Text
ff. 1b–467a · 932 folio sides
- 1b
/ rgya gar skad du/ Ar+ya su s+thi ta ma ti de ba put+tA pa smIn+d+ha nA ma ma hA n+naT+TatI/ dod na du/ 'phags pa b u blo gros rab gnas kyis zhus pa zhes bya ba theg pa chen po'i
- 2a
mdo// bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri li/ dge slong drug khri nyis stong gi dge 'dun chen po mngon par shes pa/ dgra bcom pa sha stag
- 2b
dang ra 'jam dpal dang / seng ga'i tog la sogs pa byang chub sems dpa' bzhi khri nyis stong la/ byang chub sems dpa' sems dpa' chen po byams pa dang / spyan ras gzigs dbang phyug dang / mthu chen thob dang / spobs pa bcug dang / gzungs kyi dbang phyug rgyal po dang / lhun po brtsegs dang / lhun po'i rgyal mtshan dang / rab tu mi skul dang // don rab sems dang / legs par bsam pa sems dang / sems dpa' ba dang / sems kyi blo gros dang // sems bzang po dang / nor bu brtsegs dang / ri 'joms rgyal po dang / lag ni rin po che dang / sems dpa' rin po che dang / lag
- 3a
na rin chen phyag rgya dang / rtag tu lag bteg dang / rtag tu lag brkyang dang / rtag tu lag brtson dang / sems can sgrol dang / brtson 'grus mos dang / ji skad smras pa de bzhin byed pa la gnas pa dang / smon lam 'phags dang / lag ni sgron ma dang / sems mnyam pa dang / ngan song spong dang / mya ngan gyi mun pa thams cad 'joms pa dang / brtson pa mi gtong dang / nyi ma'i snying po dang / rdo rjes rnam par gnon dang / mtha' yas rnam par gnon dang / dpag med rnam par gnon dang / mi g.yo gnas kyis rnam par gnon dang / nam mkha' mdzod dang / blo gros dam pa dang / khyad par blo gros dang / blo gros 'phel dang / 'gro grub dang / sa 'dzin dang / zla 'od dang / zla ba'i tog dang / 'od kyi tog dang / 'od dpal dang / snang ba thob pas rnam par gnon dang / seng ge ltar rnam par gnon pas mngon par bsgrags pa'i sgra dang / spobs pa thogs med dang / spobs pa gzhad pa dang / spobs pa dpa' ba dang / rnam
- 3b
par gnon dang / nyi zla'i 'od zer mog mog por byed pa'i 'od dang / dmigs med dang / blo gros dpe med dang / rtag tu bzhad dgyes dbang po dang / nor bu dang / sgrib pa thams cad rnam par sel ba dang / bud med rnam sbyar go cha dang / rab tu snang ba dang / rnam par snang byed dang / mas byin dang / tshogs can rab mchog rgyal po dang / byang chub sems dpa' sems dpa' chen po sgra skad zab mo dang / de dag la sogs pa byang chub sems dpa' sem dpa' chen po bzhi khri nyis stong dang thabs cig tu bzhugs so/ / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / de dag dang / gzhan yang lha'i bu drug khri tsam dang yang thabs cig go// lha'i bu blo gros rab gnas dang / lha'i bu mtshams bzangs dang / lha'i bu dbang phyug chen po dang / lha'i bu blo gros bzang po dang / de dag la sog pa thams cad kyang byang chub sems dpa'i theg pa la yang dag par zhugs pa'i lha'i bu bdun khri sum stong dang yang thabs cig go/ / lha ma yin gyi dbang po sgra gcan dang / lha ma yin gyi dbang po lhun po dang / de dag la sogs pa / thams cad kyang byang chub sem dpa'i theg pa la yang dag par zhug pa'i lha ma yin gyi dbang po nyis khri dang yang thab cig go// klu'i rgyal po ma dros pa dang / klu'i rgyal po zla ba dang / klu'i rgyal po 'jog pa dang / de dag la sogs pa thams cad kyang byang chub sems dpa'i theg pa la yang dag par zhugs pa'i klu'i rgyal po drug khri dang yang thabs cig go/ / de dag dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang /
- 4a
mi 'am ci dang / lto 'phye chen po 'bum phrag du ma dang / dge slong dang / dge slong ma dang / dge bsnyen dang / dge bsnyen ma dag dang yang thabs cig ste/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ / de'i tshe na 'jam dpal gzhon nur gyur pa rang gi gnas khang na 'dug pa/ gcig pu dben pa na 'dug pa/ nang du yang dag 'jog la zhugs pa/ nyon mongs pa med pa/ sems med cing sems dang bral ba zhes bya ba'i ting 'dzin la snyoms par zhugs so// de nas 'jam dpal gzhon nur gyur pa dran zhing shes bzhin du ting nge 'dzin de las langs so/ / 'jam dpal gzhon nur gyur pa langs ma thag tu phyogs bcu'i sangs rgyas kyi zhing dpag tu med pa dag rnam pa drug tu rab tu g.yos so/ / de nas 'jam dpal gzhon nur gyur pa ting nge 'dzin de las langs nas/ 'du shes kyi rnam par rtog pa yid la byed pa 'di lta bu 'di skyes te/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba ni brgyal brgya lam na ste/ 'di lta ste/ dper na u dum wa ra'i me tog brgya la brgya lam na 'jig rten du 'byung ba de bzhin du/ gang dag skye ba'i sdug bsngal zad par bya ba'i phyir/ zhi ba/ gsal ba/ brtag tu med pa/ rtog ge dang bral ba/ zab pa shes par dka' ba'i chos ston pa'i de bzhin gshegs/
- 4b
pa dgra bcom pa yang dag par rdzogs pa'i sangs rgyas rnams kyang brgya la brgya lam na 'jig rten du 'byung ngo // sangs rgyas 'byung ba med na ni chos mnyan pa'ang med do// chos mnyan pa med na ni sems can rnams kyi sdug bsngal zad pa'ang med pas/ bdag de bzhin gshegs pa dgra bcom pa yang dag par rdzogs pa'i sangs rgyas kyi spyan sngar song ste/ zhu ba zhus pa ji lta bus sems can rnams kyi dge ba'i rtsa ba yongs su 'grub par 'gyur ba dang / byang chub sems dpa'i theg pa pa'i gang zag rnams sangs rgyas kyi chos bsam gyis mi khyab pa dag la nem nur med cing the tsom med par 'gyur ba dang / sangs rgyas kyi byang chub yongs su rdzogs par 'gyur ba dang / 'jig rten gyi khams mi mjed 'di'i sems can 'di dag ni/ 'dod chags che ba/ zhe sdang che ba/ gti mug che ba/ dkar po'i chos dang bral ba/ mi dge ba'i chos dang ldan pa/ glen pa/ blun pa/ mi gus pa/ sangs rgyas dang bral ba/ chos dang bral ba/ dge 'dun dang bral ba sha stag yin pas/ ci nas kyang sems can 'di dag gis chos thos nas/ shes rab kyi mig rnam par dag par 'gyur pa de lta bu'i zhu ba zhu'o snyam mo// de nas yang 'jam dpal gzhon nur gyur pa 'di snyam du sems te/ bdag gis phyogs bcu'i byang chub sems dpa' gang dag de bzhin gshegs pa la chos nyan par 'gyur ba dang / gang dag zab mo'i
- 5a
bzod pa 'di la lus kyis mngon du byed par 'gyur ba 'bum phrag mang po dag kyang bsdu bar bya'o snyam mo/ / de nas de'i tshe 'jam dpal gzhon nur gyur pa kun tu snang ba/ dri ma med pa bkod pa zhes bya ba'i ting nge 'dzin la snyoms par zhugs so// 'jam dpal gzhon nur gyur pa kun tu snang ba dri ma med pa bkod pa'i ting nge 'dzin la snyoms par zhugs ma thag tu/ de nas de'i mod la/ shar phyogs dang / phyogs bcu'i sangs rgyas kyi zhing gang+gA'i klung gi bye ba'i bye ma snyed dag mnyen pa/ 'jam pa/ rnam par dag pa/ 'od gsal ba/ dri ma med pa/ yongs su dag pa'i 'od chen po dang / snang ba chen pos khyab par gyur to// 'od de dang snang ba des phyogs bcu'i 'jig rten na/ 'jig rten gyi bar gyi mun pa mun naka dang / ri'i rtse mo dang / shing ljon pa dang / ri dang / khor yug dang / btang zung dang / btang zung chen po dang / gangs dang / ri rab dang / lhun po chen po gang dag yod pa de dag thams cad snang ba chen pos gsal bar gyur to// de nas phyogs bcu'i 'jig rten na sangs rgyas bcom ldan 'das gang+gA'i klung gi bye ma snyed dag bzhugs te 'tsho zhing gzhes pa de dag la rang rang gi bsnyen bkur bdag gis zhus pa/ bcom ldan 'das sngon ma mthong ma thos pa'i 'od 'di ltar yid du mchi ba/ 'di ltar 'od gsal ba'i snang ba chen po 'di lta bu 'jig rten du byung ba 'di/ bcom ldan 'das rgyu ni gang lags/ rkyen ni gang lags/ bcom ldan 'das 'od 'dis bdag cag
- 5b
sems dang ba dang / lus sim pa chen po dang ldan zhing / sems can rnams kyi 'dod chags dang / zhe sdang dang / gti mug dag kyang kun tu mi 'byung lags na/ bcom ldan 'das gang khri 'od 'di lta bu bkye ba 'di su'i mthu lags/ 'di su'i byin gyi rlabs lags/ de skad ces gsol pa dang / sangs rgyas bcom ldan 'das de dag bsnyen bkur ba de dag la cang mi gsung bar gyur to// sangs rgyas kyi mthus phyogs bcu'i 'jig rten na lha'i sgra dang / klu'i sgra dang / gnod sbyin gyi sgra dang / lha ma yin gyi sgra dang / nam mkha' lding gi sgra dang / dri za'i sgra dang / mi 'am ci'i sgra dang / lto 'phye chen po'i sgra dang / mi'i sgra dang / mi ma yin pa'i sgra dang / bya'i sgra dang / ri dgas kyi sgra gang dag yod pa de dag thams cad kyang mi grags par gyur to// rlung gi sgra dang / chu'i phung po'i sgra dang / rgya mtsho chen po'i shugs kyi sgra dang / rol mo'i sgra dang / glu'i dbyangs kyi sgra gang dag yod pa de dag thams cad kyang mi grag par gyur te/ 'ga' yang sgra mi 'byin cing / thams cad zhi ba dang / rab tu zhi bar gyur to/ / yang sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to// skye bo mang po la sman pa dang / skye bo mang po la bde ba dang / lha dang mi rnams kyi skye bo phal po che'i don dang / sman pa dang / bde ba'i slad du/ bcom ldan 'das kyis gang gis 'od 'di lta bu bkye zhing / des sangs rgyas kyi zhing 'di dag thams cad
- 6a
snang bar gyur pa 'di su'i mthu lags pa bshad du gsol/ de nas phyogs bcu'i sangs rgyas kyi zhing gang+gA'i klung bye ba'i bye ma snyed dag gi sangs rgyas bcom ldan 'das de dag thams cad kyis sangs rgyas thams cad kyi gsung gi sgra dbyangs gcig tu bsdus nas gsung gi 'phrin las brjod de/ de bzhin gshegs pa gcig ji lta ba bzhin du gzhan yang de bzhin du gsung zhing / de dag gis gsung gi 'phrin las sgra dbyangs gcig tu bsdus pa de lta bu des bsnyen bkur ba de dag la bka' stsal to// sangs rgyas bcom ldan 'das de dag gi gsung brjod pa des sangs rgyas kyi zhing thams cad kun tu gang bar gyur te/ lha dang mir bcas pa'i sil snyan 'bum phrag mang po dag kyang sgra mngon par 'byin cing / rol mo'i sgra dag kyang ma dkrol bar sgra grag par gyur to// rol mo'i sgra de dag las mi rtag pa dang / sdug bsngal ba dang / bdag med pa dang ldan pa'i sgra 'byung zhing / stong pa nyid kyi sgra dang / mtshan ma med pa'i sgra dang / smon pa med pa'i sgra dang / 'dod chags dang bral ba'i sgra dang / rnam par grol ba'i sgra dang / chos kyi dbyings kyi sgra dang / de bzhin nyid kyi sgra dang / yang dag pa'i mtha'i sgra dang / sbyin pa'i sgra dang / tshul khrims kyi sgra dang / bzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / nges pa'i sgra dang / phan pa'i dngos po'i sgra dang / byams pa dang / snying rje dang / dka' ba dang / btang snyoms
- 6b
kyi sgra dag dang / de lta bu dang 'thun pa'i chos kyi sgo 'bum phrag du ma dag gi sgra byung bar gyur to// sgra byung ba de dag gis sems can bye ba khrag khrig 'bum phrag dpag tu meng grangs med pa dag bla na med pa yang dag par rdzogs pa'i byang chub dang / nyan thos nyid dang / rang sangs rgyas nyid dang / brgya byin nyid dang / tshangs pa nyid dang / 'khor los sgyur ba'i rgyal srid yongs su 'grub pa las phyir mi ldog par gyur to/ / de nas sangs rgyas bcom ldan 'das de dag gis bsnyen bkur ba de dag la 'di skad ces bka' stsal to// rigs kyi bu dag 'di lta bu'i gtam dris pas khyed la ci zhig byas thong zhig/ 'od 'di ni ji tsam du bsam gyis mi khyab pa'i dge ba'i rtsa ba dang / ji tsam du bsam gyis mi khyab pa'i sbyin pa'i tshogs dang / tshul khrims dang / bzod pa dang / brtson 'grus dang / bsam gtan dang / shes rab kyi tshogs kyis yongs su sbyang ba byas pa yin te/ 'di ni nyan thos dang rang sangs rgyas thams cad kyis ma yin no// gal te de bzhin gshegs pas 'od 'di'i bsngags pa brjod par gyur na/ lha dang bcas pa'i 'jig rten thams cad 'di la rmongs par 'gyur ro// 'od 'di ni byams pa dang / snying rje dang / dga' ba dang / btang snyoms thams cad kyis yongs su bsgos pas/ yongs su tshim par byed pa ste/ 'od 'di'i bsngags pa brjod par gyur na/ bskal pa 'am/ bskal pa las lhag par yang bsngags pa brjod pa'i
- 7a
mthar phyin par sla ba ma yin no/ / rigs kyi bu dag de lta mod kyi/ 'on kyang legs par nyon la rab tu yid la zung zhig dang / khyed la bshad par bya'o// sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to/ / skye bo mang po la sman pa dang / skye bo mang po la bde ba dang / byang chub sems dpa' rnams kyi dge ba'i rtsa ba yongs su 'grub par bgyi ba'i slad du/ bcom ldan 'das kyis bshad du gsol/ de skad ces gsol pa dang / sangs rgyas bcom ldan 'das de dag gis rang rang gi bsnyen bkur ba de dag la 'di skad ces bka' stsal to/ / rigs kyi bu dag 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das bzhugs te/ 'tsho zhing gzhes pa de snyigs ma lnga dang ldan pa'i 'jig rten gnas par 'dod chags dang / zhe sdang dang / gti mug gis gzir ba'i sems can mi gus pa/ dbang po rtul ba/ ngo tsha shes pa dang khrel yod pa dang bral ba/ nyon mongs pa can gyi las la spyod pa de lta bu'i sems can rnams kyi sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs
- 7b
rgyas te chos ston to/ / rigs kyi bu dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i sangs rgyas kyi zhing 'jig rten gyi khams mi mjed de na/ byang chub sems dpa' 'jam dpal gzhon nur gyur pa zhes bya ba mthu che ba/ shes pa che ba/ brtson 'grus che ba/ byang chub sems dpa' rnams yang dag par ston par byed pa/ byang chub sems dpa' rnams yang dag par 'dzin du 'jug pa/ byang chub sems dpa' rnams yang dag par gzengs bstod pa/ byang chub sems dpa' rnams yang dag par rab tu dka' bar byed pa/ byang chub sems dpa' rnams kyi pha'i go 'byed pa/ byang chub sems dpa' rnams kyi ma'i ko 'byed pa/ chos thams cad kyi gzhi rab tu 'byed pa'i shes pa la mkhas pa/ chags pa med pa'i shes rab kyi pha rol tu phyin pa thob pa/ thogs pa med pa'i spobs pa dang ldan pa/ gzungs thob pa/ byang chub sems dpa'i yon tan bsam gyis mi khyab pa dang ldan pa zhig 'dug pa de/ 'di lta ste/ sems can rnams kyi dge ba'i rtsa ba yongs su 'grub par bya ba dang / byang chub sems dpa'i theg pa pa'i gang zag rnams kyi sangs rgyas kyi chos bsam gyis mi khyab pa yongs su rdzogs par bya ba'i phyir/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la chos kyi zhu ba zhu bar 'gyur te/ rigs kyi bu dag byang chub sems dpa' 'jam dpal
- 8a
gzhon nur gyur pa des/ byang chub sems dpa' gang dag chos bstan pa de nyan cing 'du bar 'gyur ba'i byang chub sems dpa' dpag tu med pa dag phyogs bcu nas bsdu ba'i phyir 'od 'di bkye ste/ rigs kyi bu dag snang ba chen po 'jig rten du byung ba 'di'i rgyu ni de yin/ rkyen ni de yin no// de skad ces bka' stsal pa dang / sangs rgyas bcom ldan 'das de dag la bsnyen bkur ba de dag gis 'di skad ces gsol to/ / bcom ldan 'das byang chub sems dpa' 'jam dpal gzhon nur gyur pa de ting nge 'dzin gang la gnas nas 'od 'di lta bu 'gyed lags/ bka' stsal pa/ ting nge 'dzin kun tu snang ba dri med bkod pa ste/ byang chub sems dpa' 'jam dpal gzhon nur gyur pa de ting nge 'dzin de la gnas nas 'od 'di lta bu 'gyed do// gsol pa/ bcom ldan 'das sangs rgyas bcom ldan 'das rnams ni 'di ltar gsal ba/ 'di ltar rnam par dag pa/ 'di ltar lus dang sems dga' ba dang / mchog tu dga' bar bgyid pa'i 'od 'di lta bu 'gyed par mi mdzad lags so/ / bka' stsal pa/ rigs kyi bu dag byang chub sems dpa' bsdu ba dang / byang chub sems dpa' bskul ba'i chos kyi rnam grangs rtag tu rgyun mi 'chad pa'i phyir ro/ / de nas phyogs bcu'i sangs rgyas kyi zhing dpag tu med grangs med bsam gyis mi khyab pa gad+hA'i klung bye ba'i bye ma snyed dag na/ sangs rgyas
- 8b
kyi zhing re re nas kyang / byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag sangs rgyas bcom ldan 'das de dag ga la ba der song ste lhags nas/ sangs rgyas bcom ldan 'das de dag gi zhabs la mgo bos phyag 'tshal te/ sangs rgyas bcom ldan 'das de dag la 'di skad ces gsol to// bcom ldan 'das sngon ma mthong ma thos pa yon tan du ma dang ldan pa'i 'od 'di lta bu dang / snang ba 'di lta bu dang / 'bar ba 'di lta bu 'di dag ga las mchis/ su'i 'od lags/ de skad ces gsol pa dang / sangs rgyas bcom ldan 'das de dag gis byang chub sems dpa' de dag la 'di skad ces bka' stsal to/ / rigs kyi bu dka 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te/ 'tsho zhing gzhes la chos kyang ston to// de na byang chub sems dpa' 'jam dpal gzhon nur gyur pa zhes bya ba zhig 'dug pa des/ 'di lta ste/ phyogs bcu'i byang chub sems dpa' rnams bsdu ba'i phyir/ 'od 'bar ba 'di lta bu 'di bkye'o// de skad ces bka' stsal pa dang / sangs rgyas bcom ldan 'das de dag la byang chub sems dpa' de dag gis 'di skad ces gsol to/ / bcom ldan 'das bdag cag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
- 9a
thub pa de la blta ba dang / phyag bgyi ba dang / bsnyen bkur bgyi ba dang / zhu ba dang / zhu blag bgyi ba dang / byang chub sems dpa' 'jam dpal gzhon nur gyur pa de dang de las gzhan pa'i byang chub sems dpa' dag kyang blta ba'i slad du/ 'jig rten gyi khams mi mjed der mchi'o// bka' stsal pa/ rigs kyi bu dag de'i dus la dbab par shes na dreng zhig d e nas de'i mod la phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag skad cig thang cig yud tsam de nyid la 'di lta ste/ dper na mi stobs po che'i lag pa bskums pa las brkyang ba 'am/ brkyang ba las bskums pa tsam la/ rang rang gi sangs rgyas kyi zhing dag nas mi snang bar gyur nas/ 'jig rten gyi khams mi mdzad 'dir lhags par gyur to/ / de na byang chub sems dpa' la la dag ni me tog gi char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / la la dag ni phye ma dang / byug pa dang / me tog 'phreng dang / spos kyi char dag dang / me tog ut+pa la dang / pad+ma dang / ku mu ta dang / pad+ma dkar po dang / tsam pa ka dang / a ti mug ta ka dang / skya snar dang / d+ha nuska ri dang / sna ma'i me tog dang / bA ra shi ka dang / bA ra shi ka chen po dang / man+da ra ba dang /
- 9b
man+da ra ba chen po dang / pA ru sha ka dang / pA ru sha ka chen po dang / zla mdog dang / zla mdog chen po dang / zla mdog rab mdzes la sogs pa me tog gi rigs rnam pa sna tshogs kyi char dag dang / spos kyi char dag dang / 'phreng ba'i char dag dang / phye ma'i char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / byang chub sems dpa' la la dag ni sil snyan 'bum phrag du ma dag rab tu gsil zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ka la ba der lhags so/ / byang chub sems dpa' la la dag ni de bzhin gshegs pa la bstod pa'i sgra dbyangs re res kyang / stong gsum gyi stong chen po'i 'jig rten gyi khams rnams su sgra skad kyis go bar byed cing lhags te/ de lta bu'i bkod pa rnam pa sna tshogs dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / byang chub sems dpa' de dag 'jig rten gyi khams mi mjed 'dir lhags ma thag tu/ de nas de'i mod la 'di lta ste/ byang chub sems dpa' de dag gi mthus stong gsum gyi stong chen po'i 'jig rten gyi khams 'di na sems can dmyal ba dang / dud 'gro'i skye gnas dang / gshin rje'i 'jig rten gyi sems can
- 10a
gang dag ji snyed yod pa de dag thams cad nye bar zhi bar gyur to/ / sems can gang la'ang 'dod chags kyi gnod pa med/ zhe sdang gis ma yin/ gti mug gis ma yin/ nga rgyal gyis ma yin/ phrag dog gis ma yin/ ser snas ma yin/ 'chab pas ma yin/ khro bas ma yin/ yongs su gdung bas ma yin te/ sems can thams cad byams pa'i sem dang / mchog tu dga' ba'i sems dang ldan par gyur to// de nas byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa de dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas/ steng gi bar snang la lus mi snang bar byas te/ lus thams cad rnam par 'jig pa zhes bya ba'i ting nge 'dzin la snyoms par zhugs nas/ rang rang gi smon lam las byung ba'i pad+ma kha dog sna tshogs 'dab ma 'bum phrag dum dang ldan pa'i pad+ma'i snying po dag la skyil mo krung bcas te 'dug par gyur to/ / de nas gnas brtan 'od srungs chen pos chos kyi cho 'phrul chen po ngo mtshar rmad du byung ba de dang
- 10b
me tog gi char dang / spos kyi char dang / phye ma'i char de dag dang / sil snyan 'bum phrag mang po sgra 'byin pa de dag dang / snang ba chen po de'ang mthong / gling chen po bzhi pa'i 'jig rten gyi khams/ 'di me tog dag gis pus mo nub tsam du khebs par gyur pa'ang mthong / 'khor phal po che lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang / dge bsnyen ma de dag thams cad kyi lus kaser gyi kha dog lta bur snang ba dag kyang mthong ngo / / de nas gnas brtan 'od srungs chen po stan las langs te/ chos kos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// rab dga' bde ba stsol ba shin tu dri ma med pa'i zhal/ / mi yi dam pa stobs bcu yon tan brgya dag nges bsags pa// bsam yas gzhal du ma mchis yid gnyis mun pa sel ba po// sa bla lha yul rnam par rgyu ba khyod dang mtshungs ma mchis bskal pa khrag khrig phrag brgyar sbyin dang dul ba legs par spyad/ / bde gshegs khyod kyi tshul khrims mtshungs pa ma mchis gnas ma mchis// bzod stobs shin tu stobs dang ldan pa stobs
- 11a
bcu'i stobs ldan pa/ / yon tan mnga' ba 'dzum mdzad bdag gi the tsom bsal du gsol// sems can sdug bsngal gzigs nas bskal pa brgya dag rnam spyad kyang // skyo zhing spong ba mi mnga' dgyes pa gzhal du ma mchis brnyes// sras dang sras mo btsun mo rgyal srid spyan dang sna tshogs btang // sbyin dgyes thams cad gtong ba bdag gi the tsom bsal du gsol/ / khyod kyis sngon chad chibs dang glang po shing rta dpung chung stsal// gtong la dgyes pas dbu dang na bza' khrag khrig brgya yang btang // thub pas zhal zas sdung nan de bzhin po brang dkor yang stsal/ / sbyin dang gtong la rtag tu dgyes pa bde gshegs khyod la zhu// stong pa'i chos rnams nges par bsten cing thugs la legs dgongs pas// rdul bral skya lus gtubs kyang sdug bsngal 'khrug pa mi mnga' zhing / / gsungs shes zhus na bzod pa gsung ba'i stobs la brtson pa yi// yon tan mnga' ba rdul dang bral ba khyod la zhu bar 'tshal// 'dod chags zhe sdang dag gis rab dkrugs rmongs shing kun dkris la/ / bdag tu 'du shes brtson pa'i sems can sdug bsngal gzigs nas ni// thugs rje bskyed nas bskal pa brgya dag srid pa 'dir spyad pa/ / dpa' bo lam rab ston par mdzad pa bdag gi skyabs gyur cig/ bde gshegs legs pa mdzad pa khyod ni 'gro la thogs mi mnga'// spyad pa legs par spyad pas rdzu 'phrul
- 11b
zhabs dang ye shes brnyes/ / bdag dang sems can rnam par bshig cing stong pa'i chos la brtson// shin tu dri ma mchis bsam bsgoms dag gi the tsom khrum// khyod kyis sngon ni sbyin dang tshul khrims bzod pa brtson 'grus dang / / bsam gtan shes rab snying rje byams pa mtshungs pa ma mchis bsten// khyod kyi yon tan bsam gyis mi khyab chu 'dzin rgya mtsho bzhin// 'byung gnas bzang po shin tu gnas pa bdag gi skyabs gyur cig/ rdul bral khyod kyis sku las dum bu dum bur bcad cing ni// srang la gcal ba mdzad cing dam dum lhag rol ma lus par// sku kun ril gyis btang ste phug ron phrug gu gcig ma btang / rdul bral 'od mdzad thugs rje mnga' ba the tsom gcad du gsol// lha tshogs gnas pa'i ri bo g.yos shing dgung ni rdib gyur la// lha ma yin gyi tshogs kyi gnas mal rgya mtsho bas gyur cing / / mkha' la gnas shing rgyu ba'i dkung zla dog sar lhung gyur kyang // rgyal ba grags pa mdzad pa khyod ni log pa'i tshig mi gsung // de nas gnas brtan 'od srungs chen pos bcom ldan 'das lnga tshogs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das snang ba chen po 'jig rten du byung zhing / ngo mtshar rmad du byung ba'i mtshan ma rgya chen po 'di lta bu gda' ba 'di'i rgyu ni gang lags/ rkyen ni gang lags/ de skad ces gsol
- 12a
pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs 'di lta bu'i gtam dris pas khyod la ci zhig byas thong zhig/ 'di ni nyan thos dang rang sangs rgyas thams cad kyis ma yin no// gal te de bzhin gshegs pas gnas 'di bstan par gyur na/ lha dang bcas pa'i 'jig rten 'di la rmongs shing bslad par 'gyur ro/ / gsol pa/ bcom ldan 'das de bzhin gshegs pas skye bo mang po la sman pa dang / skye bo mang po la bde ba'i slad du bshad du gsol/ de skad ces gsol pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs de'i phyir legs par rab tu nyon la yid la zung zhig dang bshad par bya'o// gnas brtan 'od srungs chen pos/ bcom ldan 'das legs so zhes bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to// 'od srungs 'di na 'jam dpal gzhon nur gyur pa kun tu snang ba dri med bkod pa zhes bya ba'i ting nge 'dzin la snyoms par zhugs te/ de'i mthus phyogs bcu'i sangs rgyas kyi zhing gang+gA'i klung bye ba'i bye ma snyed dgra 'od kyis snang bar byas nas/ 'od des phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag yang dag par bskul te/ 'jig rten gyi
- 12b
khams mi mjed 'dir lhags nas/ de dag gis dgazod nga'i rkang pa la mgo bos phyag byas te/ ngal lan gsum bskor ba byas nas/ steng gi bar snang la ta la srid tsam na pad+ma dgal 'khod do// de nas bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das byang chub sems dpa' de dag gi mthus me tog gi char 'di lta bu 'di dag rab tu bab cing / spos kyi char dag dang / phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin lags sam/ bcom ldan 'das kyis bka' stsal pa/ 'od srungs de de bzhin te/ byang chub sems dpa' de dag gi mthus me tog gi char 'di lta bu 'di dag rab tu bab cing / spos kyi char dag dang / phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin to/ / gsol pa/ bcom ldan 'das 'di na byang chub sems dpa' 'ga' yang mi gda' 'o// bcom ldan 'das kyis bka' stsal pa/ 'od srungs de dag ni nyan thos rnams dang rang sangs rgyas dag gis blta bar mi nus so/ / de ci'i phyir zhe na/ 'od srungs 'di ltar nyan thos dang rang sangs rnams ni byang chub sems dpa' rnams snying rje chen po gang dang / byams pa chen po gang dang / phan par 'dod pa gang dang / spyod pa gang la gnas pa dang / byang chub sems dpa' rnams sbyin pa dang / tshul khrims dang / bzod pa dang / brtson 'grus dang / bsam
- 13a
gtan dang / shes rab gang la gnas pa de la mi gnas shing / byang chub sems dpa' rnams gang la spyod pa'i lhag pa'i bsam pa de la'ang mi spyod pa'i phyir ro// 'od srungs byang chub sems dpa' de dag ni lus thams cad rnam par 'jig pa zhes bya ba'i ting nge 'dzin la snyoms par zhugs pas/ de dag ni nyan thos rnams dang rang sangs rgyas dag gis lta bar mi nus te/ bzhin gshegs pa rnams kyis gzigs pa kha nor zad do// 'od srungs rigs kyi bu de dag ni 'di ltar sa la gnas pa'i byang chub sems dpa' rnams dang / theg pa la gsar du zhugs pa'i byang chub sems dpa' rnams kyis kyang re zhig mi mthong na/ nyan thos dang rang sangs rgyas rnams kyis mthong bar 'gyur ba lta ci smos te/ de ni gnas med do// de skad ces bka' stsal pa dang / bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das byang chub sems dpa' chos du dag dang / spyod pa ci 'dra ba dang / dge ba'i rtsa ba ji lta bu dag dang ldan na/ byang chub sems dpa'i ting nge 'dzin lus thams cad rnam par 'jig pa 'thob par 'gyur lags/ bcom ldan 'das kyis bka' stsal pa/ 'od srungs byang chub sems dpa' chos bcu dang ldan na/ byang chub sems dpa'i ting nge 'dzin lus thams cad rnam par 'jig pa 'thob par 'gyur te/ bcu gang zhe na/ lhag pa'i bsam pa la yang dag par 'jug pa dang / sems can thams cad yongs su mi gtong ba dang /
- 13b
snying rje chen po yongs su rdzogs par byed pa dang / mtshan ma thams cad rnam par 'jig pa dang / sangs rgyas kyi chos thams cad la lhag par dmigs shing / de la rlom sems med pa dang / nyan thos dang rang sangs rgyas kyi sa la lhag par dmigs pa med cing / de las ye shes yongs su tshol ba dang / lus dang srog kyang yongs su gtong na/ dngos po gzhan dag lta ci smos te/ bdog pa thams cad yongs su gtong ba dang / tshogs dpag tu med pa yongs su 'dzin cing / tshogs des rlom sems med pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dpag tu med pa yongs su rdzogs par byed cing / pha rol tu phyin pa de dag la rtog pa med pa dang / bdag gis sems can thams cad sangs rgyas kyi chos rnams la bkod nas/ phyis byang chub kyi shing drung du 'gro bar bya'o snyam yang sems can rnams dang / byang chub mi dmigs pa ste/ 'od srungs byang chub sems dpa' chos bcu po de dag dang ldan na// byang chub sems dpa'i ting nge 'dzin lus thams cad rnam par 'jig pa 'thob par 'gyur ro// de skad ces bka' stsal pa dang / bcom ldan 'das la gnas brtan 'od srungs chen pos 'di skad ces gsol to/ / bcom ldan 'das ji tsam du bcom ldan 'das de bzhin gshegs pa nyan thos kyi theg pa pa dang / rang sangs rgyas kyi theg pa pas nam yang sems 'ga' yang ma bskyed pa'i legs
- 14a
@par gsungs pa gsung ba ni/ bcom ldan 'das ngo mtshar lags te/ bdag gis sems can thams cad dgra bcom pa nyid kyi chos rnams pa'ang dgod par bgyi na/ sangs rgyas kyi chos rnams la lta smos kyang ci 'tshal lags/ bcom ldan 'das kyis bka' stsal pa/ 'od srungs de lta bas na nyan thos dang rang sangs rgyas rnams kyis ni/ lus thams cad rnam par 'jig pa'i ting nge 'dzin la snyoms par 'jug par mi nus te/ ting nge 'dzin de'i ming yang mi shes na/ snyoms par 'jug par 'gyur ba lta ci smos te/ de ni gnas med do// de skad ces bka' stsal pa dang / bcom ldan 'das la gnas brtan 'od srungs chen pos 'di skad ces gsol to// bcom ldan 'das bdag gis byang chub sems dpa' de dag blta bar bgyi'o// de ci'i slad du zhe na/ bcom ldan 'das skyes bu dam pa de lta bu de dag mthong bar dka' ba'i slad du'o/ / bcom ldan 'das kyis bka' stsal pa/ 'od srungs 'jam dpal gzhon nur gyur pa 'ongs kyi bar du khyod re zhig sdod cig/ dang / de nas byang chub sems dpa' de dag ting nge 'dzin de las sdang zhing / de'i 'og tu mthong bar 'gyur ro// 'od srungs de lta mod kyi/ khyod nyid ting nge 'dzin rnams kyi gnas thob pa yin gyis/ byang chub sems dpa' de dag spyod lam ji lta bus gnas pa rtogs shig/ de nas gnas brtan 'od srungs chen pos/ bcom ldan 'das kyi ltar mnyan nas/ byang chub sems dpa' de dag
- 14b
spyod lam ji lta bus gnas pa blta ba'i phyir/ de'i tshe sangs rgyas kyi mthu dang / rang gi stobs bskyed pas ting nge 'dzin nyi khri la snyoms par zhugs shing / rnam par langs kyang de dag ma mthong / ste/ byang chub sems dpa' de dag gi 'ong ba dang 'gro ba'ang ma shes/ de dag gi gnas dang rab tu gnas pa'ang ma shes/ ci byed pa dang / ci ston pa dag kyang thams cad kyi thams cad du ma shes ma mthong ngo / / de nas bcom ldan 'das la gnas brtan 'od srungs chen pos 'di skad ces gsol to// bcom ldan 'das 'di ltar bdag ting nge 'dzin nyi khri la snyoms par zhugs kyang / byang chub sems dpa' de dag ma mthong ba ni/ bcom ldan 'das ngo mtshar lags so// bde bar gshegs pa shin tu ngo mtshar lags so// bcom ldan 'das byang chub sems dpa' de dag da dung thams cad mkhyen pa nyid ma thob par/ de ltar zhi ba'i ting nge 'dzin bsgrubs pas kyang de lta lags na/ byang chub sems dpa' gang dag thams cad mkhyen pa'i ye shes thob pa dgra lta smos kyang ci 'tshal te/ bcom ldan 'das rigs kyi bu dang / rigs kyi bu mo su zhig bla na med pa yang dag par rdzogs pa'i byang chub tu sems skyed par mi bgyid/ bcom ldan 'das gal te/ byang chub sems dpa' lus thams cad rnam par 'jig pa'i ting nge 'dzin 'di nyid kyi slad du go cha 'tshal bar bgyid pa de ni go cha legs par 'tshal ba lags pas/ ting nge 'dzin 'di ni slad kyis kyang
- 15a
yongs su gtang bar mi bgyi'o/ / bcom ldan 'das kyis bka' stsal pa/ 'od srungs de de bzhin no// ji ska du smras pa de bzhin te/ 'di ni nyan thos dang rang sangs rgyas thams cad kyi sa'ang ma yin na/ sems can gzhan dag gis lta smos kyang ci dgos/ de nas gnas brtan shA ri'i bu 'di snyam du sems te/ bdag ni de bzhin gshegs pas shes rab can rnams kyi mchog tu bstan pa yin gyis/ byang chub sems dpa' de dag spyod lam ji lta bus gnas pa bdag gis brtag par bya'o snyam mo// de nas gnas brtan shA ri'i bu byang chub sems dpa' de dag blta ba'i phyir ting nge 'dzin sum khri la snyoms par zhugs shing / rnam par langs kyang de dag gi mtshan ma'ang shes par ma nus so// de nas gnas brtan rab 'byo/ 'di snyam du sems te/ bdag gis byang chub sems dpa' de dag blta bar bya'o snyam mo// de nas gnas brtan rab 'byor byang chub sems dpa' de dag blta ba'i phyir/ sangs rgyas kyi mthu/ dang / rang gi stobs bskyed pas ting nge 'dzin bzhi khri la snyoms par zhugs shing / rnam par langs kyang / de dag gi 'ong ba dang 'gro ba'ang ma shes/ 'greng ba'ang ma mthong / 'chag pa'ang / mthong / 'dug pa'ang ma mthong / nyal ba'ang ma mthong ste/ de dag blta bar ma nus so// de nas gnas brtan rab 'byor gyis bcom ldan 'das kyi zhabs gnyis la gtugs nas/ bcom
- 15b
ldan 'das la 'di skad ces gsol to/ / bcom ldan 'das bdag ni de bzhin gshegs pas nyon mongs pa ma mchis par gnas pa rnams kyi mchog tu bstan te/ bdag zhi ba'i ting nge 'dzin rnams thob pa lags pas/ bcom ldan 'das bdag gal te gling chen po bzhi pa'i 'jig rten gyi khams 'di rnga bo che'i sbubs gcig tu gyur cing / gling chen po bzhi pa'i 'jig rten gyi khams cig shos kyang rnga bo che'i sbubs gcig tu gyur la/ der mi la la zhig skyes nas/ des ri rab tsam gyi rnga shing thogs te/ bdag ting nge 'dzin la snyoms par zhugs ma thag tu mdun du mchis nas/ sug las gzhan mi bgyid par bskal pa'i bar du rgyun mi 'chad par rnga bo che de gnyis brdungs par gyur kyang / bcom ldan 'das bdag nyon mongs pa ma mchis par gnas pa'i slad du/ de ltar bsgrubs te zhi ba'i ting nge 'dzin rnams thob pa la re zhig bskal pa 'das par gnas pa'i rnga bo che de gnyis kyi sgra de dag bdag gi rna ba'i rnam par rig pa tsam du'ang grag par mi 'gyur na// des ting nge 'dzin de las slong ba lta smos kyang ci 'tshal te/ de ni gnas ma mchis lags na/ bcom ldan 'das bdag nyon mongs pa ma mchis par gnas pa de lta bu dang ldan zhing / ye shes de lta bu dang ldan pas byang chub sems dpa' de dag blta ba'i slad du ting nge 'dzin bzhi khri la snyoms par zhugs shing / rnam par langs kyang de dag ma mthong ste/ de dag gi gnas kyang ma 'tshal lakra
- 16a
so/ / bcom ldan 'das gal te byang chub sems dpa' rnams kyis ye shes de lta bu yongs su tshol ba na/ sems can re re'i slad du bskul pa gang+gA'i klung gi bye ma snyed du sems can dmyal ba chen por sreg par gyur kyang spro bar bgyi zhing / bcom ldan 'das byang chub sems dpa' rnams kyis ye shes bsam gyis mi khyab pa de lta bu yongs su gtang bar mi 'gyi'o// bcom ldan 'das gal te bdag len pa ma mchis par zag pa rnams las sems rnam par grol bar ma gyur na ni/ bdag slad ma'i mtha'i mur thug par 'khor bar spyod cing / de lta bu'i theg pa chen po'ang yongs su spong bar mi bgyid do/ / de nas bcom ldan 'das kyis gnas brtan rab 'byor la legs so zhes bya ba byin te/ rab 'byor khyod kyis lhag pa'i bsam pa de lta bus tshig de skad smras pa legs so legs so/ / rab 'byor khyod gal te phung po 'di dag nyid kyis yongs su mya ngan las 'da' bar ma gyur tu zin na/ khyod dge ba'i rtsa ba 'dis 'khor los sgyur ba'i rgyal srid gad+hA'i klung gi bye ma snyed byed du 'jug cing / bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro// rab 'byor stong gsum gyi stong chen po'i 'jig rten gyi khams kyi sems can ji snyed pa de dag mang ba yin nam/ gsol pa/ bcom ldan 'das mang lags so// bde bar gshegs pa mang lags so// bka' stsal pa/ rab 'byor nan gyi
- 16b
dper byas te/ gal te sems can de dag thams cad dge slong rab 'byor dang / shA ri'i byA dang / 'od srungs chen po ci 'dra ba de lta bu'i shes pa dang ldan par gyur la/ rab 'byor nyan thos/ chen po de lta bu de dag gis byang chub sems dpa' de dag blta ba'i phyir bskal pa bye ba khrag khrig 'bum phrag du mar brtags kyang mthong bar mi nus so// de ci'i phyir zhe na/ rab 'byor nyan thos dang rang sangs rgyas rnams ni byang chub sems dpa' rnams chos gang dag la spyod pa de dag la mi spyod pa'i phyir te/ rab 'byor de ni nyan thos dang rang sangs rgyas thams cad kyi gnas ma yin no/ / bstan pa 'di bshad pa na lha dang mi'i skye dgu rnams las srog chags brgyad khri bzhi stong bla na med pa yang dag par rdzogs pa'i byang chub tu sems skyes so// de nas 'jam dpal gzhon nur gyur pa gnas de nyid na 'dug pa 'di snyam du sems te/ byang chub sems dpa' bye ba khrag khrig 'bum phrag mang po 'di dag 'dus kyis/ bdag gis lha 'bum phrag mang po dag kyang / bsdu bar bya'o snyam mo// de nas 'jam dpal gzhon nur gyur pas de'i tshe ji lta bu'i rdzu 'phrul mngon par 'du bya ba mngon par 'dus byas na/ 'di ltar 'gyur ba'i rdzu 'phrul mngon par 'du bya/ ba mngon par 'du byas nas/ pad+ma shing rta'i phang lo tsam/ 'dab ma ni ka ser/ sdong bu ni dngul/ snying po ni rin po che dpal gyi snying po/ ze ba ni bai DUR+Ya las byas pa bye ba khrag khrig 'bum phrag
- 17a
@brgyad su cu bzhi mngon par sprul cing / pad+ma de dgal byang chub sems dpa'i lus gser gyi kha dog lta bu/ skyes bu chen po'i mtshan sum cu rtsa gnyis dang ldan pa/ dpal dang / ldan pa/ kha dog dang ldan pa/ gzi brjid dang ldan pa/ 'od gsal ba dag pa pad+ma'i snying po dag gi dbus na skyil mo krung gis 'jug pa'i lus gzugs drag kyang mngon par sprul to// de nas pad+ma de dag rgyal chen bzhi'i lha'i ris nas bzung ste/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs 'khor dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang bsod nams skyes dang / 'bras bu che dang / mi che ba dang / mi gdung ba dang / gya nom snang ba dang / shin tu mthong dang / 'og min gyi lha'i ris kyi bar dang / de bzhin du stong gsum gyi stong chen po'i 'jig rten gyi khams 'di'i rgyal chen bzhi'i lha'i ris ther 'bum nas/ 'og min gyi lha'i ris kyi bar gyi 'dod pa na spyod pa dang / gzugs na spyod pa'i lha rnams kyi gnas ji snyed pa thams cad du 'dong zhing / sgra sgrogs par byed/ dbyangs rjod par byed/ yang dag par skul bar byed de/ byang chub sems dpa'i lus gzugs de dag stong gsum gyi stong chen po'i 'jig rten gyi
- 17b
khams 'drin rnam par rgyu ba'i tshe tshigs su bcad pa 'di dag smras so/ / sangs rgyas nyi ma'i rtsa lag rnams// 'jig rten du ni lan 'ga' 'byung // u dum la ra'i me tog ltar/ sangs rgyas de bzhin shin tu dkon/ / shAkya seng ge mi yi mchog/ de ni 'jig rten 'dir byung ste// sdug bsngal thams cad zang byed pa'i// chos ni yang dag de ston mdzad// lha yi 'dod pa yid dka' la/ / ji srid yun ring spyad byas la// gang du tshor ba myong 'gyur ba'i// ngan song rnams su 'gro bar 'gyur// ji srid 'dod pa rnams bsten pa// srid pa phyir zhing rab tu 'phel// khams gsum 'khor ba'i srog chags la/ / bde ba yod pa ma yin no// sangs rgyas 'byung ba rab dkon dang // khom pa dam pa rnyed nas ni// gang dag bag med mi rtogs pa// de dag sdug bsngal zad mi 'gyur// sangs rgyas blta ba'i phyir deng la/ / chos kyi dam pa mnyan par gyis// 'jig rten 'dren pa 'das 'og tu// phyis dus 'gyod par ma byed cig/ mi rnams gang dag rtag myos shing // 'jigs chen bdud kyi zhags pa yi/ / bag med spyod pa byed rnams la// thar pa yod par ga la 'gyur// de ni 'di skad smra bar bya// bsod nams byas pa'i sems can gang // sum cu rtsa gnyis mtshan mnga' ba'i// rdzogs sangs rgyas dang zur phrang byos// gang dag byams pa bsamams pa'i// 'jig rten mgon rnams ma gtogs par// sems can rnams kyi skyabs gzhan med// dpung gnyen gzhan yang yod
- 18a
ma yin/ / skyob pa shAkya seng ge yis// tshad med bsam gyis mi khyab pa'i// bskal pa bye bar spyad mdzad nas// ye shes dam pa brnyes nas ni// gang la sems can mi dmigs shing / / srog dang gang zag yod min pa'i// chos mchog zhi ba zab mo dang // mthong bar dka' ba rab tu ston// rtag pa dang ni de bzhin du// chad pa'ang rab tu spangs gyur cing // mtshan ma thams cad spangs pa'i chos/ / srog chags rnams la ston par mdzad// gang la 'jig rten mi gnas pa'i// stong nyid mtshan ma med pa dang // smon par byed pa ma yin pa'i// yang dag mtha' ni rab tu ston/ / rtags med mtshan ma yod min zhing // skye med 'byung ba med pa dang // 'ong ba med cing 'gro med pa'i// chos ni mkhas pa ston par mdzad// zad med 'byung ba yod min zhing // rang bzhin gyis ni dngos med dang // bltar med mtshan ma yod min pa// ston kyang rlom pa'i sems mi mnga'// sems can gang yang skye med cing // 'ga' yang 'chi ba yod ma yin// mya ngan 'das pa'ang/ gang yang med// sems can 'byung ba'ang yod ma yin// skad kyis chos rnams bstan byas kyang // skad la rten pa yod yin zhing // yi ge rnams dang bral ba'i chos// mi yi 'dren pa ston par mdzad// gang la rlung ni mi gnas shing // chu dang me yang mi dmigs la// sar yang rtogs pa med pa'i chos// spyan dang ldan pa ston par mdzad// gzugs dang tshor ba 'du shes dang // 'du byed rnams
- 18b
dang rnam shes ni/ / stong zhing phung po lnga po dag/ dngos po med par ston par mdzad// mig dang rna ba sna dang ni// lce dang lus dang de bzhin yid// rang bzhin stong par ston mdzad kyang // stong pa de yang dmigs su med/ / gzugs dang sgra dang dri rnams dang // ro dang reg bya yid 'ong ba// de dag rnam par rtog pas bskyed// rtog pa'ang rang bzhin stong pa yin// de ltar sangs rgyas skyob pa ni// srog chags rnams la chos ston gyi/ / gang dag sdug bsngal thar 'dod pa// de dag rnam 'dren drung du shog/ de nas byang chub sems dpa' sprul pa de dag gis stong gsum gyi stong chen po'i 'jig rten gyi khams 'dir tshigs su bcad pa de dag gis chos bstan pas/ 'dod pa na spyod pa dang / gzugs na spyod pa'i lha'i bu rnams las lha bye ba phrag dgu bcu rtsa drug ni chos rnams la chos kyi mig rdul med cing dri ma dang bral ba rnam par dag go/ / lha'i bu khri nyis stong gis ni 'dod chags dang bral ba rjes su thob bo// lha'i bu sa ya phrag gsum dang nyis 'bum ni byang chub tu sems skyes so/ / byang chub sems dpa'i theg pa la yang dag par zhugs pa'i lha'i bu khris ni mi skye ba'i chos la bzod pa thob par gyur to// de'i tshe na byang chub sems dpa'i lus gzugs de dag gis lha'i bu gang dag yang dag par bskul ba de dag las/ lha'i bu 'bum phrag dpag tu med grangs med pa dag skad cig thang cig yud tsam cig gis/ bcom ldan 'das de bzhin
- 19a
gshegs pa dgra bcom pa yang dag par rdzogs pa'i sangs rgyas shAkya thub pa ka la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod de/ lha'i me tog ut+pa la dang / ku mu da dang / pad+ma dkar po dang / man+da ra ba dang / man+da ra ba chen po dang phye ma dang / spos dang / byug pa dag gis de bzhin gshegs pa la mngon par gtor to// steng gi bar snang la'ang lha'i glu dbyangs mang po dag rab tu len par gyur to// de'i tshe na gling c hen po bzhi pa'i 'jig rten gyi khams 'dir gang du lha'i bu gzi brjid che ba gzi brjid che ba dag gis khyab par ma gyur pa'i sa'i phyogs tha na 'khar ba gzugs pa'i gtos tsam yang med pa de snyed kyi lha'i bu dag 'dus par gyur cing / gling chen po bzhi pa'i 'jig rten gyi khams 'di'ang me tog dag gis pus mo nub tsam du khebs par gyur to// de nas lha'i bu blo gros rab gnas dang / lha'i bu mtshams bzangs dang / lha'i bu dri med dang / lha'i bu ngo tsha shes pa'i nor can zhes bya ba lha bye ba phrag dgu bcu rtsa drug po thams cad kyang byang chub sems dpa'i theg pa la yang dag par zhugs pa sha stag gis yongs su bskor cing mdun du bdar nas/ 'jam dpal gzhon nur gyur pa'i gnas ga la ba der dong ste lhags nas/ 'jam dpal gzhon nur gyur
- 19b
pa'i gnas kyi phyi rol nas lan bdun bskor ba byas te/ me tog ma sbar ba'i char dag mngon par rab tu phab bo// me tog man+dar ba'i char de dag gis 'jam dpal gzhon nur gyur pa'i gnas su me tog gi phung po 'phang du dpag tshad bcu pa kun nas gnas par gyur to/ / de nas 'jam dpal gzhon nur gyur pas byin gyi rlabs ji lta bu byin gyis brlabs na/ 'di lta bur 'gyur ba'i byin gyi rlabs byin gyis brlabs pas/ stong gsum gyi stong chen po'i 'jig rten gyi khams 'di'i steng gi bar snang la me tog gi dra ba kun nas bkram par gyur to// me tog gi 'od des stong gsum gyi stong chen po'i 'jig rten gyi khams 'di khyab par gyur to/ / de nas 'jam dpal gzhon nur gyur pa rang gi gnas nas byung ste/ smon lam lan byung ba'i stan la 'dug go/ de nas lha'i bu blo gros rab gnas kyis 'jam dpal gzhon nur gyur pa'i rkang pa gnyis la gtugs so/ / lha'i bu de dag thams cad kyis kyang 'jam dpal gzhon nur gyur pa'i rkang pa gnyis la gtugs so// / bam po gnyis pa/ de nas 'jam dpal gzhon nur gyur pa 'di snyam du sems te/ bcom ldan 'das kyi spyan sngar bdag su dang lhan cig tu dri ba bstan pa bshad par bsam gyis mi khyab pa'i gzhi rnams dang / shes par dka' ba'i gzhi rnams dang / gnas med pa'i gzhi rnams dang / spros pa med pa'i gzhi rnams dang / spros pa dang bral ba'i gzhi rnams
- 20a
@dang / brjod du med pa'i gzhi rnams dang / bstan du med pa'i gzhi rnams dang / zab mo'i gzhi rnams dang / bden pa'i gzhi rnams dang / chags pa med pa'i gzhi rnams dang / mi byed pa'i gzhi rnams dang / stong pa nyid kyi gzhi rnams dang / mtshan ma med pa'i gzhi rnams dang / smon pa med pa'i gzhi rnams dang / de bzhin nyid bstan pa'i gzhi rnams dang yang dag pa'i mtha'i gzhi rnams dang / chos kyi dbyings kyi gzhi rnams dang / mtshungs pa med pa'i gzhi rnams dang / blang ba med pa'i gzhi rnams dang / dor ba med pa'i gzhi rnams dang / sangs rgyas kyi gzhi rnams dang / chos kyi gzhi rnams dang / dge 'dun gyi gzhi rnams dang / ye shes yongs su rdzogs pa 'thob pa'i gzhi rnams dang / khams gsum mnyam pa nyid kyi gzhi rnams dang / chos thams cad mi dmigs pa'i gzhi rnams dang / chos thams cad skye ba med par bstan pa'i gzhi rnams dang / sang+ge'i gzhi rnams dang / dpa' bo'i gzhi rnams dang / gzhi med pa'i gzhi de dag bstan pa na snod du 'gyur ba ni su yod snyam mo/ / de nas yang 'jam dpal gzhon nur gyur pa 'di snyam du sems te/ lha'i bu blo gros rab gnas 'di ni sngon gyi rgyal ba la lhag par bya ba byas pa/ zab mo la bzod pa thogs pa med pa'i spobs pa dang ldan pa yin gyis/ bcom ldan 'das kyi spyan sngar bdag 'di dang lhan cig tu dri ba bstan pa bshad par bya'o snyam mo// de nas 'jam dpal gzhon
- 20b
nur gyur pas/ lha'i bu blo gros rab gnas la 'di skad ces smras so// lha'i bu khyod ni zab mo la bzod pa thogs pa med pa'i spobs pa dang ldan pa yin na/ bcom ldan 'das kyi spyan sngar kho bo dang lhan cig tu dri ba bstan pa bshad par nus sam/ de skad ces smras pa dang / lnga'i bu blo gros rab gnas kyis/ 'jam dpal gzhon nur gyur pa la 'di skad ces smras so// 'jam dpal gal te khyod gsung bar mi mdzad/ rjod par mi mdzad/ 'don par yang mi mdzad/ yi ge'ang mi mdzad/ sgra'ang mi gsan pa lta na/ bdag gis de bzhin bstan par bgyi'o// 'jam dpal gyis smras pa/ lha'i bu gal te khyod nyan par mi byed/ 'dzin par mi byed/ 'chang bar mi byed/ kun chub par mi byed/ sems par mi byed/ rig par mi byed/ rnam par rig par mi byed/ len par mi byed/ gtong bar mi byed cing / thos nas kyang gzhan dag la ston par mi byed pa lta na/ kho bos kyang de bzhin bstan par bya'o// de ci'i phyir zhe na/ lha'i bu sangs rgyas kyi byang chub ni yi ge med pa/ sems med pa/ sems dang bral ba ste/ gang gis ming brjod cing / ming de'ang g.yo ba med pa'i phyir ro// lha'i bus smras pa/ 'jam dpal lha'i bu 'di dag ni khyod las chos bstan pa nyan par 'tshal gyi sa phyogs 'di nyid du khyod kyis lha'i bu 'di dag la chos kyi bka' mchid gsungs shig/ 'jam dpal gyis smras pa/ lha'i bu kho bo ni nyan par 'dod pa rnams la chos ston par mi byed de/
- 21a
'dzin par 'dod pa rnams la'ang ma yin no// de ci'i phyir zhe na/ lha'i bu bdag tu 'dzin na nyan 'dod par 'gyur la/ sems can du 'dzin pa dang / srog tu 'dzin pa dang / gang zag tu 'dzin na nyan 'dod par 'gyur ba'i phyir ro// lha'i bu gang la ngar 'dzin pa dang / nga yir 'dzin pa yod pa de ni 'di snyam du 'di ni ston par byed pa'o// bdag ni nyan pa'o// 'di ni bshad par bya ba'o snyam du sems pas/ de ni chags pa gsum gyis chags pa yin te/ gsum gang zhe na/ bdag tu dmigs pa dang / sems can du dmigs pa dang / chos su dmigs pa'o/ / lha'i bu gang la ngar 'dzin pa dang / nga yir 'dzin pa med pa de ni 'khor gsum yongs su dag pas chos ston par byed de/ rnam par rtog par mi byed/ sems par mi byed/ rlom sems su mi byed do// de la 'khor gsum yongs su dag pa gang zhe na/ bdag tu dmigs pa med cing / rnam par rtog par mi byed/ rlom sems su mi byed/ sems par mi byed pa dang / chos smra bar dmigs pa med cing / rnam par rtog par mi byed/ rlom sems su mi byed/ sems par mi byed pa dang / chos su dmigs pa med cing / rnam par rtog par mi byed// rlom sems su mi byed/ sems par mi byed pa ste/ lha'i bu gang dag de ltar nyan pa de dag ni mnyam par nyan pa yin te/ mi mnyam par ma yin no// lha'i bu blo gros rab gnas kyis
- 21b
smras pa/ 'jam dpal ci nas kyang mi ldog pa nyid kyi slad du bstan pa bshad pa legs so legs so// 'jam dpal gyis smras pa/ lha'i bu ci rung rnam par ma rtog cig/ byang chub sems dpa' gang ldog pa de ni byang chub mngon par rdzogs par 'tshang rgya ste/ byang chub kyang dmigs su med do// lha'i bus smras pa/ 'jam dpal gang las ldog/ 'jam dpal gyis smras pa/ lha'i bu 'dod chags las ldog go/ zhe sdang las ldog go// gti mug las ldog go// sred pa las ldog go/ ma rig pa las ldog go/ 'khor bar skye ba'i yan lag bcu gnyis kyi bar las ldog go/ rgya las ldog go/ lta ba las ldog go/ ming las ldog go/ gzugs las ldog go/ 'dod pa'i khams las ldog go/ gzugs kyi khams las ldog ko/ gzugs med pa'i khams las ldog go/ nyan thos kyi spyod pa las ldog go/ rang sangs rgyas kyi spyod pa las ldog go/ rtog pa las ldog go/ 'dzin pa las ldog go/ mtshan ma las ldog go/ dngos por 'dzin pa las ldog go/ chad par lta ba las ldog go/ / rtag par lta ba las ldog go// blang ba las ldog go/ dor ba las ldog go/ bdag tu 'du shes pa las ldog go/ sems can du 'du shes pa las ldog go/ srog tu 'du shes pa las ldog go// gang zag tu 'du shes pa las ldog go// yid la byed pa dag las ldog go/ chags pa dag las ldog go/ phyin ci log dag las ldog go/ 'jigs tshogs las ldog go/ 'jig tshogs la lta ba
- 22a
las ldog go/ / 'jigs tshogs kyi rtsa ba las byung blta ba'i rnam pa drug cu rtsa gnyis las ldog go// sgrib pa dag las ldog go// phung po lngar 'dzin pa dag las ldog go/ rgya dang nang gi skye mched thams cad las ldog go/ / khams rnams las ldog go// sangs rgyas su 'du shes pa las ldog go// chos su 'du shes pa las ldog go// dge 'dun du 'du shes pa las ldog go// bdag sangs rgyas su 'gyur ro// bdag chos ston par 'gyur ro// bdag sems can grol bar byed par 'gyur ro// bdag bdud 'dul bar 'gyur ro// bdag ye shes thob par 'gyur ro snyam pa'i 'du shes de dag las ldog go/ / de bzhin gshegs pa'i stobs bcu la rtog par mi byed do// sangs rgyas kyi chos ma 'dres pa bco brgyad la rtog par mi byed do// dbang po rnams dang / stobs rnams dang / mi 'jigs pa rnams la rtog par mi byed do// mtshan ma rnams la rtog par mi byed do// sangs rgyas kyi zhing bkod pa rnams la rtog par mi byed do// nyan thos kyi dge 'dun phun sum tshogs pa la rtog par mi byed cing / rtog pa thams cad las ldog ste/ lha'i bu de ltar byang chub sems dpa' gang de las ldog pa de ni mi ldog pa yin no// lha'i bus smras pa/ 'jam dpal gang las mi ldog/ 'jam dpal gyis smras pa/ lha'i bu sangs rgyas kyi ye shes las mi ldog go/ stong pa nyid las mi ldog go// mtshan ma med pa las mi ldog go/ smon pa med pa las mi ldog go/ de bzhin nyid las mi ldog go/
- 22b
chos kyi dbyings las mi ldog go// yang dag pa'i mtha' las mi ldog go// mnyam pa nyid las mi ldog go// lha'i bus smras pa/ 'jam dpal de skad ces byang chub sems dpa' gang rtog pa dang rnam par rtog pa dang / yongs su rtog pa'i chos de dag las ldog pa de ni des na ldog pa zhes bya'o// zhes gsung ba de ci gang dag las ldog pa'i chos de dag mchis pa zhig gam/ 'on te ma mchis pa zhig gam/ 'on te mchis pa dang ma mchis pa zhig gam/ 'on te mchis pa'ang ma lags/ ma mchis pa'ang ma lags pa zhig lags/ 'jam dpal gyis smras pa/ lha'i bu gang dag las ldog pa'i chos de dag ni yod pa'ang ma yin/ med pa'ang ma yin/ yod pa dang med pa'ang ma yin/ yod pa'ang ma yin/ med pa'ang ma yin pa'ang ma yin no// lha'i bus smras pa/ 'jam dpal 'o na gang las ldog/ 'jam dpal gyis smras pa/ lha'i bu yang dag pa ma yin par 'dzin pa dang / legs pa ma yin par 'dzin pa dang / ldog par 'dzin pa gang yin pa de 'dzin par mi byed/ yongs su gtong bar mi byed/ mtshan mar mi byed pa de'i phyir ldog pa zhes bya ste/ de ni yod par yang bstan par mi bya/ med par yang bstan par mi bya'o// de ci'i phyir zhe na/ gal te yod pa dang med pa las ldog par gyur na/ de ni skyon du 'gyur ba'i phyir ro// de ci'i phyir zhe na/ gal te yod pa las ldog par gyur na/ rtag par 'gyur la/ med pa las ldog par gyur na/ chad
- 23a
par 'gyur ba'i phyir ro/ / de bzhin gshegs pa ni rtag pa dang chad pa'i phyir chos ston par mi mdzad de/ sangs rgyas bcom ldan 'das rnams kyi chos bstan pa ni rtag pa'i/ phyir yang ma yin/ chad pa'i phyir yang ma yin no// lha'i bu de bzhin nyid gang yin pa de ni sngon ma byung bar gyur pa'o zhes 'du shes kyis yod pa ma yin par yongs su shes par zad kyi/ de la ni chad pa'ang med/ rtag pa'ang med de/ lha'i bu de ltar na byang chub sems dpa' ldog pa yin no// bstan pa 'di bshad pa na/ lha'i bu khris mi skye ba'i chos la bzod pa thob par gyur to// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal de bzhin gshegs pa la blta ba dang / phyag bgyi ba dang // bsnyen bkur bgyi ba dang / zhu ba dang / zhu blag bgyi ba'i slad du/ de bzhin gshegs pa'i spyan sngar bzhud kyis gshegs so// 'jam dpal gyis smras pa/ lha'i bu rnam par rtog pa lam spyod cig/ de bzhin gshegs pa de ni kho bos blangs zin to// lha'i bus smras pa/ 'jam dpal de bzhin gshegs pa de gang na bzhugs/ 'jam dpal gyis smras pa/ lha'i bu de ni kho bo'i mdun na bzhugs so// lha'i bus smras pa/ 'jam dpal de ni mi gda' 'o// 'jam dpal gyis smras pa/ lha'i bu gal te khyod kyis thams cad mthong na/
- 23b
des de bzhin gshegs pa mthong bar mi 'gyur ro// lha'i bus smras pa/ 'jam dpal ci'i slad du de skad ces de bzhin gshegs pa de ni kho bos blangs zin te/ de ni kho bo'i mdun na bzhugs so zhes gsungs/ 'jam dpal gyis smras pa/ lha'i bu 'di ji snyam du sems/ kho bo mdun zhes bya ba ci zhig yin snyam/ lha'i bus smras pa/ 'jam dpal nam mkha'i khams lags so/ / 'jam dpal gyis smras pa/ lha'i bu de bzhin gshegs pa de'ang 'di lta ste/ nam mkha'i khams yin no// de ci'i phyir zhe na/ chos thams cad nam mkha' dang mnyam pa'i phyir/ nam mkha' ji lta bu yin pa de bzhin gshegs pa'ang de lta bu yin pas/ nam mkha' dang de bzhin gshegs pa de ni gnyis su med de/ gnyis su byar med pa'i phyir ro/ / lha'i bu de lta bas na khyod de bzhin gshegs pa lta bar 'dod na/ mtha' 'di khong du chud par bya zhing / cung zad kyang rnam par brtag par mi bya'o// de nas yang 'jam dpal gzhon nur gyur pas de'i tshe/ khang pa brtsegs pa gru bzhi lham pa/ ka ba bzhi pa/ cha mnyam pa/ shin tu 'byes pa/ mdzes pa/ blta na sdug pa sum khri nyis stong mngon par sprul to/ / khang pa brtsegs pa de dag tu rin po che'i khri stan lha'i dpag bsam shing las byung ba'i gos kyis bshams pa dag kyang sprul cing / khri stan re re la'ang byang chub sems dpa'i lus gzugs
- 24a
skyes bu chen po'i mtshan sum cu rtsa gnyis dang ldan pa dag sprul to/ / de nas 'jam dpal gzhon nur gyur pas ji lta bu'i byin gyi rlabs byin gyis brlabs nas/ 'di lta bur 'gyur ba'i byin gyi rlabs byin gyis brlabs pas/ stong gsum gyi stong chen po'i 'jig rten gyi khams 'di na rnam par spyod pa'i pad+ma gang dag yin pa de dag dang / khang pa brtsegs pa de dag du bzhin gshegs pa ka la ba der dong ste lhags nas/ bcom ldan 'das dge slong gi dge 'dun dang bcas pa la lan gsum bskor ba byas te/ steng gi bar snang la bcom ldan 'das kyi 'khor gyi dkyil 'khor la snang bar byed cing / phyogs bzhi kun nas 'khor bar 'khod do// de nas pad+ma de dag la 'khod pa'i byang chub sems dpa' sprul pa gang dag yin pa de dag dang / khang pa brtsegs pa dag na 'khod pa'i byang chub sems dpa' gang dag yin pa de dag thams cad kyi/ bcom ldan 'das la sgra dbyangs mthun par tshigs su bcad pa 'di dag gis mngon par bston to/ / kang+gA'i bye snyed bsam gyis mi khyab pa'i// sangs rgyas bye ba phrag mang khyod kyis mchod// byang chub mchog gi spyad pa stsal mdzad pas// de skad mi mchog khyod ni mdzes pa lags/ / thub pa mtshan gyis yongs su spras gyur pa// sku mchog srid pa gsum na lha de ste// 'dren pa gang la ming dang srog dang ni// gang zag ma mchis chos ni 'grol ston// rnam par
- 24b
'dren pas sbyin dang tshul khrims spyad/ / bzod pa brtson 'grus de bzhin bsam gtan bsten// khyod kyi shes rab srid gsum thogs mi mnga'// ye shes mthar byon khyod la phyag 'tshal lo/ / gang zhig chos rje lha dang mis mchod pa'i// 'jig rten 'dren pa la ni 'dun 'gyur zhing // stong pa nyid la mos par bgyi ba yi// mi de 'jig rten dag gi 'dren par 'gyur// gang dag sngon byung de bzhin gshegs pa dang // gang dag phyogs rnams bzhugs pa'i 'dren pa dag/ de dag gis ni mtshan med stong pa'i chos// rang bzhin mtshan nyid ma mchis rtag tu bsgom// 'di la rang bzhini sems can gang yang ni// skye dang 'chi ba dmigs su ma mchis shing // 'ong ba ma mchis 'gro ba ma mchis te// chos rnams thams cad nam mkha' ji bzhin no// ji ltar mi yis sgyu ma bstan gyur pa/ / snang yang de bzhin nyid du ma mchis ltar// de bzhin chos rnams sgyu ma 'dra ba dang // rmi lam lta bur bde bar gshegs pas bstan// gang zag la las gang+gA'i bye snyed kyi/ / 'jig rten khams rnams 'dir ni sbyin byin pas// 'dus byas stong par bzod pa gang lags pa// bzod pa de ni sbyin las khyad par 'phags// byang chub 'dod pa'i byang chub sems dpa' yis/ / bskal pa bye ba gad+hA'i bye snyed du// me tog spos dang de bzhin zas skom dag/ phul nas mi mchog sangs rgyas mchod pa bas// gang gis gang
- 25a
la mi dang srog dang ni/ / gang zag ma mchis de 'dra'i chos 'di dag/ thos nas de la 'od gsal bzod thob pa// de yis mi rnams dam pa mchod pa lags// gang la ming dang gang zag 'du shes mchis/ / bskal pa bye ba mang por zas skom dang // shing rta dpung chung khri stan sbyin bgyis kyang // des ni 'gro ba grol ba mi 'thob bo// mi mchog gang dag mya ngan 'das pa dang / / de dag gis kyang sems can ma bkrol ba// mkhas rnams rang bzhin 'od gsal stong pa yi// chos rnams de ltar mkhyen pas rnam par grol// sangs rgyas 'byung dang yul du gnas pa dang / / de bzhin bstan la dad pa thob par dka'// mi yi srid pa'ang rnyed par dka' bas na// rgyal ba rnams kyi bstan la lags brtson gyis// mi khom brgyad po thams cad rnam spangs shing / / khom pa phun sum rnyed dka' thob gyur la// bde gshegs bstan la dad pa rnyed gyur pa'i// mkhas pa rnams kyis rigs pa'i rnal 'byor spyod// sgra la 'tshal zhing 'dug par ma byed par/ / chos thos gyur nas rtag tu nan tan gyis// khyed kyis rtag tu dkon pa'i gnas ston la// des ni mi rnams dam par 'gyur bar byos// chos smra'i dge bshes gang yin stan gyis / / sdig pa'i grags la 'ga' yang ma sten cig/ sems can kun la sems ni mnyam gyis la// sems can de la nam yang ma rlom zhig/ tshul khrims ldan dang mang du thos kyis
- 25b
la/ / rtag tu phyag dar khrod dang bsod snyoms spyod// g.yel ba med par shing drung sten gyis la// bkus te bor ba mchog la ma smod cig/ 'dus byas 'di dag thams cad 'dus byas min// mtshan nyid gcig cing smig rgyu 'dra ba yis// dam pa'i don gyi mu gcig shes gyis la// myur du gzhal yas byang chub reg par gyis// phung po lnga rnams sgyu ma bzhin du ltos// nang gi skye mched drug dang phyi yi drug/ de dag grong stong 'dra bar gsungs pas na// de la nam yang rten par ma byed cig/ 'dod chags zhe sdang rang bzhin stong pa nyid// gti muka nga rgyal yongs su rtog pas bskyed// / rtog pa de yang ma byung 'byung med par// de ltar shes na 'dren pa rnams su 'gyur// de nas sprul pa de dag gis tshigs su bcad pa de dag smras pa na/ 'khor de las srog chags nyi khri nyis stong bla na med pa yang dag par rdzogs pa'i byang chub tu sems skyes so/ / dge slong lnga brgya ni len pa med par zag pa rnams las sems rnam par grol lo// dge slong sum brgya ni chos rnams la chos kyi mig rdul med cing dri ma dang bral ba rnam par dag go/ / dge slong ma sum stong yang chos rnams la chos kyi mig rdul med cing dri ma dang bral ba rnam dag go/ dge bsnyen bdun stong dang // dge bsnyen ma stong dang / lha'i bu nyi khri bdun stong yang chos rnams la chos kyi mig rdul med cing dri ma dang bral ba rnam par dag go/ byang chub sems dpa' sum brgyas ni mi skye ba'i chos la bzod pa thob bo// stong gsum
- 26a
rdzi stong chen po'i 'jig rten gyi khams 'di'ang rnam pa drug tu rab tu g.yos te/ g.yos/ rab tu g.yos/ kun tu rab tu g.yos// 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg go/ de nas bcom ldan 'das la gnas brtan shA ri'i bus 'di skad ces gsol to// bcom ldan 'das gang gis stong gsum gyi stong chen po'i 'jig rten gyi khams 'di rnam pa drug tu rab tu g.yos pa dang / byang chub sems dpa'i lus gzugs pad+ma dag dang / khang pa brtsegs pa 'di dag na mchis pa 'di rnams chos zab mo 'di lta bu ston par bgyid pa dang / 'khor 'di'ang snang ba chen pos khyab par gyur pa dang / lha'i bu bye ba phrag 'di snyed 'dus pa dang / byang chub sems dpa' bye ba phrag mang po 'dus pa 'di dag su'i mthu lags/ de skad ces gsol pa dang / bcom ldan 'das kyis gnas brtan shA ri'i bu la 'di skad ces bka' stsal to// shA ri'i bu 'di ni 'jam dpal gzhon nur gyur pa'i mthu yin te/ des bkod pa 'di lta bu 'di dag kun tu snang ngo // de ci'i phyir zhe na/ shA ri'i bu 'di ltar deng de bzhin gshegs pa la/ 'jam dpal gzhon nur gyur pa/ lha'i bu blo gros rab gnas dang lhan cig tu sangs rgyas kyi chos bsam gyis mi khyab pa yongs su bsgrub pa'i phyir/ bdud kyi dkyil 'khor thams cad rnam par 'jig par byed pa zhes bya ba'i chos kyi rnam grangs zhu
- 26b
zhing / zhu blag byed par 'gyur ba'i phyir ro// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das 'jam dpal gzhon nur gyur pa de 'khor 'dus pa 'di na mi gda' 'o/ / bcom ldan 'das kyis bka' stsal pa/ shA ri'i bu khyod re zhig sdod cig dang / 'jam dpal gzhon nur gyur pa de de'u re 'dud kyi dkyil 'khor thams cad dang / bdud kyi gnas thams cad dang / bdud thams cad zil gyis gnos cing / bkod pa chen pos de bzhin gshegs pa ga la ba der 'ong bar 'gyur ro// de nas 'jam dpal gzhon nur gyur pa bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs so// 'jam dpal gzhon nur gyur pa bdud kyi dkyil 'khor thams cad rnam par 'jig par byed pa'i ting nge 'dzin la snyoms par zhugs ma thag tu/ de nas de'i mod la stong gsum gyi stong chen po'i 'jig rten gyi khams 'di na bdud kyi gnas bye ba brgya phrag ji snyed pa de dag thams cad mog mog por gyur to/ / bdud sdig can de dag kyang rang rang gi lus rgas shing gtugs la 'khogs par gyur nas/ lag pa 'khar ba la rten cing 'gro bar gyur to/ / de dag gi lha'i bu mo rnams kyang rgas shing gtugs la 'khogs par gyur pa dang / rang rang gi gzhal med khang dag kyang brnyings shing rab tu 'jig la mun pa mun
- 27a
nag tu gyur par mthong ngo / / de nas bdud sdig can de dag skrag cing sngangs la yi chad cing sgyid lug ste/ spu'i khung bu zing zhes byed par gyur nas/ 'di snyam du rnam par/ rtog ste/ gang gis bdag cag bdud kyi gnas rnams 'di lta bu'i gnas skabs su gyur pa 'di'i rgyu ni gang yin/ rkyen ni gang yin/ bdag cag 'di nas 'chi 'pho zhing med pa 'am/ cig tu mi 'gyur grang snyam mo/ / bdud de dag gi rnam par rtog pa de lta bu de skyes ma thag tu/ de nas 'jam dpal gzhon nur gyur pas/ lha'i bu sprul pa ther 'bum sprul te/ bdud de dag gi mdun du bkod do// de nas lha'i bu sprul pa de dag gis bdud sdig can de dag la 'di skad ces smras so// grogs po dag 'di ni byang chub sems dpa' phyir mi ldog pa 'jam dpal gzhon nur gyur pa zhes bya ba de ltar bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs pa de'i mthu yin te/ khyed la 'tshe ba 'ga' yang 'byung bar mi 'gyur gyis ma skrag cig/ lha'i bu sprul pa de dag gis tshig de skad ces smras ma thag tu/ de nas bdud sdig can de dag gis sgra de'ang thos/ 'jam dpal gzhon nur gyur pa'i ming yang thos nas/ yang rgya cher sngangs shing skrag ste/ bdud kyi gnas de dag thams cad kyang rab tu g.yos so// de nas bdud sdig can de dag gis lha'i bu sprul pa de dag la 'di skad ces smras so// grogs po dag
- 27b
yongs su skyobs shig/ grogs po dag yongs su skyobs shig/ de nas lha'i bu sprul pa de dag gis bdud sdig can de dag la 'di skad ces smras so// grogs po dag ma 'jigs shig grogs po dgra ma 'jigs shig/ khyed cag deng bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa kA la bya der song zhig dang de bzhin gshegs pa thugs rje dang ldan pa de ni sems can 'jigs par gyur pa rnams la mi 'jigs pa stsol bar mdzad do/ / de nas lha'i bu sprul pa de dag gis tshig de skad ces smras nas/ de nyid du mi snang bar gyur to// de nas bdud sdig can 'bum phrag ther 'bum du ma dang bcas pa de dag thams cad rgas shing gtugs la 'khogs shing lag pa 'khar ba la rten bzhin du 'dong zhing skad cig thang cig yud tsam cig la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste lhags nas/ bcom ldan 'das la thams cad kyis sgra skad mthun par 'di skad ces gsol to// bcom ldan 'das bdag cag mi sdug pa'i rnam pa 'di lta bu 'di dag las yongs su bskyab tu gsol/ bde bar gshegs pa bdag cag yongs su bskyab tu gsol/ bcom ldan 'das sangs rgyas bye ba phrag 'bum gyi mtshan yongs su bsgrags pa ni mi rdo lags kyi/ 'jam
- 28a
dpal gzhon nur gyur pa gcig pu'i ming ni de lta ma lags so/ / de ci'i slad du zhe na/ 'jam dpal gzhon nur gyur pa'i ming thos nas bdag cag 'jigs shing sngangs la skrag par gyur te/ 'chi 'pho ba snyam du 'tshal cing / ma mchis par 'gyur ba snyam du 'tshal ba'i slad du'o// de nas bcom ldan 'das kyis bdud sdig can de dag la 'di skad ces bka' stsal to// bdud sdig can dag de de bzhin no// ji skad smras pa de bzhin te/ ji ltar 'jam dpal gzhon nur gyur pas yongs su smin pa dang / rnam par dbye ba med par sems can rnams kyi don byas pa dang / byed par 'gyur ba de ltar sangs rgyas bye ba phrag 'bum gyis kyang sems can rnams kyi don ma mdzad mi mdzad pas/ de'i phyir ji ltar 'jam dpal gzhon nur gyur pa gcig pu'i ming yongs su bsgrags pa de ltar sangs rgyas bye ba phrag 'bum gyi mtshan yongs su bsgrags pas ni/ khyed cag sdug bsngal zhing rnam par 'jig par mi 'gyur ro// de nas bcom ldan 'das la bdud sdig can de dag gis 'di skad ces gsol to/ / bcom ldan 'das bdag cag 'di ltar lus 'khogs pa 'dris nyam thag cing ngo tsha lags pas/ bcom ldan 'das sngon bdag cag gi kha dog rgyas par gyur pa gang lags pa de lta bu 'tshal lags so/ / bcom ldan 'das kyis bka' stsal pa/ khyed cag 'jam dpal gzhon nur gyur pa ma 'ongs kyi bar du re zhig 'di nyid du sdod cig dang /
- 28b
des khyed cag mi sdug pa'i rnam pa 'di las yongs su thar par byed par 'gyur ro// de nas 'jam dpal gzhon nur gyur pa ting nge 'dzin de las langs te/ stan las langs nas/ byang chub sems dpa' 'bum phrag du mas kyang yongs su bskor cing mdun du bdar/ lha'i bu 'bum phrag du ma dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po 'bum phrag du ma sil snyan 'bum phrag mang po dag rab tu gsil zhing / me tog ut+pa la dang / pad+ma dang / ku mu ta dang / pad+ma dkar po'i char dag rab tu 'bebs pa sha stag kis yongs su bskor cing mdun du bdar te/ bkod pa chen po dang / rnam par rtse ba chen pos bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par 'jug gam/ 'jam dpal gyis gsol pa/ bcom ldan 'das snyoms par 'jug lags so// bcom ldan 'das kyis bka' stsal pa/ 'jam dpal khyod kyi ting nge 'dzin
- 29a
bsgrub pa de de bzhin gshegs pa gang las thos/ khyod kyis ting nge 'dzin de bsgrubs nas ni ji srid cig lon/ 'jam dpal gyis gsol pa/ bcom ldan 'das gang gi tshe bdag gis ting nge 'dzini bsgrub pa de thos shing / bdag gis ting nge 'dzin de bsgrubs pa de'i tshe na bcom ldan 'das kyis byang chub tu thugs bskyed par yang ma gyur lags so// bcom ldan 'das kyis bka' stsal pa/ 'jam dpal khyod kyis gang las ting nge 'dzin bsgrub pa de thos pa'i de bzhin gshegs pa de'i mtshan ci/ 'jam dpal gyis gsol pa/ bcom ldan 'das sngon byung ba 'das pa'i dus bskal pa bsam gyis mi khyab pa'i yang ches bsam gyis mi khyab pa/ grangs ma mchis pa'i yang ches grangs ma mchis pa 'das pa de'i tshe de'i dus na de bzhin gshegs pa me tog man+da ra ba'i dri zhes bgyi ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das byung ste/ de ting nge 'dzin bsgrub pa de gsung bar gyur nas/ de bzhin gshegs pa de las bdag gis bdud kyi dkyil 'khor thams cad rnam par 'jig par bgyid pa'i ting nge 'dzin bsgrub pa de thos lags so/ / bcom ldan 'das kyis bka' stsal pa/ 'jam dpal bsgrub pa de dag gang yin/ 'jam dpal gyis
- 29b
gsol pa/ bcom ldan 'das byang chub sems dpa' rnam pa nyi shu dang ldan na bdud kyi dkyil 'khor thams cad rnam par 'jig par bgyid pa'i ting nge 'dzin de 'thob ste/ nyi shu gang zhe na/ bcom ldan 'das 'di la bya chub sems dpa' 'dod chags rnam par 'jig cing / 'dod chags kyi sems rnam par 'jig par bgyid pa dang / zhe sdang rnam par 'jig cing / zhe sdang gi sems rnam par 'jig par bgyid pa dang / gti mug rnam par 'jig cing / gti mug gi sems rnam par 'jig par bgyid pa dang / phrag dog rnam par 'jig cing / phrag dog gi sems rnam par 'jig par bgyid pa dang / nga rgyal rnam par 'jig cing / nga rgyal gyi sems rnam par 'jig par bgyid pa dang / 'chab pa rnam par 'jig cing / 'chab pa'i sems rnam par 'jig par bgyid pa dang / khro ba rnam par 'jig cing / khro ba'i sems rnam par 'jig par bgyid pa dang / yongs su gdung ba rnam par 'jig cing / yongs su gdung ba'i sems rnam par 'jig par bgyid pa dang / 'du shes rnam par 'jig cing / 'du shes kyi sems rnam par 'jig par bgyid pa dang / lta ba rnam par 'jig cing // lta ba'i sems rnam par 'jig par bgyid pa dang / rtog pa rnam par 'jig cing / rtog pa'i sems rnam par 'jig par bgyid pa dang / len pa rnam par 'jig cing / len pa'i sems
- 30a
rnam par 'jig par bgyid pa dang / 'dzin pa rnam par 'jig cing / 'dzin pa'i sems rnam par 'jig par bgyid pa dang / mtshan ma rnam par 'jig cing mtshan ma'i sems rnam par 'jig par bgyid pa dang / srid pa rnam par 'jig cing / srid pa'i sems rnam par 'jig par bgyid pa dang / rtag pa rnam par 'jig cing / rtag pa'i sems rnam par 'jig par bgyid pa dang / chad pa rnam par 'jig cing / chad pa'i sems rnam par 'jig par bgyid pa dang / phung po rnam par 'jig cing / phung po'i sems rnam par 'jig par bgyid pa dang / khams rnam par 'jig cing / khams kyi sems rnam par 'jig par bgyid pa dang / skye mched rnam par 'jig cing / skye mched kyi sems rnam par 'jig par bgyid pa dang / khams gsum pa rnam par 'jig cing / khams gsum pa la dmigs pa'i sems rnam par 'jig par bgyid pa ste/ bcom ldan 'das byang chub sems dpa' rnam pa nyi shu po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob bo// bzhi gang zhe na/ lhag pa'i bsam pa la yang dag par 'jug pa dang / g.yo ma mchis pa dang / zab pa dang / bdog pa thams cad yongs su gtong ba ste/ bcom ldan 'das byang
- 30b
chub sems dpa' chos bzhi po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ slu ba ma mchis pa dang / bden pa'i tshig gis dam 'cha' ba dang / 'du shes kyi dbang gi spyod yul ma lags pa dang / chos thams cad mi 'dzin pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ dge ba'i bshes gnyen la rten pa dang / sdig pa'i grogs po spong ba dang / sbyangs pa dang / tshul khrims dang / yo byad bsnyungs pa dang ldan pa dang / 'du 'dzi ma mchis par spyod pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ tshul khrims ma nyams pa dang / tshul khrims ma ral ba dang / tshul khrims mi rten pa dang / tshul khrims nag nog ma mchis pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos
- 31a
bzhi dang ldan na ting nge 'dzin de 'thob ste/ bzhi gang zhe na/ nyan thos kyi sems yongs su spong ba dang / rang sangs rgyas kyi sems la lhag par mi dmigs pa dang / bzod pa la gnas pa dang / sems can la rlom sems ma mchis pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ stong pa nyid kyi chos sgom zhing / gang zag la rlom sems ma mchis pa dang / mtshan ma mchis pa sgom zhing / mtshan ma yongs su spong ba dang / smon pa ma mchis pa sgom zhing / smon pa'i sems yongs su spong ba dang / cho ga 'tshal zhing dngos po thams cad yongs su gtong ba dang bzhi ste/ bcom ldan 'das byang chub sems dpa' rnam pa de dag dang / chos de dag dang ldan na bdud kyi dkyil 'khor thams cad rnam par 'jig par bgyid pa'i ting nge 'dzin de 'thob bo/ / bcom ldan 'das de ltar de bzhin gshegs pa me tog man+dA ra ba'i dris ting nge 'dzin bsgrub pa de rab tu bstan te/ bcom ldan 'das bdag gis de bzhin gshegs pa de las ting nge 'dzin bsgrub pa de thos shing / bcom ldan 'das de bzhin gshegs pa me tog man+da ra ba'i dri de'i 'og tu de bzhin gshegs pa dgra bcom pa yang dag par
- 31b
rdzogs pa'i sangs rgyas nor bu dang / rin po che dang / glog dang / nyi zla thams cad zil gyis gnon pa'i 'od ces bgyi ba byung bar gyur te/ bcom ldan 'das bdag gis de bzhin gshegs pa de'i spyan sngar ting nge 'dzin de bsgrubs so/ / bstan pa 'di bshad pa na/ 'khor de las byang chub sems dpa' khris ni ting nge 'dzin de bsgrubs so// de nas bcom ldan 'das la gnas brtan shA ri'i bus 'di skad ces gsol to// bcom ldan 'das 'jam dpal gzhon nur gyur pas ci tsam du ting nge 'dzin de legs par bsgrubs shing / ting nge 'dzin de legs par bsgrubs pas/ bdud sdig can 'di dag mi sdug pa'i rnam pa 'di lta bur bgyis pa de ni ngo mtshar lags so// de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu 'di ji snyam du sems/ stong gsum gyi stong chen po'i 'jig rten gyi khams 'di 'ba' zhig gi bdud sdig can 'di dag 'di dag 'di ltar mi sdug pa'i rnam par byas so snyam na/ shA ri'i bu khyod kyis de ltar mi blta'o// de ci'i phyir zhe na/ shA ri'i bu 'di lta ste/ 'jam dpal gzhon nur gyur pa'i byin gyis brlabs kyis phyogs bcu kun gyi sangs rgyas kyi zhing kang+gA'i klung gi bye ma snyed dag na/ bdud sdig can gang dag 'khod pa de dag thams cad kyang 'di lta bu'i gnas skabs su gyur
- 32a
pa'i phyir ro/ / de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis byin gyis brlabs 'dri thong la ci nas kyang bdud sdig can 'di dag sngon gyi kha dog rgyas pa dang ldan par 'gyur bar gyis shig/ de nas 'jam dpal gzhon nur gyur pas byin gyis brlabs de btang ngo // byin gyis brlabs de btang ma thag tu/ de nas bdud sdig can de dag sngon gyi kha dog rgyas pa dang ldan par gyur to// de nas 'jam dpal gzhon nur gyur pas/ bdud sdig can de dag dang / bdud kyi dkyil 'khor de dag la smras pa/ sdig can dag gang la mig dang / gang la mika gi 'du shes dang / gang la mig tu lhag par 'dzin pa dang / gang la mig gi mtshan ma dang / gang la mig tu lhag par dmigs pa dang / gang la mig tu mngon par chags pa dang / gang la mig gi rlom sems dang / gang la mig bdag gir 'dzin pa dang / gang la mig gi rten dang / gang la mig la mngon par zhen pa dang / gang la mig/ gi spros pa dang / gang la mig nga'i ba nyid dang / gang la mig kun tu srung ba dang / gang la mig bsgom pa dang / grang la mig blang ba dang / gang la mig dor ba dang / gang la mig tu rtog pa dang / gang la mig tu sam/ pa dang / gang la mig yongs su 'grub pa dang / gang la mig 'gog pa dang / gang la mig skye ba dang / gang la mig tu 'dzin pa dang / gang la mika 'ong ba yod pa de la ni/ khyod bdud kyi las bar chad byed pa'i yul yod
- 32b
do/ / sdig can dag de bzhin du gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos dang / gang la chos kyi 'du shes dang / gang la chos su lhag par 'dzin pa dang / gang la chos kyi mtshan ma dang / gang la chos su lhag par dmigs pa dang / gang la chos su mngon par chags pa dang / gang la chos kyi rlom sems dang / gang la chos bdag gir 'dzin pa dang / gang la chos kyi rten dang / gang la chos la mngon par zhen pa dang / gang la chos kyi spros pa dang / gang la chos nga'i ba nyid dang / gang la chos kun tu srung ba dang / gang la chos bsgom pa dang / gang la chos blang ba dang / gang la chos dor ba dang / gang la chos su rtog pa dang / gang la chos su sems pa dang / gang la chos yongs su 'grub pa dang / gang la chos 'gog pa dang / gang la chos skye ba dang / gang la chos su 'dzin pa dang / gang la chos 'ong ba yod pa de la ni khyed bdud kyi las bar chad byed pa'i yul yod do// sdig can dag gang la mig med pa dang / gang la mig gi 'du shes med pa dang / gang la mig tu lhag par 'dzin pa med pa dang / gang la mig gi mtshan ma med pa dang / gang la mig tu lhag par dmigs pa med pa dang / gang la mig tu mngon par chags pa med pa dang / gang la mig gi rlom sems med pa dang / gang la mig bdag gir 'dzin pa med pa dang / gang la mig gi rten med pa dang / gang la mig la mngon par zhen par med pa dang / gang la mig gi spros pa med pa dang / gang la mig nga'i ba nyid med pa dang /
- 33a
gang la mig kun tu srung ba med pa dang / gang la mig bsgom pa med pa dang / gang la mig blang ba med pa dang / gang la mig dor ba med pa dang / gang la mig tu rtog pa med pa dang / gang la mig tu sems pa med pa dang / gang la mig yongs su 'grub pa med pa dang / gang la mig 'gog pa med pa dang / gang la mig skye ba med pa dang / gang la mig tu 'dzin pa med pa dang / gang la mig 'ong ba med pa de la ni khyed kyi gnas med do/ / yul med do// bdag po med do// stobs med do// dbang phyug med do// mthus bzung ba med do// sdig can dag de bzhin du/ gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chod med pa dang / gang la chos kyi 'du shes med pa dang / gang la chos su lhag par 'dzin pa med pa dang / gang la chos kyi mtshan ma med pa dang / gang la chos su lhag par dmigs pa med pa dang / gang la chos su mngon par chags pa med pa dang / gang la chos kyi rlom sems med pa dang / gang la chos bdag ga ri 'dzin pa med pa dang / gang la chos kyi rten med pa dang / gang la chos la mngon par zhen pa med pa dang / gang la chos kyi spros pa med pa dang / gang la chos nga'i ba nyid med pa dang / gang la chos kun tu srung ba med pa dang / gang la chos bsgom pa med pa dang / gang la chos blang ba med pa dang / gang la chos dor ba med pa dang / gang la chos su rtog pa med pa dang / gang la chos su sems pa med pa dang / gang la chos yongs su 'grub pa
- 33b
med pa dang / gang la chos 'gog pa med pa dang / gang la chos sde bamed pa dang / gang la chos su 'dzin pa med pa dang / klang la chos 'ong ba med pa de la ni khyed kyi gnas med do// su med do// bdag po mang po// stobs med do// dbang phyug med do// mthus bzung ba med do// de nas 'jam dpal gzhon nur gyur pas de lta de ltar chos bstan pa des/ bdud kyi dkyil 'khor de las bdud khri bla na med pa yang dag par rdzos pa'i byang chub tu sems skyes so/ / bdud kyi dkyil 'khor de las bdud brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go/ de nas bcom ldan 'das la gnas brtan 'od srungs chen pos 'di skad ces gsol to/ / bcom ldan 'das 'jam dpal gzhon nur gyur pa 'dir mchis lags kyi/ bcom ldan 'das bdag cag gis byang chub sema? dpa' de dag blta bar bgyi'o/ / de ci'i slad du zhe na/ bcom ldan 'das skyes bu dam pa de lta ba de dag mthong bar dka' ba'i slad du'o// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal 'khor 'di phyogs bcu nas 'dus pa'i byang chub sems dpa' de dag da blta bar 'dod kyi/ khyod kyis ston cig/ de nas 'jam dpal gzhon nur gyur pasabyang chub sems dpa' chos dang / chos 'phags dang / chos kyi blo gros dang / nyi ma dang / bdud kyi mtshon cha dang / 'jam dbyangs dang / sdig pa bzhi dang / zhi ba srung dang / rnam rgyal srung dang /
- 34a
chos rgyal rnam bsngags dang / de dag dang / byang chub sems dpa' gzhan dkal smras pa/ rigs kyi bu dag byed cag gi rung rang gi sangs rgyas kyi zhing dkun/ byang chub ses / de dag gi lus ci 'dra ba de lta bur khyed cag rang rang gi lus ston cig/ 'jam dpal gzhon nur gyur pas tshig de skad ces smras ma thag tu/ de nas de'i mod la byang chub sems dpa' de dag ting nge 'dzin de las langs te/ langs nas kyang rang rang gi lus dag bstan to// de nas byang chub sems dpa' kha cig gi lus ni ri rab tsam mo// kha cig gi lus ni dpag tshad brgyad khri tsam mo// kha cig gi lus ni dpag tshad bdun khri dang / drug khri dang / lnga khri dang / bzhi khri dang / sum khri dang / nyi khri dang / khri tsam mo// kha cig gi lus ni dpag tshad lnga stong dang / bzhi stong dang / gsum stong dang / nyis stong dang / stong tsam mo// kha cig gi lus ni dpag tshad lnga brgya dang / bzhi brgya dang / sum brgya dang / nyis brgya dang / brgya tsam mo// kha cig gi lus ni dpag tshad lnga bcu dang / bzhi bcu dang / sum bcu dang / nyi shu dang / bcu tsam mo// kha cig gi lus ni dpag tshad lnga dang / bzhi dang / gsum dang / gnyis dang / gcig tsam mo// byang chub sems dpa' kha cig gi lus ni 'jig rten gyi khams mi mjed 'di'i sems can rnams kyi lus ji tsam par khru phyed dang bzhi tsam ste/ de dag gi lus de lta bu dag kun tu snang ngo // de'i tshe na stong gsum gyi stong chen po'i 'jig rten gyi khams 'dir gang du byang chub sems dpa' gzi brjid che ba/ gzi brjid che ba sha stag
- 34b
gis khyab par ma gyur pa'i sa phyogs ni/ tha na 'khar ba gzugs pa'i gtos tsam yang med de/ byang chub sems dpa' de dag gi 'od kyis kyang phyogs bcu'i sangs rgyas kyi zhing bye ba phrag 'bum dag kyang sdang bar gyur to/ / / de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ka la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod ci dang ci 'dod pa de bzhin gshegs pa la zhus shig dang / ngas zhus pa de dang de nyid kyi lan btab pas khyod kyi sems rangs par bya'o/ / de skad ces bka' stsal pa dang / 'jam dpal gzhon nur gyur pa dang thams cad dang ldan pa'i 'khor des bcom ldan 'das kyi ltar mnyan nus/ bcom ldan 'das la 'di skad ces gsol to/ / bcom ldan 'das byang chub sems dpa' byang chub sems dpa' zhes bgyi na/ bcom ldan 'das ci'i slad du byang chub sems dpa' zhes bgyi/ de skad ces gsol pa dang / bcom ldan 'das
- 35a
kyis 'jam dpal gzhon nur gyur pa la 'di skad ces bka' stsal to/ / 'jam dpal chos thams cad rtogs pa'i phyir byang chub sems dpa' zhes bya'o// 'jam dpal gang / dag rtogs pa'i phyir byang chub sems dpa' byang chub sems dpa' zhes bya ba'i chos thams cad de dag gang zhe na/ 'jam dpal 'di la byang chub sems dpas mig rtogs par byed do// rna ba rtogs par byed do/ / sna rtogs par byed do// lce rtogs par byed do// lus rtogs par byed do// yid rtogs par byed do// 'jam dpal ji ltar byang chub sems dpas mig rtogs par byed/ ji ltar rna ba dang / sna dang / lce dang / lus dang / yid rtogs par byed ce na/ 'jam dpal 'di la byang chub sems dpas mig rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ / rna ba dang / sna dang / lce dang / lus dang / yid rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ gzugs rnams dang / sgra rnams dang / dri rnams dang / ro rnams dang/ reg bya rnams dang / chos rnams rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ 'jam dpal gzhan yang byang chub sems dpas nye bar len pa'i phung po lnga po dag rtogs par byed do/ / ji ltar rtogs par byed ce na/ stong pa dag tu rtogs par byed do// mtshan ma med pa dag tu rtogs par byed do// smon pa med pa dag
- 35b
tu rtogs par byed do/ / 'dod chags dang bral ba dag tu rtogs par byed do// zhi ba dag tu rtogs par byed do// dben pa dag tu rtogs par byed do// dngos po med pa dag tu rtogs par byed do// g.yod/ med pa dag tu rtogs par byed do// skye ba med pa dag tu rtogs par byed do// 'ong ba med pa dag tu rtogs par byed do// 'gro ba med pa dag tu rtogs par byed do// ngo bo nyid med pa dag tu rdzogs par byed do/ / bdag po med pa dag tu rtogs par byed do// rnam par rig pa med pa dag tu rtogs par byed do// shes pa med pa dag tu rtogs par byed do// mthong ba med pa dag tu rtogs par byed do// ma skyes pa dag tu rtogs par byed do// spros pa med pa dag tu rtogs par byed do// bdag gi med pa dag tu rtogs par byed do// rtog pas kun nas bslang ba dag tu rtogs par byed do// rnam par/ rtog pas kun nas bslang ba dag tu rtogs par byed do// rten cing 'brel par 'byung ba dag tu rtogs par byed do// sgyu ma lta bu dag tu rtogs par byed do// rmi lam lta bu dag tu rtogs par byed do// mig yor lta bu dag tu rtogs par byed do// brag cha lta bu dag tu rtogs par byed do// chu shing gi snying po lta bu dag tu rtogs par byed do// ring du mi gnas pa dag dang / snying po med pa dag dang / gsog dag dang / gsob dag tu rtogs par byed do// 'jam dpal gzhan yang byang chub sems dpas 'dod chags rtogs par byed do// zhe sdang rtogs par byed do// gti mug rtogs par byed do//
- 36a
ji ltar rtogs par byed ce na/ 'dod chags dang / zhe sdang dang / gti mug dag ni yongs su rtog pas kun nas bslang ba yin par rtogs par byed de/ yongs su rtog pa de dag kyang stong pa dag dang / med pa dag dang / dngos po med pa dag dang / spros pa med pa dag dang / rnam par rig pa med pa dag tu rtogs par byed do// 'jam dpal gzhan yang byang chub sems dpas 'dod pa'i khams rtogs par byed do/ / gzugs kyi khams dang / gzugs med pa'i khams rtogs par byed do// ji ltar rtogs par byed ce na/ bdag med pa dang / stong pa dang / dben par rnam par rtogs par byed do/ / 'jam dpal gzhan yang byang chub sems dpas sems can gyi spyod pa rtogs par byed do// ji ltar rtogs par byed ce na/ sems can 'di dag ni 'dod chags spyad pa'o// sems can 'di dag ni zhe sdang spyad pa'o// sems can 'di dag ni gti mug spyad pa'o// sems can 'di dag ni cha mnyam pa spyad pa'o zhes bya bar rtogs nas/ spyod pa la mkhas pa rtogs par byed de/ gang gi shes pa'i rnam par rig pa bstan pa gang yin pa de'ang rtogs par byed cing / rtogs nas kyang ji lta ji ltar de dag rnam par grol ba de lta de ltar chos ston to// 'jam dpal gzhan yang byang chub se dpas sems can thams cad rtogs par byed do/ / ji ltar rtogs par byed ce na/ sems can thams cad ni ming tsam ste/ ming de'ang g.yo ba med pa dang / sems can 'di dag thams cad ni sems can gcig
- 36b
paste/ sems can de'ang sems can med pa dang / de ltar yang rnam par mi rtog pa ste/ de'i phyir byang chub sems dpa' zhes bya'o// gang gi tshe byang chub sems dpas chos thams cad rtogs par byed pa de'i tshe byang chub rtogs par byed pa yin no/ / de la 'di skad ces bya ste/ mig dang rna ba de dag ni/ rang bzhin stong par rtogs byed kyang / rtogs snyam rtog par mi byed pa/ byang chub sems dpa' zhes kyang bya/ sna dang lce yang rang bzhin gyis/ dngos po med par rtogs byed kyang / rtogs snyam rtog par mi byed pa/ byang chub sems dpa' zhes kyang bya/ shes rab can gyis lus dang ni yid ni stong par rtogs byed cing / rtogs nas yang dag ston byed pa/ byang chub sems dpa' zhes kyang bya/ gzugs dang sgra dang dri dag dang / ro dang reg bya yid 'ong rnams/ thams cad stong par rtogs byed pa/ byang chub sems dpa' zhes kyang byang / gzugs dang tshor ba rtogs byed cing / 'du shes kyang ni de bzhin te/ 'du byed rnams dang rnam shes ni/ sgyu ma lta bur rtogs par byed/ lnga phyu rmi lam lta bu dang / mtshan nyid med par mtshan gcig par/ rtogs kyang rtogs snyam mi rtog pa/ byang chub sems dpa' zhes kyang bya/ nang ni byung ba ma yin te/ spros pa med cing 'dus ma byas/ de/ dag ming gis bstan pa ste/ ming de dngos po yong ma yin/ 'dod chags zhe sdang kun rtog gis/ kun nas bslang ba rtogs par byed/ rtog pa de yang byung min te/ gtan du dngos po yong ma yin/
- 37a
gti mug rnam par tog las byung / rnam par rtog pa rgya las phye/ rgyu yang sta bas bskyed pa ste/ sgrub de yang dmigs su med/ khams gsum thams cad stong pa ste/ de ni med par rtogs par byed/ 'di na 'pho ba 'ga' med pa/ byang chub sems dpa' zhes kyang bya/ 'dod khams grub pa ma yin te/ rnam par rtog pas kun nas bslang / gzugs dang gzugs med de bzhin te/ de dag thams cad yod ma yin/ 'dod chag su spyod dang zhes sdang spyod/ de bzhin gti mug smon pa dang / sems ca spyod pa kung yin pa/ thams cad mkhas pas rtogs par byed/ sems can thams cad sems can gcig/ sems can de yang yod min par/ shes rab can gyis de rtogs kyang / sems can de la rlom sems med/ chos rnams kun gyi 'byung ba ni/ phyin ci log las skye ba ste/ gang dag phyin ci log rtog pa/ de ni log pa'i mtshan nyid do// shes pa kun la mkhas pa ni/ gang gi sgra la'ang chags pa med/ chags pa med par rtogs gyur pa/ byang chub sems dpa' zhes kyang bya/ rang gi sha rnams gtong byed kyang / de la gnas pa yod min zhing / ji bzhin rjes su rtogs gyur pa/ byang chub sems dpa' zhes kyang bya/ tshul khrims pha rol phyin gyur kyang // tshul khrims la ni rlom sems med/ sangs rgyas tshul don gang yin pa/ skye med 'byung ba med pa yin/ byams pas sems can khyab byed kyang / sems can dmigs su yod ma yin/ sems can
- 37b
don ni rjes rtogs pa/ de ni ming gis bstan pa yin/ 'dus byas kun la rnam sems pa/ brtson 'grus rtsom la gnas gyur cing / 'jig rten stong par rig nas ni/ byang chub dam pa rtogs par byed/ de ni bsam gtan sgom byed kyang / de la rten pa yod min zhing / gnas med dmigs pa yod min pa/ de ltar mkhas pa sgom par byed/ bag chags lta ba'i nyon mongs rnams/ shes rab mtshon gyis gcod byed kyang / chos kyi dbyings la dbye ba dang / gcad pa'i rlom sems yod ma yin// // bam po gsum pa// // de nas bcom ldan 'dra la 'jam dpal gzhon nur gyur pas 'di skad ces gsol to/ / bcom ldan 'das byang chub sems dpa' sems dang po bskyed pa dang ldan pa sems dang po bskyed pa dang ldan pa zhes bgyi na/ bcom ldan 'das ji tsam gyis na byang chub sems dpa' sems dang po bskyud pa dang ldan pa zhes bgyi/ bcom ldan 'das kyis bka' stsal pa/ 'jam dpal byang chub sems dpa' gang gis khams gsum pa thams cad las 'du shes dang / yid la byed pa bskyed pa de ni sems dang po bskyed pa dang ldan pa zhes bya'o// 'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa' gang gis 'dod chags bskyed pa dang / zhe sdang bskyed pa dang / gti mug bskyed pa de ni sems dang po bskyed pa dang ldan pa zhes bgyi'o// de nas
- 38a
@lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal gal te 'dod chags dang / zhe sdang dang / gti mug dag bskyed pa byang chub sems dpa' sems dang po bskyed pa lags na/ de lta na byis pa so so'i skye bo rnams kyang sems dang po bskyed pa dang ldan pa lags par 'gyur ro// de ci'i slad du zhe na/ 'jam dpal 'di ltar de dag ni 'dod chags dang / zhe sdang dang / gti mug dag bskyed par bgyi ba'i slad du'o// 'jam dpal gyis smras pa/ lha'i bu byis pa so so'i skye bo rnams kyis ni 'dod chags dang / zhe sdang dang / gti mug dag skyed par mi nuso// de ci'i phyir zhe na/ lha'i bu 'dod chags dang / zhe sdang dang / gti mug dag ni sangs rgyas rnams dang / rang sangs rgyas rnams dang / nyan thos rnams dang / byang chub sems dpa' phyir mi ldog pa rnams kyis bskyed pa'i phyir ro// lha'i bus smras pa/ 'jam dpal 'khor 'dis khyod kyi ldem po ngag mi rtogs shing ma 'tshal te/ the tshom 'tshal bar 'gyur/ gyis/ rnam par phye ste bstan du gsol/ 'jam dpal gyis smras pa/ lha'i bu 'di ji snyam du sems/ 'dab chags bya steng gi bar snang la rgyu ba de 'phur te song ngam/ 'on te 'dug snyam lha'i bus smras pa/ 'jam dpal 'phur te mchis so// 'jam dpal gyis spras pa/ lha'i bu kho bo ni de las bsam nas de skad ces gang dag 'dod chags dang / zhe sdang dang / gti mug dag skyed par
- 38b
byed pa de dag ni/ sangs rgyas rnams dang / rang sangs rgyas rnams dang / nyan thos rnams dang / byang chub sems dpa' phyir mi ldog pa rnams shes bya'o zhes ston te/ lnga'i bu gang la rten med pa de ni skye ba yin no/ / gang la lhag par chags pa med pa de ni skye ba yin no// gang la mngon par zhen pa med pa de ni skye ba yin no// lha'i bu glang la rten med pa dang / lhag par chags pa med pa dang / mngon par zhen pa med pa de ni skye ba yin te/ skye ba zhes bya ba de ni gzhi med pa yin no// skye ba zhes bya ba de ni rtag tu med pa'i gzhi yin no// skye ba zhes bya ba de ni 'byung ba med pa'i gzhi yin no// skye ba zhes bya ba de ni ngo bo nyid med pa'i gzhi yin no/ / skye ba zhes bya ba de ni dngos po med pa'i gzhi yin no// skye ba zhes bya ba de ni 'ong ba med pa'i gzhi yin no// skye ba zhes bya ba de ni 'gro ba med pa'i gzhi yin no// skye ba zhes bya ba de ni skye ba med pa'i gzhi yin no/ / skye ba zhes bya ba de ni dmigs pa med pa'i gzhi yin no// skye ba zhes bya ba de ni rnam par rig pa med pa'i gzhi yin no// skye ba zhes bya ba de ni rdul med pa'i gzhi yin no/ / skye ba zhes bya ba de ni rlom sems med pa'i gzhi yin no// skye ba zhes bya ba de ni spyod pa med pa'i gzhi yin no// skye ba zhes bya ba de ni brjod du med pa'i gzhi yin no// skye ba zhes bya ba de ni mi phyed pa'i gzhi yin no/ / skye ba zhes bya ba de ni yi ge med pa'i gzhi yin no// skye ba zhes bya ba de ni gzung ba med pa'i gzhi yin no// skye ba zhes bya ba de ni gnas med pa'i gzhi yin no// skye ba zhes bya ba de ni blang ba
- 39a
med pa'i gzhi yin no/ / skye ba zhes bya ba de ni dor ba med pa'i gzhi yin no// skye ba zhes bya ba de ni phyir mi ldog pa'i gzhi yin te/ lha'i bu chos de la rlom sems su mi byed/ mngon par zhen par mi byed/ sems par mi byed/ shes par mi byed/ lta bar mi byed/ nyan par mi byed/ rnam par shes par mi byed/ len par mi byed/ gtong bar mi byed/ skyed par mi byed/ 'gog par mi byed pa gang yin pa de ni byang chub sems dpa' sems dang po skye ba yin no/ / lha'i bu de lta bas na/ byang chub sems dpas tshul de dang / chos kyi dbyings de dang / mnyam pa nyid de dang / mtha' de dang / thabs la mkhas pa des 'dod chags bskyed par bya'o// zhe sdang dang gti mug bskyed par bya'o// mig gi rten bskyed par bya'o// yid kyi rten gyi bar du bskyed par bya'o// gzugs la lhag par chag/ pa bskyed par bya'o// rnam par shes pa la lhag par chags pa'i bar du bskyed par bya'o// ming bskyed par bya'o// gzugs bskyed par bya'o// rgyu bskyed par bya'o// lta ba'i rnam pa thams cad bskyed par bya'o/ / ma rig pa bskyed par bya'o// srid pa'i sred pa bskyed par bya'o// rten cing 'brel par 'byung ba'i yan lag bcu gnyis la 'jug pa'i bar du bskyed par bya'o// 'dod pa'i yon tan lnga bskyed par bya'o/ / khams gsum pa la mngon par zhen pa bskyed par bya'o// ngar 'dzin pa dang / nga yir 'dzin pa bskyed par bya'o// 'jig tshogs bskyed par bya'o// 'jig tshogs la lta ba bskyed par bya'o//
- 39b
lta ba'i rnam pa drug cu rtsa gnyis bskyed par bya'o// sangs rgyas su 'du shes pa dang / chos su 'du shes pa dang / dge 'dun du 'du shes pa bskyed par bya'o// bdag tu 'du shes pa dang / gzhan du 'du shes pa bskyed par bya'o/ / sar 'du shes pa bskyed par bya'o// chur 'du shes pa dang / mer 'du shes pa dang / rlung du 'du shes pa dang / nam mkhar 'du shes pa dang / rnam par shes par 'du shes pa bskyed par bya'o/ / phyin ci log bzhi bskyed par bya'o// sgrib pa lnga dang / rnam par shes pa gnas pa bzhi dang / log pa nyid brgyad dang / mi dge ba bcu'i las kyi lam rnams bskyed par bya'o/ / lha'i bu mdor na byang chub sems dpas rtog pa thams cad dang / yongs su rtog pa thams cad dang / rnam par rtog pa thams cad dang / mtshan ma thams cad dang / spros pa thams cad dang / 'dod pa thams cad dang / 'dzin pa thams cad dang / mngon par zhen pa thams cad dang / 'du shes thams cad dang / rlom sems thams cad dang / chags pa thams cad bskyed par bya ste/ lha'i bu rnam grangs des na/ khyod kyis 'di ltar chos de la mngon par zhen pa med pa dang / lhag par chags pa med pa gang yin pa de ni skye ba zhes bya ba yin par rig par bya'o// de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal gang gi phyir khyod kyis 'di lta ste/ sangs rgyas bcom ldan 'das gang+gA'i klung gi bye ma snyed la bsnyen bkur byas pa'i
- 40a
phyir/ byang chub sems dpa' rnams kyi sems dang po skye ba 'di bstan pa legs so legs so// de nas bcom ldan 'das la tshe dang ldan pa shA ri'i bus 'di skad ces/ gsol to// bcom ldan 'das de ltar 'jam dpal gzhon nur gyur pas byang chub sems dpa' sems dang po skye ba 'di bstan pa'i sems skye ba 'di ni mi skye ba'i chos la bzod pa thob pa dang mtshungs so// bcom ldan 'das kyis bka' stsas pa/ shA ri'i bu de de bzhin no// ji skad smras pa de bzhin te/ shA ri'i bu gang gi tshe de bzhin gshegs pa mar me mdzad kyis ngal bram ze'i khye'u khyod ma 'ongs pa'i dus na/ bskal pa grangs med pa dag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i tshe na/ shA ri'i bu nga sems skye ba 'di dang bral bar ma gyur te/ shA ri'i bu de na ngas mi skye ba'i chos la bzod pa thob pa gang yin pa dang / byang chub sems dpa'i sems dang po skye ba de ni 'jam dpal gzhon nur gyur pas ji skad bstan pa 'di yin no/ / 'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa'i sems skye ba thams cad ni sems dang po skye ba lags so/ / de ci'i slad du zhe na/ bcom ldan 'das 'di ltar sems skye ba thams cad ni skye ba ma mchis pa lags la/ skye ba ma mchis pa gang lags pa de ni/ byang chub sems dpa'i sems dang po skye ba
- 40b
lags pa'i slad du'o/ / bstan pa 'di bshad pa na/ byang chub sems dpa' N+DI khri sum stong gis mi skye ba'i chos la bzod pa thob bo// dge slong lnga brgya ni len pa med par zag pa rnams las sems rnam par grol lo/ / lha'i bu dung phyur phrag drug ni chos rnams la chos kyi mig rdul med cing dri ma dang bral ba rnam par dag go de nas bcom ldan 'das la gnas brtan 'od srungs chen pos 'di skad ces gsol to/ / bcom ldan 'das de ltar 'jam dpal gzhon nur gyur pas chos bstan pas sems can 'di snyed kyi don bgyis pa ni 'jam dpal gzhon nur gyur pa dka' ba bgyid pa lags so// 'jam dpal gyis smras pa/ btsun pa 'od srungs chen po kho bo ni dka' ba byed pa ma yin no// de ci'i phyir zhe na/ btsun pa 'od srungs chen po chos thams cad byed pa med pa/ ma byas pa/ bya ba med pa yin phra/ kho bo chos 'ga' yang mi byed/ 'jig par mi byed pa'i phyir ro// kho bo ni sems can 'ga' yang grol bar mi byed/ 'ching bar mi byed do// de ci'i phyir zhe na/ sems can med pa'i phyir ro// btsun pa 'od srungs chen po gzhan yang de skad ces dka' ba byed pa yin no zhes zer ba ni/ btsun pa 'od srungs chen po kho bo ni dka' ba byed pa ma yin te/ de bzhin gshegs pa'ang ma yin/ dgra bcom pa rnams kyang ma yin rang sangs rgyas rnams kyang ma yin no/ / btsun pa 'od srungs chen po gang dag byis pa so so'i skye bo rnams dka' ba byed pa yin no zhes yang dag par smra ba brjod par gyur na/ de dag ni yang dag par smra ba brjod pa
- 41a
yin no/ / de ci'i phyir zhe na/ btsun pa 'od srungs chen po 'di ltar sangs rgyas thams cad kyis ma brnyes/ mi brnyes/ brnyes par mi 'gyur ba gang yin pa dang / nyan thos thams cad dang / rang sangs rgyas thams cad kyis ma brnyes/ mi brnyes/ brnyes par mi 'gyur ba gang yin pa de byis pa so so'i skye bo rnams kyis rnyed pa'i phyir ro// 'od srungs chen pos smras pa/ 'jam dpal sangs rgyas thams cad kyis ci zhig ma brnyes/ 'jam dpal gyis smras pa/ btsun pa 'od srungs chen po bdag ma brnyes so// sems can ma brnyes so// srog ma brnyes so// gang zag ma brnyes so// rtag pa ma brnyes so// chad pa ma brnyes so// phung po rnams ma brnyes so// khams rnams ma brnyes so// skye mched rnams ma brnyas so// ming ma brnyes so// gzugs ma brnyes so// 'dod pa'i khams ma brnyes so// gzugs kyi khams ma brnyas so/ / gzugs med pa'i khams ma brnyes so// rtog pa dang / yongs su rtog pa dang / rnam par rtog pa dang / rgyu dang / skye ba rnams ma brnyes so// phyin ci log rnams ma brnyes so// 'dod chan dang/ zhe sdang dang / gti mug dag ma brnyes so// 'jig rten 'di dang 'jig rten pha rol ma brnyes so// ngar 'dzin pa dang nga yir 'dzin pa dag ma brnyes so// btsun pa 'od srungs chen po mdor na chos thams cad ma brnyas so/ / ma bshig/ ma bkrol/ ma bzung / ma btang / ma sbyar/ ma phye'o// btsun pa 'od srungs chen po rnam grangs des na/ khyod kyis 'di ltar sangs rgyas thams cad kyis ma brnyes pa gang yin pa
- 41b
de ni/ byis pa so so'i skye bo thos pa dang mi ldan pa rnams kyis rnyed par rig par bya ste/ de'i phyir de dag ni dka' ba byed pa yin no// sangs rgyas rnams kyis ma mdzad pa gang yin pa dang / nyan thos rnams dang rang sangs rgyas rnams kyis ma byas pa gang yin pa de'ang byis pa so so'i skye bo rnams byed do/ / 'od srungs chen pos smras pa/ 'jam dpal ci zhig byed/ 'jam dpal gyis smras pa/ btsun pa 'od srungs chen po rtag pa byed do/ / chad pa byed do// kun tu sbyor ba byed do// mngon par gnas pa byed do// rlom sems byed do// sems pa byed do// skye ba byed do// 'jig pa byed do// len pa byed do// 'dor ba byed do// 'phro ba byed do// rtog pa byed do// rjes su chags pa byed do// khong khro ba byed do// khengs pa byed do// 'dud pa byed do// btsun pa 'od srungs chen po sangs rgyas bcom ldan 'das rnams kyis ma mdzad/ mi mdzad mdzad par mi 'gyur ba'i chos gang dag yin pa de dag byis pa so so'i skye bo rnams byed pas na/ de'i phyir de dag ni dka' ba byed pa yin no// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das mi skye ba'i bzod pa mi skye ba'i bzod pa zhes bgyi na/ bcom ldan 'das byang chub sems dpa'i mi skye ba'i chos la bzod pa zhes brgya ba de ni gang lags/ mi skye ba'i chos la bzod pa thob pa'i byang chub sems dpas ni ci zhig 'thob/ bcom ldan 'das kyis bka' stsal pa/ 'jam dpal thob pa ci'ang med pa'i phyir mi skye ba'i chos la
- 42a
bzod pa thob pa zhes bya'o/ / de ci'i phyir zhe na/ bzod pa de ni 'thob pa med pa ste/ thob pa med pa/ thob pa dang bral ba/ ma thob pa/ ma bshig pa yin pa'i phyir ro// 'jam dpal mi skye ba'i chos la bzod pa zhes bya ba de ni/ chos thams cad skye ba med pa zhes bya ba bzod pa dang / chos thams cad 'ong ba med pa zhes bya ba bzod pa dang / chos thams cad 'gro ba med pa zhes bya ba bzod pa dang / chos thams cad mnyam pa med pa zhes bya ba bzod pa dang / chos thams cad bdag po med pa zhes bya ba bzod pa dang / chos thams cad blang ba med pa zhes bya ba bzod pa dang / chos thams cad dor ba med pa zhes bya ba bzod pa dang / chos thams cad dngos po med pa zhes bya ba bzod pa dang / chos thams cad ngo bo nyid med pa zhes bya ba bzod pa dang / chos thams cad 'dra ba med pa zhes bya ba bzod pa dang / chos thams cad rdul med cing nam mkha' dang mtshungs pa zhes bya ba bzod pa dang / chos thams cad dbyer med cing gcad du med pa zhes bya ba bzod pa dang / chos thams cad kun nas nyon mongs pa med pa zhes bya ba bzod pa dang / chos thams cad rnam par byang ba med pa zhes bya ba bzod pa dang / chos thams cad stong pa dang / mtshan ma med pa dang / smon pa med pa zhes bya ba bzod pa dang / chos thams cad 'dod chags dang bral ba dang / zhe sdang dang bral ba dang / gti mug dang bral ba zhes bya ba bzod pa dang / chos thams cad de bzhin nyid dang / chos kyi dbyings dang / yang dag pa'i mtha' la gnas pa zhes bya ba bzod
- 42b
pa dang / chos thams cad ma brtags pa dang / rnam par ma brtags pa dang / ma rloms pa dang / ma spros pa dang / ma bsams pa dang / ma byas pa dang / stobs med pa dang / nyam chung ba dang / gsog dang / gso ba dang / sgyu ma lta bu dang / rmi lam lta bu dang / brag cha lta bu dang / mig yor lta bu dang / smig rgyu lta bu dang / mig yor lta bu dang / smig rgyu lta bu dang / chu shing gi snying po lta bu dang / chu bur lta bu dang / dbu ba rdos pa lta bu zhes bya ba bzod cing / de dag ni chos rnams kyang ma yin/ chos ma yin pa rnams kyang ma yin te/ ming gis brjod pa kho na yin zhing / ming de'ang g.yo ba med pa rang bzhin gyis dben pa yin no zhes bya ba de ltar bzod par byed/ mos par byed/ yid ches par byed/ 'jug par byed/ rtogs par byed cing // nem nur mi byed/ the tshom mi za la/ mi skrag mi dngang zhing / dngang bar mi 'gyur bar lus kyis reg par byas nas/ bsgrubs te gnas shing / lus kyang mi dmigs/ gnas pa'ang mi dmigs pa de ni/ 'jam dpal 'di lta ste/ mtshan ma thams cad rab tu mi rgyu ba'i phyir/ byang chub sems dpa'i mi skye ba'i chos la bzod pa zhes bya'o// 'jam dpal gyis gsol pa/ bcom ldan 'das bzod pa bzod pa zhes bgyi ba ni/ chos gang chos gang gis kyang smras par bgyir ma mchis pade ni bzod pa zhes bgyi'o/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal chos gang zhig chos gang gis smras par bgyid/
- 43a
'jam dpal gyis smras pa/ lha'i bu mig ni gzugs yid du 'ong ba dang / yid du mi 'ong ba dgra gis sbas par byed do// rna ba ni sma dag gis so// sA ni dri dag gis so// lce ni ro dag rmi so/ / lus ni reg bya dag gis so// lha'i bu yid ni chos yid du 'ong ba dang / yid du mi 'ong ba dag gis smras par byed de/ lha'i bu byang chub sems dpa' ni mig gis gzugs mthong ba'ang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed/ gzugs rang bzhin gyis stong par shes par byed cing / rlom sems su mi byed/ smras par mi byed do// de bzhin du rna bas sgra thos pa dang / snas dri bsnams pa dang / lces ro myang ba dang / lus kyis reg bya reg pa dang / yid kyis chos shes kyang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed de/ chos rang bzhin gyis stong par shes par byed cing / rlom sems su mi byed/ smas par mi byed do// lha'i bu de ltar skye mched drug po dag la chags par mi byed/ smras par mi byed de/ smas par mi byed pa gang yin pa de ni bzod pa zhes bya'o// lha'i bu bzod pa de lta bu thob pa'i byang chub sems dpa' ni chos rnams la skye ba'am mi skye bar mi rtog go/ / chos rnams la zag pa dang bcas pa 'am/ zag pa med pa 'am/ kha na ma tho ba dang bcas pa 'am/ kha nam
- 43b
tho ba med pa'am/ 'dus byas sam/ 'dus ma byas su mi rtog ste/ gang gi tshe mi rtog pa de'i tshe mi skye ba'i chos la bzod pa zhes bya'o// bstan pa 'di bshud pa na/ srog chags drug khri nyis stong bla na med pa yang dag par rdzogs pa'i byang chub tu sems skyes so/ / byang chub sems dpa' khri nyis stong gis ni mi skye ba'i chos la bzod pa thob par gyur to// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal sa nas sar 'phar bas nas sar 'phar ba zhes bgyi na/ ji ltar byang chub sems dpas sa nas sar 'phar bar bgyid/ 'jam dpal gyis smras pa/ lha'i bu sa nas sar 'phar bar byed pa gang yin pa de la dris shig/ lha'i bus smras pa/ 'jam dpal byang chub sems dpa' sa nas sar 'phar zhing sa bcu pa'i bar du gnon par mi bgyid dam/ 'jam dpal gyis smras pa/ lha'i bu khyod bcom ldan 'das kyis chos thams cad sgyu ma lta bu'o zhes gsungs pa la mos sam/ lha'i bus smras pa/ 'jam dpal mos so// 'jam dpal gyis smras pa/ lha'i bu ci sgyu ma dang sprul pa sa nas sar 'phar zhing sa bcu pa'i bar du gnon tam/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu gang gi tshe sgyu ma dang sprul pa sa nas sar 'phar bar 'gyur ba de'i tshe/ kho bo'ang sa nas sar 'phar bar 'gyur ro// de ci'i phyir zhe na/ bcom ldan 'das kyis chos thams cad
- 44a
sgyu ma lta bu'o zhes gsungs pa'i phyir ro/ / lha'i bu de lta mod kyis nas sar 'phar ba bstan pa de ni 'bar ba med par bstan par bya'i// 'phar bar ni ma yin no// de ci'i phyir zhe na/ chos thams cad 'pho ba med pas/ / chos rnams ni chos rnams su mi 'pho ba'i phyir te/ gzugs ni tshor bar mi 'pho// tshor ba'ang gzugs su mi 'pho// gzugs ni 'du shes su mi 'gro// 'du shes kyang gzum su mi 'pho/ gzugs ni 'du byed rnams su ma 'pho/ 'du byed rnams kyang gzugs su mi 'pho/ gzugs ni rnam par shes par mi 'pho/ rnam par shes pa'ang gzugs su mi 'pho/ tshor ba ni 'du shes su mi 'pho/ 'du shes kyang tshor bar mi 'pho/ tshor ba ni 'du byed rnams su mi 'pho/ 'du byed rnams kyang tshor bar mi 'pho/ tshor ba ni rnam par shes par mi 'pho/ rnam par shes pa'ang tshor bar mi 'pho/ 'du shes ni 'du byed rnams su mi 'pho/ 'du byed rnams kyang 'du shes su mi 'pho/ 'du shes ni rnam par shes par mi 'pho/ rnam par she ba'ang 'du shes su mi 'pho/ 'du byed rnams ni rnam par shes par mi 'pho/ rnam par shes pa'ang 'du byed rnams su mi 'pho/ mig ni rna bar mi 'pho/ rna ba'ang mig tu mi 'pho/ mig ni snar mi 'pho/ sna'ang mig tu mi 'a'o// mig ni lcer mi 'pho lce'ang mig tu mi 'pho/ mig ni lus su mi 'pho/ lus kyang mig tu mi 'pho/ mig ni yid du mi 'pho/ yid kyang mig tu mi 'pho/ rna ba ni snar mi 'pho/ sna'ang rna bar mi 'pho/ rna ba ni lcer mi 'pho/ lce'ang na
- 44b
bar mi 'pho/ rna ba ni lus su mi 'pho/ lus kyang rna bar mi 'pho/ rna ba ni yid du mi 'pho/ yid kyang rna bar mi 'pho/ sna ni lcer mi 'pho/ lce'ang snar mi 'pho/ sA ni lus su mi 'pho/ lus kyang sngar mi 'phro sna ni yid du mi 'pho/ yid kyang snar mi 'pho/ lce ni lus su mi 'pho/ lus kyang lcer mi 'pho/ lce ni yid du mi 'pho/ yid kyang lcer mi 'pho/ lus ni yid du mi 'pho/ yid kyang lus su mi 'pho zhing / chos de dag ni spyod yul tha dad pa/ yul tha dad pa/ blun pa/ bems po/ sems pa med pa/ g.yo ba med pa/ byed pa med pa/ rtswa dang / rtsig pa lta bur snang ba/ sgyu ma lta bur rnam par rig pa med pa/ mtshan nyid med par mtshan nyid gcig pa ste/ de dag ni 'pho bar mi byed/ 'ong bar mi byed/ 'gro bar mi byed pa'i phyir ro// lha'i bu byang chub sems dpa' gang de ltar shes par byed pa de ni chos gang la'ang 'pho bar mi byed cing / sar yang rnam par rtog par mi byed/ sar 'phar bar yang mi mthong / sa yongs su spong bar yang mi byed de/ 'pho ba med pa dang 'jig pa med pa'i phyir byang chub las ldog par yang mi 'gyur ro/ / de ci'i phyir zhe na/ chos thams cad gzod ma nas rnam par dag pa'i phyir/ phung po dang / khams dang / skye mched kyi ngo bo nyid gang yin pa de ni 'pho ba med cing 'jig pa med pa'i phyir te/ lha'i bu de ni byang chub sems dpa' rnams kyi sa nas sar 'phar ba yin no// lha'i bu 'di lta ste/ dper na sgyu ma mkhan zhig gis sa bcu'i khang pa brtsegs
- 45a
pa zhig mngon par sprul nas/ der sgyu ma'i mi zhig zhugs par gyur na/ lha'i bu 'di ji snyam du sems/ der zhugs pa 'ga' yang yod snyam mam/ lha'i bus smras pa/ 'jam dpal de ni ma mchis so// 'jam dpal gyis smras pa/ lha'i bu byang chub sems dpa'i sa bcur 'phar ba'ang de bzhin du blta bar bya'o// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal la la zhig rab tu 'byung ba'i slad du khyod kyi thad du mchis na/ rab tu 'byung ba de la khyod ji skad gsung zhing / de rab tu ni ji ltar 'byin/ rdzogs par bsnyen par ni ji ltar mdzad/ tshul khrims kyi phung po la ni ji ltar sbyor/ bslab pa'i lung ni ji ltar 'bog par mdzad/ 'jam dpal gyis smras pa/ lha'i bu la la zhig rab tu 'byung ba'i phyir kho bo'i thad du 'ongs na/ de la kho bos 'di skad ces/ rigs kyi bu gal te khyod rab tu 'byung ba'i sems skyed par mi byed pa de lta na kho bo khyod rab tu dbyung ngo zhes smra'o// de ci'i phyir zhe na/ lha'i bu gang rab tu 'byung ba de ni 'dod pa'i khams su gnas pa 'am/ gzugs kyi khams su gnas pa 'am/ gzugs med pa'i khams su gnas pa'am/ 'dod pa'i yon tan lnga la gnas pa yin la/ gnas dgu la spyod pa'i rigs kyi bu ni chos mngon sum du byed pa'i phyir te/ lha'i bu dgu gang zhe na/ gang ci la'ang mi gnas pa de ni sems nye bar dmigs par mi byed pa dang / gang
- 45b
sems nye bar dmigs par mi byed pa de ni rab tu 'byung bar mi 'dod pa dang / gang rab tu 'byung bar mi 'dod pa de ni rab tu 'byung ba'i sems skyed par mi byed pa dang / gang rab tu 'byung ba'i sems skyed par mi byed pa de ni mi skye ba dang / gang mi skye ba de ni sdug bsngal zad pa dang / gang sdug bsngal zad pa de ni gtan zad pa dang / gang gtan zad pa de ni mi zad pa dang / gang mi zad de ni zad par mi 'gyur ba dang / gang zad par mi 'gyur ba de ni nam mkha' yin pa ste/ lha'i bu kho bo ni rigs kyi bu de la de skad smra'o// lha'i bu gzhan yang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu khyod rab tu 'byung ba'i sems ma skyed cig/ de ci'i phyir zhe na/ 'di ltar sems de ni skye ba med pa'i phyir te/ de rnam par ma dkrugs shig/ rigs kyi bu gal te khyod skra 'breg par mi byed pa de lta na khyod legs par rab tu 'byung ba yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu de bzhin gshegs pa ni gcad du med pa dang / dbyer med pa'i phyir chos ston par mdzad do// lha'i bus smras pa/ 'jam dpal ci zhig gcod par mi bgyid cing / ci zhig 'byed par mi bgyid/ 'jam dpal gyis smras pa/ lha'i bu gzugs ni gcod par mi byed cing / 'byed par mi byed do// tshor ba dang / 'du shes dang / 'du byed rnams dang / rnam par shes pa ni gcod par mi byed cing / 'byed par mi
- 46a
byed do/ / lha'i bu gang 'di snyam du bdag gi skra breg go snyam du sems pa de ni ngar 'dzin pa dang / nga yir 'dzin pa la gnas pa yin pas/ ngar 'dzin pa dang / nga yir 'dzin pa la spyod pa dag gis ni mnyam pa nyid mi mthong zhing / bdag tu dmigs pa yod na slar dmigs par 'gyur la/ sgrar dmigs pa yod na sems can du dmigs par 'gyur zhing / sems can du dmigs pa yod na 'breg pa'i 'du shes 'byung bar 'gyur ro/ / lha'i bu gang la bdag tu dmigs pa med pa de la gzhan du dmigs pa med do// gang la gzhan du dmigs pa med pa de la ngar 'dzin pa med do// gang la ngar 'dzin pa med pa des nga yir 'dzin pa spangs so// gang gis nga yir 'dzin pa spangs pa de rnam par mi rtog go// gang rnam par mi rtog pa de mi 'gyur ro// gang mi 'gyur ba de ni spros pa med do/ / gang spros pa med pa de mi len/ mi 'dor/ mi byed/ 'jig par mi byed/ mi gcod/ mi 'byed/ mi sbyor/ mi 'bral/ mi nur/ mi spong zhing / 'bri bar mi byed/ gang bar mi byed sdud par mi byed/ 'phro bar mi byed/ rlom sems su mi byed/ smra bar mi byed/ rjod par mi byed/ rab tu brjod par mi byed de/ de ni yang dag pa la gnas pa yin no// lha'i bus smras pa/ 'jam dpal yang dag pa zhes bgyi ba ci lags/ 'jam dpal gyis smras pa/ lha'i bu gang yang dag pa zhes bya ba ni nam mkha' ste/ nam mkha' ni 'grib pa 'am/ 'phel ba 'am/ 'byung ba 'am/
- 46b
'jig par mi 'gyur bas/ de'i phyir nam mkha' de ni yang dag pa'o// yang dag pa ni stong pa nyid do// yang dag pa ni de bzhin nyid do// yang dag pa ni chos kyi dbyings so// yang dag pa ni yang dag pa'i mtha' 'o/ / yang dag pa gang yin pa de ni ma byung ba'o// de ci'i phyir zhe na/ de ni ma byung zhing 'byung bar mi 'gyur bas// de'i phyir de ni ma byung ba yin no// lha'i bu gzhan yang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu gal te khyod ngur smrig 'dzin par mi byed cing / gyon par mi byed pa de lta na khyod rab tu dbyung ngo zhes smra'o// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu de bzhin gshegs pa ni 'dzin pa med pa'i phyir chos ston par mdzad kyi/ 'dzin pa'i phyir ni ma yin no/ / lha'i bus smras pa/ 'jam dpal ci zhig mi mdzin/ 'jam dpal gyis smras pa/ lha'i bu gzugs rtag ces bya ba'am/ mi rtag ces bya bar mi 'dzin to// tshor ba dang / 'du shes dang / 'du byed rnams dang / rnam par shes pa rtag ces bya ba 'am/ mi rtag ces bya bar mi 'dzin to// mig mi 'dzin to// gzugs mi 'dzin to// rnab mi 'dzin to// sgra mi 'dzin to// sna mi 'dzin to// dri mi 'dzin to// lce mi 'dzin to// ro mi 'dzin to// lus mi 'dzin to// reg bya mi 'dzin to// yid mi 'dzin to// chos mi 'dzin to// 'dod chags mi 'dzin to// zhe sdang mi 'dzin
- 47a
to/ / kAti mug mi 'dzin to// phyin ci log mi 'dzin te/ lha'i bu mdor na chos thams cad mi 'dzin/ mi gtong / mi spong / mi 'dor ro// lha'i bu grang ngur smrig la 'dzin pa'i 'du shes dang ldan pa de ni lta ba'i rnam pa can yin par kho bo smra ste/ lha'i bu ngur smrig 'dzin pas ni rnam par dag pa 'am/ rnam par grol bar mi 'gyur ro// de ci'i phyir zhe na/ lnga'i bu sangs rgyas bcom ldan 'das rnams kyi byang chub ni snyigs ma med pa yin pa'i phyir ro/ / lha'i bus smras pa/ 'jam dpal snyigs ma zhes bgyi ba ci lags/ 'jam dpal gyis smras pa/ lha'i bu 'dod chags ni snyigs ma'o/ / zhe sdang ni snyigs ma'o// gti mug ni snyigs ma'o// rgyu ni snyigs ma'o// lta ba ni snyigs ma'o// ming ni snyigs ma'o// gzugs ni snyigs ma'o// 'du shes ni snyigs ma'o/ / lhag par 'dzin pa ni snyigs ma'o// mtshan ma ni snyigs ma'o// spros pa ni snyigs ma'o// lha'i bu gang mi dge ba'i chos de dag yid la mi byed pa de ni snyigs ma med pa'o// gang snyigs ma med pa de ni ci'ang med pa'o/ / gang ci'ang med pa de ni nyon mongs pa med pa'o// gang nyon mongs pa med pa de ni nam mkha' yin no// lha'i bus smras pa/ 'jam dpal lhag par bya ba med pa lhag par bya ba med pa zhes bgyi na/ 'jam dpal lhag par bya ba med pa zhes bgyi ba ci lags/ 'jam dpal gyis smras pa/ lha'i bu lhag par mi bya lhag par mi bya zhes bya ba ni/ chos 'ga' yang lhag par mi
- 47b
bya ba de ni lhag par mi bya ba zhes bya ste/ lha'i bu gang dag lhag par byed pa de dag la de bzhin gshegs pa lhag par mi bya ba zhes gsungs te/ de ni lhag par mi bya ba zhes bya'o// lha'i bus smras pa/ 'jam dpal ci zhig lhag par bgyid/ 'jam dpal gyis smras pa/ lha'i bu mnyam pa nyid las 'da' bar byed cing / mnyam pa nyid las 'das nas/ chos gang ma rnyed mi rnyed rnyed par mi 'gyur zhing / ma byung mi 'byung 'byung bar mi 'gyur ba'i chos de la log par gnas shing lhag par byed de/ 'di lta ste/ bdag ces bya bar rtog cing lhag par byed pa dang / sems can dang / srog dang / gang zag dang / shed las skyes dang / shed bu dang / rtag pa dang / chad pa zhes bya bar rtog cing lhag par byed pa dang / phung po rnams dang / khams rnams dang / skye mched rnams zhes bya bar rtog cing lhag par byed pa dang / sangs rgyas dang / chos dang / dge 'dun zhes bya bar rtog cing lhag par byed pa dang / 'di ni tshul khrims dang ldan pa'o// 'di ni tshul khrims 'chal pa'o zhes bya bar rtog cing lhag par byed pa dang / kun nas nyon mongs pa dang / rnam par byang ba 'thob pa dang / 'bras bu dang / mngon sum du bya ba zhes bya bar rtog cing lhag par byed pa dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / sangs rgyas nyid ces bya bar rtog cing lhag par byed pa dang / 'di ni stong pa nyid dang / mtshan ma med
- 48a
pa dang / smon pa med pa dang / rig pa dang / rnam par grol ba dang / 'dod chags dang bral ba'o zhes bya bar rtog cing lhag par byed de/ lha'i bu byis pa so so'i skye b+h+yo thos pa dang mi ldan pa rnams ni lhag par bya ba de lta bu de dag la rtog cing lhag par byed do/ / mi gti mug can de dag rtogs par bya ba'i chos la sgro 'dogs shing yongs su rtog par byed de/ de dag gi sgro 'dog pa la 'dun pa bzlog pa'i phyir/ de bzhin gshegs pa lhag par bya ba med pa ston pa mdzad do// de nas lha'i bu blo gros rab gnas kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// 'jam dpal khyod kyis lhag par bya ba med pa bstan pa 'di bshad pa legs so legs so// bcom ldan 'das kyis kyang 'jam dpal gzhon nur gyur pa la legs so zhes bya ba byin te/ 'jam dpal legs so legs so// gal te bstan par bya na de skad bstan par bya'o// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so/ / lha'i bu gang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu gal te khyod rdzogs par bstan par mi byed pa de lta na khyod rab tu byung ba yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu bcom ldan 'das kyis rdzogs par
- 48b
bsnyen pa ni 'di gnyis yin par gsungs te/ gnyis gang zhe na/ mnyam par rdzogs par bsnyen pa dang / mi mnyam par rdzogs par bsnyen pa'o// de la mi mnyam par rdzogs par bsnyen pa gang zhen/ gang mi/ mnyam par ltung ba'o// de la mi mnyam pa gang zhe na/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / rtag pa dang / chad pa dang / nga rgyal dang / log par lta ba dang / chags pa dang / zhe sdang dang / gti mug tu ltung ba dang / 'dod pa'i khams dang / gzugs kyi khams dang / gzugs med pa'i khams su ltung ba dang / lhag par 'dzin pa dang / rlom sems dang / nye bar len par ltung ba ste/ lha'i bu mdor na mi dge ba'i chos thams cad du ltung ba dang / sdig pa'i grogs po rnams kyi lag tu ltung ba dang / nges par 'byung bar mi shes shing / yongs su 'dzin pa thams cad yongs su 'dzin par byed pa gang yin pa de ni lha'i bu mi mnyam par rdzogs par bsnyen pa yin no/ / de la mnyam par rdzogs par bsnyen pa gang zhe na/ gang mnyam pa nyid du bab pa'o/ / de la mnyam pa nyid gang zhe na/ stong pa nyid mnyam pa nyid dang / mtshan ma med pa mnyam pa nyid dang / smon pa med pa mnyam pa nyid de/ lha'i bu rnam par thar pa'i sgo gsum po de dag mngon sum du bya ba yang dag pa ji lta ba bzhin sgrub cing / rtog pa med pa dang / rnam par rtog pa med pa dang / kun tu rtog pa med pa dang / phyir mi ldog pa gang yin pa de ni/ lha'i bu mnyam par rdzogs
- 49a
/ par bsnyen pa yin no// D+ha'i bu gzhan yang 'dod chags sel bar byed pa dang / zhe sdang sel bar byed pa dang / gti mug sel bar byed pa dang / sred pa dang / ma rig pa dang 'jig tshogs dang / 'jig tshogs kyi rtsa ba las byung ba lta ba'i rnam pa drug cu rtsa gnyis sel bar byed pa dang / phyin ci log rnams sel bar byed pa dang / nyes par spyod pa gsum dang / log pa nyid brgyad dang / kun nas mnar sems kyi dngos po dgu dang / mi dge ba bcu'i las kyi lam sel bar byed pa gang yin pa de ni yang dag par rdzogs par bsnyen pa zhes bya'o// lha'i bu 'di lta ste/ dper na sa gzhi la brten nas sa bon thams cad skye zhing / rtswa dang / shing dang / gel ba dang / sman dang / nags tshal rnams kyang skye la/ de dag 'phel ba na rdzogs pa zhes bya'o// lha'i bu de bzhin du gang dag bstan pa 'di la rdzogs par byed pa de dag kyang rdzogs par bsnyen pa zhes bya'o/ / lha'i bu 'di lta ste/ dper na sa chen po ni sa bon thams cad kyi rten yin te/ tshul khrims phun sum tshogs pa'ang de bzhin du blta bar bya'o/ / de ci'i phyir zhe na/ tshul khrims la brten nas chos mngon par rtogs par 'gyur ba'i phyir ro// ji ltar sa bon rnams dang / ji ltar sman rnams rnam par 'phel bu la rdzogs pa zhes bya ba de bzhin du tshul khrims dang dad pa la rten pa'i byang chub kyi phyogs kyi chos thams cad skye zhing rdzogs par 'gyur te/ lha'i bu rnam par thar pa'i sgo gsum po de dag rtogs shing / spros pa thams
- 49b
cad yang dag par chad pa gang yin pa de ni 'das pa dang / sa 'ongs pa dang / daltar byung ba'i sangs rgyas bcom ldan 'das rnams kyi nyan thos thams cad kyi rdzogs par bsnyen pa yin no// lnga'i bu glang d+he/ ltar rdzogs par bsnyen par byed pa de ni yang dag par rdzogs par bsnyen par byed pa yin gyi/ mi mnyam par ni ma yin no// lha'i bu gzhan yang de ltar rab tu byung zhing / de ltar rdzogs par bsnyen pa de la kho bos 'di skad ces/ rigs kyi bu gal te khyod bslab pa len par mi byed pa de lta na khyod bslab pa 'dod pa yin no zhes rjes su bstan pa sbyin par bya'o// lha'i bus smras pa/ 'jam dngal khyod ci las dgongs te de skad ston/ 'jam dpal gyis smras pa/ lha'i bu chos thams cad ni ma blangs pa yin pas/ lha'i bu gang tshul khrims len pa de ni khams gsum len pa yin no// lha'i bu 'di ji snyam du sems/ bslab pa de gang yin snyam// lha'i bus smras pa/ 'jam dpal so sor thar pa'i sdom pa gang lags pa'o// 'jam dpal gyis smras pa/ lha'i bu so sor thar pa'i sdom pa gang yin/ lha'i bus smras pa/ 'jam dpal sdom pa zhes bgyi ba ni lus sdom pa dang / ngag sdom pa dang / yid sdom pa ste/ de ni so sor thar pa'i sdom pa zhes bgyi'o// 'jam dpal gyis smras pa/ lha'i bu 'dri ji snyam du sems/ lus dang / ngag dang // yid kyis ma byas/ mi byed/ byed par mi 'gyur ba'i las gang yin pa de la sngon po 'am/ ser po'am/ dmar po 'am/ dkar po 'am/ bcod kha 'am/ shel gyi kha dog lta bu'o zhes gdags par nus snyam
- 50a
ma ma/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu 'o na ji skad brjod par bya/ lha'i bus smras pa/ 'jam dpal mngon par 'dub gyid pa ma mchis pa zhes brjod par bgyi ste/ de ni lus kyi las sam/ ngag gi las sam/ yid kyi lA zhes gdags par rngo mi thog go// 'jam dpal gyis smras pa/ lha'i bu 'di ji snyam du samra gang mngon par 'du bya ba med pa de blang bar nus snyam mam/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu de'i phyir kho bo ni de las bsams nas de skad ces gang bslab pa len par mi byed pa de bslab pa 'dod pa yin no zhes ston to/ / lha'i bu lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa zhes bya ba gang yin pa de'ang mtha' de nyid kyis rtogs par bya ste/ tshul khrims mi dmigs pas/ lhag pa'i tshul khrims kyi bslab pa zhes bya'o// sems mi dmigs pas/ lhag pa'i sems kyi bslab pa zhes bya'o/ / shes rab mi dmigs pas/ lhag pa'i shes rab kyi bslab pa zhes bya'o// sems rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i sems kyi bslab pa zhes bya'o// tshul khrims rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i tshul khrims kyi bslab pa
- 50b
zhes bya'o/ / shes rab rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i shes rab kyi bslab pa zhes bya'o// lha'i bu gang gis sems ma rnyed pa de tshul khrims su rlom/ sems mi byed do// gang tshul khrims su rlom sems mi byed pa des ting nge 'dzin mi dmigs so// gang gis ting nge 'dzin mi dmigs pa des shes rab mi dmigs so// gang gis shes rab mi dmigs/ pa de la the tsom thams cad mi 'byung ngo // gang la the tshom thams cad mi 'byung ba de bslab pa mi len to// gang bslab pa mi len pa de bslab pa 'dod pa zhes bya'o// gang bslab pa 'dod pa de phyir/ mi 'ong ba'o// gang phyir mi 'ong ba de rnam par dag pa'o// gang rnam par dag pa de bral ba'o// gang bral ba de zag pa med pa'o// gang zag pa med pa de yang dag par zhugs pa'o// gang yang dag par zhugs pa de la bcos pa med do// gang bcos pa med pa de na nam mkha'o// de ci'i phyir zhe na/ nam mkha' ni bcom pa med pa'i phyir ro// lha'i bu gang de ltar slob pa de ni slob par mi byed do/ / gang slob par mi byed pa de ni slob par byed do// gang la slob ce na/ ci la'ang mi slob ste/ gang gi tshe ci la'ang mi slob pa de ni yang dag pa'i bslab pa la gnas pa zhes bya'o// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so// lha'i bu de ltar rab tu byung zhing / de ltar rdzogs par bsnyen pa de la kho bo 'di skad ces/
- 51a
rigs kyi bu gal te khyod stong gsum gyi stong chen po'i 'jig rten gyi khams thams cad kyi dad pas byin pa yongs su longs spyod par byed cing / yongs su sbyong bar mi byed pa de lta na khyod tshul khrims yongs su dag pa yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu gang len par byed pa dang / bde bar byed pa de ni sbyong bar byed do/ / gang dmigs par byed pa de ni sbyong bar byed do// gang rlom sems su byed pa de ni sbyong bar byed do// gang rtog par byed pa de ni sbyong bar byed do// lha'i bu gang len par mi byed pa dang / bde bar mi byed pa dang / dmigs par mi byed pa dang / rlom sems su mi byed pa dang / rtog par mi byed pa de ni ci'ang sbyong bar mi byed do// de ci'i phyir zhe na/ de ni gtan dag pa yin pa'i phyir ro/ / lha'i bu de lta bas na so so'i skye bo rnams ni dad pas byin pa sbyong bar byed kyi/ dgra bcom pa dag ni ma yin no// de ci'i phyir zhe na/ so so'i skye bo rnams ni len par byed/ bde bar byed/ dmigs bar byed/ rlom sems su byed/ rtog par byed cing / bdag ni len pa yin no snyam du rtog par byed/ 'di ni sbyin par byed pa yin no snyam du rtog par byed pas/ de dag ni sbyong bar byed pa yin pa'i phyir te/ ji ltar sbyong bar byed ce na/ srid pa'i 'gro bar skye ba 'grub par byed cing / der sbyong bar byed do// lha'i bu dgra bcom pa dag ni srid pa gzhan du gtogs pa'i lus gzhan 'ga' yang 'grub par
- 51b
mi byed pas/ de dag ni ci'ang spyod par mi byed do// de dag bsod snyoms de len pa na'ang 'khor gsum yongs su dag pas len to// lha'i bu 'khor gsum yongs su dag pa de'ang gang zhe na/ len par byed pa'i bdag gang yin pa'ang mi dmigs/ sbyin par byed pa'i sbyin pa po gang yin pa'ang mi dmigs/ blang bar bya ba'i bsod snyoms gang yin pa'ang mi dmigs pa ste/ lha'i bu de ni 'khor gsum yongs su dag pa zhes bya'o/ / lha'i bu gang de ltar dag pa de ni yang sbyong bar mi byed pas na/ kho bo ni de las bsams nas de skad ces gang stong gsum gyi stong chen po'i 'jig rten gyi khams thams cad kyi dad pas byin pa yongs su longs spyod par byed cing / yongs su sbyong bar mi byed pa de ni 'jig cen na sbyin gnas kyi 'os yin te/ de ni legs par rab tu byung ba yin no zhes ston to// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so// lha'i bu de ltar rab tu byung zhing / de ltar rdzogs par bsnyen pa de la kho bo 'di skad ces/ rigs kyi bu gal te khyod dgon par mi gnas shing / grong du ma yin/ thag nye bar ma yin/ thag ring bar ma yin// lam gol bar ma yin/ gcig pu ma yin/ skye bo mang po'i dbus su ma yin/ 'du 'dzi'i nang du ma yin/ dben par ma yin la/ bsod snyoms spyod par yang mi byed/ mgron du'ang mi 'gro// phyag dar khrod pa'ang mi byed/ smad pa'i lhung bzed dang chos gos kyang mi 'chang // bla bab
- 52a
med pa'ang mi byed/ 'dod pa chung bar yang mi byed/ 'dod chen che bar yang mi byed/ chos shes par yang mi byed/ chog mi shes par yang mi byed/ rab tu dben par yang ni byung / rab tu mi dben par yang mi byed/ shing drung par yang mi byed/ gnas khang du'ang mi gnas/ sman bkus te bor ba'ang mi sten/ mar gsar dang sbrang rtsi'ang mi sten cing // rigs kyi bu gal te khyod sbyangs pa'i yon tan gyi chos de lta bu thams cad yang dag par blangs te/ 'jug par mi byed pa de lta na khyod sbyangs pa dang ldan pa yin no zhes smra'o// de ci'i phyir zhe na/ lha'i bu gang 'di snyam du bdag ni phyag dar spong pa'o// bsod snyoms pa'o// shing drung pa'o// bdag ni sman bkus te bor bas chog shes pa'o// bdag ni 'dod pa rung ba'o// dadag ni chog shes pa'o// bdag ni dgon pa pa'o// bdag ni bla gab med pa'o// bdag ni sbyangs pa dang ldan pa'o snyam du sems pa de dag ni mngon pa'i nga rgyal can gyi rnam par g.yo ba yin pa'i phyir ro// lha'i bu yang dag par zhugs pa la ni lhag par g.yo ba dang / bral bar g.yod de dag mi 'byung ngo / / de ci'i phyir zhe na/ 'di ltar de la rnam par rtog pa med pas bdag nyid kyang mi dmigs na/ sbyangs pa'i yon tan rnams su dmigs pa lta ci smos te/ de ni gnas med pa'i phyir ro// lha'i bu de ldabs na/ khang sbyangs pa'i yon tan de dag yang dag par blangs te/ 'jug cing rlom sems su mi byed/ rnam par rtog par mi byed pa de ni sbyangs pa dang ldan pa yin no zhes kho bo smra'o// de ci'i phyir
- 52b
na/ lha'i bu dge slong gang 'dod chags sbyong ba dang / zhe sdang sbyong ba dang / gti mug sbyong ba dang / khams gsum sbyong ba dang / phung po rnams sbyong ba dang / khams rnams sbyong ba dang / nang gi skye mched drug dang phyi'i skye mched drug po dag sbyong bar byed cing / ci nas kyang mi len/ mi 'dor/ mi sgom/ mi sel/ rnam par mi sel ba de ltar sbyong bar byed pa de ni sbyangs pa dang ldan pa yin no zhes kho bo smra ba'i phyir ro/ / lha'i bu gzhan yang de ltar rab tu byung zhing / de ltar rdzogs par bsnyen pa de la kho bo 'di skad ces/ rigs kyi bu gal te khyod bden pa bzhi rtogs par mi byed dran pa nye bar gzhag pa bzhi'ing mi sgom/ yang dag par spong ba bzhi'ang ma yin/ rdzu 'phrul gyi rkang pa bzhi'ang ma yin/ dbang po lnga'ang ma yin/ stobs lnga'ang ma yin/ byang chub kyi yan lag bdun yang ma yin/ 'phags pa'i lam yan lag brgyad pa'ang mi sgom zhing / byang chub kyi phyogs kyi chos sum cu rtsa bdun yang mi sgom/ mngon sum du mi byed/ rnam par than pa'i sgo gsum yang mi sgom mngon sum du mi byed pa de lta na/ khyod byang chub kyi phyogs kyi chos rnams sgom pa yin no zhes smra'o// de ci'i phyir zhe na/ lha'i bu de ni mi skye ba'i mtshan nyid rtogs pa zhes bya ste/ de ni bsgom par byar med cing mngon sum du byar med pa'i phyir ro/ / de ci'i phyir zhe na/ mi skye ba ni mngon sum du byar mi nus pa'i phyir ro// lha'i bu dran pa nye bar gzhag pa rnams zhes bya ba ni chos thams cad dran
- 53a
med cang mi sa byed pa da pa/ dran pa rna 'o// kyis song ba 'du pa rnams d+hA/ mra p+na labadu skye ga nas/ gazlabs rten pa'i thamasapa'ang thog nas bdun kun sa med pa la gnas pani yong na skye bar thug pa rnams rnas pa skyes bya'o// sa sgos shAn/ danas kya bar mi byed / 'jig byar mi byed pa de ltar slob par byed pas/ de'i phyir sgon par byed pa zhes bya ste/ byang chub kyi phyogs kyi chos sus cu du bdun po thams cadasa'ang de bzhin du sbyar ro// lha'i bu gang gi dge slong rnal 'byor pa rdul 'byor spyod pas chos thams cad myi dmigs pa de'i tshe na/ rlom sems su mi byed do// rang gi tshe rlom sems su mi byed pa de'i tshe/ sgom par mi byang ro/ gang gi tshe sgom par mi byed pa de'i tshe/ mngon sum du mi byed do// de ci'i phyir zhe na/ lha'i bu byang chub kyi phyogs kyi chos sum cu rtsa bdun zhes bya ba gang yin pa de ni ming tsam ste/ ming de'ang g.yo ba med pa/ rkyen las skyes pa/ mtshan nyid med par mtshan nyid gcig pa/ brjod kyang rung / ma brjod kyang rung / ming gis yongs su shes pa gang yin pa de dmigs su med pa'i phyir te/ byang chub kyi phyogs kyi chos sum cu rtsa bdun yongs su shes pa gang yin pa de ni bden pa mthong bayin no// bus smras pa// 'jam dpas rnas 'byor 'aspyod pa rnal 'byor spyod pa zhes
- 53b
bgyin/ ji ltar na dge slong rnal 'byor spyod pa lags/ 'jam dpal gyis spras pa/ lha'i bu gang gi tshe rnal 'byor spyod pa 'di lta ste/ chos thams cad skye ba med pa'i tshul gyis tshul gcig tu/ sbyor bar byed na/ de'i phyir rnal 'byor spyod pa zhes bya'o// gang gi tshe ci'i'ang mi spyod na/ de'i phyir rnal 'byor spyod pa zhes bya'o// ci la mi spyod ce na/ 'di lta ste/ chos thams cad yod pa ma yin pa'i phyir/ 'jig rten 'di la mi spyod/ 'jig rten pha rol la mi spyod/ khams gsum la mi spyod de/ de'i phyir rnal 'byor spyod pa zhes bya'o// lha'i bu gang gi tshe rnal 'byor spyod pa chos 'ga' yang sbyor bar mi byed/ 'byed par mi byed na/ de'i phyir rnal 'byor spyod pa zhes bya'o// de nas 'khor de las dge slong stong phrag mang po dag 'di snyam du/ bcom ldan 'das de bzhin gshegs pas rnam par thar pa'i sgo gsum rtogs pas mya ngan las 'da' ba dang / byang chub kyi phyogs kyi chos sum cu rtsa bdun mngon sum du byas pas mya ngan las 'da' bar 'gyur ro zhes gsungs pa de 'jam dpal gzhon nur gyur pa 'di bkag par gyur na/ 'jam dpal gzhon nur gyur pas bstan pa 'di ji ltar rung ste/ chos bstan pa 'di 'gal ba 'am cig tu ma gyur gang snyam du the tshom gyi sems skyes par gyur to// nas 'jam dpal gzhon nur gyur pas dge slong de dag gi sems kyis yongs su rtog pa sems kyis shes nas/ gnas brtan shA ri'i du la smras pa/ btsun pa shA ri'i bu khyod ni de bzhin
- 54a
gshegs pas yid ches pa dang pa dang ldan pa shes rab chen po rnams kyi mchog tu bstan pa yin na/ btsun pa shA rari'i bu gang gi tshe khyod kyis 'dod chags dang bral ba'i chos mngon sum du byas pa'i tshe/ brdzun pas bden pa bzhi po dag dmigs pa 'am/ mngon sum du byas pa'am/ bsgoms pa 'am/ byang chub kyi phyogs kyi chos sum cu rtsa bdun dang / rnam par thar pa'i sgo gsum po dag dmigs pa'am/ mngon sum du byas pa 'am/ bsgoms pa cig yod dam/ shA ri'i bus smras pa/ 'jam dpal de ni med de/ gang mngon sum du bya ba 'am/ bsgom par bya ba 'am/ rtogs par bya ba'i chos de ni 'ga' yang dmigs su med do// de ci'i phyir zhe na/ chos thams cad ni blang du med pa/ ma skyes pa/ rnam par rig pa med pa stong pa yin pas/ stong pas stong pa nyid mngon sum du mi byed pa'i phyir ro/ / bstan pa 'di bshad pa na/ dge slong sum stong len pa med par zag pa rnams las sems rnam par grol lo// ba po bzhi pa skye tha ma'o// / de nas lha'i bu blo gros rab gnas kyis 'jam dpal gzhon nur gyur pa la legs so zhes bya ba byin te/ 'jam dpal de ni 'di lta ste/ phye bas go ba zab mol bzod pa stong pa nyid la gnas pas bstan pa lags te/ legs so legs so// 'jam dpal gyis smras pa/ lha'i bu kho bo ni phyengs so ba ma yin gyi/ byis pa so so'i skye bo thams cad ni phye
- 54b
ngas go bson no/ / de ci'i phyir zhe na/ 'di ltar de dag ni 'byed par byed pa yin pa'i phyir ro// ci zhib 'byed par byed ce na/ sems can dmyal ba 'byed par byed do// dud 'phro skye banas 'byed bar byed/ bshin rje'i 'dzin rten 'byed par byed do// 'ams gsum pa 'byed par byed do// de ltar 'byed pa rnams dang / kun tu 'byed pa rnams kyi 'khor ba'i sngon gyi mtha' mi mngon no// lha'i du pa rnams ni 'dod chags kun tu 'byed par byed do/ / zhe sdang kun tu 'byed par byed do// gti mug kun tu 'byed par byed do// lta ba kun tu 'byed par byed do// ming dang bzugs kun tu 'byed par byed do/ / lha'i bu sangs rgyas rnams ni phye bas go ba ma yin no// nyan thos rnams kyang ma yin/ rang sangs rgyas rnams kyang ma yin// byang chub sems dpa' bzod pa thob pa rnams kyang ma yin gyi/ lnga'i du byis pa rnams ni phye ngas go ba yin no// lha'i dus smras pa/ 'jam dpal 'o na ci khyod rnam par spros na go ba lags sam/ 'jam dpal gyis smras pa/ lha'i bu de ni ma yin no// lha'i dus smras / 'jam dpal 'o na dkri pA lags sam/ 'jam dpal gyis smras pa/ lha'i du de ni ma yin no// lha'i bus smras pa/ 'jam dpal 'o na tshig lhur len pa lags sam/ 'jam dpal gyis smras pa/ lha'i bu de de bzhin te/ kho bo ni tshig lhur len pa yin no// lha'i bus smras pa/ 'jam dpal khyod ci las dgongs de de skad ston/ 'jam dpal gyis smras pa/ lha'i chu
- 55a
gang byang chub sems dpa' ni yi ge gcig dang tshig gtsigalas kyang mi gsol/ yi ke de nyid dang / tshig de nyid kyi don dang / rdul dang / sgo dang / lam yang dag pa ji ltar bzhin rab tu shes par byed/ 'di ni stong pa'o zhes bya bar shes par byed/ 'di ni dben pa'o zhes bya bar shes par byed/ 'di ni dngos po med pa'o zhes bya bar shes par byed/ 'di ni skye ba med pa'o zhes bya bar shes par byed cing / ci nas kyang rnam par shes par mi byed/ rig par mi byed/ tshor bar mi byed pa de ltar shes par byed pas/ de'i phyir tshig lhur len pa zhes bya'o// de nas bcom ldan 'das kyis 'ja dpal gzhon nur gyur ba la legs so zhes bya ba byin te/ 'jam dpal de ni 'di lta ste/ gzungs thob pas bstan pa yin te/ legs so legs so// 'jam dpal gyis gsol pa/ bcom ldan 'das bad ba ni gzungs thob pa ma lags so/ / de ci'i slad du zhe na/ bcom ldan 'das byis pa rnams ni gzungs thob pa lags kyi/ sangs rgyas rnams dang byang chub sems dpa' rnams ni gzungs thob pa ma lags pa'i slad du'o/ / de ci'i slad du zhe na/ bcom ldan 'das byis pa rnams ni 'dzin par bgyid pa'i slad du ste/ ci zhig 'dzin par bgyid ce na/ bdag tu 'dzin pa 'dzin par bgyid do// sems can du 'dzin pa dang / srog tu 'dzin pa dang / gang zag tu 'dzin pa 'dzin par 'gyid do// chad par 'dzin pa dang / rtag par 'dzin pa dang / 'dod chags dang / zhe sdang dang / gti
- 55b
mug 'dzin par bgyid do/ / ma rig pa dang / srid pa'i sred pa dang / phung po lnga dang / 'jig tshogs dang / khams bco brgyad dang / nang gi skye mched drug dang / byi'i skye mched drug 'dzin par bgyid do// rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid de/ bcom ldan 'das de lta lags pas/ byis pa rnams ni gzungs thob pa lag so// rtog ge ba rnams ni rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid pas/ bcom ldan 'das de'i slad du byis pa rnams ni gzungs thob pa lags so// de ci'i slad du zhe na/ byis pa rnams chos gang dag 'dzin par bgyid pa de dag ni/ sangs rgyas rnams 'dzin par mi mdzad/ nyan thos rnams kyang mi bgyid/ rang sangs rgyas rnams kyang mi bgyid/ byang chub sems dpa' rnams kyang mi bgyid pas/ de'i slad du byis pa rnams ni gzungs thob pa lags so// de ci'i slad du zhe na/ 'di ltar byis pa rnams ni legs par 'dzin pam lags pa 'dzin par bgyid kyi/ sangs rgyas rnams ni mi mdzad/ nyan thos rnams kyang mi bgyid// rang sangs rgyas rnams kyang mi bgyid/ byang chub sems dpa' rnams kyang mi bgyid pa'i slad du'o// de nas lha'i bu blo gros rang gnas kyis 'jam dpal gzhon nur gyur pa la 'di skad ces smras so/ / 'jam dpal gal te khyod bzungs thob pa ma lags na/ 'o na ci khyod rtogs pa bul ba lags sam/ 'jam dpal gyis smras pa/
- 56a
bu de de bzhin te/ kho bo ni rtogs pa bul ba yin no// de ci'i phyir zhe na/ lha'i dri zho za na rtogs pa gang sangs rgyas rnams dang / nyan thos rnams dang / rang sangs rgyas rnams dang / bya chub sems dpa' rnams kyis kyang mi mkhyen pa de tsam du bul ba'i rtogs pa dang ldan pa yin pa'i phyir ro/ / lha'i bu byis pa so so'i skye bo gang dag yin pa de dag ni rtogs pa dul ba ma yin no// de ci'i phyir zhe na/ byis pa so so'i skye bo rnams ni mngon par chags pa'i rtogs pa can yin la/ mkhas pa rnams ni rtogs pa bul ba dang ldan pa'i phyir ro// rgyun du zhugs pa rnams kyang re zhig mngon par chags pa'i rtogs pa can du ston na/ byis pa so so'i skye bo gzhan dag lta smos kyang ci dgos te/ lha'i bu de lta bas na/ kho bo ni rtogs pa bul ba yin gyi/ gzungs thob pa ma yin no// de ci'i phyir zhe na/ kho bos ni gang bzung bar bya ba cung zad kyang ma rnyed pa'i phyir ro/ / bstan pa 'di bshad pa na/ 'khor de las dge slong lnga brgya tsam chos kyi rnam grangs 'di ma rtogs te/ spangs shing 'gal bar byas nas/ rang rang gi lus de dag nyid kyis sems can dmyal ba chen po rnams su ltung bar gyur to/ / de nas tshe dang ldan pa shA ri'i bus 'jams dpal gzhon nur gyur pa la 'di skad ces smras so// 'jam dpal dge slong lta tsam po 'di dag chos kyi rnam grangs 'di ma rtogs te/ spangs shing 'gal bar byas nas/ rang rang gi lus 'di dag nyid kyis sems can dmyal ba chen po rnams su lhung bar gyur gyis// de lta bu'i gnas
- 56b
zab mo dag ma ston par so sor rtogs te ston cig/ 'jam dpal gyis smras pa/ btsun pa shA ri'i bu khyod ma rtog cig/ gang sems can dmyal bar 'gro ba'i chos de lta bu 'ga' yang dmigs su med/ do// de ci'i phyir zhe na/ chos thams cad skye ba med pa'i phyir ro// btsun pa shA ri'i bu gzhan yang de skad ces so sor rtogs te ston cig ces zer ba ni/ btsun pa shA ri'i bu rigs kyi bu 'am/ rigs kyi bu mo bdag tu lta ba la rten pa 'am/ sems can du lta ba la rten pa 'am/ srog tu lta ba la rten pa 'am/ gang zag tu lta ba la rten pa gang gis/ de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa gang+gA'i klung gi bye ma snyed cig la ji srid 'tsho'i bar du bde ba'i yo byad thams cad kyis bsnyen bkur byas la/ gang gis chos zab mo shes par dka' ba 'jig rten thams cad dang mi mthun pa 'di lta bu 'di thos shing / chos stong pa dang / mtshan ma med pa dang / smon pa med pa dang / zhi ba dang / dben pa dang / skye ba med pa dang / sems can med pa dang srog med pa dang / gang zag med pa dang / mi rtag pa dang / sdug bsngal ba dang / bdag med pa 'di lta bu 'di thos nas spangs te/ sems can dmyal ba rnams su lhung bar gyur pa ni/ btsun pa shA ri'i bu rigs kyi bu 'am/ rigs kyi bu mo chos zab mo 'di thos nas spangs te/ sems can dmyal ba rnams su lhung ba de ches myur bar de dag nas ldang zhing rnam par thar bar 'gyur gyi/ rigs kyi bu 'am/ rigs
- 57a
k yi bu mo ngas su rtsu ba la rten pa tshus 'di ma thob pa debazhin gshe pa rlom pa dus 'as pa rbA gling N+DI sa na s gyu ma yin no/ / de nas bcom ldan 'das kyis 'jam dpal gzhon nur gyur pa la legs so zhes bya babyin te/ 'jam dpal legs sa legs so// dzin du smras pa de bzhin te// thos pa'i ni sangs rgyas 'byung ba dang 'dra'o/ / thos pa 'di ni rgyun du zhugs pa'i 'bras bu dang 'dra'o// thos pa 'di na lan cig phyir 'ong ba'i 'bras bu dang 'dra'o// thos pa 'dri ni phyir mi 'ong ba'i 'bras bu dang 'dra'o// bos pa 'di ni dgra bcom pa nyid dang 'dra'o// de ci'i phyir zhe na/ bdag tu lta ba la rten pa dang / dmigs pa can la ni 'thob pa 'am/ mngon par rtogs pa med pa'i phyir ro// de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu dge slong de dag ni sems can dmyal ba de dag nas ches myur bar ldang zhing yongs su mya ngan las 'da' bar 'gyur gyi/ 'di na mi gti mug can dmigs pa'i lta ba dang ldan pa/ the tsom du gyur pa gang dag de bzhin gshegs pa la mchod par byed pa de dag ni de lta ma yin no// shA ri'i bu de lta mod kyi/ de ni de dag gi yongs su mya ngan las 'da' ba'i rgyur 'gyur ba yin te/ myur du rnam par thar par ni mi 'gyur ro// de ci'i phyir zhe na/ 'di ltar chos zab mo dag ma thos pa'i phyir ro// shA ri'i bu gzhan
- 57b
yang rigs kyi bu 'am/ rigs kyi bu mo gang dag rna ba blags te/ chos zab mo 'di mnyan nas ma rtogs shing spangs te/ sems can dmyal bar 'gro ba de dag ni ches myur bar rnam par thar par 'gyur gyi dmigs pa can the tshom du gyur pa gzhan dag ni de lta ma yin no/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal khyod bdag dang tshangs pa mtshungs par spyod pa gnod dam/ 'jam dpal gyis smras pa/ lha'i bu gal te khyod tshangs par spyod pa mi len cing / tshangs par spyad pa spyod par mi byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod rtsi las dgongs te de skad ston/ 'drim dpal gyis smras pa/ lha'i bu gang len par byed pa de ni spyod par byed kyi/ gang len par mi byed pa de ni ci'ang spyod par mi byed do// lha'i bu gang tshangs par spyad pa dmigs par byed pa de ni spyod par byed kyi/ gang dmigs par mi byed pa de ni ci'ang spyod par mi byed do// lha'i bus smras pa/ 'jam dpal 'o na ci khyod tshangs par mi spyod lags sam/ 'jam dpal gyis smras pa/ lha'i bu de de bzhin te/ kho bo ni tshangs par mi spyod do// de ci'i phyir zhe na/ kho bo ni tshangs pa'ang ma yin la/ sprod pa'ang ma yin pas/ de'i phyir kho bo ni tshangs par mi spyod do// lha'i bus smras pa/ 'jam dpal de ni 'di lta ste/ thobs pa med pa'i spobs pa
- 58a
dang ldan pas stan pa de sags te/ legs so lems so// 'jam dpas kyis smras pa/ shrI Ta la rgyal gags pa med pa'i yongs padang ldan pa yin par gyur na ni/ de lta na thogs par yang 'gyur ro// de ci'i phyir zhe na/ ji tsam du bdag gi yod pa dang / ji tsam du bdag gi mngon par zhen pa yod pa de tsam du thogs par 'gyur ba'i phyir ro// 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod sems dran thams cad srog dang bral bar byed cing / mtshon cha'ang thogs pa mi byed/ ral gri'ang ma yin/ bong ba'ang ma yin/ dbyug pa'ang thogs par mi byed pa de lha na kho bo khyod dang tshangs pa mtshungs par spyod 'dod do// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu sems can sems can zhes bya ba ci zhig yin par shes/ lha'i bus smras pa/ 'jam dpal sems can sems can zhes bgyi ba ni/ 'di lta/ ste/ ming tsam dang / 'dzin pa'i 'du shes tsam lags so// 'jam dpal gyis smras pa/ lha'i bu de lta bas na bdag tu 'dzin pa'i 'du shes gsad par bya'o// sems can du 'dzin ba'i 'du shes gsad par bya'o/ / srog tu 'dzin pa'i 'du shes gsad par bya'o// gang zag tu 'dzin pa'i 'du shes gsad par bya'o// ming du 'dzin pa'i 'du shes gsad par bya'o//
- 58b
lha'i bus smras pa/ 'jam dpal cis dgum par bgyi/ 'jam dpal gyis smras pa/ lha'i bu shes rab kyi mtshon gyis gsad par bya ste/ shes rab kyi mtshon des kyang / ci nas kyang 'dzin pa med pa dang / gcod pa med pa de ltar gzung bar bya zhing de ltar gsad par bya'o// lha'i bu rnam grangs des na khyod kyis 'di ltar gang gis bdag gi 'du shes dang sems can gyi 'du shes gsad pa des sems can thams cad gsad pa yin par rig par bya'o/ / 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod mi dge ba bcu'i las kyi lam rnams yang dag par blangs te 'jug cing / nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod rtsi las dgongs te de skad ston// 'jam dpal gyis smras pa/ lha'i bu nag po'i phyogs kyi mnyam pa nyid gang yin pa des de mnyam pa nyid yin pas/ ngo mnyam pa nyid du 'jug par byed pa de lta na kho bo khyod dang tshangs pa mtshungs par spyod do// sgra'i bu 'di ji snyam du sems/ nas pa'i phyogs kyi mnyam pa nyid gang yin snyam/ lAn bus smras pa/ bajam dpal bya ba ma mchis pa dang / lhag par bya ba mi 'gyid pa lags so// 'jam dpal gyis spras pa/ lha'i bu dkar po'i phyogs zhes bya ba gang yin snyam/ lha'i dus
- 59a
smras pa/ 'jam dpal chos kyi dbyings dang / de bzhin nyid dang / yang dag pa'i mtha' dang / rnam par thar pa'i sgo gsum ste/ de ni dkar po'i phyogs lags so// 'jam dpal rgyas smras pa/ sna'i bu rlom kyi dbyings kyis sgring par nus sam/ lha'i bus smras pa/ 'jam dpal de ni ma lags so// jam dpas kyis smras pa/ lha'i bu de'i phyir 'a bo ni de las bsams nas de skad / ces gal te khyod nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de ldan tho bo khyod dang tshangs pa mtshungs par spyod 'dod ngo zhes ston to// 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod gsad pa dang po phyir phyung ba de'i mgo la mtshon gyis 'debs par byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu gsang pa gsad pa zhes bya ba de gang zhe / na/ lha'i bu 'dod chags ni gsad pa zhes bya'o// zhe sdang dang gti mug ni gsad pa zhes bya'o// nga rgyal dang / khro ba dang / 'chab pa dang / phrag dog dang / sgyu dang / g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba ni gsad pa zhes bya ste/ lha'i bu de dag ni gsad pa yin par gsungs so// lha'i bu rnal 'byor pa rnal 'byor spyod pa gang 'dod
- 59b
chags kyi sems skyes pa sel bar byed/ zhi bar byed/ rab tu zhi bar byed pa de la ni stong par snang bas/ mi sdug pa la 'jug par mi byed par sems 'di ba las skyes/ gang du 'gag/ yul gang la chags par 'gyur// gang gis chags par 'gyur zhes 'dod chags kyi sems de nyid kyi 'byung ba dang 'jig pa la so sor rtog par byed de/ de de ltar so sor rtog par byed pa na 'dod chags kyang mi dmigs/ gang la chags par 'gyur ba dang / gang gis chags par 'gyur ba de'ang mi dmigs so// gang gi tshe mi dmigs pa de'i tshe mi len to// gang gi tshe mi len pa de'i tshe mi 'dor ro// gang gi tshe mi 'dor ba de'i tshe mi 'dzin mi spong ste/ de ni myalan las 'das pa zhes bya'o/ / zhe sdang dang / gti mug dang / nga rgyal dang / khro ba dang / 'chab pa dang / phrag dog dang / skya dang / g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba'i sems la'ang de bzhin du sbyar te/ lha'i bu gang bsad pa de lta bu skyes ma thag tu gsod par byed pa de ni gsad pa dang po phyir phyung ba de'i mgo la mtshon gyis 'debs pa zhes bya ste/ de'i phyir kho bo ni de las bsams nas de skad ces ston to// 'jam dpal gzhon nur gyur pas lha'i bu blo gros rab gnas la gzhan yang 'di skad ces smas so/ / lha'i bu gal te khyod sangs rgyas mnyes par mi byed/ chos mnyes par mi byed/ dge 'dun mnyes par mi byed pa de lta na kho bo khyod dang tshangs pa mtshungs par spod 'dod do// lha'i bus
- 60a
@smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu sangs rgyas sangs rgyas zhes bya ba ci zhig yin par shes/ lha'i bus smras pa/ 'jam dpal de bzhin nyid dang / chos kyi dbyings lags so// 'jam dpal gyis smras pa/ lha'i bu 'di ji snyam du sems/ de bzhin nyid dang / chos kyi dbyings mnyes par byar nus snyam ma me/ lha'i bus smras pa/ 'jam dpal de ni ma lags so// 'jam dpal kyis smras pa/ lha'i bu kho bo ni de las bsams nas de skad ces gal te khyod sangs rgyas mnyes par mi byed pa de lta na 'o bo khyod dang tshangs pa mtshungs par spyod do zhes ston to/ / lha'i bu chos chos shes bya ba ci zhig yin par shes/ lha'i bus smras pa/ 'jam dpal chos shes bya ba ni 'dod chags dang bral ba nyid dang / chos nyid lags so/ / 'jam dpal gyis smras pa/ lha'i bu 'di ji snyam du sems/ 'dod chags dang bral ba nyid dang / chos nyid mnyes par byar nus snyam mam/ lha'i bus smras pa/ 'jam dpal de ni ma langs so/ / 'jam dpal gyis smras pa/ lha'i bu 'o bo ni de las bsams nas de skad ces gal te khyod chos mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to// lha'i bu dge 'dun dge 'dun zhes bya ba ci zhig yin par shes/ lha'i bus smras pa/ 'jam dpal 'phags pa nyan thos rnams ni 'dus ma bgyis kyis rab tu phye ba lags pas/ bcom ldan 'das
- 60b
kyi nyan thos kyi dge 'dun ni 'dus ma bgyis pa lags so/ / 'jam dpal gyis smras pa/ lha'i bu 'di ji snyam du sems/ 'dus ma byas mnyes par nus snum mam/ lnga'i bus smras pa/ 'jam dpal de ni ma lags so/ / 'jam dpal gyis smras pa/ lha'i bu kho bo ni de las bsams nas de skad ces gal te khyod dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ / lha'i bu gzhan yang gang sangs rgyas su dmigs pa de ni sangs rgyas mnyes par byed do// gang chos su dmigs pa de ni chos mnyes par byed do// gang dge 'dun du dmigs pa de ni dge 'dun mnyes par byed do/ / lha'i bu gang sangs rgyas su mi dmigs pa dang / chos su mi dmigs pa dang / dge 'dun du mi dmigs pa de ni sangs rgyas mnyes par ma byas/ des ni chos mnyes par ma byas/ des ni dge 'dun mnyes par ma byas pa kho na yin no// de ci'i phyir zhe na/ des de dag ma dmigs pas na/ des mnyes par ma byas pa'i phyir ro// lha'i bu gzhan yang gang dag sangs rgyas la chags pa dang / chos la chags pa dang / dge 'dun la chags pa de dag gis sangs rgyas mnyes par byas/ chos mnyes par byas/ dge 'dun mnyes par byas pa yin no// gang dag gis sangs rgyas ma dmigs pa de dag ni sangs rgyas la chags pa med pas/ de dag gis sangs rgyas mnyes par ma byas pa yin no// gang dag gis chos ma
- 61a
dmigs pa de dag ni chos la chags pa med pas/ de dag gis chos mnyes par ma byas pa yin no// gang dag gis dge 'dun ma dmigs pa de dag ni dge 'dun la chags pa med pas de dag gis dge 'dun mnyes par ma byas pa yin no/ / lha'i bu mnyes par ma byas pa mnyes par ma byas pa zhes bya ba de ni 'dod chags dang bral ba'i gnas yin/ de ni kun tu sbyor ba dang bral ba'i gnas yin/ de ni rnam par bshig pa'i gnas yin/ de ni sems dang bral ba'i gnas yin// de ni ma byung ba'i gnas yin/ de ni rnam par nges pa'i gnas yin/ de ni yid byung bar ma byas pa'i gnas yin/ pas/ de'i phyir mnyes par ma byas pa zhes bya ste/ lha'i bu de'i phyir kho bo ni de las bsams nas de skad ces gal te khyod sangs rgyas dang / chos dang / dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal 'di ltar ji tsam du khyod chos zab mo'i gnas dag ston par mdzad pa ni ngo mtshar te/ bdag cag gis khyod la bgyis pa gzo bar bgyi'o// 'jam dpal gyis smras pa/ lha'i bu khyod byas pa gzo bar ma byed cig/ lha'i bus smras pa/ 'jam dpal 'on ci bgyis pa mi gzo bar bgyi'am/ 'jam dpal gyis smras pa/ lha'i bu de de bzhin te/ lha'i bu khyod byas pa mi gzo bar byos la/ byas pa gzo bar ma byed cig
- 61b
lha'i bus smras pa/ 'jam dpal ci khyod bgyis pa'i gzo ba lags sam/ 'jam dpal gyis smras pa/ lha'i bu de de bzhin te/ kho bo ni byas pa mi gzo ba yin gyi/ byas pa gzo ba ma yin no// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu byis pa rnams ni rnam pa gzhan dang gzhan dag byed pas na/ byis pa rnams ni gzhan dang gzhan dag gi byed pa po ste/ gang gi phyir lta ba'i rnam pa gzhan dag byed pa de'i phyir de dag ni byas pa gzo ba zhes bya'o// lha'i bu yang dag par zhugs pa'i rigs kyi bu dag ni bya ba 'am/ mi bya ba gang yang mi byed de/ gang gi tshe mi byed pa de'i phyir de dag ni byas pa mi gzo ba zhes bya'o// ji skad du sangs rgyas bcom ldan 'das rnams kyis/ 'di lta ste/ chos thams cad ni bya ba med pa/ byed pa med pa/ lhag par byed pa med pa ste/ mnyam pa nyid las kyang mi 'da' la/ gzhan len par yang mi byed/ bya ba gzhan yang mi byed pas mnyam pa nyid yin no zhes gsungs pas na/ de'i phyir byas pa mi gzo ba zhes bya/ / lha'i bus smras pa/ 'jam dpal byed bzod pa'am/ 'on tu chos nyid dam/ sa gnas te gad ston/ 'jam dpal kyis smras pa/ lha'i bu bzod pa la'ang ma len/ la'ang ma yin no// lha'i bus smras pa/ 'jam dpal 'on khyod gang ra hU~M zheg ston/ 'jam dpal gyis smras pa/ lha'i bu sgyu ma'i skyes bu'i lus gang la gnas pa la'o// lha'i bus smras pa/
- 62a
'jam dpal sgyu ma'i skyes bu'i lus gang la gnas/ 'jam dpal gyis sbas pa/ lha'i bu sgyu ma'i skyes bu'i lus ni de bzhin nyid gang la gnas pa de la gnas so// lha'i bu gzhan yang de skad ces khyod bzod pa'am/ 'od te chos nyid dam/ gang la gnas te de skad ston ces zer ba ni/ lha'i bu bzod pa zhes bya ba ni ming tsam ste/ ming la gnas par mi nus so// chos nyid kyang 'gyur ba med cing rtog pa med pa ste/ de la'ang gnas med do// lha'i bu de bzhin gshegs pa ni sems can thams cad gang la gnas te ston par byed pa de nyid la bzhugs te ston par mdzad do// de ci'i phyir zhe na/ de bzhin gshegs pa ni de bzhin nyid la bzhugs te ston la/ sems can thams cad kyang de bzhin nyid las mi g.yo ste/ sems can thams cad kyi de bzhin nyid gang yin pa dang / de bzhin gshegs pa'i de bzhin nyid gang yin pa'i de bzhin nyid de ni gnyis su med pa'i phyir ro/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal dge sbyong dang bram ze zhes bgyi na/ ji tsam gyis na dge sbyong dang bram ze zhes bgyi/ 'jam dpal gyis smras pa/ lha'i bu gang dge sbyong yang ma yin/ bram ze'ang ma yin pa de ni dge sbyong dang bram ze zhes bya'o// de ci'i phyir zhe na/ lha'i bu gang 'dod pa'i khams la'ang mi chags/ gzugs dang gzugs med pa'i khams la'ang mi chags pa de ni dge sbyong yin no zhes kho bo sme zhing / lha'i bu gang mig las ma
- 62b
'dzag/ rna ba las mi 'dzag/ ska las mi 'dzag/ lce las mi 'dzag/ lus las mi 'dzag/ yid las mi 'dzag pa de ni dge sbyong yin no zhes kho bo sbal lha'i bu gang la gnas pa med cing / gnas par gdags pa med pa dang / kun tu gnas pa med cing / kun tu gnas par gdags pa med pa de ni dge sbyong yin no zhes kho bo smra ba'i phyir dang / lha'i bu gang las kyang mi 'ong // gang du'ang mi 'gro la/ rma med cing rma dang bral ba de ni bram ze yin no zhes kho bo smra ba'i phyir ro// gang dge sbyong yang ma yin/ bram ze'ang ma yin pa de ni dge sbyong dang bram ze zhes bya'o zhes bya ba'i tshig de'i bstan pa de ni de yin no/ / de nas 'khor de nyid du byang chub sems dpa' bsam gtan bzhi bsgoms pa/ mngon par shes pa lnga thob pa lnga zhig 'dus par gyur pa de dag dadung bzod pa thob pa ma yin pas/ gnas shing snyoms par 'jug par byed/ gnas shing rnam par ldang bar byed de/ byang chub sems dpa' de dag gis sngon pa bsad pa dang / ma bsad pab dang / dgra bcom pa bsad pa'i sngon gyi gnas rjes su dran zhing / de dag la las kyi rnam par smin pa de'i las kyi lhag ma yod pas/ de dag sems yongs su gdung ba des chos zab mo dag la mi bzod cing / bdag nyid la rten cing rnam par rtog pa kho nar byed de/ de dag gis 'di lta ste/ chos la bzod pa ma thob pas/ kun nas ldang ba de rnam par gnon par ma nus so//
- 63a
de nas bcom ldan 'das kyis byang chub sems dpa' lnga po de dag gdul ba'i dbang gi phyir/ 'jam dpal gzhon nur gyur pa'i sems bsdu bar mdzad do// de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ lag pa g.yas pas ral gri blangs te legs par bdar nas/ bcom ldan 'das ga la ba de logs su brgyugs so/ / de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal nga ni bsad zin cing legs par bsang zin gyis thong zhig/ de ci'i phyir zhe na/ 'jam dpal skyes bu gang zag gis gang gi tshe bsad do snyam pa'i sems skyed par byed pa'i sems skyes pa yun ring po nas bsad zin pa'i phyir ro// de nas byang chub sems dpa' lnga po de dag 'di snyam du sems te/ chos thams cad ni sgyu ma lta bu ste/ 'di la bdag gam/ sems can nam/ srog gam/ gang zag gam/ shed las skyes sam/ shed bu ni 'ga' yang med do// 'di la pa'ang med/ ma'ang med/ sangs rgyas kyang med// chos kyang med/ dge 'dun yang med do// 'di la gang mtshams med pa byed par 'gyur ba 'ga' yang med do// de ci'i phyir zhe na/ 'jam dpal gzhon nur gyur pa 'di ni mkhas pa/ mdzangs pa/ yid gzhungs pa/ sangs rgyas thams cad kyis bstod pa/ bsngags pa/ zab mo la bzod pa/ sangs rgyas bye ba khrag khrig 'bum phrag mang po la bsnyen bkur byas pa/ sngon gyi rgyal ba la lhag par bya ba byas pa/ chos thams
- 63b
cad rab tu 'byed pa'i shes pa la mkhas pa/ ji lta ba bzhin du chos ston pa/ yang dag par smra ba/ de bzhin gshegs pa la gus pa dang bcas pa yin na/ de mtshon rnon po thogs te/ de bzhin gshegs// pa ga la ba der rgyug cing / de bzhin gshegs pa'ang de skad ces/ 'jam dpal nga ni bsad zin cing legs par bsad zin gyis thong zhig ces gsungs pa'i phyir te/ gal te 'di la sangs rgyas shes bya ba dang / chos shes bya ba dang / dge 'dun zhes bya ba dang / pha zhes bya ba dang / ma zhes bya ba dang / dgra bcom pa zhes bya ba'i chos ther zug tu gnas pa 'ga' zhig yongs su grub par gyur na ni/ mtshams med pa 'dzin pa de la nges par 'byung ba'ang yod par mi 'gyur ba zhig na/ gang gi phyir chos de dag ni med la/ log pa yang dag pa ma yin par gzung ba/ stong pa sgyu ma lta bu yin pa de'i phyir 'di la gang byed par 'gyur ba 'am/ gang la byed par 'gyur ba'i byed pa 'ga' yang med do snyam mo// byang chub sems dpa' lnga po de dag gis de ltar shes pas/ mi skye ba'i chos la bzod pa thob par gyur nas/ de dag dga' ba dang mchog tu dka' ba de nyid kyis ta la bdun srid tsam du nam mkha' la mngon par 'alags te/ mngon par 'phags nas/ bcom ldan 'das la tshigs su bcad pa 'di dag gis mngon par bstod do/ / chos kun sgyu ma lta bu ste// yongs su rtog pas kun nas bskyed// 'di la grub pa ma mchis te// chos 'di thams cad grong pa lags// bdag tu 'du shes mongs pa
- 64a
@rnams/ / log par yongs su rtog par bgyid// sngon gyi mthar ni mi bzad pa'i// sug las bgyis pa de yang dran// tshe rabs sngam rnams su ni// pa ma sbyin gnas bkum gyur cing / dge slong bcom bkum pa yi// sug las shin tu mi bzad bgyis// sug las de yi rnam smin gyis// sdug bsngal tshor ba myong gyur cing // 'gyod pa skyes par gyur pa ni// chos thos pas na rnam dag gyur/ grags chen zug rngu 'byin pa yis// bdag cag 'gyod pa bsal mdzad pas// gang la nyon mongs ma mchis pa'i// chos dbyings rjes su rtogs par gyur// sangs rgyas thams la mkhas pa ste// thub pa thabs kyi mkhyen pa mnga'// thabs des sems can thams cad kyi// 'gyod pa dag ni rnam par bsal// chos rnams rang bzhin stong pas na// 'di la sangs rgyas chos dang yang // dge 'dun / mi dmigs 'di la ni// pha ma ma mchis dgra bcom min// 'di la 'gum pa ma mchis te// 'gum pa 'ga' yang mchis ma lags// mnyam nyid ji bzhin 'byung ba ste// de ni chos rnams mtshan nyid lags/ / 'jam dbyangs shes rab chen po pa// chos rnams pha rol phyin pa yis// mtshon cha rnon po thogs nas ni// sangs rgyas ga la bzhugs par brgyugs// sangs rgyas ji bzhin mtshon de bzhin/ / de dag gnyis ka mtshan nyid gcig/ mi skye 'byung ba ma mchis te// 'di la dgum pa 'ga' ma mchis// mtshon cha thogs pa'i chos kyi rnam grangs 'di bshad pa na// phyogs bcu'i
- 64b
sangs rgyas kyi zhing gang+gA'i klung gi bye ma snyed dag rnam pa drug tu rab tu g.yos shing / sa chen po g.yos pa'ang 'jig rten du byung bar gyur to// de nas phyogs bcu'i 'jig rten gyi khams kyi/ sangs rgyas kyi zhing de dag na/ sangs rgyas bcom ldan 'das gang dag bzhugs te 'tsho zhes pa de dag la rang rang gi bsnyen bkur dag gis zhus pa/ bcom ldan 'das gang gis dog sa chen po g.yos pa 'di lta bu 'jig rten du byung ba 'di su'i mthu lags/ sangs rgyas bcom ldan 'das de dag gis bka' stsal pa/ rigs kyi bu dag 'jig rten gyi khams mi mjed ces bya ba yod de/ de na de bzhin gsheg pa dgra bcom pa yang dag par rdzogs pa'i sangs rgyas shAkya thub pa zhes bya ba chos ston to/ / 'jig rten gyi khams mi mjed de na/ byang chub sems dpa' 'jam dpal gzhon nur gyur pa zhes bya ba bla na med pa yang dag par rdzogs pa'i byang chub las phyir mi ldog pa zhig 'dug pa des/ 'di lta ste/ byang chub sems dpa' gzhan dag gdul ba'i dbang gi phyir/ shes rab kyi ral gri'i mtshon rnon po thogs te/ bcom ldan 'das de bzhin gshegs pa shAkya thub pa ga la ba de logs su brgyugs so/ / de nas sangs rgyas bcom ldan 'das de dag gis shes rab kyi mtshon las brtsams te/ ci nas kyang sems can dpag tu med pa dag mig rnam par dag pa dang / sems rnam par grol ba dang / bzod pa skyes pa dang / byang chub la zhugs par gyur pa de lta de ltar chos bstan to// de nas bcom ldan 'das kyis ci nas kyang
- 65a
'khor de na sems can las dang po pa dge ba'i rtsa ba chung ba rnam par rtog pa mang ba gang dag 'khod pa de dag gis mtshon de mi mthong zhing / chos bstan pa de'ang mi thos pa de ltar byin gyis brlabs so/ / de nas gnas brtan shA ri'i bus 'jam dpal gzhon nur pa la 'di skad ces smras so// 'jam dpal khyod kyis ston pa dgrongs pa'i phyir/ brtul ba'i las mi bzad pa mngon par 'dus byas pa de khyod la gang du rnam par smin par 'gyur/ 'jam dpal gyis smras pa/ btsun pa shA ri'i bu de de bzhin no// ji skad smras pa de bzhin te/ kho bos las mi bzad pa de lta bu ni byas na/ de gang du rnam par smin par 'gyur ba'i gnas ni mi shes so// btsun pa shA ri'i bu de lta mod kyi sgyu ma'i skyes bu'i las gang du rnam par smin par 'gyur ba der kho bo'i yang rnam par smin par 'gyur ro/ / de ci'i phyir zhe na/ btsun pa shA ri'i bu sgyu ma'i skyes bu'ang mi rtog rnam par mi rtog la/ chos thams cad kyang mi rtog rnam par mi rtog pa'i phyir ro// btsun pa shA ri'i bu 'di ltar de btsun pa nyid la dris/ khyod ji ltar bzod pa de ltar ston cig/ btsun pa mtshon dmigs su yod dam/ shA ri'i bus smras pa/ 'jam dpal de ni ma yin no// 'jam dpal gyis smras pa/ btsun pa las dmigs su yod dam/ shA ri'i bus smras pa/ 'jam dpal de ni ma yin no// 'jam dpal gyis smras pa/ btsun pa rnam par smin pa dmigs su yod dam
- 65b
ri'i bus smras pa/ 'jam dpal de ni ma yin no// 'jam dpal gyis smras pa/ btsun pa shA ri'i bu mtshon yang med/ las kyang med/ rnam par smin pa'ang med na/ 'o na las de gang du rnam par smin par 'gyur/ shA ri'i bus smras pa/ 'jam dpal khyod kyi bsam pa des bstan pa ltar na/ las de ni gang du'ang rnam par smin par mi 'gyur ro// de ci'i phyir zhe na/ chos thams cad las med pa/ rnam par smin pa med pa'i phyir ro// de nas bcom ldan 'das la gang dag phyogs bcu'i 'jig rten gyi khams nas 'dus pa'i byang chub sems dpa' de dag gis gsol pa/ bcom ldan 'das 'jam dpal gzhon nur gyur pa 'di ci nas kyang bdag cag gi sangs rgyas kyi zhing dag tu mchi zhing / sangs rgyas kyi zhing de dag tu chos ston par 'gyur ba de ltar thugs brtse bas spro bar mdzad du gsol/ de nas 'jam dpal gzhon nur gyur pas byang chub sems dpa' de dag la 'di skad ces smras so// rigs kyi bu dag khyed cag je rang rang gi sangs rgyas kyi zhing rnams su ltos shig/ de nas byang chub sems dpa' de dag gis phyogs bcu kun gyi rang rang gi sangs rgyas kyi zhing rnams su bltas so// bltas pa na phyogs bcu kun gyi rang rang gi sangs rgyas kyi zhing de dag nas/ 'jam dpal gzhon nur gyur pa'i sgra snyan pa'ang thos/ 'jam dpal gzhon nur gyur pa sangs rgyas bcom ldan 'das de dag gi
- 66a
spyan snga na 'dug cing / lha'i bu blo gros rab gnas chos kyi rnam grangs 'di nyid 'dri ba la chos ston pa dang / de dag tu byang chub sems dpa' 'dus pa de snyed dang / lha'i bu 'dus pa de snyed kyang mthong ngo // mthong nas kyang 'di snyam du 'jam dpal gzhon nur gyur pa 'di de ltar sangs rgyas kyi zhing 'di nas kyang mi g.yo la/ thams cad du'ang de bzhin nye bar ston pa ni ngo mtshar to/ / ngo mtshar to snyam du ngo mtshar dang ldan par gyur to// de nas 'jam dpal gzhon nur gyur pas byang chub sems dpa' de dag la 'di skad ces smras so// rigs kyi bu dag 'di lta ste/ dper na sgyu ma mkhan ni sgyu ma shin tu bslabs pa'i phyir stan las kyang mi g.yo la/ gzugs rnam pa sna tshogs dag kyang ston par byed do// de bzhin du byang chub sems dpa' shes rab kyi pha rol tu phyin pa la legs par bslabs pa'ang sgyu ma lta bu'i chos rnams la sangs rgyas kyi zhing ji snyed du de bzhin nye bar ston par 'dod pa de snyed du sprul pa dag sprul par byed do/ / de ci'i phyir zhe na/ 'di lta ste/ chos 'di sgyu ma lta bur rig pa'i phyir ro// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal chos kyi rnam zangs 'di thos pa de ni sangs rgyas 'byung ba dang 'dra'o/ / chos kyi rnam grangs 'di thos pa de ni chos dang dge 'dun 'byung ba dang 'dra'o// chos kyi rnam grangs 'di thos pa de ni rgyun du zhugs pa'i 'bras bu dang 'dra'o//
- 66b
chos kyi rnam grangs 'di thos pa de ni lan cig phyir 'ong ba'i 'bras bu dang 'dra'o// chos kyi rnam grangs 'di thos pa de ni phyir mi 'ong ba'i 'bras bu dang 'dra'o// chos kyi rnam grangs 'di thos pa de ni/ dgra bcom pa nyid dang 'dra ste/ 'jam dpal chos kyi rnam grangs 'di la mos shing yid ches pa dang / byang chub kyi snying po la 'dug pa gang yin pa de ni 'dra ba yin no// 'jam dpal gyis gsol pa/ bcom ldan 'das de de lta lags te/ de ni stong pa nyid ji lta ba de ltar 'dra ba lags so// de ni mtshan ma ma mchis pa ji lta ba de ltar 'dra ba lags so// de ni smon pa ma mchi// pa ji lta ba de ltar 'dra ba lags so// de ni de bzhin nyid ji lta ba de ltar 'dra ba lags so// de ni chos kyi dbyings ji lta ba de ltar 'dra ba lags so// de ni yang dag pa'i mtha' ji lta ba de ltar 'dra ba lags so/ / de ni mnyam pa nyid ji lta ba de ltar 'dra ba lags so// de ni rnam par grol ba ji lta ba de ltar 'dra ba lags so// de ni dben pa ji lta ba de ltar 'dra ba lags so// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das chos kyi rnam grangs 'di ci nas kyang ma 'ongs pa'i dus lnga brgya tha mar gyur pa na spyod par 'gyur zhing / rigs kyi bu dang rigs kyi bu mo dag gi rna lam du grag par 'gyur ba de ltar de bzhin gshegs pas byin gyis brlab tu gsol/ de nas de'i tshe stong gsum gyi steng chen po'i
- 67a
'jig rten gyi khams 'di na lha dang mi rnams kyi rngam ma'i sgra gang ji snyed pa de dag thams cad ma dkrol bar sgra grag cing / shing ljon pa thams cad las kyang me tog sna tshogs dag rab tu rgyas la lhags par gyur to/ / rdzing bu dag nas kyang pad+ma mang po dag rab tu 'thon par gyur to// stong gsum gyi stong chen po'i 'jig rten gyi khams 'di'ang rnam pa drug tu rab tu g.yos shing snang ba chen pos khyab par gyur nas/ nyi ma dang zla ba 'di dag kyang mi snang bar gyur to// lha bye ba 'bum phrag mang po dag kyang dga' zhing mgu la yi rangs te/ steng gi bar snang la 'khod nas me tog gi/ char dag mngon par rab tu 'bebs shing / phye ma dang / spos dang / me tog 'phreng dang / byug pa'i char dag kyang mngon par rab tu 'bebs so// sil snyan dag kyang rab tu gsil zhing / lha'i glu dbyang mang po dag kyang bsgrags nas/ thams cad kyis thal mo sbyar ba btud de/ kha mthun par tshig 'di skad ces/ a la la 'jam dpal gzhon nur gyur pas bstan pa'i chos/ a la la chos/ a la la chos/ 'jig rten du chos kyi 'khor lo gnyis pa bskor ba'ang mthong ngo / / sems can gang dag gis chos kyi rnam grangs 'di thos pa dang / zos nas kyang mos par 'gyur ba de dag ni dge ba'i rtsa ba ngan ngon dang ldan pa ma yin no// gang dag gis chos kyi rnam grangs 'di thos nas skrag par mi 'gyur ba de dag ni sngon gyi rgyal ba la lhag par bya ba byas pa/ zab mo la bzod pa yin no zhes kyang smras so// de nas bcom
- 67b
ldan 'das la 'jam dpal gzhon nur gyur pas 'di skad ces gsol to/ / bcom ldan 'das chos kyi rnam grangs 'di byin gyis brlab pa'i slad du snga ltas 'di dag byung ba las na/ 'di ni ma 'ongs pa'i dus na spyod par 'gyur ro/ / bcom ldan 'das kyis bka' stsal pa/ 'jam dpal de de bzhin te/ chos kyi rnam grangs 'di byin gyis brlab pa'i phyir snga ltas byung ba 'di dag yin no// 'jam dpal gyis gsol pa/ bcom ldan 'das chos kyi rnam grangs 'di yun ring du gnas par bgyi ba'i slad du/ bcom ldan 'das kyis bden pa'i byin gyis brlab mdzad du gsol/ bcom ldan 'das kyis bka' stsal pa/ 'jam dpal bden pa dang / bden pa'i tshig gang gis rnam par thar pa'i sgo gsum la brten nas/ rnam par grol ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ 'jam dpal gyis gsol pa/ bcom ldan 'das bden pa dang / bden pa'i tshig gang gis bdag ma mchis pa dang / sems can ma mchis pa dang / srog ma mchis pa dang / gang zag/ ma mchis pa dang / shed las skyes ma mchis pa dang / shed bu ma mchis pa dang / kun nas nyon mongs pa ma mchis pa dang / rnam par byang ba ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha man spyod par gyur cig/ bcom ldan 'das bden pa dang / bden pa'i tshig gang gis 'dod chags ma mchis pa dang / zhe sdang ma mchis pa dang /
- 68a
gti mug ma mchis pa dang / ming ma mchis pa dang / gzugs ma mchis pa dang / rgyu ma mchis pa dang / lta ba ma mchis pa dang / srid pa ma mchis pa dang / srid pa yongs su 'tshal ba ma mchis pa dang / lus ma mchis pa dang / lus su gdags pa ma mchis pa dang / sem ma mchis pa dang / sems su gdags pa ma mchis pa dang / dran pa ma mchis pa dang / dran par bgyid pa dag ma mchis pa dang / dran pa nye bar gzhag pa dag ma mchis pa dang / gzhag pa ma mchis pa dang / nye bar gzhag pa ma mchis pa dang / gzugs ma mchis pa dang / tshor ba ma mchis pa dang / 'du shes ma mchis pa dang / 'du byed rnams ma mchis pa dang / rnam par shes pa ma mchis pa dang / mig ma mchis pa dang / gzugs ma mchis pa dang / rna ba ma mchis pa dang / sgra ma mchis pa dang / sna ma mchis pa dang / dri ma mchis pa dang / lce ma mchis pa dang / ro ma mchis pa dang / lus ma mchis pa dang / reg bya ma mchis pa dang / yid ma mchis pa dang / chos ma mchis pa dang / 'dod pa'i khams ma mchis pa dang / gzugs khams ma mchis pa dang / gzugs ma mchis pa'i khams ma mchis pa dang / 'di la rtag pa ma mchis pa dang / chad pa ma mchis bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis rgyun du zhugs pa ma mchis
- 68b
pa dang / rgyun du zhugs pa'i 'bras bu ma mchis pa dang / lan cig phyir 'ong ba ma mchis pa dang / lan cig phyir 'ong ba'i 'bras bu ma mchis pa dang / phyir mi 'ong ba ma mchis pa dang / phyir mi 'ong ba'i 'bras bu ma mchis pa dang / dgra bcom pa ma mchis pa dang / dgra bcom pa'i chos rnams ma mchis pa dang / rang sangs rgyas ma mchis pa dang / rang sangs rgyas kyi chos rnams ma mchis pa dang / de bzhin gshegs pa ma mchis pa dang / de bzhin gshegs pa'i chos rnams ma mchis pa dang / stobs rnams ma mchis pa dang / mi 'jigs pa rnams ma mchis pa dang / ye shes ma mchis pa dang / rnam par shes pa ma mchis pa dang / stong pa nyid ma mchis pa dang / mtshan ma ma mchis pa ma mchis pa dang / smon pa ma mchis pa ma mchis pa dang / 'dod chags dang bral ba nyid/ ma mchis pa dang / rang bzhin ma mchis pa dang / 'thob pa ma mchis pa dang / mngon sum du bgyi ba ma mchis pa dang / mngon par rtogs pa ma mchis pa dang / rig pa ma mchis pa dang rnam par grol ba ma mchis pa dang / 'gram ma mchis pa dang / pha rol ma mchis pa dang / tshu rol ma mchis pa dang / thar pa ma mchis pa dang / ming ma mchis pa dang / ming du gdags pa ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis chos
- 69a
bstan pa 'dis 'ga' yang ma sbyar/ ma grol/ mi sbyor/ mi 'grol ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis sems can 'ga' yang ma bkrol/ yongs su mya ngan las ma 'das/ de dag gis sems can 'ga' yang ma brnyes/ ma bshig/ chos 'ga' yang ma bskyed/ ma bkag/ rnam par ma bshig/ ma bskyod pa dang / ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang 'grol bar mi 'gyur/ yongs su mya ngan las zlo bar mi 'gyur/ de dag gis sems can 'ga' yang brnyes par mi 'gyur/ 'jig par mi 'gyur/ chos 'ga' yang skyed par mi 'gyur/ 'gog par mi 'gyur/ rnam par 'jig par mi 'gyur/ spyod par mi 'gyur ba dang / da ltar byang ba'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang mi 'grol/ yongs su mya ngan las mi zlo// de dag sems can 'ga' yang mi brnyas/ mi 'jig/ chos 'ga' yang mi skyed/ mi 'gog/ rnam par mi 'jig/ mi skyod pa'i bden pa dang / bden pa'i tshig des chos kyi rnam grangs 'di ma 'ongs
- 69b
pa'i dus lnga brgya tha man spyod par gyur cig/ bcom ldan 'das bden pa dang / bden pa'i tshig gang gis chos bstan pa 'di la cung zad kyang ma spras/ ma brjod/ ma bshad/ ma bstan/ brtags// ma bsgrags/ ma bsnyad/ ma smos/ ma bzlas shing / chos bstan pa 'di la yi ge gcig kyang ma brjod la/ chos bstan pa 'di gang gis kyang ma mnyan/ 'ga' yang nyan par mi 'gyur/ 'ga' yang rnam par grol bar mi 'gyur ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha man 'dzam bu'i gling na spyod par gyur cig/ bcom ldan 'das bden pa dang / bden pa'i tshig gang gis 'di la tshul khrims ma mchis pa dang / tshul khrims kyi 'bras bu ma mchis pa dang / ting nge 'dzin ma mchis pa dang / ting nge 'dzin gyi gnas ma mchis pa dang / shes rab ma mchis pa dang / shes rab kyi dbang po ma mchis pa dang / rnam par grol ba ma mchis pa dang / rnam par grol ba'i ye shes ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na 'dzam bu'i gling na smod par gyur cig/ bcom ldan 'das bden pa dang / bden pa'i tshig gang gis byang chub sems dpa' sbyin pa stsol bar mi bgyid/ tshul khrims srung bar mi bgyid/ bzod pa sgrub par mi bgyid/ brtson 'grus rtsom par mi bgyid/ bsam gtan rnams sgom par mi bgyid/ shes rab spyod par mi bgyid/ byang chub don du gnyer bar mi bgyid/ yang dag pa la 'jug par mi bgyid/ byang chub thob par mi bgyid/ stobs
- 70a
rnams thob par mi bgyid/ mi 'jigs pa rnams thob par mi bgyid/ dbang po rnams thob par mi bgyid/ so so yang dag par rig pa rnams thob par mi bgyid/ chos kyi 'khor lo skor bar mi bgyid/ sems can grol bar mi bgyid/ smra bar mi bgyid pa'i bden pa dang / bden pa'i tshig dre tshwa kyi rnam grangs 'di ma 'ongs pa'i dus lnga brgya tha ma na 'dzam bu'i gling na spyod par gyur cig/ de nas de'i tshe stong gsum gyi stong chen po'i 'jig rten gyi khams 'di rnam pa drug tu rab tu g.yos par gyur to// de nas bcom ldan 'das la byang chub sems dpa' byams pas 'di skad ces gsol to/ / bcom ldan 'das 'ji rten du dog sa cher g.yos par gyur pa 'di'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ / byams pa dman pa la mos pa'i sems can 'di dag 'dzin par mi 'gyur na/ ma legs kyis thong zhig/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to// bcom ldan 'das skye bo mang po la sman pa dang / skye bo mang po la bde ba dang lha dang mi rnams kyi don gyi slad du bshad du gsol/ bcom ldan 'das kyis bka' stsal pa/ byams pa chos kyi rnam grangs 'dis phyogs 'di nyid du sangs rgyas bye ba khrag khrig 'bum phrag bdun
- 70b
cu rtsa bzhis bstan te/ thams cad du'ang 'jam dpal gzhon nur gyur pa dang / lha'i bu blo gros rab gnas kyis zhus so// byams pas gsol pa/ bcom ldan 'das 'jam dpal gzhon nur gyur pa dang // lha'i bu blo gros rab gnas kyis chos kyi rnam grangs 'di thos nas ji srid cig lags/ bcom ldan 'das kyis bka' stsal pa/ byams pa rigs kyi bu 'di dag gis bskal pa grangs med pa phrag 'bum 'das pa nas/ de bzhin gshegs pa kun nas me tog mngon par 'phags pa seng ge'i rtsal gyi yon tan phung po zhes bya ba las chos kyi rnam grangs 'di thos so// chos kyi rnam grangs 'di bshad pa na/ sems can gang+gA'i klung gi bye ma snyed dag bla na med pa yang dag par rdzogs pa'i byang chub tu sems skyes so// de'i nyis 'gyur snyed kyis na phyir mi ldog pa'i bzod pa thob bo// de'i nyis 'gyur snyed ni chos rnams la chos kyi mig rdul med cing dri ma dang bral ba rnam par dag go/ / bcom ldan 'das kyis de skad ces bka' stsal nas/ dge slong de dag dang / 'jam dpal gzhon nur gyur pa dang / lha'i bu blo gros rab gnas dang / ji ltar 'dus pa'i byang chub sems dpa' de dag dang / lha'i bu de dag dang / tshe dang ldan pa shA ri'i bu dang / gnas brtan 'od srung chen po dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i
- 71a
chos kyi rnam grangs le'u stong phrag brgya pa las/ lha bu blo gros rab gnas kyis zhus pa zhes bya ba'i le'u ste/ 'dus pa sum cu drug pa rdzogs so// rgya gar gyi mkhan po su ren rnga bo d+hi dang / badz+nyA bar ma dang / zhu chen gyi lo tsab zhang ye shes sde la sogs pas bsgyur cing nus te gtan la phab pa/ bam po bzhi/ sh+lo ka stong nyis brgya/ / rgya gar skad du/ Ar+ya sing ha pa ri prits+tsha nA ma ma hA yA na su tra/ bod skad du/ 'phags pa seng ges zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ril/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ byang chub sems dpa'i dge 'dun chen po dang yang thabs cig go// thams cad mkhyen cing thams cad gzigs// / / rgyal ba gang zag mtshungs pa med// rgyal po ma skyes dgra yi bu// seng ge zhes ni grags pa zhig/ tshong dpon bu mo lnga brgya yis// mdun du bdar te lhan cig tu// rgyal po'i khab nas de byung nas// rgyal po'i 'byor pa chen po yis/ / gser las byas pa'i gdugs thogs te// rdzogs sangs rgyas kyi gan song nas// zhabs la mgo bos phyag 'tshal te// lnga brgya po yis gdugs de dag/ tshang bar thub pa
- 71b
tsheche la phul/ / kun kyang byang chub don du zhugs// rdzogs sangs rgyas kyi mthu yis ni// de dag mi 'jigs skyes gyur nas// seng ges thal mo sbyar byas te// rdzogs sangs rgyas la zhus pa ni// byang chub sems dpa'i spyod pa gang / / de ni 'dren pas bdag la gsungs// gang gis mdzes par 'gyur ba lags// gang gis rdzus te skye bar 'gyur// skye ba dran par ji ltar 'gyur// thub pa chen pos lung bstan gsol/ / de dag lhag bsam ye shes kyis// mkhyen nas sangs rgyas lung bstan pa// byang chub sems dpa'i spyod gang zhes// khyod kyis dris pa de bstan to// bzod pa yi ni mdzes par 'gyur// tshangs par spyad pas rdzus te skye// chos kyi sbyin pas skye ba dran// gzhon nu de ltar shes par gyis// gang gis sum cu rtsa gnyis mtshan// dpe byad bzang po brgyad cu dang // gser mdog 'dra ba'i lus 'gyur zhing / / de mthong sems can dga' bar 'gyur// sbyin pa kun gyi mtshan du 'gyur// byams pas de bzhin dpe byad bzang // sems can kun la sems mnyam pas// rgyal ba gser gyi mdog 'drar 'gyur/ / gzungs ni gang gis thob par 'gyur// gang gis ting 'dzin skyes 'gyur lags// gzung ba'i tshig tu gang gis 'gyur// thub pa chen pos bstan du gsol// chos la bzod pas gzungs rnams 'thob/ / sems bsgoms pas ni ting 'dzin skye// bkyal pa'i tshig rnams spang byas na// gzung bar 'os pa'i tshig tu 'gyur// dran dang ldan par ji ltar
- 72a
'gyur/ / thub pa ji ltar blo gros ldan// ji ltar chos spyod 'gyur ba lags// skyes bu dam pa mkhas cis 'gyur// g.yo med pas ni dran ldan 'gyur// don la sems pa blo gros ldan/ / gus dang bcas pas chos spyod 'gyur// chos kyi mtshan nyid rtogs pa mkhas// 'jig rten mgon po'i spun sngar ni// las gang gis ni skye bar 'gyur// 'jig rten mgon gyi mngon sum du// zhu ba/ zhu bar ji ltar 'gyur// gang gis chos kyi sbyin pa la// nam yang bar chad mi byed pa// de ni des na myur rab tu// 'jig rten mgon dang phrad par 'gyur// gang gis mi khom spong bar 'gyur// gang gis bzang 'gror mchi 'gyur lags/ / skye ba kun tu skye ba na// bag mchis par ni ji ltar 'gyur// dad pas mi khom spong bar 'gyur// tshul khrims kyis ni bzang 'gror 'gro// stong pa nyid ni bsgom byas na// rtag tu bag dang ldan par 'gyur/ / thub pa byang chub sems dpa' rnams// ji ltar las rnams dag par 'gyur// ji ltar bdud kyis snyas mi thogs// ji ltar chos kyis 'phongs 'gyur spong // rnam par grol bas las rnams 'dag/ brtson 'grus kyis ni bdud 'dul 'gyur// ci smras de bzhin byed pas ni// chos kyis 'phongs pa spong bar 'gyur// ka la bing ka'i sgra snyan dang // tshangs pa'i dbyangs 'drar ji ltar 'gyur/ / thub pa mos pa sna tshogs kyi// sems can rnams ni gang gis dga'// bden par smras pas tshangs pa'i dbyangs// ngag rtsub spangs pas sgra snyan 'gyur// bkyil pa'i tshig dang
- 72b
phra ma rnams/ / spangs pas sems can dga' bar 'gyur// ji ltar tshe ring 'gyur ba lags// bro nang nyung bar ji ltar 'gyur// rnam par 'dren pa gang gis na// g.yog 'khor rnams ni mi byed 'gyur// gsod pa mi byed tshe ring 'gyur// mi 'tshe bas ni nang nyung 'gyur// mi mthun pa dag bsdums byas na// g.yog 'khor rnams ni mi phyed 'gyur// don rnams ji ltar 'grub 'gyur lags// gang gis longs spyod nyams mi 'gyur/ / gang dang gang du skye ba der// dbang chen grags pa ji ltar 'gyur// chags pa med pas don rnams 'grub// ser sna med pas longs spyod 'phel// gang dang gang du skye ba der/ / phrag dog med pas dpa' cher grags// ji ltar lha yi mig 'thob 'gyur// lha yi rna ba ji ltar thob// sems can 'chi 'pho skye ba dag/ 'dren pa gang gis 'tshal bar 'gyur// mar me sbyin pas mig 'thob 'gyur/ / rol mo'i sgra yis rna ba dag/ 'chi 'pho skye shes ye shes kyis// de bas de ltar 'grub par 'gyur// 'dren pa byang chub sems dpa' yi// zag pa gang gis bas par 'gyur// tshe rabs snga dran cis 'gyur lags// rdzu 'phrul ci yis thob par 'gyur// bzhon pa sbyin pas rdzu 'phrul 'thob// dran pa bsgoms pas rjes su dran// mtha' gnyis rab tu spang byas na// zag pa zad pas reg par 'gyur/ / gang gis zhing ni phun sum tshogs// cis na dge 'dun phur sum tshogs// gang gis phun sum tshogs 'od 'gyur// gang gis phyogs bcur lhang nger gda'/
- 73a
smon lam gyis ni phun sum zhing // bsdu bas dge 'dun phun sum tshogs// 'dir ni rin chen gdugs phul bas// phyogs bcur lhang nger snang bar 'gyur// chos rnams thams cad bsdu ba ni/ / chos gang gis ni thob par 'gyur// gang dang gang du skyes pa der// byang chub sems dpa' dga' ba thob// sems can thams cad thar bya'i phyir// byang chub don du sems btud pas/ / des na chos rnams bsdu ba'ang 'thob// des ni dga' ba'ang 'thob par 'gyur// bslab pa ci 'dra bslabs pa dang // sems ni ci 'dra bsgoms pa yis// thub pa chen po khyod 'dra ba'i// / ston pa thams cad mkhyen par 'gyur// sems can ma lus thams cad la// mnyam pa'i sems nyid bslabs pa dang // mnyam par sems ni bsgoms pas na// thams cad zil gnon rgyal bar 'gyur/ / skye ba kun tu byang chub sems// rmi lam na yang sems de ni// 'dor mi 'gyur na mnyal tshe// smos ci 'tshal bar gang gis 'gyur// grong dang grong khyer rnams su 'am// gang du gan pa'i yul rnams su/ / byang chub la ni yang dag 'dzud// des na sems 'dor mi 'gyur ro// gang dang gang du skye bar yang // ji ltar stobs ni cher 'gyur dang // rtag tu mthu yis 'phags pa dang // bdud rnams bye bas tshugs mi 'gyur// 'dir ni snying po lnga byin zhing // skrag la mi 'jigs byin na ni// gang dang gang du skyes par yang // des na stobs ni cher 'gyur te// rtag tu mthu yis pa lag/
- 73b
ba dang // bdud rnams bye bas mi tshugs so// byang chub sems dpa'i spyod pa de// 'jig rten mgon gyis mngon sum du// lung bstan pa 'di thos nas su// seng ge yid ni dga' bar gyur// seng ge grogs dang lhan cig tu// 'di skad kyi ni tshig smra ste// spyod pa bstan pa 'di la ni// bdag cag rjes su bslab par bgyi// de nas sangs rgyas 'dzum mdzad de// stong gsum po yang g.yos gyur nas/ / ma pham pas ni sangs rgyas la// ci zhig slad du 'dzum mdzad pa// thub chen lung bstan gsol zhes zhus// de skad zhu ba zhus pa dang // ma pham pa la sangs rgyas kyis 'di skad ces ni bka' stsal to/ / gang gi phyir ni 'dzum mdzad pa// ma pham nga las 'dir nyon cig/ sangs rgyas bye ba brgyad cu dang // gzhan yang khrag khrig phrag bcu la// byang chub don du 'dus nas ni/ / mi yi 'dren pa rnams la mchod// rdzogs pa'i sangs rgyas rkang gnyis mchog/ mar me mdzad pa tshun chad du// bram ze'i khye'u 'di dag rnams// nga yis yongs su smin par byas// snang ba che zhes bya ba yi/ / bskal pa chen po 'byung 'gyur te// de dag bskal pa gcig de la// rnam par 'dren par 'gyur ba ste// ye shes tog gi rgyal mtshan zhes// 'jig rten 'den pa rnams su 'gyur/ / 'od dpag med kyi bkod pa ltar// de dag gi yang de 'drar 'gyur// byams pa nas ni bzung nas su// bskal pa sum brgya tshad ni// de yi bar du dus kun tu// rtag tu sangs rgyas phrad par 'gyur//
- 74a
'di dag byang chub thob pa yi// ming ni gang sus thos pa rnams// de dag thams cad 'jig rten du// kun mkhyen gang zag mtshungs med 'gyur// gang zhig lung bstan 'di thos nas/ / mos pa skyed par byed pa ni// 'jig rten gsum po 'di dag na// de dang mtshungs bu'i bsod nams med// gang gis bskal pa drug stong du// sangs rgyas zhing rnams thams cad du// rin chen rnams kyis bkang byas nas// byang chub phyir 'dir byin pa bas// gang gis chos kyi rnam grangs 'di// thos nas byang chub phyir 'jug na// sngar smos pa yi bsod nams kyis// grangs dang char yang mi phod do/ / chos 'di bshad pa'i tshe na ni// 'jig rten mgon po'i mthu yis ni// lha rnams me tog char pa 'bebs// stong gsum po yang gsos par gyur// seng ge grogs dang bcas pa yis// mngon par shes pa lnga thob nas// nyin bdun par du mchod byas te// bstan pa la ni rab tu byung // de kun gyis ni ting 'dzin thob// zad mi shes kyi gzungs kyang thob// sems can rnams kyi don byed de/ / sangs rgyas chos la 'dzud par byed// chos kyi rnam grangs 'di bstan pa// sems can bye ba phrag brgyad cu byang chub mchog la zhugs so// bcom ldan 'das kyis de skad ces bka' stsal nas/ seng ge grogs dang bcas pa dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs
- 74b
pa la mngon par bstod do/ / 'phags pa dkon mchog brtsegs pa chen po'i chos kyi rnam mangs le'u stong phrag brgya pa las/ 'phags pa seng ges nus nga'i le'u zhes bya ste/ 'dus pa sum cu rtsa bdun pa rdzogs so/ / / rgya gar gyi mkhan po dAn shI la dang / mu ne bar ma dang / zhu chen gyi lo tsa ba ban de ye shes sdes bsgyur cing nus te/ skad gsar bcad kyis kyang bcos nas gtan la phab pa'o/ / sh+lau ka drug cu'o// / ts+ya/ rgya gar skad du/ Ar+ya sarba bud+d+ha ra ha s+yo pA ya ko'u shal l+ya/ dz+nyA nod ta ra bo d+hi satwa pa ri brits+tsha/ pa ri brton ma ma hA ya na sU tra/ bod skad du/ 'phags pa sangs rgyas thams cad kyi gsang chen thabs la mkhas pa/ byang chub sems dpa' ye shes dam pas zhus pa'i le'u zhes bya ba theg pa chen po'i mdo/ / // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ slob pa dang / mi slob pa'i dge slong brgyad stong gi dge slong gi dge 'dun chen po dang / byang chub sems dpa' sems dpa' chen po khri drug stong thams cad kyang mngon par shes pa/ mngon par shes pa/ gzungs thob pa/ spobs pa thogs pa med pa/ mngon par shes pa sgrub pa la mkhas pa
- 75a
mi skye ba'i chos la bzod pa thob pa/ yon tan 'bum phrag du ma dang ldan pa'i byang chub sems dpa' sha stag dang thabs cig tu bzhugs te/ de nas bcom ldan 'das phye ma red kyi dus kyi tshe nang du yang dag 'jog las bzhengs nas/ ring po ma lon par 'khor 'bum phrag du mas yongs su bskor cing / mdun gyis bltas nas chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par ston to// de'i tshe na byang chub sems dpa' sems dpa' chen po ye shes dam pa zhes bya ba 'khor de nyid 'dus te 'dug par gyur to// de nas byang chub sems dpa' sems dpa' chen po ye shes dam pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la
- 75b
'di sad ces bka' stsal to/ / rigs kyi bu khyod ci dang ci 'dod pa bzhin gshegs pa la dris shig dang / ngas dris pa de dang nyid kyi lung bstan pas khyod kyi sems radas par bya'o// de skar ces bka' stsal pa dang / bcom ldan 'das la byang chub sems dpa' sems dpa' chen po ye shes dam pas 'di skad ces gsol to// btsun pa bcom ldan 'das byang chub sems dpa' sems dpa' chen po rnams kyi thabs la mkhas pa thabs la mkhas pa zhes bgyi na/ thabs la mkhas pa de gang lags/ btsun pa bcom ldan 'das ji ltar na byang chub sems dpa' sems dpa' chen po thabs la mkhas pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to// rigs kyi bu legs so legs so// rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha rnams dang mi rnams kyi skye bo phal po che'i don dang / phan pa dang / bde ba dang / da ltar dang / ma 'ongs pa'i byang chub sems dpa' sems dpa' chen po rnams kyi shes pa rjes su yongs su gzung ba dang / sangs rgyas kyi chos thams cad yongs su rdzogs par bya ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos yongs su gzung ba'i phyir zhugs te// rigs
- 76a
kyi bu khyod de bzhin gshegs pa la byang chub sems dpa' rnams kyi babs la mkhas pa yongs su dri bar sems pa ni rigs kyi bu yang khyod legs so/ / rigs kyi bu de'i phyir legs par rab tu nyon la tshul bzhin du yid la zung zhig dang / ngas byang chub sems dpa' sems dpa' chen po rnams kyi thabs la mkhas pa khyod la bshad par bya'o// byang chub sems dpa' sems dpa' chen po ye shes dam pas bcom ldan 'das de bzhin no zhes gsol te/ bcom ldan 'das kyi lhar nyan pa dang / bcom ldan 'das kyis de la 'di skad ces bka' stsal to// rigs kyi bu 'di la byang chub sems dpa' sems dpa' chen po thabs la mkhas pa ni zan kham gcig tsam yang sems can thams cad la sbyin par byed do/ / de ci'i phyir zhe na/ rigs kyi bu 'di la byang chub sems dpa' sems dpa' chen po thabs la mkhas pa ni gang gi tshe dud 'gro'i skye gnas su gyur pa la zan kham gcig tsam sbyin par byed na'ang / de'ang thams cad mkhyen pa nyid dang ldan pa'i sems kyis sbyin par byed cing / dge ba'i rtsa ba de'ang sems can thams cad kyis sangs rgyas kyi chos yongs su rdzogs par bya bar yongs su bsngo ba'i phyir ro// de rgyu gnyis kyis na sems can thams cad la yongs su sngo bar byed de/ gnyis gang zhe na/ thams cad mkhyen pa nyid kyi sems dang / yongs su bsngo ba la mkhas pa nyid kyis te/ rigs kyi bu de ni byang chub sems dpa' sems dpa' chen po'i thabs la
- 76b
mkhas pa yin no/ / rigs kyi bu gzhan yang byang chub sems dpa' sems dpa' chen po thabs la mkhas pa ni gzhan gyi dge ba'i rtsa ba mngon par 'dus byas pa la rjes su yi rang bar byed cing / rjes su yi rang nas kyang sems can thams cad la yongs su bsngo zhing btang ste/ yongs su sngo bar yang byed do// de thams cad mkhyen pa nyid du yongs su bsngos pa'i dge ba'i rtsa ba des// byang chub kyi sems dang bral ba'i sbyin pa po dang / sbyin bdag gang dag yin pa de dag kyang zil gyis gnon par byed la/ len pa po gang dag yin pa de dag kyang zil gyis gnon par byed de/ rigs kyi bu de'ang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni phyogs bcu dag na me tog gi shing ljon pa dang / spos kyi shing ljon pa dang / me tog dang / me tog 'phreng dang / spos dang / phye ma dang / byug pa bdag gir ma byas shing / yongs su ma gzung ba gang ji snyed pa de dag thams cad bsam pas yongs su bzung zhing / yongs su bsdus nas sangs rgyas thams cad la 'bul bar byed cing / dge ba'i rtsa ba de'ang sems can thams cad la gtong bar byed de/ yongs su btang nas kyang thams cad mkhyen pa nyid du yongs su sngo bar byed do// phyogs bcu dag na me tog gi shing ljon pa dang / spos kyi shing ljon pa dang / me
- 77a
tog dang / me tog 'phreng dang / spos dang / phye ma dang / byug pa bdag gi dang bcas shing yongs su gzung ba dang bcas pa gang ji snyed pa de dag thams cad kyi dri rlung gis btab/ pa'i ngad de dag kyang / byang chub sems dpa' thabs la mkhas pas sangs rgyas thams cad la 'bul bar byed cing / dge ba'i rtsa ba de'ang bdag dang sems can thams cad kyis thams cad mkhyen pa nyid yongs su rdzogs par bya ba'i phyir yongs su sngo bar byed do/ / de thams cad mkhyen pa nyid du yongs su bsngos pa'i dge ba'i rtsa ba des tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dpag tu med pa thob par 'gyur te/ rigs kyi bu de'ang byang chub sems dpa' sems dpa' chen po'i thabs la mkhas pa yin no/ / rigs kyi bu gzhan yang byang chub sems dpa' sems dpa' chen po thabs la mkhas pa ni phyogs bcu'i 'jig rten gyi khams dag na sems can sdug bsngal gyi tshor ba myong bar gyur pa gang ji snyed pa de dag la/ byang chub sems dpa' thabs la mkhas pas sems can de dag gi sdug bsngal gyi tshor ba de dag thams cad bsdus te 'chags par byed cing / 'di ltar sems can de dag gi sdug bsngal gyi tshor ba gang dag yin pa de dag thams cad bdag gi lus la 'bab par 'gyur zhing / sems can de dag bde bar gyur cig ces go cha gyon par yang byed do// phyogs
- 77b
bcu kun gyi 'jig rten gyi khams dag na sems can bde ba'i tshor ba myong bar gyur pa gang dag yin pa de dag la/ byang chub sems dpa' thabs la mkhas pas de dag yang dag par bsdus te rjes su yi rang bar byed cing / rjes su yi rang nas kyang thams cad mkhyen pa nyid la dmigs pa'i sems bskyed pas/ sems can thams cad kyi sdug bsngal thams cad rab tu zhi bar bya ba'i phyir thams cad mkhyen pa nyid du yongs su sngo bar byed do/ / de dge ba'i rtsa ba des sangs rgyas thams cad kyi bde ba'i yo byad rnams 'thob par 'gyur te/ rigs kyi bu de'ang byang chub sems dpa' sems dpa' chen po'i thabs la mkhas pa yin no/ / rigs kyi bu gzhan yang byang chub sems dpa' sems dpa' chen po thabs la mkhas pa ni// de bzhin gshegs pa gcig la phyag byas/ bkur sti byas bla mar byas/ ri mor byas/ mchod pa byas/ bsnyen bkur byas nas/ 'di ltar so sor rtog par byed de/ sangs rgyas bcom ldan 'das rnams ni chos kyi dbyings gcig las nges par byung ba dang / tshul khrims gcig pa dang / ting nge 'dzin gcig pa dang / shes rab gcig pa dang / rnam par grol ba gcig pa dang / rnam par grol ba'i ye shes mthong ba gcig pa dang / ye shes gcig pa dang / rig pa gcig pa yin no zhes so sor rtogs par byed do// des de ltar so sor brtags nas 'di ltar shes par byed de
- 78a
de bzhin gshegs pa gcig la phyag byas/ bkur stir byas/ tha mar byas/ ri mor byas/ mchod pa byas/ bsnyen bkur byas pa ni/ de bzhin gshegs pa/ thams cad la phyag byas pa dang / bkur sti byas pa dang / bla mar byas pa dang / ri mor byas pa dang / mchod pa byas pa dang / bsnyen bkur byas par 'gyur ro snyam du shes par byed do// byang chub sems dpa' thabs la mkhas pa ni phyogs bcu'i sangs rgyas bcom ldan 'das de dag gi mchod pa 'byung bar 'gyur ba gang dag yin pa de dag thams cad bsam pas yongs su bzung nas/ thams cad mkhyen pa nyid du yongs su sngo bar byed de/ / rigs kyi bu de'ang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni gang gi tshe blo rtul bar gyur na'ang / de bdag nyid khyad du gsod par mi byed cing zhum par mi byed par/ de tha na tshig bzhi pa'i tshogs su bcad pa gci tsam la'ang 'jug par byed cing / de 'di ltar so sor rtog par yang byed de/ tshig bzhi pa'i tshigs su bcad pa gcig po 'di'i don gang yin pa de ni gsung rab tu gtogs pa thams cad kyi don yin no zhes so sor rtog par byed do/ / des de ltar tshig bzhi pa'i tshigs su bcad pa gcig kha ton du bslabs nas zhum pa med pa'i sems kyis snying rje chen po bskyed de/ rnyed pa dang / bkur
- 78b
sti dang / grags pa 'dod pa med pas/ grong dang / grong khyer dang / grong rdal dang / yul 'khor dang / rgyal po'i pho brang 'khor dag tu skye bo mang po la tshig bzhi pa'i tshogs su bcad pa de/ rgya cher yang dag par ston par byed cing / 'di ltar smon lam 'debs par yang byed de/ sems can gang su gang dag gis bdag gi tshig bzhi pa'i tshigs su bcad pa 'di thos par gyur pa de dag thams cad bla na med pa yang dag par rdzogs pa'i byang chub tu nges par gyur cig ces smon lam 'debs par yang byed do/ / de'i dge ba'i rtsa ba thabs la mkhas pas yongs su zin pa des sems can thams cad kun dga' bo ltar mang du thos par 'gyur zhing / sangs rgyas kyi spobs pa nyid kyang 'thob par 'gyur te/ rigs kyi bu de'ang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni gal te brgya la brgya lam na dbul por gyur na'ang / des tha na gzhan gyi las kyang byas te/ kha zas nal ze gang tsam yang blangs nas zhum pa med pa'i sems kyis dge 'dun nam/ gang zag la 'bul bar yang byed do// phul nas kyang de 'di ltar so sor rtog par byed de/ bcom ldan 'dra/ kyis sems rgyas chen pos byin na sbyin pa'ang rgya chen por 'gyur ro zhes gsungs pas na/ 'di ltar bdag gis sbyin par bya ba'i chos 'di ni rlung mod kyi/ thams cad mkhyen pa nyid kyi sems kyis
- 79a
sbyin pas dpag tu med par 'gyur ro snyam du so sor rtog par byed do/ / de thams cad mkhyen pa nyid kyi sems tshad med par gyur pa des kha zas nal za gang tsam po de sbyin par byed cing / bdag gi dge ba'i rtsa ba 'dis bdag dang sems can thams cad 'di lta ste/ dper na bcom ldan 'das de bzhin gshegs pa dgra bcom pa yang dag par rdzogs pa'i sangs shAkya thub pa ji lta ba bzhin du skyes bu chen po'i mtshan ro bro ba'i mchog 'grub par 'gyur zhing / lag na rin po che grub par gyur cig ces yongs su sngo bar byed do// de dge ba'i rtsa ba thams cad mkhyen pa nyid du yongs su/ bsngos pa des/ byang chub kyi sems dang bral ba'i sems can rnams kyi sbyin pa lnga byung ba'i bsod nams bya ba'i dngos po'ang zil gyis gnon par 'gyur la/ skyes bu chen po'i mtshan ro bro ba'i mchog kyang 'grub par 'gyur/ lag na rin po che'ang 'grub par 'gyur te/ rigs kyi bu de'ang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni gal te nyan thos dang rang sangs rgyas rnams dang / nyan thos kyi theg pa dang / rang sangs rgyas kyi theg pa pa rnams dang lhan cig gnas par gyur kyang / de dge la dga' bar mi byed cing / gal te byang chub sems dpa' thabs la mkhas pas nyan thos dang rang sangs rgyas rnams la bsnyen bkur lhag pa dag yod la/ bdag la de lta ma yin
- 79b
par mthong na'ang / de rgyu gnyis kyis bdag la rtog par byed de/ gnyis gang zhe na/ byang chub sems dpa' las nges par byung ba ni/ sangs rgyas bcom ldan 'das rnams yin la/ sangs rgyas/ bcom ldan 'das rnams las nges par byung ba ni/ nyan thos dang rang sangs rgyas rnams yin no snyam du bdag nyid la rtog par byed cing / de 'di ltar so sor rtog par yang byed de/ bde dag la bsnyen bkur lhag pa dag yod mod kyi/ 'on kyang 'dir ni bdag shin tu mchog dang / shin tu gtso bo yin gyi/ 'di dag ni ma yin no// 'di dag ni bdag gi pha'i nor gyi phung po la yongs su spyod par byed pa yin pas/ bdag gis 'di dag la dag la dga' bar yang mi bya la/ 'di dag la phrag dog kyang mi bya'o snyam du so sor rtog par byed do// des lhag pa'i bsam pas sems bskyed pa des gang gis de bzhin gshegs pa la bsnyen bkur byas kyang khengs par mi 'gyur la/ bsnyen bkur ma byas kyang zhum par mi 'gyur zhing / sems can thams cad la thugs mnyam pa kun tu 'dzin par mdzad pa lta bu'i rjes su chags pa dang / khong khro ba spangs pa 'thob par 'gyur te/ rigs kyi bu de'ang byang chub sems dpa' sems dpa' chen po'i thabs la mkhas pa yin no// rigs kyi bu gzhan yang byang chub sems dpa' sems dpa' chen po thabs la mkhas pa ni/ sbyin pa byin pas kyang pha rol tu phyin pa drug po thams cad yongs su rdzogs par byed do// ji ltar yongs
- 80a
su rdzogs par byed ce na/ 'di la byang chub sems dpa' sems dpa' chen po thabs la mkhas pa ni gang gi tshe slong mo pa mthong ba na/ de thams cad mkhyen pa nyid la dmigs te/ ser sna'i sems tshar gcod par byed cing / gtong ba chen po'ang spel bar byed la/ sbyin no snyam pa'i sems kyang skyed par byed pa gang yin pa de ni/ de'i sbyin pa'i pha rol tu phyin pa yin no/ / tshul khrims yang dag par blangs shing tshul khrims ldan pa la sbyin pa sbyin par byed pa dang / sems can tshul khrims 'chal pa gang dag yin pa de dag tshul khrims la 'god par byed cing / sbyin pa byin nas 'di ltar bla na med pa yang dag par rdzogs pa'i byang chub la 'god par byed pa gang yin pa de ni/ de'i tshul khrims kyi pha rol tu phyin pa yin no// byams pa'i sems dang / phan pa'i sems dang / ma 'dres pa'i sems dang / ma 'khrugs pa'i sems dang / le lo med pa'i sems dang / rnyog pa med pa'i sems dang / snyoms pa'i sems kyis sbyin pa sbyin par byed pa gang yin pa de ni/ de'i bzod pa'i pha rol tu phyin pa yin no// bza' ba dang / bca' ba dang / btung ba dang / bldag pa dang / myang ba dag la mngon par gus pa yang dag par sgrub par byed cing / rtsol bar byed pa dang / lus kyis zhal ta byed pa dang / sems kyis zhal ta byed pa dang / ldang ba dang / 'gro ba dang / 'ong bar byed pa gang yin pa de ni/ de'i brtson 'grus kyi pha rol tu
- 80b
byin pa yin no/ / byin pa gang yin pa de la sems rtse gcig pa nyid dang / dga' ba dang / yid bde ba dang / mchog tu dga' ba'i bsam pa dang / rnam par g.yeng ba med pa gang yin pa de ni// de'i bsam gtan gyi pha rol tu phyin pa yin no// sbyin pa byin nas chos nyid kyi rjes su yang dag par gzhol bar byed de/ sus byin/ su la byin/ ci zhig byin/ 'di'i rnam par smin pa sus myong bar 'gyur/ zhes chos nyid kyi rjes su yang dag par gzhol bar byed cing / des de ltar yongs su btsal nas kyang / gang gis byin pa dang / gang la byin pa dang / ci zhig byin pa dang / de'i rnam par smin pa myong bar byed pa'i chos 'ga' yang mi dmigs pa gang yin pa de ni/ de'i shes rab kyi pha rol tu phyin pa yin te/ rigs kyi bu de ltar na byang chub sems dpa' sems dpa' chen po thabs la mkhas pa sbyin pa byin pas kyang pha rol tu phyin pa drug po thams cad yongs su rdzogs par byed pa yin no/ / de nas bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ / btsun pa bcom ldan 'das de ltar byang chub sems dpa' sems dpa' chen po thabs la mkhas pas sbyin pa gang gis sems can rnams kyang 'khor ba las yongs su 'dzin bar bgyid la/ sbyin pa de nyid kyis sangs rgyas kyi chos thams cad kyang yongs su 'dzin par bgyid pa'i byang chub sems dpa' sems dpa' chen po rnams kyi thabs la mkhas pa de ni ngo mtshar
- 81a
lags so/ / bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ byang chub sems dpa' sems dpa' chen po thabs la mkhas pa ni/ thabs la mkhas pa dang / thabs la mkhas pa'i pha rol tu phyin pas/ sbyin pa chung ngu'ang chen por byed la/ chen po ni dpag tu med pa dang grangs med par byed do// de nas bcom ldan 'das kyis yang byang chub sems dpa' sems dpa' chen po ye shes dam pa la 'di skad ces bka to// rigs kyi bu gzhan yang byang chub sems dpa' sems dpa' chen po thabs la mkhas pa ni/ gal te brgya la brgya la brgya la ma na sdig pa'i grogs po'i dbang 'am/ sems kun tu rmongs pas nyes pa byung na'ang / de 'di ltar so ser slob ste/ gal te bdag phung po dang / khams dang / skye mched 'di dag nyid kyis yongs su mya ngan las 'das par gyur na ni/ de lta na bdag gis yongs su gdung bar bya dgos par 'gyur bas/ bdag gis 'di ltar go cha bgo bar bya ste/ bdag sems can rnams yongs su smin par bya ba'i phyir/ phyi ma'i mtha'i mu'i bar du 'khor bar 'khor bar bya ba la bdag gi sems zhum par mi bya/ 'jigs par mi bya/ sems skrag par mi bya/ yongs su gdung bar mi bya zhing / ji lta ji ltar 'khor ba na 'khor bar 'gyur ba de lta de ltar sems can yongs su smin par bya ba dang / nyes pa 'di'ang
- 81b
chos bzhin du phyir bya zhing / phyin chad kyang nyes pa mi 'byung bar bya ba dang / bdag gis sems can thams cad kyang nyes pa las dbyung ba'i phyir chos bstan par bya'o zhes go cha gyon par byed do// rigs kyi bu yongs su brtag pa nye bar gzung na/ byang chub sems dpa' rab tu byung ba ni/ gal te rtsa ba'i nyes pa bzhi po thams cad byung bar gyur na'ang thabs la mkhas pa des sel bar byed na/ rigs kyi bu nga ni byang chub sems dpa' la nyes pa med ces smra'o// de skad ces bka' stsal pa dang / bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ / btsun pa bcom ldan 'das ji ltar na byang chub sems dpa' nongs pa dang bcas pa lags/ bcom ldan 'das kyis bka' stsal pa/ rigs kyi bu 'di ltar byang chub sems dpa' so so thar pa'i bslab pa la slob par byed pa na/ bskal pa 'bum gyi bar du rtsa ba dang 'bras bu za bar byed cing / sems can thams cad kyis legs par smras pa dang / nyes par smras so cog bzod par byed du zin kyang / nyan thos dang rang sangs rgyas dang ldan pa'i yid la byed pa dag gis gnas par gyur na/ rigs kyi bu de ni byang chub sems dpa'i rtsa ba'i nyes pa lci ba zhes bya'o/ / rigs kyi bu 'di lta ste/ dper na nyan thos kyi theg pa pa'i gang zag rtsa ba'i nyes pa byung bar gyur pa ni phung po dang / khams dang / skye mched de dag nyid kyis yongs su mya ngan las 'da' bar
- 82a
'gyur ba'i skal ba med pa de bzhin du/ byang chub sems dpa' yang nyan thos dang rang sangs rgyas dang ldan pa'i yid la byed pa dag ma bshags/ ma spangs kyi bar du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i skal ba med cing / sangs rgyas kyi sa 'thob par 'gyur ba'i skal ba med de/ de ni gnas med de nas bcom ldan 'das la tshe dang ldan pa kun dga' bos 'di skad ces gsol to/ / btsun pa bcom ldan 'das de bzhin gshegs pa ni sems can thams cad kyi ston pa lags te/ mi mkhyen pa 'am/ ma gzigs pa 'am/ thugs su ma chud pa 'am/ mngon sum du ma mdzad pa cung zad kyang mi mnga' lags mod kyi/ 'on kyang de bzhin gshegs pas 'di skad ces dge slong gis nyes pa byung ba mthong na bcab par mi bya bar tshangs pa mtshungs par spyod pa gzhan dag gam/ de bzhin gshegs pa'i spyaspyan sngar smros shig ces bka' stsal lags pas// btsun pa bcom ldan 'das bdag mnyan yod kyi grong khyer chen po 'dir mthar chags su bsod snyoms kyi slad du mchi ba na/ grong khyer gzhan zhig na/ byang chub sems dpa' tshogs can rab mchog rgyal po zhes bgyi ba khri'i steng na bud med gcig dang lhan cig mchis pa mthong ba de bdag byams pa dang ldan pa dang / nongs pa ma mchis pa'i sems kyis bcom ldan 'das la gsol lags
- 82b
so/ / de nas tshe dang ldan pa kun dga' bos tshig de skad ces gsol nas/ ring po malon par de nas de'i mod la sa chen po 'di rnam pa drug tu rab tu g.yos par gyur to// de nas de'i tshe byang chub sems dpa' tshogs can rab mchog rgyal po bcom ldan 'das kyi spyan sngar steng gi bar snang la ta la bdun srid tsam du 'phags te 'dug nas/ tshe dang ldan pa kun dga' bo la 'di skad ces smras so/ / tshe dang ldan pa kun dga' bo 'di ji snyam du sems/ nyes pa'i chos dang ldan pas bar snang la 'dug par nus snyam mam/ kun dga' bos smras pa/ rigs kyi bu de ni mi nus so// byang chub sems dpa' tshogs can rab mchog rgyal pos smras pa/ tshe dang ldan pa kun dga' bo 'on kyang de bzhin gshegs pa mngon du gyur pa 'di la ji ltar na byang chub sems dpa' nyes pa'i chos dang ldan pa dris shig/ de nas tshe dang ldan pa kun dga' bo yul yul por gyur nas/ bcom ldan 'das kyi zhabs la gtugs te/ bcom ldan 'das la 'di skad ces gsol to// btsun pa bcom ldan 'das bdag gis gtso bo chen po 'di lta bu la nongs pa yongs su glengs pa gang lags pa'i nongs pa la nongs par 'chags shing mchis na/ btsun pa bcom ldan 'das kyis bdag gi nongs pa la nongs par bshags pa gang lags pa de nongs pa la nongs par yongs su gzung du gsol/ de nas bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo khyod
- 83a
theg pa chen po la yang dag par zhugs pa'i skyes bu dam pa dag la nyes pa'i 'du shes ma skyed cig/ kun dga' bo 'di lta ste/ dper na nyan thos kyi theg pa pa'i gang zag gcig pu zla med par zhi gnas kyi gnas pas gnas par byed pa ni zag pa zad pa mngon du bya ba la bar chad med par 'gyur ba de bzhin du/ kun dga' bo byang chub sems dpa' sems dpa' chen po thabs la mkhas pa thams cad mkhyen pa nyid kyi sems dang ldan pa bud med kyi 'khor dam pa'i nang na 'dug cing / dga' ba dang / rtse ba dang / dga' dgur smod par byed pa'ang thams cad mkhyen pa nyid la bar du gcod pa med par rig par bya'o/ / de ci'i phyir zhe na/ kun dga' bo byang chub sems dpa' sems dpa' chen po thabs la mkhas pa ni dkon mchog gsum po'o// gsum gang zhen sangs rgyas dkon mchog dang / chos dkon mchog dang / dge 'dun dkon mchog dang / bla na med pa yang dag par rdzogs pa'i byang chub la ma bkod pa'i g.yog 'khor gang yin pa de mi 'dzin pa'i phyir ro/ / kun dga' bo gang gi tshe khyod kyis byang chub sems dpa'i theg pa pa'i rigs kyi bu'am/ rigs kyi bu mo thams cad mkhyen pa nyid kyi sems dang ma bral ba 'dod pa'i yon tan lnga po dag gis rtse ba dang / dga' ba dang / dga' dgur spyod par byed pa mthong na/ kun dag bo khyod kyis skyes bu dam pa de ni de bzhin gshegs pa lta bu'i po lnga da
- 83b
ldan zhing gnas pa yin par shes par bya'o/ / kun dga' bo gang gi phyir byang chub sems dpa' tshogs can rab mchog rgyal po khri gcig gi steng na bud med dang lhan cig 'dug par gyur pa las nyon cig/ kun dga' bo bud med de ni 'das pa'i dus na tshe rabs lnga brgyar byang chub sems dpa' tshogs can rab mchog rgyal po'i chung mar gyur te/ de sngon gyi tshul bzhin ma yin pa de nyid kyis rigs kyi bu de la lhag par sems kyis 'brel bar gyur kyang / byang chub sems dpa' tshogs can rab mchog rgyal po de'i dpal dang / gzi brjid dang / tshul khrims kyi stobs bskyed pa ma mthong nas/ gnas ngan len gyi tshig brjod par ma nus nas/ de gcig pu dben par 'dug pa na 'di lta bu'i sems skyed par gyur te/ gal te byang chub sems dpa' tshogs can rab mchog rgyal po bdag dang lhan cig khri gcig gi steng na 'dug par gyur na/ bdag gis kyang bla na med pa yang dag par rdzogs pa'i byang chub tu sems bskyed par bya'o snyam me// de nas byang chub sems dpa' tshegs can rab mchog rgyal pos sring mo de'i sems kyis yongs su rtog pa sems kyis shes nas/ de nyid kyi mtshan mo 'das pa dang / snga dro'i dus kyi tshe sham thabs dang chos ges bgos te lhung bzed thogs nas/ mnyan yod kyi grong khyer chen por bsod snyoms kyi phyir zhugs so// de mnyan yod kyi grong khyer chen por bsod snyoms kyi phyir rgyu ba na/ sring mo de'i khyim ga la ba der zhugs nas nang gi sa'i
- 84a
khams gang yin pa dang / phyi rol gyi sa'i khams gang yin pa'i sa'i khams de dag ni gcig pa'i chos kyi sgo 'dis des sa dang mnyam pa'i sems kyis lag pa g.yas pas sring mo de bzung ste khri gcig la 'khod do/ / 'khod ma thag tu des de'i tshe tshigs su bcad pa 'di'ang smras so// sangs rgyas 'dod pa bsngags mi mdzad/ doni byis pa'i spyod yul yin 'dod la sred pa spangs byas na/ / mi mchog sangs rgyas rnams su 'gyur// kun dga' bo de nas sring mo des tshigs su bcad pa de thos nas/ dga' ba dang mchog tu dga' ba skyes te/ khri de las babs nas/ byang chub sems dpa' tshogs can rab mchog rgyal po'i rkang pa la gtubs te/ de'i tshe tshigs su bcad pa 'di dag smras so// 'dod gang sangs rgyas smad pa dag/ sran chad don du gnyer mi bgyid/ / 'dod la sred pa spangs bgyis nas// mi mchog sangs rgyas 'grub gyur cig bdag gi sems kyis gang bsams pa'i// nongs pa de ni khyod la 'chags// srog chags kun la sman slad du/ / bdag ni byang chub 'dun pa skyed// kun dga' bo de ltar na byang chub sems dpa' tshogs can rab mchog rgyal po thabs la mkhas pa des/ sring mo de bla na med pa yang dag par rdzogs pa'i byang chub tu yang dag par bstan/ yang dag par gzengs bstod/ yang dag par 'dzin du bcug/ yang dag par rab tu bzhag nas/ stan las langs te song ngo // kun dga' bo de'i lhag pa'i bsam
- 84b
pa'i khyad par la ltos/ kun dga' bo nga ni sring me de 'di nas shing bos nas bud med kyi lus bsgyur te/ bskal pa grangs med pa 'bum phrag dgu bcu rtsa dgu 'das pa'i 'og tu de bzhin gshegs pa dgra bcom pa yang dag par rdzogs pa'i sangs rgyas kun nas ldang ba dang bral ba zhes bya bar 'gyur te/ 'jig rten du 'byung bar 'gyur zhing / des byang chub thob pa'i sangs rgyas kyi zhing de na'ang sems can mi dge ba'i kun nas ldang ba'i sems dang ldan pa 'ga' yang 'byung bar mi 'gyur bar lung ston to/ / kun dga' bo rnam grangs des kyang 'di ltar byang chub sems dpa' ni 'khor gang bzung na log par ltung ba'i chos su 'gyur ba de 'dzin par mi byed par rig par bya'o/ / de nas byang chub sems dpa' tshogs can rab mchog rgyal po bar snang de las babs te/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// btsun pa bcom ldan 'das byang chub sems dpa' ni thabs la mkhas pa dang snying rje chen po la gnas par bgyi lags te/ btsun p a bcom ldan 'das 'di la bdag ni 'di snyam du gal te byang chub sems dpa' ni sems can gcig gi dge ba'i rtsa ba yang dag par bskyed pa'i slad du 'di lta bu'i rmongs pa 'byung bar 'gyur zhing nongs pa ji la bu byung bas bskal pa 'bum gyi bar du sems can dmyal ba chen por sreg par 'gyur yang btsun pa bcom ldan 'das byang chub sems dpas ni nongs pa 'byung ba de dang / sems
- 85a
can dmyal ba'i sdug bsngal de la spro bar bgyi lags kyi/ sems can gcig po de'i dge ba'i rtsa ba yongs su btang ba la ni ma legs so snyam du sems lags so// nas bcom ldan 'das kyis byang chub sems dpa' tshogs can rab mchog rgyal po la legs so zhes bya ba byin te/ skyes bu dam pa legs so legs so// byang chub sems dpa' snying rje chen po de lta bu dang ldan pa ni nyes pa'i chos dang yang ldan par mi 'gyur la/ nyes pa thams cad spong bar yang byed do// de ci'i phyir zhe na/ rigs kyi bu ngas mngon par shes pa'i phyir te/ 'das pa'i dus na bskal pa grangs med pa'i yang ches grangs med pa/ rgya che ba/ dpag tu med pa/ bsam gyis mi khyab pa de'i pha rol gyi yang ches pha rol tu gyur pa/ de'i tshe de'i dus na bram ze'i khye'u skar ma zhes bya ba zhig byung bar gyur te/ des lo bzhi khri nyis stong gi bar du nags 'dab dag tu tshangs par spyad pa spyad nas/ de lo bzhi khri nyis stong po de 'das pa dang / rgyal po'i pho brang legs 'byor ces bya bar zhubs so// re grong khyer chen po der zhugs pa na tshong dpon gyi bu mo zhig gis bram ze'i khye'u gzugs bzang ba/ mdzes pa/ blta na sdug pa de mthong nas// de 'dod pa la 'dod chags kyis kun nas dkris pa'i sems kyis bram ze'i khye'u de'i mdun du rab tu brgyugs te rkang pa la gtugs so/ / rigs kyi bu de nas bram ze'i khye'u skar ma des bu mo de la 'di skad ces smras so// sring mo khyod ci 'dod/ des de la 'di skad ces smras
- 85b
so/ / bram ze'i khye'u kho bo no khyod 'tshal lo// des de la 'di skad ces smras so// sring mo kho ba ni 'dod pa rnams don du gnyer ba ma yin gyi/ kho bo na tshangs par spyod pa yin no// des de la 'di skad ces smras so/ / bram ze'i khye'u gal te khyod dang lhan cig tu 'grob par mi 'gyur ba lta na bdag 'gum par 'gyur lags so// de nas bram ze'i khye'u skar ma 'di snyam du sems par gyur te/ bdag gis lo bzhi khri nyis stong gi bar du tsha dra bang spyad pa spyad nas/ deng brtul zhugs bshig pa 'di ni bdag gi tshul dang mthun pa ma yin no snyam nas/ des bu mo de mthus spangs te bor nas/ gom pa bdun bor ba dang / de gom pa bdun pa la gnas pa'i tshe snying rje chen po skyes par gyur nas/ 'di ltar bdag gis brtul zhugs bshig ste/ sems can dmyal bar 'gro bar gyur kyang // bdag gis sems can dmyal ba'i sdug bsngal myong bar 'gyur ba de bzod par bya zhing / bu mo 'di bde bar 'gyur ba dang / 'chi ba'i dus byed par mi 'gyur bar bya gor ma chag snyam mo// rigs kyi bu de nas bram ze'i khye'u skar ma de de nas phyir log ste/ lag pa g.yas pas bu mo de bzung ste/ de la 'di skad ces smras so// bzang mo longs shig dang / kho bos khyod ci 'dod pa bzhin du bya'o// de nas bram ze'i khya lta 'am de lo bcu gnyis kyi bar du de'i khyim na gnas nas/ yang mngon par byung ste/ tshangs pa'i gnas pa bzhi bskyed nas/ de nas shi 'phos ma thag tu tshangs pa'i 'jig rten
- 86a
du skyes par gyur to/ / rigs kyi ngu rab tshade'i dus na bram ze'i rkyen sangs zhes bya bar gyur ba de gzhan migayin tas du spyod 'daganyis dang tsam zab sgyun/ khyod de ltar mi blta'o/ / de ci'i phyir zhe na/ nganyid do'i cha de'i dus na bras zo'i khyeru skar ma zhes bya ba der gyur to// shAkya'i bu sos 'tsho ma da ni de'i tshe de'i dus na tshang dpon gyi bu mor gyur to// ga kyi bungs snying rje chen po dang ldan pa'i sems bskyed pa des cung zad tsam zhig 'dod pa dang ldan par byas pas kyang bskal pa khrir 'khor ba bsnyil cing sbas par gyur to/ / rigs kyi bu sems ca gzhan dag gi sems can dmyal bar 'gro bar 'gyur ba'i las gang yin pa de'ang byang chub sems dpa' thabs la mkhas pa la tshangs pa'i 'jig rten du skye bar 'gyur ba la ltos/ de nas bcom ldan 'das kyis yang byang chub sems dpa' sems dpa' chen po ye shes dam pa la 'di skad ces bka' stsal to/ / rigs kyi bu gal te dge slong shA ri'i bu dang / mo'u 'gal gyi bu dag thabs la mkhas pa yin par gyur na ni/ dge slong ko ka li ka'ang sems can dmyal bar 'gro bar mi 'gyur ro// de ci'i phyir zhe na/ rigs kyi bu ngas mngon par shes pa'i phyir te/ sngon 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig gi gsung rab la dge slong dri med ces bya ba'i chos smra ba zhig byung bar gyur te/ de dgon pa'i phug cig na gnas so//
- 86b
de dang ha cang yang mi ring ba na drang srong lnga brgya zhig kyang gnas te/ de'i tshe na dus ma yin par sprin chen po 'dus shing / char chen po bab par gyur to// de nas bud med gnyis shig grong bar gyi lam na 'dug pa de gnyis char pa de bskyab pa'i phyir dge slong dri med gnas pa'i phug tu zhugs te/ phug de nas phyir byung ba dang / drang srong lnga brgya tsam po de dag gis bud med de gnyis dge slong dri med kyi phug nas phyir byung ba mthong ngo / / mthong nas kyang drang srong lnga brgya tsam po de dag 'di snyam du/ e ma'o dge slong dri med 'di ni sdig pa 'dod pa/ mi tshangs par spyod pa yin no snyam nas/ tha ba dang zhe sdang gi 'du shes skyes par gyur to/ / de nas dge slong dri med kyis drang srong lnga brgya tsam po de dag gi sems kyis yongs su rtog pa sems kyis shes nas/ de'i tshe steng gi bar snang gi nam mkha' la ta la bdun srid tsam du mngon par 'phags te 'dug pa drang srong de dag gis mthong nas/ de dag 'di snyam du sems te/ bdag cag gi bstan bcos dag las ni mi tshangs par spyod pas ni ste dgi bar snang la mngon par 'phags te 'dug par mi nus so zhes 'byung ngo snyam nas/ de dag gis de'i mod la dge slong dri med kyi rkang pa la yan lag lngas gtugs te nyes pa la nyes par bshags so// rigs kyi bu gal te dge slong dri med de de'i tshe steng gi bar snang la mngon par 'phags te 'dug par ma gyur na ni/ drang srong lnga brgya tsam po de dag rang rang gi lus de nyid kyis sems can dmyal ba
- 87a
chen por ltung bar 'gyur ro/ / rigs kyi bu 'di ji snyam du sems/ de'i tshe de'i dus na dge slong dri med ces bya bar gyur pa de gzhan zhig yin snyam du khyod yid gnyis dang the tshom za bar gyur na/ khyod kyis de ltar mi blta'o// de ci'i phyir zhe na/ byang chub sems dpa' byams pa 'di de'i tshe de'i dus na dge slong dri med ces bya ba der gyur to// rigs kyi bu rnam grangs des khyod kyis 'di ltar gal te dge slong shA ra'i bu dang / mo'u 'gal gyi bu gnyis de'i tshe steng gi bar snang la mngon par 'phags te 'dug par gyur na ni/ dge slong ko ka li ka'ang sems can dmyal bar 'gro bar mi 'gyur bar rig par bya'o/ / rigs kyi bu rnam grangs des kyang khyod kyis 'di ltar gang du byang chub sems dpa' thabs la mkhas pa'i ye shes la 'jug par 'gyur bde ni nyan thos dang rang sangs rgyas thams cad kyis ma yin par rig par bya'o/ / rigs kyi bu 'di lta ste/ dper na smad 'tshong ma sgyu rtsal drug cu rtsa bzhi'i bya ba shes shing legs par lobs pa ni/ de'i 'og tu nor 'dod pa'i phyir skyes bu gzhan gyi drung du ci nas kyang bdag nyid yongs su btang zhing dga' ba ston pa dang / ji srid du skyes bu de las don thams cad ma bsgrubs kyi bar du de la yo byad thams cad kyang sri bar mi byed pa de lta de ltar gnas par byed do/ / de nas don bsgrubs zin pa'i 'og tu ni de la mi lta mi sems par spong bar byed cing
- 87b
de gzhi de las 'gyod pa'i sems gcig tsam yang 'byung bar mi 'gyur ba de bzhin du/ rigs kyi bu byang chub sems dpa' thabs la mkhas pa'ang / thabs la mkhas pa des sems can 'di dag yongs su smin par bya'o zhes bya bar shes te/ rnam grangs des sems can de dag gi bsam pa ji lta ba bzhin du drung du sbyor bar byed cing / de dag la yo byad thams cad kyang mi sri bar byed do/ / sems can rnams kyi dge ba la dga' bas/ bdag nyid kyang yongs su gtong bar byed kyi/ yo byad la dga' bas ni ma yin no// gang gi tshe kye ma sems can 'di dag ni dge ba'i rtsa ba byas par gyur pa dag ste/ 'di dag gis phyir yongs su nyams par byed mi nus par shes nas ni/ de'i 'og tu 'dod pa'i dga' ba dang / rtsed mo thams cad la mi lta bar spangs te/ 'gro zhing de de dang 'brel ba'i sems la gnas par mi byed do/ / rigs kyi bu 'di lta ste/ dper na mes yongs su gdungs pa'i sa bon rnams ni kha dog yongs su nyams pa med kyang myu gu 'byung ba'i skal ba ni med pa de bzhin du/ rigs kyi bu byang chub sems dpa'i nyon mongs pa rnams kyang stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pas yongs su gdungs na/ de 'dod pa'i dga' ba thams cad la yongs su spyod par byed kyang / log par ltung bar 'gro ba'i kun nas nyon mongs pa yongs su 'dzin
- 88a
par mi byed la/ sangs rgyas kyi kha dog las yongs su nyams par yang mi 'gyur ro// rigs kyi bu 'di lta ste/ dper na dud 'gro'o skye gnas su song ba'i srog chags bung ba ni me tog thams cad las dri snom zhing ro myang bar byed kyang / gang la'ang rtag pa'i 'du shes sgom par mi byed/ gnas kyi sred pa skyed par mi byed cing // de dag las dri dang 'dab ma dang / sdong bu dang / me tog 'phrog par mi byed pa de bzhin du/ rigs kyi bu byang chub sems dpa' thabs la mkhas pa'ang sems can yongs su smin par bya ba'i phyir/ 'dod pa'i dga' ba dang / rtser mo thams cad la yongs su longs spyod par byed kyang / de dag la rtag pa'i 'du shes sgom par yang mi byed/ gnas kyi srid pa skyed par yang mi byed la/ bdag kyang smas par mi 'gyur/ gzhan yang smas par mi 'gyur bar byed do// rigs kyi bu 'di lta ste/ dper na nya ba shin tu legs par bslabs pa ni sras bu gcig la gzan ma btags te mchil pa byas nas/ mtsho chen po'i nang du 'dor ro// de srad bu legs par bsrungs pa gcig po des/ gang gi tshe 'dod pa de'i tshe na mtsho chen po nas mchil pa de 'dren par byed pa de bzhin du/ rigs kyi bu byang chub sems dpa' thabs la mkhas pa'ang stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pa yongs su bsgoms
- 88b
pa'i sems thams cad mkhyen pa nyid la brtan par gtad pas/ 'dod pa'i 'dam chen por 'jug par byed kyang / de thams cad mkhyen pa nyid kyi sems legs par bsrungs pa des/ gang gi 'dod pa de'i tshe na 'dod pa'i khams spangs te/ tshangs pa'i 'jig rten du skye bar byed do// rigs kyi bu 'di lta ste/ dper na skyes bu rig sngags dang gsang sngags 'chang ba ni/ rgyal po'i mi rnams kyis bzung ste zhags pa lnga'i chings mas bcings par gyur kyang / de ni gang gi tshe 'gro bar 'dod pa de'i tshe na rig sngags dang gsang sngags kyi stobs bskyed pa gcig gis chings ma de dag thams cad bcad nas gang du 'gro bar 'dod pa der 'gro bar byed pa de bzhin du/ rigs kyi bu byang chub sems dpa' thabs la mkhas pa'ang sems can yongs su smin par bya ba'i phyir/ gang gi tshe 'dod pa'i yon tan lnga po dag gis dga' ba myong bar byed cing / de dag dang 'dres par gnas par byed kyang / de gang gi tshe 'dod pa de'i tshe na shes rab kyi rig sngags dang gsang sngags kyi stobs bskyed pa dang / thams cad mkhyen pa nyid kyi sems legs par bsrungs pa gcig gis 'dod pa'i yon tan lnga'i chings ma de dag thams cad rab tu bshad de/ de nas shi 'phos nas tshangs pa'i 'jig rten du skye bar byed do/ / rigs kyi bu 'di lta ste/ dper na 'phong gi slob dpon legs par bslabs pa zhig ral gri rnon po ras bcos bus dkris pa zhig thogs te/ 'gron pa mang po
- 89a
sgrol bar byed pa de na/ sems can mi mkhas pa 'phong gi shes pa'i bya ba mi shes pa gang dag yin pa de dag ni/ 'phong gi slob dpon de la snying rje ba dang / brnyas pa'i 'du shes skyed par byed cing / tshig 'di skad ces gzhu'ang med/ ral gri'ang med/ dong pa'ang med/ 'khor yang med pa 'dis ni 'gron pa 'di dag bsgral bar mi nus te/ 'dis ni bdag nyid kyang thar par byed mi nus na/ 'gron pa thams cad bsgral ba dang / chom rkun pa'i sde pham par bya ba lta ci smos te/ de ni gnas med pas/ 'di ni tshul ma yin pas 'chi bar 'gyur ro// zhes kyang zer bar gyur la/ de nas 'phong gi slob dpon de 'brog dgon par song te/ chom rkun pa'i tshogs lhags par gyur pa na mda' gzhu thogs te/ go cha srab bgos nas/ mtshon cha de gzas te chom rkun pa rnams la 'debs par byed cing / des chom rkun pa de dag thams cad srog dang phral nas/ yang mtshon cha lag tu len par byed pa de bzhin du/ rigs kyi bu byang chub sems dpa' thabs la mkhas pa'ang sems can yongs su smin par bya ba'i phyir/ shes rab kyi pha rol tu phyin pa'i mtshon cha legs par thogs te/ thabs la mkhas pas 'dod pa'i yon tan lnga po dag gis dga' ba dang / rtse ba dang / dga' mgur spyod par byed pa de ni/ nyan thos kyi theg pa pa gang dag de'i thabs la mkhas pa'i shes pa de khong du ma chud pa de dag gis de mthong ba'i
- 89b
tshe/ de dag de la ma dad pa dang / snying rje skyed par byed cing / tshig 'di skad ces 'di ltar bag med pa'i gnas pas gnas pa 'dis ni bdag nyid kyang thar par byed mi nus na/ sems can thams cad bsgral ba lta ci smos shing / bdud kyi sde pham par byed par lta ga la 'gyur te/ de ni gnas med pas/ 'di ni tshul ma yin pas 'chi bar 'gyur ro zhes kyang zer mod kyi/ byang chub sems dpa' thabs la mkhas pa dang / shes rab kyis legs par yongs su zin pa ni/ gang gi tshe 'dod pa de'i tshe na shes rab kyi mtshon des nyon mongs pa'i dra ba thams cad dral zhing rab tu gtubs nas/ shre rab dang lhan cig tu sangs rgyas kyi zhing bud med dang bral ba dang / 'khrig pa dang bral ba shin tu yongs su dag pa dag tu 'gro bar byed do// gtam 'di brjod par gyur pa de'i tshe na/ byang chub sems dpa' sems dpa' chen po dga' byed ces bya ba mnyan yod kyi grong khyer chen por bsod snyoms kyi phyir zhugs par gyur te/ de mnyan yod kyi grong khyer chen por bsod snyoms spyod pa na/ tshong dpon zhig gi khyim du phyin pa dang / tshong dpon de la bu mo dpal yon can gyi mchog ces bya ba phyugs chung zhig yod par gyur pa khang bzangs kyi steng na 'dug pa des dge slong de'i skad thos nas/ bsod bsnyoms thogs te byang chub sems dpa' dga' byed ga la ba der song ngo // de nas bu mo dpal yon can gyi mchog gis byang chub sems dpa' dga' byed mthong
- 90a
ma thag tu/ 'dod chags kyis kun nas dkris pa'i sems kyis/ dpe byad las byang bzhin dang / sgra skad dang / kha dog gi mtshan mazung ba dang / de 'dod cham kyis kun nas dkris pa'i sems dang / 'dod chags kyis kun nas bslang ba'i sems dang / 'dod chags kyis yongs su gtugs pa'i sems dang / 'dod chags kyis yongs su gdungs pa'i sems kyis bsregs pas/ lus rdul bar gyur nas/ 'greng bzhin du 'chi ba'i dus byas par gyur to// byang chub sems dpa' dga' byed kyang bu mo dpal yon can gyi mchog mthong nas/ tshul bzhin ma yin pa yid la byed pa'i rnam par rtog pa 'di lta ste/ 'dod chags dang bcas pa'i sems skyes par gyur nas/ yud tsam zhig na de la dran pa 'di lta bu skyes par gyur te/ chos gang la chags par gyur pa'i chos de gang yin/ ci mig mig la chags sam/ mig ni chags pa ma yin te/ g.yo ba med pa/ byed pa med pa/ sems pa med pa/ 'dus byas pa/ rim pa bdun pa/ sha'i ri lu yin te/ mig de ni rang bzhin gyis stong pa'i phyir te/ sems par mi byed/ tshor bar mi byed do// rna ba dang / sna dang / lce dang / lus dang / yid dang / pags pa dang / mdog dang / 2nga de dang 'dra ste/ des rkang mthil yan chad klad pa man chad kyi bar la so sor brtags na/ nang dang phyi rol na gang chags par 'gyur ba 'am/ sdang bar 'gyur ba 'am/ mongs par 'gyur ba'i chos dka'
- 90b
yang ma dmigs so/ / des ma dmigs nas/ 'dod chags kyi sems de dang bral bar gyur cing / des sems kyis yang dag pa ji lta ba bzhin du so sor brtags pas/ chos thams cad ma skyes par rig nas/ mi skye ba'i chos la bzod pa thob par gyur to// de dga' ba dang mchog tu dga' ba de nyid kyis steng gi bar snang la ta la bdun srid tsam du mngon par 'phags te/ mnyan yod kyi grong khyer chen po la lan bdun bskor ba byas nas/ nam mkhara' de nyid las rgyal bu rgyal byed kyi tshal ga la ba dang / bcom ldan 'das ga la ba der song ngo // bam po gnyis pa/ / bcom ldan 'das kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong ba gzigs so// gzigs nas kyang tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong ba mthong ngam/ kun dga' bos gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo byang chub sems dpa' sems dpa' chen po dga' byed 'dis ni 'dod chags kyi sems la brten te chos thams cad yongs su btsal bas/ bdud kyi sde brtul cing chos kyi 'khor lo rab tu bskor to// de nas bu mo dpal yon
- 91a
can gyi mchog 'chi ba'i dus byas nas/ bud med kyi lus spangs te/ mtho ras kyi 'jig rten du skyes pa'i lus thob cing / sum cu cugasum pa'i lha rnams dang skal ba mnyam par skyes so/ / skyes ma thag tu de la rin po che sna bdun las byas pa'i gzhal med khang dpag tshad bcu gnyis par 'byung bar gyur// de'i rimagro byed pa'i bsnyen bkur ma lha'i bu mo bri ba sto yang nye bar gnas par gyur to/ / de'i mod la des bdag gis las ci zhig byas shing bsags pas 'dir skyes par gyur snyam du bsams pa dang / de 'di snyam du gyur te/ bdag ni mnyan yod kyi grong khyer chen por tshong dpon gyi bu mor gyur pa las/ de na bdag gis kun tu chags pa'i sems kyis byang chub sems dpa' sems dpa' chen po dgar byed la bltas pa dang / bdag 'dod pa'i 'dod chags kyis kun nas dkris pa'i sems kyis 'chi ba'i dus byas nas/ bud med kyi lus brjes te/ bdag gis 'dir skyes pa'i lus thob cing / bdag la 'byor pa dpag tu med pa 'di lta bu dag kyang byung bar gyur to snyam nas/ sngon gyi las rjes su dran pa'i shes pa'ang skyes par gyur to// de nas lha'i bu de 'di snyam du sems te/ 'dod chags kyi sems las kyang rnam par smin pa 'di lta bu 'byung bar 'gyur na/ bdag gis dad pa'i sems kyis byang chub sems dpa' sems dpa' chen po dgar byed la phyag byas shing / bsnyen bkur byas na lta smos kyang
- 91b
ci dgos te/ bdag 'dod pas dga' ba dang / rtse ba dang / dga' mgur spyod cing bag med pa'i gnas pas gnas pa ni/ bdag gi tshul dang mthun pa ma yin zhing mi rigs kyis/ bdag bcom ldan 'das ga la ba dang / byang chub sems dpa' sems dpa' chen po dga' byed ga la ba der 'gro bar bya gor ma chag snyam mo// de nas lha'i bu de 'khor lnga brgya dang lhan cig tu lha'i me tog dang / spos dang / me tog 'phreng dang / byug pa dag thogs te/ bcom ldan 'das dang / byang chub sems dpa' sems dpa' chen po dga' byed ga la ba der song nas kha dog shin tu 'phags pa shin tu 'phags pa'i snang ba chen pos rgyal bu rgyal byed kyi tshal snang bar byas te/ lha'i me tog dang / spos dang / me tog 'phreng dang / byug pa de dag gis bcom ldan 'das la mchod pa byas nas/ bcom ldan 'das kyi zhabs la mgo bos phyag 'tshal te/ byang chub sems dpa' sems dpa' chen po dga' byed dang / byang chub sems dpa' thams cad dang / dge slong gi dge 'dun gyi rkang pa la'ang mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyi spyan sngar thal mo pug bug por sbyar nas de'i tshe tshigs su bcad pa 'di dag gsol to/ / sangs rgyas mi mchog rnams ni bsam mi khyab// byang chub mchog la zhugs rnams bsam mi khyab/ bde
- 92a
gshegs rnams kyi chos kyang bsam mi khyab/ / grags chen rnams kyi spyod pa'ang bsam mi khyab// mnyan yod du ni bdag sngon bu mor gyur// tshong dpon bu mo dpal yon mchog ces bgyi/ / mdzes shing thog mar phyugs chung gyur pa lags// pha ma'i glo bar mchi zhing rab tu byams// sangs rgyas sras po smad par ma gyur pa// mthu chen dga' byed ces bgyi gang lags pa/ / bsod snyoms spyod cing mnyan yod rgyu ba'i tshe// de ni bdag gi pha yi khyim du mchis// skad snyan yid du mchi ba thos gyur nas// bdag cag sems kyis bsod snyoms thogs nas ni/ / de bzhin gshegs pa'i sras po gang lags pa// dga' byed mthu chen ga la mchis par mchis// mthong ma thag tu bdag ni 'dod chags dang // ldan pa tshul bzhin ma lags sems skyes te/ / gal te ji ltar bsam bzhin ma mjal na// srog la mi lta 'gum pa'i dus bgyid snyam// tshul bzhin ma lags 'dod pas rab gdungs nas// de la dka' mchid brjod par bgyi ba dang / / bsod snyoms stsol ba'i rdo yang ma thogs nas// rdul byung der ni 'greng bzhin gum par gyur// bcom ldan bdag ni 'chi 'phor gyur pa'i tshe// skad cig de la bud med lus spangs te/ / shi 'phos mtho ris 'jig rten skyes gyur nas// bdag gis 'od gsal skyes pa 'di nyid thob// rin chen sna tshogs blta na sdug pa yi// gzhal med khar
- 92b
mchog mdzes pa grub gyur cing / / bdag gi g.yog 'khor lha yi bu mo ni// khri dang bzhi stong tshang ba'ang byung bar gyur// bdag la sems bzang byung bar gyur pa ni// sug las gang gis rnam smin 'di 'dra ba/ / rjes su dran nas ngan bu 'di snyam bgyid// chags bcas sems kyi rnam smin 'di 'dra ste// dga' byed yid dga' 'od gsal mkhas pa la// chags bcas sems kyis bdag gis bltas gyur pas/ / sug las de yi rnam smin bzang po des// ngan bu gzi brjid mthu stobs 'di 'dra bas// chags bcas sems kyi rnam smin 'di 'dra na// gang gis de la mchod bgyis ci smos te/ / gang la bde gshegs mkhyen pa 'jug 'gyur ba// de ni nyan thos rang rgyal sa ma lags// ngan bu de bzhin gshegs pa'i spyan sngar ni// sangs rgyas ye shes mchog rab bsgrub pa dang / / bskal pa gang+gA'i bye snyed spyad bgyi bar// bdag gi dam bcas 'di ni spang mi bgyi// dge ba'i bshes gnyen dga' byed dam pa la// chos kyi mchod pa mchog gis mchod par bgyi/ / gang dag byang chub 'tshal ba ma gtogs par// gzhan gyis 'di la 'dren rnams mchod mi 'gyur// bud med gang dag 'dod chags sems kyis ni// bdag la rtog pa bud med lus bsgyur nas// de kun 'jigs med skyes pa 'thob 'gyur ba// byang chub spyad mchod dam pa spyad par bgyi// lus rdul shi bar gyur pa mthong nas ni//
- 93a
mo'i pha mcho nges 'debs byed cing // dge sbyong de yis byad stems byas snyam ste// ngu zhing dge sbyong rnams la mi snyan brjod// sangs rgyas mthu yis lha'i bu de ni/ song nas pha ma dag la tshig spras pa// dge sbyong la ni zhe sdang khro ma byed// yun ring sdug bsngal 'grub par ma byed cig/ bu mo dpal yon shi 'phos gang yin de// sum cu rtsa gsum skal ba mnyam gyur cing / / des ni bud med lus kyang spangs byas te// de ni lha yi bu pho 'od gsal gyur// bde bar gshegs pa'i spyan sngar khyed deng la// khro ba'i sems kyi nyes pa 'di shogs shig/ sangs rgyas mi mchog rnams ni ma gtogs par// sems can rnams kyi dpung gnyen gnas gzhan med// 'jigs med de yis legs par bskul byas pas// pha ma gnyis kyis sangs rgyas sgra thos nas/ / nye du tshogs dang lhan cig 'grogs gyur te// shAkya thub pa'i spyan sngar dong bar gyur// mi mchog zhabs la spyi bos phyag 'tshal te// khro ba'i sems kyi nyes pa bshags byas nas// de bzhin gshegs la gus dang bcas byas te// bde gshegs rang byung la ni zhu zhus pa// ji tsam gyis na 'dren pa mchod par 'gyur// chos dang dge 'dun ji ltar mchod pa lags// zhus pa de yilan ni stsal du gsol/ / thos nas de bzhin gnas bgyi gzhan ma lags// rgyal bas de dag bsam padag mkhyen nas// 'jig rten mgon pos 'di skad bka' stsal to// gang zhig sangs
- 93b
rgyas thams cad mchod 'dod pa/ / de yis brtan par byang chub sems skyed cig/ bu mor ba dang ma dang nye du ni// lnga brgya tshang ba nyung ba ma yin pas// skyes bu khyu mchog da yigasung thos/ nas// byang chub phyir ni sems kyang brtan par bskyed// rgyal ba kun dga' bzang la bka' stsal ba// kun dga' ji skad bshad pa 'di nyon cig/ byang chub sems dpa'i spyod pa bsam yas te/ / shes rab thabs la mkhas pa'ang de bzhin no// dga' byed smon lam yang dang yang 'debs pa// bud med gang dag chags pa'i sems kyis ni// bdag la rtog pa bud med lus spangs nas// de dag myur du skyes bu 'jigs med shog/ bud med gcig min gnyis dang gsum min te// bye ba khrag khrig stong phrag mang po rnams// gang dag dga' byed la ni chags gyur pa// de dag thams cad shi 'phos skyes par 'gyur/ / kun dga' 'dod chags bskyed pa gang gis ni// sems can gzhan dag sems dmyal 'gro 'gyur ba// de yis dpa' rnams mtho ris 'gro 'gyur zhing // skyes par 'gyur ba'i yon tan de 'dra ltos// lha'i bu gang gis nga la mchod byas te// gus dang bcas pas byang chub mchog zhugs pa// des ni sangs rgyas bye bang mchod byas nas// rgyal ba/ blta na mdzes zhes bya bar 'gyur// lnga brgya gang dag byang chub zhugs gyur pa// de dag mi mchog rnams su 'byung 'gyur bas// gang la dang byas bde ba bas ma yas pa'i// 'jig
- 94a
rten mgon la su zhig gus mi byed/ / gang dag nyon mongs rnams kyang bde sbyin na// gang dag gus byed de la ci smos pa// grabs chen sman gyi rgyal po lta bu yi/ byang chub sems dpa' rnams la su sdang skyed// de nas bcom ldan 'das la tshe dang ldan pa kun dga' bos 'di skad ces gsol to// btsun pa bcom ldan 'das 'di lta ste// dper bgyi na/ sems can rab tu sdang ba'i sems dang ldan pa 'am/ dang ba'i sems dang ldan pa'am// chags pa'i sems dang ldan pa 'am/ chos kyi bar du gcod pa'i sems dang ldan pa gang la la dag ri'i rgyal po ri rab kyi drung du mchis na/ de dag thams cad 'di lta ste/ gser gyi kha dog tu kha dog gcig par 'gyur ba de bzhin du/ btsun pa bcom ldan 'das sems can rab tu snang ba'i sems dang ldan pa 'am/ dang ba'i sems dang ldan pa'am/ chags pa'i sems dang ldan pa'am/ chos kyi bar du gcod pa'i sems dang ldan pa gang la la dag byang chub sems dpa' rnams kyi drung du mchis na'ang / de dag thams cad 'di lta ste/ thams cad mkhyen pa nyid kyi sems kyi kha dog tu sems gcig tu 'gyur lags pas/ btsun pa bcom ldan 'das bdag ni deng slan chad byang chub sems dpa' thams cad ri'i rgyal po ri rab dang 'dra bar 'dzin lags so/ / btsun pa bcom ldan 'das 'di lta ste/ dper bgyi na sman gyi rigs chen po blta mdzes zhes bgyi ba mchis te/ sems can rab tu
- 94b
sdang ba'i sems dang ldan pa'am/ dang ba'i sems dang ldan pa'i sems can bro nad sna tshogs kyis thebs pa gang la la ngag gis de mthong na/ de dag thams cad kyi bro nang rnams rab tu zhi bar 'gyur ba de bzhin du/ btsun pa bcom ldan 'das sems can gang dag rab tu sdang ba'i sems dang ldan pa'am/ dang ba'i sems dang ldan pa dag byang chub sems dpa' rnams kyi drung du mchis na/ de dag thams cad kyi 'dod chags dang / zhe sdang dang / gti mug dang / nyon mongs pa'i bro nad rnams kyang rab tu zhi bar 'gyur lags so// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ji skad smras pa bzhin te/ legs so legs so zhes legs so zhes bya ba byin no// de nas bcom ldan 'das la tshe dang ldan pa 'od srungs chen pos 'di skad ces gsol to/ / btsun pa bcom ldan 'das gang gi slad du byang chub sems dpa' sems dpa' chen po rnams de ltar zhi ba'i ting nge 'dzin gyi gnas dag gis kyang gnas par bgyid la/ sems can rnams la snying brtse ba'i slad du 'dod pa'i khams na rang kun tu gda' ba dang / stong pa nyid dang / mtshan ma ma mchis pa dang / smon pa ma mchis pa dang / mngon bar 'du bgyi ba ma mchis pa'i chos rnams kyis kyang gnas par bgyid la/ nyan thos dang rang sangs rgyas kyi chos rnams la'ang reg par mi bgyid pa dang / snying rje chen po'ang kun tu skyed par
- 95a
/ mas ba byamams nga dzun pa / bdun pa sa na das kyang chub sems bya sa ya na pa k yi ngonatshar lags te/ bde ba ga shegs pa de ni mchob tu mtshar lags so// btsun pa bcom ldan padas byung chub sems dpa' sems dpa' chen po gang dag nags pa thams cad srung par bgyid cing / 'di lta ste/ gzugs dang / sgra dang / dI dang / ro dang / reg bya'i chags pa dag la spyod par bgyid kyang / de dag la chags par yang mi 'gyur ba de dag ni thabs la ma ba bsas mi khyab pa la gnas pa lags te/ btsun pa bcom ldan 'das bdag byang chub sems dpa' sems dpa' chen po rnams las brtsams te/ dge 'gar zhig brjod par spyongs lags so/ / bde bar gshegs pa spobs lags so// bcom ldan 'das kyis bka' stsal pa/ 'od srungs chen po khyod spobs par gyis shig/ 'od srungs chen pos gsol pa/ btsun pa bcom ldan 'das 'di lta ste/ dper bgyin 'brog dgon pa zhig mchis par gyur la/ 'brog dgon pa chen po la rang srid pa'i rtse mo dang mnyam pa'i rab mchis par gyur tshong/ 'brog dgor ba chen po der yang thog chags 'bum brag du ma mig lpags par gyur la/ 'brog dkon pa chen po de la'ang chab sgoni gcig cig mchis par gyur cing // 'bros dgon ma/
- 95b
de dang ha cang yang mi ring ba zhig na grong khyer chen po 'byor pa/ rgyas pa/ gtsang ba/ bde ba/ mo legs pa/ skye bo dang mi mang pos kun tu gtams pa/ nyams dga' ba zhig kyang mchis par gyur la/ grong khyer chen po de la'ang chab sgo ni gcig cig mchis par gyur cing / gang dag grong khyer chen po der zhugs par gyur pa de dag ni rga ba dang / 'gum pa ma mchis par gyur la grong khyer chen po de na'ang mtho gang tsam gyi tshad kyi shul shin tu dog cing nyam nga ba zhig kyang mchis shing / de'i g.yas g.yon na khru 'bum tsam mchis pa'i g.yang sa chen po dag kyang mchis par gyur la/ de nas 'gron dgon pa chen po de'i dbus nas/ sems can mkhas pa/ zhib pa/ gro ba gzhungs pa/ sems can thams cad la don du 'gyur bar 'tshal ba/ sman par 'tshal ba/ bde bar 'tshal ba/ grub pa dang bde bar 'tshal ba/ sman par 'tshal ba/ snying rje chen po dang ldan pa gcig cig byung bar gyur nas/ des 'brog dgon pa chen po der 'di skad ces kye grogs po dag kho bo ni khyed cag gi yogs su skyob pa yin te/ 'brog dgon pa chen po 'di nas ha cang yang mi 'ong ba na/ grong khyer chen po 'byor pa/ rgyas pa bde ba/ lo legs pa/ nyams dga' ba zhig yod de/ gang dag der zhugs par gyur pa de dag ni/ rga ba med pa dang / 'chi ba med par 'gyur zhing / sems can dpag tu
- 96a
med pa rnams skye ba dang / rga ba dang / na ba dang / 'chi ba las yang dag par 'da' bar bya ba'i phyir/ chos ston par yang 'gyur bas/ sems can shes pa dang ldan pa dag tshur shog/ grong khyer chen po der 'dong ngo zhes sgra bsgrags shing skad kyis go bar bgyis par gyur na/ de na sems can dman pa la mos shing nges par 'byung ba'i bsam pa can gang dag lags pa de dag ni/ 'di skad ces bdag cag 'di nas kyang mi g.yo bar gdams shing rjes su bstan pa de'ang 'tshal la/ bdag cag 'di na gnas bzhin du grong khyer de na mchis pa'i yon tan de dag kyang 'byung bar gyur cig ces mchi lags so/ / sems can rgya chen po la mos pa gang dag lags pa de dag ni/ 'di skad ces bdag cag ni khyod ji lta ba de bzhin du grong khyer der mchi'o zhes mchi lags so/ / sems can bsod nams chung ba gang dag lags pa de dag ni sgra de nyan cing thos nas kyang dad par mi bgyid cing / skyes bu mkhas pa'i rang bzhin can de'i srad bzhin du mchi bar mi bgyid lags te/ de nas skyes bu mkhas pa'i rang bzhin can de 'brog dgon pa chen po de nas slar byung ba dang / des shul de'ang mthong bar gyur/ des mtho gang tsam gyi shul shin tu dog cing nyam nga ba de'ang mthong bar gyur/ shul de'i g.yas g.yon na khru 'bum tsam mchis pa'i g.yas sa chen po de dag kyang mthong bar gyur nas/ des
- 96b
g.yas g.yon gyi g.yangs de dag rtsig pa dang spang leb kyis bkum ste/ rkang lag bzhis 'phye zhing shul de las 'das par bgyid la/ g.yas g.yon du rang mi lta bar slad bzhin du phyir/ rgol ba sgra 'byin cing / 'jigs pa ston pa dag mchi'ang slar yang mi lta la/ skyo zhing yid byung ba'ang ma mchis par shul der mchi bar 'gyur ba dang / ji lta ji ltar mchi bar 'gyur bde lta de ltar grong khyer de mthong bar yang 'gyur la/ ji lta ji ltar mthong ba de lta de ltar de'i 'jigs pa dang / 'jigs su rung ba thams cad kyang ma mchis par 'gyur zhing / grong khyer der zhugs na rga ba dang / 'gum pa dang / bro nad ma mchis par 'gyur la/ sems can dpag tu ma mchis pa rnams kyi don bgyid cing skye ba dang / rga ba dang / bro 'tshal ba dang / 'gum pa las yang dag par bzla ba'i slad du/ chos ston par yang bgyid pa zhig mchis na/ btsun pa bcom ldan 'das de la 'brog dgon pa chen po zhes bgyi ba de ni/ 'khor ba'i dgon pa'i tshig bla dag lags so/ / srid pa'i rtse mo dang mnyam pa'i ra ba zhes bgyi ba de ni/ ma rig pa dang / srid pa'i sred pa'i tshig bla dgas lags so// 'brog dgon pa chen po der yang srog chags 'bum phrag du ma zhugs par gyur la zhes bgyi ba de ni/ byis pa so so'i skye bo thams cad kyi tshig bla dgas lags so// 'brog dgon pa chen po de la'ang chab sgo ni
- 97a
gcig cig mchis par gyur cing zhes bgyi ba de ji lta ba de bzhin du ni/ bgrod pa gcig pa'i shul blta bar bgyi lags so// skyes bu mkhas pa'i rang bzhin can zhes bgyi ba ji lta ba de bzhin du ni/ byang chub sems dpa' sems dpa' chen po rnams blta bar bgyi lags so// sems can dman pa la mos shing nges par 'byung ba'i bsam pa can gnas de las kyang mi g.yo la/ grong khyer gyi yon tan yang 'tshal ba de dag ji lta ba de bzhin du ni/ nyan thos dang rang sangs rgyas thams cad blta bar bgyi lags so// sems can rgya chen po la mos pa'i tshig 'di skad ces bdag cag ni khyod ji lta ba de bzhin du grong khyer der mchi lags so zhes mchi ba de dag ji lta ba de bzhin du ni/ byang chub sems dpa' sems dpa' chen po gzhan dag blta bar bgyi lags so/ / sems can bsod nams chung ngu sgra de nyan cing thos nas kyang dad par mi bgyid pa gang lags pa de dag ni/ gzhan mu stegs can spyod pa pa dang / kun tu rgyu dag gi tshig bla dgas lags so// 'brog dgon pa chen po de nas slar byung ba zhes bgyi ba ji lta ba de bzhin du ni/ thams cad mkhyen pa nyid du nges par bsngos/ pa'i sems kyis brtson 'grus brtsams pa blta bar bgyi lags so// mtho gang tsam gyi tshad kyi shul zhes bgyi ba de ji lta ba de bzhin du ni/ chos kyi dbyings blta bar bgyi lags so// de'i gams
- 97b
/ g.yon na khru 'bum tsam mchis pa'i g.yang sa chen po zhes bgyi ba de ji lta ba de bzhin du ni/ nyan thos dang rang sangs rgyas thams cad kyis rnam par blta bar gyi lags so// g.yas g.yon gyi gsang / sa de dag rtsig pa dang spang leb kyis bkum ste zhes bgyi ba de ji lta ba de bzhin du/ shes rab kyi pha rol tu phyin pa dang / thabs la mkhas pa blta bar bgyi lags so// rkang lag bzhis 'phye zhing shul de las yang dag par 'da' bar bgyi la zhes bgyi ba de bzhin du ni/ byang chub sems dpa' bsdu ba'i dngos po bzhis sems can dpag tu ma mchis pa rnams sdud cing yang dag par 'da' bar bgyi ba dag blta bar bgyi lags so/ / slad bzhin du phyir rgol ba sgra 'byin cing 'jigs pa ston pa dag mchi'ang zhes bgyi ba de ji lta ba de bzhin du ni/ bdud dang bdud kyi ris kyi lha'i bu rnams kyang blta bar bgyi la/ de bzhin du sems can sdig pa la mngon par zhen pa yongs su nyon mongs pa can gyi las kun tu spyod par bgyid pa gang dag byang chub sems dpa' de dag la 'phya ba dang / smod par bgyi ba dag kyang blta bar bgyi lags so// slar yang mi lta la zhes bgyi ba ni/ bzod pa'i pha rol tu phyin pa dang lhag pa'i bsam pas sems bskyed pa'i tshig bla dgas lags so/ / g.yas g.yon du'ang mi lta bar zhes bgyi ba de ni/ nyan thos dang rang sangs rgyas kyi sa la mi dga' ba dang / thams cad mkhyen pa'i ye shes kyi tshig bla dgas lags so// grong khyer
- 98a
chen po zhes bgyi ba de ni/ thams cad mkhyen pa nyid kyi grong khyer gyi tshig bla dgas lags so// ji lta ji ltar mchi bar 'gyur ba de lta de ltar grong khyer de mthong bar yang 'gyur la zhes bgyi ba de ni/ de bzhin gshegs pa bsnyengs pa thams cad dang bral ba'i tshig bla dgas dang / de bzhin du byang chub sems dpas sangs rgyas kyi yon tan mthong ba dang / sangs rgyas kyi spyod pa dang ye shes la nges par rtogs par bgyid pa dang / shes rab kyi pha rol tu phyin pa dang / thabs la mkhas pa la shin tu legs par slob pa'i tshig bla dgas lags so// ji lta ji ltar mthong ba de lta de ltar de'i 'jigs pa dang / 'jigs su rung ba thams cad kyang ma mchis par 'gyur zhing zhes bgyi ba de ni// sems cad thams cad 'jigs pa ma mchis shing the tshom dang bral bar 'gyur ba'i tshig bla dgas lags so// grong khyer der zhugs na/ rga ba dang // 'gum pa dang / bro nang ma mchis par 'gyur zhing / sems can dpag tu ma mchis pa rnams kyi don bgyid la/ skye ba dang / rga ba dang / bro nang dang / 'gum pa las yang dag par 'da' ba'i slad du/ chos ston par yang bgyid ces bgyi ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas lags so/ / btsun pa bcom ldan 'das byang chub sems dpa' sems dpa' chen po rnams ni ye shes dang ldan pa lags te/ btsun pa bcom ldan 'das bdag byang chub sems dpa' sems dpa'
- 98b
chen po thams cad la phyag 'tshal lags so/ / de nas bcom ldan 'das kyis tshe dang ldan pa 'od srungs chen po legs so zhes bya ba byin te/ 'od srungs legs so legs so// 'od srungs khyod kyis de ltar byang chub sems dpa' sems dpa' chen po rnams la spro ba bskyed pa ni/ yang khyod legs te/ 'od srungs khyod kyis dpe brjod pa des lha dang mi rnams kyi skye dgu las srogs chags khri nyis stong gis bla na med pa yang dag par rdzogs pa'i byang chub tu sems bskyed do/ / 'od srungs byang chub sems dpa' sems dpa' chen po rnams ni thabs la legs par bslabs pa/ yon tan dpag tu med pa dang ldan pa yin te/ 'od srungs byang chub sems dpa' sems dpa' chen po ni gang gis bdag la gnod par 'gyur ba 'am/ gzhan la gnod par 'gyur ba de lta bu'i las mi byed cing / tshig gang gis bdag dang gzhan la gdung bar 'gyur ba de lta bu'i tshig kyang mi smra'o// de skad ces bka' stsal pa dang // bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ / btsun pa bcom ldan 'das/ bcom ldan 'das kyis de skad du/ byang chub sems dpar ni chog gang gis bdag dang gzhan la gdung bar 'gyur ba de lta bu'i tshig mi smra'o zhes bka' stsal lags na/ bcom ldan 'das 'o na ci'i slad du byang chub sems dpa' skye ba gcig gis
- 99a
thogs pa bram ze'i khye'u 'od zer 'bring zhes bgyi bar gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar che/ mdzad kyi gsung rab la/ 'di skad ces dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces gsungs la/ bcom ldan 'das kyis de skad gsungs pa de ci las dgongs te gsungs lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to/ / rigs kyi bu de bzhin gshegs pa dang / byang chub sems dpa' rnams kyi spyod pa'i tshad rab tu rnam par dbye bas khyod ci zhig bya thong zhig/ de ci'i phyir zhe na/ rigs kyi bu byang chub sems dpa' sems dpa' chen po rnams ni thabs la mkhas pa bsam gyis mi khyab pa dang ldan pas/ skyes bu dam pa de dag ni ji lta ji ltar sems can yongs su smin par 'gyur ba de lta de ltar gnas par byed pa'i phyir ro/ / rigs kyi bu de lta mod kyi/ 'on kyang legs par rab tu nyon la/ tshul bzhin du yid la zung zhig dang / thabs la mkhas pa'i pha rol tu phyin pa la 'jug pa zhes bya ba'i chos kyi rnam grangs bshad par bya'o// ji ltar byang chub sems dpa' bcom ldan 'das de bzhin gshegs
- 99b
pa dgra bcom pa yang dag par rdzogs pa'i sangs rgyas mar me mdzad tshun chad du thabs la mkhas pa bsam gyis mi khyab pa bstan pa gang yin pa de dag las phyogs tsam zhig bstan par bya ste/ r igs kyi bu gang gi tshe byang chub sems dpas de bzhin gshegs pa dgra bcom pa yang dag par rdzogs pa'i sangs rgyas mar me mdzad mthong ma thag tu mi skye ba'i chos la bzod pa thob pa'i bar der/ byang chub sems dpa' ni 'khrul pa med pa dang / ca co med pa dang / brjed pa med pa dang / sems rnam par g.yengs pa med pa dang / shes rab nyams pa med pa yin te/ rigs kyi bu mi skye ba'i chos la bzod pa thob pa'i byang chub sems dpa' ni/ 'dod na zhag bdun gyis kyang byang chub mngon par rdzogs par 'tshang rgya bar yang 'gyur/ 'dod/ na bskal pas kyang byang chub mngon par rdzogs par 'tshang rgya bar 'gyur/ 'dod na bskal pa brgyas kyang byang chub mngon par rdzogs par 'tshang rgya bar 'gyur// 'dod na bskal pa stong gis kyang byang chub mngon par rdzogs par 'tshang rgya bar 'gyur/ 'dod na bskal pa 'bum gyis kyang byang chub mngon par rdzogs par 'tshang rgya bar 'gyur te/ byang chub sems dpa' de ni sems can rnams yongs su smin par bya ba'i phyir/ 'dod na bsam bzhin du srid pa len cing 'gro bar yang byed do// de na thabs la mkhas pa dang / shes rab kyi stobs bskyed pas/ gang gi tshe 'dod pa de'i tshe na
- 100a
bla na med pa yang dag par rdzogs pa'i byang chub mngon par rdzogs par 'tshang rgya bar byed cing / 'dod na phyi ma'i mtha'i mur thug pa'i bskal pa brgya phrag mang por yang yid/ yongs su skyo ba med par gnas par byed de/ de ni byang chub sems dpa'i thabs la mkhas pa yin no// rigs kyi bu gzhan yang nyan thos kyang zhi ba'i ting nge 'dzin dag la snyom par / la/ byang chub sems dpa' yang zhi ba'i ting nge 'dzin dag la snyoms par 'jug cing ldang bar byed mod kyi/ de ni lus g.yo bar yang mi 'gyur/ sems g.yo bar yang mi 'gyur ro// nyan thos ni bdag nyid yongs su mya ngan las 'da' ba kho nar shes par byed kyi/ byang chub sems dpa' ni zhi ba'i ting nge 'dzin dag la snyoms par 'jug kyang // bsdu ba'i dngos po bzhis sems can rnams bsdu ba'i brtson 'grus rgyun mi gcod cing / pha rol tu phyin pa drug gis sems can yongs su smin par yang byed la/ sems can rnams yongs su smin par byed pa na/ snying rje chen po skyed par yang byed de/ de'ang byang chub sems dpa'i thabs la mkhas pa yin no// rigs kyi bu gzhan yang byang chub sems dpa' ni 'dod na dga' ldan gyi gnas na 'dug bzhin bla na med pa yang dag par rdzogs pa'i byang chub mngon par rdzogs par 'tshang rgya zhing / chos kyi 'khor lo skor ba yang byed nus mod kyi/ byang chub sems dpa' 'di snyam du sems
- 100b
te/ 'dzam bu gling pa'i mi rnams kyis ni chos mnyan pa'i phyir dga' ldan gyi gnas su 'jog par mi nus la/ lha rnams kyis ni chos mnyan pa'i phyir 'dzam bu'i gling du 'bab par nus so snyam nas/ de'i phyir byang chub sems dpas 'dzam bu'i gling du byang chub mngon par rdzogs par sangs rgyas te/ de'ang byang chub sems dpa'i thabs la mkhas pa yin no// rigs kyi bu gzhan yang byang chub sems dpa' ni 'dod na dga' ldan gyi gnas nas shi 'phos nas/ pa'i mngal du ma zhugs shing / mngal gyi dri mas ma reg pa kho nar de'i skad cig de nyid la byang chub mngon par rdzogs par 'tshang rgya zhing / chos kyi 'khor lo bskor bar yang nus mod kyi/ de la sems can kha cig 'di snyam du/ 'di lha 'am/ klu 'am/ gnod sbyin nam/ dri za 'am/ sprul pa zhig gam/ 'di ga las 'ongs pa zhig snyam du nem nur dang / yid gnyis dang / the tshom skye bar 'gyur te/ de dag nem nur dang / yid gnyis dang / the tshom skyes par gyur na/ nyon mongs pa yongasu zad par bya ba'i phyir chos nyan par mi byed/ shes par mi byed/ brtson 'grus rtsom par mi byed pas/ byang chub sems dpas mngal na gan pa bstan pa'i rgyu ni de yin no/ / rkyen ni de yin no// rigs kyi bu khyod 'di snyam du byang chub sems dpa' mngal gyi gnas su zhugs so snyam na/ khyod kyis de ltar mi blta'o// de ci'i phyir zhe na/ byang chub sems
- 101a
@#dpa'i ting nge 'dzin dri ma med pa zhes bya ba yod de/ byang chub sems dpa' dga' ldan gyi gnas na gnas bzhin du/ de la snyoms par zhugs shing yongs su bsten/ nas/ ting nge 'dzin de las ma langs bzhin du dga' ldan gyi gnas nyid nas byang chub kyi snying po la 'jug tu nus mod kyi/ dga' ldan gyi lha rnams kyis de na de ma mthong bas/ byang chub sems dpa'i ting nge 'dzin las langs so snyam du shes par zad do/ / byang chub sems dpa' ni dga' ldan gyi gnas nas mi g.yo bzhin du sprul pa dag gis 'pho ba dang / skye ba dang / mngon par 'byung ba dang / dka' ba spyod pa'i bya ba thams cad kun tu ston par byed de/ de dag thams cad ni byang chub sems dpas sprul pa dag gis kun tu bstan pa yin no// de ci'i phyir zhe na/ rigs kyi bu byang chub sems dpa' ni kun tu spyod pa gtsang ba yin pas/ phyir mngal gyi gnas su mi 'gro ba'i phyir te/ de'ang byang chub sems dpa'i thabs la mkhas pa yin no// ci'i phyir byang chub sems dpa' glang po che thal kar du bsgyur te/ ma'i mngal du 'jug pa ston par byed ce na/ de ni dkar po'i phyogs kyi tshig bla dgas yin no// de ci'i phyir zhe na/ byang chub sems dpa' ni sems can thams cad las khyad par du 'phags pa yin pas na/ des ni ci nas kyang lha 'am/ mi gzhan gang la'ang med pa de lta bu kho nas mngal du 'jug pa bstan par bya dgos
- 101b
pa'i phyir te/ de'ang byang chub sems dpa'i thabs la mkhas pa yin no// ci'i phyir byang chub sems dpa' zla ba bcur ma'i mngal na gnas shing dgur ma yin zhe na/ sems can gang dag 'di snyam du kye ma gzhon nu 'di ni mngal na gnas pa'i dus yongs su ma rdzogs pas/ dbang po ma tshang bar gyur to snyam du sems pa'i sems can de dag gi the tshom gcad pa dang / mngal gyi dus dang dbang po yongs su rdzogs pa kun tu bstan par bya ba'i phyir/ byang chub sems dpa' zla ba bcur ma'i mngal na gnas kyi/ dgur ni ma yin no// byang chub sems dpa' zla ba bcur ma'i mngal na gnas pa na'ang/ lha rnams byang chub sems dpa' la blta ba dang / phyag bya ba dang / bsnyen bkur bya ba'i phyir 'ong bar gyur zhing / de dag gis byang chu sems dpa' ma mang lan gnas pa'i sa rgya chub sems dpa'i 'du rgyu sa che bkod pa'i khang pa brtsegs pa lha'i longs spyod thams cad las yang dag par 'das pa mthong nas/ lha'i bu sa la phrag gnyis dang bzhi 'bum gyis bla na med pa yang dag par rdzogs pa'i byang chub tu sems bskyed par gyur te/ de'ang byang chub sems dpa'i thabs la mkhas pa yin no// ci'i phyir byang chub sems dpa' ma'i mtshan brtol te/ mngal gyi gnas nas byung ba kun tu ston par byed ce na/ sems can gang dag 'di snyam du byang chub sems dpa' ni ba dang ma'i mer mer po lnga skyes pa yin gyi/ rdzus te skyes pa ma yin no snyam du sems pa'i sems can de dag gi
- 102a
thachoms cad pa'i phyir ma'i mtshan partul/ mangs kyi gnas nas 'byung bkun tu bstan to// b+hU las ca sa l+h+wam sgra 'bru gyi zas gang ma med cing sa med la/ byang chub sems dpa' mngal na gnas pa'i tshe yum lha mo sgyu 'phrul gyis bde ba myong bar gyur pa gang yin pa de lta bu'i bde ba ni sngon nam yang ma reg cing sngon nam yang ma myong ste/ de'ang byang chub sems dpa'i thabs la mkhas pa yin no// ci'i phyir byang chub sems dpa' dgon par btsas shing grong du ma yin zhe na/ byang chub sems dpa' ni yun ring po nas dgon pa'i bsngags pa brjod pa dang / dben pa la dga' ba dang / kun spyod pa gtsang ba dang / grong du btsas na lha dang / klu dang / gnod sbyin rnams kyang lha'i phye ma dang / spos dang me tog 'phreng dang / byug pa dang / me tog dag gis shin tu 'phags pa'i mchod pa byed par mi 'gyur ba dang / ser skya'i gnas kyi grong khyer na gnas pa'i mi rnams kyang brgyags pa dang / bag med pa skye bar 'gyur ba'i phyir te/ gang gi phyir byang chub sems dpa' dgon par btsas shing grong du ma yin pa'i rgyu ni de yin/ rkyen ni de yin no// ci'i phyir byang chub sems dpa' yum gyis shing blag pa'i yab ga la bzung ste/ bang ma la ma byas par byang chub sems dpa' btsas par byas she na/ sems can gang dag 'di snyam du yum lha mo sgyu 'phrul ni ji lta bur bud
- 102b
med gzhan dag bzhin du sdug bsngal gyi tshor bas reg cing byang chub sems dpa' btsas so snyam du sems pa'i sems can de dag gi the tshom gcad pa dang / bde bar btsas pa kun tu bstan par bya ba'i phyir/ yum lha mo sgyu 'phrul gyis shing blag sha'i yal ga la bzung ste/ bang ma la ma byas par byang chub sems dpa' bcas par byas so// ci'i phyir byang chub sems dpa' ma mtshan g.yas pa brtol te/ dran pa dang shes bzhin gyis mngal gyi gnas nas byung zhing / skye gnas nas kyang ma yin/ lus kyi phyogs gzhan dag nas kyang ma yin zhe na/ byang chub sems dpa' ni kun spyod pa gtsang ba dang / 'jig rten gsum po thams cad las khyad par du 'phags pa dang / 'dul ba'i sems can rnams gdul ba'i phyir/ des ni ji ltar sems can man pa sasan dag bzhin du ma'i mngol du sten cing gnas pa ma yin pa dang / btsa' ba ma yin pa de ltar skye ba bstan par bya dgos pa'i phyir te/ des na byang chub sems dpa' ma'i mtshan g.yas pa brtol te dran pa dang shes bzhin gyis mngal gyi gnas nas byung zhing / byang chub sems dpa' btsas ma thag tu yum lha mo sgyu 'phrul gyi mtshan yang rma med cing spros med par gyur te/ de'ang byang chub sems dpa'i thabs la mkhas bab yin no/ / ci'i phyir byang chub sems dpar btsas ma thag tu lha'i dbang po brgya byin gyis bzung la/ mir gyur pa gzhan dag gis ma yin zhe na/ de ni byang chub sems dpa'i dge ba'i rtsa ba 'bar bas
- 103a
lha rnams 'dun par byas pas/ lha'i dbang po brgya byin gyis bdag gis byang chub sems dpa' btsas ma thag tu gos rin po ches bzung bar bya'o zhes sngon smon lam bta/ ba'i phyir/ de na byang chub sems dpa' la mchod pa'i las rgya chen po la brtson par byed pa yin te/ de'ang byang chub sems dpa'i thabs la mkhas pa yin no// ci'i phyir byang chub sems dpa' btsas ma thag tu yongs su ma bzung bar gom pa bdun 'dor bar byed la/ drug kyang ma yin/ brgyad kyang ma yin zhe na/ byang chub sems dpa' ni ji ltar gzhan sus kyang sngon ma bstan pa de lta bu'i rdzu 'phrul gyi stobs kyi brtson 'grus chen po dang / skyes bu dam pa'i rtsa la gdon mi za bar kun tu bstan par bya dgos pa dang / gom pa bdun bor bas sems can gang dag gi don bya dgos pa de dag gi don gom pa drug gis kyang mi chog la/ brgyad ni lhag par 'gyur bas na/ de'i phyir byang chub sems dpa' btsas ma thag tu yongs su ma bzung bar gom pa bdun 'dor bar byed la/ drug kyang ma yin/ brgyad kyang ma yin te/ de'ang byang chub sems dpa'i thabs la mkhas pa yin no// ci'i phyir byang chub sems dpa' gom pa bdun 'dor ba na tshig 'di skad ces nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes rjod par byed ce na/ rigs kyi bu de 'khor de na brgya byin dang / tshangs pa dang / lha'i bu dbang che bar grags pa dbang che bar grags
- 103b
padag 'dus par gyur te/ 'khod la nga rgyal gyis khengs pa de dag 'di snyam du bdag cag ni ches bla ma yin gyi/ byang chub sems dpa' 'di ni de lta ma yin no snyam du sems shing / 'dung bar mi byed/ rab tu 'dud par mi byed/ phyag 'tshal bar mi byed/ rab tu phyag 'tshal bar mi byed pas na/ des na byang chub sems dpa' 'di snyam du sems te/ brgya byin dang / tshangs pa dang / lha'i bu 'di dag yun ring por don med pa dang / gnod pa dang / sdug bsngal ba dang / log par ltung bar 'gyur ro snyam nas/ de'i phyir byang chub sems dpas tshig 'di skad ces nga ni 'jig rten nathu bo yin no/ / nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes smras te/ tshig gi sgra des stong gsum gyi stong chen po'i 'jig rten gyi khams 'di go bar gyur nas/ lha'i bu gang dag der ma lhags pa de dag kyang sgra de thos nas lhags par gyur cing / de nas lha'i bu de dag dang / brgya byin dang / tshangs pa dag yid byung ba skyes shing ngo mtshar du 'dzin par gyur nas/ gus pa dang bcas pas thal mo phug phug por sbyar te/ byang chub sems dpa' la mngon par 'dud cing phyag 'tshal bar byed de/ gang gi phyir byang chub sems dpas tshig 'di skad ces nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes smras pa'i rgyu ni de yin/ rkyen ni de yin no// byang chub sems dpa'i tshig
- 104a
ni yang dag pa yin te/ de'ang byang chub sems dpa'i thabs la mkhas pa yin no// ci'i phyir byang chub sems dpa' btsas ma thag tu gad mo cher ngadagod par byed ce na/ rigs kyi bu byang chub sems dpa' ni 'dod chags dang lhan cig skyes pa 'am/ zhe sdang dang lhan cig skyes pa 'am/ gti mug dang lhan cig skyes pa dgod pa'i gad mo'ang med/ rta gang du dgod pa'ang med mod kyi 'on kyang byang chub sems dpa' 'di snyam du sems te/ byang chub sems dpa' 'di dag gis ni bdag dang lhan cig tu byang chub tu sems bskyed pa las/ bdag gis ni byang chub thob par gyur gyi/ sems can 'di dag ni le lo'i dbang gis 'khor ba thibs por gnas par gyur pas/ kye ma sems can 'di dag ni thams cad mkhyen pa nyid thob par bya ba'i phyir/ snying rjes bgrod bar bya ba'i chos thams cad la brtson 'grus rtsom par mi byed pa yin no zhes de ltar snying rje chen po bskyed na/ sems can de dag gis byang chub sems dpa' ni bsam pa yongs su rdzogs pa yin par rig la/ bdag cag ni dman pa dang bag med pa yin par rig nas/ de dag bdag la phyag 'tshal bar 'gyur ro snyam nas/ de'i phyir byang chub sems dpa' gad mo cher dgod par byed de/ de'ang byang chub sems dpa'i thabs la mkhas pa yin no// ci'i phyir byang chub sems dpa' dri ma med pa btsas ma thag tu brgya byin dang tshangs pa dag gis 'khru bar byed ce na/
- 104b
rigs kyi bu de ni brgya byin dang tshangs pa dag mchod pa'i las byed pa'ang yin la/ 'jig rten na'ang khye'u dag btsas ma thag tu gdon mi za bar khrus byed pa dag yod pas/ byang chub sems dpas kyang 'jig rten shes pa'i rjes su gdon mi za bar 'jug par bya dgos pas na/ don gyi dbang de mthong ba'i phyir/ byang chub sems dpa' btsas ma thag tu brgya byin dang tshangs pa dag gis 'khru bar byed de/ de'ang byang chub sems dpa'i thabs la mkhas pa yin no// ci'i phyir byang chub sems dpa' dgon par btsas ma thag kho nar byang chub kyi snying por mi 'gro bar/ ci'i phyir grong du 'jug ce na/ dbang po rnams yongs su smin pa kun tu bstan pa dang / btsun mo'i 'khor gyi bya ba kun tu bstan pa dang / dga' ba dang rtsed mo dag kun tu bstan nas kyang / gling chen po bzhi la mi lta bar spangs te/ mngon par 'byung ba kun tu bstan par bya ba dang / 'di ltar sems can gzhan dag kyang bdag gi rjes su slob pa na/ 'dod pa'i dga' ba dang / rtsed mo dang / longs spyod dang / 'khor rgya chen po dag spangs te rab tu byung ba'i phyir mngon par 'byung bar 'gyur bar bya ba'i phyir te gang gi phyir byang chub sems dpa' dgon par btsas ma thag kho nar byang chub kyi snying por mi 'gro bar grong du zhugs nas mngon par 'byung bar byed pa'i rgyu ni de yin/ rkyen ni de yin te/ de'ang byang chub sems dpa'i thabs la mkhas pa yin no// ci'i phyir byang chub sems dpa' btsas nas
- 105a
zhag bdun lon pa na/ yum lha mo sgyu 'phrul 'chi ba'i dus byed par gyur ce na/ de la ni byang chub sems dpa' btsas pa'i nyes pa med de/ yum lha mo sgyu 'phrul nyi tshe zad nas dus las 'das pa yin gyi/ byang chub sems dpa'i nyes pa ma yin te/ 'di ltar byang chub sems dpa' dga' ldan gyi gnas mchog na gnas pa nyid kyi tshe na/ lha'i mig rnam bar dag pas yum lha mo sgyu 'phrul gyi tshe la so sor brtags na/ byang chub sems dpas yum lha mo sgyu 'phrul gyi tshe'i lhag ma ni zla ba bcu dang zhag bdun la sa ma las par shes nas/ de'i 'og tu byang chub sems dpa' dga' ldan gyi gnas mchog nas shi 'phos te/ ma'i mngal du zhugs pa yin pas/ rigs kyi bu rnam grangs des na khyod kyis 'di ltar yum lha mo sgyu 'phrul nyid tshe zad nas 'chi ba'i dus byas par zad kyi/ byang chub sems dpa' btsas pa'i nyes pa ma yin par rig par bya ste/ de'ang byang chub sems dpa'i thabs la mkhas pa yin no// ci'i phyir byang chub sems dpas yi ge dang / lag rtsis dang / bstan bcos dang / grangs dang / rtsis dang / ral gri'i thabs dang / mda' gzhu'i thabs dang / 'gyed stobs dang / gyad kyi 'dzin stangs dang / skar ma'i dpyad dang / dga' ba dang / rtsed mo dag legs par bslabs she na/ 'jig rten dang rjes su 'thun par bya ba'i phyir te/ 'di ltar byang chub sems dpas dang po nyid nas
- 105b
gang la legs par bslabs pa ma byas pa'i babo 'am/ gsang sngags sam/ rig sngags sam/ bstan bcos sam/ bro gar ram/ klu 'am/ rol mo'i sgra 'am/ bzhad gang ngam/ 'jo sgeg gam/ dga' ba 'am/ rtsed mo kun tu bstan par bya ba ni/ stong gsum gyi stong chen po'i 'jig rten gyi khams na 'ga' yang med mod kyi/ 'on kyang byang chub sems dpa' la ni btsas ma thag kho nar 'jig rten dang 'jig rten las 'das pa'i bzo dang las kyi gnas thams cad mngon du 'gyur ro/ / de ci'i phyir zhe na/ sngon shin tu legs par bslabs pa dang / dge ba'i rtsa ba yongs su smin pa'i dbang gi stobs bskyed pa'i phyir te/ de'ang byang chub sems dpa'i thabs la mkhas pa yin no// ci'i phyir byang chub sems dpa' srid pa mtha' ma pa btsun mo dang / sras dang / g.yog 'khor len par byed ce na/ rigs kyi bu byang chub sems dpa' ni 'dod pa don du gnyer ba ma yin no// de ci'i phyir zhe na/ de'i gnas skabs na skyes bu dam pa ni 'dod chags dang bral ba'i phyir te/ 'on kyang byang chub sems dpa' srid pa mtha' ma pas ni btsun mo dang / sras dang / bu'i 'khor gdon mi za bar bstan par bya dgos te/ sems can gang dag 'di snyam du byang chub sems dpa' ni skyes bu dam pa ma yin gyi/ tha ma'i rigs shig yin no snyam du sems par gyur na/ de dag yun ring por don//
- 106a
med pa dang / gnod pa dang / sdug bsngal ba dang / log par ltung bar 'gyur bas/ sems can de dag gi the tshom gcad pa dang / 'di lta ste/ sras skra ga can/ 'dzin kun tu bstan par bya ba'i phyir/ byang chub sems dpas shAkya'i bu mo sa 'tsho ma blangs so// gang dag 'di snyam du sras sgra gcan 'dzin ni yab dang yum gyi mer mer po las skyes pa yin no snyam du sems na/ de ltar mi blta'o// de ci'i phyir zhe na/ sgra gcan 'dzin 'dis ni sngon 'di skad du/ bdag srid pa mtha' ma pa'i bur gyur cig ces smon lam btab pas na sgra gcan 'dzin ni lha nas shi 'phos nas 'dir rdzus te skyes pa yin bya/ pha dang ma'i mer mer po las skyes pa ma yin pa'i phyir ro// shAkya'i bu mo sa 'tsho ma'ang sngon gyi smon lam gyi dbang gis blangs pa yin te/ des de bzhin gshegs pa mar me mdzad kyi spyan sngar bram ze'i khye'u khyod srid pa mtha' ma par gyur pa na/ bdag gi khyim thab tu gyur la/ bdag kyang khyod kyi btsun mor gyur cig ces smon lam btab pa'i phyir ro/ / de'i tshe na byang chub sems dpas kyang 'di skad ces/ bzang mong ni 'dod pa rnams don du gnyer ba ma yin mod kyi/ 'on kyang khyod kyi bsam pa ji lta bzhin du gyur cig ces/ ut+pa la'i phyir khas blangs te/ sangs rgyas kyi spyan sngar dge ba'i rtsa ba bskyed pa de ni mi slu ba yin pas na/ byang chub sems dpas shAkya'i bu mos
- 106b
'tsho ma blangs so/ / gzhan yang byang chub sems dpa' srid pa mtha' ma pas ni/ btsun mo'i 'khor dang g.yog 'khor gdon mi za bar kun tu bstan par bya dgos te/ 'di ltar shAkya'i bu mo sa 'tsho mas byang chub sems dpa'i gzugs phun sum tshogs pa dang / lha'i mchod pa phun sum tshogs pa dang / mngon par 'byung ba phun sum tshogs pa mthong nas/ 'di skad du kye ma bdag kyang yon tan gyi chos 'di lta bu dag dang ldan par gyur cig ces lhag pa'i bsam pas bla na med pa yang dag par rdzogs pa'i byang chub tu sems bskyed par gyur pa'i phyir te/ de ltar na shAkya'i bu mo sa 'tsho ma byang chub kyi sems brtan par bskyed du gzhug pa'i phyir yang / byang chub sems dpas shAkya'i bu mo sa 'tshom blangs so// gzhan yang sems can gang dag 'dod pa dang / zan dang / chung ma dang / las kyi mtha' dang / khang khyim dang / nor rdzas kyi 'du 'dzis spags nas/ yongs su 'dzin pa spangs te/ rab tu 'byung bar mi nus pa'i sems can de dag la 'dod pa'i sred pa dang / longs spyod dang / nor rdzas dang / chung ma la mi lta ba kun tu bstan par bya ba'i phyir yang / byang chub sems dpas shAkya'i bu mo sa 'tsho ma blangs na// khang khyim dang / nor rdzas dang / chung ma dang / 'khor rnams la mi lta bar spangs te mngon par byung na/ sems can de dag kyang 'di snyam du gzhon nu don thams cad grub pa 'di'ang de
- 107a
ltar btsun mo dang / nor rdzas dang / 'khor dang / longs spyod rgya chen po dag la mi lta bar spangs te rab tu byung na/ de'i phyir bdag cag kyang ci'i phyir rab tu 'byung bar mi bya snyam du sems par bya ba'i phyir ro/ / / bam po gsum pa// gzhan yang byang chub sems dpas sngon byang chub sem dpa'i spyad pa spyod pa na/ bud med gzhon nu bsnyen bkur ma gang dag dge ba'i chos rnams kyis yongs su smin par byas shing yid gcugs par gyur pa de dag gis 'di skad ces bdag cag khyod srid pa mtha' ma par gyur pa'i bar tshun chad kyi btsun mor 'gyur cig ces smon lam btab pas na/ de dag gi dkar po'i chos rgya cher smin par bya ba'i phyir yang byang chub sem dpas 'khor rnams blangs te/ de na byang chub sems dpa' btsun mo'i 'khor gyi nang du gnas pas/ bud med bzhi khri nyis stong ni bla na med pa yang dag par rdzogs pa'i byang chub tu yongs su smin par byas so// lhag ma rnams ni log par mi ltung ba'i chos can du byas te/ rnam grangs des kyang byang chub sems dpas 'khor rnams blangs so// gzhan yang bud med gang dag 'dod chags kyi yongs su gdung ba chen pos yongs su gdung bar gyur pa de dag gis byang chub sems dpa' mthong ma thag tu bdag nyid 'dod chags dang bral bar kun tu shes par bya ba'i phyir ro/ / gzhan yang byang chub sems dpas bdag nyid kyi chu zheng dang / kha dog dang / dbyi ba ci 'dra ba de/
- 107b
'dra ba'i sprul pa mngon par sprul nas/ sprul pa de dang bud med de dag lhan cig dga' ba dang / rtse ba dang / dga' dgur spyod par byed pa ma de dag so so nas 'di snyam du bdag ni byang chub sem/ dpa' dang lhan cig dga' ba dang / rtse ba dang / dga' dgur spyod par byed do snyam du sems par zad kyi// byang chub sems dpa' ni bsam gtan gyi dga' ba'i gnas pas gnas par byed do// sprul/ pa'i 'dod pa'i longs spyod ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas mar me mdzad tshun chad nas/ byang chub sems dpa'i 'dod pa'i longs spyod kyang de dang 'dra bar blta bar bya'o/ / shAkya'i bu 'dun pa dang rta bsngags ldan gnyis kyang de gnyis kyi sngon gyi smon lam nyid yin par blta bar bya ste/ de'ang byang chub sems dpa'i thabs ba mkhas pa yin par blta bar bya'o/ / ci'i phyir byang chub sems dpa' shing 'dzam bu'i grib ma la bsam gtan byed ce na/ byang chub sems dpa' de na gnas pas lnga bye ba phrag bdun cu btul ba dang / yab dang yum dag yang dag par bstan par bya ba dang / byang chub sems dpas bdag rab tu 'byung ba'i phyir mngon par 'byung ba dang / shes rab che ba nyid gdon mi za bar kun tu/ bstan par bya dgos pa dang / shing 'dzam bu'i grib mas ma gtang ba nyid kyang kun tu bstan par bya ba'i phyir te/ gang gi phyir byang chub sems dpa' shing 'dzam bu'i grib ma la bsam gtan byed pa'i rgyu ni da
- 108a
yin darkyen ni de yin/ de'ang byang chub sems dpa'i babs la mkhas pa yin no// byang chub sems dpa' dka' ba dang rtsed mo thams cad don du mi gnyer bci'i phyir byed/ mos tshal gyi sar byung zhe na/ rgang po dang / nad pa dang / shi ba kun tu bstan par bya ba dang / nye du rnams kyis 'di ltar byang chub sems dpa' ni nye du rnams mi 'dod pa ma yin gyi rga ba dang / na ba dang / 'chi bas 'jigs shing skrag pa dang / khyim na gnas pa ni nyes pa mang po'i skyon chags gnas pa ma yin par rig nas/ mngon par byung ba yin no zhes shes par 'gyur ba kun tu bstan par bya ba dang / sems can thams cad kyang / rga ba dang / na ba dang / 'chi bas 'jigs pa kun tu bstan par bya ba'i phyir te/ de'i phyir na byang chub sems dpa' dga' ba dang rtsed mo don du mi gnyer ba'ang skyed mos tshal gyi sar byung ste/ de'ang byang chub sems dpa'i thabs la mkhas pa yin no// ci'i phyir byang chub sems dpa' nam phyed kyi dus kyi tshe mngon par byung la nyin mo ma yin zhe na/ sems can rnams gang la gnas na dge ba'i rtsa ba dag 'phel bar 'gyur ba'i dge ba'i rtsa ba kun tu bstan par bya ba'i phyir te/ dkar po'i chos don du gnyer ba'i rigs kyi bus ni bde ba rgya chen po ji snyed pa'ang yongs su spangs te/ nam phyed kyi dus kyi tshen ma chis mi ltos par mngon par 'byung bar bya ba dang / bde ba'i yo byad ji snyed pa dag kyang yongs su
- 108b
spang bar bya ba dang / dkar po'i phyogs yongs su nyams par mi bya ba'i phyir te/ de'ang byang chub sems dpa'i thabs la mkhas pa yin no// ci'i phyir byang chub sems dpas skye bo rnams gnyid log par byas te mngon par byung zhe na/ skye bo rnams ni lha rnams kyis gnyid log par byas pas/ lha rnams kyis nyes par kun tu bstan pa'i phyir te/ byang chub sems dpa' la nye du rnams dang / skye bo rnams tha ba dang / zhe sdang gi sems bskyed par gyur na/ de dag la yun ring por don med pa dang / gnod pa dang / sdug bsngal ba dang / log par ltung bar 'gyur gyi de dag gis skye bo rnams lha rnams kyis gnyid log par byas shing / lha rnams kyis sgo phye ste bar snang la khyer bas/ de ni byang chub sems dpas ma nyes so zhes shes par gyur na de dag byang chub sems dpa' la dad pa rgya chen po 'thob par 'gyur bas/ don gyi dbang de mthong ba'i phyir/ skye bo rnams gnyid log par byas nas mngon par byung ste/ de'ang byang chub sems dpa'i thabs la mkhas pa yin no/ / ci'i phyir byang chub sems dpas rta dang rgyan rnams shAkya'i bu 'dun pa la phyir bskur zhe na/ 'di lta ste/ chog shes pa kun tu bstan par bya ba'i phyir te/ gzhan dag 'di skad ces byang chub sems dpa' ni dngos po thams cad la mi lta bar rab tu byung bas na/ gser dang dngul dag don du gnyer ba ma yin no zhes brjod
- 109a
par bya ba dang / gzhan yang byang chub sems dpas phyi ma'i skye bo dag rjes su slob tu gzhug par bya ba'i phyir te/ 'di ltar gang dag bstan pa 'di la rab tu 'byung / bar 'gyur ba de dag gis ni nga'i rjes su bslab cing / dngos po thams cad la mi lta bar 'phags pa'i rigs bzhi la brten nas rab tu 'byung bar bya ste/ rab tu 'byung bas ni dang po kho na nas 'tsho ba la ltos shing rab tu 'byung bar mi bya'o zhes bstan par bya ba'i phyir te/ de'ang byang chub sems dpa'i thabs la mkhas pa yin no// ci'i phyir byang chub sems dpas bdag nyid kyis ral gris skra bregs te rab tu byung zhe na/ rigs kyi bu 'di ltar gang gis byang chub sems dpa'i dpal dang gzi brjid zil gyis mnan te/ skra breg par bzod pa'i lha 'am/ klu 'am/ gnod sbyin nam/ dri za 'am/ mi 'am/ mi ma yin pa ni stong gsum gyi stong chen po'i 'jig rten gyi khams na 'ga' yang med pa dang / byang chub sems dpa' de nyid rab tu 'byung ba don du gnyer bas non dad pa dang ldan pa yin no zhes kun tu bstan pa dang / bdag nyid kyis skra bregs te rab tu byung na/ rgyal po zas gtsang yang sus nga'i bu'i sgra bregs pa de chad pas gcad do zhes mi dga' par mi 'gyur ba dang / byang chub sems dpa' bdag nyid kyis rang gi ral gris skra bregs so zhes rgyal po zas gtsang gis thos nas cang mi zer bar 'gyur bar bya ba'i phyir te/ de'ang byang chub
- 109b
sems dpa'i thabs la mkhas pa yin no/ / de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu gzhan yang gang gi phyir byang chub sems dpas lo drug tu dka' ba spyod pa spyad pa'ang nyon cig/ 'di ltar byang chub sems dpas ni thabs la mkhas pas sems can rnams mi dge ba'i las kyi bya ba dag la nges par skyo bar bya zhing / 'dun par bya ba'i phyir te// rigs kyi bu 'di ltar byang chub sems dpas de bzhin gshegs pa dgra bcom pa yang dag par rdzogs pa'i sangs rgyas 'od srungs kyi gsung rab la tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras pa de'ang byang chub sems dpa'i thabs la mkhas pa dang / ldem po ngag yin par blta bar bya ste/ las kyi sgrib pa de'i rgyus byang chub sems dpas lo drug tu dka' ba spyod pa spyad do// byang chub sems dpas ci las bsam te tshig de skad ces smras she na/ rigs kyi bu de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas 'od srungs kyi gsung rab la/ bram ze'i khye'u 'od zer 'phreng de la ne'u ldangs bram ze'i rigs shing sa la chen po lta bu'i bu byang chub sems dpa'i theg pa la yang dag pa zhugs pa lnga zhig yod pa de dag sdig pa'i
- 110a
grogs pa'i dbang dang / sdig pa'i grogs po dang 'phrad pas/ byang chub kyi sems de dag brjed par gyur nas/ de'i tshe na rigs kyi bu lnga po de dag mu stegs can gyi brtul zhugs spyod par gyur cing / sangs rgyas kyi brtul zhugs mi spyod pa dang / mu stegs can gyi gsang sngags la brtson zhing / sangs rgyas kyi gsang sngags la mi brtson pa dang / mu stegs can la mos shing / / mu stegs can gyi dbang gis byang chub ni bdag cag la yod de/ bdag cag kyang sangs rgyas yin no zhes bdag nyid ston pa yin par las 'che bar byed do// bram ze'i khye'u 'od zer 'phreng gis rigs kyi bu de dag snod yin par rig nas/ de thabs la mkhas pas bram ze'i rigs shing sa la chen po lta bu'i bu lnga po de dag rim gyis mu stegs can de dag gi drung nas phyir ldog par 'dod pas/ des thabs la mkhas pas rdza mkhan bum byed la tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pabs dge sbyong mgo reg la byang chub ga la yod ces smras te/ rigs kyi bu de'i tshe bram ze'i khye'u 'od zer 'phreng des phyogs gzhan zhig tu bram ze'i rigs shing sa la chen po lta bu'i bu lnga po de dag dang lhan cig tu 'khod do/ / de nas rdza mkhan bum byed de sa phyogs de ga la ba der song ste/ de bzhin gshegs pa dgra bcom pa yang dag par rdzogs pa'i sangs rgyas 'od srung kyi bsngags pa
- 110b
brjod cing / bsngags pa brjod nas bram ze'i khye'u 'od zer 'phreng la 'di skad ces smras so// kye 'od zer 'phreng tshur shog/ de bzhin gshegs pa dgra bcom pa yang dag par rdzogs pa'i sangs rgyas 'od srungs kyi spyan sngar 'dong ngo / / rigs kyi bu de nas bram ze'i khye'u 'od zer 'phreng 'di snyam du sems te/ kye ma bram ze'i khye'u 'di dag ni dge ba'i rtsa ba yongs su ma smin pa yin pas/ gal te bdag gis de bzhin gshegs pa dgra bcom pa yang dag par rdzogs pa'i sangs rgyas 'od srungs dang byang chub kyi bsngags pa brjod cing / mu stegs can rnams kyi bsngags pa ma yin pa brjod par gyur na/ rigs kyi bu 'di dag yongs su dogs par gyur nas/ de bzhin gshegs pa dgra bcom pa yang dag par rdzogs pa'i sangs rgyas 'od srungs kyi spyan sngar 'gro/ bar mi 'gyur ba'i gnas de lta bu yod do snyam nas/ bram ze'i khye'u 'od zer 'phreng de sngar dam bcas pa de nyid rjes su srung bzhin du/ shes rab kyi pha rol tu phyin pa'i rgyu mthun pa'i thabs la mkhas pas tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras so/ ji ltar na shes rab kyi pha rol tu phyin pa'i rgyu mthun pa'i thabs la mkhas pa yin zhe na/ shes rab kyi pha rol tu phyin pa la spyod pa'i byang chub sems dpa' la ni byang chub kyi 'du shes
- 111a
kyang med/ ngas rgyas kyi 'du shes kyang med/ sangs rgyas zhes bya ba'i sangs rgyas kyang yang dag par rjes su mi mthong byang chub kyang yang dag par rjes su mi mthong ste/ byang chub ni nang du'ang yang dag bar rjes su mi mthong / byang chub ni phyi rol tu'ang yang dag par rjes su mi mthong / byang chub ni nang dang phyi rol tu'ang yang dag par rjes su mi mthong ba'i phyir ro// de ltar chos thams cad ma skye mi dmig pa'i phyir/ byang chub ni gtan stong pa nyid yin pas/ bram ze'i khye'u 'od zer 'phreng gis shes rab kyi pha rol tu phyin pa'i rgyu mthun pa'i thabs la mkhas pa des tshig 'di skad ces/ dge sbyong mgo rog mthong bas kho bo la ci zhig bya/ / byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras so// de nas dus gzhan zhig gi tshe na bram ze'i khye'u 'od zer 'phreng de ne'u ldangs lnga po de dag dang chu 'gram zhig na 'khod par gyur pa dang / de nas sangs rgyas kyi mthus rigs kyi bu lnga po de dag gdul ba'i dbang gi phyir/ rdza mkhan bum byed chu 'gram de ga la ba der song ste/ bram ze'i khye'u 'od zer 'phreng de la 'di skad ces smras so// kye 'od zer 'phreng tshur shog/ sangs rgyas bcom ldan 'das rnams 'jig rten du 'byung ba ni shin tu rnyed par dka' ba yin gyis/ bzhin gshegs pa dgra bcom pa yang dag par rdzogs pa'i sangs rgyas 'od srungs la blta ba dang / phyag bya ba dang / bsnyen bkur bya ba'i phyir 'dong ngo // bram ze'i khye'u 'od zer 'phreng gis smras pa/
- 111b
dge sbyong sgre bo mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras te/ bram ze'i khye'u 'od zer 'phreng de de bzhin gshegs pa la blta ba dang / phyag bya ba dang / bsnyen bkur bya ba'i phyir 'gror ma btub pa dang / de nas rdza mkhan bum byed des bram ze'i khye'u 'od zer 'phreng gi thor to nas bzung ste// de bzhin gshegs pa dgra bcom pa yang dag par rdzogs pa'i sangs rgyas 'od srungs ga la ba der khrid de song ngo / / bram ze'i khye'u lnga po de dag gis kyang bram ze'i khye'u 'od zer 'phreng yongs su bskor te/ yid 'dun par byas nas/ de bzhin gshegs pa dgra bcom pa yang dag par rdzogs pa'i sangs rgyas 'od srungs ga la ba der dong ngo // de nas bram ze'i rigs shing sa la chen po lta bu'i bu log par lta ba'i khyim du skyes pa lnga po de dag cher 'dun par gyur nas 'di snyam du/ 'di ltar bram ze'i khye'u 'od zer 'phreng 'di de bzhin gshegs pa dgra bcom pa yang dag par rdzogs pa'i sangs rgyas 'od srungs la blta ba dang / phyag bya ba dang / bsnyen bkur bya ba dang / drung du 'gro ba dang / dge ba'i chos yongs su rdzog par bya ba'i phyir rdza mkhan bum byed 'dis thor to nas bzung bzhin du'ang bdag nyid kyi srog yongs su btang ste/ de bzhin gshegs pa dgra bcom pa yang dag par rdzogs pa'i sangs rgyas 'od
- 112a
srungs kyi spyan sngar 'gro bar 'gyur ba'i sangs rgyas de ni ci 'dra ba zhig yin/ sangs rgyas kyi chos de ni ci 'dra ba zhig yin snyam nas/ de nas bram ze'i rigs shing sa la chen po lta bu'i bu lnga po de dag gis 'dun par byas nas/ de bzhin gshegs pa 'od srungs la blta ba'i phyir/ de bzhin gshegs pa 'od srungs kyi thang du dong ngo // de dag gis de bzhin gshegs pa dgra bcom pa yang dag par rdzogs pa'i sangs rgyas 'od srungs mthong ma thag tu sngon gyi dge ba'i rtsa bas yang dag par bskul bas dad pa thob par gyur to/ / de dag gis da pa thob nas/ bram ze'i khye'u 'od zer 'phreng la smras pa/ ston pa'i yon tan 'di lta bu dag khyod kyis sngan chad kho bo cag la ma smras so zhes spyos so// rigs kyi bu de nas bram ze'i rigs shing sa la chen po lta bu'i bu lnga po de dag gis de bzhin gshegs pa dgra bcom pa yang dag par rdzogs pa'i sangs rgyas 'od srungs kyi dpal dang gzi brjid kyang mthong / spobs pa'ang thos tshangs pa'i sgra dbyangs bsgrags pa'ang thos nas/ lhag pa'i bsam pas bla na med pa yang dag par rdzogs pa'i byang chub tu sam+ba bskyed do// rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas 'od srungs kyis/ rigs kyi bu de dag gi lhag pa'i bsam pa thugs su chud nas/ de'i tshe byang chub sems dpa'i sde snod kyi chos kyi rnam grang
- 112b
phyir mi ldog pa'i 'khor lo'i gzungs rdo rje'i tshig chos thams cad skye ba med pa zhes bya ba de lta de ltar yang dag par bstan par mdzad de/ des rigs kyi bu lnga po de dag gis mi skye ba'i chos la bzod pa thob par gyur to/ / rigs kyi bu de ltar na nga ni sangs rgyas kyi ye shes thogs pa mi mnga' bas khyed cag la/ gal te bram ze'i khye'u 'od zer 'phreng des/ rigs kyi bu de dag gi mdun du de bzhin gshegs pa dgra bcom pa yang dag par rdzogs pa'i sangs rgyas 'od srungs kyi bsngags pa brjod cing / mu stegs can rnams kyi bsngags pa ma yin pa brjod par gyur na ni/ des na rigs kyi bu de dag de bzhin gshegs pa dgra bcom pa yang dag par rdzogs pa'i sangs rgyas 'od srungs kyi spyan sngar 'gro ba'i gnas dang skabs kyang med na/ dad pa 'thob par 'gyur ba lta ci smos te/ de ni gnas med do zhes lung ston to// rigs kyi bu de ltar na byang chub sems dpa'i theg pa la yang dag par zhugs pa'i rigs kyi bu lnga po de dag yongs su smin par bya ba'i phyir/ bram ze'i khye'u 'od zer 'phreng gis shes rab kyi pha rol tu phyin pa'i rgyu mthun pa'i thabs la mkhas pas tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras par zad kyi/ rigs kyi bu phyir mi ldog pa'i byang chub sems dpa' ni/ sangs rgyas la nem nur med cing
- 113a
byang chub la'ang som nyi med/ sangs rgyas kyi chos rnams la'ang som nyi med de/ de'ang byang chub sems dpa'i thabs la mkhas pa yin no// rigs kyi bu byang chub sems dpa' de dag yongs su smin par byas shing / las kyi rnam par smin pa bstan pa gang yin pa'i las kyi rnam par smin pa des kyang / ngas lo drug tu dka' ba spyod pa spyad par gyur pas sems can mi shes par spyod pa gzhan dag gis ni/ dge sbyong dang bram ze tshul khrims dang ldan pa dag la lkog nas tshig rtsub po smras la/ de dag gis shes kyang rung // mi shes kyang rung // shes pa dang ldan yang rung / shes pa dang mi ldan yang rung ste/ brjod par gyur na/ de dag yun ring por don med pa dang / gnod pa dang / sdug bsngal ba dang / log par ltung bar 'gyur bas na/ sems can de dag la las kyi bya ba bstan pa'i phyir/ de bzhin gshegs pas las de kun tu ston par zad kyi/ byang chub sems dpa' la ni las kyi sgrib pa cung zad kyang med do// / gzhan yang sems can gang dag dge sbyong dang bram ze tshul khrims dang ldan pa dag la tshig rtsub po smras nas/ bdag la ni thar pa'i skal ba med do snyam nas/ 'gyod pa la gnas shing / phyin chad rtsol bar mi byed pa'i sems can de dag gi 'gyod pa bsal bar bya ba'i phyir/ yang las de kun tu bstan to// de dag 'di snyam du byang chub sems dpa' skye ba gcig gis thogs pas/ de bzhin gshes
- 113b
pa dgra bcom pa yang dag par rdzogs pa'i sangs rgyas 'od srungs kyi gsung rab la chog 'di skad ces byang chub ni mchog tu rnyed par dka' ba yin pas/ dge sbyong mgo reg la byang chub gal yod ces smras kyang / de la rnam par grol ba'i skal ba yod par gyur na/ bdag cag mi shes pa rnams lta smos kyang ci dgos snyam du sems shing / de dag sdig pa'i las kyi nyes pa de'ang 'chags la/ gzhan dag kyang mngon par 'du mi byed par 'gyur ba'i phyir ro// rigs kyi bu gzhan yang gzhan mu stegs can dag gdul ba'i phyir/ byang chub sems dpas lo/ drug tu dka' ba spyad pa kun tu bstan gyi/ las kyi sgrib pa'i rgyus ni ma yin no// de ci'i phyir zhe na/ dge sbyong dang / bram ze rgya shug dang / til dang / 'bras 'bru gcig tsam za zhing / zas gzhan mi za bas rnam par dag par 'gyur bar 'dod pa dag yod pas/ de dag tshar gcad pa'i phyir byang chub sems dpas 'phags pa'i lam la ma brten par rgya shug dang / til dang / 'bras 'bru gcig tsam gyi zas ngan pa za bas rnam par dag par mi nus par bstan pa'i phyir te/ 'di ltar byang chub sems dpas tshig 'di skad ces/ byang chub ni mchog tu rnyed par dka' ba yin pas// dge sbyong mgo reg la byang chub ga la yod ces smras pa'i rgyu ni de yin/ rkyen ni de yin te/ las kyi bya ba de la dmigs nas/ lo drug tu dka' ba spyad pa bstan to// byang chub sems dpas
- 114a
lo drug tu dka' ba spyad pa bstan pas/ lha dang phyi rol pa'i drang srong ngan pa la mos pa sa ya phrag bzhi dang nyis 'bum yang kha zas ngan pa des 'atul nas/ de dag gis ye shes mngon par rtogs par gyur te/ de'ang byang chub sems dpa'i thabs la mkhas pa yin no// ci'i phyir byang chub sems dpas zas la yongs su longs spyad de/ lus kyi stobs dang / shugs dang / mthu yang dag par bskyed nas/ byang chub kyi shing drung du song gi/ lus nyams pa dang / lus nyam chung bzhin du ma song zhe na/ byang chub sems dpes ni/ zas ma zos shing / lus nyams pa dang / lus nyam chung bas kyang byang chub mngon par rdzogs par 'tshang rgya bar nus na/ zas ngan pa zos pas lta ci smos te/ 'on kyang skye bo phyi ma dge ba'i rtsa ba yong su ma smin pa zas mi za bas byang chub yongs su btsal bar sems pa de dag bkres pas yongs su gdungs pas/ ye shes bsgrub par mi nus pa de dag la snying brtse ba'i phyir/ byang chub sems dpas zas la yongs su longs spyad do/ / de ci'i phyir zhe na/ bde bar gyur pa rnams kyis ni chos rnams mngon par brjod par nus kyi/ sdug bsngal bar gyur pa rnams kyis ni mi nus pas/ ngas sems can de dag la bde bas ye shes rtogs pa kun tu bstan par bya ba'i phyir te/ ji lta zhe na/ byang chub sems dpa' nyid kyang grong mi'i bu mo'i zas la yongs su longs spyad nas/ zas kyi bde ba
- 114b
nyid kyis byang chub thob bo zhes sems can rnams nga'i rjes su slob par 'gyur ba'i phyir ro/ / des na byang chub sems dpas grong mi'i bu mo legs skyes ma'i byang chub kyi phyogs kyi chos rnams yongs su rdzogs par bya ba dang / skye bo phyi ma rnams la rjes su snying brtse ba'i phyir/ byang chub sems dpas de'i kha zas yongs su longs spyad nas/ byang chub thob par kun tu bstan par zad kyi/ rigs kyi bu byang chub sems dpas ni bsam gtan dang / ting nge 'dzin gyi dga' ba dang / mchog tu dga' ba gcig gis kyang bskal pa 'bum phrag mang por kha zas med par gnas par nus te/ de'ang byang chub sems dpa'i thabs la mkhas pa yin no/ / ci'i phyir byang chub sems dpa' rtswa dge slong bar byed ce na/ sngon gyi de bzhin gshegs pa de dag kyang rtswa'i gdang ba la mos shing / gdan la gdu ba ma yin pas/ chog shes pa nyid kyi phyir dang / rtswa 'tshong bkra shis pa'i byang chub kyi phyogs kyi chos rnams yongs su rdzogs par bya ba'i phyir ro// des kyang byang chub sems dpa' la rtsa dag phul nas/ bla na med pa yang dag par rdzogs pa'i byang chub tu sems bskyed pas na/ de'ang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rdul bral zhes bya bar 'gyur ro zhes ngas lung bstan te/ de'ang byang chub sems dpa'i thabs la mkhas pa yin no// ci'i phyir byang chub sems dpa' byang chub kyi shing drung du 'dug nas
- 115a
bdud sdig can ma 'ongs par myur ba myur bar byang chub mngon par rdzogs par 'tshang rgya bar mi byed ce na/ rigs kyi bu byang chub sems dpas skabs ma bye bar bdud sdig can byang chub kyi shing drung du 'ong ba ni gnas med cing skabs med de/ de ni gnas med mod kyi/ rigs kyi bu 'on kyang byang chub sems dpa' byang chub kyi shing drung du 'dug pa na 'di snyam du sems te/ gling chen po bzhi pa'i 'dod pa'i khams 'di na dbang phyug ni su yin/ sems can 'di dag ni su'i dbang du song snyam pa dang / de 'di snyam du sems te/ de ni bdud sdig can yin te// de'i dbang du song ngo snyam nas/ de na byang chub sems dpa' 'di snyam du sems te/ bdag gis bdud sdig can dang g.yul sprad de/ de las rgyal bar byas na/ 'dod pa'i khams thams cad las kyang rgyal bar 'gyur la/ bdud kyi 'khor mang po'ang 'du bar 'gyur/ gnod sbyin gyi 'khor dang / srin po'i 'khor dang / dri za'i 'khor dang / lha ma yin gyi 'khor yang 'du bar 'gyur zhing / 'khor mang po 'dus pa dag gis byang chub sems dpa'i seng ge'i rnam par brtse ba mthong na/ bla na med pa yang dag par rdzogs pa'i byang chub tu sems skyed cing / smon lam 'debs par yang 'gyur la/ gzhan gang dag gis mthong ba de dag la'ang yongs su mya ngan las 'da' ba'i bar gyi rgyur 'gyur ro snyam ste/ rigs kyi bu de nas byang chub sems dpa' byang chub kyi
- 115b
shing drung na 'dug pas mdzod spu nas 'od rab tu bkye'o/ / 'od des stong gsum gyi stong chen po'i 'jig rten gyi khams 'di snang bar byas shing / nyi ma dang zla ba'i 'od dag kyang yongs su gtugs te/ bdud kyi gnas thams cad spa bkong nas/ 'od de las sgra 'di lta bu byung ngo // shAkya'i sras po de shAkya'i khab nas mngon par byung ste/ de ni de byang chub mngon par rdzogs par 'tshang rgya bar 'gyur bas/ bdud kyi yul las yang dag par 'da' zhing / sems can brgya stong dpag tu med pa gzhan dag kyang bdud kyi yul las yang dag par 'da' bar byed par 'gyur bas/ bdud kyi phyog nyung pa dang / bdud kyi 'khor nyung bar 'gyur gyi/ khyod song la de dang g.yul spyod cig/ rigs kyi bu de nas 'od des bdud sdig can la yang dag par bskul ba na/ de mya ngan gyi zug rngu chen pos gzir bar gyur te/ khro zhing rnga ma bzhin du de'i mod la dpung gi tshogs yan lag bzhi pa bshams shing bsdus nas/ byang chub kyi shing drung ga la ba der song ste/ byang chub sems dpa' la bgegs bya ba'i phyir dpag tshad sum cu rtsa gnyis kho ra khor yug tu bdud kyi dmag gis gang bar byas so/ / de nas byang chub sems dpa' shes rab rin po che dang / byams pa chen po dang / snying rje chen po la gnas nas shes rab rin po che las nges par byung ba'i phyag gser gyi kha dog lta bus sa gzhi chen po la brdabs te/ byams pa'i stobs kyis bdud kyi sde thams cad pham par mdzod/ bdud kyi
- 116a
sde pham par mdzad ma zag tu/ g+ha dang / klu dang / gnod sbyin dang / dri za dang / mi 'am ci dang / lto 'phye chen po dang / grul bum bye ba phrag brgyad du bzhis byang chub sems dpa'i dpal dang / gzi brjid dang / sku mdog dang / gzugs dang / dbyibs kyang mthong / stobs dang / shugs dang / mthu dang / seng ge rnam par brtse ba'ang mthong nas/ bla na med pa yang dag par rdzogs pa'i byang chub tu sems bskyed par gyur te/ de'ang byang chub sems dpa'i thabs la mkhas pa yin no// ci'i phyir de bzhin gshegs pas byang chub brnyes nas/ zhag bdun du skyil mo krung mi 'jig par shing gi rgyal po la spun mi 'dzums par gzigs she na/ de na gzugs na spyod pa'i lha'i bu rab tu zhi bar spyod pa dag kyang 'khod la de dag gis de bzhin gshegs pa skyil mo krung gis bzhugs pa mthong nas/ dga' ba dang / dang ba dang / mchog tu dga' ba chen po skyes shing / dga' ba dang / dang ba dang / mchog tu dga' ba skyes pa de dag 'di snyam du sems te/ bdag cag gis dge sbyong go'u ta ma'i sems ci la rten pa nges par brtag par bya'o snyam nas/ de dag gis zhag bdun du sems gcig tu bsdus te brtags kyang de bzhin gshegs pa'i thugs ci la rten pa ma rtogs nas/ de dag dga' ba dang / dang ba dang / mchog tu dga' ba rgya chen po skyes nas/ lha'i bu sum khri nyis stong gis bdag
- 116b
cag kyang ma 'ongs pa'i dus na 'di ltar rab tu zhi ba'i spyod pas byang chub kyi shing la rtog par gyur cig ces/ bla na med pa yang dag par rdzogs pa'i byang chub tu sems bskyed par gyur te/ gang gi phyir de bzhin gshegs pas byang chub brnyes nas/ zhag bdun du skyil mo krung mi 'jig par shing gi rgyal po la spyan mi 'dzums par gzigs pa'i rgyu ni de yin/ rkyen ni de yin te/ de ni de bzhin gshegs pa'i thabs la mkhas pa yin no/ / ci'i phyir de bzhin gshegs pas bskal pa grangs med pa nas/ rnam par thar pa'i sgos sems can thams cad dbugs phyung zhing mgron du gnyer nas/ tshangs pas gsol ba ma btab par chos ston par mi mdzad ce na/ rigs kyi bu 'di la de bzhin gshegs pa 'di snyam du dgongs te/ lha dang mir bcas pa'i 'jig rten ni phal cher tshangs pa la rten cing / tshangs pa gtso bor 'dzin pa yin pas/ de dag 'di snyam du bdag cag ni tshangs pas sprul to// bdag cag ni tshangs pa las skyes te/ tshangs pa ma gtogs par 'jig rten gyi byed pa po gzhan yang med la/ ston pa'ang gzhan med do snyam du sems pas/ de na de bzhin gshegs pa 'di snyam du dgongs te/ bdag gis tshangs pa 'ong bar byas shing / tshangs pa la bsdad de/ tshangs pas phyag byas na/ tshangs pa la rten pa lha dang bcas pa'i 'jig rten yang de bzhin gshegs pa la phyag 'tshal bar 'gyur la/ tshangs pas gsol ba
- 117a
btab nas/ de bzhin gshegs pa chos ston par mdzad kyi/ ma gsol bar ma bstan na/ de dag nga'i chos kyang 'dzin du nges so snyam du dgodadra ba'i phyir te/ tshangs pa'ang de bzhin gshegs pa nyid kyi mthus/ 'di lta ste/ chos kyi 'khor lo bskor bar gsol ba gdab pa'i phyir 'ongs par zad kyi/ tshangs pa nyid la ni bdag gis de bzhin gshegs pa la gsol ba gdab par bya'o// zhes yid la byed pa'i sems gcig tsam yang med do// de ltar na tshangs pa la rten pa'i sems can rnams kyi tshangs pa la nges pa spang ba'i phyir/ de bzhin gshegs pas tshangs pa 'ong bar mdzad cing / tshangs pa la gzhes te/ gang gi tshe tshangs pas chos kyi 'khor lo bskor bar bskul ba'i phyir/ de bzhin gshegs pa la gsol ba btab pa de'i tshe na/ tshangs pa drug khri brgyad stong gis sangs rgyas bcom ldan 'das 'di ni sems can thams cad kyi mchog yin no/ / 'di ni gtso bo yin no// 'di ni rab mchog yin te/ bdag cag kyang ye shes 'di lta bu dang / yon tan 'di lta bu dang ldan par gyur cig ces bla na med pa yang dag par rdzogs pa'i byang chub tu sems bskyed par gyur te/ de'ang de bzhin gshegs pa'i thabs la mkhas pa yin no// de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu de bzhin gshegs pas sems can rnams la las kyi rgyud bcu po 'di dag bstan pa de'ang byang chub sems dpa' dang /
- 117b
bzhin gshegs pa'i thabs la mkhas pa yin par yang blta bar bya/ ldem po ngag yin par yang blta bar bya ste/ rigs kyi bu byang chub sems dpa' ni mi dge ba than skra'i rtse mo'i cha shas tsam du zab 'ga' dang ldan na'ang byang chub kyi snying por byang chub kyi shing drung du 'dug nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i gnas med skabs ma yin te/ de ni gnas med do/ / de ci'i phyir zhe na/ rigs kyi bu de bzhin gshegs pa ni dge ba'i chos thams cad dang ldan zhing / mi dge ba'i chos spang ba thams cad spangs pa ste/ rigs kyi bu de bzhin gshegs pa la ni sdig pa'i las mngon par 'du bya ba'i lhag ma ma spangs pa/ bag chags kyi mtshams sbyor ba tsam yang mi mnga' na/ las kyi sgrib pa lta smos kyang ci dgos te/ de ni gnas med pa'i phyir ro// 'on kyang sems can gang dag las kyi rnam par smin pa chung gson cing / las kyi rnam par smin pa la ma dad pa'i sems can de dag la las kyi rnam par smin pa kun tu bstan par bya ba'i phyir/ de bzhin gshegs pa las kyi rgyud kun tu ston par yang mdzad de/ chos kyi bdag po nga la'ang las rnam par smin bar 'gyur na/ khyed cag la lta ci'i phyir las rnam par smin par mi 'gyur zhes de dag la las kyi rnam par smin pa kun tu bstan par bya ba'i phyir/ de bzhin gshegs pa las kyi rgyud ston par mdzad kyi/ de bzhin gshegs pa la ni las kyi sgrib pa cung zad kyang mi
- 118a
mnga' 'o/ / rigs kyi bu 'di lta ste/ dper na yi ge dang / grangs dang / lag rtsis legs par bslabs pa'i slob dpon ni/ byis pa rnams bslab pa'i don du byis pa rnams bongad pa'i tshul gyis/ yi ge'i phyi mo dag klog tu 'jug par zad de/ de ni de la mi shes pa dang sgrib pa med mod kyi/ 'on kyang byis pa rnams kyis bdag las thos nas/ ci nas kyang yi ge dang grangs dang / lag rtsis dang / bgrang ba dag gi rjes su slob cing / byang bar bya ba de'i ched du yi ge'i phyi mo dag klog tu 'jug pa de bzhin du/ rigs kyi bu de bzhin gshegs pa chos thams cad la legs par bslabs pa de'ang ji lta ji ltar sems can gzhan dag gi las yongs su dag par 'gyur ba de lta de ltar gsung zhing / de lta de ltar las nye bar ston par yang mdzad do// rigs kyi bu 'di lta ste/ dper na sman pa nad thams cad rab tu zhi bar bya ba la legs par bslabs pa ni/ nad med bzhin du sems can nad pa rnams kyi mdun du sman tsha ba dag gi ro myang bar byed cing / bsngags parjod par yang byed/ rab tu bsngags pa rjod par yang byed de/ nad pa rnams kyis de mthong nas sman tsha ba de dag 'thung bar byed/ yongs su longs spyod par byed cing / de dag nad de dag las yongs su thar par 'gyur ba de bzhin du/ rigs kyi bu de bzhin gshegs pa sman pa'i rgyal po chen po nyon mongs pa'i nad thams cad las yongs su thar pa/ chos thams cad la sgrib pa mi mnga' ba brnyes pa'ang /
- 118b
las dge ba dang mi dge ba 'di'i 'bras bu rnam par smin pa ni 'di yin no zhes las kun tu ston par mdzad cing / ji ltar na sems can rnams las kyi sgrib pas 'jigs shing skrag pa dang // lus kyi las dang / ngag gi las dang / yid kyi las yongs su dag par 'gyur snyam nas/ bsam bzhin du las kun tu ston par yang mdzad do// rigs kyi bu 'di lta ste/ dper na tshong dpon gyi bu 'am/ khyim bdag gi bu btsas nas ring por ma lon pa zhig la/ pha ma dag gis ma ma zhig byin par gyur na/ ma ma de nad med par gyur bzhin du/ 'di lta ste/ khye'u de'i 'o ma yongs su dag par bya'o snyam nas/ sman kha ba dang bsku ba dag so sor brtags shing 'thung bar byed pa de bzhin du/ rigs kyi bu de bzhin gshegs pa 'jig rten thams cad kyi yab kyang snyun mi mnga' ba brnyes bzhin du/ las kyi bya ba chud gson pa'i sems can yongs su smin par bya ba'i phyir/ las kun tu ston par mdzad de/ las che ge mo zhig gi rnam par smin pa ni 'di yin no/ zhes thos na/ sems can de dag yid byung ba thob par 'gyur zhing / de dag yid byung na sdig pa'i las mngon par 'du byed par mi 'gyur te/ de'ang de bzhin gshegs pa'i thabs la mkhas pa yin no// de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu sngon byung ba 'das pa'i dus na/ de bzhin gshegs pa dgra
- 119a
bcom pa yang dag par rdzogs pa'i sangs rgyas mar me mdzad kyi pha rol gyi yang ches pha rol na/ tshong pa nor 'dod pa lnga brgya tsam zhig rgya mtsho chen por zhugs pa dang / de'i tshe na 'gron pa de dag nyid kyi nang na mi las nag po byed pa/ sdig pa'i las byed pa/ 'phong rtsal gyi rig pa legs par bslabs pa/ chom rkun byed pa/ tshong pa'i cha lugs kyis gzhan gyi nor 'phrog pa zhig kyang gru po che de nyid kyi nang du zhugs par gyur to/ / de nas de 'di snyam du sems te/ bdag gis gang gi tshe tshong pa 'di dag don grub cing bya ba byed pa de'i tshe na/ tshong pa 'di dag thams cad srog dang phral la/ nor rdzas kyi rnam pa thams cad khyer te 'dzam bu'i gling du 'gro'o snyam du sems so// rigs kyi bu de nas tshong pa de dag don grub ste pha rol tu 'gro 'dod par 'gyur ba dang / de nas mi g.yon can gyi rang bzhin can de 'di snyam du sems te/ da ni bdag gis tshong pa 'di dag thams cad srog dang phral la/ nor rdzas kyi rnam pa 'di dag thams cad khyer te 'dzam bu'i gling du 'gro ba'i dus la bab bo snyam pa dang / de'i tshe na ded dpon snying rje chen po dang ldan pa zhes bya ba zhig kyang gru bo che de nyid kyi nang du zhugs par gyur te/ de nas ded dpon snying rje chen po dang ldan pa zhes bya ba de gnyid log ste/ rmi lam rmib na/ rgya mtsho chen po de nyid na gnas pa'i lha gang yin pa des de'i rmi lam du bstan pa/ 'gron pa 'di nyid kyi nang na mi ming ni 'di zhes bya/ gzugs ni 'di 'ang/ cha byad dang / kha dog dang / dbyings
- 119b
ni 'di 'dra ba/ chom rkun pa/ 'khu ba gzhan gyi nor 'phrog pa zhig 'dug pa des 'di ltar sems bskyed de/ bdag gis tshong pa 'di dag thams cad srog dang bral la/ nor rdzas kyi rnam pa 'di dag thams cad khyer te 'dzam bu'i gling du 'gro'o snyam du sems pas/ gal te mi 'dis tshong pa 'di dag thams cad srog dang phral bar gyur na ni/ de'i tshe sdig pa'i las dam po byas par 'gyur ro// de ci'i phyir zhe na/ 'di ltar tshong pa lnga brgya tsam po 'di dag thams cad ni bla na med pa yang dag par rdzogs pa'i byang chub la yang dag par zhugs shing / byang chub las phyir mi ldog pa sha sdug yin pa'i phyir te/ gal te mi 'dis byang chub sems dpa' 'di dag bsad par gyur na/ de las kyi sgrib pa'i nyes pa des/ byang chub sems dpa' re re'i phyir yang byang chub sems dpa' gcig gis yun ring po ji srid kyis bla na med pa yang dag par rdzogs pa'i byang chub yang dag par sgrub par 'gyur ba'i yun ring po de srid du sems can dmyal ba chen po rnams su sreg par 'gyur bas/ de la ded dpon khyod kyis de lta bu las brten te/ ci nas kyang mi 'dis tshong pa lnga brgya tsam po 'di dag gsad par mi 'gyur ba dang / 'di'ang sems can dmyal ba chen po rnams su 'gro bar mi 'gyur ba de lta bu'i thabs la mkhas pa bsam par gyis shig ces bstan to/ / rigs kyi bu de nas ded dpon snying rje chen po dang ldan pa de sad nas/ 'di snyam du sems te/ mi 'dis tshong pa lnga brgya tsam po 'di dag
- 120a
kyang gsad par mi 'gyur la/ 'di'ang sems can dmyal ba chen po rnams su 'gro bar mi 'gyur ba'i thabs ci yod snyam nas/ de zhag bdun gyi bar du 'dzam bu'i glung du 'gro ba dang mi mthun pa'i rlung langs te sdod pa'i tshe zhag bdun du su la'ang mi smra bar sems pa la zhugs par gyur pa na/ de 'di snyam du sems te/ 'di la tshong ba 'di dag kyang gsang bar mi 'gyur la/ mi 'di'ang sems can dmyal ba chen po rnams su 'gro bar mi 'gyur ba'i thabs ni/ mi 'di nyid srog dang dpral bar bya ba ma gtogs par gzhan med do snyam nas/ de 'di snyam du sems te gal te bdag gis don 'di tshong pa thams cad la bsgrags par gyur na ni/ 'di dag gis rab tu sdang ba'i sems kyis mi 'di'ang srogs dang phral zhing gsad par 'gyur la/ 'di dag thams cad kyang sems can dmyal ba rnams su 'gro bar 'gyur ro snyam nas/ de yang 'di snyam du sems te/ 'di ltar bdag gis mi 'di srog dang phral nas/ gzhi des bdag bskal pa 'bum du sems can dmyal ba chen po rnams su sreg par 'gyur yang / bdag gis sems can dmyal ba chen po'i sdug bsngal myong bar 'gyur ba de la spro bar bya'i// tshong pa lnga brgya tsam po 'di dag srog dang phral bar gyur na'ang mi rung / mi 'di la sdig pa'i las de snyed cig rab tu 'phel bar gyur na'ang mi rung bas/ bdag rang gis mi 'di srog dang dpral bar bya'o snyam nas/ rigs kyi bu de ltar ded dpon
- 120b
snying rje chen po dang ldan pa des/ tshong pa lnga brgya tsam po de dag kun tu bsrung ba dang / mi de'ang sems can dmyal ba chen po rnams su 'gro ba las kun tu bsrung ba'i phyir/ snying rje chen po dedang thabs/ la mkhas pa des bsam bzhin du/ chom rkun pa'i mo de mdung thung gis btab ste srog dang phral nas/ 'gron pa thams cad kyang don grub cing rang rang gi grong khyer du phyin par gyur to// rigs kyi bu de'i tshe de'i dus na/ ded dpon snying rje chen po dang ldan pa zhes bya bar gyur pa de gzhan zhig yin snyam du khyod yid gnyis dang the tshom za bar gyur na de ltar mi blta'o// de ci'i phyir zhe na/ nga nyid de'i tshe/ de'i dus na// ded dpon snying rje chen po dang ldan pa zhes bya ba der gyur pa'i phyir ro// tshong pa lnga brgya tsam po gang dag gru bo che de nyid du zhugs par gyur pa de dag ni/ gang dag bskal pa bzang po 'di la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba bskal pa bzang po'i byang chub sems dpa' lnga brgya yin no/ / rigs kyi bu ngas thabs la mkhas pa de dang snying rje chen po des bskal pa 'bum du 'khor ba bsnyil te bor bar gyur to/ / chom rkun pa de'ang de nas shi 'phos nas mtho ris kyi 'jig rten du skyes so// rigs kyi bu 'di ji snyam du sems/ gang gi phyir thabs la mkhas pa de dang / snying rje chen po des bskal pa 'bum gyi bar du 'khor ba bsnyil te bor bar gyur pa'i don de byang chub sems pa'i las kyi sgrib pa yin par blta snyam na//
- 121a
khyod kyis de ltar mi blta ste/ de ni thabs la mkhas pa nyid yin par blta bar bya'o// // bam po bzhi pa ste tha ma'o// rigs kyi bu de bzhin gshegs pas sems can las kyi bya ba la gzud pa'i phyir/ thabs la mkhas pas seng ldeng gi tshol pa zhabs la zug par bstan te/ de bzhin gshegs pa'i zhabs la seng ldeng gi tshal pas zug pa gang yin pa de'ang sangs rgyas kyi mthu nyid yin par blta bar bya'o/ / de ci'i phyir zhe na/ de bzhin gshegs pa'i sku ni rdo rje mkhregs pa ltar mi shigs pa'i sku yin pa'i phyir ro/ / rigs kyi bu 'on kyang mnyan yod kyi grong khyer chen po 'di nyid na srid pa mtha' ma pa'i mi nyi shu dang / mi nyi shu po de dag nyid kyi dgra bo ma nyi shu zhig kyang yod par gyur te/ de nas mi dgra bo nyi shu po de dag rang rang gi sgyu dag gis 'di lta bu'i rnam par rtog pa skyes par gyur te/ bdag cag gis mdza' bshes ltar bcos te/ rang rang gi dgra bo rnams kyi khyim du zhugs la de dag srog dang dbral bar bya'o snyam du bsam te/ gcig la gcig tshig tu ni ma smras so// rigs kyi bu de nas sangs rgyas kyi mthus srid pa mtha' ma pa'i mi nyi shu po gang dag yin pa de dag dang mami de dag gi dgra bo gsod pa po'i mi nyi shu po gang dag yin pa de dag de bzhin gshegs pa dgra bcom pa yang dag par rdzogs pa'i sangs rgyas ga la ba der dong ngo / / rigs kyi bu de nas de bzhin gshegs
- 121b
pa dgra bcom pa yang dag par rdzogs pa'i sangs rgyas kyis mi bzhi bcu po de dag gdul ba'i dbang gi phyir dang / skye bo phal po che gzhan dag kyang gdul ba'i dbang gi phyir/ gnas brgyar mo'u 'gal gyi bu chen po la bka' stsal pa/ mo'u 'gal gyi bu chen po deng sa phyogs 'di nas seng ldeng gi tshol pa zhig 'byung bar 'gyur te/ des de bzhin gshegs pa'i zhabs g.yas pa'i mthil du zug par 'gyur ro/ / de bzhin gshegs pas de skad ces bka' stsal nas ring po ma lon par/ de nas de'i mod la sa phyogs de nyid nas seng ldeng gi tshal pa rnon po mtho gang tsam gyi tshad cig byung bar gyur to// de nas bcom ldan 'das la gnas brtan mo'u 'gal gyi bu chen pos 'di skad ces gsol to// bcom ldan 'das bdag gis seng ldeng gi tshal pa 'di 'jig rten gyi khams gzhan du dor bar bgyi/ lags so// ngas de la 'di skad ces bka' stsal to// mo'u 'gal gyi bu chen po khyod kyis seng ldeng gi tshal pa 'dis phyogs 'di nas gzhan du dor bar mi nus so// rigs kyi bu de nas gnas brtan mo'u 'gal gyi bu chen pos stobs kyi shugs kyis seng ldeng gi tshal pa de bzung ba dang / 'di ltar stong gsum gyi stong chen po'i 'jig rten gyi khams 'di kha gyen du bltas te/ rab tu g.yos par gyur kyang / seng ldeng gi tshal pa de ni tha na skra'i rtse mo'i cha shas tsam yang mi 'gul lo// rigs kyi bu de nas de bzhin gshegs pa rdzu 'phrul gyi stobs kyis rgyal chen bzhi'i ris kyi lha/
- 122a
rnams kyi gnas su gshegs pa dang / seng ldeng gi tshil pa de'ang rgyal chen bzhi'i ris kyi lha rnams kyi gnas su 'ongs so// de nas de bzhin gshegs pa sum cu rtsa gsum pa'i lha rnams kyi gnas su ri rab kyi steng du gshegs pa dang / seng ldeng gi tshal pa de'ang ri rab kyi steng du 'ongs so// de nas de bzhin gshegs pa 'thab bral dang / dga' ldan dang / 'phrul dga' dang/ gzhan 'phrul dbang byed kyi lha rnams kyi gnas su'ang gshegs/ tshangs pa'i 'jig rten gyi bar du'ang gshegs pa dang / seng ldeng gi tshal pa de'ang tshangs pa'i 'jig rten gyi bar du 'ongs so// de nas de bzhin gshegs pa tshangs pa'i 'jig rten nas babs te/ gdan la bzhugs pa dang / seng ldeng gi tshal ba de'ang tshangs pa'i 'jig rten nas babs te/ bcom ldan 'das kyi spyan sngar 'dug go/ / rigs kyi bu de nas de bzhin gshegs pas phyag g.yas pas zhabs g.yas pa bzung ste/ seng ldeng gi tshel pa rtse mo ya gcig sa la zug la/ rtse mo ya gtsig sa las gyen du lha bde'i steng du zhabs bzhag go/ bcom ldan 'das kyis seng ldeng gi tshal ba'i steng du zhabs bzhag ma thag tu/ de nas de'i mod la stong gsum gyi stong chen po'i 'jig rten gyi khams 'di rab tu g.yos par gyur to/ / de nas nga la gnas brtan kun dga' bos 'di skad ces gsol to// btsun pa bcom ldan 'das/ bcom ldan 'das kyis sngon 'phrin las kyi sgrib pa ci zhig mdzad lags na/
- 122b
de'i rnam par smin pa 'di lta bur gyur lags/ ngas de la 'di skad ces bka' stsal to// kun dga' bo sngon nga rgya mtsho chen po'i nang du song ba na tshong pa g.yon can zhig mdung zung gis btab ste srog dang phral bar gyur pas/ 'di na les de'i lhag ma yin no// rigs kyi bu de nas mi nyi shu de dag gsod par 'dod pa'i mi mdza' bshes ltar bcos pa'i mi nyi shu po gang dag yin pa de dag 'di snyam du sems te/ de bzhin gshegs pa chos kyi bdag po la'ang las rnam par smin par 'gyur na/ bdag cag la lta ci'i phyir rnam par smin par mi 'gyur snyam nas/ de dag gis de'i mod la de bzhin gshegs pa'i spyan sngar btsun pa bcom ldan 'das bdag cag kyang srog chags 'gums pa dang / rjes su 'gums par 'tshal ba lags te/ bdag cag bcom ldan 'das kyi spyan sngar nor/ pa de dag nongs par 'chags shing mchis na/ btsun pa bcom ldan 'das kyis bdag cag gis nongs pa la nongs par bshags pa de dag rjes su gzung du gsol zhes nyes pa la nyes par bshags so// bzhin gsheg pas de dag la las kyi bya ba dang / las zad par 'gyur ba las brtsams te/ de lta de ltar chos bstan pas mi bzhi bcu po gang dag yin pa de dag gis ni ye shes mngon par rtogs par bya/ to/ srog chags gzhan bzhi khris ni chos mngon par rtogs par gyur to// gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi zhabra la seng ldeng gi tshal pas rngu/
- 123a
par gyur pa'i rgyu ni de yin/ rkyen ni de yin te/ de'ang byang chub sems dpa' dang/ de bzhin gshegs pa'i thabs la mkhas pa yin no// ci'i phyir de bzhin gshegs pa snyun dang bral ba/ sman pa'i rgyal po 'tsho byed las bkru sman ut+pa la ha sta gan d+ha bslangs te gsol bar mdzad ce na/ rigs kyi bu de'i tshe na so sor thar pa'i bslab pa bcas nas ring po ma lon pa zhig na/ dge slong rnam par grol bar 'gyur ba'i srid pa mtha' ma pa lnga brgya zhig nags khrod cig na gnas pa de dag la 'di ltar sman bkus te bor bas 'tsho bar mi nus pa de lta bu'i nang byung bar gyur nas/ de dag de bzhin gshegs pa la gus pas sman gzhan sten par mi byed tshol bar mi byed do// rigs kyi bu de nas de bzhin gshegs pa 'di snyam du dgongs te/ ngas dge slong de dag sman// gzhan zhig tshol zhing ston par rjes su gnang bar bya ba'i thabs ni ci yod/ rnam grangs ni ci yod snyam du dgongs so// de ci'i phyir zhe na/ 'di ltar gal te de bzhin gshegs pas dge slong rnam la sman gzhan dag rjes su ma gnang na/ phyi ma'i dus kyi tshe dge slong rnams 'phags pa'i rigs kyi rjes su 'jug par mi 'gyur zhing / 'phags pa'i rigs 'dral bar 'gyur ba'i phyir te/ de bas na de bzhin gshegs pas thabs la mkhas pas/ sman pa'i rgyal po 'tsho byed las bkru sman ut+pa la ha sta gan d+ha bslangs te gsol ba dang / de nas gnas gtsang ma'i ris kyi lha'i bu rnams kyis dge slong de
- 123b
dag la 'di skad ces smras so/ / tshe dang ldan pa dag khyed cag sman gzhan dag tshol la 'chi ba'i dus byed par mi 'gyur bar gyis shig/ dge slong de dag gis 'di skad ces smras so/ lha'i bu dag kho bo cag ni de bzhin gshegs pa'i bslab pa las yang dag par 'da' ba'i mthu med cing dbang med pa yin pas/ shi bar gyur kyang kho bo cag ni de bzhin gshegs pa'i bslab pa las yang dag par 'da' bar mi byed do/ / de nas gnas gtsang ma'i rigs kyi lha'i bu rnams kyis dge slong de dag la 'di skad ces smras so// tshe dang ldan pa dag de bzhin gshegs pa chos kyi bdag po de nyid kyis kyang sman bkus te bor ba spang nas sman gzhan btsal gyis/ khyod cag kyang sman gzhan tshol cig/ de nas dge slong de dag 'gyod pa dang bral nas sman gzhan btsal te bsten pa dang / de dag nad de las yongs su// thar nas nad dang bral ba de dag gis zhag bdun gyis dgra bcom pa nyid mngon du byas so// rigs kyi bu gal te de bzhin gshegs pas sman gzhan btsal ba ma mdzad du zin na/ dge slong de dag kyang sman gzhan tshol bar mi byed pas/ de dag nad de las thar pa dang / nyon mongs pa rnams las grol zhing / dgra bcom pa nyid 'thob par 'gyur ba'i gnas med de/ skab ma yin zhing / de ni gnas med de/ de'ang de bzhin gsheg pa'i thabs la mkhas pa yin no/ / ci'i phyir de bzhin gshegs pa bsod nams thams cad dang ldan pa grong du bsod snyom gyi phyir ji ltar lhung bzed bkrus pas zhugs pa/
- 124a
bzhin du phyir yang byung bar gyur ce na/ rigs kyi bu de la de bzhin gshegs pa la ni las kyi sgrib pa cung zad kyang mi mngar mod kyi/ 'on kyang de bzhin gshegs pas ni skye bo phyi ma rnam la thugs brtse ba dang / rjes su bsrung bar bya dgos te/ dge slong bsod snyoms pa gang la la dag grong dang / grong khyer dang / grong rdal dang / yul 'khor dang / rgyal po'i pho brang 'khor dag tu bsod snyoms kyi phyir zhugs pa na/ de dag bdag nyid bsod nams chung bas bsod snyom mi rnyed pa de'i tshe mde dag de bzhin gshegs pa yid la byed par 'gyur te/ de bzhin gshegs pa bsod nams tham cad kyi gzi brjid kyis mngon par 'bag pa de nyid kyang grong du bsod snyoms kyi phyir ji ltar lhung bzed bkrus pas zhugs pa de bzhin du bsod snyoms ma rnyed par phyir byung bar gyur na/ bdag cag dge ba'i rtsa ba chung ngu dang ldan pa rnams la lta smos kyang ci dgos te/ de bas na bdag cag bsod snyoms ma rnyed pas yi chad pa bskyed par mi bya'o snyam du sems par 'gyur ba'i phyir te/ don gyi dbang de gzigs pas na de bzhin gshegs pa bsod snyoms kyi phyir ji ltar lhung bzed bkrus pas grong du zhugs pa bzhin du phyir yang byung bar gyur to/ / gzhan yang gang la la dag 'di skad ces gang dag gis de bzhin gsheg pa la bsod snyoms ma phul ba'i bram ze dang khyim bdag de dag ni bdud sdig can gyis byin gyis bslab so zhes smra na/ rigs kyi bu de ltar mi blta'o// de ci'i phyir zhe na/ bdud sdig can gyis ni/ de bzhin
- 124b
gshegs pa la bar chad bya bar mi nus pa'i phyir te/ gzhan du na de bzhin gshegs pa nyid kyi byin gyi rlabs kyis bdud sdig can gyis bram ze dang khyim bdag de dag byin gyis brla par zad kyi rang gyi blos ni ma yin no/ / de la de bzhin gshegs pa la ni las kyi sgrib pa cung zad kyang mi mnga' mod kyi/ sems can de dag nyid yong su smin par bya ba'i phyir/ de bzhin gshegs pa ji ltar lhung bzed bkrus pas grong du zhug pa bzhin du phyir yang byung bar gyur to/ / zhal zas bcad pa de'i tshe na/ de bzhin gshegs pa dang / dge slong gi dge 'dun la yang mi bde ba med cing / sngon ji lta ba bzhin du phyis kyang de bzhin te/ mtho ba'ang med/ dma' ba'ang med par gyur to// de nas de'i mod la lha'i bu bdun khris dad pa thob par gyur nas/ de bzhin gshegs pa la rab tu btud pa dang / de bzhin gshegs pas kyang de dag la ci nas kyang de dag thams cad chos rnams la chos kyi mig rdul med cing dri ma dang bral ba rnam par dag par 'gyur ba de lta de ltar chos bstan to/ / bram ze dang khyim bdag de dag gis kyang dus gzhan zhig gi tshe na/ ston pa bcom ldan 'das kyi yon tan dang chog shes pa dag thos nas/ bcom ldan 'das kyi spyan sngar lhags te nyes pa la nyes par bshags pa dang / de bzhin gshegs pas kyang de dag la 'phags pa'i bden pa bzhi'i gtam yang dag par bstan pa mdzad pas/ de na lha dang mi rnams kyi skye dgu las srob chags nyi khri nyis stong chos rnams la chos kyi mig rdul med cing dri ma dang bral ba rnam
- 125a
par dag ste/ gang gi phyir de bzhin gshegs pa bram ze'i grong shing sa la chen po can du bsod snyoms kyi phyir ji ltar lhung bzed bkrus pas zhugs pa bzhin du phyir byung ba'i rgyu ni de yin// rkyen ni de yin te/ de'ang de bzhin gshegs pa'i thab la mkhra ba yin no// ci'i phyir bram ze'i bu mo dregs mas shing gi gzhong bu lto bar bcings te/ dge sbyong khyod kyis kho mo sbrum par byas kyi/ kho mo la zas dang gos byin cig ces/ de bzhin gshegs pa la skur pa btab par gyur ce na/ rigs kyi bu de bzhin gshegs pa la ni las kyi sgrib pa cung zad kyang mi mnga' ste/ de bzhin gshegs pas bram ze'i bu mo dregs ma 'jig rten gyi khams gang+gA'i klung gi bye ma snyed du 'bang bar yang spyod mod kyi/ de bzhin gshegs pa des mkhyen bzhin du btang snyoms mdzad cing thabs la mkhas pas las kyi bya ba kun tu bstan pa mdzad do/ / de ci'i phyir zhe na/ phyi ma'i dus na bstan pa 'di la rab tu byung ba'i dge slong dag 'byung bar 'gyur te/ de dag la yang dag pa ma yin pa'i skur pa btab pas/ de dag 'gyod pa dang / sems zhum par 'gyur zhing / de dag mngon par mi dga' ba dang / nyams pa la 'jug par 'gyur bas/ de dbaskur ba btab pa'i tshe na/ 'di skad du de bzhin gshegs pa dkar po'i chos thams cad dang ldan pa de nyid kyis kyang skur pa brnyes par gyur na/ bdag cag gis lta ci'i phyir mi rnyed ces/ de bzhin gshegs pa rjes su dran par byed cing / de dag
- 125b
de'i tshe na skur pa de zil gyis mnan nas/ tshangs par spyod pa yongs su dag pa yongs su byang ba spyod par 'gyur ba dang / nyams pa la 'jug par mi 'gyur bar bya ba'i phyir ro// bram ze'i bu mo dregs ma ni re zhig sdig pa'i las kun tu rgyas pa dang / rang bzhin gyis ma dad pa mang ba yin pas/ de ltar las kyi sgrib pas bsgribs pa des na/ phung po dang / khams dang / skye mched de dag nyid kyis bstan pa 'di la gdon mi za bar rma 'byin par byed pa yin te/ de sdig pa'i las kun tu rgyas pa des gal te rmi lam na de bzhin gshegs pa la skur pa btab par gyur na'ang / de nyid kyis sad pa'i tshe na dri mar yang 'gyur ro/ / rigs kyi bu gal te de bzhin gshegs pas thabs 'ga' zhig gis de mi dge ba'i las mngon par 'du byed pa de las rlog par spyod na ni klog par yang mdzad la/ de bzhin gshegs/ pas srung bar spyod na srung bar yang mdzad do// de ci'i phyir zhe na/ de bzhin gshegs pas sems can 'ga' yang yongs su ma btang ba'i phyir te/ de'ang de bzhin gshegs pa'i thabs la mkhas pa yin no/ / ci'i phyir de bzhin gshegs pa thams cad mkhyen pas kun tu rgyu mdzes ma kun tu rgyu dag gis srog dang phral te/ rgyal bu rgyal byed kyi tshal gyi 'obras kyi nang du bor ba btang snyoms su mdzad ce na/ de bzhin gshegs pa ni thams cad mkhyen pa thogs pa mi mnga' ba'i ye shes gzigs pa dang ldan pa yin pas/ de bzhin gshegs pas de de ltar 'gyur bar mkhyen cing /
- 126a
de bzhin gshegs pas de lta bu'i byin gyi rlabs byin gyis rlob par yang spyod mod kyi/ kun tu rgyu mdzes ma nyid tshe'i tshad zad cing // gdon mi za bar gzhan gyi gnod pas tshul bzhin/ ma yin par 'chi ba'i dus byed par 'gyur ba'i phyir te/ rnam grangs des na gzhan mu stegs can dag 'di ltar sangs rgyas kyi ye shes de ni ji lta ji ltar sems can rnams kyi dkar po'i chos rnam par 'phel ba dang / dge ba'i rtsa ba rnam par 'phel bar 'gyur ba dang / ji lta ji ltar de la gzhag par bya ba de lta de ltar de la 'jog par mdzad do zhes bdag nyid kyi rang gi nyes pas shin tu tshar gcod par yang 'gyur ro/ / de'i tshe bcom ldan 'das zhag bdun gyi bar du grong khyer du ma zhugs par lha bye ba phrag drug cu btul nas/ zhag bdun po de 'das pa dang / bcom ldan 'das kyi thad du 'khor bzhi po dag lhags nas/ bcom ldan 'das kyis ci nas kyang srog chags brgyad khri bzhi stong dag ye shes mthong ba skyes par gyur pa de lta de ltar de dag la chos bstan te/ de'ang de bzhin gshegs pa'i thabras la mkhas pa yin no/ / ci'i phyir de bzhin gshegs pa dge slong gi dge 'dun dang bcas pa nyon mongs med kyi ljongs su dbyar gnas par zhal gyis bzhes pa na/ zla ba gsum du skye bo rnams la bag pa ba ste/ bram ze nyon mongs med kyi rta chas kyi nas dag gsol ce na/ rigs kyi bu de bzhin gshegs pas ji ltar khyim bdag des de bzhin gshegs pa dge slong gi dge
- 126b
'dun dang bcas pa spyan drangs nas/ ri mo mi byed par yang mkhyen mod kyi/ des mkhyen bzhin du dang du blangs shing btang snyoms mdzad do// de ci'i phyir zhe na/ de bzhin gshegs pa dge s long gi dge 'dun dang bcas pas dbyar zla ba gsum du gang dag gi rta chas kyi nas dag gsol ba'i rta lnga brgya po gang dag yin pa de dag thams cad ni byang chub sems dpa'i theg pa la yang dag par zhugs pa/ sngon gyi rgyal ba la lhag par bya ba byas pa sha stag yin te/ de dag sdig pa'i grogs po'i dbang gis sdig pa'i las dang / las dman pa byas shing mngon par 'dus byas pas/ las des de dag dud 'gro'i skye gnas su skyes te/ rta lnga brgya po de dag gi nang na/ rta cang shes gcig yod pa gang yin pa de ni byang chub sems dpa' nyi ma'i snying po zhes bya ba smon lam gyi dbang gis bsams bzhin du der skyes pa yin la/ rta lnga brgya po de dag thams cad kyang sngon mir gyur pa na// byang chub sems dpa' nyi ma'i snying po de nyid kyis byang chub yang dag par 'dzin du bcug pa yin pas/ / de de dag yongs su thar par bya ba dang / yongs su smin par bya ba'i phyir der skyes te/ rta cang shes de nyid kyi mthus/ rta lnga brgya po de dag thams cad kyis sngon gyi tshe rabs rjes su dran par gyur cing / de dag gi byang chub kyi sems de'ang mngon du gyur pa'i phyir te/ rigs kyi bu de lta bas na de bzhin gshegs pa byang chub
- 127a
sems dpa' rtar gyur pa lnga brgya po de dag la thugs brtse ba'i phyir/ de bzhin gshegs bdud 'gro'i skye gnas su skyes pa de dag gi don du dbyar zla ba gsum der gnas par zhal gyis bzhes so/ / de na rta lnga brgya po dag gi ches kyi nas gang dag yin pa de dag las phyed phyed ni dge slong lnga brgya po de dag la 'bul lo// cang shes kyi chas kyi nas gang dag yin pa de dag las phyed ni de bzhin gshegs pa la 'bul lo/ / phyed ni rta cang shes de nyid za zhing / rta cang shes des rta'i skad kyis rta lnga brgya po de dag thams cad sdig pa 'chags su bcug cing / sangs rgyas la sogs pa dge slong gi dge 'dun de dag la phyag 'tshal du'ang ba drug go/ / rta cang shes des rta lnga brgya po de dag la 'di skad ces khyed cag gi chos kyi nas dag las phyed phyed de bzhin gshegs pa dang dge slong gi dge 'dun gyis gsol to zhes go bar yang byas so/ / de ltar rta lnga brgya po de dag gis sdig pa bshags shing / sangs rgyas la sogs pa dge slong gi dge 'dun la dad pa bskyed nas zla ba gsum po de dag 'das pa'i 'og tu/ dus gzhan gyi tshe na rta lnga brgya po de dag thams cad shi 'phos te/ dga' ldan gyi lha rnams dang skal ba mnyam par skyes nas/ lhar gyur pa de dag gis kyang de bzhin gshegs pa la zhal zas phul zhing bkur stir byas/ bla mar byas// ri mor byas/ mchod pa byas pa dang / de bzhin gshegs pas kyang de dag la ci nas kyang de dag bla na med pa
- 127b
yang dag par rdzogs pa'i byang chub tu nges par 'gyur ba de lta de ltar chos bstan to/ / rta lnga brgya po de dag 'dul zhing 'tsho bar byed pa'i rta rdzi gang yin pa de'ang / de bzhin gshegs pas rang sangs/ rgyas rab tu sems dul zhes bya bar 'gyur ro zhes lung bstan to// de bzhin gshegs pas rta cang shes de'ang sangs rgyas bcom ldan 'das dpag tu med pa la mchod pa byas shing / byang chub kyi phyogs kyi chos rnams yongs su rdzogs par byas nas/ de bzhin gshegs pa dgra bcom pa yang dag par rdzogs pa'i sangs rgyas rab tu sems dul zhes bya bar 'gyur te/ 'jig rten du 'byung bar 'gyur ro zhes lung bstan to/ / rigs kyi bu de lta mod kyi/ mi'i khe zas gang yin pa de dag ni/ de bzhin gshegs pa la mi bsod pa cung zad kyang med de/ rigs kyi bu yongs su brtag pa nye bar bzung na/ gal te de bzhin gshegs pas shing dang / bong ba dang / gseg ma dang / gyo mo dag zhal zas kyi phyir yongs su longs spyad par gyur na'ang / shing dang / bong ba dang / gseg ma dang gyo mo la sogs pa de dag gi ro de lta bu dang / ro bro ba'i mchog gi khyad par gang dag yin pa de lta bu dag ni stong gsum gyi stong chen po'i 'jig rten gyi na'ang 'ga' yang med do// de ci'i phyir zhe na/ rigs kyi bu 'di ltar de bzhin gshegs pa ni skyes bu chen po'i mtshan ro bro ba'i mchog dang ldan pa yin pas na/ de bzhin gshegs pa'i sku la zhal zas mi bsod pa thams cad gsol ma thag tu rang
- 128a
lha'i kha zas las yang dag par 'das pa'i ro dang ldan par 'gyur ba'i phyir te/ rigs kyi bu de'i phyir rnam grangs des na khyod kyis 'di ltar de bzhin gshegs pa'i zhal zas// thams cad ni bsod pa yin par rig par bya'o// rigs kyi bu de'i tshe na dge slong kun dga' bo 'di snyam du sems te/ de bzhin gshegs pa 'das 'khor los sgyur ba'i rgyal snying spud te rab tu byung nas/ da rta chas kyi nas dag gsol bar mdzad pa lta zhes yid mi bde bar gyur pa dang / de bzhin gshegs pas de'i sems la rnam par gzig nas/ kun dga' bo 'di ci'i ro yin shes sam zhes nas kyi 'bru gcig byin pa dang / des de zos nas ngo mtshar du 'dzin par gyur te/ nga la 'di skad ces bcom ldan 'das bdag ni rgyal po'i khyim du skyes shing / rgyal po'i khyim du leg par rgyas pa la lags na/ bcom ldan 'das bdag gis ro'i mchog 'di lta bu ni sngan chad ma 'tshal ma myong lags so zhes zer te/ de'i byin gyis dge slong kun dga' bo zas gzhan mi za bar dga' ba dang bde bas zhag/ bdun 'das par gyur to// rigs kyi bu rnam grangs des na khyod kyis 'di ltar de ni de bzhin gshegs pa'i thabs la mkhas pa yin gyi/ las kyi sgrib pa ma yin par rig par bya'o// rigs kyi bu gzhan yang sems can gang dag dge sbyong dang bram ze tshul khrims dang ldan pa dag mgron du gnyer la/ sems rnam par g.yengs pas ri mo mi byed pa'i sem can de dag la ji skad smras pa de bzhin byed pa nyid dun/
- 128b
tu bstan par bya ba'i phyir las kyi rgyud de lta bu dag kun tu ston par mdzad do// rigs kyi bu gang gis de bzhin gshegs pa spyan drangs la ri mo ma byas pa de'ang de bzhin gshegs pas log par ltung bar mi 'gyur/ ba'i chos su lung bstan pa'i de bzhin gshegs pa rnams kyi de bzhin gshegs pa'i chos nyid la ltos/ rigs kyi bu gzhan yang de bzhin gshegs pa dang thabs gcig tu dbyar zla ba gsum gnas par khas blangs pa'i dge slong lnga brgya po gang dag gis rnga chas kyi nas zos pa de dag las dge slong bzhi bcu ni 'dod chags spyod pa dang / sdug pa'i mtshan ma spyod pa yin pas/ gal te de'i tshe na de dag gis zas bsod pa dag zos par gyur na/ de dag gi 'dod chags dang ldan pa'i rnam par rtog pa shin tu shas chen po dag skye bar 'gyur ba zhig na/ de dag gis zas ngan pa zos pa des 'dod chags kyi kun nas ldang pa des bsrabs shing med par gyur te/ de dag gis 'dod chags kyi kun nas ldang ba dag rnam par bsal nas/ de dag thams cad kyis zla ba gsum po de dag 'das nas/ zhag bdun gyis dgra bcom pa nyid thob par gyur to/ / rigs kyi bu de lta bas na/ dge slong lnga brgya po de dag gdul ba'i dbang gi phyir dang / byang chub sems dpa' de dag yongs su smin par bya ba'i phyir de bzhin gshegs pas thabs la mkhas pa des zla ba gsum du rta chas kyi nas dag gsol bar zad kyi/ las kyi sgrib pa'i nyes pa ni ma yin te/ de'ang de bzhin gshegs pa'i thabs la mkhas pa yin no// ci'i phyir de
- 129a
bzhin gshegs pas gso sbyong la zhugs pa na/ 'od srungs nga ni ro rgyab na bas/ khyod kyis byang chub kyi yan lag dag shod cig ces bka' stsal ce na/ rigs kyi bu de'i/ tshe na lha'i bu nyan thos kyis 'dul ba gang dag sngon dge slong 'od srungs kyis sangs rgyas dang / chos dang / dge 'dun dang / bag yod pa'i bya ba dag la yang dang yang du dad pa bskyed cing / yang dag par 'dzin du bcug pa brgyad stong 'khor de nyid du 'dus par gyur te 'dug pas/ lha'i bu de dag gis sngon yang byang chub kyi yan lag gi gtam dag thos la/ lha'i bu de dag la dge slong 'od srungs ma gtogs par/ gal te sangs rgyas 'bum gyis chos bstan par gyur kyang / de dag gis chos bstan pa kun shes par mi 'gyur bas na/ de'i phyir dge slong 'od srungs kyis byang chub kyi yan lag rab tu dbye ba rgya cher bshad pas/ lha'i bu brgyad stong po de dag gis ye shes mngon par rtogs par gyur to// gzhan yang sems can gang la la dag nad kyis gnod par gyur cing / nad par gyur nas chos nyan du ma 'ongs shing / chos mnyan pa'i sems can chos ma thos pa de dag 'di snyam du/ de bzhin gshegs pa chos kyi bdag po de'ang byang chub kyi yan lag gi gtam dag gsan nas snyun nad las yongs su thar bar gyur na/ bdag cag gis ci'i phyir chos mnyan par mi bya snyam du sems par yang 'gyur te/ rigs kyi bu de ltar na lha'i bu de dag gdul ba'i dbang gi phyir dang / sems can nad pa rnam
- 129b
chos la gus pa kun tu bstan par bya bar byer/ de bzhin gshegs pas tshig 'di skad ces/ 'od srungs ni ro rgyab na pas/ khyod kyis byang chub kyi yan lag dag shod cig ces gsung bar zad kyi/ de bzhin gshegs pa'i sku la snyun mnga' ba ni ma yin no// de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnams ni chos kyi sku yin te/ de dag la 'byung ba'i lus rags pa yongs su grub pa med pa'i phyir te/ de'ang de bzhin gshegs pa'i thabs la mkhas pa yin no// ci'i phyir de bzhin gshegs pas shA rnams rab tu rnam par 'jig par gyur pa na/ tshig 'di skad ces kun dga' bo daklad pa na zhing mi bde'o zhes gsungs she na/ rigs kyi bu de ni sems can gang la la dag de bzhin gshegs pas nye du rnams kyi srid pa'i rtse mo'i bar gyi sdug bsngal gyi phung po mthar mdzad pa mi shes pa'i sems can de dag 'di snyam du/ gang gi phyir de bzhin gshegs pa 'jig rten la phan pa'i phyir rab tu byung nas/ rgyal po'i gdung brgyud thams cad chud zos kyang des nye du rnams yongs su ma bskyabs pa las na/ de bzhin gshegs pa ni nye du rnams la phan par bzhed ba'ang ma yin/ don du bzhed pa'ang ma yin/ bde bar bzhed pa'ang ma yin/ grub pa dang bde bar bzhed pa'ang ma yin no snyam du sems par mi 'gyur bar sems can de dag
- 130a
gi sems gzung ba'i phyir/ de bzhin gshegs pas gnas brtan kun dga' bo la tshig 'di skad ces/ nga klad pan zhing mi bde'o zhes gsungs so// rigs kyi bu gang gi tshe de bzhin gshegs pas gnas brtan kun dga' bo la tshig 'di skad ces/ kun dga' bo nga klad pa na zhing mi bde'o zhes gsungs pa de'i tshe na/ lha'i bu chad par smra ba gsum stong 'dus par gyur pa dang / sems can srog gcod pa rab tu mang po dag kyang 'dus par gyur pa dang / de na sems can chad par smra ba de dag dang / sems can srog gcod pa de dag las kyi bya ba la gzung pa'i phyir/ de bzhin gshegs pas srog gcod pa'i dbang gis de bzhin gshegs pa'i debu snang zhing mi bde'o zhes las kyi rgyud de kun tu bstan to// de na de bzhin gshegs pas gsung gi 'phrin las brjod pa de bstan pa na/ lha dang mi rnams kyi skye gu las srog chags khri btul bar gyur te/ de'ang de bzhin gshegs pa'i thabs la mkhas pa yin no// ci'i phyir de bzhin gshegs pa bram ze b+ha ra d+h+wa dzas spyo ba rnam pa brgyas spros pa na/ de bzhin gshegs pa spros pa de dag dang du len par mdzad ce na/ rigs kyi bu de bzhin gshegs pas ni bram ze b+ha ra d+h+wa dzas spro bar byed pa la phyir spro ba 'am/ yang na de phyogs gzhan du 'phang ba 'am/ yang na de de bzhin gshegs pa la tshig gcig tsam gyis spro bar yang mi spobs pa de ltar byin gyi rlabs kyis byin
- 130b
gyis brlab par yang spyod mod kyi/ 'on kyang 'khor der lha dang mi mang po 'dus par gyur pa de dag gis/ de bzhin gshegs pa'i ma gum pa dang / ma khengs pa dang / thugs mnyam pa dang phan pa'i dngos po dang / mnyen pa dang / nges pa dang / sngon ji ltar bar phyis kyang de bzhin pas/ bzod pa'i stobs bskyed pa mthong nas/ srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ de bzhin gshegs pas don gyi dbang de gzigs pas na/ bram ze b+ha ra d+ha dzas spros pa btang snyoms su bzhag go// des kyang spro bar byed pa bram ze b+ha ra d+h+wa dza de bzhin gshegs pa la sems dad par gyur nas/ sangs rgyas la skyabs su song zhing / yongs su mya ngan las 'da' ba'i bar gyi sa bon bskyed par gyur te/ de'ang de bzhin gshegs pa'i thabs la mkhas pa yin no// rigs kyi bu gang gi phyir byang chub sems dpa'i skye ba thams cad dang / srid pa thams cad kyi lhas byin yang dang yang du rjes su 'brang bar gyur pa de'ang byang chub sems dpa'i thabs la mkhas pa yin no/ / de ci'i phyir zhe na/ lhas byin la brten nas nga pha rol tu phyin pa drug po dag yongs su rdzogs shing / sems can dpag tu med pa rnams kyi don kyang byas pa'i phyir ro// rnam grangs gang gis she na/ rigs kyi bu 'di la gang gi tshe sems can rnams bde ba dang ldan par gyur cig/
- 131a
gang gi tshe sbyin pa'ang mi shes len pa po'ang mi shes pa de'i tshe na/ lhas byin byang chub sems dpa'i drung du 'ongs te/ bu dag kyang slong bar byed/ chung ma dag kyang slong bar byed/ rgyal srid dag kyang slong bar byed/ lag pa dang rkang pa dag dang / mig dang mgo'ang slong bar byed cing / de dag la sogs pa dka' ba dang / sems can rnams la bde ba skyed par byed pa gzhan gang yang rung ba dag kyang slong bar byed do/ / byang chub sems dpa' zhum pa med par de dag sbyin par byed pa de sems can dpag tu med pa dag gis mthong nas/ dga' ba dang // dad pa dang / mchog tu dga' ba skyes te/ spro ba bskyed nas/ 'di ji lta ba bzhin du bdag cag kyang de bzhin du gyur cig ces/ de dag sbyin pa la mos shing / byang chub tu smon lam 'debs par yang byed do/ / gzhan yang lhas byin dang / sems can dpag tu med pa gang dag tshul khrims 'dral bar 'dod pa de dag gis byang chub sems dpa' tshul khrims mi 'dral ba mthong nas/ de dag kyang tshul khrims yang dag par len par byed pa dang / sems can de dag byang chub sems dpa'i rjes su slob pa na// bzod pa phun sum tshogs pa de dag mthong nas/ de dag la spyos sam/ brgyad bkag gam/ brdegs na'ang 'khrug par mi 'gyur zhing / bzod pa yongs su rdzogs par 'gyur te/ rnam grangs des kyang sems can rnams kyi don byas pa yin no// gang gi tshe lhas byin
- 131b
gyis de bzhin gshegs pa dgrongs pa'i phyir gshed ma'i mi dag zad pa dang / de bzhin gshegs pa dgrongs pa'i phyir glang po che gdug pa nor skyong zad pa dang / de bzhin gshegs pa dgrongs pa'i phyir de bzhin gshegs pa la rdo 'bangs pa gang yin pa de'ang de bzhin gshegs pa'i thabs la mkhas pa yin par blta bar bya'i/ las kyi sgrib pa'i nyes pa ni ma yin no// de ci'i phyir zhe na/ thabs la mkhas pa de la brten nas sems can dpag tu med pa dag gi don mdzad pa'i phyir te/ rigs kyi bu mdor na lhas byin de ni nga'i ston pa phan par 'dod pa yin no// las kyi rgyud bcu po thams cad kyang de bzhin gshegs pa'i thabs la mkhas pa yin par blta bar bya'i/ las kyi sgrib pa'i nyes pa ni ma yin no// de ci'i phyir zhe na/ sems can las kyi bya ba dang rnam par smin pa chud gzon pa rnams las kyi bya ba dang rnam par smin pa la 'jug par bya ba'i phyir/ de bzhin gshegs pas thabs la mkhas pas sems can rnams la las che ge mo zhig gi rnam par smin pa ni 'di yin no/ / las che ge mo zhig gi rnam par smin pa ni 'di yin no zhes las kyi rgyud kun tu bstan te/ de thos na sems can rnams mi dge ba'i las kyi sgrib pa dang dge ba'i las la sgrib pa dang / dge ba'i las mngon par 'du bya ba la mi g.yel bar spyod par 'gyur ba'i phyir ro// rigs kyi bu thabs la mkhas pa bstan pa bshad pa 'di na gsang bar bya ba yin
- 132a
te/ sems can dman pa dge ba'i rtsa ba chung ngu rnams kyi mdun du brjod par mi bya/ bstan par mi bya/ bshad par mi bya/ bzag par mi bya'o// de ci'i phyir zhe na/ bstan pa/ 'di ni nyan thos dang rang sangs rgyas thams cad kyi sa'ang ma yin na/ byis pa so so'i skye bo dman pa la mos pa rnams kyi lta smos kyang ci dgos pa'i phyir ro// de ci'i phyir zhe na/ de dag ni thab la mkhas pa 'di lam bslabs pa'i phyir ro/ / de ci'i phyir zhe na/ de dag la 'dis don du 'gyur ba med de/ thabs la mkhas pa bstan pa 'di'i snod du 'gyur ba dang / gang dag gis bstan pa 'di la bslab par bya ba ni/ byang chub sems dpa' sems dpa' chen po rnams ma gtogs par gzhan 'ga' yang med pa'i phyir ro// rigs kyi bu 'di lta ste/ dper na mtshan mo mun pa mun nag gi nang du 'bru mar gyi mar me phyung na khyim gyi snod thams cad snang bar 'gyur ba de bzhin du/ rigs kyi bu byang chub sems dpas kyang thabs la mkhas pa bstan pa 'di thos na sems can thams cad byang chub sems dpa'i spyod pa la 'jug par mthong zhing / bdag gis kyang 'di la bsgrub par byas na/ byang chub sems dpa'i spyod pa thams cad dang / sangs rgyas kyi spyod pa thams cad la 'jug cing 'gro bar 'gyur te/ de ni legs par yang dag par brtson pas snga'o snyam du sems pa dang / de thabs la mkhas pa de dag la legs par bslabs pa dang / sems
- 132b
/ can rnams smras par mi byed pa de lta bu'i ming du rang 'gyur ro// rigs kyi bu khyod mos par bya/ khyod kyis khong du chud par bya ste/ rigs kyi bu 'am/ rigs kyi bumo byang chub don du gnyer bas ni/ gang nas thabs la mkhas pa'i pha rol tu phyin pa'i bstan pa 'di rna lam du grag par 'gyur ba'i dpag tshad 'bum du'ang 'gro bar bya'o// de ci'i phyir zhe na/ 'di ltar byang chub sems dpa' thabs la mkhas pa bstan pa 'di thos na/ snang ba thob par 'gyur zhing / the tshom dang bral ba dang / nem nur dang bral bar 'gyur ba'i phyir ro// de nas lha dang bcas pa'i 'jig rten dang / 'khor bzhi po gang dag chos kyi rnam grangs 'di'i snod du gyur pa 'khor der 'dus par gyur pa de dag gis ni/ bcom ldan 'das kyis gsungs pa'i chos kyi rnam grangs 'di thos par gyur to/ / gang dag snod du ma gyur cing mi shes pa 'khor der 'dus par gyur pa de dag la ni chos kyi rnam grangs 'di rna lam du zag par yang ma gyur to// chos kyi rnam grangs 'di bshad pa na srog chags bdun khri nyis stong dag bla na med pa yang dag par rdzogs pa'i byang chub tu sems skyes so/ / de nas bcom ldan 'das la tshe dang ldan pa kun dga' bos 'di skad ces gsol to/ / btsun pa bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi
- 133a
@/ rnam grangs 'di ni thibs la mkhas pa'i pha rol tu phyin pa bstan pa zhes bya bar zung zhig/ thabs la mkhas pa'i le'u zhes bya bar yang drung shig/ thabs la mkhas pa bstan du/ zhes bya bar yang byung zhig/ sangs rgyas thams cad kyi gsang chen thabs la mkhas pa'i le'u zhes bya bar yang zung zhigabacom ldan 'das kyis de skad ces bka' stsal nas/ dang ldan pa kun dga' bo dang / byang chub sems dpa' sems dpa' chen po ye shes dam pa dang / nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa la yang dag par zhugs pa'i dge bsnyen dang / dge bsnyen ma dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ sangs rgyas thams cad kyi gsang chen thabs la mkhas pa/ byang chub sems dpa' ye shes dam pas zhus pa'i le'u zhes bya ste/ 'dus pa sum cu rtsa brgyad pa rdzogs so// rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lo tsa ba zhang ye shes sde la sogs pas bsgyur cing gtan la phab pa/ le'u 'di la sho lo ka stong nyis brgya rtsa bcu gsum mchis// rgya gar skad du/ Ar+ya b+hadra pA la shreSh+Na ba ri br-id
- 133b
tshwan+da ma ma hA yAn sUH/ bod skad du/ 'phags pa tshong dpon bzang skyong gis zhus pa zhes bya ba theg pa chen po'i mdo// / bam po dang po/ sangs rgyas dang rtsang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan ta ka gnas pa na/ shA ri'i bu la sogs pa bya ba byas pa/ byed pa byas pa/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so// de'i tshe dge slong de dag bcom ldan 'das kyi thad na lus snyom pa dang / gnyis kyis gnas pas lus nyon mongs pa med cing lus snyom pa med par gnas so// yang de'i tshe bcom ldan 'das kyi zhal gyi mdangs me tog pad+ma'i tshal rgyas pa lta bur snang bar gyur to/ de nas dge slong de dag 'di snyam du sems te/ bcom ldan 'das kyi zhal gyi mdangs pad+ma'i tshal rgyas pa lta bu snang bar gyur pa las na/ bcom ldan 'das 'di chos kyi tshul ji lta bu zhig ston par dgongs shig gu snyam mo/ / de nas de'i tshe tshong dpon bzang skyong zhes bya ba 'khor tshong pa drug khri dang / bcom ldan 'das kyi thad du dong ngo // de nas bzang skyong shin tu gzhon sha can la lus kyi mdog bzang zhing rgyas pa dang ldan pa/ bcom ldan 'das ga la ba der dong ste phyin nas/ bcom ldan 'das ting nge 'dzin du zhugs par rab tu zhi ba dang / dul ba'i yon tan gyi gter du gyur pa/ gser gyi
- 134a
shing ljon pa ltar gzi brjid 'bar ba mthong ngo / / de nas bzang skyong dad pa skyes te/ mnyam par gzhag pa'i yid kyis 'di snyam du sems te/ kye ma thams cad mkhyen pa de bzhin/ gsheg pa dgra bcom pa yang dag par rdzogs pa'i sangs rgyas zhes 'jig rten du snyan pa dag grags pa 'di ni mi 'ardzun no snyam mo// de nas bzang skyong gis bcom ldan 'das kyi zhabra la gtugs nas/ de bzhin gshegs pa'i zhal du lta ba gtad de 'dug par gyur to// de nas bcom ldan 'das kyis bzang skyong la gzigs nas sku las 'od zer phyung ngo // 'od zer des kyang tshong dpon bzang skyong mi 'jigs pa skyes nas/ bcom ldan 'das la lan gsum bskor ba byas te/ yang bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das bdag la thugs brtse bar mdzad du gsol/ bdag ni bcom ldan 'das la dgadod dad pa thob lags so// bcom ldan 'das de lta lags pas/ phyogs 'ga' la re ba/ chos 'tshol ba/ 'khor ba'i gnod pa rnams kyis yongs su nyon mongs pa/ rnam par rtog pa'i shas che ba/ ngo mtshar du gyur pa can bdag la bshad du gsol/ bcom ldan 'das bdag ni the tshom can lags/ bde bar gshegs pa bdag ni som nyi can lags na/ gang gis bdag rmongs par 'gyur zhing // 'khor ba las nges par 'byung ba ma 'tshal lo// bcom ldan 'das ni thams cad mkhyen pa lags te/ bde
- 134b
ba'i yo byad thams cad 'grub par mdzad pas/ yid bzhin gyi nor bu rin po che lta bu 'jig rten du de'u ma byung ste byung ngo // bcom ldan 'das ni sems can thams cad la mnyes gshin pas na pha/ ma lta bu'ang lags so// de skad ces gsol nas/ bcom ldan 'das kyis tshong dpon bzang skyong la 'di skad ces bka' stsal to// bzang skyong de'i phyir khyod ci dang ci 'dod pa dris shig dang / ngas dris pa de dang de'i lung bstan pas sems rangs par bya'o/ / de nas bzang skyong zhu bar 'dod pa phyogs gcig tu 'dug go// tshong dpon bzang skyong gzi brjid 'bar zhing gzugs bzang po phun sum tshogs pa phyogs gcig tu 'dug pa/ tshe dang ldan pa kun dga' bos mthong nas/ bcom ldan 'das la 'di skad ces gsol to// bcom ldan 'das bzang skyong 'di'i mdog bzang zhing rgyas pas rgyal po'i dpal yang zil gyis non te/ lhag par mdzes pa ni ngo mtshar lags so// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bzang skyong 'di'i bde ba'i yo byad gang yin pa dang / dga' zhing rtse la dga' dgur spyod pa gang yin pa de ni/ tshong dpon gzhon nu zla ba 'byor pa ma gtogs par/ lha rnams kyi dbang po brgya byin la'ang med do/ / 'dzam bu'i gling 'di na khyad par du 'phags pa rnams la'ang med do// de nas bcom ldan 'das/ tshe dang ldan pa kun dga' bos 'di skad ces gsol to//
- 135a
bcom ldan 'das tshong dpon bzang skyong 'di'i nor du gyur pa gang lags/ bcom ldan 'das kyis bka' stsal pa/ kun dga' bo de'i phyir khyod kyis tshong dpon dge ba'i rgya ba byas pa 'di'i 'byor pa dang longs spyod rgyas pa nyon cig/ kun dga' bo nor dang gser phun sum tshogs pa'i tshong pa drug khri 'di'i phyi bzhin 'brang ngo // mal khri tshon sna tshogs spel bas mdze par byas pa/ smig thags can la stan nang tshangs can bting ba/ g.yas g.yon du sngas dmar po bzhag pa drug khri dang / bud med bgo ba dar dang / du gu la'i ras dang / men dri dang / mon dar dang / mes sbyangs pa'i gos dang / la tshig gu'i stod kor dang / dmar po dang / rnam pa sna tshogs kyi snam phran can gyi gos gyon pa/ 'od chags pa'i rgyan gyis brgyan pa/ lag mthil reg na snying zhing shin tu 'jam pa rnam pa sna tshogs su 'gyur ba/ rgod cing dga' ba dang / tshig 'chos shing sgeg la/ snyan pa'i gtam brjod pas bskyed pa'i dga' ba dang / mchog tu dga' bas dgod par byed pa/ khyim thabs la bsnyen bkur byed pa'i tshul gyis lus la stod par byed pa/ skyes pa gzhan la 'dod pa'i rgyud spangs pa/ 'dzem pas 'dud cing bla gos bzang po dgos papa gcig la gcig phrag dog gis 'thab pa dang / rtse bas bzhin khro gnyer gsigs shing mkhur ba 'gyur ba/ rkang lag dang sor mo shin tu 'jam pa/ rkang lag gi tshogs kyi bar mtsham mi
- 135b
mngon pa/ rkang lag rgyas pa/ sgra mnyam zhing bcos la g.yas su 'khyil zhing mdzes pa/ snying chags pa dang ldan zhing shin tu snying nye ba/ snyan par grags pa'i rigs dang / rus las byung bas grags pa dang / legs par bskyed pa/ lus shin tu 'jam pa/ rigs mtho ba'i bud med rtse bar 'os pa'i khang pa dang / mal cha rgyas pa dang ldan pa drug khri dang / btso zangs drug khri gang ba'i 'bras chan bzang po tshod ma shin tu dri zhim pos sna tha dad par phye ba/ sA lu bzang po'i chan dang / chu yan lag brgyad dang ldan pa lta bu'i kha zas rnam pa sna tshogs dri zhim zhing yid du 'ong la dga' bskyed par byed pa na/ nyon ma mongs par grub cing / bsod nams kyis byung la/ dri nga zhing mi gtsang ba dang / lus kyi skyon du 'gyur ba med pa dag dang / khang pa brtsegs pa nor bu dang / mu tig dang / bai DUR+Ya dang / rin po che sna tshogs kyis spras pa/ rnam par phye la sdug cing mdzes par byas pa dang / ras spungs shing rlung gis bskyod pa'i bun long dang / me tog sil mar gtor ba dang / bsil ba'i chus reg na bde bas khyab pas/ bsil bar gyur pa/ 'khar rnga dang / pi lang rgyud gcig pa dang / pi wang dang / rdza rnga chen po las byung ba'i sgra snyan pa'i dar dir dang / phug ron gyi skad yid du 'ong zhing chags su rung bas mdzes par byas pa/ me tog gi 'khri shing gis rtse mo dkris la/ sbrang bu sgra snyan pa 'byin pa/ lha'i gnas dang / ri rab kyi phrag gi bar lta bur rlung skyabs
- 136a
dang ldan pa'i mar me 'bar ba'i gzi brjid dang / sman gyi sgron ma dang ra ba drug khri dang / grong khyer bzhi mdo dang / sum mdo dang / ba ga ma dang / srang sdug gus mdzes par byas pa/ yul sna tshogs kyi skad dang / spyod pa dang / zong dang / tshong khang sna tshogs spel bas mdzes par byas pa/ tshong pa'i tshogs stong dag gis lang long du gyur pa/ nag dang shing ljon pa sna tshogs brgya stong dag gis 'khrigs pa/ ku mu da'i me tog rgyas pa dri med pa spel bas mdzes par byas pa/ rta dang / glang po che dang / shing rta'i mchog gis bun lon du gyur pa drug khri yod do// kun dga' bo grong khyer de dag gi na ngan tshong dpon dang / tshong ba dang / yul gyi mi dang / ded dpon 'khod pa rnams kyang / tshong dpon gzhon nu bzang skyong de'i bsngags pa rjod cing snyan par smra bar byed de nyin gcig bzhin du thal mo sbyar nas 'dud par byed do/ / yul ko sa la'i rgyal po gsal rgyal yang de'i dbang phyug dang / 'byor pa dang / longs spyod rgyas pa mthong na/ bdag nyid la mi dbul po lta bur 'dzin to/ / kun dga' bo tshong dpon gzhon nu zla ba 'byor ba 'di ni btso bangs 'bum gyis g.yos byed pa dang ldan pa'i 'khor gyis lus bskor te/ kun dga' bo de'i bsnyen bkur byed pa'ang bud med lnga stong yod do/ / kun dga' bo zla ba 'byor pa de la ni/ lha rnams kyi dbang po brgya byin gyi bde ba'i yo byad kyis kyang cha tsam du'ang mi phod do// kun dga' bo tshong dpon gzhon nu zla ba 'byor pa de
- 136b
la ni/ tshong dpon bzang skyong gi gzugs bzang ba dang / kha dog rgyas pa dang / dbang phyug dang / bde ba'i yo byad kyis brgya'i char yang mi bod do// kun dga' bo 'on kyang bzang skyong la ni lha shing rta lha'i nor bu rin po che 'od 'bar ba/ nam mkha' skar mas spras pa dang 'ang ba/ lha'i gser 'tsher bas ngos spras pa/ rdo rje dang / spug dang / me shel sna tshogs kyis mdzes par byas pa/ rlung gi shugs ltar mgyogs shing / nam mkha' lding gi shugs lhur 'gro ba de la zhon na rin po che'i gling du'ang 'gro zhing / bde ba dang ldan la/ rtsed mo nyams su myongs nas/ 'ong ba'i shing rta'i mchog yid 'phrog pa zhes bya ba yod do// de nas kun dga' bos bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das tshong dpon gzhon nu bzang skyong 'dis dge ba'i rtsa ba ji lta bu zhig bsags lags/ de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo 'dis dge ba'i rtsa ba sangs rgyas la bskyed pa de dag gi rnam par smin pa ni 'di yin te/ kun dga' bo 'das pa'i dus na 'dir de bzhin gshegs pa dgra bcom pa yang dag par rdzogs pa'i sangs rgyas bde ba'i 'od ces bya ba byung ngo / / kun dga' bo tshong dpon bzang skyong de ni de'i nyan thos gtsug phud bzang zhes bya bar gyur te/ bslab pa'i gzhi ma nyams shing tshul khrims
- 137a
ma 'chal bar spyod pa/ chos smra ba thos pa'i mdzod mdzin pa dang / 'dul ba 'dzin par gyur te/ des nyin gcig bzhin du sems can rnams la skad snyan cing yid du 'ong ba dang / zab cing brtan pa dang / gsang mtho zhing zur phyin pas chos bstan to// gang gis chos de thos shing / kun chub par byas pa de'ang phyin chad log par ltung bar 'gro bar mi 'gyur ro/ / kun dga' bo de chos kyi sbyin pa des bskal pa dgu bcu rtsa gcig gi bar du lha dang mi rnams mgu bar byas so// kun dga' bo de'i shing rta'i gzhal med khang gang yin pa de'ang bshad par bya ste/ kun dga' bo 'dis dge slong tshangs par spyod cing / tshul khrims dang ldan pa lus nyam chung ba zhig la dad pa'i sems kyis bsod snyoms byin nas/ lham zung gcig kyang byin te/ de'i bsod nams rnam par smin pa des ni lha'i shing rta'i mchog mngon par grub par gyur to// kun dga' bo de bzhin gshegs pa dgra bcom pa yang dag par rdzogs pa'i sangs rgyas 'od srungs kyis kyang / 'di skad du ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa 'byung ba des khyod lung bstan par 'gyur ro zhes gsungs so/ / kun dga' bo tshong dpon bzang skyong 'di ni nges 'dul ba'o// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das
- 137b
tshong dpon 'di no nor dang gser phun sum tshogs la/ 'dod pa dang ldan pa'i yul rnams kyis kyang dregs par ma gyur ba ni ngo mtshar lags so// bcom ldan 'das kyis bka' stsal pa mkhas pa dag ni 'dod pa'i yong sa spyon rgyas pa'i khyad par dag gis dregs par mi 'gyur te/ kun dga' bo tshong dpon 'di ni dge ba'i chos can/ dge ba'i rgyu banyas su stong ba yin/ nas bcom ldan 'das kyis bskul nas/ tshong dpon gzhon nu bzang skyong gis// bdag nyid kyi skabs phye bar rtogs nas/ thal mo sbyar te bcom ldan 'das kyi zhabs la gtugs nas bcom ldan 'das la 'di skad ces gsol to/ / gal te bcom ldan 'das kyis bdag la skabs phye na/ bcom ldan 'das sems can thams cad la sman 'dogs shing / thugs brtse ba can la bdag phyogs 'ga' zhig zhu bar 'tshal lo/ / bcom ldan 'das kyis bka' stsal pa/ bzang skyong de'i phyir khyod kyis dri ba dang mthun pa'i dus la bab kyis/ bzang skyong khyod ci dang ci 'dod pa dris shig dang / ngas khyod la bshad do// de skad ces bka' stsal nas/ bcom ldan 'das la bzang skyong gis 'di skad ces gsol to// bcom ldan 'das 'di na sems can rnams rnam par shes pa ma 'tshal te/ za ma tog gi nang gi rin po che mi rig pa bzhin du/ thams cad kyis rnam par shes pa mi rtogs na/ bcom ldan 'das rnam par shes pa de gang lagra/ ji ltar na rnam par
- 138a
shes pa zhes bgyi/ bcom ldan 'das ji ltar na mi gum pa'i rkang lag dang / mig nyams shing 'gum pa'i dus kyi tshe/ dbang po rnams 'gag cing khams rnams dang mi ldan par gyur pa na/ rnam par shes pa 'di lus las ji ltar 'pho zhing mchi/ gzugs ni ji lta bu lags/ rang bzhin ni ji lta bu lags/ lus dang ni ji ltar 'bral bar 'gyur/ rnam par shes pa 'dise lus yongs su btang nas/ lus gzhan ji ltar len par 'gyur/ ji ltar na khams rnams yongs su btang zhing / skye mched rnams bor nas/ 'di nas 'jig rten pha rol tu mchi bar 'gyur/ ji ltar na lus tha dad pa dag len par bgyid/ bcom ldan 'das ji ltar na mi gum pa'i skye mched rnams rjes su 'brang bar 'gyur/ bcom ldan 'das 'jig rten 'dir dge ba'i rtsa ba bsags pa 'jig rten pha rol tu ji ltar myong bar 'gyur/ ji ltar na phung po 'di dag gis dge ba'i rtsa ba bsags la/ phyis phung po gzhan dag gis nyams su myong bar 'gyur/ ji ltar na rnam par shes pa 'di lus kyi rjes su 'brang bar 'gyur/ ji ltar na skye mched rnams lus kyi rjes su 'brang bar 'gyur/ de skad ces gsol nas// bcom ldan 'das kyis bzang skyong la 'di skad ces bka' stsal to/ / bzang skyong legs se legs so// de de bzhin te/ khyod kyis nga la bskul ba bzhin no// bzang skyong de'i phyir rnam par shes pa'i 'ong ba dang
- 138b
'gro ba dang / 'pho ba dang / 'gag pa nyon cig/ bzang skyong dper na rlung gi khams gzugs can ma yin pa'ang bstan du yod cing / gzung du yod pa dag las gzugs su snang ngo // de la bstan du yod pa ni shing 'gul zhing g.yo ba dang / sgra skad 'ur 'ur po'i sgra 'byin pa dang / grang ba dang / dro ba'i reg pas tshor ba skyed pa yin yang / de la rkang lag dang / mig dang / gdong dmigs par mi 'gyur te/ sngo bsangs dang dkar ba zhes la dog lhag par mi dmigs so// bzang skyong de bzhin du rnam par shes pa'i khams 'di'ang gzugasasu mi dmigs shing / gzugs su snang bar mi 'gyur te/ khyod kyis rgyu'i bye brag dag gis rnam par shes pa'i khams rtogs par bya'o// de la rgyu gang zhe na/ sems pa dang / tshor ba dang / chos kyi khams so// de la ji ltar na rnam par shes pa'i khams 'di lus yongs su btang nas/ tshor ba dang sems pa len zhe na/ dper na rlung gi khams kyis me tog gi ji bsdus nas 'phos te 'gro ba de las lha'i me tog gi dri 'di dad ldang ngo zhes shes mod kyi/ rlung gi khams kyang me tog gi ji mi 'dzin la/ rlung gi khams med par yang me tog rnams kyi dri mi dmigs so// dri de'ang gzugs can ma yin la/ rlung gi khams de'ang gzugs can ma yin/ sna'i dbang po de'ang gzugs can ma yin no// bzang skyong de bzhin du mi shi ba'i rnam par shes pa des tshor ba yong su blangs shing / sems pa kun tu blang
- 139a
te chos kyi khams yang dag par blangs nas/ 'jig rten pha rol tu 'gro ste/ bam phrad pa las rnam par shes pa skye bar 'gyur ro// rnam par shes pa skyes na/ tshor ba/ rnams dang sems pa rnams 'du bar 'gyur te/ dper na me tog gi dbang gis snas tshor la/ sna'i dbang gis dri dmigs par 'gyur ba dang / gzhan yang lus kyi dbang gis rlung gi rang bzhin gyis reg pa dmigs par 'gyur la/ rlung gi dbang gis me tog gi dri 'byung bar 'gyur ba de bzhin du/ rnam par shes pa'i dbang gis tshor ba 'byung bar 'gyur la/ tshor ba'i dbang gis sems pa 'byung bar 'gyur ro/ / sems pa'i dbang gis gang gis dge ba 'am mi dge ba shes pa'i chos kyi khams 'byung bar 'gyur te/ dper na ri mo mkhan rtsig pa dang shing leb shin tu byi dor byas pa la ci 'dod pa bzhin du las byed de/ las la blo sbyangs pas ci 'dod pa bzhin du gzugs rnams mngon par 'grub par byed kyang / de'i rnam par shes pa de'ang gzugs can ma yin la/ rnam par shes pa gzugs can ma yin pas kyang / gzugs sna tshogs mngon par 'grub par byed pa de bzhin du/ rnam par shes pa'i khams gzugs can ma yin pa 'dis/ gzugs kyi lus drug mngon par 'grub par byed de/ 'di lta ste/ mig gi rkyen gyis gzugs mthong la/ rnam par shes pa mig la rten pa gang yin pa de'ang gzugs can ma yin no// rna ba'i rkyen gyis sgra ste/ de'ang gzugs can ma yin no// sna'i
- 139b
rkyen gyis dri ste/ de'ang gzugs can ma yin no// lce'i rkyen gyis ro ste/ de'ang gzugs can ma yin no// lus kyi rkyen gyis reg bya ste/ de'ang gzugs can ma yin no// chos kyi skye mched kyang / gzugs can ma yin no// rab tu shes pa gang yin pa de'ang gzugs can ma yin pa ste/ de bas na spyod yul rnams kyang gzugs can ma yin par blta bar bya'o// de bzhin du rnam par shes pa'i khams 'di'ang gzugs can ma yin par blta bar bya'o/ / ji ltar rnam par shes pa'i khams 'dis lus yongs su btang nas/ 'jig rten pha rol tu 'gro zhe na/ bzang skyong 'dir 'chi ba'i dus kyi tshe las zad pas tshe 'gag pa na/ las kyi sgrib pas zin pa'i rnam par shes pa'i khams 'di 'pho bar 'gyur te/ dper na dgra bcom pa 'gog pa'i snyoms par zhugs pa'i rnam par shes pa'i khams de khog pa 'gags nas yongs su 'phyan pa de bzhin du/ rnam par shes pa'i khams 'di'ang skye ba po shi ba'i lus yongs su btang zhing / khams rnams bor nas/ dran pa stobs dang ldan par 'gyur te/ 'di ltar bdag ni mchod sbyin gyis byin zhes bya ba de nyid yin te/ lus kyi tshor ba dang / yid kyi tshor ba dang / tshor ba rnam pa gnyis kyis zin to snyam du rab tu shes te/ de 'chi ba'i dus kyi tshe ni lus kyi tshor ba dang ldan par 'gyur ro// shi nas ni yid kyi tshor ba dang ldan par 'gyur ro// gzhan yang rnam par shes pa zhes bya ba'i don ci zhe na/ sa bon gyis lus
- 140a
kyi myu gu mngon par 'grub par byed la/ sems pas shes badran pa thob par 'gyur te/ de bas na sa bon dang shes pa la rnam par shes pa zhes bya'o// gzhan yang bde ba dang sdug bsngal gyi tshor bas shes pa de rtogs pas na/ de'i phyir rnam par shes pa zhes bya'o// gzhan yang de dge ba dang mi dge ba rig pa dang / dge ba dang mi dge ba'i spyod yul shes pas na/ de'i phyir rnam par shes pa zhes bya'o// sa bon gyis myu gu bskyed pa bzhin du lus 'grub pas/ de'i phyir yang rnam par shes pa zhes bya'o// bzang skyong gzhan yang ji ltar rnam par shes pa'i khams kyis lus yongs su btang nas/ 'pho zhing 'gro bar 'gyur zhes khyod kyis smras pa de ni/ dper na me long gi gzugs brnyan lta bu dang / 'ji ba la rgyas btab pa'i 'bur bzhin no/ / dper na nyi ma shar na rab rib dang mun pa med par 'gyur la/ nyi ma med par gyur na yang mun pa 'byung bar 'gyur mod kyi/ mun pa de'i gnas ther zug pa 'am/ ther zug pa ma yin pa'ang med la/ mun pa de la'ang gzugs dang tshor ba mi snang ba de bzhin du rnam par shes pa'i khams 'di'ang lus skyes nas/ mun pa bzhin du lus la gnas par 'gyur te/ mis kyang rnam par shes pa mi mthong la/ rnam par shes pa ri khams kyang lus 'di 'dzin par byed do// dben na bud med kyi mngal na bu gnas pa la ci bdag gi lto na 'dug pa 'di khye'u 'am/ bu mo
- 140b
'am sngo bsangs sam/ dkar ram/ ser ram/ dbang po ma tshang ba 'am/ dbang po ma tshang ba ma yin pa 'am/ rkang lag mnyam pa yin par mi shes la/ lho'i mingal na gnas pa de'ang kha zas ha cang tsha bas 'gul zhing rig la tshor bar 'gyur ba de bzhin du/ rnam par shes pa'i khams 'di'ang 'gro ba dang / 'ong ba dang / brkyang ba dang / bskum pa dang / mig 'dzums pa dang / 'byed pa dang / las thams cad yongs su spyod cing / dgod pa dang / gtam dang / bsam pa skyed pa'i rang bzhin can lus la gnas pa'i rnam par shes pa la bdag gis lus la rnam par shes pa gnas pa 'di rang bzhin ji lta bu zhig snyam du sems can rnams kyis mi shes so/ / bzang skyong gzhan yang rnam par shes pa'i khams 'di ni shin tu yongs su sbyang ba byas pa dang / dngos po thams cad la chub pa yin la/ dngos po rnams kyis kyang gos pa med do// bzang skyong 'di na rnam par shes pa ni bsgos pa yin te/ dbang po drug po rnams dang dbang po drug gi spyod yul rnams dang / khams bzhi po rnams dang / nye bar len pa'i phung po lnga po rnams dang / bzang skyong 'di dag ni rnam par shes pa la bsgo bar bya ba yin par blta'o/ / dper na shing gi 'khrul 'khor phur bu gcig gis gzugs byas pa de bya ba thams cad byed de/ rgyug pa dang // mchong pa dang / gar byed pa dang / khya ba rnam pa sna tshog dag la 'jug na/ bzang
- 141a
skyong 'di ji snyam du sems/ 'khrul 'khor de gang gi dbang gis 'jug par 'gyur/ bzang skyong gis gsol pa/ bcom ldan 'das bka' rmas pa de'i rgyus ni bdag gis ma 'tshal to/ / bcom ldan 'das kyis bka' stsal pa/ bzang skyong 'khrul 'khor de ni las kyi dbang gis 'jug ste/ las de'ang gzugs can ma yin zhing / rnam par shes pa las mngon par 'grub pa'o/ / de bzhin du lus kyi 'khrul 'khor 'di'ang rnam par shes pa'i dbang gis 'byung ste/ rnam par shes pa'i khams 'di ni lus sna tshog la 'jug pa yin no// rnam par shes pa'i khams 'di ni lus skyod par byed pa'i phyir byed pa po'ang yin no// rnam par shes pa'i khams 'di ni lus kyi khams la rten pa'i phyir mi zad pa'ang yin no// rnam par shes pa'i khams 'di ni sngon gyi lus kyi gnas rjes su dran pa'i phyir blo phun sum tshogs pa'ang yin no/ / rnam par shes pa'i khams 'di ni nyi ma'i 'od zer dang 'dra bar blta bar bya ste/ dper na nyi ma'i 'od zer ni dri nga ba dag dang / mi gtsang ba dag dang / ro dag la'ang 'bab ste/ 'on kyang de dag la dri nges gos par mi 'gyur la/ nyi ma'ang dri nga ba bor te'ang mi 'gro'o// de bzhin du rnam par shes pa'i khams 'di'ang phyi sa dang snyag snyig za ba'i khyi dang phag gi skye gnas dag tu'ang skye ba yongs su 'dzin te/ / 'on kyang rnam par shes pa'i khams la spyod pa ngan pa de dag gis gos pa med do//
- 141b
bzang skyong gzhan yang rnam par shes pa'i khams 'di ni lus yongs su btang nas/ dge ba dang mi dge ba'i rjes su 'jug ste/ de'ang ji lta zhe na/ rnam par shes pa'i khams gzugs can ma yin pa 'dis lus 'dir bor nas/ bsod nams dang bsod nams ma yin pa yongs su 'dzin to// dper na rlung gi khams brag gi phrag nas byung nas/ shing tsam pa ka dang phrad de spos shin tu dri zhim pa khyer nas yang dring ba dang / mi gtsang ba dang / ro'i dri'ang khyer te 'gro la/ bzang skyong de las gang ches shas che ba de'i dri dang ldan par 'gyur ro// ji ltar rlung gi khams de dri rnam pa gnyis khyer te 'gro'ang / rlung gi khams de'ang gzugs can ma yin la/ dri de gnyis kyang gzugs can ma yin pa de bzhin du/ rnam par shes pa'i khams 'di'ang lus las 'phos te/ dge ba dang mi dge ba khyer nas 'pho ste/ de ltar na de'i 'pho ba dmigs so// dper na rmi lam na mis dngos po thams cad shes kyang / lus de mal na 'dug par mi shes pa de bzhin du/ bsod nams su nye bar 'gro ba'i sems can rnams rmi lam rmi ba bzhin du 'pho zhing 'gro'ang rnam par shes pa'i khams 'di'ang lkog ma'i mid pa rnams nas kyang mi 'byung / bu ga rnams nas kyang ma yin te/ de ni khung bu dang gseb rnams mi tshol lo/ / de nas bzang skyong gis bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das ji ltar na bya gag gi
- 142a
sgo nga 'am/ ngang ba'i sgo ngam 'phrugs pa shun pa ma rdol bar sgo nga'i nang nas bye'u phrug rnams 'chi 'pho bar 'gyur ba lags/ ji ltar na bu ga ma brtol bar rnam par shes pa 'pho bar 'gyur/ bcom ldan 'das kyis bka' stsal pa/ dper na til 'bru tsam pa ka'i me tog gis bsgos nas/ legs par brdungs te btsir ba las til mar byung ba ni tsam pa ka'i til mar zhes bya'o/ / 'di lta ste/ dper na dr-i des kyang ti le 'bru ma brtol bzhin du dri zhim pos bsgos te 'pho zhing 'gro'ang dri des snum gyi ro myong bar yang mi 'gyur la/ 'bru'i rkyen dang me tog dang phrad pas til mar dri dang 'dres pa'i dngos por 'gyur te/ 'on kyang til gyi 'bru de la me tog gi dri de gseb nas 'gro ba ni med la/ de'i rkyen gyis dri de 'pho zhing 'gro ba de bzhin du/ rnam par shes pa'i khams 'di 'ang me tog gi dri bzhin du sgo nga'i shun pa ma brdol bar 'pho zhing 'gro ste/ de'i 'pho ba'ang de bzhin du blta bar bya'o// gzhan yang de'i 'pho ba ni nyi ma dang / me shel dang / bsreg bya dang 'dra bar yang blta bar bya'o/ / gzhan yang sa bon 'pho ba dang 'dra ste/ sa phyogs gang du sa bon btab na/ sa'i khams dang / chu'i khams dang / me'i khams dang / rlung gi khams gcig pa kho na las sa bon des la rten cing sdong bu dang lo ma sngon por 'grub la/ me tog dkar po 'am/ sngon po 'am/ dmar por snang ba 'am/ kha dog sna tshogs sam/ smin pa'i ro tha dad par 'grub par 'gyur ba de bzhin du/ rnam
- 142b
par shes pa'i khams chos kyi khams gcig pu 'di las srid par skye ba thams cad du lus sngo bsangs sam/ dkar ba 'am/ ser ba 'am/ khra bo 'am/ mnam po 'am/ rang bzhin gyis mnyen por skye bar 'gyur ro/ / bzang skyong gzhan yang 'chi ba'i dus kyi tshe rnam par shes pa'i khams 'di lus yongs su btang nas/ sa bon du 'gyur te/ bdag nyid rkang lag dang ldan par shes so// 'on kyang de la yan lag dang nying lag ni med do/ / de'ang sa'i khams yongs su btang nas/ chos kyi khams yongs su 'dzin te/ chos kyi khams de'ang dran pa dang mtshungs par ldan no// dran pa de'ang spyod yul gyi stobs dang ldan no/ / chos kyi khams dran pa dang mtshungs par ldan pa'i len pa'i rgyu ni rnam par shes pa yin te/ rnam par shes pa ma gtogs par yang chos kyi khams mi dmigs la/ chos kyi khams ma gtogs par yang rnam par shes pa'i rkyen med do// rlung gi khams ni rnam par shes pa de'i rjes su 'jug go// gzhan yang lha'i khams 'di lta ste/ dran pa'i// khams dang / tshor ba'i khams dang / chos kyi khams dang / gzugs kyi khams gang yin pa rnams kyang rjes su 'jug go// de skad ces bka' stsal nas/ bcom ldan 'das la bzang skyong gis 'di/ skad ces gsol to// bcom ldan 'das ji ltar na rnam par shes pa de gzugs can lags/ bcom ldan 'das kyis bka' stsal pa/ bzang skyong 'di la nang gi gzugs dang phyi rol gyi gzugs yod de/
- 143a
de la nang gi gzugs gang zhe na/ zin pa'i mig gang yin pa de ni phyi rol gyi gzugs so// mig gi rnam par shes pa gang yin pa de ni nang gi gzugs so// rna ba gang yin pa de ni phyi rol gyi gzugasaso/ / rna ba'i rnam par shes pa gang yin pa de ni nang gi gzugs so// sna gang yin pa de ni phyi rol gyi gzugs so// sna'i rnam par shes pa gang yin pa de ni nang gi gzug so/ lce gang yin pa de ni phyi rol gyi gzugs so// lce'i rnam par shes pa gang yin pa de ni nang gi gzugs so// lus gang yin pa de ni phyi rol gyi gzugs so// lus kyi 'dus te reg pa las byung paba'i tshor ba gang yin pa de ni nang gi gzugs so/ / bzang skyong 'di lta ste/ dper na mi dmus long zhig nub mo gnyis kyi dbang du gyur pa na/ lha'i gzugs rkang lag mnyam zhing mchog tu yid du 'ong ba dag mthong la/ des de dag mthong nas mchog tu dga' ba bskyed de/ gnyid log pa las sad pa dang gzugs de dag ma mthong la/ de nam nang nas 'di skad du khyod nyon cig/ mdangs mtshan mo bdag gi rmi lam du bud med kyi gzugs mchog tu yid du 'ong ba dang skyed mos tshal mi stong gis gang ba mthong ste/ der bdag gis mi lus shin tu gzhon sha can/ lag pa glang po che mchog gi sna ltar ring ba/ thal gong yangs shing rgyas la/ brang yangs shing mkhregs pa dag mthong ngo zhes smra zhing / ma de dag gi lus kyi rgyan mdzes pa gang yin pa de dag
- 143b
bzlas la/ de nas dmus long des mi de dag nyid kyi gzugs rnams ma mthong na/ bzang skyong 'di ji snyam du sems/ mi dmus long des rmi lam du gzugs rnams ji ltar mthong / bzang / skyong gis gsol pa/ bcom ldan 'das de'i slad du bdag la bka' stsal du gsol/ bcom ldan 'das kyis bka' stsal pa/ bzang skyong de bas na nang gi mig shes pa dang ldan pas rmi lam du gzugs rnams mthong gi/ sha'i mig gis ni ma yin no// ji ltar mi gnyid kyis log pa'i rmi lam du yud tsam zhig dran pa 'byung ba bzhin du shi ba'i dran pa'ang de dang 'ang ste/ nang gi gzugs de'ang de bzhin du blta bar bya'o// bzang skyong gzhan yang mi shi ba'i rnam par shes pa'i khams de sa bon gyi khams bzhin du 'pho zhing 'gro ba ngas bshad par bya ste// dper na sa bon gyi khams sa gzhi la btab na/ khams bzhi po dag sdud par byed pa de bzhin du/ rnam par shes pa'i khams 'di'ang dran pa rab tu 'dzin cing // tshor ba yongs su 'dzin te// dge ba dang mi dge ba'ang rjes su bzung nas/ lus yongs su btang ste 'a'o zhing 'gro'o// bcom ldan 'das ji ltar na rnam par shes pa de dge ba dang mi dge ba yongs su 'dzin par 'gyur/ bzang skyong dper na nor bu rin po che pad+ma rA ga ni 'od nag po 'am/ dkar po 'dzin te/ 'od kyi rang bzhin ji lta ba bzhin du nor bu rin po che de la 'byung zhing / de'i rang bzhin nyid nor bu
- 144a
rin po che de la snang bar 'gyur te/ gnas gang dang gang du 'phos pa de dang der kha dog dag snang ba de bzhin du/ rnam par shes pa'ang dge ba dang mi dge ba yongs su bcu nas 'pho zhing 'gro'o/ / de nas yang bcom ldan 'das la bzang skyong gis 'di skad ces gsol to// bcom ldan 'das ji ltar nu lus 'di la rnam par shes pa rtogs 'gyur ba lags bcom ldan 'das kyis bka' stsal pa/ bzang skyong rnam par shes pa 'di bsags pa 'am/ spungs par mi dmigs so// de ci'i phyir zhe na/ rnam par shes pa'i khams 'di skye zhing 'gag pa'i phyir ro/ / bzang skyong dper na sa bon las myu gu 'byung mod kyi/ sa bon rul ba las kyang myu gu 'byung bar mi 'byur la/ sa bon ma nyams pa las kyang myu gu 'byung ba'i mi 'gyur te/ myu gu'ang 'grub par 'gyur na/ bzang skyong 'di ji snyam du sems/ myu gu de'i sa bon sdong bu 'am/ lo ma 'am/ sbubs gang na gnas/ sa bon ni shing gi rtse mo na'ang mi gnas so/ / de bzhin du lus 'di la rnam par shes pa gang na'ang mi gnas te/ mig la'ang ma yin/ rna ba la'ang ma yin/ sna'i dbang po la'ang ma yin no// sa bon gyi myu gu skye ba gang yin pa de ni sems pa chung ba yin no/ / mngal du skye ba de ni tshor ba chung ba yin te/ dper na myu gu 'byung zhing dus tshig dang ldan pa na/ me tog rnams 'grub ste/ me tog grub na 'bras bu 'grub pa yod pa de bzhin du
- 144b
rnam par shes pa'i khams 'dis lus 'grub par 'gyur ro/ / lus grub pa na yan lag dang nying lag gang la'ang rnam par shes pa mi gan la/ rnam par shes pa med na'ang lus skye bar mi 'gyur ro// dper na shing / yongs su smin pa las sa bon 'byung la/ yongs su ma smin pa las ma yin pa de bzhin du/ 'chi ba'i dus kyi tshe lus las rnam par shes pa 'di snang bar 'gyur te/ tshor ba dang mtshung par ldan pa/ sred pas bsdam pa/ dran pas yongs su bzung ba/ dge ba la dmigs pa dang mtshungs par ldan pa/ mi dge ba la dmigs pa dang mtshungs par ldan pa/ rlung gi khams kyis yongs su zin pa/ shes pas mngon par brlan pa/ rkyen la mngon du phyogs pa'i rnam par shes pa pha ma dang phrad pa na skye bar 'gyur ro// dper na me long gi dkyil 'khor shin tu phyis pa la bzhin gyi gzugs brnyan snang yang / bzhin med par yang gzugs brnyan mi 'byung la/ me long med par yang gzugs brnyan mi 'byung ste/ ji ltar bzhin dang me long zad pa las gzug brnyan 'byung bar 'gyur zhing / gzugs brnyan de'ang gzugs brnyan yin la/ de la tshor ba dang rab tu shes pa 'ang med de/ lus gang dang gang du bskyod pa de dang de nyid du gzugs brnyan 'pho zhing / ji lta bur lus smra ba dang / 'bod pa dang / 'gro ba dang / bskum pa dang / brkyang bar byed pa de bzhin du/ bzhin gyi gzug brnyan yang 'gyur bar snang ngo // bzang skyong 'di ji snyam du sems/ gang gi dbang gis gzug brnyan de dmigs par 'gyur/ bzang skyong gis gsol pa/ mi'i dbang gis gzugs brnyan
- 145a
gda' ste/ de'ang me long gi rkyen gyis bzhin gzug brnyan gdang la/ bzhin gyi mdog ci 'dra ba dang / dbang po ma tshang ba dang / dbang po tshang ba de nyid kyi gzug brnyan 'byung lags so// babang skyong / ji ltar lus kyi dbang dang / me long gyi dkyil 'khor gyi rkyen gyis gzugs brnyan 'grub par 'gyur ba de bzhin du/ rnam par shes pa'i dbang gis lus 'di tshor ba myong zhing / 'du shes dang / 'du byed rnams dang / yi da la byed pa 'grub par byed do// de la e long gang yin pa de ni pha a phrad pa lta bur blta'o// ji ltar lus mi snang na gzugs brnyan mi snang ste/ dper na me long gi dkyil 'khor la gzugs brnyan gyi rang bzhin yod pa spangs nas/ yang chu'i nang du gzugs brnyan 'byung bar byed pa de bzhin du/ rnam par shes pa'i khams 'di'ang lus yongs su btang ste/ lus kyi rang bzhin 'phangs nas/ phung po gzhan thob par 'gyur ro/ / dper na sa bo gyi khams chung ngu zin kyang / shing n+ya gro d+ha dang / u dum wa ra la sogs pa'i shing gi phung po chen po bskyed nas/ yang shing de yongs su btang ste/ shing gzhan 'dzin la/ sa bon gyi khams yongs su btang ba na/ dus bzlog par 'gyur bas/ shing de'i khams kyi bcud med par 'gyur ro// khams kyi bcud rnams med par gyur pas/ shing de yongs su rnyig shing yongs su bskam par 'gyur ba de bzhin du/ rnam par shes pa'i khams pa shing mi gsal ba 'dis kyang lus rnam bskyed nas/ yang yongs su btang ste/ lus gzhan dag sgrub par byed do//
- 145b
dper na nas dang / til dang / gro dang / mon sran gre'u dang / mon sran sde'u la sog pa'i sa bon cung zad gang na yod pa der cung zad sems pa lta bur gnas par 'gyur ba de bzhin du/ rnam par shes pa'i khams 'di'ang sems can gyi ris gang dang gang du 'pho ba de dang der sems pa yongs su bzung zhing / tshor ba chung ngu dang / bsod nams dang / bsod nams ma yin pa rjes su bzung nas/ 'jig rten 'di nas 'jig rten pha rol tu 'pho'o/ / dper na bung ba ro la sred pas yun ring du me tog la gnas te longs spyad nas/ me tog yotra su btang ste/ me tog gzhan du 'pho la/ bung ba de'ang me tog dri mi zhim ba la longs spyad nas/ dri zhim por 'gro bar byed de/ me tog gang dang gang la 'jar ba de dang de la chags shing / ro'ang myong bar byed pa de bzhin du/ rnam par shes pa'i khams 'dis kyang lha rnams kyi nang du lha'i lus blangs te/ dge ba'i rtsa ba shin tu long spyad nas phyir yang sems can dmyal ba dang / dud 'gro dang / yi dgas kyi nang du lus blangs te/ des mi dge ba'i rtsa ba yongs su myong nas/ yang phung po lnga/ po gzhan dag len to// de la rnam par shes pa'i khams 'di ji ltar blta zhe na/ dper na gur kum gyi sa bon nam/ le brgan rtsi'i sa bon rnams rang bzhin gyis dkar la/ de dag gi khong na myu gu'ang mi snang / me tog kyang mi snang / kha dog kyang mi snang / yang sa bon de sa'i khams la btab na/ chu'i khams kyis yongs su brlan nas/ myu gu mngon par grub par byed de/ myu gu mngon par grub na me tog dmar po 'am/
- 146a
dkar po 'am/ sngon po 'byung bar 'gyur te/ 'on kyang kha dog de'ang sa bon gyi khong na mi gnas la/ sa bon med na'ang kha dog dang myu gu 'byung bar mi 'gyur de bzhin du/ rnam par shes pa'i pham+ba 'dis kyang lus yongs su btang nas/ mi'i sha tshugs can yin la/ sha snag bu'i dbang po 'byung ba'i skye mched dang ldan pa ma yin te/ de lha'i mig dang / lha'i rna ba dang ldan zhing / smadang / dri dang / ro dang / chos kyi skye mched rab tu shes pa'i bdag nyid can du 'gyur la/ 'di snyam du gang bdag gis las byas pa de nyid ni 'di dag yin no snyam du'ang shes so// lus de'ang rnam par shes pa'i rkyen gyis bsdus pa yin te/ dper na dar gyi srin bu rang gi lus las skud pa'i rgyu byung bas khyim byas la/ de nyid de'i nang du 'chi ba'i dus byed do// de bzhin du rnam par shes pa'i khams 'dis kyang lus bskyed nas/ dar gyi srin bu bzhin du bdag nyid yang lus yongs su btang nas med par 'gyur ro// dper na pad+ma chu'i nang nas skyes te/ lha'i dri dang kha dog mngon par 'grub kyang / pad+ma dkar po de la chu'i kham kyang mi dmigs la/ de'i nang du mi snang bar gyur nas/ gang du sa bon gnas pa der kha dog dang / dri dang / ro rnams gnas par 'gyur ro// de bzhin du rnam par shes pa'i khams 'di gang du 'pho zhing 'gro ba der dbang po dag gi spyod yul rnams 'pho bar 'gyur te/ tshor ba dang / sems pa dang / chos kyi khamra rnams kyang der 'pho zhing 'gro bar 'gyur ro// dper na yid bzhin gyi nor bu rin
- 146b
po che gang du 'gro ba der longs spyod thams cad 'pho zhing 'gro bar 'gyur ro/ / dper na nyi ma dang 'brel ba'i 'od zer rnams nyi ma gang dang gang du 'gro ba de dang de nyid du 'od zer rnams kyang rjes su 'gro/ ba de bzhin du/ rnam par shes pa'i khams 'di gang dang gang du 'pho ba de dang de nyid du tshor ba dang / 'du shes dang / chos kyi khams rnams kyang 'pho zhing 'gro'o// gzhan yang rnam par shes pa'i khams 'dis lus yongasu btang nas/ dngos po thams cad kyi phrad pa yongs su bzung ste/ sha med pa dang rus pa med pa'i lus 'grub par byed do// de'i lus len pa'i rgyu ni gzugs yin no// dbang po'i dngos po rnams ni tshor bas myong ngo / / dran pa ni lha'i lta bas mthong ste/ dge ba dang maM dge ba'ang yongs su len to// dper na rgya shug dang / 'bra go dang / a mra dang / nyo ti dang / se'u dang / bal ba dang / ka pi di Tha la sogs pa'i 'bras bu rnams ni ro du mar 'grub ste/ tsha ba dang / kha ba dang / skyur ba dang / lan tshwa'i ro dang / bska ba la sogs pa'i ro re rer rnam par smin par 'gyur te/ la la ni ro tsha bar 'gyur/ la la ni sgyur/ la la ni dngar ro// 'bras bu de dag med par gyur pa'i sa bon gang dang gang du 'pho ba de dang der ro'ang 'pho bar 'gyur ro// de bzhin du rnam par shes pa'i khams 'di gang dang gang du 'pho ba de dang der tshor ba 'pho bar 'gyur ro/ / bsod nams dang / bsod nams ma yin pa dang / dran pa'ang 'pho bar 'gyur ro// gzhan yang rnam par shes pa'i khams
- 147a
'dis ni lus yongs su btang nas/ bdag gis lus 'di yongs su btang ngo snyam du rab tu shes te/ de bas na 'di la rnam par shes pa'i khams zhes bya'o// dge ba'i/ las kyang rab tu shes so// mi dge ba'i las kyang rab tu shes so// las 'di dag ni bdag gi phyi bzhin 'brang ngo // bdag kyang 'di dag gi phyi bzhin 'brang ngo snyam du de ltar rab tu shes te// de bas na rnam par shes pa zhes bya'o// gzhan yang lus 'di'i bya ba thams cad rab tu shes te/ de bas na rnam par shes pa zhes bya'o// dper na rlung gi khams grang bar yang 'gyur zhing / tsha bar yang 'gyur la/ dri zhim por yang ldang zhing / dring bar yang ldang ste/ spyod pa de dag thams cad ni rlung gi khams kyi rkyen las 'byung yang / rlung gi khams de'ang gzugs can ma yin la/ len pa'i rgyus snang ste/ ji ltar rlung gi khams kyis shing g.yo ba dang / grang ba dang / tsha ba'i reg pa len pa'i rkyen byed pa las rlung gi khams shes par 'gyur ba bzhin du/ rnam par shes pa'i khams 'di'ang gzugs can ma yin te/ gzugs len pa'i rkyen dang / 'dod pa len pa'i rkyen dang / lta ba len pa'i rkyen dang / tshul khrims dang / brtul zhugs mchog tu 'dzin pa len pa'i rkyen gyis tshor ba myong bar 'gyur ro/ / tshor ba'i rkyen gyis lus dang kha dog skye zhing 'grub par byed pas na rnam par shes pa zhes bya'o// de nas tshong dpon gzhon nu rma
- 147b
ba 'byor bstan las langs te thal mo sbyar nas/ bcom ldan 'das la 'di skad ces gsol to// bcom ldan 'das gzugs ji ltar blta bar bgyi/ len pa ni dza lta bu lags/ las len pa ni ji ltar blta bar bgyi/ lta ba len pa ni ji lta bu lags/ tshul khrims dang brtul zhugs mchog tu 'dzin pa'i len pa ni ji ltar blta bar bgyi/ bcom ldan 'das kyis bka' skul ba/ zla ba 'byor pa lags so legs so// mkhas pas ni mkhas pa'i mtshan nyid de ltar shes so// zla ba 'byor pa 'di na kha dog bzang po 'am/ kha dog ngan pa'ang rung ste/ de ni sha kham tshad dang / rtsa dang / rgyus pa dang / mgo bo dang / klad pa dang / rus pa dang / rkang dang / rgyu ma dang / gnye ma dang / mkhal ma dang / snying dang / lto dang / glo ba dang / phyi sa dang / gcin dang / lgang pa dang / pho ba dang / long ka dang / zhag dang / chu ser dang / rnag dang / khrag dang / mkhris pa dang / bad kan dang / ngar snabs dang / sgra dang / kha spu dang / sen mo dang / spu dang / pags pa sa g.yogs pa/ shin tu gyur pa/ mi sdug pa dang / mi gtsang ba mang po la rten pa'o// gzugs gang ci'ang rung ba de dag thams cad ni 'byung ba chen po bzhi dang / 'byung ba chen po bzhi rgyur byas pa las mngon par 'grub ste/ de'ang pha ma phrad pa'i rkyen gyis 'grub par 'gyur te/ de bas na
- 148a
gzugs len pa'i rgyu zhes bshad do/ / thab 'byor pa lus kyis pa nyid gang yin pa de ni sa'i khams so// gsher ba nyid gang yin pa de ni tshu khams so// nyid dang yongs su smin par byed pa gang yin pa de ni me'i khams so// g.yo ba nyid dang / bskum pa dang / brkyang ba nyid gang yin pa de ni rlung gi khams so// lus de'i rab tu shes pa dang / ro'i khams dang / dri'i khams dang / sgra'i khams dang / reg bya'i khams dang / dran pa gang yin pa de ni rnam par shes pa zhes bya'o// de nas bcom ldan 'das la tshong dpon gzhon nu zla ba 'byor pas 'di skad ces gsol to/ / bcom ldan 'das 'gum pa'i dus kyi tshe rnam par shes pa 'dis gzugs kyi khams ji ltar yongs su gtong bar 'gyur/ lus las rnam par shes pa ji ltar 'byung bar 'gyur/ lus yongs su btang nas 'di snyam du 'di ni bdag gi khog pa yin no snyam du ji ltar 'tshal bar 'gyur/ bcom ldan 'das kyis bka' stsal pa/ zla ba 'byor pa 'dir lus 'di gnas par gyur nas/ dus log par gyur pas khams rnams yongs su gtong bar 'gyur te/ dper na 'o ma dang chu bsres te lhan cig tu bzhag pa me dang phrad na 'o ma'ang logs shig tu 'gyur zhing / chu'ang logs shig tu 'gyur te/ 'o ma'i snum gyi khams gang yin pa de'ang gzugs can ma yin no// zla ba 'byor pa de bzhin du mi shi ba'i khog pa'ang log
- 148b
shig tu 'gyur/ khams rnams kyang logs shig tu 'gyur/ rnam par shes pa'ang logs shig tu 'gyur te/ rnam par shes pa de'ang khams kyi rten yongs su blangs nas/ chos kyi khams yongs su len to/ / dran pa ni chos kyi khams dang 'brel bar 'gyur te/ dran pa chos kyi khams dang 'brel pa dang / dge ba dang mi dge ba blangs nas 'jig rten pha rol tu 'gro bar 'gyur ro// dper na dge ba chen po zhes bya ba'i sman mar de ni/ sman ro tsha ba dang / kha ba dang / sgyur ba dang / lan tshwa'i ro dang / bska ba'i ro'i mthu dang / rnam par smin pa du ma blangs nas lus kyi nang du 'gro'o/ / dge ba'i sman mar gyi ro'i mthu dang rnam par smin pa de nang du song bas/ lus la kha dog dang / dri dang / ro skyed par byed cing / de mar gyi khams yongs su btang nas lus la 'pho ba de bzhin du/ rnam par shes pa'i khams 'dis kyang lus yongs su btang nas/ dge ba dang mi dge ba yongs su blangs shing / chos kyi khams yongs su blangs nas/ rnam par shes pa 'pho bar 'gyur te/ mar gyi khams gang yin pa de ni lus lta bu'o// sman rnams phrad pa gang yin pa de ni dbang po rnams phrad pa lta bu'o// sman rnams kyi kha dog dang / dri dang / ro dang / reg bya gang yin pa de ni rnam par shes pa lta bu'o// 'pho ba gang yin pa de ni shi 'pho ba'i rnam par shes pa 'pho ba lta bur blta bar bya'o// mi'i kha dog rgyas pa dang / mdog bzang zhing bde bar
- 149a
smin pa gang yin pa de ni dge ba lta bur bstan to/ / dge ba chen po'i sman mar des mdog ngan cing skya bor gyur pa gang yin pa de ni mi dge ba lta bur bstan to// dge ba chen po'i sman mar rin po che ji lta ba de bzhin du ni rnam par shes pa'i khams blta bar bya'o/ / ji ltar dge ba chen po'i sman mar gyis sman rnams kyi kha dog 'jug par byed cing / ro dang dri 'jug par byed kyang / mar de la rkang lag dang mig med pa de bzhin du/ rnam par shes pa'i khams 'dis kyang lus yongs su btang zhing khams rnams bor nas/ chos kyi khams yongs su len cing // tshor ba yongs su len te/ dge ba dang mi dge ba yongs su len to// zla ba 'byor pa mi shi 'phos pa des kyang lha'i dran pa thob par 'gyur te/ 'dod pa na spyod pa drug gi lha rnams mthong ngo // sems can dmyal ba bcu drug kyang mthong ngo // bdag nyid kyi lus rkang lag nyams pa'ang mthong ste/ de 'di snyam du 'di ni bdag gi khog pa yin no snyam du'ang shes so// de 'chi ba'i dus kyi tshe'i dran pas lha'i ltas khang pa brtsegs pa rnam par bkra zhing / shing gel ba dang / 'khri shing dang / ldum bu sna tshogs kyis kun nas bskor ba/ gser btsom gsar pa'i mdog ltar spa ba/ spras pa rnam par dbye ba byas pa dag mthong ngo // des ltas de mthong nas mchog tu dga' ba skyes te/ de dga' ba skyes pa des bde ba'i rnam par smin pa'i 'chi ba'i dus kyi
- 149b
chos dang ldan par 'gyur ro/ / de'i rnam par shes pa de ni rta la zhon pa dang 'dra bar blta ste/ dper na g.yul ngor chas ban/ dmag mi'i nang na mi tsi la ma rag par chas pa ska las bzung sme myur ba myur bar zhon par byed pa de bzhin du/ rnam par shes pa'i khams 'di'ang dge ba la dmigs pa dang / 'brel cing dbugs rgyu ba rgod pas/ chos kyi khams yongs su blangs shing / skye mched 'gags te/ lus bor nas/ lha'i gnas 'og min man chad tshangs pa'i bar du yongs su len par 'gyur ro// // bam po gnyis pa ste tha ma'o/ / de nas sman chen gyis bcom ldan 'das kyi zhabs la gtugs nas/ bcom ldan 'dra la 'di skad ces gsol to// rnam par shes pa lus las 'pho ba de'i rang bzhin ji lta bu zhig lags/ bcom ldan 'das kyis bka' stsal pa/ sman chen da ltar khyod kyis nga la ji skad bskul ba de ni de bzhin te/ legs so legs so// dri ba 'di ni mchog tu zab bo/ / dri ba 'di ni de bzhin gshegs pas bstan par bya ba yin te/ rnam par shes pa de ston pa ni de bzhin gshegs pa ma gtog pa gzhan med do// de nas bcom ldan 'das la bzang skyong gis 'di skad ces gsol to/ / bcom ldan 'das rgyal po'i bu gzhon nu sman chen 'di ni zab mo'i zhub zhu ba la mkhas pa lagra te/ blo zhib cing mdzangs la mkhas pa
- 150a
lags so/ / bcom ldan 'das kyis bka' stsal pa/ bzang skyong de de bzhin te/ rgyal po'i bu gzhon nu sman chen 'di ni bcom ldan 'das rnam par gzigs la dge ba'irtsa ba bskyed pa yin no/ / bzang skyong rgyal po'i bu gzhon nu sman chen 'di ni tshe rabs lnga brgya'i bar du gzhan mu stegs can du gyur nas/ de 'di snyam du rtog ste/ rnam par shes pa'i khams 'di ci yin// rnam par shes pa'i khams 'di su yin/ rnam par shes pa'i khams 'di ji lta bu zhig yin no snyam mo// bzang skyong 'on kyang rnam par shes pa'i 'gro ba dang 'ong ba khong du ma chud de/ ngas 'di'i the tsom bsal bar bya'o/ / de nas tshong dpon bzang skyong gis sman chen la 'di skad ces smras so// sman chen legs so legs so// khyod ni shes rab rgya che zhing yangs la chos zab mo zhu ba la mkhas so/ / sman chen bcom ldan 'das ye shes la 'jug pa blo dag pa'i rtsa bar gyur pa la skul cig/ zla ba 'byor pa 'di ni byis pa ste/ yul la sred pas/ bcom ldan 'das de bzhin gshegs pa la lan 'ga' yang ma bskul bskul ba ma byas so/ / de bzhin gshegs pa 'byung ba ni rnyed par dka' la/ dam pa'i chos dang phrad pa'ang shin tu rnyed par dka/ bcom ldan 'das kyi zab pa zab pa'i gnas rnams bcom ldan 'das la skul cig/ de nas sman chen gyis bcom ldan 'das kyi zhal ston ka'i dus kyi me tog pad+ma'i tshal
- 150b
ltar rgyas pa mthong ngo / / mthong nas kyang sman chen dad pa skyes te/ bcom ldan 'das la 'di skad ces gsol to// bcom ldan 'das bdag ni chos 'tshal ba lags na/ bde bar gshegs pas bdag la bstan du gsol/ bskal pa'i mthar ma thug par yongs su mya ngan las 'das par gshegs pa zhig tu gyur na/ de'i slad na sems can 'di dag gis las dge ba dang mi dge ba rnams kyi rnam par smin pa ma 'tshal to/ / 'khor ba na yongs su 'khyam par 'gyur du mchi'o// bcom ldan 'das kyis bka' stsal pa/ sman chen ngas tshigs su bcad pa phyed kyi don gyi phyir yang brag gi rtse mo nas rang gi lus bor te dka' ba rnam pa brgya stong du ma nyams su myong ngo / / sman chen khyod ci dang ci 'dod pa dris shig dang / ngas khyod la lan gdab bo// de skad ces bka' stsal nas bcom ldan 'das la sman chen gyis 'di skad ces gsol to/ / bcom ldan 'das rnam par shes pa 'di'i ring bzhin ci lags/ bcom ldan 'das kyis bka' stsal pa/ sman chen sgyu ma mkhan gyi me'i rang bzhin gang yin pa dang / me'i grib ma chu'i nang du 'byung ba gsal ba ma yin zhing / mi gsal ba'i rang bzhin gang yin pa dang / mig dang nam mkha'i rang bzhin gang yin pa dang / sred pa'i rang bzhin gang yin pa bzhin no// sman chen gyis gsol pa/ bcom ldan 'das sred pa'i rang bzhin ji lta bu lags/ bcom ldan 'das kyis
- 151a
bka' stsal pa/ snying du sdug pa'i mi mthong ba na/ mig gi dbang po 'pho ba dang / ji ltar mis me long la rang gi bzhin gyi gzugs brnyan mthong la/ me long gung du phyung na rang / gi bzhin gyi gzugs brnyan mi mthong ba de bzhin du/ rnam par shes pa khams 'di 'phos na/ rang gi bsod nams dang bsod nams ma yin pa rnam par shes pa'i khams des ma mthong ngo // / dper na mi dmus long gis nyi ma 'char ba 'am/ nyi ma gung na 'dug pa'ang mi mthong la/ mtshan mo'ang zla ba 'char ba dang nub pa ma mthong ba de bzhin du/ rnam par shes pa'i khams 'di'ang lus la mi snang ngo / / sman chen 'on kyang lus la sred pa dang / tshor ba dang / 'du shes dang / rab tu shes pa gang yin pa de ni rnam par shes pa'i khams yin te/ de'ang lus 'di'i khams rnams dang / skye mched rnams dang / phung po rnams phrad par byed pa yin no// de la gzugs can gyi dngos po gang yin pa de ni/ 'di lta ste/ mig dang / rna ba dang / sna dang / ro dang / sgra rnams so// tshor ba dang / sdug bsngal dang / bde ba dang / yid rnams na gzugs can ma yin pa'i dngos po ste/ de ni rnam par shes pa'i khams yin no// sman chen ji ltar mi'i lce'i thor tos ro kha ba dang / tsha ba dang / sgyur ba dang / dngar ba dang / lan tshwa'i ro dang / bska ba tshor te/ de'i lce de'ang gzugs can yin la/ ro'i dngos po'ang gzugs can yan no// de
- 151b
bzhin du lus 'di la'ang rus pa dang / rkang dang / sha dang / khrag ni gzugs can yin la/ tshor ba gang yin pa de ni gzugs can ma yin te/ gang gis rnam par smin pa dang / bsod nam/ dang / bsod nams ma yin pa myong ba de ni rnam par shes pa'o// de nas bzang skyong gis bcom ldan 'das kyi zhabs la gtags nas/ bcom ldan 'das la 'di skad ces gsol to// / bcom ldan 'das bsod nams dang bsod nams ma lags pa myong ba de gang lags/ bcom ldan 'das kyis bka' sprul pa/ bzang skyong de'i phyir nyon cig/ bden pa ma mthong bas ni rnam par shes pa 'di mi mthong ste/ de ni lag mthol du skyu rur bzhag pa bzhin du mthong bar mi 'gyur ro// de ni mig la'ang mi gnas te/ mig las kyang skye ba mthong bar yang mi 'gyur ro// bzang skyong de bzhin gshegs pa gang+gA'i klung gi bye ma snyed dag gis rnam par shes pa'i khams 'di ji ltar gzigs pa de bzhin du/ ngas kyang gzugs can ma yin par thugs su chud de/ 'on kyang byas pa rnams kyis mi shes pa'i phyir/ rnam par shes pa'i khams 'di dpes bstan to// bzang skyong 'di na rnam par shes pa'i khams 'dis bsod nams dang bsod nams ma yin pa ji lta ba bzhin du rig ste// dper na mi la la skem byed dam/ brjed byed dam/ dri za'i gdon nam/ lha'i gdon gyis zin par gyur na/ bzang skyong 'di ji snyam du sems/ ci mo de'i khong na 'dug pa'i skem byed dam/ dri za 'am/
- 152a
b+ha de snang ngam/ gsol pa/ bcom ldan 'das de ni ma lags so// mi de'i nang ngam/ slad rol na'ang gdon mi gda' ste/ gdon de dag ni gzugs ma mchis pa lags so/ / bzang skyong dper na lha'i gdon chen pos me tog shin tu dri zhim pa dang / spos dang / bdug pa dang / me tog 'phreng byin pa len pa de bzhin du/ rnam par shes pa'i khams bsod nams dang ldan pas kyang lus blangs nas/ rgyal srid kyi dbang phyug gam/ tshong dpon nyid dam/ lha nyid byed du 'jug ste/ de ltar na rnam par shes pa'i khams 'dis ni bsod nams myong ba yin no/ / ji ltar lha'i gdon de lha'i me tog 'phreng byin pas rangs par 'gyur zhing / mi de'i lus kyang tshim par 'gyur ba de bzhin du/ rnam par shes pa'i khams 'di'ang rgyal srid kyi dbang phyag nyid la dga' bar 'gyur zhing / lus de'ang tshim par 'gyur te/ de ltar na rnam par shes pa 'di ni bsod nams myong ba yin no// bzang skyong dper na srul po'i gdon mi sdig cing gzugs mi snang ba mi'i lus la gnas te/ mi gtsang ba dang / rul ba dang / ldan ljin dang / stor khung nas 'bab pa dang / gtor ma 'dod cing / de'ang gtor ma des dga' bar 'gyur la/ mi de'ang gdon gyi dbang gis dring zhing mi gtsang ba las byung ba'i kha zas btsog pa dag la chags shing dga' bar 'gyur ba de bzhin du/ rnam par shes pa'i khams 'di'ang bsod nams ma yin par nye bar
- 152b
'gro ba'i las kyis skye gnas ngan par skyes te/ dbul po 'am/ yi dgas ngan pa 'am/ ldan ljin za ba dag la chags shing dga' bar 'gyur te/ de ltar na rnam par shes pa'i khams 'di ni bsod nams ma yin pa myong ba'ang yin no/ / dper na lha'i gdon chen po gzugs med pa de lha'i longs spyod len pa de bzhin du/ rnam par shes pa'i khams gzugs can ma yin pa 'di'ang bsod nams gzugs can ma yin pas yongs su bzung nas lha'i lus rnams skyed par byed do/ / dper na srul po'i gdon gzugs med pa maM la gnas shing phyi sa dang ldan ldan ljin za bar byed pa de bzhin du// rnam par shes pa'i khams 'di'ang bsod nams ma yin par nye bar 'gro ba'i las rnams kyis skye gnas ngan par skye bar 'gyur te/ de ltar na rnam par shes pa'i khams 'di ni bsod nams ma yin par nye par 'gro bar yang blta'o/ / bzang skyong de bas na/ khyod kyis gdon gang yin pa de ni gzugs med pa'i phyir/ rnam par shes pa'i khams lta bur blta'o// gdon gyi longs spyod bzang po dang ngan pa gang yin pa de dag ni dge ba dang mi dge ba lta bur blta'o/ / mi gang yin pa de ni lus lta bur blta'o// de nas bcom ldan 'das la sman chen gyis 'di skad ces gsol to// bcom ldan 'das lus 'di len pa'i rgyu ji ltar blta bar bgyi/ bcom ldan 'das kyis bka' stsal pa/ 'di ni phan tshun gyi rkyen gyis 'dod pa len par byed de/ dper na gtsub stan las kyang brten
- 153a
gtsub shing las kyang brten/ de skyed pa'i mo'i rtsol ba las kyang brten te me 'grub par 'gyur ba de bzhin du/ lus 'di len pa'i rgyu skyes pa dang bud med kyi rkyen gyis sgra dang / reg pa dang / ro dang / gzugs la sogs pa'i 'dod pa 'grub par 'gyur ro// dper na me tog las 'bras bu 'grub par 'gyur te/ 'on kyang me tog de la'ang 'bras bu mi dmigs la// 'bras bur grub pa la'ang me tog mi dmigs pa de bzhin du/ lus 'di las rnam par shes pa 'byung ste/ 'on kyang lus de la'ang rnam par shes pa mi snang la/ rnam par shes pa ldog pas kyang lus kyis rus pa dang / rkang dang / mer mer po dang / mi gtsang ba rnams rnam par 'jig par 'gyur ro// dper na sa bon de me tog gi kha dog dang / ri dang / ro 'debs pa de bzhin du/ rnam par shes pa'i khams 'dis kyang lus yongs su btang nas/ dge ba dang mi dge ba btab cing / tshor ba dang / 'du shes dang / yid la byed pa'ang btab nas 'jig rten pha rol tu 'gro'o/ / dper na skyes pa dang bud med gnyis kyi dbang po gnyis phrad nas dga' bas brlan te/ bud med la shin tu dam por 'khyud nas nyon mongs pa 'byin par byed de/ de gnyis kyi nyon mongs pa med par gyur na yang bral bar 'gyuraro/ / de gnyis la 'dod pa dang ldan pa'i bde ba 'byung bar 'gyur te/ der nyon mongs pa byung nas 'dod chags med par 'gyur te/ yang gcig
- 153b
la gcig 'dod chags dang bral bar 'gyur ba de bzhin du/ rnam par shes pa'i khams 'dis lus dang phrad pa rnyed nas dga' ba bskyed de/ chags pa 'phel bar byed do// dper na lus kyi rkyen gyis bud med kyi gzugs mthong na skyes pa'i 'dod chags skyed la/ yang phrad pa las bral na phyir ldog par 'gyur ba de bzhin du/ rnam par shes pa'i khams 'dis lus yongs su blangs nas/ yang bor te gzhan du 'gyur ba med par 'gyur ro/ / 'di la pha ma phrad pa dang / dri za nye bar gnas pa dang / las la dmigs pa'i dngos po las rnam par shes pas lus 'grub par byed de/ las de dag kyang gzugs can ma yin la/ skyes pa dang bud med kyi rkyen gyi ngo bo de'ang gzugs can ma yin no// len pa'i rkyen las 'dod pa 'byung ste/ de bas na 'dod pa'i len pa zhes bya'o// gzugs kyis 'dod pa len pas na/ de'i phyir yang 'dod pa'i len pa zhes bya'o// sman chen gzhan yang tshul khrims dang brtul zhugs mchog tu 'dzin pa'i len pa de gang zhe na/ 'di la tshul khrims ni srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / sbyar ba'i chang myos par byed pa bag med pa'i gnas spong ba'o// de'i mchog tu 'dzin pa ni rgyun du zhugs pa'i 'bras bu dang / lan cig phyir 'ong ba'i 'bras bu'o// de'i len pa ni srid pa ste/ lha dang mor skye zhing / skye ba yong su 'dzin pa skyed pa ste/ de ni zag pa dang bcas pa dang /
- 154a
zag pa med pa'i dge ba yongs su smin par byed do// phung po rnams kyi sa bon yang rlan par byed do// las dge ba dang mi dge ba rnams kyang sdud par byed do// rnam par shes pa'ang sbyor bar byed do/ / nyon mongs pa blangs pa rnams kyang sreg par byed do// de bas na 'di ni tshul khrims dang brtul zhugs mchog tu 'dzin pa'i len pa zhes bya'o// de skad ces bka' sprul nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa 'dis ji ltar lha'i nang du lus yongs su len pa lags/ sems can dmyal ba rnams su ji ltar len pa lags/ bcom ldan 'das kyis bka' stsal pa/ sman chen de'i phyir nyon cig/ 'di la rnam par shes pa'i khams 'dis chos kyi khams yongs su blangs nas/ lha'i lta ba bskyed de/ de'i lta ba de'ang sha'i mig la rten pa ma yin no// de'i lta bas mthong ba gang yin pa de ni len pa zhes bya ste/ de bas na lta ba'i len pa zhes bya'o// de'i lha'i lta ba bsod nams la dmigs pa dang mtshungs par ldan pa des 'dod pa na spyod pa'i lha rnams kyi nang du lha'i gnas mthong ste/ der lha rnams lha'i rtse ba dag gis rtse ba mthong nas/ de der chags pa skye'o// 'di snyam du'ang sems te/ bdag ni der 'gro'o snyam mo// des der chags su rung zhing dran pa dang ldan pa'i sred pa rab tu shes so// dur khrod na 'dug pa'i khog pa de'ang des mthong nas 'di
- 154b
snyam du sems te/ 'di ni bdag gi dge ba'i bshes gnyen yin te/ 'dis bdag lha rnams kyi nang du skye ba yongs su len pa gang yin pa'i bdag gi dge ba'i rtsa ba bsags so snyam mo// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa khog pa de la chags na ci'i slad du mi gnas/ khog pa de nyid la ci'i slad du mi rten/ bcom ldan 'das kyis bka' stsal pa/ sman chen dper na mi la la'i sgra dang kha spu bregs te/ skra dang kha spu de mthong nas mi de 'di snyam du sems te/ skra 'di dag ni dri zhim zhi gnag pa yin gyi/ 'di dag ni phyir yang mgo la bskyed par bya'o snyam na/ sman chen 'di ji snyam du sems/ ci sgra de dag phyir skye bar 'gyur ram/ gsol pa/ bcom ldan 'das de ni ma lags so/ / bcom ldan 'das kyis bka' stsal pa/ sman chen de bzhin du rnam par shes pa'i khams 'dis khog pa bor nas phyir yang khog pa de nyid la gnas pa 'di ni gnas med do// de skad ces bka' stsal nas/ bcom ldan 'das la sman chen gyis yang 'di skad ces gsol to// rnam par shes pa'i khams cha phra zhing mi mngon pa 'dis glang po che'i lus bong chen po ji ltar sgrub par bgyid cing / rdo rje ltar sra ba'i khog pa'ang ji ltar rtol bar bgyid/ glang po che dgu stong gi stobs dang ldan pa'i mi dang / glang po che'i rgyal po'ang ji ltar 'dzin par bgyid/ bcom ldan 'das kyis
- 155a
bka' stsal pa/ sman chen dper na rlung gi khams gzugs med cing bstan du med pa ri'i phrag na gnas pa de'ang ri'i phrag de nas byung ste/ ri rab dang 'ang zhing mtshungs pa'i ri/ rtse mo snyol bar byed cing / 'gyes par byed na/ sman chen 'di ji snyam du sems/ rlung gi khams kyi rang bzhin ni ji lta bu/ ri de'i rang bzhin ni ji lta bu/ sman chen gyis gsol pa// rlung gi khams ni snyi zhing lus ma mchis par blta bar bgyi'o/ / bcom ldan 'das kyis bka' stsal pa/ sman chen de de bzhin te/ ji ltar rlung gi khams skye zhing lus med pa de bzhin du/ rnam par shes pa 'di'ang zhan cing lus med mod kyi/ lus chen po dag dang chung ngu dag kyang skyed par byed de/ sbrang bu'i yang rnam par shes pa de nyid yin te/ glang po che'i yang de nyid yin no// dper na mar me'i me lce chung yang ra ba 'am/ khang pa'i nang gi mun pa chen po sel bar byed pa de bzhin du/ rnam par shes pa'i khams 'dis kyang lus len pa'i rgyu des na gzugs chung ngu dang chen po rnams 'grub par byed do/ / de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das ci las de gzugs can zhig lags sam/ 'on te gzugs ma mchis pa lags/ rang bzhin ni ji lta bu lags/ rkyen ni ji lta bu dag las blta bar bgyi/ bcom ldan 'das kyis bka' stsal pa/ sman chen 'di la las rnams kyi spyod yul ni
- 155b
lha'i bde ba dag dang / 'byor pa dag dang / lha'i kha zas 'thob pa yin te/ dper na mi dbul po gnyis shig 'brog tu 'khyam pa las/ der gcig gis ni chu bsil ba rnyed la/ gcig ni skom ste shi na/ chu de la la zhig gis snyim pas bcus te mi de la byin pa'ang med/ la la zhig gis mi cig shos de la bkag pa'ang med kyi/ bsod nams kyi mthu 'ba' zhig gis gcig gis ni chu rnyed la/ gcig gis ni ma rnyed pa de bzhin du/ dge ba dang mi dge ba'i chos de dag blta bar bya'o// zla ba yar gyi ngo dang mar gyi ngo ji lta ba bzhin du/ dge ba dang mi dge ba'ang de bzhin du blta bar bya'o/ / dper na shing thog rlon pa yongs su smin pa na/ kha dog gzhan du 'gyur te/ kha dog de dang yongs su smin pa'ang me'i kham kyi dbang gis 'gyur ro// de bzhin du lus 'di'ang bsod nams kyi dbang gis tshong dpon gyi khyim nor dang gser 'byor pa dag tu rgyan nye bar ston to/ / lha'i gnas dag tu lha'i rgyan dag nye bar ston te/ dbang phyug gi rgyan gang yin pa de ni bsod nams kyi dper bstan to/ / dper na sa bon sa la btab na/ shing gi rtse mor snang bar 'gyur la/ sa bon de'ang sdong bu nas sdong bu'i rtse mor 'pho ba med cing / shing gi nang na'ang sa bon de mi dmigs la/ mi la la zhig gis lag pa gnyis kyis sa bon de blangs te/ shing gi rtse mor bzhag pa'ang med cing / sa bon rtsa ba nas 'pho ba'ang mi dmigs pa de bzhin du las dge ba dang mi dge ba lus la gnas
- 156a
pa rnams kyang lus la mi snang ngo / / dper na sa bon las me tog 'grub pa na/ sa bon gyi nang na'ang me tog mi snang zhing / me tog gi na na'ang 'bras bu mi dmigs la/ sa bon dang me tog kyang gnyis su dbyer med pa de bzhin du/ lus las kyang las 'byung / las las kyang lus 'byung mod kyi/ lus kyi nang na'ang las mi snang / las kyi nang na'ang lus mi snang ngo / / dper na me tog yongs su smin pa na 'bras bu dmigs pa de bzhin du/ lus smin na las rnams dmigs so// dper na gang na sa bon gnas pa der me tog 'byung bar snang ba de bzhin du/ lus 'di gang dang gang du skyes par gyur pa de dang der/ las dge ba dang mi dge ba 'byung bar snang ste/ las de'ang gzugs can ma yin la/ rnam par smin pa'ang gzugs can ma yin no/ / dper na mi'i lus las grib ma mi gsal zhing gzugs can ma yin pa 'byung la/ mi de nyid kyi phyi bzhin 'brang ste/ grib ma de'ang mi de'i lus dang 'brel ba ma yin la/ lus med par yang grib ma 'byung bar mi 'gyur ba de bzhin du/ lus 'di la dge ba dang mi dge ba 'brel bar 'dug ste/ lus gang dang gang du 'pho ba de dang der las rnams 'brang bar 'gyur te/ lus kyi dbang gis las rnams 'brang ba'ang ma yin la/ lus med na'ang las rnams skye bar mi 'gyur ro// dper na sman tsha ba dang / kha ba dang / bskab la sog pa'i bye brag
- 156b
gis lus la bkru sman btang na nad thams cad las thar par 'gyur zhing / lha'i mdog rgyas pa'ang lus la snang bar 'gyur ba de ji ltar sman tsha ba dang kha ba rnams kyis lus kyi mdog gzhon/ shar 'dug pa dang / yid du 'ong ba sgrub par byed cing / 'di snyam du mi 'dis ni sman zos gor ma chag go snyam du shes par 'gyur mod kyi/ sman de dag gi ro dang smin pa de'ang gzugs can ma yin la ro dang smin pa gzugs can ma yin pa'ang mi'i mdog rgyas pa las snang bar 'gyur ba de bzhin du/ dge ba'i las 'di'ang gzugs can ma yin te/ de las lus grub nas/ kha zas dang nye bar spyad pa dang / longs spyod dang / gos kyi bye brag gi dbang gis rkang lag mnyam zhing mchog tu bde ba dang ldan te/ nor bu dang / gser dang / dngul 'byor par 'gyur ba de dag thams cad ni dge ba'i las kyi 'bras bu yin no/ / rigs dang longs spyod rgyas shing 'byor pa las nyams pa dang / nye bar spyad pa dang bral zhing gzhan la re ba dang / kha zas ngan pa za zhing mal stan ngan pa dang gzugs ngan cing mi sdug pa'i lus can gang yin pa de dag ni mi dge ba'i las de'i 'bras bu yin no/ / dper na me long gi dbang gis bzhin gyi mdog sdug pa 'am/ mdog mi sdug pa snang la/ me long gi gzugs brnyan de'ang gzugs can ma yin pa de bzhin du/ dge ba dang mi dge ba'i las kyi dbang gis rnam par shes pa 'di lnga rnams dang / mi rnams dang /
- 157a
sems can dmyal ba dang / dud 'gro dang / yi dgas rnams kyi nang du skye bar 'gyur te/ sman chen las rnams ni de ltar blta bar bya'o// de ltar na las 'di dag ni rnam par shes pa'i rjes su 'brang ngo / / gsol ba/ bcom ldan 'das rnam par shes pa 'dis dbang po rnams ji ltar 'bebs/ lus chen po'ang ji ltar yongs su 'dzin par bgyid/ bcom ldan 'das kyis bka' stsal pa/ sman chen 'di lta ste/ dper na rngon pa nags thibs po'i nang du song nas// gzhu shin tu bkang ste/ dug mdas spos kyi glang po che bong tshod che ba la bsnun la/ dug de'ang khrag dang phrad na yan lag dang nying lag rnams su 'pho zhing 'gro ste/ dbang po'i spyod yul thams cad 'dor la/ gnad rnams su bsnun cing khrag gi kha dog bsgyur te/ yan lag dang nying lag thams cad du 'pho zhing 'gro la/ phyir yang lus bor nas/ dug de lus las phyir byung na/ sman chen 'di ji snyam du sems/ dug de dang glang po che'i khog pa de'i tshad ji tsam/ gsol pa/ ri rab dang yungs 'bru bzhin lags so// bka' stsal pa/ dug de ji ltar 'pho ba de bzhin du/ rnam par shes pa'i khams 'di'ang lus yongs su spong / zhing dbang po rnams kyang 'dor la/ khams rnams kyang yongs su gtong ngo // de ltar na rnam par shes pa 'di dbang po rnams 'dor bar byed do// sman chen gzhan yang khyod kyis
- 157b
bcom ldan 'das rnam par shes pa 'di ji ltar lus chen po yongs su 'dzin par bgyid ces zer ba ni/ ji ltar kho lag che zhing rags pa'i lus 'di la mi sems pa bzhin te/ dper na ri'i rgyal po ri rab kyi 'phang du dpag tshad brgyad khri bzhi stong yod la/ de'ang klu'i rgyal po dga' bo dang nye dga' gnyis kyis sum khris su yongs su dkris te/ klu'i rgyal po de gnyis kyi dbug phyi nang / rgyu bas rgya mtsho btung du mi rung bar 'gyur zhing / de gnyis kyi dbugs kyis ri rab kyang g.yo bar byed de/ de gnyis ji ltar dug che la spro ba che zhing yangs pa bzhin du/ nor rgyas kyi bu dang 'jog po gnyis kyang de dang 'dra'o/ / sman chen 'di ji snyam du sems/ de dag gi rnam par shes pa'ang gzhan la/ sbrang bu'i yang gzhan no snyam nas/ de ltar blta bar mi bya ste/ sman chen 'di ltar rnam par shes pa de nyid sbrang bu'i yang yin la/ de nyid de dag go'ang yin no// dper na dug bad sa nA pa dang / ha la ha la'i thigs pa chung ngu'ang klu'i rgyal po dga' bo dang nye dga' la sogs pa de dag gis zos na/ de dag kyang 'chi bar 'gyur ro// sman chen 'di ji snyam du sems/ dga' bo dang nye dga' la sogs pa'i dug gang yin pa dang / bad sa nA bA dang / ha la ha la'i dug gi thigs pa gang yin pa de'i nang na ches mang ba gang yin/ gsol pa/ bcom ldan 'das dga' bo dang nye dga' gnyis kyi dug ches mang bar blta bar bgyi ste/ bad sa nA bA dang / ha la ha la'i dug ni de lha ma
- 158a
lags so/ / bcom ldan 'das kyis bka' stsal pa/ sman chen de bzhin du lus chen po glang po che dgu stong gi stobs dang ldan pa de dag gi rnam par shes pa'i khams kyang chung zhing mi gsal la/ gzugs can ma yin par blta bar bya'o// rnam par shes pa de'ang las kyi rkyen gyis lus chen po mngon par 'grub par byed de/ dper na shing n+ya gro d+ha'i sa bon chung ngu las/ shing gi rgyal po mtho zhing rgya che la/ yal ga dang / yal ga phre'u brgya stong gis rgyas pa 'grub par 'gyur ro// sman chen 'di ji snyam du sems/ sa bon de'i tshad ni ji tsam/ shing de'i tshad ni ji tsam/ gsol pa/ bcom ldan 'das yungs 'bru'i nang dang bar snang bzhin te/ khyad che lags so// bcom ldan 'das kyis bka' stsal pa/ sman chen de bzhin du sa bon de'i nang na'ang shing mi snang la sa bon med na'ang shing skye ba mi dmigs te/ ji ltar sa bon phra mo las shing chen po skye ba de bzhin du/ rnam par shes pa phra ba las gzugs chen po 'grub par 'gyur te/ lus la'ang rnam par shes pa mi dmigs la/ rnam par shes pa med na'ang lus skye ba mi dmigs so// de skad ces bka' stsal nas/ bcom ldan 'das la sman chen gyis yang 'di skad ces gsol bcom ldan 'das rdo rje'i snying po lta bu'i rnam par shes pa des lus nyam chung ba rnams ji ltar mngon par 'grub par bgyi/ bcom ldan 'das kyis bka' stsal pa/ sman chen dper na mi
- 158b
dbul po la la zhig gis yid bzhin gyi nor bu rin po che rnyed na/ des yid bzhin gyi nor bu rin po che de blangs nas/ lha'i gnas dang / skyed mos tshal dang / skyed tshal dang / zhing dang ra ba dang / sgo khang dang / shing gel ba dang / 'khri shing sna tshogs kyis 'khor ba dang / khang pa me tog gis gtor ba dang / rdzas dang yo byad dag sprul na/ sman chen de dag thams cad ni mi brtan zhing nyam chung la myur du 'gyes shing 'jig pa'i chos can yin te/ yid bzhin gyi nor bu rin po che de mi de'i laganas stor na/ de'i bde ba'i longs spyod de dag kyang med par 'gyur ro// ji ltar yid bzhin gyi nor bu rin po che de rdo rje stong gis kyang mi phyed la/ de'i yo byad de dag 'jig pa'i rang bzhin can yin pa de bzhin du/ rnam par shes pa'i khams ni rdo rje'i snying po'i rang bzhin lta bu yin la/ lus gang yin pa de ni snying po med do// gsol pa/ bcom ldan 'das rnam par shes pa'i khams zhan pa des ji ltar gzugs mkhrang zhing sra ba phye ste 'pho zhing 'chi bcom ldan 'das kyis bka' stsal pa/ sman chen dper na chu'i rgyun shin tu 'jam pa ri'i gseb na 'dug pas ri de nyid brtol te 'byung na/ sman chen 'di ji snyam du sems// de'i nang na ches sra ba gang yin/ gsol pa/ bcom ldan 'das ri ni rang bzhin gyis mkhrang la/ rdo rje ltar brtan zhing sra ba lags la/ chab ni rang bzhin gyis 'jam zhing reg na bde ba lags so/
- 159a
bcom ldan 'das kyis bka' stsal pa/ de bzhin du rnam par shes pa rang bzhin gyis zhan pas/ lus chen po dag phye ste 'gro bar 'gyur ro// gsol pa/ bcom ldan 'das ji ltar sems can gyi ris nas sems can shi 'phos te/ lha rnams kyi nang du skye ba len pa lags/ ji ltar sems can dmyal ba rnams su skye ba yongasu len pa lags/ bcom ldan 'das kyis bka' stsal ba/ sman chen de'i phyir nyon cig/ sems can de shi 'phos nas bsod nams su nye bar 'gro ba'i 'du byed kyis yongs su zin na/ lus yongs su btang nas/ rnam par shes pa des mi'i lta ba yongs su spangs te/ lha'i lta ba thob par 'gyur ro// de lha'i lta ba des 'dod pa na spyod pa drug gi lha rnams mthong ngo // sems can dmyal ba chen po brgyad kyang mthong ngo / / lus de'ang 'dar bar mthong ngo // lha rdzas kyi lha'i gnas dang / dga' tshal dang / 'dres tshal dang / me tog gi rna rgyan dang / shing ku she sha ya dang / ko ka na dang / gzhal med khang dang / tshal stug po dang / lha'i bu mo rtse bas bskor ba'ang mthong ngo // rtag tu me tog rgyas shing rnam par bkra bar byas pa'i lha'i longs spyod sdug gus mdzes par byas pa dang / se mo do dang / gdub zlum dang / gdub leb dang / dpung rgyan spa zhing spras pas brgyan pa de dag kyang des mthong ngo // lha gzhon nu dang / lha mo khri'i steng na 'dug cing yid rab tu dga' ba'ang
- 159b
des mthong ngo / / des de dag mthong nas kun tu chags pa skyed de/ de der kun tu chags pas dga' ba thob par 'gyur ro// dga' ba thob pas yid rab tu dga' bar 'gyur ro// de snying dga' bas de'i tshe lus kyi kha dog rgyas par 'gyur te/ 'di ltar bzhin gyi mdog pad+ma lta bur snang bar 'gyur zhing / lta ba phyin ci ma log par 'gyur ro// sna'ang yo bar mi 'gyur// de'i kha'ang mnam par mi 'gyur ro/ / de bzhin du de'i mig ut+pal sngon po'i 'dab ma 'dra bar snang bar 'gyur/ de'i gnad rnams kyang chad par mi 'gyur/ de'i khrag kyang zag par mi 'gyur/ phyi sa'ang 'byung bar mi 'gyur/ de spu zing zhes byed par mi 'gyur/ de'i sen mo rnams kyang nag por mi 'gyur/ lag pa'ang ser por snang bar mi 'gyur/ rkang lag kyang g.yob par mi byed de/ rkang lag 'khum bzhin du 'chi ba'i chos dang ldan par yang mi 'gyur ro/ / sman chen de 'chi ba'i dus kyi tshe lha'i ltas 'byung bar 'gyur te/ 'di ltar khang pa brtsegs pa ka ba brgya stong gis brgyan pa mthong ste lha'i dril bu ga yer ka'i dra ba sgra snyan pa 'byung ba dang ldan pa dang / lha'i me tog sna tshogs spel ba'i 'phreng ba shin tu dri zhim pa dag mthong ngo // lha gzhon nu rgyan dang / gser gyi mchog dang / se mo do dang / gdu bu dang / dpung rgyan gyis mdzes par byas shing / lus brgyan pa dag kyang mthong ngo // des lha gzhon nu de dag mthong nas mchog tu dga' ba skye'o//
- 160a
de yid dga' bas khog pa la ltas gnyis 'byung bar 'gyur te/ so me tog kun dadang ku mud ltar dkar bar snang ngo // mig ha cang yang mi 'dzums ha cang yang mi 'byed do/ / sgra snyan pa dag kyang 'byung ngo // de'i bzhin yang pad+ma lta bur snang bar 'gyur ro// shi ba'i khog pa'ang ha cang tsha bar yang mi 'gyur/ ha cang grang bar yang mi 'gyur ro// de'i gnyen sdug pa rnams kyang smre sngags chen po 'don par mi byed do// de nyi ma 'char ba'i dus kyi tshe 'chi ba'i chos dang ldan par yang 'gyur ro// phyogs kyang mun par snang bar mi 'gyur ro// / de 'chi ba'i dus kyi tshe phyogs shin tu dri zhim zhing / shin tu yongs su dag pa tshor bar 'gyur ro// de'i mig kyang ser bar mi 'gyur/ de'i lta ba'ang phyin ci log tu mi 'gyur ro// de bzhin gshegs pa'i sku gzugs mthong na yid ches shing dad pa skye bar 'gyur/ gnyen sdug pa dag mthong na/ gzhig nas phyir 'ongs pa 'am/ ring mo zhig tu gud na 'dug 'dug pa bzhin du mgul nas 'khyud cing yid rab tu dga' ste/ 'di skad du srid par skyes pa thams cad kyi tshul na 'di yin gyi/ dang dang bral ba'i phyir gdung ba ma byed par thong zhig ces/ des gnyen de dag yang dag par dbugs 'byin par byed do/ / sman chen gal te sems can bsod nams su nye bar 'gro bas 'chi ba'i dus kyi tshe sbyin pa la sred cing yud tsam re re la tshigs bcad dang / tshigs su
- 160b
bcad pa dang / gtam sna tshogs dang / gtam tshigs sna tshogs rjod cing smra la/ de'i tshe gnyid la'ang srid par mi 'gyur zhing / gnyid kyi dbang du'ang mi 'gro na/ bde ba thams cad dang ldan pas tshe'i 'du byed 'dor bar 'gyur ro/ / de 'chi ba'i dus kyi tshe lha dang lha mo lhan cig tu khri gcig gi ste du 'dug la/ lha mo khri'i steng na 'dug pa de'i lag pa lha'i lag pa'i steng du gzhag cing / de'i lag pa gnyis las me tog dag kyang byung ste/ lha mo des me tog byung ba dag mthong nas/ lha de la 'di skad du/ lha gzhon nu skye ba'i dga' ba'i dus la bab kyis dgyes par mdzod cig ces zer ro// des kyang me tog rnams lag par mnye zhing phur bar byed do// des me tog de dag mnyes pas sems can de 'chi ba'i chos dang ldan par 'gyur ro// de'i rnam par shes pa des kyang dbang po rnam por zhing dbang po'i spyod yul rnams btang ste/ / khams rnams yongs su btang nas/ khams kyi don yongs su blangs te/ mi gsal zhing gzugs can ma yin la/ rta zhon pa lta bu dang / nyi ma dang / me shel dang / bsreg bya lta bu dang / chu la zla ba'i gzugs brnyan lta bu dang / sbubs kyi nang gi rlung ltar dge ba la dmigs pa bsdus nas byung ste 'pho zhing 'gro'o// de yang de'i tshe me tog la brten nas/ pha ma khri gcig la 'dug cing phrad pas rnam par shes pa me tog de dag gi nang du 'dres par 'gyur ro/ / yang der bdud rtsi 'dod pa zhes bya ba'i rlung ldang ste/ rlung des rnam par shes pa de zhag bdun lon pa dang
- 161a
lha gzhon nu rna cha ga dub kor dri ma med cing 'gul ba dang ldan pa 'grub par 'gyur ro/ / de skad ces bka' stsal nas/ bcom ldan 'das la sman chen gyis 'di skad ces gsol to/ / bcom ldan 'das rnam par shes pa gzugs can ma lags pa'i rkyen gyi dbang gis gzugs rnams ji ltar mngon par 'grub par bgyid/ rkyen rnams la'ang ji ltar gda' bar 'gyur bcom ldan 'das kyis bka' stsal ba/ sman chen dper na rlung gi khams gzugs med cing bstan du med pa'i rkyen gyi dbang gis lha'i gnas dang / ri dang / nags tshal la sogs pa 'jig rten gyi khams rnams 'grub par byed pa de bzhin du/ rnam par she ba 'di'i'ang rkyen gyi dbang gis gzugs rnams 'grub par byed do// sman chen gzhan yang shing 'dzings pa gnyis phan tshun phrad de gcig la gcig drul cing gtsubs pa las me 'grub par 'gyur te/ me de'ang shing gi nang na mi snang la/ shing med na'ang me 'byung bar mi 'gyur te/ me de'ang rkyen gyi dbang gis shing las 'grub par 'gyur gyi/ rkyen med par mi 'byung ngo // gzugs kyi dbang gis kyang shing gi nang na me mi snang la/ shing ma gtogs par yang me mi dmigs so// sman chen de bzhin du rnam par shes pa de'ang pha ma'i dbang gis 'jug ste/ rnam par shes pa'ang lus kyi nang na mi dmigs la/ lus med par yang rnam par shes pa mi 'byung ngo // sman chen dper na me ma byung bar gzugs dang / dro ba dang kha
- 161b
dog gsal bar mi gnang ngo / / sman chen de bzhin du lus ma grub par rnam par shes pa dang / tshor ba dang / 'du shes dang / 'du byed rnams mi snang ngo // sman chen dper na nyi ma'i dkyil 'khor chen po gsal bar snang zhing gzi brjid kyis lam mer 'dug kyang / byis pa so so'i skye bo rnams kyis nyi ma'i gzugs gnag gam/ gser ram/ dkar ram/ dmar ser du mi mthong ngo // sman chen de bzhin du rnam par shes pa ni lta ba dang / nyan pa dang / snom pa dang / ro myang ba dang / reg pa'i rnam pa dag gis rtogs par 'gyur gyi/ lus la rnam par shes pa gnag pa 'am/ dkar ba'am/ gzugs su snang bar mis mi mthong ngo // dper na nyi ma tsha ba dang / ser ba dang / 'gro ba dang / phyir yang 'char ba dag gi rtags las snang ba de bzhin du/ rnam par shes pa'ang rtags dag gis blta bar bya'o/ / de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa'i rtags ji ltar blta bar bgyi/ bcom ldan 'das kyis bka' stsal pa/ 'du byed kyi rtags dang / tshor ba'i rtags dang // 'du shes kyi rtags dang / sems pa dang / mya ngan dang / gdung ba dang / yid mi bde ba ni rnam par shes pa'i rtags su blta'o/ / gzhan yang rnam par shes pa'i bag chags 'di ltar dge bar nye bar 'gro ba'i sems dang / mi dge bar nye bar 'gro ba'i sem las blta bar bya'o// de skad ces bka' stsal nas/
- 162a
bcom ldan 'das la sman chen gyis 'di skad ces gsol to// bcom ldan 'das ji ltar rnam par shes pa lus las byung ste myur du skye ba longasu len pa lags/ rnam par shes pa lus las byung nas ma skyes shing yongs su ma bzung ba des ji lngar lus gzhan la gnas par bgyid/ rnam par shes pa 'di ni ji ltar blta bar bgyi/ bcom ldan 'das kyis bka' stsal pa/ sman chen dper na mi la la lag pa ring zhing thur du brkyang la/ g.yul gyi go cha gyon te/ lha'i rta rlung gi shugs dang 'dra bar mgyogs pa la zhon nas g.yul du 'gro ste// de g.yul ngo der song nas/ mdung dang ral gri dang / mda' dag gis snying myos te/ g.yul ngor rta'i mchog de las sa la lhung la/ de'ang lus kyis 'phong rtsal yongs su sbyangs pa zhig ste myur ba myur bar sa las rta'i rgyab tu 'gong bar byed na/ ji ltar mi de sdung nas rta la zhon pa dang / 'gong che bas ji ltar rta nye bar gnas pa la rta la 'gong ba dang / rta 'gro bzhin du 'gong ba chen po 'gong bar byed pa de bzhin du/ rnam par shes pa la'ang blta bar bya'o/ / ji ltar mi pha rol gyi dmag tshogs kyis 'jigs shing skrag nas rta zhon te 'bros pa de bzhin du/ rnam par shes pa 'di thog ma shi 'phos nas lha'i dmigs pas yongs su zin cing / lha dang lha mo khri'i steng na 'jug pa mthong nas/ shin tu myur bar skye ba yongs su len to// sman chen gzhan yang dang po shi 'phos nas dadung ma skyes pa'i rnam par shes pa'i rnam
- 162b
pa ji ltar blta bar bya zhes gang khyod kyis smras pa de ni/ dper na mi'i grib ma chu'i steng du bab pa gzugs su'ang snang mod kyi/ de gzugs su gtogs par yang blta bar mi bya'o// sman chen dper na rkang lag mnyam pa dang ldan pa'i gzugs chu'i steng du bab pa de la ni dro ba 'am/ grang ba 'am/ lus ngal bar 'gyur ba med cing / lus de la ni shi'i dum bu lta bu'ang med do// grib ma de la ni khams kyis klags pa'ang med do/ / mi'i gzugs brnyan chu'i nang du byung ba de las ni sdug bsngal ba'i sgra 'am/ bde ba'i sgra 'byung ba'ang med do// de bzhin du rnam par shes pa dang po shi 'phos nas// lus kyi khog pa bor te/ gzugs brnyan gyi rnam pa lta bur 'gyur ro// sman chen de ltar na rnam par shes pa bsod nams su nye bar 'gro ba ni lha rnams kyi nang du skye ba yongs su len par 'gyur ro// de skad/ ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa sems can dmyal ba rnams su ji ltar skye ba yongs su len pa lags/ bcom ldan 'das kyis bka' stsal pa/ sman chen bsod nams ma yin pa nye bar 'gro ba'i sems can ji ltar sems can dmyal ba rnams su skye ba yongasu len pa de nyon cig/ sman chen 'di la sems can las mi dge bas yongs su zin pa de ni sems can gyi ras nas 'chi 'phos ste/ shi 'phos pa de 'di snyam du mi de ni nga nyid yin te/ sems can dmyal ba 'di nas shi 'phos so// 'di gnyis ni bdag gi pha
- 163a
ma yin no snyam du dran pa skye'o/ / shi 'phos pa de'i lus de ni thamal pa'i gzugs kyi rang bzhin gyi rnam pa dang ldan par 'gyur te/ spyan la su skyes pa rnams kyad de nga 'ja ba nyid du snang ngo / / dang po shi 'bos pa de mya ngan gyis g.yengs nas sems can dmyal pa sna tshogs snang ba mthong ngo // rnam par shes pa dang po ga 'phos pa dor las sems pa nad myal dang 'brel bar 'gyur te/ phyogs kha cig na ni sems can dmyal ba'i sa gzhi khrag gis gtor ba mthong nas/ dri der chags pa skyed par 'gyur ro// de chags par gyur nas sem can dmya' ba pa'i lus 'grub par 'gyur te/ de'i rnam par shes pa de las rkyen gyi dbang gis chu'i rjen shul shin tu rul zhing mchog tu dri mi zhim pa mnam pa'i nang du lus skye ba yongs su len te/ dper na mi gtsang ba dang ldan sbyin mnam pa'i rkyen gyis srin du skye ba dang / dper na zho dang / sbrang rtsi dang / chang mnam por gyur pa'i phyir srog chags skye bar 'gyur ro// sman chen de bzhin du sems can rnams sems can dmyal bar 'byung bar 'gyur ro// deskad ces bka' stsal nas/ bzang skyong gis thal mo sbyar te/ bcom ldan 'das la 'di skad ces gsol to// bcom ldan 'das sems can dmyal ba pa'i sems can rnams kyi kha dog gi rnam pa ji lta bu lags/ lus kyi rnam pa ni ji lta bur 'grub par 'gyur/ bcom ldan 'das kyis bka' stsal pa/ bzang skyong der khrag gi nang du skye ba gang yin pa de dag ni khrag gi
- 163b
mdog 'dra bar 'byung bar 'gyur ro/ / chu klung rgal du med pa dag gi nang du skye ba gang yin pa de dag ni sprin sngon po'i kha dog ltar 'gyur ro// ba tsha can gyi chu klung gi nang du skye ba gang yin pa de dag ni sha gzi gur 'byung bar 'gyur ro/ / de dag gi lus ni rgyal po'i bu gzhon nu bde dgur rim gro byas pa ltar gzhon sha can du 'gyur ro// bzang skyong de na de dag lus bong che bar 'gyur te/ mgo bo gtogs par khru brgyad par 'gyur ro/ / sen mo ring zhing kha spu yod la spun por 'gyur zhing / rkang lag mi sdug par 'gyur te/ gal te 'dzam bu gling ba'i mi sems can dmyal ba pa'i mi la ltar 'gro na mthong ma thag tu 'chi ba'i chos dang ldan par 'gyur ro/ / bzang skyong gzhan yang sems can dmyal ba pa'i sems can rnams kha zas za mod kyi/ de dag la bde bar 'gyur ba cung zad kyang med do// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das sems can de dag kha zas ci 'tshal/ bcom ldan 'das kyis bka' stsal pa/ sman chen sems can dmyal ba den de dag yongs su 'khyams la/ shin tu rgyang ring ba nas zangs dang ra gan dmar por snang ba mthong bar 'gyur te/ de dag mthong nas kha zas kyi tshig rjod par byed kha zas 'dod pa khyed tshur shog ces zer ro/ / de dag kun nas 'bungs te/ snyim pa bzed nas zangs dngar gan bskol ba ga la ba der dong ste/ lhags nas snyim pa bzed cing
- 164a
zangs dang ra gan bskol ba'i kha zas de dag 'dod pas kha bdangs te zangs dngar gan nga bar byed do/ / de dag zangs rang ra gan rab tu 'bar ba des su ru rung rab tu 'bar zhing khog pa 'bar bar 'gyur ro/ / sman chen de dag kha zas 'dra bas bslus nas sdug bsngal shin tu che ba myong bar 'gyur ro// sman chen sems can dmyal ba pa'i sems can de dag gi rnam par shes pa de rus pa'i lus dag la gnas par 'gyur zhing / rus pa'i tshogs dang 'bral bar mi 'gyur te/ sems can dmyal ba pa'i sems can de dag rnam par shes pa dang mi 'bral ba'i phyir 'chi ba'i dus byed par mi 'gyur ro/ / de dag bru ba tsha bas gzir bzhin du/ de na kha zas kyi bya ba'ang med do// de na lha'i skyed mos tshal shing ljon pa brgya phrag mang po me tog shin tu rgyas pa dag dang / gsing ma sngon po yangs pa'i sa phyogs dag kyang yod par mthong ngo / / de dag gis skyed mos tshal de dag mthong nas/ yid rab tu dga' ste/ 'di skad du grogs po dag skyed mos tshal 'di na reg na bde ba'i ser bu ldang ba yod kyis tshur shog ces zer te/ de dag 'dus nas myur ba myur bar skyed mos tshal de'i nang du 'gro'o// de dag de'i nang du song nas yud tsam zhig bde ba'i 'du shes skyed do// de dag gi shing de dag las byung ba'i me tog de dag dang lo ma de dag ral grir 'gyur te/ ral gri de dag gis de dag gi yan lag gcod cing gshog par byed de/ de dag ral gris bcad nas nyam thag pa'i sgra chen po 'byin par byed cing
- 164b
phyogs phyogs su 'byer ro/ / de dag 'byer na yang rang gi las las byung ba'i gshin rje'i mi lag na sog ke dang tho ba thogs shing so dang bzhin bsgyur ba/ skra 'bar zhing lus 'bar ba'i 'phreng bas yoH/ la mtshon cha gzas pa dag phyi bzhin du sgra 'byin cing 'di skad du khyed cag sdod cig da gar 'bros/ khyed rang gi las kyis bsgrub pa'i tshel 'di nyams su myong bar gyis shig ces zer te/ sman chen de lta na sems can dmyal ba pa'i sems can rnams skyo ba skye bar 'gyur ro/ / sman chen gzhan yang zhag bdun lon nas sems can dmyal ba pa'i sems can rnams kyis las nyams su myong bar 'gyur te/ bung ba me tog la 'pho ba bzhin du dngos po sna tshogs kyi rkyen gyi dbang gis rnam par shes pa sems can dmyal ba rnams su skye ba yongs su len to/ / de'ang dang po shi 'phos nas dbang med par khrid de/ sdug bsngal zhing yi de mi bde bar gyur nas/ mun pa mun nag chen por zhugs te/ mi rgod kyis khrid pa bzhin du 'di snyam du sems te/ kyi hud da ni bdag 'dzam bu gling rnam par bkra ba bor te/ gnyen sdug pa yongs su spangs nas sems can dmyal ba dag tu mngon du gnas par gyur cing 'dug cig gu/ da ni mtho ris kyi lam mi mthong ngo snyam mo// de yang dar gyi srin bu rgyud gcig gis dkris pa bzhin du shin tu myur bar skye ba yongs su len te/ de yang bdag nyid kyi mgul nas zhags pas btags par shes so// bzang skyong de ltar na sems can dmyal bar sems can rnams skye bar 'gyur zhing / de ltar na de dag la rgyu'i bye
- 165a
thag dag 'byung bar 'gyur ro/ / de nas bzang skyong sla bing zhes byed nas/ thal mo sbyar te bcom ldan 'das la skyabs su song ngo // rgyal po'i bu gzhon nu sman chen gyis kyang 'di skad du/ dam pa'i chos mnyan pa 'dis na bdag 'khor ba na 'khor ba'i tshe log par ltung ba'i chos can du ma gyur cig/ bdag sems can dmyal ba rnams su skye ba yongs su len par ma gyur cig ces smon lam btab bo/ / de nas bcom ldan 'das la bzang skyong gis 'di skad ces gsol to// yang bcom ldan 'das la bdag tu bzhu'o// bcom ldan 'das kyis bka' stsal pa/ bzang skyong khyod ci 'dod pa bzhin du 'dod pa dris shig/ bzang skyong gis gsol pa/ bcom ldan 'das bsags pa ni gang lags/ spangs pa ni gang lags/ phung po rnams ni gang lags/ 'pho ba ni gang lags/ bcom ldan 'das kyis bka' stsal pa/ bzang skyong 'di la khams phrad pa'i phyir/ khams bzhi po dag gis lus 'grub par byed de/ shes rab dang lta ba dang / yid dang / ma rig pa dang / khams dang / spyod yul dang / rnam par shes pa rnams ni bsags pa zhes bya'o// de la spungs pa ni khams drug po nyid dang / skye mched kyi spyod yul drug dang / khams kyi rang bzhin gsum dang / skye mched len pa'i rgyu gnyis dang / sgra dang / kha spu dang / sen mo dang / spu dang / pags pa dang / sha dang / rnag dang / mkhris pa
- 165b
dang / bad kan dang / snabs dang / tshil dang / chu ser dang / rkang lag dang / mig dang / yan lag dang / nying lag tshogs pa la spangs pa zhes bya'o// dper na 'bru spungs pa bzhin te/ nas dang / til dang / gro dang / mon sran sde'u mang po la spungs pa zhes bya ba de bzhin du/ lus kyi yan lag dang nying lag tu gtogs pa tshogs pa la spungs pa zhes bya'o// khams drug po de dag gang zhe na/ de la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shes bya'o// skye mched drug gang zhe na/ 'di la mig dang / rna ba dang / sna dang / lce dang / lus dang / yid ces bya'o// skye mched kyi spyod yul drug gang zhe na/ 'di la gzugs dang / sgra dang / dri dang / ro dang / reg bya dang / chos kyi skye mched ces bya ba ste/ de dag ni spyod yul drug yin no// de la khams kyi rang bzhin gsum gang zhe na/ 'di la 'dod chags dang // zhe sdang dang / gti mug ces bya ba'o/ / de la de dag nyid kyi kun nas ldang ba gsum gang zhe na/ rlung dang / mkhris pa dang / bad kan rnams so// de la skye mched len pa'i rgyu gnyis gang zhe na/ 'di la tshul khrims dang / dad pa dang / gtong ba dang / nor dang / brtson 'grus dang / ting nge 'dzin dang / dge ba dang / mi dge ba zhes bya'o// de la phung po zhes bya ba'i don gang zhe na/ 'di la tshor ba
- 166a
dang / 'du shes dang / 'du byed rnams dang / rnam par shes pa zhes bya ba ste/ bzhi po 'di dag ni gzugs can ma yin pa'i phung po rnams so// de la tshor ba ni myong ba'o/ / 'du shes ni shes pa'o// bde ba dang sdug bsngal ni 'du byed rnams so// lta ba dang / nyan pa dang / snom pa dang / ro myang ba dang / reg bya rnams rig pa ni rnam par shes pa ste/ dngos po thams cad kyi khongs su gtogs pas nA/ lus la dbang ba'i dbang phyug dang / len pa dang 'thun pa yin no// de la 'pho ba zhes bya ba ni tshul khrims shin tu yong su dag pa dang / lus dang ngag gi las kyi 'bras bu thob pa 'chi ba'i dus byed pa gang yin pa de'i tshe/ rnam par shes pa des phung po rnams yongs su btang nas/ yang srid par mi skye zhing phyir mi ldog pas na/ shin tu bde bar 'pho zhing 'gro ste/ 'phos pa de'i phyir yang 'pho ba can ma yin pa de lta bu ni de'i 'pho bar 'gyur bar yin no// de nas bzang skyong dang sman chen gyis bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das thams cad mkhyen pa/ sems can rnams tshim par bgyid pa gang lags pa'i chos kyi tshogs 'di legs par gsungs so/ / bcom ldan 'das kyis bka' stsal pa/ bzang skyong de bzhin gshegs pa'i ye shes 'di ni bcos ma ma yin te/ 'di'i rang
- 166b
bzhin ni thams cad mkhyen pa ma yin pas/ rig pa ma yin no// shes rab kyi snang ba 'di ni dka' ba spyad pa brgya stong du mas bsgrubs pa ste/ 'di ni ngas ji skad bstan pa de kho na bzhin no// chos kyi nyi ma thams cad mkhyen pa nyid snang bar byed pa/ yon tan gyi grags pa rgyas par byed pa/ thams cad mkhyen pa'i ye shes rgya mtsho'i mdzod/ sems can rnams kyi rgyud 'dul bar byed pa/ 'dul ba ston pa 'di yul gang na gnas sam/ de ston par 'gyur ba der ni mi ma yin pa rnams srung bar byed de/ lha dang / lha ma yin dang / lto 'phye chen po rnams phyag bya ba'i phyir 'ong bar 'gyur ro/ / chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher rab tu ston pa gang yin pa de la ni tshon gyi 'jigs pa 'byung bar mi 'gyur/ dug gi 'jigs pa 'byung bar mi 'gyur/ me'i 'jigs pa dang / rgyal po dang / chu dang / chom rkun gyi 'dzegs pa 'byung bar mi 'gyur ro/ dge slong dag khyed kyis deng phan chad ma dad pa rnams la bshad par mi bya'o// klan ka tshol ba rnams la ma yin/ gcer bu pa rnams la ma yin/ gcer bu ba'i nyan thos rnams la ma yin/ gnas gzhan la zhugs pa la bshad par mi bya'o// mchis par yang bshad par mi bya'o// de bas na gal te la la 'khrul par gyur na/ de bzhin gshegs pa la
- 167a
zlu rgya pa smra/ oM / byu sa sa sa su Sh+Takyai ba bzhin du gus pa bskyed par bya zhing / 'di ni mdzod 'dzin pa yin no snyam du gzung bar bya'o// de nas bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo chos kyi rnam grangs 'di zung zhig/ chongs shig/ lhogs shig/ shod cig/ gzhan dag la'ang rgya cher rab tu ston cig/ kun dga' bos gsol/ pa bcom ldan 'das chos kyi rnam grangs 'di gzung bar 'tshal na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di rnam par shes pa 'pho ba zhes bya bar zung zhig/ bzang skyong gis zhus pa zhes bya bar yang zung zhig brtsam par bya zhing dbyung bar bya/ / sangs rgyas bstan la 'jug par bya// 'dam bu'i khyim la glang chen bzhin// 'chi bdag sde rnams gzhom par bya// gang zhig rab tu bag yod par/ / chos 'dul 'di la spyod 'gyur ba// skye ba'i 'khor ba rab spangs nas// sdug bsngal mtha' mar 'byin par 'gyur// bcom ldan 'das kyis de skad ces
- 167b
bka' stsal nas/ rgyal po'i bu gzhon nu sman chen dang / tshong dpon bzang skyong dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ tshong dpon bzang skyong gis zhus pa'i le'u zhes bya ste/ 'dus pa sum cu rtsa dgu pa rdzogs so// / rgya gar gyi mkhan po dzi na mi dra dang / su re na nga po d+hi dang / lo tsa ba zhang ye shes sdes bsgyur cing zhus te gtan la phab pa/ bam po gnyis pa// bod skad du/ bu mo rnam dag dang bas zhus pa zhes bya ba theg pa chen po'i ma do/ / / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po lnga brgya dang / byang chub sems dpa' sems dpa' chen po brgyad stong dang thabs cig tu bzhugs te/ thams cad kyang shes par bya ba rnams rab tu shes pa/ gzungs dang thogs med pa'i spobs pa thob pa/ bzod pa phun sum tshogs pa/ bdud kyi dpung rab tu
- 168a
bcom pa/ de bzhin gshegs pa rnams kyis brnyes pa'i chos rnams rab tu thob pa ga sdug la/ 'di lta ste/ byang chub sems dpa' 'jig rten 'dzin dang byang chub sems dpa' lam 'dzin dang / byang chub sems dpa' sa 'dzin dang / byang chub sems dpa' sa 'dzin chen po dang / byang chub sems dpa' mos pa'i blo gros dang / byang chub sems dpa' mos byed dang / byang chub sems dpa' gzugs mdzes bkod pa dang / byang chub sems dpa' rin po che tog dang / byang chub sems dpa' rin po che'i rgyal mtshan dang / byang chub sems dpa' rin chen sems dpa' dang / byang chub sems dpa' rin chen 'byung gnas dang / byang chub sems dpa' rin chen blo gros dang / byang chub sems dpa' rin chen yon tan dang / byang chub sems dpa' rin chen 'od dang / gzhan yang bskal ba bzang po'i byang chub sems dpa' byams pa la sogs pa gtso bor gyur pa dang thabs cig go// gzhan yang sems dpa' bla med pa'i byang chub sems dpa' 'jam dpal la sogs pa gtso bor gyur pa drug cu po de dag dang thabs cig go/ / gzhan yang skyes bu chen po byang chub sems dpa' bzang skyong la sogs pa gtso bo gyur pa bcu drug dang yang thabs cig go/ / gzhan yang dga' ldan gyi ris kyi lha'i bu nyi khri 'khor de nyid du 'dus par gyur pa dag dang yang thabs cig go// de'i tshe bcom ldan 'das
- 168b
bkod pa chen po'i mdzod ces bya ba seng ge'i gdan la 'khor brgya stong tshad med pa dag gis yongs su bskor nas bzhugs pas/ nyi zla lta bu'i 'od zer gyis ni kun tu snang bar mdzad/ brgya byin dang tshangs pa'i rgyal po ltar gzi byin gyis khyad par du 'phags/ ri'i rgyal po ri rab lta bur shin tu mtho zhing / phal las ni mngon par 'phags par gyur/ sgron ma chen po lta bur 'od zer dag ni rab tu 'bar/ glang po che'i rgyal po ltar phan tshun du ni gzigs par mdzad/ seng ge sgra sgrog pa ltar bsnyengs pa ma minga' bar ni chos ston par mdzad/ lha ma yin gyi rgyal po sgra gcan zin ltar 'khor mang po rnams ni zil gyis mnan/ / mtshan dang dpe byad bzang po dag gis ni sku rab tu brgyan/ gzi byin dang mthu stobs dag ni rab tu 'bar bar gyur te/ sems can thams cad ni nges pa'i don mchog la dgod cing khong du chud par mdzad pa'i phyir/ tshangs pa'i sgra dbyangs stong gsum gyi stong chen po'i 'jig rten gyi khams kun tu bsgrags nas/ 'khor mang po'i dbus na chos ston par mdzad do// de nas rgyal po gsal rgyal gyi bu mo rnam dag dang ba zhes bya ba gzhon nu ma byang bzhin sdug cing mdzes pas/ sems can rnams kyis mthong bar mos pa/ sngon dge ba'i rtsa ba bskyed pa// theg pa chen po bsgoms pa zhig yod pa de bu mo gzhon nu ma lnga brgyas yongs su bskor te/ so so nas gser gyi 'phreng ba thogs
- 169a
nas grong khyer mnyan yod nas byung ste/ rgyal bu rgyal byed kyi tshal du phyin pa dang / bcom ldan 'das kyi zhabs la spyi bos gtugs te/ phyag byas ras lan gsum bskor ba byas te/ bcom ldan 'das kyi spyan sngar phyogs gcig tu 'khod nas/ tshigs su bcad de mngon par bstod pa/ yun ring bsod nams rnam dag 'phrin las bsags/ yon tan rgya mtsho mtha' yas yongs rdzogs shing / / mang po dang mos dga' bar mdzad pas na/ de slang thub mchog khyod la bdag phyag 'tshal// gzi byin lham me ya mtshan rab ston cing // rin chen 'byung nas chos sgo ston par mdzad// sku yi 'od zer 'dom gang rtag gsal bas// blo chen bsil ba'i rdzi de la bdag phyag 'tshal// yon tan rdzogs shing bsod nams bas ma 'tshal/ / mi mchog khyod la 'jig rten kun gyis bsngags// smon lam chen po tshul khrims yongs rdzogs pas// de slad mchod 'os gtso la bdag phyag 'tshal// chos mchog rab gnas rtag par zhi zhing dben/ / 'jig rten kun la thugs snyoms bu gcig bzhin// mkhyen pa dag gis spyod rnams rab mkhyen pas// 'dren mkhan bzhin du mnyam pa'i shul yang ston/ / rab brtan brtson 'grus ldan par mchis 'gyur na// byams dang thugs rjes sems can sman mdzad pas// byang chub sems dpa'i spyod pa gang lags pa/
- 169b
bzhin gshegs pa'i bkas ni bshad du gsol// ji ltar rab brtan stobs ni thob gyur nas// 'khor bar gnas kyang bdud dpung bam 'gyid lags// ji ltar mnyam pa'i chos ni thob 'gyur zhing / / ji ltar sems can yongs su smin bgyid lags// ji ltar bgyis na sa gzhi nam mkha' dang // rlung dang chu me ji lta bzhin du 'gyur// ji ltar yid ches thob nas chos gnas shing / / ri rab seng ge'i rgyal po bzhin du 'gyur// ji ltar byams sdang sems ni yongs spangs nas// sems gtsang drang la g.yo sgyu ma mchis 'gyur// ji ltar sbyin dang tshul khrims bzod pa dang / / brtson 'grus bsam gtan rnam grol skye 'gyur zhing // shes rab nyon mongs mun pa rab bcom zhing // rtag par thabs chen la ni gnas pa dang // ting 'dzin gzungs la thogs pa ma mchis shing // tshad med bzhi dang mngon shes lnga la gnas// ji ltar sangs rgyas spyan sngar gnas gyur nas// rtag par rdzus te skye zhing tshe rabs dran sbyangs pas brtsod pa ma mchis dgon gnas nas/ / sems ni rab btul nyon mongs zhi bgyid dang // tshul khrims ldan zhing byang chub lam sgom dang // bdud rtsi 'gag thob bdud dpung 'joms pa dang / / bde stsol chos kyi 'khor lo skor 'gyur ba// de 'dra'i yang dag lam ni bkas bshad gsol// de nas bcom ldan 'ad kyis bu mo rnam dag dang ba la bka'
- 170a
stsal pa/ byang chub sems dpa' gang stobs rnam pa brgyad dang ldan par gyur na/ 'khor ba na gnas kyang rab tu brtan pa'i dpa' bor 'gyur zhing / yongasu ngal ba med par 'gyur ro/ / brgyad gang zhe na/ dang po ni sems kyi 'dun pa'i stobs te/ g.yo sgyu med pa'i phyir ro// gnyis pa ni mos pa'i stobs te/ sdig pa rnams spong bar byed pa'i phyir ro// gsum pa ni sbyor ba'i stobs te/ rtag tu dge ba sgrub pa'i phyir ro// bzhi pa ni mngon par yid ches pa'i stobs te/ las kyi rnam par smin pa dag la shin tu mngon par yid ches pa'i phyir ro// lnga pa ni byang chub kyi sems kyi stobs te/ theg pa dma' ba rnams yongs su mi tshol ba'i phyir ro// drug pa ni byams pa chen po'i stobs te/ sems can la gnod pa mi byed pa'i phyir ro// bdun pa ni snying rje chen po'i stobs te/ gnod par byas pa rnams dang du len pa'i phyir ro// brgyad pa ni dge ba'i bshes gnyen gyi stobs te/ dus dus su sad par byed pa'i phyir ro// bu mo 'di ni stobs rnam pa brgyad ces bya ste/ byang chub sems dpa' gang stobs brgyad po 'di dag dang ldan par gyur na/ rab tu brtan pa'i dpa' bor 'gyur bas/ 'khor ba na gnas kyang mngon par zhen cing chags pa med par 'gyur ro/ / de nas bcom ldan 'das kyis yang tshigs su bcad de bka' stsal pa/ sems can 'dun pa gang yin pa// g.yo sgyu dag ni spong byed cing /
- 170b
rtag par drang por spyod pas na// yang dag byang chub gzhol bar 'gyur// mos pa'i stobs ni gang yin pa// nyes pa mang po spong byed cing // dge ba 'ba' zhig spyod pas na// yang dag brtson la gnas par 'gyur/ / sbyor ba phun sum tshogs gyur pa// rtag tu legs par rab brten nas// brtson 'grus brtan par gyur pas na// sems can rnams ni bde bar byed// mngon par yid ches stobs dbang gis/ / las kyi rnam smin rig pas na// sangs rgyas ye shes yid ches shing // 'jig rten yongs su sdud par 'gyur// byang chub sems stobs gang yin des// theg pa dma' ba spong byed cing // sangs rgyas gdung ni mi gcod pas// chos nyid la ni gnas par 'gyur// byams chen stobs kyi dbang gis ni// sems can snyoms par lta byed cing // byams sdang dag ni med pas na// zhe sdang gnod pa skyed mi 'gyur// snying rje chen po'i stobs kyis ni// sems can dang du len byed cing // 'khor ba dag la zhen med cing // yongs su skyo zhing ngal ba med/ / dge ba'i bshes gnyen stobs kyis ni// rtag par phan tshun bde byed cing // sems ni bying bar mi 'gyur bas// byang chub la ni gnas par 'gyur// dpa' bo gang yin de dag gis stobs brgyad 'di dag thob gyur nas/ / byang chub snying por 'dug nas ni// bdud dpung mang po bcom par 'gyur/ gzhan yang bu mo byang chub sems dpa' chos
- 171a
rnam pa brgyad dang ldan par gyur na/ mnyam pa nyid la rab tu gnas par 'gyur ro// brgyad gang zhe na/ dang po ni sems can thams cad mnyam par gyur pa ste// rang bzhin gyis bdag med pa'i phyir ro/ / gnyis pa ni chos thams cad mnyam par gyur pa ste/ chos thams cad rab tu dben pa'i phyir ro// gsum pa ni zhing thams cad mnyam par gyur pa ste/ stong pa nyid kyi khams su 'jug pa'i phyir ro// bzhi pa ni shes pa thams cad mnyam par gyur pa ste/ stong pa nyid du ston pa'i phyir ro// lnga pa ni spyod pa thams cad mnyam par gyur pa ste/ rgyu dang rkyen la rang bzhin med pa'i phyir ro// drug pa ni theg pa thams cad mnyam par gyur pa ste/ 'dus ma byas su mtshungs pa'i phyir ro// bdun pa ni sems mnyam par gyur pa ste/ sems sgyu ma dang mtshungs pa'i phyir ro// brgyad pa ni bdud rnams mnyam par gyur pa ste/ nyon mongs pa'i thibs po mi dmigs pa'i phyir ro// 'di ni chos rnam pa brgyad kyis mnyam pa nyid la rab tu gnas pa zhes bya'o/ / de nas bcom ldan 'das kyis yang tshigs su bcad de bka' stsal pa/ sems can rang bzhin bdag med pas/ skad cig tsam yang dmigs mi 'gyur/ / mnyam pa nyid la gang gnas pa// de lta bur ni bstan par bya// chos rnams thams cad mnyam pas na// rang bzhin rtag par stong zhing dben/
- 171b
ges tha dad phye bar zad// chos rnams rang bzhin bye brag med// phyogs bcu'i zhing rnams thams cad kun// mu mtha' dag ni mi dmigs pas// de yi rang bzhin nam mkha' 'dra/ sangs rgyas zhing ni rtag tu mnyam// dus gsum de bzhin gshegs pa kun// chos dbyings gnas par mnyam pas na// ye shes mtha' yas rnam par grol// sangs rgyas kun kyang de bzhin ni/ / sems can rang bzhin rgyu rkyen rnams// thams cad kun kyang mnyam pa dang // de yi spyod par rab shes pas// ci rigs par ni go bar byed// sems can ji snyed tha dad pa// sgyu 'phrul lta bur rab tu rtogs// phyi nang gnyis ka len med pas// rab bzhin rtag tu rnam par dag/ theg pa sna tshogs rab bshad kyang // 'dus ma byas su rab tu mnyam/ / 'dzin pas thabs ni rab mkhyen pas// rnam par phye ste theg gsum bshad// nyon mongs bdud la rab gnas kyang // nyon mongs dngos po ci yang med lha dang phung po 'chi bdag bdud/ / spyod yul thams cad stong pa yin// gzhan yang bu mo byang chub sems dpa' chos brgyad dang ldan na/ byams sdang rnams yongs su spong bar byed do/ / brgyad gang zhe na/ byams pa dang ldan pa dang / snying rje dang ldan pa dang / rtag par phan 'dogs par byed pa dang / 'jig rten pa'i chos la ma chags pa dang / rang gi
- 172a
lus la chags pa med pa dang / rtag tu ting nge 'dzin gyi sems sgom pa dang / lus dang srog yongs su gtong ba dang / nyon mongs pa rnams la so sor rtog pa ste/ chos brgyad po 'di dag mngon par sgrub par nus na/ byams sdang yongs su spong bar 'gyur ro// de nas bcom ldan 'das kyis yang chibs su bcad de bka' stsal pa/ byam sems go cha rab 'gos nas/ / thams cad kun la snying brtse zhing // mnyam pa'i sems la gang gnas pa// byams sdang sems ni skye mi 'gyur// blo ldan phan 'dogs spyod pa na// rtag par gzhan la bde ba gtong / / rnyed pa thob kyang rang mi mthong // brnyas shing smad kyang kho na 'dzin med// rlung brgyad kyis ni mi bskyed pas// byams sdang dag ni mi skye zhing // bdag gam gal te gzhan yang rung / / byams sdang 'du shes yongs mi skye// 'du shes dag ni rab spangs nas// spyod yul dag la zhen pa med// rtag par rang gi lus rtogs pas// lus srog dag la 'phangs pa med/ / mkhas rnams sdug bsngal bde ba yis// g.yos par mi 'gyur nam mkha' bzhin// nyon mongs legs par rtogs byed na// bdag dang bdag gi gnyis ka spong // spyod 'dzin rtag par sa 'dra bas// byams sdang dag ni yongs mi skye// gzhan yang bu mo byang chub sems dpa' chos brgyad dang ldan na/ 'khor bas yongs su ngal bar mi 'gyur ro//
- 172b
brgyad gang zhe na/ dge ba'i rtsa ba yangs shing rgya che ba'i phyir dang / sems can la so sor rtog par byed pa'i phyir dang / rtag par de bzhin gshegs pa rnams mthong zhing mchod pa byed pa'i phyir dang sangs rgyas kyi zhing tshad med pa rnams mthong ba'i phyir dang / rtag par sangs rgyas kyi mkhyen pa yongs su gnyer ba'i phyir dang / 'khor ba rmi lam lta bur rab tu rtogs pa'i phyir dang chos khyad par can dag la zhum pa med pa'i phyir dang / sngon gyi mtha' dang / phyi ma'i mtha' dang / yang dag pa'i mtha' la so sor rtog pa'i phyir ro// de nas bcom ldan 'das kyis yang tshigs su bcad de bka' stsal pa/ rnal 'byor lam ni gang sgom pa// dge sbyong skyon 'phan dri ma med// bar snang rnam dag zla ba bzhin// sdug bsngal sems can sgrol bar byed// yon tan rnams ni bsdu ba'i phyir// 'khor bar yongs su ngal mi 'gyur// sems can rang bzhin rtog med cing // rab brtan brtson 'grus spyod par byed// sangs rgyas zhing ni tshad med dang // sangs rgyas rnams ni gus mchod pas// de phyir stobs bcu gang ldan pa// 'khor bas yongs su ngal mi 'gyur// 'jig rten tshad med dpag tu med// bsam gyis mi khyab chos ston cing // / dkon mchog gsum gdung mi gcod pas// chos rgyal nyid du mngon 'tshang rgya// tshul khrims dam por gang srung ba// 'khor bas ngal bar mi 'gyur zhing // 'khor ba'i rang bzhin gang
- 173a
yin pa/ / rmi lam sprin dang glog ltar shes// chos las gang zhig rnam grol ba// 'khor bas yongs su ngal mi 'gyur// byang chub la ni rab gnas shing // dga' ba'i sems kyis rtag tu bde/ / thabs kyi pha rol gang yin pa// 'khor bas yongs su ngal mi 'gyur// rtag par dam chos sgrub pa yang // bar snang zla bzhin 'phel bar 'gyur/ sangs rgyas yon tan gang mos pas// 'khor bas yongs su ngal mi 'gyur// 'khor ba mu mtha' med gyur kyang // rtag par yang dag mtha' la gnas// yud tsam shes rab rjes 'thun pa/ / 'khor ba dag gis ngal mi 'gyur// gzhan yang bu mo chos brgyad dang ldan na// sems kyi khams mnyam par 'gyur ro// brgyad gang zhe na// sems sa dang mtshungs par gyur pa'i phyir dang / sems chu dang mtshungs par gyur pa'i phyir dang / sems me dang mtshungs par gyur pa'i phyir dang / sems rlung dang mtshungs par gyur pa'i phyir dang / sems nam mkha' dang mtshungs par gyur pa'i phyir dang / sems chos kyi dbyings dang mtshungs par gyur pa'i phyir dang / sems rnam par grol ba dang mtshungs par gyur pa'i phyir dang sems mya ngan las 'das pa dang mtshungs par gyur pa'i phyir te/ 'di ni sems kyi khams mnyam pa nyid rnam pa brgyad ces bya'o// de nas bcom ldan 'das kyis yang tshigs
- 173b
su bcad de bka' stsal pa/ sems ni sa dang mtshungs pas na// thams cad khur du khyer bar byed// dge ba dang ni sdig pa'ang rung // 'phel ba med cing 'grib pa'ang med// sems ni chu dang mtshungs pas na/ / dri ma mi gtsang 'khru byed cing // 'jig rten rnams ni gso ba dang // nyon mongs gdung ba sel bar byed// sems ni me dang mtshungs pas na// nyon mongs dag ni sreg byed cing / / sgron ma chen po snang ba yis// gsal bar mi byed gang yang med// sems ni rlung dang mtshungs pas na// gnas pa med cing rten med par// tshul khrims thos pa'i dri/ yis ni// dus gsum kun tu khyab par byed// sems ni mkha' dang mtshungs pas na// lta ba spong zhing rnam par dag/ thams cad kun tu 'jug byed cing // bdud kyi rjes su 'brang mi byed sems ni chos dbyings mtshungs pas na/ / bde ba nyid du rab gnas shing // 'phel ba med cing 'grib med par// rtag par mnyam pa nyid la 'jug/ nyan thos dang ni rang rgyal gyi// rnam par grol ba thob gyur kyang / / 'ching ba dag kyang yod min la// grol ba dag kyang yod pa min// 'khor ba dang ni mya ngan 'das// 'ong ba med cing 'gro med ces// rab dben nyer zhi gnas nas dus gsum kun tu 'gro bar byed/ gzhan yang bu mo chos rnam pa brgyad dang ldan pa'i byang chub sems dpa' ni byang chub kyi 'byung gnas su 'gyur ro// brgyad gang zhe na/
- 174a
dang po ni sbyin pa 'byung gnas su gyur pa yin te/ ci bdog pa rnams yongs su gtong ba'i phyir ro// gnyis pa ni tshul khrims 'byung gnas su gyur pa yin te/ nyams pa med pa'i phyir ro/ / gsum pa ni bzod pa 'byung gnas su gyur pa yin te// zhe sdang med pa'i phyir ro// bzhi pa ni brtson 'grus 'byung gnas su gyur pa yin te/ le lo med cing nur ba med pa'i phyir ro/ / lnga pa ni bsam gtan 'byung gnas su gyur pa yin te/ thabs la mkhas pa'i phyir ro// drug pa ni shes rab 'byung gnas su gyur pa yin te/ tshul khrims srung zhing mang du thos pa dang ldan pa'i phyir ro/ / bdun pa ni tshangs pa'i gnas pa 'byung gnas su gyur pa yin te/ rnam par grol bas nye bar zhi bar gyur pa'i phyir ro// brgyad pa ni mngon par shes pa 'byung gnas su gyur pa yin te/ / rtag par mnyam par bzhag pa la rab tu gnas pa'i phyir ro// de nas bcom ldan 'das kyis yang tshigs su bcad de bka' stsal pa/ rtag par sbyin pa gang gtong ba/ / 'dod chags gdung ba spong bas na// 'bras bu rnam smin mi re bar// sangs rgyas byang chub sngo bar byed// khrims ldan theg pa chen po'i phyir// bcad cing gtungs kyang khong khro med/ / rtse gcig bde chen gnyer byed cing // bag chags spangs nas 'gog mngon byed// byang chub sems dpa' brtson 'grus can// bskal mang sems can ched du ni//
- 174b
sdug bsngal bzod cing 'jig rten rgya// brtson 'grus stobs ni 'phel bar byed// bsam gtan dag ni gang sgom pa// spros pa rnams ni spong byed cing // bsam gtan pha rol phyin gyur kyang / / bsam gtan rjes su yongs mi skye// shes rab chen po mtshungs med pas// mthar lha rnams ni spong byed cing // 'jig rten stong dben rig pas na// gti mug mun pa ma lus sel/ / nyer zhi tshangs gnas gang sgom pa// ngan song rnams ni spangs pas na// rtag par brgya byin tshangs par 'gyur// don gyis phan pa nan tan bsgoms// mngon shes sangs rgyas zhing rgyu ba// sangs rgyas bsnyen bkur chos kyang nyan// rang bzhin mos pa rab shes pas// chos bshad sems can zlos par byed// gzhan yang bu mo byang chub sems dpa' ni chos brgyad dang ldan pa'i phyir/ gzungs dang thogs pa med pa'i spobs pa thob par 'gyur ro// brgyad gang zhe na/ chos la bla mar byed pa'i phyir dang / mkhan po dang / slob dpon la rim gro byed pa'i phyir dang / chos yongs su gnyer ba la skyo ba med pa'i phyir dang / ji skad thos pa bzhin du yang dag par ston par byed pa'i phyir dang / chos la ser sna mi byed pa'i phyir dang / gzhan gyi nyes pa sgrogs par mi byed pa'i phyir dang / chos smra ba dag la mkhan po bzhin du gus pas sri zhu byed pa'i phyir dang / gzhan gyi nyes pa mi mthong zhing nyes pa spang bar
- 175a
skul bar byed pa'i phyir te/ 'di ni byang chub sems dpa' chos brgyad dang ldan na// gzungs dang thogs pa med pa'i spobs pa phun sum tshogs pa thob par 'gyur ba zhes bya'o/ / de nas bcom ldan 'das kyis yang tshigs su bcad de bka' stsal pa// rtse gcig rtag tu chos gnyer ba// mkhan po dge bshes rim gro byed// sdig pa'i grogs po spong bas na/ / mi zad gter 'dzin thob par 'gyur// mang thos yongs su skyo med pa// rab brtson chos ni gnyer bar byed// ji skad thos bzhin ston byed pas// rnyed pa dag la re tshol med// spobs pa rnam dag gang thob pa/ / 'khor mang dga' bar byed pas na// chos sbyin pa la rab mos shing // ser sna phrag dog spong bar byed// chos spyod mngon par zhen med cing // gzugs ni gang zhog thob gyur pa/ / khrims srung rang lus lta bas na// gzhan gyi nyes skyon yongs mi tshol// byams dang snying rje gnas gyur cing // dus min tshig ni mi smra bas// thogs med spongs pa thob gyur nas/ / spro tshig pha rol phyin pa ston// chos ni legs par smra ba la// mkhan po bzhin du gus par byed// skyon 'chab nyes pa spong bskul bas// mi zad kun 'dzin rgya mtsho 'thob/ / gzhan yang bu mo byang chub sems dpa' ni chos rnam pa brgyad dang ldan pa'i phyir/ sangs rgyas rnams kyi spyan sngar pad+ma las rdzus te skye bar 'gyur ro//
- 175b
brgyad gang zhe na/ srog la bab par gyur na'ang gzhan gyi nyes pa mi rjod pa dang / sems can rnams dkon mchog gsum la skyabs su 'gro bar skul ba dang / thams cad byang chub sem la 'god pa dang / tshangs par spyod pa la gos pa med pa dang / de bzhin gshegs pa'i sku gzugs dag byas nas pad+mo'i gdan la 'jog pa dang / sems can mya ngan byed pa dag gi mya ngan sel bar byed pa dang / khengs shing nga rgyal byed pa dag gi mdun du rtag par bdag nyid dman par byed pa dang / gzhan la 'tshe bar mi byed pa gang yin pa'o// de nas bcom ldan 'das kyis yang tshogs su bcad de bka' stsal pa/ gal te sdug bsngal gzir gyur kyang // nam yang gzhan gyi skyon mi smra// rtag par dkon mchog gang bsngags pa// sangs rgyas spyan sngar rdzus te skye/ byang chub sems ni bskyed pa dang // thams cad mkhyen pa nyer bskul nas// rtag tu tshangs par gang spyod pa// sangs rgyas spyan sngar rdzus te skye// gser gyis sangs rgyas gzugs brgyan te/ / rin chen pad+ma'i gdan la bzhag/ sems can mya ngan gang sel ba// sangs rgyas spyan sngar rdzus te skye// nga rgyal byed pa de dag la// slob ma bzhin du bdag dman zhing / / gzhan la gang zhig mi 'tshe ba// sangs rgyas spyan sngar rdzus te skye// gzhan yang bu mo byang chub sems dpa' chos brgyad dang ldan par gyur na
- 176a
spungs pa'i yon tan phun sum tshogs par 'gyur zhing / rtag par dgon pa na gnas par mos par 'gyur ro// brgyad gang zhe na/ 'dod pa chung ba dang / cho ga shes pa dang / dge ba'i chos yongs su rdzogs par gyur pa dang / dge bas bdag nyid gso bar byed pa dang / rtag par 'phags pa'i rigs yongs su 'dzin pa dang / 'khor ba'i nyes dmigs mthong bas sems la rtag par skyo ba dang / rtag par mi rtag pa dang / sdug bsngal ba dang / stong pa dang / bdag med par lta ba dang / dad pa shin tu brtan zhing gzhan dring la mi 'jog pa gang yin pa'o/ / de nas bcom ldan 'das kyis yang tshigs su bcad de bka' stsal pa/ 'dod pa chung zhing chog shes pas// chos dga' dge mang bdag nyid gso/ / rtag par 'phags rigs sgrub la mos// 'khor ba'i skyon mthong sems la skrag/ spangs pa dag la rtag mos pas// bse ru gcig ltar grogs kyang med// 'dus byas sdug bsngal bdag med ces/ / blo yis rab dang brtson 'grus gnas// chos mthong gzhan byi rjes mi 'brang // rtag par dben gnas sangs rgyas bsngags// sbyangs pas thag bsrings gdung ba med/ / rtsod smras nyes dmigs mang po med// nye bshes yongs spangs bsngags pa rjod// des na dgon par gnas la mos// gzhan yang bu mo byang chub
- 176b
sems dpa' ni chos rnam pa brgyad dang ldan pa'i phyir/ bdud kyi dpung rab tu pham par byed de// brgyad gang zhe na/ ngo bo nyid stong pa nyid la zhugs pa dang / mtshan ma med pa la mngon par yid ches pa dang / smon pa med pa la mngon par yid ches pa dang / mngon par 'du bya ba med par rab tu shes pa dang / de la the tshom dang som nyi med pa dang / skye ba med par rab tu bzod pa dang / ngo bo nyid med par rab tu rtogs pa dang / thabs la mkhas pas chos thams cad la so sor rtog cing / de bzhin nyid 'jig par mi byed pa gang yin pa'o// de nas bcom ldan 'das kyis yang tshigs su bcad de bka' stsal pa/ / stong dang mtshan ma med dang smon med pa// rnam thar gsum thob bdud dpung rab tu 'joms// 'dus byas 'dus min mtshan nyid gnyis su med/ / skye med thob pas rnam par grol bar 'gyur// chos rnams skye med de ltar gang bzod pa// de dag bdud dpung rab tu pham par byed// skye ba med dang 'gag med 'di dag dang / phung po khams la bdag med sgyu ma 'dra// chos la ngo bo nyid med nges rtogs shing // de bzhin nyid ni mi 'jigs thabs mkhas pas// chos rnams bdud kyi las zhes gang byed pa// rnam rtog spangs nas bdud ni pham par byed/ / thabs dang shes rab gnyis ka rab spyod cing // yod dang stong la gnas pa med par ni// de ltar chos mchog gang zhig sgom byed pa// thabs mkhas
- 177a
gzugs lus mdzes pa thob par 'gyur/ / gzhan yang bu mo byang chub sems dpa' ni chos rnam pa brgyad dang ldan pa'i phyir/ byang chub dang nam yang 'bral bar mi 'gyur ro/ / brgyad gang zhe na/ yang dag pa'i lta bas log par lta ba'i sems can yongs su smin par byed pa dang / yang dag pa'i dran pas log par sems pa'i sems can la snying brtse bar byed pa dang / yang dag pa'i ngag gis log par smra ba rnams la snying brtse bar byed pa dang / yang dag pa'i las kyi mthas log pa'i las can rnams yongs su sdud pa dang yang dag pa'i rtsol bas log par rtsol ba yongs su zlog pa dang / yang dag pa'i 'tsho bas log pas 'tsho ba'i sems can rnams spong bar mi byed pa dang / yang dag pa'i rtog pas log par yid la byed pa spong bar byed pa dang / yang dag pa'i ting nge 'dzin gyis log pa'i ting nge 'dzin la gnas pa dag bslang nas/ gong du rtsol du gzhug pa gang yin pa'o// de nas bcom ldan 'das kyis yang tshigs su bcad de bka' stsal pa/ yang dag lha dang gang ldan pa// log lha de dag smin par byed// rtag par yang dag dran sgom pa// log sems dag la brtse bar byed/ / rnam dag yang dag ngag gis ni// log smra rnams la brtse bar byed// yang dag las mtha' gnas pa yis// log pa'i las can sdud par byed// rtag par yang dag rtsol
- 177b
bsgoms nas/ / log brtson dag ni sprod mi byed// yang dag 'tsho bas rjes mthun pas// log 'tsho gang yin sdud par byed// blo ldan yang dag rtog pa yis// log par yid byed brtse bar sems/ / yang dag ting 'dzin rtag gnas nas// log pa'i ting 'dzin sdud par byed// bla med yang dag lam brgyad kyis// chu bo dag las bde bar sgrol// rgyun phyogs ded pa zlog byed pas/ / de ni byang chub lam chen yin// nyan thos dang ni rang rgyal rnams// rtswa yi gzings bzhin bdag nyid zlos// byang chub sems dpa' kun zlos pas// dper na gru chen 'dren mkhan 'dra/ gzhan yang bu mo byang chub sems dpa' ni chos rnam pa brgyad dang ldan pa'i phyir/ bdud rtsi'i lam mngon sum du byed par 'gyur ro// brgyad gang zhe na/ rtsod pa med pa'i chos la gnas pa dang / thogs pa med pa'i sems legs par rab tu srung bar byed pa dang / rtag par de kho na nyid kyi don la lta bar byed pa dang / byang chub kyi sems la rab tu gnas nas rjes su dran pa drug sgom par byed pa dang / nan tan brtson 'grus kyi pha rol tu phyin pa rnams sgom par byed pa dang / dge ba'i rtsa ba bsags nas sems can yongs su smin bar byed pa dang / snying rje chen po la gnas nas yang dag pa'i chos yongs su sdud par byed pa dang / mi skye ba'i chos la bzod pa thob nas phyir mi ldog pa la rab tu gnas pa gang yin pa'o//
- 178a
de nas bcom ldan 'das kyis yang tshigs su bcad de bka' stsal pa/ rtag par rtsod med spyod bsgrubs nas// dge sbyong chen po chos la gnas// zhe sdang nyes pa yongs spangs nas/ / dge ba'i rtsa ba sogs par byed// yang dag don ni rab lta bas// mi zad spobs rnams thob par byed// byang chub sems la rab gnas nas// rtag par dran byed rjes su dras pha rol phyin pa thams cad kun/ / rab brtson bsgrubs pas log pa med// thabs mkhas stobs rnams thob pa nas// des ni sems can sgrol bar byed// chos kyi mnga' bdag nor gyis ni// brtse sems thams cad kun sbyin pas// myur du mi skye bzod thob nas// byang chub las ni ldog mi 'gyur// gal te de ltar spyod nus na// sangs rgyas chos ni thob mi dka'// ring por mi thogs bdud btul nas/ / byang chub mchog ni thob par 'gyur// de nas bu mo des chos de lta bu thos nas dga' mgu rangs par gyur nas/ bcom ldan 'das la 'di skad ces gsol to/ / bcom ldan 'das chos rnam pa du dang ldan par gyur na/ bud med kyi dngos po las ldog par 'gyur lags/ bcom ldan 'das kyis bka' stsal pa/ bu mo chos brgyad dang ldan par gyur na/ bud med kyi dngos po las ldog par 'gyur ro// brgyad gang zhe na/ phrag dog mi byed pa dang / ser sna mi byed pa dang / g.yo sgyu med pa dang / khong khro ba med pa dang / bden par smra ba dang / ngag
- 178b
rtsub po mi smra ba dang / 'dod chags spangs pa dang / log par lta ba rnams spangs pa gang yin pa ste/ bu mo chos brgyad po de dag mngon par bsgrubs na/ myur du bud med kyi dngos po las ldog par 'gyur ro/ / de nas bcom ldan 'das kyis yang tshigs su bcad de bka' stsal pa/ gzhan yang phrag dog mi byed cing // ser sna spangs nas chos mos pa// g.yo sgyu dag ni mi spyod cing / / bud med lus la skyo ba dang // byams sems zhe sdang rab spangs nas// rtag par bden tshig smra ba dang // 'dod bsal ngag rtsub spangs nas ni// yang dag lta la gnas par bya/ gang gis bud med lus skyo nas// 'di 'dra'i chos ni sgrub byed na// myur du bud med dngos spangs nas// skyes pa'i lus bzang len par 'gyur// gzhan yang bu mo chos brgyad dang ldan par gyur na/ bud med kyi dngos po las ldog par 'gyur ro// brgyad gang zhe na/ sangs rgyas la bla mar byed cing chos la shin tu mos pa dang / tshul khrims dang / bzod pa dang / mang du thos pa dang ldan pa'i dge sbyong dang bram ze dag la bsnyen bkur dang rim gro byed pa dang / skyes pa dang / bud med dang / khyim gyi dngos po dag la mngon par zhen cing chags pa med pa dang / bslab pa'i dngos po yang dag par blangs pa rnams 'jig par mi byed pa dang / srog chags thams cad la log pa'i bsam pa mi skyed pa dang / lhag pa'i bsam pas
- 179a
bud med kyi dngos po la yongs su skyo bar gyur pa dang / byang chub kyi sems kyis skyes bu chen pa'i chos la gnas pa dang // 'jig rten pa'i khyim gyi so chos rnams la sgyu ma dang rmi lam lta bur lta ba gang yin pa'o/ / de nas bcom ldan 'das kyis yang tshigs su bcad de bka' stsal pa/ sangs rgyas rab gus chos la mos// tshul khrims mang thos bla mar byed/ / 'dod chags sred sems mi skyed na// bud med dngos po myur du spong // khrims srung ngo tsha khrel yod ldan// gzhan la mi bden bsam mi byed// byang chub sems la rab gnas nas/ / theg pa gzhan la mos byed na// des ni myur ba kho nar yang // mi gtsang bud med dngos po spong // bsam pa mchog gis sems skyo nas// thams cad sgyu ma lta bu dang / chos rnams rang bzhin g.yo med dang // rgyu rkyen rang bzhin stong dben zhes// nan tan yang dag chos bsgoms na// myur du skyes pa'i lus thob 'gyur// de nas bu mo rnamangs dang bas gser gyi 'breng ba thogs pa de dag bcom ldan 'das la gtor ba dang / steng gi bar snang la gser gyi gzhal med khang dang / khang pa brtsegs pa dag tu gyur nas/ gzhal med khang de dag ginang na sprul pa'i de bzhin gshegs pa gser gyi gdan la bzhugs pa sha stag byung bar gyur to/ / de nas bu mo lnga bcu po de dag gis kyang so so nas rgyan rnams bkrol nas/ bcom
- 179b
ldan 'das la mngon par gtor ba dang / steng gi bar snang la gser gyi gzhal med khang dang / rin po che'i gur dang / rin po che'i gdugs dang / bkod pa rnam pa sna tshogs su gyur to// de nas bu mo lnga brgya po de dag gis de lta bu'i cho 'phrul chen po mthong ba dang / skad mthun par tshigs su bcad de smras pa/ bcom ldan mi mchog khyad par 'phags pas na// thugs rjes sems can rnams la sman par mdzad/ / bdag cag deng ni byang chub sems bskyed nas// mos pa rjes mthun rab tu 'dul la gnas// bcom ldan 'dren pa de bar rab stsal nas// bdag cag mi mchog la ni mchod par bgyi/ / chos thos dbang gis rdul rnams rab spangs pas// bdag cag the tshom nem nur yongs ma mchis// des na bud med nyon mongs mang spangs nas// nyon mongs gtan bcom bdud ni pham par bgyis// phyogs bcu'i sangs rgyas bye ba tshad med rnams// bdag cag dga' bas rtag tu mchod par 'tshal// sbyin dang tshul khrims brtson 'grus rab gnas nas/ / bzod dang bsam gtan sems ni rab tu bgyi// thabs dang shes rab sems can yongs bsdus nas// byang chub mchog lam gang lags mngon du bgyi// mi 'khor ni tshad med sman bdags nas// thams cad theg chen sems ni bskyed par skul// bdag cag seng ge'i sgra ni sgrogs par 'gyur// bdag cag lha mi'i ston pa bgyid par mchi//
- 180a
de nas bcom ldan 'das 'dzum pa mdzad do// sangs rgyas rnams kyi chos nyid ni nam 'dzum pa mdzad pa na/ 'od zer kha dog rnam pa sna tshogs 'di lta ste/ sngon po dang ser po dang / dmar po dang / dkar po dang / le brgan dang / dngul dang / shel gyi kha dog lta bu dag de bzhin gshegs pa'i zhal gyi sgo nas byung ste/ 'jig rten gyi khams tshad med dpag tu med pa dag nas/ tshangs pa'i 'jig rten gyi bar du khyab par snang bar byas nas/ de bzhin gshegs pa la lan gsum bskor ba byas ste/ de bzhin gshegs pa'i dbu'i gtsug tu thim par gyur pas/ / de nas tshe dang ldan pa kun dga' bo stan las langs te/ bcom ldan 'das la 'di skad ces gsol to// bcom ldan 'das rgyu dang rkyen gang gi slad du 'dzum pa 'di lta bu bstan par mdzad lags/ bcom ldan 'das kyis bka' stsal pa/ kun dga' bo khyod kyis bu mo rnam dag dang ba 'di mthong ngam/ kun dga' bos gsol pa/ mthong lags so// bcom ldan 'das kyis bka' stsal pa/ kun dga' bo bu mo rnam dag dang ba la sogs pa bu mo lnga brgya po 'di dag ni 'di nas tshe zad pa dang / bud med kyi lus spangs nas/ dga' ldan gyi lha'i ris su skyes te/ bcom ldan 'das byams pa dang / bskal pa bzang po'i de bzhin gshegs pa thams cad la bkur sti dang / rim gro dang / mchod pa byed par 'gyur bas/ bu mo rnam dag
- 180b
dang ba bskal pa bye ba khrag khrig brgyad khri bzhi stong 'das pa'i 'og tu 'jig rten gyi khams glog gi 'od ces bya bar mngon par rdzogs par 'tshang rgya bar 'gyur te/ de bzhin gshegs pa 'od zer gyi bkod pa zhes bya bar 'gyur ro/ / bskal pa'i ming ni rtag tu snang ba zhes bya'o// de bzhin gshegs pa'i sku tshe'i tshad ni dga' ldan gyi lha bzhin du tshe lo stong phrag bcu gnyis thub par 'gyur ro/ / 'jig rten gyi khams de na'ang byang chub sems dpa' sems dpa' chen po 'ba' zhig gi 'khor tshad med dpag tu med pa dag gis 'khor byed par 'gyur ro// bu mo lnga brgya po 'di dag kyang 'khor de dag gi nang na gtso bo mchog byed par 'gyur te/ ji ltar da ltar nga'i tshe byang chub sems dpa' 'jam dpal la sogs pa drug cu po 'di dag gtso bor gyur pa bzhin no// kun dga' bo bud med gang la la zhig gis chos kyi rnam grangs 'di thos nas yongs su 'dzin par byed/ klog par byed/ kha ton du 'don par byed na/ bud med kyi lus 'di gtugs nas/ phyis yang len par mi 'gyur zhing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ bu mo rnam dag dang ba la sogs pa bu mo lnga brgya po de dag dang / lnga dang / mi dang / lha ma yin du bcas pa'i 'jig rten thams cad kyis/ bcom ldan 'das kyis gsungs pa la rab tu
- 181a
dga' nas mngon par bstod do/ / 'phags pa dkon mchog brtsegs pa chen po chos kyi rnam grangs stong phrag brgya pa las/ rnam dag dngabs zhus pa'i le'u 'dus pa bzhi bcu pa rdzogs so/ / // lo tsa ba 'gos chos grub kyis rgya nag gi dpe las bsgyur cing zhus te gtan la phab pa// / rgya gar skad du/ Ar+ya mai tre ya pri ts+tsha ba ri brta nA ma ma hA yA na sU tra/ bod skad du/ 'phags pa byams pas zhus pa'i le'u zhes bya ba theg pa chen po'i mdo// bam po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul brge na/ chu srin byis pa gsod lta bu'i ri la 'jigs su rung ba'i nags ri dgas kyi gnas na/ dge slong lnga brgya tsam gyi dge slong gi dge 'dun chen po mngon par shes pa mngon par shes pa/ gnas brtan nyan thos chen po sha stag la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang ldan dang / tshe dang ldan pa dri ma med pa dang / tshe dang ldan pa gang po dang / tshe dang ldan pa ba grang bdag dang / tshe dang ldan pa ri dgas mgo dang / tshe dang ldan pa lteng rgyas 'od srungs dang / tshe dang ldan pa
- 181b
chu klung 'od srungs dang / tshe dang ldan pa ga ya 'od srungs dang / tshe dang ldan pa byin pa 'od srungs dang / tshe dang ldan pa 'od srungs chen po dang / tshe dang ldan pa don yod rgyal po dang tshe dang ldan pa blo gros bzang dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa ri rgyal dang / tshe dang ldan pa dga' bo dang / tshe dang ldan pa nye dga' dang / tshe dang ldan pa kun dga' bo dang / tshe dang ldan pa sgra gcan zin dang / de dag la sogs pa dge slong lnga brgya tsam dang thabs cig tu bzhugs so// byams pa la sogs pa byang chub sems dpa' sems dpa' chen po mngon par shes pa mngon par shes pa khri dang yang thabs cig pa la 'di lta ste/ byang chub sems dpa' blo gros 'phel dang / byang chub sems dpa' blo gros bzang dang / byang chub sems dpa' blo gros brtan dang / blo gros yangs pa dang / spobs pa brtsegs dang / spyan ras gzigs dbang phyug dang / mthu chen thob dang me tog dpal dang / 'jam dpal dang / mngon par shes pa'i me tog shin tu rgyas pa dang / dmigs pa med pa yid la byed pa dang / dad ldan dang / rin po che tog dang dbang po'i lha dang / chu lha dang / sgra dbyangs snyan dang / zhing rnam par sbyong dang / lhun po brtsegs dang / spobs pa phun sum tshogs pa dang / dbang po'i dpal dang / sa 'dzin
- 182a
dang sems can dmyal bsnyems dang / ngan song spong dang // rin chen ze ba can dang / de dag la sogs pa byang chub sems dpa' khri dang thabs cig ste/ de nas bcom ldan 'das 'khor brgya stong du mas yongs su bskor cing / mdun gyis bltas nas chos ston to// de'i tshe byang chub sems dpa' byams pa 'khor de nyid du 'dus par gyur te 'dug go/ / de nas byang chub sems dpa' byams pas byang chub sems dpa'i 'khor chen po de 'dus par rig nas/ stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa dri ba lung bstan pa'i phyir/ de bzhin gshegs pas rtag tu skabs phyes// byams pa khyod ci dang ci 'dod pa dris shig dang / dris pa de dang de'i lung bstan pas khyod kyi sems rangs par bya'o// de nas
- 182b
bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das byang chub sems dpa' chos du dang ldan na/ ngan song thams cad spong zhing sdig pa'i grogs po'i sug par lhung bar mi 'gyur la/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa khyod ni 'di ltar sngon gyi rgyal ba la lhag par bya ba byas pa/ dge ba'i rtsa ba bskyed pa/ tshe rabs dran pa/ spobs pa thob pa/ yun ring po nas tshangs par spyod pa spyad pa ste/ byams pa khyod skye bo mang po la phan pa dang // skye bo mang po la bde ba dang / 'jig rten la snying brtse ba dang / skye bo phal po che dang / lha dang / mi rnams kyi don dang / phan pa dang / bde ba dang / byang chub sems dpa'i theg pa pa'i rigs kyi bu dang / rigs kyi bu mo da ltar gyi deng ma 'ongs pa rnams yongs su gzung ba'i phyir zhugs nas/ khyod de bzhin gshegs pa la don 'di 'dri bar sems pa legs so legs so/ byams pa de'i phyir legs par rab tu nyon la yid la zung zhig dang bshad do// byang chub sems dpa' sems dpa' chen po byams pas bcom ldan 'das la legs so zhes
- 183a
gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// byams pa byang chub sems dpa' chos gcig dang ldan na ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ chos gcig gang zhe na'adi lta ste/ lhag pa'i bsam pa phun sum tshogs pa'i byang chub kyi sems te/ byams pa byang chub sems dpa' chos gcig po de dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos gnyis dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ gnyis gang zhe na/ 'di lta ste/ zhi gnas yongs su tshol ba dang / lhag mthong la mkhas pa ste/ byang chub sems dpa' chos gnyis po de dag dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang
- 183b
byang chub sems dpa' chos gsum dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ gsum gang zhe na/ 'di lta ste/ snying rje chen po thob pa dang / stong pa nyid kyi chos nges par sems pa dang / des kyang rlom sems su mi byed pa ste byams pa byang chub sems dpa' chos gsum po de dag dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / byams pa gzhan yang byang chub sems dpa' chos bzhi dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bzhi gang zhe na/ 'di lta ste/ tshul khrims la gnas pa yin/ chos thams cad la som nyi med pa yin/ dge ba'i chos la mngon par dga' ba yin/ yang dag par zhugs shing / yang dag par blangs pa las mi g.yo ba yin te/ byams pa byang chub sems dpa' chos bzhi po de dag dang ldan na/ ngan song thams cad spong zhing // sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs
- 184a
par 'tshang rgya'o/ / byams pa gzhan yang byang chub sems dpa' chog lnga dang ldan na/ dran song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya / lnga gang zhe na/ 'di lta ste/ stong pa nyid la gnas pa dang / gzhan dag gi 'khrul pa'i tshol ba dang / bdag la rtog pa dang / chos la mngon par dka' ba dang / gzhan la phan 'dogs par zhugs pa yin te/ byams pa byang chub sems dpa' chos lnga po de dag dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos drug dang ldan na/ ngan song thams cad spong zhing / sdig pa'i grogs po'i lag tu mi 'gro la/ byur du bla na med pa yang dag par rdzogs pa'i byang chub mngon par rdzogs par 'tshang rgya ste/ drug gang zhe na/ 'di lta ste/ brkas pa med pa yin/ sdang ba med pa yin/ rmongs pa med pa yin/ dris ma thag tu yang dag pa ji lta ba bzhin du lan ldon pa yin/ bsnyen par dka' ba med pa yin/ stong pa nyid spyod yul ba yin te/ byams pa byang chub sems dpa' chos drug po de dag dang ldan na/ ngan song thams
- 184b
chang thong zhing sdig pa'i thogs po'i lag tu mi 'gro la/ myur du tha na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan/ yang byang chub sems dpa' chos bdun dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bdun gang zhe na/ 'di lta ste/ dran pa la mkhas pa yin/ chos la mkhas pa yin/ brtson 'grus brtsams pa yin/ dga' ba thob pa yin/ shin tu sbyangs pa dang ldan pa yin/ ting nge 'dzin la mkhas pa yin/ shes rab kyis rab tu dbye ba la mkhas pa yin te/ byams pa byang chub sems dpa' chos bdun po de dag dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / byams pa gzhan yang byang chub sems dpa' chos brgyad dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du rma na med pa yang dag par rdzogs pa'i byang chub mngon par rdzogs par 'tshang rgya ste/ brgyad gang zhe na/ 'di lta ste/ yang dag pa'i lta ba can yin/ yang dag pa'i rtog pa can yin/ yang
- 185a
@#dag pa'i ngag can yin/ yang dag pa'i las kyi mtha' can yin/ yang dag pa'i 'tsho ba can yin/ yang dag pa'i rtsol ba can yin/ yang dag pa'i rlan pa can yin// yang dag pa'i ting nge 'dzin can yin te/ byams pa byang chub sems dpa' chos brgyad po de dag dang ldan na/ ngan song thams can thong zhing / sdig pa'i grogs po'i lag tu mi 'grol/ sbyar/ du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos dgu dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ dgu gang zhe na/ 'di lta ste/ byams pa 'di la byang chub sems dpa' ni 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po bsgrubs te gnas so// rtog pa dang dpyod pa dang bral zhing nang rab tu dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa bsgrubs te gnas so// dga' ba'i 'dod chags dang bral bas btang snyoms la gnas shing / dran pa dang
- 185b
shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa de/ dga' ba med pa bsam gtan gsum pa bsgrubs te gnas so/ / bde ba'ang spangs te/ snga nas sdug bsngal ba'ang spangs shing / yid bde ba dang yid mi bde ba'ang nub pas/ bde ba'ang ma yin// sdug bsngal ba'ang ma yin pa/ btang snyoms dang dran pa yongs su dag pa/ bsam gtan bzhi pa bsgrubs te gnas so// rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched bsgrubs de gnas so/ rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas so/ / rnam pa thams cad du rnam shes mtha' yas skye mched las yang dag par 'das te/ ci'ang med do snyam nas/ ci yang med pa'i skye mched bsgrubs te gnas so// rnam pa thams cad du ci'i nga med pa'i skye mched las yang dag par 'das nas/ 'du shes med 'du shes med min skye mched bsgrubs te gnas so// rnam pa thams cad du 'du shes
- 186a
med 'du shes med min skye mched las yang dag par 'das nas/ 'du shes dang tshor ba 'gog pa bsgrubs nas gnas pa ste/ byams pa byang chub sems dpa' chos dgu/ po de dag dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / byams pa gzhan yang byang chub sems dpa' chos bcu dang ldan na/ ngan song thams cad spong zhing / sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bcu gang zhe na/ 'di lta ste/ rdo rje lta bu'i ting nge 'dzin dang ldan pa yin/ gnas dang gnas ma yin pa la mngon par brtson pa'i ting nge 'dzin dang ldan pa yin/ rlabs kyis 'gro ba'i ting nge 'dzin dang ldan pa yin/ rnam par snang byed kyi ting nge 'dzin dang ldan pa yin/ kun nas snang ba'i ting nge 'dzin dang ldan pa yin/ kun tu gsal ba'i ting nge 'dzin dang ldan pa yin// rin chen zla ba'i ting nge 'dzin dang ldan pa yin/ zla ba blon ma'i ting nge 'dzin dang ldan pa yin/ nyon mongs pa med pa'i ting nge 'dzin dang ldan pa yin/ rgyal mtshan gyi rtse mo'i dpung rgyan gyi ting nge 'dzin dang ldan pa yin te// byams pa byang chub sems dpa' chos bcu po de dag dang ldan na/ ngan song thams cad spong zhing
- 186b
sdig pa'i grogs po'i lag tu mi 'gro ya/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// de nas byang chub sems dpa' sems dpa' chen po byams pa tshim zhing mgu la yi rangs te/ rab tu dga' nas dga' ba dang yid bde ba skyes te/ stan las langs nas bla gos phrag pa gcig tu bgos te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do// sngon chad sbyin pa sbyin mdzad pa/ / sdug pa'i bu dang zas skom dang // mgo dang mig kyang btang mdzad de// sangs rgyas sbyin kun pha rol phyin// g.yag rnga bzhin du yun ring nas// khyod kyis tshul khrims ma nyams bsrungs/ / khrims kyis khyod 'dra ma mchis te// sangs rgyas khrims legs pha rol phyin// bzod pa'i stobs ni bskyed mdzad nas// byis pas nongs pa bgyis pa bzod/ / bzod pa'i stobs rnams kun dang ldan// sangs rgyas bzod legs pha rol phyin// brtson 'grus stobs ni bskyed mdzad nas// zhi bde bla na med pa brnyes// brtson 'grus stobs kyi stobs dang ldan// sangs rgyas brtson legs pha rol phyin// sdig pa thams cad bsreg mdzad nas// 'dren pa skyes chen bsam gtan dgyes/ bsam
- 187a
gtan stobs kyis stobs dang ldan/ / sangs rgyas bsam legs pha rol phyin// chos rnams de dag rang bzhin stong // ngo bo nyid kyis gang mi skye// shes rab kyis ni pha rol gshegs/ / sangs rgyas shes legs pha rol phyin// mkhyen chen byang chub shing drung du// sder bcas bdud ni khyod kyis gtul// don gyi mchog kyang brnyes par gyur/ / sangs rgyas bdud kyi tshogs ngan 'joms// skyes chen wA rA NA sir ni// chos kyi 'khor lo rab tu bskor// mu stegs tshogs ngan skrag par mdzad// sangs rgyas mu stekra can tshogs 'joms/ / shes rab chen po bla na med// kun nas zla dpe yongs ma mchis// dkon mchog chos de ston par mdzad// 'dren pa sangs rgyas 'od mdzad lags// sbyin pa dang ni khrims stobs dang / / bzod brtson khyod dang 'dra ma mchis// kun gyi pha rol phyin par gyur// sangs rgyas yon tan mang pos 'phags// de nas byang chub sems dpa' sem dpa' chen po byams pas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod nas/ phyogs gcig tu 'dug go/ de nas bcom ldan 'das la tshe dang ldan pa kun dga' bos 'di skad ces gsol to/ / btsun pa bcom ldan 'das byang chub sems dpa' sems dpa' chen po byams pa 'di/ 'di ltar spobs pa phun sum tshogs
- 187b
pa dang / 'di ltar shin tu rnam par nges pa'i tshig gis chos ston pa dang / 'di ltar tshig dang yi ge mtshungs pa'i chos ston pa dang / 'di ltar zab mo'i tshig gis chos ston pa dang / 'di ltar legs par 'brel ba'i tshig gis chos ston pa dang / dran pa'i tshig gis chos ston pa ni ngo mtshar lags so// bcom ldan 'das kyis bka' stsal pa/ kun dga' bo de de bzhin no// dza skad smras pa de bzhin te/ byang chub sems dpa' byams pa spobs pa phun sum tshogs pa dang ldan zhing / byang chub sems dpa' byams pa shin tu rnam par nges pa'i tshig gis chos ston pa nas rjes su dran pa'i tshig gi bar gyis chos ston pa ni ngo mtshar to/ / kun dga' bo byang chub sems dpa' byams pa ni da ltar nga la tshul dang 'dra ba'i tshigs su bcad pa dag gis mngon par bstod par yang ma zad de/ de ci'i phyir zhe na/ kun dga' bo sngon byung ba 'das pa'i dus na/ bskal pa grangs med pa bcur tshang bar gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das snang bas rnam par rol pa'i mngon par shes pa zhes bya ba 'jig rten du byung ste/ de'i tshe bram ze'i khye'u bzang dag ces bya ba gzugs
- 188a
bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig yod pa de skyed mos tshal du 'gro ste/ grong bar du phyin pa dang / de bzhin gshes pa dgra bcom pa yang dag par rdzogs pa'i sangs rgyas snang bas rnam par rol pa'i mngon par shes pa mdzes pa/ dad par bya ba/ dbang po zhi ba/ thugs zhi ba/ dul ba dang zhi gnas kyi mchog brnyes pa/ dul ba dang zhi gnas kyi dam pa brnyes pa/ dbang po bsrungs pa/ glang po che dbang po thul ba lta bu/ mtsho ltar dang zhing rnyog pa med la gsal ba/ skyes bu chen po'i mtshan sum cu rtsa gnyis po de dag gis sku legs par brgyan pa/ dpe byad bzang po brgyad cu po de dag gis sku legs par spras pa/ shing sa la'i rgyal po me tog shin tu rgyas pa 'dra ba/ ri'i rgyal po ri rab ltar mngon par 'phags pa/ zhal zla ba'i dkyil 'khor ltar zhi ba/ nyi ma'i dkyil 'khor ltar lham me/ lhan ne/ lhang nge ba/ shing n+ya gro d+ha ltar chu zheng ga pa/ 'od 'bar ba'i skus dpal chen po 'bar ba mthong ngo // mthong nas kyang de bcom ldan 'das la sems dad par gyur to// de sems dang nas 'di snyam du sems te/ a la la de bzhin gshegs pa'i sku 'di rnam par spras shing / kha dog dang / gzi brjid dang / dpal dang / mtshan rnams kyis 'bar zhing lham me/ lhan ne/ lgang nge ba ngo mtshar to snyam mo//
- 188b
de nas bram ze'i khye'u bzang dag gis 'di skad ces smras te/ a la la bdag kyang ma 'ongs pa'i dus na lus 'di 'dra ba dang ldan par gyur cig/ kha dog dang / gzi brjid dang / dpal dang mtshan rnams kyis 'di ltar 'bar zhing / lham me/ lhan ne/ lhang nge bar gyur cig ces des smon lam de skad btab nas/ sa la nyal te 'di snyam du bsams so// gal te bdag kyang ma 'ongs pa'i dus na 'di lta bu'i lus dang ldan par 'gyur te/ kha dog dang / gzi brjid dang / dpal dang / mtshan rnams kyis 'bar zhing lham me/ lhan ne/ lhang nger 'gyur zhe na/ de bzhin gshegs pa'i zhabs bdag gi lus la reg par gyur cig snyam mo// kun dga' bo de nas de bzhin gshegs pa dgra bcom pa yang dag par rdzogs pa'i sangs rgyas snang bas rnam par rol pa'i mngon par she ba des/ bram ze'i khye'u bzang dag gi lhag pa'i bsam pa mkhyen nas/ bram ze'i khye'u bzang dag ga la ba der gshegs te/ bram ze'i khye'u bzang dag la zhabs kyis reg par mdzad do/ / de bzhin gshegs pa snang bas rnam par rol pa'i mngon par shes pa des/ bram ze'i khye'u bzang dag la zhabs kyis reg par mdzad ma thag tu/ de nas de'i tshe mi skye ba'i chos la bzod pa thob par gyur to// kun dga' bo de nas de bzhin gshegs pa snang bas rnam par rol pa'i mngon par shes pa sa
- 189a
snam logs su zigs nas/ dge slong rnams la bka' stsal pa/ dge slong dag khyed gang gis kyang bram ze'i khye'u bzang dag de'i lus la rkang pas pa rdzi zhig/ de ci'i/ phyir zhe na/ byang chub sems dpa' sems dpa' chen po 'di mi skye ba'i chos la bzod pa thob pa'i phyir ro// de nas de nyid kyi tshe bram ze'i khye'u bzang dag gis lha'i mig dang lha'i rna ba dang / pha rol gyi sems shes pa dang / sngon gyi gnas rjes su dran pa mngon sum du bya ba'i shes pa thob bo// rdzu 'phrul yang mngon par bsgrubs so// des de bzhin gshegs pa snang bas rnam par rol pa'i mngon par shes pa'i spyan sngar tshul dang 'dra ba'i tshigs su bcad pa dag gis kyang mngon par bstod do/ / phyogs dang phyogs mtshams rnams su bskor te btsal gyis kyang / / 'jig rten dag na mi dbang khyod 'dra yongs ma mchis// 'gro ba kun nas rdzogs pa'i sangs rgyas mngon par 'phags// rnam par 'dren pa rang byung khyod la bdag phyag 'tshal/ / dper na bar snang la ni nyi ma lhan ne ltar// phyogs dang phyogs mtshams kun gyi 'jig rten khams rnams na// 'jig rten 'di dag thams cad 'od kyis lham mer 'gyur/ / sangs rgyas yon tan gzi mnga' khyod la bdag phyag 'tshal// ji ltar seng ge nags khrod dag na sgra sgrogs pa// wa tshogs phal cher thams cad
- 189b
zil gyis gnon par bgyid/ / de ltar mi yi dam pa mthu chen mnga' ba yang // mu stegs can mang 'dus pa thams cad zil gyis gnon// bde bar gshegs pa srin mtshams par gyi mdzod spu dkar/ / dngul dang kha ba'i tshogs bzhin mtha' yas gzi brjid can// des ni 'jig rten 'di dag thams cad snang bar bgyis// 'jig rten kun na sangs rgyas khyod ni mi mnyam mnyam/ / skyes bu khyu mchog zhabs la lha yi 'khor lo mnga'// gsal zhing mdzes la rtsibs stong tshang zhing mu khyud 'khor// de dag gis ni ri dang nags bcas sa 'di rnams// rab tu g.yo bgyid thub pa gang zag mtshungs med pa// nyon mongs shas chen dor bar bgyi ba thams cad bor// 'phags pa nges par 'byin pa'i lam ni rab tu brnyes// nor rnams kun dang ldan zhing yon tan rnams kyis phyug/ bsam pa bzhin du 'phags pa'i nor rnams bkod pa mdzad// sa dang mtshungs shing sbyin pa'i gnas gyur mtshungs ma mchis// yon tan kun la mngab brnyes tshul khrims rnam dag pa/ / ji ltar nam mkha' lag pa mi thogs mi chags ltar// 'jig rten dag na khyod la rjes chags khro mi mnga'// bzod pa zad kyis gzugs pa don dang chos rnams kun/ / snying po ma mchis pa dang gsol dang gsog tu mkhyen// srid pa'i 'gro ba thams cad dag na gang rnams la// rlom sems 'gyur ba'i sems
- 190a
can thog dang dngos ma brnyes/ / khams dang spyod pa dag dang sbyor dang bsam pa mkhyen// rmad du byung dang rnam par 'byed mdzad smon par gyur// chu bo chen por dang / pa'i 'gro ba gzigs gyur nas// sngon chad brtson 'grus stobs brtan mthu ni bsnyen pa mdzad// skye ba spangs shing nyon mongs zhi ba'i thugs dang ldan// thugs rgya chen po skye dang na shi mtha' mar 'byin/ / nam mkha'i dkyil dang mtshungs par chags pa mi mnga' rgyu// 'jig rten chos kyis mi gos 'jig rten gsum na rgyu// bdag nyid chen po shes rab kyis ni snang bar mdzad/ / mun pa mun nag gyur pa thams cad rnam par sel// 'dod chags rdul zhi mdzad cing zhe sdang gti mug gi/ dri ma sna tshogs mun bsal khyod la phyag 'tshal lo// kun dga' bo de tshun chad zam ze'i khye'u bzang dag de'i rdzu 'phrul rnams sam/ mngon par shes pa rnams yongs su nyams par ma gyur to// kun dka' bo de'i tshe de'i dus na zam ze'i khye'u bzang dag ces bya bar gyur pa de gzhan zhig yin pa snyam du khyod dogs shing yid gnyis sam/ re tshom za na de ltar mi blta'o// de ci'i phyir zhe na/ byang chub sems dpa' sems dpa' chen po byams pa 'di nyid de'i tshe de'i dus na bram ze'i khye'u bzang dag ces bya bar gyur te/ de bzhin gshegs pa dgra bcom pa yang dag par rdzogs pa'i sangs rgyas snang bas rnam par rol pa'i
- 190b
mngon par shes pa de la tshigs su bcad pa 'di dag gis mngon par stod do/ / de skad ces bka' stsal pa dang / bcom ldan 'das la tshe dang ldan pa kun dka' bos 'di skad ces gsol to/ / bcom ldan 'das byang chub sems dpa' sems dpa' chen po byams pa 'di gal te yun ring po de srid nas mi skye ba'i chos la bzod pa thob pa lags na/ ci'i slad du myur du bla na med pa yang dag par rdzogs pa'i byang chub mngon par rdzogs par sangs pa rgyas de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo byang chub sems dpa' rnams kyi bkod pa dang / yongs su gzung ba ni gnyis po 'di dag ste gnyis gang zhe na/ sems can bkod pa dang / sems can yongs su gzung ba dang / zhing bkod pa dang / zhing yongs su gzung ba dang gnyis po 'di dag yin na/ byang chub sems dpa' sems dpa' chen po byams pas ni sngon byang chub sems dpa'i spyad pa spyod pa'i tshe/ zhing bkod pa rnam par sbyangs shing / zhing yongs su gzung ba yongs su bzung ngo // kun dga' bo nga sngon byang chub sems dpa'i spyad pa spyod pa'i tshe/ ngas ni sems can bkod pa rnam par sbyangs/ sems can yongs su gzung ba yongs su bzung / zhing bkod pa'ang rnam
- 191a
par sbyangs/ zhing yongs su gzung ba'ang yongs su bzung ngo // kun dga' bo ngas mngon par shes te/ byang chub sems dpa' sems dpa' chen po byams pa yang dag par zhugs nas/ bskal pa bzhi bcu rtsa gnyis lon pa'i 'og tu ngas gdod bla na med pa yang dag par rdzogs pa'i byang chub tu sems bskyed de/ kun dga' bo bskal pa bzang po 'di 'das nas/ bskal pa dgu bcu rtsa bzhin bla na med pa yang dag par rdzogs pa'i byang chub mngon par rdzogs par 'tshang rgya bar rigs pa las/ kun dga' bo ngas brtson 'grus 'bar bar byas nas/ myur du bla na med pa yang dag par rdzogs pa'i byang chub mngon par rdzogs par sangs rgyas te/ kun dga' bo ngas brtson 'grus rlabs po ches myur du bla na med pa yang dag par rdzogs pa'i byang chub myur du mngon par rdzogs par sangs rgyas so/ / kun dga' bo chos bcu po 'di dag gis nga myur du bla na med pa yang dag par rdzogs pa'i byang chub mngon par rdzogs par sangs rgyas te/ bcu gang zhe na/ bdog pa 'phangs pa thams cad yongs su btang ba dang / chung ma 'phangs pa yongs su btang ba dang / bu 'phangs pa yongs su btang ba dang / mgo 'phangs pa yongs su btang ba dang / mig 'phangs pa yongs su btang ba dang / rgyal srid 'phangs pa yongs su btang ba dang / longs spyod 'phangs pa yongs su
- 191b
btang ba dang / khrag 'phangs pa yongs su btang ba dang / rus pa dang rkang 'phangs pa yongs su btang ba dang / yan lag 'phangs pa thams cad yongs su btang bas/ nga myur du bla na med pa yang dag par rdzogs pa'i byang chub mngon par rdzogs par sangs rgyas te/ kun dga' bo chos bcu po de dag gis nga myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo gzhan yang ngas chos bcus myur du bla na med pa yang dag par rdzogs pa'i byang chub mngon par rdzogs par sangs rgyas te/ bcu gang zhe na/ kun dga' bo nga tshul khrims kyi yon tan gyi chos la gnas te/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga bzod pa'i stobs dang ldan pas/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga brtson 'grus 'bar ba brtsams pas/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga bsam gtan gyi yon tan la gnas de/ myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo nga shes rab kyi pha rol tu phyin pa la gnas te/ myur du bla na med pa yang dag par rdzogs pa'i
- 192a
byang chub mngon par rdzogs par sangs rgyas so/ / kun dga' bo ngas sems can thams cad yongs su ma btang bas/ myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo nga thabs la mkhas pa la gnas te/ myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo nga sems can thams cad la sems snyoms pas/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo ngas stong pa nyid kyi chos rtogs pas/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo ngas mtshan ma med pa dang smon pa med pa'i chos rtogs pas/ myur du bla na med pa yang dag par rdzogs pa'i byang chub mngon par rdzogs par sangs rgyas te/ kun dga' bo chos bcu po de dag gis nga myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo ngas tshor ba sdug bsngal ba/ drag pa rtsub pa ji lta bu dag gis bla na med pa yang dag par rdzogs pa'i byang chub mngon par rdzogs par sangs rgyas pa de gal te khyod kyis shes su zin na/ kun dga' bo khyod spobs par mi 'gyur ro// de ci'i phyir zhe na/ kun dga' bo
- 192b
sngon byung ba 'das pa'i dus na/ rgyal bu gzhon nu nor thams cad sbyin pa zhes bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa rgyal po'i 'byor pa chen po dang / rgyal po'i mthu chen po dang ldan pa zhig yod pa de skyed mos tshal du 'gro ste/ grong bar du phyin pa dang / gnod pas nyen cing sdug bsngal la/ nad tshabs chen pos btab pa'i mi zhig mthong ngo // mthong nas kyang de snying rje bar gyur te/ de mi de ga la ba der song ste phyin nas 'di skad ces smras so// kye mi khyod ci sdug bsngal lam des smras pa/ lha bdag ni nad kyis btab bo// des smras pa/ kye mi khyod kyi nad cis zhi bar 'gyur/ khyod la ci zhig sbyin/ des 'di skad ces smras so// gal te bdag gis lha khyod kyi lus las ji tsam gyis tshim par 'gyur ba'i khrag cig btung du thob pa lta na bdag gi nad zhi bar 'gyur ro// kun dga' bo de nas rgyal po gzhon nu nor thams cad sbyin pa des mtshon rnon po blangs te/ rang gi lus phug nas khrag gzags te/ mi de la btung bar byin no// kun dga' bo des de 'thungs ma thag tu mi de'i nad sos par gyur to// kun dga' bo rgyal po gzhon nu nor thams cad sbyin pas rang gi lus phug ste khrag thams cad gzugs kyang 'gyod pa'i sems gcig kyang med do// kun dga' bo de'i tshe de'i dus na rgyal bu gzhon
- 193a
nu nor thams cad phyin par gyur pa de gzhan zhig yin pa snyam du khyod dogs shing yid gnyis pa 'am/ the tshom za na de ltar mi blta'o// de ci'i phyir zhe na/ nga nyid de'i tshe de'i dus na rgyal bu gzhon nu nor thams cad sbyin pa zhes bya bar gyur to/ / kun dga' bo rgya mtsho chen po bzhi'i chu'i phung po ni tshad gzung du yod kyi/ bla na med pa yang dag par rdzogs pa'i byang chub 'di yongs su tshol zhing ngas sngon sems can rnams la khrag byin pa ni tshad med do/ / kun dga' bo sngon byung ba 'das pa'i dus na/ rgyal bu gzhon nu me tog ces bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ rgyal po'i 'byor pa chen po dang / rgyal po'i mthu chen po dang ldan pa zhig yod pa de skyed mos tshal gyi sar 'gro ste/ grong bar du phyin pa dang / s+ya thab kyi nad kyis btab pa'i mi gnod pas nyen pa/ sdug bsngal ba/ nad tshabs chen po zhig mthong ngo // des de mthong nas kyang snying rje bar gyur te/ de pi de ka la ba der song nas 'di skad ces smras so// kye ci zhig gis mi khyod kyi nad 'di zhi bar 'gyur/ khyod la ci zhig sbyin/ des 'di skad ces smras so// / gal te bdag gis lha khyod kyi lus las ji tsam gyis tshim par 'gyur ba'i rkang zhig thob pa lta na bdag gi nad zhi bar 'gyur ro// de nas rgyal bu gzhon nu me tog de tshim zhing mgu la yi rangs te/
- 193b
rab tu dga' nas bde ba dang yid bde ba skyes te/ rang gis lus brdungs nas rkang brus te mi de'i lus la bskus so// kun dga' bo ngas bskus ma thag tu mi de'i nad sos par gyur ro// kun dga' bo rgyal bu gzhon nu me tog des rang gi lus brdungs te rkang gzags kyang sems la 'gyod pa med par gyur to// kun dga' bo de'i tshe de'i dus na rgyal bu gzhon nu me tog ces bya bar gyur pa de gzhan zhig yin pa snyam du khyod dogs shing yid gnyis za 'am/ the tshom za na de ltar mi blta'o// de ci'i phyir zhe na/ nga nyid de'i tshe de'i dus na rgyal bu gzhon nu me tog ces bya bar gyur to/ / kun dga' bo rgya mtsho chen po bzhi'i chu'i phung po ni tshad gzung du yod kyi/ bla na med pa yang dag par rdzogs pa'i byang chub 'di yongs su tshol zhing ngas sngon sems can rnams la rkang byin pa ni tshad med do/ / kun dga' bo sngon byung ba 'das pa'i dus na rgyal po zla 'od ces bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ rgyal po'i 'byor pa chen po dang / rgyal po'i mthu chen po dang ldan pa zhig yod pa de skyed mos tshal du 'gro ste/ grong bar du phyin pa dang / mi mig med pa/ long ba/ dbul po/ bkren pa/ slong mo byed pa zhig mthong ngo // mthong nas kyang de snying rje bar gyur to// de nas mi de rgyal po zla bod ga la ba der song ste phyin nas/ 'di skad ces smras
- 194a
/ Sh+mA // 'a / smra'o// 9// // mgon ma mchis so// kun dga' bo de nas rgyal po zla 'od kyis mi de'ang mthong / tshig kyang zos nas dus te mchi ma zag bzhin du de la 'di skad ces smras so// kye mi khyod la ci dgos khyod la bza' ba dang / btung ba dang / bzhon pa dang / rgyan dang / gser dang / nor bu dang / mu tig dang / rin po che sna tshogs sbyin par bya 'am/ khyod la dgos pa de spos shig/ mi des smras pa/ bdag la mig ma 'tshul na/ bdag la mig stsal bar gsol// kun dga' bo de nas rgyal po zla 'od des rang gi mig phyung ste/ mi de la byin no/ / kun dga' bo rgyal po zla 'od kyis rang gi mig phyung ste mi de la byin yang / de'i sems la 'gyod pa med par gyur to// kun dga' bo de'i tshe de'i dus na rgyal po zla 'od ces bya bar gyur pa de gzhan zhig yin pa snyam du khyod dogs shing yid gnyis za 'am/ the tshom za na de ltar mi blta'o// de ci'i phyir zhe na/ nga nyid de'i tshe de'i dus na rgyal po zla bod ces bya bar gyur to/ / kun dga' bo ri'i rgyal po ri rab la ni tshad gzung du yod kyi/ bla na med pa yang dag par rdzogs pa'i byang chub 'di yongs su tshol zhing ngas sems can rnams la mig byin pa ni
- 194b
ches mang sde tshad med do/ / kun dga' bo byang chub sems dpa' sems dpa' chen po byams pas ni sngon byang chub sems dpa'i spyad pa spyod pa na/ theg pa bde ba 'jug pa bde ba/ lam bde bas bla na med pa yang dag par rdzogs pa'i byang chub yang dag par bsgrubs so// kun dga' bo byang chub sems dpa' sems dpa' chen po byams pas ni sngon byang chub sems dpa'i spyad pa spyod pa'i tshe/ lag pa yongs su btang ba ma byas/ rkang pa yongs su btang ba ma byas/ rkang yongs su btang ba ma byas/ chung ma 'phangs pa yongs su btang ba ma byas/ / bu 'phangs pa yongs su btang ba ma byas/ grong dang / grong rdal dang // grong khyer dang / ljongs dang / yul 'khor dang / rgyal po'i pho brang 'khor 'phangs pa yongs su btang ba ma byas te/ kun dga' pho byang chub sems dpa' sems dpa' chen po byams pas ni sngon byang chub sems dpa'i spyad pa spyod pa na/ thabs mkhas pas yongs su zin pas theg pa bde ba/ 'jug pa bde ba/ lam bde bas bla na med pa yang dag par rdzogs pa'i byang chub yang dag par bsgrubs so// de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das byang chub sems dpa' sems dpa' chen po byams pas thabs la mkhas pa gang la gnas nas// bla na med pa yang dag par rdzogs pa'i byang chub yang dag par bsgrubs
- 195a
pa'i thabs la mkhas pa gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga'/ bo 'di la byang chub sems dpa' sems dpa' chen po byams pas sngon byang chub sems dpa'i spyad pa spyod pa'i tshe/ de nyin lan gsum/ mtshan lan gsum du bla gos phrag pa gcig tu gabar nas/ pus mo g.yas pa'i lha nga sa la btsugs te thal mo sbyar nas/ sangs rgyas thams cad mngon sum du byas te tshig 'di skad ces smras so// sangs rgyas kun la phyag 'tshal lo// drang zong lha mig ldan pa yi/ / byang chub sems dpa' rnams dang yang // nyan thos rnams la phyag 'tshal lo// ngan 'gro thams cad zlog bgyid cing // mtho ris lam ni rab ston la// rga shi med par 'dzin bgyid pa/ / byang chub sems la phyag 'tshal lo// sems kyi dbang du gyur pas na// bdag gis sdig pa ci bgyis pa// sangs rgyas spyan sngar mchis nas su// bdag gis de dag bshags par bgyi/ / bdag las rnam pa gsum gang gis// bsod nams tshogs ni skyes pa de// bdag gi kun mkhyen pa bon te// bdag gi byang chub mi zad shog/ phyogs bcu dag gi zhing rnams su/ / sangs rgyas mchod pa gang 'byung ba// sangs rgyas mkhyen pa yi rangs pa// de la bdag ni yi rang ngo // sdig pa thams cad bshags par bgyi// bsod nams kun la yi rang ngo //
- 195b
sangs rgyas kun la phyag 'tshal lo// bdag ni ye shes mchog thob shog/ phyogs bcu dag gi phyogs rnams na// sa bcu dag la gnas pa yi// byang chub sems dpa' byang chub mchog/ 'tshang rgya bgyid par skul ma 'debs// byang chub dam par sangs rgyas shing // sde dang bcas pa'i bdud btul nas// srog chags kun la sman slad du// chos 'khor lo skor gyur cig/ chos rnga chen po'i sgra yis ni// sdug bsngal sems can thar bgyid shog/ bskal pa bye ba bsam yas su// chos ston mdzad cing bzhugs gyur cig/ 'dod pa'i 'dam du bying gyur cing / / sred pa'i srad bus dam bcings pa// 'ching ba kun gyis bcings dag la// rkang gnyis mchog rnams gzigs su gsol// sems kyi dri mar bgyis pa la/ sangs rgyas rnams ni smod mi mdzad// sems can rnams la byams thugs ldan// srid pa'i mtsho las sgrol bar shog/ rdzogs pa'i sangs rgyas gang bzhugs dang gang dgra 'das dang ma byon pa/ / de dag rjes su bdag slob cing // byang chub spyad pa spyod gyur cig/ pha rol phyin drug rdzogs bgyis nas// 'gro drug sems can thar bsrid shoH mngon shes drug po mngon bgyis nas/ / bla med byang chub reg gyur cig/ ma skyes pa dang mi 'byung dang // rang bzhin ma mchis gnas ma mchis// rnam rig ma mchis dngos
- 196a
@#/ mchis// stong pa'i chos ni rtogs par shog/ sangs rgyas drang srong chen po lngar// sems can ma mchis grog sa mchis// gang zag sa mchis gsom mchis/ bdag ma mchis pa'i chos rtogs shog/ bdag 'dzin bdag kir 'dzin pa yi// dngos po kun la mi gnas par// sems can kun la bde skad du// ser sna ma mchis sbyin gtong shog/ dngos po dngos po ma mchis pas// bdag gi longs spyod lhun grub shog/ dngos po thams cad rnam 'jig pas// sbyin pa'i pha rol phyin rdzogs shog/ khrims kyi tshul khrims skyon med cing / / tshul khrims rnam par dag dang ldan// rlom sems med pa'i tshul khrims kyis// tshul khrims pha rol phyin rdzogs shog/ sa 'am yang na chu'am me// rlung gi khams ltar mi gnas shing // bzod pa khro ba ma mchis par// bzod pa'i pha rol phyin rdzogs shog/ brtson 'grus brtsams pa'i brtson 'grus kyis// brtan spro lo lo ma mchis shing / / stobs dang ldan pa'i lus sems kyis// brtson 'grus pha rol phyin rdzogs shog/ sgyu ma lta bu'i ting 'dzin dang // dpa' bar 'gro ba'i ting 'dzin dang / rdo rje lta bu'i ting 'dzin gyis// bsam gtan pha rol phyin rdzogs shog/ rnam par thar pa'i sgo gsum dang // dus gsum mnyam pa nyid dang // rig gsum mngon sum bgyis pa
- 196b
yis/ / shes rab pha rol phyin rdzogs shog/ sangs rgyas kun gyis bsngags pa dang // 'od dang gzi brjid 'bar ba dang // byang chub sems dpa'i brtson 'grus kyis// bdag bsam pa rdzogs gyur cig/ de ltar spyad pa spyod byed cing // byams pa grags dang ldan pa yis// pha rol phyin drug rdzogs byas nas// sa bcu po la rab tu gnas// kun dga' bo/ byang chub sems dpa' sems dpa' chen po byams pas gang la gnas nas thabs la mkhas pas/ theg pa bde ba/ 'jug pa bde ba/ lam bde bas bla na med pa yang dag par rdzogs pa'i byang chub yang dag par bsgrubs pa'i thabs la mkhas pa ni de yin no/ / kun dga' bo byang chub sems dpa' sems dpa' chen po byams pas sngon byang chub sems dpa'i spyad pa spyod pa'i tshe/ sems can rnams 'dod chags chung ba dang / zhe sdang chung ba dang / gti mug chung ba dang / dge ba bcu'i las kyi lam dang ldan par gyur la/ phyis bdag bla na med pa yang dag par rdzogs pa'i byang chub mngon par rdzogs par sangs rgyas na ci ma rung zhes de ltar zhing rnam par sbyangs so/ / kun dga' bo dus de dang tshod de 'byung ba yod de/ de'i tshe de'i dus na sems can gang 'dod chags chung ba dang / zhe sdang chung ba dang / gti mug chung ba dang / dge ba bcu'i las kyi lam dang ldan pa dag 'byung bar 'gyur te/ de'i 'og
- 197a
b u byang chub me sa pa sas dpa' chen po byams pa rtson pa sa bye bang gis blan med par yang dag par rdzogs pa'i byang chub mngon par rdzogs par 'byung rgyabar 'gyur kun dga' bo ngas ni sngon byang chub sems dpa'i spyad du spyod pa na/ snyigs ma lnga dang ldan pa'i 'jig rten gnas pa'i tshe/ sems can 'dod chags kyi shas che ba dang / zhe sdang gi shas che ba dang / gti mug gi shas che ba dang / 'dod chags bdo ba dang / zhe sdang bdo ba dang / gti mug bdo ba dang / chos ma yin pa la chags zhen pa dang chags pa yang bas zil gyis non pa dang / chos log pas yongs su zin pa dang / pa la 'khru ba dang / ma la 'khu ba dang / spun la 'khu ba dang / ming sring la 'khu ba dang / khyo shugs la 'khu ba dang / nye du la 'khu ba dang / 'phags pa la 'khu ba dang / mkhan po dang thob dpon la 'khu ba dang / bdag la 'khu ba dang / mi la 'khu ba dang / mi dr-i can dang / ming dbu rgod dang / mi cang shes ma yin pa rnams kyi nang du bdag bla na med pa yang dag par rdzogs pa'i byang chub mngon par rdzogs par sangs rgyas na ci ma rung zhes de ltar blon lam yongs su sbyangs te/ dus yang ba 'di lta bu la gnas nas/ kun dga' bo ngas snying rje chen po mdun du byas te/ snying rje chen po dang ldan pas ngad ltar grong dang /
- 197b
khyer dang / grong rdal dang / ljongs dang / yul 'khor dang / rgyal po'i pho brang 'khor rnams su zhugs te/ chos ston pa nang la la ngan zer zhing gshe n+ya ste/ tshogs par mi dbyung ba rtsub pa brlang pos smra bar byed do/ / kun dga' bo nga la chad par smra ba yin no zhes kyang zer ro// rtag par smra ba yin no zhes kyang zer ro// 'khor 'dod pa mang ngo zhes kyang glang ngo/ 'dod pa che'o zhes kyang gleng ngo // khyim gyi nang du zhugs na'ang nga la sas kyang 'thor ro// dug dang bsres pa'i kha zas kyang byin no// me'i phung po'ang nye bar bsgrubs so/ / 'di lta ste/ sangs rgyas su gyur kyang mdzes ldan pa dang zhes bya ba lta bu 'khrig pa'i chos dang ldan pas nga la skur pa'ang btab bo// kun dga' bo nga ni snying rje chen po mdun du byas te snying rje chen po dang ldan pas/ da ltar sems can de lta bu de dag la chos ston to// de skad ces bka' stsal pa dang / bcom ldan 'das la kun dga' bos 'di skad ces gsol to/ / bcom ldan 'das sems can de lta bu de dag la chos ston pa mdzad pa ni/ de bzhin gshegs pa dgra bcom pa yang dag par rdzogs pa'i sangs rgyas ma dul ba 'dul ba/ khur chen po bsnga pa/ dka' ba mdzad pa lags so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo de de bzhin no//
- 198a
@ngi gang smras pa bzhin te/ kun dga' bo de bzhin gshegs pa dam bcom pa yang dag par rdzogs pa'i sangs rgyas ma dul pa 'dul ba/ zur chen po bsdams pa dge ba'i chos thams cad dang ldan pa gang dag sems can de 'dra ba dag la chos ston pa ni dka' ba mdzad pa'o/ / de ci'i phyir zhe na/ 'di ltar snying rje chen pos yongs su zin pa'i phyir ro// deskad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das 'di ltar chos kyi rnam grangs 'di thos shing bcom ldan 'das kyi khyu mchog gi gnas 'di thos nas spu zing zhes bgyid pa ni ngo mtshar lags so/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di sngon gyi smon lam yang dag par 'phags pa zhes bya bar zung zhig/ de bzhin gshegs pa yang dag par 'byung ba zhes bya bar yang zung zhig/ byang chub kyi dgongs pa 'byung ba zhes bya bar yang zung zhig/ byams pas zhus pa zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' byams pa dang / dge slong lnga brgya po de dag dang / thams cad dang
- 198b
ldan pa'i 'khor de dag dang / lha dang / mi dang / lha ma yin dang / ji zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag bcu pa las/ byams pas zhus pa zhes bya ba ste/ 'dus pa bzhi bcu rtsa gcig pa rdzogs so// / rgya gar gyi mkhan po rdzi na mi tra dang / su ren dra bo d+hi dang / zhu chen gyi lo tsa ba ban lce ye shes sdes bsgyur cing zhus te gzhan la phab pa'o// bam po gcig pa sh+lo ka bcu/ / rgya gar skad du/ Ar+ya me tre ya pa ri prits+tsha/ d+harma aHnA ma ma sA yA na sUtra/ bod skad du/ 'phags pa byams pas zhus pa chos brgyad pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' khri dang thabs cig du bzhugs te/ de na bcom ldan 'das 'khor brgya stong du mas yongs su bskor cing mdun gyis bltas nas chos ston to/ / de'i tshe byang chub sems dpa' sems dpa' chen po byams pa zhes
- 199a
bya ba 'khor de nyid du 'dus par gyur te 'dug go/ / de nas byang chub sems dpa' sems dpa' chen po byams pa stan las langs te/ bla gos phrag pa gcig tu ka bar nas/ phub mo g.yas pa'i wang sa la btsugs te/ bcom ldan 'das ga la ba de logs su bral mo sbyar ba bdud nas/ bcom ldan 'das la 'di skad ces gsol to// gal te zhub nas zhu ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs bga' zhig zhu lags so/ / de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de'i lung bstan pas ngas khyod kyi sems rangs par bya'o// de nas bcom ldan 'das kyis skabs phye bas/ byang chub sems dpa' sems dpa' chen po byams pas bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po chos du dang ldan na/ / bla na med pa yang dag par rdzogs pa'i byang chub las phyir mi ldog pa'i chos can du 'gyur zhing // mi nyams la/ yongs
- 199b
su mi nyams te/ khyad par thob par 'gyur ba dang / bdud phyir rgol ba bcom par 'gyur ba dang / byang chub sems dpa'i phud ba spyod pa na chos thams cad kyi ngo bo nyid kyi mtshan nyid ji lta ba bzhin du rtogs nas 'khor ba na yongs su mi skyo ba dang / yongs su mi skyo ba'i yid dang ldan par gyur nas kyang / gzhan gyi kha na ma las pa'i ye shes kyis myur du bla na med pa yang dag par rdzogs pa'i byang chub mngon par rdzogs par yang 'tshang rgya bar 'gyur ba lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ / byams pa legs so// byams pa khyod de bzhin gshegs pa la don 'di 'dri bar sems pa khyod yang legs so// byams pa de'i phyir legs par rab tu nyon la yid la zung zhig dang / ngas khyod la bshad do// bcom ldan 'das de ltar 'tshal zhes gsol te/ byang chub sems dpa' sems dpa' chen po byams pa bcom ldan 'das kyi lhar nyan pa dang / bcom ldan 'das kyis de la 'di skad ces bka' stsal to// byams pa byang chub sems dpa' sems dpa' chen po chos brgyad dang ldan na/ bla na med pa yang dag par rdzogs pa'i byang chub las phyir mi ldog pa'i chos can du 'gyur zhing / mi nyams la/ yongs su mi nyams te/ khyad par thob par 'gyur/ bdud phyir rgol ba bcom par 'gyur/ byang chub sems dpa'i
- 200a
spyad pa spyod pa na chos thams cad kyi ngo bo nyid kyi mtshan nyid ji lta ba bzhin du rtogs nas 'khor ba na yongs su mi skyo bar 'gyur/ yongs su mi skyo ba'i yid dang ldan par gyur nas kyang / gzhan gyi kha na ma las pa'i ye shes kyis myur du bla na med pa yang dag par rdzogs pa'i byang chub mngon par rdzogs par 'tshang rgya'o// brgyad gang zhe na/ 'di lta ste byams pa 'di la byang chub sems dpa' sems dpa' chen po ni bsam pa phun sum tshogs pa yin/ sbyor ba phun sum tshogs pa yin// gtong ba phun sum tshogs pa yin/ yongs su bsngo ba la mkhas pa yin/ byams pa phun sum tshogs pa yin/ snying rje phun sum tshogs pa yin/ thabs la mkhas pa yin/ shes rab kyi pha rol tu phyin pa la nges par byung ba yin no/ / byams pa ji ltar na byang chub sems dpa' sems dpa' chen po bsam pa phun sum tshogs pa yin zhe na/ byams pa 'di la byang chub sems dpa' sems dpa' chen po ni sangs rgyas kyi bsngags pa 'am/ bsngags pa ma yin pa thos kyang / bla na med pa yang dag par rdzogs pa'i byang chub la bsam pa nges pa yin/ chos kyi bsngags pa 'am/ bsngags pa ma yin pa zos kyang / bla na med pa yang dag par rdzogs pa'i byang chub la bsam pa nges pa yin/ dge 'dun gyi bsngags pa 'am/ bsngags pa ma yin pa thos kyang / bla na med pa yang dag
- 200b
par rdzogs pa'i byang chub la bsam pa nges pa yin te/ byams pa de ltar na byang chub sems dpa' sems dpa' chen po bsam pa phun sum tshogs pa yin na// byams pa ji ltar na byang chub sems dpa' sems dpa' chen po sbyor ba phun sum tshogs pa yin zhe na/ byams pa 'di la byang chub sems dpa' sems dpa' chen po ni srog gcod pa spangs pa yin/ ma byin par len pa dang / 'dod pa la log par g.yem pa dang / rdzun smra ba dang / phra ma'i chog dang / ngag rtsub po dang / tshig 'khyal pa spangs pa yin te/ byams pa de ltar na byang chub sems dpa' sems dpa' chen po sbyor ba phun sum tshogs pa yin no/ / byams pa ji ltar na byang chub sems dpa' sems dpa' chen po gtong ba phun sum tshogs pa yin zhe na/ byams pa 'di la byang chub sems dpa' sems dpa' chen po ni dge sbyong dang bram ze rnams dang / 'phongs pa dang slong ba rnams la gos dang / zas dang / mal cha dang / na ba'i gsos sman dang / yo byad rnams gtong ba dang / sbyin bdag tu gyur pa yin te/ byams pa de ltar na byang chub sems dpa' sems dpa' chen po gtong ba phun sum tshogs pa yin no/ / byams pa ji ltar na byang chub sems dpa' sems dpa' chen po yongs su bsngo ba la mkhas pa yin zhe na/ byams pa 'di la byang chub sems dpa' sems dpa' chen po ni
- 201a
lus dang / ngag dang / yid kyis dge ba'i rtsa ba mngon par 'du byed pa gang ci'ang rung ste/ de thams cad bla na med pa yang dag par rdzogs pa'i byang chub tu yongs/ su sngo bar byed de/ byams pa de ltar na byang chub sems dpa' sems dpa' chen po yongs su bsngo ba la mkhas pa yin no// byams pa ji ltar na byang chub sems dpa' sems dpa' chen po byams pa phun sum tshogs pa yin zhe na/ byams pa 'di la byang chub sems dpa' sems dpa' chen po ni byams pa'i lus kyi las dang ldan pa yin/ byams pa'i ngag gi las dang ldan pa yin/ byams pa'i yid kyi las dang ldan pa yin te/ byams pa de ltar na byang chub sems dpa' sems dpa' chen po byams pa phun sum tshogs pa yin no// byams pa ji ltar na byang chub sems dpa' sems dpa' chen po snying rje phun sum tshogs pa yin zhe na/ byams pa 'di la byang chub sems dpa' sems dpa' chen po ni gnod sems med pa'i lus kyi las dang ldan pa yin/ gnod sems med pa'i ngag gi las dang ldan pa yin/ gnod sems med pa'i yid kyi las dang ldan pa yin te/ byams pa de ltar na byang chub sems dpa' sems dpa' chen po snying rje phun sum tshogs pa yin no/ / byams pa ji ltar na byang chub sems dpa' sems dpa' chen po thabs la mkhas pa yin zhe na/ byams pa 'di la byang
- 201b
chub sems dpa' sems dpa' chen po ni kun rdzob kyi don la mkhas pa yin/ dam pa'i don la mkhas pa yin/ gnyis ka'i don la mkhas pa yin te/ thams pa de ltar na byang chub sems dpa' sems dpa' chen po thabs la mkhas pa yin no/ / byams pa ji ltar na byang chub sems dpa' sems dpa' chen po shes rab kyi pha rol tu phyin pa la nges par drung ba yin zhen/ byams pa 'di la byang chub sems dpa' sems dpa' chen po ni 'di ltar yang dag par slob ste/ 'di yod pa'i phyir 'di 'byung / 'di skyes pas 'di skye ba ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ / 'di med pa'i phyir 'di mi 'byung / 'di 'gags pas 'di 'gag ste/ 'di lta ste/ sa rig pa 'gags pas 'du byed 'gag
- 202a
'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag skye mched drug 'gag pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro snyam pa ste/ byams pa de ltar na byang chub sems dpa' sems dpa' chen po shes rab kyi pha rol tu phyin pa la nges par byung ba yin no/ / byams pa byang chub sems dpa' sems dpa' chen po chos brgyad po de dag dang ldan na/ bla na med pa yang dag par rdzogs pa'i byang chub las phyir mi ldog pa'i chos can du 'gyur zhing / mi nyams la/ yongs su mi nyams te/ khyad par thob par 'gyur/ bdud phyir rgol ba bcom par 'gyur/ byang chub sems dpa'i spyad pa spyod pa na chos thams cad kyi ngo bo nyid kyi mtshan nyid ji lta ba bzhin du rtogs nas 'khor ba na yongs su mi skyo bar 'gyur/ yongs su mi skyo ba'i yid dang ldan pas kyang /
- 202b
gzhan gyi kha na ma las pa'i ye shes kyis myur du bla na med pa yang dag par rdzogs pa'i byang chub mngon par rdzogs par 'tshang rgya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po byams pa dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnams grangs stong phrag brgya pa las/ byams pas zhus pa chos brgyad pa zhes bya ba'i le'u ste 'dus pa bzhi bcu rtsa gnyis pa rdzogs so// // sh+lau ka brgyad cu rtsa gsum mchis/ rgya gar gyi mkhan po dzi na mi tra dang / dA na shI la dang / zhu chen gyi lo rtsa ba ban de ye shes sdes bsgyur cing zhus te skad gsar bcad kyis kyang bcos nas gtan la phab pa/ / / rgya gare skad du/ Ar+ya ka sh+ya ba pa ri brta nA ma ma hA sA na sU t+tha/ bod skad du/ 'phags pa 'od srungs kyi le'u zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das
- 203a
@rgyal po'i khaban bya rgod kyi phung po'i ril/ dge slong brgyad stong gi dge slong gi dge 'dun chen po dang / byang chub sem pa dpa' sangs rgyas kyi zhing sna tshogs nas 'dus pa 'i drug stong thams cad kyang 'di ltaste/ bla na med pa yang dag par rdzogs pa'i byang chub du skye ba gcig gis thogs pa sha thAg dang thabs gcig tu bzhugs te/ de'i tshe na tshe dang ldan pa 'od srungs chen po 'khor de nyid du 'dus par gyur nas 'dug go/ de nas bcom ldan 'das kyis tshe dang ldan pa 'od srungs chen po la bka' stsal pa/ 'od srungs chos bani po 'di dag ni/ byang chub sems dpa'i shes rab yongs su nyams par 'gyur ba ste/ bzhi gang zhe na/ 'di lta ste/ chos dang chos smra ba la mi gus pa yin/ chos la ser sna byed cing / chos la slob dpon gyi dpe mkhyud byed pa yin/ chos 'dod pa'i gang zag rnams la chos kyi bar chad byed cing / 'dun pa zlog par byed/ rnam par 'khrug par byed de/ mi ston cing rab tu 'chab pa yin/ mngon pa'i nga rgyal gyis bdag la bstod cing / gzhan la spyod pa yin te/ 'od srungs chos bzhi po de dag ni byang chub sems dpa'i shes rab yongs su nyams par 'gyur ba'o/ / de la 'di skad ces bya ste/ chos smra ba la gus pa med pa yin// chos la ser sna byed par gyur pa dang // chos la slob dpon dab mkhyung byed pa yin// chos
- 203b
'dod rnams la bgegs ni byed gyur cing / / 'dun pa zlog la de bzhin rnam 'khrug byed// rgyal bas bsngags pa'i chos ni yongs mi ston// le lo can te bdag bstod rtag tu brtson// gzhan la smod par byed la mngon par dga'// chos bzhi 'di dag rgyal ba'i sras rnams kyi// shes rab nyams par 'gyur bar rgyal bas gsungs// chos bzhi 'di dag rab tu spangs byas la/ / rgyal bas gsungs pa'i chos bzhi gzhan bsgom mo// 'od srungs chos bzhi po 'di dag ni byang chub sems dpa'i shes rab chen por 'gyur ba ste/ bzhi gang zhe na 'di lta ste/ chos dang chos smra ba la gus pa dang bcas pa yin/ zang zing med pa'i sems kyis rnyed pa dang / bkur sti dang / tshigs su bcad pa la mi re bar/ ji ltar thos pa dang ji ltar khong du chud pa'i chos rnams gzhan dag la rgya cher yang dag par rab tu ston par byed pa yin/ mang du thos pa las shes rab 'byung bar rig nas/ mgo 'am/ gos la me 'bar ba bzhin du thos pa yongs su tshol zhing / ji ltar thos pa'i chos rnams 'dzin par byed pa yin// nan tan snying por byed kyi/ sgrub dang brjod pa'i chog lhur len pa ma yin te/ 'o srungs chos bzhi po 'di dag ni byang chub sems dpa'i shes rab chen por 'gyur ba'o/ / de la 'di skad ces bya ste/ chos smra ba la gus dang bcas pa yin// zang zing med
- 204a
cing rnyed dang bkur stil/ / re ba med cing tshigs bcad mi sems par// ji skar thos pa'i chos rnams gzhan la ston// thos las shes rab 'byung bar des rig nas/ mgo la 'bar bzhin rtag tu thos pa tshol// de ni ji ltar thos pa'i chos rnams 'dzin// chos bzung sa ni nan tan bya phyir gnas// mkhas de nan tan snying por byed pa yin// tshig lhur mi len smra ba lhur mi len// mkhas pas chos bzhi 'di dag bsten byas na// rgyal bas bsngags pa'i shes rab thob par 'gyur// 'od srungs byang chub sems dpa' chos bzhi dang ldan na byang chub kyi sems brjed par 'gyur te/ bzhi gang zhe na/ 'di lta ste/ slob dpon dang / bla ma dang / sbyin gnas la slu ba dang / gzhan 'gyod pa med pa dag la 'gyod pa nye bar sgrub pa dang / theg pa chen po la yang dag par zhugs pa'i sems can rnams la bsngags pa ma yin pa dang / mi snyan pa dang / brjod pa ma yin pa'i sgra tshigs su bcad pa 'byin pa dang / sgyu dang g.yos gzhan la nye bar spyod kyi/ lhag pa'i bsam pas ma yin pa ste/ 'od srungs byang chub sems dpa' chos bzhi po na dag dang ldan na byang chub kyi sems brjed par 'gyur ro/ / de la 'di skad ces bya ste/ sbyin gnas tha mas bsgo bzhin mi byed dang // / gzhan dag la yang the tsom nyer sgrub dang /
- 204b
sems can gang dag byang chub rab zhugs pa// de la bsngags min mi snyan smra ba dang // sgyu dang g.yo dang rgyan la dor byed pas// gzhan la brten gyi bsam pas ma yin pa// chos bzhi 'di dag kun tu bsten byas na/ / sangs rgyas byang chub sems mchog nyams par 'gyur// de lta bas na chos 'di sten byed na// byang chub mchog las de ni ring bar 'gyur// de las bzlog pa sten par byed na ni/ / byang chub mchog rang bsngags pa reg par 'gyur// 'od srungs byang chub sems dpa' chos bzhi dang ldan na skye ba thams cad du skyes ma thag tu byang chub kyi sems mngon du 'gyur te/ byang chub kyi snying po la 'dug gi bar du bar ma dor brjed par mi 'gyur ro// bzhi gang zhe na/ 'di lta ste/ srog gi phyir ram/ za na bzhad gad kyi phyir yang brdzun gyi tshig mi smra ba dang / sgyu dang g.yo med par sems can thams cad kyi drung na lhag pa'i bsam pas gnas pa dang / byang chub sems dpa' thams cad la ston par 'du shes skyed cing / de dag gi yang dag pa'i bsngags pa phyogs bzhir brjod pa dang / nyi tshe ba'i theg pa mi 'dod pa'i phyir sems can gang rnams yongs su smin par byed pa de dag thams cad kyang tha na med par yang dag par rdzogs pa'i byang chub yang dag par 'dzin du 'jug pa ste/ 'od srungs chos bzhi po de dag dang ldan pa'i byang chub sems
- 205a
dpa' skye ba thams cad du skyes ma thag tu byang chub kyi sems mngon du 'gyur te/ byang chub kyi snying po la 'dug gi bar du bar mdor brjed par mi 'gyur ro// de la 'di skad ces bya ste/ srog gi phyir yang brdzun tshig mi smra zhing // rtag tu don dang ldan pa'i tshig rnams smra// sku dang g.yo ni rtag tu rnam spangs te// lhag pa'i 'asam pas rtag tu sems can lta/ / sems can dag pa byang chub gang zhugs pa// byang chub sems dpa' de la ston par sems// ston pa'i 'du shes nye bar bzhag nas kyang // de dag bsngags pa phyogs bzhir rjod par byed/ / sems can gang dag yongs su smin byed pa// tha med ye shes yang dag 'dzin du 'jug/ chos de dag la rab tu gnas pa rnams// byang chub sems ni nams kyang brjed mi 'gyur/ / 'od srungs byang chub sems dpa' chos bzhi dang ldan pa'i dge ba'i chos skyes shing byung ba rnams yongs su zad par 'gyur te/ dge ba'i chos de dag gis rgyas par mi 'gyur ro/ / bzhi gang zhe na/ 'di lta ste/ mngon pa'i nga rgyal gyis 'jig rten rgyang 'phan pa'i gsang tshig tshol ba dang / rnyed pa dang bkur sti la lhag par zhen pas khyim la lta pa dang / byang chub sems dpa' la rnam par sdang zhing skur pa 'debs pa dang / ma thos pa dang ma zin pa'i mdo sde rnams spong ba ste/ 'od srungs byang chub sems dpa' chos bani
- 205b
dang ldan pa'i dge ba'i chos skyes shing byung ba rnams yongs su zad par 'gyur te/ dge ba'i chos de dag gis rgyas par mi 'gyur ro// de la 'di skad ces bya ste/ nga rgyal gyis ni 'jig rten rgyang 'phen tshol// rnyed kyi phyir ni khyim la sbyor bar byed// byang chub sems dpa' sangs rgyas sras la sdang // de dag bsngags min kun tu smra bar byed// de ni ma thos pa dang ma zin mdo// bde bar gshegs pas gsungs pa spong bar byed// chos 'di dag dang ldan par gyur pa ni// dge ba'i chos kyis rgyas par mi 'gyur ro// de ltas byang chub sems dpa' mkhas pa yin// chos bzhi 'di dag rgyang bsring rnam par spang // 'di dag bsten na byang chub rab ring ste// gnam sa ring bas shin tu ring bar 'gyur// 'od srungs byang chub sems dpa' chos bzhi dang ldan na khyad par du 'gro bas yongs su mi nyams pa'i chos can du 'gyur te/ bzhi gang zhe na/ 'di lta ste/ 'di ltar pha rol tu phyin pa drug dang ldan pa byang chub sems dpa'i sde snod tshol ba la brtsams nas/ legs par thos pa tshol gyi/ nyes par thos pa mi tshol te/ sems can thams cad la nga rgyal med pa'i phyir sems khyi dang 'dra ba yin/ chos kyi rnyed pas chog par 'dzin te/ log pas 'tshe ba thams cad yongs su spangs shing 'phags pa'i rigs kyis chog par 'dzin
- 206a
pa yin/ / gzhan dag gi ltung ba byung ba dang ma byung ba mi gleng zhing / gzhan dag gi 'khrul pa gzhan dang gzhan mi tshol ba yin/ sangs rgyas kyi chos zab mo gang dag de'i blos mi rtogs pa de la sangs rgyas kyi byang chub ni mtha' yas shing sems can mos pa tha dad pa rnams la de bzhin gshegs pa rnams kyis chos bstan pa 'jug ste/ de bzhin gshegs pa nyid kyis mkhyen gyi/ bdag gis ni mi shes te/ de bzhin gshegs pas mngon sum mo zhes byas nas mi spong ba ste// 'od srungs byang chub sems dpa' chos bzhi po de dag dang ldan na khyad par du 'gro bas yongs su mi nyams pa'i chos can du 'gyur ro/ / de la 'di skad ces bya ste/ de ni rtag tu pha rol phyin rnams dang / / thabs la mkhas dang byang chub sde snod brtson// nga rgyal med pas khyi 'dra'i sems kyis su// sems can kun la nga rgyal bcag pa yin// chos dang mthun pa'i rnyed pas chog sems shing / / 'tsho ba yongs dag 'phags pa'i rigs la gnas// gzhan gyi 'khrul pa tshol bar mi byed cing // gzhan gyi ltung ba gleng bar mi byed do/ / gang la de yi thos ni mi rtogs pa// de la de bzhin gshegs pa mngon sum ste// bde gshegs bshad pa'i byang chub mtha' yas pa// rgyal bas mkhyen gyi bdag gis mi shes
- 206b
so/ / chos bzhi 'di dag rig par gyur pa ni// ye shes khyad par 'phags mchog nyams mi 'gyur// chos 'di dag la rab tu gnas pa ni// rgyal bas bsngags pa'i byang chub rnyed mi dka'/ 'od srungs chos bzhi po 'di dag ni gya gyu can gyi sems bskyed pa ste/ de dag byang chub sems dpas yongs su spang bar bya'o// bzhi gang zhe na 'di lta ste/ sangs rgyas kyi chos rnams la som nyi dang / yid gnyis dang / the tsom za ba dang / sems rnams la nga rgyal dang / rgyags pa dang / 'chab pa dang / khro ba dang / gnon par sems pa dang / gzhan gyi rnyed pa rnams la phrag dog dang ser sna byed pa dang / byang chub sems dpa' rnams la bsngags pa ma yin pa dang / mi snyan pa dang / brjod pa ma yin pa'i sgra tshigs su bcad pa 'byin paste/ 'od srungs bani po de dag ni ma su can gyi sems bskyed pa ste/ de dag byang chub sems dpas yongs su spang bar / de la 'di ka ces bya ste/ chos rnams la ni so ma'i yid gnyis byed// sems can rnams la nga rgyal rgyags khro sten// gzhan gyi rnyed la ser sna phrag dog byed// rgyal ba la ni rnams kyang dang mi byed/ ma khas rtag tu byang chub sems dpa' la// bsngags pa min dang brjod min mi snyan rjod// ma rgya can gyi sems bzhi rnam par spang // byang chub sems dpas rtag tu sems can
- 207a
bsten/ 'od srungs bzhi po 'di dag ni byang chub sems dpa' drang po drang ba'i mtshan nyid yin te/ bzhi gang zhe na/ 'di lta ste/ ltung babyung ba rnams mi 'chab cing brjod de rnam par 'byed pa dang / 'chags pas kun nas ldang ba med pa yin/ de'i bden pa'i tshig gang gis rgyal srid stor ba 'am/ nor yal ba 'am/ srog gi bar chad du 'gyur yang bden pa'i tshig mi 'khyud cing / gzhan nas gzhan du sgyur ba'i tshig mi smra ba yin/ gzhan gyis gnod par bya ba skur ba dang / mtshang 'dru ba dang / smod pa dang gsung ba dang / sdigs pa dang / rdeg pa dang / gsod pa dang / 'ching ba byed pa'i nyes pa thams cad la bdag gis nyes par sems shing / las kyi rnam par smin pa la rton pas gzhan dag la mi 'khrug cing khon du 'dzin pa med pa yin/ de dad pa la rab tu gnas pa yin te/ bsam pa yongs su dag pa'i phyir thams cad dad par mi 'gyur ba'i sangs rgyas kyi chos la mngon par dad pa ste/ bod srungs bzhi po de dag ni byang chub sems dpa'i drang po drang ba'i mtshan nyid yin no// de la 'di skad ces bya ste/ ltung ba byung ba 'a bar mi byed kyi/ / rjod cing rnam par 'byed de nyes pa 'dor// nor dang rgyal srid phyir dang srog phyir yang // 'du shes bsgyur te brdzun pa'i tshig mi smra// skur dang smod dang
- 207b
gzhung dang gsod pa dang / / 'ching bar byed dang po ra btsun pa la// bdag gis nyes sems gzhan la 'khrug mi byed// las ni bdag gir bya bas khon mi 'dzin// de ni ba gshegs rnams kyi byang chub dang / / dad la gnas shing bsam pa dag ldan pa// 'di dug drang ba'i mtshan du sangs rgyas gsungs// sems cad mchog gis rtag tu bsten par bya/ / 'od srungs bzhi po 'di dag ni byang chub sems dpa' dmu rgod de/ bzhi gang zhe na/ 'di lta ste/ thos pa la gces pa 'dor ba'i chos su gnas shing / chos kyi rjes su mthun pa'i chos bsgrub pa la nan tan du mi byed pa yin/ rjes su bstan pa la gces pa 'dor ba'i chos su gnas shing / slob dpon dang mkhan po la sri zhu mi byed pa yin/ dam bcas pa las nyams kyang dad pas byin pa kun spyod de/ dad pas byin pa log par ltung bar byed pa yin/ byang chub sems dpa' dul ba cang shes rnams mthong na mi gus shing nga rgyal 'dzin pa yin te/ 'od srungs bzhi po 'di dag ni byang chub sems dpa' dmu rgod do// de la 'di skad ces bya ste/ thos pas rgod par gnas par byed pa yin/ / rjes su bstan pa'i chos nyid rtogs mi 'gyur// de ni chos kun gces pa 'dor ba ste// 'phags pa rnams la nam yang sri zhu med// dam bcas
- 208a
ba'am nyams kyang dad pas byin pa yin/ / kha zas rnams la de ni rtag tu za// byang chub sems dpa' cang shes thob pa dag/ mthong bar gyur na gus par mi byed cing / / dmu rgod de ni nga rgyal 'phel bar byed// byang chub sems dpa' nga rgyal gcag mi sten// 'di dag dmu rgod bde bar gshegs pas gsungs// de dag rgyal sras rnams kyis yongs su swA / 'od srungs bzhi po 'di dag ni thang rlung sems dpa' cang shes paste/ bzhi gang zhe na/ 'di lta ste/ legs par zos par nyam cing de la nan tan du byed de/ don la rton gyi/ tshig 'bru la mi rton pa yin/ gdams pa rjes su bstan pa la mthun par 'dzin cing / bka' blo 'de ba legs par byed pa'i las byed cing tha ma la sri zhu bya ba tshar phyin pa yin// tshul khrims dang ting nge 'dzin las ma nyams te cang shes pas zas za ba yin/ byang chub sems dpa' dul ba cang shes rnams mthong na gus pa dang bcas shing zhe sa dang bcas par de la gzhol/ de la 'bab/ de la bab cing / de'i yon tan 'dod pa yin te/ 'od srungs bzhi po de dag ni byang chub sems dpa' cang shes so// de la 'di skad ces bya ste/ gang mnyan de ni legs par thos par byed// chos don snying por byed cing nan tan gnas// rjes su bstan pa mthun par 'dzin byed cing // chos 'dod bka' tho bde bar tha ma rten/
- 208b
tshul khrims ting nge 'dzin la rtag gnas shing // tshul khrims bsdams nas de ni bza' ba za// gus dang bcas shing zhes bcas pa yin// de la gzhol zhing der 'bab yon tan 'dod/ / rgyal sras gang dag cang shes thob 'gyur ba// de dag la ni rtag tu dga' bas lta// bde bar gshegs pas bstan pa 'di bzhi ni// bde gshegs sras po cang shes thob pa yin/ / 'od srungs bzhi po 'di dag ni byang chub sems dpa'i 'khrul pa ste/ bzhi gang zhe na/ 'di lta ste/ sems can yongs su smin par ma byas pa rnams la yid rton pa byang chub sems dpa'i 'khrul pa dang / sems can snod du ma gyur pa rnams la sangs rgyas kyi chos rgya chen po ston pa byang chub sems dpa'i 'khrul pa dang / rgya chen po la mos pa'i sems can rnams la theg pa dman pa ston pa byang chub sems dpa'i 'khrul pa dang / sems can yang dag pa la rab tu gnas pa/ tshul khrims dang ldan pa/ dge ba'i chos can rnams la brnyas shing tshul khrims 'chal ba sdig pa'i chos can kun tu sdud bzang chub sems dpa'i 'khrul pa ste/ 'od srungs bzhi po 'di dag ni byang chub sems dpa'i 'khrul pa'o/ / de la 'di skad ces bya ste/ yongs smin ma byas rnams la yid mi rton// snod min rnams la rgya chen chos mi bshad// rgya chen sems can rnams la
- 209a
bag pa dman/ / byang chub sems dpa'i mchog gis pashan miH// yang dag gan sa gling rgyal khrims yon tan dzAm/ dge ba'i chos can rnams la brnyas miH/ tshul khrims 'chal pa'i sems can yongs mi bsdu// sdig pa'i chos rnams yongs su spang bar bya// 'khrul pa'i chos bzhi 'di dag shes gyur nas// byang chub sems dpas kyang bsring rnam par spang / / 'di dag bsten na byang chub 'tshang miH// de lta bas na mkhas pas chos 'di spang // 'od srungs bzhi po 'di dag ni byang chub sems dpa'i lam ste/ bzhi gang zhe na/ 'di lta ste/ sems can thams cad la sems mnyam pa dang / sems can thams cad la mtshungs par chos ston pa dang / sems can thams cad sangs rgyas kyi ye shes yang dag par 'dzin du 'jug pa dang / sems can thams cad la yang dag par sbyor ba ste/ 'od srungs bzhi po 'di dag ni byang chub sems dpa'i lam mo/ / de la 'di skad ces bya ste/ sems can rnams la rtag tu sems snyoms bya// sangs rgyas theg mchog yang dag 'dzin du 'jug/ rgyal bas bsngags pa'i chos ni stan par bya/ / sems can kun la dang ba'i sems su tha// yang dag sbyor zhing nan tan byed par gnas// sems can kun la mtshungs par spyad par za// chos bzhi 'di dag rgyal
- 209b
bas rab bsngags te/ / rgyal sras rnams kyis de dag rtag tu bsten// 'od srungs bzhi po 'di dag ni byang chub sems dpa'i bshes gnyen ngan pa grogs ngan pa ste// de dag byang chub sems dpas yongs su spang bar bya'o// bzhi gang zhe na/ 'di lta ste/ nyan thos kyi theg pa pa bdag la phan pa'i phyir zhugs pa dang / rang sangs rgyas kyi theg pa pa don nyung zhing bya ba nyung ba dang / 'jig rten rgyang 'phen pa'i gsang tshig sna tshogs kyi spobs pa can dang / gang la brten pas 'jig rten gyi zang zing kun sdud par 'gyur gyi/ chos kun mi sdud pa ste/ 'od srungs bzhi po de dag ni byang chub sems dpa'i bshes gnyen ngan pa grogs po ngan pa ste/ de dag byang chub sems dpas yongs su spang bar bya'o// de la 'di skad ces bya ste/ nyan thos gang dag bdag phan brtson pa dang // gang dag rab tu byung nas rnal 'byor spyod// rang sangs rgyas pa gang dag byed nyung zhing // bdag gi don du 'du 'dzi rnam par spong // byis bgang dag 'jig rten rgyang 'phen gro/ / ji ltar bstan bzhin gang dag 'dir rtsod byed// gang la brten na zang zing kun sdud kyi// chos 'di nam yang sdud par mi byed pa// chos bzhi byang chub sems dpas rab spangs nas/ / dge ba'i bshes gnyen bzhi la brten par bya// 'di dag 'a shes gnyen ngan dang thogs ngan du// rgyal bas gsungs te thag bsring yongs su spang / 'od srungs
- 210a
bzhi po 'di dag ni byang chub sems dpa'i dge ba'i bshes gnyen te/ bzhi gang zhe na/ 'di lta ste/ byang chub kyi lam ston pa'i phyir spong ba byang chub sems dpa'i dge ba'i bshes gnyen dang / thos pa'i shes rab ston pa'i phyir chos smra ba byang chub sem pa'i dge ba'i bshes gnyen dang / dge ba'i rtsa ba thams cad ston pa'i phyir rab tu 'byung ba yang dag par 'dzin du bcug pa byang chub sems dpa'i dge ba'i bshes gnyen dang / sangs rgyas kyi chos thams cad ston pa'i phyir sangs rgyas bcom ldan 'das rnams byang chub sems dpa'i dge ba'i bshes gnyen te/ 'od srungs bzhi po de dag ni byang chub sems dpa'i dge ba'i bshes gnyen no/ / de la 'di skad ces bya ste/ byang chub yongs su ston phyir len pa po// sbyin byed rnams ni dge ba'i 'ashes gnyen yin/ chos don smra ba thos dang shes rab byed// dge ba'i bshes gnyen yin par bde gshegs gsungs// gang dag rab 'byung yang dag 'dzin 'jug pa// de dag dge rtsa yin pas bshes gnyen gsungs rdzogs sangs rgyas kyi lam ni ston pa'i phyir/ / sangs rgyas rnams ni bde gshegs sras kyi bshes// rgyal bas bsngags pa bzhi po 'di dag ni// bde gshegs sras kyi dge ba'i bshes gnyen te/ 'di dag sten cing rtag tu 'ag yod na// bde gshegs bstan pa'i byang chub thob par 'gyur/ 'od srungs bzhi po 'di dag ni byang chub sems dpa' ltar bcos pa
- 210b
ste/ bzhi gang zhe na/ 'di lta ste/ rnyed pa dang bkur sti don du gnyer gyi/ chos don du gnyer ba ma yin pa dang / brjod pa'i sgra tshigs su bcad pa don du gnyer gyi/ yon tan don du gnyer ba ma yin pa dang / bdag bde la don du gnyer gyi/ sems can gyi sdug bsngal bsal ba don du gnyer ba ma yin pa dang / 'khor gyi tshogs don du gnyer gyi dben pa don du gnyer ba ma yin pa ste/ 'od srungs bzhi po de dag ni byang chub sems dpa' ltar bcos pa'o// de la 'di skad ces bya ste/ rnyed pa don du gnyer gyi chos 'dod min// brjod pa don gnyer yon tan don gnyer min/ / bdag bde rtag tu don du gnyer byed cing // sems can sdug bsngal bsal ba don mi gnyer// 'khor tshogs don du gnyer gyi dben mi 'dod// la chags kyi yon tan ma chags pa// bzhi po de dag bcos par gsungs pa ste// de dag byang chub sems dpas yong su spang // 'od srungs bzhi po 'di dag ni byang chub sems dpa' rnams kyi byang chub sems dpa'i yang dag pa'i yon tan te/ bzhi gang zhe na/ 'di lta ste/ stong pa nyid la'ang mos la/ las kyi rnam par smin pa'ang yid ches pa dang / de bdag med par yang bzod la/ sems can thams cad la'ang snying rje che ba dang / de'i bsam pa mya ngan las 'das pa la'ang gnas la/ sbyor ba 'khor ba na'ang gnas pa dang
- 211a
sems can yongs su smin par bya ba'i phyir/ sbyin pa gtong yang sbyin pa'i rnam par smin pa la'ang mi re ba ste/ 'od srungs bzhi po de dag ni byang chub sems dpa' rnams kyi byang chub sems dpa'i yang dag pa'i yon tan no/ / de la 'di skad ces bya ste/ chos rnams stong pa nyid du rtag mos kyang // las kyi rnam par smin pa'ang yid ches so// bdag med bzod pas mnyam pa nyid gnas kyang / / sems can rnams la snying rje chen po bskyed// de'i bsam rtag tu mya ngan 'das la gnas// de yi sbyor ba 'khor bar gnas pa yi// yongs smin bya phyir sbyin pa sbyin byed kyang / / las kyi rnam par smin la re ba med// 'od srungs bzhi po 'di dag ni byang chub sems dpa' gter chen po rnyed pa ste/ bzhi gang zhe na/ 'di lta ste/ sangs rgyas byung ba mnyes par byed pa dang / pha rol tu phyin pa drug nyan pa dang / chos smra ba la khong khro ba med pa'i sems kyis lta ba dang / bag yod par dgon pa la gnas par mngon par dga' ba ste// 'od srungs bzhi po de dag ni byang chub sems dpa'i gter chen po rnyed pa'o/ / de la 'di skad ces bya ste/ tshe rabs kun tu sangs rgyas mnyes par byed// pha rol phyin pa drug po rnams kyang nyan// chos smra ba la sems ni rab tu dang / / mthong na rtag tu gus bskyed par byed// rtag tu bag yod gyur nas dgon par gnas// de ni de nyid la yang rtag tu dga'// bzhi po 'di dag rgyal ba'i sras rnams kyi//
- 211b
gter chen yin zhes bde bar gshegs pas gsungs/ 'od srungs bzhi po 'di dag ni byang chub sems dpa' bdud kyi lam las yang dag par 'da' ba'i chos te/ bzhi gang zhe na/ 'di lta ste/ byang chub kyi sems mi gtong ba dang / sems can thams cad la khong khro ba'i sems med pa dang / lta bar gyur pa thams cad rtogs pa dang / sems can thams cad la mi brnyas pa ste/ 'od grangs pan po de dag ni byang chub sems dpa'i bdud kyilam las yang dag par 'da' ba'i chos so// de la 'di skad ces bya ste/ byang chub sems ni yongs su gtong mi byed// sems can rnams la khong khro rtag tu spong // lta bar gyur pa thams cad 'dor bar byed// sems can tshogs la brnyas par yong mi byed// bde bar gshegs pas bzhi po 'di dag ni// bdud las bda' bar 'gyur ba'i chos su gsungs// 'di dag bsten na rgyal ba rnam 'dren pa// gser 'dra'i sku mnga' mtshungs pa med par 'gyur// 'od srungs chos bzhi po 'di dag ni byang chub sems dpa'i dge ba'i rtsa ba'i chos thams cad sdud par 'gyur ba ste/ bzhi gang zhe na/ 'di lta ste/ tshul 'chos pa med par dgon pa na gnas pa dang / lan du phan 'dogs par re ba med pa'i bsdu ba'i dngos po bzhi po dag dang / sems can thams cad la lus dang srog gtong zhing dam pa'i chos yongs su tshol ba dang / thos pa dang don gyis ngoms mi myong
- 212a
zhing dge ba'i rtsa ba thams cad yang dag par sdud pa'i brtson 'grus te/ 'od srungs chos bzhi po de dag ni byang chub sems dpa'i dge ba'i rtsa ba'i chos thams cad sdud par 'gyur ba'o/ / de la 'di skad ces bya ste/ dgon par gnas shing tshul 'chos rnam par spong // rgyal gsungs bsdu ba sems can rnams la byed// dam chos yongs su btsal ba btsam byas nas/ / lus dang srog kyang yongs su gtong bar byed// dge ba'i rtsa ba shin tu mi nyung ba// yang dag bsgrub phyir rtag tu ngoms mi myong // dge ba'i chos rnams yang dag bsdu ba'i phyir// / chos bzhi 'di dag bde bar gshegs pas gsungs// 'od srungs bzhi po 'di dag ni byang chub sems dpa'i bsod nams kyi tshogs dpag tu med pa ste/ bzhi gang zhe na/ 'di lta ste/ zang zing med pa'i sems kyis chos sbyin pa dang / tshul khrims 'chal pa rnams la cher snying rje ba dang / sems can thams cad la byang chub kyi sems ston pa dang / nyam chung ba rnams la bzod pas sten pa ste/ 'od srungs bzhi po de dag ni byang chub sems dpa'i bsod nams kyi tshogs dpag tu med pa'o// de la 'di skad ces bya ste/ dag cing zang zing med pa'i sems kyis su/ / chos kyi sbyin byed rgyal bas rab tu bsngags// tshul khrims mi ldan pa la snying rje che// gzhan dag byang chub phyir ni sems skyed 'jug/ nyam chung
- 212b
rnams la bzod pas dang du len/ / 'di ni dge chos sdud par gsungs pa ste// de dag bsten na rgyal bar 'gyur bas na// byang chub sems dpas de dag rtag tu bsten// 'od srungs chos bzhi po 'di dag ni byang chub sems dpa'i ma rig pa'i bag chags kyi sa'i nyon mongs pa 'joms par 'gyur ba ste/ bzhi gang zhe na/ 'di lta ste/ tshul khrims kyi sdom pa yang dag par 'dzin pa dang / dam pa'i chos yongs su 'dzin pa dang / sgron ma sbyin pa dang / za na 'dris pa rnams la'ang sbyin pa ste/ 'od srungs chos bzhi po de dag ni byang chub sems dpa'i ma rig pa'i bag chags kyi sa'i nyon mongs pa 'joms par byed pa'o/ / de la 'di skad ces bya ste/ tshul khrims sdom pa yang dag 'dzin byed dang // dam chos 'dzin dang sgron ma sbyin pa dang // de bzhin tha na 'dris la sbyin byed cing // mkhas pa ma rigs las rnam par 'byed// 'od srungs chos bzhi po 'di dag ni byang chub sems dpa' sgrib pa med pa'i ye shes thob par 'gyur ba ste/ bzhi gang zhe na/ 'di lta ste/ dam pa'i chos sbyin pa dang / dam pa'i chos yongs su 'dzin pa dang / phrag dog med pa dang / gzhan dag la mi brnyas pa ste/ 'od srungs chos bzhi po de dag ni byang chub sems dpa' sgrib pa med pa'i ye shes thob par 'gyur ba'o/ / de la 'di skad ces bya ste/ gang dag byang chub la ni sgrib byed pa// sdig pa'i bzhi pa bcu po rnam
- 213a
spangs nas/ / mkhas pas de bzhin bcu gnyis gzhan sten na// 'chi med reg nas byang chub thob par 'gyur// sems can dam pa gang dag chos tshul 'di// 'dzin tam klog gam rab tu ston byed pa/ / de dag bsod nams mtha' yas rgyal bas gsungs// de yi tshad ni rgyal ba rnams rjod do// gang gis zhing ni gang+gA'i bye ma snyed// rin chen bkang ste rgyal/ la phul ba bas// gang gis 'di las tshig bzhi'i tshigs bcad klog/ bsod rnams 'di yi grangasu mi phod do// 'od srungs byang chub sems dpa' ni ming tsam gyis byang chub sems dpa' zhes mi bya'i 'od srungs byang chub sems dpa' chos spyod pa dang / snyoms par spyod pa dang / dge ba spyod pa dang / chos la gnas pa dang ldan pa la byang chub sems dpa' zhes bya'o/ / 'od srungs yang byang chub sems dpa' chos sum cu rtsa gnyis dang ldan na/ byang chub sems dpa' zhes bya ste/ sum cu rtsa gnyis gang zhe na/ 'di lta ste/ sems can thams cad la phan pa dang bde bar bya ba'i lhag pa'i bsam pa dang / thams cad mkhyen pa'i ye shes la 'dzud pa dang / bdag ci ri zhes yongs su 'jal zhing gzhan gyi shes pa la mi smod pa dang / nga rgyal med pa dang / lhag pa'i bsam pa brtan pa dang / bcos ma ma yin par thams pa dang / mdza' ba dang mi mdza' ba la sems snyoms pa dang / mya ngan las 'das pa'i
- 213b
mtha'i bar du gtan du mdza' ba dang / tshig ran cing 'dzum pa'i bzhin gyis gsong por smra ba dang / khur blangs pa rnams la sgyid lug pa med pa dang / sems can thams cad la snying rje chen po yongs su ma gcad pa dang / yid yongs su mi skyo ba dang / dam pa'i chos yongs su tshol ba'i phyir thos pa dang don gyis ngoms mi myong ba dang / bdag gi 'khrul pa rnams la skyon du lta zhing gzhan gyi 'khrul pa rnams la mi gshe bar bsgo ba dang / spyod lam thams cad du byang chub kyi sems yongs su sbyong ba dang / rnam par smin pa la mi re ba'i gtong ba dang / srid par 'gro ba'i skye ba thams cad la mi gnas pa'i tshul khrims dang / sems can thams cad la zhe 'gras pa med pa'i bzod pa dang / dge ba'i rtsa ba thams cad yang dag par bsgrub pa'i brtson 'grus dang // gzugs/ med pa'i khams rnam par bsal ba'i bsam gtan dang / thabs mkhas pa bsdu ba'i dngos po bzhi dang / rab tu ldan pa'i thabs kyis zin pa'i shes rab dang / tshul khrims dang ldan pa dang / tshul khrims 'chal pa rnams la gnyis su med pa'i byams pa dang / gus par byas te chos nyan pa dang / gus par byas te dgon pa la gnas par mngon par dga' ba dang / 'jig rten gyi sna tshogs rnams la mi dga' zhing / 'jig rten las 'das pa'i chos rnams la mngon par dga' ba dang / theg pa dman pa mi 'dod cing / theg pa chen po la phan yon
- 214a
du lta ba dang / sdig pa'i grogs po yongs su spong zhing / dge ba'i bshes gnyen la brten pa dang / tshangs pa'i gnas pa bzhi sgrub pa dang / mngon par shes pa lngas rnam par rtsen pa dang / ye shes la rton pa dang / sgrub pa dang / log par sgrub pa la gnas pa'i sems can rnams mi gtong ba dang / gcig tu chad par smra ba dang / bden pa gces su byed pa dang / byang chub kyi sems sngon du 'gro ba ste/ 'od srungs byang chub sems dpa' chos sum cu rtsa gnyis po de dag dang ldan na/ byang chub sems dpa' zhes bya'o// de la 'di skad ces bya ste/ sems can kun la phan dang bde bya ba'i// lhag pa'i bsam la mos par byed pa yin// kun mkhyen ye shes la ni sems sgrol zhing // ri 'am mi ri snyam du bdag la dpog smod pa med cing lhag pa'i nga rgyal med/ / bsam pa brtan zhing bcos pa med par byams// mdza' dang mi mdza' rnams la sems kyang snyoms// mya ngan 'das pa'i mtha' la thug bar du// sems can rnams la gtan du rab tu mdza'// 'dzum pa'i bzhin gyis 'jam por smra bar byed// khur blangs pa la sgyid lug zhum pa med// sems can dag la snying rje yongs ma gcad/ dam chos yongs su tshol la skyo ba med// thos pas mi ngoms bdag gi 'khrul skyon lta// gzhan la gshe bas gdung bar byed pa med// spyod lam rnams su sems ni rab tu sbyong // gtong
- 214b
ba rnam par smin la re ba med/ / tshul khrims srid pa'i 'gro bar gnas ma yin// sems can rnams la bzod cing khong khro spangs// dge ba yang dag sgrub pa'i brtson 'grus dang / gzugs med khams spangs pa yi bsam gtan dang // thabs kyis yang dag zin pa'i shes rab dang // bsdu ba rnam bzhis yang dag zin thabs dang // khrims ldan khrims med gnyis med byams pa dang / / gus par byas te dus su chos nyan dang // gus par byas te dgon zhir gnas pa dang // 'jig rten sna tshogs dga' bar mi byed dang // theg pa dman la dga' bar mi byed cing theg pa che la 'dod pa skyed pa dang / / sdig pa'i grogs po rnam par spong byed cing // dge ba'i bshes gnyen rtag tu bsten pa dang // tshangs pa'i gnas pa bzhi la sgom pa dang // mngon shes rnam lngas rtag tu rtse na pa dang / / ye shes rjes su rtag tu 'brang ba dang // sgrub dang ldan pa gtong bar mi byed dang // sgrub dang mi ldan gzhan yang mi gtong dang // gcig tu chad par rtag tu smra ba dang / / bden la rtag tu gus dang bcas pa dang // byang chub sems ni sngon du btang nas su// rgyal bas bsngags pa'i chos ni sgom par byed// bde gshegs gsungs pa'i sum cu rtsa gnyis chos/ / 'di dag bde gshegs sras kyis bsten par bya// byang chub sems dpa' gang yin pa dag ni// chos 'di ldan zhes bde bar gshegs pas gsungs// 'od srungs
- 215a
dpe nye bar dgod pa bstan pa gang dag gis/ byang chub sems dpa' byang chub sems dpa'i yon tan rab tu shes par byed pa'i dpe nye bar dgod pa khyod la bstan par bya'o/ / 'od srungs 'di lta ste/ dper na sa chen po 'di ni sems can thams cad kyi 'tsho ba ste/ 'gyur ba med cing lan du phan 'dogs pa la re ba med do// 'od srungs de bzhin du byang chub sems dpab sems dang po bskyed pa'ang byang chub kyi snying po la thug gi bar du sems can thams cad kyi 'tsho ba yin te/ 'gyur ba med cing lan du phan 'dogs par re ba med do// de la 'di skad ces bya ste/ dper na sa 'di skye bo kun gyi 'tsho// lan la mi re 'gyur ba med pa bzhin// byang chub sems dpa' thog mar sems gnas pa// rgyal mchog tha na med pa'i sangs rgyas su// ma gyur bar du skye bo kun gyi 'tsho/ / lan la re ba med cing 'gyur ba med// bu dang dgra la yid kyis mtshungs par sems// byang chub mchog rab rtag par yongs su tshol/ 'od srungs 'di lta dper na chu'i khams ni rtswa dang / shing gel ba dang / sman dang / nags tshal thams cad skyed par byed do// 'od srungs de bzhin du byang chub sems dpa' bsam pa dag pa sems can thams cad la thams pas khyab par byas te gnas pa'ang sems can thams cad la dkar po'i chos thams cad skyed do/ / de la 'di skad ces bya ste/ dper na chu ni rtswa dang gel ba dang // nags tshal
- 215b
spyan dang 'bru ni rnam par skyed/ / de bzhin byang chub sems dpa' bsam dag pa// sems can mtha' yas byams pas khyab par byed// sna tshogs chos la khyab byas rin gyis su// dkar po'i chos kyis rnam par rgyas 'gyur zhing / / dpung bcas sde dang bcas pa'i bdud bcom nas// rim gyis rgyal ba'i byang chub thob par 'gyur/ 'od srungs 'di lta ste/ dper na me'i khams ni lo tog thams cad yongs su smin par byed do// 'od srungs de bzhin du byang chub sems dpa'i shes rab kyang sems can thams cad kyi dkar po'i chos thams cad yongs su smin par byed do/ / de la 'di skad ces bya ste/ dper na ma ni rtswa dang sman rnams dang // lo tog thams cad yongs su smin par byed// de bzhin bde gshegs sras kyi shes/ rab kyang // skye bo rnams kyi dge ba'i chos smin byed// 'od srungs 'di lta ste/ dper na rlung gi khams ni sangs rgyas kyi zhing thams cad rnam par sgrub bo// 'od srungs de bzhin du byang chub sems dpa'i thabs la mkhas pa'ang sems can thams cad la sangs rgyas kyi chos thams cad rnam par sgrub bo/ / de 'di skad ces bya ste/ dper na rlung ni sangs rgyas dgongs pa bzhin/ / rnam pa sna tshogs zhing rnams rnam par sgrub// de bzhin rgyal sras rnams kyi thabs mkhas kyang // bde gshegs gsungs pa'i chos mchog rnam par sgrub/ 'od srungs
- 216a
'di lta ste/ dper na bdud sdig can gyi dpung gi tshogs yan lag bzhi pa ni 'dod pa na spyod pa'i lha thams cad kyis zil gyis gnan pa 'am/ yongs su zad par bya bar mi nus so/ / 'od srungs de bzhin du byang chub sems dpa' bsam pa dag pa'ang bdud thams cad kyis zil gyis gnan pa 'am/ yongs su zad par bya bar mi nus so// 'od srungs 'di lta ste/ dper na zla ba yar gyi ngo la zla ba'i dkyil 'khor skye zhing gang bar 'gyur ro/ / 'od srungs de bzhin du byang chub sems dpa' bsam bdag pa'ang dkar po'i chos thams cad kyis rdzogs shing rgyas par 'gyur ro// de la 'di skad ces bya ste/ dper na zla ba'i dkyil 'khor yar ngo la// skye zhing yongs su gang 'gyur 'bri mi 'gyur// de bzhin bsam dag byang chub sems dpa' yang // dkar po'i chos kyis rtag tu rgyas par 'gyur/ / 'od srungs 'di lta ste/ dper na nyi ma'i dkyil 'khor las lan cig byung ba'i 'od zer rnams kyis sems can thams cad la snang bar byed do// 'od srungs de bzhin du byang chub sems dpa' rnams kyis lan cig phyung ba'i shes rab kyi 'od zer rnams kyis kyang sems can thams cad la shes pa'i snang ba byed do// de la 'di skad ces bya ste/ dper na nyi las lan cig byung ba yi// 'od zer rnams kyis sems can snang bar byed// de bzhin rgyal sras ye shes 'od zer gyis// sems can rnams la shes rab snang ba byed//
- 216b
'od srungs 'di lta ste/ dper na ri dgas kyi rgyal po seng ge ni ga las gar 'gro ba thams cad du mi 'jigs mi skrag pa nyid du 'gro'o// 'od srungs de bzhin du byang chub sems dpa' thos pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa dang / ting nge 'dzin dang / ye shes la gnas pa'ang ga las gar 'gro ba thams cad du mi 'jigs mi skrag pa nyid du 'gro'o/ / de la 'di skad ces bya ste/ ri dgas rgyal po seng ge ral pa can// 'jigs pa med par gang du 'dod par 'gro// de bzhin byang chub sems dpa' tshul khrims dang / / thos dang ye shes gnas pa dga' dgur 'gro// 'od srungs 'di lta ste/ dper na bal glang glang po che shin tu dul ba ni khal thams cad khyer bas yongs su skyo ba med do// 'od srungs de bzhin du byang chub sems dpa' sems shin tu dul ba'ang sems can thams cad kyi don gyi phyir phung po lnga'i khur khyer bas yongs su skyo ba med do// de la 'di skad ces bya ste/ dper na rab dul stobs ldan glang po che/ / khal rnams khyer yang yongs su skyo ba med// de bzhin byang chub sems dpa' sems rang dul// sems can khur gyis spro bar 'gyur ba med// 'od srungs 'di lta ste/ dper na pad+ma ni chu las skyes kyang chus mi gos so// 'od srungs de bzhin du byang chub sems dpa' 'jig rten du skyes kyang 'jig rten gyi chos rnams kyis mi gos so// de la 'di skad ces
- 217a
dper na ngadra chu las skyes gyur kyang / / chu 'am rdzab kyis de la gos pa med// de bzhin byang chub sems dpa' 'jig rten skyes// 'jig rten chos kyis nam yang gos pa med/ 'od srungs 'di lta ste/ dper na shing ljon pa yal ka bcad pa ni rtsa ba ma snang na slar yang sa las skye'o// 'od srungs de bzhin du byang chub sems dpa' thabs la mkhas pa 'ongs mongs pa'i yal ga bcad pa'ang snying rje chen pos dge ba'i rtsa ba la kun tu sbyor ba ma nyams na slar yang khams gsum du skye'o/ / de la 'di skad ces bya ste/ dper na shing ljon yal ga bcad pa ni/ / rtsa ba brtan pa ma snang slar yang skye// de bzhin rtsa ba kun sbyor ma spangs na// thabs kyis bsal kyang slar yang skye bar 'gyur// 'od srungs 'di lta ste/ dper na phyogs dang phyogs mtshams tha dad pa nas klung chen po chu'i phung po rgya mtsho chen por bab pa ni/ 'di lta ste/ lan tshwa'i ror ro gcig par 'gyur ro// 'od srungs de bzhin du byang chub sems dpa'i dge ba'i rtsa ba sgo tha dad pa nas bsags pa byang chub tu yongs su bsngos pa thams cad kyang / 'di lta ste/ thams cad mkhyen pa nyid kyi ror ro gcig par 'gyur ro// de la 'di skad ces bya ste/ dper na tha dad phyogs kyi chu klung rnams// rgya mtsho cher bab ro gcig 'gyur ba bzhin// tha dad sgo nas dge ba bsags byas pa// byang chub bsngos pa rnams kyang
- 217b
ro gcig 'gyur/ / 'od srungs 'di lta ste/ dper na rgyal chen bzhi'i ris dang / sum cu rtsa gsum pa'i lha rnams ni ri rab la gnas so// 'od srungs de bzhin du byang chub/ sems dpa'i thams cad mkhyen pa nyid kyang byang chub sems kyi dge ba'i rtsa ba la gnas so// de la 'di skad ces bya ste/ dper na rgyal chen bzhi yi ris rnams dang // sum cu rtsa gsum lha tshogs ri rab gnas/ / de bzhin byang chub sems dpa' dgar gnas te// thams cad mkhyen nyid thob nas chos rnams ston// 'od srungs 'di lta ste dper na blon pos yongs su zin pa'i rgyal po rnams ni rgyal po'i bya ba thams cad byed do/ / 'od srungs de bzhin du byang chub sems dpa' thabs la mkhas pas yongs su zin pa'i shes rab kyang sangs rgyas kyi mdzad pa thams cad byed do/ / de la 'di skad ces bya ste/ dper na thon por ldan pa'i rgyal po rnams// bya ba thams cad rtag tu byed pa ltar/ / thabs ldan byang chub sems dpa'i shes rab kyang // sangs rgyas don rnams rtag tu byed pa yin// 'od srungs 'di lta ste/ dper na sprin med cing nam thang ba'i nam mkha' la ni char 'bab pa'i rgyu med do/ / 'od srungs de bzhin du byang chub sems dpa' thos pa nyung ba la'ang dam pa'i chos kyi char 'bab pa'i rgyu med do// de la 'di skad ces
- 218a
bya ste/ dper na sprin med nam thang nam mkha' la// char 'bab rgyu ni rnams kyang mi dmigs so// de bzhin byang chub sems dpa' zos nyung la// chos ston nam yang dmigs par mi 'gyur ro/ / 'od srungs 'di lta ste/ dper na sprin chen po las byung ba'i char gyi rgyun ni lo tog thams cad la mngon par 'bab bo// 'od srungs de bzhin du byang chub sems dpa'i snying rje chen po dang / mang du thos pa'i chos kyi sprin las byung ba'i dam pa'i chos kyi char yang sems can thams cad la mngon par 'bab bo// de la 'di skad ces bya ste/ dper na sprin chen glog dang bcas pa las// char pa 'bab pas lo tog ngoms par byed// de bzhin byang chub sems dpa' dam chos kyi// sprin byung chos rgyun sems can tshim par byed/ / 'od srungs 'di lta ste/ dper na 'khor los sgyur ba'i rgyal po gang du byung ba der rin po che sna bdun yang 'byung ngo // 'od srungs de bzhin du byang chub sems dpa' gang du byung ba der byang chub kyi phyogs kyi chos sum cu rtsa bdun po dag kyang 'byung ngo / / de la 'di skad ces bya ste/ 'khor los sgyur ba'i rgyal po gar byung ba// der ni de yi rin chen sna bdun 'byung / / byang chub sems dpa' gang du thung gyur ba// der de'i byang chub yan lag bdun po 'byung / 'od srungs 'di ste ste/ dper na gang na nor bu rin po che be nun
- 218b
'byung ba'i sgo yod pa de na/ kar shra pa Na brgya stong mang po 'byung ba'i sgo yod do// 'od srungs de bzhin du gang na byang chub sems dpa' 'byung ba'i sgo yod pa de na/ nyan thos dang rang sangs rgyas 'bum phrag mang po 'byung ba'i sgo yod do/ / de la 'di skad ces bya ste/ dper na gang du nor bu rin chen 'byung // der ni kar sha pa Na mang 'byung ltar// gang du rdzogs pa'i byang chub sems 'byung ba/ / der ni nyan thos mang po 'byung bar 'gyur// 'od srungs 'di lta ste/ dper na sum cu rtsa gsum pa'i lha 'dres pa'i tshal du zhugs pa rnams kyi longs spyod dang yongs su spyod pa rnams ni mtshungs par gnas so/ / 'od srungs de bzhin du byang chub sems dpa' bsam pa dag pa'i sbyor ba'ang sems can thams cad kyi bya ba thams cad la mtshungs par 'gyur ro/ / de la 'di skad ces bya ste/ dper na 'dres pa'i tshal gnas lha rnams kyi// longs spyod rnams ni mtshungs par gnas pa yin// de bzhin bsam dag byang chub sems dpa' yang / / sems can rnams la rtag tu legs par sbyor// 'od srungs 'di lta ste// dpe na sngags dang sman gyis yongs su zin pa'i dug gis ni 'chi bar byed mi nus so// 'od srungs de bzhin du ye shes dang thabs mkhas pas yongs su zin pa'i byang chub sems dpa' ni nyon mongs pa'i dug gis kyang log par ltung bar byed mi nus so/ / de la 'di skad ces bya ste/ dper na sngags
- 219a
yongs su zin pa'i 'dug/ skye bo rnams la nyes pa byed mi nus// de bzhin byang chub sems dpa' ye shes can// nyon mongs rnams kyis log ltung byed mi nus// / 'od srungs 'di lta ste/ dper na zong khyer chen po rnams kyi lung gang yin pa de ni bu ram shing gi zhing dag dang / rgun gyi zhing dag la phan par 'gyur ba yin no// 'od srungs de bzhin du byang chub sems dpa'i nyon mongs pa'i lung gang yin pa de'ang thams cad mkhyen pa nyid la phan par 'gyur ba yin no/ / de la 'di skad ces bya ste// dper na grong khyer rnams kyi mi gtsang lud// de ni bu 'am shing gi zhing la phan/ / de bzhin byang chub sems dpa'i nyon mongs lud// de ni rgyal ba'i chos la phan pa byed// 'od srungs 'di lta ste/ dper na 'phong rtsal ma bslabs pa las mtshon thabs slob pa de bzhin du/ byang chub sems dpa' thos pa nyung ba las dam pa'i chos rab tu rnam par 'byed pa dang / dpyod pa dang / don 'dzin pa'i shes par blta'o// 'od srungs 'di lta ste/ dper na so ma btang ba'i snod rnams la ni rdza mkhan gyis me chen po gtang dgos so/ / 'od srungs de bzhin du shes rab ma smin pa'i sems can rnams la'ang byang chub sems dpas sangs rgyas kyi chos kyi me chen po gtang dgro par blta'o/ / 'od srungs de lta bas na// byang chub sems dpa' dkon mchog brtsegs pa chen po chos kyi rnam grangs 'di la slob par 'dod pas tshul bzhin du chos la rab tu sbyor bar bya'o// 'od srungs de la byang chub
- 219b
sems dpa'i tshul bzhin du chos la rab tu sbyor ba gang zhe na/ / 'di lta ste/ dbu ma'i lam chos rnams la yang dag par so sor rtog pa'o// 'od srungs dbu ma'i lam chos rnams la yang dag par so sor rtog pa gang zhe na/ 'od srungs gang la bdag med par so sor rtog pa dang / sems can med pa dang / srog med pa dang / gso ba med pa dang / skyes bu med pa dang / gang zag med pa dang / shed las skyes med pa dang / shed bu med par so sor rtog pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o// 'od srungs gzhan yang dbu ma'i lam chos rnams la yang dag par so sor rtog pa ni/ gang gzugs la rtag par yang so sor mi rtog/ mi rtag par yang so sor mi rtog pa dang / 'od srungs de bzhin du tshor ba dang / 'du shes dang / bdu byed rnam par shes pa la gang rtag par yang so sor mi rtog/ mi rtag par so sor mi rtog pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o// 'od srungs gzhan yang dbu ma'i lam chos rnams la yang dag par so sor rtog pa ni/ gang sa'i khams la rtag par yang so sor mi rtog/ mi rtag par yang so sor mi rtog pa dang / de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la rtag par yang so sor mi rtog/ mi rtag par yang so sor mi rtog pa ste/ 'od srungs 'di ni dbu ma'i lam chos rnams
- 220a
la yang dag par so sor rtog pa zhes bya ba'o/ / 'od srungs gzhan yang dbu ma'i lam chos rnams la yang dag par so so rtog pa ni/ gang mig gis skye mched la rtag par yang so sa mi rtog/ mi rtag par yang so sor mi rtog pa dang / de bzhin du rna ba dang / sna dang / lce dang / lus dang / yid kyi skye mched rnams la rtag par yang so sor mi rtog/ mi rtag par yang so sor mi rtog pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o/ / 'od srungs rtag ces bya ba de ni mtha' gcig go// mi rtag ces bya ba de ni mtha' gnyis so// mtha' de gnyis kyi dbus gang yin pa de ni dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas med pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o// 'od srung bdag ces bya ba de ni mtha' gcig go/ / bdag med ces bya ba de ni mtha' gnyis so// mtha' de gnyis kyi dbus gang yin pa de ni/ dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas med pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o// 'od srungs sems yang dag pa zhes bya ba de ni mtha' gcig go// sems yang dag pa ma yin pa zhes bya ba de ni mtha' gnyis so/ / 'od srungs gang na sems med pa dang / sems pa med pa dang / yid med pa dang / rnam par shes pa med pa 'di ni/ 'od srungs dbu ma'i lam chos rnams la yang dag par/
- 220b
so sor rtog pa zhes bya'o// dge ba dang / mi dge ba rnams dang / 'jig rten pa dang / 'jig rten las 'das pa rnams dang / kha na ma tho ba dang bcas pa dang / kha na ma tho ba med pa rnams dang / zad pa dang bcas pa dang / bag pa med pa rnams dang / 'dus byas dang / 'dus ma byas kyi chos thams cad kyang de bzhin no// 'od srungs kun nas nyon mongs pa zhes bya ba de ni mtha' gcig go// rnam par blang ba zhes bya ba de ni mtha' gnyis so/ / mtha' de gnyis khas mi len cing / mi rjod mi smra ba gang yin pa 'di ni/ 'od srungs dbu ma'i lam chos rnams la yang dag par so sor rtog pa zhes bya'o// 'od srungs yod ces bya ba de ni mtha' gcig go/ med ces bya ba de ni mtha' gnyis so// de gnyis kyi dbus gang yin pa de ni/ dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas med pa ste/ 'od srungs 'di ni dbu ma'i lam chos rnams la yang dag par so sor rtog pa zhes pa'o/ / 'od srungs 'khor ba zhes bya ba de ni mthA gcig go// mya ngan las 'das pa zhes bya ba de ni mtha' gnyis so// de gnyis kyi dbus gang yin pa de ni dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas med pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o/ / 'od srungs gang yang ngas khyed rnams la ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par she ba'i rkyen gyi ming dang gzugs/
- 221a
ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' zhig po 'di dag 'byung bar 'gyur ro/ / ma rig pa 'gags pas 'du byed 'gag/ 'du byed 'gags pas rnam par shes 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa bgag/ len pa bgags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar sdug bsngal gyi phung po chen po 'ba' zhig po 'di 'gag pa 'gyur ro zhes bstan pa de la/ 'od srungs rig pa dang ma rig pa de dag gnyis ma yin zhing rnam pa gnyis su dbyer med de/ 'od srungs 'di la shes pa gang yin pa de ni dbu ma'i lam chos rnams la yang dag par so sor rtog pa zhes bya'o// de bzhin du 'du byed rnams dang
- 221b
'dus ma byas dang / rnam par shes pa dang / rnam par shes pa 'gag pa dang / ming dang gzugs dang / ming dang gzugs 'gag pa dang / skye mched drug dang / skye mched drug 'gag pa dang / reg pa dang // reg pa 'gag pa dang / tshor ba dang / tshor ba bgag pa dang / sred pa dang / sred pa 'gag pa dang / len pa dang / len pa 'gag pa dang / srid pa dang / srid pa 'gag pa dang / skye ba dang / skye ba bgag pa dang / rga shi dang / rga shi 'gag pa de dag gnyis ma yin zhing / rnam pa gnyis su dbyer med de/ 'od srungs 'di la shes pa gang yin pa de ni dbu ma'i lam chos rnams la yang dag par so sor rtog pa zhes bya'o/ / 'od srungs gzhan yang dbu ma'i lam chos rnams la yang dag par so sor rtog pa ni/ gang stong pa nyid kyis chos rnams stong par mi byed de/ chos rnams nyid stong pa dang / gang mtshan ma med pas chos rnams mtshan ma med par mi byed de/ chos rnams nyid mtshan ma med pa dang / gang smon pa med pas chos rnams smon pa med par mi byed de/ chos rnams nyid smon pa med pa dang / gang mngon par 'du byed pa med pas/ chos rnams mngon par 'du byed pa med par mi byed de/ chos rnams nyid mngon par 'du byed pa med pa dang / gang ma skyes pas chos rnams ma skyes par mi byed de chos rnams nyid ma skyes pa dang / gang mazung bas chos rnams mthung bar mi byed de/ chos rnams nyid mthung ba dang / gang ngo bo nyid med pas chos rnams ngo bo nyid med par mi byed de/ chos rnams nyid ngo bo nyid med
- 222a
par gang dag de ltar so sor rtog pa de ni/ 'od srungs dbu ma'i lam chos rnams la yang dag par so sor rtog pa zhes bya'o// yang 'od srungs gang zag rnam par gzhig pa'i phyir stong pa nyid ma yin gyi/ stong pa nyid stong pa'o// 'od srungs sngon gyi mtha' stong pa/ phyi ma'i mtha' stong pa/ da ltar byung ba stong pa ste/ stong pa nyid la rton par bya'i/ gang zag la ma yin no// 'od srungs gang dag stong pa nyid du dmigs pas/ stong pa nyid la rton pa de dag ni/ ngas gsung rab 'di las nyams rab tu nyams rab tu nyams shes bshad do// 'od srungs gang zag tu lta ba ri rab tsam la gnas pa bla'i/ mngon pa'i nga rgyal can stong pa nyid du lta ba ni de lta ma yin no/ / de ci'i phyir zhe na/ 'od srungs lta bar gyur pa thams cad las byung ba ni stong pa nyid yin na/ 'od srungs gang stong pa nyid kho nar lta ba de ni gsor mi rung ngo zhes ngas bshad do// 'od srungs 'di lta ste/ dper na mi nad pa zhig yod la/ sman pas de la sman btang mas/ sman des de'i nad thams cad bskyod de/ sman lton 'dug pa de nyid mi 'byung na/ 'od srungs 'di ji snyam du sems/ mi de nad de las thar bar 'gyur ram/ gsol pa/ bcom ldan 'das de ni mi 'gyur lags te/ gang sman des nad thams cad bskyod nas/ sman ltor mchis pa nyid ma byung na/ mi de'i tho nad shin tu tshabs che bar 'gyur lags so/ / bcom ldan 'das kyis bka' stsal pa/ 'od srungs de bzhin du lta bar gyur pa thams cad las 'byung ba ni stong pa nyid yin na/ 'od srungs gang stong pa nyid kho nar lta ba de ni gsor mi rung
- 222b
ngo zhes ngas bshad do/ / de la 'di skad ces bya ste/ dper na sman pas nad ni bsal ba'i phyir// mi zhig la ni 'akru sman btang ba las// nad rnams bskyod nas 'khrus par ma gyur na// de yi gzhi las nad ni sos mi 'gyur/ / de bzhin lta ba thibs por gnas pa las// 'byung ba'i mchog ni stong pa nyid yin na// gang zhig stong pa kho nar ltar gyur pa// de ni gsor mi rung zhes rgyal bas gsungs// 'od srungs 'di lta / dper na mis la zhig nas mkhas 'jigs smrag nas zang rdung zhing duste// nam mkha' 'di gos nam mkha' 'di grol ces de skad ces zer na/ 'od grangs 'das snyam du sems/ nam mkha' de bsal bar nus sam/ gsol pa/ bcom ldan 'das de rngo mi thogs lags so// bcom ldan 'das kyis bka' stsal pa/ 'od srungs de bzhin du dge sbyong dang bram ze gang dag stong pa nyid kyis skrag/ rab tu sdug na/ de dag ni sems 'khrugs pa chen por 'gyur ro zhes ngas bshad do// de ci'i phyir zhe na/ 'od srungs de dag ni stong pa nyid la spyod la/ de nyid kyis skrag pa'i phyir ro/ / de la 'di skad ces bya ste/ dper na nam mkhas 'jigs pas nyen pa'i mi// thun po nam mkha' 'di ni sol zhes zer// nam mkha' bsal bar nus pa ma yin yang // rmongs pas byis pa dgu ni de skad smra/ / de bzhin dge sbyong bram ze gang dag cig// slong pa nyid kyis skrag cing sems 'khrugs pa// byis pa de dag stong pa nyid spyod pa// stong pa nyid ni gang du'ang ga ni mi nus/ 'od srungs 'di /
- 223a
@dper na ri mo mkham shig bdag nyid kyis gnod sbyin gyi gzugs 'jigs 'jigs lta zhig bris nas/ des 'jigs skrag ste khas bub tu 'gyel nas brgyal bar rgyur pa de bzhin du/ 'od srungs byis pa so so'i skye bo rnams kyang bdag nyid kyis byas pa'i gzugs dang / sgra dang / dri dang / ro dang / reg bya rnams kyis 'khor ba na 'khor yang chos de dag yang dag pa ji lta ba bzhin du rab tu mi shes so// de la 'di skad ces bya ste/ dper na ri mo mkhan zhig gis/ gnod sbyin 'jigs pa'i gzugs byas nas/ de yis 'jigs te khas bub tu// 'gyel nas brgyal bar gyur pa ltar// byis pa so so'i skye bo kun/ / bdag nyid kyis ni byas pa yi// gzugs sgra la sogs rmongs gyur nas// 'gro ba drug tu 'khyams par 'gyur// 'od srungs 'di lta ste/ dper na mi sgyu ma mkhan zhig gis sgyu ma sprul nas/ sprul pa nges sgyu ma mkhan de nyid zos pa de bzhin du/ 'od srungs dge slong rnal 'byor spyod pa'ang gang dang gang yid la byed pa de thams cad de la gsog tu snang ngo // gsob dang / stong pa dang / snying po med pa nyid du snang ngo // de la 'di skad ces bya ste/ dper na sgyu ma mkhan gyis mngon sprul pa// sgyu ma byas pa de yis de zos ltar// rnal 'byor pas ni yid la gang byed pa// de ni de la gsob dang gsog tu snang / / 'od srungs 'di lta ste/ dper na shing gnyis rlung gis drul pa de las me byung ste/ byung nas shing de gnyis sreg pa de bzhin du// 'od srungs yang dag par so sor rtog pa
- 223b
yod na 'phags pa'i shes rab kyi dbang po skye ste/ de skyes pas yang dag par so sor rtog pa de nyid sreg par byed do// de la 'di skad ces bya ste/ dper na shing gnyis rlung gis drul ba las e byung nas ni/ de nyid sreg par byed// de bzhin shes rab dbang po skyes nas kyang // so sor rtog pa de nyid sreg par byed// 'od srungs 'di lta ste/ dper na mar me bus na mun pa mun nag tham cad med par 'gyur yang / mun pa mun nag de gang nas kyang 'ong ba 'am 'gro ba med de/ shar phyogs dang / lho dang / nub dang / byang phyogs su 'ang 'gro ba 'am 'ong ba med do// yang bod srungs mar me de 'di snyam du bdag gis mun pa mun nag bsal lo snyam du mi sems mod kyi/ 'on kyang mar me la brten nas/ mun pa mun nag med par 'gyur ro// 'od srungs de la mar me gang yin pa dang / mun pa mun nag gang yin pa de gnyis ka stong pa ste/ gzung du med cing byed pa med do// 'od srungs de bzhin du ye shes skyes na mi shes pa med par 'gyur yang / mi shes pa de gang nas kyang 'ong ba'am 'gro ba med de/ shar phyogs dang / lho dang / nub dang / byang phyogs su'ang 'gro ba 'am 'ong ba med do// yang 'od srungs ye shes kyang 'di snyam du bdag gis mi shes pa bsal lo snyam du mi sems mod kyi/ 'on kyang ye shes la brten nas mi shes pa med par 'gyur ro/ / 'od srungs de la ye shes gang yin pa dang / mi shes pa gang yin pa de gnyis ka stong pa ste/ gzung du med cing byed pa med do// de la 'di skad ces bya ste/ dper
- 224a
na sgron mas mun pa mun nag kun/ / med par gyur kyang 'ong ba 'am 'gro ba med// de bzhin shes byung mi shes med gyur kyang // de ni gang nas 'ong ba 'am 'gro ba med// sgron mas mun pa bsal snyam mi sems kyang / / snang ba byung nas mun pa med par 'gyur// stong pa gzung med nam mkha'i me tog 'dra// de bzhin ye shes mi shes gnyis ka stong // 'od srungs 'di lta ste/ dper na khyim mam/ khang pa 'am/ khang phran lo 'bum 'das par sus kyang lan 'ga' yang mar me ma bus pa der mi la la zhig gis mar me bus na/ 'od srungs 'di ji snyam du sems/ mun pa mun nag de 'di snyam du bdag ni lo 'bum du bsags pa yin te/ bdag 'di nas mi 'gro'o snyam du sems sam/ gsol pa/ bcom ldan 'das de ni mi sems lags te/ mar me bus na mun pa mun nag la mi 'chi ba'i mthu ma mchis kyi/ gdon mi 'tshal bar ma mchis par 'gyur lags so// bcom ldan 'das kyis bka' stsal pa/ 'od srungs de bzhin du las dang nyon mongs pa bskal pa 'bum du bsags pa'ang tshul bzhin yid la byed pa'i so sor rtog pa gcig gis med par 'gyur ro/ / 'od srungs mar me zhes bya ba de ni 'phags pa'i shes rab kyi dbang po'i tshig bla dgas so// 'od srungs mun pa mun nag ces bya ba de ni 'phags pa ma yin pa'i las dang nyon mongs pa'i tshig bla dgas so/ / de la 'di skad ces bya ste/ dper na khyim du mi 'ga' la la yis// ring zhig lon nas mar me bus byas na// de la mun pa
- 224b
bdag gnas ring lon gyis/ / 'di nas mi 'gro snyam du sems pa med// mar me phyung nas mun pa mun nag la// med par mi 'gyur ba yi nus med de// mar me brten nas mun pa med par 'gyur// gnyis ka stong pa rlom sems ci yang med/ / de bzhin zag med 'phags pa'i ye shes brten// mi shes nyon mongs bsags pa med par 'gyur// ye shes dang ni nyon mongs rtag par yang // de dag lan 'ga' tsam yang 'grogs pa med/ / ye shes mi shes meng bya mi sems kyang // ye shes brten nas mi shes med par 'gyur// gnyis ka gzung med nam mkha'i me tog bzhin// de bzhin ye shes mi shes gnyis ka stong / / 'od srungs 'di lta ste/ dper na nam mkha' la ni sa bon rnams mi skye'o// 'od srungs de bzhin du gang 'dus ma byas las byang chub sems dpa'i sangs rgyas kyi chos rnams skye ba ni ma byung / mi 'byung ngo // de la 'di skad ces bya ste/ dper na mkha' las sa bon skye ba ni// 'das dang ma 'ongs pa dang da ltar med// de bzhin 'dus ma byas las sangs rgyas chos// skye ba gang du'ang ma byung 'byung mi 'gyur/ 'od srungs 'di lta ste/ dper na lud kyis gang ba'i sa la ni sa bon thams cad skye'o// 'od srungs de bzhin du nyon mongs pa'i lung kyis gang ba 'jig rten gnas pa la byang chub sems dpa'i sangs rgyas kyi chos rnam skye'o/ / de la 'di skad ces bya ste/ dper na lung bcas mtshan dang bcas pa la// sa bon skye yi dgon dung rnam na min// de bzhin nyon
- 225a
mongs log ldan skye bo la/ / rgyal sras rnam kyi rgyal ba'i chos rnams skye/ 'od srungs 'di lta ste/ dper na 'brog dgon pa dgon dung rnamAn ni pad+ma mi bya'o// 'od srungs de bzhin du gang 'dus ma byas la byang chub sems dpa'i sangs rgyas kyi chos rnams skye ba ni ma byung mi 'byung ngo // de la 'di skad ces bya ste/ dper na pad+ma chu rdzing rnams na skye// dgon dung dag na nam kyang skye mi 'gyur/ / de bzhin 'dus ma byas la sangs rgyas rmos// skye ba gang du'ang ma byung 'byung mi 'gyur// 'od srungs 'di lta ste/ dper na lud yod pa'i 'dam rdzab nas pad+ma skye'o/ / 'od srungs de bzhin du nyon mongs pa'i lung yod pa'i 'dam rdzab log pa nyid du nges pa'i sems can rnams la byang chub sems dpa'i sangs rgyas kyi chos rnams skye'o// de la 'di skad ces bya ste/ dper na lud bcas pa dam rdzab chu las ni// pad+ma skye yi thang las nam yang min// de bzhin nyon mongs log ldan skye bo la// rgyal sras rnams kyi rgyal ba'i chos la skye// 'od srungs 'di lta ste/ dper na rgya mtsho chen po bzhi mar gsar gyis yongs su gang bar gyur pa de bzhin du/ byang chub sems dpa'i dge ba'i rtsa ba mngon par 'dus byas pa la blta bar bya'o// de la 'di skad ces bya ste/ dper na rgya mtsho bzhi po mar gsar gyis/ / yongs gang gtsang zhing kun nas yid du 'ong // de bzhin byang chub sems dpa' bde gshegs sras// dge ba'i klung gis rtag tu gang bar blta// 'od srungs 'di lta ste/ dper na mi la la
- 225b
zhig gis sgra tshal pa brgyar gshegs pa'i rtse mos rgya mtsho chen po bzhi las chu thigs pa gcig blangs pa de bzhin du/ 'od srungs nyan thos kyi dge ba'i rtsa ba mngon par 'dus byas pa blta bar bya'o// de la 'di skad bya ste/ dper na chu yi phung po de las ni// sgra tshal brgya yi rtse mos thigs blangs pa// de bzhin nyan thos rnams kyis dge byas pa'i// dge ba dag dang ldan par blta bar bya// 'od srungs 'di lta ste/ dper na yungs 'bru srin bus zos pa'i nang gi nam mkha' bzhin du nyan thos kyi 'dus ma byas shes pa blta bar bya'o// de la 'di skad ces bya ste/ dper na yungs 'bru srin bus zos pa yi// nang gi nam mkha' de ni chung ba yin/ / nyan thos 'dus ma byas pa shes pa yang // de bzhin chud zhing shin tu chung bar blta/ 'od srungs 'di lta ste/ dper na phyogs bcu'i nam mkha'i khams bzhin du byang chub sems dpa'i 'dus ma byas shes pa blta bar bya'o/ / de la 'di skad ces bya ste/ dper na phyogs bcu'i 'jig rten thams cad na// nam mkha'i khams ni sgrib pa med par 'dug/ byang chub sems dpa'i ye shes 'dus ma byas/ / 'gro ba kun gyi mchog kyang de ltar blta/ 'od srungs 'di lta ste/ dper na rgyal po rgyal rigs spyi bo nas dbang bskur ba'i btsun mo dam pa skyes pa dbul po dang nyal nas/ phyis de las bu byung bar gyur na/ bod srungs 'di ji snyam du sems/ de rgyal po'i bu zhes bya ba 'am/ gsol pa/ bcom ldan 'das de ni mi 'gyur lags so// bcom ldan 'das kyis
- 226a
/ bka' stsal pa/ 'od srungs de bzhin du nga'i nyan thos rnams chos kyi dbyings las skyes mod kyi/ de dag de bzhin gshegs pa'i sras dbang bskur ba'i 'os shes mi bya'o// de la 'di skad ces bya ste/ dper na rgyal po'i btsun mo yid 'ong ma// skyes pa dbul po dang ni nyal gyur te// de phyir de la bu byung gang yin pa// de ni rgyal po'i bu min dbang bskur min// de bzhin nyan thos 'dod chags bral gyur pa/ / de dag dbu dbang bskur 'os ma yin// 'di ltar de dag bdag la phan phyir brtson// bdag gzhan gnyis ka'i don byed sangs rgyas sras// 'od srungs 'di lta ste/ dper na rgyal po rgyal rigs spyi bo nas dbang bskur ba bran mo ngan pa dang nyal ba de las de'i bu byung na/ 'od srungs de bran mo ngan pa las byung du zin kyang / de la rgyal po'i sras zhes bya'o// 'od srungs da bzhin du byang chub sems dpa' sems dang po bskyed pa 'khor ba na 'khor zhing sems can rnams 'dul ba'i mthu ma thob tu zin kyang / de ni de bzhin gshegs pa'i sras zhes bya'o// de la 'di skad ces bya ste/ dper na 'khor los sgyur ba bran mo dang // nyal bar gyur pa de las bu byung ba// bran mo las ni byung bar gyur kyang de// rgyal po'i sras shes 'jig rten zer ba ltar// byang chub sems dpa' dang po sems bskyed pa// srid pa gsum na 'khor zhing mthu rlung ste// sbyin dang thabs kyis sems can mi 'dul yang // sems can dag pa rgyal ba'i sras shes bya// / bam po gnyis pa ste za ma'o//
- 226b
'od srungs 'di lta ste/ dper na 'khor los sgyur ba'i rgyal po la bu gzhon nu stobs che zhing mgyogs pa'i shugs dang ldan pa/ mthu rnyed pa stong yod par gyur la/ de dag gang yang 'khor los sgyur ba'i mtshan dang / mi ldan na/ de dag la 'khor los sgyur ba'i rgyal po'i sras su 'du shes mi skyed pa de bzhin du/ 'od srungs de bzhin gshegs pa'i zham ring ba nyan thos bye ba brgya stong de dag gang yang byang chub sems dpar ma gyur na/ de dag la de bzhin gshegs pa'i sras su 'du shes mi bskyed do// de la 'di skad ces bya ste/ dper na mi bdag rgyal po'i sras stong po// 'ga' yang bu yi mtshan dang mi ldan na// de phyir de dag gces byed mi nus pas/ / de la mi mchog bu yi 'du shes med// de bzhin sangs rgyas zham 'bring bye ba mang // 'ga' yang byang chub sems dpa' ma yin na// de na byang chub sems dpa' 'gab med phyir// de la bde gshe sras su dgongs mi mdzad/ 'od srungs 'di lta ste/ dper na 'khor los sgyur ba'i rgyal po'i btsun mo dam pa'i mngal du gzhon nu 'khor los sgyur ba'i mtshan dang ldan pa chags nas zhag bdun lon te/ 'byung ba chen po mer mer por 'dug kyang shin tu stobs dang ldan pas/ de la lha rnams re ba skyed kyi/ gzhon nu stobs che la mgyogs pa'i shugs dang ldan zhing mthu rnyed pa de dag la ni ma yin na de ci'i phyir zhe na/ de ni 'khor los sgyur ba'i rigs mi 'chad par gnas pa'i phyir ro// 'od srungs de bzhin du byang chub sems dpa' sems dang po bskyed pa dbang po yongs su ma smin pa/ nyon
- 227a
@mongs pa'i 'byung ba chen po mer mer por gyur pa/ 'khor ba na 'khor zhing sangs rgyas kyi chos rnams yang dag par sgrub pa'ang shin tu stobs dang ldan pas/ de la sngon sangs/ rgyas mthong ba'i lha rnams re bskyed kyi/ dgra bcom pa rnam par thar pa brgyad la bsam gtan pa de dag la ni ma yin no// de ci'i phyir zhe na/ de sangs rgyas kyi gdung mo 'chad par gnas pa'i phyir ro// de la 'di skad ces bya ste/ dper na 'khor los sgyur ba'i btsun mo mchog/ de mngal bsod nams mtshan ldan sems can chags// stobs dang ldan pas lha rnams re bskyed// gzhon nu mthu thob rnams la ma yin/ ltar// byang chub sems dpa' rtse gcig sems gnas shing // 'khor bar gnas te byang chub tshol byed pa// de la lha dang klu rnams re ba skyed// rnam thar brgyad po bsam gtan byed la min// 'od srungs 'di lta ste/ dper na nor bu rin po che bai DUn gcig gis mching bu'i nor bu'i phung po ri rab tsam zil gyis gnon to// 'od srungs de bzhin du byang chub sems dpa' sems dang po bskyed pas kyang / nyan thos dang rang sangs rgyas thams cad zil gyis gnon to// de la 'di skad ces bya ste/ dper na 'od gsal rin chen bai DUrmas// mching bu'i nor bu mang po zil gyis gnon// byang chub sems dpa' thog mar sems bskyed pas/ / nyan thos stong yang de ltar zil gyis gnon/ 'od srungs 'di lta ste/ dper na bya ka la bing ka'i phrug gu sgo nga'i sbubs na 'dug pa
- 227b
mig ma bye ba'ang 'di lta ste/ zab cing snyan pa'i sgra skad kyis bya'i tshogs thams cad zil gyis gnon to// 'od srungs de bzhin du byang chub sems dpa' sems dang po bskyed pa ma rig pa'i sgo nga'i sbubs na/ 'dug pa las dang nyon mongs pa'i mun pa dang rab rib kyi ling tog gis mig khebs pa'ang 'di lta ste/ dge ba'i rtsa ba yongs su sngo ba'i sbyor ba'i sgra skad kyis nyan thos dang rang sangs rgyas thams cad zil gyis gnon to/ / 'od srungs 'di lta ste/ dper na 'khor los sgyur ba'i rgyal po'i btsun mo dam pa las gzhon nu 'khor los sgyur ba'i mtshan dang ldan pa btsas ma thag tu/ tshong dpon dang / grong rdal gyi mi dang / yul gyi mi thams cad dang / rgyal phran thams cad phyag 'tshal bar 'gyur ro// 'od srungs de bzhin du byang chub sems dpa' sems dang po bskyed pa la'ang lha dang bcas pa'i 'jig rten phyag 'tsha lo/ / de la 'di skad ces bya ste/ dper na sa bdag chen po rgyal po la// mtshan gyis lus spras bu zhig yod gyur na// gzhon nu de ni btsas par mthong ma thag/ grong khyer mi dang rgyal phran thams cad 'dud// de bzhin byang chub sems ni bskyed ma thag/ mtshan ldan rgyal ba'i sras po de la ni// lha dang bcas pa'i 'jig rten phyag 'tshal zhing // ba'i sems kyis shin tu gces par 'dzin// 'od srungs 'di lta ste/ dper na ri'i rgyal po gangs ri la sman gang dag skye ba de dag thams cad ni nga yir bya ba med/ ris su bcad pa med/ rnam par rtog pa med de/ nad gang la btang yang nang de rab tu zhi bar byed do// 'od srungs de bzhin du byang chub
- 228a
sems dpa' ye shes kyi sman gang yang dag par sgrub pa de thams cad rnam par mi rtog par sgrub cing / sems can thams cad la snyoms pa'i sems kyis gso bar rab tu sbyor ro// la 'di skad ces bya ste/ dper na ri rgyal gangs kyi ri bo la// sman skyes de dag mi rtog ngar 'dzin med// gang la btang ba de kun zhi bar byed// kha cig nad dang rga ba'ang sel bar byed// de bzhin rgyal ba'i sras po shes sman/ / yang dag sgrub pa'ang rnam par rtog spangs nas// sems can phan phyir thams cad yang dag sgrub// snyoms pa'i sems kyis sems can gso bar byed// 'od srungs 'di lta ste/ dper na zla ba tshes pa la phyag 'tshal ba ltar/ nyal ba la ni ma yin no// 'od srungs de bzhin du gang dag nga la rab tu dad pa de dag gis byang chub sems dpa' rnams la phyag bya'i// de bzhin gshegs pa rnams la ni de lta ma yin no/ / de ci'i phyir zhe na/ byang chub sems dpa' las ni de bzhin gshegs pa rnams 'byung ngo // de bzhin gshegs pa las ni nyan thos dang rang sangs rgyas tham cad byung ngo // de la 'di skad ces bya ste/ zla ba tshes la thams cad phyag 'tshal gyi// zla ba nya la de ltar phyag mi 'tshal// de bzhin gang dag nga dang de dag gis// rgyal sras byang chub sems dpa' phyag tshol cig/ 'od srungs 'di lta ste/ dper na yi ge'i phyi mo rnams ni bstan chos thams cad 'dzin pa shes pa'i sngon du 'gro'o// 'od srungs de bzhin du byang chub sems dpa' sems dang po bskyed pa'ang sangs rgyas
- 228b
kyi rnam par sprul pa dang / byin gyis brlabs thams cad badzin pa'i ye shes bla na med pa'i sngon du 'gre'/ 'od srungs 'di lta ste/ dper na zla ba'i dkyil 'khor btang ste/ sus kyang skar ma'i gzugs la nem yang sngon phyag ma byas so/ / 'od srungs de bzhin du mkhas pa rnams kyang byang chub sems dpa' bdag la phan pa dang / gzhan la phan pa snying rje chen po dang ldan pa nga'i bslab pa la zhugs pa btang ste/ nyan thos la nam yang phyag mi 'tshal lo// de la 'di skad ces bya ste/ sus kyang zla ba rnam par spangs nas su// skar ma'i tshogs la nam yang phyag ma byas// de bzhin bslab la zhugs pa nam du yang ngasras btang ste nyan thos phyag mi 'tshal/ 'od srungs 'di lta ste/ dper na lha dang bcas pa'i 'jig rten gyis mching bu'i nor bu byi ngor byas kyang / mching bu'i nor bu nam yang nor bu rin po che baiDUrmar mi 'gyur ro/ / 'od srungs de bzhin du nyan thos tshul khrims dang / bslab pa dang / sbyangs pa'i yon tan dang / yo byad bsnyungs pa dang / ting nge 'dzin thams cad dang ldan yang byang chub kyi snying po la 'dug ste/ bla na med pa yang dag par rdzogs pa'i byang chub mngon par rdzogs par 'tshang rgya bar nam yang mi 'gyur ro// de la 'di skad ces bya ste/ dper na lha dang bcas pa'i 'jig rten gyis// mtshang bu'i nor bu byi dor byas kyang ni/ / mching bu dag ste bai DUR+Yar mi 'gyur// 'di 'dra de nyid de yi rang bzhin yin// de bzhin nyan thos khrims dang thos pa dang // bsam gtan ldan zhing sbyangs pa kun ldan yang // byang
- 229a
nub snying por 'dug ste bdud btul nas/ byang chub reg ste bde gshegs 'gyur ba med/ 'od srungs 'di lta ste/ dper na nor bu rin po che bai n+dan gyi dor byas na/ dekar sha pa Na brgya stong mang po 'byung ba'i sgor 'gyur ro// 'od srungs de bzhin du byang chub sems dpa'i yon tan gyi byi dor byas na/ de nyan thos dang rang sangs rgyas brgya stong mang po 'byung ba'i sgor 'gyur ro/ / de la 'di skad ces bya ste/ rin chen bai DUR+Ya ni sbyangs byas na/ kar sha pa Na mang po 'byung bar 'gyur// de bzhin sangs rgyas sras kyi sbyangs byas na// nyan thos mang po 'byung ba'i sgor 'gyur ro/ / de nas yang bcom ldan 'das kyis/ tshe dang ldan pa 'od srungs chen po la bka' stsal pa/ 'od srungs yul gang du srin bu rnga mo dud ka zhes bya ba mgo nag gan rgyal du nyal ba byung na/ yul de 'jigs pa dang bcas/ 'tshe ba dang bcas/ nye ba'i nyon mongs pa dang bcas/ 'khrugs pa dang bcas par 'gyur ro// 'od srungs gal te yul der byang chub sems dpa' byung na/ yul de 'jigs pa med pa dang / 'tshe ba med pa dang / nye ba'i nyon mongs pa med pa dang / 'khrug pa med par 'gyur ro// 'od srungs de lta bas na byang chub sems dpas sems can gyi don la brtson par bya ste/ de dge ba'i rtsab thams cad yang dag par bsgrub par bya'o// dge ba'i rtsa ba thams cad yang dag par bsgrubs nas/ sems can thams cad la gtang bar bya'o// ye shes kyi sman gang tshol ba des
- 229b
phyogs bzhir song ste/ sems can rnams la yang dag pa'i gso ba bya'o// yang dag pa'i gso ba'i sems can rnams gso bar bya'o// 'od srungs de la yang dag pa'i gso ba gang zhes na/ 'di lta ste/ 'dod chags la mi sdug pa dang / zhe sdang la byams pa dang / gti mug la rten cing 'brel par 'byung ba dang / lta bar gyur pa thams cad la stong pa nyid dang / rtog pa dang / rnam par rtog pa dang / mtshan ma'i dmigs pa yid la byed pa thams cad la mtshan ma med pa dang / 'dod pa'i khams dang / gzugs kyi khams dang / gzugs med pa'i khams thams cad la gnas pa spang ba'i phyir/ smon pa med pa dang / phyin ci log thams cad spang ba'i phyir/ phyin ci ma log pa bzhi ste/ bzhi gang zhe na/ mi rtag pa la rtag par 'du shes pa la 'du byed thams cad mi rtag pa dang / sdug bsngal ba la bde bar 'du shes pa la 'du byed thams cad sdug bsngal ba dang / bdag med pa la bdug tu 'du shes pa la chos thams cad la bdag med pa dang / mi sdug pa la sdug par 'du shes pa la mya ngan las 'das pa zhi bas gso ba dang / lus dang / tshor ba dang / sems dang / chos la gnas pa rnams la dran pa nye bar gzhag pa bzhi ste/ de la lus la lus kyi rjes su lta ba can du gnas kyang / lus kyi rjes su lta bas bdag tu lta bar mi ltung ba dang / tshor ba rnams la tshor ba'i rjes su lta ba can du gnas kyang / tshor ba'i rjes su lta bas bdag tu lta bar mi ltung ba dang / sems la sems kyi rjes su lta ba can du
- 230a
gnas kyang / sems kyi rdzas su lta bas bdag tu lta bar mi ltung ba dang / chos la chos kyi rjes su lta ba can du gnas kyang / chos kyi rjes su lta bas bdag tu lta bar mi ltung bas gso dang / yang dag par spong ba bzhis ni mi dge ba'i chos thams cad spong ba dang / dge ba'i chos thams cad yongs su rdzogs par 'gyur ba dang / rdzu 'phrul gyi rkang pa bzhis ni lus dang sems la rol por 'dzin pa 'dor bar 'gyur ba dang / dbang po lnga dang / stobs lngas ni ma dad pa dang / le lo dang / brjed ngas pa dang / rnam par g.yeng ba dang / shes bzhin med pa rnams gso ba dang / byang chub kyi yan lag bdun gyis ni chos la shin tu rmongs shing mi shes pa gso ba dang / 'phags pa'i lam yan lag brgyad pas ni 'tshal ba'i shes rab dang / phas kyi rgol ba thams cad dang / lam ngan par zhugs pa rnams gso ba ste/ 'od srungs 'di ni yang dag pa'i gso ba zhes bya'o/ / 'od srungs byang chub sems dpas gso ba 'di la bslab par brtson par bya'o// 'od srungs 'dzam bu'i gling na sman pa dang / sman pa'i slob ma ji snyed yod pa de dag gi nang na 'tshe byed ni mchog ces bya'o/ / 'od srungs gal te stong gsum gyi stong chen po'i 'jig rten gyi khams kyi sems can ji snyed pa de dag thams cad sman pa'i rgyal po 'tshe byed dang 'dra bar gyur kyang / de dag la la la zhig gis lta ba dang 'gyod pa la gnas pa gso ba'i sman gang yin zhes dris na/ de dag gis shes pa 'am/ bstan pa 'am/ bsgo bar mi nus so// 'od srungs de la byang chub sems dpas 'di snyam du bdag ni 'jig rten gyi
- 230b
sman gyis chog par mi bya'i/ bdag gis 'jig rten las 'das pa'i ye shes kyi sman yongs su btsal bar bya'o// dge ba'i rtsa ba thams cad kyang legs par yang dag par bsgrub par bya'o snyam du brtag par bya'o// de ltar brtags nas 'jig rten las 'das pa'i ye shes kyi sman gang tshol ba des phyogs bzhir song la/ sems can rnams la yang dag pa'i gso ba bya ste/ yang dag pa'i gsobs sems can rnam gso bar bya'o// 'od spangs de la 'jig rten las 'das pa'i shes kyi sman gang zhe na/ 'di lta ste/ rgya rkyen la 'jug pa shes pa dang / bdag med pa dang / sems rkyen med pa dang / srog med pa dang // gso ba med pa dang / gang zag ma pa'i chos rnams la mos pa'i shes pa dang / stong pa nyid kyi mi dmigs pa'i chos rnams la mi sdang ba dang / sems yongs su tshol ba'i brtson 'grus so// de 'di ltar yongs su tshol te/ 'dod chags par 'gyur/ ba 'am/ zhe sdang bar 'gyur ba 'am/ gti mug par 'gyur ba'i sems de gang yin/ ci 'das pa 'am/ ma 'ongs pa 'am/ da ltar byung ba zhig yin nam/ de la sems 'das pa gang yin pa de ni zad pa'o// ma 'ongs pa gang yin pa de ni ma phyin pa'o// da ltar byung ba ni gnas pa med do snyam mo// 'od srungs sems ni nang na'ang med/ phyi rol na'ang med/ gnyis ka med par yang mi dmigs so// 'od srung sems ni dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas med pa'o// 'od srungs sems ni sangs rgyas thams cad kyis kyang ma gzigs
- 231a
mi gzigs/ gzigs par mi 'gyur ro// log par zhugs pa'i 'du shes las chos rnams 'byung ba ma gtogs par/ sangs rgyas thams cad kyis kyang ma gzigs mi gzigs/ gzigs par mi 'gyur ba gang yin pa de'i rgyu ba ci 'dra bar blta zhe na/ 'od srungs sems ni sgyu ma dang mtshungs te/ yang dag pa ma yin pa kun brtags pas skye ba rnam pa mang po yongs su 'dzin to/ / 'od srungs sems ni babab chu'i rgyun dang mtshungs te/ mi gnas pa skyes nas 'jig cing 'ju ba'o// 'od srungs sems ni rlung dang mtshungs te/ ring du 'gro zhing gzung du med par rgyu ba'o// bod srungs sems ni mar me'i 'od 'phro ba dang mtshungs te/ rgyu dang rkyen las 'byung ba'o// 'od srungs sems ni nam mkha' dang mtshungs te/ nye ba'i nyon mongs pa glo bur ba rnams kyis nye bar nyon mongs pa'o/ / 'od srungs sems ni glog dang mtshungs te/ skad cig tu 'jig cing mi gnas pa'o// 'od srungs sems ni sgye'u dang mtshungs te/ yul thams cad 'dod pa'o// 'od srungs sems ni las rnam pa sna tshogs mngon par 'du byed pa'i phyir/ ri mo mkhan dang mtshungs so// 'od srungs sems ni nyon mongs pa tha dad pa 'byung ba'i phyir/ mi gnas pa'o// 'od srungs sems ni gnyis pa mtshams sbyor ba med pa'i phyir/ gcig pu rgyu ste gnyis su med pa'o// 'od srungs sems ni chos thams cad la dbang byed pa'i phyir/ rgyal po dang mtshungs so// 'od srungs sems ni sdug bsngal thams cad
- 231b
skyed pa'i phyir/ mi mdza' pa dang mtshungs so// 'od srungs sems ni dge ba'i rtsa ba thams cad 'jig par byed pa'i phyir/ bye ma'i khang pa dang mtshungs so// 'od srungs sems ni mi rtag pa la rtag par 'du shes pa'i phyir/ zil pa dang mtshungs so// 'od srungs sems ni sdug bsngal ba la bde bar 'du shes pa'i phyir/ nya'i mchil pa dang mtshungs so// 'od srungs sems ni bdag med pa la bdag tu 'du shes pa'i phyir/ rmi lam dang mtshungs so// 'od srungs sems ni mi gtsang ba la gtsang bar 'du shes pa'i phyir/ sbrang ma sngon po dang mtshungs so// 'od srungs sems ni gnod pa rnam pa mang po byed pas/ phyir rgol ba dang mtshungs so// 'od srungs sems ni rtag tu klan ka tshol ba'i phyir/ gnod sbyin mdangs 'phrog pa dang mtshungs so// bod srungs sems ni rtag tu glags lta bas/ dang mtshungs so// 'od srungs sems ni rjes su chags pa dang khong khro ba dang ldan pas/ rtag par mthon dman can no// 'od srungs sems ni dge ba'i rtsa ba thams cad rku bas/ chom rkun dang mtshungs so// 'od srungs sems ni gzugs la dga' bas/ phyi byi zho la'i mig dang mtshung so// 'od srungs sems ni sgra la dga' bas/ g.yul gyi rnga dang mtshungs so// 'od srungs sems ni phag mi gtsang ba'i dri la dga' ba bzhin du dri la dga' 'o/ / 'od srungs sems ni ro la dga' bas/ zas kyi lhag ma za ba'i bran mo dang mtshungs so// 'od srungs sem+ba ni reg pa la dga' bas/ sbrang ma 'bru mar gyi snod la chags pa dang mtshungs so// 'od srungs
- 232a
sems ni kun tu btsal na mi rnyed do/ / gang mi rnyed pa de ni mi dmigs pa'o// gang mi dmigs pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no// gang 'das pa'ang ma yin/ ma 'ongs pa'ang ma yin/ da ltar byung ba'ang ma yin pa de ni dus gsum las yang dag par 'das pa'o// gang dus gsum las yang dag par 'das pa de ni yod pa'ang ma yin/ med pa'ang ma yin no// gang yod pa'ang ma yin/ med pa'ang ma yin pa de ni ma skyes pa'o// gang ma skyes pa de la ngo bo nyid med do// gang ngo bo nyid med pa de la 'byung ba med do// gang 'byung ba med pa de la 'gag pa med do/ / gang 'gag pa med de la 'bral ba med do// gang 'bral ba med pa de la 'ong ba'ang med/ 'gro ba'ang med/ 'chi 'pho'ang med/ skye ba'ang med do// gang la 'ong ba'ang med// 'gro ba'ang med/ 'chi 'pho'ang med/ skye ba'ang med pa de la 'du byed gang yang med do// gang la 'du byed gang yang med pa de ni 'dus ma byas pa'o// gang 'dus ma byas pa de ni 'phags pa rnams kyi/ rigs so// 'phags pa rnams kyi rigs gang yin pa de la bslab pa'ang med/ bslab pa las 'das pa'ang med do// gang la bslab pa'ang med/ bslab pa las 'das pa'ang med pa de la rgyu ba'ang med/ mi rgyu ba'ang med/ rab tu rgyu ba'ang med do// gang la rgyu ba'ang med/ mi rgyu ba'ang med/ rab tu rgyu ba'ang med pa de sems kyang med/ sems las byung ba'i chos rnams kyang med do// gang la sems kyang med/ sems las
- 232b
byung ba'i chos rnams kyang med pa de la las kyang med/ las kyi rnam par smin pa'ang med do// gang la las kyang med/ las kyi rnam par smin pa'ang med pa de la bde ba'ang med/ sdug bsngal yang med do// gang la bde ba'ang med/ sdug bsngal yang med pa de ni// 'phags pa rnams kyi rigs te/ 'phags pa rnams kyi rigs gang yin pa de la ni/ las kyang med/ las mngon par 'du byed pa'ang med do// gang la las kyang med/ las mngon par 'du byed pa'ang med pa'i rigs de la ni/ lus kyi las byed pa'ang med do// ngag gis ma yin/ yid kyis ma yin no// rigs de las mtha' ma dang / 'bring dang / mchog tu rnam par gzhag pa'ang med do// de ci'i phyir zhe na/ rigs de ni nam mkha' dang mtshungs pa'i phyir mnyam pa'o// rigs de ni chos thams cad ro gcig pa'i phyir khyad par med pa'o// rigs de ni lus dang sems dben pa'i phyir dben pa'o// rigs de ni mya ngan las 'das pa dang mthun pa'o/ / rigs de ni nyon mongs pa thams cad kyi dri ma dang bral ba'i phyir dri ma med pa'o// rigs de ni ngar 'dzin pa dang / nga yir 'dzin pa med pas nga'i ba med pa'o// rigs de ni// yang dag pa dang yang dag pa ma yin pa mnyam pa las byung ba ste/ mi mnyam pa med pa'o// rigs de ni don dam pa'i bden pa yin pas bden pa'o// rigs de ni gtan du mi skye ba'i phyir mi zad pa'o// rigs de ni// rtag tu chos thams cad de bzhin nyid kyi phyir rtag pa'o// rigs de ni mya ngan las 'das pa mchog gi phyir bde ba'o// rigs de ni rnam pa thams cad du dri ma med pa'i phyir dge ba'o// rigs de ni bdag yongs su brtsal
- 233a
te ma rnyed pa'i phyir bdag med pa'o/ / rigs de ni rab tu rnam par dag pa'i phyir rnam par dag pa'o// 'od srungs nang du yongs su tshol la phyi rol du ma rgyu gcig/ 'od srungs ma 'ongs pa'i dus na/ dge slong khyi rdo la snyeg pa dang mtshungs pa dag 'byung ngo // 'od srungs ji ltar na dge slong khyi rdo la snyeg pa dang mtshungs pa ngag yin zhe na/ 'od srungs 'di lta ste/ dper ni khyin rdos 'jigs la/ rdo de nyid kyi phyir snyeg gi rdo de sus 'phangs pa de la ni mi snyeg go/ / 'od srungs de bzhin du 'di la dge sbyong dang bram ze kha cig gzugs dang / sgra dang / dri dang / ro dang / reg byas 'jigs shing skrag nas/ dgon pa'i gnas rnams na gnas shing / de dag de na gcig pu gnyis su med par lus rab tu dben par 'jug ste/ chags par 'gyur ba'i gzugs dang / sgra dang / dri dang / ro dang / reg bya rnams snang bar gyur na/ de dag de la btang snyoms su 'jog cing / bsod nyams su sbyor ba dang ldan par gnas kyi/ nang du so sor rtog pa la mngon par mi brtson te/ de dag gzugs dang / sgra dang / dri dang / ro dang / reg bya rnams las cis 'byung ba mi shes shing khong du mi chud do/ / de dag gis de ma shes shing khong du ma chud pas/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag tu song na'ang / gzugs dang / sgra dang / dri dang / ro dang / reg bya rnams kyis gnod par 'gyur ro// gal te de dag dgon pa la gnas pa las 'chi ba'i dus byas par gyur na/ 'jig rten pa'i sdom pa la gnas pa de dag mtho ris kyi
- 233b
'jig rten du skye bar 'gyur te/ der yang de dag lha'i 'dod pa'i yon tan lnga po dag gos gnod par 'gyur ro// de dag de nas sho 'phos nas ngan song bzhi las yongs su ma grol bar 'gyur te/ bzhi gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin no// 'od srungs de ltar na dge slong khyi rdol snyeg pa dang mtshungs pa dag yin no/ / 'od srungs ji ltar na khyi rdo la snyeg pa dang mi 'dra ba yin zhe na/ 'od srungs gang gshe'ang slar mi gshe/ khros kyang slar mi khro// mtshang brus kyang slar mtshang mi 'dru/ brdegs kyang slar mi rdeg/ bsdogs kyang slar mi sdig/ smad kyang slar mi smod cing / nang du sems la so sor rtog ste/ 'di la gshe ba 'am/ khros pa 'am/ brdegs pa 'am/ bsdigs pa 'am/ smad pa 'am// ma tshang brus pa de dag gang yin snyam du so sor rtog pa'o/ / 'od srungs de ltar na dge slong khyi rdo la snyeg pa dang mi 'dra ba yin no// de la 'di skad ces bya ste/ dper na khyi ni rdo bas skrag gyur kyang / sus 'phangs mi snyeg rdo la snyeg par byed/ de bzhin dge sbyong bram ze la la dag/ gzugs la sogs pas skrag nas dgon par gnas// de dag dgon pa de la gnas gyur kyang // gzugs la sogs pa sdug pa mthong gyur na/ / btang snyoms 'jog cing nang gi tshul mi shes// de yi nyes las byung ba gang yin pa// mi shes pas na slar yang grong du gnas// gzugs la sogs pas der yang gnod par 'gyur/
- 234a
'dir yang rgya yo longs stod byung gyur te// lha dang mi las bcig shi phos nas// de dag ngan song sar ni ltung bar 'gyur// blun po de dag shi'i phos sdug bsngal 'gyur de ltar sdug bsngal brgya ldan de dag ni/ / khyi rdo sgeg pa 'dra zhes bde gshegs gsungs// spyos kyang mig she brdeg kyang mi rdeg dang / su zhig smad kyang smod par mi byed dang // de bzhin mtshang brus mtshang 'dru mo byed dang / / zos kyang nges pa khro bar mi byed cing // nang gi sems kyi gnyen por gyur pa dag / tshil zhing ying gi dran dang ldan gyur pa// de 'dra'i tshul khrims brtul zhugs ldan pa ni// rdo steg gyo ma nis rgyal bas gsungs/ / 'od srungs 'di lta ste/ dper na rta'i 'dul sbyong la mkhas pas rta gang dang gang du g.yo byed cing ma byung ba de dang de rab tu stong ngo // 'od srungs de bzhin du dag slo rnal 'byor spyod pa'ang gang dang gang du sem+bu 'gyur bar mthong ba de dang der rab tu sbyong ba la 'jug ste/ de ci nas phyis 'khrugs par mi 'gyur ba de ltar sem+ba rab tu 'chos so// de la 'di skad ces bya ste/ dper na te yo dul sbyod mi khra pa zhig byung shing gis ming tshul du rab tu 'dul/ / zhal 'byor pa yang sems ni 'gyur mthong nas// ji ltar phyis pa brug mi 'gyur de ltar 'chos 'od srung ba dper na sgog nad lha gong gyis ni srog gi dbang po 'gag par byed de/ / ded srungs de bzhin du lta bar gyur pa tham cad kyi nang na bdag tu 'dzin pa ni chos kyi srog gi dbang po 'gag par byed pa'o// de la 'ad skad cesaH
- 234b
ste/ dper na lha gor srog gi dbang po la// gnod cing de la bde ba sbyin pa min// de bzhin ltar gyur nang na bdag lta ba// de ni chos srog rnam par 'jig par byed/ 'od srungs 'di lta ste/ dper na mi ni gang dang gang du bcings pa de dang de nyid las dgrol bar bya ba yin no/ / 'od srungs de bzhin du rnal 'byor spyod pa'i sems gang dang gang la chag pa de dang de las dgrol bar bya ba yin no// de la 'di skad ces bya ste/ dper na mi ni gang du bcings gyur pa// de dang de las dgrol bar bya ba yin// de bzhin sem rmongs gang dang gang chags pa// rnal 'byor pas ni de dang de las dgrol// 'od srung 'di gnyis ni/ rab tu byung ba'i nam mkha' la yongs su chags pa ste/ gnyis gang zhe na/ 'jig rten rgyang 'phen pa'i gsang tshig yongs su tshol ba dang / lhung bzed dang chos gos lhag par 'chang ba ste/ 'di gnyis so// de la 'di skad ces bya ste/ 'jig rten rgyang 'phen goms byed brtson pa dang // lhung bzed chos gos lhag par 'chang byed pa// 'di gnyis nam mkha' la ni chags pa ste// de dag byang chub sems dpas spang bar bya// 'od srungs 'di gnyis ni rab tu byung ba'i 'ching ba dam po ste/ gnyis gang zhe na/ lta bar gyur pa'i 'ching ba dang / rnyed pa dang / bkur sti dang / tshogs su bcad pa'i 'ching ba ste/ 'di gnyis so// de la 'di skad ces bya ste/ lta gyur 'ching dang rnyed dang bkur sti dang // grag pa'i 'ching ba rab tu byung ba yi// 'ching ba dam zhes 'phags pa rnams kyis gsungs// de dag rtag tu rab tu byung bas spang // 'od srungs 'di
- 235a
gnyis ni rab tu byung ba'i bar du gcod pa'i chos te/ gnyis gang zhe na/ khyim pa'i phyogs la rten pa dang / 'phags pa'i phyogs la gnod par sems pa ste/ 'di gcis so/ de la 'di skad ces bya ste/ khyim pa'i phyogs la rten par byed pa dang // 'phags pa'i phyogs la rnam par spong byed pa// 'di gnyis rab byung bar chad bgegs byed yin// byang chub sems dpas de dag rnam par spang / 'od srungs 'di gnyis ni rab tu byung ba'i dri ma ste/ gnyis gang zhe na/ nyon mongs pa la mi mdzad pa dang / mdza' bo'i khyim dang zas ster ba'i khyim yong su 'dzin pa ste/ 'di gnyis so// de la 'di skad ces bya ste/ rab tu byung ba nyon mongs mi mjed dang // mdza' bo'i khyim dang zas ster khyim rten pa// de gnyis dri mar rgyal ba'i dbang pos gsungs// byang chub sem pas dag rnam par spang / 'od srungs 'di gnyis ni rab tu byung ba'i ser ba 'bab pa ste// gnyis gang zhe na/ dam pa'i chos spong ba dang / tshul khrims las nyams kyang dad pas byin pa yongs su spyod pa ste/ 'di gnyis so// de la 'di skad ces bya ste/ dam pa'i chos ni spong ba dang // tshul khrims nyams kyang spyod pa ste// ser ba 'bab pa 'di gnyis ni// rgyal sras rnams kyis spang bar bya/ 'od srungs 'di gnyis ni rab tu byung ba'i rma yin te/ gnyis gang zhe na/ pha rol gyi nyes pa la so sor rtog pa dang / bdag gonyes pa 'chab pa ste/ 'di gnyis so// de la'adi skad ces bya ste/
- 235b
bdag gi skyon ni 'chab byed dang // pha rol nyes la rtog byed pa// 'di gnyis dug gi me dang 'dra// rtogs pa rnams kyis rma 'di spang // 'od srungs 'di gnyis ni rab tu byung ba'i yongs su gdung ba ste/ gnyis gang zhe na/ rnyog pa dang bcas pa'i sems kyis ngur smrig 'chang ba dang / tshul khrims dang ldan pa yon tan ldan pa las bsnyen bkur dang rim gro bya ba bdag gir byed pa ste/ 'di gnyis so/ / de la 'di skad ces bya ste/ rnyog dang bcas pa'i sems kyis ngur smrig 'chung ba dang // bsnyen 'akur rim gro byed dang gus par smra ba dag/ tshul khrims ldan pa rnams las sten par byed pa ste/ chos gnyis 'di dag yongs su spang bar bya ba yin/ 'od srungs 'di gnyis ni rab tu byung ba'i zug rngu ste/ gnyis gang zhe na/ bslab pa'i gzhi las g.yo ba dang / snying po ma blangs par 'a ba'i dus byed pa ste/ 'di gnyis so// de la 'di skad ces bya ste/ bslab pa'i gzhi lnga 'gal bar gyur pa dang // snying po ma blangs par ni dus byed pa// 'di gnyis rab tu byung ba'i zug rngu zhes// lha mi'i ston pa thams cad mkhyen pas gsungs/ 'od srungs 'di gnyis ni rab tu byung ba'i nad gsor mi rung ba ste/ gnyis gang zhe na/ mngon pa'i nga rgyal gyis sems nges pa sems pa dang / theg pa chen po la yang dag par zhugs pa'i gang zag rnams kyi 'dun pa zlog pa ste/ 'di gnyis so// de la 'di skad ces bya ste/ mngon pa'i nga rgyal sems la nges sems dang // sangs rgyas theg pa las ni
- 236a
'dun pa zlog/ 'di gnyis rab tu byung ba'i nang yin zhes// gang zag mtshungs pa med pa'i rgyal bas gsungs/ 'od srungs dge sbyong dge sbyong zhes bya ba ji tsam gyis na ngage slong dge sbyong zhe bya zhe na/ 'od srungs bzhi po 'di dag ni dge sbyong ste/ bzhi gang zhe na/ kha dog dang rtags kyi dbyibs kyi dge sbyong dang / cho ga srung zhing tshul 'chos pa'i dge sbyong dang / brjod pa'i sgra tshigs su bcad pa'i dge sbyong dang / yang dag par sgrub pa'i dge sbyong ngo // 'od srungs de la kha dog dang rtags kyi dbyibs kyi dge sbyong gang zhe na/ 'od srungs 'di la dge sbyong kha cig kha dog dang rtags kyi dbyibs dang ldan par gyur te/ chos gos snam sbyar gyon cing mgo bregs te/ lag na lhung bzed thogs mod kyi/ de lus kyi las yongs su ma dag par spyod/ ngag gi las yongs su ma dag par spyod / yid kyi las yongs su ma dag par spyod cing / ma dul ba/ ma zhi ba/ ma bsrungs pa/ ma byang ba/ 'tsho ba yongs su ma ngag pa/ brkam pa/ le lo can/ tshul khrims 'chal po/ sdig pa'i chos can yin te/ 'od srungs de ni kha dog dang / rtags kyi dbyibs kyi dge sbyong zhes bya'o// 'od srungs de la cho ga srung zhing tshul 'chos pa'i dge sbyong gang zhe na/ 'od srungs 'di la dge sbyong kha cig cho ga dang / spyod yul dang / spyod pa phun sum tshogs shing spyod lam bzhir shes bzhin du spyod la/ zas dang skom ngan pa za 'thung // 'phags pa'i rigs bzhi po dag gis rlog par 'dzin/ bas mtha'i gnas mal la mngon par dga' khyim pa dang rab tu byung ba rnams
- 236b
dang mi 'dre la tshig nyung zhing smra ba nyung mod kyi/ de'i spyod lam de dag kyang tshul 'chos pa dang kha gsag gis yongs su brtags pa yin te/ sems yongs su dag par bya ba'i phyir ma yin/ dul bar bya ba'i phyir ma yin// nye bar zhi bar bya ba'i phyir ma yin gyi/ dmigs par lta ba yin te/ ngar 'dzin pa dang nga yir 'dzin pa la gnas shing / stong pa nyid kyis mi dmigs pa'i chos rnams la g.yang sa ra 'du shes pa yin/ stong pa nyid smra/ ba'i dge slong rnam la'ang dgrar 'du shes pa yin te/ 'od srungs de ni cho ga srungs zhing tshul 'chos pa'i dge sbyong zhes bya'o// 'od srungs de la brjod pa'i sgra tshigs su bcad pa'i dge sbyong gang zhe na/ 'od srungs 'di la dge sbyong kha cig ji ltar bdag tshul khrims dang ldan par gzhan gyis shes par 'gyur snyam du so sor brtags nas tshul khrims srungs// ji ltar mang du thos par gzhan gyi sa bar 'gyur snyam du so sor brtags nas thos pa 'dzin/ ji ltar bdag dgon pa par gzhan gyis shes par 'gyur snyam du so sor brtags nas/ dgon pa la gnas shing so sor brtags nas/ 'dod pa nyung la chog shes pa dang / rab tu dben par gyur te/ 'di ltar gzhan la bstan pa'i phyir yin gyi/ skyo bar bya ba'i phyir ma yin/ 'dod chags dang bral bar bya ba'i phyir ma yin/ 'gog par bya ba'i phyir ma yin/ nye bar zhi bar bya ba'i phyir ma yin// rdzogs par byang chub par bya ba'i phyir ma yin/ dge sbyong gi phyir ma yin/ tshangs pa'i phyir ma yin/ mya ngan las 'das pa'i phyir ma yin te/ 'od srungs de ni brjod pa'i sgra tshogs su bcad pa'i dge sbyong
- 237a
zhes bya'o/ / 'od srungs de la yang dag par sgrub pa'i dge sbyong gang zhe na/ 'od srungs gang lus dang srog la'ang mi lta ba yinan/ rnyed pa dang / bkur d+hi/ dang / tshigs su bcad pa la lta ci smos/ stong pa nyid dang / mtshan ma med pa dang / smon pa med pa'i chos rnams thos na dga' zhing de bzhin nyid du zhugs pa yin/ mya ngan las 'das pa la'ang 'dod pa med par spyad pa spyod na khams gsum pa la mngon par dga' ba lta ci smos/ stong pa nyid du lta ba'ang mi 'dod pa yin na/ bdag dang / sems can dang / srog dang / skye ba po dang / gso ba dang / skyes bu dang / gang zag tu lta ba lta ci smos/ don la rton gyi/ tshig 'bru la rton pa ma yin/ nyon mongs pa rnams las rnam par thar pa nang du tshel gyi/ phyi rol du rgyug pa ma yin/ chos thams cad shin tu yongs su dag cing rang bzhin gyis kun nas nyon mongs pa med par mthong bas/ bdag nyid skyabs yin te/ gzhan skyabs ma yin// de de bzhin gshegs pa la chos nyid du'ang mi lta na/ gzugs kyi skur lta ci smos/ chos la 'dod chags dang bral bar yang mi lta na/ smra ba'i tshig gi lam nas brjod par lta ci smos/ 'phags pa 'dus ma byas pa'i dge 'dun la'ang rnam par mi rtog na/ mang po 'dus par lta ci smos/ chos gang spang bar bya ba'i phyir brtson pa ma yin/ bsgom par bya ba'i phyir ma yin/ mngon sum du bya ba'i phyir ma yin/ 'khor bar yang mi skye/ mya ngan las 'das pa la'ang mngon par dga' ba ma yin/ thar pa'ang
- 237b
mi dmigs/ bcings pa'ang ma yin la/ chos thams cad rang bzhin gyis yongs su mya ngan las 'das par rig nas/ kun tu mi 'khor yongs su mya ngan las mi 'da' ba yin te/ 'od srungs de ni yang dag par sgrub pa'i dge sbyong zhes bya'o/ / 'od srungs yang dag par sgrub pa'i dge sbyong du 'gyur bar brtson par bya'i/ ming gis gnod par ni mi bya ste/ 'od srungs dge sbyong ni bzhi po 'di dag go// de la 'di skad ces bya ste/ gang zhig lus dang ngag dang sems ma dag/ ma dul ma bsrungs ma byang 'dod chen can// mgo bregs chos gos lhung bzed lag na thogs// de ni dbyibs rtags dge sbyong yin zhes bstan// cho ga spyod pa la sogs ldan gyur cing / / kha zas ngan za tshul 'chos la sogs sten// 'du 'dzi rgyang ring yongs su spong byed cing // spyod lam pa phags pa'i rigs dang ldan gyur kyang // de yi de kun dul bar bya phyir mi ma// zhi phyir ma yin skyo bar bya phyir min// stong pa mtshan med g.yang sar 'du shes pa// cho ga srung zhing tshul 'chos gnyis pa yin// tshul khrims ting 'dzin sbyangs pa'i yon tan thos// gzhan dag ngo mtshar 'dzin du gzhug phyir byed/ / zhi phyir ma yin skyo bar bya phyir min// brjod dang grags 'dod dge sbyong gsum pa yin// gang zhig lus srog don du mi gnyer zhing // rnyed dang bkur sti la ni rgyab kyis phyogs// rnam par thar pa bskyed pa'i sgo thos nas// srid pa'i 'gro ba thams cad don mi gnyer// chos rnams shin tu stong par yongs brtags nas// mya ngan 'das dang ma 'das mthong mi 'gyur// chos la
- 238a
'dod chags bral bar rtag tu tog/ ma byas chos rtogs mya ngan 'das par 'gyur/ 'od srungs 'di lta ste/ dper na mi dbul po zhig la mdzod 'byor pa nas ming btags na/ 'od srungs 'di ji snyam du sems/ mi dbul po de dang ming de mthun pa yin nam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ 'od srung de bzhin du gang dge sbyong dang bram ze gang dag dge sbyong dang bram ze'i yon tan dang mi ldan pa de dag ni gsung rab 'di las mi dbul po zhes ngas bshad do/ / de la 'di skad ces bya ste/ dper na dbul por gyur pa'i mi zhig la/ / mdzod ldan ming btag de la mdzes ma yin// dge sbyong nyams la dge sbyong ming mi mdzes// dbul la phyug ces btags pa'i dpe dang mtshungs// 'ong srungs 'di lta ste/ dper na mi la la zhig rgya mtsho'i chu chen pos khyer la/ chus skom bzhin du 'chi ba'i dus byed pa de bzhin du/ 'od srungs 'di la dge sbyong dang bram ze kha cig chos mang po blangs te kun chub par byas kyang / 'dod chags la sred pa mi sel/ zhes sdang la sred pa mi sel/ gti mug la sred pa mi sel ba de dag chos kyi rgya mtshos khyer la/ nyon mongs pa'i skom pas 'chi ba'i dus byed par 'gyur te/ ngan 'gror 'gro bar 'gyur ro// de la 'di skad ces bya ste/ dper na mi zhig rgya mtsho'i chus khyer la// de ni skom zhing 'chi ba'i dus byed gyur// de bzhin chos mang sred pas bag med pa// chos kyi
- 238b
rgya mtshor gnas kyang ngan song 'gro/ / 'od srungs 'di lta ste/ dper na sman pa sman sgra thogs te phyogs dang phyogs mtshams su rgyu ba de nad cig gis btab nas/ nang de gso mi nus na/ de'i sman de ni don med pa yin no/ / 'od srungs de bzhin du mang du thos pa'i nyon mongs pa'i nang du blta ste/ gang mang du zos pa des bdag nyon mongs pa'i nad las gso mi nus na/ de'i mang du thos pa de ni don med yin no/ / de la 'di skad ces bya ste/ dper na sman pa'i smad sgor bathug pa'i sman// 'jig rten kun tu yongs su rgyu byed kyang // nad kyis btab pa zlog par mi nus na// de yi sman de don med gyur pa yin// de bzhin dge sbyong tshul khrims yon tan ldan/ / thos dang ldan yang tshul bzhin ma yin pa'i// nyon mongs byung ba'i nad ni mi sel na// de yi thos la brtson pa don med yin// 'od srungs 'di lta ste/ dper na mi nad pa zhig la rgyal po la 'os pa'o sman btang la/ cho ga bzhin ma byas pas 'chi ba'i dus byas pa de bzhin du/ 'od srungs gang mi sdom pa des 'chi ba'i dus byed pa de'ang mang du thos pa'i nyon mongs pa'i nang du blta'o/ / de la 'di skad ces bya ste/ dper na rgyal por 'os pa'i sman btang na// chog ma byas mi de shi bar gyur// de bzhin gang mi sdom pas 'dir shi ba// de ni mang du zos pa'i nyon mo nad/ 'od srungs 'di lta ste/ dper na nor bu rin po che mi gtsang ba'i nang du lhung na smad par 'gyur zhing / 'khor bar mi 'gyur ro// 'od srungs de bzhin du mang du thos pa dang rnyid pa dang bkur gyi
- 239a
mi gtsang ba'i nang du lhung bar blta ste/ cibang med pa la ni lha dang mi rnams dga' bar 'gyur ro// de la 'di skad ces bya ste/ dper na mi gtsang rin chen byung ba spyad// ji ltar ro// bzhin du ni phyis ma yin// dge sbyong mang du thos par gyur pa yang // bkur sti'i mi gtsang lhung ba de 'drar bshad// 'od srungs 'di lta ste/ dper na mi ro'i mgo la gser gyi ba phreng ba btags pa de bzhin du/ tshul khrims 'chal pa ngur smrig gyon par blta'o// de la 'di skad ces bya ste/ dper na mi ro'i mgo la gser 'phreng ngam// yang na me tog 'phreng ba gdags byas pa// de bzhin khrims med ngur smrig gyon pa yang / / mthong nas de la yid ni dad mi 'gyur// 'od srungs 'di lta ste/ dper na tshong dpon gyi bu zhig legs par khrus byas te/ legs par rnam par byugs la/ sgra dang srin mo bregs nas/ gos dkar po bgos te/ tsan dan mchog gis bskus pa'i mgo la tsam pa ka'i me tog gi 'phreng ba thogs pa de bzhin du/ 'od srungs tshul khrims dang ldan zhing mang du zos pa ngur smrig gyon par blta'o/ / de la 'di skad ces bya ste/ legs bkrus legs par byugs pa yi// tshong dpon bu yi mgo bo la// tsam pa ka yi me tog 'phreng // dri zhim yid 'ong btags pa mdzes// de bzhin tshul khrims ldan gyur ci / mang thos tshul khrims phun sum tshogs// rgyal ba'i sras po yon tan ldan// de la ngur smrig de bzhin mdzes/ 'od srungs bzhi po 'di dag ni tshul khrims 'chal pa tshul khrims
- 239b
dang ldan pa ltar bcos pa yin te/ bzhi gang zhe na/ 'od srungs 'di la dge slong kha cig tshul khrims dang ldan pa yin te/ so sor thar pa'i sdom pas bsdams shing gnas/ cho ga dang spyod yul phun sum tshigs/ kha na ma tho ba phra rab rnams la'ang 'jigs par lta/ yang dag par blangs te bslab pa'i gzhi rnams la slob cing / lus kyi las dang / ngag gi las dang / yid kyi las yong su dag pa dang ldan par gnas pas/ 'tsho ba yongs su dag kyang de bdag tu smra ba yin te/ 'od srungs de ni tshul khrim 'chal pa tshul khrims dang ldan pa ltar bcos pa dang po'o// 'od srungs gzhan yang 'di la dge slong kha cig 'dul ba 'dzin cing / / 'dul ba la zhugs te/ 'dul ba'i tshul la gnas pa yin yang // 'jig tshe ga la lta ba las ma bskyod pa yin te/ 'od srung nge ni tshul khrims 'chal pa tshul khrim+ba dang ldan pa ltar bcos pa gnyis pa'o/ / 'od srungs gzhan yang 'di la dge slong kha cig byams pa la gnas pa yin te/ sems can la dmigs pa'i byam pa dang ldan pa yin yang / 'du byed thams cad la skye ba med pa thos na skrag ste kun tu dngang bar 'gyur zhing kun tu rab tu dngang bar 'gyur ba de ni/ 'od srungs tshul khrimra 'chal pa tshul khrim dang ldan pa ltar bcos pa gsum pa'o// 'od srungs gzhan yang 'di la dge slong kha cig spang pa'i yon tan bcu gnyis yang dag par blad kyang / dmigs par lta ba yin te/ ngar 'dzin pa dang / nga yir 'dzin pa la gnas pa de ni/ 'od srungs tshul khrims 'chal pa tshul khrims dang ldan pa ltar bcos pa bzhi pa ste/ 'od srungs bzhi po de dag
- 240a
ni tshul khrims 'chal pa tshul khrims dang ldan pa ltar bcos pa yin no/ / 'od srungs tshul khrims tshul khrims shes bya ba ni gang la bdag med pa dang / bdag gib med pa dang bya ba med pa dang / mi bya ba'ang med pa dang / byed pa med pa dang / byed pa med pa'ang ma yin pa dang / rgyu ba ma yin pa dang / mi rgyu ba'ang ma yin pa dang / rab tu spyod pa med pa dang / rab tu spyod pa med pa'ang ma yin pa dang / ming med pa dang / gzugs med pa dang / mtshan ma med pa dang / mtshan ma med pa'ang ma yin pa dang / rab tu zhi ba ma yin pa dang / rab tu ma zhi ba'ang ma yin pa dang / 'dzin pa med pa dang / 'dor ba med pa dang gzung ba med pa dang / gzung ba med pa'ang ma yin pa dang / sems can med pa dang / sems can du 'dogs pa med pa dang / tshig med pa dang / tshig tu 'dogs pa med pa dang / sems med pa dang / sems su 'dogs ba med pa dang / 'jig rten med pa dang / 'jig rten med pa'ang ma yin pa dang / rten med pa dang / rten med pa'ang ma yin pa dang / bdag gi tshul khrims la mi bstod pa dang / gzhan gyi tshul khrims la mi smod pa dang / tshul khrims kyis rlom sems su mi byed pa dang // tshul khrims la mi rtog pa yin te/ de ni 'phags pa rnams kyi tshul khrims zag pa med pa/ rtog pa ma yin pa/ khams gsum pa dang bral ba/ thams cad med pa zhes bya'o// de nas bcom ldan 'das kyis tshogs su bcad pa 'di dag gsungs so// tshul khrims ldan la dri ma med cing ci sang med/ tshul khrims ldan la rgyags pa med de rten pa med// rtsu
- 240b
khrims ldan la mun pa med cing 'ching ba med/ / tshul khrims ldan la rdul rnams med de nyes pa med// zhi ba rab tu zhi nye bar zhi ba'i yid// rtog dang rnam par rtog dang bral zhing nyon mongs med// g.yo ba dang ni rlom sems kun dang rnam bral ba/ / de ni 'od srungs sangs rgyas bstan la tshul khrims ldan// lus la mi lta srog la 'phangs par 'dzin mi byed// srid pa rnams su skye ba kun la 'dod pa med// yang dag zhugs shing de nyid tshul la rab gnas pa/ / de ni 'od srung sadra rgyas bstan la tshul khrims ldan// 'jig rten mgos 'jig rten dag la gnas pa med// snang ba thob cing bdag gi med de ci yang med// bdag tu 'du shes med cing gzhan du 'du shes med/ / 'du shes yongs su shes pas tshul khrims rnam par dag/ gang la tshu rol med cing ba rol dbus kyang med// pha rol tshu rol dag la nams kyang mi chags shing // bcings dang chags med tshul 'chos med cing zag pa med/ / de ni 'od srungs sangs rgyas bstan la tshul khrims ldan// ming dang gzugs rnams la ni chags pa med pa'i yid// de ni mnyam par gzhag cing shin tu dul ba'i sems/ / gang la bdag med bdag gir 'dzin pa med pa ni// de tsam gyis ni tshul khrims gnas shes brjod pa yin// so sor thar pa slob pas rlom sems byed pa med// des ni 'di na de la chags par ni 'gyur te/ / de yi gong du 'phags pa'i lam rnams tshol byed pa// de ni tshul khrims rnam par dag pa'i mtshan ma'o// tshul khrims gtso bor ma yin ting 'dzin der chags med// de yi gong du shes
- 241a
rab bsgom pa yongs su tshol/ / dmigs pa med pa 'phags pa rnams kyi rigs yin te// tshul khrims de ni bde bar gshegs pas rab tu bsngags// 'jigs pa'i tshogs la lha las rnam par grol ba'i yid/ / de 'dir nga dang nga yi snyam du 'gyur ba med// sangs rgyas spyod yul stong pa nyid la lhag par mos// de yi tshul khrims de ni mnyam pa med pa'o// tshul khrims la ni gnas nas ting nge 'dzin kyang thob// ting nge 'dzin rnams thob nas shes rab shin tu smom// shes rab kyis rnaM ma shes rnam par dag pa 'thob/ ye shes rnam par dag pas rdul khrims thun sum tshogs// rigs su bcad pa mngon par bsgrus pa 'di gsungs pa'i tshe/ / dge slong brgyad brgya ni len pa med par zag pa rnams las sems rnam par grol lo// srog chags sum khri nyis stong ni chos rnams la chos kyi mig rdul dang bral zhing dri ma med pa rnam par dag go/ dge slong bsam gtan thob pa lnga brgya ni chos bstan pa zab mo 'di la mi 'jug ste/ ma rtogs ma mos pas stan las langs te dong ngo // de nas bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das dge slong bsam gtan thob pa lnga brgya po 'di dag chos bstan pa zab mo 'di la mi 'jug ste/ ma rtogs ma mos pas stan las langs te mchi so// bcom ldan 'das kyis bka' stsal pa/ 'od srungs 'di ltar dge slong mngon pa'i nga rgyal can 'di dag ni tshul khrims rnam par dag pa zag pa med pa 'di la mi 'jug ste/ mi rtogs mi mos shing skrag ste/ kun tu dngangs/
- 241b
kun tu rab tu dngangs so// 'od srungs tshigs su bcad pa mngon par bsgrub pa zab pa/ sangs rgyas bcom ldan 'das rnams kyi byang chub zab ste/ de la dge ba'i rtsa ba ma bskyed pa/ sdig pa'i grogs pos yongs su zin pa dang / mos pa mi mang ba dag gis mos par mi nus so// 'od srungs dge slong lnga brgya po 'di dag ni de bzhin gshegs pa 'od srungs kyi gsung rab la mu stegs can gyi nyan thos su gyur te/ de dag de bzhin / gshegs pa 'od srungs la brgal ba'i bsam pas chos bstan pa gcig thos so// thos nas dad pa'i sems gcig rnyed de/ ji tsam du de bzhin gshegs pa dgra bcom pa yang dag par rdzogs pa'i sangs rgyas 'od srungs 'jam zhing snyan par gsung ba ngo mtshar to snyam mo/ / de dag 'chi ba'i dus byas nas dad pa'i sems gcig rnyed pa des sum cu rtsa gsum pa'i lha rnams kyi nang du skyes so// de dag de nas shi 'phos nas 'dir skyes te/ rgyu de nyid kyis nga'i bstan pa 'di la rab tu byung ste/ 'od srungs dge slong lnga brgya po lta bar bying ba 'di dag ni chos bstan pa zab mo 'di la mi 'jug ste/ mi rtoglo mo mos shing skrag ste/ kun tu dngangs/ kun tu rab tu dngangs so// yang 'di dag ni chos bstan pa 'dis yongs su sbyang ba byas te/ phyis ngan 'gro log par ltung bar mi 'gyur zhing / phung po 'di dag nyid kyis yongs su mya ngan las 'da'o// de nas bcom ldan 'das kyis tshe dang ldan pa rab 'byor la bka' stsal pa/ rab 'byor khyod song la dge slong de dag kun shes par byos shig/ rab 'byor gyis gsol pa/ bcom ldan 'das nyid kyis
- 242a
'di dag la bshad na'ang mthun par mi bgyid na/ bdag la lta smos kyang ci 'tshal/ de nas bcom ldan 'das kyis dge slong de dag lam gang nas 'dong ba'i lam der dge slong gnyis shig sprul pa sprul to/ / de nas dge slong lnga brgya po de dag sprul pa'i dge slong de gnyis lam gang nas 'dong ba'i lam der dong ste/ phyin pa dang 'di skad ces smras so// tshe dang ldan pa dag gar 'dong // de gnyis kyis smras pa/ kho bo cag ni dgon pa'i gnas rnams su bsam gtan gyi bde ba la reg par gnas par bya bar 'dong ngo // de ci'i phyir zhe na/ kho bo cag ni bcom ldan 'das kyis chos bstan pa gang yin pa'i chos bstan pa de la mi 'jug ste/ mi rtogs mi mos shing skrag ste/ kun tu dang ngas/ kun tu rab tu dngangs par gyur nas/ kho bo cag dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o/ / dge slong lnga brgya po de dag gis 'di skad ces smras so// tshe dang ldan pa dag kho bo cag kyang bcom ldan 'das kyis chos bshad pa la mi 'jug ste/ ma rtogs ma mos shing skrag ste/ kun tu dngangs/ kun tu rab tu dngangs par gyur to// de'i phyir kho bo cag kyang dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o// sprul pa dag gis smras pa/ tshe dang ldan pa dag de'i phyir bdag cag yang dag par 'gro bar bya'o// rtsod par mi bya'o// rtsod pa med pa lhur len pa ni dge sbyong gi chos so// tshe dang ldan pa dag gang 'di yongs su
- 242b
mya ngan las 'das pa zhes bya ba gang yongs su mya ngan las 'da' bar 'gyur ba'i chos de gang lus 'di la bdag gam/ sems can nam/ srog gam/ skye ba po 'am/ skyes bu'am/ gang zag gam/ shed lnga skyes sam/ shed bu 'am/ gang yongs su mya ngan las 'da' bar 'gyur/ gang zad pas yongs su mya ngan las 'da'/ de dag gis smras pa/ 'dod chags zad/ zhe sdang zad/ gti mug zad pas yong+ga su mya ngan las 'da'o/ / sprul pa gnyis kyis smras pa/ tshe dang ldan pa dag 'dod chags dang / zhe dang dang / gti mug yod pa yin nam/ ci na de zad par bya/ de dag gis smras pa/ de dag ni nang na'ang med/ phyi rol na'ang med/ gnyis ka med pa la'ang mi dmigs te/ de dag ni yongs su ma brtags pa las kyang mi skye'o// sprul pa gnyis kyis smras pa/ tshe dang ldan pa dag de lta bas na ma rtog rnam par ma rtog cig/ tshe dang ldan pa dag nam mi rtog rnam par mi rtog pa de na chags par yang mi 'gyur/ chags pa dang bral bar yang mi 'gyur ro// chags pa med cing chags pa dang bral ba'ang med pa gang yin pa de ni zhi ba zhes bya'o/ / tshe dang ldan pa dag tshul khrims ni mi 'khor zhing yongs su mya ngan las mi 'da'o// tshe dang ldan pa dag ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'ang mi 'khor zhing yongs su mya ngan las mi 'da'o/ / tshe dang ldan pa dag chos de dag gis yongs su mya ngan las 'da' bar ston na/ chos de dag kyang stong pa/ dben pa/ gzung du med pa'o// tshe dang ldan
- 243a
pa dag 'di lta ste/ mya ngan las 'das pa'i 'du shes spongs shig/ 'du shes la'ang 'du shes su ma byed cig/ 'du shes la 'du shes kyis yongs su shes par ma byed cig/ gang 'du shes la 'du shes kyis yongs su shes pa de ni/ de'i 'du shes kyis bcings pa yin no// tshe dang ldan pa dag 'du shes dang tshor ba 'gog pa'i snyoms par 'jug pa la zhugs shig/ tshe dang ldan pa dag 'du shes dang tshor ba 'gog pa'i snyoms par 'jug pa las gong na bya ba med do zhes smra'o/ / chos kyi rnam grangs 'di bshad pa'i tshe/ dge slong lnga brgya po de dag len pa med par zag pa rnams las sems rnam par grol lo/ / de dag sems rnam par grol nas/ bcom ldan 'das ga la ba der dong ste lhags pa dang / bcom ldan 'das kyi zhabs la mgo bos phyag 'tshal te phyogs gcig tu 'khod do// de nas tshe dang ldan pa rab 'byor gyis/ dge slong de dag la 'di skad ces smras so// tshe dang ldan pa dag gar dong dong / gang nas lhags/ de dag gis smras pa/ btsun pa rab 'byor gang du'ang 'gro ba med pa dang / gang nas kyang 'ong ba med pa'i phyir/ bcom ldan 'das kyis chos bstan to// smras pa/ tshe dang ldan pa dag khyed kyi ston pa gang yin/ smras pa/ gang ma skyes shing yongs su mya ngan las mi 'da' ba'o// smras pa/ khyed kyis ji ltar chos thos/ smras pa/ bcing ba'i phyir yang ma yin/ thar pa'i phyir yang ma yin no// smras pa/ khyed sus btul/ smras pa/ su la lus med cing sems med pas so// smras pa/
- 243b
khyed ji ltar brtson/ smras pa/ ma rig pa spang ba'i phyir yang ma yin/ rig pa'i skyed pa'i phyir yang ma yin no// smras pa/ khyed ji ltar rnam par grol/ smras pa/ sbyor ba'i phyir yang ma yin/ spang ba'i phyir yang ma yin no/ / smras pa/ khyed su'i nyan thos/ smras pa/ gang gis thob pa med cing mngon par rdzogs par sangs rgyas pa med pa'i 'o// smras pa/ khyed kyi tshangs pa mtshungs par spyod pa gang / smras pa/ gang dag khams gsum na mi rgyu ba rnams so// smras pa/ tshe dang ldan pa dag ji srid cig na yongs su mya ngan las 'da'/ smras pa/ de bzhin gshegs pa'i sprul pa nam yongs su mya ngan las 'da' ba na'o/ / smras pa/ khyed kyis bya ba byas sam/ smras pa/ ngar 'dzin pa dang / nga yir 'dzin pa yongs su shes pas so// smras pa/ khyed kyi nyon mongs pa zad dam/ smras pa/ chos thams cad gtan du zad pa'i phyir ro/ / smras pa/ khyed kyis bdud btul tam/ smras pa/ phung po'i bdud mi dmigs pa'i phyir ro// smras pa/ khyed kyis ston pa la bsnyen bkur byas sam/ smras pa/ lus kyis kyang ma byas/ ngag gis kyang ma thas/ sems kyis kyang ma byas so// smras pa/ khyed kyis sbyin pa'i gnas kyis sbyangs sam/ smras pa/ 'dzin pa med cing sdud pa med pas so// smras pa/ khyed 'khor ba las rgal tam/ smras pa/ chad pa med cing rtag pa med pa'i zir ro// smras pa/ khyed kyis sbyin pa'i gnas kyi sar zhugs sam/ smras pa/ 'dzin pa thams cad las rnam par grol ba'i phyir ro// smras pa/ tshe dang ldan pa dag gar 'gro
- 244a
na/ smras du sh+tsak+Sh+ma / nga b rgyad brgya ni len pa med par zag pa rnams las sems rnam par grol lo/ / srog chags sum khri nyis stong ni chos rnams la chos kyi mig rdul med cing drim dang bral ba rnam par dag no de nas byang chub sems dpa' sems dpa' chen po kun tu snang ba zhes bya ba 'khor de nyid du 'dus par gyur te 'dug pa de ldan las langs te/ bla gos phrag pa gcig tu gzar nas/ pus mo g.yas pa'i skang pal btsugs te/ bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to// bcom ldan 'das dkon mchog brtsegs pa chen po'i chos kyi rnam grangs 'di la gro par 'tshal ba'i byang chub sems dpas ji ltar bslab par bgyi/ bcom ldan 'das kyis bka' stsal pa/ rigs kyi bu tshar bcad cing tshar bcad nas/ chos kyi rnam grangs 'dir bslab pa bstan te/ chos ci rnam grangs 'di ni skyes bu dam pa nan tun snying por byed pa rnams kyi don chen por 'gyur ro/ / rigs kyi bu 'di lnga ste/ dper na mi la la zhig kham pa'i grur zhugs te gang+gA'i klung chen po rgal bar 'dod par gyur na// rigs kyi bu 'di ji snyam du sems/ mi des ci 'dra ba'i brtson 'grus kyis gru de gsar bar bya/ gsol pa/ bcom ldan 'das stobs dang ldan pa'i brtson 'grus kyis bgyi'o// de ci'i slad du zhe na/ bdag ni chu bo chen po'i
- 244b
nang du zhugs kyis/ bdag 'tham du ma phyin par bar ma dor gru zhig tu 'ong ngo snyam du sems pa'i slad du'o// bcom ldan 'das kyis bka' stsal pa/ kun tu snang ba de ltar byang chub sems dpa' de bas kyang ches stobs dang ldan pa'i brtson 'grus kyis chos kyi rnam grangs 'di la bslab par bya ste/ stobs chen po dang ldan pa'i brtson 'grus kyis sangs rgyas kyi chos thams cad yang dag par bsgrub par bya'o// kye ma'o/ lus 'di ni mi rtag pa ste/ bdag gis snying po ma blangs par bar ma dor 'chi ba'i dus byas su 'ong ngo zhes yid la byed pa de lta bus bdag ni chu bo chen por zhugs kyis// chu bo bzhir zhugs pa'i sems can rnams chu bo chen por zhugs pa las bsgral ba'i phyir/ dam pa'i chos kyi gru gang gis sems can 'khor ba'i rgya mtshos khyer ba thams cad bsgral bar bya ba'i dam pa'i chos kyi gru chen po sbyar bar bya'o// kun tu snang ba de la byang chub sems dpas dam pa'i chos kyi gru chen po sbyar bar bya ba de ci 'dra zhe na/ 'di lta ste/ sems can thams cad la sems mnyam pa nyid de/ bsod nams kyi tshogs mtha' yas pa bsags pa/ tshul khrims kyi snam gyis sbyar da/ sbyin pa'i 'khor gyi rgyan gyis brgyan pa/ bsam pa dang lhag pa'i bsam pa'i bcing ba sra bas dam por sbrel ba/ bzod pa dang / nges pa dang / dran pa'i sbyor ba khas legs par sbyar ba/ byang chub kyi yan lag bdun gyi tshogs can/ brtson 'grus brtan pa dang / dge ba'i chos kyi shing gis yang dag par sbyar ba/ bsam gtan gyi sems
- 245a
sa sa nga/ na sa nags yan g dag par zin pa/ bsdu ba'i dngos po bzhi dang / dpa' bar 'gro bas gsar pa/ shes rab dang ye shes kyis phyir rgol ba legs par bsrungs pa/ thabs mkhas pas rnam bsags pa/ legs par byas pa/ tshangs pa'i gnas pa bzhis legs par yongs su sbyangs pa/ dran pa nye bar gzhag pa bzhi legs par rnam par bsams pa'i lus kyi bsten pa/ yang dag par spongs pas/ 'gro/ rdzu 'phrul gyi rkang pa'i mgyogs pa'i shugs dang ldan pa/ dbang pos legs par brtags pas lta ba ngan pa'i shing yon po med pa/ stobs kyi shugs yang dag par byung bas par shag shig med pa byang chub kyi yan lag gis 'gro ba rnam par dag pa/ bcugs can dgra nyon mongs pa'i bdud kyi lam 'dor bar byed pa/ lam du 'jug par byed pa/ pha rol gyi ngogs su phyin par byed pa/ mug stegs can ngan pa'i mu stegs 'dor bar byed pa/ zhi gnas kyis nges par sems pa bstan pa/ lhag mthong gis sbyor ba/ mtha' gnyis la ma chags par 'jug pa/ rgyu'i chos dang yang dag par ldan pa/ sgra grags pa yang shing rgya che la mi zad cing tshad med par tshur shog/ dam pa'i chos kyis gru chen po mya ngan las 'das pa'i grong khyer du 'gro ba/ bde bar 'gro ba/
- 245b
'jigs pa med par 'gro ba/ lam du 'gro ba/ 'jigs tshogs la lta ba 'dor bar zhugs la/ tshu rol gyi 'gram nas pha rol tu lta ba thams cad sel ba/ gtso ba med pa'i mya ngan las 'das par myur du song zhig ces phyogs bcur smras go bar byed pa ste/ rigs kyi bu sems can thams cad kyi don gyi phyir/ bskal pa bye ba khrag khrig brgya stong dpag tu med par yid yongs su mi skyo bar byang chub sems dpas dam pa'i chos kyi gru chen po 'di 'dra ba de sbyar bar bya'o/ / dam pa'i chos kyi gru 'dis chu bo bzhis khyer ba'i sems can thams cad bsgral bar bya'o// kun tu snang ba de la 'dir byang chub sems dpa'i mngon par shes pa myur ba gang zhe na/ gang 'di sems can thams cad la bcos ma ma yin pa'i sbyor ba ste/ bsam pa dag pas rab tu 'dun pa dang / dge ba'i rtsa thams cad yang dag par bsgrub pa'i phyir brtson 'grus 'bar ba dang / tshul bzhin yid la byed pas dge ba la 'dun pa dang / shes rab yongs su rdzogs par bya ba'i/ phyir thos pas mi ngoms pa dang / ye shes brtan par bya ba'i phyir nga rgyal med pa dang / yon tan thams cad yongs su rdzogs par bya ba'i phyir rab tu 'byung ba la gzhol ba dang / lus dang sems dben par dgon pa na gnas pa dang / skye bo mo bsrun pa rnam par spangs pas 'du 'dzi med pa dang / don dam pa la rton pas chos don du gnyer ba dang / shin tu mi
- 246a
'khrugs pas ye shes kyi don dang / ye shes kyi don yin pas chos kyi don dang / mi 'khrugs pas dben pa'i don dang / yang dag par sbyor bar bya bas stong pa nyid kyi don dang / shin tu nye bar zhi ba'i don yin pas dben pa'i don te/ rigs kyi bu 'di ni 'dir byang chub sems dpa'i mngon par shes pa myur ba'o// de nas bcom ldan 'das la tshe dang ldan pa 'od srungs chen pos 'di skad ces gsol to/ / 'di ltar dkon mchog brtsegs pa chen po'i chos kyi rnam grangs 'di theg pa chen po la yang dag par zhugs pa'i rigs kyi bu 'am/ rigs kyi bu mo rnams la phan 'dogs par gyur pa ni/ bcom ldan 'das ngo mtshar to// bde bar gshegs pa ngo mtshar to// bcom ldan 'das dkon mchog brtsegs pa chen po'i chos kyi rnam grangs 'di las tshigs su bcad pa gcig tsam bstan na/ rigs kyi bu 'am/ rigs kyi bu mo de bsod nams kyi phung po ji tsam skyed par 'gyur/ de skad ces gsol pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs rigs kyi bu 'am/ rigs kyi bu mo gang la las 'jig rten gyi khams gang+gA'i klung gi bye ma snyed rin po che sna bdun gyis rab tu gang bar byas te/ de bzhin gshegs pa
- 246b
dgra bcom pa yang dag par rdzogs pa'i sangs rgyas rnams la sbyin pa byin pa dang / sangs rgyas bcom ldan 'das gang+gA'i klung gi bye ma snyed rnams la de bzhin gshegs pa re re'i gtsugs lag khang rin po che sna bdun las byas pa gang+gA'i klung gi bye ma snyed brtsigs pa dang / sangs rgyas bcom ldan 'das gang+gA'i klung gi bye ma snyed rnams las de bzhin gshegs pa re re'i nyan thos kyi dge 'dun dpag tu med pa dag la bskal pa gang+gA'i klung gi bye ma snyed du bde ba'i yo byad thams cad kyis rim gro byas pa dang / de bzhin gshegs pa yongs su mya ngan las 'das pa de dag gi mchod rten rin po che sna bdun la byas pa bas/ rigs kyi bu 'am/ rigs kyi bu mo dad pa dang ldan pa gzhan gang gis/ dkon mchog brtsegs pa chen po'i chos kyi rnam grangs 'di las tshigs su bcad pa gcig tsam lung mnos te/ lung mnos nas kyang mi spong na/ de ni de bas bsod nams ches mang du skyed do/ / bud med gang zhig lung 'bog na/ de nam yang log par ltung bar mi 'gyur te/ de nyid de'i bud med kyi lus kyi tha ma yin no// sa phyogs gang du chos kyi rnam grangs 'di bshad pa 'am/ bstan pa 'am/ yi ger 'dri ba 'am/ yi ger bris nas glegs bam du byas te bzhag pa'i sa phyogs de lha dang bcas pa 'jig rten
- 247a
kyi mchod rten dang 'dra bar 'gyur ro/ / su tig chos smra ba las chos min ma mangs 'dibyin pa'as/ 'dzin pa'am/ yi ger 'dri ba des 'dus s+ho/ de bzhin gshegs pa la ji ltar bya ba de bzhin du gus par bya'o// 'od srungs rigs kyi bu 'am/ rigs kyi bu mo gang zhig de bzhin gshegs pa'i chos smrab la bkur sti bred pa dang / btsun par byed pa dang / ri mo bred pa dang / mchod pa byed pa de la/ nga bla na med pa yang dag par rdzogs pa'i byang chub tu lung ston to// de 'chi ba'i dus kyi tshe de bzhin gshegs pa mthong bar 'gyur ro/ / de bzhin gshegs pa mthong nas kyang lus kyi las yongs su dag pa bcu thob par 'gyur te/ bcu gang zhe na/ 'di lta ste/ tshor bas sems kun tu ma zin par 'chi ba'i dus byed pa dang / de'i mig 'khrul bar mi 'gyur ba dang / lag pa g.yob par mi byed pa dang / rkang pa 'phra bar mi byed pa dang / gcin mi stor ba dang / phyi sa mi 'byung ba dang / de'i snying kar rdul mi 'byung ba dang / khu tshur mi 'chang ba dang / nam mkha' la mi rlobs pa dang / ji ltar 'dug pa de bzhin du tshe'i 'du byed 'dor bar 'gyur ba ste/ lus kyi las yongs su dag pa bcu po de dag thob par 'gyur ro// ngag gi las yongs su dag pa thob par 'gyur te/ bcu gang zhe na/ 'di lta ste/
- 247b
gdangs snyan pa'i tshig dang / mnyen pa'i tshig dang / 'jam pa'i tshig dang / dga' ba'i tshig dang / snum pa'i tshig dang / slar zlog pa ma yin pa'i tshig dang / gzungs par 'os ba'i tshig dang / btsun pa'i tshig dang / lha dang mi yongs su gzung ba'i tshig dang / sangs rgyas kyis yongs su gzung ba'i tshig ste/ ngag gi las yongs su dag pa bcu po de dag thob par 'gyur ro/ / yid kyi las yongs su dag pa bcu thob par 'gyur te/ bcu gang zhe na/ 'di lta ste/ khro bar mi 'gyur ba dang / khon du 'dzin pa med pa dang 'chab par mi 'gyur ba dang / 'tshig par mi 'gyur ba dang / nyes pa la mi dga' ba dang / khon gcugs la mi dga' ba dang / 'du shes phyin ci log tu mi 'gyur ba dang / spong bas bag yod par 'gyur ba dang / ma zhum pa'i sems kyis sangs rgyas kyi zhing yongs su dag pa 'dzin pa dang / nga rgyal dang che ba'i nga rgyal med par sangs rgyas kyi chos thams cad mngon bar bsgrub pa'i ting nge 'dzin thod par 'gyur ba ste/ 'di kyi las yongs su dag pa bcu po de dag thob par 'gyur ro// de la 'di mad ce s+ya T+TaH// tshor bas zhen chi 'i dus mi byed/ de mi mig pa'i thul par 'gyur ba med// lag pa mi ni ma'i nang pa 'bra mi gror// doni bgang gi kyi shor bar yang mi 'gyur/ ma
- 248a
kar rdul yang 'byung mi 'gyur/ / ba tshur mi 'chang nam mkha' rlobs mi 'gyur// 'dug bzhin bde bar 'chi ba'i dus byed de// lus las yongs su dag pa 'di bcu thob/ / gdangs spyan phun sum tshogs shing 'jam mnyen tshig/ snum zhing yid 'ong de bzhin dga' bar 'gyur// gzhan gyis slar mi zlog cing gzung 'os tshig/ skye bos btsun par bya ba'i tshig tu 'gyur// de yi tshig ni lha dang klu dag dang // mi 'am ci dang de bzhin rgyal bas bsngags// des bshad pa yi don yang 'dzin byed de/ / des ni ngag las dag pa de dag 'thob// khro ba med cing khon du 'dzin pa med// brtan pa 'chab pa med cing 'tshig pa med// nyes la mi dga' kho na gcugs dga' ba med/ / de yi 'du shes phyin ci log mi 'gyur// bslab pa yang dag blangs la sems mi zhum// spong ba la ni bag med mi 'gyur te// zhum pa med pa'i sems kyis zhing sbyong byed/ / nga rgyal las kyang nga rgyal yongs spangs nas// ting 'dzin 'byor pa thams cad mngon bsgrubs dang // yid kyis mngon par bsgrubs pa'i chos rnams 'thob/ / chos rnams 'di dag ldan par gyur pa la// sangs rgyas dngos po dkon par mi 'gyur ro// 'od srungs gang la la bde ba'i yo byad thams
- 248b
cad kyis nga la bkur sti byed par 'dod pa dang / mchod pa thams cad kyis mchod par 'dod pa des/ dkon mchog brtsegs pa chen po'i chos kyi rnam grangs 'di gzung bar bya/ kun chub par bya/ yi ger bri bar bya/ bklag par bya/ bcang bar bya'o// 'od srungs de ltar na de bzhin gshegs pa dgra bcom pa yang dag par rdzogs pa'i sangs rgyas rnams la mchod pa bla na med pa byas par 'gyur ro/ / bcom ldan 'das kyis de skad ces bka' stsal nas/ tshe dang ldan pa 'od srungs chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po chos kyi rnam grangs le'u stong phrag brgya pa las 'phags pa 'od srungs kyi le'u zhes bya ste/ 'dus pa bzhi bcu gsum pa rdzogs so// / rgya gar gyi mkhan po dzi na mi tra dang / shI len+d+ra bo d+hi dang / zhu chen rgya lo tsa ba ban d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa'o// sh+lau ka drug brgya/ bam po gnyis//
- 249a
rgyag ga du/ ar+ya raSh+TA rA shI nA ma ma hA yaHswatra/ bod skad du/ 'phags pa rin po che'i phung po zhes bya ba theg pa can pos/ @ po dang po/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la/ dge slong brgyad stong tsam gyi dge slong gis dge 'dun chen po dang / sangs rgyas kyi zhing sna tshogs nas 'dus pa'i byang chub sems dpa' khri drug stong dang yang thabs gcig tu bzhugs te/ thams cad kyang 'di lta ste/ bla na med pa yang dag par rdzogs pa'i byang chub tu skye ba gcig gis thogs pa phyir mi ldog pa'i bzod pa dang ldan pa sha stag go/ / de nas bcom ldan 'das la tshe dang ldan pa 'od srungs chen pos 'di skad ces gsol to// bcom ldan 'das dge sbyong dge sbyong zhes bgyi ba ji tsam gyis na dge sbyong zhes bgyi ba lags/ de skad ces gsol pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs dge spyong dge sbyong zhes bya ba ni zhi ba dang / dul ba dang / cang shes pa dang / tshul khrims kyi phung po yongs su dag pa dang / ting nge 'dzin la 'jug pa shes pas dge sbyong zhes bya ste/
- 249b
shes rab dang ldan pa dang / rnam par grol ba snying po lhur len pa dang / rnam par thar pa'i sgo gsum la som nyi med cing / the tsom mi za ba dang / 'phags pa'i spyod yul la gnas pa dang / dran pa nye bar gzhag pa bzhi la gnas pa dang / yang dag par spong ba bzhi la gnas pa dang / rdzu 'phrul gyi rkang pa bzhi bsgom pa bsgoms pa dang / dad pa'i dbang po dang ldan pa dang / sangs rgyas la dad pa mi phyed pa dang / chos la dad pa mi phyed pa dang / dge 'dun la dad pa mi phyed pa dang / sangs rgyas dang / chos dang / dge 'dun la shes nas dang pa dang ldan pa dang / gzhan gyi dring la mi 'jog pa'i shes pa dang ldan pa dang / dge ba'i chos rnams la brtson 'grus brtsams pa dang / srid pa bcom pa dang / yang dag par zhugs pa dang / dran pa dang / shes bzhin la mkhas pa dang / sems rtse gcig pa dang / shes rab kyis lhag mthong la mkhas pa dang / stobs lnga dang ldan pa dang / nyon mongs pa thams cad kyis mi brdzi ba dang / byang chub kyi yan lag bdun la bsam gtan pa dang / chos rnams kyi brten pa shes pa la mkhas pa dang / lam shes pa dang / lam la mkhas pa dang / yang dag par lta ba dang / yang dag pa'i ting nge 'dzin dang / zhi gnas dang / lhag mthong bsgom pa la mkhas pa dang / so so yang dag par
- 250a
y-i d+han phywa gan gyi byu pa 'dzag sa dang byA nga / don ma na ca gyu sodog padang / ma ba sa na pa sa pasna/ tu 'das pa dang / phung po yongs su shes bsrung ba dang / non mongs pa bsal ba dang / ba ma'i lus 'dzin pa dang / 'chi bdag gi sam las yang dag par 'das pa dang / sdug bsngal yang dag par yongs su shes pa dang / kun 'byung ba thams cad spangs pa dang / 'gog pa mngon sum du bya ba la zhugs pa dang / lam bsgom pa'i rnal 'byor gyi rjes su zhug pa dang / 'phags pa'i bden pa bzhi mthong ba dang / gzhan gyi dring la mi 'jog pa dang / ston pa'i bstan pa la bya ba byas pa dang / byed pa byas pa dang / zag pa 'ad pa dang / rnam par thar pa brgyad la bsam gtan pa dang / brgya byin dang / tshangs pa dang / 'jig rten skyong bas bsu ba dang / sngon tu sprod pa dang bsam pa phun sum tshogs pa dang / dgon pa la gnas par mngon par dga' ba dang / 'phags pa'i rigs la gnas pa dang / spungs pa'i yon tan la gnas pa dang / blo gya gru med pa dang / rab tu
- 250b
byung nas khyim gyi gnas dang mi 'dre ba dang / bse ru ltar gcig pu rgyu ba dang / 'du 'jis 'jigs skrag pa dang / khams gsum las rnam par grol ba dang / rtag tu 'jigs pa'i yid dang ldan pa dang / yang dag pa'i dge sbyong gi tshul la gnas pa dang / thams cad la 'dod pa med pa dang / 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / bde ba dang / sdug bsngal ba dang / bstod pa dang / smad pa rnams las yang dag par 'das pa dang / sa dang mtshungs pa'i sems kyis nye bar bsgrubs te gnas pa dang / bdag dang gzhan rjes su srung ba dang / 'khrul pa med pa dang / 'khrug pa med pa dang / yang dag par zhugs pa dang / nam mkha' dang mtshungs pa'i sems kyis nye bar bsgrubs te gnas pa dang / mtshan ma thams cad la de'i sems mi chags mi 'ching ste/ dper na nam mkha' la lag mthil bzhin du mi chags mi 'ching ba yin te/ 'od srungs dge sbyong gi chos rnam pa de lta bu de dag dang ldan na dge sbyong dge sbyong zhes bya'o// de nas bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das 'di ltar de bzhin gshegs pa dgra bcom pa yang dag par rdzogs pa'i sangs rgyas kyis yang dag pa'i dge sbyong gi yon tan 'di dag yang
- 251a
dag par rab tu bstan pa ni ngo mtshar to/ / bcom ldan 'das ma mchis pa'i dus na gang dag de bzhin gshegs pa'i byang chub bskal pa grangs ma mchis par yang dag par bsgrubs pa nub par bgyid pa/ dge sbyong ma lags la dge sbyong du mchid kyis 'che zhing / tshangs par spyod pa ma lags par tshangs par spyod par mchid kyis 'che ba'i dge slong la la dag 'byung bar 'gyur lags sam/ bcom ldan 'das kyis bka' stsal pa/ 'od srungs nga dang / khyod dang / nyan thos chen po 'di dag kyang yongs su mya ngan las 'das shing byang chub sems dpa' 'di dag kyang sangs rgyas kyi zhing gzhan du dong nas/ bstan pa 'di rab tu 'jigs par 'gyur ba ni tshig gis bstan par mi nus so// 'od srungs de la dge slong lus ma bsgoms pa/ tshul khrims ma bsgoms pa/ sems ma bsgoms pa/ shes rab ma bsgoms pa/ byis pa/ dman pa/ glen pa/ rmongs pa/ rab tu ma zhi ba/ ma dul ba kha cig 'byung bar 'gyur te/ de dag gi g.yo dang / sgyu dang / mi drang ba dang / gya gyu dang / dge sbyong gi dri ma dang / dge sbyong gi skyon rnams brjod par bya'o/ / 'od srungs de la dge sbyong gi dri ma rnams gang zhe na/ 'od srungs sum cu rtsa gnyis po 'di dag ni dge sbyong gi dri ma ste/ de dag spangs nas dge sbyong
- 251b
dge sbyong zhes bya'o/ / sum cu rtsa gnyis gang zhe na/ 'dod pa la rnam par rtog pa dge sbyong gi dri ma dang / gnod sems kyi rnam par rtog pa dge sbyong gi dri ma dang / rnam par 'tshe ba'i rnam par rtog pa dge sbyong gi dri ma dang / bdag la bstod pa dge sbyong gi dri ma dang / gzhan la brnyas pa dge sbyong gi dri ma dang / mi mthun pa'i rnyed pa kun tu tshol dge sbyong gi dri ma dang / rnyed pas rnyed par byed 'dod pa dge sbyong gi dri ma dang / dad pas byin pa chud gzon pa dge sbyong gi dri ma dang / ltung ba 'chab pa dge sbyong gi dri ma dang / khyim pa la rten pa dge sbyong gi dri ma dang / rab tu byung ba dang sten pa dge sbyong gi dri ma dang / 'du 'dzi la mngon par dga' ba dge sbyong gi dri ma dang / rnyed pa yongs su ma grub par rtog pa dge sbyong gi dri ma dang / bdag gi rnyed pas chog par mi 'dzin pa dge sbyong gi dri ma dang / pha rol bsod nams kyis rnyed pa la phrag dog dang ser sna byed pa dge sbyong gi dri ma dang / pha rol gyi rnyed pa la 'dod pa dge sbyong gi dri ma dang / bdag gi 'khrul pa la mi rtog pa dge sbyong gi dri ma dang / gzhan gyi 'khrul pa yongs su tshol ba dge sbyong gi dri ma dang / so sor thar pa dang 'dul ba mi srung ba dge sbyong gi dri ma dang / kha ltar mu cor smra ba dge sbyong gi dri ma dang / ma gus pa dang / rgod pa dang / khengs
- 252a
bdage slong ka dri ma dang / wA bas kun nas dkris pa dge slong gi drim dang / rten cing 'brel par 'byung ba dang 'gal pa dge slong ba rnaMm dang / mthar sgrub la gnas don stong gi dri ma dang / 'khor ba la mngon par dga' ba dge slong gi dris dang / mu d+ham las 'das pa la mngon par mi dga' bdag slong gad+ha ma dang / 'dzi rten kyang 'bar ba'i gsang tshig 'dzin pa sa sbyong ba dri ma dang / sgrib pas kun nas dkris pa dge sbyong gi dri ma dang / las kyi rnam par smin pa dang 'gal ba dge slong kyi dri ma dang / rnam par thar pa'i sgo gsum gyis skrag pa dge sbyong gi dri ma dang / chos zab mo spong ba dge sbyong gi dri ma dang / chos dang 'gal bar gnas pa dge slong gi dri ma dang / dkon mchog gsum la mi gus pa dge slong gi dri ma ste/ 'od srungs sum cu rtsa gnyis po de dag ni dge slong gi dri ma ste/ de dag spangs na dge sbyong dge sbyong zhes bya'o/ / 'od srungs brgyad po 'di dag ni dge sbyong gi chos kyi sgrib pa ste/ brgyad gang zhe na/ 'di lta ste/ tha ma rnams la mi gus pa dang / chos rnams la rim po med pa dang / tshul bzhin ma pa'i yid la byed pa dang / ma thos pa'i mdo sde spong ba dang / bdag med pa/ sems can med pa/ srog med pa/ gang zag med pa'i chos kyis skrag pa dang / 'dus ma byas kyi chos bstan pa la mi 'jug gi/ 'dus byas nyid kyi rjes su snyeg pa dang / 'du byed rnams ma skyes pa zhes thos na skrag pa dang / chos thams cad rang bzhin gyis ma skyes pa zhes thos na g.yang sa chen por lhung ba bzhin du ltung ba ste/ 'od srungs
- 252b
brgyad po 'di dag ni dge sbyong gi chos kyi sgrib pa ste rab tu byung bas de dag yongs su spang bar bya'o/ / 'od srungs dge sbyong ni kha dog dang rtags kyi dbyibs kyis dge sbyong zhes nga mi 'chad kyi yon tan gyi chos la nan tan byed pa'i dge sbyong ni dge sbyong ngo zhes ngas bshad do/ / 'od srungs dge sbyong gis ni rnyog pa med pa'i sems kyis lus la ngur smrig dag bcang bar bya'o// de ci'i phyir zhe na/ 'od srungs rnyog pa med pa la ngas ngur smrig gnang gi/ 'od srungs gang rnyog pa dang bcas pas lus la ngur smrig dag 'chang ba de dag thams cad ni ngur smrig tshig pa'o zhes bshad de/ ngas ma pas mos pa rnams ni ma gtogs so/ / de ci'i phyir zhe na/ 'di ni 'phags pa rnams kyi rgyal mtshan yin pa'i phyir te/ skyo zhing 'dod chags dang bral bar spyod pa rnams kyi gos 'di dag ni nye bar zhi ba'i rjes su mthun pa byams pa'i rjes su zhugs pa'o/ / 'od srungs de la 'phags pa rnams kyi rgyal mtshan gang zhe na/ 'od srungs bcu gnyis po 'di dag ni 'phags pa rnams kyi rgyal mtshan te/ bcu gnyis gang zhe na/ 'od srungs tshul khrims 'phags pa rnams kyi rgyal mtshan dang / ting nge 'dzin 'phags pa rnams kyi rgyal mtshan dang / shes rab 'phags pa rnams kyi rgyal mtshan dang / rnam par grol ba 'phags pa rnams kyi rgyal mtshan dang / rnam par grol ba'i ye shes mthong ba 'phags pa rnams kyi rgyal mtshan dang / bden pa la 'jug pa 'phags pa rnams kyi rgyal mtshan dang / rten
- 253a
cing 'brel par 'byung ba la 'jug pa 'phags pa rnams kyi rgyal mtshan dang / bsam gtan bzhi 'phags pa rnams kyi rgyal mtshan dang / tshad med pa bzhi 'phags pa rnam/ kyi rgyal mtshan dang / gzugs med pa'i snyoms par 'jug pa bzhi 'phags pa rnams kyi rgyal mtshan dang / skyon med pa la 'jug pa 'phags pa rnams kyi rgyal mtshan dang / zag pa zad pa 'phags pa rnams kyi rgyal mtshan te/ 'od srungs bcu gnyis po de dag ni 'phags pa rnams kyi rgyal mtshan no// 'od srungs gang la la rgyal mtshan 'di dag dang mi ldan par 'phags pa'i rigs gos ngur smrig dag 'chang ba de ni nor pa'i chos la zhugs pa'o zhes ngas bshad do/ / chos dang 'gal bar gnas pa zhes bshad do// de bzhin gshegs pa'i bstan pa las ring du gnas pa zhes bshad do// mya ngan las 'das pa'i phyogs kyi mi mthun pa'i phyogs la gnas pa zhes bshad do/ / 'khor ba'i phyogs dang mthun pa zhes bshad do// nga rgyal gyi mchil pas zin pa zhes bshad do// snying po ma blangs pa zhes bshad do// chos las nyams pa zhes bshad do// nyam nga ba'i lam la gnas pa zhes bshad do// 'od srungs de lta bas na dge sbyong gis lus la ngur smismrig dag bcang ba lta na rnyog pa med pa'i sems su bya'o/ / gal te des 'bras bu thob par ma gyur na/ des gus pa brgyad kyis lus la ngur smrig dag bcang bar bya ste/ brgyad gang zhe na/
- 253b
mchod rten gyi 'du shes dang / ston pa'i 'du shes dang / nye bar zhi ba'i 'du shes dang / byams pa'i 'du shes dang / sangs rgyas la gus pa'i 'du shes dang / ngo tsha shes pa'i 'du shes dang / khrel yod pa'i 'du shes dang / rnyog pa med par bya'o snyam pa ste/ dge sbyong gi tshul dang mthun pa'i phyir gus pa brgyad po de dag gis lus la ngur smrig dag bcang bar bya'o/ / 'od srungs gang dag lhod cing yang dag par mi sdom pa dang / dge sbyong gi yon tan gyi chos 'di dag las nyams par lus la ngur smrig dag 'chang ba rnams ni gus pa 'di dag mi skyed do/ / 'od srungs dge sbyong gi kha dog dang gzugs can la gnod pa byed pa zhes bya ba nyi tshe'i sems can dmyal ba yod de/ 'od srungs nyi tshe'i sems can dmyal ba der dge sbyong gi gzugs su gyur bzhin du gos 'bar ba dag dang / mgo 'bar ba dag dang / lhung bzed 'bar ba dag dang / stan 'bar ba dag dang / mal cha 'bar ba dag gnod pa byed de/ de dag gi longs spyod dang / yongs su spyod pa gang ci yod pa de dag thams cad 'bar rab tu 'bar te/ kun tu rab tu mched cing 'bar la/ de mer gyur te/ dge sbyong gi kha dog dang gzugs kyis gnod pa de dag myong bar 'gyur ro/ / de ci'i phyir zhe na/ 'di ltar lus dang / ngag dang / yid kyi las yongs su ma dag pa dang ldan pa'i phyir te/ lus dang / ngag dang / yid kyi las yongs su ma dag pa
- 254a
dang ldan pa de dag gi 'gro ba'ang yongs su ma dag pa nyid du 'gyur ro/ / 'od srungs dge sbyong ma yin la/ dge sbyong du khas 'che ba dang / tshangs par spyod pa ma yin// la/ tshangs par spyod par khas 'che ba gang zhig tshul khrims dang ldan pa rnams dang / yon tan dang ldan pa rnams kyis phyag byas pa bdag gir byed na/ de mi dge ba'i chos des brnyas pa brgyad 'thob ste/ brgyad gang zhe na/ bems po lta bur 'gyur ba dang / go dka' zhing le lo can du 'gyur ba dang / skye bo mang pos bgad pa'i bud med du 'gyur ba dang / rang dbang med cing bran du 'gyur ba dang / mdog ngan cing mi sdug par 'gyur ba dang / mdog ngan cing dbang chung bar grags par 'gyur ba dang / de la su'ang bsu bar mi 'gyur ba dang / sprin gnas rnams la mgu bar mi byed pa ste/ brnyas pa brgyad po de dag 'thob bo/ / 'od srungs de lta bas na bzang po ma yin pa'i chos 'di lta bu 'di dag thos nas/ dge slong sdig pa can gyis gzhan gyis phyag byas pa bdag gir mi bya'o/ / 'od srungs gang dge sbyong ma yin la/ dge sbyong du khas 'che ba dang / tshangs par spyod pa ma yin la/ tshangs par spyod par khas 'che ba ni/ tha na sa chen po 'di la mchil ma'i thal ba tsam 'dor ba de'ang des rnyed par mi 'gyur na/ gom pa 'deg pa dang / 'jog pa lta ci smos/ de ci'i phyir zhe na/ 'od srungs sa chen po 'di ni sngon gyi rgyal po rnams tshul khrims dang ldan pa
- 254b
rnams dang / yon tan dang ldan pa rnams dang / sbyin gnas dang ldan pa rnams la kun tu spyad pa'i don du phul ba'i phyir ro// 'od srungs de la mi blun po de ni gom pa 'jog pa dang 'dor ba gang yin pa de thams cad kyang dad pas byin pa la mi dbang bzhin du gom pa 'dor zhing 'jog pa yin na/ dge 'dun gyi'am/ phyogs bzhi'i dge 'dun gyi khri'am/ khri'u 'am/ 'chags 'am/ gding ba 'am/ gnas khang ngam/ gtsug lag khang ngam/ kun dga' ra ba'i gzhi 'am/ yongs su sprad pa 'am/ lhung bzed dam/ chos gos sam/ bsod snyoms sam/ mal cha'am/ na ba'i gsos snyan nas/ yo zung kyang rung ste/ thams cad dad pas byin pa la mi dbang bar spyod pa yin pa lta kyi thos/ 'od srungs khyod mos par bya'o// khyod kyis khong du chung par bya'o/ / 'od srungs dge sbyong ma yin la/ dge sbyong du khas 'che ba dang / tshangs par spyod pa ma yin la/ tshangs par spyod par khas 'che bas ni dad pas byin pa skra'i rtse mo'i cha shas tsam yang yongs su dag par bya mi nus so/ / de ci'i phyir zhe na/ 'od srungs 'phags pa'i dge 'dun ni ngas rgya mtsho chen po lta bu dang / bsod rnams kyi zhing dang / sbyin gnas rnams kyi mchog tu bstan pa'i phyir ro/ / 'od srungs bram ze 'am/ khyim bdag dad pa gang dag de la yon 'bul ba de dag tshad med pa'i 'du shes kyis 'bul ba de la/ 'od srung
- 255a
mi thun po tshul khrims 'tshal pas tha na skra'i rtse mo brgyar gshegs pa'i cha tsam zhig dad pas byin pa yongs su spyad na'ang / sbyin pa po dang sbyin bdag de yongs su sbyang ba'i phyir dad pas byin pa skra'i rtse mo'i cha tsam ji snyed la spyad pa de snyed kyi las kyi rgya mtsho chen po sogs par 'gyur ro/ / 'od srungs de lta bas na tshul khrims yongs su dag pas dad pas byin pa yongs su spyad par bya'o zhes khyed kyis de ltar bslab par bya'o/ / bstan pa 'di bshad pa na rnal 'byor spyod pa'i dge slong nyis brgyas bstan pa 'di thos nas// rab tu ngus te mchi ma zag cing tshig 'di skad ces bdag cag ni gum yang rung ste/ 'bras bu ma thob kyi bar du dad pas stsal ba'i bsod snyoms gcig tsam yang yongs su spyad par mi bgyi'o zhes smras so/ / bcom ldan 'das kyis bka' sprul pa/ skyes bu dam pa dag legs so legs so// ngo tsha shes pa dang / 'gyod pa dang ldan pa dang / 'jig rten pha rol tu kha na ma tho bas 'jigs par lta ba rnam pa 'di lta bu dag gis gsung rab 'di mdzes so/ / 'od srungs ngas dge slong gnyis la dad pas byin pa gnang ste/ gnyis gang zhe na/ ldan pa dang grol ba'o/ / yang gnyis te/ gang 'du byed thams cad la mi rtag par lta ba dang / gang yang sems rnam par grol ba byams pa la snyoms par 'jug pa'o// dge slong dag de la dge slong
- 255b
ldan pa rnal 'byor spyod pa nga'i bstan pa la zhugs pa gang zhig sbyin pa po dang / sbyin bdag las chos gos dang / bsod snyoms dang / mal cha dang / na ba'i gsos sman dang / yo byad rnams yongs su spyad nas 'khor ba'i skyon mthong / 'du byed thams cad mi rtag par mthong / 'du byed thams cad sdug bsngal bar rig/ chos thams cad la bdag med par mos// mya ngan las 'das pa zhi bar rtogs pas ni ri rab tsam gyi kham dag gis dad pas byin pa yongs su smad kyang / de'i yon shin tu yongs su dag par 'gyur ro// sbyin pa po dang sbyin bdag gang dag las dad pas byin pa yongs su spyad pa de las de dag gi bsod nams kyi rnam par smin pa 'byor pa chen po dang phan yon chen por 'gyur ro/ / de ci'i phyir zhe na/ dge slong dag rdzas las byung ba'i bsod nams bya ba'i dngos po rnams pas/ gang byams pa'i sems la snyoms par 'jug pa de mchog yin pa'i phyir ro// dge slong dag dge slong gang zhig sbyin pa po dang / sbyin bdag gi chos gos dang / bsod snyoms dang / mal cha dang / yo byad rnams yongs su spyad nas/ sems rnam par grol ba tshad med pa la snyoms par 'jug na sbyin pa po dang / sbyin bdag de'i rnam par smin pa'ang tshad med par shes par bya'o/ / 'od srungs stong gsum gyi stong chen po'i 'jig rten gyi khams na yod pa'i rgya mtsho chen po rnams ni yongs su zad par 'gyur yang srid kyi/
- 256a
de'i bsod rnams kyi rgyu maldan pan 'das tha zad par dag yang mi 'an no// 'od srung ba gang zhig sbyin pa po dang / sbyin bdag ga dang pas byin pa sa stsas/ nas/ 'chal pa'i tshul khrims kyis log par ltung bar byed na/ mi gti mug pa de gnod pa ji tsam gyi phyir zhugs pa la ltos/ 'od srungs de lta bas na dge sbyong gi dri ma dang / dge sbyong gi skyon dang / dge sbyong gi ma drang ba dang / dge sbyong gi g.yo dang / dge sbyong gi sgyu dang / dge sbyong gi gya gyu dang / rnam pa de lta bu de dag ni dge sbyong bsam pa dag pas yongs su spang bar bya'o// / 'od srungs dge sbyong dge sbyong zhes bya ba ni gang mig nas mi zag cing / rna ba nas ma yin/ sna nas ma yin/ lce nas ma yin/ lus nas ma yin la/ yid nas kyang mi zag ste/ de'i phyir dge sbyong dge sbyong zhes bya'o/ / skye mched drug rig pa dang / mngon par shes pa drug dang / rjes su dran pa drug dang ldan pa dang / dam pa rnams la gus par gnas pa dang / pha rol tu 'gro ba'i chos drug la gnas pa ste/ de'i phyir dge sbyong dge sbyong zhes bya'o// dge sbyong gi le'u ste dang pa'o// // 'od srungs dge slong dge slong zhes bya ba ni nyon mongs pa bcom pa'i phyir dge slong zhes bya'o/ / bdag tu 'du shes pa bcom pa dang / sems can du 'du shes pa dang / srog tu 'du shes pa dang / gso bar 'du shes pa dang //
- 256b
gang zag tu 'du shes pa dang / skyes par 'du shes pa dang / bud med du 'du shes pa dang / khye'ur 'du shes pa dang / bu mor 'du shes pa bcom pa ste/ de'i phyir dge slong dge slong zhes bya'o/ / lus bsgoms pa dang / tshul khrims bsgoms pa dang / sems bsgoms pa dang / shes rab bsgoms pa dang / 'jigs skrag pa med pa dang / srid pa'i chu bo las rgal ba dang / 'byung ba dang / 'jig pa la lta ba dang / 'jigs pa thams cad dang bral ba dang / 'jigs pa med pa'i lam la gnas pa skye/ de'i phyir dge slong dge slong zhes bya'o// 'od srung gang la la zhig chos 'di dag dang mi ldan la/ bdag ni dge slong dge slong ngo snyam du khas 'chen bsam pas mos pa ma gtogs par/ nga'ang de'i ston pa ma yin la/ de'ang nga'i nyan thos ma yin no/ / 'od srungs sdig pa can gyi dge slong dag phal cher nga'i bstan pa 'di nub par byed par 'gyur te/ 'od srungs ya mtshan can dgu bcu rtsa lnga dang / phas kyi rgol ba thams kyis ni nga'i bstan pa 'di nub par byed mi nus so/ / gzhan du na nga'i bstan pa 'di las mi gti mug pa nges par mi sems pa gang dag 'byung ba de dag gis nga'i bstan pa nub par byed par 'gyur ro/ / 'od srungs 'di lta ste/ dper na ri dgas kyi rgyal po seng ge shi ba'i sha la gcan gzan nam/ bya gang gis kyang za bar mi nus kyi/ seng ge'i ro de nyid las srin bu gang dag
- 257a
'byung ba de dag ri dgas kyi rgyal po seng ge'i sha la za'o/ / 'od srungs de bzhin du nga'i bstan pa 'di nyid las mi blun po brkam pa/ chags pa'i zil gyis non pa/ chos ma yi pa la lta ba/ nges par mi sems pa/ lhod pa/ brdzun du smra ba gang dag 'byung ba de dag nga'i bstan pa nub par byed par 'gyur ro// 'od srungs chos bzhi dang ldan na sdig pa can gyi dge slong du rig par bya ste/ bzhi gang zhe na/ 'dod chags pa dang / zhe sdang dang / gita mug dang / nga'o snyam pa'i nga rgyal te/ bzhi po de dag go// gzhan yang bzhi ste/ bzhi gang zhe na/ khengs pa dang / mu cor smra ba dang / bya khwa lta bu dang / tshig 'chal pa ste/ bzhi po de dag go// gzhan yang bzhi ste/ bzhi gang zhe na/ rgod pa dang / phopo theg can dang / rnyed pa 'dod pa dang / rlos ma yin pa 'dod pa ste/ bzhi po de dag go// gzhan yang bzhi ste/ bzhi gang zhe na/ g.yon can dang / sgyu can dang / mi mthun pas 'tsho ba dang / mi gtsigs par smra ba yin te/ bzhi po de dag go// gzhan yang ba ni ste/ bzhi gang zhe na/ byas pa mi gzo ba dang / byas pa la spyod pa dang / sngon byas pa mi dran pa dang / mdza' bo la 'khu ba yin te/ bzhi po de dag go// gzhan yang bzhi ste/ bzhi gang zhe na/ dad pas byin pa log par ltung bar byed pa dang / tshul khrims mi srung ba dang /
- 257b
so sor thar pa khyad du gsod pa dang / 'dul ba mi srung ba ste/ bzhi po de dag go/ gzhan yang bzhi ste/ bzhi gang zhe na/ bdag tu smra ba yin/ sems can du smra ba yin/ srog tu/ smra ba yin/ gang zag tu smra ba yin te/ bzhi po de dag go// gzhan yang bzhi ste/ bzhi gang zhe na/ sangs rgyas la mi gus pa yin/ chos la mi gus pa yin/ dge 'dun la mi gus pa yin/ bslab pa rnams la mi gus pa yin te/ bzhi po de dag go// gzhan yang bzhi ste/ bzhi gang zhe na/ dge 'dun mthun pa la mi dga' ba yin/ gtsug lag khang la dga' ba mi rnyed pa yin/ 'du 'dzi la mngon par dga' ba yin/ 'jig rten rgyang 'phen pa'i gsang tshig brjod pa yin te/ bzhi po de dag go// gzhan yang bzhi ste/ bzhi gang zhe na/ rnyed pa 'dod pa yin/ grags pa 'dod pa yin/ gnyen bshes 'dod pa yin/ chos la mchog tu dga' ba mi rnyed pa yin te/ bzhi po de dag go// gzhan yang bzhi ste/ bzhi gang zhe na/ bdud kyis zin pa yin/ bdud kyis non pa yin/ rmugs pa dang gnyid mang ba yin/ 'phags pa'i rigs rnams la mi gnas pa yin te/ bzhi po de dag go// gzhan yang bzhi ste// bzhi gang zhe na/ lus rul cing brgyan pa dang / nyon mongs pas snad pa dang / mya ngan las 'das pa la rgyab kyis bltas pa dang / 'bras bu thob pa med pa yin te/ bzhi po de dag go// gzhan
- 258a
bzhi ste/ bzhi gang zhe na/ 'dod chags kyi yongs su gdung bas yongs su gdungs pa dang / zhe sdang gi yongs su gdungs pas yongs su gdungs pa dang / gti mug gi yongs su gdung bas yongs su gdungs pa dang / nyon mongs pa thams cad kyi yongs su gdung bas yongs su gdungs pa ste/ bzhi po de dag go// gzhan yang bzhi ste/ bzhi gang zhe na/ lam ngan pa la gnas te 'byung ba mi mthong ba yin/ ser sna can du gyur te kun mi 'gyed pa'i ngang tshul can yin/ thams cad yongs su 'dzin par 'dod cing chog mi shes pa yin// ngoms mi myong zhing thos pa'i nan tan dang bral ba yin te/ bzhi po de dag go// gzhan yang bzhi ste/ bzhi gang zhe na/ mun par gzhol bas mun par gyur pa yin/ rmongs pa la gzhol bas rmongs par gyur pa yin/ log pa'i chos kyis dkris pas chos ma yin pa mthong ba yin/ mya ngan las 'das pa'i sgo bcad pas 'khor ba'i 'ching bas bcings pa yin te/ bzhi po de dag gzhan yang ba'i ste/ bzhi gang zhe na/ lus kyi tshul 'chos pa yin/ ngag gi tshul 'chos pa yin/ sems kyi tshul 'chos pa yin/ spyod lam gyi tshul 'chos pa yin te/ bzhi po de dag go// de la lus kyi tshul 'chos pa ni dal gyis 'gro bar tshul 'chos pa yin/ mgo smad par tshul 'chos pa yin/ gnya' shing gang tsam du lta bar
- 258b
tshul 'chos pa yin/ gos tshags legs par gyon par tshul 'chos pa yin/ dgon pa la gnas pa'i yon tan mi 'tshol bar dgon pa la gnas pa ltar tshul 'chos pa yin/ gong bur 'du shes pa mi sel bar bsod snyoms len pa ltar tshul 'chos pa yin/ ngo tsha shes pa dang khrel yod pa'i rjes su mi 'jug par phyag dar khrod 'chang ba ltar tshul 'chos pa yin// rten cing 'brel par 'byung ba la mi 'jug par ri drung dang shing drung du gnas pa ltar tshul 'chos pa yin/ chos bdud rtsi'i sman mi tshol bar bkus te bor ba'i sman tshol ba ltar tshul 'chos pa yin te/ 'di ni lus kyi tshul 'chos pa zhes bya'o// de la ngag gi tshul 'chos pa gang zhe na/ che ge mo zhes bya bas kho bo shes shing / che ge mo zhes bya bas kho bo mgron du bos te/ kho bos 'dod pa rnyed cing bsti stang du byas nas rnyed/ kho bos bzang po med/ kho bos lan mang du rnyed/ kho bos mang du thos/ kho bo tshul khrims dang ldan zhing dge ba'i chos can yin// kho bo ni bod par 'os pa yin/ kho bo ni slar lan gdab pa'i 'os yin/ kho bo ni nus pa dang ldan zhing skal ba yod la mthu yod pa yin/ kho bo ni don rnam par nges pa bstan pa 'a mkhas pa yin/ gang che ge mo zhes bya bas kho bo la 'di skad ces smras te/ kho bos de la 'di skad ces smras nas tshar bcad de spobs pa med par byas/ kho bos 'khor mgu bar byas/ kho bos
- 259a
legs so zhes bya ba thob/ kho bos de las bgo ba thob/ yang 'ong bar bya ba'i phyir kho bo mgron du gnyer ces bya ba ste/ 'od srungs nges par mi sems pa'i sems dang ldan pa las/ tshig 'chal pa de lta bu gang ci 'byung ba de thams cad ni ngag gi tshul 'chos pa ste/ mi rigs pa rnams kyi yon gyi/ rigs pa rnams kyi ma yin te/ 'di ni ngag gi tshul 'chos pa zhes bya'o/ / 'od srungs de la sems kyi tshul 'chos gang zhe na/ gang sems kyis chos gos dang bsod snyoms rnyed kyang rung bar yongs su rtog la/ tshig gis bdag la ci'ang mi dgos so zhes zer ba dang / gang sems kyis rnyed par 'dod la/ 'dod pa nyung ba skad du smra ba 'di ni sems kyi tshul 'chos pa zhes bya'o// de la 'di skad ces bya ste/ sems kyis rnyed kyang ci ma rung snyam sems// tshig tu bdag la ci yang dgos med smra// med pa'i ngo bo yid kyis de smras te// nam yang bde ba rnyed par 'gyur ma yin/ / sems kyi tshul 'chos bsam pas lha rnams dang / klu dang lha mig can rnams slu bar byed// smras pa'i sems kyis nams kyang dag mi 'gyur// de bzhin gshegs pa kun gyis de mkhyen to/ / 'od srungs de ltar na dge slong chos ma yin pa dang ldan pa// sdig pa can rnams kyi cho ga ma yin pa'i spyod yul la spyod pa 'di lta bu
- 259b
gang yin pa 'di ni sems can dmyal ba dang / dud 'gro'i skye gnas dang / gshin rjes 'jig rten du 'gro bar 'gyur ba'o// dge slong gi le'u ste gnyis pa'o// / 'od srungs de la dge sbyong gdol pa lta bu gang zhe na/ 'od srungs 'di lta ste/ dper na gdol pa ni rtag tu dur khrod spyod yul ba yin te/ shi ba la re ba dang / byams pa med pa'i mig gis 'gro ba la lta ba dang / shi ba la dga' ba yin no// 'od srungs de bzhin du dge sbyong gdol pa lta bu'ang rtag tu mdza' bshes kyi khyim dang spong ba ster ba'i khyim la gdu ba yin te/ de nas rnyed pa dang bkur stis nye bar 'tsho zhing khyim pa de dag chos sam/ 'dul ba yang dag par 'dzin du mi 'jug pa dang / de rnyed pa'i ched du 'dris par byed kyi// don gyi ched du ma yin pa dang / mdza' ba'i sems med cing rtag tu rnyed pa la re ba yin te/ 'od srungs 'di ni dge sbyong gdol pa lta bu zhes bya'o// 'od srungs 'di lta ste/ dper na gdol pa ni tshong dpon dang / khyim bdag dang / blon po dang / khams kyi rgyal po dag dang / bram ze dang / rgyal rigs dang / grong rdal gyi mi dang / yul gyi mi rnams kyis rtag tu yongs su spang bar bya ba'i 'os yin te/ gdol par rig nas thag ring po bas kyang ring por yongs su spong ngo // 'od srungs de bzhin du dge sbyong gdol pa lta bu'ang dge slong
- 260a
dang / dge slong ma dang / dge bsnyen dang / dge bsnyen ma tshul khrims dang ldan pa yon tan dang ldan pa rnams kyis yongs su spang bar bya ba'i 'os yin te/ dge slong gdol pa lta bu sdig pI chos kun tu sdod cing tshul khrims 'chal par rig nas/ thag ring po bas kyang ring por yongs su spong ngo // 'od srungs 'di lta ste/ dper na gdol pa'i kha phyis sam/ gos sam/ yongs su smad pa de dag thams cad la ni skye bo ya rabs rnams mi reg cing yongs su mi spongad do// 'od srungs de bzhin du dge sbyong gdol pa lta bu'i lhung bzed dam/ chos gos sam/ yongs su spyad pa de thams cad ni mi mthun pa'i 'tsho bas yongs su btsal ba/ lus dang sems smras pas yongs su btsal ba yin pas// tshul khrims dang ldan pa yon tan dang ldan pa dag de la mi reg cing mi spyod do// 'od srungs 'di lta ste/ dper na gdol pa ni kha phyis thogs te/ zhum zhum bor byas nas gzhan gyi khyim du 'gro'o/ / 'od srungs de bzhin du dge sbyong gdol pa lta bu'ang zhum zhum por byas nas/ de bzhin gshegs pa'i mchod rten la phyag 'tshal lo// zhum zhum por byas nas 'khor gyi nang du 'gro'o/ / zhum zhum por byas nas gtsug lag khang dang / gnas khang dang / gzhan gyi khyim du 'gro'o// zhum zhum por byas nas 'gro ba dang / 'dug pa dang
- 260b
nyal bar byed do/ / 'od srungs de ltar na zhum zhum por byas pa sdig pa 'chab pa de'i spyod lam gang yin pa de dag thams cad ni rung ba ma yin pa las yongs su brtags pa'o// 'od srungs 'di lta ste/ dper na gdol pa'i sems ni bde 'gro'i skye ba la mi gnas so// de ci'i phyir zhe na/ 'di ltar de rang gi las kyi nyes pa'i phyir ro// 'od srungs de bzhin du dge sbyong gdol pa lta bu'i sems kyang bde 'gror 'gro bar bya ba'i phyir mi gnas shing / de'i 'jig rten pha rol rnam par zhigs la/ de ngan 'gro sum du gnas par rig par sgrib pa med de/ 'od srungs 'di ni dge sbyong gdol pa lta bur zhes bya'o// 'od srungs de la dge sbyong rul ba gang zhe na/ 'od srungs 'di lta ste/ dper na rgyal po la 'os pa'i btung ba ro mchog dang ldan pa las/ gang snying khu mchog bcus pa de'i lhag ma ni rul zhing mi gtsang bar gyur pa ste/ myang bar bya ba ma yin no// 'od srungs de bzhin du dge sbyong rul ba'ang chos kyi mchog gi snying khu'i ro bro ba dang bral ba yin te dring ba dang / yongs su spang bar bya ba'i 'os yin te/ nyon mongs pa dang / g.yo sgyu 'dzin pa dang / 'chal pa'i tshul khrims kyi dri mi zhim pa dang ldan zhing tshul khrims kyi dri dang bral ba yin/ nyon mongs pa'i dris bsgos pa yin te/ de gang dang gang du 'gro ba de dang de nyid du'ang bdag la phan pa'i phyir zhugs kyi/ gzhan la phan pa'i phyir
- 261a
ma yin te/ 'od srungs 'di ni dge sbyong rul ba zhes bya'o// 'od srungs 'di lta ste/ dper na rul pa zhes bya ba ni gang zos pa dang / 'thungs pa dang 'chos pa gzags pa de ni rul zhing dring ba yin te/ skye bo ya rabs thams cad kyis yongs su spang bar bya ba'i 'os yin no// 'od srungs de bzhin du dge sbyong rul ba'ang gzags pa dang mtshungs te/ lus dang / ngag dang / sems kyi kun tu spyod pa yongs su ma dag pas 'phags pa'i skye bos yongs su spang bar bya ba yin te/ 'di ni dge sbyong rul pa zhes bya'o/ / 'od srungs 'di lta ste/ dper na sa bon rul ba gang yin pa de ni sa chen pa las skyer mi rung ngo // 'od srungs de bzhin du dge sbyong rul pa'ang sangs rgyas kyi bstan pa 'di la mi skye zhing 'phags pa'i chos rnam par grol ba'i sa bon nus pa ma yin la/ 'bras bu thob par mi 'gyur te/ 'od srungs 'di ni dge sbyong rul ba zhes bya'o// 'od srungs de la dge spyod za ma tog lta bu gang zhe na/ 'od srungs 'di lta ste/ dper na za ma tog gi phyi rol shin tu byi dor byas la nang mi gtsang ba sna tshogs kyis gang ba zhig yod pa de bzhin du/ 'od srungs dge spyong za ma tog lta bu'ang dge sbyong ltar bcos shing phyi rol gtsang sbra spyod par gyur la/ nang 'dod chags dang / zhe sdang dang / gti mug gis yongs su gang ba yin te/ 'od srungs 'di ni dge
- 261b
spyod za ma tog lta bu zhes bya'o/ / 'od srungs de la dge sbyong ku ran dka lta bu gang zhe na/ 'od srungs 'di lta ste/ dper na ku ran da zhes bya ba'i me tog ni kha dog blta na sdug la reg nA rtsub pa/ lci ba'i sbrang ma'i dri mnam zhing / shi la bar ka'i rtsa ba'i dri mnam ste/ mkhas pa mdzangs pa rnams ni me tog de lta bu la mi reg mi len mi snyom gyi/ gang dag bris pa'i rang bzhin can du gyur pa de'i skyon mi shes pa de dag ni me tog de lta bu len cing snom mo/ / 'od srungs de bzhin du dge sbyong ku ran da ka lta bu'ang dge sbyong gi kha dog dang gzugs dang ldan par gyur kyang mi nges pa yin/ tshig brlang ba yin/ 'chal pa'i tshul khrims kyi dri mi zhim pa yin/ 'tsho ba nyams pa yin/ spod pa nyams pa yin/ lta ba nyams pa yin te/ mdzangs pa mkhas pa rnams ni ku ran da ka lta bu'i dge sbyong de lta bu la snyan pa 'am/ snyen pa 'am/ bsnyen bkur mi byed kyi/ de'i tshul rig pas thag ring po bas kyang ring por yongs su spang ngo // gang dag byis pa'i rang bzhin can du gyur pa de dag ni ku ran da ka lta bu'i dge sbyong de lta bu la sten cing snyen la bsnyen bkur byed de/ ku ran da ka'i me tog byis pa'i lag na 'dug pa bzhin du de dang mthun pa nyid du 'gyur te/ 'od srungs 'di ni ku ran da ka lta bu'i dge sbyong zhes bya'o// 'od srungs de la chom rkun lta bu'i dge sbyong gang zhe na/ 'od srung 'di lta ste/ dper na
- 262a
mi g.yon can gyi rang bzhin can rtag tu brkam pa/ chags pa'i zil gyis non pa/ bdag gi snyed pas chog par mi 'dzin pa/ gzhan gyi nor la re ba/ drag shul can dbyug pa dang / mtshon cha dang / dgra cha thogs pa/ ngo tsha med pa/ snying rje med pa/ rtag tu gdug cing rab tu gdug pa'i sems dang ldan pa ni/ de gang gi tshe grong bar ram/ grong khyer ram/ grong rdal lam/ yul du 'jug pa de'i tshe de 'di snyam du/ gzhan dag gi nor gyi phung po gang yin pa de bdag gir gyur na re stes snyam du sems shing / de zin du 'ong zhes mkhyen du mkhyun bur rgyu ba yin no/ / 'od srungs de bzhin du chom rkun lta bu'i dge sbyong yang rtag tu brkam pa/ chags pa'i zil gyis non pa/ bdag gis rnyed pas chog mi shes pa/ gzhan gyi rnyed pa la re ba yin/ te/ de gang gi tshe grong bar ram/ grong ngam/ grong khyer ram/ grong rdal lam/ yul du 'jug pa de'i tshe/ de rnyed pa'i phyir 'jug gi/ chos kyi phyir ma yin te/ spyod lam thams cad kyang chom rkun lta bur ston pa yin/ 'arlab cing sbed pa yin te/ bdag dge slong gzhan gyis tshul khrims 'chal par shes na mi rung ste/ shes par gyur na so sor thar pa'i mdo 'don pa las bskrad par 'gyur ro snyam nas rtag tu skrag cing / rtag tu 'jigs te/ spyod lam thams cad kyang g.yos spyod pas/ lha dang / klu dang / gnod sbyin dang / dri za dag gis chom rkun 'ong
- 262b
/ chom rkun 'gro'o// chom rkun 'greng ngo // chom rkun 'chag go// chom rkun 'dug go// zhal lo// chos gos len to// chom rkun grong du 'gro'o// zong nas 'byung ngo // nom rkun za'o/ / chom rkun 'thung ngo // chom rkun sgra 'dreg go zhes rig par 'gyur ro// 'od srungs de ltar na lha dang / klu dang / gnod sbyin dang / dri za rnams kyis de'i spyod lam gang yin pa de thams cad rung ba ma yin la/ yongs su brtags pa ma yin par rig par 'gyur te/ rig nas kyang de la snying rje chen po skyed cing / kye ma 'di mtshar cig sdig pa can gyi dge slong 'di lta bu dag gis/ bcom ldan 'das shAkya thub pa'i bstan pa nub par byed par 'gyur ro zhes 'phya zhing mi snyan par zer ro// tshul khrims dang ldan pa/ yon tan dang ldan pa rnams la ni/ lha dang / klu dang / gnod sbyin dang / dri za rnams kyang 'di dag ni bstan pa yongs su 'dzin pa'o zhes gus pa cher skyed do// 'od srungs chom rkun lta bu'i dge sbyong bstan pa 'di la rab tu byung ba ni skyo ba dang 'dod chags dang bral ba'i sems gcig kyang mi skyed na/ 'bras bu 'thob pa lta ci smos kyi/ de ni gnas med do// 'od srungs 'di ni chom rkun lta bu'i dge sbyong zhes bya'o// 'od srungs de la dge sbyong shin te ma gang zhe na/ 'od srungs 'di lta ste/ dper na 'bru'i nang na gang dag ma smin pa dang / mi grung ba dang / 'ongs med cing 'bru 'dra ba de dag ni
- 263a
shin te ma zhes bya'o/ / 'od srungs de bzhin du dge sbyong shin te ma'ang yang zhing mthu chung la/ bdud kyis zin pa/ bdud kyis non pa/ nyon mongs pa thams cad kyis 'phrog pa/ rlung gis g.yengs pa lta bu ste/ 'od srungs dge sbyong shin te ma zhes bya ba de ni dge sbyong tshul khrims 'chal pa sdig pa can rnams kyi tshig bla dgas te/ de dag ni ngas dge sbyong shin te ma zhes btags so/ / 'od srungs de la dge sbyong sun par byed pa gang zhe na/ 'od srungs 'di lta ste/ dper na nas kyi ljang bu phun sum tshogs pa'i nang na/ nas la gnod pa zhig skyes nas/ de ljang bu'i kha dog 'dra zhing rtags dang dbyibs kyang 'dra bas/ de la nas kyi bdag po de dag 'di snyam du 'di dag thams cad ni nas yin no snyam pa'i 'du shes skyed skyed pa las/ gang gi tshe nas kyi ljang bu las snye ma byung bar gyur pa de'i tshe/ nas la gnod pa de la nas kyi 'du shes mi 'byung ngo // 'od srungs de bzhin du dge sbyong sun par byed pa'i dge slong dge slong gi dge 'dun gyi nang na 'dug pa'ang tshul khrims dang ldan pa/ yon tan dang ldan pa/ sbyin pa'i gnas su gyur pa rnams dang / kha dog dang rtags kyi dbyibs 'dra bas/ de la sbyin pa po dang / spyani bdag de dag dge sbyong ngo snyam pa'i 'du shes skyed cing / sbyin gnas su 'du shes skyed pa las/ de nas gal te mi gti mug pa dge sbyong ma yin la/ dge sbyong du khas
- 263b
'che ba/ tshangs par spyod pa ma yin la/ tshangs par spyod par khas 'che ba/ nang rul zhing zag pa de 'khor gyi nang nas byung ste/ shi 'phos shing 'chi ba'i dus byas nas/ sems can dmyal bar 'gro bar 'gyur te/ lha dang / klu dang / gnod sbyin dang / dri za lha'i mig dang ldan pa rnams kyis de sems can dmyal bar skyes par mthong ste/ mthong nas kyang mi gti mug pa 'di ni sngon dge sbyong gi kha dog dang gzugs kyis sdig pa'i las byas pas/ de sems can dmyal ba chen por skas te/ nas la gnod pa la nas kyi yon tan med pa ltar/ 'di la'ang dge spong gi yon tan gyi 'bras bu med do zhes snying rje chen po skyed de/ 'od srungs 'di ni dge sbyong sun par byed pa zhes bya'o// 'od srungs de la dge sbyong ltar bcos pa gang zhe na/ 'od srungs 'di lta ste/ dper na ra gan chen po zhes bya ba'i lcags shig yod de/ shin tu yongs su sbyang ba byas shing / shin tu yongs su dag par byas na gser 'dra bar 'gyur te/ 'on kyang gser gyi rin thang dang / gser gyi kha dog dang / bdar 'phro dang / srang la gzhal ba'i ljid 'dra ba ni ma yin no// 'od srungs de bzhin du dge sbyong ltar bcos pa'i dge sbyong yang lus shin tu bkrus shing gos bzang po mdzes pa gyon la/ dge sbyong gi phyi rol gyi spyod pa thams cad yongs su dag ste/ 'gro ba dang / 'ong ba dang / mdun du lta ba dang / g.ya' g.yor lta ba dang / bskum
- 264a
pa dang / brkyang ba dang / chos gos snam sbyar dang / lhung bzed dang / chos gos 'dzin pa shes bzhin du spyod kyang / de 'dod chags kyis bcom pa dang / zhe sdang gis bcom pa dang / gti mug gis bcom pa dang / nyon mongs pas bcom pa dang / rnyed pa dang bkur stis bcom pa dang / nga rgyal dang / che ba'i nga rgyal dang / nga rgyal las kyang nga rgyal dang nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log pa'i nga rgyal gyis bcom pa dang / nyon mongs pas 'khol ba dang / bsnyen bkur lhur len gyi/ chos lhur mi len pa dang / lus tsha bar sbyor ba la brtson gyi/ tshul khrims kyis tsha bar sbyor ba la mi brtson pa dang / zas dang gos lhur len gyi/ 'phags pa'i chos lhur mi len pa dang / 'jig rten pha rol tu kha na ma tho bas 'jigs par mi lta ba dang / tshe 'di lhur len gyi/ tshe phyi ma lhur mi len pa dang / lus gso ba dang / rnyed pa dang / bkur sti dang / grags pa la rten gyi/ chos la rim gror bya ba la mi rten pa dang spaskras pa sna tshogs kyis sbags pa dang / sdig pas bsgos pa dang / khyim gyi las kyis mtha' la mngon par brtson pa dang / khyim pa dang mtshungs pa'i sems dang ldan pas/ bde ba dag gis kyang bde zhing / sdug bsngal dag gis kyang sdug bsngal ba dang / rjes su chags pa dang khong khro bas bcom pa yin te/ de'i dge sbyong gi chos dang / spyod lam thams cad dang / sems dang sems las byung ba'i
- 264b
chos thams cad ni sems can dmyal ba dang / dud 'gro'i skye gnas dang / gshin rje'i 'jig rten du gzhol ba yin zhing / de dge sbyong gi rin thang dang / ri ba dang / dge sbyong gi srang kha dang mi mnyam pa ste/ 'od srungs 'di ni dge sbyong ltar bcos pa zhes bya'o// 'od srungs de la ji ltar na dge sbyong gzi phrogs pa yin zhe na/ 'od srungs 'di lta ste/ dper na skyes pa 'am/ bud med/ dam/ khye'u 'am/ bu mo gang la la zhig mi ma yin pas gzi phrogs par gyur na/ de dbang chung bar grags shing / mdog ngan la mi sdug par 'gyur te/ de ltar mdangs phrogs pa rnams la ni sman tam/ gsang sngags sam/ rig sngags rnams kyis mi smon te/ de 'chi bar 'gyur ba ma gtogs par tha mar gzhan du mi 'gyur ro// 'od srungs de bzhin du dge slong gang la la tshul khrims kyi gzi med pa dang / ting nge 'dzin gyi gzi med pa dang / shes rab kyi gzi med pa dang / rnam par grol ba'i gzi med pa dang / rnam par grol ba'i ye shes mthong ba'i gzi med pa dang / byams pa'i gzi med pa dang / snying rje'i gzi med pa dang / dga' ba'i gzi med pa dang / btang snyoms kyi gzi med pa dang / sbyin pa dang / yang dag par sdom pa dang / nges pa'i gzi med pa dang / dge sbyong gi yon tan gyi gzi med pa dang / 'phags pa'i rigs la gnas pa'i gzi med pa dang / sbyangs pa'i yon tan dang / yo byad bsnyungs pa'i gzi med pa dang / lus dang / ngag dang / sems yongs su dag pa'i gzi med pa 'di ni/ 'od srungs dge slong gzi phrogs pa zhes bya ba ste/ 'od srungs
- 265a
gzi phrogs pa de lta bu rnams la ni de bzhin gshegs pas sbyar ba'i sman gyis mi tshugs te/ 'di lta ste/ 'dod chags la mi sdug pa'i sman dang / zhe sdang la byams pa dang / gti mug la rten cing 'brel bar 'byung ba dang / nyon mongs pa rnams la tshul bzhin yid la bya ba dang / 'du 'dzi la dben par dga' ba dang / 'dzin pa thams cad spang ba'i phyir dgon par gnas pa dang / gsum bsdams pa'i phyir lus dang / ngag dang / sems yongs su dag pa dang / sems las su rung bar bya ba'i phyir ting nge 'dzin yongs su dag pa'i sman de bzhin gshegs pas sbyar ba 'di lta bu 'di dag gis de la mi tshugs te/ de shi nas sems can dmyal ba nyid du 'gyur gyi/ de'i tha ma gzhan du mi 'gyur ro// gang dag yang 'jig rten las 'das pa'i sman 'di lta ste/ phung po shes pa dang / khams shes pa dang / skye mched shes pa dang / rten cing 'brel bar 'byung ba shes pa dang / stong pa nyid dang / mtshan ma med pa dang / smon pa med pa shes pa dang / 'jig rten las 'das pa'i sman 'di lta bu 'di dag gis kyang de la mi tshugs te/ de shi nas sems can dmyal ba nyid du 'gyur gyi/ de'i tha ma gzhan du mi 'gyur ro// bstan pa 'di bshad pa na dge slong rnal 'byor spyod pa lnga brgyas bdag cag tshul khrims yongs su ma dag bzhin du dad pas byin pa spyad par gyur na mi rung zhes nyams par byas te slar khyim du dong ngo / / de la dge slong gzhan dag cig 'di skad du/ dge slong che ba'i bdag nyid can rnal 'byor spyod pa 'di dag bstan pa las nyams pa ni
- 265b
shin tu ma legs so zhes 'phya'o/ / bcom ldan 'das kyis dge slong de dag la 'di skad ces bka' stsal to// dge slong dag khyed 'di skad du dge slong che ba'i bdag nyid can 'di dag 'di ltar bstan pa las shin tu nyams pa 'di ni shin tu ma legs so zhes ma smra zhig/ de ci'i phyir zhe na/ dge slong dag mngon par mi dga' nas khyim na gnas pa 'di ni dad pa can rnams kyi chos yin te/ dge slong dad pa dang mo / pa mang ba 'gyod pa dang ldan pa 'di dag gis bstan pa 'di thos nas bdag cag tshul khrims yongs su ma dag bzhin du dad pas byin pa yongs su spyad na mi rung ngo zhes nyams pa gyur to// 'od srungs nga lung ston te/ dge slong 'di dag ni 'di nas shi 'phos nas dga' ldan gyi lha'i ris su skye bar 'gyur te/ de dag de bzhin gshegs pa byams pa'i nyan thos thog mar 'dus pa'i grangs su chud par 'gyur ro// dge sbyong gdol pa lta bu'i le'u ste gsum pa'o/ / / bam po gnyis pa ste tha ma'o// de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das dge slong ji lta bus zhal ta bgyi ba lags/ bcom ldan 'das kyis bka' stsal pa/ 'od srungs ngas zhal ta bya bar gnang ba'i dge slong gnyis te/ gnyis gang zhe na/ dge slong yongs su dag pa 'jig rten pha rol tu kha na ma tho bas 'jigs par lta ba/ las kyi rnam par smin pa la rton pa/ 'dzem pa dang ldan zhing 'gyod pa dang ldan pa dang / gang yang zag pa zad pa dgra bcom par gyur pa ste/ 'od srungs dge slong ma nyams pa
- 266a
'di gnyis zhal ta byed par ngas gnang ngo / / de ci'i phyir zhe na/ 'od srungs legs par gsungs pa'i chos 'dul ba 'di la rigs sna tshogs las rab tu byung ba/ sems kyis mos pa sna tshogs dang ldan pa/ spong ba'i phyir rnal 'byor sna tshogs la gnas pa/ kha cig ni dgon pa bzhi ba'i mal stan la mngon par dga' ba/ kha cig ni bsod snyoms pa/ kha cig ni grong 'dab na gnas pa/ kha cig ni 'tsho ba yongs su dag pa/ kha cig ni mang du thos pa la mngon par brtson pa/ kha cig ni chos smra ba/ kha cig ni 'dul ba 'dzin pa/ kha cig ni ma mo 'dzin pa/ kha cig ni grong dang / grong khyer dang / grong rdal dang / yul 'khor dang / pho brang 'khor dag tu zhugs nas chos ston pa ste/ sems can gzhan dag gi sems kyi spyod pa rnams bsrungs dka' ba'i phyir ro// 'od srungs de la dge slong zhal ta byed pas dge slong gi dge 'dun thams cad kyi sems mgu bar bya'o/ / 'od srungs de la dge slong dgon pa pa bas mtha'i mal snyan pa gang yin pa de dag ni dge slong zhal ta byed pas yod las su bsko bar mi bya'o/ / zhal ta byed pas dge slong dgon pa pa de dag bsrung bar bya ste/ dus ma yin par gsol bar mi bya/ dus ma yin par gtang bar mi bya'o// 'od srungs gal te dge slong dgon kha la dge 'dun gyi bya bar gtogs pa slob pa'i las res bab na/ dge slong zhal ta byed pa des las de bdag nyid kyis bya'o// yang na dge slong gzhan zhig bskos la las de byed du gzhug ste/ dge slong
- 266b
dgon pa pa la gnod par mi bya'o/ / 'od srungs de la dge slong bsod snyoms spyod pa gang yin pa de la/ dge slong zhal ta byed pa des kha zas bsod pa bgo bshar bu'o// 'od srungs de la dge slong rnal 'byor spyod pa gang yin pa de dag la dge slong zhal ta byed pas mthun pa'i tshogs chas dang / na ba'i gsos sman dang / yo byad rnams sbyin par bya'o// dge slong rnal 'byor spyod pa des phyogs ga la gnas pa'i sa phyog der dge slong zhal ta byed pa des sgra chen po dang skad drag po mi dbyung zhing byed durang mi gzhug go/ dge slong zhal ta byed pas dge slong rnal 'byor spyod pa de bsrung zhing mal cha'ang sbyar bar bya'o// kha thA bsod pa dang / yi gar 'ong ba dang / rnal 'byor spyod pa'i sa dang mthun pa'i bza' ba dang bca' ba rnams sbyin par bya'o// dge slong de la dge slong 'di ni de bzhin gshegs pa'i bstan pa ston pa'i phyir gnas pa yin te/ de la bdag gis rjes su mthun pa'i yo byad thams cad mang du sbyar bar bya'o snyam du shin tu 'phangs pa'i 'du shes bskyed par bya'o// 'od srungs de la dge slong mang du thos pa la mngon par brtson pa gang yin pa de dag la dge slong zhal ta byed pas lung nos shig/ lhogs shig/ kha ton gyis shig/ kho bo ni khyod kyi rim gro byed pa yin gyis/ khyod ji lta ji lta bur mang du thos par gyur pa de lta de lta bur dge slong gi dge 'dun mdzes par 'gyur bar gyis shig/ 'dug la brjod pas mdzes par gyis shig/ bdag nyid kyi shes rab kyang mchog tu 'gyur bar gyis shig ces spro ba bskyed par bya'o// 'od srungs
- 267a
de la dge slong zhal ta byed pas de dag dus ma yin par gtang bar mi bya/ las su bsgo bar mi bya'o// dge slong zhal ta byed pa des dge slong mang du thos pa de dag bsrung bar bya'o// 'od srungs de la chos smra ba'i dge slong gang yin pa de dag dge slong zhal ta byed pas las su mi bsko bar bya'o// grong dang / grong khyer dang / grong rdal dang // yul 'khor dang / rgyal po'i phro brang 'khor dag tu 'jug tu bcug la/ chos 'chad du gzhug go/ chos nyan pa dag bsko bar bya'o// 'khor gyi dkyil 'khor rnam par dag par bya'o// 'bel ba'i chos kyi gtam gyi phyir dkyil 'khor du gzhag par bya'o// chos smra ba'i dge slong la dge slong gang dag gnod pa byed pa'i dge slong de dag dge slong zhal ta byed pas bzlog par bya'o/ / dge slong zhal ta byed pas chos smra ba'i dge slong la rtag tu bsu bar bya'o// legs so zhes bya ba mang du bya'o// 'od srungs de la dge slong gang dag 'dul ba 'dzin pa dang ma mo 'dzin par gyur pa de dag gi gan du dge slong zhal ta byed pa de song la/ ji ltar na bdag rma med cing ma nyams pa dang / ji ltar na bdag ltung ba med pa'i chos kyis zhal ta bya zhes yongs su dri bar bya'o/ / de nas 'dul ba 'dzin pa dang ma mo 'dzin pa'i dge slong de dag gis dge slong zhal ta byed pa de'i bsam pa rig nas/ de'i bya ba dang / 'byung ba gang yin pa dang // byed ba gang yin pa de bstan par bya'o/ / dge slong zhal ta byed pas 'dul ba 'dzin pa dang ma mo 'dzin pa'i dge slong de dag la 'phangs par bya ba dang / dad pa dang / gus pa dang // zhes rab tu bskyed par bya'o// dge 'dun
- 267b
gyi rnyed pa gang yin pa de dge slong zhal ta byed pas dus dus su dge slong gi dge 'dun la dbul bar bya'i/ / dge 'dun gyi rnyed pa bsags shing sba bar mi bya ste/ ji ltar rnyed pa bzhin du sbyin par bya/ ma bskul bar sbyin par bya/ gnod pa med par sbyin par bya'o// des 'dun pa dang / zhe sdang dang / gti mug dang / 'jigs pas 'gro bar mi bya'o// dge slong gi dge 'dun la rton par bya'o/ khyim ba'i phyogs la rton par mi bya'o/ / dge 'dun gyi bya ba la rton par bya'i/ bdag dgar bya ba la rton par mi bya'o// dngos po gang la'ang dbang bya ba'i 'du shes bskyed par mi bya'i/ bya ba ji tsam du chung ba'ang dge 'dun gyi gros bzhin bya zhing / rang dgar mi bya'o// dge 'dun gyi'am/ phyogs bzhi'i dge 'dun gyi'am/ mchod rten gyi yo byad gang ci'ang rung ste/ ji lta ba bzhin du gzhag par bya ste/ dge 'dun gyi dang phyogs bzhi'i dge 'dun gyi dang bsre bar mi bya'o// phyogs bzhi'i dge 'dun gyi rnyed pa'ang dge 'dun gyi dang bsre bar mi bya'o// dge 'dun gyi dang phyogs bzhi'i dge 'dun gyi rnyed pa mchod rten gyi dang bsre bar mi bya'o/ / mchod rten gyi rnyed pa'ang dge 'dun gyi dang phyogs bzhi'i dge 'dun gyi dang bsre bar mi bya'o// gal te phyogs bzhi'i dge 'dun la brel 'phongs su gyur la/ dge 'dun gyi rnyed pa che bar gyur na/ dge slong zhal ta byed pas dge slong gi dge 'dun bsdus la gros mthun par bgyis te/ dge 'dun gyi rnyed pa de las phyogs bzhi'i dge 'dun la bshugs par
- 268a
@bya'o/ / dgal te de bzhin gshegs pa'i mchod rten zhig ral du gyur la/ dge 'dun gyi dang phyogs bzhi'i dge 'dun gyi rnyed pa che bar gyur na/ dge slong nal 'byed pas dge slong gi dge 'dun thams cad bsdus pa zos mthun par bgyis te/ 'di skad ces de bzhin gshegs pa'i mchod rten 'di ni zhig ral du gyur la/ dge 'dun gyi dang phyogs bzhi'i dge 'dun gyi rnyed pa ni che bar gyur na/ gal te tshe dang ldan pa rnams gnod pa med cing dad pa dang ldan la/ bzod cing gnang na/ bdag gis dge 'dun gyi dang phyogs bzhi'i dge 'dun gyi rnyed pa 'di las dngos po cung zad cig khyer te// de bzhin gshegs pa'i mchod rten 'di bcos par bya'o zhes brjod par bya'o/ / gal te dge 'dun gyis gnang na/ dge slong zhal ta byed pa des de bzhin du bya'o// ji ste dge 'dun gyis ma gnang na/ dge slong zhal ta byed pa des sbyin pa po dang / sbyin bdag rnams la gsol ba thob la/ de bzhin gshegs pa'i mchod rten gso bar bya'o// 'od srungs gal te mchod rten gyi rnyed pa ji ltar mang du gyur tu zin kyang / dge slong zhal ta byed pas dge 'dun dang phyogs bzhi'i dge 'dun la bshugs mi bya'o/ / de ci'i phyir zhe na/ dad cing dang ba mang po dag gis mchod rten la phul ba ni/ tha na ras kyi kha tshar gcig tsam gang yin pa de'ang lha dang bcas pa'i 'jig rten gyi mchod rten yin na/ rin po che 'am/ rin po cher smos pa dag lha smos kyang ci dgos// mchod rten la gos phul ba gang yin pa de ni/ de bzhin gshegs pa'i mchod rten de nyid du rlung dang / nyi ma dang /
- 268b
char pas dengs kyang za'i/ mchod rten la phul ba'i gos dbyig gas/ dbyig gi rin du bsgyur bar mi bya'o// de ci'i phyir zhe na/ mchod rten gyi rin thang cung zad kyang med la/ mchod rten ni rtsis kyang brel bamed pa'i phyir ro/ / 'od srungs dge slong zhal ta byed pas de ltar yongs su dag par bya ste/ des dkon mchog gsum gyi dang ma sbags par bya'o// bdag gi rnyed pas chog shes par bya'o// dkon mchog gsum gyis byin gyis brlabs pa'i dngos po rnams la bdag gir 'du shes mi bya'o/ / 'od srungs dge slong zhal ta byed pa rab tu sdang ba'i sems dang ldan pa gang la la zhig gis tshul khrims dang ldan pa/ yon tan dang ldan pa/ sbyin gnas rnams la sems khros sam/ dbang byed cing bsgo blag byed na/ de mi dge ba'i las des sems can dmyal bar 'gro bar 'gyur ro// gal te mi'i 'jig rten du 'ongs na'ang bran dang / / gzhan gyi las byed par 'gyur pa dang / khu tshur dang // thal lcug dang / lag cha snyems pas rdeg pa dang phrad par 'gyur ro// 'od srungs gzhan yang dge slong zhal ta byed pa dge 'dun gyi bya ba las 'das te/ rang dgar dge slong rnams la dbang byed cing sgo ba dang / chad pas gcod pa dang / 'jigs par byed pa dang / sdigs pa dang / dus ma yin par mngag pa dang dus ma yin par sgo bar byed na/ de mi dge ba'i las des nyi tshe'i sems can dmyal ba phur pa mang po zhes bya ba der skye bar 'gyur te/ der skyes nas lus la lcags phur brgya stong zug cing / de dag 'bar
- 269a
rab tu 'bar la/ kun tu rab tu mched cing 'bar bar 'gyur ro// des tshul khrims dang ldan pa/ yon tan dang ldan pa/ sbyin gnas rnams la bsdigs shing / ngag gi las gdug basbas par gyur pa gang yin pa des de der skyes nas/ lce'i dbang po'i khyon dpag tshad brgya par 'gyur zhing // de'i lce'i dbang po de la lcags phur brgya stong rab tu 'bab cing // de dag kyang 'bar/ rab tu 'bar/ kun tu rab tu 'bar la/ kun tu rab tu mched cing 'bar te mer 'gyur ro// de ci'i phyir zhe na/ 'di ltar des bsdigs shing ngag gi las gdug pa smras par gyur pa'i phyir ro// 'od srungs dge slong zhal ta byed pa gang la las dge 'dun gyi rnyed pa 'dus shing 'dus pa bzhag ste/ dus dus su mi sbyin zhing mtho btsams la gtses nas sbyin pa dang / kha cig byin/ kha cig ma byin/ kha cig la byin kha cig la ma byin na/ de mi dge ba'i las des yi dgas kyi skye gnas rgyag 'jim byin pa nub ces bya ba der skye bar 'gyur ro// de der skyes nas yi dgas gzhan gyis kha zas blangs te/ de la bstar na de bstan pa'i tshe mig gnyis ka mi 'dzums par zas de la lta zhing bkres pa dang skom pas nyen pa'i sdug bsngal gyi tshor ba myong gi/ lo brgya stong du'ang kha zas de thob par mi 'gyur ro// ji ste brgya la brgya las na zas de thob kyang ngan sbugs dang rnag khrag tu 'gyur ro/ / de ci'i phyir zhe na/ 'di ltar des tshul khrims dang ldan pa/ yon tan dang ldan pa/ sbyin gnas rnams mgu bar ma byas shing /
- 269b
rang gi rnyed pas chog mi shes par gyur pa'i phyir ro// 'od srungs dge slong zhal ta byed pa gang la las dge 'dun gyi 'am/ phyogs bzhi'i dge 'dun gyi 'am/ mchod rten gyi rlol bar byas na de'i rnam par smin pa ni ngas bskal par bgrangs pas kyang brjod kyis mi lang ngo / / 'od srungs dge slong zhal ta byed pa gang la las nyes dmigs kyi gnas 'di lta bu 'di dag thos nas/ khro 'am gshe 'am/ gnod par sems sam/ khong khro ba skyed na/ de ni gsor mi rung ngo zhes ngas bshad do// 'od srungs de lta bas na dam pa'i chos 'di lta bu 'di thos nas dge slong zhal ta byed pas lus dang ngag dang / yid yongs su dag par bya'o// bdag dang gzhan bsrung bar bya'o// 'od srungs dge slong zhal ta byed pa rang gi sha la za'ang bla/ dkon mchog gsum gyis byin gyis brlabs pa'i lhung bzed dam/ chos gos sam/ bsod snyoms sam/ na ba'i gsos sman nam/ yo byad yongs su spyad pa ni mi bya'o// de nas bcom ldan 'das la/ tshe dang ldan pa 'od srungs chen pos 'di skad ces gsol to/ / bcom ldan 'das kyis lhod pa rnams kyi lhod pa'i chos dang / 'dzem dog mchis pa rnams kyi 'dzem dog gi chos rnams bka' stsal to// zhal byed pa'i le'u ste bzhi pa'o/ / / bcom ldan 'das dge slong dgon pa pa gang dag bdag dgon pa pa zhes mchid kyis 'chen/ bcom ldan 'das ji tsam gyis na dge slong
- 270a
dgon pa pa lags/ ji tsam gyis na dge slong bsod snyoms pa lags/ ji tsam gyis na dge slong phyag dar khrod pa lags/ de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs 'di la dge slong dgon pa pas dgon pa dang // nags tshal gyi gnas dang / bas mthar gnas mal bca' bar bya'o/ / chom rkun dang / gnag rdzi dang / phyugs rdzi med pa/ sdig sbrul med pa/ ri dgas dang bya mang po med pa/ sbrang bu dang sha sbrang nyung ba/ sgra nyung ba/ ca co nyung ba de lta bu'i dgon pa bas mtha' dag tu gnas par bya'o/ / de dgon pa'i gnas de na gnas pa na/ yid la byed pa brgyad bskyed par bya ste/ brgyad gang zhe na/ lus la mi blta bar bya ba dang / srog la mi blta bar bya ba dang // rnyed pa dang bkur sti la mi blta bar bya ba dang / / 'du 'dzi thams cad la mi blta bar bya ba dang / dgon pa dag tu ri dgas 'chi ba ltar khas blang bar bya ba dang / dgon par dgon pa'i yon tan yang dag par blangs te gnas par bya ba dang / chos kyi 'tsho bas 'tsho'i log pa'i 'tsho bas 'tsho ba ma yin par bya ba dang / zang zing dang / nyon mongs pa med pa'i 'tsho bas 'tsho bar bya ba ste/ yid la bya ba brgyad po de dag bskyed nas/ dgon pa'i gnas su gnas par bya'o// dgon pa'i gnas de na gnas pa na/ sems can thams
- 270b
cad la byams pa'i rnam pa brgyad bskyed par bya ste/ brgyad gang zhe na/ phan pa'i byams pa dang / bde ba'i byams pa dang / gnod pa med pa'i byams pa dang / yang dag pa'i byams pa dang / tha dad pa med pa'i byams pa dang / zhi gnas kyi byams pa dang / chos la nges par sems pa'i byams pa dang / bsam pa yongs su dag pa'i byams pa ste sems can thams cad la byams pa brgyad po de dag bskyed par bya'o/ / de dgon pa'i gnas de na gnas pa na/ 'di ltar sems bskyed par bya ste/ 'di ltar bdag ni lam ring po nas 'dir 'ongs la gcig pu gnyis su med pa ste/ legs par byas pa 'am/ nyes par byas pa skul ba'i grogs ni gang yang med kyi/ lga dang / klu dang / gnod sbyin dang / dri za dang / sangs rgyas bcom ldan 'dra gang dag bdag gi sems kyi bsam pa shes pa dag ni yod de/ bdag dgon pa'i gnas na gnas la/ mi dge ba'i sems kyi dbang du song na/ de dag dbang du 'gyur ro/ / bdag lam ring po nas 'ongs shing gcig pu gnyis su med de sten pa med/ bdag gi med/ yongs su 'dzin pa med la/ gal te 'dod pa la rnam par rtog pas rnam par rtog/ gnod sems kyi rnam par rtog pas rnam par rtog/ 'tshe ba'i rnam par rtog pas rnam par rtog/ mi dge ba gzhan la rnam par rtog pas rnam par rtog par gyur na
- 271a
bdag 'du 'dzin dang / 'du ba la mngon par dga' ba'i sems can rnams dang bye zag med par 'gyur te/ bdag gis lha dang / klu dang / gnod sbyin dang dri za rnams la bzlas par 'gyur zhing / sangs rgyas bcom ldan 'das rnams kyang mi mnyes par byas par 'gyur gyis/ ci nas kyang bdag la lha rnams 'phya bar mi 'gyur ba dang sangs rgyas bcom ldan 'das rnams kyang dgyes par 'gyur ba de ltar bya'o snyam du sems bskyed par bya'o/ / de dgon pa'i gnas de na gnas pa na/ so sor thar pa'i sdom pas bsdam par bya/ tshul khrims kyi phung po shin tu kun bsrung bar bya/ lus dang / ngag dang / sems yongs su dag pa dang / tshul 'chos pa med pa dang / kha gsag med pa dang 'tsho ba yongs su dag pa dang / ting nge 'dzin gyi sems mngon du bya ba dang / ji ltar thos pa'i chos la rten pa dang / tshul bzhin yid la bya ba dang rab tu ldan pa dang / yid byung ba dang / 'dod chags dang bral ba dang / 'gog pa dang / mya ngan las 'das pa la gzhol ba dang / 'khor bas 'jigs skrag pa dang / phung po ni gshed ma ste/ phyir rgol bar rig pa dang / khams bzhi la myur du gdug pa'i dug tu 'du shes pa dang / skye mched drug la grong stong ltar mos pa dang / rten cing 'brel par 'byung ba la 'jug par mkhas pa dang / rtag pa dang
- 271b
chad par lta ba yongs su spangs pa dang / sems can med pa dang / srog med pa dang / gso ba med pa dang / gang zag med par rnam par spyod pa dang / stong pa nyid la mos pa dang / mtshan ma med pa'i spyod yul ba dang / smon pa med pa'i sems spel ba dang / khams gsum la rtag tu 'jigs pa'i yid dang ldan pa dang / rtag tu mgo dang gos la me 'bar ba bzhin du brtson 'grus rtsom pa dang / brtson pa mi 'dor ba dang / lus kyi skyon la yang dag pa ji lta ba bzhin du so sor rtog pa dang / sems kyi skye ba dang 'jig pa la lta ba dang / sdug bsngal yongs su shes pa la mngon par brtson pa dang / kun 'byung ba la thams cad kyi sred pa spangs pa dang / 'gog pa mngon sum du bya ba la zhugs pa dang / lam bsgom pa'i rnal 'byor la brtson pa dang / byams pa'i spyod yul dran pa nye bar gzhag pa la rab tu gnas pa dang / mi dge ba'i chos dang bral ba dang / dge ba'i chos la mngon du phyogs pa dang / yang dag par spong ba la shin tu gnas pa dang / rdzu 'phrul gyi rkang pa mngon du gyur pa dang / dbang po lnga dang ldan pa dang / stobs lnga'i shugs dang ldan pa dang / byang chub kyi yan lag bdun la bsam gtan pa dang / 'phags pa'i lam yan lag brgyad pa la mngon par brtson pa dang / zhi gnas la gnas pa dang / lhag
- 272a
mthong gis blta bar bya ste/ 'od srungs de lta bu'i go cha 'di dag bgos nas nam gyi cha stod dang / nam gyi cha skad la mi nyal zhing rnal 'byor la brtson pa dang rtag tu khyad par du 'gro bar dgon pa'i gnas de na gnas par bya'o/ / de dgon pa'i gnas de na gnas pa na lus brgyan par sbyor ba la brtson par mi bya'o// mal cha brgyan pa la brtson par mi bya'o// chos gos kyis btsun pa la brtson par mi bya'o/ / des rtswa rnying pa bskasra pa blangs la 'chags dang 'dug sar legs par bting ste/ bdag 'dug pa dang / dge 'dun gyi dang / phyogs bzhi'i dge 'dun gyi dang ma sbags pa dang / bdag gi gos kyis chog shes par dgon pa'i gnas der gnas par bya'o// 'od srungs dge slong dgon pa pa gang gi tshe lus gso ba dang / 'phags pa'i lam nye bar brtan pa'i phyir/ grong ngam/ grong khyer ram/ grong rdal du bsod snyoms kyi phyir 'jug pa na/ des sems 'di lta bus dgon pa'i gnas de nas 'gro bar bya ste/ ma rnyed kyang yongs su yi 'chad par mi bya/ rnyed kyang dga' ba bskyed par mi bya/ las kyi rnam par smin pa yid la bya/ bsod nams nye bar brtan par bya// de bzhin gshegs pa yid la bya ba bsam zhing / des grong dang / grong khyer dang / grong rdal du bsod nams kyi phyir 'jug par bya'o// de grong dang / grong khyer dang / grong rdal du bsod snyoms spyod pa na
- 272b
chos kyi go cha bgos la bsod snyoms spyad par bya'o/ / de la chos kyi go cha gang zhe na/ mig gis yid du 'ong ba'i gzugs rnams mthong na rjes su chags par mi bya'o// yid du mi 'ong / ba'i gzugs rnams mthong na'ang khong khro bar mi bya'o// de bzhin du sgra dang / dri dang / ro dang / reg pa yid du 'ong ba dang yid du mi 'ong ba rnams la rjes su chags pa dang khong khro bar mi bya'o/ / dbang po shin tu ba rnams pa dang / mig mi g.yeng ba dang / gnya' shing gang tsam du lta ba dang / dul ba dang / cang shes kyi sems dang / sngon yid la byed pa'i chos mi 'dor ba dang / zang zing gis ma sngags pa'i rgyud kyis bsod snyoms spyad par bya'o// mthar chags su bsod snyoms blang bar bya'o// gang nas bsod snyoms rnyed pa der rjes su chags par mi bya'o/ / gang nas ma rnyed pa der yang khong khro bar mi bya'o// khyim bcur bslangs pa las/ khyim bcu gcig pa las bsod snyoms ma rnyed na'ang yongs su yi chad par mi bya'o/ / de 'di snyam du bram ze dang khyim bdag 'di dag ni bya ba mang ba dag yin pas/ de dag gis bdag la sbyin par nges pa med de/ de dag bdag la sems pa'ang ngo mtshar chen/ bsod snyoms sbyin pa lta smos kyang ci dgos snyam pa'i 'du shes bskyed par bya ste/ des de ltar yongs su yi chad pa med par bsod snyoms kyang
- 273a
par bya'o/ / sems can gang dag de'i mig lam du snang bar gyur pa skyes pa dang / bud med dang / khye'u dang / bu mo dang / tha na dud 'gro'i skye banas su song ba de dag la'ang byams pa dang snying rje'i sems bskyed par bya'o/ / ci nas kyang sems can gang dag bdag gi mig lam du snang bar gyur pa 'am/ bsod snyoms sbyin pa de dag mtho ris su 'gro bar 'gyur ba de ltar bya'o/ / de ltar brtson par bya'o// des bsod snyoms ngan nam/ bzang yang rung blangs te grong ngam/ grong khyer ram/ grong rdal 'di na bdag gi bsod snyoms 'di las bgo bsha' bya dgos pa'i sems can dbul po su yod snyam du phyogs bzhir kun tu blta bar bya'o/ / gal te sems can dbul po zhig mthong na/ des bsod snyoms de las bgo bsha' bya'o/ / gal te sems can dbul po ma mthong na/ des 'di ltar gang dag gi mig lam du snang bar ma gyur te/ mi snang ba'i sems can de dag la bsod snyoms kyi thob pa'i cha skal sbyin gyi/ byin nas len pa dag yongs su spyod cig snyam du sems bskyed la/ des bsod snyoms de khyer te/ dgon pa'i gnas der song la/ lhung bzed dang lag pa bkrus te dge sbyong gi spyod pa dang / cho ga dang ldan pa'i spyod pa bzang pos byin gyis brlabs la/ des skyil mo krung bcas te bsod snyoms de bza' bar bya'o// ma chags pa dang / gnod sems med
- 273b
pa dang / mi brkam pa dang / mi min pas zas thos nas/ 'di gam du lus 'di la srin bu'i rigs pargyad chu yod pa dag 'di'i mthus bde bar gnas par gyur cig/ da ni 'di dag zang ring gis bkru bar bya'o/ / byang chub thob nas ni chos kyis bsdu bar bya'o snyam du sems bskyed par bya'o// gal te yang de'i bsod snyoms ngan par gyur na/ des 'di snyam du sems bskyed par bya ste kha zas ngan pas ni bdag gi lus yang bar 'gyur/ spong ba bzod par 'gyur/ bdag gi bshang gci 'byung ba nyung bar 'gyur/ bdag la dad pas byin pa chung bar 'gyur bdag gi lus yang ba dang sems yang bar 'gyur/ bdag rmugs pa dang gnyid chung bar 'gyur/ bdag la 'dod chags kyi sems kyis kun nas dkris par mi 'gyur ro snyam du yid la bya ba 'di lta bu 'di dag bskyed par bya'o/ / gal te des bsod snyoms mang zhig rnyed na/ de la'ang ran par bza' bar bya'o// dor ba'i chos nyid du'ang bya ste/ bsod snyoms de las rdo leb gang yang rung ba'i steng du gtor la/ 'di snyam du gcan gzan dang bya'i tshogs gang la la zang zing gi zas 'dod pa byin nas/ len pa de dag 'di la zo zhig snyam du sems bskyed par bya'o/ des zas zos nas lhung bzed dang lag pa bkrus te dgon pa la brten nas gnas par bya'o// sngon yid la byed pa'i chos de nyid kyang mi 'dor bar bya'o// 'od srungs gal te dge slong dge
- 274a
pa pa 'bras bu ma thob pa so so'i skye bo'i drung du sbrul dang gcan gzan gtum po dag 'ongs na/ des de la 'jigs pa dang skrag par mi bya'i/ des 'di snyam du bdag thog pa nyid nas lus dang srog bor te dgon pa'i gnas su 'ongs kyi/ 'di la bdag gis 'jigs par mi bya/ skrag par mi bya'i/ byams pa'i sems bskyed par bya zhe sdang rnam par spang bar bya/ / 'jigs pa spang bar bya'o snyam du sems bskyed par bya'o// gal te de ltar byas nas sbrul dang gcan gzan de dag gis srog gcod cing za na'ang des 'di snyam du gcan gzan 'di dag la bdag gis zang zing tsam gyis tshim par byed mi nus kyi/ de dag gis bdag gi sha zos nas bde ba la reg par gnas par 'gyur la/ bdag gis kyang snying po med pa'i lus las snying po blangs par 'gyur ba ni bdag gis rnyed pa legs par rnyed do// da ni 'di dag zang zing gis bsdu bar bya'o// byang chub thob nas ni chos kyis bsdu bar bya'o snyam du sems bskyed par bya ste/ 'od srungs dgon pa la gnas pa'i dge slong gis de ltar lus dang srog la mi lta bar dgon pa la gnas par bya'o// gal te de dgon pa'i gnas de na gnas pan mi ma yin pa 'ongs na/ mdog sdug kyang rung / mdog mi sdug kyang rung / de la chags par mi bya/ khong khro bar mi bya'o// gal te
- 274b
sngon sangs rgyas mthong ba'i lha dag dge slong dgon pa pa'i gan du 'ongs te dri ba yongs su 'drin/ de la dge slong dgon pa pa des ji ltar thos pa bzhin du lnga de dag la chos bshad par bya'o/ / ji ste lha de dag zab mo'i dri ba yongs su 'dri ste/ dge slong dkon pa pa des lan mi thebs pa ltan/ res nga rgyal med par byas la/ 'di skad ces ma bslabs pa la brnyas par mi bya ste/ sangs rgyas kyi bstan pa la lung mnos nas 'bad de khong du ma chud pa'i chos rnams khong du chud par gyur pa de'i tshe/ de'i dus na dris pa thams cad kyi lan gdab par bya'o/ / bdag ni chos nyan pa yin gyi/ khyed spobs par gyis shig ces brjod par bya ste/ 'od srungs dge slong dgon pa pas de ltar lha de dag la go bar bya'o// 'od srungs gzhan yang dge slong dgon pa pa dgon pa la gnas pas/ dgon pa'i 'du shes shin tu bsgom par bya ste/ des lus 'di ni rtswa dang / shing dang / rtsig pa dang / bong ba dang / mig por lta bu ste/ bdag po med pa/ bdag gi med pa/ yongs su 'dzin pa med pa'o// lus 'di la ni bdag dang / sems can dang / srog dang / gang zag med kyi chos 'di dag ni rten cing 'brel par 'byung ba ste/ rgyu dang rkyen las 'byung zhing // byed rgyu tshogs pa las byung ba ste/ ci nas kyang bdag gi lta bar gyur pa thams cad nye bar zhi bar 'gyur
- 275a
pa de ltar bdag gis tshul bzhin so sor brtag par bya'o/ / stong pa nyid dang / mtshan ma med pa dang / smon pa med pa'i chos kyang rgyun mi 'chad par yid la bya'o/ snyam du de ltar bslab par bya'o// dgon pa'i gnas de na gnas pa des rtswa dang / shing gel ba dang / sman dang / nags tshal de dag ji ltar 'byung ba dang / ji ltar 'jig par 'gyur ba dang / ji ltar phyi rol gyi dngos po 'di dag bdag po med pa/ bdag gi med pa/ yongs su 'dzin pa med pa de ltar g.yo ba med cing byed pa po med de/ stong bzhin du skye zhing 'jig la/ su'ang de dag skye ba mi byed/ 'gog par mi byed pa'i mtshan ma bzung la/ de bzhin du lus 'di'ang rtswa dang / rtsig pa dang / shing dang / bong ba dang / mig yor lta bu ste/ bdag po med pa/ bdag gi med pa/ yongs su 'dzin pa med pa/ g.yo ba med pa/ byed pa med pa/ rgyu dang rkyen tshogs pa las 'byung gi/ rgyu dang rkyen ma tshang na mi 'byung ba ste/ 'di la don dam par skye ba dang 'gag pa'i chos gang yang med do snyam du mtshan ma gzung bar bya'o// 'od srungs de ltar dge sbyong dgon pa pas chos kyi mi dam gyi spyod pa 'di lta bus dgon pa la gnas par bya'o/ / de lta bu'i chos la gnas pa de nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i
- 275b
theg pa pa zhig tu myur du khyad par du 'gyur ro/ / gal te nyan thos kyi theg pa par gyur na ni/ de myur du 'bras bu thob par 'gyur ro// ji ste las kyi sgrib pas bsgribs te 'bras bu thob par ma gyur na'ang de zag pa rnams las sems rnam par grol gyi bar du/ de bzhin gshegs pa gnyis sam gsum las mi 'da' 'o// gal te rang sangs rgyas kyi theg pa par gyur na ni/ de myur ba nyid du rang byang chub thob par 'gyur ro// gal te byang chub sems dpa'i theg pa par gyur na ni// de tshe 'di nyid la mi skye ba'i chos la bzod pa thob par 'gyur te/ de sgrib pa med par sangs rgyas mthong bar 'gyur ro/ / sgrib pa med par sangs rgyas mthong nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// dgon pa pa'i le'u 'di bshad pa na/ dge slong lnga brgya len pa med par zag pa rnams las sems rnam par grol lo// dgon pa pa'i le'u ste lnga pa'o// / 'od srungs de la ji ltar na dge slong bsod snyoms spyod pa yin zhe na/ 'od srungs 'di la dge slong bsod snyoms spyod pas 'di ltar bdag bsod snyoms kyi kha zas la gnas te/ legs par gsungs pa'i chos 'dul ba la rab tu byung la/ bdag sngon gyi smon lam dang dam bcas pa la gnas par bya'o snyam du bsam par bya'o// dge slong bsod snyoms spyod pa lhag pa'i bas
- 276a
pa dang ldan pa des mi brnam pa dang / tshul 'chos pa med pa dang / kha gsag med pa dang / mgron du bod pa thams cad kyi sems med pa dang / dge 'dun gyi rnyed pa dang ma 'bags pa dang / yi dam la brtan par bya'o// des kha zas bzang po rnams la ro bro ba'i 'du shes thams cad kyi thams cad du bskyed par mi bya'o// des 'di ltar bdag gis gdol pa lta bu dang / lus dang sems katsang mar bya'i/ kha zas kyis lus gtsang mar ni mi bya'o// de ci'i phyir zhe na/ zas bzang po ji snyed cig zos kyang de thams cad ni tha mar rnag tu zag go/ / tha mar mi mthun no// tha mar dri nga ba'o// de lta bas na bdag gis bzang po 'dod par mi bya'o snyam du bslab par bya'o// de de ltar shin tu nges par sems pa'i sems kyis grong ngam/ grong khyer ram/ grong rdal du bsod snyoms kyi phyir 'jug pa na mthar chags su bslang bar bya'o// des 'di ltar sems bskyed par bya ste/ bdag la skyes pa bsod snyoms ster gyi/ bud med ni ma yin no// de 'am/ bdag la bud med bsod snyoms ster gyi/ skyes pa ni ma yin no zhe'am/ bdag la khye'u bsod snyoms ster gyi/ bu mo ni ma yin no zhe 'am/ bdag la bu mo bsod snyoms ster gyi/ khye'u ni ma yin no zhe 'am/ bdag gis bzang po rnyed kyi/ ngan pa ni ma
- 276b
yin no zhe 'am/ bdag gis bsti stang du byas nas rnyed kyi/ bsti stang du ma byas par ni ma yin no zhe 'am/ bdag gis bde blag tu rnyed kyi/ sha thang bar ni ma yin no zhe 'am/ bdag la skyes pa dang / bud med dang / khye'u dang / bu mo bsu bar 'gyur ro zhe'am/ phyin ma thag tu sems par 'gyur ram/ bdag sdod dgos par 'gyur ram shin tu bsdogs pa rnyed par 'gyur ram/ bdag gis kha zas bzang po ro sna tshogs dang ldan pa rnyed par 'gyur gyi/ dbul po'i zas lta bu ngan pa ni rnyed pa ma yin no snyam du des mi dge ba'i yid la byed pa thams cad bskyed par mi bya'o/ / 'di lta bu'i go cha bgo bar yang bya ste/ rnyed pa ma rnyed kyang yongs su yi chad par mi bya ba dang / ngan pa dang bzang po'i 'du shes bskyed par mi bya ba 'di ni dge slong bsod snyoms pa dag gi chos nyid do/ / de ci'i phyir zhe na/ sems can phal cher ni ro la brkam ste/ zas kyi phyir sdig pa'i las rnams byas nas/ sems can dmyal ba rnams su skye'o// gang dag chog shes par mi brkam pa/ ma zhen pa/ ro la mi gdu ba/ lce'i dbang po chog shes pa zas ngan ngon ji tsam gyis 'tsho ba de dag ni shi 'phos te 'chi ba'i dus byas nas mtho ris su skye bar 'gyur/ lha dang mi rnams kyi nang du bde 'gror 'gro bar 'gyur/
- 277a
skar gyes nas bdud rtsiza bar 'gyur ro// 'od srungs de ltar na bsod snyoms spyod pa'i dge slong kwis ro la skyed pa bzlog ste/ sems nges par sems pas lhad zan zhag bdun lon pa za'ang yi chad par mi bya'o/ / de ci'i phyir zhe na/ lus gso ba dang / 'phags pa'i lam gyi tshogs bsags pa'i don du bdag gis zas bza'o snyam pa'i phyir ro/ / 'od srungs bsod snyoms spyod pa'i dge slong gis lhung bzed du 'ongs pa/ lhung bzed du chud pa/ chos dang ldan pa/ chos kyis rnyed pa/ tshangs pa mtshungs par spyod pa'i dge slong dag dang thun mong du byas la bza' bar bya'o/ / 'od srungs gal te dge slong bsod snyoms spyod pa na bar gyur te/ nad g.yog med la bsod snyoms la 'jug kyang mi nus na/ des 'di snyam du bdag ni grogs med pa/ bdag ni gcig pu/ gnyis su med pa bdag ni rab tu byung ba/ bdag gi grogs ni chos yin te/ bdag ni chos la rton pa yin la/ bdag ni mi bde zhing sdug bsngal te/ rab tu na bas de bzhin gshegs pas chos kyi sman gsungs pa gang yin pa de ji ltar thos pa bzhin du/ chos de dag bdag gis tshul bzhin brtag par bya'o snyam du sems bskyed par bya'o// 'od srungs de la gang lus 'di la yang dag pa ji lta ba bzhin du so sor rtog pa 'di ni
- 277b
tshul bzhin la sbyor ba'o/ / de lus 'di la skyon du yang dag pa ji lta ba bzhin du so sor rtog pa na/ tshul bzhin la zhugs pa de sems rtse gcig tu 'gyur zhing dran pa dang ldan la shes bzhin dang ldan pas bsam gtan dang po bskyed pa'i gnas gang yin pa de yod par 'gyur te/ des bsam gtan thob nas/ bsam gtan gyi bde ba 'dod pa na/ nyi ma gcig gas/ nyi ma gnyis sam/ nyi ma gsum nas/ nyi ma bdun gyi bar du bsam gtan gyi bde ba'i zas kyis gnas so// gal te 'di ltar rnal 'byor la zhugs la bsam gtan bskyed par mi nus na/ de ltar brtson zhing rnal 'byor spyod pa'i dge slong chos la gnas pa de la mngon par shes pa mngon par shes pa'i lha dang / klu dang / gnod sbyin dag kha zas 'bul bar 'gyur ro/ / de ci'i phyir zhe na/ 'di ni rnal 'byor spyod pa rnams kyi rgyu mthun pa ste// des lhas yongs su gzung ba rnyed pa'i phyir ro// 'od srungs gal te sprin 'dus shing char 'bab ste/ bsod snyoms spyod pa'i dge slong bsod snyoms la 'jug mi nus pa'i dus kyi tshe/ byams pa'i zas kyi go bgos te/ chos sems pa yid la byed pa la gnas nas/ zhag gnyis sam/ zhag gsum zhig zan chad na/ 'di ltar yi dgas gshin rje'i 'jig rten pa nyes par byed pa'i las byas pa gang dag
- 278a
lo brgyar yang mchil ma thal ba 'ga' bzar mi rnyed pa dag kyang yod de/ de lta bas na bdag tshul bzhin du chos sems pa la gnas pas/ las nyam chung ba 'am/ sems nyam chung ba bskyed par mi bya ste/ bkres pa dang skom pas ji mi snyam par bya'o// 'phags pa'i lam bsgom pa la brtson 'grus rgyun mi chad par bya'o snyam du 'du shes bskyed par bya'o/ / 'od srungs dge slong bsod snyoms spyod pas khyim 'dris pa dang / skyes pa 'dris pa dang / bud med 'dris pa dang / khye'u 'dris pa dang bu mo 'dris par mi bya'o/ / khyim gang na bsod snyoms gtsang ma byed pa'i khyim der stan la 'dug ste/ bsod snyoms gtsang ma byed pa zin gyi bar du chos kyi gtam brjod par bya'o// de nas bsod snyoms de blangs la stan las langs te 'gro bar bya'o// 'od srungs bsod snyoms spyod pa'i dge slong gis mkhong bar mi bya/ kha gsag mi bya/ tshul 'chos par mi bya'o// de la mkhong ba gang gzhan dag la tshig 'di skad smra ba ste/ bdag gi bsod snyom pa ni ngan pa'o// bdag gi bsod snyoms ni rtsub pa'o// bdag gis sngon 'di lta bu dang ma 'grangs par ma zos so/ / bdag gi bsod snyoms ni skye bo mang po dang thun mong du byas so// bdag gis nyung zhig zos te/ bdag ma 'grangs pas bdag gi lus nyam chung ngo zhes
- 278b
bya ba ste/ 'di ltar mkhong ba'i mtshan ma gang ci'ang rung ba 'di ni sems kyi tshul 'chos pa zhes bya ste/ dge slong bsod snyoms spyod pas de dag thams cad mi bya'o// gang lhung bzed du 'ongs pa ngan kyang rung / bzang yang rung / nyung yang rung / mang yang rung / gtsang yang rung / mi gtsang yang rung ste/ de bza' bar bya'o// yongs su gdung ba med pa dang / bsam pa yongs su dag pa dang / chos nges par sems pa mang ba dang / lus gso ba dang / 'phags pa'i lam nye bar bstan pa'i phyir/ des bsod snyoms bza' bar bya'o/ / 'od srungs gal te dge slong bsod snyoms spyod pas grong ngam/ grong khyer ram/ grong rdal du bsod snyoms bslangs te ma rnyed la/ ji ltar lhung bzer bkrus pa bzhin du phyir byung na/ des de bzhin gshegs pa yid la bya ste/ de bzhin gshegs pa bsod nams kyi gzi brjid kyis brjid pa/ 'khor los sgyur ba'i rgyal srid spangs nas rab tu byung ba/ lha dang / klu dang / gnod sbyin dang / dri zas mchod pa/ mi dge ba'i chos thams cad spangs pa/ dge ba'i chos thams cad dang ldan pa/ nyon mongs pa thams cad dang bral ba de nyid grong du bsod snyoms kyi phyir gshegs na'ang / ji ltar lhung bzed bkrus pa bzhin du slar gshegs na/ bdag lta bu bsod nams chung ba dge ba'i
- 279a
rtsa ba ma bskyed pa ji ltar lhung bzed bkrus pa bzhin du phyir byung bas ci'i phyir yi chad par bya/ de ci'i phyir zhe na/ dge ba'i rtsa ba ma bskyed pas kha zas bzang po dag mi rnyed pa'i phyir ro/ / gal te bdud kyi las sam/ bdud kyi byin gyi rlabs kyis bram ze dang khyim bdag de dag bdag la bsod snyoms mi ster na/ ci nas bdud bzhi las yang dag par 'das pa dang / nyon mongs pa thams cad dang bral bar 'gyur ba de ltar bya'o snyam du bsam mo// de ltar nga'i nan tan la gnas pa de la bdud dang bdud kyi ris kyi lha rnams kyis glags rnyed par mi 'gyur te/ 'od srungs dge slong bsod snyoms spyod pas de ltar 'phags pa'i rigs rnams yongs su sbyang bar bya'o// bsod snyoms spyod pa'i le'u ste drug pa'o// / / 'od srungs de la dge slong phyag dar khrod pa pas ji lta bu'i sems kyis phyag dar khrod pa bsdu bar bya zhe na/ ngo tsha shes pa dang / khrel yod pas g.yog pa'i sems su bya'i chos gos kyis tsha bar sbyor ba la brtson pa'i sems kyis ni ma yin no/ / rlung dang / nyi ma dang / sbrang bu dang / sha sbrang dang / sdig sbrul gyis reg par 'gyur ba yongs su bskyab pa'i phyir yin gyi/ lus brgyan pa'i phyir ni ma yin no// de bzhin gshegs pa'i gsung rab la nan tan gyis gnas pas/ gos gtsang ma la mngon par dga' ba med de
- 279b
des phyag dar gyi phung po las phyag dar khrod pa blangs la 'du shes gnyis bskyed par bya ste/ gnyis gang zhe na/ chog shes pa'i 'du shes dang / mgu sra ba'i 'du shes so// gzhan yang 'du shes gnyis bskyed par bya ste/ gnyis gang zhe na/ nga rgyal med pa'i 'du shes dang / 'phags pa'i rigs la gnas pa'i 'du shes so// gzhan yang 'du shes gnyis bskyed par bya ste/ gnyis gang zhe na/ lus brgyan pa dang / sems gtsang ba'o// 'od srungs gal te dge slong phyag dar khrod pa bas phyag dar gyi phung po las phyag dar khrod pa len pa na/ sa phyogs de na sngon gnyen pa shes su gyur pa 'am/ sngon gtam 'dres pa 'am/ phebs par smra ba de dag gis mthong na bdag la smod par 'gyur gyis dogs te phyag dar khrod pa de ma blangs na 'od srungs dge slong phyag dar khrod pa pa'i phyag dar khrod pa de lta bu ni yongs su dag pa ma yin no zhes ngas bshad do/ / de ci'i phyir zhe na/ dge slong phyag dar khrod pa pas rdo lta bu'i sems dang rdo rje lta bu'i sems kyis dogs pa med par phyag dar khrod pa blang bar bya ba'i phyir ro/ / des phyag dar khrod pa de blangs nas legs par bkrus te/ shin tu gtsang zhing dri ma med par byas la/ tshon btsal te kha legs par bsgyur la chos gos snam sbyar la glan par bya'o/ / de phyis 'jig par mi 'gyur ba legs par glan legs par sbyar/ legs par btsems te bgo bar bya'o//
- 280a
'od srungs dge slong rgyan dar khrod pa pas 'dod chags nye bar zhi bar bya ba'i phyir mi sdug pa yid la bya ba la gnas la/ phyag dar khrod pa dag sus la bgo bar bya'o// ded par byabar byor/ rgya pani / nga thong pa sgyu pa go bar bya'o// su 9 ra'i bar bya bar phyir/ rten cing 'brel lar 'byung sa ph yag dar khrod pa dag lus la bgo bar bya'o/ / nyon mongs pa thams cad spang ba'i phyir/ tshul bzhin yid la byed pa la zhugs pas/ phyag dar khrod pa dag lus la bgo bar bya'o// skye mched drug yongs su shes par bya ba'i phyir dbang po legs par bsdams te/ phyag dar khrod pa dag lus la bgo bar bya'o// lha dang / klu dang / gnod sbyin dag mgu bar bya ba'i phyir tshul 'chos pa med pa dang / kha gsag med par phyag dar khrod pa dag lus la bgo bar bya'o// 'od srungs ci'i phyir phyag dar khrod pa zhes bya zhe na/ 'od srungs dper na phyag dar de la ni su'ang 'dod pa mi skyed cing / su'ang chags pa mi skyed cing / yongs su mi len te/ phyag dar ni dor ba'i cha'o// 'od srungs de bzhin du phyag dar dang mtshungs par bdag gi med pa/ yongs su 'dzin pa med pa/ rnyed sla ba/ mod pa/ gzhan la gsol mi dgos pa/ gzhan gyi ngor lta mi dgos pa/ gzhan la rag ma las pa/ phyag
- 280b
dang u0f88u0f90 bur bor bste/ de'i phyir phyag dar khrod pa phyag dar khrod pa zhes bya'o// 'di ni drang zong rnams kyi rigs so// 'di ni 'phags pa rnams kyi rigs gtsang ba'o// 'di ni 'bag+sa/ pa'i rigs kyi gnas so// 'di ni sbyangs pa'i yon tan rnams kyi rton pa'o// 'di ni tshul khrims kyi phung po kun srung ba'o// 'di ni ting nge 'dzin gyi phung po'i sgo'o// 'di ni shes rab kyi phung po'i rten no/ / 'di ni rnam par grol ba'i phung po 'byung ba'o// 'di ni rnam par grol ba'i ye shes mthong ba'i phung po dang mthun pa ste/ 'od srungs de ltar phyag dar khrod pa ni yon tan mang ba/ skabs med pa/ go skabs med pa/ bla gab med pa ste/ dri ma med par 'gyur zhing / khur khyer bar 'gyur ba'o// 'od srungs dge slong phyag dar khrod pa ni gang / phyag dar khrod pa'i gos kyis chog par 'dzin pa de la lha rnams kyang dga' bar 'gyur ro// 'od srungs 'di lta bu'i dus dang 'di lta bu'i gnas yod de/ 'di ltar dge slong phyag dar khrod pa pa chos gos ngan pa 'chang ba/ bsam gtan gyi bde ba la snyoms par zhugs pa de la/ brgya byin dang / tshangs pa dang / 'jig rten myong ba rnams kyang thal mo sbyor zhing rkang pa la gtugs te phyag 'tshal bar 'gyur na/ lha gzhan phyag 'tshal bar 'gyur ba lta ci smos/ 'od srungs dge slong dag chos gos kyis tsha ba la mngon par brtson
- 281a
gyi rnal 'byor la mi brtson pa/ lus kyi rgyan sbur len pa/ phyi rol gtsang sbra spyod la/ nang 'dod chags dang / zhe sdang / gti mug gi dri mas yongs su gang bdag ni gos bzang po ji tsam gyon yang / 'od srungs de dag lha rnams dga' ba'i gzugs ma yin no// de ci'i phyir zhe na/ lha rnams kyis lus cha bar sbyor ba la brtson pa de dag gi sems dang sems las byung ba rnams shes te/ shes nas kyang de dag rgyang bsrings te yongs su spong bar 'gyur ro// 'od srungs dge tshul skul byed mi gtsang bas spags pa'i phyag dar khrod pa thogs nas bsod snyoms blangs te mtsho ma dros par song ba dang / de der song ba'i tshe/ mtsho mchog de na gnas pa'i lha de dag gis rgyang ring por bsu ste/ rkang pa la mgo bos phyag 'tshal nas gtsang sbra spyod pa'i lha de dag gis mi gtsang bas sbags pa'i phyag dar khrod pa de bdag nyid kyis bkrus te dri ma med par byas nas/ bkrus pa'i chu dri ma can des rang gi lus la skud de/ skul byed kyi tshul khrims kyi yon tan yang dag par blangs pa dang / snyoms par zhugs pa shes nas mtsho de'i lha rnams yan lag lngas phyag 'tshal lo// kun tu rgyu rab tu bzang po zhes bya ba de gos gtsang ma bgos nas/ bsod snyoms blangs te mtsho ma dros par song ba dang / mtsho de na gnas pa'i lha de dag gis de mtsho mchog 'dir kha zas zos nas lhag ma bor na mtsho mchog mi gtsang bar byas
- 281b
su 'ong zhes/ rgyang grags gcig kho ra khor yug tsam gyi bar du nang du 'dar ma ster ba la ltos/ 'od srungs 'phags pa'i chos kyi yon tan bsgrub pa'i khyad par dang / skul byed kyi phyag dar khrod pa bkrus pa'i chu'i dri ma can lha dag rang gi lus la skud pa dang / kun du rgyu rab tu bzang po ni 'gror yang ma ster ba la ltos/ 'od srungs de lta bas na dge slong phyag dar khrod pa pa yon tan gyi chos 'di lta bu 'di dag 'dod pa zhum zhum por ma gyur pa/ 'phags pa'i rigs la gnas pas mchod rten gyi 'du shes dang / ston pa'i 'du shes dang / bdag gi ba med cing yongs su 'dzin pa med pa'i 'du shes kyis lus la phyag dar khrod pa dag bgo bar bya'o/ / 'di ltar yang sems kyis lus dag par 'gyur gyi lus kyis sems dag par ni mi 'gyur ro// de bas na sems dag par 'gyur bar bya'i/ lus cha bas dag pa ni ma yin te/ sems dag pa ni bcom ldan 'das kyis bstan pa la tshangs par spyod pa zhes gsungs so snyam du sems nges par bsam par bya'o/ / 'od srungs de ltar na dge slong phyag dar khrod pa pas khyod dang nga'i rjes su bslab par bya'o// 'od srungs 'di lta bu'i dus dang / 'di lta bu'i man yod de/ 'od srungs chos gos ngan pa gyon pa/ chos gos ngan ngon gyis chog par 'dzin pa khyod gang du chos gos snam sbyar khri'u 'am khri'i steng du gzhag ste/ khyod bla gos gyon nas 'chab sar 'chag pa'i
- 282a
tshe lha brgya stong phrag mang po dag der lpags nas/ 'di ni tshul khrims dang / ting nge 'dzin dang / shes rab kyis yongs su bskos pa'i lus la bgo bgo ba'i chos ges so/ / zhes khyod kyi chos gos snam sbyar de la phyag 'tshal bar 'gyur ro// 'od srungs ltos/ chos kos la'ang phyag 'tshal bar 'gyur na lus la lta ci spos/ 'od srungs ji ltar na dge slong nga'i rjes su slob pa dag de bzhin du sgrub par 'gyur snyam ste/ ngas 'khor los sgyur ba'i rgyal srid spangs nas rab tu byung ste/ ka shi pa phra mo dang / du gu la'i ras dang ko tam pa'i ras dang / ngang ris can gyi chos gos rnams spangs nas/ 'phags pa'i ris la dga' ba'i phyir sha na'i ras kyi gos rnams lus la bgos so// 'od srungs khyod las ngas dar gos ngan pa blangs te/ ngas khyod la sha na'i ras byin pa gang yin pa de thams cad kyang / khyod nyid la snying brtse ba'i phyir yin gyi/ chags pa'i phyir ma yin/ lus brgyan pa'i phyi re ma yin no/ / 'od srung 'di la mi gti mug pa kha cig khyod dang nga'i rjes su mi slob cing / brkam pa/ chags pa'i zil gyis non pa/ chos gos sogs par byed pa/ lhung bzed sogs par byed pa/ 'jig rten gyi zang zing sogs par byed pa/ mgron bu dang / gser dang / nor dang / 'bru sogs par byed pa
- 282b
baglang dang / luka dang byA gag dang / phaka dang / bong bu dang / rta dang / song gshol dang / shing na 'dren pa dag nye bar 'jog par byed pa khyim pa'i las kyi mtha' spyod pa dag pas ni/ 'od srungs khyim pa dag la khyad par du 'gyur ba yod kyis/ mi blun po rab tu byung ba'i mtshams las 'das pa de dag la ni khyad par 'gyur ba gang yang med do/ / 'od srungs khyim pa rnams khyad par 'gyur ba ni/ dge sbyong ma yin la/ dge sbyong du khas 'che ba/ tshangs par spyod pa ma yin la/ tshangs par spyod par khas 'che ba/ gos ngur smrig bgos shing bya ba mang ba/ skrag pa sna tshogs kyis sbags pa/ zas dang gos lhur len pa de dag khyim pa dag gis gos ngur smrig gyon par rig nas/ zhe sa dang gus pa bskyed pa dang / chos gos dang bsod snyoms kyis sdud par byed pa dang / gus par smra zhing phyag 'tshal la ldang bar byed pa ste/ 'od srungs 'di ni khyim pa de dag gi khyad par du 'gyur ba yin gyi/ de dag rab tu byung ba de dag la ni med pa'o// de ci'i phyir zhe na/ 'di ltar de dag ni yongs su len pa la brtson pa ma yin zhing / ci'ang mi sogs pa'i phyir ro// 'od srungs de'i dus na dge slong phal cher lhung bzed dang chos kos mang zhing / snod spyad mang ba dang / rnyed pa mang bar 'gyur te/ de dag la bsti stang byed par 'gyur/ btsun
- 283a
par byed par 'gyur/ ri mo byed cing mchod pa byed par 'gyur ro// de ci'i phyir zhe na/ 'di ltar de sbyin pa dang / phyir sbyin pa dus dus su byed cing bya ba ji lta ba bzhin du yongs su 'dzin pa'i phyir ro/ / dge slong gang dag tshul khrims dang ldan pa/ dge ba'i chos can zag pa rnams zad par byed pa la mngon par brtson pa/ yid byung ba mgo dang gos la me 'bar ba bzhin du brtson pa/ don nyung ba/ byed pa nyung ba/ rang gi don la brtson pa/ 'dris par byed pa yongs su spangs pa dag 'byung ba de dag gan du ni de'i tshe de'i dus na su'ang mi 'gro/ mi sten cing bsnyen bkur mi byed par 'gyur ro// de ci'i phyir zhe na/ 'di ltar khyim pa dag ni chags pa'i rang bzhin can tshe 'di lhur len gyi tshe rabs phyi ma lhur len pa ma yin pas/ de dag 'di snyam du dge slong de dag la ni bdag cag gi 'tsho ba med na/ bdag cag gis ci'i phyir bsten/ ci'i phyir phyag bya/ ci'i phyir mchod/ ci'i phyir banyen bkur bya snyam du sems pa'i phyir ro// gzhan du na gang dag dge ba'i rtsa ba bskyed pa/ sngon gyi sbyor ba phun sum tshogs pa dag 'byung zhing tshul khrims dang ldan pa dge ba'i chos can de lta bu de dag la sten par byed/ snyen par byed cing bsnyen bkur byed pa ni ma gtogs te nyung ngo // 'od srungs chos 'di lta bu tshul dang mthun//
- 283b
ba 'di lta bu 'di dag ni gang zag gnyis kyi yid du 'ong bar 'gyur te/ gnyis gang zhe na/ bden pa mthong zhing 'khor ba la 'jigs par lta ba dang / rnal 'byor spyod pa la brtson zhing 'bras bu thob par 'dod pa/ las kyi rnam par smin pa la rton pa/ chos don du gnyer zhing chos 'dod pa'o// 'od srungs mngon par mi brtson pa chos ma yin pa la lta las kyi rnam par smin pa dang 'gal ba/ 'jig rten pha rol tu kha na ma tho bas 'jigs par mi lta ba/ tshe 'di lhur len pa/ tshe rabs phyi me lUr mi len pa thams cad kyi sgo ngas bshad par bya'o/ / 'od srungs gang dag za na thar pa dang ldan pa'i sems gcig tsam yang mi skyed pa'i mi gti mug pa de dag la ni/ ngas 'di lta bu'i chos 'dir skabs mi 'byed kyi steng du 'di lta bu'i chos 'di dag thos na/ bdag sgrub pa las nyams par rig nas smad par bya bar sems te/ 'di dag ni sangs rgyas kyis gsungs pa ma yin gyi/ 'di dag ni rang bzor sbyar ba 'am/ bdud kyis mtho ba tsams nas byas pa'o zhes smra zhing / de dag 'di ltar skye bo mang po dag log par 'dzin du 'jug par 'gyur ro// de dag ni bdag kyang phung la/ gzhan dag kyang phung bar byed par 'gyur/ bdag kyang nyon mongs pa can du gyur la/ gzhan dag kyang nyon mongs pa can du gyur te/ de ltar mi gti mug pa de dag ni bdag la phan pa
- 284a
dang gzhan la phan pa'i phyir zhugs pa ma yin no/ / de nas bcom ldan 'das la tshe dang ldan pa 'od srung sa chen pos 'di gad ces gsod no// bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis dkon mchog brtsegs pa'i chos kyi rnam grangs 'dir nan tan snying por bgyid pa'i gang zag chos kyi dbang phyug rnam la/ sangs rgyas bcom ldan 'das rnams thugs rje chen po gang lags pa de rgya cher yang dag par rab tu bshad lags so// bcom ldan 'das sems can gang dag chos kyi rnam grangs 'di thos nas mos shing / de bzhin nyid du sgrub pa de dag ni sangs rgyas kyis yongs su bzung ba lags so// bcom ldan 'das kyis bka' stsal pa 'od srungs de de bzhin no/ / de de bzhin te/ gang dag chos kyi rnam grangs 'di thos nas mos shing / de bzhin nyid du sgrub pa'i sems can de dag ni sangs rgyas kyis yongs su bzung ba yin no/ / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis rigs kyi bu dang / rigs kyi bu mo dge ba'i rtsa ba bskyed pa/ zhi ba 'dod pa/ grol bar 'dod pa de dag gi ched du chos kyi le'u 'di zung zhig/ khyim pa dang rab tu byung ba de dag kyang chos 'di la bslabs nas/ phung po thams
- 284b
cad rab tu spangs pa'i mya ngan las 'das pa thob par 'gyur ro/ / gsol pa/ bcom ldan 'das bdag gis chos kyi rnam grangs 'di bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyibacom ldan 'das kyis bka' stsal pa/ kun dga' bo de'i phyir chos kyi rnam grangs 'di chos thams cad yang dag par bsdus pa zhes bya bar zung zhig/ 'phags pa'i rigs sbyangs pa'i yon tan gyi gnas dang / tshul khrims dang ldan pa yongs su 'dzin pa dang / tshul khrims 'chal pa sra 'gong ba dang rin po che brtsegs pa dang / rin po che'i phung po dang / rin po che bsags pa dang / rin po che'i chos kyi sgo'i le'u zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa 'od srungs chen po dang / tshe dang ldan pa kun dka' bo dang / lga dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ rin po che'i phung po'i le'u zhes bya ste/ 'dus pa bzhi bcu rtsa bzhi pa rdzogs so// / bam po gnyis so// sh+lo ka drug brgya bdun cu/ rgya bar gyi mkhan po su ren+d+ha
- 285a
bo d+hi dang / bu chen gyilo rgyob ban de ye shes rjes 'gyur cing zhus te gtan la pha / @chug gang / Ar+ya a kA ya ma ti pa ri brits+tshan ma ma hA yA na sU tra/ bod skad du/ 'phags pa blo gros mi zad pas zhus pa zhes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong la 'di lta ste/ byang chub sems dpa' sems dpa' chen po ye shes tog dang / byang chub sems dpa' sems dpa' chen po chos kyi shog dang byang chub sems dpa' sems dpa' chen po zla ba'i tog dang / byang chub sems dpa' sems dpa' chen po nyi ma'i tog dang / byang chub sems dpa' sems dpa' chen po mtha' yas tog dang / bzang skyong la sogs pa skyes bu dam pa bcu drug dang / byang chub sems dpa' sems dpa' chen po 'jam dpal la sogs pa sems dpa' dpe med drug cu dang / byams pa la sogs pa bskal pa bzang po'i byang chub sems dpa' sems dpa' chen po thams cad thabs cig tu bzhugs so// byang chub sems dpa' sems dpa' chen po blo gros
- 285b
mi zad pa'ang byang chub se sla rapa bye ba phrag drug cus yongs su bskor cing mdun du bdar te/ 'khor de nyid du 'dus nas 'dug par gyur to// de nas byang chub sems dpa' sems dpa' chen bo blo gros mi zad pa stan las langs te/ bla gos phrag pa gcig tu gzar nas/ pus mo g.yas pa'i lga nga sa la btsugs te/ bcom ldan 'das ga la ba de logs su thal mo sbyar ba bdud nas bcom ldan 'das la rin po che sna tshogs kyi me tog gi gdugs dang / me tog gi phur mas mchod nas/ bcom ldan 'das la 'di skad ces gsol to// bcom ldan 'das byang chub kyi sems byang chub kyi sems shes bgyi ba/ bcom ldan 'das ji tsam gyis na byang chub sems dpa' byang chub kyi sems dang ldan pa lags/ bcom ldan 'das byang chub kyi sems gang lags bcom ldan 'das byang chub la ni sems sam sems dpa' ma dmigs/ mi dmigs/ dmigs par mi 'gyur ro// byang chub las gud na'ang byang chub kyi sems mi dmigs te/ byang chub ni brjod du ma mchis/ sems ni gzugs ma mchis/ bstan du ma mchis/ thogs pa ma mchis/ rnam par rig pa ma mchis shing / sems dpa' yang mi dmigs na/ bcom ldan 'das ji ltar chos 'di dag gi don rtog par bgyi/ bcom ldan 'das kyis bka' stsal pa/ rigs kyi bu 'di la byang chub ni brda'am/ gdags pa 'am/ tha snyad du mi dmigs
- 286a
shing byang chub las gung na byang chub kyi sems kyang mi dmigs la/ byang chub ni brjod du med/ sems ni gzugs med/ bstan du med thogs pa med/ rnam par rig pa med de/ sems ni sems dpag yang mi dmigs so// de ci'i phyir zhe na/ byang chub ni brjod du med pa ste/ byang chub ji lta bar sems kyang de bzhin no/ / sems ji lta bar byang chub kyang de bzhin no// byang chub dang sems ji lta bar sems dpa' rnams kyang de bzhin no// sems dpa' rnams ji lta bar 'das pa dang ma 'ongs pa dang / da ltar byung ba'i chos thams cad kyang de bzhin no// rigs kyi bu de ltar na byang chub sems dpa' sems dpa' chen po byang chub sems dpa'i ming thob bo/ chos thams cad kyi rjes su song ba'i sems de ni byang chub kyi sems shes bya'o// byang chub ni 'das pa dang / ma 'ongs pa dang / da ltar byung ba'ang ma yin te/ sems kyang de bzhin no// sems dpa' yang de bzhin no// chos thams cad mi dmigs pa'i phyir/ 'di la ci'ang rnyed pa med de/ byang chub kyang med/ byang chub tu gdags pa'ang med/ sems can yang med/ sems can du gdags pa'ang med/ nyan thos kyang med// nyan thos su gdags pa'ang med/ rang sangs rgyas kyang med
- 286b
rang sangs rgyas su gdags pa'ang med/ byang chub sems dpa' yang med/ byang chub sems dpa' gdags pa'ang med/ sangs rgyas kyang med/ sangs rgyas su gdags pa'ang med/ 'dus byas kyang med/ 'dus byas su gdags pa'ang med/ 'dus ma byas kyang med/ 'dus ma byas su gdags pa'ang ma dmigs/ mi dmigs dmigs par mi 'gyur mod kyi/ rigs kyi bu 'on kyang dper ri rab kyi tshul du dge ba'i rtsa ba thams cad kyis yang dag par 'phags pa'i sems dang po skye ste/ de la rgyu ni sbyin pa'i pha rol tu phyin pa'o/ / sems bskyed pa gnyis pa ni chos thams cad kyi bya ba'i gnas kyi tshul gyis sa lta bur blta ste/ de la rgyu ni tshul khrims kyi pha rol tu phyin pa'o// sems bskyed pa gsum pa ni 'jigs pa med pa dang / bag tsha ba med pa dang / skrag pa med pa'i tshul gyis ri dgas kyi rgyal po seng ge ral pa can gyi rtsal lta bur lta ste/ de la rgyu ni bzod pa'i pha rol tu phyin pa'o/ / sems bskyed pa bzhi pa ni phyir mi ldog pa'i tshul gyi sred med kyi bu'i mthu dang / stobs dang / shugs dang / brtson 'grus dang / brtul ba lta bur blta ste/ de la rgyu ni brtson 'grus kyi pha rol tu phyin pa'o// sems bskyed pa lnga pa ni bsod nams kyis chog mi shes pa'i tshul gyi dge ba sna tshogs kyi yang dag par 'phags pa lta bur
- 287a
blta ste/ de la rgyu ni bsam gtan gyi pha rol tu phyin pa'o// sems bskyed pa drug pa ni mun pa spun nag chen po sel ba'i tshul gyis nyi ma'i dkyis 'khor 'od gsal ba lnga bur blta ste/ / de la rgyu ni shes rab kyi pha rol tu phyin pa'o// sems bskyed pa bdun pa ni ded dpon mdzod chen pos phyag pa lngar 'khor ba'i 'brog dgon pa las sgrol ba'i tshul gyi bsam pa thams cad yongs su rdzogs par byed pas/ legs par brgyan par blta ste/ de la rgyu ni thabs mkhas pa'i pha rol tu phyin pa'o// sems bskyed pa brgyad pa ni zla ba nye ba'i dkyil 'khor rnam par dag pa'i dpe'i tshul gyis sgrib pa thams cad rnam par dag pa yongs su rdzogs par blta ste/ / de la rgyu ni smon lam gyi pha rol tu phyin pa'o// sems bskyed pa dgu pa ni sangs rgyas kyi zhing yongs su dag pa'i yon tan gyi rgyan bkod pa thams cad kyi dkyil 'khor gyi tshul gyis bsam pa yongs su rdzogs par byed par blta ste/ de la rgyu ni stobs kyi pha rol tu phyin pa'o/ / sems bskyed pa bcu pa ni yon tan dang / ye shes dang / chos thams cad la dbang sgyur bar dbang bskur ba thob pas/ 'khor los sgyur ba'i mtshan gyi dpe'i tshul gyis nam mkha' dang mtshungs par blta ste/ de la rgyu ni ye shes kyi pha rol tu phyin pa'o// rigs kyi bu byang chub sems dpa' rnams kyi sems bskyed
- 287b
pa ni bcu po 'di dag yin te/ 'di dag dang ldan pas byang chub sems dpa' zhes bya'o// don dam par na 'di la byang chub kyang med/ byang chub sems dpa' yang med byang chub kyi sems kyang med do/ / rigs kyi bu de la byang chub sems dpa' rnams kyi sbyin pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ dad pa'i dbang po sngon du 'gro ba dang / bsam pa sngon du 'gro ba dang / lhag pa'i bsam pa sngon du 'gro ba dang / pha rol tu phyin pa sngon du 'gro ba dang byams pa chen po sngon du 'gro ba dang / snying rjes chen po sngon du gro ba dang / sems can gyi rten sngon du 'gro ba dang / bsdu ba'i dngos po sngon du 'gro ba dang / sangs rgyas kyi chos 'dod pa sngon du 'gro ba dang / thams cad mkhyen pa'i ye shes 'dod pa sngon du 'gro ba ste// rigs kyi bu byang chub sems dpa' rnams kyi sbyin pa'i pha rol tu phyin pa 'di'i sngon du 'gro ba'i chos rnam pa bcu'o/ / rigs kyi bu de la byang chub sems dpa'i rnams kyi tshul khrims kyi pha rol tu phyin pa'i sngon du 'gro ba'i chos rnam pa bcu ste bcu gang zhe na/ 'di lta ste/ lus kyi las yongs su dag pa sngon du 'gro ba dang / ngag gis las yongs su dag pa sngon du 'gro ba dang / yid kyis las yongs/
- 288a
@su dag pa sngon du 'gro ba dang / rnam par mi tshe ba sngon du 'gro ba dang / ngan song thams cad rnam par spong ba sngon du 'gro ba dang / mi khom pa brgyad rnam par spong ba sngon du 'gro ba/ dang / nyan thos dang / rang sangs rgyas kyi sa las bzla ba sngon du 'gro ba dang / sangs rgyas kyi yon tan la dgod pa sngon du 'gro ba dang / bsam pa yongs su rdzogs pa sngon du 'gro ba dang / smon lam yongs su rdzogs pa sngon du 'gro ba ste/ rigs kyi bu byang chub sems dpa' rnams kyi tshul khrims kyi pha rol tu phyin pa'i sngon du 'gro ba'i chos rnam pa 'di bcu'o// rigs kyi bu de la byang chub sems dpa' rnams kyi bzod pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ rjes su chags pa spong ba sngon du 'gro ba dang / khong khro ba spong ba sngon du 'gro ba dang / lus la mi lta ba sngon du 'gro ba dang / srog la yid mi rton pa sngon du 'gro ba dang / mos pa sngon du 'gro ba dang / sems can yongs su smin par bya ba sngon du 'gro ba dang / byams pa'i stobs sngon du 'gro ba dang / zab mos chos la bzod pa sngon du 'gro ba dang / rgya chen po la mos pa sngon du 'gro ba dang / mi shes pa bsal ba sngon du 'gro ba ste/ rigs kyi bu byang chub sems dpa' rnams kyi bzod pa'i pha rol tu phyin pa 'di'i sngon du 'gro/ ba'i chos rnam pa bcu'o// rigs kyi bu de la byang chub sems dpa' rnams kyi brtson 'grus kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ samra/
- 288b
can thams cad kyi bya ba ci yod snyam pa sngon du 'gro ba dang / dge ba'i lus dang / ngag dang / yid mngon par sgrub pa la rjes su yi rang ba sngon du 'gro ba dang / zhum pa med pa sngon du 'gro ba dang / phyir mi ldog pa'i sa bsdu ba thob par bya ba sngon du 'gro ba dang / yang dag pa'i rtsol ba sngon du 'gro ba dang / dran pa nye bar gzhag pa sngon du 'gro ba dang / nyon mongs pa'i dgra gdul ba sngon du 'gro ba dang / chos thams cad kyis dben pa sngon du 'gro ba dang / sems can yongs su smin par bya ba sngon du 'gro ba dang / thams cad mkhyen pa'i ye shes yang dag par bsgrub pa sngon du 'gro ba ste/ rigs kyi bu byang chub sems dpa' rnams kyi brtson 'grus kyi pha rol tu phyin pa 'di'i sngon du 'gro ba'i chos rnam pa bcu'o/ / rigs kyi bu de la byang chub sems dpa' rnams kyi bsam gtan gyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ dge ba'i chos la gnas pa sngon du 'gro ba dang / ting nge 'dzin sngon du 'gro ba dang / snyoms par 'jug pasngon du 'gro ba 'dang / yang dag par rdzogs pa'i byang chub sngon du 'gro ba dang / bsam gtan dang rnam par thar pa sngon du 'gro ba dang / ting nge 'dzin gyi dbang po sngon du 'gro ba dang / ting nge 'dzin gyi stobs sngon du 'gro ba dang / sems can thams cad kyi nyon mongs pa spong ba sngon du 'gro ba dang / ting nge 'dzin gyi phung po yongs su rdzogs par byed pa sngon du 'gro ba dang / dam pa'i chos yongs su bsrung
- 289a
ba sngon du 'tho ba ste/ rigs kyi du byang chub sems dpa' rnams kyi bsam gtan pha rol tu phyin pa 'di'i sngon du 'gro ba'i chos rnam pa bcu'o// rigs kyi bu de la/ byang chub sems dpa' rnams kyi shes rab kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ phung po la mkhas pa sngon du 'gro ba dang / khams la mkhas pa sngon du 'gro ba dang / skye mched la mkhas pa sngon du 'gro ba dang / rten cing 'brel par 'byung ba la mkhas pa sngon du 'gro ba dang / bden pa la mkhas pa sngon du 'gro ba dang / lta bar gyur pa thams cad bsal ba sngon du 'gro ba dang / shes rab kyi dbang po sngon du 'gro ba dang / mi skye ba'i chos la bzod pa sngon du 'gro ba dang / sangs rgyas kyi chos thams cad yongs su rdzogs par bya ba sngon du 'gro ba dang / sgrib pa med pa'i ye shes mthong ba sngon du 'gro ba ste/ rigs kyi bu byang chub sems dpa' rnams kyi shes rab kyi pha rol tu phyin pa 'di'i sngon du 'gro ba'i chos rnam pa bcu'o// rigs kyi bu de la byang chub sems dpa' rnams kyi thabs la mkhas pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can gyi bsam pa dang spyod pa la 'jug pa sngon du 'gro ba dang / sems can gyi rten sngon du 'gro ba dang / byams pa dang snying rje sngon du 'gro ba dang / sems can yongs su smin par bya ba la mi skye ba sngon du 'gro ba dang / sangs rgyas kyi chos thams cad la
- 289b
'jug pa sngon du 'tho ba dang / khyad par gyi ye shes mthong ba khong du chud pa sngon du 'tho ba dang / pha rol tu phyin pa yongs su byang bar bya ba yongs su smin pa sngon du 'gro ba dang / dngos po ji lta ba bzhin du yongs su rtog pa sngon du 'gro ba dang / sems kyi stobs nye bar sgrub pa sngon du 'gro ba dang / phyir mi ldog pa'i sa yongs su thob par byed pa sngon du 'gro ba ste/ rigs kyi bu byang chub sems dpa' rnams kyi thabs mkhas pa'i pha rol tu phyin pa 'di'i sngon du 'gro ba'i chos rnam pa bcu'o/ / rigs kyi bu de la byang chub sems dpa' rnams kyi smon lam gyi pha rol tu phyin pa 'di'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can thams cad kyi sems kyi spyod pa thibs pa nye bar rgyu ba shes pa sngon du 'gro ba dang / sems can thams cad kyi nyon mongs pa thibs pa nye bar rgyu ba shes pa sngon du 'gro ba dang / sems can thams cad kyi dbang po thibs po nye bar rgyu ba shes pa sngon du 'gro ba dang / sems can thams cad kyi bsam pa dang mos pa thibs po nye bar rgyu ba shes pa sngon du 'pho ba dang / sems can thams cad kyi bsam pa dang / lhag pa'i bsam pa dang / mos pa thibs po nye bar rgyu ba shes pa sngon du 'gro ba dang / 'jig rten gyi khams tha dad pa dang khams gsum thibs po nye bar rgyu ba shes pa sngon du 'gro ba dang / sems can thams cad kyi bsam pa dang bag la nyal thibs po nye bar rgyu ba shes pa sngon du 'gro ba dang / sems can thams cad kyi 'chi 'pho dang skye ba thibs po nye bar rgyu ba shes pa
- 290a
sngon du 'gro ba dang / sems can thams cad kyi phung po gsum du rnam par gzhag pa thibs po nye bar rgyu ba shes pa sngon du 'pho ba dang / dbang po mi skyo ba'i sems can yongs su smin par bya ba shes pa sngon du 'gro ba ste/ rigs kyi bu byang chub sems dpa' rnams kyi smon lam gyi pha rol tu phyin pa 'di'i sngon du 'gro ba'i chos rnam pa bcu'o// rigs kyi bu de la byang chub sems dpa' rnams kyi stobs kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams cad gzod ma nas 'byung ba med pa sngon du 'gro ba dang / chos thams cad gzod ma nas mtshan nyid med pa sngon du 'gro ba dang / chos thams cad gzod ma nas skye ba med pa sngon du 'gro ba dang / chos thams cad gzod ma nas yod pa ma yin pa sngon du 'gro ba dang / chos thams cad gzod ma nas chags pa med pa sngon du 'gro ba dang / chos thams cad 'jug pa med pa sngon du 'gro ba dang / chos thams cad ldog pa med pa sngon du 'gro ba dang / chos thams cad dngos po med/ pa'i ngo bo nyid sngon du 'gro ba dang / chos thams cad kyi thog ma dang / bar ma dang / tha ma mnyam pa nyid sngon du 'gro ba dang / chos thams cad de bzhin nyid la 'jug pa rtog pa dang / rnam par rtog pa med pa sngon du 'gro ba ste/ rigs kyi bu byang chub sems dpa' rnams kyi stobs kyi pha rol tu phyin pa 'di'i sngon du 'pho ba'i chos rnam pa bcu'o// rigs kyi bu de la byang chub sems
- 290b
dpa' rnams kyi ye shes kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams cad rnam par dbye ba la shin tu rnam par brtags pa sngon du 'gro ba dang / dkar po'i chos shin tu yongs su rdzogs pa sngon du 'gro ba dang / byang chub kyi tshogs bsags pa dpag tu med pa sngon du 'gro ba dang / bsod nams dang ye shes kyi tshogs chen po yongs su gzung ba sngon du 'gro ba dang / snying rje chen po yangs pa khong du chud par bya ba sngon du 'gro ba dang / 'jig rten gyi khams rnam par dbye ba'i rim pa shes pa sngon du 'gro ba dang / sems can gyi khams dang nyon mongs pa'i spyod pa la 'jug pa sngon du 'gro ba dang / de bzhin gshegs pa'i spyod yul la 'jug cing rjes su 'gro ba shes pa yid la byed pa sngon du 'gro ba dang / stobs bcu dang / mi 'jigs pa dang / sangs rgyas kyi chos ma 'dres pa la lhag par dmigs shing kun shes par bya ba sngon du 'gro ba dang / rnam pa thams cad kyi mchog dang ldan pa thams cad mkhyen pa'i ye shes la dbang sgyur ba'i sa 'thob pa sngon du 'gro ba ste/ rigs kyi bu byang chub sems dpa' rnams kyi ye shes kyi pha rol tu phyin pa 'di'i sngon du 'gro ba'i chos rnam pa bcu'o/ / de la pha rol tu phyin pa'i don gang zhe na/ spyod pa'i khyad par yongs su rdzogs par byed pa'i don ni pha rol tu phyin pa'i don no/ / ye shes zab cing rgya che ba yongs su rdzogs par byed pa'i don ni pha rol tu phyin pa'i don no// 'dus byas dang 'dus ma byas la chag pa med pa'i don ni pha rol tu phyin
- 291a
ba'i don no/ / 'khor ba'i nyes pa ji lta ba bzhin du rtogs pa'i don ni pha rol tu phyin pa'i don no// skye bo mi mkhas pa rnams khong du chud par byed pa'i don ni pha rol tu phyin pa'i don no// chos kyi mdzod zad mi shes pa yang dag par ston pa'i don ni pha rol tu phyin pa'i don no// sgrib pa med pa'i rnam par thar pa yongs su rdzogs par byed pa'i don ni pha rol tu phyin pa'i don no// sems can gyi khams rab tu shes par bya ba'i don ni pha rol tu phyin pa'i don no/ / sbyin pa mnyam pa nyid rjes su rtogs pa'i don ni pha rol tu phyin pa'i don no// tshul khrims mnyam pa nyid yongs su rdzogs par byed pa'i don ni pha rol tu phyin pa'i don no/ / bzod pa mnyam pa nyid yongs su rdzogs par byed pa'i don ni pha rol tu phyin pa'i don no// brtson 'grus mnyam pa nyid yongs su rdzogs par byed pa'i don ni pha rol tu phyin pa'i don no/ / bsam gtan mnyam pa nyid yongs su rdzogs par byed pa'i don ni pha rol tu phyin pa'i don no// shes rab kyi pha rol tu phyin pa la nges par mkhas pa yongs su rdzogs par byed pa'i don ni pha rol tu phyin pa'i don no/ / chos thams cad rab tu shes par byed pa'i don ni pha rol tu phyin pa'i don no// mi skye ba'i chos la bzod pa yongs su rdzogs par byed pa'i don ni pha rol tu phyin pa'i don no/ / phyir mi ldog pa'i sa yang dag par thob par byed pa'i don ni pha rol tu phyin pa'i don no// sangs rgyas kyi zhing yongs su sbyang ba'i don ni pha rol tu phyin pa'i don no// sems can thams
- 291b
cad yongs su smin par byed pa'i don ni pha rol tu phyin pa'i don no/ / byang chub kyi snying po la sangs rgyas kyi ye shes yongs su rdzogs par bya ba'i don ni pha rol tu phyin pa'i don no// bdud thams cad 'dul bar bya ba'i don ni pha rol tu phyin pa'i don no/ / 'khor ba dang mya ngan las 'das pa gnyis su med par ston cing sgrol ba'i don ni pha rol tu phyin pa'i don no// yon tan thams cad kyi pha rol tu 'gro ba'i don ni pha rol tu phyin pa'i don no/ / phas kyi rgol ba thams cad tshar gcad pa'i don ni pha rol tu phyin pa'i don no// stobs bcu dang / mi 'jigs pa dang / sangs rgyas kyi chos ma 'dres pa bco brgyad yongs su rdzogs par bya ba'i don ni pha rol tu phyin pa'i don no/ / sangs rgyas kyi chos thams cad yongs su rdzogs par bya ba'i don ni pha rol tu phyin pa'i don no// bla na med pa yang dag par rdzogs pa'i byang chub tu mngon par rdzogs par byang chub par byed pa'i don ni pha rol tu phyin pa'i don no/ / chos kyi 'khor lo rnam pa bcu gnyis su skor ba'i don ni pha rol tu phyin pa'i don no// rigs kyi bu de la byang chub sems dpa' sems dpa' chen po'i byang chub sems dpa'i sa dang po'i sde ltas ni/ gang stong gsum gyi stong chen po'i 'jig rten gyi khams gter bye ba khrag khrig brgya stong gis yongs su gang bar mthong ngo // rigs kyi bu de la byang chub sems dpa' sems dpa' chen po'i byang chub sems dpa'i sa gnyis pa'i snga ltas ni/ gang stong gsum gyi stong chen po'i 'jig rten gyi khams lag mthil lta bur gyur pa la rin po che bye ba khrag khrig
- 292a
brgya stong dums legs par brgyan par mthong ngo / / rigs kyi bu de la byang chub sems dpa' sems dpa' chen po'i byang chub sems dpa'i sa gsum pa'i snga lta ni/ bdag nyid dpa' zhing lag cha dang go chas ba zlogs nas pas kyi rgol ba thams cad 'dul bar mthong ngo // rigs kyi bu de la byang chub sems dpa' sems dpa' chen po'i byang chub sems dpa'i sa bzhi pa'i snga ltas ni/ phyogs bzhi nas rlung gi dkyil 'khor bzhis thams cad dang ldan pa'i sa'i dkyil 'khor chen po la me tog sna tshogs kyis mngon par 'thor bar mthong ngo // rigs kyi bu de la byang chub sems dpa' sems dpa' chen po'i byang chub sems dpa'i sa lnga pa'i snga ltas ni rgyan thams cad kyis brgyan pa'i bud med kyis mgo la me tog tsam pa ka'i 'phreng ba 'dogs par mthong ngo / / rigs kyi bu de la byang chub sems dpa' sems dpa' chen po'i byang chub sems dpa'i sa drug pa'i spu ltas ni/ rdzing them skas bzhi dang ldan pa/ gser gyi bye ma brdal ba/ rnyog pa med cing dang la yan lag brgyad dang ldan pa'i chus yongs su gang ba/ me tog ut+pal dang / ku mud dang / pad+ma dkar pos brgyan pa'i chu mthong ste/ de la bdag nyid rtse dga' yongs su spyod par mthong ngo // rigs kyi bu de la byang chub sems dpa' sems dpa' chen po'i byang chub sems dpa'i sa bdun pa'i snga ltas ni/ phyogs g.yas g.yon gnyis na sems can dmyal ba'i g.yangs mthong ste/ de nas bdag nyid
- 292b
ma smas ma nyams par slar ldog par mthong ngo / / rigs kyi bu de la byang chub sems dpa' sems dpa' chen po'i byang chub sems dpa'i sa brgyad pa'i snga ltas ni/ phrag pa gnyis na ri dgas kyi rgyal po seng ge ral pa can cod pan thogs pa gcan gzan phra mo thams cad skrag par byed cing 'dug par mthong ngo / / rigs kyi bu de la byang chub sems dpa' sems dpa' chen po'i byang chub sems dpa'i sa dgu pa'i snga ltas ni/ 'khor los sgyur ba'i rgyal po mthong ste// skye bo bye ba khrag khrig brgya stong phrag du mas yongs su bskor cing mdun gyis bltas la mgo bo'i steng na rin po che sna tshetshogs kyis smras pa'i gdugs dkar po 'dzin pa mthong ngo / / rigs kyi bu de la byang chub sems dpa' sems dpa' chen po'i byang chub sems dpa' sa bcu pa'i snga ltas ni/ de bzhin gshegs pa'i sku mthong ste/ kha dog gser lta bu 'od 'dom gang ba tshangs pa bye ba khrag khrig brgya stong phrag du mas yongs su bskor cing mdun gyis bltas nas chos ston pa mthong ste/ rigs kyi bu bcu po 'di dag ni byang chub sems dpa' sems dpa' chen po rnams kyi byang chub sems dpa'i sa bcu pa'i snga ltas yin no/ / rigs kyi bu de la byang chub sems dpa'i sa dang po la gnas pa'i byang chub sems dpa' ni sbyin pa'i pha rol tu phyin pa gnon to/ / byang chub sems dpa'i sa gnyis pa la ni tshul khrims kyi pha rol tu phyin pa gnon to// sa gsum pa la ni bzod pa'i pha rol tu phyin pa gnon to// sa bzhi pa
- 293a
@la ni brtson 'grus kyi pha rol tu phyin pa gnon to/ / sa lnga pa la ni bsam gtan gyi pha rol tu phyin pa gnon to// sa drug pa la ni shes rab kyi pha rol tu phyin pa gnon te/ sa bdun pa la ni thebs la mkhas pa'i pha rol tu phyin pa gnon to// sa brgyad pa la ni smon lam gyi pha rol tu phyin pa gnon to// sa dgu pa la ni stobs kyi pha rol tu phyin pa gnon to// sa bcu pa la ni shes kyi pha rol tu phyin pa gnon to/ / rigs kyi bu de la byang chub sems dpa' sems dpa' chen po'i sems bskyed pa dang po ni rin po che yang dag par 'phags pa'i ting nge 'dzin gyis yongs su bzung ste skye'o/ / sems bskyed pa gnyis pa ni gnas pa med pa'i ting nge 'dzin gyis yong su bzung ste skye'o// sems bskyed po gsum pa ni rab tu mi g.yo ba'i ting nge 'dzin gyis yongs su bzung ste skye'o// sems bskyed pa bzhi pa ni phyir mi ldog pa'i ting nge 'dzin gyis yongs su bzung ste skye'o// sems bskyed pa lnga pa ni rin po che'i tog gi ting nge 'dzin gyis yongs su bzung ste skye'o// sems bskyed pa drug pa la nyi ma'i 'od zer gyi gzi brjid kyi ting nge 'dzin gyis yongs su bzung ste skye'o/ / sems bskyed pa bdun pa ni don thams cad grub pa'i ting nge 'dzin gyis yongs su bzung ste skye'o// sems bskyed pa brgyad pa ni de ltar gyi sangs rgyas mngon sum du bzhugs pa'i ting nge 'dzin gyis yongs su bzung ste skye'o/ / sems bskyed pa dgu pa ni ye shes sgron ma'i ting nge 'dzin gyis yongs su bzung ste skye'o//
- 293b
sems bskyed pa ni dpa' bar 'gro ba'i ting nge 'dzin gyis yongs su bzung nas skye ste/ rigs kyi bu 'di dag ni byang chub sems dpa' sems dpa' chen po rnams kyi sems bskyed pa bcu pa'o// rigs kyi bu de la byang chub sems dpa' sems dpa' chen po'i byang chub sems dpa'i sa dang po la khyad par gyi byin gyi rlabs zhes bya ba'i gzungs skye'o// sa gnyis pa la gzhan gyis mi thub pa zhes bya ba'i gzungs skye'o/ / sa gsum pa la rab tu gnas pa zhes bya ba'i gzungs skye'o// sa bzhi pa la gdul dka' ba zhes bya ba'i gzungs skye'o// sa lnga pa la yon tan sna tshogs pa zhes bya ba'i gzungs skye'o/ / sa drug pa la ye shes kyi dkyil 'khor gyi sgron ma zhes bya ba'i gzungs skye'o// sa bdun pa la khyad par du 'phags pa zhes bya ba'i gzungs skye'o/ / sa brgyad pa la rnyog pa med pa'i rtog pa zhes bya ba'i gzungs skye'o// sa dgu pa la sgo mtha' yas pa'i rgyan ces bya ba'i gzungs skye'o// sa bcu pa la zad mi shes pa'i za ma tog ces bya ba'i gzungs skye'o/ / de nas de'i tshe bcom ldan 'das la lha'i bu seng ge'i tog gi 'od zer snang ba thogs pa med pa zhes bya bas 'di skad ces gsol to// bcom ldan 'das kye ma 'di ltar chos kyi rnam grangs 'di'i nang du thams cad rdzogs shing / sangs rgyas kyi chos dang yon tan thams cad sgrub par gyur pa ni ngo mtshar to// bcom ldan 'das kyis bka'
- 294a
stsal pa/ lha'i bu de ni ji skad zer ba de bzhin te/ lha'i bu chos kyi rnam grangs 'di thos ma thag tu byang chub sems dpa' rnams bla na med pa yang dag par rdzogs pa'i byang chub las phyir mi ldog par 'gyur ro/ / de ci'i phyir zhe na/ rigs kyi bu 'am/ rigs kyi bu mo phyir mi ldog pa'i dge ba'i rtsa ba yongs su smin pa rnams kyi phyag rgya ni/ 'di lta ste/ chos kyi rnam grangs 'di thos pa yin te/ chos kyi rnam grang 'di ni dge ba'i rtsa ba ma bskyed pa rnams kyi rna lam du grag par mi 'gyur ro// rigs kyi bu chos kyi rnam grangs 'di thos pa tsam gyis/ rigs kyis bu 'am/ rigs kyis bu mo dag lhag pa'i bsam pa yongs su dag cing sangs rgyas mthong ba dang mi 'bral bar 'gyur/ dam pa'i chos nyan pa dang mi 'bral bar 'gyur/ dge 'dun la bsnyen bkur byed pa dang mi 'bral bar 'gyur/ rgya mtsho'i phyag rgya mi zad pa mngon par sgrub pa'i gzungs dang mi 'bral bar 'gyur// sems can gyi bsam pa dang / spyod pa dang / sgra la 'jug pa'i gzungs dang mi 'bral bar 'gyur/ nyi ma'i tog snang ba'i gzungs dang mi 'bral bar 'gyur/ zla ba'i tog snang ba'i gzungs dang mi 'azal bar 'gyur/ kun nas ldang ba thams cad rnam par gnon pa sgrud pa'i gzungs dang mi 'bral bar 'gyur/ rdo rje ltar mra zhing brtan pa'i ri rnam par 'joms pa'i gzungs dang mi'i bral bar 'gyur/ brjod du med pa'i don bstan pa la yang dag par gzhol ba'i gzungs dang mi 'bral bar
- 294b
'gyur/ tshig dang / spyod pa dang / sgra thams cad la 'jug pa'i gzungs dang mi 'bral bar 'gyur/ nam mkha'i dkyil dri ma med pa sgrub pa phyag rgyas btab pa'i gzung dang mi 'bral bar 'gyur/ sangs rgyas kyi sku mtha' yas pa yongs su rdzogs pa sgrub pa'i gzungs dang mi 'bral bar 'gyur ro// lha'i bu gzungs 'di dag thob pas/ byang chub sems dpa' rnams phyogs bcu'i sangs rgyas kyi zhing rnams su sangs rgyas kyi sku mngon par sprul nas chos ston te/ chos nyid las kyang mi g.yo la/ 'gro ba'ang med/ 'ong ba'ang med do// sems can rnams yongs su smin par byed kyang / sems can du dmigs pa'ang med do// chos ston kyang yi ge mnyam pa nyid lnga g.yo ba med do// 'chi 'pho dang skye ba ston kyang 'pho ba'ang med/ skye ba'ang med do// chos thams cad la rnam par rtog pa med pa'i phyir/ 'du byed rnams gang du 'gro bar yang mi 'gyur/ gang nas 'ong bar yang mi 'gyur ro// chos kyi rnam grangs 'di bshad pa na/ byang chub sems dpa' sum stong gis mi skye ba'i chos la bzod pa thob par gyur te/ sems can tshad med pa rnams kyis ni bla na med pa yang dag par rdzogs pa'i byang chub tu sems bskyed par gyur to// bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros mi zad pa dang / byang chub sems dpa' de dag dang / dge slong de dag dang
- 295a
lha'i bu seng ge'i tog gi 'od zer snang ba thogs pa med pa dang / lha dang / mi dang / lha ma yin dang / dri zar bcas pa'i 'jig rten mi rengs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs stong phrag brgya pa las/ blo gros mi zad pas zhus pa'i le'u zhes bya ste/ 'dus pa bzhi bcuH sngang rdzogs so// rgya gar gyi mkhan po su ren+d+ra bo d+hi dang / zhu chen gyi lo tsa ba ban d+hi ye shes sdes zhus te gtan la bab pa/ sh+lo ka nyis brgya/ zhuchen gyi lo tsa ba d+harma tA shI las skad gsar bcad kyis kyang zhus te gtan la phab pa/ / rgya gar skad du/ ar+ya sa pa ta sha ta kan na ma pra dz+nyA pA ra mai tA ma hA yA na sU tra/ bod skad du/ 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo/ bam po dang po/ sangs rgyas dang byang chub sem dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong tham pa'i dge slong gi dge 'dun chen po dang thabs cig tu bzhugs so/ / byang chub sems dpa' sems dpa' chen po go cha chen po bgos pas ya~M thams cad kyang bla na med pa yang dag par
- 295b
rdzogs pa'i byang chub las phyir mi ldog pa sha stag la 'di lta ste/ 'jam dpal gzhon nur gyur pa dang / byams pa dang / spobs pa thogs med dang / brtson pa mi 'dor dang / de dag la sogs pa bya / chub sems dpa' sa ya dang yang thabs cig go/ de nas 'jam dpal gzhon nur gyur pa de bzhin gshegs pa la blta ba dang / phyag bya ba dang / bsnyen bkur bya ba'i phyir skya rengs shar ba'i dus kyi tshe rang gi gnas nas byung ste/ de bzhin gshegs pa'i pho brang gi sgo ga la ba der song nas phyin pa dang / pho brang gi sgo'i phyi rol na 'dug go/ de nas tshe dang ldan pa shA ra dwa ti'i bu yang bcom ldan 'das la blta ba dang / phyag bya ba dang / bsnyen bkur bya ba'i phyir rang gi gnas nas byung ste/ de bzhin gshegs pa'i pho brang ga la ba der song ngo // de nas tshe dang ldan pa byams/ ma'i bu gang po dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pa ka t+ya'i bu chen po dang / tshe dang ldan pa gsus po che dang / de dag thams cad dang / gzhan yang nyan thos chen po rnams rang rang gi gnas nas byung ste/ bcom ldan 'das kyi pho brang ga la ba der dong nas phyin pa dang phyogs gcig tu 'khod do// de nas bcom ldan 'das kyis nyan thos chen po rnams 'ongs shing lhags te 'dus par mkhyen nas/ bdag gi pho brang nas byung ste/ pho brang gi phyi rol phyogs gcig tu gdan bting ba la bzhugs so// bzhugs nas
- 296a
kyang bcom ldan 'das kyis mkhyen bzhin/ tshe dang ldan pa shA ra dwa ti'i bu la bka' stsal pa/ shA ra dwa ti'i bu khyod ci'i phyir zhog pas 'ongs te/ de bzhin gshegs pa'i pho brang gi sgo na 'dug/ de skad ces bka' stsal ba dang / bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das thams cad kyi thog ma nyid du 'jam dpal gzhon nur gyur pa de bzhin gshegs pa'i pho brang gi che bsgor mchis so/ / bdag ni bcom ldan 'das la lta bar 'tshal ba'i slad du srad kyis mchis so// de nas bcom ldan 'das kyis mkhyen bzhin du 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la blta ba dang / phyag bya ba dang / bsnyen bkur bya ba phyir thams cad kyi thog ma nyid du de bzhin gshegs pa'i pho brang gi sgor 'dug pa bden nam/ de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das de de lta lags/ bde bar gshegs pa de de lta lags te/ bdag de bzhin gshegs pa la blta ba dang / phyag bgyi ba dang / bsnyen bkur bgyi ba'i slad du/ thams cad kyi thog ma nyid du rang gis gnas nas byung ste/ de bzhin gshegs pa'i pho brang ga la ba der mchis nas phyogs gcig tu mchis so// de ci'i slad du zhe na/ bcom ldan 'das 'di ltar bdag ni de bzhin gshegs pa la
- 296b
blta ba dang / phyag bgyi ba dang / bsnyen bkur bgyi bram ngoms pa'i slad du'o// bcom ldan 'das 'di ltar bdag de bzhin gshegs pa la blta ba dang / phyag bgyi ba dang / bsnyen bkur bgyi ba'i slad du mchis pa de'ang sems can thams cad kyi don gyi slad du ste/ bcom ldan 'das gal te de bzhin gshegs pa la blta ba dang / phyag bgyi ba dang / bsnyen bkur bgyi na/ ji ltar bdag gis mthong ba dang / ji ltar bdag phyag bgyid pa dang / ji ltar bdag bsnyen bkur bgyid pa de ltar blta bar bgyi'o// de ltar phyag bgyi'o// de ltar bsnyen bkur bgyi'o// de lta na de bzhin gshegs pa mthong ba nas/ bsnyen bkur bgyis pa'i bar du 'gyur ro// bcom ldan 'das bdag ni sems can thams cad kyi slad du de bzhin gshegs pa la blta ba lags so// bcom ldan 'das kyis bka' stsal pa/ 'jam dpal de bzhin gshegs pa la ji ltar blta/ 'jam dpal gyis gsol pa/ mi dmigs pa'i tshul gyis de bzhin nyid kyi rnam pa dang / rnam par mi rtog pa'i rnam par de bzhin gshegs pa la blta bar bgyi'o/ / de bzhin du de bzhin gshegs pa la mi skye ba'i rnam par blta ba nas/ dngos po ma mchis pa'i rnam pa'i bar du de bzhin gshegs pa la blta bar bgyi'o/ / de bzhin nyid la kun nas 'byung ba ma mchis te/ de ltar de bzhin gshegs pa la blta bar bgyi'o// de bzhin nyid ni 'byung ba'ang ma lags/ 'jig pa'ang ma lags te/ de ltar de
- 297a
bzhin gshegs pa la blta bar bgyi'o/ / de bzhin nyid ni yul na mi gnas/ phyogs na mi gnas te/ de ltar de bzhin gshegs pa la blta bar bgyi'o// de bzhin nyid ni 'das pa ma lags/ ma 'ongs pa ma lags/ da ltar byung ba ma lags te/ de ltar de bzhin gshegs pa la blta bar bgyi'o// de bzhin nyid ni gnyis kyi rab tu phye ba ma lags/ gnyis su ma mchis pas rab tu phye ba'ang ma lags te/ de ltar de bzhin gshegs pa la blta bar bgyi'o// de bzhin nyid ni kun nas nyon mongs par 'gyur ba ma lags rnam par byang bar 'gyur ba ma lags te/ de ltar de bzhin gshegs pa la blta bar bgyi'o// de bzhin nyid ni mi skye mi 'gag pa ste/ de ltar de bzhin gshegs pa la blta bar bgyi'o// de lta na de bzhin gshegs pa mthong ba dang / phyag bgyis pa dang / bsnyen bkur bgyis par 'gyur ro// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod kyis de ltar bltas na ci zhig mthong / 'jam dpal gyis gsol pa/ bcom ldan 'das bdag gis de ltar bltas na ci'ang mthong ba ma mchis so// bcom ldan 'das de bzhin du bdag gis chos gang la'ang skye ba'angs mthong / 'gag pa'ang ma mthong ngo // de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras
- 297b
so/ / 'jam dpal khyod kyis de bzhin gshegs pa la de ltar mthong ba dang / de ltar bsnyen bkur byas pa gang yin pa dang / khyod kyis byams pa chen pos sems can thams cad la nye bar gnas kyang / khyod la sems can du dmigs pa dang / sems can du mngon par zhen pa ci'ang med cing / sems can thams cad yongs su mya ngan las bzla ba'i phyir zhugs kyang / khyod la sem/ can du mngon par zhen pa gang yang mi 'byung ba dang / khyod mi dmigs pa'i tshul dang / dngos po med pa'i tshul dang / sgyid lhag pa med pa'i tshul gyis/ sems can thams cad kyi ched du go cha bgro pa de ni khyod dka' ba byed pa'o/ / de skad ces smras pa dang / 'jam dpal gzhon nur gyur pas tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu ji skad smras pa de de bzhin te/ sems can thams cad yongs su mya ngan las bzla ba'i phyir go cha 'di'ang bkres te/ bdag la sems can du dmigs pa 'am/ sems can la mngon par zhen pa gang yang med do// btsun pa shA ra dwa ti'i bre go cha de ni ji ltar bdag gis sems can gyi khams bri ba'am/ gang bar bya zhes de ltar mi bgos so// btsun pa shU ra dwa ti'i bu yongs su brtag pa nye bar bzung ste/ kalA sangs rgyas kyi ning re re na kad+h+r-i'i klung gi bye ma snyed kyi sangs rgyas bcom ldan 'das rnams bcugs shing / de bzhin gshegs pa de dag so so nas nyin ma chen du chos ston te/ gang+gA'i klung gi bye mi snyed kyi brgas
- 298a
par bzhugs par gyur la/ gang+gA'i klung gi bye ma snyed kyi sangs rgyas bcom ldan 'das rnams kyis chos bstan pa re res sems can ji snyed btul ba de snyed kyi sems can/ de bzhin gshegs pa re res chos bstan pa re res btul bar gyur tu zin kyang / sems can gyi khams la bri ba'am/ gang bar mngon pa med do// de ci'i phyir zhe na/ sems can dben pa dang / sems can sems can ma yin pa'i phyir te/ btsun pa shA ra dwa ti'i bu sems can gyi khams ni bri ba 'am/ gang bar mi mngon no// de skad ces smras pa dang / tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ / 'jam dpal gal te sems can dben pa dang / sems can sems can ma yin pa'i phyir/ sems can gyi khams bri ba dang gang bar mi mngon na/ 'o na byang chub tu mngon par rdzogs par sangs rgyas nas su la chos ston/ de skad ces smras pa dang / 'jam dpal gzhon nur gyur pas tshe dang ldan pa shA ra dwa ti'i bu la 'di skad ces smras so// btsun pa shA ra dwa tiH bu gang gi tshe sems can shin tu mi dmigs pa de'i tshe/ su zhig mngon par rdzogs par 'tshang rgya/ su la chos bstan par bya/ de ci'i phyir zhe na/ btsun pa shA ra dwa ti'i bu 'di ltar chos thams cad shin tu mi dmigs pa'i phyir ro/ / de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal gang gi tshe chos thams cad shin tu/
- 298b
mi dmigs pa de'i tshe/ ci sems can du'ang 'dogs sam/ yang gal te 'jam dpal khyod la gang zhig sems can ji snyed yod ces de skad 'dri na/ de la khyod kyis ji skad bya/ 'jam dpal gyis/ gsol pa/ bcom ldan 'das de skad 'dri ba de la bdag gis 'di skad du sangs rgyas kyi chos ji snyed pa de snyed do zhes bgyi'o// bcom ldan 'das gal te yang sems can gyi khams kyi tshad ji tsam zhes 'dri na/ de skad 'dri ba de la bdag gis 'di skad du/ sangs rgyas kyi yul gyi tshad ji tsam pa de tsam mo zhes bgyi'o// bcom ldan 'das kyis bka' stsal pa/ 'jam dpal khyod la gal te yang la la zhig 'di skad du sems can gyi khams gang du gtogs shes 'drin/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du skye ba med pa dang / bsam gyis mi khyab pa gang du gtogs par gtogs so zhes bgyi'o// bcom ldan 'das kyis bka' stsal pa/ 'jam dpal gal te yang la la zhig khyod la 'di skad du sems can gyi khams ci la gnas shes 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du/ skye ba med pa'i khams ci la gnas pa de la sems can gyi khams kyang gnas so zhes bgyi'o/ / bcom ldan 'das kyis bka' stsal pa/ 'jam dpal khyod gang gi tshe/ shes rab kyi pha rol tu phyin pa skem pa de'i tshe ci la gnas te shes rab
- 299a
kyi pha rol tu phyin pa sgom/ 'jam dpal gyis gsol pa/ bcom ldan 'das gang gi tshe bdag shes rab kyi pha rol tu phyin pa sgom pa de'i tshe/ mi gnas par shes rab kyi pha rol tu phyin pa sgom lags so/ / bcom ldan 'das kyis bka' stsal pa/ 'jam dpal mi gnas pa la shes rab kyi pha rol tu phyin pa sgom du'ang ci yod/ 'jam dpal gyis gsol pa/ bcom ldan 'das gang ci la'ang mi gnas pa de nyid shes rab kyi pha rol tu phyin pa sgom pa lags so/ / bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom pa de'i tshe/ khyod kyi dge ba'i rtsa ba gang 'phel ba 'am/ 'grib par 'gyur/ 'jam dpal gyis gsol pa/ bcom ldan 'das de'i tshe bdag gi dge ba'i rtsa ba 'phel ba 'am/ 'grib par 'gyur ba ci'ang ma mchis so/ / bcom ldan 'das gang yang chos 'ga' zhig 'phel ba 'am/ 'grib pa mchis na/ de ni shes rab kyi pha rol tu phyin pa sgom pa ma lags te/ bcom ldan 'das gang yang chos 'ga' zhig 'phel ba'i slad du 'am/ 'grib pa'i slad du nye bar gnas pa de na/ shes rab kyi pha rol tu phyin pa sgom pa ma lags par rig par bgyi'o// bcom ldan 'das gang so so'i skye bo'i chos rnams kyang mi spong la/ sangs rgyas kyi chos rnams kyang mi len pa de shes rab kyi pha rol tu phyin pa sgom pa lags so// de ci'i slad du zhe na/ bcom ldan 'das 'di ltar shes rab kyi pha rol tu phyin pa sgom pa ni/
- 299b
chos gang spang ba 'am/ blang bar mi dmigs pas chos gang la'ang mi gnas pa'i slad du'o// bcom ldan 'das gang 'khor ba'i skyon du'ang mi mchil/ mya ngan las 'das pa'i yon tan du'ang mi mchi ba de shes rab kyi pha rol tu phyin pa sgom pa lags so/ / de ci'i slad du zhe na/ bcom ldan 'das 'di ltar 'khor ba nyid kyang mi mthong na/ 'khor ba'i skyon lta smos kyang ci 'tshal/ mya ngan las 'das pa nyid kyang mi dmigs na/ mya ngan las 'das pa'i yon tan lta smos kyang ci 'tshal te/ bcom ldan 'das gang chos gang la'ang blang ba 'am/ gzung ba'am/ dor ba ma mchis pa de shes rab kyi pha rol tu phyin pa sgom pa lags so/ / bcom ldan 'das gang chos gang la'ang 'grib pa dang 'phel ba mi dmigs pa de shes rab kyi pha rol tu phyin pa sgom pa lags so// de ci'i slad du zhe na/ bcom ldan 'das skye ba ma mchis pa la 'grib pa dang 'phel ba ma mchis pa'i slad du'o// bcom ldan 'das gang de ltar sgom pa de shes rab kyi pha rol tu phyin pa sgom pa lags so// bcom ldan 'das gang chos gang yang skye ba 'am/ 'gag par mi bgyid pa de shes rab kyi pha rol tu phyin pa sgom pa lags so// bcom ldan 'das gang chos gang la'ang 'grib pa 'am/ rgyas par mi bgyid pa de shes rab kyi pha rol tu phyin pa sgom pa lags te/ bcom ldan 'das gang de ltar sgom pa de shes rab kyi pha rol tu phyin pa sgom pa lags so// bcom ldan 'das gzhan yang bsam
- 300a
gyis mi khyab pa'i chos la'ang mi smon cing / nyi tshe ba la'ang mi smon gyi/ bcom ldan ldan 'das gang la smon pa dang / gang gis smon pa de nyid kyang ma mchis pa de shes rab kyi pha rol tu phyin pa sgom pa lags te/ bcom ldan 'das de ltar sgom na/ shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa ni 'di ltar chos 'di dag ni mchog go/ / chos 'di dag ni tha ma'o zhes bgyi bar nye bar mi gnas shing / chos gang dag mchog dang tha mar 'gyur ba'i chos de dag kyang mi dmigs te/ de ltar shes rab kyi pha rol tu phyin pabasgom pa'i rnal 'byor la brtson pa'i rigs kyi bu ni chos thams cad mi dmigs so/ / bcom ldan 'das shes rab kyi pha rol tu phyin pa sgom pa ni/ chos gang yang mchog ce'am/ tha ma zhes mi rtog go// de ci'i slad du zhe na/ bcom ldan lnga skye ba ma mchis pa la mchog gam/ tha ma zhes bgyi ba gang yang ma mchis pa'i slad du'o// de bzhin nyid dang / yang dag pa'i mtha' dang / chos thams cad kyi bar la'ang mchog gam tha ma ma mchis te/ bcom ldan 'das de ltar sgom na shes rab kyi pha rol tu phyin pa sgom pa lags so// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal sangs rgyas kyi chos rnams mchog ma yin nam/ 'jam dpal gyis gsol pa/ bcom ldan 'das gzung du ma mchis pa'i slad du/ sangs rgyas kyi chos rnams
- 300b
ni mchog lags so/ / bcom ldan 'das chos thams cad stong par de bzhin gshegs pas mngon par rdzogs par sangs rgyas lags sam/ bcom ldan 'das kyis bka' stsal pa/ 'jam dpal de de/ bzhin te/ de bzhin gshegs pas chos thams cad stong par mngon par rdzogs par sangs rgyas so// 'jam dpal gyis gsol pa/ bcom ldan 'das stong pa nyid la mchog gam/ tha ma zhe bgyi ba mchis sam/ bcom ldan 'das kyis bka' stsal pa/ 'jam dpal legs so legs so// 'jam dpal de de bzhin te/ ji skad smras pa de bzhin no// 'jam dpal sangs rgyas kyi chos rnams zla na med pa ma yin nam/ 'jam dpal gyis gsol pa/ de de lta lags te/ sangs rgyas kyi chos rnams ni bla na ma mchis pa lags so// de ci'i slad du zhe na/ bcom ldan 'das 'di ltar de dag la chos cung zad tsam yang ma mchis shing mi dmigs te/ de bas na sangs rgyas kyi chos de dag ni bla na ma mchis pa'o// bcom ldan 'das gzhan yang gang sangs rgyas kyi chos rnams sgrub par yang mi bgyid la/ so so'i skye bo'i chos rnams spyod par yang mi bgyid cing / sangs rgya kyi chos rnams 'dul ba'ang ma lags la/ 'dzin pa'ang ma lags pa de shes rab kyi pha rol tu phyin pa sgom pa lags so// bcom ldan 'das gzhan yang gang chos gang la'ang mi sems la/ rnam par rig pa de shes rab kyi pha rol tu phyin pa sgom pa lag so// bcom ldan 'das kyis bka' stsal pa/ 'jam dpal khyod sangs
- 301a
rgyas kyi chos rnams la mi sems sam/ 'jam dpal gyis gsol pa/ bcom ldan 'das gal te bdag gis sangs rgyas kyi chos rnams yongs su grub par mthong na ni/ bdag sangs rgyas kyi chos rnams la sems lags so// bcom ldan 'das shes rab kyi pha rol tu phyin pa sgom pa 'di dag ni so so'i skye bo'i chos so// 'di dag ni nyan thos kyi chos so/ / 'di dag ni sangs rgyas kyi chos so// 'di de ga ni yang dag par rdzogs pa'i sangs rgyas kyi chos so zhes chos gang la'ang rnam par rtog pas nye bar gnas pa ma lags so// de ci'i slad du zhe na/ bcom ldan 'das shes rab kyi pha rol tu phyin pa sgom pa'i rnal 'byor la brtson pa'i rigs kyi bus chos de nyid kyang mi dmigs te/ gang la chos de dag so so'i skye bo'i chos shes brjod pa'am/ slob pa'i chos shes brjod pa 'am/ mi slob pa'i chos shes brjod pa 'am/ rang sangs rgyas kyi chos shes brjod pa 'am/ yang dag par rdzogs pa'i sangs rgyas kyi chos shes brjod pa'ang mtha' las 'das pa'i chos nyid lags pas/ chos de mi dmigs shing yang dag par rjes su mi mthong ba'i slad du'o// bcom ldan 'das de ltar sgom na shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa'i rnal 'byor la brtson pa'i rigs kyi bu ni 'di ltar 'di ni 'dod pa'i khams so/ / 'di ni gzugs kyi khams so// 'di ni gzugs med pa'i khams so zhes bgyi ba nas/
- 301b
'di ni 'gog pa'i dbyings so zhes bgyi ba'i bar du'ang mi sems so// de ci'i slad du zhe na/ bcom ldan 'das 'di ltar des 'gog pa'i chos gang lags pa'i chos de gang yang mi mthong ste/ bcom ldan 'das de ltar sgom pa ni shes rab kyi pha rol tu phyin pa sgom par rig par bgyi'o/ / bcom ldan 'das gzhan yang gang chos gang la'ang phan pa 'am/ gnod pa'ang mi bgyid pa de shes rab kyi pha rol phyin pa sgom pa lags so/ / bcom ldan 'das shes rab kyi pha rol tu phyin pa sgom pa ni/ sangs rgyas kyi chos rnams sbyin par bgyid pa'ang ma lags/ so so'i skye bo'i chos rnams gcod par bgyid pa'ang ma lags so/ / bcom ldan 'das gang so so'i skye bo'i chos rnams kyang mi 'gog la/ sangs rgyas kyi chos rnams kyang mi 'thob pa de shes rab kyi pha rol tu phyin pa sgom pa lags so// de skad ces gsol pa dang / bcom ldan 'das kyi 'jam dpal gzhon nur gyur pa la 'di skad ces bka' stsal to// 'jam dpal khyod kyis chos zab mo 'di lta bu 'di bstan pa leg so legs so// 'jam dpal khyod kyis byang chub sems dpa' sems dpa' chen po rnams dang / nyan thos kyi theg pa pa mngon pa'i nga rgyal can rnams dang / byang chub sems dpa'i theg pa pa dmigs pa can rnams yang dag par ji lta ba bzhin du rtogs par bya ba'i phyir rgya 'di bzhag go/ 'jam dpal rigs kyi bu 'am/ rigs kyi bu mo gang dag shes rab kyi pha rol tu phyin pa zab mo bstan pa 'di thos nas mi
- 302a
skrag/ mi dngang / dngang bar mi 'gyur ba de dag ni sangs rgyas gcig la bsnyen bkur byas pa ma yin/ sangs rgyas gcig la dge ba'i rtsa ba bskyed pa ma yin no// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das bdag ni shes rab kyi rol tu phyin pa rgya cher ston par spobs lags so/ / bcom ldan 'das kyis bka' stsal pa/ 'jam dpal spobs par gyis shig/ 'jam dpal gyi gsol pa/ bcom ldan 'das gang chos gang gi gan+d+ha pa mi dmigs pa dang / mi gnas pa'ang mi dmigs pa de shes rab kyi pha rol tu phyin pa sgom pa lags so/ / de ci'i slad du zhe na/ chos thams cad ni mi gnas pa'i slad du mi dmigs pa ste/ bcom ldan 'das gang chos gang la'ang lhag par dmigs pa'i slad du nye bar mi gnas pa de shes rab kyi pha rol tu phyin pa sgom par rig par bgyi'o/ / de ci'i slad du zhe na/ bcom ldan 'das 'di ltar chos thams cad ni dmigs pa ma mchis pa'i slad du ste/ bcom ldan 'das de ltar sgom pa ni shes rab kyi pha rol tu phyin pa sgom pa lags so// bcom ldan 'das gzhan yang grang la sangs rgyas kyi chos rnams kyang mngon du mi 'gyur na/ rang sangs rgyas kyi chos rnams lta smos kyang ci 'tshal/ nyan thos kyi chos rnams kyang mngon du mi 'gyur na/ so so'i skye bo'i chos rnams lta smos kyang ci 'tshal ba de shes rab kyi pha rol tu phyin pa sgom par blta bar
- 302b
bgyi'o/ / bcom ldan 'das gzhan yang sgom pa gang la brten nas sangs rgyas kyi chos rnams bsam gyis mi khyab pa la'ang / sangs rgyas kyi chos rnams bsam gyis mi khyab pa'o zhes rnam par mi rtog pa de shes rab kyi pha rol tu phyin pa sgom pa lags so/ / bcom ldan 'das shes rab kyi pha rol tu phyin pa sgom pa 'di ni/ byang chub sems dpa' sems dpa' chen po rnams kyi chos thams cad la rnam mi rtog par blta bar bgyi'o/ / bcom ldan 'das gzhan yang sgom pa gang la brten nas mthong ba ma mchis par chos thams cad sangs rgyas kyi chos su mthong ba dang / chos thams cad bsam gyis mi khyab pa'i chos su mthong ba de shes rab kyi pha rol tu phyin pa sgom pa lags so/ / rigs kyi bu 'am/ rigs kyi bu mo gang dag shes rab kyi pha rol tu phyin pa bstan pa 'di thos nas mi skrag/ mi dngang dngang bar mi 'gyur ba de dag sangs rgyas brgya stong mang po la bsnyen bkur bgyis par 'gyur ro/ / bcom ldan 'das gzhan yang / kun nas nyon mongs pa 'am/ rnam par byang ba'i chos gang yang yang dag par rjes su mi mthong ba de shes rab kyi pha rol tu phyin pa sgom pa lags te/ bcom ldan 'das de ltar sgom na shes rab kyi pha rol tu phyin pa sgom pa lags so// bcom ldan 'das shes rab kyi pha rol tu phyin pa sgom pa de ni/ so so'i skye bo dang / nyan thos dang / rang sangs rgyas dang / yang dag par rdzogs pa'i sangs rgyas kyi bar du'ang tha dad du mi bgyid pa ste/ bcom ldan
- 303a
'das de ni shes rab kyi pha rol tu phyin pa sgom pa lags so/ / de nas bcom ldan 'das kyis 'jam dpral gzhon nur gyur pa la bka' stsal pa/ 'jam dpal khyod kyis/ de bzhin gshegs pa ji snyed cig la bsnyen bkur byas/ 'jam dpal gyis gsol pa/ bcom ldan 'das sgyu ma'i skyes bu'i sems dang sems las byung ba ji snyed 'gags pa de snyed la ste/ bcom ldan 'das bdag gis de bzhin gshegs pa de snyed la bsnyen bkur bgyis so/ / bcom ldan 'das kyis bka' stsal pa/ 'jam dpal khyod sangs rgyas kyi chos la yang dag par ma zhugs sam/ 'jam dpal gyis gsol pa/ bcom ldan 'das gang sangs rgyas kyi chos la yang dag par zhugs pa'i chos de gang yang dmigs su mchis sam/ bcom ldan 'das kyis bka' stsal pa/ 'jam dpal 'o na sangs rgya kyi chos de dag su la yod/ 'jam dpal gyis gsol pa/ bcom ldan 'das nyid la'ang sangs rgyas kyi chos zhes bgyi ba de dag gi ming yang ma mchis te/ mi dmigs na/ gzhan rnams la mchis par 'gyur ba lta ci smos/ bcom ldan 'das kyi bka' stsal pa/ 'jam dpal khyod kyis chags pa med pa nyid rnyed dam/ 'jam dpal gyis gsol pa/ bcom ldan 'das bdag nyid chags pa ma mchis panyid lags na/ bdag gis yang chags pa ma mchis pa nyid thob par 'gyur ram/ bcom ldan 'das kyis bka' stsal pa/ 'jam dpal khyod ci byang chub kyi snying po la 'dug gam/ 'jam dpal
- 303b
gyis gsol pa/ yang dag pa'i mtha' bcan par bgyis na/ bcom ldan 'das nyid kyang byang chub kyi snying po lam bzhugs na/ bdag lta mchis par ji ltar 'gyur/ bcom ldan 'das kyis bka' stsal pa/ 'jam dpal yang dag pa'i mtha' zhes bya ba de gang gi tshig bla dgas/ 'jam dpal gyis gsol pa/ bcom ldan 'das yang dag pa'i mtha' zhes bgyi ba de ni 'ji tshogs kyi tshig bla dwags lags so/ / bcom ldan 'das kyis bka' stsal pa/ 'jam dpal ci las bsam te de skad smras/ 'jam dpal gyis gsol pa/ bcom ldan 'das 'jig tshogs de ni ma mchis pa ste/ 'jig tshogs ma lags pas/ de ni mi 'pho la 'pho ba dang bral ba 'a 'gas te/ de'i slad du tshogs de ni 'jig tshogs ma lags so// de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi sgeg/ mi da dang / dngang bar mi 'gyur ba de dag ni byang chub tu nges par 'gyur ba lags so// de nas bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas
- 304a
mos te/ mi skrag/ mi dngang / dngang bar mi 'gyur ba de dag ni byang chub la nye bar gyur pa lags so// de ci'i slad du zhe na/ bcom ldan 'das gang chos de dag rjes su rtogs pa de nyid byang chub mchog lags pa'i slad du'o/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni// sangs rgyas nyid du blta bar bgyi'o// de ci'i slad du zhe na/ bcom ldan 'das sangs rgyas shes bgyi ba de ni don dam par na skye ba ma mchis pa'i tshig blo dgas lags pa'i slad du'o// de nas bcom ldan 'das la sring mo dmigs pa med/ 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dag ni/ so so'i skye bo'i chos rnams dang / nyan thos kyi chos rnams dang / rang sangs rgyas kyi chos rnams dang // yang dag par rdzogs pa'i sangs rgyas kyi chos rnams la lhag par dmigs/ par mi 'gyur ba lags so// de ci'i slad du zhe na/ bcom ldan 'das 'di ltar chos thams cad ni ma mchis pa'i slad du mi dmigs pa ste/ de'i slad du de dag la dmigs pa ma mchis so//
- 304b
/ de nas bcom ldan 'das kyis tshe dang ldan pa shA ra dwa ti'i bu ba bka' stsal pa/ de de bzhin no// shA ra dwa ti'i bu de de bzhin te/ rigs kyi bu dang rigs kyi bu mo gang dag shes rab kyi pha rol tu phyin pa zab mo bstan pa 'di thos nas mos te/ mi sgeg/ mi dngang / dngang bar mi 'gyur ba de dag ni byang chub tu nges par 'gyur ro// shA ra dwa ti'i bu rigs kyi bu dang / rigs kyi bu mo gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur zhing / spyi bos len pa de dag ni phyir mi ldog pa'i sa la gnas pa yin par khyod kyis shes par gyis shig/ shA ra dwa ti'i bu gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyur ba de dang de dag ni/ sbyin bdag dam par 'gyur/ sbyin bdag chen bor 'gyur/ sbyin bdag khyad par du 'phags par 'gyur ro// shA ra dwa ti'i bu de dang de dag ni tshul kri phu ni sum tshogs par 'gyur/ tshul khrims dang ldan pa'i mchog tu 'gyur/ tshul khrims dang ldan pakhyad par du 'phags par 'gyur/ tshul khrims kyi yon tan gyi lam rnyed par 'gyur ro// shA ra dwa ti'i bu gang dag shes rab kyi pha rol tu phyin pa bstan pa 'di thos nas mos te/ mi skrag/ mi dang dang bar mi 'gyur ba de dang de dag ni bzod pa'i mchog dang / brtson 'grus kyi mchog dang / bsam gtan gyi mchog dang / mtshungs pa med pa'i shes rab kyi mchog dang ldan par 'gyur ro//
- 305a
shA ra dwa ti'i bu byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te/ mi skrag/ mi dngang / dngang bar mi 'gyu/ ba de dag ni/ rnam pa thams cad kyi mchog dang ldan pa'i thams cad mkhyen pa'i ye shes dang ldan pa'i bar du 'gyur ro// bcom ldan 'das kyis 'jam dpal gzhon nur gyur la gzhan yang 'di skad ces bka' stsal to/ / 'jam dpal khyod kyis don gyi dbang ci zhig mthong na/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'dod/ 'jam dpa' gyis gsol pa/ bcom ldan 'das gal te bdag byang chub tu zhugs na ni/ de lta na bdag mngon par rdzogs par 'tshang rgya bar yang 'tshal na/ bcom ldan 'das bdag ni byang chub tu smon pa ma lags so/ / de ci'i slad du zhe na/ 'jam dpal gzhon nur gyur pa gang lags pa de byang chub nyid do// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod zab mo zab pa'i gnas 'di lta bu 'di ston pa legs so legs so// 'di ltar khyod ni sngon gyi rgyal ba la bya ba byas pa ste/ mi dmigs par tshangs par spyod pa yun ring du spyad pa'o/ / 'jam dpal gyis gsol pa/ bcom ldan 'das gal te bdag mi dmigs par spong pa lags na ni/ chos thob pa nyid du 'gyur ba lags so// de skad ces gsol pa dang / bcom
- 305b
ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod kyis nga'i nyan thos phun sum tshogs pa 'di dag mthong ngam/ 'jam dpal gyis gsol pa/ bcom ldan 'das mthong lags so/ / bcom ldan 'das kyis bka' stsal pa/ ji ltar ci 'dra bar mthong / 'jam dpal gyis gsol pa/ bcom ldan 'das ji ltar so so'i skye bor mi mthong ba dang / slob par mi mthong ba dang / mi slob par mi mthong ba dang / mthong ba'ang ma mchis/ mi mthong ba'ang ma mchis pa de ltar mthong ngo // 'di ltar mang du'ang mi mthong ba dang / nyung du'ang mi mthong ba dang / dul bar yang mi mthong ba dang / ma dul bar yang mi mthong ba de ltar mthong ngo // de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ / 'jam dpal khyod kyis nyan thos kyi theg pa pa rnams de ltar mthong na/ yang dag par rdzogs pa'i sangs rgyas kyi theg pa pa rnams khyod kyis ji ltar mthong / 'jam dpal gyis smras pa/ btsun pa shA ra dwa ti'i bu byang chub sems dpa' zhes bya ba'i chos kyang rjes su mi mthong / byang chub tu zhugs pa zhes bya ba'i chos kyang rjes su mi mthong / byung chub kyi phyir spyod do zhes bya ba'i chos kyang rjes su mi mthong / mngon par rdzogs par sangs rgyas zhes bya ba'i chos kyang rjes su mi mthong ste/ btsun pa shA ra dwa ti'i bu yang dag par rdzogs pa'i sangs
- 306a
/ rgyas kyi theg pa padag de ltar mthong ngo // shA ra dwa tI'i bus smras pa/ 'jam dpal khyod kyis de bzhin gshegs pa ji ltar mthong / lajam dupal gyis smras/ ldan pa/ kAr ti'i drimang po pan // glang po chen po spyod sa// desnad ces skyes pa dang / tse dang na gyur dadi'i bras 'ang ma dpa gton na gyur pa la 'di ska ces skyes so// 'jam dpral sangs rgyas shes bya ba de gang gi tshig bla dgas/ 'jam dpal gyis smras pa/ btsun pa shA ra dwa ti'i bu bdag ces bya ba de klung gi tshig bla dgas/ shU ra dwa tI'i bus smras pa/ 'jam dpal 'di lta ste/ bdag ces bya ba de ni skye ba med pa'i tshig bla dgas so// 'jam dpal gyis smras pa/ btsun pa shA ra dwa ti'i bu de de bzhin te/ bdag ces bya ba de gang gi tshig bla dgas yin pa/ sang rgyas shes bya ba de'ang de'i tshig bla dgas so/ / btsun pa shA ra dwa ti'i bu yang 'di lta ste/ sangs rgyas shes bya ba de ni gzhi med pa'i tshig bla dgas so// btsun pa shA ra dwa ti'i bu sangs rgyas shes bya ba de ni tshig gis shes par bya bar dka' ba'o/ / btsun pa shA ra dwa ti'i bu tshig kyang 'di ni tshig go zhes brtags par dka' na/ sangs rgyas shes bya ba lta ci smos/ btsun pa shA ra dwa ti'i bu sangs rgyas shes bya ba de gang gi tshig bla dgas zhes de skad smra ba ni/ gang yang dag par ma grub pa dang / ma skyes pa dang / mi 'gag pa ste/ gang chos gang dang yang mi ldan pa de la gzhi tse'ang med cing /
- 306b
gzhi dbyer med la/ gzhi med pa ste/ btsun pa shA ra dwa ti'i bu 'di lta ste/ sangs rgyas shes bya ba de ni de'i tshig bla dgas so// btsun pa shA ra dwa ti'i bu de bzhin gshegs pa tshol bar 'dod pas ni bdag btsal bar bya'o/ / btsun pa shA ra dwa ti'i bu bdag ces bya ba de ni sangs rgyas kyi tshig bla dwags te/ ji ltar bdag ces bya ba shin tu med cing mi dmigs pa de bzhin du/ sangs rgyas kyang shin tu med cing mi dmigs so/ / ji ltar bdag ces bya ba'i chos gang gis kyang tshig tu brjod pa ma yin pa de bzhin du/ sangs rgyas kyang chos gang gis kyang tshig tu brjod pa ma yin no// gang la grangs su bya ba med pa de ni sangs rgyas shes bya ste/ btsun pa shA ra dwa ti'i bu bdag ces bya ba'i gzhi'i tshig bla dgas de ni shes par bla ba ma yin no// btsun pa shA ra dwa ti'i bu de bzhin du sangs rgyas shes bya ba'i gzhi'i tshig bla dgas 'di'i nga shes par bya ba ma yin no/ / de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das 'jam dpal gzhon nur gyur pa 'di ni ji ltar las dang po pas 'tshal bar 'gyur ba de lta bu mi ston to/ / de skad ces gsol pa dang / 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so// btsun pa shA radwa ti'i bu kho bo ni ji ltar dgra bcom pa byas pa rtogs pa can gyis kyang shes par 'gyur ba de lta bu'i chos mi ston to/ / kho bo ni ji ltar sus kyang shes par 'gyur ba de lta bur yang mi ston to// de ci'i phyir
- 307a
zhe na/ byang chub ni sus kyang ma shes/ sus kyang rnam par ma shes/ sus kyang mngon par rdzogs par ma rdzogs/ ma mthong / mthos/ ma dran/ ma bskyed/ ma bkag ma smras/ ma bstan pa'i phyir ro// btsun pa shA ra dwa ti'i bu byang chub ni de lta bu ste/ byang chub de'ang dngos po ma yin no// de ci'i phyir zhe na/ byang chub kyis mngon par rdzogs par 'tshang rgya bar bya ba ci'ang med cing / byang chub kyang byang chub kyis mngon par rdzogs par 'tshang rgya ba ma yin pa'i phyir ro// shA ra dwa ti'i bus smras pa/ 'jam dpal bcom ldan 'das kyis chos kyi dbyings mngon par rdzogs par sangs ma rgyas sam/ 'jam dpal gyis smras pa/ btsun pa shA radwa ti'i bu de ni ma yin no// de ci'i phyir zhe na/ btsun pa shA ra dwa ti'i bu 'di ltar chos kyi dbyings nyid bcom ldan 'das yin ba'i phyir ro/ / btsun pa shA ra dwa ti'i bu gal te bcom ldan 'das kyis chos kyi dbyings mngon par rdzogs par sangs rgyas par gyur na/ 'o na ni gang skye ba med pa'i dbyings de dang yang 'gal bar 'gyur ro/ / btsun pa shA ra dwa ti'i bu chos kyi dbyings de nyid byang chub bo// de ci'i phyir zhe na/ chos kyi dbyings de ni sems can med pa'i phyir ro// chos thams cad ngo bo nyid med pa'o zhes bya ba de ni byang chub kyi tshig bla dgas te/ de ni chos kyi dbyings kyi grangs su 'gro ba'o// de ci'i phyir zhe na/ chos thams cad ni sangs rgyas yul du tha dad pa med pa'i phyir ro// btsun pa shA ra dwa ti'i bu tha dad pa
- 307b
med ces bya ba de ni rnams par rig pa med pa'o/ / btsun pa shA ra dwa ti'i bu rnam par rig pa med pa zhes bya ba de ni rnam par she bar mi nus pa ste/ 'dus byas su rnam par rig par mi nus pa nas/ 'dus ma byas kyi bar du'ang rnam par rig par mi nus pa ste/ de la rnam par rig pa gang yang med/ des na de rnam par rig pa med pa'o// btsun pa shA ra dwa ti'i bu chos thams cad ni rnam par rig pa med pa ste/ de ci'i phyir zhe na/ 'di ltar chos thams cad ni gang la gnas te rnam par rig par 'gyur ba'i skye ba med pa'i phyir ro// gang dag mtshams med pa la zhugs pa de dag ni bsam gyis mi khyab pa la zhugs pa'o/ / gang dag bsam gyi mi khyab pa la zhugs pa de dag ni yang dag pa la zhugs pa'o// de ci'i phyir zhe na/ btsun pa shA ra dwa ti'i bu yang dag pa zhes bya ba de ni gzhi dbyer med pa'i phyir ro/ / gang dag bsam gyis mi khyab pa dang ldan pa de dag ni mtho ris su 'gro ba ma yin/ ngan song du 'gro ba ma yin/ mya ngan las 'das par 'gro ba ma yin no// de ci'i phyir zhe na/ bsam gyis mi khyab pa ni 'gro ba dang mi 'gro bar nye bar gnas pa ma yin pa nas/ mya ngan las 'das pa'i bar du 'gro ba dang mi 'gro bar nye bar gnas pa ma yin pa'i phyir ro// btsun pa shA ra dwa ti'i bu gang dag ltung ba'i rtsa ba bzhi la gnas pa de dag kyang rtsa ba med pa la gnas pa'o/ / de ci'i phyir zhe na/ btsun pa shA ra dwa ti'i bu skye ba med pa la rtsa ba'am/ rtse mo zhes bya ba med pa'i phyir ro
- 308a
rtsa ba med pa'i dge slong zhes bya ba ni/ mi gnas pa'i dge slong gi tshig tha dgas s+ho// cod pa byung ba zhes bya ba deni lhag par spro 'dogs pa zhes bya ba'i tshig bla dag btsun pa shA ra dwa ti'i bu lhag par spro 'dogs pa la spyod pa ni/ 'jig rten na sbyin gnas su 'gyur ro// de ci'i phyir zhe na/ 'di ltar mnyam pa la de lhag par spro btags pa'i phyir ro// btsun pa shA ra dwa ti'i bu dge slong dad pa ni dad pas byin pa spyad pa'i 'os ma yin no/ / btsun pa shA ra dwa ti'i bu dge slong ma dang pa ni dad pas byin pa spyad pa'i 'os so// btsun pa shA ra ti'i bu rung ba can byi slong ni dad pas byin pa la spyad pa'i 'os ma yin no/ / btsun pa shA ra dwa ti'i bu rung ba can ma yin pa'i dge slong ni dad pas byin pa spyad pa'i 'os so// tshul yang dag par ma bcos pa'i dge slong ni dgra/ bcom pa zag pa zad pa zhes bya'o// shA ra dwa ti'i bus smras pa/ 'jam dpal ci las bsams te de skad ces smra/ 'jam dpal gyis smos pa/ mnyam pa nyid gang mnyam pa nyid yang dag par 'jom par mi byed pa de nyid tshul yin te/ btsun pa shA ra dwa ti'i bu de la bsams nas/ tshul yang dag par ma bcos pa'i dge slong ni dgra bcom pa zag pa zad pa zhes bya'o zhe de skad ces smras so// btsun pa shA ra dwa ti'i bu 'jigs pa la ma brgal ba zhes bya ba de ni/ dgra bcom pa zag bzad pa zhes bya ba'i tshig bla dgas so// shA ra dwa ti'i bus smras pa/ 'jam dpal ci las bsams te de skad smra
- 308b
'jam dpal gyis smras pa/ de'i 'jigs pa cung zad tsam yang med na/ ci zhig las brgal bar 'gyur/ shA ra dwa ti'i bus smras pa/ 'jam dpal ma skyes pa'i bzod pa can zhes bya ba de gang gi tshig bla dgas/ 'jam dpal gyis smras pa/ btsun pa shA ra dwa ti'i bu gang gis chos cung zad tsam yang ma bskyed pa de ma skyes pa'i bzod pa can zhes bya'o// shA ra dwa ti'i bus smras pa/ 'jam dpal dge slong ma dul ba zhes bya ba de gang gi tshig bla dgas/ 'jam dpal gyis smras pa/ btsun pa shA ra dwa ti'i bu dge slong ma dul ba zhes bya ba de ni dgra bcom pa zag pa zad pa zhes bya ba'i tshig bla dgas so/ / de ci'i phyir zhe na/ ma dul ba ni dul la/ dul ba ni ma dul bas/ btsun pa shA ra dwa ti'i bu 'di la bsams te/ dge slong ma dul ba zhes bya ba de ni/ dgra bcom pa zag pa zad pa'i tshig dgra so zhes de skad smras so/ / btsun pa shA ra dwa ti'i bu lhag pa'i sems la spyod do zhes bya ba de ni so so'i skye bo'i tshig bla dgas so// shA ra dwa ti'i bus smras pa/ 'jam dpal ci las bsama? te de skad smra/ 'jam dpal gyis smras pa/ btsun pa shA re dwa ti'i bu 'di ltar de lhag par byed pa'i phyir ro// de skad ces smos pa dang / tshe dang ldan pa shA ra dwa ti'i bus 'jam dpal gzhon nur gyur pa la 'di skad smras so/ / 'jam dpal khyod kyis dgra bcom pa zag pa zad pa ji lta ba de bzhin du smras pa leg so leg so// 'jam dpal gyis smras pa/ btsun pa shA ra dwa ti'i bu de de bzhin te/ ji skad smras pa bzhin no//
- 309a
kho bo ni zag pa zad mod kyi/ dgra bcom pa ni ma yin no// de ci'i phyir zhe na/ btsun pa shA ra dwa ti'i bu 'di ltar nyan thos kyis dang rang sangs rgyas kyi sar kho bo'i bsam pa zad pa'i phyir te/ btsun pa shA ra dwa ti'i bu rnam grangs 'dis na/ kho bo zag pa zad mod kyi/ dgra bcom pa ni ma yin no// de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal byang chub sems dpa' sems dpa' chen po byang chub kyi snying por 'dug la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba med par 'gyur pa'i rnam grangs yod dam/ 'jam dpal gyis gsol pa/ bcom ldan 'das byang chub sems dpa' sems dpa' chen po byang chub kyi snying por mchis la/ bla na med pa yang dag par rdzogs pa'i byang chub mngon par rdzogs par 'tshang ba'i skal ba ma mchis par 'gyur ba'i rnam grangs mchis so/ / de ci'i slad du zhe na/ 'di ltar byang chub la cung zad tsam gyi chos kyang ma mchis shing mi dmigs pas/ de'i slad du bla na med pa yang dag par rdzogs pa'i byang chub ces bgyi'o// byang chub de'ang ma skyes pa ste/ de la gang byang chub kyi snying po la mchis pa 'am/ su byang chub mngon par rdzogs par 'tshang rgya ba 'am/ gang gis byang chub mngon par rdzogs par 'tshang rgya ba 'am/ byang chub gang mngon par rdzogs par 'tshang rgya ba 'am/ gang byang chub kyi snying po las ldang ba gang yang
- 309b
ma mchis shing mi dmigs te/ bcom ldan 'das rnam mad+ma 'dis na/ byang chub sems dpa' sems dpa' chen po byang chub kyi snying por mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis so/ / de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal byang chub ces bya ba de gang gi tshig bla dgas/ 'jam dpal gyis gsol pa/ bcom ldan 'das byang chub ces bgyi ba de ni mtshams ma mchis pa lnga po dag 'i tshig bla dag lags so// de ci'i slad du zhe na/ bcom ldan 'das 'di ltar dngos po ma mchis pas mtshams ma mchis pa lnga po de dag nyid byang chub kyi rang bzhin te/ de'i slad du byang chub de ni mtshams ma mchis pa lnga'i rang bzhin can lags so/ / mtshams ma mchis pa rnams mngon par rdzogs par rtogs pa byang chub ma lags/ chos thams cad mngon sum du gyur pa'ang byang chub ma lags so// de ci'i slad du zhe na/ chos thams cad ni shin tu mngon sum ma lags te/ de dag gang gis kyang mngon par rdzogs par ma rtogs/ ma mthong / ma thos/ ma 'tshal ba nas/ ma rtogs pa'i bar gyi slad du ste/ de lta bu de ni byang chub bo// de lta lags kyis kyang bcom ldan 'das mngon pa'i nga rgyal can dag gis ni mngon par rdzogs par sangs rgyas pa nas/ mngon sum du bgyis
- 310a
pa'i bar du de dag gzhag go/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal/ ci khyod nga la 'di snyam du/ de bzhin gshegs pa ni bdag gi de bzhin gshegs pa'o snyam sems sam/ 'jam dpal gyis gsol pa/ bcom ldan 'das de ni ma lags so// de ci'i slad du zhe na/ bcom ldan 'das 'di ltar de bzhin gshegs pa ni bdag gi de bzhin gshegs pa'o snyam du mi sems pa'i slad du'o// de ci'i slad du zhe na/ bcom ldan 'das 'di ltar de bzhin nyid ni de bzhin gshegs pa nyid de/ de bzhin nyid kyi de bzhin gshegs pa rnam par rig par mi bgyid cing / de bzhin gshegs pas kyang de bzhin nyid rnam par rig par mi bgyid pa'i slad du'o// de ci'i slad du zhe na/ bcom ldan 'das 'di ltar don dam par na de bzhin nyid dngos po ma mchis shing / de bzhin gshegs pa'ang dngos po ma mchis pa'i slad du'o// bcom ldan 'das de lta bas na bdag ni 'di snyam du de bzhin gshegs pa bdag gi de bzhin gshegs pa'o snyam du mi sems so/ / bcom ldan 'das de bzhin gshegs pa zhes bgyid pa de ni ming tsam du bas na/ gang la bdag 'di snyam du de bzhin gsheg/ pa ni bdag gi de bzhin gshegs pa'o snyam du sems par 'gyur ba'i de bzhin gshegs pa de gang lags/ bcom ldan 'das kyis bka' stsal pa/ 'jam dpal khyod de bzhin gshegs pa la the tshom za/
- 310b
'am/ 'jam dpal gyis gsol pa/ bcom ldan 'das de ni ma lags so// bcom ldan 'das gal te de bzhin gshegs pa byung ba 'am/ de bzhin gshegs pa yongs su mya ngan las 'das pa'ang rung ste/ de bzhin gshegs par yongs su grub pa 'ga' zhig mchis na ni/ de la bdag the tshom 'tshal lo// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod de bzhin gshegs pa byung ngo snyam du mi sems sam/ 'jam dpal gyis gsol pa/ bcom ldan 'das gal te chos kyis dbyings la 'byung ba mchis na ni/ bdag de bzhin gshegs pa byung ngo snyam du sems par 'gyur ro// bcom ldan 'das kyis bka' stsal pa/ 'jam dpal khyod sangs rgyas bcom ldan 'das gang+gA'i klung gi bye ma snyed yongs su mya ngan las 'das par mi mos sam/ 'jam dpal gyis gsol pa/ bcom ldan 'das sangs rgyas bcom ldan 'das rnam ni 'di ltar bsam gyis mi khyab pa'i yul du yul gcig pa ma lags sam/ bcom ldan 'das kyis bka' stsal pa/ 'jam dpal de de bzhin te/ sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig go// 'jam dpal gyis gsol pa/ bcom ldan 'das da ltar bzhugs sam/ bcom ldan 'das kyis bka' stsal pa/ 'jam dpal de de bzhin no// 'jam dpal gyis gsol pa/ bcom ldan 'das de'i slad du
- 311a
gang+gA'i klung gi bye ma snyed kyi sangs rgyas bcom ldan 'das de dag yongs su mya ngan las ma 'dus so/ / de ci'i slad du zhe na/ bcom ldan 'das sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig pa'i slad du ste/ bsam gyis mi khyab pa nyid ni skye ba ma lags/ 'gag pa ma lags so// bcom ldan 'das de lta bas na bcom ldan 'das nyid kyis mngon par rdzogs par sangs rgyas na/ gang dag ma mchis pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ba de dag kyang de bzhin du mngon par rdzogs par sangs rgyas pa nyid do/ / de ci'i slad du zhe na/ bsam gyis mi khyab pa la 'das pa'am/ ma 'ongs pa 'am/ da ltar zhes bgyi ba ma mchis pa'i spyad du'o/ / bcom ldan 'das de lta bas na su dag 'di snyam du de bzhin gshegs pa skyes so zhes bgyi ba nas/ yongs su mya ngan las 'das pa'i bar du sems pa de dag gi 'jig rten gnas pa ni 'khrul pa ste/ bcom ldan 'das de dag ni 'jig rten gnas pa 'phrogs par bgyid pa lags so// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal de'i phyir khyod kyis de bzhin gshegs pa'i bsam gyis mi khyab pa/ bsam du med pa/ bsam gyis mi lang ba/ bsam pa las 'das pa 'di de bzhin
- 311b
/ gshegs pa 'am/ phyir mi ldog pa'i byang chub sems dpa' sems dpa' chen po 'am/ dgra bcom pa zag pa zad pa'i mdun du brjod na rjod cig/ de ci'i phyir zhe na/ 'di ltar de dag ni thos/ nas/ bsngags par yang mi 'gyur/ spong bar yang mi 'gyur ba'i phyir ro// de ci'i phyir zhe na/ 'di ltar 'di bsam gyis mi khyab pa/ bsam du med pa/ bsam gyis mi lang ba'i phyir ro// 'jam dpal gyis gsol pa/ bcom ldan 'das chos thams cad bsam gyis mi khyab cing / bsam du ma mchis pa 'di la su zhig bsngags pa 'am/ spong bar 'gyur/ bcom ldan 'das kyis bka' stsal pa/ 'jam dpal ji ltar de bzhin gshegs pa bsam gyis mi lang ba de ltar so so'i skye bo rnams kyang bsam gyis mi lang ba yin nam/ 'jam dpal gyis gsol pa/ bcom ldan 'das so so'i skye bo rnams kyang de bzhin du bsam gyis mi lang ba lags so/ / bcom ldan 'das kyis bka' stsal pa/ 'jam dpal de de bzhin no// de ci'i phyir zhe na/ 'di ltar bsam pa thams cad ni bsam gyis mi lang ba'i phyir ro/ / 'jam dpal gyis gsol pa/ bcom ldan 'das 'o na ji ltar de bzhin gshegs pa bsam gyis mi lang ba de bzhin du/ so so'i skye bo rnams kyang bsam gyis mi yang ba'o zhes bcom ldan 'das kyis ci'i slad du de skad ces bka' stsal to/ / bcom ldan 'das so so'i skye bo nyid kyang bsam gyis mi lang ba ma lags sam/ de ci'i slad du zhe na/
- 312a
bcom ldan 'das chos thams cad bsam gyis mi lang ba'i slad du'o// bcom ldan 'das gang la la dag mya ngan las 'das pa'i slad du zhugs na/ bcom ldan 'das de dag ni nyam thag par 'gyur ro/ / de ci'i slad du zhe na/ gang bsam gyis mi lang ba de nyid mya ngan las 'das pa lags pa'i slad du ste/ bcom ldan 'das de'i slad du bsam gyis mi lang ba la tha dad pa ma mchis so/ / bcom ldan 'das gang dag 'di skad du 'di dag ni so so'i skye bo'i chos rnams so// 'di dag ni 'phags pa'i chos rnams so zhes mchi ba de dag la re zhig dge ba'i bshes gnyen rnams la bsnyen bkur gyis shig dang / de nas gzod 'di dag ni so so'i skye bo'i chos rnams so// 'di dag ni 'phags pa'i chos rnams so zhes bya bar shes par 'gyur ro// zhes de dag la 'di skad brjod par bgyi'o// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal khyod de bzhin gshegs pa sems can thams cad kyi mchog tu 'dod dam/ 'jam dpal gyis gsol pa/ bcom ldan 'das gal te 'di la sems can du yongs su grub pa 'ga' zhig mchis na ni/ bdag de bzhin gshegs pa sems can thams cad kyi mchog tu 'tshal lo// bcom ldan 'das kyis bka' stsal pa/ 'jam dpal khyod de bzhin gshegs pa bsam gyis mi khyab pa'i
- 312b
chos dang ldan par 'dod dam/ 'jam dpal gyis gsol pa/ bcom ldan 'das gal te bsam pa'i chos dang ldan pa 'ga' zhig mchis na ni/ bdag de bzhin gshegs pa bsam gyis mi khyab pa'i chos dang ldan par 'tshal lo/ / bcom ldan 'das kyis bka' stsal pa/ 'jam dpal khyod 'di ltar nyan thos 'di dag ni de bzhin gshegs pas btul lo zhes bya bar 'dod dam/ 'jam dpal gyis gsol pa/ bcom ldan 'das gal te la la zhig bsam gyis mi khyab pa'i dbyings 'dul bar gyur na ni/ bdag nyan thos 'di dag de bzhin gshegs pas btul lo zhes bgyi ba de ltar 'tshal lo/ / bcom ldan 'das sangs rgyas 'byung ba ni gang la phan pa 'am/ gnod par yang nye bar gnas pa ma lags so// de ci'i slad du zhe na/ 'di ltar dbyings 'di ni gnas pa nyid dang / dbyings 'di ni mi 'dres pa nyid de/ 'di lta ste/ bsam gyis mi khyab pa'i dbyings lags pa'i slad du'o// dbyings de la ni nyan thos tha dad pa nas/ so so'i skye bo tha dad pa'i bar du mi dmigs so/ / bcom ldan 'das kyis bka' stsal pa/ 'jam dpal khyod 'di ltar de bzhin gshegs pa bsod nams kyi zhing bla na med pa yin par mi 'dod dam/ 'jam dpal gyis gsol pa/ bcom ldan 'das dngos po ma mchis pa'i slad du/ de bzhin gshegs pa bsod nams kyi zhing ste/ de'i slad du de ni bsod nam kyi zhing bla na ma
- 313a
mchis pa'o/ / de ni zhing gang ba ma lags/ zhing ma gang ba'ang ba lags shing / zhing ma lags pa'ang ma lags te/ de'i slaspyad du de ni bsod nams kyi zhing dranas mchis pa'o/ / bcom ldan 'das yang de la chos gang yang yang dag par 'grub par mi 'gyur/ bas par mi 'gyur te/ de ltar na de bsod nams kyi zhing lags so// de la sa bon btab pa ni/ rnam par mi 'phel zhing yongs su mi 'grib bo// bcom ldan 'das kyis bka' stsal pa/ 'jam dpal khyod kyis ci las bsams te/ zhing de la sa bon btab pa rnam par mi 'phel zhing / yongs su mi 'grib bo zhes de skad smra/ 'jam dpal gyis gsol pa/ bcom ldan 'das 'di ltar zhing de ni bsam gyis mi khyab pa ste/ de ltar na de bsod nams kyi zhing lags so// de nas de'i tshe sangs rgyas kyi mthus sa chen po rnam pa drug tu g.yos par gyur to/ / dge slong khri drug stong ni len pa med par zag pa rnams las sems rnam par grol lo// dge slong ma bdun brgya dang / dge bsnyen sum brgya dang / dge bsnyen ma bzhi khri dang / 'dod pa na spyod pa'i lha bye ba khrag khrig drug cu ni chos la chos kyi mig rdul dang bral zhing dri ma med pa skyes so// de nas tshe dang ldan pa kun dga' bo stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud
- 313b
nas/ bcom ldan 'das la 'di skad ces gsol to// bcom ldan 'das 'das 'jig rten du dogs cher g.yos pa byung ba 'di'i rgyu gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dka' bo bsod nams kyi zhing bstan pa zhes bya ba'i chos kyi rnam grangs 'di sngon gyi sangs rgyas bcom ldan 'das rnams kyis kyang sa phyogs 'di nyid du gsungs te/ kun dga' bo 'jig rten du sa g.yos pa byung ba 'di'i rgyu ni de yin/ rkyen ni de yin no// de nas bcom ldan 'das le tshe dang ldan pa shA ra dwa ti'i bus 'di skad ces gsol to/ / bcom ldan 'das 'jam dpal 'di ni bsam gyis mi khyab pa'i dpal lo// de ci'i slad du zhe na/ 'di ltar 'di'i spobs pa gang dang gang lags pa'i spobs pa de dang de nyid bsam gyis mi khyab pa nyid lags so/ / de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal dge slong shA ra dwa ti'i bus tshig 'di skad smras pa de de bzhin te/ 'jam dpal gzhon nur gyur pa'i spobs pa gang dang gang yin pa'i spobs pa de dag thams cad ni bsum gyis mi khyab pa nyid do/ / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das bsam gyis mi khyab pa ni spobs par mi 'gyur ro//
- 314a
gal te bsam gyis mi khyab pa spobs par 'gyur na ni bsam du mchis pa nyid du 'gyur ro// yang gang bsam gyis mi khyab pa ma lags pa'i bsam gyis mi khyab ba ni ci'ang ma mchis so/ / bcom ldan 'das sgra thams cad ni bsam gyis mi khyab pa ste/ bsam gyis mi khyab pa nyid ni sgyu ma lags so// sgra ma lags pa dang / sgra ma lags pa'ang ma lags pa ni bstan par mi nus so/ / bcom ldan 'das kyis bka' stsal pa/ 'jam dpal khyod bsam gyis mi khyab pa'i ting nge 'dzin la snyoms par 'jug gam/ 'jam dpal gyis gsol pa/ bcom ldan 'das de ni me lags te/ bsam gyis mi khyab pa'i ting nge 'dzin la bdag snyoms par mi 'jug go// de ci'i slad du zhe na/ bcom ldan 'das 'di ltar bdag nyid bsam gyis mi khyab pa'i ting nge 'dzin lags pa'i slad du'o/ / bcom ldan 'das gal te bdag bsam du rung ba lags na ni/ bdag bsam gyis mi khyab pa'i ting nge 'dzin la snyoms par 'jug go// bcom ldan 'das ting nge 'dzin ces bgyi ba de ni bsam du ma mchis pa/ bsam gyis mi khyab pa/ bsam gyis mi lang ba lags na/ ji ltar bsam gyis mi khyab pa'i ting nge 'dzin la snyoms par 'jug par bgyi/ de lta lags kyis kyang bcom ldan 'das bdag sngon las dang po pa'i tshe na/ bsam gyis mi khyab pa'i ting nge 'dzin la snyoms par 'jug go snyam du de snyam bsams par gyur
- 314b
to/ / bcom ldan 'das da ltar ni bdag bsam gyis mi khyab pa'i ting nge 'dzin la snyoms par 'jug go snyam du'ang de la sems pa kun tu 'byung ba ma mchis so// bcom ldan 'das 'di lta ste/ dper na 'phong gi slob dpon ni sngon las dang po pa'i sa na slob pa'i tshe/ 'di snyam du ba glang gi phur pa dag la phog par bya'o snyam du sems so// de gang gi tshe skra la phog pa grub par gyur pa de'i tshe/ 'di ltar skra la phog pur legs par lobs pa'i slad du de yang 'di snyam du bdag gis ba glang gi phur pa dag la phog par bya'o snyam du sems pa mi 'byung ngo // ji ste gang gi tshe ska la phog par 'tshal ba de'i tshe bsgrim mi 'tshul bar phog par 'gyur ro/ / bcom ldan 'das de bzhin du bdag sngon ni bsam gyis mi khyab pa'i ting nge 'dzin la snyoms par 'jug go snyam du de snyam bsam par gyur to/ / gang gi tshe badrag gis ting nge 'dzin de la snyoms par zhugs nas/ ting nge 'dzin 'dis gnas pa de'i tshe/ bdag slar yang ting nge 'dzin 'dis gnas par bgyi'o snyam du mi sems so/ / de ci'i slad du zhe na/ gang dang gang gi tshe ting nge 'dzin 'dis gnas pa de dang de'i tshe/ ting nge 'dzin 'di gdags su ma mchis pa'i slad du'o// de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das 'jam dpal gzhon nur gyur pa ni/ bsam gyis mi khyab pa'i ting nge 'dzin 'dis
- 315a
gnas pa'i tshe 'di la yid mi rton na/ bcom ldan 'das bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan lta mchis sam/ de nas 'jam dpal gzhon nur gyur pas tshe dang ldan pa shA ra dwa ti'i bu la 'di skad ces smras so/ / btsun pa shA ra dwa ti'i bu 'di skad du bsam gyis mi khyab pa'i ting nge 'dzin 'di bas ches zhi ba'i ting nge 'dzi gzhan lta mchis sam zhes 'dri na/ btsun pa shA ra dwa ti'i bu khyod kyis bsam gyis mi khyab pa'i ting nge 'dzin 'di zhi ba yin par ji ltar shes/ btsun pa shA ra dwa ti'i bu gal te bsam gyis mi khyab pa'i ting nge 'dzin 'di yod cing dmigs na ni/ bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan yod par 'gyur ro// shA ra dwa ti'i bus smras pa/ 'jam dpal bsam gyis mi khyab pa'i ting nge 'dzin 'di med cing mi dmigs pa yin nam/ 'jam dpal gyis smras pa/ btsun pa shA ra dwa ti'i bu 'di ltar de ni bsam gyis mi khyab pa'i ting nge 'dzin te/ de bas na bsam gyis mi khyab pa'i ting nge 'dzin 'di ni med de mi dmigs pa'o/ / de lha mod kyi btsun pa shA ra dwa ti'i bu bsam gyis mi khyab pa'i ting nge 'dzin ma thob pa ni su'ang med do// btsun pa shA ra dwa ti'i bu sems can thams cad kyang bsam gyis mi khyab pa'i ting nge 'dzin thob pa'o/ / de ci'i phyir zhe na/ bsam pa thams cad ni bsam gyis mi khyab pa yin la/ gang bsam gyis mi khyab pa de ni/ bsam gyis mi khyab
- 315b
pa'i ting nge 'dzin te/ de bas na sems can thams cad bsam gyis mi khyab pa'i ting nge 'dzin 'di thob pa'o// bam po gnyis pa ste tha ma'o// de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod kyis zab mo zab pa'i gnas 'di lta bu 'di thams cad bstan pa legs so legs so// 'di ltar 'jam dpal khyod ni sngon gyi rgyal ba la bya ba byas pa ste/ mi dmigs par tshangs par spyod pa yun ring du spyad pa'o// ci 'jam dpal khyod shes rab kyi pha rol tu phyin pa la gnas te/ de skad smra'o snyam sems sam/ 'jam dpal gyis gsol pa/ bcom ldan 'das gal te bdag 'di ltar shes rab kyi pha rol tu phyin pa la gnas nas 'di skad mchin ni/ 'o na dmigs pa la gnas te de skad mchi bar 'gyur/ bdag tu 'du shes pa la gnas pa nas/ dngos po'i'i du shes kyi bar la gnas te/ de skad mchi bar 'gyur ro// de bas na shes rab kyi pha rol tu phyin pa la gnas te/ 'di skad mi mchi'o/ / de ci'i slad du zhe na/ bcom ldan 'das gal te bdag shes rab kyi pha rol tu phyin pa la gnas su gyur tam/ ci ste gnas ma lags pa zhig tu gyur na/ shes rab kyi pha rol tu phyin pa ma lags par 'gyur ro/ / bcom ldan 'das bdag gi gnas ni shes rab kyi pha rol tu phyin pa'i gnas te/ gnas ma mchis pa/ kun nas 'byung ba ma mchis pa/ go skabs ma mchis pa/ 'byung
- 316a
bam mchis pa lags so/ / de ltar na gnas de ni chos gang gi gnas kyang ma lags so// de'i srad du gnas de ni bsam gyis mi khyab pa'i gnas te/ shes rab kyi pha rol tu phyin pa'i gnas lags so/ / bcom ldan 'das shes rab kyi pha rol tu phyin pa zhes bgyi ba ni/ chos thams cad kyi skye ba ma mchis pa gang lags pa te/ shes rab kyi pha rol tu phyin pa lags so// shes rab kyi pha rol tu phyin pa zhes bgyi ba de ni/ 'di lta ste/ bsam gyis mi khyab pa'i dbyings kyi tshig bla dgas la gos so// bsam gyis mi khyab pa'i dbyings gang lags pa de/ skye ba ma mchis pa'i dbyings so/ / skye ba ma mchis pa'i dbyings gang lags pa de/ chos kyi dbyings so// chos kyi dbyings gang lags pa de/ kun tu 'byung ba ma mchis pa'i dbyings so// kun tu 'byung ba ma mchis pa'i kyi gang lags pa de/ bsam gyis mi khyab pa'i dbyings so// bsam gyis mi khyab pa'i dbyings gang lags pa de/ bdag gi dbyings so// bdag gi dbyings gang lags pa de/ shes rab kyi pha rol tu phyin pa'i dbyings te/ de ltar na shes rab kyi pha rol tu phyin pa'i dbyings dang / bdag gi dbyings 'di ni gnyis su ma mchis te/ gnyis su dbyer ma mchis so// gang gi slad du 'di gnyis su ma mchis te/ gnyis su dbyer ma mchis pa de'i slad du 'di ni bsam gyis mi khyab pa'i dbyings so// gang gi slad du 'di bsam gyis mi khyab pa'i dbyings
- 316b
lags pa de'i slad du/ 'di ni skye ba ma mchis pa'i dbyings so// gang gi slad du 'di skye ba ma mchis pa'i dbyings lags pa de'i slad du/ 'dri ni chos kyi dbyings so// gang gi slad du 'di cho dbyings lags pa de'i slad du/ 'di ni kun tu 'byung ba ma mchis pa'i dbyings so// gang gi slad du 'di kun tu 'byung ba ma mchis pa'i dbyings lags pa de'i slad du/ 'di ni bsam gyis mi khyab pa'i dbyings so/ / gang gi spyad du 'di bsam gyis mi khyab pa'i dbyings lags pa de'i slad du/ 'di ni bdag gi dbyings so// gang gi slad du 'di bdag gi dbyings lags pa de'i slad du/ 'di ni shes rab kyi pha rol tu phyin pa'i dbyings so/ / gang gi slad du 'di shes rab kyi pha rol tu phyin pa'i dbyings lags pa de'i slad du/ 'di ni bsam gyis mi khyab pa'i dbyings so// gang gi slad du 'di bsam gyis khyab pa'i dbyings lags pa de'i slad du/ 'di ni yang dag par 'grub pa ma mchis pa'i dbyings so// yang dag par 'grub pa ma mchis pa gang lags pa de mchis pa ma lags so// gang mchis pa ma lags pa de ni 'jig par mi 'gyur ro/ / gang 'jig par mi 'gyur ba de ni bsam gyis mi khyab pa ste/ de ltar na de bzhin gshegs pa'i dbyings dang / bdag gi dbyings 'di ni gnyis su ma mchis te/ gnyis su dbyer ma mchis so// bcom ldan 'das kyis gang bdag sgom pa ni shes rab kyi pha rol tu phyin pa sgom mo zhes bka' stsal pa de'ang ci'i slad du zhe na/ bcom ldan 'das shes rab kyi pha
- 317a
rol tu phyin pa zhes bgyi ba 'di ni/ bdag gi dbyings kyi tshig bla dgas lags pa'i slad du'o// de ci'i slad du zhe na/ bcom ldan 'das gang gis bdag gis dbyings 'tshar ba des chags pa ma mchis pa'i dbyings 'tshal to/ / gang gis chags pa ma mchis pa nyid 'tshal ba des/ chos gang yang 'tshal ba ma mchis te/ de ci'i slad du zhe na/ 'di ltar bsam gyis mi khyab pa'i ye shes ni sangs rgyas kyi ye shes lags te/ chos gang la'ang shes pa ma mchis pa ni/ sangs rgyas kyi ye shes lags pa'i slad du'o// de ci'i slad du zhe na/ ye shes de ni don dam par na mchis pa ma lags te/ gang don dam par ma mchis pa de chos kyi 'khor lo skor bar yang ji ltar 'gyur/ gang gi tshe ye shes de don dam par ma mchis pa de'i tshe/ ye shes de ni chags pa ma mchis pa'o/ / gang gi tshe ye shes de chags pa ma mchis pa de'i tshe/ ye shes de ni dngos po ma mchis pa'o// gang gi tshe ye shes de dngos po ma mchis pa de'i tshe/ ye shes de ni yul ma mchis pa'o/ / gang gi tshe ye shes de la yul ma mchis pa de'i tshe/ ye shes de ni mi gnas pa'o// gang gi tshe ye shes de mi gnas pa de'i tshe/ ye shes de ni rten pa ma mchis pa'o// gang gi tshe ye shes de rten pa ma mchis pa de'i tshe/ ye shes de ni ma bskyed pa'o// ma thob pa'o// skye bar mi 'gyur ba'o// de ci'i slad du zhe na/ ye shes de ni yon tan gyis 'dus bgyis pa 'am/ yon tan ma
- 317b
lags pas 'dus bgyis pa ma lags pa'i slad du'o/ / de ci'i slad du zhe na/ 'di ltar ye shes de ni bsam gyis mi khyab pa ste/ de'i slad du yon tan nam/ yon tan ma lags par yang ji skad/ du bstan par bgyi/ gang gi slad du ye shes de bsam gyis mi khyab pa de'i slad du ye shes de bsam du ma mchis pa ste/ gang de ltar shes pa de ni mi dmigs pa'i tshul du sangs rgyas kyi ye lags so/ / ye shes des ni chos gang yang mngon par rdzogs par sangs rgyas pa'am/ mkhyen pa ma mchis so// ye shes de ni sngon gyi mtha' 'am/ phyi ma'i mtha' nas mchis pa ma lags so// / ye shes de ni sngon skyes pa'ang ma lags/ ye shes de ni sngon ma skyes pa'ang ma lags te/ sngon ma skyes pa'i slad du/ gang ma skyes pa de ni nub par yang mi 'gyur/ chad par yang mi 'gyur ro// ye shes de dang 'dra ba'i ye shes gang yang ma mchis te/ de'i slad du ye shes de ni bsam gyis mi khyab cing 'dra ba ma mchis pa'o// ye shes de ni thog ma dang / dbus dang / tha ma mi dmigs pa ste/ de'i slad du ye shes de ni nam mkha' dang 'dra ba'o// ye shes de la mnyam pa 'am/ mi mnyam pa mi dmigs te/ de'i slad du ye shes de ni mi mnyam pa dang mnyam pa'o// ye shes de la ni dri dang 'dra ba'i ye shes gzhan mi dmigs te/ de'i slad du ye shes de ni mtshungs pa ma mchis pa'o// de nas bcom ldan 'das kyis 'jam dpal gzhon nur gyur pa la 'di skad ces bka' stsal /
- 318a
'jam dpal ye shes 'di mi sbyar ba ma yin nam/ 'jam dpal gyis gsol pa/ bcom ldan 'das ye shes 'di ni ma bgyis pa ste/ de'i slad du 'di ni mi bsgyur ba lags so/ / bcom ldan 'das 'di lta ste/ dper na kar sha pa Na rtags ma btab pa ni/ bsgyur ba'ang ma lags/ mi bsgyur ba'ang ma lags pa'i grangs su mchi'o// bcom ldan 'das de bzhin du ye shes 'di'ang ma bgyis pa/ ma bsgrubs pa/ ma bskyed pa/ ma phyung ba/ ma 'gags po ste/ de'i slad du mi bsgyur ba legs so// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal de bzhin gshegs pa'i ye shes bstan pa 'di la 'di ltar bstan par su dge mos/ 'jam dpal gyis gsol pa/ bcom ldan 'das gang dag 'khor ba'i chos can yang ma lags la/ yongs su mya ngan las 'das pa'i chos can yang ma lags pa dang / gang dag 'jigs tshogs las kyang ma bstod pa dang / gang dag 'dod chags dang / zhe sdang dang / gti mug kyang ma bas pa de dag mos so/ / de ci'i slad du zhe na/ mi bas pa ni bas par mi 'gyur te/ yongs su bas par yang mi mchi'o// gang dag 'khor ba las kyang ma 'das la/ 'khor ba'i grangs su'ang mi mchi ba dang / gang dag lam dang bral ba'ang ma lags shing / lam gyi 'du shes kyang mi skyed pa de dag gis bstan pa 'di'i don 'tshal bar 'gyur ro// de skad ces gsol pa dang / bcom ldan
- 318b
'das kyis 'jam dpal gzhon nur gyur pa la 'di skad ces bka' stsal to/ / 'jam dpal legra so legs so// khyod kyis tshig 'di legs par smras pa'o// de nas de'i tshe bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das ma mchis pa'i dus na gang la la chos 'dul ba zab mo 'di dang / shes rab kyi pha rol tu phyin pa zab mo 'di la nyan pa dang / mos pa dang / kun 'tshal ba dang / rab tu 'dzin par 'gyur ba 'byung ba mchis sam/ de skad ces gsol pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to/ / 'od srungs 'khor 'di nyid na'ang gang dag ma 'ongs pa'i dus na chos 'dul ba zab mo 'di dang / shes rab kyi pha rol tu phyin pa zab mo 'di la nyan pa dang / mos pa dang / kun shes pa dang / rab tu 'dzin par 'gyur ba'i dge slong dang / dge slong ma dang / dge bsnyen dang / dge bsnyen ma de dag yod do// 'od srungs 'di lta ste/ dper na khyim bdag gam/ khyim bdag gi bu zhig gi nor bu rin po che brgya stong ri ba stor na/ sdug bsngal ba dang / yid mi bde bar 'gyur ro// de nyid rnyed na bde ba dang yid bde ba skye zhing / kun nas dkris pa'i yid la byed pa med par 'gyur ro/ / 'od srungs de bzhin du dge slong dang / dge slong ma dang / dge bsnyen dang / dge bsnyen ma de dag kyang / shes rab kyi pha rol tu phyin pa zab mo 'di ma skyes pa dang / ma byung ba dang / rang bzhin gyis
- 319a
yongs su mya ngan las 'das pa nas/ dngos po med pa'i bar du ma thos pa na/ 'di snyam du bdag cag gis shes rab kyi pha rol tu phyin pa zab mo ma skyes pa dang / ma byung ba dang / rang bzhin gyis yongs su mya ngan las 'das pa nas/ dngos po med pa'i bar 'di lta bu 'dri mthos so snyam du sems so// de dag gis dus gzhan nu thos par gyur pa ni/ dga' ba dang / bde ba dang / yid dga' bar 'gyur zhing / kun nas dkris pa'i yid la byed pa med par 'gyur te/ tshig 'di skad du 'di ltar bdag cag gis shes rab kyi pha rol tu phyin pa zab mo ma skyes pa dang // dngos po med pa dang / ma byung ba 'di thos pas deng bdag cag gis sangs rgyas mthob zhing / de bzhin gshegs pa la bsnyen bkur yang byas so zhes smra bar 'gyur ro// 'od srungs 'di lta ste/ dper na sum cu rtsa gsum pa'i lha rnams ni shing yongs 'dus brtol kha 'bus pa mthong nas/ kye ma yongs 'dus brtol 'di ring po mi thogs par me tog thams cad rgyas par 'gyur ro snyam ste/ yid dga' ba dang / rab tu dga' bar 'gyur ro// 'od srungs de bzhin du dge slong dang / dge slong ma dang / dge bsnyen dang / dge bsnyen ma de dag kyang / shes rab kyi pha rol tu phyin pa zab mo ma skyes pa dang / ma byung ba nas/ dngos po med pa'i bar 'di thos na/ yid dga' ba dang / rab tu dga' bar 'gyur ro// gang dag ma 'ongs pa'i dus na shes rab kyi pha rol tu phyin pa zab mo ma skyes
- 319b
pa dang / ma byung ba nas/ dngos po med pa'i bar 'di thos na/ yid dga' ba dang / rab tu dga' bar 'gyur ba ded/ kyang ri'i 'khor di nyid na gnas par 'od srungs khyod kyis shes par gyis shig/ gang dag ma 'ongs pa'i dus na yid dga' ba dang / rab tu dga' bar 'gyur ba de dag yid dga' ba de dang / rab tu dga' ba des ring po mi thogs par sangs rgyas kyi chos thams cad kyi me tog rgyas par 'gyur bas me tog thams cad rgyas par 'gyur bar shes par gyis shig/ 'od srungs 'di ltar shes rab kyi pha rol tu phyin pa zab mo ma skyes pa dang / ma byung ba nas/ dngos po med pa'i bar 'di ma 'ongs pa'i dus na/ de bzhin gshegs pa 'das pa'i phyi na gnas par 'gyur ba dang / spyod par 'gyur ba gang yin pa de'ang / 'od srongs sangs rgyas kyi byin gyi rlabs dang / sangs rgyas kyi mthu yin par shes par bya'o/ / 'od srungs de bas na gang dag shes rab kyi pha rol tu phyin pa zab mo ma skyes pa dang / ma byung ba nas/ dngos po med pa'i bar 'di thos nas dga' na/ 'od srungs/ de ni de dag ni thos pa'i dang po ma yin no// 'od srungs 'di lta ste/ dper na nor bu mkhan zhig gis nor bu rin po che mthong nas gang gi tshe dga' bar gyur pa de na nor bu mkhan des nor bu rin po che de gdod mthong ba ma yin gyi/ de ni sngon nas rgyun du nor bu rin po che mthong ba'o zhes shes par bya'o// 'od srungs de bzhin du gang dag shes rab kyi pha rol tu phyin pa zab mo ma skyes pa dang /
- 320a
ma byung ba nas/ dngos po med pa'i bar 'di thos nas yid dga' ba dang / rab tu dga' bar gyur cing / mgu ba dang / rangs pa dang / yid bde ba skyes na/ 'od srung 'di ni de dag gi thos pa'i dang po ma yin no/ / 'od srungs de dag ni 'di skad du smra bar 'gyur te/ gang 'di 'jam dpal gzhon nur gyur pas ma skyes pa nas/ dngos po mdo pa dang / mabyung ba'i bar du bstan pa 'di nyid smros shig ces zer bar 'gyur te/ de dag ni sngon rgyun du 'jam dpal gzhon nur gyur pa la bsnyen bkur byas por gyur pa'o// 'od srungs 'di lta ste/ dper na mi la la zhig grong ngam/ grong khyer ram/ grong rdal lam/ grong gang yang rung ba zhig tu dgos pa la la'i phyir son par gyur la/ yang dus gzhan zhig na de'i drung du mi la la zhig song ste/ grong khyer de'i bsngags pa brjod cing / kun dga' ra ba nyams dga' ba dang / yul nyams dga' ba dang / rdzing bu nyams dga' ba dang / skad mos tshal nyams dga' ba dang / chu mig dang / mtshe'u dang / mtsho bran nyams dga' ba dang / me tog dang 'bras bu nyams dga' ba de dag gi bsngags pa brjod nas/ des de thos pa dang dga' bar tshor te/ yid bde ba skyes nas/ yang dang yang 'di skad du kye skyes bu de nyid TI ta rjod cig ces 'tshol na/ mi des ni sngon yang grong khyer de dang / kun dga' ra ba nyams dga' ba dang / yul nyams dga' ba dang / rdzing bu nyams dga' ba dang /
- 320b
skyed mos tshal nyams dga' ba dang / chu mig dang / mtshe'u dang / mtsho bran nyams dga' ba dang / me tog dang 'bras bu nyams dga' ba dag kyang myong ba yin par mi des de ltar rtogs par 'gyur/ ro// de ci'i phyir zhe na/ 'di ltar de thos nas yid cher dga' ba dang / rab tu dga' bar 'gyur te mgu ba dang / rangs pa dang / yid bde ba skyes pa'i phyir ro// 'od srungs de bzhin du gang dag gis 'jam dpal gzhon nur gyur pa la bsnyen bkur byas par gyur pa dang / yang dang yang drung du 'gro zhing 'dri ba byas par gyur pa de dag shes rab kyi pha rol tu phyin pa zab mo ma skyes pa dang / ma byung ba nas/ dngos po med pa'i bar 'di thos na rab tu dga' zhing mgu bar 'gyur te/ dga' ba dang mgu ba cher skyed cing tshig 'di skad du ma la 'di lta ste/ ma skyes pa dang / ma byung ba nas/ dngos po med pa'i bar du bstan pa'i shes rab kyi pha rol tu phyin pa 'di lta bu 'di nyid je mnyan to zhes smra bar 'gyur ro// de skad ces bka' stsal pa dang / bcom ldan 'das la/ tshe dang ldan / pa 'od srungs chen pos 'di skad ces gsol to// bcom ldan 'das ma mchis pa'i dus na dad pa'i rigs kyi bu 'am/ rigs kyi bu mo 'byung ba de dag gi rnam pa dang / rtags dang / mtshan ma bcom ldan 'das kyis gang dag bka' stsal pa de dag nyid lags sam/ bcom ldan 'das kyis bka' stsal pa/ 'od srungs ji skad du smras pa de de bzhin te/ ma 'ongs pa'i dus na dang
- 321a
pa'i rigs kyi bu 'am/ rigs kyi bu mo 'byung ba de dag gi rnam pa dang / rtags dang / mtshan ma ni gang dag ngas da ltar bstan pa 'di dag nyid yin no// de nas bcom ldan 'dras la 'jam dpal gzhon nur gyur pas 'di skad ces gsol to// bcom ldan 'das chos de ni rnam pa ma mchis shing / rtags ma mchis pa dang / bcom ldan 'das shes rab kyi pha rol tu phyin pa'ang rnam pa ma mchis pa nas/ mtshan ma ma mchis pa'i bar du lagase na/ rnam pa'am/ rtags sam/ mtshan ma ji lta bu zhig mchis par 'gyur/ bcom ldan 'das kyis chos bstan pa gang lags pa de'ang rnam pa ma mchis/ rtags ma mchis/ mtshan ma mchis pa'i bar du lags na/ bcom ldan 'das rnam pa ma mchis pa dang / rtags ma mchis pa dang / mtshan ma mchis pa ji ltar bstan par 'gyur/ de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal shes rab kyi pha rol tu phyin pa zab mo shin tu ma skyes pa dang / dngos po med pa'i bar 'di bstan na/ gang dag mos pa nas/ kun chub par byed pa'i bar du byed pa de dag nyid rig+sa kyi bu dang rigs kyi bu mo de dag gi rnam pa dang / rtags dang / mtshan ma yin no// 'jam dpal gang du shes rab kyi pha rol tu phyin pa bstan pa der sangs rgyas kyi chos thams cad bstan par blta'o//
- 321b
der bsam gyis mi khyab pa bstan par blta'o// 'jam dpal ngas sngon byang chub sems dpa'i spyad pa spyod pa na/ dge ba'i rtsa ba gang dag yang dag par bsgrubs te/ dge ba'i rtsa ba gang dag gis tha na med pa yang dag par rdzogs pa'i byang chub 'di mngon par rdzogs par sangs rgyas pa'i dge ba'i rtsa ba de yang dag par sgrub par 'dod pa'i rigs kyi bu 'am/ rigs kyi bu mos shes rab kyi pha rol tu phyin pa 'di nyid mnyan par bya/ mos par bya/ yi ger bri bar bya/ gzung bar bya/ bklag par bya/ lung mnod par bya/ kha ton du bya/ tshig tu 'don par bya/ kun chub par bya/ tshul bzhin du yid la bya/ bsgom par bya ba nas/ me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rnam par rgyal ba'i ba dan dang / mar me la sogs pas ci nus ci phod du mchod pa'i bar du bya'o// rim gror bya'o// nyan thos dang rang sangs rgyas thams cad kyi sa las 'da' bar 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar bya'o// 'jam dpal ji ltar phyir mi ldog pa'i sa la 'jug par 'gyur ba de lta bu nyan par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// 'jam dpal chos gang yang rung ste/ de dag thams
- 322a
cad ma skyes par mnyam pa nyid du mos par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o/ / 'jam dpal sangs rgyas kyi chos thams cad mngon par rdzogs par byang chub par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// 'jam dpal chos thams cad de bzhin gshegs pas mngon par rdzogs par sangs rgyas so zhes shin tu bstan pa 'di la mos par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// de ci'i phyir zhe na/ gang mngon par rdzogs par 'tshang rgya bar byed pa'am/ gang gis mngon par rdzogs par 'tshang rgya bar byed pa'am/ gang mngon par rdzogs par 'tshang rgya bar bya ba'i chos de gang yang med de mi dmigs pa'i phyir ro// de ltar don 'di rtogs shing mos par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// gang byang chub ma yin pa'i chos de gang yang med do zhes de ltar mos par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par byas nas/ rim gro'i bar du bya'o/
- 322b
chos thams cad la rnam par mi rtog par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// de ci'i phyir zhe na/ shes rab kyi pha rol tu phyin pa ni chos gang gi yongs su grub pa rnam par gzhog pa 'am/ skyed pa'am/ ston pa ma yin pa'i phyir ro// chos thams cad kun nas nyon mongs pa ma yin/ rnam par bya ba ma yin zhes bya bar 'jug par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// chos thams cad 'das pa ma yin/ ma 'ongs pa ma yin/ da ltar byung ba ma yin zhes bya bar mos par bya bar 'dod cing / 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// de ci'i phyir zhe na/ 'jam dpal skye ba med pa ni 'das pa ma yin/ ma 'ongs pa ma yin/ da ltar byung ba ma yin pa'i phyir ro/ / de ci'i phyir zhe na/ 'jam dpal chos thams cad ni skye ba med pa la rton pa'i phyir ro// de lta bu'i chos thams cad la the tshom med par rtogs par 'dod pa'i rigs kyi bu 'am// rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// 'jam dpal lan gsum du bzlas te rnam pa bcu gnyis su bskor ba'i chos kyi 'khor lor ji ltar
- 323a
'gyur ba de nyid nyan par 'dod pa dang / de rtogs par 'dod pa dang / de la mos par 'dod pa dang / de la 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// sems can thams cad la byams pas khyab par bya bar yang 'dod la/ sems can du 'du shes pa la'ang mi gnas par 'dod pa dang / 'jig rten thams cad dang rtsod pa med par yang 'dod cing / 'jig rten thams cad mi dmigs par rtogs par yang 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas/ rim gro'i bar du bya'o// chos thams cad skye ba med pa'i bar du rtogs par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das shes rab kyi pha rol tu phyin pa'i yon tan ma mchis pa'i yon tan gang lags/ phan yon gang lags/ bcom ldan 'das shes rab kyi pha rol tu phyin pa'i nus pa ci'ang ma mchis pa kun nas slong bar mi bgyid pa/ rnam par 'jig par mi bgyid pa/ chos gang yang mi len pa/ mi 'dor ba/ g.yo ba ma mchis pa/ byed pa ma mchis pa lags te/ shes rab kyi pha rol tu phyin pa ni ngo bo nyid shes pa ma lags pa/ ngo bo
- 323b
nyid mthong ba lags pa/ chos gang yang sbyin par mi bgyid pa/ chos thams cad dang mi 'gal ba/ chos thams cad tha dad par mi bgyid pa lags na/ bcom ldan 'das shes rab kyi pha rol tu phyin pa'i yon tan gang lags/ phan yon gang lags/ bcom ldan 'das shes rab kyi pha rol tu phyin pa chos thams cad gcig tu bgyid pa ma lags pa/ chos thams cad tha dad par bgyid pa ma lags pa/ ma bgyis pa/ bgyi ba ma mchis pa/ mi bas pa/ rnam par 'jig par mi bgyid pa/ so so'i skye bo'i chos rnams dang / dgra bcom pa'i chos rnams dang / byang chub sems dpa'i chos rnams dang / sangs rgyas kyi chos rnams kyang sbyin par bgyid pa ma lags pa/ 'grib par bgyid pa ma lags pa/ 'khor ba len par mi bgyid pa/ mya ngan las 'das pa 'dor bar mi bgyid pa/ sangs rgyas kyi chos rnams sbyin par bgyid pa ma lags pa/ rnam par 'jig par bgyid pa ma lags pa/ bsam par bgyi ba ma lags pa/ bsam du ma mchis pa ma lags pa/ bgyid pa ma lags pa/ 'jig par bgyid pa ma lags pa/ chos thams cad skyed pa ma lags pa/ 'gog pa ma lags pa/ chad par bgyid pa ma lags pa/ rtag par bgyid pa ma lags pa/ 'ong bar bgyid ba ma lags pa/ 'gro bar 'gyod pa ma lags pa/ dben par bgyid pa ma lags pa/ mi dben par bgyid pa ma lags pa/ gnyis su bgyid pa ma lags pa/ mi gnyis
- 324a
bar bgyid pa ma lags pa'i yon tan gang lags/ phan monA gang la gas/ de skad ces gsol pa dang / bcom ldan 'das kyis 'jam dpal gzhon nur gyur pa 'di skad ces bka' stsal to/ / 'jam dpal dngos po med pa nas/ byed pa med pa'i bar 'di nyid shes rab kyi pha rol tu phyin pa 'di'i yon tan du rig par bya'o// 'jam dpal yang byang chub sems dpa' sems dpa' chen po byang chub sems dpa'i ting nge 'dzin la slob par 'dod pa dang / byang chub sems dpa'i ting nge 'dzin sgrub par 'dod pa dang / ting nge 'dzin gang la gnas nas sangs rgyas bcom ldan 'das thams cad snang ba dang / de dag gi sangs rgyas kyi zhing rnams kyang mthong bar 'dod pa dang / de dag gi ming yang shes par 'dod pa dang / de dag la mchod pa bla na med ba'ang byed par 'dod pa dang / de dag gi chos bstan pa la 'jug par 'dod pa dang / mos par 'dod pas mi bslab pa'i tshul du shes rab kyi pha rol tu phyin pa 'di nyid la bslab par bya'o// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das ci'i slad du 'di la shes rab kyi pha rol tu phyin pa zhes bgyi/ bcom ldan 'das kyis bka' stsal pa/ 'jam dpal ma skyes ma 'gag pa'i phyir/ shes rab kyi pha rol tu phyin pa zhes bya'o// 'di ltar yang gzod ma nas zhi ba dang / 'byung ba med pa dang / bya ba med pa nas/ dngos po med pa'i bar gyi phyir te/ gang
- 324b
dngos po med pa'i shes rab kyi pha rol tu phyin pa yin no/ / 'jam dpal de'i phyir byang chub sems dpa' sems dpa' chen po rnams shes rab kyi pha rol tu phyin pa sgom par shes par bya'o// gang / chos thams cad spyod yul ma yin pa de ni/ byang chub sems dpa' sems dpa' chen po rnams kyi spyod yul te/ 'di la spyod na byang chub sems dpa' sems dpa' chen po spyod yul la zhugs pa zhes bya'o/ / 'di lta ste/ spyod yul ma yin pa theg pa thams cad pa 'di nyid spyod yul yin no// de ci'i phyir zhe na/ spyod yul 'di ni ma byas pa ste/ de'i phyir spyod yul ma yin pa zhes bya'o// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das gang la spyad na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal shes rab kyi pha rol tu phyin pa la spyad na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / 'jam dpal bkod pa gcig ces bya ba'i ting nge 'dzin yod de/ ting nge 'dzin de la spang na byang chub sems dpa' sems dpa' chen po myur du bla na med pa yang dag par rdzogs pa'i byang chub
- 325a
mngon par rdzogs par 'tshang rgya bar 'gyur ro/ / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das bkod pa gcig pa'i ting nge 'dzin la byang chub sems dpa' sems dpa' chen pos ji ltar 'jug par bgyi/ ci'i slad du bkod pa gcig pa'i ting nge 'dzin ces brgya bcom ldan 'das kyis bka' stsal pa/ 'jam dpal bkod pa gcig pa zhes bya ba 'di ni skye ba med pa'i tshig bla dgas so// bkod pa gcig pa'i ting nge 'dzin la 'jug par 'dod pa'i rigs kyi bu 'am/ rigs kyi bu mos thog ma nyid du shes rab kyi pha rol tu phyin pa yongs su dri ba bya dgos te/ de'i 'og tu bkod pa gcig pa'i ting nge 'dzin la 'jug par 'gyur ro// de ci'i phyir zhe na/ 'jam dpal skye ba med pa ni mi 'khrug pa ste/ dkrug tu mi rung ba/ dkrug par bya ba ma yin pa/ bsam gyis mi khyab pa/ bsam par mi bya ba/ bsam gyis mi lang ba'o// 'jam dpa' bkod pa gcig pa'i ting nge 'dzin la 'jug par 'dod pa'i rigs kyi bu'am/ rigs kyi bu mos dben pa'i mal stan rnams bsten par bya/ 'du 'dzi med pa la dga' bar byas la/ mtshan ma thams cad yid la mi bya bar skyil mo krung bcas te 'dug nas/ der mi dmigs pa'i tshul gyis de bzhin gshegs pa gcig yid la bya'o// chos thams cad kyang yid la bya'o// de bzhin
- 325b
gshegs pa gang yid la byed pa de'i ming yang gzung bar bya'o/ / ming de'ang thos te dmigs nas de bzhin gshegs pa phyogs ga la bzhugs pa'i phyogs der mngon du bltas te 'dug par/ bya'o// yid la bya'o// de bzhin gshegs pa de nyid yid la byas na/ de yid la byas pas/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams yid la byas par 'gyur ro/ / de ci'i phyir zhe na/ de bzhin gshegs pa nyid gcig pa'i phyir ro// 'jam dpal ji ltar de bzhin gshegs pa gcig gi sangs rgyas kyi yon tan tshad med pa dang / slon pa tshad med pa de bzhin du/ 'jam dpal bkod pa gcig pa'i ting nge 'dzin thob nas/ skye ba med pa gcig gis chos kyi rnam grangs kyi bye brag tshad med par shes par bya'o// 'dir gang dag chud par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas rnams kyis gang dag gsungs pa dang / kun dga' bos ji snyed yongs su bzung ba de snyed kyi chos kyi rnam grangs 'di snang bar 'gyur ro/ / bkod pa gcig pa'i ting nge 'dzin 'di bsgrubs pas de tshe'i tshad ji tsam pa de tsam du gnas shing / gleng gzhi dang bcas pa'i chos ston par 'gyur ro/ / 'jam dpal de la byang chub sems dpa'i theg pa pa kha cig 'di snyam du bkod pa gcig pa'i ting nge 'dzin 'di gang yin snyam du sems na/ de dag la 'di skad ces yon tan bsam
- 326a
su smya smra su m+mA sta sa su na sa skye tu / dus sa de ltar gyi dong bas pa ma nor ba rin po che na mang med de/ des sto ga nor du rin po ched kyi bang byas pa de lta de bur nor burin po ri de'i yon tan song bar gyur ba ba'i po
- 326b
dpal gang dang gang gi tshe rigs kyi bu 'am/ rig kyi bu mo de ting nge 'dzin 'di la mnyam par 'jog pa dang 'jug pa de dang de'i tshe ting nge 'dzin 'di'i yon tan mthong bar 'gyur ro// 'jam dpal 'di/ lta ste/ dper na nyi ma'i dkyil 'khor gyi 'od zer dag gis sa'i dkyil 'khor gyi mtha' gang yang ma khyab pa med do// 'jam dpal de bzhin du bkod pa gcig pa'i ting nge 'dzin 'di thob cing zhugs nas rnyed pa de shes rab kyi pha rol tu phyin pa ston pa ma yin pa'i chos gang yang mi ston to/ / gang la las 'di bzhin du shes na/ des skye ba med pa dang 'gal ba'i chos gang yang mi mthong ngo // 'jam dpal 'di lta ste/ dper na rgya mtsho chen po'i phyogs bzhi nas skyes bu zhig chu 'chu na/ de thams cad 'di lta ste/ lanA tshwa'i ror ro gcig pa nyid 'chu zhing len to// 'jam dpal de bzhin du ngas chos gang ci bstan pa de dag thams cad ni/ 'di lta ste/ skye ba med pa'i ro dang / dngos po med pa'i ro dang / 'dod chags dang bral ba'i ro dang / rnam par grol ba'i ro dang / 'gog pa'i ror ro/ gcig pa'o// 'jam dpal de lta bas na rigs kyi bu 'am/ rigs kyi bu mo ting nge 'dzin 'di dang ldan pa de chos gang dang gang ston kyang de dag thams cad 'di lta ste/ skye ba med pa'i ro dang dngos po med pa'i ro dang / 'dod chags dang bral ba'i ro dang / rnam par grol ba'i ro dang / 'gog pa'i ror ro gcig par ston par 'gyur ro// ting nge 'dzin 'di thob nas rigs
- 327a
kyi bu 'am/ rigs kyi bu mo de 'dod na ngas chos gang ci bstan pa de 'chad pa dang / rnam par ston pa dang / nye bar ston par 'gyur ro// 'jam dpal de ltar na rigs kyi bu 'am/ rigs kyi bu mo de ting nge 'dzin 'di thob nas gang ci ston kyang de dag thams cad mi dmigs pa'i tshul du ma skyes pa dang / ma byung ba dang / dngos po med par ston par 'gyur ro/ / 'jam dpal gzhan yang ting nge 'dzin 'di thob pa'i byang chub sems dpa' sems dpa' chen po myur du byang chub kyi phyogs kyi chos rnams yongs su rdzogs nas/ myur ba nyid du bla na med/ pa yang dag par rdzogs pa'i byang chub mngon par 'tshang rgya bar 'gyur ro// 'jam dpal gzhan yang byang chub sems dpa' sems dpa' chen pos gang gi tshe bdag gi dbyings nas// chos kyi dbyings kyi bar du skye ba dang / 'gag pa dang / gcig kho na dang / tha dad pa kho nar yang mi mthong na/ 'jam dpal de lta bu'i bzod pa can gyi byang chub sems dpa' sems dpa' chen po myur du tha na med pa yang dag par rdzogs pa'i byang chub mngon par rdzogs par 'tshang rgya'o/ / rigs kyi bu gang bla na med pa yang dag par rdzogs pa'i byang chub la mi sems pa dang / rnam par mi rtog pa de'i bzod pa 'di'ang byang chub sems dpa'i chos rnams dang / sangs rgyas kyi chos rnams thob par 'gyur ba'o// gang yang sangs rgyas nyid kyi phyir byang chub tu
- 327b
mi smon pa de lta bu'i bzod pa 'di'i nga rigs kyi bu de bla na med pa yang dag par rdzogs pa'i byang chub tu myur bar 'gyur bar bshad do/ / chos thams cad ni sangs rgyas kyi chos so zhes su de ltar mos shing zhum par mi 'gyur ba de bla na med pa yang dag par rdzogs pa'i byang chub las phyir mi ldog pa ngas bshad de/ de ni sangs rgyas kyi chos thams cad dang ma bral bar brjod par bya'o/ / rigs kyi bu 'am/ rigs kyi bu mo gang gis bstan pa 'di thos nas rmongs par mi 'gyur ba dang / som nyi za bar mi 'gyur ba de'ang sangs rgyas kyi chos thams cad dang mi 'bral bar brjod par bya'o/ / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das bla na med pa yang dag par rdzos pa'i byang chub rgyu las nges par 'gyur pa lags sam/ bcom ldan 'das kyis bka' stsal pa/ 'jam dpal de ni ma yin te/ bla na med pa yang dag par rdzogs pa'i byang chub ni rgyu ma yin zhing / rgyu las nges par byung ba'ang ma yin no/ / de ci'i phyir zhe na/ skye ba med pa dang / dngos po med pa ni rgyu 'ang ma yin la/ rgyu las nges par byung ba'ang ma yin pa'i phyir ro// de ci'i phyir zhe na/ chos thams cad ma skyes/ ba'i phyir ro// 'jam dpal de lta bas no rigs kyi bu 'am/ rigs kyi bu mo gang gis bstan pa 'di thos nas nung bar mi 'gyur ba de'ang bla na med pa yang dag par rdzogs pa'i byang chub las phyi
- 328a
mi ldog par dra bshad do/ / 'jam dpal de lta bas na dge slong ngam/ dge slong ma 'am/ dge bsnyen nam/ dge bsnyen ma gang dag shes rab kyi pha rol tu phyin pa zab mo 'di la zhum par mi 'gyur ba nas/ nur ba'i bar du mi 'gyur ba de dag ni nga la skyabs su dong ba'o// de dag ni de'i rjes su rab tu byung ba'o// de dag gi ston pa ni de yin no// 'jam dpa' rigs kyi bu 'am/ rigs kyi bu mo gang dag shes rab kyi pha rol tu phyin pa zab mo 'di la mi slob pa de byang chub sems dpa'i bslab pa la mi slob pa'o// 'jam dpal 'di lta ste/ dper na 'byung po'i tshogs dang / sa bon gyi tshogs dang / rtswa dang / shing gel ba dang / sman dang / nags tshal gang ci yod pa de dag thams cad ni sa chen po la brten nas skye'o// 'jam dpal de bzhin du byang chub sems dpa' sems dpa' chen po rnams kyi dge ba'i chos gang ci'ing rung ba de dag thams cad shes rab kyi pha rol tu phyin pas yongs su zin na 'phel zhing rgyas pa dang / yangs par 'gyur te/ bla na med pa yang dag par rdzogs pa'i byang chub tu slu bar mi byed do// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol te/ / bcom ldan 'das bcom ldan 'das kyi shes rab kyi pha tu phyin pa bstan pa bshad pa gang lags pa'i shes rab kyi pha rol tu phyin pa bstan pa 'di 'dzam bu'i gling 'dir grong ngam/
- 328b
zong khyer ram/ yul lam ljongs dag tu gang la la dag 'dzin par 'gyur ba nas/ ston pa'i bar du 'gyur ba mchis sam/ de skad ces gsol ba dang bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal gang dag gis shes rab kyi pha rol tu phyin pa bstan pa 'di de ltar gyi tshe la thos nas/ bdag tshe 'di brdzes nas kyang shes rab kyi pha rol tu phyin pa bstan pa 'di mnyan to zhes smon lam btab pa de dag ni nyan pa nas/ rgya cher mi bsgom pa'i tshul gyi sgo bar byed pa'i bar du 'gyur ro// 'jam dpal gang dag shes rab kyi pha rol phyin pa zab mo 'di thos te/ thos nas kyang dga' ba dang mgu ba yangs pa thob pa de dag ni dge ba'i rtsa ba chung bar nga mi 'chad do// 'jam dpal gang zhig shes rab kyi pha rol tu phyin pa bstan pa 'di la nyan 'dod par gyur na/ de la 'di skad ces rigs kyi bu khyod de mnyan pas ci zhig bya/ thos nas ma dad cing phyir nur ta re/ de ci'i phyir zhe na/ 'di la chos gang yang yos su 'grub par ma bstan te/ so so'i skye bo'i chos rnams skye ba 'am/ 'jig par yang ma bstan/ slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / sangs rgyas kyi chos rnams kyang skye ba 'am/ 'jig pa 'am/ 'thob par ma bstan pa'i phyir ro zhes brjod par bya'o// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to//
- 329a
cos ldan 'das yod / dge slong / na // de na mal gas 'did da na du ga g+hu dregang ban rnamam tshan/ chom na 'das dgang 'ji dus bad/ gis 'di myu du sa thams pa dung mi 'gal ba'i gtam po nas brjod par byagyu'o// rje'i drang dun na/ ma ldan skye ma mchis pa dang 'gal ba'i chos de gang yang ma mchis te/ bka' mnyid dani sems can kyang gis kyang 'tshal bar smrab ma lags so// de ci'i sring du zhen/ 'dilta sem pa na d migs su ma mchis pa'i slad du'o/ / bcom ldan 'das gzhan yang bdag gis de la 'di skad du mi smye ba zhes bya ba'i chos de bstan par gyur to zhes brjod par brtsi'o// de ci'i rmad du rnam bcom ldan 'das 'di ltar chos thams cad ni skyibs mchis par mnyam pa'i mdu du'o/ / bka' mchod der ni ji ltar dam bcom pa'i chos rnams kyis so so'i skye bo'i chos de dag rnam par bshig pa sa lags pa dag bcom pa rnams kyi gong ma rtogs pa ma bstan to/ / bcom ldan 'das gzhan yang de la bdag gis 'di skad du chos bstan pa de la sems can kyang mang rgya ngan las 'das pa dang / mya ngan las 'da' ba dang / mya ngan las 'da' bar 'gyur ba med de zhes brjod par bgyi'o// de ci'i slad du zhe na/ bcom ldan 'das 'di lta ma ma ca shin du'o
- 329b
dmigs pa'i slad du ste/ bcom ldan 'das 'di skad du 'drin bdag gis de skad ces bgyi'o// bcom ldan 'das gzhan yang bdag las shes rab kyi pha rol tu phyin pa zab mo 'di nyan par 'tshal te/ deng khyod bcom ldan 'das dang gtam ci zhig byas shes 'dri na/ de la bdag gis 'di skad du gal te khyod de nyan par 'dod na/ de mnyan to snyam du yid ma gtod cig/ mnyan to snyam du sems ma skyed cig/ kye skyes bu sgyu ma'i skyes bu'i shes rab ci 'dra ba de lta bu'i shes rab skyed cig dang / de lta bus chos bstan pa'i di shes par nus so// kye skyes bu gal te khyod kyis chos bstan pa 'di mnyan par 'dod na/ de'i phyir 'di ltar 'di lta ste/ dper na nam mkha' la bya'i rjes lta bur gnas par gyis shig dang / de lta bus chos bstan pa 'di mnyan par nus so// kye skyes bu gal te khyod kyis chos bstan pa 'di mnyan par 'dod nas/ de'i phyir gnyis la ma dmigs shig/ mi gnyis pa la'ang ma dmigs shig/ de ci'i phyir zhe na/ 'di la gnyis su brjod par bya ba yong su brjod pa'am/ mi gnyis par brjod par bya ba gang yang med pa'i phyir ro// gal te chos bstan pa 'di mnyan par 'dod na bdag tu 'du shes pa rnams kyang ma gzhi ga cig/ lta bar gyur pa rnams las kyang ma 'das zhig/ sangs rgyas kyi chos rnams la'ang lhag par ma dmigs shig/ so so'i skye bo'i chos rnams las kyang ma skyod cig ces brjod par bgyi'o// bcom ldan 'das gang
- 330a
zhig bdag las nyan par 'tshal te 'dri na/ de la bdag gis de skad brjod par bgyi'o// de skad rjes su bstan par bgyi'o// de ltar 'di la gzhag par bgyi'o// gal te 'dri ba'i rigs kyi bu 'am/ rigs kyi bu mo de ltar gnas shing / de ltar zhugs na spobs pa'i phyag rgya 'di la gnas pa de la slad kyis shes rab kyi pha rol tu phyin pa ma skyes pa dang / dngos po ma mchis pa dang / ma byung ba'i bar 'di bstan pa bgyi'o// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal legs so legs so// 'jam dpal khyod kyis tshig 'di legs par smras pa legs so// rigs kyi bu 'am/ rigs kyi bu mo de la'ang phyis 'di skad gyis shig/ de bzhin gshegs pa la blta bar 'dod na/ shes rab kyi pha rol tu phyin pa 'di nyid la mi sgom pa'i tshul gyis bsgom par bya'o// de bzhin gshegs pa la bsnyen bkur bya bar 'dod pa'i rigs kyi bu 'am/ rigs kyi bu mos kyang shes rab kyi phyi rol tu phyin pa 'di nyid la mi dmigs pa'i tshul gyis bslab par bya'o// de bzhin gshegs pa ni bdag gi ston pa'o zhes smra par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o// bla na med pa yang dag par rdzogs pa'i byang chub mngon par
- 330b
rdzogs par 'tshang rgya bar 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mngon par 'du bya ba med pa'i tshul gyis bslab par bya'o// ting / nge 'dzin thams cad la mkhas pa bsgrub par 'dod pa'i rigs kyi bu 'am/ rigs kyi bu mos kyang shes rab pha rol tu phyin pa 'di nyid la mi dmigs pa'i tshul gyis bslab par bya'o// ting nge 'dzin thams cad la snyoms par 'jug par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o// de ci'i phyir zhe na/ ting nge 'dzin de dag byas pa ma yin pa'i phyir ro// rnam pa thams cad kyi mchog dang ldan pa'i thams cad mkhyen pa'i ye shes kyi bar du bsgrub par 'dod pa'i rigs kyi bu 'am// rigs kyi bu mos kyang shes rab kyi pha rol tu phyin pa 'di nyid la dngos po med pa'i tshul gyis bslab par bya'o// de ci'i phyir zhe na/ 'di ltar rnam pa thams cad kyi mchog dang ldan pa'i thams cad mkhyen pa'i ye shes kyi bar du byas pa ma yin pa dang / ma skyes pa dang / dngos po med pa'i phyir ro// chos thams cad ni nges par 'byung ba dang bcas pa ste/ gang nges par mi 'byung ba'i chos de gang yang med do zhes de ltar shes par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyi bslab par bya'o// chos tham cad ni nges par
- 331a
mi 'byung ba ste/ gang nges par 'byung ba dang bcas pa'i chos de gang yang med do// de ci'i phyir zhe na/ chos thams cad ma skyes pa'i phyir ro// chos de dag ni ji ltar brjod pa de ltar yod pa ma yin te/ brjod du med pa ni yod pa'ang ma yin zhing dmigs su med do zhes de ltar shes par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o/ / sems can thams cad ni byang chub kyi phyir spyod pa ste/ gang byang chub kyi phyir mi spyod pa'i sems can de gang yang med do zhe na yang de la zhum pa med par 'dod pa'i rigs kyi bu 'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o// de ci'i phyir zhe na/ 'di ltar chos thams cad ni byang chub dang mnyam pa'o/ / ji ltar chos thams cad byang chub dang mnyam pa dang / byang chub ji lta bar sems can thams cad kyang de bzhin no// sems can thams cad ci 'dra bar spyod pa de'ang de bzhin no/ / med pa'i phyir spyod pa thams cad ni spyod pa med pa'o// derang byang chu ste/ byang chub gang yin pa skye ba med pa'ang de yin/ 'byung ba med pa'ang de yin te/ de lta bu'i chos 'di la zhum po med par 'dod pa'i rigs kyi bu 'am/ rigs kyi mos kyang shes rab kyi pha rol tu phyin pa 'di nyid la dngos po med pa dang / skye ba med pa'i bar gyi tshul gyis bslab par bya'o zhes
- 331b
gyis shig/ 'jam dpal gang de bzhin gshegs pa'i rnam par 'phrul pa nas/ de bzhin gshegs pa'i rnam par rol pa'i bar de dag kyang shes rab kyi pha rol tu phyin pa 'di nyid las bstan to/ / de ci'i phyir zhe na/ de ni bstan du med pa ste/ shes rab kyi pha rol tu phyin pa ni mi ston pa'i phyir ro// 'jam dpal dge slong ngam/ dge slong ma 'am/ dge bsnyen nam/ dge bsnyen ma gang dag shes rab kyi pha rol tu phyin pa 'di las tshig bzhi pa'i tshogs su bcad pa tsam yang 'dzin pa dang / kun chub par byed pa dang / 'chang ba dang / klog pa nas yang dag par ston pa'i bar du byed pa de dag kyang phyir mi ldog par nga 'chad na/ gang dag de bzhin nyid du sgrub pa lta ci smos te/ rigs kyi bu 'am/ rigs kyi bu mo de dag ni byang chub tu nges par rig par bya'o/ / gang dag shes rab kyi pha rol tu phyin pa zab mo ma skyes pa dang / dngos po med pa dang / 'byung ba med pa'i bar 'di thos nas mi sgeg/ mi dngang / dngang bar mi 'gyur ba/ dag ni sangs rgyas kyi yul la gnas pa'o// gong du'ang mos par byed na/ de dag ni sangs rgyas kyi chos thams cad la nges par 'gyur ro// 'jam dpal ngas sangs rgyas kyis gnang ba/ de bzhin gshegs pas rnam par mkhyen pa/ dgra bcom pa thams cad kyis yang dag par mnos pa'i rgya 'di gzhag par bya ste/ rgya 'di ni mnyam pa nyid du rtogs pa rnams la gzhan
- 332a
go/ 'di ni sangs rgyas kyi chos thams cad kyi bar du'ang chags pa med pa yongs su ston pa'o// 'jam dpal byang chub sems dpa'i theg pa pa'i rigs kyi bu'am// rigs kyi bu mo rgyu 'dis btab pa ni ngan song du 'gro ba'i skal ba can ma yin no// nyan thos dang rang sangs rgyas kyi sar 'gro ba 'am/ 'jug pa'i skal ba can ma yin no// de nas de'i tshe lha'i dbang po brgya byin dang / sum cu rtsa gsum pa'i lha'i bu rnams kyis lha'i tsan dan gyi phye ma dang / lha'i gser gyi phye ma dang / lha'i me tog man da ra dang / man da ra chen po dang / lha'i spos dang / lha'i ut+pal dang / ku mu da dang / pad+ma dkar po dang / lha'i rol mo'i sgra dag gis shes rab kyi pha rol tu phyin pa 'di la'ang mchod cing / bcom ldan 'das dang 'jam dpal gzhon nur gyur pa la'ang gtor/ mngon par gtor nas/ 'di skad ces dge ba'i rtsa ba 'dis gang dag phyag rgya 'dis btab pa de dag gis bla na med pa'i chos rin po che 'di mchod pa dang / phyi phyir zhing thos par gyur cig ces smras so// lha'i dbang po brgya byin gyis kyang tshig 'di skad ces smras te/ bcom ldan 'das bdag gis kyang ma byung ba dang / ma skyes pa'i bar gyi shes rab kyi pha rol tu phyin pa zab mo 'di 'dzam bu'i gling 'dir spyod par 'gyur ba dang / rigs kyi bu 'am/ rigs kyi bu mo de 'dra ba de dag gi rna lam du grags par 'gyur ba nas/ de dag nyid
- 332b
sangs rgyas kyi chos thams cad yongs su bsgrub par 'gyur bar bgyi ba'i bar gyi slad du brtson par bgyi'o/ / bcom ldan 'das shes rab kyi pha rol tu phyin pa bstan pa 'di rigs kyi bu 'am/ rig kyi bu mo dag gi rna lam du tshegs chung ngus grag la/ thos nas kyang mos pa dang / mos nas kyang 'dzin pa dang / kun chub par bgyid pa dang / 'chang ba'i bar du bgyid pa'i rigs kyi bu 'am/ rigs kyi bu mo de dag gis bdag cag gi 'di ni lces bsgrubs pa'o zhes the tshom ma mchis par 'tshal bar bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ / kau shi ka de de bzhin no// rigs kyi bu 'am/ rigs kyi bu mo de dag la sangs rgyas kyi chos thams cad 'grub par blta'o// de dag bla na med pa yang dag par rdzog pa'i byang chub tu'ang nges par shes par bya'o/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das rigs kyi bu dang / rig kyi bu mo de dag gi don du shes rab kyi pha rol tu phyin pa bstan pa 'di byin gyis rlab tu gsol/ bde bar gshegs pas byin gyis rlab tu gsol/ tshig 'di smras ma thag tu de'i tshe skad cig de nyid la sangs rgyu kyi mthus sa chen po rnam pa drug tu g.yos par gyur to/ / sa chen po g.yo ma thag tu de nas de'i tshe bcom ldan 'das kyis 'dzum pa mdzad do// bcom ldan 'das kyis 'dzum pa mdzad ma thag/
- 333a
tu do nas de'i tshe shes rab kyi pha rol tu phyin pa bstan pa 'di la de bzhin gshegs pa byin gyis rlob pa na/ stong gsum gyi stong chen po'i 'jig rten gyi khams 'di snang ba chen pos khyab par gyur to/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das 'di ni de bzhin gshegs pas shes rab kyi pha rol tu phyin pa bstan pa 'di byin gyis brlab pa'i sde ltas lags so/ / bcom ldan 'das kyis bka' stsal pa/ 'jam dpal de de bzhin no// 'jam dpal 'di dag ni shes rab kyi pha rol tu phyin pa bstan pa 'di byin gyis brlabs pa'i snga ltas rnams te/ ltas 'di dag gis shes rab kyi pha rol tu phyin pa 'di byin gyis brlabs par shes par bya'o// 'jam dpal gang dag chos gang yang mi spong zhing mi zlog la/ bsngags par yang mi byed pa de dag ni phyag rgya 'dis btab par shes par bya'o// de ci'i phyir zhe na/ 'jam dpal dmigs pa yod na spong bar byed pa dang / bsngags pa byed par 'gyur ba'i phyir ro// 'jam dpal de lta bas na gang dag rgya 'dis btab pa de dag gi ched du ngas rgya 'di bzhag ste/ 'di ltar de dag gis thos nas kyang chos gang la'ang ston pa 'am/ rnam par rtog pa med do// de ci'i phyir zhe na/ 'jam dpal chos thams cad don dam par ma skyes pa'i phyir ro// bcom ldan 'das kyis
- 333b
de skad ces dkar stsal nas/ 'jam dpal gzhon nur gyur pa dang / byang chub sems dpa' de dag dang / nyan thos chen po de dag dang / lha dang / mI dang / lA ma yin dang / dri bar bcas pa'i 'jig rten mi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs spyod phrag brgya ba las/ 'jam dpal gyis nus pa'i le'u shes rab kyis pha rol tu phyin pa bdun bsdu bya zhes bya ste/ 'dus pa bzhi bcu drug pa rdzogs so// rgya gar gyi mkhan po si ran+d+ha bo d+hi dang / zhu chen gyi lo tsa ba ban d+he ye shes sdes zhus te gtan la phab pa/ sh+lo ka bdun brgya/ rgya gar skad du/ Ar+ya rat+na tsu ri br-its+tshi nA ma ma hA yA na sU tra/ bod skad du/ 'phags pa gtsug na rin po ches zhus pa zhes bya ba theg pa chen po'i mdo// bam po dang po/ sangs rgyas dang / byang chub sems dpa' dang / nyan thos dang / rang sangs rgyas thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya nod phung po'i r-i le/ dge slong bzhi khri nyis stong gi dge slong gi dge 'dun chen po dang thabs cig tu bzhugs te/ thams cad kyang dgra bcom pa zag pa zad pa/ nyon mongs pa med pa
- 334a
dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas/ pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang dam pa'i pha rol tu son pa sha stag go/ byang chub sems dpa' phyogs bcu'i 'jig rten gyi khams nas 'dus pa brgyad khri bzhi stong dang yang thabs cig ste/ thams cad kyang skye ba gcig gis thogs pa/ dbang bskur ba thob pa/ dpa' bar 'gro ba'i ting nge 'dzin las byung ba/ pad+ma bla ma'i ting nge 'dzin las byung ba/ pad+ma bla ma'i ting nge 'dzin rab tu thob pa rdo rje'i dkyil 'khor ting nge 'dzin la rab tu gnas pa/ rgyal mtshan gyi rtse mo'i dpung rgyan gyi ting nge 'dzin gyis rnam par rol pa/ rdo rje lta bu'i ting nge 'dzin shin tu rtogs pa/ yon tan 'byung gnas bkod pa'i ting nge 'dzin la shin tu gtan 'phebs pa/ sangs rgyas kyi chos thams cad mngon du gyur pa/ byang chub kyi snying por rab tu gzhol ba/ bdud kyi yul thams cad las shin tu 'das pa sangs rgyas kyi yul gyi gnas la rab tu gnas pa/ mi zad pa bstan pa'i gzungs rab tu thob pa/ sems can thams cad kyi dbang po tshim par byed pa'i spobs pa rab tu thob pa/ mi
- 334b
'jigs pa seng ge'i stabs kyis 'khor thams cad gnon pa la mkhas pa/ tshig bstan pa la phyad pas don yod par bskal pa'i bar du lung ston pa/ gzugs kyi mtshan bzang pos legs par/ brgyan pa/ 'dus pa ngan pa'i tshogs pha rol rgol ba yang dag par rab tu 'jom pa/ grags pa dang / brjod pa'i sgra mthon po phyogs bcur grags pa/ sangs rgyas thams cad kyis bstod cing bsngags te/ rab tu bkur ba/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dpag tu med pa las byung ba/ bskal pa bye ba khrag khrig brgya stong grangs med par shin tu sbyang ba byas pa/ sems can thams cad kyi nyon mongs pa'i nad yongs su shes nas/ so so ci rigs par chos kyi sman gtong ba/ rkyen las byung ba'i chos zab cing gting dpag dka' ba la 'jug cing / mtha' dang mtha' ma yin pa dang / rtag pa dang / chad par lta ba yongs su spang ba/ dge ba dag cing dri ma med pa'i bsam pa dang / lhag pa'i bsam pa shin tu yongs su dag pa sems can thams cad yongs su smin par bya ba dang / bsdu ba dang / kun rig pa dang / rnam par rig pa'i tshul la mkhas pa/ rang gi sems la dbang sgyur ba/ sems dpa' zhing brtan la/ rdo rje ltar mi phyed pa/ dad pa dang / brtson 'grus dang / dran pa dang / ting nge 'dzin dang / shes rab kyi stobs
- 335a
dang ldan pa/ stobs bcu dang / gzungs dang / smon lam la yang dag par zhugs pa/ yon tan dang ye shes dpag tu med pa'i blo nam mkha'i dbyings dang mnyam pa rnams la 'di lta ste/ byang chub sems dpa' sems dpa' chen po spyan ras gzigs rnam par lta zhes bya ba dang / rtag tu rnam par lta dang / spyan ras gzigs dbang phyug dang / mthu chen thob dang / seng ge dang / seng ge blo gros dang / seng ge'i stabs su 'gro dang / seng ge'i sgra mngon par bsgrags dang / mchog gi blo gros dang / rdo rje'i blo gros dang / rdo rjes rnam par gnon dang / rdo rje'i rgyal mtshan dang / rdo rje'i sde dang / mi g.yo ba'i gom pas rnam par gnon dang / 'jig rten gsum gom pas rnam par gnon dang / mig bzangs dang / pad+ma'i mig dang / pad+ma bkod pa dang / rin po che bkod pa dang / spobs pa chen po dang / mthu bo che dang / rin chen khar ba dang / rin chen 'byung gnas dang / lag na phyag rgya rin po che dang / yon tan gyi rgyal po snang dang / bkod pa'i rgyal po snang dang / bkod pa'i rgyal po dang / yid gnyis rnam par 'joms dang / glog gi snang bas brgyan dang / nam mkha' mdzod dang / dbyangs snyan dang / rnga sgra dang / dbyangs rnam par dag dang / rnam par dag pa'i blo gros dang / bzang skyong la sogs pa skyes bu dam pa bcu drug dang / 'jam dpal la sogs pa sems dpa' dpe med pa
- 335b
drug cu dang / spos kyi glang po che la sogs pa dag pa'i sems can sum cu rtsa gnyis dang / byams pa la sogs pa thams cad kyang bskal pa bzang po'i byang chub sems dpa' sems dpa' chen po stag go/ lha'i bu bdud las rgyal dang / lha'i bu dge ba bkod dang / lha'i bu mtshams rab dang / bzang po'i rgyal po dang / rgyal ba dang / rgyal ba'i blo gros drang / rab tuzhi zhing dul ba'i dbang phyug dang / lha'i bu legs par sems pa dang / de dag la sogs pa thams cad kyang theg pa chen po la yang dag par zhugs pa'i lha'i bu stong phrag nyi gu dang / rgyal po chen po bzhi dang / lha rnams kyi dbang po brgya byin dang / mi mjed kyi bdag po tshangs pa dang / lha'i bu ded dpon dang / lha'i bu dbang phyug chen po dang / de dag dang / gzhan yang dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa du ma dang yang thabs cig de nas bcom ldan 'das bkod pa chen po'i seng ge'i khri la bzhugs te/ 'khor brgya stong dus mas yongs su bskor cing mdun gyis bltas nus chos ston te/ seng ge ltar ni sgrogs/ nyi ma ltar ni ldan ne/ zla ba ltar ni lam me/ sngon ma ltar ni 'bar/ brgya byin ltar ni lhang nge/ tshangs pa ltar ni lhag ge/ rgya mtsho chen po'i dbus nas ri rab ltar ni 'phags te/ 'khor chen po'i dbus su
- 336a
gshegs nas chos ston pa ni tshangs par spyod pa/ thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byung ba/ 'di lta ste/ byang chub sems dpa' sems dpa' chen po rnams kyis byang chub sems dpa'i spyod pa rnam par dag pa zhe bya ba'i chos kyi sgo las brtsams nas/ ji ltar byang chub sems dpa' sems dpa' chen po rnams byang chub sems dpa'i spyod pa yongs su dag pa la spyod par 'gyur ba yang dag par rab tu ston to// yang de'i shar phyogs logs kyi sangs rgyas kyi zhing brgya stong phrag dgu bcu rtsa gnyis 'odas pa na/ 'jig rten gyi khams legs par sprul pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas yongs su dag par rab tu gnas pa zhes bya ba da ltar bzhugs te/ 'tshe zhing go zhes la chos kyang ston pa de'i gan nas/ byang chub sems dpa' sems dpa' chen po gtsug na rin po che zhes bya ba byang chub sems dpa' brgyad stong dang lhan cig tu lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa brgya stong mang pos yongs su bskor cing mdun du 'dar te/ 'jig rten gyi khams legs
- 336b
par sprul pa de nas mi snang bar gyur nas/ 'jig rten gyi khams mi mjed 'dir gnas par gyur to// de tshangs pa'i 'jig rten du 'dug nas/ rin po che'i gdugs gcig gis stong gsu kyigyikyistong chen po'i 'jig rten gyi khams khebs par byas te/ me tog kha dog du ma kha dog sna tshogs dag gis stong gsum gyi stong chen po'i 'jig rten gyi khams khebs par byas nas/ tshangs pa'i 'jig rten de nyid du 'dug ste/ de'i tshe tshigs su bcad pa 'di dag smras so// gang gis sdug bsngal thams cad bzod byas shing // brtul zhugs brtan pas byang chub rab bsgrubs pa/ drang srong chen po shA ga thub sus mthong ba// lha mi rnams kyis rnyed pa rab tu rnyed// gang+gA'i bye snyed byang chub sems dpa' mang // brtson 'grus dag gi stobs kyis phyir bor te/ stong phrag bye ba'i bdud rnams rab btul nas// byang chub rdul bral mya ngan med pa thob// 'gro ba kun gyi gtso bor bsnyen bkur bar// shar phyogs logs kyi mchog gi 'jig rten khams/ / legs par sprul nas spyad pa yongs dag pa'i// rgyal ba'i thad nas bdag ni 'dir mchis so// su dag chos kyi gtam rnams nyan pa dang // phyogs bcu'i byang chub sems dpa' blta ba dang / / rkang gnyis gtso bo de la blta 'dod pa// de dag bya rgod phung por myur du shog/ 'dren pa mthong ba shin tu rnyed par dka'// zhi ba'i chos kyang thos
- 337a
par shin tu dka'/ / dral 'byor mir skye shin tu rnyed par dka'// tshul khrims dad pa'ang rtag tu rnyed par dka'// 'jig rten rnam par 'dren pa bzhugs bzhin du/ / bde 'dod gang zhig bsod nams mi byed na// mya ngan 'das nas des ni ci bya zhes// da ni rgyal ba'i drung du 'dong bar bya// gang drag ngan 'gro thams cad spangs nas ni// lha mi nang du bde ba 'thob pa dang / / mya ngan 'das thob bde bar 'gyur 'dod pa// mtshungs med de yi gan du de dag deng // de ni sman pa'i rgyal po bdud rtsi sbyin// de ni ded dpon mchog gi lam mtshon pa// de ni chos rgyal rin chen dam pa 'chang / / de ni sems can kun gyi rten dang dpung // byang chub sems dpa' sems dpa' chen po gtsug na rin po ches tshigs su bcad pa mngon par bsgrub pa 'di dag smras nas/ stong gsum gyi stong chen po'i 'jig rten gyi khams kyang dbyangs kyis go bar gyur// tshe dang ldan pa shA ra dwa ti'i bus kyang tshigs su bcad pa 'di dag thos te/ thos nas bcom ldan 'das la 'di skad ces gsol to/ / bcom ldan 'das 'di lta bu'i don dang ldan pa'i tshigs su bcad pa 'di dge gang nas byung / bcom ldan 'das kyis bka' stsal pa/ shA ri'i shar phyogs logs su sangs rgyas kyi zhing 'di nas sangs rgyas kyi zhing brgya stong phrag dgu bcu rtsa gnyis 'das pa na/ 'jig rten gyi khams legs par sprul pa zhes bya ba zhig yod de/ de na de
- 337b
bzhin gshegs pa dgra bcom pa yang dag par rdzogs pa'i sa rgyas yongs su dag pa rab tu gnas pa zhes bya ba da ltar bzhugs te/ 'tsho zhing gzhes la chos kyang ston pa de'i gan nas/ byang chub sems dpa' sems dpa' chen po gtsug na rin po che zhes bya ba byang chub sems dpa' brgyad stong dang bcas te/ nga la blta ba dang / phyag bya ba dang / bsnyen bkur bya ba dang / phyogs bcu nas 'dus pa'i byang chub sem dpa' sems dpa' chen po 'di dag kyang blta ba'i phyir/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang mi dang / mi ma yin pa brgya stong mang pos yongs su bskor cing mdun du bdar nas/ rnga ni rab tu rdung / me tog gi char ni 'bebs/ 'od zer ni 'byin/ stong gsum gyi stong chen po'i 'jig rten gyi khams ni g.yo bar byed cing / byang chub sems dpa' mthu chen po dang / byang chub sems dpa' rdzu 'phrul chen pos 'jig rten gyi khams legs par sprul pa de nas mi snang bar gyur nas 'jig rten gyi khams mi mjed 'dir phyin te/ shA ri'i bu byang chub sems dpa' sems dpa' chen po gtsug na rin po che des sems can bag med pa rnams yang dag par bskul ba'i phyir tshangs pa'i 'jig rten du 'dug nas tshigs su bcad pa 'di dag smras so/ / shA ri'i bu tshigs su bcad pa 'di dag gis stong gsum gyi stong chen po'i 'jig rten gyi khams go bar byas nas/
- 338a
sems can dpag tu med pa'ang dge ba'i rtsa ba bskyed do// de nas byang chub sems dpa' sems dpa' chen po gtsug na rin po che byang chub sems dpa' brgyad stong po de dag dang lhan cig tu/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa brgya stong du mas yongs su bskor cing mdun du bdar nas/ rnga ni rab tu rdung / me tog gi cher ni 'bebs/ 'od zer ni 'byin/ stong gsum gyi stong chen po'i 'jig rten gyi khams ni g.yo bar byed cing / byang chub sems dpa' mthu chen po dang / byang chub sems dpa'i rdzu 'phrul chen pos/ bcom ldan 'das ga la ba der dong ste/ lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ byang chub sems dpa' sems dpa' chen po de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa brgya stong mang po de dag dang lhan cig tu bcom ldan 'du kyi spyan sngar 'dug go/ phyogs gcig tu 'dug nas kyang / bcom ldan 'das la byang chub sems dpa' gtsug na rin po ches 'di skad ces gsol to// bcom ldan 'das de bzhin ga
- 338b
pa dgra bcom pa yang dag par rdzogs pa'i sangs rgyas yongs su dag par rab tu gnas pa/ bcom ldan 'das la gnod pa chung ngam/ nyam du badrang dam/ bstod pa yang dam/ 'tsho'am/ smyoH/ dang bde bar reg pa la gnas sam zhes snyun gsol lo// bcom ldan 'das bdag kyang byang chub sems dpa' sems dpa' chen po rnams kyi spyod pa yongs su dag pa nyan pa'i slad du 'dir mchis na/ bcom ldan 'das byang chub sems dpa' rnams spyod pa yongs su dag pa gang la gnas na/ shin tu mthar phyin pa dang / shin tu grub pa dang / badre bar 'gyur ba dang / shin tu yongs su dag pa 'thob par 'gyur ba dang / de dag bag chags kyi mtshams sbyor bar gyur pa'i nyon mongs pa thams cad kun tu 'byung bar mi 'gyur ba dang / rang gi spyod pa yongs su dag pas sems can thams cad kyi sems kyi spyod pa rab tu 'tshal bar 'gyur ba dang / spyod pa'i mtshan nyid rnams yang dag pa ji lta ba bzhin du khong du chud par 'gyur ba dang / ye shes kyi spyod pas 'dod chags dang / zhe sdang dang / gti mug gi spyod pa rnam par sbyong bar 'gyur ba dang / chos kyi spyod pas sems can mi mthun par spyod pa la gnas pa rnams yang dag pa'i chos kyi nan tan la mos par bgyid par 'gyur ba dang / de bzhin gshegs pa thams cad la kha na ma tho ba ma mchis par 'gyur ba dang / sems can thams cad nye bar 'tsho bar 'gyur ba dang / de dag la
- 339a
bdud thams cad kyis glags mi rnyed par 'gyur ba dang / de dag phyogs bcu'i 'jig rten na da ltar byung ba'i sangs rgyas thams cad blta ba la sgribs pa ma mchis par 'gyur ba dang / de dag gi spyod pa thams cad de bzhin gshegs pa'i ye shes kyi spyod pas rig par 'gyur ba'i byang chub sems dpa' rnams kyi spyod pa yongs su dag pa de bzhin gshegs pa dgra bcom pa yang dag par rdzogs pa'i sangs rgyas kyis legs par rab tu bstan du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po gtsug na rin po che la 'di skad ces bka' stsal to/ / rigs kyi bu de'i phyir legs par rab tu nyon la yid la zung zhig dang / byang chub sems dpa' sems dpa' chen po rnams kyi spyod pa yongs su dag pa'i dpe tsam cung zad cig bshad do/ / bcom ldan 'das legs so zhes gsol nas/ byang chub sems dpa' gtsug na rin po che bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rigs kyi bu byang chub sems dpa' sems dpa' chen po rnams kyi spyod pa yongs su dag pa ni 'di bzhi ste/ bzhi gang zhe na/ 'di lta ste/ pha rol tu phyin pa'i spyod pa yongs su dag pa dang / byang chub kyi phyogs kyi chos kyi spyod pa yongs su dag pa dang / mngon par shes pa bsgrub pa'i spyod pa yongs su dag pa dang / sems
- 339b
can yongs su smin par bya ba'i spyod pa yongs su dag pa ste/ rigs kyi bu bzhi po de dag ni byang chub sems dpa' rnams kyi spyod pa yongs su dag pa'o// de la pha rol tu phyin pa'i spyod pa yongs su dag/ ba ni kun tu sngo ba'i ye shes la mkhas par khong du chud par bya'o// byang chub kyi phyogs kyi chos kyi spyod pa yongs su dag pa ni lam smra ba'i ye shes la mkhas par khong du chud par bya'o// mngon par shes pa bsgrub pa'i spyod pa yongs su dag pa ni bsam gtan la sems las su rung ba'i ye shes la mkhas par khong du chud par bya'o/ / sems can yongs su smin par bya ba'i spyod pa yongs su dag ni snying rje chen pos lhag pa'i bsam pa brtan pa'i ye shes la mkhas par khong du chud par bya'o/ / rigs kyi bu de la byang chub sems dpa' rnams kyi pha rol tu phyin pa'i spyod pa yongs su dag pa gang zhe na/ 'di lta ste/ pha rol tu phyin pa drug gi spyod pa yongs su dag pa'o// drug po de dag gang zhe na/ 'di lta ste/ sbyin pa dang / tshul khrims dang / bzod pa dang brtson 'grus dang / bsam gtan dang / shes rab kyi pha rol tu phyin pa rnams so// rigs kyi bu de la byang chub sems dpa' rnams kyi sbyin pa'i pha rol tu phyin pa'i spyod pa yongs su dag pa gang zhe na/ 'di lta ste/ ser sna'i dri mas kun tu dkris pa'i sems sel ba dang / gtong ba'i rjes su 'jug pa'i sems 'phel bar byed pa dang / de se ra sna'i
- 340a
dri ma bsal te gtong ba'i sems la gnas nas/ bdog pa thams cad yongs su gtong ba'i sems la gnas so// de sbyin pa sbyin pa na tha dad pa bzhi mi byed de/ bzhi gang zhe na/ 'di lta ste/ sems can tha dad du mi byed pa dang / chos tha dad pa yongs su bsngo ba tha dad pa dang / bsam pa tha dad du mi byed do// de la ji ltar na sems can tha dad dumi byed ce na/ 'di la ni sbyin/ 'di la ni mi sbyin/ 'di la nI mang du sbyin/ 'dri la ni cung ngu sbyin/ 'dri la ni bzang po sbyin/ 'di la ni ngan pa sbyin/ 'di la ni rtag tu sbyin/ 'di la ni rtag tu mi sbyin/ 'di la ni bsti stang du byas te sbyin/ 'di la ni bsti stang du byas te mi sbyin/ 'di la ni thams cad sbyin/ 'di la ni thams cad mi sbyin/ 'di ni tshul khrims dang ldan pa/ 'di ni tshul khrims dang mi ldan pa/ 'di ni sbyin pa'i gnas/ 'di la ni sbyin pa'i gnas ma yin/ 'di la ni byon na sbyin pa rnam par dag par 'gyur/ 'dis ni rnam par dag par mi 'gyur/ 'di ni yang dag par zhugs pa/ 'di ni log par zhugs pa'o zhes bya ba ste/ rigs kyi bu de ltar gang 'di lta bu'i sems 'phro ba spong zhing mnyam pa nyid dang / tha dad pa ma yin pa dang / mi mtho mi dma' ba dang / sems can thams cad la sems mnyam pa dang / yang dag par sbyor ba dang / mtshungs par sbyin pa dang / mtshungs par byams pa dang / mtshungs par snying rje ba dang / bye brag
- 340b
med pa dang / nam mkha' dang mtshungs par 'gyur ba de ni sems can tha dad pa ma yin pa zhes bya'o// de la ji ltar na chos tha dad du mi byed ce na/ gang chos smra bar 'gyur ba de dag la ni sbyin/ gang chos ma yin pa smra bar 'gyur ba de dag la ni me sbyin no snyam du de ltar sems mi skyed de/ de chos thams cad mnyam pa nyid thob nas sbyin pa sbyin te/ so so'i skye bo rnams ni dman pa'o snyam du sbyin pa mi sbyin/ 'phags pa rnams ni rgya chen po'o zhes sbyin pa mi sbyin gyi/ chos kyi dbyings rang bzhin gyis mnyam ste/ bye brag med pas sbyin pa sbyin pa 'di ni chos tha dad pa ma yin pa zhes bya'o// / de la ji ltar na yongs su bsngo ba tha dad du mi byed ce na/ gang sbyin pa byin pa'i dge ba'i rtsa ba de rgya chen thob par mi sngo// tshangs pa thob par ma yin/ rgyal po'i srid dang / tshong dpon dang / khyim bdag dang / gzugs dang / longs spyod dang / dbang phyug dang / g.yog 'dod par ma yin/ srid pa'i 'gro ba thams cad du 'chi 'pho ba dang / skye bo'i skye gnas rnams su dge ba'i rtsa ba de yongs su mi sngo/ / nyan thos kyi theg par ma yin/ rang sangs rgyas kyi theg par ma yin te/ dge ba'i rtsa ba de dag bla na med pa yang dag par rdzogs pa'i byang chub las gzhan du mi sngo ba 'di ni sngo ba tha dad pa ma yin pa zhes bya'o/ / de la ji ltar na sbyin pa sbyin pa na bsam pa tha dad du mi byed ce na/ bsam pa mnyam pa/ sbyor ba mnyam pa/ rnam par
- 341a
smin pa la mi re ba/ pha rol la byas pa'i lan re ba med pa/ g.yo med pa dang / sgyu med pas sems thag pa nas shin tu yongs su btang ba'i blo/ sems 'gyod pa med pa gnas gsum du dad pa thob ste sbyin no snyam pa dang / sbyin par byed pa dang / sbyin nas dad pa rab tu thob pa 'di ni bsam pa tha dad pa ma yin pa zhes bya'o// rigs kyi bu de ltar na byang chub sems dpa' sbyin pa sbyin pa na tha dad pa 'di bzhi mi byed de/ 'di ni byang chub sems dpa' rnams kyi sbyin pa'i pha rol tu phyin pa'i yongs su dag pa'i rkang pa dang po'o// de lta ba brgyad yongs su dag par sbyin pa sbyin par byed de/ brgyad po dag gang zhe na/ 'di lta ste/ bdag tu lta ba yongs su dag par sbyin pa sbyin pa dang / de bzhin du sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta ba yongs su dag pa ste/ lta ba brgyad po de dag yongs su dag par sbyin pa sbyin par byed do// de bag la nyal bzhi yongs su spangs nas sbyin pa sbyin par byed de/ bzhi gang zhe na/ so so'i skye bo'i chos kyi bag la nyal dang / nyan thos kyi chos kyi bag la nyal dang / rlung sangs rgyas kyi chos kyi bag la nyal dang / bag chags kyi mtshoms sbyor ba'i bag la nyal te/ bag la nyal bzhi po de dag yongs su spangs nas sbyin pa sbyin par byed do// de 'du shes bzhi yongs su spangs nas sbyin pa sbyin
- 341b
par byed de/ bzhi gang zhe na/ rtag par 'du shes pa dang / bde bar 'du shes pa dang / gtsang bar 'du shes pa dang / bdag tu 'du shes pa ste/ 'du shes bzhi po de dag yongs su spangs nas sbyin pa sbyin par byed do/ / de rnam pa bzhi po yongs su dag par sbyin pa sbyin par byed de/ bzhi gang zhe na/ lus yongs su dag pa dang / ngag yongs su dag pa dang / sems yongs su dag pa/ bsam pa yongs su dag pa ste/ rnam pa bzhi po de dag yongs su dag par sbyin pa sbyin par byed de/ de chags pa gsum las shin tu 'das nas sbyin pa sbyin par byed de/ gsum gang zhe na/ rnam par smin pa la chags pa dang / 'gyod pa la chags pa dang / theg pa dman par sngo ba la chags pa ste/ gsum po de dag las shin tu 'das nas sbyin po sbyin par byed de/ de 'jigs pa gsum las shin tu 'das nas sbyin pa sbyin par byed de/ gsum gang zhe na/ lhag pa'i nga rgyal gyi 'jigs pa dang / rlom sems kyi 'jigs pa dang / bdud kyi las kyi 'jigs pa ste/ gsum po de dag las shin tu 'das nas sbyin pa sbyin par byed do/ / de rgya bzhis btab nas sbyin pa sbyin par byed de/ bzhi gang zhe na/ nang stong pa nyid kyis rgyas btab pa dang / phyi stong pa nyid kyis rgyas btab dang / sems can stong pa nyid kyis rgyas btab pa dang / byang chub stong pa nyid kyis rgyas btab pa ste/ rgya bzhi po de dag gis btab nas sbyin pa sbyin par byed do// de brtson 'grus rtsom pa
- 342a
bzhi dang mi 'bral bar sbyin pa sbyin pa byed de/ bzhi gang zhe na/ sems can thams cad tshim par byed pa'i brtson 'grus rtsom pa dang / sangs rgyas kyi chos thams cad yongs su sgrub pa'i brtson 'grus rtsom pa dang / mtshan dang dpe byad bzang po yongs su rdzogs par byed pa'i brtson 'grus rtsom pa dang / sangs rgyas kyi zhing yongs su sbyong ba'i brtson 'grus rtsom pa ste/ brtson 'grus rtsom pa bzhi po de dag dang ma bral bar sbyin pa sbyin par byed do// de dran pa bzhi dang ma bral bar sbyin pa sbyin par byed de/ bzhi gang zhe na/ byang chub kyi sems dran pa dang / sangs rgyas mthong ba dran pa dang / byams pa chen po dran pa dang // sems can thams cad kyi nyon mongs pa spong ba dran pa ste/ dran pa bzhi po de dag dang ma bral bar sbyin pa sbyin par byed de 'khor gsum yongs su dag par sbyin pa sbyin par byed de/ gsum gang zhe na/ bdag gi 'khor yongs su dag pa dang / sems can gyi 'khor yongs su dag pa dang / byang chub kyi 'khor yongs su dag pa ste/ 'khor gsum po de dag yongs su dag par sbyin pa sbyin par byed do// de shes pa yongs su dag pa bzhis yongs su dag par sbyin pa sbyin par byed de/ bzhi gang zhe na/ sbyin pa shes pa yongs su dag pa dang / sems can gyi bsam pa tshim par byed pa shes pa yongs su dag pa dang / sgyu ma'i chos su so sor rtog pa shes pa yongs su dag pa dang / bsngo ba la so sor rtog pa shes
- 342b
pa yongs su dag pa ste/ shes pa yongs su dag pa bzhi po de dag gis yongs su drug par sbyin pa sbyin par byed do// rigs kyi bu byang chub sems dpa' de lta bu'i chos la zhugs pa de'i sbyin pa'i spyod pa yongs su dag pa shin tu yongs su dag par 'gyur te/ rigs kyi bu 'di ni byang chub sems dpa'i sbyin pa'i pha rol tu phyin pa'i spyod pa yongs su dag pa'o// rigs kyi bu de la byang chub sems dpa'i tshul khrims kyi pha rol tu phyin pa'i spyod pa yongs su dag pa gang zhe na/ rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa ni rnam pa gcig ste/ rnam pa gcig gang zhe na/ 'di lta ste/ byang chub kyi sems mnyam pa med pa'i sems/ thun mong ma yin pa'i sems/ 'jig rten gsum po thams cad las mchog tu bye brag tu 'phags pa'i sems/ nyan thos dang rang sangs rgyas thams cad zil gyis gnon pa'i sems/ bdud thams cad 'dul ba'i sems/ las dang nyon mongs pa'i sgrib pa thams cad yongs su zad par byed pa'i sems/ sems can thams cad sgrol ba'i sems/ yon tan rin po che dpag tu med pa thams cad kyi sems de nyid mi 'dor zhing srung ba dang / sbed pa dang mi brjed pa ste/ rigs kyi bu 'di ni byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa gcig go// rigs kyi bu gzhan yang byang chub sems dpa'i/
- 343a
tshul khrims kyi pha rol tu phyin pa'i spyod pa yongs su dag pa rnam pa gnyis te/ rnam pa gnyis gang zhe na/ 'di lta ste/ sems can thams cad la 'od zer thogs pa med pa dang / sems can de dag kyang byang chub kyi bsam pa'i tshul khrims la 'dzud pa ste/ 'di ni rnam pa gnyis so// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa gsum te/ rnam pa gsum gang zhe na/ 'di lta ste/ lus kyi gnod pa thams cad bsal bas lus yongs su dag pa dang / kha gsag dang // gzhog slongs dang / ngag gi skyon thams cad bsal bas ngag yongs su dag pa dang / 'dod pa dang / gnod sems dang / rnam par 'tshe ba'i rnam par rtog pa bsal bas sems yongs su dag pa ste/ 'di ni rnam pa gsum mo// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa bzhi ste/ rnam pa bzhi gang zhe na/ 'di lta ste/ bslab pa yang dag par 'dzin pa dang / bslab pa yang dag par bzung ba mnyams pa dang / sems can tshul khrims 'chol pa yongs su smin par byed pa dang / tshul khrims dang ldan pa la ston pa bzhin du gus par byed pa ste/ 'di ni rnam pa bzhi'o// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa lnga ste/ rnam pa lnga gang zhe na/ 'di lta ste/
- 343b
bdag la mi bstod pa dang / gzhan la mi smod pa dang / ma bslabs pa la mi brnyas pa dang / nyan thos kyi sems la mi re ba dang / rang sangs rgyas kyi theg pa mi 'dod pa ste/ 'di ni rnam pa lnga'o// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa drug ste/ rnam pa drug gang zhe na/ 'di lta ste/ bslab pa las mi 'da' bas sangs rgyas rjes su dran pa dang / tshul khrims la 'gyod pa med pas chos rjes su dran pa dang / sangs rgyas kyi bslab pa la lta bas dge 'dun rjes dran pa dang / nyon mongs pa thams cad yongs su spong bas gtong ba rjes su dran pa dang / skye ba thams cad la mi gnas pas tshul khrims rjes su dran pa dang / dge ba'i chos thams cad yongs su rdzogs par byed pas lha rjes su dran pa ste/ 'di ni rnam pa drug go/ / rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa bdun te/ rnam pa bdun gang zhe na/ 'di lta ste/ sangs rgyas kyi chos thams cad la mngon par dad pa dang / bdag nyid dbang du byas te ngo tsha shes pa dang / sangs rgyas thams cad mngon sum du byas te khrel yod pa dang / nga rgyal med pas gus pa dang / bdag dang gzhan la gdung ba med pas nges pa dang / 'jig rten pha rol tu kha na ma tho ba la 'jigs par lta bas rnam par 'tshe ba med pa dang / sems kyi yongs su gdung ba nye bar zhi bas khon du mi 'dzin pa ste/
- 344a
'dum/ rdzun// rigs kyi byung chum skyem sa dpa'i tshul khrims kyi ro trU sbyin pa'i spyod pa song sgyu bA bAN+Da dang / ra phywa kru ne/ / bang zing med pa'i sems kyis tshul mi 'chos pa dang / yongs su 'dzin pa thams cad 'dor bas khags ga med pa dang / rang bzhin gyis chog shes byas thob kyis 'jam bur mi byed pa / s+yA pa'i yon tan dang / go byung ba smras pas 'gags pa'i sa ya drug par 'dzin pa yongs su rdzogs pa dang / dkon pa lhaganas pa rnams myi gtong bas sus la yin pa da/ po'i chos yongs su 'dzin pas srog la mi lbu ba dang / 'dra 'di song sa gcis bAn dka' bya dang / khams gsum thams cad kyis 'jigs pas co slo lal thob ba ste/ rnam pa brgyad do// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa ma pa saste/ rnam pa dgu gang zhe na/ 'di lta ste/ kun nas mnar sems kyi dngos po dgu po rnams 'dul ba dang / sems can gyi gnas dgu po rnams las shin tu 'da' ba dang / mthar gyis gnas pa'i snyoms par 'jug pa dgu po rnams kyi rtsa ba yongs su sbyong ba dang / yongs su gdung ba med pas sems zhi ba dang / sems las su rung bas ni gnas kyi tshogs kun tu tshol ba dang / chog dang / tshul khrims dang / lta ba nyams pa las shin tu 'das pas mi stod
- 344b
pa dang / theg pa chen po yongs su rdzogs pas sems can thams cad la mi slu ba dang / tshul khrims la skyon med pas shin tu mthar thug pa dang / yongs su bsngo ba la mkhas pas sems phyed pa ste/ 'di ni rnam pa dgu'o// rigs kyi bu byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa bcu ste/ rnam pa bcu gang zhe na/ 'di lta ste/ lus kyi las rnam pa gsum yongs su dag pa dang / ngag gi las rnam pa bzhi yongs su dag pa dang / yid kyi las rnam pa gsum yongs su dag pa dang / g.yo sgyu dang bral te drang zhing tshul 'chos pa med pa'i bsam pa dang ldan pa dang / bslab pa thams cad dang mi 'gal ba dang / phan par sbyong ba'i dngos po'i sngon du 'gro bas rjes su ston pa dang / dul zhing cang shes kyi sa'i phyir sems dmu rgod ma yin pa dang / bdag nyid byed pas sems can thams cad kyi slob mar gyur pa dang / nga rgyal med pas sbyin pa'i gnas rnams la 'dud cing phyag 'tshal ba dang // srog gi dbang por chos mdun du byed kyi/ 'jig rten gyi zang zing mdun du mi byed pa ste/ 'di ni rnam pa bcu'o// rigs kyi bu gzhan yang byang chub sems dpa' rnams kyi tshul khrims kyi pha rol tu phyin pa'i spyod pa yongs su dag pa rnam pa gnyis te/ rnam pa gnyis gang zhe na/ 'di lta ste/ mtshan ma dang bcas shing 'bad pa dang bcas pa'i tshul khrims ni srog gi phyir yang mi
- 345a
'dral ba dang / mtshan ma med pa dang lhun gyis grub pa'i tshul khrims ni chos thams cad la sgro mi 'dogs par slob pa ste/ 'di ni rnam pa gnyis so// rig kyi bu gzhan yang byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa gnyis te/ gnyis gang zhe na/ 'di lta ste/ nang rnam par dag pas skye mched rnam par dag pa dang / phyi rnam par dag pas yul thams cad spangs pa'o/ / rigs kyi bu gzhan yang byang chub sems dpa'i tshul khrims kyi pha rol tu phyin pa'i spyod pa rnam par dag pa gnyis te/ gnyis gang zhe na/ 'di lta ste/ byang chub kyi ba nyid kyi mtshan nyid kyi byang chub tu yongs su sngo ba dang / mngon par 'du mi byed pas tshul khrims rnam par dag pa'i mtshan nyid do// gnyis po de dag go/ rigs kyi bu 'di ni byang chub sems dpa'i tshul khrims kyi pha rol tu phyin pa'i spyod pa yongs su dag pa'o/ / rigs kyi bu de la byang chub sems dpa' bzod pa'i pha rol tu phyin pa'i spyod pa yongs su dag pa gang zhe na/ rigs kyi bu 'di la byang chub sems dpa'i ngag yongs su dag pas 'di ltar gshe bang slar mi gshe'o// lus yongs su dag pas brdegs kyang slar mi rdog go/ sems yongs su dag pas khros kyang slar mi khro'o// lhag pa'i bsam pa yongs su dag pas 'tshig par byas kyang slar mi 'tshig go// rigs kyi bu gzhan yang byang chub sems dpa' ni
- 345b
sems can la lta ba'i phyir gzhan gyis ngan du smras sam/ ngan du brjod pa'i tshig gi lam thos kyang mi ga she'o// 'jig rten pha rol la lta ba'i phyir lag pa dang / bong ba dang / dbyig pas brdegs kyang slar khong khro bar mi 'gyur ro/ / byang chub kun tu srung ba'i phyir yan lag dang nying lag bcad kyang khong khro bar mi 'gyur ro// rigs kyi bu gzhan yang byang chub sems dpa' ni bsdu ba'i dngos po yongasasu 'dzin pa'i phyir/ slong pa la mi gshe'o// byang chub kyi lam gyis nye bar brtan pa'i phyir/ de dag la byams pa nye bar sgrub bo// smon lam yongs su rdzogs par bya ba'i phyir/ de dag la snying rje bskyed do// bdud kyi las dang nyon mongs pa thams cad spang ba'i phyir/ gang slong yang de la phan par sems shing snying rje dang ldan te/ byang chub kyi yan lag tu nges par sbyin par byed do/ / rigs kyi bu gzhan yang byang chub sems dpa' ni sangs rgyas kyi sku yongs su sgrub pa'i phyir/ sangs rgyas rjes su dran zhing bzod do// stobs bcu yongs su rdzogs par bya ba'i phyir/ byang chub rjes su dran zhing bzod do// dus gsum la chags pa med pa'i ye shes mthong ba yongs su rdzogs par bya ba'i phyir/ ye shes rjes su dran zhing bzod do/ / byams pa chen po yongs su rdzogs par bya ba'i phyir/ phan par 'dod pa rjes su dran zhing bzod do// snying rje chen po yongs su rdzogs par bya ba'i phyir/ 'bras bu yod
- 346a
pa rnam par gnon pa rjes smra dran zhing bzod do/ / mi 'jigs pa yongs su rdzogs par bya ba'i phyir/ seng ge bsgyings pa rjes su dran zhing bzod do// sems can thams cad la 'dud pa'i phyir/ spyi gtsug ltar mi snang ba rjes su dran zhing bzod do// 'jig rten thams cad kyis zil gyis mi non pa'i phyir/ mtshan dang dpe byad bzang po rjes su dran zhing bzod do/ / thams cad mkhyen pa'i ye shes myong ba'i phyir/ sangs rgyas kyi chos thams cad yongs su rdzogs pa rjes su dran zhing bzod do// rigs kyi bu byang chub sems dge bzod pa ni stobs gnyis kyis yongs su dag par 'gyur te/ gnyis gang zhe na/ 'di lta ste/ so sor rtogs pa'i stobs dang / sgom pa'i stobs so// de la gang lus dang sems la gnas te bzod pa ni so sor rtogs pa'i stobs so/ / gang chos thams cad la gnas te bzod pa ni sgom pa'i stobs so// rigs kyi bu gzhan yang byang chub sems dpa'i bzod pa'i pha rol tu phyin pa'i spyod pa yongs su dag pa ni/ gang sems can thams cad la bdag med pas bzod cing / chos thams cad la dben par bzod de/ gang chos thams cad la mi bzod pa de ni bzod pa yongs su dag pa'o/ / de ci'i phyir zhe na/ 'di la don dam par gang bzod pa 'am/ mi bzod pa'i chos gang yang med do// gang chos thams cad khas mi len pa de'i bzod pa
- 346b
yongs su dag pa ste/ chos khas len pa la ni bzod pa yongs su dag pa gang yang med do// gang chos thams cad la zhum pa med pa de'i bzod pa yongs su dag pa ste/ zhum pa la ni bzod pa yongs su dag pa gang yang med do/ / gang chos thams cad mi 'dzin pa de'i bzod pa yongs su dag pa ste/ 'dzin pa la ni bzod pa yongs su dag pa gang yang med do// gang la bdag med pa dang / sems can med pa dang / chos med pa de'i bzod pa yongs su dag pa ste/ bdag dang / sems can dang / chos la gnas pa la ni bzod pa yongs su dag pa gang yang med do// rigs kyi bu gzhan yang byang chub sems dpa'i bzod pa'i pha rol tu phyin pa'i spyod pa yongs su dag pa gnyis te/ gnyis gang zhe na/ 'di lta ste/ lus rnam par 'phrul pa'i bzod pa yongs su dag pa dang / chos thams cad ji lta ba bzhin du bzod pa yongs su dag pa ste/ gnyis po de dag go// rigs kyi bu 'di ni byang chub sems dpa'i bzod pa'i pha rol tu phyin pa'i spyod pa yong su dag pa'o/ / rigs kyi bu de la byang chub sems dpa'i brtson 'grus kyi pha rol tu phyin pa'i spyod pa yongs su dag pa gang zhe na/ gang byang chub kyi sems mi gtong ba dgos pa dang / dgos pa ma yin pa la zhum pa med pa/ brtson pas mi ngal ba/ dge ba'i rtsa ba sogs pa la mi zhen pa/ pha rol tu phyin pa 'di dag las phyir mi ldog pa/ chos thams cad yongs su tshol
- 347a
balnga brtson pa/ chos thams cad ston par btsun pa/ chos thams cad yongs su 'dzin pa la ldog/ mchod sbyin chen byo las smyos pa/ sems can rnams yongs su smin par byed pa la yongs su mi skyo ba/ sangs rgyas kyi zhing rnam par sbyong ba/ theg pa dman pa las shin tu 'da' ba/ sngon dam bcos pa yongs su rdzogs par byed pa/ sbyin pa dang / rdus khrims dang / thos pa'i tsho gas sogs pa/ sngon gyi bsod nams bsogs pa chung mi gson pa/ nga rgyal med pas sems can thams cad la rim gro bya'o cog byed pa ste/ dri ni brtson 'grus kyi pha rol tu phyin pa zhes bya'o/ / de'i yongs su dag pa gang zhe na/ gang lus la mig yor dang gzugs brnyan du shes pa/ tshig la brjod du med par shes pa/ sems la shin tu nye bar ni pabar shes pa/ zad pa shes pa/ rnam par rig pa/ zad pa shes pa rab tu shes pa/ mi skye ba shes pa/ nges par rtogs pa'o// de rtsom pa gsum las rnam par grol bar brtson 'grus rtsom ste/ gsum gang zhe na/ gnas pa'i rtsom pa dang / dmigs pa'i rtsom pa dang / yongs su rtogs pa'i rtsom pa ste/ gsum po de dag go/ de chags pa gsum la mi chags par brtson 'grus rtsom ste/ gsum gang zhe na/ mig dang / gzugs dang / mig gi rnam par shes pa la mi chags pa/ rna ba dang / sgra dang / rna ba'i rnam par shes pa la mi chags pa/ sna dang / dri dang / sna'i rnam par shes pa
- 347b
@la mi chags pa/ lce dang / ro dang / lce'i rnam par shes pa la mi chags pa/ lus dang / reg pa dang / lus kyi rnam par shes pa la mi chags pa/ yid dang / chos dang / yid kyi rnam par shes pa la mi chags pa'o/ / de 'dzin pa med cing dor ba med pa'i brtson 'grus dang ldan pas/ sbyin pa mi len/ ser sna mi 'dor/ tshul khrims mi len/ 'chal pa'i tshul khrims mi 'dor/ bzod pa mi len/ gnod sems mi 'dor/ brtson 'grus mi len/ le lo mi 'dor/ bsam gtan mi len/ g.yeng ba mi 'dor/ shes rab mi len// 'chal pa'i shes rab mi 'dor/ dge ba mi len/ mi dge ba mi 'dor/ sangs rgyas kyi byang chub mi len/ nyan thos dang rang sangs rgyas kyi byang chub mi 'dor/ de len pa med cing 'dor ba med pas/ gnyis yongs su dag pa'i brtson 'grus dang ldan par 'gyur te/ de la gnyis gang zhe na/ gang nang gi kun tu ldang ba las dmigs pa kun tu ldang ba dang / phyi rol tu rnam par shes pa mtshan ma'i rjes su 'brang bar 'gyur ba de ni gnyis zhes bya'o/ / de la gnyis yongs su dag pa gang zhe na/ gang nang nye bar zhi bas phyi rol tu mi rgyu ba dang / spros pa med pa ste/ 'di ni gnyis yongs su dag pa zhes bya'o/ / gang rgyu ba med cing ma spros pa/ spros pa med pa'i brtson 'grus 'di lta bu de ni byang chub sems dpa'i brtson 'grus kyi pha rol tu phyin pa'i spyod pa yongs su
- 348a
dag pa'o/ / rigs kyi bu de la byang chub sems dpa'i bsam gtan gyi pha rol tu phyin pa'i spyod pa yongs su dag pa gang zhe na/ gang bsam gtan gyi yan lag rnams yang dag par sgrub cing / yang dag par bsgrubs nas so sor rtog pa dang / so sor brtags nas kyang snyoms par 'jug pa yin te/ de bsam gtan byed kya gzugs la gnas te bsam gtan mi byed/ de bsam gtan byed kyang tshor ba la ma yin/ 'du shes la ma yin/ 'du byed rnams la ma yin/ rnam par shes pa la gnas te/ bsam gtan mi byed do/ / de bsam gtan byed kyang mig la gnas te bsam gtan mi byed/ de bsam gtan byed kyang rna ba la gnas te bsam gtan mi byed/ sna la ma yin/ lce la ma yin/ lus la ma yin/ yid la gnas te bsam gtan mi byed do// de bsam gtan byed kyang gzugs la gnas te bsam gtan mi byed/ sgra la ma yin/ dri lam yin/ ro la ma yin/ reg bya la ma yin/ chos la gnas te bsam gtan mi byed do// de bsam gtan byed kyang lus su rnam par rtog pa la gnas te bsam gtan mi byed/ de bsam gtan byed kyang sems su rnam par rtog pa la gnas te bsam gtan mi byed/ de bsam gtan byed kyang sa la gnas te bsam gtan mi byed/ de bzhin du chu la ma yin/ me la ma yin/ rlung la ma yin/ nam mkha' la gnas te
- 348b
byas gtanam byed du/ / de bsam gtan bye kyang thabasam yin/ nyi ma lam yin/ brgya byin lam byin/ tshangs pa la mA min/ skye dgu'i bdag po la gnas te bsasu gtan mi byed do/ / 'dod pa'i khams la gnas te bsam gtan mi byed/ gzugs kyi khams la ma yin/ gzugs med pa'i khams la gnas te bsam gtan mi byed do// de bsam gtan byed kyang 'jig rten 'di la gnas te bsam gtan mi byed/ 'jig rten pha rol la gnas te bsam gtan mi byed do// de bsam gtan byed kyang mi mtho mi dma' bar gnas te/ mi g.yo bar gyur cing bsam gtan mi byed do// de bsam gtan byed kyang bdag nye bar len pa'i lta ba la gnas te bsam gtan mi byed do// de bsam gta/ byed kyang sems can la ma yin/ srog la ma yin/ gso ba la ma yin/ gang zag la ma yin/ shed las skyes pa la ma yin/ shed bu nye bar len pa'i lta ba la gnas te bsam gtan mi byed do/ / de bsam gtan byed kyang chad par lta ba la khas blangs te bsam gtan mi byed do// de bsam gtan byed kyang rtag par lta ba la ma yin/ 'byung bar lta ba la ma yin// 'jig par lta ba la khas blangs te bsam gtan mi byed do// de bsam gtan byed kyang zag pa shin tu zad par bya ba'i phyir bsam gtan mi byed do// de bsam gtan byed kyang skyon med pa la 'jug pa
- 349a
dang / 'bras bu thob pa mngon sum du bya ba'i phyir gsam gtan mi byed do// de bsam gtan byed kyang shin tu mngon par 'du mi bya ba'i phyir bsam gtAn mi byed do// de stong pa nyid kyi ting nge 'dzin 'dris par bya ba'i phyir bsam gtan byed kyang / stong pa nyid kyi ting nge 'dzin mngon sum du bya ba'i phyir bsam gtan mi byed do// de mtshan ma med pa'i ting nge 'dzin 'dris par bya ba'i phyir bsam gtan byed kyang / mtshan ma med pa'i ting nge 'dzin mngon sum du bya ba'i phyir bsam gtan mi byed do// de smon pa med pa'i ting nge 'dzin 'dris par bya ba'i phyir bsam gtan byed kyang smon pa med pa'i ting nge 'dzin mngon sum du bya ba'i phyir bsam gtan mi byed do/ / de byams pa chen po'i go bgos/ snying rje chen po byin gyi rlabs la gnas te/ rnam pa thams cad kyi mchog dang ldan pa'i stong pa nyid kyi rnam pas mngon par bsgrubs pa bsam gtan du byed do/ / de la rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa tshul khrims ma tshang ba med pa/ bzod pa ma tshang ba med pa/ brtson 'grus ma tshang ba med pa/ bsam gtan ma tshang ba med pa/ shes rab ma tshang ba med pa/ thabs mi tshang ba med pa/ byams pa chen po ma tshang ba med pa/ snying rje dang / dga' ba dang / btang snyoms ma tshang ba med pa/ bden pa shes pa la 'jug pa ma tshang ba med pa/ byang chub kyi sems sems can la lta ba ma tshang ba
- 349b
med pa/ bsam pa dang lhag pa'i bsam sbyor ba ma tshang ba med pa/ sbyin pa dang / snyan par smra ba dang / don byed pa dang / don mthun pa ma tshang ba med pa/ dran pa dang shes bzhin mtshang ba med pa/ dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa ma tshang ba med pa/ zhi gnas dang lhag mthong ma tshang ba med pa/ sbyin pa dang / dul ba dang / yang dag par sdom pa dang / nges pa ma tshang ba med pa/ ngo tsha shes pa dang / khrel yod pa ma tshang ba med pa/ mi dge ba'i chos dang mi ldan pa/ dge ba'i chos thams cad dang ldan pa/ sangs rgyas kyi tshul rgyun mi 'chad pas byin gyis brlabs pa/ chos kyi tshul 'bar bar yang dag par bsdus pa/ dge 'dun gyi tshul yongs su sdud pa dang ldan pa/ sems can thams cad la lta bas byin gyis brlabs pa/ sangs rgyas kyi sku yongs su bsgrubs pas legs par brgyan pa/ sangs rgyas kyi dbyabyings yongs su rdzogs par bsngos pa/ sangs rgyas kyi ting nge 'dzin mnyam pa nyid dang ldan pa/ sangs rgyas kyi rdzu 'phrul dang / so sor yang dag par rig pa dang ldan pas/ stobs bcu'i stobs kyis yang dag par bzung ba/ mi 'jigs pa bzhi la rab tu gnas pa/ sangs rgyas kyi chos 'dres pa bco brgyad dang rjes su mthun pa/ nyan thos dang rang sangs rgyas kyi theg pa dang ma 'dres pa/ bag chags kyi mtshams
- 350a
sbyor ba'i nyon mongs pa bsal ba/ mngon par shes pa'i ye shes dang ma bral ba/ sems can thams cad kyi ston par gyur pa/ rton pa ba'ini mthong ba/ 'jig rten dang rten las 'das pa'i chos mnyam pa nyid thob pa/ sems can thams cad yongs su smin par byed pas ma smad pa/ drang ba mkhas pa/ sems can thams cad kyi sdug bsngal sel ba/ nyon mongs pa thams cad sbyong ba/ chu bo las sgrol ba/ 'dzin pa thams cad gcod pa/ rang bzhin gyis nye bar zhi ba/ las dang nyon mongs pa rnams nye bar zhi ba/ chos nyid kyis btang snyoms pa/ sangs rgyas rgyas kyi chos thams cad la lta ba/ rang gi mtshan nyid kyis bems po// byin gyis brlabs bya ba'i phyir rnam par grol ba med pa/ rang gi ngang gis lung du ma bstan pa/ sangs rgyas kyi bya ba la rtag tu brtson pa/ nye bar zhi bas bsil bar gyur pa/ sems can yongs su smin par bya ba la rtag tu 'bar ba ste/ 'di ni rnam pa thams cad kyi mchog dang ldan pa'i stong pa nyid ces bya'o// rigs kyi bu 'di lta ste/ dper na yongs su brtag pa bzung ste/ stong gsum gyi stong chen po'i 'jig rten gyi khams na sems can ji snyed yod pa de dag thams cad ri mo mkhan bzo tha dad par bslabs pa/ yan la rnam par phye ba tha dad du bslabs par gyur te/ de las la ni sa gcod pa la mkhas kyang 'dri ba la mo mkhas/ la la ni gtan la 'bebs pa la mkhas kyang yan lag dang nying la ga la mi mkhas/ kha cig ni
- 350b
rkang lag 'dri ba la mkhas kyang mig dang / mgo dang / rna ba 'dri ba la mi mkhas pa dag cig yin la/ rigs kyi bu de ltar rnam pa tha dad du bslabs pa/ yan lag rnam par dbye ba la tha dad du bslabs pa/ gzugs tha dad du bslabs pa'i ri mo mkhan de dag thams cad la rgyal po rgyal rigs spyi bo nas dbang bskur bas ras shig byin te/ khyed rnams kyis ras 'di la nga'i gzug bris te 'on cig/ khyed cag thams cad kyis kyang 'di la ri mo bris shig/ de nas ri mo mkhan de dag tshogs nas ras de brgyangs pa las/ ri mo mkhan de dag gi nang nas ri mo mkhan gcig cig yul gzhan zhig tu song bar gyur la/ de nas ri mo mkhan phyi ma de dag gis de la rgyal po de'i gzugs bris na/ rigs kyi bu 'di ji snyam du sems/ ri mo mkhan gcig pu de'i lag tu ma blangs na/ ras de rnam pa thams cad kyi mchog dang / ldan par 'gyur ram/ gsol pa/ bcom ldan 'das de ni ma lag so// bcom ldan 'das kyis bka' stsal pa/ rigs kyi bu de ltar na ji tsam du don rnam par rig par bya ba'i phyir 'di dper byas te/ 'di'i don cir bltan/ ma rigs kyi bu ji ltar ri mo mkhan gcig pu de med na/ ras de rnam pa thams cad kyi mchog dang ldan pa mi 'gyur ba de bzhin du/ rigs kyi bu rnam pa ji snyed dang / spyod pa ji snyed dang / brtson pa ji snyed kyi sangs rgyas kyi chos yo su 'grub par 'gyur ba'i rnam pa de dag las/ gal te rnam pa gcig ma bsnan na rang rnam pa thams cad kyi mchog dang ldan pa'i stong pa nyid ma yin no// nam sangs rgyas kyis chos thams cad kyi rnam pa yang dag par bsgrub
- 351a
shing lta ba dang / nyon mongs pa'i kun nas ldang ba dang / mtshan ma la dmigs pa de'i spros pa thams cad dang lhan cig mi gnas pa de ni/ byang chub sems dpa'i rnam pa thams cad kyi mchog dang ldan pa'i stong pa nyid yin no/ / bstan pa 'di nges par bshad pa na/ byang chub sems dpa'i brgyad stong gis rnam pa thams cad kyi mchog dang ldan pa'i stong pa nyid la bzod pa rab tu thob bo/ / rigs kyi bu 'di ni byang chub sems dpa'i bsam gtan gyi pha rol tu phyin pa'i spyod pa yongs su dag pa'o// rigs kyi bu de la byang chub sems dpa'i shes rab kyi pha rol tu phyin pa'i spyod pa yongs su dag pa gang zhe na/ rigs kyi bu 'di la byang chub sems dpa' ni shes rab yongs su dag pa rnam pa bcu gnyis dang ldan pa yin te/ rnam pa bcu gnyis gang zhe na/ 'di lta ste/ sngon gyi mtha' la'ang de'i shes rab dang ye shes mthong ba chags pa med cing thogs pa med par 'jug pa dang / phyi ma'i mtha' la'ang de'i shes rab dang ye shes mthong ba chags pa med cing thogs pa med par 'jug pa dang / da ltar byung ba la'ang de'i shes rab dang ye shes mthong ba chags pa med cing thogs pa med par 'jug pa dang / 'dus byas la'ang de'i shes rab dang ye shes mthong ba chags pa med cing thogs pa med par 'jug pa dang / 'dus ma byas la'ang de'i shes rab dang ye shes mthong ba chags pa med cing thogs pa med
- 351b
par 'jug pa dang / 'jig rten gyi bzo'i gnas dang / las kyi gnas thams cad la'ang de'i shes rab dang ye shes mthong ba chags pa med cing thogs pa med par 'jug pa dang / 'jig rten las/ 'das pa la'ang de'i shes rab dang ye shes mthong ba chags pa med cing thogs pa med par 'jug pa dang / rten cing 'brel par 'byung ba shes pa la'ang de'i shre rab dang ye shes mthong ba chags pa med cing thogs pa med par 'jug pa dang / bden pa shes pa la'ang de'i shes rab dang ye shes mthong ba chags pa med cing thogs pa med par 'jug pa dang / kun rdzob bstan pa la'ang de'i shes rab dang ye shes mthong ba chags pa med cing thogs pa med par 'jug pa dang / don dam pa bstan pa la'ang de'i shes rab dang ye shes mthong ba chags pa med cing thogs pa med par 'jug pa dang sems can gyi dbang po dang brtson 'grus rnam pa tha dad pa'i phyir/ rab dang / 'bring dang / tha ma'i dbang po mchog dang mchog ma yin pa shes pas sems can thams cad la'ang de'i shes rab dang ye shes mthong ba chags pa med cing thog pa med par 'jug pa yin te/ de'i shes rab de'ang 'phags pa/ zag pa med pa/ 'jig rten las 'das pa/ nges par 'byed pa'i cha dang mthun pa/ sems can gyi bsam pa'i rjes su zhugs pa/ gting dpag dka' ste/ mthong bar dka' zhing / zab la khong du chud par dka' ba/ bye brag phyed cing nges par rtogs pa/
- 352a
lta ba dang thal ba/ bag chags bsngal ba/ bdag stong pa nyid du rtogs pa/ thams cad stong pa nyid kyi rjes su zhugs pa/ chos stong pa nyid kyi tshul shes pa/ don la nges par rtogs pa/ shin tu lhags pa/ shin tu sbyangs pa/ ci'ang snang ba med pa/ 'gal ba med pa/ ma 'gags pa/ dus dang dus ma yin pa la rtog/ pa/ dus las mi 'dra' ba/ skyon med pa/ legs par srung ba/ skyon med pa la dka' ba/ bden pa khong du chud pa/ 'gog pa'i bden pa rjes su rtogs pa/ shin tu rgal ga thams cad du kha na ma tho ba med pa/ gcig pu spyod pa/ spyod pa med pa/ logs par spyad pa spyod pa/ sems can thams cad kyi sems kyi spyod pa la spyod pa/ 'jig rten thams cad las phyir log kyang / gang nas kyang 'ongs pa med pa/ yul thams cad las shin tu 'das kyang / sangs rgyas kyi yul las phyir ma log po/ rtsom pa thams cad las shin tu 'das kyang sems can yongs su smin par byed pa las phyir ma log pa/ spyod pa thams cad las shin tu 'das kyang / dge ba'i spyod pa las phyir ma log pa/ sems kyi dmigs pa thams cad las shin tu 'das kyang / sems can thams cad kyi sems kyi spyod pa las phyir ma log pa/ nye bar len pa la spyod kyang / nye bar len pa med par 'bar ba/ 'jig rten gyi chos thams cad kyi
- 352b
ma gos kyang / 'jig rten dang ma bral ba/ lus med kyang / sems can thams cad kyi spyod pa dang bsam pa'i rjes su zhugs pa'o// de'i shes rab de'ang de'i ngang tshul la spyod pa myur du khong du chud pa/ dbang po smin par gyur pa/ yun ring por lta ba/ rtag tu rgyun mi 'chad par dge ba'i chos la brtson pa/ byang chub kyi snying po la gzhol ba/ dge ba sbyin pa la spyod pa/ nye bar len pa med par 'bar ba/ sangs rgyas thams cad kyis byin gyis brlabs pa/ bdud thams cad 'dul ba/ sems can thams cad tshim par byed pa/ thams cad mkhyen pa'i ye shes mthong ba/ don thams cad rjes su rtogs pa/ chos thams cad ro mtshungs pa/ thabs thams cad kyis yang dag par bzung ba'o// rigs kyi bu shes rab kyi pha rol tu phyin pa ni srid pa'i pha rol tu song ba dang / dpag tu med pa'i phyir shes rab kyi pha rol tu phyin pa zhes bya'o// mtshan ma thams cad dang / dmigs pa thams cad dang / sems can gyi sems kyi spyod pa thams cad kyi pha rol tu song bas/ de'i phyir shes rab kyi pha rol tu phyin pa zhes bya'o// de'i shes rab yongs su dag pa gnyis te/ gnyis gang zhe na/ 'di lta ste/ chags pa med pa'i mtshan nyid yongs su dag pa dang / thogs pa med pa'i ye shes kyi mtshan nyid yongs su dag pa ste/ de dag ni yongs su dag pa gnyis so// gzhan yang yongs su dag pa gnyis te/ gnyis
- 353a
gang zhe na/ dmigs pa yongs su dag pa dang / lta ba yongs su dag pa ste/ de dag ni yongs su dag pa gnyis so// de'i shes rab de'ang thams cad kyi rjes su song ba/ sems can gyi rjes su song ba/ chos kyi rjes su song ba'o// de'i shes rab de ni nyon mongs pa thams cad kyis phyir mtshams sbyor ba'ang med la/ skye ba'i gnas thams cad kyi mtshams kyang spor ro/ / de'i shes rab de gnas pa'ang med la/ yul thams cad dang thams cad mkhyen pa'i ye shes kyi yul la'ang gnas so// de'i shes rab de ni mtha' dang yang bral la/ dbus la'ang mi gnas pa'o/ / de'i shes rab de ni phyogs bcur rnam par lta bas sgrib pa med pa'i spyod yul lo// 'byung ba shin tu mthong ba'i phyir sgrib pa med pa'ang rnyed pa'o// de'i shes rab de ni chos thams cad shes shing mngon par rtogs pa'i sngon du 'gro ba'o/ / de'i shes rab de ni chos kyi don thams cad dang ldan yang ldan pa'ang ma yin/ mi ldan pa'ang ma yin bral ba'ang ma yin te/ sbyor ba'am/ mi sbyor ba 'am/ chos gang gis kyang brjod par bya ba ma yin no// rigs kyi bu byang chub sems dpa' shes rab kyi 'byung gnas ye shes kyi 'byung gnas yin no/ / bsod nams kyi 'byung gnas yin no// thos pa'i 'byung gnas yin no// yon tan gyi 'byung gnas yin no// chos kyi 'byung
- 353b
gnas yin no/ / gzungs dang spobs pa'i 'byung gnas yin no// so so yang dag par rig pa'i 'byung gnas yin no// yon tan dang ye shes rnam pa thams cad kyi mchog dang ldan pa'i 'byung gnas yin te/ rigs kyi bu 'di ni byang chub sems dpa'i shes rab kyi pha rol tu phyin pa'i spyod pa yongs su dag pa'o// shes rab kyi pha rol tu phyin pa'i spyod pa yongs su dag pa 'di bstan pa na/ 'khor de'i nang nas lha dang mi srog chags nyi khri nyis stong bla na med pa yang dag par rdzogs pa'i byang chub tu sems skyes so// byang chub sems dpa'i brgyad stong ni mi skye ba'i chos la bzod pa rab tu thob par gyur to/ / dge slong lnga brgya ni len pa med par zag pa rnams las sems rnam par grol lo// lha'i bu khri ni chos rnams la chos kyi mig rdul dang bral zhing dri ma med pa rnam par dag nas/ de dag tshig 'di skad ces 'dzer te/ bcom ldan 'das gang shes rab kyi pha rol tu phyin pa'i spyod pa yongs su dag pa'i chos kyi sgo'i le'u 'di thos par 'gyur ba'i sems can de dag ni sangs rgyas kyi chos thams cad yongs su bzung ba lags na/ gang dag thos nas mos pa dang / 'dzin pa dang / 'chang ba dang / klog pa dang / ston pa dang / de bzhin nyid du sgrub pa lta smos kyang ci 'tshal zhes smras so// // bam po gnyis pa/ de nas yang bcom ldan 'das kyis
- 354a
byang chub sems dpa' sems dpa' chen po gtsug na rin po che la bka' stsal pa/ rigs kyi bu de la byang chub sems dpa'i byang chub kyi phyogs kyi chos kyi spyod pa yongs su dag pa gang zhe na/ rigs kyi bu 'di la byang chub sems dpa' lus la lus kyi rjes su lta ba'i dran pa nye bar gzhag pa la gnas te/ lus la rnam pa gnyis su so sor rtog pa dang ldan pa'i dran pa nye bar 'jog go/ / rnam pa gnyis su so sor rtog pa dang ldan pa gang zhe na/ 'di lta ste/ mi sdug pa'i rnam par so sor rtog pa dang ldan pa dang / sdug pa'i rnam par so sor rtog pa dang ldan pa'o/ / de la mi sdug pa'i rnam par so sor rtog pa dang ldan pa gang zhe na/ 'di lta ste/ kye ma lus 'di ni mi gtsang ba ste/ bcog pas yongs su gang ba yun thung zhing byis pa 'dred pa yin no zhes bya ba 'di ni/ mi sdug pa'i rnam par so sor rtog pa dang ldan pa'o// de la sdug pa'i rnam par so sor rtog pa dang ldan pa gang zhe na/ 'di lta ste/ gang lus mi gtsang ba grogs med pa 'dis/ de bzhin gshegs pa'i sku/ chos kyi sku/ bsod nams kyi sku/ ye shes kyi sku/ rdo rje'i sku/ mi shigs pa'i sku/ zag pa med pa'i sku/ 'jig rten gsuM las bye brag tu 'phags pa'i sku/ gzugs mthong na sems can thams cad tshim par 'gyur ba'i sku thob par bya'o snyam pa 'di ni/ sdug pa'i rnam par so sor rtog pa dang ldan pa zhes bya ste/
- 354b
rigs kyi bu 'di ni byang chub sems dpa'i rnam pa gnyis su so sor rtog pa dang ldan par dran pa nye bar gzhag pa sgom pa'o// rigs kyi bu gzhan yang byang chub sems dpa' lus la lus kyi rjes su lta ba'i dran pa nye bar gzhag pa sgom pa ni/ chos gnyis yongs su spong ste/ gnyis gang zhe na/ 'di lta ste/ mi rtag pa'i rnam pa dang / rtag pa'i rnam pa'o// de la mi rtag pa'i rnam pa gang zhe na/ 'di lta ste/ kye ma lus 'di ni mi rtag pa'i rnam pa ste/ ring por mi gnas pa/ tha mar 'chi ba yin par shes nas/ lus kyi phyir mi mthun pa'i 'tshe ba mi spyod cing snying po nyid len to/ / de snying po gsum len te/ gsum gang zhe na/ lus kyi snying po dang / longs spyod kyi snying po dang / 'tsho ba'i snying po'o// de la lus mi rtag go snyam nas/ sems sems can thams cad kyi bran dang slob mar khas blangs te ci bya'o cog la 'bad pa yin/ lus mi rtag go snyam nas/ lus kyi nyes pa yon po dang / g.yo dang / tshul 'chos pa thams cad mi byed do/ / lus mi rtag go snyam nas/ srog la bag mi ston par 'gyur te/ srog gi phyir yang sdig pa mi byed do// lus mi rtag go snyam nas longs spyod la sred cing chags par mi byed de/ bdog pa thams cad yongs su gtong ba yin no// rigs kyi bu de ltar na byang chub sems dpa' mi rtag pa'i rnam pas lus la lus kyi rjes su lta zhing gnas te/ de la yon
- 355a
tan gyi phan yon rab tu 'thob bo/ / de la rtag pa'i rnam pa gang zhe na/ gang lus la lus kyi rjes su lta zhing gnas pa'i byang chub sems dpa' dge ba dang ldan pa'i sem kyi spyod pa'i ye shes skyes shing byung ba de dag sangs rgyas kyi rigs mi 'chad pa dang / chos kyi rigs mi 'chad pa dang / dge 'dun gyi rigs mi 'chad pa dang / sems can gyi khams mtha' dag yongs su bskyab pa'i phyir/ thams cad mkhyen pa nyid du yongs su sngo ste/ sems can thams cad la btang ba/ sems can thams cad dang thun mong du byed pa 'di ni rtag pa'i rnam pa zhes bya'o/ / gang mi zad pa ni rtag pa zhes bya ste/ 'dus ma byas ni mi zad pa zhes bya'o// 'dus ma byas ni rtag pa'o// rigs kyi bu byang chub sems dpa' dge ba'i rtse ba rtsom pa thams cad thams cad mkhyen pa'i 'dus ma byas nyid du yongs su sngo ba 'di ni rtag pa'i rnam pa zhes bya'o/ / stong pa nyid dang / mtshan ma med pa dang / smon pa med pa ni rtag pa zhes bya ste/ de la byang chub sems dpa' stong pa nyid kyi spyod yul dang / mtshan ma med pa nges par brtags pa dang / smon pa med pa'i rgyu mthun pas brtson 'grus brtsam pa thams cad rtsom pa 'di ni rtag pa'i rnam pa zhes bya'o/ / nam mkha' ni rtag pa zhes bya ste/ de la byang chub sems dpa' nam mkha' dang mtshungs pa'i sems rnam
- 355b
par mi rtog pas byang chub sems dpa'i spyad pa spyod pa 'di ni rtag pa'i rnam pa zhes bya'o/ / rigs kyi bu gzhan yang byang chub sems dpa' lus la lus kyi rjes su lta ba'i dran pa nye bar gzhag pa sgom pa/ bdag gi lus de la sems can thams cad kyi lus nye bar 'dogs shing / bdag gis sems can thams cad kyi lus sangs rgyas kyi sku'i gnas la gan par bya'o// snyam ste/ ji ltar de bzhin gshegs pa'i sku zag pa med pa ltar rang gi lus kyi chos nyid la'ang de bzhin du rtog go/ de zag pa med pa'i chos la mkhas pas sems can thams cad kyi lus kyang de'i mtshan nyid du rab tu shes so/ / de zag pa med pa'i lus kyis zag pa med pa'i rang bzhin gyi dge ba'i rtsa ba rnams sogs so// de zag pa med pa'i sems kyis kyang dge ba'i rtsa ba de dag zag pa med pa'i thams cad mkhyen par yongs su sngo'o/ / de zag pa med pa'i chos thob pas zag pa las 'byung bar mi byed do// zag pa rnams gang zhe na/ 'di lta ste/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa'o// de la 'dod pa'i zag pa yongs su shes pa dang ldan pas sems can yongs su smin par bya ba'i phyir bsamra bzhin du 'dod pa'i khams su skye'o/ / srid pa'i zag pa yongs su shes pa dang ldan pas dge ba'i rtsa ba bsags pa'i phyir bsams bzhin du srid pa yongs su 'dzin to// ma rig pa'i zag pa dang
- 356a
lta ba'i zag pa de gnyis rtsa ba nas gdon pa'i phyir/ byang chub sems dpa' rnal 'byor 'jug par bya'o// lus la lus kyi rjes su lta zhing dran pa nye bar gzhag pa sgom pa de lus la sngon gyi mtha' nas kyang ma byung bar so sor rtog go/ lus la phyi ma'i mtha' yang mi 'pho bar so sor rtog go// lus la da ltar byung ba na rang bzhin gyis dben par yang so sor rtog go/ de de ltar lus la lus kyi rjes su lta zhing gnas pas lus dang ldan pa'i 'jigs tshogs la lta ba mi skyed do// 'jigs tshogs la lta ba dang bral bas bdag gir mi byed do/ / bdag gir byed pa med pas yongs su 'dzin pa la yongs su mi 'dzin to// yongs su 'dzin pa med pas rtsod pa med pa rab tu 'thob bo// rtsod pa spangs pas gnod sems med do// gnod sems med pas bzod pa rab tu 'thob bo/ / bzod pa rab tu thob pas phyir khengs par yang mi 'gyur/ 'dud par yang mi 'gyur ro// khengs par yang mi 'gyur/ 'dud par yang mi 'gyur bas chos nyid la gnas par 'gyur ro/ / chos nyid la gnas pas phyir yang chos ma yin pa spyod par mi 'gyur ro// chos spyod pas chos dang ldan pa'i grogs su song ngo // chos kyi grogs su song bas chos dang ldan pa'i grogs po rab tu rnyed do/ / chos dang ldan pa'i grogs pos yongs su bzung bas chos dang ldan po'i mnyan pa thos pas 'gyur ro// chos thos pa dang ldan pas phyir
- 356b
yang yul rnam la zag par mi 'gyur ro/ / de yul la bsrungs pas ting nge 'dzin sgrub bo// mnyam par bzhag phra yang dag pa ji lta ba bzhin du rab tu shes so// yang dag pa ji lta ba bzhin du/ rab tu shes pas phyir yang rtog par mi byed do// rnam par rtog par mi byed do// rnam par mi rtog pas mi 'gyur ro// mi 'gyur bas phyir yang mi byed do// rnam par mi byed do// nam mi byed pa rnam par mi byed pa de ni chos mnyan pa nyid kyis chos ji lta ba bzhin du thob nas/ thams cad mkhyen pa'i ye shes rab tu thob pa 'di ni/ rigs kyi bu byang chub sems dpa'i lus la lus kyi rjes su lta ba'i dran pa nye bar bzhag pa'i spyod pa yongs su dag pa'o/ / rigs kyi bu de la byang chub sems dpa'i tshor ba'i rnams la tshor ba'i rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu 'di la byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa sgom pa ni/ tshor ba la bde bar gnas pa'i sems can rnams la snying rje chen po 'thob par 'gyur ro/ / de 'di ltar gang la tshor ba med pa de ni bde ba yin no zhes slob ste/ de sems can thams cad kyi tshor ba spong ba'i phyir/ tshor ba rnams la tshor ba'i rjes su lta ba'i dran pa nye bar gzhag pa sgom mo/ / de sems can rnams kyi tshor ba 'gog pa'i phyir go cha bgos kyang bdag gi tshor ba 'gog par yang mi byed do// des tshor ba gang ci
- 357a
myong yang tshor ba de dag thams cad snying rje chen pos yongs su bzung zhing myong bar byed de/ de nas bde ba'i tshor ba myong bden 'dod chags la spyod pa'i sems can rnams la snying rje chen po rnyed de/ bdag gi 'dod chags kyi bag la nyal yang rab tu spong ngo // nam sdug bsngal gyi tshor ba myong ba de na zhe sdang la spyod pa'i sems can rnams la snying rje chen po rnyed de/ bdag gi zhe sdang gi bag la nyal yang rab tu spong ngo / / nam bde ba'ang ma yin/ sdug bsngal ba'ang ma yin pa'i tshor ba myong ba de na gti mug la spyod pa'i sems can rnams la snying rje chen po rnyed de/ bdag gti mug gi bag la nyal yang rab tu spong ngo // de bde ba'i tsher ba la rjes su chags par mi 'gyur te/ rjes su chags pa legs par 'dzem par yang byed do// sdug bsngal gyi tshor ba la khong khro bar mi 'gyur te/ khong khro ba legs par 'jom par yang byed do// sdug bsngal yang ma yin/ bde ba'ang ma yin pa'i tshor ba la ma rig pa dang ldan par mi 'gyur te/ ma rig pa legs par 'jom par yang byed do/ / des tshor ba gang ci myong ba de dag thams cad kyang mi rtag par shes shing myong bar byed do// sdug bsngal du shes shing myong bar byed do// bdag med par shes shing myong bar byed do/ / de bde ba'i tshor ba la ni mi rtag par shes par 'gyur ro// sdug bsngal ba'i tshor ba la ni zug rngur shes par 'gyur ro// sdug bsngal yang ma yin bde ba'ang
- 357b
ma yin pa'i tshor ba la ni zhi bar shes par 'gyur ro/ / de ltar na gang bde ba de ni mi rtag pa'o// gang sdug bsngal ba de ni sdug bsngal ba nyid do// gang bde ba'ang ma yin sdug bsngal bar ma yin pa de ni bdag med pa'o/ / rigs kyi bu byang chub sems dpa' de ltar tshor ba rnams la tshor ba'i rjes su lta zhing gnas pa de chos thams cad skyes pa dang / zhig pa dang / zhu ba dang gnas pa med par shes so/ / chos thams cad la skye ba dang 'jig par yang so sor rtog go/ so sor rtog pa na chos la skye ba de dag gang nas 'ong / 'gag pa rnams gang du sogs par 'gyur snyam du chos rnams kyi skye ba dang 'jig pa yang dag par rjes su mi mthong ngo / / des chos rnams gang nas kyang mi 'ong / gang du'ang mi 'gro bar shes nas/ tshor ba thams cad rgyun chad par smra ba bo/ / bsgrubs nas kyang nan tan du mi byed do// de ci'i phyir zhe na/ sems can thams cad kyi tshor ba 'gag par byed kyi/ bdag 'ba' zhig gi tshor ba 'gag par byed pa ni ma yin te/ rigs kyi bu 'di ni byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa thabs mkhas pa dang snying rje chen pos yongs su zin pa'o/ / gang tshor ba 'gag pa'ang rab tu shes la/ tshor ba 'gag pa mngon sum du'ang mi byed de/ tshor ba rnams la tshor ba'i rjes su lta ba'i
- 358a
dran pa nye bar gzhag pa sgom pa la gnas pa de tshor ba rnams dben pa dang / rnam par dben par yang dag pa ji lta ba bzhin du rab tu shes so// 'di la ni myong ba gang yang med do/ / 'di la ni tshor bar byed pa gang yang med do// chos de dag thams cad ni stong pa ste/ bdag dang ngag gi dang bral ba'o// byed pa po dang tshor ba po dang mi ldan pa'o// rgyu dang rkyen la rag lus pa'o// bdag med pa'o// nga'i ba med pa'o// yongs su 'dzin pa med pa'o// des yang dag par na rgyu dang rkyen de dag gi dngos po mi dmigs so// des ma dmigs nas 'di snyam du sems te/ ji ltar rkyen stong pa yin pa de bzhin du rkyen las byung ba'i chos rnams kyang stong pa'o snyam nas/ de stong pa nyid kyi don rig pas/ lus dben pa dang / sems dben pa dang / don shes pa dang / chos rnams shes pa dang / ye shes rig pas tshor ba rnams la tshor ba'i rjes su lta ba'i dran pa nye bar gzhag pa sgom pa pa 'di ni/ byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa'i spyod pa yongs su dag pa'o// rigs kyi bu de la byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu 'di la byang chub sems dpa'i sems la sems kyi rjes su lta ba'i dran pa nye bar gzhag pas
- 358b
gnas pa byang chub kyi sems nye bar gzhag pa shin tu nye bar gzhag ste/ sems dran pa'i ye shes kyis sems kun tu tshol lo// de sems kun tu tshol ba na/ sems nang na'ang yang dag par rjes su mi mthong / sems phyi rol na'ang yang dag par rjes su mi mthong / sems phyi dang nang na'ang yang dag par rjes su mi mthong // phung po rnams la'ang sems yang dag par rjes su mi mthong / khams rnams la'ang sems yang dag par rjes su mi mthong / skye mched rnams la'ang sems yang dag par rjes su mi mthong ngo // des sems yang dag par rjes su ma mthong bas/ sems ga las byung zhes sems kyi rgyun kun tu tshol zhing / de 'di snyam du sems te/ dmigs pa yod pa las sems 'byung bar 'gyur ro snyam mo// de'ang 'di snyam du sems te/ ci dmigs pa de'ang gzhan la/ sems de'ang gzhan nam/ 'on te dmigs pa gang yin pa de nyid sems yin/ gal te dmigs pa'ang gzhan la/ sems kyang gzhan na ni sems de gnyis su 'gyur ro/ / 'on te dmigs pa gang yin pa de nyid sems yin na ni// sems kyis sems de ji ltar mthong bar 'gyur te/ sems kyis sems mthong bar mi rung ngo // 'di lta ste/ dper na ral gri'i so de nyid kyis ral gri'i so de nyid gcad par mi nus pa dang / sor mo'i rtse mo de nyid kyis sor mo'i rtse mo de nyid la reg par mi nus pa de bzhin du/ se m+ba de nyid kyis kyang sems
- 359a
de nyid mthong bar mi nus so snyam nas/ / de 'di ltar tshul bzhin du rab tu sbyor ba la gang sems mi gnas pa/ chad pa ma yin pa/ rtag pa ma yin pa/ ther zug tu mi gnas pa/ rgyu med pa ma yin pa// rkyen dang mi 'gal ba de las kyang ma yin/ gzhan las kyang ma yin/ de nyid kyang ma yin/ gzhan yang ma yin// sems kyi rgyud// sems kyi 'khri shing sems kyi chos nyid/ sems kyi mi gnas pa dang / sen gyi rgyu ba med pa dag sems kyi snang ba med pa dang / sems kyi rang gi mtshan nyid ji ltar de bzhin nyid 'khrug par mi byed pa de ltar shes so// de ltar mthong ngo // de bzhin nyid ji lta ba de bzhin du sems de dag dben pa nyid rab tu shes pa/ de bzhin du mthong ba 'di ni/ rigs kyi bu byang chub sems dpa'i sems la sems kyi rjes su lta ba'i dran pa nye bar gzhag/ pa'i spyod pa yongs su dag pa'o// rigs kyi bu gzhan yang sems la cung zad tsam yang mi mthong / rnam par mi mthong / mi rtog go/ rnam par mi rtog/ g.yo ba med/ rlom sems med/ spros pa med pa 'di'ang byang chub sems dpa' sems la sems kyi rjes su lta ba'i dran pa nye bar gzhag pa'o/ / rigs kyi bu gzhan yang ji ltar sems gzugs med pa de bzhin du sems kyis mngon par 'dus byas pa'i dge ba'i rtsa ba rnams kyang gzugs med pa'o/ / ji ltar sems kyis mngon par 'dus byas pa'i dge ba'i rtsa ba rnams gzugs med pa de bzhin du byang chub kyi sems
- 359b
yongs su bsngos pa'ang gzugs med pa'o/ / ji ltar byang chub kyi sems yongs su bsngos pa gzugs med pa de bzhin du byang chub de'ang gzugs med de/ de'i phyir sems ji lta bar spyod pa'ang de bzhin no/ / spyod pa ji lta bar byang chub kyang de bzhin no// byang chub ji lta bar yongs su bsngo ba'ang de bzhin no zhes bya ste/ sems kyi rang bzhin ni byang chub bo// byang chub kyi rang bzhin ni chos thams cad de/ gang 'di ltar sems rab tu rnam par 'byed pa shes pa 'di ni/ byang chub sems dpa'i sems la sems kyi rjes su lta ba'i dran pa nye bar gzhag pa'o// rigs kyi bu gzhan/ yang gang mgyogs pa rab tu mgyogs par mi gnas par rgyu ba/ spre'u dang rlung 'dra ba/ 'bab chu'i rgyun drang 'bru mar gyi mar me dang 'dra ba/ rgyang ring por 'gro ba/ lus med pa/ yul la brkam pa/ skye mched drug la spyod yul ba/ gzhan dang gzhan gyi shes pa dang ldan pa'i sems gnas pa rtse gcig pa/ mi 'phro ba/ rnam par mi 'phro ba/ zhi gnas la rtse gcig pa/ g.yeng ba med pa 'di ni sems gnas pa zhes bya'o/ / de la dran pa nye bar gzhag pa yongs su rdzogs pa gang zhe na/ gang sems la rnam par 'byed par shes pa dang / sems la chos kyi dbyings su gnas par shes pa dang / sems la sems kyi gnas par shes pa dang / sems la rang bzhin gyis 'od gsal bar shes pa dang / sems la ji lta ba bzhin du shes pa dang /
- 360a
sems la mngon sum gyis shes rab tu shes pa dang / sems la sgyu ma'i chos su shes pa dang / sems la dus gsum mnyam pa nyid du shes pa dang / sems la de kho nar shes pa dang sems la g.yo ba med cing gzung ba med par shes pa 'di ni dran pa nye bar gzhag pa yongs su rdzogs pa zhes bya'o/ / de rang gi sems kyi rang bzhin gang yin pa de sems can thams cad kyi sems kyi rang bzhin yod de yin par rab tu shes so/ / sems kyi rang bzhin de yongs su shes nas de bzhin du chos ston to// rang gi sems kyi ngo bo nyid gang yin pa sems can thams cad kyi sems kyi ngo bo nyid kyang de yin par rab tu shes so/ / sems kyi ngo bo nyid shes nas kyang de bzhin du chos ston to// rang gi sems kyi mtshan nyid gang yin la sems can thams cad kyi sems kyi spyod pa'i mtshan nyid kyang de yin par rab tu shes so/ / sems kyi mtshan nyid de shes nas kyang de bzhin du chos ston to// ji ltar rang gi sems stong pa de bzhin du sems can thams cad kyi sems kyang stong par rab tu shes so/ / sems de dag stong pa nyid du shes nas kyang de bzhin du chos ston to// de rang gi sems yang dag par 'du ba gang yin pa sems can thams cad kyi sems yang dag par 'du ba'ang de yin par rab tu shes so/ / sems yang dag par 'du ba de dag shes nas kyang de bzhin du chos ston to// de rang gi sems mnyam pa nyid kyis sems can thams cad kyi sems mnyam pa nyid du rab tu
- 360b
shes so/ / sems can thams cad kyi sems mnyam pa nyid kyis chos thams cad mnyam pa nyid du rab tu shes so// chos thams cad mnyam pa nyid kyis byang chub mnyam pa nyid du rab tu shes shing sems kyis 'gyur bar mi byed de/ rnam par mi 'gyur ro// sems gnas pas chos kyi dbyings gnas pa rjes su shes kyang / sems gnas pa'i chos nyid de las kyang mi g.yo ste/ rigs kyi bu 'di ni byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa'o/ / rigs kyi bu de la byang chub sems dpa'i chos rnams la chos kyi rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu 'di la byang chub sems dpa'i chos rnams la chos kyi rjes su lta ba'i dran pa nye bar gzhag pa la gnas pa/ 'di snyam du sems te/ chos kho na skye ba rnams skye/ chos kho na 'gag pa rnams 'gag sde/ 'di la bdag ga ma/ sems can nam/ srog gam/ skye ba po 'am/ gso ba 'am/ skyes bu 'am/ gang zag gam/ shed las skyes pa 'am/ shed bu'am/ gang skye ba'am/ rga ba 'am/ 'chi 'pho ba 'am/ skye bar 'gyur ba gang yang med do// 'di ni chos rnams kyi chos nyid do// de dag gal te bsgrubs na ni 'grub/ gal te ma bsgrubs na ni mi 'grub ste/ dge ba'ang rung / mi dge ba'ang rung / mi g.yo ba'ang rung / ji lta bur bsgrubs pa de lta bur 'grub mod kyi/ chos rnams la sgrub
- 361a
par byed pa'ang med la/ chos rnams la rgyu ba med par yang gang yang mi skye'o snyam du nye bar brtags na/ 'di ltar chos dran pa'i ye shes skye ste/ gang bsod nams dang / bsod nams ma yin pa dang / mi g.yo ba mngon par 'du byed pa dang gsum mo// de la bdag gis ni bsod nams mngon par 'du byed pa la brtson par bya'o// de ni bdag gi sangs rgyas kyi chos bla na med pa mchog dam pa rab khyad par du 'phags pa bcu'i rgyur 'gyur ro/ / bcu po de dag gang zhe na/ 'di lta ste/ lus yongs su dag pas mtshan dang / dpe byad bzang po dang / spyi gtsug lngar mi mthong ba dang / pha rol gyis gnod par bya ba thams cad las shin tu 'das pa dang / ngag yongs su dag pas de bzhin gshegs pa'i gsung sems can thams cad tshim par byed pa rnam pa drug tu shin tu yongs su rdzogs pa dang / sems yongs su dag pas sems can thams cad la khong khro ba med cing / rtag tu rgyun mi 'chad par dang nge 'dzin mi 'khrugs pa dang / so so yang dag par rig pa su dag pas don dang / chos dang / nges pa'i tshig dang / spobs pa mi zad pa dang / byams pa chen po yongs su dag pas sems can thams cad mya ngan las 'das pa'i lam la rab tu dgod pa dang / snying rje chen po yongs su dag pas bskal pa dpag tu med par 'khor bas yongs su mi skyo ba dang / stobs bcu yongs su rdzogs pas sems can thams cad kyi dbang po mchog dang
- 361b
mchog ma yin pa shes pa dang / mi 'jigs pa yongs su rdzogs pas bar du gcod pa dang / bar du gcod pa'i chos ma yin pa rab tu rdzogs pa dang / sangs rgyas kyi chos ma 'dres pa yongs su rdzogs pas 'das pa dang / ma 'ongs pa dang / da ltar byung ba dang / dus gsum la mi chags pa'i ye shes mthong ba dang / sangs rgyas kyi chos thams cad yongs su rdzogs pas rang byung gi ye shes rab tu rtogs pa ste/ sangs rgyas kyi chos bla na med pa dam pa bzang po mchog rab bye brag tu 'phags pa bcu po de dag gi rgyur 'gyur ro// des don gyi dbang 'di mthong bas bsod nams kyi tshog sogs pa la chog mi shes par 'gyur ro/ / de bsod nams ma yin pa'i 'du byed rnams mngon par 'du mi bya ba'i phyir/ ji ltar bdag la mi dge ba'i chos rnams thams cad kyi thams cad du bag chags su'ang mi 'gyur bar bya'o snyam nas brtson par byed do/ / de mi g.yo ba'i 'du byed rnams rab tu shes nas/ mi g.yo ba'i snyoms par 'jug pa skyed kyang / ting nge 'dzin de la snying por 'du shes par yang mi 'gyur la/ ting nge 'dzin gyi dbang gis kyang mi skye ste/ bsod nams kyi tshogs bsags pa dang / sems can yongs su smin par bya ba'i phyir/ smon lam gyi dbang gis 'dod pa'i khams su'ang skye'o/ / rigs kyi bu de ltar na byang chub sems dpa' thabs mkhas pa chos rnams la chos kyi rjes su lta ba'i dran pa nye bar gzhag pa la gnas shing / byang chub tu sgrub pa'i chos gang yin
- 362a
pa de dag sgom la/ byang chub kyi mi mthun para'i phyogs kyi chos gang yin pa de dag spong yang / dge ba'i chos mngon par 'du byed pas rtag par lta bar yang mi ltung / mi dge ba'i chos rjong yang chad par lta bar yang mi ltung ste/ gang la chad pa med cing rtag pa med pa de ni byang chub sems dpa'i rtag pa dang chad pa yongs su spangs pa'i dbu ma'i lam mo// de dang gang zhe na/ 'di lnga ste/ gang tshul bzhin ma yid pa yid la byed pa dang ma rig pa de gnyis ka'ang mtha' ste/ gang de gnyis kyi dbu ma de ni btags pa med cing / gdags par 'gyur ba ma yin te/ 'di ni chos rnams kyi dbu ma'i lam zhes bya'o/ / de bzhin du ma rig pa dang / 'du byed rnams dang / 'du byed med pa rnams dang / rnam par shes pa dang / rnam par shes pa med pa dang / ming dang gzugs dang / ming dang gzugs med pa dang / skye mched drug dang / skye mched drug med pa dang / reg pa dang / reg pa med pa dang / tshor ba dang / tshor ba med pa dang / sred pa dang / sred pa med pa dang / len pa dang len pa med pa dang / srid pa dang / srid pa med pa dang / skye ba dang / skye ba med pa dang / rga shi dang / rga shi med pa dang / mya ngan dang / sme sngags 'don pa dang / sdug bsngal ba dang / yid mi bde ba dang / 'khrug pa zhes bya ba de gnyis ka'ang mtha' ste/ gang de gnyis kyi dbu ma de ni btags pa med cing / gdags par 'gyur ba ma yin te/ 'di ni chos rnams kyi dbu ma'i lam zhes
- 362b
bya'o/ / chos rnams kyi dbu ma'i lam de ni 'di 'dra ba de 'dra'o zhes bstan par mi rung ste/ dbu ma'i lam ni btags pa med pa/ gdags par 'gyur ba ma yin pa/ mtshan ma med pa/ gnas med pa/ gzung ba med pa/ kun gzhi med pa/ zhi ba/ rab tu zhi ba/ nye bar zhi ba'o// rigs kyi bu 'di lta ste/ dper na mda' gang nas 'phangs pa dang / gang du phog pa de gnyis ka'ang mtha' snga/ gang phigs pa dang phog pa de'i dbu ma de ni btags pa med cing / gdags par 'gyur ba ma yin te/ blta ba'am reg par mi nus pa de bzhin du/ rigs kyi bu dmigs pa gang gis rnam par shes pa skye ba dang / gang du so sor rnam par rig pa gnas pa de gnyis ka'ang mtha' ste/ gang de gnyis kyi dbu ma bstan par mi nus pa 'di ni/ rigs kyi bu brda tsam du dbu ma'i lam zhes bya'o// / don dam par ni ma yin no// don dam pa gang yin pa de ni brjod du med de/ de la ni nyung ngu'ang med/ mang po'ang med do// gang la nyung ngu'ang med/ mang po'ang med pa de ni dbu ma'i lam mo// rigs kyi bu gzhan yang bdag dang bdag med pa zhes bya ba de gnyis ka'ang mtha' ste/ bdag dang bdag med pa'i ngo bo nyid rnam par dag pa ni dbu ma'i lam mo// srog dang gang zag ces bya ba de gnyis ka'ang mtha' ste/ srog dang gang zag gi ngo bo nyid rnam par dag pa ni dbu ma'i lam mo// mtshan sa dang mtshan ma med pa zhe bya ba de gnyis ka'ang mtha' ste/ mtshan ma med par rtog pa ni dbu ma'i lam mo/
- 363a
dmigs pa dang mi dmigs pa zhes bya ba de gnyis ka'ang mtha' ste/ rtog pa dang 'jig pa med pa ni dbu ma'i lam mo// brdzun pa dang bden pa zhes bya ba de gnyis ka'ang mtha/ ste/ brjod du med pa ni dbu ma'i lam mo// tshu rol dang pha rol zhes bya ba de gnyis ka'ang mtha' ste/ 'jig tshogs 'gag pa ni dbu ma'i lam mo// 'dus byas dang 'dus ma byas shes bya ba de gnyis ka'ang mtha' ste/ spyod pa med pa ni dbu ma'i lam mo// 'khor ba dang mya ngan las 'das pa zhes bya ba de gnyis ka'ang mtha' ste/ rnam par rig pa med pa ni dbu ma'i lamo// rigs kyi bu de ltar chos rnams la chos kyi rjes su lta zhing / dran pa nye rab gzhag pa la gnas pa'i byang chub sems dpa' de ni chos kyi dbyings dbyer med pa'i phyir dran pa la gnas te/ de chos thams// cad chos kyi dbyings su 'du bar rab tu shes so// chos kyi dbyinges gang yin pa de nyid sems can gyi khams so// de chos kyi dbyings dbyer med pas sems can gyi khams dbyer med par khong du chud do/ / chos kyi dbyings gang yin pa dang sems can gyi khams gang yin pa de gnyis ka'ang nam mkha'i dbyings dang mtshungs par rab tu shes so// des chos thams cad dbyings gcig tu shes nas/ chos rnams la chos kyi rjes su lta zhing gnas kyang / chos la mngon par chags shing lta bar yang mi 'gyur ro// de nam mi mthong ba den chos rnams
- 363b
latha dad du mi byed do/ / des chos rnams mthong yang sha'i mig gis mthong ba ma yin/ lha'i mig gis mthong ba ma yin// shes rab kyi mig gis mthong ba ma yin no// dacer phyir zhe na/ de'i mig mtshan mar 'du shes pa ma yin te/ de'i phyir de'i sha'i mig gis mthong ba ma yin no// de'i mig mngon par 'du byed par lhung ba ma yin te/ de'i phyir g+ha'i mig gis mthong ba ma yin no/ / de'i mig spros pa la smon pa ma yin te/ de'i phyir de shes rab kyi mig gis mthong ba ma yin no// chos rnams la chos kyi rjes su lta zhing gnas pa de chos thams cad ji lta ba bzhin du mthong nas/ chos gang la'ang mi gnas so// des chos thams cad mi gnas par shes nas/ chos rjes su dran pa des sngon gyi smon lam mi gtong ba 'di ni rigs kyi bu byang chub sems dpa'i chos rjes su dran pa sangs rgyas kyis gnang ba'o/ / gang cung zad chos zab mo la so sor rdog kyang // thams cad mkhyen pa nyid kyi byang chub kyi sems rjes su dran pa de'ang mi 'dor ba 'di ni/ rigs kyi bu byang chub sems dpa'i chos rnams la chos kyi rjes su lta ba'i dran pa nye bar gzhag pa'i smod pa yongs su dag pa'o/ / dran pa nye bar gzhag pa bzhi po de dag la gnas pa de phyin ci log bzhi rab tu spong ste/ bzhi gang zhe na/ 'di lta ste/ lus la lus kyi rjes su lta/
- 364a
zhing gnas pas mi sdug pa la sdug par 'du shes pa'i phyin ci log rab tu spong ngo // tshor ba rnams la tshor ba'i rjes su lta zhing gnas pas sdug bsngal la bde bar 'du shes pa'i phyin ci log rab tu spong ngo / / sems la sems kyi rjes su lta zhing gnas pas mi rtag pa la rtag par 'du shes pa'i phyin ci log rab tu spong ngo // chos rnams la chos kyi rjes su lta zhing gnas pas bdag med pa la bdag tu 'du shes pa'i phyin ci log rab tu spong ngo / / de phyin ci log med pas yang dag pa nyid sgrub bo// yang dag pa nyid la zhugs nas/ byang chub sems dpa'i spyod pa thams cad rnam par dag par 'gyur ro/ / rigs kyi bu de ltar byang chub sems dpa'i spyod pa yongs su dag pa de yang dag par spong ba'i spyod pa'i yongs su dag par ba tu 'thob ste/ yang dag par spong ba'i spyod pa yongs su dag pa gang zhe na// gang byang chub sems dpa' de 'bad pa med cing lhun gyis grub pas dge ba'i chos la sbyor ba la sems 'jug gi/ mi dge ba la ni ma yin no// de phyir zhing sdig pa mi dge ba'i chos skyes pa rnams spang ba'i phyir brtson 'grus rtsom pa dang / sdig pa mi dge bo'i chos ma skyes pa rnams mi bskyed pa'i phyir brtson 'grus rtsom pa dang / dge ba'i chos ma skyeb pa rnams bskyed pa'i phyir brtson 'grus rtsom pa dang / dge ba'i chos skyes pa rnams gnas pa dang /
- 364b
nyams par mi 'gyur ba dang / phyir gang 'byung ba dang / yongs su rdzogs par bya ba'i phyir brtson 'grus rtsom pa'o// rigs kyi bu byang chub sems dpa' de sngon gyi las yongs su pa'i rang gi ngang nyid kyis dge ba'i chos rnams mngon du 'gyur te/ 'bad pa med cing lhun gyis grub pas dge ba'i chos ma skyes pa rnams ni skye'o// dge ba'i chos skyes pa rnams ni nyams par mi 'gyur ro/ / rigs kyi bu de ltar spyod pa'i byang chub sems dpa'i spyod pa yongs su dag pa de yang dag par spong ba bzhi po 'di dag sems kyis dbang sgyur bar 'gyur gyi/ brtson 'grus kyis dbang sgyur bar 'gyur ba ni ma yin no// de dag pa dang / dri ma med pa dang / kha na ma tho ba med pa dang / sangs rgyas thams cad kyis gnang ba'i byams pa chen po dang / snying rje chen po dang ldan pa'i sems dang sems las byung ba la 'jug ste/ yang dag pa la zhugs pa de ni yang dag par spong ba la gnas pa zhes bya'o// de ci'i phyir zhe na/ de'i spong ba mnyam pa yin gyi/ mi mnyam pa ma yin no// de'i sbyor ba mnyam pa yin gyi/ mi mnyam pa ma yin no// yang dag par spong ba zhes bya ba ni mnyam panyid kyis mnyam par sbyor ba dang / mnyam pa nyid kyis mnyam par sgrub pa ste/ de'i phyir yang dag par spong ba zhes bya'o// de ltar yang dag par zhugs pa de'i rdzu
- 365a
'phrul gyi rkang pa bzhi sgom pa yongs su rdzogs par 'gyur te/ bzhi gang zhe na/ 'di lta ste/ 'dun pa'i ting nge 'dzin spong ba'i 'du byed dang ldan pa'i rdzu 'phrul rgya rkang pa dang / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o// de la byang chub kyi sems lhag pa'i bsam pas 'dun pa yang bar 'gyur ro// mi dge ba'i chos spong bas brtson 'grus yang bar 'gyur ro/ / snying rje chen po rab tu thob pas sems yang bar 'gyur ro// thabs mkhas pa rab tu thob pas dpyod pa yang bar 'gyur ro// rigs kyi bu byang chub sems dpa' de rdzu 'phrul gyi rkang pa bzhi po de dag gis byang chub kyi rnam pa mngon par bsgrubs pas dbang bzhi rab tu 'thob ste/ bzhi gang zhe na/ 'di lta ste/ tshe la dbang ba 'thob bo// tshe la dbang ba de sa 'dod na sems can tshe thung ngu rnams kyi nang du tshe ring po yongs su 'dzin cing sam+ba/ sems can de dag yongs su smin par byed pa dang / sems can tshe ring po chos bstan na yongs su skyo ba rnams la chos bstan phra yongs su tshim par bya ba'i phyir tshe thung ngu yongs su 'dzin pa dang / lha 'am mi gang dang gang du skyes
- 365b
pa thams cad du tshe'i tshad la dbang sgyur ba yin te/ rigs kyi bu byang chub sems dpas dbang dang po 'di thob bo// rigs kyi bu gzhan yang byang chub sems dpa' lus la dbang 'thob ste/ lus la dbang ba des yid kyi lus rab tu thob nas/ lus ci 'dra ba dang / gzugs ci 'dra ba dang / kha dog dang / mtshan dang / dbyibs dang / spyod lam ci 'dra bas sems can rnams yongs su smin par 'gyur ba dang / 'dul bar 'gyur ba de 'dra bar byang chub sems dpa' de lus dang // gzugs dang / kha dog dang / mtshan dang / dbyibs dang / spyod lam kun tu ston te/ de 'dod na sems can thams cad kyi lus dang / gzugs dang / kha dog dang / mtshan dang / dbyibs dang / spyod lam mtshungs par 'gyur ba yin te/ rigs kyi bu byang chub sems dpas dbang gnyis pa 'di 'thob bo/ / rigs kyi bu gzhan yang byang chub sems dpa'i chos la dbang 'thob ste/ chos la dbang ba des 'jig rten las 'das pa'i chos la rton par 'gyur gyi/ 'jig rten gyi chos la rton par mi 'gyur ba dang / de 'jig rten las 'das pa'i chos la rton kyang / 'jig rten gyi bya ba thams cad du snang la/ 'jig rten las 'das pa'i ye shes de las kyang mi g.yo ba dang / gang 'di shes rab dang / ye shes chags pa med pa dang // rten cing 'brel par 'byung ba zab mo'i ye shes kyi bdag nying dang
- 366a
chos rnam par bsgrubs pas lha dang bcas pa'i 'jig rten mos par byed cing / gang gis sems can tshad med pa rnams bsam pa dang mos pa ji lta ba bzhin du 'dul bar 'gyur ba de 'dra ba'i chos kyi gtim byed pa yin te/ rigs kyi bu byang chub semasad pas dbang gsum pa 'di 'thob bo// rigs kyi bu gsan yang byang chub sems dpa' byin gyis brlabs kyi dbang 'thob ste/ byin gyis brlabs la dbang ba des gang stong gsum gyi stong chen po'i 'jig rten gyi khams kyi rgya mtsho chen po de dag thams cad rgya mtsho gcig tu byin gyis brlabs kyang 'dres pa'ang med la/ spyod pa de'ang kun tu ston pa dang / gang stong gsum gyi stong chen pa'i 'jig rten gyi khams kyi ri'i rgyal po ri rab de dag thams cad ri gcig tu byin gyis brlabs kyang / / rgyal chen bzhi'i ri sau kyi bya'i bu rnams dang / sum cu rtsa gsum pa'i lha'i bu rnams phan tshun 'phos par yang mi shes la/ spyod pa de'ang ku tu ston pa dang / stong gsum gyi stong chen po'i 'jig rten gyi khams 'di dag ji ltar rin po che'i sa gzhi 'am/ tsan dan gyi sa gzhi 'am/ spos kyi sa gzhi 'am/ me tog gi sa gzi 'am/ nam mkha' gyur pa 'am/ chus yongs su gang ba 'am/ mes yongs su gang ba 'am/ rin po che thams cad kyis yongs su gang bar gyur cig ces de ltar byin gyis brlabs
- 366b
na'ang de 'dra bar gnas pa dang / de bzhin du byiran gyis brlabs thams cad kyis gang ji ltar byin gyis brlabs pa de'i de de ltar 'gyur ba dang / de'i sems bskyed ma thag tu byin gyis brlabs thams cad de bzhin du kun tu gnas pa yin te/ rigs kyi bu byang chub sems dpas dbang bzhi pa 'di 'thob bo// rigs kyi bu gzhan yang byang chub sems dpa' rdzu 'phrul gyi rkang pa bzhi la gnas pa/ phyogs bcu'i sangs rgyas bcom ldan 'das rnams dang lhan cig tu gnas shing 'dug sde gtam zer ro// de bzhin du tshangs pa thams cad dang / brgya byin thams cad dang / 'jig rten skyong ba thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad dang lhan cig tu gnas shing 'dug sde gtam zer ro// de ci'i phyir zhe na/ byang chub sems dpa' de'i rdzu 'phrul gyi rkang pa de dag shin tu yongs su srung ba byas pa'i phyir ro/ / de la rdzu 'phrul gyi rkang pa rnams kyi yongs su spyang ba gang zhe na/ 'di lta ste/ lus yang bar bya ba'i phyir bla ma dang sprin gnas rnams la ldang ba dang / rim gro byed pa dang / gus par smra ba dang // phyag 'tshal ba dang // thal mo sbyor zhing mthun par byed pa dang / ngag yang bar bya ba'i phyir bka' blo bde zhing mthun
- 367a
par 'an te/ jig smram pa de bzhin du byang ba dang / sems sa par bya bar byor med pa dang / de 'bras pa ma pa dang / thams rim da cing nus pa ' dud pa dang / rab tu 'dud pa dang / sems las sa rlung ba dang / sems la yongs su gdung bamed d+ha dang / spong ba rnams la brtson pa mi gtong ba dang / bden pa'i brtul zhugs rdzos par byed pa dang / mi lhod par brtson pa dang / dgos pa grub par byed pa dang / snyom las mi byed pa dang / sems mi zhum pa dang / 'dod chags rnam par sil 'dang zhesdang nye bar zhi bar byed pa dang / gti mug gi mun pa sel ba dang / 'dod pa med pa dang / brag dog dang ser sna dang bral ba dang / bsam pa dang lhag pa'i bsam pa la sbyor ba dang gzhan gyi dgos pa sgrub cing khur khyer ba dang / nyam chung ba rnams kyi khur sgrol ba dang / 'dam dzad la stegs 'dogs pa dang / klung la zam pas sgrol ba dang / chu bo la tra sbyor ba dang / sems can gyi bsam pa yongs su rdzogs par byed pa dang / dga' ba'i tshig thos par byed pa dang / gzhan gyi nyes pa mi gleng ba dang / nyes pa byung ba rnams gso bar byed pa dang / 'gyod pa rnams sel ba dang / kun nas ldang ba rnams rnam par sel ba dang / khams gang gis 'byung ba khong du chud pa dang / 'phangs pa'i dngos po thams cad yongs su gtong ba dang /
- 367b
byin nas kyang 'gyod pa med pa dang / sems can thams cad la lta ba'i phyir byang chub tu sngo ba dang / dang pa sngon du 'gro ba dang / gzhan dag dge ba'i rtsa ba yang dag par 'dzin du 'jug pa dang / bdag ba pab la mi chags pa dang / bde ba gzhan la stobs pa dang / bdag gi rnyed pas chog shes pa dang / gzhan gyi rnyed pa la phrag dog med pa dang / rab tu 'byung ba la gzhol ba dang / gzhan dag kyang rab tu 'byung ba la mos par byed pa dang / byas pa gzo ba dang / byas pa shes pa dang / mdza' ba brtan pa dang / mdza' ba dang mi mdza' ba la sems mnyam pa dang / rta dang / glang po che dang / shing rta dang / dpung bu chung sbyin pa dang / ngal ba rnams yang yang dag par spro bar byed pa dang / sems can thams cad la mi 'jigs pa sbyin pa dang / bslabs pa rnams la ston pa tsam du 'phangs par 'dzin pa dang / ma bslabs pa rnams la mi brnyas pa dang / dbul po rnams la longs spyod 'gyed pa dang / nad pa rnams kyi g.yog byed pa dang / sman sbyin pa dang / byas pa rnams la mi smod pa dang / dkon mchog gsum la rim gro byed pa dang / bsti stang byed pa dang bsti stang mi byed pa rnams la btang snyoms pa dang / 'jig rten gyi chos las shin tu 'da' ba dang / sdig pa thams cad mi byed pa dang / 'jig rten gyi chos thams cad kyis mi gos pa dang / yon tan thams cad sdud pa dang / byang chub tu/
- 368a
sems sngon du 'gro ba dang / dran pa mi nyams pa ste/ rigs kyi bu 'di ni byang chub sems dpa'i rdzu 'phrul gyi nang pa yongs su sbyang ba'o// de ltar rdzu 'phrul gyirkang pa rnams yongs su sbyangs na/ byang chub kyi snying po'i bar du nyams par mi 'gyur/ yongs su nyams par mi 'gyur te/ rigs kyi bu 'di ni byang chub sems dpa'i rdzu drul gyi rkang pa'i spyod pa yongs su dag pa'o/ / rigs kyi bu de la byang chub sems dpa'i dbang po'i spyod pa yongs su dag pa gang zhe na/ 'di lta ste/ mi 'phrogs pa dang pa'i dbang po dang / gzhan gyi dring la mi 'jog pa brtson 'grus kyi dbang po dang / byang chub kyi sems mi brjed pa dran pa'i dbang po dang / snying rje chen po mi gtong ba ting nge 'dzin gyi dbang po dang // chos thams cad yongs su 'dzin par brtson pa shes rab kyi dbang po'o/ / rigs kyi bu gzhan yang sangs rgyas kyi chos thams cad la mos shing dad pa ni byang chub sems dpa'i dad pa'i dbang po'o// sangs rgyas kyi chos thams cad yang dag par sgrub pas yongs su mi skyo ba ni brtson 'grus kyi dbang po'o/ / sangs rgyas kyi chos thams cad mi brjed pa ni dran pa'i dbang po'o// sangs rgyas kyi ting nge 'dzin thams cad mngon par sgrub pa ni ting nge 'dzin gyi dbang po'o// sems can thams cad kyi the tsom gcad par yongs su bsngos pa ni shes rab kyi dbang
- 368b
po'o/ / rigs kyi bu gzhan yang sangs rgyas thams cad kyi byang chub dang bsam pa mi byed par gyur pa ni byang chub sems dpa'i ngang pa'i dbang po'o// lhag pa'i bsam pa khyad par du 'gro ba ni brtson 'grus kyi dbang po'o/ / yongs su sngo ba la mkhas pa ni dran pa'i dbang po'o// sems can thams cad la 'od zer mnyam par gtong ba ni ting nge 'dzin gyi dbang po'o/ / sems can thams cad kyi dbang po yongs su shes pa ni shes rab kyi dbang po'o// rigs kyi bu gzhan yang sems can thams cad chags pa las shin tu 'da' bar byed pa ni byang chub sems dpa'i dad pa'i dbang po'o/ / sems can thams cad chags pa las shin tu thar par byed pa ni brtson 'grus kyi dbang po'o// gang la'ang mi chags pa ni dran pa'i dbang po'o/ / sems can thams cad kyi chags pa mnyam pa nyid khong du chud pa ni ting nge 'dzin gyi dbang po'o// gang chags pa dang mi chags pa thams cad du shes pa 'di ni shes rab kyi dbang po'o/ / rigs kyi bu gzhan yang gang rnyog pa med par 'gyur ba 'di ni dad pa'i dbang po'o// sems rnyog pa can dang bar byed pa gang yin pa de ni brtson 'grus kyi dbang po'o/ / gang rnyog pa med pa'i chos nyid kyi dran pa mi 'dor ba 'di ni dran pa'i dbang po'o// gang sems rnyog pa med par ting nge 'dzin dang snyoms par 'jug pa dang ldan
- 369a
pa shes pa 'di ni ting nge 'dzin gyi dbang po'o/ / gang rnyog pa med pa'i chos thob pas rnyog pa can du gyur pa rnams rnyog pa med pa'i chos nyid la rab tu dgod pa 'di ni shes rab kyi dbang po'o/ / rigs kyi bu gzhan yang mi dge ba'i chos thams cad spong ba ni byang chub sems dpa'i dad pa'i dbang po'o// dge ba'i chos thams cad yang dag par sgrub pa ni brtson 'grus kyi dbang po'o/ / dge ba'i chos thams cad bsgrubs pa dang ma bsgrubs pa rnams mi brjed pa 'di ni dran pa'i dbang po'o// gang ting nge 'dzin gyi dag ba dang bde ba mi 'dod cing / sems can thams cad la phan pa dang bde ba'i phyir bsam gtan byed pa 'di ni ting nge 'dzin gyi dbang po'o// gang dge ba dang mi dge ba'i chos rnams mnyam pa nyid du so so rang gis shes pa 'di ni shes rab kyi dbang po'o/ / rigs kyi bu gzhan yang byang chub sems dpa' dad pas ni 'dor ro// brtson 'grus kyis ni yang dag par sgrub do/ / dran pas ni rlud mi gson to// ting nge 'dzin gyis ni srung ngo // shes rab kyis ni rnam par 'byed do// rigs kyi bu gzhan yang byang chub sems dpa' dad pas ni bdag tu 'dzin pa rab tu spong ngo / / brtson 'grus kyis ni bdag gir 'dzin pa 'dor ro// dran pas ni 'jig tshogs la lta ba las shin tu 'da' 'o// ting nge 'dzin gyis ni
- 369b
bar gyur pa drug cu rtsa gnyis 'dor ro/ / shes rab kyis ni bag chags kyi mtshams sbyor bar gyur pa'i nyon mongs pa rnams rab tu spong ste/ rigs kyi bu 'di ni byang chub sems dpa'i dbang po'i spyod pa yongs su dag pa'o/ / rigs kyi bu de la byang chub sems dpa'i stobs kyi spyod pa yongs su dag pa gang zhe na/ gang dbang po de dag gis nye bar brtan nas/ bdud thams cad kyis mi brdzi bar 'gyur ba dang / nyan thos dang rang sangs rgyas kyi theg pa gnyis kyis mi 'phrogs par 'gyur ba dang / theg pa chen po 'di las phyir mi ldog par 'gyur ba dang / nyon mongs pa thams cad kyis mi thul bar 'gyur ba dang / sngon gyi dam bcas pa la brtan par 'gyur ba dang / sems kyis shin tu brtan par 'gyur ba dang lus kyis stobs dang ldan par 'gyur ba dang / dbang po rnams sbed par 'gyur ba dang / dgra rnams kyis mi tshugs par 'gyur ba dang / phas kyi rgol ba thams cad kyis mi bskyod par 'gyur ba'o/ / rigs kyi bu de ltar na byang chub sems dpa' dad pa'i stobs kyis ni bya ba ma yin pa mi byed do// brtson 'grus kyi stobs kyis ni bya ba byed do// dran pa'i stobs kyis ni byas pa'i las chud mi gson to/ / ting nge 'dzin gyi stobs kyis ni gzugs dang / sgra dang / dri dang / ro dang / reg pa rnams kyis rma mi phyin to// shes rab kyi stobs
- 370a
na yang nga ban+d+ha nga rgyas sta shin tu 'ad/ / sa kyi d+hA nga kyang chu skyems dang nga rgyas smra/ lnga dad pas mi 'gro'o// brtson 'grus kyi stobs kyis nI bar mdor zhum par mi 'gyur ro// dran pa'i stobs kyis ni gzungs dang spongs pa rab tu 'thob bo// ting nge 'dzin gyi stongs gyis ni mtshungs par chos ston to/ / shes rab kyi stobs kyis ni sems can thams cad kyi macom thams cad gcod do// rigs kyi bu gzhan yang byang chub sems dpa' dad pa'i stobs kyipa ni mos pa'i stobs yongs su rdzogs par byed do/ / brtson 'grus kyi stobs kyis ni rnam par grol ba'i stobs yongs su rdzogs par byed do// dran pa'i stobs kyis ni rnam par grol ba'i mang nas mdzang ba'i stobs yongs su rdzogs par byed do/ / ting nge 'dzin gyi stobs kyis ni sems dang bsam pa'i stobs yongs su rdzogs par byed do// shes rab kyi stobs kyis ni sems can thams cad kyi spyod pa tshim par byed do/ / rigs kyi bu bzhan yang byang chub sems dpa' dad pa'i stobs kyis ni ser sna'i dri ma rab tu spyong ngo // brtson 'grus kyi stobs kyis ni bdag ni 'dan ba thams cad yongs su gtong ngo / / dran pa'i stobs kyis ni byang chub tu yongs su sngo'o// ting nge 'dzin gyi stobs kyis ni mnyam pa'i sems kyis 'dor ro// shes rab kyi stobs
- 370b
kyis ni rnam par smin pa la re ba med do/ / rigs kyi bu gzhan yang byang chub sems dpa'i dad par stobs kyis ni 'chal pa'i tshul khrims ni rab tu spong ngo // brtson 'grus kyi stobs kyis na bslab pa rnams las mi 'da' 'o/ / dran pa'i stobs kyis ni byang chub tu yongs su sngo'o// ting nge 'dzin gyi stobs kyis ni dul ba dang / zhi ba dang / cang shes kyi sa la 'gro'o// shes rab kyi stobs kyis ni mngon par 'du byed pa'i tshul khrims rab tu spong ngo // rigs kyi bu gzhan yang byang chub sems dpa' dad pa'i stobs kyis ni gnod sems kyi dri ma rab tu spong ngo // brtson 'grus kyi stobs kyis ni bzod pa sgom mo// dran pa'i stobs kyis ni byang chub tu yongs su sngo'o// ting nge 'dzin gyi stobs kyis ni sems can thams cad yongs su srung ngo // shes rab kyi stobs kyis ni bdag dang / sems can dang / bzod pa la rnam par mi rtog go// rigs kyi bu gzhan yang byang chub sems dpa' dad pa'i stobs kyis ni le lo'i dri ma rab tu spong ngo / / brtson 'grus kyi stobs kyis ni rtsom pa thams cad nyams 'og tu chud par byed do// dran pa'i stobs kyis ni byang chub tu yongs su sngo'o// ting nge 'dzin gyi stobs kyis ni lus dang sems shin tu sbyangs pa sgrub bo/ / shes rab kyi stobs kyis ni mi byed pa rnam par mi byed do// rigs kyi bu gzhan yang byang chub sems dpa' dad pa'i
- 371a
stobs kyis ni rnam par g.yeng ba'i dri ma rab tu spong ngo / / brtson 'grus kyi stobs kyis ni bsam gtan gyi yan lag rnams yang dag par sgrub bo// dran pa'i/ stobs kyis ni rtse gcig tu yongs su sngo'o// ting nge 'dzin gyi stobs kyis ni ting nge 'dzin las mi gamo'o// shes rab kyi stobs kyis ni bsam gtan de la chags pa rab tu spong ngo // rigs kyi bu gzhan yang byang chub sems dpa' dad pa'i spobs kyis ni 'chal pa'i shes rab kyi dri ma rab tu spong ngo // brtson 'grus kyi stobs kyis ni thos pa yongs su tshol lo// dran pa'i stobs kyis ni tshul bzhin la rab tu sbyor ro/ / ting nge 'dzin gyi stobs kyis ni sems nges par sems pa rab tu 'thob bo// shes rab kyi stobs kyis ni nan tan gyis yang dag par sgrub bo// rigs kyi bu gzhan yang byang chub sems dpa' dad pa'i stobs kyis ni nor bdun rab tu 'thob bo/ / brtson 'grus kyi stobs kyis ni byang chub kyi yan lag bdun rab tu 'thob bo// dran pa'i stobs kyis ni rjes su dran pa drug rab tu 'thob bo/ / ting nge 'dzin gyi stobs kyis ni rnam par shes pa la gnas pa bdun las shin tu 'da'a'o// shes rab kyi stobs kyis ni log pa nyid du nges pa brgyad las shin tu 'da' 'o/ / rigs kyi bu gzhan yang gang mi byed cing sems dang bsam pa rnyog pa med pa 'di ni byang chub sems dpa'i dad pa'i stobs kyi spyod pa yongs su dag pa'o//
- 371b
gang phyir mi ldog cing blang ba med la dor ba med pa 'di ni brtson 'grus kyi stobs kyi spyod pa yongs su dag pa'o// gang dran pa sngon du 'grol dran pa med cing yid la byed pa med pa 'din dran par stobs kyi spyod pa yongs su dag pa'o/ / gang sems rab tu dul bas rang bzhin gyis ting nge 'dzin dang / snyoms par 'jug pa dang / ldang ba shes pa 'di ni ting nge 'dzin gyi stobs kyi spyod pa yongs su dag pa'o/ / gang lta ba thams cad sel ba la mkhas pa 'di ni shes rab kyi stobs kyi spyod pa yongs su dag pa'o// rigs kyi bu gzhan yang dang bar byed pa'i mtshan nyid ni byang chub sems dpa'i dad pa'i stobs kyi spyod pa yongs su dag pa'o/ / phyir mi ldog pa'i mtshan nyid ni brtson 'grus kyi stobs kyi spyod ba yongs su dag pa'o// mi brjed pa'i mtshan nyid ni dran pa'i stobs kyi spyod pa yongs su dag pa'o/ / rnam par g.yeng ba med pa'i mtshan nyid ni ting nge 'dzin gyi stobs kyi spyod pa yongs su dag pa'o// so sor rtog pa'i mtshan nyid ni shes rab kyi stobs kyi spyod pa yongs su dag pa ste/ rigs kyi bu 'di ni byang chub sems dpa'i stobs kyi spyod pa yongs su dag pa'o// rigs kyi bu de la byang chub sems dpa'i byang chub kyi yan lag gi spyod pa yongs su dag pa gang zhe na/ rigs kyi bu byang chub sems dpa'i byang chub kyi yan lag rnams shes bya ba ni bdun te/ bdun gang zhe na/
- 372a
@#'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan las dang / brtson 'grus yang dag byang chub kyi san/ lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag go/ de la dran pa yang dag byang chub kyi yan lag ni gang byang chub kyi phyogs kyi chos bsags shing bsags pa rnams chud mi gson pa yin te// 'di ni dran pa yang dag byang chub kyi yan lag go/ / chos rnam par 'byed pa yang dag byang chub kyi yan lag ni gang lhag mthong gi tshogs dang zung du 'brel bar gyur pa yin te/ 'di ni chos rnam par 'byed pa yang dag byang chub kyi yan lag go/ / brtson 'grus yang dag byang chub kyi yan lag ni gang spong ba khyad par du 'gro bar 'gyur ba yin te/ 'di ni brtson 'grus yang dag byang chub kyi yan lag go/ / dka' ba yang dag byang chub kyi yan lag ni gang mi dag la sel bar 'gyur ba yin te/ 'di ni dga' ba yang dag byang chub kyi yan lag go// shin tu sbyangs pa yang dag byang chub kyi yan lag ni gang lus dang sems shin tu byang bar 'gyur ba yin te/ 'di ni shin tu sbyangs pa yang dag byang chub kyi yan lag go// ting nge 'dzin yang dag byang chub kyi yan lab ni gang
- 372b
rnam par grol ba snying por 'gyur ba yin te/ 'di ni ting nge 'dzin yang dag byang chub kyi yan lag go// btang snyoms yang dag byang chub kyi yan lab ni gang byed pa byas par 'gyur ba yin te/ 'di/ ni btang snyoms yang dag byang chub kyi yan lag ces bya'o// rigs kyi bu gzhan yang gang byang chub kyi bsam pa mi brjed pa 'di ni dran pa yang dag byang chub kyi yan lag go// gang dam pa'i chos yongs su 'dzin pa la brtson pa 'di ni chos rnam par 'byed pa yang dag byang chub kyi yan lag go/ / gang sems can yongs su smin par byed pas yongs su mi skyo ba 'di ni brtson 'grus yang dag byang chub kyi yan lag go/ / gang dam pa'i chos kyi kun dga' la dga' bas gnas pa 'di ni dga' ba yang dag byang chub kyi yan lag go// gang shin tu sbyangs pa la sems can rnams rab tu 'god pa 'di ni shin tu sbyangs pa yang dag byang chub kyi yan lag go/ / gang ting nge 'dzin la sems can rnams rab tu 'god pa 'di ni ting nge 'dzin yang dag byang chub kyi yan lag go// gang mngon sum du shes pa btang snyoms pa la sems can rnams rab tu 'dod pa 'di ni btang snyoms yang dag byang chub kyi yan lag go/ / rigs kyi bu gzhan yang gang nyan thos dang rang sangs rgyas kyi theg pa gnyis dran pa med cing yid la mi byed pa 'di ni dran pa yang dag byang chub kyi yan lag gi spyod pa yongs su dag pa'o/ / bang chos thams cad kyi tshig rab tu da
- 373a
ba'i ye shes la mkhas pa 'di ni chos rnam par 'byed pa yang dag byang chub kyi yan lag gi spyod pa yongs su dag pa'o/ / gang lus dang / ngab dang / yid kyi las rtul 'di ni brtson 'grus yang dag byang chub kyi yan lag gi spyod pa yongs su dag pa'o/ / gang rjes su chags pa dang khong khro ba yongs su spong ba 'di ni dga' ba yang dag byang chub kyi yan lag gi spyod ba yongs su dag pa'o/ / gang bya ba byas pa dang / byed pa byas pa 'di ni shin tu sbyangs pa yang dag byang chub kyi yan lag gi spyod pa yongs su dag pa'o// gang 'jig rten gyi bya ba thams cad kyi rjes su 'jug kyang gcig tu sboms par zhugs par yang 'gyur ba 'di ni ting nge 'dzin yang dag byang chub kyi yan lag gi spyod pa yongs su dag pa'o/ / gang gnyis su med pa'i chos la rab tu gnas te/ rtog pa dang sel ba med cing btang snyoms par yang kun tu snang la// sems can la'ang lta ba 'di ni btang snyoms yang dag byang chub kyi yan lag gi spyod pa yongs su dag pa'o/ / rigs kyi bu gzhan yang byang chub sems dpa' gang chos thams cad khong du chud par byed pa dang / rjes su rtogs par byed pa dang / rab tu shes bar byed pa dang / 'jal bar byed pa dang / nye bar rtog pa 'ong du chud cing sems can gyi spyod pa mthong ba dang dma' ba thams cad rtogs pa ste// de la gnas nas kyang ngan song du 'gyur
- 373b
ba'i lam sgom pa dang / dngos po dang dngos po med pa'i bkal nyal dang / kun nas dkris pa dang bral ba 'di dag ni/ rigs kyi bu byang chub sems dpa'i byang chud kyi yan lag rnams zhes bya ste/ 'di ni 'phags pa rnams kyi spyod yul yin gyi 'phags pa ma yin pa rnams kyi ni ma yin no// 'phags pa rnams kyi spyod yul gang yin pa de ni phas kyi bdud sdig can rnams kyi spyod yul ma yin no/ / 'phags pa rnams kyi spyod yul gang yin pa de ni nga rgyal can thams cad kyi spyod yul ma yin no// 'phags pa rnams kyi spyod yul gang yin pa de ni pas kyi rgol ba thams cad kyi spyod yul ma yin no/ / 'phags pa rnams kyi spyod yul gang yin pa de ni mtshan ma la dmigs pa thams cad kyi spyod yul ma yin no// 'phags pa rnams kyi spyod yul gang yin pa de ni gzugs dang / sgra dang / dri dang / ro dang / reg pa dang / chos thams cad kyi spyod yul ma yin no// 'phags pa rnams kyi spyod yul gang yin pa de ni tshor ba yongs su 'dzin pa thams cad kyi spyod yul ma yin no/ / 'phags pa rnams kyi spyod yul gang yin pa de ni sems dang / yid dang / rnam par shes pa rnams kyi spyod yul ma yin no/ / 'phags pa rnams kyi spyod yul gang yin pa de ni mthong ba dang / thos pa dang / bye brag phyed pa dang // rnam par rig pa'i chos rnams kyi spyod yul ma yin no// 'phags
- 374a
pa rnams kyi spyod yul gang yin pa de ni tha na mya ngan las 'da' ba'i 'du shes yid la byed pa rnams kyi spyod sul yang ma yin te/ chos thams cad kyi spyod yul ma yin pa de ni 'phags pa rnams kyi spyod yul lo/ / chos thams cad la rtog pa dang / rnam par rtog pa dang / yongs su rtog pa'i spyod yul ma yin pa ni 'phags pa rnams kyi spyod yul lo// chos thams cad kun nas mi ldang ba'i spyod yul ni 'phags pa rnams kyi spyod yul lo// chos thams cad dang mi mthun pa'i spyod yul ni 'phags pa rnams kyi spyod yul lo// chos thams cad rtsod pa med pa'i spyod yul ni 'phags pa rnams kyi spyod yul lo/ / chos thams cad mtshan ma med pa'i spyod yul ni 'phags pa rnams kyi spyod yul lo// rigs kyi bu re ltar gang 'phags pa rnams kyi spyod yul yongs su dag pa 'di ni byang chub sems dpa'i byang chub kyi yan lag gi spyod pa yongs su dag pa'o/ / rigs kyi bu de la byang chub sems dpa'i lam gyi spyod pa yongs su dag pa gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// yang dag pa'i lta ba zhes smos pa de la/ yang dag pa'i
- 374b
lta ba gang zhe na/ gang chos thams cad mnyam pa nyid ni yang dag pa'i lta ba zhes bya ste// de bdag tu lta ba dang / sems can du lta ba dang / srob tu lta ba dang / gang zag tu lta ba dang / stong pa nyid du da'ang ldang bar mi byed do/ / de ci'i phyir zhe na/ bdag tu lta ba dang / sems can du lta ba dang / srog tu lta ba dang / gang zag tu lta ba dang / stong pa nyid du lta ba de ni mtshungs so// de chang par lta ba dang / rtag par lta ba dang / stong pa nyid du lta ba'ang ldang bar mi byed do// de ci'i phyir zhe na/ chad par lta ba dang / rtag par lta ba dang / stong pa nyid du lta ba de ni mtshungs so// de 'byung bar lta ba dang / 'jig par lta ba dang / stong pa nyid du lta ba'ang ldang bar mi byed do// de ci'i phyir zhe na/ 'byung bar lta ba dang / 'jig par lta ba dang / stong pa nyid du lta ba de ni mtshungs so// de ni 'jig tshogs la lta ba dang / ngar 'dzin par lta ba dang / nga yir 'dzin par lta ba dang / stong pa nyid du lta ba'ang ldang bar mi byed do// de ci'i phyir zhe na/ 'jig tshogs la lta ba dang / ngar 'dzin bar lta ba dang / / nga yir 'dzin par lta ba dang / stong pa nyid du lta ba de ni mtshungs so// de sangs rgyas su lta ba dang / chos su lta ba dang / dge 'dun du lta ba dang / stong pa nyid du lta ba'ang sdang bar mi byed do// de ci'i phyir zhe na/ sangs rgyas su lta ba dang / chos su lta ba dang / dge 'dun du lta ba dang / stong pa nyid du lta ba de ni mtshungs so// rigs kyi bu de lta ba na lta ba'i dmigs pa ni ji tsam du chung
- 375a
rgyu sa na 'a/ sat+yA sa na / d ang zla pa 'dzi ni yang das pa'i sna zhes bya'o/ / tshor rten/ 'di lar de marnam par sbya/ bi ses par yi no// d+hiswA r+yA smyan pa ma shA sgrug/ pa mnam pa na namaman skye bo'i chos rnams ni dman pa/ slod pa rnams kyi chos rnams ni dam pa'o snang dus tI bar spyan mi mam par gyu ga/ sa ma ma po'i chos rnams ni blag pa dang nganas pa/ ji slong pa / rnams ni zag pa med pa'o snyam du gal te de ltar lhan mI man+t+ram par lta ba'o// so so'i skye ba'i chos rnams ni zang zing dang bcas pa/ rang sangs rgyas kyi chos rnabs ni drang zing med pa'o snya du nas te de ltar ldan mi mnyam par lta ba'o/ / ma so sbya na nas rnams ni nyon mongs pa dang bcas pa/ nang chub sem pa'i chos rnams ni nyin mongs pa med pa'o snyam du gas te de steraH na mi mnyam par lbu ba'o/ / so so'i skye bo'i chos rnams ni 'dus byas yin+da/ sangs rgyas kyi chos rnams ni 'dus ma byas yin no snyam du gas te de ltar snyun mi mnyam par ltung / nam so so'i skye ba'i chos kyi rang bzhin gyis chos thams cad slob pa'i chos kyi rang bzhin bying bo nyid du mthong ste/ de ltar lta ba ni yang dag pa'i lta ba zhes bya'o// sa so'i skyer 'acom
- 375b
stong pa nyid dang mi slob pa'i chos stong pa nyid mtshungs par mthong ste/ de ltar lta ba ni yang dag pa'i lta ba zhes bya'o// so so'i skya ba'i chos kyi rkyen mnyam pa nyid 'ong du chud pa dang / rang sangs rgyas kyi chos kyi rkyen mnyam pa nyid khong du chung ba mtshungs par mthong ste/ de ltar lta ba ni yang dag pa'i lta ba zhes bya'o// so so'i skye bo'i chos dbyen pa dang / byang chub sems dpa'i chos dbyen pa mnyam bapa nyid mtshungs par mthong ste/ de ltar lta ba ni yang dag pa'i lta ba zhes bya'o// so so'i skye bo'i chos yongs su grub pa med pa mnyam pa nyid dang / sangs rgyas kyi chos yongs su grub pa med pa mnyam pa nyid mtshungs par mthong ste/ de ltar lta ba ni yang dag pa'i lta ba zhes bya'o// gang mtshungs par ma 'ong ba de'i phyir yang gnyis la blo mi 'jug ste/ gang gnyis su med par mthong ba de yang dag pa mthong ba'o/ / gang mtshungs par mthong ba de'ang tha dad du mi byed de/ tha dad pa med pa mthong ba ni yang dag pa mthong ba'o// gang mtshungs par mthong ba de tha ma dang / 'bring dang / rab kyi chos la rnam par rtog pa mi skyed de/ chos thams cad rnam par rtog pa med par mthong ba ni yang dag pa mthong ba'o// gang mtshungs par mthong ba ni mthong ba ci'ang med pa'o// mthong ba ci'ang med pa ni yang dag pa mthong ba'o// gang mtshungs par mthong ba de la ni chos gang yang snang bar mi 'gyur te/ chos thams cad snang ba med par mthong ba de ni yang dag
- 376a
pa mthong ba'o/ / rigs kyi bu gang chos 'di dag de ltar mthong ba 'di ni yang dag pa mthong ba'o// ji sa pa bzhin du mthong ba dang / mnyam pa nyid du mthong ba 'di ni legs par gsungs pa'i chos 'dul ba la yang dag pa'i lta ba zhes bya'o/ / yang dag pa'i lta ba bstan pa 'di bshad pa na/ dge slong lnga brgya ni len pa med par zag pa rnams las sems rnam par grol lo/ / byang chub sems dpa' stong phrag mang po zhig ni mnyam pa nyid kyi chos nyid la bzod pa skyes so// rigs kyi bu de la byang chub sems dpa'i yang dag pa'i rtog pa gang zhe na/ rtog pa gang rtog pa spong bar 'gyur ba'o// de'ang gang zhe na/ 'di lta ste/ zhi gnas kyis yongs su bsdus pa'i lhag mthong la mkhas pa ste/ de chos gang zhig chos gang dang ldan snyam du de chos de dag la rnam par lta'o/ / rnam par rtog go// des chos thams cad phan tshun mi ldan pa dang / rab tu ldan pa ma yin pa dang / ma 'dres par rab tu shes te/ des de ltar shes nas mnyam par yang mi rtog na/ gang mi mnyam par rtog par 'gyur ba lta ci smos te/ de ni gnas ma yin no// de chos su rtog pa dang / yong su rtog pa dang / rnam par rtog pa thams cad spangs te/ phyir yang mi rtog rnam par mi rtog pa 'di ni yang dag pa'i rtog pa zhes bya'o// rigs kyi bu de la byang chub sems dpa'i yang dag pa'i ngag gang zhe na/ tshig gang gis bdag la'ang mi gdung
- 376b
/ la/ gzhan la'ang ma yin pa dang / bdag kyang kun nas nyon mongs par mi byed la/ gzhan la'ang ma yin pa dang / bdag la'ang mi gnod la/ gzhan la'ang ma yin pa ste/ 'di ni yang dag pa'i ngag ces bya'o/ / gzhan yang yang dag pa'i ngag ni tshig gang gis chos thams cad mnyam pa nyid du nges par rtog pa'o// de'i chos nges par rtog pa de'ang chos nges pa'i tshig nges 'byung ba 'di ni yang dag pa'i ngag ces bya'o/ / gzhan yang yang dag pa'i ngag ni gang mdza' ba dang mi mdza' ba rnams la ngag mnyam pa dang / chos thams cad stong pa'o zhes ngag mnyam pa dang / chos thams cad mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba'o zhes ngag mnyam pa dang / 'du byed thams cad mi rtag pa'o/ / 'du byed thams cad sdug bsngal ba'o// chos thams cad bdag med pa'o// mya ngan las 'das pa ni zhi ba'o zhes ngag mnyam pa dang / chos thams cad ni bdag med pa dang / sems can med pa dang / srog med pa dang / gang zag med pa dang / bdag dang bral ba'o zhes ngag mnyam pa dang / chos thams cad ni rten cing 'brel par 'byung ba ste/ ngo bo nyid med pa'o zhes ngag mnyam pa dang rgyu ci 'dra ba 'bras bu'ang de 'dra'o zhes ngag mnyam pa'o/ / gzhan yang yang dag pa'i ngag ces bya ba ni gang sems cad gzhan rnams dang / gang zag gzhan dag yang dag pa'i chos la 'jungad pa
- 377a
dang / byang chub kyang yang dag par 'dzin du 'jug pa yin te/ 'di ni yang dag pa'i ngag ces bya'o// de la yang dag pa'i ngag yongs su dag pa gang zhe na/ ngag thams cad sangs rgyas kyis yongs su zin par 'byung ba ste/ rigs kyi bu 'di ni byang chub sems dpa'i yang dag pa'i ngag yongs su dag pa zhes bya'o// rigs kyi bu de la byang chub sems dpa'i yang dag pa'i las kyi mtha' gang zhe na/ las gang las zad par 'gyur gyi/ las mngon par 'du bya ba'i phyir ma yin pa dang / las gang nyon mongs pa nye bar zhi bar 'gyur gyi/ nyon mongs pa 'bar ba'i phyir ma yin pa dang / las gang nyon mongs pa dang bral bar 'gyur gyi/ nyon mongs pa skye ba'i phyir ma yin pa ste/ 'di ni yang dag pa'i las kyi mtha' zhes bya'o// rigs kyi bu gzhan yang byang chub sems dpa'i yang dag pa'i las kyi mtha' ni gang chos 'di dag 'di ltar rab tu shes shing / dge ba'i rtsa ba mngon par 'du bya ba thams cad mngon par 'du byed kyang / de'i mngon par 'du bya ba de dag kyang gsob nyid du snang ba dang / gsog nyid dang / snying po med pa nyid dang / stong pa nyid du snang ba ste/ rigs kyi bu 'di ni byang chub sems dpa'i byang chub kyi rnam pas mngon par bsgrubs pa'i yang dag pa'i las kyi mtha' 'o/ / rigs kyi bu de la byang chub sems dpa'i yang dag pa'i 'tsho ba gang zhe na/ 'tsho ba gang bdag la'ang gnod par mi 'gyur/ gzhan la'ang gnod par
- 377b
mi 'gyur/ gnyis ka la'ang gnod par mi 'gyur ba ste/ 'di ni yang dag pa'i 'tsho ba zhes bya'o// gzhan yang yang dag pa'i 'tsho ba ni 'tsho ba gang nyon mongs pa thams cad mi sogs pa ste/ 'di ni yang dag pa'i 'tsho ba zhes bya'o// gang byang chub sems dpa'i yang dag pa'i 'tsho ba zhes bya ba ni/ gang sems can thams cad kyi 'tsho ba yongs su dag par 'gyur ba ste/ 'tsho ba yongs su dag pa de la ha cang 'dud par yang mi byed/ mau 'dud par yang mi byed la/ 'tsho ba gang gis dadag gi don dang / gzhan gyi don dang / chos kyi don yongs su rdzogs par 'gyur ba 'di ni/ rigs kyi du byang chub sems dpa'i yang dag pa'i 'tsho ba'o/ / rigs kyi du de la byang chub sems dpa'i yang dag pa'i rtsol ba gang zhe na/ gang dge zhing zab pa'i chos de dag yang dag par bsgrub pa'i phyir/ sems yang dag par rab tu 'dzin pa dang / 'dun pa dang / brtson pa dang / spro ba dang / rtsom pa dang / mi zhum pa dang / yang dag pa'i nan tan gyis mngon du byed pa ste/ 'di ni yang dag pa'i rtsol zhes bya'o/ / gzhan yang yang dag pa'i rtsol ba ni gang mnyam par rtsol gyi/ mi mnyam par ma yin no// ji ltar na mnyam par rtsol gyi/ mi mnyam par ma yin zhe na/ gang chos rnams mnyam par yang mi byed/ mi mnyam par yang mi byed la/ byed pa med cing rnam par mi byed pa'o// chos de dag gi chos nyid dang // chos gnas pa de nyidang ji lta ba de bzhin du rtsol ba'o// chos de dag gi yang dag pa'i
- 378a
chos cing ji lta ba de bzhin du rtsol ba'o/ / chos de dag gi mnyam pa nyid dang bye zab tu byu ba med pa ji lta ba de bzhin du rtsolaba'o// yang dag pa'i rtsol ba de'ang sems can thams cad kyi log pa'i rtsol ba spang ba'i phyir/ thams cad mkhyen par yongs su sngo ba yin te/ rigs kyi bu 'di ni byang chub sems dpa'i yang dag pa'i rtsol ba'o// rigs kyi bu de la byang chub sems dpa' yang dag pa'i dran pa gang zhe na/ gang byang chub kyi sems dran pa dang / sbyin pa dran pa dang / tshul khrims dran pa dang / bzod pa dran pa dang / brtson 'grus dran pa dang / bsam gtan dran pa dang / shes rab dran pa dang / byams pa dang / snying rje dang / dga' ba dang / btang snyoms dran pa ste/ 'di ni yang dag pa'i dran pa zhes bya'o// rigs kyi bu gzhan yang byang chub sems dpa'i yang dag pa'i dran pa ni/ yang dag pa'i dran pa gang gis nyon mongs pa thams cad kyi skabs mi 'dod pa dang / dran pa gang gis bdud kyi las thams cad kyi skabs mi 'byed pa dang / dran pa gang gis lam grol ba dang / lam ngan par mi ltung ba dang / dran pa sgo ba lta bur gyur pa gang gis sems dang sems las byung ba'i chos mi dge ba thams cad kyi skabs mi 'byed pa ste/ 'di ni yang dag pa'i dran pa zhes bya'o// gzhan yang byang chub sems dpa'i yang dag pa'i dran pa ni/ dran pa gang gis dran pa phun sum tshogs pa dang / skyon
- 378b
med pa'i rigs thob kyang 'bras bu mngon sum du mi byed pa ste/ rigs kyi bu 'di ni byang chub sems dpa'i yang dag pa'i dran pa'o// rigs kyi bu de la byang chub sems dpa'i yang dag pa'i ting nge 'dzin pang zhe na/ gang 'phags pa'i rnam par gyur pa'i ting nge 'dzin te/ sdug bsngal gyi bden pa yongs su shes pa dang / mthun pa kun 'byung ba'i bden pa spang ba dang mthun pa 'gog pa'i bden pa mngon du bya ba dang / mthun pa lam gyi bden pa sgom pa dang mthun pa ste/ 'di ni yang dag pa'i ting nge 'dzin ces bya'o// bdag mnyam pa nyid pas chos thams cad mnyam pa nyid dang / bdag rnam par dag pas chos thams cad rnam par dag pa dang / bdag stong pa nyid pas chos thams cad stong pa nyid du yang dag par snyoms par 'jug la gang de ltar snyoms par 'jug cing / / yang dag pa nyid la 'jug kyang / nges par yang mi ltung ba 'di ni byang chub sems dpa'i yang dag pa'i ting nge 'dzin to// yang dag pa'i ting nge 'dzin gang gis sems kyi skad cig gcig dang ldan pa'i shes rab kyis thams cad mkhyen pa dang / rnam pa thams cad mkhyen pa'i ye shes mngon par rdzogs par 'tshang rgya ba 'di ni/ rigs kyi du byang chub sems dpa'i yang dag pa'i ting nge 'dzin ces bya ste/ 'di ni byang chub sems dpa'i lam gyi spyod pa yongs su dag pa'o// byang chub kyi phyogs kyi chos kyi spyod pa yongs su
- 379a
dag pa 'di bstan pa na/ lba dang mi srog chags nyan thos kyi theg pa can nges par gyur pa lam du zhubs pa'i drug stong blan med pa yang dag par rdzogs pa'i byang chub tu sems skyes so/ / bam po gsum pa ste tha ma'o// // de nas bcom ldan 'das kyis yang byang chub sems dpa' sems dpa' chen po gtsug na rin po che la bka' stsal pa/ rigs kyi bu de la byang chub sems mngon par shes pa'i spyod pa yongs su dag pa gang zhe na/ rigs kyi bu de la byang chub sems dpa'i lha'i mig gi mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ 'di lta ste/ phyogs bcur rnam par lta bas snang ba thob pa de ni de'i lha'i mig yin no// phyogs bcu'i sangs rgyas thams cad la yang dag par lta bas mun pa mun nag dang bral ba de ni de'i lha'i mig yin no/ / sems can thams cad kyi 'chi 'pho dang skye ba la yang dag par lta bas shin tu nges par brtags pa de ni de'i lha'i mig yin no/ / phyobs bcu'i gzugs snang ba dang / kha dog dang / mtshan dang / dbyings la yang dag par lta bas shin tu brgyan pa de ni de'i lha'i mig yin no// rang gi gzi ba rjid grub pas mngon par 'du mi byed pa'i mtshan nyid du lnga dang / klu dang / gnod sbyin dang / dri za thams cad dang / nyan thos dang rang sangs rgyas thams cad kyi spyi bor byin pa de ni
- 379b
de'i lha'i mig yin te/ rigs kyi bu rnam pa 'di lnga ni byang chub sems dpa'i lha'i mig gi mngon par shes pa'i spyod pa yongs su dag pa'o// de lnga'i rna ba'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lta gang zhe na/ gang gis mi'i sgra rnams zos par 'gyur ba dang / mi ma yin pa'i sgra rnams thos par 'gyur ba dang / sems can dmyal ba pa dang / dung 'gro'i skye gnas pa dang / gshin rje'i 'jig rten pa'i sgra rnams thos par 'gyur ba dang / sangs rgyas kyis chos bstan pa'i sgra thams cad thos par 'gyur ba dang / phyogs bcu'i skad dang sgra thams cad thos par 'gyur ba ste/ rigs kyi bu 'di ni byang chub sems dpa'i lha'i rna ba'i spyod pa yongs su dag pa rnam pa lnga'o// de pha rol gyi sems shes pa'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ gang gis lha dang / mi dang / sems can dmyal ba pa dang / dud 'gro'i skye gnas pa dang / gshin rje'i 'jig rten pa'i sems can thams cad kyi sngon gyi mthar sems skyes pa gang yin pa de'ang rab tu shes pa dang / phyi ma'i mthar sems skye bar 'gyur ba gang yin pa de'ang rang tu shes pa dang / da ltar byung ba'i dus na sems skye ba gang yin pa de'ang rab tu shes pa dang / rgyu dang / rkyen dang / dmigs par ldan pa dang / nges pa dang / ma dre pa dang / log pa nyid du
- 380a
nges pa dang / yang dag pa nyid du nges pa'i sems can rnams kyi sems kyi spyod pa rab tu shes pa dang / 'dod chags la spyod pa rnams dang / zhe sdang la spyod pa rnams dang / gti mug la spyod pa rnams dang / cha mnyam pa la spyod pa'i sems can rnams kyi sems kyi spyod pa rnams rab tu shes te/ de shes nas kyang de kho na bzhin du de dang mthun par chos ston pa ste// rigs kyi bu 'di ni byang chub sems dpa'i pha rol gyi sems shes pa'i mngon par shes pa'i spyod pa yongs su dag pa rnam pa lnga'o// de sngon gyi gnas rjes su dran pa'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ sems gang 'dod chags kyi rgyu las byung ba rnams dang / zhe sdang gi rgyu las byung ba rnams dang / gti mug gi rgyu las byung ba rnams dang / de dag gis lus ci 'dra ba yongs su bzung ba de dag kyang rjes su dran pa dang / sems gang sbyin pa'i rgyu las byung ba rnams dang / tshul khrims kyi rgyu las byung ba rnams dang / byams pa'i rgyu las byung ba rnams dang / snying rje'i rgyu las byung ba rnams dang / ting nge 'dzin gyi rgyu las byung ba rnams dang / de dag gi lus ci 'dra ba yongs su bzung ba de dag/ kyang rjes su dran pa dang / sems gang rgyu dang mi 'dra ba rnams dang / rkyen dang mi 'dra ba rnams dang / dmigs pa dang mi 'dra ba rnams dang / de dag gi lus ci 'dra ba yongs su
- 380b
bzung ba de dag kyang rjes su dran pa dang / sems gang lung du ma bstan pa rnams dang // ma rig pa dang / gti mug gis yang dag par bsdus pa rnams dang / de dag gi lus ci 'dra ba yongs su/ bzung ba de dag kyang rjes su dran pa dang / de dag gi tshe dang / kha dog dang / gzugs dang / gzi brjod dang / g.yog dang / stobs dang / grags pa dang / brjod pa dang / dbang phyug ci/ 'dra bar gyur pa de'ang rjes su dran pa ste/ rigs kyi bu 'di ni byang chub sems dpa'i sngon gyi gnas rjes su dran pa'i mngon par shes pa'i spyod pa yongs su dag pa rnam pa lnga'o// derdzu 'phrul bya ba'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ 'di lta ste/ lus dang gzugs kun tu ston pa'i rdzu 'phrul dang chog dang skad rnam par rig par byed pa'i rdzu 'phrul dang / sems dang yid mngon par 'du byed pa'i rdzu 'phrul dang / sems can thams cad kyi skad du rnam par rig par byed pa'i rdzu 'phrul dang / mngon du mngon par 'du mi byed pa'i rdzu 'phrul te/ rdzu 'phrul bya ba'i mngon par shes pa'i spyod pa yongs su dag pa rnam pa 'di lnga dang ldan pa yin no// rigs kyi bu 'di ni byang chub sems dpa'i rdzu 'phrul bya ba'i mngon par shes pa'i spyod pa yongs su dag pa rnam pa lnga'o/ / rigs kyi bu bzhan yang shes rab kyi mig gis brtags pa ni byang chub
- 381a
sems dpa'i lha'i mig gi mngon par shes pa'i spyod pa yongs su dag pa'o/ / rnam par shes pa rab tu gnas pa ni lha'i rna ba'i mngon par shes pa'i spyod pa yongs su dag pa'o/ / rang bzhin gyis yongs su dag par rab tu gnas pa ni pha rol gyi sems shes pa'i mngon par shes pa'i spyod pa yongs su dag pa'o// sngon gyi mtha' dang phyi ma'i mtha' yongs su gcod par rab tu gnas pa ni sngon gyi gnas rjes su dran pa'i mngon par shes pa'i spyod pa yongs su dag pa'o/ / mngon par 'du mi byed pa rab tu gnas pa ni rdzu 'phrul gyi mngon par shes pa'i spyod pa yongs su dag pa'o/ / rigs kyi bu mngon par shes pa rnams shes bya ba de ni zag pa zad pa'i ye shes kyi tshig bla dwags so// rigs kyi bu de la byang chub sems dpa' ni mngon par shes pa lnga po 'di dag gis rnam par rtsen zhing zag pa zad pa'i ye shes la'ang gnas so/ / rigs kyi bu 'di lta ste/ dper na dpag tshad brgya stong phrag bye ba bgrong dgos pa na grong khyer chen po zhig yod de/ grong khyer chen po de'i lam ni bgrod par dka' zhing ring la nyam nga ste/ 'jigs pa dang bcas pa/ zas dang / skom dang / bza' ba'ang med pa zhig na/ gang grong khyer chen po der phyin pa de'i sdug bsngal thams cad rgyun chad par 'gyur ba zhig yod pa dang / de nas skyes bu la la zhig gis grong khyer chen po de'i
- 381b
yang dag pa'i yon tan dang bsngags pa thos nas skyes bu de la bu mthong na dga' ba sdug pa yid du 'ong ba/ mi mthun pa ma yin pa'i bu gcig kyang yod pa las/ nges du gcig pu de bor nas/ grong khyer chen po de'i lam du zhugs te/ de stobs kyi shugs dang brtson 'grus thams cad kyis sdug bsngal thams cad khyang du bsad nge/ lam ring po de 'das nas/ rkang pa ya gcig ni grong khyer chen po de'i sgo'i them pa la bzhag/ rkang pa ya gcig ni phyi rol na 'dug pa las/ de'i bu gcig pu de yid la dran par gyur nas/ de 'di snyam du sems te/ ma la kye ma'o bdag gis bu gcig pu de 'dir khrid de ma 'ongs pa lta zhig snyam nas/ bu gcig pu de sdug pas grong khyer chen po der ma zhugs kyi/ phyir phyogs nas der bu gcig pu de ga la 'dug par slar log pa de bzhin du/ rigs kyi bu byang chub sems dpa' sems dpa' chen po'ang 'bad pa chen po dang / brtson 'grus rtsom pa chen po dang / lhag pa'i bsam pa brtan pa'i nan tan gyis mngon par shes pa lnga po rnams bskyed de/ sems kyis bsam gtan dang mngon par shes pa yongs su sbyang ba byas pa de la zag pa zad pa'i ye shes mngon sum du 'gyur ro// de snying rje chen po'i sems skyes nas/ sems can thams cad yongs su bskyab pa'i phyir zag bzadang pa'i ye shes 'dris par byas pa las/ sems can rnams la lta ba'i phyir phyogs te/ slar log nas so sor skye
- 382a
po'i sa na'ang kun tu snang ngo / / rigs kyi bu grong khyer zhes bya ba de ni zag pa zad pa'i ye shes kyi tshig bla dgas so// dpag tshad brgya stong phrag bye ba bad+mod dgos pa zhes bya ba de ni 'khor ba da ngag tu med pa yongs su 'dzin pa'i tshig bla dgas so/ / bar du gcod pa mang po bgrod ces bya ba de ni bdud kyis 'dun pa bzlog pa'i bar chad kyi tshig bla dgas so// skyes bu zhes bya ba de ni byang chub sems dpa'i tshig bla dgas so// rkang pa ya gcig ni grong khyer gyi sgo'i them pa la bzhag/ rkang pa ya gcig ni sgo'i phyi rol tu bzhag ces bya ba de ni/ 'di ltar byang chub sems dpa' 'dus byas dang / 'dus ma byas dang 'dres pa'i sems dang sems las byung ba rnams 'jug pa'o// bu gcig pu dran nas grong khyer chen po der zhugs pa las phyir phyogs te slar log ces bya ba de ni/ 'di ltar byang chub sems dpa' sems can thams cad la bu gcig pu bzhin du byams pa nye bar gnas par 'gyur ba'o// de zag pa zad pa'i spyi bor phyin kyang zag pa'ang mi spong la/ sems can yongs su smin par bya ba'i phyir/ phyir phyogs shing ldog par yang 'gyur te/ rigs kyi bu byang chub sems dpa' rnams ci 'dra ba'i thabs mkhas pas sems can rnams la cher snying rje ba la ltos/ de nas bcom ldan 'das la byang chub sems dpa' sems dpa' chen po gtsug na rin po ches 'di skad ces gsol to// bcom
- 382b
ldan 'das byang chub sems dpa' sems dpa' chen po rnams 'di ltar byang chub lag mthil du thob par yang mi 'tshal bar/ 'khor ba nyid kyi rjes su 'jug cing sems can yongs su smin par bgyid pas yongs su mi skyo ba ni ngo mtshar to/ / bcom ldan 'das byang chub sems dpa' sems dpa' chen po chos du zhig dang ldan na/ 'khor ba na yongs su mi skyo ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po rnams chos nyi shu dang ldan na/ 'khor ba na yongs su mi skyo ba yin te/ chos nyi shu gang zhe na/ 'di lta ste/ dge ba'i rtsa bas yang dag par zin pa'i byams pa chen po dang / byams pa chen pos yang dag par zin pa'i snying rje chen po dang / snying rje chen pos yang dag par zin paba'i sems can yongs su smin par byed pa dang / sems can yongs su smin par byed pas yang dag par zin pa'i brtson 'grus dang / brtson 'grus kyis yang dag par zin pa'i lhag pa'i bsam pa dang / lhag pa'i bsam pas yang dag par zin pa'i thabs dang / thabs kyis yang dag par zin pa'i shes rab dang / shes rab kyis yang dag par zin pa'i bsam gtan dang bsam gtan gyis yang dag par zin pa'i mngon par shes pa dang / mngon par shes pas yang dag par zin pa'i ye shes dang / ye shes kyis yang dag par zin pa'i rtul ba dang / rtul
- 383a
pas yang dag par zin pa'i dran pa dang / dran pas yang dag par zin pa'i byang chub kyi sems kyi lhag pa'i bsam pa dang / byang chub kyi sems kyi lhag pa'i bsam pas yang dag par zin pa'i bsdu ba'i dngos po bzhi dang / bsdu ba'i dngos po bzhis yang dag par zin pa'i tshul khrims kyi sdom pa dang / tshul khrims kyi sdom pas yang dag par zin pa'i thos pa'i nan tan dang / thos pa'i nan tan gyis yang dag par zin pa'i gzungs dang / gzungs kyis yang dag par zin pa'i spobs pa dang / spobs pas yang dag par zin pa'i bsod nams kyi tshogs dang / bsod nams kyi tshogs kyis yang dag par zin pa'i shes rab kyi tshogs te/ rigs kyi bu byang chub sems dpa' sems dpa' chen po chos nyi shu po de dag dang ldan na/ 'khor ba na yongs su mi skyo ba yin no// de nas bcom ldan 'das la byang chub sems dpa' sems dpa' chen po gtsug na rin po ches yang 'di skad ces gsol to/ / bcom ldan 'das ji ltar na byang chub sems dpa' sems dpa' chen po 'khor ba na mdzes shing skye bo mang po nye bar 'tsho bar 'gyur// bcom ldan 'das kyis bka' stsal pa/ rigs kyi bu bsod nams kyis brgyan pa'i thos pas ni byang chub sems dpa' 'khor ba na mdzes so// thos pas brgyan pa'i spobs pas ni skye bo mang po
- 383b
bar 'tsho bar 'gyur ro/ / rigs kyi bu gzhan yang dran pa nyams pa med pa thob pa'i gzungs kyis ni byang chub sems dpa' 'khor ba na mdzes so// lag na rin po che mi zad pa'i longs spyod kyis ni skye bo mang po nye bar 'tsho bar 'gyur ro/ / rigs kyi bu gzhan yang byang chub sems dpa' bag yod pas ni 'khor ba na mdzes so// chos ston pas yongs su mi skyo bas ni skye bo mang po nye bar 'tsho bar 'gyur ro/ / rigs kyi bu gzhan yang byang chub sems dpa' mtshan gyis legs par brgyan pas ni 'khor ba na mdzes so// ye shes kyis brgyan pas ni skye bo mang po nye bar 'tsho bar 'gyur ro/ / rigs kyi bu gzhan yang byang chub sems dpa' ji skad smras pa de bzhin byed pas ni 'khor ba na mdzes so// de bzhin du byed pa nyid kyis kyang skye bo mang po nye bar 'tsho bar 'gyur ro/ / rigs kyi bu gzhan yang bdog pa thams cad yongs su gtong bas ni byang chub sems dpa' 'khor ba na mdzes so// so so ci rigs par chos kyi sbyin pas ni skye bo mang po bar 'tsho bar 'gyur ro/ / rigs kyi bu gzhan yang tshul khrims yongs su dag pas ni byang chub sems dpa' 'khor ba na mdzes so// thos pa yongs su dag pas ni skye bo mang po nye bar 'tsho bar 'gyur ro/ / rigs kyi bu ji ltar bas yod pas byang chub sems dpa' 'khor ba na mdzes shing skye bo mang poche bar 'tsho bar 'gyur ba de/ khyod kyis rnam grangs 'dis 'di ltar
- 384a
rig par bya'o/ / rigs kyi bu sngon byung ba 'das pa'i dus bskal pa grangs med pa bas kyang ches grangs med pa/ yangs pa/ tshad med pa bsam gyis mi khyab par gyur pa de'i tshe de'i dus na bskal pa dka' bar gyur pa zhes bya ba la/ 'jig rten gyi khams lhas rnam par bltas pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten thams cad mngon par dga' ba zhes bya ba 'jig rten du byung ngo // rigs kyi bu ci'i phyir bskal pa de dga' bar gyur pa zhes bya zhe na/ rigs kyi bu bskal pa de la sangs rgyas stong phrag drug cu byung bar gyur te/ de na gnas gtsang ma'i rigs kyi lha dag gis kye pa'o grogs po dag 'di ni bskal pa bzang po yin te/ bskal pa 'di la sangs rgyas stong phrag drug cu 'byung bar 'gyur ro zhes dga' ba'i sgra bsgrags pa dang / de na lha dang bcas pa'i 'jig rten gyis dga' ba'i sgra de thos so// thos nas kyang dga' ba dang / dad pa dang / mos pa chen po skyes te/ de nas lha dang mi de dag gis kye ma'o bskal pa 'di ni dga' bar gyur pa'o zhes de skad smras pas/ de'i phyir bskal pa de'i ming dga' bar gyur
- 384b
pab zhes btags so/ / rigs kyi bu 'jig rten gyi khams de lha thams cad kyis bltas brtags kyang / de ngoms par mi 'gyur ba de tsam du blta na sdug cing / de tsam du nyams dpa' bar gyur pas/ de'i phyir 'jig rten gyi khams de lhas rnam par bltas pa zhes bya'o// rigs kyi bu 'jig rten gyi khams lhas rnam par bltas pa de'i gzhi ni tsan dan sbrul gyi snying po sha stab ste/ stong gi 'jig rten gyi khams kyis tsan dan sbrul gyi snying po de'i phye ma khal gcig gi rin du'ang mi bzod do// 'jig rten gyi khams de nas spos kyi ngang langs pa'i dris ni phyogs bcu'i 'jig rten gyi khams tshad med grangs med pa dag tu khyab bo/ / tsan dan sbrul gyi snying po las gyur pa'i sa chen po de las 'od zer gyi dra ba snang ba zhes bya ba'i pad+ma chen po ba sngar byung bar gyur te/ pad+ma de dag gi 'od kyis 'jig rten gyi khams de rtag tu snang bar gyur to// mi de dag kyang tsan dan gyi phye ma la byas pa'i khang pa brtseg pa pu shu dang / sgro khang dang khyams dang / rta babs kyis legs par brgyan pa la longs spyod par gyur to// 'jig rten gyi khams de ma grong dang / grong khyer dang / grong rdal gnas pa med do// mi de dag thams cad kyang nam mkha' la 'gro'o/ / de dag mngon par shes pa rab tu thob nas/ nam mkha'i dkyil na 'dug pa'i khang pa brtsegs padag gi nang du 'jug cing nam mkha' la 'gro'o// 'jig rten
- 385a
kyi khams de na mngal na gnas pa'ang med de/ mi de dag thams cad kyang rdzus te skye ba sha smug go// de na bud med kyi ming yang mi zug go// ngan song rnams kyang med ro// ngan 'gro rnams kyang med do// sdug bsngal yang med do// 'jig rten gyi khams de na kha zas rags pa'ang med do// mi de dag thams cad kyang mngon par shes pa dang / bsam gtan gyi dka' ba'i zas can no/ / mos pa rlabs po ches theg pa chen po la zhugs pa ste/ de na theg pa gzhan gyi ming yang med do// gang 'jig rten gyi khams de'i mi de dag thams cad kyang gser gyi cod pan thogs pa/ dpung rgyan dang rna chas brgyan pa/ lnga'i kha dog dang gzugs dang ldan par gyur pa sha stab go// gang nyon mongs pa dang bral bar gyur pa de nyid de dag gi rab tu byung ba yin te/ bcom ldan 'das de bzhin gshegs pa des byang chub sems dpa' de dag la gos ngur smrig tu bka' stsal pa'ang med de/ 'di ltar sems la rnyog pa med pa'i phyir ro// de bzhin gshegs pa de'ang tshangs pa'i kha dog lta bu spyod lam rab tu zhi bas byang chub sems dpa' de dag la chos ston to/ / rigs kyi bu gang phyogs bcu'i byang chub sems dpa' rdzu 'phrul che ba de dag kyang / bcom ldan 'das de bzhin gshegs pa 'jig rten thams cad mngon par dga' ba de la blta ba dang / phyag 'tshal ba dang / bsnyen bkur bya ba'i phyir/ 'jig rten gyi khams lhas rnam par bltas pa der lhags
- 385b
te/ sangs rgyas kyi zhing de'i yon tan bkod pa mthong nas ngo mtshar du gyur te/ ched du brjod pa ched du brjod cing 'dong ngo // rigs kyi bu de bzhin gshegs pa 'jig rten thams cad mngon par dga' ba de nam byang chub sems dpa' de dag la chos ston pa de na/ ta la brgyad cu srid du nam mkha' la mngon par 'phags nas/ tshangs pa bkod pa'i seng ge'i khril bzhugs te chos ston to/ rigs kyi bu de bzhin gshegs pa de ni ji ltar da ltar nga bzhin du mang du spros te rnam par phye bas chos kyi gtam mi ston te/ de bzhin gshegs pa de tshig dang yi ge nyung ngus chos kyi gtam mdon ston to/ / de ci'i phyir zhe na/ skyes bu dam pa de dag ni zur tsam gyis go ba sha stag ste/ tshig gcig gis tshig brgya stong gi rjes su 'jug pa'o// de bzhin gshegs pa de'ang 'di lta ste/ pha rol tu phyin pa'i spyod pa yongs su dag pa dang / byang chub kyi phyogs kyi chos kyi spyod pa yongs su dag pa dang / mngon par shes pa bsgrub pa'i spyod pa yongs su dag pa dang sems can yongs su smin par byed pa'i spyod pa yongs su dag pa dang / spyod pa yongs su dag pa bzhi po de dag nyid byang chub sems dpa' dkon mchog skar mda' las brtsams te yang dag par rab tu ston to/ / de nas bcom ldan 'das de bzhin gshegs pa 'jig rten thams cad mngon par dpa' ba de la byang chub sems dpa' sems dpa' chen po dkon mchog skar
- 386a
mdas 'di skad du/ bcom ldan 'das ji ltar na byang chub sems dpa' 'khor ba na mdzes shing skye bo mang po nye bar 'tsho bar 'gyur zhes gsol to// de bzhin bshegs pab des tshig de gnyis rgyas par rnam par phye ste bstan nas/ de la 'di skad ces bka' stsal to// rigs kyi bu byang chub sems dpa' ye shes kyi blo thogs pa med pa ni 'khor ba na mdzes so// ye shes kyi snang ba rab tu thob pa ni skye bo mang po nye bar 'tsho bar 'gyur ro// rigs kyi bu de bzhin gshegs pa 'jig rten thams cad mngon par dga' ba des bstan pa de lta bu bshad pa na/ byang chub sems dpa' stong phrag drug cu chos rnams la rjes su mthun pa'i bzod pa rab tu thob bo/ / rigs kyi bu de nas bcom ldan 'das de bzhin gshegs pa 'jig rten thams cad mngon par dga' ba de la byang chub sems dpa' sems dpa' chen po dkon mchog skar mangs des yang 'di skad ces gsol to/ / bcom ldan 'das ji ltar na byang chub sems dpa' byang chub kyi snying po mdzes par bgyid la lags/ de skad ces gsol pa dang / bcom ldan 'das de bzhin gshegs pa 'jig rten thams cad mngon par dga' ba des byang chub sems dpa' sems dpa' chen po dkon mchog skar mda' la 'di skad ces bka' stsal to/ / rigs kyi bu byang chub sems dpa' bag yod pa ni byang chub kyi snying po mdzes par byed pa'o// de la bas yod pa gang zhe na/
- 386b
ji tsam du chos rnams sgrub pa'o// chos rnams sgrub pa'ang gang zhe na/ 'di lta ste/ ji skad smras pa de bzhin du byed pa ste/ 'di ni bag yod pa zhes bya'o// rigs kyi bu gzhan yang byang chub sems dpa'i bag yod pa ni/ 'di lta ste/ sbyor ba tshad med pa mthar gtugs pas go cha rtsom pa tshad med pa dang / sems can tshad med pa sdud pas sbyin pa mi zad pa tshad med pa dang / mi lhod cing sangs rgyas kyi rigs kyi rjes su 'brang ba'i tshul khrims kyis tshul khrims tshad med pa dang / sdug bsngal thams cad dang du len pas bzod pa tshad med pa dang / skyes bu dam pa'i las kyis brtson 'grus tshad med pa dang / ting nge 'dzin tshad med pa bsgrub pas bsam gtan tshad med pa dang / chags pa med pa'i shes rab kyis shes rab tshad med pa dang / sems can tshad med pas byams pa tshad med pa dang / phan pa'i dngos pos snying rje tshad med pa dang / sangs rgyas kyi chos yang dag par sgrub pas 'khor ba yongs su 'dzin pa tshad med pa dang / bdag bde ba la mi chags pas sems can yongs su smin par byed pa tshad med pa dang brtson 'grus brtan pas dam pa'i chos yongs su 'dzin pa tshad med pa dang / yang dag par sbyor bas yon tan yang dag par sgrub cing sogs pa tshad med pa dang / ye shes tshad med pas sangs rgyas la mchod pa dang rim gro byed pa tshad med pa dang / shes rab sbyor bas thos pa yongs su tshol ba tshad med pa
- 387a
dang / sems can gyi bsam pa'i tshul shes pas sems la 'jug pa tshad med pa dang / byams pa nges pas sbyangs pa'i yon tan dang yo byad bsnyungs pa la zhugs pa tshad med pa dang / sems bdul bas dgon pa la gnas pa'i yon tan gyi tshogs tshad med pa dang / myur du thams cad mkhyen pa'i ye shes yongs su rdzogs par 'gyur bas zhi gnas dang lhag mthong gi tshogs tshad med pa ste/ dkon mchog skar mda' chos 'di dag ni bag yod pa sgrub pa'o/ / rigs kyi bu byang chub sems dpa' bag yod pa ni byang chub kyi snying po mdzes par byed pa'o// rigs kyi bu bag yod pa ni byang chub kyi phyogs kyi chos rnams kyi rtsa ba'o/ / bag yod pa na ye shes bsgrub pa'i chos rnams kyi gnas so// bag yod pa ni dge ba'i chos bsags shing bsags pa rnams so sor yang dag par 'dzin pa'o/ / bag yod pa ni sngon thos pa'i chos rnams chud mi gson pa'o// bag yod pa ni bsdu bar bya ba'i chos rnams sdud pa'o// bag yod pa ni sgrib pa'i chos rnams mi sdud pa'o/ / bag yod pa ni sgrib par mi 'gyur ba'i chos rnams rab tu 'dzin pa'o// bag yod pa ni ma rig pa'i sgo nga'i sbubs gcog pa'o// bag yod pa ni dam pa'i chos yongs su 'dzin pa 'bar bar byed pa'o/ / bag yod pa ni dbang po rnams sdom par byed pa'o// bag yod pa ni lamanyam nga ba las kun tu srung ba'o// bag yod pa ni dus dang
- 387b
dus ma yin par spyod pa las skul pa'o/ / bag yod pa ni stobs te/ stobs bcu yongs su rdzogs par byed par 'gyur ro// bag yod pa ni zil gyis ma non ste/ mi 'jigs pa yongs su rdzogs par byed par 'gyur ro/ / bag yod pa ni yon tan dang ye shes dpag tu med pa'i 'byung gnas te/ sangs rgyas kyi chos thams cad yongs su rdzogs par byed par 'gyur ro// bag yod pa ni spyi bor phyin pa ste/ thams cad mkhyen pa'i ye shes rtogs par byed par 'gyur ro// rigs kyi bu de bzhin gshegs pa 'jig rten thams cad mngon par dga' ba des 'di lta bu bstan pa dang / byang chub sems dpa' stong phrag bcu gnyis mi skye ba'i chos la bzod pa rab tu thob par gyur to// rigs kyi bu de'i tshe de'i dus na byang chub sems dpa' dkon mchog skar mdar gyur pa de gzhan zhig yin pa snyam du khyod dogs shing the tsom za ba ma/ yid gnyis su gyur na'ang de ltar mi blta'o// de ci'i phyir zhe na/ rigs kyi bu khyod nyid de'i tshe de'i dus na byang chub sems dpa' dkon mchog skar ma dang zhes bya bar gyur to/ / rigs kyi bu khyod rnam grangs 'dis kyang ji ltar bag yod pa'i byang chub sems dpa' sems dpa' chen po byang chub kyi snying po mdzes par byed pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub kyang bag yod pas thob par rig par bya'o// rigs kyi bu de la byang chub sems
- 388a
dpa'i sems can yongs su smin par byed pa'i spyod pa yongs su dag pa gang zhe na/ rigs kyi bu sems can gyi spyod pa ni tshad med mtha' yas bsam gyis mi khyab ste de bzhin du byang chub sems dpa' sems can yongs su smin par byed pa'i spyod pa yongs su dag pa'ang mtha' yas bsam gyis mi khyab bo/ / de la byang chub sems dpa' sems can rnams kyi bsam pa shes nas/ sems can rnams yongs su smin par byed nus so// de ci'i phyir zhe na/ rigs kyi bu 'di ltar sems can la la ni tshul khrims kyis yongs su smin par 'gyur/ la la ni tshul khrims spangs pas/ sems can la la ni tshig gis shin tu gdams pas yongs su smin par 'gyur/ la la ni 'jam pos/ la la ni nub pos/ la la ni de gnyis kas/ la la ni 'jigs par byas pas/ la la ni 'jigs pa las yongs su thar par byas pas/ la la ni bslangs pas la la ni ma bslangs pas/ la la ni gnod pas/ la la ni mi gnod pas/ la la ni zil gyis mnan pas// la la ni zil gyis ma mnan pas/ la la ni sbyang bas/ la la ni mi sbyang bas/ la la ni tshar bcad pas// la la ni sbyin pa la phyir byin pas/ la la ni blangs pas/ sems can la la ni yid du 'ong ba'i gzugs nye bar bsgrubs pas yongs su smin par 'gyur ro// sems can la la ni sgra dang / dri dang / ro dang / reg pa dang / chos yid du
- 388b
'ong ba nye bar bsgrubs pas yongs su smin par 'gyur ro/ / sems can la la ni gzugs yid du mi 'ong banye bar bsgrubs pas yongs su smin par 'gyur ro// sems can la la ni sgra dang / dri dang / ro dang / reg pa dang / chos yid du mi 'ong ba nye bar bsgrubs pas yongs su smin par 'gyur ro// sems can la la ni spyo bas yongs su smin par 'gyur ro// sems can la la ni rtag tu mthong bas/ la la ni mi mthong bas/ sems can la la ni sangs rgyas kyi sgras/ sems can la la ni chos kyi sgras// sems can la la ni dge 'dun gyi sgras/ la la ni mi rtag pa'i sgras/ la la ni sdug bsngal gyi sgras/ la la ni bdag bdag med pa'i sgras/ la la ni zhi ba'i sgras/ sems can la la ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sgras yongs su smin par 'gyur ro// sems can la la ni sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal myong bar 'gyur ba'i sgras yongs su smin par 'gyur ro/ / la la ni lha'i bde ba myong bar 'gyur ba'i sgras yongs su smin par 'gyur ro// sems can la la ni nyan thos kyi theg pa'i gtam gyis/ la la ni rang sangs rgyas kyi theg pa'i gtam gyis/ la la ni theg pa chen po'i gtam gyis yongs su smin par 'gyur ro// sems can la la ni sbyin pas yongs su smin par
- 389a
'gyur gyi/ snyan par smra bas ma yin/ don spyod pas ma yin/ don mthun pas ma yin/ sems can la la ni snyan par smra bas yongs su smin par 'gyur gyi sbyin pas ma yin/ don spyod pas ma yin/ don mthun pas ma yin/ sems can la la ni don spyod pas yongs su smin par 'gyur gyi/ sbyin pas ma yin/ snyan par smra bas ma yin/ don mthun pas ma yin/ sems can la la ni don mthun pas yongs su smin par 'gyur gyi/ sbyin pas ma yin/ snyan par smra bas ma yin/ don spyod pas yongs su smin par 'gyur ba ma yin/ sems can la la ni bsdu ba'i dngos po bzhi po dag gis yongs su smin par 'gyur ro/ / sems can la la ni nang gi dngos po yongs su gtong bas/ la la ni phyi rol gyi dngos po yongs su gtong bas/ la la ni phyi dang nang gi dngos po yongs su gtong bas/ sems can la la ni chung ma dang / bu pho dang / bu mo kun tu gtong bas yongs su smin par 'gyur ro// sems can la la ni lag pa dang / rkang pa dang / mig dang / mgo kun tu gtong bas yongs su smin par 'gyur ro// sems can la la ni rtsed mo dang / dga' ba dang / glu dang / sil snyan gyis yongs su smin par 'gyur ro/ / la la ni gcig tu bde bas/ la la ni gcig tu sdug bsngal bas/ la la ni de gnyis kas/ la la ni gnyis ka ma yin pas sems can la la
- 389b
ni dge slong du sprul pas 'dul ba/ sems can la la ni dge slong dang / dge slong ma dang / dge bsnyen dang / dge bsnyen mar sprul pas 'dul ba/ sems can la la ni sangs rgyas kyi gzugs dang kha dog gis 'dul ba yin te/ de dag la sangs rgyas kyi gzugs dang sku bstan pas 'dul bar 'gyur ro// rigs kyi bu de la byang chub sems dpas 'di ltar sems can gyi spyod pa sna tshogs byed pa shes nas/ sems can gyi bsam pa yongs su shes pa la brtson par bya'o// rigs kyi bu nam byang chub sems dpa' 'di ltar pha rol tu phyin pa'i spyod pa las nges par 'byung bar gyur cing / byang chub kyi phyogs kyi chos kyi spyod pa yang dag par bsdus par gyur te/ mngon par shes pa'i ye shes kyi spyod pa la mkhas par gyur pa na/ de nas gdod sems can yongs su smin par byed nus pa'i skal ba dang mthu yod par 'gyur ro/ / rigs kyi bu byang chub sems dpa' chos bzhi dang ldan na/ sems can rnams yongs su smin par byed nus te bzhi gang zhe na/ 'di lta ste/ yongs su mi skyo ba dang / bdag bde ba la mi chags pa dang / dus dang dus ma yin par skul ba dang / bsam pa yongs su shes pa ste/ rigs kyi bu byang chub sems dpa' chos bzhi po de dag dang ldan na/ sems can rnams yongs su smin par byed nus so// rigs kyi bu gzhan yang byang chub sems dpa' chos bzhi dang ldan na
- 390a
sems can rnams yongs su smin par byed nus te/ bzhi gang zhe na/ bka' blo bde ba dang / byin par smra ba dang / ngang tshub gyis 'jam pa dang / bzhin 'dzum shing khrog med pa ste/ rigs kyi bu byang chub sems dpa' chos bzhi po de dag dang ldan na/ sems can rnams yongs su smin par byeng nus so// rigs kyi bu gzhan yang byang chub sems dpa' chos bzhi dang ldan na/ sems can rnams yongs su smin par byed nus te/ bzhi gang zhe na/ khong khro ba med pa'i sems dang / snying rje chen po'i sems dang / phan pa'i dngos po'i sems dang / bdag shin tu dul ba'i sems te/ rigs kyi bu byang chub sems dpa' chos bzhi po de dag dang ldan na// sems can rnams yongs su smin par byed nus so// rigs kyi bu gzhan yang byang chub sems dpa' chos bzhi dang ldan na/ / sems can rnams yongs su smin par byed nus te/ bzhi gang zhe na/ bsam pa dag pa dang / g.yo med cing sgyu dang bral ba dang / brtson 'grus brtan pa dang / legs par byas pa dang / nyes par byas pa bzod pa ste/ rigs kyi bu byang chub sems dpa' chos bzhi po de dag dang ldan na// sems can rnams yongs su smin par byed nus so// rigs kyi bu khyod kyis rnam grangs 'dis kyang 'di ltar gang byang chub sems dpas yongs su mi skyo bas sems can rnams yongs su smin
- 390b
par byed nus par rig par bya'o/ / rigs kyi bu sngon byung ba 'das pa'i bskal pa grangs med pa bas kyang ches grangs med pa/ yangs pa/ tshad med pa/ bsam gyis m i khyab par gyur pa de'i tshe de'i dus na bskal pa dga' byed la 'jig rten gyi khams zhi bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das dri ma med par snang ba zhes bya ba 'jig rten du byung ngo / / rigs kyi bu 'jig rten gyi khams zhi ba de'ang 'byor pa/ rgyas pa/ bde ba/ lo legs pa/ nyams dga' ba// lha dang mis rab tu gang bar gyur to/ / rigs kyi bu de bzhin gshegs pa dgra bcom pa yang dag par rdzogs pa'i sangs rgyas dri ma med par snang ba de'i nyan thos kyang nyan thos chen po bye ba phrag dgu bcu rtsa drug 'dus par gyur to/ / de'i byang chub sems dpa' sems dpa' chen po'ang byang chub sems dpa' chen po brgyad khri bzhi stong 'dus par gyur to// bcom ldan 'das de bzhin gshegs pa dri ma med par snang ba dang / byang chub sems dpa' de dag gi tshe'i tshad ni lo brgyad khri bzhi stong thub par gyur to// rigs kyi bu de'i tshe rgyal bu gzhon nu nor dpal zhes bya ba
- 391a
gzugs bzang ba/ mdzes pa/ bstan sdug pa/ mdog bzang po rgyas pa/ mchog dang ldan pa zhig byung ste/ banas nas lo bcu drug lon pa dang / dri gzugs bzang ba dang / longs spyod dang / skyid pas dregs shing nga rgyal skyes te rgyags nas bcom ldan 'das de bzhin gshegs pa dri ma med par snang ba de'i gan du mi 'gro/ sten par mi byed/ sten par mi byed/ rim gro mi byed do// rigs kyi bu de nas bcom ldan 'das de bzhin gshegs pa dri ma med par snang ba de 'di snyam du dgongs te/ ma la rgyal bu gzhon nu nor dpal 'di ni dge ba'i rtsa ba yongs su smin te/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba yod na/ de gzugs dang / longs spyod dang / skyid pas rgyags dregs te/ nga rgyal gyis de bzhin gshegs pa'i drung du'ang mi 'ong na/ gal te rgyun mi 'chad par bskul na ni/ de de bzhin gshegs pa'i drung du 'ong yang srid snyam mo/ / rigs kyi bu de nas de bzhin gshegs pa dri ma med par snang ba des/ byang chub sems dpa' brgyad khri bzhi stong po de dag bsdus so// bsdus nas kyang rigs kyi bu dag khyed kyi nang n as yid yongs su mi skyo bar lo brgyad khri bzhi stong gi bar du rgyal bu gzhon nu nor dpal gyi khyim gyi sgor bgro zhing bde ba thams cad ni spangs sdug bsngal thams cad ni dang du blang te
- 391b
de las tha na kun tu smra ba'am/ yang dag par smra ba 'am/ stan tsam yang mi rnyed kyi steng du gshe rgya zhing tshig ngan pa rtsub po mi snyan pa zer yang spro bar 'gyur ba su yod ces tshul shing brims so// rigs kyi bu de ltar tshul shing brims kyang byang chub sems dpa' brgyad khri bzhi stong po de dag las byang chub sems dpa' ba gang tsam yang spro bar ma gyur to// bcom ldan 'das des tshul shing thogs te lan gnyis lan gsum du brims kyang sus kyang ma blangs pa dang / rigs kyi bu de'i tshe byang chub sems dpa' sems dpa' chen po brtson 'grus 'bar ba zhes bya ba zhig byang chub sems dpa'i 'khor de nyid 'dus par gyur nas 'dug pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa dri ma med par snang ba ga la ba der logs su thal mo sbyar ba btud nas/ bcom ldan 'das de bzhin gshegs pa dri ma med par snang ba la 'di skad ces gsol to/ / bcom ldan 'das bdag ni lo brgyad khri bzhi stong gi bar du yid yongs su mi skyo bar bde ba thams cad ni spangs sdug bsngal thams cad ni ji mi snyam par bgyis te/ rgyal bu g zhon nu nor dpal gyi khyim du mchi'o zhes rigs kyi bu byang chub sems dpa' sems dpa' chen po brtson 'grus 'bar gyis tshig de smras ma thag tu de nas de nyid kyi rma
- 392a
gsum gyi stong chen po'i 'jig rten gyi khams rnam pa drug tu rab tu g.yos nas/ lha'i bu brgya stong gis kyang steng gi bar snang las kye ma'o byang chub sems dpa' brtson 'grus 'bar gyis brtson 'grus chen po'i go cha bgos pa 'di ni legs so legs so zhes bya ba byin no/ / rigs kyi bu de nas byang chub sems dpa' sems dpa' chen po brtson 'grus 'bar de rgyal bu gzhon nu nor dpal gyi khyim du song ste/ khyim gyi sgo drung na 'dug pa dang / de skye bo'i tshogs chen po des mthong nas/ gshe rgya zhing ngan pa rtsub pa sna tshogs spras te/ de la sa dang rdul yang gtor/ de la lag pa dang / dbyig pa dang / bong bas kyang brdegs so// des mthong zhing thong te/ lus la reg cing tshor bar gyur kyang byang chub sems dpa' brtson 'grus 'bar 'khrug pa'am/ gshe ba 'am/ khong khro ba 'am/ phyir log par ma gyur gyi steng du brtson 'grus brtan pa'i stobs rab tu bskyed nas/ stobs dang rab tu ldan pa dang / snying rje chen po'ang bskyed de/ de lo stong lon pa dang rgyal po'i pho brang gi sgo khang gcig tu zhugs te/ smad pa dang / bsdigs pa dang / brdegs pa thams cad kyis kyang yongs su mi skyo bar/ de lo khri lon pa dang rgyal po'i pho brang gi sgo khang gnyis kyi nang du zhugs so/ / de lo nyi khri lon pa dang rgyal po'i pho brang gi sgo khang gsum pa'i nang du zhugs pa nas lo bdun khri lon pa dang / rgyal po'i pho brang gi sgo
- 392b
khang drug pa'i nang du zhugs so/ / de lo brgyad khri bzhi stong lon pa dang rgyal po'i pho brang gi sgo khang bdun pa'i nang du zhugs pa dang / de nas gdod rgyal bu gzhon nu nor dbul des tshig ster te/ dge slong khyod ci 'dod ci zhig nol/ khyod la ni dgos spros shig dung ci nus kyis rab tu sbyin par bya'o// rgyal bu gzhon nu de dge slong de la ngo mtshar chen po'i 'du shes skyes nas/ ji tsam du dge slong des yongs su mi skyo ba rnag nus pa de ni ngo mtshar te snyam mo// rigs kyi bu de nas byang chub sems dpa' sems dpa' chen po brtson 'grus 'bar des rgyal bu gzhon nu nor dpal de sems rab tu dang bar shes nas/ de'i tshe tshigs su bcad pa 'di dag smras so// zas dang skom dang gos dang bza' ba rnams gzhon nu bdag la dgos pa ci yang med/ zang zing med pa'i sems ni nyer bzhag nas/ bdag ni chos kyi pho nyar 'dir 'ongs so// 'jig rten don mdzad drang srong che byung ba/ / mi mchog dri ma med par snang zhes bya// de ni sdug bsngal mthar pa byin chos ston te// sems can gang gis thos pa mi mchi 'thob// bskal pa stong phrag bye ba grangs med na/ sangs rgyas rnams ni brgya lam 'byung bar 'gyur/ da ltar 'jig rten mun nag sbron gyur pa/ yon tan dam pa mnga' ba de skyes nas/ khyod ni 'di na 'dod pa'i yon tan
- 393a
chags/ / gzugs dang longs spyod rnams la rtag tu mos// myid myos de bzhin rgyal srid myos pas na// chos kyi rgyal po lta bar yong mi 'gro// mangs spyod mi rta bzhin rgyal srid srog/ nA rtse'i zil thigs 'dra zhes rgyal bas gsungs// gang phyir sangs rgyas thos kyang myos 'gyur ba// de ni rgyal bu khyod kyi cha ma yin// khyod ni bdin byang chub mchog zhugs la/ / sems can dag kyang gter te grol bar gyis// khyod bdag da ltar 'dod pa bran gyur na// ji ltar myos pas skye bo 'dul bar 'gyur// nga rgyal spongs te nyon mongs rnams sol la/ / de ni rgyal ba'i drung du 'gro bar gyis// brtson 'grus bskyed de 'jig rten snying brtse gyis// phyi ma'i dus na gdung bar gyur ta re// rgyal bus tshigs su bcad pa 'di thos nas/ / nga rgyal spangs te gus pa rab bskyed nas// brtson 'grus 'bar ba'i rkang la phyag 'tshal te// gang sngon bdag gis gnod bgyis bzod par gsol// bdag ni rgyal srid thams cad spangs par bya// 'dod dang de bzhin longs spyod kun mi tshol// nga rgyal tha ba'i skyon dang dregs spangs te// myur du bde bar gshegs pa'i gan du 'gro/ / de ni srog chags bye ba brgyad cus bskor// me tog na bza' spos dang bdug pa thogs// dri ma med par snang ba skyes bu mchog/ rgyal ba de yi drung dunye bar song //
- 393b
bde bar gshegs pa'i gan du phyin nas kyang // zhabs la phyag 'tshal de nas mchod byas te// de bzhin gshegs pa de yi spyan sngar 'dug/ rgyal bu de yis tshig ni 'di smras so// gang phyir skyo med sems kyis bskul ba san// brtson 'grus 'bar ba bdag gi ston pa mgon// ji ltar de ni mchod pa'i 'os lags na// de la lan du phan pa bgyi mi nus/ / bdag ni 'jig rten mgon la bzod par gsol// chos kyi rgyal la gus pa gang ma bgyis// de dag thams cad de ring so sor bshags// bdag gis nongs pa 'jig rten mgon mkhyen mdzod/ / sems can don du snying rje bskyed nas su// bdag ni byang chub mchog la rab zhugs te// byang chub dam mchog ma thob bar du ni// sman rmad bag med spyod pa mi bgyi'o/ / rgyal bu de yis rgyal srid rnams spangs te// sems can bye ba brgyad cu rnams kyis bskor// byang chub dam pa 'di ni yongs rtsol zhing // mngon byung rgyal ba'i bstan la rab tu byung / / rgyal bas de dag gi ni bsam mkhyen nas// byang chub lam mchog rab tu bstan pas na// chos thos sems can rtag tu dag pa rnams// thams cad kyis kyang rjes mthun bzod pa thob/ rigs kyi bu ngas bskal pa 'am/ bskal pa las lhag par de bzhin gshegs pa dri ma med par snang ba de'i 'jig rten gyi khams
- 394a
kyi bsngags pa brjod cing / gang chos bstan pa bsam gyis mi khyab pa de yongs su brjod kyang yon tan gyi mtha' zad par mi 'gyur ro// rigs kyi bu de'i tshe de'i dus na byang chub sems dpa' brtson 'grus 'bar zhes bya bar gyur pa de gzhan zhig yin pa snyam du dogs shing the tshom za'am/ yid gnyis su gyur na'ang de ltar mi blta'o// de ci'i phyir zhe na/ de'i tshe de'i dus na nga nyid byang chub sems dpa' brtson 'grus 'bar zhes bya ba der gyur to// rigs kyi bu de'i tshe de'i dus na rgyal bu gzhon nu nor dpal zhes bya bar gyur pa de gzhan zhig yin pa snyam du dogs shing the tshom za ba ma/ yid gnyis su gyur na'ang de ltar mi blta'o// de ci'i phyir zhe na/ byang chub sems dpa' sems dpa' chen po byams pa 'di ni de'i tshe de'i dus na rgyal bu gzhon nu nor dpal zhes bya bar gyur to/ / rigs kyi bu de ltar sngon byang chub sems dpa' rnams sems can yongs su smin par bya ba la yongs su mi skyo zhing / 'di ltar shin tu stobs dang ldan te/ / brtson 'grus nye bar ston to// rigs kyi bu de bas na byang chub sems dpa' sems can yongs su smin par byed par 'dod pas/ ci nas kyang byang chub sems dpa' brtson 'grus 'bar zhes bya ba de ltar bslab par bya'o/ / de ci'i phyir zhe na/ rigs kyi bu sems can yongs su smin par byed pa ni byang chub sems dpa' rnams kyi las yin no// rigs kyi
- 394b
/ bu bzhi po 'di dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad sdud par 'gyur ba'o// bzhi gang zhe na/ 'di lta ste/ bdud kyi las shi tu bdang pa byang chub sems dpa'i las dang / sangs rgyas kyi zhing yongs su sbyong ba byang chub sems dpa'i las dang / lus dang / ngag dang / yid brgyan pa byang chub sems dpa'i las dang / sangs rgyas kyi chos thams cad yang dag par sgrub pa byang chub sems dpa'i las te/ rigs kyi bu bzhi po de dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad sdud par 'gyur ba'o/ / rigs kyi bu gzhan yang byang chub sems dpa' rnams kyi byang chub sems dpa'i las sangs rgyas kyi chos thams cad yang dag par sdud par 'gyur ba bzhi ste/ bzhi gang zhe na/ bsam pa la 'jug pa'i ye shes dang / dbang po yongs su shes pa'i ye shes dang / nad thams cad zhi bar byed par sman sbyin pa'i ye shes dang / nyon mongs pa'i nad thams cad rab tu zhi bar byed pa mi 'khrugs pa'i ye shes te/ rigs kyi bu bzhi po de dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad yang dag par sdud par 'gyur ba'o/ / de nas byang chub sems dpa' sems dpa' chen po gtsug na rin po ches gang bskal pa bye ba khrag khrig brgya stong tshad med grangs med pa'i dge ba'i rtsa bas mngon
- 395a
par grub pa/ gang stong gsum gyi stong chen po'i 'jig rten gyi khams bcu nor bu rin po che sna bdun gyis rab tu bkang bas kyang rin du mi bzod pa'i gtsug gi nor bu'in po che de/ de bzhin gshegs pa la phul nas tshig 'di skad ces smras so// bcom ldan 'das bdag gi gtsug na mchis pa'i nor bu rin po che 'di de bzhin gshegs pa la phul ba'i dge ba'i rtsa ba 'dis/ bcom ldan 'das bdag spyi gtsug ltar mi snang ba thob pa dang / bdag sangs rgyas kyi ye shes spyi bor gyur pa bsam gyis mi khyab pa de dang ldan par gyur cig de nas bcom ldan 'das kyis de'i tshe 'dzum pa mdzad do/ / 'di ni sangs rgyas bcom ldan 'das rnams kyi chos nyid de/ nam 'dzum pa mdzad paden/ bcom ldan 'das kyi zhal gyi sgo nas 'od zer kha dog du ma kha dog sna tshogs 'di lnga ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu byung ste/ dag gis 'jig rten gyi khams mtha' yas mu med pa de dag 'od kyis khyab par byas nas/ tshangs pa'i 'jig rten gyi bar du mngon par 'phags te/ zla ba dang nyi ma rnams kyi gzi brjid kyang gzi brjid kyis yongs su zad par byas nas slar log ste/ bcom ldan 'das la lan brgya stong du mar bskor ba byas nas/ bcom ldan 'das kyi gtsug tu nub par gyur to//
- 395b
de nas byang chub sems dpa' spobs pa myur ba zhes bya ba stan las langs te/ bla gos phrag pa gcig tu gzar nas/ pus mo g.yas pa'i ldangs la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcang ba'i dbyangs kyis 'dzum pa mdzad pa'i don zhus so// mi mnyam mnyam pa dam pa 'jig rten mig sbyin 'jig rten mchog/ shAkya'i rgyal sras dbang po zhi zhing dri gsum dri ma spangs// mtshungs med mtshungs 'das byams pas 'phags pa rgyal ba ri rab bzhin// ci slang 'dir 'dzum ye shes 'byung gnas bdag la lung bstan gsol/ / gya gyu mi mnga' rab tu mnyen la shin tu snyan pa'i gsung // skyes bu dam pa bde rab sbyin pa dran mchog blo gros thugs// bde gshegs mos pa mchog dang ldan pa lha dang mis mchod pa/ / ci slad 'dzum pa 'di mdzad phan pa mdzad pas bstan du gsol// stobs bcu'i stobs mnga' 'dom gang 'od dang bsod nams gzi brjid 'od/ / 'khor gyi nang du seng ge lta bur rab gasgrags rgol ba bcom// thub pa srid gsum khyod dang mnyam pa'am lhag pa gang yang med// chos kyi dbang phyug ci slad 'dzum pa mdzad pa bstan du gsol/ / rab tu bzhad cing mchog tu dgyes pa shin tu dri med zhal// zla ba lta bur nam mkhar gshegs nas phyogs su lam me bar// mun pa
- 396a
bcom zhing rdul bcom 'od dang dpal ni rab rgyas pa/ / bde bar gshegs pa 'dzum mdzad phan pa mdzad pas bka' stsol cig/ gser ri 'od 'dra brtul zhugs grub pab bsod nams ye shes 'phro/ / mkhas pas rtag tu rab bsngags 'jig rten ngo mtshar mchod pa'i 'os// srid pa'i dam pa 'jig rten 'das pa sbyin gnas mi zad cing // nam mkha'i ngos rab snang bar shAkya seng ges 'dzum pa bstan/ / lha dang mis mchog khyod 'dra sa dang lha yul dag na'ang med// yid mnyam mos pa mnyam pa khrel yod dpal gyis rab tu rgyas/ / yon tan brgya rnams shin tu rgyas pa'i mtshan ni rab rdzogs pa// bde gshegs 'dzum pa mdzad pa thub pa dam pa bka' stsol cig/ kun tu khyod kyi ye shes dus gsum chags pa med par 'jug/ sems dang yid sbyor dbang po gang dang sems can bsam pa gang // sems can kun gyi bsam pa ci 'dra thams cad skad cig mkhyen// mi yi seng ges gang slad 'dzum mdzad rigs don bdag la gsungs// nam mkhar gnas pa'i lha mang yid kyang rab tu dga'/ mi tshogs sa la gnas pa thal sbyar phyag 'tshal gyis/ gang thos lha mi mun pa'i rdul rnams sel 'gyur ba// mi mchog gis ni bdud ci ro mchog dbye bar gsol// de skad ces gsol pa dang // bcom ldan 'das kyis byang chub
- 396b
sems dpa' sems dpa' chen po thabs bsgyur bal bdi skad ces bka stsal te/ rigs kyi bu khyod kyis byang chub sems dpa' bcug na rin po che 'dis sangs rgyas kyi ye shes spyi bor gyur pa bsam gyis mi khyab pa'i ched du/ gang gtsug gi nor bu rin po che 'di de bzhin gshegs pa la phul ba mthong ngam/ gsol ba/ bcom ldan 'das mthong ngo // bcom ldan 'das kyis bka' stsal pa/ rigs kyi bu byang chub sems dpa' sems dpa' chen po gtsug na rin po che 'dis sangs rgyas bcom ldan 'das gang+gA'i klung gi bye ma snyed mnyes par byas/ bsti stang du byas/ btsun par byas/ ri mor byas shing / mchod nas/ thams cad du'ang tshangs par spyod pa spyad de/ sems can dpag tu med pa dag kyang theg pa gsum po de dag la yongs su smin par byas so/ / rigs kyi bu byang chub sems dpa' gtsug na rin po che 'dis bskal pa grangs med pa brgya stong na/ bskal pa dri ma med pa la 'jig rten gyi khams 'od dri ma med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa// bde bar gshegs pa// 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rin po che 'byung ba zhes bya bar 'jig rten du 'byung ngo //
- 397a
'jig rten gyi khams 'od dri ma med pa de'i sa gzhi ni rin po che sna bdun du 'gyur ro// 'jig rten gyi khams de nas 'od gang byung ba des phyogs bcu'i sangs rgyas kyi zhing grangs med pa rnams snang bar 'gyur ro/ / 'od de'ang gser gyi kha dog lta bur 'gyur ro// sems can gang dag 'od des reg par 'gyur ba de dag kyang nyon mongs pa thams cad kyis mi gzir bar 'gyur ro/ / 'jig rten gyi khams 'od dri ma med pa dbang 'byor pa rgyas pa/ byang chub sems dpa' 'ba' zhig gi gnas su 'gyur ro// der byang chub sems dpa' rin po che ma gtogs par rin po che gzhan 'byung bar mi 'gyur te/ de'i phyir de bzhin gshegs pa de'i ming rin po che 'byung ba zhes bya'o// byang chub sems dpa' de dag thams cad kyang mngon par shes pa rab tu 'thob/ par 'gyur ro// de dag gi longs spyod dang kun spyod pa thams cad kyang bsams pa tsam gyis 'byung bar 'gyur ro// gang 'jig rten gyi khams der lha dang mi 'byung ba de dag thams cad kyang bla na med pa yang dag par rdzogs pa'i byang chub tu nges par 'gyur ro/ / de na mi khom pa dang ngan song rnams kyi ming yang med par 'gyur ro// de na bcom ldan 'das de bzhin gshegs pa rin po che 'byung ba bla na med pa'i chos kyi rgyal po ma gtogs par rgyal po gzhan 'byung bar mi 'gyur ro/ / lha dang mi de dag thams cad kyang rdzus te skye bar 'gyur ro// 'jig rten gyi khams de na
- 397b
bud med dang 'khrig cing 'du ba'i ming yang med par 'gyur ro/ / 'jig rten gyi khams de na sems can long ba 'am/ zhar ba 'am/ zha bo 'am/ sgur po 'am/ yan lag ma tshang bar 'gyur ba gang yang med de/ de dag thams cad kyang lus mtshan gyis legs par brgyan par 'gyur ro// de bzhin gshegs pa de'i byang chub sems dpa'i dge 'dun yang dpag tu med par 'gyur ro/ / de'i tshe'i tshad kyang bskal pa bar ma bzhi bcu rtsa gnyis thub par 'gyur ro// de bzhin gshegs pa de'ang byang chub dang rab tu ldan pa/ pha rol tu phyin pa dang rab tu ldan pa/ snying rje chen po dang rab tu ldan pa/ theg pa chen po dang rab tu ldan pa ma gtogs par gtam gzhan ston par mi 'gyur ro// byang chub sems dpa' de dag thams cad kyang dbang po rno ste zur tsam gyis go bar 'gyur ro/ / de dag kyang chos kyi sgo'i tshig re res sangs rgyas thams cad kyi byang chub rjes su rtogs par 'gyur ro// de bzhin gshegs pa de'ang byang chub sems dpa' de dag la rdo rje'i tshig gi gzungs yang dag par rab tu ston par 'gyur ro/ / de la rdo rje'i tshig gi gzungs gang zhe na/ 'di lta ste/ tshig gcig gis tshig thams cad la 'jug pa'o// tshig gcig pu de'ang gang zhe na/ 'di lta ste/ tshig mi zad pa'o// tshig mi zad pa de'ang gang zhe na/ tshig mi zad pa zhes bya ba ni gang sangs rgyas thams cad kyis kyang zad par byed nus pa'o//
- 398a
tshig mi zad pa de'ang gang zhe na/ 'diny+dzaste/ a zhes bya ba ni tshig mi zad pa ste/ a zhes bya ba la zhugs na/ sig 'bru thams cad la 'jug par 'gyur ro// de ltar na yi ge thams cad ni mi zad pa ste/ yi ge 'bru gnyis snga phyi med par thos par bya mi nus so// yi ge 'bru re re nas brjod kyi/ yi ge'ang yi ge gnyis dang 'brel ba ma yin no// de bas na tshig gcig pu de nyid rnam par rig pa'i tshig ste/ gang rnam par rig pa'i tshig de'ang rnam par rig pa'i tshig ces rtog par mi byed/ rnam par rtog par mi byed do// de ltar tshig de mi rtog rnam par mi rtog par dgos pa byed de/ rigs kyi bu 'di ni rdo rje'i tshig gi gzungs la 'jug pa'o// de ltar bcom ldan 'das de bzhin gshegs pa rin po che 'byung ba de/ byang chub sems dpa' de dag la rdo rje'i tshig gi gzungs yang dag par rab tu ston par 'gyur ro/ / rigs kyi bu ngas bskal pa 'am/ bskal pa las lhag par 'jig rten gyi khams 'od dri ma med pa de'i bsngags pa brjod cing / de bzhin gshegs pa dgra bcom pa yang dag par rdzogs pa'i sangs rgyas rin po che 'byung ba de'i chos bstan pa bsam gyis mi khyab pa de yongs su brjod kyang yon tan yongs su brjod pa zad par mi 'gyur te/ sangs rgyas kyi zhing der ni yon tan gyi rnam par bkod pa tshad med pa de snyed 'byung bar 'gyur ro// de nas byang chub sems dpa'
- 398b
sems dpa' chen po gtsug na rin po ches bdag nyid lung bstan pa thos nas/ dga' mgu yi rangs shing rab tu dga' ste/ bde ba dang yid bde ba skyes nas/ bcom ldan 'das la tshul dang mthun pa'i tshigs su bcad pa 'di dag gis mngon par bstod do/ / thams cad mkhyen cing thams cad gzigs// chos rnams kun gyi pha rol gshegs// 'khrul pa'i skyon rnams thams cad las/ / de bzhin gshegs pa shin tu 'das// ye shes chen po khyod re mtshar// sangs rgyas bye ba de snyed la// bdag gis sngon mchod gang bgyid pa// de dag thams cad mngon par mkhyen// 'das dang ma 'ongs dus dag dang // de bzhin da ltar byung ba yi// bdag gi spyod dang de bzhin du// srog chags kun gyi rab tu mkhyen// thub pa ci 'dra de 'dra bar/ / 'jig rten sangs rgyas bdag 'gyur zhes// rdzogs sangs rgyas kyis bdag lung bstan// bdag ni the tshom yod ma mchis// sa rnams thams cad 'gas kyang gda'// nyi zla mkha' las ltung yang gda'/ / bcom ldan khyod kyi zhal sgo nas// phyin ci log gi gsung mi 'byung // ye shes ldan la shes rab che// des ni bdag la bden tshig gis// byang chub mchog tu lung bstan pas/ / sangs rgyas bla na med par 'gyur// thugs kyis yid ni mkhyen pas na// bdag gi spyod pa ci 'dra dang // sangs rgyas zhing yang ci 'dra ba// de 'dra 'i
- 399a
du kun bstan to/ / rdzogs sangs rgyas kyi gsung thos nas// the chom ma mchis dbang po chem// sems can rnams la phan pa'i rgyur// mchog gi spyod pa spyad par brtsi/ bdag gi spyod pa ci 'drab// sngon gyi mthar ni rnam sbyangs pa// debs shin tu dpagayas par// bdag gi spong ba sdud par bgyi// 'din khaM los mi 'dab bas// brtson 'grus pa/ nga'i spyod pa 'di// bum pa ma mchis sems kyis su// byang chub spyod pa spyad par bgyi// bdag ni byang chub lung bstan pa// sangs rgyas kyis ni spro bsngal/ ji srid 'dren pa ma gyur pa/ de srid brtson 'grus mi gtang ngo // rtag tu byang chub mchog gzhol te// sems can thams cad gnyer bar bgyi// byang chub dam pa don du btsal// de dag bdag gis bskyang bar bgyi/ byang chub sems dpa' gtsug na rin po ches tshigs su bcad pa bstan pa 'di bshad pa na/ srog chags stong phrag bdun cu rtsa gnyis bla na med pa yang dag par rdzogs pa'i byang chub tu sems bskyed nas/ 'jig rten gyi khams 'od dri ma med par skye bar sems kyis smon te/ tshig 'di skad ces bcom ldan 'das nam de bzhin gshegs pa rin po che 'byung ba des byang chub thob par gyur pa den/ bdag cag kyang sangs rgyas kyi zhing der skye bar gyur cig ces spras pa dang / de dag thams cad bcom ldan 'das kyis
- 399b
sangs rgyas kyi zhing der skye bar lung bstan to/ / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan dag la'ang rgya cher yang dag par rab tu ston cig/ kun dga' bo rigs kyi bu 'am/ rigs kyi bu mo gang la la rno kyo rnam grangs 'di 'chang dam/ klog pa de dag ni bla na med pa yang dag par rdzogs pa'i byang chub tu lung ston to// kun dga' bo rigs kyi bu 'am rigs kyi bu mo gang gis de bzhin gshegs pa dgra bcom pa yang dag par rdzogs pa'i sangs rgyas rnams la lo stong du ci bzhed ces sbyin pa byin pa bas/ rigs kyi bu 'am/ rigs kyi bu mo gang gis chos kyi rnam grangs 'di thos nas mos te/ 'chang ngam/ klog gam/ de kho na bzhin du nan tan byed na/ 'di ni de bas bsod nams ches mang ste/ tshad med grangs med par khong du chud par bya'o/ / de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das bdag gis chos kyi rnam grangs 'di gzung lags na/ chos kyi rnam grangs 'di'i ming ci lags 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi
- 400a
rnam grangs 'di byang chub sems dpa'i spyod pa yongs su dag pa zhes bya bar zung zhig/ de bzhin gshegs pa'i man ngag ces bya bar yang zung zhig/ gtsug na rin po ches zhus pa zhes bya bar yang zung zhig/ bcom ldan 'das kyis de skad ces bka' stsal nas/ byang chub sems dpa' sems dpa' chen po gtsug na rin po che dang / byang chub sems dpa' de dag thams cad dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa gtsug na rin po ches zhus pa zhes bya ba'i le'u ste/ bdus pa bzhi bcu bdun pa rdzogs so// zhu chen gyi lo tsa ba ban de d+harmA shI las zhus te/ skadagasar bcad kyis kyang bcos nas gtan la phab pa sh+lo ka dgu brgya ste/ bam po gsum mo// rgya gar skad du/ Ar+ya shrI ma la de bi sing ha nA da nA ma ma hA ya na sU tra/ bod skad du/ 'phags pa lha mo dpal baphreng gi seng ge'i sgra zhes bya ba theg pa chen po'i mdo// bam po dang po/ sangs rgyas dang byang chub sems dpa' thams cad la phyag 'tshal lo//
- 400b
'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mngon med zas sbyin gyi kun dga' rab na bzhugs sa/ de nas de'i yul ko sa la'i rgyal po gsal rgyal dang / btsun mo dam pa btsun mo 'phrang ldan mas// lha mo dpal ba phreng chos rtogs nas ring po ma lon pa'i bar skabs su gtam glengs pa rgyal po chen po kye ma khyod kyi sras mo lha mo dpal 'phreng ni mdzangs shing gsal la/ zab cing mkhas te/ gal te des bcom ldan 'das mthong ba lta na/ tshegs chung ngus chos rtogs la/ bcom ldan 'das kyi bstan pa la'ang the tsom ma mchis par 'gyur ro// de nas yul ko sa la'i rgyal po gsal rgyal gyis btsun mo 'phreng ldan ma la 'di skad ces smras so// 'phreng ldan ma'u bu cag gis lha mo dpal 'phreng la phonya nus pa zhig gtang gor ma chag go/ / de skad ces smras pa dang / btsun mo 'phreng ldan mas rgyal po gsal rgyal gyi tshig de mnyan nas// ko sa la'i rgyal po gsal rgyal dang / btsun mo 'phreng ldan mas bcom ldan 'das kyi yon tan gyi bsngags pa rnam pa du ma bris te/ nang kor ma yid brtan pa zla ba lta bu zhes bya ba de'i lag tu 'phrin yig bskur nas/ de mthar gyis song ste grong khyer 'thab meng du phyin nas/ btsun mo'i 'khor du song ste/ lha mo dpal 'phreng la phyag 'tshal nas phan tshun
- 401a
kun dga' ba'i gtam byas te/ lha mo dpal 'phreng gi lag tu 'phrin yig byin no// de nas lha mo dpal 'phreng gis pha ma la gus pas 'phrin yig de lag pa gnyis kyis blangs nas mgo la gtugs te/ bdag nyid kyis 'phrin yig bklags nas/ 'phrin yig gi don bzang ngo zhes nges par bzung ste/ don du nges par bzung nas mgo la lhags te/ ya mtshan du bzung nas/ lha mo dpal 'phreng gis nang kor ma zla ba lta bu la tshigs su bcad pa 'di dag smras so// sangs rgyas zhes bya'i sgra 'di ni// 'jig rten dag na shin tu dkon/ / gal te tshig 'di bden gyur na// bdag gis khyod la bgo ba sbyin// gal te bcom ldan sangs rgyas de// 'jig rten don du byung gyur na// de ni bdag la thugs rje yis/ / bstan pa'i ched du 'dir spyon cig/ de nas de yi skad cig la// mgon po gshegs nas mkha' la bzhugs// bsam gyis mi khyab sangs rgyas sku// 'od zer 'gyed cing bzhugs pa mthong / / de nas de'i tshe lha mo ni// gus pas 'khor bcas langs nas kyang // spyi bor thal mo sbyar byas nas// smra ba'i mchog la bstod pa ni// mgon po khyod kyi sku gzugs dang / / dpal dpe gang na'ang yod ma mchis// bsam yas dpe bla ma mchis pa'i// 'jig rten mgon la phyag 'tshal lo// mgon po khyod kyi sku gzugs dang /
- 401b
ye shes la yang bsam ma mchis// khyod kyi sangs rgyas chos mi bas// de bas thub khyod skyabs kyang lags// bsam yas rtsal ldan khyod kyis ni// sku gsung thugs kyi skyon rnams bsal/ / nyams ma mchis pa'i sa brnyes pa// chos rgyal khyod la phyag 'tshal lo// shes bya thams cad khyod kyis mkhyen// ye shes sku yi dbang phyug ste// sangs rgyas chos rnams thams cad kyi/ / mthar phyin khyod la phyag 'tshal lo// gzhal yas khyod la phyag 'tshal lo// dpe las 'das la phyag 'tshal lo// bsam yas chos khyod phyag 'tshal lo/ / mtha' yas gzugs khyod phyag 'tshal lo// bdag ni da ltar mgon pos bskyabs// byang chub sa bon rnam par bskyed// slan chad srid pa gzhan dag tu// thub pas bdag la phan gdags mdzod// bcom ldan 'das kyis bka' stsal pa// sngon tshe rnams su lha mo khyod// ngas ni byang chub sbyor ba byas// phyis kyang tshe rabs gzhan dag tu/ / ngas ni rjes su gzung bar bya// lha mo dpal 'phreng gis gsol pa// bdag gis 'di dang gzhan dag tu// bsod nams gang dang gang bgyis pa/ bsod nams de yis mgon po khyod// rtag tu bdag gis mthong bar shog/ de nas lha mo dpal 'phreng dang lhan cig tu btsun mo kun dang thams cad dang ldan pa'i 'khor gyis// bcom
- 402a
ldan 'das kyi zhabs la gtugs so/ / de nas bcom ldan 'das kyis 'khor 'dus pa'i nang du lha mo dpal 'phreng bla na med pa yang dag par rdzogs pa'i byang chub tu lung bstan te/ lha mo khyod kyis de bzhin gshegs pa la yang dag pa'i yon tan dag gis mngon par bstod pa'i bsod nams bsags pa gang yin pa'i dge ba'i rtsa ba 'dis lha mo khyod bskal pa tshad med grangs med par lha dang mi'i rgyal srid phun sum tshogs pa myong bar 'gyur te/ tshe rabs thams cad du'ang nga mthong ba dang bral bar mi 'gyur zhing / ngal mngon sum du 'di lta bu'i bstod pa bsngags pas bsngags par 'gyur ro/ / sangs rgyas bcom ldan 'das dpag tu med grangs med pa rnams la'ang mchod pa byed par 'gyur ro/ / da phyin chad bskal ba brgya stong phrag grangs med pa nyi shun/ khyod de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya bar 'gyur te/ de'i tshe'ang lha mo khyod kyi sangs rgyas kyi zhing der ngan song dag 'byung bar mi 'gyur ro// de'i tshe sems can rnams kyang dge ba bcu'i las kyi lam la gnas par 'gyur te/ sems can de dag la nad kyang med// rga ba'ang med/ yid du mi 'ong ba'i gnod pa'ang med de/ mi dge ba'i las kyi lam rnams kyi ming yang mi
- 402b
grag par 'gyur ro/ / sangs rgyas kyi zhing der sems can gang dag 'byung ba de dag gis ni gzhan 'phrul dbang byed kyi lha rnams kyang 'di ltar bde ba dang / gzugs dang / kha dog dang dpal dang / gzi brjid dang / gzugs dang / sgra dang / dri dang / ro dang / reg bya dang / longs spyod thams cad kyis zil gyis gnon par 'gyur te/ sems can de dag shin tu bde ba dang ldan par 'gyur ro/ / lha mo sangs rgyas kyi zhing der sems can gang dag 'byung ba de dag thams cad kyang theg pa chen po la yang dag par zhugs par 'gyur ro// lha mo de bzhin du dge ba'i rtsa ba dag byas pa'i sems can rnams de'i tshe sangs rgyas kyi zhing der 'du bar 'gyur ro// de nas lha mo dpal 'phreng gis lung bstan pa phun sum tshogs pa thos nas/ lha dang mi dpag tu med pa dag gis sangs rgyas kyi zhing der skye bar smon lam btab bo// de dag thams cad kyang 'jig rten gyi khams der skye bar bcom ldan 'das kyis lung bstan to/ / de nas lha mo dpal 'phreng gis bcom ldan 'das las mngon sum du bdag nyid lung bstan pa thos nas/ thal mo sbyar te yi dam chen po bcu yang dag par blangs so/ / bcu gang zhe na/ 'di lta ste/ bcom ldan 'das da slan rmad bdag gis tshul khrims kyi dus las 'da' ba'i sems bskyed par mi bgyi ste/ bcom
- 403a
ldan 'das yid ma dang po 'di ni byang chub kyi snying po'i mthar thug gi bar du bdag gis yang dag par byung ngo / / bcom ldan 'das sran chad bdag gis bla ma dag pa mgus pa'i sems bskyed par mi bgyi ste/ bcom ldan 'das yi ma gnyis pa 'di'ang byang chub kyi snying po'i mthar thug gi bar du bdag gis yang dag par blang ngo // bcom ldan 'das dablan tshacha bdag gis gong du'ang sems can la khro ba dang gnod sems kyi sems bskyed par mi bgyi ste/ bcom ldan 'das yi dam gsum pa 'di'ang byang chub kyi snying po'i mthar thug gi bar du bdag gis yang dag par blang ngo / / bcom ldan 'das da slan chad bdag gis gzhan gyi dpal dang / gzhan gyi phun sum tshogs pa dag la phrag dog gi sems bskyed par mi bgyi ste/ bcom ldan 'das yi dam bzhi pa 'di'ang byang chub kyi snying po'i mthar thug gi bar du bdag gis yang dag par blang ngo // bcom ldan 'das nga slan chad bdag gis tha na kham slad ma tsam la'ang ser sna'i sems bskyed par mi bgyi ste/ bcom ldan 'das yi dam lnga pa 'di'ang byang chub kyi snying po'i mthar thug gi bar du bdag gis yang dag par blang ngo // bcom ldan 'das da than chad bdag gis bdag nyid kyis longs spyod pa'i slad du nor yongs su gzung bar mi bgyi ste/ bon kyang bcom ldan 'das sems can dbul po sdug bsngal zhing
- 403b
mgon ma mchis pa yongs su smin par bgyi ba'i slad du yongs su gzung bar 'tshal te/ bcom ldan 'das yi dam drug pa 'di'ang byang chub kyi snying po'i mthar thug gi bar du bdag gis yang dag par blang ngo / / bcom ldan 'das de slan chad bdag gis bsdu ba'i dngos po bzhis sems can rnams la phan bdogs pa na/ bdag la sman du re ba'i slad du sems can bsdu bar mi bgyi ste/ bon kyang bcom ldan 'das zang zing ma mchis pa'i sems dang / chog par mi 'dzin pa dang / ldog pa ma mchis par sems can yang dag par bsdu bar 'tshal bcom ldan 'das yi dam bdun pa 'di'ang byang chub kyi snying po'i mthar thug gi bar du bdag gis yang dag par blang ngo / / bcom ldan 'das de slan chad bdag gis sems can mgon ma mchis pa dang / go rar stsal ba dang / bcings pa dang / nad kyis nyam thag pa dang / sdug bsngal ba dang / dbul po dang / 'phongs par gyur pa dang / tshegs chen pos 'tshe ba dag mthong na/ de dag la sman ma btags par gom pa gcig kyang dor bar mi bgyi'i bcom ldan 'das bdag gis sems can sdug bsngal gyis nyam thag pa de dag mthong na/ sdug bsngal de dang de dag las yongs su thar par bgyis la/ nor gyi bsdu bas pa sgrubs nas/ slad kyis bdag mchi bar bgyis te/ bcom ldan 'das yi dam brgyad pa 'di'ang
- 404a
byang chub kyi snying po'i mthar thug gi bar du bdag gis yang dag par blang ngo / / bcom ldan 'das dman chad bdag gis bga' tsho dang / bya ba la sogs pasdig pa'i las kyis 'tsho zhing / de bzhin gshegs pas bka' stsal pa'i chos 'dul ba las nyams pa'i tshul can dag mthong na yal bar mi dor gyi bcom ldan 'das grong dang / grong khyer dang / grong rdornal dang / yul 'khor dang / rgyal po'i pho brang 'khor gang dang gang dag na bdag gi mchid nyan pa de dang de dag tu tshar dgum pa'i rigs pa rnams la ni char dgum ldan gdags pa'i rigs pa rnams la ni sman gdags par 'tshal lo/ / de ci'i slad du zhe na/ bcom ldan 'das tshar dgum pa dang sman gdags pas ni 'jig rten du dam pa'i chos yun ring du gnas par 'gyur ba'i slad du ste/ dam pa'i chos yun ring du gnas na lha dang mi rnams kyi lus rnam par 'phel bar 'gyur zhing / ngan song rnams yongs su 'grib par 'gyurate/ bcom ldan 'das 'di ni bcom ldan 'das kyis chos kyi 'khor lo bskor ba'i rjes su skor bar bgyid pa lags te/ bcom ldan 'das yi dam dgu pa 'di'ang byang chub kyi snying po'i mthar thug gi bar du bdag gis yang dag par blang ngo / / bcom ldan 'das da slan chad bdag gis dam pa'i chos bzung ba las bskyud par bgyi ba'i sems gcig tsam yang bskyed par bgyi'o// de ci'i slad du zhe na/
- 404b
bcom ldan 'das dam pa'i chos bzung ba las bskyed na theg pa chen po bskyud par 'gyur ro// bcom ldan 'das theg pa chen po bskyud na pha rol tu phyin pa bskyud par 'gyur ro// bcom ldan 'das pha rol tu phyin pa bskyud na theg pa chen po la mi 'dun par 'gyur ro/ / bcom ldan 'das byang chub sems dpa' sems dpa' chen po gang theg pa chen po la ma nges pa de ni dam pa'i chos yongs su 'dzin pa la mi 'dun par 'gyur zhing / rang nyam du gnas par 'gyur te/ bcom ldan 'das de ni byis pa so so'i skye bo'i sar mchi ba'i skal ba can du 'gyur bcom ldan 'das 'di ni bdag gis nyes dmigs dang gnod pa chen por mthong lags so/ / bcom ldan 'das dam pa'i chos yongs su 'dzin pa las ni/ bdag dang ma 'ongs pa'i byang chub sems dpa' rnams kyi phan yon dpag tu ma mchis pa'i don yongs su grub par mthong ste/ bcom ldan 'das dam pa'i chos yongs su bzung ba'i yi dam bcu pa 'di'ang byang chub kyi snying po'i mthar thug gi bar du dag gis yang dag par blang ngo / / bcom ldan 'das bdag gis yi dam chen po bcu po 'di dag ni bcom ldan 'das kyi rgyun sngar blangs pa lags te/ 'di la chos kyi rje nyid bdag gi dbang du gyur pa lags so// bcom ldan 'das ston pa mngon sum du gyur tu lag kyang / sems can dge ba'i rtsa
- 405a
ba chung ngu la la dag kye ma yi dam chen po bcu po 'di dag ni lcogs par dka' bo snyam du bdag la the tsom za'am/ yid gnyis 'tshal ba de dag ni/ bcom lda 'das de nyid kyis yun ring por gnod pa dang / sdug bsngal ba dang / phung bar 'gyur te/ bcom ldan 'das de dag nyid la sman gdags pa'i slad du/ bcom ldan 'das spyan sngar bden pa'i byin gyis brlabs 'di bgyi bar 'tshal te/ bcom ldan 'das bdag gis yi dam chen po bcu po gang dag blangs pa'i yi dam chen po bcu po 'di dag la/ bcom 'das gal te bdag ji skad smras pa de bzhin du bgyid par 'gyur pa lta na/ bcom ldan 'das bdag gi bden pa'i tshig 'dis 'khor gyi dkyil 'khor 'dir lha'i me tog gi char 'ab par gyur cig/ lha'i sgra grag par gyur cig/ des kyang bdag gi bden pa'i byin gyis brlabs 'di len par gyur cig/ lha mo dpal 'phreng gis tshig de skad ces smras ma zag tu/ de'i tshe lha'i me tog gi char chen po bab nas/ bar snang las lha'i sgra grag par gyur te/ des bden pa'i byin gyis brlabs de mnos nas/ lha mo ded pa no/ / ji ltar khyod kyis bden pa'i byin gyis brlabs byas pa de ni de bzhin du 'gyur te/ gzhan du ma yin no zhes byas so// de nas rmad du byung ba'i cho 'phrul de'ang mthong /
- 405b
masmras mnos pa de'ang thos nas/ thams cad dang ldan pa'i 'khor the tsom med cing mchog tu dga' bar gyur te/ lha mo dpal 'phreng dang mi 'bral zhing 'grogs par smon lam btab bo// 'khor de thams cad kyang de bzhin du 'bral bar mi 'gyur bar bcom ldan 'das kyis lung bstan to// de nas lha mo dpal 'phreng gis bcom ldan 'das kyi spyan sngar smon lam chen po gsum btab po/ / gsum gang zhe na// bcom ldan 'das bdag gis bden pa'i byin gyis brlabs 'dis sems can dpag tu ma mchis pa dag la sman btags pa gang lags pa'i bsod nams bsags pa'i dge ba'i rtsa ba des/ / bcom ldan 'das bdag tshe rabs thams cad du dam pa'i chos rtogs pa thob par gyur cig/ bcom ldan padas 'di ni bdag gi smon lam chen po dang po lags so// bcom ldan 'das bdag gis dam pa'i chos rtogs pa de thob nas kyang // ngal ba dang yongs su skyo ba ma mchis par sems can rnams la chos ston par gyur cig/ bcom ldan 'das 'di ni bdag gi smon lam chen po gnyis pa lags so// bcom ldan 'das bdag gis dam pa'i chos bstan pa de'ang lus dang srog la mi lta bar dam pa'i chos bsrung ba dang / dam pa'i chos yongs su gzung bar 'tshal lo// bcom ldan padas padi ni
- 406a
bdag gi smon lam chen po gsum pa lags te/ bcom ldan 'das bdag ni smon lam chen po gsum po de dag 'debs so// de nas bcom ldan 'das kyis lha mo dpal ba phreng gi smon lam chen po yul che ba gsum po 'di dag lung ston pa mdzad de/ lha mo 'di lta ste/ dper na gzugs su gtogs pa thams cad ni nam mkha'i khams kyi khongs su 'dus shing / khongs su gtogs la/ khongs su chud do// lha mo de bzhin du byang chub sems dpa'i smon lam gang+ga'i klung gi bye ma snyed dag kyang / smon lam chen po 'di gsum gyi khongs su 'dus shing / khongs su gtogs la/ khongs su chud de/ smon lam chen po gsum po de dag ni de ltar yul che'o// de nas bcom ldan 'das la mo dpal 'phreng gis 'di skad ces gsol to/ / bcom ldan 'das 'di la smon lam chen po'i yul bstan pa gzhan yang de bzhin gshegs pa'i mthus bdag gis spobs so// bcom ldan 'das kyis bka' stsal pa/ lha mo khyod la de bzhin gshegs pas gnang gis/ khyod spobs par gyis shig/ de nas bcom ldan 'das la lha mo dpal 'phreng gis 'di skad ces gsol to/ / bcom ldan 'das byang chub sems dpa'i smon lam gang+gA'i klung gi bye ma snyed gang lags pa de dag thams cad kyang 'di ltar dam pa'i chos yongs su
- 406b
bzung ba'i smon lam chen po gcig gi khongs su 'dus shing / khongs su chud de/ bcom ldan 'das dam pa'i chos yongs su 'dzin pa ni de ltar yul rmeb lags so// de nas bcom ldan 'das kyis lha mo dpal 'phreng la legs so zhes bya ba byin te/ lha mo legs so legs so// lha mo khyod ni shes rab zab pa ste/ thabs kyis yongs su bsgos pa'i shes rab dang ldan no/ / lha mo sems can gang dag khyod kyis chos bstan pa'i don rtogs pa de dag ni dkon pa yin te/ yun ring po nas sangs rgyas du ma la dge ba'i rtsa ba bskyed bskyed pa yin no/ / lha mo khyod kyis dam pa'i chos yongs su gzung ba bstan pa ji skad bshad pa de bzhin du/ 'das pa dang / ma 'ongs pa dang / da ltar byung ba'i de bzhin gshegs pa rnams kyis kyang dam pa'i chos yongs su bzung ba bstan pa de nyid bshad do/ / 'chad do// 'chad par 'gyur ro// lha mo nga'ang da ltar mngon par rdzogs pa'i byang chub mchog thob nas dam pa'i chos yongs su gzung ba bstan pa rnam pa du mar ston te/ lha mo de ltar dam pa'i chos yongs su gzung ba bstan pa ngas rnam pa du mar bshad kyang / dam pa'i chos yongs su 'jin ba'i yon tan rnams kyi mtha' 'am/ mu thug pa med do// de bzhin gshegs pa'i spobs pa la'ang mtha' bam/ mu thug pa med do// lha mo dam pa'i chos yongs su
- 407a
/ 'dzin pa ni de ltar don nano// lha so ma pa' mas yongs su 'dzin pa ni kar ldan san tshan// de nas bcom ldan 'das pa sa sod pa 'a'aphreng gis 'drig gsol to/ / bcom ldan 'das de bzhin gshegs pa'i mthus don chen po bstan pa gzhan yang bdag gis spobs so// bcom ldan 'das kyis bka' stsal pa/ lha mo de'i dus la bab par shes na khyod spobs par gyis shig/ de nas bcom ldan 'das kyis gnang nas/ bcom ldan 'das la lha mo dpal 'phreng gis 'di skad ces gsol to// brtsa ldan pa des dam pa'i chos yongs su 'dzin pa ni sangs rgyas kyi chos dpag tu ma mchis pa thams cad yongs su rdzogs par 'gyur pa lags so/ / bcom ldan 'das dam pa'i chos yongs su 'dzin pa ni chos kyi sgo brgyad khri bzhi stong sdud pa lags so/ / bcom ldan 'das dper na 'a chags pa'i dus kyi tshe'i sprin chen po ni kha dog mtha' yas ba'i rgyun dang rin po che mtha' yas pa'i rgyun dang ldan pa lags so/ / bcom ldan 'das de bzhin du dam pa'i chos yongs su 'dzin pa'ang bsod nams kyi rnam par smin pa'i chab kyi rgyun dpag tu ma mchis pa dang / ye shes rin po che'i rgyun dpag tu ma mchis pa dang ldan pa lags so// bcom ldan 'das dper na chags pa'i dus kyi tshe'i chab kyi phung po chen po stong
- 407b
gsum gyi stong chen po'i 'jig rten gyi khams kyi skye gnas de las ni gling bzhi pa bye ba phrag brgya kha dog sna tshogs pa dang / dbyibs sna tshogs pa 'byung zhing / 'khor gling phran bye ba brgya phrag brgyad cu rtsa bzhi chab kyi phung po chen po de las 'byung ngo / / bcom ldan 'das de bzhin du dam pa'i chos yongs su 'dzin pa theg pa chen po yang dag par 'grub pa'i 'byung khung dang skye gnas su gyur pa de las byang chub sems dpa'i rnam par 'phrul pa thams cad dang / chos snang ba'i sgo rnam pa sna tshogs dang / 'jig rten gyi phun sum tshogs pa thams cad dang / 'jig rten gyi dbang phyug thams cad dang / / 'jig rten las 'das pa'i bde ba lha dang mi rnams kyis sngon ma myong ba gang lags pa thams cad 'byung bar 'gyur ro// bcom ldan 'das dper na sa chen po ni khur chen po bzhi'i rten bgyid pa lags te/ / bzhi po de dag gang zhe na/ 'di lta ste/ chab kyi phung po chen po rgya mtsho dang / ri mang po thams cad dang / gnas dang / rtswa dang // shing gal ba dang / sman dang / lo tog dang / nags tshal thams cad dang / sems can gyi tshogs thams cad kyi rten bgyid de/ bcom ldan 'das ji ltar sa chen po bas kyang khur chen po bzhi po bdi dag gi rten bgyid pa de bzhin du/ bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa ni sa chen po bas kyang ches khur chen po
- 408a
bzhi khyer ba lags so/ / bzhi gang zhe na/ 'di lta ste/ rigs kyi bu 'am/ rigs kyi bu mo sems can dge ba'i bshes gnyen dang bral zhing zos pa dang mi ldan la/ chos can ma lags pa rnams lha dang mi'i phun sum tshogs pa 'thob par bgyid pa'i dge ba'i rtsa ba dag la sbyor ba ni sa chen po bas kyang ches khur chen po khyer ba lags so/ / rigs kyi bu 'am/ rigs kyi bu mo sems can kha cig nyan thos kyi theg pa la sbyor bar bgyid pa ni sa chen po bas kyang ches khur chen po khyer ba lags so// rigs kyi bu 'am/ rigs kyi bu mo sems can kha cig rang sangs rgyas kyi theg pa la sbyor bar bgyid pa ni sa chen po bas kyang ches khur chen po khyer ba lags so/ / rigs kyi bu 'am/ rigs kyi bu mo sems can kha cig theg pa chen/ po la sbyor bar bgyid pa ni sa chen po bas kyang ches khur chen po khyer ba lags te/ bcom ldan 'das bzhi po de dag ni khur chen po lags so// bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa ni khur chen po 'di bzhi khyer ba lags te/ sa chen po pas kyang ches rten du gyur pa dang / sa chen po pas kyang ches khur chen po khyer ba dang / khur mtha' yas pa khyer ba dang / sems can thams cad kyi gzhi rten du gyur pa dang / byams pa bgyis pa dang / snying rje can dang / sman par 'tshal ba dang / snying
- 408b
brtse ba dang / chos kyis 'jig rten gyi sa zhes bgyi ba lags so// bcom ldan 'das dper na sa chen po ni rin po che sna bzhi'i 'byung gnas lags te/ sna bzhi po de dag gang zhe na/ rin po che rin thang ma mchis pa dag gi 'byung gnas dang / rin po che rin thang mchis pa dag gi 'byung gnas dang / rin po che de bas chung ba dag gi 'byung gnas dang / rin po che de bas kyang chung ba dag gi 'byung gnas lags te/ bcom ldan 'das ji ltar sa chen po rin po che sna bzhi po 'di dag gi 'byung gnas su gyur pa de bzhin du/ bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa la brtan nas/ sems can rnams kyis rin po che'i mchog chen po rin po che thams cad kyi dam par gyur pa bzhi'i khe rnyed par 'gyur ro// bzhi gang zhe na/ dge ba'i bshes gnyen rigs kyi bu 'am/ rigs kyi bu mo de la brten nas/ sems can rnams kyis lha dang mi'i phun sum tshogs pa 'thob par bgyid pa'i bsod nams kyi tshogs kyi khe rnyed par 'gyur ba dang / nyan thos kyi theg par nye bar 'gro ba'i dge pa'i rtsa ba thob par bgyi ba rnyed par 'gyur pa dang / rang sangs rgyas kyi theg par nye bar 'gro ba'i dge ba'i rtsa ba'i tshogs thob par bgyi ba rnyed par 'gyur ba dang / yang dag par rdzogs pa'i sangs rgyas su nye bar 'gro ba'i bsod nams kyi tshogs ches mthon po thob par bgyi ba rnyed
- 409a
par 'gyur ba ste/ bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa la brten nas/ sems can rnams kyis rin po che thams cad kyi mchog ngo mtshar rmad du byung ba'i rin po che chen po bzhi'i khe rnyed par 'gyur ro/ / bcom ldan 'das gter chen po rin po che mtha' yas pa'i 'byung gnas zhes bgyi ba de ni dam pa'i chos yongs su 'dzin pa'i tshig bla dgas lags so/ / bcom ldan 'das dam pa'i chos yongs su 'dzin pa dam pa'i chos yongs su 'dzin pa zhes bgyi ba ni/ bcom ldan 'das dam pa'i chos kyang gzhan ma lags la/ dam pa'i chos yongs su 'dzin pa po'ang gzhan ma lags te/ bcom ldan 'das dam pa'i chos yongs su 'dzin pa po nyid dam pa'i chos lags so/ / bcom ldan 'das pha rol tu phyin pa rnams kyang gzhan ma lags la/ dam pa'i chos yongs su 'dzin pa po'ang gzhan ma lags te/ bcom ldan 'das dam pa'i chos yongs su 'dzin pa po nyid pha rol tu phyin pa rnams lags so/ / bcom ldan 'das de ci'i slad du zhe na/ rigs kyi bu'am/ rigs kyi bu mo dam pa'i chos yongs su 'dzin pa ni sems can gang dag sbyin pas yongs su smin par bgyi ba de dag ni sbyin pas yongs su smin par bgyid de/ pha na lus kyi yan lag dang nying lag yongs su gtong bas kyang yongs su
- 409b
smin par bgyid de/ de ltar yongs su smin par bgyis pa rnams dam pa'i chos la gnas par 'gyur pa 'di ni de'i sbyin pa'i pha rol tu phyin pa lags so// bcom ldan 'das sems can gang dag tshul khrims kyis yongs su smin par bgyi ba'i sems can de dag ni dbang po drug bsdams pa dang / lus dang / ngag dang / yid kyi las yongs su dag pas yongs su smin/ par bgyid de/ tha na spyod lam gyis kyang de dag gi sems sung zhing yongs su smin par bgyid de/ de dag de lta de ltar yongs su smin par bgyis pas dam pa'i chos la gnas par 'gyur pa 'di ni de'i tshul khrims kyi pha rol tu phyin pa lags so/ / bcom ldan 'das sems can gang dag bzod pas yongs su smin par bgyi ba'i sems can de dag la ni// de dag gis de la spros brgyad de gtse ba bgyis kyang / gnod sems ma mchis shing sman par 'tshal ba dang / bzod pa'i stobs dam pa dang ldan pas yongs su smin par bgyid de/ tha na bzhin gyi mdangs kyis kyang de dag gi sems srung zhing yongs su smin par bgyid de/ de dag yongs su smin par bgyis pas dam pa'i chos la gnas par 'gyur ba 'dzin ra bzod pa'i pha rol tu phyin pa lags so/ / bcom ldan 'das sems can gang dag brtson 'grus kyis yongs su smin par bgyi ba'i sems can de dag ni sems ma zhum zhing le lo ma
- 410a
mchis pa dang / 'dun pa chen po dang / brtson 'grus rtsom pa mchog dang ldan pas yongs su smin par bgyid de/ ban rang gi spyod lam bsgrims pas kyang de dag gi sems srung zhing yongs su smin par bgyid de/ de dag de ltar yongs su smin par bgyis pas ngam pa'i chos la gnas par 'gyur ba 'di ni de'i brtson 'grus kyi pha rol tu phyin pa lags so/ / bcom ldan 'das sems can gang dag bsam gtan gyis yongs su smin par bgyi ba'i sems can de dag ni sems mi g.yeng ba dang / yid phyi rol tu mi rgyu ba dang / dran pa 'khrul pa ma mchis pa mchog dang ldan pas yongs su smin par bgyid de/ za na bgyis nas yun ring du lags pa dang / smras nas yun ring du lags pa mi bskyad pas kyang de dag gi sems srung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas par 'gyur ba 'di ni de'i bsam gtan gyi pha rol tu phyin pa lags so/ / bcom ldan 'das sems can gang dag shes rab kyis yongs su smin par bgyi ba'i sems can de dag ni sems can gyi don 'dri ba dag la le lo ma mchis par lung ston pa dang / bstan bcos thams cad dang / rig pa dang / bzo'i gnas thams cad kyi mthar phyin pas yongs su smin par bgyid de/ pha na bzo ga'i gnas chen po dag tu 'ang de dag gi
- 410b
sems srung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas par 'gyur ba 'di ni de'i shes rab kyi pha rol tu phyin pa lags so// / bcom ldan 'das de lta lags pas/ pha rol tu phyin pa rnams kyang gzhan ma lags la/ dam pa'i chos yongs su 'dzin pa po'ang gzhan ma lags te/ bcom ldan 'das dam pa'i chos yongs su 'dzin pa po nyid pha rol tu phyin pa rnams lags so/ / bcom ldan 'das 'di la de bzhin gshegs pa'i mthus don chen po bstan pa gzhan yang bdag gis spobs so/ / bcom ldan 'das kyis bka' stsal pa/ lha mo de bzhin gshegs pas gnang gis/ khyod kyis spobs par gyis shig/ de nas bcom ldan 'das la lha mo dpal 'phreng gis 'di skad ces gsol to/ / bcom ldan 'das dam pa'i chos yongs su 'dzin pa po dam pa'i chos yongs su 'dzin pa po zhes bgyi ba ni/ bcom ldan 'das dam pa'i chos yongs su 'dzin pa'ang gzhan ma lags la/ dam pa'i chos yongs su 'dzin pa po rang gzhan ma lags te/ bcom ldan 'das dam pa'i chos yongs su 'dzin pa po nyid dam pa chos yongs su 'dzin pa lags so/ / de ci'i slad du zhe na/ bcom ldan 'das rigs kyi bu 'am/ rigs kyi bu mo gang dam pa'i chos yongs su 'dzin pa des ni/ bcom ldan
- 411a
'das dam pa'i chos yongs su gzung ba'i slang du yan lag gsum yongs su gtong bar 'gyur te/ gsum gang zhe na/ 'di ltar lus dang / srog dang longs spyod rnams te/ bcom ldan 'das rigs kyi bu 'am/ rigs kyi bu mo lus yongs su gtong bas ni/ sangs rgyas kyi sku 'khor ba'i phyi ma'i mtha'i myu dang mnyam pa/ rka dang / na ba dang / 'chi ba dang bral ba/ mi shigs pa/ rtag pa/ brtan pa/ zhi ba/ zer zug pa/ 'chi 'pho dang bral ba/ mthar yas pa/ yon tan bsam gyis mi khyab pa dang ldan pa thob par 'gyur ro/ / bcom ldan 'das rigs kyi bu 'am/ rigs kyi bu mo srog yongs su gtong bas ni/ sangs rgyas kyi chos rnam par 'phrul par gnas pa 'khor ba'i phyi ma'i mtha'i mu dang mnyam pa/ 'chi pho dang bral ba/ mtha' yas pa/ rtag pa/ yon tan bsam gyis mi khyab pa dang ldan pa thams cad thob par 'gyur ro// bcom ldan 'das rigs kyi bu 'am/ rigs kyi bu mo longs spyod yongs su gtong bas ni sems can thams cad kyis mchod pa 'khor ba'i phyi ma'i mtha'i mu dang mnyam pa/ sems can thams cad dang thun mong ma lags pa/ bas par mi 'gyur pa/ rnam par rtog pa ma mchis pa/ rtag par rgyun mi 'chad cing rtag tu gnas pa/ yon tan bsam gyis mi khyab pa dang ldan pa 'thob par 'gyur
- 411b
ro/ / bcom ldan 'das de ltar rigs kyi bu 'am/ rigs kyi bu mo dam pa'i chos yongs su 'dzin pa yan lag gsum po 'di dag yongs su gtong bas ni/ yon tan shin tu rmad du byung ba gsum po de dag thob par 'gyur te/ sangs rgyas thams cad kyang lung ston par mdzad do// bcom ldan 'das rigs kyi bu 'am/ rigs kyi bu mo gang zhig dam pa'i chos rnam par 'jig pa'i tshe/ / dge slong dang / dge slong ma dang / dge bsnyen dang / dge bsnyen ma rnams bye zhing gnyis su gyur la/ sde sder chad de/ phyogs phyogs su gyes nas rtsod par gyur pa na/ g.yo ma mchis shing / gya gyu ma mchis la/ sgyu ma mchis par chos la dga' zhing / dam pa'i chos yongs su gzung ba'i slad du chos can gyi phyogs la 'dzug par bgyid na/ bcom ldan 'das rigs kyi bu 'am/ rigs kyi bu mo de zhugs pa nyid kyis sangs rgyas thams cad las lung bstan pa nges par 'thob par 'gyur ro// bcom ldan 'das dam pa'i chos yongs su 'dzin pa ni de ltar brtson 'grus chen po lags pa snyam bdag bgyid de/ 'di la bcom ldan 'das nyid spun du gyur pa lags te/ ye shes su gyur pa lags// bcom ldan 'das ni chos thams cad kyi rtsa ba lags/ bcom ldan 'das ni mnga' bdag lags/ bcom ldan 'das ni ston pa lags so// de nas bcom ldan 'das kyis lha mo dpal 'phreng
- 412a
gis ngas pa'i chos yongs su 'dzin pa bstan pa la rjes su yi rang ba mdzad de/ lha mo dang bzhin te/ lha mo dam pa'i chos yongs su 'dzin pa ni brtson 'grus/ chen po yin no// lha mo dper na mi stobs dang ldan pas kand du mi drag par bsnun du zin kyang / snang bar 'gyur zhing / nad skyed par byed do// lha mo de bzhin du dam pa'i chos yongs su 'dzin pa ni chung ngu zan kyang bdud sdig can la gnod par 'gyur zhing / mya ngan skyed la/ smre sngags 'don par byed do// lha mongs ni bdud sdig can la dam pa'i chos yongs su 'dzin pa ltar gnod par 'gyur zhing / mya ngan skyed la/ smre sngags 'don par byed pa de ltar gnod par ra gyur pa dang / de ltar mya ngan skyed pa dang / de ltar smre sngags 'don par byed pa'i dge ba'i chos gzhan gcig kyang ma mthong ngo / / lha mo dper na ba lang gi mchog khyu mchog gis ni 'di ltar 'phang mtho ba dang chu zheng gis pa lang gi tshogs thams cad zil gyis mnan te/ mngon par brjid cing yang dag par mngon par brjid do/ / lha mo de bzhin du theg pa chen po pa'i dam pa'i chos yongs su 'dzin pa'ang chung ngu zin kyang 'di ltar rgyas pa dang / rgya chen por gyur pas// nyan thos dang / rang sangs rgyas kyi theg pa pa rnams kyi dge ba'i chos thams cad zil gyis gnon to// lha mo dper na ri'i rgyal po ri rab kyis ni 'di ltar mtho ba dang rgya che bas ri nag po
- 412b
thams cad zil gyis gnon cing / mngon par lhag ger 'dug go// lha mo de bzhin du theg pa chen po pa'i lus dang srog la mi lta zhingab phan gdags pa'i sems dang ldan pa'i dam pa'i chos yongs su 'dzin pa'ang 'di ltar rgyas pa dang / rgya chen por gyur pas/ theg pa chen po pa theg pa la gsar du zhugs pa lus dang srog la lta ba rnams kyi dge ba'i chos thams cad zil gyis gnon na/ gzhan dag gi lta ci smos te/ lha mo de bas na sems can rnams dam pa'i chos yongs su bzung ba nyid yang dag par 'dzin du gzhug par bya/ yang dag par bstan par bya yang dag par gzengs bstod par bya/ yang dag par rab tu dga' bar bya/ gzud par bya/ dgod par bya/ lha mo dam pa'i chos yongs su 'dzin pa ni de ltar don che'o// de ltar 'bras bu re'o/ / de ltar phan yon che'o// lha mo gal te bskal pa grangs med dpag tu med par dam pa'i rlos yongs su 'dzin pa'i yon tan dang phan yon ngas bshad du zin kyang / lha mo dam pa'i chos yongs su 'dzin pa'i yon tan dang phan yon bshad pa de dag gi mtha' 'am/ mu thug par mi 'gyur ro// lha mo dam pa'i chos yongs su 'dzin pa ni de ltar yon tan mtha' yas pa dang ldan no/ / lha mo ngas pa chos yongs su gzung ba sangs rgyas thams cad kyis bzhed pa ngas ma bstan par khyod kyis bshad par spobs par gyis shig/ de nas lha mo dpal 'phreng
- 413a
gis bcom ldan 'das la legs so zhes gsol nas/ bcom ldan 'das kyis bskul ba mnos te/ bcom ldan 'das la 'di skad ces gsol to// bcom ldan 'das dam pa'i chos zhes bgyi ba de ni theg pa chen po'i tshig bla dgas lags so/ / de ci'i slad du zhe na/ bcom ldan 'das nyan thos dang rang sangs rgyas kyi theg pa thams cad dang / 'jig rten pa dang / 'jig rten las 'das pa'i dge ba'i chos thams cad ni theg pa chen pos rab tu phye ba'i slad du'o// bcom ldan 'das dper na klung chen po bzhi ni mtsho ma dros pa las 'byung ngo // bcom ldan 'das de bzhin du nyan thos dang rang sangs rgyas kyi theg pa thams cad dang / 'jig rten pa dang / 'jig rten las 'das pa'i dge ba'i chos thams cad kyang theg pa chen po las 'byung ngo / / bcom ldan 'das dper na sa bon gyi rnam pa gang ci lags pa dag dang / rtswa dang / shing gel ba dang / sman dang / nags tshal de dag thams cad ni sa chen po la brten cing / sa chen po la gnas te/ skye zhing 'phel la rgyas par 'gyur ro// bcom ldan 'das de bzhin du nyan thos dang rang sangs rgyas kyi theg pa gang lags pa dag dang 'jig rten pa dang / 'jig rten laso 'das pa'i dge ba'i chos gang lags pa thams cad dang / de dag thams cad ni theg pa chen po la brten cing / theg pa chen po la gnas te//
- 413b
skye zhing 'phel la rgyas par 'gyur ro// bcom ldan 'das de lta lags pas theg pa chen po la gnas shing / theg pa chen po yongs su bzung na/ nyan thos dang rang sangs rgyas kyi theg pa thams cad dang / 'jig rten pa dang / 'jig rten las 'das pa'i dge ba'i chos thams cad kyang rten cing gnas te/ yongs su gzung bar 'gyur ro// bcom ldan 'das 'di lta ste/ dam pa'i chos gnas pa dang / dam pa'i chos nub pa dang / so sor thar pa dang / 'dul ba dang / rab tu 'byung ba dang / bsnyen par rdzogs pa gnas drug po 'di dag bcom ldan 'das kyis bstan cing btags pa gang lags pa'i gnas drug po de dag kyang theg pa chen po'i dgongs pa las byung ba lags so/ / de ci'i slad du zhe na// bcom ldan 'das dam pa'i chos gnas pa zhes bgyi ba'i btags pa 'di ni theg pa chen po'i dgongs pa can lags te/ bcom ldan 'das theg pa chen po gnas pa nyid ni dam pa'i chos gnas pa lags so/ / bcom ldan 'das dam pa'i chos nub par 'gyur ba zhes bgyi ba'i btags pa 'di ni theg pa chen po'i dgongs pa can lags te/ bcom ldan 'das theg pa chen po nub pa nyid ni dam pa'i chos nub pa lags so/ / bcom ldan 'das so sor thar pa dang 'dul ba zhes bgyi ba'i chos 'di gnyis ni don gcig ste/
- 414a
yi ge'i 'bru ni ba dang lags so// bcom ldan 'das 'dul ba zhes bgyi ba 'di ni theg pa chen po pa rnams kyi bslab pa lags so// de ci'i slad du zhe na/ bcom ldan 'das 'di ltar de bzhin gshegs pa nyid kyi slad du rab tu 'byung ba dang / bsnyen par rdzogs pa lags pa'i slad du ste/ bcom ldan 'das de lta lags pas/ 'di ltar 'dul ba zhes bgyi ba dang / rab tu 'byung ba dang / bsnyen par rdzogs pa zhes bgyi ba'i btags pa 'di ni theg pa chen po'i cho ga'i tshul khrims kyi phung po lags so// bcom ldan 'das nyan thos dang rang sangs rgyas kyi theg pa la ni rab tu 'byung ba dang / bsnyen par rdzogs pa ma mchis so// de ci'i slad du zhe na/ nyan thos dang rang sangs rgyas kyi slad du rab tu 'byung ba dang / bsnyen par rdzogs pa ni ma mchis kyi/ bcom ldan 'das de bzhin gshegs pa nyid kyi slad du nyan thos rnams dang rang sangs rgyas rnams rab tu 'byung zhing / bsnyen par rdzogs pa lags pa'i slad du'o/ / bcom ldan 'das dgra bcom pa rnams dang / rang sangs rgyas rnams kyang de bzhin gshegs pa nyid la skyabs su mchi ba lags te/ bcom ldan 'das dgra bcom pa rnams dang / rang sangs rgyas rnams kyang 'jigs pa dang bcas pa lags so// de ci'i slad du zhe na/ bcom ldan 'das dgra bcom pa rnams dpa
- 414b
rang sangs rgyas rnams kyang 'du byed thams cad la mi zad par 'jigs pa'i 'du shes nye bar gnas pa lags pa'i slad du'o/ / bcom ldan 'das dper na gshed mas ral gri gzas pa bzhin te/ bcom ldan 'das de lta lags pas/ de dag kyang nges par byung ba shin tu bde ba thob pa ma lags so// bcom ldan 'das de ci'i slad du zhe na/ skyabs su gyur pa ni skyabs gzhan tshol ba ma mchis pa'i slad du'o/ / bcom ldan 'das ji ltar sems can skyabs ma mchis pa rnams gang dang gang gis 'jigs skrag pa'i 'jigs skrag pa de dang de las 'byung ba'i tshol ba de bzhin du/ bcom ldan 'das dgra bcom pa rnams dang / rang sangs rgyas rnams la'ang 'jigs pa de mchis te/ 'jigs pa des skrag pas dgra bcom pa rnams dang / rang sangs rgyas rnams kyang bcom ldan 'das la skyabs su mchi bar khas len pa lags so// bcom ldan 'das dgra bcom pa rnams dang / rang sangs rgyas rnams kyang 'jigs pa dang bcas pa lags te/ bcom ldan 'das de lta lags pas/ dgra bcom pa rnams dang / rang sangs rgyas rnams kyang skye ba'i chos kyi lhag ma dang bcas pa lags te/ bcom ldan 'das de dag gi skye ba bas pa'ang ma mchis so// bcom ldan 'das de dag ni bsten par bgyi ba'i lhag ma dang bcas pa lags te/ des na de dag ni dag pa
- 415a
ma lags/ las mthar byin pa ma lags te/ de dag gi bgyi ba mang lags so// de dag gis spang bar bgyi ba'i chos gzhan yang mang du mchis te/ de dag ma spangs pas dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so// bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas yon tan thams cad dang ldan pa lags la/ bcom ldan 'das dgra bcom pa rnams dang / rang sangs rgyas rnams ni yon tan thams cad dang ldan pa ma lags pa'i slad du'o/ / bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan ' das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas yon tan bsam gyis mi khyab pa dang ldan pa lags la bcom ldan 'das dgra bcom pa rnams dang / rang sangs rgyas rnams ni yon tan bsam gyis mi khyab pa dang ldan pa ma lags pa'i slad du'o// bcom ldan 'das yongs su
- 415b
mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyed pas spang bar bgyi ba'i skyon thams cad spangs shing / mchog tu yongs su dag pa dang ldan pa lags la/ bcom ldan 'das dgra bcom pa rnams dang / rang sangs rgyas rnams ni skyon gyi lhag ma rnams dang bcas pa yongs su ma dag pa'i chos can lags pa'i slad du'o// bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pa'i slad du ste/ bcom ldan 'das de lta lags pas/ dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so/ / bcom ldan 'das dgra bcom pa rnams dang / rang sangs rgyas rnams kyi rnam par grol ba la so sor rtog pa'i ye shes kyi mtha' dbugs phyin pa rjes su dran pa bzhi po gang lags pa de dag kyang / bcom ldan 'das dgongs pa can dang / lhag ma dang bcas pa dang / drang ba'i don dang /
- 416a
@rnam par phye ste lung bstan par bgyi ba lags so// de ci'i slad du zhe na/ bcom ldan 'das 'tsho 'bo ni 'di gnyis lags te/ gnyis gang zhe na/ d+hun chad pa'i 'bring po dang / yongs su bsngos pa bsam gyis mi khyab pa'i 'chi'apho lags so// bcom ldan 'das de la rgyun chad pa'i 'chi 'pho na nying mtshams sbyor ba dang bcas pa'i sems can rnams kyi lags so/ / bcom ldan 'das yongs su bsngos pa bsam gyis mi khyab pa'i 'chi 'pho ni/ dgra bcom pa rnams dang / rang sangs rgyas rnams dang / byang chub sems dpa' sems dpa' chen po dbang thob pa dang yid kyi lus rnams lags te/ byang chub kyi snying po la thug gi bar du lags so// bcom ldan 'das de la 'chi 'pho 'di gnyis las rgyun chad pa'i 'chi 'pho'i dbang du bgyis te/ bdag gi skye ba zad do snyam du dgra bcom pa rnams dang / rang sangs rgyas rnams kyi shes pa 'byung lags so// bcom ldan 'das de ltar lhag ma dang bcas pa'i 'bras bu mngon sum du bgyis pa la brten nas/ bdag gis tshangs par spyad pa bsten to snyam du dgra bcom pa rnams dang / rang sangs rgyas rnams kyi shes pa 'byung lags so/ / byis pa so so'i skye bo dang / lha dang / mi bgyi ba dang bcas pa thams cad dang / slob pa bdun po dag gis nying mtshams sbyor ba dang bcas pa'i nyon mongs pa rnams
- 416b
gang brjod pa bgyis pa de spangs pa la brten nas bya ba byas so snyam dung sa bcom pa rnams dang / rang sangs bras rnams kyi shes pa 'byung lags so// bcom ldan 'das 'dis bu nyid las gzhan mi shes so zhes bgyi ba ni/ dgra bcom pas spang bar bgyi ba'i nyon mongs pa rnams dang yang srid par nying mtshams sbyor ba'i dbang du bgyis nas/ 'di lta bu/ nyid las gzhan mi shes so snyam du dgra bcom pa rnams dang / rang sangs rgyas rnams kyi shes pa 'byung lags so// bcom ldan 'das 'di lta bu nyid las gzhan mi shes so snyam pa'i shes pa de'ang nyon mongs pa thams cad spangs pa'ang ma lags/ skye ba thams cad yongs su 'tshal ba las byung ba 'ang ma lags so// de ci'i slad du zhe na bcom ldan 'das dgra bcom pa rnams dang / rang sangs rgyas rnams la'ang nyon mongs pa rnams ma spangs pa dang / skye ba'i nyon mongs pa rnams yongs su ma 'tshal ba'ang mchis pa'i slad du'o/ / bcom ldan 'das nyon mongs pa dag ni rnam pa gnyis te/ gnas kyi sa'i nyon mongs pa rnams dang / kun nas ldang ba'i nyon mongs pa rnams so/ / bcom ldan 'das gnas kyi sa'ang rnam pa bzhi ste/ bzhi gang zhe na/ 'di ltar lta ba gcig la gnas pa'i gnas kyi sa dang / 'dod pa'i 'dod chags
- 417a
la gnas pa'i gnas kyi sa dang / gzugs kyi 'dod chags la gnas pa'i gnas kyi sa dang / srid pa'i 'dod chags la gnas pa'i gnas kyis ste bcom ldan 'das gnas kyi sa bzhi po de dag gis nyon mongs pa kun nas ldang ba thams cad skyed lags so/ / bcom ldan 'das de dag kyang skad cig pa ste/ sems kyi skad cig pa dang mtshungs par ldan pa lags so/ / bcom ldan 'das ma rig pa'i gnas kyis thog ma ma mchis pa'i dus nas mchis pa de ni sems dang mi ldan pa lags so// bcom ldan 'das gnas kyi sa bzhi po 'di dag gi nang na stobs che ba gang lags pa de ni nye ba'i nyon mongs pa thams cad kyi gzhir gyur pa/ ma rig pa'i gnas kyis stobs che ba'i grangs sam/ cha 'am/ bgrang ba 'am/ dpe 'am/ rgyur yang mi bzod pa lags so// bcom ldan 'das de ltar na ma rig pa'i gnas kyi sa ni stobs che ba lags te/ srid pa'i 'dod chags la gnas pa'i sa zhes kyang bgyi'o/ / bcom ldan 'das dper na bdud sdig can ni gzhan 'phrul dbang byed kyi lha'i nang du gtogs kyang / 'di ltar gzugs dang / kha dog dang / gzi brjid dang / stobs dang / 'khor dang / dbang phyug gis gzhan 'phrul dbang byed kyi lha rnams zil gyis gnon to// bcom ldan 'das /
- 417b
bzhin du ma rig pa'i gnas kyis srid pa'i 'dod chags la gnas pa'i gnas kyis zhes bgyi bas kyang / gnas kyis bzhi po 'di dag zil gyis gnon te/ nye ba'i na mongs pa gang+gA'i klung gi bye ma las 'das pa snyed kyi rten du gyur pa dang / nyon mongs pa bzhi dang yang yun ring po nas lhan cig gnas pa dang / nyan thos dang rang sangs rgyas kyi shes pas mi brdzi ba dang / de bzhin gshegs pa'i byang chub kyi ye shes kyis gzhom par bgyi ba lags te/ bcom ldan 'das ma rig pa'i gnas kyis ni stobs che ba lags so// / bam po gnyis pa ste tha ma'o// bcom ldan 'das dper na len pa'i rkyen gyis zag pa dang bcas pa'i las kyi rgyu las byung ba'i srid pa gsum byung ba de bzhin du/ bcom ldan 'das ma rig pa'i gnas kyi sa'i rkyen gyis zag pa ma mchis pa'i las kyi rgyu las byung ba'i dgra bcom pa rnams dang / rang sangs rgyas rnams dang / byang chub sems dpa' dbang thob pa rnams kyi yid kyi lus gsum 'byung ste/ bcom ldan 'das ma rig pa'i gnas kyis ni gsum po 'di dag tu yid kyi lus gsum po 'di dag 'byung ba dang / bab pa ma mchis pa'i las mngon par 'grub pa'i rten lags so// bcom ldan 'das rkyen mchis na rkyen 'byung ste/ de lta lags pas ma rig pa
- 418a
gnas kyis ni yid kyi lus gsum po rnams dang / zag pa ma mchis pa'i las kyi rkyen lags pa'i slad du/ srid pa'i 'dod chags la gnas pa'i gnas tu sa dang ming 'dra ba lags so/ / de lta lags kyang srid pa'i 'dod chags la gnas pa'i gnas kyi sa dang / las thun mong ba ni ma lags te/ bcom ldan 'das ma rig pa'i gnas kyis ni gnas kyi sa bzhi po de dag las tha dad pa kho na lags te/ yongs su grol ba'i sa pa dang / sangs rgyas kyi sas spang bar bgyi ba dang / de bzhin gshegs pa'i byang chub kyi ye shes kyis gzhom par bgyi ba lags so/ / de ci'i slad du zhe na/ bcom ldan 'das dgra bcom pa rnams dang / rang sangs rgyas rnams kyis ni gnas kyi sa bzhi spangs kyang zag pa zad pa la dbang ba'i stobs kyang mi 'thob/ mngon sum du'ang mi bgyid do// bcom ldan 'das zag pa zad pa zhes bgyi ba de ni ma rig pa'i gnas kyi sa'i tshig bla dgas lags so// bcom ldan 'das de lta lags pa sa dgra bcom pa rnams dang / rang sangs rgyas rnams dang / srid pa tha ma par gtogs pa'i byang chub sems dpa' rnams kyang ma rig pa'i gnas kyi sas bsgribs shing chod la/ yongs su dkris te ldongs par bgyis pas/ chos de dang de dag rab tu ma 'tshal cing rtogs so// bcom ldan 'das chos de dang re dag
- 418b
'tshal cing ma mthong bas spang bar bgyi ba'i chos de dang de dag mi spongs shing byang bar mi bgyid do/ / bcom ldan 'das spang bar bgyi ba'i chos de dag ma spangs shing byang bar ma bgyis pas/ bcom ldan 'das de dag skyon las rnam par grol ba lhag ma dang bcas pa lags kyi/ skyon thams cad las rnam par grol ba ni ma lags so// bcom ldan 'das de dag ni rnam par dag pa lhag ma dang bcas pa'i chos can lags kyi/ thams cad rnam par dag pa'i chos can ni ma lags so// bcom ldan 'das de dag ni lhag ma dang bcas pa'i yon tan dang ldan pa lags kyi/ yon tan thams cad dang ldan pa ni ma lags so// bcom ldan 'das gang dag skyon las rnam par grol ba lhag ma dang bcas pa lags kyi/ skyon thams cad las rnam par grol ba ni ma lags pa dang / rnam par dag pa lhag ma dang bcas pa'i chos can lags kyi/ thams cad rnam par dag pa'i chos can ni ma lags pa dang / lhag ma dang bcas pa'i yon tan dang ldan pa lags kyi/ yon tan thams cad dang ldan pa ni ma lags pa de dag ni/ bcom ldan 'das sdug bsngal yongs su 'tshal ba lhag ma dang ces pa lags so/ / kun 'byung ba spangs pa lhag ma dang bcas pa lags so// sdug bsngal 'gog pa mngon sum du bgyis pa lhag ma dang bcas pa lags so// sdug bsngal 'gog
- 419a
@par 'gro ba'i lam bsgoms pa lhag ma dang bcas pa lags so/ / bcom ldan 'das gang dag sdug bsngal yongs su 'tshal ba ldag sa dang / bcas pa dang / sdug bsngal kun 'byung ba spangs pa lhag sa dang bcas pa dang / sdug bsngal 'gog pa mngon sum du bgyis pa lhag ma dang bcas pa dang / sdug bsngal 'gog par 'gro ba'i lam bsgoms pa lhag ma dang bcas pa de dag ni bcom ldan 'das de'i yan lag gi mya ngan las 'das pa dang / de'i yan lag gi mya ngan las 'das pa thob pa lags so// bcom ldan 'das de ngag ni mya ngan las 'das pa'i dbyings su zhugs pa zhes bgyi'o/ / bcom ldan 'das gang dag sdug bsngal thams cad yongs su 'tshal ba dang / sdug bsngal kun 'byung ba thams cad spangs pa dang / sdug bsngal 'gog pa thams cad mngon sum du bgyis pa dang / sdug bsngal 'gog par 'gro ba'i lam thams cad bsgoms pa gang lags pa de dag ni/ bcom ldan 'das mi rtag pas bcom zhing / rtag tu na ba'i 'jig rten du rtag pa dang / zhi ba dang / bsil ba'i dngos por mya ngan las 'das pa thob ste/ bcom ldan 'das de dag ni skyob pa ma mchis pa dang / skyabs ma mchis pa'i 'jig rten na/ 'jig rten gyi skyob pa dang skyabs lags so// de ci'i slad du zhe na/ bcom ldan 'das bzang ngan du 'byed
- 419b
pa'i chos can dag ni mya ngan las 'das pa thob pa ma lags kyi/ bcom ldan 'das ye shes mnyam pa dag gis mya ngan las 'das pa thob/ bcom ldan 'das rnam par grol ba mnyam pa dag gos mya ngan lnga 'das pa thob/ bcom ldan 'das rnam par dag pa'i ye shes gzigs pa mnyam pa dag gis mya ngan las 'das pa thob pa'i slang du'o// bcom ldan 'das lta lags pa'i mya ngan las 'das pa'i dbyings ni ro gcig ste/ 'di ltar rig pa dang rnam par grol ba'i ror ro mtshungs pa lags so// bcom ldan 'das gang la la ngag ma rig pa'i gnas kyi sa ma spangs shing / byang bar ma bgyis pa de dag ni/ bcom ldan 'das mya ngan las 'das pa'i dbyings su ro gcig pa ma lags te/ 'di ltar rig pa dang / 'di ltar rnam par grol bar ro mtshungs pa ma lags so/ / de ci'i slad du zhe na/ bcom ldan 'das ma rig pa'i gnas kyi sa ma spangs shing ma sbyangs pas ni spang bar bgyi ba'i chos gang+gA'i klung gi bye ma las 'das pa snyed ma spangs shing ma sbyangs pa'i slang du ste/ bcom ldan 'das spang bar bgyi ba'i chos gang+gA'i klung gi bye ma las 'das pa snyed de dag ma spangs shing ma sbyangs pas/ chos gang+gA'i klung gi bye ma las 'das pa steng ma thob cing / mngon sum du ma bgyis par gyur pa'i slad du'o// bcom ldan 'das de lta lags pas/ ma rig pa'i
- 420a
gnas kyis ni bsgom pas spang bar bgyi ba'i nyon mongs pa dang / nye ba'i nyon mongs pa thams cad 'byung ba'i 'byung gnas lags te/ bcom ldan 'das de las na sems kyi nye ba'i nyon mongs pa dang / zhi gnas kyi nye ba'i nyon mongs pa dang / lhag mthong gi nye ba'i nyon mongs pa dang / bsam gtan gyi nye ba'i nyon mongs pa dang / ting nge 'dzin gyi ba'i nyon mongs pa dang / snyoms par 'jug pa'i nye ba'i nyon mongs pa dang / rnal 'byor gyi nye ba'i nyon mongs pa dang / shes pa'i nye ba'i nyon mongs pa dang / 'bras bu'i nye ba'i nyon mongs pa dang / rtogs pa'i nye ba'i nyon mongs pa dang / stobs kyi nye ba'i nyon mongs pa dang / mi 'jigs pa'i nye ba'i nyon mongs pa'ang 'byung lags so// bcom ldan 'das nye ba'i nyon mongs pa gang+gA'i klung gi bye ma las 'das pa snyed/ de bzhin gshegs pa'i byang chub kyi ye shes kyis gzhom par bgyi ba de dag thams cad kyang ma rig pa'i gnas kyi sa las 'byung lags so/ / bcom ldan 'das ma rig pa'i gnas kyis ni nye ba'i nyon mongs pa dang / kun nas ldang ba thams cad kyi rgyu dang / gzhi dang / rkyen lags so// bcom ldan 'das kun nA ldang ba gang lags pa de dag ni skad cig pa ste/ sems kyi skad cig pa dang mtshungs par ldan pa lags so// bcom ldan 'das ma rig pa'i gnas
- 420b
kyis thog ma ma mchis pa'i dus nas mchis pa ni sems dang mi ldan pa lags so/ / bcom ldan 'das spang bar bgyi ba'i chos gang+gA'i klung gi bye ma las 'das pa snyed gang dag de bzhin gshegs pa'i byang chub kyi ye shes kyi gzhom zhing spang bar bgyi ba'i chos de dag thams cad kyi gzhi dang rten ni 'di ltar ma rig pa'i gnas kyi sa lags so/ / bcom ldan 'das dper na sa bon gyi rnam pa gang ci lags pa dag dang / rtswa dang / shing gel ba dang / sman dang / nags tshal de dag thams cad ni/ bcom ldan 'das sa la rten cing sa la gnas te/ skye zhing 'phel la rgyas par 'gyur lags so// bcom ldan 'das sa chen po tshig cing zhig la mi ganga' bar gyur te/ ma mchis par gyur na ni sa bon gyi rnam pa gang ci lags pa dag dang / rtswa dang / shing gel ba dang / sman dang / nags tshal de dag thams cad kyang tshig cing zhig la mi gda' bar 'gyur zhing ma mchis par 'gyur lags so// bcom ldan 'das de bzhin du spang bar bgyi ba'i chos gang+gA'i klung gi bye ma las 'das pa snyed/ de bzhin gshegs pa'i byang chub kyi ye shes kyis gzhom par bgyi ba de dag thams cad kyang ma rig pa'i gnas kyi sa la rten cing / ma rig pa'i gnas kyi sa la gnas te/ skye zhing 'phel la rgyas par 'gyur lags so// so ldan das ma rig
- 421a
pa'i gnas kyis spangs shing sbyangs te/ ma mchis par gyur na ni spang bar bgyi ba'i chos kad+hA'i klung gi bye ma las 'das pa ste gang dag de ban gshegs pa'i byang chub kyi ye shes kyis gzhom par bgyi ba de dag thams cad kyang spangs shing sbyangs te/ ma mchis par 'gyur lags so// bcom ldan 'das nyon mongs pa dang ba'i nyon mongs pa de dag thams cad spangs shing / sangs rgyas kyi chos bsam gyis mi khyab pa gang+gA'i klung gi bye ma las 'das pa snyed brnyed pas/ de bzhin gshegs pa rnams kyis chos thams cad la sgrib pa ma mchis pa'i mngon par mkhyen pa brnyes te/ thams cad mkhyen pa dang / thams cad gzigs pa dang / skyon thams cad spangs pa dang / yon tan thams cad dang ldan pa dang / chos kyi rgyal po// chos kyi dbang phyug/ chos thams cad la mnga' sgyur ba'i sar gshegs nas/ nga'i skye ba zad do// tshangs par spyad pa brten to/ / bya ba byas so// 'di lta bu nyid las gzhan mi shes so zhes seng ge'i sgra sgrogs par mdzad do// bcom ldan 'das de lta lags pas/ de bzhin gshegs pa rnams kyi seng ge'i sgra 'di ni nges pa'i don lags te/ don 'di ni 'go gcig tu lung bstan par bgyi ba'ang lags so// bcom ldan 'das 'di lta bu nyid las gzhan mi shes
- 421b
so zhes bgyi ba'i ye shes la'ang rnam pa gnyis te/ bcom ldan 'das de bzhin gshegs pas sangs rgyas kyi rnam par rgyas pa blan ma mchis pas bdud bzhi bcom ste/ pham par/ mdzad nas/ chos kyi sku 'jig rten thams cad las mngon par 'phags pa sems can thams cad kyis blta bar bgyi ba bsam gyis mi khyab pa brnyes te/ shes byi'i sa thams cad la thogs pa ma mchis pa'i chos kyi dbang phyug mdzad pa na 'di las lhag par bya ba'am/ rtogs par bya ba'i sa med do zhes yang dag par gzigs te/ stobs bcu po dag gi stobs dang ldan zhing / mi 'jigs pa'i sa bla na med pa'i mchog tu yang dag par gshes te/ shes bya thams cad la sgrib pa mi mnga' ba'i ye shes kyis rnam par gzigs nas/ 'di lta bu nyid las gzhan mi shes so zhes bgyi ba'i ye shes kyis seng ge'i sgra sgrogs par mdzad do/ / bcom ldan 'das dgra bcom pa dang / rang sangs rgyas 'khor ba'i 'dzags pa las rgal ba de ma thag tu rnam par grol ba dag gis bde ba nyams su myong ba rnams ni/ 'di ltar bdag ni 'khor ba'i 'jigs pa rnams las yongs su grol gyi/ bdag gis ni phyin chad 'khor ba'i sdug bsngal myong bar mi 'gyur ro snyam du yang dag par mthong ste/ bcom ldan 'das dgra bcom pa rnams dang / rang sangs rgyas rnams 'di lta bu nyid las gzhan mi shes
- 422a
@so zhes bgyi ba rtogs nas dbugs phyin pa'i mchog mya ngan las 'das pa'i sa la so sor rtog go/ / bcom ldan 'das de dag gis rtogs nas kyang sa de la rmongs pa ma mchis pa'i chos can du 'gyur ro/ / bcom ldan 'das de dag gis kyang gzhan gyi dring mi 'jog par bdag gis ni 'di ltar lhag ma dang bcas pa'i sa thob ste/ bdag bla na med pa yang dag par rdzogs pa'i byang chub tu nges par gyur to snyam du 'tshal to/ / de ci'i slad du zhe na/ bcom ldan 'das nyan thos dang rang sangs rgyas kyi theg pa rnams ni theg pa chen po la yang dag par 'jug pa'i slad du ste/ bcom ldan 'das theg pa chen po zhes bgyi ba de ni sangs rgyas kyi theg pa'i tshig bla dgas lags so// bcom ldan 'das de ltar na theg pa gsum po 'di dag ni theg pa gcig kho na'i grangs su mchi'o/ / bcom ldan 'das theg pa gcig rtogs pas bla na med pa yang dag par rdzogs pa'i byang chub rtogs par 'gyur ro/ / bcom ldan 'das bla na med pa yang dag par rdzogs pa'i byang chub ces bgyi ba de ni mya ngan las 'das pa'i dbyings kyi tshig bla dgas lags so// bcom ldan 'das mya ngan las 'das pa'i dbyings zhes bgyi ba de ni de bzhin gshegs pa'i chos kyi sku'i tshig bla dgas lags so/ / bcom ldan 'das chos kyi sku rtogs pa'i mthar
- 422b
ni theg pa gcig pa lags te/ bcom ldan 'das de bzhin gshegs pa'ang gzhan ma lags/ chos kyi skurang gzhan ma lags kyi/ bcom ldan 'das de bzhin gshegs pa nyid chos kyi sku lags so/ / bcom ldan 'das chos kyi sku rtogs pa'i mtha' ni theg pa gcig gi mtha' lags so// bcom ldan 'das theg pa gcig mtha' zhes bgyi ba de ni theg pa gcig gi mthar sbyar ba'i tshig bla dgas lags so/ / de ci'i slad du zhe na/ bcom ldan 'das de bzhin gshes sa pa rnams ni dus kyi mtha' mchis pa la gnas pa ma lags te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni phyi ma'i mtha'i mur thug par gnas pa'i spang du'o// bcom ldan 'das de bzhin gshegs pa rnams ni 'jig rten la sman pa'i slad du/ dus kyi mtha' mchis pa'i thugs rje can dang / dus kyi mtha' mchis pa'i thugs dam mnga' ba ma lags te/ kye 'jig rten la phan pa'i phyir dus kyi mtha' med par snying rje dang ldan pa dang / rus kyi mtha' med par yi dam bcas pa'i sems can a la la zhes mchi ba dag ni bcom ldan 'das de bzhin gshegs pa nyid la yang dag par smra bas smra ba lags so/ / kye 'jig rten la phan pa'i phyir chos mi zad pa dang / chos rtag pa dang / chos brtan pa dang / skyabs
- 423a
kyi sems can a la la zhes mchi ba dag kyang de bzhin gshegs pa nyid la yang dag par smra bas smra ba lags so/ / bcom ldan 'das de lta lags pas/ 'di ltar de/ bzhin gshegs pa dgra bcom pa yang dag par rdzogs pa'i sangs rgyas rnams ni skyabs ma mchis pa dang / skyob pa ma mchis pa'i 'jig rten na phyi ma'i mthar thug par skyabs mi zad pa dang / skyabs rtag pa dang / skyabs brtan pa lags so// bcom ldan 'das chos zhes bgyi ba de ni theg pa gcig gi lam bstan pa'i tshig bla dgas so// bcom ldan 'das dge 'dun zhes bgyi ba de ni theg pa gsum pa'i tshogs kyi tshig bla dgas lags so/ / bcom ldan 'das skyabs 'di gnyis ni de'i yan lag gi skyabs zhes bgyi ste/ skyabs kyi rab ma lags so/ / de ci'i slad du zhe na/ bcom ldan 'das theg pa gcig gi lam bstan pa'i chos kyang chos kyi sku rtogs pa'i mtha' lags te/ bcom ldan 'das de'i pha rol na theg pa gcig gi lam bstan pa'i chos kyis ni bgyi ba ci'i nga ma mchis so/ / bcom ldan 'das theg pa gsum pa'i tshogs kyang 'jigs pa dang bcas pa de bzhin gshegs pa la skyabs su mchis pa radang / 'byung ba'i thabs tshol ba dang / slob pa dang / bgyi ba dang bcas pa dang / bla na med pa yang dag par rdzogs pa'i byang chub la zhugs pa 'gas so// bcom ldan 'das de ltar
- 423b
na skyabs 'di gnyis ni skyabs kyi rab ma lags te/ dus kyi mtha' mchis pa'i skyabs lags so// bcom ldan 'das sems can gang dag de bzhin gshegs pas btul ba de dag ni bzhin gshegs pa la skyabs su mchi ba na/ chos nyid kyi rgyu mthun pa la mngon par dad pas chos dang dge slong gi dge 'dun la'ang skyabs su mchi ste/ bcom ldan 'das chos nyid kyi rgyu mthun pa la mngon par dad pas skyabs su mchi ba ni gnyis la skyabs su mchi bar bgyi ba lags so/ / bcom ldan 'das de bzhin gshegs pa la skyabs su mchi ba ni chos nyid kyi rgyu mthun pa la mngon par dad pas mchi bar bgyi ba ma lags te/ bcom ldan 'das de bzhin gshegs pa la skyabs su mchi ba ni skyabs su mchi ba yang dag pa lags so// bcom ldan 'das skyabs su mchi ba gnyis kyang yang dag par na/ de bzhin gshegs pa la skyabs su mchi zhes bgyi ba'i mtha' logs par khong du chud par bgyi'o// de ci'i slad du zhe na/ bcom ldan 'das de bzhin gshegs pa'ang gzhan ma lags/ skyabs gnyis kyang gzhan ma lags te/ bcom ldan 'das de bzhin gshegs pa nyid skyabs gsum lags so// de ci'i slad du zhe na/ bcom ldan 'das theg pa gcig gi lam bstan pa'i chos 'di'ang de bzhin gshegs pa khyu mchog gi gsung dang / de bzhin gshegs pa seng ge'i sgra so so yang dag par rig pa bzhi dang
- 424a
ldan pa lags pa'i slad du'o/ / bcom ldan 'das mos pa ji lta ba dag la de bzhin gshegs pas theg pa gnyis po thabs kyi bsgrub pas bsgrubs pa de dag kyang theg pa chen po bdag nyid kyi slad du lags so/ / bcom ldan 'das theg pa 'di gnyis kyi ming ni ma mchis te/ bcom ldan 'das yang dag par na 'di la theg pa gcig pa ni theg pa yang dag pa lags te/ theg pa gsum yang yang dag par 'du'o// bcom ldan 'das nyan thos dang rang sangs rgyas rnams kyi 'phags pa'i bden pa thog mar mngon par rtogs pa'i shes pa gcig pus ni gnas kyis de snyed cig spong bar 'gyur ro/ / bcom ldan 'das shes pa de gcig pus yongs su 'tshal ba la sogs pa'i yon tan bzhi po rnams mngon sum du bgyid par 'gyur zhing / don bzhi po bdag nyid chos nyid kyis shin tu so sor rtogs par 'gyur ro// bcom ldan 'das 'jig rten las 'das pa'i shes pa la shes pa bzhi 'pho ba dang / dmigs pa bzhi po 'pho ba ma mchis te/ bcom ldan 'das 'jig rten las 'das pa'i shes pa rdo rje lta bu ni mi 'pho ba'i chos can lags so// bcom ldan 'das de ltar 'di la nyan thos dang rang sangs rgyas thams cad kyi gnas kyis spong ba'i 'phags pa'i bden pa shes pa dang po ni yang dag pa'i shes pa lags te/ bcom ldan 'das de dag la 'phags pa'i bden pa shes pa rnam pa
- 424b
gnyis kyi gnas kyis spong ba ni ma mchis so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni/ nyan thos dang rang sangs rgyas bam cad kyi spyod yul ma lags pa dang / bsam gyis mi khyab pa dang / stong pa nyid kyi ye shes kyis nyon mongs pa thams cad kyi sbubs spong ba lags so// bcom ldan 'das mongs pa'i sbubs thams cad 'byed pa'i mthar phyin pa'i ye shes gang lags pa de ni yang dag pa'i ye shes zhes bgyi'o/ / bcom ldan 'das 'phags pa'i bden pa 'tshal ba dang po ni mthar phyin pa'i ye shes ma lags te/ bla na med pa yang dag par rdzogs pa'i byang chub tu zhugs pa'i shes pa lags so// bcom ldan 'das 'phags pa'i don de ni nyan thos dang rang sangs rgyas thams cad kyi tshig bla dgas ma lags so/ / bcom ldan 'das nyan thos dang rang sangs rgyas rnams ni yon tan tshad ma mchis pa lags te/ bcom ldan 'das de'i yan lag gi yon tan dang ldan pa'i slad du/ nyan thos dang rang sangs rgyas rnams la 'phags pa zhes bgyi'o// bcom ldan 'das 'phags pa'i bden pa rnams zhes bgyi ba de ngag ni/ nyan thos dang rang sangs rgyas rnams kyi bden pa ma lags/ nyan thos dang rang sangs rgyas rnams kyi yon tan ma lags te/ bden pa 'di dag ni de bzhin gshegs
- 425a
pa dgra bcom pa yang dag par rdzogs pa'i sangs rgyas rnams kyis thog mar mngon par rdzogs par sangs rgyas shing / mngon par mkhyen la/ so sor rtog/ nas/ de mngon par mkhyen pa'i 'og tu de bzhin gshegs pa rnams kyis ma rig pa'i sgo nga'i sbubs su bcug pa'i 'jig rten la bstan cing btags te/ de'i slad du 'phags pa'i bden pa rnams zhes bgyi'o/ / bcom ldan 'das 'phags pa'i bden pa'i don bshad pa ni zab cing phra la brtag par bya ba ma yin la/ khong du chud par dka' zhing brtag mi nus la/ rtog ge'i spyod pa ma lags te/ mkhas shing mdzangs pas rig pa dang / 'jig rten thams cad dang mi mthun pa lags so// de ci'i slad du zhe na/ bcom ldan 'das zab mo bstan pa bshad pa 'od ni de bzhin gshegs pa'i snying po lags pa'i slad du ste/ bcom ldan 'das de bzhin gshegs pa'i snying po ni de bzhin gshegs pa'i spyod yul lags te/ nyan thos dang rang sangs rgyas thams cad kyi spyod yul ma lags so/ / bcom ldan 'das de bzhin gshegs pa'i snying po ni 'phags pa'i bden pa'i don bshad pa 'di'i gnas lags so// bcom ldan 'das de bzhin gshegs pa'i snying po'i gnas zab pas na/ 'phags pa'i bden pa'i don yang zab cing phra la brtags pa ste/ rtogs par dka' zhing brtag
- 425b
mi nus la/ rtog ge'i spyod pa ma lags te/ mkhas shing mdzangs pas rig pa dang / 'jig rten thams cad dang mi mthun pa zhes bgyi ba'o// bcom ldan 'das gang nyon mongs pa thams cad kyi sbubs kyi mthas dkris pa/ de bzhin gshegs pa'i snying po la the tsom ma mchis pa de ni nyon mongs pa thams cad kyi sbubs nas rnam par grol ba'i de bzhin gshegs pa'i chos kyi sku la'ang the tsom ma mchis pa lags so/ / bcom ldan 'das gang gi yid de bzhin gshegs pa'i snying po dang / de bzhin gshegs pa'i chos kyi sku dang / sangs rgyas kyi yul bsam gyis mi khyab pa'i dgongs pa'i mthar phyin pa de ni/ bcom ldan 'das 'phags pa'i bden pa'i don bshad pa rnam pa 'di gnyis la yid ches shing dad de mos pa lags so/ / bcom ldan 'das de ltar na 'phags pa'i bden pa'i don bshad pa rnam pa gnyis ni rig par dka' zhing / rtogs par dka' ba lags so// bcom ldan 'das 'phags pa'i bden pa'i don bshad pa rnam pa gnyis gang zhe na/ 'phags pa'i bden pa'i don bshad pa bgyi ba mchis pa dang / bgyi ba ma mchis pa lags so/ / bcom ldan 'das re la 'phags pa'i bden pa'i don bshad pa bgyi ba mchis pa ni/ 'phags pa'i bden pa bzhi bstan pa dang btags pa tshang mchis pa
- 426a
lags so/ / de ci'i spang du zhe na/ bcom ldan 'das gzhan gyis bgying du lhal kyang sdug bsngal thams cad yongs su 'dral ba dang / sdug bsngal kun 'byung / ba thams cad spang ba dang / sdug bsngal 'gog pa thams cad mngon sum du bgyi ba dang / sdug bsngal 'gog par 'gro ba'i lam thams cad bsgom par mi nus te/ bcom ldan 'das de lta lags pas 'khor ba la'ang 'dus byas dang 'dus ma byas pa mchis so/ / mya ngan las 'das pa la'ang 'dus byas dang 'dus ma byas pa mchis so// bcom ldan 'das 'phags pa'i bden pa'i don bshad pa bgyi ba ma mchis pa gang lags pa ni/ bcom ldan 'das de la 'phags pa'i bden pa bzhi bstan pa dang btags pa dag dpag tu ma mchis pa lags so/ / de ci'i slad du zhe na/ bcom ldan 'das bdag nyid kyis btsal la kyang zin pa'i sdug bsngal thams cad yongs su 'tshal ba dang / zin pa'i sdug bsngal kun 'byung ba thams cad spang ba dang / zin pa'i sdug bsngal 'gog pa thams cad mngon sum du bgyi ba dang / zin pa'i sdug bsngal 'gog par 'gro ba'i lam bsgom par nus pa'i slad du ste/ bcom ldan 'das de ltar na de bzhin gshegs pas 'phags pa'i bden pa bzhi bstan pa bshad pa gang lags pa de dag ni/ 'phags pa'i bden pa rnam pa brgyad du 'gyur ro// bcom ldan 'das de
- 426b
bzhin gshegs pa dgra bcom pa yang dag par rdzogs pa'i sangs rgyas rnams ni/ 'phags pa'i bden pa'i don bstan par gyi ba ma mchis pa bzhi po dag la rdzogs par mdzad pa lags so/ / nyan thos rnams dang rang sangs rgyas rnams ni rdzogs par bgyid pa ma lags so// de cir slad du zhe na/ bcom ldan 'das rab 'bring tha ma'i chos rtogs pas mya ngan las 'das pa'i dbyings rtogs pa ma lags pa'i slad du'o/ / bcom ldan 'das ci'i slad du de bzhin gshegs pa dgra bcom pa yang dag par rdzogs pa'i sangs rgyas rnams 'phags pa'i bden pa bzhi'i don bshad pa bgyi ba ma mchis pa dag la rdzogs par mdzad pa lags she na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad kyis ma 'ongs pa'i sdug bsngal thams cad ni yongs su mkhyen/ bcom ldan 'das nyon mongs pa dang nye ba'i nyon mongs pa thams cad 'du ba'i sdug bsngal kun 'byung ba thams cad ni spangs/ bcom ldan 'das yid kyi phung po thams cad 'gog par sdug bsngal thams cad 'gog pa ni mngon sum du mdzad de/ bcom ldan 'das sdug bsngal 'gog pa ni chos chung gson pa ma lags so/ / de ci'i slad du zhe na/ bcom ldan 'das de bzhin gshegs pa'i chos kyi sku thog ma ma mchis pa'i dus nas mchis pa
- 427a
ma bgyis pa/ ma skyes pa/ mings pa/ bas pa ma mchis pa/ rtag pa/ brtan pa/ rang bzhin gyis yongs su dag pa/ nyon mongs pa thams cad kyi sbubs nas nges par grol ba/ sangs rgyas kyi chos tha dad du mi gnas pa/ grol bas shes pa/ bsam gyis mi khyab pa/ gang+gA'i klung gi bye ma las 'das pa snyed dang ldan pa ni// sdug bsngal 'gog pa'i ming gis bstan pa'i slad du ste/ bcom ldan 'das de nyid la de bzhin gshegs pa'i snying po chos kyi sku nyon mongs pa'i sbubs nas nges par grol ba zhes bgyi'o/ / bcom ldan 'das de bzhin gshegs pa'i snying po shes pa nyid ni de bzhin gshegs pa rnams kyi stong pa nyid kyi ye shes lags te/ de bzhin gshegs pa'i snying po ni nyan thos dang rang sangs rgyas thams cad kyis sngon ma mthong / ma rtogs lags so// bcom ldan 'das kyis ni thugs su chud cing mngon sum du mdzad do// bcom ldan 'das de bzhin gshegs pa'i snying po stong pa nyid shes pa ni 'di gnyis lags te/ gnyis gang zhe na/ 'di lta ste/ bcom ldan 'das de bzhin gshegs pa'i snying po nyon mongs pa thams cad kyi sbubs dang tha dad du gnas pa ma grol bas shes pa rnams kyis stong pa dang / bcom ldan 'das de bzhin gshegs pa'i snying po sangs rgyas kyi chos tha
- 427b
dang du mi gnas shing grol bas shes pa bsam gyis mi khyab pa ga d+hA'i klung gi bye ma las 'das pa snyer dag gis mi stong pa lags so/ / bcom ldan 'das de bzhin gshegs pa'i snying po/ stong pa nyid shes pa rnam pa 'di gnyis la nyan thos chen po dag kyang bcom ldan 'das nyid la yid ches pas 'jug par byas te/ bcom ldan 'das nyan thos dang rang sangs rgyas thams cad kyi stong pa nyid shes pa ni phyin ci log gi dmigs pa bzhi po dag la 'jug lags so/ / bcom ldan 'das de lta lags pas/ nyan thos dang rang sangs rgyas thams cad kyis sdu/ bsngal 'gog pa thams cad sngon ma mthong / sngon ma rtogs te/ bcom ldan 'das kyis ni thugs su chud cing mngon sum du mdzad do// nyon mongs pa'i sbubs thams cad 'joms pa'i sdug bsngal 'gog par 'gro ba'i lam thams cad kyang bsgoms so/ / bcom ldan 'das 'phags pa'i bden pa bzhi po 'di dag la bden pa gsum ni mi rtag pa lags so/ / bden pa gcig ni rtag pa lags so// de ci'i slad du zhe na/ bcom ldan 'das bden pa gsum ni 'dus byas kyi mtshan nyid du gtogs pa'i slad du ste/ bcom ldan 'das gang 'dus byas kyi mtshan nyid du gtogs pa de ni mi rtag pa lags so/ / gang mi rtag pa de ni brdzun pa slu ba'i chos can lags so// bcom ldan 'das gang brdzun pa slu ba'i chos can
- 428a
/ den mi bden pa dang / mi rtag pa lags te/ skyabs ma lags so// bcom ldan 'das de lta lags pas/ 'phag sa pa'i sdug bsngal bden pa dang / sdug bsngal kun 'byung ba bden pa dang / sdug bsngal 'gog par 'gro ba'i lam 'phags pa'i bden pa'ang yang dag par na mi bden pa dang mi rtag pa lags te/ skyabs ma lags so// bcom ldan 'das 'di la bden pa gcig ni 'dus byas kyi mtshan nyid kyi yul las 'das pa lags te/ bcom ldan 'das gang 'dus byas kyi mtshan nyid kyi yul las 'das pa de ni rtag pa lags so// gang rtag pa de ni mi slu ba'i chos can lags so/ / bcom ldan 'das gang mi slu ba'i chos can de ni bden pa dang / rtag pa dang / skyabs lags so// bcom ldan 'das de lta lags pas/ 'di la sdug bsngal 'gog pa'i bden pa nyid ni yang dag par na bden pa dang / rtag pa dang / skyabs lags so// bcom ldan 'das sems can thams cad kyi rnam par shes pa'i yul las 'dra ba sdug bsngal 'gog pa'i bden pa ni bsam gyis mi khyab ste/ nyan thos dang rang sangs rgyas thams cad kyi shes pa'i spyod yul ma lags so// bcom ldan 'das dper na dmus long gzugs la lta mi nus pa dang / bu btsa' ba'i gnas na mchis pa'i byis pa dgung bdun lags pa nyi ma'i dkyil 'khor la lta mi nus pa de bzhin du/ bcom ldan
- 428b
'das sdug bsngal 'gog pa'i bden pa'ang byis pa me sor skye bo thams cad kyi rnam par shes pa'i yul yang ma lags/ nyan thos dang rang sangs rgyal thams cad kyi shes pa'i yul yang ma lags so/ / bcom ldan 'das byis pa so so'i skye bo thams cad kyi rnam par shes pa zhes bgyi ba de ni mtha' gnyis la lta ba'i phyin ci log pa rnams kyi tshig bla dgas lags so// bcom ldan 'das nyan thos dang rang sangs rgyas thams cad kyi shes pa zhes bgyi ba de ni shes pa dag pa'i tshig bla dgas lags so// bcom ldan 'das mtha' gnyis su lta ba zhes bgyi ba de ni nye bar len pa'i phung po dag la bdag tu mngon par zhen pa'i byis pa so so'i skye bo rtog ge pa dag gi tshig bla dgas lags so/ / bcom ldan 'das 'di gnyis ni mthar lta ba zhes bgyi ste/ gnyis gang zhe na/ chad par lta ba dang / rtag par lta ba lags so// bcom ldan 'das gal te 'du byed rnams la ni rtag par lta na// de ni de'i chad par lta ba ma lags te/ de ni de'i yang dag pa'i lta ba lags so// bcom ldan 'das gal te mya ngan las 'das pa la rtag par lta na/ de ni de'i rtag par lta ba ma lags te/ de ni de'i yang dag pa'i lta ba lags so// de ci'i slad du zhe na/ bcom ldan 'das rtog ge pa dag gi lta ba ni 'di lta bu lags te/ lus dang
- 429a
dbang po dang / tshor ba dang / sems pa rnams tshe 'di nyid la 'jig par mthong nas/ srid pa'i mtshams sbyor ba la 'jug par mi bgyid cing ma 'tshal bar ljongs par gyur pa skad de chad par lta bar 'gyur ro/ / bcom ldan 'das rtog ge pa dag gi lta ba ni sems kyi rgyud la rmongs shing / sems kyi skad cig 'jig pa la'ang 'jug par mi bgyid la/ rnam par shes pa'i spyod yul du ma gyur pa skad de rtag par lta bar 'gyur ro// bcom ldan 'das de ltar rtog ge pa dag gi lta ba ni de lta bu dag lags pa skad de/ de dag ni don de las thal ba'i lta ba dang / don de'i tha chad kyi lta ba dang / gzhan gyi mtshan nyid dang 'dres pa'i lta bas chad par rlom sems bgyid pa dang / rtag par rlom sems bgyid pa lags so// / bcom ldan 'das sems can rnams ni zin pa'i phung po lnga po dag la phyin ci log par gyur te/ bcom ldan 'das de dag ni mi rtag pa la rtag par 'du shes pa dang / sdug bsngal ba la bde bar 'du shes pa dang / bdag ma mchis pa la bdag tu 'du shes pa dang / mi gtsang ba la gtsang bar 'du shes pa lags so// bcom ldan 'das thams cad mkhyen pa'i ye shes kyi yul dang / de bzhin gshegs pa'i chos kyi sku ni nyan thos dang rang sangs rgyas thams cad kyi shes pa dag pas kyang sngon ma mthong lags so// bcom
- 429b
ldan 'das sems can rnams de bzhin gshegs pa la dad pas rtag par 'du shes pa dang / bde bar 'du shes pa dang / bdag tu 'du shes pa dang / gtsang bar 'du shes pa'i sems can de dag ni/ bcom ldan 'das phyin ci log tu 'gyur ba ma lags te/ bcom ldan 'das sems can de dag ni yang dag pa'i lta ba can du 'gyur ba lags so// de ci'i slad du zhe na/ bcom ldan 'das de bzhin gshegs pa'i chos kyi sku nyid rtag pa'i pha rol tu phyin pa dang / bde ba'i pha rol tu phyin pa dang / bdag gi pha rol tu phyin pa dang // gtsang ba'i pha rol tu phyin pa lags pa'i slad du'o/ / bcom ldan 'das sems can gang dag de bzhin gshegs pa'i chos kyi sku la de ltar mthong ba de dag ni yang dag par mthong ba lags so// bcom ldan 'das yang dag par mthong ba gang lags pa de dag ni bcom ldan 'das kyi sras thugs las skyes pa dang / zhal nas skyes pa dang / chos las skyes pa dang / chos kyis sprul pa dang / chos kyi sgo skal la spyod pa zhes bgyi'o// bcom ldan 'das shes pa dag pa zhes bgyi ba ni nyan thos dang rang sangs rgyas thams cad kyi shes pa'i pha rol tu phyin pa lags te/ 'di ltar shes pa dag pa lags so// bcom ldan 'das sdug bsngal 'gog pa'i bden pa ni shes pa dag pa de'i spyod yul yang ma lags/ yul yang ma lags na
- 430a
bcom ldan 'das sdug bsngal 'gog pa'i bden pa rton pa bzhi'i shes pa can dag gi spyod yul ma lags shing / yul ma lags pa lta smos kyang ci 'tshal de ci'i slad du zhe na/ bcom ldan 'das theg pa gsum pa'i las dang po pa rmongs pa ma mchis pa'i chos can dag gis don khong du chud par 'gyur zhing / don de rtogs par 'gyur paba'i slad du bcom ldan 'das kyis rton pa bzhi bshad cing btags pa'i slad du'o/ / bcom ldan 'das rton pa bzhi po 'di dag ni 'jig rten pa lags so// bcom ldan 'das rton pa gcig pu 'di lta ste/ sdug bsngal 'gog pa'i bden pa ni rton pa thams cad kyi mchog dang 'jig rten las 'das pa lags te/ de ni yang dag par ston par bgyi ba dang skyabs lags so// / bcom ldan 'das de bzhini gshegs pa'i snying po ni 'khor ba na rton pa lags te/ de bzhin gshegs pa'i snying po nyid kyi dbang du bgyis nA sa/ bcom ldan 'das kyis sngon gyi mtha' med do zhes bshad cing btags so/ / bcom ldan 'das de bzhin gshegs pa'i snying po mchos na/ 'khor ba zhes mchin ni tshig de rigs pa lags so// bcom ldan 'das 'khor ba zhes bgyi ba ni zin pa dag gi dbang po rnams 'phos ma thag tu zin pa dag gi dbang po rnams len pa la 'khor ba zhes bgyi'o/ / bcom ldan 'das 'chi 'pho dang
- 430b
skye ba zhes bgyi bar chos gnyis kyi ming de ni de bzhin gshegs pa'i snying po'i tshig tha dgas lanas so/ / bcom ldan 'das thamams bkyi ba dang / skyes zhes bgyi ba 'di ni 'jig rten gyi sa// skad lags so// bcom ldan 'das gum zhes bgyi ba ni dbang po 'gag pa 'di legs so// bcom ldan 'das skye zhes bgyi ba ni dbang po gsar pa rnams byung ba 'di lags te bcom ldan 'das de bzhin gshegs pa'i snying po la ni skye ba 'am/ 'gum pa 'am/ 'pho ba 'am/ 'byung ba'ang ma mchis so// bcom ldan 'das de bzhin gshegs pa'i snying po ni 'dus byas kyi mtshan nyid kyi yul las 'das pa lags so/ / bcom ldan 'das de bzhin gshegs pa'i snying po ni rtag pa dang / brtan pa dang // ther zug pa lags so// bcom ldan 'das de lta lags pas de bzhin gshegs pa'i snying po ni tha dad du mi gnas shing 'brel la sbubs nas grol ba'i shes pa can dag gi gzhi dang / rten dang / gnas lags so bcom ldan 'das 'di ltar de bzhin gshegs pa'i snying po ni 'brel pa ma mchis shing tha dad du gnas la shes pa grol ba ma lags pa/ phyi rol gyi 'dus byas kyi chos rnams kyi gzhi dang / rten dang / gnas kyang lags so// bcom ldan 'das gal te de bzhin gshegs pa'i snying po ma mchis na ni sdug bsngal la skyo ba dang / mya ngan las 'das pa la 'dod
- 431a
cing don du gnyer ba dang / smon pa'ang ma mchis par 'gyur ro// de ci'i slad du zhe na/ bcom ldan 'das rnam par shes pa drug po gang lags pa 'di dag dang rnam par shes pa gang lags pa 'di dag dang / / bcom ldan 'das 'di ltar chos bdun po 'di dag ni mi gnas pa dang / skad cig pa dang / sdug bsngal rnams myong ba lags pas/ chos de dag ni sdug bsngal la skyo ba dang / mya ngan las 'das pa la 'dod cing don du gnyer ba dang / smon par mi rigs so// bcom ldan 'das de bzhin gshegs pa'i snying po ni thog ma dang tha ma ma mchis pa'i mthar mchis pa dang / mi skye ba dang / mi 'gag pa'i chos can sdug bsngal myong ba lags pas/ bcom ldan 'das de bzhin gshegs pa'i snying po ni sdug bsngal la'ang skyo ba dang / mya ngan las 'das pa la'ang 'dod cing don du gnyer ba dang / smon par 'os so// bcom ldan 'das de bzhin gshegs pa'i snying po'ang bdag ma lags/ sems can ma lags// srog ma lags// gang zag ma lags te/ bcom ldan 'das de bzhin gshegs pa'i snying po ni sems can 'jigs tshogs la lta bar lhung ba dag dang / phyin ci log gis nyams par gyur pa dag dang / stong pa nyid las sems g.yengs pa rnams kyi spyod yul ma lags so// bcom ldan 'das de bzhin gshegs
- 431b
ba'i snying po 'di ni dam pa'i chos kyi dbyings kyi snying po lags so/ / chos kyi sku'i snying po lags so// 'jig rten las 'das pa'i chos kyi snying po lags so// rang bzhin gyis yongs su dag pa'i chos kyi snying po lags so/ / bcom ldan 'das de bzhin gshegs pa'i snying po rang bzhin gyis yongs su dag pa glo bur gyi nye ba'i nyon mong bas nye bar nyon mongs pa 'di ni gzhin gshegs pa'i yul te/ bsam gyis mi khyab po snyam bdag bgyid do// de ci'i slad du zhe na// bcom ldan 'das dge ba'i sems ni skad cig pa ste/ nyon mongs pa rnams kyis kun nas nyon mongs pa ma lags/ bcom ldan 'das mi dge ba'i sems kyang skad cig pa ste/ sems de'ang nyon mongs pa rnams kyis kur nas nyon mongs pa ma lags pa'i slad du'o/ / bcom ldan 'das nyon mongs pa rnams ni sems la mi reg/ sems kyang nyon mongs pa rnams la mi reg pa lags na/ bcom ldan 'das 'di la ji ltar sems mi reg pa'i chos can nye bar nyon mongs par 'gyur/ bcom ldan 'das nye ba'i nyon mongs pa'ang mchos la/ sems nye bar nyon mongs pa'ang mchis pas/ bcom ldan 'das sems rang bzhin gyis yongs su dag pa'i nye ba'i nyon mongs pa'i don ni khong du chud par dka' ba lags te/ bcom ldan 'das 'di la bcom ldan 'das nyid spun du gyur pa lags te//
- 432a
ye shes su gyur pa lags/ bcom ldan 'das ni chos thams cad kyi rtsa ba lags/ bcom ldan 'das ni mnga' bdag lags/ bcom ldan 'das ni ston pa lags so/ / de nas bcom ldan 'das kyis lha mo dpal 'phreng gis rtogs par dka' ba'i don bshad pa gsan nas/ rjes su yi rang bar mdzad de/ lha mo de de bzhin no// lha mo de de bzhin te/ sems rang bzhin gyis yongs su dag pa'i nye ba'i nyon mongs pa'i don ni rtogs par dka' 'o// lha mo chos 'di gnyis ni rtogs par dka' ba ste/ 'di lta ste/ sems rang bzhin gyis yongs su dag pa rtogs par dka' ba dang / sems de'i nye ba'i nyon mongs pa rtogs par dka' ba'o// lha mo chos 'di gnyis nyan nus pa ni khyod dam/ byang chub sems dpa' chos chen po dang ldan pa gzhan dag yin no/ / lha mo lhag mnyan thos rnams ni chos 'di gnyis la de bzhin gshegs pa la dad pas 'gro bar zad de/ lha mo nga'i nyan thos gang dag dang pa dang ldan zhing dad pa'i dbang du byed pa de dag ni dad pa'i snang ba la brten nas/ chos dang mthun par sdud pa'i shes pas 'di la nges par 'gyur ro// lha mo chos dang mthun par sdud pa'i shes pa zhes bya ba ni/ lha mo dbang po'i rnam par rig pa yid kyi spyod yul la rnam par lta ba dang / las kyi rnam par smin pa la rnam par lta ba dang / dgra bcom pa rnams
- 432b
kyi gnyid la rnam par lta ba dang / sems la dbang du gyur pa rnams kyi bsam gtan la dga' ba dang / bde ba la rnam par lta ba dang / nyan thos dang rang sangs rgyas rnams kyi 'phags pa rdzu 'phrul la rnam par lta ba ste/ lha mo rnam par lta ba'i rang bzhin rnam pa lnga la mkhas pa 'di dang ldan na/ lha mo da ltar dang nga 'das pa'i 'og ma 'ongs pa'i dus na/ nga'i nyan thos dad pa dang ldan zhing dad pa'i dbang du byed pa de dag dad pa'i snang ba la brten nas/ chos dang mthun par sdud pa'i shes pas rang bzhin gyis yongs su dag pa dang / sems kyi nye bar nyon mongs pa la de bar 'gyur ro/ / lha mo de dag gi nges pa de nyid ni theg pa chen po'i lam du 'jug pa'i rgyur 'gyur te/ lha mo de ltar na 'di lta ste/ chos zab mo mi spong ba'i phyir de bzhin gshegs pa la dad pas 'gro ba ni phan pa mang ba yin no/ / de nas bcom ldan 'das la lha mo dpal 'phreng gis 'di skad ces gsol to// bcom ldan 'das 'di la sman pa mang ba'i don bshad pa gzhan yang de bzhin gshegs pa'i mthus bdag spobs so/ / bcom ldam 'das kyis bka' stsal pa/ lha mo khyod spobs par gyis shig/ de nas bcom ldan 'das la lha mo dpar 'phreng gis 'di skad ces gsol to/ / bcom ldan 'das gsum po 'di dag ni rigs kyi bu 'am/ rigs kyi bu mo chos zab mo dag la ma smas ma nyams par bdag nyid la srung ba dang /
- 433a
bsod nams kyang mang du skyed pa dang / theg pa chen po'i lam du'ang zhugs par 'gyur ba lags so// gsum gang zhe na/ bcom ldan 'das rigs kyi bu 'am// rigs kyi bu mo gang dag rang gis rig pa'i chos zab mo dang ldan pa dang / bcom ldan 'das rigs kyi bu 'am/ rigs kyi bu mo gang dag chos dang mthun par sdud pa'i shes pa dang ldan pa dang / bcom ldan 'das rigs kyi bu 'am/ rigs kyi bu mo gang dag chos zab mo dag la bdag nyid kyi shes pa zhum par 'tshal nas/ 'di ni bdag gis mi shes te/ don 'di ni de bzhin gshegs pa nyid kyis mkhyen par zad do zhes bcom ldan 'das la sems rnam par gtod par bgyid de/ sems rnam par gtod pa de dang ldan pa lags so// bcom ldan 'das gsum po 'di dag ni rigs kyi bu 'am/ rigs kyi bu mo chos brab mo dag la ma smas ma nyams par bdag nyid la srung ba dang / bsod rnams kyang mang du skyed pa dang / theg pa chen po'i lam du'ang zhugs par 'gyur ba lags so/ / bcom ldan 'das rigs kyi bu 'am/ rigs kyi bu mo gsum po 'di dag las gzhan pa'i sems can gang lags pa de dag ni chos zab mo dag la nan tan gyis mchog tu bzung nas/ gob lob kyi sems 'dzin cing mngon par zhen te/ ston par bgyid/ kun tu smra bar bgyid do// bcom ldan 'das bdag ni de dag la dam pa'i
- 433b
chos la rgyab kyis phyogs pa dang / gzhan mu stegs can dang / sa bon rul ba lags te/ rgyal po'i thad du'ang mchis la/ brlag par bgyi'o zhes mchi'o// bcom ldan 'das sa bon rul bar gyur pa de dag ni lha dang / mi deng / lha ma yin du bcas pa'i 'jig rten gyis legs par tshar gcad par bgyi ba lags so// de nas lha mo dpal 'phreng gis de skad ces gsol nas/ 'khor dang bcas pas bcom ldan 'das kyi zhabs la gtugs so// de nas bcom ldan 'das kyis lha mo dpal 'phreng la legs so zhes bya ba byin te/ lha mo khyad kyis du sa dang skabs su chos zab mo dag la bdag nyid yang dag par bsrung ba'i thabs kyi don bstan pa bshad pa dang / dam pa'i chos kyi dgra tshar gcad pa bshad pa legs so legs so/ / lha mo khyod ni sangs rgyas 'bum phrag bye ba mang po la bsnyen bkur byas pa yin pas/ khyod kyis don bshad pa 'di las ngo mtshar che ba med do// de nas bcom ldan 'das dpal 'bar bas 'khor gyi dkyil 'khor thams cad kyi lus la 'od kyis khyab par mdzad nas/ ta la bdun srid tsam du nam mkha' la mngon par 'phags de/ zhabs kyi gom pa 'dor ba'i rdzu 'phrul gyis mnyan yod kyi grong khyer ga la ba der gshegs so/ / de nas lha mo dpal 'phreng 'khor dang bcas pas spyi bor thal mo sbyar nas blta ba
- 434a
chog mi shes shing mig mi 'dzum par lta bas/ bcom ldan 'das la lta zhing 'khod par gyur to// gang gi tshe bcom ldan 'das de dag gi mig rgyang gis mi slebs par gyur pa de'i tshe/ lha mo dpal 'phreng 'khor dang bcas pa mchog tu dga' zhing rab tu mgu ba'i bzhin dang ldan pas// gcig gis gcig gi mdun du de bzhin gshegs pa'i yon tan rnams rnam pa du mar bsngags shing sangs rgyas rjes su dran pa yid la byed pa ma brjed bzhin du grong khyer 'thab med du dong ngo / / de nas lha mo dpal 'phreng gis rang gi khyim thabs rgyal po grags pa'i bshes gnyen theg pa chen po la nges par bcug go/ / grong khyer chen po'i bud med kyi tshogs bu mo lo bdun lon pa yan chad thams cad theg pa chen po la btsud do// rgyal po grags pa'i bshes gnyen gyis kyang grong khyer chen po'i skyes pa'i 'khor khye'u lo bdun lon pa yan chad thams cad theg pa chen po la btsud par gyur te/ de ltar zong khyer pa thams cad theg ba chen po la mngon du phyogs par byas so/ / bcom ldan 'das kyang rgyal bu rgyal byed kyi tshal du byon te/ nang du gshegs nas tshe dang ldan pa kun dga' bo la'ang bka' stsal cing / lha'i dbang po brgya byin la'ang dgongs so// de nas lha'i dbang po brgya byin skad cig thang cig yud tsam de nyid la lha'i tshogs kyis yongs su bskor te/ bcom ldan
- 434b
'das kyis spyan sngar 'dug par gyur to/ / de nas bcom ldan 'das kyis lha'i dbang po brgya byin dang / tshe dang ldan pa kun dga' bo la chos kyi rnam grangs 'di rgya cher yang dag par bstan te// ko'u shi ka chos kyi rnam grangs 'di khyod kyis zung zhig/ ko'u shi ka chos kyi rnam grangs 'di khyod kyis sum cu rtsa gsum pa'i lha rnams la shod cig/ kun dga' bo khyod kyis kyang chos kyi rnam grangs 'di zung zhig/ kun dga' bo khyod kyis chos kyi rnam grangs 'di 'khor bzhi po dge slong dang / dge slong ma dang / dge bsnyen dang / dge bsnyen ma dag la shod cig/ de nas bcom ldan 'das la lha'i dbang po brgya byin gyis 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ ko'u shi ka chos kyi rnam grangs 'di ni yon tan mtha' yas pa dang ldan te/ ko'u shi ka nyan thos dang rang sangs rgyas thams cad kyis kyang mdo 'di'i don thams cad ma lus par shes pa 'am/ blta ba 'am/ nye bar brtag par mi nus na/ sems can gzhan dag gis lta ci smos/ ko'u shi ka de de ltar na chos kyi rnam grangs 'di ni zab la yon tan chen po'i 'byung gnas yin no/ / ko'u shi ka de'i phyir chos kyi rnam grangs 'di'i yon tan gyi ming yongs su brjod pa tsam zhig bshad kyis/ de legs par rab tu nyon la
- 435a
yid la zung zhig dang ngas khyod la bshad do/ / lha'i dbang po brgya byin dang tshe dang ldan pa kun dga' bos bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// ke'u shi ka 'di ni de bzhin gshegs pa'i yon tan mtha' yas pa yang dag par bstod pa zhes bya bar zung zhig/ ko'u shi ka 'di ni yi dam chen po bsam gyis mi khyab pa zhes bya bar yang zung zhig/ smon lam thams cad sdud pa smon lam chen po zhes bya bar yang zung zhig/ dam pa'i chos yongs su 'dzin pa bsam gyis mi khyab pa bstan pa zhes bya bar yang zung zhig/ theg pa gcig tu yang dag par 'du ba bstan pa zhes bya bar yang zung zhig/ 'phags pa'i bden pa brgyad bstan pa zhes bya bar yang zung zhig/ de bzhin gshegs pa'i snying po bstan pa zhes bya bar yang zung zhig/ chos kyi sku bstan pa zhes bya bar yang zung zhig/ stong pa nyid kyi don gyi dgongs pa yang dag par bstan pa zhes bya bar yang zung zhig/ bden pa gcig tu bstan pa zhes bya bar yang zung zhig rtag pa dang / brtan pa dang / zhi ba dang / ther zug pa dang / skyabs gcig tu gyur pa zhes bya bar yang zung zhig/ phyin ci log gis bstan pa zhes bya bar yang zung zhig/ rang
- 435b
gyis yongs su dag pa'i sems la dgongs pa bstan pa zhes bya bar yang zung zhig/ de bzhin gshegs pa'i sras kyi yang dag par bstan pa zhes bya bar yang zung zhig/ ko'u shi ka 'di ni lha mo dpal 'phreng gi seng ge'i sgra zhes bya bar yang zung zhig/ ko'u shi ka mdo 'dir bstan pa gang dag bshad pa de dag thams cad ni/ rgyu ba bcad pa dang / nges pa'i don dang / rton pa gcig pa zhes bya bar yang zung zhig/ ko'u shi ka lha mo dpal 'phreng gi seng ge'i sgra bstan pa'i chos kyi rnam grangs 'di ni ngas khyod kyi lag tu gtad kyi/ 'jig rten na dam pa'i chos ji srid gnas pa de srid du phyogs bcu'i 'jig rten thams cad du yang dag par sgrogs shig/ ston cig/ lha'i dbang po brgya byin gyis bcom ldan 'das la legs so zhes gsol to// bcom ldan 'das kyi spyan sngar chos kyi rnam grangs 'di bzung zhing kun chub par byas nas/ lha'i dbang po brgya byin dang / tshe dang ldan pa kun dga' bo dang / gzhan yang gang der 'dus par gyur pa dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa lha mo dpal 'phreng gis zhus pa'i le'u zhes bya ste/ 'dus pa bzhi bcu rtsa brgyad pa
- 436a
rdzogs so/ / rgya gar gyi mkhan po dzi na si tra dang / su ren+d+ra bo d+hi dang / zhu chen gyi lo tsa ba zhang ye shes sdes bsgyur cing zhus te gtan la phab / sh+lo ka drug brgya'o// rgya gar skad du/ Ar+ya byA sa pa ri prits+tsha nA ma ma hA yA na sU tra/ bod skad du/ 'phags pa drang srong rgyas pas zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das gang+gA'i klung gi 'gram/ brgal bar bya ba ma yin pa/ khu byug dang / ne tse dang / bung ba dang / ngang pa'i rgyal po dang / bya'i tshogs du ma sgra snyan pa 'byin pa/ shing p+lag sha dang / n+ya gro d+ha dang / tsan dan dang / mya ngan 'tshang dang / sa la ka'i yal gas bskyabs pa/ rtag tu me tog dri zhim pos sil ma bkram pa de na/ dge slong gi dge 'dun chen po/ thams cad kyang bya ba byas pa/ byed pa byas pa/ zag pa zad pa/ rdul zad pa/ chos las mi zlog pa/ bsam gtan dang kha ton la gnas pa// 'chag sa dang khri'i steng na 'dug pa/ dang pa'i rgyal po ltar sa phyogs de mdzes par byed pa sha stag la/ kha cig ni nang du yang dag 'jog la gnas pa/ kha cig ni shing drung na gnas pa/ de bzhin gshegs pa'i bka' kun bgro bar byed pa
- 436b
cha byad dul zhing brtan pa/ spyod lam rab tu zhi ba/ 'dod pa la 'dod pa dang / gnod sems dang / snyom pa dang / gnyid dang / le lo dang bral ba sha stag dang thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag sbyin pa byin cig/ bya ba gang yin pa gyis shig/ tshul khrims kyi sdom pas bsdams shing / dbang po sbas la yid zhi bar gnas par gyis shig/ de nas bcom ldan 'das dge slong rab tu mang po la 'di lta ste/ tshe dang ldan pa kun dga' bo dang / 'od srungs chen po dang / shA ri'i bu dang / bku la dang / nam gru dang / tshe dang ldan pa kun shes ko'u do n+ya dang / de dag la sogs pa nyan thos chen po sha stag dang thabs gcig ste/ yang dag par dga' ba dang / yang dag par mgu bar 'gyur ba'i gtam mdzad do/ / de'i tshe nub phyogs logs na nyi ma'i dkyil 'khor ltar snang ba zhig/ tshe dang ldan pa kun dga' bos mthong ngo // mthong nas kyang bcom ldan babadas la 'di skad ces gsol to/ / bcom ldan 'das nub phyogs logs na 'bar zhing snang ba zhugs kyi 'od zer lta bur gda' ba 'di ci lags/ de skad ces gsol pa dang bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo 'di ni dri nag ma'i bu drang srong 'jig rten pa'i mngon par shes pa lnga dang ldan pa
- 437a
drang srong rnams kyi mchog/ drang srong rgyas pa zhes bya ste/ drang srong dka' thub drag po la gnas pa/ bsnyen par gnas pa brgyad stong gis nub pa/ lus kyi mdzes pa med pa lnga brgya tsam phyi bzhin du 'brang ba la/ drang srong dkar min gzhon nu dang / mi lA dang / rnam par bde srung gi bu dang / ri dgas mo'i bu dang / sgra byed kyi bu dang / phur bu rna dang / me'i bu dang / rnam par rko'i bu dang / bsten par dka' dang / de la sogs pas yongs su bskor nas rjes su 'chag pa'o// de nas de'i bar skabs su rgyas pas/ bcom ldan 'das dge slong gi tshogs kyis yongs su bskor cing dbang po zhi ba/ thugs zhi ba/ bsam gtan dben pa la dgyes pa// shing ljon pa stug po'i nang na bzhugs pa mthong ngo / / mthong nas kyang rgyas pa 'di snyam du sems te/ kye ma'o ma la ngo mtshar te/ 'di bcom ldan 'das thams cad mkhyen pa/ phyin ci ma log pa gsung ba zhes 'jig rten du grags pa ni gnas yin no/ / ji ltar kha dog rgyas pa mchog dang ldan zhing rmad du byung ba'i gzugs rgya chen po phun sum tshogs pa las na// 'di gdon mi za bar de bzhin gshegs par 'gyur ro/ / 'di ltar bcom ldan 'das gzugs rgya chen po 'di lta bu dang ldan pas 'khor los sgyur ba'i dbang phyug gi bdag po drug dang
- 437b
bcas pa bzhan du spangs te/ bud med rin po chos 'tsho ma la sogs pa bud med drug stong yang spangs nas/ dka' thub kyi nags tshal gyi nang du gshegs te bzhugs pa 'di ni/ kye mapo 'jig rten na ngo mtshar rmad du 'byung ba'o snyam du sems so// de nas drang srong mes sbyin gyi bus kyang rgyang ring po nas bcom ldan 'das mthong ngo // mthong nas kyang tshim zhing mgu la yi rangs shing rab tu dga' ste/ dga' ba dang yid bde ba skyes nas/ tshul dang 'dra ba'i tshigs su bcad pa 'di dag gis bcom ldan 'das la mngon par bstod do/ / shing ljon dag gi khrod 'dug cing / btso ma'i gser ltar ser bar snang / gzugs ni shin tu 'bar ba ste/ skye bo kun gyi dga' ba skyed// bai dUR+Ya ni dri med brag/ stug nang ri rab rtse gcig 'phags// ston gyi nyi ma rab lhan ltar// dpal gzugs 'bar ba 'di su zhig/ de nas drang srong chen po de dag thams cad dga' ste/ mig phye thal mo sbyar nas bcom ldan 'das ga la ba der dong ngo / / de nas bcom ldan 'das kyis dge slong rnams la bka' stsal pa/ dge slong dgra 'dzam bu'i gling pa'i dring srong me'i phung po ltar 'bar ba/ ral pa'i cod pan can// rgas pa/ rab tu rke ba/ zas mi za zhing bsten par gnas pa// shing shun dang g.yang gzhi gyon pa/ thal bas
- 438a
byugs pa/ thang dang brag khrod na gnas pa/ bkres bkres ltar 'dug pa/ rlung 'gam pa/ zla ba phyed bsten gnas byas pa/ yan lag skem pa/ gcer du/ pa dang / shing shun gyon pa/ ag tsom dang / sen mo dang / s+phu ring ba/ bung ba'i kha dog lta bu/ dka' thub kyi nor can/ bzlas brjod dang / sbyin sreg dang / bsrung ba dang bkra shis pa byas pa/ sa dang / bla gab med pa dang / shing drung na gnas pa/ rkang pa gyen du bsgreng ba/ tsog tsog por 'dug pa/ chu'i nang du 'dug pa/ me ma dag 'bar ba dang bsreg me rab tu 'bar ba dang / nyi mas lus shin tu gdungs pa/ dka' thub drag pos yongs su bskor ba/ bab bab tu gnas pa/ rigs tsam gyis yongs su dga' ba/ bla na med pa'i ye shes dang bral ba de dag la ltos/ dge slong dag drang srong chen po 'di dag ni 'khor ba las 'byung ba mi shes pa dag ste/ 'di dag ni 'dod pa dang rgyags pas myos pa// yang srid par skye ba yongs su 'dzin pa/ lta ba'i rgyu ba yongs su ma dag pa sha stag go/ de nas dge slong de dag bcom ldan 'das la sems zag pa nas skyabs su dong nas 'di skad ces gsol to/ / bcom ldan 'das bdag cag ni tshangs par spyod pa'i tshogs sgrub pa ste/ de'i slad du bdag cag srid par skye ba mi 'dzin to// de nas drang srong chen
- 438b
po rgyas pas/ drang srong chen po de dag gi sems dang mi 'jigs pa dman zhing // lta ba dman par khad kyis khad kyis brtags nas gus pa skyes te/ zhe sa dang bcas par drang srong gi tshogs kyi sa yongs su bskor nas/ / ral pa mang po brdzes te/ mchod phyir thogs thogs pa/ sngo bsangs po/ mig gnyis ser ba/ skra rtsub cing grugs pa// lag na dbyug gu gsum thogs pa/ gzugs rab tu mi sdug pa dang ldan pa/ nam mkha'i ngos la 'gro ba/ gtam sna tshogs kyi gtan tshogs dang ldan pa de bcom ldan 'das ga la ba der song ste phyin nas/ bcom ldan 'das la 'di skad ces gsol to/ / 'khor 'di ni kun tu rmongs pa ste/ 'di na gnas lags na/ bdag 'di ri mchis par bcom ldan 'das kyis mkhyen par mdzad du gsol// bcom ldan 'das kyis bka' stsal pa/ drang srong chen po srid par skye ba thams cad kyang ngas shes te/ dngos po de'ang rig go// de nas tshe dang ldan pa kun dga' bos bcom ldan 'das la 'di skad ces gsol to/ / bcom ldan 'das drang srong gi tshogs kyis yongs su bskor ba/ gsal ba/ zur phyin pa/ zhi ba/ mkhas pa/ blo dang / shes pa dang / mi 'jigs pa dang / ral pa'i zar bu'i cod pan can 'di su lags/ bcom ldan 'das kyis bka' stsal pa/ kun dga' bo 'di ni drang srong chen po rgyas pa
- 439a
zhes bya ste/ rig byed rnams byed pa/ nus can bu'i bstan bcos kyis 'tsho ba/ yi ge sna tshogs sdud pa'o// de nas dgra bcom pa de dag thams cad kyis rgyas pa mthong nas/ bcom ldan 'das la 'di skad ces gsol to// bcom ldan 'das 'di ni 'khor ba'i sdug bsngal las yongs su ma grol ba lags na/ dka' thub drag po yongs su nyon mongs pa rnyed pa 'dis ci zhig thob/ dgra bcom pa de dag yang 'di snyam du sems te/ rgyas pa 'dis bcom ldan 'das la gtam gang bdag med pa'i gtam mam/ sprin pa dang tshul khrims dang rab tu ldan pa'i gtam mam/ ci'i rgyud nga rkyen gyi gtam zhig zhu snyam mo// de nas drang srong chen po rgyas pas bcom ldan 'das la 'di skad cem gsol to/ / bcom ldan 'das 'byung ba dang / da ltar drang srong chen po tshogs pa 'di ni shin tu rnyed par dka' ba lags so// gal te zhus nas zhu ba lung bstan pa'i slad du/ bcom ldan 'das kyis bdag la skabs bye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis drang srong chen po rgyas pa la 'di skad ces bka' stsal to// drang srong chen po khyod cing ci 'dod pa dris shig dang / dris pa de dang de de lta de ltar lung brta
- 439b
par bya'o/ / de nas bcom ldan 'das la drang srong chen po rgyas pas 'di skad ces gsol to// bcom ldan 'das ji ltar sbyin pa sbyin par bgyi/ sbyin pa ma lags pa'i don gang lags/ sbyin pa zhes bgyi ba'i don gang lags/ sbyin bdag ji ltar rab tu 'tshal bar bgyi/ ji ltar na gtong ba por 'gyur/ ji ltar na sprin bdag lags la gtong ba po ma lags/ ji ltar na sbyin bdag sbyin pa'i mthar 'gro ba zhes bgyi/ spungs par gnas pa 'am/ brtsegs par gnas pa'am/ ji ltar blta bar bgyi/ ji ltar na sbyin bdag len pa la mi gnas par sbyin pa sbyin pa lags/ sbyin pa'i rnam par smin pa ji ltar blta bar bgyi/ ji ltar na bcom ldan 'das mya ngan las 'das pa'i mchod rten la mchod pa lags/ bsod nams de'i rnam par smi pabapa ji ltar blta bar bgyi/ bcom ldan 'das khyod yongs su mya ngan las 'das nas/ yongs su 'dzin par 'gyur pa gang lags// de nas bcom ldan 'das kyis drang srong chen po rgyas pa la 'di skad ces bka' stsal to/ / drang srong chen po sems dang po bskyed pa'i gtam khyod kyis dris pa 'di ni rtsing ngo // de nas gnas brtan shA ra dwa ti'i bu smin ma ring ba/ gter ma can/ mgo skya bos lag pa g.yas pas smin ma gzar nas/ mig pags bteg ste bltas nas 'di skad ces smras so// drang srong chen po rgyas pa 'di 'dzam
- 440a
rten na grags pa yin na/ gtan tshigs kyi rig pa mi shes pa'i byis pa rogs rgod lta bur mkhas pa'i blo med de/ rgyu dang rkyen gyi gtam spangs shing / bdag med pa'i gtam bor la/ / lha yul pa'i rgyu'i gtam btang ste/ ci'i phyir sbyin pa'i gtam nyid zhus par gyur// de nas tshe dang ldan pa kun dga' bos bcom ldan 'das kyi zhabs gnyis la phyag 'tshal te/ bcom ldan 'das la 'di skad ces gsol to// bcom ldan 'das bdag gis drang srong chen po 'di la sbyin pa'i 'bras bu'i sbyin pa'i bka' mchid bgyi'o// bcom ldan 'das kyis bka' stsal pa/ kun dga' bo de bzhin gshegs pa la dris la/ nyan thos kyis bshad pa ni de bzhin gshegs pa rnams kyi tshul ma yin te/ mi dgos kyis// kun dag bopo de skad ma zer cig/ 'di ni gnas ma yin no// de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das bdag gis drang srong chen po rgyas pa ci dang ci 'tshal ba dris pa'i lan btab par bgyi'o/ / bcom ldan 'das kyis bka' stsal pa/ shA ra dwa ti'i bu khyod kyang 'di skad mi 'tsham par ma zer/ da'i mdun na na thos kyis the tsom bcad pa 'di ni mi rigs te/ nga la sems can gyi sems ma rangs par 'gyur ro// sems ma rangs nas 'di skad du gang gi phyir rgyas pas dris na nyan thos 'chang du bcug
- 440b
pa las na/ de bzhin gshegs pa ni thams cad mkhyen pa ma yin du des so// yang na ni sangs rgyas la ngar 'dzin pa yod do zhes zer bar 'gyur te/ sems can dmyal bar 'gro bar 'gyur ro// de nas dge slong de dag bcom ldan 'das la dga' ba skyes nas 'di skad ces gsol to// bcom ldan 'das drang srong chen po rgyas pa'i the tsom bsal ba'i slad du bshad du gsol/ denas bcom ldan 'das kyis drang srong chen po rgyas pa la 'di skad ces bka' stsal to// drang srong chen po sbyin pa'i rnam par smin pa dang / sbyin pa'i bya ba dang / sbyin pa'i rnam par dbye ba/ sbyin pa zhes bya ba'i don gang yin pa dang / sbyin bdag gis yongs su spyad na/ ji ltar sbyin pa sbyong ba dang / de dag la byin na bsod rnams kyi rnam par smin pa ji ltar rab tu 'phel ba da nyon cig/ gang gi phyir sbyin pa zhes bya ba dang / sbyin pa zhes bya ba'i den gang yin zhes bya ba ni/ drang srong chen po 'di la gtong ba pos sbyin pa'i dngos po yongs su btang ste/ dad pa bskyed nas gzhan byed du bcug ste/ yul gzhan du song nas byed du bcug pa des kyang nor rnams rnam par gtong bar byed na/ nor gang gi yin pa de ni sprin bdag yin no// byed du bcug pas byin pa ni gtong ba po yin gyi/ sbyin bdag ma yin no// gang rang gi dngos po bdag nyid kyis sbyin pa de ni gtong ba po'ang yin la/ sbyin bdag kyang yin no// drang srong chen po rnam pa sum cu rtsa gnyis kyis sbyin pa yongs su ma dag par blta'o// rnam pa sum cu rtsa gnyis gang zhe na/
- 441a
'di lta ste/ drang srong chen po 'di la gtong ba po phyin ci log tu lta bar gyur cing / ma dad pa dang ma dang ba mang la/ des sbyin pa byin na/ de'i sbyin pa de yongs su ma dag pa yin no/ / drang srong chen po gzhan yang phan gdags pa'i lan du phan 'dogs par bya ba'i phyir sbyin pa byin na/ de yongs su ma dag pa yin no// des dman pa dang 'dod pa'i rgyu'i phyir/ gang 'di lta bu'i sems kyis me la sbyin pa byin no zhe 'am/ me lce la sbyin pa byin no zhe 'am/ tshul sbyin pa byin no zhe 'am/ des bdag yongs su shes par bya ba'i phyir rgyal po la sbyin pa byin na/ sbyin pa de yongs su ma dag pa yin no// gang mi 'jigs pa'i phyir chom po la sogs pa la sbyin pa byin te/ thun mong ma yin pa lnga byin na sbyin pa yongs su ma dag pa yin no// dug sbyin pa dang / mtshon cha sbyin pa dang / srog chags bsad de sha sbyin pa dang / bag med pa rnams la chang sbyin pa dang / 'di dag ni bdag gir 'gyur te/ bdag gi rim gro dang mchod par 'gyur ro snyam nas sems can bsdu ba dang / 'thob pa'i phyir bsdu ba smon pa dang / gang brjod pa dang / sgra dang / tshigs su bcad pa'i phyir sbyin pa byin pa dang / gang gar dang / glu dang / bzhad gad dang / rtsed mo dang / gtam dang / dgo' bar bya ba'i phyir rol mo mkhan rnams la sbyin pa byin na/ sbyin pa de yongs su ma dag pa yin no//
- 441b
gang gza'i mtshan ma'i phyir skar mkhan la sbyin pa gtong bar byed pa dang / gang gzhan gyi nor mdza' bo la byin pa dang / gang gi khyim mam zhing la gzhan gyi 'bru'i phung po 'am/ nas dang gro'i phung po la ri dgas dang bya za ba de de la dga' ba dang mgu ba skyed na/ de'ang sbyin pa yongs su ma dag pa yin no// gang bzo'i phyir sbyin pa byin pa dang / gang yang lus mi bde bas 'jigs pa'i phyir sman pa la byin pa dang / gang yang slong ba rnams la spros brgyad de chog pa za bar byas nas sbyin pa byin na/ de'ang yongs su ma dag pa yin no// gang yang sbyin pa byin pa 'di'i rnam par smin pa yod dam med ces the tsom za na/ / de'ang yongs su ma dag pa yin no// gang yang sbyin pa byin nas gdung ba dang 'gyod pas gdungs na// de'ang yongs su ma dag pa yin no/ / gang yang sbyin pa byin nas/ gang bdag las khyer ba thams cad kyis tshe phyi ma la slar sbyin par 'gyur ro snyam du 'di lta bu'i sems bskyed na/ de'ang yongs su ma dag pa yin no// gang bsod nams kyi rnam par smin pa 'di ni bdag nyid kyis smad kyi/ sems can gzhan gang la'ang ma gyur cig snyam du de ltar sems bskyed na/ de'ang yongs su ma dag pa yin// no// gang lang tsho la bab pas sbyin pa byin pa dang / phyi sa dang phyid dang / rga ba'i gnas dang / na bas gzir ba dang / 'chi ba'i dus kyi tshe dang / gnang du phog pa'i sdug
- 442a
bsngal ba dang / skud pa dang / 'chi ba'i mya ngan du gyur pa na/ sangs rgyas pa la dga' ba dang dad pa med par rtsa lag rnams kyis byed du bcug ste/ sbyin gnas rnams la sbyin pa byin na/ de'ang yongs su ma dag pa yin no// gang yul gzhan na gnas na'ang yul dang gnas che ge mo zhes bya ba na/ bdag sbyin bdag tu grags par 'gyur ro snyam du grags pa'i rgyur smyon pa byin na/ de'ang yongs su ma dag pa yin no// gang yang kha zas gtong mi phod pa la 'jig rten pa mi dga' bar mthong nas/ sbyin phod pa'i nyes pa ni 'jig rten gyis bzod do snyam ste sgra po byin na/ de'ang yongs su ma dag pa yin no// gang yang bud med snying du sdug ste/ chung sar blang ba'i 'brel ba dang / phyir byed par bya ba'i don du/ bud med kyi gzhi las mdza' bshes dang / gnyen 'dab dang 'brel ba'i phyogs la nor bu dang / gser dang / dngul dang / rdo rje dang / bai DUR+Ya dang / dar dang / byu ru dang / du gu la'i ras la sogs pas mgu bar byed na/ de'ang yongs su ma dag pa yin no// gang yang 'di ltar bdag la nor ni mang du yod na/ bdag la bu med de/ bdag gis gang rigs pa la gtong bar bya'o snyam ste sbyin pa byin na/ de'ang yongs su ma dag pa yin no/ / gang yang tshe 'di la byin pas 'jig rten pha rol tu rnyed par 'gyur ro snyam pa'i sems kyis sbyin pa byin na/ de'ang yongs su ma dag po yin no// gang me tog dang /
- 442b
'bras bu dang / zang zing 'dod pas dbul ba dang / bkren pa dang / sdug 'phongs pa/ gos dengs shing dri ma can rnams bkol te bor la/ phyug pa rgya chen po thob pa dag la sbyin pa byin na/ de'ang sbyin pa yongs su ma dag pa yin te/ drang srong chen po rnam pa sum cu rtsa gnyis po 'di dag ni sbyin pa byin yang yongs su ma dag pa yin par blta'o// drang srong chen po de dag gi rnam par smin pa ni/ tsha sgo can gyi zhing la sa bon ngan pa btab pa'i myu gu ngan pa skye ba bzhin du blta ste/ sbyin pa de'i rnam par smin pa ni med pa ma yin mod kyi/ 'on kyang zhing dang sa bon gyi nyes pas me tog dang 'bras bur mi 'gyur ro/ / drang srong chen po 'di lta ste/ dper na skyes bu la la zhig gang 'dod pa'i sa bon khyer te ma rmos ma bsal ba'i zhing la btab na/ de'i sa bon sa la gnas pa de la char pa bab nas bangs na / don mi za bar myu gu skye nus par 'gyur te/ 'on kyang me tog dang 'bras bur ni mi 'gyur ro// drang srong chen po de bzhin du sbyin pa de'i rnam par dbye ba de'ang bsam pa dang sbyor ba kun nas nyon mongs pa can du gyur pas/ 'bras bu rnam par smin pa grung por mi 'gyur ro// de nas drang srong chen po rgyas pas thal mo sbyar te/ bcom ldan 'das la 'di skad ces gsol to// bcom ldan 'das kyis thams cad mkhyen pa dang mthun pa'i rnam par smin pa skye dgu rnams la phan pa dang bde ba 'byin pa'i rnam lags so/ / bcom ldan 'das ji ltar tshul khrims 'chal pa dang / tshul khrims dang ldan pa la yul
- 443a
na/ sbyin pa'i rnam par smin pa chab mi 'tshal ba lags/ bcom ldan 'das kyis bka' stsal pa/ drang srong chen po khyod sbyin pa'i rnam par smin pa la 'jug pa nyon cig/ drang srong chen po dad pas gang cung zad cig byin pa de dag thams cad ni sbyin pa zhes bya'o/ / drang srong chen po gang yang 'jig rten pha rol gyis 'jigs pas snod la mi rtog par ma bslangs par yang tshul khrims dang ldan pa'am/ ngan pa tshul khrims 'chal pa la dad pa bskyed nas/ mig phye ste sems can thams cad la mnyam pa'i sems kyis sbyin pa byin na/ drang srong chen po de ni sbyin bdag yin no/ / drang srong chen po gzhan yang sbyin pa lnga yongs su rdzogs par bya'o// lnga gang zhe na/ 'gron po dang / nad pa dang / nad g.yog dang / chos smra ba dang / yul gzhan du 'gro ba la dus su sbyin pa ste/ lnga po de dag go// gzhan yang lnga ste/ chos sbyin pa dang / zang zing sbyin pa dang / gnas sbyin pa dang / mar me sbyin pa dang / spos dang 'phreng ba sbyin pa'o// drang srong chen po rgyas pas gsol pa/ bcom ldan 'das sbyin pa yongs su dag pa gang lags/ bcom ldan 'das kyis bka' stsal pa/ gang dad pa bskyed do sems can thams cad la dmigs shing byams pa dang ldan pa'i sems kyis gus par byas te/ dal bas sbyin pa byin pa de thams cad ni yongs su dag pa yin no/ / thar par bsngos te sbyin pa ni yongs su dag pa zhes bya'o// gzhan yang sbyin pa bla na med par lta ba lnga ste/ lnga gang zhe na/ de bzhin gshegs pa la sbyin pa byin pa
- 443b
bla na med pa yin no/ / dge 'dun la sbyin pa byin pa ni bla na med pa yin no// chos smra ba la sbyin pa byin pa ni bla na med pa yin no// da pa la sbyin pa byin pa ni bla na med pa yin no// la ma la sbyin pa byin pa/ ni bla na med pa yin no// gzhan yang sbyin pa chen por 'gyur ba ni rgyal po rgyal srid kyi dbang phyug las nyams pa la sbyin pa byin na sbyin pa chen po yin no// rgyal pos mnar ba dang / mgon med pa dang / nad pa la sbyin pa byin na sbyin pa chen po yin no// rgyal pos spangs nas gzhan na yang nyam nga zhing srog chad la khang pa 'chi la thug pa las gsos na sbyin pa chen po yin no// na ba la sman byin na sbyin pa chen po yin no/ / tshul khrims phun sun tshogs pa'i 'phags pa'i dge 'dun la dus su smin pa byin na 'bras bu chen po yin no// ting nge 'dzin la snyoms par zhugs pa dang / shes rab phun sum tshogs pa dang / rnam par grol ba phun sum tshogs pa dang / rnam par grol ba'i ye shes mthong ba phun sum tshogs pa la sbyin pa byin na sbyin pa chen po yin no// dud 'gro'i skyes gnas su song ba bya rog dang / 'ug pa dang / ri dgas la sogs pa la mi 'jidzegs pa byin na sbyin pa chen po yin no// gang la gang dgos pa dang mi bdog pa de'i bsam pa yongs su rdzogs par byed pa ni sbyin pa chen po yin te/ drang srong chen po de ltar na sbyin pa byin pa yongs su dag pa dang sbyin pa chen po yin no/ / sbyin pa yongs su dag pa 'di dag 'dod pas/ de ltar sbyin pa yongs su dag par bsgom par bya'o// sems can gang dag
- 444a
gzhan dag gis de ltar bskul na dad pa dang dang ba bskyed de/ sbyin pa yongs su dag pa 'di la rjes su yi rang bar 'gyur ba de dag mtshungs par bsod nams skyed pa po dang sbyin bdag tu 'gyur te/ de ltar na gang rjes su yi rang ba dang / gang skul ba de dag thams cad bsod nams skyed pa por mtshungs par 'gyur ro// drang srong chen po gang sangs rgyas bcom ldan 'das yongs su mya ngan las 'das pa na/ bsod nams kyi rnam par smin pa ji ltar 'gyur/ ji ltar sbyin pa'i bsod nams zad par 'gyur zhes khyod kyis smras pa/ drang srong chen po de'i phyir legs par rab tu nyon la yid la zung zhig dang ngas bshad do/ / drang srong chen po gang la la zhig bcom ldan 'das yongs su mya ngan lnga 'das pa dang / da ltar bzhugs pa la mchod pa byed pa de'i rnam par smin pa ni mtshungs mnyam zhing 'dra'o zhes nga 'chad do/ / de ci'i phyir zhe na/ de bzhin gshegs pa rnams ni gzugs chos kyi skus rab tu phye ba yin gyis// chos gzugs kyi skus rab tu phye ba ma yin pa'i phyir ro// gang la la nga 'dug pa 'am/ yongs su mya ngan las 'das pa la mchod na/ sems mtshungs pa'i phyir 'di gnyis la bsod nams kyi khyad par cung zad kyang med do// drang srong chen po 'di lta ste/ dper na 'khor los sgyur ba'i rgyal pos ris su gtogs pa rnams la bsgo ba/ nga'i gang gis kyang deng phyin chad srog gcod pa dang / ma byin par len pa dang / 'dod pa la log par g.yem pa dang / brdzun gyi tshig
- 444b
byin pa dang / za ma dang / ngag rtsub po dang / tshig 'khyal pa 'byin par mi bya'o// brnab sems dang / gnod sems dang / log par lta ba'i sems bskyed par mi bya'o zhes bskol/ de la mi la las rgyal/ pos bsgo ba de thos nas bsgo ba rnams rjes su srung na/ rgyal po de'i lus la mchod pa byed pa ma yin mod kyi/ rgyal po ngas bsgo ba bzhin du de dag gis kyang byis so snyam ste dga' bar 'gyur ro// de dag rgyal po des bstan cing bsgo ba rab tu srung zhing / srog gcod pa la sogs pa kun srung ba de'i las kyi rnam par smin pas mtho ris kyi 'jig rten du skye ba yongs su 'dzin par 'gyur ro// gang dag rgyal po nges bstan cing bsgo ba mi srung zhing / mi dge ba'i las la sbyor ba de dag mi dge ba'i las byed pas tshe 'di la rgyal po de las sdug bsngal rjes su 'thob par 'gyur/ 'di nas shi ba'i dus byas nas kyang log par ltung bar 'gro bar 'gyur ro/ / drang srong chen po de bzhin du gang dag gis nga la gzugs kyi skur mthong la/ bslab pa rnams rjes su mi srung ba de dag gis ci 'thob par 'gyur zhe na/ de dag gis log par lta ba bskyed nas/ lhas byin bzhin du sems can dmyal bar 'gro bar 'gyur ro// gang dag pa yongs su mya ngan las 'das pa na/ bslab pa rnams srung ba dang / mchod par yang byed par 'gyur ba de dag ni ngas mchog dam par shes so/ / drang srong chen po nga da ltar mchog tu phyin te/ sems can thams cad las khyad bar du 'phags shing / thams cad mkhyen pa'i ye shes thob pas
- 445a
ma nges pa'i sem can rnams la ming bsgrag pas kyang bslab pa phun sum tshogs par bya'o/ / drang srong chen po gang la la zhig pa yongs su mya ngan las 'das te/ 'das pa'i 'og tu mchod pa byed pa de nga 'dug pa la mchod pa bzhin du 'gyur ro/ / drang srong chen po sems can de dag bsod nam lhag par bya ba gang byed pa thams cad ni bsod nams chen po'i 'phen pa byang chub tu 'gyur ba byas pa yin no/ / drang srong chen po 'di lta ste/ dper na chu ngogs kyi 'dam bu stug po'i nang du me btang na/ char pa'i rgyun 'bab pa'i chus de zhi bar 'gyur ro// drang srong chen po de bzhin du sbyin bdag sbyin pa'i bsod nams kyi tshogs chen po sdud par 'gyur ro/ / sbyin pa'i tshogs de'ang sbyin pa po de nyid kyi rgyud la dad pa'i char pa bab na/ sbyin pa po nyid kyi rgyud la sogs par 'gyur mod kyi/ sbyin pa byin pa de'ang phung por gnas pa 'am/ spungs par gnas pa 'am/ phyogs na gnas par mi 'gyur ro// gang yang 'di ltar sbyin pa byin pa de'i byin pa de ni/ sbyin pa po de la grib ma bzhin du rjes su 'brang bar 'gyur te/ des na sbyin pa po des bsod nam kyi rnam par smin pa de mthong yang bsod nams de khong du mi chud do/ / drang srong chen po 'ang lha ste/ dper na rgun 'brum dang bu ram shing ma btsir ba de la khu ba mi dmigs kyi/ btsir nas dmigs te/ rgun 'brum dang bu ram shing de'i khu ba de dang phung por gnas pa 'am/ spungs par gnas pa 'am/ phyogs na gnas par mi snang ngo // khu ba de ni rgun 'brum re re dang / bu ram shing gi dum bu re re'i nang du 'dus pa'ang ma yin no// drang srong chen po de bzhin du sbyin pa byin
- 445b
pa de'ang sbyin pa po'i lag pa'i rtse mo dang / snying dang / brang la rnam par mi gnas te/ sbyin pa de rnam par smin pa mi 'byin pa'ang ma yin la/ sbyin bdag 'dor ba'ang ma yin no// ji ltar rgun 'brum dang bu ram shing bor na/ khu ba de dmigs par mi 'gyur ba de bzhin du/ sbyin bdag med na sbyin pa'i rnam par smin par mi 'gyur te/ tshe'i 'du byed ma btang bar yang sbyin pa'i rnam par smin pa snang ba ma yin no// drang srong chen po 'di lta ste/ dper na shing n+ya gro d+ha sa bon kha ma 'bus par shing du snang bar mi 'gyur ro// de bzhin du sbyin pa 'phel ba las 'bras bu grang por 'gyur ro// drang srong chen po 'di lta ste/ dper na tshong pa la la zhig rdzas kyi mchog nyung ngu zhig khyer te yul gzhan gyi grong khyer du song nas/ tshong dus khyad par can du rang gi rdzas nor chen por rgyas par bsgrubs te/ de'i nor de nyung ngu las mang por gyur pa dang / sbrang rtsi'i sbrang mas me tog ma rung bar byas pa ltar/ sprin bdag gi rnam par smin pa'ang cher sogs par 'gyur ro// dper na sprin mi ma 'ongs pa'i char pa'i chu rab tu 'dzin to// de bzhin du sprin bdag kyang rnam par smin pa 'phen par byed de/ drang srong chen po de ltar sbyin bdag bsod nams 'phen par byed cing sbyin pa sbyin no// de'i 'bras bu la'ang spyod do// de bas na len pas sbyin pa shes par byed do// drang srong chen po bsod nams zhes bya ba ni 'jig rten pha rol tu rdzogs par byed pa 'am/ mthu rtsal thob pas srung ba ste/ de bas na bsod nams zhes bya'o// 'jig rten pha rol nas gcig nas gcig tu lus dang longs spyod skyed par byed pas
- 446a
de'i phyir 'jig rten pha rol gyi zhes bya'o/ / de nas bcom ldan 'das la drang srong chen po rgyas pas 'di skad ces gsol to// bcom ldan 'das kyis bdag gi sbyin pa'i rnam par smin pa ni bka' stsal to/ / bcom ldan 'das rnam par shes pa lus kyi ji ltar 'jug/ rnam par shes pa 'di ji ltar na lus la chags pa skyed/ bcom ldan 'das kyis bka' stsal pa/ drang srong chen po 'di lta ste/ dper na rgyal po grong khyer gyi dbus na 'dug na pha rol gyi dmag tshogs kyi 'jigs pas thog ma nyid du 'obs rko zhing / rdzas dang / sman dang / 'phong gi slob dpon dang / skyes bu dpa' bo sdud par byed cing / rgyal mtshan bsgreng nas gzhon nu rnams la smra'o// glang po che dang bal glang mo chang gis ra ro bar byed do// ri dang nags na gnas pa thams cad dang / zhang blon la sogs pa thams cad sdud do/ / dmag mi rnams kyang nor gyis bsdus nas/ 'di skad du thams cad kyang 'thab 'dod par gyis te/ so so'i lag cha thogs la ral gri phyung ste/ nyin mtshan mnyal bar 'dug gcig ces bsgo nas/ pha rol gyi dmag rta dang / glang po che dang / ming 'dres pa 'ongs pa dang / 'di ltar rgyal po des bdag gi dmag dbugs 'byin cing // pha rol gyi dpung rang gi bsod nams zad pa dang / mthu rtsal zad pa dang / mtshon gyis smras pa dang / pham par ma gyur kyi bar du 'khor la glags mi rnyed par srung bar byed do// drang srong chen po de bzhin du rnam par shes pa'i rgyal po lus kyi grong khyer du song nas/ skye mched kyi
- 446b
grong khyer la mi rtag pa'i ngo bor gnas par mthong nas/ de'i tshe dad pa'i ngobos rko bar byed/ brtson 'grus la gnas te 'dug/ bzod pa'i go cha gyon/ brtsam pa chen po rtsom/ mos kyi glang po che rgyags par byed// ye shes kyi rta la zhon cing rgyug ste/ skye mched kyi grong khyer la 'di skad ces bag yod par ci bya ba dus su gyis shig/ pha rol gyi dmag tshogs kyi dpung thub par dka' ba/ mi rtag pa'i dmag dpag tu med pa 'ong gi/ da myur du sbyin pa'i go ma gyon cig/ ye shes kyi mtshon thogs shig/ ngo rma shes pa dang khrel yod pa'i sgrogs sbor cig/ tshul khrims dang / ting nge 'dzin dang / gtong ba'i srungs ma zhog cig ces bskul lo/ / de dag kyang pha rol gyi dam ga nye bar gnas pa de dang phan tshun mi mthun pas 'bros so// de dag dang mi mthun pas skye mched kyi grong khyer de zhig nas/ rnam par shes pa'i rgyal po de lus kyi grong khyer de bor te/ de yul la phyogs nas bros so// rnam par shes pa bros nas lus dang dbang po'i tshogs khams kyi sbrul gyis gang bas skye mchedan drug zhig nas/ bdag po med pa yid brtan du mi rung ba'i lus kyi grong khyer 'jig par 'gyuraro/ / drang srong chen po de bzhin du rnam par shes pa'i rgyal pos lus kyi gro khyer bor nas/ lus gzhan yongs su 'dzin par byed de/ de ltar na rnam par shes pa ni rgyal po ltar blta'o/ / de nas bcom ldan 'das la drang srong chen po rgyas pas 'di skad ces gsol to// bcom ldan 'das rnam par shes pas bsod nams su nye bar mchi ba 'am/ bsod nams ma lags/
- 447a
par nye bar mchi ba 'am/ mi g.yo bar nye bar mchi ba'i lus ji ltar rab tu 'tshal/ rnam par shes pa 'dinyid kyis bdag gis lus 'di yongs su gtang ngam/ mi gtang snyam du dzi d+ha rab tu 'tshal/ bcom ldan 'das kyis bka' stsal pa/ drang srong chen po 'di lta ste/ dper na skyes bu rgya mtsho chen po rgal bar 'dod pas gzings chen po'i steng du 'dug nas chu'i nang du zhugs pa dang / rgya mtsho chen po'i chu rlabs rgyud mar 'byung bas dkrugs pa/ mtho dman can/ kum b+hai ra ma rungs pa dang / 'dzin khri dang / chu srin byis pa gsod dang / sbrul yod pas chu de'i tshu rol gyi 'gram nas rlung gis phul nas/ dbang mi dgos shing gnod pa med la bde ba da gnas te/ pha rol gyi gram du phyin par gyur to// chu bo'i klung rab tu 'jigs pa de las thar pas gzings de la dga' ba bskyed nas/ gzings 'dis bdag mtsho chen po 'di las brgal to snyam bsams nas/ gzongs de la lan gsum bskor ba byas te/ gzings de la rab tu mchod pa byas so// drang srong chen po de bzhin du gang bsod nams byas pa'i sems can 'di nas shing 'phos pa de'i rnam par shes pa de 'di snyam du sems te/ lus 'dis bdag bde 'gro lha dang mir skye ba yongs su bzung ba dang ldan pas/ bdag don yod par mi'i lus thob par 'gyur te/ lus 'dis bdag ngan song du 'gro ba'i rgya mtsho las brgal te// 'das lhar skye ba'i gnas yongs su bzung ngo zhes 'di ltar lus de la dga' ba bskyed nas/ bdag gis 'di la mchod pa legs par bya'o snyam mo// phyis lus de gzings bzhin du bor nas 'jig rten pha rol
- 447b
tu 'gro'o/ / gang rang gi lus kyis bsod nams ma byas pa de'i rnam par shes pa de ni/ ji ltar skyes bu gzings rul bas mtsho chen po de'i nang du 'bying zhing zhig ste/ ma rungs par gyur nas/ skyes bu de'ang nyam thag ste/ gzings zhig pa des 'jigs bzhin du 'gram du phyin nas kyang / seng ge dang stag yod pa'i 'jigs sar phyin par gyur nas/ des 'di skad ces zer ro// gzings rul bas nyon mongs kyi steng du log par song nas/ mtsho chen po chu'i rlabs kyis dkrugs pa/ sbrul gyis glongs par zhugs so zhes gzings de la de skad smra'o// de bzhin du rnam par shes pa 'di bsod nams ma yin pa byas pa'i lus la brten pas/ ngan song gi sar song nas lus de la 'di skad zer ro// sdig pa'i lus 'das ci zhig rnyed na/ sdig pa can gyi lus mngon par grub nas/ bdag khur lta bus non par gyur/ bdag lus rul ba 'di'i rgyus ngan song du mngon par phyogs shing zhugs te/ mchil pas ta zin pa bzhin no snyam mo// de ltar rnam par shes pa de logs par byas pa'i bsod nams kyis gzings babang po bzhin du 'khor ba las rgalas byed do/ / bsod nams ma yin pas ni log par ltung bar byed do// de ltar na rnam par shes pas bsod nams su nye bar 'gro ba dang / bsod nams ma yin par 'gro ba'i lus rnam pa 'od gnyis rab tu shes so/ / yang rnam par shes pas lus 'di yongs su btang nas/ gzhan lus gnyis par 'gro zhong nye bar 'gro'o// de mngal na gnas pa'i tshe zhag bdun gyi bar du rnam par shes pas/ bdag 'ang
- 448a
nas shing 'phos nas 'dir 'ongs so/ / las 'di byas so// bdag gis las 'di byas so zhes de dran nas/ de legs par byas pa'i las kyis dga' bzhin du 'gro'o// de rum naganas pa na de'i mal mtshan ma gsum 'byung ngo / / gsum gang zhe na/ bzhin 'dzum zhing de'i bzhin rI rI bo ma yin pa dang / bzhin lha'i kha dog lci bur 'gyur zhing / rkang pa g.yas pa la rab tu gno/ la/ dku g.yas pa la lan du mar nyug pa dang / de gos dkar po dang rab tu mdzes pa ste/ bsod nams su nye bar 'gro ba'i rnam par shes pa ma'i mngal na gnas pa'i tshe ma ni gzugs de lta bur blta'o/ / drang srong chen po gang bsod nams ma yin pa'i rnam par shes pas skyes par gyur pade zhag bdun gyi bar du bdag de nas shi 'phos nas 'dir skyes so// sdig pa'i las ni 'di byas so zhes de lta bur dran par 'gyur ro/ / de de lta bu dran nas yid mi bde ba skye'o// yid mi bde ba skyes pa de'i ma la ltas mang du 'byung bar blta ste/ lus dri mi zhim par 'gyur ba dang / lus rid par 'gyur ba dang // lus la sems pas khyab par 'gyur ba dang / yang dang yang du bzhin khro gnyer sdud par 'gyur ba dang / gang tshun chad sems can de mngal du skyes par gyur pa de tshun chad khyim der nyon mongs pa dang / gnod pa dang / nad mang por 'gyur ro// sems can de btsas pa'i tshe yang na ni ma 'chi ba'i dus byed pa dang ldan par 'gyur/ yang na ni bdag nyid mngal na gnas pa'i tshe ma rung bar 'gyur te/ drang srong
- 448b
chen po de lta bu ni bsod nams ma yin pas nye bar 'gro ba'i sems can du blta'o/ / de nas bcom ldan 'das la drang srong chen po rgyas pas 'di skad ces gsol to// bcom ldan 'das 'di la rnam par shes pa de thog ma mngal du skyes pa'i tshe/ ci dran ci rnam par shes par 'gyur/ bcom ldan 'das kyis bka' stsal pa/ drang srong chen po 'di la rnam par shes pa thog ma skyes pa'i tshe 'di lta bu dran par 'gyur te/ kun dga' ra ba dang / skyed mos tshal dang / nags tshal dang / rdzing dang / lu ma dang / gser gyi gzhal med khang mthong zhing / ladzam bu'i gling 'di skye bo mdza' ba 'du bas gang ba dang / mchog tu yid du long ba'i bsod nams byed pa'i sems can gyis gang bar mthong ngo // lha'i shes pa'i snang bas tshe rabs brgya stong du ma rjes su dran no// rjes su dran zhing rjes su dran nas kyang dga' ba bskyed de/ 'di ni skye ba lnga brgyar bdag go mar gyur to zhes de ltar rab tu shes te/ de ltar rjes su dran nas ma de la chags par mi byed cing / 'dod chags dang bral ba skyed do// kye ma'o/ 'di ltar yang skye ba dang 'byung ba ni sdug bsngal te/ 'khor bas ni chog go/ yongs su 'dzin pa 'dis kyang chog go snyam mo// de skad ces bka' stsal nas/ drang srong chen po rgyas bas bcom ldan 'das la 'di skad ces gsol to/ / bcom ldan 'das sems can de mi chags na 'khor ba las 'byung bar 'gyur ram/ bcom ldan 'das kyis bka' stsal pa/
- 449a
drang srong chen po thams cad de lta bu ni ma yin te/ rnam par shes pa de ni gzugs med pa/ stan du med ga / snang ba med pa'o// gang rnam par shes pa'i khams chags pa med par ma gyur pa/ 'khor bar mi skye ba de lta bu'i gnas med do// bsod nams su nye bar 'gro ba dang / mi g.yo bar nye bar 'gro ba dang / mya ngan las 'das par nye bar 'gro ba thams cad ni de ltar 'gyur ro/ / drang srong chen po de dag ni 'di ltar blta ste/ rnam par shes pa gang de ltar sems pa de ni rnam par shes pa'i shas che bar blta ste/ lus kyi shas che bas ni mi nus so// rnam par shes pa ni tshor bar byed pa/ rnam par shes pa ni sems pa ste/ de'i phyir rnam par shes pa zhes bya'o// drang srong chen po khyed kyis rnam par shes pa de de ltar khong du chud par bya'o// / de nas de'i tshe bcom ldan 'das kyis tshigs su bcad pa 'di dag bka' stsal to// dgra rnams thams cad shin tu bsrungs// nyon mongs sogs par byed pa po// shes dang mi shes shes pa po/ / shes rab dang ni gti mug ldan// lha dang nga rgyal ma rig dang // rnam par shes pa kun la yod// rnam par shes pa med par ni// gang yang 'byung bar mi 'gyur ro/ / rnam par shes pa med par ni// de dag 'du bar mi 'gyur te// cig car gyur na 'du bar 'gyur// gcig min 'khor lo shing rta bzhin// skyes su mnyam du 'du ba ni/
- 449b
nyid dang gzhan dang gnyis kas min// gcig gis ma yin gzhan gyis min// glang gnyis ji lta bzhin du'o// shing rta swa sbyar gnyis dang ni// 'khor lo gnyis su ldan pa dang // thag pa dag gis bcings byas pa/ / shing rta zhes ni yongs su grags// de ltar las kyi shing rta yang // khams kyi 'du 'phrod rnams las 'byung // de las dbang po ldan 'gyur te// rnam par shes pas rab tu bstan/ / gnad dang mtshams su sbyor ba dang // de ltar rtsa dang 'dzang chu dang // skra dang rus pa so dang mgo/ sen mo pags pas mdog byas dang // rgyu ma glo ba mkhal ma dang // snying dang mcher pa tshil bu dag/ thams cad mnyam du 'dus pa las// lus ni shin tu gnas pa yin// de la khams ni lus can te// sems las dngos po kun byung bas// de phyir rnam par shes kyi 'dod// de ni kha lo sgyur bar 'dod// drang srong chen po gzhan yang rnam par shes pa 'di ni phra ba/ gzugs med pa/ bstan du med pa/ mi mngon pa ste/ 'di ni kha dog dang / dbyibs dang / gzugs kyi dbang po ma yin no// dbang po rags pa bor ba'i phyin/ rnam par shes pa lta ba gzhan med de/ mi'i snying 'phar ba dang / 'jigs pa gang las 'byung ba dang / rnam par rtog pa dang / rnam par dpyod pa gang yin pa de thams cad ni rnam par shes pa'i shas che ba yin gyi/ lus kyi shas che ba ma yin no// de nas bcom ldan 'das la drang srong chen po rgyas pas 'di
- 450a
skad ces gsol to/ / bcom ldan 'das sems can rnams kyi sngon gyi rang bzhin ji ltar blta bar bgyi/ sems can dmyal bar nye bar mchi ba dang / yi dgas su nye bar ma ba dang / dud 'gro'i skye gnas su nye bar mchi ba'i rang bzhin ji ltar blta bar bgyi/ ji ltar lhar nye bar mchi ba dang / ji ltar mor nye bar mchi ba dang / dge ba'i rtsa ba rnams dang / mi dge ba'i rtsa ba rnams gang lags par blta bar bgyi/ dge ba'i rtsa ba gang dag gis lha dang mir skye bar 'gyur/ mi dge ba'i rtsa ba gang dag gis sems can dmyal ba dang / dud 'gro dang / yi dgas su skye bar 'gyur ba 'di dag bcom ldan 'das kyis lung bstan du gsol/ bcom ldan 'das kyis bka' stsal pa/ drang srong chen po khyod sems can rnams kyi rang bzhin dang / dge ba'i rtsa ba rnams dang / 'chi 'pho dang / skye ba nyon cig/ yang thams cad mkhyen pa'i yul 'di ni mngon par shes pa lnga'i yul ma yin no// 'di ni lha rnams dang tshangs pa la sogs pa 'og min la thug pa rnams kyi ma yin te/ 'di ni nyan thos kyi skabs kyang ma yin na/ sems can gzhan rnams kyi lta ga la yin// drang srong chen po gang dri ma gsum spangs pa'i chos nyid dang po thob pa/ nga'i bstan pa la rgyun du zhugs pa'i rnam par shes pa'i yul ni yin te/ de lha dang drang srong thams cad kyi ni ma yin no// de skad ces bka' stsal pa dang // drang srong chen po rgyas pas bcom ldan 'das
- 450b
la 'di skad ces gsol to/ / bcom ldan 'das bdag ni da rgas 'khogs gtugs pas/ da 'bras bu rnams la btsal ba'i rngo mo thog go// bdag khur chen po bkur ba'i rngo mi thog go// dag bcom ldan 'das dang / chos dang / tha ba thams cad spangs pa'i 'phags pa'i dge 'dun la skyabs su mchi'o// bdag deng slan chad slob ma dang bcas/ g.yog dang bcas te gsum la skyabs su mchi'o// bcom ldan 'das lha'i 'jig rten nas shi 'phos nas 'gro ba gang du 'gyur ba da bshad du gsol/ bcom ldan 'das kyis bka' stsal pa/ drang srong chen po de'i phyir legs par rab tu nyon la yid la zung zhig dang / lha'i 'jig rten du skye ba'i rang bzhin gang yin pa dang ltas gang yin pa ngas bshad do// drang srong chen po 'di la me tog dang / spos dang / 'phreng ba byin pa dang / bsten pa dang / bsgoms pa dang / mang du byas pa dang / dad pa dang ldan pa'i skyes bu ni 'chi ba'i dus byas na/ 'phreng thogs kyi lha'i nang du skye'o// drang srong chen po de 'chi ba'i dus kyi tshe/ de'i lus dri rab tu zhim pa'i spos kyis bsgos pa'i me tog bzhin du snang ngo / / drang srong chen po de la me tog gi char mang po rab tu bab nas 'tsho ba'i dus byed par 'gyur/ de'i lus la me tog kha dog sna tshogs rab tu 'thor bar 'gyur/ de'i rtsa lag snying du sdug pa gang yin pa de dag kyang me tog thogs shing mya ngan byed par 'gyur// de'i bzhin gyi mdog sdum par 'gyur/ de'i mig ha cang btsums
- 451a
pa'ang ma yin/ / ha cang phye ba'ang ma yin par 'gyur/ rkang lag legs par blang nas 'chi ba'i dus byed par 'gyur te/ de 'chi ba'i dus kyi tshe 'di lta bu'i rtags 'dig 'byung ngo // 'di lta bu'i ltas kyang mthong bar 'gyur te/ khang pa brtsegs pa me tog sna tshogs rab tu sbyangs pa/ me tog tha dad pas mdzes par byas pa/ bud med brgya stong gis bskor ba mthong nas/ rtsa lag rnams la'adi skad smras so/ / bdag gi rmi lam na khang pa brtsegs pa lha'i me tog rnam pa sna tshogs dang me tog gi lnga ldi spangs pa/ lha'i me tog bkram pa/ bud med brgya stong gis bskor ba de lta bu mthong ngo zhes bdag gi rtsa lag de dag la smras nas/ de dag gis kyang 'phreng thogs kyi lha'i nang du skye bar rig go/ de 'chi ba'i dus byas nas 'phreng thogs kyi lha'i nang du skye ba na/ pha dang ma 'dus pa mthong nas skye ba yongs su 'dzin to/ / 'phreng ba thogs pa de dag kyang gnyis kyi dbang po gnyis sprod par 'gyur te/ 'di lta ste/ dper na 'dzam bu gling pa'i mi bzhin no// de la de dag gi rnam par shes pa phan tshun 'dres shing dga' ba tsam gyis non pas 'jug par 'gyur gyi/ de dag khu ba 'byung ba ni ma yin no// drang srong chen po lha de dag ni lha mos mang la na zhag bdun du 'dzin to// zhag bdun 'das nas dku g.yas pa nas 'byung ngo / / drang srong chen po de de'i mngal nas byung nas lha'i me tog dri rab tu zhim pa/ mchog tu yid du 'ong ba sna tshogs brgyus pa'i 'phreng ba brang las 'byung bar
- 451b
'gyur ro/ / drang srong chen po de'i 'phreng ba dri rab tu zhim pa'i ngad rlung gis 'das nas phyogs kun tu dpag tshad tsam du 'gro'o// 'phreng ba de la kha dog bdun yod pa/ 'di lta ste/ dkar po dang / dmar po dang / ser po dang / sngon po dang / bai DUR+Ya dang / rma dang / pad+ma rA ga las lhag pa ste/ blta na sdug pa sna tshogs kyi 'phreng ba de dag de ma shi bar du ma rA si par thogs par 'gyur te/ de'i / phyir 'phreng thogs zhes bya'o// drang srong chen po 'phreng thogs kyi lha de dag gi gnas de na/ shing ljon pa ha cang yang mi ring / ha cang yang mi thung ba/ 'bras bu sna tshogs ha cang yang mi sgyur/ ha cang yang mi mang ra la/ bdud rtsi dang 'dra ba'i ro bro ba mang po bzang po lha'i ro bro ba yan lag brgyad dang ldan pa dag yod do// drang srong chen po shing de dag gi 'bras bu de dag gi tshad ni shing thog bil btsam mo de dag gi nang nas lha rnams gang dang gang za bar 'dod pa'i zas de dang de de dag la nye bar gnas te/ lha de dag ni 'bras bu za bar blta'i/ kham gyis za ba'i zas can ni ma yi no// drang srong chen po lha de dag gis phyogs ni rab tu rno ba'i tsher ma'i bag med pa/ me tog gis mdzes par byas pa/ ne'u gsing gis khebs pa/ gser dang dngul gyi'i phreng ba sna tshogs kyis mdzes par byas pa/ yid tsam ser ba lta bur snang ba'o// drang srong chen po gnas de na phreng ba thogs pa'i lha de dag lha'i bu mo mchog tu 'bar ba'i gos dang rgyan can/ skar khung dang / kha khyer dang / pu shu'i ngos la rgyu ba/ bde ba dang yid bde ba mchog dang lda pa
- 452a
dag dang gnas so/ / de na de dag gi tshe'i tshan ni lo nyis stong thub bo// de na tshe zad pa'i ltas 'byung ba ni/ shing gi drung na 'dug 'dug pa'i shing de lo ma rnyis// ya lag bya me tog dang dribang med par 'gyur te/ sems can de'ang shing drung de na mi dga' ba rnyed par 'gyur/ de'i 'phreng ba sngon ma rnyis pa de'ang rnyis par 'gyur/ lha'i 'jig rten gyi rlung bsil zhing bde bar ldang ba de'ang dro bar ldang bar 'gyur ba ste/ de'i gnas de dag mthong nas/ lha'i bu mo de dag nga ro gcig tu snying rje rje skad smre sngags 'don to// sems can de'ang mtho ris kyi grong khyer lha'i shing dang / me tog dang / 'bras bus mdzes par byas pa dang / lha'i bu mo'i tshogs dang 'dre ba yongs su btang nas/ bsod nams zad par 'gyur ba 'di ni mtho ris kyi nyes pa'o// drang srong chen po de nas lha'i bu mo de dag gis de'i mtha' bskor nas/ nyam thag pa chen po'i sgrar dus te/ kyi hud mi rtag pa 'di ni snying rje med pa'o// 'di ltar snying la dga' ba skyes shing 'khod 'khod pa las mi 'dod bzhin du dbang med par mtho ris nas lhung ngam/ e ma'o lha gzhon nu da myur du mi'i 'jig rten du skye bar gyur cig ces mya ngan byed pa na/ rims drag pos btab nas/ de rims drag pos non te/ de'i lus gcig tu 'bar bar 'gyur ro// lus 'bar bas gnas de nas 'chi 'pho bar 'gyur te/ de'i 'bar ba de khar zhi bar 'gyur ro// de nas shi 'phos nas pa dang ma 'dus pa mthong bas skye ba yongs su 'dzin to// drang srong chen po 'phreng thogs su nye bar 'gro ba'i
- 452b
lha'i bu de 'di ltar skye bar blta ste/ ma'i mngal na gnas pa'i tshe ltas 'byung ba ni mngal na gnas pa na/ me tog dang / spos dang / 'phreng ba 'dod pa dang / 'bras bu sna tshogs 'dod pa dang / nags tshal sna tshogs stug po nyams dga' ba 'dod par 'gyur/ bde ba thams cad dang ldan par 'gyur/ lus la na ba med par mngal na 'dzin par 'gyur/ rmi lam na bsod nams sna tshogs kyi tshong dus me tog gi 'phreng ba spungs pa'i grong khyer mthong ste/ 'di dag ni de'i mas ltas mthong ba'o// drang srong chen po gzhan yang lha gzhon nu de btsas nas/ 'phreng ba thogs pa'i lha las shi 'phos pas shin tu dga' ba chen po skye'o/ / gos dkar po la dga' bar 'gyur/ mdzes pa dang ldan par 'gyur/ shes pa dang mi ldan par 'gyur/ 'dod pa la rab tu chags shing 'gro ba dang rgyu ba 'phyar bag can dang / dus ston dang / ltad mo dang / phra ba'i gos la mngon par dga' bar 'gyur/ kun dga'i ra ba la dga' ba dang / pha rol 'byor pa mthong na 'dod pa ste/ drang srong chen po 'di dag ni 'phreng thogs kyi lha las mir skye ba'i ltas su lnga pa dag go/ / / bam po gnyis pa ste tha ma'o// drang srong chen po gzhan yang rgyal chen bzhi'i ris kyi lhar skye ba'i ltas dang / 'chi 'pho ba'i ltas su lta ba ni/ / drang srong chen po 'di la dman pa dang / mgon med pa la zas bzang po dang / na ba'i gsos sman dang / kun 'thung ba'i chu grang mo dang / chu mig dang /
- 453a
mtshe'u dang / steng ka dang / lu ma dang / rdzing bu dang / khron chu byin nas/ dad pa dang yid rab tu dga' zhing / 'chi ba'i dus kyi tshe nyon mongs pa'i 'bar ba med pa'i lus su 'gyur// de'i lus ring par mi 'gyur/ mdog ngan par mi 'gyur// rdul dang dri ma chags par mi 'gyur/ de'i lus la nyam nga ba'i tshor ba mi 'byung / skad dman pa dang rtsa lag dang bral zhing gdung ba dang ldan par mi 'gyur/ de bkres pa dang skom pas nyen par mi 'gyur/ de'i lus bskum pa dang rmyang ba la sogs pas sdug bsngal bar mi 'gyur/ gshang gcing byung bar mi 'gyur// yul las yongs su nyams das skyed lug par mi 'gyur/ de'i dbang po zhum par mi 'gyur ba ste/ de lta bu de ni mtho ris kyi bde ba dang ldan zhing 'chi ba'i dus byed par 'gyur ro// de'i lus yongs su btang nas rnam par shes pa de rab tu dga' bar/ rgyal chen bzhi'i ris kyi lha'i nang du skyed mos tshal dang nags tshal stug po'i nang du gnas par 'gyur ro// de 'chi khar lha'i ris de mthong nas bzhin me tog pad+ma lta bur 'gyur de'i kha nas dri zhim po 'byung bar 'gyur/ de la me tog sna tshogs dri dang ldan pa'i rlung rjes su mthun pa ldang bar 'gyur/ de shi nas kyang rgyal chen bzhi'i ris kyi lha'i nang na pha ma 'dus nas skyed mos tshal na rtse zhing 'dod pa myong bas rgyags dregs nas/ lag pa g.yas pas lha mo'i lte ba la reg par mthong nas/ de'i rkyen gyis rnam par shes pa lha mo'i pang par skye ba yongs su 'dzin
- 453b
to/ / de zhag bdun 'das nas dri ma med pa'i rna cha 'gul ba'i mgo dang ldan pa'i gzhon nu mngon par 'grub ste/ dgod pa dang / gar byed pa dang / glu len pa dang / 'dod pa'i longs spyod skyed nus so/ / drang srong chen po de la rgyal chen bzhi'i ris kyis phyogs ni dngul dang ldong ros rnam par bkra ba sna tshogs kyis spras shing mdzes par byas pa/ lha mo brgya stong gis legs par brgya pa/ lha'i gnas mthob/ rang bzhin gyis mdzes pa/ reg na bde ba'i rlung ldang ba'o// drang srong chen po rgyal chen bzhi'i ris kyi lha de dag gi skyed mos tshal ni dpag tshad brgyad phri bzhi stong gru bzhi lham pa nor bu'i sgron mas snang bar byas pa/ shing gi yal ga dang rtse mo la dpag bsam gyi shing gi ras bcos bu dang rgya dar la'i lda ldi spungs pa/ nags tshal gyi bar 'jam zhing yid du 'ong ba/ khyim gyi bar na rtag tu pi wang dang / gling bu dang / rdza rnga dang / 'khar rnga'i sgra 'byung ba'o// drang srong chen po lha'i gnas na gnas pa de dag zas kham gyi zas can te/ dri rab tu zhim pa'i dri dang / kha dog dang / ro dang / reg pa dang / yon tan phun sum tshogs par rig par bya'o// de dag re re la'ang gser gzhong gnyis gnyis yod de/ de na zas gang 'dod pa de'i de phun sum tshogs par gsod pa de las 'grub par 'gyur ro// lha'i me tog gi khu ba ro dang ldan pa mngon par 'grub ste/ de ni me tog gi chang zhes bya'o// drang srong chen po chang de ni dri rab tu zhim pa/ mchog tu bde ba/ bsil ba// dris kyang ra ro ba mngon par 'grub na/
- 454a
'thungs pas lta ci smos te/ de na gzhon nu ra ro bar 'gyur ro// drang srong chen po rgyal chen bzhi'i ris kyi lha de dag gi gzhal med khang ni mdzes byed ces bya ste/ rtag tu me tog rgyas pa'i 'khri shing gis mdzes par byas pa/ gser dang / dngul dang / rdo rje 'bar ba'i ka ba brgya stong gis phyogs phyogs shin tu brtan pa/ lha'i mal cha dang gding ba bting bas sa phyogs shin tu rnam par phye ba/ / lha mo bzor byas pa sna tshogs kyis brgyan pa'i khyad par dang ldan pa stag cing 'jo ba'i rjes su chags pa/ lha'i gos 'bar zhing rnam par mdzes pas spud spud pa/ ka la bing ka dang / bung ba'i tshogs kyi sgra lta bu dang ldan pa// gzugs rab tu che zhing shin tu gzhon sha chags pa/ glu dang / gar dang / sil stan dang / 'jam zhing rtse bas rgyags pa'i shas che la/ rab tu sgeg pa sha stag gis bskor cing gang ba ste/ gnas de'i ka ba ni gser chu dang dngul chus rnam par bris pa/ dar gyi rgyal mtshan spungs pa// rgyal mtshan dang pa ran bsgreng ba'o// gzhal med khang de dag na 'di lta ste/ yul 'khor srung dang / 'phags skyes po dang / mig mi bzang dang / lus ngan po dang / rgyal po chen po bzhi po de dag lha'i 'dod pa dang / bde ba dang // rtse ba myong zhing rab tu dga' ste/ dga' ba dang bde ba dang ldan la/ glu dang / gar dang / sil stan dang / lha'i kha zas za bas dbang po tshim zhing bde ba thams cad dang ldan par gnas so// drang srong chen po rgyal
- 454b
chen bzhi'i ris kyi lha'i ris de na/ lha gzhon nu de dag lag pa ring zhing sha rgyas pa/ glang po rgyags pa'i tshul du 'gro ba/ skyes bu stong gi stobs dang rtsal yod pa/ lha'i lus shin tu 'jam pa sha stag go/ de dag gi dri chang gi shas che bas dpag tshad khor khor yug chang drir phyogs par byed do// lha de dag gi tshe'i tshad ni lo bzhi stong thub ste/ bar ma dor 'chi ba'i dus mi byed do// de dag thams cad bde ba dang / yid bde ba dang / dga' bar gnas so// lha'i ris de na bskal pa bzang po can gsar dri ma med pa'i 'od kyis brgyan pa dag nags kyi 'phreng bas mdzes par brgyan pa/ dga' ba bskyed pa la sogs pa'i skyed mos tshal bzang po dri nga ba med pa rnams na snying dga' ba dang ldan par gnas so/ / de dag de na gnas pa na me tog gi sil ma bkram zhing / nor bu dang gser gyis mdzes par byas pa/ shin tu rnam pabapar phye ba/ gru bzhi pa/ nor bu'i them skas kyis brgyan pa/ lha'i bu mo brgya stong glu snyan pa len pa/ nor bu'i snod rnams bdag nyid sgra 'byin pa'i rjes su chags pa na/ de dag gnas gnas pa las/ de dag bsod nams zad pas tshe zad par 'gyur ba'i lta sa gnyis 'byung ste/ de thog mar grib ma mi snang bar 'gyur zhing // me tog las dri mi 'byung ba dang / lha'i bu mo dang kun smra ba'i sgra snyan pa mi thos pa'o/ / yang lha gzhon nu de lha yul pa'i lha'i gnas rnams su 'du zhing 'gro ste/ lha'i gnas lha'i bu mo brgya stong gis gang ba/ yal ga'i rtse mo la do shal dang / se mo do dang / me tog
- 455a
gi 'phreng ba sbyangs pa/ nags tshal gyi bar gyi bya lu byug rgyags pa'i sgra 'byin pa de dag na lha'i bu mo'i tshogs ngu zhing gos dri ma can gyon nas sa'i steng na 'gre ldog cing / snying rje rje ltar bltas te sa'i steng na 'gre ldog pas/ me tog gi bla res brgyan pa'i sa phyogs dag na'ang dga' ba mi rnyed de/ de dag gi lus las rdul 'byung zhing / de dag mig mi 'dzums pa las mig 'dzums par 'gyur te/ nya chu'i gnas nas phyung nas nyi ma'i 'od zer gyis gdungs pa bzhin du/ phan tshun 'gre ldog cing gcig pu sa la gnas par mthong nas/ lha'i bu mo de dag gis bskor te/ snying rje rje ltar lta zhing skad mthun par du ste/ / 'di skad ces kyi hud re sdug/ kyi hud re sdug/ kyi hud gzhon nu'i mchog de phyogs gang du song / lus che la rgyan sna tshogs kyis brgyan pa/ 'gram pa che la mdzes pa/ brang shin tu rgyas pa/ skyed mos tshal sna tshogs kyi bar na rgyu ba des bdag cag bor zhing / lha yul pa'i lha'i gnas yid du 'ong ba'ang bor te da gar 'gro zhes 'dzer to// de nas lha'i bu mo de dag gis tshigs su bcad pa 'di dag smras so/ / rnam pa sna tshogs legs par bkod// lha yi nags kyis shin tu brgyan// zas dang dus ston gang gyur pa// rgyal po chen pos gnas byas pa// ka ba bzhi dang rab ldan pa/ / bsod nams kyi ni tshong dus mchog/ lha yi bud med gang bas dga'// me tog 'byor pas yid 'phrog pa// bor nas mi rtag 'di yis ni// sdug pa dag ni zin te song //
- 455b
de ltar lha'i bu mo de dag gis bskor te/ mchi ma zags skad 'gags shing thag ring po ni nas lag pa g.yas pa brkyang ste me tog gtor nas/ 'di skad ces kye ma'o sdug pa legs par byed pa'i 'jig rten mi'i 'jig rten du song ste/ dad pa'i gshol gyis bsod nams kyi zhing rmod par gyur cig ces 'dzer to// de ltar sems pas kun tu khyab pa'i lus yongs su gtang bar bdag gis rig nas/ de rims drag po mi bzad pas btab bo// rims drag po des de'i lus bshig nas/ de'i lus mar gyi thigs pa rdo tshan la thim pa bzhin no// de'i lus yongs su rnyis nas/ 'drud pa zhes bya ba'i rlung gis rab tu bdas te/ rlung des de'i lus stong du gtor nas phye ma zhib mo bzhin du nam mkha'i dkyil nas lhung ngo // de ltar lhung nas mi'i srid par skye ba yongs su len pha ma 'dus pa mthong nas/ rab tu dga' ba'i yid kyis ma'i mngal du skye'o// de thog mar skyes shing ma'i mngal na gnas pa na mtshan ma 'byung ba ni/ de'i ma de kha zas la rab tu dga' bar 'gyur// gos dmar po 'tsher ba la mngon par dga' bar 'gyur/ skye bo sna tshogs phal po che la lta 'dod cing / rtsa lag dang mdza' bo tsam du 'du shes skyed par 'gyur/ de de'i mngal du zhugs nas/ mngal la tshor ba skye bar mi 'gyur/ kha chu zag pa dang chu ser 'byung bar mi 'gyur/ de'i lus na bar mi 'gyur/ de de'i mngal na lag pa dang / rkang pa dang / mgo shin tu yongs su rdzogs par grub nas
- 456a
de btsas pa dang gzi brjid dang ldan zhing mthong nas dga' ba rab tu 'phel bar 'gyur/ rgyal chen bzhi'i ris kyi lha'i gtam thos nas dga' ba skyed par 'gyur/ sbyin pa la dga' ba dang / chang la sred pa dang / shin tu dri zhim pa'i cha byad 'dzin cing / skyed mos tshal la dga' bar 'gyur// bud med la dbang po mngon par rab tu chags par 'gyur/ yang dang yang zas 'dod par 'gyur/ glu dang / gar dang / sil snyan gyi rjes su 'jug par 'gyur/ mdog snum zhing sngo bsangs por 'gyur/ mig lha'i bai DUR+Ya sngon po ltar 'gyur ro// drang srong chen po 'di dag ni lus dang sems kyi rgyud kyi bag chags kyis bsgos pas/ rgyal chen bzhi'i ris nas shi 'phos pa'i ltas su blta'o// drang srong chen po gang la la srog gcod pa spangs nas/ dad cing dang bas sbyin pa byin zhing / ma byin par mi len pa dang / bza' ba dang / bca' ba dang / bldag pa dang / gzhib pa dang / yo byad kyi khyad par spangs nas/ nor bu dang / gser dang // dngul dang / rdo rje dang / bai DUR+Ya la sogs pa rdzas thams cad rab tu sbyin pa la bstan pa dang / bsgoms pa dang // mang du byas nas/ dad pa dang rab tu dga' ba'i yid kyis me tog gi lnga ldi 'bul ba dang / mchod rten la mngon par phyag 'tshal ba la sogs pa'i rnam par smin pas tshe yongs su zad pa'i dus na lus la nyon mongs pa chung bar 'gyur/ snum pa'i dri ma dang dri nga ba rnam par spangs nas/ rang gi dge
- 456b
ba'i rtsa ba rjes su dran zhing / / 'chi ba'i dus kyi tshe rab tu dang ba'i ltas mthong bar 'gyur ro// de ni de'i ltas yin te/ bzhin gser gyi kha dog lta bur 'gyur/ de'i sna yon por mi 'gyur/ de'i snying 'phar bar mi 'gyur/ mid pa nas sgra ngar ngar po 'byung bar mi 'gyur// de'i lus la dbugs rgod par mi 'gyur// de'i lus gdung bar mi 'gyur// dbang po 'gyur ba ma yin/ yan lag dang nying lag kun chad par mi 'gyur/ gshis kyi mtshan mas 'jig par mi 'gyur/ mal gyi steng na 'gre zhing ldog par byed par mi 'gyur/ dman pa'i tshig lta bur smra bar mi 'gyur/ rims nad kyis 'chi ba'i dus byed par mi 'gyur/ pha rol pos du ga byin pas gnod par mi 'gyur/ me tog dang 'bras bu la brkam pa'i phyir shing la 'tshegs nas lhung bas 'chi ba'i dus byed par mi 'gyur/ yid du mi 'ong ba'i kha zas zos te/ kha zas zhu bar 'chi ba'i dus byed par mi 'gyur/ gal te mi'i phung po yongs su btang nas kyang // lha'i nang gi rnam par shes pas sum cu rtsa gsum ris kyi lha rnams mthong ste/ khang pa brtsegs pa nor bu dang / gser dang / bai DUR+Ya dang / dngul stong gis rnam par brgyan cing / shin tu rnam par phye bas spras pa/ gser gyi nya dang / chu srin gyi rgyal mtshan dang / rta babs dang / ba dan gyis mdzes par byas pa/ rol mo'i dbyangs sgra dang / sil snyan sna tshogs kyi sgra snyan pa 'byung ba dang / gnas sna tshogs kyis bskor ba/ shing 'dab chags pas brgyan pa'i nags tshal gyi nang na 'dug pa/ tsan dan
- 457a
sbrul gyi snying po'i chus chag chag btab pas 'dam du gyur pa/ lha'i nor bu'i sgron ma'i 'phreng bas brgyan cing mdzes par byas pa/ bud med 'bar ba sna tshogs rnam par rtse bas mdzes par byas pa/ da pung rgyan dang / gdu bu dang / sor gdub dang / se mo do dang / do shal sna tshogs kyis brgyan cing mdzes par byas pa'i sum cu rtsa gsum ris kyi lha rnams mthong ngo // drang srong chen po sum cu rtsa gsum gyi lha'i ris de na/ lha'i bu de dag mchog gi skyed mos tshal du song ste/ rtse dga' la dga' dgur spyod cing 'dod pas rgyags smos nas/ de dag skyed mos tshal dang nags tshal gyi bar du 'gro zhing dga' ba skyed do/ / sems can de'i rnam par shes pa de bsod nams su nye bar 'gro ba yin pas/ sems can des lha dang lha mo khri gcig gi steng na 'dug par mthong nas/ rab tu dga' ba'i yid kyis myur ba myur bar nor bu skud pa la brgyus pa 'phyags pa bzhin du song ste skye'o// sems can de 'jug pa'i tshe lha mo de'i lag mthil gnyis nas me tog 'byung ngo // sems can des me tog de mthong nas 'jug ste/ lha mo de lha la dga' ba dang bde ba'i yid kyis lta zhing / lag pa gnyis kyis me tog de mnyes nas/ de'i lag pa phrad pa'i rkyen gyis lha'i nang du skye bar 'gyur ro// de skyes pa'i tshe lha mo de lha la lta zhing / gzhon nu skyes kyi/ khyod dga' ba skyed cig ces zer te/ pha ma de gnyis yid dga' bo// gzhon nu de zhag bdun 'das nas rna cha sna tshogs 'gul ba 'phyang bar
- 457b
mngon par 'grub bo/ / de zhag bdun 'das nas 'di lta bu dran par 'gyur te/ bdag che ge mo zhig nas 'dir 'ongs pa/ 'di gnyis ni bdag gi pha ma yin no// bdag gis dge ba'i las ni 'di byes so snyam du de ltar sems shing nye bar rtog pa na dga' ba chen po skye'o/ / de dga' bas myos nas rgyags pas 'dod pa la sred par 'gyur/ rgyang ring po nyid nas lha'i gnas yangs pa nye bar gnas pa de des mthong nas/ de la mngon par dga' ba'i sems skye bar 'gyur ro// de lha'i 'gros kyi tshul gyis glang po rgyags pa'i 'gros ltar 'gro ba/ brang che ba/ lag pa ring zhing rab tu 'phyang ba rostod seng ge 'dra ba/ lte ba zab pa/ rked pa gzhu'i chang zung ltar phub/ sgal tshogs rim bzhin du 'dug pa/ baR+Ya chu shing gi sdong bu ltar mkhregs pa/ lha'i smra ba/ ag tshem dang spu thung ba/ dring ba med pa'i lha'i dri yongs su bzung ba/ lus lhub lhub kyis spud pa/ lha'i gos 'bar ba bgos pa/ yid gcig tu brtags kyang lus mdzes pa sde// de lha'i gnas de na lha'i bu ma kha cig gis ni kun nas bskor cing gnas/ kha cig gis ni rtsa dga' la dga' dgur spyod cing 'di skad 'dzer te/ jo tsa lha'i gnas 'dir snyun mi mnga' zhing legs par byon tam/ khyod bdag cag gi mgon du gyur cig/ bdag cag lang tshol bab pa/ gzugs phun sum tshogs pa/ nu ma gser gyi bum pa ltar 'bur ba// mchu pad+ma 'dra ba/ gzugs sprin gyi nang nas glog 'byung ba dang
- 458a
'dra ba dag dang / / gzhal med khang chen po dang / shing yongs 'dus brtol myu gu dang yal ga chags pa mdzes par byas pa// bud med drug khri lang long du gyur pa 'di dag la jo tsa dgyes par mdzod cig ces 'dzer to/ / lha'i gnas pi wa da dang / gling bu dang / rdza rnga dang / cang te'u dang / glung dbyangs 'byung ba de dag na lha'i gding bas mdzes par byas pa'i seng ge'i khri mthong ngo // des de mthong nas rgyal bu dar mang pos bcings te spyi bo nas dbang bskur ba bzhin du de seng ge'i khri la 'dzegs nas 'dug go/ de de na gnas pa na rtag tu yid du 'ong ba'i sgra 'byung ngo // lha'i rol mo'i sgra 'byung ngo / / phyogs kun nas kyang 'di lta bu'i sgra skrag ste/ 'di ni bsod nams su nye bar 'gro ba'i sems can de 'dzam bu'i gling nas shi 'phos nas/ bsod nams kyis yongs su bzung bas lha'i gnas 'dir skyes kyis/ bdag cag de'i gan du 'dong ngo // nye bar gnas nas dga' dgur spyad par bya'o// rol mo'i dbyangs sgra dang gar gyis rtse bar bya'o zhes sgrogs so// de bud med drug khri dang dga' dgur spyod de/ de dag thams cad kyang lag na me tog thogs pa shin tu dri zhom pas dri zhim pa'i cha byad can du ku la'i ras kyi gos bgos pa/ rgyan dam pa dang / rkang gdub sgra snyan pa bzhin pad+ma lta bu la/ zla gam lta bus mdzes par byas pa dag/ sbrang rtsi dang / sbrang chang mngar ba dang / me tog gi chang gis rgyags shing myos pas 'khyud nas 'dug ste/ de dag thams cad
- 458b
'di skad ces bdag cag thams cad rngo co'i g.yog dang bsnyen bkur bya'o/ / khyod 'di na bsod nams kyi stobs kyis bsgrubs pa'i mtho ris kyi 'jig rten gyi dri zhim zhing bde ba'i lha'i 'dod pa'i longs spyod shes pa 'di la kun tu sprod cig ces 'dzer to/ / drang srong chen po lha'i bu de dang lha'i bu mo de dag lhan cig tu dga' tshal dang / 'dus tshal dang / ar mo nig lta bu'i rdo leb dang rnam par mnyam 'phrul dang / rab 'ab ba dang / seng seng po dang / me tog gi 'phral thabs dang / shing yongs 'du sa brtol la sogs pa'i skyed mos tshal dam pa mchog tu bde zhing bsil ba/ gnod pa'i rlung med pa/ lha'i bya nam mkha' la 'gro ba zhes bya ba'i sgra snyan pas mdzes par byas pa/ lha'i me tog dang / 'bras bu dang / spos kyis kun tu gang ba/ bai DUR+Ya dang / nor bu dang / spug dang / rdo'i snying po rnam pa sna tshogs kyi sgron ma can// bung ba dang / khu byug rgyags pa dang / bya sgra snyan pa 'byin pa/ rma bya dang / 'dab gshog rtse mo gser can yod pa/ nor bu dang rin po che'i rdzi les rnam par bkra zhing bkra shis pa yod pa/ sna mtho zhing ring ba/ bai DU'i mchu las sgra skad snyan pa sna tshogs sgra mthun par sgrogs pa/ me tog bkram pa rnam par phye bas brgyan pa'i phyogs rnams na/ lha'i bu de dag 'dod pas ngoms pas rgyun du longs spod par 'gyur te gnas so// sum cu rtsa gsum pa'i lha'i gnas de na rdzing bu gru bzhi pa/ zab pa/ chu dang pa/ ha cang grang ba'ang
- 459a
ma yin/ ha cang dro ba'ang ma yin pa/ yid du bong ba/ chu dri ma med pa/ pad+ma 'dab ma brgya pa kha bye ba yod pa/ ngogs shing gis mdzes par byas pa/ me tog bkram pas chu yid du 'ong ba'i rdzing bu de dag na/ lha'i bu de dag lha'i bu mo brgya stong gis bskor nas/ chu la rtse ba rjes su myong zhing bde bar gnas so// drang srong chen po de dag na de dag gi skyed mos tshal dang / nags tshal gyi gam yon rnam pa sna tshogs kyi thig les rnam par bkra ba'i snod mngon par 'grub ste/ lha'i bu de dag snod de dag 'dod pa na/ me tog kun da dang / ku mu da dang / kha ba lta bu dang dngul gyi kha dog lta bu'i kha zas mngon par 'grub bo/ / drang srong chen po rani po che'i snod gcig gcig la za ba na/ gang gis kha cig gi kham blangs pa ni rin po che'i kha dog lta bur gyur/ kha cig gi kham blangs pa ni kha dog ser po dang / sngon po dang / dkar por 'gyur te/ kha dog gcig tu 'dra bar kha dog rgyas pa mchog dang ldan pa gcig pa de dag gi rin po che'i snod de dag las kha zag kyi khyad par so so tha dad par 'byung ste/ de ni de dag gi sbyin pa nye ba'i nyon mongs pa can gyi rnam par smin par blta ste/ gang gis sngar sbyin pa byin la phyis 'gyod par gyur pa'i las de'i rnam par smin pas de'i zas kha dog ngan par 'grub bo/ / gang gis sngar sbyin pa byin la byis byams pa dang ldan pa'i sems kyis snying rje bskyed de/ dga' ba bskyed par gyur pa'i las de'i rnam par smin
- 459b
pas de'i zas kyi bye brag kha dog bzang po rin po che lta bur snang ba grub ste/ drang srong chen po khyod kyis de ltar las kyi 'bras bu rnam par smin par shes par bya'o// drang srong chen po gzhan yang sum cu rtsa gsum gnas kyi lha'i ris de na/ shi ri sha ka zhes bya ba'i skyed mos tshal yal ga dang / me tog dang / 'bras bu sna tshogs kyis rab tu brgyan pa/ shing brgya stong sna tshogs sdug pa/ stug po'i mthong na shel ltar dri ma med pa'i rdo leb shin tu byi dor byas pa phun sum tshogs pa zhi zhing dbang po rab tu zhi ba'i thub pa 'dod chags dang bral bas bstan pa yod de/ / de na 'dod pa'i longs spyod can gyi lha'i bu dang lha'i bu mo'i tshogs mi gnas so/ / drang srong chen po skyed mos tshal dam pa shi ri sha ka de na me tog dang 'bras bu'i shing ljon pa mang po las rtag tu lha'i gtam brjod pa'i sgro 'byung ngo / / drang srong chen po de na nyan thos kyi dge 'dun 'dus pa'i gnas brtan pa lang bdag bram ze'i rigs su skyes pa bsam gtan la gnas pa/ snying rje dang / dga' ba dang / btang snyoms la gnas pa/ byams pa'i ting nge 'dzin la snyoms par zhugs te 'dug go// drang srong chen po de zhag bdun gyi bar du dbugs phyi nang du mi rgyu'o// rang srong chen po de byams pa'i ting nge 'dzin la snyoms par zhugs pa'i tshe 'dod na rlung mi ldang ngo / / drang srong chen po sreg pa'i bskal pa'i tshes me lce gcig tu gyur pa na'ang de'i lus yungs 'bru tsam yang tshig par mi 'gyur ro// de'i tshigs kyis ri'i rgyal por rab kyang
- 460a
phigs so/ / klu'i rgyal po dga' bo dang nye dga' bo stobs che ba/ cher gdug pa'i shugs can/ rdzu 'phrul che ba/ dbugs kyis kyang ri'i rgyal po ri rab 'jig pa/ rgya mtsho chen po bzhi'ang skam par byed pa/ gtsum zhing cher gdug pa'i shugs can/ klu'i rgyal po de gnyis kyang / dge slong ba lang bdag de'i ting nge 'dzin gyi mthus gdug pa med par 'gyur ro// drang srong chen po gnas brtan pa lang bdag skyed mos tshal shi ri sha ka na gnas shing bsam gtan la 'dug par lha gzhon nu de dag dang lha'i bu mo de dag gis mthong nas gus pa dang bcas/ ri mo dang bcas pas gnas brtan de la dga' ba dang dad pa skyes nas/ lha'i me tog man da ra ba dang / man da ra ba chen po dang / man dzu sha ka dang / man dzu sha ka chen po dang / ut+pa la dang / ku mu da dang / dri mchog dang / pad+ma dkar pos gtor nas thal mo sbyar ba byas te phyag 'tshal nas/ sum cu rtsa gsum ris kyi lha'i bu de dag thams cad kyis gnas brtan pa lang bdag la yongs su skor te mchod pa chen po byas nas mdun gyis bltas te gnas nas/ lha'i zas bdud rtsi'i ro dang ldan pas tshim par byed cing ci bder byed do// gnas brtan pa lang bdag de lha'i bu de dag la chos ston pa ni/ 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa'i rabs kyi sde dang / shin tu
- 460b
rgyas pa'i sde dang / rmad du byung ba'i chos kyi sde dang / 'dul ba'i sde dang / mdo sngo'i lung gi phyogs yang dag par rab tu ston te/ de dag dga' ba dang dad pa skyed do// de lha'i skyed mos tshal de na bsam gtan la gnas te/ thams cad bde ba dang ldan par skyed mos tshal shi ri sha ka na rten cing gnas so// drang srong chen po gzhan yang sum cu rtsa gsum lha'i ris de na lha'i 'dun sa chos bzang zhes bya ba yod de/ de'i ka ba brgyad khri bzhi stong gser dang / dngul dang / rdo rje dang / spug dang / rdo'i snying po las byas pa/ tsan dan mchog shing gi snying po la sogs pa/ dril bu g.yer ka sgra snyan pa'i dra bas khebs par byas pa/ sa phyogs gser gyi bye ma brdal ba'o// lha'i 'dun sa chos bzangs lha'i ras rab tu spangs pa/ rgyal mtshan dang / gdugs dang / ba da ma bsgreng ba/ lha'i rol mo khong hu dang / pi wang dang / gling bu dang / rdza rnga dang / rnga pa ta ha dang / lcags kyi sil khrol dang / dung dang / pi wang rgyud gsum pa rab tu sgrogs pa/ gzha dang / sil khrol dang / ca co'i sgra snyan pa 'byin pa dang ldan pa/ me tog dang / 'bras bu dang / yal ga dang / khu byug gnas shing phan tshun nas sgra 'byin pa de na lha dang lha mo de dag dga' ba dang bde ba skye ba'i bzhin gyis gnas so// drang srong chen po lha'i 'dun sa chos bzangs de'i sa'i ngos nor bu rin po ches rab tu spras pa/ ljang khus byugs pas mdog snam zhing bai DUR+Ya ltar dri ma med de/ me long gi ngos lta bur byas pa/
- 461a
rab tu 'jam pa na spos kyi phye ma dang me tog rnam pa sna tshogs 'thor ba/ rlung dang / nyi ma dang / sha sbrang dang / sbrang bu dang / sbrul gyi nyes pa yongs su spadras pa/ ngang gis gnyid dang / snyoms pa dang / le lo rnam par spangs pa// mthongs khung dang skar khung zla gam lta bu'i dra ba'i bu ga nas reg na bde ba'i rlung gtong ba/ rta babs dang / yang tog dang / yang tog chung ngu nas bde ba'i rlung gtong ba/ rin po che 'phreng ba bres pa'i sgras rtag tu mdzes par byas pa/ dri rab tu zhim par 'byung ba'i spos dang me tog gi sil ma 'thor ba// yid du 'ong ba/ bzhin zla ba dang / nyi ma dang / me 'o/ gi dkyil 'khor lta bu lha'i khyad par gyis gzugs rab tu brgyan pa'i lha'i bu mo dag gnas te/ drang srong chen po lha'i 'dun sa chos bzang de na lha'i bu mo rol mo'i dbyangs sgra sgrogs so// lha'i 'dun sa chos bzang de ni gru bzhi lham pa/ shin tu rnam par phye ba/ ngos yangs pa/ shing ljon pa dang / skyed mos tshal dang / nags dang / nags tshal gzhan rnam pa sna tshogs kyis mdzes par byas pa/ rgyar kho ra khor yug tu dpag tshad brgya yod pa/ gser ra ngul bkram pa/ me tog sil ma bkram pa/ glu dbyangs kyi sgra 'byung ba/ pad+ma dang shing yongs 'dus brtol gyis mdzes par byas pa'o/ lha'i 'dun sa chos bzang de ni yo byad kyi khyad par thams cad gser dang / dngul dang / bai DUR+Ya dang / spug dang / rdo'i snying po las byas pa// rin po che'i phung po yongs su bzung ba/
- 461b
gser gyi snying pos kun tu khyab pa/ ri rnam pa du mas nye bar bskor cing / sna tshogs rnam par bku bas mdzes par byas pa/ ngos skyed mos tshal brgya stong gis mdzes par byas pa ste/ sum cu rtsa gsum gyi lha mya ngan dang nad kyi rnam pa'i nyes pa las grol ba dag skyed mos tshal mchog tu dga' 'dun myong nas/ lha'i 'dun sa chos bzang der 'dus te rtse ba rjes su myong ngo // drang song chen po sum cu rtsa gsum gyi lha'i ris de ni blta na sdug ces bya ba'i gzhal med khang zla ba dang / nyi ma dang / me long gi ngos ltar dri ma med pa/ dri rab tu zhim pa'i spos dang me tog gis mdzes par byas pa/ 'phre ba dang byug pas bres pas mdzes par byas pa/ bud med brgya stong gis mdzes par byas pa/ 'dze zhing sgeg pa// mig zur gyis lta zhing / khro gnyer gyi rim pa g.yo ba'i cha byad can 'khod pa/ ngos me tog rnam pa sna tshogs phal po ches mdzes par byas pa/ nor bu'i skang nul byas pa/ dril bu g.yer ka'i dra ba bres pas mdzes par byas pa/ rta dang / glang po che dang / shing rta'i rmig pas reg na gser gyi rdul ldang ba dang / cod pan chags shing 'byor pas mdzes par byas pa yod do// drang srong chen po blta na sdug ces bya ba'i gzhal med khang de la ka ba drug khri yod de/ ka zhu lnga'i gser dang / dngul dang / bai DUR+Ya las byas pa/ / sna tshogs kyi 'phras rnam par spras pa/ shing ta ma la'i lo ma dang / a ka ru dang / bdug pa'i 'phreng ba dri rab tu zhim par byas pa'i khyad par can no// gzhal med khang de na lha'i dbang po brgya
- 462a
byin gnas te/ lha'i bud med brgya stong gis bskor ba/ gser dang rdo rje'i myu gus lus mdzes par byas pa/ lha'i 'dod pa la rtse ba rjes su myong ba/ glang po che dgu khri'i stob dang ldanapa lag pa glang po che'i sna lta bu mdog gser dri ma med pa ltar ser ba/ lus grims pa/ ro stod seng ge 'dra ba// rna cha dri med pa 'gul bas lus snang bar byas pa/ gos mchog tu phra la ring zhing nar ba/ dbang po'i brda sprod pa 'don cing / bstan bcos shes shing mabs pa/ lha'i bu brgya stong du ma rjes su 'brang zhing / lha'i gser gyi gzhal med khang gi gnas na rgyu ba/ gser gyi skud pa dang / se mo do dang / rdo shal gyis brang brgyan cing mdzes par byas pa/ ha cang 'tsho ba'ang ma yin/ ha cang rid pa'ang ma yin pa/ rkang pa shin tu gnas pa/ bdud rtsi'i ro dang ldan pa'i kha zas za ba/ mkhur tshes bud med brgya stong gis zur gyis lta ba dang ldan pa/ glang po ches srungs kyi bu rgyags pa'i rna ba'i rlung gis sgra phyung ba ste/ drang srong chen po lha'i dbang po'i rgyal po de'i lus la rus pa med do// de'i lus la nad thams cad med de/ dri rab tu zhim pa dang ldan la/ gdangs shin tu snyan cong 'jam pa'i dbyangs dang ldan no// lha'i rgyal po de'i lus kyi dris phog na/ spos kyi glang po che rab tu rgyags shing bdo ba'ang rgyags pa yongs su 'bri bar 'gyur ro// drang srong chen po lha'i dbang po de'i lus kyi tshad ni de bzhin gshegs pa'i sku'i tshad tsam mo// de'i gzugs che ba gser gyi gzugs lta bu de mthong nas/ 'phags pa nyan thos rnams kyang de'i gan du 'dong ste/ lha'i dbang
- 462b
po'i gzugs phun sum tshogs pa de bzhin gshegs pa dang 'dra'o zhes brjod do/ / de nas drang srong chen po rgyas pas dbang po'i lus kyi tshad thos nas ngo mtshar du 'gyur ba dang / bcom ldan 'das kyis bka' stsa la pa drang srong chen po dbang po chen po'i lus chung ngu mi rtag pa'i rjes su 'brang ba/ gar mkhan gyi cha byad lta bur shin tu spras pa/ glegs shing gi las dang / shing gi las dang / 'khrul 'khor gyi las lta bur byas pa/ me tog gi las lta bur yud tsam zhig mdzes pa/ me long gi nang gi gzugs brnyan lta bu la khyod ci'i phyir ngo mtshar du byed/ drang srong chen po khyod dge slong ma 'gags pa'i lus pa dang ma las skyes pa'i tshigs tshigs mtshams mtshams re re la'ang dbang po chen po 'dun par 'gyur ba la ltos/ drang srong chen po gzhan yang dge slong ma 'gags pa'i lus la rdzu 'phrul gyi sgyu ma la da ltos/ de nas dge slong ma 'gags da bcom ldan 'das kyis bskul bar shes nas/ ting nge 'dzin la snyoms par zhugs pa dang / ting nge 'dzin de'i mthus dge slong ma 'gags pa lha'i gsar 'bar ba dang / byu ru'i sdong po'i kha dog mchog dang ldan pa/ gtsug gi nor bu dang / cod pan 'phyang ba'i gtsug phud dang ldan pa/ mkhur ba rgyas shing mdangs sdum pa'i mdog can/ mig lha'i ut+pa la sngon po 'dra la/ nor bu dang / spug dang / rdo'i snying po dang ldan pa'i klu'i rgyal po lta bur kun tu snang ste/ de'i gzugs chen por mngon par grub pa'i lha'i dri dang gzugs kyis 'khor thams cad la snang bar byas nas/ ngo mtshar dang dga' bar gyur te/ dri rab tu zhim pa'i dri dang ldan par gyur to// de'i
- 463a
che 'phrul de drang srong chen po rgyas pas mthong nas/ snying 'phar zhing stan las langs te thal mo sbyar nas/ rab tu ngo mtshar du gyur pas sgra cher kye a la la legs so// gang gi phyir bdag de bzhin gshes pa dang phrad cing 'dus la/ thams cad mkhyen pa'i sgo nas 'di lta bu sngon ma mthong ba'i cho 'phrul mthong ba'i mi nyid thob pa bdag don mchis so// bcom ldan 'das kyis drang srong chen po rgyas pa la 'di skad ces bka' stsal to/ / drang srong 'di ji snyam du sems// dbang po chen po'i lus dang / gang 'di dge slong ma 'gags pa'i lus gser 'bar ba dang / nor bu mchog las grub pa 'di gnyis gang bzang / de skad ces bka stsal pa dang / bcom ldan 'das la drang srong chen po rgyas pas 'di skad ces gsol to// bcom ldan 'das gang 'di dge slong ma 'gags pa'i lus de la dbang po chen po'i lus kyis brgya'i char yang nye bar mi mchi/ stong gi cha'am/ brgya stong gi cha'am/ grangs sam/ char ram/ grang bar ram/ dper yang mi bzod do// drang srong chen po bsod nams las bsgrubs pa'i lus la dge ba'i rtsa ba bsngos pa'i khyad par ni de ltar blta'o/ / drang srong chen po sum cu rtsa gsum gyi lha'i ri si de na/ brgya byin gyi chung ma'i dam pa bde sogs zhes bya ba lha'i bu mo brgya stong gis yongs su bskor cing / dga' tshal na 'dug ste/ lus spos dang / 'phreng ba dang / me tog gis brgyan cing 'bar ba/ lha'i me tog pad+ma dang ut+pal dri rab tu zhim pa'i dri dang ldan pa/ ma chu gser dang bis pa 'dra ba/ mchog tu 'bar ba'i cha byad 'dzin pa/ gos mchog tu phra la 'tsher
- 463b
ba/ skyed mos tshal dang / nags na rgyu ba/ lha'i rgyan dang / rkang gdub dang / gdu bu dang / gdu bu sgril ma dang / do shal dang / se mo ngos lus dud pa/ 'phral ba dang mabur ba che la shin tu rnam par phye ga/ nor/ bu dang gi bar shin tu rnam par phye ba'i ska rags kyis bcings pa/ 'dze zhing sgeg pa'i rjes su chags pa/ mi ring zhing phye la 'jam pa/ lag pa'i nang ri mo ring pos khyab pa/ lte ba zab pa/ khro ba dang / ser sna dang / phrag dog dang / 'thab pa dang / rtsod pa'i nyes pa spangs pa/ bzhin khro gnyer gyi rim pa g.yo ba dang bral ba/ mngal 'dzin pa'i skyon rnam par spangs pa'i lus dang ldan pa'o// lha'i bu mo bde sogs zhes bya ba de shin tu 'dod pa la chags pa las byung ba'i sgra pa/ ri rab la yod pa'i gzhal med khang dang / shing gel ba dang / 'khri shing gi bla res khebs par byas pa las byung ba'i 'dod pa skyes pas byung ba/ me tog 'thor ba dang bcas pa'i rlung ldang ba/ ha cang ring ba'ang a yin/ ha cang thung ba'ang ma yin pa/ dku ha cang sbom pa'ang ma yin/ ha cang phra ba'ang ma yin pa/ lus ha cang sbom pa'ang ma yin/ ha cang phra ba'ang ma yin ra/ bzhin mdangs can/ gtsang zhing mdzes pa/ pad+ma 'dod pa/ dri rab tu zhim pa'i dri'i dang rlung gis bdas pa/ rmad du byung bas mdzes par byas pa'o// drang srong chen po de ltar sum cu rtsa gsum gyi ris kyi lha de dag ni nad med pa/ rims nad med pa/ skyed mos tshal dang / nags tshal dang / gzhal med khang gi nang na gnas shing rgyu ba'o// de dag gi tshe naM lha'i lo stong thub bo// de dag lha'i gnas de na gnas pa las/ bsod nams za ma
- 464a
tshe zad par 'gyur ba'i tshe/ shing pho ba'i ltas sngon ma byung ba lnga 'byung ste/ rdzing bu shel rdo lta bur gsal ba/ reg na bde ba'i rlung ldang ba/ rdzing bu'i 'gram 'khri shing gi bla re dang / shing gel ba phun sum tshogs pa dang ldan par zhugs pa na/ 'bru mar gyis gtor ba lta bu 'byung ngo // des 'bru mar gyis gtor ba de mthong nas/ snying dang ngas skrag ste rdzing bu de nas byung nas/ nags stug por rgyug cing bros so/ / de rings par 'gro ba lha'i bu mo de dag gos mthong nas/ phyi bzhin du 'brangs pa dang / de nags stug po de'i nang na shing drung zhig na gnas shing 'dug go// de nas lha'i bu mo de dag snying rje rje skad du gachad par du zhing 'di skad ces/ jo bo bdag cag bor te gcig pu shing drung 'di na ci dga' zhes 'dzer to// de du zhing dman pa'i sgras slar 'di skad ces smas so// bdag 'di na sngon ma byung ba 'bru mar gyis gtor ba lta bu lus las byung ngo zhes de skad ces smras pa dang / mtshan khung gnyis nas rdul byung nas/ de dag gis rdul byung ba mthong ba dang / lha'i bu mo de dag ring du dong ste/ yongs su spangs so// des yongs su spangs par shes nas mya ngan gyis reg go/ / de mya ngan gyis reg pas dbugs drag tu rgyu'o// dbugs rgyu ba'i rgyus lus la gdung ba skyes so// de lus dang sems gdungs pas/ me tog gi thod sngon rnyis mi srid pa'ang rnyes 'phreng ba'ang yongs su rnyis/ sngon brnyings mi srid pa'i gos kyang brnyings/ lha'i gding ba bting ba'i mal cha la'ang dga' ba mi rnyed do// de nas lha'i bu mo de dag gis 'chi 'pho ba'i ltas kyis nyen par shes nas
- 464b
de'i dri de mi bzod de/ ring du spangs nas stong rje rje skad du ga chad par bdag la dbang med par du'o// 'bral ba'i sdug bsngal gyis nyen nas rab tu ngu zhing / kyi hud lus mchog tu shin tu 'jam pa/ lha'i skyed mos tshal dang nags tshal na rgyu ba/ sum cu rtsa gsum gyi gling na ngur pa dang 'dra ba/ lha'i 'dun sa chos bzang na ngang pa'i rgyal po dang 'dra ba/ dga' tshal na bya ka ran da ka lta bu/ rdzing bu na spos kyi glang po che dang 'dra ba/ shing yongs 'du sa brtol dang skyed mos tshal na bung ba lta bu/ 'dres pa'i tshal na me tog gi rna rgyan lta bu/ bdag cag bor te da gar song gang na gnas zhes 'dzer cing bdag la dbang med par du'o// de bdag la dbang med par rims nad kyis btab ste/ rims nad des lus dang sems dkrugs nas/ 'gron po 'gron pa mang po dang bral te 'brog 'tshol ba dang mtshungs/ lam grogs gru zhig pa dang 'dra/ rgyal po yid bzhin gyi nor bu stor ba dang mtshungs/ ri zhig pa dang 'dra bar mi rtag pa'i rlung gis gtor nas/ lus sa'i steng na 'gre ldog ste/ nam mkha' lding gi mchus glu gzhon nu zin pa dang 'dra bar 'dar bzhin du myur ba myur bar thal mo sbyar nas/ lha'i bu mo de dag la gsol ba btab pa/ tshur shog lag pa'i thal mos nga'i lus la reg par gyis shes snying 'ad ra la gdungs bzhin du de smre sngags 'don cing gsol ba btab pa dang / lha'i bu mo de dag gis bltas nas mi nye bar spangs te/ yan lag la reg par lhag la byed kyi/ me tog can gyi yal gathogs te/ 'chi 'pho bar 'gyur ba'i lha'i bu de'i snying khar
- 465a
bzhag nas 'di skad ces zer to/ / mtho ris kyi bsod nams yongs su nyams te/ da myur du 'dzam bu'i gling du skye bar 'gyur ro zhes de skad smras pa dang / lha'i bu de bdag lus kyis yongs su btang bar shes nas/ kyi hud kyi hud ces sgra cher snying rje rje skad du ngu zhing / kye ma'o mtho ris lha'i gnas 'di'i lha'i yo byad dang / rgyan dang / skyed mos tshal mchog na rtse ba rjes su myong zhing / lha'i bu mo 'di dag la ba dag gis sdug par bsams pa las/ da bdag 'chi ba'i dus la phyogs shing zhugs pa'i tshe/ de dag nye bar mi gnas shing / 'di skad ces khyod 'dzam bu gling du skye bar 'gyur ro zhes 'dzer to snyam nas/ yang dang yang du bdag gi gnas la lta zhing sa la 'argyal nas/ snying rje rje skad du smre sngags 'don te/ kyi hud dga' tshal dang / 'dres tshal dang / ar mo nig ltar 'jam pa'i rdo leb dang / kyi hud lha'i 'dun sa chos bzangs dang / shing yongs 'du dang / rnam par mdzes dang / dga' tshal dang / skyed mos tshal dang / rdzing bu dang / gzhal med khang dam pa sgo mang po 'di dag dang / lha yul pa'i lha'i gnas 'di dag bor te/ da ni mtho ris kyi g.yang sa nas gdon mi za bar lhung ngo zhes skrag pa skyes nas/ de rang gi gnas la lta zhing / kyi hud bdag gi mdza' bo byams pa rnams 'chir ten/ ci'i phyir mi smra/ 'di ltar nga ni da 'khor ba'i 'brog dgon pa dgongs lam ring por chas kyis tshur shog/ nga la 'khyud/ phyis ngas kyang khyod mi mthong / khyed kyis kyang nga mi mthong ngo // kyi hud mtho ris 'di nas bsod nams kyi 'bras bu zad pas 'pho bar 'gyur
- 465b
ba'i tshe/ bdag la mun pa lta bur snang ngo // ci mtho ros 'di stong ngam/ 'di na'ang rol mo dang sil snyan yang mi len tam/ de dag gi sgra'ang mi grag go// las kyi nyes pas bdag ni 'dir nyams par gyur to zhes de skad/ smras nas/ yang smre sngags 'don to// kyi hud mtho ros lha dang dri zas mdzes par byas pa na/ gang mig stong pa'i lha'i bu 'khor du 'gro ba dang / phyis yang de mthong bar 'gyur ba ni bsod nams che'o// kun nas skyes pa'i me tog nga'i klad pa la 'dug pa ci'i phyir rnyis zhes lha'i bu de sa smras pa dang / lha'i bu de sems dman pa dri ma med pa'i rna cha'i gdu bu 'gul ba thogs pa de dag thams cad me tog khyer te/ lha'i dbang po brgya byin lha'i bu brgya stong gis yongs su bskor cing lha mo bi de sogs dang / lha mo dag phyi bzhin 'brang ba mig sprin gyi bu dang / smig rgyu dang / sna tshogs rgyan dang / gtsug phud lnga pa dang / tu ma bu ru la sogs pa lha dang dri za rnams lha'i glu dbyangs len cing 'dong ba dag gis ltas lnga po des nyam thag par gyur pa mthong nas snying rje bskyed de/ nga ro gcig tu kyi hud mi rtag pa 'di nirab tu drag cing mi bzad do zhes tshig smra'o/ / lha'i rgyal po brgya byin gyis kyang / lha'i bu de ltas nas tshangs pa'i glu dbyangs kyis 'di skad ces smras so// chog go lha'i bu bdag cag thams cad kyi 'gro ba'ang 'di 'bras sred par ma byed/ ngan 'gror ma gnas shog/ lha'i bu de dag gis dbyangs gcig tu smras pa/ grogs pa dge ba byed pa'i 'jig rten mi'i 'jig rten du song zhig ces byas pa dang / lha'i bu des bdag ni
- 466a
@nges par 'chi yang dag snyam du bsams te thal mo sbyar nas/ lha mang po de dag la 'di skad ces gsol ba btab bo// bdag ni 'chi 'pho ba'i dus la nye bar gnas kyi/ lha'i bu thams cad bdag la bzod par mdzod cig/ de'i tshe shugs ring du phyung nas/ ltas gnyis byung nas/ mig pad+mo'i lo ma lta bur 'gyur ba dang / rgyan thams cad mi snang bar 'gyur ba'o// de nas lha'i bu de dag gis rgyan mi snang bar gyur pa mthong nas/ me tog man dar ba dang pad+ma la logs pas rab tu gtor/ pi wang dang / gling bu dang / sil snyan gyi sgra'ang byas nas/ rgyan de dag kyang lhas bsdus par mthong nas 'dzam bu'i gling la dga' ba skyed de/ de mchim zag cing ga chad par du ste/ 'chi ba'i dus kyi chos rnams sbyor ro// lha'i bsod nams dang tshe yongs su zad nas rlung drag po langs so// rlung dri rab tu zhim pa dang ldan pa de sa de'i lus la phog nas gtor te/ lha'i bu de gnas de nas 'chi 'pho bar 'gyur ro// gnas de nas 'pho ba na lus kyi gnas mi shes so// de gnas de nas 'phos nas mir skye ba yongs su len to// mir skyes te ma'i mngal na gnas pa'i tshe/ ma la mtshal mar blta ba ni/ de nyid glu dang / bar dang / rtse ba dang / dgod pa la dga' ba'i dbang por 'gyur/ me tog dang / 'bras bu dang dgon pa la dga' bar 'gyur/ kha dog sna tshogs 'tsher ba'i gos 'chang bar 'gyur/ lha'i kha zas shin tu bzang po la sred par 'gyur ro// de ma'i mngal na gnas pa'i tshe/
- 466b
ma 'dod pa'i 'dod chags kyis kun nas bskor bar mi 'gyur/ de dri rab tu zhim pa'i cha lugs la dga' bar 'gyur// gnyid log na'ang rmi lam na lha'i don skul pa mthong bar 'gyur ro// drang srong chen po de mangs na gnas pa na phyin ci ma log pa'i rmi lam mthong ngo // btsa' ba'i dus na'ang 'dod chags dang / zhe sdang dang / gti mug rnam par spangs nas btsam te/ de gzugs bzang ba/ blta na sdug pa/ mdzes pa/ rkang pa shin tu gnas pa/ shis pa'i yan lag dang nying lag 'brel ba/ lag pa dang rkang pa rang la sbom pa/ ro spyod seng ge'i lta bu/ so thags bzang ba/ shin tu 'jam pa'i lus so// de gcig tu 'dod pa'i 'dod chags la chags par 'gyur/ 'dod chags mi bzad pa gos phra ba la dga' ba/ skyed mos tshal la dga' ba// lU'i dri dang rol mo la dga' bar 'gyur ro// de gsesar dang nor thams cad 'byor pa'i rigs chen por skyes te/ sbyin pa dang / rul ba dang / yang dag par sdom pa la dga' bar 'gyur ro// gal te 'dod pa la shin tu chags nas smin pa dang tshul khrim sa la mi dga' bar gyur na/ / de phyis gcig nas gcig tu dbul po'i rigs su skye bar gyur te/ ser sna can dang / tshul khrims 'chal
- 467a
@#pa rnams la bstod pa dang / ha cang sngo ba'ang ma yin pa dang / ha cang dkar ba'ang ma yin pa dang / skye bo thams cad dga' ba dang / gzhan gyi chung ma la chags shing bdag gi chung ba la mi dga' ba dang / rtse lag gi skye bo la dga' bar 'gyur ro// drang srong chen po 'di ni sum cu rtsa gsum lha'i ris nas 'phos pa'i ltas 'byung ba'o/ / bcom ldan 'das kyis de skad ces bka' stsal nas/ drang srong chen po rgyas pa dang / drang srong chen po de dag dang lta dang / mi dang / lha ma yin drung / dri zar bcus po'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ drang srong rgyas pas zhes pa'i le'u zhes bya ste/ 'dus pa bzhi bcu rtsa dgu pa rdzogs so// rgya gar gyi mkhan po dzi na mo tra dang / dAn shI la dang / zhu chen gyi lo tsa be ban de ye shes sdes bsgyur cing zhus te/ skad gsar bcad kyis kyang bcos