge d+hi bsgoms la/ de yongs su gyur pa las kha dog ser po rdo rje bsgoms la de las spro pa dang bsdu ba'i rim gyis bcom ldan 'das kha dog ser po zhal gsum pa la sogs pa lta bu sna tshogs pad+ma dang zla ba'i gdan la bzhugs bzhi ba dang sgeg pa'i nyams dang ldan par bdag gis bsgoms te/ rang gi ba spu'i bu ga'i khod stong nas 'byung ba'i 'od zer ser po la sogs pa tshogs kyis 'gro ba tshim zhing rgyas par byas nas gnas par bya'o zhes bya ba'i ting nge 'dzin 'dis zhi ba la sogs pa'i las kyi tshogs 'grub par 'gyur ro zhes bstan to/ /de nas zhes bya ba nas de ni de skad ces
- 187b
bya'o zhes pa'i bar du ni re zhig dang po stong pa nyid kyi de kho na nyid la dmiD pa sngon du 'gro bas sna tshogs pad+ma dang nyi ma'i dkyil 'khor la yi ge hUM bkod pa las bskyed pa'i rdo rje bsgoms la /de yongs su gyur pa las bdag nyid zhal gsum phyag drug brgyan thaM cad kyis brgyan pa / kha dog ser bo sems dpa' gsum gyi bdag nyid can de'i bdag nyid kyi dkyil 'khor ma lus pa'i yongs su bskor ba/ bcom ldan 'das ma skul byed ma'i gzugs bsgoms te/ 'od zer gyis tshogs spro bas gdug pa thams cad 'joms shing rang gi ting nge 'dzin la gnas par bya'o zhes bstan to/ /de nas shes bya ba nas de la de skad ces bya'o zhes par du ni re zhig dang po'i rnal 'byor pas stong pa nyid la dmigs pa sngon du 'gro bas sna tshogs pad+ma dang zla pa'i dkyil 'khor gyi steng du kha dog ser po'i dzaM bkod nas de las 'od zer spro ba dang bsdu ba'i rim gyis sangs rgyas thams cad ki tshogs 'jug la/ de yongs su gyur pa las bcom ldan 'das zhal gsum pa phyag drug pa kha dog ser po phyag g.yas pa nam du lung ga dang lcags kyu dang mda''dzin pa/ g.yon pa na zhags pa dang ne le'i gter dang gzhu 'dzin pa/ de'i gzugs dang 'dra ba bcom ldan 'das ma nor rgyun ma dang snyoms par zhugs pa/ sems dpa' gsum gyi bdag nyid can mgo bo la sogs pa la sangs rgyas lnga'i yig 'bru oM la sogs pa lnga yongs su gyur pa las de bzhin gshegs pa lngas rgyan pa/ bdag nyid 'phags pa dziM b+ha lar bsgoms nas rang gi snying gnas de 'dra ba sprul zhing de'i mdun du pad+ma dang zla ba la gnas pa'i spyi bor bcom ldan 'das rdo rje sems dpa' phyag rgyu ma dang snyoms par zhugs par bsams te/ de'i snyoms par zhugs pa las byung ba'i byang chub kyi sems kyi chu rgyun oM dzaM? b+ha la dza len+d+ra ye swA bA zhes pa'i sngags kyi tshangs pa'i sgo nas bdud rtsi'i rgyun sbyin par bya'o/ /de'i tshe nor dang 'bru la sogs
- 188a
pa 'phel bar 'gyur ro/ zhes bstan to/ /de nas zhes bya ba nas de la de skad ces bya'o zhes pa'i bar du ni re zhig dang po rnal 'byor pas stong pa nyid la dmigs pa sngon du 'gro bas bdag nyid 'jam pa'i rdo rje gzhon nu'i dbyibs can bsgoms la/ mdun tu nam mkha' rnam pa sna tshogs kyi rin po che'i gzhal yas khang pa rnam pa sna tshogs kyi kun dga' rabs bskor ba dpag bsam gyi shing la sogs pa'i me tog gi dri phyogs bcu'i 'jig rten gyi khams khyab pa/ de'i nang du rin po che ma ra ga ti'i gdan gyi steng du yi ge k+SheM yongs su gyur pa las gnod sbyin mo'i tshogs sgoms la/ thams cad yongs su gyur pa las gnod sbyin mo gcig lo bcu drug lon pa nu ma dang smad rgyas pas mdzes pa kha dog sngon po skra phyed bkrol ba chagS pa chen po'i mes yan lag thams cad gdung ba lag pa gcig gis gdan mnan pa dang/ gnyis pas utpal sngon po rtse gcig pa'i don du bsnams pa bsams te / de'i snying gar pad+ma'i lte bar yi ge k+SheM bkod nas/ de bzhin gshegS pa lnga'i sa bon gyi byin gyis brlabs pa / spyi bor sna tshogs rdo rje'i steng du smin ma sdud pa'i 'jigs pa'i 'phags pa bdud rtsi 'khyil pa bkod cing des mnan pa sdigs mdzub byed pa bsgoms te / de dang lhan cig snyoms par zhugs pa'i rim gyis mchod par bya'o/ /de ltar byas nas gnod sbyin mo rnams dbang du 'gyur zhes bstan to/ /dngos grub ces bya ba nas / gnas pa'o zhes bya ba'i bar du ni 'jig rten pa'i mkha' 'gro ma la bsgrub pa bstan to/ /de rnams ni 'jig rten pa'i mkha' 'gro ma lus kyi mig 'phrul dang ldan pa yin te/ gzugs sna tshogs len pas zhes pa ni phyugs dang ri dwags dang bya dang sbrul gyi gzugs bstan pas so/ /sgra sna tshogs kyis zhes pa ni gsal ba dang mi gsal ba'i tshig gi bye brag gi
- 188b
rgyun gyis so/ /ji ltar mngon par 'dod pa'i don thob pas zhes pa ni 'dod pa'i yon tan lnga lha dang mi'i 'brel ba can 'dod pa tsam gyis thob pas so/ /de rnams kyi gzugs 'dzin pa ni de dang 'dra ba'o/ zhes pa'i ni rdo rje mkha' 'gro ma dang 'dra pa'i gzugs yin gyis mthu ni mi 'dra ba'o/ /nye bar mtshon pa'i mtshan nyid kyis zhes pa ni rigs kyi dbye bas kha dog lnga'o/ /rang gi ngo bo yongs su 'gyur ba zhes pa ni gzugs bstan pa dang/ 'bar ba dang snang ba dang 'od spro ba la sogs pa dang/ cho 'phrul ston bar byed pa de ltar gyur pa bsgrub par bya'o/ /'dir bsdus pa'i don ni 'di yin te mi bskyod pa'i rnal 'byor dang ldan pa sngar bshad pa'i gzhal yas khang pa'i nang du kha dog nag po'i gnod sbyin mo bskyed la /de'i spyi bor gnod mdzes kyi rgyal po bkod nas bsgrub par bya'o/ /de bzhin du rnam par snang mdzad dang rin chen 'byung ldan dang dpag tu med pa dang don yod grub pa'i rnal 'byor pa rnams kyis/ snga ma bzhin du gzhal yas khang pa'i nang na dkar po dang ser po dang dmar po dang ljang khu'i gnod sbyin mo rab tu bskyed nas / de rnams kyi spyi bor gshin rje mthar byed dang shes rab mthar byed dang pad+ma mthar byed dang bgegs mthar byed bkod nas snyoms par zhugs pa'i rim pas bsgrub par bya'o/ /de'i tshe 'bras bu ji lta bu yin zhe na smras pa/ rdo rje mkha' 'gro zhes bya ba nas 'gyur ro zhes bya ba'i bar du ni rdo rje mkha' 'gro ma dpal sangs rgyas thams cad mnyam par sbyor ba'i rgyud las gsungs pa'i gau ri la sogs pa'am / 'dir gsungs pa'i spyan ma la sogs pa'i gang yin pa de rnams sngar bshad pa'i cho gas bskyed la snyoms par zhugs pa'i rim pas spyod cing rdo rje 'chang dang 'dra bar 'gyur ro zhes bstan to/ gnod sbyin zhes bya ba nas khyad par zhes pa'i bar du ni zla ba'i 'od la sogs pa 'jig rten pa'i gnod sbyin mo bsgrubs nas
- 189a
gling thams cad kyi bdag po 'am/ 'dod pa'i khams kyi bdag po'am/ rig pa 'dzin pa'i bdag por 'gyur ro zhes bstan to/ /de la zhes bya ba nas rdo rje 'di skad ces bka' stsal to/ zhes pa'i bar du ni 'jig rten pa'i mkha' 'gro ma dang 'jig rten las 'das pa gang yin pa de rnams thams cad gtsug tor 'khor los sgyur ba la sogs pa'i rnal 'byor pas bsgrub la sangs rgyas nyid dang rdo rje 'chang nyid bsgrub par bya ste /lhan cig spyod pa'i phyir dang tha mal pa ma yin pa'i gzugs 'dzin pa'i phyir zhes bstan to/ /de ltar zhes bya ba nas snyoms par 'jug par bya'o zhes pa'i bar du ni spros pa med pa'i spyod pa dang ldan pa sku gsung thugs kyi rdo rje'i rnal 'byor pa rnams kyis/ rang gi shing la sogs pa la byas pa'i gdong dang phyag dang phyag mtshan la sogs pa byas la de dang 'dra ba yang kha dog sbyar te / bcu gnyis pa dang bcu drug pa dang/ lo nyi shu pa sme sha can dang gar mkhan dang khrus mkhan gyi bu mo legs par brlabs pa dam tshig gi phyag rgya spyan la sogs pa'i gzugs su sbyar ba blangs te dus bzhir yul nas yul du 'gro zhing snyoms par zhugs par byas te/ ji srid de dang lhan cig phyag rgya chen po'i dngos grub thob pa de srid gnas par bya'o/ /sdong bu zhes bya ba nas sngags po yin no zhes bya ba'i bar du ni phyag rgya dang lhan cig spyod pa'i rnal 'byor pas dman pa'i 'tsho ba spangs te ji snyed pa'i kha zas tsam g yis lus 'tsho bar bya'o zhes bstan to/ /chos dbyings mngon par byang chub pa/ ji snyed pa'i sbyor ba yin zhes bstan pa'i phyir ro/ /de rnams kyi le'u dgu pa nas gsungs pa'i dam tshig lnga spyad par bya'o zhes bstan to/ /bsam gtan zhes bya ba nas sgra ji bzhin pa'o zhes pa'i bar du ni shin tu spros pa med pa'i spyod pa dang ldan pa'i rnal
- 189b
'byor bas ye shes kyi phyag rgya rang gi snang ba'i bar bzhin snying ga nas spros te/ de dang lhan cig bde ba chen po myong zhing nags kyi lha mos byin pa'i kha zas spyod pa'am bsam gtan gyi kha zas can gyis ji srid dngos grub thob pa de srid goms par bya'o zhes bstan to/ /sgra ji bzhin pa'o zhes pa ni spyod pa gnyis bstan pa ste / spyod pa ji lta ji ltar gsungs zhe bston pas so/ /rdo rje zhes bya ba nas dgongs pas bshad pa'o zhes pa'i bar du phyag rgya dang lhan cig snyoms par zhugs te tha mal pa'i lus po spangs nas rdo rje sku zhes bya ba rdo rje 'chang chen po'i go 'phang thob pa'i 'bras bu bstan to/ /dgong pas bshad pa'o zhes pa ni 'jig pa la sogs pa'i 'gal ba'i sgra'i sgo nas de kho na nyid bstan pas so/ /sngar bshad pa'i lhan cig spyod ma rdo rje sa 'og gi rgyud las gsungs pa'i dbang dang dgug pa la sogs ba'i cho gas dgug cing bsgrub par bya'o zhes bstan pa'i phyir/ /lha mo zhes bya ba la sogs pa smos te/ lha dang gnod sbyin dang dri za la sogs pa'i bu mo rdo rje 'jigs byed dang 'byung bo 'dul ba'i rgyud las gsungs pa'i rim pas bsgrub par bya ba dang/ lha ma yin gyi bu mo dang klu'i bu mo rdo rje sa 'og gi rgyud las gsungs pa'i rim pas bsgrub par bya'o zhes bstan to/ /rnal 'byor pa rnams te zhes pa ni sngon gyi sangs rgyas so/ /des sten pa ni de rnams kyi spyod pa'o/ /rig pa'i brtul zhugs zhes pa ni dam tshig gi phyag rgya dang lhan cig spyod pa'i mtshan nyid do/ /thun mong gi cho ga'o zhes pa ni rnam par snang mdzad la sogs pa'i rnal 'byor pa la thun mong dang/ /sgrub pa po thams cad kyi zhes pa ni rim pa gnyis kyi rnal 'byor pa rnams kyi'o/ /shin tu gsang pa zhes bya ba ni bya ba'i rgyud la sogs pa la brten pa la sbar bar bya'o/ /don chen po thob par byed pa zhes pa ni thams cad kyis phul du byung ba'i 'bras bu thob par byed pa'o//
- 190a
sku rdo rje la sogs pa zhes pa ni lus la sogs pa'i rnam par dag pa'i ngo bo rnam par snang mdzad spyan ma la sogs pa'i rgyus so/ /rdo rje sku la sogs pa skyed par byed pa ni bden pa gnyis kyi bdag nyid kyi rdo rje 'chang chen po'i go 'phang la 'jug par byed pa'o/ /de nyid bstan pa'i phyir/ don dam pa'i bden pa gnyis zhes smos te/ mngon par byang chub pa'i rim pas thob par byed pa'i 'od gsal ba'o/ /thob pas te zhes pa ni sems rnam par dag pa la sogs pa'i rim pas kho na nyid rtogs pa'o/ /de yongs su mkhyen pas shes pa ni de'i mngon du mdzad pas so/ /de la sems rnam par dag pa'i rim pas rang bzhin dang snang ba kun rdzob pa yongs su spangs nas 'od gsal ba'i mtshan nyid can gyi don dam pa'i bden pa mngon du mdzad pa dang/ /bdag la byin gyis brlabs pa'i rim pas chad pa'i phyogs yongs su spong ba'i phyir ro/ /ye shes kyi sku yongs su bzung bas kun rdzob kyi bden pa'i dbye bas mngon du mdzad pas dang/ mngon par byang chub kyi rim pas kyang de yongs su sbyar nas de kho na nyid bzhi pa don dam pa'i bden pa mngon du mdzad pa dang / rtag pa dang chad pa la sos pa dang bral ba'i zung du 'jug pa'i rim pa bden pa gnyis dbyer med pas mngon du mdzad pa'o zhes dgongs pa'o/ /bcom ldan 'das rdo rje 'chang gis ni de dag thams cad mngon par rtogs par mdzad do/ /rdo rje la sogs ba zhes pa ni rnam par snang mdzad la sogs pa'i nang na gtso bor gyur pas na bdag por gyur pas so/ /don dam pa'i dkyil 'khor dang zhes pa ni gzugs la sogs pa'i phung po dang khams dang skye mched rnams 'od gsal ba la 'jug pa'i mtshan nyid don dam pa'i dkyil 'khor te snying po len pas so/ /de ni rim pa gnyis pa la yang med de/ dang po sbyor ba'i yan lag tu gyur pa
- 190b
rnal 'byor gyi phyogs gcig yin ba'i phyir dang/ sems rnam par dag pa mngon par byang chub pa'i rim pas thob pa'i phyir ro/ /bskyed pa'i rim pa la sku nyid kyi dkyil 'khor te lha sum cu rtsa gnyis dgod pa'i bdag nyid yin pa'i phyir ro/ /rjes su rnal 'byor dang shin tu rnal 'byor dang rnal 'byor chen pos de rdzogs pas na dang po sbyor ba'i ting nge 'dzin to/ /dkyil 'khor rgyal ba mchog la phyag rgya 'dus byas pa ston du 'gro bas phar la tu lha sum cu rtsa gnyis spro ba ni phyung ba'i dkyil 'khor te /des 'khro ba'i don byed pa'i phyir te dkyil 'khor rgyal ba mchog gi ting nge 'dzin to/ /gal te de lta yin na 'dus pa phyi ma'i rgyud kyi tshang mas ji ltar 'gal ba ma yin zhe na/ de la byang chub sems ni dkyil 'khor te/ /b+ha ga'i dkyil 'khor nyid dang ni sku'i dkyil 'khor zhes bya ba/ dkyil 'khor gsum ni brtags pa yin / zhes mi 'gal te/ de'i rnam grangs yin pa'i phyir ro/ /de la byang chub kyi sems ni don dam pa'i dkyil 'khor yin te/ stong nyid snying rje dbyer med pa'i/ /byang chub sems su de bshad do/ zhes de nyid las gsungs pa'i phyir/ /'on kyang byang chub kyi sems la cha gnyis te/ rdzas kyi cha dang bde ba chen po'i cha'o/ /de'ang bde ba chen po'i cha la brten nas byang chub nyid ni don dam pa'i dkyil 'khor zhes bya'o/ /sku'i dkyil 'khor ni 'dra ba nyid do/ / b+ha ga'i dkyil 'khor ni phyung? ba'i dkyil 'khor nyid yin te / b+ha ga las phyung dkyil 'khor 'byung bas so/ /rgyu dang 'bras bu dbyer med pas 'di skad bstan te / nye bar brtags pas so/ /gzhan dag na re sku'i dkyil 'khor ni sum cu rtsa gnyis kyi bdag nyid do/ /gsung gi dkyil 'khor ni dbyangs dang gsal bya'i bdag nyid can gyis yi ge phyi mo zhes zer/ /a A ni rnam par snang mdzad dang spyan ma'o/ /i a'i ni rin chen 'byung ldan dang mA ma kI'o/ /
- 191a
o aau ni 'od dpag tu med pa dang gos dkar mo'i/ /ri rI ni don yod grub pa dang sgrol ma'o/ /li lIi ni mi bskyod pa dang reg bya rdo rje ma'o/ /i a'i u u ni gshin rje mthar byed la sogs pa khro bo bzhi'o/ /ka kha ga g+ha nga ni lha mo bzhis bskor ba'i rnam bar snang mdzad do/ /tsa tsha dza dzha nya ni lha mo bzhis yongs su bskor ba'i rin chen 'byung ldan no/ /Ta Tha Da Dha Na ni lha mo bzhis yongs su bskor ba'i 'od dpag tu med pa'o/ /ta tha da d+ha na ni lha mo bzhis yongs su bskor pa'i don yod thub pa'o/ pa pha ba b+ha ma zhes pa ni lha mo bzhis yongs su bskor ba'i mi bskyod pa'o/ de dag lnga lnga'i bdag nyid ni dkyil 'khor lnga'o/ /ya ra la wa sha ? ha aM a:zhes bya ba ni khro bo bcu ste gsung gi dkyil 'khor ro/ /de bzhin du 'dod chags dang zhe sdang dang/ gti mug dang/ nga rgyal dang/ phrag dog rnam par dag pa'i rang bzhin ni 'od dpag tu med pa la sogs pa'o/ /bdag tu blta ba dang/ bdag tu rmongs pa dang/ bdag tu nga rgyal ba dang/ bdag tu chags pa rnam par dag pas spyan ma la sogs pa'o/ /kun gzhi la sogs pa rnam par shes pa brgyad rnam par dag pas byams pa la sogs pa'o/ /chu bo bzhi rnam par dag pas gzugs rdo rje ma la sogs pa'o/ /ngo tsha med cing khrel med dang/ /phrag dog ser sna rgyags pa dang/ /'gyod pa bying ba rgod pa dang/ khro bo dang ni chags pa ste/ /kun tu sbyor ba bcu rnam par dag pas gshin rje mthar byed la sogs pa khro bo bcu zhes thugs kyi dkyil 'khor te / kun nas nyon mongs pa'i sems sbyong bar byed pas so/ /yang dag ma yin kun rtog min/ /sems dang sems byung khams gsum pa'o/ /zhes 'byung ngo/ /dkyil 'khor gsum po de'i rang bzhin bcom ldan 'das rdo rje 'chang yin te/ de las byung
- 191b
pa'i phyir ro/ /ji ltar bden pa'i phyir dkyil 'khor ni/ gang gis rab tu rtag par nus/ /rang lhag lnga yi sbyor ba yis/ /dkyil 'khor brtag pa 'grub pa yin/ /zhes 'byung ngo/ /dam tshig de kho na nyid ces bya ba ni bza' ba la sogs pa'o/ /bshad du gsol zhes pa ni ston par mdzad du gsol zhes pa'o/ /mi bskyod pa'i sgo nas bstod pa'o/ zhes pa ni chos kyi dbyings kyi ye shes kyi ngo bo yin pas so/ /'od gsal ba'i mes zhes pa ni me long lta bu'i ye shes kyi mes so/ /'bar bar gyur pas na zhes pa ni nyon mongs pa dang shes bya'i sgrib pa spangs pas mdzes par 'gyur pa'o/ /de nyid kyi phyir dag pa tsha'o zhes pa ni 'bras bur gyur pa nyid du bstan to/ /de rnams rnam par dag pa'i ngo bo nyid kyis zhes pa ni nye bar sdud par byed pas so/ /drug par gyur pas na zhes pa ni dpal rdo rje sems dpa' nyid yin pas so/ /mchog tu dga' ba'i bdag nyid yin bsan zhes pa ni spyan ma dang snyoms par zhugs pas bde ba chen po'i ngo bo yin pas so/ /ngo bo nyid kyis dag pa zhes pa ni gtsang ba dang mi gtsang ba la sogs pa brtags pa yin pas na mi bza' ba dang mi btung pa la sogs pa rtag tu dri ma med pa'o/ /bstod cing zhes bya ba la sogs pas rnam par snang mdzad kyi sgo nas bstod pa'o/ /rin po che'i rigs dang ldan pa'o zhes bya ba ni ma mA kI la sogs pa'o/ gsal bar mdzad p ani spro bar mdzad pa'o/ /mnyam pa nyid kyi ye shes kyi bdag nyid yin pas ni zhes pa ni nam mkha' mdzod nyid kyis mnyam pa nyid kyi ye shes kyi ngo bo yin pas so/ /de nyid kyis na zhes bya ba la sogs pas nam mkha' dang mnyam pa nyid kyi ye shes kyi ngo bo nyid du bstan to/ /gsungs shig pa zhes bya bas rin chen 'byung ldan gyi sgo nas bstod pa'o/ /pad+ma'i rigs dang ldan pa zhes pa ni byang chub kyi sems kyi ngo bo yin pas so/ /de rnams kyi bdag por gyur pas zhes
- 192a
ba ni de rnams skyed par byed pas so/ /so sor rtog pa'i ye shes kyi bdag nyid yin pas ni zhes pa ni chos rab tu byed pa'i bdag nyid can gyi so sor rtog pa'i ngo bo yin pas so/ /de nyid kyis na zhes pas 'bras bu bstan to/ / 'khor ba las zhen pa'i mtshan nyid can zhes ba ni bde dang bde ba'i rgyu las mngon par 'dod pa sngon du 'gro bas gzung ba'i mtshan nyid do/ /de ltar so sor rtog pa'i ye shes kyi pha rol phyin pa ni bcom ldan 'das 'od dpag tu med pa yin no zhes bya ba 'dis snang ba mdza' yas kyi sgo nas bstod pa'o/ /don yod grub pa'i ye shes ni 'khor ba'i btson ra las grol pa'i mtshan nyid do/ /rab tu rtsol ba na zhes pa ni ster bas so/ /don yod par grub pa'i rigs so zhes pa ni sgrol ma la sogs pa'o// des dag cing gtso bor byas pa na zhes pa ni mchod par bya ba ste / de rnams kyi bdag po yin pa'i phyir ro/ /zhi ba la sogs pa'i las rnams kyi zhes pa ni/ zhi ba dang rgyas pa dang/ dbang dang/ dgug pa dang/ mngon spyod kyis te las lnga so// sgrub pa po'i 'gro ba rnams kyi zhes pa ni pha rol la phan pa la brtson pa sngags pa rnams kyis so/ /'dod pa thams cad skyed pa zhes pa ni nad pa dang dbul po dang gdul dka' ba dang/ mtshams med pa byed pa rnams la ji lta ba bzhin du zhi ba la sogs pa'i las mdzad pa ste /don yod grub pa ni las thams cad pa yin pa'i phyir ro/ /de las byung ba nas zhes pa ni rim pa gsum pa dang lnga pa las 'byung ba'i phyir ro/ /de lta bu zhes pa ni lnga'i bdag nyid do/ /rdo rje sems dpa' zhes pa ni drug pa'o/ /khyed la phyag 'tshal zhes pa na khyed la lus la sogs pas 'dus te bstod pa nye bar bsdu ba zhes pa ni bstod pa'i mchod pa'o/ /dgongs pa ma yin pas bshad pa'o zhes pa ni shin tu gsal pa'i bdag de bzhin gshegS
- 192b
pa lnga'i bdag nyid can gyi de kho na nyid bstan bas so/ /dus gsum zhes bya ba nas sgra ji bzhin pa'o zhes pa'i bar du ni tshigs su bcad pa lngas gang zhig rnal 'byor pa rdo rje 'chang la bstod pa de yang de dang 'dra bar 'gyur ro zhes phan yon bstan to/ /bstod pa'i sgo nas rdo rje 'chang gi de kho na nyid mngon du gyur pas so/ /sgra ji bzhin pa'o zhes pa rtogs pa'i sgras phan yon bstan pa'o/ /dgyes nas mngon du phyogs pa bstan to zhes pa ni bstod pa'i tshig las 'byung ba'i dga' ba nyid do/ /nyon mongs pa ni drug go /nye ba'i nyon mongs pa ni nyi shu rtsa bzhi'o/ /de rnams dbye ba dgu bcu rtsa brgyad yin pas na thams cad do/ /nye bar zhi bar mdzad pa na zhes pa ni de rnams mthong pa dang sgom pa'i rim gyis spong bas so/ /yang na nyon mongs pa ni rnam gsum dang nye ba'i nyon mongs pa ni de las byung ba'i rang bzhin rnams so/ /de dag thams cad sngags dang phyag rgya'i rim pas 'od gsal par mdzad pas na bstan pas so/ /phung po lnga'i bdag nyid ni de bzhin gshegs pa'i rang bzhin gyi phung po'i ngo bo'i bdag nyid do/ /sems can thams cad ces pa ni 'gro ba rigs drug ba'o/ /ci rigs par zhes pa ni bsam pa dang bag la nyal dang khams dang bag chags kyi dbye bas so/ /mtho ris dang thar pa zhes pa ni bde 'gro dang mya ngan las 'das pa'o/ /thob par mdzad pas na zhes pa ni bsod nams dang ye shes kyi tshogs bstan pas rim pa ji lta ba bzhin ster bas so/ /dam tshig bzhi'i zhes pa ni srog gcod pa la sogs pa le'u lnga pa las dgongs pas bshad pas so/ /gzhir gyur pa'o zhes pa ni rten du gyur pa'o/ /rnyog pa med pa/ zhes pa ni kha na ma tho ba med pas te le'u lnga pa nas gsungs pa'i nges pas so/ /e ma'o zhes bya ba nas dgongs pa ma yin pas bshad pa'o zhes pa'i bar du ni mi skyod ba la sogs pa'i zhu ba rdo rje 'chang gis ngo mtshar bar dgongs so zhes bstan to/ /dgongs pa
- 193a
ma yin pa'o zhes pa ni dam tshig bzhi pa'i de kho na nyid bstan bas so/ /de ltar zhes bya ba nas 'di ni go sla'o zhes pa'i bar du ni yang dag par rdzogs pa'i sangs rgyas kyi theg pa la dgongs pas bshad pas srog gcod pa la sogs pa bspung? ba'i dam tshig bzhi dang bshad pa la sogs pa bza' ba'i dam tshig lnga bsten te/ de rnams rgya che ba'i mos pa yin pas sku rdo rje la sogs pa'i rnal 'byor pa drug gi dam tshig 'di yin no/ /de ltar zhes bya ba nas sgom pa'o zhes pa'i bar du ni rang sangs rgyas kyi rigs can gyi sdom pa bstan to/ /de la bstan pa ni rnam pa gsum ste/ sku dang gsung dang thugs kyi'o/ /de la yang dag par rdzogs pa'i sangs rgyas rnams kyi cho 'phrul bstan pa'i mtshan nyid ni sku'i bstan pa dang/ chos bstan pa la 'jug pa'i mtshan nyid ni gsung gi bstan pa dang/ ting nge 'dzin gyi dbang gi mtshan nyid ni yid kyi bstan pa ste/ bstan pa rnam pa gsum po rnams la yod de/ gzhan gyi don mdzad pa'i phyir ro/ / rang sangs rgyas la sku'i bstan pa yod de/ cho 'phrul la sogs pa bstan pas 'gro ba'i don mdzad pas so/ /dag gi bstan pa ni med de/ ting nge 'dzin la snyoms par zhugs pas gsung mi 'byung bas so/ /sems can rnams kyang de'i cho 'phrul mthong bas dad pa skye zhing bdag cag rnams de dang 'dra bar 'gyur ro zhes sems bskyed la skyabs su 'gro ba la sogs pas chos thos shing bsam pa dang bsgoms pas dngos grub thob par 'gyur ro zhes gsung gi bya ba gang yin pa de ni lus kyis mdzad de skyon gang yang med do/ /byang chub sems dpa' rnams la sku dang gsung gi bstan pa yod do/ /nyan thos rnams la gsum car yang med de/ gzhan gyi don la rgyab kyis phyogs pa yin bas so zhes bstan to/ /nyan thos
- 193b
pa zhes bya ba nas rmad du byung ba chen po'o zhes pa'i bar du ni nyan thos kyi rigs can gyi sgrub pa po rnams la/ dkyil 'khor la 'jug pa'i dus su mi dge ba bcu bzlog pa'i mtshan nyid kyi dam tshig sbyin par bya ste/ gang gis de rnams rang gi lam dang mthun pa'i slob ma thos pas 'jug cing phyi nas sgom pa'i lam la rten te/ 'grub par 'gyur ro zhes bstan to/ /tshangs pa zhes bya ba nas sku rdo rje nyid du 'gyur zhes pa'i bar du ni tshangs pa'i lta ba la mos pa'i sgrub pa po rnams la/ dkyil 'khor la 'jug pa sngar lan gsum khrus dang gos gsum brje ba dang/ sbyin sreg dang bsnyen gnas la sogs pa lus ngal ba'i mtshan nyid kyi sdom pa bstan nas /dag gi lam dang rjes su mthun pa'i brtul zhugs thos pas 'jug cing phyin nas bsgom pa'i lam la brten te/ rim gyis sku rdo rje dang 'dra bar 'gyur ro zhes bstan to/ /dbang phyug chen po zhes bya ba nas 'di ni go sla'o zhes pa'i bar du ni gsung rdo rje'i rang bzhin gyis drag po'i gzugs blangs la khams gsum pa thams cad lcags kyu dang zhags pa la sogs pa'i sbyor bas dgug cing dbang du bya'o/ /des ni gsung rdo rje dang 'dra bar 'gyur te/ dbang phyug chen po ni chags pa'i rang bzhin yin pas so/ /khyab 'jug gi dam tshig ces bya ba nas dam tshig go zhes pa'i bar du ni thugs rdo rje'i rang bzhin gyi khyab 'jug gi gzugs la dmigs te sngar bshad pa ril por 'dzin pa dang/ rjes su gzhig pa'i ting 'dzin gyi sems can dang snod kyi 'jig rten dang rang gi bdag nyid kyang mi snang bar bya'o/ /des na thugs rdo rje dang 'dra bar 'gyur ro/ /de ltar tshangs pa zhes bya ba nas go sla'o/ zhes pa'i bar bu ni tshangs pa la sogs pa'i dam tshig rjes su grub pas sku rdo rje la sogs pa thob pa'i mtshan nyid kyi 'bras bu bstan to/ /gti mug gi rang bzhin yin pas na/ tshangs pa ni sku'i rdo rje dang/
- 194a
'dod chags kyi rang bzhin yin pas na/ dbang phyug chen po ni gsung gi rdo rje dang/ zhe sdang gi rang bzhin yin pas na khyab 'jug ni thugs rdo rje nyid do/ /de'i sprul pa yin pa'i phyir ro/ /de ltar zhes bya ba nas bya ba'i bar du zhes pa'i bar du ni dpal 'byung po 'dul ba'i rgyud kyi rim pas rdo rje hUM mdzad la sogs pa'i gzugs blangs te klu mtshol sogs pa'i 'gram du 'dug nas sngon gyi bsnyen pa sngon du 'gro bar 'o ma la sogs pa'i lha bshos dbul te/ sngags brjod cing klu'i mtsho las 'jog po la sogs pa'i klu'i rgyal po'i bu mo gzugs bzang la sogs pa bkug nas de dang lhan cig tu tshig phra mo la sogs pas spyod par bya'o zhes bstan te/ de rnams la de gtso bo yin pa'i phyir ro/ /gzhan du na rang dbang du mi 'gyur zhes pa ni zhi ba'i tshig gis dbang du mi 'gyur ro zhes bya ba'i tha tshig go /gang lha ma yin zhes bya ba nas gsungs so zhes pa'i bar du ni rdo rjes 'og gi rgyud las gsungs pa'i cho gas kha che'i yul la sogs pa'i sa phug gi sgo phye nas gza' dang skar ma'i sbyor bas lha ma yin gyi bu mo 'byung bar 'gyur ro/ /gal te de lhan cig tu phyag rgya chen po'i dngos grub 'dod na de'i chos phug la 'jug par mi bya'o/ /gal te longs spyod 'dod pa yin na de'i tshe 'jug par bya'o/ /'jug pa'i dus su g.yangs dang brag dang/ chu bo dang/ rdo rje byug la sogs pa bzlog par byas nas 'jug par bya'o/ /de nas rnam pa sna tshogs pa'i rin po che'i rang bzhin rgyan thams cad kyis brgyan pa lha ma yin gyi bu mos bskor ba rang snang zla ba dang nyi ma dang me dang/ rgyu skar gyi snang ba las lhag pa lha ma yin gyi gnas la 'jug ste/ bdud rtsi la sogs pa'i kha zas spyod cing de dang lhan cig tu yul gyi bde ba myong bas bskal pa'am bskal pa stong
- 194b
gi bar du gnas par bya'o/ zhes bstan to/ /srin mo zhes bya ba nas don bsgrub pa'i phyir ro/ zhes pa'i bar du ni rgya mtsho gling la gnas pa la sogs pa gzhod? reng gi sen mo can dang 'phrogs ma la sogs pa srin mo 'phags pa gshin rje gshed la sogs pa gang yang rung ba'i khro bo'i rgyal po bsgom pas dgug /mi rus kyi phye mas spos gtul ba dang/ til mar dang rkang dag gis mar me byin nas/ khrag gi arg+haM dang zhabs bsil phul bas mgu bar byas te/ spyi bor bkod pa'i sna tshogs rdo rje la sogs pa bsgom pas mi g.yo bar byas te /rig pa'i brtul zhugs spyad? pas ji ltar phyag rgya chen po'i dngos grub thob pa de srid du spyad par bya'o zhes bstan to/ /sha za la sogs pa'i yang dam tshig de nyid de zhes pa ni sha za mo dang gnod sbyin mo dang mi 'am ci mo dang 'byung po mo dang yi dags mo dang grul bum mo la sogs pa'i cho ga 'di nyid ni spyod pa 'di nyid shes par bya'o/ /de yang rdo rje sa 'og dang rdo rje mkha' 'gro dang 'byung po 'dul pa'i rgyud las gsungs te/ de nyid las rtogs par bya'o/ /rdo rje mkha' 'gro zhes bya ba nas dam tshig go /zhes pa'i bar du ni dpal sangs rgyas thams cad dang mnyam par sbyor ba'i rgyud las gsungs pa'i gau ri la sogs pa rdo rje mkha' 'gro ma/ dpal he ru ka'i gzugs kyi bdag nyid kyis bkug la bdud rtsi lnga dang lcags kyu lnga byin nas de rnams dang bdag nyid tshim zhing de dang lhan cig tu snyoms par zhugs par byed pas spros pa med pa'i spong bas ji srid phyag rgya chen po'i dngos grub thob pa de srid du gnas par bya'o/ / dkon mchog gsum la gnod par byed pa'i khrag dgug pa la sogs pa'i sbyor bas mngon spyod byas te /mi bskyod pa'i go 'phang thob par bya'o zhes bstan to/ /rdo rje mkha' 'gro ma rnams kyis gdug pa la tshar gcod pa'i phyir ro//
- 195a
de ltar zhes bya ba nas de la 'ang de skad ces bya'o zhes pa'i bar du ni ji ltar bcom ldan 'das rdo rje 'chang chen po thog ma nas grub pa de bzhin du de de'i sprul pa'i rang bzhin gyi tshangs pa la sogs pa khams gsum gyi bdag po cho 'phrul chen po thog ma nas grub pa yin no/ /de bas na sems can rjes su gzung ba'i don tu brtus pa'i rnal 'byor pas de rnams kyi dam tshig spyod par byed/ ji lta ji ltar sems can rnams/ /rang bzhin gyi ni 'dul gyur pa/ /de dang de ltar sems can don/ /chags pa sogs kyis rtag tu bya/ zhes 'byung ba dang/ de ltar spyod pa'i dam pa la/ don med ma yin bsod nams min /zhes 'byung bas so zhes bstan pas so/ /de bas na tshangs pa la sogs pa de rnams rdo rje sems dpa' i sprul pa yin pas na 'od gsal ba las cig car du byung ba'i zung du 'jug pa'i ting nge 'dzin gyi ngo bo rdo rje 'chang gi sku skyed par byed ba'o/ /de nyid bstan pa'i phyir/ 'od gsal ba zhes bya ba la sogs pa smos te/ 'od gsal ba ni mngon par byang chub pa'i rim pas rnam par dag pa ni spros pa'o/ /ye shes kyi sku ni rdo rje'i sku de zung du 'jug pa zhes bya ba'o/ /thob par byed pa zhes pa ni de rdzogs par byed pa'o/ /bar du'o zhes pa ni rdzogs pa rjod par byed pa ni tshig phrad do/ /sdus par byed pa zhes bya ba la sogs pas le'u nye bar bsdu ba bstan to/ /dngos grub thams cad ces pa ni zhi ba la sogs pa'i dngos grub kyi rgyur gyur pa rnam par snang mdzad la sogs pa rnams kyi'o/ /dkyil 'khor ni mdza' yas pa'i dkyil 'khor bas yongs su bskor ba'o/ /de ni dkyil 'khor te dkyil 'khor de la bsten nas sgrub pa po rnal 'byor pa rnams kyi mngon bar byang chub pa'i ye shes bskyed pa ni dbang bskur ba la sogs pa'i rim gyi ye shes kyi sku thob pa gang yin pa'o/
- 195b
de'i don gyi gzhung gi tshogs shes pa ni de ston par byed pa'i tshig gi tshogs so/ /le'u zhes bya ba ni sngar bshad zin to/ /sgra ji bzhin pa zhes pa ni le'u'i don 'di tsam so sor bstan pas so/ /de yang sogs pa'i sgras shes par bya'o// // sgrol ma gsal bar byed pa'i 'grel pa'i TI kA las le'u bcu drug pa'i rgya cher bshad pa'o// //rim pa gnyis khong du chud pa zhes bya ba la sogs pas le'u bcu bdun pa'i bshad pa brtsams par bya ste/ rim pa gnyis khong du chung ba zhes pa ni le'u drug gi rim pa gnyis mngon du byas pa'o/ /'jig rten pa ni mi dge ba bcu las ldog pa'i mtshan nyid do/ /'jig rten las 'das pa ni dam tshig dang sdom pa'i bsrung bar bya ba dang bza' bar bya ba'i dbye bas phye ba de bzhin gshegs pa lnga'i dam tshig dang bdud rtsi dang lcags kyu la sogs pa'i sbyod pa'o/ /nyams su ma blangs na zhes pa ni de dag thams cad mi srung zhing spong bas so/ /dngos grub ni phyag rgya chen po'i mtshan nyid do/ /ring bar 'gyur ba ni 'grub par mi 'gyur ba'o/ /de ni le'u bcu bdun pa dam tshig dang sdom pa ston par byed pa bsdud pa pos bstan to/ /de bzhin gshegs pa thams cad kyis gsol ba 'debs pa zhes pa ni rdo rje 'chang chen po la mi bskyod pa la sogs pa sangs rgyas lnga bos bstod pa'o/ /mi bskyod pa zhes bya ba la soD pa thams cad? rdo rje 'chang gi sgo nas bstod pa bstan te/ nyon mongs pa'i tshogs thams cad ni chags pa dang bral ba la sogs pa'o/ /de rnams kyi tshogs ni nyin mo dang mtshan mo dang brgya drug cu'i dbye bas 'jug ba'o/ /mi g.yo ba zhes pa ni sngags dang phyag rgya'i rim pas de rnams spong pa'i phyir ro/ /de ltar gyur pa ni rdo rje thugs dang ldan pa'o/ /de bzhin du stong ba ni bzhi ste rgyu dang 'bras bu'i dbye bas gnas pa de'i bdag nyid can yang bcom ldan 'das yin te/ khyab byed yin pa'i phyir ro//
- 196a
gang gi phyir don dam pa'i bden pa ni kun nas nyan mongs pa dang rnam par byang ba'i rnam par rtogs par khyab pa byed pa nyid kyi 'dra ba ste/ de la spang bya dang ngor bya'i bag chags kyis gos pa mi srid de/ rtag tu dga' ba'i phyir dang/ glo bur gyi dri ma rnams rnam par byad ba'i phyir ro/ /mi bskyod pa la sogs pa ste/ zhes pa ni de bzhin gshegs pa lnga'o/ /de 'dzin par byed pas ni zhes pa ni de rnams bskyed pa 'am spro ba byed pa ste/ rdo rje 'chang chen po las rigs so thams cad byung ba'i phyir ro/ /ji skad du/ rnal 'byor thams cad bcom ldan 'das/ /rdo rje sems pa de bzhin gshegs/ /de yis khams gsum ma lus pa/ /thams cad du ni long spyod cing/ /zhes 'byung bas so/ /bden pa gnyis ni kun rdzob dang don dam pa'o/ /de'i dbye bas smad par mi bya'o zhes 'dir tshad mas bstan par bya ba'i phyir/ 'dir yang pha rol rgol ba gang yang rung ba zhes bya ba la sogs pa gsungs te/ pha rol rgol ba ni grangs can pa dang/ mchod 'o sa pa dang/ rigs pa pa dang/ bye brag pa dang/ rgyang pan pa dang/ spyod pa pa la sogs pa'o/ /mi mthun pa'i lta ba dang ldan pas pha rol pa yang yin la/ de bzhin gshegs pa'i bstan pa smod par byed pas rgol ba po yang yin te phar rgol ba'o/ /mtshan ma'i dbye bas zhes pa ni brtul zhugs kyi dbye ba ste rol pa'i tshogs dang mgo reg pa dang/ thig le gsum dang/ dbyig pa gsum dang/ gtsug phud 'dzin pa dang/ chos gos gyon pa dang/ thal bas byugs pa dang/ mchod phyir thogs pa dang/ phyogs kyi gos can la sogs pa'o/ /de'i dbye bas gnas ba rnams ni rnam par spyod pa'i mu stegs pa rnams so/ /de 'dir brnyes
- 196b
par mi bya ste/ zhes pa ni smod par mi bya'o/ /ci'i phyir zhe na/ rdo rje sems dpa' ni rdo rje 'chang chen po'o/ /rnam 'phrul ni des sprul pa yin no/ /zhes bya ba'i tha tshig go /de nyid kyi phyir sgyu 'phrul dra ba'i rgyud las bcom ldan 'das sna tshogs sprul? pa'i 'khor lo la zhugs pa'i khyud mo lcags ri phyi rol tu brgya byin la sogs pa phyogs skyong thams cad dgod par bya'o/ /rdo rje sems dpa' thams cad khyab pas so /khyab par byed pa yang chos thams cad nang du chud pa'i de bzhin nyid kyi ngo bo yin pa'i phyir ro/ /ji skad du/ rnal 'byor thams cad bcom ldan 'das/ /rdo rje sems dpa' de bzhin gshegs/ /khams gsum po ni ma lus pa/ /de yi thams cad longs spyod yin/ zhes 'byung ngo/ /de ni zhes bya ba nas zhes bka' stsal to zhes pa'i bar du ni rdzogs pa'i rim pa'i rnal 'byor par srog gcod pa la sogs pa lus kyi las gsum dang/ brdzun smra ba la sogs pa ngag gi las bzhi dang/ /mnar? sems la sogs pa yid kyi las gsum ste/ 'od gsal ba thams cad stong pa'i ngo bor shes par bya ste/ de'i tshe grol bar 'gyur ro/ /gang gi phyir don dam par srog chags pa med cing mi dmigs pas de rnams gal gcod par 'gyur zhes de ltar gzhan la yang spyar ro/ /gang zhig rtog pa dang bcas pa'i sa mi dge ba'i las kyi lam spyod pas ngan song du 'gro ba dang log pas bde 'gror 'gyur ro/ /rnam par mi rtog pa'i ting nge 'dzin la gnas pas dge ba dang mi dge ba thams cad don dam pa'i ngo bor rnam par rtog pas de grol bar 'gyur ro// ji skad du/ 'gro ba rnams kyang bshad pa ste/ /lha? rnams 'bras bu dang bcas pa/ de yi rang bzhin yongs shes pas/ /ma skyes pa yang bstan pa yin zhes 'byung ngo/ /rab tu byed pa las kyang sbyin sogs dge ba byas nas ni/ /
- 197a
mtho ris sogs la mchod par 'gyur/ /mtshams med la sogs byas nas ni/ /dmyal ba rnam par 'chod par 'gyur/ /mdza' yas skye ba stong phrag ni/ /rnyed nas rnam par rmugs par 'gyur/ /sngon gyi? las kyi rnam smin 'di/ /rmongs pas de ltar mya ngan 'gyur/ zhes 'byung ngo/ /gal te de lta ma yin na rdzogs pa'i rim pa'i brtul zhugs dang ldan pas gal te de rnams byed dam mi byed/ gal te byed na de'i tshe ? gal lo?/ /gal te mi byed na de'i tshe dam tshig ji ltar bzhin zhe na smras pa/ don dam pa'i bden pa la mos pa'i rnal 'byor pas dge ba dang mi dge ba la sogs pa thams cad 'di/ de kho na nyid du yang dag par mthong ba yin gyi/ kun rdzob tu ma yin no/ /de bas na de kho na nyid mthong ba nyid de'i dam tshig yin gyi byed ba'am mi byed pa ni ma yin no/ /de kho na nyid mthong ba nyid ni dam tshig ste mi 'da' pa'i phyir zhes skyon ni cung zad kyang med do/ /da ni zhes bya ba nas 'dod pa'i dngos grub nyams par 'gyur ro zhes pa'i bar du ni bskyed ba'i rim pa'i rnal 'byor ba dang po sbyor ba la sogs pa'i ting nge 'dzin gsum la gnas pas phyi'i shing dang rdo dang 'bag gi sku la sogs pa la phyag mi bya ste/ gal te phyag byed na de'i tshe de'i g.yeng ba'i sems kyis ting nge 'dzin nyams par 'gyur ro/ /gang gi tshe dkyil 'khor 'dri ba dang mchod pa dang rab tu gnas pa byung 'de'i tshed yid ni ting nge 'dzin la bzhag nas lus dang ngag gi phyag dang bstod pa byed na skyon med de/ sems mnyam par bzhag pa dang ldan pas so/ /gal te lus dang ngag dang yid kyis phyag byed na de'i che ting nge 'dzin nyams pas g.yed? par 'gyur ro/ /de'i tshe phyag ste tshangs bar 'gyur pa yang 'bras bu dang bcas par mi 'gyur to/ ting nge 'dzin dang bral bas so/ /bya ba thams cad kyi rtsa ba ni sems yin pas gal te de dag g.yeng na
- 197b
thams cad don med par 'gyur te/ ji skad du/ bzlas pa dang ni dka' thub kun/ /yun ring du ni byas nas kyang/ /gzhan gyi sems kyis de byas na/ /de nyid rigs pas don med gsungs/ /zhes 'byung ngo/ /bskyed pa'i rim pa la gnas pa zhes bya ba nas spyod pa zhes bya ba'i bar du'o zhes pa'i bar du ni rdzogs pa'i rim pa'i rnal 'byor pas bdag la byin gyis brlab pa'i rim pas ye shes kyi sku blangs la de yang sku rdo rje la sogs pa gsum dang dbyer med pa bsams te/ 'jug pa la sogs pa'i rim gyi nyan mo dang mtshan mor 'khrul 'khor bzhin du rdo rje bzlas pa'o/ /yang de nyid sems rnam par dag pa la sogs pa'i rim gyis zung du 'jug pa thob nas so sor skye bo dang 'phags pa'i dbye bas phye ba'i 'gro ba thams cad 'di rdo rje gsum dbyer med pa'i rdo rje 'chang chen po'i rang bzhin du lta bar bya'o zhes bstan to/ /rdzogs pa'i rim pa'i khong du chung ba'i phyag gi rnam pa de nyid yin te/ phyag gi 'bras bu yin pa'i phyir byang chub tu sems bskyed pa bzhin no/ /ji skad du/ ji ltar chu la chu gzhag dang/ /ji ltar mar la mar bzhin du/ /rang gis rang gi ye shes ni/ /legs mthong gang yin 'dir phyag yin/ /zhes 'byung ngo/ /bsnyen pa la sogs pa zhes bya ba nas thog ma med ba'i dus can no zhes pa'i bar du ni bsnyen pa la sogs pa rnal 'byor bzhis bsdus pa'i ting nge 'dzin gsum bsgom pa bskyed pa'i rim pa'i rnal 'byor pas thabs dang bcas pa'i gzugs rdo rje ma la sogs pa'i rnal 'byor nam mkha' gang bar bsgoms la /de bzhin gshegs pa thams cad de rnams kyis mchod par bya'o/ /de la khyad par gyi gnas gzung ba dang thugs rje chen po sngon du 'gro bas nam mkha' la bzhugs pa de bzhin gshegs pa dang bla ma la sogs pa mchod
- 198a
ba dang / rnal 'byor chen po'i dus su spyan ma la sogs pa'i tshogs kyi bkug la/ thugs rdo rje la sogs pa mchod par bya'o zhes dang po sbyor ba'i ting nge 'dzin to/ /phyag rgya legs par sbyang ba byas na de bzhin gshegs pa thams cad 'jug pa sngon du 'gro ba/ mchod pa'i lha mo spro zhing dkyil 'khor mchod par bya'o zhes dkyil 'khor rgyal ba mchog gi ting nge 'dzin to/ /phra mo'i rnal 'byor dang bzlas pa 'od du zhu ba dang/ bskul ba dang de langs par byas nas de bzhin gshegs pa lngas bstod pa'i mchod pa dang/ mthar yang mchod pa'i cho ga zhes bya ste las kyi rgyal ba mchog gi ting nge 'dzin zhes bstan to/ /de ltar zhes bya ba nas dam tshig go zhes pa'i bar du ni rdzogs pa'i rim pa'i rnal 'byor pas sems rnam par dag pa'i rim pas stong pa bzhi bsgoms te/ 'od gsal bsngon du byas nas yang cig char ram snang ba nye bar thob pa la sogs pa'i rim gyis ye shes kyi blangs la/ 'jug pa dang ldang ba ni mngon par byang chub pa'i rim pas ye shes kyi sku sbyangs la/ sems can thams cad kyi don bya ba'i phyir zung du 'jug pa'i ting nge 'dzin gyis ldang ba ni rdo rje'i sku blang bar bya'o zhes de bzhin gshegs pa thams cad mnyes par byed pa'i dam tshig yin te rdzogs pa'i spyod yul yin pa'i phyir ro zhes bstan to/ /de kho na nyid rtogs pa la zhes bya ba nas mnyam par bzhag par 'gyur zhes bya ba'i bar du ni de kho na nyid thob pa'i rnal 'byor pas gang gi tshe rgyun ma chad par sems can gyi don bya bar 'dod na de'i tshe yun ring du lus gnas pa'i phyir rang gi spyi bor cha bcu drug yongs su gyur pa las/ zla ba'i dkyil 'khor bdud rtsi 'dzag pa bsgoms la de nyid gyen du bzlog pa'i lces dgug cing lus thams cad tshim
- 198b
par bya'o/ /de'i tshe rlung dang mkhris pa dang pad kan las byung ba'i nang 'byung bar mi 'gyur ro zhes bstan to/ /ji skad du/ bcom ldan 'das zhes bya ba la sogs pa'i lung tshad ma nyid du bstan to/ /gang zhig bdud rtsi'i rang bzhin rgyun zhes pa ni bdud rtsi 'dzag pa'i dkyil 'khor gyi rnam pa can no/ /spyi bor rtag tu nges 'bab pa zhes pa ni tshangs pa'i sgor gnas shing bdud rtsi'i dpa' rlabs 'jag par byed pa'o/ /rnal 'byor dbang pos de 'thungs na zhes pa ni 'dus pa'i rnal 'byor pas rgod ma byed pa'i sbyor bas myang bar byas nas so/ /rga dang 'chi ba rnam par 'jig ces bya ba'i ni yun ring du gnas par 'gyur ro zhes bya ba'i tha tshig go /dpe bstan par bya ba'i phyir/ ji ltar pad+ma'i sdong po la zhes smos te/ pad+ma'i sdong bu ni mtsho skyes kyi rtsa ba'o/ /mi yi chu ni 'bren par byed ces pa ni skyes bu kha cig gis chu 'thung bar byed pa ste/ nang khong stong yin pa'i phyir ro/ /de bzhin ni de lta bu'o/ /nye bar 'thung ba zhes bya ba ni spyi bo la gnas pa'i bdud rtsi'i dba' rlabs dgug par byed pa'o/ /rnal 'byor pa ni sgrub po pas so/ stobs chen 'tsho zhes pa ni yun ring du 'tsho ba dang rga ba dang 'chi dang bral bar 'gyur ro/ /rtsa ba'i rgyud las zhes pa ni dpal de kho na nyid bsdus pa'i rgyud las so/ /rnal 'byor rgyud thams cad kyi dpal de kho na nyid bsdus pa ni rtsa ba yin no// lce ni rkan la sbyor bya zhing zhes pa ni rkan gyi phyogs su bzlogs nas lces reg par byas nas so/ /sna'i rtse mor bsam par bya zhes pa ni sna'i rtse mor lta bar dgod bar bya'o/ /de nas rdo rje phra mo ni lce la dgod par byas kyi 'bru'i tshad tsam gyi rdo rje'o/ /des bde ba ni bde ba'i sgyu ste bdud rtsi reg pa'i myang bas rnal 'byor ba ni sgrub pa po'i sems mnyam par bzhag par 'gyur ba'i rtse gcig pa 'am /tshim par 'gyur ro/ /zhes bya ba'i don to/ /de ltar zhes bya ba nas de skad ces bka' stsal to/ zhes pa'i bar du ni las dang po pa rnam
- 199a
par snang mdzad kyi slob pa pos bza' pa dang bca' ba la sogs ba spyod ba'i dus sku rdo rjer bdag nyid bsgom par bya ste/ bza' ba la sogs pa ni gzugs kyi rang bzhin dang sku tshim par byed pa'i phyir ro/ /de bzhin du bza' ? pa dang bcas pa la sogs pa'i yul nas gzhan dga' ba'i cho ga mchod pa la sogs pa'i cho ga'i dus su/ /bdag nyid thugs rdo rje 'chang bsgom par bya ste/ dga' ba la sogs pa'i spyod pas ni sems mgu bar byed pas so/ /de bzhin du gsung rab yan lag dgu'i mdo? sde la sogs pa klog pa'i dus su bdag nyid gsung rdo rjer bsgom par bya ste/ gsung rdo rje 'od dpag tu med pa gsung gi rang bzhin yin pa'i phyir ro/ /ngo bo nyid kyis dag pa zhes pa ni thams cad kyi stong pa'i rang bzhin yin pas so/ /rdo rje ni mi phyed pa'i ngo bo yin pa ste/ ngo bo nyid dag pa'i rdo rje ste rdo rje 'chang chen pos 'di skad ces bka' stsal to/ zhes sdud pa po'i tshig go /gang 'das pa zhes bya ba nas don to/ zhes pa'i bar du ni bcom ldan 'das rdo rje 'chang chen pos rgyud ma lus pa don dang gzhung gi ston te/ 'phags pa dang so so skye bo rnams kyi sems ni 'od gsal ba'i rang bzhin mnyam pa nyid kyi ngo bo yin no/ zhes dgongs nas de nyid la 'jug ste mi gsung bar 'gyur ro/ /'khor na bzhugs pa'i de bzhin gshegs pa rnams kyis/ don de nyid byang chub sems dpa' la sogs pa la gsungs so zhes bstan to/ /don de nyid ces bya ba nas 'di dag go zhes pa'i bar du ni de bzhin gshegs pa rnams kyis rdo rje 'chang chen po mi smra bas 'khrul par 'gyur byang chub sems dpa' rnams la lus la sogs pa gang yin pa de ni 'das pa la sogs pa'i dus su mi dmigs pa nam mkha' i rang bzhin de bzhin nyid dang 'dra ba yin na yang/ sems can gyi don bya ba'i phyir smyu ma'i dpe bcu
- 199b
gnyis kyi sgo nas 'od gsal ba las cig car du spro ba'i ye shes kyi sku la dmigs nas gnas par bya'o zhes the tshom bsal to zhes bstan to/ /rnal 'byor thams cad ces pa ni rim pa gnyis kyi rnal 'byor dang ldan pa'i nyon mongs pa bcom ldan 'das so/ /rdo rje sems dpa' zhes pa ni sgrib pa med pa'i ye shes thob pa'o/ /de bzhin nyid la gshegs pa 'am de las kyang gshegs pas na de bzhin gshegs pa'o/ /de ni bcom ldan 'das rdo rje sems dpa' o/ /nye bar longs spyod ni zhes pa la rang dbang du gyur bas te rang la rag lus pa'o/ /khams gsum ma lus pa ni 'jig rten gsum mo/ /de ni rdo rje sems dpa' khyab pa nyid du bstan to/ /log par bzung ba zhes bya ba nas phyin ci log tu ma rtog cig ces pa'i bar du ni log par gzung ba'i tshig gi don rtogs pa'i byang chub sems dpa' la de bzhin gshegs pa rnams kyis rdo rje 'chang chen pos 'od gsal ba'i de kho na nyid la 'jug pa dang/ de las sems rnam par dag pa'i rim pas ldang bar 'gyur ro zhes bstan to/ /de bas na kye byang chub sems dpa' rnams log par ma bzung zhig ces bstan pa yin no/ /gang bshad ma thag pa zhes bya ba nas sbyar ro zhes pa'i bar du ni bcom ldan 'das rdo rje 'chang chen pos rim pa gnyis pa dang bzhi pa dag gis 'od gsal ba khong du chud pa'i mtshan nyid kyi zab pa nyid dang/ rim pa gsum pa dang/ lnga pa dag gis ye shes kyi sku dang rdo rje'i sku rgya che ba gzung ba gang yin pa de ni kun rdzob dang don dam pa bden pa gnyis kyis mtshan nyid dbye bas chos thams cad mngon par shes pa thob pa dang sku'i dbang phyug la sogs pa dang ldan pa'i tshangs pa la sogs pas mi shes te rdo rje sems dpa' chos nyid ni shin tu zab pa'i phyir ro/ /de bas na rdo rje sems dpa' i chos nyid mi
- 200a
rtogs pa 'am rtogs nas rdo rje 'chang 'dis zab ba'i chos ston te zhes the tshom dang ldan pa de rnams kyi the tshom bsal ba dang bdag nyid kyi dbye ba mngon du bya ba'i phyir/ bcom ldan 'das 'od bsal pa la zhugs nas ldang ba bstan to/ zhes de bzhin gshegs pa rnams kyi byang chub sems dpa' la lan btab bo/ /de shin tu zab pa de kho na nyid kyi rang bzhin rdo rje 'chang yin zhes bstan to/ /de nas zhes bya ba nas sbyor ro zhes pa'i bar du ni yang mi bskyod pa la sogs pa de bzhin gshegs pa rnams kyis byams pa la sogs pa byang chub sems dpa' rnams la 'di skad ces bka' stsal to/ /dgongs pas bshad pas/ byang chub sems dpa' ni tshangs pa la sogs pa 'jig rten gyi lha rnams/ /de rnams kyis ji ltar shin tu zab pa'i rdo rje 'chang gi de kho na nyid ji ltar rtogs par 'gyur te/ ji srid bdag cag kyang ye shes lnga mngon du byas pas mi shes te/ rtog pa thams cad kyi ngo bo las zhes pa ni thams cad stong pa'i ngo bo yin pas so/ /dgongs pa 'di yin te/ ji srid shes pa dang shes bya'i rtog pa yod pa de srid de kho na nyid ga las rtog par 'gyur/ bag chags kyi dri ma thams cad dang bral bas 'ba' zhig dri ma med pa'i nam mkha' dang 'dra ba de kho na nyid ces bya ba ste/ ji srid bsgom pa'i sbyor ba ldan/ /de srid dang po'i las can yin/ /yongs su rdzogs pa'i rnal 'byor ni/ /da ni bstan par bya ba yin/ /zhes 'byung bas so/ /de bzhin du rkyen gzhan med pa zhi ba ste/ /spros ba yis ni ma spros pa/ /du ma ma yin gcig min ste/ /de ni de nyid mtshan nyid do/ /zhes 'byung bas so/ /de bas na shes pa dang shes bya ba'i dbye ba dang bral bas bcom ldan 'das rdo rje 'chang chen pos drug pa yin no/
- 200b
zhes grangs su 'gyur ro/ /de ni de kho na nyid rnyed par dka' ba nyid du bstan to/ /gal te de lta ma yin na snga ma ni ji ltar grub pa dang/ 'grub par 'gyur ba dang/ phyis grub pa ji ltar zhe na/ smras pa/ skye gnas bzhis bsdus pa rigs pa drug gi sems can ji snyed yod pa de dag thams cad ngo bo nyid kyi de kho na nyid thob ste/ de chos nyid la gnas pa'i phyir ro/ /'o na ji ltar thams cad grol bar mi 'gyur zhe na/ smras pa/ goms pa blang ba'i phyir ro/ /glo bur gyi dri ma ldog pa'i don du ? pa la sogs pa'i rim pas goms par byas na de kho na nyid snang bar 'gyur te/ mar me yod pa bum pa la sogs pa bzhin no/ /de ni de kho na nyid rnyed par dka' bas slob pas ci dgos shes le lo can smras pa gang yin pa de rnams la/ de bsal bar bya ba'i don du de kho na nyid rnyed par bla ba yin no zhes gsal bar bstan to/ /ji skad du/ chos kun nang du chud pa'i phyir/ /ring po ma yin gam du min/ /de nyid rtogs par dka' ba'i phyir/ /de yi ngo bo rtog mi 'gyur/ /phra bar gzigs pa'i sangs rgyas kyis/ /de nyid rang gi rig pa yin/ /rang gnas la yang bdag 'dra ba'i/ /blo rags pas ni mthong mi 'gyur/ /rnal 'byor rig pas nam yang ni/ /thar pa'i 'du shes ring mi bya/ /rang gi bdag nyid brtags pa ni/ /stong par mthong nas mya ngan 'das/ /zhes 'byung ngo/ /de bzhin du/ goms pa'i sbyor ba ci zhig bya/ /thog mar grub pa'i ngo bo nyid/ /rang bzhin gyi ni de 'grub pa/ /de bzhin rtog pa las skyes min/ /yi shes gsum rig spangs nas ni/ / gang zhig de ltar rtog byed pas/ /de yi dbye ba mi shes pas/ /slar yang de rnams slob bzhin 'gyur/ /zhes 'byung ngo/ /de ltar zhes bya ba nas brtag na mi rnyed pa'i phyir ro zhes pa'i bar du ni de bzhin gshegs pa dang byang chub sems dpa' i
- 201a
'dri ba dang lan gdab pa'i ngo bo phul tu byung ba gsan nas mgu bar gyur pa'i rdo rje 'chang gis don 'di nyid bstan pas te chos nyid kyi ngo bo sems can thams cad stong pa nyid kyi rang bzhin yin yang de bzhin 'ja' tshon la soD pa dang 'dra bar bdag la byin gyis brlab pa'i rim bas sems can gyi don rnam pa sna tshogs kyis sangs rgyas kyi bya ba byed de/ 'on kyang mngon par byang chub kyi rim pas thams cad stong pa thob na/ de rnams gang yang dmigs par mi 'gyur te/ chos thams cad 'od gsal bar ngo bo yin pa'i phyir ro zhes bstan to/ /de ltar zhes bya ba nas lan gsungs pa'o/ /zhes pa'i bar du ni sangs rgyas kyi dngos grub gang las 'byung ba dang gang du gnas par shes de bzhin gsheD pa thams cad kyis bcom ldan 'das rdo rje 'chang chen po la dri ba dang bcom ldan 'das kyis kyang slob pa'i dus nas de kho na nyid thob pa'i bar du sku gsum gyi bdag nyid de kho na nyid gang yin pa de nyid las stobs bcu dang mi 'jigs pa la sogs pa 'jig rten las 'das pa dang/ zhi ba la sogs pa'i 'jig rten dngos grub 'byung zhing de nyid thim par 'gyur te/ sems can gyi don bya ba'i phyir zhes lan bstan to/ /ji ltar chu ni dang ba las zhes bya ba la sogs pa 'byung bas so/ /de bzhin gshegs pa zhes bya ba nas ci la yang ma yin zhes gsungs pa ni la no zhes pa'i bar du ni 'jig rten la sogs pa'i dngos grub kyi thabs dang gang gis dmigs shing sgrub pa sku la sogs pa de dag dang/ de'i rang bzhin gyi khams gsum pa dang/ snod kyi 'jig rten gyi ngo bo sa la sogs gang du gnas shes mi bskyod pa la sogs pas zhus pas bcom ldan 'das kyi 'od gsal ba gnas so zhes lan bstan
- 201b
na 'od gsal ba yang gang du gnas zhes zhus pas gang du yang mi gnas so/ /zhes so sor nges pa'i gnas med pa'i phyir thams cad du ni de kho na nyid gnas so zhes lan gsungs so/ /ring por ma yin gam du min/ /nam mkha' i ma yin pas min/ /'khor bar ma yin myang 'das min/ /gnas med khyod la phyag 'tshal lo/ /zhes 'byung ba dang/ kun tu kun nas thams cad ni/ /rnam pa thams cad kun rang bzhin/ /sangs rgyas kun dngos grub ba ni/ /des ni rang gi bdag nyid mthong/ /zhes 'byung bas so/ de bzhin gshegs pa thams cad ces bya ba nas ngo mtshar gyi rgyu'o zhes pa'i bar du ni do mtshang? dang bcas pa'i de bzhin gshegs pa rnams kyis bcom ldan 'das bstan pa rjes su yi rang bas sems rnam par dag pa'i rim pas rnam pa med pa'i 'od gsal ba la thob pa gang yin pa de las cig car du / rnam pa thams cad mchog dang ldan pa'i lha'i sku gzung ba dang des kyang 'gro ba'i don bya ba zhes pas? tshar? ba yin no zhes bstan to/ /mtshan ma med pa zhes pa ni 'od gsal ba rtogs pa'i mtshan nyid do/ /de'i thabs shes pa 'od gsal ba de thob pa'i rgyu'o/ /lha'i sku zhes pa ni bskyed pa'i rim bas bsgrub par bya'o/ /lha'i sku sgrub na rdzogs pa'i rim pa la dbang byed pa'i phyir ro/ /ji skad du/ /skyed pa'i rim la 201b6rgyud 'grel): legs gnas shing rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ zhes 'byung/ /rdo rje gsum ni sems can thams cad do zhes pa ni sku la sogs pa'i bdag nyid yin pas so/ /de rnams kyi mchog ni zhes pa ni 'jig rten skyong ba yin pas na mchog go /lha chen po la sogs pa ni 'dod pa'i khams kyi bdag po'o/ /de rnams kyi mchog ni nyan thos pa dang rang rgyal ba rnams so zhes pa ni 'dod chags dang bral ba yin
- 202a
pas so/ /de rnams kyi mchog ni rdo rje 'chang chen po zhes pa ni thams cad la rjes su ston par mdzad pas so/ /sku dang gsung dang thugs rdo rje rnams la zhes pa ni rnam par snang mdzad la sogs pa la'o/ /khyad par du dbang? bskur bsan//? zhes pa la 'og nas 'chad pa'i dbang phyug nyid kyis so/ /sku'i dbang phyug ces pa ni phra ba la sogs pa la'o/ /gsung gi dbang phyug ces pa ni gzugs bzhi'i bdag nyid do/ /thugs kyi dbang phyug ni lha la sogs pa'i nye bar 'pho ba la sogs ba la'o/ / rdzu 'phrul zhes pa ni 'bar ba dang snang ba la sogs pa la'o/ /kun 'gro ba'i dbang phyug ces pa ni gzugs gcig gis thams cad khyab pa'o ci 'dod ni ji ltar mngon par 'dod pa'i don bskyed pa ste/ dpag bsam gyi shing bzhin no/ /bskyed pa ni sems can gyi don bya pa'i phyir gzugs sna tshogs pas sprul pa nyid de/ ri bong stag dang seng ge rnams/ /glang po rnams kyi skye gnas su/ /phyag rgya drug kyang skye ba ste/ /rdo rje'i thugs dang ldan pas so/ /zhes 'byung po/ /yon tan ni stobs? bcu dang mi 'jigs pa la sogs pa'o/ /de dag dbang phyug brgyad yin no/ /de dang ldan pas na dbang phyug dam pa'o/ /'jig rten dang 'jig rten las 'das pa zhes pa ni zhi ba la sogs pa dang 'khor lo rig pa 'dzin pa la sogs pa'i dngos grub rnams so/ /sgrub par gyur pa zhes pa ni rdzogs par byed pa nyid du thob pa'o/ /rig pa'i rang bzhin zhes pa ni sngags kyi rang bzhin no/ /skyes bu ni lha'i rnam pa can no/ /bskyed pa'i rim pa'o zhes pa ni bskyed pa'i go rim gsungs so/ /nam mkha' rdo rje zhes bya ba nas bcom ldan 'das kyis gsungs so/ /zhes pa'i par du ni khyad par gnas la dmigs pa sngon du 'gro bar don dam pa'i dkyil 'khor gyi rim pas sems can gyi khams stong par byas nas/ pad+ma la sogs
- 202b
pa rjes 'jug pas zla ba'i dkyil 'khor 'ba' zhig bsams la / de'i steng du dgod ba'i rdo rje dang 'khor lo dang pad+ma dang rin po che dang sna tshogs rdo rje yongs su gyur pa las bskyed pa'i mi bskyod pa dang rnam par snang mdzad dang rin chen 'byung? ldan dang 'od dpag tu med pa dang don yod grub pa'i sku bsams la/ rnal 'byor gsum gyi rim gyis dang po sbyor ba rdzogs te phyag rgya legs par spyangs pa sngon du 'gro bar dkyil 'khor spros la des 'gro ba'i don byas te/ 'khor gyi tshul du bzhag thang? las kyi rgyal ba mchog la gnas par bya'o/ /zhes bstan to/ /rnam pa gzhan gyis bsgoms na zhes pa ni log pa 'am mtshan ma gcig yongs su gyur pa las/ /dngos grub kyi rgyur mi 'gyur ro zhes pa ni mngon par 'dod pa'i lha'i sgrub pa'i rgyur ma 'gyur te mi mthun pa'i phyir ro/ /'bras ni sa bon la nas kyi myu gu bzhin no/ /des ni bskyed pa'i rim pa'i mtshan ma'i nges pa bstan te rgyas btab pa bzhin no/ /de ltar zhes bya ba nas blta bar bya'o zhes pa'i bar du ni dang po sbyor ba'i 'og tu ye shes kyi phyag rgya dang snyoms par zhugs pa nyid du bstan te /gang la dmigs na sngar bshad pa'i dkyil 'khor spro bar bya'o zhes bstan to/ /ji ltar 'gyur zhe na zhes bya ba nas brtson 'grus kyi brtul bcan zhes pa'i bar du ni bskyed pa'i rim pa'i ye shes kyi phyag rgya dang snyoms par zhugs pa'i sgoms pas chags pa la sogs pa gsum rnam par sbyod ba 'od gsal ga rtogs par 'gyur bas /go rim gyis zung du 'jug pa'i ting nge 'dzin la gnas par 'gyur ro zhes bstan to// zhag bdun zhes bya ba nas sangs rgyas nyid thob par 'gyur ro zhes bya ba'i bar du ni gang zhig rnal 'byor pa ye shes kyi phyag rgya bsgoms par mi nus pa des legs par sbyangs pa'i shin tu bslabs pa/ dam tshig gi phyag rgya blangs la de
- 203a
dang lhan cig tu chags pa la sogs pa'i dbye ba mtshon zhing 'od gsal ba rtogs na ji srid zhag bdun gyi bar du phyag rgya chen po'i dngos grub thob pa de srid du gnas par bya'o/ /dbang po rno ba dang 'dod chags kyi shas che ba'i dbang bo rno ba'i sgom pa 'di yin no/ zhes bla ma'i bka' lung ngo/ /dang po sbyor ba'i 'og tu phyag rgya legs par sbyang ba ni dkyil 'khor rgyal ba mchog gi phyogs gcig yin no/ /de nas zhes bya ba nas 'di'i bar mi mdzad do zhes bya ba'i bar du ni rdzogs pa'i rim pa'i rnal 'byor pas lag pa'i phyag rgya bcing bar mi bya ste/ g.yeng bar byed pa yin pas so/ /phyag rgya ni bcom ldan 'das kyi ngo bo mngon du gyur pa'i phyir bcing bar bya ste/ de nyid mngon du byas nas phyag rgyas ci zhig bya/ de'i don tu blang po rnyed pa zhes bya pa ni dpe yin te skyes pa dang glang po stor? ba gal te de chol? bas mdun du de 'phral du rnyed na/ de ci'i phyir glang po de'i rjes tshol ba de'i mi tshol te de rnyed pa'i phyir ro/ /de bzhin du gang zhig rnal 'byor pa rang nyid rdo rje sems dpa' yin na des lag pa'i phyag rgya la sogs pa ci'i phyir tshol te de grub pa yin pas so/ /spros pa rnams don med pa'o/ /gsang ba 'dus pa ni rnam gnyis la gnas pa'o/ /rtog pa'i rnal 'byor pa rnams gyi zhes pa ni bskyed pa'i rim pa la gnas pa rnams kyi'o/ /sku rdo rje'i rigs dang ldan pa zhes pa ni rnam par snang mdzad kyi rigs dang ldan pa'o/ /nyams su blangs pa zhes pa ni sku rdo rje'i dam tshig gsungs pa'o/ bshang gci zhes bya ba la sogs pas bdud rtsi lnga spyar ba la sogs pa'i rim gyis sbyangs nas bza' bar bya ba dang/ de bzhin du shes rab la 'khyud pa la sogs pas 'byung ba'i byang chub kyi sems kyi bdud rtsis lus
- 203b
chim par byed pa spyod par bya'o zhes sku'i rigs kyi dam tshig go /bshad pas nye bar mtshon pa'i bdud rtsi'i rang bzhin ni rnam par snang mdzad la sogs pa'o/ zhes bstan to/ /mchog ni ye shes kyi phyag rgya'o/ /'bring ni dam tshig gi phyag rgya'o/ /tha ma ni las kyi phyag rgya'o/ /yang ni mchog na bram ze mo/ /'bring ni rgyal rigs dang rje rigs ma'o/ /tha ma ni dmangs rigs ma'o/ /yang na mchog ni sme sha can gyi bu mo ste mi bskyod pa'i rigs yin pa'i phyir ro/ /bar ma ni gang mkhan mo ste 'od dpag tu/ med pa'i rigs dang ldan pa'i phyir ro/ /tha ma ni khrus mkhan ma ste rnam par snang mdzad kyi rigs yin pas so/ /de dag thugs dang gsung dang sku'i ngo bo yin no/ /khams gsum ni sems can rnams so/ zhes pa ni khams gsum las bskyed pa'i phyir ro/ / snyoms par zhugs pa'i lam zhes pa ni skye bo byung ba'i sgo'o/ /pad+ma'o? zhes pa ni gru gsum pa mo'i dbang bo'o/ /'gro ba thams cad tsham par byed pa'o zhes pa ni sems can gyi rigs rnams la gzhi dga' bar byed pa ste/ 'dod pa'i khams de'i rang bzhin yin pa'i phyir ro/ /dregs pa'i gdugs ni rtsa dbus ma'o/ /zla ba rdzogs pa ni rtsa g.yon pa'o/ /rus sbal ni g.yas pa'o/ /sogs pa ni mdun du lha sbyin ma dang rgyab du nor rgyas ma'o/ /de dag gal te mi bskyod pa la sogs pa bdud rtsi lnga gyu ba yin na yang de bzhin du byang chub kyi sems 'dzag pa yin no/ /b+ha ga'i dbus nam mkha' gang/ /nam mkha' lnga yis brgyan pa ste/ /lte bar ge sar dang ldan pa'i 'dab ma brgyad kyis rnam par mdzes/ /de la rtag tu gnas pa ni/ /khu ba'i gzugs su bdud rtsi 'dzag /ces 'byung ngo/ /rtse lnga po de dag snyoms par zhugs pa'i sngon du lag pa'i phyag rgyas bskul zhing gshed bar byas te lce bcug la/ de las 'dzag pa'i bdud rtsi myang ba gang yin pa de ni gsung gi rdo rje'i dam tshig ste/ dag gi rang bzhin lce'i bya
- 204a
ba yin pas so/ /de ni dkyil 'khor rgyal ba mchog gi phyogs gcig dang shes rab kyi dbang bskur gyi phyogs gcig dang/ gsang ba'i dbang bskur yang yin no zhes bstan to/ /de nas zhes bya ba nas bsdud par byed pa'i tshig go zhes pa ni thugs rdo rje'i rnal 'byor pas pad+ma can la sogs pa'i phyag rgya dang lhan cig tu rol pas de rnams kyi sems nye bar mi bya'o/ /'on kyang phyi'i kha zas dang btung ba dang/ tshig snyan pa la sogs pas mgu bar byas te/ de nas dga' bar 'gyur ba'i sems dang ldan pas/ bde pa'i lus dang ldan pa de rnams kyis byang chub kyis sems ster bar 'gyur ro/ /gang gi dbang gi bde ba chen po myong ba yin no zhes bstan to/ /de ni thugs kyi dam tshig ste thugs mnyes par byed pa'i phyir ro/ /spyod pa gsum la gnas pa'i rnal 'byor pa zhes pa ni spros pa dang bcas pa la sogs pa spyod pa gsum spyod pa'o/ /spyi'i sangs rgyas dang byang chub sems dpar mngon par zhen pa zhes ba ni de rnams la kun tu chags pa'o/ /brtsal bar bya ba'i phyir ni de ldog par bya ba'i phyir ro/ /lhag pa'i lha bstan pa'i lha ngo bo nyid bstan pa'i phyir ro/ /de nas zhes bya ba nas de skad ces bka' stsal to zhes pa'i bar du ni gang zhig so sor nges pa'i rang bzhin la dmigs nas so sor snang ba'i phung po lnga dang/ mig la sogs pa'i skye mched drug dang/ sa la sogs pa 'byung ba chen po gang yin pa de rnams rnam par snang mdzad la sogs pa de bzhin gshegs pa lnga dang/ spyan ma la sogs pa dang rdo rje 'chang chen po dang sa'i snying po la sogs pa drug gi rang bzhin du shes par bya'o zhes bstan to/ /de nye bar mtshon pa tsam yin te ye shes lnga dang yul drug gi do bo yang yin par shes par bya'o/ /de yang rigs brgya'i dbye bas sngar gtan la phab pa'o/ /ji skad du/ bdag nyid sangs
- 204b
rgyas kun nyid de/ byang chub sems dpa' thams cad nyid/ /de'i phyir 'bad pa thams cad kyis/ /rang gi bdag nyid mchod par bya/ /zhes 'byung ngo/ /le'u dang po nas rdo rje breng ba'i rgyud kyi tshad nas/ /sku'i dkyil 'khor de nyid bstan to/ /rgyud phyi ma las kyang/ byang chub kyi sems kyi dkyil 'khor dang/ /sku yi dkyil 'khor nyid dang ni/ /b+ha ga'i dkyil 'khor zhes bya ba'i/ /dkyil 'khor gsum po rta de dag brtags/ /de yang bskyed pa'i rim ba'i dang po sbyor ba'i phyogs gcig shin tu rnal 'byor zhes bya ba yin no/ / dkyil 'khor rgyal ba mchog la yang sku'i dkyil 'khor la lhag par mos bsngon du 'gro bar/ phyi rol tu dkyil 'khor spro ba'o/ /de ltar zhes bya ba nas bzhugs par gyur to/ zhes pa'i bar du ni phung po dang khams dang skye mched kyi rang bzhin rnam par snang mdzad la sogs pa'i tshogs/ /rang gi phung po la sogs pa dang mtshungs par shes nas khams gsum pa yang de'i ngo bor shes par bya ste/ gnas ji lta ba la bzhin du gnas pa'i dkyil 'khor ba rnams gzigs nas sems rnam par dag pa'i rim pa 'am mngon par byang chub pa'i rim pa la 'jug ste/ 'khor gyis zhus pa la klags skabs su sbyin pa'i phyir ro zhes bstan to/ /bcom ldan 'das zhes bya ba nas shes par gyis zhes pa'i bar du ni bcom ldan 'das rdo rje 'chang 'od gsal ba la 'jug na dpal gsang ba 'dus pa rdo rje slob dpon khyod dang bdag cag gis ji ltar shes par bya'o zhes byams pas de bzhin gshegs pa rnams la 'dri bar byas so zhes bstan to/ /'dir 'jig rten gyi spyod pa ni dkyil 'khor gyi cho ga dang sbyin sreg dang rab tu gnas pa dang zhi ba la sogs pa'i spyod pa'o/ /'jig rten las 'das pa'i spyod pa ni dam tshig la sogs pa dang rdzogs pa'i rim pa'i spyod pa'o/ /byams pas bskul ba zhes pa ni 'dri bar byas pa'o/ /sa'i snying po la sogs pa gnas kyang byams pas
- 205a
bskul ba ni ma 'ongs pa'i chos kyi rgyal srid la dbang byed pa'i phyir ro/ /ston pa po zhes pa ni 'dir dbang bskur ba'i rdo rje slob dpon no/ /rdo rje 'chang chen po dang 'dra ba zhes pa ni 'dra pa'i sgra gzhan gyi 'brel pa dang rnam par gcod pa yin te/ de na rdo rje sems dpa' nyid de /yin gyi de bzhin gshegs pa gzhan ni yin no/ /khyad par gyi sgo nas dam tshig bstan pa'i don du bshad par bya ste / de ci'i phyir zhe na/ zhes smos te / byang chub kyi sems zhes pa ni stong pa nyid dang snying rje dbyer med pa'i bdag nyid ni rdo rje 'chang ngo/ /stong nyid snying rje dbyer med pa'i/ /byang chub sems de bshad pa yin/ /zhes 'byung ngo/ /gnyis su med pa'i ye shes 'dzin pas na rdo rje 'chang ngo/ de bzhin gshegs pa thams cad kyi gtso bo yin pas na chen po yang yin te gnyis su med pa'i ye shes kyi rang bzhin pas rdo rje 'chang yang yin te zhes rdo rje 'chang chen po'o/ /slob dpon zhes bya ba ni dpal 'dus pa la dbang bskur ba'i bla ma'o/ /shes pa dang shes bya'i bag chags kyis mi g.yo bas na mi bskyod pa ste/ rdo rje sems dpa' nyid do/ /de dag ni rdo rje 'chang gi rnam grangs kho na'o/ /dbyer med pa ni rdo rje 'chang dang slob dpon tha mi dad pa'o/ /rgyu ni slob dpon no/ /'bras bu ni rdo rje 'chang ste / de'i drin gyis de'i go 'phang thob pa'o/ /de nyid kyi phyir rgyu dang 'bras bu de dag dbyer med par byas nas slob dpon dang rdo rje 'chang nyid 'dra ba'o/ /rigs kyi bu zhes pa ni ma 'ongs pa'i dus su sangs rgyas kyi yul na las 'byung ba'i 'gro ba'i slob dpon no/ /shar la sogs pa'i phyogs na gnas pa zhes pa ni de la srid pa'i rtse mo'i shar phyogs su rnam par snang mdzad kyi 'jig rten gyi khams 'og min no/ /de'i lho phyogs su rin chen 'byung gnas ni rin chen 'byung ldan gyi 'jig rten gyi khams so/ /de'i nub phyogs su bde ba can zhes bya ba 'od dpag
- 205b
tu med pa'i 'jig rten gyi khams so/ /de'i byang phyogs su me tog can zhes bya ba don yod grub pa'i 'jig rten gyi khams so/ /de rnams kyi dbus su nam mkha' la mngon par dga' pa zhes bya ba mi bskyod pa'i sangs rgyas kyi zhing ngo/ /de dang 'dra pa yang stong gsum dang stong chen po la sogs pa la bltos nas mdza' yas pa'i 'jig rten gyi khams so/ /de nyid bstan pa'i phyir/ grangs med pa na zhes smos te/ sangs rgyas dang byang chub sems dpa' grangs med pa zhes bya ba ni rdzogs pa dang ma rdzogs pa'i dbye bas mdza' yas pa'o/ chos kyi sku zhes pa ni khyab pa med pa'i chos nyid kyi ngo bos so/ /mi g.yo bas na zhes bya ba ni ngo bo nyid kyi rtag pas so/ /longs spyod rdzogs pa'i skus zhes pa ni mtshan dang dpe byad kyis brgyan pa'i skus so/ /'og min gyi gnas na zhes pa ni nye bar mtshon pa tsam yin te / mngon par dga' ba la sogs pa yang ngo/ /ston par mdzad pas zhes pa ni chos kyi bdud rtsi myang bas so/ /rgyun mi 'chad par zhes pa ni chim par byed pa ste/ mi 'jig pa'i rtag pa yin pa'i phyir ro/ /sprul pa'i skus zhes pa ni spros pa'i 'khor gyis so/ /mtho ris ni bde 'gro'o/ /thar pa'i ni grol ba'o/ /de dag bsod nams dang ye shes kyi tshogs bstan pas thob par mdzad pa ni sems can rnams thob par 'jug par mdzad pas so/ /rgyun gyis rtag pas na sprul pa'i sku ni rtag pa yin no/ /de rnams zhes bya ba nas rang gi sangs rgyas kyi zhing du 'gro zhing zhes pa'i bar du ni de lta bu'i sangs rgyas dang byang chub sems dpa' sa gsang ba 'dus pa'i slob dpon la phyi'i mchod pa dang rang gi nang gi mchod pa la sogs pas dus gsum du mchod par mdzad do/ zhes bstan to/ /'di skad du zhes bya ba nas go bla'o zhes pa'i bar du ni rdo rje slob dpon 'di bdag cag gi 'di pha 'di bya ba ste/ sangs rgyas kyi theg pa rgyun ma chad par byed pas so zhes bya pa la sogs pa'i bstod
- 206a
ba'i tshig brjod nas/ yang ldog cing rang rang gi sangs rgyas kyi zhing du gshegs so zhes bstan to/ /'jigs shing zhes bya ba nas mi smra bar gyur to zhes pa'i bar du mchod par bya ba la the tshom ci dgos zhes bya bas ngo tsha dang bcas pa'i phyir byams pa cang mi smra bar gyur to/ zhes bstan to/ /de ltar byams pa zhes bya ba nas thos so/ zhes pa'i bar du ni dkyil 'khor gyi bdag pos brgyan pa'i ting nge 'dzin la snyoms par zhugs nas/ rdo rje 'chang chen po'i ngo bo khong du chud nas de bzhin gshegs pa rnams slar yang ston par mdzad pa de zhes bstan to/ /de bzhin gshegs pa'i zhes bya ba nas shes par bya ba'i phyir ro zhes bya ba'i bar du ni bcom ldan 'das kyi sprul pa'i sku gang yin pa de ni gang du gnas zhes byang chub sems dpa' zhu bar byas nas rgyud kyi dkyil 'khor gyi bdag po mi bskyod pa gang yin pa de'i sku la sogs pa la gnas te / de nyid las de rnams spro ba yin no zhes de bzhin gshegs pa rnams kyis lan btab pa dang gzhan yang dkyil 'khor gyi bdag po'i sku la sogs pa gang du gnas zhes zhus pa la gang du yang mi gnas so zhes lan btab pa dang/ 'od gsal ba zhes brjod par rigs na rang gi rig pa yin pas brjod par mi nus so / zhes bya ba gang du yang mi gnas so zhes bstan to/ /de ni ji ltar thob ces bla ma'i man ngag las shes par bya pa'i phyir ro zhes pa ni shes rab ye shes kyi dbang bskur pa'i dus su bla ma'i zhal las 'od gsal ba nyid thob par 'gyur ro/ /de ni rdo rje slob dpon gyi bka' drin gyis gang gi tshe rdo rje 'chang chen po'i go 'phang 'od gsal pa dang phyag rgya chen po'i rnam grangs thob na de'i tshe rgyu dang 'bras bu dbyer med pas de nyid rdo rje 'chang chen yin no zhes bstan to/ /de ltar zhes bya ba nas 'di don
- 206b
ston pa yin no zhes pa'i bar du ni byang chub sems dpa' rnams ston pa rdo rje slob dpon la ngo mtshar du gyur ba dang/ rdo rje 'chang gi go 'phang gi de rgyur gyur pa la rmad du gyur pa dang/ de bzhin du rdo rje slob dpon sangs rgyas la sogs pas bsnyen bkur du bya ba nyid du bstan to/ /de yang 'brel pa mkhan gyis go sla bas na ma bshad do/ /don 'di zhes bya ba la sogs pas dpal sgyu 'phrul dra pa'i tshad ma nyid bstan to/ /slob dpon ni rdo rje slob dpon no/ /de ji ltar blta zhe na/ zhes pa ni ji ltar shes par bya ste zhes 'dri ba la lan no/ /yon tan gyi tshogs dang ldan pas na bla ma'o/ /sangs rgyas thams cad nye bar sdud par byed pa na sangs rgyas thams cad te de dang mtshungs pa'o/ /rdo rje 'chang ni mi bskyod pa'o/ /las thams cad pa yin pas na/ kun ni don yod grub pa'o/ /rgyal po ni 'od dpag tu med pa'o/ /rin chen rtog ni rin chen 'byung ldan no/ /de bzhin gshegs pa ni rnam par snang mdzad do/ /de ltar de bzhin gshegs pa lnga dang ldan pa drug pa rdo rje 'chang gi ngo bo rdo rje slob dpon bstan to/ /de ltar gyur pa'i slob dpon ni rdo rje bla ma'i yon tan ni tshul khrims la sogs pa'i yon tan bzung bar bya'o/ /skyon ni gang yang rung ba'i spyod pa ngan pa bzung bar mi bya'o/ /'bras bu bstan pa'i phyir/ yon tan gyis ni dngos grub cing zhes smos te/ 'jig rten pa dang 'jig rten las 'das pa'i dngos grub tu 'gyur ro/ /skyon ni yod pa 'am byed pa bzung ba na sngar bshad pa'i dngos grub nyams par 'gyur ro/ /de'i phyir ni rgyu de las so/ /kun nas rab bsgrims te / zhes pa ni lus ngag yid kyis so// sangs rgyas nyid ni 'bras bu ste thob par byed pa'i phyir ro/ /de 'dod pa'i de don du gnyer ba'i skyes bu rnams kyis so/ /dang pa ni dang pa dang ldan pas so/ /de ni rdo rje slob dpon no/ /mchod cing mchod par bya'o/ /gang gi phyir bsam pas 'bras bu ni yang dag
- 207a
par rdzogs pa'i byang chub kyi mtshan nyid do/ /smin par byed pa ni ster bar byed pa de'i phyir mchod par bya'o/ /de bzhin du rin chen rgyal po zhes bya ba la sogs pas mdo sde tshad ma nyid du bstan to/ /o rgyan gyi ri ni byang phyogS kyi gnas kyi ri la'o/ /bcom ldan 'das lag na rdo rje zhes pa ni rdo rje 'chang chen po de la bzhugs par gyur nas 'khor rnams la 'di skad gsungs so/ /rdo rje theg pa la slob par byed pa zhes pa ni kye byang chub sems dpa' rnams so/ /de bzhin gshegs ba ni bcom ldan 'das yang dag par rdzogs pa'i sangs rgyas so/ /de re zhig yongs su mya ngan las 'das pas ston pa ni mi mthong na yang ni mngon sum du mi mthong ba'o/ /de bas na rdo rje slob dpon ni 'jig rten pa la ston par 'gyur te/ des ngo bo bstan pa'i phyir ro/ /rje btsun stong phrag brgyab las kyang bya ba 'dis shes rab kyi pha rol tu phyin pa las kyang tshad ma nyid bstan te/ /sangs rgyas kyi byang chub ni yang dag par rdzogs pa'i byang chub bo/ /dge pa ni thar pa'o/ /de thob bar byed pa'i dge ba'i bshes gnyen ni dge ba'i bshes gnyen te / rdo rje slob dpon no/ /nye bar bsten pa zhes pa ni de la brten nas so/ /de nas zhes bya ba nas gsungs te zhes pa'i bar ni bcom ldan 'das rdo rje 'chang chen pos dang po 'od gsal ba la bzhugs nas de nas cig car du bdag la byin gyis brlabs pa'i rim pa las langs te / mi bskyod pa phyung zhing rjes su zhugs nas zhe sdang rdo rjer gyur nas / de bzhin gshegs pa thams cad ro nyams pa'i bdag nyid kyi ting nge 'dzin la zhugs te/ ting nge 'dzin gyi dkyil 'khor nyan pa'i dus su de bzhin gshegs pa rnams pos so/ /de rnams kyang bcom ldan 'das kyis rjes su gzung ba'i gsung gis mgu pas bcom ldan 'das ston cig ces bya ba'i de'i tshig gsan nas de rton pa'i phyir
- 207b
rtsom par gyur to zhes bstan to/ /nam mkha' i khams zhes bya ba nas bsam gtan gyi dkyil 'khor zhes pa'i bar du ni re zhig dang rnal 'byor pas bdag la byin gyis brlab pa'i rim pas bdag nyid rdo rje 'chang chen por bsgoms la mi bskyod ba phyung zhing rjes su zhugs nas thugs rdo rje bsams la / de nyid phung po lnga'i bdag nyid de bzhin gshegs pa lnga'i bdag nyid dang / spyan ma la sogs pa'i rang bzhin gyi khams bzhi'i ngo bo sku nyid dkyil 'khor du bsams la/ rim pa de nyid dkyil 'khor ba rnams kyang gnas ji lta ba bzhin du 'khor gyi tshul du bsams te/ rang gi snying ga'i pad+ma'i lte bar rdo rje 'chang chen po bsams la reg bya rdo rje mas 'khyud pa'i snyoms par zhugs pa'i bde ba myong zhing de'i pad+ma'i nang du / lha sum cu rtsa gnyis kyis dkyil 'khor gyi bdag nyid bsgoms la de'i dbus kyi lte bar mi bskyod pa'i gzugs can slob ma la bcug nas snyoms par zhugs pa las bzhus pa'i rtsa ba'i 'khor lo nas 'dzeg? pa byang chub kyi sems kyi rgyun gyi char dang/ de bzhin du srog dang rtsol ba la gnas pa'i sangs rgyas dang byang chub sems dpa' dang snyoms par zhugs pa de rnams slob ma de'i spyi bor dbang skur sbyin par bya'o/ /dbang bskur ba 'di ni rang dang gzhan gyi don phun sum tshogs ba rdzogs pa la nus pa yin no/ zhes bstan to/ /'di ni rig pa'i dbang bskur pa yin te / rig ma'i pad+ma'i nang du rtsol pas so/ /gsang ba'i dbang bskur pa yang yin te / byang chub kyi sems kyis dbang bskur bas so/ /shes rab kyi dbang bskur pa yang yin te/ shes rab kyi pad+ma dang reg pas so/ /bla na med pa'i de kho na nyid thob pa bzhi yang na? de bzhin no zhes shes par bya'o /gzhan yang gdug pa rnams zhes bya ba nas sbyor ba phul tu byung ba'i zhes pa'i bar du ni le'u bcu gsum pa dang bcu bzhi pa'i
- 208a
yan lag tu gyur pa'i cho ga 'dis drag po'i las bsgom par bya ste/ re zhig dang po rnal 'byor pas rang gi bdag nyid pags pa dang rus pa dang sha tha dad par bsgoms la yang gcig dang du ma bral bas de nyid stong par bsgomS te/ rkang pa'i dkyil nas mgo bo'i bar bshad gci sogs kyis rab tu gang/ /rdul phra rab sogs dbye ba yin/ /rnam par dpyad na ngo bo med ces bya ba'i tshig gis de'i 'og tu lus ngag yid kyis bdag nyid yi ge gsum thams cad nag po'o/ /hUM h+ri khaM zhes bya ba'i 'od zer gyi tshogs spro? bar byas la/ /de yongs su gyur pa las byung pa'i kha dog sngon po drag po rdo rje spro ba dang bsdu ba'i rim gyis / de yongs su gyur pa las bcom ldan 'das rdo rje mkha' 'gro zhal gcig phyag bzhi pa kha dog sngon po g.yon brkyang ba gdug pa 'dul pa la brtson pa/ phyag g.yas pa la rtse gsum gnyis pa la rdo rje / g.yon pa dang po la thod pa gnyis pa la mdud rtse gcig pa rdo rje phur bus 'dzin pa bsams la lce yang rtse lnga'i rdo rje'i rnam pa can / lce re rer rlung la sogs pa 'byung ba chen po'i sa bon la ya ra la wa ha'i sa bon bkod nas de las byung ba'i 'od zer lngas bsgrub bya'i yan lag la sdig pa bzhin du zhugs pa sbyar bas khrag ma lus pa dgug cing / rang gi snying gar 'jug par bya'o/ /de'i tshe dgra po 'chi bar 'gyur ba dang gzhan yang ting nge 'dzin de nyid kyis bsgrub bya'i snying gar rtse gsum gyi dral la/ rdo rje sa 'og dang rdo rje phur bus yan lag thams cad kyi tshig dral la/ sngar bshad pa'i sa bon lnga'i 'od zer gyi yan lag thams cad la khyab pa'i khrag dgug cing thod pa la bzhag ste de las btung bar bya'o/ /de'i tshe dgra bo 'chi bar 'gyur ro zhes bstan to/ /de nas zhes bya ba nas 'di ni nang gi sbyin sreg go zhes pa'i bar du ni kha
- 208b
zas kyis dus su rnal 'byor pas bza' ba dang btung ba la sogs pa bdud rtsi lnga'i tshogs bskyed la snying gar ye shes sems dpa' me lce spro ba bsams la/ mgrin par pad+ma 'dab ma brgyad pa dang 'dra ba'i lce'i pad+ma'i 'dab ma dang 'dra ba? khams nyi? ba dang 'dra ba dang/ lag pa gnyis dgang gzar dang blug gzar du bsam te spyad par bya'o zhes bstan te / 'dir nye bar dgongs pa'i bza' ba dang btung ba dkyil 'khor bzhis dbye bas byas par sha dang khu? ba la sogs pa'i rang bzhin ni khams nyi shu rtsa bzhi'i ngo bo yongs su gyur par bsam par bya'o/ /lhag ma zhes bya ba ni yongs su gyur pa las 'byung ba'o/ /bshad ba dang gci ba'i dngos por zhes pa ni me yongs su gtong ba'i thal ba'i ngo bor yongs su gyur par bsam par bya'o/ /lha mo bzhis yongs su zhus pa'i rgyud las kyang/ /rlung gi me ni sbar bya ba/ /chu ni yongs su smin par byed/ /dbang chen gyi ni dkyil 'khor gnas/ /gang du bsreg blugs kun tu spyod/ /bza' dang btung ba gang yin pa/ /de dag thams cad 'dzin par byed/ /kha yi pad+ma bza' ba ste/ /mgrin pa'i pad+ma 'jug par byed/ /snying ga pad+ma las byung zhing/ /lte ba'i pad+mar 'dzin par byed/ /bshad sgo pad+ma las byung zhing/ /de ni thal bar rtogs par bya/ /zhes 'byung ngo/ /de ni las kyi rgyal ba mchog go ting nge 'dzin gso ba'i yan lag go /de nas zhes bya ba nas 'da' bar mi bya'o zhes pa'i bar du ni sems can thams cad dang bdag nyid kyang rang gi yi dam gyi lha'i rnam par bsgoms la mchod par bya'o zhes bstan te/ de ltar nyin re'i dam tshig ni rnal 'byor pa thams cad kyi yin no/ /las kyi rgyal ba mchog gi ting nge 'dzin to/ /de ltar thun mong gi mchod pa bstan nas zhes bya ba nas sangs rgyas kyi byang chub thob par 'gyur ro zhes pa'i bar du ni phyag rgya legs par sbyangs pa
- 209a
sngon du 'gro bar rdo rje dang pad+ma snyoms par 'jug pa byas la / de bzhin gshegs pa thams cad 'jug pa yongs su gyur pa'i byang chub kyi sems dbus ma'i lam rdo rje'i lam nas 'byung ba phyag rgya'i chos 'byung gi nang du sna tshogs pad+ma dang zla ba'i dkyil 'khor gyi steng du spros pa/ bu dang tsha bo lta bu sangs rgyas dang byang chub sems dpa' i dkyil 'khor bskyed la / srung ba dang rgyas pa la sogs pa'i cho ga zhes pa ni sems dpa' gsum gyi gcig gi bdag nyid dang/ dbang bskur ba dang rgyas gdab pa la sogs pa'i bya bas dkyil 'khor du shar phyogs la sogs pa'i rim gyis gzung ba ni bzhag par bya'o zhes bstan to/ /de ni dkyil 'khor rgyal ba mchog ces bya ba'i ting nge 'dzin to/ /de ltar bdag dang gzhan la mchod pa bstan nas zhes bya ba nas phul du byung ba'o/ zhes bya ba'i par du sems can gyi khams rnam pa bzhi dang ldan pa'i sa'i gzhi khams ni lus kyi legs par spyod pa mchod pa la sogs pa dang/ ngag gi bde ba la bstan pa dang smin pa la sogs pa dang/ yid kyi dge ba byams pa la sogs pa'i tshangs pa'i gnas kyis rjes su gzung bar bya'o zhes bya ba de ni sems can thams cad bsdu bar byed pa 'dus ba'i dam tshig phul du byung ba yin no/ /zhes las gyi rgyal ba mchog gi ting nge 'dzin bstan to/ /de ltar mchod pa'i rnam pa zhes bya ba nas dmigs pa dang bcas pa'i phyir ro zhes bya ba'i bar du ni ji srid sngar bshad pa'i mchod pa'i cho ga de dag thams cad sbyin par bya ba dang sbyin pa po dang/ len ba bo dang/ mchod par bya ba dang mchod pa po dang mchod pa mi dmigs pas 'di dag thams cad 'od gsal ba'i rang bzhin yin no zhes lhag par mos par bya'o/ /gzhan du na dmigs pa dang bcas pas bsod nams kyi tshogs su yang mi 'gyur gyi ye shes
- 209b
kyi tshogs la lta ci smos shes bstan to/ /de ltar zhes bya ba nas phan yon no zhes pa'i bar du ni bsgoms pas dub pa'i rnal 'byor pas spyi bor mtho gang tsam gyi nam mkha' i kha dog dkar po yi ge waM yongs su gyur pa las zla ba'i dkyil 'khor bsams la de'i dkyil du thur du 'phyang ba 'bar ba'i yi ge oM bkod nas de ma zhus par gyur ba de las 'bab chu'i rgyun gyi rnam pa bdud rtsi'i char gyi tshangs pa'i sgo nas rkang pa'i dkyil gyi bar du rtsa kun tu spyod ba'i rim gyis tshim par bya'o zhes bstan to/ /'di yang las kyi rgyal po'i mchog nyid do/ /rdzogs pa'i rim pa rtogs ba zhes bya ba nas dgag pa med do zhes bya ba'i bar du ni zung du 'jug pa'i rim pa la gnas pa'i rnal 'byor bas mchod rten gyi las dang sangs rgyas dang byang chub sems dpa' la sogs pa la phyag 'tshal ba dang maN+Dal gyi bya ba dang glegs bam la sogs pa klog par mi bya ste / rang gi sku'i dkyil 'khor mchod rten la sogs pa'i rang bzhin yin pa'i phyir dang/ rdo rje bzlas pa chags pa'i phyir ting nge 'dzin la g.yeng bar byed pa 'bras bu med pa de rnam de la ci dgos zhes bya ba'i tha tshig go /de la brtul zhugs ma bstan te /bgrang phreng ma yin bsdams pa yin/ /'dzin dang sbyin sreg las rnams dang/ /gzhan dang gzhan la 'jug ba min/ zhes 'byung ngo/ /sems can gyi don bya ba'i phyir yas 'di dag rjes su bsgrub par bya ste/ rnam pa thams cad du mngon par zhen pas ni ma yin no zhes bstan to/ /le'u bco lnga zhes bya ba nas shes par bya'o/ /zhes pa'i bar du ni yi ge oM yongs su gyur pa las 'khor lo'i dkyil 'khor du brtan pa dang g.yo pa la sogs pa'i dug gis zin pa'i bsgrub bya la/ de bzhin du spyi bor kha dog dkar po'i 'khor los mnan par byas te/ kha sbyor gnyis ka las 'byung ba'i 'od zer dkar bo'i tshogs kyis de'i lus la kha dog ser po'i dug sel bar bya'o zhes pa ni dug sel
- 210a
ba'o/ /'khor lo ser po de dag gis dug rengs par bya ba dang 'khor lo nag po de dag gcig las dgug cing gzhan du 'pho bar bya'o zhes bstan to/ /dug bsal ba las 'grub pa'i bka' gzhan dri bar bya ba? e sA? sA g+ha re Ne we mi la ta ra mo ta ki sa dzA he re b+ha do a da khe nA d+he sA dzA he su dza na tu ka la dug la ? we saM khA me be saM be bA me se we se Na ma dzu nu li wa naM ka ru me he le he le mu ta ma taM ke swAhA / de brjod pa tsam gyi dug sel bar 'gyur ro/ /de'i sngon gyi bsnyen pa la sogs pa mi dgos te brjod pa tsam gyis grub pa'i phyir ro zhes the tshom med do/ /rengs pa la dug gis cha lnga pa rang nye bar spyod cing cha drug pa sngags 'dis gang la sbyin pa de la rengs par 'gyur te / h+ri wi hI wi hUM Tha Tha Tha staM b+ha ya stwaM b+ha ya / de ni bka' i sngags te brjod pa tsam gyi grub pa nyid do/ /'pho ba la sogs pa cho ga 'di nyid yin no/ /de ltar zhes bya ba nas ba spu bsdus shing btus pa'o zhes pa'i bar du ni bdag nyid bdud rtsi 'khyil par bsams te gi wang dang gur kum gyis dri ma med pa'i gro ga la sogs pa la rdo rje rgya gram gyi changs zungs la rtsi las brgyad pa'i 'khor lo bris te/ dbus su yi ge haM bsgrub bya'i ming dang bcas pa dang/ rtsibs rnams la yang oM hu lu hu lu tiSh+Tha banda band+ha ha na ha na da ha a mri te phaT /de ltar bris nas srad bu dkar pos bcings la rgya skyegs dang lcags gsum gyis bskor zhing za ma tog la sogs par gzhag nas tshes gcig nas brtsams te nya'i bar du mchod par lngas mchod cing de las bton te / bsgrub bya'i dpung pa la btags nas de'i tshe rims la sogs pa nang rnams dang bgegs dang dgra rnams gnod par mi 'gyur ro zhes bstan to/ /de ni zhes bya ba nas kun tu bzang pos gsungs so zhes pa'i bar du ni thod pa'i gdan la gnas pa'i rnal 'byor pas srung ba'i
- 210b
'khor lo'i phyogs bcings la thod pa'i sgyed bu'i steng du zhag gis bkang ba'i thod pa bzhag nas de'i steng du chang gi bkang ba'i snod bzhag la bdud rtsi lngas bskus pa'i shing arg+ha dang pad+ma'i snal mas sdong bu byas te/ khro bo'i gzugs kyi mar ngo'i tshes bcu bzhi'i mtshon phyed kyi dus su du ba blangs nas 'khor lo'i bdag po'i sngags brgya rtsa brgyad bzlas pas sngon du 'gro bar ras la bsdus te/ srung skud dmar pos bcings te/ snga ma bzhin du za ma tog la sogs par mchod cing de bsku ba'i dmyis dang bcas pas rnam pa gsum gyi dngos grub thob par 'gyur ro zhes bstan to/ /de las shes bya ba la sogs pas rnam pa gsum gyi dngos grub kyi bshad pa ni go sla'o/ /de nas sdud par byed pa zhes bya ba nas mi gsung bar bzhugs so zhes pa ni gang zhig dpal gsang ba 'dus pa'i rgyud kyi rgyal po dang par byed pa dang/ thos pa la sogs pa'i rim pas mngon du byed pa/ de rnams gang gis byin gyis brlabs pa zhes 'dri ba la / de bzhin gshegs pa gsum gyis zhes lan btab bo/ /yang de rnams gang yin zhe na zhes zhus pa la sku rdo rje la sogs pa zhes lan btab pas the tshom dang bral pas de bzhin gshegs pa rnams cang? mi gsung bar gyur to zhes bstan to/ /de ltar zhes bya ba nas thams cad mkhyen pa'i phun sum tshogs pa dang ldan par 'gyur ro zhes pa'i bar du ni bskal pa du ma 'das pa'i dus su de bzhin gshegs pa rnams mya ngan las 'das pa gang yin pa de rnams kyi rgyal po 'di ma gsungs dus de tsam la mos pa dman pa yin pas sems can gyi khams pha rol tu phyin pa'i theg bas 'dul pa yin gyi sngags kyi theg pas ni ma yin no/ /lta ba'i dus dang snyigs ma lnga dang ldan pa'i sems can rnams 'dod chags dang zhe sdang dang gti mug che bas pha rol tu phyin pa'i tshul gyis 'grub par mi 'gyur bas/
- 211a
bcom ldan 'das rdo rje 'chang gis chags bral gyi dug spangs nas/ sgeg pa'i nyams gtso bor gyur ba'i sku spros la 'dod chags spong ba'i don du dpal gsang ba 'dus pa'i rgyud bstan to/ /bskal pa grangs med pa gsum gyis byang chub sems dpa' byang chub thob pa gang yin pa de ni tshe 'di nyid du skad cig dang thad cig yud tsam dang mig btsum pa dang thal mo brdeb pa tsam gyi sngags kyi theg ba chen po pas thob par 'gyur ro zhes bstan to/ /nang gi mngon par byang chub pa'o/ /de phyi'i mngon par byang chub pa ni srod nas snang ba'i ye shes so/ /nyin mor snang ba mchod pa'i ye shes so/ /nyi ma nub pa'i dus mtshams la snang pa nye bar thob pa'i ye shes so/ /tho rangs kyi dus mtshams la 'od gsal ba zhes bya'o/ /nang gi mngon par byang chub pa ni dang po kha dog lnga'i 'od zer gyi rnam pa dang/ gnyis pa ni du ba'i rnam pa dang/ gsum pa ni srin bu me khyer gyi rnam pa dang/ srin bu me khyer ni g.yo ba'i bag chags so/ bzhi pa ni mar me'i rnam pa dang/ lnga pa ni sprin med pa'i nam mkha' dang 'dra bar zhes bya bas rtags lnga mthong bas 'od gsal ba 'byung bar 'gyur ro/ /'di dag ni nang nas nang gi mngon par byang chub kyi rim pas 'od gsal ba la zhugs ba zhes bya ba ni 'od gsal ba la zhugs nas so/ /rnyog pa'i dri ma thams cad ni 'dod chags dang 'dod chags bar ma rnams so/ /de dag dkrugs te yang gzhan gyi don bya ba'i phyir rim pa gsum pas ye shes kyi sku blangs nas sgyu ma la sogs pa'i dpe dang ldan pas thams cad mkhyen pa'i phun sum tshogs pa dang ldan par 'gyur ro/ /gsang ba 'dus pa 'di la zhes bya ba na dgongs pa ma yin pas bshad pa'o/ /zhes pa'i bar du ni thos pa la sogs pa'i rim pas
- 211b
dpal gsang ba 'dus pa'i rgyud du 'bad rtsol byed pas tshe 'di nyid du grub pa yin gyi pha rol tu phyin pa'i rnal 'byor pas bskal pa grangs med pa gsum gyis byang chub thob pa yis ni ma yin no zhes 'gyod pa skyes pa'i tsan dan la sogs pa'i rigs can gyi byang chub sems dpa' mgu bar mi 'gyur ba yang byas so/ /de dus rin po che lta bu'i gang zag gi rang bzhin de bzhin gshegs pa rnams kyis gyi? dbang po dman pa ? zhig ces dbugs dbyung ba sbyin par byas so/ /de rnams kyi sdug bsngal gsum gyi rgyu dang ldan pa'i du ba bstan to/ /sdug bsngal ni nye bar len pa'i phung po lnga'o/ /de rnams kyi yang sdug bsngal ni nad la sogs pa'o/ /'gyur ba ni dmyal ba la sogs pa 'gro ba drug du 'khor ba'o/ /de nyid sdug bsngal te ? bar byed pas so/ /'du byed ni skye ba snga ma'i bag chags rnams so/ /de nyid sdug bsngal te de'i dbang gis skye ba len pas so/ /yang na zhes pa ni phyogs gzhan gsal bar byed pa'i tshig phrad do/ /lus kyi sdug bsngal ni nad la sogs pa'o/ /ngag gi sdug bsngal ni rtsub ma'i tshig la sogs pa'o/ /yid kyi sdug bsngal ni 'dod chags la sogs pa'o/ /de dag ji ltar mi myong ba dang ji ltar ming du zhes bya ste/ rgyu 'di nyid la snod ma yin pa'i phyir ro zhes 'dri ba'o/ /sku gsung thugs zhes pa ni tha mal pa'i lus la sogs pa sbyor bar byed pa khyad par gyi lha'i rnam par snang mdzad la sogs ston par byed pa'o/ /yi ge'i don no zhes pa ni byed bar gyi sku la sogs pa'i lha ston pas so/ /yi ge gsum zhes pa ni oM dang a dang cha bzhi pa ston par byed ba'o /spyi'i don zhes pa ni yi ge gsum las byung ba'i lha rnams bstan pa'i phyir te/ bskyed pa'i rim pa dang ldan pa'i zhes brjod pa'i phyir ro/ /'jug pa ni dga' ba'o/ /gnas pa ni mchog tu dga' ba'o/ /ldang ba ni dga' bral lo/ /sbas pa'o zhes pa ni 'dod
- 212a
chags kyi chos rab tu bstan pas so/ /shes rab ni snang ba'i ye shes so/ /thabs ni snang ba mched pa'i ye shes so/ /nye bar thob pa zhes pa ni snang ba thob pa'i ye shes so/ /mthar thug ba zhes pa ni 'od gsal pa'i mthar thug pa bstan pas so/ /kye byang chub sems dpa' rnams de ltar ma sems shig sangs rgyas kyi sa thob pa yang dag par rdzogs pa'i byang chub dang ldan pa ni bdag cag gis kyang shin tu zab pa yin pas mi rtogs na khyed rnams kyis thob pa de smos ci dgos zhes bya ba de lta bu de bzhin gshegs pa'i dbugs dbyung ba thob nas byang chub sems dpa' rnams cang mi smra bar gyur to zhes bstan to/ /dgongs pa yin pas bshad pa zhes bya ba ni shin tu gsal ba'i de kho na nyid bstan pas so// de ltar zhes bya ba nas 'di'i don bshad zin to zhes pa'i bar du ni dkyil 'khor ma lus pa bskul? sogs pa'i rang bzhin gyi yi ge gsum la 'jug cing yi ge gnyis po de yang yi ge hUM tsam las zhugs nas bdag gi bya ba byas so zhes dgongs pas snyoms pa'i bde ba'i dbang gis bcom ldan 'das 'od gsal ba la 'jug go zhes bstan to/ /de ltar zhes bya ba nas gsan par mdzod cig ces bya bar dgongs so zhes pa'i bar du ni thog ma nas grub pa'i tshangs pa'i gnas gzhi'i ngo bo spyan ma la sogs pas/ ji ltar bcom ldan 'das thim par gyur pa las bskul bar mdzad pa de bstan to/ /de ni las kyi rgyal ba mchog gi ting nge 'dzin to/ /'dir de bzhin gshegs pa thams cad kyi bdag po yin pas na de bzhin gshegs pa thams cad ni rnam par snang mdzad dang por gyur pas so/ /spyan dga' ba zhes pa ni 'khyud pa la dga' ba'o/ /drug ldan la sogs pa zhes pa ni dbyangs kyi khyad par gyis so/ /sgeg cing ni' jam pa'i dbyangs so/ /de dang bcas pa ni snyan pa'i dbyangs te tshig snyan pa de rnams
- 212b
gyis so/ /sems can thams cad ces bya'i ni sa'i khams kyis rang bzhin nam sems can snod kyi 'jig rten gyi rang bzhin te de'i bdag nyid ni rnam par snang mdzad de gzugs kyi phung po rnam par dag pa yin pas so/ /khams gsum zhes pa ni 'dod pa la sogs pas la'o/ / chos kyi rgyal srid ni gti mug rnam par dag pa thob pa'i phyir ro/ /mdun na gnas pa zhes pa ni chags pa che bas mdun du bzhugs pa bzhin no/ /thugs dbang du gyur pa mnyes pa zhes pa ni me long lta bu'i ye shes kyi thugs kyi rang bzhin nyid mdzad pas so/ /rol pa ni snyoms par zhugs pa'o/ /tshim par byed pa ni dga' bar byed pas so/ /dga' ba yid 'ong zhes pa ni 'od gsal ba'o/ /skyed pas ni de byed pa'o/ /'khyud pa la sogs pa zhes pa ni tsum phan la sogs pas so/ /sems can thams cad skyed pa'i rgyu zhes pa ni sems can gyi rigs bzhi'i rgyur gyur pas so/ /thams cad kyi gzhi ni sa yin pas gzhi 'am rgyu nyid do/ /phan pa dang bde ba byed pas zhes pa ni mthong ba dang mi mthong ba'i bde ba ster ba yin pas so/ /de bzhin gshegs pa thams cad kyi nang na thugs kyis ngo bo yin pas thugs ni mi bskyod pa'o/ /chos kyi dbyings kyi ye shes kyi ngo bo yin pas 'phags ma yang yin la mA ma kI yang yin pas 'phags ma mA ma kI'o/ /tha mal pa ma yin pa zhes ba ni lha'i rnam pa'i bsgoms pas byas bas na khyad par dang ldan pa ste/ 'dod chags kyi rnam par dag pa bskyed pa'o/ /dga' ba ni snyoms par zhugs pa'o/ /zhugs pa ste zhes pa ni spyod pa 'am rdzogs pa'o/ /mi 'jigs pa'i sku dang ldan pa'i phyir ro/ zhes pa ni rdo rje'i sku yin pas so/ /bka' i 'khor lo ni sprul pa'i sku spro ba'o/ /de bskor bar mdzad pa ni skyed par mdzad pas sems can mang po la phan pa rjes su brtse ba'i ni khyod yin/ /phung po lnga zhes pa ni de rnam par dag pa yin pa'i phyir ro/ /kun rdzob gyi bden pa zhes pa ni sems rnam par dag pa'i rim pas sbyong ba bdag la byin gyis
- 213a
brlab pa'i rim pas ye shes kyi sku'o/ /don dam pa zhes pa ni rim pa bzhi pas 'od gsal ba'o/ /de nyid yang dag par 'dus pa zhes bya ba ni rim pa gsum pa dang bzhi pa bsdus pa las byung ba'o/ /bde ba chen po'i sku ste zhes pa ni zung du 'jug pa'i rim pas rdo rje sku des ston pas so/ /'dod chags rnam par sbyong ba'i phyir zhes pa ni kun tu chags pa'i 'dod chags rnam par sbyang bas so/ /'dod chags la spyod pa'i ngo bo nyid ces pa ni kho na nyid la chags pa'i spyod pa'i ngo bo nyid do/ 'od dpag tu med pa ni chos bstan pa'i phyir ro/ /gsung gi ngo bo yin pas 'gro ba 'dul bar mdzad pa'i phyir ro/ /de'i sku dang gsung dang thugs rdo rje'i spyan ma ni zhes pa ni sku la sogs pa mnyes par mdzad pa'o/ /ngag gi dbang phyug mnyes pas zhes pa ni yan lag drug cu'i sku gsung dang ldan pas so/ /de nyid kyi phyir mchog tu thugs rje che ba'i bdag nyid do/ zhes pa ni thugs rje chen po dang ldan pa'o/ /dmyal ba la sogs pa las gdon pa'i phyir ro/ /de'i thabs bstan pa'i phyir/ tshangs pa'i gnas bzhis shes pa ni byams pa la sogs bas so/ /dgongs pa'i don mdzad pa zhes pa ni sangs rgyas nyid thob pa'i phyir ro/ /dus thams cad ces bya ba ni rgyun ma chad pas so/ /shin tu dga' bas zhes pa ni spyod pa dang bcas pas spyod pas so/ /dge ba ni thar pa'o/ /de bzhin gshegs pa thams cad kyi sku gsung thugs ni las thams cad yin pas so/ /'phags ma sgrol ma ni dam tshig sgrol ma'o/ /rang bzhin brgya drug cu'i spyod pa zhes pa ni nyin mo dang mtshan mos so/ /'gags shing zhes pa ni shes rab dang thabs dang nye bar thob pa'i ngo bo sngags dang phyag rgya'i rim pas spangs nas so/ /ji skad du/ sgyu ma dag ni thams cad las/ /bud med sgyu ma khyad par 'phags/ /snang ba gsum gyi dbye ba ni/ /'di nyid las ni mtshon
- 213b
bar 'gyur/ zhes 'byung bas so/ /ye shes kyi gnyid gyis zhes pa ni snang ba dang snang ba mched pa dang snang ba nye bar thob pa'o/ /gnyid ni de rnams nub pa ste sngar bshad pa'i rim pas so/ /thams cad stong par zhugs pa zhes pa ni 'od gsal ba la zhugs pa'i stong pa shin tu stong pa dang/ /gsum pa stong pa chen po ste/ /rgyu dang 'bras bu'i dbye bas so zhes 'byung ngo/ /blta ste zhes pa ni sems rnam par dag pa'i rim pas 'od gsal ba'i ting nge 'dzin la zhugs par gzigs nas so/ /skul bar byedpa ni sad par byed pa ste/ sems can gyi don byed pa'i phyir skul bar byed pa'o/ /gzhan du na chad pa'i phyogs su thal bar 'gyur ba dang/ dbang phyug chen po'i lta ba las ldog par mi 'gyur ro/ /rtags pa dang ni chad pa'i phyogs/ /gang zhig spangs nas rab 'jug pa/ / zhes zung du 'jug pa'i rim pa las 'byung ba'i phyir /don yod grub pa'i sgo nas bos pa zhes pa ni dam tshig sgrol ma ni las kyi rigs yin pa dang 'khor ba dang bdag po'i 'brel pa dang mtshungs pas bcom ldan 'das bod pa ni rigs so/ /rdo rje dang pad+ma mnyam par sbyor ba zhes bya ba ni phyag rgya legs par sbyar ba sngon du 'gro ba rdo rje dang pad+ma sbyar bas so/ /phyung pa'i dkyil 'khor gyi lha rnams kyis zhes pa ni badzra d+h+rig ces bya ba la sogs pas phyung ba'i sngags kyi reg bya rdo rje ma'i chos 'byung gi nang na dam tshig gi dkyil 'khor spro ba las 'byung ba ni bskyod pa la sogs pa de bzhin gshegs pa dang byang chub sems dpa' dang lha mo dang khro bo rnams kyis so/ /zhe sdang la sogs pa'i sems can gyi khams rnam par sbyang bas na zhes pa ni pad+ma'i nang du phyir mi ldog pa'i dbang bskur byin nas rgyas btab cing phyi rol tu spros so/ /zhe sdang la sogs pa lngas khyab pa'i sems can gyi khams bstan pa la sogs pa'i rnam par sbyang zhing/ sangs rgyas kyi zhing la rab tu 'jug pas so/ /de ni dkyil 'khor
- 214a
rgyal ba mchog ces bya ba'i ting nge 'dzin to/ /'dir gal te de bzhin gshegs pa thams cad kyi sgo nas sems can gyi don bstan pa de bzhin du yang bya ba nan tan grub pa'i gtso bo yin pas don yod grub pa la dbang ba yin te rigs yin pa'i phyir ro/ /bstan pa la sogs pa'i bya ba ni las te/ gtso bor gyur ba'i rigs ni las kyis rigs te/ rlung gi khams kyi ngo bo yin pas so/ /de nyid kyi phyir dam tshig gi mchog /sems can gyi don bya ba dang dam tshig yin gyi gzhan ni dam tshig tsam mo ste de'i yan lag yin pas so/ /ji skad du / zhe sdang gti mug 'dod chags dang/ yid bzhin nor bu dam tshig ste /rigs ni de dag lnga po ni/ /'dod dang thar pa rab bsgrub ba'o/ /zhes 'byung ngo/ /'dod chags la sbyong ba'i sems can rnams kyi zhes bya ba ni de'i rigs kyi rang bzhin gyi gang zag rnams kyi'o/ /'dod chags pa rnam par dag pa'i thabs kyis shes pa ni 'dod chags kyi sgras snang ba mched pa'i ye shes kyi 'brel pa can gyi rang bzhin bzhi bcu bstan to/ /de rnams kyi rnam par dag pa ni sngags dang phyag rgya'i rim pas spong ba'o/ /de nyid thabs ni gnyen po'i phyogs so/ /des ni gnyen po'i phyogs kyi thabs kyis so/ /byang chub rab tu brtsol pa nas zhes pa ni snang ba mched pa'i rang bzhin spong bas 'od gsal ba'i de kho na nyid mngon du byed bas so/ /de nyid kyi phyir phan yon che'o/ /phan pa yang yin la chen po yang yin pas na phan chen ni thar pa'i go 'phang ngo/ /de nyid don ni dgos pa gang la yod ba zhes bya ba nas 'dzin pa sngon du 'gro ba'i 'bru mang po bsdu ba'o/ /shAkya'i rigs las byung ba rnams kyi zhes ba ni nges par gzung ba'i drug ba'o/ /shAkya'i rigs las byung ba ni de bzhin gshegs pa dang byang chub sems dpa' dang lha mo rnams dang khro po
- 214b
ste dkyil 'khor ba rnams so/ /de rnams kyi nang du mchog tu gyur pa ni rgyan dang 'dra bar gyur pas so/ /rgyan dang 'dra ba ni mi bskyod la sogs ba de bzhin gshegs pa'i nang na rta mchog 'gro ba'i don bya ba la nus ba dang ldan pas so/ /de nyid bstan ba'i phyir yang na zhes bya ba ni go sla'o/ /rang dang gzhan gyi rnam par dbye ba zhes bya ba la sogs pa ni sems can rnams kyi rang bzhin gyi rnam par rtogs pa ji srid yod par de srid ni 'khor ba'o/ /ji skad du/ nga rgyal las ni rab skyes pa/ /bdag gi byed pas nye bar 'phel/ /skye po phan par des smra bas/ /skye dgu ma lus 'di ltar gsungs/ /zhes 'byung ngo/ /de bzhin du bdag nyid yod bas gzhan gyi 'du shes te/ /rang bzhin dbye bas rjes su chags sdang dang/ /de dag gi ni yang dag 'brel pa yis/ /skyon ni thams cad rab tu skye par 'gyur zhes 'byung ngo/ /de la dmigs pa ni mi rigs pa dang nyams su myong ba'i bag chagS bdag gis nye bar dmigs pa'o/ /de bral pa ni bdag med pa'i blta bas spong ba'o/ /bdag dang bcas pa'i dngos po rnams la bdag med pa'i lta ba kho na gten po yin no/ /de ltar yod yang sems can rnams la thugs rjes su brtsebs shes pa ni khams gsum pa'i sems can gyi tshogs thugs rjes grol bar mdzad pas so/ /gang gi phyir sangs rgyas rnams kyi skyes bu'i spyod pa 'di yin te /gang gi chos thams cad stong par mkhyen nas kyang 'gro pa'i don mdzad pa'o/ /'di ni ngo mtshar ngo mtshar te/ /rmad du byung las rmad du byung/ /chos 'di stong par mkhyen nas kyang/ /gang zhig las dang 'bras bu bstan/ /zhes 'byung bas so/ /de lta bu'i khyad par can gyi yon tan zhes pa ni sngar bshad pa'i yon tan gyi tshogs gyis brgyan pas so/ /yon tan gyi rin po che zhes bya ba la sogs pa'i 'brel ba ni gang gi phyir zhes bya ba la sogs pa smos te/ gang gi phyir ni rgyu gang las so/ /'dod chags
- 215a
shes bya ba la sogs pa ni 'dod chags te / rang bzhin bzhi bcu mi mthun pa dang/ nyi ma'i snang ba dang 'dra ba snang ba mched pa'i ye shes ni gnyen po'o/ /'dod chags dang bral ba ni rang bzhin sum cu rtsa gsum mi mthun pa dang/ zla ba'i snang ba dang 'dra ba snang ba'i ye shes ni gnyen po'o/ /'dod chags bar min rang bzhin bdun mi mthun pa dang /mtshams kyi snang ba dang 'dra pa snang ba nye bar thob pa'i ye shes ni gnyen po'o/ /'od gsal ba zhes pa ni ye shes gsum dang bral bas nyi ma dang zla ba dang mtshams kyi snang ba dang 'dra ba sprin med pa'i nam mkha' dang 'dra ba ste de kho na nyid bzhi pa'o/ /de nyid ye shes kyi gnyen por gyur bas na ye shes so/ /de rnams kyi zlas dbye bar byas nas 'di skyes pa zhes pa ni gsal bar byed pa'o/ /ye shes gsum gyi rab dbye ba/ /'di nyid kyis gsal rab tu mtshon zhes sngar bshad pas so/ /bdag gi ston par byed pa zhes pa ni phyag rgya las gzhan gyi mtshon pa'i thabs med do/ /ji skad du /rang dang gzhan gyi don grub phyir/ /'khor ba ru ni thabs gzhan med/ /chos rnams thams cad gnyis med pa/ /gnyis kyi ngo bo bstan pa te/ /de phyir rtag tu khyod kyis ni/ /'khor bar bral bar mi bya'o/ /zhes 'byung ngo/ /'dod chags ni snang ba mched pa'o/ /zhe sdang ni snang pa'i ye shes so/ /gti mug ni ma rig pa ste de nyid snang ba nye bar thob pa'o/ /de rnams kyi rnam par dag pa ni sngar bshad ba'i rim pas bkag ba'o/ /de nyid ni thabs des so/ /rdo rje sems dpa' i tshe dang srog stsol bas shes pa ni rdo rje sems dpa' ste 'od gsal ba'o/ /de nyid kyis dngos po thams cad khyab bas tshe dang ldan pas na tshe'o/ /spro ba dang bcas pas de nyid srog gi dbang po dang 'dra pa'o/ /stsol pas ni de spyin pas/
- 215b
bson par mdzod cig ces ba ni rjes su gzung bar mdzod cig go /tshig gis don ni 'di yin te 'od gsal ba'i ting nge 'dzin las langs te/ snyoms par bzhugs pa'i sgo nas bdag kyang 'od gsal ba snyoms par zhugs shig go /de nyid kyi phyir dgongs so/ zhes smos so/ de ltar zhes bya ba la sogs pas lha mo bzhi bskul ba gsan nas 'gro ba'i don mdzad pa'i phyir bcom ldan 'das kyis /'od gsal ba'i ting nge 'dzin las ldang bar bstan to/ /tshangs pa'i gnas zhes pa ni byams pa la sogs ba'i ngo bo nyid kyis so/ yang dag par bskul ba zhes pa ni bskul bar bya'o/ /gang gi phyir thog ma ma yin pa'i dus nas tshad med pa la goms bas bcom ldan 'das sangs rgyas rnams kyis lhun gyis 'gro ba'i don mdzad do/ /de dgon zhing las grong mthar khyed/ /mtsho las rig pa'i klu bzhin no/ /'dul ba'i don tu thugs rje yis/ /rig pas bzhin du dgug par byas/ /dam pa bzhi pa la zhugs kyang/ /thugs rjes gzhan dbang nyid kyis ni/ /bzo bo'i rig la sogs rnams so/ /khyod ni bstan bar gnas par byas/ /zhes 'byung ngo/ de nyid kyi phyir bstan pa sngon gyi smon lam zhes bya ba la sogs pa ni/ /'gro la phan phyir sangs rgyas grub par shog ces bya ba la dang po sangs rgyas rnams kyis dam bcas pa de nyid smon lam mo/ /de'i rgyun ni thugs kyis rgyud la rtag tu gnas pa'o de shugs ni nus pa ste/ lhun gyis de'i ngo bo nyid du bskal pa mdza' yas pas byang chub thob pas sangs rgyas bcom ldan 'das rnams snga ma'i smon lam gyi bag chags mi gtong ste/ rus sbal dmar po bzhin no/ /nyes pa la lus skyed byed 'jig tshogs lta bu'i bud shing gang bsreg pa/ /rang gzhan dbye ba'i yul rnams nges bton de rnms kyi ni skyon mi 'byung/ /gnyis med pa yang rig bzhin snying rjes sgyu ma'i skyes bu las rnams su/ /blo bzang snga ma'i smon lam gyis ni bskul te 'khor lo'i
- 216a
shugs bzhin no/ zhes 'byung ngo/ /stong ba nyid kyi rnal 'byor las bzhengs nas shes pa ni 'od gsal ba'i ting nge 'dzin las cig car ram snang ba nye bar thob ba la sogs pa'i rim gyi bdag la byin gyis brlab pa'i mtshan nyid kyi ye shes kyi sku 'am/ rim pa bzhi pa las gsungs pa'i de kho na nyid las cig car du zung du 'jug pa'i bdag nyid can gyi rdo rje'i sku bzhengs nas so/ /dpal shin tu dga' ba zhes bya ba la sogs pa ni dpal gyi sgras mtshon nas bsod nams dang ye shes kyi tshogs gzung ngo/ /shin tu dga' ba'i bde ba'i bde ba ni dbang po gnyis kyi bde ba'o/ /de las byung ba'i 'dod chags la spyod pa ni bsrub bya srub byed kyi rol pa'o/ /de bstan par bya phyir 'dod chags la spyod pa'i sems can gyi khams thabs de nyid kyis de sbyangs pa'i phyir ro/ /'jig rten ba ni chags pas bcings/ /chags pa nyid kyi grol 'gyur te/ /phyin ci log pa'i rtog pa de/ /sangs rgyas mu stegs pas ni shes 'byung ngo/ /dkon mchog brtsegs pa'i mdo las kyang/ /bcom ldan 'das kyis bka' stsal pa/ 'od srungs bu ram gyi shing dang 'bras sa lu'i zhing la lud kyi phung po can par 'gyur ba de bzhin du/ /byang chub sems dpa' i nyon mongs pa rnams phan par 'gyur ro/ /dper na 'od srung gi dka' i me tog spos kyi glang pos zos na gla rtsi'i ngo bor 'gyur ro/ /de nyid tha mal pa'i srog chags kyis zos pa mi gtsang ba'i ngo bo 'gyur ba de bzhin du byang chub sems dpa' i nyon mongs pa rnams phan par 'gyur ro/ /rnal ma spyad par bya ste de nyid shin tu dga' ba'i 'dod chags kyi spyad pa bstan pa'i phyir/ 'khyud pa ni shing la 'jog? pa la sogs pa'i dbye ba rnam pa brgyad do/ /'o byed pa ni stong smad kyi mchu'i dbye ba rnam pa brgyad do/ /lkog ma mkhur tshos dang ni nu mo kha?
- 216b
nang dang/ /ma mchu dang ni mig dang dpral ba dang/ /mchan khung gnyis dang brla'i mtshams dang ni/ /lte ba'i rtsa bar yang ni 'o byed 'gyur/ zhes 'byung ngo/ /'jib ba rnam pa gnyis te/ /ma mchus 'jib pa sna?/ /mi'i sna rtse 'jib pa'o/ /thal mos brdab pa? zhes pa ni byed pa'i sbyor ba'i dbang gis rdul la sogs pa 'byung ba'o/ /de rnams kyang snying stobs kyi dngos po brgyad do/ /rengs pa rdul dang bspu ldang/ /skad 'gyur ba dang 'dar ba dang/ /kha dog log dang mchi ma dang/ /thim pa zhes bya snying stobs brgyad// thal ma brdab pa ni lag pa g.yon pa dang g.yas ba utpa la'i 'dab ma sbyin pa'o/ /de'i dbye ba ni gsum ste bde ba'i sgra dang rdo rje pad+ma'i sgra dang/ /utpal gyi 'dab ma'i sgra'o/ /so gdab pa ni brgyad de ri mo la sogs pa'i dbye bas so/ /sen mo gdab pa ni brgyad de nor bu'i phreng ba la sogs ba'i dbye bas so/ /'jam pa snum zhing mnyam por mi phyed pa/ /'phel ba'i ri mo med pa'i dbyibs dang ldan/ /sen mo de mtshen? lkog dang mchan khung brang/ /rnyed pa rgyab dang brla dang nu mar ro/ /zhes 'byung ngo/ rnyed pa ni gnyis te / nu ma nyed pa dang/ smad nyed pa'o/ /spyad thag ni bya ba'i khyad bar te gang gu skyes pa ni 'og tu dang shes rab ni steng du dga' bar spyod pa'o/ /brkyang ba ni rkang ba dang pus mo dang brla brkyang ba'o sbyar pa'o/ /grong gi bya ba ni rgyab tu sbyor ba ste byol song gi dga' ba bzhin no/ /sogs pa'i sgras kha sbyar dang ni phyag 'tshal dang/ pad+ma dang ni 'khor lo 'khor zhes bya ba la sogs pa gzung ngo/ /de la sogs pa'i bya ba ni rked pa'i bya ba rnams so/ /de gtso bor gyur pa'i rmongs pa ni shin tu dga' ba gang yin pa des so/ /'jug pa byed pa shes bya dngos po dbyer med pa'o/ /khyad par sbyor ba de nyid dga' ba sna tshogs pa/ /'khor ba'i lam ni rgyas dang bskum pa'i phyir/ /de yi spros pa dang ni yang dag bshad par
- 217a
bya zhes bya ba sna tshogs pa'i dga' ba'i sbyor ba'i tshigs su bcad ba 'dod pa'i bstan bcos las bshad do/ /mu tig gi phreng ba g.yo ba ni zhes bya la sogs ba snyoms par zhugs pa'i dbang gis rgyan rnams g.yo bar bstan to// yul dang dbang bo zhes pa ni de la yul ni yul lnga'i bdag nyid kyi lha mo ste reg bya rdo rje ma'o/ /dbang po ni thabs kyi rang bzhin bcom ldan 'das rdo rje can spyod ba'o/ /de'i rdo rje dang pad+ma dang ni mtsho skyes dang gsang ba ste de dag mnyam par sbyor ba ni phrad pa'o/ /rgyud sa thabs snyoms par zhugs pa ni lte ba gnyis sbyor ba'o/ /des A li dang ka li ni dbyangs dang gsal bya'i rang bzhin te khrag dang khru? ba'o/ de dang ldan pa'i gdugs ni rtsa dbus ma ste/ bcom ldan 'das mi bskyod pa'i rang bzhin te chu rgyu ba'o/ /rus spal ni rtsa g.yas pa ste rdo rje nyi ma'i ngo bo khrag rgyu pa'o/ /de bzhin du zla ba gang ba ni rtsa g.yon pa ste /'od dpag tu med pa'i rang bzhin shukra rgyu ba'o/ /de nye bar mtshon pa tsam yin te/ rtsa gnyis po ni gzhan ni shar ? nub phyogs su gnas ba lhas sbyin dang nor rgyal ma ste/ bshad pa dang brgyu? ba rnam par snang mdzad dang don yod grub ba'i rang bzhin no/ /de'i nang na gtso bo yin pas rtsa gsum ni sku gsung thugs kyi rang bzhin sor mo gsum ni mig la sogs pa'i rang bzhin phyag rgya bzhis bskul bar bya ste /bde ba chen po bskyed pa'i phyir dang byang chub kyi sems 'dzag pa'i phyir ro/ /de nyid bskul ba ste des so/ /de bzhin du dga' ba'i sgyu ma'i sgra ni rnam pa brgyad kyi bde ba chen po'i sgra des so/ /mchog tu dga' i byed ba'i de kho na nyid bzhi ba'o// nyams su myong ba ni re gnas so/ /de'i 'og tu phung po la sogs ba'i rang bzhin de bzhin gshegs pa gang yin pa de rnams spyi bo nas brtsams te zhes pa ni tshangs pa'i bu gnas brtsams pa'o/ /dri ma med pa'i tshar rgyun bzhin du / zhes pa ni 'o ma'i rgya mtsho
- 217b
dba' rlab dang 'dra ba'o/ /bzhus la ni dbus ma'i lam nas rdo rje rtse mor byin pa dang/ de la yang bde ba chen po myong nas so/ /de nas byang chub kyi sems kyi ngo bo nyid ni shukra'i gzugs su 'dzag pa ni spro ba'o/ /chos 'byung gi nang du yang dag bar bzhag ste zhes pa ? bya rdo rje ma'i pad+ma'i nang gi lte bar shukra'i thig le spros so/ /'o na bcom ldan 'das sangs rgyas gyen du ri ta tshangs par spyod pa yin na ji ltar shukra gtong bar mdzad ce na/ smras pa dgos ba'i dbang gi sangs rgyas rnams kyi byang chub sems spro ba yin gyi/ gzhan dbang gis ni ma yin te so so skye bo bzhin no/ /dgos pa de yang dkyil 'kho ba'i lha'i 'khor lo spro ba'i 'gro ba'i don mdzad pa zhes skyon mdo/ /de nyid bstan pa'i phyir/ zhe sdang la sogs pa la spyod pa'i sems can rnams rnam par sbyangs nas zhes smos te/ nyon mongs pa lngas khyab pa'i 'gro ba sbyang bar bya ba'i phyir ro/ /dkyil 'khor 'khor lo phyung ste zhes pa ni pad+ma'i nang dang phyi rol tu'o zhes tshig lhag ma'o/ /yang 'od gsal ba la zhugs nas zhes pa ni dkyil 'khor rgyal ba mchog dang las kyi rgyal ba mchog rdzogs nas bya ba byas pas 'od gsal ba la 'jug pa'o/ /de nyid kyi khyad par ni rnam par rtog pa med par 'gyur ba zhes pa ni yang dag par mdza' la 'jug pa'o/ /ji ltar me long la ni dbugs/ /de nyid du ni thim 'gyur ba/ /yang dag mdza' las rnal 'byor pa/ /de bzhin gzhan dang gzhan du 'jug ces 'byung ngo/ /don 'di nyid sngar bshad pa'o/ /gzugs la sogs pa'i yul rnams shes pa ni phyag rgya la gnas pa'o/ /rang gi ngo bo nyid yongs su shes bas shes pa ni 'dod pa'i yon tan lnga de bzhin gshegs pa lngar yongs su shes bas so/ /mdor sdus pas ni 'dod pa lnga/ /sangs rgyas lngar ni rab tu grags zhes 'byung ngo/ /mig la sogs pa gcig tu byas pa zhes pa ni yul dang dbang po sbyar ba'o/ /des ni so sor sdud ba dang
- 218a
bsam gtan gnyis bstan to/ /de'i tshe kun dga' ba'i bde ba'i gnas skabs ni yul dang dbang po dang yang dag par sbyor ba ni mnyam pa nyid do/ /de las byung ba'i kun dga' ni dbye ba lnga'i rtog la sogs pa'o/ /de nyid bde ba ni sems rtse gcig pa nyid kyi mtshan nyid do/ /de'i gnas skabs ni snyoms par zhugs pa ste de zhes bya ba ting nge 'dzin to/ /spyan ma la sogs pa zhes pa ni spyan ma la sogs pa dang dbyer med pa'i reg bya rdo rje ma ste/ nu ma byung ba b+ha? ga'i mkhar/ /spyan la sogs pa rnam par gnas shes 'byung bas so/ /rnam par snang mdzad la sogs pa'i rang bzhin zhes pa ni rang gi sku'i dkyil 'khor la gnas pa gzugs la sogs pa'i rang bzhin rtag pa la sogs pa'i ngo bos so/ /bstan pa la sogs pa'i bya ba dang bral zhing zhes pa ni nang du zhal bltas pas lus dang ngag gi bya ba dang bral ba'o/ /ye shes kyi phyag rgyas dang zhes pa ni spyan ma la sogs pa'i lha mo dang dbyer med pa /reg bya rdo rje ma dang lhan cig snoms par zhugs pa'i bde ba myong bar gyur to/ / bcom ldan 'das snyoms bar zhugs na cho 'phrul bstan pa'i phyir /nam mkha' i gtong 'di bstan to/ /rdo rje 'chang gi ngo bo nyid ces pa ni rdo rje 'chang chen po'i ngo bo nyid do/ /rdo rje gsum dang yang dag par ldan ba zhes pa ni sku rdo rje la sogs pa'i ngo bo rnam par snang mdzad la sogs pa de bzhin gshegs pa rnams gang yin ba de rnams kyi tshogs ni sdes yongs su gong zhing khengs pa'o/ /de bzhin du til gyi gang bu bzhin du zhes bya ba ni dbes phan tshun ma 'dres bar gnas pa'o/ /rdo rje chus gang ba ltar zhes pa ni dpe gnyis pa ste de'i bshad pa ni mchog tu dga' ba'i bum pa bzhin no/ /mi g.yo bar gyur to/ zhes pa ni ting nge 'dzin la snyoms par zhugs pa'i de bzhin gshegs pa'i chogs kyis nam mkha' i khams yongs su gang bar 'gyur
- 218b
rang gi don bshad nas gzhan gyi don bstan ba'i phyir de ltar zhes bya ba la sogs pa smos te/ khams gsum na gnas pa zhes pa na khams gsum gyi yul du'o/ /rdo rje gsum gyi rang bzhin ni/ /sku gsung thugs kyi bdag nyid can no/ /rdo rje 'chang chen po'i bde bas shes pa ni bcom ldan 'das las 'byung ba'i 'od zer gyi tshogs kyis so/ /yul du byas pas zhes pa ni 'od zer gyi dbang gis dbang bskur ba'o/ /de bzhin gshegs pa thams cad nyid ces ba ni rdo rje 'chang chen po nyid do/ /rdo rje 'dzin pa chen po'i ni sku la sogs pa'i rang bzhin gyi rnam par snang mdzad la sogs pa de bzhin gshegs pa gsum nye bar bsdu bar mdzad pas so/ /stobs bcu dang mi 'jigs pa la sogs pa zhes pa ni gnas dang /gnas ma yin pa'i ye shes kyi stobs la sogS pa dang/ de bzhin du kun tu zag bzang pa'i ye shes la sogs pa mi 'jig pa bzhi'o/ /myong bar gyur pa zhes ba ni mngon du mdzad pa'o/ /rdo rje ni rdo rje 'chang chen po'i 'brel pa dang ldan pa 'od zer gyis dbang bskur ba zhes ba ni 'od kyi dbang bskur ba gang yin pa de nas brtsams te/ de dag kun tu bzang po zhes bya ba ni kun tu ste thog ma dang mdza' ma dang bar bzang po ni bsod nams dang ye shes kyi tshogs gang las thob pa de ni kun tu bzang po ste /bcom ldan 'das rdo rje 'chang chen po dang 'dra bar 'gyur to/ /de nyid kyi phyir sngon ma byung ba'i don gyi ming can du gyur to zhes pa ni sngar ma byung ba'i ming dang ldan par gyur to/ /de ltar zhes bya ba la sogs bas nye bar bsdus pa'o/ /sems can mnyam pa nyid ces ba ni khams la gnas pa'i sems can rnams dang de bzhin gshegs pa rnams mnyam pa'o/ /gang gi phyir 'phags pa dngos so skye bo dag la don dam par 'ga' yang dbye ba med do chos nyid kyis khyab pa'i phyir ro/ /rdo rje 'dzin pa chen po'o/ zhes pa ni de rnams bskyed
- 219a
pa dang sdud bar byed ba dang bdag po yin pas so/ /rang gi snyoms par zhugs pa'i bde ba myong ba ni reg bya rdo rje ma dang snyoms par zhugs pa las byung dga' ba mngon du mdzad pas so/ /sems can thams cad ces pa ni khams gsum la gnas pa'i skye bo rnams snyoms par zhugs pa'i bdag nyid mdzad pa'o zhes pa ni zhal gyis bzhes pa ste / de kho na nyid rtogs pa la thabs gzhan med pa'i phyir ro/ /rdo rje ye shes kyi spyod pa zhes pa ni rdo rje zhi ni rdo rje 'chang po/ /de'i ye shes gsum nye bar mtshon pa'i don du spyod pa ni ye shes spyod pa ste/ snyoms par zhugs pa'i spyod pa'o/ /nyams su myong bar mdzad nas zhes pa ni mngon du mdzad nas so/ /snyoms par zhugs pa las bzhengs nas zhes pa ni rdo rje 'chang chen po'i 'od zer gyis dbang bskur bas bka' drin thob bo snyoms par zhugs pa'i bde ba las so/ /thugs rab tu dgyes par gyur pas zhes pa ni chos nyid yongs su dpyad pas thugs dgyes pa thob pa'o/ /'dod chags kyi spyod pa zhes pa ni snyoms par zhugs pa la sogs pa'i sbyod bas so rdo rje 'chang chen po nyid du zhes pa ni dpal rdo rje 'chang gi go 'phang ngo/ /thob pa ni thob par bya ba'o/ /ngo mtshar zhes pa ni 'gal ba'i spyod pa rab tu bstan pas so/ /de bzhin gshegs pa zhes bya ba la sogs pas 'dod chags pa la sogs pa'i rnam par rtog pa bstan to/ /nam mkha' i rdo rje'i dam tshig ni de bzhin gshegs pa drug pa zhes pa ni nam mkha' i dang 'od gsal ba zhes rnam grangs so/ /de nyid mi phyed pas na rdo rje'o/ /de nyid gshegs shing mngon du mdzad pas na dam tshig gang la yod pa de nam mkha' i rdo rje'i dam tshig ni rdo rje 'chang chen po'o/ /de bas na drug pa ste lnga'i rgyur gyur ba'o/ /chos thams cad de dang mnyam ba'i phyir zhes pa ni gzugs kyi phung po la sogs pa chos thams cad de dang 'dra ba'o/ /'od gsal ba
- 219b
nyid ces pa ni stong pa nyid ces bya ba'o/ /gzugs ni lbu ba lta bur bshad/ /tshor ba chu bur dang mtshungs pa/ /'du shes smig rgyu 'dra ba ste/ /'du shes chu shing dang 'dra ba/ /sgyu ma lta bur rnam par shes/ /de ltar phung po rnams bstan pa'o/ zhes 'gyur ro/ /'dis ni cung zad phyi nang med/ /phan tshun grub par bya ba'i phyir/ /bar na ma yin med pa min/ /sems tsam la ni mi gnas phyir/ /zhes 'byung bas so/ /de bzhin du/ dbang po'i tshogs la 'dod chags med/ /don la ma yin sems la min/ /bdag dang gzhan la mi gnas dang/ /med min yod pa ma yin no/ /sems kyi 'khrul pa mi shes pa'i/ /'brel pa dang ldan rgyud las ni/ /sprin gyi nang na ga las kyang/ /thog gi me ltar 'byung bar 'gyur/ zhes 'byung ngo/ /the tshom med par byas pa'o zhes pa ni chos thamS cad kyi rang bzhin gyi 'od gsal ba bstan pas som nyi med par byas pa'o/ /spros nas zhes bya ba ni rgyas par bshad pa'o/ /chos thams cad 'od gsal ba nyid du gsungs pa'i zhes pa ni sngar bshad pa'i stong pa nyid bstan pa'o gsung ngo/ / brjod du med pa yang yin la chos nyid kyang yin pas na brjod du med pa'i chos nyid ni rang rig pa dang dngos po thams cad kyi chos nyid do/ /de nyid la bsgom zhing zhes la? de nyid rjes su dran par 'gyur ro/ /rdo rje'i tshig gi don yin no/ /zhes pa ni don zab pa'i tshig ni rdo rje'i tshig ste de'i don ni bshad pa'o/ /de ltar zhes bya ba nas chos kyi rnam grangs 'di la zhes pa'i bar du ni rgyud yongs su rdzogs pas rgyas gdab pa bstan to/ /rdo rje 'dzin pa chen po'i dam tshig rnam pa gnyis dang zhes pa ni bskyed pa'i rim pa dang rdzogs pa'i rim pa zhes brjod par bya ba bstan to/ /de ston par byed pa'i rgyud kyi rgyal bo'i zhes pa ni ston byed pa'i gzhung gi tshogs ni rgyud kyi rgyal pa ste/ rje btsun dpal gsang ba 'dus pa yin no /zhes brjod pa bstan pa yin no
- 220a
de nas ni brjod par bya ba dang rjod par byed ba'i bdag nyid kyi rgyud kyi rgyal po khyed rnams kyis bstan par gyis shig go zhes gtad pa'o/ /chos kyi rnam grangs ni zhes bya ba ni dpal gsang ba 'dus pa'o/ /'di la skal ba dang ldan pa'o/ zhes pa ni rtsod pa'i dus su'o/ /sems can rnams thos pa dang bsam pa dang bsgom pa la skal pa dang ldan pa yin no/ /'dod chags las byung ba'i byang chub kyi gnas shes pa ni rdo rje 'chang nyid kyi go 'phang ngo/ /de thob pa ni nye bar dmigs pa'o/ /de snod du gyur pa'i phyir zhes pa ni de la skal pa dang ldan pa yin te 'dod pa'i khams kyi sems can rnams 'dod chags gtso bo yin pa'i phyir ro/ /de ltar zhes bya ba nas 'di'i don ni 'di yin te zhes pa'i bar du ni chos kyi mdzod dang 'dra ba'i dpal gsang ba 'dus pa'i rgyud kyi rgyal po bcom ldan 'das kyis byang chub sems dpa' lag na rdo rje la gtang ngo/ zhes bstan to/ /de bzhin gshegs pa thams cad las gcig nas gcig tu brgyad de/ rdo rje 'chang gis zhal nas de bzhin gshegs pa thos pa dang /de rnamS las lha mo dang byang chub sems dpa' dang/ de rnams las lha rnams kyis dang/ de rnams las lha dang lha ma yin gyis dang/ de rnams las mi yis thos par gyur pas 'brel pa drug gi rig pa rgyud kyi rim pa las 'byung ba'o/ /blta par bya ba ma yin pa zhes pa ni spang bar bya ba ma yin pa'o/ /de bltas nas dmyal bar 'gro ba yin pa'i phyir ro//sku gsung thugs kyi gsang ba zhes pa ni rnam par mdzad la sogs pa de bzhin gshegs pa gsum gyi rang bzhin gyi yi ge gsum gyi bdag nyid ni gsang ba'o/ /de ltar zhes pa ni rtsod pa'i dus su'o/ /nges zhes bya ba ni rdo rje 'chang chen bos so/ /bshad pa ni nye bar brtan pa'o/ /yid la zhog la zhes pa ni brjod par bya ba dang rjod par byed pa rgyud kyi rgyal pa'o/ /thos pa dang bsam pa
- 220b
dang bsgoms nas ma 'ongs pa'i sems can rnams la phan pa dang grol ba'i phyir brtan par zung? zhig ni bdag mya ngan las 'das par gshegs par gyur na gang gis kyang khyod sdud pa por 'gyur ro/ /rnam par snang mdzad la sogs pa sku rdo rje la sogs pa lnga'o/ gzhung du byas ba'i zhes pa ni glegs bam nyid du thob pa ste yi ge'i gzugs yin pas so/ /bstan pa'i phyir zhes bya ba ni rnam pa sna tshogs pa'i don dang ldan pa'i da'i tshig go /spobs pa rab tu med pa'i zhes pa ni gzungs dang so sor ldan pas so/ /gzhung dang don dang nges pa'i tshig dang so sor snang ba ste so so yang dag par rig pa dang ldan pa lag na rdo rje yin no/ /gtso bo ni nus pa dang ldan pa'o/ /dbang bskur zhing rjes su gnas pa ste/ de bzhin gshegs pa thams cad kyis so/ /gsung gi rdo rje gtso bo yin pa ni zhes pa ni lag na rdo rje sdud pa po la dbang yod pa'i phyir ro/ /de bzhin gshegs pa'i gsung zhes bya ba la sogs pas sdud pa pos bzhed pa bstan to/ /rgyud bstan pa'i 'og tu zhes bya ba la sogs pas dkyil 'khor gyi 'khor lo nye bar bsdu ba'i sgo nas rdzogs pa nyid du bstan to/ /brjod du med pa'i zhes bya ba ni gzugs dang yon tan la sogs pas brtsis las 'das pa'o/ /rigs lnga dang ldan pa'o zhes pa ni de bzhin gshegs pa dang lha mo dang byang chub sems dpa' khro bo rnams so/ /sprul pa'i sku'i gzugs can zhes pa ni dkyil 'khor rgyal ba mchog gi ting nge 'dzin gyi dus su spras ba'o/ /de rnams bstan pa'i phyir/ mdza' yas pa'i zhes smos te /gzugs dang yon tan la sogs pa dang grangs kyis mdza' yas pa ste/ ting nge 'dzin ni mdza' yas pa zhes le'u bcu gsum pa las gsungs so/ /sangs rgyas ni de bzhin gshegs pa lnga'o/ /byang chub sems dpa' ni sa'i snying po la sogs pa'o/ /yang na byang chub ni spyan ma la sogs
- 221a
ba dang gzugs rdo rje ma la sogs pa'o/ /sems dpa' ni sa'i snying po la sogs pa'o/ /khro bo ni gshin rje mthar byed la sogs pa'o/ /nye bar bsdu ba bstan pa'i phyir/ rnam par snang mdzad la sogs pa zhes smos so/ /de las sa'i snying po byams pa dang/ spyan ma dang/ gzugs rdo rje ma dang/ gshin rje mthar byed dang/ 'dod pa'i rgyal po rnams rnam par mdzad la 'jug go /lag na rdo rje dang/ nam mkha' i snying po dang/ mA ma kI dang/ sgra rdo rje ma dang/ shes rab mthar byed dang/ mi g.yo ba ni mi bskyod pa la 'jug go /'jam dpal dang/ 'jig rten dbang phyug dang/ gos dkar mo dang/ dri rdo rje ma dang/ pad+ma mthar byed dang/ dbyug sngon ni 'od dpag tu med pa la 'jug /sgrib pa thams cad rnam par sel ba dang/ kun tu bzang po dang/ ro rdo rje ma dang/ sgrol ma dang/ bgegs mthar byed dang stobs po che las kyi rigs can phrag dog gi ngo bo yin pas zhe sdang gi rigs yin no zhes thugs rdo rje la 'jug go /gnod mdzes kyi rgyal po ni mi bskyod pa la'o gtsug tor 'khor los sgyu ba ni rnam par snang mdzad la 'jug go /de rnams kyi nang na sprul pa gzhan ni rigs dang mthun pas rang rang gi rigs la rjes su 'brang ba la 'jug go /rnam par snang mdzad la sogs pa gang la 'jug go /zhes rtog na de la rnam par snang mdzad la sogs pa zhes bya ba smos te/ srid pa gsum gyi gnas 'di na zhes pa ni khams gsum gyi gnas la'o/ /sgo nga las skyes pa la sogs pa ni rnam pa bzhi'i sems can gyi khams so/ /mchog ni mkha' la spyod pa ste lha la soD pa'o/ 'bring ni sa la spyod pa ste mi la sogs pa'o/ /tha ma na se 'og na gnas pa ste dmyal ba la sogs pa'o/ /de rnams kyi tshogs ni re zhig rnam par snang mdzad yin no zhes pa ni rnam par dag pa'o/ /lus rnam par snang mdzad ni zhes
- 221b
pa la khams gsum gyi lus dang rnam par snang mdzad tha mi dad pa'o/ /dam tshig bstan pa'i phyir rten dang brten pa nyid du zhes pa ni la la ni rten dang brten pa tha dad pa'i bshad par 'dod pa ste/ dper nas la 'dug pa dang/ shing rta la 'jug pa dang rdza mar 'ched pa'o/ /la la ni tha dad pa ste shing la yal ga dang gdong la mig dang sna la bug pa zhes bya ba la sogs pa bzhin no/ /de bzhin du khams gsum thams cad kyi lus dang/ rnam par snang mdzad la tha dad med do/ /de nyid bstan pa'i phyir de bzhin gshegs pa thams cad kyi mnyam pa nyid ces pa ni rdo rje 'chang chen po'i sku mnyam pa nyid la mig par gyur to/ /de bzhin du gsung mnyam pa nyid dang thugs mnyam pa nyid do/ /'od dpag tu med pa dang mi bskyod pa dag la phye nas bshad par bya'o/ /'dir bdud pa'i don 'di yin te las kyi rgyal ba mchog gi ting nge 'dzin gyi mthar dkyil 'khor gyi 'khor lo ma lus pa sku gsungs thugs kyi rigs la bsdus te/ rnam par snang mdzad la sogs pa gsum po yang spyi bo dang sgog ma dang snying ga'i phyogs la gnas pa'i yi ge gsum la 'jug cing/ oM dang A:dag kyang yi ge hUM la 'jug cing rdo rje 'chang chen po reg bya rdo rje ma dang bcas pa nyid la thim ste / yi ge hUM yang cha shas kyi dbye bas yongs su thim par 'gyur la /'ba' zhig dri ma med pa mdza' yas pa nam mkha' dang 'dra bar gnas par bya'o/ /mthar thug pa gsungs pa yin no zhes pas ni gzhung rdzogs pa bstan to/ /slob dpon gyi zhal snga nas kyi bka' drin gyis zhes pa ni slob dpon zla ba grags pas rang gi bla ma la bstod pa bstan te /slob dpon gyi zhal snga nas zhes pa ni 'phags pa glu sgrub kyi zhal snga nas kyis/ /de rnams kyi bka' drin gyis zhes pa ni rjes su gzungs pas so/ /rgyud ni dpal gsang ba 'dus pa'i rgyud kyi
- 222a
rgyal po la'o/ /don dang tshul dang bskyed pa'i rim pa'o/ /chos nyid ni rdzogs pa'i rim pa'o/ /de'i yul du re zhig /bdag ni so ma nyi dang bral ba zhes pa ni khrul pa med pa'o/ /gzhan dga' zhig ces pa ni the tshom gcig cig yo de nyid? bstan pa'i phyir/ mthar drug gi bshad pa ni sngar bshad pa'o/ /de la rgyab kyi phyogs pa zhes pa ni phyi rol tu song ba'o/ /sngags bzhes pa ni 'grel pa mkhan rnams so/ /sgra ji bzhin du gsungs pa zhes pa ni sgra tsam gyi don la brten te 'chad par byed pa'o/ /de nyid kyi phyir rang gi slob dpon gyi man ngag gis ni zhes pa rang 'gro? las byung ba'i man ngag gis so/ /de la mngon par byang chub pa'i rnam pa lnga zhes pa na me long lta bu la sogs pa'i ye shes kyi rang bzhin gyi zla ba dang nyi ma dang/ sa bon las phyag mtshan dang spro ba dang bsdu ba dang sku rdzogs pa'i rim pa ste / dper na slob dpon dpal gyi sdes byas pa bzhin no/ /de bzhin du zla ba la sogs pa'i rim pas ni gzhan gyis mi thub pa'i sbas bzhin no/ /srid pa'i bskyed pa'i rim pa ni srid pa na gsum ste / 'chi ba'i srid pa dang / srid pa bar do dang/ skye ba'i srid pa'o/ /de la stong ba nyid bsgom pa ni 'chi ba'i srid pa'o /bar snang la yi ge ho? gnyis kyis spel pa'i yi ge gsum bsgom pa ni srid pa par ma ngo'o/ /? nang la sogs pa'i rim pas lha'i rnam pas bskyed pa ni skye ba'i srid pa'o/ /de rnams bskyed pa yi ni srid pa'i bskyed pa'o/ /de'i rim pa ni srid pa'i bskyed pa'i rim pa'o/ /de slob pa ni bshad pa dang bsgom pa'o/ /re zhig de ni rigs to /gang gi phyir gal te de rnams rnal 'byor bzhi'i bdag nyid can ni dang po sbyor ba dang/ dkyil 'khor rgyal ba mchog dang / las kyi rgyal ba mchog gis phye ba'i ting nge 'dzin ? gyi bdag nyid kyi bskyed pa'i rim
- 222b
pa mi shes kyang de bzhin du lung dang mi 'gal pa'i mngon par byang chub pa rnam pa lnga la sogs pa'i rim pas rtogs par byed pa ni mi 'gal ba'o/ /bsam pa'i dbye bas bcom ldan 'das kyis gsungs pa la tha dad par rjes su 'brang ba yin pa'i phyir ro yongs su dag pa'i lha'i rnal 'byor pa yang zhes pa ni rdzogs pa'i rim ste rim pa lnga'i man ngag gi bdag nyid do/ /rtog pa thams cad las 'das pa zhes pa ni rnam par mi rtog pa'i ye shes kyi rang bzhin no/ /de bas nas sor rang gis rig pa zhes pa ni rang gis myong pa'o/ /sangs rgyas rnams kyi spyod yul zhes pa ni rin po che lta bu'i gang zag rnams kyi spyod yul lo/ /phung po'i rin po che'i za ma tog gi nang na gnas pa zhes pa ni rang gi lus bo'i nang na gnas pa ste bla ma'i man ngag med pas mi rnyed do/ yod par dang med pa'i phyogs dang bral zhes pa ni zung du 'jug pa'i bdag nyid do/ /yi ge'i rjes su 'brang ba zhes pa ni don dam pa spangs nas byed chig dang byed pa po dang rtags la sogs pa'i dbye bas rgol bar byed pa'o/ /rtog ge ba zhes pa ni phyogs dang gtan tshig dang dpe smra ba rnams kyi spyod yul ma yin no/ /'on kyang bla ma'i man ngag ni rdo rje slob dpon gyi man ngag go /'ba' zhig ni rtog ge la ni mi bltos pas so/ /shes pa ni nges thob pa yin no/ /de lta bu ni sngar bshad pa yin no lha'i de kho na nyid rdzogs pa'i rim pa'o/ /de bzhin gshegs pa yongs su mya ngan las 'das pa zhes pa ni bcom ldan 'das shAkya' thub pa nub par gyur pas so/ /de bzhin du de'i sprul pa'i sku'i rang bzhin gyi lag na rdo rje la sogs pa sdud pa po gang yin pa de rnams kyang med par gyur pa ni bdag cag dang 'dra ba lkog tu gyur pa'o/ /phyi ma'i dus ni rtsod pa'i dus so/ /sangs rgyas kyis yang dag par bshad ba zhes pa ni de bzhin gshegs pa rnams kyi man ngag ste rdzogs
- 223a
ba'i rim pa'o/ /rgyun mchad pa ni rgyun gyis so/ /su zhig ces pa ni skyes bu 'chad pa po gang zhig gis so/ /ston par 'gyur zhes pa ni 'chad par 'gyur ba'o/ /gdul bya'i sems can rnams kyi rgyud la zhes pa ni slob ma'i rgyud pa'o/ ji ltar 'jug par 'gyur zhes pa ni ji ltar rgyas par 'gyur zhes bdag la the tshom chen po'o/ /re zhig de dag su zhig gis kyang gsal bar mi nus te/ 'on kyang the tshom de bcom ldan 'das kyis lung bstan pas sel bar 'gyur ro/ /de nyid bstan pa'i phyir/ ma 'ongs pa zhes bya ba la sogs pa smos te / de la langkar gshegs pa'i mdo las 'jam dpal gyi zhus pa las bcom ldan 'das kyis gsungs pa/ rtog ge rnams kyi zhes bya ba la sogs pa tshigs su bcad pa bzhi ni go sla'o/ /rim ? di ni zhes pa ni lung bstan pa'i rim pas so/ /ji srid 'jig rten ni 'dzam bu gling la'o/ /dam pa'i chos gnas pa zhes pa ni phyi ma'i lung lnga brgyas spongs te / dam pa'i chos nub pas so/ /de srid kyi bar du rdo rje theg pa ni sngags kyi tshul lo/ / rnal 'byor chen po'i rgyud kyi lung la brten nas zhes pa ni dpal gsang pa 'dus pa'i rgyud kyi rgyal po la brten nas so/ /bskyed pa'i rim pa'i go rim gyis zhes pa ni yongs su dag pa'i lha'i rnal 'byor gyis rim pas so/ /rdzogs pa'i rim pa rtogs par bya zhes pa ni yongs su dag pa'i lha'i rnal 'byor mngon du byed pas so/ /slob dpon chen po klu sgrub kyi zhal snga nas zhes pa ni bdag cag gi bla ma rnams so/ /brtsams te zhes pa ni brten nas so/ /gter dang 'dra ba ni rin po che bzhin no/ /slob dpon rnams brgyud pa'i rim gyis zhes pa ni gcig nas gcig go rim pas so/ /bla ma'i zhal nas zhes pa ni rang bzo ma yin no/ /gsang ba 'dus pa zhes pa ni bdag cag dang 'dra pa yin pa'o/ /tshe 'di nyid la zhes pa ni brtson 'grus rab
- 223b
yin pa skye ba gzhan la ma yin no/ /sangs rgyas nyid du 'gyur ba ni rin po che lta bu gang zag rnams kyi'o/ /rgyud la 'pho ba'o/ zhes pa ni sems kyi rgyud la 'jug pa ste me long la gzugs brnyan bzhin no/ /de ltar zhes bya ba la sogs pas yang nye bar bsdu ba'i sgo nas bla ma'i zhal snga nas la bstod pa bstan te/ de nyid kyi don rjes su brnyes nas so zhes pa ni nye bar mtshon pa tsam yin te / gzhan gyi don phun sum tshogs pa yang rnyed de nyid bstan pa'i phyir/ rdo rje 'chang chen po'i ting nge 'dzin 'jig rten pa rnams la bstan nas zhes pa ni mdor bsdus pa'i sgrub thabs dang/ mod? bsres dang/ dpal rdo rje hUM mdzad kyi sgrub thabs dang/ rim pa lnga pa dang/ rgyud kyi 'grel pa la sogs pa'i gzhung gzhan la bstan nas so/ /lha dang mi'i bde ba las 'das shing zhes pa ni mya ngan las 'das pa thob pa'o/ /skye ba dang 'gag pa dang bral ba'i zhes pa ni chos kyi sku'o/ /rnam pa thams cad mchog dang ldan pa zhes pa ni longs spyod rdzogs pa'i sku'o/ /de nyid kyi khyad par ni chog mi shes pa zhes pa ni tshim par mi 'gyur ba'o/ /stobs bcu zhes bya ba la sogs pas de nyid kyi khyad par ro/ /de bzhin gshegs pa sku zhes pa ni rdo rje'i sku brnyes nas so/ /bde ba can du gshegs nas zhes pa ni yongs su dag pa'i sangs rgyas kyi zhing la gsheD so/ yon tan gyi dbang phyug brgyad dang zhes pa ni sku la sogs pa'i dbang phyug rnams so/ /de dang ldan pa zhes pa ni sprul pa'i sku thob pa nyid du bstan to/ /bzhugs so zhes pa ni sku gsum dang sangs rgyas bzhugs sa gzhi nye bar rol ba'o/ /de ltar zhes bya ba la sogs pas lung bstan pa dang lung du ma bstan pa'i bye brag gi nges pa bstan to/ /de la bdag cag gi slob dpon ni lung bstan pa dang 'grel pa mkhan gzhan ni lung du ma bstan pa ste / de rnams kyis bshad pa ni ma lags te log
- 224a
pa'i lta ba dang ldan pa'i phyir ro/ /de nyid bsan pa'i phyir/ ngo bo nyid shes pa zhes pa ni dngos po thams cad kyi stong pa nyid kyi ngo bo shes pas ni ngo bo nyid shes pa'o/ /bu ram mngar nyid me yin no/ /ji ltar ? ba rang bzhin te/ /chos rnamS kun gyi stong pa nyid/ /de bzhin du ni rang bzhin 'dod ces 'byung ngo/ /'di dang pha rol ces pa ni tshe 'dir dang phyi ma la'o/ /mdza' nges par bya'o zhes pa ni pha rol tu phyin pa nyid du nges nas so/ /de na da lta'o/ /rgyud nye bar sdud par byed de zhes pa ni sdud pa pos shes tshig lhag ma'o/ /rgyud ma lus par zhes pa ni le'u bcu bdun gyi bdag nyid do/ /rgyan rnam pa bdun dang bshad ba rnam kyi tshul dang zhes pa ni sngar bshad pa gleng gzhi snang ba la sogs pa'i rgyan so sor bstan pa'i rim pas so/ /thos nas zhes pa ni bcom ldan 'das kyi zhal nas thos nas so/ /don dang tshul dang zhes pa ni rim pa gnyis bden pa gnyis kyi khong du chud nas te/ thugs la gsal por bzhag nas so/ /de ni rang gi don bshad nas gzhan gyi don bshad par bya ste/ /rim pa gnyis zhes pa ni brtags pa dang yongs su rdzogs pa'i rim pa gnyis kyi man ngag dag sngon du 'gro ba'o/ /nyan pa po rnams la zhes pa ni tsan? dan la sogs pa gang zag lnga po la'o/ /yang dag par bshad pa zhes pa ni bstan par byas nas so/ /brtsams pa'i don zhes pa ni dpal gsang ba 'dus pa'i rgyud kyi rgyal po yongs su rdzogs nas zhes pa ni rdzogs par mdzad pas so/ /de bzhin du bdag nyid ni sdud pa po'i rang bzhin gyi'o/ /dam bca' ba'i bsam pa zhes pa ni ji ltar bdag gis dang po 'di skad bdag gis thos pa'i zhes bya ba de bzhin du rdzogs pa'o/ /de lta bu'i bsam pa ni dgongs pa ston cing zhes pa ni gsal bar mdzad pa'i sdud pa po ni lag na rdo rjes gsungs
- 224b
so/ ci gsungs she na/ de skad ces bka' stsal pa zhes pa ni de nyid kyi bshad pa'o/ /de skad ces bya ba ni ming thams cad kyis snga ma'i don mchog tu 'dzin pa'o/ /gang gi phyir ming thams cad pa'i dbye ba gnyis te/ kha cig ni rjes su smra ba'i ? 'dzin ni pa dang/ kha cig ni bsgrub par bya ba'i rtags 'dzin pa'o/ /'dir ni rjes su gnang ba'i rtags 'dzin pa'i 'di skad ces bya'o/ /gsang ba 'dus pa'i rgyud kyi tshul zhes pa ni rgyud kyi rgyal po'i ming ngo/ /'di skad ces bka' stsal pa ste/ zhes pa gsungs so/ /le'u'i ming bstan par bya ba'i phyir/ bde ba chen po ni rang bzhin gyi gsal ba'o/ /de bzhin gshegs pa thams cad ces pa ni rnam par snang mdzad la sogs pa rnams kyi'o/ /sku gsung thugs kyi gsang ba zhes pa ni rnal 'byor bzhi'i rim pas khyad par kyi lha'i rnam pa pa ste yi ga'i don to/ /sku gsung thugs kyi gsang ba ni yi ge gsum ste spyi'i don to/ /sku gsung thugs kyi gsang ba ni ye shes gsum ste spas pa'o/ /sku gsung thugs kyi gsang ba ni 'od gsal ba ste mthar thug pa'o/ gtso bo byas pa zhes pa ni de la dmigs nas zhugs pa ni gsungs pa'o/ /gsang ba rnams kyi 'dus pa ni de bzhin gshegs pa tshogs gang na yod pa zhes bya ba 'bru mang po'i bsdu bas rgyud kyi rgyal po'i khyad par bstan to/ /rnam bar snang mdzad la sogs pa ni rigs lnga'o/ /nyams su blang ba'i don 'da' bar mi bya ba'i don to/ /srung ba la sogs pa lnga'o/ /zhes pa ni de la bsrung bar bya ba'i dam tshig lnga ste / de bzhin gshegs pa la sogs pa rigs kyi dbye bas so/ /sogs pa'i sgras ni bza' bar bya ba'i dam tshig lnga ste / go ku da ha na dang mar wi sho mu'o/ /nan tan sgrub pa zhes pa ni nan tan yid kyi bzod pa'o/ /de bzhin gshegs pa'i rigs pa lnga'o zhes pa ni
- 225a
dam tshig gi tshogs de dag thams cad de bzhin gshegs pa'i rigs lnga'i gtso bo yin no/ /bzla bar bya ba ma yin gyi zhes pa ni 'dus pa'i rnal 'byor pas spangs bar bya ba ma yin pa'o/ /rdo rje 'chang chen po zhes pa ni rigs lnga'i 'grel dang ldan pa'i dam tshig dang sdom pa rnams la rdo rje 'chang chen po nyid byin gyis brlab pa yin te / de'i sprul pa yin pa'i phyir ro/ /de'i ming gi rnam grangs ming la mngon par zhen pa can la bstan par bya ste / rigs thams cad kyi bdag nyid ces pa ni lnga'i bdag nyid do/ /thog ma dang tham med pa'i zhes pa ni chos kyi sku'i rang bzhin yin pas so/ /dang po'i sangs rgyas zhes pa ni kun gyi chog yin pas so/ /rig pa chen po skyes bu'i gzugs zhes pa ni bskyed pa'i rim pa'i phyogs su rnal 'byor bzhi'i ting nge 'dzin gyis rdzogs pas so/ /ye shes kyi sku zhes pa ni rdzogs pa'i rim pa'i phyogs su bdag la byin gyis brlab pa'i rim pas 'od gsal ba las cig car du byung bas so/ /rang bzhin gyis 'od gsal ba'i bdag nyid can zhes pa ni sems rnam par dag pa'i rim pas sam / mngon par byang chub pa'i rim pas 'od gsal ba las byung ba'i phyir ro/ /'jig rten gsum gyi bdag nyid can zhes pa ni khyab par byed pas so/ / sku gsum gyi bdag nyid can zhes pa ni chos kyi sku la sogs pa thob pas so/ /theg pa gsum gyi bdag nyid can zhes pa ni brjod par bya ba dang rjod par byed pa yin pas so/ /rdo rje gsum gyi bdag nyid can zhes pa ni sku gsung thugs kyi bdag nyid can yin pa'i phyir ro/ /bden pa gnyis kyi bdag nyid can zhes pa ni zung du 'jug pa'i rim pa bzhin yin pas so/ /zhes bya ba la sogs pa zhes pa ni mgon po dang / rgyu dang 'bras bu'i
- 225b
bdag nyid can dang de bzhin nyid dang yang dag pa'i mdza' dang stong pa nyid ces bya ba la sogs pa'o/ /de bzhin gshegs pa drug pa zhes bya ba ni lnga'i rgyur gyur pa zhes pa'o/ /mtshan gyi rnam grangs zhes pa ni mtshan gyi nges tshig go /mdza' yas pa ni brtsis las 'das pa'o/ /snga ma bzhin du gos dang 'dra ba ni le'u ste nyon mongs pa dang shes bya'i sgrib pa'i skyon spong bas so/ /de na 'grel pa la bstod pa bstan pa'i phyir / bde bar gshegs pa zhes pa ni rdo rje 'chang gi'o/ /gsung ni bka' o shin tu phra ba ni mkhas pa'o/ /rnal 'byor rgyud ni dpal gsang ba 'dus pa'i rgyud kyi rgyal po'o/ /mdza' drug ni sngar bshad pa'o/ /de nyid rigs pa ni rigs pa'o/ /de dang bral ba ni mi shes pa'o/ /sgra ji bzhin pa'i don tsam gzung ba'i nyan pa 'am 'chad pa pos nges par rtogs pa zhes pa ni bdag gis shes so/ /zhes smras pa'o/ /de ni skyes bu des de nyid mi mthong zhes pa ni rgyud kyi yang dag par don mi mthong ba'o/ /gang gi phyir yi ge tsam lta ba ste zhes pa ni yi ge'i don tsam mthong ba'o/ /dpe bstan pa'i phyir ji ltar byis pa lta 'dod pa ni zla ba mthong bar 'dod pas so/ /sor mo'i rtse la lta ba zhes pa ni sor mo tsam lta bas zla ba mi mthong ba bzhin no/ /de bas na mdza' drug pa ni nye bar blang ba yin no/ /bsod nams yongs su bsngo ba bstan pa'i phyir rgyal ba skyes mchog ces pa ni de bzhin gshegs pa rab kyi du mas so/ /rnam par bshad pa'i zhes pa ni des par bstan pa'o/ /mdza' drug lam gang yin zhes pa ni mdza' drug gi dbye ba'o/ /gang zhig 'di dang zhes pa ni rnal 'byor chen po'i rgyud de dpal gsang ba 'dus pa'o/ /rgyud tshul ma lus rnal 'byor ces pa ni rgyud ma lus pa ni bshad pa'i rgyud dang yan
- 226a
lag gi rgyud de / rdo rje phreng ba dang lha mo bzhis yongs su zhugs pa la sogs pa'o/ /de rnams kyi tshul ni bshad pa'i dbye ba'o/ /de rnam 'byed ces pa ni gsal bar byas ba'o/ /bshad byas pas zhes pa ni gsal bshad nas so/ /bdag gi dge ba gang thob pa ni rnyed pa'o/ /des ni dge bas so/ /sgron 'bar rgya cher bshad ces pa ni mdza' drug gi don mar mes gsal ba 'grel pa'i bshad pa 'di'o/ /ring gnas shing zhes pa ni bskal pa'i mdza' i bar du gnas par gyur cig go /de bzhin du bde ba dam pa'i gnas mchog ni rdo rje 'chang chen po'i go 'phang ngo/ /zla ba'i blos ni zla ba bzhin du dri ma med pa'i blo gang la yod pa de ni zla ba'i blo ste / dri ma med pa'i sems dang ldan par gyur cig go / 'gro ba zhes pa ni khams gsum pa'o/ /ldan par gyur cig ni thob par gyur cig pa'o/ /des ni 'grel pa mkhan gyi 'grel pa'i mthar zhar la rang gi ming yang bstan to zhes bkra shis pa'o// //sgrol ma gsal bar 'grel pa'i TI ka las le'u bcu bdun pa'i rgya cher bshad pa'o/ /man ngag rin chen tshogs kyi rgya mtsho yi/ /bla ma chen po dgongs pa las brten te/ /mdza' yas rgyud don rnam par spyod byed pa'o/ /'grel pa mkhan gyi glegs bam
- 226b
rnams mthong ste/ /bshad pa dang ni yan lag rgyud thos nas/ /rim pa'i 'grel dang de bzhin brgyud 'grel te/ /shar phyogs su yang cung zad phyin nas ni/ /dam pa rnams las man ngag rgyas thob nas/ /dngos grub gtso mchog rnal 'byor pa rnams kyi/ /zhabs kyi pad+ma spyi bos bkur mnyes pas/ /rmi lam rdo rje sems dpa' mthong nas kyang/ / de las rjes gnang yang dag thob nas ni/ /o rgyan yul du bdag po bdag gis ni/ /mkhas pa'i gtso bo sangs rgyas zhi ba yi/ /slob ma skal ldan grags pa dge slong mchog /sgra tshad lung dang sngags la mkhas pa yis/ /zla ba'i grags pas brtsams pa yis / /mdza' drug ces bya 'grel pa yang/ /de yi yang ni TI ka 'di/ / de nyid gsal bar byed pas byas /de nyid kyi ni gzhung gi tshad/ /stong phrag bcu dang drug yin te/ /de ni dpal ldan 'dus pa yi/ /'grel pa'i don rnams yongs su bsdus/ /gangs dang shel dang mu tig phreng dang zla rgyas dang/ /mtshungs pa'i bsod nams sa bon bdag gis gang thob pa/ /yul sprul gyis rdeg 'khrul pa rnams kyis kun tu bcom/ /du(rgyud 'grel): kha bral nas 'gro bas rdo rje 'chang nyid thob par shog/ //sgron ma gsal bar byed pa'i TI ka slob dpon chen
- 227a
po b+ha bya kI rti'i zhal snga nas kyis mdzad pa rdzogs so// //yon gyi bdag po gtso bo brom jo bo dkon mchog khu mtshan gyis zhus nas / rgya gar mkhan po chen po ku mA ra nyid kyis bsgyur cing gtan la phab pa'o/ /gzhan la sbyin par bya ba'i chos dpal gsang ba 'dus pa'i rgyud kyi rgyal po chen po'i 'grel pa sgron ma gsal bar byed pa'i TI ka dgongs pa rab gsal zhes bya'o// mang+ga laM //