Text
ff. 1b–465a · 928 folio sides
- 1b
/ rgya gar skad du/ Ar+ya ug gre pa ri prits+tsha na ma ma hA yA na sU tra/ bod skad du/ 'phags pa drag shul can gyis zhus pa zhes bya ba thegapa chen po'i mdo/ / bam po
- 2a
dang po// / sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan ' das mnyan yod na rgyal bu rgyal byed kyi tshal mgon med zas sbyin gyi kun dga' ra ba nasadage slong stong nyis brgya lnga bcu'i dge slong gi dge 'dun chen po dang / byang chub
- 2b
sems dpa' sems dpa' chen po byams pa dang / 'jam dpal dang / ngan song spong dang / spyan ras gzigs dbang phyug dang / mthu chen thob la sogs pa byang chub sems dpa' lnga stong dang thabs cig tu bzhugs te/ de'i tshe bcom ldan 'das 'khor brgya stong du mas yongs su bskor cing mdun gyis bltas nas chos ston te/ tshangs par spyod pa/ thog mar dge bal bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston to// de nas khyim bdag drag shul can g.yog lnga brgya
- 3a
dang mnyan yod kyi grong khyer chen po nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'dug go/ de bzhin du khyim bdag gzhan rnams kyang / 'di lta ste/ khyim bdag dga' 'dod dang / khyim bdag grags 'dod dang / khyim bdag legs byin dang / khyim bdag dga' byed dang / khyim bdag grags byin dang khyim bdag nor bzangs dang / khyim bdag tshul dga' dang / khyim bdag mgon med zas sbyin dang / khyim bdag klu dpal dang / khyim bdag bden dga' dang / de dag dang gzhan yang khyim bdag rab tu mang po rnams g.yog lnga brgya lnga brgya dang mnyan yod kyi grong khyer chen po nas
- 3b
byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod do// khyim bdag de dag thams cad phal cher ni g.yog dang bcas te theg pa chen po la yang dag par zhugs pa dang / dge ba'i rtsa ba bskyed pa dang / bla ni med pa yang dag par rdzogs pa'i byang chub tu nges par byas pa sha stag go/ de nas khyim bdag drag shul can gyis khyim bdag gi 'khor chen po de 'dus par shes nas/ bcom ldan 'das kyi mthus stan las langs te/ bla gos phrog pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis/ khyim bdag drag shul can la 'di skad ces bka' stsal to// khyim bdag khyod la de bzhin
- 4a
gshegs pas/ ga tu skabs kyis/ khyim bdag khyod cing nga ci 'dod pa de bzhin gshegs pa la dris shig dang / dris pa d+mos lu bsgyu khyod kyi sems rangs par bya'o/ / de skad ces bka' stsal pa dang / bcom ldan 'das la/ khyim bdag drug shul can gyis 'di skad ces gso m+b+ha te// bcom ldan 'das rigs kyi bu'am/ rigs kyi bu mo gang dag bla na med pa yang dag par rdzogs pa'i byang chub tu sems bskyed pa dang / theg pa chen po la mos pa dang / theg pa chen po la rab tu gnas pa dang / theg pa chen po la yang dag par bsgrub par 'tshal ba dang / theg pa chen po la 'jug par 'tshal ba dang / theg pa chen po la dam bca' ba dang / sems can thams cad gnyer ba dang / sems can thams cad dbugs 'byin pa dang / sems can thams cad bskyab pa'i slad du go cha 'tshal ba dang / ma rgal ba rnams sgrol ba dang / ma grol ba rnams dgrol ba dang / dbugs ma phyin pa rnams dbugs dbyung ba dang / yongs su mya ngan las ma 'odas pa rnams yongs su mya ngan las bzla'o zhes sems can thams cad kyi don du khur chen po len pa dang / 'jug pa rlabs po che chen po la rab tu gnas pa dang / sangs rgyas kyi ye shes dpag tu ma mchis pa thos nas/ ye shes de yang dag par bsgrub pa'i slad du go cha 'tshal ba dang /
- 4b
'khor ba'i sdug bsngal gyi skyon mang po du ma 'tshal kyang yid yongs su mi skyo zhing bskul pa grangs ma mchis par 'khor yang sems zhum par mi 'gyur ba de dag dang / bcom ldan 'das de la rigs kyi bu 'am/ rigs kyi bu mo byang chub sems dpa'i theg pa pa gang dag khyim gyi gnas nas mngon par byung ste/ byang chub kyi phyogs kyi chos rnams yang dag par sgrub cing khyim na mi gnas pa dag/ gang yang khyim na gnas shing byang chub kyi phyogs kyi chos rnams yang dag par sgrub ste/ khyim gyi gnas nas mngon par mi 'byung ba dag kyang mchis na/ bcom ldan 'das lha dang / mi dang / lha ma yin du bcas pa'i 'jig rten la thugs brtse ba dang / theg pa chen po 'di rjes su gzung ba dang / dkon mchog gsum gyi rigs mi 'chad par bgyi ba dang / thams cad mkhyen pa'i ye shes yun ring du gnas par bgyi ba'i slad du/ bcom ldan 'das kyis byang chub sems dpa' khyim pa rnams kyi bslab pa'i yon tan rnam par gzhag pa de legs par bshad du gsol/ byang chub sems dpa' khyim pa khyim gyi sa la gnas nas/ ji ltar de bzhin gshegs pa rnams kyi bka' bzhin bgyid cing / byang chub kyi phyogs kyi chos rnams las mi nyams yongs su mi nyam te/ tshe 'di la'ang las kha na ma tho ba ma mchis shing / tshe gzhan du'ang bye brag tu mchi bar 'gyur ba dang / bcom ldan 'das gang yang byang chub sems dpa' khyim gyi gnas
- 5a
nas mngon par byung ste/ sdug pa dang mi sdug pa spangs nas/ skra dang kha spu bregs te/ gos ngur smrig bgos nas yang dag par dad pas khyim nas khyim ma lags par rab tu byung ba de dag ji tsam du gdams pa dang / rjes su bstan pa gnyis kyis chos spyod pa dang / dge ba spyod pa yang dag par rab tu bshad du gsol/ byang chub sems dpa' khyim pa dang / rab tu byung bas ji ltar gnas par bgyi/ ji ltar bsgrub par bgyi/ de skad ces gsol pa dang // bcom ldan 'das kyis/ khyim bdag drag shul can la 'di skad ces bka' stsal to/ / khyim bdag legs so legs so// khyod nga la don 'di 'dri bar sems pa ni khyod kyi tshul dang mthun no// de'i phyir legs par rab tu nyon la yid la zung zhig dang / byang chub sems dpa' khyim pa dang rab tu byung bas ji ltar bslab pa'i yon tan yang dag par gzung zhing spyod pa mchog la gnas par bya ba dang / ji ltar bsgrub par bya ba ngas khyod la bshad do// bcom ldan 'das de bzhin no zhes gsol nas/ khyim bdag drag shul can bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to khyim bdag 'di la byang chub sems dpa' khyim pa khyim na gnas pas sangs rgyas la skyabs su 'gro bar bya'o/ / chos la skyabs su 'gro bar bya'o// dge 'dun la skyabs su 'gro bar bya'o//
- 5b
de gsum la skyabasu song ba'i dge ba'i rtsa ba de bla na med pa yang dag par rdzogs pa'i byang chub tu yongs su bsngo bar bya'o// khyim bdag ji ltar na byang chub sems dpa' khyim pa sangs rgyas la skyabs su song ba yin zhe na/ khyim bdag 'di la byang chub sems dpa' khyim pa sangs rgyas kyi sku skyes bu chen po'i mtshan sum cu rtsa gnyis kyis legs par brgyan pa yongs su bsgrub par bya'o snyam du sems mngon par 'du byed de/ dge ba'i rtsa ba gang dag gis skyes bu chen po'i mtshan sum cu rtsa gnyis yang dag par 'grub par 'gyur ba'i dge ba'i rtsa ba de dag yang dag par bsgrub pa'i phyir brtson 'grus rtsom pa de lta bu ni/ khyim bdag byang chub sems dpa' sangs rgyas la skyabs su song ba yin no// khyim bdag ji ltar na byang chub sems dpa' khyim pa chos la skyabs su song ba yin zhe na/ khyim bdag 'di la byang chub sem dpa' khyim pa chos la gus pa dang bcas shing ri mo byed pa dang bcas pa/ chos don du nyer ba/ chos 'dod pa/ chos kyi kun dga' la dga' zhing mos pa/ chos la gzhol ba/ chos la 'bab pa/ chos la bab pa/ chos srung ba/ chos sprad cing gnas pa/ chos kyi grags pa dang chos kyi spyod pa la gnas pa/ chos kyi dbang du gyur pa/ chos yongs su tshol ba/ chos kyi stobs dang ldan pa/ chos kyi sbyin pa'i mtshon cha dang ldan pa/ chos kyis bya ba byed pa de 'di lta bu'i chos dang ldan pas bdag bla na med pa yang dag par rdzogs
- 6a
pa'i byang chub mngon par rdzogs par sangs rgyas nas/ lha dang / mi dang / lha ma yin du bcas pa'i 'jig rten la chos kyis chos bgo bsha' bya'o snyam du dran pa rab tu 'thob ste/ khyim bdag de ltar na byang chub sems dpa' khyim pa chos la skyabs su song ba yin no// khyim bdag ji ltar na byang chub sems dpa' khyim pa dge 'dun la skyabs su song ba yin zhe na/ khyim bdag 'di la byang chub sems dpa' khyim pa dge 'dun la skyabs su song ba ni/ gal te dge slong rgyun du zhugs pa 'am/ lan cig phyir 'ong ba 'am/ phyir mi 'ong ba'am/ dgra bcom pa'am/ so so'i skye bo 'am/ nyan thos kyi theg pa pa 'am/ rang sangs rgyas kyi theg pa pa'am/ theg pa chen po pa dag mthong na/ de de la gus pa dang bcas/ zhes dang bcas shing ldang bar brtson la/ bka' blo bde zhing mthun par 'dzin pa yin te/ de yang dag par song ba dang / yang dag par zhugs pa de dag la bsnyen bkur byas pas/ 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas kyang / nyan thos kyi yon tan yongs su bsgrub pa dang / rang sangs rgyas kyi yon tan yongs su bsgrub pa'i chos bstan to snyam du dran pa rab tu 'thob ste/ de dag la gus pa dang bcas shing zhe sa dang bcas pa yin gyi/ de dag la mi dga' bar ni mi byed de/ de ltar na khyim bdag byang chub sems dpa' khyim pa dge 'dun la skyabs su song ba yin no//
- 6b
khyim bdag gzhan yang byang chub sems dpa' khyim pa chos bzhi dang ldan na/ sangs rgyas la skyabs su song ba yin te/ bzhi gang zhe na/ byang chub kyi sems mi 'dor ba dang / dam bcas pa mi 'jig pa dang / snying rje chen po yongs su mi gtong ba dang / theg pa gzhan la mi dmigs pa ste/ khyim bdag byang chub sems dpa' khyim pa chos bzhi po de dag dang ldan na/ sangs rgyas la skyabs su song ba yin no// khyim bdag gzhan yang byang chub sems dpa' khyim pa chos bzhi dang ldan na/ chos la skyabs su song ba yin te/ bzhi gang zhe na/ chos smra ba'i gang zag rnams la brten cing bsnyen te/ bsnyen bkur byed cing bsti stang du byas nas chos nyan pa dang / chos thos nas tshul bzhin so sor rtog pa dang / ji ltar thos pa'i chos rnams dang ji ltar khong du chud pa rnams gzhan dag la'ang ston cing yang dag par rab tu 'chad pa dang / chos kyi sbyin pa las byung ba'i dge ba'i rtsa ba de bla na med pa yang dag par rdzogs pa'i byang chub tu yongs su sngo ba ste/ khyim bdag byang chub sems dpa' khyim pa chos bzhi po de dag dang ldan na/ chos la skyabs su song ba yin no// khyim bdag gzhan yang byang chub sems dpa' khyim pa chos bzhi dang ldan na/ dge 'dun la skyabs su song ba yin te/ bzhi gang zhe na/ nyan thos kyi theg pa pa yang dag par skyon med par zhugs pa rnams thams cad mkhyen pa nyid kyi sems la 'dzud pa dang / gang zang zing gis sdud par byed pa de dag chos kyis bsdu ba la sbyor
- 7a
ba dang / byang chub sems dpa' phyir mi ldog pa'i dge 'dun la rton gyi/ nyan thos kyi dge 'dun la rton pa ma yin pa dang / nyan thos kyi yon tan yongs su tshol la/ de'i rnam par grol ba la mos pa'ang ma yin pa ste/ khyim bdag byang chub sems dpa' khyim pa chos bzhi po de dag dang ldan na/ dge 'dun la skyabs su song ba yin no// khyim bdag gzhan yang byang chub sems dpa' khyim pa de bzhin gshegs pa'i sku gzugs mthong nas/ sangs rgyas rjes su dran pa rab tu thob pa ni/ sangs rgyas la skyabs su song ba yin no// chos thos nas chos rjes su dran pa rab tu thob pa ni/ chos la skyabs su song ba yin no// de bzhin gshegs pa'i nyan thos kyi dge 'dun mthong nas/ byang chub kyi sems rjes su dran pa ni/ dge 'dun la skyabs su song ba yin no/ / khyim bdag gzhan yang byang chub sems dpa' khyim pa khyim na gnas pa sangs rgyas dang 'grogs par smon cing / sbyin pa sbyin pa ni sangs rgyas la skyabs su song ba yin no/ / dam pa'i chos yang dag par bsrung ba'i phyir/ sbyin pa sbyin pa ni chos la skyabs su song ba yin no// sbyin pa de bla na med yang dag par rdzogs pa'i byang chub tu yongs su sngo ba ni/ dge 'dun la skyabs su song ba yin no// khyim bdag gzhan yang byang chub sems dpa' khyim pa khyim na gnas pa ni skyes bu dam pa'i las rnams byed de/ skyes bu ngan
- 7b
pa'i las rnams mi byed do/ / khyim bdag skyes bu dam pa'i las yin gyi/ skyes bu ngan pa'i las ma yin pa rnams gang zhe na/ khyim bdag 'di la byang chub sems dpa' khyim pacho kyis longs spyod tshol gyi/ chos ma yin pas mi tshol lo// mthun pas tshol gyi/ mi mthun pas ma yin no// yang dag pas 'tsho ba yin gyi/ log pas 'tsho ba ma yin te/ de chos kyi longs spyod thob pa de dag gis gzhan la 'tshe bar mi byed de/ mi rtag pa'i 'du shes sgom pa mang zhing snying po len to// 'di lta ste/ pha ma la bsnyen bkur byed pa dang / bu dang / chung ma dang bran pho dang / bran mo dang / las byed pa dang / zho shas 'tsho ba rnams yang dag pa'i longs spyod dang / mdza' bshes dang / blon po dang / nye du dang / snag gi gnyen mtshams rnams la bkur sti dang / gong du'ang chos la 'dzud pas gtong ba 'phel bar byed do// khyim bdag gzhan yang byang chub sems dpa' khyim pa ni/ 'di lta ste/ sems can thams cad phung po lnga'i khur khyer bas khrur blangs pa bkur ba'i phyir brtson 'grus rtsom mo/ / 'di lta ste/ nyan thob da sangs rgyas kyi theg pa mi 'dor bas khur blangs pa bcu pa'i phyir sngon 'grus rtsom mo/ / sems can yongs su smin par bya ba la yongs su mi skyo ba/ bdag bde ba la mi chags pa/ sems can thams cad bde ba thob par byed pa/ rnyed pa dang / ma rnyed pa dang / grags pa
- 8a
dang ma grags pa dang / bstod pa dang / smad pa dang / bde ba dang / sdug bsngal gyis mi bskyod pa de 'jig rten gyi chos las yang dag par 'da' ba dang / rnyed pa dang longs spyod phun sum tshogs pas mi snyems pa dang / rnyed pa dang / grags pa dang / brjod pa'i sgra'i snyan pa med pa la yi mi 'chad pa dang / shin tu brtags te las byed pa dang / yang dag par bsgrub pa kun tu srung ba dang / log par bsgrub pa la yid mi mos pa dang / mi gnas pa'i blos 'byung ba mthong ba dang / shing bal gyi 'dab ma lta bu'i sems med de/ ji ltar dam bcas pa yongs su rdzogs par byed pa dang / gzhan gyi bya ba byed pa dang / rang gi bya ba yongs su 'dor ba dang / gzhan la bya ba la lan du phan 'dogs par mi re ba dang / gnod par byas pa la sha mi glon pa dang / byas pa gzo ba dang / byas pa tshor ba dang / legs par byas pa'i las byed pa dang / dbul po rnams la longs spyod yang dag par 'ged pa dang / stobs dang ldan pa rnams la nga rgyal bcag pa dang / 'jigs pa rnams mi 'jigs par dbugs 'byin pa dang / mya ngan gyis nyam thag pa rnams la mya ngan gyi zug rngu sel ba dang / mthu chung ba rnams la bzod cing dang du len pa dang / nga rgyal las kyang nga rgyal rnam par spong ba dang / bla ma la gus pa dang / mang du thos pa rnams la brten pa dang / mkhas pa rnams la kun 'dri ba dang / lta badrang ba dang / g.yo med par spyod pa dang / spu med pa dang /
- 8b
bcos ma med par sems can thams cad la byams pa dang / dge ba gang yin zhes tshol bas mi ngoms pa dang / mang du thos pa la chog mi shes par byas pa dang / brtsam pa rnams la yi dam brtan pa dang / 'phags pa'i skye bo dang 'grogs pa dang / 'phags pa ma yin pa'i skye bo rnams la cher snying rje ba dang / mdza' ba brtan pa dang / mdza' ba dang mi mdza' ba la sems snyoms pa dang / sangs rgyas kyi chos thams cad la slob dpon gyi dpe mkhyud med pa dang / ji ltar thos pa'i chos rnams rab tu ston pa dang / thos pa'i don rjes su sgom pa dang / 'dod pa la dga' zhing rtse ba thams cad la mi rtag par 'du shes pa dang / lus la mi lta bar 'du shes pa dang / srog la zil pa'i thigs pa ltar 'du shes pa dang / longs spyod la sgyu ma dang smig rgyu lta bur 'du shes pa dang / bu dang chung ma la sems can dmyal ba mnar med par 'du shes pa dang / zhing dang khyim gyi las kyi mtha' dang gos rnam pa sna tshogs yongs su 'dzin pa la 'phongs pa'i sdug par 'du shes pa dang / yongs su tshol ba la dge ba'i rtsa ba rnam par 'jig par 'du shes pa dang / khyim gyi gnas la gshed ma lta bur 'du shes pa dang / mdza' bshes dang / blon po dang / nye du dang / snag gi gnyen mtshas rnams la sems can dmyal ba'i srungs mar 'du shes pa dang / nyin dang mtshan du bye brag tu gyur pa ci yod ces yongs su 'jal bar 'du shes pa dang / snying po med pa'i lus las snying po blang bar 'du
- 9a
shes pa dang / snying po med pa'i srog las snying po blang bar 'du shes pa dang / snying po med pa'i longs spyod rnams las snying po blang bar 'du shes pa yin no// snying po med pa'i lus las snying po blang bar 'du shes pa gang zhe na/ gang gzhan gyi bya'o cog bya bar spro ba dang / bla ma rnams la gus par smra ba dang / phyag 'tshal ba dang / ldang ba dang / thal mo sbyar ba dang / 'dud pa'i las byed pa ste/ 'di ni snying po med pa'i lus las snying po blang bar 'du shes pa zhes bya'o// de la snying po med pa'i srog las snying po blang bar 'du shes pa gang zhe na/ gang sngon byas pa'i dge ba'i rtsa ba rnams yongs mi nyams la/ gong du'ang rnam par 'phel ba ste/ 'di ni snying po med pa'i srog las snying po blang bar 'du shes pa zhes bya'o// de la snying po med pa'i longs spyod rnams las snying po blang bar 'du shes pa gang zhe na/ gang ser sna'i sems tshar gcod cing / gtong ba chen po'i sems 'phel bar byed cing sbyin pa yang dag par 'ged pa ste/ 'di ni snying po med pa'i longs spyod rnams las snying po blang bar 'du shes pa zhes bya'o/ / khyim bdag de ltar na byang chub sems dpa' khyim pa gang 'di lta bu'i skyes bu das pa'i las 'di dag byed kyi/ skyes bu ngan pa'i las ni ma yin no// de ltar byed na de bzhin gshegs pa rnams kyis nyes par brjod pa ma yin te/ rigs par smra ba yin/ chos smra ba yin no// 'di lta ste/ sngon bla na med pa yang dag par rdzogs pa'i byang chub tu dam bcas pa'ang mi nyams yongs su mi
- 9b
nyams pa yin no/ / khyim bdag gzhan yang byang chub sems dpa' khyim pa ni bslab pa'i gzhi thams cad yongs su bzung ba yin te/ 'di lta ste/ bslab pa'i gzhi lnga yongs su bzung nas des srog gcod pa spang bar bya ste/ dbyig pa dor ba dang / mtshon cha dor ba dang / ngo tsha shes pa dang / snying rje dang ldan pa dang / srog chags 'byung po thams cad la mi 'tshe ba'i rang bzhin can dang sems can thams cad la sems snyoms pa dang / rtag tu byams pa la gnas par bya'o// des ma byin par len pa spang bar bya ste/ bdag gi longs spyod kyis chog shes pa dang / gzhan gyi longs spyod kha mngon par dga' ba med pa dang / chags pa dang brnab sems med pa dang / gzhan gyi nor la 'dod pa med pa dang / tha na rtswa drang lo ma tsam yang ma byin par mi blang bar bya'o// des 'dod pa la loH par g.yem pa spang bar bya ste/ rang gi chung mas chog par 'dzin pa dang / gzhan gyi chung ma la 'dod pa med pa dang / ma chags pa'i mig gis lta ba dang / yid byung ba'i yid dang / 'dod pa dag ni shin tu sdug bsngal ba'o snyam du ma chags pa yid la byed pa la brtson par bya'o/ / de gang gi tshe rang gi chung ma la 'dod pa'i rnam par rtog pa 'byung ba de'i tshe yang / nyon mongs pa'i dbang du gyur pas na/ nges rang gi chung ma la mi sdug par rjes su lta ba dang / skrag pa'i yid kyis 'dod pa bsten par bya'i/ len pa'i min bzhin du ni ma yin pa dang / mi rtag pa dang / sdug bsngal ba dang / bdag med pa dang
- 10a
mi gtsang bar 'du shes pa dang / des ci nas bdag gis yid kyi dgu la'ang 'dod pa spyod par mi bya na/ mtshan gnyis sprod pa 'am/ yan lag ma yin par 'jug pa lta ci smos te/ bdag gis de ltar mi bya'o snyam mo// des brdzun du smra ba spang bar bya ste/ bden pa smra ba dang / yang dag par smra ba dang / ji skad smras pa de bzhin du byed pa dang / mi slu ba dang / bsam pa phun sum tshogs pa dang / dran pa dang shes bzhin dang ldan par bya ste/ ji ltar mthong ba dang / thos pa smra ba dang / chos rjes su srung bar gyur pa des lus dang srog gi phyir yang shes bzhin du brdzun smra bar mi bya'o/ / des 'bru'i chang dang sbyar ba'i chang myos par 'gyur ba'i btung ba spang bar bya ste/ de ra ro ba med pa dang / smyos pa med pa dang / 'khrul pa med pa dang / tshig ma 'chal ba dang / mi 'phyar ba dang / mi rgod pa dang / mi g.yeng ba dang / dran pa nye bar gnas pa dang / shes bzhin dang ldan par bya ste/ de nam bdog pa thams cad yongs su gtong ba'i blo 'jug cing / zas 'dod pa rnams la zas/ skom 'dod pa rnams la skom sbyin pa sbyin par bya'o snyam pa na/ des gzhan dag la chang yang sbyin te/ 'di snyam du 'di ni sbyin pa'i pha rol du phyin pa'i dus yin te/ gang ci 'dod pa de la sbyin pa'i dus la bab kyis/ bdag gis 'di ltar bya ste/ gang dang gang la 'di ltar chang yang byin nas/ gang 'di 'khrul pa med pa'i spyod pa la de dang de dag dran pa
- 10b
dang shes bzhin yang dag par 'dzin du gzhug go snyam pa'i 'du shes bskyed par bya'o/ / de ci'i phyir zhe na/ bsam pa thams cad yongs su rdzogs par byed pa ni/ byang chub sems dpa'i sbyin pa'i pha rol tu phyin pa yongs su sbyong ba yin no/ / khyim bdag de ltar na byang chub sems dpa' khyim pa gzhan dag la chang byin yang de bzhin gshegs pa rnams kyis nyes par brjod pa ma yin no// khyim bdag byang chub sems dpa' khyim pa des bslab pa'i gzhi lnga bzung ba'i dge ba'i rtsa ba'ang / bla na med pa yang dag par rdzogs pa'i byang chub du yongs su bsngo bar bya'o// des bslab pa'i gzhi lnga po de dag kyang shin du bsrung bar bya'o/ / gong du'ang des phra ma mi bya zhing bye ba rnams kyi bsdums bya'o// des ngag rtsub po'ang mi sba bar bya zhing / des ngag 'jam por smra ba dang / tshig mnyen pa dang / gsong por smra bar bya'o// tshig bkyal pa'ang smra bar mi bya zhing / dus su smra ba dang / yang dag par smra ba dang / don smra ba dang / chos smra ba dang / rigs pa smra ba dang / 'dul ba smra ba dang / lan legs par 'debs pa dang / ji skad smras pa de bzhin byed pa'o// des brnab sems su mi bya zhing / sems can thams cad la phan pa dang bde ba bsam par bya'o// gnod sems su mi bya zhing rtag tu bzod pa'i stobs kyis go cha bgo bar bya'o// des yang dag par blta bar bya zhing log pa phyin ci log tu lta ba thams cad dang bral bar bya'o// lhar sangs rgyas
- 11a
la bsam pa rjes su song zhing lha gzhan mi 'dzin par bya'o/ / khyim bdag gzhan yang byang chub sems dpa' khyim pa grong ngam/ grong khyer ram/ grong rdal lam ljongs sam/ ljongs kyi phyogs gang na gnas pa der des sems can rnams la chos kyi gtam brjod par bya ste/ gang dag ma dad pa de dag ni dad pa la gzud par bya/ sems can gang dag mi gus shing phar mi 'dzin pa/ mar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi gtso bo la rim gro mi byed pa/ tshul dang mi ldan zhing mtshams las 'das pa de dag bla ma la gus pa dang / chos spyod pa la gzud par bya'o/ / sems can gang dag thos pa nyung ba de dag mang du thos pa la sbyar bar bya'o// ser sna can rnams ni gtong ba la/ tshul khrims 'chal pa rnams ni tshul khrims la/ gnod sems can rnams ni bzod pa dang nges pa la/ le lo can rnams ni brtson 'grus rtsom pa la/ brjed ngas pa rnams ni dran pa dang shes bzhin la/ 'chal pa'i shes rab can rnams ni shes rab la gzud par bya'o// sems can dbul po rnams la longs spyod yang dag par bgo bar bya'o// sems can nad pa rnams la sman sbyin par bya'o// sems can mgon med pa rnams kyi mgon bya'o// skyabs med pa rnams kyi skyabs dang / dpung gnyen med pa rnams kyi dpung gnyen bya'o// des ljongs dang ljongs kyi phyogs de dag thams cad dang ji ltar mthun par sems can 'ga' yang log par ltung bar mi 'gro ba de ltar chos kyis bsrung bar
- 11b
bya'o/ / khyim bdag gal te byang chub sems dpa' khyim pas lan gcig lan gnyis lan gsum nas/ lan bdun gyi bar du rjes su bstan pas sems can rnams yon tan dag la bkod pa las yon tan gang yang rung ba la gnas par ma gyur na/ khyim bdag de'i tshe byang chub sems dpa' khyim pa des sems can de dag la snying rje chen po bskyed de/ des thams cad mkhyen pa nyid kyi go cha sra ba'ang bgo zhing / tshig 'di skad ces ji srid du sems can gdul dka' ba dmu rgod de dag yongs su smin par ma gyur pa de srid du/ bdag bla na med yang dag par rdzogs pa'i byang chub mngon par rdzogs par 'tshang mi rgya'o zhes brjod par bya'o/ / de ci'i phyir zhe na/ bdag gis ni de dag gi phyir go cha bgos te/ sems can drang po rnams kyi phyir ma yin/ g.yo med pa rnams kyi phyir ma yin/ sgyu med pa rnams kyi phyir ma yin/ tshul khrims dang ldan pa rnams kyi phyir ma yin te/ yon tan dang ldan pa rnams kyi phyir bdag gis go cha ma bgos kyis/ ci nas bdag gi rtsol ba don yod par 'gyur ba dang / sems can rnams kyis bdag mthong ma thag tu dga' ba dang / dad pa 'thob par 'gyur ba de ltar bya'o// de ltar bsgrub bo// de ltar brtson 'grus brtsam par bya'o/ snyam mo// khyim bdag gal te grong ngam/ grong khyer ram/ grong rdal lam/ ljongs sam/ ljongs kyi phyogs gang na gnas pa'i byang chub sems dpa' des phyogs der ma bskul tam/
- 12a
dran par ma byas te/ sems can rnams ngan 'gro gang yang rung ba zhig tu skyes par gyur na/ byang chub sems dpa' de ni de bzhin gshegs pa rnams kyis smad pa yin no/ / khyim bdag 'di lta ste/ dper na grong ngam/ grong khyer ram/ grong rdal lam/ ljongs sam/ ljongs kyi phyogs gang na sman pa mkhas pa zhig gnas pa des/ tha na sems can 'ga' zhig gi dug zhi bar ma nus te/ 'chi ba'i dus byed par gyur na sman pa de skye bo mang pos smad par 'gyur ro// khyim bdag de bzhin du grong ngam/ grong khyer ram/ grong rdal lam ljongs sam/ ljongs kyi phyogs gang na byang chub sems dpa' gnas pa des/ de'i phyogs su tha na sems can 'ga' tsam la'ang ma bskul tam/ dran par ma byas te/ ngan 'gro gang yang rung ba zhig du skye bar gyur na/ byang chub sems dpa' de de bzhin gshegs pa rnams kyis smad pa yin no// khyim bdag de bas na 'di la byang chub sems dpa' khyim pas ci nas grong ngam/ grong khyer ram/ grong rdal lam/ ljongs sam/ ljongs kyi phyogs gang na gnas pa des bdag gis sems can 'ga' yang log par ltung bar 'gro bar mi 'gyur ba de ltar bya'o// de ltar bsgrub bo/ / de ltar brtson 'grus brtsam mo snyam pa'i go cha de lta bu bgo bar bya'o// khyim bdag gzhan yang byang chub sems dpa' khyim pa khyim na gnas pa'i nyes pa ma
- 12b
mkhas par bya'o/ / des 'di ltar so sor bslab par bya ste/ khyim zhes bya ba 'di ni dge ba'i rtsa ba rnams 'joms par byed pa/ 'byung ba sun 'byin pa/ dge ba'i sdong po 'gyel bar byed pa ste/ de'i phyir khyim zhes bya'o// khyim na gnas pa zhes bya ba 'di ni nyon mongs pa thams cad kyi gnas/ mi dge ba'i rtsa ba la rnam par rtog pa rnams kyi gnas byis pa so so'i skye bo ma dul ba ma sbas pa rnams kyi gnas/ mi dge ba spyod pa rnams kyi gnas/ skye bo ngan pa 'dus pa yin te/ de'i phyir na gnas pa zhes bya'o// khyim na gnas pa zhes bya ba 'di ni sdug bsngal gyi chos thams cad kyi gnas shes brjod pa'o/ / 'di ni sngon goms par byas pa'i dge ba'i rtsa ba rnams nyams par byed pa ste/ de'i phyir khyim na gnas pa zhes bya'o// khyim zhes bya ba 'di ni der gnas nas bya ba'i mi rigs pa byed pa'o/ / der gnas nas pha dang / ma dang / dge sbyong dang / bram ze la mi gus par 'gyur ba yin te/ de'i phyir khyim zhes bya'o// khyim zhes bya ba 'di ni sred pa'i 'khri shing la mngon par dga' ba'i phyir mya ngan dang / sme dgas 'don pa dang / sdug bsngal ba dang / yid mi bde ba dang / khrug pa rnams 'byung ste/ de'i phyir khyim zhes bya'o// khyim zhes bya ba 'di ni bsad pa dang / bcing ba dang / brdeg pa dang / bsdigs pa dang / gtse ba dang / mi snyan pa dang / gshe ba dang / ngan du
- 13a
brjod pa dang / ngan du bya ba'i tshig gi lam rnams 'du ba ste/ de'i phyir khyim zhes bya'o// khyim zhes bya ba 'di ni dge ba'i rtsa ba ma byas pa mi 'dzugs pa'o// dge ba'i rtsa ba byas pa rnams rnam par 'jig pa'o/ / mkhas pa rnams dang / sangs rgyas dang / sangs rgyas kyi nyan thos thams cad kyis smad pa'o// 'di la gnas pa ni ngan 'gror 'gro bar 'gyur ro/ / 'di la gnas pa ni 'dod chags kyis 'gro ba ma yin par 'gro ba'o// zhe sdang dang / 'jigs pa dang / gti mug gis 'gro ba ma yin par 'gro ba ste/ de'i phyir khyim zhes bya'o// 'di ni tshul khrims kyi phung po kun mi srung ba'o/ / ting nge 'dzin gyi phung po 'dor ba'o// shes rab kyi phung po la mi 'jug pa'o// rnam par grol ba'i phung po mi 'thob pa'o// rnam par grol ba'i ye mthong ba'i phung po mi skyed pa ste/ de'i phyir khyim zhes bya'o// 'di la gnas ni pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams dang / g.yog yongs su 'dzin pa la sred pa yin no// khyim na gnas pa 'di ni rgya mtsho la chu bran ltar dgang dka' ba'o/ / khyim na gnas pa ni me la shing ltar chog mi shes pa'o// khyim na gnas pa ni thug pa med pa'i tshul gyis rlung mar ltar thug pa med par rnam par rtog pa'o// khyim na gnas pa ni
- 13b
'jig pas bye ma'i grong khyer ltar 'jig pa'o/ / sbyim na gnas pa ni kha zas bzang po drugu dang 'dres pa ltar 'dres pa'o// khyim na gnas pa ni mi mdza' ba bzhin du mthun pa ma yin pas rtag tu sdug bsngal ba'o/ / khyim na gnas pa ni 'phags pa'i chos bsgrub pa la bar chad byed pa'o// khyim na gnas pa ni phan tshun gyi rkyen gyis 'thab pa'o// khyim na gnas pa ni gcig la gcig gnod par sems pas rtag du mi mthun pa'o/ / khyim na gnas pa ni legs par byas pa dang / nyes par byas pa'i las kyi mtha' la sbyor bas gnod pa mang ba'o// khyim na gnas pa ni las kyi mtha' thug pa med pas rtag tu brtson pa'o/ / khyim na gnas pa ni yun ring po nas bsags pa rnam par 'jig pa'i chos can gyi phyir mi rtag pa'o// khyim na gnas pa ni dngos po kun tu tshol zhing yongs su bsrung bas sdug bsngal ba'o/ / khyim na gnas pa ni dgra ltar mi mdza' bas rtag tu bka tsha ba'o// khyim na gnas pa ni phyin ci log gis zin pas bag med pa'o// khyim na gnas pa ni rang gi dpyod pas rnam par bsgrubs te ngo nyid ston pas gar mkhan gyi tshon dang 'dra'o/ / khyim na gnas pa ni myur du phan tshun 'gyes pas mthar rgud cing 'gyur ba'o// khyim na gnas pa ni skye bo glo bur du 'dus pas rtag tu ngo bo nyid med pa'i phyir sgyu ma la lta ba dang mtshungs so/ / khyim na gnas pa ni phun sum tshogs pa thams cad kyang mthar chud par 'gyur bas rmi lam dang mtshungs so// khyim na gnas pa ni myur du 'bral bas zil pa'i thigs pa dang mtshungs so//
- 14a
khyim na gnas pa ni ro bro ba chung ngu yongs su 'jal bas sbrang rtsi'i thigs pa dang mtshungs so// khyim na gnas pa ni gzugs dang / sku dang / dri dang / ro dang / reg bya dang / chos kyis yongs su gzer bas tsher ma'i dra ba dang mtshungs so// khyim na gnas pa ni mi dge ba la rnam par rtog pas yongs mi skyo ba'i phyir kha gab can gyi srog chags dang mtshungs so// khyim na gnas pa ni gcig la gcig 'drid pas srog rnam par 'jig pa'o/ / khyim na gnas pa ni sems rnyog pa can du byed pas rtag tu 'khrug pa'o// khyim na gnas pa ni rgyal po dang / chom rkun dang / me dang / chu dang / bgo skal la spyod pas rnam par 'joms pa'i phyir thun mong pa'o// khyim na gnas pa ni nyes dmigs mang bas ro bro ba chung ba'o// khyim bdag de ltar byang chub sems dpa' khyim pa khyim na gnas pas khyim na gnas pa'i nyes pa la mkhas par bya'o/ / khyim bdag gzhan zhig byang chub sems dpa' khyim pa khyim na gnas pas sbyin pa dang / dul ba dang / yang dag par sdom pa dang / nges pa mang du bya'o// des yang 'di ltar brtag par bya ste/ gang byin pa de ni bdag gi yin no// khyim na bzhag pa de ni bdag gi ma yin no// gang byin pa de ni snying po can no// gang khyim na bzhag pa de ni snying po med pa'o/ / gang byin pa de ni gzhan du bde ba'o// gang khyim na bzhag pa de ni da ltar byung ba na bde ba'o// gang byin pa de ni yang bsrung bar bya ba ma yin pa'o// gang khyim na bzhag
- 14b
pa de ni bsrung bar bya ba'o/ / gang byin pa de ni sred pa zad par 'gyur ba'o// gang khyim na bzhag pa de ni sred pa rnam par 'phel ba'o// gang byin pa de ni bdag gi ba med pa'o// gang khyim na bzhag pa de ni bdag gi dang bcas pa'o/ / gang byin pa de ni yongs su mi 'dzin pa'o// gang khyim na bzhag pa de ni 'dzin pa dang bcas pa'o// gang byin pa de ni 'jigs pa med pa'o// gang khyim na bzhag pa de ni 'jigs pa dang bcas pa'o// gang byin pa de ni byang chub kyi lam nye bar rton pa'o// gang khyim na bzhag pa de ni bdud kyi phyogs nye bar rton pa'o// gang byin pa de ni/ zad mi shes pa'o// gang khyim na bzhag pa de ni zad par 'gyur ba'o// gang byin pa de ni bde ba'o// gang khyim na bzhag pa de ni kun bsrung dgos pas sdug bsngal ba'o// gang byin pa de ni/ nyon mongs pa spong bar 'gyur ba'o// gang khyim na yod pa de ni nyon mongs pa 'phel bar byed pa'o// gang byin pa de ni longs spyod chen por 'gyur ba'o// gang khyim na bzhag pa de ni longs spyod chen por mi 'gyur ba'o/ / gang byin pa de ni skyes bu dam pa'i las so// gang khyim na bzhag pa de ni skyes bu ngan pa'i las so// gang byin pa de ni sangs rgyas thams cad kyis bsngags pa'o// gang khyim na bzhag pa de ni byis pa'i skye bo sa bsngags pa'o snyam du brtag par bya'o// khyim bdag de ltar byang chub sems dpa' khyim pas snying po blang bar bya'o// khyim bdag gzhan
- 15a
yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ dge ba'i bshes gnyen du 'du shes pa dang / tshe brjes nas longs spyod chen por 'gyur bar 'du shes pa dang / byang chub kyi lam nye bar rton par 'du shes pa ste/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ / khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ ser sna tshar bcad pa'i 'du shes dang / bdog/ pa thams cad yongs su gtong ba'i 'du shes dang / thams cad mkhyen pa'i ye shes la lta ba'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ / khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ de bzhin gshegs pa'i bka' bzhin du bya ba'i 'du shes dang / bdud tshar bcad pa'i 'du shes dang / rnam par smin pa la re ba med pa'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ / khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ slong ba la g.yog tu 'du shes pa
- 15b
dang / bsdu ba'i dngos pos mi gtang bar 'du shes pa dang / dam pa ma yin pa yongs su 'dzin pa las 'byung bar 'du shes pa ste/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ / khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ 'dod chags dang bral ba'i 'du shes dang / byams pa bsgom pa'i 'du shes dang / gti mug la mi 'jug pa'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ / de ci'i phyir zhe na/ khyim bdag 'di ltar byang chub sems dpa' khyim pas slong ba mthong na 'dod chags dang / zhe sdang dang / gti mug srab mor 'gyur ro/ / khyim bdag ji ltar na byang chub sems dpa' khyim pas slong ba mthong na 'dod chags dang / zhe sdang dang / gti mug srab mor 'gyur zhe na/ gang de'i dngos po la btang snyoms shing yongs su gtong ba 'di ni de'i 'dod chags srab pa'o/ / gang slong ba de dag la byams pa nye bar bsgrub pa 'di ni de'i zhe sdang srab pa'o// gang dngos po byin nas bla na med pa yang dag par rdzogs pa'i byang chub tu yongs su bsngo ba 'di ni de'i gti mug srab pa'o/ / khyim bdag de ltar na byang chub sems dpa' khyim pas slong ba mthong na 'dod chags dang / zhe sdang dang / gti mug srab mor
- 16a
'gyur ro/ / khyim bdag gzhan yang byang chub sems dpa' khyim pas slong ba mthong na/ pha rol tu phyin pa drug bsgom pa yongs su rdzogs par 'gyur te/ khyim bdag 'di la byang chub sems dpa' khyim pas dngos po gang yang rung ba zhig bslangs ma thag tu dngos po de la sems kyis 'dzin par mi byed de/ de ltar na de'i sbyin pa'i pha rol tu phyin pa bsgom pa yongs su rdzogs par 'gyur ro/ / gang byang chub kyi sems la brten nas yongs su gtong ste/ de ltar na de'i tshul khrims kyi pha rol tu phyin pa bsgom pa yongs su rdzogs par 'gyur ro// gang slong ba de dag la byams pa nye bar bsgrub ste mi khro zhing gnod sems mi byed de/ de ltar na de'i bzod pa'i pha rol du phyin pa bsgom pa yongs su rdzogs par 'gyur ro// gal te byin na ci spyad snyam du 'di ltar sems g.yo bas zhum pa med de/ de ltar na de'i brtson 'grus kyi pha rol tu phyin pa bsgom pa yongs su rdzogs par 'gyur ro// gang spong ba la byin te byin nas kyang gdung ba med cing 'gyod pa med pa yin/ gong du'ang dka' zhing rab tu mgu ste bde ba dang / yid bde ba skye zhing gang byang chub kyi sems la gnas nas gtong ste/ de ltar na de'i bsam gtan gyi pha rol tu phyin pa yongs su rdzogs par 'gyur ro// byin nas kyang gang chos thams cad mi dmigs shing rnam par smin pa la mi re ste/ ji ltar mkhas pa de dag chos gang la'ang mngon par ma zhen pa de ltar mngon par zhen pa med pas bla na med pa yang dag par rdzogs pa'i byang chub tu yongs
- 16b
su sngo ste/ de ltar na de'i shes rab kyi pha rol tu phyin pa bsgom pa yongs su rdzogs par 'gyur ro// // bam po gnyis pa// // khyim bdag de ltar na byang / chub sems dpa' khyim pas slong ba mthong na/ pha rol tu phyin pa drug bsgom pa yongs su rdzogs par 'gyur ro// khyim bdag gzhan yang byang chub sems dpa' khyim pa khyim na gnas pa rjes su chags pa dang / khong khro ba med pas 'jig rten gyi chos brgyad la mnyam pa nyid thob par bya'o// des longs spyod rnyed dam/ chung ma rnyed dam/ bu rnyed dam/ nor rnyed dam/ 'bru rnyed kyang khengs par yang mi bya// dga' bar yang mi bya/ thams cad ma 'byor kyang des zhum par yang mi bya/ yi mug par yang mi bya'i/ des 'di ltar brtag par bya ste/ 'dus byas thams cad ni sgyu ma byas pa rnam par bsgrubs pas so/ sor nye bar gnas pa'i mtshan nyid do// 'di lta ste/ pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' bshes dang / blon po dang nye du dang / snag gi gnyen mtshams de dag ni lnga kyi rnam par smin pas grub pa yin te/ de dag kyang bdag gi ma yin/ bdag kyang de dag gi ma yin no// de ci'i phyir zhe na/ pha ma la sogs pa de dag ni bdag gi mgon nam/ skyabs sam/ dpung gnyen nam/ gnas sam/ gling ngam/ bdag gam/ bdag gi ba ma yin no// gang bdag gi zin pa'i phung po dang / khams dang / skye mched
- 17a
de dag kyang bdag ma yin/ bdag gi ma yin na/ gang bdag gi pha ma la sogs pa de dag bdag dang / bdag gir 'gyur ba dang / bdag kyang de dag gi yin pa lta smos kyang ci dgos/ de ci'i phyir zhe na/ bdag kyang las bdag gir bya ba/ las kyi bgo skal la spyod pa yin te/ las dge ba'am/ sdig pa'am/ gang dang gang byas pa de dang de nyid kyi bgo skal la spyod par 'gyur/ de dang de nyid kyi 'bras bu so sor myong ngo // de dang de nyid kyi rnam par smin pa la spyod do// 'di dag kyang las bdag gir bya ba/ las kyi bgo skal la spyod pa yin te/ las dge ba 'am/ sdig pa 'am/ gang dang gang byas pa de dang de nyid kyi bgo skal la spyod par 'gyur/ de dang de nyid kyi rnam par smin pa so sor myong bar 'gyur/ de dang de nyid kyi 'bras bu so sor myong bar 'gyur ro// de dag gi phyir bdag mi dge ba'i las mngon par 'du bya ba ni bdag gi cha ma yin te/ 'di dag ni tshe 'di la bde ba'i phyir bdag gir bya ba yin gyi/ tshe gzhan la bde ba bdag gir bya ba ni ma yin no// bdag gi gang yin pa de la bdag 'jug par bya ste/ 'di lta ste/ sbyin pa dang / dul ba dang / yang dag par sdom pa dang / bzod pa dang / des pa dang / brtson 'grus dang / bag yod pa dang / byang chub kyi yan lag sdud cing mngon par sgrub pa'i dge ba de ni bdag gi yin te/ gang du bdag 'gro bar 'gyur ba'i lam der 'di dag kyang 'gro bar 'gyur ro snyam ste/ de srog gi phyir ram/ bu dang chung ma'i phyir
- 17b
yang sdig pa'i las mngon par 'du mi byed do/ / khyim bdag byang chub sems dpa' khyim pa khyim na gnas pa des/ rang gi rlung ma la 'du shes gsum bskyed par bya ste/ gsum gang zhe na/ mi rtag pa'i/ 'du shes dang / mi brtan pa'i 'du shes dang / 'gyur ba'i 'du shes te/ khyim bdag byang chub sems dpa' khyim pas rang gi chung ma la 'du shes gsum po de dag bskyed par bya'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'di ni dga' zhing rtse ba'i grogs yin gyi/ 'di ni 'jig rten pa rol gyi grogs ni ma yin no/ / 'di ni bza' ba dang bdung ba'i grogs yin gyi/ 'di ni las kyi rnam par smin pa myong ba'i grogs ni ma yin no// 'di ni bde ba'i grogs yin gyi/ 'di ni sdug bsngal gyi grogs ni ma yin no snyam pa ste/ khyim bdag byang chub sems dpa' khyim pas rang gi chung ma la 'du shes gsum po de dag bskyed par bya'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mi gtsang bar 'du shes pa dang / dri nga bar 'du shes pa dang / mi mthun par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ dgrar 'du shes pa dang / gshed mar 'du shes pa dang / phyir rgol bar
- 18a
'du shes pa'o/ / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ sha za mor 'du shes pa dang / srin mor 'du shes pa dang / gzugs mi sdug par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ dgang dka' bar 'du shes pa dang / gting du 'du shes pa dang / byas pa mi gzo bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya/ ste/ gsum gang zhe na/ sems can dmyal bar 'gro bar 'du shes pa dang / dud 'gro'i skye gnas su 'gro bar 'du shes pa dang / gshin rje'i 'jig rten du 'gro bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khur du 'du shes pa dang / srid par 'du shes pa dang / srid pa yongs su 'dzin par 'du shes pa'o/ / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ bdag gi ba ma yin par 'du shes pa dang / yongs su 'dzin pa med par 'du shes pa dang / brnyan mar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/
- 18b
lus kyis nyes par spyod pa'i gnas su 'du shes pa dang / ngag gis nyes par spyod pa'i gnas su 'du shes pa dang / yid kyis nyes par spyod pa'i gnas su 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'dod pa'i rnam par rtog pa'i gnas su 'du shes pa dang / gnod sems kyi rnam par rtog pa'i gnas su 'du shes pa dang / rnam par 'tshe ba'i rnam par rtog pa'i gnas su 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khri mon du 'du shes pa dang / gsod par 'du shes pa dang / 'ching bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ tshul khrims kyi bar du gcod par 'du shes pa dang / ting nge 'dzin gyi bar du gcod par 'du shes pa dang / shes rab kyi bar du gcod par 'du shes pa'o/ / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khog cor du 'du shes pa dang / rnyir 'du shes pa dang / rgyar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ yams kyi
- 19a
nang du 'du shes pa dang / gnod par 'du shes pa dang / nad 'go bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'thab par 'du shes pa dang / byur du 'du shes pa dang / ser bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ nad du 'du shes pa dang / rga bar 'du shes pa dang / 'chi bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ bdud du 'du shes pa dang / bdud la brten par 'du shes pa dang / 'jigs par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mya ngan du 'du shes pa dang / smre sngags 'don par 'du shes pa dang / sdug bsngal dang / yid mi bde ba dang / 'khrug par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ spyang mo chen mor 'du shes pa dang / chu srin chen mor 'du shes pa dang / byi la chen mor 'du shes pa'o// khyim bdag gzhan yang byang chu sems dpa' khyim pas rang
- 19b
gargya ma la 'du shes gsum bskyed paraHste/ gsum ka shen+tu/ sbru la nag mor 'du shes pa dang / chu min gyis pa gsod par 'du shes pa dang / mangs 'brog sa 'du pa'o/ / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par byaste/ gsum gang zhe na/ mgon med par 'du shes pa dang / skyabs med par 'du shes pa dang / gnas med par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ gang bar 'du shes pa dang / bri bar 'du shes pa dang / na bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya/ gsum gang zhe na/ chom rkun du 'du shes pa dang / btson srungs su 'du shes pa dang / sems can dmyal ba'i srungs mar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ chu bor 'du shes pa dang / sbyor bar 'du shes pa dang / mdud par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'dam du 'du shes pa dang / chags par 'du shes/
- 20a
pa dang / glong du 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ thag par 'du shes pa dang / khong dril du 'du shes pa dang / rnyong du 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya gsum gang zhe na/ me ma mur du 'du shes pa dang / rtswa mo'i sgron ma lta bur 'du shes pa dang / chu gri lta bur 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ don med par 'du shes pa dang / tsher mar 'du shes pa dang / dug tu 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ lhag par sgro 'dogs par 'du shes pa dang / lhag par kun tu gos par byed par 'du shes pa dang / lhag par chags par 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ shar gnyer bar 'du shes pa dang / chad pas gcod par 'du shes pa dang / mtshon ma 'dzin par 'du shes pa'o/ / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'gyed par 'du shes pa dang / rtsod par 'du
- 20b
shes pa dang / mtshang 'dru bar 'du shes pa'o// khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mi sdug pa dang phrad par 'du pa dang / sdug pa dang bral bar 'du shes pa dang / nyamang bar 'du she ba'o// mdon na 'thab mo'i dri mar 'du she pa dang / 'thab mo'i rnyog pa thams cad du 'du shes pa dang / gnod pa thams cad kyi rgyur gyur par 'du shes pa dang / midag pab thams cad kyi rtsa bar 'du shes bskyed par bya'o/ / khyim bdag byang chub sems dpa' khyim pa khyim na gnas pas 'di lta bu'i 'du shes yid la byed pas rang gi chung ma la brtag par bya'o// khyim bdag gzhan yang byang chub sems dpa' khyim pas bu la lhag par sdug pa'i sems bskyed par mi bya'o// khyim bdag gal te dris bu la lhag par sdug pa'i sems bskyed la/ de bzhin du sems can gzhan la ma yin na/ des spyo ba gsum gyis rang gi sems la spyo bar bya ste/ gsum gang zhe na/ byang chub ni sems snyoms pa'i byang chub sems dpa'i yin gyi/ sems mi snyoms pa'i ma yin no// byang chub ni yang dag par sbyor/ ba'i byang chub sems dpa'i yin gyi/ log par sbyor ba'i ni ma yin no// byang chub ni tha dad pa med par spyod pa'i byang chub sems dpa'i yin gyi/ tha dad du spyod pa'i ni ma yin pa ste/ spyo ba gsum po de dag gis rang gi sems la spyos nas/ bu de la mi sdug par 'du shes bskyed par bya'o// 'di ni mi sdug pa ste/ bdag gi snying du sdug pa ma yin na/ gang bdag gis de'i don du bu de la ni lhag par sdug pa bskyed la/
- 21a
sems can gzhan la ni de lta ma yin na/ sangs rgyas kyis bka' stsal pa'i bslab pa dang 'gal bar 'gyur ro// bdag gis de'i phyir dge ba'i rtsa ba la'ang gnod par byas/ srog la'ang bag med de gnod par gyur pas/ 'di ni bdag la gnod pa byed pa'o// bdag de'i phyir byang chub kyi lam dang mthun pa'i lam la spyod pas/ 'di ni bdag la phyir rgol ba'o snyam du 'du shes gsum po de dag bskyed par bya'o/ / des bu de rgyur bya ste/ ji lta ji lta bur bu de la sdug par sems pa dang ldan pa bzhin du sems can thams cad la byams pa bskyed pa dang / bdag 'phangs par sems pa dang ldan pa bzhin du byams pa bskyed pa de lta bur des sems bskyed par bya'o/ / des yang 'di ltar 'di'ang gud nas 'ongs la/ bdag kyang gud nas 'ongs mod kyi/ sems can thams cad kyang sngon bdag gi bur gyur la/ bdag kyang sems can thams cad kyi bur gyur te/ 'di la ni bdag gi 'am/ gzhan gyi 'am/ su'i sems can gang yang med do snyam du tshul bzhin du brtag par bya'o// de ci'i phyir zhe na/ mi mthun pa'i phyir te/ 'gro ba lnga rnams su mdza' ba las kyang mi mdza' bar 'gyur bas/ bdag ni ji ltar su dang yang mdza' ba 'am/ mi mdza' bar mi 'gyur ba de ltar bya'o// de ci'i phyir zhe na/ mi mdza' ba gzung na ni thams cad kyi thams cad du byed mi 'dod par 'gyur/ mdza' ba gzung na ni ha cang byed 'dod par 'gyur te/ rjes su chags pa dang khong khro ba'i sems gnyis kyis ni chos mnyam pa nyid 'ong
- 21b
du chud par byed mi nus so/ / de ci'i phyir zhe na/ mi mnyam par spyod pa ni mi mnyam pa'i 'gro bar 'gyur/ mnyam par spyod pa ni mnyam par 'gro bar 'gyur ba'o// de la bdag gis ni mi mnyam par spyod par mi bya'i/ sems can thams cad la mnyam par spyod na thams cad mkhyen pa khong du chud par 'gyur ro// khyim bdag de ltar byang chub sems dpa' khyim pas dngos po gang la'ang bdag gi snyam du yongs su gzung bar mi bya/ chags par mi bya'o// g.yo dang sred pa'i bag la nyal bar mi bya'o// khyim bdag gal te byang chub sems dpa' khyim pa'i drung du slong ba 'ongs la/ dngos po zhig bslangs pa las gal te des dngos po ma gtang na/ des 'di ltar dngos po 'di btang yang rung / ma gtang yang rung ste/ bdag ni dngos po 'di dang gdon mi za bar 'bral bar 'gyur/ mi 'dod bzhin du 'chi bar yang 'gyur zhing / dngos po 'dis kyang bdag 'dor/ bdag gis kyang dngos po 'di 'dor gyi/ dngos po 'di btung la yid dga' ba dang / snying po blangs te 'chi ba'i dus bya'o// 'di yongs su btang na bdag 'chi ba'i dus kyi tshe sems kun nas zin te gnas par mi 'gyur/ 'dis ni bdag 'chi ba'i dus kyi tshe/ dga' ba dang / mchog tu dga' ba dang / rangs pa dang / 'gyod pa med pa skye bar 'gyur snyam du sems nges par bsam par bya'o// gal te de ltar bsams kyang dngos po de gtong ma nus na/ des slong ba la kun go bar bya ba gsum gyis go bar bya ste/
- 22a
bdag ni da dung du mthu chung zhing dge ba'i rtsa ba yongs su ma smin te/ theg pa chen po la las dang po pa dang / bdag ni mi gtong ba la sems kyi dbang du gyur pa dang / bdag ni nye bar len pa'i lta ba dang bcas pa dang / bdag tu 'dzin pa dang / bdag gir 'dzin pa la gnas pa lags kyis/ skyes bu dam pa bzod par mdzad cing yongs su gdung bar mi mdzad du gsol/ ji ltar khyod dang sems can thams cad kyi bsam pa yongs rdzogs par 'gyur ba de ltar bdag gis bgyi'o/ / de ltar bsgrub bo// de ltar brtson 'grus brtsam mo zhes/ khyim bdag de ltar byang chub sems dpa' khyim pas slong ba la kun go bar bya ba gsum gyis bsgo bar bya'o/ / khyim bdag gzhan yang byang chub sems dpa' khyim pa khyim na gnas pa rtag du rgyun mi 'chad par yongs su bsngo ba la mkhas par bya ste/ gal te de ston pa 'das pa'i gsung rab yod la/ sangs rgyas 'byung ba'ang med/ chos ston pa'ang med/ 'phags pa'i dge 'dun dang phrad par 'gyur ba'ang med par gyur na/ des phyogs bcu'i sangs rgyas thams cad la phyag byas te/ gang de dag gi sngon gyi spyod pa dang mtshungs par spyod pa dang / dge par spyod pa dang / bsam pa dang / lhag pa'i bsam pa phun sum tshogs pa dang / byang chub thob pa rnams kyi sangs rgyas kyi chos thams cad yongs su grub pa de des rjes su dran par bya/ rjes su yi rang bar bya'o// des
- 22b
yang 'di ltar nyin lan gsum/ mtshan lan gsum du lus kyi las yongs su dag pa dang / ngag gi las yongs su dag pa dang / yid kyi las yongs su dag pa dang / gtsang ba dang / bsam pa dag pa dang / byams pa bsgom pa la mkhas pa dang / gos gtsang ma dang / ngo tsha shes shing khrel yod pas legs par brgyan pa dang / bsod nams kyi tshogs dge ba'i rtsa ba bsags pa dang / mdzes pa dang / byang chub kyi sems la rab tu dga' ba dang / des pa dang / 'grogs na bde ba dang / legs par bya ba'i las byed pa dang / gus pa dang bcas pa dang / bka' blo bde ba dang / nga rgyal dang / rgyags pa dang / dregs pa yang dag par chad pas mi dge ba'i las kyi nyes pa thams cad bshags pa dang / phyin chad kyang bsdam pa dang / bsod nams thams cad kyi rjes su yi rang ba dang / mtshan bsags pa rab tu rdzogs par bya ba dang / sangs rgyas thams cad la chos kyi 'khor lo rab tu bskor bar gsol ba gdab pa dang / chos thams cad gzung ba dang / sangs rgyas kyi zhing dpag tu med pa rnams su tshe yongs su bsrung ba'i phyir/ phung po gsum pa'i chos kyi rnam grangs kha ton du bya'o// khyim bdag gzhan yang byang chub sems dpa' khyim pa khyim na gnas pas yan lag brgyad dang ldan pa'i bsnyen par gnas pa blang bar bya'o/ / des dge sbyong dang / bram ze tshul khrims dang ldan pa/ yon tan dang ldan pa/ dge ba'i chos dang ldan pa rnams la bsnyen par bya/ bsten par bya/ bsnyen bkur bya'o// de dag la
- 23a
bsnyen cing bsten te/ bsnyen bkur byed cing spyod pa 'khrul pa med pas rang gi nyes pa mthong bar bya'o// des dge sbyong gi spyod pa las nyams pa'i dge slong mthong na'ang mi gus pa'i bag cung zad kyang mi bya ste/ 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnyog pa med pa/ nyon mongs pa'i rnyog pa thams cad dang bral ba de'i ngur smig ni tshul khrims kyis yongs su bsgos pa/ ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgos pa 'di dag yin te/ 'di ni 'phags pa rnams kyi drang srong gi rgyal mtshan yin no snyam du sems bskyed par bya'o/ / des de dag la rab tu gus pa bskyed nas/ dge slong de la snying rje chen po bskyed par bya'o// sdig pa'i spyod pa 'di ni ma legs so// kun nas nyon mongs pa'i spyod pa 'di ni ma legs so/ / 'di ltar bcom ldan 'das de bzhin gshegs pa dgra bcom pa yang drag par rdzogs pa'i sangs rgyas dul ba/ zhi ba/ sbas pa/ cang shes pa de'i drang srong gi rgyal mtshan bgos kyang 'di ni ma byang zhing ma zhi/ ma sbas/ ma dul ba ste/ cang shes pa ma yin pa'i spyod pa spyod do// bcom ldan 'das des ma bslabs pa la ma brnyas shig ces gsungs pas na 'dis nyes pa ma yin gyi/ nyon mongs pa gang gis mi dge ba 'di dag ston pa'i nyon mongs pas nyes so// sangs rgyas bcom ldan 'das rnams kyi bstan pa ni 'byung ba dang
- 23b
bcas pa yin pas gang nyon mongs pa 'di dag khong du chud nas tshul bzhin so sor rtog na/ dang po'i 'bras bu thob par 'gyur te/ de bla na med pa yang dag par rdzogs pa'i byang chub tu nges par 'gyur ba'i gnas yod do/ / de ci'i phyir zhe na/ 'di ltar nyon mongs pa rnams ni ye shes kyis bsal ba yin pas na/ bcom ldan 'das kyis kyang gang zag gis gang zag la chod gzung bar mi bya ste/ gang zag gis gang zag la tshod bzung na nyams par 'gyur ro zhes gsungs pas/ de bzhin gshegs pa ni rab tu mkhyen pa/ bdag ni rab tu shes pa ma yin no snyam nas/ des dge slong de dag la gnod sems med pa dang / zhe sdang med pa dang / khong khro ba med pa dang / khro ba med pa'ang bskyed par bya'o// khyim bdag byang chub sems dpa' khyim pa de gtsug lag khang du 'jug par 'dod na/ cang shes kyi sems dang / las su rung ba'i sems dang / gus pa dang bcas pa dang / zhe sa dang bcas pa dang / dad pa dang bcas pa dang / ri mo dang bcas pas gtsug lag khang gi sgor 'dug ste/ gtsug lag khang la yan lag lngas phyag byas la/ de nas gdod gtsug lag khang gi nang du 'gro bar bya'o// des yang 'di ltar brtag par bya ste/ 'di ni stong pa nyid la gnas pa'i gnas so/ / mtshan ma med pa la gnas pa dang / smon pa med pa la gnas pa dang / byams pa dang / snying rje dang / dga' ba dang / btang snyoms la gnas pa'i gnas so// 'di ni bsam gtan pa
- 24a
rnams kyi gnas te/ gnas thams cad yang dag par chad pa rnams kyi gnas so// 'di ni yang dag par song ba rnams dang / yang dag par zhugs pa rnams kyi gnas so// bdag kyang rdul gyi gnas khyim gyi gnas nas mngon par byung ste/ nam zhig na 'di lta bur spyod par 'gyur/ bdag kyang nam zhig na gang dge 'dun gyi las dang / gso sbyong gi las dang / dgag dbye'i las dang / 'dud pa'i las de la gnas par 'gyur snyam nas/ des 'di ltar rab tu 'byung ba'i sems la dga' bar bya'o// byang chub sems dpa' khyim na gnas te/ bla na med pa yang par rdzogs pa'i byang chub mngon par rdzogs par sangs rgyas pa ni gang yang med de/ de dag thams cad kyang khyim gyi gnas nas mngon par byung nas dgon pa la sems dgon pa la gzhol/ dgon par song nas bla na med pa yang dag par rdzogs pa'i byang chub mngon par rdzogs par sangs rgyas so/ / tshogs de'ang yang dag par bsgrub so// khyim na gnas pa ni kun tu gnod pa ste rdul 'bab pa'o// rab du byung ba ni sangs rgyas dang de'i nyan thos rnams kyis bsngags pa'o/ / khyim na gnas pa ni nyes pa'i skyon chags pa mang ba'o// rab tu byung ba ni yon tan phun sum tshogs pa mang ba'o// khyim na gnas pa ni nyam nga ba'o// rab / dubyung ba ni bag ga yangs pa'o// khyim na gnas pa ni yongs su 'dzin pa'i dri ma can no// rab tu byung ba ni yongs su 'dzin pa las rnam par grol ba'o// khyim na gnas pa ni nyes par spyod pa'i gzhi'o// rab
- 24b
tu byung ba ni legs par spyod pa'i gzhi'o/ / khyim na gnas pa ni rdul gyi nang gnas pa rdul gyi nang na gnas pa'o// rab tu byung ba ni rdul gyi nang na mi gnas pa'o// khyim na gnas pa ni 'dod pa'i 'dam du bying ba'o/ / rab tu byung ba ni 'dod pa'i 'dam nas 'byin pa'o// khyim na gnas pa ni byis pa'i skye bo'i zhugs pa'o// rab du byung ba ni skye bo mkhas pa'i zhugs pa'o// khyim na gnas pa ni 'tsho ba sbyang bar dka' ba'o/ / rab tu byung ba ni 'tsho ba sbyang bar sla ba'o// khyim na gnas pa ni 'dran zla mang ba'o// rab tu byung ba ni 'gran zla med pa'o// khyim na gnas pa ni 'phongs pa mang ba'o// rab tu byung ba ni 'phongs pa med pa'o// khyim na gnas pa ni mya ngan gyi gnas so// rab tu byung ba ni dga' ba'o// khyim na gnas pa ni ngan song gi them skas so// rab tu byung ba ni mngon par mtho ba'i them skas so/ / khyim na gnas pa ni bcings pa'o// rab tu byung ba ni thar pa'o// khyim na gnas pa ni 'jigs pa dang bcas pa'o// rab tu byung ba ni 'jigs pa med pa'o// khyim na gnas pa ni chad pa dang bcas par spyod pa'o/ / rab tu byung ba ni chad pa med par spyod pa'o// khyim na gnas pa ni mtshon cha'i spyod pa dang bcas pa'o// rab tu byung ba ni mtshon cha mi spyod pa'o// khyim na gnas pa ni yongs su gdung ba dang bcas pa'o/ / rab tu byung ba ni yongs su gdung ba med pa'o// khyim na gnas pa ni kun tu tshol bas sdug bsngal ba'o// rab tu byung ba ni kun tu tshol ba med pas bde ba'o//
- 25a
khyim na gnas pa ni rgod pa'o// ra'adu byung ba ni nye bar zhi ba'o// khyim na gnas pa ni 'jungs pa'o// rab tu byung ba ni ma 'jungs pa'o// khyim na gnas pa ni mi zhan pa'o// khyim na gnas pa ni ma rabs so// rab tu byung ba ni ya rabs so// khyim na gnas pa ni kun tu 'bar ba'o// rab tu byung ba ni 'bar bzhi ba'o// khyim na gnas pa ni gzhan gyi don to// rab tu byung ba gnyis ka'i don to/ / khyim na gnas pa ni don chung ba'o// rab tu byung ba ni don che ba'o// khyim na gnas pa ni gzi chung ba'o// rab tu byung ba ni gzi che ba'o// khyim na gnas pa ni kun nas nyon mongs pas sdug bsngal ba'o/ / rab tu byung ba ni mngon par byung bas bde ba'o// khyim na gnas pa ni tshar ma skyed pa'o// rab tu byung ba ni tshar ma bsal ba'o// khyim na gnas pa ni chos chung ngu dang ldan pa'o// rab tu byung ba ni chos chen po dang ldan pa'o/ / khyim gnas pa ni 'dul ba ma yin pa byed pa'o// rab tu byung ba ni 'dul ba byed pa'o// khyim na gnas pa ni 'gyod pa'o// rab tu byung ba ni mi 'gyod pa'o// khyim na gnas pa ni mchi ma dang / nu zho dang / khrag gi rgya mtsho 'phel ba'o// rab tu byung ba ni mchi ma dang / nu zho dang / khrag gi rgya mtsho skems pa'o// khyim na gnas pa ni sangs rgyas dang / rang sangs rgyas dang / nyan thos kyis smad pa'o// rab tu byung ba ni sangs rgyas dang / rang sangs rgyas dang / nyan thos kyi bsngags pa'o// khyim na gnas pa ni chog mi shes pa'o// rab tu byung ba ni chog shes pa'o// /
- 25b
khyim na gnas pa ni bdud dga' ba'o// rab tu byung ba ni bdud mya ngan byed pa'o// khyim na gnas pa ni rnyog pa chen po'i mthar thug par 'gyur ba'o// rab tu byung ba ni rnyog pa thams cad nye bar zhi ba'i mthar thug pa'o/ / khyim na gnas pa ni kun du thul ba'o// rab tu byung ba ni kun tu mi thul ba'o// khyim na gnas pa ni bran gyi las byed pa'o// rab tu byung ba ni rje bo byed pa'o// khyim na gnas pa ni 'khor ba'i mthar 'gyur ba'o/ / rab tu byung ba ni mya ngan las 'das pa'i mthar 'gyur ba'o// khyim na gnas pa ni g.yang sa'o// rab tu byung ba ni g.yang sa las 'das pa'o// khyim na gnas pa ni mun nag go/ / rab tu byung ba ni snang ba'o// khyim na gnas pa ni dbang po la dbang mi byed pa'o// rab tu byung ba ni dbang po la dbang byed pa'o// khyim na gnas pa ni dregs pa skyed pa'o// rab tu byung ba ni dregs pa 'dul ba'o/ / khyim na gnas pa ni dam pa ma yin pa skyed pa'o// rab tu byung ba dam pa skyed pa'o// khyim na gnas pa ni ngan song skyed pa'o// rab tu byung ba ni bde 'gro skyed pa'o/ / khyim na gnas pa ni blta bar mi 'os pa'o// rab du byung ba ni blta bar 'os pa'o// khyim na gnas pa ni rtsom pa che ba'o// rab tu byung ba ni rtsom pa chung ba'o// khyim na gnas pa ni 'bras bu chung ba'o/ / rab tu byung ba ni 'bras bu che ba'o// khyim na gnas pa ni gya gyu can no// rab tu byung ba ni drang ba'o// khyim na gnas pa ni yid mi bde ba mang ba'o// rab tu byung ba ni yid bde ba mang ba'o//
- 26a
khyim na gnas pa ni zug rngu dang bcas pa'o// rab tu byung ba ni zug rngu phyung ba'o// khyim na gnas bya nin pa'o// rab tu byung ba ni nad med par byed pa'o// khyim na gnas pa ni chos rgas par byed pa'o/ / rab tu byung ba ni chos dar bar byed pa'o// khyim na gnas pa ni bag med par byed pa'o// rab tu byung ba ni bag yod par byed pa'o// khyim na gnas pa ni 'chal pa'i shes rab 'byung gnas so/ / rab tu byung ba ni shes rab 'phel ba'o// khyim na gnas pa ni shes rab kyi bar chad byed pa'o// rab tu byung ba ni shes rab kyi srog byed pa'o/ / khyim na gnas pa ni slu bar so sor nye bar gnas pa'o// rab tu byung ba ni mi slu bar so sor nye bar gnas pa'o// khyim na gnas pa ni byed pa mang ba'o// rab tu byung ba ni byed pa nyung ba'o/ / khyim na gnas pa ni dug dang bcas pa'i btung ba lta bu'o// rab tu byung ba ni bdud rtsi dang bcas pa'i btung ba lta bu'o// khyim na gnas pa ni gnod pa can no// rab tu byung ba ni gnod pa med pa'o// khyim na gnas pa ni 'dres pa'o// rab tu byung ba ni ma 'dres pa'o// khyim na gnas pa ni kim pa ka'i 'bras bu lta bu'o// rab tu byung ba ni bdud rtsi'i 'bras bu lta bu'o/ / khyim na gnas pa ni mi sdug pa dang phrad par byed pa'o// rab tu byung ba ni mi sdug pa dang bral bar byed pa'o// khyim na gnas pa ni sdug pa dang bral
- 26b
bar byed pa'o/ / rab tu byung ba ni sdug pa dang bred par byed pa'o// khyim na gnas pa ni gti mug gis lci ba'o// rab tu byung ba ni ye shes kyis yang ba'o// khyim na gnas pa ni sbyor ba rnam par 'jig pa'o/ / rab du byung ba ni sbyor ba rnam par sbyong ba'o// khyim na gnas pa ni bsam pa rnam par 'jig pa'o// rab du byung ba ni bsam pa rnam par sbyong ba'o// khyim na gnas pa ni lhag pa'i bsam pa rnam par 'jig pa'o/ / rab tu byung ba ni lhag pa'i bsam pa rnam par sbyong ba'o// khyim na gnas pa ni dpung gnyen med par byed pa'o// rab tu byung ba ni dpung gnyen byed pa'o/ / khyim na gnas pa ni mgon med par byed pa'o// rab tu byung ba ni mgon byed pa'o// khyim na gnas pa ni gnas med par byed pa'o// rab tu byung ba ni gnas byed pa'o/ khyim na gnas pa ni skyabs med par byed pa'o// rab tu byung ba ni skyabs byed pa'o// khyim na gnas ni gnod sems mang ba'o// rab du byung ba ni byams pa mang ba'o// khyim na gnas pa ni khur byar ba'o/ / rab tu byung ba ni chur bo ba'o// khyisan gan smra ba ni rtsig pa med par byed pa'o// rabang byung ba ni spyod pa thams cad mthar 'byin pa'o// khyim na gnas pa ni la nas d+mo dang bcas pa'o/ / rab tu byung ba ni kha na ma tho ba med pa'o// khyim na gnas pa ni gdung bar 'gyur ba'o// rang du byung ba ni gdung bar mi 'gyur ba'o// khyim na gnas pan nyon
- 27a
mongs pa dang bcas pa'o/ / rab du byung ba na nyon mongs pa med pa'o// khyim na gnas pa ni ba gling dang bcas pa'o// rab tu byung ba ni zang byid med pa'o// na gnas pa ni mngon pa'i nga rgyal dang bcas pa'o// rab tu byung ba ni mngon pa'i nga rgyal med pa'o// khyim na gnas pa ni nor snying por byed pa'o// rab tu byung ba ni yon tan snying por byed pa'o// khyim na gnas pa ni yams kyi nad do/ / rab tu byung ba ni yams kyi nad zhi bar byed pa'o// khyim na gnas pa ni 'bri ba'o// rab tu byung ba ni 'phel ba'o// khyim na gnas pa ni rnyed par sla ba'o// rab tu byung ba ni bskal pa brgya stong du'ang rnyed par dka' ba'o/ / khyim na gnas pa ni bya sla ba'o// rab tu byung ba ni bya dka' ba'o// khyim na gnas pa ni rgyun phyogs su 'gro ba'o// rab tu byung ba ni rgyun las bzlog ste 'gro ba'o/ / khyim na gnas pa ni chu bo'o// rab tu byung ba ni gzings so// khyim na gnas pa ni nyon mongs pa'i chu bo'o// rab tu byung ba ni zam pa'o// khyim na gnas pa ni tshu rol gyi ngogs so/ / rab tu byung ba ni pha rol gyi ngogs so// khyim na gnas pa ni glags pa'o// rab tu byung ba ni ma glags pa'o// khyim na gnas pa ni shar gnyer ba'o// rab tu byung ba ni shar gnyer bzhi ba'o/ / khyim na gnas pa ni rgyal po'i nan tur bzhin du byed pa'o// rab tu byung ba ni sangs rgyas kyi bstan pa bzhin du byed pa'o// khyim na gnas pa ni nyam thag pa'o// rab tu byung ba ni nyam thag
- 27b
pa med pa'o/ / khyim na gnas pa ni sdug bsngal 'byung ba'o// rab tu byung ba ni bde ba 'byung ba'o// khyim na gnas pa ni skad du'o// rab tu byung ba ni zab mo'o// khyim na gnas pa ni grogs mod pa'o/ / rab tu byung ba ni grogs dkon pa'o// khyim na gnas pa ni chung ma dang 'grogs pa'o// rab tu byung ba ni mos pa dang 'grogs pa'o// khyim na gnas pa ni rgyu dang 'dra ba'o// rab tu byung ba ni rgyu dral ba'o/ / khyim na gnas pa ni gzhan la gnod par byed pa gces su rtsi ba'o// rab tu byung ba ni gzhan la phan 'dogs pa gces su rtsi ba'o// khyim na gnas pa ni zang zing gi sbyin pa ched cher 'dzin pa'o/ / rab tu byung ba ni chos kyi sbyin pa ched cher 'dzin pa'o// khyim na gnas pa ni bdud kyi rgyal mtshan 'dzin pa'o// rab du byung ba ni sangs rgyas kyi rgyal mtshan 'dzin pa'o// khyim na gnas pa ni sdug bsngal gyi gzhi'o/ / rab tu byung ba ni sdug bsngal gyi gzhi yang dag par 'joms pa'o// khyim na gnas pa ni phung po 'phel ba'o// rab tu byung ba ni phung po thams cad nges par 'dor ba'o// khyim na gnas pa ni thibs po'o// rab tu bya ba ni thibs po las thar pa yin te/ khyim bdag de ltar byang chub sems dpa' khyim pas rab tu byung ba la gzhol bar bya'o// des yang 'di lta gal te bdag gis nyi ma du mar gang+gA'i klung gi bye ma snyed kyi mchod sbyin byas te/ bdog pa thams cad yongs su gtong ba byas pa de dag thams cad ni legs par bshad pa'i chos 'dul ba la rab
- 28a
tu byung ba'i sems kyis zil gyis non to snyam du sems bskyed par bya'o/ / de ci'i phyir zhe na/ khyim bdag ma dad pa dang / byas pa mi gzo ba dang / chom rkun dang / pa dang / rgyal po'i bkrabs pa dang / blon po'i yang sbyin pa sbyin par byed de/ zang zing gi sbyin pa ni dman pa yin no// khyim bdag byang chub sems dpa' khyim pas 'di ltar bdag gis ni sbyin pa'i snying pos chog par mi bya'o/ / bdag gis ni tshul khrims dang / thos pa dang mtshungs par spyod pa'ang snying por bya'o snyam du sems bskyed par bya'o// de gtsug lag khang gi nang du 'ongs na/ de bzhin gshegs pa'i mtshan ma la phyag bya'o/ / de dag la phyag byas nas 'du shes gsum bskyed par bya ste/ gsum gang zhe na/ bdag kyang 'di 'dra bar mchod pa'i 'os su 'gyur bar bya ba dang / sems can la snying brtse ba'i phyir bdag gi lus kyang byin gyis brlabs pa dang / bdag kyang ji ltar myur du bla na med pa yang dag par rdzogs pa'i byang chub mngon par rdzogs par sangs rgyas nas sangs rgyas kyi bya ba byas te/ de bzhin gshegs pa'i yongs su mya ngan las 'das pas yongs su mya ngan las bzla bar bya ba de ltar bslab cing de ltar nAn tan bya'o snyam pa'o// de gtsug lag khang du zhugs nas des dge slong mang du thos pa ni gang / dge slong chos rjod pa ni gang / dge slong 'dul ba 'dzin pa ni gang / dge slong ma mo 'dzin pa ni gang / dge slong byang chub
- 28b
sems dpa'i sde snod 'dzin pa ni gang / dge slong dgon pa pa ni gang / bsod snyoms pa ni gang / phyag dar khrod pa dang / 'dod pa chung ba dang / chog shes pa dang / rab tu dben pa ni gang / dge slong rnal 'byor spyod pa ni gang / dge slong bsam gtan pa ni gang / dge slong byang chub sems dpa'i theg pa pa ni gang / dge slong lag gi bla ni gang / dge slong zhal ta byed pa ni gang / dge slong dpon sna byed pa ni gang yin zhes/ dge slong gi dge 'dun gyi spyod pa thams cad la rnam par brtag par bya'o// des de dag gi spyod pa la rnam par brtags nas thams cad dang mthun par 'jug pa'i phyir ci rigs par mthun par gnas par bya'o/ / des gzhan gyi mdun du spyod pa gzhan bstan par mi bya'o// de ci'i phyir zhe na/ gtsug la khang du ni grong gi gsang ngo // grong du ni gtsug lag khang gi gsang ngo // ngag gi las shin tu bsdams pa des grong du gtsug lag khang gi gsang dang / gtsug lag khang du grong gi gsang bsnyad par mi bya'o// dge slong gang chos gos ma tshang ngam/ lhung bzed ma tshang ngas na ba'i gsos sman dang yo byad ma tshang ba de la des ji ltar gzhan dag gshe ba 'am/ khro ba skyed par mi 'gyur ba de ltar sbyin par bya'o// de ci'i phyir zhe na/ lha dang mi rnams kyi kun tu sbyor ba ni phrag dog dang ser sna yin te/ de bas so so'i skye bo rnams la ni rab du bsrung bar bya'o// dgra bcom pa la ni ma yin no// de ci'i phyir zhe na/ so so'i skye bo rnams la ni nyes pa skye'i/ dang
- 29a
bcom pa rnams la ni ma yin no/ / de bas na mang du thos pa la brten te/ thos pa yongs su btsal ba la brtson par bya'o// chos rjod pa la brten te rnam par nges pa'i gtam la brtson par bya'o/ / 'dul ba 'dzin pa la brten te nyes pa 'dul ba dang / nyon mongs pa 'dul ba la brtson par bya'o// ma mo 'dzin pa la brten te lus dang / ngag dang / yid sdom pa la brtson par bya'o/ / byang chub sems dpa'i sde snod 'dzin pa la brten te pha rol tu phyin pa drug dang thad mkhya pa la brtson par bya'o// dgon pa pa la brten te rab tu dben pa la brtson par bya'o/ / bsod snyoms pa la brten te rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / dade ba dang / sdug bsngal gyis mi bskul ba la brtson par bya'o/ / phyag dar khrod pa la brten te chos gos kyi tsha ba dang rgyan la mngon par mi dga' ba la brtson par bya'o// 'dod pa chung ba la brten te 'dod pa chung ba la brtson par bya'o// chog shes pa la brten te chog shes pa la brtson par bya'o// rab tu dben pa la brten te rab tu dben pa la brtson par bya'o// rnal 'byor spyod pa la brten te nang gi sems zhi gnas dang lhag mthong tshul bzhin yid la byed pa nang du yang dag 'jog la brtson par bya'o/ / bsam gtan pa la brten te nyon mongs pa bsal ba la brtson par bya'o// byang chub sems dpa'i theg pa pa la brten to
- 29b
sbyin pa dang / snyan par smra ba dang / don spyod pa dang / don mthun pa bsdu ba'i dngos po bzhi po rnams la brtson par bya'o// lag gi bla la brten te ji ltar dngos po yongs su gtong bar spo ba la brtson par bya'o/ / zhal ta byed pa la brten te bya'o cog byed pa la brtson par bya'o// dpon sna byed pa la brten te yid yongs su mi skyo bar bya'o// khyim bdag de ltar byang chub sems dpa' khyim pa khyim na gnas pas/ spyod pa ji lta ba bzhin du rjes su 'jug pa la brtson par bya'o// dge slong gang yang dag pa skyon med pa la ma zhugs pa chos gos kyis sdud pa 'am/ lhung bzed kyis sdud pa byed na/ des dge slong de bla na med pa yang dag par rdzogs pa'i byang chub yang dag par 'dzin du gzhug go// de ci'i phyir zhe na/ gang zang zing gi sdud pas chos kyi bsdu ba skyed pa'i gnas yod pa'i phyir ro// khyim bdag de ltar byang chub sems dpa' khyim pas dge sbyong gi spyod pa la mkhas par bya'o/ / des yang dge sbyong mi 'dum pa rnams kyi bsdums kyang bya'o// dam pa'i chos rab tu rnam par 'jig pa na des srog kyang yongs su gtang zhing dam pa'i chos kun tu gzung bar bya'o/ / khyim bdag gang byang chub sems dpa' khyim pas dge slong na ba zhig mthong na/ des rang gi sha dang khrag gis kyang dge slong de nad de las gso bar bya'o// khyim bdag gzhan yang byang chub sems dpa' khyim pa gtong zhing sbyin pas gzhan dag mgron du gnyer bar bya ste/ byin nas kyang 'gyod pa'i sems mi skyed do// de dag dge ba'i rtsa ba thams
- 30a
cad kyi sngon du'ang byang chub kyi sems 'gro bar bya'o/ / khyim bdag de ltar na byang chub sems dpa' khyim pa khyim gyi sa la gnas pa de bzhin gshegs pa rnam kyi dka' bzhin byed pa yin te/ byang chub kyi phyogs kyi chos rnams las mi nyams yongs su mi nyams so// tshe 'di la'ang kha na mtho ba'i las med cing gzhan du'ang bye brag tu 'gro bar 'gyur ro// de nas khyim bdag drag shul can dang / khyim bdag gzhan de dag gis kyang mgrin gcig tu/ bcom ldan 'das kyis gsungs pa la mngon par bstod nas/ bcom ldan 'das la 'di skad ces gsol to/ / bcom ldan 'das ji tsam du bcom ldan 'das kyis khyim na gnas pa'i nyes pa dang / sdom pa dang / spyod pa dang / rab tu byung ba'i yon tan gyi phan yon 'di legs par gsungs pa ni ngo mtshar to/ / bcom ldan 'das bdag cag kyang 'dir khyim na gnas pa la nyes pa'i skyon chags pa ji snyed pa dang / rab tu byung ba'i yon tan gyi phan yon mtha' yas pa mngon sum du gyur na/ bcom ldan 'das bdag cag rnams rab tu byung ste/ bde bar gshegs pas legs par bshad pa'i chos 'dul ba la bsnyen par rdzogs par mdzad du gsol/ de skad ces gsol pa dang / bcom ldan 'das kyis khyim bdag de dag la 'di skad ces bka' stsal to/ / khyim bdag rnams rab tu 'byung ba ni 'byung bar dka' ste/ spyod pa shin tu rnam par dag par bsgrub par bya'o// de skad ces bka' stsal
- 30b
padang / maldan dasapa/ khyim bdag de dag 'di sbyid rgyas gso// / chos su 'das tu 'byung ba'ang 'byung ba dka' lanas da/ 'o sa kyis bdag cag rab tu 'byung ba'i slad du skabs dbye bar gsol/ bdag cag bcom ldan 'das kyis bstan pa la nan tan gyis bsgrub par 'tshal lo// bcom ldan 'das kyis khyim bdag rje dag la rab tu 'byung ba'i skabs phye ste/ de nas bcom ldan 'das kyis byang chub sems dpa' byams pa dang / byang chub sems dpa' spyod pa thams cad rnam par dag pa la 'di skad ces bka' stsal to/ / skyes bu dam pa khyed gnyis kyis khyim bdag 'di rnams rab tu phyung la bsnyen par rdzogs par gyis shig ces bcom ldan 'das kyis gnang nas/ byang chub sems dpa' byas pas khyim bdag dgu stong rab tu phyung ngo / / byang chub sems dpa' spyod pa thams cad rnam par dag pas ni/ khyim bdag bdun stong rab tu phyung ngo // byang chub sems dpa' khyim pa rnams kyi bslab pa'i rgyun bstan pa'i chos kyi rnam grangs 'di bshad pa na/ srog chags stong du tshang ba dag bla na med pa yang dag par rdzogs pa'i byang chub tu sems bskyed do// / bam po gsum pa ste tha ma'o// // de nas bcom ldan 'das la/ khyim bdag drag shul can gyis 'di skad ces gsol to// bcom
- 31a
dus byung chub sems 'a pa rnams kyi rgyas kyis dang / mun gnas pa do banan pa shad / ldan 'das chub sems dpa' rang du byung bar gtogs pa rnams kyis rab tu byung ba'i bslab pa dang / tshul khrim dang / thos pa dang / sbyangs pa'i yon tan dang / yo byad bsrungs pa dang / d ang / cho ga phun sum tshogs pa de legs par bshad du gsol/ bcom ldan 'das ji ltar na legs par bshad pa'i chos 'dul ba la byang chub sems dpa' rab tu byung nas/ gus par smrab dang / phyag 'tshal ba dang / ldang ba dang / thal mo sbyar ba dang / 'dud pa'i las don ma mchis par mi bgyid pa lags/ de skad ces gsol pa dang / bcom ldan 'das kyis/ khyim bdag drag shul can la 'di skad ces bka' stsal to/ / khyim bdag khyod gang de bzhin gshegs pa la rab tu byung ba'i bsgrub pa dang / tshul khrims dang / thos pa dang / sbyangs pa'i yon tan dang / yo byad bsnyungs pa dang / spyod pa dang / cho ga phun sum tshogs pa kun 'dri ba ni legs so legs so// khyim bdag de'i phyir legs par rab tu nyon la yid la zung zhig dang / byang chub sems dpa' rab tu byung ba / pas ji ltar gnas par bya ba dang / ji ltar bsgrub par bya ba ngas khyod la bshad do// bcom ldan 'das legs so zhes gsol nas/ khyim bdag drag shul can bcom ldan 'das kyi ltar nyan pa dang / bcom ldan 'das kyi de la 'di ni bka' stsal to// khyim bdag 'di
- 31b
labyang chub sem dpa' rab tu byung bas 'di ltar bdag su'i ched la khyim nas khyim ma yin par rab tu byung snyam du gzhal bar bya ste/ des mgo dang gos la me 'bar ba bzhin du ye shes yongs su btsal ba la brtson 'grus brtsam par bya'o/ / de de ltar yongs su 'jal ba'i thog ma nyid du 'phags pa'i rigs bzhi po de dag la rab tu gnas shing sbyangs pa'i yon tan dang / yo byad bsnyungs pa la mngon par dga' bar bya'o/ / khyim bdag ji ltar na byang chub sems dpa' rab tu byung ba 'phags pa'i rigs bzhi po de dag la rab tu gnas pa yin zhe na/ khyim bdag 'di la byang chub sems dpa' rab tu byung ba ni chos gos ngan ngon gyis chog par 'dzin pa yin/ chos gos ngan ngon gyis chog par 'dzin pa'i bsngags pa'ang rjod pa yin te/ de chos gos kyi phyir tshul dang mi 'dra ba'i tshol bar mi byed do/ / chos gos ma rnyed na'ang yi mi 'chad cing yongs su gdung ba med do// chos gos rnyed na'ang chags pa med// rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung ba rab tu shes nas chags pa med par spyod de/ chos gos ngan ngon gyis chog par 'dzin pa de dag la mi bstod cing gzhan la mi smod do// khyim bdag gzhan yang byang chub sems dpa' rab tu byung ba ni bsod snyoms ngan ngon gyis chog shes par 'dzin pa yin/ bsod snyoms ngan ngon gyis chog par 'dzin pa'i bsngags
- 32a
pa' rjod pa yin te/ des bsod snyoms kyi phyir chul dang mi 'drabs rlos par mabyed do// bsod snyom snyas nad na'ang yi ma 'chad cing yongs su gdung ba med do// bsod snyoms rnyed na'ang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung bar rab du shes nas chags pa med par spyod de/ bsod snyoms ngan ngon gyis chog par 'dzin pa de bdag la mi bstod cing gzhan la mi smod do// khyim bdag gzhan yang byang chub sems dpa' rab tu byung ba ni mal chang nang gyis chog par 'dzin pa yin/ mal cha ngan ngon gyis chog par 'dzin pa'i bsngags pa'ang rjod pa yin te/ de mal cha'i phyir tshul dang mi 'dra bas tshol bar mi byed do// mal cha ma rnyed na'ang yi mi 'chad cing yongs su gdung ba med do/ / mal cha rnyed na'ang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung bar rang tu shes nas chags pa med par spyod de/ mal chang na don gyis chog par 'dzin pa de bdag la mi bstod cing gzhan la mi spyod do// khyim bdag gzhan yang byang chub sems dpa' ra du byung ba ni na pa'i gsos sman dang yo byad ngan ngon gyis chog par 'dzin pa yin/ na ba'i gsos sman dang yo byad ngan ngon gyis chog par 'dzin pa'i bsngags pa'ang rjod pa yin te/ den pa'i gsos ldan
- 32b
dang yo byad kyi phyir tshul dang mi 'dra bas tshol bar mi byed do/ / na ba'i gsos smran dang yo byad ma rnyed na'ang yi mi 'chad cing yongs su gdung ba med do// na ba'i gsos sman dang yo byad rnyed na'ang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung ba rab tu shes nas chags pa med par spyod do// na ba'i gsos smran dang yo byad ngan ngon gyis chog par 'dzin pa de bdag la mi bstod cing gzhan la mi smod do/ / spong ba la dga' ba'ang yin te/ spong ba la mos shing spong ba la dga' ba'i sbyor ba la brtson no// de sdig pa mi dge ba'i chos rnams spangs pas dga' bar 'gyur te/ ma spangs pas ni ma yin no// de bsgom pa la dga' ba yin te/ bsgom pa la dga' ba'i sbyor ba la brtson no// dge ba'i chos bsgoms pas ni ma yin no/ / spong ba la dga' ba/ spong ba la mos pa/ spong ba la dga' ba'i sbyor ba la brtson pa/ bsgoms pa la dga' ba/ bsgom pa la mos pa/ bsgom pa la dga' ba'i sbyor ba la brtson pa de bdag la mi bstod cing gzhan la mi smod do/ / khyim bdag de ltar na byang chub sems dpa' rab tu byung ba 'phags pa'i rigs bzhi po dag la gnas pa yin no// ci'i phyir 'phags pa'i rigs zhes bya zhe na/ byang chub kyi phyogs kyi chos thams cad 'di la gnas pas de'i phyir 'phags pa'i rigs zhes bya'o// khyim bdag gzhan yang byang chub sems dpa' rab du byung bas phan
- 33a
@/ yon la dga' ba bcus chos gos sus la bcang bar bya ste/ bcu gang she na/ 'di lta ste/ ngo tsha zhing 'dzem pas dkri ba dang / sha b+ha dang / sbru lu dang / rlung dang / nI ma sdig sbrul gyis reg par 'gyur ba g.yog pa dang / dge sbyong gi kha dog dang / rtags bstan pa dang / ngur smrig de dag ni lha dang / mi dang / lha ma yin du bcas pa'i 'jig rten gyi mchod rten yin no snyam nas/ mchod rten gyi phyir yang dag par gzung bar bya ba dang / de dag ni yid 'byung ba dang / 'dod chags dang bral bas kha dog bsgyur ba yin te/ 'di dag ni 'dod chags kyis kha dog bsgyur ba ma yin pa dang / 'di dag ni nye bar zhi ba dang mthun pa yin gyi/ 'di dag ni nyon mongs pa 'bar ba dang mthun pa ma yin pa dang / ngur smrig 'di dag gis dkris shing g.yogs nas/ sdig pa las ldog par bya ba dang / legs par bya ba'i las bya ba dang / chos gos kyis tsha bar sbyor ba la brtson pa ma yin pa dang / ngur smrig 'di dag 'phags pa'i lam gyi tshogs dang mthun pa yin par shes nas/ ci nas skad cig gcig la'ang rnyog pa mang ba dang 'grogs par bya bar ngur smrig rnams bcang bar bya ba ste/ khyim bdag byang chub sems dpa' rab tu byung bas phan yon la dga' ba bcu po de dag gis chos gos lus la bcang bar bya'o/ / khyim bdag gzhan yang byang chub sems dpa' rang du byung bas phan yon bcu mthong nas/ ji srid 'tsho
- 33b
mtha'i bar du bsod snyoms spyod pa gtang bar mi bya ste/ bcu gang zhe na/ rang dbang du gyur pa'i tshul gyis 'tsho bar bya'o// gzhan la rag lus pa ma yin pa dang / sems can gang dag bdag bsod snyoms 'dod pa la bsod snyoms byin pa de dag kyang dkon mchog gsum la bkod de/ phyis bsod snyoms blang bar bya ba dang / sems can gang dag bsod snyoms 'dod pa la bsod snyoms mi ster bde dag la snying rje chen po bskyed nas/ sems can de dag gtong ba la gzud pa'i phyir brtson 'grus brtsam par bya ba dang / bya ba byas te bsod snyoms bza' ba dang / bdag gis de bzhin gshegs pa'i bka' dang mthun par byas par 'gyur ba dang / dgang sla zhing gso sla bar bya ba'i phyir bdag gis rgyu bskyed par 'gyur ba dang / bdag gis nga rgyal ba cag pa bsten par 'gyur ba dang / bdag gis spyi gtsug bltar mi mthong ba'i dge ba'i rtsa ba bsags par 'gyur ba dang / bdag mthong nas de bzhin du slob par 'gyur zhing / bdag skyes pa dang / bud med dang / khye'u dang / bu mo la rten par mi 'gyur ba dang / bsod snyoms yang dag par blang ba'i spyod pa'ang / bdag sems can thams cad la sems snyoms pas thams cad mkhyen pa'i ye shes kyi tshogs su 'gyur ba ste/ khyim bdag byang chub sems dpa' rab du byung bas phan yon bcu po de dag mthong nas/ ji srid 'tsho'i mtha'i bar du bsod snyoms spyod pa mi gtang bar bya'o// gal te de la la zhig gis mgron du bos na des lhag pa'i bsam pa dang / dad pa dang / dang ba bskyed
- 34a
pa'i phyir 'gro bar bya ste/ 'dzud pa dang 'chos pas ni ma yin no// gang la la bsod soms thas te/ bdag dang gakun gyi na rdzogs par byed na rlung rgya/ dpa' de mthon du 'gro bar gnang ngo // khyim bdag gzhan yang byang chub sems dpa' ra' du byung bas phan yon bcu mthong nas ji srid 'tsho'i bar du sman bkrus pas chog shes par bya ste/ bcu gang zhe na/ de bzhin gshegs pa'i bstan pa la zhugs par 'gyur ba dang / gzhan gyi ngor lta bar mi 'gyur ba dang / bdag gis mi sdug pa'i 'du shes bsten par 'gyur ba dang / bdag mi mthun pa'i 'du shes so sor nye bar gnas par 'gyur ba dang / ro bro ba la chags pa'ang bdag gis chags chung ngus spangs par 'gyur ba dang / byis pa so so'i skye bo thams cad bdag la yid rton par 'gyur ba dang / bdag kha zas bsnyungs pa mngon du gyur par 'gyur ba dang / bdag la sman yongs su tshol ba'i 'phongs pa med par 'gyur ba dang / bdag gi sems la nyon mongs pa'i nad kyis gnod pa med par byas par 'gyur ba dang / de ltar zhugs na myur du nyon mongs pa'i nad dang bral bar 'thob par 'gyur ba ste/ khyim bdag byang chub sems dpa' rab tu byung bas phan yon bcu po de dag mthong nas ji srid 'tsho'i bar du sman bkus pas chog shes par bya'o/ / khyim bdag gzhan yang byang chub sems dpa' rab tu byung bas phan yon bcu mthong nas ji srid 'tsho'i
- 34b
mtha'i bar du dgon pa la gnas pa yongs su mi gtang bar bya ste/ bcu gang zhe na/ bdag gi nyam rangs dang bdag gi dbang du 'gro ba dang / nga'i ba med cing yongs su 'dzin pa med pa dang / mal cha lkug par gtong ba dang / dgon pa'i gnas la dga' ba dang ma bral ba dang / gnas rnams su don nyung zhing byed pa nyung ba dang / g.yog gi tshogs 'dor zhing lus dang srog la mi lta ba dang / dben par dga' zhing 'du 'dzi yongs su spong ba dang / las byas pa'i yon tan gyi phan yon yongs su gtong ba dang / ting nge 'dzin dang mthun pa'i sems rtse gcig pa dang / yid la byed pa bla gab med pa yid la byed pa sgrib pa med pa ste/ khyim bdag gzhan yang byang chub sems dpa' rab tu byung bas phan yon bcu po de dag mthong nas ji srid 'tsho'i bar du dgon pa la gnas pa yongs su mi gtang bar bya'o/ / khyim bdag gal te byang chub sems dpa' dgon pa la gnas pa chos nyan par 'dod dam/ slob dpon dang mkhan po blta bar 'dod dam/ na ba 'dri ba'i phyir grong gi gnas su 'ongs na des dgongs su slar ldog par bya ba'i phyir 'gro ba'i sems bskyed par bya'o// de gal te lung mnod pa dang / kha ton bya ba gzhan la rag las te/ gtsug lag khang na gnas na'ang des dgon pa la gzhol ba'i sems kyis gang dngos po thams cad la dgon par 'du shes pa dang / chos tshol bas mi ngoms
- 35a
pa de nyid dgon pa pa la gnas pa yin no snyam du bsam so/ / khyim bdag gzhan yang byang chub sems dpa' rab tu byung ba dkon pa la gnas pas/ ltar bdag ci'i phyir dgon pa la gnas/ dgon pa la gnas pa 'ba' zhig ni dge sbyong ma yin te/ 'din ni ma byang ba/ ma sbas pa/ ma zhi ba/ ma dul ba/ mi 'grus pa/ rab du mi brtson pa/ 'di lta ste/ ri dgas dang / spreru dang / bya mang po dang / chom rkun dang / gdol pa dag kyang mang du gnas te/ de dag kyang dge sbyong gi yon tan dang ldan pa ma yin pas gang gi phyir bdag dgon pa la gnas pa/ 'di lta ste/ dge sbyong gi don de yongs su rdzogs par bya'o snyam du brtag par bya'o// khyim bdag byang chub sems dpa' rab du byung ba'i dge sbyong gi don gang zhe na/ 'di lta ste/ dran pa dang / shes bzhin dang / mi g.yeng ba dang / gzungs rab tu thob pa dang / byams pa bsten pa dang / snying rje bsten pa dang / mngon par shes pa rnams la dbang sgyur ba dang / pha rol tu phyin pa drug bsgom pa yongs su rdzogs par bya ba dang / thams cad mkhyen pa nyid kyi sems yongs su mi gtong ba dang / thabs mkhas pa'i ye shes bsgom pa dang / sems can yongs su smin par bya ba dang / bsdu ba'i dngos po bzhi yongs su mi gtang ba dang / rjes su dran pa drug rjes su dran pa dang / thos pa dang brtson 'grus mi
- 35b
'dor ba dang / tshul bzhin du chos rab tu rnam par 'byed pa dang / yang dag par rnam par grol ba'i phyir brtson pa dang / 'bras bu thob pa rnamal shes pa dang / sngon med pa la 'jug par gnas/ pa dang / dam pa'i chos bsrung ba dang / las kyi rnam par smin pa la yid ches pas yang dag pa'i lta ba dang / rtog pa dang rnam par rtog pa thams cad rab tu chad pas yang dag pa'i rtog pa dang / mos pa ji lta ba bzhin du chos ston pas yang dag pa'i ngag dang / las zad pa yongs su rdzogs pas yang dag pa'i las kyi mtha' dang / bag chags kyi mtshams sbyor ba yang dag par bcom pas yang dag pa'i 'tsho ba dang / rdzogs pa'i byang chub khong du chud pas yang dag pa'i rtsol ba dang / brjed pa med pa'i chos nyid kyis yang dag pa'i dran pa dang / thams cad mkhyen pa'i/ ye shes yongs su thob pas yang dag pa'i ti nge 'dzin dang / stong pa nyid kyis mi skrag pa dang / mtshan ma med pa la mi zhum pa dang / smon pa med pa la mi 'gong ba dang / bsam bzhin du ye shes kyis srid pa yongs su 'dzin pa dang / don la rton gyi/ yi ge la mi rton pa dang / ye shes la rton gyi/ rnam par shes pa la mi rton pa dang / chos la rton gyi/ gang zag la mi rton pa dang / nges pa'i don gyi mdo sde la rnon gyi/ drang ba'i don gyi mdo sde la mi rton pa dang / thog ma nas ma byung zhing mi 'jig pa'i tshul gyis ngo tsha
- 36a
nyid la mi rtog pa de ni/ khyim bdag byang chub sems dpa' rab tu byung ba'i dge sbyong gi don ces bya'o// khyim bdag gzhan yang byang chub sems dpa' rab tu byung bas 'grogs pa med pa mang du bya'o/ / des 'di ltar yang bdag ni sems can dang 'dre bar mi bya ste/ bdag gis sems can gcig gi dge ba'i rtsa ba bskyed par mi bya'i/ bdag gis sems can thams cad kyi dge ba'i rtsa ba bskyed par bya'o snyam du brtag par bya'o// de lta mod kyi khyim bdag byang chub sems dpa' rab tu byung ba'i 'grogs pa bzhi po 'di dag ni de bzhin gshegs pas gnang ste/ bzhi gang zhe na/ chos mnyan pa'i phyir 'grogs pa dang / sems can yongs su smin par bya ba'i phyir 'grogs pa dang / de bzhin gshegs pa la mchod pa dang rim gro bya ba'i phyir 'grogs pa dang / thams cad mkhyen pa'i sems 'grogs pa med pa dang 'grogs pa ste/ khyim bdag byang chub sems dpa' rab tu byung ba'i grogs pa bzhi po de dag ni de bzhin gshegs pas gnang ba'o/ / khyim bdag de bas na byang chub sems dpa' rab tu byung bas 'grogs pa las rnam par grol bar bya'o// khyim bdag gzhan yang byang chub sems dpa' rab tu byung ba dgon pa la gnas pas/ bdag ci'i phyir dgon par 'ongs snyam du brtag par bya ste/ des yang 'di ltar bdag ni 'jim
- 36b
shing skrag pa'i phyir dgon par 'ongs so/ / ci zhig gis 'jigs shing skrag ce na/ 'du 'jis 'jigs shing skrag go/ 'grogs pas 'jigs shing skrag go// 'dod chag dang / zhe sdang dang / gti mug gis 'jigs shing skrag go// nga rgyal dang / rgyags pa dang / 'chab pas 'jigs shing skrag go// chags pa dang / phrag dog dang / ser snas 'jigs shing skrag go/ / gzugs dang / sgra dang / dri dang / ro dang / reg byas 'jigs shing skrag go/ phung po'i bdud kyis 'jigs shing skrag go// nyon mongs pa'i bdud kyis 'jigs shing skrag go/ / 'chi bdag gi bdud kyis 'jigs shing skrag go// mi rtag pa la rtag par phyin ci log pas 'jigs shing skrag go// sdug bsngal la bde bar phyin ci log pas 'jigs shing skrag go/ bdag med pa la bdag tu phyin ci log pas 'jigs shing skrag go/ mi gtsang ba la gtsang bar phyin ci log pas 'jigs shing skrag go/ sems dang / yid dang / rnam par shes pas 'jigs shing skrag go// sred pas 'jigs shing skrag go// 'khor bas 'jigs shing skrag go// sgrib pa dang / chod pa dang / kun nas ldang bas 'jigs shing skrag go 'jig tshogs la lta bas 'jigs shing skrag go/ / bdag tu 'dzin pa dang bdag gir 'dzin pas 'jigs shing skrag go// rgod pas 'jigs shing skrag go/ 'gyod pa dang the tshom gyis 'jig
- 37a
shing skrag go/ / sdig pa'i grogs pos 'jigs shing skrag go// rnyed pa dang bkur stis 'jigs shing skrag go// mi dge ba'i bshes gnyen gyis 'jigs shing skrag go/ / ma mthong bar mthong ngo snyam du 'dzin pas 'jigs shing skrag go// ma thos par thos so snyam du 'dzin pas 'jigs shing skrag go// ma dran par dran no snyam du 'dzin pas 'jigs shing skrag go/ / bye brag ma phyed par bye brag phyed do snyam du 'dzin pas 'jigs shing skrag go// mi shes par shes so snyam du 'dzin pas 'jigs shing skrag go// dge sbyong gi dri mas 'jigs shing skrag go/ / gcig la gcig gnod par sems pas 'jigs shing skrag go// 'dod pa'i khams dang / gzugs kyi khams dang / gzugs med pa'i khams kyis 'jigs shing skrag go/ srid pa'i 'gro ba thams cad du 'chi 'pho ba dang skye bas 'jigs shing skrag go// sems can dmyal ba dang / dud 'gro'i skye gnas dang / yi dwags kyi yul du 'gro bas 'jigs shing skrag go// gi khom pas 'jigs shing skrag go// mdor na mi dge ba'i chos thams cad yid la byed pas 'jigs shing skrag ste/ bdag de lta bu'i 'jigs shing skrag pa de dag gis 'jigs nas dgon par 'ongs te khyim na gnas pa dang / 'du 'jil gnas pa dang / mi 'grus shing rnal 'byor la mi brtson pa dang / tshul bzhin ma yin pa yid la byed pa la gnas pas ni 'di lta bu'i 'jigs
- 37b
shing skrag pa de dag las yongs su thar par mi nus te/ gang dag 'das pa'i dus na byung ba'i byang chub sems dpa' sems dpa' chen po de dag thams cad kyang dgon pa la gnas nas/ 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob bo// gang dag ma 'ongs pa'i phu na byung ba'i byang chub sems dpa' sems dpa' chen po de dag thams cad kyang dgon pa la gnas nas/ 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob par 'gyur ro/ / gang dag da ltar byung ba'i dus kyi byang chub sems dpa' sems dpa' chen po bla na med pa yang dag par rdzogs pa'i byang chub thob pa de dag thams cad kyang dgon pa la gnas nas/ 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob bo// de bas na bdag kyang 'di la 'jigs shing skrag ste/ 'jigs pa thams cad las shin tu ni 'da' bar 'dod/ mi 'jigs pa ni rjes su thob par 'dod pas dgon pa la gnas par bya'o snyam du yongs su dpyad par bya'o// khyim bdag gzhan yang byang chub sems dpa' rab tu byung ba 'jigs shing skrag nas dgon pa'i gnas la gnas pas/ 'di la gang cung zad 'jigs pa skye ba de dag
- 38a
thams cad ni bdag tu 'dzin pa las skyes so/ / bdag tu mngon par chags pa dang / bdag tu yongs su 'dzin pa dang / bdag gi gzhi dang / bdag tu 'du shes pa dang / bdag tu smra ba nye bar len pa dang / bdag tu lta ba dang / bdag gis gnas dang / bdag tu yongs su rtog pa dang / bdag srung ba las skyes te/ gal te bdag dgon pa na gnas la/ bdag tu 'dzin pa yongs su ma spangs/ bdag tu mngon par chags pa dang / bdag tu yongs su 'dzin pa dang / bdag gi gzhi dang // bdag la sred pa dang / bdag tu 'du shes pa dang / bdag du smra ba nye bar len pa dang / bdag tu lta ba dang / bdag gi gnas dang / bdag tu yongs su rtog pa dang / bdag srung ba yongs su ma spangs na ni bdag dgon pa la gnas pa don med par 'gyur ro snyam du bslab par bya ste/ bdag tu 'du shes pa la dgon pa la gnas pa med do// gzhan du 'du shes pa la'ang med do// ngar 'dzin pa dang / nga yir 'dzin pa la mngon par zhen pa la ni dgon pa la gnas pa med do// dmigs par lta ba la ni dgon pa la gnas pa med do/ / phyin ci log tu lta ba la ni dgon pa la gnas pa med do// khyim bdag mya ngan las 'da' bar 'du shes pa la'ang dgon pa la gnas pa med na/ nyon mongs pa thams
- 38b
cad kyi 'du shes can lta ci smos/ khyim bdag dgon pa la gnas pa zhes bya ba ni thams cad la mi rten par gnas pa'o// chos thams cad la mi 'dzin par gnas pa'o// mtshan ma thams cad la mi chags par gnas pa'o// gzugs thams cad la mi rten par gnas pa'o// sgra dang / dri dang / ro dang / reg bya thams cad la mi rten par gnas pa'o/ / chos thams cad mnyam pa nyid dang mi 'gal bar gnas pa'o// sems shin tu zhi bas shin tu sbyangs par gnas pa'o// 'jigs pa thams cad spangs pas mi 'jigs par gnas pa'o/ / nyon mongs pa thams cad las rnam par grol bas chu bo las brgal bar gnas pa'o// brtan par gnas pa'o// ngan don gyis chog shes par 'dzin cing 'dod pa chung ba 'phags pa'i rigs rnams la rab tu dga' bar gnas pa'o/ / dgang sla zhing gso sla bas chog par 'dzin par gnas pa'o/ / shes rab kyi phyir tshul bzhin la sbyor bas thos pa la gnas pa'o// rnam par thar pa'i sgo stong pa nyid dang / mtshan ma med pa dang / smon pa med pa la so sor rtog pas thar par gnas pa'o/ / bcings pa bcad pas rnam par grol bar gnas pa'o// rten cing 'brel par 'byung ba dang mthun pas ma dul ba rnams nye bar zhi bar gnas
- 39a
pa'o/ / shin du rnam par dag pas bya ba byas par gnas pa'o// khyim bdag 'di lta ste/ dper na dkon pa larbA dang / shing gel ba dang / na tshal gnas kyang 'jigs pa med cing mi skrag skrag par mi 'gyur ro/ / khyim bdag de bzhin du byang chub sems dpa' rab tu byung ba dgon pa la gnas pas kyang lus la rtsa dang / shing ge la ba dang / sman dang / rtsig pa dang / shing dang / mig yor lta bu dang / sgyu ma dang mtshungs pa'i 'du shes bskyed par bya ste/ 'di la su zhig 'jigs par 'gyur// su zhig skrag par 'gyur snyam pa'i sems bskyed par bya'o// de 'jigs shing skrag pa lta na/ 'di ltar lus 'di la ni bdag gam/ sems can nam/ srog gam/ skye ba po 'am/ gso ba 'am/ skyes bu 'am/ gang zag gam/ shed las skyes sam/ shed bu med de/ 'di ltar 'jigs pa zhes bya ba 'di ni yang dag pa ma yin pa kun brtags pa yin gyis/ bdag gis ni yang dag pa ma yin pa kun brtags pa de la brtag par mi bya'o snyam du lus la tshul bzhin brtag par bya'o// des ji ltar dgon pa la rtswa dang / shing gel ba dang / sman dang / nags tshal gnas pa rnams nga'i ba med pa/ yongs su 'dzin pa med pa de bzhin du byang chub sems dpa' yang nga'i ba med pa/ yongs su 'dzin pa med pas
- 39b
chos thams cad dgon pa nyid do snyam du shes nas nye bar bsgrubs te gnas par bya'o/ / de ci'i phyir zhe na/ dkon pa la gnas pa ni nyon mongs pa gcod pa ste/ nga'i ba med pa yongs su 'dzin pa med pa'o/ / khyim bdag gzhan yang byang chub sems dpa' rab tu byung ba dgon pa la gnas pas/ 'di la dgon pa la gnas pa ni tshul khrims kyi phung po dang / mthun pa'o// dgon pa la gnas pa ni ting nge 'dzin gyi phung po la gzhol ba'o// dgon pa la gnas pa ni shes rab kyi phung po tshogs pa'o// dgon pa la gnas pa ni rnam par grol ba'i phung po 'grub pa'o/ / dgon pa la gnas pa ni rnam par grol ba'i ye shes mthong ba'i phung po skye ba'o// dgon pa la gnas pa ni byang chub kyi phyog kyi chos rnam rab tu bsten pa'o// dgon pa la gnas pa ni sbyangs pa'i yon tan bcu gnyis po dag sdud pa'o/ / dgon pa la gnas pa ni bden pa rnams rtogs pa'o// dgon pa la gnas pa ni phung po rnams yongs su shes pa'o// dgon pa la gnas pa ni khams rnams chos kyi dbyings dang mnyam par 'jal ba'o/ / dgon pa la gnas pa ni skye mched rnams sel ba'o// dgon pa la gnas pa ni byang chub kyi sems mi brjed pa'o// dgon pa la gnas pa ni/ stong pa nyid la so sor rtog pas skrag pa med pa'o// dgon pa la gnas pa ni chos kun tu 'dzin pa'o// dgon pa la gnas pa ni dge ba'i rtsa ba thams cad chud mi gzon pa'o// dgon pa la gnas pa ni sangs
- 40a
rgyas rnams kyis bsngags pa'o/ / dgon pa la gnas pa ni byang chub sems dpa' rnams kyis bstod pa'o// dgon pa la gnas pa ni 'phags pa rnams kyis bkur ba'o// dgon pa la gan pa ni thar pa 'dod pa rnams kyis bstan pa'o// dgon pa la gnas pa ni thams cad mkhyen pa'i ye shes khong du chud par bya ba'i phyir bsnyen pa'o snyam du bslab par bya'o// khyim bdag gzhan yang byang chub sems dpa' rab tu byung ba dgon pa la gnas pa ni tshegs chung ngus pha rol tu phyin pa drug bsgom pa yongs su rdzogs par 'gyur ro// de ci'i phyir zhe na/ gang dgon pa la gnas pa'i byang chub sems dpa' ni lus dang srog la'ang mi lta ba yin te/ de ltar dgon pa la gnas pa de'i sbyin pa'i pha rol tu phyin pa bsgom pa yongs su rdzogs par 'gyur ro// khyim bdag ji ltar na byang chub sems dpa' rab tu byung ba dgon pa la gnas pa'i tshul khrims kyi pha rol tu phyin pa bsgom pa yongs su rdzogs par 'gyur zhe na/ khyim bdag gang byang chub sems dpa' rab tu byung ba dgon pa la gnas pa ni sbyangs pa'i yon tan dang yo byad bskyungs pa la rab tu gnas nas/ sdom pa gsum gyis yang dag par bsgrubs te/ de ltar dkon pa la gnas pa de'i tshul khrims kyi pha rol tu phyin pa bsgom pa yongs su rdzogs par 'gyur ro/ / khyim bdag ji ltar na byang chub sems dpa' rab tu byung ba dgon pa la gnas pa'i bzod pa'i pha rol tu phyin pa bsgom pa
- 40b
yongs su rdzogs par 'gyur zhe na/ khyim bdag gang byang chub sems dpa' rab tu byung ba dgon pa la gnas pa ni sems can la gnod sems med cing sems can thams cad la byams par byed la de thams cad mkhyen pa nyid la'ang bzod pa yin te/ de ltar dgon pa la gnas pa de'i bzod pa'i pha rol tu phyin pa bsgom pa yongs su rdzogs par 'gyur ro// khyim bdag ji ltar na byang chub sem dpa' rab tu byung ba dgon pa la gnas pa'i brtson 'grus kyi pha rol tu phyin pa bsgom pa yongs su rdzogs par 'gyur zhe na/ khyim bdag 'di la byang chub sems dpa' rab tu byung ba ni mi skye ba la bzod pa rab tu thob par bya ba'i phyir bdag dgon pa 'di las ldog par mi bya'o snyam du slob ste/ de ltar dgon pa la gnas pa de'i brtson 'grus kyi pha rol du phyin pa bsgom pa yongs su rdzogs par 'gyur ro/ / khyim bdag ji ltar na byang chub sems dpa' rab tu byung ba dgon pa la gnas pa'i bsam gtan gyi pha rol tu phyin pa bsgom pa yongs su rdzogs pa 'gyur zhe na/ khyim bdag gang byang chub sems dpa' rab tu byung ba dgon pa la gnas pa ni bsam gtan gyi pha rol du phyin pa rab tu 'thob ste/ sems can yongs su smin par byed pa'ang yal bar mi 'dod la/ 'di ltar dge ba'i rtsa ba'ang sogs par 'dod pa yin te/ de ltar dgon pa la gnas pa de'i bsam gtan gyi pha rol tu phyin pa bsgom pa yongs su rdzogs par 'gyur ro// khyim
- 41a
bdag ji ltar na byang chub sems dpa' rab tu byung ba dgon pa la gnas pa'i shes rab kyi pha rol tu phyin pa bsgom pa yongs su rdzogs par 'gyur zhe na/ khyim bdag gang byang chub sems dpa' rab tu byung ba ni 'di la lus ji lta ba dgon pa'ang de bzhin no/ / lus ji lta ba byang chub kyang de bzhin no snyam du slob cing de bzhin nyid kyis mi rtog rnam par mi rtog ste/ de ltar dgon pa la gnas pa de'i shes rab kyi pha rol tu phyin pa bsgom pa yongs su rdzogs par 'gyur ro// khyim bdag de ltar na byang chub sems dpa' rab tu byung ba dgon pa la gnas pa tshegs chung ngus pha rol du phyin pa drug bsgom pa yongs su rdzogs par 'gyur ro/ / khyim bdag byang chub sems dpa' rab tu byung ba chos bzhi dang ldan na/ dgon pa la gnas par gnang ba yin no/ / bzhi gang zhe na/ khyim bdag 'di la byang chub sems dpa' rab tu byung ba mang du thos pa yin te/ thos pa 'dzin pa chos rnam par nges pa la mkhas pa tshul bzhin yid la byed pa la brtson zhing chos dang chos kyi rjes su mthun par sgrub pa des dgon pa la gnas par byo'o/ / khyim bdag gzhan yang byung chub sems dpa' rab tu byung brtson mongs pa'i shas chen des nyon rdzo pa rnams zhi bar bya ba'i phyir 'grogs pa med par dgon pa la gnas par bya ste/ des nyon mongs pa tshar gcad par bya'o// khyim bdag gzhan yang byang chub sems dpa' rab tu byung ba ni
- 41b
mngon par shes pa lnga po dag thob pa yin te/ des lha dang / klu dang / gnod sbyin dang / dri za rnams yongs su smin par bya ba'i phyir dgon pa la gnas par bya'o// khyim bdag gzhan yang byung chub sems dpa' rab tu byung bas sangs rgyas kyis dgon pa la gnas par bka' stsal par shes nas dgon pa la gnas par bya ste/ der dge ba'i chos thams cad yongs su rdzogs par 'gyur ro// dge ba'i rtsa bas nye bar brten nas phyis grong dang / grong khyer dang / grong rdal dang / ljongs dang / yul 'khor dang / pho brang 'khor dag tu zhugs te chos bstan par bya'o// khyim bdag byang chub sems dpa' rab tu byung ba chos bzhi po de dag dang ldan na/ dgon pa la gnas par gnang ngo // khyim bdag gal te byang chub sems dpa' rab tu byung ba lung dang kha ton mnod pa'i phyir tshogs kyi nang du 'jug na/ des der gus pa dang bcas par bya ste/ slob dpon dang / mkhan po rnams dang / gnas brtan dang / bar ma dang / dge slong gsar bu rnams la zhe sa dang bcas par bya/ / tshul mkhas par bya'o// snyom las med par rang gis bya ba dang / gzhan la gdung ba med par bya'o// des bsnyen bkur la gdu bar mi bya'o// des 'di ltar de bzhin// shegs pa dgra bcom pa yang dag par rdzogs pa'i sangs rgyas lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram ze'i skye
- 42a
dgu dang bcas pa/ lha dang / mi dang / lha ma yin du bcas pas mchod pa/ sbyin gnas su gyur pa de'ang sems can thams cad la gang las kyang rim gror bya ba bdag gir mi mdzad na/ bdag cag ma bslabs pa slob 'dod pa rnams lta ci smos te/ bdag gis ni sems can thams cad la bsnyen bkur bya'i/ gang las kyang bsnyen bkur bya ba bdag gir ni mi bya'o snyam du brtag par bya'o/ / de ci'i phyir zhe na/ khyim bdag dge slong bsnyen bkur la gdu ba ni yon tan gyi chos rjes su bzung ba chud gson pa yin te/ des gang dag sdud pa de dag kyang 'di snyam dusems te/ bdag cag ni bsnyen bkur gyi phyir sdud kyi/ chos kyi phyir ma yin no snyam ste/ de dag nyid kyi dad pa chud gson to// gang dag de la bsnyen bkur byed pa/ 'jig rten gyi zang zing dang ldan pa de dag gi'ang don chen por mi 'gyur ro/ / 'bras bu chen por 'gyur te/ de slob dpon dang mkhan po'i gan du 'gro na'ang slob dpon dang / mkhan pos ma dad pa'i bag gang yang rung ba zhig las brtags nas/ bdag la lung dbog pa dang / kha ton bya ba dang / rjes su bstan pas phan 'dogs par mi 'gyur du 'ong zhes lus dang sems las su rung ba dang / sems cad shes pas 'gro bar bya'o// des lung mnod pa dang kha ton gyi phyir lus dang srog la'ang mi blta bar bya'o// chos 'dod pas slob dpon dang mkhan po rnams kyi bsam pa yongs su rdzogs par bya'o// yon tan don du gnyer
- 42b
bas rnyed pa dang / bkur sti dang / tshigs su bcad pa thams cad don du mi gnyer bar bya'o// khyim bdag gal te byang chub sems dpa' lung mnod pa dang kha ton bya ba don du gnyer bas gzhan dag la tshig bzhi pa'i tshigs su bcad pa tsam mam/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang ldan pa 'am/ byang chub sems dpa' lam gyi tshogs sogs pa dang ldan pa'i tshig bzhi pa'i tshigs su bcad pa su las mnyan tam/ lung mnos sam/ blangs pa'i slob dpon de la des chos kyis gus par bya'o// ming dang / tshig dang / yi ge ji ste kyis tshigs su bcad pa bstan pa de snyed kyi bskal par gal te slob dpon de la g.yo med par rnyed pa dang / bkur sti dang / mchod pa thams cad kyis rim gro dang bsnyen bkur byas kyang / khyim bdag dadung du slob dpon la slob dpon du gus par bya ba rdzogs pa ma yin na chos ma yin pa'i gus pas lta ci smos/ khyim bdag dad pa'i mnyan cing bsgom pa dang kha ton la 'jug pa de'i sems dang sems las byung ba dge ba dang ldan pa 'am/ sangs rgyas dang ldan pa 'am/ chos dang ldan pa 'am/ dge 'dun dang ldan pa 'am/ skyo zhing 'dod chags bral ba dang ldan pa 'am/ byang ba dang / dul ba dang zhi ba dang ldan pa'i 'jug pa ji snyed pa gal te de snyed kyi bskal par slob dpon la bsnyen bkur byas su zin kyang / khyim bdag da dung slob dpon du ri mo bya ba rdzogs pa ma yin no// khyim bdag
- 43a
nam grangs 'das kyang dza ltar rnam par smin pa'i chos tshad med cing ye shes khongs chung ba tshad med pa de ltar rig par bya'o/ / khyim bdag de ltabs na nas byur gyi/ pa'i chos tshad med pa dang / ye shes khong du chud pa tshad med pa dris pas/ bdag gi slob dpon yang tshad med do snyam nas/ byang chub sems dpas chos la ri mo tshad med par bya'o// khyim bdag gzhan yang byang chub sems dpa' rab du byung ba'i bsgrub pa la gnas par bya'o// khyim bdag ji ltar na byang chub sems dpa' rab tu byung ba'i bsgrub pa la gnas pa yin zhe na/ khyim bdag 'di la byang chub sems dpa' rab tu byung ba tshul khrims yongs su dag pa thos na de la slob ste/ bzhi po 'di dag ni tshul khrims yongs su dag pa'o// bzhi gang zhe na/ 'phags pa'i rigs rnams la gnas pa dang / sbyangs pa'i yon tan dang yo byad bsnyungs pa la mngon par dga' ba dang / khyim na gnas pa dang rab tu byung ba rnams dang mi 'dre ba dang / tshul 'chos pa med par dgon pa la gnas pa ste/ bzhi po de dag ni tshul khrims yongs su dag pa'o// khyim bdag gzhan yang tshul khrims yongasu dag pa bzhi ste/ bzhi gang zhe na/ lus bsdams pas lus mi dmigs pa dang / ngag bsdams pas ngag mi dmigs pa dang / yid bsdams pas yid mi dmigs pa dang / lta ba dang bral bas
- 43b
thams cad mkhyen par sems bskyed pa ste/ bzhi po de dag ni tshul khrims yongs su dag pa'o// khyim bdag gzhan yang tshul khrims yongs su dag pa bzhi ste/ bzhi gang zhe na/ ngar 'dzin pa spangs pa dang / nga yir 'dzin pa dor ba dang / chad pa dang rtag pa dang bral ba dang / rten pa'i chos la 'jug pa ste/ bzhi po de dag ni tshul khrims yongs su dag pa'o/ / khyim bdag gzhan yang tshul khrims yongs su dag pa bzhi ste/ bzhi gang zhe na/ phung po rnams la 'byung ba dang 'jig par rtog pa dang / khams rnams la chos dbyings su yongs su 'jal ba dang / skye mched rnams la grong stong par 'du shes pa dang / tha snyad brtags pa rnams la mngon par ma zhen pa ste/ bzhi po de dag ni tshul khrims yongs su dag pa'o/ / khyim bdag gzhan yang tshul khrims yongs su dag pa bzhi ste/ bzhi gang zhe na/ bdag la bdag med par 'du shes pas bdag la mi bstod pa dang / gzhan la mi dmigs pas gzhan la mi smod pa dang / sems shin tu sbyangs pas rloms sems med pa dang / chos thams cad mnyam pa nyid pas g.yo ba med ba ste/ bzhi pa de dag ni tshul khrims yongs su dag pa'o// khyim bdag gzhan yang tshul khrims yongs su dag pa bzhi ste/ ba'i gang zhen/ stong pa nyid la mos pa dang /
- 44a
mtshan ma med pas mi sdug pa dang / sems can thams cad la cher snying rje ba dang / bdug sred pa la bzod pa ste/ bzhi po de dag ni rdub khrims yongs su dag bgo khyim bdag gzhan yang byang chub sems dpa' rab tu byung ba ting nge 'dzin yongs su dag pa thos na de la slob ste/ ting nge 'dzin yongs su dag pa de gang zhe na/ gang chos thams cad la rtsol ba med pa dang / chos thams cad mnyam pa nyid pas gnyis su dbyer med pa dang / sems las su rung ba dang / sems rtse gcig pa dang / sems nges par 'byung ba dang / sems mi 'phro ba dang / sems kun tu mi rgyu ba dang / sems mi gnas pa dang / sems nges par sems par byin gyis rlob pa dang / sems la dbang sgyur ba dang / sems 'dod pa'i yon tan rnams la mi chags pa dang / sems chos la sgyu mar so sor rtog pa dang / ji ltar chos kyi dbyings mngon par 'du mi byed pa dang / ji ltar mi skye mi 'byung zhing mnyam pa nyid pa de ltar/ khyim bdag byang chub sems dpa' rab tu byung ba ting nge 'dzin yongs su dag pa la so sor rtog go/ / khyim bdag gzhan yang byang chub sems dpa' rab tu byung ba shes rab kyi pha rol tu phyin pa yongs su dag pa thos mede la slob ste/ shes rab yongs su dag pa de gang zhe na/ de 'di ltar so sor rtog ste/ chos thams cad mngon sum du shes pa dang / chog rab tu dbye ba shes pa dang / so so yang dag par rig pa la
- 44b
'jug pa shes pa dang / sems can gzhan dag la chos go bar byed pa shes pa ste/ khyim bdag de ltar byang chub sems dpa' rab tu byung ba shes rab yongs su dag pa la so sor rtog go/ khyim bdag gzhan yang byang chub sems dpa'i rab tu byung ba 'di la shes rab 'di ni lus med pas thogs pa med pa'i mtshan nyid do// rgyu ba med pas bzung ba med pa'i mtshan nyid do/ / skye ba med pas gnas med pa'i mtshan nyid do// nam mkha'i ngo bo nyid pas mngon par 'du mi byed pa'i mtshan nyid do snyam du rab tu slob bo// khyim bdag de ltar na gang 'di ltar chos la so sor rtog pa 'di ni byang chub sems dpa' rab tu byung ba'i bsgrub pa'o/ / bcom ldan 'das kyis chos kyi rnam grangs 'di bshad pa na/ srog chags brgyad stong gis ni bla na med pa yang dag par rdzogs pa'i byang chub tu sems bskyed do/ / khyim bdag de dag thams cad las phar cher ni mi skye ba'i chos la bzod pa rab tu thob po// srog chags sum khri nyis stong ni chos rnams la chos kyi mig rdul dang bral zhing dri ma med pa rnam par dag go/ / de nas khyim bdag drag shul can dga' la yi rangs shing rab tu dga' nas mgu ba dang yid bde ba skyes te/ brgya stong ri ba'i ras bcos bu zung bcom ldan 'das kyi sku la gsol nas 'di skad ces gsol to// bcom ldan 'das bdag gi dge ba'i rtsa ba 'di sems can thams cad la stsal to// bdag gi
- 45a
d ge ba'i rtsa ba 'dis byang chub sems dpa' khyim pa rnams kyi bslab pa ji ltar bcas pa de ltar byang chub sems dpa' khyim pa gang lags pa de dag gi chos yongs su rdzogs par gyur cig/ bcom ldan 'das kyis ji ltar byang chub sems dpa' rab tu byung ba rnams kyi bslab pa bcas pa'ang de ltar byang chub sems dpa' rab tu byung ba gang dag lags pa de dag gi chos yongs su rdzogs par gyur cig/ bcom ldan 'das la'ang zhu bar 'tshal te/ bcom ldan 'das byang chub sems dpa' khyim pa khyim na gnas pa chos du zhig dang ldan na rab tu byung ba'i bslab pa la slob pa lags/ de skad ces gsol pa dang / bcom ldan 'das kyis/ khyim bdag drag shul can la 'di skad ces bka' stsal to// khyim bdag 'di la byang chub sems dpa' khyim pa khyim na gnas pa chos lnga dang ldan na rab tu byung ba'i bslab pa la slob pa yin te/ lnga gang zhe na/ khyim bdag 'di la byang chub sems dpa' khyim pa khyim na gnas pa mi lta bar dngos po thams cad yongs su gtong ba yin te/ thams cad mkhyen pa nyid kyi sems dang ldan pas rnam par smin pa la re ba med pa dang / khyim bdag gzhan yang byang chub sems dpa' khyim pa khyim na gnas pa tshangs par spyod cing gtsang ba yin te/ yid kyi dgu la'ang 'dod pa mi spyod na mtshan gnyis spyod pa 'am/ yan lag ma yin par 'jug pa lta ci smos pa dang / khyim bdag gzhan yang byang chub sems dpa'
- 45b
khyim pa khyim na gnas pa yang dag pa skyon med pa la mi reg cing khyim stong par zhugs nas/ thabs kyis mngon par bsgrub pa bsam gtan bzhi po dag la snyoms par 'jug pa dang / khyim bdag bzhan yang byang chub sems dpa' khyim pa khyim na gnas pa sems can thams cad bde bar byed pa la brtson pa/ shes rab kyi pha rol tu phyin pas nges par 'byung bar brtson 'grus rtsom pa dang / khyim bdag gzhan yang byang chub sems dpa' khyim pa khyim na gnas pa bdag kyang dam pa'i chos yongs su 'dzin cing gzhan yang dam pa'i chos la sbyor bar byed pa ste/ khyim bdag byang chub sems dpa' khyim pa khyim na gnas pa chos lnga po de dag dang ldan na rab tu byung ba'i bslab pa la slob pa yin no// de nas bcom ldan 'das la/ khyim bdag drag shul can gyis 'di skad ces gsol to/ / bcom ldan 'das bdag de bzhin gshegs pa rnams kyi bka' bzhin du bgyi bar 'tshal lo// rab tu byung ba'i bslab pa la slob bo// chos mnyam pa nyid 'di lta bu la'ang 'jug par bgyi'o/ / de nas de'i tshe bcom ldan 'das 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas 'od 'phrob kha dog du ma kha dog sna tshogs byung ba 'di lta ste/ sngon po dang / ser po dang / dmar po dang / dkar po dang / le brgan dang /
- 46a
shel dang / dngul gyi kha dog lta bu ste/ de dag gis 'jig rten gyi khams mtha' yas mu med pa rnams su 'od kyi snang bas khyab par byas nas tshangs pa'i 'jig rten gyi bar du mngon par 'phags te/ slar log nas bcom ldan 'das la lan gsum bskor ba byas te// bcom ldan 'das kyi dbu'i gtsug tu nub par gyur to// de nas tshe dang ldan pa ku dga' bo/ / sangs rgyas kyi mthus stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba bdud de/ bcom ldan 'das la 'di skad ces gsol to// bcom ldan 'das rgyu ma mchis rkyen ma mchis par ni de bzhin gshegs pa 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' dga' bo khyod kyis khyim bdag drag shul can 'dis de bzhin gshegs pa la mchod pa byas te/ chos bsgrub pa'i phyir seng ge'i sgra bsgrags pa mthong ngam/ gsol pa/ bcom ldan 'das mthong lags so/ / bde bar gshegs pa mthong lags so// bcom 'das kyis stsal pa/ kun dga' bo khyim bdag drag shul can 'di ni gang dag bskal pa bzang po 'di la
- 46b
'byung ba'i de bzhin gshegs pa de dag thams can la rim gro byed par 'gyur ro/ / sti stang dang mchod pa thams cad kyis mchod par 'gyur ro// dam pa'i chos kyang 'dzin par 'gyur ro/ / rtag tu'ang khyim bdag tu gyur nas rab tu byung ba'i bslab pa la gnas so// de bzhin gshegs pa'i byang chub de'ang rgyas par byed par 'gyur ro// de nas tshe dang ldan pa kun dga' bos/ khyim bdag drag shul can la 'di skad ces smras so// khyim bdag rgyu gang dang rkyen gang gis gang khyim na gnas shing rdul la gnas pa la dga' bar byed/ drag shul can gyis smras pa/ btsun pa kun dga' bo rdul ni rdul cung zad kyang med de/ snying rje chen po dang ldan pas bdag la bde ba la mi re ba yin no// btsun pa kun dga' bo byang chub sem dpa' ni sdug bsngal thams cad kyis gzir kyang bzod de/ sems can rnams yongs su mi gtong ngo // de skad ces spras pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo khyim bdag drag shul can 'di khyim gyi sa la gnas nas/ bskul pa bzang po 'di la sems can rab tu mang po yongs su smin par byed par 'gyur te/ rab tu byung ba'i byang chub sems dpa' ni bskal pa stong ngam/ bskal pa brgya stong du'ang de ltar mi nus so// de ci'i phyir zhe na/ kun dga' bo 'di ltar khyim bdag 'di
- 47a
la yod pa'i yon tan rnams ni rab tu byung ba'i byang chub sems dpa' stong la'ang med do/ / de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di drag shul can gyis zhus pa zhes bya bar zung zhig/ khyim pa dang rab tu byung ba'i bslab pa la bsgrub pa zhes bya bar yang zung zhig/ lhag pa'i bsam pas bla ma la bsnyen bkur bya ba'i le'u zhes bya bar yang zung zhig/ kun dga' bo chos kyi rnam grangs 'di thos ma thag tu byang chub sems dpa' yon tan dang / brtson 'grus dang / chos mang po rab tu 'thob ste/ brtson 'grus zhan pas bskal pa brgyar tshangs par spyad pa la gnas pas ni de ltar ma yin no/ / kun dga' bo de bas na bdag kyang 'di la brtson 'grus bskyed par 'dod pa dang / gzhan yang brtson 'grus la gzud par 'dod pa dang / bdag kyang yon tan gyi chos mnyam pa nyid thams cad la gnas par 'dod pa dang / gzhan yang yon tan gyi chos mnyam pa nyid thams cad la dgod par 'dod pas chos kyi rnam grangs 'di mnyan par bya/ / kun chub par bya/ bklag par bya/ gzhan dag la'ang rgya cher yang dag par rab tu bstan par bya'o// kun dga' bo ngas chos kyi rnam grangs 'di yang dang
- 47b
yang rgya cher yang dag par rab tu bstan par bya ba'i phyir khyod la yongasu gtad do/ / de ci'i phyir zhe na/ chos kyi rnam grangs 'di'i nang du yon tan thams cad 'dus par de bzhin gshegs pas bshad pa'i phyir ro/ / kun dga' bo byang chub sems dpa' gang chos kyi rnam grangs 'di dang mi 'bral bar gnas pa de sangs rgyas 'byung ba dang mi 'bral lo// kun dga' bo byang chub sems dpa' gang chos kyi rnam grangs 'di mnyan tam/ 'dzin tam/ klog pa dang mi 'bral ba de sangs rgyas 'byung ba dang / sangs rgyas thams cad mthong ba dang mi 'bral lo// de ci'i phyir zhe na/ kun dga' po chos kyi rnam grangs 'di'i nang du yon tan thams cad 'dus shing / chos kyi rnam grangs 'di'i nang du bslab pa bsgrub pa'i lam gyi yon tan thams cad 'dus par de bzhin gshegs pas yang dag par rab tu bshad pa'i phyir ro/ / kun dga' bo rigs kyi bu 'am/ rigs kyi bu mo yang dag par rdzogs pa'i byang chub don du gnyer ba dag gis stong gsum gyi stong chen po'i 'jig rten gyi khams mes rab tu gang ba'ang 'bogs te/ chos kyi rnam grangs 'di mnyan par bya/ kun chub par bya'o// kun dga' bo stong gsum gyi stong chen po'i 'jig rten gyi khams rin po che sna bdun gyis rab tu gang ba tsam yang ri mor byas te/ slob dpon la phul nas chos kyi rnam grangs 'di mnyan par bya'o// kun chub par bya'o// kun dga' bo byang chub sems dpa' gang gis 'das
- 48a
pa'i sangs rgyas bcom ldan 'das rnams kyi mchod rten rin po che las so sor byas te mchod pa thams cad kyis mchod la/ de bzhin du da ltar byung ba'i sangs rgyas bcom ldan 'das nyan thos kyi dge 'dun dang bcas pa rnams la ji srid 'tsho'i bar du bde ba'i yo byad thams cad kyis bsnyen bkur byed cing / gang ma 'ongs pa'i sangs rgyas bcom ldan 'das rnams dang / byang chub sems dpa' rnams kyi bran dang slob mar khas blangs te bsnyen bkur byas su zin kyang / chos kyi rnam grangs 'di mi 'dzin/ mi 'chang / mi klog/ kun chub par mi byed/ 'jug par mi byed cing / bsgrub pa 'di la'ang mi gnas na/ kun dga' bo byang chub sems dpa' des 'das pa dang / ma 'ongs pa dang / da ltar byung ba'i de bzhin gshegs pa rnams la mchod pa byas par mi 'gyur ro/ / kun dga' bo byang chub sems dpa' gang chos kyi rnam grangs 'di nyan cing kun chub par byed la/ dam pa'i chos yun ring du gnas par bya ba dang / sangs rgyas kyi rigs rgyun mi 'chad par bya ba'i phyir/ gzhan dag la'ang rgya cher yang dag par rab tu ston cing bsgrub pa 'di la'ang gnas na/ kun dga' bo byang chub sems dpa' des 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la mchod pa byas par 'gyur ro/ / gus pa dang bcas pas bsnyen bkur byas par yang 'gyur ro// bcom ldan 'das kyis de skad ces bka' stsal nas/ che dang
- 48b
ldan pa kun dga' bo dang / khyim bdag drag shul can dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchogs brtsegs pa chen po'i chos kyi rnam grangs le'u stong phrag brgya pa las/ drag shul can gyis zhus pa'i le'u zhes bya ste/ 'dus pa bcu dgu pa rdzogs so// / sh+lo ka dgu brgya bam po gsum mo// rgya gar gyi mngon po su ren dra bo d+hi dang zhu chen gyi lo tsa ba zhad ye shes sdes bsgyur cing zhus te/ skad gsar bcad kyis kyang bcos nas gtan la phab pa'o// / bod skad du/ glog thob kyi zhus pa zhes bya ba theg pa chen po'i mdo// // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la/ dge slong gis dge 'dun chen po thams cad kyang yon tan khyad par du 'phags pa phun sum tshogs shing seng ge'i sgra sgrogs pa stong dang / byang chub sems dpa' sems dpa' chen po lnga brgya dang thabs cig tu bzhugs te/ de dag thams cad kyang gzungs rab tu thob pa/ spobs pa
- 49a
thogs pa med par gyur pa/ mi skye ba'i bzod pa mngon sum du byas pa/ phyir mi ldog pa la gnas pa/ ting nge 'dzin rnams dang ldan pa/ mngon par shes pas rnam par rtsen pa/ sems can gyi sems kyi spyod pa'i tshul rab tu rtogs pa sha stag la 'di lta ste/ byang chub sems dpa' nyi ma'i rgyal mtshan dang / byang chub sems dpa' zla ba'i rgyal mtshan dang / byang chub sems dpa' kun tu 'od dang / byang chub sems dpa' zla ba'i rgyal po dang / byang chub sems dpa' shin tu mtho bsal dang / byang chub sems dpa' rnam par snang byed dang / byang chub sems dpa' seng ge'i blo gros dang / byang chub sems dpa' rin po che'i yon tan 'od dang / byang chub sems dpa' don thams cad grub pa dang / byang chub sems dpa' sngon gyi rkyen dang ldan pa dang / byang chub sems dpa' smon lam dang spyod pa phun sum tshogs pa dang / byang chub sems dpa' stong pa'i blo gros dang / byang chub sems dpa' mnyam pa'i sems dang / byang chub sems dpa' dga' sred dang / byang chub sems dpa' 'khor lo mos pa dang / byang chub sems dpa' g.yul las rnam par rgyal ba dang / byang chub sems dpa' blo gros spyod pa dang / byang chub sems dpa' glog thob dang / byang chub sems dpa' rnam par rgyal ba'i spobs pa dang / byang chub sems dpa' seng ge'i nga ro dang /
- 49b
byang chub sems dpa' rab dbyangs dang / byang chub sems dpa' sad byed dang / byang chub sems dpa' spyod pa sbyar ba la mkhas pa dang / byang chub sems dpa' rab tu zhi ba'i spyod pa la sogs pa byang chub sems dpa' sems dpa' chen po 'di dag ni gtso bor gyur to/ / gzhan yang brgya byin lha'i dbang po dang / rgyal po chen po bzhi dang / 'jig rten gyi khams mi mjed kyi bdag po tshangs pa'i rgyal po dang / mthu chen po dang ldan pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa'i 'khor tshad med pa rnams dang yang thabs cig tu bzhugs so// de nas de'i tshe byang chub sems dpa' thog thob ces bya bas 'khor mang po rab tu zhi zhing yongs su dag pa dag 'dus par gyur pa mthong ba dang / stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das bdag la the tsom cung zad cig mchis te deng zhu bar 'tshal na/ de bzhin gshegs pas thugs rjes gsan cing gnang bar mdzad du gsol/ de nas bcom ldan 'das kyis byang chub
- 50a
sems dpa' glog thob la bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas kyis khyod la skabs phyes khyod ci dang rtsi 'dod pa dris shig dang / khyod la yang dag par bstan par bya'o// de nas bcom ldan 'das la/ byang chub sems dpa' glog thob kyis 'di skad ces gsol to/ / bcom ldan 'das byang chub sems dpa' sems dpa' chen po chos ji lta bu zhig dang ldan par gyur na/ bsams pa thams cad yongs su rdzogs par bgyid cing / skyon rnams kyis gos par mi 'gyur ba dang / dbang po dang / rang bzhin ji lta ba bzhin du thabs mkhas pas sems can de dag drangs te/ lus zhig pa'i 'og tu ngan 'gro rnams su lhung bar mi 'gyur zhing / gdon mi 'tshal bar mnyam pa nyid rtogs par 'gyur ba dang / 'jig rten na gnas kyang pad+ma bzhin skyon gyis gos par mi 'gyur ba dang / chos kyi dbyings las ma g.yos par yang sangs rgyas kyi zhing kun tu rgyu zhing / rtag par de bzhin gshegs pa'i gzugs kyi sku mthong ba dang 'bral bar mi 'gyur ba dang / rnam par thar pa gsum la rab tu gnas kyang / snyoms par mi 'jug par sems can gyi mos pa ji lta ba bzhin du/ sangs rgyas kyi zhing gi bkod pa yongs su sbyangs nas skad cig ma
- 50b
gcig la myur du bla na med pa yang dag par rdzogs pa'i byang chub mngon par 'tshang rgya bar 'gyur lags/ de nas byang chub sems dpa' sems dpa' chen po glog thob kyis/ bcom ldan 'das kyi spyan sngar tshigs su bcad de zhu ba zhus pa// bla nam mchis mi yi gtso// mkhyen dang gzigs pa tshad ma mchis// ma 'dres chos la bzhugs nas ni// 'jig rten rnams la phan 'dogs mdzad// sems can kun la snyoms par gzigs// 'jig rten kun gyi mgon skyabs mdzad// log dang yang dag lam bstan nas// mthar thug bdel dgod par mdzad/ / yon tan mchog ni rab bsags pas// rin chen sna tshogs phung po 'dra// 'jig rten shes rab nyi ma khyod// khams gsum mchod 'os gtso bo lags// theg pa chen po bkas bshad nas/ / byang chub lam ni rdzogs par mdzod// zhal mtshan zla ba nya ba 'dra// zhi gnas dag ni phun sum tshogs// nyer zhi chos ni rab bstan nas// nyon mongs rnams ni zhi bar mdzad/ / byang chub spyod pa bkas bshad nas// sems can rnams la phan mdzad gsol// sangs rgyas zhing dang sku tshe dang // gzugs sku dang ni 'khor rnams dang / / 'phrin las gsum dang chos rnams kyang // thams cad kun ni rnam par dag/ bcom ldan byang chub sems dpa' yi// rnam dag spyod pa bkas bshad gsol//
- 51a
ji ltar bdud ni gdul bar bgyi// ji ltar chos ni bstan par bgyi// ji ltar dran pa nyams mi 'gyur// khyod kyi bkas ni bshad du gsol// ji ltar dpa' bo dag gis ni/ / 'khor ba kun tu zhugs gyur kyang // mtshan nyid gcig la gnas bgyid cing // chos la rtag tu g.yo mi 'gyur// ji ltar sangs rgyas rnams la ni// brten cing mchod pa bgyis nas ni// rtag par sangs rgyas sku bltas kyang // mthar ni mtshan ma spong 'gyur lags// rnam thar gsum po mngon bgyis kyang // mkha' la bya/ ni 'phur ba bzhin// yon tan phun tshogs ma gyur par// nam yang mya ngan mi 'da' lags// dbang po rang bzhin yongs rtogs nas// 'jigs pa ma mchis rjes 'brang zhing / / mngon par zhen pa ma mchis pas// sems can de dag smin bgyid lags// sngar ni 'jig rten bde btang nas// slad kyis dang ba'i sems skyed de// shes gya nom phun tshogs pas// bla med byang chub 'thob 'gyur ba// 'di 'dra'i zab mo gya nom don// de bzhin gshegs pas bkas bshad gsol/ de nas bcom ldan 'das kyis/ byang chub sems dpa' sems dpa' chen po glog thob la bka' stsal pa/ rigs kyi bu khyod kyis sems can tshad med pa rnams la phan zhing bde bar bya ba dang / da ltar
- 51b
gyi lha dang bcas pa'i 'jig rten dang / ma 'ongs pa'i byang chub sems dpa' rnams yongs su gzung ba'i phyir/ de bzhin gshegs pa la don 'di lta bu zhus pa legs so legs so/ / de'i phyir klog thob shin tu legs par nyon la yid la zung zhig dang / khyod la yang dag par bstan par bya'o// byang chub sems dpa' glog thob kyis/ bcom ldan 'das de bzhin du thos par 'tshal lo zhes gsol pa dang / bcom ldan 'das kyis bka' stsal pa/ klog thob byang chub sems dpa' sems dpa' chen po rnams ni gter chen po dang / zad mi shes pa'i gter dang / kun tu zad mi shes pa'i gter dang / mtha' med pa'i gter rnam pa lnga dang ldan pa ste/ byang chub sems dpa' de lta bu'i gter phun sum tshogs par gyur pas/ rgud pa rnams gtan du spong zhing / gong du bstan pa lta bu'i yon tan khyad par du 'phags pa'ang yongs su rdzogs par byed la/ tshogs nub dus myur du bla na med pa yang dag par rdzogs pa'i byang chub kyang 'thob par 'gyur ro/ / lnga gang zhe na/ 'di lta ste/ 'dod chags spyod pa'i gter dang / zhe sdang spyod pa'i gter dang / gti mug sprod pa'i gter dang / cha mnyam pa'i spyod pa'i gtar dang / chos thams cad kyi gter gang yin pa'o// thog thob byang chub sems dpa'
- 52a
sems dpa' chen po rnams kyi 'dod chags spyod pa'i gter zhes bya ba ji lta bu yin zhe na/ 'di lta ste/ sems can rnams ni 'dod chags kyi spyod pa'i rjes su mthun zhing / phyin ci log gis bcings pas/ mtshan ma rnams kyi rjes su gzugs dang / sgra dang / dri dang / ro dang / reg bya dang / chos la sogs pa'i yul dag la rnam pa sna tshogs su rnam par brtags nas/ brtan pa nyid du mngon par zhen pa dang / bde ba la chags shing myos par gyur pa yin la/ byang chub sems dpa' ni sems can de dag gi sems kyi spyod pa rnam pa sna tshogs gang yin pa yang dag pa ji lta ba bzhin du shes pas/ sems can de dag gang la mos shing 'dun pa dang // spyod yul gang la chags shing goms pas mthu can du gyur pa dang / dad pa ji lta bu dang ldan zhing phun sum tshogs par gyur pa dang / sngon dge ba'i rtsa ba ji lta bu bskyed pa dang / theg pa gang la gzhol bar byed pa dang / dge ba'i rtsa ba ji snyed yod pa dag rnam zhig na yongs su smin par gyur pa'ang rab tu shes te/ byang chub sems dpa' ni sems can de dag gi 'dod pa thams cad yongs su spang ba'i phyir dang / de dag gi dge ba'i sems rtag par rgyun mi 'chad par bya ba'i phyir shin tu legs par brtags nas yongs su gso bar byed do// glog
- 52b
thob sems can rnams kyi dbang po dang / spyod pa'i bye brag shin tu shes par dka' bar rig par bya ste/ nyan thos dang rang sangs rgyas thams cad kyis kyang rig par mi nus nA/ so sor skye bo dang mu stegs can rnams lta smos kyang ci dgos/ glog thob sems can kha cig ni 'dod pa rnams la mngon par zhen par gyur kyang / bla na med pa yang dag par rdzogs pa'i byang chub yongs su smin par byed pa'ang yod do/ / sems cam cig ni 'dod pa'i yul reg pa tsam mam/ 'dod pa'i sems kyis tshig smras pa tsam gyis tha na med pa yang dag par rdzogs pa'i byang chub yongs su smin par byed pa'ang yod do/ / sems can kha cig ni gzugs sdug gu dag mthong nas/ 'dod chags kyi sems skyes pa las gzugs de rnam par 'gyur zhing / zhig par mthong ba nyid kyis khong du chud par gyur nas/ 'dod pa'i gdung ba nye bar zhi ste/ mi rtag pa nyid shin tu yid la byed pa nyid kyis/ bla na med pa yang dag par rdzogs pa'i byang chub yongs su smin par byed pa'ang yod do/ / sems can kha cig ni bud med mthong ba na/ mngon par zhen pa skyes pa med kyang / phyis yid la dran pa'i dbang gis 'dod chags kyi sems skyes nas de'i kha dog dang dbyibs yid la byas nas rjes su chags pa skye bar 'gyur ba'ang yod do/ / sems can kha cig ni rmi lam na gzugs yid du 'ong ba dag mthong ba'i dbang gis 'dod
- 53a
chags kyi mngon par zhen pa bskyed/ yid la byed cing yongs su gnyer bar byed pa'ang yod do// sems can kha cig ni bud med kyi sgra thos pa tsam gyis 'dod chags kyi sred pa skyed par byed la/ res 'ga' ni mthong ba tsam gyis 'dod chags kyi sems dang bral nas/ bla na med pa yang dag par rdzogs pa'i byang chub yongs su smin par byed pa'ang yod pas/ de'i phyir glog thob byang chub sems dpa' ni 'dod chags kyi nad rnam pa sna tshogs gang yin pa dang / 'dod chags kyi sman rnam pa sna tshogs gang yin pa de dag thabs mkhas pas legs par khong du chud kyang / chos kyi dbyings la gnyis su 'dzin pa'i mtshan ma'ang med la/ chos kyi dbyings la rmongs par gyur pa'i sems can de dag la'ang snying rje chen po bskyed par bya'o// / glog thob 'dod chags dang / zhe sdang dang / gti mug ces bya ba dang / chos kyi dbyings kyi ye shes zhes bya ba'i chos cung zad tsam yang dmigs su med pas/ byang chub sems dpa' 'di snyam du bdag gis mthong ba ltar na/ sems can rnams ni mtshan ma med pa/ rang bzhin gyis stong zhing dben pa/ btags pa tsam du rnam par gzhag pa/ tshogs shing 'dus pa'i chos 'di la 'dod chags dang / zhe sdang dang / gti mug skyed par byed pas/ bdag gis 'di dag yang dag pa ji lta ba bzhin du so sor brtags nas/ 'dod chags kyis rmongs par gyur pa'i sems can
- 53b
de dag gi ched du snying rje chen po la gnas nas/ sngon gyi smon lam yongs su rdzogs par bya'o// chos kyi dbyings las ma g.yos par rtsol ba med pa'i ye shes kyis yongs su smin par bya'o snyam du sems so/ / skyes pa gang zhig bud med dag la yang dag pa ma yin pas sdug pa'i 'du shes bskyed nas/ 'dod chags lci ba skyes par gyur na byang chub sems dpas bud med shin tu sdug cing mdzes pa/ gzugs kyi mtshan khyad par du 'phags pa/ rin po che'i rgyan 'phreng dang ldan pa/ rgyan rnam pa sna tshogs kyis rab tu brgyan pas lha'i bu mo dang 'dra bar gyur pa/ sngon ma mthong ba dag tu bsgyur nas/ sems can de dag gis ji ltar sred cing rjes su chags pa dang / shin du mngon par zhen par gyur pa ston par byed do/ / de dag gi nus pa dang sbyar nas thabs kyis 'dod chags kyi dug mda' dbyung ba'i ched du rang dbang du gyur pa'i mthus bud med kyi gzugs su bsgyur nas/ de'i mdun du snang bar byas nas chos bstan pa nyid kyis sems can de dag chos kyi dbyings rtogs par byas te mi snang bar gyur to/ / bud med gang zhig skyes pa dag la 'dod chags kyi sems skyes par gyur na/ byang chub sems dpas skyes pa'i lus bstan nas/ 'dod chags kyi dug mda' dbyung ba'i ched du chos bstan pa nyid kyis chos kyi dbyings la zhugs par byas nas mi snang bar byed do// glog
- 54a
thob 'dod chas kyi spyod pa nyi khri chig stong dang / spyod pa gzhan de dag kyang gtogs par brgyad khri bzhi stong du gyur pa de dag byang chub sems dpas rtsol ba med pa'i ye shes kyi sgo mo bye ba stong phrag tshad med pa bskyed de/ sems can khong du chud par byas nas thams cad rnam par grol bar gyur kyang / bdag gis sems can la 'di lta bu'i chos bstan to snyam du sems pa'ang med la/ sems can rnam par grol bar gyur pa'ang mi dmigs so// glog thob 'di lta ste/ dper na rgya mtsho ma dros pa'i klu'i rgyal po ni las kyi mthu'i dbang gis de'i pho brang gi nang nas chu klung chen po bzhi byung nas/ sems can chu dang skam la gnas pa dag dbyar tsha ba'i dus kyi tshe bsil ba dang / rlan gyis me tog dang 'bras bu dag rgyas shing / 'bru rnams 'phel bar gyur nas sems can mang po shin tu bde bar byed kyang / klu'i rgyal po de bdag gis chu klung bzhi po 'di dag phyung ngo // dbyung bar bya'o snyam du mi sems mod kyi/ 'on kyang chu klung bzhi po dag rtag tu 'bab cing sems can rnams nye bar spyod par byed do/ / byang chub sems dpa' yang de bzhin du sngon gyi smon lam yongs su rdzogs par gyur pa'i dbang gis rtsol ba med pa'i ye shes kyis 'phags pa'i bden pa bzhi bstan nas/ 'khor ba'i yongs su gdung ba thams cad bsal te/ lha dang mi rnams la 'phags pa'i rnam par grol ba'i
- 54b
bde ba sbyin par byed kyang / byang chub sems dpa' de dag gis chos bstan to// bstan par bya'o snyam du mi sems mod kyi 'on kyang rang gi ngang gis snying rje chen po'i bsam pa la gnas nas/ sems can rnams la so sor brtags te/ ci rigs par chos ston par byed do// gzhan yang glog thob 'di lta ste/ dper na brgya byin lha'i dbang po la lha'i bu mo khrag khrig phrag bcu gnyis yod pa de dag/ brgya byin lha'i dbang po'i rang gi mthu'i dbang gis lus mang po bstan nas/ lha'i bu mo de dag de dang lhan cig 'dod pa'i bde ba yongs su rdzogs par myong bas/ de dag so so nas 'di snyam du bdag gcig pu ni deng lha'i dbang po dang lhan cig rtses so snyam du sems kyang / yang dag par lha'i dbang po de la mngon par zhen par gyur pa ci'ang med do/ / byang chub sems dpa' yang de bzhin du sems can gang yongs su bzla ba'i 'os su gyur pa de dag gi bsam pa ji lta ba bzhin du yongs su smin par byed kyang / byang chub sems dpa' la mngon par zhen par gyur pa med do/ / gzhan yang glog thob 'di lta ste/ dper na nyi ma'i dkyil 'khor ri mthon po'i rtse la shar ba'i tshe/ 'od kyis 'dzam bu'i gling kun tu snang bar byed pas/ gang du snang bar byas pa'i gnas de dag tu kha dog sngon po dang / ser po dang / dmar po dang / dkar po rnam pa sna tshogs rab tu ston par byed kyang / nyi ma'i dkyil 'khor da ni kha
- 55a
dog gcig pa/ 'od gcig pa nyid de/ tha dad pa'i mtshan ma med do// byang chub sems dpa' yang de bzhin du shes rab kyi nyi ma'i dkyil 'khor gyis chos kyi dbyings sdud bar byas nas/ sems can gyi mngon par zhen pa'i ri'i rtse mo de dag tu shar ba na/ dmigs pa'i mtshan nyid gcig tu gyur cing / de dag gi mos pa ji lta ba bzhin du chos ston par byed kyang / chos kyi dbyings la gnyis su gyur pa'i mtshan nyid med do/ / glog thob 'di ni byang chub sems dpa' sems dpa' chen po rnams kyi 'dod chags kyi spyod pa'i gter ces bya'o// byang chub sems dpa' gang gis gter 'di thob par gyur na bskal pa 'am/ bskal pa las lhag par sems can gyi mos pa sna tshogs ji lta ba bzhin du lus tshad med pa bstan nas/ tshig rnam pa sna tshogs kyis chos ston par byed kyang // chos kyi dbyings la gnyis su gyur pa'i mtshan nyid med do// gzhan yang glog thob 'di lta ste/ dper na gser yang dag pa ni mgar ba'i thabs mkhas pa'i mthu'i dbang gis mos pa ji lta ba bzhin du rgyan rnam pa sna tshogs su byas te/ mtshan nyid tha dad par gyur kyang / gser gyi rang bzhin la ni tha dad du gyur pa ci'ang med do// byang chub sems dpa' yang de bzhin du chos kyi dbyings shin tu legs par brtags nas/ sems can mos pa rnam pa sna tshogs ji lta ba bzhin du lus tshad med pa dag bstan nas/ tshig rnam pa sna tshogs kyis ston par byed kyang / chos kyi dbyings la gnyis su gyur
- 55b
pa'i mtshan nyid med do/ / 'di ni rtag par chos kyi dbyings la zhugs pas mtshan nyid gcig tu gyur pa zhes bya'o// byang chub sems dpa' gang gser 'di lta bu thob par gyur na/ sems can gyi ched du rnam pa sna tshogs kyi sgo nas chos ston par byed pas/ de dag gis chos thos pa'i dbang gis 'phags pa'i nor phun sum tshogs pa'i dbang phyugs dang ldan par gyur pas/ 'khor paba'i rgud pa dag gtan du yongs su spong bar byed do/ / gzhan yang glog thob byang chub sems dpa' sems dpa' chen po rnams kyi zhe sdang spyod pa'i gter ces bya ba ji lta bu zhe na/ 'di lta ste/ sems can rnams ni nga rgyal dang mtshungs par ldan pa/ bdag dang bdag gir 'dzin pa dang bcas pa/ bdag dang bdag gi mtshan ma la gnas pas/ yun ring po nas byams pa dang bzod pa ma bsgoms pa/ zhe sdang gi gdung bas rang gi sems bshig par gyur pa/ sangs rgyas dang / chos dang / dge 'dun rjes su dran par ma gyur pa/ zhe sdang gi gdug pas g.yogs pa/ chos nyid la rmongs par gyur pa yin yang byang chub sems dpa' ni zhe sdang mang ba'i sems can de dag la nam yang gnod sems dang rnam par 'tshe ba skyed par mi byed kyi/ 'di snyam ma sems can 'di dag ni gti mug gis rmongs pas chos rnams gzod ma nyid nas rab tu dben zhing zhi ba/ dri ma dang rnyog pa med pa/ 'dum pa med pa/ rtsod pa med pa/ rab tu dben pa'i chos
- 56a
nyid la phyin ci log dang mtshungs par ldan par gyur pa'i dbang gis yang dag pa ma yin pa'i zhe sdang dang / khon du 'dzin pa bskyed par gyur to snyam du sems pa kho nar zad do/ / de snyam du bsams nas kyang / snying rje chen po la gnas te/ rtag par bdag nyid 'gyod cing bshags par yang byed la/ gal te lus kyi yan lag dang nying lag gcod pa zhig yod na'ang / zhe sdang spyod pa'i sems can de dag 'dul bar 'dod pa'i phyir bzod pa la rab tu gnas par byed do// gal te zhe sdang spyod pa'i sems can tshad med pa de dag phan tshun gcig pa gcig rgyab kyis phyogs shing / zhe sdang dang khon du 'dzin pa'i las yongs su rdzogs pa'i dbang gis sbrul gdug pa ngan 'gro'i lus su ltung bar gyur pa dag la ni byang chub sems dpa' bzod pa la rab tu gnas pa des/ 'di ltar byams pa dang dran pa'i stobs kyis sems can de dag btul nas ngan 'gro'i rnam par smin pa len par 'gyur zhing / gdon mi za bar mnyam pa nyid rtogs par byed pa gang yin pa 'di ni byang chub sems dpa' thabs mkhas pas/ sems can gyi zhe sdang gi spyod pa yongs su bsal bar byed pa zhes bya'o// gzhan yang glog thob byang chub sems dpa' ni gal te sems can zhe sdang can dag mthong bar gyur na/ 'di snyam du chos thams cad ni rang bzhin gyis rnam par dag pa yin na/ kye ma sems can 'di dag ni zhe sdang gi rjes su 'brangs nas/
- 56b
yang dag pa ma yin pas rnam par rtog pa bskyed nas/ mnyam zhing rtsod pa med pa chos nyid 'di la zhe sdang gi bsam pa bskyed pas/ sems can 'di dag chos kyi dbyings nyid ma rtogs par gyur to/ / gal te sems can 'di dag chos nyid mthong bar gyur na ni/ gzhan dag la gnod sems bskyed par mi 'gyur ba zhig na/ chos kyi dbyings nyid ma rtogs par gyur to/ / de'i phyir zhe sdang skyes par 'gyur ro zhes byang chub sems dpa' des zhe sdang mang ba'i sem can de dag la lhag par snying brtsa ba bskyed nas snying rje chen po la gnas te/ sngon gyi smon lam yang yongs su rdzogs par byed la/ rtsol ba med pa ye shes kyis sems can gyi zhe sdang gi spyod pa rnam par gzhig pa'i phyir/ chos kyi sgo mo rnam pa sna tshog yang dag par ston par byed kyang / bdag gis sems can gyi zhe sdang bsal ba'i phyir chos bstan to snyam du mi sems so// de ci'i phyir zhe na/ byang chub sems dpa' chos kyi dbyings kyi mtshan nyid shin tu legs par rtogs pa'i phyir ro/ / 'di ni byang chub sems dpa' chos kyi dbyings dbyer med pa'i mtshan nyid la gnas nas/ nyon mongs pa'i spyod pa rab tu bsal ba zhes bya'o/ / glog thob 'di lta ste/ dper na mun pa bsal nas snang ba 'thob par 'gyur yang / mun pa sel bar byed pa med de/ 'di ltar mun pa dang sdang ba'i ji
- 57a
bo nyid nam mkha' dang mtshungs shing dbyer med pa yin no/ / de bzhin du byang chub sems dpa' yang chos kyi dbyings dbyer med pa'i ye shes de la brten nas// thabs la mkhas pas chos rab tu bstan te/ zhe sdang spyod pa'i sems can rnam pa sna tshogs 'dul zhing zhi bar byed kyang chos kyi dbyings la tha dad du gyur pa med do// glog thob 'di lta ste/ dper na nyi ma'i dkyil 'khor shar nas 'od kyis gang dang gang du snang bar byas pa de dag thams cad ni nyi ma'i dkyil 'khor gyis bsdus pa yin no// de bzhin du byang chub sems dpa' yang zhe sdang gi spyod pa 'dul zhing bsal ba'i phyir ji tsam du tshig tu brjod pa thams cad chos kyi 'khor lo yin yang chos kyi dbyings la ni tha dad du gyur pa med de/ 'di ltar zhe sdang gi spyod pa nyi khri chig stong dang / spyod pa gzhan gtogs par brgyad khri bzhi stong du gyur pa de dag byang chub sems dpa' rtsol ba med pa'i ye shes yongs su grub pas sems can de dag gi zhe sdang gi spyod pa rnam pa sna tshogs kyi rjes su chos ston par byed kyang / bdag gis sems can la chos bstan to// ston to// ston par 'gyur ro snyam du sems pa med de/ 'di ni byang chub sems dpa' sems dpa' chen po rnams kyi zhe sdang spyod pa'i gter ces bya'o/ / byang chub sems dpa' gang gis gter 'di thob par gyur na bskal pa 'am/ bskal pa las lhag par sems can gyi mos pa rnam pa sna
- 57b
tshogs kyi rjes su tshig 'bru dang / yi ge dang / brjod pa rnam pa sna tshogs kyi thabs mkhas pas chos ston par byed kyang / zhe sdang spyod pa'i mtha' rnyed par mi 'gyur la/ byang chub sems/ dpa' de'i shes rab dang spobs pa'ang gdugs par mi 'gyur te/ 'di ni byang chub sems dpa' chos kyi dbyings dbyer med pa'i mtshan nyid legs par bshad pas thob pa'i zhe sdang spyod pa'i gter ces bya'o/ / gzhan yang glog thob byang chub sems dpa' sems dpa' chen po rnams kyi gti mug spyod pa'i gter ces bya ba ji lta bu zhe na/ glog thob byang chub sems dpa' rnams kyi spyod pa 'di lta bu 'di ni shin tu dka' ba'i dngos po yin te/ 'di ltar sems can rnams ni nyon mongs pa'i rjes su 'brang ba/ gzhan la gnod pa byed pa/ ma rig pa'i mngal gyi sgongs/ kun tu dkris pas dar gyi srin bu bzhin du bdag nyid bcings pas chos kyi dbyings rtogs pa'i thabs med pa/ bya ba dag la legs par so sor mi rtog nga// bdag tu lta ba/ mngon par zhen pa/ lam log par zhugs pa/ bul ba'i spyod pa la gnas pa/ nges par 'byung bar dga' ba yin pas/ 'di lta bu la sogs pas rmongs par gyur pa'i sems can dag gi ched du dang po sems bskyed pa nas sbyor ba chen po bskyed de/ ngal zhing sdug bsngal ba'ang med/ le lo'ang med par rkyen gang dang / mos pa gang dang / chos bstan pa ji lta bu zhig gis sems can 'di dag byang chub
- 58a
sems dpa'i spyod pa la btsud de/ rnam par grol ba thob par 'gyur snyam du sems te/ byang chub sems dpa' sngon gyi chos kyi dbyings legs par so sor brtags pas rtsol ba med pa'i ye shes kyis snying rje chen po la gnas te/ sems can de dag chos kyi dbyings la rmongs par gyur par rig nas/ ci nus ci lcogs kyis chos bstan nas rab tu dul bar byed kyang bdag gis chos bstan to/ / ston to// ston par 'gyur ro snyam du sems pa med do// 'on kyang de'i sngon gyi smon lam gyi mthus/ rten cing 'brel par 'byung ba legs par so sor brtags nas rang gi ngang gis chos kyi sgo mo brgya stong du ma bstan to/ / sems can de dag gi ma rig pa'i las kyi 'du byed bsal nas rnam par grol ba 'thob par byed do// glog thob 'di lta ste/ dper na sman pa bzang po nad mang po gso ba la mkhas pa/ sngar sman dpyad rnams la shin tu goms par gyur pa ni nad kyi mtshan ma mthong ma thag tu/ sngags dang sman btang ba thams cad rab tu rtogs par gyur pas/ des gsos pas gang yang mi gsos pa med do// de bzhin du byang chub sems dpa' yang 'di ltar chos kyi dbyings shin tu legs par rtogs pas/ rtsol ba med pa'i ye shes kyis gti mug gi spyod pa bsags pa'i sems can de dag gi dbang po dang / rang bzhin ji lta ba bzhin du chos kyi sgo mo brgya stong du ma bstan nas/ thams cad rab tu gsal bar rtogs par byed do// glog thob 'di
- 58b
ni byang chub sems dpa' sems dpa' chen po rnams kyi gti mug spyod pa'i gter ces bya'o/ / byang chub sems dpa' gang gis gter 'di thob par gyur na/ rten cing 'brel par 'byung ba shin tu legs par so sor brtags nas/ gti mug spyod pa'i sems can de dag gi ched du bskal pa 'am/ bskal pa las lhag par de dag gi rang bzhin dang / 'dun pa ji lta ba bzhin du tshig 'bru dang / yi ge dang / brjod pa rnam pa sna tshogs kyi thabs mkhas pas chos ston par byed kyang / gti mug spyod pa'i mtha' yang rnyed par mi 'gyur la/ byang chub sems dpa' de'i shes rab dang spobs pa'ang gtugs par mi 'gyur te/ 'di ni byang chub sems dpa' chos thams cad dbyer med pa'i mtshan nyid legs par bshad pas thob pa'i gti mug spyod pa'i gter ces bya'o// 'di gti mug gi spyod pa nyi khri chig stong dang / spyod pa gzhan gtogs par brgya khri bzhi stong du gyur pa de dag byang chub sems dpas yongs su spang ba'i phyir chos kyi sgo mo brgya stong du rab tu phye nas/ yang dag par ston pa gang yin pa de ni byang chub sems dpa'i gti mug spyod pa'i gter ces bya'o/ / gzhan yang klog thob byang chub sems dpa' sems dpa' chen po rnams kyi cha mnyam pa'i spyod pa'i gter ces bya ba ji lta bu yin zhe na/ 'di lta ste/ dper na me long gi dkyil 'khor shin tu dag cing yongs su gsal ba dri ma med pa/ lam gyi bzhi mdor bzhag na/ gzugs brnyan
- 59a
rnams der snang zhing 'phel ba dang 'grib pa med kyang / me long gi dkyil 'khor de bdag ni gzugs brnyan rnam pa sna tshogs 'di dag ston par byed do zhes mi sems mod kyi/ 'on kyang me long gi dkyil 'khor de shin tu byi dor legs par byas na/ gzugs brnyan gyi rnam pa thams cad rang gis rab tu snang bar 'gyur ro// de bzhin du byang chub sems dpa' yang chos kyi dbyings kyi me long gi dkyil 'khor shin tu legs par byi dor byas pas/ rtsol ba med pa'i ting nge 'dzin la gnas nas/ sems can rnams kyi sems kyi spyod pa bye brag ji lta ba bzhin du chos kyi sgo mo brgya stong du ma rnam par phye ste bstan nas/ de dag thams cad rab tu rtogs shing rnam par grol ba thob par byas kyang / chos kyi mtshan ma dang / sems can gyi mtshan ma skyed par mi byed do// de ci'i phyir zhe na/ byang chub sems dpa' des chos kyi dbyings kyi mtshan nyid shin tu legs par rtogs pa'i phyir dang / spyod pa bzhi po 'di dag dang mtshungs par ldan pa'i sems can gang yin pa de dag yang dag pa ji lta ba bzhin du rab tu rtogs pas de dag gi dbang po dang / rang bzhin du chos ston par byed kyang / chos kyi dbyings dang / sems can gyi khams yang dag pa ji lta ba bzhin du so sor rtog par byed pas gnyis su 'gyur ba'i mtshan nyid kyang med do// chos kyi dbyings dang / sems can gyi
- 59b
khams ji snyed pa de dag gnyis su med cing tha dad par bsal bar mthong ba'i phyir ro/ / glog thob 'di lta ste/ dper na nam mkha' la tha dad pa rnam pa sna tshogs kyi mtshan ma'ang med la/ rnam par gzhag pa'ang med do/ / de bzhin du byang chub sems dpa' yang chos kyi dbyings shin tu legs par so sor brtags nas/ chos thams cad mtshan nyid gcig tu 'jug par rtogs pa dang / sngon gyi smon lam gyi mthus sems can gyi spyod pa ji lta ba bzhin du chos rnam pa sna tshogs ston par byed kyang / chos kyi dbyings la ni tha dad du gyur pa med do// glog thob cha mnyam pa spyod pa 'di la nyi khri chig stong yod pa dang / spyod pa gzhan gtogs par brgyad khri bzhi stong du gyur pa de dag kyang / byang chub sems dpas so sor brtags nas/ thams cad bsal bar rtog par 'gyur te/ 'di lta ste/ dper na sman pa mkhas pa nad dang / sman gtong ba rab tu shes pa bzhin du rtsol ba med pa'i ye shes kyis chos rnam pa sna tshogs ston par byed pa gang yin pa 'di ni/ byang chub sems dpa' sems dpa' chen po rnams kyi cha mnyam pa spyod pa'i gter ces bya'o// byang chub sems dpa' gang gis gter 'di thob par gyur na/ sems can rnams kyi ched du bskal pa 'am/ bskal pa las lhag par de dag mos pa ji lta ba bzhin du brjod pa rnam pa sna tshogs kyi thabs mkhas pas chos ston par byed kyang / spyod pa de dag
- 60a
gi mtha' yang rnyed par mi 'gyur la/ byang chub sems dpa' de'i shes rab dang spobs pa'ang gdugs par mi 'gyur te/ 'di ni byang chub sems dpa' chos kyi dbyings dbyer med pa'i mtshan nyid legs par bshad pas thob pa'i cha mnyam pa'i spyod pa'i gter ces bya'o/ / // bam po gnyis pa ste tha ma// gzhan yang glog thob byang chub sems dpa' des de lta bu'i ye shes yongs su rdzogs par gyur pas/ sems can rnams kyi dbang po dang / spyod pa dang / bsam pa'ang thabs mkhas pas rab tu rtogs pas/ gal te 'dod chags mang ba'i sems can mthong bar gyur na/ de dag rab tu dul zhing de dag gi nad gso ba'i phyir/ so so'i skye bo dang mthun par 'dod// pa rnams la yongs su spyod pa dang / bu dang / chung ma dang / khyim gyi so chis phun sum tshogs par ston par byed kyang / pad+ma bzhin du ma gos shing mngon par zhen par gyur pa med do/ / sems can gang gti mug cing blo dang mi ldan pa de dag ni/ byang chub sems dpa' thabs mkhas pa mi shes pas/ 'di snyam du blo dang ldan pa su zhig so so'i skye bo dang tha mi// dad par 'dod pa rnams nyams su len par byed ces/ byang chub sems dpa' de la 'di ni byang chub spangs pa yin no snyam du sems par byed de/ sems can de lta bu de dag ni sems
- 60b
yongs su mi gtsang ba'i phyir/ zhe sdang chen po skyes nas gus par mi 'gyur bas/ las de'i dbang gis lus zhig ste shi ba'i 'og du sems can dmyal ba chen por lhung bar 'gyur yang / 'di ltar byang chub sems dpa' shin tu gsang bas gdul ba'i rgyu dang rkyen gyis kha na ma tho ba'i rnam pa yongs su zad nas/ gdon mi za ba'i mnyam pa nyid 'thob pa la rab tu bkod par byed do// glog thob 'di lta ste/ dper na me rab tu 'bar ba ni rtsa dang shing dang phrad par gyur pa na/ thams cad rab tu 'bar zhing me'i phung po nyid du mngon par 'grub par 'gyur ro// de bzhin du byang chub sems dpa' yang ye shes kyi me 'bar bar gyur pa na/ sems can rnams kyi 'dod chags dang / zhe sdang dang / gti mug dang / dge ba dang / mi dge ba ji snyed pa de dag byung chub sems dpa' dang lhan cig 'grogs shing thams cad rab tu 'bar nas/ shes rab nyid du mngon par 'grub pa 'gyur te/ 'di ni byang chub sems dpa'i ma 'dres pa'i chos shes bya'o/ / gzhan yang 'di lta ste/ dper na ri'i rgyal po ri rab kyi ma 'dres pa'i mtshan nyid ni/ 'di lta ste/ rin po che sna bzhi las mngon par grub pa yin pas/ sems can rnams kyang de'i rjes su kha dog sngon po dang / ser po dang / dmar po dang / dkar po rnam pa sna tshogs kyi mtshan nyid du gyur par byed de/ gal de bai nuR+Ya ri ngos su phyin na ni/ thams
- 61a
cad kyang bai DUR+Ya'i kha dog gcig pa nyid du 'gyur bar byed do/ / gser gyi kha dog gi ngos su phyin na ni/ thams cad gser gyi kha dog nyid du 'gyur bar byed do// dngul dang chu shel gyi kha dog tu gyur pa'ang de bzhin no/ / de bzhin du byang chub sems dpa' yang ma 'dres pa'i chos thob pas/ sems can rnams kyi 'dod chags dang / zhe sdang dang / gti mug dang // dge ba dang / mi dge ba ji snyed pa de dag byang chub sems dpa'i thad du phyin cing lhan cig 'grogs par gyur na/ thams cad byang chub sems dpa'i ye shes la 'jug pa nyid du gyur par byed kyang de'i sems mi gtsang zhing / rang gi sdig pa'i las kyi dbang gis sems can dmyal ba dang / dud 'gro'i skye gnas dang / shin rje'i 'jig rten du lhung bar gyur pas/ 'di ltar byang chub sems dpa'i ma 'dres pa'i yon tan dang / smon lam gyi stobs kyis kha na ma tho ba'i rnam par smin pa zad pa'i 'og tu gdon mi za bar bla na med pa yang dag par rdzogs pa'i byang chub thob par gyur pa la dkod par byed do/ / glog thob sngon byung ba 'das pa bskal pa tshad med pa/ dpag tu med pa/ grangs med pa na/ snyigs ma lnga'i dus kyi tshe/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba/ kha lo sgyur ba lha dang mi rnams kyi
- 61b
ston pa sangs rgyas bcom ldan 'das rin po che'i phung po yon tan gyi sgra zhe bya ba byung ste/ de'i tshe skye dgu rnams tshe lo brgya nyi shu thub par gyur te/ da ltar nga ji lta ba bzhin no// de'i tshe sems can rnams 'dod chags dang / zhe sdang dang / gti mug shin du che bas/ nyon mongs pa rnams kyis zil gyis non pas/ pha ma dang / phu nu dang / grogs po'i yid dang 'gal bar byed pa/ mkhan po dang slob dpon gyi rjes su mi 'brang ba/ byas pa'i drin mi gzo ba/ rtag par gnod sems dang bcas pa/ g.yo sgyu dang rkun bu'i sems dang ldan pa// phan tshun gcig la gcig gnod pa byed pa/ tshul bzhin ma yin par spyod pa/ sangs rgyas dang / chos dang / dge 'dun la gus pa med pa/ ser snas zil gyis non pas yi dgas kyi chos spyod pa'i sems can de lta bu sha stag/ sangs rgyas kyi zhing de na gnas par gyur pas ni shin tu gdul dka' bar gyur to// de'i tshe bcom ldan 'das de'ang sngon gyi smon lam gyi mthus/ dus ngan pa de'i tshe bla na med pa yang dag par rdzogs pa'i byang chub mngon par rdzogs par sangs rgyas par gyur te/ bcom ldan 'das de la nyin thos chen po'i tshogs ni nyi khri nyis stong mnga' bar gyur to/ / de'i tshe de'i dus na rgyal po rgya cher byin pa zhes bya ba 'dzam bu gling la dbang ba'i dbang phyug dang ldan pa/ sangs rgyas kyi bstan pa la sems
- 62a
shin du dang bar gyur pa zhig yod pa des/ de bzhin gshegs pa de nyan thos kyi dge 'dun dang bcas par dbyar zla ba gsum spyan drangs te/ mchod pa rgya cher bshams nas mchod cing rim gro byas so/ / de'i tshe dge slong dri ma med pa zhes bya ba spobs pa phun sum tshogs pa/ chos ston pa'i thabs la mkhas pas 'khor mang po rnams nyan par spob/ sems can yongs su smin par byed pa la rtag par ngal ba med pa/ re ba med par chos ston pa/ mdog gsal zhing gsong por smra ba/ gzugs dang stobs phun sum tshogs pa/ byad bzhin sdug cing mdzes pa/ sems can rnams kyis mthong bar mos shing / rim gro dang / bkur sti dang / bla mar byed cing bsngags pa brjod pa zhig yod de/ dge slong gsar bu dag kyang rtag par dri ma med pa'i rjes su 'brang zhing / rgyal po'i pho brang 'khor du 'byung zhing 'jug pa dag la thogs pa med par gyur pas gos dang / bza' ba dang / btung ba dang / mal stan dang / na ba'i gsos sman rnam pa sna tshogs kyis kyang rim gro byas par gyur to// de'i tshe 'khor mang po de las dge slong phal cher lus kyi sdom pa dang / sems kyi shes rab sgom pa mi shes pa/ sangs rgyas dang / chos dang / dge 'dun la gus pa med pa/ rtag par lta ba dang / chad par lta ba dang / bdag
- 62b
tu lta ba la sogs pa dang ldan pa dang / sangs rgyas kyi chos la skur pa 'debs pa/ rnam par g.yeng zhing gdul dka' ba/ dbang po rnams mi sdom pa/ chos bzhin ma yin pa la gnas pa/ dge slong gi tshul med par bdag nyid dge sbyong du khas 'che ba/ lus dang / ngag dang / yid kyi las thams cad log par zhugs pa sha stag gnas par gyur to// de'i tshe bcom ldan 'das de dbyar 'das nas yongs su mya ngan 'das pa dang / rgyal po rgya cher byin pas tsan dan dmar pos sku zhugs la bzhin nas mchod pa byas te/ ring bsrel gyi mchod rten ngos bzhi kun tu tsan dan dmar po'i mu khyud kyis bskor ba/ pad+ma gser gyi kha dog dang ldan pa bye ba phrag brgyad cu brtsigs so// de'i tshe dge slong dri ma med pa ni bcom ldan 'das des mang du thos pa'i mchog tu lung bstan pas/ de bzhin gshegs pa de yongs su mya ngan las 'das pa'i 'og tu dam pa'i chos rgya cher spel te/ grong dang / grong khyer dang / grong rdal gang dang gang du song ba der/ sems can brgya stong tshad med pa snyed yongs su bdul nas bla na med pa yang dag par rdzogs pa'i byang chub la bkod par gyur te/ de'i tshe dge slong sdig can mang po rnal 'byor khong du ma chud pa/ rtag par phrag dog dang bcas pa/ bdud kyis bslus pa rnams rgyal po de ga la ba der dong ste/ 'di skad du rgyal pos bkur
- 63a
ba'i dge slong dri ma med pa ni rgyal po'i pho brang du 'byung zhing 'jug la thags thogs ma mchis te/ dge slong 'di 'dod chags dang bral ba'ang ma lags la/ dus ma lags par yang zas 'tshal te/ spos dang 'phreng ba dag gis kyang lus brgyan par bgyid pas yang dag par tshangs pa spyod pa ma lags pas/ mchod pa mdzad pa'i mi rigs so/ bdag cag ni don 'di'i slad du 'dir mchis nas rgyal po la gsol ba lags kyis/ slad kyis 'gyod par yang ma mdzad cig/ sangs rgyas kyi yang dag pa'i bstan pa la thugs mi ches pa'ang mi bskyed du gsol zhes smras so/ / de'i tshe bdud sdig can zhes bya ba zhig kyang bdag nyid dge slong gi gzugs su bsgyur nas rgyal po ga la ba der song ste snga ma bzhin du smras pa/ de'i tshe rgyal po rgya cher byin pa'ang yang nas yang du de skad smras pa thos nas/ 'di snyam du dge slong dri ma med pa ni rab tu brtson zhin blo dang ldan pas bdag gis bla mar bkur ba yin te/ dngos po 'di lta bu byed pa ni gnas med do snyam mo// de nas de'i tshe bdud kyi 'khor rnams par snang las lus phyed bstan nas rgyal po de la tshigs su bcad de smras pa/ / rgyal po bzo yi sgyu rtsal slobs// dus tshod dag la mkhas par gyis// rgyal po de ni ma shes na// mi rgyal rtags dang ldan ma yin// sangs rgyas nyan thos dgra bcom
- 63b
pa/ / ye shes chen po ldan pa yi// tshig dag la ni mi rten par// ci yi phyir na chad par lta// dge slong rnams ni phan gradags phyir// khyod la bden tshig smra ba yin// chang smra ngan 'gror 'gro ba'i mi/ / yang dag tshangs spyod ma yin pas// de ni rgyal po'i pho brang du// btsun mo dag dang lhan cig rtse// rgyal po 'khor dang bcas pa yis// legs par rtogs la the tsom sol// rgyal pos dngos po 'di thos pas// sems la skrag cing mya ngan skyes// 'khor rnams dang ni lhan cig tu// myur zhing rings par pho brang dong // de tshe dri med po brang nang // chos rnams rang bzhin stong pa dang // bdag dang sems can med pa yi// dam pa'i don ni ston par byed// rgyal po dmag 'khor bcas pa rnams// thams cad bdud kyis bslus pa na/ / pho brang nang gi btsun mo rnams// dge slong yongs bskor mthong ba dang // zhe sdang glang chen myos pa bzhin// gshed ma dag la rab bsgo ba// dge slong nga yi btsun mo bslus/ / sdug bsngal chos kyis chad pas chod// blon po 'khor dang bcas pa rnams// thams cad bdud kyis zin pas na// dge slong nyes pa med pa la/ sems kyis gnod pa bya bar bsams// gshed ma mtshon thogs 'ongs pa dang // dri med snying brtse mchi ma byung // rgyal pos khyod ni chos min na// ci yi phyir na mchi ma byung //
- 64a
dri med rgyal po la smras pa// dngos po 'di ni yid ches dka'// re zhig skad cig sdod cig dang // bdag la gsad pa'i dbang yod do// rgyal pos dge slong tshig thos nas/ / gshed ma dag la sdod cig bsgo// bden pa'i dngos po ci zhig yod// khyed kyis myur du smra ba'i rigs// lhag pa'i bsam pa ldan gyur cing / / snying rjes 'jig rten phan 'dogs pas// sor mo bcu yi thal sbyar te// bden pa'i tshig ni 'di skad smras// rgyal po chen pos mkhyen par mdzod// gal de yang dag nyes med na/ / sa 'di rnam pa drug tu g.yos// mkha' la me tog char phob cig/ de skad tshig ni sbas ma thag/ sa chen rnam pa drug tu g.yos// mkha' la lha yi me tog babs/ / bdud 'khor mya ngan skyes par 'gyur// de tshe rgyal po dang ba skyes// rkang la phyag byas bzod par gsol// bdag ni dmyal bar lhung 'gyur na// mgon med bdag la stobs mdzod cig/ kyi hud sdig pa de phrad pas// gdug pa'i sems ni skyes par gyur// sdig pa'i grogs pa'i rjes 'brangs pas// mgon dang skyabs byed su yang med/ / ston pa chen po ma gtogs par// phyogs bcur bdag gi mgon byed med// bdag gis rgyal srid spangs nas ni// nam 'tsho'i bar du skyabs su mchi// dge slong
- 64b
des ni rgyal po dang / / g.yog 'khor bsam pa rig gyur nas// dam pa'i don ni rab tu bshad// rgyal pos thos nas dang ba thob// 'khor ni bye ba brgya stong dang // rgyal srid spangs nas rab tu byung / / sbyangs pa'i sdom pa blangs pas na// gzhan gyis mgron gnyer yong mi len// de tshe rgyal po'i pho brang nang // btsun mo 'khor bcas brgyad khri rnams// dam pa'i don ni thos pas na/ / phyir mi ldog la gnas par gyur// rgyal pos sangs rgyas gsungs pa bzhin// kho ni nyi shu rtsa bzhi'i bar// nyin mtshan rtag par sdig bshags kyang // 'on kyang sdig pa'i las ma zad/ / lo ni bye mang sdug bsngal myong // sdig zad de bzhin gshegs dang phrad// sngon ni skrag par byas pa'i rgyus// rnam smin lhag ma rtag par dman/ / mthar gyis rnal 'byor rab bsgoms te// sangs rgyas bye ba stong mchod nas// so sor zhing khams gzhan dag tu// thams cad mngon par rdzogs sangs rgyas// thams cad kun kyang mtshan mthun par// yon tan grags pa zhes byar gyur// de tshe rgyal po rgya cher byin// dge slong byams bzod de la ni// gdug pa'i sems ni bskyed pas na/ / lo ni bye ba mang por yang // sngon gyi sdig las mngon gyur pas// ngu 'bod chen po lhung bar gyur// rnam smin de ni zad nas kyang // slar yang mi lus
- 65a
thob gyur te/ / de bzhin gshegs pa kun spyan phrad// rtag tu bsnyen bkur rim gro byas// gzhan yang sangs rgyas bye ba phrag/ brgyad cu dag ni rim gro byas/ / de yi 'og tu sangs rgyas pa// de ni nga bdag nyid yin no// chos smra nyes pa med pa la// gnod pa byas pa'i dge slong ni// ma 'ongs mngon par 'tshang rgya ba// byang chub sems dpa' byams pa yin/ / de tshe rgyal po pho brang nang // btsun mo 'khor ni brgyad khri rnams// shin tu dang bas dge rtsa bskyed// sangs rgyas tshad med rim gro byas// de ltar spyod pa rab bskyed nas/ / sems can phan gtags smon lam btab// sangs rgyas bye ba stong mchod nas// so sor mngon par 'tshang yang rgya// ngas deng khyod la bsgo ba ni// thams cad gnod sems ma skyed cig/ gang zhig byams bsgoms sangs rgyas bsngags// myur du byang chub chen po 'thob/ de lta bas na glog thob sems can rnams kyi dbang po dang / rang bzhin dang / bsam pa dag la mi mkhas pa dag gis dus thams cad du gnod sems bskyed par mi bya'o// glog thob 'di lta ste/ dper na ri rnams kyi nang na ri rab mchog tu gyur pa de bzhin du/ de bzhin gshegs pa'i ye shes kyang ye shes rnams kyi nang na/ mchog dang / gtso bo dang / bla na med par gyur pa yin no// 'di lta ste/ dper na chu bo thams cad kyi nang na
- 65b
rgya mtsho chen po mchog tu gyur pa de bzhin du/ de bzhin gshegs pa'i ye shes kyang ye shes rnams kyi nang na mchog tu zab cing rgya che bar gyur pa yin no// gzhan yang 'di lta ste/ dper na rgyal po rnams kyi nang na 'khor los sgyur ba'i rgyal po mchog dang / gtso bo dang / bla mar gyur pa de bzhin du de bzhin gshegs pa'i ye shes kyang ye shes rnams kyi nang na gong na med par gyur pa yin no/ / glog thob de bzhin gshegs pa ni de lta bu'i mkhyen pa dang ldan pa'i phyir sems can thams cad kyi 'dod chags dang / zhe sdang dang / gti mug spyod pa'i sems dang sems las byung ba 'jug cing 'gyur ba ji snyed pa de dag thams cad de bzhin gshegs pas rab tu mkhyen cing se gol gtogs pa gcig la thams cad yongs su sdud par mdzad do/ / glog thob de bzhin gshegs pa ni rnam pa thams cad mkhyen pa nyid dang ldan pas/ 'di lta ste/ dper na skyes bu mig dang ldan pas rtsol ba la mi ltos par rang gi lag mthil na skyu ru ra 'bras bu gsal bar mthong zhing the tshom med pa de bzhin du/ de bzhin gshegs pa'ang sems can thams cad kyi sems kyi spyod pa ji snyed pa dag rab tu mkhyen pas/ 'khor mang po'i nang du chos rnam pa sna tshogs yang dag par ston par mdzad do/ / sangs rgyas kyi zhing 'jig rten gyi khams tshad med grangs med pa dag na/ 'dod chags kyi spyod pa dang mtshungs par ldan pa'i
- 66a
sems can rnams 'dod chags kyis yongs su gdungs nas nyin mtshan du yid la byed cing / don med par dus las 'das par byed pa'ang ngas rab tu mkhyen cing gzigs so/ / 'dod chags kyi gdung ba'i lus dang ngag gi las rnam pa sna tshogs slong bar byed pa dag kyang ngas rab tu mkhyen cing gzigs so// zhe sdang spyod pa'i sems can zhe sdang gi zil gyis non nas/ gcig la gcig zhe sdang gis phrag dog byed pa dang / gnod pa byas pa'i phyir mnar med pa'i gnas su ltung bar 'gyur ba dag kyang ngas rab tu mkhyen cing gzigs so/ / gti mug spyod pa dang mtshungs par ldan pa'i sems can rnams ma rig pa'i mun nag gi bsgribs shing rmongs pa'i mngon par zhen pa dang / log par lta ba'i rjes su 'brang ba la mos par gyur pa dag kyang ngas rab tu mkhyen to/ / 'os su gyur pa dang / 'os su mi 'gyur ba dang / 'phel zhing rtsol ba dang bcas pa dang / ldog cing nyams par gyur pa dang / de bzhin gshegs pa'i theg par dge ba'i rtsa ba bskyed pa dang / rang sangs rgyas kyi theg par dge ba'i rtsa ba bskyed pa dang / nyan thos kyi theg par dge ba'i rtsa ba bskyed pa dag kyang ngas rab tu mkhyen to/ / de bzhin gshegs pa ni de lta bu'i mkhyen pa dang ldan pas 'khor mang po'i nang du bzhugs nas/ sems can gyi sems kyi spyod pa'i bye brag
- 66b
kyang rab tu mkhyen pas/ gal te dus la ma bab par rig par gyur na ni/ cang mi gsung zhing btang snyoms su bzhag nas sems can 'di dag ni chos la rmongs par gyur pas/ khong du chud par ma gyur to snyam du dgongs so/ / de bzhin gshegs pa ni dbang po dang stobs khyad par 'phags pa phun sum tshogs shing / dus rab tu mkhyen pa'i phyir gdul ba'i 'os su gyur pa dang / bsam pa mchog tu gyur pa dang / bzod par nus pa'i 'os su gyur pa dang / tshig legs par nyan par gyur pa dag kyang ngas rab tu mkhyen te/ de ltar mkhyen par gyur nas kyang sems can de dag yongs su sdud cing phan 'dogs par byed do/ / de lta bas na glog thob byang chub sems dpa' las dang po pa yang dag pa'i gnas skabs su ma zhugs pa/ sems can rnams kyi lhag pa'i bsam pa legs par khong du ma chud pa dag gis khyim na gnas pa 'am/ rab tu byung ba'ang rung ste/ thams cad kun la smod cing gnod sems bskyed nas/ yun ring por bdag nyid la gnod par 'gyur bar mi bya'o/ / de'i phyir byang chub sems dpa' dang po sems bskyed pa nas/ theg pa chen po la gnas pa thams cad la sangs rgyas kyi 'du shes bskyed par bya'o/ / sems can gzhan dag sdig pa mi dge ba'i las byed par mthong na'ang gnod sems bskyed par mi bya'o// de ci'i phyir zhe na/ de bzhin
- 67a
gshegs pas rtag tu sems can gang rnam par dkar zhing yongs su dag pa'i chos las cung zad cig nyan par gyur na/ rnams kyang yongs su mya ngan las mi 'da' bar mi 'gyur ro// zhes gsungs pas so// byang chub sems dpa' ni gal te 'dod chags spyod pa'i sems can mthong na/ sems can 'di dag 'dod chags kyi gdung bas bsregs par gyur pa'ang bdag gis nyes pa yin no snyam du sems so/ / zhe sdang dang gti mug gi gdung bas bsregs par gyur pa de dag mthong na'ang / 'di dag thams cad ni bdag gis nyes pa yin no snyam du sems so// de ci'i phyir zhe na/ bdag gis sems can thams cad na ba'i sdug bsngal dang ldan par gyur pa de dag mthong bar gyur na/ sman yongs su btsal te/ thabs mkhas pas yongs su gso ba'i rigs pa las bdag sngon sems can gyi nad bsal bar yi dam bcas na/ deng yal bar dor ba 'di nyid bdag gi nyes pa yin no snyam du sems pas so// byang chub sems dpa' ni de lta bu'i bsam pa dang ldan pas bdag nyid kyi nyes pa la lta zhing / sems can rnams la byams pa'i sems skyed par byed do// gal te gsod pa 'am/ lus kyi yan lag dang nying lag gcod cing gtub pa zhig dang phrad par gyur na'ang / pha rol gnod pa byas pa de dag la lan bya'o snyam pa'i bsam pa med do// glog thob byang chub sems dpa' de ltar yang dag par sgom pa na/ 'das pa'i mi dge ba'i las ji snyed
- 67b
pa dag kyang gtan du zad cing / ma lus par 'byang bar 'gyur la/ ma 'ongs pa'i mi dge ba rnams ni yang ldang bar mi 'gyur ro// glog thob sngon byung ba 'das pa'i bskal pa tshad med grangs med pa/ / de bzhin gshegs pa mar me mdzad kyi yang ches snga rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das mchog tudu skyes pa zhes bya ba 'jig rten du byung ngo / / 'jig rten gyi khams ni 'od zer can zhes bya ba ste/ rgyal po'i grong khyer rab tu bde ba zhes bya ba'i tshal na bzhugs so// de'i tshe shan pa 'jigs su rung ba zhes bya ba khro gdum che zhing gsod pa la dga' ba/ bzod pa dang byams pa'i sems med pa/ lag pa khrag gis bskus pa mthong ba thams cad skrag par 'gyur ba zhig yod de/ de'i tshe shan pa des glang zhig khang pa'i nang du bcings te/ nang du zhugs nas gsod par byas pa las/ glang des de mthong nas shin tu skrag pas thag pa bcad de bros nas de bzhin gshegs pa mchog tu skyes pa bzhugs pa'i tshal ga la ba der song ngo / / de'i tshe shan pa de'ang mtshon thogs nas phyi bzhin du bsnyags pas/ glang de skrag nas g.yang sa zab mo zhig
- 68a
tu lhung ba'i srog can mjug pa mdun zhig sdug bsngal bas sgra phyung ngo / / de'i tshe shan pas glung de mthong nas/ zhe sdang cher skyes te g.yang sa zab mo de nyid du zhug nas mtshon thogs te/ gsad par byas pa las mtshon ma btab pa'i bar skabs der// de'i tshe de bzhin gshegs pa mchog tu skyes pa tshal der 'khor mang po brgya stong tshad med pas yongs su bskor ba dag la/ rten cing 'brel par 'byung ba'i chos kyi rnam grangs 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen kyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / sme sngags 'don pa dang / sdug bsngal ba dang // yid mi bde ba dang / 'khrug pa rnams 'byung bar 'gyur te/ de ltar na rten cing 'brel bar 'byung ba 'di dag thams cad ni sdug bsngal gyi phung po chen po 'ba' zhig go zhes rgya cher rnam par phye ste ston par mdzad pas/ glog thob rten cing 'brel par 'byung ba 'di la ma rig pa'ang 'du byed la mi sems mi rtog la/ 'du byed kyang ma rig pa la mi sems mi rtog go// de bzhin
- 68b
du skye ba'ang rga shi la mi sems mi rtog la/ rga shi'ang skye ba la mi sems mi rtog pas/ de ltar na chos thams cad ni rang bzhin dmigs su med pas mngon par 'du bya ba med pa/ dran pa med pa/ bdag dang bdag gi ba med pa/ rang bzhin gyis rnam par dag pa/ phan tshun gcig gis gcig mi rig pa yin no// so so'i skye bo rnams 'di lta bu'i chos ma thob pa'i phyir/ gzugs ni bdag yin no// bdag ni gzugs rnams dang ldan no// gzugs ni bdag gi yin no zhes 'dzin par byed de/ tshor ba dang / 'du shes dang / 'du byed dang / rnam par shes pa'i bar la'ang de bzhin no// bdag dang bdag gir 'dzin pa la mngon par zhen pa 'di'i dbang gis mi rtag pa la rtag par 'dzin par byed/ sdug bsngal la bde bar 'dzin par byed mi sdug pa la sdug pa nyid du 'dzin par byed/ bdag med pa la bdag tu 'dzin cing phyin ci log bzhi skyed par byed do// phyin ci log tu lta ba'i phyir ma rig pas rmongs nas/ yang dag par tshul bzhin du yid la mi byed cing / sems kyi rjes su mngon par zhen par gyur pas/ srid pa'i sred pa 'ching ba gcod par mi nus shing / 'khor ba'i 'khor bar rgyun mi 'chad par 'bor bar gyur pa yin no/ / mkhas pa dag ni chos kyi dbyings kyi mtshan nyid la shin tu legs par rtog par byed pa'i phyir bdag dang / gang zag dang / sems can zhes bya ba nas
- 69a
srog ces bya ba'i bar du cung zad tsam yang yod par yang dag par rjes su mi mthong la/ skye ba dang / rga ba dang / nu ba dang / 'chi ba dang / gsod pa dang / gnod pa byed pa dag kyang mi dmigs so zhes gsungs pa dang // glog thob de'i tshe shan pa 'jigs su rung bas rgyang nas de bzhin gshegs pas chos bshad pa'i sgra thos nas go bar gyur pas de ma thag tu gsod pa'i sems nye bar zhi bar gyur nas mtshon cha spangs te g.yang sa nas byung nas/ bcom ldan 'das de ga la ba der song ste/ bcom ldan 'das kyi zhabs gnyis la mgo bos gtugs nas phyag byas te/ phyogs gcig tu 'dug nas/ bcom ldan 'das de la 'di skad ces gsol to// bcom ldan 'das bdag ni deng de bzhin gshegs pa'i bstan pa la rab tu byung nas lam bsgrub par 'tshal lo zhes gsol pa dang / bcom ldan 'das kyis bka' stsal pa/ de rigs so// dge slong legs par 'ongs sam zhes gsungs ma thag tu/ dge slong gi dngos por bsgyur nas rdzogs par bsnyen par gyur to// de nas de bzhin gshegs pa mchog tu skyes pas/ de'i lhag pa'i bsam pa thugs kyis mkhyen nas/ mthar gyis yongs su smin par mdzad cing / byang chub sems dpa'i spyod pa rnams rgya cher yang dag par bstan pa 'jigs su rung bas thos pas/ mi skye ba'i chos la bzod pa thob nas/ sangs rgyas
- 69b
kyi bstan pa las phyir mi ldog pa thob par gyur to/ / glang de'ang de bzhin gshegs pa des rten cing 'brel par 'byung ba'i chos kyi chog ston pa'i gsung sba shin du gya nom pa thos nas/ sems la rab tu dga' ba skyes pas/ shi 'phos pa'i 'og tu dga' ldan gyi lha'i gnas su skyes nas/ byams pa dang phrad de yang dag pa'i dad pa dang ldan par gyur to// glog thob de ltar na sems can rnams kyi spyod pa ni shin tu zab pa dang / rnam par rig par dka' zhing / shes par dka' ba yin te/ de'i phyir glog thob byang chub sems dpa' gang gis bla na med pa yang dag par rdzogs pa'i byang chub yongs su gnyer bar 'dod pas/ sems can gyi dbang po dang / spyod pa dag la shin tu mkhas par byas nas/ sems can thams cad la mnyam pa'i sems dang / thogs pa med pa'i sems la rab tu gnas te/ chos thams cad la rtag tu mngon par zhen pa med par bya'o// ci bdog pa'i rnams yongs su spangs te/ tshul khrims rnam par dag pa bsgrub par bya'o// bzod pa la gnas par bya'o// brtson 'grus bskyed par bya'o// bsam gtan dang ting nge 'dzin la mnyam par gzhag par bya'o// yang dag pa ji lta ba bzhin du chos thams cad kyi ngo bo nyid la so sor brtag par bya'o// glog thob byang chub sems dpa' gang chos drug po 'di dag yongs su rdzogs par gyur na/ myur du bla na med
- 70a
pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / ji ltar yongs su rdzogs par byed ce na/ 'di lta ste/ thams cad mkhyen pa'i ye shes la brten nas mngon par sgrub par byed pa'i phyir ro/ / glog thob byang chub sems dpa' rnams kyi chos kyi gter gang zhe na/ 'di lta ste/ byang chub sems dpas gzugs thams cad yang dag pa ji lta ba bzhin du rab tu rtogs shing / gzod ma nyid nas skye ba med pa dang / rang bzhin gyis rnam par dag par mthong ba gang yin pa'o// byang chub sems dpa' ni gzugs la mkhas pa thob pa'i phyir so so yang dag par rig pa bzhi dang ldan par 'gyur ro/ / bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// don so so yang dag par rig pa ni/ gzugs kyi don rnams la thogs pa med par gyur pa'i phyir ro// gzugs kyi don gang zhe na/ 'di lta ste/ don dam pa gang yin pa'o// don dam pa gang zhe na/ gzugs dmigs su med pa gang yin pa ste/ don dam pa'i ye shes pa 'di lta bu dang ldan pa gang yin pa de ni/ don so so yang dag par rig pa zhes bya'o// chos so so yang dag par rig pa ni
- 70b
gzugs kyi chos rnams yang dag pa ji lta ba bzhin du so sor brtags nas/ yang dag pa ji lta ba bzhin du rab tu shes pa gang yin pa de ni/ chos so so yang dag par rig pa zhes bya'o// nges pa'i tshig so so yang dag par rig pa ni/ 'di lta ste/ gzugs rnams la thogs pa med pa'i ye shes kyi thabs mkhas pas nges pa'i tshig rnam pa sna tshogs kyis rnam par 'byed pa gang yin pa de ni/ nges pa'i tshig so so yang dag par rig pa zhes bya'o// spobs pa so so yang dag par rig pa ni/ 'di lta ste/ gzugs kyi chos rnams sems can gyi dbang po ji lta ba bzhin du rnam par phye ste ston par byed kyang / kun nas nyon mongs pa med cing / mngon par zhen pa med pa gang yin pa de ni/ spobs pa so so yang dag par rig pa zhes bya'o// byang chub sems dpa' ni 'di lta bu'i ye shes dang ldan pas/ gzugs kyi chos la rmongs shing mngon par zhen par gyur pa'i sems can thams cad kyi rang bzhin dang / 'dun pa ji lta ba bzhin du rtsol ba med pa'i ye shes kyis ci rigs par chos ston par byed kyang / chos kyi dbyings la mtshan nyid gnyis su gyur pa med de/ sgra dang / dri dang / ro dang / reg bya dang / chos kyi bar la'ang de bzhin du rgyas par sbyar te/ glog thob 'di ni byang chub sems dpa' sems dpa' chen po rnams kyi chos kyi gter zhes bya'o// byang chub sems dpa' gang gis gter 'di thob par gyur na/ spyod yul rnams
- 71a
la rmongs par gyur pa'i sems can de lta bu dag yongs su gdul bar 'dod pa'i phyir/ de dag gi mos pa ji lta ba bzhin du de dag re re la'ang bskal pa 'am/ bskal pa las lhag par tshig rnam pa sna tshogs kyi thabs la mkhas pas chos ston par byed kyang / de dag gi mtha' yang rnyed par mi 'gyur la/ byang chub sems dpa' de'i shes rab la'ang 'grib pa med cing chos kyi dbyings dang mi 'bral bar gnyis su med cing dbyer med pa'i rjes su 'brang ba gang yin pa de ni/ byang chub sems dpa' thabs la mkhas pas chos thams cad dbyer med pa'i mtshan nyid bstan pas 'thob pa'i chos kyi gter ces bya'o/ / chos kyi gter 'dis sems can dag la ci rigs par chos bstan nas/ zad mi shes pa'i chos kyi gter phun sum tshogs par gyur te/ 'khor ba'i rgud pa gtan du spong ba gang yin pa 'di ni/ glog thob byang chub sems dpa' sems dpa' chen po rnams kyi gter chen po dang / zad mi shes pa'i gter dang / kun tu zad mi shes pa'i gter dang / mtha' med pa'i gter rnam pa lnga zhes bya'o// byang chub sems dpa' gang gter 'di lta bu dang ldan par gyur na/ yon tan khyad par du 'phags pa rnams yongs su rdzogs par gyur pa'i phyir/ tshegs chung ngus myur du bla na med pa yang dag par rdzogs pa'i byang chub mngon par rdzogs par 'tshang rgya bar
- 71b
'gyur ro/ / chos kyi gter bstan pa'i chos kyi rnam grangs 'di bstan pa'i tshe/ byang chub sems dpa' glog thob ni gzungs rab tu thob par gyur to// byang chub sems dpa' lnga brgya ni glog gi 'o/ zer zhes bya ba'i ting nge 'dzin thob par gyur to// lha'i bu sum khri drug stong ni bla na med pa yang dag par rdzogs pa'i byang chub tu sems bskyed par gyur to// de nas bcom ldan 'das la/ byang chub sems dpa' zla ba'i rgyal mtshan gyis 'di skad ces gsol to// bcom ldan 'das kyis ji skad du rtsol ba ma mchis pa'i ye shes zhes gang gsung pa de'i don ji lta bu lags/ bcom ldan 'das kyis bka' stsal pa/ byang chub sems dpa' gang gis dge ba'i chos rnams la/ lus dang sems kyi rjes su mthun pas dmigs shing mngon par 'du byed pa gang yin pa de ni rtsol ba dang bcas pa zhes bya'o/ / byang chub sems dpa' gang lus dang sems rab tu dul bar gyur na/ dran pa med pa/ gnas pa med pa/ rnal 'byor sgom pa'i mtshan ma dang bral bar gyur pa dang / de sngon gyi smon lam dang ye shes yongs su rdzogs par gyur pas/ sangs rgyas kyi zhing bye ba stong phrag mang po rnams su rnam pa sna tshogs su ston par byed kyang / chos kyi dbyings la g.yo ba med pa dang / rtag tu chos ston par byed pas chos kyi mtshan ma cung zad kyang med pa dang / bsdu ba'i
- 72a
dngos po bzhis sems can yongs su smin par byas kyang / sems can gang yongs su bzlas pa med pa dang / sangs rgyas kyi zhing thams cad yongs su sbyangs kyang / sangs rgyas kyi yongs su dag pa yang dag par rjes su mi mthong ba dang / rtag par sangs rgyas rnams rjes su dran par byed kyang / gzugs kyi mtshan nyid du mi lta ba dang / sangs rgyas kyi zhing kun tu rgyu bar byed kyang / chos kyi dbyings dang mi 'bral ba gang yin pa 'di ni/ byang chub sems dpa'i rtsol ba med pa'i ye shes shes bya'o// byang chub sems dpa' rnams ni 'di lta bu'i ye shes dang ldan pa'i phyir/ sems can thams cad kyi re ba yongs su rdzogs par byas kyang gang byas pa de dag la mngon par zhen pa'ang med do// de'i tshe bcom ldan 'das kyis rtsol ba med pa'i ye shes 'di bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos par gyur to// brgya byin lha'i dbang po'ang sus gsum gyi lha rnams dang bcas par steng gi bar snang las me tog man da ra ba dang / ut+pa la dang / ku mu da dang / pad+ma dang / puN+Da ri ka dang / tsan dan gyi phye ma'i char mngon par phab ste/ bcom ldan 'das la mngon par gtor to// lha'i rnga rnams kyang rang sgra byung bar gyur to// ngo mtshar rmad du byung ba'i snang ba chen pos kyang kun tu snang bar byas te/ sems can gang la
- 72b
reg par gyur pa de'i lus kyang shin tu bsil bar gyur to/ / de nas bcom ldan 'das kyis/ byang chub sems dpa' glog thob la bka' stsal pa/ glog thob 'das pa'i de bzhin gshegs pa dgra bcom pa yang dag par rdzogs pa'i sangs rgyas kyis kyang gnas 'dir chos kyi rnam grangs 'di lta bu gsungs so/ / ma byon pa'i de bzhin gshegs pa rnams 'jig rten du 'byung ba'i tshe'ang gnas 'dir chos kyi rnam grangs 'di lta bu gsung bar 'gyur ro/ / 'jig rten gyi khams tshad med grangs med pa dag na/ da ltar bzhugs pa'i de bzhin gshegs pa rnams kyang / chos kyi rnam grangs 'di rgyun mi 'chad par mdzad pa'i phyir 'od zer chen po skyed par mdzad do// de nas tshe dang ldan pa kun dga' bos stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar nas/ bcom ldan 'das la 'di skad ces gsol to/ / bcom ldan 'das chos kyi rnam grangs 'di'i ming ci lags/ bdag gis ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni mi zad pa'i gter bstan pa zhes bya'o/ / chos thams cad dbyer med pa'i mtshan nyid bstan pa zhes kyang bya ste/ khyod kyis de ltar ming yongs su gzung
- 73a
bar bya'o/ / bcom ldan 'das kyis de skad ces bka' stsal nas/ byang chub sems dpa' glog thob dang / tshe dang ldan pa kun dga' bo dang / 'khor bzhi po rnams dang / lha dang / mi dang / lha ma yin dang / dri zar bcas pa'i 'jig rten thams cad/ bcom ldan 'das kyi gsungs pa la yi rangs te/ mngon par bstod do// 'ab pa dkon mchog brtsegs pa chen po'i chos kyi rnam grangs le'u stong phrag brgya pa las/ mi zad pa'i gter bstan pa'i le'u ste/ 'dus pa nyi shu pa rdzogs so// / rgya gar skad du/ b+ha dra mA ya kar bya ka ra Na nA ma ma hA yA na sU tra/ bod skad du/ sgyu ma mkhan bzang po lung bstan pa zhes bya ba theg pa chen po'i mdo// bas po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'da' rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po mngon par grags pa/ mngon par shes pa thob pa/ gzungs thob pa/ rdzu 'phrul gyi cho 'phrul thob pa/ mi skye ba'i chos la bzod pa thong ba lnga stong la 'di lta ste/ byang chub sems dpa'
- 73b
sems dpa' chen po seng ge dang / byang chub sems dpa' sems dpa' chen po seng ge blo gros dang / byang chub sems dpa' sems dpa' chen po tsan dan bzang po dang / byang chub sems dpa' sems dpa' chen po kha lo sgyur ba dang / byang chub sems dpa' sems dpa' chen po kha lo sgyur ba chen po dang / byang chub sems dpa' sems dpa' chen po 'od dpal dang / byang chub sems dpa' sems dpa' chen po 'od byed dang / byang chub sems dpa' sems dpa' chen po 'od gzi brjid dang ldan zhing nga ro snyan pa dang / byang chub sems dpa' sems dpa' chen po 'od bkod pa dang / byang chub sems dpa' sems dpa' chen po blo gsal ba dang / byang chub sems dpa' sems dpa' chen po sems can gyi snying po dang / byang chub sems dpa' sems dpa' chen po sems can kha lo sgyur ba dul ba dang ldan pa dang / byams pa la sogs pa bskal pa bzang po'i byang chub sems dpa' sems dpa' chen po thams cad dang / 'jam dpal gzhon nur gyur pa dang / de dag la sogs pa byang chub sems dpa' sems dpa' chen po lnga stong dang thabs cig tu bzhugs te/ lha rnams kyi dbang po brgya byin dang yang thabs cig go/ / mi mjed kyi bdag po tshangs pa dang yang thabs cig go// rgyal po chen po bzhi dang yang thabs cig go// lha dang / klu dang / gnod sbyin dang / lha ma yin dang
- 74a
nam mkha' lding dang / dri za dang / mi 'am ci dang / lto 'phye chen po du mas kyang yongs su bskor to// de nas bcom ldan 'das ni rgyal po khab kyi grong khyer chen po la rten cing bzhugs te/ rgyal po dang / blon po chen po rnams dang / bram ze dang / khyim bdag dang / grong rdal dang / ljongs kyi mi rnams kyis ni gus par byas/ bla mar byas/ bsnyen bkur byas mchod pa byas so// bcom ldan 'das kyis chos gos dang / zhal zas dang / gzims cha dang / gdan dang / snyun gsos dang / sman zong ni brnyes/ bcom ldan 'das kyi grags pa dang / snyan pa dang / tshigs su bcad pa rgya chen po ni mngon par 'phags te/ 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skye bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das de ni thams cad mkhyen pa/ thams cad gzigs pa dang ldan pa ste/ thams cad ni mkhyen/ thams cad ni gzigs/ de bzhin gshegs pa'i stobs bcu dang ni ldan/ de bzhin gshegs pa'i mi 'jigs pa bzhi dang ni ldan so so yang dag par rig pa bzhi dang ni ldan sangs rgyas kyi chos ma 'dres pa bco brgyad dang
- 74b
ni ldan/ byams pa chen po dang snying rje chen po dang ni ldan/ sangs rgyas kyi spyan nyams pa mi mnga' ba dang ni ldan/ spyan lnga dang ni ldan/ cho 'phrul yang brnyes te/ na rjod pa'i cho 'phrul ni brnyes/ rjes su bstan pa'i cho 'phrul ni brnyes/ rdzu 'phrul gyi cho 'phrul ni brnyes so// bzhed na stong gsum gyi stong chen po'i 'jig rten gyi khams grong khyer dang bcas pa/ grong rdal dang bcas pa/ sa dang bcas pa/ 'gro ba dang bcas pa/ ri rab dang bcas pa/ rgya mtsho'i mthas gtugs pa/ lha'i gnas dang bcas pa/ khor yug dang 'obs su bcas pa/ rtswa dang / shing dang / rir bcas pa 'di nam mkha' la bskal pa 'am/ bskal pa bas lhag par skra'i rtse mo'i cha shas kyis 'dzin par mdzad do/ / yang de'i tshe rgyal po'i khab kyi grong khyer chen po na sgyu ma mkhan bzang po zhes bya ba bstan bcos la shin tu mkhas pa/ gsang sngags la shin tu mkhas pa/ bzo dang rig pa la 'byams pa/ las kyi mtha' byas zin pa/ rab tu byed pa byas pa/ sgra grags pa/ yul ma ga d+ha na sgyu ma mkhan nam/ sgyu ma mkhan gyi slob ma ji snyed pa de dag gi mchog tu grags pa/ phul du grags pa zhig gnas te/ des yul ma ga d+ha ril gyi skye bo'i tshogs thams cad 'dun par byas/ rmongs par byas mgo 'khor bar byas nas/
- 75a
ya mtshan gyi chos la bkod de/ bden pa mthong ba rnams dang / dad pa dang / chos kyi rjes su 'brang ba rnams dang / dge bsnyen dang / dge bsnyen ma rnams ni ma gtogs so/ / des sgyu mas rmongs par byed pa'i rig pa'i stobs bskyed pas rnyed pa dang / bkur sti dang / tshigs su bcad pa'ang lhag par rnyed do// sgyu ma mkhan bzang pos bcom ldan 'das kyi grags pa dang / snyan pa dang / tshigs su bcad pa lhag par mngon par 'phags te/ 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das de ni thams cad mkhyen pa/ thams cad gzigs pa ste/ thams cad ni mkhyen/ thams cad ni gzigs/ de bzhin gshegs pa'i stobs bcu dang ni ldan de bzhin gshegs pa'i mi 'jigs pa bzhi dang ni ldan/ so so yang dag par rig pa bzhi dang ni ldan/ sangs rgyas kyi chos ma 'dres pa bco brgyad dang ni ldan/ byams pa chen po dang snying rje chen po dang ni ldan/ sangs rgyas kyi spyan nyams pa mi mnga' ba dang ni ldan/ spyan lnga dang ni ldan/ cho 'phrul yang brnyes te/ kun rjod pa'i cho 'phrul ni brnyes/ rjes su
- 75b
bstan pa'i tshe 'phrul ni brnyes/ rdzu 'phrul gyi cho 'phrul ni brnyes so// bzhed na stong gsum gyi stong chen po'i 'jig rten gyi khams grong khyer dang bcas pa/ grong rdal dang bcas pa sa dang bcas pa/ 'gro ba dang bcas pa/ ri rab dang bcas pa/ rgya mtsho'i mthas gtugs pa/ lha'i gnas dang bcas pa/ khor yug dang 'ongs su brngas pa/ rtsa dang / dang / rir bcas pa 'di nam mkha' la bskal pa 'am/ bskal pa bas lhag par skra'i rtse mo'i cha shas tsam la 'dzin par mdzad do zhes thos so// thos nas kyang de 'di snyam du sems te/ yul ma ga d+ha ril gyi skye bo thams cad de dag gis 'dun par byas/ rmongs par byas/ mgo 'khor bar byas nas/ ya mtshan gyi chos la bkod de/ bram ze dang khyim bdag chen po gang dag yin pa de dag kyang bdag gi ming gis rab tu mgu bar gyur na/ de bzhin gshegs pa dgra bcom pa yang dag par rdzogs pa'i sangs rgyas de gcig pu da dung ma bgams/ rmongs param byas/ mgo 'khor bar ma byas kyis/ ma la bdag de bzhin gshegs pa dgra bcom pa yang dag par rdzogs pa'i sangs rgyas ga la ba der 'gro bar bya'o// song nas kyang bkram par byas te/ gal te rmongs pa'am/ mgo 'khor bar byas nus pa ldan/ de ldan yul ma ga d+ha thams cad bdag la gcig tu 'dul/ bdag gi rnyeng pa dang bkur sti'ing ches stobs dang ldan par 'gyuraro
- 76a
snyam mo/ / de nas yang sgyu ma mkhan bzang po sngon gyi dge ba'i rtsa bas bskul ba dang / sangs rgyas kyi mthus rgyal po'i khab kyi gro khyer chen po nas byung sde/ bya rgod kyi phung po'i ri ga la ba dang / bcom ldan 'das ga la ba der song ngo // song nas kyang sgyu ma mkhan bzang pos de bzhin gshegs pa nyi ma bye ba phrag 'bum pas lhag pa'i 'od zer 'bar ba/ zhal zla ba bye ba phrag 'bum pas lhag par dri ma med pa/ sku shing n+ya gro d+ha'i rgyal po ltar chu zheng gab pa/ mdzod spu nor bu dri ma med pa'i 'od dag pa ltar gsal ba/ spyan pad+ma dang ut+pa la sngon po kha bye ba lta bu'i bkrag yod pa/ spyi gtsug tshangs pas kyang bltar mi mthong ba/ 'khor gyi nang na gsung dbyangs yan lag drug cu dang ldan pas chos ston pa mthong ngo / / mthong nas kyang de'i sku de lta bu mthong / gsung gi 'phrin las de lta bu thos nas sems dang bar gyur cing de 'di snyam du sems te/ ma la bdag gis 'di ci thams cad mkhyen la/ thams cad gzigs pa dang ldan pa zhig yin nam/ 'on te ma yin pa gam par byas/ gor ma chag snyam mo// de nas yang sgyu ma mkhan bzang pos bcom ldan 'das kyi zhabs la mgo bos phyag 'tshal nas/ bgam pa'i bsam pas sang gi gdugs chod la spyan 'dren to zhes gsol to// 'di snyam du'ang sems te/ ci 'dis bdag gi sems/
- 76b
/ shes sam/ 'on te mi shes shig su/ gal te shes na ni der 'ong bar mi 'thun ro// ji ste mi shes na ni des 'ong bar 'gyur rosnyam so// de nas bcom ldan 'das kyis sum mkhan bzang ba gdul ba'i dbang du'ang mdzad/ rgyal po'i khab kyi grong khyer chen po'i skye bo phal po che gdul ba'i dbang du'ang mdzad nas/ mkhyen bzhin du sgyu ma mkhan bzang po la dge slong gi dge 'dun dang bcas te/ cang mi gsung bas gnang bar mdzad do// de nas yang sgyu ma mkhan bzang po 'di snyam du sems te/ 'di dag rnam par mtho 'tsham pa'i bsam pa dang ldan pa la/ 'dir khas len pa dang sbyar/ na 'di ni thams cad mkhyen pa'ang ma yin la/ thams cad gzigs pa dang ldan pa'ang ma yin no snyam nas/ de nas sgyu ma mkhan bzang po/ bcom ldan 'das kyi zhabs la mgo bos phyag 'tshal nas/ bcom ldan 'das kyi thad nas song ngo // de nas bcom ldan 'das la/ tshe dang ldan pa mo'u 'gal gyi bu chen pos 'di skad ces gsol to// sgyu ma mkhan bzang pos ni sgyu ma'i za ma tog gis dge slong gi dge 'dun 'di la mtho 'tsham par 'gyur lags so/ / bcom ldan 'das kyis bka' stsal pa/ mo'u 'gal gyi bu khyod snying las chung bar gyis shig dang / ngas yun ring po nas spyad pa bsgrubs pas na/ de bzhin gshegs pa ni 'dir dus mkhyen pa yin te/ de bzhin gshegs pa la ni lha dang bcas pa'i 'jig rten gyis kyang mtho 'tsham par mi nus so//
- 77a
mo'u 'gal gyi bu gzhan yang 'dod chags ni mtho 'tsham par byed pa yin/ zhe sdang ni mtho 'tsham par byed pa yin/ gti mug ni mtho 'cham par byed pa yin na/ de dag ni de bzhin gshegs pa ya ngags nyal ba dang bcas te zad bral yongs su gyur/ gzod ma nas ma skyes pa'i chos can yin te/ des na de bzhin gshegs pa la lha dang bcas pa'i 'jig rten gyis kyang mtho 'tsham par mi nus so/ / mo'u 'gal gyi bu gzhan yang sgyu ma mkhan bzang po'i sgyu ma ni phyogs gcig pa yin pas/ sgyu ma yang dag pa ma yin gyi/ de bzhin gshegs pa'i sgyu ma ni yang dag pa yin te/ des na chos thams cad sgyu ma lta bur mngon par rdzogs par sangs rgyas so// mo'u 'gal gyi bu sems can gyi khams su gdags par 'dogs pa ji snyed pa de dag thams cad 'di lta ste/ sgyu ma mkhan bzang po'i sgyu ma 'di lta bu dang ldan par gyur kyang / de dag thams cad kyis de bzhin gshegs pa'i sgyu ma la brgya'i char yang nye bar mi 'gro// stong gi char yang nye bar mi 'gro/ / bye ba 'bum gyi char yang/ grangs su'ang / char yang / bgrang bar yang / dper yang nye bar mi 'gro'o// mo'u 'gal gyi bu 'di ji snyam du sems/ sgyu ma mkhan bzang pos stong gsum gyi stong chen po'i 'jig rten gyi khams 'di rgyan thams cad kyis brgyan par kun tu ston nus sam/ gsol pa/ ma lags so// bcom ldan 'das kyis bka' stsal pa/ de bzhin
- 77b
gshegs pa ni bzhed na 'jig rten gyi khams gang+gA'i klung gi bye ma snyed brgyan cing / de thams cad kyang skra'i rtse mo'i cha shas tsam la kun tu ston par mdzad kyang / de bzhin gshegs pa'i sgyu ma ril gyis bstan par ni mi 'gyur ro/ / mo'u 'gal gyi bu phyogs bcu na rlung gi dkyil 'khor gang dag yod pa 'di lta ste/ rlung gi dkyil 'khor rnam par 'thor byed ces bya ba dang / rlung gi dkyil 'khor yongs su gcod byed ces bya ba gang dag gis stong gsum gyi stong chen po'i 'jig rten gyi khams 'di yongs su gcod par byed cing / yongs su bcad nas kyang 'jig par byed pa dang / rlung gi dkyil 'khor kun tu 'thor byed dang / rnam par 'thor byed ces bya ba 'jig rten gyi bar na rgyu ba gang dag yin pa dang / rlung gi dkyil 'khor kun nas yongs su 'jog pa zhes bya ba srid pa'i rtse mo na rgyu ba gang dag yin pa dang / rlung gi dkyil 'khor rnam par 'jig pa zhes bya ba ri'i rgyal po ri rab kyang rnam par 'jig par byed na/ ri phal pa lta smos kyang ci dgos pa gang dag yin pa dang / rlung gi dkyil 'khor 'bar byed ces bya ba sreg pa'i bskal pa'i tshe ldang zhing gang gis na me lce de dag tshangs pa'i 'jig rten gyi bar 'phen par byed pa dang / rlung gi dkyil 'khor rnam par sgrub byed ces bya ba gang gis sreg pa'i bskal pa'i me de zhi bar byed pa dang / rlung gi dkyil 'khor rab tu tshim byed ces bya ba gang gis stong gsum gyi stong chen po'i 'jig rten gyi khams 'di sprin gyi dra ba gcig gis kun tu khebs par byed pa dang /
- 78a
rlung gi dkyil 'khor chus 'debs zhes bya ba gang gis na/ sreg pa'i bskal pa'i tshe char 'bebs par byed pa dang / rlung gi dkyil 'khor lhag par skems shes bya ba gang gis na/ chus 'jig rten lhag par skems par byed pa yod do// mo'u 'gal gyi bu ngas rlung gi dkyil 'khor las brtsams te/ bskal pa 'am/ bskal pa las lhag par chos bstan kyang de bzhin gshegs pas rlung gi dkyil 'khor las brtsams te chos bstan pa las mtha' thug pa med do/ / mo'u 'gal gyi bu 'di ji snyam du sems/ sgyu ma mkhan bzang pos rlung gi dkyil 'khor de dag gi nang du 'dug par nus sam/ gsol pa/ ma lags so// bcom ldan 'das kyis bka' stsal pa/ mo'u 'gal gyi bu nga ni rlung gi dkyil 'khor de dag thams cad kyi nang du spyod lam bzhis gnas par byed do/ / de bzhin gshegs pa ni bzhed na rlung gi dkyil 'khor thams cad yungs 'bru gcig gi nang du 'jog par mdzad/ 'jug par mdzad la/ yungs 'bru de'ang rnam par 'jig par mi 'gyur zhing / yungs 'bru de'i nang du rlung gi dkyil 'khor de dag thams cad kyi bya ba thams cad kyang nye bar ston par mdzad la/ rlung de dag phan tshun thug par yang mi 'gyur/ ltung bar yang mi 'gyur ro// mo'u 'gal gyi bu nga ni sgyu ma'i chos nyid de lta bu dang / de ma yin pa gzhan yang tshad med pa dang ldan no//
- 78b
de nas tshe dang ldan pa mo'u 'gal gyi bu chen po dang thams cad dang ldan pa'i 'khor de ngo mtshar du gyur nas/ bcom ldan 'das kyi zhabs la mgo bos phyag 'tshal te/ ngag mthun par tshig tu smras pa/ bcom ldan 'das bdag cag gis rnyed pa legs par rnyed de/ ston pa 'di ltar rdzu 'phrul che ba/ 'di ltar dbang che bar grags pa/ 'di ltar mthu/ che ba ni bdag cag gis legs par rnyed lags so// bcom ldan 'das gang dag de bzhin gshegs pa'i cho 'phrul 'di thos nas mos par bgyid cing / mos par bgyis nas kyang bla na med pa yang dag par rdzogs pa'i byang chub tu sems skyed par bgyid pa de dag kyang rnyed pa legs par rnyed pa lags so/ / de nas sgyu ma mkhan bzang po rgyal po'i khab kyi grong khyer chen po ga la ba der song ste/ de nyid kyi nub mo rgyal po'i khab kyi grong khyer chen po mis gang ba'i phyogs gang na grong khyer thams cad kyi btsog dgu dang / mi mthun pa thams cad 'bab pa dang 'byung ba'i sa phyogs der 'khor gyi khyams chen po dar gyi lda ldi dang / gdugs dang / rgyal mtshan dang / ba dan bsgreng bas brgyan pa/ gzhi lag mthil ltar mnyam pa/ me tog bkram pa/ spos bzang po mchog gis bdugs pa/ steng du bla re brel pa zhig mngon par sprul to// 'khor gyi khyams de'i nang du'ang rin po che'i shing ljon pa me tog dang 'bras
- 79a
bur bcas pa brgya stong mngon par sprul to/ / rin po che'i shing ljon pa thams cad kyi drung du'ang seng ge'i khri ras bcos bu du mas g.yogs pa/ rin po ba dan thams cad kyis brgyan pa mngon par sprul to/ / seng ge'i khri'i g.yas g.yon du'ang rin po che'i shing ljon pa me tog dang 'bras bur bcas pa bzhi bzhi mngon par sprul to// bcom ldan 'das dang dge slong gi dge 'dun gyis yongs su longs spyad par bya ba'i zhal zas ro brgya dang ldan pa'ang mngon par sprul to// rim gro byed pa gos dkar po bgos pa/ rgyan thams cad kyis brgyan pa lnga brgya'ang mngon par sprul to/ / sgyu ma mkhan bzang pos bkod pa de lta bu sprul ma thag tu/ de nas de'i mod la rgyal po chen po bzhi lus chen por sprul nas/ sgyu ma mkhan bzang po'i 'khor gyi khyams kyi bkod pa ga la ba der song nas/ sku ma mkhan bzang po la 'di skad ces smras so// bzang po khyod kyis de bzhin gshegs pa sang gdugs tshod la spyan drangs pa dang / khyod kyis de bzhin gshegs pas yongs su longs spyad par bya ba'i 'khor gyi khyams kyi bkod pa 'di lta bu 'di mngon par sprul pa ni rnyed pa legs par rnyed do/ / bzang po gzhan yang kho bo cag kyang de bzhin gshegs pa la mchod pa'i las bya ba la/ bcom ldan 'das kyis yongs su longs spyad pa dang / khyod la btang ba'i phyir 'khor gyi
- 79b
khyams kyi bkod pa 'di lta bu gnyis pa cung zhig ston par byed na/ kho bo cag la gnang bar gyis shig/ de nas sgyu ma mkhan bzang po shin tu ngo mtshar du gyur nas/ rgyal po chen po bzhi la gnang ba dang / de nas rgyal po chen po bzhis bcom ldan 'das kyis yongs su longs spyad par bya ba'i 'khor gyi khyams de lta bu zhig mngon par sprul to// de nas yang lha rnams kyi dbang po brgya byin lha'i bu sum khri dang lhan cig bzang po'i 'khor gyi khyams kyi bkod pa ga la ba der song nas/ sgyu ma mkhan bzang po la 'di skad ces smras so// bzang po khyod kyis de bzhin gshegs pa sang gdugs tshod la spyan drangs pa dang / de bzhin gshegs pas yongs su longs spyad par bya ba'i 'khor gyi khyams kyi bkod pa 'di lta bu 'di mngon par sprul pa ni rnyed pa legs par rnyed do/ / bzang po kho bo cag kyang de bzhin gshegs pa la mchod pa'i las bya zhing / bcom ldan 'das kyis yongs su longs spyad pa dang / khyod la btang ba'i phyir 'khor gyi khyams kyi bkod pa 'di lta bu gnyis pa cung zhig ston par byed na/ kho bo cag la gnang bar gyis shig/ de nas sgyu ma mkhan bzang po shin tu ngo mtshar du gyur nas/ lha rnams gyi dbang po brgya byin la gnang ba dang / de nas lha rnams kyi dbang po brgya byin gyis/ bcom ldan 'das kyis yongs su longs spyad par bya ba sum cu rtsa gsum pa'i lha rnams kyi khang bzangs rnam
- 80a
par rgyal byed dang / yongs 'du sa brtol bas ches khyad par du 'phags pa'i 'khor gyi khyams gcig mngon par sprul te/ 'khor gyi khyams des sgyu ma mkhan bzang po'i bkod pa dang / rgyal po chen po bzhi'i bkod pa'ang mog mog por byas par gyur to// de nas sgyu ma mkhan bzang po 'di snyam du sems te/ d+ha'i bu 'di lta bu 'di dag kyang bcom ldan 'das la rim gro bya ba dang / mchod pa'i las bya ba'i phyir mngon par brtson te lhags pa dang sbyar na/ sems can 'di ni tha mal pa ma yin pas/ bdag gis sems can mchog de lta bu la mtho btsams par gyur na mi rung gis/ bya ba 'di lta bu 'di dag dor gor ma chag snyam mo// de nas sgyu ma mkhan bzang po sprul pa'i bya ba de dag 'dor bar byed/ dag med par byed do// gsang sngags dang rig sngags kyi stobs bskyed pa thams cad kyis med par byed cing mi snang bar bya bar brgal kyang zhal zas dang / rim gro pa dang / 'khor gyi khyams kyi bkod pa dang / seng ge'i khri'ang de kho na bzhin du snang ste/ gsang sngags dang rig sngags kyi stobs bskyed pa thams cad kyis med par bya ma nus pa dang / de shin tu ngo mtshar du gyur nas/ 'di snyam du sems te/ bdag sngon chad ni 'dod na sgyu ma ston par yang byed/ 'dod na sgyu ma med par yang byed na/ da ni de bzhin gshegs pa'i ched du gnas kyi bkod pa byas pa med par byed ma nus so//
- 80b
snyas so// de nas lha rnams kyi dbang po brgya byin gyis sgyu ma mkhan bzang po'i sems kyis rnam par rtog pa sems kyis yongs su shes nas/ sgyu ma mkhan bzang po la 'di skad ces smras so/ / bzang po ji ltar khyod kyis de bzhin gshegs pa'i phyir gnas kyi bkod pa byas pa 'di med par bya ma nus pa de bzhin du/ bzang po gang dag de bzhin gshegs pa la sems bskyed pa 'ga' tsam thob pa de dag gi sems bskyed pa de'ang med par mi 'gyur te/ de dag gi de ni yongs su mya ngan las 'das pa'i bar gyi rgyur 'gyur ro// de nas sgyu ma mkhan bzang po dga' mgu yi rangs te rab tu dga' zhing yid bde bar gyur nas/ de nyid kyi mtshan mo 'das pa dang / bcom ldan 'das la gdugs tshod la bab pa skul bar byed do// bcom ldan 'das gdugs chod lags pa'i dus dang tshod la bab na/ da gdugs tshod la bab par dgongs su gsol zhes gsol to// de nas bcom ldan 'das snga dro'i dus kyi tshe/ sham thabs mnabs/ chos gos gsol/ lhung bzed thogs te/ dge slong gi dge 'dun gyis yongs su bskor cing / dge slong gi dge 'dun gyi dpal gshegs te/ rgyal po'i khab kyi grong khyer chen por gshegs nas/ sgyu ma mkhan bzang po'i 'khor gyi khyams gal ba der gshegs te/ gang gis na snga ma mkhan bzang po'ang de bzhin gshegs pa ni bdag gis sprul pa'i bkod pan bzhugs so snyam du shes/ rgyal po chen
- 81a
po bzhi'ang de bzhin gshegs pa ni bdag cag gis sprul pa'i bkod pa na bzhugs so snyam du shes/ lha rnams kyi dbang po brgya byin yang de bzhin gshegs pa ni bdag gis sprul pa'i bkod pa na bzhugs so snyam du shes par 'gyur ba de lta bu'i rdzu 'phrul mngon par 'du mdzad pa mngon par mdzad do/ / rgyal po'i khab kyi grong khyer chen po de na gzhan mu stegs can dang / spyod pa pa dang / kun tu rgyu dang / bram ze dang / khyim bdag gang dag gis thos pa de dag ni ngo mtshar du gyur nas/ 'khor gyi khyams der song ste/ de ring dge sbyong go'u ta ma la mtho 'tsham pa blta bar bya'o snyam mo/ / rgyal po'i khab kyi grong khyer chen po de na dad pa'i dge slong dang / dge slong ma dang / dge bsnyen dang / dge bsnyen ma gang dag 'khod pa de dag ni 'khor gyi dkyil 'khor der dong nas/ de ring de bzhin gshegs pa la bgam pa'ang mnyan par bya/ cho 'phrul chen po'ang blta bar bya'o snyam mo// de nas sgyu ma mkhan bzang pos nga rgyal dang / rgyags pa dang / khengs pa nges par bcom nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das rnam par mtho ba tsam pa'i bsam pa chen pos de bzhin gshegs pa 'dir gshegs su gsol ba gang lags pa'i nongs pa 'chags so// bcom ldan 'das gzhan yang
- 81b
zhal zas sprul pa dang / rim gro bgyid pa sprul pa dang / seng ge'i khri sprul pa dang / 'khor gyi khyams sprul pa de la bdag 'di snyam du sems can mchog de lta bu de la bslus par gyur na mi rung gis/ bya ba 'di ma mchis par bgyi snyam ste shin tu spangs kyang ma mchis par ma btub/ gsang sngags dang rig sngags kyi stobs bskyed pa thams cad kyis kyang ma mchis par bkyi rngo ma thog nas/ zhal zas dang rim gro bgyid pa dang / seng ge'i khri dang / 'khor gyi khyams kyi bkod pa'ang de kho na bzhin du gda' 'o// de skad ces gsol pa dang / bcom ldan 'das kyis/ sgyu ma mkhan bzang po la 'di skad ces bka' stsal to// bzang po sems can thams cad kyi nye bar spyad pa dang / yongs su spyad pa'ang 'di lta ste/ las kyi sgyu mas sprul pa yin no/ / bzang po dge slong gi dge 'dun 'di'ang 'di lta ste/ chos kyi sgyu mas sprul pa yin te/ bzang po nga'ang 'di lta ste/ ye shes kyi sgyu mas sprul pa yin no// bzang po stong gsum gyi stong chen po'i 'jig rten gyi khams 'di'ang 'di lta ste/ sna tshogs mngon par 'grub par byed pa'i sgyu mas sprul pa yin no// bzang po chos thams cad kyang 'di lta ste/ rkyen tshogs pa'i sgyu mas sprul pa yin no/ / bzang po 'on kyang de'i dus la bab par shes na/ ji ltar sprul pa'i bza' ba dang / bca' ba dang / myang ba dang / bldag pa dag khyod kyis phul cig/ de nas sgyu ma mkhan bzang pos
- 82a
sprul pa'i rim gro pa de dag dang / rgyal po chen po bzhidag dang / lha'i dbang po bcu byin 'khor dang bcas pa dang / lhan cig sprul pa'i bzab bdang / @# dang / myang ba dang / bldag pa des/ bcom ldan 'das dang dge slong gi dge 'dun yang dag par rim par byed do// de nas de'i tshe gnas brtan 'od srungs chen pos tshigs su bcad pa 'di smras so/ / sbyin pa 'di ni ci zhig 'dra// len par byed pa ci 'dra bar// de 'dra'i chos nyid thob 'gyur bar// yon ni rnam par sbyong gyur cig/ mo'u 'gal gyi bu chen pos smras pa/ gdan ni ji ltar bshams pa dang // de la gang dag bzhugs pa rnams// mi mnyam ma mchis mtshungs pa ste// mchod sbyin dge ba bla na med// shA ri'i bus smras pa/ rim gro byed pa'i sems gang dang / / len par byed pa'i sems gang dang // sbyin par byed pa ji lta bar// yon ni myur du sbyong bar shog/ rab 'byor gyis smras pa/ gtong med sbyin pa 'di btang ba// len pa med pa rnams kyis blangs// gang dag 'dir ni gshegs pa rnams// de dag yon sbyong byed pa yin// kun dga' bos smras pa/ 'di ni nam mkha'i sbyin pa ste// bsam gyis mi khyab rnams kyis spyad/ / gang dag sems lus grol ba de// 'jig rten na ni yon sbyong mchog/ byang chub sems dpa' 'od tog gis smras pa/ ji lta bur na sgyu ma'i mkhan// bzang pos bkod
- 82b
pa sprul byas pa/ / dngos kun de dang 'dra ba ste// byis pas de ni mi rtogs so// byang chub sems dpa' 'od bkod pas smras pa/ ji ltar gdun dang ljon shing dag/ du ma mngon par sprul byas pa/ / yid kyi sgyu ma lta bur stong // 'di la khyad par 'ga' yang med// byang chub sems dpa' seng ges smras pa/ seng ge'i sgra ni ma thos na// wa ni nags tshal nang na sgrogs de yis seng ge'i sgra thos nas/ / phyogs bcu dag tu 'bros par 'gyur// de bzhin sgyu mkhan bzang po yang // de bzhin gsheg pa ma mthong na// mu stegs nang du rgyal ba bas// bdag nyid / mchog ces sgrog par byed// bzang po de bzhin gshegs pa yi// sgyu mas sdu ma rdzogs byed pa// tshad mar gyur pa gsung na ni// de la bdud kyis gting mi dpogs// byang chub sem dpa' seng ge'i blo gros kyis smras pa/ zhal zas 'di ni sprul pa ste// bsnyen bkur byed pa'ang sprul pa yin// spyod par byed pa'ang sprul pa ste// sbyin pa dge babla na med// byang chub dpa' byams pas smras pa/ me ni mar dang til mar gyis// phyi phyir zhing ni rab tu mched// de bzhin bzang po'i sgyu ma yis// sangs rgyas sgyu ma nges par bstan// 'jam dpal gcon nur gyur pas smras pa/ ji ltar 'di na sngon gnas pa/ thams cad byed pa med pa ltar// de bzhin chos rnams thams cad ni// sngon gyi mtha' nas rtag tu mnyam/ sa
- 83a
bcom ldan 'das kyis sgyu ma mkhan bzang po shin du gdul ba'i dbang du mdzad nas/ khyim bdag gcig sprul te 'khor gyi khyams de'i nang du zhugs nas/ sgyu ma mkhan bzang po la 'di skad ces smras so/ / bzang po ci byed/ smras pa/ dge sbyong go'u ta ma 'di gdugs tshod gsol bar byed do// des smras pa/ bzang po thong de skad ma zer/ de bzhin gshegs pa de ni dge slong gi dge 'dun dang thabs cig tu rgyal po ma skyes dgra'i khab na gdugs tshod gsol zhing bzhugs so/ / sgyu ma mkhan bzang pos kyang / sangs rgyas kyi mthus de bzhin gshegs pa dge slong gi dge 'dun dang thabs cig du rgyal po ma skyes dgra'i khab na gdugs tshod gsol bar mthong ngo / / de nas yang bcom ldan 'das kyis khyim bdag gnyis pa zhig mngon par sprul nas de nang du/ zhugs te/ sgyu ma mkhan bzang po la 'di skad ces smras so// bzang po ci byed/ smras pa/ dge sbyong go'u ta ma 'di gdugs tshod gsol bar byed do// des smras pa/ thong de skad ma zer de bzhin gshegs pa de ni dge slong gi dge 'dun dang thabs cig tu kun tu rgyu'i srang na bsod snyoms kyi phyir rgyu zhing bzhugs so/ / sgyu ma mkhan bzang pos kyang / sangs rgyas kyi mthus de bzhin gshegs pa dge slong gi dge 'dun dang thabs cig tu kun tu rgyu'i srang na bsod snyoms kyi phyir rgyu ba mthong ngo / / de nas yang bcom ldan 'das kyis khyim bdag gzhan zhig sprul te/ de nang du zhugs nas/
- 83b
ma mkhan bzang po la 'di skad ces smras so// bzang po ci byed/ smras pa/ de bzhin gshegs pa 'dir gdugs tshod gsol bar byed do// des smras pa/ bzang po thong de skad ma zer/ de bzhin gshegs pa de ni 'tsho byed kyi skyed mos tshal na 'khor bzhi la chos ston cing bzhugs so// sgyu ma mkhan bzang pos kyang / sangs rgyas kyi mthus de bzhin gshegs pa 'tsho/ byed kyi skyed mos tshal na 'khor bzhi la chos ston par mthong ngo // de nas lha rnams kyi dbang po brgya byin sgyu ma mkhan bzang po ga la ba der song ste phyin nas/ sgyu ma mkhan bzang po la 'di skad ces smras so/ / bzang po ci byed/ dge sbyong go'u ta ma 'di gdugs tshod gsol bar byed do// des smras pa/ bzang po thong de skad ma zer/ de bzhin gshegs pa de ni sum cu rtsa gsum pa'i gnas na shing yongs 'du'i drung na sum cu rtsa gsum pa'i lha rnams la chos ston cing bzhugs so/ / bzang pos kyang de bzhin gshegs pa sum cu rtsa gsum pa'i gnas na shing yongs 'du'i drung na chos ston par mthong ngo / / de nas yang sgyu ma mkhan bzang pos shing ljon pa sprul pa ji snyed pa de dag thams cad kyi lo ma thams cad dang / me tog thams cad la de bzhin gshegs pa'i sku mtshan gyis brgyan pa/ dge slong gi dge 'dun gyis yongs su bskor ba mthong ngo // sgyu ma mkhan bzang pos seng ge'i
- 84a
khri sprul pa gang dag yin pa dang / rgyal po chen po bzhis seng ge'i khri sprul pa gang dag yin pa de thams cad la'ang / de bzhin gshegs pa'i sku mtshan gyis brgyan pa/ dge slong gi dge 'dun gyis yongs su bskor ba mthong ngo // rgyal po'i khab kyi grong khyer chen po ni rtsig pa'am/ khyim mam/ khang bzang ngam/ srang ngam/ lam po che ji snyed yod pa de dag thams cad na'ang de bzhin gshegs pa'i sku mtshan gyis brgyan pa mthong ngo // de bzhin gshegs pa dgra bcom pa yang dag par rdzogs pa'i sangs rgyas de dag thams cad kyi spyan snga na'ang / sgyu ma mkhan bzang po bdag nyid phyag 'tshal nas nyes pa 'chags par mthong zhing / de nas sgyu ma mkhan bzang po'i mig lam na gang cung zad ci snang ba thams cad de bzhin gshegs pa ma gtogs pa gzhan cung zad kyang ma mthong nas/ de tshim zhing mgu la yi rangs te/ rab tu dga' zhing dga' ba dang yid bde bar gyur to// de dga' ba dang / yid bde ba de nyid kyis dad pa rjes su dran pa ting nge 'dzin thob bo// de ting nge 'dzin de las langs ma thag tu thal mo sbyar te/ bcom ldan 'das kyi spyan sngar 'dug nas tshigs su bcad pa 'di dag gsol to/ / bzhed na brgya phrag stong las lhag gyur cing / dper na gang+gA'i klung gi bye snyed kyi// sangs rgyas mang po sprul par mdzad pa yi// de bzhin
- 84b
gshegs kyi rdzu 'phrul de la mos/ / bdag gis sngon bslabs sgyu ma'i sa ma lags// 'dzam bu'i gling na bdag 'dra med snyam na// de ring rgyal ba'i rdzu 'phrul 'di mthong na// 'di / yi grangs dang char yang ma spyod do// bdag gi sha yi mig gis gang mthong ba// thams cad rgyal ba'i mtshan gyis brgyan pa'i sku// chos kyi rgyal po la ni 'di dag zhus// rgyal ba yang dag gang lags bka' stsol cig/ gang zhig mchod na legs par mchod pa lags// gang la 'bras bu chen por 'gyur ba lags// gang gi byang chub mthun par gzung ba 'di/ / kun tu spyan gyis bdag la bka' stsol cig/ de ring 'jig rten mgon la bag ma bgyis pa'i// nongs pa gang lags deng 'dir kun tu 'chag gang dag sems can mchog la gus mi gnas/ / sems can de dag rgyal ba'i bde las nyams// bdag la lha dang brgya byin tshangs pa dang // 'khor 'dus gyur pa 'di dag kun gson cig/ sems can thams cad rab tu dgrol slad du// byang chub sems ni bdag gis bskyed par bgyi// bdag gis sems can thams cad mgron du gnyer/ / bdud rtsi bde bas yang dag tshim par bgyi// gnyid kyis rab log sems can shes par bgyi// mthu dang sgrub pas rnam par sad par bgyi// rnam par 'phrul pa
- 85a
'di 'dra mthong gyur cing / / bde bar gshegs bka' yid 'ong ye shes dang // chags pa med pa'i spyod mchog thos nas ni// su zhig dag pa'i rgyu sems skyed mi bgyid/ / byang chub sems mkhas ji ltar spyad pa yi// byang chub lam ni bdag la bshad du gsol// gang la nyan thos rnams kyis mi dpogs pa'i// de dag rnams kyi spyod pa ji lta bu// cho ga spyod pa'i yon tan ji lta bu// mnyan par 'dod pa gus pa ji lta bu// nges pa rnams kyi spyod lam ci 'dra ba// bdag la the tsom ma mchis de bzhin gsungs/ / ji ltar thos pa tshol la goms pa lags// thos pa snying por bgyid pa'i dang po gang // gzhan la gsal bar ston pa ji lta bu// srog chags thams cad ji ltar chos la dad/ / ji ltar 'di dag shes kyi khe mi tshol// zang zing med pa'i sems la ji ltar gnas// byas pa shes shing rab tu phan 'dogs dang // sems can mi byed gnas par ji ltar 'gyur// grogs po gang dag bsten bgyi ji lta bu// sdig pa'i grogs rnams ji ltar rnam par spong // ji ltar sangs rgyas rnams dang phrad par 'gyur/ / de dag mthong nas ji ltar mchod par bgyi// ji ltar bslab pa dag la gus pa lags// de yi bslab pa bca' ba gang zhig lags// tshul khrims
- 85b
ji ltar rnam par dag par 'gyur/ / ting 'dzin rnam par dag pa ji ltar 'thob// ji ltar tshul bzhin rab tu sbyor ba lags// tshul bzhin ma lags ji ltar spong ba lags// rdzi ltar shin tu nges par bsams yid dang / / nyon mongs bdud kyi 'ching bas mi thub lags// ji ltar dang ldan don ni sems bgyid cing // sems kyis sems can rnams ni mi gtong lags/ / ji ltar sems can yongs su smismin bgyid cing // nor mchog 'dzin pa med la dpa' ba lags// ji ltar sems can spyod la 'jug pa dang // thabs dang byams pa snying rjes gnas pa lags// mngon par shes pa ji ltar yongs rdzogs 'gyur// dran dang blo gros gang gis rnam dag cing // so so yang dag rig gzungs bzod par 'gyur/ / smon lam rnam dag spyod lam mi ldog cing // zab mo shes ldan don dam mkhas pa lags// smon lam thams cad ji ltar 'grub par 'gyur/ / ji ltar de dag pha rol phyin 'phags shing // de bzhin byang chub rjes su mthun par 'gyur// byang chub sems dpa'i spyod pa kun shes shing // byang chub phyir ni spyod pa mi ldog pa/ / kun mkhyen legs par don bsams shes rab mtsho// ye shes 'byung gnas 'di ni bdag la gsung // bcom ldan phan yon bdag la bstan
- 86a
du gsol/ / bdag gis nan tan snying por bgyi bar 'tshal/ de nas bcom 'das kyis/ sgyum mkhan bzang po la slar tshigs su bcad de bka' stsal pa/ chos kun sprul par gang gis shes pa de// sangs rgyas bye ba phrag stong sprul par byed// sprul pa de dag zhing rnams bye bar 'gro// de dag song nas sems can bye ba 'grel/ / ji ltar bzang po khyod kyis gzugs med las// sna tshogs mtha' yas gzugs ni ston byed cing // de dag skye ba med cing 'gag med la// 'gro med 'ong med gnas pa med pa ltar/ / bzang po skyes bu khyu mchog rgyal ba yis// phung po dge 'dun tshogs bcas sprul de 'dra// de dang ye shes med par mi 'gyur te// sangs rgyas bsam yas rnams kyi rdzu 'phrul yin/ / ji ltar sgyu mas rmongs byas skye ba ni// sems pa yod min de bzhin nga rgyal med// 'di la grub pa med cing rdzas yod min// phyin ci log gi sems kyis mthong ba ltar// de bzhin sangs rgyas gzugs med kha dog dang // dbyibs min spyod pa ston yang spyod lam med// 'jig tshogs lta bas kun nas slang ma yin/ / sangs rgyas sangs rgyas snyam du 'du shes med// sangs rgyas gzugs su mi blta mtshan dang ni// na tshod rigs su ma yin sgra dang ni// 'chang bar
- 86b
'gyur bar ma yin sems dang ni/ / rnam shes yid kyis rab du phye ma yin// chos nyid gang yin sangs rgyas bcom ldan 'das// dus gsum stong zhing mtshan yang ma skyes pa/ rtag tu sgyu ma'i rang bzhin rnam par grol// de la chos su bgrang bar rab tu phye ba med// sangs rgyas 'byung gang chos nyid 'byung ba med// de la phung po yod min khams mi 'byung // chos de gnas pa ma g.yo rten pa med// de ni mig lnga'i gnas kyang ma yin no// gang zhig bdag gis sangs rgyas blta snyam sems// des ni gzhar yang sangs rgyas mthong mi 'gyur// 'dren pa mthong ba med pa mthong ba ste// dper na nam mkha' la ni bya rjes bzhin// bzang po gang khyod cung zad sangs rgyas lta// de kun don gcig yin par shes par gyis// nga dang gzhan gang yin pa de kun mtshungs/ / bar snang mthong dang 'dra bar mnyam pa yin// de dag ting 'dzin mnyam zhing shes rab mnyam// de dag rnam par grol bar mnyam pa yin// rnam grol ye shes mthong zhing stobs dang ni/ / rgyal ba'i yon tan kun gyis mnyam pa yin// de dag stong don go 'phang gnas par mnyam// thams cad chags pa med pa'i chos nyid gnas/ / kun kyang sgyu ma'i rang bzhin rnam par grol// de dag 'byung ba med par 'byung ba yin// bzang po rgyal ba gcig la mchod byed na// phyogs bcu'i sangs rgyas la ni mchod
- 87a
'gyur te/ / 'di ltar de dgang yi chos dbyings dang // tha dad bya ba nam yang yod ma yin// de dag thams cad yon pa zhes sbyong bar mdzad// kun la phul ba'ang 'bras bu che bar 'gyur/ / de kun chos nyid dag pa mnyam pa brnyes// sangs rgyas rnams la tha dad bya ba'ang med// rgyal ba yang dag gang yin bshad bya yin/ gcig sems dang dran pa nyer gzhag cing // chos tshul rtogs la rnam par lta bas de// legs par nges bsams sems kyis nga la nyon// bzang po de kun ma skyes yang dag min// phyin ci log gis de kun mthong bar zad// gal te dngos po'i ngo bo yang dag na// dngos po thams cad du ni zad mi 'gyur// de phyir shin tu ma skyes yang dag min// de dag skye med zad la gnas pa med/ / des na bltar med ngo bo de dag snang // rnam par bltas na gnas pa yod ma yin// ji ltar bzang pos rgyal ba mthong ba dang // ji ltar phyogs su mngon par sprul mthong ba/ / gang gzhan phung po rgya chen rten stobs dang // phung po lnga po'ang de dang 'dra bar ltos// chos rnams thams cad rang bzhin med pa ste// sems can dang ni sangs rgyas mtshan nyid med/ / mtshan nyid med la mtshan du 'dod pa de// sangs rgyas las ni shin tu ring bar 'gyur// chos yod ma yin kun tu rtog pas bslad// dngos po med par yang
- 87b
ni brten nas shes/ / byed pa med cing byed pa po las 'das// ming du 'dzin pas stong par rab tu ston// gang gis rgyu dang byed po rkyen mi shes// des ni chags bral gyur pa chos kyang shes/ / 'dod chags bral ba'i chos ni shes gyur na// des ni rnam dag mig gis sangs rgyas mthong // yang de'i tshe tshigs su bcad pa dag brjod de bstan pa na/ sgyu ma mkhan bzang po chos la nges par rtog pa dang mthun pa'i bzod pa chung ngu skyes so/ / srog chags lnga stong ni bla na med pa yang dag par rdzogs pa'i byang chub kyi sems sngon ma bskyed pa skyes so// byang chub sems dpa' nyis brgya ni mi skye ba'i chos la bzod pa thob par gyur to// de nas yang bcom ldan 'das kyis zhal zas sprul pa de gsol nas/ sgyu ma mkhan bzang po'i yon yongs su sbyang bar bya ba'i phyir/ de'i tshe tshigs su bcad pa 'di dag bka' stsal to// gang gis sbyin dang gang la sbyin// sbyin pa ji ltar mi rtog pa// sbyin pa mnyam pa de nyid ni/ / bzang po la ni yongs rdzogs shog/ de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das 'khor gyi khyams 'di rgyan gyis brgyan bzhin du dgung bdun du gnas shing mi gda' bar mi 'gyur bar byin gyis brlab tu gsol/ de skad ces gsol pa dang / bcom ldan 'das kyis 'khor gyi khyam
- 88a
de ji ltar rgyan gyis brgyan bzhin du zhag bdun du gnas shing mi snang bar mi 'gyur bar byin gyis brlab pa mdzad do/ / de nas bcom ldan 'das da slong gi dge 'dun dang bcas te/ gdan las bzhengs nas gshegs so// de nas yang bcom ldan 'das nang du yang dag 'dzig las bzhengs nas/ chos bstan pa'i phyir bzhugs so/ / dge slong de dag dang / byang chub sems dasu de dag dang / lha dang / klu dang / gnod sbyin dang / dri za de dag kyang chos mnyan pa'i phyir/ bcom ldan 'das kyi thad du dong ngo / / de nas sbrum mkhan bzang po yang / bcom ldan 'das ka la ba der song ste phyin nas/ bcom ldan 'das kyi zhabs la mgo zos phyag 'tshal te/ bcom ldan 'das la lan gsum bskor ba byas nas/ gus pa dang bcas/ zhe sa dang bcas par thal mo sbyar te phyogs gcig tu 'dug go// phyogs gcig tu 'dug nas kyang / bcom ldan 'das la/ sgyu ma mkhan bzang pos 'di skad ces gsol to// bcom ldan 'das byang chub sems dpa' lam gang la zhugs na byang chub kyi snying por mchi bar 'gyur ba'i byang chub sems dpa' rnams kyi lam bshad du gsol/ de skad ces gsol pa dang / bcom ldan 'das kyis/ sgyu ma mkhan bzang po la 'di skad ces bka'
- 88b
stsal to/ / bzang po de'i phyir legs par rab tu nyon la yid la zung zhig dang ngas bshad do// sgyu ma mkhan bzang pos bcom ldan 'das legs so zhes gsol te/ bcom ldan 'das la nyan pa dang / bcom ldan 'das kyis de la 'di skad ces bka' stsal to// bzang po bzhi po 'di dag ni byang chub sems dpa' lam gang la zhugs na/ byang chub kyi snying por 'gro bar 'gyur ba'i byang chub sems dpa' rnams kyi lam yin te/ bzhi gang zhe na/ thams cad mkhyen pa nyid kyi sems mi 'dor ba dang / sems can yongs su mi gtong ba dang / dge ba'i rtsa ba thams cad tshol ba la ngoms mi shes pa nyid dang / dam pa'i chos yongs su bsrung ba'i phyir brtson 'grus rtsom pa ste/ bzang po bzhi po de dag ni byang chub sems dpa' lam gang la zhugs na/ byang chub kyi snying por 'gro bar 'gyur ba'i byang chub sems dpa' rnams kyi lam yin no// bzang po bzhi po 'di dag ni byang chub sems dpa' rnams kyi spyod pa yongs su dag pa yin te/ bzhi gang zhe na/ sdom pa gsum yongs su dag pa dang / gnas yongs su dag pa dang / shes pa yo su dag pa dang / skye ba yongs su dag pa ste/ bzhi po de dag yin no// bzang po bzhi po 'di dag ni gang la nyan thos dang / rang sangs rgyas thams cad kyis gting mi dpogs pa'i byang
- 89a
chub sems dpa' rnams kyi chos yin te/ bzhi gang zhe na/ bsam gtan zlog pa dang / sems kyis rnam par 'byed pa dang / sems can rnams la snying rje che ba dang / spobs pa dang skad sna tshogs pa nyid de/ bzhi po de dag yin no// bzang po bzhi po 'di dag ni byang chub sems dpa' rnams kyi 'phags pa'i spyod pa yin te/ bzhi gang zhe na/ dgon pa na gnas pa dang / 'du 'ji la mi dga' ba dang / de na gnas nas sems can rnams la byams pa dang / 'du byed rnams gang nas kyang mi 'ong gang du'ang mi 'gro bar shes pa ste/ bzhi po de dag yin no/ / bzang po byang chub sems dpa' chos bzhi dang ldan na sri zhu che zhing gus pa la gnas pa zhes brjod par bya ste/ bzhi gang zhe na/ byang chub sems dpa' lus dang srog la mi lta ba dang / sems rtag tu dga' ba dang / nga rgyal dang dregs pa spong ba dang / ji skad smra ba de bzhin du sgrub pa ste/ bzhi po de dag yin no// bzang po byang chub sems dpa' chos bzhi dang ldan na spyod lam phun sum tshogs pa yin te/ bzhi gang zhe na/ dus shes pa dang / chod shes pa dang / rab tu dben pa dang / yang dag pa nyid de/ bzhi po de dag yin no// bzang po byang chub sems dpa' chos bzhi dang ldan na the tsom med pa yin te/ bzhi gang zhe na/ 'gyod pa kun nas ldang ba rnam par gnon pa dang / mkhas pa dang shes rab chen po la bsnyen
- 89b
bkur byed pa dang / thos pa'i don sems pa dang / gzhan gyi nyes pa mi gleng zhing / gleng ba gang yin pa'ang byams pas gleng gi/ skyon gcor byed pas ma yin pa ste/ bzhi po de dag yin no// bzang po byang chub sems dpa' phan yon bzhi po 'di dag mthong na/ thos pa tshol bar byed de/ bzhi gang zhe na/ bdag dang gzhan gyi shes rab sbyong ba dang / phyogs bzhi nas lhags pa rnam kyi the tsom gcod pa dang / dam pa'i chos 'dzin pa dang / sangs rgyas kyi bsngags pa zad mi shes pa ste/ bzhi po de dag yin no// bzang po bzhi po 'di dag ni byang chub sems dpa' rnams kyi mang du thos pa'i snying po yin no/ / bzhi gang zhe na/ thos nas chos bye brag tu shes pa 'di ni 'di'i snying po yin no// thos nas bya ba ma yin pa mi byed pa 'di ni 'di'i snying po yin no/ / thos nas gzhan la ston par byed pa 'di ni 'di'i snying po yin no// thos nas don de nyid rnam par grol ba 'di lta ste/ sangs rgyas bcom ldan 'das rnams kyi byang chub la gtong bar byed pa 'di ni 'di'i snying po yin te/ bzhi po de dag yin no// bzang po bzhi po 'di dag ni byang chub sems dpa' chos ston par byed pa'i phan yon yin te/ bzhi gang zhe na/ las byas nas zas la yongs su spyod pa dang / chos gos dang / bsod snyoms dang / mal cha dang / stan dang / nad gsos dang / sman zong rnams rnyed pa dang
- 90a
gzhan gyi phyogs mthu chung bar byed pa dang / chos 'dod pa'i lha rnams phyi bzhin 'brang zhing / de dag gis bsrungs pas bdud kyis glags mi rnyed pa ste/ bzang po bzhi po de dag ni byang chub sems dpa'i chos ston par byed pa'i phan yon no// byang chub sems dpa' chos bzhi dang ldan na gzhan dag la chos ston par byed cing / 'di'i tshig gi/ lam gzung bar 'os par yang 'gyur te/ bzhi gang zhe na/ 'dod pa chung ba dang / chog shes pa dang / ngang tshul can bzang zhing mnyen pa dang / bdag nyid kyi chos sgrub pa ste/ bzhi po de dag yin no/ / bzang po byang chub sems dpa' chos bzhi dang ldan na/ shes kyi khe las 'byol zhing zang zing med par chos ston pa'ang yin te/ bzhi gang zhe na/ 'khor ba la 'jigs pa skyed pa dang / 'jig rten gyi zang zing dang 'du 'dzi don du mi gnyer ba dang / pha rol rjes su srung ba dang / 'phags pa'i rigs la gnas pa ste/ bzhi po de dag yin no// bzang po byang chub sems dpa' chos bzhi dang ldan na/ byas pa gzo ba dang / byas pa tshor ba dang / byas pa la lan du phan 'dogs pa yin te/ bzhi gang zhe na/ gzhan yang byang chub yang dag par len du 'jug pa dang / las byas pa chud mi gzon pa dang / bdag nyid la byams pa ltar gzhan la yang byams pa dang / skyes bu dam pa'i rtsal don du gnyer ba ste/ bzhi po
- 90b
de dag yin no/ / byang chub sems dpa' chos bzhi po de dag dang ldan na/ sems can rnams la mdza' bshes mi phyed par 'gyur te/ bzhi gang zhe na/ bzod pa'i stobs kyi go bgos pa dang / lan du phan 'dogs par cung zad kyang re ba med pa dang / snying rje chen po mi 'dor ba dang / log par zhugs pa rnams mi spong ba ste/ byang chub sems dpa' chos bzhi po de dag dang ldan na// sems can rnams la mdza' bshes mi phyed par 'gyur ro// bzang po bzhi po 'di dag ni byang chub sems dpas bsten par bya ba'i grogs po yin te/ bzhi gang zhe na/ sbyor ba phun sum tshogs pa dang / bsam pa phun sum tshogs pa dang / spyod pa phun sum tshogs pa dang / gang dag 'di'i byang chub nye bar rton par byed pa ste/ bzhi po de dag yin no// bzang po bzhi po 'di dag ni byang chub sems dpa' rnams kyi mi dge ba'i grogs po yin par rig par bya ste/ bzhi gang zhe na/ theg pa dman pa ston pa dang / byang chub kyi sems la 'dun pa zlog par byed pa dang / gang dag bsten na mi dge ba'i chos 'phel bar 'gyur ba dang / dge ba'i chos rnams las yongs su nyams par 'gyur ba ste/ bzhi pa de dag yin no/ / bzang po byang chub sems dpa' chos bzhi dang ldan na/ sangs rgyas bcom ldan 'das rnams dang phrad par 'gyur te/ bzhi gang zhe na/ dran pa rtse gcig pa dang /
- 91a
sangs rgyas bcom ldan 'das rnams kyi bsngags pa yang dang yang du sgrogs pa dang / tshul khrims yongs su dag pa dang / lhag pa'i bsam pas smon lam 'debs pa ste/ bzhi po de dag yin no// bzang po byang chub sems dpas phan yon bzhi po 'di dag mthong na/ de bzhin gshegs pa la mchod pa bya bar spro bar 'gyur te/ bzhi gang zhe na/ yon gnas mchog la mchod pa 'gyur ba dang / bdag mthong nas sems can gzhan dag kyang de bzhin du mchod pa byed par 'gyur ba dang / de bzhin ga pa legs par mchod na byang chub kyi sems brtan par 'gyur ba dang / skyes bu chen po'i mtshan sum cu rtsa gnyis dang ldan pa mngon sum du mthong na dge ba'i rtsa ba sogs par 'gyur ba stebazang po byang chub sems dpas phan yon bzhi po de dag mthong na/ de bzhin gshegs pa la mchod pa bya bar spro bar 'gyur ro// bzang po de bzhin du byang chub sems dpas don gyi dbang bzhi mthong na bslab pa lhur len par 'gyur te/ bzhi gang zhe na/ ngan 'gro las yang dag par 'da' ba dang / bde 'gro 'thob par 'gyur ba dang / de bzhin gshegs pa la gus pa dang / smon lam yongs su rdzogs par 'gyur ba ste/ bzhi po de dag yin no// bzang po bzhi po 'di dag ni byang chub sems dpa' rnams kyi bslab pa yin te/ bzhi gang zhe na/ byang
- 91b
chub kyi sems mi 'dor ba dang / sems can thams cad la mnyam par sbyor ba dang / pha rol du phyin pa yongs su rgol ba dang / sangs rgyas kyi chos tshad med pa mnyam pa la mi skrag pa ste/ bzang po bzhi po de dag ni byang chub sems dpa' rnams kyi bslab pa yin no// bzang po bzhi po 'di dag ni byang chub sems dpa' rnams kyi bslab pa yongs su dag pa yin te/ bzhi gang zhe na/ bya ba ma yin pa mi spyod pa dang / stong pa nyid la mos pa dang / sangs rgyas kyi byang chub mi spong ba dang / lta ba bag la nyal ba dang bcas pa yang dag par 'joms pa ste/ bzang po bzhi po de dag ni/ byang chub sems dpa' rnams kyi bslab pa yongs su dag pa yin no// bzang po bzhi po 'di dag ni byang chub sems dpa' rnams kyi ting nge 'dzin gyi rigs yin te/ bzhi gang zhe na/ 'du 'ji med pa dang / rab tu dben pa dang / sems kyi rnyog pa med pa dang / dge ba'i rtsa ba nye bar rton pa ste/ bzang po bzhi po de dag ni byang chub sems dpa' rnams kyi ting nge 'dzin gyi rigs yin no/ / bzang po bzhi po 'di dag ni byang chub sems dpa' rnams kyi tshul bzhin rab tu sbyor ba yin te/ bzhi gang zhe na/ dge ba'i rtsa ba skyes na byang chub kyi sems mngon du byed pa dang / nang du yang dag 'jog pa la sgrib pa med pa dang / rnam par thar pa'i sgo dag la 'dris par byed pa dang / nyes pa la mi 'jug pa ste/ bzang po bzhi po de dag ni byang chub sems dpa' rnams
- 92a
kyi tshul bzhin rab tu sbyor ba yin no/ / bzang po bzhi po 'di dag ni byang chub sems dpa' rnams kyi tshul bzhin ma yin pa'i sems skye ba bzlog par bya ba yin te/ bzhi gang zhe na/ 'khor ba'i 'jigs pas skrag pa dang / rnal 'byor spyod pa dag la ma mos pa dang / dgongs pa dag la mi dka' ba dang / dge ba'i rtsa ba rnams mngon par 'du mi byed pa ste/ bzang po bzhi po de dag ni tshul bzhin ma yin pa'i sems skye ba bzlog par bya ba yin no// bzang po bzhi po 'di dag ni byang chub sems dpa' rnams kyi sems kyis nges par bsam pa yin te/ bzhi gang zhe na/ sems can 'ga'i don gyi phyir yang bskal pa phyi ma'i mthar thug par 'khor ba na 'khor bar bya'o snyam pa 'di ni sems kyis nges par bsam pa dang po yin no/ / bdag gis sems can thams cad kyi sems kyi spyod pa rnams kyi shes par bya zhing / de dag gi nyon mongs pa rab tu zhi bar bya ba dang / dbang po mchog dang mchog ma yin pa shes par bya ba'i phyir chos bstan par bya'o snyam pa 'di ni sems kyis nges par bsam pa gnyis pa yin no/ / bdag gis mi dge ba'i chos thams cad spangs shing dge ba'i chos thams cad dang ldan par byas nas/ byang chub kyi snying po la 'dug ste/ bdud gyi dpung pham par byas nas/ bla na med pa yang dag par rdzogs pa'i byang chub mngon par rdzogs
- 92b
par 'tshang rgya bar bya'o snyam pa 'di ni sems kyis nges par bsam pa gsum pa yin no/ / stong gsum gyi stong chen po'i 'jig rten gyi khams skad cig gcig gis go bar byas te chos bstan par bya'o snyam pa 'di ni sems kyis nges par bsam pa bzhi pa yin te/ bzang po bzhi po de dag ni byang chub sems dpa' rnams kyi sems kyis nges par bsam pa yin no// bzang po chos bzhi po 'di dag ni byang chub sems dpa' rnams kyi bdud 'dul ba yin te/ bzhi gang zhe na/ chos la sgyu ma lta bur so sor rtog pa dang / rdul bzhin du sbyor ba dang / chos thams cad la rnam par mi rtog pa dang / mtshan ma thams cad la mi gnas pa ste/ bzang po chos bzhi po de dag ni bdud 'dul ba yin no// bzang po bzhi po 'di dag ni byang chub sems dpa' rnams kyi don sems pa yin te/ bzhi gang zhe na/ gang zag med pa'i phyir chos rnams brten nas skye ba yin gyi/ chos 'ga' yang rgyu med par ni mi skye ba dang / brten nas skyes pa'i chos gang yin pa de ma skyes pa dang / dngos po med pa dang byang chub kyi phyir chud mi za ba ste/ bzang po bzhi po de dag ni byang chub sems dpa' rnams kyi don sems pa yin no// bzang po byang chub sems dpa' chos bzhi dang ldan na/ sems can rnams mi gtong ba yin te/ bzhi gang zhe na/ sngon gyi smon lam mi 'dor ba dang / yongs su skyo ba bzod pa dang
- 93a
lus dang srog la mi lta ba dang / / smra ba'i dngos pos sdud pa ste/ bzhi po de dag yin no// bzang po bzhi po 'di dag ni byang chub sems dpa' rnams kyi yongs su smin par byed pa yin te/ bzhi gang zhe na/ 'jig rten gyi zang zing sbyin pa yongs su gtong ba dang / yongs su smin pa la chos ston pa yongs su gtong ba dang / dus dus su skul bas dran par byed pa yongs su gtong ba dang / bdag nyid kyi bde ba spangs nas/ gzhan gyi dge ba'i rtsa ba ston pa dang yongs su smin par byed pa ste/ bzang po bzhi po de dag ni byang chub sems dpa' rnams kyi yongs su smin par byed pa yin no/ / bzang po byang chub sems dpa' chos bzhi dang ldan na/ ma bsdus pa sdud par byed pa la mi 'jigs pa yin te/ bzhi gang zhe na/ dge ba'i rtsa ba chung ngu la'ang mos pa dang / rtag tu rgyun mi 'chad par gzhan gyi don byed par spro ba dang / sbyin pa dang / dul ba dang / nges pa phun sum tshogs pa dang / rnyed pa dang / bkur sti dang / tshigs su bcad pa thams cad la don du gnyer ba med pa ste/ bzhi po de dag yin no// bzang po byang chub sems dpa' chos bzhi dang ldan na/ sems can gyi spyod pa la 'jug pa yin te/ bzhi gang zhe na/ mngon par shes pa thob pa dang / ye shes thob pa dang / ting nge 'dzin chen por gyur pa tshad med pa la 'jug pa dang / rnam pa
- 93b
thams cad kyi mchog dang ldan pa'i stong pa nyid sgom zhing rnam par grol ba dang ma 'dres pa ste/ bzhi po de dag yin no// bzang po byang chub sems dpa' chos bzhi dang ldan na/ thabs la mkhas pa yin par rig par bya ste/ bzhi gang zhe na/ sems bskyed pa thams cad la byang chub kyi sems sngon du 'gro ste/ tha na nyon mongs pa'i sems la'ang rung na/ dge ba'i sems la lta smos kyang ci dgos pa dang / sems can thams cad chos kyi snod nyid yin par lta ba dang / ngo bo nyid med par khong du chud pas chos thams cad log pa nyid du nges pa yin par lta ba dang / rnam par grol bar 'dod pas snyoms par 'jug pa thams cad la mngon par zhen pa med pa'i 'du shes sgom par byed pa ste/ byang chub sems dpa' chos bzhi po de dag dang ldan na/ thabs la mkhas pa yin par rig par bya'o// bzang po bzhi po 'di dag ni byang chub sems dpa' rnams kyi byams pa sgom pa yin no// bzhi gang zhe na/ bdag gis sems can thams cad bskyab par bya'o snyam du byams pa sgom pa dang / bdag gis sems can thams cad bsngal bar bya'o snyam du byams pa skom pa dang / bdag gis sems can thams cad bskul bar bya'o snyam du byams pa sgom pa dang / bdag gis sems can thams cad yongs su mya ngan las bzla'o snyam du byams bsgom
- 94a
pa ste/ bzang po de dag ni byang chub sems dpa' rnams kyi byams pa sgom pa yin no// bzang po bzhi po 'di dag ni byang chub sems dpa' rnams kyi snying rje yin te/ bzhi gang zhe na/ ngan song du skyes pa rnams bde 'gro'i lam la dgod pa'i snying rje dang / sdig pa'i las dang ldan pa rnams dge ba'i chos la sbyor ba'i snying rje dang / thag pa dman pa la mos pa rnams theg pa chen po yang dag par len du 'jug pa'i snying rje dang / sems can thams cad yongs su mya ngan las bzla'o snyam pa'i snying rje ni bzhi pa yin te/ bzhi po de dag yin no/ / bzang po byang chub sems dpa' chos bzhi dang ldan na/ mngon par shes pa 'thob par 'gyur te/ bzhi gang zhe na/ lus dang sems yang ba dang / sgyu ma'i rang bzhin du rnam par 'byed pa dang / sems can thams cad la gus pa dang rim gro'i sems bskyed pa dang / zhi gnas la rtse gcig tu gyur pas rnam par g.yeng ba med pa yin no// bzang po byang chub sems dpa' chos bzhi dang ldan na/ so so yang dag par rig pa 'thob par 'gyur te/ bzhi gang zhe na/ don la rton pa yin gyi tshig 'bru la mi rton pa yin/ chos la rton pa yin gyi gang zag la mi rton pa dang / chos thams cad bdag med pa'i nges pa'i tshig dang / yi ge mi zad par shes nas chags pa med cing thogs pa med par ston pas ston par byed pa ste/ bzhi po
- 94b
dag yin no/ / bzang po byang chub sems dpa' chos bzhi dang ldan na/ gzungs 'thob par 'gyur te/ bzhi gang zhe na/ mang du thos pas ngoms mi shes pa dang / mang du thos pa rnams la chos bzhin du gus par bsnyen bkur byed pa dang / rtag tu gzhan dag la chos ston par brtson pa dang / tshig dang yi ge thams cad gtan la dbab pa'i phyir de bzhin gshegs pa'i dgongs te gsungs pa la 'jug pa yin no/ / bzang po byang chub sems dpa' chos bzhi dang ldan na/ bzod pa 'thob par 'gyur te/ bzhi gang zhe na/ mos pa dang / phyir mi ldog pa dang / tshogs dang / yongs su mi skyo ba ste/ bzhi po de dag yin no// bzang po byang chub sems dpa' chos bzhi dang ldan na/ spobs pa dag pa 'thob par 'gyur te/ bzhi gang zhe na/ chos smra ba gzhan dag gis bshad pa dang 'gal bar mi byed pa dang / chos smra ba la gus pa dang bcas shing zhe sa dang bcas par chos nyan pa dang / thos pas khengs pa med pa dang / thos pa nyung ngu rnams la rnyas par mi byed pa ste/ bzhi po de dag yin no// bzang po chos bzhi po 'di dag ni byang chub sems dpa' rnams kyi bsgyur ba ste/ bzhi gang zhe na/ 'dod chags dang / zhe sdang dang gti mug bskur ba dang / nyan thos las bsgyur ba dang / rang sangs rgyas las bsgyur ba dang / dge ba'i rtsa ba'i chos la 'du shes bsgyur ba ste/ bzhi po de dag yin no// bzang po
- 95a
chos bzhi po 'di dag ni byang chub sems dpa' rnams kyi don zab mo la sbyor ba yin te/ bzhi gang zhe na/ rten cing 'brel par 'byung bar rtogs par byed pa dang dgongs pa rtogs par byed pa dang / bdag gi ngo bo nyid rtogs par byed pa dang / 'di ltar stong pa'i don du chos de dag thams cad don gcig par rtogs par byed pa ste/ bzhi po de dag ni byang chub sems dpa' rnams kyi don zab mo la sbyor ba yin no/ / bzang po byang chub sems dpa' chos bzhi dang ldan na/ smon lam 'grub par 'gyur te/ bzhi gang zhe na/ tshul khrims dang bslab pa yongs su dag pa dang / las kyi sgrib pa rnam par sbyong ba dang / g.yo sgyu med pa dang / dge ba'i rtsa ba bskyed pa la sems dbang byed pa ste/ bzhi po de dag ni byang chub sems dpa' rnams kyi smon lam 'grub par 'gyur ba'o/ / bzang po byang chub sems dpa' chos bzhi dang ldan na/ pha rol tu phyin pa thams cad kyis 'phags shing phyir mi ldog pa'i chos can du 'gyur tebazhi gang zhe na/ thabs mkhas pa dang ldan pas pha rol tu phyin pa gcig gi nang du pha rol tu phyin pa gzhan thams cad kyang sdud par byed pa dang / thabs mkhas pa dang ldan pas sems can gcig gi rang bzhin rtogs pas/ de las gzhan pa'i sems can thams cad kyang shes pa dang / thabs mkhas pa dang ldan pas chos rnam par dag pa gcig gi tshul rtogs pas/ chos gzhan dag kyi
- 95b
rnam par dag pa'ang shes pa dang / chos nyid yin pas sangs rgyas thams cad sangs rgyas gcig tu mos pa ste/ bzang po byang chub sems dpa' chos bzhi po de dag dang ldan na/ pha rol du phyin pa thams cad kyis 'phags shing phyir mi ldog pa'i chos can du 'gyur ro/ / bcom ldan 'das kyis bzhi pa bsgrub pa 'di bshad pa na/ sgyu ma mkhan bzang po mi skye ba'i chos la bzod pa thob nas/ tshim zhing mgu la yi rangs te/ rab tu dga' zhing dga' ba dang yid bde bar gyur nas/ dga' ba dang mchog tu dga' ba de nyid kyis shing ta la bdun srid tsam gyi steng gi nam mkha' la 'phags so/ / de nas bcom ldan 'das kyis de'i tshe 'dzum pa mdzad do// 'dzum pa mdzad pa'i zhal gyi sgo nas 'od zer grangs med dpag tu med pa bkye bas sangs rgyas kyi zhing thams cad 'od zer des khyab par byas nas/ slar yang bcom ldan 'das kyi dbu'i gtsug tu nub bo// de nas tshe dang ldan pa kun dga' bo stan las langs te/ chos gos phrag pa gcig du bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to/ / btsun pa bcom ldan 'das de bzhin gshegs pa ni rgyu ma mchis pa dang / rkyen ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ de'i
- 96a
tshe tshogs su bcad pa 'di dag kyang gsol to/ / ye shes 'byung gnas gzi brjid gzhal yas shes rab grags// 'jig rten gsum du yon tan pha rol phyin brnyes grags/ / rgyal ba rang byung gang gi slad du 'dzum bstan pa// mi yi dbang pos de ni bdag la bka' stsal gsol// phyogs rnams na ni 'gro bar sems can ji snyed gnas// de dag kun kyi sems kyi spyod pa rnams dang ni/ / dman dang mchog dang tha ma bar ma rgyu ldan mkhyen// ci slad 'dzum pa mdzad pa bdag la bstan du gsol// lha dang de bzhin zhugs 'bar sgra ni gang lags dang mi 'am ci dang mi dang brgya byin lha min dang / / mkha' lding lto 'phye tshangs pa'i sgra dang sgra gzhan rnams// sangs rgyas rdul bral gsung sgra'i char yang ga la spyod// 'od bzang nyi ma'i 'od dang nor bu'i 'od rnams dang / / brgya byin 'od dang tshangs pa'i 'od rnams ji snyed pa// ji ltar sangs rgyas 'od kyis khyab par gda' ba ltar// 'od rnams de dag thams cad rnam par gsal ma lags/ / sangs rgyas zhing de zab mo'i chos ni rjes su thob// stong pa bdag med sems can gang zag med mkhyen nas// yod dang med pa'i mtha' gnyis rnam par spangs nas su/ / dus gsum chu zla 'dra bar rab tu mkhyen pa'o// deng 'dir su zhig theg pa'i mchog la sems bdud de// su zhig sangs rgyas rigs dang chos kyi rigs la gnas// su
- 96b
zhig dkon mchog gsum po rgya cher skyed par bgyid/ / gang gi ched du 'dzum pa mdzad pa legs par gsungs// gal te rgyal ba nyan thos rnams la don ldan gsungs// de tshe bde gshes 'dzum pa zhabs kyi pus mor nub/ / gal te rkyen gyi theg pa gsung na phrag par nub// gang tshe sangs rgyas theg gsung de tshe spyi bor nub// ji ltar khyod kyis 'od zer 'bum snyed rab btang ba/ / bde bar gshegs kyi gtsug tu nub par gyur las na// phan mdzad lha yi lha ste phan pa mdzad pa po// 'dir ni sangs rgyas theg par lung ston dogs ma mchis de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyed kyis rigs kyi bu bzang po mthong ngam/ gsol pa bcom ldan 'das mthong lags so/ / bka' stsal pa/ kun dga' bo rigs kyi bu bzang po 'di bskal pa dgu khri nyis stong na/ bskal pa legs par sprul pa la/ 'jig rten gyi khams bkod pa chen por de bzhin gshegs pa dgra bcom pa yang dag par rdzogs pa'i sangs rgyas rnam par 'phrul pa'i rgyal po zhes bya bar 'jig rten du 'byung bar 'gyur te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnam par 'phrul pa'i rgyal po de'i 'jig rten gyi khams bkod pa chen po zhes bya ba de ni 'byor par 'gyur/ sa
- 97a
pa dang / bde ba dang / lo legs pa dang / nyams dga' ba dang / mi dang skye bo mang pos gang bar 'gyur zhing / lag mthil ltar mnyam pa dang / ka tsa lin de ltar reg na 'jam pa dang / me tog gi shing ljon pas brgyan pa dang / rol mo sna tshogs sgrogs pa dang / spos sna tshogs kyis bdugs pa dang / rtag tu rgyun mi 'chad par gdugs dang / rgyal mtshan dang / da dan bsgreng bar 'gyur ro// kun dga' bo bza' ba dang btung ba ni dper na sum cu rtsa gsum pa'i lha rnams kyi longs spyod lhultar bsams pa tsam gyis 'grub ste/ mi de dag gi nye bar spyad pa dang / yongs su spyad pa ni de lta bur 'gyur ro// kun dga' bo de'i tshe 'jig rten gyi khams bkod pa chen po de rtag tu bkod pa thams cad nye bar ston par byed de/ des na 'jig rten gyi khams de bkod pa chen po zhes bya'o// kun dga' bo sangs rgyas kyi zhing der sems can gang dag skyes pa de dag thams cad kyang rgya chen po la mos pa/ theg pa chen po la yang dag par zhugs pa sha stag tu 'gyur ro// kun dga' bo de bzhin gshegs pa rnam par 'phrul pa'i rgyal po'i tshe tshad ni lo khrir 'gyur ro/ / yongs su mya ngan las 'das nas kyang dam pa'i chos lo bye bar gnas par 'gyur ro// kun dga' bo gang gi tshe de bzhin gshegs pa rnam par 'phrul
- 97b
pa'i rgyal po yongs su mya ngan las 'da' ba de'i tshe yang / byang chub sems dpa' sgra rnam par grags pa 'di nga'i 'og tu de bzhin gshegs pa dgra bcom pa yang dag par rdzogs pa'i sangs rgyas kun gyi khyab bdag ces bya bar 'jig rten du 'byung bar 'gyur ro/ / zhes byang chub sems dpa' sgra rnam par grags pa lung bstan nas yongs su mya ngan las 'da' 'o// de nas rigs kyi bu bzang po bar snang de las babs nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bdag gis de slan chad de bzhin gshegs pa dgra bcom pa yang dag par rdzogs pa'i sangs rgyas bye ba 'bum phrag du ma dang / chos dang / dge slong gi dge 'dun la skyabs su mchi'o// de bzhin gshegs pa de bzhin nyid gang gis de bzhin nyid las slar ma log pa de bzhin gshegs pa'i de bzhin nyid dang / dbyer ma mchis pa'i de bzhin nyid dang / ma tshang ba ma mchis pa'i de bzhin nyid dang / rnam par mi rtog pa'i de bzhin nyid dang / skye ba ma mchis pa'i de bzhin nyid dang / mngon par 'du bgyid pa ma mchis pa'i de bzhin nyid kyis/ de bzhin gshegs pa de bzhin nyid gsung ba bzhin du 'ad rgya ma mtshal/ de nas tshe dang ldan pa kun dga' bos/ rigs kyi bu bzang po la 'di skad ces smras so// bzang po khyod de bzhin gshegs pa'i chos nyid rjes su chos
- 98a
bam ci na/ khyod ji ltar na de bzhin gshegs pa de bzhin nyid gsung ba ltar khyod de skad smra/ bzang pos smras pa/ btsun pa kun dga' bo chos thams cad kyang bzhin gshegs pa'i chos nyid thob pa yin no/ / de ci'i phyir zhe na/ btsun pa kun dga' bo 'di ltar de bzhin gshegs pas de bzhin nyid dbyer med pa nyid du thugs su chud de/ bzhin nyid dbyer med pa gang yin pa der kho bo'ang chud cing / ji ltar kho bo chung pa de bzhin du sems can thams cad kyang chud la/ ji ltar sems can thams cad chud pa de bzhin du chos thams cad kyang chud pa'i phyir te/ btsun pa kun dka' bo de bzhin gshegs pa'i chos nyid ni gnyis kyis rab tu phye ba ma yin no// btsun pa kun dga' bo gnyis su med pa ni gang na ku tu shes pa med pa nyid dang / yongs su shes pa med pa nyid do// de ci'i phyir zhe na/ 'du shes yongs su shes pa'i shes pa ni sangs rgyas kyi ye shes yin pa'i phyir ro// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das rigs kyi bu bzang po ni lha dang bcas pa'i 'jig rten mgo rmongs par bgyid pa ste/ sngon yang sgyu ma'i chos nyid kyis mgo rmongs par bgyis so/ / da yang shes rab dang ye shes kyis mgo rmongs par bgyid do// de ci'i slad du zhe na/ 'di'i shes rab dang ye shes kyi spobs pa ni
- 98b
de lta bu lags pa'i slad du'o/ / de nas bcom ldan 'das kyis/ sgyu ma mkhan bzang po la 'di skad ces bka' stsal to// bzang po khyod lha dang bcas pa'i 'jig rten mgo rmongs par byed pa bden nam/ gsol pa/ bcom ldan 'das kyis ji ltar mgo rmongs pa mdzad pa de bzhin du bdag kyang mgo rmongs par bgyid lags so// de ci'i slad du zhe na/ bcom ldan 'das 'di lta ste/ bdag med pa nyid kyis sems can du tha snyad btags te chos ston pa dang / srog med pa dang / gang zag med pa nyid kyis gang zag tu chos ston pa 'di ni mgo rmongs par bgyid pa chen po lags pa'i slad du'o/ / de bzhin gshegs pas ni byang chub kyi snying po la bzhugs nas/ chos 'ga' yang 'chi 'pho ba 'am/ 'gro ba 'am/ skye ba ma gzigs mod kyi/ 'chi 'pho ba dang / 'gro ba dang / skye ba'i chos ston par yang mdzad de/ bcom ldan 'das de lta lags pas/ de bzhin gshegs pa yang dag par gsung ba bka' stsol ba lta lha dang bcas pa'i 'jig rten gyi yul ga la lags/ / de nas bcom ldan 'das kyis/ sgyu ma mkhan bzang po la legs so zhes bya ba byin te/ rigs kyi bu legs so legs so// khyod ji skad smra ba de kho na bzhin te/ 'di lta ste/ bdag med pa nyid kyis sems can du tha snyad btags te/ chos ston pa dang / srog med pa dang / gang zag med pa nyid kyis gang zag
- 99a
tu chos ston pa 'di ni mgo rmongs pa chen po yin no/ / de bzhin gshegs pas ni byang chub kyi snying po la bzhugs nas/ chos 'ga' yang 'chi 'pho ba'am 'gro ba 'am/ skye ba ma gzigs mod kyi/ 'chi 'pho ba dang / 'gro ba dang / skye ba'i chos ston par yang mdzad de/ 'di la yongs su mya ngan las 'da' ba 'am/ yongs su mya ngan las 'da' ba'i phyir chos bstan pa'i chos ni 'ga' yang med do/ / de nas rigs kyi bu bzang pos/ bcom ldan 'das la rab tu 'byung bar gsol pa dang // bcom ldan 'das kyis/ byang chub sems dpa' byams pa la bka' stsal pa/ byams pa khyod kyis rigs kyi bu bzang po rab tu phyung zhig/ de nas byams pas rigs kyi bu bzang po rab tu phyung rdzogs par bsnyen par byas so/ / rab tu phyung rdzogs par bsnyen nas kyang / bcom ldan 'das la 'di skad ces gsol to// bcom ldan 'das byang chub sems dpa' rnams ni kha rog dang rtags dang / tshul gyis rab tu 'byung ba ma lags so// bcom ldan 'das de ci'i slad du zhe na/ byang chub sems dpa' gang zhig mtshan ma thams cad la'ang chags pa ma mchis la/ sems can yongs su smin par bgyi ba'i slad du khams gsum na'ang gnas na/ de ni byang chub sems dpa' rnams kyi rab tu byung ba lags so// yang de'i tshe bstan pa
- 99b
'di bshad pa na/ srog chags lnga stong gis ni bla na med pa yang dag par rdzogs pa'i byang chub tu sems bskyed do// dge slong nyis brgya ni len pa med par zag pa rnams las sems rnam par grol lo/ / de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di'i ming ji skad ces gzung bar bgyi/ bcom ldan 'das kyis bka' stsal pa/ sgyu ma mkhan bzang po lung bstan pa zhes bya bar zung zhig/ rim gyis byang chub yang dag par 'byung ba zhes bya bar yang zung zhig/ kun dga' bo byang chub sems dpa' gang de bzhin gshegs pa blta bar 'dod pa dang / sems can rnams la sangs rgyas kyi mdzad pa bya bar 'dod pa des/ chos kyi rnam grangs 'di gzung bar bya/ bcang bar bya// bklag par bya/ gzhan dag la'ang bstan par bya'o// de ci'i phyir zhe na/ kun dga' bo gang gis 'di bzung ba dang / bcangs pa dang / bklags pa dang / gzhan dag la'ang rab tu bstan pa des ni/ de bzhin gshegs pa mthong ba yin/ des ni sems can rnams la sangs rgyas kyi mdzad pa'ang byas pa yin no// kun dga' bo de lta bas na khyod kyis skye bo mang po la bde ba dang / 'jig rten la snying brtse ba dang /
- 100a
'di lta ste/ lha dang mi rnams kyi don dang / phan pa dang bde ba'i phyir chos kyi rnam grangs 'di zung zhig/ chongs shig/ lkog shig/ kun chub par gyis shig/ kun dga' bo chos gang dag gis byang chub yang dag par 'byung ba dang / theg pa chen po 'di la'ang mang dag par 'byung bar 'gyur ba de dag ni/ theg pa chen po 'di las yang dag par rab tu ston te/ des na chos kyi rnam grangs 'di byang chub la yang dag par byung ba zhes bya'o// kun dga' bo khyod mos par bya'o// khong du chud par bya'o// gang zhig chos kyi rnam grangs 'di gleg bam du byed pa 'am/ lus la bsrel ba de'i lus la de bzhin gshegs pa yod pa yin na/ gang dag gis thos nas de bzhin nyid du sgrub pa lta smos kyang ci dgos/ de nas bcom ldan 'das la/ rigs kyi bu bzang pos 'di skad ces gsol to// bcom ldan 'das chos kyi rnam grangs 'di ni sngon gyi dge pa'i rtsa ba skul ba zhes bgyi lags so/ / de ci'i slad du zhe na/ bcom ldan 'das 'di ltar bdag gis chos kyi rnam grangs 'di thos nas/ dge ba'i rtsa ba sngon bsags pa thams cad mngon sum du gyur pa'i slad du lags so/ / bcom ldan 'das kyis de skad ces bka' stsal nas/ rigs kyi bu bzang po dang / tshe dang ldan pa kun dga'
- 100b
bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ sgyu ma mkhan bzang po lung bstan pa zhes bya ste/ 'dus pa nyi shu rtsa gcig pa rdzogs so/ / // rgya gar gyi mkhan po dzi nA mri tra dang / pradz+nyA bar ma dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa/ shr-i ka bzhi brgya sum cu/ bam po gcig dang shr-i ka brgya sum cu'o// // rgya gar skad du/ Ar+ya ma hA pra ti hAr+ya u pa de sho nA ma ma hA yA na sU tra/ bod skad du/ 'phags pa cho 'phrul chen po bstan pa zhes bya ba theg pa chen po'i mdo// / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' brgyad stong dang thabs cig tu bzhugs so// de nas
- 101a
lha'i bu ded dpon zhes bya ba 'khor de nyid du 'dus par gyur te 'dug go/ / 'jam dpal gzhon nur pa'ang 'khor de nyid du 'dus par gyur te/ dug go/ de nas bcom ldan 'das la/ lha'i bu ded dpon gyis 'di skad ces gsol to// bcom ldan 'das de bzhin gshegs pa cho 'phrul du zhig gis sems can rnams 'dul bar mdzad lags// bcom ldan 'das kyis bka' stsal pa/ lha'i bu nga ni cho 'phrul rnam pa gsum gyis sems can rnams 'dul bar byed do// gsum gang zhe na/ 'di lta ste/ kun rjod pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul lo// de la de bzhin gshegs pa'i kun rjod pa'i cho 'phrul de gang zhe na/ thogs pa med pa'i ye shes kyis ma 'ongs pa'i dus gzigs pa gang yin pa dang / sems can thams cad kyi sems kyi spyod pa mkhyen cing gzigs pa dang / dkon mchog gsum po dag la ma dad pa rnams dad par mdzad pa dang / las kyi rnam par smin pa la 'jug pa mkhyen pa dang / de bzhin gshegs pas gang zag gang la da ltar byung ba na nyes par spyad pa'i gzhis ngan song dang / ngan 'gro gang yang rung ba dag tu skye bar 'gyur ba de kho na bzhin du 'gyur gyi gzhan du ma yin no zhes kun rjod par mdzad pa dang / gang zag de sngon dge ba'i rtsa ba yang dag par blangs pa'i
- 101b
rgyus ngan song rnams las thar nas lha dang mi dag tu skye bar 'gyur zhing theg pa gang gis nges par 'byung bar 'gyur ba dang / yang na nyan thos kyi theg pa 'am/ yang na rang sangs rgyas kyi theg pa 'am/ yang na thas pa chen pos nges par 'byung bar 'gyur ba dang / de bzhin du bde ba dang sdug bsngal myong bar 'gyur ba dang / bskal pa ji snyed cig gis nges par 'byung bar 'gyur ba dang / spyod pa ji lta bus sangs rgyas bcom ldan 'das ji snyed cig mthong bar 'gyur ba dang / mnyes par byed par 'gyur ba de dag thams cad de bzhin gshegs pas rab tu mkhyen to// mkhyen nas kyang de ni de kho na bzhin du 'gyur gyi gzhan du ma yin no zhes de kho na bzhin du kun rjod par mdzad pa dang / gang zag gang dge ba'i rtsa ba yang dag par blangs pa'i rgyus 'dod pa'i khams rnams su skye bar 'gyur ba dang / gzugs kyi khams dang / gzugs med pa'i khams kyi skye mched gang yang rung ba dag tu skye bar 'gyur ba de'ang de bzhin gshegs pas rab tu mkhyen to/ / theg pa gang gis nges par 'byung bar 'gyur ba dang / bskal pa ji snyed cig gis nges par 'byung bar 'gyur ba dang / spyod pa ji lta bus sangs rgyas bcom ldan 'das ji snyed cig mthong bar 'gyur zhing mnyes par byed par 'gyur ba de dag thams cad kyang / de bzhin gshegs pas rab tu mkhyen to/ / mkhyen nas kyang de ni de kho na bzhin du kun rjod cing lung ston par mdzad pa dang / dge ba 'am/ mi dge ba 'am/ dman pa 'am/ bar ma 'am/ mchog gam/
- 102a
tha na sems bskyed pa gcig kyang mi 'da' ste/ de ni de bzhin gshegs pa'i kun rjod pa'i cho 'phrul yin no// de la de bzhin gshegs pa'i rjes su bstan pa'i cho 'phrul gang zhe na/ bslab pa bsrung ba'i don gyi phyir rjes su ston par mdzad pa gang yin pa ste/ 'di ni bya ba'o// 'di ni bya ba ma yin pa'o// 'di ni bsten par bya'o// 'di ni bsten par bya ba ma yin pa'o// 'di ni sgrub pa'o// 'di ni log par sgrub pa'o// chos 'di dag ni kun nas nyon mongs pa'i cha dang mthun pa'o// chos 'di dag ni rnam par byung ba'i cha dang mthun pa'o zhes de ltar yon tan thams cad yang dag par blang ba rjes su ston pa dang / mi dge ba thams cad spang ba rjes su ston pa dang / dge ba'i lam gyi tshogs thams cad blang ba rjes su ston/ pa dang / lam 'di ni nyan thos kyi theg pa yongs su rdzogs par 'gyur ba'o// lam 'di ni rang sangs rgyas kyi theg pa yongs su rdzogs par 'gyur ba'o// lam 'di ni theg pa chen po yongs su rdzogs par 'gyur ba'o zhes rjes su ston pa gang yin pa ste/ de dag ji skad bstan pa bzhin du bsgrubs na gnas gang yin pa de rjes su thob par mi 'gyur ba ni gnas ma yin/ skabs ma yin te/ de ni gnas med do/ / las 'di yang dag par blangs na ni sems can dmyal ba rnams su khrid par byed do// las 'di yang dag par blangs na ni dud 'gro'i skye gnas rnams su khrid par byed do// las
- 102b
'di yang dag par blangs na ni gshin rje'i 'jig rten rnams su khrid par byed do/ / las 'di yang dag par blangs na ni lha rnams su khrid par byed do// las 'di yang dag par blangs na ni mi rnams k hrid par byed do/ / de la gang dag mi dge ba spangs nas/ dge ba yang dag par blangs pa'i phyir 'jug pa dang / 'phags pa'i lam du 'jug pa de dag ni lha dang mi rnams su skyes nas/ rim gyis yongs su mya ngan las 'das pa'i chos can du 'gyur ba dang / tshul de lta bu kha na mtho ba dang / rmongs pa med pa dang / rjes su ston par mdzad pa gang yin pa ste/ de ni de bzhin gshegs pa'i rjes su bstan pa'i cho 'phrul yin no/ / de la de bzhin gshegs pa'i rdzu 'phrul gyi cho 'phrul gang zhe na/ gang dag rdzu 'phrul gyis 'dul ba'i sems can nga rgyal dang / rgyags padang / dregs pas bcom pa rnams la rdzu 'phrul gyi cho 'phrul kun tu ston pa mdza de/ di lta ste/ gcig tu gyur nas du mar 'gyur ro// du mar gyur nas gcig tu 'gyur ro// snang bar gyur cing mi spang bar yang 'gyur ro/ / rtsig pa la'ang thad kar 'gro'o// ra ba la'ang thad kar 'gro'o// ri la'ang mi thogs par thad kar 'gro'o// sa la'ang steng du 'byung ba dang byi'u rdul byed de/ dper na tshul bya ba bzhin chu la'ang mi nub par 'gro ste/ dper na sa la bya ba bzhin no// nam mkha' la'ang 'gro ste/ dper na 'dab chags bya bzhin no// lus kyi stod nas me 'bar bar byed cing / lus kyi smang nas chu'i
- 103a
dran 'dab par byed do/ / lus kyi spad nas me 'brar bar byed cing / lus kyi spyod nas chu'i rgyun 'bab par byed do// nyi ma dang zla ba 'di gnyis 'di ltar rdzu 'phrul 'di ltar mthu cheng/ 'di ltar gzi brjid che ba la'ang lag pas 'dzin cing kun tu nyug par byed do// tshangs pa'i 'jig rten gyi bar du'ang lus kyis dbang sgyur ro// stong gsum stong chen po'i 'jig rten gyi khams 'di'ang kun tu 'bar bar ston te/ sems can yongs su smin par bya ba'i phyir/ rdzu 'phrul gyi rnam par 'phrul pa'i khyad par cing nga ci lta bus sems can rnam 'dul bar 'gyur ba de dang de lta bu'i rdzu 'phrul gyi rnam par dag mngon par sgrub par byed de/ de ni de bzhin gshegs pa'i rdzu 'phrul gyi cho 'phrul yin no// lha'i bu nga ni cho 'phrul gsum po de dag gis sems can rnams 'dul bar byed do/ / de nas bcom ldan 'das la/ lha'i bu ded dpon gyis 'di skad ces gsol to// bcom ldan 'das cho 'phrul de dag ma lags pa'i cho 'phrul dam pa gzhan ci zhig mnga' lags sam/ bcom ldan 'das kyis bka' stsal pa/ lha'i bu yod do// de nas bcom ldan 'das kyis/ 'jam dpal gzhon nur gyur pa la bka' snga pa 'jam dpal cho 'phrul bstan pa'i chos kyi rnam grangs gang thos na/ zab mo la spyod pa'i byang chub sems dpa' sems dpa' chen po rnams bzod pa thob par 'gyur ba dang / bdud kyi phyogs
- 103b
kyang shin tu tshar bcad par 'gyur ba dang / de bzhin gshegs pa rnams kyi byang chub 'di'ang yun ring du gnas par 'gyur ba'i cho 'phrul bstan pa zhes bya ba'i chos kyi rnam grangs la khyod spobs par gyis shig/ de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das de bzhin gshegs pa ni bzhed na/ stong gsum gyi stong chen po'i 'jig rten gyi khams kyi rgya mtsho chen po'i chab kyi phung po gang lags pa de thams cad phyag gi khyor ba ya gcig tu stsal kyang chab kyi sems can rnams la'ang gnod par mi 'gyur te/ bcom ldan 'das de bzhin gshegs pa la ni cho 'phrul 'di mnga' lags so/ / yang 'di ni cho 'phrul dam pa lags te/ gang de bzhin gshegs pas brjod du ma mchis pa dang / yi ge ma mchis pa dang / bsnyad du ma mchis pa dang / skye ba ma mchis pa dang / 'byung ba ma mchis pa dang / ming ma mchis pa dang / mtshan ma ma mchis pa dang / sgra ma mchis pa dang / dbyangs ma mchis pa dang / tshig gi lam ma mchis pa dang / rgyu mtshan ma mchis pa dang / mtshan nyid ma mchis pa dang / spyod pa ma mchis pa dang / rgyu ba ma mchis pa dang / kun tu 'byung ba ma mchis pa dang rnam par rig pa ma mchis pa dang / 'dus ma bgyis pa dang / sems dang / yid dang / rnam par shes pa dang bral ba dang / tha snyad thams cad yang dag par chad pa dang / zhi ba dang /
- 104a
byang ba dang / phra ba dang / mthong bar dka' ba dang / brtag tu ma mchis pa dang / rtog ge'i spyod yul ma lags pa'i chos mngon par rdzogs par sangs rgyas nas yi ge dang / nges pa'i tshig dang / brda dang / tha snyad kyi lam de dang de dag gis chos de gzhan dag la rnam par rig par mdzad pa de ni de bzhin gshegs pa'i cho 'phrul chen po lags so// dang bcas pa'i 'jig rten gyis de'i gting mi rtogs shing dmigs pa dang / mtshan ma dang / yongs su rtog pa dang bcas pa'i dge sbyong dang bram ze thams cad dngang zhing 'jug par mi 'gyur ba de'ang / de bzhin gshegs pa'i cho 'phrul chen po lags so// bcom ldan 'das gzhan yang de bzhin gshegs pa ni bzhed na stong gsum gyi stong chen po'i 'jig rten gyi khams 'di zhal gyi sgor sbrul kyang / gling chen po bzhi'i sems can rnams dang / dgung zla dang / gdugs dag dang / 'khor yug rnams dang / ran dang / shing gel ba dang / sman dang / nags tshal rnams la'ang sgrib par mi 'gyur ba dang / slar phyung ste gnas ji lta ba bzhin du bkod kyang sems can rnams kyis 'di ltar bdag cag yul gang du bkod pa dang / bdag cag yul gang nas bton pa'ang ma 'tshal te/ bcom ldan 'das de'ang de bzhin gshegs pa'i cho 'phrul chen po lags so// 'di cho 'phrul chen po dam pa lags te/ gang de bzhin gshegs pas brjod du ma mchis pa dang /
- 104b
yi ge ma mchis pa dang / bskad du ma mchis pa dang / ming ma mchis pa dang / mtshan mam mchis pa dang / de bzhin du sbyar te/ sems dang / yid dang / rnam par shes pa dang bral ba dang / tha snyad thams cad yang dag par chad pa dang / zhi ba dang / byang ba dang / phra ba dang / mthong bar dka' ba dang / brtag tu ma mchis pa dang / rtog ge'i spyod yul ma lags pa'i bar gyi chos thams cad mngon par rdzogs par sangs rgyas nas/ yi ge dang / nges pa'i tshig dang / brda dang / tha snyad kyi lam de dang de dag gi chos de bstan pa de'ang / de bzhin gshegs pa'i cho 'phrul chen po lags so/ / bcom ldan 'das gzhan yang gang dag de bzhin gshegs pa'i sku dang ldan pa'i cho 'phrul de dag thams cad ni mtshan ma'i dngos po dang bcas pa'i sems can rnams kun nas 'dren par mdzad pa lags so/ / 'di'ang de bzhin gshegs pa'i cho 'phrul chen po lags te/ 'di lta ste/ bdag ma mchis pa la bdag tu tha snyad 'dogs pa dang / sems can ma mchis pa la sems can du tha snyad 'dogs pa dang / srog ma mchis pa la srog tu tha snyad 'dogs pa dang / gso ba ma mchis pa la gso bar tha snyad 'dogs pa dang / gang zag ma mchis pa la gang zag tu tha snyad 'dogs pa dang / shed las skyes ma mchis pa la shed las skyes su tha snyad 'dogs pa dang / shed bu ma mchis pa la shed bur tha skad 'dogs pa dang / mang
- 105a
mchis pa la ming du tha snyad 'dogs pa dang / gzugs ma mchis pa la gzugs su tha snyad 'dogs pa dang / tshor ba ma mchis pa la tshor bar tha snyad 'dogs pa dang / 'du shes ma mchis pa la 'du shes su tha snyad 'dogs pa dang / 'du byed rnams ma mchis pa la 'du byed rnams su tha snyad 'dogs pa dang / rnam par shes pa ma mchis pa la rnam par shes par tha snyad 'dogs pa dang / phung po ma mchis pa la phung por tha snyad 'dogs pa dang / khams ma mchis pa la khams su tha snyad 'dogs pa dang / skye mched ma mchis pa la skye mched du tha snyad 'dogs pa dang / mig stong zhes bgyi bar tha snyad 'dogs kyang mig ni 'di snyam du bdag stong ngo snyam du mi sems pa dang / gzugs stong zhes bgyi bar tha snyad 'dogs kyang gzugs ni 'di snyam du bdag stong ngo snyam du mi sems pa dang / mig gi rnam par shes pa stong zhes bgyi bar tha snyad 'dogs kyang / mig gi rnam par shes pa ni 'di snyam du bdag stong ngo snyam du mi sems pa dang / de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid stong zhes bgyi bar tha snyad 'dogs kyang yid ni 'di snyam du bdag stong ngo snyam du mi sems pa dang / chos rnams stong ngo zhes bgyi bar tha snyad 'dogs kyang / chos rnams ni 'di/
- 105b
/ snyam du bdag stong ngo snyam du mi sems pa dang / yid kyi rnam par shes pa stong ngo zhes bgyi bar tha snyad 'dogs kyang / yid kyi rnam par shes pa ni 'di snyam du bdag stong ngo snyam du mi sems te/ 'di ltar bems po dang / sems pa ma mchis pa dang / dngos po ma mchis pa dang / ming ma mchis pa dang / mtshan ma ma mchis pa'i chos 'di lta bu 'di dag sems can gzhan dag dang / gang zag gzhan dag la yang dag par go bar mdzad pa gang lags pa 'di ni de bzhin gshegs pa'i cho 'phrul chen po lags te/ cho 'phrul de ni mig dang ldan pa'ang ma lags/ gaT dang ldan pa'ang ma lags/ mig gi rnam par shes pa dang ldan pa'ang ma lags/ rna ba dang ldan pa'ang ma lags/ sgra dang ldan pa'ang ma lags/ rna ba'i rnam par shes pa dang ldan pa'ang ma lags/ sna dang ldan pa'ang ma lags/ dri dang ldan pa'ang ma lags/ sna'i rnam par shes pa dang ldan pa'ang ma lags/ lce dang ldan pa'ang ma lags/ ro dang ldan pa'ang ma lags/ lce'i rnam par shes pa dang ldan pa'ang ma lags/ lus dang ldan pa'ang ma lags/ reg bya dang ldan pa'ang ma lags/ lus kyi rnam par shes pa dang ldan pa'ang ma lags/ yid dang ldan pa'ang ma lags/ chos rnams dang ldan pa'ang ma lags/ yid kyi rnam par shes pa dang ldan pa'ang ma lags te/ de lta bu'i cho 'phrul
- 106a
de ni yul ma mchis pa'i cho 'phrul lags so/ / de ni yul dang bral ba'i cho 'phrul lags te/ cho 'phrul de ni lus dang ldan par blta ba ma lags/ sems dang / yid dang / rnam par shes pa dang ldan par blta ba ma lags te/ de'i slad du cho 'phrul de ni 'jig rten thams cad glo ba mi ches par 'gyur lags so// de ci'i slad du zhe na/ 'jig rten zhes bgyi ba ni phung po lnga po dag lags te/ phung po lnga po mi rtag pa de la byis pa rnams mngon par zhen cing / de dag gis phung po lnga po dag rtag par bzung ba'i slad du ste/ de'i slad du cho// 'phrul de ni 'jig rten thams cad glo ba mi ches par 'gyur ba lags so// 'jig rten ni phung po lnga po dag rtag ces bgyi bar glo ba ches pas nas/ de dag mi rtag go zhes bshad na 'jig rten thams cad glo ba mi ches lags so/ / 'jig rten phung po lnga po dag bde zhes bgyi bar glo ba ches pas na/ de dag sdug bsngal lo zhes bshad na 'jig rten thams cad glo ba mi ches lags so// / 'jig rten ni phung po lnga po dag bdag ces bgyi bar glo ba ches pas na/ de dag bdag ma mchis so zhes bshad na 'jig rten thams cad glo ba mi ches lags so// 'jig rten ni phung po lnga po dag sdug ces bgyi bar glo ba ches pas na/ de dag mi sdug go zhes bshad na 'jig rten thams cad glo ba mi ches lags so// 'jig rten ni phung po lnga po dag bdag gi zhes bgyi bar glo ba
- 106b
ches pa na/ de dag bdag po ma mchis so zhes bshad na 'jig rten thams cad glo ba mi ches lags so// 'jig rten ni phung po lnga po dag yang dag pa zhes bgyi bar glo ba ches pas na de dag yang dag pa ma lags so zhes bshad na 'jig rten thams cad glo ba mi ches lags te/ de'i slad du de bzhin gshegs pa'i cho 'phrul de ni 'jig rten thams cad glo ba mi ches par 'gyur ba lags so/ / cho 'phrul de la ni sems rangs par mi 'gyur lags te/ cho 'phrul de ni bsam gyis mi khyab pa lags so// cho 'phrul de ni mig du bgrang ba ma lags/ gzug su bgrang ba ma lags te/ cho 'phrul de ni mig dang gzugs kyi yul las yang dag par 'das pa lags so// cho 'phrul de ni rna bar bgrang ba ma lags/ slar bgrang ba ma lags te/ 'phrul de ni rna ba dang sgra'i yul las yang dag par 'das pa lags so// de bzhin du sbyar te/ cho 'phrul de ni yid du bgrang ba ma lags/ chos su bgrang ba ma lags te/ cho 'phrul de ni yid dang chos kyi yul las yang dag par 'das pa lags so/ / cho 'phrul de ni shes pa'i spyod yul ma lags/ rangs par bgyid pa ma lags te/ cho 'phrul de ni rnam par rig par bgyi ba ma lags so/ / stong pa nyid ni brjod du ma mchis pa lags na/ stong pa nyid brjod pa de ni cho 'phrul lags so// mtshan ma ma mchis pa ni brjod du ma mchis pa lags na/ mtshan ma ma mchis pa
- 107a
brjod pa de ni cho 'phrul lags so/ / smon pa ma mchis pa ni brjod du ma mchis pa lags na/ smon pa ma mchis pa de ni cho 'phrul lags so// mngon par 'du bgyi ba ma mchis pa ni brjod du ma mchis pa lags na/ mngon par 'du bgyi ba ma mchis pa brjod pa de ni cho 'phrul lags so// skye ba ma mchis pa ni brjod du ma mchis pa lags na/ skye bo ma mchis pa brjod pa de ni cho 'phrul lags so/ / 'byung ba ma mchis pa ni brjod du ma mchis pa lags na/ 'byung ba ma mchis pa brjod pa de ni cho 'phrul lags so// dngos po ma mchis pa ni/ brjod du ma mchis pa lags na/ dngos po ma mchis pa brjod pa de ni cho 'phrul lags so// mtshan nyid ma mchis pa ni brjod du ma mchis pa lags na/ mtshan nyid ma mchis pa brjod pa de ni cho 'phrul lags so/ / 'gag pa ma mchis pa ni brjod du ma mchis pa lags na/ 'gag pa ma mchis pa brjod pa de ni cho 'phrul lags so// mya ngan las 'das pa ni brjod du ma mchis pa lags na/ mya ngan las 'das pa brjod pa de ni cho 'phrul lags so// 'di lta ste/ bdag tu dmigs pa ma mchis pa dang / sems can du kun tu 'byung ba ma mchis pa dang / byang chub la rlom sems ma mchis pa'i 'khor gsum yongs su dag pa'i sbyin pa de ni cho 'phrul lags so/ / 'di lta ste/ lus g.yo ba ma mchis pa dang / ngag brjod pa ma mchis pa dang / sems rgyu ba ma mchis pa'i
- 107b
'khor gsum yongs sug pa'i tshul khrims de ni cho 'phrul lags so/ / 'di lta ste/ sred par sgro 'dogs pa ma mchis pa dang / sems skad cig tu 'jig pa dang / lus dang sems rnam par mi rtog pa'i 'khor gsum yongs su dag pa'i bzod pa de ni cho 'phrul lags so/ / 'di lta ste/ brang ba ma mchis pa dang / dor ba ma mchis pa dang / gnas pa ma mchis pa'i 'khor gsum yongs su dag pa'i brtson 'grus de ni cho 'phrul lags so/ / 'di lta ste/ nang nye bar zhi ba dang / phyi rol du rgyu ba ma mchis pa dang / sems bsags pa ma mchis pa'i 'khor gsum yongs su dag pa'i bsam gtan de ni cho 'phrul lags so/ / 'di lta ste/ ngar 'dzin pa rnam par spangs pa dang / nga yir 'dzin pa dor ba dang / lta ba'i rnam pa thams cad dang bral ba'i 'khor gsum yongs su dag pa'i shes rab de ni cho 'phrul lags so/ / chos thams cad ni rnam par bral ba ma mchis pa lags na/ de dag rnam par bral bar bshad pa ni cho 'phrul lags so/ chos thams cad ni dngos po ma mchis pa lags na/ rang gi ngo bo dang bral bar bshad pa de ni cho 'phrul lags so// chos thams cad ni dbyer ma mchis pa lags na/ yi ges kun du phye ste bshad pa ni cho 'phrul lags so/ / chos thams cad ni 'ong ba ma mchis pa dang / 'gro ba ma mchis pa lags na/ 'ong ba dang 'gro bar bshad pa ni cho 'phrul lags so// chos thams cad ni
- 108a
'byung ba ma mchis pa lags na/ 'byung bar bshad pa ni cho 'phrul lags so// chos thams cad ni mngon par rtogs pa gcig pa lags na/ 'bras bu rnam par dgod pa bshad pa ni cho 'phrul lags so/ / chos thams cad ni ro gcig pa lags na/ theg pa gsum du rnam par dgod pa bshad pa ni cho 'phrul lags so// chos kyi dbyings ni dbyer ma mchis pa lags na/ chos thams cad rnam par dgod par bshad pa ni cho 'phrul lags so// sangs rgyas thams cad ni sangs rgyas gcig pa lags na/ sangs rgyas dpag tu ma mchis par bshad pa ni cho 'phrul lags so/ / zhing thams cad ni zhing gcig pa lags na/ zhing sna tshogs bshad pa ni cho 'phrul lags so// sems can thams cad ni sems can gcig pa lags na/ sems can gyi rim pa bshad pa ni cho 'phrul lags so/ / chos thams cad ni chos gcig pa lags na/ tha ma dang / mchog dang / bar mar bshad pa ni cho 'phrul lags so// chos thams cad ni/ rnam par bsgrubs pa ma mchis pa lags na/ rnam par bsgrubs pa'i mtshan nyid bshad pa ni cho 'phrul lags so// chos thams cad ni rnam par rig pa ma mchis pa lags na/ gzhan la rnam par rig pa bshad pa ni cho 'phrul lags so/ / de nas lha'i bu ded dpon gyis/ 'jam dpal gzhon nur gyur pa la 'di skad ces smras so// 'jam dpal khyod kyis ji skad spras pa'i don lo
- 108b
bos shes pa ltar na/ ji tsam du brjod pa'i chos de dag thams cad ni cho 'phrul yin no// 'jam dpal gyis spras pa/ lha'i bu de de bzhin no// ji skad smras pa de bzhin te/ chos thams cad ni brjod du med pa yin pas/ de dag la brjod pa gang yin pa de ni cho 'phrul chen po yin no// bstan pa 'di bshad pa na lha'i bu khri nyis stong bla na med pa yang dag par rdzogs pa'i byang chub tu sems skyes so/ / byang chub sems dpa' lnga brgyas ni mi skye ba'i chos la bzod pa thob par gyur to// de nas tshe dang ldan pa shA ra dwa ti'i bus/ lha'i bu ded dpon la 'di skad ces smras so/ / lha'i bu ci khyod cho 'phrul bstan pa 'di thos nas skrag par mi 'gyur ram/ lha'i bus smras pa/ btsun pa shA ra dwa ti'i bu kho bo nyid kyang cho 'phrul yin na/ de la bo skrag par 'gyur du ci yod/ shA ra dwa ti'i bus smras pa/ lha'i bu khyod ci las bsams te de skad spa/ lha'i bus smras pa/ btsun pa shA ra dwa ti'i bu chos thams cad ni 'pho ba med pa yin na/ de la dge ba dang mi dge ba'i chos 'pho ba gang yin pa de ni cho 'phrul chen po yin no/ / btsun pa shA ra dwa ti'i bu dge ba'i las mngon par 'du bya ba gang gis kho bo lha rnams kyi nang du skyes te/ bdag nyid chen po 'di'ang thob pa'i las mngon par 'du bya ba gang yin pa de ni sems par mi byed cing rnam par shes par mi byed do/ / de bas na sems can thams cad kyi 'chi 'pho dang skye ba'ang sems par mi byed cing rnam par shes
- 109a
par mi byed de/ sems par mi byed cing rnam par shes par mi byed pa gang yin pa de ni cho 'phrul chen po yin te/ bcom ldan 'das kyis ji skad du las rnams kyi las kyi rnang par srin pa ni bsam gyis mi khyab bo/ / klu rnams kyi klu'i yul yang bsam gyis mi khyab bo// bsam gtan pa rnams kyi bsam gtan gyi yul yang bsam gyis mi khyab bo// sangs rgyas bcom ldan 'das rnams kyi sangs rgyas kyi yul yang bsam gyis mi khyab bo zhes gsungs pa de lta bu ste/ de lta bas na chos thams cad ni bsam gyis mi khyab pa ste/ bsam gyis mi khyab pa gang yin pa de ni cho 'phrul chen po yin no/ / yang gnas brtan shA ra dwa ti'i bus 'di skad du lha'i bu ci khyod bcom ldan 'das kyis cho 'phrul bstan pa gang yin pa de thos na skrag par mi 'gyur ram zhes zer ba ni/ btsun pa shA ra dwa ti'i bu ci de bzhin gshegs pas cho 'phrul bstan pa gang yin pa des nam mkha'i khams skrag par 'gyur ram/ smras pa/ lha'i bu de ni ma yin no// smras pa/ btsun pa shA ra dwa ti'i bu gal te de bzhin gshegs pas cho 'phrul bstan pa des nam mkha'i khams skrag par mi 'gyur na/ kho bo'ang skrag par mi 'gyur ro// smras pa/ lha'i bu ci khyod nam mkha' yin nam/ smras pa btsun pa shA ra dwa ti'i bu kho bo nam mkha' yin no/ / smras pa/ lha'i bu khyod ci las bsams te de skad smra/ smras pa/ btsun pa shA ra dwa ti'i bu ci bcom ldan 'das kyis nang gi nam mkha'i
- 109b
khams su gsungs pa gang yin pa dang / phyi rol gyi nam mkha'i khams su gsungs pa gang yin pa de nyid nam mkha'i khams ma yin nam/ smras pa/ lha'i bu de ni yin no// smras pa/ btsun pa shA ra dwa ti'i bu de lta bas na sems can thams cad kyang nam mkha'i khams kyi rang bzhin can yin no// sbas pa/ lha'i bu ji ltar khyod kyis bstan pa bzhin du khyod nyid kyang ring por mi thogs par cho 'phrul de dag nyid nye bar ston par 'gyur ro/ / smras pa/ btsun pa shA ra dwa ti'i bu cho 'phrul de dag ni nye bar bstan par mi nus so// de ci'i phyir zhe na/ cho 'phrul de dag ni yul thams cad las yang dag par 'das pa yin pa'i phyir ro/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das lha'i bu ded dpon 'di de lta bu ston pa las na/ 'dis ni sngon gyi rgyal ba la lhag par bgyi ba bgyis shing / 'jam dpal gzhon nur gyur pa la'ang bsnyen bkur bgyis pa lags so// bcom ldan 'das kyis bka' stsal pa/ shA ra dwa ti'i bu de de bzhin no// ji skad du smras pa de bzhin te/ shA ra dwati'i bu lha'i bu ded dpon 'di ni 'jam dpal gzhon nur gyur pas yongs su smin par byas pa yin no// shA ra dwa ti'i bu sngon byung ba 'das pa'i dus na/ bskal pa grangs med pa'i yang ches grangs med pa 'das par gyur pa de'i tshe de'i dus na/ bskal pa mngon par dga' ba zhes bya ba la 'jig rten gyi
- 110a
khams bde ba zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das ri rab lta bu zhes bya ba 'jig rten du byung bar gyur to// shA ra dwa t i'i bu 'jig rten gyi khams bde ba zhes bya ba de'ang 'jig rten gyi khams de na sems can rnams bde ba thams cad dang ldan par gnas shing sdug bsngal dang yid mi bde ba'i sgra 'ga' tsam med pa/ 'jig rten gyi khams de'ang rin po che sna bzhi gser dang / dngul dang / bai DUR+Ya dang / shel las grub cing / lag mthil ltar mnyam la/ ka tsa lin di'i gos ltar reg na 'jam zhing / mi khom pa dang ngan song rnams dang bral la/ lha dang mi rnams kyis kun du gang zhing / yid la bsams pa tsam gyis bza' ba dang btung ba dag 'byor la bde ba tshad med pa dang ldan pas na/ de'i phyir 'jig rten gyi khams de bde ba zhes bya'o// de bzhin gshegs pa de'i dge 'dun ni byang chub sems dpa' 'ba' zhig ste/ brtson 'grus 'bar ba/ shes rab kyi snang ba thob pa/ gzungs dang mdo sde'i rgyal po thob pa/ spobs pa mi chod pa/ tshig thams cad rab tu 'byed cing ston pa'i shes pa la mkhas pa/
- 110b
mngon par shes pas rnam par shes pa khong du chud pa/ bdud dang phyir rgol ba nges par bcom pa/ sgrib pa med pa'i rnam par thar pa'i ye shes kyi bzod pa dang ldan pa/ sems can thams cad kyi sems kyi spyod pa la ji ltar rig pa bzhin du chos kyi sman sbyor ba la mkhas pa/ bsod nams dang ye shes kyi tshogs chen po bsags pa/ gsol ba ma btab par sems can thams cad kyi dge ba'i bshes gnyen byed pa/ rdzu 'phrul gyis sangs rgyas kyi zhing thams cad du 'gro ba'i shes pa la mkhas pa/ dran pa dang / blo gros dang / rtogs pa dang // ngo tsha shes pa dang / brtan pa dang / blo rgya mtsho rjes su zhugs pa/ sbyin pa dang / dul ba dang / legs par sdom pa dang / tshul khrims dang / thos pa dang / shes rab la shin tu gnas pa/ thabs mtha' yas pas dge ba'i rtsa ba yongs su sngo ba la mkhas pa/ stobs dang / mi 'jig pa dang / sangs rgyas kyi chos thams cad la lhag pa'i bsam pas shin tu zhugs pa/ bsam gtan dang / rnam par thar pa dang / ting nge 'dzin dang / snyoms par 'jug pas rnam par rtse ba'i byang chub sems dpa' sha stag go// shA ra dwa ti'i bu de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de'i gsung rab la 'khor los sgyur ba'i rgyal po dge ba'i bkod
- 111a
pa zhes bya ba chos dang ldan pa/ chos kyi rgyal po gling bzhi'i dbang phyug rin po che sna bdun dang ldan la mi'i dbang por gyur pa zhig byung bar gyur to// de'i bu stong du tshang bar gyur te/ de dag thams cad kyang bla na med pa yang dag par rdzogs pa'i byang chub la yang dag par zhugs pa sha stag go// shA ra dwa ti'i bu rgyal po dge ba'i bkod pa de'ang btsun mo'i tshogs rnams dang lhan cig du bla na med pa yang dag par rdzogs pa'i byang chub la yang dag par zhugs par gyur to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de'i sku tshe'i tshad dang / mi de dag gi tshe'i tshad ni lo dung phyur phrag bdun du gyur to// de nas rgyal po dge ba'i bkod pa bu stong dang lhan cig/ btsun mo'i 'khor dang lhan cig tu chos la dga' ba dang / mchog tu dga' ba dang dang ba thob nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu byang chub sems dpa'i dge 'dun dang bcas pa de la lo 'bum tshang bar thugs la dgongs pa bzhin du na bza' dang / zhal zas dang / gzim cha dang / gdan dang / spun gyi gsos sman dang / yo byad rnams dang / bde bar sbyar ba thams cad kyis bsnyen bkur byas so// rgyal po dge ba'i bkod pa 'khor dang bcas pas rtag par rgyun du/ de bzhin gshegs
- 111b
pa de la mngon sum du nyin gcig mi 'chad par rang gi lag nas gus par phul zhing rtag tu rgyun mi 'chad par chos nyan pa la'ang 'jug par gyur to/ / de bu dang bcas/ btsun mo'i 'khor dang bcas pas lo 'bum 'das kyang yang dang yang du sangs rgyas mthong zhing / yang dang yang du de la chos nyan pas rjes su dran pa bzhi thob par gyur to// bzhi gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / sbyin pa dang ldan zhing byang chub kyi sems mi brjed pa'i tshul khrims rjes su dran pa ste/ rjes su dran pa bzhi po de dag thob par gyur to/ / de rjes su dran pa bzhi po de dag dang ldan pas nyin mtshan du sangs rgyas mthong ba dang / chos yang dag par bgro ba dang / byang chub sems dpa'i dge 'dun mthong ba dang bral bar ma gyur to/ / de nas dus gzhan zhig na rgyal po dge ba'i bkod pa bu dang bcas/ btsun mo'i 'khor dang bcas pa de chos mnyan pa'i phyir/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de ga la ba der song ngo / / de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas ri rab lta bu des byang chub sems dpa' de dag la cho 'phrul rnam pa du mas rjes su gdams pa mdzad par gyur to/ / de nas bcom ldan 'das de bzhin gshegs pa dgra bcom pa yang dag par rdzogs
- 112a
pa'i sangs rgyas ri rab lta bu de la/ rgyal po dge ba'i bkod pa des 'di skad ces gsol to// bcom ldan 'das cho 'phrul de dag ma lags pa'i cho 'phrul dam pa gzhan mchis lags sam/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu des/ rgyal po dge ba'i bkod pa de la 'di skad ces bka' stsal to/ / rgyal po chen po cho 'phrul de dag ma yin pa'i cho 'phrul dam pa gzhan yang yod do// de'ang gang zhe na/ 'di lta ste/ sems dang sems las byung ba gzugs can ma yin pa rnams bshad pa dang / sems dang sems las byung ba 'gags pa rnams bshad pa dang / da ltar byung ba'i sems dang sems las byung ba mi gnas pa rnams smos pa dang / ma skyes ma byung ba'i lam bshad pa dang / rnam par thar pa'i sgo ro gcig pa rnams la yan lag gsum du spos pa dang / mngon par rtogs pa gcig tu 'dus pa la bden pa bzhir yongs su brjod pa dang / mtshan ma med pa dang / rnam pa med pa dang / 'dus ma byas pa'i byang chub la yongs su sgrub par byed pa dang / stong pa nyid dang / mtshan ma med pa dang / smon pa med pa'i chos rnams bshad pa dang / phyin ci log dang nyon mongs pas grub pa'i sems can rnams yongs su smin par byed pa dang / blang ba med pa dang / dor ba
- 112b
med pa'i chos rnams la sbyin pa'i pha rol du phyin pa yod pa dang / mngon par 'du byed pa med pa dang / byas pa med pa'i chos rnams la tshul khrims kyi pha rol tu phyin pa yod pa dang / 'byung ba med cing skad cig pa'i chos rnams la bzod pa'i pha rol tu phyin pa yod pa dang / lus dang sems dben pa'i chos rnams la brtson 'grus kyi pha rol tu phyin pa yod pa dang / bsdus pa dang rnam par g.yengs pa med pa'i chos rnams la bsam gtan gyi pha rol tu phyin pa yod pa dang / pha rol dang tshu rol med pa'i chos rnams la shes rab kyi pha rol tu phyin pa yod pa dang / bzhag pa dang bsal ba med pa'i chos rnams la thabs mkhas pa yod pa dang / skyob pa med pa dang rton pa med pa'i chos rnams la byams pa sgom pa dang / bya ba med pa dang gzhig pa med pa'i chos rnams la snying rjes sbyor ba dang / dga' ba med pa'i chos rnams la dga' ba mngon par sgrub pa dang / gnas pa med pa'i chos rnams la btang snyoms sgom pa dang / shes pa med pa dang mthong ba med pa'i chos rnams la lha'i mig mngon par sgrub pa dang / thos pa med pa dang rnam par rig pa med pa'i chos rnams la lha'i rna ba mngon par sgrub pa dang dmigs pa dang sems dang rnam par bral ba'i chos rnams la pha rol gyi sems shes pa yod pa dang / sngon gyi mtha' dang bral ba'i chos rnams la sngon gyi gnas rjes su dran pa'i shes
- 113a
pa yod pa dang / sems dang / lus dang / s+tha dang / brtson 'grus dang bral ba'i chos rnams la rdzu 'phrul gyi rkang pa thob pa dang / gnas pa med pa'i chos rnams la dran pa nye bar gzhag pa sgom pa dang / skye ba med pa dang 'gag pa med pa'i chos rnams la yang dag pa'i spong ba sgom pa dang / dbang po med pa'i chos rnams la dbang po bstan pa dang / stobs med pa dang nyam chung ba'i chos rnams la stobs yongs su rjod pa dang / nye bar zhi ba'i chos rnams la byang chub kyi yan lag bshad pa dang / khyad par med pa'i chos rnams la lam smos pa dang / zhi ba'i mthar song ba'i chos rnams la zhi gnas skyed pa dang / rnam par grol ba'i mtshan nyid kyi chos rnams la lhag mthong la mkhas pa dang / rang bzhin gyis yongs su mya ngan las 'das pa'i chos rnams la mya ngan las 'das pa smos pa'o zhes bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu des/ rgyal po dge ba'i bkod pa de dang / bu stong po de dag dang / btsun mo'i tshogs de dag la cho 'phrul bstan pa'i chos kyi rnam grangs de nyid las brtsams te de lta de ltar chos bstan pa dang / srog chag brgyad khri bzhi stong bla na med pa yang dag par rdzogs pa'i byang chub tu sems skyes so/ / rgyal po dge ba'i bkod pa dang / de'i bu stong gis ni chos rnams la rjes su mthun pa'i bzod pa thob par
- 113b
gyur to/ / de dag gis bzod pa thob nas sangs rgyas kyi mthu dang rang gi spobs pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lnga bu de la tshigs su bcad pa 'di dag gis mngon par bstod do/ / ji ltar rgya mtsho'i dbus na ni// lhun po'i rgyal po mdzes pa ltar// de bzhin dge 'dun dbus na ni// chos kyi rgyal po rnam par mdzes/ / ji ltar nyi ma 'char ba yis// mun pa thams cad sel ba ltar// de bzhin sangs rgyas mdzod spu yang // sangs rgyas zhing rnams snang bar bgyid// ji ltar zla ba nya ba yis// zla ba yongs rdzogs lhang de ltar// sangs rgyas chos rnams rdzogs pa yis// 'jig rten mgon yang lhang nge lags// ji ltar me tog pad+ma ni// chab kyi nang du mi gos ltar// de bzhin 'jig rten mgon po yang / / 'jig rten chos kyis mi gos lags// ji ltar seng ge ri dgas rgyal// nags na sgra skad sgrog pa ltar// de bzhin skyes bu seng ge yang // stong pa nyid kyi sgra skad sgrog/ mchis sam yang na ma mchis dang // mchis dang ma mchis thams cad dang // mthar lta ba las rnam 'das pa// nges pa'i seng ga'i sgra zhes bgyi// skye ba 'am yang na 'jig pa'ang rung // de dag mtshan mar bstan mdzad cing // mi skye 'gag pa ma mchis pa// nges par seng ge'i sgra zhes bgyi// pha rol dang ni tshu rol dag/ de dag rnam par rtog par bstan// chos rnams
- 114a
kun la mi gnas pa/ / nges par seng ge'i sgra zhes bgyi// kun nas nyon mongs rnam byang ba// de gnyis mtshan nyid ma mchis te// shin tu dri ma ma mchis so/ / nges par seng ge'i sba zhes bgyi// 'dod chags zhe sdang gti mug ni// yongs su rtog las byung ba ste// rtog bral rnam rtog ma mchis pa// nges par seng ge'i sgra zhes bgyi/ 'khor ba dang ni mya ngan 'das// de dag lam du gzhug pa ste// chos rnams shin tu gsog lags pa// nges par sang ge'i sgra zhes bgyi// skye dang 'chi dang 'khor ba ni/ phyin ci log las byung ba ste// mi rtag sdug bsngal bdag med don// nges par seng ge'i sgra zhes bgyi// lha dang dmigs pa gnas lags te// de dag gis ni 'jig rten 'jug/ chos rnams stong par rab bshad pa// nges par seng ge'i sgra zhes bgyi// 'jig rten mgon pos cho 'phrul ni// gang dag ji snyed bstan mdzad pa// de dag thams cad bshad pa ni nges par seng ge'i sgra zhes bgyi/ / sems ni mnyam pa nyid slad du// rjes su mthun dang mi mthun pa'i// gang la'ang sems ni mi 'jug pa// de ni rjes mthun bzod pa lags// sangs rgyas rnams kyis bshad pa yi// zab cing zhi la mthun bgyid cing // de la rtsod par mi bgyid pa// de ni rjes mthun bzod pa lags// mi dge thams cad ma gtogs pa// dge
- 114b
chos rnams la 'jug 'gyur zhing / / de la'ang gnas par mi bgyid pa// de ni rjes mthun bzod pa lags// stong pa'i sgra dang sems can sba// de bzhin lta ba'i sgra dang ni// spya rnam kun la ma chags pa/ / de ni rjes mthun bzod pa lags// sangs rgyas sgra dang nyon mongs sgra// rnam mang chos kyi sgra rnams dang // gang gi sgra la'ang mi rtog pa// de ni rjes mthun bzod pa lags/ / sbyin dang tshul khrims thos pa dang // brtson 'grus bsam gtan shes rab dang // de bzhin kun la brtson bgyid pa// de ni rjes mthun bzod pa lags// thams cad dag la sems mnyam zhing // byang chub sems ni mi spong la// byang chub lam ni ston bgyid pa// de ni rjes mthun bzod pa lags// rdzogs sangs rgyas kyis bdag cag la/ de 'dra'i chos ni bstan mdzad de// de la som nyi ma mchis pa// de ni rjes mthun bzod pa lags// bdag kyang byang chub sangs rgyas shing // seng ge'i sgra skad bsgrags nas ni// ji ltar 'dren pas bstan mdzad pa'i// cho 'phrul nges par bstan par bgyi// zhing 'di bsam gyis mi khyab ste// bla med bsod nams zhing de la// bdag gi sa bon btab pas na// bdag ni slar ldog ma mchis lags/ / dog sa thams cad rdol 'gyur zhing // rgya mtsho'ang bas par 'gyur gda' yi// rdzogs sangs rgyas la bskrun pa yi// sa bon nams kyang chab mi 'tshal//
- 115a
sems can rnams kyi sems 'tshal cing // nam mkha' gzhal bar rngo thog gi/ byang chub tu ni bskrun pa'i sems// de yi bsod nams tshad ma mchis// bdag gi bsam pa ci 'dra ba'i/ / dbang du lha dang dri za dang // mi rnams gzhan dag ma mchis te// bcom ldan 'das nyid bdag gi dbang // 'dren pa bdag ni longs spyod dang // gzugs dang mtho ris mi 'tshal gyi/ / mi mchog khyod kyis mkhyen pa ni// ci 'dra de ltar bdag gyur cig/ byang chub la ni dmigs bgyis nas// bdag gis dgung lo 'bum du ni// ma chags sdang ba ma mchis par/ / bdag gis bde gshegs bsnyen bkur bgyis// bdag gi byis pa stong rnams dang // mchis brang yongs su smin bgyis pa// gang lags 'di dag sangs rgyas kyi// byang chub slad du spro bar mdzad/ / bdag gis bde gshegs legs mthong zhing // chos 'di legs par thos pa dang // byang chub la ni rtag dga' ba// bdag gis rnyed pa legs par rnyed// zhig byang chub dga' bgyid pa// de ni chos la'ang rtag tu dga'// chos rnams spong bar mi bgyid pa// sems can kun la rtag dga' lags// de nas 'khor de nyid du chos smra ba'i dge slong chos kyi rgyal mtshan zhes bya ba zhig 'dus te 'dug par gyur pa des/ rgyal po dge ba'i bkod pa la 'di skad ces smras so// rgyal po chen po khyod kyis ni de bzhin gsheg
- 115b
pa'i cho 'phrul de dang mthun par ma byas kyi/ mi mthun par byas pas na khyod ni gnas ma yin pa la gnas pa yin no// de ci'i phyir zhe na/ rgyal po chen po byang chub ni chos kyi dbyings kyi gnas la gnas pas 'jug pa med pa'o/ / rgyal po chen po byang chub ni tshor ba thams cad med pas shes pa med pa'i mtshan nyid yin no// rgyal po chen po byang chub ni blangs pa med cing dor ba med pas blang ba mang la dor ba med pa yin no/ / rgyal po chen po byang chub ni nam mkha'i khams la bris pa dang 'dra bas gzugs med pa/ kha dog med pa/ rtags med pa/ dbyibs med pa yin no/ / rgyal po chen po byang chub ni rang bzhin gyis yongs su dag pas gnyen po med pa yin no// rgyal po chen po byang chub ni chos thams cad dang mnyam pas thams cad kyi rjes su song ba yin no/ / rgyal po chen po byang chub ni mtshan ma thams cad dang bral bas g.yo ba med pa yin no// rgyal po chen po byang chub ni rab tu zhi ba'i mtshan nyid yin pas zhi ba'o// rgyal po chen po byang chub ni bzhag pa dang bsal ba dang bral bas nye bar zhi ba'o// rgyal po chen po byang chub ni mi mthun pa med pas lhag par g.yo ba med pa'o// rgyal po chen po byang chub ni yongs su grub pa med pas sems mnyam pa'o/ / rgyal po chen po byang chub ni gzod ma nas ma skyes pas sems can dang mtshungs pa'o// rgyal po chen po byang chub ni rnam par rig pa'i mtshan 'ad
- 116a
ma yin pas skye ba med pas rab tu phye ba'o/ / rgyal po chen po ni byang chub ni sems dang / yid dang / rnam par shes pa dang bral bas rnam par rig pa med pa'o// rgyal po chen po byang chub ni yul thams cad las yang dag par 'das pas rgyu ba med pa'o// rgyal po chen po byang chub ni rnam par rtog pa thams cad dang bral bas spros pa med pa'o// rgyal po chen po byang chub ni stong pa nyid kyi mtshan nyid yin pas stong pa'o/ / rgyal po chen po byang chub ni mtshan ma thams cad dang bral bas mtshan ma med pa'o// rgyal po chen po byang chub ni smon pa dang bral bas smon pa med pa'o/ / rgyal po chen po byang chub ni las kyi rnam par smin pa med pas mngon par 'du byed pa med pa'o// rgyal po chen po byang chub ni mtshan nyid gsum dang bral bas 'dus ma byas pa ste/ rgyal po chen po gang dag byang chub kyi mtshan nyid de lta bu dang / ngo bo nyid de lta bu la sgrub par byed pa dang / gang dag smon lam 'debs par byed pa dang / gang dag mngon par dga' bar byed pa dang / gang dag 'dod par byed pa de dag thams cad ni log par rtsol ba yin no// de ci'i phyir zhe na/ rgyal po chen po byang chub ci 'dra bar byang chub sems dpa'i spyod pa'ang de 'dra ba yin pas na/ gang dag de ltar spyod pa de dag ni yang dag par spyod pa yin pa'i phyir ro// // bam po gnyis pa// // de nas rgyal po dge ba'i
- 116b
bkod pas/ chos smra ba'i dge slong chos kyi rgyal mtshan la 'di skad ces smras so// rigs kyi bu khyod byang chub sems dpa' rnams kyi yang dag pa nyid kyi spyod pa la spongs par gyis shig/ de skad ces smras pa dang / chos smra ba'i dge slong chos kyi rgyal mtshan gyis/ rgyal po dge ba'i bkod pa la 'di skad ces smras so// rgyal po chen po sems can thams cad la rlom sems med pa mnyam pa nyid kyis bdog pa thams cad yongs su gtong ba'i spyod pa ni byang chub sems dpa' rnams kyi spyod pa yin no/ / tshul khrims kyi rlom sems su mi byed pa mnyam pa nyid kyis tshul khrims dang / bslab pa dang / sbyangs pa'i yon tan thams cad yang dag par len pa'i spyod pa ni byang chub sems dpa' rnams kyi spyod pa yin no// bzod pas rlom sems su mi byed pa mnyam pa nyid kyis tha ba dang / khro ba dang / gnod sems dang / 'chab pa'i yongs su gdung ba dang / zhe sdang gi yongs su gdung ba thams cad 'byin par byed pa ni byang chub sems dpa' rnams kyi spyod pa yin no/ / brtson 'grus kyis rlom sems su mi byed pa mnyam pa nyid kyis brtson 'grus brtan zhing 'bar ba dang / zhum pa med pa ni byang chub sems dpa'/ rnams kyi spyod pa yin no// bsam gtan gyis rlom sems su mi byed pa mnyam pa nyid kyis bsam gtan dang / rnam par thar pa dang / ting nge 'dzin dang / snyoms par 'jug pa sgrub pa
- 117a
ni byang chub sems dpa' rnams kyi spyod pa yin no/ / shes rab kyis rlom sems su mi byed pa mnyam pa nyid kyis mnyan pa'i shes rab kyi tshogs yongs su tshol ba ni byang chub sems dpa' rnams kyi spyod pa yin no/ / gnyis dang bral ba'i btang snyoms mnyam pa nyid kyis tshangs pa'i gnas pa skyed pa ni byang chub sems dpa' rnams kyi spyod pa yin no// mngon par shes pas rlom sems su mi byed pa mnyam pa nyid kyis mngon par shes pa skyed pa ni byang chub sems dpa' rnams kyi spyod pa yin no/ / don dang chos la nges par sems pa mnyam pa nyid kyis so so yang dag par rig pa la 'jug pa ni byang chub sems dpa' rnams kyi spyod pa yin no/ / chos kyi dbyings g.yo ba med pa mnyam pa nyid kyis rton pa la mos pa ni byang chub sems dpa' rnams kyi spyod pa yin no/ / yang dag par skyo ba med pa'i sems kyis nges par sems pa mnyam pa nyid kyis byang chub kyi phyogs kyi chos rnams yang dag par sdud pa ni byang chub sems dpa' rnams kyi spyod pa yin no// / don mthun pa mnyam pa nyid kyis bsdu ba'i dngos po bzhi yang dag par 'dzin pa ni byang chub sems dpa' rnams kyi spyod pa yin no// sems kyis rlom sems su mi byed pa mnyam pa nyid kyis sems can thams cad la sems mnyam pa ni byang chub sems dpa' rnams kyi spyod pa yin no/ / nam mkha' yongs su dag pa dang / sems yongs su dag pa dang / zhing yongs su dag
- 117b
pa mnyam pa nyid kyis sangs rgyas kyi zhing yongs su dag par byed pa ni byang chub sems dpa' rnams kyi spyod pa yin no/ / mtshan nyid med pa'i chos la so sor rtog pa mnyam pa nyid kyis mtshan sum cu rtsa gnyis kyi tshogs yang dag par sdud pa ni byang chub sems dpa' rnams kyi spyod pa yin no/ / lus dang / ngag dang / sems mnyam pa nyid kyis lus dang / ngag dang // sems brgyan pa ni byang chub sems dpa' rnams kyi spyod pa yin no// sems can thams cad la bdag med par mnyam pa nyid kyis sems can thams cad la ci zhig bya snyam du spro ba ni byang chub sems dpa' rnams kyi spyod pa yin no/ / rmi lam gyi rang bzhin lta bur mos pa mnyam pa nyid kyis 'khor bas yongs su mi skyo ba ni byang chub sems dpa' rnams kyi spyod pa yin no// las dang las kyi rnam par smin pa la mos pa med pa mnyam pa nyid kyis legs par spyod pa'i las byed pa ni byang chub sems dpa' rnams kyi spyod pa yin no/ / chos sgyu ma lta bur so sor rtog pa mnyam pa nyid kyis brtul zhugs dang dka' thub kyi go cha bgos pa ni byang chub sems dpa' rnams kyi spyod pa yin no/ / sdug bsngal skye ba med par shes pa mnyam pa nyid kyis sdug bsngal thams cad bzod pa ni byang chub sems dpa' rnams kyi spyod pa yin no/ / mdza' bshes dang mdza' bshes ma yin pa la sems skom pa mnyam pa nyid kyis mdza' ba brtan pa ni byang chub
- 118a
sems dpa' rnams kyi spyod pa yin no/ / lan la re ba med pa mnyam pa nyid kyis lhag pa'i bsam pa la sbyor ba ni byang chub sems dpa' rnams kyi spyod pa yin no// thos pa dang sgrub pa mnyam pa nyid kyis thos pa tshol bas mi ngoms pa ni byang chub sems dpa' rnams kyi spyod pa yin no// zang zing med pa'i chos ston pa mnyam pa nyid kyis chos la slob dpon gyi dpe mkhyud med pa ni byang chub sems dpa' rnams kyi spyod pa yin no/ / chos dben pa mnyam pa nyid kyis dam pa'i chos yongs su 'dzin pa ni byang chub sems dpa' rnams kyi spyod pa yin no/ / don dam pa'i bden pa mnyam pa nyid kyis bden pa'i shes pa yongs su tshol ba ni byang chub sems dpa' rnams kyi spyod pa yin no// sems can la shin tu 'dud pa mnyam pa nyid kyis nga rgyal nges par bcom pa ni byang chub sems dpa' rnams kyi spyod pa yin no/ / yon tan thams cad yang dag par blangs pas rlom sems med pa mnyam pa nyid kyis yon tan thams cad yang dag par bsdu ba yongs su tshol ba ni byang chub sems dpa' rnams kyi spyod pa yin no/ / de nas rgyal po dge ba'i bkod pas byang chub sems dpa' rnams kyi yang dag pa nyid kyi spyod pa de dag thos nas dka' ba dang / mgu ba dang / yi rangs pa dang / rab tu dga' ba dang / dga' zhing yid bde ba skyes nas/ gos dang
- 118b
rgyan ci gyon pa rnams kyis chos smra ba'i dge slong chos kyi rgyal mtshan la mngon par bkab bo/ / bu stong po de dag gis kyang rang rang gi rgyan dag gis chos smra ba'i dge slong chos kyi rgyal mtshan la bkab nas/ tshig 'di skad du gang bdag cag gis skyes bu dam pa 'di lta bu la blta ba dang / phyag bya ba dang / bsnyen bkur bya ba dag rnyed pa ni bdag cag gis rnyed pa legs par rnyed do/ / sems can thams cad kyis kyang byang chub sems dpa'i spyod pa de lta bu dang / spobs pa de lta bu dag thob par gyur cig ces kyang smras so// de nas chos smra ba'i dge slong chos kyi rgyal mtshan gyis/ rgyal po dge ba'i bkod pa la 'di skad ces smras so// rgyal po chen po 'di lta ste/ gos dang rgyan tsam gyis mchod pa de ni mchod pa chen po ma yin gyi/ de las gzhan pa'i mchod pa khyad par du 'phags pa dag kyang yod kyis/ de dag khyod kyis sgrubs shig/ de'ang gang zhe na/ de nas de'i tshe chos smra ba'i dge skyong chos kyi rgyal mtshan gyis tshigs su bcad pa 'di dag smras so/ / gang dag stong chen sems can de dag kun// byang chub phyir ni rab tu zhugs gyur cing // ma zhum sems kyis bskal pa rdzogs par ni/ / bu dang chung ma'i sbyin pa byas pa bas// gang gis byang chub phyir ni sems bskyed nas// de bzhin gshegs pa'i rjes su bslab pa dang // rab 'byung sems kyis gom pa
- 119a
gcig bor ba/ / de ni de bas bsod nams khyad par 'phags// gang dag sngan chad byung ba'i sangs rgyas dang // gang dag ma byon 'byung dang bzhugs pa rnams/ / de dag skyon mang khab ni ma spangs par// bla med byang chub zhi ba thob pa med// rab 'byung de bzhin gshegs pa thams cad kyis// rab tu bstod cing bsngags la bkur ba ste/ / gang zhig sangs rgyas kun la mchod 'dod pa// rgyal ba'i bstan la rab 'byung gzung bar gyis// gang zhig khyim gnas rin chen khyim brgyan pa'i// gang+gA'i bye snyed sangs rgyas zhing byin dang / / gang zhig rab 'byung nyin dang mtshan gcig tu// mi rtag sdug bsngal bdag med sems byed na// gang zhig rab 'byung bag yod gyur pa yi// byang chub sems dpa' byang chub nye ba dang / / bdud kyi dkyil 'khor shin tu bcom byas shing // dge ba'i phyogs kyang mi 'grib 'phel ba yin// rab 'byung de ni lam ngan spangs pa dang // lam gyi rjes mthun 'phags pa'i skye bos bstod/ / de ni dge ba chud za ma yin zhing // de ni yongs su 'dzin pa spangs pa yin// khyim las grol ba nyon mongs mi 'phel zhing // nyon mongs rnam grol bdud kyi 'ching ba med/ / rnam grol sems ni byang chub spyad pa spyod// spyod pa dag pas byang chub rnyed mi dka'/ de nas rgyal po dge ba'i bkod pas tshogs su bcad pa de dag
- 119b
thos pa dang / / 'dod pa'i dga' ba dang / longs spyod pa dang / rgyal srid kyi dbang phyug de dag la mi lta bar gyur cing skyo la 'dod chags dang bral ba skyes par gyur te/ rab du byung ba la sems gzhol bar gnas nas/ bcom ldan 'das de bzhin gshegs pa ri rab lta bu de la 'di skad ces gsol to// bcom ldan 'das bdag legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po 'thob pa lags sam/ bcom ldan 'das de bzhin gshegs pa ri rab lta bu des bka' stsal pa/ rgyal po chen po rab tu byung ba ni dgag pa med pa ste/ sems can thams cad la'ang bar du mi gcod cing skabs yod do// khyim na gnas pa ni nyon mongs pa'i nang na gnas pa yin gyis/ gal te 'dod na ngas khyod la gdams shing rjes su bstan gyis/ khyod kyis kyang btams shing rjes su bstan pa bzhin du bsgrub par bya'o// de nas bcom ldan 'das des rab du 'byung ba'i skabs phye ba dang / rgyal po dge ba'i bkod pas bu stong po de dag la smras pa/ khyed cag las rgyal srid sgrub pa dang / sems can rnams chos yang dag par 'dzin du 'jug pa la spo ba su yod/ de dag thams cad kyis smras pa/ yab bdag cag kyang dad pas khyim nas khyim ma mchis par rab tu 'byung lags kyis/ bdag cag mi dor bar gsol/ rgyal pos smras pa/ gal te khyed cag thams cad rab tu byung na gling bzhi pa'i
- 120a
'jig rten gyi khams thams cad kyi skye bo'i tshogs thams cad rab tu chud zos par 'gyur gyis/ khyed cag las gang sems can rnams la brtan pa'i snying rje chen po 'jug par 'gyur ba des rgyal srid sbubs la/ sems can rnams la chos yang dag par 'dzin du chug cig/ de nas rgyal bu gzhon nu de dag gi nang nas/ rgyal bu gzhon nu snying rje cher sems shes bya ba des rang gi pha de dang / rgan rabs de dag la tshigs su bcad de smras pa/ rab 'byung yon tan du ma bsags pa zhes// de bzhin gshegs pa rnams kyis gsungs mod kyi/ / de lta lags kyang snying rjer gyur pas na// 'gro la phan phyir rgyal srid bdag gis bsgrub// ji srid 'tsho bar bdag ni tshangs spyod cing // gso sbyong yan lag brgyad pa blang bar bgyi// / me tog rnams dang dri dang byug pa dang // de bzhin chang yang myang bar mi bgyi'o// lus la rgyan rnams kyang ni mi thogs shing // mchil lham mi 'tshal rin chen gtsug pud min// khri rkang gser las bgyis par mi nyal zhing / / rgyal po'i rkyen gyi gos kyang mi 'tshal lo// sil snyan glu dbyangs sgra la mi dga' zhing // rma bya ngang pa'i sgra la'ang dga' mi bgyid// skye bos mdun bdar bud med gnas spong shing / gcig pu mal na mchis nyal rlung mi g.yab// bdag ni gling nas gling du mchi bgyi zhing // dge ba bcu rnams rab tu bshad par bgyi// khyim na gnas pa'i nongs pa bstan bgyi zhing // rab tu
- 120b
'byung ba'i bsngags pa'ang brjod par bgyi/ / gzugs dang longs spyod dbang phyug dregs pa yis// sangs rgyas chos dang dge 'dun bgrod mi bgyi// byang chub sems ni bskyud par mi bgyi zhing / rtag tu yid 'byung srid gsum spyad par bgyi// sbyin dang snyan smra don spyod don mthun pas// sems can bsdu ba la ni brtson bgyi zhing // bla med theg chen dam pa 'di la yang // srog chags bye ba mang po yongs smin bgyi/ / chos don mnyan cing bshad par bgyi slad du// nyin mo dus gsum mtshan mo dus gsum du// ri rab lta bu'i spyan sngar nyer mchi zhing // de bzhin gshegs pa la ni mchod pa'ang bgyi/ de nas bcom ldan 'das de bzhin gshegs pa ri rab lta bu des/ rgyal bu gzhon nu snying rje cher sems la legs so zhe bya ba byin te/ skyes bu dam pa legs so legs so// bslab pa brgyad kyi tshul khrims yang dag par blangs pa'i chos kyi yon tan des na/ khyim par gyur pa'i byang chub sems dpa' yang rab du byung ba dang yon tan mtshungs pa yin no// khyod kyi snying rje chen po des na rab tu byung ba'i yon tan bsgrub pa'ang sgrub par byed pa yin no/ / de nas rgyal po dge ba'i bkod pas rgyal bu gzhon nu snying rje cher sems rgyal srid la bzhag nas/ bu stong du gcig gis ma tshang ba dang / lhan cig tu bcom ldan 'das de'i bstan pa la dad pas khyim nas khyim med par rab tu byung bar gyur to// de dag rab tu byung nas kyang de bzhin gshegs pa des cho 'phrul bstan pa 'di nyid kyis de lta de ltar btams
- 121a
shing rjes su bstan pas/ de dag gis ring po ma thogs par mngon par shes pa lnga bskyed par gyur to// gzungs dang / dran pa dang / chos mnyan pa'i shes pa'ang bskyed par gyur to/ / rgyal bu gzhon nu snying rje cher sems kyang rgyal srid la dbang bskur nas/ zla ba nya'o cog na gling chen po bzhi po dag tu rjes su ston par byed de/ ci nas kyang srog chags dung phyur phrag dgu dang / bye ba phrag gnyis bla na med pa yang dag par rdzogs pa'i byang chub tu sems skyed par 'gyur ba de lta de ltar sems can rnams la chos ston par gyur to// de dag thams cad kyang bcom ldan 'das de bzhin gshegs pa ri rab lta bu de'i bstan pa la dad pas khyim nas khyim med par rab du byung nas thag pa chen po 'dis bla na med pa yang dag par rdzogs pa'i byang chub las phyir mi ldog pa sha stag tu gyur to/ / shA ra dwa ti'i bu khyod kyis ji tsam du dge ba'i rtsa ba bskyed pa dang / yongs su sbyang ba byas pa'i sems can rnams kyi rten du gyur cing dad pa bskyed par gyur pa'i gsung rab de la ltos/ / shA ra dwa ti'i bu de'i tshe de'i dus na 'khor los sgyur ba'i rgyal po dge ba'i bkod pa zhes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ lha'i bu ded dpon 'di nyid de'i tshe de'i dus na 'khor los sgyur ba'i rgyal po
- 121b
dge ba'i bkod pa zhes bya bar gyur to/ / shA ra dwa ti'i bu de'i tshe de'i dus na chos smra ba'i dge slong chos kyi rgyal mtshan zhes bya bar gyur pa de gzhan zhig yin pa snyam du khyod som nyid dang yid gnyis za bar gyur na/ shA ra dwa ti'i bu khyod kyis de ltar mi blta ste/ 'jam dpal gzhon nur gyur pa 'di nyid de'i tshe de'i dus na chos smra ba'i dge slong chos kyi rgyal mtshan zhes bya bar gyur to/ / shA ra dwa ti'i bu de'i tshe de'i dus na rgyal po dge ba'i bkod pa de'i bu stong tham par gyur pa de dag gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ bskal pa bzang po 'di nyid kyi sangs rgyas stong po de dag de'i tshe de'i dus na rgyal po dge ba'i bkod pa de'i bu stong tham par gyur to// shA ra dwa ti'i bu de'i tshe de'i dus na rgyal bu gzhon nu snying rje cher sems shes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ nga nyid de'i tshe de'i dus na rgyal bu gzhon nu snying rje cher sems shes bya bar gyur to// shA ra dwa ti'i bu de ltar na sngon gyi byang chub sems dpa' bag yod pa rnams ni/ lhag pa'i bsam pa dang shes bzhin gyi spyod pas bla na med pa yang dag par rdzogs pa'i byang chub tu nges par byung ba yin no// bcom ldan 'das kyis sngon gyi tshul dang ldan pa'i gtam
- 122a
'di bshad pa na/ lha dang mi rnams kyi skye dgu las srog chags sum khri nyis stong bla na med pa yang dag par rdzogs pa'i byang chub tu sems skyes so// de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal khyod ni lha'i bu ded dpon 'di dang lhan cig tu yun ring po nas tshangs par spyod pa spyad pa dang sangs rgyas mang po la bsnyen bkur byas shing dge ba'i rtsa ba bskyed pa yin no/ / 'jam dpal gyis smras pa/ btsun pa shA ra dwa ti'i bu tshangs par spyod pa zhes bya ba de ni/ 'phags pa'i lam yan lag brgyad pa'i tshig bla dgas yin la/ lam ni 'dus byas yin gyi/ kho bo ni 'dus ma byas su gtogs pa yin pas/ de'i phyir kho bo ni yun ring po nas tshangs par spyad pa ma yin no// ban pA shwa ra dwa ti'i butshangs par rjod pa zhes bya ba don spyod pa'i mtshan ni yinaHoM bA ni sna pa med pa dang rab tu sdod pa med pa yin te/ de'i phyir la Ta ni yun ring po nas tshangs par pa ma yin no/ / btsun pa shA ra dwa ti'i bu tshangs par spyod pa zhes bya ba de ni gnyis su sbyor ba yin gyi/ kho bo ni gnyis su sbyor ba'ang ma yin la/ gnyis su med par sbyor ba'ang ma yin te/ de'i phyir kho bo ni yun ring po nas tshangs par spyad pa ma yin no// btsun pa shA ra dwa ti'i bu tshangs par spyod pa zhes bya ba de ni nyon mongs pa'i gnyen po yin gyi/ kho bo ni gnyen pos rab tu phye ba ma yin
- 122b
de'i phyir kho bo ni yun ring po nas tshangs par spyad pa ma yin no/ / btsun pa shA ra dwa ti'i bu tshangs par spyod pa zhes bya ba de ni gzugs dang / sgra dang / dri dang / ro dang / reg bya dang / chos las 'byol ba yin gyi/ kho bo ni gzugs dang / sgra dang / dri dang / ro dang / reg bya dang / chos las 'byol ba ma yin te/ de'i phyir kho bo ni yun ring po nas tshangs par spyad pa ma yin no/ / btsun pa shA ra dwa ti'i bu tshangs par spyod pa zhes bya ba de ni bdud kyi lam las yang dag par 'da' ba yin gyi/ kho bo ni bdud kyi lam las yang dag par 'da' ba ma yin te/ de'i phyir kho bo ni yun ring po nas tshangs par spyad pa ma yin no// btsun pa shA ra dwa ti'i bu tshangs par spyod pa zhes bya ba de ni dge ba'i bshes gnyen thams cad yin gyi/ khos ni dge ba dang sdig pa la nges par sbyor ba mi byed de/ de'i phyir kho bo ni yun ring po nas tshangs par spyad pa ma yin no// btsun pa shA ra dwa ti'i bu tshangs par spyod pa zhes bya ba de ni nyan thos dang rang sangs rgyas kyi skyon med pa thob pa yin gyi/ kho bo ni nyan thos dang rang sangs rgyas kyi skyon med pa thob pa ma yin te/ de'i phyir kho bo ni yun ring po nas tshangs par spyad pa ma yin no// btsun pa shA ra dwa ti'i bu tshangs par spyod pa zhes bya ba de ni 'khor ba las 'byol ba yin gyi/ kho bo ni 'khor ba las 'byol ba ma yin te/ de'i phyir kho bo ni yun ring po nas tshangs par spyad pa ma yin no//
- 123a
btsun pa shA ra dwa ti'i bu tshangs par spyod pa zhes bya ba de ni mya ngan las 'da' ba'i lam du 'gro ba yin gyi/ kho bo ni mya ngan las 'da' ba don du gnyer ba ma yin te/ de phyir kho bo ni yun ring po nas tshangs par spyad pa ma yin no/ / btsun pa shA ra dwa ti'i bu gang yang khyod 'di skad du 'jam dpal khyod ni sangs rgyas mang po la bsnyen bkur byas pa yin no zhes zer ba ni btsun pa shA ra dwa ti'i bu de bzhin gshegs pa la ni bsnyen bkur bya bar mi nus so/ / de ci'i phyir zhes na/ de bzhin gshegs pa ni gzugs med cing bstan du med pa yin pas/ de la bsnyen bkur bya bar mi nus pa dang / de bzhin gshegs pa ni tshor ba med cing tshor ba thams cad rgyun bcad pa yin pas/ de la bsnyen bkur bya bar mi nus pa dang / de bzhin gshegs pa ni 'du shes med cing 'du shes kyi mdud pa thams cad dang bral ba yin pas/ de la bsnyen bkur bya bar mi nus pa dang / de bzhin gshegs pa ni 'du byed rnams med cing 'dus ma byas brnyes pa yin pas/ de la bsnyen bkur bya bar mi nus pa dang / de bzhin gshegs pa ni rnam par shes pa med cing yid gnas pa med pa yin pas/ de la bsnyen bkur bya bar mi nus pa dang / de bzhin gshegs pa ni mig dang gzugs kyi yul ma yin zhing stong pa nyid kyi spyod yul yin pas/ de la bsnyen bkur bya bar mi nus pa dang / de bzhin gshes
- 123b
pa ni rna ba dang sgra'i yul ma yin zhing mtshan ma med pa'i mu yin pas/ de la bsnyen bkur bya bar mi nus pa dang / de bzhin gshegs pa ni sna dang dri'i yul ma yin zhing gnyis dang bral ba yin pas/ de la bsnyen bkur bya bar mi nus pa dang / de bzhin gshegs pa ni lce dang ro'i yul ma yin zhing rnam par rig pa med pa'i mtshan nyid yin pas/ de la bsnyen bkur bya par mi nus pa dang / de bzhin gshegs pa ni lus dang reg bya'i yul ma yin zhing thogs pa med pa'i mtshan nyid yin pas/ de la bsnyen bkur bya bar mi nus pa dang / de bzhin gsheg pa ni yid dang chos kyi yul ma yin zhing chos kyi dbyings su yang dag par 'du ba yin pas/ de la bsnyen bkur bya bar mi nus pa dang / de bzhin gshegs pa ni de bzhin nyid la gnas pa yin pas de la bsnyen bkur bya bar mi nus pa dang / de bzhin gshegs pa ni yang dag pa'i mtha' dang mthun par zhugs pa yin pas/ de la bsnyen bkur bya bar mi nus pa dang / de bzhin gshegs pa ni chos kyi dbyings kyis rab tu phye ba yin pas/ de la bsnyen bkur bya bar mi nus pa dang / de bzhin gshegs pa ni chen po stong pa nyid la zhugs pa yin pas/ de la bsnyen bkur bya bar mi nus pa dang / de bzhin gshegs pa ni rang bzhin mnyam pa nyid yin pas/ de la bsnyen bkur bya bar mi nus pa dang / de bzhin gshegs pa ni spros pa thams cad yang dag par
- 124a
chad pa yin pas/ de la bsnyen bkur bya bar mi nus pa dang / de bzhin gshegs pa ni dmigs pa med pa la bzhugs pa yin pas/ de la bsnyen bkur bya// bar mi nus pa dang / de bzhin gshegs pa ni rnam par shes pa la mi gnas pa yin pas/ de la bsnyen bkur bya bar mi nus pa dang / de bzhin gshegs pa ni khams gsum na mi gnas pa yin pas/ de la bsnyen bkur bya bar mi nus pa dang / de bzhin gshegs pa ni zag pa med pa yin pas/ de la bsnyen bkur bya bar mi nus pa dang / de bzhin gshegs pa ni 'jig rten 'di dang 'jig rten pha rol la mi gnas pa yin pas/ de la bsnyen bkur bya bar mi nus pa dang / de bzhin gshegs pa ni zhi zhing rab tu zhi la nye bar zhi ba yin pas/ de la bsnyen bkur bya bar mi nus pa dang / de bzhin gshegs pa ni lus dang / ngag dang / yid dang bral ba yin pas/ de la bsnyen bkur bya bar mi nus pa dang / de bzhin gshegs pa ni kha dog dang / gzugs dang / dbyibs dang bral ba yin pas/ de la bsnyen bkur bya bar mi nus pa dang / de bzhin gshegs pa ni thams cad du ma smad cing kha na ma tho ba med pa yin pas/ de la bsnyen bkur bya bar mi nus pa dang / de bzhin gshegs pa ni spyod lam thams cad la yang dag par mi gnas pa yin pas/ de la bsnyen bkur bya bar mi nus
- 124b
pa dang / btsun pa shA ra dwa ti de bzhin gshegs pa ni thams cad du skur pa gdab tu med cing nam mkha' la bris pa lta bu yin pas/ de la bsnyen bkur bya bar mi nus pa'i phyir ro/ / btsun pa shA ra dwa ti'i bu gang yang khyod 'di skad du 'jam dpal khyod ni dge ba'i rtsa ba bskyed pa yin no zhes zer ba la/ btsun pa shA ra dwa ti'i bu dge ba'i rtsa ba de ni 'jig tshogs rtsa ba ma yin pa dang / ma rig pa dang srid pa'i sred pa rtsa ba ma yin pa dang / 'dod chags dang / zhe sdang dang / gti mug rtsa ba ma yin pa dang / phyin ci log bzhi rtsa ba ma yin pa dang / phung po lnga rtsa ba ma yin pa dang / skye mched drug rtsa ba ma yin pa dang / rnam par shes pa'i gnas bdun rtsa ba ma yin pa dang / log pa brgyad rtsa ba ma yin pa dang / kun nas mnar sems kyi dngos po dgu rtsa ba ma yin pa dang / sems can gyi gnas dgu rtsa ba ma yin pa dang / mi dge ba bcu'i las kyi lam rtsa ba ma yin pa gang yin pa de ni dge ba'i rtsa ba yin no// btsun pa shA ra tA ti'i bu bgrod pa gcig pa'i lam la mngon par zhen pa rtsa ba ma yin pa dang / rig pa dang rnam par grol ba la yongs su rtog pa rtsa ba ma yin pa dang / lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pas rlom sems su byed pa rtsa ba ma yin pa dang / bden pa bzhi po dag la yongs su rtog pa rtsa ba ma yin pa dang / dbang po lngar 'du
- 125a
shes pa rtsa ba ma yin pa dang / mngon par shes pa drug la dmigs pa rtsa ba ma yin pa dang / byang chub kyi lam bdun la spro 'dogs pa rtsa ba ma yin pa dang / 'phags pa'i lam yan lag brgyad pas rlom sems su byed pa rtsa ba ma yin pa dang / mthar gyis gnas pa'i snyoms par 'jug pa dgu la lta ba skyed pa rtsa ba ma yin pa dang / mi slob pa'i chos bcu la mngon par zhen pa rtsa ba ma yin pa gang yin pa de ni dge ba'i rtsa ba yin no/ / phung po'i bdud rtsa ba ma yin pa dang / nyon mongs pa'i bdud rtsa ba ma yin pa dang / 'chi bdag gi bdud rtsa ba ma yin/ pa dang / lha'i bu'i bdud rtsa ba ma yin pa/ gang yin pa de ni dge ba'i rtsa ba yin no// sgrib pa rtsa ba ma yin pa dang / chod pa dang kun nas ldang ba rtsa ba ma yin pa dang / 'gyod pa rtsa ba ma yin pa gang yin pa de ni dge ba'i rtsa ba yin no/ / bdag tu lta ba rtsa ba ma yin pa dang / sems can du lta ba rtsa ba ma yin pa dang / srog tu lta ba rtsa ba ma yin pa dang / gso ba dang gang zag tu la brtsa ba ma yin pa gang yin pa de ni dge ba'i rtsa ba yin no/ / 'byung bar lta ba rtsa ba ma yin pa dang / 'jig par lta ba rtsa ba ma yin pa dang / chang par lta ba rtsa ba ma yin pa dang / rtag par lta ba rtsa ba ma yin pa gang yin pa de ni dge ba'i rtsa ba yin no/ / tshul bzhin ma yin pa rtsa ba ma yin pa dang / ma rig pa rtsa ba ma yin pa dang / 'du byed rtsa ba ma yin pa dang / rnam par shes
- 125b
partsa ba ma yin pa dang / ming dang gzugs rtsa ba ma yin pa dang / skye mched drug rtsa ba ma yin pa dang / reg pa rtsa ba ma yin pa dang / tshor brtsa ba ma yin pa dang / sred pa rtsub ma yin pa dang / len pa rtsa ba ma yin pa dang / srid pa rtsa ba ma yin pa dang / skye ba rtsa ba ma yin pa dang / rga shi rtsa ba ma yin pa dang / nad dang / sdug bsngal ba dang / yid mi bde ba dang / 'khrug pa rtsa ba ma yin pa gang yin pa de ni dge ba'i rtsa ba yin no// 'dod pa'i khams rtsa ba ma yin pa dang / gzugs kyi khams rtsa ba ma yin pa dang / gzugs med pa'i khams rtsa ba ma yin pa gang yin pa de ni dge ba'i rtsa ba yin no/ / sbyin pas rlom sems su byed pa rtsa ba ma yin pa dang / rdul khrims dang / bzod pa dang / brtson 'grus dang / bsam gtan dang / shes rab kyis rlom sems su byed pa rtsa ba ma yin pa gang yin pa de ni dge ba'i rtsa ba yin no// byams pa dang / snying rje dang / dga' ba dang / btam snyoms kyis rlom sems su byed pa rtsa ba ma yin pa gang yin pa de ni byang chub sems dpa'i dge ba'i rtsa ba yin no/ / nyan thos dang rang sangs rgyas 'dod pa rtsa ba ma yin pa gang yin pa de ni byang chub sems dpa'i dge ba'i rtsa ba yin no/ / byams pa chen po dang / snying rje chen po'i rtsa ba dang / thams cad mkhyen pa nyid kyi sems mi 'dor ba'i rtsa ba dang / sems can yongs su smin par
- 126a
byed pa'i rtsa ba dang / dam pa'i chos yongs su 'dzin pa'i rtsa ba dang / bdog pa thams cad yongs su gdong ba'i rtsa ba dang / rnam par smin pa la re ba med pa'i rtsa ba dang / tshul khrims dang bslab pa thams cad yang dag par len pa'i rtsa ba dang / brgya byin dang / tshangs pa dang / 'jig rten skyong ba'ang mi 'dod pa'i rtsa ba dang / bzod pa dang / zhi ba dang / dul ba dang / nges pa'i rtsa ba dang / bdag dang gzhan la'ang mi gnod pa'i rtsa ba dang / brtan pa'i brtson 'grus chen po rtsom pa'i rtsa ba dang / dman pa'i chos yang dag par mi sdud pa'i rtsa ba dang / bsam gtan gyi rtsa ba dang / bsam gtan gyi ro myang bar mi byed pa'i rtsa ba dang / shes rab kyi rtsa ba dang / gtang snyoms kyang ma yin pa'i rtsa ba dang / thabs kyi rtsa ba dang / thams cad kyi rjes su 'jug pa'i rtsa ba gang yin pa de ni byang chub sems dpa'i dge ba'i rtsa ba yin no// dkon mchog gsum gyi gdung rgyun mi gcod pa'i rtsa ba dang stobs bcu dang / mi 'jigs pa'i rtsa ba dang / sangs rgyas kyi chos thams cad yongs su sgrub pa'i rtsa ba gang yin pa de ni byang chub sems dpa'i dge ba'i rtsa ba yin no// lus dang / ngag dang / sems kyi rgyan gyi rtsa ba gang yin pa de ni byang chub sems dpa'i dge ba'i rtsa ba yin no// gzungs kyi shes pa thob pa gang yin pa de ni byang chub sems dpa'i dge ba'i rtsa ba yin no// spobs pa mi mchod
- 126b
pa'i rtsa ba gang yin pa de ni byang chub sems dpa'i dge ba'i rtsa ba yin no/ / mngon par shes pa dang rig pa thob pa'i rtsa ba gang yin pa de ni byang chub sems dpa'i dge ba'i rtsa ba yin no// sangs rgyas kyi zhing yongs su dag par byed pa'i rtsa ba gang yin pa de ni byang chub sems dpa'i dge ba'i rtsa ba yin no// byang chub kyi snying por 'gro ba byin gyis rlob pa'i rtsa ba gang yin pa dang lan gsum du bzlas te chos kyi 'khor lo rnam pa bcu gnyis su skor ba'i rtsa ba gang yin pa de ni byang chub sems dpa'i dge ba'i rtsa ba yin no/ / 'jam dpal gzhon nur gyur pas don gyi gzhi rnam par nges par bstan pa gsum po 'di bshad pa na/ thams cad dang ldan pa'i 'khor des legs so zhes bya ba byin nas/ thams cad dang ldan pa'i 'khor des/ bcom ldan 'das dang 'jam dpal gzhon nur gyur pa la me tog rnam pa sna tshogs dag gis mngon par gtor nas/ tshig 'di skad du sangs rgyas kyi zhing gang na 'jam dpal gzhon nur gyur pa gnas pa der ni de bzhin gshegs pa gnyis byung ba yin par rig par bya'o/ / sems can gang dag 'jam dpal gzhon nur gyur pas bstan pa 'di thos na mi skrag mi dngang zhing / dngang bar mi 'gyur ba de dag ni dge ba'i rtsa ba ngan ngon dang ldan pa ma yin no/ / de dag gis ni bdud kyi las thams cad bkag pa yin no// de dag ni theg pa chen po la snang ba thob pa yin no zhes kyang smras so//
- 127a
de nas bcom ldan 'das kyis thams cad dang ldan pa'i 'khor des smras pa la rjes su thugs rangs pa mdzad nas/ lha'i bu ded dpon la 'di skad ces bka' stsal to// lha'i bu gang dag 'jam dpal gzhon nur gyur pas bshad pa de thos nas mos par 'gyur ba de'ang cho 'phrul chen po yin te/ de dag ni de las gzhan pa'i cho 'phrul rnams kyis skrag par mi 'gyur ro/ / de ci'i phyir zhe na/ lha'i bu 'di lta ste/ rtag par 'du shes pa'i sems can rnams la mi rtag par bshad pa dang / bde bar 'du shes pa rnams la sdug bsngal bar bshad pa dang / bdag tu 'du shes pa rnams la bdag med par bshad pa dang / sdug par 'du shes pa rnams la mi sdug par bshad pa dang / dngos por 'du shes pa rnams la dngos po med par bshad pa dang / lta bar 'du shes pa rnams la stong par bshad pa dang / mtshan mar 'du shes pa rnams la mtshan ma med par bshad pa dang / khams gsum par 'du shes pa rnams la smon pa med par bshad pa dang / ngar 'dzin pa dang nga yir 'dzin par 'du shes pa rnams la lta ba'i rnam pa thams cad dang bral bar bshad pa de ni 'jig rten gyi 'jigs pa chen po yin te/ gang dag de la skrag par mi 'gyur ba de dag ni yang dag par dul ba yin pas na/ yang dag par dul ba rnams ni gang la'ang skrag par mi 'gyur ba'i phyir ro// ngo ci'i phyir se na/ de gang las sbas
- 127b
pa gyur ba'i chos 'di lta ste/ ngar 'dzin pa yongs su 'dzin pa dang / nga yir 'dzin pa yongs su 'dzin pa de dag des yongs su ma bzung bas/ yongs su ma bzung ba la rten med pa dang / rten med pa la g.yo ba med pa dang / g.yo ba med pa la 'gul ba med pa dang / 'gul ba med pa la blang ba med pa dang / blang ba med pa la dor ba med pa dang / dor ba med pa la 'dzin pa med pa dang / 'dzin pa med pa la mchog tu 'dzin pa med pa dang / mchog tu 'dzin pa med pa la phyin ci log med pa dang / phyin ci log med pa la log pa nyid med pa dang / log pa nyid dang bral ba ni yang dag par sgrub pa yin pa dang / yang dag par bsgrub pa ni yang dag par lta ba yin pa dang / yang dag par lta ba ni yang dag pa'i ting nge 'dzin gyi bar dag yin pa dang / yang dag pa'i ting nge 'dzin la gnas pa la rnam par g.yeng ba med pa dang / sems rnam par mi g.yeng ba la gnas pa med pa dang / sems mi gnas pa la gnas med pa dang / sems kyi gnas med pa la rnam par shes pa'i gnas med pa dang / rnam par rig pa med pa la brtag cing bsal ba med pa dang / brtag cing bsal ba dang bral bas dmigs pa spangs pa dang / dmigs pa med par gnas pa la sgrib pa med pa dang / sgrib pa med par gnas pa la rlom sems med pa dang / gang gi tshe rlom sems med pa de'i tshe lhag par rlom pa med pa dang / gang gi tshe lhag par
- 128a
rlom pa med pa de'i tshe bdag dang gzhan du mthong ba med pa dang / mthong ba med pa la yongs su gdung ba med pa dang / yongs su gdung ba med pa la sgyid lug med/ pa dang / sgyid lug pa med pa la nyon mongs pa'i rgyu med pa dang / nyon mongs pa can ma yin pa'i sems la bsal ba snang ba dang / bsal ba thob pas ye shes mthong ba dang / ye shes mthong ba la gnas pa'i sems kyi shes pa rgya che ba dang / sems kyi shes pa rgya chen po la gnas pa la bdud kyis glags mi rnyed pa dang / bdud dang phyir rgol ba nges par bcom pa la sgrib pa med pa mngon du 'gyur ba dang / sgrib pa med pa la gnas pa la sangs rgyas kyi chos thams cad mngon du 'gyur ba'i phyir ro// lha'i bu gang byas pa med cing skye ba med pa'i chos rnams la chos kyi go rims kyi mtshams sbyar ba de ltar ston pa de'ang cho 'phrul chen po yin no/ / de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so/ / kho bo cag 'jam dpal gzhon nur gyur pa la ci dang ci 'dri ba de dang de nyid kyi tshig gi mtshams las sangs rgyas kyi chos thams cad snang ngo // 'jam dpal gyis smras pa/ btsun pa shA ra dwa ti'i bu chos thams cad ni bdag po med pa ste/ de dag ni ji ltar 'dod pa de bzhin du sgrub par byed do// btsun pa shA ra dwa ti'i bu chos thams cad ni mi zad pa ste/ de dag ni ji ltar
- 128b
'dod pa de bzhin du ston par byed do/ / btsun pa shA ra dwa ti'i bu chos thams cad ni bem po ste/ de dag ni ji ltar 'dod pa de bzhin du rjod par byed do// btsun pa shA ra dwa ti'i bu chos thams cad ni ther zug tu gnas pa ma yin pa ste/ de dag ni ji ltar 'dod pa de bzhin du rnam par 'jog par byed do// btsun pa shA ra dwa ti'i bu chos thams cad ni mthong ba med pa ste/ de dag ni ji ltar 'dod pa de bzhin du rnam par 'god par byed do/ / btsun pa shA ra dwa ti'i bu chos thams cad ni btang snyoms pa ste/ de dag ni ji ltar 'dod pa de bzhin du 'chad par byed do// btsun pa shA ra dwa ti'i bu chos de dag ni gang nas kyang ma blangs gang du'ang ma khrid pa ste/ de dag ni bsags pa'ang ma yin/ spungs pa'ang ma yin no// de dag ni bshad kyang rung ma bshad kyang rung ste/ chos kyi de bzhin nyid de mi 'dor ba yin no// sems can thams cad kyi yi ge 'byung ba gang yin pa dang / sangs rgyas thams cad kyi chos bstan pa'i yi ge 'byung ba gang yin pa'i yig de dag thams cad ni lus las kyang ma byung / sems las kyang ma byung ste/ rgyu dang rkyen nyid las byung ba yin no// ji ltar yi ge rnams la bsags pa med pa de bzhin du sems dang sems las byung ba'i chos rnams la'ang bsags pa med do/ / ji ltar sems dang sems las byung ba'i chos rnams la bsags pa med pa de bzhin du nyon mongs pa'i dmigs pa thams cad
- 129a
la'ang bsags pa med do/ / ji ltar nyon mongs pa'i dmigs pa thams cad la bsags pa med pa de bzhin du shes pa gang gis nyon mongs pa rnams spangs pa'i shes pa de la'ang bsags pa med de/ btsun pa shA ra dwa ti'i bu chos thams cad ni shes pas gang mi gnas pa'i nyon mongs pa rnams spangs pa de'ang cho 'phrul chen po yin no// de nas lha'i bu ded dpon gyis/ 'jam dpal gzhon nur gyur pa la 'di skad ces smras so// 'jam dpal byang chub sems dpa' rnams kyi shes pa gang yin/ 'jam dpal gyis spras pa/ wa bu sdug bsngal yangs su shes pa'i shes pa dang / grang ma yangs su spang ba la yongs su sngo ba med pa'i shes pa dang / kun 'drung dashes pa dang / dge ba'i rtsa ba yang dag par ba shes pa dang / 'gog pa shes pa dang / skye ba dang 'byung ba shes pa dang / lam shes pa dang / lam ngan pa rnam par bcad pa shes pa dang / rgyu shes pa dang / chud mi za ba shes pa dang / 'bras bu shes pa dang / mngon sum du bya ba spang ba shes pa dang / rkyen shes pa dang / tshogs bsags pa shes pa dang / bden pa shes pa dang / sangs rgyas kyi ye shes la lta zhing thob par bya ba shes pa dang / rten cing 'bral bar 'byung ba shes pa dang / 'byung ba shes la mngon par zhen pa med pa shes pa dang / phung po shes pa dang / phung po'i bdud sra/
- 129b
bshes pa dang / khams shes pa dang / chos kyi dbyings dbyer med pa shes pa dang / skye mched shes pa dang / grong stong pa lta bur so sor rtog pa shes pa dang / sbyin pa shes pa dang / dus dang dus ma yin pa las mi 'da' ba shes pa dang / tshul khrims shes pa dang / tshul khrims 'chal pa'i sems can yongs su smin par bya ba shes pa dang / bzod pa shes pa dang / sems can rjes su bsrung ba shes pa dang / brtson 'grus shes pa dang / legs pa bya ba'i las bya ba shes pa dang / bsam gtan shes pa dang / bsam gtan las ldog pa shes pa dang / shes rab shes pa dang / lta ba yongs su shes pa shes pa dang / thabs shes pa dang / sems can yongs su smin par bya ba shes pa dang / byams pa shes pa dang / sems can bskyab pa shes pa dang / snying rje shes pa dang / yongs su mi skyo ba shes pa dang / dga' ba shes pa dang / chos la dga' zhing rab tu dga' la mchog tu dga' ba shes pa dang / btang snyoms shes pa dang / sangs rgyas kyi chos yongs su bsgrub pa shes pa dang / sems can gzhug pa shes pa dang / tha snyad shes pa dang / dran pa nye bar gzhag pa shes pa dang / gnas med pa la gnas pa shes pa dang / yang dag pa'i spong ba shes pa dang / mnyam pa nyid dang mi 'gal ba shes pa dang / rdzu 'phrul gyi rkang pa shes pa dang / mngon par 'du bya ba med par so so
- 130a
rtog pa shes pa dang / dad pa'i dbang po dang stobs shes pa dang / chags pa thams cad las yang dag par 'da' ba shes pa dang / brtson 'grus kyi dbang po dang stobs shes pa dang / nyon mongs pa thams cad kyis mi tshugs pa shes pa dang / dran pa'i dbang po dang stobs shes pa dang / chos thams cad mi brjed pa shes pa dang / ting nge 'dzin gyi dbang po dang stobs shes pa dang / chos thams cad mnyam pa nyid du shes pa dang / shes rab kyi dbang po dang stobs shes pa dang / sems can thams cad kyi dbang po mchog dang / mchog ma yin pa shes pa dang / byang chub kyi yan lag shes pa dang / rang byung gi ye shes rjes su rtog pa shes pa dang / lam shes pa dang / lam ngan pa thams cad las yang dag par 'da' ba shes pa dang / snying rje chen po la lhag par dmigs pa shes pa dang / zad pa shes pa dang / dge ba'i rtsa ba thams cad mi zad pa shes pa dang / skye ba med pa shes pa dang / mi skye ba'i chos la bzod pa thob pa shes pa dang / sangs rgyas rjes su dran pa shes pa dang / sangs rgyas kyi sku yongs su 'grub pa shes pa dang / chos rjes su dran pa shes pa dang / chos kyi 'khor lo rab du skor ba shes pa dang / dge 'dun rjes su dran pa shes pa dang / phyir mi ldog pa'i byang chub sems dpa'i dge 'dun yang dag par 'du ba shes pa dang / gtong
- 130b
rjes su dran pa shes pa dang / sems can thams cad yongs su mi gtong ba shes pa dang / tshul khrims rjes su dran pa shes pa dang / smon lam thams cad yongs su rdzogs par bya ba shes pa dang / lha rjes su dran pa shes pa dang / sdig pa thams cad mi bya ba shes pa dang / sems can gyi dbang po shes pa dang / rim pa rjes su rtogs pa shes pa dang / thos pa'i tshogs yongs su rdzogs par bya ba shes pa dang / tshogs thams cad kyis mi ngoms pa shes pa dang / sman thams cad shes pa dang / rkyen ji lta ba bzhin du sbyor ba shes pa dang / gnas dang gnas ma yin pa shes pa dang / gnas ma yin pa mi bya bar shes pa dang / stobs bcu shes pa dang / nyan thos dang rang sangs rgyas thams cad kyi theg pa dang / rjes su mthun pa shes pa dang / mi 'jigs pa shes pa dang / bar du gcod pa dang bar du gcod pa ma yin pa'i chos rjes su rtogs pa shes pa dang / 'das pa'i dus la ma thogs pa'i shes pa dang / rnam par shes pa mi gnas par shes pa dang / ma 'ongs pa'i dus la ma thogs pa'i shes pa dang / chos thams cad las yang dag par mi 'da' ba shes pa dang / da ltar byung ba'i dus la ma thogs pa'i shes pa dang / gnas pa med pa dang rab tu gnas pa med pa shes pa dang / lus sngon du 'gro ba shes pa dang / sems
- 131a
can thams cad kyi lus la 'jug pa shes pa dang / ngag sngon du 'gro ba shes pa dang / sems can thams cad kyi sgra rab tu dbye ba shes pa dang / yid sngon du 'gro ba shes pa dang / sems can thams cad kyi sems kyi spyod pa rnam par g.yo ba rjes su rtogs pa'i shes pa dang / 'khrul pa med pa'i shes pa dang / sems can thams cad kyi 'khrul pa rjes su rtogs pa'i shes pa dang / nyon mongs pa dang bral ba shes pa dang / sems can thams cad kyi nyon mongs pa dang rtsod pa nye bar zhi bar bya ba shes pa dang / mi brjed pa'i shes pa dang / sems rnam par g.yengs pa'i sems can dran pa la 'jog pa shes pa dang / dgongs pa rab tu 'dzin pa shes pa dang / sems can le lo can yongs su gzung ba shes pa dang / sangs rgyas kyi chos ma 'dres pa shes pa dang / gdul ba'i sems can 'dul ba rjes su rtogs pa'i shes pa dang / thabs shes pa dang / shes rab shes pa ste/ lha'i bu de ni byang chub sems dpa'i shes pa yin te/ shes pa de dang ldan pa'i byang chub sems dpa' ni sangs rgyas kyi ye shes chags pa med pa 'thob bo// lha'i bus smras pa/ 'jam dpal ji tsam du byang chub sems dpa' rnams kyi shes pa bsam gyis mi khyab pa de dang / 'jig rten gsum po thams cad las khyad par du 'phags pa'i shes pa de ni ngo mtshar
- 131b
shes pa de ni go chang mngon dang ldan pa'i yang dag par bsdu bar mi nus so/ / 'jam dpal gang de lta bu'i shes pa skyed par byed pa de'ang cho 'phrul chen po yin no// / bam po gsum pa ste tha ma// 'jam dpal ji ltar na byang chub sems dpa' go cha legs par dgos pa yin/ 'jam dpal gyis smras pa/ lha'i bu gang gi tshe byang chub sems dpa' rang bzhin gyis yong su mya ngan las 'das pa'i sems can rnams la skrag par mi 'gyur ba de lta bu ni byang chub sems dpa' go cha legs par bgos pa yin no/ / smras pa/ 'jam dpal ci'i phyir byang chub sems dpa' zhes bya/ smras pa/ lha'i bu byang chub kyi gnas kyi rjes su 'jug pas byang chub sems dpa' zhes bya'o// smras pa/ 'jam dpal ci'i phyir sems dpa' chen po zhes bya/ smras pa/ lha'i bu brtsam pa chen po nyams 'og tu chud par byed pa dang / ye shes chen po yongs su rdzogs par byed pas sems dpa' chen po zhes bya'o/ / smras pa/ 'jam dpal ci'i phyir sems can mchog ces bya/ smras pa/ lha'i bu shes rab kyis gzung ba med pa'i chos la 'jug pa dang / thabs kyis chos thams cad yang dag par bsdus pas de'i phyir sems can mchog ces bya'o/ / smras pa/ 'jam dpal ci'i phyir sems can dag pa zhes bya/ smras pa/ lha'i bu gang nyon mong
- 132a
bya d+hI rnams dang ldan sa gas shi sems can rnams rgyun na mongs pa / ra grus sa sm ras pa/ 'jam dpal ci'i phyir sems can rnam par dag pa zhes bya/ sbas pa/ lha 'u 'di ltar sems can thams cad nges par 'drung ba'i lam rnam par spong bar byed pas de'i phyir sems ca rnam par dag pazhes s+ho/ / smras pa/ 'jam dpa ca byo dzin pa nas/ smras pa/ lha'i bu'adi lta las de la gnas nas sems can grangs med da pag tu med pa dag sa smin par byed pas de'i phyir 'dren pa zhes bya'o/ / smras pa/ 'jam dpal ci'i phyir rnam par 'dren pa zhes bya/ smras pa/ lha'i bu 'di ltar gdul ba'i sems can rnams shin tu 'dul ba la rab tu 'god par byed pas de'i phyir rnam par 'dren pa zhes bya'o/ / smras pa/ 'jam dpal ji ltar na byang chub sems dpa' dpa' ba yin/ smras pa/ lha'i bu ji tsam gyis/ bdud dang phyir rgol ba nges par bcom zhing / sems can yongs su smin par bya ba'i phyir srid pa len par byed pa de tsam gyis na/ byang chub sems dpa' dpa' ba yin no// smras pa/ 'jam dpal ji ltar na byang chub sems dpa' thul par dka' ba yin/ smras pa/ lha'i bu 'di ltar sngon dam bcas pa dang / sngon gyi bsam pa yongs su rdzogs par byed pas nyan thos pa
- 132b
rang sangs rgyas kyi theg pa dag la 'dod par mi byed pa de lta bu ni thul bar dka' ba yin no/ / smras pa/ 'jam dpal ji ltar na byang chub sems dpa' mngon par 'phags pa yin/ smras pa/ lha'i bu gang gi tshe 'phags pa'i shes rab dang thabs kyis sems can yongs su smin par bya ba dang / dam pa'i chos yongs su gzung ba'i phyir kun du snang ba de tsam gyis na/ byang chub sems dpa' mngon par 'phags pa yin no/ / smras pa/ 'jam dpal ji ltar na byang chub sems dpa' chos smra ba yin/ sbas pa/ lha'i bu gang gi tshe sangs rgyas kyis yongs su gzung ba'i tshig gis sems can thams cad kyi nyes par smra ba zil gyis gnon par byed pa de lta bu ni smra ba yin no/ / smras pa/ 'jam dpal ji ltar na 'dul ba smra ba yin/ smras pa/ lha'i bu gang gi tshe bdag tshul khrims la gnas la sems can thams cad kyi 'gyod pa dang kun nas ldang ba rnam par bsal ba'i phyir chos ston par byed pa de lta bu ni 'dul ba smra ba yin no// smras pa/ 'jam dpal ji ltar na don smra ba yin/ smras pa/ lha'i bu gang gi tshe chos thos pa thams cad la nan tan snying por byed cing don rjes su rtogs pa de lta bu ni don smra ba yin no// smras pa/ 'jam dpal ji ltar na byang chub sems dpa' sems can thams cad la phan pa'i gzhi phun su tshogs pa yin/ smras pa/ lha'i bu gang gi tshe dge ba'i rtsa ba yang dag
- 133a
par bsgrubs pa thams cad sems can rnams la stobs par byed pa de lta bu ni/ sems can thams cad la phan pa'i gzhi phun sum tshogs pa yin no// smras pa/ 'jam dpal ji ltar na byang chub sems dpa' drang po yin/ smras pa/ lha'i bu gang gi tshe bdag gi nyes pa mi 'chab pa de lta bu ni drang po yin no// smras pa/ 'jam dpal ji ltar na byang chub sems dpa' dam pa yin/ smras pa/ lha'i bu gang gi tshe sems can 'dod chags dang / zhe sdang dang / gti mug gi gyi gyu can rnams la khong khro bar mi byed pa de'i phyir dam pa yin no/ / smras pa/ 'jam dpal ji ltar na g.yo med pa yin/ smras pa/ lha'i bu gang gi tshe ji skad smras pa'i tshig las mi 'da' ba de lta bu ni g.yo med pa yin no// smras pa'ajam dpal ji ltar na sgyu med pa yin/ smras pa/ lha'i bu gang gi tshe ji ltar sems kyis mngon par bsgrubs pa de bzhin du tshig tu brjod pa de lta bu ni sku med pa yin no// smras pa 'jam dpal ji ltar na nga rgyal med pa yin/ smras pa/ lha'i bu gang gi tshe sems can thams cad la 'dud par byed cing mi dge ba mi byed pa de lta bu ni nga rgyal med pa yin no// smras pa 'jam dpal ji ltar na byang chub sems dpa' sbyin bdag yin/ smras pa/ lha'i bu gang gi tshe yongs su bsdus pa'i byang chub kyang gtong bar byed na/ dngos po gzhan dag lta spos kyang ci dgos pa'o//
- 133b
smras pa/ 'jam dpal ji ltar na tshul khrims dang ldan pa yin/ smras pa/ lha'i bu gang gi tshe gang tshul khrims 'chal pa mthong na srog gi phyir yang byang chub kyi sems mi gtong ba yin no// sprasmras pa/ 'jam dpal ji ltar na bzod pa sprul pa yin/ smras pa/ lha'i bu gang gi tshe gnod pa bzod cing gzhan la gnod pa mi byed pa yin no// smras pa/ 'jam dpal ji ltar na brtson 'grus dang ldan pa yin/ smras pa/ lha'i bu gang rnam par bsams na/ chos yang mi dmigs pa yin no// smras pa/ 'jam dpal ji ltar na bsam gtan la bsam gtan pa yin/ smras pa/ lha'i bu gang 'dod pa'i khams su phyis mi snang bar yin no// smras pa/ 'jam dpal ji ltar na shes rab dang ldan pa yin/ smras pa/ gang shes rab kyis bya ba sgrub/ par mi byed pa yin no// smras pa/ 'jam dpal ji ltar na byams pa la gnas pa yin/ smras pa/ lha'i bu gang gi tshe sems can gyi khams la stong pa nyid du rnam par lta ba yin no// spras pa/ 'jam dpal ji ltar na snying rje la gnas pa yin/ smras pa/ lha'i bu gang gi tshe chos thams cad nam mkha' lta bur shes nas/ byang chub la brtson 'grus mi 'dor ba yin no// smras pa 'jam dpal ji ltar na dga' ba la gnas pa yin/ smras pa/ lha'i bu gang gi tshe thub cing zhi la rab tu zhi ba thob cing chos yongs su tshol ba la dga' bas mi ngoms pa yin no// smras pa/ 'jam
- 134a
dpal ji ltar btang snyoms la gnas pa yin/ smras pa/ lha'i bu sems can yongs su bskyab pa'i phyir 'jig rten na spyod kyang 'jig rten gyi chos rnams kyis mi 'phrogs pa yin no/ / smras pa/ 'jam dpal ji ltar na byang chub sems dpa' lus yongs su dag pa yin/ smras pa/ lha'i bu gang gi tshe yid las byung ba'i lus kyis sems can thams cad kyi lus dang mthun par ston pa yin no/ / smras pa/ 'jam dpal ji ltar na ngag yongs su dag pa yin/ smras pa/ lha'i bu gang gi tshe sems can thams cad kyi sgra yongs su rdzogs pas 'bras bu yod par chos ston pa yin no/ / smras pa/ 'jam dpal ji ltar na sems yongs su dag pa yin/ smras pa/ lha'i bu gang gi tshe sems gcig gis sems can thams cad kyi sems rnams rab tu shes pa yin no/ / smras pa/ 'jam dpal ji ltar na byang chub sems dpa' lha'i mig dang ldan pa yin/ smras pa/ lha'i bu gang gi tshe gzugs snang ba thams cad kyang mthong la/ gzugs dben par yang ston pa yin no// smras pa/ 'jam dpal ji ltar na lha'i rna ba thob pa yin/ smras pa/ lha'i bu gang gi tshe sgra tham cad thos la sgra dben par yang ston pa yin no/ / smras pa/ 'jam dpal ji ltar na pha rol gyi sems la mkhas pa yin/ smras pa/ lha'i bu gang gi tshe sems skyes pa zhig par gyur
- 134b
pa rnams kyi sems kyi rgyun rab tu shes pa yin no/ / smras pa/ 'jam dpal ji ltar na sngon gyi gnas la mkhas pa yin/ smras pa/ lha'i bu gang gi tshe sngon gyi mtha'i mu rjes su dran zhing yang dag pa'i mtha' las kyang mi g.yo ba yin no/ / smras pa/ 'jam dpal ji ltar na rdzu 'phrul gyi bya ba shes pa yin/ smras pa/ lha'i bu gang bdud thams cad kyang ston la/ bdud kyi las rnams kyis kyang mi gos pa yin no// smras pa/ 'jam dpal ji ltar na 'dzul ba yin/ smras pa/ lha'i bu gang gi tshe ma dul ba rnams 'dul ba yin no// smras pa/ 'jam dpal ji ltar na bsrungs pa yin/ smras pa/ lha'i bu dbang po thams cad mi g.yeng ba yin no// smras pa/ 'jam dpal ji ltar na rnam par dul ba yin/ smras pa/ lha'i bugad gi tshe mi 'khrugs pa'i chos su gyur pa yin no/ / smras pa/ 'jam dpal ji ltar na zhi ba yin/ smras pa/ lha'i bu nyon mongs pa'i yongs su gdung ba thams cad kyis gdung ba med la/ sems can thams cad kyi nyon mongs pa spang ba'i phyir yang chos ston pa yin no// smras pa/ 'jam dpal ji ltar na dad pa yin/ smras pa/ lha'i bu gang sangs rgyas kyi sku'i gzugs kyis phye'ang mi phyed pa yin no/ / smras pa/ 'jam dpal ji ltar na byang chub sems dpa' thabs la mkhas pa yin/ smras pa/ lha'i bu gang gi tshe byang chub sems dpa' sems can thams
- 135a
cad la byang chub rag las par mthong ba yin no/ / bstan pa 'di bshad pa na srog chags khri nyis stong bla na med pa yang dag par rdzogs pa'i byang chub du sems skyes so/ / byang chub sems dpa' lnga brgya ni mi skye ba'i chos la bzod pa thob par gyur to// de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal legs so legs so// khyod kyis byang chub sems dpa' rnams kyi ming bshad pa de dang / skyes bu dam pa de dag gi yon tan de dag legs par smras te/ gzhan yang dpag tu med pa dag yod do// lha'i bu ded dpon gyis/ 'jam dpal gzhon nur gyur pa la gzhan yang 'di skad ces smras so// 'jam dpal khyod kyis sngon gyide bzhin gshegs pa ji snyed cig la bsnyen bkur byas na/ khyod spobs pa 'di lta bu dang ldan/ 'jam dpal gyis smras pa/ lha'i bu ma sprul pa'i sgyu ma'i skyes bu'i sems dang sems las byung ba ji snyed 'gags pa de snyed do/ / smras pa/ 'jam dpal sprul pa nyid la'ang sems dang sems las byung bdag med na ma sprul pa lta bu la ci smos/ smras pa/ lha'i bu bzhin gshegs pa de dag kyang ngo bo nyid de lta bu'i mtshan nyid yin la/ de dag la bsnyen bkur bya ba'i mtshan nyid kyang de lta bu yin no// spras pa/ 'jam dpal khyod kyis yun ring po ji srid
- 135b
cig nas sbyin pa'i pha rol tu phyin pa la spyad/ spras pa/ lha'i bu gal te de bzhin gshegs pa'i sprul pa zhig la khyod kyis yun ring po ji srid cig nas sbyin pa'i pha rol tu phyin pa la smad ces dris na/ tsaM de lan ljon par byed dam/ smras pa/ 'jam dpal de ni cung zad kyang lan ldon par mi byed do// smras pa/ lha'i bu kho bo'ang sprul pa de nyid kyi mtshan nyid yin pas na/ kho bos ji skad du kho bo yun ring po 'di tsam zhig nas sbyin pa'i pha rol tu phyin pa la spyad do zhes lan gdab par bya/ smras pa/ 'jam dpal 'o na ci khyod ser sna can yin nam smras pa/ lha'i bu de bzhin te/ kho bo ni ser sna can yin no// smras pa/ 'jam dpal khyod ci las bsams te de skad smra/ smras pa/ lha'i bu gang yongs su mi gtong ba de sar sna can ma yin nam/ smras pa/ 'jam dpal khyod ci zhig yongs su mi gtong / smras pa/ lha'i bu kho bo ni sangs rgyas kyi chos thams cad dang / sems can thams cad yongs su mi gtong ba yin te/ de'i phyir kho bo ni ser sna can yin no// smras pa/ 'jam dpal khyod kyis ji skad smras pa'i don kho bos shes pa ltar na khyod ni tshul khrims 'chal pa yin nam smras pa/ lha'i bu de bzhin te/ kho bo ni tshul khrims 'chal pa yin no// smras pa/ 'jam dpal khyod ci las bsams te de skad smra/ smras pa/ lha'i bu gang tshul khrims 'chas
- 136a
pa de ngan song gsum po dag tu lhung ba yin nam/ smras pa/ 'jam dpal de bzhin no// smras pa/ lha'i bu kho bo'ang sems can yongs su smin par bya ba'i phyir bsams bzhin du ngan song rnams su 'gro ste/ de'i phyir kho bo ni tshul khrims 'chal pa yin no// smras pa/ 'jam dpal ci khyod gnod sems kyi sems dang ldan pa yin nam/ smras pa/ lha'i bu de bzhin te/ kho bo ni gnod sems kyi sems dang ldan pa yin no// smras pa/ 'jam dpal khyod ci las bsams te de skad smra/ smras pa/ lha'i bu gang gnod sems kyi sems dang ldan pa de rjes su 'chags pa med pa ma yin nam/ smras pa/ 'jam dpal de bzhin no// smras pa/ lha'i bu kho bo'ang nyon mongs pa thams cad dang / byis pa thams cad dang / nyan thos dang rang sangs rgyas kyis thams cad la rjes su 'chags pa med de/ de'i phyir kho bo ni gnod sems kyi sems dang ldan pa yin no// smras pa/ 'jam dpal ci khyod le lo can yin nam/ smras pa/ lha'i bu de bzhin te/ kho bo ni le lo can yin no// smras pa/ 'jam dpal khyod ci las bsams te de skad smra/ smras pa/ lha'i bu le lo can zhes bya ba ni gang lus dang / ngag dang / yid kyis mi rtsom pa yin la/ kho bo'ang rtsom pa med cing brtul bar mi byed pa dang / len pa med pa dang / dor ba med pa yin te/
- 136b
de'i phyir kho bo ni le lo can yin no// smras pa/ 'jam dpal ci khyod sems rnam par g.yengs pa yin nam/ smras pa/ lha'i bu de bzhin te/ kho bo ni sems rnam par g.yeng pa yin no/ / smras pa/ 'jam dpal khyod ci las bsams te de skad smra/ sbas pa/ lha'i bu gang gi sems rnam par grol ba la mi gnas pa de sems rnam par g.yengs pa ma yin nam/ smras pa/ 'jam dpal de bzhin no// smras pa/ lha'i bu kho bo'ang 'phags pa rnams kyi rnam par grol ba la sems mi gnas pa dang / sems can yongs su smin par bya ba'i phyir sems rnam par g.yengs pa yin te/ de'i phyir kho bo ni sems rnam par g.yengs pa yin no// smras pa/ 'jam dpal ci khyod shes rab 'chal pa yin nam/ smras pa/ lha'i bu de bzhin te/ kho bo ni shes rab 'chal pa yin no// smras pa/ 'jam dpal khyod ci las bsams te de skad smra/ smras pa/ lha'i bu gang 'khor bas mi skrag cing / sems can rmongs pa rnams dang lhan cig na dga' ba de shes rab 'chal pa ma yin nam/ smras pa/ 'jam dpal de bzhin no// smras pa/ lha'i bu kho bo'ang 'khor bas mi skrag cing de dag nyid yongs su smin par bya ba'i phyir/ sems can rmongs pa rnams dang lhan cig na dga' ba yin te/ de'i phyir kho bo ni shes rab 'chal pa yin no// smras pa/ 'jam dpal
- 137a
'jig rten gyi sbyin gnas su yin/ smras pa/ lha'i bu gang dag bsad pa gsod pa'i sems skyed pa rnams so// smras pa/ 'jam dpal khyod ci las bsams tede skad smra/ smras pa/ lha'i bu bsad pa zhes bya ba ni 'dod chags dang / zhe snang dang / gti mug rnams te/ gang de dag gsod par byed pa de ni bsad pa gsod par byed pa yin pas de ni 'jig rten na sbyin gnas yin no/ / smras pa/ 'jam dpal khyod kyis bshad pa de lta bu ni 'jig rten gnas pa skrag par 'gyur ba yin no// smras pa/ lha'i bu gal te yang dag pa'i mtha' skrag par 'gyur na ni 'jig rten gnas pa'ang skrag par 'gyur ro/ / de ci'i phyir zhe na/ 'jig rten ni yang dag pa'i mtha' la gnas pa yin pa'i phyir ro// smras pa/ 'jam dpal gang dag khyod kyis bshad pa 'di spong bar 'gyur ba de dag gang du 'gro bar 'gyur/ smras pa/ lha'i bu de dag ni mya ngan las 'das par 'gro bar 'gyur ro// smras pa/ 'jam dpal khyod ci las bsamasate de skad smra/ smras pa/ lha'i bu pha rol gyi sgra nyan pa ma spangs par ni 'phags pa'i rnam par grol ba thob par mi nus so// de ci'i phyir zhe na/ skyon med par zhugs pa la ni yi ge'i 'jug pa med bas na/ gang dag mos par gyur pa de dag ni rnam par grol bar mi 'gyur ba'i phyir ro// smras pa/ 'jam dpal khyod ci las bsams te de skad smra/ smras pa/ lha'i bu rnam par
- 137b
grol ba ni yang rnam par grol bar 'gyur ba med do/ / smras pa/ 'jam dpal ngam pa'i chos spong ba rnams ni sems can dmyal bar 'gro ba yin no// sbas pa/ lha'i bu gang dag na par grol ba de dag thams cad sems can dmyal bar 'gro ba yin nam/ smras pa/ 'jam dpal khyod kyis chos bstan pa ni gnyen po med pa yin no// smras pa/ lha'i bu stong pa nyid dang / mtshan ma med pa dang / smon pa med pa la ni gnyen po brjod par mi nus so// smras pa/ 'jam dpal stong pa nyid la gnas pa ni ci zhig la gnas pa yin/ smras pa/ lha'i bu stong pa nyid la gnas pa ni sems can thams cad la byams par gnas pa yin no/ / de ci'i phyir zhe na/ sems can ma gtogs par stong pa nyid med pa'i phyir ro// smras pa/ 'jam dpal ji ltar na byang chub sems dpa' sems can gyi khams kyi mtha' khong du chud pa yin/ smras pa/ lha'i bu gang gi tshe sems can thams cad rten cing 'brel par 'byung bar mthong zhing de la rtag pa dang / chad pa'i mtha' lta bar mi ltung ba de lta bu ni byang chub sems dpa' sems can gyi khams kyi mtha' khong du chud pa yin no/ / smras pa/ 'jam dpal sems can gyi khams gang dang ldan pa yin/ smras pa/ lha'i bu sems can gyi khams ni chos kyi dbyings kyi khams dang ldan pa yin no/ / smras pa/ 'jam dpal chos kyi dbyings khams gang dang ldan pa yin/ spras pa/ lha'i bu nam mkha'i ngo bo nyid kyi khams dang ldan pa
- 138a
yin no/ / smras pa/ 'jam dpal nam mkha'i khams gang dang ldan pa yin/ smras pa/ lha'i bu yul thams cad las yang dag par 'das pa'i khams dang ldan pa yin no/ / smras pa/ 'jam dpal yul gang sangs rgyas kyi yul yin/ smras pa/ lha'i bu mig gi yul ni sangs rgyas kyi yul yin te/ sangs rgyas kyi yul ni mig dang / gzugs dang / rnam par shes pa'i yul ma yin no// rna ba'i yul ni sangs rgyas kyi yul yin te/ sangs rgyas kyi yul ni rna ba dang / sgra dang / rnam par shes pa'i yul ma yin no// sna'i yul ni sangs rgyas kyi yul yin te/ sangs rgyas kyi yul ni sna dang / dri dang / rnam par shes pa'i yul ma yin no// lce'i yul ni sangs rgyas kyi yul yin te/ sangs rgyas kyi yul ni lce dang / ro dang / rnam par shes pa'i yul ma yin no// lus kyi yul ni sangs rgyas kyi yul yin te/ sangs rgyas kyi yul ni lus dang / reg bya dang / rnam par shes pa'i yul ma yin no/ / yid kyi yul ni sangs rgyas kyi yul yin te/ sangs rgyas kyi yul ni yid dang / chos dang / rnam par shes pa'i yul ma yin no// gzugs kyi yul ni sangs rgyas kyi yul yin te/ sangs rgyas kyi yul ni gzugs su rung ba'i yul ma yin no// tshor ba'i yul ni sangs rgyas kyi yul yin te/ sangs rgyas kyi yul ni myong ba'i yul ma yin no// 'du shes
- 138b
kyi yul ni sangs rgyas kyi yul yin te/ sangs rgyas kyi yul ni kun tu g.yo ba'i yul ma yin no// 'du byed kyi yul ni sangs rgyas kyi yul yin te/ sangs rgyas kyi yul ni mngon par 'du byed pa'i yul ma yin no/ / rnam par shes pa'i yul ni sangs rgyas kyi yul yin te/ sangs rgyas kyi yul ni rnam par rig pa'i yul ma yin no// ma rig pa'i yul ni sangs rgyas kyi yul yin te/ sangs rgyas kyi yul ni rgyu dang rkyen gyi yul ma yin no// rga shi'i bar dag gi yul sangs rgyas kyi yul yin te/ sangs rgyas kyi yul ni nying mtshams sbyor ba'i yul ma yin no// 'dod pa'i khams kyi yul ni sangs rgyas kyi yul yin te/ sangs rgyas kyi yul ni 'dod chags so sor rnam par rig pa'i yul ma yin no// gzugs kyi khams kyi yul ni sangs rgyas kyi yul yin te/ sangs rgyas kyi yul ni 'dod chags kyi gnyen po'i yul ma yin no// gzugs med pa'i khams kyi yul ni sangs rgyas kyi yul yin te/ sangs rgyas kyi yul ni lta ba las rnam par grol ba'i yul ma yin no/ / 'dus ma byas kyi khams kyi yul ni sangs rgyas kyi yul yin te/ sangs rgyas kyi yul ni gnyis su sbyor ba'i yul ma yin no// 'dus byas kyi khams kyi yul ni sangs rgyas kyi yul yin te/ sangs rgyas kyi yul ni mtshan nyid gsum dang ldan pa'i yul ma yin no// lha'i bu de ni sangs rgyas kyi yul yin te/ mtha' dang mtha' ma yin pa yul
- 139a
yin pa'i phyir yul der ni yul thams cad 'dus shing khong du chud pa yin no/ / lha'i bu byang chub sems dpa' ni yul de lta bur zhugs shing don gyi yul thams cad la rnam par spyod kyang bdud kyi yul thob pa'ang ma yin te/ des ni bdud kyi yul dang / sangs rgyas kyi yul yang mnyam zhing dben pa'i yul du mngon par rdzogs par khong du chud do// lha'i bu gang mnyam pa dang mi mnyam pas sems can rnams yongs su smin par byed kyang / mnyam pa nyid las kyang mi 'da' ba 'di'ang cho 'phrul chen po yin no// de la mnyam pa nyid ni gang / mi mnyam pa nyid ni gang zhe na/ 'di ltar chos thams cad stong pa nyid du mnyam pa nyid yin no// gang dag mnyam pa nyid la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang stong pa nyid kyi mnyam pa nyid las kyang mi g.yo'o/ / chos thams cad mtshan ma med par mnyam pa nyid du mnyam pa de ni mnyam pa nyid yin no// gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang mtshan ma med pa'i mnyam pa nyid las mi g.yo'o// chos thams cad smon pa med par mnyam pa nyid du mnyam pa de ni mnyam pa nyid yin no/ / gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs
- 139b
su smin par byed kyang smon pa med pa'i mnyam pa nyid las kyang mi g.yo'o/ / chos thams cad mngon par 'du byed pa med par mnyam pa nyid du mnyam pa de ni mnyam pa nyid yin no// gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang mngon par 'du byed pa med pa'i mnyam pa nyid las kyang mi g.yo'o/ / chos thams cad skye ba med par mnyam pa nyid dang / 'byung ba med par mnyam pa nyid dang / 'gag pa med par mnyam pa nyid dang / 'dod chags dang bral bar mnyam pa nyid dang dben par mnyam pa nyid dang / dngos po med par mnyam pa nyid dang / 'gog par mnyam pa nyid dang / chos thams cad mya ngan las 'das par mnyam pa nyid du mnyam pa de ni mnyam pa nyid yin no// gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang mya ngan las 'das pa'i mnyam pa nyid las kyang mi g.yo ste/ lha'i bu de ltar mnyam pa dang mi mnyam pa la spyod pa'i byang chub sems dpa' ni byang chub sems dpa'i spyad pa la spyod pa yin no// de nas lha'i bu ded dpon gyis/ 'jam dpal gzhon nur gyur pa la 'di skad ces smras so/ / 'jam dpal khyod byang chub sems dpa' rnams kyi spyod pa la spobs par gyis shig/ 'jam dpal gyis smras pa/ lha'i bu byang chub sems dpa' rnams
- 140a
kyi spyod pa ni bsam gyis mi khyab pa yin no/ / smras pa/ 'jam dpal ji ltar na byang chub sems dpa' rnams kyi spyod pa bsam kyis mi khyab pa yin/ spras pa/ lha'i bu 'dod chags kyi spyod pa bsam gyis mi khyab pa'i phyir/ byang chub sems dpa' rnams kyi spyod pa'ang bsam gyis mi khyab ste/ 'dod chags dang bral ba'i spyod pa ni ma yin no// zhe sdang gi spyod pa bsam gyis mi khyab pa'i phyir/ byang chub sems dpa' rnams kyi spyod pa'ang bsam gyis mi khyab ste/ zhe sdang dang bral ba'i spyod pa ni ma yin no// gti mug gi spyod pa bsam gyis mi khyab pa'i phyir byang chub sems dpa' rnams kyi spyod pa'ang bsam gyis mi khyab ste/ shes rab kyi bya ba sgrub par byed pa'i spyod pa ni ma yin no// ser sna med pa'i spyod pa ni byang chub sems dpa' rnam kyispyod pa yin te/ sbyin pas rlom sems su byed pa'i spyod pa ni ma yin no// 'chal pa'i tshul khrims dang bral ba'i spyod pa ni byang chub sems dpa' rnams kyi spyod pa yin te/ tshul khrims kyis rlom sems su byed pa'i spyod pa ni ma yin no/ / gnod sems med pa'i spyod pa ni byang chub sems dpa' rnams kyi spyod pa yin te/ bzod pas rlom sems su byed pa'i spyod pa ni ma yin no// le lo med pa'i spyod pa ni byang chub sems dpa' rnams kyi spyod pa yin te/ brtson 'grus kyis rlom sems su byed pa'i spyod pa ni ma yin no// rnam par g.yeng ba med pa'i spyod pa ni byang chub
- 140b
sems dpa' rnams kyi spyod pa yin te/ bsam gtan gyis rlom sems su byed pa'i spyod pa ni ma yin no// 'chal pa'i shes rab med pa'i spyod pa ni byang chub sems dpa' rnams kyi spyod pa yin te/ shes rab kyis rlom sems su byed pa'i spyod pa ni ma yin no// nyon mongs pa med pa'i spyod pa ni byang chub sems dpa' rnams kyi spyod pa yin te/ nyon mongs pa med pas rlom sems su byed pa'i spyod pa ni ma yin no/ / nang dang phyi'i dngos po yongs su gtong bas brtse ba med pa'i spyod pa ni byang chub sems dpa' rnams kyi spyod pa yin no// bu dang / bu mo dang / chung ma yongs su gtong bas mngon par dka' ba med pa'i spyod pa ni byang chub sems dpa' rnams kyi spyod pa yin no/ / 'dod pa'i yon tan la spyod pas rtag tu gnod sems kyi spyod pa ni byang chub sems dpa' rnams kyi spyod pa yin no/ / dge ba'i rtsa ba yang dag par sdud pas mi lta ba'i spyod pa ni byang chub sems dpa' rnams kyi spyod pa yin no// lus dang srog la mi lta bas lta ba med pa'i spyod pa ni byang chub sems dpa' rnams kyi spyod pa yin no/ / sdug pa dang mi sdug pa yongs su gtong bas tsham chom med pa'i spyod pa ni byang chub sems dpa' rnams kyi spyod pa yin no// 'khor ba dpag tu med pas mi skrag pas 'jigs pa med pa'i spyod pa ni byang chub sems dpa' rnams kyi spyod pa yin no/ / sems can thams cad kyi khur sgrol bas khur chen po sgrol ba'i spyod pa ni byang chub
- 141a
sems dpa' rnams kyi spyod pa yin no/ / sngar dam bcas pa nyams su lon par byed pas phyir mi ldog pa'i spyod pa ni byang chub sems dpa' rnams kyi spyod pa yin no// rjes su 'gyod pa med pas yid la gcags pa med pa'i spyod pa ni byang chub sems dpa' rnams kyi spyod pa yin no/ / theg pa thams cad zil gyis mnan pas mngon par 'phags pa'i spyod pa ni byang chub sems dpa' rnams kyi spyod pa yin no/ / yid dam ma zhig pas go cha rdo rje lta bu'i spyod pa ni byang chub sems dpa' rnams kyi spyod pa yin no// sems can thams cad kyi sems la nges par sems pas rang gi sems la nges par sems pa'i spyod pa ni byang chub sems dpa' rnams kyi spyod pa yin no/ / las byas pa chud mi za ba'i spyod pa ni byang chub sems dpa' rnams kyi spyod pa yin no/ / sems can thams cad la sems mnyam pas tha dad pa med pa'i spyod pa ni byang chub sems dpa' rnams kyi spyod pa yin no// dgra thams cad nges par bcom pas dpa' ba'i spyod pa ni byang chub sems dpa' rnams kyi spyod pa yin no/ / skal ba mnyam pa'i skye bo dang mthun par 'jug pas ma 'dres pa'i spyod pa ni byang chub sems dpa' rnams kyi spyod pa yin no/ / gage ba dang sdang ba thams cad rab tu dga' bar byed pas rab tu dga' bar byed pa'i spyod pa ni byang chub sems dpa' rnams kyi spyod pa yin no// sangs rgyas blta ba dang /
- 141b
mnyan pa dang / bla ma la bsnyen bkur bya ba la mchog tu dga' bas dga' ba dang / rab tu dga' ba dang / mchog tu dga' ba'i spyod pa ni byang chub sems dpa' rnams kyi spyod pa yin no/ / lus dang / ngag dang / sems dang / sangs rgyas kyi zhing brgyan par byed pas rgyan gyi spyod pa ni byang chub sems dpa' rnams kyi spyod pa yin no// mnyam pa dang mi mnyam pa'i gnyen por gyur pas zil gyis mi gnon pa'i spyod pa ni byang chub sems dpa' rnams kyi spyod pa yin no/ / skye bo mkhas shing mdzangs pa rnams kyis rab du bsngags pas ngan pa ma yin pa'i spyod pa ni byang chub sems dpa' rnams kyi spyod pa yin no/ / tshul bzhin gyis nyon mongs pa rnams shin tu nges par brtag pas mi brdzi ba'i spyod pa ni byang chub sems dpa' rnams kyi spyod pa yin no/ / khur blangs pa nyams su lon pas skyes bu dam pa'i spyod pa ni byang chub sems dpa' rnams kyi spyod pa yin no// brtson 'grus brtan pos phyir mi ldog pas khyad par du 'gro ba'i spyod pa ni byang chub sems dpa' rnams kyi spyod pa yin no/ / byang chub kyi phyogs kyi chos yang dag par sdud pas chos spyod pa ni byang chub sems dpa' rnams kyi spyod pa yin no/ / sangs rgyas kyi gdung rgyun mi gcod pas byas pa shes shing byas pa gzo ba'i spyod pa ni byang chub sems dpa' rnams kyi spyod pa yin no//
- 142a
dkon mchog gsum 'dri bar mi byed pas dkon mchog gi spyod pa ni byang chu sems dpa' rnams kyi spyod pa yin no// sdud pa dang yongs su gcod pas shes rab dang thabs kyi spyod pa ni byang chub sems dpa' rnams kyi spyod pa yin no/ / byang chub sems dpa' rnams kyi spyod pa bstan pa 'di bshad pa na/ spyod pa la zhugs pa'i byang chub sems dpa' lnga brgyas mi skye ba'i chos la bzod pa thob par gyur to/ / de nas lha'i bu ded dpon gyis/ 'jam dpal gzhon nur gyur pa la 'di skad ces smras so// 'jam dpal khyod kyis byang chub sems dpa' rnams kyi spyod pa de ni legs par smras so// byang chub sems dpa' gang dag spyod pa de dang ma bral ba de dag ni de nyid kyis lung bstan pa yin no// / bcom ldan 'das kyis bka' stsal pa/ lha'i bu de de bzhin no// ji skad smras pa de bzhin te/ lha'i bu gang gi tshe nga spyod pa de dang ma bral bar gyur pa de'i tshe de bzhin gshegs pa mar me mdzad kyis nga bla na med pa yang dag par rdzogs pa'i byang chub tu lung bstan te/ der ngas mi skye ba'i chos la bzod pa thob bo// lha'i bu gang spyod pa rnam par dag pa'i mtshan nyid kyi chos rnams la byang chub sems dpa' rnams kyi spyod pa de lta bu de dag rab tu 'byed par byed pa de'ang de bzhin gshegs pa'i cho 'phrul chen po yin no/ / de nas bcom ldan 'das la/ lha'i
- 142b
bu ded dpon gyis 'di skad ces gsol to/ / bcom ldan 'das mi skye ba zhes bgyi ba ni ci lags/ 'jug pa gang gis ni byang chub sems dpa' mi skye ba'i chos la bzod pa thob pa lags// bcom ldan 'das kyis bka' stsal pa/ lha'i bu mi skye ba zhes bya ba de ni gzod ma nas ma skyes pa'i mu'i mtshan nyid kyi tshig bla dgas yin te/ de ni sngon byung bar gyur la phyis ma byung bar gyur pa ma yin te/ de ni gzod ma nas ma byung ba nyid yin no// de ni sngon srid par gyur la phyis mi srid par gyur pa ma yin te/ de ni gzod ma nas mi srid pa nyid yin no// de ni sngon skyes par gyur la phyis ma skyes par gyur pa ma yin te/ de ni gzod ma nas ma skyes pa nyid yin no// de ni sngon mngon par 'dus byas pa yin la phyis mngon par 'dus ma byas pa ma yin te/ de ni gnod pa nas mngon par 'dus ma byas pa nyid yin no/ / de ni sngon yod par gyur la phyis med par gyur pa ma yin te/ de ni gzod ma nas 'gyur ba med pa nyid yin no// de ni sngon gang zag tu bgrang bar gyur la phyis gang zag tu mi bgrang bar gyur pa ma yin te/ de ni gzod ma nas stong pa nyid yin no// de ni sngon mtshan mar bgrang bar gyur la phyis mtshan mar mi bgrang bar gyur pa ma yin te/ de ni gzod ma nas mtshan ma med pa nyid yin no// gang gis de ltar rjes su rtogs pa dang / sems kyi skye ba dang / 'jig pa la mngon par zhen pa med par rtogs pade
- 143a
ni mi skye ba zhes bya'o/ / de la bzod pa gang zhe na/ de dag ji ltar mi skye ba de bzhin du sems can thams cad la'ang bzod pa de ni bzod pa zhes bya'o// de dag ji ltar mi skye ba de bzhin du zhing thams cad la'ang bzod pa de ni bzod pa zhes bya'o/ / de dag ji ltar mi skye ba de bzhin du slob pa dang / mi slob pa dang / rang sangs rgyas thams cad la'ang bzod pa de ni bzod pa zhes bya'o/ / de dag ji ltar mi skye ba de bzhin du sangs rgyas kyi chos thams cad dang / byang chub sems dpa'i spyod pa thams cad dang / sangs rgyas thams cad la'ang bzod pa de ni bzod pa zhes bya'o/ / de dag ji ltar mi skye ba de bzhin chos thams cad la'ang bzod pa de ni bzod pa zhes bya'o// bzod pa de'ang skad cig pa yin te/ gang gis skad cig pa yin zhe na/ skad cig pa nyid kyis skad cig pa yin no// stong pa nyid ni stong pa nyid kyis skad cig pa yin no// mtshan ma med pa ni mtshan ma med pas skad cig pa yin no// ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du gzugs kyang gzugs kyi mtshan nyid kyis skad cig pa yin no// ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du/ tshor ba dang / 'du shes dang / 'du byed rnams dang / rnam par shes pa'ang rnam par shes
- 143b
pa'i mtshan nyid kyis skad cig pa yin no/ / ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du chos thams cad kyi kham kyang chos kyi khams kyi mtshan nyid kyis skad cig pa yin no/ / ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du skye mched thams cad kyang skye mched rnams kyi mtshan nyid kyis skad cig pa yin te/ skad cig pa gang yin pa de ni ya ma brla yin no// ya ma brla gang yin pa de ni gsog yin no// gsog gang yin pa de ni gsob yin no/ / gsob gang yin pa de ni 'dod chags med pa yin no// 'dod chags med pa gang yin pa de ni 'dod chags dang bral ba yin no// 'dod chags dang bral ba gang yin pa de ni ngo bo nyid med pa yin no/ / ngo bo nyid med pa gang yin pa de ni dngos po med pa yin te/ de ni chos thams cad stong pa nyid dang / skad cig pa dang / ya ma brla dang // dben pa dang / gsog ces bya ste/ chos thams cad la de ltar bzod pa gang yin pa de ni bzod pa zhes bya'o// bzod pa de'ang bzod pa nyid kyis skad cig pa yin te/ de ltar mnyam pa nyid thob pa'i byang chub sems dpa' ni lung bstan pa dang / mi skye ba'i chos la bzod pa thob pa yin no// bzod pa de'ang dmigs pas rab tu phye ba ma yin te/ de la dmigs pa gang zhe na/
- 144a
gang gi tshe bdag dang bzod pa gnyis kar dmigs na de ni dmigs pa zhes bya'o// sems can dang / srog dang / gso ba dang / gang zag dang / bzod pa gnyis kar dmigs na de ni dmigs pa zhes bya'o/ / de la dmigs pa med pa gang zhe na/ gang gi tshe bdag dang bzod pa gnyis kar mi dmigs pa de ni dmigs pa med pa zhes bya'o// sems can dang / srog dang / gso ba dang / gang zag dang bzod pa gnyis kar mi dmigs pa de ni dmigs pa med pa zhes bya'o// de bzhin du sbyar te/ phung po dang / khams dang skye mched rnams kyi chos thams cad kyi ngo bo nyid gang yin pa de ni ngo bo nyid gtan med pa yin no/ / ngo bo nyid gtan med pa gang yin pa de ni 'dus ma byas pa yin te/ ngo bo nyid de dang bzod pa de la gnyis su rjes su rtog par mi byed pa gang yin pa de ni dmigs pa med pa zhes bya'o/ / lha'i bu bzod pa de lta bu dang ldan pa'i byang chub sems dpa' bskal pa grangs med par spyod pa de'ang de bzhin gshegs pa'i cho 'phrul chen po bstan pa yin no/ / bzod pa bstan pa 'di bshad pa na/ stong gsum gyi stong chen po'i 'jig rten gyi khams 'di rnam pa drug tu rab tu g.yos so/ / 'jig rten 'di snang ba chen pos kyang khyab par gyur to// sil snyan brgya stong yang ma dkrol bar sgra 'khrol bar gyur to//
- 144b
me tog gi char pa dag kyang rab tu bab bo// srog chags bzhi khri nyis stong gis ni bla na med pa yang dag par rdzogs pa'i byang chub tu sems bskyed par gyur to// byang chub sems dpa' dgu khri drug stong gis ni chos rnams la rjes su mthun pa'i bzod pa thob par gyur to/ / 'jig rten gyi khams mi mdzad 'dir ji ltar de bzhin gshegs pa mar me mdzad rgyal po'i pho brang pad+ma can du zhugs par gyur pa de lta bu'ang kun du snang bar gyur to/ / de nas de'i tshe bcom ldan 'das 'dzum pa mdzad do// gang gi tshe sangs rgyas bcom ldan 'das rnams 'dzum pa mdzad pa de'i tshe/ chos nyid kyis bcom ldan 'das kyi zhal gyi sgo nas 'od zer du ma kha dog sna tshogs kha dog 'bum phrag du ma 'di lta ste/ sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung bar gyur te/ de dag gis 'jig rten gyi khams mtha' yas mu med pa dag snang bas khyab par byas nas tshangs pa'i 'jig rten gyi bar du mngon par 'phags te/ nyi ma dang zla ba dag gi 'od kyang zil gyis mnan nas yang phyir log te/ bcom ldan 'das la lan gsum bskor ba byas nas bcom ldan 'das kyi dbu'i gtsug tu nub par gyur to/ / de nas tshe dang ldan pa kun dga' bo stan las langs te/ chos gos phrag pa gcig tu gzar nas/ pus mo g.ya
- 145a
pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ de'i tshe bcom ldan 'das la mngon sum du tshul dang 'dra ba'i tshigs su bcad pa 'di dag gsol to/ / thub pa ci slad 'dzum pa mdzad gyur pa// mi mnyam gzi brjid mnga' ba khyod la zhu// 'od kyi bkod pa mdzad pa khyod la zhu// rab rib nyon mongs spong ba khyod la zhu/ / bde gshegs ci slad 'dzum pa bstan mdzad pa// gti mug tshogs rnams 'joms pa khyod la zhu// bdud dpung tha mar mdzad pa khyod la zhu// stobs bcu'i stobs dang ldan pa khyod la zhu/ / rgyal ba ci skad 'dzum pa bstan mdzad pa// sum cu rtsa gnyis yon tan mtshan brgyan pa// bde gshegs rab dga' bde ba mdzad pa po// gzugs kyi dam pa mnga' ba khyod la zhu/ / bcom ldan ci slad 'dzum pa bstan mdzad pa// mkhyen pa mtha' yas yon tan bstod pa po// ye shes 'byung gnas 'gro ba shes mdzad pa// ye shes ljon shing mkhyen pa mchog la zhu/ / 'jig rten gsum grags grags pa mtha' yas pa// gsum rig dri gsum tha mar mdzad pa po// 'jig rten gsum rig rnam thar gsum mthar byon// ci yi slad du 'dzum pa bstan pa mdzad/ / sman pa dam pa skye rga mthar mdzad pa// bcom ldan zhabs la dra mchog 'khor lo mnga'// sred med sras po rdo rje mkhregs pa po// thub pa 'dzum
- 145b
mdzad sbyor ba bka' stsal gsol/ / gang gis spyod pa de ni rnam sbyangs ma// gang 'dir bzod pa de dag yongs rdzogs sam// gang sems sangs rgyas yon tan des gyur tam/ rgyam slad du thub chen 'dzum pa mdzad/ / bde gshegs zla med rgyu zhig mi mnga' bar// bcom ldan 'dren pa 'dzum pa mi ston pas// de thos sems can glo ba rangs gyur gyis// tshangs pa'i dbyangs can legs par gsung dbyung gsol/ / de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// dga' bo chos kyi rnam grangs 'di bshad pa na/ srog chags bdun khri nyis stong gis bla na med pa yang dag par rdzogs pa'i byang chub tu sems bskyed par gyur to// byang chub sems dpa' sum khrinyis stong gis ni mi skye ba'i chos la bzod pa thob par gyur to/ / kun dga' bo gzhan yang khyod kyi lha'i bu ded dpon 'di mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo lha'i bu ded dpon 'di ni de bzhin gshegs pa bgrang ba las yang dag par 'das pa dag la bsti stang du byas/ bla mar byas/ ri mor byas/ mchod pa byas/ yongs su zhu ba byas/ yongs su dri ba byas shing / sems can dpag tu med pa dag kyang bla na med pa yang dag par rdzogs pa'i byang chub yang dag par 'dzin du bcug go// kun dka'
- 146a
bo lha'i bu ded dpon 'di ni bskal pa grangs med pa sum brgya 'das pa'i 'og tu bskal pa dri ma med pa zhes bya ba la/ 'jig rten gyi khams yongs su dag pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das yon tan rgyal po'i 'od ces bya bar 'jig rten du 'byung bar 'gyur ro/ / kun dga' bo 'jig rten gyi khams yongs su dag pa de'ang rin po che sna bdun 'di lta ste/ gser dang / dngul dang / bai DUR+Ya dang / shel dang / rdo'i snying po dang / spug dang / mu tig dmar po las grub cing lag mthil ltar mnyam la/ rin po che'i dra ba sna tshog kyis mig mangs ris su kun nas bkab par 'gyur te/ 'jig rten gyi khams der nyan thos dang rang sangs rgyas dag gi ming yang 'byung bar mi 'gyur ro// gzhan mu stegs can spyod pa pa dang / kun tu rgyu dag dang / bdud rnams dang / dam pa'i chos spong ba'i sems can rnams kyi ming yang med cing mi 'byung bar 'gyur ro// sangs rgyas kyi zhing de na mi khom
- 146b
pa brgyad po dag kyang med la/ bza' ba dang btung ba dag kyang yid la bsams pa tsam gyis 'grub par 'gyur ro// sangs rgyas kyi zhing de na lta ba dang / 'khrul pa'i nyes pa dang sdug bsngal gyi sgra'ang 'byung bar mi 'gyur ro/ / sems can de dag gi longs spyod dang nye bar spyod pa'ang / gzhan 'phrul dbang byed kyi lha rnams kyi longs spyod dang nye bar spyod pa ci 'dra ba de lta bur 'gyur ro/ / sems can de dag thams cad kyang gser gyi mdog 'dra zhing skyes bu chen po'i mtshan sum cu rtsa gnyis dang ldan par 'gyur zhing / phal cher bla na med pa yang dag par rdzogs pa'i byang chub la yang dag par zhugs pa sha stag 'byung bar 'gyur bas/ de'i phyir 'jig rten gyi khams de ni yongs su dag pa zhes bya'o// bcom ldan 'das de bzhin gshegs pa yon tan rgyal po'i 'od de'i sku tshe'i tshad ni bar gyi bskal pa bzhi bcur 'gyur ro/ / byang chub sems dpa' de dag kyang smon lam gyi dbang gis bar ma dor 'chi ba'i dus byed par mi 'gyur ro/ / de bzhin gshegs pa de'i byang chub sems dpa'i dge 'dun ni dung phyur phrag drug dang / bye ba phrag gnyis su 'gyur te/ kun dga' bo byang chub sems dpa' gang dag gis bla na med pa yang dag par rdzogs pa'i byang chub tu sems bskyed par gyur pa dang / gang dag gis mi skye ba'i chos la bzod pa thob par gyur pa de dag 'jig rten gyi khams yongs
- 147a
su dag pa der skye bar 'gyur ro/ / de dag thams cad kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal por 'od kyi sangs rgyas kyi zhing der/ de bzhin gshegs pas bla na med pa yang dag par rdzogs pa'i byang chub tu lung bstan par 'gyur ro// de nas 'khor de nyid du lha'i bu spyan ras gzigs shes bya ba zhig 'dus te 'dug par gyur pa des/ bcom ldan 'das la lha'i me tog man da ra ba dag gis mngon par gtor nas tshig 'di skad ces gsol to// bcom ldan 'das bdag kyang gang gi tshe/ bcom ldan 'das de bzhin gshegs pa yon tan rgyal po'i 'od de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe// 'jig rten gyi khams yongs su dag pa der skye zhing 'khor lo sgyur ba'i rgyal por gyur nas/ de bzhin gshegs pa byang chub sems dpa'i dge 'dun dang bcas pa de la bsnyen bkur bgyi zhing bcom ldan 'das de yongs su mya ngan las 'das pa'i 'og tu bdag kyang 'jig rten gyi khams der bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo lha'i bu spyan ras gzigs 'di ni gang gi tshe bcom ldan 'das de bzhin gshegs pa
- 147b
yon tan rgyal po'i 'od de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ 'di'ang der 'khor los sgyur ba'i rgyal po lags mthong / zhes bya bar gyur te/ des bcom ldan 'das de la mchod pa dpag tu med pa byas shing / byang chub kyi phyogs kyi chos rnams kyang yongs su rdzogs par byas nas/ bcom ldan 'das de yongs su mya ngan las 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das kun tu 'od ces bya bar 'jig rten du 'byung bar 'gyur ro/ / kun dga' bo rgyal po legs mthong de'ang dus gzhan zhig na/ bu thu bo rgyal srid la bzhag nas/ bcom ldan 'das de'i bstan pa la dad pas khyim nas khyim med par rab tu 'byung bar 'gyur ro// de bzhin gshegs pa de'ang yongs su mya ngan las 'das pa'i dus kyi tshe/ byang chub s ems dpa' de la byang chub sems dpa' legs mthong 'di ni nga yongs su mya ngan las 'das pa'i 'og tu bla na med pa yang dag par rdzogs pa'i byang chub tu mngon par rdzogs par 'tshang
- 148a
rgya bar 'gyur ro zhes lung bstan nas/ yongs su mya ngan las 'da' bar 'gyur ro// de nas tshe dang ldan pa shA ra dwa ti'i bus/ lha'i bu ded dpon la 'di skad ces smras so/ / lha'i bu khyod de bzhin gshegs pas lung bstan tam/ smras pa/ btsun pa shA ra dwa ti'i bu kho bo ni ji ltar de bzhin gshegs pa'i sprul pa lung bstan pa ltar lung bstan te/ da ltar gyi de bzhin nyid ji lta ba de bzhin du ma 'ongs pa'i de bzhin nyid kyang de lta bu yin pas/ de bzhin nyid de la ni 'phel ba'ang med la yongs su 'grib pa'ang med do// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyi chos kyi rnam grang 'di zung zhig/ chongs shig/ lhogs shig/ shod cig/ kun chub par gyis shig/ skye bo mang po la phan pa dang / skye bo mang po la bde ba dang / da ltar dang ma 'ongs pa'i byang chub sems dpa' rnams la phan pa dang bde ba rjes su yongs su gzung ba'i phyir gzhan dag la'ang rgya cher yang dag par rab tu ston cig/ kun dga' bos gsol pa/ bcom ldan 'das bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni cho 'phrul chen po bstan pa zhes bya bar zung zhig/
- 148b
'di ni 'jam dpal gzhon nur gyur pa bstan pa zhes bya ba dang / rin po che thams cad kyi le'u zhes bya bar yang zung zhig/ kun dka' bo rigs kyi bu 'am/ rigs bu mo gang dag chos kyi rnam grangs 'di 'dzin pa dang / mos pa dang / mos nas kyang yi ger 'bri ba dang / klog pa dang / rab tu 'don pa dang / gzhan dag la'ang rgya cher yang dag par rab tu ston par byed pa de dag ni bsod nams thams cad yongs su zin par 'gyur ro/ / bcom ldan 'das kyis de skad ces bka' stsal nas/ tshe dang ldan pa kun dga' bo dang / lha'i bu ded dpon dang / 'jam dpal gzhon nur gyur pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ cho 'phrul chen po bstan pa lha'i bu ded dpon gyis zhus pa'i le'u zhes bya ste/ nyi shu rtsa gnyis pa rdzogs so// // sh+lau ka dgu brgya bam po gsum mo// rgya gar gyi mkhan po dzo na mi tra dang / su ren dra bo d+hi dang / lo tsa ba zhang ye shes sde la sogs pas bsgyur cing zhus te gtan la phab pa// // rgya gar skad du/ Ar+ya mai tre ya ma hA sing
- 149a
ha nA da na nA ma ma hA yA na sU tra/ bod skad du/ 'phags pa byams pa'i seng ge'i sgra chen po zhes bya ba theg pa chen po'i mdo// / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga stong tsam gyi dge slong gi dge 'dun chen po dang / byang chu sems dpa' sems dpa' chen po 'jam dpal gzhon nur gyur pa dang / spyan ras gzigs dbang phyug dang / mthu chen thob dang / dpal gyi snying po dang / byams pa la sogs pa byang chub sems dpa' brgyad stong dang thabs cig tu bzhugs te/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ / de'i tshe na tshe dang ldan pa 'od srungs chen po 'khor de nyid du 'dus te 'dug par gyur to// de nas tshe dang ldan pa 'od srungs chen po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na bdag bcom ldan 'das de
- 149b
bzhin gshegs pa la phyogs 'ga' zhig zhu ba lags so/ / de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// / 'od srungs khyod ci dang ci 'dod pa de bzhin gshegs pa la dris shig dang / ngas dris pa de dang de'i lung bstan pas khyod kyi sems rangs par bya'o// de skad ces bka' stsal pa dang / bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das rigs kyi bu 'am/ rigs kyi bu mo yongs su mya ngan las 'da' bar 'tshal bas legs par gsungs pa'i chos 'dul ba la rab tu byung nas ji ltar bslab par bgyi/ ji ltar spyad par bgyi/ ji ltar rnal 'byor du dkyi lags/ de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs legs so legs so// 'od srungs khyod 'di ltar skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang / bde ba'i phyir zhugs te/ khyod de bzhin gshegs pa la don de lta bu yosas su 'dri bar sems pa ni'ang khyod legs so/ / 'od srungs de'i phyir khyod legs par rab tu nyon la yid la zung zhig dang / ngas khyod la bshad par bya'o// tshe dang ldan
- 150a
pa 'od srungs chen pos bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ / 'od srungs 'di la rigs kyi bu 'am/ rigs kyi bu mo yongs su mya ngan las 'da' bar 'dod pas legs par gsungs pa'i chos 'dul ba la rab tu byung nas tshul khrims dang ldan pa dang / so sor thar pa'i sdom pas bsdams pa dang / cho ga phun sum tshogs pa dang / spyod yul phun sum tshogs pa dang / kha na ma tho ba phra rab tsam dag la'ang 'jigs par lta ba dang / bslab pa'i gzhi rnams yang dag par blangs te bslab par bya'o// brkam chags med pa dang / tshul 'chos pa med pa dang / kha gsag med pa dang // gzhog slongs med pa dang / thob kyis 'jal ba med pa dang / rnyed pas rnyed par byed 'dod pa med pa dang / ngo tsha shes pa dang ldan pa dang / khrel yod pa dang ldan pa dang / 'dzem pa dang ldan par bya'o/ / 'khor ba la yid skrag pa dang / nges par 'byung ba la mkhas pa dang / nges par 'byung ba la mngon par brtson pa dang / 'khor ba la rtag du yid skyo ba dang mya ngan las 'da' ba la phan yon du blta bar bya zhing / shing drung na 'dug kyang rung / ril 'dug kyang rung / gnas khang na 'dug kyang rung / phug na 'dug kyang rung // des
- 150b
de bzhin gshegs pa rnam pa las yid la bya ste/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa// bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das gdung brgyud phun sum tshogs pa rigs phun sum tshogs pa/ dge ba'i rtsa ba phun sum tshogs pa/ tshul khrims kyis dpag tu med pa/ ting nge 'dzin dang / shes rab dang / rnam par grol ba dang / rnam par grol ba'i ye shes mthong bas dpag tu med pa/ sangs rgyas kyi chos thams cad kyis dpag tu med pa/ yon tan gyi tshogs bsam gyis mi khyab pa dang / gzhal du med pa dang / tshad med pa ldan pa/ bden pa gsungs pa/ yang dag pa gsungs pa/ ji skad gsungs pa de bzhin du mdzad pa/ mi slu bar mdzad pa/ 'phags pa/ sman pa chen po/ zug rngu 'byin pa ma gsol bar/ bshes gnyen mdzad pa/ thugs rje dang ldan pa/ ded dpon chen po yin te/ de ni chos mya ngan las 'das pa/ zab pa zab par snang ba/ zhi ba zhi bar ston pa stong pa/ sems can med pa/ 'khrul pa med pa/ mtshan ma med pa/ mtshan ma yang dag par chad pa/ smon pa med pa/ smon pa dang bral ba/ spros pa med pa/ spros pa dang bral ba/
- 151a
mthong bar dka' ba/ rtogs par dka' ba/ nye bar gtod pa/ dngos po dang bral ba/ dben pa dben pa dang bral ba/ dngos po med pa/ dngos pos ma/ gos pa/ rgyu ba med pa/ rgyu ba yang dag par chad pa/ 'gro dang bral ba/ brjod du med pa/ brjod pa dang bral ba/ rlom sems med pa/ kun tu bstan pa/ rnyog pa med pa/ rnyog pa dang bral ba/ blang ba med pa/ dor ba med pa/ sdug bsngal nye bar zhi ba/ sred pa yang dag par chad pa/ ston par mdzad pa/ yang dag par ston par mdzad pa yin no/ zhes rnam pa las yid la bya'o// 'od srungs de la dge slong gcig pu dben par song ste nang du yang dag 'jogs la zhugs pas ni/ 'di ltar de bzhin gshegs pa rnam pa las yid la bya ste/ bdag gis mi'i lus thob cing rab tu byung ba dang / bsnyen par rdzogs pa dge slong gi dngos po'ang thob/ bdag gis de bzhin gshegs pa'ang mnyes par byas pas na/ bdag le lo byed pa dang / bya ba sna tshogs kyi 'du 'dzis g.yen spyo zhing gnas pa ni bdag gi ma chi'o// de ci'i phyir zhe na/ bdag la 'bras bu ma thob pa kho nar 'chi ba'i dus byed par 'gyur ba gang yin pa'i gnas de lta bu'ang/ yod la/ sangs rgyas bcom ldan 'das rnams ni/ 'di lta ste/ dper na u dum+ba ra'i me tog ltar brgya la brgya lam na 'jig rten du 'byung bar 'gyur bas/ de ltan bdag gis da ltar
- 151b
byung ba dang / ma byon pa'i sangs rgyas bcom ldan 'das rnams mnyes par byas par mi 'gyur ba'i phyir ro zhes de ltar de bzhin gshegs pa rnam pa las yid la bya'o// 'od srungs de la dge slong gis ni khyod dang gnas brtan rab 'byor gyi rjes su bslab par bya ste/ 'od srungs 'di ltar khyod nga ma mthong ma thos par 'jig rten na dgra bcom pa yang dag par rdzogs pa'i sangs rgyas gang dag bzhugs pa de dag gi rjes su slob pa na rab tu byung ba ni/ 'od srungs chos 'dul ba 'di nyid la mdzes par gyur pa yin pa'i phyir ro// gang dag de bzhin gshegs pa mngon du mthong zhing / mthong nas kyang nye bar 'ongs te/ rab tu byung ba dang / bsnyen par rdzogs pa dge slong gi dngos po gsol bar byed pa de dag gi rab tu byung ba ni/ de'i 'og tu'ang de bzhin gshegs pas rjes su mkhyen to/ / rigs kyi bu'am/ rigs kyi bu mo don gyi dbang gnyis mthong bas ni/ legs par gsungs pa'i chos 'dul ba la rab tu 'byung bar khas blang bar bya ste/ gnyis gang zhe na/ tshe 'di la 'bras bu 'thob par 'gyur ba dang / ma 'ongs pa na bdag gis sangs rgyas kyi chos mthong ba'i rgyur 'gyur ba'o// 'od srungs de la skyes bu blun po kha cig de bzhin gshegs pa'i spyan sngar gos ngur smrig dag bgos shing rab tu byung ba dang / bsnyen par rdzogs pa dge slong gi dngos po khas blangs te/ bslab pa rnams
- 152a
khas blangs nas gnas khang du song ngam/ phug tu song ste/ sgo bcad nas 'dod pa'i rnam par rtog pa dag la rnam par rtog par byed cing / gnod sems kyi rnam par rtog pa dang / rnam par 'tshe ba'i rnam par rtog pa dag dang / lhung bzed dang chos gos kyi rnam par rtog pa dgra dang / mdza' bshes kyi khyim dang slongs mo ster ba'i khyim gyi rnam par rtog pa dag la rnam par rtog par yang byed la/ de dag 'di snyam du'ang sems te/ bdag cag ni de bzhin gshegs pas mi mkhyen/ mi rig/ rnam par mi rtogs so snyam du'ang sems so/ / 'od srungs gang gi tshe dge slong gnas khang na 'dug kyang rung / phug na 'dug kyang rung / 'chags na 'dug kyang rung ste/ 'dod pa'i rnam par rtog pa dag gam gnod sems kyi rnam par rtog pa dag kam/ rnam par 'tshe ba'i rnam par rtog pa dag gam/ mi dge ba'i rnam par rtog pa rnam pa sna tshogs dag la rnam par rtog par byed pa de'i tshe/ gnas khang ngam/ phug gam/ 'chag sa de na lha gang dag gnyug mar gnas pa de dag gis/ dge slong de'i sems sems kyis shes nas/ de dag 'di snyam du dge slong 'di gang gi phyir legs par gsungs pa'i chos 'dul ba la rab tu byung la/ sdig pa mi dge ba'i rnam par rtog pa de lta bu dag la rnam par rtog par byed pa ni mi rigs so snyam nas yi mi rangs pa dang / sdug bsngal
- 152b
ba dang / yi mi de par gyurate/ 'od srungs de lawa de dgal 'a cig ni sprul ba yang byed/ cig gis ni snong pa yin pa nas kyang du bsad de 'chad par yang byed / 'od srungs ltos dge ba'i rtsa ba chung ngu dang / shes pa chung ngu dang ldan pa'i lha de dag gis kyang gzhan gyi sems shes na/ de bzhin gshegs pa bskal pa bye ba khrag khrig 'bum phrag grangs med pa nas legs par spyod pa spyad pas lta smos kyang ci dgos/ 'od srungs de bzhin gshegs pa la ni mi mkhyen pa'am/ ma gzigs pa'am/ thugs su ma chud pa 'am/ mngon sum du ma mdzad pa ci'ang mi mnga' ste/ 'od srungs de bzhin gshegs pa ni 'das pa dang / ma 'ongs pa dang / da ltar byung ba dang / dus las rnam par grol ba dang // brjod par mi bya ba'i shes bya rnam lnga la ye shes thogs pa med pa dang ldan zhing the tsom dang bral ba yin no// 'od srungs de lta bas na rigs kyi bu 'am/ rigs kyi bu mo legs par gsungs pa'i chos 'dul ba la rab tu byung bas bdag nyid la rag lus par shes nas/ de bzhin gshegs pas kyang bdag gi sems thugs kyis mkhyen la/ gang dag phyogs bcu mtha' yas mu med pa'i 'jig rten gyi khams na bzhugs te/ 'tsho zhing gzhes pa'i sangs rgyas bcom ldan 'das de dag gis kyang bdag gis sems thugs kyis mkhyen pas na/ bdag gis de bzhin gshegs
- 153a
pa'i bstan pa la rab tu byung nas dge sbyong gi chom rkun mi bya'o zhes bslab par bya'o/ / 'od srungs de la dge sbyong gi chom rkun gang zhe na/ bzhi po 'di dag ni dge sbyong gi chom rkun yin te/ bzhi gang zhe na/ 'od srungs 'di la dge sbyong gi kha dog dang / rtags dang / dbyibs la gnas shing/ de'ang tshul khrims 'chal pa dang sdig pa'i chos can yin par gyur na/ de ni dge sbyong gi chom rkun dang po yin no// dben pa'i gnas su song ste gnas pa na/ mi dge ba'i rnam par rtog pa dag la rnam par rtog par byed na/ de ni dge sbyong gi chom rkun gnyis pa yin no// bdag nyid 'bras bu ma thob cing so so'i skye bo yin par shes bzhin du rnyed pa dang / bkur sti dang / tshigs su bcad pa 'dod pas zil gyis non pas/ gzhan dag gi mdun du bdag nyid dgra bcom pa yin par khas 'che bar byed na/ de ni dge sbyong gi chom rkun gsum pa yin no// bdag la bstod cing gzhan la spong par byed na/ de ni dge sbyong gi chom rkun bzhi pa yin te/ 'od srungs bzhi po de dag ni dge sbyong gi chom rkun yin no// 'od srungs mi gtum pa/ brlang ba/ drag shul gyi las dang ldan pa/ nyam stobs dang ldan pa/ stobs chen po shugs dang ldan pa gang la la zhig byung bar gyur la/ 'od srungs skyes bu des 'dzam bu gling pa'i migang ji snyed pa rnams dbyug pas
- 153b
brdegs sam/ mtshon gyis btab pam/ khu tshur gyis bsnun te/ pham par byas nas/ nye bar spyad pa'i longs spyod 'gron bu dang / gser dang / nor bu dang / mu tika dang / bai DUR+Ya dang / dung dang / man shel dang / b+hu ru dang / sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / bdung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ji snyed pa de dag thams cad bcom zhing phrogs te khyer bar gyur na/ 'od srungs 'di ji snyam du sems/ gzhi de las mi de bsod nams ma yin pa mang du skyed snyam mam/ 'od srungs kyis gsol pa bcom ldan 'das mang du skyed lags so/ / bde bar gsheg pa mang du skyed lags so// bcom ldan 'das kyis bka' stsal pa/ 'od srung khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du/ de rnyed pa dang / bkur sti dang / tshigs su bcad pa 'dod pas zil gyis non pas/ gzhan dag gi mdun du bdag nyid rgyun tu zhugs pa yin par khas 'che bar byed cing / tha na bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang
- 154a
du skyed de/ de ni de bas ches bsod nams ma yin pa'i phung po mi zad pa skyed pa ma yin no// de nas bcom ldan 'das la/ gnas brtan 'od srungs chen/ pos 'di skad ces gsol to// bcom ldan 'das ji tsam du de bzhin gshegs pas dpe bstan pas bsdams pa'i gnas bka' stsal pa de ni ngo mtshar lags te/ bcom ldan 'das dpe rin po che de lta bu thos na su zhig 'bras bu ma thob par/ tha na dad pas stsal ba chab snod gang tsam yang len par 'gyur lags/ bcom ldan 'das kyis bka' stsal pa/ 'od srungs de de bzhin no/ / ji skad smras pa de bzhin te/ mgo dang gos la me 'bar ba lta bus gnas par bya zhing 'bras bu ma thob par/ tha na dad pas byin pa chu snod gang tsam yang blang bar mi bya'o// 'o srungs mi gnyis pa ches gtum pa ches brlang ba/ ches drag shul gyi las dang ldan pa/ ches nyams stobs dang ldan pa/ ches stobs chen po'i shugs dang ldan pa gang la la zhig byung bar gyur la/ 'od srungs mi des gling bzhi pa'i 'jig rten gyi khams na mi gang ji snyed pa rnams dbyug pas brdegs sam/ mtshon gyis btab bam/ khu tshur gyis bsnun telam par byas nas/ nye bar spyad pa'i longs spyod 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byu ru dang
- 154b
sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang yongs su spyad pa dang / dga' ba dang / rtse ba'i longs spyod ji snyed pa de dag thams cad bcom zhing phrogs te khyer bar gyur na/ 'od srungs 'di ji snyam du sems/ gzhi de las mi bsod nams ma yin pa mang du skyed snyam mam/ 'od srungs kyis gsol pa/ bcom ldan 'das mang du skyed lags so// bde bar gshegs pa mang du skyed lags so// bcom ldan 'das kyis bka' stsal pa/ 'od srungs khyod mos par bya/ khyod kyis khong du chud par bya ste/ gang zhig bdag nyid 'bru bu ma thob cing so so'i skye bo yin par shes bzhin du/ de rnyed pa dang / bkur sti dang / tshigs su bcang pa 'dod pas zil gyis non pas/ gzhan dag gi mdun du bdag nyid lan cig phyir 'ong ba yin par khas 'che bar byed cing / tha na bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no// 'od/ srungs gling bzhi pa'i 'jig rten gyi khams na mi gang ji snyed pa thams cad kyi nye bar spyad pa'i longs spyod rnams lta zhog gi/ 'od srungs mi gsum pa ches shin tu gtum pa/ ches shin tu
- 155a
brlang ba/ ches shin tu drag shul gyi las dang ldan pa/ ches shin tu nyams stobs dang ldan pa/ ches shin tu stobs chen po'i shugs dang ldan pa gang la la zhig byung bar gyur la/ 'od srungs mi des stong chung ngu'i 'jig rten gyi khams na mi gang ji snyed cig skyes pa de dag dbyug pas brdegs sam/ mtshon gyis btab bam/ khu tshur gyis bsnun te pham par byas nas/ nye bar spyad pa'i longs spyod 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang dngul dang / rin po che sna tshogs dang / khang khyim dang / bzhon pa dang / kos dang / bza' ba dang / btung ba dang / mal cha dang / stan gyi nye bar spyad pa dang yongs su spyad pa dang / dga' ba dang / rtse ba'i longs spyod ji snyed pa de dag thams cad bcom zhing phrogs te khyer bar gyur na/ 'od srungs 'di ji snyam du sems/ gzhi de las mi de bsod nams ma yin pa mang du skyed snyam mam/ 'od srungs kyis gsol pa/ bcom ldan 'das mang du skyed lags so// bde bar gshegs pa mang du skyed lags so// bcom ldan 'das kyis bka' stsal pa/ 'od srungs khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du/ de rnyed
- 155b
pa dang / bkur sti dang / tshigs su bcad pa 'dod pas zil gyis non pas/ gzhan dag gi mdun du bdag nyid phyir mi 'ong ba yin par khas 'che bar byed cing / tha na bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi bang pa skyed pa yin no/ / 'od srungs stong chung ngu phra mo'i 'jig rten gyi khams na mi gang ji snyed pa de dag thams cad kyi nye bar spyad pa'i longs spyod rnams lta zhog gi/ 'od srungs mi bzhi pa ches shin tu rab tu gtum pa/ ches shin tu rab tu brlang ba/ ches shin tu rab tu drag shul gyi las dang ldan pa/ ches shin tu rab tu nyams stobs dang ldan pa/ ches shin tu rab tu stobs chen po'i shugs dang ldan pa gang la la zhig byung bar gyur la/ 'od srungs mi des stong gi 'jig rten gyi khams na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i sems can gang ji snyed pa de dag thams cad dbyug pas brdegs sam/ mtshon gyis bdab bam/ khu tshur gyis bsnun te pham par byas nas/ nye bar spyad pa'i longs spyod 'gron bu dang / gser dang
- 156a
nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang / dngul dang / rin po che sna tshogs/ dang khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i bde ba'i yo byad ji snyed pa de dag thams cad bcom zhing phrogs te khyer bar gyur na/ 'od srungs 'di ji snyam du sems// gzhi de las mi de bsod nams ma yin pa mang du skyed snyam mam/ 'od srungs kyis gsol pa/ bcom ldan 'das mang du skyed lags so// bde bar gshegs pa mang du skyed lags so/ bcom ldan 'das kyis bka' stsal pa/ 'od srungs khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du/ de rnyed pa dang / bkur sti dang / tshigs su bcad pa 'dod pas zil gyis non pas/ gzhan dag gi mdun du bdag nyid dgra bcom pa yin par khas 'che bar byed cing / ci nas kyang gzhan dag gis dgra bcom pa yin par shes par bya'o snyam nas/ dgra bcom pa steng du 'byung ba ltar steng du 'byung bar byed/ dgra bcom pa'i dpe ston pa ltar
- 156b
dpe ston par yang byed la/ de la sdig pa can gyi 'dod pa de lta bu dang ldan pas tha na gzhan gyis byin pa'i dad pas byin pa bsod snyoms gcig tsam yongs su longs spyod par byed na// de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no// 'od srungs de lta bas na gang stong gi 'jig rten gyi khams kyi sems can thams cad kyi bde ba'i yo byad thams cad 'phrog par spro ba de ni/ sdig pa can gyi 'dod pa de lta bu des dad pas byin pa yongs su longs spyod par byed de/ 'od srungs ngas ni sdig pa can gyi 'dod pa de las gzhan pa rab tu byung ba'i chos shin tu tha chad cig shos gzhan ma mthong ngo // 'od srungs bzhi po 'di dag ni nyan thos kyi theg pa pa rab tu byung ba'i sdig pa 'dod pa yin te/ bzhi gang zhe na/ ma 'ongs pa'i sangs rgyas mthong bar 'dod pa dang / 'khor los sgyur ba'i rgyal srid 'dod pa dang / gzhan yang rgyal rigs kyi rigs dag 'dod pa dang / bram ze'i rigs dag 'dod pa ste/ bzhi po de dag ni nyan thos kyi theg pa pa rab tu byung ba'i sdig pa 'dod pa yin no// gang du 'ga' zhig la smon par byed na/ cher na mya ngan las 'das pa la smon par byed na'ang / de'ang de'i sdig pa 'dod pa nyid yin te/ de bzhin gshegs pas de la dgongs nas/ dge slong
- 157a
dag dA ni cher na phung po lhag ma dang bcas pa'i mya ngan las 'das pa'ang rung ste/ skad cig tsam skye ba la'ang bsngags pa mi brjod do zhes ston no// 'od srungs bzhi po 'di dag ni dge sbyong gi dri ma ste/ rab tu byung bas de dag thams cad kyi thams cad du mi bya'o// bzhi gang zhe na/ 'jig tshogs la mngon par zhen pa dang / gang zag tu 'dzin pa dang / bslab pa las 'da' ba dang / ma 'ongs pa'i sangs rgyas mthong bar 'dod pa ste/ bzhi po de dag ni dge sbyong gi dri ma yin te/ rab tu byung bas de dag thams cad kyi thams cad du mi bya'o/ / 'od srungs dge sbyong dang bram ze 'tsho ba yongs su dag pa sdig pa 'dod pa med pa/ tshul khrims dang ldan pa/ drang po'i rang bzhin can/ g.yo med pa/ sgyu can ma yin pa/ khengs pa ma yin pa/ yongs su mya ngan las 'da' ba 'dod pa rnams kyi ched du ngas bla na med pa yang dag par rdzogs pa'i byang chub mngon par rdzogs par sangs rgyas pas na/ 'od srungs de dag dbugs 'byin par byed par brjod par bya ste/ de thos na rnal 'byor pa rnal 'byor spyod pa dag dga' ba dang mgu bar 'gyur ro// 'od srungs rigs kyi bu 'am/ rigs kyi bu mo gang la la zhig gis gling chen po bzhi pa'i 'jig rten gyi khams na sems can gang ji snyed pa de dag thams cad la bskal pa 'am/ bskal pa las ldan
- 157b
par bde ba'i yo byad thams cad kyis bkur sti byas/ bla mar byas/ ri mor byas/ mchod pa byas pa bas ni yang dag par zhugs pa/ tshul khrims yongs su dag pa/ 'tsho ba yongs su dag pa zhig gis sbyin pa po gang gis dad pas byin pa tha na chu snod gang tsam zhig bdag gir byas par gyur na/ de nyid de la bsod nams kyi phung po ches rgya cher 'gyur gyi/ gling chen po bzhi pa'i 'jig rten gyi khams kyi sems can thams cad la bskal pa 'am/ bskal pa las lhag par bde ba'i yo byad thams cad kyis bkur sti byas/ bla mar byas/ ri mor byas mchod pa bya ba de la ni de lta ma yin no/ / 'od srungs ji ltar mi blun po sdig pa 'dod pa dang ldan pa des gang gi drung nas chos gos sam/ bsod snyoms yongs su longs spyad pa de'i don ngo yongs su nyams par byed pa de ltar ni dgra bo dang / gshed ma dang / phyir rgol ba dang / phas kyi dgras kyang yongs su nyams par byed mi nus so// 'od srungs bzhi po 'di dag ni rab tu byung ba'i nyon mongs pa cha phra ba rnams yin te/ rab tu byung ba nyon mongs pa cha phra ba de dag dang ldan na 'di lta ste/ dper na mda' 'phangs pa de bzhin du sems can dmyal pabar 'gro ba yin par brjod par bya'o/ / bzhi gang zhe na/ gzhan gyi rnyed pa la phrag dog gi chos nyid dang ldan pa dang / sdom pa dang ldan pa'i mdo sde thos nas tshul khrims kyi nyes pa
- 158a
'byin par byed pa dang / de bzhin gshegs pa'i dka' las 'das sam/ bslab pa las 'das na lhag pa'i nga rgyal gyis 'chab par byed cing / rnam par 'byed par mi byed 'chags par mi byed pa dang / shes shing rtogs bzhin du dad pas byin pa yongs su longs spyod par byed pa ste/ 'od srungs bzhi po de dag ni rab tu byung ba'i nyon mongs pa cha phra ba rnams yin te/ rab tu byung ba nyon mongs pa cha phra ba de dag dang ldan na/ 'di lta ste/ dper na mda' 'phangs pa de bzhin du sems can dmyal bar 'gro ba yin par brjod par bya'o/ / 'od srungs bzhi po 'di dag ni dge sbyong ltar bcos pa yin te/ bzhi gang zhe na/ tshul khrims 'chal pa dang / bdag tu lta ba dang / dam pa'i chos spong ba dang / 'jig rten rgyang 'phan pa ste/ bzhi po de dag ni dge sbyong ltar bcos pa yin no// 'od srungs bzhi po 'di dag ni rab tu byung ba'i rgyags shing bag med pa yin te/ rab tu byung ba'i rgyags shing bag med pa de dag dang ldan na sems can dmyal bar 'gro ba yin par brjod par bya'o// bzhi gang zhe na/ mang du thos pas rgyags shing de mang du thos pas bag med par 'gyur ba dang / rnyed pa dang / bkur sti dang / tshigs su bcad pas rgyags shing / de rnyed pa dang / bkur sti dang / tshigs su bcad pas
- 158b
zil gyis non pas bag med par 'gyur ba dang / mdza' bshes kyi khyim dang / slongs mo ster ba'i khyim gyis rgyags shing / de mdza' bshes kyi khyim dang slongs mo ster ba'i khyim gyis spags pas bag med par 'gyur ba dang / sbyangs pa'i yon tan dang yo byad bsnyungs pas rgyags shing / de sbyangs pa'i yon tan dang yo byad bsnyungs pas bdag la bstod par byed/ gzhan la smod par byed pa de ni bag med pa zhes bya ste/ 'od srungs bzhi po de dag ni rab tu byung ba'i rgyags shing bag med pa yin te/ rab tu byung ba rgyags shing bag med pa de dag dang ldan na sems can dmyal bar 'gro ba yin par brjod par bya'o/ / de nas bcom ldan 'das la/ gnas brtan 'od srungs chen pos 'di skad ces gsol to/ / bcom ldan 'das slad ma'i tshe slad ma'i dus lnga brgya pa tha ma la dge sbyong dge sbyong ltar bcos pa/ ngur smrig 'tshal ba gang dag de b zhin gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di nub par bgyid par 'gyur ba ci 'dra ba dag 'byung bar 'gyur lags/ de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srung
- 159a
de bzhin gshegs pa la gtam 'di yongs su dris pas khyod la ci byas thong zhig/ de ci'i phyir zhe na/ 'od srungs gal te de bzhin gshegs pas mi blun po de dag gi sdig pa 'dod pa dang / yang dag pa ma yin par 'dzin pa dang / g.yo dang / chom rkun dang / phyin ci log dang / bdud kyi nyes pa dang / bdud kyi byin gyi rlabs kyis skyon yang dag pa thams cad brjod cing yang dag par bshad par gyur na/ 'od srungs khyod kyis skyes bu dam pa ma yin pa de dag gi sdig pa kun spyod pa de dag thos na/ yang dag pa yin yang snang bar mi 'gyur ba'i phyir ro/ / de nas bcom ldan 'das la/ gnas brtan 'od srungs chen pos 'di skad ce gsol to// bcom ldan 'dra bcom ldan 'das de bzhin gshegs pas chos 'dul ba 'di ci nas kyang yun ring du gnas par 'gyur bar byin gyis brlab tu gsol/ de nas bcom ldan 'das kyis/ tshe dang ldan pa 'od srungs chen po la 'di skad ces bka' stsal to/ 'od srungs de bzhin gshegs pa ni ring po mi thogs par yongs su mya ngan las 'da' bar 'gyur ro// 'od srungs kyis gsol pa/ bcom ldan 'das 'di lta ste/ dam pa'i chos kun tu bsrung ba'i slad du/ bcom ldan 'das de bzhin gshegs pa bskal pa 'am/ bskal pa las lhag par bzhugs su gsol/ de skad ces gsol pa dang / bcom ldan
- 159b
'das kyis/ tshe dang ldan pa 'od srungs chen po la 'di skad ces bka' stsal to// 'od srungs gal te sangs rgyas stong snyed cig gis mi blun po de dag la cho 'phrul dang bcas pa'i chos bstan du zin kyang skyes bu dam pa ma yin pa de dag sdig pa 'dod pa dang / sdig pa 'dzin pa de dag las phyir gzung ba'am/ bzlog par mi spyod do// 'od srungs gzhan yang / khyod phyi ma'i tshe/ phyi ma'i dus lnga brgya pa tha ma la dam pa'i chos bsrung bar spro'am/ sems can bsam pa dge ba gang dag khyod kyi bshad pa la gus par nyan pa skyed par 'gyur ba dag kyang 'byung bar 'gyur ro/ / de skad ces bka' stsal pa dang / bcom ldan 'das la/ gnas brtan 'od srungs chen pos 'di skad ces gsol to// bcom ldan 'das bdag gling chen po bzhi pa'i 'jig rten gyi khams grong dang / grong khyer dang / grong rdal dang bcas pa/ brag dang ri bo'i zom dang bcas pa/ rgya mtsho dang / chu klung dang / nags tshal dang bcas pa 'di bskal pa 'am/ bskul pa las lhag par phrag pa 'am/ spyi bo la 'tshal bar ni spro lags kyi/ bcom ldan 'das bdag skyes bu dam pa ma lags pa de dag gi log par smra ba'i sug las de dag nyan par ni mi spro lags so/ / bcom ldan 'das bdag rgya shug gam/ til lam/ 'bras 'bru gcig gis bskal pa'am/ bskal pa las lhag par 'tsho bar
- 160a
ni spro lags kyi/ bcom ldan 'das bdag skyes bu dam pa ma lags pa de dag gi log par smra ba'i sug las de dag nyan par ni mi spro lags so// bcom ldan 'das bdag stong gsum gyi stong chen po'i 'jig rten gyi khams su bskal pa'i zhugs chen po 'bar/ kun tu 'bar/ kun du rab tu mched cing 'bar bar gyur pa'i nang du spyod lam bzhi ngag gis dgung lo bya ba snyed du gnas par ni spro lags kyi/ bcom ldan 'das bdag skyes bu dag pa ma lags pa de dag gi log par smra ba'i sug las de dag nyan par ni mi spro lags so/ bcom ldan 'das bdag sems can thams cad las khro ba dang / smyo ba dang / smad pa dang / gshung ba dang / bsdigs pa dang / brdeg bcog dag bzod pas dang du len par ni spro lags kyi/ bcom ldan 'das bdag mi blun po chos kyi rkun po/ chos kyi chom rkun pa/ chos la mu cor smra ba/ chos ltar bcos pa ston pa de dag gi log par smra ba'i sug las de dag nyan par ni mi spro lags te/ bcom ldan 'das bdag ni nyi tshe ba'i shes pa dang ldan pa lags pas/ de lta bu'i khur 'deg pa'i rngo mi thog lags kyi/ bcom 'das byang chub sems dpas ni de lta bu'i khur 'deg par rngo thog lags so/ / bcom ldan 'das gzhan yang 'di la bdag dpe brjod par spobs lags te/ bcom ldan 'das 'di lta ste/
- 160b
dper bgyi na mi la la zhig rgas shing gtugs la 'khogs par gyur cing / de'ang na tshod dgung lo brgya nyi shu tsam lags par gyur la/ mi de bro nad kyis thebs shing glo ba mi bde nas mchis mal gyi khri steng du mchis nyal bar gyur pa na/ mi shes rab 'chal pa'i rang bzhin can phyug pa/ nor mang ba/ longs spyod che ba la la zhig der mchis nas/ mi mchis mal gyi khri steng na mchis nyal ba de la/ kye skyes bu kho bo'i gter 'di khyod la gtams kyis/ kho bo gang gi tshe lo bcu 'am/ lo nyi shu tsam na yul gzhan nas bdag phyir 'ong ba de'i tshe khyod kyis gter 'di kho bo la phyir byin cig ces de'i sug par gter 'doms par bgyid cing / de ltar gtams nas yul gzhan du mchis par gyur la/ mi mchis mal gyi khri steng na mchis nyal ba de la'ang bu'ang ma mchis/ bu mo'ang ma mchis/ 'khor yang ma mchis la/ de nas mi de yul gzhan du mchis nas/ ring po ma lags par de'ang 'gum pa'i dus bgyid par gyur na/ nor gyi tshogs de dag thams cad kyang chab 'tshal bar gyur pa'i slad na/ mi de slar mchis na/ su la ji skad bgyir yang ma mchis pa de bzhin du/ bcom ldan 'das gang zhig nyan thos nyi tshe bar spyod pa nyi tshe ba'i shes pa dang ldan pa/ zla bo ma mchis pa/ yun ring por mi gnas pa la dam pa'i chos kyi gter 'doms par
- 161a
bgyid na/ de'ang yun ring du gnas par mi 'gyur bar 'tshal bar bgyi lags so// bcom ldan 'das kyis bka' stsal pa/ 'od srungs legs so legs so// ngas kyang de ltar shes te/ 'on kyang khyod las dpe'i spobs pa de lta bu thos na skyes bu dam pa ma yin pa de dag kun du skyo ba'i sems skye bar 'gyur bas na/ ngas shes bzhin du khyod la dris pa yin de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das 'di la bdag dpe gnyis brjod par yang spobs lags te/ bcom ldan 'das 'di lta ste/ dper bgyi na mi bro nad ma mchis pa'i rang bzhin can bro nad dang bral ba/ dgung lo 'bum phrag du mar 'tsho ba/ gzhon nu thor bu lang tsho la bab pa/ g.yog 'khor phun sum tshogs pa/ longs spyod phun sum tshogs pa/ rus phun sum tshogs pa/ rigs phun sum tshogs pa/ dge ba'i ngang tshul can/ byams pa dang ldan pa/ snying rje che ba/ yid dka' ba dang ldan pa/ sems can gyi skyon dang nyon mongs pa'i skyon rnams la btang snyoms su 'jogs pa/ skye bo mang po la sman pa dang / bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / sman pa dang / bde ba'i slad du zhugs pa dang / brtul ba brtan pa la la zhig mchis par gyur la/ skyes bu dam
- 161b
ba de'i gan du mi la la zhig mchis nas/ 'di skad ces kye skyes bu kho bo'i gter 'di khyod la gtams kyis/ khyod kyis gter 'di legs par sba ba dang / legs par bsrung bar gyis shig/ kho bo gang gi tshe lo bcu 'am/ nyi shu tsam na yul gzhan nas phyir 'ong ba de'i tshe khyod kyis gter 'di kho bo la phyir byin cig ces spras te/ de'i sug par gter de dag gtams na/ mi de ni gter de blangs nas legs par sbed pa dang / srung bar bgyid cing mi de slar mchis nas kyang gter de slar stsol bar bgyid pa de bzhin du/ bcom ldan 'das gang zhig byang chub sems dpa' la dam pa'i chos kyi gter 'doms par bgyid na/ de ni bskal pa bye ba khrag khrig 'bum phrag mang por yang chab 'tshal bar mi 'gyur zhing / skye bo mang po la'ang sman thogs par 'gyur la/ sangs rgyas kyi gdung dang / chos kyi gdung dang / dge 'dun gyi gdung rgyun mi 'chad par yang 'gyur lags so// bcom ldan 'das bdag gis ni byang chub sems dpas gang yongs su sgrub par bgyid pa'i bgyi ba de dang don de yongs su sgrub par rngo mi thog lags kyi/ bcom ldan 'das byang chub sems dpa' sems dpa' chen po byams pa 'di 'khor 'di nyid du 'dus te/ mngon du mchis lags pas bcom ldan 'das kyis 'di la bka' stsol cig dang / 'dis ni slad ma'i tshe slad ma'i dus lnga brgya pa tha ma la dam pa'i chos nub par 'gyur ba'i dus kyi tshe na/ de bzhin
- 162a
gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di 'dzin pa 'gyur/ rgyas par bgyid/ par 'gyur lags so// de ci'i slad du zhe na/ bcom ldan 'das 'di ltar byang chub sems dpa' sems dpa' chen po byams pa 'di ni de bzhin gshegs pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lags pa'i slad du ste/ bcom ldan 'das 'di lta ste/ dper bgyi na/ rgyal po rgyal rigs spyi bo nas dbang bskur ba'i bu thu bo gang lags pa de ni/ rgyal po'i 'og tu rgyal sring bgyid du stsol bar 'gyur ba lags pas/ de ni rgyal po rgyal rigs spyi bo nas dbang bskur ba de nyid mchis bzhin du'ang / rgyal srid la spro bar bgyid cing chos dang ldan par yang 'gyur la/ de 'di snyam du'ang sems lags te/ rgyal po rgyal rigs spyi bo nas dbang bskur ba 'di'i 'og tu ni bdag gis rgyal po bgyi'o snyam nas dbugs 'byin pa thob par yang 'gyur zhing / 'di ltar rgyal po'i bgyi ba gang dag lags pa de dag la'ang mngon par brtson par bgyid pa de bzhin du/ bcom ldan 'das de bzhin gshegs pa 'das pa na/ byang chub sems dpa' sems dpa' chen po byams pa 'di'ang 'di lta ste/ dam pa'i chos kyi rgyal srid kyi rgyal srid chen po bgyid du stsol bar 'gyur ba
- 162b
lags pas/ 'dis ni dam pa'i chos kun tu bsrung ba la mngon par brtson par bgyi 'tshal lags so// de skad ces gsol ba dang / bcom ldan 'das kyis/ gnas brtan 'od/ srungs chen po la 'di skad ces bka' stsal to// 'od srungs legs so legs so// ji skad smras pa de bzhin no// de nas bcom ldan 'das kyis phyag g.yas pa gser gyi mdog can brkyang nas/ bskul pa bye ba grangs med par dge ba'i rtsa bas yang dag par bsgrubs pa'i phyag 'jam pa/ mchog tu mnyen pa/ ka tsa lin di ka wAr rig na bde ba/ skyegs kyi khu bas bsgos pa'i mdog 'dra ba/ byang chub sems dpa' sems dpa' chen po byams pa'i mgo bor bzhag ste byugs nas 'di skad ces bka' stsal to// byams pa khyod phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na/ dam pa'i chos kun tu bsrung ba dang / yun ring du gnas par 'gyur ba dang / yongs su gzung ba dang / sangs rgyas dang / chos dang / dge 'dun gyi gdung rgyun mi 'chad par bya ba'i phyir spo bar gyis shig/ bcom ldan 'das kyis byang chub sems dpa' sems dpa' chen po byams pa'i spyi bor phyag g.yas pa gser gyi mdog can bzhag ma thag tu/ de nas skad cig de nyid la stong gsum gyi stong chen po'i 'jig rten gyi khams 'di lan gsum du rab tu
- 163a
g.yos te/ g.yos/ rab tu g.yos/ kun du rab tu g.yos/ 'gul/ rab tu 'gul/ kun tu rab tu 'phrul/ ldeg/ rab tu ldeg/ phun/ tu rab tu ldeg cing / 'jig rten du snang ba chen po'ang byung bar gyur/ sa zla ba dang / bar snang la gnas pa dang / 'og min gyi bar gyi lha rnams kyi thal mo sbyar te/ byang chub sems dpa' sems dpa' chen po byams pa la/ 'phags pa byams pa khyod skye bo mang po la sman pa dang / bde ba dang / 'jig rten la thugs brtse ba dang / lha dang mi rnams kyi skye bo phal po che'i don dang / sman pa dang / bde ba'i slad du dam pa'i chos kun tu bsrung ba dang / yun ring du gnas par bgyi ba dang / yongs su gzung bar spro bar mdzod cig ces smras so// de nas byang chub sems dpa' sems dpa' chen po byams pa stan las langs te/ bla gos phrag pa gcig tu gzar nas/ pus mo g.yas pa'i lha nga sa btsugs te/ bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to// bcom ldan 'das bdag ni sems can gcig gi don gyi slad du'ang slad ma'i mtha' mu'i bar du 'khor ba na 'khor bar yang spro lags na/ dam pa'i chos yongs su gzung ba'i slad du lta smos kyang ci 'tshal te/ bcom ldan 'das bdag gis de bzhin
- 163b
gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di kun du bsrung ba dang rgyas par bgyi lags so/ / byang chub sems dpa' sems dpa' chen po byams pas pus mo g.yas pa'i lha nga sa la btsugs ma thag tu/ de nas yang stong gsum gyi stong chen po'i 'jig rten gyi khams 'di rnam pa drug tu rab tu g.yos so/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das bdag ni su la'ang 'gran par mi bgyid/ nga rgyal mi bgyid lags so// de ci'i slad du zhe na/ bcom ldan 'das 'di lta ste/ dam pa'i chos yongs su gzung ba 'di dag ni skyes bu dam pa'i sug las lags te/ bcom ldan 'das byang chub sems dpas khur gang 'deg par bgyid pa'i khur de lta bu de ni nyan thos dang rang sangs rgyas kyis 'deg par rngo mi thog/ pa'i slad du'o// de nas bcom ldan 'das kyis/ byang chub sems dpa' sems dpa' chen po byams pa la legs so zhes bya ba byin te/ byams pa legs so legs so// ji ltar nga'i spyan snga na khyod dam pa'i chos yongs su gzung ba'i phyir seng ge'i sgra 'di lta bu sgrogs par byed pa de bzhin du/ phyogs bcu'i sangs rgyas bcom ldan 'das gang+gA'i klung gi bye ma
- 164a
snyed dag gi spyan snga dag na'ang byang chub sems dpa' rnams seng ge'i sgra sgrogs shing dam pa'i chos yongs su 'dzin par byed do/ / de skad ces bka' stsal pa dang bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das de bzhin gshegs pas skyes bu dam pa ma lags pa/ byang chub sems dpar mchid kyis 'che ba/ dge sbyong du mchid kyis 'che ba/ glen pa blun po rnyed pa dang bkur sti 'tshal ba/ rnyed pa dang bkur sti la gdub dang / mdza' bshes kyi sdum pa dang / slongs mo ster ba'i sdum pa la gdu ba/ bsod snyoms la sbyor bar brtson pa/ de dag gi nongs pa'i gnas bdag la bka' stsal du gsol/ de ci'i slad du zhe na/ bcom ldan 'das 'di ltar bdag gis rgyu de dag thos na/ de dag rtogs pas myur ba myur bar gcod par bgyid cing / nongs pa de dag las bdag nyid srung bar bgyid pa dang / skyes bu dam pa ma lags pa de dag las kyang la la de de bzhin gshegs pas bdag mkhyen cing de bzhin gshegs pas bdag rtogs so// rab tu rtogs so zhes de bzhin gshegs pa la dang ba skye bar 'gyur ba'i slad du'o/ / de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la
- 164b
'di ces bka' stsal to/ / byams pa de'i phyir legs par rab tu nyon la yid la zung zhig dang / skyes bu dam pa ma yin pa de dag gi nyes pa'i gnas gang yin pa cung zad tsam zhig bstan par bya ste/ byams pa de la phyi ma'i dus lnga brgya pa tha ma la byang chub sems dpa' khas 'che ba mang po 'byung ba de dag gi sdig pa 'dod pa gang yin pa de dag bshad par bya'o/ / byams pa byang chub sems dpa' chos bzhi dang ldan na/ byang chub sems dpar khas 'che ba yin par rig par bya ste/ bzhi gang zhe na/ rnyed pa 'dod pa dang / bkur sti 'dod pa dang / g.yo byed pa dang / yang ba'i 'tsho bas 'tsho bar byed pa yin te/ byams pa byang chub sems dpa' chos bzhi po de dag dang ldan na/ byang chub sems dpar khas 'che ba yin par rig par bya'o/ / byams pa de la phyi ma'i tshe phyi ma'i rus lnga brgya pa tha ma la byang chub sems dpar khas 'che ba khyi'i chos kun tu spyod pa mang po dag 'byung bar 'gyur te/ byam pa 'di lta ste/ dper na khyi ni sngon lan 'ga' phyin pa'i khyim gzhan zhig tu khyi gzhan zhig rgyang ring po nas 'ong ba mthong na/ khyim 'di ni bdag gi yin no snyam nas/ de la zugs par byed 'khren skad 'byin/ khro bas lta bar byed/ gnod sems kyis nyes pa skyed par byed de/ gzhan gyi khyim bdag gir byed cing bdag gi yin par 'du shes skyed par byed do// byams pa de bzhin du phyi/
- 165a
ma'i tshe phyi ma'i dus lnga brgya pa tha ma la byang chub sems dpar khas 'che ba khyi'i chos kun tu spyod pa mang po 'byung bar 'gyur ba gang dag yin pa de dag kyang / gzhan gyi khyim dang gzhan gyi grong dag la bdag nyid kyi yin par 'du shes skyed par byed cing / bdag nyid kyi yin par 'du shes bskyed nas kyang yongs su 'dzin par byed de/ dge slong des sngon byin pa'i khyim der dge slong gzhan zhig 'os mthong na/ de khyim 'di ni bdag gi yin no snyam nas khro bas lta bar byed/ gnod sems skyed par byed/ 'thab mo dang / 'thab pa dang / rtsod pa dang 'gyed pa skyed par byed/ phan tshun dbyen gyi tshig smra bar byed/ tshig rtsub po rjod par byed/ gcig la gcig dge slong che ge mo zhes bya ba la nyes pa 'di lta bu yod do// dge slong ma che mo zhes bya ba la nyes pa 'di lta bu yod do zhes mi snyan pa rjod par byed cing / khyim bdag la'ang gal te khyod kho bo dang sten par 'dod na/ dge slong che ge mo zhig dang bsten par mi bya zhing / dge slong ma che ge mo zhig dang yang ma sten cig ces zer te/ de dag ni skyugs pa'i rgyur gyur pa ring du mi gnas pa smad par bya ba'i kha zas tsam gyi phyir bsod nams ma yin pa mang po skyed pa yin no// dag ni yi dgas kyi yon tan gyi chos kun tu spyod cing / dbul ba dang / sems dman pa dang / ser sna dang ldan pa dang / bdag nyid gso bar byed pa yin te/ byang chub sems dpa'i
- 165b
ming gis byang chub sems dpa' yin par khas 'che bar byed cing / bdag nyid tshul khrims 'chal pa dang / sdig pa can gyi 'dod pa dang ldan pa dang / sdig pa kun tu spyod pa yin bzhin du sangs rgyas kyi bsngags pa brjod/ sangs rgyas kyi ye shes kyi bsngags pa brjod cing / byang chub sems dpa' bsam pa phun sum tshogs pa gzhan dag gi bsngags pa'ang brjod nas zas dang gos sgrub par byed do/ / byams pa 'di ltar seng ge'i sgra bsgrag cing seng ge'i las rnams bya ba'i rigs pa/ wa'i sgra sgrogs shing wa'i las rnams byed pa dang / bdog pa thams cad yongs su gtong ba'i bsngags pa rjod par byed cing 'jig rten gyi zang zing yun mi ring ba yongs su gtong bar mi byed la/ ser snas zil gyis non cing yo byad kyi dri mas spags pa de dag gis gtong/ ba phyi rol du bya ba dang / phan pa'i dngos po'i bsngags pa rjod par byed cing gnod sems dang / tha ba dang / khong khro ba'i nyes pa mang po byed pa dang / bzod pa'i bsngags pa rjod par bye cing / gcig tu gnod sems kyi sems su byed pa dang / bsdu ba'i dngos po bzhi po dag gi bsngags pa rjod par byed cing / sems can 'ga' yang sbyin pa 'am/ snyan par smra ba 'am/ don spyod pa 'am/ don mthun pas sdud par mi byed pa de dag ji tsam du mi bzad par 'gyur ba la ltos/ de dag ni tshig tsam gyi dngos por 'gyur ba yin gyi/ de dag yon tan yang dag par blang
- 166a
ba dang 'dres pa'i spyod pas/ byang chub sems dpa' brtson 'grus la mos pa'i rjes su slob par byed pa ni ma yin no// byams pa sngon byung ba 'das pa'i dus na/ bskal pa grangs med pa dang / ches grangs med pa dang / ches shin tu grangs med pa dang / rgya che ba dang / tshad med pa dang / bsam gyis mi khyab pa dang / dpag tu med pa dag 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas ye shes bla ma zhes bya ba rig pa dang zhabasu ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shig 'jig rten du byung ste/ byams pa de bzhin gshegs pa de'ang 'di lta ste/ dper na da ltar nga bzhin du snyigs ma lnga dang ldan pa kho na'i 'jig rten du byung ngo // byams pa de'i tshe na dge slong brtson 'grus mos shes bya ba dran pa dang ldan pa/ rtogs pa dang ldan pa/ blo dang ldan pa/ 'dod pa chung ba/ chog shes pa/ de bzhin gshegs pa'i gsung rab la nan tan byed pa zhig byung bar gyur te/ de grong dang / grong khyer dang / grong nal dang / rgyal po'i pho brang dang / yul 'khor de dag tu song ste phyin pa dang / chos ston par byed cing / rgyal po dang blon po chen po dag dang / skye bo phal po che gzhan dag gis kyang
- 166b
mo byas/ mchod pa byas/ bkur sti byas/ bla mar byas/ shes par byas/ yongs su shes par byas so// de khyim gang du zhugs shing / gang las tshig snyan pa dang / bdag la gus par nyan pa dang / bza' ba dang / btung ba thob par gyur pa'i khyim der ni/ de lan gnyis su 'gro bar sems skyed par mi byed do// de 'jungs pa dang / ma dad pa dang / log par lta ba dang ldan pa'i khyim gzhan dag tu song zhing de dag tu son pa na/ de la de dag 'ongs pa legs so zhes kyang mi zer/ de dag tshig snyan pa'ang mi rjod pa'i steng du de la khro bar byed/ gshe bar byed na'ang de bzod pa'i go bgos shing / snying rje chen po la gnas pas 'gro la/ khyim de dag tu yongs su gdung bar mi 'gyur zhing yid mi bde bar yang mi 'gyur ro// / byams pa byang chub sems dpa' brtson 'grus mos des khyim gang dag dad par byas pa de dag ni/ 'di lta ste/ chos gos dang / bsod snyoms dang / mal cha dang / stan dang / na ba'i gsos sman dang / yo byad dag gis dge slong gzhan dag gi nye bar 'tsho bar 'gyur ro// byams pa 'di ji snyam du sems de khyim de dag tu rang 'gro bar mi byed cing / 'gro bar sems skyed par yang mi byed mod kyi/ 'on kyang de dag la phrag dog dang ser sna'i sems skyed par byed skam mam/ byams pas gsol pa/ bcom ldan 'das de ni ma lags so// bde bar
- 167a
gshegs pa de ni ma lags so/ / bcom ldan 'das kyis bka' stsal pa/ byams pa de ltar byang chub sems dpa' brtson 'grus mos de khyim gang dag nas tshig snyan pa dang / bdag la gus par nyan pa dang / bza' ba dang btung ba rnyed pa'i khyim de dag mngon par dad par byas shing / dge slong gzhan dag gi nye bar 'tsho bar byas nas de dag tu lan gnyis su 'jug par mi byed pa dang / 'jungs pa dang / ma dad pa dang / log par lta ba dang ldan pa'i khyim gang dag yin pa de dag dad par byed cing / de dag khro zhing gshe na'ang yong su gdung bar mi 'gyur zhing yid mi bde bar mi 'gyur ba'i phan pa'i dngos po nyid dang / lhag pa'i bsam pa nyid dang / 'dod pa chung ba nyid dang / chog shes pa nyid dang / des pa nyid dang / snying rje dang ldan pa nyid la ltos/ byams pa de ltar na sngon gyi byang chub sems dpa' rnams ni khyim pa dag dad par byas shing / gzhan gyi nye bar 'tsho bar byed kyi/ bdag nyid chos gos dang bsod snyoms kyi don du byed pa ni ma yin no/ / byams pa de'i tshe de'i dus na byang chub sems dpa' brtson 'grus mos shes bya bar gyur pa de gzhan zhig yin pa snyam du khyod yid gnyis dang the tsom za bar gyur na/ khyod kyis de ltar mi blta ste/ nga nyid de'i tshe de'i dus na byang chub sems dpa' brtson 'grus mos shes bya bar gyur to// byams pa de lta bas na byang chub sems
- 167b
dpa' khyim rnams su 'gro bar 'dod pas ni byang chub sems dpa' brtson 'grus mos de'i rjes su bslab par yang bya/ de las gzhan pa'i byang chub sems dpa' lhag pa'i bsam pa phun sum tshogs pa dag gi rjes su'ang bslab par bya zhing / de dag gi chos kun tu spyad par yang bya'o// // bam po gnyis pa// byams pa yang phyi ma'i tshe phyi ma'i dus lnga brgya pa tha ma la byang chub sems dpar khas 'che ba'i dge slong kha cig 'byung bar 'gyur te/ de dag ni 'di lta ste/ rnyed pa dang / chos gos dang / bsod snyoms kyi don du khyim rnams su 'gro bar 'gyur gyi/ khyim pa rnams dad pa la dgod pa'i phyir ni ma yin te/ de dag ni gcig la gcig bsngags pa ma yin brjod pa dang / 'byed pa dang / rtsod pa'i rang bzhin can du 'gyur ro/ / de dag ni ji ltar gzhan dag gis ma rnyed pas yi rangs par 'gyur ba ltar bdag nyid kyis rnyed pas ni de lta ma yin la/ ji ltar gzhan dag gis rnyed pas yid mi bde bar 'gyur ba ltar bdag nyid kyis ma rnyed pas ni de lta ma yin no/ / byams pa 'di ltar byang chub sems dpas ni bdag nyid kyi bde ba'i yo byad de dag thams cad la mi lta bar gzhan dag la sbyin par bya ba yin na/ dag ji tsam du phyin ci log tu 'gyur ba la ltos/ de ci'i phyir zhe na/ byams pa 'di ltar des ni bdag gis sems can thams cad la bde ba bskyed par bya'o zhes snying rje chen po sngon du btang ba'i sems
- 168a
bskyed pa'i phyir ro/ / byams pa 'di lta ste/ dper na tshong dpon nam/ khyim bdag gcig la bu gcig pa sdug pa 'phangs pa yid du 'ong ba zhig bdog par gyur pa de/ le lan 'ga' zhig gi phyir rgyal pos btson rar bcug par gyur na/ byams pa 'di ji snyam du sems/ tshong dpon nam/ khyim bdag de yid la byed pa'i sems ji lta bu dag gis rgyal po'i btson ra der 'jug par 'gyur snyam mam/ de skad ces bka' stsal pa dang / bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das de ni 'di ltar bu gcig pa de thar par bgyi ba'i bsam pas bdag gis bu gcig pa 'di btson ra 'di nas myur du thar par bgyi'o snyam nas/ bu gcig pa yid la bgyid pa kho na dag gis btson ra der 'jug par bgyid de/ thar pa yid la bgyid pa dag gis 'jug cing 'byung bar bgyid lags so// bcom ldan 'das kyis bka' stsal pa/ byams pa ngas dpe de ni don shes par bya ba'i phyir brjod pa yin te/ 'dir don yang gang zhig yin par blta bar bya zhe na/ byams pa 'di lta ste/ dper na rgyal po'i btson ra de ji lta ba de bzhin du ni 'khor ba'i btson ra blta bar bya'o// byams pa 'di lta ste/ dper na tshong dpon nam/ khyim bdag de ji lta ba de bzhin du ni byang chub sems dpa' blta bar bya'o// byams pa 'di lta ste/ dper na bu gcig pa de ji lta ba de bzhin du ni bya ba
- 168b
chub sems dpa' sems can thams cad la bu gcig pa dang 'dra ba'i 'du shes bskyed par bya ba blta bar bya'o/ / byams pa 'di lta ste/ dper na tshong dpon nam/ khyim bdag de rgyu gzhan gyi phyir ma yin zhing / ched ka gzhan gyi phyir ma yin gyi/ bu gcig pa de'i don du btson ra der 'jug par 'gyur ba ji lta ba de bzhin du ni byams pa byang chub sems dpas chos gos kyi ched dang / bsod snyom kyi ched du khyim rnams su 'gro bar mi bya'i/ 'di ltar sems can de dag nyid 'khor ba las yongs su thar par bya ba'i phyir khyim rnams su 'gro bar bya ba blta bar bya'o// byams pa yang phyi ma'i tshe phyi ma'i dus lnga brgya pa tha ma la dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni chos gos dang bsod snyoms kyi ched du me tog gi skyes dag dang / 'bras bu'i skyes dag dang / lo ma'i skyes dag dang / yo byad kyi skyes dag dang / byas pa'i lan gyi skyes dag gis khyim rnams su 'gro bar 'gyur bas/ byams pa dge slong gis ni me tog 'phreng rgud lta bur mi bya zhing / bran dang las mi lta bur yang mi bya'o// byams pa dge slong khyim rnams su'ang 'gro bar 'dod pas ni chos kyi skyes kyis 'gro bar bya ba ma gtogs par skyes gzhan bskur bar mi bya ste/ des ni mang du thos pa dang / gzhung la shin tu zhugs pa dang / 'jigs pa med pa dang / brkam chags
- 169a
med pa dang / tshul 'chos pa med pa dang / kha bsag med pa dang / bdag gir bya ba med par bya zhing / chos la dka' ba bskyed nas khyim rnams su 'gro bar bya'o/ / khyim rnams su son nas kyang sangs rgyas dang / chos dang / dge 'dun gyi bsngags pa brjod par bya ba dang / sbyin pa dang / tshul khrims dang / bzod pa dang brtson 'grus dang / bsam gtan dang / shes rab kyi bsngags pa brjod par bya zhing chos kyi gtam bya ba'i sems ma gtogs par khang khyim gyi ched dam/ zhing las kyi ched dam/ rnyed pa'i ched dam/ reg pa bde ba'i gtam mam/ rgyal po'i gtam mam/ chom rkun gyi gtam mam/ grong gi gtam mam/ grong khyer gyi gtam mam/ ljongs kyi gtam mam bu'i gtam mam/ bu mo'i gtam mam/ gtam gzhan gyi skyes dag mi bya'o// byams pa gang gis stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste/ rigs kyi bu 'am/ rigs kyi bu mo zhig la byin pa dang / stong gsum gyi stong chen po'i 'jig rten gyi khams su gtogs pa'i sems can rnams kyi bde ba'i yo byad gang ji snyed pa de dag thams cad bsdus te/ rigs kyi bu 'am/ rigs kyi bu mo de la byin par gyur na/ nor gyi phung po de tsam dang / bde ba'i yo byad de tsam gyis ni des rigs
- 169b
kyi bu 'am/ rigs kyi bu mo de la snying brtse ba'am/ phan gdags par mi 'gyur gyi/ de tshig bzhi pa'i tshigs su bcad pa gcig tsam zhig nyan du bcug ste/ de'ang de'i rna ba'i rnam par rig par grags shing thos pa tsam kho nar zad kyi/ re zhig dad pa thob par ma gyur tu zin kyang de ni rigs kyi bu 'am/ rigs kyi bu mo de la rgyas pa dang / phan 'dogs pa dang / snying brtse ba ches shin tu mang du byed pa yin no// byams pa dge slong de dag khyim rnams su zhugs nas/ sangs rgyas kyi bka' spangs te/ 'jig rten pa'i gtam nye bar sbyor bar byed cing / ji tsam du don med pa chen pos khyim der mngon par rtson par byed pa la ltos/ de ci'i phyir zhe na/ byams pa 'di ltar gser ram/ dngul lam/ nor bu dag gam/ rin po che dag gam/ mu tig dag gam/ bai DUR+Ya dag gam/ dung dag gam/ man shel dag gam/ byu ru dag gam/ bde ba'i yo byad gzhan dag gis ni sems can skye ba'i chos can rnams skye ba las yongs su thar par mi 'gyur/ sems can na ba'i chos can rnams kyang nad rnams las yongs su thar par mi 'gyur/ sems can rga ba dang / 'chi ba dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyang rga ba dang / 'chi ba dang / mya ngan dang / smre sngags 'don pa dang //
- 170a
sdug bsngal ba dang / yid mi bde ba dang / 'khrug pa dag las yongs su thar par mi 'gyur gyi/ chos thos pas ni sems can skye ba'i chos can rnams kyang skye ba la/ yongs su thar bar 'gyur la/ sems can na ba'i chos can rnams kyang nad rnams las yongs su thar bar 'gyur/ sems can rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyang 'khrug pa las yongs su thar par 'gyur ba'i phyir te/ de las dgongs te de bzhin gshegs pa 'di skad ces/ stong chen 'jig rten khams ni gser dag gis// bkang ste gang la sbyin par byed pa ni// tshig bzhi'i tshogs su bcad pa gcig brjod pas// ji ltar phan 'dogs de ltar 'gyur ma yin// phan 'dogs byed par 'dod pa gang zhig gis// 'jig rten gsum na sems can thams cad kyi// bde ba gang dag yod pa de dag kun sems can gcig la sbyin pa byas pa bas/ / gang gis de la sangs rgyas lus kyi ni// tshogs bzhi'i tshogs su bcad pa gcig bsgrags na// de ni shin tu phan 'dogs mchog yin te/ / des ni sdug bsngal dag las grol bar 'gyur// zhes ston to// byams pa byang chub sems dpas 'jig rten gyi khams mtha' yas mu med pa dag rin po che sna bdun
- 170b
gyis rab tu bkang ste/ sangs rgyas bcom ldan 'das rnams la dbul bar phul ba bas ni snying rje chen po bskyed de/ sems can gcig la tshig bzhi pa'i tshogs su bcad pa gcig gis bsgras par gyur na/ de ni de bas ches bsod nams mang du skyed par 'gyur ro// de la 'di skad ces bya ste/ mi gang zhig gis gang+gA'i bye snyed kyi// 'jig rten khams mchog rin chen gang byas te/ dga' mchog sems kyis rgyal la phul ba dang // gang gis sems can gcig la tshogs bcad byin// rin chen byin pa shin tu rgyu chen des// tshogs bcad sbyin pa snying rjes bsgrubs de la/ / char yang mi phong grangs su'ang ma yin na// gnyis sam gsum la bsam du ga la yod// de nas bcom ldan 'das kyis yang / byang chub sems dpa' sems dpa' chen po byams pa la bka' stsal pa/ byams pa de bzhin gshegs pa'i phyag g.yas pa'i dkyil na bsod nams thams cad mngon par bsgrubs pa'i rgyu mthun pas brgyan pa zhes bya ba'i 'od zer mngon par grub pa yod de/ de bzhin gshegs pa ni bzhed na phyag g.yas pas stong gsum gyi stong chen po'i 'jig rten gyi khams 'di thams cad kun tu yos par mdzad nas/ sems can thams cad la bde ba'i yo byad thams cad nye bar bsgrub par mdzad cing / zas 'dod pa rnams la ni zas/ skom 'dod pa rnams la ni skom/ gos 'dod
- 171a
pa rnams la ni gos/ rin po che 'dod pa rnams la ni rin po che rnams dang / gang ci 'dod pa de la sbyin par yang spyod mod kyi/ de tsam gyis sems can de dag 'khor ba'i rgya mtsho thog ma dang tha ma med pa nas/ chu srin 'dzin khri'i sdug bsngal chen po de las thar par mi 'gyur bas/ byams pa nga ni 'jig rten pa'i bde ba'i yo byad de lta bu dag rnam par spangs nas/ 'jig rten las 'das pa'i bde ba chos rin po che yang dag par ston par mdzad de/ de thos na sems can rnams kyi sdug bsngal gtan du nye bar zhi bar 'gyur ro// byams pa de lta bas na khyod kyis kyang nga'i rjes su bslab par bya zhing / khyed zang zing la gdu bar mi bya'i/ khyed chos la gdu bar bya'o// byams pa yang phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na/ byang chub sems dpar khas 'che ba kha cig 'byung bar 'gyur te/ de dag ni ltung ba lhag par 'byung bar 'gyur zhing lus ma bsdams pa dang / ngag ma bsdams pa dang / yid ma bsdams pas sdig pa'i las lhag par spyad nas kyang nyes pa bshags pa tsam gyis dag par 'gyur bar sems kyis phyin chad sdom par yang mi byed la/ byin chad yang dag par bsdams pa'i phyir sdom par yang mi byed do// ngas ni sngon byas pa'i sdig pa'i las zad par bya ba'i phyir phung po gsum pa'i chos kyi rnam
- 171b
grangs bstan pa yin na/ de la mi blun po de dag ni lhag par lhung ba mngon par 'du bya ba mngon par 'dus byas na/ nyes pa bshags shing sbyang ba tsam kyis dag par 'gyur bar sems shing / ljin/ chad sdom par ni mi byed do// byams pa gzhan yang ngas byang chub sems dpa'i theg pa pa'i rigs kyi bu dang / rigs kyi bu mo rnams kyi las yongs su bsal ba byas pas na/ mi dge ba'i las chung ngus ni byang chub sems dpa' sems can dmyal ba 'am/ dud 'gro'i skye gnas sam/ gshin rje'i 'jig rten nam/ dbul por skye ba rnam pa sna tshogs gzhan dag tu'ang ltung bar mi nus mod kyi/ 'on kyang byang chub sems dpas ni myur du med par bya zhing 'dzem dog dang ldan pa dang / bslab par 'dod pa dang / 'jig rten pha rol la 'jigs par lta ba dang / rtag tu yid skyo ba dang / srid par 'gro ba'i skye ba'i gnas thams cad la yid skrag par bya'o// de ci'i phyir zhe na/ byams pa 'di ltar byang chub sems dpas ni bdag rgal nas khyed cag thams cad bsgral bar bya'o/ / grol nas dgrol bar bya'o// dbugs phyin nas dbugs dbyung bar bya'o// yongs su mya ngan las 'das nas yongs su mya ngan las bzla bar bya'o zhes sems can thams cad nye bar gzung ba'i phyir te/ byams pa ngas ni lha dang bcas pa dang / bdud dang bcas pa dang / tshangs pa dang bcas pa dang / dge sbyong /
- 172a
dang bram ze dang bcas pa'i 'jig rten gyi sa'i dkyil 'khor gyi steng na/ byang chub sems dpa'i las ji snyed pa dang / khur ji snyed pa dang / dgos ba ji snyed pa dang / don bya ba ji snyed pa dang / bya ba ji snyed pa de snyed ni sems can 'ga' la'ang ma mthong ngo // byams pa 'di lta ste/ dper na la la zhig gis stong gsum gyi stong chen po'i 'jig rten gyi khams brag dang / ri dang / rgya mtsho dang / chu klung dang / nags tshal dang bcas pa 'di mi la la zhig gis spyi bo 'am/ phrag pa'i steng du bzhag ste 'di skad ces kye skyes bu khyod kyis stong gsum gyi stong chen po'i 'jig rten gyi khams brag dang / ri dang / rgya mtsho dang / chu klung dang / nags tshal dang bcas pa 'di bskal pa 'am/ bskal pa las lhag pa'am/ bskal pa brgya 'am/ bskal pa stong ngam/ bskal pa 'bum gyi bar du gdeg par bya zhing / gzhag par mi bya/ ngal bso bar mi bya'o zhes kyang bsgo bar gyur na/ byam pa 'di ji snyam du sems/ mi de'i khur de che ba dang / spro ba mthu dang ldan pa dang / mthu stobs mthu dang ldan pa dang / brtson 'grus mthu dang ldan pa yin snyam mam/ byams pas gsol pa bcom ldan 'das mthu dang ldan pa lags so/ / bde bar gshegs pa mthu dang ldan pa lags so// bcom ldan 'das kyis bka' stsal pa/ byams pa khyod mos par bya/ khyod
- 172b
kyis khong du chud par bya ste/ byams pa de bas kyang gang zhig gis kye sems can rnams ngas khyed cag mya ngan las 'das pa'i bde ba la dgod par bya'o zhes/ sems can thams cad nye bar bzung ba'i byang chub sems dpa'i khur dang / spro ba dang / mthu stobs dang / brtson 'grus ches stobs dang ldan par blta bar bya'o// byams pa 'di lta ste/ dper na mi la la zhig gi las stong gsum gyi stong chen po'i 'jig rten gyi khams su gtogs pa'i sems can thams cad kyi las ji tsam pa de tsam du gyur la/ des sems can thams cad kyi las de dag kyang se gol gtogs pa tsam gcig gis yongs su sgrub par byed cing / las kyi mtha' 'ga' tsam yang yongs su nyams par ma gyur na/ byams pa 'di ji snyam du sems/ mi de'i las de stobs dang ldan pa yin snyam mam/ byams pas gsol pa/ bcom ldan 'das de lta lags so// bde bar gshegs pa de lta lags te/ bcom ldan 'das stobs dang ldan pa lags so/ / bde bar gshegs pa stobs dang ldan pa lags so// bcom ldan 'das kyis bka' stsal pa/ byams pa khyod mos par bya/ khyod kyis khong du chud par bya byams pa de lta bas na byang chub sems dpa' gang gis 'di skad du bdag gis sems can thams cad 'khor ba'i sdug bsngal las dgrol bar bya'o zhes tshig tu brjod na/ las su bya bar byed pa
- 173a
de ches stobs dang ldan pa yin no/ / byams pa 'di lta ste/ dper na khyim bdag la la zhig la bu gcig pa sdug pa/ 'phangs pa/ yid du 'ong ba/ mthong na mi mthun pa med pa zhig bdog par gyur la/ khyim bdag de nyes pa 'ga' zhig gi le lan gyis bu gcig pa dang chung ma dang bcas/ las byed pa dang zho shas 'tsho ba rnams dang bcas/ nor dang / dbyig dang / yo byad thams cad dang bcas te/ rgyal po'i pho brang du bkug par gyur cing / de nas rgyal po des khyim bdag de la 'di skad du/ kA ye khyim bdag khyod 'di nas dpag tshad 'bum gyi pha rol na/ grong khyer che ge mo zhes bya ba zhig yod par don 'di'i phyir zhag bdun gyis phyin par song la/ cha khyer te phyir yang zhag bdun gyis nga'i drung du phyin par shog cig dang / de lta na ngas khyod kyi bu gcig pa 'di dang / chung ma 'di dang / 'khor 'di dag thams cad dang / nor dang / dbyig dang / yo byad 'di dag thams cad kyang khyod la phyir sbyin par bya/ zhing gzhan yang khyod la rgyal srid phyed kyi sbyin pa'ang lhag par sbyin par bya'o// gal te khyod song nas grong khyer de nas cha blangs te nyin mtshan bdun gyi phyir ma 'ongs na khyod la cung zad kyang sbyin par mi bya ba'i steng du khyod bu gcig pa dang bcas/ chung ma dang bcas/ 'khor dang bcas te chad pas gcad pa dang / srog dang bral zhing gsad par bya'o zhes bsgo bar gyur na/
- 173b
byams pa 'di ji snyam du sems/ khyim bdag de de skad bsgo na bdag 'phangs pa dang ldan pa dang / bu 'phangs pa dang ldan pa dang / chung ma 'phangs pa dang ldan pa dang / 'khor 'phangs pa dang ldan pa dang / nor 'phangs pa dang ldan pas stobs dang ldan pa'i rtsom pa dang / stobs dang ldan pa'i mgyogs pas grong khyer der 'gro bar 'gyur snyam mam/ byams pas gsol pa/ bcom ldan 'das de lta lags so// bde bar gshegs pa de lta lags te/ bcom ldan 'das kyis gsungs pa'i don bdag gis 'chal ba ltar na/ de ni don de yongs su ma grub kyi bar du sems rnam par g.yeng bar mi bgyid/ zas kyi 'du shes skyed par mi bgyid/ rmugs pa dang gnyid kyi sems skyed par mi bgyid lags so// de ci'i slad du zhe na/ bcom ldan 'das 'di ltar de'i slad rol gyi dngos po gzhan dag lta zhog lags kyi/ bdag nyid 'phangs pa'i slad du'o// bcom ldan 'das kyis bka' stsal pa/ byams pa gal te sems can thams cad de lta bu'i brtson 'grus rtsom pa chen po dang ldan par gyur kyang / sems can de dag thams cad kyi brtson 'grus chen po de ni byang chub sems dpa'i brtson 'grus chen po de'i brgya'i char yang nye bar mi 'gro/ stong gi cha dang / 'bum gyi cha dang / bye ba'i cha dang / bye ba brgya'i cha dang / bye ba phrag stong gi cha dang / bye ba khrag khrig phrag 'bum gyi cha dang /
- 174a
dpe dang / rgyu'i bar du'ang nye bar mi 'gro'o// de ci'i phyir zhe na/ byams pa 'di ltar byang chub sems dpa'i ni rgyun phyogs su dad pa'i sems can thams cad rgyun las bzlog pa g.yo ba med pa mya ngan las 'das pa'i dbyings su rab tu 'god par byed pa'i phyir/ byams pa 'di lta ste/ dper na mi 'di tsam du stobs dang ldan pa/ 'di tsam du shugs dang ldan pa/ 'di tsam du mthu dang ldan pa/ 'di tsam du brtson 'grus dang ldan pa la la zhig skyes par gyur la/ des rgya mtsho chen po bzhi po dag na chu'i phung po gang ji snyed pa de dag thams cad chu klung chen po'i rgyun gang dang gang dag nas rgya mtsho chen por zhugs par gyur pa'i chu klung chen po'i rgyun de dag nyid nas chu'i mtha' phyir bzlog nas/ rgyun las bzlog thabs kho nar mtsho chen po ma dros pa'i nang du phab par gyur na/ byams pa 'di ji snyam du sems/ mi de dka' ba byed pa dang / ngo mtshar che ba dang / brtson 'grus che ba yin snyamams byams pas gsol pa/ bcom ldan 'das de lta lags so// bde bar gshegs pa de lta lags so// bcom ldan 'das kyis bka' stsal pa/ byams pa khyod mos par bya/ khyod kyis khong du chud par bya ste/ de bas kyang gang dag lhag pa'i bsam pas sems can thams cad kyi don du snying rje chen po kun tu bskyed nas/ bla na med pa yang dag par rdzogs pa'i
- 174b
byang chub tu sems bskyed de/ nan tan gyis mdzes par byed pa de dag ches shin tu dka' ba byed pa dang / ngo mtshar che ba yin no// de bas kyang gang dag sangs rgyas yod do// chos yod do/ / dge 'dun yod do// legs par byas pa dang / nyes par byas pa'i las rnams kyi 'bras bu rnam par smin pa yod do zhes nges par rtog par byed pa de dag ches shin tu dka' ba byed pa dang / ngo mtshar che ba yin no// de bas kyang gang dag 'dod chags kyi sems skyes pa sel bar byed pa dang / zhe sdang gi sems skyes pa sel bar byed pa dang / gti mug gi sems skyes pa sel bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag mdza' bshes dang / gros grog dang / nye du dang / rgan rabs rnams la mi lta bar spangs shing / longs spyod chung ngu dang longs spyod chen po'i tshogs rnams kyang yongs su spangs nas kyang / legs par gsungs pa'i chos 'dul ba dad pas rab tu 'byung ba'i sems kyis khyim gyi gnas nas gom pa bdun 'dor bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag gos ngur smrig dag bgos te/ legs par gsungs pa'i 'dul ba la dad pas khyim nas khyim med par legs pa kho nar rab tu 'byung bar byed pa de dag ches shin tu dka' ba byed pa dag
- 175a
ngo mtshar che ba yin no/ / de bas kyang gang dag de ltar rab tu byung nas/ gdams pa ngag la nan tan gyis mdzes par byed pa dang / bslab pa'i gzhi ltar bcas pa dag la slob par byed pa de dag ches shin tu dka' ba byed pa dang / ngo mtshar che ba yin no// de bas kyang gang dag 'du 'dzi'i gtam la 'jigs par lta zhing dben par 'dod pas dgon pa la mngon par phyogs te/ gom pa bdun 'dor bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag chos thams cad stong pa zhes mos par byed pa de dag ches shin tu dka' ba byed pa dang / ngo mtshar che ba yin no// de bas kyang gang dag chos zab mo rnams la rjes su mthun pa'i bzod pa thob pa de dag ches shin tu dka' ba byed pa dang / ngo mtshar che ba yin no// de bas kyang gang dag rnam par thar pa'i sgo gsum po dag mngon sum du byas nas rgyun du zhugs pa'i 'bras bu rjes su thob par byed pa dang / dgra bcom pa nyid kyi bar du rjes su thob par byed pa de dag ches shin tu dka' ba byed pa dang / ngo mtshar che ba yin no// de ci'i phyir zhe na/ byams pa 'di lta ste/ 'phags pa'i chos 'dul ba la dad cing dang ba dang / rab tu byung zhing bsnyen par rdzogs pa dge slong gi dngos po dang / 'bras bu thob pa de ni shin tu dka' ba byed pa rin
- 175b
ba'i phyir ro/ / byams pa de la yang phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na/ byang chub sems dpa'i theg pa ba legs par gsungs pa'i chos 'dul ba 'di la rab tu byung nas/ byang chub sems dpa'i las spangs te// byis pa'i las la rab tu gnas pa kha cig 'byung bar 'gyur te/ byams pa de la byang chub sems dpa' rnams kyi las gang zhe na/ nyi shu po 'di dag ni byang chub sems dpa' rnams kyi las yin te/ de dag yongs su ma rdzogs na byang chub sems dpa' byang chub kyi snying por 'gro bar mi nus so/ / nyi shu gang zhe na/ ser sna'i sems tshar gcad par bya ba dang / gtong ba chen po spel bar bya ba dang / 'chal pa'i tshul khrims yongs su spang bar bya ba dang / tshul khrims kyi phung po yongs su rdzogs par bya ba dang / gnod sems dang tha ba'i skyon rnam par spang bar bya ba dang / bzod pa'i stobs la gnas par bya ba dang / le lo'i sems rnam par gnon par bya ba dang / brtson 'grus chen po brtsam par bya ba dang / brjed ngas pa'i sems yongs su spang bar bya ba dang / dran pa dang blo gros kyis bsam gtan rnams la mi rten par bsam gtan du bya ba dang / zab mo la bzod pa bsgom par bya ba dang / shes rab kyi pha rol tu phyin pa rab tu rtogs par bya ba dang / rnam par rtog pa thams cad spang bar bya ba dang / mtshan ma med pas gnas
- 176a
par bya ba dang / smon pa dang bral bar bya ba dang / smon pa med pa'i yul yongs su rdzogs par bya ba dang / sems can thams cad yongs su myi gtang bar bya ba dang / rnying rje chen pos zin par bya bya dang / na thos dang rang sangs rgyas kyi theg pa la dka' ba'i sems yid la mi bya ba dang / sangs rgyas kyi ye shes la mos shing nem nu pa dang mad ches par bya ba ste/ byams pa kye+e chu bo de dgu ni byang du sems dpa' rnams rmyilas yin te/ las de dag yongs su ma rdzogs na byang chub sems dpa 'byung chub kyi zhing 'gro bar mi nus so/ / byams pa bzhi po 'di dag ni byang dub sems dpa' rnams kyi yang dag pa'i dam pa' ba yin te/ bzhi ga zhen/ bdag nyid kyi bde ba spong ba dang / chos ngoms mi shes pa dang / chos yongs su tshol bas bdag sangs rgyas su 'gyur bar bya'o// chos kyi 'khor lo bskor bar bya'o// sems can rnams 'khor ba thog ma dang tha ma med pa mas par ba rgyug/ sems can gyi khams dang med pa rnams tha na med pa yang dag par rdzogs pa'i byang chub yang dag par 'dzin du gsug par byamo zhes yang dag pa 'ang ma bca' / byams pa bzhi po de dag ni byang chub sems dpa' rnams kyi yang dag par dam bca' ba yin no// byams pa 'di lta ste/ dper na mi ldan mkhas la/ gsang sngags la mkhas shing dus dang /
- 176b
rtsi la mkhas pa gnyis shig yod par gyur la/ de gnyis las mi gcig gis skye bo phal po che'i mdun du ngo mtshar gyi 'du shes bskyed par bya ba'i phyir drug za bar byed cing / zos nas kyang yan lag dang nying lag rnams shig shig por gyur pas sdug bsngal gyi tshor ba myong bar gyur pa las/ yang gsang sngags sngon du btang ba'i sman za bar byed cing / de gsang sngags yang dag pa dang / sman des drug gi nyes pa de dag dang bral bar gyur la/ de nas mi des dus gzhan gyi chen spyan de ma rnyed cing gnyen po ma rnyed pas dug des shi bar gyur la/ de nas mi cig shos des 'di skad ces smras te/ kho bos ni sman gyis dug zhi bar byed nus mod kyi/ 'on kyang kho bo la ni ngo mtshar gyi 'du shes mi dgos/ yan lag dang nying lag shig shig por 'gyur ba mi dgos pas dug kyang mi za sman yang mi 'thung ngo zhes zer ba de bzhin du/ byams pa phyi ma'i tshe phyi ma'i dus lnga brgya pa tha ma la/ byams pa byang chub sems dpa' khyim na gnas pa dang / rab tu byung ba kha cig de dag 'di skad ces sdig pa'i las ni nyes pa bshags pas ma lus par zad par 'gyur ro zhes zer zhing / de dag sdig pa mngon par 'du bya ba mngon par 'dus byas nas/ yang bshags par bya'o zhes ltung ba lhag par 'byin par byed cing / phyis sdom pa 'dzin par ni mi byed pa dag 'byung bar 'gyur te/ de dag ni 'chi ba'i chos can yin no zhes nga smra ste/ 'chi ba'ang gang zhe na/ 'di
- 177a
/ lta ste/ dper na dug za ba'i mi de dang 'dra bar 'chi ba'i dus byas nas/ log par ldang ba rnams su 'gro bar 'gyur ba yin no// byams pa byang chub sems dpa' lhag pa'i bsam pa phun sum tshogs pa dag 'byung bar 'gyur ba de dag ni 'di skad ces bdag cag la ni dug kyang mi dgos/ sman yang mi dgos kyis/ bdag cag ni 'das pa'i dus na sdig pa'i las byas pa zad par bya ba dang / ma 'ongs pa dang / da ltar byung ba na mngon par 'du mi bya ba ma gtogs par sdig pa'i las kyang mngon par 'du mi bya zhing ltung ba'ang 'byung bar mi bya la/ bshags par yang mi bya'o zhes zer te/ byams pa 'phags pa'i chos 'dul ba 'di la dug ces bya ba de ni/ 'di lta ste/ bslab pa'i gzhi ji ltar bcas pa dag las 'da' bar byed pa yin pas/ khyed cag gis ni dug bza' bar mi bya'o// byams pa bzhi po 'di dag ni/ 'di lta ste/ byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyis kyang bya ba ma yin na/ byang chub sems dpas lta smos kyang ci dgos/ bzhi gang zhe na/ byas pa mi gzo ba nyid dang / g.yo la rten pa nyid dang / rdzun gyi tshig smra ba nyid dang / bslab pa las 'da' bar byed pa nyid yin te/ bzhi po de dag ni/ 'di lta ste/
- 177b
byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyis kyang bya ba ma yin na/ byang chub sems dpas lta smos kyang ci dgos/ byams pa byang chub sems dpas chos bzhi po 'di dag las dpag tshad brgyar 'byol bar bya ste/ bzhi gang zhe na/ rnyed pa dang / bkur sti dang / tshigs su bcad pa dang / sdig pa'i grogs po'i lag dang / 'du 'dzi'i gnas dang / gnas gang na gnas pa na/ byang chub sems dpa'i theg pa pa'i gang zag gzhan zhig kyang 'dug par gyur la/ gal te de dang lhan cig tu mgu ba dang / dga' ba dang / mchog tu dga' ba skyes la/ 'thab pa med pa dang ldan pa dang / rtsod pa med pa dang ldan par gnas na ni/ des der gnas par bya'i// gal te de de la tha na tha ba dang zhe sdang gi sems gcig tsam zhig skyed par byed na'ang des de nas dpag tshad brgyar 'byol bar bya ba ste/ byang chub sems dpas ni byang chub sems dpa' la thab dang zhe sdang gi sems bskyed par mi bya'o/ / byams pa byang chub sems dpas stong gsum gyi stong chen po'i 'jig rten gyi khams na sems can du bsdu bar bsdus pa'i sems can gang ji snyed pa de dag thams cad spyos sam/ brgyad dam/ dbyig pas brdegs sam/ mtshon gyis btab par gyur na/ byams pa 'di ji snyam du sems/ byang chub sems
- 178a
dpa' des sems can de ji snyed cig la spyos pa 'am/ brgyad pa 'am/ dbyig pas brdegs pa'am/ mtshon gyis btab pa'i gzhi de las sdig pa dang / spras pa dang / nyams pa mang po skyed par 'gyur snyam mam/ byams pas gsol pa/ bcom ldan 'das sems can gcig gcig la spyos sam/ brgyad dam/ dbyig pas brdegs sam mtshon gyis btab na'ang bsod nams ma lags pa mang du skyed lags na/ stong gsum gyi stong chen po'i 'jig rten gyi khams kyi sems can gang ji snyed pa thams cad lta la smos kyang ci 'tshal/ de ci'i slad du zhe na/ bcom ldan 'das byang chub sems dpas ni sems can 'ga' zhig tsam la'ang tha ba dang / zhe sdang dang / gnod sems bskyed par mi bgyi ba'i slad du'o/ / de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa byang chub sems dpas stong gsum gyi stong chen po'i 'jig rten gyi khams su gtogs pa'i sems can de dag thams cad la spros sam/ brgyad dam/ dbyig pas brdegs sam/ mtshon gyis btab pa gang yin pa des ni/ byang chub sems dpa' gzhan zhig la tha na tha ba dang zhe sdang gi sems gcig tsam zhig skyes par gyur pa de tsam du byang chub sems dpa' de smas pa dang nyams
- 178b
par mi 'gyur te/ byams pa byang chub sems dpas byang chub sems dpa' cig shos de la tha ba dang zhe sdang gi sems skyed par byed na/ gal te byang chub sems dpa' de byang chub yongs su mi gtong ba zhig na/ sems ji snyed bskyed pa de snyed kho na'i bskal par byang chub kyi phyir yang go cha 'go bar bya dgos so// byams pa 'dri lta ste/ dper na lhagani kyi ga nyid kyis gcod par byed pa ma gtogs par bong ba 'am/ shing ngam/ rtswas gcod par mi nus pa de bzhin du/ byams pa byang chub sems dpa'i dge ba'i rtsa ba'ang byang chub sems dpa cig shos la tha ba dang zhe sdang gi sems bskyed pas zad par byed pa ma gtogs par gzhan gyis zad par mi 'gyur te/ byams pa de lta bas na khyed cag gcig gis gcig la zhe sa dang bcas pa dang / gcig la gcig gus pa dang bcas pas gnas par bya'o zhes de ltar bslab par bya zhing / sems dang po bskyed pa'i byang chub sems dpa' la'ang ston pa'i 'du shes bskyed par bya'o/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das bdagan sems can thams cad la'ang zhes dang bcas pa dang / gus pa dang bcas pas gnas par bgyid lags na/ byang chub sems dpa' rnams lta la smos kyang ci 'tshal/ de ci'i
- 179a
skad du zhe na/ bcom ldan 'das bdag ni gnod sems la dpa' bar mi bgyid kyi/ bdag ni bzod pa'i stobs dang mthu phun sum tshogs par bgyid pa dang / bcom ldan 'das bdag ni g.yo la rten par mi bgyid kyi/ bdag ni lhag pa'i bsam pa phun sum tshogs par bgyid pa dang / bcom ldan 'das bdag ni gzhan gyi khyim la lhag par chags par mi bgyid kyi/ bdag ni bdag gir 'dzin pa ma mchis pa dang / yongs su 'dzin pa ma mchis par bgyid pa dang / bcom ldan 'das bdag ni zang zing lhur len/ par mi bgyid kyi/ bdag ni chos lhur len par bgyid pa dang / bcom ldan 'das bdag ni zas dang gos lhur len par mi bgyid kyi/ bdag ni pha'i nor yongs su tshol bar bgyid pa dang bcom ldan 'das bdag ni phrag dog dang ser snas kun nas dkris par mi bgyid kyi/ bdag ni gzhan gyi 'byor pa dag la yid dga' ba dang / gtong ba phun sum tshogs par bgyid pa dang / bcom ldan 'das bdag ni dge sbyong gi ming lhur len par mi bgyid kyi/ bdag ni dge sbyong gi yon tan dag la slob par bgyid pa dang / bcom ldan 'das bdag ni smra ba lhur len par mi bgyid kyi/ bdag ni sgrub pa snying por bgyid pa dang / bcom ldan 'das bdag ni rnyed pa dang bkur sti la lhag par chags par mi bgyid kyi/ bdag ni don nyung ba dang / bgyi ba nyung
- 179b
ba dang / sangs rgyas kyi yon tan yongs su tshol bar bgyid pa dang / bcom ldan 'das bdag ni zang zing gis bsgos pa'i sems kyi rgyud kyis grong dang grong khyer du 'jug par mi bgyid kyi/ bdag ni thams cad mkhyen pa nyid kyi sems yid la bgyid pa la mngon par brtson pas grong dang grong khyer du 'jug par bgyid pa dang / bcom ldan 'das bdag ni chos gos dang bsod snyoms kyi slad du tshul 'chos par mi bgyid kyi/ bdag ni tshul 'chos pa ma mchis pa dang / 'phags pa'i rigs bzhis chog shes par bgyid pa dang / bcom ldan 'das bdag ni byis pa'i spyod pa la slob par mi bgyid kyi/ bdag ni sangs rgyas kyi spyod pa la slob par bgyid pa dang / bcom ldan 'das bdag ni gzhan dag gi bgyis pa dang / ma bgyis pa dag la so sor rtog par mi bgyid kyi/ bdag ni bdag nyid dul ba dang zhi bar sbyor ba'i rjes su brtson pas gnas par bgyid pa dang / bcom ldan 'das bdag ni ltung ba 'ga' yang gleng bar mi bgyid kyi/ bdag ni ngag gi las kyi 'thal sdom par bgyid pa dang / bcom ldan 'das bdag ni bslab pa thag ring du mi bgyid kyi/ bdag ni so sor thar pa la slob par bgyid pa dang / bcom ldan 'das bdag ni sangs rgyas dang / chos dang / dge 'dun gyi bsngags pas 'tsho bar sems par mi bgyid kyi/ bdag ni sangs rgyas kyi bsngags pa rjod cing de la dga' ba'i sems bskyed par bgyid pa dang / bdag ni chos kyi
- 180a
bsngags pa rjod cing chos kyi rjes su mthun pa'i chos sgrub pa la gnas par bgyid pa dang / bdag ni dge 'dun gyi bsngags pa rjod cing phyir mi ldog pa'i dge 'dun la rten par bgyid pa dang / bcom ldan 'das bdag ni gzhan gyis mthong ba skyed pa'i slad du/ tshul 'chos pas mchi ma 'byin par mi bgyid kyi/ bdag ni chos kyi shugs kyis mchi ma 'byin par bgyid pa dang / bcom ldan 'das bdag ni bgyi ba sna tshogs kyi 'du 'dzis spags te gnas par mi bgyid kyi/ bdag ni chos yongs su tshol ba la mngon par bgyid pa dang / bcom ldan 'das bdag ni 'jig rten pa'i bgyi ba la dga' bar mi bgyid kyi/ bdag ni 'jig rten las 'das pa'i chos yongs su tshol ba la dga' bar bgyid pa dang / bcom ldan 'das bdag ni sogs 'jog gi zas dang ldan par mi bgyid kyi/ bdag ni tshul 'chos pa ma mchis par kun tu spyod par bgyid pa dang / bcom ldan 'das bdag ni gnas dang yul gcig yongs su 'dzin par mi bgyid kyi// bdag ni ri dgas ltar kun tu rgyu bar bgyid pa dang / bcom ldan 'das bdag ni bsod nyams la sbyor ba'i rjes su brtson par mi bgyid kyi/ bdag ni sangs rgyas kyi yon tan yongs su tshol ba la brtson par bgyid pa dang / bcom ldan 'das bdag ni rmugs pa dang gnyid kyis nyal bar mi bgyid kyi/ bdag ni nam gyi cha stod dang nam gyi cha smad la mi nyal bar sbyor ba'i rjes su brtson
- 180b
par bgyid pa dang / bcom ldan 'das bdag ni 'du 'dzi'i spyod yul la brtson par mi bgyid kyi/ bdag ni dben pa la dga' bar bgyid pa dang / bcom ldan 'das bdag ni yon tan cung zad tsam gyis chog shes par mi bgyid kyi/ bdag ni yon tan yongs su tshol bas ngoms mi 'tshal bar bgyid pa dang / bcom ldan 'das bdag ni khyi'i chos rnams la kun du spyod par mi bgyid kyi/ bdag ni seng ge'i sgra sgrogs par bgyid pa dang / bcom ldan 'das bdag ni cung zad ba shes pa dang ldan par mi bgyid kyi bdag ni mdza' bshes shin tu brtan par bgyid pa dang / bcom ldan 'das bdag ni bgyid pa mi gzo ba mi bgyid kyi/ bdag ni bgyis pa gzo ba dang / bgyis pa tshor bar bgyid pa dang / bcom ldan 'das bdag ni sbyin pa'i la gyis mdza' bshes su mi bgyid kyi/ bdag ni lhag pa'i bsam pas mdza' bshes su bgyid pa dang / bcom ldan 'das bdag ni lhag pa'i bsam pa bcos mar mi bgyid kyi/ bdag ni lhag pa'i bsam pa brtan par bgyid pa dang / bcom ldan 'das bdag ni dman pa la mos par mi bgyid kyi/ bdag ni sangs rgyas kyi sku yongs su 'grub pa lhur blang ba rgya chen po la mos par bgyid pa dang / bcom ldan 'das bdag ni de bzhin gshegs pa la gus pa ma mchis pa dang / bslab pa la gus pa ma mchis par mi bgyid kyi/ bdag ni de bzhin gshegs pa la
- 181a
gus pa dang bcas pa dang / bslab pa la gus pa dang bcas par bgyid pa dang / bcom ldan 'das bdag ni sems kyang gzhan la/ smra ba'ang gzhan pa lce gnyis su mi bgyid kyi/ bdag ni ji skad smras pa de bzhin du bgyid pa dang / bcom ldan 'das bdag ni tshul 'chos pa'i byang chub sems dpar mi bgyid kyi/ bdag ni lhag pa'i bsam pa phun sum tshogs pa dang / bdag nyid dul ba dang zhi ba la sbyor ba'i rjes su brtson par bgyid pa dang / bcom ldan 'das bdag ni nga rgyal gyis nga rgyal skyed par mi bgyid kyi/ bdag ni gdol pa'i bu dang 'dra bar nga rgyal nges par 'joms par bgyid pa dang / bcom ldan 'das bdag ni chags pa dang bcas pas bsod snyoms yongs su longs spyod par mi bgyid kyibadag ni tshul khrims yongs su dag pa dang / dad pas stsal ba la lci ba'i 'du shes su bgyid pa dang / bcom ldan 'das bdag ni tshul bzhin ma lags pa'i rnam par rtog pa yid la bgyid pa sngon du btang bas gdugs pas ma thag kho nar mchis nyal ba dang / rmugs pa dang gnyid kyi bar gyis non par mi bgyid kyi/ bdag ni sangs rgyas kyi chos yongs su bsgrub par bgyi ba'i slad du rtag tu brtson zhing sbyor bar bgyid pa dang / bcom ldan 'das bdag ni gang zag tu lta ba la rten par mi bgyid kyi/ bdag ni stong pa nyid la gnas par bgyid pa dang
- 181b
bcom ldan 'das bdag ni rnam par rtog pa dang 'khrul par smra bar mi bgyid kyi/ bdag ni mtshan ma ma mchis pa la gnas par bgyid pa dang / bcom ldan 'das bdag ni lus kyi tshul 'chos par mi bgyid kyi/ bdag ni lus dang / ngag dang / yid kyi las kyi mtha' yongs su dag par bgyid pa dang / bcom ldan 'das bdag ni zang zing gis bsgos pa'i sems kyi rgyud kyis chos ston par mi bgyid kyi/ bdag ni zang zing ma mchis pa'i sems kyis chos ston par bgyid pa dang / bcom ldan 'das bdag ni zang zing gi sbyin pas mdza' bshes su mi bgyid kyi/ bdag ni chos kyi sbyin pas mdza' bshes su bgyid pa dang / bcom ldan 'das bdag ni bdag dang gzhan la yongs su gdung bar mi bgyid kyi/ bdag ni bdag la sman pa dang / gzhan la sman pa'i slad du sgrub par bgyid pa dang / bcom ldan 'das bdag ni dgon par gnas pa la tshul 'chos par mi bgyid/ bsod snyoms la tshul 'chos par mi bgyid/ phyag dar khrod la tshul 'chos par mi bgyid de/ de ci'i slad du zhe na/ bdag ni sbyangs pa'i yon tan bcu gnyis yang dag par blangs te gnas par bgyid cing / de'ang rnyed pa dang / bkur sti dang / tshigs su bcang pa thams cad la rten pa ma mchis pa'i slad du'o/ / de skad ces gsol ba dang / bcom ldan 'das kyis kyang / byang chub sems dpa' sems dpa' chen po byams pa la legs so zhes bya ba
- 182a
byin te/ byams pa legs so legs so// khyod ji ltar sangs rgyas kyi yon tan yongs su tshol ba la brtson pa de ltar seng ge'i sgra 'di sgrog par byed pa ni/ khyod sngon gyi rgyal ba la lhag par bya ba byas shing dge ba'i rtsa ba bskyed pa dang / chos de dag dang yon tan de dag la gzhan gyi dring mi 'jog pa yin te/ legs so legs so// byang chub sems dpa' sems dpa' chen po byams pas seng ge'i sgra bsgrags pa 'di bshad pa na/ 'khor de nas dge slong lnga brgya stan las langs te dong ngo // de nas gnas brtan 'od srungs chen pos dge slong lnga brgya po de dag la 'di skad ces smras so/ / dge sbyong chen po dag khyed cag yo byad bsnyungs pa'i gtam brjod pa'i tshe stan las langs te gar 'dong / de skad ces smras pa dang / gnas brtan 'od srungs chen po la/ dge slong lnga brgya po de dag gis 'di skad ces smras so// btsun pa 'od srungs chen po byang chub sems dpa' sems dpa' chen po byams pas yo byad bsnyungs pa'i gtam de lta bu bstan pa'i gnas de dag ni srid par dka' ba lags pas/ bdag cag 'di snyam du bdag cag ni yo byad bsnyungs pa'i yon tan de dag bdag cag la yang dag par mi snang bas bdag phyir khyim du 'dong gor ma chag go/ / de ci'i phyir zhe na/ dad pas byin pa ni reg par dka' zhing sbyang bar dka' ba'i phyir ro snyam du sems pa'i slad du'o//
- 182b
/ de nas 'jam dpal gzhon nur gyur pas dge slong de dag la legs so zhes bya ba byin te/ rigs kyi bu dag legs so legs so// gang dag dad pas byin pa la yongs su longs spyod par spo ba dag gis ni de ltar 'dzem pa dang ldan pa dang / 'gyod pa dang ldan par bya ste/ nyin gcig la lan brgya rab tu byung ba phyir spangs pa ni bla'i/ tshul khrims yongs su ma dag pas dad pas byin pa la longs spyod pa ni de lta ma yin no/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bcom ldan 'das kyis dad pas stsal ba ji ltar rjes su gnang bar mdzad lags/ bcom ldan 'das kyis bka' stsal pa/ 'jam dpal ngas ni rig pa dang grol ba la dad pas byin pa rjes su gnang ngo // de nas 'jam dpal gzhon nur gyur pas/ dge slong lnga brgya tsam po de dag la 'di skad ces smras so// tshe dang ldan pa dag khyed cag sbyor cig/ rtsol cig/ 'bod cig/ sangs rgyas 'byung ba ni rnyed par dka' ba yin gyis/ khyed cag rab tu byung ba ni rnyed par dka' ba yin pas/ khyed cag rab tu 'byung ba las phyir ma ldog cig/ de nas 'jam dpal gzhon nur gyur pa la dge slong lnga brgya tsam po de dag gis 'di skad ces smras so/ / 'jam dpal bdag cag gis ji ltar sbyar bar bgyi lags/ 'jam dpal gyis smras pa/ dge slong dag khyed kyis dzas
- 183a
ji ltar sbyor ba dang / 'bad pa dang / rtsol bar byed pa na/ chos 'ga' yang sbyor bar mi byed/ chos 'ga' yang 'byed par mi byed pa dang / chos 'ga' yang skyed par mi byed/ chos 'ga' yang 'gog par mi byed pa dang / chos 'ga' yang thob par mi byed/ chos 'ga' yang spong bar mi byed pa dang / chos 'ga' yang 'bri bar mi byed/ chos 'ga' yang 'phel bar mi byed pa de ltar sbyor bar gyis shig/ dge slong gang de ltar sbyor ba de ni chos 'ga' yang rtogs par mi 'gyur ro// gang chos 'ga' yang rtogs par mi 'gyur ba de ni gar yang mi 'gro/ / gang nas kyang mi 'ong ngo // gang la 'gro ba med pa de la ni 'ong ba'ang 'ga' yang med do// de ni 'ong ba med pa dang 'gro ba med pa'i dge slong zhes bya ste/ gang du'ang rten pa'ang ma yin/ mi rten pa'ang ma yin no// bsten pa 'di bshad pa na/ dge slong lnga brgya po de dag len pa med par zag pa rnams las sems rnam par grol lo// de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das slad ma'i tshe slad ma'i dus lnga brgya pa tha ma de la byang chub sems dpa' tshul 'chos pa ji snyed cig/ 'byung bar 'gyur lags/ bcom ldan 'das kyis bka' stsal pa/ 'od srungs gang dag sdig pa'i grogs pos yongs su zin cing lhag pa'i bsam pa nyam chung ste/ zas dang gos lhur len pa'i
- 183b
byang chub sems dpa' tshul 'chos pa dag ni mang du 'byung bar 'gyur ro/ / de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das skye bo mang po la sman pa dang / skye bo mang po la bde ba'i slad du/ gnas gang dag dang / spyod pa gang dag gis byang chub sems dpa' lhag pa'i bsam pa nyam chung ba dang / tshul 'chos pa lags par 'tshal bar 'gyur ba'i gnas de dag legs par bshad du gsol/ de ci'i slad du zhe na/ bcom ldan 'das 'di ltar gnas de dag thos na/ byang chub sems dpa' lhag pa'i bsam pa phun sum tshogs pa gang dag lags pa de dag nyid kyang srung bar 'gyur ba'i slad du'o/ / de skad ces gsol pa dang / bcom ldan 'das kyis/ gnas brtan 'od srungs chen po la 'di skad ces bka' stsal to/ / 'od srungs phyi ma'i tshe phyi ma'i dus lnga brgya pa tha ma de la/ byang chub sems dpas gang dag sdig pa'i grogs pos yongs su zin cing lhag pa'i bsam pa nyam chung ba de dag ni de bzhin gshegs pa'i sku gdung rnams la me tog dang / bdug pa dang / phye ma dang / spos dang / me tog 'phreng ba dang / byug pa dang / gdugs dang / rgyal mtshan dang / ba dan dang / sil snyan dang / mar me'i sbyin pa dag gis mchod pa'i las la brtson par 'gyur ro// 'od srungs ngas ni shes pa dang mi ldan pa rnams kyi dge ba'i rtsa ba
- 184a
yang dag par bsgrub pa'i phyir mchod pa bshad pa yin na/ mi blun po de dag ni de la brtson par 'gyur te/ 'od srungs ngas lha dang bcas pa'i 'jig rten gyi mdun du dge slong dag khyed cag ni bdag nyid dul ba dang zhi bar sbyor ba'i rjes su brtson pas gnas par gyis shig/ bram ze dang khyim bdag dad pa dang ldan pa dag yod na de dag ni nga'i sku gdung rnams la sku gdung gi mchod pa byed par 'gyur ro zhes de skad gsungs na/ 'od srungs mi blun po de dag rnal 'byor kyang spangs/ spong ba'ang spangs/ lung nod pa'ang spangs kha ton bya ba'ang spangs nas/ de bzhin gshegs pa'i sku gdung gi mchod pa'i las la brtson par 'gyur zhing / de dag la brten nas 'tsho bar sems par byed pa de dag la ltos/ 'od srung byang chub sems dpa' gang gis stong gsum gyi stong chen po'i 'jig rten gyi khams 'di chu'i phung po nas bzung ste/ tshangs pa'i 'jig rten gyi mthar thug pa'i bar du 'bru mar gyis yongs su bkang ste/ mar me'i snying po ri rab tsam btsugs nas/ de bzhin gshegs pa la mchod pa'i las kyi phyir mar me bus pa bas ni/ byang chub sems dpa' lhag pa'i bsam pa phun sum tshogs pa tshul khrims kyi phung po la gnas pa cig shos kyis mkhan po 'am/ slob dpon gyi drung nas tshig bzhi pa'i tshigs su bcad pa gcig lung mnos te/ kha ton byed cing gom pa bdun 'dod
- 184b
bar byed pa gang yin pa de/ de bas ches bsod nams mang du skyed par 'gyur ro// 'od srungs byang chub sems dpa' gang gis stong gsum gyi stong chen po'i 'jig rten gyi khams 'di ma tog dang / bdug pa dang / phye ma dang / spos kyis rab tu bkang ste/ de bzhin gshegs pa la mchod pa'i las kyi phyir lo 'bum gyi bar du nyin lan gsum mtshan lan gsum phul ba bas ni/ byang chub sems dpa' 'du 'dzi'i gtam gyis 'jigs shing skrag pa gzhan zhig khams gsum thams cad kyis 'jigs shing sems can gyi don mngon par sgrub pa na/ dgon pa la mngon par phyogs te gom pa bdun 'dor bar byed pa gang yin pa de/ de bas ches bsod nams mang du skyed par 'gyur ro// 'od srungs 'di ji snyam du sems/ de bzhin gshegs pas kyal ka'i ched dam/ brjod pa'i ched du de skad gsungs pa ma yin grang snyam na/ 'od srungs khyod kyis de ltar mi blta ste/ de ci'i phyir zhe na/ de ni nga la mngon sum yin pa'i phyir ro// 'od srungs sngon byung ba 'das pa'i dus na/ bskal pa grangs med pa dang / ches grangs med pa dang / ches shin tu grangs med pa dang / rgya che ba dang / tshad med pa dang / bsam gyis mi khyab pa dang / dpag tu med pa dag byung ba de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas me tog sna tshogs shes bya ba rig pa dang zhabs su ldan pa/ bde bar gshegs pa/
- 185a
'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shig 'jig rten du byung ste/ 'od srungs de bzhin gshegs pa me tog sna tshogs de'i nyan thos rnams kyi 'dus pa chen po ni bye ba 'bum phrag dgu bcu rtsa drug tu gyur to// 'od srungs de'i tshe de'i dus na gling bzhi pa'i 'khor los sgyur ba'i rgyal po mu khyud ces bya ba chos dang ldan pa/ chos kyi rgyal po zhig byung bar gyur te/ 'od srungs rgyal po mu khyud de la bu dpa' ba/ rdul phod pa/ yan lag mchog gi gzugs dang ldan pa pha rol gyi sde rab tu 'joms par byed pa stong yod par gyur to/ / 'od srungs rgyal po mu khyud de'i bu sdong po de dag gi rjes la de'i dang bar chos shes bya ba dang / chos bzang zhes bya ba'i khye'u gnyis shig rdzus te skyes par gyur te/ 'od srungs rgyal po mu khyud des bcom ldan 'das de bzhin gshegs pa me tog sna tshogs dge slong gi dge 'dun dang bcas pa de la lo brgyad khri bzhi stong rdzogs kyi bar du las gzhan mi byed par khyim gyi yid la byed pa thams cad spangs te/ na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byas te/ dge slong gi dge 'dun rnams la'ang zhag bdun bdun 'das shing chos gos yid du 'ong ba gzhan dang gzhan dag kyang phul lo// gang dang gang dag ci dang ci 'dod pa de dang de
- 185b
dag la kha zas kyi rnam pa yid du 'ong ba de lta de lta bu dag kyang phul lo/ / gang dang gang dag ji lta ji lta bu 'dod pa de dang de dag gi gtsug lag khang yid du 'ong ba de lta de lta bu dag kyang rtsig tu bcug go// dge slong re re la'ang 'chags sa dang / skyed mos tshal dang / bsnyen bkur ba bdun bdun dang / ro brgya dang ldan pa'i kha zas dag kyang phul lo// 'od srungs 'di ltar rgyal po mu khyud des khang bzangs kho ra khor yug tu dpag tshad brgyad cu yod pa/ ngos bzhi khang mig can shin tu 'brel ba bkra ba/ blta na sdug la legs par byas pa/ shin tu zin par byas pa// 'jul 'khor gyi srad bus yongs su sbyangs pa byas pa dag kyang byed du bcug ste/ gang gi tshe de bzhin gshegs pa dge slong gi dge 'dun dang bcas pa de khang bzangs de dag na bzhugs pa de'i tshe/ 'khrul 'khor gyi srad bu de dag gi shugs kyis khang bzangs de dag gi steng nas me tog kha dog rnam pa du ma'i char dag kyang 'bab bo/ / me tog de dag gis khang bzangs de dag pus mo nub tsam du gang ba yang gyur to/ / 'od srungs de ltar rgyal po mu khyud des de bzhin gshegs pa me tog sna tshogs dge slong gi dge 'dun dang bcas pa de la lo brgyad khri bzhi stong rdzogs kyi bar du yon tan bkod pa bsam gyis mi khyab pa dag dang / bde ba'i yo byad thams cad kyis bkur sti byas/ bla mar byas/ ri mo byas/ mchod pa byas so// 'od srungs de nas lo brgyad khri bzhi stong po de dag 'das pa'i
- 186a
phyi de nyin par de bzhin gshegs pa de'i zhal zas kyi bya ba mdzad lags pa'i 'og tu/ khye'u chos dang chos bzang gnyis dpung gi tshogs yan lag bzhi pa thams cad dang bcas te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas me tog sna tshogs de'i spyan sngar btud nas/ de bzhin gshegs pa de la yid kyis zhu ba 'di skad ces yongs su zhus so/ / bcom ldan 'das rgyal po mu khyud 'dis yun ring po 'di srid du dge ba'i rtsa ba bskrun pa rnam pa mang po 'di lta bu thams cad zil gyis gnon cing yongs su gtugs te gnas par 'gyur ba'i sbyin pa dang / bsod nams dang / longs spyod dang / dge ba'i rtsa ba gzhan zhig mchis lags sam/ 'od srungs de ltar khye'u de gnyis kyis gtugs mthag tu de nas skad cig de la stong gsum gyi stong chen po'i 'jig rten gyi khams de rab tu g.yos shing 'jig rten du sa g.yos pa chen po'ang byung bar gyur to/ / 'od srungs de nas bcom ldan 'das de bzhin gshegs pa me tog sna tshogs de'i bsnyen bkur ba thub dka' zhes bya ba zhig yod par gyur pa gang yin pa de stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa me tog sna tshogs de ga la ba de logs su thal mo sbyar ba btud nas/ de bzhin
- 186b
gshegs pa de la 'di skad ces gsol to/ / bcom ldan 'das 'jig rten du dogs cher g.yos pa 'di'i rgyu ni gang lags/ rkyen ni gang lags/ ci'i slad du na khye'u 'di gnyis kyis bcom ldan 'das kyi zhabs gnyis la gtugs par gyur lags/ 'od srungs de skad ces gsol pa dang / de bzhin gshegs pa me tog sna tshogs des bsnyen bkur ba thub dka' la 'di skad ces bka' stsal to/ / rigs kyi bu gtam de lta bu yongs su zhus pas khyod la ci bya/ gal te de bzhin gshegs pas khye'u 'di gnyis kyi lhag pa'i bsam pa ji lta bu dang / zab mo la bzod pa sgom pa ji lta bu dang / snying rje chen po ji lta bus de bzhin gshegs ba'i zhabs gnyis la gtugs pa'i gnas de bshad par gyur na/ lha dang bcas pa'i 'jig rten 'di rmongs par 'gyur ro/ / // bam po gsum pa/ 'od srungs de nas de bzhin gshegs pa me tog sna tshogs des nyan thos chen po rdzu 'phrul dang ldan pa mchog sred med kyi bu zhes bya ba la bka' stsal pa/ sred med kyi bu khyod longs la khye'u 'di slong ste/ rang gi rdzu 'phrul gyi mthu ston cig/ 'od srungs de nas dge slong sred med kyi bu des/ de las khye'u gcig lag pa g.yas pas blangs la/ khye'u cig shos lag pa g.yon pas blangs te/ gyen du 'phang ngo snyam na gdeg par ma nus so//
- 187a
des yang rgya cher mthu dang / stobs dang / brtson 'grus dang / spro ba dang / rdzu 'phrul chen po yang dag par bstan cing gyen du 'phang ngo snyam na/ tha na de gnyis skra'i rtse mo'i cha shas tsam yang bskyod pa'am/ bsgul bar ma nus so// 'od srungs de ltar des khye'u de gnyis shin tu gyen du 'phang bar bskyod pa na/ stong gsum gyi/ stong chen po'i 'jig rten gyi khams brag dang / ri dang / rtswa dang / shing dang / chu dang bcas pa de rab tu g.yos shing bla 'og tu 'gul bar gyur kyang khye'u de gnyis bslang bar ni ma nus so/ / 'od srungs de nas de bzhin gshegs pa me tog sna tshogs des de'i tshe nyan thos chen po de'i sems yang dag par rab tu gzung ba dang / rdzu 'phrul gyi mthu nye bar bsgrub par mdzad de/ rdzu 'phrul gyi mthu nye bar bsgrub pa des dge slong sred med kyi bu des 'og gi phyogs kyi sangs rgyas kyi zhing gang+gA'i klung gi bye ma snyed dag 'gul ba dang / g.yos pa dang / rab tu 'khrugs pa dang / bla 'og tu 'gul bar byas kyang / tha na khye'u de gnyis skra'i rtse mo'i cha shas tsam yang g.yo ba 'am/ 'gul bar byed ma nus so// 'od srungs de nas dge slong sred med kyi bu des/ bcom ldan 'das de bzhin gshegs pa me tog sna tshogs de'i zhabs gnyis la gtugs nas/ de bzhin gshegs pa me tog sna tshogs de la 'di skad ces gsol to// bcom ldan 'das
- 187b
bdag rang gi rdzu 'phrul gyi stobs las yongs su nyams pa'am/ cig tu ma gyur lags grang / de ci'i slad du zhe na/ bcom ldan 'das 'di bdag gis khye'u skyes nas ring po ma lags pa byis pa'i gzugs su mchis pa/ lus bong chung ngu 'di gnyis kyis dog sa la gtugs pa'ang bslang bar rngo ma thogs pa'i slad du'o// de skad ces gsol pa dang / bcom ldan 'das de bzhin gshegs pa me togs sna tshogs des dge slong sred med kyi bu de la 'di skad ces bka' stsal to// sred med kyi bu khyod ni rang gi rdzu 'phrul gyi stobs las yongs su ma nyams mod kyi/ 'on kyang byang chub sems dpa'i byin gyi rlabs 'di ni bsam gyis mi khyab pa yin pas/ de ni nyan thos dang rang sangs rgyas thams cad kyis rnam par dkrug pa 'am/ bsam par bla ba ma yin te/ sred med kyi bu gal te stong gsum gyi stong chen po'i 'jig rten gyi khams na sems can gang ji snyed pa de dag thams cad 'di lta ste/ dper na ngas da ltar khyod nyid nyan thos rdzu 'phrul chen po rnams kyi mchog tu bstan pa de lta bu'i rdzu 'phrul gyi stobs dang ldan par gyur cing / de tsam du rdzu 'phrul che ba dang de tsam du mthu che ba'i sems can de dag thas cad kyis bskal pa bye ba snyed du rdzu 'phrul gyi rnam par 'phrul pa rnam pa sna tshogs dag gis rnam par 'phrul pa byas kyang / de dag gis khye
- 188a
'di gnyis bslang ba 'am/ bskul bar mi nus so// 'od srungs de ltar de bzhin gshegs pa me tog sna tshogs des tshigs de skad smras pa na/ 'khor de las srog chags 'bum phrag bzhi bcu rtsa gnyis kyis bla na med pa yang dag par rdzogs pa'i byang chub tu sems bskyed cing / de dag 'di snyam du sems te/ 'di ltar byang chub sems dpa' rnam pa thams cad mkhyen pa nyid ma rtogs shing / thams cad mkhyen pa nyid ma thob pa kho na yin yang / gang la nyan thos chen po 'di dag brdugs par byas te/ bkod pa'i rdzu 'phrul gyi cho 'phrul de lta bu dang ldan pa de ni ngo mtshar te/ bdag cag gis kyang byin gyi rlabs de lta bu thob par bya ba dang / sangs rgyas kyi ye shes kyang thob par bya'o snyam du sems shing / de ltar yang dag par shes pa'i srog chags 'bum phrag bzhi bcu rtsa gnyis po de dag gis bla na med pa yang dag par rdzogs pa'i byang chub tu sems bskyed par gyur to/ / 'od srungs de nas byang chub sems dpa' sems dpa' chen po blo gros bzang po zhes bya ba zhig 'khor de nyid du 'dus te 'dug par gyur pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa me tog sna tshogs de ga la ba de logs su thal mo sbyar ba bdud nas/ de bzhin gshegs pa me
- 188b
sa de la 'di skad ces gsol to/ / bcom ldan 'das khye'u 'di gnyis bslang bar mdzad cing / khye'u 'di gnyis kyis zhus pa rab tu rnam par dbye ba'ang bstan du gsol/ 'od srungs de nas de bzhin gshegs pa me dog sna tshogs des de'i tshes gol gyi sgra mdzad de/ se gol gyi sgra des phyogs bcu'i sangs rgyas kyi zhing gang+gA'i klung gi bye ma snyed dag tu mngon par grags par gyur to/ / sangs rgyas kyi zhing ji snyed du se gol gyi sgras mngon par grags par gyur pa de snyed kho na rnam pa drug tu rab tu g.yos par gyur to// ji snyed rnam pa drug tu rab tu g.yos par gyur pa de snyed kho na snang ba chen pos yongs su khyab par yang gyur to/ / 'od srungs de nas khye'u de gnyis kyis sgra de thos nas/ de bzhin gshegs pa de'i zhabs kyi drung nas langs par gyur te/ 'od srungs khye'u de gnyis langs par gyur pa na/ stong gsum gyi stong chen po'i 'jig rten gyi khams de na lha dang mi'i sil snyan gang ji snyed yod pa de dag thams cad ma gsil ma dkrol bar rol mo'i sgra dag 'byin par gyur cing / me tog gi char dag kyang mngon par rab tu bab par gyur to// 'od srungs de nas khye'u de gnyis langs nas/ 5 de bzhin gshegs pa de'i zhabs la phyag 'tshal te/ de bzhin gshegs pa de la bskor ba byas nas thal mo sbyar te/ de bzhin gshegs pa de'i zhal du lta zhing phyogs gcig
- 189a
'od srungs de nas de bzhin gshegs pa me tog sna tshogs des/ byang chub sems dpa' blo gros bzang po la bos te/ 'di skad ces bka' stsal to// rigs bya bu khye'u 'di gnyis kyis nga'i zhabs kyi drung du gtugs nas/ nga la yid kyis zhu ba 'di skad ces yongs su zhus te/ bcom ldan 'das rgyal po mu khyud 'dis sbyin par bya ba'i chos sbyin pa yongs su gtong ba'i sbyin pa gang lags pa dang / dge ba'i rtsa ba gang lags pa dang / yongs su gtong ba gang lags pa zil gyis gnon cing yongs su gtugs te/ gnas par 'gyur ba'i sbyin pa mchis lags sam/ yongs su gtong ba mchis lags sam/ dge ba'i rtsa ba mchis lags sam zhes khye'u 'di gnyis kyis nga la zhu ba de skad yongs su zhus nas/ de bzhin gshegs pa'i zhabs gnyis la gtugs so/ / 'od srungs de nas de bzhin gshegs pa ma tog sna tshogs de la byang chub sems dpa' blo thos bzang po des 'di skad ces gsol to// bcom na 'das skye bo mang po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi skye bo phal po che'i don dang / sman pa dang / bde ba'i slad du khye'u 'di gnyis kyis zhus pa/ bcom ldan 'das kyis bshad du gsol/ 'od srungs de skad ces gsol ba dang / de bzhin gshegs pa me tog sna tshogs des/ byang chub sems
- 189b
dpa' blo gros bzang po de la 'di skad ces bka' stsal to/ / rigs kyi bu de'i phyir nyon cig dang bshad par bya'o// rigs kyis bu rgyal po mu khyud 'dis bsod nams kyi sbyin pa yong su gtong ba gang yin pa de bas ni byang chub sems dpa' dben par gnas pa zhig dgon pa dang / rab tu dgon pa dag na gnas shing se gol gtogs pa tsam zhig chos thams cad ni ma skyes pa'o zhes bzod pa thob pa gang yin pa de bsod nams kyi phung po ches che bar rig par bya'o/ / rigs kyi bu rgyal po mu khyud 'di'i sbyin pa lta zhog gi/ stong gsum gyi stong c hen po'i 'jig rten gyi khams na sems can ji tsam sems can du bsdu bar bsdus pa'i sems can de dag thams cad las sems can re res kyang so so nas rgyal po mu khyud 'di'i sbyin pa ji snyed pa de snyed cig byin par gyur na/ stong gsum gyi stong chen po'i 'jig rten gyi khams su gtogs pa'i sems can de dag thams cad kyi bsod nams gang yin pa dang / byang chub sems dpa' dben par gnas pa yang dag pa'i bsam pa dang ldan pa/ yang dag pa'i lam du zhugs pa/ tshul bzhin la rab tu brtson pa zhig chos thams cad stong pa dang / 'ong ba med pa dang / 'gro ba med pa zhes bya bar se gol gtogs pa tsam zhig bzod cing gnas par gyur na/ sems can thams cad kyi bsod nams kyi phung po sa
- 190a
ma des ni/ se gol gtogs pa tsam zhig bzod pa la gnas pa'i bsod nams kyi phung po de'i brgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar gyi cha dang / grangs dang / cha dang / grang ba dang / dpe dang / nye bar 'jal ba dang / rgyu'i bar du'ang nye bar mi 'gro'o// rigs kyi bu stong gsum gyi stong chen po'i 'jig rten gyi khams su gtog pa'i sems can thams cad kyi bsod nams kyi phung po lta'ang zhog gi/ 'jig rten gyi khams gang+gA'i klung gi bye ma snyed dag na sems can ji snyed sems can du bsdu bar bsdus pa'i sems can de dag thams cad las sems can re res kyang skad cig dang / thang cig dang / yud tsam gcig la rgyal po mu khyud 'dis sbyin pa byin pa dang / dge ba mngon par 'dus byas pa ji snyed pa de snyed cig byas shing / sems can de dag re res se gol gtogs pa tsam zhig la'ang de snyed kyi sbyin pa byin zhing dge ba mngon par 'dus byas par gyur la/ rnam grangs de lta bus sems can de dag thams cad kyis bskal pa gang+gA'i klung gi bye ma snyed du sbyin pa byin zhing dge ba mngon par 'dus byas par gyur na/ rigs kyi bu 'di ji snyam du
- 190b
sems/ dge ba'i rtsa ba de dag mang ba yin snyam mam/ 'od srungs de skad ces bka' stsal pa dang / de bzhin gshegs pa me tog sna tshogs de la/ byang chub sems/ dpa' blo gros bzang po des 'di skad ces gsol to// bcom ldan 'das de bzhin gshegs pas dpe de lta bu de mdzad pa ni ngo mtshar lags te/ dge ba'i rtsa ba de ni bsam par yang sla ba ma lags pas/ bsam gyis mi khyab pa lags so// 'od srungs de nas de bzhin gshegs pa me tog sna tshogs des byang chub sems dpa' blo gros bzang po de la 'di skad ces bka' stsal to/ / rigs kyi bu khyod mos par bya/ khyod kyi khong du chud par bya ste/ mkhas pa mngon par byang ba byas pa zab mo la bzod pa/ dang ldan pa gang dag byung bar 'gyur ba de dag ni 'di la mos par 'gyur te/ sems can de dag thams cad kyi dge ba'i rtsa ba yun ring po de srid du mngon par 'dus byas pa de tsam du dpag tu med cing / de tsam du bsam gyis mi khyab pa gang yin pa sems can thams cad kyi dge ba'i rtsa ba mngon par 'du bya ba snga ma de ni khye'u 'di gnyis kyi lhag pa'i bsam pa gang gis de bzhin gshegs pa'i zhabs la gtugs shing phyag 'tshal ba 'di'i brgya'i char yang nye bar mi 'gro/ / stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag/
- 191a
stong gi cha dang / bye ba phrag 'bum gyi cha dang / bye ba khrag khrig 'bum gyi bar gyi cha dang / grangs dang / cha dang / bgrang ba dang / dpe dang / nye bar 'jal ba dang / rgyu'i bar du'ang nye bar mi 'gro'o// 'od srungs de nas bcom ldan 'das de bzhin gshegs pa me tog sna tshogs de'i dge slong gi dge 'dun las dge slong brgyad khri bzhi stong gis bstan pa 'di thos nas/ tshig 'thun par rjes su yi rang ba'i tshig 'di skad ces brjod de/ bcom ldan 'das bdag cag ni sems can gang dag chos zab mo rnams la bzod par 'gyur ba dang / gang dag chos thams cad stong par mos par bgyid pa dang / gang dag dben pa la dga' zhing dgon pa la mngon par phyogs te/ gom pa bdun 'dor bar bgyid pa dang / gang dag ye shes de lta bu yongs su bsgrub par bgyi ba'i slad du/ bla na med pa yang dag par rdzogs pa'i byang chub tu sems skyed par bgyid pa de dag gi dge ba'i rtsa ba de dag la rjes su yi rang ngo zhes rjes su yi rang ba'i tshig brjod par gyur to/ / 'od srungs de nas de bzhin gshegs pa me tog sna tshogs des dge slong de dag la legs so zhes bya ba byin te/ rigs kyi bu dag khyed kyi lhag pa'i bsam pa de lta bus rjes su yi rang ba'i tshig de lta bu dag brjod pa ni legs so legs so/ / gal te khyed cag gi sems dag rnam par grol bar ma gyur tu zin na ni/ khyed cag
- 191b
dge ba'i rtsa ba des 'khor los sgyur ba'i rgyal srid gang+gA'i klung gi bye ma snyed byed du bcug nas/ bla na med pa yang dag par rdzogs pa'i byang chub mngon par rdzogs par 'tshang rgya bar yang / 'gyur ro// de nas gnas brtan 'od srungs chen po dang 'khor de dag thams cad kyis tshig 'thun par 'di skad ces gsol to// bcom ldan 'das bdag cag ni sems can de dag gis sems bskyed pa de dag dang / gang dag la chos thams cad stong pa dang / dben pa dang / nye bar zhi ba dang / 'dod chags dang bral ba dang / rang bzhin ma mchis par glo ba ches pa mchis pa dang / bzod pa mchis pa dang / mos pa mchis pa de dag la'ang rjes su yi rang lags so// de nas bcom ldan 'das kyis yang gnas brtan 'od srungs chen po la bka' stsal pa/ 'od srungs de nas bcom ldan 'das de bzhin gshegs pa me tog sna tshogs de la/ khye'u chos dang chos bzang gnyis kyis 'di skad ces gsol to/ / bcom ldan 'das byang chub sems dpa' chos du dang ldan na sbyin pa la dga' bar yang mi bgyid la/ ser sna can du'ang mi 'gyur ba dang / kun 'dzin pa'i sems g zhan zhig 'jig rten gyi zang zing stsol bar bgyid pa de dag la sangs rgyas kyi gnas pa
- 192a
bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes yongs su rdzogs par yang bgyid lag/ 'od srungs de skad ces gsol pa dang / de bzhin gshegs pa me tog sna tshogs des/ khye'u chos dang chos bzang gnyis la 'di skad ces bka' stsal to// rigs kyi bu dag byang chub sems dpa' chos bzhi dang ldan na sbyin pa la dga' bar yang mi byed la ser sna can du'ang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na'ang / de la dga' ba skyed par mi byed pa dang / gong du'ang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur/ ba dang / bla na med pa'i ye shes kyang yongs su rdzogs par byed de/ bzhi gang zhe na/ stong pa nyid la mos pa dang / dben par gnas pa dang / zab mo la bzod pa dang / tshul bzhin yid la byed pa ste/ rigs kyi bu dag byang chub sems dpa' chos bzhi po de dag dang ldan na sbyin pa la'ang dga' bar mi byed/ ser sna can du'ang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na'ang de la dga' ba skyed par mi byed pa dang / gong du'ang 'di lta ste/ sangs rgyas kyi gnas pa bla na med pas gnas
- 192b
pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed par 'gyur ro// rigs kyi bu dag gzhan yang byang chub sems dpa' chos bzhi dang ldan na/ sbyin pa la dga' bar yang mi byed la ser sna can du'ang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na'ang de la dga' ba skyed par mi byed pa dang / gong du'ang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed par 'gyur te/ bzhi gang zhe na/ rigs kyi bu dag 'di la byang chub sems dpa' mang du thos pa yongs su tshol bar byed pa dang / de mang du thos par gyur nas grong dang / grong khyer dang / grong rdal dang / rgyal po'i pho brang dang / yul 'khor dag tu zhugs te/ chos kyi sbyin pa sbyin par byed pa dang / gang las kyang tha na legs so zhes bya ba tsam cung zad kyang re ba med cing / dgos pa med pa'i sems kyis gzhan dag la chos ston par byed pa dang / de gos pa med pa'i sems dang ldan pas/ 'di lta ste/ chos kyi sbyin pa sbyin pa 'di ni sangs rgyas bcom ldan 'das rnams kyis bsngags shing bstod pa yin pas na/ mchog yin no//
- 193a
zhes dga' ba nyams su myong bar byed pa ste/ de dag ni sbyin pa dam pa sbyin pa gtso bo 'di la gnas pa yin no zhes yang dag par mthong ba na dga' ba nyams su myong bar byed cing / sems can 'jig rten gyi zang zing yongs su gtong ba la mngon par brtson pa gzhan dag la ni dga' bar mi byed do// de ci'i phyir zhe na/ rigs kyi bu dag byang chub s ems dpa' gang gis phyogs bcu'i 'jig rten gyi khams tshad med grangs med dpag tu med pa dag na de bzhin gshegs pa dge slong gi dge 'dun gyis yongs su bskor ba ji snyed cig bzhugs te/ 'tsho zhing gzhes pa de dag thams cad la tshe'i mtha' ji srid par ma tshang ba med pa'i sbyin pa phul bar gyur pa gang yin pa dang / byang chub sems dpa' lhag pa'i bsam pa phun sum tshogs pa/ tshul khrims dang ldan pa dge ba'i chos dang ldan pa gzhan zhig gis snying rje chen po kun tu bskyed de/ sangs rgyas bcom ldan 'das rjes su dran par byed pa na/ gos pa med pa'i sems kyis rnyed pa dang / bkur sti dang / grags pa mi 'dod par sems can gcig gcig la tshigs su bcad pa gcig tsam zhig sgrogs par byed cing / des tshigs su bcad pa de bshad nas/ yi ge mnyam pa nyid kyis 'di lta ste/ dper na yi ge 'di dag rang bzhin gyis stong pa de bzhin du chos thams cad
- 193b
kyang rang bzhin gyis stong pa yin no zhes rab tu rtogs par byed na/ rigs kyi bu dag bsod nams kyi phung po de la bsod nams kyi phung po snga ma des brgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar kyi cha dang / grangs dang / cha dang / bgrang ba dang / dpe dang / nye bar 'jal ba dang / rgyu'i bar du nye bar mi 'gro ba'i phyir ro// 'od srungs de nas yang de bzhin gshegs pa me tog sna tshogs des khye'u de gnyis la 'di skad ces bka' stsal to/ / rigs kyi bu dag byang chub sems dpa' chos bzhi dang ldan na/ 'di lta ste/ sangs rgyas kyi gnas pa rgya chen pos gnas pa 'thob par 'gyur te/ bzhi gang zhe na/ 'di lta ste/ rgya chen po la 'jug pa dang / chos rgya chen po 'chad pa dang / sbyin pa rgya chen po yongs su gtong ba dang / rgya chen po la mos pa ste/ rigs kyi bu dag byang chub sems dpa' chos bzhi po de dag ldan na 'di lta ste/ sangs rgyas kyi gnas pa rgya chen pos gnas pa 'thob par 'gyur ro/ / 'od srungs de ltar de bzhin gshegs pa me tog sna tshogs des khye'u de gnyis la de lta de ltar chos bstan pas/ khye'u de gnyis chos kyi mchog tu dga' ba de gnyis kyis
- 194a
tA la bdun srid tsam du mngon par 'phags te/ de gnyis steng gi bar skang la 'khod nas de bzhin gshegs pa de la gnyis kas rig brdzun pa su bcad pa'ang dag gsol to/ / thub pa spyod pa thams cad mkhyen// spyod pa kun la mkhas pa lags// sems can rnams la gtong ba dang // de bzhin stong la gnas ston/ / 'di la bdag dang sems can dang // srog dang gang zag ma mchis par// bzod pa zla med gang lags pa// sbyin pa de ni sbyin cen// bzod pa zab mos/ byos la// de la'ang rtog pa ma byed ces// bgyi ba 'di 'dra bka' stsal pa// dpa' chen khyod ni ngo mtshar lags// gang la chags la sogs med pa// byang chub dam pa don du gnyer/ / ye shes chen po sbyang byas nas// de la rlom sems ma byed cig/ rnam grol stong pa sgom par gyis// de la'ang rnam rtog ma byed cig/ dgon pa'i gnas ni sten byed pa/ / dben pa'i gnas shes gsung ba mdzad// rlom sems yongs su spangs pa yi// sbyin pa rtag tu sbyin par bya// gang la 'du shes mi 'jug pade ni rdul bral mtha' yin no/ / zhi ba'i gnas las mi g.yo ba'i// tshul khrims yongs su sbyang bar bya// gang gis ni tshul mdzes rtogs pa// de ni tshul khrim
- 194b
mchog yin gsung / / bzod pa rtag tu sgom gyis la// sems can rnams la rtog ma byed// rtog pa thams cad rnam spangs pa// de ni bzod pa yin par gsungs// brtson 'grus brtan pa'ang brtsam par byos// 'du byas kun kyang spang bar gyis// dben par lta ba gang yin pa// de ni sangs rgyas brtson 'grus gsungs// dngos po'i/ dngos de med pas na// dngos po thams cad bsred par bya// nyon mongs med pa gang yin pa// de ni rtog med bsam gtan yin// tshu rol ma yin pha rol min// dbus su'ang gnas par mi bya ste/ / dus gsum mnyam lnga gang yin pa// de ni shes rab dam pa yin// dgon pa'i 'du shes bsgom bya zhing // 'du shes de la'ang blta mi bya// 'du shes ga las skye 'gyur te// des de 'du shes med ces bya// chos kyi sbyin pa'i yon tan dang // de bzhin phan yon rnams kyang bstan// de phyir rlom sems med pa yis/ ji ltar thos pa'i chos kyang shod// yi ge rnams ni zad med de// rang bzhin gyis ni grub pa med// de phyir chos la mi rlom zhing // khyed kyis 'bras bu med mi bya// bdag ni chos ston byed pa'o zhes// gang la 'du shes de 'byung ba// des ni chos nyid mi shes pas// de ni bdud kyi zhags pas bcings// bdag gis sangs rgyas mthong ngo zhes//
- 195a
gang la 'du shes de 'byung ba// de la de ma thag tu ni// bdud rtsi dug gi btung bar 'gyur// gang zhig rdzogs pa'i byang chub ni// rtogs par 'dod dam nyan thos sam/ / rang rgyal byang chub rtogs 'dod pa// des ni tshul 'di bslab par gyis// rnam grol ye shes dpag med kyang // gcig pa nyid du bstan pa mdzad// dman pa'i smon lam 'dod mi bya/ / byang chub dam pa don du gnyer// gang zhig 'jig rten mgon po'i sku// mtshan gyis brgyan pa ci 'dra ba// de 'dra 'dod pa de yis ni// byang chub mchog la gnas par gyis/ / chos kun rgyu las 'byung ba ste// byed pa po ni dmigs su med// chos rnams brten nas byung ba ste// yang dag rang bzhin yod min zhes// bgyi ba 'di 'dra bka' stsal pa// dpa' chen khyod ni ngo mtshar lags// 'od srungs de ltar khye'u de gnyis kyis bar snang de la tshigs su bcad pa de dag smras pa'i tshe/ rgyal po mu khyud de'i grong khyer ba dang / btsun mo'i 'khor dang / zham 'bring gnyug ma rnams dang / steng gi bar snang la lha gang dag 'dus te 'khod par gyur pa de dag las srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ / sems can tshad med grangs med pa dag gis ni dge ba'i rtsa ba sna tshogs yongs su bsgrubs pa'i rgyu
- 195b
bskyed par 'gyur ro/ / 'od srungs de nas khye'u chos dang chos bzang gnyis par snang de las babs te/ bcom ldan 'das de bzhin gshegs pa me tog sna tshogs de'i zhabs la gtugs nas 'di skad ces gsol to/ / bcom ldan 'das bdag cag gnyis sangs rgyas bcom ldan 'das dang / dam pa'i chos dang / dge slong gi dge 'dun la skyabs su mchi'o/ / bla na med pa yang dag par rdzogs pa'i byang chub tu sems bskyed cing sems kyi rang bzhin gyis byang chub kyi rang bzhin rjes su rtogs par yang bgyid lags te/ bcom ldan 'das 'dir sems bskyed pa de ni/ 'di lta ste/ chos thams cad skye ba ma mchis pa lags so// 'dir sems bskyed pa de ni/ 'di lta ste/ chos thams cad la mngon par zhen pa ma mchis pa kho na lags so/ / de ci'i slad du zhe na/ gang la mngon par zhen pa mchis pa de la ni skye ba 'ga' zhig mchi gda' yi/ gang la mngon par zhen pa ma mchis pa de la ni skye ba 'ga' yang ma mchis pa'i slad du ste/ bcom ldan 'das de lta lags pas skye ba nyid skye ba ma mchis pa lags so// ci'i slad du skye ba ma mchis pa zhes bgyi zhe na/ de la skye ba'i gzhi 'jug pa ma mchis pas de'i slad du skye ba ma mchis pa zhes bgyi ste/ skye ba ma mchis pa de la ni brjod pa de'ang brjod par mi bgyi'o// de ci'i slad du zhe na/ ji tsam du brjod pa mchis
- 196a
pa de tsam du skye ba dang 'gag pa mchis kyi/ de ltar ye shes shin du rnam par dag pa gang lags pa de la ni skye ba'ang ma mchis/ 'gag pa'ang ma mchis la/ gang la skye ba ma mchis pa dang / 'gag pa ma mchis pa de ni bas pa ma 'tshal ba ste/ gtan du bas pa lags pa'i slad du'o// bcom ldan 'das de lta lags pas/ bdag cag gnyi ni mnyam nyid kyi mtha' 'dis bla na med pa yang dag par rdzogs pa'i byang chub tu smon lam 'debs shing chos 'ga' la'ang dmigs par mi bgyid/ chos 'ga' yang thob par mi bgyid/ chos 'ga' yang thob par bgyid du stsal bar mi bgyid de/ mnyam pa nyid gang lags pa de kho na rjes su rtogs par bgyid par bas kyi/ chos 'ga' yang rjes su rtogs par ni mi bgyid lags so// / de ci'i slad du zhe na/ chos thams cad ni gzod ma nas rnam par dag pa lags pa'i slad du'o// 'od srungs de ltar khye'u de gnyis kyis de skad smras pa na/ byang chub sems dpa' khris ni mi skye ba'i chos la bzod pa thob par gyur to/ / rgyal po mu khyud kyang bu stong po de dag dang lhan cig/ rgyal po lnga stong dag dang lhan cig tu bla na med pa yang dag par rdzogs pa'i byang chub tu sems bskyed do/ / 'od srungs de nas de bzhin gshegs pa me tog sna tshogs des zhal zas kyi bya ba mdzad lags nas/ lhung bzed bzhag ste phyag bcabs
- 196b
nas rgyal po mu khyud dang / skye bo phal po che dag la chos kyi gtam yang dag par bstan/ yang dag par 'dzin du bcug/ yang dag par gzengs bstod/ yang dag par rag tu dga' bar mdzad nas gdan las bzhengs te gshegs so/ / 'od srungs de nas khye'u chos dang chos bzang gnyis pha ma la gsol ba btab nas/ dad pas khyim nas khyim med par legs pa kho nar rab tu byung ba'i phyir mngon par byung ngo / / de gnyis rang gi grong khyer chen po nas mngon par 'byung ba'i tshe tshigs su bcad pa 'di dag smras so/ rang byung sangs rgyas rnams kyis bsngags// nges 'byung de bzhin gshegs pas bsngags// khyim gnas nyon mongs gnas pa ste// dkar chos rnam par 'jig par byed gang zhig dkar po'i chos rnams ni/ / nyams par mi 'gyur 'phel 'dod pa// rab tu 'byung bar bya ba'i phyir// 'jig rten mgon thad myur du song // bskal pa bye/ bar rab spyad kyang // 'dod pa rnams la ngoms pa med// khyim na gnas pa 'dod rnams kyis// mi ngoms bzhin du 'chi bar 'gyur// ji ltar rgya mtsho chu klung rnams// 'bab pas ngoms par mi 'gyur ba// de bzhin byis pa 'dod rnams la// brten pas rnams kyang ngo mas mi 'gyur// dper na me ni rtswa dag dang // shing gis nams kyang ngoms pa med// /
- 197a
de bzhin byis pa 'dod rnams la// brten pas ngoms par 'gyur ba med// 'jig rten rnam par 'dren rnams kyis// 'dod pa 'di dag chags par gsungs// de phyir chags pa yongs spangs te// rab tu 'byung phyir mngon byung zhig/ 'jig rten mgon po bla na med// snga ma 'ga' yang gang gi phyir// khyim gyi gnas na gnas mdzad nas// bla med byang chub brnyes pa med/ / sngon gyi sangs rgyas 'jig rten mgon// gang su mya ngan 'das gyur pa// kun gyis dgon pa rab dgon du// bla med byang chub brnyes par gyur// de phyir sangs rgyas rnams kyis ni/ / bstan pa'i dgon pa de slobs la// khyim nas sred pa spong byos dang // des ni bde legs nyid du 'gyur// gang zhig khyim na gnas nas ni// stong gsum thams cad rin chen gyis/ / rab tu bkang ste 'jig rten gyi// mgon la yon du 'bul byed la// mkhas pa gang zhig yid byung zhing // nyes pa shes nas khyim spangs te// sangs rgyas rjes su slob byed la// rab tu 'byung ba tshol byed cing // rab tu 'byung ba btsal nas kyang // g.yel ba med pas 'dod rnams dang // khyim gyi gnas la mi lta bar// gom pa bdun ni 'dor byed na// bsod nams phung po de la ni// snga mas rin gyi char mi chog/ de phyir sangs rgyas bsngags pa yi// rab tu 'byung phyir myur du deng // gang la
- 197b
chags pa yod min pa'i/ / shes pas rtag tu ngoms med na// chags pa kun las rnam 'das pa'i// sangs rgyas dam pa nyid 'thob 'gyur// myur du dgon par gnas byed na// 'dod pa'i sred pa spong 'gyur zhing // nyes pa ji bzhin rnam rig nas// de dag las ni sems ldog 'gyur// khyim ni myur du spangs nas su// dgon pa la ni gnas gyur pa/ mkhas pa yang dag mthong ba rnams// sangs rgyas rnams kyi rjes su slob// gang dag byang chub phyir brtson pa// de dag dben pa sten byed cing // de dag dgon par dga' 'gyur gyis de dag khyim la dgu' mi 'gyur/ / de ni sangs rgyas rnams dag gi/ spyod yul gnas dang spyod pa ste// gang zhig las 'dir 'jug 'gyur ba// de la byang chub rnyed dka' min/ / chags la sogs pas gzir ba yi// sems can grol byed su 'dod pa// de ni khyim na gnas pa yi// skrag cing dgon pa kun du sten// gang zhig bdud las rgyal ba dang / / 'chi me go 'phang rtogs pa dang // 'khor lo dam pa skor 'dod pa// des ni dgon pa sten par gyis// 'od srungs de ltar khye'u chos dang chos bzang gnyis tshigs su bcad pa de dag smra zhing grong khyer chen po de nas phyir byung nas/ bcom ldan 'das me tog sna tshogs ga la ba der dong ste phyin pa dang / bcom ldan 'das de'i
- 198a
zhabs la mgo bos phyag 'tshal te/ bcom ldan 'das de la 'di skad ces gsol to// bcom ldan 'das bdag cug gnyis bcom ldan 'das sa rab tu byung ba dang / bsnyen par rdzogs pa dge slong gi dngos po 'thob par 'gyur lags sam/ 'od srungs de nas de bzhin gshegs pa me tog sna tshogs des/ khye'u de gnyis kyi lhag pa'i bsam pa thugs su chud nas/ khye'u de gnyis rab tu byung zhing bsnyen par rdzogs par mdzad do// 'od srungs de nas rgyal po mu khrud kyis khye'u de gnyis rab tu byung bar thos nas/ bu thu bo rgyal srid la bzhag ste/ bu stong du gcig gis ma tshang ba rnams dang yang lhan cig/ bud med brgyad khri bzhi stong dang yang lhan cig/ rgyal po lnga stong tsam po de dag dang yang lhan cig/ skye bo phal po che gzhan dag dang yang lhan cig tu thams cad khyim gyi gnas la mi lta bar dad pas khyim nas khyim med par legs pa kho nar rab tu 'byung ba'i phyir mngon par byung bar gyur to/ / de'i tshe na srog chags bye ba tham pa mngon par byung bar gyur te/ de dag thams cad de bzhin gshegs pa me tog sna tshogs ga kha ba der dong ste phyin nas/ bcom ldan 'das de'i zhabs gnyis la mgo bos phyag 'tshal te/ bcom ldan 'das de la 'di skad ces gsol to// bcom ldan 'das bdag cag bcom ldan
- 198b
'das las rab tu 'byung ba dang / bsnyen par rdzogs pa dge slong gi dngos po 'thob par 'gyur lags sas/ 'od srungs de nas de bzhin gshegs pa me tog sna tshogs des sems can de dag gi lhag pa'i bsam pa thugs su chud nas/ skye bo'i tshogs de dag thams cad rab tu byung zhing bsnyen par rdzogs par mdzad de/ dge slong gi dngos po la rab tu bkod do// 'od srungs de nas rgyal po mu khyud kyis bu thu bo rgyal srid la bzhag pa gang yin pa de'ang zhag bdun 'das pa dang / gcig pu dben par song nas 'du shes kyi rnam par rtog pa 'di lta bu 'di skyes te/ bdag la rgyal srid kyis ci bya/ dbang phyug gis kyang ci bya ste/ bdag 'dod pa lhur len cing 'dod pa'i 'ching bas bcings nas/ bla na med pa yang dag par rdzogs pa'i byang chub yongs su spang bar mi bya'o snyam nas/ des de'i mod la rab tu byung ba'i sems chen po bskyed de/ de tshes bco lnga'i zla ba nye ba'i tshe/ gling chen po bzhi pa dag tu rgyu ba'i tshe na/ des tshigs su bcad pa 'di dag smras so// kho bo'i pha ma phu nu dang // rtsa lag rnams kyang rab byung phyir// nges par byung ste chos don phyir// srog chags bye ba tham pa byung / / nga la khyim gyis ci bya ste// bdag kyang der ni 'gro bar bya// gal te khyed cag 'dod gyur na// nga ni khyed kyi yongs 'dren te// gang dag rab tu 'byung ba'i phyir// sems skyed
- 199a
byed pa de dag ni/ / khom ldan shin tu rnyed dka' bas// nga dang 'grogs te myur du 'dong // gang dag khyim nas khyim med par// rab 'byung sems skyed mi byed pa/ / de dag bden chos gnas gyis la// khyim ni legs par srung gyis shig/ 'od srungs de ltar rgyal bu gzhon nu des tshigs su bcad pa de dag smras pa na/ gling chen po bzhi po de dag nas gang khyim na gnas pa la sems dga' ba'i sems can ni gcig kyang 'byung bar ma gyur te/ thams cad rab tu 'byung ba'i sems dang ldan zhing rab du byung ba la gzhol ba dang / mngon par 'byung ba'i bsam pa dang chas te gnas par gyur to// 'od srungs de nas de bzhin gshegs pa me tog sna tshogs des sems can de dag thams cad kyi lhag pa'i bsam pa thugs su chud nas gling bzhi pa'i 'jig rten gyi khams thams cad kyi grong dang / grong khyer dang / grong rdal dang / yul 'khor dang / rgyal po'i pho brang tham cad du de bzhin gshegs pa dge slong gi dge 'dun gyi 'khor dang bcas pa dag sprul pa mdzad do/ / 'od srungs de nas gling chen po bzhi pa'i 'jig rten gyi khams de na sems can gcig kyang khyim na gnas par ma gyur te/ de dag thams cad dad pas khyim nas khyim med par legs pa kho nar rab tu byung ngo // de ltar rab tu byung ba de dag la ma rmos ma btab pa'i 'bras
- 199b
sA lu'i 'bru dag kyang byung bar gyur/ dpag bsam gyi shing dag las dpag bsam gyi ras bcos bu'i gos rin po che dag kyang byung bar gyur cing / lha rnams kyang de dag gi g.yog dang bsnyen bkur byed par gyur to/ / 'od srungs dge slong chos dang chos bzangs de gnyis de ltar rab tu byung nas kyang brtson 'grus brtsams shing gnas par gyur te/ de gnyis lo bye ba phrag drug cu rtsa gsum gyi bar du nam yang rmugs pa dang / gnyid kyis kun nas non par ma gyur cing / nam yang zas za ba ma gtogs par 'dug par gyur te/ 'gro ba dang ldog pa kun tu'ang thams cad mkhyen pa nyid kyi sems bskyed cing / thams cad mkhyen pa nyid kyi sems de la'ang rlom sems byed par ma gyur to// lo bye ba phrag drug cu rtsa gsum po de dag la kun gyi rjes su song ba zhes bya ba'i ting nge 'dzin dang / rdo rje'i gnas dang ldan pa zhes bya ba'i ting nge 'dzin kyang bsgrub par gyur te/ de gnyis sa'i phyogs gang dang gang du 'dug pa dang / skyil mo krung bcas par gyur pa'i sa'i phyogs de dang de dag thams cad rdo rje'i rang bzhin du kun tu gnas par gyur to// phyogs bcu kun gyi sangs rgyas bye ba khrag khrig 'bum phrag mang po dag go chos ston pa rnams kyang thos shing bzung ngo / / de ltar thos shing bzung nas kyang gzhan dag la rgya cher yang dag par bstan par yang gyur to// 'od srungs gling chen po bzhi pa'i 'jig rten gyi
- 200a
k hams kyi sems can de dag las nyan thos kyi theg pa par gyur pa'i sems can gang dag yin pa de dag las sems can gcig 'ga' tsam yang so so'i skye bor gyur bzhin 'chi ba'i dus byas par ma gyur te/ gang dag thams cad kyi nang na le lo can du gyur pa de dag kyang phyir mi 'ong bar gyur cing / de dag de nas shi 'phos nas kyang gnas gtsang ma'i ris kyi lha rnams dang skal ba mnyam par skyes par gyur to/ / gang dag rang sangs rgyas kyi theg pa par gyur pa de dag ni de nas shi 'phos nas sangs rgyas kyi zhing stong pa sangs rgyas 'byung ba med pa gzhan dag tu skyes par gyur cing / der yang de dag phyug pa'i khyim chen po dag tu skyes par gyur to// der skyes nas kyang dbang po 'phel ba dang / yongs su smin pa dag kyang rjes su thob nas/ sngon gyi dge ba'i rtsa ba de nyid kyi yang dag par bskul te/ thams cad dad pas khyim nas khyim med par legs pa kho nar rab tu byung ngo // de dag de ltar rab tu byung nas kyang zhag bdun 'das nas thams cad kyis rang byang chub rjes su thob ste/ de dag gis kyang sems can tshad med grangs med pa dag gi don byas nas yongs su mya ngan las 'das so/ / gang dag byang chub sems dpa'i theg pa par gyur pa de dag gis ni mngon par shes pa lnga dang / tshangs pa'i gnas bzhi bsgrubs shing / mi 'phrogs pa'i spobs pa nyid kyang rjes
- 200b
su thob par gyur/ gzungs kyang thob par gyur to// 'od srungs de'i tshe de'i dus na rgyal po mu khyud ces bya bar gyur pa de gzhan zhig yin pa snyam du khyod yid gnyis sam the tsom za bar gyur na/ 'od srungs khyod kyis de ltar mi blta ste/ nga nyid de'i tshe de'i dus na gling bzhi pa'i dbang phyug rgyal po mu khyud ces bya ba der gyur to// byang chub sems dpa' byams pa ni rgyal bu gzhon nu thu bor gyur to/ / de bzhin gshegs pa dgra bcom pa yang dag par rdzogs pa'i sangs rgyas 'od srungs ni byang chub sems dpa' blo gros bzang po zhes bya bar gyur to// 'od srungs de'i tshe de'i dus na khye'u chos dang chos bzang zhes bya bar gyur pa de gnyis gzhan dag cig yin pa snyam du khyod de snyam du sems na/ 'od srungs khyod kyis de ltar mi blta'o// / de ci'i phyir zhe na/ 'jam dpal gzhon nur gyur pa 'di nyid de'i tshe de'i dus na khye'u chos shes bya bar gyur to// khye'u chos bzang zhes bya bar gyur pa gang yin pa de ni byang chub sems dpa' sems dpa' chen po nyi ma'i snying po yin te/ 'od srungs sangs rgyas kyi zhing de sems can dag pa dge ba'i rtsa ba bskyed pa rnams kyi gnas su gyur cing ji tsam du mdzes par gyur pa la ltos/ de skad ces bka' stsal pa dang // bcom ldan 'das la/ gnas brtan 'od srungs chen po sa 'di skad ces gsol to// bcom ldan
- 201a
'das de bzhin gshegs pa me tog sna tshogs de'i sku tshe'i tshad yun ji srid cig du gyur lags/ bcom ldan 'das kyis bka' stsal pa/ 'od srungs de bzhin gshegs pa dgra bcom pa yang dag par rdzogs pa'i sangs rgyas me tog sna tshogs de ni bskal pa brgyad kyi bar du bzhugs par gyur to/ / 'od srungs de bzhin gshegs pa me tog sna chos de yongs su mya ngan las 'das nas dam pa'i chos ni bskal pa gcig gi bar du gnas par gyur te/ de'i sku gdung rnams kyang rgyas par gyur cing / de dag lha rnams kho nas mchod par gyur te/ de na mi khyim par gnas pa ni 'ga' yang med do// 'od srungs de na dge slong chos dang chos bzang gnyis bya ba nyung ba dang / bdag gi don la sbyor ba'i rjes su brtson par gnas shing / bcom ldan 'das de'i sku gdung rnams la'ang mchod pa mi byed/ ri mor mi byed la/ de bzhin gshegs pa de'i mchod rten gyi drung du'ang mi 'gro'o// 'od srungs de nas lha 'bum phrag rab tu mang po dang dge slong las dang po pa gang dag yin pa de dag dge slong chos dang chos bzang gnyis la/ 'di gnyis ni de bzhin gshegs pa'i sku gdung rnams la mchod pa'ang mi byed/ de bzhin gshegs pa'i mchod rten bskor ba'ang mi byed pa las na/ ma dad pa dang ma gus pa yin no zhes kha zer bar gyur to// 'od srungs de nas dge slong chos dang chos bzang gnyis kyis dge slong dang lha 'bum
- 201b
phrag rab tu mang po 'dus par gyur pa'i dge slong gi 'khor dang lha'i 'khor mang po de dag la smras pa/ grogs po dag 'di ji snyam du sems/ ji ltar na de bzhin gshegs pa mchod par 'gyur zhing / rgyu gang gis na de bzhin gshegs pa'i sku gdung sems pa mi mnga' ba rnams kyis mchod pa brnyes par 'gyur snyam mam/ dge slong dang lha de dag gis smras pa/ sru gdung 'di dag ni tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas rab tu phye ba yin pas na/ de'i phyir 'di dag ni mchod par 'os pa yin no/ / dge slong chos dang chos bzang gnyis kyis 'di skad ces smras so// grogs po dag 'o na tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag nyid mchod pa'i 'os yin gyi/ sku gdung dag ni mchod par 'os par mi 'gyur ba ma yin nam/ dge slong dang lha de dag gis 'di skad ces smras so/ / de ni de bzhin te/ ji skad smras pa bzhin no// dge slong chos dang chos bzang gnyis kyis smras pa/ grogs po dgu 'o na tshul khrims kyi mtshan nyid ni gang yin/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag gi mtshan nyid kyang gang yin/ dge slong dang lha de dag gis smras pa/
- 202a
tshul khrims mngon par 'du byed pa med pa'i mtshan nyid yin no// ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag kyang mngon par 'du byed pa med pa'i mtshan nyid yin no/ / 'od srungs de nas dge slong chos dang chos bzang gnyis kyis/ dge slong dang lha de dag la 'di skad ces smras so// grogs po dag 'o na mngon par 'du byed pas mngon par 'du byed pa med pa mchod par nus sam/ dge slong dang lha de dag gis 'di skad ces smras so// de ni mi nus so// dge slong chos dang chos bzang gnyis kyis 'di skad ces smras so/ / grogs po dag de lta bas na khyed kyang bdag tu mngon par 'du ma byed cig dang / des ni mchod pa byas par 'gyur ro// sangs rgyas su 'du shes pa la ni sangs rgyas mthong ba'ang med na mchod pa'i las lta smos ci dgos te/ de ni gnas med do// gzhan yang de bzhin gshegs pa mchod par 'dod pas ni bdag nyid mchod par bya'o/ / dge slong dang lha de dag gis 'di skad ces smras so// ji ltar na de bzhin gshegs pa mchod par 'dod pas bdag nyid mchod par bya/ dge slong chos dang chos bzang gnyis kyis smras pa/ grogs po dag ji ltar de bzhin gshegs pa dgra bcom pa yang dag par rdzogs sangs rgyas kyi mchod pa gang gis bdag nyid sems can thams cad kyi mchod pa'i gnas su 'os par mchod
- 202b
pa de ltar bdag nyid mchod par bya'o/ / ji ltar de bzhin gshegs pas bslabs pa de ltar bslab par bya zhing bslab pas rlom sems su'ang mi bya'o// chos rab tu dbye bar bya zhing / rab/ tu phye nas kyang chos 'ga' yang bsam par mi bya ste/ gang gi tshe khyed cag de ltar bdag nyid mchod pa byed pa de'i tshe na/ de bzhin gshegs pa yang dag par mchod par 'gyur ba/ khyed cag nyid kyang mchod par 'os par 'gyur ro/ / de bzhin gshegs pa'i sku gdung rnams la mchod par 'dod pas ni bdag nyid mchod par bya ste/ ji ltar de bzhin gshegs pas bdag nyid mchod par mdzad pa de ltar mchod par bya zhing / de bzhin gshegs pa'i sku gdung yon tan gang dag dang ldan pas mchod pa brnyes par gyur pa'i yon tan de dag bdag nyid kyis bsgrub par bya ste/ de ltar na de bzhin gshegs pa mchod par 'gyur ro// gang 'du shes dang mtshan ma skyed par mi byed pa de ni de bzhin gshegs pa mchod pa yin no// gang bdag tu rtog par mi byed pa dang / rnam par rtog par mi byed pa de ni de bzhin gshegs pa mchod pa yin no// gang 'jig rten pha rol tu mi 'gro ba dang / 'jig rten 'dir mi 'ong ba dang / gang tshu rol la'ang mi gnas/ pha rol la'ang mi gnas pa de ni de bzhin gshegs pa mchod pa yin no// gang la chad pa med pa dang / rtag pa med pa dang / gang la 'dzin pa med pa dang / spong
- 203a
ba med pa de ni de bzhin gshegs pa mchod pa yin no/ / gang la 'bri ba med pa dang / 'phel ba med pa dang / gang la skye ba med pa dang / 'gag pa med pa dang / gang la zad pa med pa dang / mi zad pa med pa de ni de bzhin gshegs pa mchod pa yin no// gang la sems med pa dang / sems las byung ba'i chos rnams med pa dang / yid la byed pa rnams med pa dang / bdag gi med pa dang / yongs su 'dzin pa med pa dang / tshor ba med pa dang / 'thab pa med pa dang / rtsod pa med pa dang / 'gal ba med pa dang / blang ba med pa dang / dor ba med pa dang / gnyis su med par 'jug pa de ni de bzhin gshegs pa mchod pa yin no// gang la 'dus byas med pa dang / grangs med pa dang / bgrang du med pa de ni de bzhin gshegs pa mchod pa yin no/ / gang la lus dang / ngag dang / yid kyis mngon par 'du byed pa'i bya ba med pa dang / lus dang / ngag dang / yid mi dmigs pa de ni de bzhin gshegs pa mchod pa yin no/ / gang la 'das pa'i 'du shes mi 'jug pa dang / da ltar dang / ma 'ongs pa'i 'du shes mi 'jug pa dang / gang brten par mi byed pa dang / mngon par zhen par mi byed pa dang / mtshan mar mi byed pa de ni de bzhin gshegs pa mchod pa yin no// gang sangs rgyas su 'du shes mi 'jug pa dang / chos su ma yin/
- 203b
dge 'dun du ma yin/ gang zag tu ma yin/ bdag tu ma yin/ gzhan du ma yin pa de ni de bzhin gshegs pa mchod pa yin no// // bam po bzhi pa ste tha ma'o/ / grogs po dag de bzhin gshegs pa'i sku ni mi skye ba'i mtshan nyid yin pas/ de ni skye bas mchod par sla ba ma yin no// grogs po dag de bzhin gshegs pa'i sku ni mngon par 'du byed pa med pa'i mtshan nyid yin pas/ de ni mngon par 'du byed pas mchod par sla ba ma yin no// grogs po dag de bzhin gshegs pa'i sku ni gnyis su med pa'i mtshan nyid yin pas/ de ni gnyis kyis mchod par sla ba ma yin no// grogs po dag de bzhin gshegs pa'i sku ni zad pa med pa'i mtshan nyid yin pas/ de ni zad pa med pa mngon par 'du bya bas mchod par sla ba ma yin no/ / grogs po dag de bzhin gshegs pa'i sku ni stong pa nyid kyis yongs su bsgos pa yin pas/ de ni bdag tu lta ba 'am/ sems can du lta ba 'am/ srog tu lta ba 'am/ gang zag tu lta ba 'am/ chad par lta ba 'am/ rtag par lta ba 'am/ ngar 'dzin par lta ba 'am/ nga yir 'dzin par lta ba 'am/ 'byung bar lnga pa 'am/ 'jig par lta bas mchod par sla ba ma yin no// grogs po dag de bzhin gshegs pa'i sku ni mtshan ma med pa'i mtshan nyid yin pas/ de ni mtshan ma'i spyod yul gyis mchod par
- 204a
ba ma yin no/ / grogs po dag de bzhin gshegs pa'i sku ni smon pa med pa'i mtshan nyid yin pas/ de ni smon pa la gnas pas mchod par sla ba ma yin no// grogs po dag de bzhin gshegs pa'i sku ni dngos po med pa'i mtshan nyid yin pas/ de ni dngos po'i 'du shes la gnas pas mchod par sla ba ma yin no// grogs po dag de bzhin gshegs pa'i sku ni g.yo ba med pa'i mtshan nyid yin pas/ de ni g.yo zhing 'gul ba'i blo rnams kyis mchod par sla ba ma yin no// grogs po dag de bzhin gshegs pa'i sku ni mngon par 'dus ma byas pa'i mtshan nyid yin pas/ de ni 'dus byas la gnas pas mchod par sla ba ma yin no// grogs po dag de bzhin gshegs pa'i sku ni 'dod chags dang bral ba'i mtshan nyid yin pas/ de ni 'dod chags spyod pas mchod par sla ba ma yin no// grogs po dag de bzhin gshegs pa'i sku ni zhe sdang dang bral ba'i mtshan nyid yin pas/ de ni gnod sems dang tha ba'i nyes pa la gnas pas mchod par sla ba ma yin no// grogs po dag de bzhin gshegs pa'i sku ni gti mug dang bral ba'i mtshan nyid yin pas/ de ni sa rab 'chal pa dang / rmongs pa dang / mi shes pa rnams kyis mchod par sla ba ma yin no// grogs po dag de bzhin gshegs pa'i sku ni tshul khrims dang / ting nge 'dzin dang / shes rab
- 204b
dang rnam par grol ba dang / rnam par grol ba'i ye shes mthong bas yongs su bsgos pa yin pas/ de ni tshul khrims 'chal pa dang / brjed ngas pa dang / shes rab 'chal pa dang rnam par ma grol ba dang / rnam par grol ba'i ye shes mthong ba ma yin pa rnams kyis mchod par sla ba ma yin no// grogs po dag de bzhin gshegs pa'i sku ni byam pa dang / snying rje dang / dga' ba dang / gtang snyoms kyis yongs su bsgos pa yin pas/ de ni gnod sems kyis sems dang ldan pa dang / snying rje med pa dang / dga' ba'i sem med pa dang / rnam par g.yeng ba yid la byed pa rnams kyis mchod par sra ba ma yin no// grogs po dag de bzhin gshegs pa'i sku ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyis yongs su bsgos pa yin pas/ de ni ser sna can dang / tshul khrims 'chal pa dang / gnod sems dang / tha ba'i nyes pa dang khong khro ba mang ba dang / le lo can dang / brjed ngas pa dang / shes rab 'chal pa rnams kyis mchod par sla ba ma yin no// 'od srungs de ltar dge slong chos dang chos bzang gnyis kyi 'khor de dag la de lta de ltar chos bstan pa na/ 'khor de las byang chub sems dpa' bzhi khri nyis stong gis mi skye ba'i chos la bzod pa thob par gyur to// srog chags
- 205a
brgyad khri bzhi stong gis shes pa dang mthong ba bskyed cing 'dod chags dang bral ba nyid dang / phyir mi 'ong ba nyid kyang rjes su thob par gyur to// sngon sems ma bskyed pa'i srog chags nyi khri sum stong gis ni bla na med pa yang dag par rdzogs pa'i byang chub tu sems bskyed do/ / 'od srungs dge slong chos dang chos bzang gnyis lhag pa'i bsam pa de lta bu dang ldan par gyur pa la ltos/ 'od srungs skyes bu dam pa de lta bu dag gi zab mo la bzod pa de dang thabs la mkhas pa de la bslab par bya'o// 'od srungs de ltar skyes bu dam pa de gnyis kyis dge slong dang lha de dag zab mo'i bzod pa yang dag par 'dzin du bcug pas/ de phyin chad de dag thams cad bdag gi don la sbyor ba'i rjes su brtson pa dang / bya ba nyung ngur gnas pas gnas par gyur cing phyin chad de bzhin gshegs pa'i mchod rten rnams kyi drung du'ang mi 'gro'o/ / de bzhin gshegs pa'i sku gdung rnams la mchod pa'i las kyi phyir brtson par yang mi byed do// de cing phyir zhe na/ 'di ltar de dag gi sems chos zab mo bla na med pa yang dag pa nyid la zhugs par gyur pa'i phyir ro// 'od srungs de nas zhag bdun 'das nas de bzhin gshegs pa'i mchod rten de dag thams cad kyang sa la nub par gyur/ de bzhin gshegs pa'i sku gdung de dag thams cad kyang sprog mar blugs pa bzhin nam/ snod du drugs pa bzhin du de nyid du mi snang bar gyur te/ 'od srungs de lta bas na
- 205b
skyes bu dam pa de lta bu dag gi rjes su bslab par bya'o/ / 'od srungs yang ma 'ongs pa'i dus na byang chub sems dpa'i theg pa pa dang / nyan thos kyi theg pa pa'i dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni de bzhin gshegs pa'i sku gdung gi mchod pas 'tsho bar sems kyi/ mya ngan las 'da' ba'i phyir ma yin zhing / 'dod chags dang bral ba'i phyir ma yin no// de dag ni bdag nyid tshul khrims 'chal pa dang / brjed ngas pa dang / shes rab 'chal pa dang / rnam par ma grol ba dang / rnam par grol ba ye shes mthong ba ma yin bzhin du 'tsho ba tsam gyi phyir/ de bzhin gshegs pa'i sku gdung tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgos pa dag la bkur sti bya ba dang / ri mor bya ba dang / mchod par bya bar sems so// de dag ni bdag nyid 'dod chags dang bcas pa dag/ zhe sdang dang bcas pa dang / gti mug dang bcas pa yin bzhin du 'tsho ba tsam gyi phyir/ de bzhin gshegs pa dgra bcom pa yang dag par rdzogs sangs rgyas 'dod chags dang bral ba/ zhe sdang dang bral ba/ gti mug dang bral ba'i sku gdung dag la bkur sti bya ba dang / ri mor bya ba dang / mchod pa bya bar sems so// de dag ni bdag nyid ser sna can dang /
- 206a
'jungs pa dang / gnod sems dang / tha ba'i shes pa mang ba dang / le lo dang ldan pa dang / brjed ngas pa dang / shes bzhin med pa yin bzhin du 'a tsam gyi phyir/ de bzhin gshegs pa sbyin bdag chen po yang dag pa'i gnas la rab tu gnas pa/ mnyam par bzhag pa/ thugs rtse gcig pa'i sku gdung dag la bkur sti bya ba dang / ri mor bya ba dang / mchod pa bya bar sems so// 'od srungs nga ni rigs kyi bu dang rigs kyi bu mo las dang po pa dag gi sems mngon par dad par bya ba'i phyir/ sku gdung rnam byin gyi rlob par mdzad de/ gang dag de dag la mchod pa byed pa de dag ni lha dang mi'i phun sum tshogs pa nyams su myong bar 'gyur zhing / de'ang de dag gi yongs su mya ngan las 'da' ba'i bar gyi rgyur 'gyur ba yin na/ mi blun po de dag ni bstan pa 'di la rab tu byung nas/ ngas dge sbyong gi las su gsungs pa gang yin pa de ni/ de dag gis bor zhing btang la bdag nyid gso ba'i don dang / mdza' bshes kyi khyim dang / slongs mo ster ba'i khyim dag yongs su smin par bya ba'i don dang / lhung bzed dang chos gos yongs su btsal ba'i don dang / rnyed pa dang bkur sti mngon par bsgrub pa'i don dang / snyan pa dang / sgra dang / grags pa yongs su bsgrub pa'i don gyi phyir/ de bzhin gshegs pa'i sku gdung dang
- 206b
mchod rten la mchod pa dang bsnyen bkur bya ba'i las kyis de bzhin gshegs pa'i sku gdung dang mchod rten dag la bkur sti nye bar sgrub par byed do/ / 'od srungs de la dge slong gi las gang zhe na/ 'od srungs ngas las gnyis po bsam gtan dang kha ton bya ba bstan pa gang dag yin pa dag ste/ las de gnyis kyang lam la 'jug par bya ba'i phyir bstan par zad kyi/ de dag kyang shin tu mtha' thug pa dang / shin tu mthar phyin pa ni ma yin no// 'od srungs las gang las zad par bya ba'i phyir 'jug pa de ni dge sbyong gi las yin te/ bya ba med pa dang / nyes pa mi 'byung ba dang / log par mi byed pa dang / dran pa med pa dang / yid la byed pa med pa dang / nyams pa med pa dang / skye ba med pa dang / rnam par thar pa'i sgo gsum po dag mngon du byed pa dang / khams gsum du mtshams sbyor ba med pa dang / 'gro ba med pa dang / 'ong ba med pa gang yin pa de ni dge sbyong gi las shes bya ba yin na/ mi blun po de dag ni dge sbyong gi las de lta bu de dag spangs te/ las gzhan dang gzhan dag yongs su tshol bar byed do// de dag ni ngas khyim na gnas pa gos dkar po can rnams kyi bslab par gsungs pa gang yin pa de tsam la'ang slob par mi byed do/ / khyim na gnas pa gos dkar po can rnams kyang re zhig de bzhin gshegs pas bslab pa ji ltar bcas pa rnams la slob par
- 207a
byed pa na/ phyir mi 'ong ba'i 'bras bu 'thob par 'gyur na/ mi blun po de dag ni bstan pa 'di la rab tu byung nas rnam par grol ba dang / rjes su mthun pa tsam yang sgom par mi byed na/ 'thob par lta ga la 'gyur te/ de ni gnas med do// 'od srungs yang phyi ma'i tshe phyi ma'i dus lnga brgya pa tha ma de la ming gis zil gyis non cing / kha dog dang / rtags dang dbyibs kyis dge sbyong du 'gyur gyi/ tshul khrims kyis ma yin/ ting nge 'dzin gyis ma yin/ shes rab kyis ma yin pa dag kyang 'byung bar 'gyur te/ 'od srungs 'di lta ste dper na mi gsang sngags dang sman dag gis gos la 'debs shing sgom par byed la/ gang gis gos de gyon pa na/ zhag bdun nam zhag brgyad kyis de'i lus me lce gcig tu gyur cing kun tu 'bar bar byed pa la la zhig yod par gyur cing / des gos de gsang sngags dang sman dag gis btab cing yongs su bsgos nas mi mdza' ba la la zhig la 'di lta ste/ mdza' bshes kyi tshul gyis byin par gyur la/ de nas mi des kyang gos de mdzes pa yin par rig nas len par byed cing / blangs nas kyang gyon par gyur na/ de zhag bdun nam zhag brgyad kyi bar du ni gos de las dga' ba nyams su myong bar 'gyur ro/ / de nas zhag bdun nam zhag brgyad 'das nas mi de khyim du song 'am lam po cher song ba na/ gos de rab tu 'bar bar gyur cing / de nas mi de gzhi de la
- 207b
tshul ma yin pa'i sdug bsngal skyes par gyur te/ tshig par gyur/ shi bar gyur na/ 'od srungs 'di ji snyam du sems/ gos de las ro myang ba ni ji tsam zhig yod/ nyes dmigs ni ji tsam zhig yod snyam/ 'od srungs kyis gsol pa/ bcom ldan 'das ro myang ba ni chung lags kyi/ nyes dmigs ni dpag tu ma mchis lags so// bcom ldan 'das kyis bka' stsal pa/ 'od srungs de bzhin du nga'i gos ngur smrig tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas bsgos pa gang dag yin pa de dag kyang / bskal pa bye ba grangs med pa nas legs par spyad pas yang dag par bsgrubs pa yin na/ mi blun po dge sbyong ltar bcos pa de dag ni drang srong gi rgyal mtshan gyon nas grong dang / grong khyer dang / grong rdal dang / yul 'khor dang / rgyal po'i pho brang 'khor dag tu 'jug par 'gyur zhing / de nas bram ze dang khyim bdag dad pa rnams kyis de dag dge sbyong yin no snyam nas bkur sti byed/ bla mar byed/ ri mor byed/ mchod pa byed par 'gyur zhing / de dag gos ngur smrig gi gzhi de las mchod pa rnyed par 'gyur bas de dag des dga' ba nyams su myong bar yang 'gyur ro/ / de dag lus zhig nas ni sems can dmyal bar ltung bar 'gyur zhing / de dag der lcags kyi glegs ma 'bar ba gyon par 'gyur/
- 208a
lcags kyi thu lum za bar 'gyur/ lcags kyi khu ba bskal ba 'thung bar 'gyur/ mal stan rab tu 'bar bdag gi steng du nyal bar 'gyur ro// 'od srungs de dag ni rang gi las des lus zhig nas sems can dmyal bar 'gro bar zad kyi/ gzhi gang las mi blun po de dag gis kyang bde bar sbyar ba rnam pa du ma nyams su myong bar 'gyur ba'i gos ngur smrig gi dpal dang gzi brjid de 'dra ba la ltos/ 'od srungs ngas kyang de las dgongs nas 'di skad ces lcags kyi glegs ma dag gyon pa ni bla'i tshul khrims 'chal pas gos ngur smrig dag bgo ba ni de lta ma yin no/ / lcags kyi thu lum dag bza' ba ni bla'i tshul khrims 'chal pas bsod snyoms dag la yongs su longs spyod pa ni de lta ma yin no zhes gsung so/ / 'od srungs de la ro myang ba ji tsam yod pa dang / de la nyes dmigs ji tsam yod pa la ltos te/ 'od srungs de lta bas na ci nas kyang tshul khrims yongs su dag par 'gyur ba dang / sdig pa 'chags par 'gyur ba de ltar bslab par bya'o// 'od srungs 'di ji snyam du sems/ lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ lto 'phye chen po 'am/ mi 'am/ mi ma yin pa sus kyang de bzhin gshegs pa rnams kyi sku gzugs bya bar nus snyam mam/ 'od srungs kyis gsol pa/ bcom
- 208b
ldan 'das de ni ma lags te/ de bzhin gshegs pa ni bla ma mchis pa/ sku bsam gyis mi khyab pa lags pas/ de'i slad du de dag gi sku gzugs bgyi ba ni sla ba ma lags so// bcom ldan 'das kyis bka' stsal pa/ 'od srungs phyi ma'i tshe phyi ma'i dus lnga brgya pa tha ma la dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni ras bcos bu dang / rtsig pa dang / ra ba dag gi ngos la de bzhin gshegs pa'i sku gzugs 'dri bar 'gyur zhing / de dag gis 'otsho/ par sems par yang 'gyur te/ las des bdag nyid rlom sems su byed/ bstod par byed cing / gzhan dag la brnyas pa dang / smod par yang byed do// de skad ces bka' stsal pa dang / bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das 'o na bcom ldan 'das kyis rgyal po gsal rgyal la/ de bzhin gshegs pa'i sku gzugs byas na/ bsod nams 'di tsam du skye bar 'gyur ro zhes bka' ma stsal lags sam/ bcom ldan 'das kyis bka' stsal 'od srungs de ni de bzhin te/ rgyal po gsal rgyal ni khyim pa gos dkar po gyon pa yin pas/ des de bzhin gshegs pa'i sku gzugs byed du bcug na/ de ni de la mchod pa byed par 'gyur bar zad kyi/ gzhi des chos
- 209a
gos sam/ bsod snyoms sam/ rnyed pa cung zad kyang 'dod par mi byed do// 'od srungs mi blun po de dag ni gzhi des 'tsho bar 'gyur bar sems te/ de dag ni don bya'o snyam du sems la/ don med pa kho na byed pa yin no// 'od srungs rigs kyi bu dang rigs kyi bu mo bsod nams 'dod pa kho na yin pa gang dag gis de bzhin gshegs pa'i sku gzugs byed du bcug na ni/ de dag la bsod nams dpag tu med pa skyed par 'gyur ro// 'od srungs dud 'gro'i skye gnas su skyes pa rnams kyi sku gzugs 'tshong ba'ang legs pa ma yin na/ de bzhin gshegs pa'i sku gzugs 'tshong ba lta spos kyang ci dgos na/ mi blun po de dag ni de bzhin gshegs pa'i sku gzugs byed du bcug nas/ khyim pa'i lag tu 'tshong bar byed cing / des 'tsho bar sems par yang byed do// 'od srungs 'di lta ste/ dper na mi byis pa dang 'dra ba shes rab 'chal pa'i rang bzhin can la la zhig yod par gyur la/ des bdud rtsi yongs su spangs nas dug za bar byed pa de bzhin du/ 'od srungs mi thun po gang dag zang zing gi phyir sangs rgyas kyi sku gzugs byed dra/ bcug nas/ bdag nyid dug dang bcas par byed pa de dag kyang de lta bu yin snyam du nga sems so// 'od srungs legs par gsungs pa'i chos 'dul ba 'di la dug ces bya ba de
- 209b
ni 'di lta ste/ rnyed pa yin na/ de la mi blun po khro bas zil gyis non pa gcig la gcig 'thab pa dang / rtsod pa dang / mtshang 'dru bar byed pa de dag ni de bzhin gshegs pa la mchod pa bya'o zhes zer zhing bdag nyid sems can dmyal bar 'gro bar byed do/ / 'od srungs 'di lta ste/ dper na mi thabs la mi mkhas pa la la zhig g.yul ngor zhugs pa na rang gi mtshon gyis rang la 'debs par byed pa de bzhin du/ 'od srungs mi blun po de dag kyang dam pa'i chos rnams kyis sems can dmyal bar 'gro bar 'gyur ro// 'od srung rigs kyi bu 'am/ rigs kyi bu mo gang gis de bzhin gshegs pa'i sku gzugs rin po che sna bdun las byas pa/ shin tu zin par byas pa/ byi dor legs par byas pa chu zheng du ri rab tsam yod pa byed du bcug ste/ de bzhin gshegs pa'i sku gzugs de lta bu de dag gis sangs rgyas kyi zhing gang+gA'i klung gi bye ma snyed dag 'di lta ste/ dper na bu ram shing gi tshal la ma/ 'dam bu'i tshal lam/ 'bras kyi zhing ngam/ til gyi zhing ngam/ til gyi zhing ltar 'dab chags su yongs su bkang bar gyur na/ 'od srungs 'di ji snyam du sems rigs kyi bu 'am/ rigs kyi bu mo de gzhi de las bsod nams mang du skyed par 'gyur snyam mam/ 'od srungs kyis gsol pa/ bcom ldan 'das de bzhin gshegs pa'i sku gzugs
- 210a
sor mo'i phyogs tsam zhig bgyid du stsal na/ de'ang bsod nams mang du bskyed lags na/ de bzhin gshegs pa'i sku gzugs ri rab tsam du ma bgyid du stsal ba lha mos kyang ci 'tshal lags/ bcom ldan 'das kyis bka' stsal pa/ 'od srungs khyod mos par bya/ khyod kyis khong du chud par bya ste/ de bas kyang byang chub sems dpa' gang zhig de bzhin gshegs pa'i sku la rab tu rtog par byed pa na/ tha na se gol gtogs pa tsam zhig chos zab mo rnams la bzod pa thob par gyur na/ de ches bsod nams mang du skyed do// de bas kyang gang zhig tshul khrims kyi phung po la gnas shing tshig bzhi pa'i tshigs su bcad pa gcig bzung nas/ tshigs su bcad pa de'i don gang yin pa de'ang rtogs par byed la/ sems can gcig tsam la'ang ston par yang byed na/ de ches bsod nams mang du skyed par yang 'gyur ro/ / 'od srungs de la ji ltar de bzhin gshegs pa'i sku la rab tu brtag par bya zhe na/ 'od srungs 'di la byang chub sems dpas byang chub sems dpa' brtson 'grus chen po'i rjes su bslab par bya ste/ 'od srungs sngon byung ba 'das pa'i dus na bskal pa grangs med pa/ ches grangs med pa/ ches shin tu grangs med pa/ rgya batshad med pa/ bsam gyis mi khyab pa/ dpag tu med pa dag 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas skar 'od ces bya ba
- 210b
rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shig 'jig rten du byung ste/ 'od srungs de bzhin gshegs pa skar 'od de yongs su mya ngan las 'das pa na/ byang chub sems dpa' brtson 'grus chen po zhes bya ba gzugs bzang ba/ mdzes pa/ blta na sdug pa zhig bram ze'i rigs shing sA la chen po lta bu zhig gi bur skyes par gyur to// 'od srungs de'i tshe de'i dus na/ bcom ldan 'das de'i bstan pa la'ang dge slong gang dag rab tu byung bar gyur pa de dag las bya ba sna tshogs kyi skrag pas spags pa ni phal che'i/ yang dag par zhugs pa ni nyung bar gyur te/ 'od srungs dge slong de dag kyang de bzhin gshegs pa'i sku gzugs rnam pa sna tshogs dag byed du 'jug cing / ras bcos bu dang / dar dang / khang pa'i rtsig ngos dag la ri mo 'drir 'jug par yang byed do// de'i tshe na dge slong zhig gis dar la de bzhin gshegs pa'i sku gzugs legs par byas pa/ shin tu zin par byas pa zhig bris nas/ byang chub sems dpa' brtson 'grus chen po'i pha'i rgyal po'i pho brang du khyer ro// 'od srungs de nas byang chub sem dpa' brtson 'grus chen po des de bzhin gshegs pa'i sku gzugs de mthong nas 'di snyam du/ de bzhin gshegs pa'i sku gzugs 'di'ang 'di tsam du blta na sdug pa yin na/ de bzhin gshegs pa dgra
- 211a
bcom pa yang dag par rdzogs pa'i sangs rgyas de lta spos kyang ci dgos te/ bdag kyang lus 'di lta bu dag dang ldan par gyur kyang ci ma rung snyam nas/ dga' ba dang / mchog tu dga' ba dang / dad pa skyes par gyur te/ de de'i tshe na khyim thams cad la mngon par mi dga' bar gyur cing / de 'di snyam du khyim gyi gnas na gnas pas ni lus 'di lta bu bsgrub par mi nus pas de'i phyir bdag mngon par 'byung bar bya'o snyam du sems par yang gyur to/ / 'od srungs de nas byang chub sems dpa' brtson 'grus chen po skyes nas lo bcu drug lon la dbang po rnams rgyas shing yongs su smin pa'ang rjes su thob nas/ rang gi pha ma ga la ba der song ste phyin nas/ rang gi pha ma gnyis kyi rkang pa dag la phyag 'tshal te/ 'di skad ces smras so/ / yab yum bdag de bzhin gshegs pa'i bstan pa la khyim nas khyim ma mchis par legs pa kho nar rab tu 'byung bar ci gnang / pha mas smras pa/ gzhon nu khyod de skad ma zer cig/ de ci'i phyir zhe na/ nged gnyis la bu gcig pa sdug pa/ 'phangs pa/ yid du 'ong ba khyod las med pas/ gal te khyod ma mthong na 'chi ba'i dus byed par 'gyur ba'i phyir rokhye'us spras pa/ bdag gis ci nas kyang khyed gnyis kyang nongs par mi 'gyur la/ bdag kyang mngon par 'byung bar 'gyur ba de ltar bgyi lags so// pha mas smras pa/ gzhon nu
- 211b
ji ltar bya/ khye'us smras pa/ bdag deng slan chad ji srid du mngon par byung bar ma gyur pa de srid du 'tshal ma'ang mi 'tshal/ mal du'ang mi 'jug/ mar gsar dang 'bru mar gyis kyang mi nyug/ skom yang mi 'tshal/ dge ba'am mi dge ba'i tshig 'ga' yang mi smra lags so// 'od srungs de nas byang chub sems dpa' brtson 'grus chen po de sa phyogs byi dor ma byas pa zhig tu 'dug ste/ cang mi smra bar gyur cing nyin gcig zan yang ma zos so// de nas de'i pha ma gnyis kyis ro brgya dang ldan pa'i kha zas thogs te/ gzhan tshig tu mi brjod cing nyin mtshan thog thag tu de la gsol ba btab kyang / de tshig tsam yang mi smra bar gyur to// 'od srungs de ltar byang chub sems dpa' brtson 'grus chen po de cang mi smra ba zhag gnyis kyi bar du zan ma zos pa dang / de nas ma'i nye du lnga brgya tsam dag gis ro brgya dang ldan pa'i kha zas thogs te/ gzhan tshig tu ma brjod cing nyin mtshan thog thag tu gsol ba btab kyang / de dag gi gdong du'ang mi lta na tshig smra ba lta smos kyang ci dgos/ 'od srungs de ltar byang chub sems dpa' brtson 'grus chen po de cang mi smra bar zhag gsum gyi bar du zan ma zos pa dang / de nas pa'i nye du lnga brgya tsam dag gis ro brgya dang ldan pa'i kha zas thogs te/ gzhan tshigs tu ma brjod cing nyin mtshan thog thag tu gsol ba btab kyang / de de dag gi gdong du'ang mi lta/ tshig kyang mi smra'o// 'od srungs
- 212a
de ltar byang chub sems dpa' brtson 'grus chen po de cang mi smra bar zhag bzhi'i bar du zan ma zos pa dang / de nas de'i ne'u ldangs lnga brgya dag gis ro brgya dang ldan pa'i kha zas thogs te/ gzhan tshig tu ma brjod cing nyin mtshan thog thag tu gsol ba btab kyang / de de dag gi gdong du'ang mi lta na/ tshig smra ba lta smos kyang ci dgos/ 'od srungs de ltar byang chub sems dpa' brtson 'grus chen po cang mi smra bar zhag lnga'i bar du zan ma zos pa dang / de nas de'i pha ma gnyis kyis rgyal po'i pho brang na 'gron bu dang / gser dang nor bu dang / mu tig dang / bain+dur+YaR+Ya dang / dung dang / man shel dang / sa le sbram dang / dngul dang / gzhan yang rin po che dang / gos dang / rgyan sna tshogs ji snyed yod pa de dag thams cad phyogs gcig tu bzhag ste/ na chung lha'i bu mo 'dra ba rgyan thams cad kyis brgyan pa brgyad khri bzhi stong yang bkug ste phyogs gcig tu bkod do// 'od srungs mdor na rgyal po'i pho brang de na nye bar spyad pa'i longs spyod ji skad yod pa de dag thams cad de'i mdun du bzhag ste/ de'i pha ma de gnyis kyis ma'i nye du lnga brgya tsam po de dag dang pha'i nye du lnga brgya tsam po de dag dang / ne'u ldangs lnga brgya tsam po de dag dang / na chung brgyad khri bzhi stong po de dag dang / skye bo phal po che de dag thams cad kyang / byang chub sas
- 212b
dpa' brtson 'grus chen po de'i mdun du bkod nas ro brgya dang ldan pa'i kha zas thogs te/ gzhan tshig tu ma brjod cing nyin mtshan thog thag tu gsol ba 'debs te/ de la 'di skad ces gzhon nu longs la zan zo/ / khyim 'dir 'dug la sbyin pa dag kyang byin cig/ bsod nams dag kyang gyis shig/ bud med 'di dag dang lhan cig tu dga' ba dang / rtsed mo dang // dga' dgur spyad pa dag kyang gyis la/ rgyal po'i khyim 'di lta bu yongs su ma btang zhig ces kyang smras so// 'od srungs de ltar byang chub sems dpa' brtson 'grus chen po de skye/ bo phal po che de ltar 'dus pa de dag la mig kyang mi lnga/ phyir yang mi smra bar de bzhin du cang mi zer bar 'dug cing zhag drug gi bar du zan yang ma zos par/ de sangs rgyas dkon mchog dang 'brel ba'i yid la byed pa ma gtogs par yid la byed pa gzhan thams cad dang bral zhing kha zas kyi 'du shes kyang ma bskyed do/ / 'od srungs de nas byang chub sems dpa' brtson 'grus chen po de'i pha ma de gnyis dang / skye bo phal po che de dag dang / ne'u ldangs de dag dang / nye du'i tshogs chen po de dag dang / bud med brgyad khri bzhi stong po de dag thams cad kyis bzhin la mchi rgyun blags shing skad phyung ste/ ngud mos btab nas/ byang chub sems dpa' de'i rkang pa gnyis la gtugs kyang / de de dag gi gdong du'ang
- 213a
mi lta'o/ / 'od srungs de nas rgyal po'i pho brang de na lha zhig gnas par gyur pa gang yin pa de steng gi bar snang la cho 'phrul chen pos 'dug nas/ skye bo phal po che de dag la tshigs su bcad de smras pa/ gang dag byang chub phyir brtson pa// de dag lhun po 'dra ba ni// mthu brtan rab tu mi g.yo ste// yi dam gtong bar mi byed do// sa rnams thams cad g.yo yang srid// me ni chur yang 'gyur srid kyi// grogs dag 'di ni gnas 'di las// bskyod par nus pa ma yin no// 'di las mi dga' phyis mi bya// sdig pa'i las rnams ma byed cig/ phyin chad dmus long 'dra bar ni// bskal pa bye bar 'khyams sa re// 'di ni sems can thams cad la// phan phyir byang chub zhugs pa ste// mngon par 'byung phyir brtson rnams ni// byang chub dam pa rnyed mi dka'// 'dod pa'i phyir dang longs spyod phyir// byang chub spyad pa mi spyod kyi// sems can gang dag sangs rgyas kyi// ye shes tshol rnams ji ltar bde/ / stong gsum rin chen rnams dang ni// gos dang yul gzhan lha rdzas kyis// chal par bkang bar gyur kyang ni// de dag chags par bya mi nus// mi shes pa ni gang byas pa'i/ / sdig pa'i las ni bshags par gyis// mkhas pa nyes pa bshags nas ni// las dang lhan cig mi gnas so// 'od srungs de ltar lha des
- 213b
bskul ba na/ byang chub sems dpa' brtson 'grus chen po de'i pha ma de gnyis dang / mdza' bshes dang / gros grogs dang / nye du dang / rkan rabs de dag dang / skye bo la po che de dag gis nyes pa la nyes par bshags nas gzhon nu de la 'di skad ces smras te/ gzhon nu khyod ji ltar bsams pa bzhin song zhig/ rab tu'ang byung zhig/ zan yang zo zhig/ zas ma zos pas 'chi ba'i dus byas par gyur ta re zhes byas so// 'od srungs de ltar byang chub sems dpa' brtson 'grus chen po des zhag bdun gyi bar du zan bcad du zin kyang 'di lta ste/ sangs rgyas dang 'brel ba'i yid la byed pa dang / zhag bdun gyi bar du lha rnams kyis de'i lus la mdangs bcug pas na/ dbang po rnams gzhan du gyur par yang ma gyur/ bzhin gyi mdangs yongs su nyams par yang ma gyur to// 'od srungs byang chub sems dpa' brtson 'grus chen po des de ltar zhag bdun gyi bar du zan bcad de// khyim gyi gnas la mi lta zhing rgyal srid chen po de mchil ma'i thal ba bzhin du bor nas/ bud med brgyad khri bzhi stong po de dag dang / pha ma dang / nye du'i tshogs de dag gdong mchi mas gang ste/ ngu bzhin du de bzhin gshegs pa'i sku gzugs de khyer te rang gi grong khyer chen po nas byung nas/ dgon pa mi med pa/ gcan gzan gdug pa gnas pa'i nags shig tu zhugs so//
- 214a
de der zhugs nas ras bcos bu'i gzhi gang la de bzhin gshegs pa'i sku gzugs de bris pa'i ras bcos bu'i gzhi de bres nas/ ras bcos bu'i gzhi de nyid kyi mdun du rtswa'i gding ba bting ba'i steng du skyil mo krung bcas nas/ lus drang por bsrang ste 'dug nas/ de bzhin gshegs pa'i sku gzugs de la rtog par byed do// de de la rtog par byed pa na 'di snyam du sems te/ gang gi phyir de bzhin gshegs pa'i sku gzugs 'di'ang 'di tsam du mdzes pa yin na/ bcom ldan 'das de lta smos kyang ci dgos te/ sangs rgyas bcom ldan 'das de de tsam du mdzes pa ni ngo mtshar bas gang dag gis de bzhin gshegs pa de mthong ba de dag ni dpal yon can yin no snyam mo// de 'di snyam du ji ltar de bzhin gshegs pa blta bar bya snyam du sems par yang gyur to/ / de nas nags khrod de na lha zhig gnas par gyur pa gang yin pa des byang chub sems dpa' de'i sems kyis rtog pa sems kyis yongs su shes nas/ byang chub sems dpa' de la 'di skad ces smras so// grogs po khyod ji ltar de bzhin gshegs pa blta bar bya snyam du rnam par rtog pa byed pa gang yin pa de ni/ bzhin gshegs pa'i sku gzugs 'di ji lta ba de bzhin du blta bar bya zhing / de bzhin gshegs pa'i sku gzugs 'di ji ltar mthong ba de bzhin du de shegs pa'ang blta bar byaste//
- 214b
de ltar mthong na de bzhin gshegs pa legs par mthong ba yin no// de nas byang chub sems dpa' brtson 'grus chen po de 'di snyam du sems te/ ji ltar bltas na de bzhin gshegs pa mthong bar 'gyur bar de bzhin gshegs pa'i sku gzugs 'di la ji ltar blta bar bya snyam nas/ de 'di snyam du sems te/ ji ltar de bzhin gshegs pa'i sku gzugs 'di sems par mi byed/ rnam par shes par mi byed pa de bzhin du/ chos thams cad kyang sems par mi byed rnam par shes par mi byed de/ de bzhin gshegs pa'i sku'ang mtshan nyid de lta bu yin no/ / ji ltar de bzhin gshegs pa'i sku gzugs 'di ming du btags pa tsam du zad pa de bzhin du/ chos thams cad kyang ming du btags pa tsam du zad la/ ming de'ang ngo bo nyid kyis stong pa dang / rang bzhin gyis g.yo ba med pa yin te/ de bzhin gshegs pa'i sku'ang mtshan nyid de lta bu kho na yin no// ji ltar de bzhin gshegs pa'i sku gzugs 'di la thob pa med pa dang / mngon par rtogs pa med pa dang / shes pa med pa dang / mngon sum du bya ba med pa dang / 'bras bu med pa dang / 'bras bu rtogs pa med pa dang / gnas med pa dang / rten med pa dang / 'gro ba med pa dang / 'ong ba med pa dang / skye ba med pa dang / 'gag pa med pa dang / kun nas nyon mongs pa mang
- 215a
pa dang / rnam par byang ba med pa dang / sgra med pa dang / tshul med pa dang / tshul ma yin pa med pa dang / 'dod chags zad pa med pa dang / zhe sdang zad pa med pa dang / gti mug zad pa med pa dang / phung po rnams med pa dang / khams rnams med pa dang / skye mched rnams med pa dang / sngon gyi mtha' med pa dang / phyi ma'i mtha' med pa dang / dbus med pa de bzhin du chos thams cad kyang de dang 'dra ste/ de bzhin gshegs pa'i sku gzugs kyang mtshan nyid de lta bu yin no/ / ji ltar de bzhin gshegs pa'i sku gzugs 'di g.yo ba med pa dang / spyod pa med pa de bzhin du chos thams cad kyang de dang 'dra ste/ de bzhin gshegs pa'i sku'ang mtshan nyid de lta bu kho na yin no/ / ji ltar de bzhin gshegs pa'i sku gzugs 'di lta bar mi byed/ nyan par mi byed/ sprom par mi byed/ myang bar mi byed/ reg par mi byed/ sems par mi byed/ nyal bar mi byed/ ldang bar mi byed/ dbugs 'byung bar mi byed/ dbugs rngub par mi byed/ rnam par shes par mi byed pa de bzhin du chos thams cad kyang de dang 'dra ste/ chos thams cad ji lta ba de bzhin du de bzhin gshegs pa'i sku'ang mtshan nyid de lta bu yin no// ji ltar de bzhin gshegs pa'i sku gzugs
- 215b
'di 'dod pa'i khams su gtogs pa'ang ma yin/ gzugs kyi khams su gtogs pa'ang ma yin/ gzugs med pa'i khams su gtogs pa'ang ma yin pa de bzhin du chos thams cad kyang de dang 'dra ste/ de bzhin gshegs pa'i sku'ang mtshan nyid de lta bu yin no// ji ltar de bzhin gshegs pa'i sku gzugs 'di la tshu rol yang med/ pha rol yang med/ bar yang med/ thog ma'ang med/ 'jig pa'ang med/ rgyu ba'ang med/ spyod pa'ang med/ blang ba'ang med/ dor ba'ang med/ bya ba'ang med/ byed pa'ang med lbu ba'ang med/ bden pa'ang med/ brdzun pa'ang med/ bden pa mngon par shes pa'ang med/ kun tu 'dod chags pa'ang med/ yid byung ba'ang med/ 'khor ba'ang med// mya ngan las 'das pa'ang med pa de bzhin du/ chos thams cad kyang de dang 'a dra ste/ chos thams cad ji lta ba de bzhin du/ de bzhin gshegs pa'i sku'ang mtshan nyid de lta bu yin no snyam mo/ 'od srungs de ltar de bzhin gshegs pa'i sku la 'jug pa de lta bu des rab tu rtog par byed pa na nyin mtshan du skyil mo krung zhig par ma gyur cing / des nyin mtshan de la mngon par shes pa lnga dang / tshangs pa'i gnas pa bzhi dang / spobs pa thogs pa med pa dag kyang bsgrubs par gyur/ ting nge 'dzin kun tu snang ba zhes bya ba'ang bsgrubs par gyur nas/ de la snang ba'ang byung bar gyur te/
- 216a
snang ba byung bar gyur pa des lha'i mig rnam par dag pa mi'i las shin tu 'das pas/ phyogs bcu'i sangs rgyas bcom ldan 'das dpag tu med pa grangs med pa dag kyang mthong ngo / / lha'i rna ba sgrib pa med pas sangs rgyas bcom ldan 'das de dag gis chos bstan pa thams cad kyang thos te/ de bzhin gshegs pa gcig gis chos bstan pa'ang de bzhin gshegs pa gnyis pas chos bstan pa la sgrib par ma gyur cing / thams cad kyang mnyes par byas so// 'od srungs byang chub sems dpa' brtson 'grus chen po de zla ba bdun gyi bar du 'chag cing 'dug par gyur te/ shes pa'i zas ma gtogs par zas gzhan yang mi za zhing / lha rnams kyis de'i lhag pa'i bsam pa rig nas/ de'i lus la mdangs bcug par yang gyur to/ / 'od srungs byang chub sems dpa' brtson 'grus chen po des gos ngur smrig dag kyang ma bgos/ de bzhin gshegs pa'ang mngon sum du ma mthong / bslab pa'i gzhi rnams kyang ma blangs mod kyi/ 'on kyang thams cad mkhyen pa'i ye shes rjes su thob cing de ltar bslab pa 'dod par gyur pa la ltos/ 'od srungs byang chub sems dpa' ni 'di ltar de bzhin/ gshegs pa'i sku rab tu rnam par 'byed de/ ci nas kyang 'phel bar mi byed pa dang / 'bri bar mi byed pa de ltar rab tu rnam par 'byed do// 'od srungs byang chub sems dpa' ni ji
- 216b
ltar byang chub sems dpa' sems dpa' chen po brtson 'grus chen po des de bzhin gshegs pa'i sku de la bsnyen bkur byas pa de ltar de bzhin gshegs pa'i sku la bsnyen bkur bya'o/ / des de ltar bsnyen bkur byas shing yang dag pa ji lta ba bzhin du rab tu rtog par byed pa na/ ye shes chen po'i rnam pa 'di lta bu dag kyang bskyed par gyur to// ye shes kyi rnam pa des phyogs bcu'i sangs rgyas bcom ldan 'das tshad med grangs med dpag tu med pa dag kyang mthong bar gyur/ de dag chos ston pa dag kyang thos par gyur to// 'od srungs de nas byang chub sems dpa' brtson 'grus chen po de nags khrod de nas phyir byung ste/ grong dang / grong khyer dang / grong rdal dang / yul 'khor dang / rgyal po'i pho brang 'khor dag tu zhugs nas/ sems can rnams la chos ston par byed cing / des srog chags nyi khri ni bla na med pa yang dag par rdzogs pa'i byang chub kyi sems la bkod do// sems can tshad med grangs med pa dag ni nyan thos dang rang sangs rgyas kyi theg pa'i bsod nams dag la bkod par gyur to/ / pha ma de gnyis dang / btsun mo'i 'khor de dag dang / 'khor gzhan thams cad ni bla na med pa yang dag par rdzogs pa'i byang chub tu nges par byas so/ / 'od srungs de'i tshe de'i dus na byang chub sems dpa' sems dpa' chen po brtson 'grus chen po zhes bya bar gyur pa de gzhan
- 217a
zhig yin snyam du khyod nem nur dang / yid gnyis dang / the tsom za bar gyur na/ khyod kyis de ltar mi blta ste/ de ci'i phyir zhe na/ nga nyid de'i tshe de'i dus na byang chub sems dpa' brtson 'grus chen po zhes bya ba der gyur pa'i phyir ro/ / 'od srungs de lta bas na byang chub sems dpa' rnams kyis byang chub sems dpa' sems dpa' chen po brtson 'grus chen po de dang / de las gzhan pa'i byang chub sems dpa' sems dpa' chen po lhag pa'i bsam pa phun sum tshogs pa rnams kyi rjes su bslab par bya'o// 'od srung yang phyi ma'i tshe phyi ma'i dus lnga brgya pa tha ma la/ byang chub sems dpa'i theg pa pa'i rigs kyi bu dang rigs kyi bu mo thabs la mi mkhas pa/ brkam pa/ 'dod pas zil gyis non pa kha cig 'byung bar 'gyur te/ de dag ni ras bcos bu dang rtsig ngos la bris pa 'am/ de bzhin gshegs pa'i sku gzugs gzhan dag la mchod pa byas pas/ dngos grub dang rdzu 'phrul 'thob par sems shing / de dag 'di snyam du bdag cag ni de bzhin gshegs pa la mchod pa byed pa yin gyi/ gzhan dag ni mchod pa byed pa ma yin no snyam du rlom sems su'ang 'gyur te/ de dag dge ba cung zad tsam po des bdag la bstod par byed/ gzhan la smod par byed cing / gzhi des 'tsho bar sems par yang 'gyur ro// 'od srungs de'i tshe na gang dag gis de bzhin
- 217b
gshegs pa'i sku gzugs byed du bcug pa dang / 'dus pa dang / gzhan yang de bzhin gshegs pa'i mchod pa rnam pa sna tshogs dag ma gtogs par/ de ltar lung mnod pa yongs su tshol bar mi 'gyur/ kha ton mi byed/ bsam gtan mi sgom/ nang du yang dag 'jog la gces par sems par mi 'gyur te/ de dag de'i tshe na khyim pa dang / rab tu byung ba dag gis mchod pa dang / ri mo bya ba dang / shes pa pa dang / shin tu yongs su shes par yang 'gyur zhing / gzhi des de dag gis chos gos dang / bsod snyoms dang mal cha dang / stan dang / na ba'i gsos sman dang / yo byad dag kyang rnyed par 'gyur ro// 'od srungs ngas ni byang chub sems dpa'i theg pa pa rnams kyi las su 'di lta ste/ tshul khrims kyi phung po la gnas te/ mang du thos pa yongs su btsal bar bya'o zhes bstan na/ de dag ni de'i tshe na tshul khrims 'chal pa kho nar gnas shing chos yongs su btsal ba spangs nas/ de bzhin gshegs pa'i mchod rten dag la mchod pa'i las bya ba'i phyir brtson par 'gyur zhing / gzhi des 'tsho bar 'gyur bar sems pa la ltos// de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das ji tsam du de bzhin gshegs pas skyes bu dam pa ma lags pa de dag
- 218a
gi sgyu dang / g.yo dang / gya gyu de dag mang du bka' stsal pa ni ngo mtshar lags so// bde bar gshegs pa ngo mtshar lags te/ bcom ldan 'das rigs kyi bu dang kyi bu mo dad pa dang ldan pa dag gis mdo sde 'di lta bu thos nas su zhig tshul khrims kyi phung po yongs su sbyong bar mi bgyid lags/ bcom ldan 'das gzhan yang 'di lta ste/ slad ma'i tshe slad ma'i dus na rigs kyi bu dang rigs kyi bu mo dag gis chos kyi rnam grangs 'di thos nas/ bdag cag ni de bzhin gshegs pas mkhyen/ bdag cag ni de bzhin gshegs pa gzigs pas na/ bdag cag yul 'di lta bu la spyod pa las phyir ldog par bya'o zhes kun tu skyo ba skye bar 'gyur zhing / rab tu spyod par 'gyur bar/ bcom ldan 'das de bzhin gshegs pas chos kyi rnam grangs 'di byin gyis brlab tu gsol/ de skad ces gsol pa dang / bcom ldan 'das kyis/ gnas brtan 'od srungs chen po la 'di skad ces bka' stsal to/ / 'od srungs de bzhin gshegs pa gnas rnam pa 'di lta bu gang ci ston pa dang / yang dag par ston par mdzad pa de dag thams cad ni rigs kyi bu dang rigs kyi bu mo de dag nyid kyi cheng du ste/ 'di ltar de dag gis chos kyi rnam grangs 'di thos par 'gyur zhing / thos nas kya byon de dag yongs su spong bar 'gyur ba'i phyir ro//
- 218b
bcom ldan 'das kyis de skad ces bka' stsal nas/ gnas brtan 'od srungs chen po dang / byang chub sems dpa' sems dpa' chen po byams pa dang / 'jam dpal gzhon nur gyur pa dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa theg pa chen po'i chos kyi rnam grangs stong phrag brgya pa las/ byams pa'i seng ge'i sgra chen po'i le'u zhes bya ste/ nyi shu gsum pa rdzogs so// / rgya kar gyi mkhan po dzi na mi tra dang / su ren dra bo d+hi dang / pradz+nyA bar ma dang / zhu chen gyi lo ca ban de ye shes sde la sogs pas bsgyur cing zhus te gtan la phab pa/ sh+lau ka stong nyis brgya bam po bzhi'o// / rgya gar skad du/ Ar+ya bi na na ya bi ni sh+tsa ya u pa li pa ri pridz+dza nA ma ma hA yA na sU tra/ bod skad du/ 'phags pa 'dul ba rnam par gtan la dbab pa nye bar 'khor gyis zhus pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal
- 219a
bu rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang / byang chub sems dpa' stong tham pa dang thabs cig tu bzhugs so/ / de nas bcom ldan 'das kyis/ byang chub sems dpa' sems dpa' bo de dag la glang po che'i lta stangs kyis gzigs te bka' stsal pa/ rigs kyi bu dag khyed cag phyi ma'i tshe phyi ma'i dus na/ dam pa'i chos yongs su gzung ba'i phyir de bzhin gshegs pas bskal pa bye ba khrag khrig 'bum phrag grangs med par yang dag par bsgrubs pa/ bla na med pa yang dag par rdzogs pa'i byang chub 'di yang dag par gzung ba dang / sems can rnams yongs su smin par bya ba'i phyir thabs dang / tshul dang bsam pa sna tshogs kyis yongs su bskyang bar su spro/ de nas byang chub sems dpa' sems dpa' chen po byams pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag ni slad ma'i dus na dam pa'i chos yongs su gzung ba'i slad du/ de bzhin gshegs pas bskal pa bye ba khrag khrig 'bum phrag grangs ma mchis par yang dag
- 219b
bar bsgrubs pa/ bla na med pa yang dag par rdzogs pa'i byang chub 'di yang dag par 'dzin par spro lags so// byang chub sems dpa' seng ges gsol pa/ bcom ldan 'das bdag ni thabs dang / tshul dang / bsam pa sna tshogs kyis sems can rnams yongs su sbyong bar spro lags so// byang chub sems dpa' lag na rdo rjes gsol pa/ bcom ldan 'das bdag ni sems can rnams ngan song du mchi ba las yongs su thar par bgyid par spro lags so// 'jam dpal gzhon nur gyur pas gsol pa/ bcom ldan 'das bdag ni sems can rnams kyi gang zag gi bsam pa yongs su rdzogs par bgyid par spro lags so/ / byang chub sems dpa' ye shes tog gis gsol pa/ bcom ldan 'das bdag ni sems can ma 'tshal ba rnams yongs su smin par bgyid par spro lags so/ / byang chub sems dpa' chos kyi tog gis gsol pa/ bcom ldan 'das bdag ni chos kyi sbyin pas sems can rnams yongs su smin par bgyid par spro lags so/ / byang chub sems dpa' zla ba'i tog gis gsol pa/ bcom ldan 'das bdag ni yon tan rnams kyis sems can rnams yongs su smin par bgyid par spro lags so/ / byang chub sems dpa' nyi ma'i tog gis gsol pa/ bcom ldan 'das bdag ni theg pa bde bas sems can rnams yongs su smin par
- 220a
bgyid par spro lags so/ / byang chub sems dpa' ngag tsha ba med pas gsol pa/ bcom ldan 'das bdag ni sems can gyi khams mtha' yas pa dag yongs su smin par bgyid pa dang / yongs su 'dzin par spro lags so// byang chub sems dpa' bzang skyong gis gsol pa/ bcom ldan 'das bdag ni ming 'bras bu mchis par sgrog pas sems can rnams yongs su smin par bgyid par spro lags so/ / byang chub sems dpa' blo gros mi zad pas gsol pa/ bcom ldan 'das bdag ni smon lam rgya chen pos sems can gyi khams pas ma 'tshal ba rnams yongs su thar par bgyid par spro lags so/ / byang chub sems dpa' zla 'od gzhon nur gyur pas gsol pa/ bcom ldan 'das bdag ni bde ba'i yo byad thams cad kyis sems can rnams rab tu 'god par spro lags so/ / byang chub sems dpa' mig bzangs kyis gsol pa/ bcom ldan 'das bdag ni sems can rnams kyi bde ba dang / yid bde ba'i rtsa ba nye bar bsgrub par spro lags so// byang chub sems dpa' spyan ras gzigs dbang phyug gis gsol pa/ bcom ldan 'das bdag ni ngan song ngan 'gro dag las sems can rnams yongs su skyob par spro lags so/ / byang chub sems dpa' mthu chen thob kyis gsol la/ bcom ldan 'das bdag ni ngan song dag las ma brgal ba'i sems ca
- 220b
rnams sgrol bar spro lags so/ / byang chub sems dpa' tshogs can gyis gsol pa/ bcom ldan 'das bdag ni sems ma dul ba rnams la dul ba'i shul nye bar ston par spro lags so/ / byang chub sems dpa' yid bzangs kyis gsol pa/ bcom ldan 'das bdag ni sems can dman pa la mos pa rnams yongs su smin par bgyid par sprolag so/ / byang chub sems dpa' des pas gsol pa/ bcom ldan 'das bdag ni sems can shes rab dman pa rnams yongs su smin par bgyid par spro lags so// byang chub sems dpa' gzi brjid phung pos gsol pa/ bcom ldan 'das bdag ni sems can dud 'gro'i skye gnas su skyes pa rnams yongs su smin par bgyid par spro lags so// byang chub sems dpa' nyon mongs pa med pa rtogs par khong du chud pas gsol pa/ bcom ldan 'das bdag ni shul yang dag par ston pas sems can rnams yongs su smin par bgyid par spro lags so/ / byang chub sems dpa' mthong dgas gsol pa/ bcom ldan 'das bdag ni sems can rnams la bde ba'i yo byad tshad ma mchis pa dag nye bar sgrub par spro lags so/ / byang chub sems dpa' dbang po bzanga' gis gsol pa/ bcom ldan 'das bdag ni sdug bsngal dran par bgyid pas/ sems can rnams yongs su smin par
- 221a
bgyid par spro lags so/ / byang chub sems dpa' rnam par thar pa bsam gyis mi khyab pa la yang dag par zhugs pas gsol pa/ bcom ldan 'das bdag ni bsams pa tsam gyis yi dgas kyi 'jig rten du skyes pa'i sems can rnams yongs su thar par bgyid par spro lags so/ / byang chub sems dpa' nyi 'od kyis gsol pa/ bcom ldan 'das bdag ni sems can yongs su ma smin pa rnams yongs su smin par bgyid par spro lags so/ / byang chub sems dpa' dri ma med par grags pas gsol pa/ bcom ldan 'das bdag ni sems can rnams kyi bsam pa thams cad yongs su rdzogs par bgyid par spro lags so/ / byang chub sems dpa' gzi brjid stobs kyis gsol pa/ bcom ldan 'das bdag ni sems can rnams kyi ngan song gi shul 'gums par spro lags so/ / byang chub sems dpa' yid gnyis spong gis gsol pa/ bcom ldan 'das bdag ni sem can dman pa rnams sgrol bar spro lags so/ / byang chub sems dpa' bag tsha ba med par gnas pas gsol pa/ bcom ldan 'das bdag ni sems can rnams bsdu ba'i slad du legs so zhes bgyi ba stsol bar spro lags so/ / byang chub sems dpa' ye shes dpal gyis gsol pa/ bcom ldan 'das bdag ni sems can mos pa sna tshogs dang
- 221b
ldan pa rnams mos pa ji lta ba bzhin du yongs su smin par bgyid par spro lags so/ / byang chub sems dpa' gnas pa dpag med kyis gsol pa/ bcom ldan 'das bdag ni sem can rnams la 'dus ma bgyis kyi shul nye bar ston par spro lags so/ / byang chub sems dpa' chos thams cad la bag tsha ba med par gnas pas gsol pa/ bcom ldan 'das bdag ni mos pa sna tshogs dang ldan pa'i sems can rnams la mos pa ji lta ba bzhin yang dag par ston par spro lags so/ / byang chub sems dpa' rin chen dpal gyis gsol pa/ bcom ldan 'das bdag ni sems can rnams la rin po che'i phung po kun tu ston par spro lags so/ / byang chub sems dpa' blo gros bzang pos gsol pa/ bcom ldan 'das bdag ni zugs sdug pa ston pas sems can rnams yongs su smin par bgyid par spro lags so/ / byang chub sems dpa' dri med gzi brjid kyis gsol pa/ bcom ldan 'das bdag ni gcugs pas sems can rnams yang dag par 'dzin cing yongs su smin par bgyid par spro lags so/ / byang chub sems dpa' nor bu bzang gis gsol pa/ bcom ldan 'das bdag ni sngon gyi skye ba rjes su dran par bgyid pas sems can rnams yongs su smin par bgyid par spro lags so/ / byang chub sems dpa' bsod nams 'od zer gyis gsol pa/ bcom ldan
- 222a
'das bdag ni yang dag pa'i smon lam gyis sems can rnams 'dren par spro lags so/ / byang chub sems dpa' dpal bzang pos gsol pa/ bcom ldan 'das bdag ni sems can rnams sdug bsngal dag las gtan yongs su thar par bgyid par spro lags so/ / byang chub sems dpa' lag na rin po ches gsol pa/ bcom ldan 'das bdag ni sems can rnams rin po che dag gis bde bar bgyid par spro lags so/ / byang chub sems dpa' blo gros kyis gsol pa/ bcom ldan 'das bdag ni sems can dbul po rnams kyi dbul ba ma mchis par bgyid par spro lags so/ / byang chub sems dpa' sgrib pa thams cad rnam par sel bas gsol pa/ bcom ldan 'das bdag ni sems can rnams nyon mongs pa thams cad las yongs su thar par bgyid par spro lags so/ / byang chub sems dpa' rdo rje'i 'od kyi gsol pa/ bcom ldan 'das bdag ni sems can rnams la shul bzang po nye bar ston par spro lags so/ / byang chub sems dpa' yon tan gzugs ston gyis gsol pa/ bcom ldan 'das bdag ni bsam pa thams cad rab tu dga' bar bgyid pas sems can rnams yongs su thar par bgyid par spro lags so/ / byang chub sems dpa' chos mngon par 'phags kyis gsol pa/ bcom ldan 'das bdag ni sems can rnams la chos kyi mig rnam par sbyang ba
- 222b
ston par spro lags so/ / byang chub sems dpa' rdo rje'i snying pos gsol pa/ bcom ldan 'das bdag ni sems can rnams sgrib pa dag las yongs su thar par bgyid par spro lags so/ byang chub sems dpa' chos 'byung gis gsol pa/ bcom ldan 'das bdag ni chos kyis sems can rnams yongs su thar par bgyid par spro lags so// byang chu sems dpa' ci yang min gyis gsol pa/ bcom ldan 'das bdag ni sems can rnams kyi nyon mongs pa'i dug thams cad gzhig par spro lags so// byang chub sems dpa' zla mchog gis gsol pa/ bcom ldan 'das pa dag ni sems can rnams la chos kyi phyogs rab tu ston par spro lags so// byang chub sems dpa' seng ge blo gros kyis gsol pa/ bcom ldan 'das bdag ni sems can rnams la chos kyi sbyin pa stsol bar spro lags so/ / byang chub sems dpa' gzhon nu 'od kyi gsol pa/ bcom ldan 'das bdag ni sems can rnams dman pa'i gnas nas yongs su thar par bgyid par spro lags so/ / byang chub sems dpa' sangs rgyas dpal gyis gsol pa/ bcom ldan 'das bdag ni shul bzang po ston pas sems can rnams kyi ngan song gi shul 'gog par spro lags so/ / byang chub sems dpa' gser 'od kyis gsol pa/ bcom ldan 'das bdag ni lus ston pas sems can rnams yongs su smin par bgyid par spro
- 223a
lags so/ / byang chub sems dpa' bsod nams dpal gyis gsol pa/ bcom ldan 'das bdag ni sems can don bgyid pa rnams kyi don bgyid par spro lags so/ / byang chub sems dpa' 'gro ba 'dzin gyis gsol pa/ bcom ldan 'das bdag ni sems can rnams kyi sems can dmyal ba'i sgo 'gums par spro lags so// byang chub sems dpa' bdud rtsi 'chang gis gsol pa/ bcom ldan 'das bdag ni sems can rnams 'khor ba las sgrol bar spro lags so// byang chub sems dpa' dra ba can gyi 'od gzhon nur gyur pas gsol pa/ bcom ldan 'das bdag ni slad ma'i tshe slad ma'i dus na/ 'od bstan pas sems can rnams kyi nyon mongs pa rab tu zhi bar bgyid par spro lags so// de nas tshe dang ldan pa shA ri'i bus/ byang chub sems dpa' de dag gis sems can yongs su smin par bya ba'i go cha la 'jug pa bstan pa de lta bu de thos nas/ ngo mtshar dang rmad du byung ba 'dzin par gyur te/ bcom ldan 'das la 'di skad ces gsol to// bcom ldan 'das kye ma ji tsam du byang chub sems dpa' sems dpa' chen po 'di dag snying rje chen po dang / thabs la mkhas pa bsam gyis mi khyab cing / brtson 'grus brtan pa'i go cha chen po bgos pa dang / ji tsam du sems can thams cad kyis thul bar dka' ba dang / gting dpag dka' ba dang / bsnyen
- 223b
par dka' ba dang / rdzi bar dka' ba dang / zil gyis mi non pa'i gzi brjid dang ldan pa ni ngo mtshar lags te/ bcom ldan 'das gzhan yang 'di ltar byang chub sems dpa' sems dpa' chen po gzi brjid zil gyis mi non pa rnams kyi drung du mgo dang / lag pa dang / rkang pa dang / mig slong ba dag mchis te/ dngos po thams cad slong bar bgyid kyang / byang chub sems dpa' sems dpa' chen po rnams kun tu zhum par mi bgyid/ sgyid lug par mi bgyid cing rab tu spro bar bgyid pa ni bdag ngo mtshar du 'dzin lags so// bcom ldan 'das gzhan yang bdag 'di snyam du sems lags te/ sems can gang su dag gis byang chub sems dpa' sems dpa' chen po rnams la gnod par bgyis te/ nang dang phyi'i dngos po dge slong bar bgyid pa de dag thams cad ni rnam par thar pa bsam gyis mi khyab pa la gnas pa'i byang chub sems dpa' sems dpa' chen po sha stag tu gyur par sems lags so/ / de skad ces gsol ba dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu de de bzhin no// de de bzhin te// byang chub sems dpa' rnams kyi ting nge 'dzin dang / thabs dang / shes rab dang / ye shes kyi spyod yul de ni de lta bu yin te/ shA ri'i bu byang chub sems dpa' rnams kyi yul de ni nyan
- 224a
thos dngang sangs rgyas thams cad kyi sa ma yin no/ / shA ri'i bu de la byang chub sems dpa' sems dpa' chen po rnams ni sems can rnams kyi bsam pa yongs su rdzogs par bya ba'i phyir/ sangs rgyas kyi rnam par 'phrul pa thams cad kun tu ston par byed kyang / byang chub sems dpa'i chos nyid las mi g.yo'o// shA ri'i bu de l a byang chub sems dpa' sems dpa' chen po rnams ni sems can khyim bdag gi rgyags pas myos pa rnams la dbang phyug gis rgyags pa bsal ba'i phyir khyim bdag gi kArdza nye bar ston par byed do/ / sems can spo bas rgyags shing myos pa rnams la spro ba'i rgyags pa bsal ba'i phyir chen po che chen po'i stobs dang / sred med kyi bu'i spro ba'i stobs nye bar ston par byed do/ / sems can mya ngan las 'das pa don du gnyer ba rnams la mya ngan las 'das pa'i lam sna tshogs nye bar ston par byed do// nyan thos kyi theg pa don du gnyer ba'i sems can rnams la ni nyan thos kyi theg pas yongs su mya ngan las 'das bzla ba'i phyir/ nyan thos kyi gzugs nye bar ston par byed do// rang sangs rgyas kyi theg pa don du gnyer ba'i sems can rnams la ni rten cing 'brel par 'byung ba la 'jug par bya ba'i phyir/ rang sangs rgyas kyi gzugs nye bar ston par byed do// byang chub
- 224b
don du gnyer ba'i sems can rnams la ni sangs rgyas kyi chos thams cad yang dag par thob par bya ba'i phyir/ sangs rgyas kyi gzugs nye bar ston par byed de/ shA ri'i bu de ltar na byang // chub sems dpa' sems dpa' chen po rnams ni thabs sna tshogs kyis sems can gyi khams yongs su smin par byas nas/ sangs rgyas kyi chos rnams la rab tu 'god par byed do// de ci'i phyir zhe na/ shA ri'i bu de bzhin gshegs pa'i ye shes shin tu mya ngan las 'das pa'i rnam par thar pa ma gtogs par sems can rnams kyi rnam par thar pa gzhan med de/ de'i phyir de bzhin gshegs pa zhes bya ba'i phyir ro// de ci'i phyir zhe na/ de bzhin gshegs pas ni de bzhin nyid ji lta ba bzhin 'di thugs su chud de/ de'i phyir de bzhin gshegs pa zhes bya ba dang / gdags pa sna tshogs kyis sems can rnams la rnam par rig par mdzad de/ de'i phyir de bzhin gshegs pa zhes bya ba dang / dge ba'i chos thams cad dang ldan pa dang / mi dge ba'i chos thams cad spangs pas/ de'i phyir de bzhin gshegs pa zhes bya ba dang / sems can bcings pa rnams las thar pa nye bar ston par mdzad pas// de'i phyir de bzhin gshegs pa zhes bya ba dang / sems can lam ngan par zhugs pa rnams la lam bzang po nye bar ston par mdzad pas/ de'i phyir de bzhin gshegs pa zhes bya/
- 225a
ba dang / stong pa nyid gsung ba dang / stong pa nyid las nges par byung bas/ de'i phyir de bzhin gshegs pa zhes bya ba'i phyir ro// shA ri'i bu byang chub sems dpa' sems dpa' chen po rnams ni/ byis pa so so'i skye bo rnam par rmongs pa rnams la yang dag pa'i chos rjes su rtogs par bya ba'i phyir/ mos pa ji lta ba bzhin du rnam par rig pa rnam pa sna tshogs kyis rnam par thar pa nye bar ston par byed kyang / byang chub sems dpa'i chos nyid las mi g.yo'o// rim gyis byang chub kyi snying po thob par bya ba'i phyir/ sems can rnams la sgyu ma'i bkod pa rnam pa sna tshogs kyang nye bar ston to/ / shA ri'i bu gzhan yang byang chub sems dpa' sems dpa' chen po khyim pa khyim na gnas pas ni sbyin pa gnyis la gnas par bya'o/ / gnyis gang zhe na/ 'di lta ste/ chos sbyin pa dang / zang zing sbyin pa la ste/ shA ri'i bu byang chub sems dpa' sems dpa' chen po khyim pa khyim na gnas pas ni rjes su chags pa med pa dang / khong khro ba med pas sbyin pa de gnyis la gnas par bya'o// shA ri'i bu byang chub sems dpa' sems dpa' chen po rab tu byung bar gtogs pas ni sbyin pa chen po bzhi la gnas par bya'o/ / bzhi gang zhe na/ 'di lta ste/ spyi gu sbyin pa dang / snag cha sbyin pa dang / glegs bam sbyin pa dang / chos sbyin
- 225b
pa la ste/ shA ri'i bu byang chub sems dpa' sems dpa' chen po rab tu byung bar gtogs pas ni sbyin pa bzhi po de dag la gnas par bya'o// shA ri'i bu byang chub sems dpa' sems dpa' chen po mi skye ba'i chos la bzod pa thob pas ni gtong ba gsum la gnas par bya'o/ / gsum gang zhe na/ 'di lta ste/ gtong ba dang / gtong ba chen po dang / shin tu gtong ba la'o// de la gtong ba ni rgyal srid yongs su gtong ba'o// gtong ba chen po ni chung ma dang / bu dang / bu mo yongs su gtong ba'o// shin tu gtong ba ni mgo dang / lag pa dang / rkang pa dang / mig dang / pags pa dang / rus pa dang / rkang yongs su gtong ba ste/ shA ri'i bu byang chub sems dpa' sems dpa' chen po mi skye ba'i chos la bzod pa thob pas ni yongs su gtong ba gsum po de dag la gnas par bya'o/ / shA ri'i bus gsol pa/ bcom ldan 'das byang chub sems dpa' rnams 'dod chags kyis mi 'jigs pa lags sam/ zhe sdang dang gti mug gis mi 'jigs pa lags sam/ bcom ldan 'das kyis bka' stsal pa/ shA ri'i bu byang chub sems dpa' rnams kyi kha na ma tho ba chen po dang bcas pa'i nyes pa ni gnyis te/ gnyis gang zhe na/ 'di lta ste/ zhe sdang dang ldan pa dang / gti mug dang ldan pa ste/
- 226a
ri'i bu gnyis po de dag ni byang chub sems dpa' rnams kyi kha na ma tho ba chen po dang bcas pa'i nyes pa yin no// shA ri'i bu de la 'dod chags ni kha na ma tho ba dang / bcas pa chung la 'bral ba bul ba yin no// zhe sdang ni kha na ma tho ba dang bcas pa che la 'bral ba myur ba yin no// gti mug ni kha na ma tho ba dang bcas pa che la 'bral ba bul ba yin no// de ci'i phyir zhe na/ shA ri'i bu 'dod chags ni 'khor ba'i 'khri shing kun tu 'dzin pa'i phyir/ nying mtshams sbyor ba'i sa bon yin pa dang / zhe sdang ni myur du yongs su spong ba'i phyir/ ngan song du 'gro ba'i rgyur gyur pa yin pa dang / gti mug ni rnam par 'grol bar dka' ba'i phyir/ sems can dmyal ba chen po brgyad du rab tu lhung ba'i rgyur gyur pa yin pa'i phyir ro// shA ri'i bu de la byang chub sems dpa' nyes pa dang po'i lci ba ni tshogs bcu la drang por bshags par bya'o/ / bud med kyi lag pa nas 'dzin pa'i lag pa'i nyes pa lci ba ni tshogs lnga la bshags par bya'o// nyon mongs pa can gyi sems kyi mig gis bltas pa'i nyes pa ni gang zag gcig gam/ gnyis kyi mdun du bshags par bya'o// byang chub sems dpa' mtshams med pa lnga dang ldan pa'i nyes pa dang bud med kyi nyes pa dang / khye'u'i nyes pa dang / lag pa'i nyes pa dang / mchod rten gyi nyes pa dang / dge 'dun gyi nyes pa dang / de las gzhan pa'i nyes pa lci ba rnams ni sangs rgyas
- 226b
bcom ldan 'das sum cu rtsa lnga'i spyan sngar gcig pus nyin mtshan du bshags par bya'o/ / de la bshags pa ni 'di yin te/ bdag ming 'di zhes bgyi ba/ sangs rgyas la skyabs su mchi'o/ / chos la skyabs su mchi'o// dge 'dun la skyabs su mchi'o// de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo/ / rdo rje'i snying pos rab tu 'joms pa la phyag 'tshal lo// rin chen 'od 'phrog la phyag 'tshal lo// klu dbang gi rgyal po la phyag 'tshal lo// dpa' bo'i sde la phyag 'tshal lo/ dpa' dgyes la phyag 'tshal lo// rin chen me la phyag 'tshal lo// rin chen zla 'od la phyag 'tshal lo// mthong ba don yod la phyag 'tshal lo// rin chen zla ba la phyag 'tshal lo/ dri ma med pa la phyag 'tshal lo// dpas sbyin la phyag 'tshal lo// tshangs pa la phyag 'tshal lo// tshangs pas byin la phyag 'tshal lo// chu lha la phyag 'tshal lo// chu lha'i lha la phyag 'tshal lo/ / dpal bzangs la phyag 'tshal lo// tsan dan dpal la phyag 'tshal lo// gzi brjid mtha' yas la phyag 'tshal lo// 'od dpal la phyag 'tshal lo// mya ngan med pa'i dpal la phyag 'tshal lo// sred med kyi bu la phyag 'tshal lo// me tog dpal la phyag 'tshal lo// de bzhin gshegs pa tshangs pa'i 'od zer rnam par rol pas mngon
- 227a
par mkhyen pa la phyag 'tshal lo/ / de bzhin gshegs pa pad+ma'i 'od zer rnam par rol pas mngon par mkhyen pa la phyag 'tshal lo// nor dpal la phyag 'tshal lo/ dran pa'i dpal la phyag 'tshal lo// mtshan dpal shin tu yongs bsgrags la phyag 'tshal lo// dbang po tog gi rgyal mtshan gyi rgyal po la phyag 'tshal lo// shin tu rnam par gnon pa'i dpal la phyag 'tshal lo/ / g.yul las shin tu rnam par rgyal ba la phyag 'tshal lo// de bzhin gshegs pa rnam par gnon pas gshegs pa la phyag 'tshal lo// kun nas snang ba bkod pa'i dpal la phyag 'tshal lo/ / rin chen pad+mas rnam par gnon pa la phyag 'tshal lo// de bzhin gshegs pa dgra bcom pa yang dag pa rdzogs pa'i sangs rgyas rin po che'i pad+ma la rab tu bzhugs pa'i sangs rgyas ri dbang gi rgyal po la phyag 'tshal lo/ / de dag la sogs pa phyogs bcu'i 'jig rten gyi khams thams cad na/ de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs te/ 'tsho zhing gzhes pa'i sangs rgyas bcom ldan 'das de dag thams cad bdag la dgongs su gsol/ bdag gis skye ba 'di dang / skye ba thog ma dang tha ma ma mchis ba nas 'khor ba na 'khor ba'i skye ba gzhan dag tu sdig pa'i las bgyis pa dang / bgyid du stsal ba dang / bgyid pa la rjes su yi rang ba 'am/ mchod rten gyi dkor ram/ dge 'dun gyi
- 227b
dkor ram/ phyogs bcu'i dge 'dun gyi dkor phrogs pa dang / 'phrog tu stsal ba dang / 'phrog pa la rjes su yi rang ba 'am/ mtshams ma mchis pa lnga'i las bgyis pa dang / bgyid du stsal ba dang / bgyid pa la rjes su yi rang ba 'am/ mi dge ba bcu'i las kyi lam yang dag par blang ba la zhugs pa dang / 'jug tu stsal pa dang / 'jug pa la rjes su yi rang ba 'am/ las kyi sgrib pa gang gis bsgribs nas/ bdag sems can dmyal bar mchi ba 'am/ dud 'gro'i skye gnas su mchi ba 'am/ yi dgas kyi yul du mchi ba 'am/ yul mtha' 'khong du skye 'am kla klor skye ba 'am/ lha tshe ring po rnams kyi nang du skye ba 'am/ dbang po ma tshang bar 'gyur ba 'am/ lta ba log pa 'dzin par 'gyur ba 'am/ sangs rgyas 'byung ba mnyes par mi bgyid par 'gyur ba'i las kyi sgrib pa gang lags pa de dag thams cad/ sangs rgyas bcom ldan 'das ye shes su gyur pa/ spyan du gyur pa/ dbang du gyur pa/ tshad mar gyur pa// mkhyen pa gzigs pa/ de dag gi spyan sngar 'thol lo// 'chags so// mi 'chab bo// slan chad kyang sdom par bgyid lags so// sangs rgyas bcom ldan 'das de dag bdag la dgongs su gsol/ bdag gis skye ba 'di dang / skye ba thog ma dang tha ma mchis pa nas/ 'khor ba na 'khor ba'i skye ba gzhan dag tu/ sbyin pa tha na dud 'gro'i skye gnas su skyes pa la
- 228a
zas pam gcig tsam sprul pa gang lags pa dang / rnalnga khrims bsrungs pa gang lags pa dang / bdag gis tshangs par spyod pa la gnas pa'i dge ba'i rtsa bgang lags pa dang / bdag gis sems can yongs su smin par bgyis pa'i dge ba'i rtsa ba gang lags pa dang / bdag gi byang chub kyi sems kyi dge ba'i rtsa ba gang lags pa dang bdag gi bla na med pa'i ye shes kyi dge ba'i rtsa ba gang lags pa de dag thams cad gcig tu bsdus shing bzlums te bsdoms nas/ bla ma ma mchis pa dang / gong na ma mchis pa dang / gong ma'i yang gong mar yongs su bsngo bas/ bla na med pa yang dag par rdzogs pa'i byang chub tu yongs su bsngo bar bgyi'o// ji ltar 'das pa'i sangs rgyas bcom ldan 'das rnam kyis yongs su bsngos pa dang / ji ltar ma 'ongs pa'i sangs rgyas bcom ldan 'das rnams yongs su sngo bar 'gyur ba dang / ji ltar da ltar byung ba'i sangs rgyas bcom ldan 'das rnams da ltar yongs su sngo bar mdzad pa de ltar/ bdag gis kyang yongs su bsngo bar bgyi'o// sdig pa thams cad 'chags so// bsod nams thams cad kyi rjes su yi rang ngo // sangs rgyas thams cad la gsol ba 'debs so// bdag gis ye shes bla na med pa'i mchog tu gyur cig/ mi mchog rgyal ba gang dag da ltar bzhugs pa dang / gang dag 'das pa
- 228b
dag dang de bzhin gang ma byon/ / yon tan bsngags pa mtha' yas rgya mtsho 'dra kun la/ thal mo sbyar ba bgyis te skyabs su nye bar mchi/ shA ri'i du de ltar byang chub sems dpa' sangs rgyas bcom ldan 'das sum cu rtsa lnga po de dag la sogs pa de bzhin gshegs pa thams cad dang ldan pa'i yid la byed pa dag gi sdig pa thams cad rnam par dag par bya'o/ / de ltar sdig pa thams cad rnam par dag pa de la/ sangs rgyas bcom ldan 'das de dag nyid kyang sems can rnam par thar par bya ba kho na'i phyir zhal nye bar ston par mdzad do// de bzhin du byis pa so so'i skye bo 'khrul pa rnams yongs su smin par bya ba'i phyir/ tshig 'bru rnam pa sna tshogs nye bar ston par mdzad kyang / chos kyi dbyings las mi g.yo la/ sems can mos pa sna tshogs dang ldan pa rnams mos pa ji lta ba bzhin du rnam par thar par bya ba'i phyir/ smon lam yongs su rdzogs par yang mdzad do// shA ri'i bu de la byang chub sems dpa' sems dpa' chen po snying rje chen po'i ting nge 'dzin la snyoms par zhugs pa ni/ sems can yongs su smin par bya ba'i phyir/ sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi 'gro ba nye bar ston par byed do// byang chub sems dpa' sems dpa' chen po bkod pa chen po'i ting nge 'dzin la snyoms par zhugs pa ni/ sems can yongs su
- 229a
smin par bya ba'i phyir/ khyim bdag gi gzugs nye bar ston par byed do// byang chub sem dpa' sems dpa' chen po mchog gi ting nge 'dzin la snyoms par zhugs pa ni/ sems can yongs su smin par bya ba'i phyir/ 'khor los sgyur ba'i gzugs nye bar ston par byed do// byang chub sems dpa' sems dpa' chen po gzi brjid drag po'i ting nge 'dzin la snyoms par zhugs pa ni/ sems can yongs su smin par bya ba'i phyir/ brgya byin dang tshangs pa'i gzugs nye bar ston par byed do// byang chub sems dpa' sems dpa' chen po rtse gcig pa'i ting nge 'dzin la snyoms par zhugs pa ni/ sems can yongs su smin par bya ba'i phyir/ nyan thos kyi gzugs nye bar ston par byed do// byang chub sems dpa' sems dpa' chen po dag pa gnyis su med pa'i ting nge 'dzin la snyoms par zhugs pa ni/ sems can yongs su smin par bya ba'i phyir/ rang sangs rgyas kyi gzugs nye bar ston par byed do// byang chub sems dpa' sems dpa' chen po zhi ba'i ting nge 'dzin la snyoms par zhugs pa ni/ sems can yongs su smin par bya ba'i phyir/ yang dag par rdzogs pa'i sangs rgyas kyi gzugs nye bar ston par byed do// byang chub sems dpa' sems dpa' chen po chos thams cad la dbang sgyur ba'i ting nge 'dzin la snyoms par zhugs pa ni/ sems can yongs su smin par bya ba'i phyir/ mos pa ji lta ba bzhin du gzugs nye bar
- 229b
ston par byed de/ shA ri'i bu de ltar na skyes bu dam pa rnams ni/ sems can yongs su smin par bya ba'i phyir/ la lar ni brgya byin gyi gzugs/ la lar ni tshangs pa'i gzugs la lar ni 'khor los sgyur ba'i gzugs nye bar ston par yang byed la/ chos kyi dbyings las kyang mi g.yo'o// de ci'i phyir zhe na/ 'di lta ste/ byang chub sems dpa' ni sems can yongs su smin par bya ba'i phyir/ mos pa sna tshogs dang ldan pa'i sems can rnams la rnam par rig pa'i gzugs rnam pa sna tshogs nye bar ston par byed kyang / de la bdag tu dmigs pa'ang med sems can du dmigs pa'ang med la/ sems can rnams la 'gro ba sna tshogs kyi gzugs nye bar ston par yang byed pa'i phyir ro// shA ri'i bu 'di ji snyam du sems/ ri dgas kyi rgyal po seng ge'i sgra skad gang yin pa de byi las bzod par nus snyam mam/ shA ri'i bus gsol pa/ bcom ldan 'das de ni mi bzod lags so// bcom ldan 'das kyis bka' stsal pa/ ri'i bu 'di ji snyam du sems/ spos kyi glang po che'i khal gang yin pa de bong bus bzod par nus snyam mam/ shA ri'i bus gsol pa/ bcom ldan 'das de ni mi bzod lags so// bcom ldan 'das kyis bka' stsal pa/ shA ri'i bu 'di ji snyam du sems/ brgya byin dang tshangs pa dag gi gzi brjid kyi bdag po gang yin pa de mi dbul pos bzod par nus snyam mam/
- 230a
shA ri'i bus gsol pa/ bcom ldan 'das de ni mi bzod lags so// bcom ldan 'das kyis bka' stsal pa/ shA ri'i bu 'di ji snyam du sems/ bya'i rgyal po/ nam mkha' lding gi pha rol gnon pa gang yin pa de bya rgod kyi phrug gus bzod par nus sgyum mam/ shA ri'i bus gsol pa/ bcom ldan 'das de ni mi bzod lags so// bcom ldan 'das kyis bka' stsal pa/ shA ri'i bu de bzhin du byang chub sems dpa' rnams kyi sems dpa' ba dang / dge ba'i rtsa ba'i stobs bskyed pa las byung zhing / shes pa las nges par 'byung ba'i nyes pa gang yin pa dang / nyes pa 'gyod pa'i gnas sangs rgyas mthong ba'i ting nge 'dzin la snyoms par 'jug pa thob pas rnam par sbyong ba gang yin pa de ni/ sems can thams cad dang / nyan thos dang / rang sangs rgyas kyi theg pa pa thams cad kyis rnam par sbyong bar mi nus so// byang chub sems dpa' ni/ sangs rgyas bcom ldan 'das de dag gi mtshan 'dzin cing yongs su rjod pa dang / phung po gsum pa'i chos kyi rnam grangs nyin lan gsum mtshan lan gsum brjod pas nyes pa 'arjod pa'i gnas las nges par 'byung zhing / ting nge 'dzin kyang 'thob pa 'gyur ro/ / / bam po gnyis pa ste tha ma'o// de'i tshe na tshe dang ldan pa nye bar 'khor nang du yang dag 'jog las langs nas/ bcom ldan 'das ga
- 230b
la ba der song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'jug go// phyogs gcig tu 'dug nas/ bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das 'di na bdag gcig pu dben par mchis nas/ nang du yang dag bzhag pa na sems la yongs su rtog pa 'di lta bu 'di skyes lags te/ bcom ldan 'das kyis nyan thos kyi theg pa pa dang / rang sangs rgyas kyi theg pa pa rnams la ni so sor thar pa'i sdom pa lhag pa'i tshul khrims kyi bslab pa yongs su dag pa bcas la/ bcom ldan 'das kyis byang chub sems dpa'i theg pa pa rnams kyis ni srog gi phyir yang bslab pa yongs su mi gtong ngo zhes gsungs pa lags na/ bcom ldan 'das yongs su mya ngan las 'das sam bzhugs kyang rung ste/ nyan thos kyi theg sa pa rnams kyi so sor thar pa'i sdom pa ni ji ltar brjod par bgyi/ rang sangs rgyas kyi theg pa pa rnams kyi so sor thar pa'i sdom pa ni ji ltar brjod par bgyi/ theg pa chen po la yang dag par zhugs pa'i byang chub sems dpa' rnams kyi so sor thar pa'i sdom pa ni ji ltar brjod par bgyi/ bcom ldan 'das kyis bdag ni 'dul ba 'dzin pa rnams kyi mchog lags par bka' stsal na/ ci nas kyang bdag gis bcom ldan 'das las 'dul ba la mkhas pa mngon sum
- 231a
du thos shing / mngon sum du bzung nas/ mi 'jigs pa thob cing 'khor rnams la rgya cher yang dag par ston par 'gyur ba de ltar bcom ldan 'das kyis bdag la rgya cher yang dag par bstan du gsol bar bgyi lags so snyam ste/ bcom ldan 'das pa dag gcig pu dben par mchis nas/ nang du yang dag bzhag pa na sems la bdag de bzhin gshegs pa'i spyan sngar mchis la 'dul ba rnam par gtan la dbab pa yongs su zhu'o snyam pa de lta bu'i yongs su rtog pa skyes par gyur lags na/ de'i slad du bcom ldan 'das de bzhin gshegs pas dge slong gi 'khor dang / byang chub sems dpa'i 'khor chen po 'dus pa la/ 'dul ba rnam par gtan la dbab pa rgya cher legs par bstan du gsol/ de skad ces gsol pa dang / bcom ldan 'das kyis/ tshe dang ldan pa nye bar 'khor la 'di skad ces bka' stsal to// nye bar 'khor de'i phyir khyod kyis nyan thos kyi theg pa pa rnams kyis bslab pa ni sbyor ba gzhan dang / lhag pa'i bsam pa gzhan gyis yongs su dag pa yin par smros shig/ theg pa chen po la yang dag par zhugs pa'i byang chub sems dpa' rnams kyi bslab pa'ang sbyor ba gzhan dang / lhag pa'i bsam pa gzhan gyis yongs su dag pa yin par spros shig/ de ci'i phyir zhe na/ nye bar 'khor nyan thos kyi theg pa pa rnams kyi sbyor ba'ang gzhan/ lhag pa'i
- 231b
bsam pa'ang gzhan la/ theg pa chen po la yang dag par zhugs pa'i byang chub sems dpa' rnams kyi sbyor ba'ang gzhan/ lhag pa'i bsam pa'ang gzhan yin pa'i phyir ro// nye bar 'khor de la nyan thos kyi theg pa pa'i tshul khrims yongs su dag pa gang yin pa de ni theg pa chen po la yang dag par zhugs pa'i byang chub sems dpa'i tshul khrims yongs su ma dag pa nyid dang / shin tu 'chal pa'i tshul khrims nyid yin la/ theg pa chen po la yang dag par zhugs pa'i byang chub sems dpa'i tshul khrims yongs su dag pa nyid gang yin pa de dag ni nyan thos kyi theg pa pa'i tshul khrims yongs su ma dag pa nyid dang / shin tu 'chal pa'i tshul khrims nyid yin no// de ci'i phyir zhe na/ nye bar 'khor 'di la nyan thos kyi theg pa pa ni/ de'i skad cig tsam yang srid par skye ba len par mi byed do// de ni nyan thos kyi theg pa pa'i tshul khrims yongs su dag pa nyid yin la/ de ni theg pa chen po la yang dag pa zhugs pa'i byang chub sems dpa'i tshul khrims yongs su ma dag pa nyid dang / shin tu 'chal pa'i tshul khrims nyid yin pa'i phyir ro// nye bar 'khor theg pa chen po la yang dag par zhugs pa'i byang chub sems dpa'i tshul khrims yongs su dag pa nyid gang yin pa/ nyan thos kyi theg pa pa'i tshul khrims yongs su ma dag pa nyid dang / shin tu 'chal pa'i tshul
- 232a
khrims nyid du 'gyur ba gang zhe na/ nye bar 'khor 'di la theg pa chen po la yang dag par zhugs pa'i byang chub sems dpa' bskal pa tshad med grangs med par srid// par skye ba len kyang sems yongs su mi skyo zhing / yid yongs su mi skyo ba de ni theg pa chen po la yang dag par zhugs pa'i byang chub sems dpa'i tshul khrims yongs su dag pa nyid yin/ la de ni nyan thos kyi theg pa pa'i tshul khrims yongs su ma ngag pa nyid dang / shin tu 'chal pa'i tshul khrims nyid yin no// nye bar 'khor de lta bas na khyod kyis theg pa chen po la yang dag par zhugs pa'i byang chub sems dpa' rnams kyi bslab pa ni rjes su bsrung ba dang bcas pa yin par smros shig/ nyan thos kyi theg pa pa rnams kyi bslab pa ni rjes su bsrung ba med pa yin par smros shig/ theg pa chen po la yang dag par zhugs pa'i byang chub sems dpa' rnams kyi bslab pa ni bcos su yod pa yin par smros shig/ nyan thos kyi theg pa pa rnams kyi bslab pa ni bcos su med pa yin par smros shig/ theg pa chen po la yang dag par zhugs pa'i byang chub sems dpa' rnams kyi bslab pa ni ring du rjes su zhugs pa yin par smros shig/ nyan thos kyi theg pa pa rnams kyi bslab pa ni mthar chags yin par smros shig/ nye bar 'khor de la ji ltar na theg pa chen po la yang dag par zhugs
- 232b
pa'i byang chub sems dpa' rnams kyi bslab pa rjes su bsrung ba dang bcas pa yin la/ nyan thos kyi theg pa pa rnams kyi bslab pa rjes su bsrung ba med pa yin zhe na/ nye bar 'khor 'di la theg pa chen po la yang dag par zhugs pa'i byang chub sems dpa' ni sems can gzhan dag dang / gang zag gzhan dag gi sems kyi rjes su 'jug par bya dgos la/ nyan thos kyi theg pa pa rnams la ni mi dgos te/ nye bar 'khor rnam grangs des na/ theg pa chen po la yang dag par zhugs pa'i byang chub sems dpa' rnams kyi bslab pa ni rjes su bsrung ba dang bcas pa yin la/ nyan thos kyi theg pa pa rnams kyi bslab pa ni rjes su bsrung ba med pa yin no// nye bar 'khor ji ltar na theg pa chen po la yang dag par zhugs pa'i byang chub sems dpa' rnams kyi bslab pa ni bcos su yod pa yin la/ nyan thos kyi theg pa pa rnams kyi bslab pa bcos su med pa yin zhe na/ nye bar 'khor 'di la theg pa chen po la yang dag par zhugs pa'i byang chub sems dpa' ni gal te snga dro'i dus kyi tshe nyes pa byung la/ gung tshigs kyi dus kyi tshe thams cad mkhyen pa nyid kyi sems dang ma bral bas gnas par byed na/ theg pa chen po la yang dag par zhugs pa'i byang chub sems dpa'i tshul khrims kyi phung po yongs su ma gtugs pa kho na yin no/ / gal te gung tshigs kyi dus kyi tshe nyes pa byung la/ phyi dro'i dus kyi tshe thams cad mkhyen pa nyid kyi sems dang
- 233a
ma bral bas gnas par byed na/ theg pa chen po la yang dag par zhugs pa'i byang chub sems dpa'i tshul khrims kyi phung po ma gtugs pa kho na yin no// gal te phyi dro dus kyi tshe nyes pa byung ba/ mtshan mo'i thun dang po la thams cad mkhyen pa nyid kyi sems dang ma bral bas gnas par byed na/ theg pa chen po la yang dag par zhugs pa'i byang chub sems dpa'i tshul khrims kyi phung po yongs su ma gtugs pa kho na yin no/ / gal te mtshan mo'i thun dang po la zhes pa byung la/ mtshan mo'i gung thun la thams cad mkhyen pa nyid kyi sems dang ma bral bas gnas par bye natheg pa chen po la yang dag par zhugs pa'i byang chub sems dpa'i tshul khrims kyi phung po yongs su ma gtugs pa kho na yin no/ / gal te mtshan mo'i gung thun la nyes pa byung la/ mtshan mo'i thun mtha' ma la thams cad mkhyen pa nyid kyi sems dang ma bral bas gnas par byed na/ theg pa chen po la yang dag par zhugs pa'i byang chub sems dpa'i tshul khrims kyi phung po yongs su ma gtugs pa kho na yin no/ / nye bar 'khor de ltar na theg pa chen po la yang dag par zhugs pa'i byang chub sems dpa' rnams kyi bslab pa ni bcos su yod pa yin te/ de la ni byang chub sems dpas 'gyod pa'i kun nas ldang ba ha cang bskyed par mi bya zhing / ha cang yid la gzugs par yang mi bya'o// nye bar 'khor de la nyan thos kyi theg pa pa yang dang yang du nyes pa byung
- 233b
nyan thos kyi theg pa pa'i tshul khrims kyi phung po nyams pa dang / rab tu nyams pa dang / yongs su gtugs pa yin par rig par bya'o// de ci'i phyir zhe na/ nyan thos kyi theg pa pas na nyon mongs pa thams cad spang ba'i phyir/ mgo dang gos la me 'bar ba lngar bya dgos pa'i phyir te/ de ltar na nyan thos kyi theg pa pa lhag pa'i bsam pas yongs su mya ngan las 'da' bar 'dod pa rnams kyi bslab pa ni bcos su med pa yin no/ / nye bar 'khor ji ltar na theg pa chen po la yang dag par zhugs pa'i byang chub sems dpa' rnams kyi bslab pa ring du rjes su zhugs pa yin la/ nyan thos kyi theg pa pa rnams kyi bslab pa mthar chags yin zhe na/ nye bar 'khor 'di la gal te theg pa chen po la yang dag par zhugs pa'i byang chub sems dpas bsku pa gang+gA'i klung gi bye ma snyed du 'dod pa'i yon tan lnga po dag gis rtse ba dang / dga' ba dang / dga' dgur spyad pa byas kyang byang chub kyi sems mi gtong na/ theg pa chen po la yang dag par zhugs pa'i byang chub sems dpa'i bslab pa yongs su ma gtugs pa kho na yin par rig par bya'o/ / de ci'i phyir zhen/ zhi bar 'khor theg pa chen po lang sa us byang chub sems dpa' byang chub kyis 'od byes sems par yongs su chen pa ni/ rmil man 'dzan na mongs pa thams cad bun tu rig par mi 'gyung ba'i dus kyang yod/ skabs kyang med par 'gyur ba dang / rke bar 'kho ro yang me
- 234a
chen po la yang dag par zhugs pa'i byang chub sems dpas ni srid pa gcig gis nyon mongs pa thams cad zad par mi bya ste/ byang chub sems dpa' dge ba'i rtsa ba yongs su smin pa rnams kyi nyon mongs pa dag ni rim gyis zad par 'gyur ba dang / nyan thos kyi theg pa pa dge ba'i rtsa ba yongs su ma smin pa mgo dang gos la me 'bar ba lta bur byed pas ni/ de skad cis tsam yang srid par skye ba bskyed par mi bya ba'i phyir te/ nye bar 'khor de ltar na theg pa chen po la yang dag par zhugs pa'i byang chub sems dpa' rnams kyi bslab pa ni ring du rjes su zhugs pa yin la/ nyan thos kyi theg pa pa rnams kyi bslab pa ni mthar chags yin no// nye bar 'khor de lta bas na khyod kyis theg pa chen po la yang dag par zhugs pa'i byang chub sems dpa' rnams kyi bslab pa ni rjes su bsrung ba dang bcas pa dang / bcos su yod pa dang / ring du rjes su zhugs pa yin par smros shig/ nyan thos kyi theg pa pa rnams kyi bslab pa ni rjes su bsrung ba med pa dang / bcos su med pa dang / mthar chags pa yin par smros shig/ de ci'i phyir zhe na/ nye bar 'khor bla na med pa yang dag par rdzogs pa'i byang chub ni tshogs chen po dang ldan pa yin pas na/ theg pa chen pos yang dag par zhugs pa'i byang chub sems dpa' gcig tu skyo bas ni/ bskal pa tshad med grangs med par mtshams sbyor zhing
- 234b
'khor bar sla ba ma yin pa'i phyir te/ nye bar 'khor de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang de gzigs pas na/ theg pa chen po la yang dag par zhugs pa'i byang chub sems dpa' rnams la gcig tu skyo ba'i gtam mi gsung / gcig tu 'dod chags dang bral ba'i gtam mi gsung / gcig tu yid 'byung ba'i gtam mi gsung / bar dga' ba dang / mchog tu dga' ba dang ldan pa'i gtam gsung ngo // zab pa dang / kun nas nyon mongs pa can ma yin pa dang / phra ba dang / brtags pa dang / 'gyod pa med pa dang / kun nas ldang ba med pa'i gtam gsung ngo // thogs pa med pa dang / sgrib pa med pa dang / stong pa nyid kyi gtam gsung ste/ de dag gis gtam de dag thos nas mngon par dga' zhing 'khor bas yongs su mi skyo ba dang / bla na med pa yang dag par rdzogs pa'i byang chub chags pa med pa'ang yongs su rdzogs par byed do// de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das nongs pa gang lags pa de dag las kha cig ni 'dod chags dang mtshungs par ldan pa lags/ kha cig ni zhe sdang dang mtshungs par ldan pa lags/ kha cig ni gti mug dang mtshungs par ldan pa lags na/ bcom ldan 'das de dag las ci 'dod chags dang mtshungs par ldan pa 'a
- 235a
'on tus snang dang gatshungs pamathun pa'ang/ tA gti zag du ng+yas pa mthun pa'/ sa gapa chen po lnga yang sdug bya chugs pa'i byung sems dpa' rnam pa shid tu lci bar 'gyur ba lags/ de gad ces gsol pa dang / bcom ldan 'das kyis/ na dang ldan pa nye bar 'cho pa 'di ska rjes // ra 'kho gas kyimig pa rin po la yang dag par zhugs pa'i byang chub sems dpa' la 'dod chags dngas myangs pa ma ldan pa'i nyes pa bsal ba gang+gA'i klung gi kyi ma med du byung ba gyu radu mtshungs par ldan pa'i rnas pa gang yin pa gcig cig byung bar byamana'ang/ byang chub sems dpa'i jig pa rlung mar byas na/ gleng dang mnungs pa na gyi na pa na/ 'dod chags dang sa dungs pa maldan pa'i nyes pa de dag pas nas nyes pa kyi ra 'gyur ro// de na'i phyi nan/ 1 chi gyi snang ni sems can mo gtong bar 'gyur ba yin la/ 'dod chags ni sems can sdud par 'gyur ba yin te/ nye bar 'khor de la sems can rjud par 'gyur ba'i nyon mongs pa gang yin pa de la ni/ byung chu sems dpa'i bag dang 'jigs pa med la/ sems can yongs su gtong bar 'gyur ba'i nyon mongs pa gang yin pa de la ni/ byang chub sems dpa'i sgru bag dang 'jigs pa 'o/
- 235b
pa'i phyir ro// nye bar 'khor yang de bzhin gshegs pas ni 'dod chags ni 'bral ba bul kha na ma tho ba dang bcas pa byung ba dang / zhe sdang ni 'bral ba myur la kha na ma tho ba dang bcas pa che ba dang / gti mug ni 'bral ba bul la kha na ma tho ba dang bcas pa che bar gsungs pa de la/ nye bar 'khor 'bral ba bul la kha na ma tho ba dang bcas pa chung ba gang yin pa de ni/ byang chub sems dpa' nyon mongs pa ma yin par blta'o// 'bral ba myur la kha na ma tho ba dang bcas pa che ba gang yin pa de ni/ byang chub sems dpa'i nyon mongs pa yin pas rmi lam na'ang 'dod par mi bya'o/ / nye bar 'khor de lta bas na khyod kyis byang chub sems dpa' rnams kyi 'dod chags dang mtshungs par ldan pa'i nyes pa gang dag yin pa de dag la ni/ byang chub sems dpa'i sku bag dang nyes pa med pas/ de dag thams cad ni nyes pa ma yin par smros shig/ zhe sdang dang mtshungs par ldan pa'i nyes pa gang dag yin pa de dag la ni/ byang chub sems dpa'i sgyu ba ka dang nyes pa yod pas/ de dag thams cad ni nyes pa yin par smros shig/ nye bar 'khor de la byang chub sems dpa' gang dag thabs la mi mkhas pa de dag ni/ 'dod chags dang mtshungs par ldan pa'i nyes pa gang dag gis 'jigs par byed la/ zhe sdang dang mtshungs par ldan pa dag gis ni 'jigs par mi byed do// byang chub sems dpa' gang dag thabs la mkhas
- 236a
pa de dag ni/ thang dang mtshungs par ldam pa'i nyes pa gang dag gis 'dzags par byed la/ 'dod chags dang mtshungs par ldan pa dag kyis ni 'jigs par mi byed de nas 'jam dpal gzhon nur gyur pa 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das shin tu dul ba'i chos thams cad la 'dul ba ci zhig mchis/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal gal te byis pa so so'i skye bo rnams kyis chos thams cad shin tu dul bar shes na ni de bzhin gshegs pa'ang yang dang yang du 'dul ba 'cha' bar mi mdzad pa zhig na/ gang gi phyir sems can rnams kyis mi shes pa de'i phyir/ de bzhin gshegs pa'ang chos thams cad shin tu dul ba rtogs par bya ba'i phyir/ rim gyis bya ba'i 'dul ba 'cha' bar mdzad do/ / de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das 'jam dpal gzhon nur gyur pa 'di 'dul ba rnam par gtan la dbab pa bstan pa bshad pa 'di la ci'ang mi ston lags na/ bcom ldan 'das de'i slad du bcom ldan 'das kyis 'jam dpal gzhon nur gyur pa 'di bstan pa 'ga' zhig legs par
- 236b
ston par mdzad du gsol/ de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal dge slong nye bar 'khor 'di 'dul ba la mkhas pa nyan par 'dod kyis/ shin tu dul ba las rtsoms la khyod spobs par gyis shig/ de nas 'jam dpal gzhon nur gyur pas/ tshe dang ldan pa nye bar 'khor la 'di/ skad ces smras so// btsun pa nye bar 'khor chos thams cad ni shin tu dul ba ste/ rang gis sems gdul ba'i phyir shin tu dul ba kun tu ston to// chos thams cad ni kun nas nyon mongs pa can ma yin pa ste/ bdag ni mi dmigs pa'i phyir 'gyod pa gdul ba kun tu ston to// chos thams cad ni phyin ci ma log pa ste/ rang bzhin gyis yongs su dag pa'i phyir shin du dul ba kun du ston to/ / chos thams cad ni de bzhin nyid kyi mtha'i sgo yin te/ bslab pa la rlom sems med par bya ba'i phyir bslab pa yongs su dag pa kun tu ston to// chos thams cad ni rnam par mi rtog pa dang / blang ba med pa dang / dor ba med pa ste/ bsam gyis mi khyam pas chags pa med pa nyid kun tu ston to// chos thams cad ni chags pa med pa dang gnas pa med pa ste/ yun ring du mi gnas pa'i phyir 'gro ba thams cad yongs su dag pa kun tu ston to/ / chos thams cad ni nam mkha'i mtha' la gnas pa ste/ dngos po dang bral ba'i phyir rang bzhin med pa nyid kun
- 237a
du ston to/ / chos thams cad ni tha dad du bya ba med par gyur pa ste/ sngon gyi mtha' dang / phyi ma'i mtha' dang / da ltar byung ba mi dmigs pa'i phyir dus sum mnyam pa nyid kun tu ston to/ / chos thams cad ni gdags pa dang bral ba ste/ sems mnyam pa nyid du spyod pa'i phyir the tsom spang ba kun tu ston to// btsun pa nye bar 'khor de ni sangs rgyas bcom ldan 'das rnams kyi rjes su rtogs pa chos kyi dbyings shin tu dul ba yin te/ rigs kyi bu dang rigs kyi bu mo gang dag chos nyid 'di la ma mos pa de dag ni/ de bzhin gshegs pa'i bslab pa las ring du gyur pa yin no/ / de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das 'jam dpal gzhon nur gyur pa ni gang dang gang ston pa de dag thams cad bsam gyis mi khyab pa kho na las brtsams te ston lags so/ / de skad ces gsol pa dang / bcom ldan 'das kyis/ tshe dang ldan pa nye bar 'khor la 'di skad ces bka' stsal to/ / nye bar 'khor 'jam dpal gzhon nur gyur pa'i chos ston pa ni rnam par grol ba'i rgyu 'thun pa yin te/ bsam gyis mi khyab pa nyid la ma brten par rnam par grol ba med pas na/ de'i phyir 'jam dpal gzhon nur gyur pa ni rnam par rtog pa thams cad dang bral ba dang / sems pa la mos pa lhag pa'i nga rgyal
- 237b
can rnams kyi lhag pa'i nga rgyal med par bya ba'i phyir chos ston to/ / de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das dge slong sems gang dang mtshungs par ldan na lhag pa'i nga rgyal can lags/ de skad ces gsol pa dang / bcom ldan 'das kyis/ tshe dang ldan pa nye bar 'khor la 'di skad ces bka' stsal to/ / nye bar 'khor 'di la dge slong gal te 'dod chags spang bar sems na lhag pa'i nga rgyal la spyod pa yin no// gal te zhe sdang spang ba dang / ga mug spang bar sems na lhag pa'i nga rgyal la spyod pa yin no/ / gal te 'dod chags kyi chos kyang gzhan la/ sangs rgyas kyi chos kyang gzhan no zhes de snyam sems na lhag pa'i nga rgyal la spyod pa yin no/ / gal te zhe sdang gi chos kyang gzhan la/ sangs rgyas kyi chos kyang gzhan pa dang / gti mug gi chos kyang gzhan la/ sangs rgyas kyi chos kyang gzhan no zhes de snyam sems na lhag pa'i nga rgyal la spyod pa yin no/ / gal te dga' ba la sems na lhag pa'i nga rgyal la spyod pa yin no// bya ba la sems na lhag pa'i nga rgyal la spyod pa yin no// rnam par grol ba la sems na lhag pa'i nga rgyal la spyod pa yin no// stong pa nyid la sems na lhag pa'i nga rgyal la spyod pa yin no// mtshan ma med pa la sems na lhag pa'i nga rgyal
- 238a
la spyod pa yin no/ / smon pa med pa la sems na lhag pa'i nga rgyal la spyod pa yin no// mngon par 'du bya ba med pa la sems na lhag pa'i nga rgyal la spyod pa yin no/ / skye ba med pa la sems na lhag pa'i nga rgyal la spyod pa yin no// dngos po med pa la sems na lhag pa'i nga rgyal la spyod pa yin no// gal te chos rnams yod do snyam du sems na lhag pa'i nga rgyal la spyod pa yin no/ / chos thams cad mi rtog go snyam du sems na lhag pa'i nga rgyal la spyod pa yin no// chos thams cad stong pa la'ang bya ba ci yod ces de snyam du sems na lhag pa'i nga rgyal la spyod pa yin te/ de ni nyan thos kyi theg pa pa'i lhag pa'i nga rgyal yin no// de la byang chub semA dpa'i theg pa pa'i lhag pa'i nga rgyal gang zhe na/ gal te bdag gis thams cad las khyad par du 'phags pa/ sangs rgyas kyi ye shes la sems bskyed do zhes de snyam sems na lhag pa'i nga rgyal la spyod pa yin no/ / gal te pha rol tu phyin pa drug la spyad par bya'o zhes de snyam sems na lhag pa'i nga rgyal la spyod pa yin no// gal te shes rab kyi pha rol tu phyin pa la nges par byung ba yin bar sems te/ de snyam du sems na lhag pa'i nga rgyal la spyod pa yin no// gal te 'di ni zab pa'o// 'di ni zab pa ma yin no zhes de snyam sems na lhag pa'i nga rgyal la spyod pa
- 238b
yin no/ / gal te 'dis ni rnam par dag par 'gyur la/ 'dis ni rnam par dag par mi 'gyur ro zhes de snyam du sems na lhag pa'i nga rgyal la spyod pa yin no// gal te 'di dag ni sangs rgyas kyi chos so/ / 'di dag ni rang sangs rgyas kyi chos so// 'di dag ni nyan thos kyi chos so zhes de snyam sems na lhag pa'i nga rgyal la spyod pa yin no// gal te 'di ni rigs so rnga 'di ni mi rigs so zhes de snyam sems na lhag pa'i nga rgyal la spyod pa yin no/ / gal te 'di ni kun nas nyon mongs pa can yin no// 'di ni kun nas nyon mongs pa can ma yin/ no zhes de snyam sems na lhag pa'i nga rgyal la spyod pa yin no// gal te 'di ni lam yin no// 'di ni lam ma yin no zhes de snyam sems na lhag pa'i nga rgyal la spyod pa yin no// gal te myur du bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes de snyam sems na lhag pa'i nga rgyal la spyod pa yin no// gal te chos thams cad ni bsam gyis mi khyab pa yin pas/ 'di la bsam par bya ba med do zhes de snyam sems na lhag pa'i nga rgyal la spyod pa yin no// gal te bla na med pa yang dag par rdzogs pa'i byang chub ni bsam gyis mi khyab pa yin pas/ bsam par bya ba ci'ang med do zhes de snyam sems na dmigs pa chen po yin te/ de ni byang chub sems dpa'i theg pa ba'i lhag pa'i nga rgyal yin no//
- 239a
skad ces bka' stsal pa dang // bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das ji tsam gyis na dge slong lhag pa'i nga rgyal ma mchis pa lags/ de skad ces gsol pa dang / bcom ldan 'das kyis/ tshe dang ldan pa nye bar 'khor la 'di skad ces bka' stsal to// nye bar 'khor dge slong gang thams cad mkhyen pa'i ye shes kyi rgyu 'thun pa bsam gyis mi khyab pa nyid la mngon par zhen par mi byed na/ de ni shin tu lhag pa'i nga rgyal med pa yin no// de nas bcom ldan 'das bsam gyis mi khyab pa 'di nyid rgya cher ston cing / de'i tshe tshigs su bcad pa 'di dag bka' stsal to// gang dag bsam yas chos rnams 'di shes pa'i// mi rnams de dag rtag tu bde ba yin// chos dang chos min rnam rtog med pa ste// thams cad sems kyi spros pas bye ba yin// thams cad bsam yas thams cad byung min pas/ dngos dang dngos med shes pa rnam par bshig/ byis pa gang dag sems kyi dbang song ba// de dag srid pa bye ba brgyar sdug bsngal// dge slong gang dag bsam yas yod min pa'i// sangs rgyas mi mchog de sems tshul bzhin min// rtog pa'i dbang gis sangs rgyas rnam par btags// rtog pa de yang nam yang byung ma yin// gang dag chos rnams stong la sems med pa'i//
- 239b
byis pa de dag lam ngan zhugs pa yin// chos rnams stong pa yi ges brjod pa na// de dag yi ge med par yi ges bstan// gang dag zhi zhing rab zhi'i chos sems pa'i// sems pa de yang / nam yang byung ma yin// spos kun sems kyi rnam par rtog yin te// de phyir chos rnams bsam yas rtogs par gyis// chos 'di thams cad sems med sems pa med// ji srid mi sems de srid stong pa yin/ / mi gang stong la sems par byed 'dod pa// bsam yas kun la phyir zhing sems pa yin// mig ni thams cad ldan na mthong gyur te// mig gis gzugs rnams mthong ba gang yin pa'ang / / mtshan mo rkyen rnams med na mthong mi 'gyur// de phyir ldan dang bral ba rnam rtog yin// mig ni snang las brten te yid 'ong dang // yid du mi 'ong sna tshogs gzugs mthong bas/ / de ltar ldan las brten te mthong bas na// de phyir mig gis nam yang mthong ba med// yid du 'ong ba'i sgra grag gang yin pa// de yang nam yang nang du zhugs pa med// der 'gro dmigs su yod pa ma yin te// rtog pa'i dbang gis sgra rnams byung ba yin// chos rnams 'di dag yi ge sgra skad kyis// grangs dang tha snyad gdags par bstan pa yin// chos dang chos min nam yang yod min yang / / skye bo byis pa rnams la de mi snang // sbyin pa bsngags pa 'jig rten ngas brjod kyang // ser sna'i chos de'ang dmigs su yod ma yin// de ltar
- 240a
rgyal ba'i chos rnams bsam yas te/ / de yang dmigs med de yang mthong ba med// tshul khrims bya ba dag pa ngas bshad kyang // 'chal pa'i tshul khrims mkhal lag pa bzhin/ / tshul khrims ngan pa thams cad mkha' 'dra ste// gang dag tshul bzang de yang de dang 'dra// bzod pa gya nom nga yis bshad byas kyang // de yi rang bzhin nam yang mthong ba med 'di na chos 'ga' yang 'khrug pa yod min yang / / bzod pa de yang rgyal bas rab tu bshad// nyin mtshan bag yod bya phyir nga yis ni// mi nyal dam pa bsngags pa brjod byas te// bskal pa brgya snyed brtson 'grus bskyed byas kyang // 'phel bar mi 'gyur zad pa yod ma yin// bsam gtan rnam thar ting 'dzin gya nom pa'i// ji bzhin sgo dag 'gro la bstan byas te/ 'di la chos 'ga' yang zad pa yod min yang // de dag cha shas phye ste rab tu bstan// shes rab chos rnams shes par gyis shig ces// shes rab lhag mthong blo gros blo bstan kyang / / rang bzhin rang bzhin med pa nam du yang // shes par mi nus de yang nges par bstan// rab dben chos shes sbyangs la dga' gyis shes// dka' thub ngan pa 'jig rten ngas bshad kyang / / chos shes yongs su mi mthong gang yin pa// chos de 'dir ni dmigs su yod ma yin// sems dmyal 'jigs pa nga yis bstan byas te//
- 240b
sems can stong phrag du ma sngo byas kyang // gang dag shi 'phos ngan song drag 'gro ba'i// 'gro ba de dag nam yang yod ma yin// gang dag ral gri mda' chen mtshon 'byin pa'i// gnod pa byed pa yod pa ma yin te// rtog pa'i dbang gis ngan song de dag na// lus la 'bab mthong de na mtshon cha med// sna tshogs yid dga' me tog kha bye zhing // gser gyi khang mchog 'bar ba yid 'ong ba/ / 'di na de la'ang byed pa 'ga' med de// de dag rtog pa'i dbang gis bzhag pa yin// rtog pa'i dbang gis 'jig rten rnam btags te// 'du shes 'dzin pas byis pa rnam par phye// 'dzin dang 'dzin med de yang byung min te// yongs su rtog pa sgyu ma sdig rgyu bzhin// 'gro don byang chub phyir ni sems skyed ces// spyod mchog khyad par 'phags pa bstan byas kyang / / byang chub nam yang dmigs su yod min te// 'dod pa gang yin de yang yod ma yin// sems ni rang bzhin 'od gsal rnam dag cing / rdul med rdul bral dri ma med par gsungs// byis pa yod pa min la rnam rtog pa// chags 'gyur sdang bar 'gyur zhing rmongs par 'gyur// mnyam gzhag gya nom chos ni thob chur na/ / 'dod chags yod min sdang med rmongs pa'ang med// 'dod chags bral zhing rnam par grol ba'i chos// kun gzhir ma gyur mya ngan 'das pa 'thob// mkha' 'dra
- 241a
chos rnams 'di dag shes gyur na/ / zhing brgya rnams su thogs med 'gro 'gyur zhing // de dag yid kyang chags pa med 'gyur bas// de phyir thogs med lam ni bskyed par bgyis/ / bskal pa brgya phrag mang por spyad byas shing // sems can brgya phrag mtha' yas grol byas kyang // nam yang sems can dmigs su yod min zhing // zad pa'ang yod min mtha' yas gyur pa'ang med// ji ltar sgyu ma mkhan gyis 'jig rten na// sems can brgya phrag mang po spu la byas te// sprul pa de dag thams cad bsad gyur kyang / / sgyu ma de dag bsad pa yod min ltar// 'gro ba 'di kun sgyu ma'i rang bzhin te// 'di la mtha' ni nam yang dmigs su med// gang dag de ltar mtha' yas mos byed pa/ / de dag 'jig rten na ni tshor ba med// gang dag rang bzhin med chos 'di shes pa// dpa' bo 'di dag 'jig rten mya ngan 'das// 'dod pa'i yon tan spyod kyang chags med cing / / chags pa rnam spangs sems can 'dul bar byed// 'di na sems can 'ga' med srog med kyang // mi dbang rnams ni sems can phan pa mdzad// sems// can yod ma yin yang don mdzad pa// de dag rnams kyi don dka' ba che// ji ltar chang pa bcangs te byis pa la// ston cing la du 'od ces brjod byas nas// de yis chang pa stongs/
- 241b
mthong nas ni// byis pa de ni cho nges ngu ba ltar// de bzhin sangs rgyas bsam gyis mi khyab pa// sems can tshul la mkhas shing mkhyen pa rnams// chos rnams 'di dag gsob gsog mkhyen gyur nas/ / 'jig rten dag la dngos po bstan pa ston// shin tu dga' ba'i bstan pa 'di la ni// khyim pa'i rtags spangs rab tu byung gyis la// 'bras bu yod pa'i mchog tu 'gyur gyis shes/ / thugs rje can gyis de skad bstan pa'ang mdzad// khyim pa'i rtags spangs rab tu byung gyur na// 'bras bu thams cad 'thob par 'gyur yang ni// chos kyi rang bzhin dag la gzhal byas na/ / 'bras bu kun med 'bras bu thob pa'ang med// 'on kyang 'bras bu thob pa thob gyur pa// kye ma mi mchog thugs rje ldan pa yi// rgyal bas rigs pa shin tu legs bshad ces/ / de dag ngo mtshar che ba skye bar 'gyur// de ltar zhi ba'i chos rnams de dag la// 'di dag dbang po bsam gtan rnam thar dang // stobs dang byang chub yan lag zhi ba zhes/ / ming dang tshig stong snyed kyis bstan pa mdzad// dbang po 'ga' yang ma skyes stobs kyang min// byang chub yan lag zhi ba'ang ma skyes te// chos 'di gzugs can ma yin gzugs med kyang / / 'jig rten dag la shes pa'i stobs kyis bshad// 'gro ba rnams la thob pa ngas bshad pa// de kun mtshan ma rnam par spangs pa yin//
- 242a
'drin kang dag bdag gis thob sems pa/ de ni ma tho bzod par rlom sems byed// 'jig rten dgan gang sa dngos med pa// de la thob pa 'ga' yang yod ma yin/ / thob dang thob med 'gro la bstan mdzad ga/ gang gis de ltar shes pa des thob yin// kun las khyad zhugs 'bras bu thob pa yin// sems can de ngas sems med par bstan/ / de la sems can nam yang dmigs med de// sems can med na gang gis 'thodab par 'gyur// zhing dngos gang la sa bon yod min pa// de la myu gu smra med pa ltar/ / de bzhin sems can nam yang dmigs med na// sems can med la 'thob pa ga la yod// sems can 'di kun mya ngan 'das pa ste// 'di la rtsa ba rnam yang dmigs su med/ / gang zhig chos tshul 'di la mos gyur pa// de ngas lhag mad mya ngan 'das par bstan// sangs rgyas brgya mang yang dag 'das gyur pa// de dag gis kyang sems can dun ma btul/ / kal te sems can 'ga' 'drir byung gyur na// de dag nam yang mya ngan 'da' mi 'gyur// de ltar lam ni sgrib pa yod min te// de la nam yang chags pa yod ma yin/ gang dag chos nyid 'di la mos gyur pa// de dag yid ni sred la chags mi 'gyur// bcom ldan 'das kyis tshigs su bcad pa bsgrubs pa bstan pa 'di bshad pa na/ dge slong
- 242b
lhag pa'i nga rgyal can nyis brgya len pa med par zag pa rnams las sems rnam par grol lo/ / byang chub sems dpa' drug khris ni mi skye ba'i chos la bzod pa thob par gyur to// de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ / bcom ldan 'das kyis bka' stsal pa/ nye bar 'khor de'i phyir khyod kyis chos kyi rnam grangs 'di 'dul ba rnam par gtan la dbab pa zhes bya bar zung zhig/ sems can thams cad yang dag par 'joms pa zhes bya bar zung zhig/ bcom ldan 'das kyis de skad ces bka' stsal nas/ tshe dang ldan pa nye bar 'khor dang / 'jam dpal gzhon nur gyur pa dang / byang chub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'dul ba rnam par gtan la dbab pa nye bar 'khor gyis zhus pa'i le'u zhes bya ste/ 'dus pa nyi shu rtsa bzhi pa rdzogs so// / mkhan po su ren dra bo d+hi dang / rban+tha
- 243a
barma dang / lo tsa ba zhang ye shes sde la sogs pas bsgyur cing zhus te gtan la phab pa/ sh+lo ka drug brgya/ bam po gnyis so// rgya gar skad du/ sar+b+ba d+hA sha ya san cod nu rnam saHsmin k+Shat+ma/ bod skad du/ 'phags du lhag pa'i bsas pa skul bzhes byung theg pa chen po'i mam bam po dang po/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das wA rA NA si na/ drang srong lhung ba ri dgas kyi nags na/ dge slong stong tham pa'i dge slong gi dge 'dun chen po dang / byang chub sems dpa' lnga brgya phal cher dge ba'i rtsa ba yongs smin las kyi sgrib pa bsal ba sha stag dang thabs cig du bzhugs te/ de'i tshe de na byang chub sems dpa' kha cig 'du 'dzil dga' bar gnas shing / gnyid la dga' ba dang / las la dga' ba dang / smra ba la dga' ba dang / spros pa la dga' ba dang / sbag pas spags par gyur pa dang / rigs pa med pa dang / mi brtson pa dang / le lo can dang / brtson 'grus dman pa dang / sbyor ba btang bar gnas te/ byang chub sems dpa' sems dpa' chen po byams pas/ byang chub sems dpa' de dag yon tan ma yin pa'i spyod pa 'di lta
- 243b
bu dang ldan par mthong ngo / / de nas byang chub sems dpa' sems dpa' chen po byams pa 'di snyam du sems te/ kye ma byang chub sems dpa' 'di dag ni byang chub kyi yan lag yongs su rdzogs par bya ba las yongs su nyams kyis/ bdag gis byang chub sems dpa' 'di dag bskul bar bya/ dran par bya/ gor ma chag go snyam mo// de nas byang chub sems dpa' sems dpa' chen po byams pa phye ma red kyi dus kyi tshe/ nang du yang dag 'jog las langs nas/ byang chub sems dpa' de dag ga la ba der song ste phyin nas/ byang chub sems dpa' sems dpa' chen po de dag dang lhan cig tu yang dag par mgu bar bya ba dang / yang dag par dga' bar bya ba'i gtam rnam pa sna tshogs byas nas/ byang chub sems dpa' de dag la 'di skad ces smras so// ci rigs kyi bu dag khyed dge ba'i chos rnams kyis 'phel lam/ yongs su nyams par ma gyur tam/ de dag gis smras pa/ tshe dang ldan pa byams pa bdag cag ni dge ba'i chos rnams las yongs su nyams te 'phel bar ma gyur to// bdag cag de bzhin gshegs par 'gyur ram mi 'gyur snyam pa'i the tsom gyis kyang / bdag cag gi sems kun nas dkris shing 'dug go/ bdag cag log par lhung ba'i chos can yin nam/ log par lhung ba'i chos can ma yin zhig gu skam
- 244a
pa'i 'gyod pas kyang / bdag cag gi sems kun nas dkris shing 'dug ste/ bdag cag ni dge ba'i chos rnams la'ang 'dun pa mi skye'o// de skad ces sbas pa dang / byang chub sems dpa' sems dpa' chen po byams pas/ byang chub sems dpa' de dag la 'di skad ces smras so// rigs kyi bu dag khyed tshur shog/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ka la bzhugs pa der 'dong ngo / / de ci'i phyir zhe na/ bcom ldan 'das de ni thams cad mkhyen pa/ thams cad gzigs pa/ ye shes sgrib pa mi mnga' ba dang ldan pa/ sems can thams cad kyi spyod pa la 'jug pa la mkhas pa ste/ des khyed kyi spyod ba'i rim pa ji lta ba bzhin du chos ston par 'gyur ba'i phyir ro/ / de nas byang chub sems dpa' drug cu tsam po de dag byang chub sems dpa' sems dpa' chen po byams pa dang lhan cig tu/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ ngu zhing bcom ldan 'das la yan lag lngas yang dang yang du phyag 'tshal na/ gdong la mchis ma zag cing mgo ma bteg go// byang chub sems dpa' sems dpa' chen po byams pas kyang / bcom ldan 'das kyi zhabs la mgo bos phyag
- 244b
'tshal te/ bcom ldan 'das la lan gsum btor ba byas nas rdzogs gcig tu 'dug/ dran pa pacoMm ldan 'das sa/ byung chub sems dpa' de dgapa 'du ces bka' stsal to/ / rigs kyi bu dag khyed ma du ma 'gyod par longs/ khyed nyid kyis las kyi rnam par smin pa la mi rtog par dga' zhing mgu la yi rangs pas gzhan la gcig gshe ba byas te/ las kyi sgrib pa de lta bu mngon par 'dus byas pas/ da ltar khyed bsgribs shing chod de kun nas bskor cing / kun nas dkris nas brtson par mi nus so// de nas byang chub sems dpa' drug cu tsam po de dag gis bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to// bdag cag gis gang thos na rang gi sems zlog par bgyid cing / las kyi sgrib pa gzhan yang mngon par 'du mi bgyid par 'gyur ba'i bdag cag gi las kyi sgrib pa bcom ldan 'das kyis legs par bka' stsal tu gsol/ de skad ces gsol pa dang // bcom ldan 'das kyis gang zag byang chub sems dpa'i theg pa pa drug cu po de dag la 'di skad ces bka' stsal to/ / rigs kyi bu dag sngon byung ba 'das pa'i dus na/ de bzhin gshegs pa log
- 245a
par dang sel gyi gsung rab la khyed rab tu byung ste 'khod pa na/ tshul khrims kyi rgyags pas myos pa dang / thos pa'i rgyags pas myos pa dang / sbyangs pa'i yon tan dang / yo byad bsnyungs pa la mngon par zhen pas/ dge slong chos smra ba gnyis la 'di ltar rnyed pa dang bkur sti'i rgyu dang / mdza' bshes kyi khyim dang / slongs mo ster ba'i khyim gyi gzhi las phrag dog dang ser sna dang ldan pas 'khrig pa'i skur pas skur te/ chos smra ba'i dge slong de gnyis kyis/ mdza' bshes kyi khyim dang / slongs mo ster ba'i khyim du gyur pa gang yin pa de dag kyang khyed kyis phye ste/ the tsom bskyed cing ma dad par byas la/ dge slong chos smra ba de gnyis kyi mi snyan pa mang po dag kyang smras/ sems can de dag gi dge ba'i rtsa ba'ang bcad cing / dge ba la sgrib pa byas te/ mi dge ba'i las kyi sgrib pa des na/ khyed lo drug khrir sems can dmyal ba chen po mnar med par skyes so// lo bzhi khrir ni sems can dmyal ba chen po yang sos su skyes so// lo nyi khrir ni sems can dmyal ba chen po thig nag tu skyes so// lo brgyad stong du ni sems can dmyal ba chen po tsha bar skyes so/ / khyed de nas shi 'phos nas mi'i lus rnyed pa rnyed nas/ tshe rabs lnga brgyar mig med de dmus long du gyur to// khyed las kyi sgrib pa de gnyis kyis bsgribs rba
- 245b
gang dang gang du skyes pa de dag thams cad du sems rtul ba dang brjed ngas par gyur to/ / mi dge ba'i rtsa ba'i sgrib pas bsgribs shing dbang chung bar grags par gyur to// mi sdug pa'i skyon gyis zil gyis non pa dang / smad pa dang / gshung ba dang / skur pa mang ba dang / yul ngan pa dang / yul 'khor ngan pa dang / ljongs ngan pa dag tu rigs ngan dang / dbul po'i rigs dag tu skyes nas/ rnyed pa chung ba dang / bkur sti chung ba dang / mi bkur ba dang / mi mchod par gyur to// khyed 'di nas shi 'phos nas lnga brgya pa mtha' mal dam pa'i chos nub pa'i dus kyi tshe yul ngan pa sha stag tu rigs dma' ba dang / dbul po dag tu skye bar 'gyur te/ skur pa mang ba dang / brjed ngas pa dang / dge ba'i rtsa ba spong ba dang brtson pa byas kyang bar chad 'byung ba dang / snang ba byung yang phyir nub par 'gyur ro// khyed lnga brgya pa mtha' ma la las kyi sgrib pa thams cad zad par 'gyur te/ zad par byas nas de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye bar 'gyur te/ de bzhin gshegs pa 'od dpag med de'ang khyed bla na med pa yang dag par rdzogs pa'i byang chub tu lung ston par 'gyur ro/ / de nas rigs kyi bu byang chub sems dpa'i theg pa pa drug cu po de dag gis gdong las mchi ma phyis nas skyo zhing skyo ba'i
- 246a
yid kyis yang dag par dga' ste/ spu zing zhes byed par gyur nas/ bcom ldan 'das la 'di skad ces gsol to// bcom ldan 'das bdag cag gis byang chu sems dpa'i theg pa pa'i gang zag rnams la tha ba'i nongs pa'i sems bskyed pa gang lags pa'i nongs pa dang / gzhan yang las kyi sgrib pa gang ci mngon par 'dus bgyis pa rnams bdag cag gis bshags so/ / bcom ldan 'das deng slan chad bdag cag 'di rnams kyis de bzhin gshegs pa'i spyan sngar yi dam 'di lta bu bca' bar bgyi'o// bcom ldan 'das gal te bdag cag gis deng slan chad byang chub sems dpa'i theg pa pa'i gang zag gi lhung ba med pa 'am/ med pa ma lags pa'ang rung ste/ glengs na bdag cag gis de bzhin gshegs pa dgra bcom pa yang dag par rdzogs pa'i sangs rgyas la bslus par 'gyur ro/ / bcom ldan 'das gal te bdag cag gis deng slan chad byang chub sems dpa'i theg pa pa'i gang zag la brnyas sam/ de la mi snyan pa brjod na/ bdag cag gis de bzhin gshegs pa dgra bcom pa yang dag par rdzogs pa'i sangs rgyas la bslus par 'gyur ro// bcom ldan 'das gal te bdag cag gis deng slan chad byang chub sems dpa'i theg pa pa'i gang zag khyim pa 'am/ rab tu byung yang rung ste/ 'dod pa'i yon tan lnga la rtse zhing yongs su spyod pa mthong na ma dad par bgyis pas mgus
- 246b
pa bskyed dam/ de la ston par 'du shes ma bskyed na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad mdza' bshes kyi khyim dang / slongs mo ster ba'i khyim gyi rgyus byang chub sems dpa'i theg pa pa'i gang zag rnams kyi lus la gnod pa 'am/ sems la gnod pa bgyis na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad byang chu sems dpa'i theg pa pa'i gang zag mthong nas// yid du mi 'ong ba'i tshigs gcig tsam zhig smras na'ang / bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad nyin lan gsum mtshan lan gsum du byang chub sems dpa'i theg pa pa'i gang zag la phyag ma bgyis na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad brtul zhugs yang dag par blangs pa 'di'i slad du rgyal srid thob pa 'am/ nor thob pa 'am/ lus dang srog dang yang mang sngos na/ bdag cag gis de bzhin gshegs pa la bslus par 'gyur ro/ / bcom ldan 'das gal te bdag cag gis deng slan chad nyan thos kyi theg pa pa'am/ rang sangs rgyas kyi theg pa pa'i gang zag la brnyas te/
- 247a
bdag cag ni ches drag gi/ de dag ni de lA ma yin no snyam na/ bdag cag gis de bzhin gshegs pa la bslus par 'gyur ro// bcom ldan 'das gal te bdag gis deng slan chad dma' ba'i sems dang / gdol pa dang / khyi'i sems lta bur gnas par ma bgyis na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad bdag la bstod dam/ gzhan la smad na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad gnod sems dang / rtsod pa'i 'jigs pas bskul ma thag tu dpag tshad dam/ dpag tshad brgyar ma byol na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad bdag nyid tshul khrims dang ldan par khas 'che 'am/ mang du thos pa 'am/ sbyangs pa'i yon tan dang ldan pa 'am/ yon tan gang yang rung ba zhig gis bdag brjod na/ bdag cag gis de bzhin gshegs pa la bslus par 'gyur ro// bcom ldan 'das gal te bdag cag gis deng slan chad dge ba mi spyoms shing sdig pa mi 'chab par gnas pa ma bgyis na/ bdag cag gis de bzhin gshegs pa dgra bcom pa yang dag par rdzogs pa'i sangs rgyas la bslus par 'gyur ro//
- 247b
nas bcom ldan 'das kyis byang chub sems dpa'i theg pa pa'i gang zag de dag la legs so zhes bya ba byin te/ rigs kyi bu dag legs so legs so// tshig 'di khyed kyis legs par smras so/ / yang dag par blang ba 'di legs par byas so// khyed yang dag par blang ba 'di la gnas na/ las kyi sgrib pa rnam par byang bar 'gyur zhing / dge ba'i rtsa ba rnam par dag pa'ang thob par 'gyur ro/ / de'i tshebacom ldan 'dra gyis/ byang chub sems dpa' sems dpa' chen po byams pa la bka' stsal pa/ byams pa rigs kyi bu 'am/ rigs kyi bu mo las kyi sgring pa sbyang bar 'dod pas/ ji ltar rigs kyi bu 'di dag gis byas pa de bzhin du yi dam bca' 'o// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das ci rigs kyi bu 'di dag yi dam 'di yongs su rdzogs par bgyid par 'gyur lags sam/ 'on te yongs su gtong bar 'gyur lag bka' stsal pa/ byams pa rigs kyi bu 'di dag ni yi dam 'di lus dang srog gi phyir yang spong bar mi 'gyur ro// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das byang chub sems dpa'i theg pa pa'i gang zag chos du dang ldan na/ lnga brgya pa mtha' mal dam pa'i chos rnam par 'jig pa'i/
- 248a
ma snad cing ma smas la bde bar yongs su thar par 'gyur lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to/ / byams pa byang chub sems dpa'i theg pa pa'i gang zag gang chos bzhi dang ldan na/ lnga brgya pa mtha' ma la dam pa'i chos rnam par 'jig pa'i tshe ma snad cing ma smras la bde bar yongs su thar par 'gyur ro/ / bzhi gang zhe na/ bdag gi 'khrul pa la so sor rtog pa dang / byang chub sems dpa'i theg pa pa'i gang zag gzhan gyi nyes pa mi gleng ba dang / mdza' bshes kyi khyim dang / slongs mo ster ba'i khyim la mi lta ba dang / yid du mi 'ong ba'i tshig spong ba ste/ byams pa byang chub sems dpa'i theg pa pa'i gang zag chos bzhi po de dag dang ldan na/ lnga brgya pa mtha' ma la dam pa'i chos rnam par 'jig pa'i tshe/ ma snad cing ma nyams la bde bar yongs su thar par 'gyur ro// byams pa gzhan yang byang chub sems dpa'i theg pa pa'i gang zag chos bzhi dang ldan na/ lnga brgya pa mtha' ma la dam pa'i chos rnam par 'jig pa'i tshe/ ma snad cing ma smas la bde bar yongs su thar par 'gyur te/ bzhi gang zhe na/ thos pa nyung ngu'i sems can yongs su spong ba dang / 'khor mi bsdu ba dang / bas mtha'i gnas mal la bsnyen pa dang / bdag dul ba dang /
- 248b
zhi ba dang / zhi gnas kyi sbyor ba la brtson pa ste/ byams pa byang chub sems dpa'i theg pa pa'i gang zag chos bzhi po de dag dang ldan na/ lnga brgya pa mtha' ma la dam pa'i chos rnam par 'jig pa'i tshe/ ma smad cing ma smas la bde bar yongs su thar par 'gyur ro// byams pa de lta bas na byang chub sems dpa'i theg pa pa'i rigs kyi bu 'am/ rigs kyi bu mo lnga brgya pa mtha' ma la dam pa'i chos rnam par 'jig pa'i tshe/ mas sdud cing ma smas la bde bar yongs su thar par 'gyur bar 'dod pa dang / las kyi sgrib pa thams cad zad par byed par 'dod pas/ 'du 'dzi la mi dga' ba dang / dgon pa dang / nags dang / bas mthar gnas pa dang / sems can rigs pa med cing / mi brtson pa yongs su spong ba dang / bdag gi 'khrul pa la rtog cing / gzhan gyi 'khrul pa mi tshol ba dang / mi smra ba la dga' ba dang / shes rab kyi pha rol tu phyin pas gnas pa la dga' bar bya'o// gal te de la sems can gzhan dag la/ brda sprad bar 'dod pa'i sems skyes na/ des zang zing med pa'i sems la gnas te/ chos kyi sbyin pa sbyin par bya'o// byams pa nyi shu po 'di dag ni zang zing med pa'i chos kyi sbyin pa rnyed pa dang bkur sti mi 'dod par chos kyi sbyin pa sbyin pa gang yin pa de'i phan yon yin te/ nyi shu gang zhe na/ 'di lta ste/ dran pa dang ldan par 'gyur ba dang / blo gros dang ldan par
- 249a
'gyur ba dang / blo dang ldan par 'gyur ba dang / brtan pa dang ldan par 'gyur ba dang / shes rab dang ldan par 'gyur ba dang / 'jig rten las 'das pa'i shes rab rjes su rtogs par 'gyur ba dang / 'dod chags chung bar 'gyur ba dang / zhe sdang chung bar 'gyur ba dang / gti mug chung bar 'gyur ba dang / bdud kyis de la glags mi rnyed par 'gyur ba dang / sangs rgyas bcom ldan 'das rnams kyis dgongs par 'gyur ba dang / mi ma yin pa rnams de la srung bar 'gyur ba dang / lha rnams de la gzi byin spyad par 'gyur ba dang / mi mdza' ba rnams kyis de la glags rnyed par mi 'gyur ba dang / de'i mdza' bshes rnams mi phyed par 'gyur ba dang / tshig btsun par 'gyur ba dang / des mi 'jigs pa thob par 'gyur ba dang yid bde ba mang bar 'gyur ba dang / mkhas pas bsngags par 'gyur ba dang / de'i chos kyi sbyin pa de'ang rjes su dran par bya bar 'os par 'gyur ba ste/ byams pa nyi shu po de dag ni zang zing med pa'i chos kyi sbyin pa rnyed pa dang bkur sti yongs su spangs shing / gos dang zas la re ba med par phan pa'i dngos po sngon du 'gro ba'i sems kyis rgyun mi 'chad par yang dang yang du chos kyi sbyin pa sbyin pa gang yin pa de'i phan yon yin no/ / byams pa zang zing med pa'i sems dang ldan pa'i chos kyi sbyin pa la gzhan yang phan yon nyi shu yod de/
- 249b
nyi shu gang zhe na/ de'i spobs pa ma skyes pa skye bar 'gyur ba dang / de'i spobs pa skyes pa chud mi za bar 'gyur ba dang / gzungs thob par bya ba'i phyir de'i sems drang por 'gyur ba dang / tshegs chung ngus sems can mang po dag gi don byed par 'gyur ba dang / tshegs chung ngus sems can rnams de la gus par rim gro byed par 'gyur ba dang / lus kyi sdom pa thob par 'gyur ba dang / ngag gi sdom pa thob par 'gyur ba dang / yid kyi sdom pa thob par 'gyur ba dang / ngan 'gro'i 'jigs pa las 'da' bar 'gyur ba dang / rab tu dga' bzhin du 'chi ba'i dus byed par 'gyur ba dang / phas kyi rgol ba thams cad chos dang mthun pas tshar gcod par 'gyur ba dang / de'i gzi brjid sems can rigs mthon po dag gis kyang mi bzod na/ phal dag gis lta ci mos pa dang / dbang po zil gyis mi non par 'gyur ba dang / lhag pa'i bsam pa phun sum tshogs pa 'dzin par 'gyur ba dang / zhi gnas dang lhag mthong thob par 'gyur pa dang / dka' ba spyad pa dag yongs su rdzogs par 'gyur ba dang / brtson 'grus brtsams pa las yongs su nyams par mi 'gyur ba dang / dam pa'i chos kun tu srung bar 'gyur ba dang / phyir mi ldog pa'i sa myur du non par 'gyur ba dang / byang chub sems dpa'i spyod pa thams cad la mthun par gnas par 'gyur ba ste/ byams pa nyi shu po de dag ni zang zing med pa'i sems dang ldan pa'i chos kyi sbyin
- 250a
pa'i phan yon yin no/ / byams pa phyi ma'i dus na byang chub sems dpa'i theg pa bzang zing dang bcas pa'i chos kyi sbyin pa la mes yi rangs par 'gyur la/ zang zing med pa la ni ma yin te/ shes rab 'chal par 'gyur ba de dag la ltos/ de dag 'di ltar mdza' bshes kyi khyim dang / slongs mo ster ba'i khyim la rten cing / ji ltar bdag la dad cing bkur sti byed par 'gyur snyam pa'i sems de lta bus chos kyi sbyin pa sbyin par byed de/ de dag gis zang zing med pa'i chos kyi sbyin pa bor nas gos dang / zas dang / mal cha dang / stan dang nad kyi gsos sman dang / yo byad kyi phyir gzhan dag la chos ston par 'gyur ro// byams pa 'di lta ste/ dper na mi la la zhig la khyi ro 'am/ mi ro 'am/ spre'u'i ro'ang rung ste/ shi ba rul ba dang mnam po zhig mgul par btags na/ gtsang sbra 'dod pa'i phyir ngo tsha zhing mi dga' la yongs su spong bar byed do// de bzhin du de dag zang zing med pa'i chos kyi sbyin pas ngo tsha zhing mi dga' bar byed do/ / mnog med par shes nas skyo ste/ 'dor zhing 'gro bar 'gyur ro// gang gi phyir bdag cag la gos dang zas mi sbyin par sems dpas na/ bdag cag gi chos sbyin pa ni don med pa yin te/ bdag cag ni 'di na don med par mi dka' zhing 'dug go zhes zer nas/ de dag lus brgyan pa ched cher bya ba'i phyir slob ma sdud par
- 250b
byed kyi/ sems can bsdu ba ched cher bya ba'i phyir ni ma yin no// de dag 'di skad du bdag cag ni snying rje bas 'khor sdud par byed kyi/ bdag cag la ni bsnyen bkur byed pa ci'ang dgos pa med do/ / bdag cag ni phan pa'i dngos pos sems can yongs su smin par bya ba'i phyir grong dang / grong khyer dang / grong rdal dang / yul 'khor dang / rgyal po'i pho brang dag tu 'gro bar zad do zhes skye bo mang po dag shes par byed de/ de dag gi sems ni gos dang zas la song bar 'gyur ro// byams pa nga ni sems zang zing dang bcas pa la sems can yongs su smin par byed pa zhes nga mi smra'o/ / de ci'i phyir zhe na/ de ni bdag nyid kyang yongs su ma smin na sems can rnams yongs su smin par byed pa lta ci smos te/ gnas 'di ni thob par sla ba'i ngo bo ma yin pa'i phyir ro/ / byams pa nga ni bsnyen bkur lhur len cing lus kyi bsnyen bkur gyi bde ba'i sbag pa blag par gyur pa la phan pa'i dngos po nyid du mi smra'o// de ci'i phyir zhe na/ de ni lus la bde bar bsnyen bkur bya ba'i phyir 'khor sdud par zad kyi/ nan tan du bsgrub pa la gnas pa'i phyir ni ma yin pa'i phyir ro// byams pa nga ni tshul 'chos pa la dgon pa na gnas pa zhes mi smra'o/ / nga ni bsod nams chung ngul 'dod pa chung ba zhes mi smra'o// ngan khaM zas bzang po 'dod pa la bsod snyoms pa zhes mi smra'o// nga ni gos sdug gu 'dod pa la phyag dang
- 251a
thod pa zhes mi skye'o/ / ngan khyim pa dang rab du byu na dang 'dres pa las 'dzin pa sa swA~M m+b+ha'o// ngani ga so spyan na sa sangs rgyas drung ba dang za pa'i pa ni gzhan gyi 'khrul pa tshol ba la rnal 'byor la brtson pa zhes mi smra'o/ / nga ni kho ba tho ba mang ba la tshul khrims kyi phung po yongs su dag pa zhes mi smra'o// nga ni nga rgyal can la mang du thos pa zhes mi smra'o/ / nga ni phyogs 'dzin pa la 'dul ba 'dzin pa zhes mi smra'o// nga ni nod pa la chos smra ba zhes mi smra'o// nga ni khyim pa dang 'dres pa la zhal ta byed pa yongs su dag pa zhes mi smra'i/ nga ni yon gnas 'dam pa la zang zing med par yongs su gtong ba zhes mi smra'o// nga ni lan du phan 'dogs su re ba la bsdu ba'i dngos po zhes mi sla'o// nga ni rnyed pa dang bkur sti la chags pa la lhag pa'i bsam pa yongs su dag pa zhes mi smra'o/ / nga ni ma dad pa mang ba la rab tu byung ba zhes mi smra'o// nga ni pha rol la shes par byed pa la bslab pa 'dod pa zhes mismra'o/ / da ni ma gus pa la chos sbyin pa zhes mi smra'o// nga ni 'jig rten pa'i gsang sngags la brtson pa la chos la dga' ba zhes mi smra'o// nga ni stong pa nyid la mi brtson pa la nges par 'byung ba zhes smra'o/ / nga ni mngon par mi sgrub pa la las mngon par 'du byed pa zhes mi smra'o// nga ni de mi sgrub pa la byang chub kyi yan lag yongs su rdzogs par byed pa zhes mi smra'o// nga ni
- 251b
dmigs pa can la mngon par rtogs pa zhes mi smra'o/ / nga ni mthu med pa la bzod pa yongs su rdzogs pa zhes mi smra'o// nga ni ma gtses pa la bzod pa'i stobs kyi go cha can zhes mi smra'o// nga ni rang bzhin gyis 'dod chags chung ba la tshangs par spyod pa la gnas pa dka' ba byed pa zhes mi smra'o// nga ni sbyor ba la mi gnas pa la ji skad smras pa de bzhin byed pa zhes mi smra'o// nga ni lda/ pa'i bsam pa yongs su dag pa la log par lhung bar 'gro ba zhes mi smra'o// nga ni shes rab spyod pa la 'dzin par spyod pa zhes mi smra'o// nga ni thabs dang ldan par gyur pa la g.yo sgyu can zhes mi smor nga ni rnyed pa dang bkur sti mi 'dod pa la brdzun du smra ba zhes mi smra'o/ / nga ni bar ma dor gnas pa la chos spong ba zhes mi smra'o// nga ni dam pa'i chos kun srung bar 'dod pa la lus dang srog la chags pa zhes mi smra'o/ / nga ni sems zhum pa la nga rgyal med pa zhes mi smra'o// byams pa g.yo sgyu'i tshig gang dag lnga brgya pa mtha' ma la byang chub sems dpa' rnams dmu rgod du 'gyur ba dang / gang dag byang chub sems dpas khong du chud par bya zhing / khong du chud nas kyang yongs su spang bar bya ba ni de dag yin no// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das ci byang chub sems dpa' drug cu po 'di dag nyi tshe las kyi sgrib pas bsgribs par 'gyur ram/ 'on te gzhan dag kyang bsgrib
- 252a
par 'gyur lags/ de skad ces gsol pa dang / bcom ldan 'das kyis/ byang chub sems dpa' byams pa la 'di skad ces bka' stsal to// byams pa lnga ba mtha' ma la byang chub sems dpa' phal cher las kyi sgrib pas bsgribs par 'gyur te/ de dag las byang chub sems dpa' kha cig ni las kyi sgrib pa zad par byed do// kha cig ni 'phel bar byed do/ / byams pa gzhan yang byang chub sems dpa' drug rngu bo 'di dag las/ byang chub sems dpa' nyi shu las kyi sgrib pa chung zhing las kyi sgrib pa phra ba lnga brgya pa mtha' ma la skye bar 'gyur ba gang yin pa de dag ni grong khyer dang / grong rdal dang / rigs chen po sna tshogs dag tu mkhas pa/ khong bzo ba/ yid gzhungs pa/ shes rab dang thabs la mkhas pa/ sems mnyen pa phan pa'i dngos po phun sum tshogs pa/ snying rje che ba/ mdzes pa/ blta na sdug pa/ dge ba mi spyoms pa/ yon tan sbed pa/ spyod pa brtan pa dag tu 'gyur ro// de dag rigs sna tshogs las rab tu byung nas/ bskal pa grangs med par bla na med pa yang dag par rdzogs pa'i byang chub bsgrubs pa 'di kun tu srung zhing 'dzin par byed de/ lus dang srog dang yang bsngos nas dgon pa dang / nags khrod dang / bas mtha'i gnas mal la rten cing rnyed pa dang bkur sti mi 'dod par 'gyur te/ rtag tu brtson zhing rab tu brtson la/ sems can gyi spyo ba la 'jug pa la
- 252b
mkhas pa/ gsang sngags dang bstan bcos la mkhas pa/ mgo smos pas go ba/ lhag mthong la mkhas pa/ spobs pa chags pa med pa dag tu 'gyur ro// gzungs mi zad pa thob pa de dag sangs rgyas kyi mthu dang / sangs rgyas kyi byin gyi rlabs kyis 'khor bzhi po dag la chos ston cing / de bzhin gshegs pas gsungs pa mdo'i sde dang / dbyangs kyis bsnyad pa'i sde dang lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde'i mdo dag la spobs par 'gyur ro// der byang chub sems dpa' thabs la mkhas pa nyi shu po gang yin pa de dag slob dpon gyi lung rjod cing / mkhan po'i lung rjod par 'gyur te/ slob dpon che ge mo zhig dang / mkhan po che ge mo zhig las chos kyi rnam grangs 'di bdag gis kun chub par byas so zhes rjod cing / skyes bu dam pa de dag gi sems kun nas dkris te 'dug par mi 'gyur ro// der byang chub sems dpa' thabs la mi mkhas pa 'byung bar 'gyur ba gang yin pa de dag ni/ dge ba mi spyoms pas gnas shing / spobs pa de la mi lta bar skye bo mang po dag shes par byed de/ de dag gi dam pa'i chos 'dzin par mi 'gyur ro// 'di skad
- 253a
du'ang 'phya bar byed de/ khyed ni rang gi spobs pas chos ston par byed kyi/ de bzhin gshegs pas gsungs pa ni ma yin no// chos 'di ni khyed kyi rang dgar byas pa ma yin no// khyed kyis chos gang bstan pa ni rang bzor gzhung du byas pa yin gyis/ khyed kyi 'di la ni gus par bya ba'ang med/ ri mor bya ba'ang med do zhes zer te/ der sems can mang po dag chos kyi rnam grangs 'di spong bar byed de/ de skad smras pas/ skye bo mang po 'dun pa las zlog par 'gyur ro// 'di skad du'ang dge slong de dag ni sbyin pa la sogs pa zang zing kun tu spyod pa yin gyi/ mdo las 'byung ba dang 'dul ba las 'byung ba'i chos mi ston to/ / 'di ni chos ma yin gyis/ 'di la ri mo bya ba ma skyed cig ces zer te/ skyes bu blun po de dag gis ni legs par smras pa gang ci'ang rung ba de dag thams cad ni sangs rgyas kyi bka' yin par de ltar mi shes so/ / de dag gis bdud kyis byin gyi rlabs kyis dge slong chos 'dzin pa de dag gi chos de spangs pas chos kyis 'phongs par 'gyur ba'i las mngon par 'du byed do/ / chos kyis 'phongs par 'gyur ba'i las mngon par 'dus byas pas/ log par ltung bar 'gro bar 'gyur ro// byams pa de lta bas na byang chub sems dpa' dam pa'i chos kun tu srung bar 'dod pas thabs la mkhas par bya ste/ ci nas sems can mos pa tha dad pa de dag gi khong khro ba'i sems mi skye bar kun tu bsrung bar bya'o// de nas bcom ldan 'das la/
- 253b
byang chub sems dpa' sems dpa' chen po byams pas 'di skad ces gsol to// bcom ldan 'das 'di ltar lnga brgya pa mtha' ma la dam pa'i chos rnam par 'jig pa'i tshe/ byang chub sem dpa' shes rab 'chal pa de dag 'byung bar 'gyur te/ spobs pa'ang tshol la/ spobs pa la mos par yang mi bgyid pa dang / gzungs tshol la/ dge slong chos 'dzin pa rnams kyi chos la'ang sun 'byin par bgyid pa ni ngo mtshar lags so/ / bcom ldan 'das dper bgyi na mi la la zhig gis chab mig gam/ khron pa 'am/ mtsho las chab 'tshal bar 'tshal la/ des der sla tsa bor te/ sla tsa bor nas chab 'tshal bar bsam te/ de'i sna'i dbang pos chab de mnams nas/ bdag nyid kyis nongs par glo bar ma chud de/ 'di ltar kye ma chu 'di ni mnam mo zhes chab la skyon 'dogs par sems so/ / bcom ldan 'das de la sangs rgyas kyi mthus chos kyi tshul 'di la spob pa'i dge slong chos smra ba gang lags pa dag ni chab mig gam/ khron pa 'am/ 'tsho ji lta ba de bzhin du blta bar bgyi'o/ / bcom ldan 'dra lnga brgya ba mtha' ma la byang chub sems dpa' 'byung bar 'gyur ba rnams ni ji ltar byis pa'i rang bzhin can gyi mi chab mig gam/ khron pa 'am mtsho'i nang du sla tsa bor nas chab 'tshal bar 'tshal la/ de chab la skyon 'dogs pa bzhin te/ shes rab 'chal pa'i rang bzhin can de dag chos smra ba de dag dang / chos la'ang sun 'byin
- 254a
par bgyid de/ sun phyung nas kyang de dag nyid las chos kyi ro 'tshal bar sems te/ bdag nyid kyis nongs par glo bar ma chud nas/ rna ba'i dbang po skyon dang ldan pas dge slong chos 'dzin pa de dag la bsting zhing khyad du gsod la/ 'di skad du 'di ltar dge slong chos smra ba 'di dag ni nyes pa mang pos sun byung ba yin no zhes mchi ste/ dge slong chos smra ba de dag gi chos kyi rol sun 'byin cing / 'khrul pa tshol te/ skyo nas 'dor zhing mchi bar sems legs so// de nas bcom ldan 'das kyis/ byang chub sems dpa' sems dpa' chen po byams pa la legs so zhes bya ba byin te/ / byams pa legs so legs so// ji ltar yang 'khrul pa mi tshol zhing skyon thams cad dang bral ba khyod kyis bshad pa 'di'i dpe de legs par smras so/ / byams pa gzhan yang rgyu bzhis na spobs pa thams cad ni sangs rgyas kyis gsungs par rig par bya'o// bzhi gang zhe na/ byams pa 'di la spobs pa don dang ldan pa yin gyi/ don dang mi ldan pa ma yin pa dang / chos dang ldan pa yin gyi/ chos dang mi ldan pa ma yin pa dang / nyon mongs pa zad par byed pa yin gyi/ zho mongs pa 'phel bar byed pa ma yin pa dang / mya ngan las 'das pa'i yon tan dang phan yon ston pa yin gyi/ 'khor ba'i nyes pa 'phel bar byed pa ma yin pa ste/ byams pa rgya
- 254b
bzhi po 'di dag dang ldan na/ spobs pa thams cad sangs rgyas kyis gsungs par rig par bya'o// byams pa dge slong ngam/ dge bsnyen ma 'am/ dge bsnyen nam/ dge bsnyen ma gang su'ang rung ste/ rgyu bzhi po 'di dag spobs pas spobs sam/ spobs par 'gyur yang rung ste/ de la rigs kyi bu 'am/ rigs kyi bu mo dad pa can gang dag gis/ de dag la sangs rgyas su 'du shes bskyed par bya zhing / ston par 'du shes bskyed par byas nas/ dam pa'i chos mnyan par bya'o// de ci'i phyir zhe na/ byams pa legs par smras pa gang ci'ang rung ba de dag thams cad ni sangs rgyas kyis gsungs pa yin pa'i phyir ro/ / byams pa de la gang zag la sdang ba'i phyir 'di dag ni sangs rgyas kyis gsungs pa ma yin no zhes spobs pa bzhi po de dag spong zhing de dag la ma gus pa skyed par byed pa des ni/ sangs rgyas kyis gsungs pa'i spobs pa thams cad spangs pa yin te/ chos spangs nas chos kyis 'phongs par 'gyur ba'i las mngon par 'du byed pas ngan song du 'gro bar 'gyur ro/ / byams pa de lta bas na rigs kyi bu 'am/ rigs kyi bu mo dad pa can gang chos kyis 'phongs par 'gyur ba'i las las yongs su grol bar 'dod pas gang zag la sdang ba'i phyir chos la sdang bar mi bya'o/ / byams pa spongs pa bzhi po 'di dag ni sangs rgyas rnams kyis spangs pa yin te/ byams pa bzhi gang zhe na/ spobs pa
- 255a
don med pa yin gyi/ don dang ldan pa ma yin pa dang / chos dang mi ldan pa yin gyi/ chos dang ldan pa ma yin pa dang / nyon mongs pa 'phel bar byed pa yin gyi/ nyon mong pa zad pa ma yin pa dang / 'khor ba'i nyes pa 'phel bar byed pa yin gyi/ mya ngan las 'das pa'i yon tan dang phan yon mi ston pa ste/ byams pa spobs pa bzhi po de dag ni sangs rgyas rnams kyis spangs shing ma gnang ba yin no/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das gal te 'khor ba 'phel bar bgyid pa'i spobs pa sangs rgyas kyis ma gnang ba lags na/ byang chub kyi yan lag yongs su rdzogs par bgyi ba'i slad du/ bcom ldan 'das kyis nyon mongs pa ni byang chub sems dpa' rnams la phan 'dogs pa lags par bstan cing / 'khor ba yongs su 'dzin pa'i bsngags pa'ang bka' stsal pa 'di ji lta zhig lags te/ bcom ldan 'das spobs pa 'di sangs rgyas kyi spobs pa ma lags par mi 'gyur lags grang / bcom ldan 'das kyis bka' stsal pa/ byams pa 'di ji snyam du sems/ byang chub sems dpa' rnams kyi byang chub kyi yan lags yongs su rdzogs par bya ba'i phyir/ nyon mongs pa phan 'dogs pa yin par ngas bstan cing / 'khor ba yongs su 'dzin pa'i bsngags pa bstan pa gang yin pa de don
- 255b
dang ldan pa yin nam/ 'on te don dang ldan pa ma yin/ gsol pa/ bcom ldan 'das yang dag par smra bas smra bar bgyid na/ byang chub sems dpa' rnams kyi byang chub kyi yan lag yod su rdzogs par bgyi ba'i slad du/ nyon mongs pa la dga' ba ni don dang ldan pa lags shing / chos dang ldan pa lags shes mchi na/ yang dag par smra bas smra ba lags so// bka' stsal pa/ byams pa de lta bas na rnam grangs 'dis kyang 'di ltar byang chub sems dpa' rnams kyi byang chub kyi yan lag yongs su rdzogs par bya ba'i phyir/ nyon mongs pa phan 'dogs par gyur par bstan pa dang // 'khor ba yongs su 'dzin pa'i bsngags pa brjod pa ni/ legs par smras pa thams cad sangs rgyas kyis gsungs pa yin par rig par bya'o// de ci'i phyir zhe na/ byams pa don gang la byang chub sems dpa'i chos kyi dbang phyug thabs la mkhas pa rnams kyis dbang bya ba dang / gang na nyan thos dang rang sangs rgyas thams cad kyis yod pa ma yin pa de ni nyon mongs par blta bar mi bya ste/ nyon mongs pa'i gnod pa ma yin no// byams pa de lta mod kyi nyon mongs pa gzhan dag la phan par mi 'gyur pa dang / byang chub kyi yan lag yongs su rdzogs pa'i don du mi 'gyur ba dang don dang ldan pa ma yin pa dang / dge ba'i rtsa ba chung ngu'i rgyu yang mi 'gyur ba gang yin pa de la ni byang chub sems dpas lus dang sreg dang yang bsngo bar bya'i/ nyon mongs pa de'i dbang du
- 256a
'gro bar ni mi bya'o/ / de ci'i phyir zhe na/ byams pa byang chub sems dpa' ye shes kyi stobs bskyed pa thob pa'i nyon mongs pa bstan pa'ang gzhan yin la/ byang chub sems dpa' stobs bskyed pa ma yin pa'i sa la chags pa rnams kyi'ang gzhan yin pa'i phyir ro/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das kyis bka' sprul pa'i don bdag gis 'tshal ba ltar na/ byang chub sems dpa' gang las kyi sgrib pa mngon par 'du mi bgyid par 'tshal ba dang / las kyi sgrib pa spang par 'tshal ba dang / ma snad cing ma smas la bde bar yongs su thar par 'tshal bas lnga brgya pa mtha' ma la byang chub sems dpa'i spyod pa thams cad la mos par bgyi'o/ / the tsom ma mchis pa mang bar bgyi'o// gzhan gyi 'khrul pa mi tshol ba dang / phan yon yongs su gzung ba dang / snying po btsal bar bgyi'o// bka' stsal pa/ byams pa de de bzhin te/ byang chub sems dpas byang chub sems dpa'i spyod pa rnams la the tshom med pa mang bar bya'o// de ci'i phyir zhe na/ byams pa byang chub sems dpa' shes rab spyod pa rnams kyi spyod pa ni 'jig rten thams cad dang mi mthun pa'i phyir ro/ / byams pa dper na rkun du zhugs pa ni so so'i skye bo'i spyod pa'ang snang la/ byis pa so so'i skye ra
- 256b
nyes pa dag gis kyang gos par mi 'gyur te/ 'dod chags dang / zhe sdang dang / gti mug gang dag gis byis pa so so'i skye bo rnams log par lhung bar 'gro bar 'gyur ba'i 'dod chags dang zhe sdang dang / ga'i mug de dag nyid kyis rgyun du zhugs pa log par ltung bar 'gro bar mi 'gyur te/ 'di ltar 'jig tshogs yongs su rtogs pa'i phyir te/ byams pa de bzhin du byang chub sems dpa' shes rab spyod pa rnams ni bag chags ma spangs pa'i phyir chags shing sdang la/ rmongs par gyur du zin kyang / de dag gi sa'ang gzhan la/ byis pa so so'i skye bo rnams kyi sa'ang gzhan no/ / de ci'i phyir zhe na/ de dag gi bag la nyal ni sems la kun nas dkris shing 'dug pa gang gis byis pa so so'i skye bo rnams sam/ byang chub sems dpa' sems rdul zhing / nges 'byung ba la mi mkhas pa rnams dang mnyam par 'gyur ba ma yin pa'i phyir ro// byams pa byang chub sems dpa' sems dpa' chen po shes rab spyod pa rnams ni nyes ba thams cad kyi nang na lci ba byung du zin kyang / shes rab kyi stobs kyis rdul du rlog par byed de/ de'i rgyus log par lhung bar yang 'gro bar mi 'gyur ro// byams pa dper na me'i phung po 'bar ba la ni shing gi tshogs chen pos bsnan na/ ji lta ji ltar bsnan pa de lta de ltar de phyir zhing cher 'bar bar 'gyur gyi/ me shi bar mi 'gyur ro// byams pa de bzhin du byang chub sems
- 257a
dpa' shes rab spyod pa'i shes rab kyi me 'bar bde la nA/ nyon mongs pa'i len pa ji lta ji ltar bstan pa de lta de ltar de'i shes rab kyi ma 'bar bar 'gyur gyi/ zhing zad par mi 'gyur ro// byams pa de bas na rnam grangs 'dis kyang 'di ltar byang chub sems dpa' shes rab spyod pa rnams kyi spyod pa ni 'jig rten thams cad dang mi mthun par rig par bya'o/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das las dang po pa'i byang chub sems dpa' khyim gyi gnas nas mngon par byung ba shes rab kyi stobs bskyed pa thob par 'tshal bas/ chos gang dag ni yongs su spang bar bgyi/ chos gang dag ni kun tu bsten par bgyi/ chos gang dag yongs su spong zhing kun du sbyin par bgyid na/ shes rab kyi stobs bskyed pa ma skye bar ni skye bar 'gyur la/ skyes pa'ang rnam par 'phel zhing yongs su 'grib pa mi 'gyur ba lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa byang chub sems dpa' las dang po pas khyim gyi gnas nas mngon par 'byung ba dang / shes rab kyi stobs bskyed pa thob pa dang / rnyed pa dang bkur sti yongs su spang ba dang / rnyed pa dang
- 257b
bkur sti'i nyes pa mthong bar bya'o/ / 'du 'jil dga' ba yongs su spang ba dang / 'du 'jil dga' ba'i nyes pa mthong bar bya'o// smra ba la dga' ba yongs su spang ba dang / smra ba la dga' ba'i nyes pa mthong bar bya'o/ / gnyid la dga' ba yongs su spang ba dang / gnyid la dka' ba'i nyes pa mthong bar bya'o// las la dga' ba yongs su spang ba dang / las la dga' ba'i nyes pa mthong bar bya'o/ / spros pa la dga' ba yongs su spang ba dang / spros pa la dga' ba'i nyes pa mthong bar bya'o// rnyed pa dang / bkur sti dang / tshigs su bcad pa yongs su spangs pa des ni 'dod pa chung ba bsgom par bya'o/ / 'du 'dzi la dga' ba yongs su spangs pas ni gcig pur dga' ba kun du bsten par bya'o// smra ba la dga' ba yongs su spangs pas ni don rtog pa kun tu bsten par bya'o/ / gnyid la dga' ba yongs su spangs pas ni nam gyi cha stod dang / nam gyi cha smad la mi nyal ba kun tu bsten par bya'o// las la dga' ba yongs su spangs pas ni sems can thams cad la byams pa kun tu bsten par bya'o/ / byams pa las dang po pa'i byang chub sems dpa' khyim gyi gnas nas mngon par byung ba/ shes rab kyi stobs bskyed pa rjes su thob par 'dod pas yongs su spang bar bya ba'i chos rnams ni yongs su spang bar bya'o/ / kun tu bsten par bya ba'i chos rnams ni kun tu bsten par bya'o// de ci'i phyir zhe na/ byams pa ye shes
- 258a
kyang rkyen la rag las pa yin la/ mi shes pa'ang rkyen la rag las pa yin te/ de ni rkyen ma tshogs par thob par sla ba ma yin pa'i phyir ro// bam po gnyis pa ste tha ma'o// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das byang chub sems dpa' rnyed pa dang bkur sti'i skyon ji ltar mthong bar bgyi/ rnyed pa dang / bkur sti'i nongs dmigs ni gang lags/ byang chub sems dpa' gang dag la brtags na 'dod pa chung ngu la dga' zhing yongs su mi gdung bar 'gyur ba lags/ bka' stsal pa/ byams pa byang chub sems dpa' sems dpa' chen pos rnyed pa dang bkur sti ni 'dod chags skyed pa yin par brtag par bya'o// rnyed pa dang bkur sti ni dran pa 'joms par byed par brtag par bya'o// rnyed pa dang bkur sti ni rnyed pa dang ma rnyed pas khengs pa dang 'dud par brtag par bya'o// rnyed pa dang bkur sti ni gti mug/ bskyed par brtag par bya'o// rnyed pa dang bkur sti ni bdag gi don sgrub pas khyim la ser sna byed pa dang / chags par byed par brtag par bya'o// rnyed pa dang bkur sti ni g.yo skyed par brtag par byo'o rnyed pa dang bkur sti ni 'phags pa'i rigs bzhi yongs su spong bas ngo tsha med pa dang / khrel med pa skyed par brtag par bya'o// rnyed pa dang bkur sti ni sangs rgyas thams cad kyis ma gnang bar
- 258b
brtag par bya'o/ / rnyed pa dang bkur sti ni nga rgyal dang / rgyags pa dang / dregs pa skyed par brtag par bya'o// rnyed pa dang bkur sti ni bla ma rnams la khyad du gsod par brtag par bya'o// rnyed pa dang bkur sti ni bdud kyi phyogs su brtag par bya'o// rnyed pa dang bkur sti ni gcig tu bag med pa'i rtsa ba yin par brtag par bya'o// rnyed pa dang bkur sti ni dge ba'i rtsa ba 'phrog par brtag par bya'o/ / rnyed pa dang bkur sti ni glog dang / 'khor lo dang / lce 'bab pa lta bur brtag par bya'o// rnyed pa dang bkur sti ni skrag pa mang pos spags par brtag par bya'o// rnyed pa dang bkur sti ni mdza' bshes kyi khyim dang slongs mo ster ba'i khyim la lta bar brtag par bya'o/ / rnyed pa dang bkur sti ni yid mi bde ba skyed par brtag par bya'o// rnyed pa dang bkur sti ni blo// rnam par 'khrul par byed par brtag par bya'o// rnyed pa dang bkur sti ni sdig pa'i dngos por 'gyur bar byed pa'i phyir mya ngan skyed par brtag par bya'o// rnyed pa dang bkur sti ni dran pa nye bar gzhag pa bzhi brjed par byed par brtag par bya'o/ / rnyed pa dang bkur sti ni dkar po'i chos nyam chung bar byed par brtag par bya'o// rnyed pa dang bkur sti ni yang dag pa'i spong ba bzhi yongs su nyams par byed par brtag par bya'o/ / rnyed pa dang bkur sti ni pha rol gyi dad pa'i bar chad byed par brtag par bya'o// rnyed pa dang bkur sti ni rdzu 'phrul dang mngon par shes pa nyams par byed
- 259a
par brtag par bya'o/ / rnyed pa dang bkur sti ni sngar bkur sti byed la phyis bkur sti mi byed par brtag par bya'o// rnyed pa dang bkur sti ni mi mdza' ba dang gnas par byed par brtag par bya'o/ / rnyed pa dang bkur sti ni mdza' bo spong bar brtag par bya'o// rnyed pa dang bkur sti ni pha rol 'drid pa'i phyir smad 'tshong ma dang 'dra bar brtag par bya'o// rnyed pa dang bkur sti ni bsam gtan dang tshad med pa yongs su spong bar brtag par bya'o/ / rnyed pa dang bkur sti ni sems can dmyal ba dang / dud 'gro'i skye gnas da'/ gshin rje'i 'jig/ rten du lhung bar byed par brtag par bya'o// rnyed pa dang bkur sti ni lhas byin dang lhag spyod kyi cho ga dang mthun par brtag par bya'o// byams pa byang chub sems dpas rnyed pa bkur sti la nyes dmigs gang dag brtag par bya ba ni 'di lta bu 'di dag go/ / brtags nas kyang 'dod pa chung bar bya'i/ yongs su gdung bar ni mi bya'o// de ci'i phyir zhe na/ byams pa byang chub sem dpa' 'dod pa chung ba la skyon 'di lta bu 'di dag med pa'i phyir te/ de'i sangs rgyas kyi chos rnams la bar chad med pa yin/ khyim pa dang rab tu byung ba dag yid mi 'byung bar 'gyur ba yin lha dang mi rnams yongs su dag par bya ba'i phyir gnas pas rjes su bsrung bar 'os pa yin/ ngan 'gro log par ltung ba thams cad kyis skrag pa med pa yin/ bsdigs pa dang bral bas
- 259b
zil gyis mi non pa yin/ bdud kyi yul las yongs su grol bas mi 'phrogs pa yin/ sdug bsngal thams cad kyis mi tshugs pa yin/ lha dang mi rnams kyis mngon par 'dod par bya/ ba yin/ bsam gtan la goms par byed par gnas pas bsal ba yin/ g.yo dang sgyu spangs pa dang 'dod pa'i yon tan lnga la skyon du lta bas bag yod pa yin/ 'phags pa'i rigs la gnas pas ji skad smra ba de bzhin byed pa yin/ mkhas pa rnams dang tshangs par mtshungs par spyod pa rnams kyis 'dod pa yin te/ byams pa phan yon 'di lta bu 'di dag shes nas/ byang chub sems dpa' sems dpa' chen po mkhas pa rnyed pa dang bkur sti yongs su spangs pas/ rnyed pa dang bkur sti thams cad spang ba'i phyir lhag pa'i bsam pas 'dod pa chung ba la gnas par bya zhing / 'dod pa chung ba la kun tu bsten par bya'o// de skad ces bka' stsal pa dang // bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das byang chub sems dpas 'du 'dzil dka' ba'i skyon rnams ji ltar brtag par bgyi/ 'du 'ji la dga' ba'i skyon de dag ni gang lags/ byang chub sems dpas gang dag la brtags na gcig pur dka' ba la dga' zhing yongs su skyo bar yang mi 'gyur ba lags/ bcom ldan 'das kyis bka' stsal pa/ byams pa 'du
- 260a
nyes dmigs ni nyi shu po 'di dag yin te/ nyi shu gang zhe na/ byams pa 'di la lus kyis ma bsdams pa yin/ ngag gis ma bsdams pa yin/ yid kyis ma bsdams yin/ 'dod chags che ba yin/ zhe sdang che ba yin/ gti mug che ba yin/ 'jig rten pa'i gtam gyis kyang gos pa yin/ 'jig rten las 'das pas gtam las yongs su nyams pa yin/ chos la ma gus pa la rten pa yin/ chos yongs su spangs pa yin/ de la bdud kyis glags rnyed pa yin/ bag med pa la rten pa yin/ bag med pa dang ldan pa yin/ de rtog pa dang dpyod pa shas che ba yin/ mang du thos pa las yongs su nyams pa yin/ zhi gnas dang lhag mthong mi 'thob pa yin/ myur du tshangs par spyod par mi 'gyur ba yin/ sangs rgyas la dga' ba las yongs su nyams pa yin/ chos la dga' ba las yongs su nyams pa yin/ dge 'dun la dga' ba las yongs su nyams pa yin te/ byams pa nyi shu po de dag ni 'du 'dzi la dga' ba'i nyes dmigs yin par rig par bya ste/ byang chub sems dpa' gang dag la brtags na gcig pur dga' ba la dga' zhing yongs su skyo bar yang mi 'gyur ba yin no// de nas bcom ldan 'das kyis de'i tshe tshigs su bcad pa 'di dag bka' stsal to// 'dod chags spangs shing zhe sdang rab spangs nas/ rnal 'byor can ni 'du 'dzi mi gnas te/
- 260b
de ni de la gzhol zhing de la 'bab/ nyes pa des na dka' bar byed mi 'gyur/ rgod dang 'gyod dang de bzhin rnam rtog pa// 'di dag thams cad 'du 'dzi rnams las byung // snying po med nga'i 'du 'dzi su byed pa/ / de ni lang long spyod cing ma bsdams yin// byis pa dag ni 'jig rten smra la dga'// byis pa de dag mchog gi gtam las nyams// zhe sdang 'phel zhing rnam rtog shas kyang che/ / nyes pa des na de la mi chags so// rigs pa ma yin smra la dga' bskyed nas// dge slong thos pa rnam par 'phel mi byed// de lta bas na mi rigs smra spong la chos la rtag tu dga' ba thob par gyis/ / byang chub mngon par 'dod phyir nga yis ni// rang gi yan lag lan stong snyed du btang // chos nyan pas ni nga la ngoms med na// de dag chos nyan pa na skyo bar 'gyur// tshig bzhi pa yi tshogs su bcad pa'i phyir// nga ni chung ma bu la dga' ma gyur// rgyal srid dag dang longs spyod ngas spangs nas// mkhas pa ji ltar chos ni nyan mi byed/ / rigs min sma dang dam pa min smra ba// rnam pa kun tu yongs su spang bar bya// bskal pa brgya phrag du mar gang dkon pa// chos kyi dam pa de la dga' skyed cig/ thar pa 'dod pa yon tan don gnyer bas// 'jig rten bya ba yongs su brtsal mi bya// gang zhig zas dang gos kyi don tsam 'dong // de ni mchog dang gtso bor bsngags pa yin/
- 261a
zhig 'dri zhing dge slong legs par 'ongs// stan yang gding gis tshur shog 'dug par gyis// mi yi rnyed pa rab dkon rnyed gyur gyis// gcig la gcig ni chos kyi ga yang bya/ / lung nod kha ton bya dang bsam gtan rnams// khyod kyi dkar po'i phyogs rnams 'phel gyur dam// gal te khyod ni 'dod na dri bar gyis// khyod la'ang bdag 'dri skabs ni dbyeng gyis de bzhin gshegs pa mya ngan yongs 'das nas/ / bstan pa rnam par 'jig par 'gyur ba na// dge slong dag ni shin tu rgod cing khengs// dkon pa bor nas 'du 'dzi dga' bar 'gyur// rnyed pa dang ni de bzhin zas ched du// nyin dang mtshan rnams su yang gtam byed la// byis pa dag ni gnyid log gyur na yang // lo tog skye ba'i rmi lam rmi bar 'gyur// byis pa 'di kun shes pa rab tu nyams/ / ngan song ngan 'gro gsum du gzhol 'gyur gyis// dga' ba dang ni mos pa bskyed nas kyang // bse ru lta bur rtag tu nags gnas kyis// yon tan 'dod/ pa nags na gnas pa yis// pha rol dag gi skyon la brtag mi bya// bdag ni khyad par 'phags shing bdag mchog ces// de snyam du ni sems bskyed mi bya'o// rgyags 'di bag med kun gyi rtsa ba ste/ / dge slong dman la brnyas par yong mi bya// bskal pa gcig gis thar pa 'thob mi 'gyur// 'di ni bstan pa 'di la go rims yin// de ltas dge slong yon tan 'dod
- 261b
gyur pa/ / dpa' bos mi rigs brjod pa spangs nas kyang // dka' zhing mgu la rab tu dga' ba yis// bse ru 'dra bar dgon par gnas par bya/ de nas bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das 'di ltar dkar po'i chos yongs su spong ba'i slad du/ 'du 'dzis nod pa mang po skyon chags shing / yon tan ma mchis la gnod pa dang ldan te/ 'du 'dzi'i nyon mongs pa 'phel bar bgyid cing / spyod pa bzang po ma lags pa ni ngo mtshar lags te/ bcom ldan 'das byang chub sems dpa' mkhas pa dge ba 'tshal ba su zhig gcig pur dga' ba la mngon par dga' bar mi bgyi/ bcom ldan 'das byang chub sems dpas smra ba la dga' ba'i skyon rnams ji ltar brtag par bgyi/ byang chub sems dpas gang rtogs na/ don rnam par nges pa la dka' zhing don la rtog pas yongs su gdung bar yang mi 'gyur lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa 'di la byang chub sems dpas smra ba la dga' ba'i nyis dmigs nyi shu yod par brtag par bya'o/ / nyi shu gang zhe na/ byams pa 'di la dge slong smra ba la dga' ba ni mang du thos pas rgyags shing dregs
- 262a
pas gus pa med par 'gyur ba dang / rtsod pa'i smra ba lhur len pas phyogs la mngon par zhen par 'gyur ba dang / nang du tshul bzhin yid la byed pa dang bral bas dran pa brjed par 'gyur ba dang / lus dang sems shin du ma sbyangs pas shes bzhin med par spyod par 'gyur ba dang / chos la bzod pa las nyams pas khengs pa dang 'dud par 'gyur ba dang / zhi gnas dang lhag mthong yongs su spangs pas sems kyi rgyud dmu rgod du 'gyur ba dang / smra ba'i skrag pas spags pas dus ma yin par smra bar 'gyur ba dang / 'phags pa'i shes pa ma thob pas ma bsdams par 'gyur ba dang / lha dang klu rnams kyis mi bkur bar 'gyur ba dang / so so yang dag par rig pa thob pa rnams kyis brnyas par 'gyur ba dang lus mngon sum du gyur pa rnams kyis spyo bar 'gyur ba dang / bsgrub pa la mi gnas pas yid la gcags par 'gyur ba dang / the tsom ma spangs pas rab tu mi brtan par 'gyur ba/ dang sgra lhur len pas thos pa dang bye brag phyed pa nyams par 'gyur ba dang / rnam par shes pa'i spyod yul can yin pas 'dod pa'i yon tan la chags par 'gyur ba dang yang dag pa ji lta ba bzhin du rtog par mi byed pas myur du chos spongab byed pa dang / gzhan yang gzhan rtsom pas mi brtan zhing rten med par 'gyur ba dang / sems yongs su ma dul bas
- 262b
bkur sti med pa thob par 'gyur ba dang / chos kyi dbyings khong du ma chud pas gzhan gyi dring 'jom par 'gyur ba dang / dbang po rnams yongs su ma shes pas nyon mongs pas dbang du 'gyur ba ste/ byams pa nyi shu po de dag ni byang chub sems dpa' smra ba la dga' zhing sgra lhur len la/ don la rtog pa dang bral ba'i nyes dmigs yin no// de nas de'i tshe bcom ldan 'das kyis tshigs su bcad pa 'di dag bka' stsal to// thos pas rgyags nas gus par mi 'gyur te/ rnam par 'gyed pa'i smra ba rnams la chags// brjed par 'gyur zhing shes bzhin med par 'gyur// smra la dga' ba'i nyes pa 'di dag go// nang gi sems la shin tu ring bar 'gyur// lus dang sems kyang rab sbyangs ma yin 'gyur/ / khengs pa dang ni 'dud pa mang bar 'gyur// smra la dga' ba'i nyes pa 'di dag go// byis pa dam pa'i chos bsam rang du nyams// sems ni mi mnyen shin tu rtsub par 'gyur/ / zhi gnas lhag mthong dag dang rab tu ring // smra la dga' ba'i nyes pa 'di dag go// rtag du bla ma dag la gus pa med// sngags pa'i gtam dag la ni dga' ba skyed/ / snying po med la gnas shing shes rab nyams// smra la dga' ba'i nyes pa 'di dag go/ de ni lha tshogs rnams kyis mi bkur zhing // de tshe de la'ang 'dod pa mi skyed la// so/
- 263a
so yang dag rig las nyams 'gyur te// sA la dga' ba'i nyes pa 'di dag go// gang dag lus ni mngon sum mang yod pa// mkhas pa de dag gis na bar 'gyur/ / de yi srog ni don med 'gyur ba ste// spru la dga' ba'i nyes pa 'di dag go/ bdag ni bsgrub nyams da ni ci bya zhes// 'chi ba'i dus tshe byis pa mya ngan byed// gting rnyed ma gyur shin tu sdug bsngal 'gyur// smra la dga' ba'i nyes pa 'di dag go/ rtswa bskyod bzhin du 'gul zhing g.yo ba ste// de ni de ltar the tsom 'gyur du nges// de ni nam yang blo brtan mi 'gyur te/ / spru la dga' ba'i nyes pa 'di dag go/ gar la lta ba'i khrod na 'dug pa zhig/ dpa' bo gzhan gyi yon tan rjod pa bzhin// bdag nyid nan tan nyams par 'gyur ba ste/ / spra la dga' ba'i nyes pa 'di dag go// de yi sems ni rna ba'i rnam shes la// rab tu chags shing sgras rgyags shes rab nyams// log par sems shing lam ngan 'gro bar 'gyur/ / smra la dga' ba'i nyes pa 'di dag go/ de ni g.yo ldan yang zhing re chad 'gyur// phyi phyir zhing ni rnam par 'gyed pa rtsom// 'phags pa'i dam pa'i chos las rab tu ring // smra la dga' ba'i nyes pa 'di dag go/ / mthu chung bsti stang gis ni dgar 'gyur te// mi shes ldan pa g.yo zhing 'gyur ba yin// spre'u ltar de yi sems ni g.yo bar 'gyur// smra la dga' ba'i nyes
- 263b
pa 'di dag go/ / rang gi blo ni shes pas dman pa'i phyir// rmongs pa de ni gzhan gyi dring la 'jog/ de ni nyon mongs phyogs kyi dbang du 'gro// spru la dga' ba'i nyes pa 'di dag go// mig kyang 'khrul cing de bzhin rna ba 'khrul/ / sna yang 'khrul cing de bzhin lce yang 'khrul// lus kyang 'khrul cing yid kyang 'khrul par 'gyur// smra la dga' ba'i nyes pa 'di dag go/ yun ring ngus nas spru la dga' bas na/ / de ni bdag nyid dga' ba mi mthong ngo // tshig gang dka' ba mtha' yas 'thob 'gyur ba// tshig gcig tsam zhig bsam pa mchog yin no// bu ram shing shun snying po ci yang med/ / dga' bar bya ba'i ro ni nang na 'dug/ shun pa zos pa'i mis ni bu ram ro// zhim po rnyed par nus pa ma yin no// ji ltar shun pa de bzhin smra ba ste// ro lhu du ni 'di la don sems yin/ / de lta bas na smra la dka' spongs te// rtag tu bag yod byos la don soms shig/ smra ba'i nyes pa 'di 'dra rtogs gyur cing // don gyi yon tan mchog 'di shes nas ni/ / 'di na byang chub mkhas pa gang yin pa// des ni don bsam pa la dga' bar gyis// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das 'di ltar smra ba la dga' ba'i skyon rnams dang / don la sems pa'i yon tan rnams de bzhin gshegs pas legs par gsungs
- 264a
pa ni ngo mtshar lags so/ / bcom ldan 'das byang chub sems dpa' snying po 'tshal ba rnams kyis ni don bsam pa btang ste/ snying po ma mchis pa'i smra ba la dga' bar bgyid pa'i rngo mi thogs lags so/ / bcom ldan 'das byang chub sems dpa' sems dpa' chen pos gnyid kyi dga' bas dga' ba'i skyon ji ltar brtag par bgyi/ byang chub sems dpas ji ltar brtags na/ rmugs pa dang gnyis kyi nongs dmigs mthong nas/ brtson 'grus rtsom zhing yongs su skyo bar yang mi 'gyur ba lags/ bcom ldan 'das kyis bka' sprul pa/ byams pa 'di la gnyid la dga' ba'i nyes dmigs ni rnam pa nyi shur brtag par bya ste/ byang chub sems dpa' de dag la rtog na/ brtson 'grus rtsom pa la dga' zhing skyo bar yang mi 'gyur ro/ / nyi shu gang zhe na/ byams pa 'di la byang chub sems dpa' gnyid che ba ni rmugs pa dang gnyid kyis non te/ le lo che bar 'gyur ba dang / lus sha che ba 'gyur ba dang / mdog yongs su ma dag pa dang / de'i 'byung ba chen po rnams nad bzhis non par 'gyur ba dang / de'i me'i khams chung bar 'gyur ba dang / de'i kha zas legs par 'ju bar mi 'gyur ba dang / de'i lus la 'bras dang phol mig 'byung bar 'gyur ba dang / le lo can du 'gyur ba dang / de'i gti mug gi dra ba rnam par 'phel bar 'gyur ba dang / de'i shes rab
- 264b
nyam chung bar 'gyur ba dang / de kha zas 'dod pa las yi ga 'chu bar 'gyur ba dang / de gti mug gi mun pa rab du 'dzin par 'gyur ba dang / de la mi ma yin pa rnams bkur sti mi byed pa dang sems rdul bar 'gyur ba dang / mi ldang ba mang bar 'gyur ba dang / de'i sems bka la nyal gyis kun nas dkris shing 'dug par 'gyur ba dang / de'i dge ba'i chos la 'dun par mi 'gyur ba dang / dge ba'i chos thams cad las nyams par 'gyur ba dang / spyod pa zhum par gyur nas brtson 'grus rtsom pa rnams kyi spyod pa la smod pa dang / 'khor gyi nang du song na brnyes par 'gyur ba ste/ byams pa nyi shu po de dag ni byang chub sems dpa' gnyid la dga' zhing / rmugs pa dang gnyid mang ba'i nyes dmigs yin te/ byang chub sems dpa' de dag la rtog na/ brtson 'grus rtsom pa la dga' zhing skyo bar yang mi 'gyur ro/ / de nas de'i tshe bcom ldan 'das kyis tshigs su bcad pa 'di dag bka' stsal to// gang zhig rmugs dang gnyid la dga' 'gyur ba/ / de yi lus ni sha che mkhregs ma yin// le lo de che blun zhing mthun mi byed// de yi mdog kyang dag par mi 'gyur ro// gang zhig rmugs dang gnyid la dga' 'gyur ba// bad kan rlung dang de bzhin mkhris pa rnams/ / de dag de yi lu sa la shas cher 'gyur// de yi khams rnams rab tu 'khrug par 'gyur// gang zhig lugs dang gnyid la dga' 'gyur ba//
- 265a
zas nyes pas lto ni ma dag cing // lus kyang lcil zo mdog bde ma yin// de yi tshig kyang gsal bar mi 'gyur ro// gang zhig thugs dang gnyid la dga' 'gyur ba/ de yi lus la phol mig mang por 'gyur// de ni nyin dang mtshan du bde bar nyal// de la rma rnams mi bzad 'byung bar 'gyur// gang zhig rmugs dang gnyid la dga' 'gyur ba// le lo byad cing brtson 'grus yongs su nyams/ / de ni bde las nyams shing nor rnams 'gribs// de ni rtag tu zhan cing sems kyang rmongs// gang zhig rmugs dang gnyid la dga' 'gyur ba// gti/ mug dra ba chen po 'phel 'gyur zhing // de ni the tsom can de lta ba thob// de ni lta bar gyur pa mang bar 'gyur// gang zhig rmugs dang gnyid la dga' 'gyur ba// de yi shes rab shin du nyams chung 'gyur/ / de yi blo yang yongs su nyams par 'gyur// ye shes las ni rtag tu de nyams 'gyur// gang zhig rmugs dang gnyid la dga' 'gyur ba// mi shes le lo snyoms las shes rab 'chal/ / mi ma yin pa dag gis glags rnyed de// nags na gnas pa'i tshe ni 'tshe bar 'gyur// gang zhig rmugs dang gnyid la dga' 'gyur ba// sems kyang rtul zhing de yi dran pa rmongs/ / lung nod kha ton byed la de mi gnas// chos sman yang de ni rtag tu thogs// gang zhig rmugs dang gnyid la dka' 'gyur ba// de yi nyon mongs kun nas ldang bar
- 265b
'gyur/ / rnam par 'khor zhing g.yo la rmongs pa dang // de yi sems ni rtag tu gdung bar 'gyur// gang zhig rmugs dang gnyid la dga' 'gyur ba// de yi bya ba mang po nyams shing 'gags/ / lus kyang gdungs shing yid kyang yongs su gdungs// bag la nyal ba 'phel bar des mi shes// gang zhig rmugs dang gnyid la dga' 'gyur ba// de ni dge sems rtan tu mi 'dod de/ / de ni chos la 'dun pa skyed mi byed// phyir zhing chos ma yin la de dga' 'gyur// gang zhig rmugs dang gnyid la dga' 'gyur ba// de ni rmongs shing chos 'dun pa nyams/ / byis pa yon tan kun las yongs su nyams// dkar po 'joms zhing mun par grol bar 'gyur// gang zhig rmugs dang gnyid la dga' 'gyur ba// 'jigs par 'gyur zhing sems kyang rab tu zhum/ / de ni rtag par mchog tu dga' mi 'gyur// gnyid kyis non pa lus kyang lhod par 'gyur// gang zhig rmugs dang gnyid la dga' 'gyur pa/ bdag nyid mi shes le lo can gyur nas// brtson 'grus stobs dang ldan la phrag dog byed// brtson 'grus ldan pa rnams la mi snyan smra// nyes pa 'di 'dra 'di dag rtogs byung na// mkhas pasu zhig rmugs gnyis dga' bar byed/ / shin tu gti mug lta ba mang po'i rgyu// don bzang dam chos yon tan chud gzon pa// gnyid 'di brtson 'grus 'phog par rdzogs gyur na/ #
- 266a
pa yon tan ldan pa su der dga'/ / sdug bsngal kun dang mun pa sel byed cing // ngan song yongs su spong ba'i gzhir gyur pa// sangs rgyas kun gyis bsngags pa'i brtson 'grus 'phags/ / gang yin de ni rtag tu bsten par gyis// 'jig rten 'di na bzo gang ci yod dang // 'jig rten 'das bzo gang dag ci yod pa// brtson 'grus brtsams la rnyed par mi dka' na/ / mkhas pa su dag brtson 'grus stobs kyis skyo// gang dag sangs rgyas byang chub zhugs gyur pa// de dag rmugs gnyid skyon rnams mthong nas ni// rtag tu brtson 'grus rtsom la gnas par byed/ / 'di ni nga yis de dag bskul byas yin// de nas bcom ldan 'das la/ byang chub sems dpa' sems dpa' chen po byams pas 'di/ skad ces gsol to// bcom ldan 'das byang chub sems dpa' gang rmugs pa dang gnyid kyi skyon 'di lta bu 'di dag thos na spong bar mi bgyid cing / skyo bar mi bgyid pa de dag dang / brtson 'grus rtsom pa mi skyed pa de dag de tsam du rmongs par 'gyur ba ni ngo mtshar lags so/ / bcom ldan 'das byang chub sems dpa' slob par 'tshal ba dang / lhag pa'i bsam pas bla na med pa yang d ag par rdzogs pa'i byang chub mngon par rdzogs par 'tshang rgya bar 'tshal ba su zhig yang dag pa'i gnas 'di lta bu 'di dag thos na le lo bgyid cing dge ba'i chos rnams skyed par bgyid
- 266b
brtson 'grus kyi yon tan dang phan yon 'di lta bu thos na byang chub kyi yan lag yongs su rdzogs par bgyi ba'i slad du su zhig brtson 'grus rtsom par mi bgyid de/ de bzhin gshegs pas gnyid la dga' ba'i nongs dmigs dang / brtson 'grus rtsom pa'i phan yon 'di dag legs par bka' stsal lags so// bcom ldan 'das byang chub sems dpa' las la dga' ba 'jig rten pa'i skrag pas spags pa'i nongs dmigs ji ltar brtag par bgyi/ byang chub sems dpas gang dag la brtags na/ 'dod pa chung zhing bgyi ba nyung la dam pa'i chos btsal ba'i slad du rtag tu brtson zhing sbyor ba la gnas par 'gyur ba lags/ bcom ldan 'das kyis bka' stsal pa/ byams pa 'di la byang chub sems dpa' sem dpa' chen pos las la dga' ba'i nyes dmigs nyi shur brtag par bya ste/ byang chub sems dpa' de dag la rtog na/ 'dod pa chung zhing bya ba zhung la dam pa'i chos btsal ba'i phyir rtag tu brtson zhing sbyor ba la gnas par 'gyur ro/ / nyi shu gang zhe na/ byams pa 'di la byang chub sems dpa' las la dga' ba 'jig rten pa'i las rnams la brtson par 'gyur pa dang / las ngan pa thams cad la gnas par 'gyur ba dang / lung nod pa dang kha ton la brtson pa dag gis brnyas par 'gyur ba dang / nang du yang dag 'jog la dga' ba rnams kyis smad par 'gyur
- 267a
ba dang / 'khor ba thog pa dang tha ma med pa yongs su 'dzin pa'i las brtsams par 'gyur ba dang / bram ze dang khyim bdag dad pa rnams kyi yon sbyong bar mi byed/ pa dang / de'i sems dngos por 'dzin pa la 'jug par 'gyur ba dang / chags pa mang bar 'gyur ba dang / khyim so rnams la rgyun du sbyor bar 'gyur ba dang / dbang byed par mi 'gyur ba dang zlog byed kyi ngang tshul can yid smon pa mang po la rgyun du gnas pa dang / khyim gyi bya ba dag la brtson pa dang / de ro dag la shas cher 'dun cing chags pa bskyed pa dang len pa med par mi dga' ba dang / kun nas mnar sems mang ba las kyi sgrib pa rgyun du mngon par 'du byed pa dang / dge bsnyen dang dge bsnyen ma la rton par 'gyur ba dang / de zas kyi rnam par rtog pas nyin mtshan 'da' bar byed pa dang / 'jig rten pa'i bya ba dag rgyun du 'dri bar byed pa dang / mi rigs pa'i smra ba dag la mngon par dga' bar 'gyur ba dang / zhal ta byed pa'i rgyags pas tshangs pa mtshungs par spyod pa rnams dbang phyug gis tshar gcod par byed pa dang / pha rol gyi 'khrul pa rtog cing bdag gi 'khrul pa la mi rtog par 'gyur ba dang / don dang ldan zhing rnam par nges pa'i gtam dag la skyen par brnyes par 'gyur ba ste/ byams pa nyi shu po de dag ni byang chub sems dpa'i las la dga' zhing zhal ta byed pa'i skrag pas spags pa'i
- 267b
nyes dmigs yin te/ byang chub sems dpa' de dag la rtog na 'dod pa chung zhing bya ba zhung bar 'gyur la/ 'jig rten pa'i bya ba spangs nas/ 'jig rten las 'das pa'i bya ba la brtsod par 'gyur ro/ / de nas de'i tshe bcom ldan 'das kyis tshigs su bcad pa 'di dag bka' stsal to// de ni las ngan dag la gnas 'gyur zhing // las mchog dag las de ni rgyang yang ring / / 'dir ni rnyed pa che las ring bar 'gyur// rnam par chags sems nyes pa 'di dag yin// dge slong lung nod kha ton dka' rnams kyis// de la brnyas shing 'dod par mi byed la/ / bsams gtan byed pa rnams kyis smad par 'gyur// rtag tu las gnas skyon ni 'di dag yin// 'khor ba'i las la mngon par brtson pa dang // thar pa las ni rgyang ring bcings par gnas/ / de ni yul 'khor zas la mi rigs spyod// nyes pa 'di dag las la chags pa'i yin// rtag tu dngos po dag ni len par byed// yongs su 'dzin pa med la dga' mi skyed/ / nor med nor ni don du gnyer bar byed// nyes pa 'di dag las la chags pa'i yin// khyim du rgyu ba dag ni chags par 'gyur// 'du 'dzi dga' bas thams cad 'jigs pa byed/ gzeb kyi nang du bya bcug bzhin du 'gyur// nyes pa 'di dag las la chags pa'i yin// khyim pa'i las la de rtag mya ngan byed// yongs su gdungs par gyur kyang yid mi 'byul//
- 268a
nams kyang tshig ni btsun par mi 'gyur te// nyes pa 'di dag las la dga' ba'i yin// bla mas bskul na dka' blo mi bde zhing // rjes su bstan pa mthun par 'dzin mi byed/ / de ni myur du tshul khrims nyams par 'gyur// nyes pa 'di dag las la dga' ba'i yin// khyim na gnas pa'i las rnams rtag sems pas// de ni rtag du 'dod par 'gyur ba ste/ / bsam gtan dang ni spong ba de mi byed// nyes pa 'di dag las la dga' ba'i yin// de yi 'dod chags shas ni che bar skye// de ni ro bro rnams la chags shing zhe na/ / de ni ngan ngon tsam gyis dgar mi 'gyur// nyes pa 'di dag las la dga' ba'i yin// de ni 'khor phal chen dgar 'gyur te/ de nyams na ni shin tu sdug bsngal 'gyur/ / de ni bong bu bzhin du lang long 'gyur// nyes pa 'di dag las la dga' ba'i yin// de sems rtag tu gnod sems ldan par 'gyur// las rnams 'phel zhing zad par mi 'gyur te/ / srid pa'i 'khri shing dag gis dam du bcings// nyes pa 'di dag las la dga' ba'i yin// de ni rtag tu bla ma rnams mi bsten// phyogs 'dod khyim pa la ni sten par byed/ / tshul khrims gnas pa dag la'ang phrag dog byed// nyes pa 'di dag las la dga' ba'i yin// nyin dang mtshan du sems gzhan med par ni// zas dang gro
- 268b
la rgyun du sems par byed/ / de ni rtag tu yon tan 'dod ma yin// nyes pa 'di dag las la dga' ba'i yin// de ni 'jig rten pa yi bya ba 'dri// rigs pa min pa spang rnams la dga'/ / rigs pa'i spru la de ni dga' mi 'gyur// nyes pa 'di dag las la dga' ba'i yin// sdom brtson rnams la de ni rtag du gshe// dbang phyug mchis de dag des tshar gcod/ / mi sdug las rnams mngon par 'du byed de// nyes pa 'di dag las la dga' ba'i yin// de ni rtag tu gzhan gyi skyon rtog cing // bdag la yod pa'i skyo rnams mi mthong la/ / yon tan ldan pa rnams la 'khrul pa tshol// nyes pa 'di dag las la dga' ba'i yin// byis pa de ni gzhan gyis myur du brnyes// de ni pha rol dag la chos ston tshe/ / blo nyams pas na mngon par shes mi 'gyur// nyes pa 'di dag las la dga' ba'i yin// gnod gyur nyes pa 'di dag mthong nas ni// las ngan dag la su zhig dka' bar byed/ / dpa' bo dag ni rtag tu las mchog byed// byas pa gang yin chung ni gzon mi byed// lan stong brjod kyang tshig gcig mi 'dzin pa// de ni blo ngan dag gis spro ba yin/ gang zhig las ngan dag ni byed pa la// dam pa dag gis de ltar rtag tu spad// de lta bas na mkhas mis 'di rtag tu// las ngan dag ni rnam par spangs nas kyang // thub dbang rnams
- 269a
kyis rtag tu bsngags pa yi/ / bzang po'i las rnams gang yin de dag bya// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das byang chub sems dpa' gang dag chos kyi mchog yongs su spangs nas/ las ngan pa rtsom pa de dag ni shes rab shin tu chung zhing / shes rab kyis dman par 'gyur pa lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to/ / byams pa de de bzhin te/ de de bzhin no// ji skad smras pa bzhin te/ byang chub sems dpa' gang dag chos kyi mchog yongs su spangs nas/ las ngan pa rtsom pa de dag ni shes rab shin tu chung zhing / shes rab kyis dman par 'gyur ba yin no// byams pa gzhan yang khyod mos par bya'o// khyod kyis khong du chud par bya'o// byang chub sems dpa' gang dag la sbyor ba med cing bsam gtan med la spong ba med cing 'don pa med pa dang / mang du thos pa yongs su tshol ba med pa de dag ni de bzhin gshegs pa'i bstan pa la rab tu byung ba ma yin no/ / byams pa de bzhin gshegs pa'i bstan pa ni bsam gtan dang spong bas phye ba dang / ye shes kyis 'dus byas pa dang / ye shes kyis mnyam par gzhag pa dang //
- 269b
brtson pas phye ba yin gyi/ khyim pa'i las dang zhal ta byed pas phye ba ni ma yin te/ 'di ltar zhal ta byed pa'i las de ni mi rigs pa la sbyor ba rnams dang / 'du byed la mngon par dga' ba rnams dang / 'jig rten pa'i bya bas spags pa ste/ byang chub sems dpas de la 'dod pa bskyed par mi bya'o// byams pa gal te byang chub sems dpa' zhal ta byed pa la brtso pas rin po che sna bdun gyi mchod rten dag gis stong gsum gyi stong chen po'i 'jig rten gyi khams 'di bkang na/ des ni nga mnyes par byas pa ma yin/ ri mor byas pa ma yin/ bkur stir byas pa ma yin gyi/ / byams pa gal te byang chub sems dpa' tha na pha rol tu phyin pa dang ldan pa'i tshig bzhi pa'i tshigs su bcad pa gcig tsam 'dzin tam/ 'chang ngam/ klog gam kun chub par byed dam/ 'chad na des ni nga la bkur stir byas/ bla mar byas/ ri mor byas/ mchod par byas par 'gyur ro// de ci'i phyir zhe na/ byams pa de bzhin gshegs pa rnam kyang byang chub ni mang du thos pa las byung ba yin gyi/ dngos po yongs su 'dzin pa las byung ba ni ma yin pa'i phyir ro// byams pa gal te byang chub sems dpa' zhal da byed pa la brtson pas/ byang chub sems dpa' lung nod pa dang kha ton byed pa la brtson pa zhal ta byed pa'i skrag pas sngags par byed pa na/ bsod nams 'dod pa des ni bsod nams ma yin pa'i phung po chen po skyed par
- 270a
'gyur te/ las kyi sgrib pa'ang yongs su 'dzin par 'gyur ro// de ci'i phyir zhe na/ bsod nams bya ba'i gzhi gsum po gang yin pa de dag thams cad ni shes rab las byung ba'i phyir ro/ / byams pa de lta bas na byang chub sems dpa' zhal byed pa la brtson pas/ byang chub sems dpa' lung nod pa dang kha ton byed pa la brtson pa'i bar chad mi bya'o// 'dzam bu'i gling 'di zhal ta byed pas yongs su gang bar gyur pa'i zhal ta byed pa de dag thams cad kyis ni/ byang chub sems dpa' lung nod pa dang kha ton byed pa la brtson pa gcig la rim gro dang bsnyen bkur bya'o/ / byang chub sems dpa' lung nod pa dang kha ton byed pa la brtson pa 'dzam bu'i gling gang ba snyed kyis ni/ byang chub sems dpa' nang du yang dag 'jog la brtson pa gcig la rim gro dang bsnyen bkur bya'o/ / de ltar byas na de bzhin gshegs pas rjes su yi rang ba dang gnang ba yin te/ de dag gi bsnyen bkur ni legs par byas pa yin no// gang zhig shes rab spyod pa la mos nas rim gro dang bsnyen bkur byed pa'i bsod nams kyi phung po ni tshad med par skye bar 'gyur ro/ / de ci'i phyir zhe na/ 'di ltar shes rab kyi las de ni dka' ba'i las dang bla na med pa dang / gong na med pa dang / 'jig rten gsum po thams cad las khyad par du 'phags shing mngon par 'phags pa'i phyir ro// byams pa de lta bas na byang chub sems
- 270b
dpa' mngon par brtson pa don du gnyer zhing brtson 'grus rtsom par 'dod pas shes rab la brtson par bya zhing / shes rab yongs su btsal ba la brtson 'grus brtsam par bya'o// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das byang chub sems dpa' 'du 'dzi la dga' ba dang / las la dga' ba rnams kyi nongs dmigs rnams ni bka' stsal lags na/ bcom ldan 'das byang chub sems dpas spros pa la dga' ba'i nongs dmigs rnams ji ltar brtag par bgyi/ byang chub sems dpa' gang dag la brtags na nye bar zhi ba la gnas shing rtsod pa ma mchis par gnas par 'gyur lags/ bcom ldan 'das kyis bka' stsal pa/ byams pa byang chub sems dpas spros pa la dga' ba'i nyes dmigs rnams mdor bsdu na nyi shu po 'di dag tu brtag par bya'o/ / rgyas par ni de bzhin gshegs pas mtha' yas par bstan te/ mthar thug par yang mi 'gyur ro// nyi shu gang zhe na/ byams pa byang chub sems dpa' spros pa la dga' ba tshe 'di nyid la sdug bsngal ba dang yid mi bde ba mang bar gnas pa dang / bzod pa las yongs su nyams par 'gyur ba dang / de'i mi mdza' ba rnams yi rangs par 'gyur ba dang / de la bdud kyang mgu bar 'gyur ba dang / de la bdud kyi 'khor yang dka' bar 'gyur
- 271a
ba dang / de'i dge ba'i chos ma skyes pa rnams skye bar mi 'gyur ba dang / skyes pa rnams med par 'gyur ba dang / 'thab pa dang / khon du 'dzin pa dang / rtsod pa dang / 'gyed pa mang bar 'gyur ba dang / 'thab pa dang / rtsod pa dang / 'gyed pas ngan song du 'gro bar 'gyur ba'i las mngon par 'du byed par 'gyur ba dang / bag med par 'gyur ba'i lam rab tu 'dzin pa dang / de'i lce'i dbang po rtsub par 'gyur ba dang / de'i lung mnos pa'i chos rnams la legs par gnas par mi 'gyur ba dang / mdo sde lung ma mnos pa rnams rna lam du grag par mi 'gyur ba dang / dge ba'i bshes gnyen thams cad kyis yongs su spangs par 'gyur ba dang / sdig pa'i grogs po rnams dang myur du phrad par 'gyur ba dang dka' ba'i lam gyis nges par 'byung bar 'gyur ba dang / rgun mi 'chad par yid du mi 'ong ba'i thos par 'gyur ba dang / gang dang gang du skyes pa de dang der the tsom can du 'gyur ba dang / de la mi khom pa brgyad po dag nye bar 'gyur ba dang / rtag tu de'i dkar po'i phyogs la brtson pa la bar chad 'byung bar 'gyur ba ste/ byams pa nyi shu po de dag ni spros pa la dka' ba'i nyes dmigs rnams mdor bsdus pa yin te/ de dag yongs su spang bar bya'o// de nas de'i tshe bcom ldan 'das kyis tshigs su bcad pa 'di dag bka' stsal to// /
- 271b
de ni tshe 'dir bde bar mi 'gyur te// bzod dang ring zhing khro ba'i phyogs la gnas// de yi dgra rnams dga' dar 'gyur ba ste// spos spyod de yi nyes pa 'di dag go// bdud rtsa de la dga' zhing mgu bar 'gyur/ / bdud kyi phyogs kyang de la dga' bar 'gyur// de yi dge ba'i chos skyes chud par 'gyur// spros spyod de yi nyes pa 'di dag go// de ni rnams kyang dge ba mi skyed de/ / 'chi kar tha dad rgyu la gnas pa dang / ngan song 'gro ba'i las ni byed par 'gyur// spros spyod de yi nyes pa 'di dag go/ mi mdzes pa dang blta na mi sdug dang / / de ni rtag tu rus rigs dma' bar 'gyur// de yi lce yi dbang po rtsub 'gyur te// spros spyod de yi nyes pa 'di dag go// lung mnos chos rnams legs par mi gnas shing / lung mnos ma byas mdo sde thos mi 'gyur// dge ba'i bshes gnyen rnams kyang rnam par spong // spros spyod de yi nyes pa 'di dag go// sdig pa'i grogs po dag dang phrad par 'gyur/ / dka' ba'i theg pas rnam par dag 'gyur zhing // mi 'dod pa yi tshig rnams rgyun du thos// spros spyod de yi nyes pa 'di dag go// byis pa'i blo can de ni gar skyes der yin nam ma yin snyam du de rtog cing / / rtag tu des ni the tsom rnyed par 'gyur// spros spyod de yi nyes pa 'di dag go/ de ni mi khom brgyad dang ring mi 'gyur// de ni dal ba ldan pa'i mchog
- 272a
'gyur/ / de la gnod pa 'di dag rtag 'byung ste// spros spyod de yi nyes pa 'di dag go/ de yi dge ba dag la bar chad mang // bgegs su 'gyur bas myur du thob mi 'gyur/ / brtson dang ldan yang de la dgra rnams 'byung // spros spyod de yi nyes pa 'di dag go/ mkhas pas nyes 'di yang dag rig nas ni// spros pa thams cad yongs su spang bar bya/ / spros spyod dag ni gnod pa rnyed par sla// de lta bas na spros la gnas mi bya// gang na spros pa'am rtsod pa yod pa las// dpag tshad brgya yi pha rol 'gro/ pa mchog/ gang na nyon mongs yod pa de dag tu// yud tsam zhig kyang gnas shing 'du mi bya// rab byung don 'dod yon tan 'dod pa rnams// sdang ba'i sems kyis rtsod par ma byed cig/ khyed la zhing med zhing blas tshong byar med// gang la nor phyir 'di dag 'byung ba spros// khyed la chung ma bu dang bu mo med// khyim dang gnyen gyi tshogs kyang yod ma yin// blun po bran mo med cing dbang phyug med/ / rab tu byung nas rtsod par ma byed cig/ zhi zhing rab tu zhi bas bsten pa yi// ngur smri ge gos rnams dad pas blangs nas ni// zhi zhing rab zhi nye bar zhi bas byos/ / spros pa rnam par spongs la bzod pa skyed// mi bzad sems ni sbrul gdug 'dra ba gsungs// spros la spyod pa sems can dmyal ba dang // dud 'gro gshin
- 272b
rje'i yul dang ring mi 'gyur/ / de lta bas na bzod dang brtson 'grus skyed// tshogs pa gzhig phyir spros par byed na ni// sdug bsngal gsod dang 'ching ba ci yang rung // sor bas/ dang bsdig pa de dag ni// 'jig rten 'di ni gnas pa rnams la 'byung // tshogs par gyur la nyes pa 'di dag dkon// tshogs gyur pag la nyal ba 'phel ba med// tshogs gyur rnams la dga' ba 'byung 'gyur na/ / mkhas pa su zhig tshogs pa skyed mi byed// glags tshol dag gis skyon rnams rnyed mi 'gyur// nams kyang 'khor rnams phyed par mi 'gyur te// de yi mdza' bshes dag kyang rgyun du 'byung // spros pa spangs pa'i phan yon de dag yin// theg pa'i stobs 'di yis ni dga' 'gyur zhing // las kyi sgrib pa ma lus byang nas ni// stobs dang bcas shing bzhon bcas bdud thul cig/ brtan pa gang yin des ni bzod pa skyed// spros pa rgyas pa la ni skyon mang chags// nyes pa de dag ngas ni bstan mi nus// rtag tu spros med bsngags pa mtha' yas 'gyur// su zhig don gnyer de ni bzod pa skyed// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das kun nas nyon mongs pa de tsam du gleng nga ni/ de bzhin gshegs pas legs par gsungs te/ ngo mtshar lags so//
- 273a
bcom ldan 'das ci lnga brgya pa mtha' ma la byang chub sems dpa' rnams kyis tshig gi mchog 'di lta bu 'di dag thos na skyo bar 'gyur zhing / kun nas nyon mongs pa'i spyod pa'ang spong bar 'gyur lags sam/ bka' stsal pa/ byams pa lnga brgya pa mtha' ma la byang chub sems dpa'i theg pa pa'i gang zag rnams tshig gi mchog 'di lta bu 'di dag thos na skyo bar 'gyur zhing / kun nas nyon mongs pa'i spyod pa'ang spong bar 'byung ba de dag ni nyung ngo // byams pa gang dag sems kyi rgyud khengs par 'gyur zhing gus pa med pa dang / mngon pa'i nga rgyal la gnas pa dang / gcig la gcig the tsom za ba mang ba dag ni phal che ste/ de dag de bzhin gshegs pas gsungs pa'i mdo sde zab mo bstan pa'i yon tan dang phan yon zab pa dag lung nod par mi byed/ kha ton du mi byed/ 'chang bar mi byed/ kun chub par mi byed de/ de dag ni las kyi sgrib pa shas che bas/ yon tan de dag dang phan yon de dag 'byung bar mi 'gyur ro/ / de dag dad pa med pa des mdo sde de dag la the tsom za bar 'gyur te/ phyis kyang lung nod par mi byed/ 'chang bar mi byed/ kun chub par mi byed de/ de dag gi drung du bdud sdig can dge slong gi cha lugs su 'dug nas 'di skad du mdo sde 'di dag ni rang bzor byas pa yin te/ 'di dag ni de bzhin gshegs pas gsungs pa ma yin no// de ci'i phyir zhe na/
- 273b
mdo sde 'di dag las yon tan dang phan yon bshad pa gang yin pa de dag khyed kyi 'di las mi 'byung zhing med pa'i phyir ro zhes mos pa zlog par byed do// de dag de ltar mos pa bzlog pas mdo sde zab mo dag mi 'dod cing the tsom du 'gyur te/ lung nod par mi byed// kha ton du mi byed de/ mi blun po de dag gis yon tan dang phan yon de dag thos na/ 'di ltar chos spong bar 'gyur ba'i las kyi rnam par smin pa ni sbyang bar mi nus so snyam du mi sems so/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das de bzhin gshegs pa tshe dpag med kyi yon tan de bzhin gshegs pas gsungs pa gang lags pa 'di dag las gang gis sems bskyed pa gang yang rung ba zhig yid la bgyid cing / de bzhin gshegs pa tshe dpag med yid la bgyid pa de sangs rgyas kyi zhing der skye bar 'gyur na/ bcom ldan 'das sems bskyed pa de dag gang lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa sems bskyed pa gang dag gis de bzhin gshegs pa tshe dpag med kyi sangs rgyas kyi zhing 'jig rten gyi khams bde ba can du skye bar 'gyur bar byed pa de dag ni byis pa'i sems bskyed pa ma yin/ skyes bu dam
- 274a
pa ma yin pa'i sems bskyed pa ma yin/ kun nas nyon mongs pa'i sems bskyed pa ma yin te/ byams pa sems bskyed pa ni bcu po 'di dag yin no// bcug zhe na/ byams pa 'di lta ste/ sems can thams cad kyi spyod pa la zhe 'gras pas ni de bzhin gshegs pa tshe dpag med kyi sangs rgyas kyi zhing du skye bar mi nus te/ sems can thams cad la byas pa'i sems bskyed pa dang / 'tshe ba yongs su spangs te/ sems can thams cad la snying rje'i sems bskyed pa dang / lus dang srog la mi lta bar dam pa'i chos srung ba'i sems bskyed pa dang / zab mo'i bzod pa la nges par gyur pas dam pa'i chos la mngon par zhen pa'i sems bskyed pa dang / rnyed pa dang bkur stis ma gos pas bsam pa yongs su dag pa'i sems bskyed pa dang / brjed pa med pas thams cad mkhyen pa nyid la rin po cher sems bskyed pa dang / zhum pa med pas sems can thams cad la bla ma bzhin du gus pa'i sems bskyed pa dang / byang chub kyi yan lag la nges pas nyi tshe ba'i gtam gyi ro myang bar mi bya ba'i sems bskyed pa dang / ma 'dres pas dge ba'i rtsa ba rnam pa sna tshogs kyi sems bskyed pa dang mtshan ma yongs su spang te sangs rgyas rjes su dran pa bsgom pa'i sems bskyed pa ste/ byams pa sems bskyed pa bcu po ni de dag yin te/ sems bskyed pa bcu po de dag las sems bskyed pa gang yang rung ba'i sems
- 274b
bskyed pa gang yin pa de ni sems bskyed pa de dang ldan na/ sangs rgyas kyi zhing der skye bar mi 'gyur ba de ni gnas med do// de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das lhag pa'i bsam pa skul ba'i chos kyi rnam grangs 'di de tsam du bsam gyis mi khyab pa ni ngo mtshar lags so// de skad ces gsol pa dang / bcom ldan 'das kyis tshe dang ldan pa kun dga' bo la legs so zhes bya ba byin te/ kun dga' bo legs so legs so// kun dga' bo de'i phyir khyod kyis lhag pa'i bsam pa skul ba zhes bya ba'i chos kyi rnam grangs 'di zung zhig/ bcom ldan 'das kyis de skad ces bka' stsal nas/ byang chub sems dpa' sems dpa' chen po byams pa dang / byang chub sems dpa' de dag dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po chos kyi rnam grangs stong phrag brgya pa las lhag pa'i bsam pa skul ba'i le'u zhes bya ste/ 'dus pa nyi shu rtsa lnga pa rdzogs so// / rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban de ye shes sde la sogs pas
- 275a
brdzu tsam nus te gtan la @5/ oM@/ bam po gnyis so// rgyag mangs/ n+ta pa ri pri tsAnA ma ma hA yA na sU tra/ bod skad du/ 'phags pa lags bzangs kyis zhus pa zhes bya ba theg pa chen po'i mdo// bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan ta ka'i gnas na/ dge slong gi dge 'dun chen po dang thabs cig tu bzhugs te/ de'i tshe byang chub sems dpa' sems dpa' chen po lag bzangs shes bya ba g.yog dang bcas te rgyal po'i khab kyi gro khyer chen po nas byung nas/ 'od ma'i tshal bya ka lan ta ka'i gnas ga la ba dang / bcom ldan 'das ga la ba la der dong ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'dug go// phyogs gcig tu 'dug nas/ byang chub sems dpa' sems dpa' chen po lag bzangs kyis bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po chos
- 275b
du dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya/ de skad ces gsol pa dang // bcom ldan 'das kyis/ byang chub sems dpa' sems dpa' chen po lag bzangs la 'di skad ces bka' stsal to/ / lag bzangs byang chub sems dpa' sems dpa' chen po myur du mngon par rdzogs par byang chub par bya 'i phyir pha rol tu phyin pa drug po 'di dag rtag par rgyun du yongs su rdzogs par bya'o/ / drug gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu byin pa dang / bzod pa'i pha rol tu phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ lag bzangs byang chub sems dpa' sems dpa' chen pos pha rol tu phyin pa drug po 'di dag rtag par rgyun du yong su rdzogs par bya'o/ / lag bzangs byang chub sems dpa' sems dpa' chen po ji ltar sbyin pa'i pha rol tu phyin pa yongs su rdzogs par byed ce na/ lag bzangs 'di la byang chub sems dpa' sems dpa' chen po ni chos kyis longs spyod rnams yongs su tshol gyi// chos ma yin pas ni ma yin no// mnyam pas yin gyi/ mi mnyam pas ni ma yin no// de srog chags gzhan dag dang / sems can gzhan rnams la gnod pa mi byed/ nyam nga ba mi
- 276a
byed par sbyin pa sbyin te/ brjod pa dang / s+tha dang / tshogs su bcad pa'i phyir ma yin/ 'dzem pa'i phyir ma yin/ 'jigs pa'i phyir ma yin/ lan du phan 'don su re ba'i phyir ma yin/ mtho ris kyi phyir ma yin/ tshul 'chos pa ma yin/ kha gsag byed pa ma yin/ brnyas pa ma yin no// sbyin gnas sam/ sbyin gnas ma yin pa 'am/ mngon par grags pa 'am/ mngon par grags pa ma yin pa 'am/ tshul khrims dang ldan pa 'am/ tshul khrims 'chal pa 'am/ 'dris pa'am/ ma 'dris pa 'am/ mdza' ba 'am/ mi mdza' ba'ang rung ste/ bkur stir byed/ bla mar byed/ rim gro byed/ mchod pa byed cing / 'dun pa drag po dang / dga' ba drag po dang / dad pa drag pos de nyung ngu bdog na'ang lung ngu sbyin mang du bdog na'ang mang du sbyin/ ngan pa bdog na'ang ngan pa sbyin/ gya nom pa bdog na'ang gya nom pa sbyin no// lag bzangs ji ltar byang chub sems dpa' brgya stong sbyin pa dang rlabs po che'i sems dang / rangs pa'i sems kyis sbyin pa de bzhin du/ ka k+Sha ni tsam yang sbyin zhing rlabs po che'i sems dang / rangs pa'i sems kyis sbyin no// des zas 'dod pa rnams la sems can thams cad mkhyen pa'i ye shes bla na med pa'i stobs kyis brtan pa thob par bya ba'i phyir zas sbyin no/ / skom 'dod pa rnams la ni sems can thams cad nyon
- 276b
mongs pa'i sgom pa thams cad bsal ba'i stobs thob par bya ba'i phyir sgom sbyin no/ / gos 'dod pa rnams la ni sems can thams cad ngo tsha shes pa dang / khrel yod pa'i gos thob par bya ba'i phyir gos sbyin no/ / bzhon pa 'dod pa rnams la ni sems can thams cad byang chub sems dpa'i theg pa dang / rdzogs pa'i sangs rgyas kyi theg pa bla na med pa thob par bya ba'i phyir bzhon pa sbyin no/ / spos 'dod pa rnams la sems can thams cad sangs rgyas kyi tshul khrims kyi dri bsung thams cad thob par bya ba'i phyir spos sbyin no// me tog 'dod pa rnams la ni sems can thams cad de bzhin gshegs pa'i byang chub kyi yan lag bdun gyi me tog bla na med pa thob par bya ba'i phyir me tog rnams sbyin no/ / phye ma 'dod pa rnams la ni sems can thams can nyes par spyod pa'i dri nga ba'i dri ma bzhom pa'i stobs thob par bya ba'i phyir phye ma sbyin no/ / byug pa 'dod pa rnams la ni sems can thams cad zhes pa med pa'i tshul khrims dang / spyod pa'i byug pa thob par bya ba'i phyir drug ba sbyin no// gdugs 'dod pa rnams la ni sems can thams cad nyon mongs pa'i gdung ba thams cad nye bar zhi ba'i stobs thob par bya ba'i phyir gdugs sbyin no/ / lham 'dod pa rnams la ni sems can thams cad bla na med pa'i bde ba mngon par shes pa thob par bya ba'i phyir lham sbyin no// mal cha 'dod pa
- 277a
rnams la ni sems can thams cad lha dang / tshangs pa dang / 'phags pa'i gnas pa'i mal cha'i bde bar sbyar ba'i stobs thob par bya ba'i phyir mal cha sbyin no// stan 'dod pa rnams la ni sems can thams cad byang chub kyi snying por bdud dang nyon mongs pa'i sgrib pa bar du gcod pa thams cad kyis mi phyed pa dpa' ba'i stan thob par bya ba'i phyir stan sbyin no/ / gnas 'dod pa rnams la ni sems can thams cad skyabs dang / gnas dang / mgon dang / dpung gnyen du gyur pa'i lus thob par bya ba'i phyir gnas sbyin no// phru rtog dang / bum pa dang / 'tshogs chas 'dod pa rnams la ni sems can thams cad chos kyi rdzing lta bu'i lus thob par bya ba'i phyir/ phru rtog dang / bum pa dang / 'tshogs chas sbyin no/ / sems can thams cad zhi ba dang / nye bar zhi ba bla na med pa'i ting nge 'dzin dang / snyoms par 'jug pa thams cad thob par bya ba'i phyir/ sangs rgyas dang / chos dang dge 'dun la dka' thub kyi nags tshal sbyin pa sbyin no/ / sems can thams cad skyes bu chen po'i mtshan sum cu rtsa gnyis dang dpe byad bzang po brgyad cu thob par bya ba'i phyir/ mchod rten rnams la rgyan sbyin pa sbyin no/ / sems can thams cad de bzhin gshegs pa'i lha'i spyan mtha' yas pa thob par bya ba'i phyir/ mun khrod kyi mchod rten nam/ lam rnams la mar
- 277b
me sbyin pa sbyin no/ / sems can thams cad de bzhin gshegs pa'i lha'i snyan mtha' yas pa thob par bya ba'i phyir/ sangs rgyas la mchod pa rnams sam/ chos la mchod pa rnams sam/ dge 'dun la mchod pa rnams la rol mo'i dbyangs sgra sbyin pa sbyin no// sems can thams cad cha byad dang / tshul khrims dang / spyod pa mdzes pa bla na med pa thob par bya ba'i phyir/ lhung bzed dang chos gos sbyin pa sbyin no// sems can thams cad dbugs dbyung ba ni sbyin pa'i stobs thob par bya ba'i phyir/ snod tshags sbyin pa sbyin no/ sems can thams cad shes rab chen po'i tshogs yongs su bkang ba thob par bya ba'i phyir spyi gu dang / gnag tsha dang / glegs bu dang / chos kyi khri stan sbyin pa sbyin no// sems can thams cad kyi nyon mongs pa'i nad thams cad gzhom pa'i phyir/ na ba'i gsos sman dang yo byad sbyin pa sbyin no// sems can thams cad byang chub rnam pa gsum gyi sa dang bdud rtsi'i dbyings kyi sa thob par bya ba'i phyir/ sa gzhi sbyin pa sbyin no// sems can thams cad slob dpon med pa'i dam pa'i chos mthon po thob par bya ba'i phyir/ mchod rten mthon po dang / sku gzugs mthon po byed do// bdog pa lta na sems can thams cad mngon par shes pa myur ba thob par bya ba'i phyir/ myur zhing yongs su nyon mongs par mgyur par sbyin pa sbyin no//
- 278a
sems can thams cad bar du gcod pa med par rdzogs pa'i byang chub thob par bya ba'i phyir/ rung ba sbyin gyi rung ba ma yin pa ni ma yin no// sems can thams cad spobs pa chen po yongs su mi 'chad pa thob par bya ba'i phyir/ yongs su mi gcod pa yin no// sems can thams cad snying rje chen po mtshungs pa med pa thob par bya ba'i phyir/ sem can thams cad la mnyam par sbyin pa sbyin no/ / sems can thams cad bdud dang mu stegs byed thams cad kyis tshar mi chod pa dang / gnod par mi nus pa'i chos mngon par rdzogs par byang chub par bya ba'i phyir/ gzhan la mi gnod par sbyin pa sbyin no// lag bzangs gal te byang chub sems dpa' la sbyin pa 'di dag sbyin du nor med cing 'byor pa med par gyur na/ de 'jig rten gyi khams thams cad du sems can thams cad la sbyin pa mtha' yas shing dpag tu med pa 'di dag sbyin par yid kyis 'dod cing smon la/ smon lam 'debs de/ lag bzangs byang chub sems dpa' de sbyin pa 'di dag sbyin pa'i nus pa dang ldan yang rung / nus pa dang mi ldan yang rung ste/ gang 'jig rten gyi khams thams cad na sems can thams cad bdag gi bde bar sbyar ba nyid dang ldan pa dang yang dag par ldan par gyur cing 'bad pa med pa dang / 'dod pa med par brnag pa rnams thams cad rnam pa thams cad kyi thams cad du shin tu yongs su
- 278b
rdzogs shing bsam pa ma lus par yongs su rdzogs nas/ bde ba la reg par gnas par 'gyur bar bdag gi de bzang por gyur cig/ bdag gi de dge bar gyur cig ces de ltar yid kyis 'dod cing smon la/ smon lam 'debs so// 'jig rten gyi khams thams cad du sems can thams cad la rin po che'i rgya mtsho'ang sbyin par 'dod cing smon la/ smon lam 'debs so/ / dbyig gi ri dang / gser gyi ri dang / gos kyi ri dang / yo byad thams cad kyi ri dang / bza' ba rgya mtsho dang / btung ba rgya mtsho dang / gnas legs par byas pa/ legs par gnas pa mtha' yas shing dpag tu med pa dag kyang sbyin par 'dod cing smon la/ smon lam 'debs so// 'khor ba'i srid pa thams cad kyi 'jig rten gyi khams thams cad kyi sems can 'das pa dang / ma 'ongs pa dang / da ltar byung ba thams cad kyi sbyin pa dang / gtong ba dang / rnam par gtong ba gang yin pa zang zing sbyin pa 'am/ mi 'jigs pa sbyin pa 'am/ chos sbyin pa ma lus pa de dag thams cad la tha na dus gsum du'ang mngon par dga' zhing rjes su yi rang ngo / / gal te de la bslangs la nor sbyin mi nus na'ang / rang gi zas skal sbyin pa 'am/ grogs su 'gyur ba 'am/ kun tu btsal ba'i thabs kyang de la ston par 'gyur ro// chos kyi gdam gyis de'i 'dod pa sel bar byed do// de sbyin pa 'dod par gyur na'ang sbyin pa de sems can thams cad
- 279a
bskal ba dang / sems ca thams cad dkrol ba dang / sems can thams cad thugs dbyung ba dang / sems can thams cad songal mya ngan las bzla ba dang / thams cad mkhyen pa nyid thob par bya ba dang sangs rgyas kyi chos thams cad yongs su rdzogs par bya ba'i phyir/ bla na med pa yang dag par rdzogs pa'i byang chub tu yongs su bsngo'o// sbyin pa dag byin nas kyang sbyin pa de sems can thams cad bsgral pa dang / sems can thams cad dgrol ba dang / sems can thams cad dbugs dbyung ba dang / sems can thams cad yongs su mya ngan las bzla ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir/ bla na med pa yang dag par rdzogs pa'i byang chub tu yongs su bsngo'o// gal te sbyin pa dang / gtong ba dang / rnam par gtong ba de la slob pa'i nus pa dang mi ldan par gyur na/ de 'di ltar yang dag par slob ste/ dus dus su 'am/ cung zad cung zad du'ang chags pa dang / ser sna dang / sbyin pas 'jigs pa spang ba dang / dor ba dang / bsal bar rtsol lo// 'bad do// dus dus su 'am/ cung zad cung zad du sbyin pa dang / gtong ba dang / rnam par gtong ba la slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do// srid pa gzhan du gyur pa na'ang zhum par mi 'gyur zhing /
- 279b
sgyid lug par mi 'gyur ro// lag bzangs byang chub sems dpa' rnams kyi byang chub du sems bskyed pa dang / byang chub kyi se mas rjes su dran pa dang / byang chub kyi sems bsko pa dang / byang chub tu smon pa dang / byang chub tu smon lam 'debs pa gang yin pa de nyid de dag gi sbyin pa chen po dang / gtong ba chen po dang / rnam par gtong ba chen po grangs med cing dpag tu med pa yin no/ / de ci'i phyir zhe na/ 'di lta ste/ 'jig rten gyi khams thams cad du sems can thams cad la dam pa'i chos kyi char sbyin par 'dod pa dang / bdud rtsi'i dbyings kyi char sbyin par 'dod pa dang / dam pa'i chos kyi char gtong bar 'dod pa dang / bdud rtsi'i dbyings kyi char gtong bar 'dod pa de ni sbyin pa dang / gtong ba dang / rnam par gtong ba thams cad kyi nang na mchog yin no/ / de ni dam pa yin no// lag bzangs de ltar na byang chub sems dpa' bde ba dang ldan la/ yid bde ba dang ldan zhing / tshegs chung dang / sdug bsngal chung ngus myur du skyen par sbyin pa'i pha rol tu phyin pa yongs su rdzogs par byed do// lag bzangs byang chub sems dpa' ni slong ba rnams kyis bslangs pa na/ yan lag dang nying lag gcod dam bcad nas slong ba rnams la sbyin par mi byed do// de ci'i phyir zhe na/ de dag nyid kyi sems can dmyal ba chen por 'gyur ba dang / mi dge ba'i
- 280a
las chen po rgya che ba yongs su mi spong ba'i phyir ro/ / sems can gzhan gyi phyir ram/ sems can gzhan gyi ched la de rang gi yan lag dang nying lag yongs su mi gtong ba ni ma yin no/ / lag bzangs byang chub sems dpa' sems dpa' chen po ni slong bas bdog pa thams cad bslangs na/ pha ma la gnod pa byas shing spangs te/ sku bsngal bar byas/ bu dang / chung ma dang / bran po dang / bran mo dang / las byed pa dang / zho shas 'tsho ba la gnod pa byas shing spangs te/ sdug bsngal bar byas nas bdog pa thams cad slong ba rnams la sbyin par mi byed do/ / de ci'i phyir zhe na/ byang chub sems dpa' ni sems can thams cad la mtshungs par snying brtse ba yin te/ ji ltar pha ma la gnod pa mi byed cing mi spong la/ sdug bsngal bar yang mi byed pa dang / bu dang / rlung ma dang / bran po dang / bran mo dang / las byed pa dang / zho shas 'tsho ba la gnod pa mi byed cing mi spong ste/ sdug bsngal bar mi byed par sbyin pa'ang sbyin pa de bzhin du sems can thams cad la mtshungs par gso ba byed do// de ni sems can gzhan gyi phyir ram/ sems can gzhan gyi ched la bdog pa thams cad yongs su mi gtong ba'ang ma yin no/ / lag bzangs de bzhin gshegs pa rnams ni sems can la gnod pa'i sbyin pa'i bsngags pa gsungs
- 280b
pa ma yin na/ byang chub sems dpa' rnams kyi yan lag bcad pa lta la de ltar ga la 'gyur// lag bzangs byang chub sems dpa' ji ltar tshul khrims kyi pha rol tu phyin pa yongs su rdzogs par byed ce na/ lag bzangs 'di la byang chub sems dpa' ni srog gi phyir yang srog chags gzhan dag dang / sems can gzhan rnams la mi rdeg mi gso/ cing gsod pa la rjes su yi rang bar mi byed do// srog gi phyir yang ma byin par mi len la/ ma byin par len du mi 'jug cing / ma byin par len pa la rjes su yi rang bar mi byed do/ / srog gi phyir yang 'dod pa la log par g.yem par mi byed la/ 'dod pa la log par g.yem pa byed du mi 'jug cing / 'dod pa la log par g.yem pa la rjes su yi rang bar mi byed do/ / srog gi phyir yang brdzun mi smra la/ brdzun zer du mi 'jug cing / brdzun smra ba la rjes su yi rang bar mi byed do// srog gi phyir yang chang mi 'thung ba dang / chang 'thung du mi 'jug cing / chang 'thung ba la rje su yi rang bar mi byed do// de la bslab pa'i gzhi lnga po de dag la ring du gnas shing brtan por gnas la/ dam por gnas te/ mi lhod par gnas shing sgrub bo/ / de bzhin du zhing rmed pa dang / zhing rmeng du 'jug pa dang / 'ching ba dang / 'ching du 'jug pa dang / go rar 'jug pa dang / go rar gzhug tu 'jug pa dang / rdeg
- 281a
pa dang / rdeg tu 'jug pa dang / gcod pa dang / gcod du 'jug pa dag spang ba dang / dor ba dang / bsal bar 'bad par byed do// de de ltar bslab pa'i gzhi lnga po dag la ring du gnas shing brtan por gnas la/ dam por gnas te/ mi lhod par gnas shing sgrub bo// de bzhin du phra ma'i tshig dang / ngag rtsub po dang / tshig 'khyal pa spang ba dang dor ba dang / bsal bar 'bad par byed do// de srog chags thams cad dang / sems can thams cad ni bdag gi pha ma ji lta ba bzhin no// bu gcig pa 'phangs pa ji lta ba bzhin/ te/ ji ltar pa ma dang bu gcig pa 'phangs pa/ bdag la 'khu'ang slar 'khu bar mi bya la/ lag pa 'am/ bong ba 'am/ dbyug pa 'am/ ral gri'am/ mdas brdegs kyang slar brdeg par mi bya/ gsod kyang slar gsad par mi bya zhing / ji ltar pha ma dang bu gcig pa 'phangs pa/ 'khu'ang slar 'khu bar mi bya ba de bzhin du/ bdag srog chags thams cad dang sems can thams cad kyis lag pa 'am/ bong ba 'am/ dbyig pa 'am/ ral gri'am/ mdas brdegs kyang slar brdegs par mi bya/ gsod kyang slar gsad par mi bya'o zhes de ltar slob bo/ / dper na pa 'am/ ma 'am/ bu gcig pa 'phangs pa yun ring por yul rgyu ste/ 'ongs pa mthong na dga' zhing yid bde bar 'gyur ba de
- 281b
bzhin du/ lag bzangs byang chub sems dpa' yang srog chags thams cad dang sems can thams cad mthong na dga' ba dang yid bde bar 'gyur ro// de'i srog gcod pa spangs pa'i tshul khrims ni sems can thams cad mi slob pa'i tshul khrims srog gcod pa spangs pa la dgod pa'i phyir ro/ / de'i ma byin par len pa spangs pa'i tshul khrims ni sems can thams cad mi slob pa'i tshul khrims ma byin par len pa spangs pa la dgod pa'i phyir ro/ / de'i 'dod pa la log par g.yem pa spangs pa'i tshul khrims ni sems can thams cad mi slob pa'i tshul khrims tshangs par spyod pa la dgod pa'i phyir ro/ / de'i brdzun du smra ba spangs pa'i tshul khrims ni sems can thams cad mi slob pa'i tshul khrims brdzun du smra ba spangs pa la dgod pa'i phyir ro// de'i chang 'thung ba spangs pa'i tshul khrims ni sems can thams cad mi slob pa'i tshul khrims chang 'thung ba spangs pa la dgod pa'i phyir ro// de'i zhing rmed pa dang zhing rmed du 'jug pa spangs pa'i tshul khrims ni sems can thams cad rdo rje ltar mi phyed pa'i ting nge 'dzin thob par bya ba'i phyir ro/ / de'i 'ching ba dang 'ching du 'jug pa spangs pa'i tshul khrims ni sems can thams cad kyi nyon mongs pa'i bcings pa thams cad gcad pa'i phyir ro/ / de'i go rar 'jug pa dang go rar gzhug tu 'jug pa spangs pa'i tshul khrims ni sems can thams cad kyi 'gro ba lnga dgag pa dang
- 282a
bsal ba'i phyir ro/ / de'i rdeg pa dang rdeg tu 'jug pa spangs pa'i tshul khrims ni sems can thams cad bdud dang / nyon mongs pa'i sgrib pa bar du gcod pa thams cad kyis zil gyis mi non pa'i chos nyid thob par bya ba'i phyir ro/ / de'i gcod pa dang gcod du 'jug pa spangs pa'i tshul khrims ni sems can thams cad lus dang / ngag dang / yid kyi las kun du bsrungs pa thob par bya ba'i phyir ro/ / de'i za ma'i tshig spangs pa'i tshul khrims ni g.yog nyan thos kyi dge 'dun chen po mi phyed pa thob par bya ba'i phyir ro// de'i tshig drung po spangs pa'i tshul khrims ni yan lag lnga pa'i ngag gi lam dang ldan pa'i tshangs pa'i sgra skad thob par bya ba'i phyir ro/ / de'i tshig bkyal pa spangs pa'i tshul khrims ni tshig gzung bar 'os pa thogs pa med pa thob par bya ba'i phyir ro/ / de'i 'chi bas 'jigs skrag pa yongs su skyob pa'i tshul khrims ni sems can thams cad kyi skye ba dang / rga ba dang / na ba dang / 'ching dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i 'jig par rab tu zhi bar bya ba'i phyir ro// de'i gzhan gyi nor dang yo byad 'jig cing chud zab yongs su skyob pa'i tshul khrims ni sems can thams cad byang chub kyi phyogs kyi chos nor bla na med pa thob par bya ba'i phyir ro/ / de'i gzhan gyi bud med la 'dzin pa gtong bar byed
- 282b
pa dang gtong bar byed du 'jug pa'i tshul khrims ni 'khrul pa med pa'i chos nyid thob par bya ba'i phyir ro/ / de'i 'gug pa gtong bar byed pa dang gtong bar byed du 'jug pa'i tshul khrims ni rang gi sems la dbang thob par bya ba'i phyir ro/ / de'i 'ching ba 'grel pa dang 'grel du 'jug pa'i tshul khrims ni dpa' bo'i stan byang chub kyi snying por bdud kyi dmag dang / nyon mongs pa'i 'ching ba thams cad gzhig pa'i phyir ro/ / de'i khyim nas 'byung ba'i tshul khrims ni sems rnam par grol ba sgrib pa med par thob par bya ba'i phyir ro// de'i brdeg pa 'chugs pa'i tshul khrims ni mi 'jigs pa rnam pa bzhis 'jig pa yang dag par gzhom pa thob par bya ba'i phyir ro/ / de'i gcod pa bzlog pa'i tshul khrims ni kun tu srung ba'i chos bzhi thob par bya ba'i phyir ro/ / de'i mi slu ba'i tshig smra ba'i tshul khrims ni dpa' bo'i stan byang chub kyi snying por bdud dang / nyon mongs pa'i sgrib pa bar du gcod pa thams cad kyis mi slu ba'i chos nyid thob par bya ba'i phyir ro/ / de'i bye ba rnams kyi bsdums byed cing mdza' ba brtan par byed pa'i tshul khrims ni g.yog 'phags pa'i nyan thos kyi dge 'dun chen po mi phyed pa thob par bya/ ba'i phyir ro// de'i tshig snyan pa dang 'jam por smra ba'i tshul khrims ni sems can thams cad kyi rnar bde zhing snying du 'ong la bden pa'i tshig thob par bya ba'i phyir ro// de'i kun tu mthun
- 283a
/ pa smra ba'i tshul khrims ni tshar mi chod cing gzung bar 'os la/ 'bras bu yod pa'i chos ston pa thob par bya ba'i phyir ro// de'i sangs rgyas kyi yon tan gyi bsngags pab brjod pa'i tshul khrims ni 'phags pa'i yon tan dang ldan pa'i dge 'dun gyi g.yog 'khor chen po thob par bya ba'i phyir ro/ / de'i 'das pa dang / ma 'ongs pa dang / da ltar byung ba'i sangs rgyas dang / chos dang / dge 'dun dang / byang chub sems dpa' 'jig rten gyi khams thams cad du gtogs pa grangs med dpag tu med pa rnams la dus gsum du yan lag lngas gtugs te/ phyag 'tshal ba byed pa'i tshul khrims ni sems can thams cad dpa' bo'i stan byang chub kyi snying por mi phyed cing / sra la shin tu brtan pa'i dad pa dang / brtson 'grus dang / dran pa dang / ting nge 'dzin dang / shes rab mchog gi chos nyid dam pa lnga thob par bya ba'i phyir ro// de'i dus gsum du sangs rgyas kyi mchod rten thams cad la rim byed pa'i tshul khrims ni sangs rgyas kyi chos thams cad yongs su bskang ba thob par bya ba'i phyir ro/ / de'i dus gsum du chos kyi yon tan brjod pa smra ba'i tshul khrims ni chos kyi 'khor lo gnas med pa bla na med pa bskor ba'i phyir ro/ / de'i dus gsum du dge 'dun gyi yon tan brjod pa smra ba'i tshul khrims ni 'phags pa'i dge 'dun mi phyed pa'i g.yog 'khor chen po
- 283b
thob par bya ba'i phyir ro/ / de'i dus gsum du dkon mchog gsum la skyabs su 'gro ba'i tshul khrims ni sems can thams cad la skyabs bla na med pa sbyin pa'i phyir ro// de'i dus gsu/ du 'jig rten gyi khams thams cad dkon mchog gsum dang / byang chub sems dpa' rnams kyis stongs par mi 'gyur bar gsol ba 'debs pa'i tshul khrims ni bde bar 'gyur bar gcig tu nges pa'i rdzogs pa'i byang chub thob par bya ba'i phyir ro/ / de'i dus gsum du sangs rgyas thams cad la bskal par chos ston pa gsol ba 'debs pa'i tshul khrims ni sa bcu pa chos kyi sprin thob par bya ba'i phyir ro/ / de'i dus gsum du sdig pa thams cad so sor 'chags pa dang / sdig pa thams cad so sor 'dor ba dang / sdig pa thams cad la smod pa'i tshul khrims ni bag chags kyi mtshams sbyor ba thams cad yang dag par gzhom pa thob par bya ba'i phyir ro/ / de'i dus gsum du dge ba'i rtsa ba thams cad yang dag par 'dzin pa'i tshul khrims ni pha rol tu phyin pa thams cad yongs su bskang ba thob par bya ba'i phyir ro/ / de'i dus gsum du sangs rgyas dang / rang sangs rgyas dang / 'phags pa nyan thos kyi dge 'dun dang / byang chub sems dpa' 'jig rten gyi khams thams cad gtogs pa 'das pa dang / ma 'ongs pa dang / da ltar byung ba thams cad dang / sems can 'gro ba thams cad na gnas pa/ 'jig
- 284a
rten gyi khams thams cad du gtogs pa 'das pa dang / ma 'ongs pa dang / da ltar byung ba thams cad kyi dge ba'i rtsa ba thams cad la rjes su yi rang ba'i tshul khrims ni byang chub kyi tshogs mtha' yas shing dpag tu med pa bsags pa yongs su rdzogs par bya ba'i phyir ro/ / de'i dus gsum du rdzogs pa'i byang chub tu smon pa'i tshul khrims ni rdzogs pa'i byang chub thob par nges pa la 'jug par bya ba'i phyir ro/ / de'i dus gsum du dge ba'i rtsa ba thams cad rdzogs pa'i byang chub thob par yongs su sngo ba'i tshul khrims ni gcig tu de bzhin gshegs pa'i stobs dang / mi 'jigs pa thob par bya ba'i phyir ro// de'i pha ma dang / bla ma dang / rgan pa dang / slob dpon dang / mkhan po la bsnyen bkur byed pa'i tshul khrims ni zil gyis mi non pa'i chos nyid thob par bya ba'i phyir ro/ / de'i 'jigs pa dang / skrag pa dang / nyam thag pa dang / mgon med pa dbugs 'byin pa'i tshul khrims ni dris pa thams cad la mi skyo bar lan 'debs pa la mkhas pa thob par bya ba'i phyir ro/ / de'i rgyal po dang / chom rkun dang / me dang / chu dang / bgo skal la spyod pa'i sdug bsngal gyi nang du chud pa rnams yongs su bskyab cing grogs bya ba'i tshul khrims ni gnas dang / sa dang / pha rol tu phyin pa chen po yongs su bsrung ba thob par bya ba'i phyir ro// de'i sangs rgyas dang / rang sangs rgyas dang // 'phagra
- 284b
ba nyan thos dang / byang chub sems dpa' rnams kyi rdzu 'phrul gyi cho 'phrul rjes su bsngags pa'i tshul khrims ni de bzhin gshegs pa'i rdzu 'phrul gyi stobs bla na med pa thob par bya/ ba'i phyir ro// de'i pha rol gyi sems rjes su srung ba dang mthun pa'i lus kyi las kyi tshul khrims dang / pha rol gyi sems mngon par dga' ba dang / yang dag par dga' bar 'gyur ba'i lus kyi las kyi tshul khrims dang / pha rol gyi sems rjes su srung ba dang mthun pa'i ngag gi las kyi tshul khrims dang / pha rol gyi sems mngon par dga' ba dang / yang dag par dka' bar 'gyur ba'i ngag gi las kyi tshul khrims ni de bzhin gshegs pa'i pha rol gyi mkhyen pa'i stobs mtha' yas pa thob par bya ba'i phyir ro/ / de'i tshe 'di'i don dang / tshe rabs gzhan gyi don dang / nyan thos kyi theg pa'i don dang / rang sangs rgyas kyi theg pa'i don dang / rdzogs pa'i byang chub kyi theg pa'i don rnams la bag med pa dang / brjed pa rnams kyi dran pa yang dag par skyed pa'i tshul khrims dang / dran pa 'byung bar byed pa'i tshul khrims ni brjed pa med pa'i chos nyid thob par bya ba'i phyir ro// de'i chos nyan pa'i tshul khrims dang / chos 'dzin pa'i tshul khrims dang / chos goms par byed pa'i tshul khrims dang / chos nye bar ston pa'i tshul khrims ni spobs pa so so yang dag par rig pa dang / pha rol du phyin pa yongs su
- 285a
bskang ba thob par bya ba'i phyir ro/ / de tshul khrims yang dag par len par 'dod pa dang / lhag par spyad par 'dod pa na'ang lus dang / ngag dang / sems kyi dge ba'i rtsa ba de thams cad sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// yang dag par 'dzin pa dang / lhag par spyod pa dang / yang dag par blang ba dag / lhag par spyod nas kyang sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// gal te tshul khrims de ma zhig pa dang / ma ral ba dang / 'dren ma ma yin par slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du'ang mi dge ba spang ba dang / dor ba dang / bsal bar rtsol lo// 'bad do// dus dus su 'am/ cung zad cung zad du'ang dge ba la slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do// srid pa gzhan du mur pa na'ang zhum par mi 'gyur zhing /
- 285b
sgyid lug par mi 'gyur ro// lag bzangs byang chub sems dpa' rnams kyi byang chung ngu sems bskyed pa dang / byang chub kyi sems rjes su dran pa dang / byang chub kyi sems bsgom par byang chub du smon pa dang / byang chub tu smon lam 'debs pa gang yin pa de nyid de dag gi dge ba'i tshul khrims yang dag par 'dzin pa dang / dge ba'i tshul khrims la lhag par spyod pa grangs med cing dpag tu med pa yin no/ / de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i tshul khrims skyed par 'dod pa dang / mi slob pa'i tshul khrims skyed par 'dod pa dang / zag pa med pa'i tshul khrims yang dag par skyed par 'dod pa dang / mi slob pa'i tshul khrims yang dag par skyed par 'dod pa de ni dge ba'i tshul khrims yang dag par 'dzin pa dang / dge ba'i tshul khrims la lhag par spyod pa'i mchog yin no// de ni dam pa yin no// lag bzangs de ltar na byang chub sems dpa' bde ba dang ldan la/ yid bde ba dang ldan zhing / tshegs chung ngu dang / sdug bsngal chung ngus myur du skyen par tshul khrims kyi pha rol du phyin pa yongs su rdzogs par byed do// lag bzangs byang chub sems dpa' ji ltar bzod pa'i pha rol tu phyin pa yongs su rdzogs par byed ce na/ lag bzangs 'di la byang chub sems dpa' ni gzhan dag gis rang gi lus kyi srog gcod dam/
- 286a
bdog pa thams cad 'phrog gam/ chungs 'phrog gam/ brdzun du smra ba 'am/ phra ma dang / ngag rtsub po dang / tshig bkyil pa smra ba 'am/ gshe ba'am/ gsod dam/ 'dzin tam/ rdeg gam/ gcod kyang slar gnod par mi byed cing / slar mi khro ste/ shar gnyer zhing khon du 'dzin par mi byed do// de 'di ltar yang dag par slob ste/ bdag nyid kyis sngon gyi srid pa rnams dang / srid pa 'di la sdig pa mi dge ba'i las 'di dag byas shing bsags pa de dag gi 'bras bu ni 'di yin/ de dag gi rnam par smin pa ni 'di yin te/ rang gi las kyi 'bras bu dang / rang gi las kyi rnam par smin pa bdag gis myong ba la ci'i phyir gzhan la slar gnod par bya zhing / slar khro ba dang shar gnyer zhing khon du 'dzin par bya snyam du sems so// / lag bzangs gzhan yang byang chub sems dpa' 'di ltar yang dag par slob ste/ gal te bdag gi srog gcod pa'am/ bdog pa thams cad 'phrog pa 'am/ chung ma 'phrog pa 'am/ brdzun du smra ba 'am/ phra ma 'am/ ngag rtsub po 'am/ tshig bkyil pa smra ba'am/ she ba 'am/ bsod pa 'am/ 'dzin pa 'am/ rdeg pa'am/ gcom pa'ang rung ste/ gzhan dag la slar gsod pa byas sam/ slar khro 'am/ shar gnyer zhing lon du bzung na/ slar gnod pa byas pa dang / slar khros pa dang / shar gnyer zhing khon du bzung ba'i sdig pa mi dge ba de'i sdug bsnga
- 286b
gyi tshor ba mi 'dod pa/ mi sdug pa/ yid du mi 'ong ba 'di bas bdag la las kyi rnam par smin pa dang / las kyi rgyu mthun pa brgya 'gyur ram/ stong gyur dam/ de bas lhag par mi 'dod pa dang / mi sdug pa dang / yid du mi 'ong ba'i sdug bsngal gzhan yang 'byung bar 'gyur ro snyam mo// lag bzangs gzhan yang byang chub sems dpa' 'di ltar yang dag par slob ste/ srog yod pas srog gcod par 'gyur/ rdzas yod pas rdzas 'phrog par 'gyur/ rna ba'i dbang po yod pas brdzun du smra ba thos par 'gyur/ tshig phra ma dang / ngag rtsub po dang / tshig bkyal pa thos par 'gyur la/ lus yod pas lus 'dren pa dang / 'ching ba dang / 'dzin pa dang / rdeg pa dang / gcod par 'gyur te/ bdag nyid kyis sdug bsngal gyi dngos po sdug bsngal gyi gzhi/ srog gi dbang po dang / rna ba'i dbang po dang / lus blangs par gyur na/ ji ltar gzhan dag la slar gnod pa dang / slar khro ba dang / shar gnyer zhing khon du gzung bar bya snyam mo/ / lag bzangs gzhan yang byang chub sems dpa' 'di ltar yang dag par slob ste/ dper na sa'i khams kyi mtshan nyid ni sra ba skye de ni ngo bo nyid/ de ni chos nyid/ de ni rang bzhin no// chu'i khams kyi mtshan nyid ni gsher ba/ me'i khams kyi mtshan nyid ni tsha ba/ rlung gi khams kyi mtshan nyid ni yang zhing g.yo dzaste/
- 287a
de ni ngo za nyid/ de ni chos nyid/ de ni rang bzhin no// de bzhin du srog thams cad kyang zad pa'i chos can/ 'god pa'i chos can/ 'gog pa'i chos can no// dbang po thams cad kyang sdug bsngal gyi chos can/ sdug bsngal 'dus te reg pa'i chos can/ sdug bsngal myong ba'i chos can no// lus thams cad kyang sdug bsngal gyi chos/ sdug bsngal 'dus te reg pa'i chos/ sdug bsngal myong ba'i chos te/ de ni ngo bo nyid/ de ni chos nyid/ de ni rang bzhin yin na/ srog gi dbang po zad pa'i chos can/ 'god pa'i chos can/ 'gog pa'i chos can/ zad cing dengs la 'gog pa dang / dbang po drug po sdug bsngal gyi chos can/ sdug bsngal 'dus te reg pa'i chos can/ sdug bsngal myong ba'i chos can rnams la sdug bsnga 'dus te reg pas ji ltar gzhan dag la slar gnod pa 'am/ slar khro ba 'am/ shar gnyer zhing khon du gzung bar bya/ de ci'i phyir zhe na/ 'di ni ngo bo nyid/ 'di ni chos nyid/ 'di ni rang bzhin no snyam mo/ / lag bzangs gzhan yang byang chub sems dpa' 'di ltar yang dag par slob ste/ bdag gi ming dang / rna ba dang / sna dang / lce dang / lus dang / yid kyang bdag med cing / bdag gi med pa yin la/ gzhan dag gi mig dang / rna ba dang / sna dang / lce dang / lus dang / yid kyang bdag med cing / bdag gi med pa yin na
- 287b
mkhas pa rig pa dag mig dang / rna ba dang / sna dang / lce dang / lus dang / yid bdag med cing / bdag gi med pa la/ mig dang / rna ba dang / sA dang / lce dang / lus dang / yid bdag med cing / bdag gi med pas ji ltar dga' ba 'am/ rjes su chags pa 'am/ yang dag par dga' bar 'gyur ba 'am/ rdeg pa 'am/ slar gnod par byed pa 'am/ slar khro ba 'am shar gnyer zhing khon du 'dzin par 'gyur snyam mo/ / lag bzangs gzhan yang byang chub sems dpa' 'di ltar yang dag par slob ste/ 'di lta ste/ mir skyes pa'i sdug bsngal ni nyung zhing chung gi/ yi dgas kyi sdug bsngal ni ches mi bzad la/ ches bzod par dka' ba yin/ dud 'gro'i skye gnas kyi sdug bsngal dang / sems can dmyal ba'i sdug bsngal yang chas mi bzad cing bzod par dka' ba yin na/ bdag gis ji ltar sdug bsngal chung zhing nyung ba tsam gyi phyir/ gzhan dag la slar gnod pa dang shar gnyer zhing khon du gzung bar bya snyam mo// lag bzangs gzhan yang byang chub sems dpa' 'di ltar yang dag par slob ste/ gang bdag gcig pu'i don 'dod pa dang / bdag gcig pu la phan par 'dod pas gzhan dag la phyir gnod par byed cing phyir khro ste/ shar gnyer zhing khon du 'dzin pa de'ang mi rigs te cha ma yin na/ bdag 'jig rten thams cad kyi don 'dod pa/ 'jig rten thams cad la phan par 'dod pa/ go cha chen po 'asrob/
- 288a
yi dam bcas pa chen pos yi dam bcas pa/ theg pa chen po la yang dag par zhugs pa/ sangs rgyas kyi chos rgya chen po yongs su bskang bar 'dod pa lta la smos kyang ci dgos te/ mi bzod pa dang / phyir gnod pa byed pa dang / phyir khro ba dang / shar gnyer zhing khon du 'dzin pas ni sangs rgyas kyi chos 'di dag sogs pa dang / 'phel ba dang / yongs su rdzogs par mi 'gyur gyi/ bzod pa dang / phyir gnod pa mi byed pa dang / phyir mi khro ba dang / shar gnyer zhing khon du 'dzin pa mi byed pas/ sangs rgyas kyi chos 'di dag sogs shing 'phel te/ yongs su rdzogs par 'gyur ro snyam mo// lag bzangs rigs kyi bu 'am/ rigs kyi bu mo sangs rgyas kyi chos yongs su bskang bar 'dod pas mnar med pa'i sdug bsngal gyi reg pas reg kyang / gzhan dag la slar gnod par mi bya/ slar khro bar mi bya/ shar gnyer zhing khon du gzung bar mi bya na/ mi'i sdug bsngal gyis reg pas lta smos kyang cing dgos// de spyos sam/ rgyad bkag gam/ smad dam/ mi snyan pa byas kyang byams pa'i sems dang / snying rje'i sems dang / de bzhin gshegs pa'i thugs shin tu dri ma med cing dag la dkar ba thob par bya ba'i phyir bzod cing dang du len to/ / de drung bshal tam/ bcings sam/ bzung yang byams pa'i sems dang / snying rje'i sems dang / skad cig gcig la ma rig pa'i sgrib pa'i
- 288b
sgo nga'i sbubs gzhom pa'i phyir bzod cing dang du len to/ / de brdegs kyang byams pa'i sems dang / snying rje'i sems dang / sems can thams cad kyi rjes su chags pa dang / khong khro ba bzlog pa'i phyir bzod cing dang du len to/ / de rna ba bcad kyang byams pa'i sems dang / snying rje'i sems dang / sems can thams cad la dad par bya ba'i chos kyi rna ba bskyed pa'i phyir bzod cing dang du len to/ / de brdegs kyang byams pa'i sems dang / snying rje'i sems dang / sems can thams cad kyi tshul khrims kyi yon tan mdzes shing bla na med pa la longs spyod par bya ba'i phyir bzod cing dang du len to/ / de rkang pa bcad kyang byams pa'i sems dang / snying rje'i sems dang / sems can thams cad de bzhin gshegs pa'i rdzu 'phrul gyi rkang pa bzhi thob par bya ba'i phyir bzod cing dang du len to/ / de lag pa bcad kyang byams pa'i sems dang / snying rje'i sems dang / sems can thams cad la zhi ba dang / nye bar zhi ba'i chos kyi lag pa brkyang ba sbyin pa thob par bya ba'i phyir bzod cing dang du len to/ / de yan lag thams cad bcad kyang byams pa'i sems dang / snying rje'i sems dang / pha rol tu phyin pa drug gi yan lag dang nyid lag yongs su rdzogs par bya ba'i phyir bzod cing dang du len to/ / de mig phyung yang byams pa'i sems dang / snying rje'i sems dang / sems can thams cad shes bzhin gyi mig g.yung drung
- 289a
thob par bya ba'i phyir bzod cing dang du len to/ / de mgo bcad kyang byams pa'i sems dang / snying rje'i sems dang / sems can thams cad thams cad mkhyen pa nyid kyi chos kyi man thob par bya ba'i phyir bzod cing dang du len to/ / de bzod pa 'di dag dang ci mi snyam pa 'di dag mngon sum du bya bar 'dod pa dang / yid la bya bar 'dod na'ang / sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ / mngon sum du byed pa dang / yid la byed pa dang / mngon sum du byas pa dang / yid la byas nas kyang sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ / gal te bzod pa 'di dag dang ci mi snyam pa 'di dag ma nyams pa dang / skyon med pa dang / 'dren ma ma yin par slob pa'i nus pa dang mi ldan par gyur na/ de 'di ltar yang dag par slob ste/ dus dus su 'am/ cung zad cung zang du'ang mi bzod pa dang / ci mi snyam par mi byed pa spang ba dang / dor ba dang / bsal bar rtsol lo// 'bad de// dus
- 289b
dus su 'am/ cung zad cung zad du'ang bzod pa dang / ci mi snyam pa la slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do// srid pa gzhan du gyur pa na'ang zhum par mi 'gyur zhing / sgyid lug par mi 'gyur ro// lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi bzod pa kun du spyod pa ba bzod pa yang dag par sgrub pa dge ba grangs med cing dpag tu med pa yin no/ / de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i bzod pa skyed par 'dod pa dang / mi slob pa'i bzod pa skyed par 'dod pa dang / zag pa med pa'i bzod pa yang dag par skyed par 'dod pa dang / mi slob pa'i bzod pa yang dag par skyed par 'dod pa de ni bzod pa kun tu spyod pa dge ba dang / bzod pa yang dag par sgrub pa de dge ba thams cad kyi mchog yin no// de ni dam pa yin no// lag bzangs de ltar na byang chub sems dpa' bde ba dang ldan la/ yid bde ba dang ldan zhing / tshegs chung ngu dang / sdug bsngal chung ngu myur du skyen par bzod pa'i pha rol tu phyin pa yongs su rdzogs par byed do// la
- 290a
bzangs byang chub sems dpa' ji ltar brtson 'grus kyi pha rol tu phyin pa yongs su rdzogs par byed ce na/ lag bzangs 'di la byang chub sems dpa' 'di ltar yang dag par slob ste/ phyogs bcu'i phyogs re rer yang 'jig rten gyi khams mtha' yas mu med de/ 'jig rten gyi khams re re na'ang sems can mtha' yas so// de ltar sems can gyi tshogs mtha' yas mu med pa la mtha' yod pa ma yin/ mu yod pa ma yin te/ bdag ni sems can gyi tshogs mtha' yas shing mtha' yas pa de la phan pa'i phyir go cha bgos la/ sems can gyi tshogs mtha' yas shing mtha' yas pa la bde ba'i phyir go cha bgos na/ sems can thams cad la phan par dmigs pa mtha' yas shing mtha' yas pa dang / sems can thams cad la bde bar dmigs pa mtha' yas shing mtha' yas pa'i dge ba'i rtsa ba mtha' yas pa dag bag med par gyur tam/ sems gzhan du gyur tam/ gnyid kyis log kyang nyin mtshan du sems kyi skad cig sam kyi skad cig la 'phel ba dang / rgyas pa dang / yongs su rdzogs par 'gyur te/ sems kyi skad cig sems kyi skad cig la dge ba'i rtsa ba mtha' yas shing mtha' yas pa dag skye ba dang / byang chub kyi tshogs kyi phung po mtha' yas shing mtha' yas pa dag skye bas rdzogs pa'i byang chub rnyed dka' bar mi 'gyur na/ bdag gis 'dir sems kyi skad cig sems kyi skad cig la dge ba'i rtsa ba 'phel ba
- 290b
mtha' yas shing mtha' yas pa dang / dge ba'i rtsa ba rgyas par 'gyur ba mtha' yas shing mtha' yas pa'ang yang dag par rjes su mthong / gzhi de las rdzogs pa'i byang chub rnyed mi dka' bar yang dag par rjes su mthong bzhin du rdzogs pa'i byang chub 'thob par 'gyur ba'i brtson 'grus srog gi phyir yang ci'i phyir nyams par bya snyam mo/ / lag bzangs gzhan yang byang chub sems dpa' 'di ltar yang dag par slob ste/ gang zhig sems can gyi tshogs mtha' yas shing mtha' yas pa de'i rga ba'i sdug bsngal gcig pu bsal ba dang / gzhes par 'dod pa de'ang sems kyi skad cig sems kyi skad cig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ gang zhig sems can gyi tshogs mtha' yas shing mtha' yas pa de'i skye ba'i sdug bsngal dang / 'chi ba'i sdug bsngal bsal bar 'dod pa dang / sdug pa dang bral ba'i sdug bsngal dang / mi sdug pa dang 'phrad pa'i sdug bsngal dang / 'dod pa mi 'byor pa'i sdug bsngal dang / dud 'gro'i skye gnas kyi sdug bsngal dang / gshin rje'i 'jig rten gyi sdug bsngal dang / sems can dmyal ba'i sdug bsngal dang / grang ba'i sems can dmyal ba'i sdug bsngal dang / tsha ba'i sems can dmyal ba'i sdug bsngal bsal bar 'dod pa lta smos kyang ci dgos snyam mo// las bzangs
- 291a
gzhan yang byang chub sems dpa' 'di ltar yang dag par slob ste/ gang zhig sems can gyi tshogs mtha' yas shing mtha' yas pa de'i sdug bsngal sems kyi skad cig gcig pa'i sems kyi skad cig gcig tsam dang 'brel ba bsal bar 'dod pa de'ang / sems kyi skad cig gcig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ gang zhig ma 'ongs shing ma phyin pa'i bskal pa mtha' yas dpag tu med pa rnams su sems can gyi tshogs mtha' yas shing mtha' yas pa de'i skye ba'i sdug bsngal nas/ srid pa'i sdug bsngal gyi bar du bsal bar 'dod pa lta smos kyang ci dgos snyam mo// lag bzangs gzhan yang byang chub sems dpa' 'di ltar yang dag par slob ste/ gang zhig rang sangs rgyas kyi yon tan nam nyan thos kyi yon tan 'dod pa de'ang sems kyi skad cig sems kyi skad cig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ rigs kyi bu 'am/ rigs kyi bu mo gang sangs rgyas kyi chos kyi yon tan mtha' yas shing / yon ngan mu med pa/ stobs mtha' yas shing / stobs mu med pa mtha' dag chub pa yongs su rdzogs par 'dod pa dang / mos pa dang / smon pas lta smos kyang ci dgos te/ bag med par
- 291b
gyur tam/ gnyid kyis log kyang rgyu bzhi dang / rkyen bzhi dang / dmigs pa bzhi po de dag ni/ de'i dge ba'i rtsa ba'i phung po mtha' yas shing mu med pa bzhi dang / byang chub kyi tshogs kyi phung po mtha' yas shing mu med pa bzhi sems kyi skad cig sems kyi skad cig la 'phel zhing rgyas par 'gyur ba ste/ sems kyi skad cig sems kyi skad cig la dge ba'i rtsa ba'i phung po mtha' yas shing mtha' yas pa bzhi skye ba dang / rdzogs pa'i byang chub kyi tshogs kyi phung po mtha' yas shing mtha' yas pa bzhi skye ba dag gis rdzogs pa'i byang chub rnyed par mi dka' na/ bdag gi 'dir sems kyi skad cig sems kyi skad cig la dge ba'i rtsa ba'i phung po mtha' yas shing mtha' yas pa bzhi dang / rdzogs pa'i byang chub kyi tshogs kyi phung po mtha' yas shing mtha' yas pa bzhi yang dag par rjes su mthong la/ gzhi de las rdzogs pa'i byang chub rnyed par mi dka' bar yang yang dag par rjes su mthong bzhin du rdzogs pa'i byang chub 'thob par 'gyur ba'i brtson 'grus srog gi phyir yang ci'i phyir nyams par bya snyam mo/ / rgya mtsho chen po bzhi ni shar phyogs kyi mtha' yang mngon zhing / mu'ang mngon la/ lho dang / nub dang / byang dang / 'og dang / steng gi mtha' yang mngon zhing mu'ang mngon la/ dge ba'i rtsa ba'i rgya mtsho chen po byang chub kyi tshogs kyi rgya mtsho mtha' yas mu med pa bzhi po de dag ni mtha' 'am mu med na/ bdag gis sems kyi skad cig sems kyi skad cig la
- 292a
d ge ba'i rtsa ba'i rgya mtsho chen po byang chub kyi tshogs kyi rgya mtsho chen po bzhi dag 'phel zhing rgyas na rdzogs pa'i byang chub 'thob par 'gyur ba la srog gi phyir yang ci'i phyir 'artson 'grus nyams par bya snyam mo/ / lag bzangs gzhan yang byang chub sems dpa' 'di ltar yang dag par slob ste/ gang dag seng ge dang / sdug dang / khyi dang / ce spyang dang / bya rgod dang / khrung khrung dang / bya rog dang / 'ug pa dang / srin bu dang / sbrang ma dang / sbrang bu dang / sha sbrang du gyur pa de dag gis kyang byang chub mngon par rdzogs par sangs rgyas par 'gyur na/ bdag mi gyur bzhin du srog gi phyir yang ci'i phyir rdzogs pa'i byang chub 'thob par 'gyur ba'i brtson 'grus nyams par bya snyam mo// lag bzangs gzhan yang byang chub sems dpa' 'di ltar yang dag par slob te/ mi brgya 'am/ mi stong gis kyang sangs rgyas nyid rtogs shing thob na/ bdag gis kyang 'dir ci'i phyir mi rtogs shing thob par mi 'gyur/ gang+gA'i klung gi ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rtogs shing brnyes/ gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rtogs shing brnyes par 'gyur na/ ngag gis 'dir srog gi phyir yang ci'i phyir rdzogs pa'i byang chub 'thob par 'gyur ba'i brtson 'grus nyams par bya snyam mo//
- 292b
lag bzangs gzhan yang byang chub sems dpa'i brtson 'grus brtsams pa yin te/ sangs rgyas ston pa'o zhes ston na/ sangs rgyas kyis gsungs pa 'am/ nyan thos kyis bshad pa 'am/ byang chub sems dpas bshad pa'am/ tha na smyon pa rnams kyis bshad pa'i chos gang yin pa dag dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par 'gyur ba dang / sangs rgyas kyi chos thob par 'gyur ba dang / rdzogs pa'i byang chub thob par 'gyur ba dang / thams cad mkhyen pa nyid thob par 'gyur ba'i chos gang yin pa de dag mgo dang gos la me 'bar ba bzhin du rtag par rgyun du nyan do/ / nges par byed do// rtog go// mkhas pa le lo med pa ni ru shing bzhin du byed cing yid la byed pas/ mdung thung dag gis bzlog kyang / de mgo dang gos la me 'bar ba bzhin du rtag par rdzun du chos de dag 'dzin to/ / yongs su shes par byed do// 'chang ngo // grog go// rjes su sems so// gzhan dag la ston to// go bar byed do// mkhas pa le lo med pa ni ru shing zhin du byed cing / yid la byed pas mdung thung dag gis bzlog kyang / de bcol yang rung / ma bcol yang rung / sems can thams cad kyi don dang / ci bya ba chos can chos dang ldan pa 'jig rten 'di
- 293a
bde ba 'am/ 'jig rten pha rol tu 'de ba dag la/ rang gi lus nye bar spyod pa dang yo byad du gyur par byed do// 'di lta ste/ dper na 'byung ba chen po bsgribs pa med pa/ yongs su bzung ba med pa bzhi po 'di dag ni sems can thams cad kyi nye bar spyod pa dang yo byad du gyur pa rnams yin no// lag bzangs de bzhin du byang chub sems dpa' yang rang gi lus sems can thams cad kyi nye bar spyad pa dang yo byad du gyur par byed de/ sangs rgyas dang / chos dang / dge 'dun dang / byang chub sems dpa' dang / slob dpon dang / bla ma dang / rgan pa dang nad pa dang / mgon med pa rnams la yongs su spyad pa bya ba dang / sri zhu bya ba dang / bsnyen bkur bya bas bye brag tu 'gyur ro// de mgo dang gos la me 'bar ba bzhin du gzhan gyi sems dang gzhan gyi snying dga' bar 'gyur ba'i tshig dang / rjes mthun pa dang / mthun par byed pa dang / yang dag par 'ged pa dang / grogs byed pa dang / grogs su 'gyur ba dang / ba mthun pa dang / don mthun pas rjes su zhugs nas mngon du dad par byas shing bsdus te/ nyan thos kyi theg pa la 'os pa rnams ni nyan thos kyi theg pa la 'dzud do// 'dul lo// 'god do// rang sangs rgyas kyi theg pa la 'os pa rnams ni rang sangs rgyas kyi theg pa la'o/ / rdzogs pa'i byang chub kyi theg pa la 'os pa rnams ni rdzogs pa'i byang chub kyi theg pa la 'dzud do// 'dul lo// 'god do//
- 293b
mkhas pa le lo med pa ni mdung thung dag gis bzlog kyang / mgo dang gos la me 'dar ba bzhin du dam pa'i chos kyi rgyu dang / dam pa'i chos kyi cheng dang / pha rol du phyin pa drug gi rgyu dang / pha rol du phyin pa drug gi ched dang / dge ba'i rgyu dang / dge ba'i ched la grang ba'ang khyad du gsod/ tsha ba dang / bkres pa dang / skom pa dang / sha sbrang dang / sbrang bu dang / rlung dang / nyi ma dang / sdig sbrul gyis reg pa dang / gzhan gyis ngan du brjod pa dang / ngan pa 'ongs pa'i tshig gi lam dang / ngal ba dang / nyon mongs pa dang / gnyid dang / mi dga' ba dang / lus dang / srog kyang khyad du gsod do/ / mkhas pa le lo med pa ni mdung thung dag gis bzlog kyang / de rdzogs pa'i byang chub kyi rgyu dang / rdzogs pa'i byang chub kyi ched la/ lha'i sdug bsngal yang khyad du gsod do// ma yin gyi sdug bsngal yang khyad du gsod do// mi'i sdug bsngal yang khyad du gsod do// yi dgas kyi sdug bsngal yang khyad du gsod do// dud 'gro'i skye gnas kyi sdug bsngal dang / sems can dmyal ba'i sdug bsngal yang khyad du gsod do/ / mkhas pa le lo med pa ni mdung thung dag gis bzlog kyang / de mi nyam pa dang mnyam pa'i sangs rgyas kyi chos yongs su bskang ba thob par bya ba dang spyod lam dang pha rol du phyin pa thams cad yongs su rdzogs pa thob par bya ba'i phyir/ brtson 'grus brtan zhing brtul ba brtan no// de brtson 'grus 'di dang brdul ba 'di mngon sum du
- 294a
bya bar 'dod pa dang / brtsam par 'dod pa na'ang / sems can thams bskal ba dang / sems can thams cad sgrol pa dang / sems can thams cad dbugs byung / ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// mngon sum du byed pa dang / rtsom pa dang / mngon sum du byas pa dang / brtsams nas kyang sems can thams cad bsgral pa dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// gal te brtson 'grus 'di ma nyams pa dang / skyon med pa dang / 'dren ma ma yin par slob pa'i nus pa dang mi ldan par gyur na de 'di ltar yang dag par slob ste/ dus dus su'am/ cung zad cung zad du'ang snyoms las dang le lo spang ba dang / dor ba dang / bsal bar rtsol lo/ / 'bad do// dus dus su 'am/ cung zad cung zad du'ang brtson 'grus dang brtul ba la slob pa dang / mngon par 'phel bar byed pa dang / yongs su rdzogs par bya bar rtsol lo// 'bad do// srid pa gzhan du gyur pa na'ang zhum par mi 'gyur zhing / sgying lug par mi 'gyur ro// lag bzangs gzhan yang byang chub sems dpa' rnams kyi byang chub tu sems bskyed
- 294b
pa dang / byang chub kyi sems rjes su dran pa dang / byang chu kyis ma bsgos pa dang byang chub tu smon pa dang / byang chub tu smon lam 'debs pa gang yin pa de nyid de dag gi brtson 'grus dge ba dang / rtsol ba dge ba grangs med/ cing dpag tu med pa yin no// de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i brtson 'grus skyed par 'dod pa dang / zag pa med pa brtson 'grus yang dag par spyad par 'dod pa dang / mi slob pa'i brtson 'grus skyed par 'dod pa dang / mi slob pa'i brtson 'grus yang dag par skyed par 'dod pa de ni brtson 'grus dge ba dang / rtsol ba dge ba thams cad kyi mchog yin no// de ni dam pa yin no// lag bzangs de ltar na byang chub sems dpa' bde ba dang ldan la/ yid bde ba dang ldan zhing / tshegs chung ngu dang / sdug bsngal chung ngus myur du sbyin par brtson 'grus kyi pha rol tu phyin pa yongs su rdzogs par byed do/ / // bam po gnyis pa ste tha ma'o// lag bzangs byung chub sems dpa' ji ltar bsam gtan gyi pha rol tu phyin pa yongs su rdzogs par byed ce na/ lag bzangs 'di la byang chub sems dpa' mig gis gzugs rnams mthong na mtshan mar mi 'dzin cing / mngon rtags su mi 'dzin pa yin te/ gang gi phyir mig gi dbang po sdom pas ma bsdams par gnas pas/ 'jig rten na brnab sems dang / yid mi bde ba dang / sdig pa mi dag
- 295a
ba'i chos rnams la sems rjes su zag pa de dag bsdams pa'i phyir nan tan byed cing srung ste/ mig gi dbang pos mig gi dbang po sdom par byed do// de bzhin du rna bas sgra rnams thos pa dang / snas dri rnams tshor ba dang / lces ro rnams myong ba dang / lus kyis reg bya rnams la reg pa dang / yid kyis chos rnams rnam par shes nas/ mtshan mar mi 'dzin ci mngon rtags su mi 'dzin pa yin te/ gang gi phyir yid kyi dbang po sdom pas ma bsdams par gnas pas/ 'jig rten na brnab sems dang / yid mi bde ba dang / sdig pa mi dge ba'i chos rnams la sems rjes su zag pa de dag bsdams pa'i phyir nan tan byed cing srung ste/ yid kyi dbang pos yid kyi dbang po sdom par byed do// de 'gro 'am/ 'greng ngam/ 'dug gam/ nyal lam/ cang mi smra bar gyur kyang rung ste/ mnyam par gzhag pa'i gnas dang / zhi gnas kyi gnas mi 'dor ro// rnam par mi 'dor ro// de lag mi rgod pa dang / mu cor mi smra ba dang tshig mi mang ba dang / mig mi g.yeng ba dang / dbang po mi g.yeng ba dang / mi rgod pa dang / tom col med pa dang / lus 'khrul pa med pa dang / ngag 'khrul pa med pa dang / sems 'khrul pa med pa dang / dben yang rung mi dben yang rung / spyod lam mi nyams pa yin no// bza' ba dang / btung ba dang / mal cha dang / stan dang / gnas dang / na ba'i
- 295b
gsos sman dang / yo byad ji lta bu'ang rung ba dag gis chog shes shing / gso sla ba dang / dgang sra ba dang / rim gro bya sla ba dang / cho ga dang spyod yul dge ba dang / 'du 'dzin las/ dben pa'i spyod yul yin/ thob pa dang ma thob pa la mnyam zhing 'gyur ba med de/ mkhengs mdud pa yin/ bde ba dang / sdug bsngal dang / bstod pa dang / smad pa dang / grags pa dang / ma grags pa dang / 'tsho ba dang / 'chi ba la mnyam zhing 'gyur ba med de/ ma khengs mdud pa yin/ mdza' bo dang / dgra dang / dge ba dang / mi dge ba dang / yid du 'ong ba dang / 'thun pa dang / yid du mi 'ong ba dang / mi mthun pa dang / 'phags pa dang / 'phags pa ma yin pa'i chos rnams dang / dben pa dang / lang long rnams la'ang mnyam zhing 'gyur ba med de/ ma khengs mdud pa yin/ gzugs sdug pa dang mi sdug pa rnams la'ang mthun pa dang mi mthun pa med pa yin/ sgra dang / dri dang / ro dang / reg bya dang / chos sdug pa dang mi sdug pa rnams la'ang mthun pa dang mi mthun pa med pa yin no// de 'dod pa rnams ni rang gi sems kyis kun du bslang nas/ log par rnam par rtog pas ro myang ba yin pas/ keng rus lta bur yid la byed do// 'dod pa rnams ni dgra mang ba'i phyir sha sna gu ltar bur yid la byed do// 'dod pa rnams ni blangs na sdu bsngal la//
- 296a
yongs su btang na bde ba'i phyir rtswa'i me lta bur yid la byed do// 'dod pa rnams ni gnod pa mang ba'i phyir shing gi rtse mo'i shing thog lta bur yid la byed do// 'dod pa rnams ni blangs na dbang byed pa ma yin pa'i phyir slong ba pa lta bur yid la byed do/ / 'dod pa rnams ni skad cig tsam zhig nor bas dga' ba'i phyir rmi lam lta bur yid la byed do// 'dod pa rnams ni sdug bsngal la bde bar 'du shes pa phyin ci log gis bskyed pa'i phyir/ mdze lta bur yid la byed do// 'dod pa rnams ni nyes par spyod pa thams cad kyi dngos po yin pa dang / ngan 'gro log par ltung ba dang / sems can dmyal ba'i mtha' yin pas mchil pa lta bur yid la byed do// 'dod pa rnams ni ngoms par mi byed pa dang / skom pa 'phel bar byed ba'i phyir tshwa chu ltar mid la byed do/ / de 'dod pa las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa dga' ba dang bde ba can/ / bsam gtan dang po bsgrubs te gnas so// de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa bsgrubs te gnas so// de dga' ba'i 'dod chags dang bral bas/ btang snyoms la
- 296b
gnas shing dran pa dang shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa/ btang snyoms pa'o zhes brjod pa ste/ bsam gtan gsum pa bsgrubs te gnas so// de bde ba'ang spangs te snga nas sdug bsngal yang spangs shing / yid bde ba dang mi bde ba'ang nub pas/ bde ba'ang ma yin/ sdug bsngal ba'ang ma yin pa/ gtang snyoms dang dran pa yongs su dag pa bsam gtan bzhi pa bsgrubs te gnas so// de sems can thams cad la bde ba'i 'du shes yid la byed pas byams pa tshad med pa bsgrubs te gnas so/ / de sems can thams cad la sdug bsngal ba'i 'du shes yid la byed pas snying rje tshad med pa bsgrubs te gnas so// de sems can thams cad la dga' ba'i 'du shes yid la byed pas dga' ba tshad med pa bsgrubs te gnas so/ / de sems can rnams la sdug bsngal ba'ang med/ bde ba'ang med pa yid la byed pas btang snyoms tshad med pa bsgrubs te gnas so/ / de gzugs la rigs pa'i 'du shes yid la byed cing / nam mkha' la zhi ba'i 'du shes yid la byed pas nam mkha' mtha' yas skye mched bsgrubs te gnas so/ / de rnam par shes pa la zhi ba'i 'du shes yid la byed pas rnam shes mtha' yas skye mched bsgrubs te gnas so// de ci'ang med pa la zhi ba'i 'du shes yid
- 297a
la byed pas ci'ang med pa'i skye mched bsgrubs te gnas so/ / de 'du shes med 'du shes med min la zhi ba'i 'du shes yid la byed pas 'du shes med 'du shes med min skye mched rdzogs par bsgrubs te gnas so/ / de rang gi dbugs rngub pa dang 'byung ba ji ltar gnas shing ji ltar 'dug pa bzhin du rgyun thung ba rnams la'ang rgyun thung ba'i 'du shes dang / rgyun ring ba rnams la'ang rgyun ring ba'i 'du shes yid la byed pas dbugs rngub pa dang 'byung ba dran pa bsgrubs te gnas so/ / de sems can gyi lus rnams la mi sdug pa'i mtshan ma yid la byed pas mi sdug pa'i 'du shes bsgrubs te gnas so/ / de 'chi ba'i mtshan ma yid la byed pas 'chi ba'i 'du shes bsgrubs te gnas so// de na ba dang rga ba'i mtshan ma yid la byed pas nyes dmigs kyi 'du shes bsgrubs te gnas so/ / de kha zas yongs su tshol ba dang / 'gyur ba la nad kyi rgyu dang / gnod pa'i rgyu yid la byed pas kha zas la mi mthun pa'i 'du shes bsgrub te gnas so/ / de khyim dang / grong dang / grong khyer dang / ljongs kyi 'jig rten thams cad la 'byor pa dang 'bral ba'i mtshan mar yid la byed pa dang / nags tshal rmad du byung ba dang / kun dga'i rab mang du byung ba dang bral ba'i mtshan ma yid la byed pas 'jig rten thams cad la mngon par mi dga' ba'i 'du shes bsgrubs te gnas so/ / de nang gzugs su 'du shes pas phyi
- 297b
rol gyi gzugs chung ngu kha dog bzang po dang / kha dog ngan pa rnams la mtshan mar yid la byed pas zil gyis gnom pa'i skye mched dang po bsgrubs te gnas so// de nang gzugs su 'du shes pas phyi rol gyi gzugs tshad med pa kha dog bzang po dang / kha dog ngan pa rnams la mtshan mar yid la byed pas zil gyis gnon pa'i skye mched gnyis pa bsgrubs te gnas so// de shi ba'i lus bsregs pa de la rlung ngam/ chus thal ba'ang med par byed pa'i 'du shes dang / zhigs pa la phye ma'ang med pa dang / rdul du gyur pa la rdul yang med pa'i 'du shes su rnam par 'jig pa bsgoms shing bsgrubs te/ nang gzugs med par 'du shes pas phyi rol gyi gzugs chung ngu kha dog bzangs po dang / kha dog ngan pa rnams la mtshan mar yid la byed pas zil gyis gnon pa'i skye mched gsum pa bsgrubs te gnas so/ / de de bzhin du nang gzugs med par 'du shes pas phyi rol gyi gzugs tshad med pa kha dog bzang po dang / kha dog ngan pa rnams la mtshan mar yid la byed pas zil gyis gnon pa'i skye mched bzhi pa bsgrubs te gnas so/ / de de bzhin du nang gzugs med par 'du shes pas phyi rol gyi gzugs sngon po tshad med pa yid du 'ong ba rnams la mtshan mar yid la byed pas zil gyis gnon pa'i skye mched lnga pa bsgrubs te gnas so/ / de de bzhin du nang gzugs med par 'du shes pas phyi rol gyi gzugs ser po dang / dmar po dang /
- 298a
dkar po tshad med pa yid du 'ong ba rnams la mtshan mar yid la byed pas zil gyis gnon pa'i skye mched drug pa dang / bdun pa dang / brgyad pa la bsgrubs te gnas so/ / des sa 'di mtha' yas so zhes mtshan mar yid la byed pas zad par sar bsgrubs te gnas so// de chu dang / me dang / rlung dang / sngon po dang / ser po dang / dmar po dang dkar po dang / nam mkha' dang / rnam par shes pa mtha' yas so zhes mtshan mar yid la byed pas/ zad par chu dang / zad par ma dang / zad par rlung dang / zad par sngon po dang zad par ser po dang / zad par dmar po dang / zad par dkar po dang / zad par nam mkha' dang / zad par rnam par shes pa bsgrubs te gnas so// de snyoms par 'jug pa na dge ba'i rtsa ba thams cad la dmigs pa la sems nye bar 'dogs te/ snying rje chen po la dmigs pa dang / dam pa'i chos yongs su gzung ba la dmigs pa dang / dkon mchogs gsum gyi rigs mi 'chad par bya ba la dmigs pa dang / sangs rgyas kyi sku dang rgyan la dmigs pa dang / sangs rgyas kyi gsung tshangs pa'i dbyangs la dmigs pa dang / sngon gyi smon lam la dmigs pa dang / sems can thams cad yongs su smin par bya ba la dmigs pa dang / 'jig rten rnam par sbyang bar bya ba la dmigs pa dang / byang chub kyi snying po'i bkod pa la dmigs
- 298b
pa dang / chos kyi 'khor lo bskor ba la dmigs pa dang / sems can thams cad kyi nyon mongs pa gzhom pa la dmigs pa la sems nye bar 'dogs so// de bsam gtan byed pa na rnam par shes pa'i gnas bzhi dang bral bar bsam gtan byed do/ / de sa'i khams la mi gnas/ chu'i khams la mi gnas/ me'i khams la mi gnas/ rlung gi khams la mi gnas// nam mkha'i khams la mi gnas/ rnam par shes pa'i khams la mi gnas/ 'jig rten 'di la mi gnas/ 'jig rten pha rol la mi gnas par bsam gtan byed do// de ting nge 'dzin de la snyoms par 'jug pa bla na med pa thams cad thob par bya ba'i phyir/ bsam gtan la gnas shing / bsam gtan la dga' 'o// de bsam gtan de dang ting nge 'dzin de la bsam gtan byed par 'dod pa dang / snyoms par 'jug par 'dod na'ang sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// bsam gtan byed pa dang / bsam gtan byas pa dang / langs nas kyang sems can thams// cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par/
- 299a
bya ba'i phyir yongs su sngo bar byed do// gal te bsam gtan de dang ting nge 'dzin de la slob pa'i nus pa dang mi ldan par gyur na/ de 'di ltar yang dag par slob te/ dus dus su 'am cung zad cung zad du'ang sems rnam par g.yeng ba dang / ting nge 'dzin ma yin pa spang ba dang / dor ba dang / bsal bar rtsol lo// 'bad do// dus dus su 'am/ cung zad cung zad du'ang sems rtse gcig tu bya ba dang / sems mnyam par gzhag par slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do// srid pa gzhan du gyur pa na' la zhum par mi 'gyur zhing / / sgyid lug par mi 'gyur ro// lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / bya chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi sems mnyam par gzhag pa dge ba dang / sems rtse gcig du bya ba dge ba grangs med cing dpag tu med pa yin no/ / de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i sems mnyam par gzhag pa skyed par 'dod pa dang / mi slob pa'i sems mnyam par gzhag pa skyed par 'dod pa dang / zag pa med pa'i sems mnyam par gzhag pa yang dag par skyed par 'dod pa dang / mi slob
- 299b
sems mnyam par gzhag pa yang dag par skyed par 'dod pa de ni/ sems mnyam par gzhag pa dge ba dang / sems rtse gcig tu bya ba dge ba mtha' yas mu med pa yin no// lag bzangs de ltar na byang chub sems dpa' bde ba dang ldan la/ yid bde ba dang ldan zhing / tshegs chung ngu dang / sdug bsngal chung ngus bsam gtan gyi pha rol tu phyin pa yongs su rdzogs pa byed do/ / lag bzangs byang chub sems dpa'i ji ltar shes rab kyi pha rol tu phyin pa yongs su rdzogs par byed ce na/ lag bzangs 'di la byang chub sems dpa' ni mdung thung dag gis bzlog kyang / gang zag gang dag thos pa mang ba/ thos pa 'dzin pa/ thos pa bsags pa/ don shes pa/ bshad pa shes pa/ dpyod pa can/ ji ltar thos pa'i don la yongs su rtog pa de dag la snyan cing sten te/ bsnyen bkur byed do// de thos pa'i ched dang / bshed pa'i ched dang / don gyi ched dang / don la yongs su brtag pa'i ched dang / slob dpon dang mkhan po la snyen bkur bya ba'i ched la grang ba'ang khyad du gsod/ tsha ba dang / bkres pa dang / skom pa dang / sha sbrang dang / sbrang bu dang / rlung dang / nyi ma dang / sdig sbrul gyis reg pa dang gzhan gyis ngan du brjod pa/ ngan du spras shing ngan du brjod pa'i tshig gi lam dang / lus kyi tshor ba drag pa/ rtsub pa/ mi bzad pa/ srog 'chad par 'gyur ba'ang khyad du gsod
- 300a
de chos rnams la rin po cher 'du shes nye bar gnas/ chos smra ba rnams la ni rin po che'i gter du 'du shes/ chos nyan pa rnams la ni dkon pa rnyed par 'du she/ chos 'dzin pa la ni don yod par srog phyogs par 'du shes/ chos kyi yon tan mang du byed pa la ni srog don yod par 'du shes/ chos la yongs su rtog pa la ni tshe rabs brgyar mig rnyed par 'du shes nye bar gnas pa yin te/ de chos de dag nyan cing 'dzin la mang du byed cing yongs su rtog pa na/ khams rnams kyang rab tu shes/ phung po rnams dang / skye mched rnams dang / 'phags pa'i bden pa rnams dang / rten cing 'brel par 'byung ba dang / dus dang theg pa rnams dang / dge ba bsags pa'ang rab du shes so// khams rnams ji ltar rab tu shes she na/ khams ni gnyis te/ 'dus byas dang / 'dus ma byas shes bya ba ste/ khams gnyis po de dag go/ 'dus byas kyi khams ni gang / 'dus ma byas kyi khams ni gang zhe na/ gang ci'ang rung ste/ skye ba dang / gnas pa dang / 'gag pa 'di ni 'dus byas kyi khams shes bya'o// gang ci'ang rung ste/ skye ba med pa dang / gnas pa med pa dang / 'gag pa med pa de ni 'dus ma byas kyi kham shes bya ste/ de ltar 'dus byas dang 'dus ma byas kyi khams rab tu shes so// gzhan yang khams gsum rab tu shes te/ dge ba'i khams dang / mi dge ba'i khams dang /
- 300b
lung du ma bstan pa'i khams te/ gsum po de dag go// dge ba'i khams ni gang / mi dge ba'i khams ni gang / lung du ma bstan pa'i khams ni gang zhe na/ gang ci'ang rung ste/ chags pa med pa dang / chags pa med pa dang ldan pa dang / gang ci'ang rung ste/ zhe sdang med pa dang / zhe sdang med pa dang ldan pa dang / gang ci rang rung ste/ gti mug med pa dang / gti mug med pa ldan pa de ni dge ba'i khams shes bya'o/ / gang ci'ang rung ste/ chags pa dang / chags pa dang ldan pa dang / gang ci'ang rung ste/ zhe sdang ba dang / zhe sdang ba dang ldan pa dang / gang ci'ang rung ste/ gti mug dang / gti mug dang ldan pa de ni mi dge ba'i khams shes bya'o// de gnyis la ma gtogs pa ni lung du ma bstan pa nyid de/ de ltar khams gsum rab tu shes so// gzhan yang khams gsum rab tu shes te/ gsum gang zhe na/ 'dod pa'i khams dang / gzugs kyi khams dang / gzugs med pa'i khams so// 'dod pa'i khams gang zhe na/ sems can dmyal ba dang / dud 'gro'i skye gnas dang / yi dgas dang / lha ma yin dang / mi dang / rgyal chen bzhi'i lha rnams dang / sum cu rtsa gsum dang 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams te/ gang de dag la 'dun pa dang / chags pa dang / zhe sdang ba dang / gti mug pa dang /
- 301a
yid kyis smon pa dang / smon lam 'debs pa dang / mngon par 'du byed pa de ni 'dod pa'i khams shes bya'o// gzugs kyi khams gang she na/ tshangs rig kyi lha rnams dang / tshangs pa'i mdun na 'don rnams dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi che ba dang / mi gdung ba dang / gya nom snang dang / shin du mthong dang / 'og min gyi lha rnams te/ gang de dag la 'dun pa dang / chags pa dang / zhe sdang ba dang / gti mug pa dang / yid kyis smon pa dang / smon lam 'debs pa dang / mngon par 'du byed pa de ni gzugs kyi khams shes bya'o/ / gzugs med pa'i khams gang zhe na/ rnam mkha' mtha' yas skye mched du nye bar 'gro ba'i lha rnams dang / rnam shes mtha' yas skye mched du nye bar 'gro ba'i lha rnams dang / ci'ang med pa'i skye mched du nye bar 'gro ba'i lha rnams dang / 'du shes med 'du shes med min skye mched du nye bar 'gro ba'i lha rnams te/ gang de dag la 'dun pa dang / chags pa dang / zhe sdang ba dang / gti mug pa dang / yid kyis smon pa dang / smon lam 'debs pa dang / mngon par 'du byed pa gang yin pa de ni/ gzugs med pa'i khams
- 301b
shes bya ste/ de ltar khams gsum rab tu shes so// gzhan yang khams bzhi rab tu shes te/ bzhi gang zhe na/ 'dod pa'i khams dang / gzugs kyi khams dang / gzugs med pa'i khams dang / 'dus ma byas kyi khams shes bya ba khams bzhi po de dag ste/ de ltar khams bzhi rab tu shes so// gzhan yang khams drug rab tu shes te/ drug gang zhe na/ 'dod pa'i khams dang / gnod sems kyi khams dang / rnam par 'tshe ba'i khams dang / mngon par 'byung ba'i khams dang / gnod sems med pa'i khams dang / rnam par 'tshe ba me pa'i khams te/ khams drug po de dag rab tu shes so// gzhan yang khams drug rab tu shes de/ drug gang zhe na/ sa'i khams dang / chu'i khams dang me'i khams dang / rlung gi khams dang / nam mkha'i khams dang / rnam par shes pa'i khams te/ khams drug po de dag rab du shes so// de la sa'i khams ni mi rtag pa/ mi brtan pa 'gyur ba'i chos can te/ mi rtag pa gang yin pa de sdug bsngal ba'o// sdug bsngal ba gang yin pa de bdag med pa'o// de bzhin du chu'i khams dang / me'i khams dang / rlung khams dang / nam mkha'i khams dang / rnam par shes pa'i khams kyang mi rtag pa/ mi brtan pa/ 'gyur ba'i chos can te/ mi rtag pa gang yin pa de sdug bsngal ba'o// sdug bsngal
- 302a
ba gang yin pa de bdag med pa ste/ de ltar khams drug rab tu shes so// de chos de dag nyan cing 'dzin pa dang / mang du byed cing yongs su rtog pa na// gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ phung po lnga rab tu shes so// gzugs la lbu ba rdos pa lta bu dang / ngan pa dang / 'jig pa dang / ring du mi gnas pa dang / tshor ba la ni chu'i chu bur lta bu dang / ngan pa dang / 'jig pa dang / ring du mi gnas pa dang / 'du/ shes la ni smig rgyu lta bu dang / ngan pa dang / 'jig pa dang / ring du mi gnas pa dang / 'du byed rnam la ni chu shing lta bu dang / ngan pa dang / 'jig pa dang / ring du mi gnas pa dang / rnam par shes pa la ni sgyu ma lta bu dang / ngan pa dang / 'jig pa dang / ring du mi gnas pa de ltar phung po lnga la rab tu shes so// de chos de dag nyan cing 'dzin ba dang / mang du byed cing yongs su rtog pa na/ nang gi skye mched drug rab tu shes te/ mig nang gi skye mched dang / rna ba dang / sna dang / lce dang / lus dang / yid nang gi skye mched ces bya ba nang gi skye mched drug po de dag go/ / de la mig nang gi skye mched non pa'i chos can dang / rga ba'i chos can dang / 'chi ba'i chos can dang / bdag dang bdag gis stong pa dang / 'dod chags
- 302b
kyi me dang / zhe sdang gi me dang / gti mug gi me kun tu 'bar ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa rnams kyis kun tu 'bar ba dang / sdug bsngal gyis kun tu 'bar bar rab tu shes so// de bzhin du rna ba dang / sna dang / lce dang / lus dang / yid nang gi skye mched la'ang na ba'i chos can dang / rga ba'i chos can dang / 'chi ba'i chos can dang / bdag dang bdag gis stong pa dang / 'dod chags kyi me dang / zhe sdang gi ma dang / gti mug gi me kun tu 'bar ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis kun du 'bar ba dang / sdug bsngal gyis kun tu 'bar bar rab tu shes te/ de ltar nang gi skye mched drug po dag rab tu shes so// gzhan yang phyi'i skye mched drug rab tu shes te/ mig gis rnam par shes par bya ba gzugs rnams phyi'i skye mched dang / rna bas rnam par shes par bya ba sgra rnams dang / snas rnam par shes par bya ba dri rnams dang / lces rnam par shes par bya ba ro rnams dang / lus kyi rnam par shes par bya ba reg bya rnams dang / yid kyis rnam par shes par bya ba chos phyi'i skye mched rnams shes bya ba ste//
- 303a
skye mched drug po de dag go// de la mig gis rnam par shes par bya ba gzug phyi'i skye mched la skyabs med pa dang / mgon med pa dang / stobs med pa dang / nyam/ chung ba ste/ de la rtag pa 'am/ brtan pa 'am/ ther zug pa 'am/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid ni gang yang med kyi/ ma de ni yod/ sgyu mar byas pa de ni yod/ sems rmongs par byed pa de ni yod de gang ci'ang yod pa dang / de bzhin du rna bas rnam par shes par bya ba sgra rnams dang / snas rnam par shes par bya ba dri rnams dang / lces rnam par shes par bya ba ro rnams dang / lus kyis rnam par shes par bya ba reg bya rnams dang / yid kyis rnam par shes par bya ba chos phyi'i skye mched la 'ang skyabs med pa dang / mgon med pa dang / stobs med pa dang / nyam chung ba ste/ de la rtag pa'am/ brtan pa 'am/ ther zug pa 'am/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid ni gang yang med kyi/ sgyu ma de ni yod/ sgyu mar byas pa de ni yod/ sems rmongs par byed pa de ni yod de/ gang ci'ang yod pa'i phyir skye mched drug po de ltar rab tu shes so/ / de chos de dag nyan cing 'dzin pa dang / mang du byed cing yongs su rtog pa na/ 'phags pa'i bden pa bzhi rab tu shes so// bzhi gang zhe na/
- 303b
sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa zhes bya ba 'phags pa'i bden pa bzhi po de dag go/ / phung po lnga rnams dang / khams drug po dag dang / nang gi skye mched drug po dang / phyi'i skye mched drug po dag gang yin pa de ni sdug bsngal zhes bya ba ste/ sdug bsngal de ni mi rtag pa dang / sdug bsngal ba dang / nad dang / 'bras dang / zug rngu dang / sdig pa dang / bdag med pa dang / rab tu 'jig pa'i chos nyid du blta'o// 'dod chags dang / zhe sdang dang / gti mug dang / nga rgyal dang / nga'o snyam du mngon par zhen pa dang / bdag gi bdag ni 'di yin no snyam du bdag tu mngon par zhen pa dang / 'byung par 'gyur ro snyam pa dang / 'byung bar mi 'gyur ro snyam pa dang / gzugs can du 'gyur ro snyam pa dang / gzugs can ma yin par 'gyur ro snyam pa dang / 'du shes can du 'gyur ro// snyam pa dang / 'du shes can ma yin par 'gyur ro snyam pa dang / 'du shes can ma yin la/ 'du shes can ma yin pa'ang 'du shes can ma yin par 'gyur ro snyam pa dang / phung po rnams bdag go snyam pa dang / phung po rnams las bdag gzhan no snyam pa dang / phung po rnams la bdag gi snyam pa dang / bdag la phung po rnams snyam pa dang / khams rnams dang /
- 304a
skye mched rnams 'dag go snyam pa dang / skye mched rnams las bdag gzhan no snyas pa dang / skye mched rnams la bdag go snyam pa dang / bdag la skye mched rnams so snyam pa dang / tshor ba bdag go snyam pa dang / tshor bar byed pa bdag go rnam pa dang / gzugs can chung ngu bdag go snyam pa dang / gzugs can ma yin pa chung ngu bdag ga rnam pa dang / gzugs can mtha' yas pa bdag go snyam pa dang / gzugs can ma yin pa mtha' yas pa bdag go snyam pa dang / bdag rtag go snyam pa dang / bdag mi rtag gi rnamapa da rtag kyang rtag la/ mi rtag kyang mi rtag go snyam pa dang / rtag pa'ang ma yin mi rtag pa'ang ma yin no snyam pa dang / bdag mtha' yod do snyam pa dang / bdag mtha' yod pas yin no snyam pa dang / mtha' yod kyang yod la mtha' med kyang med do snyam pa dang / mtha' yod pa'ang ma yin mtha' med pa'ang ma yin no snyam pa dang / de bzhin song ba shi nas 'byung bar 'gyur ro snyam pa dang / 'byung bar mi 'gyur ro snyam pa dang / 'byung yang 'byung la mi 'byung yang mi 'byung ngo snyam pa dang / de bzhin song ba shi nas 'byung ba'ang ma yin/ mi 'byung ba'ang ma yin no snyam pa dang / sreg de lus de yin snyam pa dang / srog kyang gzhan la lus kyang gzhan no snyam pa dang / sems can 'di gang nas 'ongs/ de 'di nas shi 'phos nas gang du
- 304b
'gro bar 'gyur snyam pa dang / sems can yod pa las chad de/ 'jig cing med par 'gyur ro snyam pa dang / byed pa de myong ba de yin no snyam pa dang / byed pa'ang gzhan myong ba'ang gzhan no snyam pa dang / bdag yod pas bdag gi yod par 'gyur ro snyam pa dang / bdag gi yod pas bdag yod par 'gyur ro snyam pa dang / 'di na bdag de lta bu 'am/ bdag gzhan du 'gyur ba zhig gam de bzhin du 'gyur ba zhig gam/ gzhan du 'gyur ba zhig gam/ 'dir 'byung bar 'gyur ram/ de ltar 'byung bar 'gyur ram/ gzhan du 'byung bar 'gyur ram/ 'dir bdag sngon byung ngam/ bdag da ltar byung ngam/ bdag gzhan du byung ngam snyam du de dag la bdag tu mngon par zhen te 'jig tshogs la lta ba dang / nga'o snyam pa'i nga rgyal dang / sems kyi gnas dang / mngon par zhen pa dang / nga rgyal gyi bag la nyal ba dang / snyems pa dang / nga rgyal byed pa dang / bdag du smra ba'i len pa dang / 'dod chags dang / zhe sdang dang / gti mug dang nga rgyal gang yin pa thams cad dang / lus sam/ ngag gas/ sems kyi las bsod nams su nye bar 'gro ba 'am/ bsod nams ma yin par nye bar 'gro ba 'am/ mig yo bapar nye bar 'gro ba 'am/ 'dod par gtogs pa 'am/ gzugs su gtogs pa 'am/ gzugs med par gtogs pa gang yin pa de ni sdug bsngal kun 'byung ba 'phags pa'i bden pa
- 305a
zhes bya'o/ / gang 'dod chags zad pa dang / zhe sdang zad pa dang / gti mug zad pa dang / nga rgyal zad pa dang / bdag tu mngon par zhen pa spangs pa dang / bdag tu smra ba'i len pa spangs pa de ni sdug bsngal 'gog pa 'phags pa'i bden pa zhes bya'o// gang sdug bsngal la'ang sdug bsngal ba dang / kun 'byung ba la'ang kun 'byung ba dang // 'gog pa la 'ang 'gog pa dang / lam la 'ang lam du yid la byed pa dang / 'du byed rnams la nyes dmigs su lta zhing gnas pa dang / mya ngan las 'das pa la phan yon du lta zhing gnas pa dang / ji ltar mthong ba dang / byas pa la so sor rtog pa yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin de ni sdug bsngal 'gog par 'gro ba'i lam 'phags pa'i bden pa zhes bya ste/ 'di dag ni 'phags pa'i bden pa bzhi zhes bya'o// de 'phags pa'i bden pa bzhi po de dag la dpyod cing rtog la/ khong du chud par byed cing rnam 'jig pa na/ 'dus byas kyi khams la ni mi rtag pa dang / sdug bsngal ba dang / stong pa dang / bdag med par mthong ngo / 'dus ma byas kyi khams la ni skyabs dang / gnas dang /
- 305b
mgon dang / dpung gnyen du'ang mthong la/ 'dus ma byas kyi khams mngon sum du'ang mi byed do// de ltar 'phags pa'i bden pa bzhi po dag rab tu shes so// de chos de dag nyan cing 'dzin pa dang / mang du byed cing yongs su rtog pa na/ rten cing 'brel par 'byung ba rab tu shes te/ 'di lta ste/ ma rig pa'i rkyen gyis 'du byed rnams dang 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs dang / ming dang gzugs kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / skye ba'i rkyen gyis rga shi ste/ 'di ni rten cing 'brel par 'byung ba zhes bya'o// 'phags pa'i bden pa bzhi dang / rten cing 'brel par 'byung ba mi shes pa dang / mi mthong ba gang yin pa de ni ma rig pa zhes bya'o/ / gang cung zad lus dang / ngag dang / yid kyi las bsod nams su nye bar 'gro ba 'am/ bsod nams ma yin par nye bar 'gro ba 'am/ mi g.yo bar nye bar 'gro ba 'am/ 'dod pa'i khams su nye bar 'gro ba'am/ gzugs kyi khams su nye bar 'gro ba 'am/ gzugs med pa'i khams su nye bar 'gro ba de dag ni 'du byed rnams
- 306a
shes bya'o/ / de las byung ba gang ci'ang rung / sems shes bya ba dang / yid ces bya ba de ni rnam par shes pa zhes bya'o// de las byung ba gang ci'ang rung tshor ba dang / 'du shes dang / sems pa dang / reg pa dang / yid la byed pa de ni ming zhes bya'o// gang ci'ang rung ba lhan cig byung ba mer mer po'i gzugs dang / rdzus byung ba'i gzugs dang / rnam par rig byed kyi gzugs de ni gzugs shes bya ste/ de gnyis ni ming dang gzugs shes bya'o// de las byung ba mig dang / rna ba dang / sna dang / lce dang / lus dang / yid de ni skye mched drug ces bya'o// mig la brten cing gzugs la'ang brten te/ mig gi rnam par shes pa 'byung ba dang / gsum 'dus pa ni reg pa'o// rna ba dang / sna dang / lce dang / lus dang / yid dang / chos rnams la brten te/ yid kyi rnam par shes pa 'byung ba dang / gsum 'dus pa ni reg pa ste/ de ni reg pa zhes bya'o// de las byung ba bde ba'am/ sdug bsngal ba 'am/ sdug bsngal yang ma yin/ bde ba'ang ma yin pa de dag ni tshor ba gsum zhes bya'o// de las byung ba 'dod chags dang / chags pa dang / dga' ba de ni sred pa zhes bya'o// de las byung ba kun tu chags pa dang / lta ba dang / tshul khrims dang / brtul zhugs dang / bdag tu smra ba de ni len pa zhes bya'o// de las byung ba gzugs dang /
- 306b
tshor ba dang / 'du shes dang / 'du byed rnams dang / rnam par shes pa de ni srid pa zhes bya'o// gang srid pa de 'byung ba dang / skye ba dang mngon par 'grub pa de ni skye ba zhes bya'o// gang srid pa de 'gyur ba dang / 'jig pa dang / nye bar khrid pa de ni rga ba zhes bya'o// gang srid pa de 'chi 'pho ba dang / 'bral ba de ni 'chi ba zhes bya'o// de de ltar rten cing 'brel par 'byung ba la dpyod cing yongs su rtog la khong du chud par byed cing / rnam par 'jig pa nas rlom sems su mi byed/ sas rlom sems su mi byed/ sa bdag gi snyam du rlom sems su mi byed do/ sa la mngon par dka' bar mi byed do// chu dang / me dang / rlung dang / nam mkha' dang / rnam par shes pa la gcig pa dang / tha dad pa dang / mthong ba dang / thos pa dang / bye brag phyed pa dang / rnam par shes pa dang / mya ngan las 'das pa rlom sems su mi byed/ mya ngan las 'das pas rlom sems su mi byed/ mya ngan las 'das pa ni bdag gi'o snyam du rlom sems su mi byed/ mya ngan las 'das pa la mngon par dga' bar mi byed do// de rten cing 'brel par 'byung ba'i chos rnams yang dag par rjes su mthong ba na/ rnam par thar pa'i sgo gsum po chos rnams kyi stong pa nyid dang / mtshan ma med pa dang / smon pa med pa khong du chud par byed cing rnam par 'jig go// de rten cing 'brel par 'byung ba'i chos rnams yang dag par rjes su mthong
- 307a
ba na/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi 'gag/ rga shi 'gags pas rten cing 'brel par 'byung ba 'gag pa khong du chud par byed cing rnam par 'jig sde/ de de ltar rten cing 'brel par 'byung ba'i 'gog pa yang dag par rjes su mthong yang rten cing 'brel par 'byung ba'i 'gog pa mngon sum du'ang mi byed de/ de ltar rten cing 'brel par 'byung ba'i 'gog pa rab tu shes so// de chos de dag nyan cing 'dzin pa dang / mang du byed cing yongs su rtog pa na/ dus gsum rab tu shes te/ gsum gang zhe na/ 'das pa'i dus dang / ma 'ongs pa'i dus dang / da ltar byung ba'i dus te/ de dag ni dus gsum rnams shes bya'o// 'du byed gang la la 'gags pa de ni 'das pa'i dus shes bya'o// 'du byed gang la la ma 'ongs shing ma skyes pa de ni ma 'ongs pa'i dus shes bya'o// 'du byed gang la la da ltar 'byung ba da sngar
- 307b
du gyur pa de ni da ltar byung ba'i dus shes bya'o/ / de 'das pa'i dus kyi bdag gi mi dge ba'i rtsa ba rnams rjes su dran na/ smod cing gshung ste nges par spong ngo // ma 'ongs pa'i dus kyi bdag gi mi dge ba'i rtsa ba rdul tsam la'ang gcig du rnam par smin par mthong / mi sdug par rnam par smin par mthong / yid du mi 'ong bar rnam par smin par mthong / 'jigs par mthong zhing gnas so/ / da ltar byung ba'i dus kyi bdag gi mi dge ba'i rtsa ba skye ba'i skabs mi 'byed de/ lus sdom pas bsdams/ ngag sdom pas bsdams/ yid sdom pas bsdams dbang po drug sdom pas bsdams so/ / de 'das pa'i dus kyi bdag gi dge ba'i rtsa ba rnams dang / byang chub tu sems bskyed pa dang / byang chub kyi sems la smon pa dang / byang chub kyi sen/ la smon lam 'debs pa rjes su dran zhing 'dun pa drag po dang / dga' ba drag po dang / dad pa drag pos sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// ma 'ong/ ba'i dus kyi bdag gi dge ba'i rtsa ba rnams dang / byang chub tu sems bskyed pa dang / byang chub du smon pa dang / byang chub tu smon lam 'debs pa'ang 'dun pa drag po dang / dga' ba drag po dang //
- 308a
dad pa drag pos sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir 'dod do// mos so// yid kyis smon to// da ltar byung ba'i bdag gi dge ba'i sems kyi rgyun dang / dge pa'i sems kyi rgyud kyang sems can thams cad bsgral ba dang / sems can thams cad sgrol ba dang / sems can thams rud dbugs dbyung ba dang / thams cad mkhyen pa nyid thob par bya ba dang / sang/ rgyas kyi chos thams cad yongs su rdzogs par bya ba'i phyir/ rtag par rgyun du mi 'dor ro// nyams par mi byed do// brjed par mi byed do// bag med par mi byed do// gang 'das pa'i phung po dang / khams dang / skye mched de ni 'das pa/ 'gags pa med pa/ yod pa ma yin pa ste/ de ni da ltar bdag med pa bdag gi med pa'o// gang ma 'ongs pa'i phung po dang / khams dang / skye mched de ni ma skyes pa/ ma byung ba/ yod pa ma yin pa ste// de ni da ltar bdag med pa/ bdag gi med pa'o// gang da ltar byung ba'i phung po dang / khams dang / skye mched de ni mi gnas pa mi 'dug pa'o/ / de ci'i phyir zhe na/ 'jig rten ni skad cig las lhag par mi gnas pa'i phyir ro// skad cig la de'i skye ba'i dus kyang gzhan/ gnas pa'i dus kyang gzhan/ 'gag pa'i dus kyang
- 308b
gzhan gang yin pa'i skad cig de ni gnas med pa/ 'dug pa med pa'o// skad cig gi dus gang yin pa de ni nang dang phyi'i phung po dang / khams dang / skye mched do// nang dang phyi'i phung po dang / khams dang / skye mched gang yin pa de ni dus so// da ltar byung ba'i phung po dang / khams dang / skye mched gang yin pa de ni skad cig tsam yang mi gnas pa mi 'dug pa ste/ mi gnas pa mi 'dug pa la ni bdag gam bdag gi ba med pa'o// de'ang gang gi tshe ma 'ongs par gyur pa de'i tshe ma skyes pa/ ma byung ba/ yod pa ma yin no// bdag tu ma gyur cing bdag gir ma gyur pa'o/ / gang gi tshe 'das te 'gags pa dang ma byung ste yod pa ma yin par gyur pa de'i tshe'ang bdag med pa dang / bdag gi med pa nyid du 'gyur ro// gang yang dus gsum dag tu bdag med cing bdag gi med pa de ni ma byung zhing yod pa ma yin pa'i phyir mkhas shing rig pa rnams kyis 'di ni bdag gi'o/ / 'di ni nga'o// bdag gi 'di ni yod do zhes bdag tu lta bar 'os pa ma yin no/ / de srid pa thams cad dang / 'du byed thams cad la bdag med pa'i 'du shes dang / 'dod chags dang bral ba'i 'du shes dang / spang ba'i 'du shes dang / 'gog pa'i 'du shes can du gnas te/ 'gog pa mngon sum du byed pa'ang ma yin no// gang de ltar dus gsum rab tu shes pa de ni chos de dag nyan cing 'dzin pa dang / mang du byed
- 309a
cing yongs su rtog pa na/ theg pa gsum rab tu shes te/ gsum gang zhe na/ lha'i theg pa dang / tshangs pa'i theg pa dang / 'phags pa'i theg pa ste/ de dag ni theg pa gsum zhes bya'o/ / bsam gtan dang po ni lha'i theg pa ste/ bsam gtan gnyis pa dang / gsum pa dang / bzhi pa'ang lha'i theg pa'o// byams pa ni tshangs pa'i theg pa ste/ snying rje dang dga' ba dang / btang snyoms kyang tshangs pa'i theg pa'o// yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin ces bya ba/ 'phags pa'i lam yan lag brgyad pa zhes bya ba de ni 'phags pa'i theg pa zhes bya'o/ / de dus dus su lha'i theg pa sgom ste/ sems can rnams kyang de la 'god/ dus dus su tshangs pa'i theg pa sgom ste/ sems can rnams kyang de la 'god/ dus dus su 'phags pa'i theg pa sgom zhing / sems can rnams kyang de la 'god la/ rnam par grol ba 'phags pa mngon sum du'ang mi byed do// gzhan yang theg pa gsum rab tu shes te/ gsum gang zhe na/ nyan thos kyi theg pa dang / rang sangs rgyas kyi theg pa dang / theg pa chen po ste/ de dag ni theg pa gsum zhes bya'o// mos pa dman pa dang / dbang po dman pa skad cig/
- 309b
tsam yang srid pa la mos par mi byed/ sred par mi byed kyi/ 'dor te skad cig de la de ma thag tu mya ngan las 'das pa thob pa'i phan yon mthong nas/ mgo dang gos la me 'bar ba bzhin du 'phags pa'i bden pa bzhi po dag khong du chud pa dang / rtogs par bya ba'i phyir 'dun pa dang / rtsol ba'i shas che ba de ni nyan thos kyi theg pa zhes bya'o// mos pa 'bring dang / dbang po 'bring dang / dben par dga' ba dang / rang gi don du lhur len pa dang / bsam gtan dang / snyoms par 'jug pa la gnas par brtson pa dang / rten cing 'brel par 'byung ba la rab tu rnam par 'byed pa la mkhas pa dang / rang byang chub tu smon pa dang / rang byang chub tu smon lam 'debs pa de ni rang sangs rgyas kyi theg pa zhes bya'o// mos pa khyad par du 'phags pa/ dbang po khyad par du 'phags pa/ sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba'i phyir/ sangs rgyas kyi chos thams cad yongs su bskang bar 'dod pa dang / pha rol tu phyin pa drug yongs su bskang bar 'dod pa dang / 'jig rten gyi don du 'khor ba'i sdug bsngal la mi lta ba dang / 'khor ba'i bde ba la'ang smod pa mang ba yin na/ 'khor ba'i sdug bsngal la smod pa mang ba lta smos kyang ci dgos te/ tshul khrims dang spyod pa khyad par du
- 310a
'phags pa la rnam par gnas pa dang / rdzogs pa'i byang chub kyi theg pa can gyi mde lda rnams thog pa dang / kha ton du byed pa dang / lung nod pa dang / yid la byed pa naH/ la brtson 'grus brtsams pa dang / byang chub sems dpa' sems dpa' chen po gang yin pa de dag dge ba'i bshes gnyen yin pa dang / de dag gi byin gyi rlabs bzhi po bden pa dang / gtong ba dang / nye bar zhi ba dang / shes rab la slob pa dang / shes bya thams cad nyan pa dang / len pa dang / 'dzin pa dang / dpyod par dga' ba dang / ting nge 'dzin dang / snyoms par 'jug pa thams cad yang dag par skyed par 'dod pa dang / rang gi don la mi lta ba dang / 'jig rten gyi don lhur len pa dang / stobs ji lta ba bzhin du sems can thams cad theg pa gsum po dag la dgod par 'dod pa dang / dgod par spro ba dang / bdag nyid kyang byang chub kyi theg pa la shin tu gnas pa dang / mi phyed pa dang / mi skyod pa dang / rdo rje lta bu'i sems dang / rtag par rgyun du byang chub tu smon cing / byang chub tu smon lam 'debs pa de ni theg pa chen po zhes bya ste/ de ltar theg pa gsum po dag rab tu shes so// de chos de dag nyan cing 'dzin pa dang mang du byed cing yongs su rtog pa na/ dge ba'i thabs rab tudu shes te/ sangs rgyas dang / chos dang / dge 'dun thams cad la phyag 'tshal lo// 'jig rten gyi khams thams cad du gtogs pa 'das pa dang /
- 310b
'ongs pa dang / da ltar byung ba'i sangs rgyas thams cad dang / chos thams cad dang / dge 'dun thams cad la phyag 'tshal lo zhes dmigs par byed do// de la phyag lan cig btsal ba na/ mtha' yas shing dpag tu med par phyag 'tshal bar bya'o snyam du sems bskyed do// de byang chub tu smon pa na sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// de bzhin du kya su 'gro ba na'ang sems bskyed do/ / de 'gro ba dang / 'greng ba dang / 'dug pa dang / nyal ba dang / khrus byed pa dang / za ba dang / 'thung ba dang / zhing rmed pa dang / sa bon 'debs pa dang las thams cad byed pa na'ang mtha' yas shing dpag tu med par byang chub tu smon lam gdab par bya'o zhes sems bskyed do/ / mang du byed do// snyoms par 'jug pa dang / bsam gtan byed pa na'ang sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya dang / sangs rgyas kyi chos thams cad yongs su rdzogs par bya ba'i phyir/ mtha' yas shing dpag tu med par byang chub tu smon lam gdab bo zhes sems bskyed do// mang du byed do// thams cad
- 311a
mkhyen pa nyid dang / 'jig rten thams cad kyi mchog dang / sems can thams cad gdul ba dang / mtshungs pa med pa dang / mi mnyam pa dang mnyam pa dang / 'jig rten thams/ cad dbugs dbyung ba dang / 'jig rten thams cad yongs su mya ngan las bzla ba dang / yang dag par rdzogs pa'i sangs rgyas dang / sangs rgyas kyi chos thams cad yongs su rdzogs par bya ba'i phyir smon lam gdab bo zhes sems bskyed do/ / mang du byed do// de dge ba gang ci spyod kyang sems can thams cad kyi 'jigs pa med par bya ba dang / ngan 'gro'i rgyud gcod pa dang / sdug bsngal thams cad nye bar zhi bar bya ba dang / nyon mongs pa thams cad nye bar zhi bar bya ba dang / mya ngan las 'das pa thob par bya ba'i phyir yongs su sngo bar byed do// nyan thos kyi theg pa can da ltar byung ba dang / 'ongs pa rnams kyi nyan thos kyi theg pa yongs su rdzogs par bya ba'i phyir yongs su sngo bar byed do// rang sangs rgyas kyi theg pa can da ltar byung ba dang / ma 'ongs pa rnams kyi rang sangs rgyas kyi theg pa yongs su rdzogs par bya ba'i phyir yongs su sngo bar byed do/ / byang chub sems dpa'i theg pa can da ltar byung ba dang / ma 'ongs pa rnams kyi byang chub sems dpa'i theg pa yongs su rdzogs par bya ba'i phyir yod su sngo bar byed do/ / de bzhin gshegs pa 'jig rten gyi khams thams cad du gtogs pa 'das pa dang / ma byon pa dang / da ltar byung ba rnams bskal par bzhugs pa dang / bskal par chos ston
- 311b
pa dang / bskal par dge 'dun mthun par 'gyur bar yongs su sngo bar byed do// mtho ris kyi lam la dkod pa 'am/ nyan thos kyi lam la dgod pa 'am/ rang sangs rgyas kyi lam la dgod pa 'am rdzogs pa'i byang chub kyi lam la dgod pa 'am/ sbyin pa'i rjes su 'jug pa 'am/ snyan par smra bas rjes su 'jug pa 'am/ don spyod pas rjes su 'jug pa'am/ don mthun pas rjes su 'jug pa'am/ ji lta ji ltar gzhan dag dge ba'i phyogs yang dag par skyed cing dge ba'i rtsa ba sogs par 'gyur ba de'ang rab tu shes so// de chos kyi tshig 'di dag la nyin gcig bzhin du dus gsum du 'jug go/ yid la byed do// de 'di lta ste/ 'jig rten dag gi khams rnams thams cad na// yang dag bzhugs pa rdzogs pa'i sangs rgyas dang // chos dang dge 'dun byang chub sems dpa' la/ / gan 'gro mgo bos mtha' yas phyag kyang 'tshal// 'gro ba'i nang na yon tan mnyam med cing // mi mnyam pa yi yon tan 'byung gnas can// yon tan dpag med de dag thams cad la/ / bdag ni mgo bos mtha' yas skyabs su mchi// sangs rgyas dang ni chos dang tshogs rnams dang // byang chub sems dpa' rnams kyis 'jig rten khams// gang yang ngabargya lam stongs par mi 'gyur bar/ / de ltar gsol ba mtha' yas rab tu 'debs// zhi ba'i chos ni rab tu ston mdzad cing // bskal pa ma lus rnams su bzhugs par yang // 'jig rtem pa
- 312a
rnams kun gyi bde gshegs la/ / mgo bos gsol ba mtha' yas rab tu 'debs// sngon dang 'di dang skad cig tsam yang rung // bdag gis sdig pa gang dang kang bgyis pa/ / sdig pa de dag thams cad smad par bgyi// sdig pa thams cad bdag gis spang bar bgyi// skad cig tsam yang bdag gis dge ba 'di// ma lus par ni yang dag gzung bar bgyi/ tshe yis ji tsam thub kyi bar du ni// dge ba kun la gnas par 'gyur bar 'tshal// sangs rgyas dag dang byang chub sems dpa' rnams// byang chub chos kyi 'khor lo rab bskor ba// 'jig rten 'dir ni byung dang byung gyur dang / / 'byung 'gyur rnams kyi dge ba thams cad dang // rgyal ba rnams dang 'phags pa thams cad kyi// tshul khrims dang ni ye shes ting 'dzin dang // rnam grol tshe dang chos rnams gang yin pa/ / de dag 'jig rten rnams la phan gyur cig/ 'gro ba lnga yi sems can thams cad dag/ byung dang byung gyur 'byung bar 'gyur rnams kyi// dge ba dag la bdag ni phyi phyir zhing / / mgo bos mtha' yas rjes su yi rang ngo // yon tan yang dag dge ba mtha' yas pa// de dag thams cad 'gro ba ma lus pas// sems can re re dang ni bdag nyid la'ang // yod par bdag ni smon lam mtha' yas 'debs// bdag gi dge ba dag ni 'das pa dang // ma 'ongs pa dang da ltar thams cad kyis// 'jig rten dag gi khams ni thams cad du//
- 312b
dkon mchog gsum po rtag tu 'byung bar shog/ dkon mchog rnams dang byang chub sems dpa' rnams// bskal par bzhugs pas 'phongs par ma gyur cig/ bar du gcod pa med par byang chub dang / pha rol phyin pa rnams ni rdzogs par shog/ sems can dag ni thams cad bde ba dang // 'jigs pa med cing ngan 'gro 'das pa dang // mi dge thams cad dang ni bral ba dang / dge ba'i rtsa ba thams cad rdzogs gyur cig/ theg pa gsum po dag la ci rigs par// de dag la ni smon lam mthar phyin cing // tshe ring ba dang rnam par grol ba dang // khyad par can gyi don kun rdzogs par shog/ rdzogs pa'i byang chub smon lam 'debs pa na/ mtha' yas dpag tu med par rab tu 'debs// sems can thams cad dag gi sdug bsngal dang // nyon mongs dag ni nye bar zhi gyur cig/ chos dang ldan pa'i bya ba rnams kyi phyir// 'jig rten dag gi khams rnams thams cad kyi// rgyal ba kun dang byang chub sems dpa' la// rang gi lus ni nges par dbul bar bgyi/ / rdzogs pa'i byang chub thob par 'gyur bar du// ma 'ongs pa na smon lam mtha' yas ka dag/ skye dang skye bar dkon mchog gsum po la// bdag ni yongs su spyad pa bgyid par shog/ 'jig rten dag gi khams rnams thams cad kyi// dkon mchog gsum dang byang chub sems dpa' la// nam mkha' mnyam pa'i lha yi spos mchog dang // 'phreng ba mo
- 313a
dog rkun pos mchod byed shog/ lhun mnyam pa'i gser dang das dag dang // gos dang rin po che yi phung po dang // gzhal med 'ang bcus bzhon dang mal chad la bza' ba mtha' yas dag ni sbyin par shog/ 'gro ba'i bsam pa lam gyi rdzogs byed cing // skyabs dang lus dang pha 'drar gyur par shog/ bzod la dga' zhing tshul khrims gtsang ba dang // 'gro la chos ni rab tu sngon gyur cig/ byang chub theg pa mchog ni rnyed pa dang // dkon mchog gsum phyir go cha sra ba bgo/ pha rol phyin pa yongs su rdzogs byed cing // sangs rgyas chos rnams yongs su rdzogs byed shog/ sdig pa kun dang bral zhing lus ngag dang // yid kyi las mtha' dge ba mchog gyur cig/ byang chub las ni mi ldog bdag 'gyur zhing // byang chub dga' dang chub sems dpar gyur/ / srid dang srid par byang chub sems dpa' dang // sangs rgyas rnams kyi dge ba kun la slob// bdag gi chos rnams de dag kun la yang // 'jig rten thams cad rab tu dgod par bgyi/ / de de ltar bdag dang gzhan dag gis dge ba'i rtsa ba bsags pa rab tu shes so// de shes rab de dang ye shes de mngon sum du bya bar 'dod pa dang / yid la bya bar 'dod pa na'ang sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang /
- 313b
sangs rgyas kyi chos thams cad yongs su rdzogs par bya ba'i phyir yongs su sngo bar byed do// mngon sum du byed pa dang / yid la byed pa dang / mngon sum du byas pa dang / yid la byas nas kyang / sems can thams cad bsgral ba dang / sems can thams cad sgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ / gal te shes rab de dang ye shes de la slob pa'i nus pa dang mi ldan par gyur na/ de 'di ltar yang dag par slob ste/ dus dus su 'am/ cung zad cung zad du'ang 'chal pa'i shes rab dang / mi shes pa spang ba dang / dor ba dang / bsal bar rtsol lo// 'bad do// dus dus su 'am/ cung zad cung zad du'ang shes rab dang / ye shes de la slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do// srid pa gzhan du gyur pa na'ang zhum par mi 'gyur zhing sgyid lug par mi 'gyur ro/ / lag bzangs byang chub sems dpa' rnams kyi byang chub du sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub du smon lam 'debs pa gang yin pa de nyid de dag gi shes rab dge ba dang / ye shes dge ba grangs med cing dpag tu med pa yin no// de ci'i phyir zhe na/ 'di lta ste/
- 314a
'jig rten gyi khams thams cad du sems can thams cad la zag pa med pa'i shes rab spyad par 'dod pa dang / mi slob pa'i shes rab skyed par 'dod pa dang / zag pa med pa'i shes rab yang dag par skyed par 'dod pa dang / mi slob pa'i shes rab yang dag par skyed par 'dod pa de ni/ shes rab dge ba dang ye shes dge ba thams cad kyi mchog yin no// de ni dam pa yin pa'i phyir ro/ / lag bzangs de ltar na byang chub sems dpa' bde ba dang ldan la/ yid bde ba dang ldan zhing tshegs chung ngu dang / sdug bsngal chung ngus myur du skyen par shes rab kyi pha rol tu phyin pa yongs su rdzogs par byed do/ / byang chub sems dpa'i pha rol tu phyin pa thams cad yongs su rdzogs pa ni/ myur du bla na med pa yang dag par rdzogs pa'i byang chub mngon par rdzog par 'tshang rgya'o// chos kyi rnam grangs 'di bshad pa na/ lha dang mi'i skye dgu'i sems can grangs med dpag tu med pa dag theg pa gsum dang mtho ris su skye ba'i don byas par gyur to// bcom ldan 'das kyi de skad ces bka' stsal nas/ byang chub sems dpa' sems dpa' chen po lag bzangs dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la mngon por bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las
- 314b
lag bzangs kyis zhus pa'i le'u zhes bya ste/ 'dus pa nyi shu rtsa drug pa rdzogs so// / rgyu gar gyi mkhan po dA na shI la dang / dzi na mi tra dang / zhu chen gyi lo tsa ba ban de la shes sdes bsgyur cing zhus te/ skad gsar bcad kyis kyang bcos nas gtan la phab pa/ bam po gnyis dang sh+lo ka brgya rtsa brgyad// // / rgya gar skad du/ Ar+ya sU ra da pa ri prits+tsha na ma ma hA yA na sU tra/ bod skad du/ 'phags pa des pas zhus pa zhes bya ba theg pa chen po'i mdo// bam po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sum khri nyis stong dag dang thabs cig tu bzhugs te/ 'khor bzhi dang / rgyal po dang / blon po dang / grong rdal gyi mi dang / ljongs kyi mi rnams kyis bkur stir byas/ bla mar byas/ rim gror byas/ mchod par byas so// de'i tshe mnyan yod kyi grong khyer na/ grong khyer gyi mi dbul po nges pa zhes bya ba/ sangs rgyas la dad pa mi phyed pa dang ldan pa/ chos la dad pa mi byed pa dang ldan pa/ dge 'dun la dad pa mi phyed pa dang ldan pa
- 315a
bslab pa'i gzhi lnga yongs su gzung ba/ dge ba bcu'i las kyi lam dang ldan pa/ byams pa la gnas te/ sems can thams cad la sems snyoms pa/ snying rje la gnas te/ yid yongs su skyo ba med pa/ dga' ba la gnas te/ chos kyi kun dga' la dga' zhing mos pa/ gtang snyoms la gnas te/ bde ba dang sdug bsngal gyis mi bskyod pa/ bla na med pa yang dag par rdzogs pa'i byang chub la yang dag par zhugs pa/ sngon gyi tshul phun sum tshogs pa/ thabs la mkhas pas sems can rnams yongs su smin par byed cing / dbul por ming du chags pa zhig gnas te/ lha'i dbang po brgya byin gyis lha'i mig rnam par dag pa mi las 'das pas grong khyer gyi dbul po nges pa shin tu 'dod pa chung ba/ chog shes pa tshul khrims dang brtul zhugs dang ldan pa/ yid la 'khrug pa med pa/ rtag tu bzhin 'dzum pa/ gzhan gyi 'khrul pa dag la skyon du mi lta ba/ sems can thams cad kyi sems srung ba/ brkam pa med pa/ shes bzhin du spyod pa/ chos shes shing dgang sla la gso sla ba/ bsam pa phun sum tshogs pa/ g.yo med pa/ nga rgyal med pa/ bka' blo bde ba/ 'thun par 'dzin pa/ rtag tu gso sbyong gi yan lag brgyad dang ldan pa/ lag na shing lo'i snod thogs pa/ rtswa bting ba la nyal ba/ gos ngan pa gyon pa/ rnyed kyang mi len pa/ bzang yang rung
- 315b
ngan kyang rung bgo bsha' byas nas za ba/ dus gsum du de bzhin gshegs pa la lta ba/ chos nyan par 'dod pa/ gtam sna tshogs byung ba la spobs pa dang ldan pa/ sems can thams cad kyis mthong na dga' ba de mthong ngo / / mthong nas 'di snyam du sems te/ ci grong khyer gyi dbul po 'di yi dam la brtan nam/ mi brtan pa bdag gis brtag go snyam mo/ de nas lha'i dbang po brgya byin gyis mi mang po mngon par sprul nas/ grong khyer gyi dbul po nges pa la tshig ngan pa dag gi gshe zhing spyo bar byed de/ bong ba dang / drabyug pa dang / mtshon cha dag kyang bstan na/ des pa de bzod pa'i stobs kyis dang du len par byed de/ mi 'khrug cing gnod sems mi skyed do// de nas lha'i dbang po brgya byin gyis mi gzhan dag cig/ tu sprul nas nges pa de'i mdun du bzhag ste/ nges pa de la dga' ba'i tshig gis kho bo cag ni khyod kyi don byed par 'dod pa yin gyis/ ji ste khyod 'dod pa lta na/ khyod la sdig pa'i dgra gang yin pa dag kho bo cag gis tshar gcad par bya'o zhes smras so/ / des pas smras pa/ grogs po dag thong / de skad ma zer cig/ gal te mi 'di dag gis kho bo'i lus dum bu brgyar dum bu dum bur gdubs su zin kyang / kho bo ni mi 'di dag la sdig pa'i sems mi spyad de/ grogs po dag 'jig rten dag ni dge ba dang / mi dge ba'i phyogs gnyis la gnas la/ de'i 'gro ba ni gnyis kho na ste/ dge ba
- 316a
phyogs kyi ni bde 'gro'o/ / mi dge ba'i phyogs kyi ni ngan 'gro'o// de bas na kho bo ni sems can pha rol tshig pa za bar byed pa'ang mi 'don na/ gtse ba lta ci smos/ de nas de'i tshe tshogs su bcad pa 'di dag smras so/ / sa bon tsha ba rnams kyi ni// 'bras bu tsha ba skye bar 'gyur// sa bon mngar ba rnams kyi ni// 'bras bu mngar ba skye bar 'gyur// dpe zlar byas pa 'di yis ni/ / sdig pa'i rnam smin tsha ba dang // dkar po'i 'bras bu mngar ba yang // mkhas pa'i mis ni shes par 'gyur// rtag tu lus dang ngag yid kyis// sdig pa rnam gsum mi bya zhing / / gzhan dag byed kyang mkhas pa yis// rjes su dga' bar mi bya'o// lus dang ngag dang yid rnams kyi// dkar po rnam gsum rtag tu bya// gang dag dge ba spyod byed pa// gzhan dag la yang yi rang bya// de nas lha'i dbang po brgya byin gyis dus gzhan zhig na/ nges pa la dbyig dang gser mang po bstan nas 'di skad ces smras so// nges pa'o// ni las khyer la byin pa byin cig/ bsod nams dag gyis shig/ gos dang rgyan dag kyang thogs shig/ khyod ngan cing dbul bas ci zhig bya// des pas smras pa/ grogs po sngon sems can rnams la lus kyis nyes par spyad pa dang / ngag dang yid kyis nyes par spyad pas 'dir dbul po zhes bya bar gyur to// de bas na kho bo ni ma byin par len pa byed par mi 'dod do// brgya byin gyis//
- 316b
smras pa/ nges pa khyod da ltar je bde bar 'tsho bar gyis shig/ 'jig rten pha rol bsam pas khyod la ci zhig bya/ nges pas smras pa/ grogs po gang tshe 'di ched cher 'dzin pa de ni byis pa'i chos yin gyi/ mkhas pa rnams ni tshe phyi mched cher 'dzin to// 'dod pas zil gyis non pa dang / zhe sdang gis zil gyis non pa dang / gti mug gis zil gyis non pa dang / 'dod chags kyis zil gyis non pa dag ni ma byin par len par byed kyi/ mkhas pa dag ni brkam pa ma yin no// sogs 'jog ched cher 'dzin pa dag ni ma byin par len par byed kyi/ mkhas pa dag ni sogs 'jog mi byed do/ / bdag gir 'dzin pa dang bcas pa dag ni ma byin par len par byed kyi/ mkhas pa dag ni bdag tu mi 'dzin cing yongs su 'dzin par mi byed do// lus dang srog la lta ba dag ni ma byin par len par byed kyi/ mkhas pa dag ni lus dang srog la mi lta'o// ngoms mi shes shing chog mi shes pa dag ni ma byin par len par byed kyi/ mkhas pa dag ni ngoms shes shing chog shes pa yin no/ / 'tsho ba yongs su ma dag pa dag ni ma byin par len par byed kyi/ mkhas pa dag ni 'tsho ba yongs su dag pa yin no// las ma mthong ba dag ni ma byin par len par byed kyi/ mkhas pa dag ni las mthong ba yin no/ / rnam par 'tshe ba ched cher 'dzin pa dag ni ma byin par len par byed kyi/ mkhas pa dag ni rnam par mi 'tshe ba ched cher 'dzin to// byams pa'i sems med pa dag/
- 317a
ni ma byin par len par byed kyi/ mkhas pa dag ni byams pa'i sems dang ldan no// phyin ci log bzhis sems bslad pa dag ni ma byin par len par byed kyi// mkhas pa dag ni sems phyin ci ma log pa yin no/ / gzhan yang sem can dbul po gang yin pa de dag kho bos tshigs su bcad pa dag gis bshad kyis nyon cig/ bye ba phrag stong gter yod kyang // gang dag la ni gtong med pa// de dag 'jig rten 'dir dbul zhes// thos mang rnams kyis de skad bshad// gang la zan gcig med zhin du// de ni gtong la rab gnas na// de ni 'jig rten nor che zhes/ / yang dag gzigs pa rnams kyis bshad// gang la sdig med 'phags pa ni// rnam pa kun gyis mdzes pa yin// byis pa sdig pa byed pa ni// shin tu brgyan kyang mdzes ma yin// mkhas pa dag gis spyod bla yi// byis pas bsngags pa de lta min// byis pa sdig pa bsngags par byed// mkhas pa dag ni sdig la smod// de nas lha'i dbang po brgya byin gyis dus gzhan zhig na mi gzhan zhig sprul to/ / de nas mi des gser mang po khyer te/ nges pa la 'di skad ces smras so// kye nges pa gser khyer la kho bo mi gzhan zhig dang rtsod pa de la khyod gcig pus che bzhi bya bar kho bos byas kyis/ der kho bo'i tshe bzhi gyis shig/ nges pas smras pa/ grogs po thong / khyod de skad ma zer cig/ kho bo ni brdzun zer du mi 'dod do// kye grogs po brdzun du smra ni
- 317b
bdag la'ang slu zhing pha rol yang slu la/ 'phags pa'ang slu ba yin te/ grags pa nyams par byed pa dang / yid mi ches pa dang / yid du mi 'ong bar byed pa dang / brnyes par byed pa dang // sems yongs su gdung bar byed pa yin no// kye grogs po brdzun du smra ba ni kha mnam par byed pa dang / lus smad par byed pa dang / lha'i yid du mi 'ong bar byed pa yin no// kye grogs po brdzun du smra ba ni/ dge ba'i rtsa ba rnams la rku ba dang / dran pa zhugs par byed pa dang / mtho ris kyi lam la sgrib pa yin no// kye grogs po brdzun du smra ba ni/ 'phags pa rnams kyis btsan par mi bya ba dang / yang dag par smra ba rnams kyi nang du tshig mi mdzes pa dang / mkhas pa rnams kyis spad pa dang / sdig pa thams cad kyi rtsa ba dang / brtul zhugs yongs su skong ba'i rtsa ba gcod pa dang / ngan 'gro thams cad kyi rtse bar gyur pa yin no// de nas de'i tshe grong khyer gyi dbul po nges pas tshigs su bcad pa 'di dag smras so// brdzun du smra ba'i kha nas ni// rul ba'i dri yang mnam par 'gyur/ / dgon pa ji ltar bcom pa bzhin// sngon gyi dkar rnams spong bar byed// rmongs pas bdag dang lha rnams dang // 'phags rnams yid kyang 'byung bar byed// mi ni gang zhig brdzun zer ba/ / de ni rtag tu dogs par 'gyur// brdzun du smra bar byed pa de// sdig pa kun gyi rtsa ba dang // dka' thub can gyi rtsa bcod dang // ngan 'gror 'gro ba zhes kyang bya// gal te 'dzam
- 318a
gling gang ba yi/ / gser dag khyod kyis byin na yang // kho bos chos ni bsrung ba'i phyir// rtag tu brdzun ni smra mi byed// de nas brgya byin gyis sprul pa'i mis// nges pa brdzun zer du gzhug ma nus nas song ngo // de nas lha'i dbang po brgya byin gyis lha'i bu mo nyi 'od dang / lha ma yin gyi bu mo bde sogs la 'di skad ces smras so// khyad gnyis song la brtul zhugs dang dka' thub byed pa 'di/ ci 'dod pa la longs spyod pa zhig gam// 'o na de 'dod pa don du mi gnyer ba zhig yin pa rtogs shig/ de nas lha ma yin gyi bu mo bde sogs dang / lha'i bu mo nyi 'od nam nangs nas phyogs gang na nges pa 'dug pa'i phyogs der song nas/ des pa la tshig snyan par smras te/ nges pa bzhengs/ bdag cag gnyis ni khyod kyi bsnyen bkur bgyid pa lags so/ / nges pa bdag cag gnyis kyi gzugs phun sum tshogs pa la gzigs/ sha tshugs dang / kha dog dang / dbyibs dang / lus byugs pa dang / rgyu chas dang / lhab lhub dag la gzigs/ na tshod dang po'i lang tsho la bab pa la gzigs/ nges pa khyod kyis bsnyen bkur bgyid pa 'di 'dra ba bdag nyid kyi bsod nams phun sum tshogs pa la gzigs/ nges pas bltas nas smras pa/ khyed gnyis ni sems can dmyal ba dang / dud 'gro'i skye gnas dang / gshin rje'i 'jig rten du zhugs pa rnams kyi bsnyen bkur byed
- 318b
yin gyi/ lha dang mir zhugs pa dag gi ni ma yin no// khyed gnyis kyi lus ni sgyu ma dang rmi lam gyi rang bzhin lta bur kho bos mthong ngo // khyed gnyis kyi gzugs ni lbu ba dang chu bur dang / sdig chu lta bur mthong ngo // khyed tsam dan gyi lde gus byugs pa ni lags pa rlon pa shas yog pa lta bur mthong ngo // khyed kyi rgyan dang lgab lbub ni mig slu ba'i sgyu ma byas pa lta bur mthong ngo / / khyed kyi lang tsho ni mi rtag pa dang 'gyur ba'i chos can du mthong ngo // bsod nams ma yin par mthong ba'i phyir khyed gnyis la kho bo ma chags so// khyed gnyis ni spre'u dang bud med kyi sems lta bur gyur pa rnams kyi bsnyen bkur byed pa yin gyi/ / sems dran pas kun nas srung ba dag gi ni ma yin no// che zhe dag 'dod pa la rten pa ni mi sdug pa'o/ / 'dod pa la rten pa de ni dri nga ba'o// 'dod pa la rten pa ni rul ba'o// 'dod pa la rten pa ni shin tu sdug bsngal ba'o// 'dod pa la rten pa ni bde ba thams cad yongs su 'grib par byed pa'o/ / 'dod pa la rten pa ni sems can dmyal ba dang / dud 'gro'i skye gnas dang / gshin rje'i 'jig rten la rten pa'o// 'dod pa la rten pa ni ngan 'gro na gnas pa'o// 'dod pa la rten pa ni 'thab pa dang / rtsod pa dang / 'gyed pa dag la rten pa'o// 'dod pa la rten pa ni mi mthun pa dang gor na gnas pa'o// 'dod pa la rten pa ni phyin ci log skyed pa'o//
- 319a
'dod pa la rten pa ni sred pa'i bkal nyal la gnas pa'o// 'dod pa la rten pa ni rnam par rmongs shing shin tu rmongs la ku tu rmongs pa'o// 'dod pa la rten pa/ ni nye bar gzir cing rnam par gzir la kun tu gzir ba'o// 'dod pa la rten pa ni kun du gdungs shing rnam par gdungs la yongs su gdungs pa'o// 'dod pa la rten pa ni mi dge ba'i rjes su 'jug cing dge ba yongs su nyams par byed pa'o/ / 'dod pa la rten pa ni mi dge ba'i rtsa ba skyed pa'o// 'dod pa la rten pa ni dge ba'i sprin gyi dra bas kun nas khebs pa'o// 'dod pa la rten pa ni srin mo dang 'dris par byed pa dang / gzugs mi sdug pa dang 'dris par byed pa dang / sha za mo dang 'dris par byed pa'o// 'dod pa la rten pa ni ba glang dang / bong bu dang / khyi dang / phag dang / rnga mo dang / glang po che dang / rta dang / lug dang / wa la rten pa'o// 'dod pa la rten pa ni skyes bu dam pa ma yin pa la rten pa'o// 'dod pa la rten pa ni tshul khrims dang / thos pa dang / gtong ba yongs su 'dor ba la rten pa'o// 'dod pa la rten pa ni brtul zhugs dang dka' thub 'dor ba'o// 'dod pa la rten pa ni shin du bag med pa'o// 'dod pa la rten pa ni nyon mongs pa shin du 'phel bar byed pa'o// 'dod pa la rten pa ni shin tu bar du gcod byed pa'o// de nas de'i tshe grong khyer gyi dbul po nges pas tshigs
- 319b
su bcad pa 'di dag smras so/ / 'dod pa mi rtag rtag tu sdud pa ste// shin du sdug bsngal bde ba 'jig par byed// rtag tu ngan song sa rnams khyim du gyur// sems rmongs gyur pa dag gis rtag du bsten/ / 'thab rtsod can de mi bden mtshang du gyur// rtag tu 'gyed cing mi mthun go rar gnas// 'di dag phyin ci log skyed gzhi yin te// 'dod rten sreng pa 'phel byed bde ba med/ / rnam mongs rab mongs de bzhin kun du rmongs// 'dod rten rtag du gzir cing gnod paste// 'di ni kun gdungs rnam gdungs yongs su gdungs// hrI/ par sbyor zhing dge ba chud gzon pa// 'di ni mi dge kun gyi rtsa ba ste// 'dod rten dper na sprin gyi dra ba 'dra// 'dod rten sha za mo dang srin mo dang // bud med gzugs mi sdug dang 'dris byed bzhin/ / 'di ni ba glang bong bu rta dag dang // phag dang khyi dang wa dang rnga mo dang // glang chen lug rnams kyis kyang rten pa ste// 'dod pa skyes bu dam pa rnams kyis spangs// 'dod rten tshul khrims thos dang gdong ba dang / / dkar thub brtul zhugs rnams ni 'joms pa ste// 'di la rtag tu bag med nyes pa 'phel// de phyir thar 'dod rtag tu bud med spong // gal te 'jig rten 'di dag khyed 'dra ba'i/ / mdangs ldan gzugs can dag gis gang gyur kyang // yon tan gnas pa kho bo'i sems gcig kyang // 'dod chag la ni rnams kyang rton mi 'gyur//
- 320a
de nas lha ma yin gyi bu mo bde sogs dang / lha'i bu mo nyi 'od song nas/ lha'i dbang po brgya byin la tshigs su bcad de smras pa// des ni 'di na bud med rnams kyi skyon yang dag/ gang la de dag shin tu mthong bar dogs ma mchis// ji ltar de yi sems ni yul las log gyur pa// de ltar 'dod pa rnams la sems ni chags ma mchis// de nas lha'i dbang po brgya byin grong khyer gyi dbul po nges pa'i thad du song nas tshigs su bcad de smras pa/ ci zhig don gnyer nges pa chos spyod pa// brtul zhugs de ni spyod pa rnam dag smros/ / 'di yis nyi zla 'am yang na dbang po 'am// tshangs pa'am lha rgyal ci zhig khyod slong byed// nges pas smras pa/ nyi ma zla ba de bzhin brgya byin dang // tshangs pa'ang rgyal po'am 'di na gzhan dag kyang / / 'gro ba rgya chen gang yod de dag kun// gar byed lta bzhin mi rtag mi brtan na// mkhas pa su zhig de la dga' bar byed// gang la skye med na mang 'chi ba med/ / sdug dang mi sdug rnams dang phrad pa'ang med// 'gro ba grol mdzad sangs rgyas 'gyur bya zhes// de thob bya phyir sems kyi spyod pa nges// brgya byin gyis spras pa/ phan byed khyod kyi tshig la rjes su yi rang ste// khyod kyis smon lam bdab pa legs par grub gyur cig/ bdud rnams sder bcas myur du nges par bcom nas ni// shAkya seng
- 320b
rgyal ltar byang chub thob gyur ci/ de nas grong khyer gyi dbul po nges pas dus gzhan zhig na nor bu rin po che rin thang med pa zhig rnyed nas/ de 'di snyam du sems te/ nor bu rin po che 'dzam bu'i gling na mchog du gyur pa 'di bdag gis mnyan yod 'di na thams cad kyi nang na dbul po gang yin pa de la sbyin kor ma chag go snyam nas de grong bar du song ste/ thams cad kyi nang na dbul po su yin pa de la rin po che 'di sbyin no zhes sgra bsgrags pa dang / dbul po mgon med pa phal po che der 'dus te/ bdag cag dbul po yin gyis/ bdag cag la byin cig ces 'dzer to/ / nges pas smras pa/ khyed ni dbul po ma yin gyi/ mnyan yod 'di na ches dbul po gzhan zhig yod kyi/ de la sbyin no// de dag gis smras pa/ gang yin/ des pas smras pa/ rgyal po gsal rgyal 'di yin no// de dag gis smras pa/ khyod de skad ma zer zhig/ rgyal po gsal rgyal ni phyug cing nor mang la longs spyod che ba yin gyi// bdag cag ni dbul zhing mgon med pa yin no// des pas smras pa/ nor mang gis ni ci zhig bya// rgya mtsho la ni rlung rnams bzhin// gang dag la ni chog med pa// ma bsdam de dag dbul po yin/ / gang dag 'dod pa rab 'phel zhing // yang yid ni skye 'gyur ba// rmongs pa de dag tshe 'di dang // pha rol tu yang dbul por 'gyur// de nas
- 321a
grong khyer gyi dbul po nges pa skye bo phal po che de dag gis yongs su bskor cing nor bu rin po che de khyer nas/ rgyal po gsal rgyal gyi don bya ba'i sa ga la ba der song ngo / / de'i tshe rgyal po gsal rgyal gyis kyang tshong dpon dang / khyim bdag rigs dang ldan pa'i mchog lnga brgya tsam zhig g.yon chung ngu'i phyir bdog pa thams cad phrog pa so// grong khyer gyi dbul po nges pas nor bu rin po che de rgyal po la phul te/ rgyal po chen po nor bu rin po che rin thang ma mchis pa 'dzam bu gling thams cad rib bdag gis rnyed pa 'di bdag gis 'di snyam du bsams te/ mnyan yod 'di na thams cad kyi nang na dbul po gang lags pa de la stsal to snyam mo// de la bdag gis 'di snyam du bsams te/ khyod ni 'di na thams cad kyi nang na dbul po lags so snyam bgyid kyis/ kye nor bu rin po che 'di bzhes su gsol/ de nas rgyal po gsal rgyal yul yul por gyur cing ngo tsha bar gyur nas/ grong khyer gyi dbul po nges pa la 'di skad ces smras so// nges pa cing khyod pas kyang ches dbul lam/ nges pas smras pa/ lha de lta lags te bdag pas ches khyod dbul lags so/ / rgyal pos smras pa/ rnam grangs gang gis dbul/ nges pas tshigs su bcad de smras pa/ gang gis 'dod pa rab mang rnam par 'phel zhing long/
- 321b
spyod dag gis chog ma 'tshal// gnod pa bgyid pa'i slad du rgyal srid 'khrug cing bdag nyid kyang ni 'dor bgyid pa// de ni 'di ni 'jig rten mi srung yon tan chung ngu dag la mchog tu 'dzin// de phyir 'di na de la rtag tu chos 'dod rnams ni dbul po lags par sems// gang zhig byams pa rab tu bsgoms te sems can rnams la tha ba ma mchis shing // rtag par rgyun du ngan ngon tsam gyis chog/ par 'dzin cing 'dod pa ma mchis la// nyam thag mthong na rtag tu snying rje bgyid cing shar gnyer bgyid pa ma mchis pa// de ni phyug cing nor bzang shin tu nor che dad pa la sogs longs spyod gnas// gang zhig 'gro ba 'di na dbang phyug rgya chen ldan la chos srung mi bgyid dang // gang zhig 'di na skye bo dman zhing sdug bsngal gzir ba bzung nas chad pas gcod// gang zhig chung ma dag gis mdun bltas dga' zhing 'jig rten pha rol mi lta ba/ / de ni chos srung mi bgyid shin tu dbul zhing dman pa'i mi zhes rig par bgyid// dad pas bsams pa dri ma med cing rab brtan tshul khrims dgal yang dgu gnas/ / rtag tu ngom shes shing khrel yod zos pa 'dzin te gtong la dga' ba dang // shes rab kyi ni mthar phyin tho thos ldan zhing 'jig rten kun la lnga brgyad pa/ dag rtag tu mi dbul thob cing chos 'dod rnams kyis mchod par 'os pa lags// gang dag longs spyod rnams la rab chags bde la dga' zhing gtong bam mchis la// lus dang srogs
- 322a
la snying por 'dzin cing rtag par snying po don du mi gnyer dang / / gang dag glang chen myos pa lta bur rtag tu yid myos rnam par rgyu ba dang // lhan cig gang dag dran pa mchis de dag dbul ba nyid ni thob pa lags/ / gang dag dkon mchog gsum po dri ma med la gus pa shin tu che ba dang // lus dang srog dang nor rnams las ni rtag tu snying po sgrub pa'i mkhas pa dag/ rtag tu mi brkam sdang bar mi bgyid glan pa ma lags rab tu rgyags ma mchis// lha gcig gang dag chos kyis brgyan pa de dag nor che skyes bu dam pa lags// lha gcig ma ni rtag tu nags kyi sman spun skam po bsregs pas chog ma 'tshal/ / lha gcig 'di na rgya mtsho chu klung rnams kyi chu 'dzin pas kyang chog ma 'tshal// 'di na nyi ma zla ba 'di dag mkha' la mthar gyis rgyu bas chog ma 'tshal/ / rgyal po brkam phyir rtag tu longs spyod dag gis chog mi mkhyen pas rlag par 'gyur// zhugs ni gum par gyur pas rtswa mang dag gis slar yang 'bar bar yongs mi bgyid/ / de bzhin mkhas pas shes rab chog par mi 'dzin nyon mongs rnams kyis 'bar mi bgyid// chu yi thigs pa bzhin du rgyal srid dag kyang mi brtag 'jig par rab phyogs na// gnod pa'i rtsa bar gyur cing dge ba 'joms pa'i rgyal srid de ni su zhig 'tshal/ de nas rgyal po gsal rgyal sems 'khrugs nas/ grong khyer gyi dngul po nges pa la 'di
- 322b
skad ces smras so/ / nges pa de ltar nga ni dbul la/ khyod ni phyug par khyod la dbang su yod/ nges pas smras pa/ lha de bzhin gshegs pa dgra bcom pa yang dag par rdzogs pa'i sangs rgyas mnyan yod 'di nyid na bzhugs pa khyod kyis ma gsan tam/ rgyal pos smras pa/ ngas mthong yang mthong ngo // nges pas smras pa/ lha de ni lha dang bcas pa'i 'jig rten gyi mig tu gyur cing tshad mar gyur pa ste/ de ni bdag gi dpang lags so// rgyal pos smras pa/ song la de bzhin gshegs pa de spyan drongs shig dang / des ji skad du lung bstan pa de bzhin du ngas gzung bar bya'o/ / nges pas smras pa/ ston pa de la ngan bu 'am// pho nya gzhan gtang 'os ma lags// 'dir ni bdag gis bsam bgyis na// de mkhyen nas ni gshegs par 'gyur/ / 'jig rten 'di'am pha rol la// de ni mi mkhyen cang mi mnga'// thugs kyis bsam pa mkhyen nas kyang // 'dren pa de ni gshegs par 'gyur// sems can rnams la thugs brtse bas// de la nga rgyal skyo mi mnga'// sems can rnams la legs dgongs pas// shin rab tu'ang gshegs 'gyur gyis// rgyal chen bdag gis gsol pa la/ / da ni legs par thugs ches mdzod// gang gis ston pa 'dir gshegs pa'i// bden pa'i byin brlab bgyi bar 'tshal// me tog spos dang me tog 'phreng // rgyal mtshan
- 323a
gdugs dang byug pa dang / / sil snyan sta gon mdzod cig dang // 'dren pa de ni gshegs par 'gyur// des pas thal mo sbyar nas kyang // phrag pa gcig tu gos gzar 'dug/ pus mo sa la btsugs byas nas// 'di skad du ni tshig kyang smras// kun mkhyen bden pa gang gis su// bdag gi bsam pa mkhyen ce na// bden pa'i tshig ni 'di nyid kyir/ / thub pa bdag gi mdun du bzhugs// de nas tshig 'di smras nas kyang // sa ni rab tu g.yos par gyur// sa gzhi rnam par brtol nas ni// de bzhin gshegs pa byung bar gyur/ / rdzu 'phrul dag dang ldan pa yi// nyan thos lnga brgyas yongs su bskor// brgya phrag bcu gnyis snyed dag gi/ byang chub sems dpa' rnams dang ni/ skyong ba dang ni lha klu dang // brgya byin tshangs pas mdun gyis bsdus// de 'dra'i rdzu 'phrul mthong nas ni// de tshe 'jig rten ngo mtshar 'dzin// rgyal po dpung bcas blon po bcas/ / ston pa'i zhabs la 'dud par byed// der ni srog chags stong dag gis// ston pa la ni mchod pa byas// rdzogs pa'i sangs rgyas mchod byas nas// byang chub don du yid btud do/ / de nas grong khyer gyi dbul po nges pas/ bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba
- 323b
byas te/ 'di skad ces gsol to// bcom ldan 'das bdag mnyan yod 'di ni 'khyam zhing mchis mchis pa las/ nor bu rin po che rin thang ma mchis pa zhig rnyed nas de la bdag 'di snyam bgyid de/ mnyan yod 'di na thams cad kyi nang na dbul po gang lags pa de la stsal to snyam nas/ de la bdag 'di snyam bgyid de/ rgyal po gsal rgyal 'di ni thams cad kyi nang na ches dbul ba ste/ 'di ni pha rol gyi nor 'phrog par bgyid pas na/ ngoms ma 'tshal ba lags so// slar zhing don du gnyer bar bgyid pas na chog ma 'tshal ba lags so/ / gzhan gyi longs spyod dag gis ngoms ma 'tshal ba lags so// sdug bsngal ba rnams la rnam par mtho 'tsham pa lags so// skyid pa rnams thal mar 'byin pa lags so/ / dbul po rnams rab tu phung bar bgyid pa lags so// phyug po rnams tshar gcod pa lags so// shin du rab tu myos pa lags so// rgyal po'i longs spyod rnams dang sred pas rnam par bcings pa lags so snyam nas/ de la bdag gis stsal na len par mi bgyid par 'di skad du de ltar nga ni dngul la/ khyod ni 'byor par khyod la dbang su yod ces kyang mchi'o/ / de'i slad du bcom ldan 'das sems can thams cad la thugs snyoms pa/ ngo zlog gi spyod pa mi mnga' ba/ tha ba dang
- 324a
dri ma dang / khong khro ba mi mnga' ba/ bcom ldan 'das kyis don 'di legs par lung bstan par gsol/ bcom ldan 'das kyis bka' stsal pa/ rgyal po chen po khyod ni tshe 'di'i rgyal srid kyi dbang phyug gi longs spyod gser dang / nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang / dngul dang / rta dang / glang po che dang / shing rta dang / dpung bu chung dang / bzhon pa dang / mdzod dang / bang mdzod thob pa gang yin pa 'di dag gis bdag phyug go snyam du sems so/ / rgyal po chen po nges pa ni sbyin pa dang / dul ba dang / legs par sdom pa dang / bzod pa dang / nges pa dang / tshul khrims dang / brtul zhugs dang bka' thub dang / bag yod pa dang / sbyangs pa'i yon tan dang / yo byad bsnyungs pa la gnas pa dang byams pa dang / snying rje dang / dga' ba dang / bta ma la gnas pa dang / sangs rgyas dang / chos dang / dge 'dun la dang ba dang / dad pa dang / tshul khrims dang / thos pa dang / gtong ba dang / shes rab dang / ngo tsha shes pa dang / khrel yod pa dang / brtan pa dang / sdom pa gang yin pa de dag gis bdag phyug go snyam du sems so// rgyal po chen po khyod kyi 'og tu gtogs pa'i sems can ji
- 324b
snyed pa de dag 'di ltar khyod dang 'dra bar nor dang ldan par gyur kyang / de dag ni nges pas gom pa 'dun bor ba'i bar gyi tshul khrims dang / thos pa dang / brtul zhugs dang / dka' thub dang / bag yod pa'i bsod nams kyi phung po'i brgya'i char yang mi phod pa nas/ dpe'i bar du'ang mi bzod do// gsal rgyal gyis gsol pa/ bcom ldan 'das bdag gi yul na sems can yon tan gyi che ba nyid 'di lta bu dang ldan pa dag gnas pa ni/ bdag gis rnyed pa legs par rnyed lags so// bcom ldan 'das kyis bka' stsal pa/ rgyal po chen po khyod kyi yul na sems can yon tan gyi che ba nyid 'di lta bu dang ldan pa dag mang du gnas so// de nas rgyal po gsal rgyal gyis nges pa la tshigs su bcad de smras pa/ khyod kyis glengs pas kho bo'i nga rgyal nges bcom phyir// nges pa khyod ni kho bo'i ston pa gnyis pa ste// rgyal srid 'di kun khyod sbyin kho dpung dang bcas/ / khyod kyi slob ma yin gyis khyod kyis bdag slobs shika/ kho bo yun ring dag tu nga rgyal gyis kyang bsdus// sdig pa'i grogs po dag gis bskor cing bzung ba las nges pa khyod nyid las ni chos 'di thos pas na/ / rab tu bsdams te kho bos chos bzhin spyad par bya// khyim na gnas pa brgya phrag lnga po 'di dag ni// nor gyi ched du kho bos go ra
- 325a
bcug pa ste/ / kho bos thams cad gtang gis bde bar 'khod par gyis// phyin chad 'di 'dra ba dag kho bos yongs mi byed// lnga brgya btang bar gyur pa gang yin de dag kyang / / nges pa la ni zhes legs par bskyed nas kyang // sems ni skyo bar gyur kyang ci la'ang mi lta bar// bde ba thams cad mkhyen pa nyid du smon lam btab// nga ni dbul po ma yin/ khyod ni dbul po zhes// des pa khyod kyis tshig 'di legs par smras pa ste// nges pa la ni gang zhig dbul po zhes brjod pa// mi de rgyal po'i khrims dang 'gal bar byed pa yin// de nas bcom ldan 'das la/ rigs kyi bu des pas 'di skad ces gsol to// bcom ldan 'das skye bo'i tshogs chen po 'dus pa 'di ni bcom ldan 'das la blta bas chog ma 'tshal ba lags na/ bcom ldan 'das de'i slad du ci nas 'di dag gis de bzhin gshegs pa mthong ba don mchis par gyur pa de lta de ltar 'di dag la legs par chos bstan du gsol/ bcom ldan 'das kyis bka' stsal pa/ nges pa rigs kyi bu chos bzhi dang ldan na/ de bzhin gshegs pa legs par mthong ba yin no// bzhi gang zhe na/ yid ches pa dang / dad pa dang / 'phangs par 'dzin pa dang / gus pa ste/ chos bzhi po de dag dang ldan na/ de bzhin gshegs pa legs par mthong ba yin no// gzhan yang bzhi ste/ de bzhin gshegs pa'i gzugs kyi sku
- 325b
mthong na/ bdag kyang 'di 'dra bar gyur cig ces bla na med pa yang dag par rdzogs pa'i byang chub tu sems skyed pa dang / de bzhin gshegs pa ni slu bar mi mdzad pa'i phyir lhag pa'i bsam pa yongs su dag par sems skyed pa dang / sems can thams cad rton cing cher na rab tu grol bar bya ba'i phyir yang sems skyed pa dang / dkon mchog gsum gyi gdung mi 'chad par bya ba'i phyir dam pa'i chos yongs su bzung bar yang sems de skyed pa ste/ bzhi po de dag dang ldan na/ de bzhin gshegs pa legs par mthong ba yin no// gzhan yang bzhi ste/ gzugs dben par mthong ba dang / tshor ba dang / 'du shes dang / 'du byed dang / rnam par shes pa dben par mthong ba dang / khams bzhi nam mkha' dang 'dra bar mthong ba dang / skye mched grong stong pa lta bur mthong ba ste/ bzhi po de dag dang ldan na/ de bzhin gshegs pa legs par mthong ba yin no// gzhan yang bzhi ste/ bdag med pa'i phyir bdag rnam par dag pa dang / sems can med pa'i phyir sems can rnam par dag pa dang / srog med pa'i phyir srog rnam par dag pa dang / gang zag med pa'i phyir gang zag rnam par dag pa ste/ bzhi po de dag dang ldan na/ de bzhin gshegs pa legs par mthong ba yin no// gzhan yang bzhi ste/ lha'i mig mngon par 'du byed pa med pa dang / shes
- 326a
rab kyi mig kun tu spyod pa dang / chos kyi mig gis so sor rtog pa dang / sangs rgyas kyi spyan rjes su rtogs par byed pa ste/ bzhi po de dag dang ldan na// de bzhin/ gshegs pa legs par mthong ba yin no// gzhan yang bzhi ste/ mi dmigs pa'i phyir tshul khrims kyi phung po yongs su dag pa dang / chos thams cad mnyam pa nyid kyi phyir ding nge 'dzin gyi phung po yongs su dag pa dang / 'jig rten las 'das pa'i ye shes khong du chud pa'i phyir shes rab kyi phu po yongs su dag pa dang / de'i rnam par grol ba mthong ba'i phyir rnam par grol ba'i ye shes mthong ba'i phung po yongs su dag pa ste/ nges pa rigs kyi bu chos bzhi po de dag dang ldan na/ de bzhin gshegs pa legs par mthong ba yin no// de nas bcom ldan 'das kyis skye bo'i tshogs chen po de dag chos kyi gtam gyis yang dag par dka' bar mdzad nas/ ngang pa'i rgyal po ltar 'khor dang bcas te bar snang la gshegs so/ de nas ko sa la'i rgyal po gsal rgyal gyis/ rigs kyi bu des pa la 'di skad ces smras so// nges pa khyod nam de bzhin gshegs pa la ltar 'gro ba de'i tshe kho bo la'ang sbron cig dang / kho bo'ang de bzhin gshegs pa la ltar 'gro'o// nges pas smras pa/ rgyal po chen po de ltar 'gyi'o// bdag ni khyod bud med dang / gzhon nu dang / blon po la
- 326b
sogs pa'i 'khor dang bcas te/ de bzhin gshegs pa gzigs su gshegs par 'tshal lo// rgyal po chen po byang chub sems dpa' rnams ni bdag gcig pu la phan pa'i phyir/ zhugs pa ma lags te/ byang chub sems dpa' rnams ni 'khor phal chen mdzes so// rgyal pos smras pa/ nges pa byang chub sems dpa'i 'khor gang yin/ nges pas smras pa/ rgyal po chen po yongs su smin par bgyi ba dang / gdul ba'i slad du sems can thams cad ni byang chub sems dpa'i 'khor lags so// rgyal po chen po gzhan yang theg pa gzhan la 'dod pa ma mchis pa'i slad du/ gzhan dag kyang byang chub yang dag par 'dzin du 'jug pa'i byang chub kyi sems ni byang chub sems dpa'i 'khor lags so/ / rgyal po chen po sems can g.yon can 'dul bar 'gyur ba'i lhag pa'i bsam pa ni byang chub sems dpa'i 'khor lags so// rgyal po chen po phyir mi ldog par 'gyur ba'i 'dun pa drag po ni byang chub sems dpa'i 'khor lags so/ / rgyal po chen po sems can ser sna can yongs su smin par bgyis par 'gyur ba'i sbyin pa ni byang chub sems dpa'i 'khor lags so/ / rgyal po chen po sems can tshul khrims 'chal pa yongs su smin par bgyid par 'gyur ba'i tshul khrims ni byang chub sems dpa'i 'khor lags so// rgyal po chen
- 327a
po sems can gnod sems can yongs su smin par bgyid par 'gyur ba'i bzod pa ni byang chub sems dpa'i 'khor lags so/ / rgyal po chen po sems can la lo can yongs su smin par bgyid par 'gyur ba'i brtson 'grus ni byang chub sems dpa'i 'khor lags so/ / rgyal po chen po sems can sems rnam par g.yengs pa yongs su smin par bgyid par 'gyur ba'i bsam gtan ni byang chub sems dpa'i 'khor lags so/ / rgyal po chen po sems can 'chal pa'i shes rab can yongs su smin par bgyid par 'gyur ba'i shes rab ni byang chub sems dpa'i 'khor lags so/ / rgyal po chen po sems can thams cad la sems snyoms pa'i byams pa ni byang chub sems dpa'i 'khor lags so// rgyal po chen po 'khor ba la yongs su mi skyo ba'i snying rje ni byang chub sems dpa'i 'khor lags so/ / rgyal po chen po chos kyi kun dka' la dga' zhing mos pa'i dga' ba ni byang chub sems dpa'i 'khor lags so// rgyal po chen po rjes chags pa dang / khong khro ba spong ba'i btang snyoms ni byang chub sems dpa'i 'khor lags so// rgyal po chen po sems can thams cad yongs su smin par bgyid par 'gyur ba'i bsdu ba'i dngos po bzhi po dag ni byang chub sems dpa'i 'khor lags so/ / rgyal po chen po sangs rgyas kyi zhing yongs su dag par bgyid par 'gyur ba'i dge ba'i rtsa ba rnam pa sna tshogs sogs pa ni byang chub
- 327b
sems dpa'i 'khor lags so/ / rgyal po chen po bdud kyi las thams cad las yang dag par 'dal bar 'gyur ba'i stong pa nyid dang / mtshan ma med pa dang / smon pa med pa rnams ni byang chub sems dpa'i 'khor lags so/ / rgyal po chen po tshig btsun par 'gyur ba'i bden pa dang / mi rtsub pa ni byang chub sems dpa'i 'khor lags so// rgyal po chen po spobs pa phun sum tshogs par 'gyur ba'i mi 'phya ba dang / 'thing slad mi bgyid pa ni byang chub sems dpa'i 'khor lags so// rgyal po chen po brjed ngas par mi 'gyur ba'i thos ba'i yo byad sogs pa ni byang chub sems dpa'i 'khor lags so/ / rgyal po chen po thos pa 'dzin par 'gyur pa'i slad du slob dpon dang mkhan po la gus pa ni byang chub sems dpa'i 'khor lags so/ / rgyal po chen po dam pa'i chos yongs su 'dzin par 'gyur ba'i thos pa 'dzin pa ni byang chub sems dpa'i 'khor lags so// rgyal po chen po de bzhin gshegs pa tham cad kyi bstan pa yang dag par 'dzin par 'gyur ba'i dam pa'i chos yongs su 'dzin pa ni byang chub sems dpa'i 'khor lags so/ / rgyal po chen po dge ba'i rtsa ba thams cad yongs su rdzogs par 'gyur ba'i dgon pa la gnas pa ni byang chub sems dpa'i 'khor lags so/ / rgyal po chen po sems can ma dad pa dang bar 'gyur ba'i 'tsho ba yongs su dag pa ni byang chub sems dpa'
- 328a
'khor lags so/ / rgyal po chen po byang chub kyi phyogs kyi chos sgrub par 'gyur ba'i bag yod pa ni byang chu sems dpa'i 'khor lags so// de nas rgyal po gsal rgyal dka' zhing mgu la yi rangs te/ rab tu dga' zhing dga' ba dang yid bde ba skyed nas/ rgyal po la 'os pa'i ras bcos bu zung stong chos la dgab pa'i phyir des pa la byin no/ / des pas smras pa/ rgyal po chen po bdag la bkur sti dang mchod pa mdzad pas 'tshal to// gang gis bdag 'tshal bar 'gyur ba'i gos ras rul ba'i dum bu brgya btsems pa bdag la mchis kyis/ bdag ni bdag gir 'dzin pa dang bcas shing yongs su 'dzin pa dang bcas pa'i gos rnams mi 'tshal lo// rgyal po chen po dpyid kyi dus na ras rus ba'i dum bu'i gos 'di shing gi yal ga la bkal te dgung gcig gam/ dgung gnyis sam/ dgung bcu'am/ dgung brgyar mchis kyang / de la su'ang len pa ma mchis shing / de la su chags pa'i sems skyed pa ma mchis te/ bdag kyang dbor nas mi lta bar mchi ba'i dus de mchis so// rgyal po chen po bdag ni bdag gir 'dzin pa dang / yongs su 'dzin pa dang bcas pa'i gos rnams mi 'tshal lo/ / rgyal po chen po byang chub sems dpas ni gang la bdag nyid kyang 'dod pa spong bar 'gyur zhing / gzhan yang 'dod pa'i sems skyed par mi 'gyur ba de lta bu'i gos
- 328b
bcang bar bgyi'o/ / rgyal pos smras pa/ des pa gal te de ltar ras bcos bu zung 'di dag khyod mi len na kho bo la snying brtse ba'i phyir rkang pas rdzis shig/ nges pas lha de bzhin du bgyi'o zhes smras nas/ ras bcos bu zung de dag la rkang pas brdzis te song ngo // rgyal pos smras pa/ nges pa ras bcos bu zung khyod kyi rkang pa'i sman mar gyur pa 'di rnams ji ltar bya nges pas smras pa/ rgyal po chen po sems can dbul po gcer bu gos ma mchis pa gang lags pa de dag la stsol cig/ rgyal pos nges pa de ltar bya'o zhes smras nas/ rgyal po'i mi rnams la bsgo ste/ de dag gis kyang ji skad bsgo ba bzhin du byas so// ras bcos bu zung de dag dbul po de dag gis bgos ma thag tu 'di snyam du sems bskyed de/ bdag cag gis nges pa la ji ltar lan blan par bya snyam pa las/ sangs rgyas kyi byin gyi rlabs dang / dri ba'i smon lam gyi stobs kyis/ de dag gis bar snang las tshigs su bcad pa 'di dag thos so/ / 'dod pa bzhin du lan ni bla na bya ba// me tog dang ni spos dang byug pa dang // zas skom nor rnams kyis kyang mi nus te// byang chub sems kyis nges pa dga' bar 'gyur nges pa gos dang zas 'dod ma yin te/ / rnyed dang bkur sti grags pa 'dod ma yin// nges pa byang chub sems las chos 'dod de// byang chub sem gyis nges pa dga' ba ste/
- 329a
de nas dus gzhan zhig na rigs kyi bu des pa dang / rgyal po gsal rgyal btsun mo'i 'khor dang bcas/ blon po dang bcas/ 'khor dang bcas pa dang / mdzan yod kyi skyes pa dang / bud med dang / khye'u dang / bu mo dang / srog chags brgya phrag mang po dag/ bcom ldan 'das blta ba'i phyir dong ngo // de nas mnyan yod dang rgyal bu rgyal byed kyi tshal gyi bar du lha'i dbang po brgya byin gyis 'khor gyi khyams chen po bkra ba/ blta na sdug pa/ yangs shing mtho la rgyan thams cad kyis brgyan pa/ 'di lta ste/ dper na sum cu rtsa gsum pa'i lha rnams kyi khang bzangs rnam par rgyal ba lta bu zhig sprul te/ dbus su shing yongs 'dus brtol sprul to// yongs 'du sa brtol gyi drung du'ang / bcom ldan 'das kyi gdan seng ge'i khri bkra ba blta na sdug cing chu zheng gab pa la/ lha'i ras bcos bu brgya stong du ma bting ba mngon par sprul to// byang chub sems dpa' rnams kyi stan drug khri dag kyang mngon par sprul to/ / lha ma yin gyi bu mo bde sogs la sogs pa lha'i bu mo khri nyis stong yang me tog dang / bdug pa dang / spos dang / me tog 'phreng dang / byugs pa dang / lha'i tsan dan gyi phyen dag khyer nas sil snyan dang lag rtob pa dag byed cing / nges pa'i g.yog bya ba'i phyir/ bcom ldan 'das kyi seng ge'i khri brgyan par byed do// de nas bcom ldan 'das kyis skye
- 329b
bo'i tshogs chen po de dag 'ong bar thugs su chud nas/ gtsug lag khang nas byung ste/ byang chub sems dpa' dang nyan thos rnams kyis yongs su bskor cing gdan bshabs pa la bzhugs so// de nas dri za'i bu gtsug phud lnga pas lha'i bu mo nyi 'od la smras pa/ bzang mo tshur shog nges pa'i g.yog bya ba'i phyir rgyud kyi skra dang klu'i sgra dbyangs kyis de bzhin gshesas pa la mchod par bya'o/ / de nas lha'i bu mo nyi 'od kyi lha'i bu mo lnga brgya tsam dang thabs cig tu rgyud kyi skar sbyar ba'i tshigs su bcas pa dag gis bstod pa/ khyod kyis bskal pa brgyar ni sngan chad dka' thub spyad/ / khyod ni bsdu ba dag dang dul dang sbyin la dgyes// khyod kyi sku gsung thugs rnams yongs su dag pa ste// srid gsum 'jig rten bla ma la ni bdag phyag 'tshal// khyod ni tha ba mi mnga' bzod dang byams la dgyes/ / khyod ni brtson 'grus brtan dang stobs kyis pha rol gshegs// khyod ni bsam gtan blo dang tshul rnams snang la dgyes// dri ma gsum gyi nyes pa sel la bdag phyag 'tshal/ / khyod ni 'dod chags zhe sdang gti mug sel la dgyes// khyod kyi thugs ni zhi zhing snyoms la thugs rjer ldan// khyod ni yang dag gsung zhing dam pa'i don yang mkhyen/ / srid pa gsum po thar par mdzad la bdag phyag 'tshal// khyod ni mthong ba rnams kyi the tsom sel bar mdzad// khyod ni mthong ba rnams kyi skyon rnams mtha' dag sel// khyod
- 330a
ni mthong ba rnams la mchog tu dka' bar mdzad/ / bdag ni rgyal la srog gis skyabs su mchi bar bgyi// lha yi bu mo mchog ni 'dod chags chags gyur pa// gang gis mthong ba de yang chos la dga' bar 'gyur/ / dga' bas dran pa shin tu rgya chen thob 'gyur te// dga' bas sdug la 'dod pa'i dga' dang bral bar 'gyur// mtshan mchog sum cuH gnyis dag gi rgyan rnams kyis/ / legs par brgyan pa gsal ba'i yon tan mchog mnga' ba// gsung mchog mi yi dam pa gsung ni rnam par dka/ mtshungs pa med pa'i 'od mnga' khyod la bdag phyag 'tshal/ / 'phags pa 'dzam bu'i chu bo'i gsar mdog phyag mthil sdug/ thub pa'i sku stod seng ge'i 'dra zhing glang chen stabs// sprin tshugs legs shing shang legs tshems snyoms thags bzang mdzes/ / dpal gyi snying po shAkya thub mchog khyod la 'dud// rgyal ba yon ngan brgya phrag dag gis rgyas gyur pa// bde gshegs shin tu dga' bskyed mdzad bstod pa yi/ / bsod nams yon tan mtha' yas bsgrub pa gang lags pa// de yis 'dir ni 'jig rten sangs rgyas mnyam gyur cig/ de nas rigs kyi bu res pab skye bo'i tshogs chen po de dag gis yongs su bskor nas/ bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'dug
- 330b
go/ de nas rgyal po gsal rgyal gyis/ rigs kyi bu nges pa la khri'u stan bzang po bdag nyid kyis byin te/ 'di la 'dug cig ces byas nas/ rigs kyi bu des pa khri'u stan bzang de la 'dug go/ / rgyal po gsal rgyal 'khor dang bcas pa'ang / bcom ldan 'das kyi zhabs la mgo bos phyag 'tshal nas rang rang gi stan la 'khod do// de na rigs kyi bu gang dag gis nges pa sngon ma mthong ba de dag 'di skad du dbul po gos ngan pa gyon pa 'di la 'di lta bur mchod pa byed do zhes 'dzer to/ / de nas lha'i dbang po brgya byin gyis/ lha'i bu de dag la 'di skad ces smras so/ / grogs po dag 'di la brnyas par ma byed cig/ rigs kyi bu 'di yon tan gyi che ba nyid ji snyed pa dang ldan pa de ni kho bo'i mngon sum du gyur to// grogs po dag khyed zhig sdod cig dang / rigs kyi bu 'di'i yon tan gyi bkod pa mthong bar 'gyur ro// de nas rigs kyi bu nges pas/ lha'i bu de dag gi bsam pa rtogs nas/ bcom ldan 'das la 'di skad ces gsol to/ / byang chub sems dpa' rnams kyi sems can yongs su smin par bgyi ba'i bkod pa'i thabs dang / ye shes kyi bkod pa'i thabs bcom ldan 'das kyis bshad du gsol/ de nas bcom ldan 'das kyis sku las 'od phyung ste/ 'od de nges pa'i lus la reg nas/ lha'i dbang po brgya byin gyi gzugs kyi lus yongs su grub
- 331a
pa ci 'dra ba de las 'bum gyur pas kyang ces lhag par gyur to/ / de nas sgra'i bu de dag ya mtshan du 'dzin par gyur te/ nges pa la me tog dag gis gdor to// de nas bcom ldan 'das kyis/ rigs kyis bu nges pa la bka' stsal pa/ nges pa gang gi tshe byang chub sems dpa' rdo rje lta bu'i mthu la gnas pa'i tshe 'ang / sems can yongs su smin par bya ba'i phyir dman par ston cing dman pa'i mthu la gnas kyang / sems can yongs su smin par bya ba'i phyir mchog tu ston par byed pa 'di ni de'i kod pa yin no// ye shes la gnas kyang mi shes par ston cing / mi shes par ston kyang shes par snang ba 'di ni de'i bkod pa yin no// ye shes ma thob pa rnams la'ang lus kyi spyod pa dang / spyod lam gyis dad pa skyed par byed cing / ye shes thob pa rnams la'ang spyod pa thams cad yang dag par ston pas/ rdzu 'phrul ston par byed pa 'di ni de'i bkod pa yin no// rtag tu sems la dbang byed pas ngan cing dbul bar ston kyang / tshangs pas kyang mchod pa dang / mchog gi bkod pa la gnas kyang skye bo phal gyis kyang mchod pa 'di ni de'i bkod pa yin no// sems can bsdu ba'i phyir ngan cing dbul bar yang ge bar sngon la/ sems can rnams la mngon par 'byung ba bskyed pa'i phyir longs spyod rgya chen po dang ldan yang mngon par 'byung bsngon
- 331b
pa 'di ni de'i bkod pa yin no/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das rigs kyi bu nges pas rdza srid cig nas byang chub kyi phyir spyad pa bgyis lags/ bcom ldan 'das kyis bka' stsal pa/ kun dga' bo rigs kyi bu nges pa ni sangs rgyas bye ba mang po la bsnyen bkur byas pa/ sngon gyi tshul phun sum tshogs pa/ bzod pa gsum thob pa/ spobs pa thob pa/ mngon par shes pas rnam par rtse bar byas pa/ sems can yong su smin par bya ba la mkhas pa ste/ ngan cing dbul bas sems can rnams 'dul bar byed do// gsol pa/ bcom ldan 'das 'dis ngan cing dbul ba 'dis sems can ji skad cig btul lags/ bcom ldan 'das kyis bka' sprul pa/ kun dga' bo lha'i bu 'bum phrag mang po dag bla na med pa yang dag par rdzogs pa'i byang chub tu yongs su smin par byas te/ mi rnams kyang de dang 'dra'o// kun dka' bos gsol pa bcom ldan 'das ji srid cig na ni bla na med pa yang dag par rdzogs pa'i byang chub mngon par rdzogs par 'chang rgya bar 'gyur/ 'di'i sangs rgyas kyi zhing gi bkod pa rnams ni ci 'dra ba zhig tu 'gyur/ ni ji skad ces bgyi bzhig tu 'gyur lags/ de nas bcom ldan 'das kyis/ tshe dang ldan pa kun dga' bo la tshigs su bcad de bka' stsal pa/ sems camangon la brtson dang 'artul
- 332a
zhugs brtan pa dang / zags pa rgya chen dag gi bsam pa khyab byas dang // byang chub yon tan gnas pa'i spyod pa ci 'dra ba// ngas ni khyod la bshad kyis kun dag khyod nyon cig/ 'di na rgyal la mchod mchog phyir ni gus byed cing // dam pa'i chos ni bsrung phyir rab tu brtson byed pa// nges pa yi ni spyod pa'i rnam pa gang yin pa// de dag 'dir ni bgrang bar nus par mi 'gyur ro/ / pha rol phyin pa 'di dag la ni legs par bslabs// mngon par shes pa dag gis sngan chad rtse bar byas// tshangs pa'i gnas rnams kyi ni mtha' mar phyin par song // thabs pa mkhas pa'i spyod pa dag la legs par bslabs/ / 'dir ni de yis 'dus byas skyon rnams legs par mthong // sangs rgyas byang chub kyang ni mngon sum gyur par byas// 'dis ni sems can rdza lha ji ltar thar gyur pa'i/ / rnam par smin pa'i mtshan nyid la yang legs par bslabs// 'jigs pa med cing blo dang rtogs dang dran dang ldan// spobs pa dang ni gzungs rnams dang yang ldan pa ste/ bdud kyi lcags rgya nyon mongs rdzab las nges byung zhing // sangs rgyas spyod yul don chen la ni rab tu gnas// 'jig rten chos rnams mang po dag gis ma gos la// chags pa la sogs rnams kyis brag ltar yongs mi g.yos/ / su yi drung du mi 'gro ring du byed pa'ang min// nam mkha' lta bur bcings dang grol ba med pa yin// snyi rjes gnas shing sems can yongs su skyo ba med
- 332b
shin du bsdams shing nes nur can la byams sems ldan/ / sems can kun la bdag dang 'dra bar sdug par lta// skyon la mi lta 'khrul pa dag dang ldan pa yin// ji ltar bstan pa bzhin du bsgrub pa rnams la gnas/ / 'di ni ji skad sba ba bzhin du spyod pa byed// chos nyid la ni chos kyis tshul gyis legs par bslabs// stong pa nyid la mos shing gnyis las rnam par grol// brjod pa gsum thob skye ba'i spyod yul ma yin te/ / sangs rgyas tshul dang yon tan dag la rab tu gnas// 'di ni 'jig rten gang du rgyu ba byed pa na// der ni kye bo mang po rnam par grol bar byed// sangs rgyas kyi ni sras 'di gang du gnas pa der/ / de bzhin gshegs pas yul ni stongs pa ma yin te// de la lha dang bcas pa'i 'jig rten ma lus pas// ji ltar sangs rgyas bzhin du 'di la gus par gyis// nga ni mya ngan 'das nas nyams pa'i dus bab tshe// nges pa 'di ni sangs rgyas spyod pa spyad nas kyang // sngon chad gnas pa mngon par dga' ba'i 'jig rten khams// mi 'khrugs 'jig rten nyid du phyir yang 'gro bar 'gyur/ / brtan po srog chags rnams la phan par bya ba dang // zhing gi 'byor pa dag ni yongs su btsal ba dang // byang chuchu ni sems can yongs su smin bya'i phyir// bskal pa grangs med gsum du spyod pa spyod par byed/ / de yi 'og tu de ni skyob pa rgyal bar 'gyur// ming ni 'jig rten rgyal po dbang phyug ces kyang bya// de bzhin gshegs pa mi 'khrugs pa zhes bya ba yi// zhing dang '
- 333a
jig rten du ni mtshungs pa yin/ / 'jig rten khams de legs par sprul pa zhes bya ste// yon tan thams cad dang ni ldan par 'gyur ba yin// da mi tsha mi tshad ni lo khrir thub par 'gyur/ / de yi dge 'dun shin tu mang ste bgrang las 'das// nyan thos theg pa can gyi dge 'dun nyung bar 'gyur// phal cher byang chub don du brtson pa byas nas su// de dag thams cad ye shes stobs dang rdzu 'phrul ldan/ / rnam par thar pa rnams dang ldan zhing 'jigs pa med// gcig tu nges par chos ni legs par bshad rnams kyis// 'jig rten khams der rtag tu sgra chen bsgrags par 'gyur/ / de na bdud rnams med cing srid par chags pa med// de dag thams cad yang dag rig cing rnam par dag/ bde bar gshegs de yongs su mya ngan 'das gyur nas// lo ni brgyad cu dag las bzhi lhag rnams su yang / / de yid dam pa'i chos ni rab tu spyod par 'gyur// de tshe de yi chos kyi tshul ni 'khrugs pa med// des pa de yis gang dag yongs su smin byas pa// de dag byang chub bla na med ba'i don du spyod/ / shing der sems can gang dga' byung bar 'gyur ba rnams// de dag thams cad skyon rnams dang ni bral ba yin/ bcom ldan 'das kyis rigs kyi bu des pa'i lung bstan pa bshang ma thag tu/ de nas de'i tshe stong gsum rgya stong chen po'i 'jig rten gyi khams rnam pa drug tu g.yos te/ lha'i me tog dang / phye ma dang / gos dang / rgyan gyi char yang mngon par bab bo// thams
- 333b
cad dang ldan pa'i 'khor gyis kyang rang rang ni thos rnams rigs kyi bu ngas pa la bkang bo/ / tshong dpon dang / khyim bdag dang / bras ze brgya phrag mang po dag kyang rab tu byung / de nas bcom ldan 'das la/ nges pas 'di skad ces gsol to// bdag kyang legs par gsungs pa'i chos 'dul ba la rab tu dbyung bar gsol/ de nas bcom ldan 'das kyis rigs kyi bu des pa'i mgo bo la phyag gis byugs so/ / bcom ldan 'das kyis rigs kyi bu des pa'i mgo bo la reg ma thag tu/ gos ngur smrig bgro shing dge slong du snang bar gyur to// de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo snyigs ma lnga po dus kyi snyigs ma dang / sems can gyi snyigs ma dang / zhing gi snyigs ma dang tshe'i snyigs ma dang / nyon mongs pa'i snyigs pa'i dus su nga byang chub mngon par rdzogs par sangs rgyas nas/ der nges pas ji ltar 'dul ba las rnam pa gzhan gyis gdul bar mi bya'o// kun dga' bo nga ni 'jig rten gyi khams mi mjed du sangs rgyas kyi 'dul bas sems can rnams 'dul bar mi byed kyi/ kun dga' bo nga ni ngan cing dbul ba dang / ngan 'gro'i 'jigs pas bsdigs pas sems can rnams 'dul bar byed do/ / kun dka' bo gal te 'jig rten gyi khams 'dir ngas sangs rgyas kyi yul gyis chos bstan cing / sangs rgyas kyi yul nye bar brtan
- 334a
du zin na/ sems can gcig kyang 'dul bar mi 'gyur la/ chos kyang rtogs par mi 'gyur ro// kun dga' bo de lta bas na/ nga dang nges pa ji ltar 'dul bar byed pa de bzhin du khyod kyis kyang sems can gdul bar gyis shig/ kun dga' bo sems can dad pa can dang rtog pa mang ba dag 'byung bar 'gyur te/ de dag gis chos kyi rnam grangs 'di thos na dad pa rnyed cing de bzhin du sgrub par 'gyur ro/ / bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' des bdang byang chub sems dpa' de dag dang / dge slong de dag dang / lha'i dbang po brgya byin dang / rgyal po gsal rgyal dang / lha dang / mi dang / lha ma yin dang / dri zar bcas pa'i 'jin rten yi rang te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'phags pa des pas zhus pa'i le'u zhes bya ste/ 'dus pa nyi shu rtsa bdun pa rdzogs so// / rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban de ye shes sde la sog bas bsgyur ci zhus te gtan la phab pa'o/ / / rgya gar skad du/ Ar+ya bI ra dad ta pa ri pri tsA nA ma ma hA yAn pU tra/ bod skad du/ 'phags pa
- 334b
dpa' sbyin gyis zhus pa zhes bya ba theg pa chen po'i mdo/ bam po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ba ra na/ dge slong stong nyis brgya lnga bcu'i dge slong gi dge 'dun chen po tham cad kyang dgra bcom pa/ zad pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cing shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par / grol ba/ sems kyi dbang thams cad kyi dam pa'i pha rol tu son pa/ mngon par shes pa/ mngon par shes pa sha stag ste/ gang zag gcig ma gtog pa ni/ 'di lta ste/ tshe dang ldan pa kun dga' bo'o/ / byang chub sems dpa' lnga brgya thams cad kyang gzungs thob pa/ ting nge 'dzin thob pa sha stag dang thabs cig tu bzhugs te/ de'i tshe grong khyer chen po ma mod na/ khyim bdag dbar sbyin zhes bya ba phrug pa/ nor cheb/ bdag dbang ba mnga'/ nor dang yo byad mang ba/ nor dang / 'bru dang / mdzod dang / bang ba'i tshogs mang ba/
- 335a
glang po che dang / rta dang / rnga mo dang / ra lug dang / ba glang mngab/ bran po dang / bran mo dang / las byed pa dang / zho shas 'tsho ba mang ba/ dbyig dang / gser dang / nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang / dngul mang 'a zhig gnas pa de/ khyim bdag lnga brgya tsam dang lhan ci tu 'dus te 'dug par gyur to/ / de dag 'dus te 'khod pa'i tshe/ bar skabs su 'di lta bu'i gtam brjod de/ kye grogs po dag sangs rgyas 'byung ba rnyed par dka'/ mir skye ba rnyed bar dka'/ dal ba phun sum tshogs pa rnyed par dka'/ de bzhin gshegs pa'i bstan pa la dad pa rnyed par dka'/ rab tu 'byung ba rnyed par dka'/ dge slong gi dngos po rnyed par dka' nan tan byed pa rnyed par dka'/ sems can gang dag byas pa gzo zhing / byas pa shes la/ gang dag byas pa chung ngu'ang chud mi gzon na/ mang po lta ci smos te/ de dag rnyed par dka'/ bas kyang sems can gang dag de bzhin gshegs pa'i bstan pa la yid ches pa de dag ches rnyed par dka'/ de bas kyang sems can gang dag de bzhin gshegs pa'i bstan pa la yid ches nas/ nan tan gyis sgrub pa ches rnyed par dka'/ de bas kyang sems can gang dag de bzhin gshegs pa'i bstan pa la mdzes pa de dag ches rnyed par dka'/ 'khor ba la grol ba rnyed par dka' na/
- 335b
bdag cag nyan thos kyi theg pas yongs su mya ngan las bzla bar bya ba 'am/ 'on te rang sangs rgyas kyi theg pas sam/ 'on te theg pa chen po bla na med pas yongs su mya ngan las bzla bar bya zhes 'thun par 'dus te/ 'khod pa de dag thams cad de lta bu'i dpyod pa skyes nas/ bdag cag theg pa chen po bla na med pas yongs su mya ngan las zla bar bya ba ni mchog yin gyi/ nyan thos kyi theg pas ni ma yin/ rang sangs rgyas kyi theg pas ni ma yin no snyam mo// de nas khyim bdag dpa' sbyin/ khyim bdag lnga brgya tsam de dag gis yongs su bskor cing mdun du bdar te/ lhan cig tu grong khyer chen po mnyan yod nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do// de nas bcom ldan 'das kyis mkhyen bzhin du/ khyim bdag dpa' sbyin dang / khyim bdag lnga brgya tsam de dag la bka' stsal pa/ khyim bdag rnams khyed don gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi thad du lhags/ de nas khyim bdag dpa' sbyin dang / khyim bdag lnga brgya tsam de dag stan
- 336a
las langs te/ bra gos phrag pa gcig tu gabar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar/ ba btud nas/ bcom ldan 'das la 'di skad ces gsol to// bcom ldan 'das dus gcig cig na/ bdag cag khyim bdag lnga brgya tsam gcig tu 'dus te mchis par gyur nas/ de'i tshe bdag cag 'dus te mchis pa thams cad bar skabs su 'di lta bu'i bka' mchod brjod pa de byung ste/ kye grogs po dag sangs rgyas 'byung ba rnyeng par dka'/ mir skye ba rnyed par dka'/ dal ba phun sum tshogs pa rnyed par dka'/ de bzhin gshegs pa'i bstan pa la dad pa rnyed par dka'/ rab tu 'byung ba rnyed par dka'/ dge slong gi dngos po rnyed bar dka'/ nan tan byed pa rnyed par dka'/ sems can gang dag byas pa gzo zhing byas pa shes la/ gang dag byas pa chung ngu'ang chud mi gson na/ mang po lta ci smos te/ dag rnyed par dka'/ de bas kyang sems can gang dag de bzhin gshegs pa'i bstan pa la yid ches pa de dag ches rnyed par dka'// de bas kyang sems can gang dag de bzhin gshegs pa'i bstan pa kha yid ches nas/ nan tan gyis sgrub pa de dag ches rnyed par dka'/ de bas kyang sems can gang dag de bzhin gshegs pa'i bstan pa la mdzes pa de dag ches rnyed par dka'/ 'khor ba las/
- 336b
grol ba rnyed par dka' na/ ci bdag cag nyan thos kyi theg pas yongs su mya ngan las bzla bar bya 'am/ 'on te rang sangs rgyas kyi theg pas sam/ 'on te theg pa chen po bla na med pas yongs su mya ngan las bzla bar bya zhes mchid bgyis so/ / bcom ldan 'das de'i tshe/ bdag cag thams cad 'di lta bu'i rtog pa skyes te/ bdag cag theg pa chen po bla na med pas yod su mya ngan las bzla bar bya ba ni mchog lags kyi nyan thos kyi theg pas ni ma lags/ rang sangs rgyas kyi theg pas ni ma lags pa snyam bgyid de/ bcom ldan 'das bdag cag chos kyi skyes 'di dang chas te/ de bzhin gshegs pa dgra bcom pa yang dag par rdzogs pa'i sangs rgyas kyi thad du mchis na/ bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji ltar bslab par bgyi/ bde bar gshegs pa ji ltar bslab par bgyi/ ji ltar gnas par bgyi/ ji ltar bsgrub/ par bgyi/ de nas bcom ldan 'das kyis/ khyim bdag dpa' sbyin dang / khyim bdag lnga brgya tsam de dag la legs so zhes bya ba byin te/ khyim bdag rnams legs so la so/ / khyim bdag rnams khyed 'di ltar bla na med pa yang dag par rdzogs pa'i byang chub tu yang dag par zhugs nas/ de bzhin gshegs pa dgra bcom pa yang dag par rdzogs pa'i sangs rgyas/
- 337a
kyi thad du lhags pa khyed yang legs so// khyim bdag rnams de'i phyir legs par rab tu nyon la yid zu bzhig dang / byang chu sems dpa' sems dpa' chen pos na med pa yang dag par rdzogs pa'i byang chub mngon par rdzogs par 'tshang rgya bar 'dod pas ji ltar bslab par bya ba dang / ji ltar gnas par bya ba dang / ji ltar bsgrub par bya ba ngas khyed la bshad do/ / bcom ldan 'das de bzhin no zhes gsol te/ khyim bdag dpa' sbyin dang / khyim bdag lnga brgya tsam de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ / khyim bdag 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ sems can thams cad la snying rje chen po'i sems bskyed par bya/ kun du bstan par bya/ nges par bsten par bya/ bsgom par bya/ mang du bya'o// khyim bdag rnams byang chub sems dpa' sems dpa' chen po des lus la chags par mi bya/ srog la chags par mi bya/ de bzhin du nor dang / 'bru dang / khyim dang / chung ma dang bu dang / bu mo rnams la chags par mo bya/ bza' ba dang / bzung ba dang / bgo ba dang / bzhon pa dang / mal cha dang / me tog dang / bdug pa dang / spos dang / drug
- 337b
dang 'phreng ba rnams la chags par mi bya/ yo byad thams cad la chags par mi bya'o// de ci'i phyir zhe na/ khyim bdag rnams sems can dag ni bal cher lus dang srog la chags par gyur nas/ sdig pa'i las rnams byed de/ de dag sdig pa'i las byas shing bsags pa des ngan song ngan 'gro log par ltung ba sems can dmyal ba rnams su skye'o// sems can thams cad la snying rje chen po'i sems bskyed de/ lus dang srog la ma chags par byas na bde 'gro rnams su skye'o// khyim bdag rnams de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ sems can thams cad la snying rje chen po'i sems bskyed de lus la chags par mi bya/ srog la chags par mi bya/ de bzhin du nor dang / 'bru dang / khyim dang / chung ma dang / bu dang / bu mo rnams la chags par mi bya/ bza' ba dang / btung ba dang / bgo ba dang / bzhon pa dang mal cha dang / me tog dang / bdug pa dang / spos dang / 'phreng ba dang / byug pa rnams la chags par mi bya/ yo byad thams cad la chags par mi bya/ bdog pa thams cad yongs su gtang bar yongs su gtang ba mang ba dang / rnam par smin pa la re ba med par bya/ tshul khrims rnam pa gsum yongs su dag par tshul khrims kyi sdom pa la gnas par bya/ sems can thams cad kyis nyes
- 338a
pa byas pa la dza mi snyam par 'bod pa dang / des pa phun sum tshogs par bya/ lus dang thog la mi lta bar 'artson 'grus kyig chachen po mgo par bya/ rnam par mi gas ba'i sems rtse gcig du bya/ bdag dang / sems can dang / srog dang / gso ba dang skyes bu dang / gang zag dang / shed las skyes pa dang / shed bur lta ba dang bral bar shes rab kyis rnam par dpyad pa la mkhas par bya/ des sbyin pa sbyin pa na/ sems can thams cad yid la byas te/ sbyin pa sbyin par bya/ sems can thams cad yid la byas te/ tshul khrim bsrung bar bya/ sems can thams cad yid la byas te/ bzod pa bsgom par bya/ sems can thams cad yid la byas te/ brtson 'grus brtsam par bya/ sems can thams cad yid la byas te/ bsam gtan la mnyam par gzhag par bya/ sems can thams cad yid la byas te/ shes rab bsgom par bya/ sems can thams cad yid la byas te/ thabs la mkhas pa la bslab par bya'o// de nas khyim bdag dpa' byin dang / khyim bdag lnga brgya tsam de dag gis/ bcom ldan 'das la 'di skad ces gsol to/ / bcom ldan 'das bdag cag ni lus la lta zhing gnas pa lags srog la lta zhing gnas pa lags/ de bzhin du nor dang / 'bru dang / khyim dang /
- 338b
chungam dang / bu dang / bu mo rnams la lta zhing gnas pa lags/ bza' ba dang / btung ba dang / bgo ba dang / bzhon pa dang / mal cha dang / me tog dang / spos dang / bdug pa dang / 'phreng ba dang / byug pa rnams la lta zhing gnas pa lags/ yo byad thams cad la lta zhing gnas pa lags na/ bcom ldan 'das ji ltar byang chub sems dpa' so sor rtog cing lus la mi lta ba lags/ bde bar gshegs pa ji ltar srog la mi lta ba lags/ de bzhin du nor dang / 'bru dang / khyim dang / chung ma dang / bu dang bu mo rnams la mi lta ba lags/ bza' ba dang / btung ba dang / bgo ba dang / bzhon pa dang / mal cha dang / me tog dang / bdug pa dang / spos dang / 'phreng ba dang / byug pa rnams la mi lta ba lags/ yo byad thams cad la mi lta ba lags/ de nas bcom ldan 'das kyis/ khyim bdag dpa' byin dang / khyim bdag lnga brgya tsam de dag la 'di skad ces bka' stsal to/ / khyim bdag rnams 'di la byang chub sems dpa' sems dpa' chen pos lus 'di la rnam pa du mar so sor brtag par bya'o// rnam pa du ma gang zhe na/ 'dra lta ste/ lus 'di mthar gyis grub pa dang / mthar gyis 'jig pa dang / rdul phra rab bsags pa dang / khong stong dang / kye gu can dang / bu ga dgu dang / spu'i khung bu nas zag pa dang /
- 339a
grog mkhar ltar sbrul gdug pa'i gnas su gyur pa dang / sbrul gdug pa ltar byas pa mi gzo ba dang / ma skyes dgra'i spre'u ltar grogs la 'khu ba dang / bshes gnyen ngan pa ltar 'drid pa'i bdag nyid can dang / lbu ba rdos pa ltar rang bzhin gyis nyam chung ba dang / chu'i chu bur ltar byung nas 'jug cing 'ju ba dang / smig rgyu ltar slu ba'i bdag nyid can dang / chu shing ltar bshig na snying po med pa dang / sgyu ma ltar slu ba'i bdag nyid can dang / rgyal po ltar bsgo brag mang ba dang / dgra ltar glags lta ba dang / rkun po ltar yid/ brtan du mi rung ba dang / shed ma ltar rjes su chags pa med pa dang / mi mdza' ba ltar mi phan par 'dod pa dang / gsod pa ltar shes rab kyi srog gi bar chad byed pa dang / byir rgol ba ltar dge ba'i phyogs kyi chos kyi bar chad byed pa dang / grong stong ltar bdag dang bral ba dang / rdza mkhan gyi snod ltar mthar 'jig pa dang / rngang ltar mi gtsang ba sna tshogs kyis yongs su gang ba dang / spang ma'i snod ltar mi gtsang ba zag pa dang / sbrul dang / mi dang / khyi ro ltar dri tshi zhim pa dang / ngan thugs kyi khung ltar mi gtsang ba'i 'byung gnas dang / ma ltar baspyod kyi/ bzod pa dang / zug su ltar gnod pa'i bdag gi can dang / rdo bo sdang ba ltar bstan par dka' ba dang / khang rnying ltar bcos legs byas shing brten pa dang / zla rnyib ltar bcom /
- 339b
bya zhing spyad pa dang / bum pa so ma gtang ba ltar nan tan gyis bag bya dgos pa dang / grogs po mi bsrun pa ltar rtag tu rjes su bsrung dgos pa dang / chu 'gram gyi shing ltar g.yo zhing 'gul pab dang / chu klung chen po'i rgyun ltar mthar 'chi ba'i rgya mtsho la thug pa dang / glo bur ba'i khyim ltar sdug bsngal thams cad kyi gnas su gyur pa dang / 'gron po med pa'i gnas khang ltar yongs su bzung ba med pa dang / btson srungs ltar gsug gis bsgrub par bya ba dang / mtha' 'khob kyi grong khyer ltar rtag tu gnod pa 'byung ba dang / bye ma'i grong khyer ltar rtag tu 'jig pa'i bdag nyid can dang / me ltar chog mi shes pa dang / rgya mtsho ltar dag pa dka' ba dang / sbrul gyi gze ba ltar nan tan gyis bag bya ba dang / byis pa chung ngu ltar rtag tu yongs su bskyang dgos pa dang / snod chag pa ltar rtag tu bag bya dgos pa dang / yul ngan pa ltar rtag tu gnod pa 'byung ba dang / zas dug can ltar rtag tu yongs su spang bar bya ba dang / re zhig dgos pa'i phyir snod brnyan ma lta bu dang / khur bkur ba'i shing rta lta bu yin pa 'ba' zhig tu blos bzung bar bya'o// khyim bdag rnams gzhan yang byang chub sems dpa' lus 'di thog ma dang tha ma'i rgyu la po sor brtag par bya'o/ / pha ma'i khu chu dang khrag 'dus pa las 'byung ste/ 'di la khu chu dang khrag ni lus kyi thog ma'i rgyu yin no// tha ma'i rgyu ni zas 'dzub la sogs pa ste/ kham gyis bca
- 340a
pa'i zas zos ma mag du bad kun gyi gnas su 'gro'o/ / ba kun gyi gnas su byin nus/ bad kun gyis rgyab chung por byas te shin du mi gtsang bar 'gyur ro// / 'og tu mkhris pa'i gnas su 'gro ste/ ma khris pa'i gnas su phyin nas zhu zhing srur por 'gyur te/ rlung gi gnas bsu 'gro'o// khu ste rlung gi gnas su byin nas rlung gis tshogs ma logs shig/ dang ma logs shig tu rnam par 'byed de/ tshigs ma las ni gcin dang ngan skyugs la sogs te dri ma rnams 'byung // dngas ma las ni khrag tu 'gyur te/ khrag las sha'o// sha las zil lo/ / tshil las rus pa'o// rus pa las rkang ngo // rkang las khu chu'o// khu chu las lus 'di lta ste/ de ltar thog ma dang tha ma'i rgyu mi gtsang ba'i phyir lus mi gtsang bar byang chub sems dpas bsam par bya'o/ / lus la mi gtsang bar lta ba na/ byang chub sems dpa' 'di snyam du bsam par bya ste/ lus shes bya ba 'di ni rus pa sum brgya drug cus khog pa bslang ba/ shing ngan pa'i khyim ltar tshigs sum brgyas sbyar ba/ rtsa'i dra ba bzhi brgyas glags pa/ sha spa ma tshad lnga brgyas g.yogs pa/ sdom rtsa drug gis lebs pa/ rtsa bdun brgyas gang ba/ rgyus pa bdun brgyas spel ba/ chu ba bcu drug gis brtan pa/ chu ba gnyis kyis khyab par dkris pa/ rgyu ma 'dom phyed dang bzhis nang rol byas la/ long ka dang / pho ba dang 'brel pa'i mnye ma ri pa cu drug tu 'khyim pa
- 340b
bran nyis stong lnga brgyas skar khung byas pa/ gshis brgya rtsa bdun gyis sdod chag pa ltar shi ka shig por gyur pa/ spu'i khung bu bye ba brgya stong phrag brgyad cus rtsa ltar khebs pa/ dbang po lnga ga dgu yod pa/ gnas bdun dang ldan pa/ mi gtsang bas yongs su gang ba/ klad pa snyim pa gang dang / tshil snyim pa gang dang / zhag snyim pa gsum dang / bad kan snyim pa drug dang / mkhris pa snyim pa drug dang / rlu gi mtha' dag drangs pa dang / khrag bre gang dang / ngan skyugs phul gang dang / de dag thams cad kyis bang ba bar chad can ltar so sor yongs su gang ba/ pags pa rim pa bdun gyis kun nas bskor ba/ ro bro ba drug gis gso ba lus kyi me la ngan spyug kyi sbyin sreg byed pa/ rtag tu mthar 'dzag pa/ lus kyi yan lag de dag thams cad kyis blta na mi sdug pa/ dri nga ba nag gi rang bzhin yin na/ 'di la su zhig gus par byed de/ skad cig dgos pa'i phyir sdod brnyan ma tsam du zad pa dang / khur bskur ba'i phyir shing rta lta bu 'ba' zhig yin par chos kyi blos gzung bar bya'o// de la 'di skad ces bya ste/ 'di ltar mi gtsang phung po'i lus la ni// gzugs mngon nga rgyal can gang gus byed pa// byis pa'i blo can de ni mngon bzhin du// mi shes ngan spyugs bum pa thogs shing 'gro/ / de yi sna nas rnag gi rnam pa 'dzag/ kha nas dri mi zhim pa rtag tu 'byung // mi sdug chags shing skye bo'i srin bu can// de la su zhig chags shing gus par byed// dper na byis
- 341a
@pha sol ma thogs nas su/ / 'di ni dkar po bya zhes padar byad kya // dkar pa'i dadzem par mi 'gyur zad par 'gyur// byas zla rgyan rgya mnag brgyal can// de ltar mi gang gtsang sbra'i blo gros can/ / nga yis lus 'di gtsang mar bya zhes te// bskus phyir 'bab stegs brgyar ni khrus byas kyang // 'chi bdag dbang gis zad 'gyur gtsang mi 'gyur// de nas bcom ldan 'das kyis yang / khyim bdag dpa' byin dang / khyim bdag lnga brgya tsam de dag la bka' stsal pa/ khyim bdag rnams 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rnam pa bzhi bcu rtsa bzhis lus la brtag par bya ste/ rnam pa bzhi bcu rtsa bzhi gang zhe na/ 'di lta ste/ khyim bdag rnams 'di la byang chub sems dpa' sems dpa' chen pos/ lus yid du mi 'ong ba dang / rang bzhin gyis mi mthun pa ste/ smad par brtag par bya/ byang chub sems dpas lus rnag zag pa ste/ dri mi zhim par brtag par bya/ byang chub sems dpas lus tha mar 'jig pa ste/ snying po med par brtag par bya/ byang chub sems dpas lus rgyus pa'i 'og res spel ba ste/ nyam chung bar brtag par bya ba byang chub sems dpas lus mi gtsang ba zag pa ste/ mi gtsang bar brtag par bya/ byang chub sems dpas lus
- 341b
yang dag pa ma yin pa ste/ sgyu ma lta bur brtag par bya/ byang chub sems dpas lus skye bo mi mkhas pa byis pa so so'i skye bo rnams 'khrul par byed par brtag par bya/ byang chub sems dpas lus 'jig pa dang / bu ga dgu'i sgo nas 'dzag par brtag par bya/ byang chub sems dpas lus 'dod chags kyi mes kun tu 'bar bar brtag par bya/ byang chub sems dpas lus zhe sdang gi mas tshig par brtag par bya/ byang chub sems dpas lus gti mug gi mes me lce gcig tu gyur par brtag par bya/ byang chub sems dpas lus 'dod chag dang / zhe sdang dang / gti mug rnams kyis ldongs par brtag par bya/ byang chub sems dpas lus 'dod chags kyi dra bas khebs shing sred pa'i dra bar chud par brtag par bya/ byang chub sems dpas lus kun nas bu gas yongs su gang bas/ bu ka'i gnas su brtag par bya/ byang chub sems dpas lus nad bcu rtsa bzhis gtses par brtag par bya/ byang chub sems dpa lus srin bu'i rigs brgyad khri bzhi stong gi gnas su brtag par bya/ byang chub sems dpas lus 'chi ba'i chos nyid yin pas mi rtag par brtag par bya/ byang chub sems dpas lus chos la rmongs bas lams po yin par brtag par bya/ byang chub sems dalas lus mthar gyis grub ci tha mar 'jig pas bum pa lta bur brtag par bya/ byang chub sems dpas lus mya ngan gyi gnod pa mang po sa gang
- 342a
nyam thag par brtag par bya/ byang chub sems dpas lus mthar na shir 'gyur bas rtog pa med par brtag par bya/ byang chub sems dpa' lus ka so dang spu'i nye bar spyod pa dag gis blags par brtag par bya/ byang chub sems dpas lus dgang dka' bas sa'i gting lta bur brtag par bya/ byang chub sems dpas lus dga' ba'i gzugs dang bde ba'i gzugs la zhen pas me lta bur brtag par bya/ byang chub sems dpas lus 'dod pa'i yon tan lnga po dag gis chog mi shes par brtag par bya/ byang chub sems dpas lus rjes su chags pa dang khong khro ba dag gis 'jom par brtag par bya/ byang chub sems dpas lus bsti stang dang gnod pa myong bas mi brtan par brtag par bya/ byang chub sems dpas lus chu klung gi rgyun bzhin du gzhan dang gzhan 'byung ba rkyen gzhan dang gzhan du brtag par bya/ byang chub sems dpas lus tshul bzhin ma yin pa rnam pa sna tshogs yid la byed pa'i rnam par rtog pa dag gis yid kyis sems pa yin par brtag par bya/ byang chub sems dpas lus tha mar dur khrod la thug pas byas pa mi gzo bar brtag par bya/ byang chub sems dpas lus spyang ki dang / ce spyang dang / khyi rjen sha za ba gzhan gyi zas su brtag par bya/ byang chub sems dpas lus rus pa dang rgyus pa'i khog res spel bas 'khrul 'khor lta bur brtag par bya/ byang chub sems
- 342b
dpas lus bshang ba dang / gci ba dang / mchil ma dang / snabs dang / rnag dang / khrag gis yongs su gang ba ste/ blta ba'i 'os ma yin par brtag par bya/ byang chub sems dpas lus zas dang skom las byung ba ste/ rang gi kha na las pa ma yin par brtag par bya/ byang chub sems dpas lus mi rtag ste/ shin tu zad pa'i chos nyid yin pas/ don med pa'i glags pas glags par brtag par bya/ / byang chub sems dpas lus phyir rgol ba mang po 'byung bas dgra lta bur brtag par bya/ byang chub sems dpas lus yang dang yang sdug bsngal myong bas gsod pa lta bur brtag par bya'o/ / byang chub sems dpas lus sdug bsngal gsum gyis gtses te/ gsum gang zhe na/ 'di lta ste/ 'du byed kyi sdug bsngal nyid dang // / 'gyur ba'i sdug bsngal nyid dang / sdug bsngal gyi sdug bsngal nyid kyis te/ sdug bsngal gyi snod yin par brtag par bya/ byang chub sems dpas lus phung po lnga mngon par grub pas sdug bsngal gyi gong bu yin par brtag par bya/ byang chub sems dpas lus rkyen tha dad pa las byung bas/ bdag med pa dang bdag po med par brtag par bya/ byang chub sems dpas lus skyed pa dang bud med dang bral bas srog med par brtag par bya/ byang chub sems dpas lus phung po dang / khams dang / skye mched rnams kyis stong par brtag par bya/ byang chub sems dpas lus rmi
- 343a
/ sa/ yang sa pa / sa r gyus buste/ 'khrul par byed par brtag par bya/ byang chub sems dpas lus zags la buste/ slu bar brtag par u0f7f/ byang chub sems dpas lus meg yor lnga dra / sru ba n yid du brtag par bya / / khyim bdag rnams byang chub sems dpa' sems dpa' chen pos rnam pa bzhi bcu rtsa bzhi po de dag gis lus la brtag par bya'o// de ltar rtog pa'i byang chub sems dpa' sems dpa' chen po lus la lus su 'dun pa dang / lus la dga' ba dang / lus bdag gir byed pa dang / lus la sred pa dang / lus la gnas pa dang / lus la zhen pa kang yin pa de dag thams cad spong ngo / / srog la srog tu 'dun pa dang / srog la dga' ba dang / srog bdag gir byed pa dang / srog la sred pa dang / srog la zhen pa gang yin/ pa dang / de bzhin du nor dang / 'bru dang / khyim dang / chung ma dang / bu dang / bu mo dang / bza' ba dang / btung ba dang / bgo ba dang / bzhon pa dang / mal cha dang / me tog/ dang bdug pa dang / spos dang / 'phreng ba dang / byug pa rnams dang / yo byad thams cad kyi bar dag la 'dun pa dang / dga' ba dang / bdag gir byed pa dang / sred pa dang / gnas
- 343b
pa dang / zhen pa gang yin pa de dag thams cad rdzos// de lus dang srog la mi ldan/ de bzhin du nor dang / 'bru dang/ khyim dang / chungs dang / ru dang / bu mo nga bza' ba dang / bdung ba dang / bgo ba dang / bzhon pa dang / mal cha dang / me tog dang / bajug pa dang / spos dang / 'greng ba dang / drug pa rnams la mi lta bar pha rol tu phyin pa drun myur du yongs su rdzogs par byed / / khyim bdag rnams byang chub sems dpa' sems dpa' chen po pha rol du phyin pa drug yongs su rdzogs nas/ myur du bla na med pa yang dag par rdzogs pa byang chub mngon par rdzogs par 'tshang rgya'o/ / de nas bcom ldan 'das kyis lus rgya cher yongs su bstan pa'i phyir/ de'i tshe tshigs su bcad pa 'di dag bka' stsal to// mi rnyed shin tu rnyed dka' rnyed pa la/ / lus kyi phyir ni sdig pa ma byed cig/ 'di ni dur khrod pa ste ce spyang zas// lus kyi phyir ni ya ngar ma 'jug cig/ g.yo ldan lus la sred pa bskyed nas ni/ byis pa rtag tu rnam par rmongs te 'khyam// lus 'di byas pa mi gzo dngos yin pas// nyin dang mtshan du sdug bsngal tshor ba myong // rtag tu nad 'dra sdug bsngal 'khrul 'khor te// lus 'di ngan skyugs rnams dang mchil mas gang / / bkres dang skom pas rtag tu mngon par gces// mkhas pa su zhig lus la sred pa skyed// lus 'dis gting 'dra ste chog mi shes/
- 344a
gshed ma mi mdza' 'dra yang byis pas gso// lus kyi ched du rig pa'i las kyang byed// de phyir de dag sdug bsngal tshor ba spyad// lus 'di rdo rje swA dz+ra sra ma yin/ / lus kyi ched du sdig pa ma byed cig/ 'chi bar rtogs nas bsod nams myur du byos// de bzhin sangs rgyas bstan la dad pa skyed// zas dang skom dang byug bgos rnams kyis/ lus 'di ji srid yun ring bsnyen bkur te// brtan par byas kyang 'jig par 'gyur yin na// 'di la 'bad pa don med ci phyir bya// bskal pa brgyar yang shin tu rnyed par dka'// thub pa 'byung 'di khyed kyis rnyed pa la// sangs rgyas bstan la de bzhin dad pa skyed// shin tu 'jigs pa'i ngan 'gror ma 'gro zhig/ lo stong bye bar su zhig 'tsho gyur pa// des kyang chags pa yod su spang bya na/ / su zhig lo brgya thub par mi 'gyur ba// de phyir dga' ba mi rnyed spyos ci dgos// ma bsdams mi rnams kha cig 'di skad du// mi rnyed shin tu dka' ba rnyed pa la// gzhon rtsed mo dag dang dga' bya zhing / / nor btsal bde ba myong bar bya zhes zer// nor tshol ba la bde ba ga la yod// bsrung ba'i phyir yang sdug bsngal myong bar 'gyur// de phyir mkhas pas chaH pa yongs spangs la/ / ngan ngon tsam gyis chog shes thob par byos// longs spyod sbru ma 'dra zhing rmi lam mtshungs// 'di dag byis pa'i skye bo 'drid pa yin// sad ci 'byung zhing skad cig 'dzi/
- 344b
par 'gyur// mkhas pa su zhig longs spyod sred pa skyed// sgyu ma 'dra zhing gar mkhan lha dang mtshungs// dri za'i grong khyer sna tshogs ci 'dra ba// longs spyod de dag 'di 'dra byis pa 'dri// de ltar log pa tshol zhing byis pa 'khyam// sdug bsngal brgya yis longs spyod btsal btsal ba// lus la gnod pa mtshungs med bskyed byas nas// rgyal po'i mthu yis de dag phrogs gyur pa/ / de dag la ni mkhas gang dga' ba skyed// bu dang chung ma'i dbang du mi 'gyur bar// rgyal po nyes pa byung ba'i nor phrogs pa// nyes pa 'di 'dra de dag rig nas su// mkhas pa rnams ni khyim la sred mi skyed/ / rtag tu brnab cing longs spyod tshol byed pa// de ni pha dang ma la mi gus shing // bu dang chung ma la yang mi byams par// de dag rtag tu chags la 'jig par// byed// bdag gi longs spyod 'grib par 'gyur 'ong zhes// brnab mo byas gzo rnams kyang rnyed mi 'gyur// g.yo dang sgyus ni nor rnams tshol byed pa// brnab mo dag la mkhas pa yid mi rton// sems can brnab mo g.yo ldan 'drid pa nyid// yid gzhan sems la chog gis dga' bar byed// yid brtan kyang ni de la yid mi rton// 'on kyang bu 'drar sdug par ston par byed// sems can brnab mo 'jig rten gang rtsub/ / sman dang bstan bcos dag la mkhas ston ci // smad 'tshong lta bum tshig gis 'drid byed la// khong nas mi bde shin tu thub pa yin// brnab mo dag la mtha
- 345a
po rnams kyang med/ / nye du med cing snying slebs grogs kyang med// 'on kyang de dag nor phyir sten par byed// skye bo brnab la mkhas pa yid mi rton// brnab mo la spyod ched du bya min byed/ / shin tu mi bzad sems ni kun tu skyed// de phyir mkhas pas yang dag rtogs byas la// ngan ngon ci yang rung bas chog shes kyis// gser dang mu tig nor bu cu r+ya dang / / las dges de dag lbu ba las kyang 'byung // de dag sgyu ma'i rang bzhin ma rtogs nas// de dag phyir ni 'thab cing rtsod par byed// byams pa zhes bya gang zhig 'dir 'byung // de bzhin gshegs pa de ni 'byung ba'i tshe// sa 'di gser gyis rab tu gang bar 'gyur// de yi tshe na de ni ka las 'byung // 'dod pa'i yon tan lnga dag slu ba ste// brdzun pa'i chos can 'khrul byed rmongs par byed/ / dper na sos ka'i nyi ma gung dus na// smig rgyu chur snang 'dod pa de bzhin no// bskal pa gcig lon nas ni 'jig rten 'di// nam mkha'i rang bzhin nam mkhar 'gyur bar 'ong / / lhun po dag kyang tshig cing rnam par 'jig/ de dag gang nas 'ongs shing gang du 'gro/ chu mig mtsheru dang rdzing dang rgya mtsho rnams// de dag med 'gyur ba ska ma 'gyur 'byung par 'gyur/ / de bzhin 'dod pa gsog ste snying po med// mkhas pa gang dag de la dga' bar byed// mkhas pa lu shin rdza ma stobs ldan pa// de dag rtag tu khyim gyi tshum sa cho/
- 345b
ro myong bye ba su yod na// 'di dag ci phyir khyim ni spong mi byed// 'dren ma'i las kyis longs spyod tshol byed cing // bu dang de bzhin chung ma gso bar byed// shin du sdug bsngal gyur pa de dus na/ / bu dang chung ma skyabs su 'gyur ma yin// ji ltar sna tshogs las byas blangs pa bzhin// bu dang chung ma dag kyang 'dong par 'gyur// bdag nyid gcig pus sdug bsngal myong par 'ong / / de dag de tshe bdag gi skal mi len// mi ngan rnams kyis bde phyi de dag blangs// 'di ni de dag sdug bsngal mya ngan 'gyur// srid gsum 'jigs pa 'di na bshes kyang med// de bzhin bu dang rung ma rtsa lag med/ / pha ma spun dang bu dang chung ma dang // bran dang nor dang rtsa lag tshogs kyi rnams// shi ba'i gshin phyir de dag 'gro ba med// las rnams rjes su 'brang zhing byis pa 'gro/ / las ni rjes su 'brang zhing mi kun 'dong // las kyi gnas pa'i 'jig rten rnams su rgyu// skye 'di las kyi bdag nyid rig gyur nas// mkhas pa dag ni dge ba'i las rnam byed/ / mnar med song che de dag skyabs min pas// pa ma spun dang snying sdug pu rnams dang // rtsa lag nye du snag gi gnyen mtshams dang // de dag tshad du mkhas pa sdig mi byed// las de yongs su zad pa ma gtogs par/ / rab tu mi bzad 'jigs la mi mi 'grol// de phyir sdig pas 'jigs pa'i mi rnams kyis// bsgoms te sdig pa yongs su ma bar bya// /
- 346a
ltar las rnams byas pa ma gtogs par// gshin rje dang ni gshin rje'i rang rta dang // mdzara' bshes dag dang rtsa lag tshogs dang na// pha ma thu dang chung sa srung mi byed/ / khyod kyis mi yi lus ni thob gyur la// thob nas sdig pa spang bar ma byas pas// kye ma da ltar sdug bsngal mi bzad myong // 'di ni mi dge'i las kyi rnam smin yin// las kyi rnam par smin la yid ma ches// khyod ni rang gi sems kyis mi dge byas// 'di la ngas ni ci yang ma lan zhes// de la chos rgyal gshin rje de skad smra// rang gis las byas rang la rnam par smin/ / rang gi las kyis khyod ni 'dir 'ongs kyis// ji ltar sngon chad mi 'dod las byas pa// sdug bsngal de ni nyid kyis myong bar gyis// de tshe pha ma rang gi chung ma rnams sdug bsngal nyen pa yongs su thar mi byed/ / legs pa'i las byas pas ni grol bar 'gyur// de ltas khyim ni yongs su spang bar bya// khu sgo dbyug pa lhung gi chad pa rnams// su zhig spong 'dod zhi ba don gnyer bas/ / khyim la 'jigs par bgyis te snga byos la// 'jig rten mkhas pa'i bstan la chos spyod cig/ khyim ni rab 'bar sdug bsngal mang po'i rtsa// sems las byung ba rnams kyis rtag du 'bar/ / ze mur 'obs 'dra 'jigs par byed pa la// mkhas pa su zhig de la sred pa skyed// khyim gnas bu dang chung ma'i mya ngan byed// khyim gnas de bzhin longs spyod mya ngan/
- 346b
byed// nyes pa 'di dang gzhan yang dpag med de// de ltas khyim ni yongs su bar bya// 'dren pa rnams kyi bstan la dka' byed pa// ma bdab ma rmongs bde dang yid 'de'i chu// rdzun/ bsngal mang po'i rtsa ba khyim 'di la// blun po dga' yi mkhas pa gzhar mi dka'// pags pa chu rgyus sha dang rus pa'i lus// 'di ni nga yi chung ma 'du shes bskyed// byis pa rmongs pa 'dod chags skyed par byed/ / bud med sgyu ma lta bur yong ma shes// shes rab ldan pas khyim gyi nyes rig nas// de phyir 'dod pa'i dga' ba kun spangs te// chos la sman gyi 'du shes bzhag byas nas// ma chags khyim nas myur du 'byung bar byed/ / de nas khyim bdag dpa' byin dang / khyim bdag lnga brgya tsam de dag gis chos kyi rnam grangs 'di thos nas mi skye ba'i chos la bzod pa thob par gyur to/ / de dag bzod pa thob nas mchog tu dga' ba dang mgu bar gyur te/ de'i tshe tshigs su bcad pa 'di dag gsol to// sangs rgyas chos la 'dod gyur nas// gang dag gis ni sems bskyed pa/ / kye ma rnyed pa rnyed pa che// 'di ni rnyed pa kun gyi mchog/ byang chub sems ni dga' ba ste// sems can thams cad bde bgyid pa'i// sems 'dir su dag dga' bskyed pa// de dag 'tsho ba legs par 'tsho// sems can kun la phan bgyid pa'i// sems 'di gang dag bskyed gyur pa// de dag sems can thams cad dga'// de dag mthong nas dga' bar 'gyur//
- 347a
byang chub sems la su dga' ba// de dag lus ni gser 'dra zhing // mtshan gyis shin tu sbas pa dang // 'jig rten snang ba byed par gyur// byang chub sems ni sems// che ste// sems kun nang na dge ba mchog/ yon tan thams cad phun sum tshogs// nad kun rab tu zhi bar bgyid// sems can bsod nams chung ngu rnams// byang chub sems ni 'ad mi bgyid/ / 'khor ba la ni mi rtog pa// byang chub sems kyis skyo bar 'gyur// byang chub sems kyi bsod nams gang // de la gal te gzugs mchis na// nam mkha'i khams ni kun gang ste/ / de ni de bas lhag par 'gyur// gang+gA'i bye ma'i grangs snyed kyi// sangs rgyas zhing rnams mi gang gis// rin chen dag gis rab bkang ste// 'jig rten mgon la phul ba bas// gang gis thal mo sbyar bgyis te// byang chub tu ni sems btud na// mchod pa 'di ni khyad par 'phags// de la mtha' ni ma mchis so// byang chub sems ni ci 'dra ba// drang srong mchog gis bstan mdzad pa/ / de 'dra'i mchod pa gzhan ma mchis// dpal yang gzhan ni mchis ma lags// sman gyi dam pa nad ma mchis// byang chub sems ni yon tan ldan// nad kun rab tu zhi bar bgyid/ / sems can thams cad bde bar bgyid// mi gsum dag gis gdungs pa yi// sems can sdug bsngal mthong nas ni// bskal pa dpag tu med par spyod// mkhas nas/
- 347b
skyo bar yong mi 'gyur// gang dag byang chub spyad spyod pa// dpa' bo sman pa'i rgyal po 'dra// de dag sems can sdug bsngal skyob// smyo ba rtag tu rnam par spangs// dpa' bo sangs rgyas chos 'tshal ba/ / 'gro ba'i skye ba thams cad du// sems ni 'dor bar mi bgyid cing // de dag brtul zhugs de yang ston// sems 'di la ni gang dka' ba// shAkya seng ge mi yi mchog/ sangs rgyas ci 'dra de 'drar 'gyur/ / bdag cag rnyed pa legs par rnyed// de nas bcom ldan 'das kyis de'i tshe 'dzum pa mdzad do// 'di ni sangs rgyas bcom 'das rnams gang gi tshe 'dzum pa mdzad pa na/ sangs rgyas bcom ldan 'das rnams kyi chos nyid de/ bcom ldan 'das kyi zhal gyi sgo nas 'od 'phro ba kha dog sna tshogs kha dog du ma byung ba 'di lta ste sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu ste/ 'od des 'jig rten gyi khams mtha' yas su med pa dag khyab par byas nas/ sangs pa'i 'jig rten gyi bar du mngon par byung ste/ nyi zla rnams kyi gzi brjid zad par byas nas slar lon/ bcom ldan 'das la lan gsum bskor ba byas nas bcom ldan 'das kyi dbu'i gtsug tu nub bo/ / de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha ngas la 'atsum te/
- 348a
bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to// bcom ldan 'das rgyu ma mchis rkyen ma mchis par ni de bzhin gshegs pa dgra bcom pa yang dag par rdzogs pa'i sangs rgyas rnams 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ de'i tshe tshigs su bcad pa 'di dag kyang gsol to/ / rgyu ma mchis par rnam 'dren rgyal ba mchog/ sangs rgyas skyob pa 'dzum pa mi ston na// ci slad bcom ldan khyod kyis 'dzum mdzad pa// 'jig rten phan dgongs thugs brtse bdag la gsungs/ / khyod kyis ci slad de ring 'dzum bstan gsungs// bka' mchid che ldan nor mchog sbyin mdzan pa// dbul por gyur pa nor dang ldan par mdzod// 'jig rten ljongs la myur du mig kyang stsol/ / de skad ces gsol pa dang / bcom ldan 'das kyis/ tshe dang ldan pa kun dga' bo la bka' stsal pa/ kun dka' zo khyod kyis gang dag bla na med pa yang dag par rdzogs pa'i byang chub tu sems bskyed nas/ de bzhin gshegs pa'i gan du lhags pa'i khyim bdag lnga brgya tsam 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so/ / bcom ldan 'das kyis bka' stsal pa/ kun dga' bo khyim bdag lnga brgya tsam 'di dag gis chos kyi rnam grangs 'di thos nas mi skye ba'i chos la bzod pa thob ste/
- 348b
kun dka' bo khyim bdag 'di dag thams cad ni/ sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas bye ba khrag khrig brgya stong mang po la bsnyen bkur byas par ste/ khyim bdag 'di dag 'di nas shi 'phos nas/ nam du'ang ngan 'gro log par ltung bar 'gro bar mi 'gyur zhing / phyis kyang lha dang mi rnams kyi nang du bde ba myong nas/ mthar gyis de bzhi gshegs pa dgra bcom pa yang dag par rdzogs pa'i sangs rgyas byams pa mnyes par byed cing / thugs byung bar mi byed de/ bsti stang byed par 'gyur/ btsun par byed par 'gyur/ rim gro byed par 'gyur/ mchod pa byed par 'gyur ro// bskal pa bzang po pa'i sangs rgyas bcom ldan 'das thams cad kyang mnyes par byed cing / thugs byung bar mi byed de/ bsti stang byed par 'gyur/ btsun par byed par 'gyur/ rim gro byed par 'gyur/ mchod pa byed par 'gyur ro// sangs rgyas bcom ldan 'das de dag las chos kyang nyan par 'gyur te/ thos nas kyang 'jin par 'gyur/ kun chub par byed par 'gyur/ gzhan dag la'ang rgya cher rab tu ston pa 'gyur ro// de'i 'og tu bskal pa nyi shu rtsa lnga na/ sangs rgyas kyi zhing tha dad pa dag tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas pad+ma'i dpal gyi snying po zhes bya bar mtshan 'thun par 'jig
- 349a
rten du 'byung bar 'gyur ro/ / de nas bcom ldan 'das la/ ro dang ldan pa kun dga' bos 'di skad ces gsol to// kye ma chos kyi rnam grangs 'di 'di ltar rgya che ba ni bcom ldan 'das ngo mtshar to/ / bde bar gshegs pa ngo mtshar to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di byang chub sems dpa' rnal 'byor spyod pa'i sa bstan pa zhes bya bar zung zhig/ dpa' byin gyi zhus pa zhes bya bar yang zung zhig bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / khyim bdag lnga brgya tsam po dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ khyim bdag dpa' byin kyis zhus pa'i le'u zhes bya ste/ 'dus pa nyi shu rtsa brgyad pa rdzogs so// / rgya gar gyi mkhan dzi na mi tra dang / dA na shI la dang / zhu chen gyi lo tsa ba ban de ye shes sdes bskur cing zhus te/ skad gsar bcad kyis kyang bcos nas gtan la 'ab pa/ !/ rgya gar
- 349b
skad du/ Ar+ya u da ya na bad sa rA dza ba ri br-i d+ha rnam pa ribarta/ bod skad du/ 'phags pa pad sa'i rgyal po 'char byed kyis zhus pa zhes bya ba'i le'u/ bam po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ko'u sham bi na dbyangs can gyi kun dga' ra ba na/ dge slong lnga brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe na ma du'i bu mo btsun mo dpe med phrag dog dang ser snas zin pas/ btsun mo sngo bsangs can la lhag par dmigs nas/ pad sa'i rgyal po 'char byed la lha mkhyen par mdzad du gsol/ btsun mo sngo bsangs can la sogs pa bud med lnga brgya ni/ dge sbyong go'u ta ma dang lhan cig tu rab tu skyon chags pa bgyid de/ de'i slad du bdag gis lha la gsol pa lags kyis/ ji ltar mkhyen pa de bzhin du mdzad du gsol zhes brdzun gyi tshig gis dbyen byas par gyur to/ / de nas bad sa'i rgyal po 'char byed/ ma du'i bu mo btsun mo dpe med kyis dbyen byas pas/ bcom ldan 'das dang / nyan thos kyi dge 'dun rnams la thab dang 'khrug pa dang / khro ba skyes par gyur to// de yi ma rangs shing khro ba dang brngas pas zil gyis non pas/ btsun mo sngo bsangs can gsad pa'i phyir gzhu 'dungs nas mda' ste'u ka
- 350a
sa blangs te 'phangs so/ / de nas de'i mod la 'dun mo bsangs can gyis/ bcom ldan 'das de bzhin gshegs pa dgra bcom pa yang dag par rdzo/ pa'i sangs rgyas lha 'tshal lo zhes bcom ldan 'das la phyag byas shing / bcom ldan 'das kyi bsngags pa brjod nas/ byams pa'i ting nge 'dzin la snyoms par zhugs so// de nas 'di ltar sangs rgyas kyi mthus/ mda' ste'u ka nya rnga ma de de nas phyir log ste/ bad sa'i rgyal po 'char byed de nyid kyi mgo'i drang zad kyi steng gi bar snang la 'bar/ rab tu 'bar/ kun tu rab tu mched de 'bar zhing / me lce gcig tu gyur te/ phar 'gro tshur 'gro zhing 'dug 'dug nas/ bad sa'i rgyal po 'char byed ga la ba der song nas/ bad sa'i rgyal po 'char byed kyi g.yon rol logs su 'dug par gyur te/ de'i lus la ni ma phag go// lan gnyis lan gsum du de ltar gyur pa dang / de nas btsun mo sngo bsangs can gyis/ bad sa rgyal po 'char byed la 'di skad ces so/ / rgyal po chen po de lta lags pas/ gal te khyod de bzhin gshegs pa la phyag 'tshal na/ khyod la'ang bde legs su 'gyur lags so// de nas bad sa'i rgyal po 'char byed 'jigs shing spangs la/ sgyid lug cing spu bring zhes byed par gyur te/ sa la 'gyel nas btsun mo sngo bsangs can la tshigs su
- 350b
bcad de spras pa/ khyod ni lha mo 'am dri za mo// sha za mo 'am srin mo 'am// ngas ni ji ltar gzung bar bya// nga yis dris par spros shig/ gang la mtshon gyis mi gnod pa'i/ bud med 'ga' yang yod min te// ngas ni 'di la gang su yang // thos sam mthong ngam shes pa'ang med// nga ni stobs ldan brtson 'grus can// 'phong gi shes pa legs bslabs pa/ nga yi mda' ni gdon mi za// nam yang mi phog yod min te// spre'u 'am yang na bya dang ni// mi'am yang na 'bem yang rung // gang la nga yis mnga' 'phangs pa// nam yang mi phog yod min na/ / de ring mda' 'di 'phangs pa ni// bzlog pa'i tshul du phyir 'ongs te// lus la gnod pa med par ni// nga yi mdun du 'dug par 'gyur// gzhan gyi tshig ni mnyan nas kyang / / nga ni khyod la gsod 'dod pa// nga ni khyod la skyabs su 'gros// sdug bsngal gyur pa nga la skyobs// phyin chad 'di 'dra mi byed kyis// sdug bsngal ba la deng bzod kyis/ / khyod sngon dga' ba dran byos la// dang bar gyis shig khro thul cig/ de nas btsun mo sngo bsangs can gyis/ bad sa'i rgyal po 'char byed la tshigs su ba de spras pa/ bdag ni lha min dri za min// sha za mo min srin mo min// bdag ni btsun mo sngo bsangs can// 'jig rten mgon po'i nyan thos ma// lha khyod la ni snying brtse bas/
- 351a
bdag gis sems ni mnyam bzhag gis// khyab bdag 'jig rten mgon po la// thugs ni rab tu dang bar mdzod// bskal pa bye ba stong rnams su// gang gis byams pa legs bsgoms te/ / byams la gnas pa'i skyes bu dang // bud med dag ni mi gsod gsungs// gang zhig lo tog smin pa la// ser ltar yang dag ji bzhin mkhyen// bud med rnams kyis gnod med pa// de yi bstan la bdag dga' lags// 'jig rten mgon po thams cad kyis// bud med rnams ni smad par gsungs// bud med rnams la mi lha/ 'jig rten mgon po rnams kyis bsngags// sangs rgyas rnams dang rang sangs rgyas// byang chub sems dpa' nyan thos rnams// bud med sten par mi mdzad de// de ni byis pa'i spyod yul lags/ / bud med rnams la brten pa ni// kun nas bdud kyi zhags par gsungs// sdig pa rnams la chags pa ni// rkun 'jom dkrug pa'i shul dang 'dra// mi mkhas du med chags pa dang / / sdig pa'i las ni bgyid pa dang // ye shes spong bar 'tshal ba yis// sems can rnams ni ngan 'gror khrid// mkhas pa thar par 'tshal ba yis// bud med bsten par mi bgyi ste/ / zhugs bltams du ba ma mchis pa'i// dong du mchongs pa ming ngo lags// yid 'ong bka' mchid bgyis pa dang // bltas pas kyang ni 'ching bgyid
- 351b
cing / mi bzang dmyal bar lhung bas na// khyod ni bud med tshig ma gsan// bdag ni khro ba ma mchis te// bdag gi yid ni rab tu dang // khyab bdag 'jig rten mgon po la// thugs ni rab tu dang bar mdzod// rgyal po chen po bzhud mdzod de// khyod kyis rkang gnyis mchog gzigs la// de yis chos ni gang bstan pa// g.yel ma mchis par khyod kyis gson/ de nas bad sa'i rgyal po 'char byed/ btsun mo sngo bsangs can gyis bskul bas/ rgyal po'i mthu chen po dang / rgyal po'i 'byor pa chen po dang // skye ba'o// tshogs pal po ches yongs bskor cing mdun du bdar nas/ rtab cing myur ba myur bar bcom ldan 'das kyi spyan sngar song ba dang / des bcom ldan 'das mdzes pa/ dang bar gyur pa/ dbang po zhi pa/ thugs zhi ba/ dul ba dang zhi gnas kyi mchog dam pa'i pha rol tu byon pa/ bsam gtan dam pa rnams kyi pha rol tu gshegs pa/ gser gyi mchod sdong ltar mngon par 'phags pa/ dpal gyis mdzes shing lham me/ lhan ne/ lhang nge ste/ skyes bu chen po'i mtshan sum cu rtsa gnyis kyis sku legs par rgyan pa/ dge slong dang / dge slong ma dang / dge bsnyen dang / dge bsnyen ma dang / byang chub sems dpa'i dge 'dun gyis yongs su bskor ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
- 352a
lto 'phye chen po dang / mi dang / mi ma yin pa rnams kyis mdun gyis bltas pa mthong bar gyur to// mthong nas kyang bcom ldan 'das ga la ba der song ste phyin nas bcom ldan 'das kyi zhabs gnyis la gtugs te/ bcom ldan 'das la 'di skad ces gsol to// bcom ldan 'das bdag gis sngon ma mthong ba'i rmad du byung ba zhig mthong ba/ bcom ldan 'das la gsol bar 'tshal na/ bcom ldan 'das kyis bdag la skabs dbye bar ci gnang / de skad ces gsol pa dang / bcom ldan 'das kyis/ bad sa'i rgyal po 'char byed la 'di skad ces bka' stsal to/ / rgyal po chen po khyod kyis ji ltar bzod pa de ltar smros shig/ zlos shig/ de nas bcom ldan 'das la/ bad sa'i rgyal po 'char byed kyis 'di skad ces gsol to/ / bcom ldan 'das bdag 'dod pa'i rgyu dang / 'dod pa'i gzhi dang / 'dod pa la lhag par zhen pas/ deng ma du'i bu mo dpe med kyi tshig gis khros shing bajam pas zil gyis non nas/ bcom ldan 'das nyan thos kyi dge 'dun dang bcas pa la tha ba dang zhe sdang gi sems kyang bskyed/ bcom ldan 'das bdag gis mchis brang sngo bsangs can bkum ba'i slad du mda' ste'u ka nya rnga ma zhig 'phangs na/ de bar snang la 'bar/ rab tu 'bar/ kun tu rab tu mched de/ 'bar zhing me lce gcig tu gyur nas/ bzlog
- 352b
ba'i tshul du slar log ste/ bdag gi g.yon rol logs su mchis par gyur cing / lus la ni ma phog nas/ bcom ldan 'das bdag gis mchis brang sngo bsangs can gyi sug pa rkang pa gnyis la gtugs te/ mchis drang sngo bsangs can la 'di skad du/ khyod lha mo zhig gam/ 'on te klu mo 'am/ dri za mo 'am/ sha za mo 'am/ srin mo 'am/ su zhig lags shes bgyis pa dang / des padag la 'di skad du rgyal po chen po bdag ni lha mo'ang ma lags/ klu mo'ang ma lags/ dri za mo'ang ma lags/ sha za mo'ang ma lags srin mo'ang ma lags kyi/ bdag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i nyan thos mo lags te/ khyod nyid la snying brtse ba'i slad du/ sems mnyam par bzhag pa lags so zhes mchi nas/ de nas mchis brang sngo ba sangs can gyis/ bcom ldan 'das kyi bsngags pa rnam grangs du mas brjod pa dang / bcom ldan 'das de la bdag 'di snyam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i nyan thos ma 'di'ang de lta bu'i snying rje'i bsam pa dang / de lta bu'i byams pa thob pa dang / de ltar rdzu 'phrul che ba dang / de ltar mthu che ba dang / de ltar dbang che bar grags pa lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs
- 353a
rgyas lnga spos kya tshe 'tshal snyam du sems par gyur lags te/ bcom ldan 'das bdag 'di ltar byis pa la bu dang / 'di ltar rmongs pa dang / 'di ltar migs pa ba dang / 'di ltar mi mkhas pas/ de bzhin gshegs pa nyan thos kyi dge 'dun dang bcas pa la bdag gis tha ba dang zhe sdang gi sems bskyed pa de/ bcom ldan 'das la bzod par gsob zhi nyan thos kyi dge 'dun gyi mdun du'ang mongs pa 'chags shing mchis na/ thugs brtse ba'i slad du bdag gis nongs pa nongs par bshags pa de/ bcom ldan 'das kyis legs par rjes su gzung bar gsol/ deng slan chad sdom par 'tshal lags so// bcom ldan 'das kyis/ rgyal po chen po khyod longs la rang gi stan gang yin pa la 'dug cig ces/ bad sa'i rgyal po 'char byed kyis nyes pa bshags pa rjes su gzung bar gnang ngo / / de nas bad sa'i rgyal po 'chang byed kyis/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ phyogs gcig tu 'dug nas kyang / bcom ldan 'das la/ bad sa'i rgyal po 'char byed kyis 'di skad ces gsol to// bcom ldan 'das bdag ni gtum zhing gzu lums che la/ drag shul can lags pas/ bdag gis bud med kyi tshig gis sdig pa'i mug las mngon par 'du bgyis pa des/ bcom ldan 'das bdag sems can dmyal bar
- 353b
mchi bar bdag gis yang dag par 'tshal na/ bcom ldan 'das bdag la thugs brtse ba'i slad du/ ci nas kyang bdag slan chad bud med kyi dbang du mchis nas/ sdig pa'i sug las/ mngon par 'du bgyid par mi 'gyur zhing / sems can dmyal bar mi ltung ba dang / bdag dang sems can thams cad la yun ring po'i don dang / sman pa dang / de bar 'gyur ba'i slad du/ bcom ldan 'das kyis bud med kyi skyon de dag legs par yang dag par rab tu bshad cing / bud med kyi spyod pa rnams dang / bud med kyi mtshan ma rnams dang / bud med kyi sgyu rnams dang / bud med kyi g.yo rnams dang / bud med kyi gya rgyu rnams dang / bud med kyi mi brtan pa rnams dang / bud med kyi 'gyur log rnams dang / bud med kyi ston pa rnams dang / dud med kyi tshig rnams dang / bud med kyi 'khrul pa rnams yang dag par rab tu bshad du gsol/ de skad ces gsol pa dang / bcom ldan 'das kyis/ bad sa'i rgyal po 'char byed la 'di skad ces bka' stsal to/ / rgyal po chen po gnas de lta bu yongs su zhus pas khyod la ci zhig bya/ bcom ldan 'das la/ bad sa'i rgyal po 'char byed kyis yang 'di skad ces gsol to/ / bcom ldan 'das ci nas bdag bud med kyi dbang du mchis par gyur na/ bud med ni ma rungs pa/ khon can/ gtum mo// drag shul can lags te/ bcom ldan 'das
- 354a
bud med de ni bdag sems can dmyal bar mchi bar bgyid 'tshal ba lags pas/ bcom ldan 'das las bdag don de nyid nyan par 'tshal ba lags so// de skad/ ces gsol pa dang / bcom ldan 'das kyis/ bad sa'i rgyal po 'char byed la 'di skad ces bka' stsal to// rgyal po chen po khyod kyis rje rang gi skyon rnams yongs su rngos shi ka dang / de nas phyis bud med kyi skyon rnams yongs su rtogs par 'gyur ro// de skad ces bka' stsal pa dang / bcom ldan 'das la/ ba da sa'i rgyal po 'char byed kyis 'di skad ces gsol to/ / bcom ldan 'das legs lags so// legs legs so// skyes pa skyon ji lta bu dag dang ldan na/ skyes pa bud med kyi dbang du mchi bar 'gyur ba'i skyes pa'i skyon rnams// bcom ldan 'das kyis bdag la yang dag par rab tu bshad du gsol// de skad ces gsol pa dang / bcom ldan 'das kyis/ bad sa'i rgyal po 'char byed la 'di skad ces bka' stsal to// rgyal po chen po de'i phyir khyod legs par nyon la rab tu yid la zung zhig dang / ngas khyod la bshad par bya'o// bad sa'i rgyal po 'char byed kyis bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// rgyal po chen po skyes pa skyon gang dag dang ldan na/ skyes pa bud med kyi dbang du
- 354b
'gro bar 'gyur ba'i skyes pa'i skyes bu'i skyon ni bzhi po 'di dag yin no/ / bzhi gang zhe na/ 'di lta ste/ rgyal po chen po 'di la skyes pa 'dod pa rnam la chags par gyur cing / de 'dod pa rnams la/ bag med par gyur nas/ phyir zhing bud med la lta 'dod de/ tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze dag la lta bar mi 'dod cing // des tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze dag mthong na bsnyen par mi byed/ bstan par mi byed/ bsnyen bkur mi byed pas// de tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze dag gos yongs su spangs pas/ dad pa las yongs su nyams/ tshul khrims las yongs su nyams/ gtong ba las yongs su nyams/ shes rab las yongs su nyams shing / dad pa dang bral ba/ tshul khrims 'chal pa/ thos pa nyung ba/ ser u0f7f c an du gyur pa/ yi dgas kyi yon tan gyi chos la kun tu spyod pa/ shes rab 'chal pa/ tha la chags pa/ brtsog pa'i spyod yul can/ bshul bar mnam pa'i la mngon par dga' ba/ mi gtsang ba la dga' ba/ bud med la dang che ba/ zhi ba yongs su mi tshol ba/ chags pa'i spyod yul can/ 'gro bar bya ba ma yin par song ba/ smad par 'os pa/ mi
- 355a
ba'i srin bu dang 'dra ba/ snyings ma len pa/ 'dod pa la brkam pa/ khrel dang ngo tsha bor ba/ lha dang mi'i chos las nyams pa/ ngan par smad pa'i 'tsho bas 'tsho/ ba mkhas pas smad pa/ byis pa'i skye bo la rten pa/ sdig pa'i bsam pa dang ldan pa/ sdig pa'i grogs po la rten pa/ sdig pa la kun tu 'jug pa/ sdig pa la gzhol ba/ bud med kyi thul 'og tu chud pa/ bud med kyis 'khol ba/ bud med kyi dbang du song ba/ bud med la zhol ba/ bud med dang gnas pa/ rma'i sgo'i spyod yul can/ rma'i sgo la rten pa/ rma'i sgo la gnas pa/ kha chu dang / snabs dang / mchil ma dang / ngar snabs dang / rnag dang / she'u rul dang / klad rgyas dang / mi gtsang ba'i spyod yul can/ lug dang / ba glang dang / gag dang / khyi dang / phag dang / wa dang / dong bu'i chos spyod pa/ gnod pas 'tsho ba/ pha ma la 'phangs par mi 'dzin pa/ dge sbyong dang / bram ze dang / sbyin gnas la 'phangs par mi 'dzin pa/ sangs rgyas dang / chos dang / dge 'dun la dad pa yongs su nyams pa/ mya ngan las 'das pa las yongs su nyams pa/ sems can dmyal ba dang / dud 'gro'i skye gnas dang gshin rje'i 'jig rten la zhugs shing gzhol ba/ seng ge dang nam mkha' lding gi lus la yang dag par zhugs pa/ lcags kyi shing shal ma ri mthon po dang me ma sur la gsol ba/ sems can
- 355b
dmyal ba yang sos dang / thig nag dang / bsdud gzhom dang / ngu 'bod dang / ngu 'bod chen po dang / ra ba dang / rab tu tsha ba dang / mnar med pa'i sems can dmyal ba chen por zhugs/ pa ni/ bud med kyi skyon 'di lta bu 'di dag thos kyang / bud med la chags shing bud med la rten pas/ bgad pa dang / dus pa dang / ca co 'don pa dang / bro brdungs pa dang / klu blangs pa dang // rol mo byas pa dag rjesu dran par byed cing skyo ba mi skyed/ yid 'byung bar mi byed de/ rgyal po chen po byis pa'i chos la kun tu spyod cing / kun tu spyod pa de dag dang ldan pa'i skyes pa ni ngan song rnams su skye bar 'gyur te/ rgyal po chen po bud med kyi dbang du song nas 'dod pa la rten cing / ngan 'gror 'gro bar 'jug pa de ni skyes pa'i skyon dang po yin no// de nas de'i tshe bcom ldan 'das kyis tshigs su bcad pa 'di dag bka' stsal to/ / 'dod pa dri nga mi gtsang spang bar 'os pa dang // mi mthun 'jigs byed mi rtag las byung sdug bsngal byed// don med phung bar byed cing dman pa yin pas na/ / mkhas pa su zhig 'dod pa'i skom la rten par byed// brtsog pas gang ba'i chab khung dri nga lta bu dang // mnam par gyur cing rul ba'i khyi rnams ji bzhin dang / / shi ba dur khrod sa ni shin tu smasmad pa ltar// de bzhin 'dod pa rnams kyang mchog tu smad pa yin// sbrang bu rma zhig mthong nas rgyug pa ci 'dra dang // phag ni ngan skyugs
- 356a
mthong nas rgyug pa ci 'dra dang / / khyi ni sha yi don du she na sar 'gro ba ltar// de bzhin mi mkhas bud med dag la dga' bar byed// grags pa med cing mi snyan yon tan 'bri ba dang / / de la tshul khrims dam pa nyams par 'gyur ba dang // mtho ris nyams shing dmyal ba dag tu lhung bas na// mkhas pa su zhig 'dod pa'i skom la rten par byed/ / ji ltar ha la ha la'i dug ni zos pa na// lus dag rmya zhing rmongs pa skye bar 'gyur ba ltar// de bzhin 'di na byis pa rnams ni 'dod pa'i rgyus// rang gi lus kyi dbyibs na dug tu mi rig go/ / ji ltar sgyu ma shin du bslabs pa'i mi zhig gis// rnam par 'phrul pas sems can brgya dag dga' byed ltar// de bzhin byis pa bdag la bde bar 'dod pa rnams// 'dod/ pa'i dga' ba'i rgyu las ngan 'gror rab tu lhung // zas skom ston mo bzang po tha dad pa dag dang // glu bro sil snyan bzang po tha dad pa dag gis// khang pa mchog nas byung ba'i chung ma len pa ni/ gnod pa rnyed pa yin zhing sdug bsngal sogs pa yin// 'dod pa'i dga' la brkam pa dag ni gnod yin te// mi gtsang mtshon 'dra rmongs 'gyur dag la bsngags brjod// 'dod pa dman pa dag bsngags shing brten nas ni/ / dman pa de dag ngan 'gror rab du lhung bar 'gyur// gnod pa 'dod pa dag gis yul rnams rab bsngags shing // 'dod pa gnod pa yin la dga' ba'i byis pa rnams// de
- 356b
don med 'tsho ba rnam par spangs nas ni/ / mi bzad g.yang sa chen por rab tu lhung bar 'gyur// nga rgyal rmongs pas bcom pa'i skye dgu 'di dag ni// rgya mtsho'i pha rol ma mthong ba yi bya bzhin du// lcags kyi me lce lnga po dag la chags gyur nas// byis pa rnams ni rab 'bar zhing khyam par 'gyur// 'di na byis pa myos shing shin tu rmongs pa rnams// shel du mi mthong snod mchog yin par sems pa ltar/ / lam la rnam par rmongs rnams 'dod pa'i ched kyi phyir// rtag tu 'dir gnas 'di ni gya nom yin zhes 'dzer// gang phyir rnam pa sna tshogs las dag mi shes pas// 'gro ba thams cad rab nyams gus pa yod min pas// pha dang ma dang bu dang bu mo dag la ni// don gyis mchod pa mi byed gnod pa thob pa yin// de dag rtag du bud med 'dris pa rjod byed cing // de 'dra'i las kyi tshul la rab du 'jug par byed// de dag gti mug dra ba sdig pa rab sogs shing // ngan song 'gro bar 'gyur ba'i lam yang sogs par byed// mi rnams de dag der chags bde bar 'du shes shing / / pa dang ma yang yongs su rab tu spong bar byed// de dag mchod 'os rnams la mchod par mi byed cing // smad par 'os pa'i 'dod pa dag ni tshol bar byed// phan tshun gdung bar 'gyur ba la ni gzhol byed cing // rnam rtog mu yis nges bcom mi rnams nyon mongs pa// bkur sti yongs su tshol la dga' zhing ma 'phags rnams// chos ma
- 357a
yin pas 'jig rten rab tu 'dzud par byed/ / gzhi de las ni mtshon cha dag dang lcug rnams dang // de bzhin bcing ba dang ni 'thab cing rtsod pa dang // nges par 'chi ba'i sdug bsngal rab tu myong bar 'gyur/ / shi 'phos nas ni mnar med 'jigs su rung bar 'gro// tshe 'di nyid la de bzhin sdug bsngal 'byung 'gyur zhing // nor nyams snying du sdug pa rab tu 'jig 'gyur la/ / mtho ris nyams shing dmyal bar rab tu ltung bas na// mkhas pa su zhig 'dod pa'i 'du shes skyed par byed// lcags las grub pa'i nags tshal sngon po'i khrod dag tu/ / mkhas pas bdag nyid rab tu bor ba de bla zhing // mdzangs pa spu gri'i so yis bcad pa byas bla la// ral gri dag gi khrod du mal yang bcas bla zhing rab tu me 'bar thu lum bzung ba de bla la/ / de bzhin lcags kyi thu lum 'bar ba za bla zhing // me dong 'jigs su rung ba rnams la reg bla yi// lag pa gnyis kyis nam yang bud med reg mi bya/ / mis ni ji lta ji ltar 'dod pa rnams bsten pa// de lta de ltar bde ba thams cad rab spong zhing // 'di ltar 'dod rnams gcig tu sdug bsngal mi gtsang bas// 'dod pa srug bsngal mi gtsang ba dag rnam par spongs/ / 'dod pa sdug bsngal kun gyi gzhi por gyur pa dang // gang phyir nor ni cung zad 'gyur bar byed pa dang // yid 'ong skye bo rnams kyi nyams pa'i rtsa
- 357b
ba bas/ / bud med nges par sten pa gnod pa thob pa yin// skyes pa gang gis de 'dra'i chos tshul rig nas ni// bud med rnams la rab tu bag med mi 'gyur ba// des ni rtag tu mtho ris lam yang rnam sbyangs shing / / des ni byang chub dam pa rnyed par dka' ma yin/ rgyal po chen po gzhan yang mi'i pha ma dag ni dka' ba byed pa yin te/ zla ba dgu'am rba ba bcur mngal na bzung ste/ shin tu sdug bsngal bar gsos shing / gcin dang phyi sa yang 'phyi bar byed/ pang du blangs nas nu zhi ldud par byed/ phung po rnams skyed par byed/ khams rnams gso bar byed/ 'jig rten ston par byed/ 'dzam bu gling sna tshogs ston par byed/ don du 'dod/ phan par 'dod/ grub pa dang bde bar 'dod/ 'jig rten la'ang phan par 'dod pa sbyin pa'i gnas yin la/ bu la phan pa dang bde bar 'dod pas/ de dag gis rab gi nor gyi tshogs kyis gzhan gyi khyim nas gzhan gyi bu mo blangs pa dang / de de la chags shing myos la/ 'chum shing brgyal ba dang / lhag par zhen pa dang / lhag par zhen cing 'dug par gyur nas/ gzhan gyi khyib nas blangs pa'i bud med de la chags shing myos pas/ sbyin pa'i gnas pa ma dag rgas 'khogs pa/ gtugs la lus nyam chung zhing mig mi mthong ba dag la brnyas shing longs spyod med pa dang / nor med par byas nas/ rang gi khyim nas phyung ste skrod par byed do// rgyal po chen po 'di ltar pha ma
- 358a
dka' ba byed byed pa sbyin pa'i gnas la/ rtag tu rgyun mi 'chad par yang dag pa'i bde bas bsti stang du bya/ bla mar bya/ rjed par bya/ mchod par bya ba'i rigs na/ des de'i tshe pha ma dag rang gi khyim nas phyung ste baspad nas/ gzhan gyi khyim nas blangs pa'i bud med la bza' ba dang / btung ba dang / gos rnams kyis bsnyen bkur byed cing bsti stang du byed// gces su byed/ rim gro byed la mchod par byed cing / yang dag pa'i bde bas bsnyen bkur byed kyi/ pha ma la ni mi byed pa'i mi'i snying brtse ba med pa dang / mi lta ba dang / ngan pa'i sems dang ldan pa la ltos rgyal po chen po des bde 'gror 'gro ba'i chos gang yin pa de ni spangs la/ ngan 'gror 'gro ba'i chos gang yin pa de ni yang dag par blangs te 'dug pa'i mi de la'ang ltos/ rgyal po chen po bud med kyi dbang du song nas/ 'dod pa rnams la rten cing pha ma la brnyas pa dang / ngan 'gror 'gro bar 'jug pa don slu ba'i sbu bu'i skyon gnyis pa yin no// de nas de'i tshe bcom ldan 'das kyis tshigs su bcad pa 'di dag bka' stsal to/ / gang dag pa ma rgas pa gso bar byed pa ni// de dag rtag tu bde zhing yid kyang bder 'gyur la// 'di la lha dang bcas pa dang ni dang po dang / / de bzhin 'di la tshangs par bcas pa'i rigs su 'gyur// gang dag pha ma rgas pa gso bar byed pa ni// de dag so na phyir 'ong ba yang 'grub 'gyur zhing // rgya mtsho chen po nas kyang bde
- 358b
zhing legs 'ong ste/ / de ltar byed pa dag ni rab mchog rnyed pa yin// gang dag pa ma nas pa gso bar byed pa yi// tshong dpon de dag yon tan kun gyi gtsor 'gyur zhing // de ni/ zhing las 'bras bu phun sum tshogs 'byung ste// bsod nams bgrangs pa'i don du brjod par mi nus so// gang dag pa ma rgas pa gso bar byed pa ni// de dag khur rnams 'khyer ba'i rnga ma rnams dang yang / / yang na glang dang bong bu dag tu'ang mi 'gyur ste// mi rnams de dag spu gri'i so la rdzi mi 'gyur// gang dag pha ma rgas pa gso bar byed pa ni// de dag chu bo rab med dang ni me mur dang / / spu gri so dang ldan pa la yang mi rgal te// de dag zangs khu bskol ba 'thung bar yong mi 'gyur// gang dag pha ma rgas pa gso bar byed pa ni// de dag nor dang 'bru ni mi nyungab dag dang / / chung ma bu dang bu mo dam pa dag dang yang // bai DUR+Ya dang rin chen sa le sbram yang rnyed// gang dag pha ma rgas pa gso bar byed pa ni// de dag rab 'phrul lha yi pho brang dag dang ni// rtsub 'gyur dang ni 'dres pa'i tsha la yang mthong 'gyur te// lha rnams du mas rtag tu mdun du bdar bar 'gyur// mi yi gtso bor gyur cing lha yi lhar gyur pa// thub pa chen po 'di 'dra'i gsung ni thos gyur na/ / rga shing dbang po shin tu nyam chung gyur pa yi// pha ma sbyin gnas dam pa su zhig gso mi byed/ rgyal po chen po gzhan yang skyes bu dam pa ma yin pa ni/ skyes
- 359a
bu dam pa ma yin pa'i las byed cing / log par lta ba la mngon par zhen pa yin te/ da ni dge ba dang mi dge ba gang yin zhes bdag gi don mi shes shing mi rtan pa yin pa skye bo mang po rnams mi dga' zhing / byis pa'i skye bos bsngags pa la mngon par dga' ba dang / 'dod chags dang zhe sdang dag gis rmongs par gyur pa dang / skyes bu mdzangs pa dag gis smad pa dang / khro bas zil gyis non cing sdig pa'i las byed pa dang / sangs rgyas dang byang chub sems dpa' rnams kyis yongs su spangs pa dang / longs spyod kyi rgyags pas myos pa dang / ser sna can du gyur pa dang gzhan la gnod par mngon par dga' zhing / chos sgom pas mi dga' ba yin te/ rgyal po chen po skyes bu dam pa ma yin pa/ skyes bu dam pa ma yin pa'i las la mngon par dga' zhing skyes bu dam pa'i las la mi dka' ba de la ltos/ rgyal po chen po 'dod pa rnams la rten cing / ngan 'gror 'gro bar 'jug pa de ni skyes pa'i skyes bu'i skyon gsum pa yin no// de nas de'i tshe bcom ldan 'das kyis tshigs su bcad pa 'di dag bka' stsal to// 'dod pa rnams kyi gzhis ni skyes bu rnam nyams shing // gzhi de las ni sdig pa dag kyang rab tu byed log par lta bas rmongs nas 'dir ni 'khyam 'gyur zhing / / de ni rnam par 'khrul pas ngan 'gror 'gro bar 'gyur// log dang ldan pas yon tan kun gyis rnam spangs shing // de ni rtog pa med kying
- 359b
blo yang nor pa yin/ / gang dag chu klung dag tu ut+pal rtswa tshol ltar// log par lta bas yongs su 'khor bar byed pa yin// bde ba'i don du bdag nyid yongs su spong byed cing // chos ma yin la chags pa'i mi rnams mang po dag/ de bzhin bde ba'i rgyu phyir 'dod pa rnams tshol ba// de dag gti mug rmongs pas sems can dmyal bar 'gro/ gang dag 'dod pa rnams kyi don du rtag tu ni// de bzhin sems la gcags pa'i skyes bu tha ma dang // 'dod pa'i bdag nyid can dang skye bo sdig can dang // 'du shes log pa dag la bde ba ga la yod// mi rnams de dag byas pa mi gzo sdig bcas shing // da pa rnam nyams tshul 'chos gus pa med pa dang // 'phags pa'i tshogs kyis rtag tu rnam par spangs pas na// dmyal ba bzod rlag shin tu 'jigs su rung bar lhung // gzug dang sgra dang rol chag pa'i mi rnams ni/ / byang chub sems dpa' rnams dang mkhas pa mi mchod cing // log par lta bas chos kyang nyan par mi byed la// lan 'ga' yang dge 'dun legs par mchod par mi byed pas/ / 'phags pa rnams kyis rnam spangs ngan song ltung bas na// de phyir mi yi srid pa 'di ni rnyed pa la// sbyin dul yang dag sdom la nges par rten cig dang // de las byang chub dam pa mchog kyang thob par 'gyur/ rgyal po chen po gzhan yang skyes pa ni bzo'i gnas sna tshogs dang / las kyi gnas sna tshogs dag gis 'tsho bar byed de/ rgyal po chen po 'di ltar yi ge 'am/ rtsis sam/ grangs sam/
- 360a
lag rnaMs sam/ mtshon cha'am/ rgyal po la zho shas 'tsho ba 'am/ zhing las sam/ tshod byed pa'am/ bzang 'tsho ba 'am/ da lta bu'i bzo'i gnas sna tshogs dang / las kyis gnas sna tshogs dag gis 'tsho bar byed cing / 'di lta ste/ nor gyi phyir lam ma yin par yang 'gro bar byed/ lam ngan par yang 'gro bar byed/ gcod ro can dang / chu klung can gyi lam du'ang 'gro bar byed/ mtshon cha'i lam du'ang 'gro bar byed/ rgya mtshor 'jug par yang 'jug par byed/ zang ba'i dus na'ang lhags pas gnod par byed/ dro ba'i dus na'ang tsha bas gnod par byed cing bkres pa dang skom pa dag gis gnod bzhin du 'gro ba la'ang spro bar byed de/ longs spyod yongs su tshol ba na/ de lta bu'i sdug bsngal bdag gis longs spyod yongs su btsal nas kyang / ki 'tsho ba dag gi phyimanye par sgrub par byed pas/ dge sbyong dang / bram ze dag dang / bkren pa dang / sdug 'phongs pa dang / spongs mo pa dag la sbyin pa ston par mi bzod cing zud med rna kyi dbang du byas pa dang / bud med rnams kyis thul 'og tu chud pa dang / bud med rnams kyis bkol ba dang / bud med rnams la byams pa de nyid kyis/ bud med de dag nyid gso ba'i phyir sbyin pa sbyin pa dang / tshul khrims yang dag par len par mi nus shing / de de la chags la/ bud med kyis spyos pa 'arjod par byed cing / bud med kyis bsdigs pa dang / bltas pa dang / brgyad pa dag
- 360b
kyang bzod par byed de/ de skyes par gyur kyang bud med kyis bsdigs pa dang du len cing mi dga' ba med pa/ de'i ngor lta bar byed pa ni 'dod pa'i gzhis bud med kyi dbang du song ba yin te// rgyal po chen po bud med la rten cing ngan 'gror 'gro bar 'jug pa de ni/ skyes pa bud med la brkam zhing ngan skyugs kyi sgo la gdu ba dang / mi gtsang ba la dga' ba dang / shes bzhin med par spyod pa'i skyes pa'i skyes bu'i skyon bzhi pa yin te/ rgyal po chen po skyon de dag dang ldan pa'i skyes pa ni/ 'dod pa rnams kyi dbang du 'gro ba yin no// de nas de'i tshe bcom ldan 'das kyis tshogs su bcad pa 'di dag bka' stsal to/ / 'dod pa rnams ni tshol ba na// rab tu myos pa ga la bde// 'dod pa dman pa rnams sten pa// de ni gang gis bde bar 'gyur// skyes bu dam pa ma yin pa'i/ / las rnams byed cing mi sdom la// 'dod pa'i 'dod chags tshol byed pa// de dag rab nyams chud kyang za// mi rnams gang dag mi mkhas pa// rnga mo bong bu'i chos spyod cing / / bud med mthong na rab bsnyegs pa// ngan spyugs gnas la phag rnams bzhin// gang la byis pa gus bcas pa'i// 'dod rnams dring mi gtsang yang // 'dod pa'i skyon rnams mi mthong ba/ / sa yi steng na dmus long bzhin// gzugs kyi 'ching bas bcings pa rnams// 'dod pa'i 'du shes rab tu 'jug/ byis pa 'dod rnams sten pa dag/
- 361a
khyi dang wa rnams ji bzhin no// spa dri ro dang reg rnams kyis// gang la so so'i skye bo rnams// byis pa 'khor bar yongs 'khor bar// spre'u rnams phur la btags pa bzhin// byis pa ma rig khebs pa rnams/ / mun pa'i phung pos bsgribs gyur cing // bud med rnams la chags pa ni// mi gtsang gnas la khwa bzhin no// gang gis ngan 'gror rab 'jug pa// de ni bdud kyi spyod yul yin// ro myang 'du shes chags gyur pa// ngan skyugs gnas la srin bu bzhin// bsad pa'i gshed ma rnams kyis ni// ji ltar mi zhig bor ba ltar// shes na thar pa 'thob 'gyur zhing // bud med dbang du 'gro mi 'gyur/ / 'dod pa bud med lta byed pa'i// kun tu sbyor las 'jigs pa skye// byis pa mtshan mar mngon pa rnams// 'dod pa'i sred pas rab tu 'phel// sos ka'i dus na mi zhig ni// dgon pa chen por song gyur nas/ / byis pas lan tshwa'i chu 'thungs na// skom pa phyir zhing rab skye ltar// de bzhin bden pa ma mthong ba'i// byis pa rmongs pas 'tsho ba rnams// 'di na phyir zhing bud med la/ 'dod pa'i sred pa brtan par 'gyur// ji ltar mi lus mdza can la// srog chags rnams ni za ba ltar// 'dod brkam so so'i skye bo rnams// de bzhin bud med rnams kyis zos// mi gtsang bum pa khra bo zhig/ kha dog ldan par snang mod kyi// nang na ha la ha la'i dug/ drag po chen po yod pa ltar// de bzhin bud med brgyad pa dag/ gang dang gang na snang ba yang // gcin dang phyi sas gang ba yi//
- 361b
rgyal ba rlung gis bkang ba bzhin// 'brumar gyis ni bdang ba'i martson// gos kyis dkris paji bzhin du// de bzhin bud med brtan pa yang // ral gri gling pa g.yogs pa bzhin// ji ltar pa dong gang u0f7f l a/ du ba med cing 'bar ldan ltar// bud med de bzhin me 'dra zhing // srin bu gtum po bzhin du g.yo// sreg pa'i bskal pa 'dir byung na// sa ni kun tu 'bar 'gyur la// rtswa dang gel ba 'jig 'gyur zhing / / nu klung dag kyang bskams par 'gyur// 'byung ba chen po'i gnas gyur pa// rgya mtsho yang ni skam 'gyur zhing // ri bo chen po rnams sreg la// de bzhin lhun po'ang 'jig par 'gyur// rgyal chen 'byung po 'dzin pa yi/ / sa 'di'ang rnam par 'jig 'gyur zhing // drag chen rnams ni 'jigs 'gyur yang // skyob par byed pa yod ma yin// ji ltar me yis rir bcas dang // rgya mtshor bcas pa sreg pa ltar// de bzhin bud med me 'dra ste// gtum zhing skyes bu g.yo bar byed// snabs dang mchil ma kha chu dang // klad rgyas rul ba'i klad pa dang // lus las dri nga 'dzag de la// byis pa rnams ni sbrang rtsi bzhir// kha sgo rus pas gang ba dang // sha dang pags la sogs bsags shing // de bzhin lus ni 'bras 'dra ste// dri nga smad par bya ba yin// mi gtsang sna tshogs gang ba dang // 'bras ni smin par gyur skar/ / de ltar lus 'di mi gtsang ba// sna tshogs rnams kyi snod yin no// lto ni gnyem mtshar pa dang // glo bas gang zhing mkhal ma dang // khrag dang mkhris pas gang gyur la// klang rgyas kyi
- 362a
klad pa gang / / khong ba'i nang na srin po'i rigs// brgyad khri bo dag gnas gyur kyang // gti mug dra bas bsgribs pa yi// byis pa rnams kyis mi mthong ngo // masgro dgu nas rtag tu/ ni/ mi gtsang rul pa zag gyur kyang // smra ba dag dang lta ba la// bus pa rnams ni mtshan mar 'dzin// gang zhig kun gyis smad pa'i yul// chags pa rnams kyis phyis mi shes/ mi gtsang spyod yul byis pa rnams/ / snabs dang mchil ma za bar byed// smad par 'os la chags byed pa// sbrang bu rnams kyis rma mthong bzhin// mchan khung dag nas rdul 'dzag cing // smad pa'i dri ni 'byung bar 'gyur/ / byis pa sdug bsngal chags byed pa// de dag bdag la gnod phyir g.yos// des ni myur du 'phongs 'gyur te// nya rnams chu nas bton pa bzhin// 'jigs rung lag na mtshon thogs kyis// ji ltar mi zhig gtses pa ltar/ mtshon 'dra'i bud med sdig can gyis// 'dod la chags rnams de bzhin no// rnam rgyal lag na mtshon thogs pas// ji ltar rgyal po gtses pa ltar// 'dod chags me dang 'dra ba yis/ / 'dod la chags rnams de bzhin sreg/ shen pa'i gnas la khyi rnams ltar// myang bar 'du shes byis pa rnams// ji ltar sgra yis sreg pa ltar// myur du sdug bsngal myong bar 'gyur// rang gis las kyi nyes pa yis// de la skyob pa med pa ltar// de bzhin bdag nyid nyes pa yis// sems can rnams ni ngan 'gror 'gro// de dag sangs rgyas chos spangs nas// bud mad rnams kyi rnag la
- 362b
rten/ / sems ni ro la chags gyur pa// de yis ngan 'gror 'gro bar 'gyur// ji ltar spre'u zhig shing las ni// shing gzhan du ni rgyu ba'i tshe// de ni gnas der gtses gyur na// de nyid du ni sdug bsngal gyur// de bzhin 'dod la brkam pa dang // sdug bsngal 'dod chags ston pa dang // gti mug rgya la thogs pa rnams// dus ni yang dang yang du 'da'// mi bkren rnams ni gsal shing la// rab tu btsugs nas 'phyang ba ltar/ / de bzhin 'dod la chags pa rnams// shal ma la'i ni mtho la 'phyang // ji ltar mon sran sde'u dang gre'u// lcags zangs rnams su blugs nas kyang // mes ni rab tu bsregs pa na/ dbu bar bcas shing khol ba ltar// de bzhin dge ba ma mthong zhing // 'dod la chags pa'i skye bo rnams// shi nas ngan song 'gro 'gyur zhing // lcags zangs rnams su btso bar 'gyur// mi rnams/ gang dag sdig byed pa'i// sems can sdig pa rnams kyi gnas// zangs ni bye ba drug cu dang // gzhan yang bzhi po dag yin no// zangs ni so so re re la// tshad ni dmigs su yod min zhing // ma yi phung por ldan rnams su/ / bskal pa du mar btso bar 'gyur// kha cig zangs rnams de dag tu// rang gi las kyis bskal brgya 'am// nyis brgya sum brgya tshang bar 'tshed// yang na bzhi brgyar btso ba 'gyur/ / phra skam rnon po rnams kyis ni// bzung zhing yang dang yang bstsags pas// de dag sha ni yod rin zhing // dung ltar dkar ba rnams su 'gyur// lcags kyi gzhong par 'dug nas ni// rab tu
- 363a
tsha zhing 'dren pa med/ / shi zhing shi zhing skye 'gyur te// rang gi las kyis gnas par 'gyur// gang tshe dmyal ba'i srungs rnams kyis// ngan pa'i mi rnams de dag ni// gtun la sogs pas brdungs pas ni/ / sha rkang rus pa phye mar 'gyur// de yi tshe na de dag la// shin tu grang ba'i rlung yang ldang // des ni dmyal ba'i sems can rnams// sdug bsngal gyur pa de las 'tsho// mi rnams gang dag sdig byed pa// gtun bu drag po rnams kyis 'joms// sta re rnams kyis gshog pa dang // de bzhin gsal shing gzugs par 'gyur// mi rnams gang dag sdig byed pa'i// sems// can rnams kyi lus la ni// lcags mdung rtse mo bzhi pa dang // rtse gsum pa dang rtse lnga 'bab// mi rnams gang dag sdig byed pa// ral gri'i mchu can khwa rnams kyis// mgo dang klad pa gtogs 'gyur zhing / / wa dang spyang kis bos par 'gyur// mi rnams gang dag sdig byed pa// ngan skyugs rul pa dring zhing // kun gyis smad par ltung gyur la// spu gri'i chu klung rnams su lhung // mi rnams gang dag sdig byed pa/ / rab tu tsha bar sreg 'gyur zhing // ngu 'bod dang ni ngu 'bod che// thig nag tu yang sreg par 'gyur// mi rnams gang dag sdig byed pa// thig nag tu ni skyes nas kyang // yang dang yang du me mur dang / / sA gri'i chu klung rnams su ltung // gang tshe lcags kyi zangs po cher// mi rnams de dag 'tshed pa na// khyi rnams kyis ni gtses gyur nas// dag bde ba tshol bar byed// mi rnams gang dag sdig
- 363b
byed pa/ / dmyal ba drag po chen por ni// lhung nas dpung gnyen yod min zhing // lcags kyi thu lum za bar 'gyur// mi rnams sdig pa byed pa dag/ lcags las grub pa'i brag chen dang // mi sdug ri bo rnams/ kyis ni// de'i tshe kun nas lus 'joms byed// de ni rang gis las byas pa'i// 'bras bu de 'dra thob gyur cing // de yis tshor ba myong ba na// de la skyob pa 'ga' yang med// ji snyed rten pa thams cad ni// bdag gis mdun der 'ga' yang med// der ni mgon med bdag gcig pu// sdug bsngal tshor ba myong bar byed// gang dag bde phyir don min par// sngan chad nyes par spyad byas kyang // pha ma de dag de ring ni// rnam par grol ba'i mthu yang med// gang dag bde phyir dod min par// sngan chad nyes par spyad byas kyang // bu dang bu mo chung ma rnams// de ring bdag la 'grol mi nus// gang dag bde phyir don min par// sngan chad nyes pa spyad byas kyang // mdza' bshes nye du de dag kun// rnam par grol bar yong mi nus// gang dag bde phyir don min par// sngan chad nyes par spyad byas kyang // bdag gi rtsa lag de dag kun// de ring sgrol bar mi nus so// 'dod pa dman pa rnams ston cing // dman pa'i chos rnams bsten nas ni// nyes pa'i las rnams byed pa dag/ de yis ngan 'gror 'gro bar 'gyur// shes rab 'chal pa mnar med par/ / song nas sdug bsngal tshor ba myong // sangs rgyas rnams kyis bud med dag/ phyi sa 'dra ltar dman par bsgrags// de phyir dman pa rnams dang ni// dman pa'i bud med rnams bsten pa//
- 364a
byis pa de ni phyi sa yi// rgyal ba bzung nas gnas pa yin// ci 'dra'i las ni byed pa ltar// de 'dra'i 'bras bu 'thob 'gyur te// rgyal po yi ni chad pa dang // sdug bsngal bcing ba / myong bar 'gyur// bud med gzhi las skyes pa yang // bsad dang bcing ba myong 'gyur zhing // dmyal srungs rnams kyis bsreg pa dang // nges par 'chi ba'ang myong bar 'gyur// bud med rnams la brkam pa yi// blo ngan de dag bde mi 'gyur// gsal shing mthon po rnams su ni// btsugs shing chur yang bcug par 'gyur// sa yi ser kar bcug nas ni// de bzhin ral gris gdab par 'gyur// de 'dra ba dag thos nas ni/ / de dag yi chad pade mi 'gyur// rmongs pa bud med lhan cig tu// yang dang yang du 'du 'dzi byed// sdug bsngal 'dod pa rnams ston cing // smad pa rnams kyang smra bar byed// rmongs pa rnams kyis chos thos nas/ / dge bar gsungs shes rjod byed kyang // de sems bud med phyi bzhin song // byi ba li ni byi la bzhin// rgyal bas gsungs pa thos gyur nas// yud tsam zhig ni yid byung yang // ha la ha la'i dug 'dra ba'i/ / 'dod chags kyis ni de yang 'khrug/ ji ltar phag ni yud tsam zhig/ sngangs shing skrag pa byung gyur kyang // des ni phyis mthong ba na// chags pa skyed par byed pa ltar// de bzhir byis pa bde 'dod rnams/ / rgyal ba'i bstan pa spangs nas ni// 'dod pa dman pa rnams sten pa// des ni ngan 'gror 'gro bar 'gyur// 'dod pa rnams la chags myos nas// shin tu sdig pa'i las byas shing // tshul
- 364b
khrims can dag bslus byas nas/ / phyis ni ngan 'gror 'gro bar 'gyur// shes rab car gyis dal rnyed cing // de 'dra'i chos ni thos gyur nas// 'dod kun spangs nas 'di la ni// mkhas pa mngon byung rab byung // zhig/ rgyal po chen po skyes pa 'dod pa la rten pa rnams kyi skyon ni de dag yin te/ 'dod pa'i gzhi dang / 'dod pa'i rgyu dang / 'dod pa la lhag par zhen pa rnams ni/ sems can dmyar ba pa rnams kyi tshor ba myong bar 'gyur ro/ / rgyal po chen po de lta bas na/ khyod kyis rtag par rgyun du sangs rgyas rjes su dran pa bsgom par bya'o// khyod kyis lus su gtogs pa'i sems rjes su dran pa bsgom par bya'o/ / de ltar bcom ldan 'das kyis/ bad sa'i rgyal po 'char byed la de lta de ltar chos ston par mdzad de/ chos bstan pa des bad sa'i rgyal po 'char byed/ de bzhin gshegs pa la dga' ba dang / rab tu dga' ba dang / mchog tu dga' ba thob par gyur to// de nas bcom ldan 'das la/ bad sa'i rgyal po 'char byed kyis 'di skad ces gsol to// bcom ldan 'dra ji tsam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas skyes pa dang bud med rnams kyi skyon bsam gyis mi khyab pa'i bar de dag bka' stsal cing legs par gsungs pa ni ngo mtshar lags so/ / bcom ldan 'das bdag ni bcom ldan 'das dang / chos dang / dge slong gi dge 'dun la skyabs su mchi ste/ mtshon cha spangs shing / dbyug pa spangs la
- 365a
ngo tsha mchis shing / srog chags 'byung po thams cad la snying rtse bar zhugs pa lags kyis/ bcom ldan 'das kyis bdag dge bsnyen du gzung du gsol/ bcom ldan 'das kyis de skad ces bka' stsal nas/ bad sa'i rgyal po 'char byed dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ bad sa'i rgyal po 'char byed kyis zhus pa'i le'u zhes bya ste/ 'dus pa nyi shu rtsa dgu pa rdzogs so// / rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa/ bam po gcig sh+lo kanyis brgya// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ le'u sum cu pa ste/ bu mo blo gros bzang mos zhus pa/ bam po phyed do// // / rgya gar skad du/ Ar+ya su ma ti dA ri ka pri ts+tsha na ma pa hA yA na sU tra/ bod skad du/ 'phags pa bu mo blo gros bzang mos zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad
- 365b
bdag gis thos pa dus gcig na/ bcom ldan 'das rgyal po la baban/ bya rgod kyi phung ba' ril dge slong ma nyis brgya lnga bcu'i dge slong gi dge 'dun chen po dang / byang chub sems dpa' tshar byang chub sems dpa'i dge 'dun chen po dang thabs cig tu bzhugs so/ / de'i tshe rgyal po'i khab kyi grong khyer chen po na/ khyim bdag drag shul can gyi bu mo blo gros bzang mo zhes bya ba btsas nas lo brgyad lon pa 'dra ba/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ sngon gyi rgyal ba la lhag par bya ba byas pa/ dag ba'i rtsa ba bskyed pa/ sangs rgyas 'bum phrag bye ba khrag khrig brgya stong mang po la bsnyen bkur byas pa/ sangs rgyas 'bum phrag bye ba khrag khrig dpag tu med pa la dge ba'i rtsa ba bskyed pa zhig 'dug pa de 'khor dang bcas par bya rgod kyi phung po'i rig la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das / la lan gsum bskor ba byas nas/ bcom ldan 'das kyi spyan sngar 'dug ste/ bcom ldan 'das la tshigs su bcad de gsol pa/ gal te sbubs phye bdag gis ni// rdzogs pa'i sangs rgyas rkang gnyis mchog/ 'jig rten snang bar mdzad pa la// byang chub sems dpa'i spyod gang na// bcom ldan 'das kyis bka' stsal pa// yid la ci 'dod thams cad ni// bu mo khyod kyis dri bar gyis/
- 366a
byang chub sems dpa'i spyod pa kun// ci 'dra khyod la bstan par bya/ de nas bcom ldan 'das la/ bu mo blo gros bzang mos tshigs su bcad de gsol ba/ gang gis su ni mdzes par 'gyur// gang gis nor ni che ba dang // mi phyed 'khor dang ldan par 'gyur// thub pas 'di ni bdag la gsungs// chos kyi rgyal po spyan sngar ni// gang gis rdzus te ste 'gyur zhing / / 'dab ma stong ldan pad+ma ba// mchis par yang ni gda' ba dang // zhing rnams bye ba dpag yas par// sangs rgyas phyag bgyir mchi ba yi// rdzu 'phrul pha rol phyin 'gyur ba'i// spyod pa rgyal bas lung bstan gsol/ / dgra zla ma mchis gang gis 'gyur// tshig kyang btsun par 'gyur ba dang // las kyi sgrib pa ma mchis dang // bdud kyi las kun ma mchis dang // 'chi ba'i dus ni bgyid pa na/ mngon sum sangs rgyas mthong ba dang // de las chos kyang nyan pa dang // sdug bsngal tshor ba myong mi 'gyur/ de skad ces gsol pa dang / bcom ldan 'das kyis/ bu mo blo gros bzang mo la 'di skad ces bka' stsal to/ / bu mo khyod kyis de bzhin gshegs pa la don 'di 'dri bar sems pa legs so legs so// bu mo de'i phyir legs par rab tu nyon la yid la zung zhig dang ngas bshad do/ / bu mo blo gros bzang mos/ bcom ldan 'das legs so zhes gsol te/ bcom ldan 'das kyi lhar nyan pa dang / bcom ldan 'das kyis de la 'di skad ces bka' stsal to//
- 366b
bu mo byang chub sems dpa' chos bzhi dang ldan na mdzes par 'gyur te/ bzhi ga zhen/ 'di lta ste/ than dgra la'ang zo bar mi byed pa dang / byams pa la gnas pa dang / chos 'dod pa dang / bzhin gshegs pa'i sku gzugs byed du 'jug pa ste/ bu mo byang chub sems dpa' chos bzhi po de dag dang ldan na/ mdzes par 'gyur ro// de la 'di skad ces bya ste/ gnod pa'i rtsa ba khro ba 'phe/ mi byed// byams la gnas par byed dang chos 'dod dang // de bzhin gshegs pa'i sku gzugs byas na ni// mdzes par 'gyur te blta bar 'os pa yin// bu mo byang chub sems dpa' chos bzhi dang ldan na/ nor che bar 'gyur te/ bzhi gang zhe na/ 'di lta ste/ dus su sbyin pa dang / 'gyod pa med par sbyin pa dang / yid du 'ong ba sbyin pa dang / rnam par smin pa la re ba med par sbyin pa ste/ bu mo byang chub sems dpa' chos bzhi po de dag dang ldan na/ nor che bar 'gyur ro// de la 'di skad ces bya ste/ dus su byin dang 'gyod pa med pa dang // yid 'ong sbyin dang rnam smin mi re ba// dpa' bopo rnams ni las 'di byas pa na/ / rtag tu longs spyod chen po thob pa yin// bu mo byang chub sems dpa' chos bzhi dang ldan na/ 'khor mi phyed par 'gyur te/ bzhi gang zhe na/ 'di lta / phra ma'i tshig spangs pa dang / sems can log par lta ba rnams yang dag pa'i lta ba yang dag par 'dzin du 'jug cing 'jog par byed pa dang / dam pa'i chos 'jig pa'i tshe dam pa'i chos srung ba dang
- 367a
sems can rnams sangs rgyas kyi byang chub yang dag par 'dzin du 'jug cing 'jog par byed pa ste/ bu mo byang chub sems dpa'i chos bzhi po de dag dang ldan na/ 'khor mi phyed par 'gyur ro/ / de la 'di skad ces bya ste/ phra ma de bzhin log par lta ba spong // dam chos 'jig pa'i tshe na srung bar byed// sems can byang chub yang dag 'dzin 'jug na// 'khor rnams mi phyed phun sum tshogs par 'gyur/ / bu mo byang chub sems dpa' chos bzhi dang ldan na/ sangs rgyas bcom ldan 'das rnams kyi thad du/ rin po che chen po'i pad+ma las rdzus te skye bar 'gyur te/ bzhi gang zhe na/ 'di lta ste/ phye ma 'am/ me tog ut+pa la 'am/ ku mu da 'am/ pad+ma dkar pos lag pa bkang ste/ de bzhin gshegs pa'i sku gzugs sam/ de bzhin gshegs pa'i mchod rten la 'bul ba dang / gzhan dag la'ang gnod sems mi skyed pa dang / de bzhin gshegs pa'i sku gzugs pad+ma'i gdan la bzhugs pa byed du 'jug pa dang / sangs rgyas kyi byang chub la nges pa rgya cher mos pa ste/ bu mo byang chub sems dpa'i chos bzhi po de dag dang ldan na/ sangs rgyas bcom ldan 'das rnams kyi thad du/ rin po che chen po'i pad+ma las rdzus te skye bar 'gyur ro/ / de la 'di skad ces bya ste/ phye ma me tog bkang ste 'bul ba dang // gnod sems spong zhing sku gzugs byed pa dang // mos pa rgya chen la ni gnas byed na// rgyal ba dag gi thad du/
- 367b
rdzus te ste// bu mo byang chub sems dpa' chos bzhi dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur te/ bzhi gang zhe na/ 'di lta ste/ gzhan dag gi dge pa'i rtsa ba'i bar chad mi byed pa dang / gzhan dag chos nyan pa la bar chad mi byed pa dang / de bzhin gshegs pa'i mchod rten dag la mar me 'bul ba dang / ting nge 'dzin sgom pa ste/ bu mo byang chub sems dpa' chos bzhi po de dag dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur ro// de la 'di skad ces bya ste/ dge ba dag gi bar chad mi byed dang // gzhan gyi chos gtan dag la mi smod dang / / rgyal ba'i mchod rten dag la mar me 'bul// ting 'dzin bsgoms pas de ni zhing du 'gro// bu mo byang chub sems dpa' chos bzhi dang ldan na/ dgra zla med par 'gyur te/ bzhi gang zhe na/ 'di lta ste/ g.yo med par dge ba'i bshes gnyen dag la rten pa dang / dge ba'i rtsa ba la ser sna mi byed pa dang / gzhan gyi rnyed pa la dga' ba dang / byang chub sems dpa' rnam kyi bya ba dang / gnas pa thams cad la khong khro bar mi byed cing / mi snyan pa mi sgrogs pa ste/ bu mo byang chub sems dpa' chos bzhi po de dag dang ldan na/ dgra zla med par 'gyur ro// de la 'di skad ces bya ste/ dge ba'i bshes gnyen rnams la de g.yo med// gzhan gyi rnyed pa dga' zhing ser sna med// byang chub sems dpa'i spyod la mi smod na// rtag tu dgra zla med par spyod par 'gyur//
- 368a
bu mo byang chub sems dpa' chos bzhi dang ldan na/ tshig btsun par 'gyur te/ bzhi gang zhe na/ 'di lta ste/ ji skad smras pa de bzhin byed pa dang / mdza' bo dag la yod pa'i rang bzhin mi 'chab pa dang / klan ka mi tshol bar chos nyan pa dang / gzhan chos smra ba dag la 'phya sgyur mi byed pa ste/ bu mo byang chub sems dpa' chos bzhi po de dag dang ldan na/ tshig btsun par 'gyur ro// de la 'di skad ces bya ste/ ji skad smras pa de bzhin byed pa dang // mdza' la yod pa'i rang bzhin mi 'chab cing // klan ka mi tshol chos ni nyan byed na// 'jigs pa med cing tshig kyang btsun par 'gyur// bu mo byang chub sems dpa' chos bzhi dang ldan na/ las kyi sgrib pa med par 'gyur zhing yongs su dag pa'ang myur du rtogs par 'gyur te/ bzhi gang zhe na/ 'di lta ste/ lhag pa'i bsam pa bsgrubs pas sdom pa gsum yang dag par len pa dang / mdo sde zab mo rnams mi spong ba dang / sems dang po bskyed pa'i byang chub sems dpa' la thams cad mkhyen pa nyid du 'du shes bskyed pa dang / sems can thams cad la byams pa bsgom pa ste/ bu mo byang chub sems dpa' chos bzhi po de dag dang ldan na/ las kyi sgrib pa med par 'gyur zhing yongs su dag pa'ang myur du rtogs par 'gyur ro// de la 'di skad ces bya ste/ lhag pa'i bsam pas sdom pa gsum la gnas// mdo sde zab mo rnams la rtag tu mos// sangs rgyas sras la thams cad mkhyen ltar lha// sems can rnams la byams pas las dag 'grur
- 368b
bu mo byang chub sems dpa' chos bzhi dang ldan na/ bdud kyi las med par 'gyur te/ ba ni gang zhe na/ 'di la ste/ chos thams cad mnyam pa nyid du bsgom pa dang / brtson 'grus brtsam pa dang / sangs rgyas rjes su dran pa bsgom pa dang / dge ba'i rtsa ba yongs su bsngo ba ste/ bu mo byang chub sems dpa' chos bzhi po de dag dang ldan na/ bdud kyi las med par 'gyur ro// de la 'di skad ces bya ste/ chos rnams la ni chos kyi tshul rtogs la// brtson 'grus gnas shing sangs rgyas rjes su dran// yongs su bsngo zhing bshags dang phyag 'tshal ba// de la bdud kyis glags ni rnyed mi 'gyur// bu mo byang chub sems dpa' chos bzhi dang ldan na/ 'chi ba'i dus kyi tshe mdun du sangs rgyas bzhugs shing / de las chos kyang nyan la sdug bsngal yang myong bar mi 'gyur te/ bzhi gang zhe na/ 'di lta ste/ gzhan dag gi bsam pa yongs su rdzogs par byed pa dang / mos pa mang ba dang / byang chub sems dpa'i sbyin pa bkod pa sna tshogs nye bar sgrub pa dang / dkon mchog gsum mchod pa la brtson pa ste/ bu mo byang chub sems dpa' chos bzhi po de dag dang ldan na/ 'chi ba'i dus kyi tshe mdun du sangs rgyas bzhugs shing / de las chos kyang nyan la sdug bsngal yang myong bar mi 'gyur ro// de la 'di skad ces bya ste/ de ni gzhan gyi bsam pa rdzogs byed cing // mos pa dang ni sbyin pa rgya che ba// mkhas pa de ni rtag tu sbyin par byed// de phyir de mdun de bzhin gshegs pa bzhugs// de skad ces bka'
- 369a
stsal nas/ bcom ldan 'das la/ bu mo blo gros bzang mos 'di skad ces gsol to// btsun pa bcom ldan 'das byang chub sems dpa'i bsgrub pa ji skad/ bcas pa 'di dag la bdag gis bslab par 'tshal te/ bcom ldan 'das gal te bdag gis bzhi pa bcu po ji skad du bka' stsal pa 'di dag las chos gcig gcig ma spyad na'ang / bdag gis de bzhin gshegs pa'i sku bsdus par gyur cig/ de nas gnas brtan mo'u 'gal gyi bu chen pos/ bu mo blo gros bzang mo la 'di skad ces smras so// bu mo byang chub sems dpa' rnams kyi spyod pa ni nyams 'og tu chud par dka' na/ khyod 'di lta bu yang dag par len par byed na/ ci khyod kyis sems la dbang thob bam/ de skad ces smras nas/ bu mo blo gros bzang mos/ tshe dang ldan pa mo ru 'gal gyi bu chen po la 'di skad ces smras so/ / btsun pa mo'u 'gal gyi bu bden pa dang / bden pa'i tshig gang gis bdag gis chos thams cad yongs su rdzogs par byed par 'gyur ba'i bden pa dang / bden pa'i tshig des stong gsum gyi stong chen po'i 'jig rten gyi khams 'di rnam pa drug tu g.yos te/ lha'i me tog gi char 'bab par gyur cig/ ma dkrol bar yang sil snyan gyi sgra byung bar gyur cig ces byas so/ / de nas bu mo blo gros bzang mos de ltar bden pa'i byin gyis brlabs byas ma thag tu/ de'i mod la stong gsum gyi stong chen po'i 'jig rten gyi khams 'di rnam pa drug tu g.yos
- 369b
lha'i me tog gi char bab par gyur cing / ma dkrol bar lha'i sil snyan gyi sgra'ang byung bar gyur to// btsun pa po'u 'gal gyi bu bden pa dang / bden pa'i tshig gang gis daltar de bzhin gshegs pa dgra bcom pa yang dag par rdzogs pa'i sangs rgyas shAkya thub pa ji lta ba de bzhin du ma 'ongs pa'i dus na/ bdag de bzhin gshegs par 'gyur zhing / sangs rgyas kyi zhing der bdag la bdud kyang 'byung bar mi 'gyur ba dang / ngan song rnams kyi ming yang med pa dang / bud med kyi skyon rnams med par 'gyur ba'i bden pa dang / bden pa'i tshig des khor 'di gser gyi kha dog can du gyur cig/ bu mo blo gros bzang mos tshig de skad ces smras ma thag tu de'i mod la thams cad dang ldan pa'i 'khor de gsar gyi kha dog can du gyur to// de nas tshe dang ldan pa mo'u 'gal gyi bu chen po stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das bdag ni sems dang po bskyed pa nas bzung ste/ byang chub sems dpa' thams cad la phyag 'tshal lo// de nas 'jam dpal gzhon nur gyur pas/ bu mo blo gros bzang mo la 'di skad ces smras so// blo gros bzang mo khyod chos gang la gnas te/ bden pa'i byin gyis brlabs 'di byas/ blo gros bzang mos
- 370a
smras pa/ 'jam dpal chos kyi dbyings ni gnas pa ma mchis pas/ de la gnas par mi nus te/ 'di la dri ba ma mchis so// 'jam dpal gyis smras pa/ blo gros bca/ mo byang chub ces bya ba 'di gang gi tshig bla dgas yin/ blo gros bzang mos smras pa/ 'jam dpal byang chub ces bgyi ba ni rnam par mi rtog pa'i chos kyi tshig bla dgas so// 'jam dpal gyis spras pa/ blo gros bzang mo 'di ltar byang chub sems dpa' zhes bya ba 'di gang gi cho ga bla dgas yin/ blo gros bzang mos smras pa/ 'jam dpal byang chub sems dpa' zhes bgyi ba ni nam mkha' dang mnyam pa nyid kyi chos kyi tshig bla dgas so/ / 'jam dpal gyis smras pa/ blo gros bzang mo ci de bzhin gshegs pa'ang byang chub kyi phyir spyad pa mdzad dam/ blo gros bzang mos smras pa/ 'jam dpal dper na smig rgyu dang brag chas byang chub kyi phyir spyad pa de bzhin du de bzhin gshegs pas kyang byang chub kyi phyir spyad do/ / 'jam dpal gyis smras pa/ blo gros bzang mo khyod kyis ci las bas te de skad ces smras/ blo gros bzang mos smras pa/ 'jam dpal 'di la chos 'ga' la'ang bsam pa 'am/ bsam pa ma lags pa ma mchis so// 'jam dpal gyis smras pa/ blo gros bzang mo bsam pa de lta bu yin du zin na/ byis pa thams cad kyang byang chub tu 'gyur ro// blo gros bzang pos spras pa/ 'jam dpal 'di ji snyam du dgongs/ byis pa rnams kyang gzhan la/
- 370b
mkhas pa rnams kyang gzhan te/ byang chub kyang gzhan par gzigs sam/ de ci'i slad du zhe na/ 'di lta ste/ chos kyi dbyings kyi tshul du 'di ni dbyings gcig pa lags te/ blang ba ma mchis shing dor ba ma mchis la sgo btags pa ma mchis so/ / 'jam dpal gyis smras pa/ blo gros bzang mos bshad pa 'di'i don shes pa ji snyed cig yod/ blo gros bzang mos smras pa// 'jam dpal bshad pa 'di'i don 'tshal pa ni sgyu ma sprul pa'i sems dang sems las byung ba ji snyed mchis pa de snyed do/ / 'jam dpal gyis smras pa/ blo gros bzang mo sprul pa nyid kyang med na/ de'i sems dang sems las byung ba lta ga la yod/ blo gros bzang mos smras pa/ 'jam dpal chos kyi dbyings ni mchis pa'ang ma lags/ ma mchis pa'ang ma lags te/ de bzhin gshegs pa'ang de dang 'dra'o/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das 'di ltar bu mo blo gros bzang mo 'di ni zab mo'i bzod pa dang ldan pa ni ngo mtshar lags so/ / bcom ldan 'das kyis bka' stsal pa/ 'jam dpal de de bzhin no// ji skad smras pa bzhin te/ bu mo blo gros bzang po yang dag par rdzogs pa'i byang chub la yang dag par zhugs nas/ bskal pa sum cu lon pa'i 'og tu gdod ngas bla na med pa yang dag par rdzogs pa'i byang chub tu sems bskyed do// khyod kyang bu mo blo gros bzang
- 371a
mo 'di nyid kyis mi skye ba'i chos la zhugs par byas so/ / de nas 'jam dpal gzhon nur gyur pa stan las langs te/ bu mo blo gros bzang mo la phyag byas nas/ tshig 'di skad du bdag gis slob dpon yun ring po zhig na mthong ngo zhes kyang smras so// blo gros bzang mos smras pa/ 'jam dpal ma rtog cig/ de ci'i phyir zhe na/ mi skye ba'i chos la bzod pa ni rnam par mi rtog pa'i phyir ro/ / 'jam dpal gyis smras pa/ ci'i phyir slob dpon gyis bud med kyi lus las de dung bsgyur/ blo gros bzang mos smras pa/ 'jam dpal 'di ni bud med do// 'di ni skyes pa'o zhes bya ba de ni dmigs pa ste/ 'on kyang khyod kyis the tshom med pa bya'o// bden pa gang gis bdag ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i bden pa des bdag skyes par gyur cig/ bu mo blo gros bzang mos tshig de skad ces smras ma thag tu de'i mod la/ de'i bud med kyi dngos po mi snang bar gyur nas/ skyes par red de/ chos gos ngur smrig gyon nas/ des 'di skad du bden pa gang gis bdag gis byang chub thob pa na/ dge slong tshur shog ces byas pas rab tu byung bar 'gyur ba dang / bdag gi sangs rgyas kyi zhing der bdud kyang 'byung bar mi 'gyur ba dang / ngan song gi ming yang med pa dang / bud med kyi skyon rnams kyang med par 'gyur ba'i bden pa dang / bden pa'i tshig des bdag dge slong bsnyen par rdzogs nas
- 371b
lo sum cu lon pa'i spyod lam ci 'dra ba de lta bur gyur cig ces byas so/ / byang chub sems dpa' blo gros bzang pos tshig de skad ces smras ma thag tu de'i mod la/ de dge slong bsnyen par rdzogs nas lo sum cu lon pa'i spyod lam ci 'dra ba de lta bur gyur to/ / 'jam dpal bden pa dang / bden pa'i tshig gang gis bdag gi sangs rgyas kyi zhing du sems can rnams kyi lus gser gyi kha dog lta bur 'gyur ba dang / bsams pas bza' ba dang btang ba 'grub par 'gyur te/ gzhan 'phrul dbang byed kyi lha rnams kyi longs spyod dang / yongs su spyod pa ji lta ba bzhin du 'gyur ba dang / sangs rgyas kyi zhing den ngan song gsum yongs su spangs par 'gyur ba dang / rin po che sna bdun gyi shing ljon pa dang / rin po che'i dra bas yongs su bskor cing rin po che sna bdun gyi pad+ma dag gis rgyas la/ steng rin po che bla re bres te/ 'jam dpal gyi sangs rgyas kyi zhing ci 'dra ba kho na dang mnyam zhing mi lhag pa de lta bur 'gyur ba'i bden pa dang / bden pa'i tshig des 'khor 'di gser gyi kha dog can du gyur cig ces byas so/ / de nas byang chub sems dpa' blo gros bzang pos tshig de skad smras ma thag tu de'i mod la thams cad dang ldan pa'i 'khor de gser gyi kha dog can du gyur to// de nas sa bla'i lha rnams kyilha'i lus kyis gcig nas gcig tu sba bsgrags shing skad kyis go bar byas te/ kye ma byang chub sems dpa' sems dpa' chen po blo gros bzang po byang chub thob pa'i sangs rgyas kyi zhing gi yon tan
- 372a
bkod pa ni de lta bur 'gyur ro zhes ched du brjod pa 'di ched du brjod do/ / de nas bcom ldan 'das kyis/ 'jab dpal gzhon nur gyur pa la bkar stsal pa/ 'jam dpal byang chub sems dpa' blo gros bzang po 'di ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das yon tan rin chen dpal gyi snying po zhe bya bar 'jig rten du 'byung bar 'gyur ro/ / bcom ldan 'das kyis chos kyi rnam grangs 'di bka' stsal pa na/ srog chags bye ba phrag sum cu bla na med pa yang dag par rdzogs pa'i byang chub las phyir mi ldog pa nyid la yang dag par gnas par gyur to/ / lha bye ba phrag brgyad cu ni chos rnams la chos kyi mig rdul med cing dri ma dang bral ba rnam par dag go// srog chags brgyad stong gis ni ye shes mngon par rtogs par gyur to// byang chub sems dpa'i theg pa pa'i dge slong byang chub kyi sems las phyir mi ldog par 'dod pa lnga stong tsam yang / byang chub sems dpa' blo gros bzang po'i lhag pa'i bsam pa rtogs shing dge ba'i rtsa ba'i che ba nyid mthong nas/ de dag rang rang gi tha gos bcom ldan 'das kyi spru la gsol te/ lhag pa'i bsam pa bla na med pa yang dag par rdzogs pa'i byang chub tu yongs su
- 372b
bsngos nas tshig 'di skad du/ bcom ldan 'das bdag cag gi dge ba'i rtsa ba 'di bla na med pa yang dag par rdzogs pa'i byang chub tu nges par gyur cig ces smras so// dge slong de dag gis dge ba'i rtsa ba bla na med pa yang dag par rdzogs pa'i byang chub tu yongs su bsngos ma thag tu bskal pa dgu bcu'i 'khor ba bsnyil te dor nas/ bla na med pa yang dag par rdzogs pa'i byang chub las phyir mi ldog par gnas par gyur to/ / de dag thams cad kyang bcom ldan 'das kyis lung bstan te/ 'jam dpal dge slong 'di dag ni bskal pacu gnyis na/ bskal pa dri ma med pa'i 'od ces bya ba la/ de bzhin gshegs pa bzod par dka' ba'i sangs rgyas kyi zhing 'jig rten gyi khams 'od zer can du bskal pa gcig la/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa spobs pa'i rgyan ces bya bar thams cad ming 'thun par 'jig rten du 'byung bar 'gyur ro// 'jam dpal de ltar na chos kyi rnam grangs 'di ni byang chub sems dpa' sems dpa' chen po rnams dang / nyan thos rnams la rdzu 'phrul chen po byed pa yin no// 'jam dpal rigs kyi bu 'am/ rigs kyi bu mo byang chub 'dod pa gang gis bskal pa stong gi bar du thabs mkhas pa dang ma bral bas/ pha rol tu phyin pa drug spyad la/ gang gis chos kyi rnam grangs 'di bris nas zla ba
- 373a
phyed kyi bar du lan re bklags na/ bsod nams kyi phung po snga mas ni/ bsod nams kyi phung po 'di'i brgya'i char yang mi phod/ stong gi cha dang / brgya stong gi cha dang / bye ba brgya stong gi cha dang / grangs dang / dpe dang / rgyur yang mi bzod do// 'jam dpal de bas na chos kyi rnam grangs 'di khyod la gtad kyis/ khyed mthun par gyis la sngon gyi byang chub sems dpa'i smon lam las byung ba'i mdo 'di lta bu 'di ma 'ongs pa'i dus na zung zhig/ kun chub par gyis shig/ chongs shig/ shod cig/ lhogs shig/ ston cig/ gzhan dag la rgya cher rab tu ston cig/ 'jam dpal dper na 'khor los sgyur ba'i rgyal po ji srid du gnas pa de srid du ring po che sna bdun med par mi 'gyur la/ 'khor los sgyur ba'i rgyal po shin rin po che sna bdun med par 'gyur ro/ / 'jam dpal de bzhin du chos kyi rnam grangs 'di lta bu 'di 'jig rten na ji srid du spyod pa de srid du/ de bzhin gshegs pa'i byang chub kyi yan lag rin po che sna bdun dang / byang chub tu phyogs kyi chos kyi tshul thams cad med par mi 'gyur la/ / chos kyi rnam grangs 'di lta bu 'di med par gyur na/ dam pa'i chos nub par 'gyur ro// 'jam dpal de bas na mdo sde rin po che 'di lta bu 'di yi ger bri ba dang / lung 'bogs pa dang / bcang ba dang / klog pa dang / gzhan dag la rgya cher rab tu bstan pa'i phyir/ byang chub sems dpa' sems dpa' chen po rnams kyis brtson
- 373b
'grus brtsam par bya'o/ / 'di ni nga'i rjes su bstan pa yin no// phyis 'gyod par gyur ta ra/ 'di ni rigs kyi bu 'am/ rigs kyi bu mo byang chub 'dod pa langs bstan pa yin no/ bcom ldan 'das kyis de skad ces bka' stsal nas/ byang chub sems dpa' blo gros bzang po dang / 'jam dpal gzhon nur gyur pa dang / thams cad dang ldan pa'i 'khor de dang / lha dang mi dang / lha ma yin dang / dri bar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'phags pa bu mo blo gros bzang mos zhus pa'i le'u zhes bya ste sum cu pa rdzogs so// / rgya gar gyi mkhan po dzi na mi tra dang su nad bo d+hi dang / zhu chen gyi lo tsa ba ban de ye shes sdes bsgyur cing zhus te gtan la phab pa// rgya gar skad du/ Ar+ya gang kod tu ldan rnam sngu/ / bod skad du/ 'phags pa gang ga'i mchog gis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ c
- 374a
hen po mnyan yod na/ dge bsnyen ma gang ga'i mchog ces bya ba zhig gnas so// de nas dge bsnyen ma gang ga'i mchog mnyan yod nas byung nas/ rgyal bu rgyal byed kyi tshal/ mgon med zas sbyin gyi kun dga' ra ba ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ phyogs gcig tu 'dug pa dang / bcom ldan 'das kyis mkhyen bzhin du dge bsnyen ma gang ga'i mchog la/ gang ga'i mchog khyod da gzod gang nas 'ongs shes smras/ gang ga'i mchog gis gsol pa/ bcom ldan 'das gang zhig gis sprul pa la smras te/ khyod de gzod gang nas 'ongs shes de skad bgyis na/ ji skad lan 'debs par 'gyur lags/ bcom ldan 'das kyis bka' stsal pa/ gang ga'i mchog sprul pa la ni 'greng ba med/ 'dug pa med/ nyal ba med/ 'ong ba med/ 'gro ba med/ 'chi 'pho med/ skye ba med na 'di nas 'ongs so zhes de ci zhig ston par 'gyur/ gang ga'i mchog gis gsol pa/ bcom ldan 'das ci chos thams cad sprul pa lta bu ma lags sam/ bka' stsal pa/ gang ga'i mchog de bzhin no// gsol pa/ bcom ldan 'das gal te chos thams cad sprul pa lta bu lags na/ gang ga'i mchog khyod da bzod gang nas 'ongs zhes ci'i slad du smra/ bcom ldan 'das kyis bka' stsal pa/ gang ga'i mchog sprul pa ni ngan song du
- 374b
mi 'gro/ mtho ris su mi 'gro/ yongs su mya ngan las 'das par mi 'gro na/ gang ga'i mchog kyang ngan song du mi 'gro/ mtho ris su mi 'gro/ yongs su mya ngan las 'das par mi 'gro 'am gang ga'i mchog gis gsol pa/ bcom ldan 'das gal te bdag gis dge bsnyen ma gang ga'i mchog sprul pa'i rang bzhin las zhan lags par mthong na ni/ dge bsnyen ma gang ga'i mchog ngan song du mchi ba 'am/ mtho ris su mchi ba 'am/ yongs su mya ngan las 'das par mchi ba ma lags so zhes bdag sprul pa dang bsun du'ang mi rung lags na/ bcom ldan 'das bdag gis ni da bsnyen ma gang ga'i mchog sprul pa'i rang bzhin las gzhan lags par ma mthong ste/ bcom ldan 'das de ltar bdag gis ma mthong na/ dge bsnyen ma gang ga'i mchog ngan song du mchi ba 'am/ mtho ris su mchi ba 'am/ yongs su mya ngan las 'das par mchi ba zhes ji skad bstan par bgyi/ bcom ldan 'das de lta lags kyis kyang / g.yo ba dang / rlom sems dang / bskyod pa dang / spros pa mchis na/ 'di snyam du bdag ngan song du 'gro ba 'am/ mtho ris su 'gro ba 'am/ yongs su mya ngan las 'das par 'gro ba'o snyam du sems lags te/ bcom ldan 'das mya ngan las 'das pa'i dbyings ni nams kyang ngan song du mchi ba 'am/ mtho ris su mchi ba 'am// yongs su mya ngan las 'das par mchi ba ma lags te/ bcom ldan 'das dge bsnyen ma gang ga'i mchog
- 375a
kyang de lta bu'i dbyings can lags so/ / bcom ldan 'das kyis bka' stsal pa/ gang ga'i mchog khyod ci yongs su mya ngan las 'das pa la yang dag par ma zhugs sam/ gsol pa/ bcom ldan 'das su zhig gis mi skye ba la rmas te/ khyod yongs su mya ngan las 'das pa la ma zhugs sam zhes de skad bgyis na/ ji skad lan 'debs par 'gyur lags bcom ldan 'das kyis bka' stsal pa/ gang ga'i mchog mi skye ba zhes bya ba ni mya ngan las 'das pa'i tshig bla dgas yin na/ de ci zhig lan 'debs par 'gyur/ gang ga'i mchog gis gsol pa/ bcom ldan 'das ci chos thams cad mya ngan las 'das pa dang mtshungs pa lags sam/ bka' stsal pa/ gang ga'i mchog de de bzhin te/ chos thams cad ni mya ngan las 'das pa dang mtshungs so/ / gsol pa/ bcom ldan 'das gal te chos thams cad mya ngan las 'das pa dang mtshungs pa lags na/ gang ga'i mchog khyod yongs su mya ngan las 'das pa la yang dag par ma zhugs sam zhes de ci zhig smra ste/ bcom ldan 'das su zhig gis sprul pa la smras te/ khyod yongs su mya ngan las 'das par yang dag par ma zhugs sam zhes de skad bgyis na/ ji skad yan 'debs par 'gyur lags/ bcom ldan 'das kyis bka' stsal pa/ gang ga'i mchog dri ba 'di ni dmigs pa med pa'o// gsol pa/ ci bcom ldan 'das kyis dmigs pa dang
- 375b
bcas pa'i smra bas smras lags sam/ bka' stsal pa/ gang ga'i mchog dri ba 'di ni dmigs pa med mod kyi/ 'on kyang 'khor 'di na rigs kyi bu 'am/ rigs kyi bu mo 'dul ba dag yod de de dag gi don chen por 'gyur bas dris so/ / de ci'i phyir zhe na/ gang ga'i mchog de bzhin gshegs pas ni chos nyid ces pa'ang mngon par rdzogs par sangs ma rgyas na/ gang de las byung ba'i chos yongs su mya ngan las 'das pa gnas pa lta ga la zhig yod/ gsol pa/ gal te bcom ldan 'das kyis chos nyid ces bgyi ba'ang mngon par rdzogs par sangs pa rgyas te/ de las byung ba'i chos lta ga la zhig mchis par gyur na/ bcom ldan 'das kyis byang chub kyi slad du ji ltar dge ba'i rtsa ba yang dag par bsgrubs lags/ bcom ldan 'das kyis bka' stsal pa/ gang ga'i mchog gang dmigs pa de ni dge ba'i rtsa ba ma yin te/ byang chub sems dpa'i dge ba'i rtsa ba de ni gang gi tshe yang dag par sgrub pa'i tshe'ang bsam gyis mi khyab pa nyid mi 'dor gang gi tshe yang dag par mi sgrub pa de'i tshe'ang bsam gyis mi khyab pa nyid mi 'dor ro/ / gsol pa/ bcom ldan 'das bsam gyis mi khyab pa la bsam gyis mi khyab pa zhes bgyi ba ci'i slad du/ bsam gyis mi khyab pa la bsam gyis mi khyab pa zhes bgyi/ bcom ldan 'das kyis bka' stsal pa/ gang ga'i mchog chos 'di ni sems pas thob par bya ba ma yin te/
- 376a
sems pas thob par bya bar mi nus so// de ci'i phyir zhe na/ 'di ltar 'di ni sems nyid kyang mi dmigs na/ gang sems las rab tu byung ba'i chos lta ga la yod gang ga'i mchog sems mi dmigs pa ni bsam gyis mi khyab pa'i rgyud ces bya'o/ / bsam gyis mi khyab pa'i rgyud gang yin pa de ni thob pa ma yin/ mngon par rtogs pa ma yin/ shes pa ma yin/ mngon sum du byas pa ma yin te/ de ni thob par bya ba ma yin/ kun nas nyon mongs pa ma yin/ rnam par byang ba ma yin no// de ci'i phyir zhe na/ gang ga'i mchog 'di ltar de bzhin / gshegs pas ni chos thams cad nam mkha' ltar nges par thugs su chud de/ gang ga'i mchog chos thams cad ni nam mkha' dang mtshungs pa gnyen po med pa'o// gsol pa/ bcom ldan 'das gal te chos thams cad nam mkha' dang mtshungs pa gnyen po ma mchis pa lags te/ bcom ldan 'das kyis gzugs shes btags pa dang / tshor ba dang / 'du shes dang / 'du byed rnams dang / rnam par shes pa zhes btags pa dang / phung po rnams dang / khams rnams dang / skye mched rnams dang / rten cing 'brel par 'byung ba dang / zag pa dang bcas pa dang / zag pa ma mchi/ pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa zhes btags pa ji lta bu lags/ bcom ldan 'das kyis bka' stsal pa/ gang ga'i
- 376b
mchog 'di lta ste/ dper na bdag bdag ces 'dogs kyang bdag gang yang mi dmigs pa de bzhin du/ gang ga'i mchog ngas gzugs shes btags te/ gzugs gang yang mi dmigs so// de bzhin du ngas tshor ba dang / 'du shes dang / 'du byed rnams dang / rnam par shes pa zhes btags te/ rnam par shes pa gang yang mi dmigs so// phung po rnams dang / khams rnams dang / skye mched rnams dang / rten cing 'brel par 'byung ba dang / zag pa dang bcas pa dang / zag pa med pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa zhes bya ba'ang ngas btags te/ mya ngan las 'das pa gang yang mi dmigs so// gang ga'i mchog 'di lta ste/ dper na smig rgyu rnams la ni chu yong med de mi dmigs so/ / gang ga'i mchog de bzhin du ngas gzugs shes bya ba btags kyang gzugs gang yang mi dmigs so// ngas tshor ba dang / 'du shes dang / 'du byed rnams dang / rnam par shes pa zhes bya ba btags kyang rnam par shes pa gang yang mi dmigs so/ / phung po rnams dang / khams rnams dang / skye mched rnams dang / rten cing 'brel par 'byung ba dang / zag pa dang bcas pa dang / zag pa med pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa zhes bya ba ngas btags kyang / don dam par na de dag thams
- 377a
cad med cing mi dmigs so/ / gang ga'i mchog gang chos la mchog tu 'dzin pa med par tshangs par spyad pa spyod pa de lta bu ni legs par gsungs pa'i chos 'dul ba la tshangs par spyod pa la gnas pa yin no/ / gang ga'i mchog mngon pa'i nga rgyal can gnas la dmigs nas tshangs par spyad pa spyod pa de dag gi tshangs par spyod pa de ni yongs su ma dag pa'o zhes nga smra'o// gang dag tshangs par spyod pa yongs su ma dag pa de dag ni zab mo rgyud chad pa'i chos 'di lta bu 'di thos nas sngangs skrag par 'gyur te/ de dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su mi 'grol te/ de dag ni sdug bsngal gyi skal ba can du 'gyur ro zhes nga smra'o// gang ga'i mchog da ltar ram/ nga 'das pa'i phyi na'ang rung ste/ gang dag zab mo rgyud chad pa 'di lta bu'i chos ston pa de dag la/ mi gti mug pa dag gsod pa'i 'du shes skyed par 'gyur te/ de ltar mi gti mug pa de dag log par zin pas bsad pa'i zhe sdang bskyed nas/ ngan song du 'gro bar 'gyur ro// gang ga'i mchog gis gsol pa/ bcom ldan 'das rgyud chad pa rgyud chad pa zhes bgyi ba ci'i slad du na rgyud chad pa zhes bgyi/ bcom ldan 'das kyis bka' stsal pa/ gang ga'i mchog chos 'di ni rgyud bcad pa 'am/ dbye ba 'am/ rnam par gzhig pa ma yin te/ de'i phyir rgyud
- 377b
bcad pa zhes bya ste/ 'di ni yang dag pa'i mtha' zhes bya/ bsam gyis mi khyab pa'i rgyud ces bya'o// de nas bcom ldan 'das kyis de'i tshe 'dzum pa mdzad do// de nas brtsa ldan 'das kyi zhal gyi sgo nas 'od zer kha dog sna tshogs kha dog du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lha bu dag kyang byung nas/ de dag gis 'jig rten gyi khams mtha' yas mu med pa dag snang bar byas te/ 'od kyis khyab par byas nas/ tshangs pa'i 'jig rten gyi bar du mngon par byung ste// slar log nas bcom ldan 'das kyi zhal gyi sgor nub bo// de nas tshe dang ldan pa kun dga' bos bla kos drag pa gcig tu gzar d+he/ pus mo g.yas pa'i lha ngas la btsam nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo ngas mngon par shes te/ sa phyogs 'di nyid du de bzhin gshegs pa stong gis gang ga'i mchog ces bya ba kho na'i dge bsnyen ma sha stag las brtsams te chos kyi rnam grang 'di bshad do/ / dge bsnyen ma de dag thams cad ni rab tu byung nas/
- 378a
phung po med pa'i mya ngan las 'das pa'i dbyings su yongs su mya ngan las 'das so// de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di dri ma med pa zhes bya ste/ 'di dri ma med pa zhes bya bar zug zhig/ chos kyi rnam grangs 'di bstan pa na dge slong bdun brgya dang / dge slong ma bzhi brgya len pa med par zag pa rnam las sems rnam par grol lo/ / de nas 'dod pa na spyod pa dang / gzugs na spyod pa'i lha'i bu rnams kyis lha'i me tog rnams dang / tsan dan gyi phye ma rnams mngon par sprul te/ bcom ldan 'das la gtor nas tshig 'di skad ces 'di ltar grong khyer mnyan yod na dge bsnyen ma 'odi lta bu gnas la/ de de bzhin gshegs pa dang lhan cig smra'ang / de'i lus ngal ba yang mi 'gyur ba dang / ji ltar gang ga'i mchog 'di sngon gyi rgyal ba la lhag par bya ba byas shing dge ba'i rtsa ba bskyed pa dang / yun ring po nas dge ba spyad pa dang / yun ring po nas tshangs par spyad/ pa dang / sangs rgyas mang po la bsnyen bkur byas pa 'di ni ngo mtshar to zhes smras so// bcom ldan 'das kyis bka' stsal pa/ lha'i bu dag de de bzhin to// 'di ni sngon gyi rgyal ba la lhag par bya'o
- 378b
byas pa/ dge ba'i rtsa ba bskyed pa/ yun ring du tshangs par spyod pa la gnas pa'o// bcom ldan 'das kyis de skad ces bka' stsal nas/ dge bsnyen ma gang ga'i mchog dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'phags pa gang ga'i mchog gis zhus pa'i le'u zhes bya ste/ 'dus pa sum cu rtsa gcig pa rdzogs so// / rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban+de ye shes sdes bsgyur cing zhus te/ skad gsar bcad kyis kyang bcos nas gtan la phab pa/ sh+lau ka brgya dang bcu'o// rgya gar skad du/ Ar+ya a sho ka dad ta byA ka ra Na na ma ma hA yA na sU tra/ bod skad du/ 'phags pa mya ngan med kyis byin pa lung bstan pa zhes bya ba theg pa chen po'i mdo/ / bam po gcig go// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig bcom ldan 'das rgyal po'i khab na bya rgod kyi phung po'i ri la/ dge slong lnga brgya tsam gyi dge slong gi dge 'dun chen po dang / byang chub sems dpa' brgyad stong thams cad kyang gzungs
- 379a
thob pa/ spobs pa thogs pa med pa/ mngon par shes pa bsgrubs pa la mkhas pa/ chos zab mo'i tshul la gnas pa/ stong pa nyid la gnas pa/ mtshan ma med/ pa la gnas pa/ smon pa med pa la gnas pa/ mi dmigs pa'i chos la gnas pa/ mi gnas par chos ston pa/ mi skye ba'i chos la bzod pa thob pa dang ldan pa sha stag la 'di lta ste/ byang chub sems dpa' lhun po dang / byang chub sems dpa' lhun po chen po dang / byang chub sems dpa' ye shes lhun po dang / byang chub sems dpa' rin chen seng ge dang / byang chub sems dpa' seng ge blo gros dang / byang chub sems dpa' rtag tu lag brkyang dang / byang chub sems dpa' rtag tu lag bsgreng dang / byang chub sems dpa' rtag tu brtson dang byang chub sems dpa' rtag tu 'dzum zhing rab tu dga' ba dang / byang chub sems dpa' dbang po las 'das pa dang / byang chub sems dpa' rtag tu gdung dang / byang chub sems dpa' rin chen sems dang / byang chub sems dpa' lag na rin chen dang / byang chub sems dpa' lag na rin chen thogs dang / byang chub sems dpa' rin chen bkra ldan dang / byang chub sems dpa' kha lo sgyur dang / byang chub sems dpa' la lo sgyur ba chen po dang / byang chub sems dpa' bden pa la dga' ba dang / byang chub sems dpa' byams pa dang
- 379b
byang chub sems dpa' 'jam dpal gzhon nur gyur pa dang / skyes bu dpa pa brgyad la 'di lta ste/ byang chub sems dpa' bzang skyong dang / byang chub sems dpa' dkon mchog 'byung gnas/ dang / byang chub sems dpa' phug sbas dang / byang chub sems dpa' dbang po'i lha dang / byang chub sems dpa' chu lha'i lha dang / byang chub sems dpa' blo gros yangs pa dang / byang chub sems dpa' blo gros khyad par can dang / byang chub sems dpa' blo gros 'phel dang / de la sogs pa byang chub sems dpa' brgyad stong dang thabs cig tu bzhugs so// de nas de'i tshe bcom ldan 'das rgyal po'i khab kyi grong khyer chen po na gnas shing bzhugs pa la/ rgyal po ma skyes dgra dang / rgyal po'i bka' la gtogs pa dang / blon po dang / sna chen po la gtogs pa dang / zhang lon gyi bu tsha dang / zhabs drung na 'khod pa dang / pho brang 'khor gyi mi dang / bram ze dang / rgyal rigs dang / khyim bdag rnams kyis bsti stang du byas bla mar byas/ ri mor byas/ mchod par byas te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston pa 'di lta ste/ tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba rab tu ston
- 380a
to/ / de nas tshe dang ldan pa shA ra dwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa rta thul dang / tshe dang ldan pa nye bar 'khor dang / tshe dang ldan pa sgra gcan zin dang / tshe dang ldan pa nam gru dang / tshe dang ldan pa kun dga' bo dang / tshe dang ldan pa ma 'gags pa dang / de dag dang gzhan yang nyan thos chen po rab tu mang po rnams snga dro'i dus kyi tshe/ chos gos dang sham thabs bgos nas/ lhung bzed thogs te/ rgyal po'i khab kyi grong khyer chen por bsod snyoms kyi phyir zhugs so// de nas nyan thos chen po de dag rgyal po'i khab kyi grong khyer chen por mthar chags su bsod snyoms kyi phyir rgyu zhing / mthar gyis rgyal po ma skyes dgra'i pho brang ga la ba der dong ste/ lhags nas phyogs gcig tu cang mi smra bar 'khod do// yang de'i tshe rgyal pom skyes dgra'i pho brang na bu mo mya ngan med kyis byin pa zhes bya ba btsas nas lo bcu gnyis lon pa 'dra ba/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas brgya stong mang po la bsnyen bkur byas pa/ bla na med pa'i byang chub
- 380b
las phyir mi ldog pa de rang gi pha'i khang bzangs na khri gser gyi rkang pa can yod pa la 'dug par gyur to/ / de nas bu mo mya ngan med kyis byin pas nyan thos chen po de dag mthong nas khri de las ma langs te/ bsur yang mi 'gro/ phyug kyang mi byed/ gtam yang mi zer/ stan yang mi 'ding / bsod snyoms kyang mi 'bul bar kha rog ste 'dug go// de nas rgyal po ma skyes dgras/ nyan thos chen po de dag rgyal po'i pho brang du 'ongs zhes thos nas/ rang gyi khang bzangs kyi snga gang ga la ba der song ste phyin nas/ nyan thos chen po de dag la mchog tu sdug par 'dzin pas/ mngon par dga' zhing stan yang bting ngo // rgyal po ma skyes dgras bu mo mya ngan med kyis byin pas nyan thos chen po de dag mthong bzhin du kha rog ste 'dug pa mthong nas/ bu mo mya ngan med kyis byin pa la 'di skad ces smras so// bu mo 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i nyan thos chen po ste/ che ba nyid kyi yon tan gyi chos dang ldan pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba/ yongs su zad pa/ yang dag pa'i shes pas sems shin tu rnam par grol ba/ bsod nams kyi zhing du gyur pa/ snying brtse ba can yin te/ 'jig rten la snying brtse ba'i
- 381a
phyir/ bsod snyoms kyi phyir rgyu bar khyod kyis mi shes sam/ ci na khyod kyis de dag mthong la/ mthong bzhin du khri las kyang mi ldang / bsu bar yang mi byed phyag kyang mi 'tshal/ gtam yang mi zer/ stan dang bsod snyoms la'ang spyan mi 'dren/ dad pa dang gus pa'ang mi skyed par/ ci'i phyir ma gus pa ston cing kha rog ste 'dug/ khyod kyis don gyi dbang ci zhig mthong / de skad ces smras pa dang / bu mo mya ngan med kyis byin pas/ rang gi pha rgyal po ma skyes dgra la 'di skad ces smras so// yab 'di ji snyam du dgongs/ ci 'khor los sgyur ba'i rgyal po rgyal phran la ldang ngam/ bsur mchi ba nam yang gsan tam/ gzigs sam/ rgyal pos smras pa/ bu mo de ni ma yin no// bu mos smras pa/ yab ci lha'i dbang po brgya byin lha gzhan dag la ldang ngam/ bsur mchi 'am/ rgyal pos smras pa/ bu mo de ni ma yin no// bu mes smras pa/ yab ci mi bajed kyi bdag po tshangs pa lha gzhan dag la ldang ngam/ bsur mchi 'am/ rgyal pos smras pa/ bu mo de ni ma yin no// bu mos smras pa/ yab ci rgya mtsho chen po mtsho dang / mtshe'u dang / nu mig dang / mtsho bran dang / lteng ka dang / khrom pa la phyag 'tshal ba gsan tam/ gzigs sam/ rgyal pos spras pa/ bu mo de ni ma yin no// bu mos smras pa/ yab ci ri'i rgyal po ri rab ri nag po
- 381b
gzhan dag la 'dud pa 'am/ phyag 'tshal ba gsan tam/ gzigs sam/ rgyal pos smras pa/ bu mo de ni ma yin no// bu mos smras pa/ yab ci nyi ma dang / zla ba dang / skar ma'i tshogs srin bu me khyer gyi 'od 'dod pa gsan tam/ gzigs sam/ rgyal pos smras pa/ bu mo de ni ma yin no// bu mos smras pa/ yab ci ri dgas kyi rgyal po seng ge wa la ldang ba 'am/ bsur mchi ba gsan tam/ gzigs sam/ rgyal pos smras pa/ bu mo de ni ma yin no// bu mos smras pa/ yab de bzhin du su zhig bla na med pa yang dag par rdzogs pa'i byang chub tu sems bskyed nas/ byams pa chen po dang snying rje chen po'i seng ge'i sgra bsgrags la/ dman pa la mos pa'i nyan thos wa lta bur gyur pa/ byams pa chen po dang snying rje chen po dang bral ba dag la dga' zhing ldang ba 'am/ bsur mchi ba 'am/ phyag 'tshal ba 'am/ bkur sti bgyid/ yab chos kyi rgyal po chen po su zhig chos kyi 'khor lo bla na med pa bskor tam/ skor bar bgyid pa na/ nyan thos dman pa/ zhan pa/ zhum pa/ nyi tshe ba'i shes pa dang ldan pa rnams la dga' bas phyag 'tshal ba 'am/ 'dud par bgyid/ yab lha'i bdag po lha'i dbang po lta bu su zhig rnam par dag pa'i lha'i bdag po don du gnyer ba na/ dge ba chung ba'i lha lta bu'i nyan thos dag la 'dod pa 'am/ phyag 'tshal ba 'am/ ldang /
- 382a
ba 'am/ bsur mchi bar bgyid/ yab mi mjed kyi bdag po tshangs pa lta bu su zhig 'jig rten na tshangs pa'i snga gang bla na med pa don du gnyer ba na/ dge ba'i rtsa ba chung ba'i tshangs pa lta bu'i nyan thos dag la 'dod pa 'am/ ldang ba 'am/ bsur mchi ba 'am/ phyag 'tshal bar bgyid/ yab su zhig ye shes rgya mtsho dpag tu med pa/ mi mnyam pa dang mnyam pa'i chos rtogs pa 'chol ba na/ ba lang gyi rmig rjes kyi chu lta bu'i tshul khrims kyi rjes su song ba'i nyan thos dag la 'dod pa 'am/ ldang ba 'am/ bsur mchi ba 'am/ phyag 'tshal bar bgyid/ yab su zhig ri rab lta bu'i bsam gtan dang / rnam par thar pa dang ldan pa'i de bzhin gshegs pa'i gzugs kyi sku don du nyer ba na/ yungs 'bru lta bu'i ting nge 'dzin gyi stobs dang ldan pa'i nyan thos dag la ldang ba 'am/ bsur mchi ba 'am/ phyag 'tshal ba 'am/ 'dud pa 'am/ 'dod pa skyed par bgyid/ yab su zhig sangs rgyas bcom ldan 'das rnams kyi che ba nyid shes rab dang / bsod nams dang / ye shes dang / yon tan nyi ma dang zla ba'i snang ba dpag tu med pa lta bu thos nas/ srin bu me khyer gyi 'od lta bu'i rang gi rgyud la snang ba gnas pa/ gzhan gyi sgra'i rjes su song ba'i nyan thos dag gi rnam par grol ba la 'dod pa skyed par bgyid/ bdag ni de bzhin gshegs pa rnams yongs su ma
- 382b
ngan las 'das kyang / nyan thos rnams la phyag mi 'tshal nA/ bzhugs bzhin du lta ci smos/ de ci'i slad du zhe na/ su zhig zla ba dang nyi ma'i dkyil 'khor btang ste/ srin bu me khyed la phyag 'tshal bar bgyid/ yab gang nyan thos la rten pa ni nyan thos kyi sems dang gnas par 'gyur ro// yang dag par rdzogs pa'i sangs rgyas dang sten na thams cad mkhyen pa rin/ po che'i sems bskyed pa dang gnas par 'gyur ro// de nas rgyal po ma skyes dgras bu mo mya ngan med kyis byin pa la 'di skad ces smras so// 'di ltar khyod nyan thos 'di dag mthong bzhin du mi ldang zhing bsur mi 'gro la/ phyag mi 'tshal zhing bsnyen bkur mi byed de/ 'di dag stan dang bsod snyoms la spyan mi 'dren pa ni/ bu mo khyod lhag pa'i nga rgyal can zhig go/ de skad ces smras pa dang / bu mo mya ngan med kyis byin pas/ rang gi brgyal po ma skyes dgral 'di skad ces smras so// yab bdag ni lhag pa'i nga rgyal can ma lags so// de ci slad du zhe na/ yab khyod nyid grong khyer gyi dbul po rnams la mi bzhengs/ bsur mi bzhud/ stan mi 'ding ba lags na/ khyod nyid lhag pa'i nga rgyal can lags pa snyam bgyid do/ / rgyal pos smras pa/ bu mo de dag ni nga dang mtshungs pa ma yin no// bu mos smras pa/ yab de bzhin du byang chub sems dpa' sems dang po bskyed pa ni/ nyan thos dang
- 383a
rang sangs rgyas thams cad dang mtshungs pa ma lags so/ / rgyal pos smras pa/ bu mo byang chub sems dpa' rnams ni nga rgyal dang dregs pa spangs te/ sem can thams cad la 'dud cing phyag 'tshal bar mi byed dam/ bu mos smras pa/ yab byang chub sems dpa' ni/ khon du 'dzin pa dang / tha ba dang / khro ba dang / gnod sems dang / nyes pa spang ba dang / dge ba'i rtsa ba yongs su smin par bgyi ba'i slad du/ sems can thams cad la 'dud cing phyag 'tshal lo// yab nyan thos chen po 'di dag la ni khon du 'dzin pa dang / khro ba dang / gnod sems dang / nyes pa spang ba dang / dge ba'i rtsa ba yongs su smin par bgyi ba'i slad du tha ba dang / khro ba dang / gnod sems dang / nyes pa bsal bar bgyi ba'ang ma mchis/ spang bar bgyid pa dang / dge ba 'phel bar bgyi ba'ang ma mchis te/ yab nyan thos thams cad la ni sangs rgyas 'bum gyis nyan thos kyi tshul khrims ji snyed pa dang / ting nge 'dzin ji snyed pa dang / shes rab ji snyed pas chos bstan du lags kyang / yab de dag la ni tshul khrims kyang ga las mchis/ ting nge 'dzin kyang ga las mchi/ shes rab kyang ga las mchi/ rnam par grol ba'ang ga las mchi/ rnam par grol ba'i ye shes mthong ba'ang ga las mchi/ yab 'di lta ste/ dper na bum
- 383b
pa chab kyis bltams pa'i nang du char bab na/ de chab kyi thigs pa gcig kyang mi len la/ der gnas par yang mi 'gyur ro// yab de bzhin du nyan thos rnams la gal te sangs rgyas 'bum gyis chos bshad du lags kyang / de dag 'dzin par yang mi 'gyur la/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'ang de dag la gnas par mi 'gyur zhing / rnam par 'phel bar yang mi 'gyur ro// yab 'di lta ste/ dper na rgya mtsho chen po ni chu klung thams cad dang / char gyi rgyun thams cad 'dzin cing / der gnas par 'gyur ro// de ci'i slad du zhe na/ rgya mtsho chen po ni tshad ma mchis pa'i slad du'o// yab byang chub sems dpa' sems dpa' chen po rgya mtsho lta bu de dag kyang de bzhin te/ chos thams cad bstan pa'i chu thams cad yang dag par 'dzin cing / chos bstan pa thams cad de la yang dag par gnas so// de ci'i slad du/ zhe na/ 'di ltar byang chub sems dpa' sems dpa' chen po rnams kyi thams cad mkhyen pa nyid kyi sems kyi snod de ni mi mnyam pa dang mnyam pa'i slad du'o// de la 'di skad ces bya ste/ ma skyes dgra yi bu mor gyur pa ni// mya ngan mang byin yon tan zi brjid brgyan// nyan thos lnga brgya dag ni lpags gyur kyang // de la phyag bya'i phyir ni dam langs/
- 384a
ma skyes dgra yis de la smras pa ni// bu mo don 'di nga las mnyan par gyis// khyod kyis nyan thos lnga brgya mthong bzhin du// phyag bya'i phyir ni ci phyir ldang mi byed// bu mo mya ngan// med kyis byin na re// nyan thos 'di dag bdag gis mthong ba na// ci phyir phyag 'tshal bsam pa mi skye ba// bdag mchis yab cig tshig ni gsan par gsol// dper na mi zhig rgya mtshor ma chi/ nas kyang // rin chen 'byung khung nas ni mching bu blangs// de bzhin bdag ni nyan thos thams cad kyang // ye shes dbyings nas nyan thos blangs snyam bgyid// dper na rgyal po nor gyi dbang phyug po/ / sa bdag 'khor los sgyur ba mnyes bgyis nas// kar sha pa Na gcig tsam gsol na ni// de yis rgyal po bstan pa don ma mchis// gang gis 'khor los sgyur ba mnyes bgyis nas// bye ba phrag stong gsol ba bgyis na ni// des ni dbul mang nor dang ldan par bgyid// des ni rgyal po legs par bsten pa lags// kar sha pa Na slong ba'i mi bzhin du// gang zhig sangs rgyas yon tan mtha' yas rnams/ / thos nas theg pa dman la 'dod skyed pa// nyan thos kun la bdag ni de snyam bgyid// nor rnams sgrub bgyid mi ni ji lta ba// byang chub sems dpa' mkhas pa de 'dra ste/ / rgyal ba chos kyi rgyal po mnyes bgyis shing // byang chub reg nas sems can 'dul bar bgyid// dper na nad pa nad brgyas gzir rnams sman pa yis// grol bgyid de bzhin gzhan
- 384b
gyi sgra phyir 'brang ba yi/ / nyan thos nyon mongs rnams kyis gzir ba thams cad kyang // byang chub sems dpa' sman pa lta bus grol bar bgyid// sems can mang po grol bgyid sman pa btang nas ni/ / sos gyur sems can la ni su zhig 'dud par bgyid// de bzhin rdzogs pa'i sangs rgyas sman par gnyer ba na// sos gyur nyan thos la ni su zhig 'dud par bgyid// ji ltar nad pa sos par gyur pa thams cad la/ / sman pa dag gis gso bar nus par mi 'gyur ba// de bzhin nyan thos thams cad sos par gyur pa la// sangs rgyas sman pa dag gis gso bar mi spyod do// 'di na sman pa gang zhig bdag gis bdag nyid la/ / gso bar sems kyi sems can gzhan la ma lags te// de 'dra'i bdag nyid khengs par bgyid pa'i nga rgyal gyi// sman pa de dag la ni 'dod pa'i sems mi skyed/ / sman pa gang zhig snying rje bskyed nas bdag nyid ji lta bar// de bzhin pha rol rnams kyang nad las grol bgyid pa// de ni mchod par 'os shing bsngags par bgyi ba dang // 'jig rten kun gyis gdud par bgyi ba'i gnas kyang lags/ / gang gis ye shes rig pa gtso bo rtogs gyur nas// bdag nyid grol par bgyid kyi sems can gzhan ma lags// de ni sman pa bdag nyid grol bar bgyid pa ltar/ / mkhas pa dag gis mchod par bgyi ba'i gnas ma lags// gang gis ye shes rig pa gtso bo rtogs gyur nas// sems can grangs med sdug bsngal
- 385a
dag las grol bgyid pa/ / de dag byang chub mchog la 'dun pa skyed pa ste// de ni 'jig rten kun gyis bsngags par bgyi ba lags// e ran nga yi shing sdong mdzes pa/ ma lags la// de dag rnams kyi grib ma'ang yangs pa ma lags te// e ran de ye shing 'dra nyan thos thams cad kyi// rnam par grol ba'i grib ma nye bar bstan ma lags// tsan dan mchog gi/ sdong chen dag ni tsha ba yis// gdungs pa'i skye bo rnams kyis nye bar bsten pa lags// de bzhin bdag ni byang chub sems dpa' rnams la yang // lha dang bcas pa'i 'jig rten dag gi don bgyid snyam/ / ba lang rmig rjes chu ni yangs ma lags// tsha bas gdungs pa zhi bar mi bgyid la// gang+gA'i klung ni sems can bye ba stong // tshim par bgyis nas rgya mtsho chen por mchi// ba lang rmig/ rjes chu 'dra'i nyan thos kun// sems can kun gyi tsha bzhi mi bgyid// gang+gA'i klung 'dra'i byang chub sems dpa' rnams// sems can mtha' yas chos kyis tshim par bgyid// ji ltar rin chen// char ni 'beb pa na// dbul po dag ni 'gron bu len par bgyid// gang zhig nor mang de dag blangs nas ni// sems can dbul po nor dang ldan par bgyid// de ltar sangs rgyas rin chen chos char 'bebs/ / nyan thos rnams ni dam chos rin chen las// chung ngu 'dzin te byang chub sems dpa' rnams// sems can don slad mang du len par bgyid// ji ltar sems can
- 385b
/ dag ni ri rab kyi// drung du mchis na gser gyi mdog tu 'gyur// ri bo gzhan la sems can rnams mchis na// gser gyi kha dog can du yong mi 'gyur// byang chub sems dpa' rnams ni ri rab bzhin/ / gang dag mthus ni lhar bcas skye dgu rnams// rnam grol mdog tu kha dog gcig tu 'gyur// nyan thos rnams kyi ye shes 'dod mi bgyid// yab cig ji ltar rtswa bran rtse mo yi// zil pa'i thigs pas lo tog rgyas mi bgyid/ / rab tu khebs pa'i sprin gyis sa steng 'dir// nim par bgyid cing lo tog 'phel bar bgyid// nyan thos thams cad zil pa'i thigs pa bzhin// byang chub sems dpa' rab khebs sprin dang 'dra// snying rje mngon byas gang dag bsten na ni// stong gsum dam chos chu yis tshim par bgyid// ka ra bI ra'i me tog dri mchog min// des ni skyes pa bud med dga' mi 'gyur/ / tsam pa ka yi me tog dri la dga'// ut+pal bar shi ka yang de bzhin no// nyan thos ka ra bI ra'i dri bzhin te// de dag shes pas skye dgu dga' mi 'gyur// kun mkhyen dri can byang chub sems dpa' la/ / lha dang mi rnams rab tu dga' bar 'gyur// gcig pu mchi ba de la mtshar ci mchis// gang zhig sems can mtha' yas khrid pa rmad// nyan thos mi reng gcig pu mchi ba bzhin/ / byang chub sems dpa' dag ni ded dpon 'dra// mgron zhig gzhan gyis sbal ba 'tshal ba dang // skye bo kun la stsol bgyid kun mgron bzhin// sgra 'brang nyan
- 386a
thos kun ni mgron dang 'dra/ / byang chub sems dpa' kun la mgron bgyid bzhin// gzings la brten pas chu bo chen po las// gzhan dag bskal par nus par mi 'gyur gyi/ brtan bgyis gru yi mang du zhug na ni// sems can bye ba mang po sgrol bar bgyid// nyan thos gzings la rten pa lta bu ste// sems can gzhan dag sgrol bar ji ltar nus// rdzogs pa'i byang chub grur zhugs byang chub sems/ / sdug bsngal mtsho las sems can sgrol bar bgyid// ji ltar g.yul ngor bong bu zhon na ni// dgra las rgyal bar nus par mi 'gyur gyi// glang chen rta dang shing rta zhon na ni/ / g.yul du lhags pa'i dgra rnams choms par nus// nyan thos rnams ni bong bu zhon pa bzhin// byang chub sems dpa' glang chen zhon 'dra ste// sems can kun la phan dang bde slad du// de dag shing dbang drung du bdud kyang 'joms// ji ltar bar snang skar mas rgyas gyur kyang // de dag gis ni mtshan mo mdzes mi 'gyur// zla ba rab tu rgyas pa shar bas ni// mtshan mo mkha' la thig le bzhin du mdzes/ / yab cig nyan thos 'di dag skar ma 'dra// rgyal po byang chub sems dpa' zla ba bzhin// gang dag sems can kun la sman slad du// ye shes shar bas skye bo snang bar bgyid// yab cig srin bu me khyer tshogs 'od kyis// las rnams la ni 'jug par mi nus kyi// 'dzam gling 'di na nyi ma'i 'od rnams kyis// byang ba sna tshogs brgya dag bgyid par 'gyur// nyan thos 'di dag
- 386b
srin bu me khyer 'dra/ / de dag shes 'od yang dag mthong mi 'gyur// sangs rgyas rnam grol nyi ma lta bu yi// shes rab ye shes kyis ni sems can 'grol// yab cig wa brgya dag gis skad phyung yang/ ridags tshogs rnams 'drog par mi 'gyur gyi// seng ge'i skad kyis glang chen ri dgas dang // byar bcas rnams kyang phyogs bcur 'byer bar 'gyur// yab cig de ltar nyan thos wa 'drar gzigs/ de dag skad kyis bdud rnams skrag mi 'gyur// rgyal po byang chub sems dpa'i spyod spyad pas// bdud dang de bzhin bdud ris skrag par 'gyur// yab cig rgyu 'di bdag gis mthong bas na// theg pa dman pa dag la 'dod mi skyed// su zhig bla med byang chub spangs nas ni// theg pa dman la 'dod pa skyed par bgyi// gang dag byang chub dam pa yongs spangs nas// theg pa dman la 'dod pa skyed par bgyid/ / de dag 'tsho ngan rnyed pa thob ma gyur// de dag mir skyes pa ni nyes par mchi// gang dag lhar bcas 'jig rten sman slad du// byang chub mchog la 'dun pa skyed par bgyid/ / de dag legs 'tsho rnyed pa legs par rnyed// de dag mi lus thob po legs par mchis// gang dag lus dang ngag dang yid kyis kyang // 'jig rten sman slad las bgyid yin kyang rton/ / gang dag rtag tu sems can sman slad brtson// de dag u dum pa ra'i me tog bzhin// de nas rgyal po ma skyes dgra bu mo mya ngan med kyis byin pas tshigs su bcad pa bstan pa 'di dag
- 387a
thos nas cang mi smra bar gyur to/ / de nas tshe dang ldan pa shA ri'i bu 'di snyam du sems te/ kye ma bu mo 'di spobs pa thogs pa med pa zhig na/ bzod pa thob bam/ ma thob pa bdag gis 'di brtag par byar nges so snyam mo// de nas tshe dang ldan pa shA ri'i bus/ bu mo mya ngan med kyis byin pa la 'di skad ces smras so// ci bu mo rgyud nyan thos kyi theg pa la yang dag par zhugs sam/ smras pa/ ma yin no// rang sangs rgyas kyi theg pa la yang dag par zhugs sam/ smras pa/ ma yin ro// bu mo khyod ci zhig don du nyer na/ 'di ltar seng ge'i sgra sgrogs par byed/ bu mos smras pa/ btsun pa shA ri'i bu gal te bdag chos 'ga' zhig don du gnyer na ni/ bdag seng ge'i sgra ci'ang mi sgregs pa zhig na/ btsun pa shA ri'i bu 'di ltar bdag ni chos gang yang don du mi gnyer te/ de'i phyir bdag seng ge'i sgra sgrogs so// btsun pa shA ri'i bu gang yang 'di skad du ci bu mo khyod theg pa la yang dag par zhugs sam zhes zer ba ni/ btsun pa shA ri'i bus chos gang mngon sum du byas pa'i chos de la ni/ ci nyan thos zhes bya ba 'am/ rang sangs rgyas zhes bya ba 'am/ yang dag par rdzogs pa'i sangs rgyas zhes bya ba'i theg pa rnam par gzhag pa yod dam/ gnas padan shA ri'i bus spras pa/ bu mo chos de la ni theg pa rnam par gnag pa med de// chos de ni 'di ltar mtshan nyid med
- 387b
par mtshan nyid gcig pa'o/ / bu mos smras pa/ btsun pa shA ri'i bu mtshan nyid med pa'i chos la don du gnyer ba ci zhig yod/ shA ri'i bus smras pa/ bu mo chos de la ni don du gnyer ba ci'ang med do// gnas brnyan shA ri'i bus/ bu mo mya ngan med kyis byin pa la gzhan yang 'di skad ces smras so// bu mo sangs rgyas kyi chos rnams dang / so so'i skye bo'i chos rnams la bye brag ni ci yod/ tha dad du dbya ba ni ci yod/ bu mos smras pa/ btsun pa shA ri'i bu stong pa nyid dang dben pa nyid la bye brag ni ci yod/ tha dad du dbye ba ni ci yod/ shA ri'i bus smras pa/ bye brag med cing tha dad du dbye ba ci'ang med do/ / bu mos smras pa/ btsun pa shA ri'i bu stong pa nyid dang dben pa nyid la ji ltar bye brag med cing tha dad du dbye ba ci'ang med pa de bzhin du/ btsun pa shA ri'i bu sangs rgyas kyi chos rnams dang / so so'i skye bo'i chos rnams la'ang bye brag med cing tha dad du dbye ba med do// btsun pa shA ri'i bu 'di lta ste/ dper na nam mkha' dang bla gab med pa la'ang bye brag med cing tha dad du dbye ba ci med do/ / btsun pa shA ri'i bu de bzhin du sangs rgyas kyi chos rnams dang / so so'i skye bo'i chos rnams la'ang bye brag med cing tha dad du dbye ba ci'ang med do// gnas brtan shA ri'i bu cang mi smra bar gyur de nas tshe dang ldan pa mo'u 'gal gyi bu chen pos/ bu mo mya ngan med kyis byin pa la 'di skad ces smras so// bu mo ci khyod de skad ces zer ba las na/ sangs rgyas kyi chos rnam
- 388a
ni shin tu ches lhag pa zhig tu mthong la/ nyan thos kyi chos rnams ni shin tu dman par mthong ngam cin/ khyod nyan thos chen po rnams mthong na ldang bar yang mi byed/ phyag mi 'tshal/ bsur yang mi 'gro/ gtam yang mi zer/ stan dang bsod snyoms la'ang spyan 'dren par mi byed/ de skad ces smras pa dang / bu mo mya ngan med kyis byin pas/ gnas brtan mo 'gal gyi bu chen po la 'di skad ces smras so/ / btsun pa mo'u 'gal gyi bu chen po stong gsum gyi stong chen po'i 'jig rten gyi khams na skar ma'i gzugs su gtogs pa ji snyed cig yod pa shes sam/ mo'u 'gal gyi bu chen pos smras pa/ bu mo snyoms par zhugs na ni kho bos grangs shes kyi/ snyoms par ma zhugs na ni mi shes so// bu mos smras pa/ btsun pa mo'u 'gal gyi bu chen po de bzhin gshegs pas ni lan cig mnyam par bzhag pa nyid kyis stong gsum gyi stong chen po'i 'jig rten gyi khams gang+gA'i klung gi bye ma snyed dag na/ sems can 'das pa dang / ma 'ongs pa dang / da ltar byung ba thams cad kyi sems kyi spyod pa'ang rab tu mkhyen na/ stong gsum gyi stong chen po'i 'jig rten gyi khams gcig tu gtogs pa'i sems can rnams kyi lta ci smos te/ btsun pa moru 'gal gyi bu chen po 'di ni de bzhin gshegs pa dang nyan thos rnams kyi khyad par yin te/ 'di ni tha dad du dbye ba yin no// btsun pa mo'u 'gal gyi bu chen po phyogs bcu'i 'jig rten na/ sangs
- 388b
rgyas kyi zhing 'jig pa ni ji snyed cig yod/ 'chags pa ni ji snyed cig yod shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po sangs rgyas bcom ldan 'das 'das pa ni ji snyed cig yod/ ma 'ongs pa ni ji snyed cig yod/ da ltar bzhugs pa ni ji snyed cig yod shes sam/ mo'u 'gal gyi bus smras pa/ bu mo de ni mi shes so/ bu mos smras pa/ btsun pa mo'u 'gal gyi bu chen po sems can 'dod chags la spyod pa ni ji snyed cig yod/ zhe sdang la spyod pa ni ji snyed cig yod/ gti mug la spyod pa ni ji snyed cig yod cha mnyam pa la spyod pa ni ji snyed ci yod shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po nyan thos kyi theg pa pa'i sems can ni ji snyed cig yod/ rang sangs rgyas kyi theg pa pa ni ji snyed cig yod/ theg pa chen po la yang dag par zhugs pa ni ji snyed cig yod shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po nyan thos kyis 'dul ba'i sems can ni ji snyed cig yod/ rang sangs rgyas kyis 'dul ba ni ji skad cig yod/ sangs rgyas kyis 'dul ba'i sems can ni ji snyed cig yod shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po yang dag pa nyid du nges pa'i sems can ni ji snyed
- 389a
cig yod/ log pa nyid du nges pa'i sems can ni ji snyed cig yod/ ma nges pa'i sems can ni ji snyed cig yod shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po de bzhin gshegs pas ni de dag dang / gzhan yang de'i gong du gang nyan thos dang rang sangs rgyas thams cad kyi sa ma yin pa dag kyang rab tu mkhyen na/ sems can gzhan dag gi lta ci smos te/ btsun pa mo'u 'gal gyi bu chen po 'di ni de bzhin gshegs pa'i bla ma'i khyad par yin no// btsun pa mo'u 'gal gyi bu chen po gzhan yang de bzhin gshegs pa khyod rdzu 'phrul chen po rnams kyi mchog tu bstan gyis/ btsun pa mo'u 'gal gyi bu chen po 'jig rten gyi khams spos kyi 'od ces bya ba gang na de bzhin gshegs pa dgra bcom pa yang dag par rdzogs pa'i sangs rgyas spos rab tu 'gyed pa'i 'od zer da ltar bzhugs te/ 'tsho zhing gzhes la/ byang chub sems dpa' rnams la chos kyang ston pa'i sangs rgyas kyi zhing de na/ shing ljon pa thams cad las can dan sbrul gyi snying po'i spos gang gis sangs rgyas kyi zhing de khyab par 'gyur ba'i spos kyi ngad ldang ba yod pa der song zhig/ gnas brtan mo'u 'gal gyi bu chen pos smras pa/ bu mo sangs rgyas kyi zhing de'i ming yang da kho bos gdod thos na/ sangs rgyas la blta ba dang / chos mnyan pa'i phyir ji ltar 'gro bar bya/ de nas bu mo mya ngan med kyis byin pas khri de las ma langs bzhin tshig 'di skad ces smras
- 389b
te/ bden pa dang bden pa'i tshig gang gis byang chub sems dpa' sems dpa' chen pos sems bskyed ma thag tu nyan thos dang rang sangs rgyas thams cad zil gyis gnod pa lta na/ bden pa dang bden pa'i tshig des de bzhin gshegs pa spos rab tu 'gyed pa'i 'od zer des bdag nyid dang / rang gi sangs rgyas kyi zhing nyan thos chen po 'di dag la ston par gyur cig/ tsan dan gyi dri de dag kyang nyan thos chen po 'di dag gis tshor bar gyur cig ces byas so/ / de nas bu mo mya ngan med kyis byin pas tshig de skad ces smras ma thag tu/ bden pa'i byin gyi rlabs des/ bcom ldan 'das de bzhin gshegs pa spos rab tu 'gyed pa'i 'od zer gyis/ de nyid kyi tshe 'od gang gis nyan thos chen po de dag gis 'jig rten gyi khams spos kyi 'od de dang / de bzhin gshegs pa dgra bcom pa yang dag par rdzogs pa'i sangs rgyas spos rab tu 'gyed pa'i 'od zer de chos ston cing bzhugs pa mthong bar 'gyur ba de lta bu'i 'od sku las bkye'o/ / chos bstan pa de'ang sangs rgyas kyi mthus 'jig rten gyi khams 'dir thos so/ / tsan dan sbrul gyi snying po'i dri des kyang 'jig rten gyi khams mi mjed 'di khyab par gyur to// de bzhin gshegs pa spos rab tu 'gyed pa'i 'od zer des kyang gsung gi yan lag drug cu dang ldan pa'i tshig gis 'di skad ces bka' stsal to/ / bu mo mya ngan med kyis byin pas ji skad smras pa bzhin te/ byang chub sems dpa' sems dpa' chen pos sems dang po
- 390a
bskyed ma thag tu nyan thos dang rang sangs rgyas thams cad zil gyis gnon to/ / de nas byang chub sems dpa' sems dpa' chen po byams pa bya rgod kyi phung po la/ gnas pas tsan dan sbrul gyi snying po'i dri tshor nas/ bcom ldan 'das la 'di skad ces gsol to// bcom ldan 'das tsan dad sbrul gyi snying po'i dri 'di ga las byung lags/ de skad ces gsol pa dang / bcom ldan 'das kyis/ byang chub sems dpa' byams pa la 'di skad ces bka' stsal to// byams pa bu mo mya ngan med kyis byin pa 'dis nyan thos chen po rnams kyi mdun du seng ge'i sgra bsgrags te de nas nyan thos chen po de dag la bden pa'i byin gyi rlabs kyis 'jig rten gyi khams spos kyi 'od ces bya ba na/ de bzhin gshegs pa spos rab tu 'gyed pa'i 'od zer byang chub sems dpa' sems dpa' chen po rnams la chos ston cing bzhugs pa'ang bstan/ 'jig rten gyi khams spos kyi 'od de'i tsan dan sbrul gyi snying po'i dri des kyang 'jig rten gyi khams 'di khyab par byas so// de nas bu mo mya ngan med kyis byin pas/ tshe dang ldan pa mo'u 'gal gyi bu chen po la 'di skad ces smras so// btsun pa mo'u 'gal gyi bu chen po mkhas pa su zhig byang chub sems dpa' sems dpa' chen po dag gi cho 'phrul dang / rnam par 'phrul pa bsam gyis mi khyab pa rmad du byung ba 'di lta bu dag mthong ngam/ thos na/ nyan thos dman pa/ zhan pa/ zhum pa/ nyi tshe ba'i shes pa dang ldan
- 390b
pa rnams la ldang ba 'am/ bsur 'gro ba'am/ phyag 'tshal bar byed/ btsun pa mo'u 'gal gyi bu chen po 'jig rten gyi khams spos kyi 'od de ji tsam du thag ring ba shes sam/ mo'u 'gal gyi bus smras pa/ bu mo de ni mi shes so// bu mos smras pa/ btsun pa mo'u 'gal gyi bu chen po gal te khyed 'dra ba'i rdzu 'phrul can sha stag gis stong gsum gyi stong chen po'i 'jig rten gyi khams 'di dper na bu ram shing gi tshal lam/ 'od ma'i tshal lam/ bdam bu'i tshal lam/ 'bras sA lu'i zhing bzhin du mtshams med par gang bar gyur nas/ de dag thams cad kyis bskal par brtsis kyang 'jig rten gyi khams spos kyi 'od ces bya ba de sangs rgyas kyi zhing ji snyed cig 'das pa'i pha rol na 'dug pa bgrang ba'i thabs kyis rtogs par mi nus so/ / de nas bcom ldan 'das de bzhin gshegs pa spos rab tu 'gyed pa'i 'od zer gyis 'od de dag mi snang bar mdzad de/ sangs rgyas kyi zhing de'ang mi snang bar mdzad do// de nas tshe dang ldan pa 'od srungs chen pos/ bu mo mya ngan med kyis byin pa la 'di skad ces smras so/ / bu mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de sngon mthong ngam/ bu mos smras pa/ btsun pa 'od srungs chen po de bzhin gshegs pa mthong bar nus sam/ de bzhin gshegs pas/ gang dag nga la gzugs su mthong // gang dag nga la sgrar shes pa// log
- 391a
pas spong bar zhugs pa ste/ / skye bo de dag nga mi mthong // sangs rgyas rnams ni chos nyid lta// 'dren pa rnams ni chos kyi sku// chos nyid shes par bya min pas// de ni rnam par shes mi nus/ / zhes ma gsungs sam/ btsun pa 'od srungs rin po gzhan yang bu mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa na mthong ngam zhes de skad zer ba ni/ btsun pa 'od srungs chen po bdag gis de bzhin gshegs pa mthong mod kyi/ sha'i mig gis ma yin te/ gzugs su ma yin no// lha'i mig gis ma yin te/ tshor bar ma yin no// shes rab kyi mig gis ma yin te/ 'du shes su ma yin no// chos kyi mig gis ma yin te/ 'du byed du ma yin no// sangs rgyas kyi mig gis ma yin te/ rnam par shes par ma yin no/ / btsun pa 'od srungs chen po gzhan yang bdag gis de bzhin gshegs pa mthong ste/ dper na gnas brtan gyis ma rig pa dang srid pa la sred pa mthong ba bzhin no// btsun pa 'od srungs chen po gzhan yang bdag gis de bzhin gshegs pa mthong ste/ dper na gnas brtan gyis ngar 'dzin pa dang / nga yir 'dzin pa mthong ba bzhin no// gnas brtan 'od srungs chen pos smras pa/ bu mo 'di ltar ma rig pa dang srid pa la sred pa dang / ngar 'dzin pa dang / nga yir 'dzin pa'i chos 'di gnyis ni med pa yin no// chos gang med pa de ni blta bar mi nus so// bu mo mya ngan med kyis byin pa
- 391b
smras pa/ btsun pa 'od srungs chen po de de bzhin no// chos thams cad ni med pa yin te/ de dag ni blta bar mi nus so// 'od srungs chen pos smras pa/ bu mo ci sangs rgyas kyi chos kyang med dang / bu mos smras pa/ gnas brtan sangs rgyas kyi chos rnams sam/ so so'i skye bo'i chos rnams kyang rung ste/ chos 'ga' zhig yongs su grub par 'dod dam/ 'od srungs chen pos smras pa/ bu mo kho bo ni sa so'i skye bo'i chos rnams la'ang yongs su grub par mi 'dod na/ sangs rgyas kyi chos rnams la lta ci smos/ bu mos smras pa/ btsun pa 'od srungs chen po chos gang dag yongs su grub pa med pa'i chos de dag ci yod pa yin nam/ 'on te med pa yin/ 'od srungs chen pos smras pa/ bu mo med pa de dag ni med pa yin no// bu mos smras pa/ btsun pa 'od srungs chen po de bas na/ chos thams cad ni med pa nyid do/ / med pa gang yin pa de dag la ni lta ba rnam par sbyang bar bya ba med do// btsun pa 'od srungs chen po rigs kyi bu 'am/ rigs kyi bu mo sangs rgyas la lta ba rnam par sbyang bar 'dod pas ni bdag la lta ba rnam par sbyang bar bya'o/ / 'od srungs chen pos smras pa/ bu mo bdag la lta ba ji ltar rnam par dag par 'gyur/ bu mos smras pa/ btsun pa 'od srungs chen po gang gi tshe bdag rang bzhin med pa'i phyir/ chos thams cad kyang rang bzhin med pa nyid du mos na/ de tsam gyis na bdag la lta ba rnam par dag par 'gyur ro// 'od srungs chen pos smras pa/ bu mo bdag gi rang bzhin ci yin/
- 392a
bu mos smras pa/ btsun pa 'od srungs chen po bdag gi rang bzhin ni stong pa nyid do// bdag gi rang bzhin med pa'i phyir/ bdag dben pa'ang yin no// rang bzhin med pa des bdag dben no/ / rang bzhin med pa des chos thams cad dben no// 'od srungs chen pos smras pa/ bu mo khyod kyis su las chos thos na/ 'di ltar khyod kyi yang dag pa'i lta ba skyes par gyur/ bu mo yang dag pa'i lta ba skye ba la ni rgyu gnyis dang rkyen gnyis yod de/ gzhan gyi sgra dang / bdag nyid kyi tshul bzhin yid la byed pa las 'byung ngo // zhes de skad gsungs so// bu mos smras pa/ btsun pa 'od srungs chen po gang dag gzhan gyi dring 'dzeg pa'i shes rab can de dag ni gzhan gyi sgra dang tshul bzhin du so sor rtog pa las lta ba rnam par dag par 'gyur ro/ / btsun pa 'od srungs chen po gang dag gzhan gyi dring mi 'jog pa'i shes rab can dag ni gzhan gyi sgra mi 'tshol lo/ / btsun pa 'od srungs chen po ji ltar na dge slong tshul bzhin du zhugs pa yin/ 'od srungs chen pos smras pa/ bu mo gang gi tshe dge slong ji skad thos pa'i chos rnams kyi don la nye bar rtog par byed pa de ltar na dge slong tshul bzhin du zhugs pa yin no// 'od srungs chen pos smras pa/ bu mo ji ltar na byang chub sems dpa' tshul bzhin du zhugs pa yin/ bu mos smras pa/ btsun pa 'od srungs chen po gang gi tshe byang chub sems dpa' sems can thams cad dang lhan cig gnas kyang sems can du 'du shes skyed par rmi/
- 392b
byed pa de ltar na/ byang chub sems dpa' tshul bzhin du zhugs pa yin no// btsun pa 'od srungs chen po zhugs pa zhes bya ba ni chos thams cad ni sngon gyi mtha'i de bzhin nyid dang ldan no// chos thams cad ni ma'i mtha'i de bzhin nyid dang ldan no/ / chos thams cad ni da ltar byung ba'i de bzhin nyid dang ldan no zhes/ btsun pa 'od srungs chen po byang chub sems dpa' sbyor ba de lta bus sbyor bar mi byed na/ de tsam gyis na byang chub sems dpa' tshul bzhin du zhugs pa yin no/ / 'od srungs chen pos smras pa/ bu mo chos de dag la dziltar sbyar bar bya/ bu mos smras pa/ btsun pa 'od srungs chen po ji ltar de bzhin nyid la sbyor ba'ang med/ mi sbyor ba'ang med par mthong ba de bzhin du chos thams cad la sbyar bar bya'o// 'od srungs chen pos smras pa/ bu mo ji ltar mthong na chos thams cad mthong ba yin/ bu mos smras pa btsun pa 'od srungs chen po chos thams cad la gnyis su med par mthong la/ mi 'byed cing 'jig par yang mi byed na/ de ltar na chos thams cad mthong ba yin no// btsun pa 'od srungs chen po mthong zhes bya ba de ni mthong ba med pa'i tshig bla dgas so/ / 'od srungs chen pos smras pa/ bu mo bdag ji ltar blta bar bya/ bu mos smras pa/ btsun pa 'od srungs chen pos ji ltar mthong ba bzhin du ba bar bya'o/ / 'od srungs chen pos smras pa/ bu mo kho bos ni bdag dang bdag gi ma mthong ngo // bu mos smras pa/ btsun pa 'od srungs chen po ji ltar bdag med cing bdag gi med pa de bzhin du chos
- 393a
thams cad blta bar bya'o/ / gtam de skad du brjod pa'i skabs su gnas brtan rab 'byor gyis/ bu mo mya ngan med kyis byin pa la 'di skad ces smras so// bu mo khyod kyi spobs pa 'di 'dra ba ni khyod kyis rnyed pa legs par rnyed do/ / bu mo mya ngan med kyis byin pas smras pa/ btsun pa rab 'byor rnyed pa las ni spobs par mi 'gyur gyi gang gis ci'ang ma rnyed pa de spobs pa dang ldan zhing / gang gis nang ngam phyi rol ci'ang mi dmigs pa de spobs pa dang ldan pa yin no// rab 'byor gyis smras pa/ bu mo gang ma rnyed na spobs pa dang ldan pa yin/ bu mos smras pa/ gang gis bdag ma rnyed cing gzhan ma yin/ dge ba ma yin/ mi dge ba ma yin/ kha na ma tho ba dang bcas pa ma yin/ kha na ma tho ba med pa ma yin/ zag pa dang bcas pa ma yin/ zag pa med pa ma yin/ 'dus byas ma yin/ 'dus ma byas ma yin/ 'jig rten pa ma yin/ 'jig rten las 'das pa ma yin/ kun nas nyon mongs pa ma yin/ rnam par byang ba ma yin te/ 'khor ba dang mya ngan las 'das pa ma rnyed la/ so so'i skye bo'i chos mi dmigs shing / 'phags pa'i chos kyang mi dmigs te/ sangs rgyas kyi chos mi dmigs na/ btsun pa rab 'byor de ltar na gang gis cirang ma rnyed pa sobs pa dang ldan pa yin no/ / rab 'byor gyis smras pa/ ji ltar spobs par 'gyur/ bu mos smras pa/ btsun pa rab 'byor gyis ji ltar chos thabs
- 393b
cad ma rnyed pa de bzhin du de spobs par 'gyur ro/ / chos kyi de bzhin nyid gang gis gnas brtan nyon mongs pa med pa rnams kyi mchog tu bstan pa'i chos kyi de bzhin nyid de ci brjod cing smrar rung ngam/ nyon mongs pa med pa de dang / chos kyi de bzhin nyid de la ci spobs pa ci'ang yod dam/ rab 'byor gyis smras pa/ nyon mongs pa med pa dang de bzhin nyid ni bstan pa 'am/ brjod par mi nus so// bu mos smras pa/ btsun pa rab 'byor chos thams cad ni brjod du med pa yin na/ khyod kyis bu mo khyod spobs pa 'di lta bu dang ldan pa ni khyod kyis rnyed pa legs par rnyed do zhes bya ba de ji lta bu yin rab 'byor gyis smras pa/ bu mo khyod ni 'di ltar med pa'i spobs pas ston to// bu mos smras pa/ gnas brtan rab 'byor chos thams cad la brag cha lta bur mos sam/ rab 'byor gyis smras pa/ bu mo mos so// bu mos smras pa/ gnas brtan rab 'byor ci brag cha la spobs pa ci'ang yod dam/ rab 'byor gyis smras pa/ bu mo de ni med de/ bu mo rgyu dang rkyen tshogs pa las sgra 'byung bar zad do/ / bu mos smras pa/ btsun pa rab 'byor brten nas sgra 'byung ba gang yin pa de la ni rang bzhin gyis grub pa ci'ang med de/ de ci'i phyir zhe na/ 'di ltar gang brten nas byung ba de la ni skye ba ci'ang med pa'i phyir ro/ / rab 'byor gyis smras pa/ bu mo chos thams cad ni brten nas 'byung ba'o// bu mos smras pa/ btsun pa rab 'byor de bas na chos thams cad ni rang bzhin gyis ma skyes pa'o// rab
- 394a
'byor gyis smras pa/ bu mo gal te chos thams cad rang bzhin gyis ma skyes pa yin na/ bcom ldan 'das kyis de bzhin gshegs pa gang+gA'i klung gi bye ma snyed ni 'das te gshegs so/ / de bzhin gshegs pa gang+gA'i klung gi bye ma snyed ni ma 'ongs pa na 'byung bar 'gyur ro// de bzhin gshegs pa gang+gA'i klung gi bye ma snyed ni da ltar bzhugs so zhes ci'i phyir bstan/ bu mos smras pa/ btsun pa rab 'byor mi skye ba ni skye bar mi 'gyur ro// de ci'i phyir zhe na/ btsun pa rab 'byor chos kyi dbyings la ni skye ba'am/ nub par 'gyur ba mi 'dod pa'i phyir ro// rab 'byor gyis smras pa/ bu mo khyod ni 'di ltar skye ba med pa don dam pa'i tshig ston to// bu mos smras pa/ btsun pa rab 'byor bstan pa thams cad ni bstan du med pa'o// de ci'i phyir zhe na/ bstan pa thams cad bstan du med ce na/ da ni bstan kyang rung ma bstan kyang rung dngos po ma yin te/ dngos po med pa dang brjod du med pa'i mtha' mi spong ba'i phyir ro// rab 'byor gyis smras pa/ bu mo khyod ni khyim na gnas bzhin du 'di lta bu'i chos la gnas shing / 'di lta bu'i rnam pa dag ston pa 'di ni ngo mtshar to// bu mos smras pa/ btsun pa rab 'byor byang chub sems dpa' sems dpa' chen po la ni khyim/ pa 'am/ rab tu byung ba zhes gzung bar mi bya'o// de ci'i phyir zhe na/ de dag ni bsam pas phye ba yin/ shes rab kyis bye ba yin/ ye shes kyis phye ba yin pa'i phyir ro// btsun pa rab 'byor/
- 394b
byang chub sems dpa'i gnas pa khyod kyis shes sam/ rab 'byor gyis smras pa/ bu mo khyod kyis shod cig dang / kho bos mnyan to// bu mos smras pa/ btsun pa rab 'byor byang chub sems dpa' sems dpa' chen po chos brgyad dang ldan na khyim pa 'am/ rab tu byung ba zhes mi bya ste/ spyod lam gang dang gang gis gnas kyang kha na ma tho ba med par 'gyur ro// brgyad gang zhe na/ 'di lta ste/ btsun pa rab 'byor 'di la byang chub sems dpa' sems dpa' chen po lhag pa'i bsam pa phun sum tshogs pa yin te/ lhag pa'i bsam pa de'ang bla na med pa yang dag par rdzogs pa'i byang chub kyi phyir ro// sems can thams cad yongs su mi gtong bar gnas pa'i phyir byams pa la gnas pa'ang yin no// 'jig rten pa'i dga' ba dang / spyod pa dang bral ba'i phyir snying rje chen po la gnas pa'ang yin no// lus dang sro ka la mi lta ba'i phyir btang snyoms la gnas pa'ang yin no// yongs su bsngo ba la mkhas pa shin tu rdzogs pa'i phyir thabs la mkhas pa'ang yin no// lta ba thams cad dang bral ba'i// phyir shes rab kyi pha rol tu phyin pa las nges par byung ba'ang yin no// dge ba'i rtsa ba 'chol ba la brtson pas chog mi shes pa'i phyir brtson 'grus brtsams pa'ang yin no// bzod pa shin tu thob pa'i phyir ma bstan par shes pa'ang yin te/ btsun pa rab 'byor byang chub sems dpa' sems dpa' chen po chos brgyad po de dag dang ldan na khyim pa 'am/ rab tu byung ba zhes mi bya ste/ spong lam gang
- 395a
dang gang gis gnas kyang thams cad du kha na ma tho ba med par 'gyur ro/ / de nas tshe dang ldan pa sgra gcan zin gyis/ bu mo mya ngan med kyis byin pa la 'di skad ces smras so/ / bu mo khyod ma la khri gser gyi rkang pa can la 'dug cing / stan shin du mtho ba la 'dug nas/ nyan thos chen po dag dang gtam zer ba de ni rung ba ma yin par gnas pa yin no// bu mo mi na bar stan mthon po la 'dug pa la stan dma' ba la 'dug pas chos bshad par mi bya'o zhes bya ba ci khyod kyis ma thos sam/ de skad ces smras pa dang / bu mo mya ngan med kyis byin pas/ tshe dang ldan pa sgra gcan zin la 'di skad ces smras so/ / btsun pa sgra gcan zin 'jig rten na gang dag ni rung ba yin/ 'jig rten na gang dag ni rung ba ma yin pa khyod kyis shes sam/ sgra gcan zin gyis smras pa/ bu mo kho bos shes te/ gang dag ji ltar bcas pa'i bslab pa la slob cing / bslab pa de las 'gal bar mi byed pa de dag ni rung ba zhes bya'o// gang dag bslab pa de las 'gal bar byed pa de dag ni rung ba ma yin pa zhes bu mo mya ngan med kyis byin pas smras pa/ btsun pa sgra gcan zin thong de skad ma zer cig/ btsun pa sgra gcan zin gang dag ji ltar bcas pa'i bslab pa la slob pa de dag ni rung ba ma yin pa'o// phyir zhe na/ 'di ltar de dag ni rnyog cing rnam par mi rtog pa de dag ni rung ba zhes bya'o// btsun pa sgra gcan zin rung ba zhes bya ba 'di ni dge slong dgra bcom pa zag pa zad pa rnams kyi tshig tha dgas
- 395b
yin te/ de dag ni bslab pa las 'gal bar mi byed do// de ci'i phyir zhe na/ bcom ldan 'das kyi nyan thos rnams ni bslab pa las yang dag par 'das pa'i phyir te/ de dag ni phyir yang bslab par 'dod pa ma yin pas de dag ni rung ba ma yin no/ / de dag khams gsum du phyir mi 'ong ba yin/ de dag ni bslab pa las yang dag par 'das pa yin te/ mi slob pa zhes bya'o// de ltar na de dag gi bslab pa ni mi dmigs te/ khams gsum pa btags pa tsam du shes so// de'i phyir de dag ni rung ba zhes bya'o// sgra gcan zin gyis smras pa/ bu mo rung ba dang rung ba ma yin pa la tha dad du dbye ba ci zhig yod/ bu mos smras pa/ btsun pa sgra gcan zin 'di lta ste/ dper na gser dngul rgyan du byas pa dang / rgyan du ma byas pa la tha dad du dbye ba ci zhig yod/ sgra gcan zin gyis smras pa/ bu mo tha dad du dbye ba ci'ang med do// bu mos smras pa/ btsun pa sgra gcan zin de bzhin du rung ba dang rung ba ma yin pa la'ang yi ge'i tha snyad mnyam pa nyid kyi phyir tha dad du dbye ba ci'ang med do// de ci'i phyir zhe na/ chos thams cad ni ci dang yang bral ba'i phyir te/ rang bzhin gyis kun nas nyon mongs pa can ma yin no// btsun pa sgra gcan zin yang 'di skad du stan shin tu mtho ba la 'dug ste chos nyan tam zhes ber ba la/ byang chub sems dpa' ni rtswa bting ba la 'dug kyang shin tu mtho ba la 'dug pa yin no// sgra gcan zin gyis spras pa/ rnam grangs gang gis khyod de skad sA/ bu mos smras pa/ btsun
- 396a
ba s+tha gcan zin 'di ji snyam du sems/ byang chub sems dpas gang la 'dug ste byang chub thob par gyur/ sgra gcan zin gyis spras pa/ rtsa bting ba la bzhugs nas byang chub thob bo/ / bu mos smras pa/ btsun pa sgra gcan zin ci byang chub sems dpa' rtsa bting ba la 'dug pa la stong gsum gyi stong chen po'i 'jig rten gyi khams na tshangs pa'am/ brgya byin nam/ 'jig rten skyong ngam/ de las gzhan pa'i 'og min man chad kyi lha gang yin pa de dag thams cad kyis lus btud de thal mo sbyar nas/ byang chub sems dpa'i zhabs la gtug par byed dam/ sgra gcan zin gyis smras pa/ bu mo de de bzhin te/ khyod kyis ji skad smras pa bzhin no// bu mos smras pa/ btsun pa sgra gcan zin de'i phyir rnam grangs des kyang / dper na byang chub sems dpa' sems dpa' chen po rtsa bting ba la 'dug kyang stan shin tu mtho ba la 'dug pa yin gyi/ nyan thos tshangs pa'i 'jig rten na 'dug pa ni de lta ma yin par rig par bya'o// de nas rgyal po ma skyes dgras bu mo mya ngan med kyis byin pa la 'di skad ces smras so/ / bu mo btsun pa sgra gcan zin ni/ bcom ldan 'das shAkya thub pa de nyid kyi sras yin te/ bslab pa 'dod pa rnams kyi ni mchog yin na/ ci khyod kyis mi shes sam/ bu mo mya ngan med kyis byin pas smras pa/ yab thong zhig thong zhig/ 'di ltar btsun pa spa gcan zin/ bcom ldan 'das shAkya thub pa de'i sras yin zhes ma
- 396b
gsungs shig/ ri dgas kyi rgyal po seng ge ral pa can cod pan btag pa lta bus wa skyed par 'gyur ba nam yang gsan tam/ gzigs sam/ rgyal pos smras pa/ bu mo de ni ma yin no// bu mos smras pa/ yab de bzhin du de bzhin gshegs pa seng ge'i rtsa la lta bus gshegs pa/ dam pa'i chos kyi 'khor los sgyur ba'i zham ring ba ni nyan thos mdzes pa ma lags so// yab de bzhin gshegs pa'i sras gang yin zhes yang dag pa'i smra bas gang smran/ byang chub sems dpa' nyid yin no zhes de dag yang dag pa'i smra bas smra'o// yab de lta bas na de bzhin gshegs pa'i sras su la len par 'tshal bas ni bla na med pa yang dag par rdzogs pa'i byang chub tu sems bskyed par bgyi'o/ / gtam 'di brjod pa'i skabs su rgyal po sa skyes dgra'i btsun mo'i 'khor nas/ btsun mo nyi shus bla na med pa yang dag par rdzogs pa'i byang chub tu sems bskyed do/ / lha'i bu brgya tham pas kyang bu mo de'i seng ge'i sgra 'di thos nas/ bla na med pa yang dag par rdzogs pa'i byang chub tu sems bskyed / tshig 'di skad du bdag cag 'di rnams 'das pa dang / ma byon pa dang / da ltar byung ba'i sangs rgyas bcom ldan 'das rnams kyi sras su khas len to zhes kyang smras so// lha'i bu de dag gis 'di ltar bu mo mya ngan med kyis byin pa la mchod pa bya ba'i phyir/ rgyal po'i khab kyi grong khyer chen po thams cad lha'i me tog gis mngon par gtor to// de nas bu mo mya ngan med kyis byin
- 397a
pa khri gser gyi rkang pa can las babs te/ nyan thos chen po de dag gi rkang pa la mgo bos phyag 'tshal nas/ bza' ba dang / bca' ba dang / bldag pa dang / gnib pa dang / myang bar bya ba bsod pa mang po dag gis bkur stir byas te/ dad pa dang gus pas rang gi lag nas nyan thos chen po de dag tshim par byas nas/ 'di skad du btsun pa dag rang dgar slad dro bcom ldan 'das la chos nyan du bzhud cig/ btsun pa dag bdag kyang mchi bar 'tshal lo zhes kyang smras so// de nas bu mo mya ngan med kyis byin pa pha ma la sogs pa 'khor mang po dang / skye bo phal po ni yongs su bskor nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// rgyal po btsun mo'i 'khor dang bcas pas kyang / bcom ldan 'das kyi zhabs la mgo bos phyag 'tshal nas/ gnas ste phyogs gcig tu 'khod do// nyan thos chen po de dag kyang bcom ldan 'das kyi thad du dong ste/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das bu mo mya ngan med kyis byin pa'i spobs pa ni ngo mtshar lags so/ / bcom ldan 'das kyis bka' stsal pa/ shA ri'i bu bu mo 'dis ni thog ma nyid du byang chub don du gnyer ba na/ sangs
- 397b
rgyus bye ba khrag khrig phrag dgu bcu rtsa gnyis la dge ba'i rtsa ba dag bskyed do/ / shA ri'i bus gsol pa/ bcom ldan 'das ci'i slad dubu mo 'dis bud med kyi lus ma bsgyur/ bcom ldan 'das kyis bka' stsal pa/ shA ri'i bu 'di'iji snyam du sems/ bu mo mya ngan med kyis byin pa la bud med do snyam du sems na de ltar mi blta'o// byang chub sems dpa' dag ni sems can yongs su smin par bya ba'i phyir smon lam gyis bdag nyid bud med kyi gzugs su ston to/ / de nas de'i tshe bu mo mya ngan med kyis byir pas bden pa'i byin gyis brlabs byas te/ bden pa'i byin gyi rlabs gang gis chos thams cad skyes pa'ang ma yin/ bud med kyang ma yin pa lta na/ bden pa dang bden pa'i tshig des bdag skyes pa'i lus su gyur cig/ thams cad dang ldan pa'i 'khor 'dis kyang mthong bar gyur cig/ tshig de skad ces smras ma thag tu bud med kyi mtshan ma mi snang bar gyur te/ skyes pa'i mtshan ma byung bar gyur nas/ steng gi bar snang la ta la bdun srid tsam du 'phags so/ / de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu byang chub sems dpa' sems dpa' chen po mya ngan med kyis byin pa steng gi bar snang la 'phags pa khyod kyis mthong ngam/ shA ri'i bus gsol ba/ bcom ldan 'das mthong lags so// bcom ldan 'das kyis bka' stsal pa/ shA ri'i bu byang chub sems
- 398a
dpa' sems dpa' chen po mya ngan med kyis byin pa 'di ni bsgral pa grangs med pa bdun gyis 'jig rten gyi khams dri ma med pa'i 'od ces bya bar/ de bzhin gshegs pa dgra bcom pa yang dag par rdzogs pa'i sangs rgyas mya ngan med pa zhes bya bar 'gyur te/ tshe'i tshad ni bskal pa brgyar 'gyur ro// dam pa'i chos ni bskal pa bcur gnas par 'gyur ro// de'i dge 'dun ni byang chub sems dpa' 'ba' zhig tu 'gyur te/ phyir mi ldog pa'i byang chub sems dpa' sems dpa' chen po bye ba phrag sum cu rtsa gnyis yod do// 'jig rten gyi khams de'ang bai DUR+Ya las grub pa/ rin po che sna bdun gyis bkra bar byas shing / mig mangs ris su bres pa/ rin po che'i pad+mas khebs pa dang / ngan song thams cad rnam par spangs par 'gyur ro// lha dang mi rnams kyi longs spyod dag kyang khyad par med de/ shA ri'i bu dga' ldan gyi lha rnams kyi nye bar spyad pa dang / longs spyod ji lta ba bzhin du mi rnams kyi'ang der de bzhin du 'gyur ro// de nas byang chub sems dpa' mya ngan med kyis byin pa'i ma/ rgyal po ma skyes dgra'i btsun mo dam pa zla ba can zhes bya ba des thal mo sbyar ba btud nas/ bcom ldan 'das la 'di skad ces gsol to// bcom ldan 'dra bdag gis skyes bu dam pa 'di dgung zla dgur rum na bzung ba ni/ bdag gis rnyed pa legs par rnyed lags so// bcom ldan 'das bdag gis kyang bla na med pa yang dag par rdzogs pa'i byang chub tu
- 398b
sems bskyed par bgyi ste/ dge ba'i rtsa ba 'dis bdag 'jig rten gyi khams dri ma med pa'i 'od de nyid du/ 'di'i 'og tu blan med pa yang dag par rdzogs pa'i byang chub tu mngon par rdzogs par 'tshang rgya bar gyur cig/ de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu sring mo zla ba can 'di khyod kyis mthong ngam/ shA ri'i bus gsol pa/ bcom ldan 'das mthong lags so// bcom ldan 'das kyis bka' stsal pa/ shA ri'i bu rgyal po'i btsun mo zla ba can 'di ni 'di nas shi 'phos nas sum cu rtsa gsum pa'i lha rnams dang skal ba mnyam par skye bar 'gyur zhing / lha'i bu rin chen mchog ces bya bar 'gyur te/ gang gi tshe byang chub sems dpa' byams pas byang chub thob par 'gyur ba de'i tshe/ rgyal po dung zhes bya ba'i bu rgyal po gzhon nu mthong na dga' ba zhes bya bar gyur nas/ de bzhin gshegs pa byams pa la mchod pa byas te/ rab tu 'byung bar 'gyur ro// des de bzhin gshegs pa byams pa'i dam pa'i chos thog ma dang / bar ma dang / tha ma'i bar du 'dzin par 'gyur te/ bskal pa bzang po 'di la sangs rgyas bcom ldan 'das gang dag 'byung bar 'gyur ba de dag thams cad kyang mnyes par byed cing mchod par 'gyur ro/ / de mthar gyis de bzhin gshegs pa mya ngan med pas byang chub thob pa na/ 'khor los sgyur ba'i rgyal po mu khyud 'dzin ces bya bar
- 399a
'gyur te/ des de bzhin gshegs pa de la mchod pa tshad med pa dag byas nas/ sangs rgyas kyi zhing de lta bu de nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa kun tu 'od zer ces bya bar 'gyur ro// de nas rgyal po'i btsun mo zla ba can gyis bdag nyid lung bstan pa thos nas/ / tshim zhing mgu ste yi rangs nas/ bcom ldan 'das la mu tig gi do shal brgya stong ri ba phul te/ tshangs par spyod par rgyal pos gnang nas brlab pa'i gzhi dag bzung ngo // de nas byang chub sems dpa' sems dpa' chen po mya ngan med kyis byin pas/ lhas phul ba'i me tog man da ra ba dag gis bcom ldan 'das dang 'khor thams cad la gtor to// de na bar snang las bab te/ phyogs gcig tu 'dug nas/ tshig 'di skad du bden pa dang bden pa'i tshig gang gis bdag gis byang chub thob pa na/ byang chub sems dpa' sems dpa' chen po de dag thams cad rdzus te smre zhing / chos gos ngur smrig gyon la/ rin po che'i pad+ma dag la skyil mo krung bcas te skye bar 'gyur ba lta na/ bden pa dang bden pa'i tshig des dper na dge slong bsnyen par rdzogs nas lo brgya lon pa'i spyod lam ji lta ba bzhin du bdag gnas par gyur cig ces smras so/ / byang chub sems dpa' sems dpa' chen po mya ngan med kyis byin pas
- 399b
bden pa'i byin gyis brlabs byas ma thag tu dge slong gi spyod la pa dang ldan par snang bar gyur to/ / de nas byang chub sems dpa' sems dpa' chen po bya ngan med kyis byin pas pabargyal po ma skyes dgral 'di skad ces smras so/ / yab 'di ltar chos thams cad ni bcos ma na// rnam par bsgrubs par nye bar gnas pa'i mtshan nyid dang / yongs su brtags pa las langs pa med bzhin du phyin ci log dang mtshungs par ldan pa lags so/ / rgyal po chen po gzigs shig dang / de ring kho na'i gdugs gcig la bu mo'i gzugs su rang gzigs/ khye'u'i gzugs su'ang khyod kyis gzigs/ da ni bdag la dge slong gi gzugs su'ang khyod kyis gzigs na/ 'di la gang yang dag pa'i gzugs lags/ rgyal po chen po de ltar na ya ma brla'i chos thams cad la/ 'di na kha cig lta ba'i kun nas dkri bas kun nas glags shing mchis te/ rang gi rgyud la mchis pa'i nyon mongs pa rnams kyis yongs su sreg go/ yongs su bsregs pas chos 'dul ba 'di ma 'tshal te/ 'gyod pa ma lags pa la 'gyod par sems so// rgyal po chen po de ltar na khyod kyis bag yod par mdzod la/ rgyal srid nyam nga ba na bzhugs bzhin du/ rtag tu bcom ldan 'das kyi thad du bzhud cig dang / 'jam dpal gzhon nur gyur pas khyod kyi yod pa ma yin pa phyin ci log las byung ba'i 'gyod pa sel bar 'gyur ro// rgyal po chen po khyed ni bya ba mang zhing / byed
- 400a
pa mang ba lags kyis bzhud cig/ de nas rgyal po ma skyes dgra dang / btsun mo zla ba can dang / btsun mo'i 'khor thams cad kyis/ bcom ldan 'das dang byang chub sems dpa' mya ngan med kyis byin pa dang / dge slong gi dge 'dun rnams la phyag 'tshal nas/ bcom ldan 'das la 'di skad ces gsol to// bcom ldan 'das bdag cag ni bgyi ba mang zhing bgyid pa mang ba lags kyis/ bdag cag mchi'o// bcom ldan 'das kyis bka' stsal pa/ rgyal po chen po da de'i dus la bab par shes na song zhig ces bka' stsal nas/ rgyal po ma skyes dgra btsun mo zla ba can la sogs pa btsun mo'i 'khor chen po dag dang lhan cig tu bya rgod kyi phung po'i ri las rgyal po'i khab kyi grong khyer chen por dong ngo / / de nas bcom ldan 'das kyis / dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung zhig/ chongs shig/ lhogs shig/ kun nub par gyis shig/ bzhan dag la'ang rgya cher rab tu ston cig/ kun dga' bos gsol pa/ bcom ldan 'das chos kyi rnam grangs 'di bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di mya ngan med kyis byin pa'i seng ge'i sgra zhes bya ba dang / mya ngan med kyis byin pa lung bstan pa zhes bya bar zung zhig
- 400b
gzhan dag la'ang ston cig/ kun dga' bo gang gis stong gsum gyi stong chen po'i 'jig rten gyi khams 'di rin po che sna tshogs kyis yongs su bkang ste sbyin pa byin pa bas/ gang gis chos kyi / rnam grangs 'di tha na rna lam du thos na/ 'di ni de bas ches bsod nams mang du skyed na/ gang 'dzin pa dang / kun chub par byed pa dang / 'chang ba dang / klog pa dang / rjod pa dang / lung ji// skad phog pa bzhin du nan tan du sgrub pa lta ci smos// bcom ldan 'das kyis de skad ces bka' stsal nas/ byang chub sems dpa' sems dpa' chen po mya ngan med kyis byin pa dang / nyan thos chen po de dag dang / lha dang / mi dang / lha ma yin dang / dri bar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'phags pa mya ngan med kyis byin pa lung bstan pa zhes bya ba'i le'u ste/ 'dus pa sum cu rtsa gnyis pa rdzogs so// / rgya gar gyi mkhan po dza ni mi tra dang / su ren dra bo d+hi dang / lo tsa ba zhang ye shes sdes sgyur cing zhus te gtan la phab pa/ bam po gcig/ sh+lo ka sum brgya/ rgya gar skad du/ Ar+ya bi ma la dad ta pa ri pri ts+tsha nA ma ma hA yAn sU tra/ bod skad du/ 'phags pa dri ma med kyis byin pas zhus pa zhes bya ba theg pa chen po'i
- 401a
mdo bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad dang thabs cig tu bzhugs te/ thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin rnam par grol ba/ sems kyi dbang thams cad kyi dam pa'i pha rol tu son pa sha sta ga ste/ gang zag gcig ma gtogs pa ni/ 'di la sa/ tshe dang ldan pa kun dga' bo'o// byang chub sems dpa' stong phrag bcu phal cher thams cad kyang phyir mi ldog pa skye ba gcig gis thogs pa sha stag la 'di lta ste/ byang chub sems dpa' rin chen 'od dang / byang chub sems dpa' shes rab brtsegs dang / byang chub sems dpa' dpal gyi snying po dang / byang chub sems dpa' grags pa'i blo gros dang / spobs pa brtsegs dang / spyan ras gzigs dbang phyug dang / mthu
- 401b
chen thob dang / byams pa dang / mya ngan med kyis byin dang / 'jam dpal gzhon nur gyur pa dang / gom pa 'dor ba don yod dang / mthong ba don yod dang / ngan song spong dang / mya ngan gyi mun pa thams cad 'joms pa dang / yon tan rin po che'i me tog gis rtag tu brgyan dang / gser gyi 'phreng ba'i 'od kyi dpal can dang / sgrib pa thams cad rnam par sel ba dang / byang chub sems dpa' sems thogs pa med pa dang / de dag la sogs pa byang chub sems dpa' khri dang yang thabs gcig go// de nas tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa byams ma'i bu gang po dang / tshe dang ldan pa 'od srungs chen po dang / tshe dang ldan pa rab 'byor dang / tshe dang ldan pa nam gru dang / tshe dang ldan pa ma 'gags pa dang / tshe dang ldan pa kun dga' bo dang / nyan thos chen po brgyad po de dag dang / byang chub sems dpa' 'jam dpal dang / byang chub sems dpa' ngan song spong dang / rin po ni tog dang / mthong ba don yod dang / sgrib pa thams cad rnam par sel ba dang / 'phags pa spyan ras gzigs dbang phyug dang / spobs pa brtsegs dang / byang chub sems dpa' gom pa 'dor ba don yod dang / byang chub sems dpa' sems dpa' chen po brgyad po de dag snga dro'i dus kyi tshe sham thabs dang chos gos bgos nas/ lhung bzed thogs te
- 402a
bsod snyoms kyi phyir grong khyer chen po mnyan yod du zhugs nas/ de dag lam gyi bar skabs su gtam 'di skad ces/ gang gis grong khyer du skye bo'i tshogs thams cad kyis 'phags pa'i bden pa'i gtam thos par 'gyur ba rnam pa de lta bu'i ting nge 'dzin la snyoms par zhugs te/ grong khyer du 'jug par bya'o zhes brjod par gyur to// de nas tshe dang ldan pa shA ri'i bus smras pa/ gang gis grong khyer du 'phags pa'i bden pa rnams la/ skye bo'i tshogs thams cad kyi shes rab thogs pa med de/ de dag gi shes rab la mun pa mun nag med par 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// tshe dang ldan pa mo'u 'gal gyi bu chen pos smras pa/ gang gis grong khyer du skye bo'i tshogs thams cad la bdud kyi las rnams 'byung bar mi 'gyur ba rnam pa de lta bu'i ting 'dzin la kho bo snyoms par zhugs te/ grong khyer du 'jug par bya'o// tshe dang ldan pa byams ma'i bu gang pos smras pa/ ci nas kyang gzhan mu stegs can spyod pa pa dang / kun tu rgyu dang / gcer bu pa dang / 'tsho ba pa dang / bram ze dang / khyim bdag gang dag grong khyer na 'khod pa de dag sdig pa can gyi lta ba dang ldan par mi 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// tshe dang ldan pa 'od srungs chen pos
- 402b
smras pa/ ci nas kyang grong khyer na skyes pa dang / bud med dang / khye'u dang / bu mo gang dag bdag cag la bsod snyoms sbyin par byed pa 'khod pa de dag thams cad yongs su mya ngan las 'das pa la thug gi bar du/ longs spyod zad mi shes pa rnyed par 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// tshe dang ldan pa rab 'byor gyis smras pa/ gang gis grong khyer du skye bo'i tshogs thams cad nyon mongs pa med pa thob par 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o/ / tshe dang ldan pa nam grus smras pa/ gang gis grong khyer du skye bo'i tshogs thams cad kyis ting nge 'dzin thob par 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// tshe dang ldan pa ma 'gags pas smras pa/ gang gis grong khyer du skye bo'i tshogs thams cad nad med pa'i bde ba thob par 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// tshe dang ldan pa kun dga' bos smras pa/ gang gis grong khyer du skye bo'i tshogs thams cad la sngon ma thos pa'i chos rnams mngon du 'gyur ba rnam pa de lta bu'i ting nge 'dzin la kho bo snyoms par zhugs te/ grong khyer du 'jug par bya'o// 'jam dpal gzhon nur gyur pas smras pa/ ci nas kyang gang gis grong khyer na sgo dang
- 403a
skar khung dang / rtsig pa dang / snod dang / rgyad dang / shing dang / lo ma dang / me tog dang / 'bras bu dang / gos rnams las stong pa nyid kyi sgra 'byung bar 'gyur ba dang / mtshan ma med pa'i sgra dang / smon pa med pa'i sgra dang / skye ba med pa'i sgra dang / dngos po med pa'i sgra dang / bdag med pa'i sgra 'byung bar 'gyur ba rnam pa de lta bu'i bsam pa kho bos bsam par bya'o/ / byang chub sems dpa' ngan song spong gis smras pa/ gang gis grong khyer na sems can rnams kyi las ngan song myong bar 'gyur ba gang yod pa de tshe 'di nyid la yang zhing chung ngu myong bar 'gyur ba rnam pa de lta bu'i bsam pa kho bos bsam par bya'o/ / byang chub sems dpa' mthong ba don yod kyis smras pa/ ci nas kyang grong khyer na sems can gang dag kho bo'i mig lam na snang bar 'gyur ba de dag tham cad kyis de bzhin gshegs pa'i gzugs mthong bar 'gyur ba rnam pa de lta bu'i bsam pa kho bos bsam par bya'o/ / byang chub sems dpa' rin po me tog gis smras/ gang gis grong khyer na khyim tha cad du rin po ches gang ba'i gter rnams 'byung bar 'gyur ba rnam pa de lta bu'i bsam pa kho bos bsam par bya'o/ / byang chub sems dpa' sgrib pa thams cad rnam par sel bas smras pa/ yang gis mnyan yod kyi grong khyer chen por skye bo'i tshogs thams cad kyi sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o/ / byang chub sems dpa' spyan ras
- 403b
gzigs dbang phyug gis smras pa/ ci nas kyang grong khyer na sems can gang dag bcings pa dang / gsad par bkri ba de dag thar pa dang / 'jigs pas nyen pa rnams kyang 'jigs pa med pa thob par 'gyur ba rnam pa de lta bu'i bsam pa kho bos bsam par bya'o/ / byang chub sems dpa' spobs pa brtsegs kyis smras pa/ gang gis grong khyer na skye bo'i tshogs thams cad phan tshun du rig su bcad pa'i dbyangs dang / byams pa'i sems kyis smra bar 'gyur ba dang / spobs pa'ang thob par 'gyur ba rnam pa de lta bu'i bsam pa kho bos bsam par bya'o// byang chub sems dpa' gom pa 'dor ba don yod kyis smras pa/ ci nas kyang grong khyer na sems can gang dag kho bo'i mig lam na snang bar 'gyur ba de dag thams cad bla na med pa yang dag par rdzogs pa'i byang chub las phyir mi ldog par 'gyur ba rnam pa de lta bu'i bsam pa kho bos bsam par bya'o/ / de nas nyan thos chen po de dag dang / byang chub sems dpa' de dag rnam pa lta bu'i gtam 'di rjod cing / mnyan yod kyi grong khyer chen por phyin to/ / yang de'i tshe yul ko sa la'i rgyal po gsal rgyal gyi bu mo dri ma med kyis byin pa zhes bya ba/ sngon gyi rgyal ba la lhag par bya ba byas pa/ dge ba'i rtsa ba bskyed pa sangs rgyas mang po la bsnyen bkur byas pa/ chos zab mo la bzod pa dang ldan pa/ mngon par shes pa lnga po dag thob pa zhig yod de/ ba mo des lnga'i mig dag pa mi'i las 'das pas byang chub sems
- 404a
dpa' de dag dang / nyan thos chen po de dag mthong zhing / de dag lam gyi bar skabs su gtam ci brjod pa de dag thams cad kyang thos so// bu mo de'ang gzugs bzang ba mdzes pa/ blta na sdug pa/ kha dog bzang po rgyas pa mchog dang ldan pa/ pha ma dang nang mi la byams pa/ btsas nas lo bcu gnyis lon pa ste/ de dpyid bla tha chung tshes brgyad skar ma rgyal gyi nyin par pha mas dge mtshan dang bkra shis byed du gnang nas/ bram ze zho dang / rtsa ku sha dang / me tog dang / yam sreg shing dang / mar dang / bum pa thogs pa lnga brgyas yongs su bskor te khrus bya bar khrid pa las/ bram ze de dag gis byang chub sems dpa' de dag dang / nyan thos chen po de dag mthong ngo // mthong nas kyang bkra mi shis so snyam pa'i 'du shes kyis gnas par gyur to/ / de nas bram ze de dag gi nang nas bram ze ches bkres tshangs pa'i lha zhes bya ba des/ bu mo dri ma med kyis byin pa la 'di skad ces smras so// bu mo dge slong dag mdun na 'khod pa ni bkra mi shis te/ de dag mthong na dgos pa 'am/ nor ram/ brtul zhugs sam/ mchod sbyin nam/ bkra shis kyang rung ste/ mi 'grub kyis grong khyer du sngar bzhud do de nas bu mo dri ma med kyis byin pas/ bram ze tshangs pa'i lha de la tshigs su bcad de smras pa/ 'di dag chags med mchog tu dge shis pa// skye bo mang po'i sdig pa 'jig par byed// 'di dag
- 404b
rnam par dag cing bden pazhi mthong / / dul la grol bar gyur cing mnyam par bzhag/ 'di dag rkang gnyis dam pa bsod nams zhing // 'di la yon phul mtho ris 'gro bar 'gyur// 'di la yon phul 'bras bu 'chi med 'thob/ / byin nas sems can ngan 'gror 'gro mi 'gyur// tshul khrims dang ni dul bar ldan pa yin// 'dod las brgal zhing sdig med re ba med// 'di dag sman pa mchog ste 'jig rten rgyu/ sdug bsngal gzir ba'i srog chags thar par byed// sangs rgyas 'jig rten dag na chos kyi rje// de'i sras 'di dag rdul med nyon mongs med// 'di dang byang chub sems dpa' gzhan yang mang // shes rab ldan mis 'di dag ji ltar spang / / 'di dag brtul zhugs spyad cing 'dod chags zhi// bkra shis gyur cing mkhas pa sbyin char phab// 'di dag rnams la bkur sti chung byas kyang // mi rnams chos dang de bzhin nor yang 'grub/ / 'di dag mtshan rnams yongs rdzogs dge shis ldan// 'di dag zhing mchog rnam dag sems dang ldan// bram ze 'di la su zhig dad byed pa// de ni bsod nams mang po skyed par 'gyur/ / de nas bram ze tshangs pa'i lhas/ bu mo dri ma med kyis byin pa la tshigs su bcad de slar smras pa/ byis pa'i sems kyi dbang du ma bzhud cig/ mchod sbyin dus 'dir dge slong ma gzigs shig/ ngur smrig gos can de bzhin mgo bregs pa// de dag don 'dod pas ni blta mi bgyi// yab dang yum yang dgyes par mi 'gyur zhing // bdag
- 405a
kyang mkhas pa rnams kyis smad par 'gyur/ / khyod kyi mchod sbyin 'grub par mi 'gyur gyis// de bas dge slong rnams ni shin tu spongs// de nas bu mo dring med kyis byin pas bram ze tshangs pa'i lha de la tshigs su bcad de slar smras pa/ yon tan ldan pa 'di dag ma gtogs par// pa dang mA yang kho mo'i skyabs ma yin// gnyen gyi tshogs dang nor dang lang mo min// 'di ga 'khor bar bying ba rnams kyi skyabs/ / bdag ni sangs rgyas dga' bas lus btang zhing // de bzhin srog dang longs spyod rnams kyang btang // dkon mchog gsum nyid skyabs yin ma gtogs par/ kho mo'i skyabs rten sems can 'di na med/ de nas bram ze tshangs pa'i lhas/ bu mo dri ma byed kyis byin pa la 'di skad ces smras so// bu mo btsas nas khyod kyi sngon sangs rgyas kyang ma gzigs/ sngon chos kyang ma gsan/ sngon dge 'dun la bsnyen bkur yang ma mdzad na/ khyod ci'i slad du sangs rgyas la dad par gyur/ bu mo dri ma med kyis byin pas smras pa bram ze kho mo btsas nas zhag bdun lon pa na/ tsan dan gyi khang bzang kyi nang na gser gyi khri la bzhag pa'i tshe/ lha'i bu lnga brgya steng gi bar snang la 'ding ba kho mos mthong ste/ de dag rnam grangs du mas sangs rgyas kyi bsngags brjod/ chos dang dge 'dun gyi bsngags brjod pa kho mos thos so// de nas lha'i bu de dag gi nang nas gang gis sngon de bzhin gshegs pa mthong ba gcig pu de
- 405b
la/ lha'i bu rnams kyis dris pa/ grogs po de bzhin gshegs pa ni ci 'dra ba zhig/ de ni ji ltar shes par bya/ de nas lnga'i bu des kho mo'i bsam pa shes nas/ lnga'i bu de dag kyang dad pa bskyed pa'i phyir tshigs su bcad pa 'di dag smras so/ / de yi dbu skra dri med sdum zhing mdzes// gtsang 'jam g.yas su 'khyil ba'i ljang lo can// zhal mdog pad+ma 'dab margyas pa 'dra// blan pa na mo dmar khar mdzes pa bzhin/ / de yi mdzod spu kha ba shel mdog bzang // smin mnams par nas 'khyil cing shin tu mdzes// de yis 'khor rnams zil gyis mnan te 'dug/ rgyal ba'i zhal yang shin tu mdzes par byed// mi dbang spyan mdzes 'gram pa seng ge'i 'dra// sems stobs mi zhub tshems mnyam thags kyang bzang // de yi ljags che zhal gyi dkyil 'khor khebs// de yi zhal ni dri med rnam par mdzes// de yi gsung ni phan zhing snyan la ran/ / tshig rtsu ba spangs shing mi 'byed sdig pa med// skye bo dpag tu med pa dang mdzad cing // 'gro la phan phyir rgyal ba gsung yang sgrogs// de yi mgur ni dung dang mtshungs shing 'dra de bzhin mi dbang phyug gi sor mo ring / / de yi phyag ni glang chen sna dang 'dra// brang yangs dri med lte ba gzhol zhing zab// rta mchog lta bur mngoms kyi sba ba nub// de bzhin spu yi khung bu gser dang 'dra// brla yi dbyibs ni glang pori lag dang mtshungs// zhabs ni legs gnas byin pa e n+ya'i 'dra// thub pa'i dbang po bden gsung rgyags pa'i skyon dang bral// ngan las bcom pa rnams kyi
- 406a
sdig pa'i lbu ba 'jig/ 'khor gyi nang du dri ba bye ba dris byas kyang // 'khrul med skyon dang bral bas sems can kun tshom mdzad// gya gyu med drang tshig gis lus ni rim mdzad cing / / mya ngan 'das pa bde mchog yid 'ong yang dag zhi// skye bo kun gyi yid 'ong mya ngan 'das ston cing // mtha' gnyis dag dang bral ba'i dbu ma'i lam yang ston// de ni rang gis/ sangs rgyas gyur pa ste// bdag nyid brgal cing pha rol rnams kyang sgrol// 'gro ba'i skyo ba dang skyabs dang dge shis shing // 'jig rten kun la thugs brtse phan par mdzad// ston pab de yi yon tan 'di dag dang / / gzhan yang mtha' yas kho mos de ma brjod// thos nas lho rnams yid dga' dang gyur nas// rgyal ba la ni dang ba'i yid kyang sgom// de nas bu mo dri ma med kyis byin pas tshigs su bcad pa 'di dag smras nas/ bram ze tshangs pa'i lha la 'di skad ces smras so// bram ze kho mo btsas nas zhag bdun lon nas/ sangs rgyas kyi yon tan rnam ba'i de lta bu dag thos so/ / mngon par dran te de tshun chad nam yang rmugs pa dang / gnyid kyis non par ma gyur to// nam yang 'dod pa la rnam par rtog pa'i rnam par rtog pa dang / gnod sems kyi rnam par rtog pa'i rnam par rtog pa dang / 'tshe ba'i rnam par rtog pa'i rnam par rtog par ma byas so// mngon par dran te de tshun chad nam yang bal dga' ba 'am
- 406b
mal dka' 'am/ ming po la dga' ba'am/ spun la dga' ma/ nyesul dga' ba'am/ nor la dga' ba'am/ rgyan la dga' ba 'am/ gos la dga' ba 'am lus la dga' ba 'am/ srog la dga' ba 'am/ grong khyer la dga' ba 'am/ skye mched la dga' ba ma bskyed kyi/ bram ze gzhan du na sangs rgyas nyid rnam pas rjes su dran no/ / bram ze kho mos ni gsum sems la yid la bya ba yid la byas te/ de bzhin gshegs pa phyogs gang na bzhugs pa dang / de bzhin gshegs pas chos gang bshad pa de thams cad kho mos legs par yongs su bzung zhing / kho mos don tam chog 'bru las yi ge dang tshig gcig kyang chud zos par ma byas so// de bzhin gshegs pa dge slong gi dge 'dun gyis yongs su bskor ba kho mos nam yang yid la ma byas par ma gyur to/ / kho mos nyin mtshan gang du'ang sangs rgyas ma mthong ba dang / chos ma thos pa dang / dge 'dun la bsnyen bkur ma byas par ma gyur to/ / bram ze kho mo ni sangs rgyas la blta ba dang / chos mnyan pa dang / dge 'dun la bsnyen bkur bya bas chog pa med do// de nas bram ze tshangs pa'i lhas bram ze'i khye'u zhig la smras pa/ bram ze'i khye'u khyod song la lo rgyus 'di rgyal po dang btsun mo la gsol cig/ de nas bram ze'i khye'u
- 407a
@/ de rings pa'i tshul du song ste/ ji ltar mthong ba'i lo rgyas thams cad rgyal po dang btsun pa la gsal to// bra mo drim med kyis byin pas kyang ji ltar zab pa tshungs pa'i lha la sogs pa bram ze lnga brgya po de dag gis bla na med pa yang dag par rdzogs pa'i byang chub tu sems bskyed pa de ltar sangs rgyas kyi bsngags pa brjod/ chos dang dge 'dun gyi bsngags pa brjod do/ / de nas bu mo dri ma med kyis byin pa shing rta las babs nas/ bram ze de dag dang lhan cig tu byang chub sems dpa' de dag dang / nyan thos chen po de dag ga la ba der song ste phyin nas/ de dag gi rkang pa la mgo bos phyag 'tshal te/ gus pa dang bcas zhe sa dang bcas pas/ tshe dang ldan pa shA ri'i bu'i mdun du 'dug nas/ tshe dang ldan pa shA ri'i bu ga la ba de logs su thal mo sbyar ba btud de/ tshe dang ldan pa shA ri'i bu la 'di skad ces smras so// shA ri'i bu bud med ni shes rab sor gnyis pa/ nyon mongs pa drag pa/ bag med pa mang ba/ dben pa la mos pa/ tshul bzhin ma lags pa yid la bgyid pa'i dbang du mchi ba lags na bdag la thugs brtse ba nye bar bzung ste/ ci nas bdag gi yun ring po'i don dang / sman pa dang / bde bar 'gyur ba'i slad du/ btsun pas de ltar bdag la chos legs
- 407b
par bstan du gsol/ ko sa la'i rgyal po gsal rgyal gyis gtam byung ba 'di dang / tham tha' ra/ zas nas myur ba'i tshul gyis phyogs der phyin te/ des nyan thos de dag dang / byang chub sems dpa' de dag la phyag byas nas/ rang gi bu mo la 'di skad ces smras so// bu mo khyod na re kho bo nam yang rmugs pa dang gnyid kyis non par ma gyur to// nam yang dga' ba dang rtse ba dang ldan pa'i sems ma bskyed do zhes zer ba de ltar khyod bde ba dang yid bde ba la brtson da/ 'on te 'di ltar yid byung ba'i tshul gyis smra// de nas rgyal po gsal rgyal gyis/ rang gi bu mo la tshogs su bcad de smras pa/ khyod kyi gzugs byed lnga phyi bu mo mtshungs shing 'dra// rgyan rnams kyis ni de nyid chas pa'i cha byad 'dzin// ji ltar khyod ni nam yang gnyid kyis ma non pa// ci phyir bu mo khyod ni 'di 'dra'i yid byung gyur// khyod kyi rgyal srid rgyas shing shin tu legs par 'byor// ma ni rtag tu khyod kyi dbang du gyur pa yin/ / bu mo dga' ba de las ci 'dra gzhan yod na// de yis khyod kyi lus ni dga' ba rnyed ma gyur// sdug cing 'phangs la yid du 'ong ba ste// skye bo kun la dga' ba skyed yin na// yon tan brgya phrag du mas brgyan pa khyod// ci yi phyir na khyim 'dir dga' ba med// bu mo khyod kyis ci zhig thos gyur cing // ci zhig mthong na 'di ltar yid mi bde// yongs su nyams
- 408a
shing yid byung sems su gyur/ / khyod kyi 'dod pa ci 'dra la smos/ de nas bu mo dri ma med kyis byin pas/ rang gi brgyal phyogs tshul sa tshugs su bcad de smras pa/ yab cig phung po nyes dmigs snod rnams dang // khyim gyi skyon rnams thugs su mchud dam// 'khor ba'i gnas ni gar la wA dang mtshungs// 'tsho ba'i 'jig can mi gnas 'jig pa can/ / sbrul gdug nang na gnas pa'i khyim 'di la// gnyid dang 'dod pa'i 'dun pa ga la mchis// khams 'di dag ni gdug pa'i sbrul bzhi ste// sred pa sems bde ba ga la mchis/ / mi mdza' tshogs kyis rab tu gtses gyur cing // dgon par phyin la dga' ba ga la mchis// kun nas nyon mongs dgra yis yongs bskur ba/ 'thob rgyal pos bka' stsol cig/ dug 'thungs pa la bde ba ga la mchis// gsad sar bkri la dga' ba ga la mchis// g.yang sa che 'dir su zhig yid don baN+Di ba'i 'jig rten de dag mtshungs/ / blo ngan dag gis lus rnams bor ba ni// ri rab tsam gyi phung por gyur to zhes// de bzhin gshegs pas dper ni bka' byas slu ba'i chos la su yid rton/ / pha dang ma dang sdug dang ming po dang // bu dang rtsa lag gnyen grogs 'gro ba kun// 'dus byas thams cad me long gzugs ba na 'ang // 'a
- 408b
mi sdug gang la su yid con/ / gang tshe bdag gis rang byung rgyal ba mthong // de tshe sangs rgyas 'gyur sgrub sems kyang ste// byang chub sems dpa' bag med 'gyur ba ni// yab tsa/ bdag gis ma mthong ma thos so// bdag ni mtshan rdzogs rgyal ba lta 'tshal 'gyur// bde bar gshegs pas gsungs pa'i chos kyang thos// rgyal ba rgyal ba'i sras po 'di dag mthong / / yab cig ji ltar 'dod pa bsten par bgyi// de nas rgyal po gsal rgyal bu mo'i tshig thos nas cang mi smra bar gyur to// de nas bu mo dri ma med kyis byin pas rang gi pha cang mi smra bar gyur par rig nas/ tshe dang ldan pa shA ri'i bu la 'di skad ces smras so// btsun pa shA ri'i bu khyod la zhu ba zhus pa thugs brtse bar dgongs te lan gdab tu gsol 'di ltar btsun pa shA ri'i bu ni/ bcom ldan 'das kyis shes rab dang ldan pa rnams kyi mchog tu bstan pa lags na/ ci shes rab de 'dus byas lags sam/ 'on te 'dus ma byas lags/ de gal te 'dus byas lags na/ de bzhin gshegs pas 'dus byas thams cad ni brdzun pa slu ba'i chos can no zhes bka' stsal to// ci ste 'dus ma byas lags na/ 'dus ma byas la ni skye ba ma mchis so/ / gang la skye ba ma mchis pa de la ni phrad pa ma mchis na/ phrad pa ma mchis pa'i shes rab kyis ji ltar 'dun pa sa ri bu shes rab chen po zhes bgyi/
- 409a
de nas tshe dang ldan pa shA ri'i bu cang mi smra bar gyur to// de nas tshe dang ldan pa mo'u 'gal gyi bu chen pos// tshe dang ldan pa shA ri'i bu la 'di skad ces spras so// shA ri'i bu bu mos dris pa'i lan thob cig/ shA ri'i bus smras pa/ bu mo ni 'dus byas mi 'dri'o// bu mos ni skye ba med pa dris te/ da ni lan gdab par mi nus so// de nas bu mo dri ma med kyis byin pas/ tshe dang ldan pa mo'u 'gal gyi bu chen po la 'di skad ces smras so// 'di ltar btsun pa mo'u 'gal gyi bu chen po khyod ni/ bcom ldan 'das kyis rdzu 'phrul dang ldan pa rnams kyi mchog tu bstan pa lags na/ ci ste tshe dang ldan pa sems can du 'du shes pa la gnas te rdzu 'phrul ston tam/ 'on te chos su 'du shes pa la gnas te rdzu 'phrul ston/ gal te sems can du 'du shes pa la gnas te ston na/ sems can ni ma mchis pa ste/ de lta bas na rdzu 'phrul de'ang ma mchis par 'gyur ro/ / ci sti chos su 'dugs pa la gnas te ston na/ chos nyid ni 'gyur ba ma mchis pa'o// 'gyur ba ma mchis pa gang lags pa de la ni rnam par rtog pa ma mchis na/ rnam par mi rtog pas ji ltar tshe dang ldan pa'i rdzu 'phrul 'byor par gyur/ tshe dang ldan pa mo'u 'gal gyi bu chen po'ang cang mi smra bar gyur to// de nas byams ma'i bu gang pos
- 409b
tshe dang ldan pa mo'u 'gal gyi bu chen po la 'di skad ces smras so/ / mo'u 'gal gyi bu chen po bu mos dris pa'i lan thob cig/ mo'u 'gal gyi bus smras pa/ bu mo ni 'gyur ba mi 'dri'i/ bu mos ni 'gyur ba med pa dris te/ 'gyur ba med pa dang / rnam par mi rtog pa ni de bzhin gshegs pa rnams kyi byang chub yin pas/ de ni lan gdab par mi nus so// / de nas bu mo dri ma med kyis byin pas/ byams ma'i bu gang po la 'di skad ces smras so// 'di ltar tshe dang ldan pa gang po ni/ bcom ldan 'das kyis chos smra ba rnams kyi mchog tu bstan pa lags na/ ci tshe dang ldan pa dmigs pa dang bcas pa'i chos ston tam/ 'on te dmigs pa ma mchis pa'i chos ston/ gal te dmigs pa dang bcas pa'i chos ston na ni/ khyod byis pa so so'i skye bo rnams dang mtshungs so// de ci'i slad du zhe na/ byis pa so so'i skye bo thams cad ni dmigs pa dang ces pa'i slad du ste/ de lta bas na btsun pa'ang byis pa so so'i skye bo thams cad kyi chos rnams dang ma bral ba lags so// ji ste dmigs pa ma mchis pa'i chos ston na ni/ chos smra ba nyid dngos po ma mchis par gyur te mi 'thad do/ / de nas tshe dang ldan pa gang po'ang cang mi smra bar gyur to// de nas tshe dang ldan pa 'od srungs chen pos/ gang po la 'di skad ces smras
- 410a
so/ / gang po bu mos dris pa'i lan thob cig/ tshe dang ldan pa gang pos smras pa/ bu mo ni kun rdzob mi 'dri'i bu mos ni don dam pa dris te/ de ni lan gdab par mi nus so/ / de nas bu mo dri ma med kyis byin pas/ tshe dang ldan pa 'od srungs chen po la 'di skad ces smras so// 'di ltar btsun pa 'od srungs chen po ni rnam par thar pa brgyad la snyoms par zhugs nas langs te gzhan dag la chos ston cing / gang dag las tha na gzar bu gang tsam gyi bsod snyoms yongs su blangs pa de dag thams cad mtho ris su 'gro bar 'gyur ro zhe na/ de ci btsun pas lus kyis sbyin pa sbyong ngam/ 'on te sems kyis sbyin pa sbyong/ gal te lus kyis sbyong na/ lus ni bems pa g.yo ba ma mchis pa/ byed pa ma mchis pa ste/ rtsa dang / shing dang / rtsig pa'i chos lta bu mig yor dang mtshungs pas/ des kyang sbyong bar mi nus so// ci ste sems kyis sbyong na/ sems ni sgyu ma lta bu gnas pa ma mchis pa ste/ des kyang sbyong bar mi nus so// ci ste lus dang sems kyi phyi rol gyis sbyong na/ de ni ma mchis pa ste/ ma mchis pas ji ltar sbyong bar bgyid/ de nas tshe dang ldan pa 'od srungs chen po'ang cang mi smra bar gyur to// rab 'byor gyis spras pa/ tshe dang ldan pa 'od srungs chen po tha
- 410b
mos dris pa'i lan thob cig/ 'od srungs chen pos smras pa/ bu mo ni len pa mi 'dri'i/ bu mos ni len pa med pa dris shing / yang dag pa'i mtha' 'dri bas/ de ni lan gdab par mi nus so/ / de nas bu mo dri ma med kyis byin pas/ gnas brtan rab 'byor la 'di skad ces smras so// 'di ltar btsun pa rab 'byor ni/ bcom ldan 'das kyis nyon mongs pa med par gnas pa rnams kyi mchog tu bstan pa lags na/ ci nyon mongs pa med pa de dngos pos rab tu phye ba lags sam/ 'on te chos nyid kyis rab tu phye ba lags// gal te dngos pos rab tu phye ba lags na ni 'dus byas su 'gyur ro// ji ste chos nyid kyis rab tu phye ba lags na/ chos nyid ni skye ba ma mchis pa'i mtshan nyid dang / 'gag pa ma mchis pa'i mtshan nyid de/ skye ba ma mchis pa dang 'gag pa ma mchis pa'i mtshan nyid gang lags pa de ni mnyam pa nyid do// mnyam pa nyid gang lags pa de ni de bzhin nyid do// de bzhin nyid gang lags pa de ni 'gyur ba ma mchis pa'o/ / 'gyur ba ma mchis pa gang lags pa de ni tha snyad ma mchis pa'o// tha snyad ma mchis pa gang lags pa de ni bsam gyis mi khyab pa'o/ / bsam gyis mi khyab pa gang lags pa de ni bstan du ma mchis pa'o// bstan du ma mchis pa gang lags pa de ni dngos po ma mchis pa'o// dngos po ma mchis
- 411a
pa gang lags pa de ni ma byung ba'o/ / ma byung ba gang lags pa de ni 'phags pa rnams pa ston to// de nas tshe dang ldan pa rab 'byor cang mi smra bar gyur to de nas tshe dang ldan pa nam grus tshe dang ldan pa rab 'byor la 'di skad ces smras so/ / tshe dang ldan pa rab 'byor bu mos dris pa'i lan thob cig/ rab 'byor gyis smras pa/ 'di la brjod du ci yang med// cang mi smra ba bde 'thob byed// spros pa med pa'i chos 'di dag/ bu mo yongs su 'dri bar byed// ji srid dngos po skye yod pa/ / de srid skyon gyis gos par 'gyur// chos kyi dbyings ni tha snyad med// 'di ni nyon mongs med pa'i tshul// de nas bu mo dri ma med kyis byin pas/ dang ldan pa na ma grul 'di skad ces smras so// tshe dang ldan pa nam gru ni/ bcom ldan 'das kyis bsam gtan pa rnams kyi mchog tu bstan pa lags na/ ci sems la gnas te bsam gtan mdzad dam/ 'on te sems ma mchis pa la gnas te bsam gtan mdzad/ gal te sems la gnas te bsam gtad mdzad na/ sems ni brjod du ma mchis shing sgyu ma lta bu ste/ yang dag pa ma yin pa kun btags pa lags na/ ci yang dag pa ma yin pa kun btags pa ma mchis pa la gnas te bsam gtan mdzad/ ji ste sems ma
- 411b
mchis pa la gnas te bsam gtan mdzad na ni/ rtsa dang / shing dang / rtsig pa dang / rdo la sogs pa byung ba dang / zhig pa de dag thams cad kyang ting nge 'dzin du 'gyur ro// de ci'i slad du zhe na/ 'di ltar de dag ni sems ma mchis pa'i slad du'o// tshe dang ldan pa nam gru'ang cang mi smra bar gyur to// de nas tshe dang ldan pa ma 'gags pas/ tshe dang ldan pa nam gru la 'di skad ces smras so/ / tshe dang ldan pa nam gru bu mos dris pa'i lan thob cig/ nam grus smras pa/ bu mo ni de bzhin gshegs pa'i yul yongs su 'dri ste/ de ni nyan thos rnams kyis bstan par mi nus so// bu mos smras pa/ tshe dang ldan pa nam gru chos kyi dbyings de bzhin gshegs pa rnams kyi'ang gzhan la// nyan thos rnams kyi 'ang gzhan lags sam/ gal te chos kyi dbyings gzhan lags na ni tha dad du 'gyur ro// de bzhin nyid ni gnyis su ma mchis te/ de bas na de bzhin nyid dang gnyis ni bye brag ma mchis na/ ci'i slad du tshe dang ldan pa nam gru de skad gsung / nam gru'ang cang mi smra bar gyur to// de nas bu mo dri ma med kyis byin pas/ tshe dang ldan pa ma 'gags pa la 'di skad ce smras so/ / 'di ltar tshe dang ldan pa ma 'gags pa ni/ bcom ldan 'das kyis lha'i mig can rnams kyi mchog tu bstan pa lags na/ ci lha'i mig gis
- 412a
dngos po gzigs sam/ 'on te dngos po ma mchis pa gzigs/ gal te dngos po gzigs na ni rtag par lta bar 'gyur ro// ji ste dngos po ma mchis pa gzigs na ni chad par lta bar 'gyur te/ de'ang mi rigs so// ma 'gags pa'ang cang mi smra bar gyur to// de nas tshe dang ldan pa kun dga' bos/ tshe dang ldan pa ma 'gags pa la 'di skad ces smras so/ / tshe dang ldan pa ma 'gags pa bu mos dris pa'i lan thob cig/ tshe dang ldan pa ma 'gags pas smras pa/ bu mos ni shes rab kun tu 'dzem pa dris pas/ de ni lan gdab par mi nus so/ / de nas bu mo dri ma med kyis byin pas/ tshe dang ldan pa kun dga' bo la 'di skad ces smras so// 'di ltar tshe dang ldan pa kun dga' bo khyod ni/ bcom ldan 'das kyis mang du thos pa rnams kyi mchog tu bstan pa lags na/ ci mang du thos pa nyid de don du blta 'am/ 'on te tshig 'brur blta/ gal te don du blta na/ don ni brjod du ma mchis shing bsnyad du ma mchis pa ste/ de ni rna ba'i rnam par shes pas shes par bgyi ba ma lags pa nas/ yid kyi rnam par shes pa'i bar gyis shes par bgyi ba ma lags pa ste/ rnam pa de lta bu gang lags pa de ni bstan du ma mchis pa'o// ci ste tshig 'brur blta na ni/ bcom ldan 'das kyis don la rton pa yin gyi tshig 'bru la rton pa ma yin no zhes
- 412b
gsungs pas/ de bas na tshe dang ldan pa kun dga' bo'i mang du thos pa nyid ni rton pa ma lags so// de nas tshe dang ldan pa kun dga' bo'ang cang mi smra bar gyur to// de nas 'jam dpal gzhon nur gyur pas/ tshe dang ldan pa kun dga' bo la 'di skad ces smras so// tshe dang ldan pa kun dga' bo bu mos dris pa'i lan thob cig/ kun dga' bos smras pa/ bu mo ni yi ge dang bral ba 'dri ste/ de ni smras tshim par byed par mi nus so// bu mo ni sems dang bral ba'i mnyam pa nyid 'dri ste/ slob pa rnams kyis ma yin na/ de ji ltar bstan par bya ste/ chos kyi mnga' bdag de bzhin gshegs pa la zhu dgos so/ / de nas bu mo dri ma med kyis byin pas/ 'jam dpal gzhon nur gyur pa la 'di skad ces smras so// 'jam dpal khyod ni de bzhin gshegs pas zab mo la mos pa'i byang chub sems dpa' rnams kyi mchog tu bstan pa lags na/ ci rten cing 'brel par 'byung ba zab pas khyod zab pa'am/ 'on te ngo bo nyid zab pas zab/ gal te rten cing 'brel par 'byung ba zab pas khyod zab na ni/ rten cing 'brel par 'byung ba dang ldan pa'i chos gang yang ma mchis so// de ci'i slad du zhe na/ 'di ltar rten cing 'brel par 'byung ba ni song ba ma lags/ 'ong ba ma lags te/ rten cing 'brel bar 'byung ba ni mig gi rnam par shes pas shes par bgyi ba ma lags/
- 413a
pa nas/ yid kyi rnam par shes pa'i bar gyis shes par bgyi ba ma lags shing / gnyis su ma mchis la/ kun tu 'byung ba ma mchis pa'i slad du'o// ji ste ngo bo nyid zab pas zab na ni/ ngo bo nyid gang yang sus kyang brtag par mi nus so// 'jam dpal gyis smras pa/ bu mo yang dag pa'i mtha' zab pas kho bo zab bo// bu mo dri ma med kyis byin pas smras pa/ 'jam dpal yang dag pa'i mtha' ni mtha' ma lags te/ de'i slad du rnam par shes pas 'tshal ba ma lags so// 'jam dpal gyis smras pa/ bu mo yang dag pa'i mtha' zhes bya ba 'di ni dmigs su med pa'i tshig bla dgas so// bu mo dri ma med kyis byin pas smras pa/ 'jam dpal dmigs su ma mchis pa ni gang gi tshig bla/ dgas kyang ma lags te/ dmigs su ma mchis pa ni tshig bla dgas las yang dag par 'das pa lags so// 'jam dpal gyis smras pa/ bu mo 'di ji ltar gzhan dag la bstan par bya/ bu mos smras pa/ 'jam dpal de bzhin gshegs pa rnams kyi byang chub ni bstan pa las yang dag par 'das pa lags te/ de ni brjod pas bstan par mi nus so// 'jam dpal yang cang mi smra bar gyur to/ / de nas bu mo dri ma med kyis byin pas/ byang chub sems dpa' mthong ba don yod la 'di skad ces smras so// rigs kyi bu khyod 'di skad du/
- 413b
ci nas kyang grong khyer 'di na skyes pa 'am/ bud med dam/ khye'u 'am/ bu mo gang dag kho bo'i mig lam na snang bar 'gyur ba de dag thams cad kyis de bzhin gshegs pa'i gzugs mthong bar 'gyur ba rnam pa de lta bu'i bsam pa kho bos bsam par bya'o/ / zhes gsungs pa de ci de bzhin gshegs pa gzugs kyi skur mthong bar mdzad dam/ 'on te chos kyi skur mthong par mdzad/ gal te gzugs kyi skur mthong bar mdzad na/ de ni sangs rgyas kyi bka' ma lags te/ bcom ldan 'das kyis ni 'di skad du/ gang dag nga la gzugs su mthong / / gang dag nga la slar shes pa// 'dun pa 'dod chags ldan pa ste// skye bo de dag nga mi mthong // zhes gsungs so// ci ste de bzhin gshegs pa chos kyi skur mthong bar mdzad na/ chos kyi sku ni bstan du mi nus pa'o// de ci'i slad du zhe na/ de bzhin gshegs pa rnams kyi chos kyi sku ni mig gi rnam par shes pa las yang dag par 'das pa ste/ blta bar mi nus pa'i slad du'o// mthong ba don yod kyang cang mi smra bar gyur to// byang chub sems dpa' rin po che tog gis smras pa/ mthong ba don yod bu mos dris pa'i lan thob cig/ mthong ba don yod kyis smras pa/ bu mo ni dngos po med pa 'dri ste/ de ni bstan par nus so// bu mo dri ma med kyis byin pas smras pa/ bdag ni dngos po 'am/ dngos po
- 414a
ma mchis pa mi 'dri'o/ / bstan pa slobs la de nas ston cig/ mthong ba don yod kyang cang mi smra bar gyur to// de nas bu mo dri ma med kyis byin pas byang chub sems dpa' ring po che tog la 'di skad ces smras so/ / rigs kyi bu khyod kyis 'di skad du/ gang gis grong khyer na khyim thams cad du rin po ches gang ba'i gter rnams 'byung bar 'gyur pa rnam pa de lta bu'i bsam pa kho bos bsam par bya'o/ / zhes gsungs pa de ci zang zing dang bcas pas phan 'dogs pa mdzad dam/ 'on te zang zing ma mchis pas ban 'dogs pa mdzad/ gal te zang zing dang bcas pas phan 'dags na no// byis pa so sa'i skye bo'i phan 'dogs pa dang bye brag ma mchis par 'gyur ro// de ci'i slad duzhe na/ 'di ltar byis pa so so'i skye bo rnams kyi dga' ba ni zang zing dang bcas pa'i slad du'o// ci ste zang zing ma mchis pas phan 'dogs pa mdzad na/ zang zing ma mchis pa ni bsgrub tu ma mchis pa lags so/ / rin po che tog kyang cang mi smra bar gyur to// de nas bu mo dri ma med kyis byin pas/ byang chub sems dpa' dran song spong la 'di skad ces smras so/ / rigs kyi bu khyod kyis 'di skad du/ gang gis grong khyer 'di na sems can rnams kyi las ngan song myong bar 'gyur ba gang yod pa de tshe 'di
- 414b
nyid la yang zhing chung ngu myong bar 'gyur ba rnam pa de lta bu'i bsam pa kho bos bsam par bya'o zhes gsungs pa de/ de bzhin gshegs pas las ni bsam gyis mi khyab pa nyid du bstan te/ de ni khyod kyis bsam par mi spyod do// gal te spyod na de bzhin gshegs pa'i bka' dang 'gal bar 'gyur ro// ji ste bsam par mi spyod na/ mi mkhyen bzhin du mang po myong bar 'gyur ba'i las tshe 'di nyid la yang zhing chung ngu myong bar ji ltar mdzad de/ bdag po ma mchis pa'i chos rnams la bdag po rnyed par 'gyur ro// gal te de ltar mdzad na de bzhin gshegs pa'i bka' dang 'gal bar 'gyur ro/ / ngan song spong gis smras pa/ kho bo ni smon lam gyi dbang gyis mang du myong bar 'gyur ba'i las nyung ngu myong bar 'gyur bar byed do// bu mos smras pa/ rigs kyis bu chos rnams kyi chos nyid ni smon lam gyi dbang gis bsgyur du mi nus lags so// gal te nus par gyur na sems can thams cad yongs su mya ngan las bzla'o zhes debazhin gshegs pa re re'i dgongs pa de/ smon lam gyi dbang gis ji ltar mi 'grub ste/ rnam grangs 'dis na smon lam gyi dbang gyis bsgyur bar mi nus par rig par bya'o// ngan song spong yang cang mi smra bar gyur to/ / de nas bu mo dri ma med kyis byin pas/ byang chub sems dpa' sgrib pa thams cad rnam par sel ba la 'di skad ces smras so//
- 415a
rigs kyi bu khyod 'di skad du/ gang gis mnyan yod kyi grong khyer chen por skye bo'i tshogs thams cad kyi sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o zhes gsungs pa de ci ting nge 'dzin de bdag la rag las pa lags sam/ 'on te gzhan la rag las pa lags/ gal te bdag la rag las pa lags na ni/ mi 'pho ba'i chos can lags te/ ji ltar khyod snyoms par zhugs pas gzhan dag gi sgrib pa rnams rab tu zhi bar mdzad/ ci ste gzhan la rag las pa lags na ni/ ting nge 'dzin de khyod kyi ma lags so// gang khyod kyi ma lags pa des ni gzhan la phan par mdzad par mi spyod do// byang chub sems dpa' sgrib pa thams cad rnam par sel bas smras pa/ bu mo kho bo'i sbyor ba 'di ni byams pa sngon du 'gro ba'o// bu mo dri ma med kyis byin pas smras pa/ rigs kyi bu sangs rgyas bcom ldan 'das thams cad kyang byams pa la gnas pa lags na/ sangs rgyas kyi zhing rnams na sems can rnams la sgrib pa rnams kyis gnod pa'ang mchis so// byang chub sems dpa' sgrib pa thams cad rnam bar sel ba'ang cang mi smra bar gyur to/ / de nas bu mo dri ma med kyis byin pas/ byang chub sems dpa' spyan ras gzigs dbang phyug la 'di skad ces smras so//
- 415b
rigs kyi bu khyod kyis 'di skad du/ ci nas kyang grong khyer na sems can gang dag bcings pa dang gsad par bkri ba de dag thar pa dang / 'jigs pas nyen pa rnams kyang 'jigs pa med pa thob par 'gyur ba rnam pa de lta bu'i bsam pa kho bos bsam par bya'o zhes gsungs pa de/ ci khyod kyi sbyor ba 'di len pa dang bcas pa lags sam/ 'on te len pa ma mchis pa lags/ gal te sbyor ba de len pa dang bcas pa lags na ni/ byis pa so so'i skye bo rnams kyang len pa dang bcas pa lags te/ byis pa so so'i skye bo rnams dang mtshungs par 'gyur ro/ / de lta bas na de'ang mi rigs so// ji ste sbyor ba de len pa ma mchis par legs na ni/ mngon par 'dus ma byas pa lags te/ mngon par 'dus ma byas pa la ni nye bar bsgrub pa ma mchis so/ / byang chub sems dpa' spyan ras gzigs dbang phyug kyang cang mi smra bar gyur to// de nas byang chub sems dpa' spobs pa brtsegs kyis/ byang chub sems dpa' spyan ras gzigs dbang phyug la 'di skad ces smras so/ / spyan ras gzigs dbang phyug bu mos dris pa'i lan thob cig/ byang chub sems dpa' spyan ras gzigs dbang phyug gis smras pa/ bu mo ni skye ba dang 'gag pa mi 'dri ste/ de ni lan gdab par mi nus so// bu mo dri ma med kyis byin pas smras pa/ spyan ras gzigs dbang phyug gang na skye ba ma mchis dang
- 416a
'gag pa ma mchis pa de ni dri ba ma mchis pa'o/ / byang chub sems dpa' spyan ras gzigs dbang phyug gis smras pa/ bu mo gang na skye ba med cing 'gag pa med pa de ni yi ge 'jug pa med do/ / bu mos smras pa/ 'jug pa ma mchis pa dang / yi ge ma mchis pa'i chos thams cad la ni mkhas pa dag yi ge dang 'jug pa mi ston te/ yi ge rnams la mi chags so/ / chags pa ma mchis pa ni chos kyi dbyings te/ de la ni rtogs par bgyi ba'i slad du chags pa ma mchis so// byang chub sems dpa' spyan ras gzigs dbang phyug kyang cang mi smra bar gyur to/ / de nas bu mo dri ma med kyis byin pas/ byang chub sems dpa' spobs pa brtsegs la 'di skad ces smras so// rigs kyi bu khyed kyis 'di skad du/ gang gis grong khyer na skye bo'i tshogs thams cad phan tshun du tshigs su bcad pa'i dbyangs dang / byams pa'i sems kyis smra bar 'gyur ba dang / spobs pa'ang thob par 'gyur ba rnam pa de lta bu'i bsam pa kho bos bsam par bya'o// zhes gsungs pa'i khyod kyi spobs pa nye bar bsgrub pa gang lags pa de ci rnam par rtog pas bskyed pa lags sam/ 'on te rgyu ma mchis pa las byung ba lags/ gal te rnam par rtog pas bskyed pa lags na ni/ 'dus byas thams cad kyang rnam par rtog pas
- 416b
bskyed pa lags te/ de lta bas na rnam par zhi bar mi 'gyur ro// ci ste rgyu ma mchis pa las byung ba lags na ni/ ma byung ba la sgro 'dogs par 'gyur ro// byang chub sems dpa' spobs pa brtsegs kyis smras pa/ bu mo sems can gang dag kho bo'i mig lam na snang bar 'gyur ba de dag thams cad spobs pa thob par gyur cig/ ces bya ba'i kho bo'i smon lam 'di ni dang po sems bskyed pa nas bzung ste btab bo/ / bu mo dri ma med kyis byin pas smras pa/ rigs kyi bu sems bskyed pa gang gis smon lam btab pa'i sems bskyed pa de mchis sam/ 'on te ma mchis/ gal te mchis na ni rtag par lta ba lags so// ci ste ma mchis na chad par lta ba lags te/ de gsungs na ni khyod kyi gsung ba log pa lags so/ / byang chub sems dpa' spobs pa brtsegs kyang cang mi smra bar gyur to// de nas bu mo dri ma med kyis byin pas/ byang chub sems dpa' gom pa 'dor pa don yod la 'di skad ces smras so/ / rigs kyi bu khyod kyis 'di skad du/ ci nas kyang grong khyer na sems can gang dag kho bo'i mig lam na snang bar 'gyur ba de dag thams cad bla na med pa yang dag par rdzogs pa'i byang chub las phyir mi ldog par 'gyur ba rnam pa de lta bu'i bsam pa kho bos bsam par bya'o/ / zhes gsungs pa de ci byang chub de mchis pa zhes brjod par bgyi 'am
- 417a
'on te ma mchis pa zhes brjod par bgyi/ gal te mchis na ni rtag pa ste/ yod pa'i mthar 'dzin pa lags so// ci ste ma mchis na ni chad pa ste/ med pa'i mthar 'dzin pa lags so/ / byang chub sems dpa' gom pa 'dor ba don yod kyis smras pa/ bu mo byang chub ces bya ba 'di ni ye shes kyi tshig bla dgas so// bu mo dri ma med kyis byin pas smras pa ci ye shes de skye ba sa rab tu phye ba lags sam/ 'on te zhi bas rab tu phye ba lags/ gal te skye bas rab tu phye ba lags na ni tshul bzhin ma lags pa yid la bgyid pa las byung ba 'dus byas su 'gyur te/ shes pa de ni byis pa rnams kyi lags so// ci ste zhi bas rab tu phye ba lags na ni/ de la dmigs pa ma mchis so// gang la dmig pa ma mchis pa de la 'di ni so so'i skye bo'o zhe 'am/ nyan thos so zhe'am/ rang sangs rgyas so zhe 'am/ byang chub sems dpa' 'o zhe 'am/ sangs rgyas so zhes rnam par rtog pa mi skye'o// de ci'i slad du zhe na/ byang chub ni rnam par mi rtog pa lags na/ byis pa so so'i skye bo rnams ni byang chub la rnam par rtog ste/ mkhas pa rnams ni mi rtog pa'i slad du'o// byang chub sems dpa' gom pa 'dor ba don yod kyang cang mi smra bar gyur to/ / de nas tshe dang ldan pa rab 'byor gyis/ byang chub sems dpa' de dag la 'di skad ces smras so//
- 417b
bsod snyoms kyi phyir grong khyer du 'jug par mi bya'i grwar 'dong pa// de ci'i phyir zhe na/ deng bu mo drim med kyis byin pa las chos thos pa gang yin pa de ni mkhas pa'i zas yin pas chog par 'gyur ba'i phyir te/ chos kyi zas bza' bar bya'o// de nas bu mo dri ma med kyis byin pas/ gnas brtan rab 'byor la 'di skad ces smras so// btsun pa rab 'byor gang na gdeg pa med pa dang / gzhag pa med pa de la khyod kyis ci zhig btsal bar sems btsun pa rab 'byor dge sbyong gi tshul ni spros pa ma mchis pa lags kyi spros pa la dag ba ni ma lags so/ / btsun pa rab 'byor dge sbyong gi chos ni gnas pa ma mchis pa/ gnas par mi bgyi ba lags te/ 'phags pa rnams kyi spyod yul ni mi 'khrugs pa lags so// / bam po gnyis pa ste tha ma'o// de nas nyan thos chen po brgyad po de dag dang / byang chub sems dpa' brgyad po de dag dang / bram ze lnga brgya tsam po de dag dang / bu mo dri ma med kyis byin pa dang / rgyal po gsal rgyal dang / de las gzhan pa skye bo phal po che rnams/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ phyogs gcig tu 'khod do// de nas bu mo dri ma med kyis byin phra
- 418a
bcom ldan 'das la lan stong bskor ba byas te/ gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das gal ba de logs su thal mo sbyar ba btud nas/ tshigs su bcad pa'i dbyangs kyis zhu ba zhus pa/ ting 'dzin stobs ldan grags pa mtha' yas mnga'// 'jig rten mgon po bdud rtsi dga' stsol ba/ / mtshungs med ye shes bde gshegs khyod la zhu// byang chub sems dpa' ji ltar spyad pa spyod// ji ltar shing dbang drang bzhugs bdud rnams 'joms// ji ltar rir bcas sa rnams g.yo bar bgyid/ / grags pa mtha' yas ji ltar 'od zer gtong // byang chub spyod tshul legs par bshad du gsol// sangs rgyas nor gyi gzungs ni ji ltar 'thob/ / ting 'dzin zhi ba dam pa ji ltar sgom// mi yis rdzu 'phrul stobs ni ji ltar 'thob// sems can rin chen rnams kyi spyod pa gsungs// gang gis dran dang rtogs dang blo gros 'gyur/ / spobs pa mdzes dang ldan par gang gis 'gyur// gang dang rab tu ldan na 'khor nang du// snyan cing shin tu mdzes pa smra bar bgyid// gang gis mi ni tshe rabs dran par 'gyur// dri ma ma mchis lha yi mig kyang 'thob// lnga rna 'thob cing pha rol sems tshul rig/ rdzu 'phrul gyis ni zhing rnams brgyar yang ma ni// ji ltar sbyin pa gtong la brtson par 'gyur//
- 418b
rtag tu tshul khrims dag cing bzod la dgag/ ji ltar brtson 'grus bsam gtan mkhas par 'gyur// shes rab la yang ji ltar shin tu brtson// mngal gyi gnas ni ji ltar rnam spangs nas/ / pad+ma las ni rtag tu rdzus te skye// sangs rgyas rnams kyi spyan sngar mchis par bgyid// bdag med stong pa nyid kyi sgra yang brjod// ji ltar de yid dga' dang mi dka' mtshungs/ / sred pa spangs shing tha ba zhe sdang spong // mtho bar mi sems dma' bar sems ma mchis// sems brtan g.yo ba ma mchis ri rab mtshungs// rnyed dang ma rnyed grags dang ma grags dang / / bstod dang smad dang bde dang sdug bsngal dang // ji ltar 'jig rten chos rnams zil mnan gnas// 'jig rten kun la zla ba lta bur spyod// nga yi ma mchis tshul 'chos g.yo ma mchis/ / ji ltar rdul bral nga rgyal rgyags pa spong // zhi dang rab tu zhi dang zhi gnas brtson// blo ldan ji ltar ye shes mchog tu 'gyur// chung ma bu nor mdza' la dga' ma mchis/ / ji ltar bas mtha'i mal la mngon par dga'// rtag tu bya dang mtshungs shing zla ba 'dra// ji ltar chos kyi nor la dga' zhing pos// nu// dang mtshungs shing sa 'dra rlung dang mtshungs// mkhas pa ji ltar me dang 'dra bar 'gyur// rtag tu ci yang ma mchis mi rtog lags// mnyam pa nyid la dga' zhing nam mkha'
- 419a
mtshungs/ / ji ltar rtag tu chos ni spong mi bgyid// bdag 'dor bgyid kyi chos mchog yong mi gtong // 'jig rten dag tu ston pa'i sems bskyed nas// ltar gnas te byang chub 'jug par bgyid// zhing gi bkod pa ji ltar gnas par 'gyur// dge 'dun dag par ji ltar 'gyur ba lags// ji ltar dus gsum du yang chos thos shing // ji ltar tshe ring sems can bde bar 'gyur// rtag tu sred pa 'gog pa'i pha rol son// dgra bcom 'dul bar bden bzhi ji ltar mthong // sems can brgya dag byang chub 'jog bgyid par/ / spyod cing rtag tu dga' mos ji ltar 'gyur// gang gis shin tu mdzes par 'gyur// rdzus te skye bar gang gis 'gyur// longs spyod che dang shes rab che// kun mkhyen rtogs par khong du chud/ / gang gis sum cu rtsa gnyis mtshan// dpe byad bzang po brgyad cu thob// bsod nams kun la mkhas pa lags// spobs pa gang gis skye bar 'gyur// zhing ni ji ltar dag 'gyur lags// dge slong dge 'dun phun sum tshogs// gang du de yis smon btab pa// der ni ji ltar skye 'gyur lags// tshe rabs dran par ji ltar 'gyur// ji ltar sangs rgyas rnams dang mjal/ / bskal pa bye ba stong rnams su// ngan 'gor mchi bar mi 'gyur lags// rnam par 'dren pa ji ltar na// mdog dang gzi brjid snyan grags 'thob/
- 419b
stobs dang mthu dang brtson 'grus rnams// ji ltar thub par mi 'gyur lags// ji ltar sangs rgyas chos dang yang // dge 'dun la ni skyabs su mchis// lus dang srog ni gtong bgyid kyi/ / de dag chos ni 'dor mi bgyid// byang chub spyad pa spyod bgyid cing // the tsom ma mchis ji ltar 'gyur// 'gyod pa thams cad spangs nas su// srog chags rnams la chos kyang sngon// khyod la mi mkhyen cang mi mnga'// thub chen khyod ni thams cad mkhyen// byang chub sems dpa'i spyod gang lags// go rims bzhin du bstan du gsol// de skad ces gsol pa dang / bcom ldan 'das kyis bu mo dri ma med kyis byin pa la 'di skad ces bka' stsal to// bu mo legs so legs so// bu mo de bzhin gshegs pa la don 'di lta bu 'dri bar sems pa ni khyod yang legs so/ / bu mo de'i phyir legs par rab tu nyon la yid la zung zhig dang bshad do// bu mo dri ma med kyis byin pas bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// bu mo byang chub sems dpa' chos bzhi dang ldan na bdud 'dul bar byed de/ bzhi gang zhe na/ gzhan gyi rnyed pa la phrag dog med pa dang / phra ma'i tshig yongs su spong ba dang / skye bo mang po dge ba'i rtsa ba 'dzin du 'jug pa dang / sgrib pa med pa'i byams/
- 420a
pasgom pa ste/ bu mo byang chub sems dpa' chos bzhi po de dag dang ldan na bdud 'dul bar byed do// de la 'di skad ces bya ste/ phrag dog mi bya phram su mi bya/ skye bo mang po dge ba rnams la sbyar// phyogs bcu rnams su byams pa bsgom byas na// bdud 'dir btul nas byang chub reg par 'gyur/ bu mo byang chub sems dpa' chos bzhi dang ldan na/ sangs rgyas kyi zhing mtha' yas pa dag g.yo bar byed de/ bzhi gang zhe na/ ji skad smra ba de bzhin byed pa dang / chos zab mo la mos pa dang / yi dmal brtan pa dang / skye bo mang po byang chub yang dag par 'dzin du 'jug pa ste/ bu mo byang chub sems dpa' chos bzhi po de dag dang ldan na/ sangs rgyas kyi zhing mtha' yas pa dag g.yo bar byed do/ / de la 'di skad ces bya ste/ ji skad smras pa de bzhin byed// mkhas pa zab mo'i chos la bzod// yi dmal yang shin tu brtan// dkar po'i chos la 'dzud par byed// rdzogs pa'i byang chub bla med la/ / skye bo mang po dga' bar byed// de ltar chos bzhi de dag gis// zhing rnams bye ba g.yo bar byed// bu mo byang chub sems dpa' chos bzhi dang ldan na/ sangs rgyas kyi zhing mtha' yas su med pa rnams su 'od zer dag gtong ste/ bzhi gang zhe na/ mar me sbyin pa dang / dam pa'i chos yongs su 'dzin pa dang / sems can bag
- 420b
med par gyur cing mi khom par gyur pa rnams kyi gan du song ste chos ston pa dang / de bzhin gshegs pa'i mchod rten dag la rin po che'i dra bas 'gebs pa ste/ bu mo byang chub sems dpa' chos bzhi po de dag dang ldan na/ sangs rgyas kyi zhing mtha' yas mu med pa rnams su 'od zer dag gtong ngo // de la 'di skad ces bya ste/ mar me byin pas 'od ni rnam par 'dag zad pa'i dus na dam chos yongs su 'dzin/ / bag med gyur pa rnams la chos sbyin byed// mchod rten dag la rin chen dra ba 'bul// des na bye ba mtha' yas zhing 'gro zhing // byang chub sem dpa' 'od zer gtong bar byed/ / reg nas sems can bde dang ldan par 'gyur// mkhas pa byang chub bla med don du gnyer// bu mo byang chub sems dpa' chos bzhi dang ldan na/ gzungs 'thob ste/ bzhi gang zhe na/ rgyan sna tshogs gtsang zhing dag pa sbyin pa dang / bu mo rgyan thams cad kyis brgyan te 'dod pa rnams la sbyin pa dang / rgyun mi 'chad par de bzhin gshegs pa'i bsngags pa rjod pa dang / shes rab kyi pha rol tu phyin pa mang du gnas pa ste/ bu mo byang chub sems dpa' chos bzhi po de dag dang ldan na gzungs 'thob bo/ / de la 'di skad ces bya ste/ sna tshogs byin pas gzungs ni thob par 'gyur// slong ba rnams la bu mo brgyan te sbyin// rgyun mi 'chad par sangs rgyas bsngags pa
- 421a
rjod/ / rgyal ba'i ye shes don du shes rab sgom// chos bzhi 'di dag gis ni gzungs thob 'gyur// bsal pa brgyar yang thos po chud mi za/ phyogs bcur de bzhin gshegs pa gang 'chad pa/ / de dag thams cad dran pa'i stobs kyis 'dzin/ bu mo byang chub sems dpa' chos bzhi dang ldan na/ ting nge 'dzin 'thob ste/ bzhi gang zhe na/ 'khor ba la yid byung ba mang ba dang / gcig pur kun tu dga' zhing mgul mos pa dang / brtson 'grus brtsams pa dang / las kyi mtha' shin tu / yongs su mthar phyin pa yin te/ bu mo byang chub sems dpa' chos bzhi po de dag dang ldan na/ ting nge 'dzin 'thob bo// de la 'di skad ces bya ste/ srid pa'i 'gro ba kun la yid kyang byung / / bse ru lta bur gcig pur spyod la dga'// rtag tu shin tu brtson 'grus brtsams pa yin// de'i las rtag tu shin tu mthar yang phyin// rtag tu chos bzhi dag la zhugs nas su/ / byang chub spyod pa zhi ba myur 'tshol byed// byang chub sems dpa' ting 'dzin la gor 'thob// rgyal ba rnams kyi spyod yul byang chub rtogs// bu mo byang chub sems dpa'i chos bzhi dang ldan na/ rdzu 'phrul 'thob ste/ bzhi gang zhe na/ lus yang ba dang / sems yang ba dang / chos thams cad mngon par zhen pa med pa dang / khams
- 421b
pa ni nam mkha'i khams dang mnyam pa nyid byin gyis rlob pa/ bu ma byang chub sems dpa' rnas pan zad dag dang wAn/ rdzu 'phrul 'thabag// de la 'diska ces rbAH/ sa lang ba dang sems pa de bzhin yang / / tshos rnams kun la gnas pa med pa nyid// rnam ma pa'i khams dang mtshungs shing u0f7f// 'das bzhi po dag rkye kyis rdzob par byed/ ba'i 'di dag nges par bstan byas na// tho ldan de yis rdzu 'phrul mtha' yas thob// skad cig gcig la zhing rnams stong du 'gro// sangs rgyas stong phrag mang po rnams kyang mthong / bu mo byang chub sems dpa' chos bzhi dang ldan na/ mdzes par 'gyur te/ bzhi gang zhe na/ khro ba med de/ rtsod pa dang / za ba dang / zhe sdang dang bral ba dang / bzhin gshegs pa'i mchod rten 'phyag par mngon par dga' ba dang / tshul khrims kyi sdom pas bsdams shing tshur shog legs par 'ongs so zhes rtag tu smra ba dang / chos smra ba rnams la khro gnyer dang bral zhing zhe 'gras pa'i sems med pa yin te/ bu mo byang chub sems dpa' chos bzhi po de dag dang ldan na/ mdzes par 'gyur ro// de la 'di skad ces bya ste/ gzhan la khro dang khon du 'dzin mi byed// nga rgyal rgyags dang tha ba zhe sdang bral// rtsod pa med la dga' zhing snyan par smra// gus par rgyal ba'i mchod rten 'phyag par byed// de ni tshul khrims
- 422a
rnam dag rtag tu srung / / de ni rtag tu legs par 'ongs zhes smra// chos smra rnams la de ni thab med// de yi sems ni rdo rje ri rab mtshungs/ braH byang chub sems dpa'i chos bzhi dang ldan na/ rdzus te skye bar 'gyur te/ bzhi gang zhe na/ de bzhin gshegs pa'i sku gzugs pad+ma'i steng na bzhugs pa byed du 'jug pa dang / me tog ut+pa la dang / pad+ma dang / pad+ma dkar po dag gis lag pa bkang ste/ de bzhin gshegs pa 'am/ de bzhin gshegs pa'i mchod rten la mngon par 'thor ba dang / phan pa'i dngos po mang zhing yang dag par dga' bar byed pa'i ngang tshul can dang / gzhan dag gi skyon mi 'dzin pa dang / dge ba'i rtsa ba thams cad sems can thams cad la phan pa dang bde bar bya ba'i phyir sangs rgyas kyi byang chub tu yongs su sngo bar byed pa ste/ bu mo byang chub sems dpa' chos bzhi po de dag dang ldan na/ rdzus te skye bar 'gyur ro// de la 'di skad ces bya ste// sangs rgyas sku gzugs pad+ma mchog bzhug byed du 'jug/ chu skyes me tog lag pa bkang ste 'bul bar byed// pha rol dag la dga' ba bskyed pa'i tshig kyang smra// dga' bar byed la mngon par brtson gyi skyon mi 'dzin/ / sems can kun la phan phyir bsod nams yongs su bsngo// thub mchog rnams kyi sangs rgyas byang chub sgrub pa shes// sangs rgyas gsungs pa'i yon tan 'di
- 422b
bzhi bsten na de/ / rgyal ba mchog rnams drung du rdzus te skye bar 'gyur/ bu mo byang chub sems dpa' chos bzhi dang ldan na/ longs spyod chen por 'gyur te/ bzhi gang zhe na/ brnyas pa med par sbyin pa'i tshul can dang / chags pa med par dngos po yongs su gtong ba dang / mos pa mang ba dang / lte bar gyur pa thams cad dang bral ba yin/ bu mo byang chub sems dpa' chos bzhi po de dag dang ldan na/ longs spyod chen por 'gyur ro// de la 'di skad ces bya ste/ des pa brnyas pa med par sbyin pa sbyin par byed/ / de ni dngos po kun la rtag tu 'dzin pa med// rgyal ba'i ye shes mchog la mos pa bskyed byas na// de ni phyir zhing longs spyod chen po 'thob par 'gyur// dad dang ldan par 'gyur zhing g.yo med sgyu yang med/ / pha rol dag gi skyon ni 'dzin par yong mi byed// lhag pa'i bsam pas gang gis lta ba drang gyur pa// des na de 'dir longs spyod bzang po rnams dang ldan/ / bu mo byang chub sems dpa' chos bzhi dang ldan na/ shes rab chen por 'gyur te/ bzhi gang zhe na/ chos la ser sna mi byed pa dang / mi mthun par mi 'jug pas 'gyod pa sel ba dang / gsol ba 'debs pa la yang dag pa ji lta ba bzhin du gdams ngag ston pa dang / stong pa nyid sgom pa la mang du gnas pa ste
- 423a
bu mo byang chub sems dpa' chos bzhi po de dag dang ldan na/ shes rab chen por 'gyur ro// de la 'di skad ces bya ste/ mkhas pa nam yang ser sna yong mi byed/ mi mthun 'jug pa med pas 'gyod pa sel// yang dag rab ldan gdams ngag ston par byed// rgyal ba'i spyod pa gang yin stong nyid sgom// chos bzhi 'di dag nges par bsten byas na// rgya bas bzhed pa'i byang chub myur du 'thob/ / sangs rgyas rjes su bstan la bslabs byas nas// rkang gnyis dam pa sangs rgyas de 'gyur ro// bu mo byang chub sems dpa' chos bzhi dang ldan na/ tshe rabs dran par 'gyur te/ bzhi gang zhe na/ lung nod pa dang / kha ton la brtson pa rnams lung gnod pa dang / gdams ngag brjed nas yun ring du lon te gsol ba 'debs pa la lung 'bog cing dran par byed pa dang / 'di ltar kun dga' ba'i tshig gis gzhan dag la dang ba nye bar sgrub pa dang / 'khor ba'i sdug bsngal las nges par 'byung ba dang / mya ngan las 'das pa'i bde ba thob par bya ba'i phyir gzhan dag la chos ston pa dang / yongs su bsngo ba la mngon par brtson zhing ting nge 'dzin gyi mtshan ma la mkhas pa ste/ bu mo byang chub sems dpa' chos bzhi po de dag dang ldan na/ tshe rabs dran par 'gyur ro// de la 'di skad ces bya ste/ lung mnos kha ton brjed la dran par byed// gzhan la
- 423b
yid du 'ong ba'i sgra yang sgrogs/ / skyo ba med par chos kyang rjod par byed// ting 'dzin sgom pa'i mtshan ma legs par 'dzin// ngas bzhi 'di dag nges par bsten byas na// mthuchen ldanapa tsherabs dran par 'gyur/ / bskal pa stong phrag bsam yas rjes su dran// rnam par 'dren pa'i mchog nyid myur du 'thob/ bu mo byang chub sems dpa' chos bzhi dang ldan na/ sangs rgyas rnams dang phrad pa 'thob ste/ bzhi gang zhe na/ srog gi phyir yang dam pa'i chos mi spong ba dang / srog gi phyir yang sdig pa'i grogs po rnams dang mi sten pa dang / srog gi phyir yang chos smra ba la skur pa mi 'debs pa dang / sangs rgyas rjes su dran pa'i ting nge 'dzin sgom pa ste/ bu mo byang chub sems dpa' chos bzhi po de dag dang ldan na/ / sangs rgyas rnams dang phrad par 'gyur ro// de la 'di skad ces bya ste/ sangs rgyas byang chub gya tshom spong mi byed// chos smra ba la skur pa yong mi 'debs// des pa sdig pa'i grogs rnams rnam par spong // g.yel ba med par rtag tu sangs rgyas dran// chos bzhi 'di dag nges par bsten byas na// bde gshegs rnams dang phrad pa des 'thob bo/ / bla med byang chub ma thob bar du yang // 'dren pa ga la bzhugs pa der de skye/ bu mo byang chub sems dpa' chos bzhi dang ldan na/ skyes bu chen
- 424a
ba'i mtshan subacu rtsa gnyis bdu dka' / bzhi gang zhen/ de bzhin gshegs pa dang de bzhin gshegs pa'i mchod rten ri p o che sngar gyis 'thor ba dang 'bru mar dri zhim po dag gis de bzhin gshegs pa'i mchod rten 'khru bar byed pa dang me tog dang spos dang sil snyan sna tshogs 'bul ba dang yid du 'ong ba'i g.yog 'khor gyis mkhan po dang slob dpon la bsnyen bkur bya bas rim gro byed pa de/ bu mo byang chub sems dpa' chos bzhi po de dag dang ldan na skyes bu chen po'i mtshan sum cu rtsa gnyis po de dag 'thob bo/ / de la 'di skad ces bya ste/ mchod rten la ni spur gyis dbyeg rnams 'thor dri zhim 'bru mar rnams kyis mchod rten 'khru/ / spos dang me tog sil snyan sna tshogs 'bul// yid du 'ong bas mkhan po slob dpon bsten// de'i lus sum cu rtsa gnyis mtshan dang ldan/ / rab tu mdzes shing yon tan kun dang ldan// gang gis shes rab mchog ldan rgyal mdzes pa// chos de dag gis skyes chen mtshan du 'gyur// bu so byang chub sems dpa' chos bzhi dang ldan na/ dpe byad bzang po brgyad cu po dag 'thob ste/ bzhi gang zhe na/ stan rgyu sna tshogs chos kyi stan du 'bul ba dang / gzhan la brgya
- 424b
stang byed pas mi skyo ba dang / chos smra ba la 'thab mo mi rgol ba dang / sems can rnams byang chub yang dag par 'dzin du 'jug pa ste/ bu mo byang chub sems dpa' chos bzhi po de dag dang ldan na/ dpe byad bzang po brgyad cu po dag 'thob bo// de la 'di skad ces bya ste/ stan rgyu sna tshogs chos kyi stan du 'bul// gzhan la bsti stang byed pas skyo ba med/ / chos smra ba la 'thab po yong mi rgol// sems can rnams ni byang chub 'dzin du 'jug/ 'di bzhis lus la dpe byad bzang po rnams// 'di na de yis rnyed pa dka' ba med/ / yon tan 'di dag rtag tu bsten byas na// byang chub sems dpa' 'di na brgyan par 'gyur/ bu mo byang chub sems dpa' chos bzhi dang ldan na/ spobs pa 'thob ste/ bzhi gang zhe na/ byang chub sems dpa'i sde snod 'dzin pa dang / nyin mtshan du phung po gsum pa'i chos kyi rnam grangs kha ton byed pa dang sangs rgyas bcom ldan 'das rnams kyi byang chub 'jig rten thams cad dang mi mthun pa skye ba med cing 'gag pa med par nges pa la mchog tu dga' ba skyes nas 'dzin pa dang / lus dang / srog dang yo byad rnams la mi lta ba na/ bu mo byang chub sems dpa' chos bzhi po de dag dang ldan na/ spobs pa 'thob bo// de la 'di skad ces bya ste/ byang chub sems dpa' snga snod ni/
- 425a
nyin mtshan rab tu 'don par byed// 'jig rten kun la mi mthun pa// skye ba med par rab tu sgrogs// mchog tu dga' ba rnyed gyur nas// sangs rgyas bstan pa 'dzin par byed/ / lus dang srog la mi lta bar// de ni byang chub lta bar byed// bzhi po 'di dag bsten byas na// de yi spobs pa 'phel bar 'gyur// lha dang bcas pa'i 'jig rten kun/ / sna tshogs 'phreng 'dras tshim par byed// bu mo byang chub sems dpa' chos bzhi dang ldan na/ sangs rgyas kyi zhing yongs su dag pa 'thob ste/ bzhi gang ni na/ phrag dog med pa dang / ser sna med pa dang / sems can thams cad la sems snyoms pa dang / 'khor dang 'dre ba med pa ste/ bu mo byang chub sems dpa' chos bzhi po de dag dang ldan na/ sangs rgyas kyi zhing yongs su dag pa 'thob po// de la 'di skad ces bya ste/ gzhan gyi rnyed la nam yang phrag dog med// mthong nas dga' bar 'gyur te ser sna med// sems can kun la de yi sems kyang snyoms// 'khor dang 'dre bar de ni yong mi byed// chos bzhi 'dis ni zhing gi bkod 'thob cing // myur du byang chub mchog kyang thob par 'gyur// bu mo byang chub sems dpa' chos bzhi dang ldan na/ dge 'dun phun sum tshogs pa 'thob ste/ bzhi gang zhe na/ gzhan gyi 'khor mi 'byed pa dang / mi mthun pa rnams
- 425b
sdums byed pa dang / lung nod pa dang / kha ton byed du 'jug pas pan 'dogs pa dang / phra ma'i tshig yongs su spong ba ste/ bu mo byang chub sems dpa' chos bzhi po de dag dang ldan na dge 'dun phun sum tshogs pa 'thob bo/ / de la 'di skad ces bya ste/ gzhan gyi 'khor ni nam yang yong mi 'byed// skye bo mi mthun pa dag 'dum par byed// lung nod kha ton byed la yang dag 'dzud/ / pha rol dag la dbyen gyi tshig mi smra// chos bzhi 'di dag nges par bsten byas na// dge 'dun rgya che rnam dag thob par 'gyur// de bas dge 'dun rnam par sbyang ba'i phyir// mkha pa sa chos bzhi rtag tu bsten par bya/ / bu mo byang chub sems dpa' chos bzhi dang ldan na// sangs rgyas kyi zhing gang du sems bskyed pa der skye ste/ bzhi gang zhe na// gzhan dag gi shes kyi khe dang / rnyed pa la phrag dog mi skyed pa dang / lhag pa'i bsam pas pha rol tu phyin pa drug po yongs su dag pa yongs su 'tshol ba dang / byang chub sems dpa' thams cad la ston par 'du shes skyed de/ tha na sems dang po bskyed pa'i byang chub sems dpa' la'ang bsti stang byed pa dang / shes kyi khe'i phyir tshul 'chos pa med pa ste/ bu mo byang chub sems dpa' chos bzhi po de dag dang ldan na/ sangs rgyas kyi zhing gang du sems bskyed pa der skye'o// de la 'di skad ces bya ste/ gzhan la mchod pa mthong na phrag dog med/ pha rol phyin
- 426a
pa dag pa yongs su 'tshol/ / byang chub sems dpa' ston par rtag tu sems// shes khe bde ba'i don du tshul 'chos med// yon tan 'di dag rtag tu bsten byas na de bzhin gshegs pa rnams dang de phrad 'gyur/ / zhing gang dag tu smon lam btab byas pa// 'dod pa bzhin du zhing der skye bar 'gyur// de nas bcom ldan 'das la/ bu mo dri ma med kyis byin gyis 'di skad ces gsol to// bcom ldan 'das gal te bcom ldan 'das kyis ji ltar chos btags pa 'di dag bdag gis yang dag par blangs te/ gnas par ma bgyis na/ bdag gis sangs rgyas bcom ldan 'das gang dag phyogs bcu'i 'jig rten gyi khams na 'tsho zhing ga zhes la/ chos kyang ston pa de dag thams cad bslus par gyur cig/ de nas tshe nga ldan pa mo'u 'gal gyi tha chen pos/ bu mo dro med kyis byin pa la 'di skad ces smras so// bu mo khyod 'di skad smra ba ni ngo mtshar te/ byang chub sems dpa' rnams kyi byang chub sems dpa'i spyod pa bsgrub dka' bar mi shes sam/ de nas bu mo dri ma med kyis byin pas/ gnas brtan mo'u 'gal gyi bu chen po la 'di skad ces smras so// btsun pa mo'u 'gal gyi bu chen po bangon pa dang bden pa'i tshig gang gis bdag ma 'ongs pa'i dus na ji ltar da ltar de bzhin gshegs pa mngon sum du bzhugs pa bzhin du/ de bzhin gshegs padag
- 426b
bcom pa yang bar rdzogs pa'i sangs rgyas su 'gyur ba dang / ji ltar btags pa'i chos 'di dag kyang yang dag par blangs te gnas par 'gyur zhe na/ bden pa dang bden pa'i tshig nges stong gsum gyi stong chen po'i 'jig rten gyi khams 'di rnam pa drug tu g.yos par gyur cig/ sems can gang la'ang gnod pa med pa gyur cig/ bden pa dang bden pa'i tshig gang gis bcom ldan 'das kyis ji ltar btags pa'i chos 'di dag yang dag par blangs te gnas par 'gyur zhe na/ bden pa dang bden pa'i tshig des lha'i me tog gi char mngon par bab par gyur cig/ ma dkrol bar sal snyan bye ba khrag khrig brgya stong sgra 'byin par gyur cig/ bdag kyang bu med kyi lus las gyur te/ skyes pa'i lus su red cing / lo bcu drug lon pa 'dra bar gyur cig/ smon lam de skad btab cing bden pa'i byin gyis brlabs 'di byas ma thag tu/ de nas de'i mod la stong gsum gyi stong chen po'i 'jig rten gyi khams 'di'ang rnam pa drug tu g.yos/ ma dkrol bar sil snyan bye ba khrag khrig brgya stong dag gi sgra'ang byung / lha'i me tog gi char yang mngon par bab po// bu mo dri ma med kyis byin pa'ang bud med kyi lus mi snang ba gyur te/ skyes pa'i dbang po thob nas/ lo bcu drug lon pa tsam gyi gzhon nu 'dra bar snang ngo // de nas bcom ldan 'das la/ tshe dang ldan pa mo'u 'gal gyi bu chen pos 'di
- 427a
skad ces gsol to/ / bcom ldan 'das byang chub sems dpa' rnams ni ngo mtshar che ba lags so// bcom ldan 'das dang po sems bskyed pa nas bzung ste/ byang chub kyi snying po gnas kyi bar gyi byang chub sems dpa' la phyag 'tshal lo/ / de ci'i slad du zhe na/ 'di ltar 'di'i bden pa'i byin gyi rlabs kyis rgyu 'di dag so sor yongs su rdzogs pas/ bu mo dri ma med kyis byin pa 'di ni 'di ltar rdzu 'phrul che ba/ 'di ltar dbang che bar grags pa/ 'di ltar mthu che ba lags so// bcom ldan 'das kyis bka' stsal pa/ mo'u 'gal gyi bu de de bzhin no/ / ji skad smras pa bzhin te/ dang po sems bskyed pa nas bzung ste/ byang chub kyi snying po'i bar gyi byang chub sems dpa' rnams ni lha dang bcas pa'i 'jig rten gyi mchod rten dang sbyin gnas yin te/ nyan thos dang rang sangs rgyas thams cad kyang zil gyis gnon to// de nas bcom ldan 'das kyis de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu dag byung ste/ 'od des
- 427b
'jig rten gyi khams mtha' yas mu med pa dag snang bas khyab par byas nas/ tshangs pa'i 'jig rten gyi bar du mngon par 'phags te/ slar log nas bcom ldan 'das kyi dbu'i gtsug tu nub par gyur to/ / de nas tshe dang ldan pa kun dga' bo stan las langs te/ bla gos phrag pa gcig tu gzar nas// pus mo g.yas pa'i lha nga sa la btsugs te/ bcom 'das ga la ba de logs su thal mo sbyar ba btud nas/ bcom ldan 'das la tshigs su bcad de gsol pa/ lha dang tshangs pa'i sgra dang mi mjed bdag po'i sgra dang 'brug sgra dbyangs ldan pa/ / mgon po lha sgra yid 'ong ldan zhing 'dod chags zhe sdang zhi bar mdzad pa po// gti mug spong ba 'jig rten dag na dka' ba bzang po gzhal yas skyed mdzad pa/ stobs bcu yon tan rgya mtsho mnga' ba gang gi don du 'ong btang bstan du gsol// rir bcas nags tshal bcas shing chab dang bcas pa'i sa rnams rnam pa drug tu g.yos// lha rnams nam mkhar gnas shing lha yi me tog yid du 'ong ba'i char pa 'bebs/ / seng ges wa bam bgyis pa bzhin du khyod kyis mu stegs gzhan kun pham par mdzad// dpa' bo gang gi don du 'od kyi ltas 'di bstan pa mdzad pa bka' sum gsol/ / nyi zla bye ba stong gis 'od bkye ba dang glog dang nor bu rnams 'od dang // lha dang klu dang dri za gnod sbyin dag gi 'od rnams 'bar
- 428a
ba gang lags pa/ / shAkya thub pa'i zhal nas dge zhing dag pa'i 'od byung ba dang mjal gyur nas// 'od rnams thams cad mog mog por bgyis sangs rgyas 'od ni phyogs bcu rnams su mdzes/ / khyod kyi smin mtshams bar gyi mdzod spu rab mdzes dkar zhing dri ma ma mchis bzang // 'bar zhing pad+ma'i rtsa dang dung dang me tog kun da 'dra bas phyogs gsal bgyid/ / thams cad mog mog bgyis nas gdugs kyis srin bu me khyer bzhin du rgyal ba mdzes// mi yi seng ge thub 'di gang gi don chen bzang por deng gyur bstan du gsol// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo khyod kyis bu mo dri ma med kyis byin pa 'di byin gyis brlabs gang gis bud med kyi dngos po gyur te/ skyes pa'i dbang po thob par gyur pa mthong ngam/ gsol pa/ bcom ldan 'das mthong lags so// bka' stsal pa/ kun dga' bo byang chub sems dpa' dri ma med kyis byin pa 'di bskal pa grangs med pa 'bum phrag brgyad cur bla na med pa yang dag par rdzogs pa'i byang chub kyi phyir spyad de/ bskal pa grangs med pa 'bum phrag drug cur spyad nas/ phyis bu mo 'di 'jam dpal gzhon nur gyur pas bla na med pa yang dag par rdzogs pa'i byang chub tu sems bskyed do// 'jam dpal gnon nur gyur pa ci 'dra ba de 'dra ba'i byang chub sems
- 428b
da rgya chu ga gisas rnam can ga pa ma pa 'du bdan/ mas 'gyu na sas rgyas kya sa ' gyur ro/ / de nas tshe dang ldan pa mo'u 'gal gyi sa chen pos byang chub sems dpa' dri ma med kyis byin pa la 'di skad ces smras so// rigs kyi bu khyod de ltar yun ring du bla na med pa yang dag par rdzogs pa'i byang chub kyi phyir spyod spyod na/ ci'i phyir khyod kyis de'i tshe bud med kyi dngos po ma bsgyur/ byang chub sems dpa' dri ma med kyis byin pas smras pa/ gnas brtan mo'u 'gal gyi bu chen po ni rdzu 'phrul dang ldan pa rnams kyi mchog tu bstun pa yin+da na/ btsun pa khyod ci'i phyir skyes pa'i lus las mi bsgyur/ gnas brtan mo nu 'gal gyi bu rkyen po cang mi smra bar gyur to/ / de nas byang chub sems dpa' sems dpa' chen po dri ma med kyis byin pas/ mau'u 'gal gyi bu chen po la 'di skad ces smras so// btsun pa mo'u 'gal gyi bu chen po bud med kyi lus kyis byang chub mngon par rdzogs par 'tshang rgya ba'ang ma yin/ skyes pa'i lus kyis byang chub mngon par rdzogs par 'tshang rgya ba'ang ma yin no// de ci'i phyir zhe na/ byang chub ni ma skyes pa ste/ de ni lus sam sems kyis mngon par rdzogs par 'tshang rgya bar mi nus pa'i phyir ro// de nas bcom ldan 'das la/ byang chub sems
- 429a
dpa' 'jam dpal gyis 'di skad ces gsol to/ / bcom ldan 'das 'di ltar byang chub sems dpa' dri ma med kyis byin pa 'di zab po la mos pa ni ngo mtshar to// bcom ldan 'das kyis bka' stsal pa/ / 'jam dpal 'di ltar byang chub sems dpa' dri ma med kyis byin pa 'dis sangs rgyas bye ba phrag drug cu'i zad na tshangs par spyod pa spyad do// stong pa nyid kyi ting nge 'dzin bsgoms so/ / bskal pa brgyad cur mi skye ba'i chos la bzod pa bsgoms so// sangs rgyas bye ba phrag sum cu dang / byang chub sems dpa' zab mo'i tshul dang ldan pa rnams la shes rab kyi pha rol tu phyin pa yongs su dris so/ / sangs rgyas bye ba khrag khrig phrag brgyad cu la na bza' dang zhal zas kyis bkur stir byas so// spobs pa rnam par nges pa bstan pa'i chos kyi rnam grangs 'di'ang yongs su dris so/ / 'jam dpal rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi khams gang+gA'i klung gi bye ma snyed dag rin po che sna bdun gyis rab tu bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ rigs kyi bu 'am/ rigs kyi bu mo gang gis chos kyi rnam grangs 'di nyan tam/ len tam/ 'dzin tam/ 'chang ngam/ klog gam/ kun chub par byed dam/ gzhan dag la'ang rgya cher rab tu ston na// 'di ni de bas ches
- 429b
bsod nams mang du skyed do/ / de ci'i phyir zhe na/ sgrub pa 'din byang chub thob par byed pa'i phyir ro/ de nas yang bcom ldan 'das kyis/ 'jam dpal gzhon nur gyur pa bka' stsal pa/ 'jam dpal khyod kyis chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan dag la'ang rgya cher yang dag par rab tu ston cig de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das chos kyi rnam grangs 'di'i mi ci lags/ 'di ji ltar gzung bar bgyi bcom ldan 'das kyis bka' stsal pa/ 'jam dpal de'i phyir chos kyi rnam grangs 'di spobs pa rnam par nges par bstan pa zhes bya bar zung zhig/ gzungs kyi rdo rje'i tshig ces bya bar yang zung zhig/ byang chub sems dpa'i sde snod ces bya bar yang zung zhig/ dri ma med kyis byin pas zhus pa zhes bya bar yang zung zhig/ bcom ldan 'das kyis chos kyi rnam grangs 'di bstan pa na/ lha dang mi'i skye dgu las srog chags khrag khrig phrag brgyad cu bla na med pa yang dag par rdzogs pa'i byang chub kyi bar du nges par gyur to// de nas bcom ldan 'das la/ byang chub sems dpa' spobs pa brtsegs kyis 'di skad ces gsol to// bcom ldan 'das byang chub sems dpa' dri ma med kyis byin pa ji srid cig na bla na med pa yang dag
- 430a
par rdzogs pa'i byang chub mngon par rdzogs par 'chang rgya bar 'gyur/ bcom ldan 'das kyis bka' stsal pa/ rigs kyi bu byang chub sems dpa' drim med kyis byin pa 'di bskal pa brgya stong phrag grangs med pa bgrang ba las 'das pa na sangs rgyas kyi zhing nyan thos dang rang sangs rgyas rnams med pa/ tshe'i tshad dpag tu med pa/ byang chub sems dpa'i dge 'dun dpag tu med pa dang ldan pa/ lha'i longs spyod pas shin tu lhag pa dang ldan pa yon tan dpag tu med pa bkod pa zhes bya bar de bzhin gshegs pa dgra bcom pa yang dag par rdzogs pa'i sangs rgyas bzhad cing 'dzum pa dri ma med pa'i tog gi rgyal po zhes bya bar 'gyur ro/ / de nas byang chub sems dpa' dri ma med kyis byin pas bcom ldan 'das las mngon sum du lung bstan pa thos nas/ dga' ba dang mchog tu dga' ba des ta la bye ba phrag brgyad cu srid du nam mkha' la mngon par 'phags te/ sangs rgyas kyi zhing stong 'od kyis khyab par byas nas/ bcom ldan 'das kyi dbu'i gtsug gi steng du rin po che'i gdugs dpag tshad brgyad khri bzhi stong yod pa byin gyis brlabs te/ rin po che'i gdugs des stong gsum gyi stong chen po'i 'jig rten gyi khams 'di khengs so/ / des yang nam mkha' de nyid la rdzu 'phrul dpag tu med pa byas nas/ phyogs bcu'i sangs rgyas gang+gA'i klung gi bye ma snyed dag la bstod cing
- 430b
phyag 'tshal te/ bsti stang byas nas nam mkha' de las babs te/ bcom ldan 'das la lan stong bskor ba byas nas phyogs gcig tu 'dug go/ de nas bram ze tshangs pa'i// lha la sogs pa bram ze lnga brgya po de dag gis/ byang chub sems dpa' dri ma med kyis byin pa'i rdzu 'phrul gyi cho 'phrul yang mthong / lung bstan pa de'ang thos nas/ tshim zhing mgu la yi rangs te rab tu dga' nas bde ba dang yid bde ba skyes te/ bcom ldan 'das ga la ba der logs su thal mo sbyar ba btud nas/ sgra skad mthun par bcom ldan 'das la tshigs su bcad de gsol pa/ gang dag sangs rgyas kus mchis dang // gang dag sangs rgyas chos slad du// blo ni shin tu nges gyur pa// de dag rnyed pa chen po rnyed// sngon chad sdig pa'i las bgyis pas/ bdag cag bram ze'i khyim du skyes// ston pa'i nyan thos mthong gyur na// bkra mi shis zhes tshig tu brjod// sangs rgyas sras dag mthong gyur na// bkra mi shis zhes bgyis pa yi/ / tshig tu brjod pa gang mchis pa// btsun pa nongs pashags par bgyi// tshogs kyi rgyal po'i chog gyur pa// sangs rgyas gang dag ma mthong na// mi de dag gis nongs pa rnyed/ / de dag kha zas ngan pa 'tshal// dri med byin pas mchod byin slad// bdag cag mgron du bos gyur pa// ston pa'i nyan thos rnams mthong nas// ma gus pas ni sdod cing mchis// de la bdag cag
- 431a
rnams kyis dris/ / khyod kyis 'dren pa gang na mthong // de smras btsas nas zhag bdun nas// kho mos sangs rgyas mtshan thos mchi// de mi sangs rgyas bsngags mang / ba// de bzhin gzhan du mi 'gyur brjod// de yi tshig thos bdag cag kun// byang chub mchog tu yang dag zhugs// bdag cag sngon gyi bsod nams dang // sangs rgyas zhes bgyi sgras bskul bas/ / shAkya seng ge'i zhabs la ni// phyag bgyi'i slad du lhags pa lags// rdzogs pa'i sangs rgyas mthong phyag bgyis// chos kyi dam pa thos par 'gyur// rkang gnyis dam pa 'di mthong nas/ / bdag cag sdug bsngal kun las grol// skyob pa shAkya seng ge yis// chos gang bshad par mdzad pa rnams// sangs rgyas chos kyi don slad du// bdag cag de la slob par bgyid/ / sangs rgyas chos thob bgyid slad du// byang chub spyod pa thos gyur nas// bdag cag yang dag nan tan gyis// spyod pa de la bslab par bgyi// byang chub sems dpa' spyod gang dang / / lam dang sgo yang bstan pa la// nan tan gyis ni gnas par bgyi// 'jig rten rnams kyi mchod rten 'gyur// de dag lhag pa'i bsam mkhyen nas// thub pas de tshe 'dzum pa mdzad/ / thub chen lung bstan mdzad gsol zhes// sangs rgyas la ni kun dga' zhus// bcom ldan 'das kyis bka' stsal to// zam ze lnga brgya 'di dag dang /
- 431b
bram ze tshangs pa'i lha de dang // de kun bskal pa gcig gi tshe// rnam par 'dren pa sangs rgyas 'gyur// sangs rgyas lnga brgya tham pa la// tshe rabs snga mar mchod byas pa// de nas phyin chad spyod tshe yang / / sangs rgyas bye ba mthong bar 'gyur// bskal pa bye ba brgyad cur ni// de dag ngan 'gror 'gro mi 'gyur// de dag bskal pa re re la'ang // sangs rgyas bye ba mthong bar 'gyur/ / de dag bskal pa gcig de la// rkang gnyis rnams kyi mchog 'gyur te// 'od ces bya ba'i bskal gcig la// tshangs pa'i sgra zhes bya bar 'gyur// de la tshe tshad mtshungs 'gyur te/ / bsal pa bye ba brgyad cu thub// zhing mtshungs dge 'dun mtshungs 'gyur te// dge slong bye ba brgyad cu yod// sems can rnams kyi don spyad cing // chos 'di la yang spyad byas nas/ / de dag thams cad mthar gyis su// mya ngan 'das pa'i bathob/ bcom ldan 'das kyis de skad ces bka' stsal nas/ byang chub sems dpa' spobs pa brtsu dang / byang chub sems dpa' dri ma med kyis byin pa dang / 'jam dpal gzhon nur gyur pa dang / bram ze de dag dang / rgyal po gsal rgyal dang / nyan thos chen po de dag dang / lha rang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po chos kyi
- 432a
rnam grangs le'u stong phrag brgya ba las/ drim med kyis byin pas zhus pa zhes bya ba'i le'u ste/ 'dus pa sum cu rtsa gsum pa rdzogs so// / rgya garaH mkhan po dzi ni mi tra dang / su ren dra bo d+hi dang / zhu chen gyi lo tsa ba ban+de ye shes rjes bskur cing zhus te gtan la phab pa/ bam po gnyis dang sh+lo ka brgya lnga bcu yod do// / rgya ga ra skad du/ Ar+ya gu Na rat+na sang ku su mi ta br-id tsha nA ma ma hA yA na sU tra/ bod ska da du/ 'phags pa yon ta na r-i na chen me tog kun tu rgyas pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab na/ bya rgod kyi phung po'i rol dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong phrag rab tu mang po rnams dang thabs cig tu bzhugs te/ / de'i tshe 'khor de nyid du byang chub sems dpa' sems dpa' chen po grong khyer yangs pa'i li tsi byi gzhon nu yon tan rin chen me tog kun tu rgyas pa zhes bya bzhig 'dus par gyur te 'dug go/ / de nas byang chub sems dpa' sems dpa' chen po yon tan rin chen me tog kun tu rgyas pa stan las langs te/ bla gos phrag pa gcig tu gzar nas
- 432b
pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba phulung bstan pa'i slad du/ bcom ldan 'das kyis bdag la skabs dbye bar gnang na/ btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis/ byang chub sems dpa' sems dpa' chen po yon tan rin chen me tog kun tu rgyas pa la 'di skad ces bka' stsal to/ / yon tan rin chen me tog kun tu rgyas pa khyod/ de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa zhus shig dang / zhu ba de dang de nyid kyi lung bstan pas ngas khyod kyi sems rangs par bya'o// de nas byang chub sems dpa' sems dpa' chen po yon tan rin chen me tog kun tu rgyas pas/ bcom ldan 'das la 'di skad ces gsol to/ / bcom ldan 'das da ltar na 'jig rten gyi khams gzhan dag na/ sangs rgyas bcom ldan 'das rnams bzhugs te/ 'tsho zhing gzhes pa de rnams kyi mtshan bzung na rigs kyi bu 'am/ rigs kyi bu mo myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag bzhugs lags sam/ de skad ces gsol
- 433a
ba dang / bcom ldan 'das kyis/ byang chub sems dpa' sems dpa' chen po yon tan rin chen me tog kun tu rgyas pa la 'di skyed ces bka' stsal to// yon tan/ rin chen me tog kun tu rgyas pa legs so legs so// yon tan rin chen me tog kun tu rgyas pa khyod da ltar dang ma 'ongs pa'i skye bo mang po la phan pa dang / skye bo mang po la bde ba dang / 'jig rten la snying brtse ba dang / byang chub sems dpa' rnams dang / lha dang mi rnams kyi don dang / phan pa dang / bde ba'i phyir khyod de bzhin gshegs pa la don 'di zhu bar sems pa ni/ yon tan rin chen me tog kun tu rgyas pa khyod yang legs so/ / de'i phyir yon tan rin chen me tog kun tu rgyas pa khyod legs par rab tu nyon la yid la zung zhig dang ngas khyod la bshad do// bcom ldan 'das de ltar 'tshal lo zhes gsol nas/ byang chub sems dpa' sems dpa' chen po yon tan rin chen me tog kun tu rgyas pas bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ / yon tan rin chen me tog kun tu rgyas pa shar phyogs na chos thams cad kyi yon tan bkod pa'i 'jog rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpag tu med pa bkod pa'i gzi brjid kyi rgyal po lta bu zhes bya ba zhig da ltar bzhugs te 'tsho zhing gzhes pa yod do/ / bskal pa
- 433b
de na rgyas pa thams cad kun nas sdud pa zhes bya'o/ / de na sems can rnams kyi tshe ni dpag tu med do// bcom ldan 'das de'i byang chub sems dpa' thams cad kyi 'khor dpag tu med do// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpag tu med pa bkod pa'i gzi brjid kyi rgyal po lta bu de'i mtshan 'dzin pa'i rigs kyi bu 'am/ rigs kyi bu mo dad pa can bskal pa stong phrag drug cu'i 'khor ba bsnyil bar byed do// tshe brjes nas kyang sgrib pa med par ston pa zhes bya ba'i gzungs thob par 'gyur ro// sangs rgyas kyi zhing bye ba phrag bcu rnams kyi sangs rgyas bcom ldan 'das rnams kyis spobs pa nye bar bsgrub par mdzad do// chos ston pa na bag tsha ba med par 'gyur ro// de la 'di skad ces bya ste/ mi gang sangs rgyas mtshan 'di rjod byed pa// de la yon tan 'di rnams myur du 'byung // de la de bas lhag pa gzhan yang 'byung // de la bla med byang chub dka' ma yin/ / yon tan rin chen me tog kun tu rgyas pa lho phyogs na yon tan rin chen bkod pa'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpal bkod pa'i gzi brjid kyi rgyal po lta bu zhes bya ba zhig da ltar bzhugs te 'tsho zhing gzhes pa yod do/ / bskal pa de ni yon tan
- 434a
rgyas pa zhes bya'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpal bkod pa'i gzi brjid kyi rgyal po lta bu de'i mtshan 'dzin pa'i rigs kyi bu 'am/ rigs kyi bu mo dad pa can tshe brjes ma thag tu nyi ma'i dkyil 'khor gyi mtha' snang ba zhes bya ba'i ting nge 'dzin thob par 'gyur ro// sangs rgyas kyi zhing yon tan dpag tu med pa bkod pa'ang yongs su 'dzin par 'gyur ro/ / tshe brjes ma thag tu skyes bu chen po'i mtshan sum cu rtsa gnyis thob par 'gyur ro// sangs rgyas kyi zhing gang dang gang du smon lam 'debs pa'i sangs rgyas kyi zhing de dang der skye bar 'gyur ro/ / skye ba gcig gis thogs pa'i bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / spobs pa rgyun mi 'chad pa'ang thob par 'gyur ro// de la 'di skad ces bya ste/ mi gang sangs rgyas mtshan 'di rjod byed pa// de la ting 'dzin bsam yas de skye zhing // sum cu rtsa gnyis mtshan ldan lus thob la/ de ni byang chub skye ba gcig thogs 'gyur// yon tan rin chen me tog kun tu rgyas pa nub phyogs na mya ngan dang mun pa thams cad dang zathal ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas chos thams cad la spobs pa bkod pa'i dpal zhes bya ba zhig da ltar bshum
- 434b
te 'tsho zhing gzhes pa yod do/ / bskal pa de ni shAkya mngon par mdzes pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad la spobs pa bkod pa'i dpal de'i mtshan 'dzin pa'i rigs kyi bu 'am/ rigs kyi bu mo dad pa can ni mtshon gyis 'chi ba'i dus byed par mi 'gyur ro// dug gis ma yin/ chus ma yin/ mes kyang 'chi ba'i dus byed par mi 'gyur ro// rdzus te skye bar yang 'gyur ro// tshe brjes ma thag tu'ang shugs brgya pa zhes bya ba'i gzung thob par 'gyur ro// de la 'di skad ces bya ste/ mi gang sangs rgyas mtshan 'di rjod byed pa// de la mi de'i lus mes mi 'chi zhing // mtshon gyis min la chus min dug gis min// de ni rdzus te skye ba kho nar 'gyur// yon tan rin chen me tog kun tu rgyas pa byang phyogs na mun pa dang rdul dang bral ba zhes bya ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas spobs pa dpag tu med pa bkod pa yang dag par spyod pa'i blo zhes bya ba zhig da ltar bzhugs te 'tsho zhing gzhes pa yod do/ / bskal pa de ni grags pa chen po 'dzin pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spobs pa dpag med bkod pa yang dag par spyod pa'i blo de'i mtshan 'dzin pa'i rigs kyi bu 'am
- 435a
rigs kyi bu mo dang pa can ni sangs rgyas bye ba khrag khrig phrag bcu mnyes par byed par 'gyur ro/ / thams cad du rjes su song ba zhes bya ba'i gzungs kyang thob par 'gyur ro/ / zad mi shes pa'i za ma tog ces bya ba'i gzungs kyang thob par 'gyur pa nas/ za na med pa yang dag par rdzogs pa'i byang chub mngon par rdzogs par 'tshang rgya ba'i bar du'ang 'gyur ro/ / ngan song gsum po rnams su skye bar mi 'gyur ro// byang chub sems dpa'i spyad pa spyod pa na sangs rgyas kyi zhing gang dang gang du skye bar 'gyur ba de dang der ngan song du skyes pa'i sems can rnams yongs su thar par byed do/ / bla na med pa yang dag par rdzogs pa'i byang chub las phyir mi ldog par yang 'gyur ro// de la 'di skad ces bya ste/ mi gang sangs rgyas mtshan 'di rjod byed pa/ / de yi yon tan bgrang bar mi nus shing // de ni byang chub dam pa 'thob par the tsom med// de la the tsom med par gzungs skye'o// yon tan rin chen me tog kun du rgyas pa shar lho'i mtshams kyi phyogs na shin tu mdzes pa bkod pa'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas 'brug stong bsgrags pa'i sgra skad kyi rgyal po zhes bya ba zhig da ltar bzhugs te 'tsho zhing gzhes pa yod do/ / bskal pa de ni yon tan 'byung ba zhes bya'o// bcom ldan 'das de bzhin gshegs pa dgra
- 435b
bapa yang dag par rdzogs pa'i sangs rgyas 'jug stong bsgrags pa'i sgra skad kyi rgyal po de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe brjes ma thag tu mi 'jigs pa bzhi thob par 'gyur ro/ / rdzu 'phrul gyi rkang pa bzhi thob par 'gyur ro// byams pa chen po dang snying rje chen po thob par 'gyur ro// sangs rgyas kyi chos ma 'dres pa bco brgyad thob par 'gyur ro/ / de bzhin gshegs pa tshe dpag med kyi sangs rgyas kyi zhing gi yon tan bkod pa ci 'dra ba de lta bu thob par 'gyur ro// bud med kyi tshe brjes nas skyes pa'i lus rlob par 'gyur ro/ / de la 'di skad ces bya ste/ gang zhig rgyal ba'i mtshan 'di 'dzin byed pa'i// byang chub sems dpas yon tan 'di dang gzhan// bsam gyis mi khyab rtag tu thob par 'gyur/ / byang chub sems dpas sangs rgyas mang po mthong // yon tan rin chen me tog kun tu rgyas pa lho nub mtshams kyi phyogs na bkod pa dpag tu med pa'i 'jog rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gser mchog 'od dpal zhes bya ba zhig da ltar bzhugs te 'tsho zhing gzhes pa yod do// bskal pa de ni chos thams cad yang dag par skyed pa zhes bya'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser mchog 'od dpal de'i mtshan 'dzin
- 436a
pa'i rigs kyi bu 'am/ rigs kyi bu mo dad pa can de mtshan de thos pa des/ sangs rgyas bcom ldan 'das bye ba phrag dgu mnyes par byed par 'gyur ro// sems can thams cad mchog tu 'gro bar byed pa zhes bya ba'i ting nge 'dzin thob par 'gyur ro/ / rgyu gang gis na sems can thams cad mchog tu 'gro bar byed ces bya zhe na/ rigs kyi bu 'am/ rigs kyi mo gang la la ting nge 'dzin 'di la gnas nas chos ston par 'gyur zhing / de chos ston pa na ting nge 'dzin de'i chos nyid thob pas stong gsum gyi stong chen po'i 'jig rten gyi khams na/ sems can gang dag 'khod pa de dag thams cad bde ba dang ldan par 'gyur te/ dper na de bzhin gshegs pa dgra bcom pa yang dag par rdzogs pa'i sangs rgyas yid 'ong gi sangs rgyas kyi zhing nas sems can rnams gcig tu bde ba dang ldan zhing / sems can ngan song du skyes pa thams cad yongs su thar par 'gyur te/ de dag de nas yongs su grol nas lha dang mi'i lus thob par 'gyur zhing / bla na med pa yang dag par rdzogs pa'i byang chub tu nges par 'gyur ba bzhin no// de la 'di skad ces bya ste/ gser mchog 'od dpal gyi ni mtshan 'dzin pa/ de la gzi brjid dpal mdog stobs dbang po/ / tshe rabs kun tu rnyed par dka' ma yin// de la blo thogs med par mtha' yas 'gyur// yon tan rin chen me tog kun tu rgyas pa
- 436b
nub byang mtshams kyi phyogs na sdig pa dang bral ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gzi brjid kyi rgyal po rnam mang dpal snang zhes bya ba zhig da ltar bzhugs te 'tsho zhing gzhes pa yod do/ / bskal pa de ni khyim rgyas pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gzi brjid kyi rgyal po rnam mang dpal snang de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe brjes ma thag tu spobs pa dpag tu med pa bkod pa zhes bya ba'i gzungs thob par 'gyur ro/ / tshegs chung ngus de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing gi yon tan gakod pa 'dzin par 'gyur ro/ / sangs rgyas bye ba phrag brgya cu'i chos ston pa'ang thos par 'gyur/ 'dzin par 'gyur ro// de la 'di skad ces bya ste/ gang zhig rgyal ba de yi mtshan 'dzin pa tshe dpag med pa sangs rgyas zhing du de/ / de ni tshe dpag med ldan chos shes 'gyur// skye gcig thogs pas byang chub rdzogs 'tshang rgya// yon tan rin chen me tog kun tu rgyas pa byang shar mtshams kyi phyogs na mya ngan thams cad las rgal ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas bskal pa bye ba grangs med par byang
- 437a
chub yang dag par bsgrubs pa zhes bya ba zhig da ltar bzhugs te 'tsho zhing gzhes pa yod do/ / bskal pa de ni spobs pa bkod pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba grangs med par byang chub yang dag par bsgrubs pa de'i mtshan 'dzin pa'i rigs kyi bu 'am/ rigs kyi bu mo dad pa can de ni che brjes ma thag tu rnam pa drug cu dang ldan pa'i sgra dbyangs kyi spobs pa phun sum tshogs pa thob par 'gyur ro/ / sangs rgyas bye ba phrag brgyad cu la dge ba'i rtsa ba bskyed pa 'dzin par 'gyur ro// de la 'di skad ces bya ste/ sgra dbyangs yan lag drug cu phun tshogs ldan// de ni kun tu shes pa'ang pha rol phyin// rgyal ba bye ba brgyad cu mchod byed pa'i// bsod nams gang yin bsam yas des thob 'gyur/ / yon tan rin chen me tog kun tu rgyas pa steng gi phyogs na yon tan dpag tu med pa bkod pa'i gzi brjid kyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gser bzang po dang / nam mkha' nges par sgrogs pa bkod pa'i 'od ces bya ba zhig da ltar bzhugs te 'tsho zhing gzhes pa yod do// bskal pa de ni tshad med len ces bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang po dang / nam mkha' nges par
- 437b
thogs pa bkod pa'i 'od de'i mtshan 'dzin pa'i rigs kyi bu 'am/ rigs kyi bu mo dang pa can de ni tshul khrims kyi phung po dpag tu med pa yongs su sbyong bar 'gyur ro// ting 'dzin gyi phung po dpag tu med pa dang / shes rab kyi phung po dpag tu med pa dang / rnam par grol ba'i phung po dpag tu med pa dang / rnam par grol ba ye shes mthong ba'i phung po dpag tu med pa yongs su sbyong bar 'gyur ro/ / ma nas sar yang thob par 'gyur ro// tshigs gzung bar 'om pa nyid kyang 'thob par 'gyur ro/ / spobs pa bul ba med pa phun sum tshogs pa'ang 'bob par 'gyur ro// myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / yi ge dang sgra'i brda'ang 'thob par 'gyur ro// rigs mngon po dang / rigs mthon po chen po'ang 'thob par 'gyur ro// mngon par shes pa lnga'ang 'thob par 'gyur ro// tshe rabs dran par yang 'gyur ro// sangs rgyas kyi chos ma 'dres pa bco brgyad kyang 'thob par 'gyur ro// de la 'di skang ces bya ste/ gang zhig rgyal ba'i mtshan mchog 'dzin byed pa// de ni yan lag brgyad dbyangs phun sum thob// de ni sangs rgyas bral bar yong mi skye/
- 438a
ma'i ma thogs byang chub 'tshang rgyar 'gyur/ yon tan rin chen me tog kun tu rgyas pa 'og gi phyogs na tha dad pa med pa nyid sa dga' ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul la rnam par 'phrul pa'i gzi brjid kyi 'od ces bya ba zhig da ltar bzhugs te 'tsho zhing gzhes pa yod do/ / bskal pa de ni ye shes kun nas bsdus pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul la rnam par 'khrul pa'i gzi brjid kyi 'od de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe brjes ma thag tu sangs rgyas yongs su 'grub pa zhes bya ba'i gzungs 'thob par 'gyur ro/ / skye ba gcig gis thogs pas bla na med pa yang dag pa rdzogs pa'i byang chub mngon par rdzogs par 'tshang rgya bar 'gyur ro// sangs rgyas bye ba phrag dgu bcu'i chos bstan pa'ang thos par 'gyur ro// thos nas kyang thams cad kun tu 'dzin par 'gyur ro// de la 'di skad ces bya ste/ sangs rgyas mtshan 'dzin sangs rgyas bye ba phrag/ dgu bcu rnams kyis chos bstan thos 'gyur zhing // skye ba gcig thogs bla na med pa yi// byang chub mngon par rdzogs par sangs
- 438b
rgyas 'gyur/ / de nas byang chub sems dpa' sems dpa' chen po yon tan rin chen me tog kun rgyas pa dang // byang chub sems dpa' sems dpa' chen po yon tan rin chen thams cad dang ldan pa'i spobs pa'i skad kyis gzungs thob par gyur to/ / byang chub sems dpa' bye ba phrag brgya cus bla na med pa yang dag par rdzogs pa'i byang chub las phyir mi ldog pa'i sa thob bo/ / lha dang mi'i skye dgu sum khris ni bla na med pa yang dag par rdzogs pa'i byang chub tu sems bskyed do// bcom ldan 'das kyis de skad ces bka' stsal nas/ byang chub sems dpa' sems dpa' chen po yon tan rin chen me tog kun tu rgyas pa dang / thams cad dang ldan pa'i 'khor de dag dang lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ yon tan rin chen me tog kun tu rgyas pas zhus pa'i le'u zhes bya ste/ 'dus pa sum cu rtsa bzhi pa rdzogs so// / rgya gar gyi mkhan po dzi na mi tra dang / pradz+wA la ra ma dang / zhwa chen gyi lo tsa ba ban+de ye shes/
- 439a
ske la sogs pas bsgyur cing zhus te gtan la phab pa/ sh+lau ka brgya bzhi bcu yod// rgya gar skad du/ An+ta a ts+tshin+d+ra t+yA thAH bi Sha ya nir des/ nA ma ma hA lAn sU tha/ bod skad du/ 'phags pa sangs rgyas kyi yul bsam gyis mi khyab pa bstan pa zhes bya ba pa chen po'i mdo/ / bam po dang po// // sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yon na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong du tshang pa'i dge slong gi da 'dun chen po dang / byang chub sems dpa' khri dang thabs cig tu bzhugs te/ 'dod pa na spyod pa dang / gzugs na spyod pa'i lha'i bu rnams dang / gnas gtsang ma'i lha'i bu rnams dang yang thabs cig go/ de nas bcom ldan 'das 'khor brgya stong du mas yongs su bskor te/ mdun gyis bltas nas chos ston to/ / yang de'i tshe 'jam dpal gzhon nur gyur pa 'khor de nyid du 'dus par gyur te 'dug go// lha'i bu dpal bzangs kyang 'khor de nyid du 'dus par gyur te 'dug go/
- 439b
de nas bcom ldan 'das kyis/ 'jam dpal gzhon nur pa la bka' stsal pa/ 'jam dpal ngas khyod la bskul gyis/ khyod kyis chos dang ldan pa'i gtam las rtsoms te/ lha'i 'khor 'di dang / byang chub sems dpa' 'di dag la spobs par gyis shig/ 'jam dpal gyis gsol pa/ bcom ldan 'das bdag gis ci las brtsams te spobs par bgyi lags/ bcom ldan 'das kyis bka' stsal pa/ 'jam dpal khyod kyis sangs rgyas kyi yul las rtsoms te spobs par gyis shig/ gsol ba/ bcom ldan 'das sangs rgyas kyi yul ni/ gang mig gi yul ma lags pa dang / gzugs kyi yul ma lags pa dang / rna ba'i yul ma lags pa dang / sgra'i yul ma lags pa dang / sna'i yul ma lags pa dang / dri'i yul ma lags pa dang / lce'i yul ma lags pa dang / ro'i yul ma lags pa dang / lus kyi yul ma lags pa dang / reg bya'i yul ma lags pa dang / yid kyi yul ma lags pa dang / chos kyi yul ma lags pa ste/ de sangs rgyas kyi yul zhes bya'o// bcom ldan 'das yul khyad par ma mchis pa ni/ sangs rgyas kyi yul lags te/ bcom ldan 'das rigs kyi bu 'am/ rigs
- 440a
kyi bu mo sangs rgyas kyi yul khong du chud par 'tshal bas/ khong du chud pa ma mchis pa'i tshul du sangs rgyas kyi yul de ltar khong du chud par bgyi'o// bcom ldan 'das de bzhin gshegs pas byang chub brnyes pa'i yul ci lags/ bka' stsal pa// 'jam dpal lta bar gyur pa mnyam pa nyid kyi phyir stong pa nyid ni ngas byang chub thob pa'i yul lo/ / mtshan ma mnyam pa nyid kyi phyir mtshan ma med pa ni yul lo// khams gsum pa mnyam pa nyid kyi phyir smon pa med pa ni yul lo// 'du byed mnyam pa nyid kyi phyir mngon par 'du bya ba med pa ni yul lo/ / 'dus byas mnyam pa nyid kyi phyir skye ba med pa dang / 'byung ba med pa dang / 'du byed pa med pa ni yul lo// gsol pa/ bcom ldan 'das 'dus ma bgyis kyi yul gang lags/ bka' stsal pa/ 'jam dpal sems med pa ni 'dus ma byas kyi yul lo// gsol pa/ bcom ldan 'das sems ma mchis pa ni sangs rgyas kyi yul lags te/ de la brjod pa ma mchis lags so// brjod pa ma mchis pa la bstan pa ma mchis lags so// bstan pa ma mchis pa la mngon par brjod pa ma mchis lags so/ / bcom ldan 'das mngon par brjod pa ma mchis pa'i yul ni// sangs rgyas kyi yul lags so// bka' stsal pa//
- 440b
'jam dpal sangs rgyas kyi yul gang du btsal bar bya// gsol pa/ bcom ldan 'das sangs rgyas kyi yul ni sems can thams cad kyi nyon mongs pa rnams las yongs su btsal bar bgyi lags so/ / de ci'i slad du zhe na/ bcom ldan 'das 'di lta ste/ sems can thams cad kyi nyon mongs pa yongs su rtogs pa ni nyan thos dang rang sangs rgyas thams cad kyi yul ma lag kyi/ gang 'di sems can thams cad kyi nyon mongs pa yongs su rtogs pa de ni sangs rgyas kyi yul lags pa'i slad du'o// bka' stsal pa/ 'jam dpal sangs rgyas kyi yul la 'jug pa'am ldog pa yod dam/ ci nas 'di ltar sangs rgyas kyi yul sems can thams cad kyi nyon mongs pa rnams las yongs su btsal/ gsol pa/ bcom ldan 'das sangs rgyas kyi yul ni 'jug pa ma mchis ldog pa ma mchis lags so// bka' stsal pa/ 'jam dpal gal te sangs rgyas kyi yul 'jug pa med cing ldog pa med na/ sangs rgyas kyi yul ji ltar sems can tham cad kyi nyon mongs pa rnams las yongs su shes/ gsol pa/ bcom ldan 'das ji ltar sangs rgyas kyi yul 'jug pa ma mchis shing ldog pa ma mchis pa de bzhin du/ nyon mongs pa de dag gi rang bzhin gang lags pa de'ang 'jug pa ma mchis shing ldog pa ma mchis lags so// bka' stsal pa/ 'jam dpal nyon mod pa rnams kyi rang bzhin ji lta bu/ gsol pa
- 441a
sangs rgyas kyi yul gyi rang bzhin gang lags pa de nyid nyon mongs pa thams cad kyi rang bzhin lags so/ / bcom ldan 'das gal te nyon mongs pa rnams kyi rang bzhin yang gan du gyur la/ sangs rgyas kyi yul gyi rang bzhin yang gzhan zhig lags na ni/ de bzhin gshegs pas chos thams cad mnyam pa nyid du mngon par rdzogs par sangs rgyas so zhes kyang bstan par mi 'gyur ba zhig na/ bcom ldan 'das 'di ltar nyon mongs pa rnams kyi rang bzhin gang lags pa de nyid/ sangs rgyas kyi yul gyi rang bzhin lags te/ de ci slad du de bzhin gsheg pas chos thams cad mnyam pa nyid du mngon par rdzogs par sangs rgyas so zhes ston lags so/ / bka' stsal pa/ 'jam dpal khyod kyis de bzhin gshegs pa mnyam pa nyid gang gis gnas pa shes sam/ gsol pa/ bcom ldan 'das 'tshal lags so/ / bka' stsal pa/ 'jam dpal de bzhin gshegs pa mnyam pa nyid gang gis gnas/ gsol pa/ bcom ldan 'das byis pa so so'i skye bo rnams mnyam pa nyid gang la gnas nas 'dod chags dang / zhe sdang dang / gti mug kun tu 'byung ba'i mnyam pa nyid des/ de bzhin gshegs pa gnas lags so// bka' stsal pa/ 'jam dpal byis pa so so'i skye bo rnams mnyam pa nyid gang la gnas te/ 'dod chags dang / zhe sdang dang / gti mug kun tu 'byung / gsol pa/ stong pa nyid dang / mtshan ma mchis pa dang / smon pa ma mchis pa mnyam pa nyid la gnas pa rnams kyi mnyan
- 441b
pa nyid des/ de bzhin gshegs pa gnas lags so// bka' stsal pa/ 'jam dpal tshe stong pa nyid la 'dod chags dang / zhe sdang dang / gti mug yod das/ gsol pa/ bcom ldan 'das mchi pa gang gis stong pa nyid mchis pa'i mchis pa des/ 'dod chags dang / zhe sdang dang / gti mug rnams mchis lags so// bka' stsal pa/ 'jam dpal yod pa gang gis stong pa nyid yod cing / yod pa gang gis 'dod chags dang / zhe sdang dang / gti mug rnams yod/ gsol pa/ yi ge dang / skad dang / sgra dang / brjod pa'i mchis pas/ stong pa nyid mchis lags so// yi ge dang / skad dang / sgra dang / brjod pa'i mchis pas/ 'dod chags dang / zhe sdang dang / gti mug rnams mchis lags so// gsol pa/ bcom ldan 'das kyis 'di skad du dge slong dag ma skyes pa dang ma byung ba dang / ma byas pa dang / mngon par 'dus ma byas pa dang / mngon par 'du mi byed pa ni yod de/ dge slong dag ma skyes pa dang / ma byung ba dang / ma byas pa dang / mngon par 'dus ma byas pa dang / mngon par 'du mi byed pa ni med pa ma yin no// dge slong dag gal te ma skyes pa dang / ma byung ba dang / ma byas pa dang / mngon par 'dus ma byas pa dang / mngon par 'du mi byed pa med du zin na/ skyes pa dang / byung ba dang / byas pa dang / mngon par 'dus byas pa dang / mngon par 'du byed pa 'di dag las 'byung bar gdagra par mi 'gyur ba zhig na/ dge slong dag 'di ltar ma skyes pa dang / ma byung ba dang /
- 442a
ma byas pa dang / mngon par 'dus ma byas pa dang / mngon par 'du mi byed pa ni yod de/ de'i phyir skyes pa dang / byung ba dang / byas pa dang / mngon par 'dus byas pa dang / mngon par 'du byed pa 'di dag las 'byung bar gdags so zhes bka' stsal pa de bzhin du/ bcom ldan 'das gal te stong pa nyid ma mchis su lags na/ 'dod chags dang / zhe sdang dang / gti mug gi/ nyon mongs pa 'di dag las 'byung bar gdags par mi 'gyur ba zhig na/ bcom ldan 'das 'di ltar stong pa nyid ni mchis te/ de'i slad du 'dod chags dang / zhe sdang dang / gti mug gi nyon mongs pa rnams las 'byung bar gdags lags so/ / bcom ldan 'das kyis bka' stsal pa/ 'jam dpal khyod kyis ji skad bstan pa de de lta yin du zin na/ gang su dag stong pa nyid la gnas pa de dag thams cad 'dod chags dang / zhe sdang dang / gti mug la gnas par 'gyur ro// gsol pa/ bcom ldan 'das rnal 'byor spyod pa gang 'dod chags dang / zhe sdang dang / gti mug las gud du stong pa nyid tshol ba de ni rnal 'byor la mi spyod pa lags te/ rnal 'byor ma lags pa'o// de ci'i slad du zhe na/ bcom ldan 'das 'dod chags dang / zhe sdang dang / gti mug las gud du stong pa nyid btsal bar bgyi ba ma mchis te/ bcom ldan 'das 'dod chags dang / zhe sdang dang / gti mug nyid stong pa lags so// bka' stsal pa/ 'jam dpal ci khyod 'dod chags dang bcas
- 442b
zhe sdang dang bcas/ gti mug dang sacas pa yin nam/ 'on te 'dod chags dang bral ba/ zhe sdang dang bral ba/ gti mug dang bral ba yin/ gsol ba/ bcom ldan 'das 'dod chags dang / zhe sdang dang / kati mug rnams kyi stong pa nyid gang lags pa de dang bdag mnyam pa ste/ gang mnyam pa nyid de ni 'dod chags dang bcas pa'ang ma lags/ 'dod chags dang bral ba'ang ma lags te/ zhe sdang dang bcas pa'ang ma lags/ zhe sdang dang bral ba'ang ma lags/ gti mug dang bcas pa'ang ma lags/ gti mug dang bral ba'ang ma lags so// bcom ldan 'das dge sbyong dang bram ze gang dag bdag la 'dod chags dang bral ba/ zhe sdang dang bral ba/ gti mug dang bral bar yang dag par rjes su lta zhing / pha rol la 'dod chags dang bcas pa dang / zhe sdang dang bcas pa dang / gti mug dang bcas par yang dag par rjes su lta ba de dag ni lta bar gyur pa gnyis la chags pa lags so// gnyis gang lags she na/ chad par lta ba dang / rtag par lta ba lags so/ / de ci'i slad du zhe na/ gang bdag la 'dod chags dang bral ba dang / zhe sdang dang bral ba dang / gti mug dang bral ba yang dag par rjes su lta ba de ni de dag gi chad par lta ba lags so// gang pha rol la 'dod chags dang bcas pa/ zhe sdang dang bcas pa/ gti mug dang bcas par yang dag par rjes su lta ba de ni de dag gi rtag par lta ba lags so// yang bcom ldan 'das yang dag par
- 443a
zhugs pa'i dge slong ni pha rol dman pa dang / bdag khyad par du 'phags par yang dag par rjes su mi lta ba lags so// bka' stsal pa/ 'jam dpal gang yang dag par zhugs pa de gang du zhugs pa yin/ gsol pa/ bcom ldan 'das gang yang dag par zhugs pa de ni gang du'ang zhugs pa ma lags so// bka' stsal pa/ 'jam dpal gang yang dag par zhugs pa de lam la zhugs pa ma yin nam/ gsol pa/ bcom ldan 'das gang lam la zhugs pa de ni 'dus bgyis pa la zhugs pa lags te/ gang 'dus bgyis pa la zhugs pa de mnyam pa nyid du ka la 'gyur lags/ de ci'i slad du zhe na/ bcom ldan 'das 'dus bgyis pa ni skye ba dang / 'jig pa dang / gnas pa dang ldan pa'i slad du'o// bka' stsal pa/ 'jam dpal 'dus ma byas la grangs gang yang yod dam/ gsol pa// bcom ldan 'das 'dus ma bgyis la grangs gang yang mchis lags so// bcom ldan 'das gal te 'dus ma bgyis la grangs mchis par gyur na/ de 'dus bgyis pa nyid du 'gyur gyi/ 'dus ma bgyis ma lags so// bka' stsal pa/ 'jam dpa' gang 'dus ma byas thob pa'i 'phags pa thams cad la grangs gang yang yod pa par 'gyur ba'i rnam grangs yod dam/ gsol pa/ bcom ldan 'das 'phags pa rnams la grangs gang yang ma mchis te/ bcom ldan 'das 'phags pa rnams ni grangs ma mchis pa/ grangs dang
- 443b
bral ba lags so/ / bka' stsal pa/ 'jam dpal ci khyod 'phags pa'i chos dang ldan pa yin nam/ 'on te 'phags pa ma yin pa'i chos dang ldan pa yin/ gsol pa/ bcom ldan 'das bdag ni 'phags pa'i chos dang ldan pa'ang ma lags/ 'phags pa ma lags pa'i chos dang ldan pa'ang ma lags so// ci lags/ bcom ldan 'das kyis sprul pa de 'phags pa'i chos dang ldan pa lags sam/ 'phags pa ma lags pa'i chos dang ldan pa lags/ bka' stsal pa/ 'jam dpal sprul pa ni 'phags pa'i chos dang ldan pa'ang ma yin/ 'phags pa ma yin pa'i chos dang ldan pa'ang ma yin no/ / gsol pa/ chos thams cad sprul pa lta bu'o zhes/ bcom ldan 'das kyis ma bstan lags sam/ bka' stsal pa/ 'jam dpal de lta'o// gsol pa/ bcom ldan 'das chos thams cad sprul pa'i rang bzhin gyi mtshan nyid lags pas/ bdag kyang de'i rang bzhin gyi mtshan nyid lags te/ de'i slad du bdag 'phags pas chos dang ldan pa'ang ma lags/ 'phags pa ma lags pa'i chos dang ldan pa'ang ma lags so/ / bka' stsal/ 'jam dpal khyod ci dang ldan/ gsol pa/ bcom ldan 'das bdag ni sangs rgyas kyi yul mnyam pa nyid dang mi 'gal ba dang ldan lags so// bka' stsal pa/ 'jam dpal khyod kyis sangs rgyas kyi yul rnyed dam/ gsol pa/ gal te bcom ldan 'das kyis brnyed na/ bdag gis kyang rnyed lags so// de nas tshe dang ldan pa rab 'byor gyi/ 'jam
- 444a
dpal gzhon nur gyur pa la 'di skad ces smras so/ / 'jam dpal de bzhin gshegs pas sangs rgyas kyi yul ma brnyes sam/ smras pa/ gnas brtan gyis nyan thos kyi yul gang yang rnyed dam/ smras pa/ 'jam dpal 'phags pa'i rnam par grol ba'i yul yang med/ yul rnyed pa'ang med do// smras pa/ btsun pa rab 'byor de bzhin du/ de bzhin gshegs pa'i rnam par grol ba'i yul yang med/ yul brnyes pa'ang med do// spras pa/ 'jam dpal khyod ni rjes su bsrung ba med par chos ston te/ khyod ni las dang po pa rnams rjes su mi srung ngo // smras pa/ de bas na gnas brtan nyid la yongs su dris/ khyod kyis ji ltar bzod pa bzhin du lan thob cig/ btsun pa rab 'byor 'di ji snyam du sems/ gang sman pa mkhas pas nad pa yongs su srung zhing / kha ba dang / sgyur ba dang / tsha ba'i sman ma byin na/ ci des nad pa de la nad med pa'i bde ba byin pa yin nam/ smras pa/ 'jam dpal de ni ma yin no// smras pa/ btsun pa rab 'byor de bzhin du gang chos snga bas las dang po pa yongs su srung zhing zab mo'i gtam brlabs te/ gtam sna tshogs bstan na/ des de yang dang yang 'chi ba las thar par byas par mi 'gyur/ shin tu bde ba mya ngan las 'das pa la rab tu bzhag par mi 'gyur ro/ / bstan pa 'di bshad pa na/ dge slong lnga brgya len pa med par zag pa rnams las sems rnam par grol lo// lha'i bu brgyad brgya chos rnams la chos kyi mig
- 444b
rdul med cing dri ma dang bral ba rnam par dag go/ lha'i bu bdun brgya 'jam dpal gzhon nur gyur pa'i spobs pa thob nas/ 'dod cing lhag pa'i bsam pas bla na med pa yang dag par rdzogs pa'i byang chub tu sems bskyed do/ / yang tshe dang ldan pa rab 'byor gyis/ 'jam dpal gzhon nur gyur pa la 'di skad ces smras so// 'jam dpal khyod nyan thos kyi theg pas sems can rnams 'dul na/ ci khyod nyan thos kyi theg pas rnam par grol ba yin nam/ smras pa/ btsun pa rab 'byor kho bo ni theg pa thams cad kyis rnam par grol te/ btsun pa rab 'byor kho bo ni nyan thos kyi theg pas rnam par grol ba'ang yin no/ / kho bo ni rang sangs rgyas kyi theg pas rnam par grol ba'ang yin no// btsun pa rab 'byor kho bo ni theg pa chen pos rnam par grol ba'ang yin no// smras pa/ 'jam dpal khyod ci nyan thos sam/ 'on te rang sangs rgyas dang / 'on te yang dag par rdzogs pa'i sangs rgyas yin/ smras pa/ btsun pa rab 'byor kho bo ni nyan thos yin te/ pha rol las mnyan pa'i sgral sbyor bar brtson pa ni ma yin no/ / kho bo ni rang sangs rgyas yin te/ snying rje chen po dang / mi 'jigs pa dang bral ba ni ma yin no// kho bo ni yang dag par rdzogs pa'i sangs rgyas yin te/ bya ba'i rgyun bcad pa ni ma yin no// sbas pa/ 'jam dpal myo ji ltam nyan thos yin/ spras pa/ chos ma thos pa mnyan pa sems can thams cad la thos par byed de/ des na kho bo nyan thos yin mo/
- 445a
smras pa/ 'jam dpal khyod ji ltar rang sangs rgyas yin/ smras pa/ kho bos chos thams cad rten cing 'brel par 'byung bar rtogs te/ des na kho bo rang sangs rgyas yin no// smras pa/ 'jam dpal khyod ji ltar yang dag par rdzogs pa'i sangs rgyas yin/ smras pa/ kho bos chos thams cad chos kyi dbyings su mnyam pa nyid kyis mnyam par khong du chud de/ des na kho bo yang dag par rdzogs pa'i sangs rgyas so/ / smras pa/ 'jam dpal khyod nyan thos kyi sa 'am/ rang sangs rgyas kyi sa 'am/ 'on te yang dag par rdzogs pa'i sangs rgyas kyi sa 'am/ sa gang la nges pa yin par gzung bar bya/ smras pa/ btsun pa rab 'byor kho bo ni sa thams cad la nges pa yin par zung zhig/ smras pa/ 'jam dpal khyod so so'i skye bo'i sa la'ang nges par gzung bar bya 'am/ smras pa btsun pa rab 'byor de de bzhin no/ / de ci'i phyir zhe na/ btsun pa rab 'byor chos thams cad ni yang dag pa nyid du nges pa nyid du nges pa'o// nges pa der sems can thams cad kyang nges pa ste/ kho bo'ang nges pa der nges pa nyid do// des na kho boso so'i skye bo'i sa la'ang nges par gzung bar bya'o// smras pa/ 'jam dpal gal te chos thams cad yang dag pa nyid du nges par nges pa yin na/ 'di ni so so'i skye bo'i sa'o// 'di ni nyan thos kyi sa'o// 'di ni rang sangs rgyas kyi sa'o// 'di ni byang chub sems dpa'i sa'o// 'di ni sangs rgyas kyi sa'o zhes/
- 445b
rnam par gzhag pa gdags par ga la 'gyur/ smras pa/ btsun pa rab 'byor 'di lta ste/ dper na phyogs bcu'i nam mkha' la 'di ni shar phyogs kyi nam mkha' 'o// 'di ni lho phyogs kyi'o// 'di ni nub phyogs kyi'o// 'di ni byang phyogs kyi'o// 'di ni shar lho'i 'o// 'di ni lho nub kyi'o// 'di ni nub byang gi'o// 'di ni byang shar gyi'o// 'di ni 'og gi'o// 'di ni steng gi phyogs kyi nam mkha'i 'o zhes brjod kyang phyogs cha la dad pa yod kyi/ nam mkha' la ni tha dad pa med do// btsun pa rab 'byor de bzhin du/ chos thams cad yang dag pa nyid du nges par nges pa la/ de bzhin gshegs pa thams la mkhas pas 'di ni so so'i skye bo'i sa'o/ / 'di ni nyan thos kyi sa'o// 'di ni rang sangs rgyas kyi sa'o// 'di ni byang chub sems dpa'i sa'o// 'di ni sangs rgyas kyi sa'o zhes sa rnam par 'jog kyang / sa rnam par gzhag pa la tha dad pa yod kyi/ yang dag pa nyid du nges pa la ni tha dad pa med do// smras pa/ 'jam dpal khyod yang dag pa nyid du nges pa la zhugs sam/ smras pa/ zhugs pa'ang yin la byung ba'ang yin no// smras pa/ 'jam dpal ji ltar na khyod zhugs pa'ang yin la byung ba'ang yin/ smras pa/ btsun pa rab 'byor 'di la byang chub sems dpa' rnam kyi thab dang / shes rab dang / ye shwe blta bar bya ste/ btsun pa rab 'byor 'di ni skyes bu mkhas pa kha cig bshad pa'i don dpes shes par 'gyur ba yod de/ de'i phyir khyod la dpe bstan pa bya'o// btsun pa rab 'byor 'di lta ste/ dper na 'phong gi slob dpon chen po zhig la sdug pa/ mdzes pa/
- 446a
yid du 'ong ba/ blta na sdug pa'i bu gcig pa zhig kyang yod/ de la mi sdug pa yid du mi 'ong ba phyir rgol ba zhig kyang yod pa la/ des bu gcig pa de thag ring po la ma gol ba'i phyogs shig na 'dug pa mthong nas/ de 'di snyam du de ni bdag la phyir rgol ba yin no snyam du sems skyes te/ des de gsad pa'i phyir mda' 'phangs nas/ 'phangs ma thag tu bu gcig pa yin pa'i 'du shes skye ste/ de sngon goms par byas pas shin tu brgyugs te/ mda' de bu gcig pa'i lus la ma phog pa nyid du lag gis 'dzin pa 'di ni don rnam par shes par bya ba'i phyir dper byas pa'o// de la don du blta ba gang zhe na/ btsun pa rab 'byor 'phong gi slob dpon zhes bya ba de ni byang chub sems dpa'i tshig bla dgas so// btsun pa rab 'byor bu gcig pa zhes bya ba ni sems can thams cad la byang chub sems dpa' bu gcig pa'i 'du shes nye bar 'jog pa yin no/ / gsod pa phyir rgol ba zhes bya ba 'di ni nyon mongs pa thams cad kyi tshig bla dgas so// btsun pa rab 'byor mda' zhes bya ba 'di ni 'phags pa'i shes rab kyi dbang po'i tshig bla dgas so/ / btsun pa rab 'byor 'di lta ste/ dper na 'phong gi slob dpon gyis mda' 'phangs la/ bu gcig pa'i lus la ma phog par shin tu brgyugs te 'dzin pa de bzhin du/ btsun pa rab 'byor byang chub sems dpa' shes rab kyi pha rol tu phyin pa'i stobs bskyed pas/ 'du byed thams cad skye ba med par so sor rtog go// yang dag pa nyid du nges pa la rnam par bltas nas/ snying rje chen po dang thabs la mkhas pa'i sto
- 446b
bskyed pas/ yang dag pa'i mtha' mngon sum du byed kyang / nyan thos dang rang sangs rgyas kyi sa la mi gnas kyi/ byang chub sems dpa'i sa la gnas so// sangs rgyas kyi sa la'ang 'dzud do// smras pa/ 'jam dpal 'di byang chub sems dpa' gang gi yul yin/ smras pa/ btsun pa rab 'byor 'di ni byang chub sems dpa' gang dag 'jig rten na'ang spyod la/ 'jig rten gyi chos rnams kyis kyang mi gos shing 'jig rten na'ang snang la/ chos thams cad la'ang snang ba med pas/ rab tu phye ba'i byang chub sems dpa' de dag gi yul lo// btsun pa rab 'byor 'di ni byang chub sems dpa' gang dag sa thams cad la'ang snang la/ sa ngan pa la'ang mi gnas pa dang / btsun pa rab 'byor byang chub sems dpa' gang dag sems can thams cad kyis nyon mongs pa spang ba'i phyir yang brtson la/ chos kyi dbyings zad par ni yang dag par rjes su mi lta ba dang / btsun pa rab 'byor byang chub sems dpa' gang dag 'dus byas las kyang bskyod la/ 'dus ma byas kyang yang dag par ma rnyed pa dang / btsun pa rab 'byor byang chub sems dpa' gang dag 'khor ba la skyed mos tshul dang / gzhal med khang du'ang 'du shes la/ mya ngan las 'das pa'ang don du mi gnyer zhing / bsam pa yongs su ma rdzogs pa dang / btsun pa rab 'byor byang chub sems dpa' gang dag bdag med pa'i bzod pa'ang thob la/ sems can yongs su smin par bya ba'i phyir yang brtson pa dang / btsun pa rab 'byor byang chub sems dpa' gang
- 447a
dag chos thams cad kyi rang bzhin nam mkha'i rang bzhin du'ang shes la/ sangs rgyas kyi zhing yongs su dag par bya ba la'ang brtson pa dang / bdun pa rab 'byor byang chub sems dpa' gang dag sangs rgyas thams cad chos kyi dbyings dang mtshungs par yang mthong la/ sangs rgyas kyi sku dang / gsung dang / thugs kyi rgyan gyi phyir brtson 'grus kyang mi gtong ba'i byang chub sems dpa' de dag gi yul lo// smras pa/ 'jam dpal byang chub sem dpa'i spyod pa 'di ni 'jig rten thams cad dang mi mthun pa'o/ / smras pa/ btsun pa rab 'byor 'di ltar byang chub sems dpa' rnams 'jig rten gyi chos yongs su shes pa dang ldan yang / 'jig rten gyi chos las yang dag par 'da' ba'i phyir/ sems can rnams la chos ston to// smras pa/ 'jam dpal khyod 'jig rten gyi chos las yang dag par 'da' ba la rtsoms te spobs par gyis shig/ ji ltar byang chub sems dpa' rnams 'jig rten gyi chos las yang dag par 'da'/ smras pa/ btsun pa rab 'byor 'jig rten zhes bya ba ni phung po lnga'o// lnga gang zhe na/ gzugs kyi phung po dang / tshor ba dang / 'du shes dang / 'du byed dang / rnam par shes pa'i phung po'o/ / de la gzugs ni lbu ba rdos pa lta bu'o// tshor ba ni chu'i chu bur lta bu'o// 'du shes ni smig tu lta bu'o// 'du byed ni chu shing lta bu'o// rnam par shes pa ni sgyu ma lta bu'o// wu ba dang / chu'i chu bur dang / sr-ig rgyu dang / chu shing dang / rgyu ma gang yin pa de la 'jig rten yang med/ 'jig rten du gdags pa'ang med/ phung po rnams kyang ce/ phung por gdags pa'ang med par/ gang phung po'i rang bzhin la de ltar mos pa de ni yang
- 447b
dag par zhugs pa'o/ / gang yang dag par zhugs pa de 'jig rten gyi chos rnams dang ma 'dres pa'o// gang 'jig rten gyi chos rnams dang ma 'dres pa de 'jig rten gyi chos las yang dag par 'da' 'o// btsun pa rab byor gzhan yang phung po lnga ni rang bzhin gyis stong ngo / / gang rang bzhin gyis stong pa de la gnyis su med do// gang gnyis su med pa de la ngar 'dzin pa med// nga yir 'dzin pa med do// gang la ngar 'dzin pa med pa dang / yir 'dzin pa med pa de la chags pa med de/ chags pa med pa rnyed pa ni 'jig rten las yang dag par 'da' 'o// btsun pa rab 'byor gzhan yang phung po lnga ni rkyen la rag lus pa'o// gang dag rkyen la rag lus pa de dag rag lus pa med pa'o/ / gang dag rag lus pa med pa de dag bdag po med pa'o// gang dag bdag po med pa de dag bdag gi ba med pa'o// gang dag bdag gi ba med pa de dag yongs su 'dzin pa med pa'o// gang dag yongs su 'dzin pa med pa de la 'thab pa med do/ / gang la 'thab med pa de la rtsod pa med do// gang la rtsod pa med pa de dag dge sbyong gi chos rtsod pa med pa'o// gang dag dge sbyong gi chos mi rtsod pa de dag nam mkha' la lag pa dang mtshungs te/ chos thams cad kyang nam mkha' la lag pa dang mtshungs par shes nas/ 'jig rten las yang dag par 'da' 'o// btsun pa rab 'byor gzhan yang phung po lnga ni chos kyi dbyings dang mnyam pa'o/ / chos kyi dbyings kyang dbyings med pa ste/ gang dbyings med pa de la mig gi khams med do// gzugs kyi khams med do// mig rnam par shes pa'i khams med do// rna ba'i khams med do// slar
- 448a
khams med do/ / rna ba'i rnam par shes pa'i khams med do// sna'i khams med do// dri'i khams med do// sna'i rnam par shes pa'i khams med do// lce'i khams med do// ro khams med do/ / lce'i rnam par shes pa'i khams med do// lus kyi khams med do// reg bya'i khams med do// lus kyi rnam par shes pa'i khams med do// yid kyi khams med do// chos kyi khams med do/ / yid kyi rnam par shes pa'i khams med do// gang khams med pa de la sa'i khams med do// chu'i khams med do// me'i khams med do// rlung gi khams med do// nam mkha'i khams med do rnam par shes pa'i khams do/ / 'dod pa'i khams med do// gzugs kyi khams med do// gzugs med pa'i khams med do// 'dus byas kyi khams med do// 'dus ma byas kyi khams med do/ / gang khams med pa de la bdag med/ sems can med/ srog med/ gso ba med/ gang zag med/ shed las skyes med/ shed bu med de/ gang gis de dag rjes su rdzogs pa med pa'i tshul gyis mnyam pa nyid du rtogs pa de 'jig rten las yang dag par 'da' 'o/ / bstan pa 'di bshad pa na/ 'khor de nas dge slong stong nyis brgya len pa med par zag pa rnam las sems rnam par grol lo/ / de dag sems rnam par grol nas/ rang rang gi bla gos kyis 'jam dpal gzhon nur gyur pa la bkab ste/ tshig 'di skad du gang dag chos zab mo bstan pa 'di la mos pa med pa'i sem
- 448b
can de dag ni thob pa'ang med/ mngon par rtogs pa'ang med do zhes 'dzer to// de nas tshe dang ldan pa rab 'byor gyis/ dge slong de dag la 'di skad ces smrab mo// ma dang ldanapa dag gis ci zhig thob cing ci zhig mngon par rtogs/ dge slong de dag gis 'di skad ces smras so// btsun pa rab 'byor dge sbyong ni thob pa med pa/ mngon par rtogs pa med pa'o// de ci'i phyir zhe na/ thob pa zhes bya ba de ni g.yo ba nyid do/ / mngon par rtogs pa zhes bya ba de ni rlom sems nyid do// g.yo ba dang rlom sems gang yin pa de ni bdud kyi las so// lhag pa'i nga rgyal can dag ni bdag gis thob bo// bdag gis mngon par rtogs so zhes 'di lta bu 'di dag gi tshul du rnam par rtog par 'gyur ro/ / smras pa/ tshe dang ldan pa dag gis lhag pa'i nga rgyal can rnams shes sam/ smras pa/ bcom ldan 'das mkhyen pa dang ldan pas mkhyen te/ bdag cag ni ji ltar sdug bsngal gyi mtshan nyid mi shes par bdag gi sdug bsngal yongs su shes so zhes smras pa lhag pa'i nga rgyal can du rig par bya zhing / kun 'byung ba'i mtshan nyid dang / 'gog pa'i mtshan nyid dang / lam gyi mtshan nyid mi shes par bdag gis lam bsgoms so zhes smra ba lhag pa'i nga rgyal can du rig par bya'o snyam mo// de ci'i phyir zhe na/ sdug bsngal gyi mtshan nyid dang / kun 'byung ba'i mtshan nyid dang / 'gog pa'i mtshan nyid dang / lam gyi mtshan nyid gang yin pa de ni skye ba med pa'i mtshan nyid de/ skye ba med pa'i mtshan nyid ni mtshan nyid med pa'o// mtshan nyid med pa ni 'phags pa rnams kyi rnam par
- 449a
grol ba'o/ / chos thams cad kyang rnam par grol ba'i mtshan nyid de/ de la ni gang sdug bsngal yongs su shes so// gang kun 'byung ba spong ngo // gang 'gog pa mngon du byed do// 6 lam sgom mo zhes bya ba gang yang mi dmigs te/ chos thams cad mnyam pa nyid 'di thos nas skrag pa de lhag pa'i nga rgyal can yin par rig par bya'o// de nas bcom ldan 'das kyis dge/ slong de dag la legs so zhes bya ba byin te/ gnas brtan rab 'byor la bka' stsal pa/ rab 'byor dge slong 'di dag gis ji skad bstan pa de de bzhin no// rab 'byor dge slong 'di dag gis de bzhin gshegs pa'od/ srungs kyi gsung rab la/ 'jam dpal gzhon nur gyur pa nyid las zab mo'i chos bstan pa 'odi lta bu thos te/ chos zab mo mnyan pa de nyid kyi rgyus 'di ltar mngon par shes pa myur bar gyur to// zab mo'i chos bstan pa 'di la'ang rjes su mthun par gyur te/ mi mthun pa yin no// rab 'byor rnam grangs de na theg pa chen po la yang dag par zhugs pa rnams ma gtogs par/ gang dag nga'i gsung rab 'di la chos zab mo bstan pa 'di nyan cing thos nas kyang lhan par mos pa de dag thams cad ni/ de bzhin gshegs pa byams pa'i gsung rab la 'dus pa gsum gyi grangs su gtogs par rig par bya'o// gang yang theg pa chen po la yang dag par zhugs ba dad na na bzod pa gang yang drung brjo par 'gyu de nas lha'i bu dpal babalas gyis/ 'jam dpal gzhon nur gyur pa la 'di gad ces smras so// 'jas dpas byang chum du la sa bu tha
- 449b
chos ston tam/ 'jam dpal dga' ldan gyi gnas su bzhud de/ der dga' ldan gyi ris kyi lha rnams la chos bstan du gsol/ de na lnga'i bu sngon gyi rgyal ba la lhag par bya ba byas pa/ dge ba'i rtsa ba bskyed pab dag yod de/ de dag yul phun sum tshogs pas bag med dbang gis/ bcom ldan 'das dang khyod la chos nyan du mi 'ong bas na/ de dag chos mi nyan pas yongs su nyams par 'gyur te/ de dag khyod las chos thos nas dge ba'i rtsa ba chen po 'phel bar 'gyur ro/ / de nas 'jam dpal gzhon nur gyur pas de'i tshe/ gang gis lha'i bu dpal bzangs dang / thams cad dang ldan pa'i ma de dag dga' ldan gyi gnas su zhugs par bdag nyid kyis shes pa dang / nyams dga' ba'i kun dga' ra ba dang / nyams dga' ba'i tshal dang / nyams dga' ba'i rdzing dang / nyams dga' ba'i skyed mos tshal dang rim pa bdun dang / brgyad dang / bcu dang / nyi shu pa'i khang pa brtsegs pa bsil khang dang / ba gam dang / stegs bu dang / rta babs dang / skar khung dang ldan pa de dag kyang snang ba dang / lha'i bu mo rkang lag 'jam zhing mnyen pa gser gyi dra ba ltar 'od rnam par dag pa/ smin ma legs pa/ dpral ba legs pa/ bzhin legs pa/ mig pad+mo 'dab ma brgya pa sngon po lta bur mdzes shing / dri ma med pa shin tu yangs pa/ 'dod pa'i sems bskyed pa/ zla ba tshes pa ltar mngon par dka' ba/ bzhin 'dzum pa dang bcas pa de dag rgyud gcig pa dang / pi wang dang / sgra snyan dang / 'khar ba'i sil khrol dang / pheg rdob pa dang /
- 450a
du zlas dang / nga dzu dang / rdzuldan pa dang / rdzing du dang / b+hU dbyangs dang / ram ma dbyangs sgyu dang / gar dang / b+hA Sh+kad klung dang / 'dzab da / pad+ma/ rtsa@# shing dga' ba dang / rtse ba dang / dga' mgur spyod pa dag kyang snang ba de lta bu'i rdzu 'phrul mngon par bya ba mngon par byas so// de 'dra ba'i byin gyi rlabs kyis byin gyis brlabs so// de nas lha'i bu dpal bzangs kyis/ rang gi gnas rgyan thams cad kyis brgyan pa'ang mthong / rang gi g.yog 'khor rnams kyang mthong ngo // mthong nas kyang ngo mtshar du gyur te/ 'jam dpal gzhon nur gyur pa la 'di skad ces smras so/ / 'jam dpal bdag cag 'di ltar myur du dga' ldan gyi gnas su phyin te/ nyams dka' ba'i kun dga' ra ba 'di dag dang zhes bya ba nas/ dka' ba dang / rtse ba dang / dga' dgur spyod pa dang / bdag gi rang gi gnas 'di dang / rang gi g.yog ces bya ba'i bar du sbyar te/ de dag snang ba ngo mtshar to// de nas tshe dang ldan pa rab 'byor gyis/ lha'i bu dpal bzangs la 'di skad ces smras so/ / lha'i bu khyod ni 'khor gyi dkyil 'khor 'di nas gang du'ang ma g.yos la/ dga' ldan gyi gnas su'ang ma phyin te/ lha'i bu 'on kyang thams cad dang ldan pa'i 'khor 'di dag dga' ldan gyi gnas su zhugs par bdag nyid kyis shes pa dang / lha'i bu kho bo cag kyang dga' ldan gyi gnas su zhugs par bdag nyid kyis shes pa de ni/ 'jam dpal gzhon
- 450b
nur gyur pa'i rdzu 'phrul rnam par 'phrul pa'i cho 'phrul dang / ting nge 'dzin gyi byin gyi rlabs kyi stobs so// de nas bcom ldan 'das la/ lha'i bu dpal bzangs kyis 'di skad ces gsol to/ / bcom ldan 'das 'jam dpal gzhon nur gyur pa'i rdzu 'phrul rnam par 'phrul pa'i stobs dang / ting nge 'dzin gyi byin gyi rlabs kyi stobs 'di ni bsam gyi mi khyab ste/ 'di ltar thams cad dang ldan pa'i 'khor 'di sa phyogs 'di nas gang du'ang ma g.yos par/ 'di snyam du bdag cag dga' ldan gyi nas su phyin to snyam pa ni ngo mtshar lags so// bcom ldan 'das kyis bka' stsal pa/ lha'i bu 'jam dpal gzhon nur gyur pa'i rdzu 'phrul rnam par 'phrul pa ji snyed cig ngas shes pa las/ khyed kyis ji tsam zhig shes te/ lha'i bu 'jam dpal gzhon nur gyur pa ni 'dod na/ sangs rgyas kyi zhing gi yon tan bkod pa gang+gA'i klung gi bye ma snyed gang dag yod pa de dag thams cad zhing gcig tu yang dag par ston to/ / sangs rgyas kyi zhing gang+gA'i klung gi bye ma snyed gang dag yod pa de dag gtsug phud kyis stesteng gi bar snang gi nam mkha' la 'jog go/ / sangs rgyas kyi zhing de dag na rgya mtsho chen por gyur pa'i chu'i phung po gang dag yod pa de dag thams cad spu'i khung bu gcig tu blugs kyang / chu'i sems can rnams la nod pa med de/ thams cad kyang rang rang gi rgya mtsho chen po na gnas par bdag nyid kyis shes so// sangs rgyas kyi zhing de dag na ri'i rgyal po ri rab gang dag yod pa de dag thams cad ri gcig du byin gyis brlabs te/
- 451a
ri de dag yungs kar gyi 'bru'i nang du bcug kyang / ri rab la gnas pa'i lha de dag la gnod pa'ang med de/ thams cad kyang rang rang gi gnas na 'khod par bdag nyid kyis shes so// sangs rgyas kyi zhing de dag na 'gro ba lngar skyes pa'i sems can gang dag yod pa de dag thams cad lag pa g.yas pa'i mthil du bzhag ste/ 'jig rten gyi khams bde ba thams cad kyis rab tu brgyan pa'i sam can rnams kyi bde bar sbyar ba ci 'dra ba de lta bu dag de dag la sgrub bo/ / gang yang sangs rgyas kyi zhing kang+gA'i klung gi bye ma snyed sreg par byed pa'i me de dag thams cad mar me'i snying po gcig ga me lde tsam gyi byin gyis rlob te/ des bya ba byed pa gang yin pa de byed do// sangs rgyas kyi zhing kang+gA'i klung gi bye ma snyed dag na nyi ma dang zla ba'i 'od gang dag yod pa de dag thams cad spu'i khung bu gcig gi 'od kyis zil du ru par byed do/ / lha'i bu 'jam dpal gzhon nur gyur pa'i rdzu 'phrul rnam par 'phrul pa'i cho 'phrul las brtsams nas/ nga bskal pa 'am/ bskal pa las lhag par yang chos ston te/ 'jam dpal gzhon nu gyur pa ni rdzu 'phrul dang byin gyi rlabs kyis stobs bsam gyis mi khyab pa 'di lta bu dang ldan no/ / / bam po gnyis pa ste tha ma'o// de nas bdud sdig can 'khor de 'ad du 'dus par gyur nas 'dug ste/ des bdag nyid dge slong gi gzugs su byin gyis brlabs nas/ bcom ldan 'das la 'di skad ces gsol to// bcom ldan 'das 'jam dpal gzhon nur gyur pa'i rdzu 'phrul rnam par 'phrul pa'i tshe 'phrul
- 451b
debadag gis blta bar bgyi'o/ / bcom ldan 'das tshig tsam du gsung bas ci sman gyis/ bdag la mngon sum du gyur cig/ de nas bcom ldan 'das kyis bdud sdig cam du bakhyen bzhin du sems can tshad med pa de dag gi dge ba'i rtsa ba rnam par spel ba'i phyir/ 'jam dpal gzhon nur gyur pa la 'di skad ces bka' stsal to// 'jam dpal khyod la ngas bskul gyis/ khyod kyis 'khor 'di dag la rang gi rdzu 'phrul gyi sdi dang cho 'phrul ston cig dang / sems can tshad med pa rnams kyi dge ba'i rtsa ba rnam par 'phel bar 'gyur ro// de nas 'jam dpal gzhon nur gyur pa/ bcom ldan 'das kyis bskul bar shes nas/ chos thams cad sems kyis dbang sgyur ba rnam par 'phrul pa zhes bya ba'i ting nge 'dzin la snyoms par zhugs so// 'jam dpal gzhon nur gyur pas chos thams cad sems kyis dbang sgyur ba rnam par 'phrul pa'i ting nge 'dzin la snyoms par zhugs ma thag tu/ de nas de'i mod la thams cad dang ldan pa'i 'khor des/ 'jam dpal gzhon nur gyur pa'i rdzu 'phrul rnam par 'phrul pa'i cho 'phrul/ bcom ldan 'das kyis ji skad gsungs pa de bzhin du/ ma chad pa dang / ma lhag pa dang / mi mang bar mthong ngo // de nas thams cad dang ldan pa'i 'khor gyis cho 'phrul de mthong nas ngo mtshar du gyur te/ sangs rgyas 'byung ba legs mo legs so/ / sangs rgyas 'byung ba ni sems can rnams la don chen por nye bar gnas so// de byung bas skyes bu dam pa 'di lta bu 'di dag kyang 'jig rten du 'byung ba yin no// cho 'phrul bsam gyis mi khyab pa 'ang 'ang 'dzi
- 452a
@#/ rten na snang ba yin no zhes ched du brjod pas ched du brjod do// de nas bdud sdig rgyam gyis cho 'phrul de mthong ste ngo mtshar du gyur nas thal mo sbyar te/ 'jam dpal gzhon nur gyur pa la bya 'tshal zhing tshig 'di skad ces smras so/ / 'jam dpal gzhon nur gyur pa'i rdzu 'phrul gyi cho 'phrul bsam gyis mi khyab pa ste ngo mtshar to// sems can gang dag cho 'phrul bshad pa 'di thos nas mos pa de dag rdo mtshar che bar bdag gis bsams so/ / bcom ldan 'das gal te bdud sdig can gang+gA ri krung gi bye ma snyed du gyur kyang / de ltar mos pa'i sems can de la bar chad bgyi ba'i rngo mi thogs lags so// bcom ldan 'das bdud sdig can bdag ni rtag tu rgyun mi chad par de bzhin gshegs pa la glags lta zhing skabs tshol ba dang / sems can rnams la'ang gtse bar sems pa dang / brtson pa'i gang zag rnams kyi dge ba'i rtsa ba'i bar tshad bgyi ba'i slad du'ang zhugs pa lags te/ bcom ldan 'das deng slan chad grong dang / grong khyer dang / grong rdal dang / ljongs dang / yul 'khor dang / pho brang 'khor kang na chos kyi rnam grangs 'di rab tu spyod pa der/ kho ra khor yug tu dpag tshad brgya tshun chad du mig gis mi rtsol bar bgyi ba'i slad du bdag mi mchi bar bdag yi dam de lta bu blang bar bgyi'o// gang dag 'chang ba dang / 'chad pa dang / ston pa dang / so sor rtog pa dang / sgrub pa de la ston pa la bgyi ba ltar gus pa skyes par bgyi'o// bcom ldan 'das 'on du lags kyang bdag gi 'khor gang de bzhin gshegs pa'i bstan pa'i bar chad bgyi ba dang / brtson pa rnams g.yengs
- 452b
par bgyi ba'i slad du zhugs pa dag mchis te/ de dag chad pas dgum pa'i slad du/ rigs kyi bu 'am/ rigs kyi bu mo de dag kyis gsang sngags kyi tshig 'di dag dran par bgyi'o// tad+ya thA/ a ma le/ bi ma le/ s+thi ta tra/ a ka la pa ni/ rdzi ta sha tru/ dza ye/ dza ya ba ti/ b+hu tra ma ti/ sha me/ shAn ti/ a phu me/ phu phu me/ d+hi re/ a khe/ ma khe/ kha khe/ mi si le/ a ka me/ phu la le/ phu la/ phu le/ shu me/ shu shu me/ d+hi d+hi re/ a na ba na te/ s+thi ta tAM/ kri tAr te/ krid ta bi d+ya/ be ro tsa tra na/ sad d+harma d+hA Na ko s+ya/ sulu tra s+ya d+hA ra ka/ a b+h+ra mu ka ta i ba su'ur+ya sAhA/ bcom ldan 'das chos sra ba gang gsang sngags kyi tshig 'di rnams kyis kun tu bsrungs pa de la/ bdud kyi ris kyi lha'i bu rnams kyis bar chad bgyi ba ni gnas ma lags shing / skabs ma lags te/ de ni gnas ma mchis kyi steng du de la gos dang / zas dang / mal cha dang / na ba'i gsos sman dang / yo byad rnams nye bar sgrub pa dang / spo bar bgyi ba dang / spobs par bgyi bar spro bar 'gyur lags so// bcom ldan 'das rigs kyi bu 'am rigs kyi bu mo gang dag gsang sngags kyi tshigs 'di dag brjod nas/ g.yeng ba ma mchis pa'i rgyud kyis gdugs mtshan 'das par bgyid pa de dag lha rnams kyis bsrungs par 'gyur/ klu dang gnod sprin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma lags pa rnams kyis bsrungs par 'gyur te/ de da
- 453a
skur rgol ba 'am/ mi mdza' ba gang gis klags palas cang / thugs rnyed par mi 'gyur lags sa/ danas bcom ldan 'das kyis bdud ga can sa la/ mo zhes bya ba byin te/ sdig can legs mo legs so// 'di ltas khyod kyis gsang sngags kyi tshig bstan pa brjod pas/ 'jig rten khams gang+gA'i klung gi bye ma snyed rnam pa drug rngu g.yos te/ spobs pa de thams cad ni/ 'jam dpal gzhon nur gyur pa'i byin gyi rlabs su rig par bya'o// 'jam dpal gzhon nur gyur pa'i rdzu 'phrul rnam par 'phrul pa'i cho 'phrul dang / byin gyi 'di bstan pa dang / bdug kyis gsang sngags kyi stobs dang / rig sngags kyi stobs bstan pa na/ srog chags nyi khri bla na med pa yang dag par rdzogs pa'i byang chub tu sems bskyed par gyur to// de nas 'jam dpal gzhon nur gyur par rdzu 'phrul bsdus nas/ lha'i bu dpal bzangs la 'di skad ces smras so// lha'i bu khyod dga' ldan gyi gnas su song la/ dga' ldan gyi ris rgya lha'i bu rnams sdus shig dang / kho bo'ang der 'ong ngo // de nas lha'i bu dpal bzangs kyis/ 'jam dpal gzhon nur gyur pa'i ltar banyan te/ bcom ldan 'das dang / 'jam dpal gzhon nur gyur pa dang / byang chub sems dpa'i dge 'dun thams cad dang / nyan thos kyi dge 'dun la bskor ba byas nas/ 'khor dang bcas par 'khor de nas mi snang bar gyur te/ dga'
- 453b
ldan gyi gnas su phyin to/ / de nas lha'i bu dpal bzangs kyis/ dga' ldan gyi lha'i ris kyi bu rnams la smras pa/ grogs po dag shes par gyis shig/ 'jam dpal gzhon nur gyur pa'o bu cag la snying brtse ba'i phyir 'dir 'ong gis/ de la dga' ldan gyi ris kyi lha'i bu khyed dga' ba dang / rtse ba la bag med pa dor te/ bag yod par gyis la/ 'jam dpal gzhon nur gyur pa la chos nyan du shog cig/ de nas lha'i bu dpal bzangs kyis/ 'jam dpal gzhon nur gyur pa la mchod pa las kyi phyir/ dga' ldan gyi gnas kyi dbus su lha'i yid las byung ba rin po che thams cad las byas pa'i 'khor gyi khyams/ chur shar nub tu dpag tshad sum brgya drug khri nyis stong yod la/ zheng lho byang du dpag tshad khri drug stong yod pa byas te/ der seng ge'i khri sna tshogs ba na sdug pa'i lha'i ras bcos bu brgya stong du ma bting ba stong phrag du ma byas so/ / de nas lha'i bu dpal bzangs kyis rnam par di lta bu'i 'khor gyi khyams bkod pa de dag dang / seng ze'i khrims kyang byas nas thal mo sbyar te/ 'jam dpal gzhon nur gyur pa la 'di skad ces smras so// 'jam dpal 'khor gyi khyams bkod pa dang / seng ge'i khri bkod pa bgyis lags na/ da de'i dus la bab par mkhyen nas mashes su gsol/ de nas 'jam dpal gzhon nur gyur pa/ byang chub sems dpa' khri nyis stong dang / nyan thos kyi mchog lnga brgya dang / lha dang / klu dang / gnod sbyin dang / dri za stong phrag
- 454a
@du ma dag dang lhan cig tu yongs su bskor cing mdun du bdar te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ bcom ldan 'das kyi drung nas mi snang bar gyur nas/ skad cig thang cig yud tsam de la dga' ldan gyi gnas su phyin to// de nas 'jam dpal gzhon nur gyur pa rin po che bkod pa'i 'khor gyi khyams der rang gi khri rje ltar bshams pa la 'dug go/ / byang chub sems dpa' rnams dang / nyan thos chen po rnams dang / thams cad dang ldan pa'i 'khor yang stan ci rigs pa la 'khod do// rgyal chen bzhi'i ris kyi lha rnams dang / sum cu rtsa gsum dang / 'thab bral dang / 'phrul dga' dang / gzhan 'phrul dbang byed dang / bdud kyi ris rnams dang / gzugs na spyod pa tshangs ris kyi lha nas bzung ste/ 'og min gyi bar gyi lha rnams kyis gcig nas gcig tu sgra thos pas/ 'di ltar 'jam dpal gzhon nur gyur pa dga' ldan gyi gnas su 'bel ba'i chos kyi gtam chen po smra bar 'gyur gyis/ bdag cag kyang chos nyan pa'i phyir nges par der 'dod par bya'o/ / skyes bu dam pa de lta bu dag mthong ba legs par mthong ba'o// de dag las chos thos pa ni legs par thos pa'o zhes sgra thos nas/ skad cig thang cig yud tsam de la 'dod pa na spyod pa dang gzugs na spyod pa'i lha'i bu tshad med grangs med pa dag/ rang rang gi gnas nas mi snang bar gyur te dga' ldan gyi gnas su phyin to// de nas 'jam dpal gzhon nur gyur par de lta bu'i byin gyi
- 454b
rlabs kyis byin gyis brlabs pas/ des lha'i 'khor de tsam du tshad med pa dag rin po che bkod pa'i khyams kyi 'khor de nyid du go skabs yangs par gnas par gyur to// de nas lha'i bu dpal bzangs kyis/ 'jam dpal gzhon nur gyur pa la 'di skad ces smras so// 'jam dpal lha'i 'khor chen po 'di 'dus lags na/ chos kyi bka' mchid las brtsams te spobs par mdzad du gsol/ de skad ces smras pa dang / 'jam dpal gzhon nur gyur pas/ lha'i bu dpal bzangs dang / thams cad dang ldan pa'i 'khor de la 'di skad ces smras so// grogs po dag chos bzhi po 'di dag ni byang chub sems dpa' rnams kyi dge ba'i chos thams cad sdud par 'gyur ba dag go/ / bzhi gang zhe na/ 'di lta ste/ tshul khrims la gnas pa'i thos pa dang / bsam gtan la gnas pa'i shes rab dang / mngon par shes pa la gnas pa'i ye shes dang / thabs la gnas pa'i bag yod pa ste/ grogs po dag chos bzhi po de dag na byang chub sems dpa' rnams kyi dge ba'i chos thams cad sdud par 'gyur ba'o// grogs po dag de la yongs su dag pa rnam pa brgyad kyis tshul khrims la 'jug ste/ yongs su dag pa rnam pa brgyad kyis ji ltar 'jug ce na/ 'di lta ste/ lus dag pa'i rnam pas 'jug pa dang / ngag dag pa'i rnam pas 'jug pa dang / sems dag pa'i rnam pas 'jug pa dang / bsam pa dag pa'i rnam pas 'jug pa dang / 'tsho ba dag pa'i rnam pas 'jug pa dang / sbyangs pa'i yon tan dang / yo byad bsnyungs pa dag pa'i rnam pas 'jug pa dang / tshul 'chos
- 455a
@pa dang / kha gsag dang / gzhog slongs dang / thob kyis 'jal ba thams cad rnam par spong ba'i rnam pas 'jug pa dang / byang chub kyi sems mi brjed pa'i rnam pas 'jug pa ste/ grogs po dag de ltar yongs su dag pa rnam pa brgyad kyis tshul khrims la 'jug go/ grogs po dag de la yongs su dag pa rnam pa brgyad kyis thos pa yongs su dag pa ste/ rnam pa brgyad gang zhe na/ 'di lta ste/ bla ma la gus pas yongs su dag pa dang / nga rgyal bcom pas yongs su dag pa dang / brtson 'grus dang 'dzin pas yongs su dag pa dang / dran pa mi g.yeng bas yongs su dag pa dang / bstan pa dang rab tu bshad pas yongs su dag pa dang / bdag la mi bstod cing gzhan la mi smod pas yongs su dag pa dang / tshul bzhin du so sor rtog pas yongs su dag pa dang / ji ltar thos pa'i chos sgrub pas yongs su dag pa ste/ grogs po dag de ltar rnam pa brgyad kyis thos pa yongs su dag go// grogs po dag de la rnam pa brgyad kyis bsam gtan yongs su dag ste/ rnam pa brgyad gang zhe na/ 'di lta ste/ dgon pa la gnas shing dben pa la dga' bas yongs su dag pa dang / 'du 'dza spong bas yongs su dag pa dang / yul dang mi 'dre bas yongs su dag pa dang / lus dang sems las su rung bas yongs su dag pa dang / kha zas bsnyungs te lus 'tsho bas yongs su dag pa dang / dmigs pa la 'jog pas yongs su dag pa dang / sgra dang mtshan ma thams cad rnam par 'jig pas yongs su dag pa dang / 'phags pa'i bden pa dang / zang zing med
- 455b
par so sor yang dag par 'gyed pas yongs su dag pa ste/ grogs po dag de ltar rnam pa brgyad kyis bsam gtan yongs su dag go// grogs po dag de la rnam pa brgyad kyis shes rab yongs su dag ste/ rnam pa brgyad gang zhe na/ 'di lta ste/ phung po la mkhas pa'i rnam pas yongs su dag pa dang / khams la mkhas pa'i rnam pas yongs su dag pa dang / skye mched la mkhas pa'i rnam pas yongs su dag pa dang / rten cing 'brel par 'byung ba la mkhas pa'i rnam pas yongs su dag pa dang / bden pa la mkhas pa'i rnam pas yongs su dag pa dang / dbang po la mkhas pa'i rnam pas yongs su dag pa dang / rnam par thar pa'i// / sgo gsum la mkhas pa'i rnam pas yongs su dag pa dang / bag la nyal ba dang / kun nas dkris pa dang / lta ba thams cad yang dag par 'jom pa la mkhas pa'i rnam pas yongs su dag pa ste/ grogs po dag de ltar rnam pa brgyad kyis shes rab yongs su dag go/ grogs po dag de la rnam pa brgyad kyis mngon par shes pa yongs su dag ste/ brgyad gang zhe na/ 'di lta ste/ sgrib pa med par gzugs thams cad mthong bas lha'i mig yongs su dag pa dang / sgrib pa med par sgra thams cad thos pas lha'i rna ba yongs su dag pa dang / sems can thams cad kyi sems kyi spyod pa la rnam par lta bas pha rol gyi sems she pa yongs su dag pa dang / sgrib pa med cing chags pa med par sngon gyi mtha' rjes su dran pas sngon gyi gnas rjes su dran pa'i shes pa yongs su dag pa dang / sangs rgyas kyi zhing mtha' yas par 'gro bas rdzu 'phrul gyi bya ba yongs su
- 456a
dag pa dang / zag pa thams cad zad pa shes pas bsal cing dus ma yin pa yongs su spangs pas zag pa zad pa yongs su dag pa dang / g.yo ba dang rlom sems thams cad dang bral bas dge ba'i rtsa bas mngon par shes pa yongs su dag pa dang / ji ltar sngon dam bcas pa nyams 'og tu chud par byed pas bshes pa bstan pa yongs su dag pa ste/ grogs po dag de ltar rnam pa brgyad kyis mngon par shes pa yongs su dag go/ grogs po dag de la rnam pa brgyad kyis ye shes yongs su dag ste/ rnam pa brgyad gang zhe na/ 'di lta ste/ phung po lnga yongs su shes pas sdug bsngal shes pa yongs su dag pa dang / sred pa shin tu spong bas kun 'byung ba shes pa yongs su dag pa dang / brten nas skyes pa la skye ba med par so sor rtog pas 'gog pa shes pa yongs su dag pa dang / 'dus byas dang 'dus ma byas mnyam pa nyid du 'jug pas lam shes pa yongs su dag pa dang / las dang bya ba dang mi 'gal bas rgyu shes pa yongs su dag pa dang / bdag med pa dang / sems can med pa dang srog med pa dang / gso ba med pas rkyen shes pa yongs su dag pa dang / 'khor gsum yongs su gcod pas dus gsum shes pa yongs su dag pa dang / shes rab kyi pha rol tu phyin pa ye shes thams cad la 'jug pas thams cad mkhyen pa'i ye shes yongs su dag pa ste/ grogs po dag de ltar rnam pa brgyad kyis ye shes yongs su dag go/ grogs po dag de la rnam pa brgyad
- 456b
kyis nges par sems pa yongs su dag ste/ rnam pa brgyad kyis yongs su dag pa gang zhe na/ 'di lta ste/ nang nye bar zhi bas yongs su dag pa dang / phyi rol tu mi rgyu bas yongs su dag pa dang / khams gsum la mi gnas pas yongs su dag pa dang / rten cing 'brel par 'byung ba dang 'thun pas yongs su dag pa dang / skye ba med pa dang / 'byung ba med pas yongs su dag pa dang / mngon par 'du byed pa med par so sor rtog pas yongs su dag pa dang / chos thams cad la bdag med par so sor rtogs pas yongs su dag pa dang / nyon mongs pa thams cad kyis shin tu mi 'khrugs pas yongs su dag pa ste/ grogs po dag 'di ni rnam pa brgyad kyi nges par sems pa yongs su dag pa'o// grogs po dag de la rnam pa brgyad kyis bag yod pa yongs su dag ste/ rnam pa brgyad gang zhe na/ 'di lta ste/ tshul khrims mchog tu 'dzin pa med pas yongs su dag pa dang / thos pa yongs su byang bas yongs su dag pa dang / bsam gtan de la chags pa med pas yongs su dag pa dang / shes rab dang gsung rab kyis yongs su dag pa dang / mngon par shes pa las ma nyams pas yongs su dag pa dang / ye shes kyi rlom sems med pas yongs su dag pa dang / nges par sems pas rtsod pa med pas yongs su dag pa dang / dge ba'i chos chud mi za bas yongs su dag pa ste/ grogs po dag rnam pa brgyad po de dag gis bag yod pa yongs su dag / grogs po dag de lta bas na
- 457a
khyed bag yod par gyis shig/ bag yod pa la rton pa'i byang chub sems dpa' rnams ni bde ba gsum las yongs su nyams par mi 'gyur ro// gsum gang zhe na/ 'di lta ste/ lha'i bde ba dang / bsam gtan gyi bde ba dang / mya ngan las 'das pa'i bde ba'o// ngan song gsum las yongs su thar par 'gyur te/ gsum gang zhe na/ 'di lta ste/ sems can dmyal ba dang / du 'gro'i skye gnas dang / gshin rje'i 'jig rten te/ gsum po de dag go/ sdug bsngal gsum gyis 'phrogs par mi 'gyur te/ gsum gang zhe na/ skye ba'i sdug bsngal dang / rga ba'i sdug bsngal dang 'chi ba'i sdug bsngal te/ gsum po de dag go/ 'jigs pa gsum las yang dag par 'da' bar 'gyur te/ gsum gang zhe na/ 'tsho ba med pa'i 'jigs pa dang / tshigs su bcad pa med pa'i 'jigs pa dang / 'khor la bag tsha ba'i 'jigs pa ste/ gsum po de dag go/ srid pa gsum las yang dag par 'da' bar 'gyur te/ 'dod pa'i srid pa dang / gzugs kyi srid pa dang / gzugs med pa'i srid pa'o// dri ma gsum sbyong te/ 'dod chags kyi dri ma dang / zhe sdang gi dri ma dang / gti mug gi dri ma'o// bslab pa gsum yongs su rdzogs par byed de/ lhag pa'i tshul khrims dang / lhag pa'i sems dang / lhag pa'i shes rab bo/ / yongs su dag pa gsum thob par 'gyur te/ lus yongs su dag pa dang / ngag yongs su dag pa dang / sems yongs su dag pa'o// bsod nams bya ba las byung ba'i dngos po gsum yongs
- 457b
su rdzogs par byed de/ sbyin pa las byung ba dang / tshul khrims las byung ba dang / sgom pa las byung ba'o// rnam par thar pa'i sgo gsum sgom par byed de/ stong pa nyid dang / mtshan ma med pa dang / smon pa med ba'o/ / rigs gsum rgyun mi gcod de/ sangs rgyas kyi rigs dang / chos kyi rigs dang / dge 'dun gyi rigs so// pha rol tu phyin pa rnams kyi mi mthun pa'i phyogs gsum rab tu spong ste/ ser sna'i dri ma dang / ser sna'i kun tu sbyor ba dang / gtong ba dang ldan pa rnams la sdang ba dang / 'chal pa'i tshul khrims dang / tshul khrims las zlog pa dang / tshul khrims dang ldan pa rnams la sdang ba dang / gnod sems dang / bzod pa las zlog pa dang / bzod pa dang ldan pa rnams la sdang ba dang / le lo dang / brtson 'grus las zlog pa dang / brtson 'grus dang ldan pa rnams la sdang ba dang / rnam par g.yeng ba dang / bsam gtan las zlog pa dang / bsam gtan dang ldan pa rnams la sdang ba dang / 'chal pa'i shes rab dang / shes rab las zlog pa dang / shes rab dang ldan pa rnams la sdang ba'o// pha rol tu phyin pa rnams kyis rton pa gsum gsum gyis nye bar rton te/ gsum gsum gang zhe na 'di lta ste/ bdog pa thams cad yongs su gtong ba dang / rnam par smin pa la mi ri ba dang / byang chub tu yongs su bsngo ba dang / tshul khrims yang dag par len pa dang / tshul khrim
- 458a
mchog tu 'dzin pa med pa dang / byang chub tu yongs su bsngo ba dang / bzod cing nges pa dang / bdag dang gzhan rjes su srung ba dang / byang chub tu yongs su bsngo ba dang brtson 'grus gces pa mi 'dor ba dang / blang ba med cing dor ba med pa dang / byang chub tu yongs su bsngo ba dang / bsam gtan nye bar len pa dang / mi gnas par bsam gtan byed pa dang / byang chub tu yongs su bsngo ba dang / shes rab kyi snang ba dang / spros pa med pa dang / byang chub tu yongs su bsngo ba ste/ grogs po dag bag yod pa'i byang chub sems dpa' rnams ni pha rol tu phyin pa rnams kyis rton pa 'di gsum gsum gyis nye ba ston to/ / grogs po dag de lta bas na/ khyed cag bag yod par gyis shig/ sangs rgyas bcom ldan 'das rnams kyi byang chub dang / de las gzhan pa'i dge ba byang chub kyi phyog kyi chos gang yin pa dag kyang bag yod pas thob bo/ / grogs po dag bag yod pa'i byang chub sems dpa' ni tshegs chung ngus dran pa nye bar gzhag pa bzhi bsgom pa yongs su rdzogs par 'gyur te/ dran pa nye bar gzhag pa bzhi bsgom pa gang zhe na/ gang la lus kyi gnas med pa dang / tshor ba'i gnas med pa dang / sems kyi gnas med pa dang / chos kyi gnas med pa ste/ chos thams cad kyi gnas med cing rten med pa 'di ni/ dran pa nye bar gzhag pa bsgom pa zhes bya'o// tshogs chung ngus yang dag par spong ba bzhi bsgom pa yongs su rdzogs par 'gyur te/ yang
- 458b
dag pa spong ba bsgom pa gang zhe na/ gang chos thams cad nam mkha' dang mtshungs pa dang / gzod ma nyid nas ma skyes pa dang / ma byung ba dang / ma mthong ba dang / mngon par ma grub par yang so sor rtog cing / sdig pa mi dge ba'i chos ma skyes pa rnams mi skye bar bya ba'i phyir 'dun pa skyed cing 'bad la/ brtson 'grus rtsom zhing sems rab tu 'dzin te/ yang dag par rab tu 'jog pa dang / chos thams cad la las kyi rnam par smin pa med par yang so sor rtog cing / sems can gzhan dag dang / gang zag gzhan rnams kyis mi dge ba'i chos thams cad spangs pa'i phyir 'dun pa skyed cing 'bad la/ brtson 'grus rtsom zhing sems rab tu 'dzin te/ yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa skyed cing 'bad la/ brtson 'grus rtsom zhing sems rab tu 'dzin te/ yang dag par rab tu 'jog pa dang / chos thams cad la stong pa nyid du'ang mos la/ dge ba'i chos ma skyes pa rnams bskyed pa'i phyir/ 'dun pa skyed cing 'bad la/ brtson 'grus rtsom zhing sems rab tu 'dzin te/ yang dag par rab tu 'jog pa dang / chos thams cad rnam par grol bar yang yid ches la/ dge ba'i chos skyes pa rnams gnas par bya ba dang / nyams pabar mi 'gyur bar bya ba dang / phyir zhing 'phel bar bya ba'i phyir 'dun pa skyed cing 'bad la/ brtson 'grus rtsom zhing sems rab tu 'dzin te/ yang dag par rab tu 'jog la/ chos thams cad la rtsom pa
- 459a
med cing brtul ba med par yang mthong ba ste/ yang mnyam pa nyid gang yin pa de la chos gang gi skye ba'ang med/ 'gog pa'ang med pa 'di ni/ yang dag pa'i spong ba sgom pa'o// rdzu 'phrul gyi rkang pa bzhi bsgom pa yongs su rdzogs par 'gyur te/ rdzu 'phrul gyi rkyang pa bsgom pa gang zhe na/ gang lus dang sems las su rung ba ste/ de sems las su rung bas dge ba'i chos la 'dun pa'ang mi 'dor/ la/ 'dod pa'i 'dod chags spang ba'i phyir yang mngon par brtson pa dang / sems can thams cad yongs su smin par bya ba'i phyir/ brtson 'grus kyang rtsom la/ brtags nas kyang chos thams cad mi migs pa dang / sangs rgyas kyi chos thams cad mngon par rdzogs par byang chub pa'i phyir/ byang chub kyi sems kyang mi 'dor la/ sems sgyu ma lta bur yang rab tu shes pa dang / ji ltar thos pa'i chos la tshul bzhin du'ang spyod la/ chos rnams la gnas par yang mi byed cing / mngon par zhen pa'ang med pa'o// de dbang po lnga bsgom pa yongs su rdzogs par 'gyur te/ dbang po drug la rten par mi byed cing / sems can thams cad kyi dbang po yongs su smin par bya ba'i phyir shes pa'ang gtong la/ gcig tu gnas pa'ang thob par 'gyur zhing / gzhan gyi dad pas kyang mi 'gro ba dang / thams cad kyang yongs su thob la/ blang ba'ang med cing dor ba'ang med pa dang / thams cad du 'gro ba'i lam la'ang rmongs pa med la/ dran pa'ang med cing yid la byed pa'ang med pa dang / thams cad kyi rjes su'ang song
- 459b
pa/ rtag tu mnyam par yang bzhag par gyur cing / chos thams cad kyi mnyam pa nyid la snyoms par zhugs pa dang / rab rib med pa'i ye shes kyi snang ba'ang thob par gyur la/ spros pa dang lta ba'ang yang dag par chad pa 'di ni/ de'i dbang po bsgom pa yongs su rdzogs pa'o// de stobs lnga bsgom pa yongs su rdzogs par 'gyur te/ dad pa'i stobs dang ldan pas/ phas kyis rgol ba thams cad kyis mi brdzi ba dang / brtson 'grus kyi stobs kyis bdud thams cad kyis thub par dka' ba dang / dran pa'i stobs kyis nyan thos dang rang sangs rgyas kyis thams cad du mi 'phrogs pa dang / ting nge 'dzin gyi stobs kyis sgrib pa rnams kyis zil gyis mi non pa dang / shes rab kyi stobs dang ldan pas lta bar gyur pa rnams kyis mngon par zhen pa med pa ste/ de ltar stobs lnga yongs su rdzogs par 'gyur ro// de byang chub kyi yan lag bdun bsgom pa yongs su rdzogs par 'gyur te/ byang chub kyi yan lag bsgom pa gang zhe na/ 'di lta ste/ dge ba'i chos thams cad mi brjed par bya ba'i phyir/ dran pa yang dag byang chub kyi yan lag bsgom pa dang / rten cing 'brel par 'byung ba dang 'thun par bya ba'i phyir/ chos rnam par 'byed pa yang dag byang chub kyi yan lag bsgom pa dang / byang chub kyi lam las mi ldog par bya ba'i phyir/ brtson 'grus yang dag byang chub kyi yan lag bsgom pa dang / zang zing med pa'i chos la dga' ba rab tu myong bar bya ba'i phyir/ dga' ba yang dag byang chub kyi yan lag bsgom pa dang / lus dang sems kyi g.yo ba dang bral ba'i phyir/ shin tu sbyangs pa yang dag
- 460a
byang chub kyi yan lag bsgom pa dang / stong pa nyid dang / mtshan ma med pa dang / smon pa med pas mngon par bsgrub pa'i ting nge 'dzin yang dag byang chub kyi yan lag bsgom pa dang / mthon dman med pa'i btang snyoms yang dag byang chub kyi yan lag bsgom pa ste/ 'di ni byang chub kyi yan lag bsgom pa zhes bya'o// grogs po dag bag yod pa'i byang chub sems dpa' ni tshegs chung ngus 'phags pa'i lam yan lag brgyad pa bsgom pa yongs su rdzogs par 'gyur te/ lam bsgom pa gang zhe na/ gang 'di rtag pa dang / chad pa dang bral ba'i yang dag pa'i lta ba bsgom pa dang / 'dod pa dang / gnod sems dang / rnam par 'tshe ba'i rnam par rtog pa dang bral ba'i yang dag pa'i rtog pa bsgom pa dang / bdag dang gzhan la gdung ba med pa'i yang dag pa'i ngag bsgom pa dang / tshul 'chos pa dang / kha gsag dang / gzhog slongs dang / thob kyis 'jal ba dang bral ba'i yang dag pa'i 'tsho ba bsgom pa dang / lus dang sems nyam chung ba dang bral ba'i yang dag pa'i las kyi mtha' bsgom pa dang / bdag la bstod pa dang gzhan la smod pa dang bral ba'i yang dag pa'i rtsol ba bsgom pa dang / gti mug dang rmongs pa dang bral ba'i yang dag pa'i dran pa bsgom pa dang / rtog pa dang rnam par rtog pa thams cad dang bral ba'i yang dag pa'i ting nge 'dzin bsgom pa ste/ 'di ni 'phags pa'i lam yan lag brgyad pa bsgom pa zhes bya'o// des na sangs rgyas bcom ldan 'das rnams kyi byang chub dang / de las gzhan pa'i byang chub kyi phyogs kyi chos gang
- 460b
yin pa dag kyang bag yod pas thob ces bya'o/ / grogs po dag de ltar na bag yod pa'i byang chub sems dpa' de ltar byang chub kyi phyogs kyi chos sum cu rtsa bdun po 'di dag la 'jug go/ zhugs nas 'du byed thams cad kyi 'dam las rgal lo/ / brgal nas kyang rnam par lta ste/ rnam par bltas na mi mthong ngo // mi 'bar ro// shin tu nye bar zhi ba ste/ rnam par 'khrug par mi byed do// shin tu nye bar zhi ba gang zhe na/ gang nye bar ma bsgrubs pa de ma byas pa'o// gang ma byas pa de myong ba med pa'o// gang myong ba med pa de la gdags pa med do// gang gdags pa med pa de ni shin tu nye bar zhi ba'o/ / bstan pa 'di bshad pa na/ lha'i bu khri nyis stong chos rnams la chos kyi mig rdul med cing dri ma dang bral ba rnam par dag go// lha'i bu dpal bzangs kyis// gzhan yang 'jam dpal gzhon nur gyur pa la 'di skad ces smras so// 'jam dpal byang chub sems dpa' lam ji ltar sgom/ smras pa/ lha'i bu byang chub sems dpa' ni 'khor ba'ang mi spong la/ 'khor ba'i nyes pa rnams kyis kyang mi gos so// 'dus ma byas su'ang mi ltung la/ 'dus ma byas kyi yon tan rnams kyang myong ngo // pha rol tu phyin pa drug gi lam yang sgom la/ nyan thos dang rang sangs rgyas kyi yul la'ang snang ngo // lha'i bu gzhan yang byang chub sems dpa' rnams kyi lam ni stong pa nyid kyi rnam par dag pa'ang yin la/ lta bar gyur pa la'ang mkhas
- 461a
shing / lta bar gyur pa la mngon par zhen pa'ang med do// mtshan ma med pas rnam par dag pa'ang yin la/ mtshan mala'ang mkhas shing / mtshan ma la mngon par zhen pa'ang med do/ / smon pa med pas rnam par dag pa'ang yin la/ khams gsum pa la'ang mkhas shing / khams gsum pa la mngon par zhen pa'ang med do// skye ba med pa dang 'byung ba med pas rnam par dag pa'ang yin la/ skye ba dang 'jig pa la'ang mkhas shing / skye ba dang 'jig pa la mngon par zhen pa'ang med do// de ci'i phyir zhe na/ byang chub sems dpa' sems nges par sems pa rnams ni sems can chos thams cad stong pa'o snyam pa'i lta bar gyur par zhugs pa/ lta bar gyur pa bag la nyal bar byas pa rnams kyi lta bar gyur pa spang ba'i phyir chos kyang ston la/ lta bar gyur pa de dag kyang stong pa nyid du mthong ngo / / de bzhin du sbyar te/ byang chub sems dpa' sems nges par sems pa ni mtshan ma med pa dang / smon pa med pa dang / mngon par 'du byed pa med pa dang / skye ba med pa dang / 'byung ba med pa'i chos thams cad la 'byung ba dang 'jig pa'i rjes su 'thun pa/ 'byung ba dang 'jig pa bag la nyal bar byas pa rnams kyi 'byung ba dang 'jig par lta ba spang ba'i phyir chos kyang ston la/ 'byung ba dang 'jig pa de'ang 'byung ba dang 'jig pa med pa nyid du mthong ste/ 'di ni byang chub sems dpa' rnams kyi lam bsgom pa zhes bya'o// lha'i bu gzhan yang byang chub sems dpa' rnams kyi lam ni 'gro ba dang 'ong ba
- 461b
zhes bya'o/ / de ci'i phyir zhe na/ byang chub sems dpa'i 'gro ba ni sems can gyi bsam pa rnams la'o// 'ong ba ni so so ci rigs par chos ston pa'i phyir ro// byang chub sems dpa'i 'gro ba ni snyoms par 'jug pa bskyed pa'i phyir ro// 'ong ba ni 'dod pa'i khams kyi sems can gyi nang du skye ba'i phyir ro// byang chub sems dpa'i 'gro ba ni 'phags pa'i lam du'o// 'ong ba ni 'phags pa ma yin pa'i sems can yongs su smin par byed pa'i phyir ro// 'gro ba ni mi skye ba'i chos la bzod pa thob par byed pa'i phyir ro/ / 'ong ba ni bzod pa de sems can gyis khong du chud par byed pa'i phyir ro// byang chub sems dpa'i 'gro ba ni 'byung ba la mkhas pa la'o// 'ong ba ni 'byung ba ma yin par 'byung ba'i phyir ro/ / byang chub sems dpa'i 'gro ba ni mya ngan las 'das par 'gro ba'i phyir ro// 'ong ba ni 'khor ba na sems can yongs su smin par byed pa'i phyir ro// 'gro ba ni gang du'ang 'gro ba dang 'o ba med par so sor rtog pa'i phyir ro/ / byang chub sems dpa' rnams kyi 'ong ba ni chos khong du chud par byed pa'i phyir ro// 'gro ba ni rnam par thar pa'i sgo stong pa nyid dang / mtshan ma med pa dang / smon pa med pa bsgom pa'i phyir ro/ / 'ong ba ni rnam par rtog pa gsum spang bar chos ston pa'i phyir ro// 'gro ba ni dam bcas pa brtan par byed pa'i phyir ro// 'ong ba ni dam bcas pa nyams 'og tu chud par byed pa'i phyir ro/ / byang chub sems dpa'i 'gro ba ni byang chub kyi snying por 'gro ba'i phyir ro// byang chub sems dpa'i 'ong ba ni byang chub kyi spyad pa spyod pa'i phyir te/ lha'i bu 'di ni byang chub sems dpa' rnams
- 462a
kyi lam 'gro ba dang 'ong ba zhes bya ba'o/ / bstan pa 'di bshad pa na/ byang chub sems dpa' lnga brgya mi skye ba'i chos la bzod pa skyes so// de nas lha'i bu dpal bzangs kyis/ 'jam dpal gzhon nur gyur pa la 'di skad ces smras so// 'jam dpal bdag gis 'jig rten gyi khams yon tan thams cad kyi 'od ces bgyi ba zhig thos na/ 'jam dpal 'jig rten gyi khams yon tan thams cad kyi 'od de phyogs gang na mchis/ de na de bzhin gshegs pa'i mtshan ji skad ces bgyi ba zhig chos ston/ 'jam dpal gyis smras pa/ lha'i bu steng gi phyogs su sangs rgyas kyi zhing 'di nas/ sangs rgyas kyi zhing gang+gA'i klung bcu gnyis kyi bye ma snyed 'das pa na/ 'jig rten gyi khams yon tan thams cad kyi 'od ces bya ba yod de/ de nas de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba chos ston to/ / smras pa/ 'jam dpal bdag gis 'jig rten gyi khams yon tan thams cad kyi 'od de dang / de bzhin gshegs pa dgra bcom pa yang dag par rdzogs sangs rgyas kun tu bzang po de blta bar bgyi'o/ / de nas 'jam dpal gzhon nur gyur pas/ de'i tshe dri ma med pa'i 'od ces bya ba'i ting nge 'dzin la snyoms par zhugs so// 'jam dpal gzhon nur gyur pa snyoms par zhugs ma thag tu lus las de dang 'thun pa'i 'od byung ste/ / 'od des sangs rgyas kyi zhing gang+gA'i klung bcu gnyis kyi bye ma snyed po de dag snang bar byas nas/ 'jig rten gyi khams yon tan thams cad kyi 'ong de'ang spang ba
- 462b
chen pos khyab par gyur to/ / de nas bcom ldan 'das de bzhin gshegs pa kun tu bzang po de'i sangs rgyas kyi zhing du byang chub sems dpa' gang dag skyes pa de dag gis 'od de mthong nas ngo mtshar du gyur te/ thal mo sbyar nas bcom ldan 'das la zhus pa/ bcom ldan 'das 'od 'di ltar yongs su dag pa 'di gang nas mchis/ bcom ldan 'das des bka' stsal pa/ rigs kyi bu dag 'og gi phyogs su sangs rgyas kyi zhing 'di nas/ sangs rgyas kyi zhing gang+gA'i klung bcu gnyis kyi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so// 'tsho'o// gzhes so// chos kyang ston to// ngan phyir mi ldog pa'i byang chub sems dpa' 'jam dpal gzhon nur gyur pa zhes bya ba dri ma med pa'i 'od ces bya ba'i ting nge 'dzin la snyoms par zhugs te/ de'i lus kyi 'od kyis phyogs bcu'i sangs rgyas kyi zhing tshad med grangs med pa dag snang ba chen pos khyab bo/ / des 'jig rten gyi khams 'di'ang snang ba chen pos khyab bo// gsol pa/ bcom ldan 'das bdag cag gis/ 'jig rten gyi khams mi mjed de dang / bcom ldan 'das de bzhin gshegs pa shAkya thub pa de dang / 'jam dpal gzhon nur gyur pa blta bar bgyi'o// de nas bcom ldan 'das de bzhin gshegs pa kun tu bzang pos zhabs kyi 'og gi mthil gyi 'khor lo'i rtsibs stong dang ldan pa las 'od zer stong phyung ste/ / 'od zer de dag sangs rgyas kyi zhing gang+gA'i klung bcu gnyis kyi bye ma snyed las 'das te/ 'jig rten gyi khams mi mjed 'dir snang ba chen pos khyab par byas so//
- 463a
de nas byang chub sems dpa' de dag gis 'jig rten gyi khams mi mjed 'di mthong zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas # thub pa dang / 'jam dpal gzhon nur gyur pa dang / byang chub sems dpa'i tshogs thams cad kyang mthong ngo // byang chub sems dpa' 'di dag gis kyang 'jig rten gyi khams yon tan thams cad kyi 'od de mthong zhig/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po de dang / byang chub sems dpa' de dag kyang mthong ngo // de nas bcom ldan 'das de bzhin gshegs pa kun tu bzang pos/ byang chub sems dpa' de dag la bka' stsal pa/ rig kyi bu dag der chos kyi gtam chen po 'byung bar 'gyur na/ khyed kyi nang nas 'jig rten gyi khams mi mjed der 'gro bar spo ba su yod/ byang chub sems dpa' ye shes sgron ma 'dzin ces bya ba der 'dus par gyur te/ 'dug pa des bcom ldan 'das de la gsol pa/ bcom ldan 'das bdag 'jig rten gyi khams mi mjed der mchi bar spro lags so/ / bcom ldan 'das des bka' stsal pa/ rigs kyi bu da de'i dus la bab par shes na song zhig/ de nas byang chub sems dpa' sems dpa' chen po ye shes sgron ma 'dzin// byang chub sems dpa' bye ba phrag bcus yongs su bskor cing mdun du bdar te/ bcom ldan 'das de'i zhabs la mgo bos phyag 'tshal nas/ bcom ldan 'das de la lan bdun bskor ba byas te/ dper na skyes bu stobs dang ldan pas
- 463b
lag pa bskum pa las brkyang ba dang / brkyang ba las bskum pa tsam gyi skad cig thang cig yud tsam de la/ sangs rgyas kyi zhing de nas mi snang bar gyur nas/ 'jig rten gyi khams mi mjed 'dir dga' ldan gyi gnas su 'jam dpal gzhon nur gyur pa'i mdun gyi steng gi bar snang la gnas pa'i khang pa brtsegs par phyin to/ / de'i g.yog 'khor de dag kyang khang pa brtsegs pa legs par gnas pa rnams su phyin to// de dag rang rang gi stan las langs nas thal mo sbyar te/ 'jam dpal gzhon nur gyur pa la phyag 'tshal zhing tshig 'di skad ces kyang smras so// 'jam dpal bdag cag ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po des khyod la blta ba dang / phyag bya ba dang / bsnyen bkur bya ba dang / chos nyan pa'i phyir 'dir btang ngo // khyod kyis 'od bkye ba de'ang 'jig rten gyi khams der phyin to// de nas 'dod pa na spyod pa dang / gzugs na spyod pa'i lha'i bu de dag gis/ byang chub sems dpa' de dag mthong nas ngo mtshar du gyur te/ kye ma ji tsam du 'di ltar myur bar 'od zer 'di 'jig rten gyi khams der phyin pa dang / 'di ltar myur bar byang chub sems dpa' 'di dag 'jig rten gyi khams mi mjed 'dir phyin pa 'di ni skyes bu dam pa de dag gis mngon par shes pa'i rnam par 'phrul pa'i stobs dang / ting nge 'dzin gyi byin gyi rlabs kyi stobs bsam gyis mi khyab bo zhes ched du brjod pa ched du brjod do/ / de nas 'jam dpal gzhon nur gyur pas/ lha'i 'khor chen po de ltar 'dus pa de la ci nas kyang lha khrag khrig phrag bdun cu rtsa gnyis bsam pa thag pa nas/ bla na med pa yang dag par rdzogs pa'i
- 464a
byang chub tu sems skyes pa de lta de ltar chos bstan to/ / de nas 'jam dpal gnon nur gyur pa ji srid du dga' ldan gyi gnas su lha rnams kyi don bya ba de srid du byas nas/ byang chub sems dpa' bye ba phrag bcu po de dag dang lhan cig/ rang gi 'khor dang lhan cig/ brgya byin dang / tshangs pa dang / 'jig rten skyong ba lha'i bu dang bcas pa dang lhan cig tu dga' ldan gyi gnas nas mi snang bar gyur te/ sems kyis 'gyur ba tsam gyis/ bcom ldan 'das kyi spyan sngar phyin nas/ de dag gis bcom ldan 'das kyi zhabs la mgo bos phyag 'tshal te/ bcom ldan 'das la lan bdun bskor ba byas nas/ bcom ldan 'das kyis gnang ste/ phyogs gcig tu rang rang gi bstan la 'khod do// de nas byang chub sems dpa' ye shes sgron ma 'dzin dang lhan cig lhags pa'i byang chub sems dpa' bye ba phrag bcu po de dag gis/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das kyi spyan sngar thal mo sbyar te/ bcom ldan 'das la 'di skad ces gsol to// bcom ldan 'das la/ bcom ldan 'das de bzhin gshegs pa kun tu bzang po gnod pa chung ngam/ nyam nga ba chung ngam/ spyod pa yang ngam/ stobs dang bde ba la reg par gnas sam zhes snyun gsol lo// de nas bcom ldan 'das kyis byang chub sems dpa' de dag dang / thams cad dang ldan pa'i 'khor de chos kyi gtam gyis yang dag par dga' bar mdzad/ yang dag par 'dzin du bcug/ yang dag par gzengs bstod/ yang dag par rab tu dga' bar
- 464b
mdzad do/ / mang dag par dga' bar mdzad cing / yang dag par 'dzin du bcug la/ yang dag par gzengs bstod de/ yang dag par rab tu dga' bar mdzad nas kyang / thams cad dang ldan pa'i 'khor de la bka' stsal pa/ grogs po dag skyes bu dam pa 'di dag dang / 'jam dpal gzhon nur gyur pa dang / byang chub sems dpa' ye shes sgron ma 'dzin gyi mngon par shes pa'i rnam par 'phrul pa dang / byin gyi rlabs kyi stobs dang / sems can sdud pa dang / yongs su smin par byed pa dang / thabs dang / rigs pa dang / ye shes dang / shes rab kyis rab tu dbye ba dang / spobs pa la ltos// grogs po dag byang chub sems dpa' 'di dag ni bskal pa grangs med pa nas bzung ste/ sangs rgyas kyi mdzad pas sems can rnams la nye bar gnas pa dag go/ / sems can gang dag gi dbang po drug po dag la skyes bu dam pa 'di dag mngon par 'gyur ba de dag ni phyis bdud kyi yul la gnas par mi 'gyur ro zhes brjod par bya'o// de nas byang chub sems dpa' gang dag byang chub sems dpa' ye shes sgron ma 'dzin dang lhan cig tu 'jig rten gyi khams mi mjed 'dir phyin pa de dag/ bcom ldan 'das shAkya thub pa las chos thos nas/ mi skye ba'i chos la bzod pa thob par gyur to/ / de nas byang chub sems dpa' ye shes sgron ma 'dzin dang lhan cig lhags pa'i byang chub sems dpa' bye ba phrag bcu po de dag gis/ bcom ldan 'das kyi zhabs la mgo 'os phyag 'tshal te/ lan bdun bskor ba byas nas/ stong gsum gyi stong chen po'i 'jig rten gyi khams 'di rab tu g.yos par byas te/ bcom ldan 'das kyi drung nas mi snang bar gyur nas/ skad cig thang cig yud tsam de la 'jig rten gyi khams der
- 465a
byin to/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zu ba zhig/ chos shig/ lhogs shig/ kun chub par gyis shig/ gzhan dag la'ang rgya cher rab tu ston cig/ gsol pa/ bcom ldan 'das bdag gis chos kyi rnam grangs 'di bzung lags na/ 'di'i ming ji skad brgya bar gzung bar bgyi/ bcom ldan 'das kyis bka' stsal pa/ kun dga' bo de bas na khyod kyis chos kyi rnam grangs 'di 'jam dpal gyi le'u dang / sangs rgyas kyi yul bsam gyis mi khyab par bstan pa zhes bya bar zung zhig/ bcom ldan 'das kyis de skad ces bka' stsal nas/ lha'i bu dpal bzangs dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ sangs rgyas kyi yul bsam gyis mi khyab pa/ lha'i bu dpal bzangs kyis zhus pa zhes bya ba'i le'u ste/ 'dus pa sum cu rtsa lnga pa rdzogs so// / rgya gar gyi mkhan po dzi na mi tra dang / dA na shI la dang / mu ne bar ma