Text

ff. 1b–445b · 889 folio sides

  1. 1b

    rgya gar skad du/ bo d+hi satwa rat+na tsakra tan+t+ra nA ma/ bod skad du/ byang chub kyi sems rin chen 'khor lo zhes bya ba'i rgyud/ byang chub kyi sems ye shes rdzogs pa'i 'khor lo la phyag 'tshal lo// 'di skad bdag gis bshad pa'i dus gcig na/ 'og min gyi gnas/ sems nyid gdal ba chen po'i zhing khams na/ rang byung rdzogs pa'i bcom ldan 'das dgongs pa rang byung gi don la bzhugs so// yang de'i tshe smin pa chen po'i 'khor 'di lta ste/ rang bzhin gyis gnas pa dang / rang bzhin la blta ba dang / rang bzhin gyis rtogs pa chen po/ rang bzhin rdzogs pa chen po'i don la mngon par dga' ba 'ba' zhig dag 'dus so// de nas rig pa'i rgyal pos sna tshogs bsam bral gyi ting 'dzin la snyoms par

  2. 2a

    zhugs so// de'i tshe 'dus pa'i tshogs kyis thams cad rang byung du mthong bar gyur to// de nas bcom ldan 'das rig pa'i rgyal pos 'di skad ces gsungs so// rang byung dag pas ye sangs rgyas// chos dang chos nyid sna tshogs pa// rig pa nyid yin rnam par dag/ smin pa'i 'khor tshogs rang sems kyis// sna tshogs rang byung nyid du ltos// zhes gsungs so// de nas smin pa chen po'i nang nas/ sems dpa' rdo rje byung ste/ 'di skad ces gsol to// rig pa rnam dag bcom ldan 'das// sku gsung rdzogs pa'i ye shes che// mdzad pa phyogs bcu mu mtha' yas// thugs rje rang snang phyogs ris med// btang snyoms chen po kun tu bzang // rig pa mchog gi dkyil 'khor nas// rdzogs pa'i ye

  3. 2b

    shes thabs chen gyis// gsal ba'i ye shes sgo phye nas// dpal gyi mgur nas gsung bsgrags pas// 'dus pa'i 'khor la gsal bar gsungs// zhes gsol to// de nas rig pa'i rgyal pos/ sems dpa' rdo rje la 'di skad ces bka' stsal to// ye shes rdzogs pa bde ba che// mtha' yas 'gro ba kun la ldan// rig pa dbyer med kun tu bzang // gang yang ma yin rig par gsal// rtsol ba'i sems bral mngon sangs rgyas// rgyu 'bras gnyis med 'gyur ba bral// rnam snang shes pa rang gnas pa// byed pa gnyis kyis mthong bar gyis// shes pa'i rnam grangs gang skyes kyang // rnam byang nyid las gzhan ma yin// bsam gyis mi khyab dus na shes// 'khor ba'i shes pa glo bur ba// rang bzhin ma yin rkyen gyis snang // brjod pa'i snyan pa nyid dang mtshungs// rnam par brtags pa'i sems nyid ni// gang ltar btags pa de bzhin mthong // du ma'i rigs kyi rtog pa dag/ sgo rnams kun tu rgyu ba ste// mi gcig skar khung du ma bzhin// don gyi rnam byang du ma yin// rig pa dbyer med dkyil 'khor 'dir// mtha' bral lta ba'i don ldan gyis// rang bzhag dgongs pas gnas par bya// rang byung thugs rje g.yo med kyis// 'gro don ma lus rdzogs par mdzad// sku gsum lhun grub 'bras bu ni// gzhan ma yin te de nyid rdzogs// rigs drug

  4. 3a

    dbang po tshig chod dam// sbyangs pa'i 'phro can gang yang rung // sems kyi rnam grangs gang sgo nas// spyi blugs dbang la gnas byas te// rna brgyad gdams ngag nod par bya// bgrod med lam la gnas byas la// sbyang med pa yi yon tan spel// rim med cig car 'jug pa yi// rang byung ye shes bla ma yis// rab tu che mchog chos kyi sku// btsal med rtag pa mngon sangs rgyas// 'gro ba rig pa gang dag 'ong // bsam bral nyid du 'dug par bya// shes pa rang lugs thal byung ba// dus gsum mi g.yo gnas gyur na// rgyal ba'i ye shes gsal mthar phyin// zhes gsungs so// byang chub kyi sems rin chen 'khor lo las/ gleng gzhi'i le'u ste dang po'o// // de nas rig pa'i rgyal pos sems dpa' rdo rje la 'di skad ces bka' stsal to// sna tshogs 'khor ba'i rtog pa dang // rdzogs pa'i ye shes rang bzhin gcig/ rdzogs pa'i ye shes rtogs pa nyid// rtogs pa gang yin ye shes nyid// tha dad yod pa ma yin te// ye shes rdzogs pa'i rang bzhin ni// kun spangs kun gyi dngos gzhi can// 'dzin pa du ma'i rtog pa 'di// byang chub sems su brjod pa yin// brjod med sems kyi rang bzhin la// ma brjod go bar mi 'gyur bas// brjod med don gyis mtshon par bya// kun bzang sems kyi rnam dag la// mtshon bya mtshon

  5. 3b

    byed gang yang med// btsal med rang bzhin nyid kyis mtshon// tha mal snang ba'i shes pa dag/ bka' yi shes pas dran byas te// gtong 'dzin med pa'i ngang la bzhag/ yid la mi byed bya ba btang // blo yis ma dpyad rang bzhin gsal// 'dzin pa'i rgyu 'bras gang yang min// 'bras bu nyid kyis 'bras bu grub// re 'dod rtsol bas mtha' ru 'gyur// 'dzin med rang bzhin sman chen gyis// 'khor ba'i gcod rnying kun dang bral// rnam rtog ye shes 'od gsal nyid// rang gnas ye shes ye nas dag/ rin chen dag pa'i gling bzhin du// sems kyi ye shes ye nas dag/ rim med sems kyi rang bzhin la// bgrod pa'i lam gyis thob pa med// rnam grol 'bras bu rang byung nyid// bgrod med rnam grol rdzogs pa'i lam// 'dod dang rtsol med lhun gyis grub// ye shes nyi ma'i snying por shar// ma lus gzung 'dzin mi g.yo ba// rgyu dang 'bras bur rtog 'dzin cing // ye shes sgyu ma'i 'dzin pas bcings// sems nyid mkha' 'dra lta ba'i klong // ye shes yangs pa brdal ba che// blang dor gnyis med rtsol dang bral// byang chub sems kyi lta zag bcad// ting 'dzin zhi bas nyams su blangs// byang chub sems kyi lta ba ni// gang ltar ci yang ma yin pas// rang byung ye shes mtshan nyid gsal// mi bsam gyi nar bzhag pa'o// bsam gyis mi khyab ye shes

  6. 4a

    mthong // rang byung rdzogs pa'i lta ba ni// mtha' gsum bral la ye sangs rgyas// rtsol bral dbu ma drang po'i lam// 'ching bral lta ba gza' gtad med// rin chen 'khor lo kun bzang 'dis// rang sems gnyis med rtogs par gyis// btang snyoms lta ba blang dor med// khyung chen mkha' la lding ba bzhin// spro bsdu gnyis med btang bzhag bral// rang bzhin gnas pas re dogs bral// spyod yul ma lus sems su shes// sna tshogs 'khor ba'i rang bzhin dang // ye nas rang bzhin gnyis su med// gnyis las gzhan sems grub pa med// rig pa ci yang ma yin pas// 'dod pa'i sems pa kun dang bral// shes pa mtha' bral stong pa nyid// ye shes 'od gsal rang gnas pa// yid la 'dzin med ye shes gsal// rol pa snang yang grub pa med// sgyu ma'i ye shes rtsal du 'phro// ma bcos sgyu ma lhun grub la// 'dzin pa'i sems dang ngos gzung med// ye shes rgyal ba rnam par dag/ 'dzin pa'i sems bral rig pa gsal// sems nyid nam mkha'i lta ba la// nam mkha' lta bur bsam du med// nam mkha' bsam du med pa bzhin// ye shes bsam du med pa'ang yin// cir yang mi dgongs rang bzhag pa// dus gsum rgyal ba'i lta ba yin// lha med rang gzhag blta ba ni// dus gsum gang yang ma yin te// 'gyur med

  7. 4b

    dbyings kyi lta ba yin// 'dod pa'i bya ba gang yang min// ngo bo nyid la yangs dog med// sems nyid dri ma ka dag la// 'gyur med rin chen gser bzhin no// 'dzin pa'i rlung gis g.yos gyur kyang // rig pa'i ngo bo 'gyur ba med// rgya mtsho chen po'i snang ba bzhin// phyi nang mi mnga' ye shes gsal// mtha' dbus mi mnga' phyogs dang bral// ye shes sems nyid lta ba la// rgyu dang rkyen gyis rtsol ba med// rdo rje nyid 'dra 'jig pa med// nyi ma rin chen 'bar ba ltar// rang gsal rnam par rtog dang bral// 'khor ba nyid nas ye sangs rgyas// rang sems rig pa gang yang rung // bsam pa dang bral ye shes nyid// chos dang chos nyid gang yang min// mtha' bral ye shes rdzogs pa 'di// rtag pa ma yin mi rtag min// shes pa mi dgag 'dod pa min// bya byed mi rtsol rang bzhin dag/ dbu ma chen po drang po'i sems// phyogs kyi yul la 'jug pa med// sems nyid yul la gang 'jug na// 'dzin pa'i phyogs bcas 'dod pa nyid// dbu ma'i sems dang mi ldan par// bag chags 'dzin pa'i sems kyis dkrug/ bsam med rig pa brjod med 'di// tha snyad ming la mi gnas te// gdul bya dman pa'i sems dag la// tha snyad sgra yi 'khor los bstan// snang srid snang ba sna tshogs pa// sku gsung thugs las ma g.yos te// dran rtog ting 'dzin rig

  8. 5a

    pa'i thugs// nam mkha' lta bur mi zad pa// bde chen rig pa sems kyi rgyan// rnam par rtog pa'i sgro 'dogs gcod// 'od gsal rig pa'i 'khor lo yin// lus can rnams kyi sgra rnams ni// sngags kyi gsung du grags pa yin// snang stong gnyis med rig pa'i gsung // kha dog dbyibs su gang snang ba// sku mchog rgyan gyi 'khor los zab// rdo rje lta bur dbyer med pa// sems kyi rang bzhin kun tu bzang // sku gsung rdzogs pa'i bde ba che// bsam med rang bzhag nyid kyis go// rig pa'i mchog ldan kun tu bzang // bka' yi 'khor lo 'bum phrag las// ting 'dzin mi rtog rang bzhin gsal// rang rig 'gyur med rdo rje'i lung // ye shes rdzogs pa'i lung gis ni// thams cad ye shes ngo bor gsal// zhen pa'i sgro skur ma lus pa// ye shes rig pa'i 'khor los gcod// dran gsal rig pa'i snang ba la// gang ldan gsal ba'i rig pa mthong // rang gnas ye shes 'od gsal ba// spyan drang ma yin ye gnas pa// ye shes kun tu 'pho 'gyur med// lhun grub rig pa btsal med pas// sgro dang bsdu ba ngang gis zhi// rang byung khyad par lam chen yin// blang dor gnyis med rig pa'i ngang // ye shes dbu ma mtha' bral la// bgrod pa'i lam med ye sangs rgyas// rim pa kun bral chos nyid la// rang gsal 'od la gang

  9. 5b

    gnas la// rim par ma yin cir mi dgongs// ye shes kun bzang lam chen la// blo yi stobs kyis gang 'jug pa// sbyor ldan kun gyi lam dang bral// btsal med rang byung bde chen ni// 'dod pa'i rtsol ba gang 'phags pa'i// rim 'jug rgyu 'bras ma lus stong // kun bzang rang rig 'od gsal la// 'dod pa'i sbyor ba gang 'jug na// phyogs bral rang byung don dang bral// rtsa ba rnam dag mkha' ltar khyab// rnam rtog 'dzin pa'i spyod yul min// bgrod med stong pa'i thig le ni// rnam pa dang med gsang ba'i sems// btags pa sna tshogs ngo bo la// mi g.yo rang bzhin dkyil 'khor nas// ye shes nyi ma kun mthong yang // shin tu sbyor ldan rnal 'byor la// btags pa'i snang ba mthong ba med// bsam gyis mi khyab gang dus na// 'od gsal ye shes don snang yang // gang mthong sna tshogs sems dang bral// rang byung dag pa'i dkyil 'khor la// rang gzhag rig pa kun rtogs kyang // sbyor 'dod sna tshogs mthong ba med// gsang ba'i 'khor lo rdzogs pa 'di// rgyu rkyen mthar 'gyur rang gnas pa// dri med snying po rang gsal bas// rgyu rkyen 'dod pa'i ngo bos stong // gang zhig rgyu 'bras ngo bo nyid// dper na ri bong rA bzhin no// rgyu med rgyus bskyed de dang 'dra// rang gnas ye shes gdod nas grub// gang dag pa yi 'khor lo

  10. 6a

    la// sbyor 'dod rgyus rtsol gang zhig na// mthun pa nyid na mi mthun pa// thug pa med de gang la 'thad// khyad med pad+ma'i rang bzhin dag/ 'du byed las kyi rdo rje 'chang // 'dul mdzad ting 'dzin 'bum phrag las// bsam bral ting 'dzin 'od gsal sems// thabs 'jug sgrub pa ma lus yin// mi g.yo thig le byang chub sems// yongs su ston pa'i ngo bo nyid// rang rig rig pa mchog gi sku// byang chub sems la ngo bo gcig/ rig pa mchog gi bstan pa ni// brjod med kun la rang bzhin ston// rnam dag rin chen lta bur gsungs// mi g.yo thig le nyid du gsal// yi ge tha dad kun dang bral// ma 'gags rang snang don du bshad// sna tshogs snang ba'i rang bzhin dag/ rang rig nges don nyid du bstan// rnam bshad rang byung bstan pa'i mchog/ rang rtsol bral ba'i rang bzhin gyis// de 'khor bsam pa ji bzhin bstan// bstan pa'i yan lag 'bum phrag yas// rang byung dag pa'i shugs kyis 'byung // 'dod rtsol blo la drang ba dang // thugs kyi dgongs pa nges pa'i don// gdul bya rab 'bring don du bshad// nges pa'i snying po gsang ba nyid// drang ba'i don min rang byung bshad// chos sku rang byung bstan pa'i mchog/ der 'dus 'khor dang bstan pa dag/ nyid las mi gzhan rang byung nyid// rig pa mchog gi sbyor ba la// so so ma

  11. 6b

    yin brjod bya gcig/ tha snyad du ma'i brjod bya gang // kun bzang rig pa'i gsang don ston// brjod pa dman pa'i sku yis bstan// rang byung rig pa mchog gi sku// rang byung mchog gi sku gsum rdzogs// ma bcos rang bzhin snying po la// 'dod pa rnam pa gang yang med// bsgrub bya ma lus kun gyi bdag/ ye shes nyi ma sgrib med gsal// snang ba ma lus rang byung sems// rig mchog ldan pa bde gshegs bka'// rang byung tshad ma mngon sum gsal// 'khor ba'i rtog pa gcong rnying dag/ ye shes rang rig nyid du 'bar// spyi blugs tshangs pa'i thabs kyis gsal// gsang ba'i don myong 'od gsal lung // gzer chen man ngag theb pa'i sgras// rig pa'i brda 'jal tshig dang bral// mngon sum ye shes gsal ba yis// rjes su rang gzhan ye nas dpags// zhes gsungs so// byang chub kyi sems rin chen 'khor lo las// 'khor ba ye shes su bstan pa'i le'u ste gnyis pa'o// // de nas rig pa'i rgyal pos sems dpa' rdo rje la bka' stsal pa/ rang byung rdzogs pa lta ba'i klong // mnyam nyid ye shes rig pa'i sems// snang ba ye shes rdzogs pa nyid// nam mkha' rdo rje lta ba'i mchog/ blta med rang byung sems la blta// rtsol med rig pa'i rnal 'byor yin// 'jug pa gnyis med rig pa'i klong // ye shes mkha' mnyam sgra don

  12. 7a

    med// rang gsal yul la mi rtog pas// ye shes thig le nyi ma shar// snang med ma 'gags cir mi dgongs// snang ba rig pa'i thig ler bsdus// sdug bsngal bde ba'i ngang du gnas// re 'dod kun bral thob spang med// rang byung bde ba'i sems nyid la// snang ba nyid du grub pa med// bde chen rig pa mtsho ltar zab// ye shes rig pa mkha' ltar mnyam// dngos grub rin chen 'od ltar 'byung // zhes gsungs so// byang chub kyi sems rin chen 'khor lo las/ lta ba bstan pa'i le'u ste gsum pa'o// // de nas rig pa'i rgyal pos rang bzhin bstan pa'i don gsungs pa// rig pa'i sems nyid snang med la// ting 'dzin mi g.yo 'jug pa med// rtsol med rig pa bsam dang bral// ye shes rdzogs pa'i 'khor lo la// thig le bde chen bsam mi khyab// rol pa bde chen chu rlabs ltar// ye shes ji bzhin mi bskyod pa// ye nas yin phyir bya mi dgos// ye shes gsal ba'i phyag rgya yis// mtshan ma ye shes 'khor lo bskor// 'dzin pa'i rang bzhin kun dang bral// rang byung snying po g.yo med na// dbang bsgyur rgyal ba'i thugs dang mnyam// ting 'dzin rang bzhag mkha' dang mnyam// mi 'gyur ye shes mkha' ltar khyab// rtsol bral rig pa'i ye shes la// yengs pa med par rang bzhin bzhag/ dbang po'i ngo la snang ba

  13. 7b

    la// mi rtog rang bzhin rig par gsal// ye shes kun bzang 'phro 'du med// gang la mi 'dzin rang byung sems// mtshan ma'i spyod pas 'gyur ba ni// brda sgo 'jug pa'i gdams ngag sbyin// ting 'dzin 'khor los sgro skur gcod// ye shes 'khor lo mtha' dbus med// rang rig 'khor lo gzung 'dzin bral// shes rig ye shes nyid du 'char// 'dzin pa'i rim 'jug theg khyad kyis// ngos bzung rtog dang dmigs 'byed pa// 'dod 'dzin ma lus de dag stong // rang rig stong nyid rnam mnyam pas// bde chen lhun grub rang rig gsal// ye shes rig pa'i 'khor lo la// gang yang yin no rnam kun bcas// ye shes rang gsal ma bsgribs gsal// rnam dag ye shes rang snang la// zhen pa'i rtog pas bzlog tu med// lhun grub 'bras bu btsal mi dgos// kun bzang 'bar ba'i ye shes la// gzung 'dzin gnyen po bstan mi dgos// thogs med rang byung phyogs dang bral// byang chub rang sems kho na bas// lam gyis ma bcos ye sangs rgyas// gang yang rnam pa cir rtog kyang // rag rig bde chen mngon sum gsal// 'dod pa'i skabs bral gang mthong tshor// rang bzhag ye shes rdzogs pa mthong // btsal med rang byung rdo rje'i bdag/ skye med rdo rje mi 'gyur 'chang // lhun grub rin chen 'bar ba'i 'od// dri med pad+ma rang byung

  14. 8a

    bdag/ btsal med lam gyi 'dzin dang bral// 'dzin med 'khor lo 'bar ba'i sku// dus gsum nyid du 'da' ba med// ces gsungs so// byang chub kyi sems rin chen 'khor lo las/ ting 'dzin ye shes su bstan pa'i le'u ste bzhi pa'o// // de nas rig pa'i rgyal pos yang sems nyid phun sum tshogs pa'i don gsal bar bya ba'i ched du 'di skad ces gsungs so// rang byung rnam dag ye shes sku// brjod med rig pa'i bstan pa bkram// rang snang rig pa smin pa'i 'khor// ye shes rdzogs pa'i rol pa bshad// rang byung 'od gsal gcig la rdzogs// rtsol byas dman pa'i 'dus 'khor la// blo dang mthun par bstan pa bsngags// zhes gsungs so// de nas sems dpa' rdo rjes 'di skad ces zhus so// ye shes kun bzang ston pa'i thugs// dbyer med rang byung ngo bo nyid// bde chen lhun grub chos kyi dbyings// rnam rtog phyi nang ji snyed pa// rang byung gsal ba'i don la 'dus// rnam dag rdzogs pa de nyid kyang // dran bzhin log pa'i rmongs pas bcings// snang med rang byung bde chen la// sna tshogs dngos por rang sems 'khrul// bde 'byams dbyings las ma g.yos kyang // 'khrul rtog sdug bsngal sna tshogs myong // rnam dag mi g.yo thugs rjes shod// ces zhus so// de nas rig pa'i rgyal pos bka' stsal

  15. 8b

    pa// ye shes rang byung chos kyi sku// kun bzang ye shes chos kyi sgo// bstan pa ma lus ji snyed pa// byar med rang byung sems su bshad// de nyid gang la de dag ste// gang la bshad pa shugs kyis go// snang dang srid pa'i chos rnams kun// rang byung sems las ma g.yos pas// rang rig rdzogs pa shugs kyis gsal// gang la gang gsal ngo bo bstan// shugs kyis brgyud nas de mthong ba// rang byung nyi ma'i 'od kyi mchog/ ma bcos gsal ba'i 'khor lo la// 'dzin pa'i dri ma kun gyis dben// man shel 'od ltar rig pa 'char// bde chen rig pa'i 'khor lor bshad// brda don sgo yis rgyud don rtogs// rig pa'i gdeng ldan ye shes klong // gsang ba'i ye shes dgongs pa la// thugs rje rin chen 'od ltar 'phro// tshig gi don bral ye shes rdzogs pa che// brda sgo lam gyi zhen pa gang bzlog kyang // brda' dang tha snyad rig pa'i snying por 'char// rang byung rtsa ba ma lus gcig tu rtogs// sbyor ldan lam gyis rtog pa ma lus 'dul// dngos grub rang byung dgos gces bsam mi khyab// sgron mes gsal bzhin yi ges don du bshad// brda bral stong nyid rang la bzlog par bya// de nyid bzhin te thams cad kun la yin// rang byung bde chen 'khor lo la// ye shes don du rang gsal zhing // 'dzin med rig pa'i mkha' la bzhag/ rgyu ba med pa'i ye shes

  16. 9a

    bskyed// rang bzhin gsal don 'od la bzhugs// sku gsung gsal ba'i don ldan na// lhun rdzogs ye shes thig ler bshad// tha snyad sgra yi rnam pa kun// ye shes mtshon pas 'dres pa'i brda// don la brjod bral ye shes rdzogs// rig pa'i brda sgo don gsal ba// nges med sbyor ldan blo bzhin no// bde chen rig pa'i rgyal po la// 'od gsal rig pa'i 'khor lo bskor// yi ge med pa'i rang gsal la// ye shes srog gi phur pa thebs// zhes gsungs so// byang chub kyi sems rin chen 'khor lo las/ gtan la phab pa'i le'u ste lnga pa'o// // de nas rig pa'i rgyal pos/ rang rig pa'i phun sum tshogs pa 'di bka' stsal to// ye shes khyab bdag rig pa'i sku// rang byung rig pa ma 'gags gsal// brjod med sems kyi de kho na// rang byung ston pa thugs rje'i bdag/ 'gro drug sems can thams cad kyi// rang sems ston par ma shes na// rang byung mthong bar yongs mi 'gyur// des na ye shes rdzogs pa'i don// rang rig bde bar shes par gyis// rang byung rgyal po ston pa'i mchog/ ye shes ma 'gags cir yang gsal// rig pa klong gi 'khor du rdzogs// rang sems bde la kun rdzogs pas// bstan pa rgya mtsho rig pa'i klong // rnam dag rang sems skye med pas// 'gyur med 'khor lo rig pa'i gnas// ye shes

  17. 9b

    rtsal med gnas kyi mchog/ rang byung ston pa 'od gsal thugs// 'dzin pa med pa'i nyi ma shar// me shel 'od ltar byin rlabs 'khrigs// 'od gsal rig pa'i bstan pa sgrogs// rang byung rkyen bral gnas kyi mchog/ rang byung bde chen ye shes rol pa'i sku// yi ge brda bral ye shes rig pa'i gsung // tshig gi lam chad ye shes sgron ma 'bar// len med 'dzin med bde mchog gsang ba'i lam// brda yi 'jug pas gsang ba'i don mi gsal// ming dang don med rang byung ye shes gsal// rig pa thig le gsal ba gsungs// brjod med ye shes 'khor lo bdag/ tha snyad kun bral brjod bya bdag/ bdag med rang byung ye shes nyid// rig pa'i 'khor lo dag la 'char// bde chen 'od 'bar thig le'i mtha'// rang byung gzer chen rang la 'debs// rang byung 'khor lo rang la gcod// rig pa'i phyag rgya 'gyur ba med// ces gsungs so// byang chub kyi sems rin chen 'khor lo las/ phun sum tshogs pa'i de kho na nyid bstan pa'i le'u ste drug pa'o// // de nas rig pa'i rgyal pos btsal ba med pa'i chos dang chos can mi dmigs pa 'di bka' stsal to// btsal med rang bzhin ye sangs rgyas// rnam dag rang byung snying po la// thams cad ye shes snying por gsal// ye shes 'khor lo snang ba med// ye shes rin chen rtsol dang bral// rang byung

  18. 10a

    mi 'gyur kun du bzang // sems nyid byang chub rigs bdag la// lus ngag sems kyi rtsol med pas// ting 'dzin mi g.yo 'jug dang bral// rang byung 'khor lo rol par rol// ye shes spyod pa pad+ma ltar// spyod bzhin ma chags ye nas dag/ bsam dang bral ba'i chos nyid la// ye shes 'khor lo rang bzhin te// dus gsum g.yo ba med par gnas// rtog pa'i dngos po snang ba yang // rang byung rig pa'i 'khor los gcod// rig pa rgya mtsho mkha' ltar zab// mngon sum snang ba'i ye shes la// sangs rgyas sems can khyad med kyang // rang dbang sems la mi gnas na// sems nyid bde bar spyod mi nus// 'dzin med dag gi lcags bkrol yang // goms pa'i bag chags bcings dang 'dra// ye shes 'khor lo rab dbang na// ji ltar gnas kyang bya rtsol med// rig pa mtha' bral dkyil 'khor la// lus kyis rtsol med dkyil 'khor gsal// rang snang rig pa 'od gsal la// ngag gi rtsol med rig pa'i gsung // mi 'gyur kun bzang ye shes la// thugs kyi rtsol med bsam dang bral// snang ba gzugs kyi snang ba kun// mnyam nyid chos kyi sku ru thim// grag pa sgra yi snang ba kun// mtshon pa'i rang rtags gsung du thim// shes rig ma lus ji snyed pa// thugs kyi mtshon pa'i rang rtags te// ye shes rig pa'i thugs su thim// rig pa

  19. 10b

    'gyur med rdo rje ltar// dbyer med ye shes bya btsal bral// zhes gsungs so// de nas rdo rje sems dpas 'di skad zhus so// rnam dag ye shes dkyil 'khor na// 'gro drug ye nas sangs rgyas kyang // lam stobs drag pos bdag zhugs te// rang rkyen log pa'i shugs kyis dkrugs// rang bzhin rin chen nor bral bas// rigs drug gnas su 'khor bar 'khyams// dus 'dir thugs rje'i byin rlabs kyis// rdzogs pa'i sems la mos bskyed pa// de bas rtsol bral 'bras bu yod// rnam rtog g.yo ba ci 'gyu ba// rig pa'i don la gang gis bstan// nges pa'i gsang mdzod gang gis mthong // zhes gsungs so// de nas rig pa'i rgyal pos bka' stsal pa// ye shes rdzogs pa'i sems bskyed bzung // spros pa'i sems ldan don la spyod// rang gzhag rig pa ma yin par// brda sgo drag po'i rjes ma 'brang // bde chen gsang ba'i 'khor lo la// gnyis su med pa'i rang bzhin pas// chos can chos gnyis gang yang min// 'dod pa'i blo yis gang sbyar ba// dman pa'i sems la bstan par zad// bsam bral ye shes 'khor lo/ la// chos dang chos nyid gang 'dod pa// rang byung gsang ba'i sems ma shes// bde mchog 'khor lo'i don ma rnyed// mi 'gyur gsal ba'i sems dang bral// ye shes rin chen 'od kyang nub// 'khor ba'i

  20. 11a

    lcags las thar ba med// sna tshogs 'khor lo'i rang bzhin la// rmongs pa'i blo yis blang dor med// gnyis med rang 'od gsal ba la// sgro dang skur bas rang sems spong // zhes gsungs so// byang chub kyi sems rin chen 'khor lo las/ rtsol ba med pa chos dang chos can ma grub par bstan pa'i le'u ste bdun pa'o// // de nas yang rig pa'i rgyal pos ye shes rig pa'i spyod pa 'di gsungs so// ye shes bde mchog kun tu bzang // rang byung nam mkha' rdo rje nyid// ci la spyod kyang chags pa med// sgo gsum bag yangs lhug pa nyid// snang med rang byung ye shes gsal// rang gzhag ye shes spyod pa la// blang dor gnyis med bde chen dang // mkha' mnyam ye shes rang byung la// dus gsum 'da' ba med par gnas// rang 'bar ye shes dkyil 'khor nas// dngos grub rin chen 'od ltar 'byung // ye shes rgya mtsho mu mtha' med// 'od gsal rig pa'i gdeng ldan la// mtshon pa lam gyi rgyu dang bral// rang byung lung gi don mthong bas// lung chen tshad ma kun gyi bdag/ rig pa'i ye shes brjod bral bas// brjod pa'i lung la sems mi 'jug/ sems nyid rig pa'i sgron ma ni// rin chen me shel ltar gsal bas// rin chen man ngag kun gyi bdag/ kun gsal me long mthong thob pas// rna brgyud sgra la rag ma

  21. 11b

    las// chos nyid nam mkha' lta bu la// rang byung gsal ba'i nyi ma shar// bsam sbyor blo yi dri ma dag/ 'dod 'jug rim rtsol kun dang bral// bsam med rang bzhag spyod par gnas// sku gsum rig pa'i dkyil 'khor nas// thugs rje nyi ma'i zer shar nas// 'gro 'dul spyod pa ci bder spyod// thabs kyi rig pa rang shar nas// ye shes gsal bar 'gro don mdzad// ye shes rang byung 'dren skur shar// sna tshogs sbrul skur rin chen spros// gang dag dman pa'i 'khor dag la// blo dang mthun pa'i bstan pa bkod// 'dod pa'i blo yis dpag med kyang // thig le gcig las 'das pa med// sbyor ldan blo yi theg pa rnams// ye shes thugs kyi skur byung nas// rang byung gcig la bstan par zad// rim 'jug blo yi theg pa rnams// 'dren pa'i sku yis drang don bstan// nges pa'i theg gcig snying po la// 'dod pa'i yan lag kun dang bral// bstan pa'i rnam pa ma lus kun// ye shes rig pa'i bka' la rdzogs// zhes gsungs so// byang chub kyi sems rin chen 'khor lo las/ spyod pa bstan pa'i le'u ste brgyad pa'o// // de nas rig pa'i rgyal pos/ rang byung rdzogs pa'i dkyil 'khor 'di bka' stsal to// sems nyid rang byung dkyil 'khor la// ma bcos rig pa lhun grub ste// mtha' dbus med pa'i gzhal yas na// rang dbang ye shes

  22. 12a

    rdzogs sangs rgyas// rang byung rig pa 'khor mtha' med// lhun grub po brang chen po ni// spyan drangs ma yin ye sangs rgyas// rang byung gsal ba'i sngags ldan pa'i// lha yi snying po dbul mi dgos// bde chen gsal ba'i don ldan pas// ye shes gsang ba'i dkyil 'khor mnyes// rang byung gsang ba'i sems nyid kun gyi lha// dus gsum 'du 'bral med pa thugs dam mo// rnam dag rig pa ka dag la// nyes pa'i dri ma dang bral ba'i// ye shes dam tshig rnam par dag/ brjod med rig pa'i don mthong na// rang byung gsal ba'i dam tshig thob// rang bzhag sems las mi 'da' na// mi rtog dam tshig nyid yin pas// rang byung dam tshig rnam par dag/ mi rtog ye shes 'dzin bral la// bsod nams ye shes lhun gyis grub// rdo rje gsang ba'i dkyil 'khor ni// 'gyur med rang byung kun tu bzang // ye shes gsang ba'i dkyil 'khor ro// mtha' dbus med pa'i snying po la// spang len med pa'i sems kyis 'jug/ rang bzhin rnam dag dbye ba med// lhun grub rang bzhin ye sangs rgyas// rang rig 'od gsal rnam par dag/ ye shes gang mtshon mtshan nyid mtshan// lhun grub rang rig kun tu bzang // ye shes rdzogs pa'i dkyil 'khor blta// gzung 'dzin dang bral dri ma med// ye shes sgyu ma kun tu bzang // rang byung sgyu ma ngos

  23. 12b

    bzung med// rnam dag rang byung dkyil 'khor gsum// ma skyes lhun grub bya ba med// don la gang 'jug sbyor ldan rnams// yi ge brda med gnyis med gsal// sgyu ma bya bral rig pas rtogs// rang snang rig pa'i 'od la bzhugs// bsam med rang bzhag sa le ba// ci yang ma yin gyi na ba// rang gsal ye shes nyi ma'i 'od// kun bzang rgyal ba'i thugs dam mo// zhes gsungs so// de nas sems dpa' rdo rjes 'di skad ces zhus so// snang med rang snang bde chen la// brtags pa'i snang bas gnyis su mthong // rang bzhin rnam dag gser bzhin yang // thog med dus nas don ma mthong // dus 'dir sbyor 'jug gang dag/ ni// gsang ba'i don la mos pas 'jug/ gsal byed rin chen sgron ma gang // 'dzin pa'i dri ma gang gis dag/ bde chen gsang ba gang gis mnyes// zhes zhus so// de nas rig pa'i rgyal pos bka' stsal pa// bsam gyi mi khyab dus gang la// gang ldan rig pa'i lde mig gis// rin chen sems nyid khong du chud// snang ba'i snang ba ci 'gyur yang // yid la mi byed rang bzhag na// 'dzin pa'i dri ma rnam par dag/ ces gsungs so// byang chub kyi sems rin chen 'khor lo las/ dkyil 'khor gsang ba'i le'u ste dgu pa'o// // de nas rig pa'i rgyal pos sems dpa' rdo rje la 'di skad ces bka' stsal

  24. 13a

    to// sems nyid gsang ba sngags kyi lha// rang bzhin dag pas sbyang mi dgos// ldan pa de nyid tsam du zad// rang rig rdzogs pa'i ye shes la// ngo bor grub pa gang yang med// rtog pa'i mthu yis cir yang mthong // me long dag pa'i gzugs brnyan ltar// ye shes gsang ba'i gdams pa yis// rig pa'i ye shes kun tu bzang // yi ge med pa'i don du mthong // rang gsal rjes su rang bzhag na// ye shes rdzogs pa rjes su dpag/ rang rig rdzogs pa nyid na gsal// ye gsal rig pa'i 'khor lo la// 'dod pa'i blo yis gang rtsol ba// rang 'dod theg pa'i khyad par ni// gsang ba'i don la ma lus stong // 'dod pa'i stobs kyis phongs nas rtsol// rang gsal 'khor lo'i don dang 'gal// 'dod rgyas gsal ba'i ye shes kyang // rtsol ba nyid las 'da' ba med// rdzogs pa'i ye shes bde chen ni// rang bzhin rig pa'i 'khor los dag/ rnam dag rang byung 'od gsal la// glo bur sgrib pa ngang gis med// rang bzhin ma yin rkyen gyis snang // rang bzhin ngo bo gang dag ni// glo bur rkyen la rag las min// rang gsal rig pa'i rang bzhin dang // 'khor ba'i rtog pa'i rang bzhin gcig/ gang la spang bya ma yin te// gang gi rnam pa de gang bzhin// de bzhin 'gyur ba de nyid med// sems ni ji bzhin mnyam pa nyid// sangs rgyas thugs kyi

  25. 13b

    rnal 'byor ro// yang dag lam la yi ge med// snying po nyid du bdag 'jug pas// thob pa med cing spang ba med// rig pa'i thugs la gsal bas gsang // byang chub sems kyi ye shes ni// rnam shes dmigs pa'i yul las 'das// rig pa 'od gsal gzung 'dzin med// byang chub snying por bzhugs pa'i tshe// ngo bo nyid ni dmigs su med// ye shes kun bzang rnam par dag/ 'bar ba'i ting 'dzin ngo mtshar che// rang gsal rig pa cir mi dgongs// bde gshegs 'khor lo ngo bo ni// mi 'joms pa yi rdo rje 'chang // kun byung rin chen lta bu'i 'od// skyon khyad ma grub 'od gsal nyid// bcos med dgongs pa ci yang min// gzhan na de la de bzhin pa// shes pa du ma gang ma nges// de 'od nyid la de ltar 'gyur// rtsol 'jug gang dag de don la// mthar 'gyur de bzhin de la 'byung // des na gnas pa'i don yin na// bde ldan rig pa'i sangs rgyas la// rtog pa'i rnam pa kun med pas// gang zhig 'bras bu ji ltar 'dod// sbyor ldan don la yin pas na// de bzhin thams cad dag par 'gyur// zhes gsungs so// byang chub kyi sems rin chen 'khor lo las/ rig pa rgyu rkyen gyis ma bskyed pa'i le'u ste bcu pa'o// // byang chub kyi sems rin chen 'khor lo zhes bya ba'i rgyud rdzogs so// // bar 'dir rdo rje sems dpa' nam mkha' che

  26. 14a

    rgyas pa rnal 'byung ba'i drud 'du/ rdo rje sems dpa' nam mkha' che rgyas pa zhes bya ba rnal 'byor ma yi rgyud/ bcom ldan 'das rdo rje 'dzin pa la phyag 'tshal lo// 'di skad bshad pa'i dus gcig na/ bcom ldan 'das de bzhin gshegs pa thams cad kyi bdag nyid/ sku gsung thugs kyi rang bzhin/ bde ba'i mchog/ btsun mo dam pa bde ba'i mchog gi pad+ma la rnam par bzhugs so// de yi byin gyis rlabs las byung ba/ longs spyod rdzogs par mdzad pa'i longs spyod chen po// btsun mo dam pa'i pad+ma gzhal yas khang brtsegs pa/ dbyibs dang tshad dpag tu med pa/ rdo rje rnam par snang mdzad dang / rdo rje mi bskyod pa dang / rdo rje dkon mchog dpal dang / rdo rje tshe mtha' yas dang / rdo rje grub pa gdon mi za ba dang / btsun mo dam pa yangs pa'i spyan dang / mi bskyod ma dang / don rin chen dpal ma dang / tshe dpag med ma dang / grub ma gdon mi za ba dang / gzhan yang byang chub sems dpa' sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / byams pa dang / 'jam pa'i dbyangs dang / sgrib pa rnam par sel ba dang / kun tu bzang po dang / btsun mo dam pa sgeg mo dang / phreng ba ma dang / dbyangs ma dang / gar byed ma dang / bdug spos ma dang / me tog ma dang / mar me ma dang /

  27. 14b

    dri chab ma dang / dam pa'i sgo srung gshin rje gshed po dang / rnam par rgyal ba dang / pad+ma mthar byed dang / bdud rtsi thab sbyor dang / btsun mo dam pa gshin rje gshed mo dang / rnam par rgyal ma dang / pad+ma mthar byed ma dang / bdud rtsi thab sbyor ma dang / de dag la sogs pa 'khor rnams dang gnyis su med par bzhugs so// de yang dper na til 'bru bzhin du gang nas khyab par bzhugs pa ste/ de dag gi 'od kyis 'jig rten gyi khams snang bar byas/ gang bar byas/ khyab par byas nas/ lhan ne lhang nge ba ji lta ba bzhin du gnas par gyur to// de nas longs spyod par mdzad pa'i longs spyod chen po'i byin rlabs las/ thub pa chen po rnams stong gsum gyi stong chen po rnams su 'byung bar gyur te/ de dag gi mthus 'jig rten gyi khams thams cad g.yos/ rab tu g.yos/ kun tu g.yos/ shig shig/ rab tu shig shig/ kun tu shig/ shig go/ chem chem/ rab tu chem chem/ kun tu chem chem mo// 'ur 'ur/ rab tu 'ur 'ur/ kun tu 'ur 'ur/ de nas mtha' dang dbus kyang mnyam par gyur nas/ sems can thams cad 'dul bar mdzad do// de yang smon lam gyi dbang gis sku sna tshogs pa dang / gsung sna tshogs pa dang / thugs sna tshogs pas 'dul bar mdzad do// sku'i 'dul ba ni mi'i cha byad du gyur nas/ bltams pa dang / rab tu byung ba dang /

  28. 15a

    dka' thub mdzad pa dang / chos kyi 'khor lo bskor ba la sogs pa dang / gzhan yang seng ge'i cha byad dang / glang po che'i cha byad la sogs pas 'dul bar mdzad do// gsung gi 'dul ba la ni lha la lha'i skad dang / klu la klu'i skad du 'dul bar mdzad do// thugs kyi 'dul ba la ni ting nge 'dzin kyi 'od zer dang / rdzu 'phrul gyis cho gas 'dul bar mdzad do// de bzhin gshegs pa thams cad kyi rang bzhin/ nam mkha' che rgyas pa'i rgyud las/ gleng gzhi'i le'u ste dang po'o// // de nas bcom ldan 'das longs spyod par mdzad pa'i longs spyod chen po des/ rgyal po sbyin pa zhes bya ba'i ting nge 'dzin la snyoms par zhugs nas/ 'khor gyi nang du zhal 'dzum par mdzad nas mi snang bar mdzad do// de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa thams cad kyi bdag po la/ mgrin gcig tu 'di skad ces gsol to// e ma ho sangs rgyas thams cad kyi// sku gsung thugs kyi bdag po mchog/ thabs mkhas thugs rjes gzung slad du// sku yi dbyig tu bdag sbyor cig/ de nas bcom ldan 'das de bzhin gshegs pa thams cad kyi bdag po des/ kun tu bzang po'i gzugs su byung nas/ zhal gsum phyag drug par de bzhin gshegs pa thams cad kyis gzigs par gyur

  29. 15b

    to// de nas bcom ldan 'das de bzhin gshegs pa thams cad kyi bdag po kun tu bzang po la/ de bzhin gshegs pa rnam par snang mdzad la sogs pas/ phyi nang gsang ba'i mchod pas yang dag par mchod de/ phyag btsal nas 'di skad ces gsol to// bcom ldan 'das de bzhin gshegs pa thams cad kyi bdag pos/ bdag cag rnams gsang ba'i dkyil 'khor du dbang bskur bar mdzad de/ mtshan ma med pa'i chos kyi 'khor lo bskor du gsol zhes brjod pas/ bcom ldan 'das de bzhin gshegs pa thams cad kyi bdag po yang mnyes pas khyab par gyur te/ 'di skad ces bka' stsal to// e ma ho rgyud 'di rtogs dka' bas/ de dag gi thabs zhu 'dod pa/ legs so legs so byang chub che// legs so legs so gus par nyon// de nas de bzhin gshegs pa thams cad kyis rab tu dga' ba'i spyan rgyas pas yang nas yang du phyag btsal nas 'di skad ces gsol to// e ma ho sangs rgyas kyi sangs rgyas// e ma ho sangs rgyas gsungs pa legs// e ma ho byang chub chen po'i mchog/ bcom ldan 'das kyis bshad du gsol// e ma ho sems can thams cad ni// byang chub tu ni sgrub pa'i thabs// shin tu sbyor ba'i ting 'dzin mchog/ gzu bo chen pos bshad du gsol// de nas bcom ldan 'das de bzhin gshegs pa thams

  30. 16a

    cad kyi bdag pos/ de bzhin gshegs pa thams cad la 'di skad ces bka' stsal to// sems can byang chub sgrub pa'i thabs// yang dag shin tu rnal 'byor 'di// myur du bla med 'dod pa'i phyir// nyon cig nga yis bshad par bya// de nas bcom ldan 'das de bzhin gshegs pa thams cad kyi bdag pos/ zil gyis gnon pa'i rdo rje zhes bya ba'i ting nge 'dzin la snyoms par zhugs te/ 'khor rnams gsang ba'i dkyil 'khor du bcug nas dbang bskur bar mdzad do// de nas gdod chos 'chad do// kun gyi rang bzhin de bzhin nyid// kun gyis bsgrub par bya ba ste// thabs su ye shes bskyed pa la// phyogs su bltas pas mthong ba med// de bzhin nyid kyi rang bzhin ni// sus kyang mthong bar mi nus te// sangs rgyas kyis kyang ma gzigs pas// rang byung ye shes gnas med snang // de nyid phyir na rang bzhin med// med las med pa'i 'bras bu 'byung // yod dang med pa gnyis med pas// rtog med dbu ma zhes bya'o// rang bzhin de nyid kho na la// brjod pa'i rang bzhin ci yang med// dbang po'i yul du gang gyur pa// de dag tshad ma ma yin no// chos rnams kun gyi rang bzhin ni// skye ba med cing 'gags pa med// rtag dang chad pa'ang yod min te// tha dad ma yin don gcig min// 'ong ba med cing 'gro ba

  31. 16b

    med// spros pa nye bar zhi ba'o// dam pa'i don la dngos med de// mig dang rna ba sna dang lce// lus dang yid la sogs pa yi// dbang po rnams kyis mthong min te// mthong ba blo yis bslad pa yin// yang dag ma rtogs 'khor ba dang // mya ngan 'das par rloms sems yod// yang dag rtogs na 'khor ba dang // mya ngan 'das pa rlom sems med// de bzhin nyid la gnas bcas na// g.yo dang mi g.yo rnam par dag/ gzung dang 'dzin pa rnam dag nas// phra rgyas 'gags shing skye ba med// brjod med rnam par mi rtog pa// yi ge med pa'i gsung mchog ste// sgra yig rnam par spangs nas ni// sems kyi rgyu ba'ang bkag pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/ rang bzhin gnas pa'i le'u ste gnyis pa'o// // de nas bcom ldan 'das de bzhin gshegs pa thams cad kyi bdag pos/ 'khor rnams kyis gong du gsol ba btab pa mkhyen nas yang ched du brjod pa 'di brjod do// rang bzhin gnas pa'i chos nyid ni// zhi ba blang dor med pa ste// brtag par dka' la bstan par dka'// brjod pa'i tha snyad rnams dang bral// rdo rje'i sku de 'dus ma byas// skye shi med pa'i g.yung drung sku// dus gsum 'dus ma byas pa ste// rtag pa chen po kun tu 'od// 'di zhes bstan zhing mtshon du

  32. 17a

    med// ngas kyang mthong bar mi nus so// mngon sum mi gnas kun tu khyab// zad mi shes pa'i gter du 'gyur// chos rnams kun gyi rang bzhin ni// stong pa nyid las gzhan min pas// 'khor ba dang ni mya ngan 'das// bye brag dbye ba gcig kyang med// de dag gnyis kyi khyad par ni// cha shas tsam yang yod min te// phung po khams dang skye mched dang // rten cing 'brel 'byung la sogs pa// stong pa nyid las gzhan min te// chos rnams rang bzhin stong pa la// skye bo rnams kyis mthong ba min// de phyir chos rnams rang bzhin ni// de bzhin gshegs pa zhes bya bas// chos rnams bde bar gshegs dang 'dra// gzhan nas btsal bas rnyed pa min// yang dag nyid du gang blta bas// yang dag mthong bar mi nus te// 'ga' yang mthong ba med pa ni// de nyid mthong ba chen po'o// mya ngan 'das dang sangs rgyas pa// gang gis mthong bar mi nus te// pad+ma spyan gyi ye shes kyis// skad cig gcig la mngon byang chub// rang bzhin gcig gi bdag nyid la// rnam pa tha dad du mar snang // log par brtags pa'i bdag nyid pas// 'gro ba 'khrul pa rgyar chud 'dra// rnam rtog med pa'i sems la ni// 'byung ba la sogs bcom ldan 'das// chub par gnas pas bcom ldan 'das// 'gro ba kun la rang bzhin gnas// sangs rgyas

  33. 17b

    kun gyi rgyu nyid pas// 'gro ba rang byung gzhan las min// de bas sems can thams cad ni// sangs rgyas snying po can rnams las// ma rig rtog pa'i phra rgyas kyis// sdug bsngal sna tshogs myong bar gyur// sems can kun gyi rang bzhin ni// chos kyi dbyings kyi b+ha ga te// kun la khyab pa'i nam mkha' 'o// de ma mthong bas de mi mthong // de ni de sgrib skyon chen yin// yangs la rgya che gting zab pa// shes rab can gyis rtogs gyur te// gang nas ma 'ongs gar mi 'gro// 'ong dang 'gro bar bya ba min// ji snyed theg pa rnam mang yang // yang dag don gyi snying po ni// gang nas btsal kyang mi rnyed de// rang rig sgrib med dag pa yin// dngos po 'di dag skye med de// yang dag ma yin kun brtags yin// chos kyi dbyings kyi rang bzhin yang // de nyid log pa'i ngo bo las// khyad par 'ga' yang yod pa min// de bzhin nyid ni chags med de// ma skyes mi 'gags mi dmigs shing // mi rtog bde dang ldan pa'o// de bzhin gshegs pa thams cad kyi rang bzhin/ nam mkha' che rgyas pa'i rgyud las/ chos nyid mi 'gyur ba bstan pa'i le'u ste gsum pa'o// // de nas bcom ldan 'das de bzhin gshegs pa thams cad kyi bdag po dgyes pa chen pos/ nyid kyi che ba dbyung bar bzhed nas/ sku dang ye shes kyi bdag nyid 'di lta bu gsungs

  34. 18a

    so// kun la khyab pa rang bzhin ni// sangs rgyas kyis kyang ma gzigs te// mngon sum mi gnas kun tu khyab// kun tu 'od de 'dus ma byas// rtag pa nyid de rdo rje sku// ka ya dag pa'i sku mchog de// chos nyid sku zhes bshad pa yin// de rtogs gsal bar bshad pa ni// rang byung ye shes chen po ste// kun gzhi la sogs gyur pa las// thabs kyi rim pa byung ba ni// pad+ma spyan te 'dus byas so// mi rtog mngon byang chub pa'i sku// ga Na bsags pa'i sku mchog ste// stong pa nyid kyi ye shes pas// skad cig gcig mngon rdzogs byang chub// gnyis su med pa chos kyi sku'o// byin gyis rlabs las byung ba yi// rang bzhin dkyil 'khor chen po ni// kun rdzob don du sems bskyed nas// snang ba mi 'gog pa yi thabs// sngags dang phyag rgya rab bstan pas// rdo rje dbyings kyi dkyil 'khor shar// longs spyod sku de rten 'brel mchog/ yi ge 'khor lo tshogs chen te// mtshan dang dpe byad ldan par gnas// rgyun gyis rtag pa bsod nams sku// ye shes rnam dag yang dag ldan// mgon po bdag nyid chen pos ni// rdo rje 'khor lo bskor ba na// ljags kyi dbang po bkram nas ni// chos kyi 'khor lo bskor bar byed// rig pa'i skyes bu chen po la// smon lam las ni rten 'brel pas// 'jig rten khams ni thams cad du// sprul pa'i sku ni snang ba

  35. 18b

    ra byed// ye shes rnams dang yang dag ldan// mi rtag nyid de 'dus byas pas// bltams nas mya ngan 'da' bar ston// log par rtog pa thams cad la// thugs rje'i zhing du 'brel pas na// sku gsung thugs kyi rim pas ni// 'gro ba'i rgyud rnams smin par mdzad// de bzhin gshegs pa thams cad kyi rang bzhin/ nam mkha' che rgyas pa'i rgyud las/ 'bras bu'i bdag nyid sku dang ye shes bstan pa'i le'u ste bzhi pa'o// // de nas bcom ldan 'das de bzhin gshegs pa thams cad kyi bdag pos/ bsgrub par bya ba'i don gyi thabs/ sku dang gsung dang thugs kyi dkyil 'khor 'di rnams gsungs so// chos rnams kun gyi de bzhin nyid// pho mo ma yin ma ning min// mtshan med ma yin rigs rgyud min// kha dog ma yin dbyibs ma yin// sku gsung thugs kyi rgyud yin te// med pa ma yin med pa yi// 'bras bu 'byung bas snying po yod// kun tu khyab pa'i dbyings nyid las// dkyil 'khor sna tshogs brjod mi langs// chos dang longs spyod rdzogs sku dang // bsam yas sbrul sku sna tshogs pas// rnam par 'phro yang spros pa med// rnam dag sku ston ma yin te// srid gsum 'gro ba thams cad la// ji ltar 'dul ba'i sku ston yang // stong nyid dbyings las g.yos pa med// ces brjod pas/ sku'i dkyil 'khor thams cad ci yang mi snang bar gyur

  36. 19a

    to// de nas yang gsung gi dkyil 'khor 'di dag gsungs so// brjod du med pa'i bdag nyid las// 'dul ba'i dbang gis ji snyed pa// rtog 'dul sgra skad de snyed 'phro// theg gcig theg gnyis theg pa gsum// theg pa lnga dang bsam mi khyab// theg pa mtha' dag ngas bstan te// dbus mtha' rnam par bkag pa'o// gsung gcig dkyil 'khor yang dag ni// bsam gyis mi khyab kun tu 'phro// thams cad gsung gi dkyil 'khor mchog/ brgyad khri bzhi stong mtha' yas pa// gsang ba'i dbyibs su thim mdzad do// zhes brjod pas/ gsung gi dkyil 'khor de dag thams cad chos kyi dbyings su thim nas mi gsal bar gyur to// de nas thugs kyi dkyil 'khor chen po 'di gsungs so// de bzhin nyid kyi phyag rgya las// phyag rgya chen po rnam 'phro bas// de bzhin rigs dang rdo rje'i rigs// rigs chen rigs la sogs pa yi// phyag rgya chen po 'od du 'bar// u dum wa ra'i me tog bzhin// brgya lam la ni re 'ga'o// sgyu ma'i dkyil 'khor thams cad kyang // rang bzhin snang ba'i rig pa ste// gzhan na yod pa ma yin no// de bzhin gshegs pa thams cad kyi rang bzhin/ nam mkha' che rgyas pa zhes bya ba'i rgyud las/ sku dang gsung dang thugs kyi dkyil 'khor mi rtog par bstan pa'i le'u ste lnga pa'o// // de nas de

  37. 19b

    bzhin gshegs pa thams cad btsun mo'i tshogs dang bcas pas/ bcom ldan 'das de bzhin gshegs pa thams cad kyi bdag po la/ lan gsum bskor ba byas te/ phyag 'tshal bas 'dun pa'i mgrin gcig tu 'di skad ces gsol to// sku gsung thugs kyi bdag po mchog/ ma 'ongs rnams kyi don slad du// thabs kyi mchog tu gang gyur pa// gzu bo chen pos bshad du gsol// de nas bcom ldan 'das dgyes pa chen pos/ zhal 'dzum pa mdzad de shin tu sbyor ba'i ting nge 'dzin la snyoms par zhugs te/ de bzhin gshegs pa thams cad la// gsang ba dam pa 'di lta bu gsungs so// gang zhig bsgrub par 'dod pa ni// thos bsam bsgom la rab gnas shing // shes rab can du gang gyur pa// snying rje'i mthu las byung ba la// byang chub sems dpa' yang dag ldan// gtong dang tshul khrims la sogs pa// spyod pa rgya mtsho'i gzhir gyur te// dbang bskur cho ga phun sum ldan// rnal 'byor rgyu ni thams cad las// thabs kyi rim par gang gyur pa// rin chen rigs su gang ldan pas// bla ma'i kha nas rtogs par bya// gang dag bsgrub par 'dod pa la// ji skad gsungs pa'i yon tan ldan// mang du thos shing shes rab ldan// 'khor gyi 'jigs bral skye ba med// seng ge'i thugs rje rab ldan pas// dam pa'i don nyid ma nor bslab// de bzhin

  38. 20a

    gshegs pa thams cad kyi// zag pa'i mchog sa bla na med// mchog tu gyur pa bslab par bya// yang dag mthong bas rtogs gyur nas// rang bzhin med las car yang snang // rang bzhin zad pa don de ni// blun po rtog ge'i spyod yul min// rang bzhin rang bzhin med mthong na// sgrib pa kun las nges grol te// ting nge 'dzin gyi bde ba las// rang bzhin kun ngam ldan gyis grub// dngos po'i dbang gi 'di zhes ni// rdo rje sems dpas ma gsungs te// sems can bsam pa'i dbang gis na// gsang ba rnam pa du ma gsungs// gsang ba dbyings kyi dbus dag tu// nyi zla pad+mar bcas pa'i gdan// bskyed dang rdzogs dang gang ldan pas// dkyil 'khor thams cad bsgom par bya// mtshon cha rnams kyis drangs nas ni// sa hUM 'khril ba'i bde bar gnas// rim pa rim pa ma yin pa'i// rin chen steng dang 'og gi // rab brtan pa las ya dkar te// til 'bru tsam du bsgom par bya// yang na grangs kar tsam du ste// mkhas pas cho ga bzhin du bsgom// yang dag nyid de yang dag blta// yang dag mthong na rnam par grol// yang dag ma mthong 'jig rten sems// mi shes blun pas byis pa 'dra// byis pa rnams la brjod pa bshad// rnal 'byor pa la gdams ngag go// shes rab thabs la brten nas ni// dkyil 'khor thams

  39. 20b

    cad 'grub pa yin// gsang ba dag la 'jug pa na// 'dod pa'i dga' ba ma yin te// ting nge 'dzin las skyes pa yis// dga' ba dag ni blang bar bya// de ni dga' ba chen po ste// yang dag bde ba chen po yin// che ba'i ye shes rnyed dka' ba// shes rab thabs la brten nas 'grub// shes rab thabs kyi phyag rgya las// bde ba'i rol mo rnam 'phro ba// 'od zer lcags kyus drangs pa rnams// rim pa rim pa ma yin/ pas// snying ga'i pad+mar yang dag gzhug/ yang dag mAM ni dri med dkar// tsa na ka yi 'bru tsam la// 'od zer spro bsdu'i sbyor ba yi// dbang po la sogs g.yo ba kun// dri med nang du nges sbyar nas// thugs kyi ye shes lngas blta zhing // yang dag dri ma med mthong na// de bzhin gshegs pas de bzhin gshegs// de bzhin gshegs pa thams cad la// dri med 'di las gzhan mi mnga'// 'das dang da ltar 'byung ba kun// 'di yis lhun gyis grub par 'gyur// de bzhin gshegs pa thams cad kyi// sngags kyi snying po kun bsdus pa// oM hUM swA dang AM hA ste// gnas lnga dag tu rnams bkod nas// 'od zer lcags kyus drangs nas su// ye shes rnams kyis gzugs su bsgyur// dkyil 'khor la ni dkyil 'khor thim// thams cad rdzogs pa'i dkyil 'khor la// ting nge 'dzin gyi mchod pa 'bul// mnyes nas dgyes pa'i tshul 'chang

  40. 21a

    ba// yon tan mi zad gter 'gyur te// tshe ring bde ba phun sum tshogs// longs spyod 'byung zhing ngan song sbyong // de bzhin gshegs pa thams cad kyi// sku dang ye shes 'theb par 'gyur// shes rab gsum la sbyangs pa yis// ye shes myu gu bskyed par byed// sa thob 'jigs pa lnga dang bral// 'khor ba las ni mya ngan 'das// sgrib pa mtha' dag gcod byed pa'i// dri ma med pa'i ye shes kyis// da lta nyid du sangs rgyas 'gyur// ye nas gnas pa'i de bzhin ni// rgyal bas mdzad pa ma yin la// 'gro bas byas pa ma yin te// ye nas sangs rgyas chen po'o// de bzhin nyid de 'dus ma byas// rang byung yin te kun ngo bo// med pa ma yin med pa yod// yod pa min te dngos yod min// bya med bya dang rnam par bral// lhun grub bde ba'i ngang du gnas// de bzhin gshegs zhes mi rtog kyang // bzhag tu med pa'i ngang la bzhag/ de yang rnal 'byor rgyud rnams dang // bla ma'i kha nas shes par bya// bla ma sangs rgyas kun dang mnyam// dam pa 'di nyid gang bsgrub pa// bla ma mnyes na grub pa'i mchog/ thog mar bla ma mnyes byas te// dbang bskur gnang ba thob pa dang // sku gsung thugs kyi gsang ba rnams// ldan par byas te sngags bsgrub pa'o// shin tu dben pa'i ri dgon dang // rnam pa'i mchog rnams ldan pa dang // rnam pa sna

  41. 21b

    tshogs chu klung dang // dgra yi 'tshe ba med pa yis// nyams dga'i gnas su bsam gtan bya// shin tu sbyangs shing goms gyur pas// de tshe nyin mtshan dgu yis ni// byang chub thob par gdon mi za// kun tu 'od kyi sa la gnas// de bzhin gshegs pa thams cad kyi rang bzhin/ nam mkha' che rgyas pa'i rgyud las/ phra mo'i rnal 'byor bstan pa'i le'u ste drug pa'o// // de nas bcom ldan 'das de bzhin gshegs pa thams cad kyi bdag po de yang shin tu sbyor ba'i ting nge 'dzin la snyoms par zhugs te/ bsgrub pa'i thabs ni thig le'i rnal 'byor du bya ba 'di gsungs so// ri rtse nyams ni dga' ba dang // shin tu gsang ba'i brag phug tu// bde ba'i stan la 'dug nas ni// gsang ba dam pa 'di bsgom mo// gsang ba dbyings kyi dbus dag tu// gzhal yas brtsegs pa bsgoms nas ni// rang gi dkyil 'khor bsgom par bya// yan lag bzhi dang rab ldan zhing // dkyil 'khor bzhi ni bskyed bya ste// tsakra bzhi dang gang sbyor bas// phyag rgya bzhi po rnam par bsgom// de nyid gsum dang rab ldan de// shes rab ma yi rjes 'brang nas// sbyor ba'i cho ga mkhas pas bslab// sbyor ba'i cho ga las byung ba'i// yang dag dri med dbus su blta// shin tu phra ba'i dam tshig ste// mi gsal gsal ba'i dam tshig can// dkyil 'khor kun gyi bdag

  42. 22a

    nyid yin// yon tan kun gyi gter gyur te// mchog tu gyur pa 'grub par shog/ gsang ba dbyings kyi dbus dag tu// bskyed pa'ang rdzogs pa gang 'dod pas// rang gi dkyil 'khor rnams bsgoms te// thugs ka'i gsung gi phyag rgya las// rdo rje kyo ba mang 'phros te// ye shes 'khor lo rab bskul nas// mchod rten rtse mor gsung du 'gyur// rdo rje lam byung yum gyi mkha'// chos sku byang chub sems su gnas// de nyid bzung bas gsung dang ni// rin chen 'dzin pa zhes bya'o// bzung ba rdo rje 'dzin pa ste// de la rtog dang dpyod pa dang // dga' dang de bzhin bde ba dang // rtse gcig pa ni rnam ldan pa'o// rin chen rgyun gyi shes pa ni// mi rtog pa yi shes pa ni// mos las byung ba'i mi dmigs pa'o// shes rab dbang dang rnam ldan pas// shes par gyur pa ye shes so// don dam mthong bar 'dod pa na// 'di la mthong ba de mi mthong // 'di yis ye shes pa bskyed de// de yi don dam rnam par mthong // de nas bcom ldan 'das de bzhin gshegs pa thams cad kyi bdag pos/ de bzhin gshegs pa thams cad la yang thabs 'di lta bu gsungs so// nam mkha' dbyings nas byung ba yi// rin chen kha dog sna lnga pa// yungs kar phra mo'i 'bru tsam ste// phyi nang gsum gyi sna rtser ni// rnal 'byor can gyis rtag tu bsgom// rang

  43. 22b

    snang ba yi ting 'dzin te// gzugs brnyan sgyu ma sgra snyan dang // smig rgyu la sogs rnam pa can// snang dang mi snang dbyer med de// yod dang med dang dbyer med pa'o// snang du 'dra yang tha dad ste// don dang rtags la sogs pa rnams// rnam pa tha dad gnyis su snang // yang dag yang dag ma yin pas// bsam pa'i dbang gi der 'gyur ro// de ni de bzhin gshegs pa yi// brda zhes rnam par bstan pa yin// gang zhig rtse gcig ma gyur pas// mtha' ru ma skyes ting 'dzin bsgom// dngos po 'di rnams ma skyes pas// chos dang chos nyid med pa ste// nam mkha' lta bur bdag med pas// ye nas stong pa'i rang bzhin no// stong pa'i rang bzhin mtshan ma med// de nas smon pa nges 'brel lo// rnam par thar pa gsum dang ldan// chags med bzhi yi lam nas 'jug/ stong pa nyid du rnam rig na// rang byung ye shes ngang gis 'char// 'bras bu kun tu 'od sa thob// yon tan nam mkha'i mtha' dang mnyam// che ba'i che ba zab mo yin// yon tan cir yang bsngags pa med// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos nyid la// rang don chen po'i nam mkha' 'byung // kun tu 'od kyi sa thob nas// zhing khams rgya dang bral ba yi// dkyil 'khor thams cad 'bar bas snang // dkyil 'khor de dag thams

  44. 23a

    cad kyang // reg cing gzung du med pa las// 'ja' tshon lta bur kun tu snang // sna tshogs yon tan brjod mi langs// mi zad rgyan gyi 'khor lo'o// de bzhin gshegs pa thams cad kyi rang bzhin// nam mkha' che rgyas pa'i rgyud las/ thig le'i rnal 'byor bstan pa'i le'u ste bdun pa'o// // de nas bcom ldan 'das de bzhin gshegs pa thams cad kyi bdag pos/ shin tu rnal 'byor gyi don 'di lta bu gsungs so// ye nas rnam par grol ba'i lam// lhun gyis gnas pa'i bde chen te// dge dang sdig las rnam par grol// sangs rgyas byang chub snying po 'di// lhag ma med pas yongs su rdzogs// 'gyur ba ma yin drang por gnas// dpag cing mtshon du med pa'i phyir// byang chub nyid las byang chub med// gang la bsod nams sdig med na// de la byang chub rab tu gsungs// e ma ho shin tu ngo mtshar che'o// gzugs med gzugs sku 'byung ba rmad// 'di ma mthong bar gzhan mi mthong // snying po 'di la ma lus rdzogs// de phyir rdzogs chen zhes bya ste// rang byung ye shes btsal med pas// grol nas grol ba'i lam yang med// nyon mongs pa nyid byang chub lam// cir yang mi dmigs gti mug ste// ma rig pa nyid ye shes gsal// rig pa'i ye shes gang ldan pas// yi ge med pa'i don la blta// snang med don la dpag mi

  45. 23b

    langs// snang med snying po mchog gi sku// 'bras bu kun gyi lam gyur pa// ston pa rdo rje kun gyi thugs// mtshon du med pas rgyal ba'i lam// byar med sgros spangs thig le la// mi rtog btang snyoms mnyam par bzhag/ snang ba med pa'i chos nyid la// ma btsal bzhag na bsgom pa yin// gzhan la bstan du med pa'i phyir// rang rig rang byung rang zhir bzhag/ mi chags mi rtog mi gnas pas// ting 'dzin ro la chags mi bya// dngos med ming yang med pas na// yi ges bstan cing mtshon du med// stong nyid spros med gzhi gnas la// 'du shes med par mnyam bzhag la// zhi gnas lhag mthong 'brel ba'o// mos pa spyod pa'i sa la gnas// mi rtog pa yi shes rab ste// bslab pa gsum dang rnam ldan pa'o// zag pa med pa'i phung por ldan// chos kyi dbyings kyi rang bzhin ni// mtshon cing dpag tu med pa ste// gsang ba dam pa 'di lta/ bus// mnyam par bzhag ste bsgrub par bya// rang bzhin nyid ni nam mkha' ste// kun gyi rjes su song ba'o// de ni rdo rje'i sku mchog ste// sems dpa' nyid kyang nam mkha'o// nam mkha' nam mkha' las byung bas// nam mkha' rtogs pa skye med cing // nam mkha' 'di ni nam mkha' bsgom// spyi dang 'jig rten nam mkha' dang // nang dang phyi yi nam mkha' dang // lus dang shes pa'i nam mkha'o// nam mkha' nyid ni

  46. 24a

    nam mkhar bsgom// 'bras bu nam mkha' chen po 'byung // rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// ma skyes mi 'gags cir mi dgongs// de bzhin gshegs pa thams cad la// dam pa 'di las gzhan mi mnga'// 'das dang da ltar byung ba kun// 'di nyid brnyes nas lhun gyis grub// thabs dang rnam par bral ba ni// nan gyis mkha' la mdud pa dor// zhes brjod do// de nas yang bcom ldan 'das dgyes pa chen po des// mi rtog pa'i ting nge 'dzin la snyoms par zhugs te yang thabs zab mo 'di gsungs so// dngos po med par bsgom byas la// de bzhin gshegs pa kun gyi thugs// ngo bo sems kyi rang bzhin te// dngos po gang yang yod ma yin// sems dang sems las byung ba rnams// nam mkha' nyid de rang bzhin med// kun la khyab pas kun tu 'od// sems las sems kyis rab tu bsgom// bltas pas mthong ba med pa ni// de nyid mthong ba chen po ste// shes byed dam par gyur pa'o// sems nyid rtogs pa'i sangs rgyas te// sangs rgyas gzhan du ma tshol cig/ sangs rgyas gzhan nas btsal ba ni// mar 'dod chu la bsrub pa 'dra// de bzhin gshegs pa thams cad la// gsang ba dam pa 'di med par// gang zhig lam gzhan 'jug pa de// bskal pa dag ni

  47. 24b

    stong du yang // sngags kyi 'bras bu mi thob bo// dbang dang dam tshig ldan pa la// thabs mkhas snying rje rab ldan pas// yid gnyis the tshom med pa na// nges par legs pa'i dgos pa 'grub// 'di la mi bya ci yang med// mi bza' ba ni yang med do// smra bar mi bya cung zad med// bdud rtsi lnga dang sha lnga dang // bza' btung thams cad ris med bya// dbang po g.yo ba nang du sbyar// mnyam par bzhag pa brtul nas su// lus sems khong klod gyi nar bzhag/ lus sems tshad mar gang 'jog pa// de la 'dzin pa'i phur pa dam// dngos grub mchog tu gyur pa'o// de nas bcom ldan 'das dgyes pa chen po des/ nyid la nyid ched du brjod pa 'di ched du brjod do// dngos po'i rang bzhin skye med cing // stong pa nyid kyi rang bzhin las// gzhi rtsa med dbyings skad cig ma// 'khor ba la sogs 'bras bu rnams// skad cig las ni byed gyur te// rten cing 'brel bar 'byung ba'o// skad cig rgyu 'bras med pa'i dbyings// de mos rgyun du chad mi bya// de bas de bzhin nyid min bzhag/ gal te de bzhin de la sgrib// de ni snying po de bas med// de las de byung ngo mtshar che// 'khor ba dang ni mya ngan 'das// skad cig ma la rten 'byung ste// nus pa skyes pa gdon mi za// rtog pa'i rgyun ni ji snyed pa// skad cig mas ni byed gyur te// rgyu 'bras rnam pa zhi ba

  48. 25a

    ni// nges bsgom yin te mchog gi sa// snga ma'i rgyu ni 'gags pa la// phyi ma'i stobs ni chud byed pa// skad cig ma la brtag par bya// 'di ni rgyal ba thams cad kyi// thabs kyi mchog tu gsungs pa ste// bsgom las byung ba'i shes rab ldan// rnal 'byor can gyis rtag tu bsgom// de dang de yi khyad par las// nam mkha'i dngos grub chen po thob// sku dang gsung dang thugs kyi mchog/ yon tan mi zad thob par byed// de nyid sangs rgyas kun dang mnyam// sangs rgyas byang chub sems dpa' yis// sras dang spun du dgongs par 'gyur// zhing khams dkyil 'khor thams cad ni// zad mi shes pa'i gter du 'gyur// de bzhin gshegs pa thams cad kyi rang bzhin/ nam mkha' che rgyas pa'i rgyud las/ shin tu rnal 'byor gyi le'u ste brgyad pa'o// // de nas bcom ldan 'das dgyes pa chen po de/ seng ge rnam par bsgyings pa zhes bya ba'i ting nge 'dzin la snyoms par zhugs te/ shin tu rnal 'byor gyi thabs 'di gsungs so// dngos po med par dngos por grags// dngos rnams nyid na dngos med pa'o// e ma'o kun tu bzang po yi// rdo rje'i gsung dang sku dang thugs// skye ba med pa'i tshul gyis su// skye ba 'di ni rab tu bsgrags// oM shun+ya tA dz+nyA na badz+ra swa b+hA wa At+ma ko&haM/ phung po khams dang skye mched dang // gang zhig g.yo dang

  49. 25b

    mi g.yo ba// dkyil 'khor kun tu bzang po'i zhing // mi zad rgyan gyi 'khor lo ldan// zad par bya ba'i don du ni// gsang sngags 'di ni brjod par bya// oM d+harma d+hA tu swa b+hA wa At+ma ko&haM/ gru bzhi pa la sgo bzhi pa// lte ba rtsibs su bcas pa la// dkyil 'khor 'bar ba bsgom par bya// rgyun du dkyil 'khor ma lus bsgom// sku gsung thugs ldan gzugs kyang dgod// yan lag bzhi dang rab ldan pas// gsang ba'i pad+mar me tog rlan// byang chub sems ni 'byung ba'i tshe// mkhas pas sngags ni phaT ces brjod// oM a ka ro mu khaM sarba d+harmA NAM/ Ad+ya nut+pan+na tA ta oM AHhUM phaT swA hA/ sngags de rnams ni gsung ma thag/ snang ba'i dngos po kun 'gags nas// tha mar nyams su myang ba med// chos rnams gang yang mthong ba med// btsal ba med pas byang chub che// de nyid dngos grub mchog gi sa// thams cad lta bas rgyas btab pas// spyod pas ci la yang chags pa med pa'o// blta ba dang ni spyod pa dang // gnyis su med par byas te bsgrub// thams cad zil gyis gnon pa yi// ngo bo nyid kyi rang bzhin gyis// thams cad ma lus phyag rgyas btab// ngo bo nyid kyi rang bzhin la// dmigs su rdul phra med pas na// de dmigs shes pa'ang yod mi rung // rang bzhin rang bzhin med pa la// rang bzhin med par yongs su bsgom// rang bzhin med/

  50. 26a

    pa'i rgyu nyid las// 'bras bu rang bzhin med pa 'byung // spros pa nye bar zhi ba de// gsang ba dam pa 'di yis bsgrub// de ma thag tu ye shes 'gyur// dbyings dang ye shes gnyis med na// chos sku bde ba chen por 'gyur// de nas bcom 'das de bzhin gshegs pa dgyes pa chen po des// dam pa'i don sgrub pa'i thabs/ gsang ba chen po 'di gsungs so// kun la khyab pa'i rang bzhin ni// tha dad du ma med pa ste// cir yang dmigs su med pa'o// shes rab thabs kyi phyag rgyar ldan// bdag gi de nyid rigs kyi ni// rlung gi rim pa yang dag 'jug/ sbyor ba'i yan lag bzhi dang ldan// mtshams kyi 'od zer lcags kyu yis// rgyal ba'i tshogs rnams spyan drangs gyur// chos kyi dbyings su zhu mdzad do// zhu bas myos nas mi rtog bde// 'khor ba mya ngan 'das pa yis// mtha' ni gang la'ang mi gnas so// shes rab ye shes dbang che ste// shes rab ces pa mya ngan 'das// ye shes zhes pas 'khor ba gsungs// dga' dang gzhan dga' dpa' bo dga'// dga' ba 'dus pa'i bdag nyid can// dga' ba yang dag las byung ba'i// mi rtog bde dang ldan pa'o// stong pa shin tu stong pa ste// dngos med stong pa chen po la// dngos dang dngos med gnyis ka med// stong pa'i rang bzhin mtshan ma med// de yi phyir na stong pa min// mi stong pa

  51. 26b

    yang ma yin te// mtha' dbus gang yang ma yin pa'o// mtshan nyid med pa'i phyag rgya dang // ldan pas yon tan bskyed par byed// gsang ba'i pad+ma las byung ba'i// me tog nyi zlar bcas pa las// dbyibs dang kha dog ldan pa yi// phyag rgya chen po rdzogs pa la// lhun grub bde ba'i ngang gnas na// ci la'ang thogs pa med par spyad// rang bzhin grub pa med pas na// chos rnams gang yang grub pa med// kun tu bzang mo'i b+ha ga la// kun tu bzang po rol pa yis// sgyu ma lhun grub yum la rol// blun po rtog ge'i shes pa ni// yod dang med pa'i chos la spyod// de yis rnam par mi grol te// 'dod pa dngos su spyod pa yin// de bzhin gshegs pa thams cad kyi rang bzhin/ nam mkha' che rgyas pa'i rgyud las/ shin tu rnal 'byor dam pa bstan pa'i le'u ste dgu pa'o// // de nas bcom ldan 'das de bzhin gshegs pa thams cad kyi bdag po dgyes pa chen po des/ rdo rje lta bu'i ting nge 'dzin la snyoms par zhugs te/ gsang ba'i don 'di lta bu rdo rje'i tshig tu gsungs so// brjod du med pa'i bdag nyid chos// yi ge tha snyad rnam par dag/ ming dang tshig las 'das pa yi// de kho na nyid shes par bya// de kho na nyid sgrub pa'i thabs// thos bsam bsgom la rab sbyangs pas// mnyam pa'i don la dmigs par bya// yang dag mthong nas rnam par

  52. 27a

    grol// kun rdzob sems bskyed tshad med bzhi// rnal 'byor pa yis bsgom par bya// nyan thos byang chub sems dpa' dang // bla na med pa'i theg pa yi// tshad med bzhi po za dad 'gyur// bla med theg pa'i tshad med dag/ don la dmigs pa zhes bya ste// btang snyoms chen por bsgom par bya// yod dang med pa dbyer med cing // chags sdang gnyis dang bral ba yi// dbu ma chen po bsgom par bya// bla med don la gnas bcas pa// nyon mongs las rnams kun spyad kyang // byas pa mi sogs tshogs gyur te// phyi nang snod bcud rnam par dag/ gang la'ang chags dang ma chags med// btang snyoms chen po'i ngang gnas na// yul gyis mos skrag mi 'byung zhing // mnyam nyid mi 'phrog bya dang bral// bsgoms pas mi rnyed 'grub mi 'gyur// de phyir gsang ba 'di bsgom mo// rnam gsum po yang bdud kyi las// 'khor ba nyid kyi rang bzhin las// don dam btsal bas rnyed mi 'gyur// drug gis yang dag don mi mthong // shes rab thabs su gang 'brel pa// yod med dbu ma mi dmigs shing // mnyam bzhag btang snyoms chen por bsgom// zhes brjod nas dngos po thams cad sgyu ma dang 'dra bar gzigs te/ gzugs stong pa'o// stong pa nyid kyang gzugs so// gzugs las stong pa nyid gzhan ma yin no// stong pa nyid las kyang gzugs

  53. 27b

    gzhan ma yin no// de bzhin du phung po dang / khams dang / skye mched la sogs pa rnams kyang rang bzhin gyis stong pa'o// za mi dad pa'o// dbyer med pa'o// dben pa'o// zhi ba'o// spros pa dang bral ba'o// de lta bas na/ chos thams cad ni sems su gnas so// sems ni nam mkha' la gnas so// nam mkha' ci la'ang mi gnas so// zhes gsungs so// spros pa nye bar zhi ba'o// chos kyi dbyings kyis kun tu khyab// tha da du ma med pa nas// kun tu khyab pa'i spyi nyid do// sems nyid ye shes gzugs bsgyur ba// thabs kyi rim pa 'byung 'gyur te// thabs las thabs byung thabs bsam yas// 'brel pa bdun gyi rim pa yi// sku dang ye shes rdzogs par 'gyur// thabs la brten pa'i ting nge 'dzin// de lta bu yi ngang du 'byung // don dam bla med bsgrub pa'i thabs// srog dang rtsol ba zhes bya ste// dbugs dgag btang ba ces su bshad// dga' ba dang ni gtong ba dang // gnyis ka gnyis ka ma yin par// brtags pa rnam pa gsum zhes bya// phyi rol rtsol ba'i dus su ni// phyi yi nam mkha' bstim pa ste// srog gi nang ni dus su ni// gzhi rlung nyid la thim par bya// gzhi rlung de nyid nam mkha' ni// dbyings kyi dbang phyug ces bya ste// rnam pa bcu pa'i rgyud yin no// de ni dbang phyug lnga nyid de// phyi rol g.yo ba rnam pa kun// dbugs nyid la ni nges

  54. 28a

    sbyar te// rten dang brten pa'i bdag nyid pas// rta dang rgyal po'i tshul du gnas// thams cad g.yo ba rlung du sbyar// rlung nyid phyi nang mkha' la thim// de nyid rdo rje sems dpa' ste// nam mkha' la ni nam mkha' bsgom// nam mkha' nyid la nyid spyod de// gzhan du bya ba ci yang med// mkha' la rlung byung na bun tshul// byung yang nam mkha' las byung ste// mthar yang nam mkha' nyid la thim// gnyis dang drug la sogs pa yi// rnam pa tha dad du ma yang // srog dang rtsol ba nyid du 'dus// rlung gi rgyu 'phrul gzhi la bstim// langs nas mkha' rlung nyid la rtog/ brtags pas dngos po med mthong ba// de nyid yang dag mthong ba yin// de nas ston pa kun mkhyen gyis// rdo rje'i gsung du bka' stsal pa// don gyi rang bzhin ngo bo zhig/ dngos po'i dbang gi chos dbyings te// sems can bsam pa'i dbang gis na// chos kyi dbyings dang zhi gnas dang // ye shes shes rab rnam bzhir snang // dngos po'i dbang gis kun tu 'ong // bsam pas tha dad du mar snang // rnam grangs don dam zhes bya ste// rim pa rim pas 'jug pa'o// shin tu rnal 'byor 'di nyid ni// gzhan la brten pa ma yin pas// lam gyi nang na nye lam ste// thabs kyi mchog tu gyur pas na// cig char 'jug pa zhes bya'o// ye nas gnas pa'i de bzhin nyid// ye sangs rgyas pa

  55. 28b

    zhes bya ste// chos rnams ma lus dbyings su rdzogs// thams cad kun 'dus rnam par dag/ yod med dbu ma mi dmigs shing // mi 'gyur mi shigs rdo rje ste// yangs la rgya che kun tu bzang // 'gyur ba ma yin kun tu bzang // 'gyur ba ma yin drang por gnas// rnal 'byor blta bar shes par bya// bar du bsgom pa'i thabs gsungs pa// ting nge 'dzin dang spyod pa'o// ting nge 'dzin zhes bya ba ni// gsang ba'i don la 'jug pa ste// spyod pa dngos su gsungs pa ni// ma dang bu mo sring mo sogs// rtag tu sems ni sbyar bar bya// glang chen sha dang sha chen dang // rta sha khyi sha ba glang sha// byang chub sems la sogs pa rnams// bza' zhing spyad par bya ba ste// 'di la mi bya ci yang med// thabs la brten par gyur pa dang // mi bza' ba yang ci yang med// thams cad blta bas gnyis med cing // ting nge 'dzin la gnas gyur na// mi spyad pa ni gang yang med// thabs la brten par gyur pa dang // tha mar sems ni bcos dgos so// de bzhin gshegs pa thams cad kyi rang bzhin/ nam mkha' che rgyas pa'i rgyud las/ zab mo'i thabs bstan pa'i le'u ste bcu pa'o// // de nas bcom ldan 'das de bzhin gshegs pa thams cad kyi bdag nyid dgyes pa chen po des/ ma 'ongs pa'i rnal 'byor pa shes rab kyis rgyags pa rnams dang /

  56. 29a

    tshul bzhin du dbang bskur ba'i sgrub pa po rnams kyi don du/ gsang ba dang / gsang chen dang / ye shes snying po gsum rdzogs par byas te/ zab mo'i thabs 'di gsungs so// rang bzhin gnas pa'i de bzhin nyid// ye nas gnas pa'i chos nyid de// sa la mi bgrod sbrang du med// lhun rdzogs rang byung gcig pur gnas// dpa' bo dngos po thams cad zad// stong pa nyid kyi rang bzhin las// ting nge 'dzin du mnyam bzhag pas// lus kyi chos kyi rang bzhin la// klad pa dang ni klad rgyas dang // skra dang spu dang sen mo dang // sha dang pags pa tshil bu dang // rgyu ma gnye ma la sogs pa// mi gtsang ba yi rang bzhin can// bltas pas dngos po med mthong ste// sgyu ma mig yor tshul shes shing // bden pa nyid du ma mthong ste// de nyid yang dag mthong ba yin// mi rtog shes rab gang skye ba// gsang ba'i don la zhugs pa yin// ngag gi chos su snang ba kun// ji snyed sgra dang tha snyad dang // yi ge skad dang brda' la sogs// gdags bya dang ni 'dogs byed dang // gdags pa'i tshig la sogs pa yi// dngos po gang yang ma rnyed de// 'ga' yang mthong ba med pa ni// de nyid mthong ba chen po yin// tshig la mi rtog shes rab skye// dngos po med par grags pa yin// sems kyi chos su gang gsungs pa// sems dang sems las byung ba

  57. 29b

    yi// dran dang rtog pa la sogs pa// brtags pa dngos po med mthong ba// zag pa med pa'i shes rab ste// ye shes myu gu skyed pa'o// lam lnga rdzogs pa'i rim pa la// stong nyid ye shes chen po ste// pad+ma'i spyan du rnam par grags// shin tu sbyor ba nges mthong bas// chos sku bde ba chen po thob// de nas dgyes pa chen pos 'di skad gsungs so// phyogs bcu na bzhugs pa'i dus gsum du gshegs pa'i rgyal ba thugs rje ro gcig pa rnams kyang zab mo'i thabs 'di blta bar 'tshal lo// 'das pa dang da lta dang ma 'ongs pa'i sangs rgyas rnams kyang / thabs zab mo 'dis mngon par 'tshang rgya'o// rigs kyi bu rnams kyis kyang tshul 'di bzhin du yid la bya'o// lta ba ngan pa'i 'du shes ma skyed cig/ shes rab 'chal ba la sogs par gyur ta re/ de ci'i phyir zhe na// de bzhin gshegs pa'i dgongs pa ni nam mkha' dang mnyam mo// zla med do// gzhan gyis mi dpog pa'o// mi mnyam pa dang mnyam pa'o// chos nyid dang bral ba'o// de bas na nam mkha' ni thams cad kyi rjes su song ba'o// de bzhin du chos rnams kyi chos nyid kyang thams cad kyi rjes su song ba ste kun la khyab pa'o// sangs rgyas kyi bdag nyid dang / de bzhin nyid de mthong ba ni sangs rgyas so// nga'o nga dang 'dra ba nyid do// gya nom pa'o// bla na med pa'o// de nas sangs rgyas pa'i

  58. 30a

    bdag nyid chen po sgrub pa 'di gsungs so// rigs kyi bu'am rigs kyi bu mo gang la la rdzogs pa chen po slob par 'dod pas/ shin tu rnal 'byor gyi don 'di bsgom par bya'o// de bas na chos thams cad kyis rang mi shes te/ gzugs kyis gzugs mi shes so// sgra yis sgra mi shes so// de bzhin du phung po dang khams dang skye mched la sogs pa thams cad rang rang gi ngo bo la blta bar bya'o// de nyid mthong ba ni ma rig pa'i sgrib pa bral ba ste/ brtags pa'i tshig mi skye ba'o// bden pa mthong ba'o// byang chub sems dpa'i sa la gnas pa'o// de nyid ma mthong ba'i tshul gyis mthong ba ni sangs rgyas kyi sa la gnas pa'o// bde bar gshegs pa'o// mi gnas pa'i mya ngan las 'das pa'o// de nas de bzhin gshegs pa thams cad kyang rab tu dga' ba'i spyan rgyas pas gzigs mos mnyes par gyur to// de nas bdag nyid chen pos/ de bzhin gshegs pa de dag dang / byang chub sems dpa' thams cad la 'di skad ces bka' stsal to// g.yo dang mi g.yo'i rnam pa kun// chos kyi dbyings kyi rang bzhin te// srid dang zhi bar dbyer med phyir// thams cad nam mkha'i rang bzhin no// dang po gnas khang nyams dga' bar// yo byad lnga ni rdzogs par ldan// 'du 'dzi thams cad spangs nas su// lus kyi bca' ba rnam ldan bya// lus

  59. 30b

    ngag lteng ka bzhin gnas na// sems kyang lteng chu bzhin du gnas// gzugs la sogs pa'i dngos po rnams// rang bzhin gyis ni stong pa ste// dngos po'i mtha' ni med shes na// gang yang rang bzhin med brtags na// thams cad chos nyid phyag rgya yi// blta ba'i rgyas ni btab byas la// de nas bzhi yi snying po bsgom// spyod pas gang yang thogs med cing // ting nge 'dzin du mnyam bzhag na// mchog gi dngos grub thob par 'gyur// sems la dmigs par bdag med par// sal le sang nge bsam bya ba// rang bzhin gyis ni 'od gsal te// stong pa nyid kyi bdag nyid do// 'jig rten pa yi lam du ni// rjes su dpog/ pa'i shes pa ste// shes pa gsum po gyur pa ni// bsam med dran med sgyu ma'ang med// ting 'dzin tshul khrims shes rab po// de nyid myos pa spyod pa'i sa// sa yi rim pa tha dad de// sa rnams yongs su bkod pa yang // stong nyid ye shes bskyed pa ste// ting nge 'dzin gyi rim pa yang // ting nge 'dzin gyi khyad par las// sa na sar 'phar mngon byang chub// de dang de yi rim pa yis// kun tu brtags pa'i ma rig dang // lhan cig skyes pa'i ma rig pa// sgrib pa gnyis ni zhes bya ste// byang nas tshogs gnyis rdzogs pa yi// sku lnga ye shes rnam ldan pa// da lta nyid du thob par 'gyur// yon tan rnam par 'phel ba yin// de bzhin gshegs

  60. 31a

    pa thams cad kyi rang bzhin/ nam mkha' che rgyas pa'i rgyud las/ zab mo'i man ngag gi le'u ste bcu gcig pa'o// // de nas bcom ldan 'das de bzhin gshegs pa thams cad kyi bdag po la/ de bzhin gshegs pa thams cad kyis 'di skad ces gsol to// e ma ho sangs rgyas thams cad kyi// byang chub sems ni gang yin pa// don dam ci yang med pa las// kun rdzob dag tu bshad par bya// zhes brjod pas de bzhin nyid kyi don la rol cing dgyes te// dgyes pa chen pos 'di skad ces bka' stsal to// kha cig kun gyi rang bzhin zhi ba la// phyogs su bltas pas grub med de// rang bzhin gyis ni rtogs pa dang // gnyen po'am yang na gtan tshigs kyis// shin tu zhib par brtag bya'o// de nas de bzhin gshegs pa'i bdag pos// gtan tshigs kyi sgo nas bsgrub pa/ dbu ma'i brtags pa 'di lta bu gsungs so// kha cig g.yo dang mi g.yo kun// dam pa nyid du rang bzhin med// rang bzhin med las cir yang smon// bdag dang gzhan du gnyis ka med// rgyu med pa las skye bral phyir// nam mkha'i me tog ji bzhin no// nam yang skye bar mi 'gyur ro// gang zhig rdzogs chen 'dod pa yis// ting nge 'dzin tu mnyam gzhag nas// spyod pa ma rabs ldan pa las// gsang ba'i don nyid bsgom par bya// langs nas phyi rol

  61. 31b

    yul las 'das// 'khor lo nyid du shes par bya// don dam kun rdzob sems bskyed nas// mtshan med mtshan ma rnams bsgoms pas// chos kyi sku dang gzugs sku 'grub// zhi dang thugs rjer 'brel ba'o// yang na gcig dang du ma yi// rang bzhin med de gzugs brnyan bzhin// dngos po gang dang gang la yang // mtshan ma yod pa ma yin no// rang bzhin rang bzhin med mthong ba// ngo bo nyid du gnas pa yin// mu bzhi skye ba rnam bral phyir// rang bzhin med de skye med blta// drang por 'dug la yang dag ltos// yang dag mthong na rnam par grol// rten cing 'brel ba gang byung ba// rang bzhin med pas gzugs brnyan 'dra// sngon dang phyi ma'i mtha' spangs te// 'gro ba sgyu ma bzhin du snang // ngo bo nyid kyis ma skyes pas// skye dang 'gag pa mi 'gyur te// mthong ba'i chos nyid de bzhin gshegs// rten cing 'brel ba de bzhin gshegs// rten cing 'brel ba zab mo'i don// dam pa'i don du bsgom par bya// srid gsum rang bzhin med mthong na// khams gsum 'gro rnams dbang du gyur// gsang ba zab mo'i don nyid la// 'dzin pa med par med pa yi// yod pa med par shes 'dug na// da lta nyid du sa gsum rdzogs// bya med bya dang rnam par bral// khams gsum las 'das rin po che// yon tan thams cad 'byung ba'i

  62. 32a

    gnas// zad mi shes pa'i gter du 'gyur// mi rtog gsang ba kun 'dus phyir// rtog pa thams cad dgag pa yin// gzung dang 'dzin pa las byung ste// phra rgyas thams cad gang yin pa// lhun gyis gnas pas bkag pa yin// 'di ni i dang mdzes pa'i sa// ta las yan lag spros pa bzhin// 'jig rten yongs kyi spyod yul las// sangs rgyas gsung gi zab mo 'byung // srog dang rtsol ba las byung ba'i// spro dang bsdu ba de bzhin te// dbugs ni phra mo nyid du bya// de nas ma skyes ting 'dzin bsgom// kun gyis bgrod pa'i lam rgan phyir// cig char 'jug pa'i don nyid pas// gzhan du 'jug par mi bya'o// de nas byang chub sems dpa' la sogs pa theg pa gzhan rnams ngo mtshar du gyur rmad du gyur te dus rab tu ngus so// de nas de bzhin gshegs pa thams cad kyi bdag pos/ byang chub sems dpa' la sogs pa de dag la 'di skad ces bka' stsal to// shin tu rnal 'byor gyi don 'di ni/ nam mkha' dang mnyam pa ste/ sangs rgyas kyi spyod yul/ nyan thos la sogs pa dang thun mong ma lags pa/ mchog tu gsang ba nyid pas/ khyed rnams kyang ma skrag ma dngangs dang ngas par ma byed cig/ spyod yul 'di las 'da' bar dka'o// de bzhin nyid kun la gnas su zin kyang / shes rab dang snying rjer mi ldan cing skal ba med pa

  63. 32b

    rnams 'jug par ma byed cig/ de ni nyams par 'gyur te/ zab mo'i don mi rtog cing gnas med pa yin te/ dper na de byi su dra bzhin no// de bas na rigs gang yin pa mtshan las yongs su bzung ngo // zhes brjod pas thams cad rang rang gi gnas ga la bar 'khod par gyur to// de nas thams cad kyi bdag pos/ shin tu rnal 'byor gyi don du rtsol ba dang bral ba'i thabs 'di gsungs so// thams cad blta bas bkab nas su// snying rje'i mthu las byung ba yi// byang chub sems ldan gsang sngags pas// snang ba dgag pa ma yin te// dbang po spyod yul yan par bzhag/ bltas pas ma mthong cir yang med// dngos kun sgyu mar 'dra shes nas// ma mthong mthong ba'i rnam pa can// bya bral lhun grub ji bzhin gnas// rang byung kun ngam lhun gyis grub// ji bzhin pa zhes mi rtog kyang // rnam par snang mdzad kun tu bzang // rnam rtog nyid du kun 'dus phyir// tshor ba bsgom pa ci zhig nad// zin pas rtsol ba'i nad spangs te// lhun gyis gnas pas bzhag pa yin// bsgom pa rtsol ba'i nad yin te// rtsol sems bde ba rang las byung // snang ba med pa'i chos nyid ni// btsal ba med pa'i btsal bas 'grub// phyi nang g.yo dang mi g.yo kun// byang chub snying po nyid yin pas// btsal ba'i bsam pas dbyings mi bskyod// ma btsal bzhag na

  64. 33a

    bsgom pa yin// de dang de ru rnam btsal nas// de las de bzhin don mi 'byung // de ni snying po de bas na// de las de 'byung ngo mtshar che// phung po lnga nyid sangs rgyas gtso// 'byung ba lnga nyid rigs kyi yum// dbang po yul dus rig pa rnams// byang chub sems dang khro bo'i tshogs// nyon mongs lnga po byang chub lam// thams cad kun tu bzang po'i zhing // sangs rgyas nyid las gzhan ma yin// dam pa nyid du btsal med de// kun rdzob tu yang btsal med de// dam pa'i don la gang 'jug pas// gsang ba AHyi don nyid las// gsang ba au nyid dmigs pa na// gdams ngag nges pa zab mo yis// btsal ba med pa'i btsal ba dang // mi bsgom pa yi bsgom pa dang // mi gnas pa yi tshul du gnas// mnyam gzhag med pa'i tshul gyi ni// rtag par nyid du mnyam par gzhag/ dge dang mi dge gnyis med de// byang chub nam mkha'i mtshan nyid do// byang chub btsal bas rnyed min te// byang chub 'dod la byang chub med// yang dag don gyi snying po 'di// bsgoms pas rnyed par mi 'gyur te// ma bsgoms pas kyang rnyed mi 'gyur// btsal ba med pa'i bsgom pa yis// nyal ba'i 'khor lo nyid du bya// chos rnams ma lus sems kyi ngang // sems de rang bzhin gzhan na bsgom// dngos med byang chub sems kyi ngang // 'dus ma byas

  65. 33b

    pas bde ba'i klong // sems nyid bsam med blo las 'das// ye sangs rgyas pas bsgom du med// drang srong mkhas pa'i rig pa yis// de la ma btsal phab na bsgom// rig pa dbyings la yin pa ni// btsal ba'i nad bral bsgom pa yin// de bas gsang ba dri ma med// yang dag 'od gsal bsgom par bya// 'od gsal zung 'jug gnas gyur na// mtshan ma sna tshogs bag la bsad// A li kA li'i phyag rgya yis// kun tu bzang po'i rol pa 'grub// dngos med dngos la mi gnas shing // dbu ma mi dmigs ming yang med// sems kyi rgyu ba'ang med pas na// thams cad thams cad stong pa'o// de bzhin gshegs pa thams cad kyi rang bzhin/ nam mkha' che rgyas pa'i rgyud las/ zab mo'i man ngag rtsol ba dang bral bar bstan pa'i le'u ste bcu gnyis pa'o// // de nas bcom ldan 'das de bzhin gshegs pa thams cad kyi bdag pos/ bden pa gnyis so sor bstan pa'i ched du de bzhin gshegs pa thams cad la bos nas 'di skad ces bka' stsal to// don dam pa yi ngo bo nyid// tha dad du ma ma yin te// sems can bsam pa'i dbang gis na// thabs kyi rim pa du mar 'gyur// log pa rtog pa'i bdag nyid can// byed pa po la sogs pa yi// rgyud 'dod mtha' ru 'dzin pa dang // lta ba drug cu rtsa gnyis ldan// kun rdzob yin/

  66. 34a

    te don dam min// tshig tu spros bral zhes bya'o// phyi rol don du lta ba gnyis// bdag tu 'dzin pa la sogs pa// kun rdzob yin te don dam min// phung po khams dang skye mched dang // rten cing 'brel pa la sogs pa// yang dag rdzas su 'dod pa de// rdul las grub pa'i mtshan nyid dang // de las de byung chos bdag nyid// don dam pa yi rang bzhin no// gzung dang 'dzin pa rnam spangs pa'i// shes bya nang gi 'dod pa dag/ rdul nyid phyogs chas mi 'grub cing // gcig min du ma ma yin no// kun tu brtags pa'i bdag nyid ni// yang dag min te kun rdzob yin// gzhan gyi dbang gi ngo bo nyid// yongs su grub pa zhes bya ba// don dam bden pa zhes bya'o// stong pa chen po'i rang bzhin ni// chos bdag med par mnyam nyid pas// rang sems gzod nas ma skyes pa// rang bzhin can gyi kun rdzob ste// don dam stong pa nyid yin pas// rang bzhin rang bzhin med pa'o// bya ba dang ni gnyis ka'i rgyud// phyi ro la spyod pa'i bya ba dag/ khrus dang gtsang sgra la sogs pa// kun rdzob yin te don dam min// mtshan ma dag la rten bcas nas// mtshan ma med pa 'grub pa dang // nang gi dag par sbyor ba ni// yang dag bden pa zhes bya'o// rnal 'byor rgyud ni thams cad kun// snang la rang bzhin med pa ste// 'khor lo bdag nyid thams cad

  67. 34b

    kun// kun rdzob yin te 'gog pa yin// don dam bden pa zhes bya ba// gsang ba yin te rang bzhin med// gsang ba'i thig le kun gyi dbyings// de ni sangs rgyas kun gyi dngos// 'di ni sangs rgyas thams cad kyi// gsang ba dam pa dri ma med// yon tan thams cad 'byung ba'i gnas// thams cad rang bzhin med pa'o// shin tu rnal 'byor chen po ni// ting nge 'dzin dang spyod pa dang // thabs kyi rim pa kun rdzob ste// theg pa theg pa zhes bya'o// don dam stong pa nyid yin pas// rang bzhin rang bzhin med pa'o// blta dang ting 'dzin spyod par bral// lam gyi nang na nye lam ste// thabs kyi mchog tu gyur pas na// rdzogs pa chen po zhes bya'o// phyi rol yul las log nas ni// ji bzhin pa yi yul la 'jug/ 'du shes med pa'i shes pa can// nang du 'dul ba'i rtogs med bsgom/ rtsol ba med pa'i sems dpa' yis// btsal ba med pa'i rdo rje bsgom// de bzhin gshegs pa thams cad kyi rang bzhin/ nam mkha' che rgyas pa'i rgyud las/ bden pa gnyis so sor bstan pa'i le'u ste bcu gsum pa'o// // de nas bcom ldan 'das de zhin gshegs pa thams cad kyi bdag pos/ shin tu rnal 'byor gyi don gsang ba bsdus pa 'di gsungs so// dngos po'i rang bzhin thams cad ni// chos kyi dbyings kyi thig le ste// de nyid bsgom pa'i thabs

  68. 35a

    su ni// me shel gzugs brnyan la sogs brtags// brtags pas dngos po med mthong ste// yang dag mthong na rnam par grol// gzugs dang sgra la sogs pa rnams// yang dag min te kun brtags yin// shes rab thabs las thams cad byung // gang zhig dngos med shes rab ste// rang gi mtshan nyid thabs yin no// bde ba'i bsam gtan chen po yin// sgyu ma'i ro la ma chags na// de ni chags pa chen po yin// srog dang ma byin len pa dang // rdzun dang rtsub pa'i ngag las sogs// thams cad ma lus spyad bya ste// sbyar na ye shes thob par 'gyur// sku gsung thugs su gang sgrub pas// phra mo thig le rdzogs par bsgom// de nas grub pa mthong ma thag/ ma skyes pa yi ting 'dzin bsgom// de yang rang bzhin mtshan ma med// gnyis med gnyis su med min zhi// mi 'gyur ba dang dri ma med// nam mkha' lta bur dag med pa'o// de nas bcom ldan 'das de bzhin gshegs pa kun tu bzang pos/ thod rgal gyi ting nge 'dzin la snyoms par zhugs te/ ched du brjod pa 'di brjod do// rigs kyi bu gang la las shin tu rnal 'byor gyi don 'di/ thos pa med pa'i tshul du thos pa dang / mthong ba med pa'i tshul gyis mthong ba la sogs par rtogs shig/ 'di ni de bzhin gshegs pa thams cad kyi gsang ba'i don zab mo yi ge med pa'i

  69. 35b

    rgyud ces bya'o// de'i don ni bla ma'i kha nas shes par bya ste/ dngos grub kyang bla ma la gnas so// de bzhin gshegs pa thams cad kyi rang bzhin/ nam mkha' che rgyas pa'i rgyud las/ shin tu rnal 'byor gyi don bsdus pa'i le'u ste bcu bzhi pa'o// // de nas de bzhin gshegs pa thams cad kyi bdag po la/ 'khor rnams kyis mgrin gcig tu bstod pa/ thams cad sku yi bdag po mchog/ mtshan dang dpe byad rdzogs par ldan// shin tu rnal 'byor don 'chang ba// thams cad sku khyod phyag 'tshal lo// thams cad gsung gi bdag po mchog/ yi ge med pa'i gsung mchog ste// gsang ba zab mo'i don 'chang ba// thams cad gsung khyod phyag 'tshal lo// thams cad thugs kyi bdag po mchog/ ye shes lnga yi bdag nyid can// rdzogs pa chen po'i don 'chang ba// thams cad thugs khyod phyag 'tshal lo// zhes brjod pas de bzhin gshegs pa nyid mnyes par gyur te/ gsang ba'i bdag po phyag na rdo rje la bos nas/ khyed kyis shin tu rnal 'byor gyi don 'di byang chub sems dpa'i rigs can gyi 'gro ba rnams la chos kyi 'khor lo skor cig/ ces gsungs pas/ phyag na rdo rjes bcom ldan 'das kyis gsungs pa bzhin du bgyi'o zhes brjod do// de nas chos kyi rgyal tshab chen por dbang bskur ro// de nas de bzhin gshegs pa thams cad kyi

  70. 36a

    bdag po 'khor dang bcas pa thams cad shin tu rnal 'byor gyi don la zhugs te/ cang mi smra bar gyur to// de bzhin gshegs pa thams cad kyi rang bzhin/ nam mkha' che rgyas pa'i rgyud las// bdag po yongs su mnyes pa dang / yongs su bzung ba'i le'u ste bco lnga pa'o// // de bzhin gshegs pa thams cad kyi rang bzhin/ nam mkha' che rgyas pa zhes bya ste/ man ngag gi snying po zhes bya ba rnal 'byor ma'i rgyud/ rdzogs pa chen po'i yang rdzogs pa/ zab mo'i yang zab mo shin tu rnam 'byor gyi don mthar zug pa'i sa rdzogs so// // rgya gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing gtan la phab/ phyis skad gsar bcad kyis kyang bcos so// // @#// rgya gar skad du/ rat+na tsakra kA Ta tan+t+ra nA ma/ bod skad du/ rin po che 'khor lo brtsegs pa'i rgyud ces bya ba/ bcom ldan 'das bde chen brdal ba'i pho brang rig pa zang thal gyi gzhal yas khang na bzhugs pa'i sku bde ba chen pos nyid la nyid kyi gzigs nas snang ba zag pa dang bral ba zhes bya ba'i ting nge 'dzin la snyoms par zhugs te/ zhugs ma thag tu rang snang dag pa'i bde bar gshegs pa rnams dang stong gsum mi mjed kyi 'jig rten gyi khams mtha' yas mu med pa ma lus pa dang / bdag nyid rang snang gi

  71. 36b

    'khor thams cad dbyer med de/ bdag nyid kyi mtshan nyid las byung zhing de dag thams cad rang nyid yin pa dang / rang gi cho 'phrul las byung ba'i 'khor rol pa'i mtshan nyid don thugs su chud pa'i tshul de yang rang gi chos nyid du shes par bya ba'i phyir rang gi ngo bo la gzigs te/ gsang ba ye shes kyi mthongs bsal te/ ma rig pa'i lcibs phyung nas rig pa'i ye shes kyi bde ba chen po'i don la gsal bar phyung ste/ 'khor ba dang mya ngan las 'das pa'i don ci ltar yin pa dang / snod bcud 'dzin pa'i don ji lta ba yin pa mtshan nyid tha dad kyang rang gi rgyan du snang bar byas nas/ rang gi ngo bo dang rang bzhin dang / rang gi spyod yul 'jig rten gyi khams mtha' yas mu med pa thams cad rang gi mtshan nyid dbyer mi phyed pa'i lhun gyis grub pa'i chos nyid yin pa dang / de nyid kyi shar lugs las bde bar gshegs pa'i sku dang ye shes kyi snang ba rnam par dag pa 'byung ba dang / de nyid ci ltar yang sprul zhing sku gsung thugs ye shes lnga'i rang bzhin cir yang ston cing / chos nyid don la g.yo ba med par gyur pa dang / ma nges pa'i 'ja' tshon ltar cir yang gsal bde ba'i dus na yang byang chub sems rig pa dbyer med rang gi ngo bor 'dug te gzhan du ma mthong ba'o// de nas nyid kyi rang bzhin las ngo bo nyid kyis 'di skad ces gsol to// lhun

  72. 37a

    gyis grub gzhi ye shes don// rang snang gzhir shes ye sangs rgyas// mtshan nyid so sor ston par mdzad// nyid kyi thugs te ye sangs rgyas// gang gis sangs rgyas ma rig pa// rang gi sems nyid rang gis bsgrib// sgrib g.yog mthong na sgrib pa dag/ bdag gis sngon chad sgrib g.yogs mthong // mthong med mthong las 'das dang bral// rig pa 'gyur med ye sangs rgyas// yang dag nyid du nga yis mthong // de ma thag tu bde don rtogs// rtog pas rin chen nyid las 'dus// thugs kyi gter mdzod gting du bklubs// rnal 'byor chen po gang dag gis// rtogs par nus pa byung gyur na// thugs kyi nyi zer sprosgo zhing bsdu// kun gyis rang rig rtogs gyur nas// kun kyang gcig ste lhun grub ste// snyad nyid na'ang gzhan ma grub// ma grub don de rtogs par dka'// kun gyi spyod yul ma yin te// kun bzang dgongs pa gting mtha' med// rig pa'i rdo rje bshig par dka'// thams cad mkhyen pa'i ye shes ni// dmigs gtad med cing mnyam pa'i ngang // de nas g.yo bar ma gyur na// kun bzang dgongs pa de kho na'o// bde ba chen po zag pa med// ma spangs rang grol don gyi gter// gang yang spang du med na bde// spang blang med pa'i don rtogs na// rig pa 'gyur med rgyas btab nas// rgya las mi 'da' g.yo med na// mtshan nyid tha

  73. 37b

    da don du gcig/ byang chub sems kyi mtshan nyid ni// sems can kun gyi mtshan nyid de// ye nas 'dzin pa'i dri ma dag/ bde chen klong du ye nas grol// zag pa med cing rang bzhin stong // bde chen spros bral zag med la// dag pa'i sems med ma dag med// 'di 'dra med cing rtog pa med// zhing khams dag kyang yod ma yin// med tsam nyid nas sna tshogs 'byung // mtshan nyid mi 'gyur g.yo ba med// gnyis min gnyis ni tha snyad bral// mi gnyis pa nyid gnyis med spyan// lhun grub ma 'gags kun tu gsal// e ma ho bde ba chen po'i rang bzhin ni// yang dag par ni kun bzang gi// sku gsung thugs las g.yo ba med// sems can gyi lus ngag yid gsum/ khyad rdul tsam yang med cing 'dra// rang snang mtshan nyid tha dad 'dug pa'o// 'dug tsam nyid nas rang gi cho 'phrul te// cho 'phrul chen por rang shar bas// mtha' la mi gnas pa zhes bya'o// mtha' thams cad rab tu 'dus pa zhes bya'o// 'du 'phro sems su shar ba'o// mtha' yas gcig tu snang ba'o// gcig tu kun tu shar ba'o// gzhi 'dzin pa yi rig pa'o// bkag pas mi kheg pa yi ye shes la// bslad pas mi bslad pa yi chos sku'o// thams cad mkhyen pa'i sbrul sku la// mnyam pa chen po'i 'bras bu'o// dngos po mtshan ma med pa'i chos nyid la// dmigs gtad gang

  74. 38a

    la'ang bcar med pa'o// bstan med lung bral chos nyid ni// rang bzhin ma bcos pa yi 'du 'phro ste// rang las byung ba'i cho 'phrul mi 'gag pa// bden rdzun shar ba'i snang ba dang // thams cad bden rdzun med pa yi// byang sems kun tu bzang po'o// nyag gcig gi chos nyid do// zhes nyid la nyid kyis gsungs pa'o// rin po che 'khor lo brtsegs pa'i rgyud las/ gleng gzhi grub tshul dang bcas pa'i le'u ste dang po'o// // de nas yang nyid kyi rang bzhin bde ba chen po'i don la nyid kyis zhus par/ e ma ho gang 'dod pa dang bcas pa la ni/ mtha' rang gis ma bsgribs shing ma grub pa'i don ci ltar yin zhe na/ bdag mtha' med pa'i chos nyid la// g.yo ba med par gang gnas pa// ma skyes pa yi chos nyid yin// dngos po sgyu ma ltar shes na// dngos med don nyid rang sar gol// kun tu bzang po'i dgongs pa ni// mtshan ma gang yang bri thob med// sems kyi rang bzhin nam mkha' 'dra// thams cad 'byung bzhi rin po che// dngos su mi snang phyogs dang bral// phyogs bral don la phyogs su byung // ma skyes pa yi chos nyid la// phyogs kyi tha snyad gang la 'dogs// rten dang bral phyir gdags gzhi med// nam mkha'i snang ba gting phyin na// gser gyi re thag rtod phur grol// 'byung ba rlung chen mkha' la dngas// 'od gsal

  75. 38b

    chen po zung du 'jug/ rgya chen 'od gsal yang pa bde// dngos po'i mtshan nyid rnam par dag/ sgyu ma'i gzugs su rmi lam nyid// rtog pa med la ban bun tsam// de nyid mi rtog dgongs pa ste// rang gsal shes pa'i chos sku ni// rang gsal yin phyir rtsol byed bral// snang ba kha yid khog stong la// rnam shes bun ne ling nger bzhag/ gang la bzhag pa rang na bde// bde bar shes na mi bde med// shes shing rtsol na sdug bsngal yin// zhes gsungs so// rin po che 'khor lo brtsegs pa'i rgyud las/ nyid kyi dgongs pa rnam par dag pa'i le'u ste gnyis pa'o// // de nas yang nyid kyi rang bzhin gyis nyid kyi ngo bo la rang bzhin gyis che ba'i don bstan pa'i phyir/ e ma ho ngo bo nyid bde chen po/ 'byung ba nam mkha'i snang ba la ye shes kyi 'od chen po shar zhing rtsi shing nags tshal du 'khrungs pa dang / skye 'gro gzugs su snang ba thams cad rang bzhin kun tu bzang po'i rtsal du rang shar ba yin te 'dus kyang rang rig pa kho na'i tshul du 'dus so// snang ba rgya yan la sems kyi me long rang gsal yang sems nyid rin po che'i sgron ma rang gsal bas rang la ngo bo nyid kyi rgyur rdzogs shing ye shes kyi snang bar lhag ge 'dug pa'o// sems nyid rin po che lta bu'i don rtogs na me long gsal ba la byi dor byas te g.ya' dag pa'i rang bzhin du snang ba ltar rang

  76. 39a

    bzhin gyis rnam par dag pa la snang ba kun mkhyen du rang shar bas thams cad mkhyen pa'i ye shes kho na'o// 'khor 'das thams cad kyi rang bzhin chos nyid kun tu bzang po yis khrog brlag med cing dbyings stor bas 'khor 'das kyi stor sar mi 'gyur ba'i dbyings zhes bya'o// stor tsam nyid na yang sangs rgyas kyi zhing dang sems can gyi lus ngag yid gsum sku gsung thugs dang bcas par de nas byung pab mi zad pa'i mdzod chen po zhes de la bya'o// chos nyid thal byung dkyil 'khor du mngon du byung ba'i rig pa ma btsal bar shar te thams cad mkhyen pa'i sprul par rol zhing mdzad pa thams cad mi 'gog cing sku gsung thugs kyi rol pa ji tsam du shar ba nyid ni lus ngag yid gsum gyi spyod pa las ma g.yos pa'o// sangs rgyas sems can gnyis su brjod kyang bdag nyid chos sku nyag gcig la dbyer med do// de nyid kun tu shes pa rang gsal lo// mi gsal ba gcig byung na yang mi gsal bar brtags pa nyid kyang rang gsal lo// ngo bo nyid bde ba chen por rang gsal nyid du rang gnas pas/ ma gsal ngo bo gang yang med// 'od zer nyi chen 'bar ba ltar// rig pa'i 'od zer kun tu khyab// de nyid byang chub sems chen po// don ldan rnal 'byor chen po bas// ngo bo nyid la yang mi gnas te// thams cad thams cad dbyer

  77. 39b

    med sems// sems kyi mtha' la sems mi gnas// zhes gsungs so// rin po che 'khor lo brtsegs pa'i rgyud las/ rang bzhin gyi le'u ste gsum pa'o// // nyid kyi rang bzhin gyis khyad par chen po gsungs pa/ e ma ho ngo bo bde ba chen po snang dang mi snang chos rnams thams cad rang gsal nyid du mngon byung bas/ 'khrul rtog gi gting phyin te kun brtags kyi 'khrul pa ye nas med do// de phyir ma nor ba'i chos nyid ni/ rang gsal gang la yang ma ltos pa nyid yin no// de nyid thams cad du rang sprul pas sprul pa'i sku zhes kyang bya la/ rang la rang snang dag par longs spyod pas longs spyod rdzogs pa'i sku'o// de'i dus su snang gzhi gang du yang 'gog pa med pas mi g.yo ba chos kyi sku'o// 'gyur med kyi shes pa la snying po med pa ni/ rtog mtha' dang bral ba ste rang byung gi ye shes so// rnam par shes pa rlung la rgyu ba'i dus na rlung 'pho ba med pa ni/ rgyun mi 'chad pa'i bsam gtan no// 'byung ba med pa'i sngon rol du rang byung gi gdangs shar ba ni/ gsang ba 'gag med kyi nam mkha' la/ kho na rig pa ma 'gags par shar ba'o// chags sdang gang la yang ma chags pa'i dus nyid na dug lnga ye shes kyi lam du byung ba ni/ da lta nyid du chags sdang rgyud la rang chas su snang ba yin no// 'khor 'das gang du yang mi snang ba'i dus nyid na

  78. 40a

    yang chos nyid gzhir grub pas// chos sku rang chas su gsal ba'o// gsal ba'i ngangal bstan nus na// 'khor ba'i gting nas bzlog pa ste// de nyid byang ba dang bcas shing // rlung 'ba' zhig gis bskyed pa ni// 'khor bar 'gro ba'i 'dre ma lta ste/ rlung 'byung ldog gis 'khor ba'i lam 'dren cing ye shes kyi me gsod pa'o// de phyir btang snyoms mi bsgrim/ byung tshor glod la bzhag go// rin po che 'khor lo brtsegs pa'i rgyud las/ rang bzhin khyad par gyi le'u ste bzhi pa'o// // de nas yang nyid kyi rang bzhin gyis ngo bo bde ba chen po la bka' stsal pa/ gzhi 'dzin cing rtsal 'char ba'i byang chub sems ni/ 'khor 'das gang yang rgya ma chad la gang gis kyang gtan la phebs pa dka' ste/ de ci'i phyir zhe na/ dngos por ma grub cing sna tshogs su 'byung bas rgyu rkyen dang bral te snying po med pa'o// de yang ni rang gi rig pa'o// sngon rol du rig pa'i ye shes su mkhyen zin te// don ma rig pa'i gnas skabs tsam gyis kyang bar ma chad de/ rig pa thod rgal du sangs rgyas zin pa'o// dug rnam pa lngar snang yang ma 'khrul pa'i yang khong du ye shes kyi rang bzhin du gsal bas dug lnga ma spangs par rang dag zin pa'o// da lta 'khrul pa ltar snang ba yang ngo shes shing rtogs pas grol ba yang sngar gyi rang sa'o// snang ba dang mi

  79. 40b

    snang ba'i chos thams cad kyang rig pa'i klong chen por phebs na/ mnyam pa nyid rang rig pa'i klong lam chen po las ma byung ba'i chos ni gang yang med pa la/ sems kyi snang tshul bsam gyis mi khyab pa yang / rig pa nyid kyi rtsal las byung zhing gzhan med de/ bde bar gshegs pa'i rigs thams cad dang / rigs lngar gyur pa'i sangs rgyas dang / yab yum sras dang bcas pa'i 'khor phun sum tshogs pa yang / rang gi rig pa'i rtsal dang de ru byung ba las gzhan med do// rgyu rkyen nus pa'i mthu ru snang ba nyid kyang / byang chub sems kyi cho 'phrul yin te/ snang ba thams cad rang gi rig pa byang chub kyi sems/ yul sems dbyer med par thams cad mnyam pa nyid kyi rang bzhin du gyur pa/ rig pa rang gi ngo bo brjod pa dang bral ba'i mthus gsang ba rnam gsum gyi dkyil 'khor du gyur pa thams cad mi 'gal bar rang las byung ba/ ye shes kyi snang ba dang / yul gyi snang gzhi dang / mngon par shes pa'i rdzu 'phrul nam mkha' ri brag g.yang sa gang la yang thogs pa med par 'gro ba dang / sprul pa sna tshogs ji ltar 'tshams pa bzhin du sbrul nus pa dang / gsung dbyangs yan lag drug cu'i sgo nas bstan pa rgya mtsho sgrogs pa dang / khams mang zhing rgya che ba'i stong gsum thams cad kyang phyogs med rig pa'i ye shes rang shar ba'o// snang zhing srid pas

  80. 41a

    bsdus pa'i chos thams cad rig pa rang byung gi ye shes kyi mthu las gyur pa'o// rig pa 'gyur med kyi shes pa rlung gi rtas bskyod cing snang ba ni/ gang du yang 'char te ci srid 'khor ba'i chos dang mya ngan las 'das pa'i zhing du yang 'char du rung ba ni rtsal nyid do// rig pa nyid chos thams cad la dbye bsal med pa ni/ yongs su rdzogs pa'i chos nyid do// rang bzhin gcig las ma g.yos par rang snang cir yang 'gyur ba ni sangs rgyas nyid kyi sprul pa'o// rig pa nyid cir yang 'char ba mi 'gag pa la skye ba med pa'i rgyas theg pa ni mi skye ba lam 'gags pa'o// sna tshogs su snang yang rig pa'i cho 'phrul las byang chub sems ni gzhan du skye ba'i sa med do// snang ba thams cad ye sangs rgyas pa yang rig pa rang gi stobs kyis shar ba'o// lhun gyis grub pa'i chos nyid la ni/ snang rtags gang du yang ma phye bar gsal la dbyer med pa'o// chos nyid bde ba chen po bsam rtog dang bral bar cir yang snang ba ni/ rig pa byang chub kyi sems gzung du med pa'i chos nyid do// de nyid bde ba chen po'i don du nyams su myong zhing gsang ba bla na med par grub pa ni ye sangs rgyas pa zhes bya'o// rin po che 'khor lo brtsegs pa'i rgyud las/ khyad par chen po'i le'u ste lnga pa'o// // de nas yang nyid kyi rang bzhin gyis don gsang bar gsungs pa/

  81. 41b

    e ma ho// ngo bo bde ba chen po rdzogs pa chen po'i rnal 'byor pas ni rtsol ba thams cad ma spangs rang sar dag cing don thams cad rang la 'dus par shes par bya'o// gzhan gang du yang sems bskyed cing 'jug par byed pa ni nyid las gzhan du ring par shes par bya'o// rgyud kyi dam pa ni sems kyi dngos po gzhi rig pa rang la brten nas don thams cad sdud pa'o// dngos grub thams cad kyang rig pa rang gi bslab las byung ba'o// sangs rgyas thams cad bskyed cing bgegs dang rtog pa thams cad rang gis rang gzhom pa'o// mchog dang mchog ma yin pa'i 'dod pa thams cad nor bu rin po che rang rig pa las 'phel ba'o// yon tan ma lus pa'i tshogs thams cad gsang ba mchog gi rang bzhin no// 'jig rten dang 'jig rten las 'das pa'i bdag nyid ni chos thams cad mi phyed pa'i rang bzhin can no// rig pa byang chub kyi sems ni sngon gyi rgyal ba kun gyis myes chen po yang yin/ da lta nyid kyi sku gsung thugs kyi bdag nyid kyang yin te mi zad pa'i 'khor lo thams cad rang la bskor ba'o// de nyid kyang rang snang gzhan du mi gnas pa ni snang ba rgya yan chen po zhes bya ste yang dag par rdzogs pa'i sangs rgyas rnams kyi thugs rig pa'i ga'u nas 'od gsal chags pa med par rang snang zhing chags pa med par 'dug pa'o// dran pa dang

  82. 42a

    rig pa cir gsal thams cad ma bkod bzhin rig pa rgya yin pa'o// rig pa lhun gyis grub pa'i chos nyid la ni gang du bsams shing brtags pa las 'das pa'o// de yang nyid kyi spyod yul ni/ de nyid mu stegs nas gsang chen man chad du rang shar ba'o// gsang ba chen po sgra skad du ji snyed par sgrogs pa yang gsang ba chen po'i lam yin te gang du yang rang las gzhan du thos su med pa nyid do// rang gi rig pa gsang ba nyid chos kyi skur ngo snyoms pa ni kun gyis ma rig pa'o// sems nyid kun la khyab cing chos sku rang gsal ba nam mkha' dang nyi ma lta bu'o// lhun gyis grub pa'i chos nyid la rang byung ye shes kyi sku lngar rdzogs pa ni/ rig pa nyid kyi snang gzhi mi 'gog pa'o// snang srid 'byung lngar shar ba yang rang byung ye shes chen po'i yon tan no// 'byung ba thams cad kyi snying po'am bcud du gyur pa ni sems nyid dag pa chen po'i dgongs pa nyid do// snying po de nyid shin tu btsal dka' ba'i don yin te gzhan las mi rnyed pa'o// gang zhig dang du blang zhes kyang 'byung ste rang nyid yin pas so// skye gnas rnam pa bzhi'i yul dang rgyud lnga'i 'khor ba'i sems can thams cad kyang 'dzin pa rang gi rlung log pa la snang ba'o// 'dzin pa'i dri ma nyid dri ma nyid kyis kar dag pa'o// 'jig rten gyi khams yang dag par rdzogs pa'i sangs rgyas

  83. 42b

    'das pa dang ma byung ba dang / da lta bzhugs pa thams cad rig pa'i rtsal las ma byung ba'i chos skad cig tsam yang med pas/ rig pa gcig pur 'dus pa ni nyi ma'i zer bzhin no// de nyid kyang chos kyi sku bde bapab chen po'i ngang las 'da' bar mi byed cing thabs kyi cho 'phrul cir yang ston pa'o// stong pa nyid na yang gcig la kun 'dus pa'o// dgongs pa rang bzhin gyi klong nas mi bskyod pa'i rlabs rang gsal ba'i ting nge 'dzin nyid do// rin po che 'khor lo brtsegs pa'i rgyud las/ don gsang bar bstan pa'i le'u ste drug pa'o// // de nas yang nyid kyi rang bzhin gyis gsang ba skyon dang bral ba'i don gsungs pa/ e ma ho// ngo bo bde ba chen po dug lnga la spyod pa'i gang zag la ni bcas bcos gang yang byar med de/ 'dam gyi mun khung na pad+ma'i me tog rang 'bar ba la ni bzo yis bcos su med pa'o// gsal byed kyi nyi ma shar ba las 'ja' tshon gyi 'od bkra ba la ni sus kyang bsal du med pa'o// dug lnga'i snying po la ye shes kyi mar me gsal ba ni nga rang nyid kyis kyang bsal du med pa'o// lhun gyis grub pa'i chos nyid mi 'dod pa'i 'dod chags chen po rang shar nas rtog pa'i mtshan ma zhes stong pa'o// mtshan rtog dbyer med par chos nyid kyi klong na nyal ba ni mi 'byed pa'i gti mug chen po de'o// de las gzhan gyi spros pa bcad pa ni

  84. 43a

    gzhan na med pa'i nga rgyal te/ rang las gzhan du rtog pa'i blun pos blta ba la phrag dog pa ni gang gis kyang spang du med pa'o// dug lnga lam du khyer ba ni/ 'bras bu tshig chod kyi sa pa ste ye shes chen po'i rang bzhin du khyab gad la ba'o// ye shes chen po'i klong ni thams cad kyi 'byung gnas sam 'byung gzhi ste rgyu rkyen 'bras bu gang yang ma 'gags pa'i sa'o// thar pa'i lam ni thams cad nas thams cad du 'byung gzhi ma 'gags pa thams cad la bya'o// e ma ho bde ba chen po sangs rgyas dang byang chub sems dpa' thams cad kyi 'byung gzhi ni rig pa mi 'gag pa ste// dus der byang chub kyi sems skyes so cog ji srid 'khor ba'i chos su snang ba yang de nyid do// phung po dang skye mched rnam par dag pa'i byang chub sems dpa' dang / nam mkha' dang mkha' dag pa'i rgyal ba thams cad kyang rig pa rang gi mthong snang rnam par shar ba'o// sa dang lam tha dad par bgrang ba ni blo chung ba'i gang zag ste nam mkha' la stegs tshol ba dang 'dra'o// rkyen 'gyur las kyi dbang gis so sor snang ba ni nam mkha'i zla ba dang 'dra'o// yan lag gang yang med par sna tshogs su 'gro ba ni rlung yid kyi shugs can no// rtogs pa'i blo dang ldan pa ni sangs rgyas nyid kyi dgongs pa'o// 'dod pa'i longs spyod thams cad kyang rang gi rgyan du shar nas rang la rang

  85. 43b

    rol pa'o// chags pa dang bral ba'i bde ba ni/ yid mi dmigs pa'i yid la gnas pa ni shes rab dam pa'o// sems brtags par dka' zhing cha phra la zag pa med pa ni bde ba chen po'o// rang gi sems dri ma dang bral zhing ka dag gi ye shes la ni kun mkhyen gyi sangs rgyas dang sems can gyi thugs sems la dbyer med do// 'di las ma byung ba'i sangs rgyas dang sems can gang yang med do// e ma ho ngo bo bde ba chen po yang dag par rdzogs pa'i sangs rgyas ni 'di bzhin shes par bya ste snang ba mi dmigs pa'i lus kun tu sprul pa ste sku rang la bzhugs shing gsung sgra brjod med pa'i zer la rol cing thugs mi 'gyur bde ba'i dbyings ni rgya khyon med par nam mkha' dang 'dra ba'i sku gsung thugs so// de ci lta bar rang bzhin shes pa kha yan nam mkha' dang mnyam par rang bzhag na de kho na nyid nyams su myong ba yin no// ris su ma phye bar bzhag na yang de kho na'o// don dang ldan pa'i rnal 'byor la ni gang gis kyang mi 'gog pa'o// rang snang gi gdangs nam mkha' la shar ba ni g.yo ba dang yid kyi rang bzhin no// 'byung ba lnga so sor ma 'dres pa ni/ dngas ma chen po lnga'i rang bzhin te/ ye shes lnga'i rang bzhin no// yang dag par rdzogs pa'i sangs rgyas kyi mi gnas pa'i sku'i 'od kyis kun la khyab pa ni nam mkha'i dngos su gsal ba ni de kho

  86. 44a

    na'o// rang gi sems nyid ci ltar snang ba ni nam mkha' kho na bzhin no// nam mkha'i cho 'phrul la ci ltar shar ba yang / sems nyid mi 'gag pa'i cho 'phrul dbyer mi phyed pa'o// bar snang yangs pa'i rang bzhin yang sems nyid gang du yang go phyed pa'o// gsung sgra brjod dang bral ba'i rang bzhin las mtshan ma mi 'gag pa'i ye shes rol pa'o// bar snang la 'ja' tshon gyi ri mo so sor gsal ba yang sku dang ye shes mi 'gag pa'i rnam 'phrul shar ba'o// bde bar gshegs pa'i sku gsung thugs kyi rang bzhin ni sems can gyi lus ngag yid gsum nyid la yin de nyid ni mkha' dang go mnyam par 'dug pa'o// yang dag par rdzogs pa'i sangs rgyas kyi sku ni rang gi shes rig yul du 'byor ba las byung ba'o// 'byung ba dang 'byung ba las bskyed pa'i sku gsung thugs rnam par dag pa thams cad dang rgyud lnga 'khor zhing sems can thams cad kyang shes rig yul du snang ba las byung ba'o// stong gsum mi mjed ma lus pa thams cad kyang sku gsung thugs kyi rang bzhin cir yang ston cing 'jig rten dang 'jig rten las 'das pa'i chos thams cad la mnga' mdzad cing nyid la nyid kyis longs spyod rtag tu mdzad pa'o// mdzad tsam nyid na yang pad+ma'i me tog bzhin no// rin po che 'khor lo brtsegs pa'i rgyud las/ gsang ba

  87. 44b

    skyon dang bral ba'i le'u ste bdun pa'o// // de nas yang nyid kyi nyid rang bzhin gyis nyid kyi ngo bo las rig pa'i ye shes kyi don bstan pa/ e ma ho ngo bo bde ba chen po rang rig pa'i ye shes rang la shar ba la ni 'dzin pa'i rlung log pa zhes bya ste/ gzung 'dzin dag pa'i sku gsung thugs zhes kyang bya ste/ yang dag par rdzogs pa'i sangs rgyas kyi thugs mi rtog pa'i ye shes kyi shes pa rang gsal de kho na'o// rnam par grol ba'i phung po la skye ba med pa'i chos nyid kyi ye shes so// gzung 'dzin rnam par dag pa'i chos nyid do// de la rig pa rlung gi snying po can rlung kun tu 'phyo ba'i yid can no// 'khor ba kun 'dus kyi bdag nyid yod pa dang snod bcud kun gyi bdag nyid du gyur pa'o// de nyid snying po rang sa zin pa ni/ rig pa khong stong ste gar yang 'jug pa'i rgyu med de lhun gyis grub pa'i rig pa zhes bya'o// kun gzhi stong pas ye shes su gnas gyur pa zhes bya'o// snying po med pa'i ye shes la chos sku rang gsal zhes bya'o// med pa'i ngang la sku dang ye shes sna tshogs cir yang 'byung bas kun tu khyab pa zhes bya'o// e ma ho bde ba chen po dus gsum gyi bde bar gshegs pa thams cad dang skye 'gro gzugs su snang ba thams cad ni shes pa chos sku rang gsal ba las ma byung ba gcig kyang med de/ de phyir rig pa'i ye shes su ma gyur pa gang yang

  88. 45a

    med pa ni kun tu bzang po'i dgongs pa me klong chen po zhes bya'o// kun tu snang bar mdzad pas/ rnam par snang mdzad ces bya'o// rnam par snang mdzad kyi ye shes chen po ni cir yang sprul zhing gang du yang 'gyur pas kun tu 'gyur ba'i rig pa'o// ye shes lnga las gyur pa'i chos nyid la sku 'gag pa med par rol pa la rang bzhin 'gyur ba med pa ni/ rtag pa chen por bzhugs pa'i chos nyid do// dbyings mi 'gyur ba la thugs rje'i rol pa ni cir yang snang ba'o// snang tsam na yang de'i rang bzhin nges pa med pa'o// rol pa chen po'i chos nyid la mdzad pa ni cir snang yang sku'i cho 'phrul du ston la ma nges pa'i cho 'phrul cir yang ston no// rol pa chen po'i cho 'phrul gyi skra cir yang snang ba la longs spyod cing rtag par bzhugs pa ni spyod yul thams cad du rang shar ba'o// 'jig rten pas bsdus pa'i chos thams cad de bzhin gshegs pa'i dgongs spyod rgya che ba'i zhing ngo // sems las ma byung ba'i chos ni rdul tsam yang med do// sku gsung thugs kyi snying po rig pa byang chub kyi sems so// sems cir yang snang ba'o// snang ba nyid na 'gog pa med pa'o// sems cir yang bstan pa'o// bstan tsam nyid na ther zug pa gang yang med pa'o// sems zad mi shes par bstan pa'o// bstan tsam nyid na zad pa'i rgyu med pa'o// theg pa'i rim par

  89. 45b

    bgrang ba'o// de'i don bstan pa yang rim pa bzhin du bstan pa'o// rig pa nam mkha' la zad mi shes par rol pa'i cho 'phrul ni rig pa rlung la rgyu ba'i cho 'phrul lo// don du gang du yang phyin pa med cing gang du yang song ba med de 'das pa'i yul du ltung ba'i sa ni rig ma rig ngo bo gcig la rkyen gnyis so// rkyen gyur las kyang thugs rje'i dbang gis yul dang yul can sogs kyi rkyen gyis mi phye yang rig pa'i ye shes la las dang las las byung ba rang yang med de rgyu rkyen las las ma byung ba'i shes pa chos sku rang gsal du gdod nas gnas pa'o// de las yengs pa'am brjed pa'i tshul gyis ni 'khor bar 'khyams pa yin pa la dran pa'am rig pa'i ngo shes pa'i tshul gyis ni mya ngan las 'das pa'o// de yang gsal byed kyi rlung dang sgrib byed kyi rlung rgyu ba phra mo las 'gyur byed kyi rlung dang shes byed kyi rlung rgyu ba sbom por byung ste/ de las zhi byed kyi rlung dang rtsub bsnol gyi rlung cha rags par byung bas 'khor 'das kyi dmigs phye ste rkyen ni rig ma rig kho na'o// rig pa'i ye shes ji lta ba thams cad mkhyen pa dang ji snyed pa kun mkhyen pa ni mya ngan las 'das pa'i ye shes so// lhan cig skyes pa dang kun tu brtags pa'i ma rig pa ni dug lnga 'khor ba'i rkyen gyi rgyu'o// rkyen gyis rkyen byas 'bras bu sdug bsngal du byung ba ni/ shing rta'i 'phang lo'am/ zo chu'i

  90. 46a

    khyud mo ltar 'khor ba'o// e ma ho bde ba chen po des na 'khor 'das ni ngo bo gcig la rkyen gnyis kho na'o// rang bzhin gcig la snang ba gnyis kho na'o// mtshan nyid gcig la yul gnyis kho na'o// gcig tu shes na ye shes de kho na'o// byung sa shes na phu thag chod pa kho na'o// phu thag chod na 'gro sa med pa'o// 'gro sa med na g.yang sa bral ba'o// g.yang sa med na 'pho 'gyur med pa'o// de ltar shes na rtag chad bral ba'o// bral bar shes na ma bral med pa'o// ma bral ba nyid na bral ba med pa'o// bral dang ma bral kun tu khyad med pa'o// e ma ho bde ba chen po mi gnas pa'i chos nyid la/ gnyis su 'dzin pa'i sgros mi gdags// 'du 'bral med pa'i ye shes la// mkhyen dang mi mkhyen bsnyad mi 'dug/ rang byung ye shes rig pa la// 'khor 'das gnyis su brtags pas nor// rang sems ngo bo nyid kyi dbyings// gzung du med pas chu zla 'dra// snang la zhen rtog med pas bde// sdug bsngal bde ba chen po la// rkyen gyi khyad par nyid du 'gyur// zhes gsungs so// rin po che 'khor lo brtsegs pa'i rgyud las// rig pa ye shes kyi le'u ste brgyad pa'o// // de nas yang nyid kyi rang bzhin gyis nyid kyi ngo bo la gdams pa'i don bstan pa/ e ma ho bde ba chen po chos thams cad rig pa'i rtsal las ma byung ba ni gang

  91. 46b

    yang med de nam mkha' la nyi ma shar ba dang 'dra ste 'dir gsal 'dir mi gsal med pa'o// de bzhin du lung dang man ngag blta bsgom rnam pa gnyis kyi thag bcad nas thams cad du byang chub kyi sems bde brdal ba'i don du khyab gdal ba'o// chos thams cad dbyings mi 'gyur ba'i klong na gab pa de man ngag dang dgongs pa rnam par dag pas rang lugs chen po'i don mngon du phyung ba ni/ 'khor los sgyur ba'i rgyal po dmus long mig phye ba bzhin te/ sems can gyi shes pa nyid ma bslad pa'i chos nyid du rtogs pa 'char ba'o// rig pa gang la yang ma chags par rang byung ye shes su thol byung ba ni ngo bo gzhi la rig pa nyid cir yang mi gnas pa la/ lam can gyi chos gang la chags pa med de glang po che smyon pa btags na 'phros shing btang na 'dug pa dang 'dra ste/ rig pa byang chub kyi sems bsdus na 'gro/ yan par btang na rang ldog pa ste rang byung rang shar mi 'gag pa'o// rig pa cir snang yang gang yang mi spang zug phrad pa ni/ rig pa'i gzhi rang sar grol ba la rkyen thams cad skul mar shes na me 'bar ba la shing bstan pa lta bu'o// ngo shes pa'i mi dang 'phrad pas the tshom mi za ba bzhin du dran pa dang rig pa ci 'gyus pa thams cad ye shes zang thal chos nyid thug phrad dgag bsgrub med pa'i rig pa la btang gzhag med par cog gis

  92. 47a

    gzhag pa ni/ gzhi gang la'ang ma zhen rang gsal bar snang ba la de ched du byed pa'i rtsol ba ma zhugs te/ rgya mtsho dngas pa'i nang na snang srid gsal ba dang 'dra ste dran pa dang rig pa ma bkod bzhin du cir yang gsal ba la ming 'di zhes gdags su med pa'o// rig pa nam mkha'i bya lam dang 'dra ba la btsal bas rjes med pa ni/ btsal bar bya ba'i yul rang gi sems nyid yin la rtsol bar byed pa'i sgo sems nyid gzhan la brten pa ltar byas nas/ btsal bas rjes med pa ni khyi rkun gyis khang stong btsal nas bza' rgyu cang mi rnyed pa bzhin rang gi sems shes pa kha nang du ldog nas btsal bas cir yang ma mthong la ming gar yang ma thogs te gdags gzhi dang bral ba'o// reg pa dngos mtshon dang bral la gang du yang dmigs pa rjes med pa ni dmigs pa'i yul mtshan bcas dang mtshan med la ni dmigs par byed pa'i thabs shes pa gtad pas dran pa'i rjes med pa ni gang yang rung ba la dgag gzhi dang bral ba mig 'bru tshugs su ta re bltas pas thog mar mthong la tha mar mi gsal ba ste/ mig nad can gyi rgyang mig lta bu ste dmigs gtad gang yang med pa'o// sems nyid 'di kho na ci ltar yang bsgyur du btub pa ni/ rtod phur du gzung bar bya ba'i rten dmigs bcas la 'dzin par byed pa'i thabs shes pa gtad pas mi

  93. 47b

    'phro ba ni khyi sar gdung la btags pas 'gro mi shes pa bzhin/ mtshan bcas dang mtshan med la sems bzung bas gang du yang mi 'gyu ba ste shes pa btson du bzung bas thig le 'khyil ba'i don la ro snyoms pa'o// e ma ho ngo bo bde ba chen po la gdeng lnga don thog gcig tu dril ba ni/ rig pa'i rtsal gyis ni cir snang sems nyid rang snang bar gdeng gis zin pa dang zug phrad kyis ni snang srid grag tshad thams cad chos nyid du rang shar ba'i gdeng gis zin pa dang / gab pa mngon du phyung bas ni chos sku rang shar ba'i gdeng gis zin pa dang ye shes zang thal gyi rig pa ni shar yang ngos bzung med par gdeng gis zin pa dang / lhun grub cog bzhag gis ni ngos bzung rang sar grol bar gdeng gis zin pa ste/ don kun tu bzang po'i dgongs pa chos sku rang gsal gyi 'bras bur rang grol ba'o// e ma ho ngo bo bde ba chen po tshol ba rjes med kyis gang du yang ma rnyed pa dngos po med pa'i gdeng ngo // dmigs pa rjes med kyis gang du yang ma dran pa 'dzin pa dang bral ba'i gdeng ste/ rtod phur gyis gang yang rung ba la zin pa ni/ nyams myong yid ches pa'i gdeng yin te gdeng gsum dbyer med pa ni kun tu bzang po'i dgongs pa ste/ gdeng lnga don gyi thog las gang du yang ma g.yos pa'o// dgos ched dmigs pa sbyor so dang / yid ches dang / thag

  94. 48a

    chod dang / la bzla dang / shan 'byed rang grol don la sbyor ba ni 'khor lo gting gi gnad la brdeg pa'o// rin po che 'khor lo brtsegs pa'i rgyud las/ gdams pa'i le'u ste dgu pa'o// // de nas nyid kyi rang bzhin gyis nyid kyi ngo bo la sems nyid ye shes su 'char ba'i don bstan pa/ snang zhing srid pa'i chos su shar ba kun thams cad rang gi ye shes kyi 'byung 'jug la 'dus so// 'byung ba ni snang srid la 'jug pa ni thams cad sems kyi rang bzhin no// sems kyi stobs las sangs rgyas kyi zhing du ma bskyed nus so// sku mi zad pa rgyan gyi 'khor lo dang / gsung mi zad pa rgyan gyi 'khor lo dang / thugs mi zad pa rgyan gyi 'khor lo'i mdzod chen po'i rig pa la zad mi shes so// rig pa ni nor bu brtsegs pa'i khang bzangs nas nges pa'i don dang / don ma yin pa thams cad ma btsal bar byung ba'o// kun la khyab pas nam mkha' lta bu ris med pa las dngos po thams cad sgyu ma'i gzugs brtan bzhin gsal la nges pa med pa'o// phyi nang med pa'i gzhal yas khang kun tu yangs shing rgya che ba ni/ ye shes rang snang gi yul snang ba dag pa'i zhing rdul snyed sangs rgyas kyi gzugs brnyan du byung ba yang rang snang dag pa'i sku'i dkyil 'khor ro// 'dod yon ris med du shar ba ma spangs pa ni gsang sngags thabs kyis zin pas nye lam du

  95. 48b

    'dug pa'o// ma dag pa'i skyon dang bcas pa'i dman pa thams cad kyang rang gi lam la dgongs te dor bar mi bya'o// blang dor med pa nyid chos rnams kyi nang nas mchog dang phul du byung ba'o// byang chub sems kyi rang bzhin ni yongs su rgya che ba'o// nam mkha' bzhin du tshad gzung du med do// dbyibs brtags pas mi rtogs so// kha dog gsal bar mi mthong ste// don dpag pas mi dpog go// thams cad kyi dngos gzhi yin pas mtshon brjod kyis 'di kho nar brjod par mi nus te brjod pa thams cad rang la rang smras pa'o// sgra brjod med pa nyid las mtshon tshul gyi sgo mi 'gag pa ni thams cad kyi dngos po'o// sangs rgyas thams cad kyi mthar thug ye shes kyang byang chub kyi sems kyi gsang ba dam pa'o// thugs cir yang sprul pa'i cho 'phrul gyis ngo bo nyid la chos kyi 'khor lo bskor ba'o// 'khrul par snang ba yang g.yengs pa'i tshul gyis 'khor la 'khor ba nyid kyang chos nyid la 'khor zhing ye shes la gnas pa'o// yang dag par rdzogs pa'i sangs rgyas kyi sku gsung thugs kyang sems kyi cho 'phrul du rang shar ba las rtogs pa'i las dang nyon mongs pa rang rgyud pa'i ming yang gdod nas med do// sems can skye 'gul ci 'khrungs yang sangs rgyas nyid kyi sras yin pas sems can bya ba'i ming gi gdags gzhi yin

  96. 49a

    no// thams cad chos kyi sku dang rang byung ye shes 'ba' zhig la ma dag pa'i sgo btsal du gang nas kyang mi rnyed pa'o// zag pa med pa'i bde ba chen po'i ro yang kun la sems nyid du yod pa'o// myang ba dang ma myangs pa'i khyad par kyang sems nyid rang rig gis phye ba'o// 'khor ba dang sdug bsngal yin par shes pas mi len mi spang ba'o// de nyid bkrus pas kyang mi 'dag la spangs kyang mi spong ste/ nam mkha' nyid do// rtse gcig sangs rgyas kyis phun sum tshogs pa yang dbye ba med pa'i sa 'di nyid do// sems nyid kyi cha lugs ni cir yang ston cing cha lugs thams cad pa ste sna tshogs nor bu rin po che lta bu'o// sems can thams cad kyi sems nyid kho na sangs rgyas kyi thugs dang dbyer med do// de nyid gnas gang du'ang gnas pa la chags gang du'ang ma chags pa'o// dbyibs dang kha dog gang du yang mi gnas shing cir yang ston pa ni nor bu chu dngas dngos lta bu ste/ rin po che nyid ltar snang yang rin po che kho na ste// sems nyid gang du shar yang gcig po kho na kun 'char ba'o// e ma ho bde ba chen po/ shar nub med pa'i nyi ma la// rang byung ye shes 'od du 'bar// rang 'od rang la bsgrib ste mchi'o// dag par ltos shig bde ba che// mthong ba med na rnam par grol// mthong rgyu byung na ya mtshan che// mthong med mthong na mthong

  97. 49b

    ba yin// bgrod dang bral phyir gang yang min// zhes gsungs so// rin po che 'khor lo brtsegs pa'i rgyud las/ sems nyid ye shes su shar bar bstan pa'i le'u ste bcu pa'o// // de nas yang nyid kyi rang bzhin gyis nyid kyi ngo bo la snang ba mi 'gog pa'i don bstan pa/ e ma ho ngo bo bde ba chen po chos thams cad yang dag par rdzogs pa'i sangs rgyas kun tu bzang po'i thugs las byung zhing thugs kyi sgron ma rin po che'i byung khungs so// thugs ye shes kyi rang bzhin mi zad pa'i mdzod do// stong gsum gyi stong 'jig rten gyi khams mtha' yas mu med pa zad mtha'i yul dang bral ba'o// stong gsum mi mjed kyi khams thams cad stongs pa'i dus med pa yang kun tu bzang po'i sems nyid 'pho 'gyur dang bral ba'o// rin po che tsit+ta brtsegs pa'i ga'u nas phyi nang snod bcud kyi chos thams cad dngas ma chen po'i rang bzhin du gsal ba'o// de nyid kyi rang bzhin ni kun la gsal bar 'byung ba ni/ mngon sum du gsal ba 'di ga'o// yang dag par rdzogs pa'i sangs rgyas kyi sku dang gsung dang thugs nyid la ma gtogs par srid pa gsum gyi chos gzhan ni med do// 'gro ba rnams kyi don so sor ci lta bar gsal bar go ba ni/ de bzhin gshegs pa rnams kyi ye shes so// gsung mi zad pa las snang ba ni sgra skad ci ltar yang grags pa

  98. 50a

    dang tshig dang tshig min mang po rnams la gsung mi zad pa'i yan lag gis khyab cing gsung du ma gyur pa dang dbyangs ma yin pa gcig kyang med do// sna tshogs su gsal yang gnyis su med pa'i ye shes gcig kho na'o// gcig pu rang kho na las mi g.yo bar gsal ba ni mi dmigs pa'i bsam gtan no// sems nyid mi g.yo ba ni g.yo ba'i yul med pas so// yul med la yul snang du snang ba ni/ byang chub kyi sems spyod yul dang bral ba'o// ris med pa'o// khyab gdal ba'o// gzung 'dzin dang bral ba'o// rnam rtog dang kun brtags kyis ma bslad pa'i chos nyid ni sems nyid dag pa'o// rtog pa'i mtshan ma thams cad spangs shing ma 'dres pa la kun tu dbyer med par sa ler gsal ba ni dgongs pa yang sa dog med pa'i klung ngo // gzugs la sogs pa sna tshogs su snang ba thams cad ni sems nyid mi 'gag pa'i ye shes shar ba ste rang byung ye shes la ni sna tshogs su shar yang dbri bsnan med pa'o// ye shes gzugs can ma yin pa ni dngos po ngo bo nyid kyis stong pas rgyu rkyen med pa'o// ngo bo nyid 'di zhes bya ba'i mtha' las 'das pas gang gi ngo bor yang ma grub pa ste/ yang dag par rdzogs pa'i sangs rgyas nyag gcig gi sku ru gnas pas bcos su med pa mtha' thams cad dang bral ba kun la khyab cing ye nas brdal ba mtshon

  99. 50b

    cing brjod las 'das pa 'dzin rtog rnam pa gnyis dang bral zhing ngo bo nyid kyis rnam par dag pa'i don gyi mchog go// rin po che 'khor lo brtsegs pa'i rgyud las/ snang ba mi 'gog pa'i le'u ste bcu gcig pa'o// // de nas nyid kyi rang bzhin gyis nyid kyi ngo bo la thig le'i don man ngag gcod pa'i don bstan pa// gzhi gcig thig le chen po la// mthong snang bsam gyis mi khyab kyang / log par mthong ba dang // phyogs su mthong ba dang / ma rtogs pa dang / yang dag pa'i snang ba'o// lhun gyis grub pa dang phyogs gcig pa rnams ni phyogs chas 'dod pa'i blo tsam mo// gzhi'i ngo bo don bdag nyid lhun gyis grub pa nges pa med cing gnyis su med cing rang grol ba ni don gtan la phabs pa'o// gzhi lam 'bras bu sems gnas pa/ g.yo bar smon pa/ 'jug par smon pa/ byang chub sems kyi don la sbyor ba'o// ma skyes pa dang / mi 'gag pa dang / mi mnyam pa dang / rang grol ba ni rang bzhin dang / rol pa dang / mtshan nyid kyis dngos su grol ba'o// gol bar bya ba'i gzhi dang / gol ba rang gi rkyen gyis dang / 'dod pa gong 'og tu sun 'byin pa dang / rang byung ye shes su la bzla ba ni don gyi gzer gdab pa'o// snang zhing srid pas bsdus pa'i chos thams cad ni/ sangs rgyas kyi ngo bo nyid de de bzhin nyid kyi snying po yin no// snang zhing srid pas

  100. 51a

    bsdus pa phyi nang gnyis su med pa thams cad la gdod ma nas sangs rgyas nyid du shes pa na gol ma gol gnyis su med de g.yang sa chos nyid du grol ba'o// chos nyid rgyu rkyen las ma byung ba'i don ni skye shi dang bral lo// de nyid la rtsol sems dang rnam par rtog pa'i mtshan mas ni gang du yang bslad du med pa'o// 'khor ba dang mya ngan las 'das pa'i chos thams cad sems nyid rang byung gi ye shes la ci lta pabar rdzogs pa ni sems nyid 'khor 'das gnyis la che ba'i don yin no// chos thams cad thig le byang chub kyi sems la sdud pa ni/ sems nyid kyi ngo bos kun la khyab par gnas pa'o// khyab bzhin tu gzhan du spros pa gang yang med pa'o// rang gi byang chub kyi sems ma bcos pa'i rang bzhin ni don gyi rnal 'byor chen po zhes bya'o// sems kyi rtsol bsgrub las 'das pa ni/ gnad du skyel ba'i rig pa zhes bya'o// 'gags dang ma 'gags la rag las pa las kun gyi spyod yul ma yin no// rig pa phyi nang med par 'od gsal ba ni/ kun gzhi 'phrul gyi me long zhes bya'o// sems nyid gang gi mtha' la yang gnas pa med cing 'gyur ba med pa ni rang byung gi ye shes mi bskyod pa'i dbyings chen po zhes bya'o// bgrod cing lam la btsal kyang rang bzhin gyi don las gong du yang 'da' ba med pa bde ba chen por shes na gol sa

  101. 51b

    dang sgrib par mi 'gyur ro// kye ngo bo nyid kyis stong pa chen po rol pa skye ba'i cho 'phrul sna tshogs su snang ba bde tsam na gab pa mngon du phyung ba'i ye shes zang thal du thug phrad pa'o// de nyid chos thams cad sems nyid du ma 'gags pa la ma zhen na snang ba rang sar bzhag pa'o// yang dag par rdzogs pa'i sangs rgyas sngon 'das pa thams cad kyi gshegs shul kyang byang chub kyi sems rang gi ye shes so// da ltar bzhugs pa'i sangs rgyas dang / 'gro ba rigs drug gi sems can thams cad kyang chos sku rang gsal gyi dbyings nas longs spyod la/ ma byon pa'i rgyal ba dang 'gro ba thams cad kyi lam du yang rig pa'i rlung sgo chen po nyid bde ba'o// zhes gsungs so// rin po che 'khor lo brtsegs pa'i rgyud las/ thig le'i don man ngag gis gcod pa'i le'u ste bcu gnyis pa'o// // de nas nyid kyi rang bzhin gyis ngo bo nyid las dbyer mi phyed pa'i 'khor la rgyud gtad pa 'di gsungs so// e ma ho 'dus pa'i tshogs chen po rang rang gi rang bzhin bstan pa'i rgyud chen po 'di zung zhig/ byang chub kyi sems 'khor lo brtsegs pa 'di nyid du snang srid 'khor 'das kyis bsdus pa'i chos thams cad dang // ston pa'i rang bzhin kun tu bzang po dang / ngo bo rdo rje sems dpa' las/ bstan pa chos nyid byang chub sems su bstan pa yin pa'i phyir 'khor

  102. 52a

    du gtogs pa rnams kyis nga'i bstan pa'i rgyud 'di ni ma btang bar zung zhig/ chos thams cad kyi snying po yin no// bstan pa thams cad kyi rgyal po yin no// gsung rab thams cad kyi nying khu yin no// snang srid 'khor 'das kyi chos thams cad kyi dam pa rin po che sems nyid nor bu'i rtogs pa la 'dus so// zhes gsungs pas 'khor thams cad rjes su yi rang ste mgu bar gyur to// rin po che 'khor lo brtsegs pa'i rgyud las/ rgyud gtad pa dang rjes su yi rang ba'i le'u ste bcu gsum pa'o// // rin po che 'khor lo brtsegs pa'i rgyud ces bya ba/ thun mong ma yin pa'i rgyud chen po rdzogs so// // bcom ldan 'das dpal kun tu bzang po la phyag 'tshal lo// byang chub kyi sems nya mo bag la nyal bcom ldan 'das kyi thugs kyi snying po'o// chos dbyings dag pa mtshan med kun tu nga // dus dang mnyam med dus chen mnyam pa med// ma bcos de bzhin nyid na de bzhin kun tu bzang // de nyid nyid la de nyid de bzhin pa// de la de ston de nyid de bzhin de// de dus de thob de nyid tsheche'o// kun gyi rang bzhin nya mo bag la nyal la phyag 'tshal lo// de la 'dun pa mdzad pa che ba yang dag klung chen yin// gang gis bsnyad pa ma yin dpe bral dri med lam// gang yang mi gnas cir yang ma nges

  103. 52b

    'ja' tshon ri mo'i tshul/ bde dang sdug bsngal rgyu mthun byang chub snying po nyid// chos kyi nyams bag lon pa'i chos rnams ma lus snying por gnas// rnal 'byor mchog gi lam 'di kun gyi lam grol lam// phyag byar 'os pa bla ma'i mchog la phyag kyang 'tshal// de phyir rnam grol mchog gi lam 'di kun kyang btsal// blang dor med pa rgyal ba'i lam 'di khyad par lam chen te// mi 'byed mi spang gang yang mi len pa nyid sman pa'i rgyal po nyid// sbyang zhing bgrod mi dgos pas lam mchog dam par bsngags// de bzhin nyid du ye shes 'byung 'jug 'ub pas dbyer med pas// chos gcig thig les thams cad bsdus pas rnam pa chad// rnam pa'i bsam pas dben pas gsang ba byang chub sems// ye shes dbyings sgrol zhi bas bde ba chen po'i klong // skyed pa'i sa gzhir gyur pas rgyal dang chags pa'i yum// srid rtse'i sa bon bsregs pa'i ye shes me chen po// sems dang sems las byung ba ma lus kun rdzogs so// bslab pa'i gnas min cir yang bya ba'i las dang bral ba'i chos// dgon pa gsang ba'i gsang chen nyid na de bzhin gsal// shes bya shes byed dam pa ma yin gnyis med dang // rdo rje rdo rje 'du 'bral med pa bde mchog bde la gnas// yul med ye shes dam pa'i yul las bya byed ye shes dag/ ye shes snying po snying po can

  104. 53a

    rnams kun// sus kyang ma byas rang byung btsal med bde ba dam pa'i don// kun la rang chas gnas kyang sras kyang ma mthong phyir// rnam shes ri mo rnam shes nyid la bri// sgo kun phyag rgyas bsdus nas rang bzhin nyid la ri mos blta// ri mo'i rgyu la ri mo bris nas ri mor gsal// 'khor lo bskor ltar bris bzhin gsal zhing dril// sgo kun 'jug pa'i smig rgyu'i tshul du bya byed mkhan// mun nag skar khung khru ru me sgron gcig gsal tshul// kun tu snang ba'i sar khung nyid de me gcig so sor 'dzin// de bzhin rnam shes gcig pos sgo rnams so sor 'dzin// nyid la nyid kyis rgyas btab nyid kyang rgya yis btab// rgya nyid rgyar gyur rgya de ma nyams rgya// mi 'gyur btab bzhin snang ba'i ngan pa'i rgya// 'thob sla 'thob dka' khyad par 'thob dka' rnams// phyag rgya chen po'i rgya yis btsan par byas// 'thob dka' 'thob pas 'bras sbyangs 'khrul nad che// kim pa'i 'bras ltar de yis de nyid za// de phyir sangs rgyas yang dag byang chub lam la sbyang mi bya// byang chub kyi sems nya mo bag la nyal las/ nyid dang nyid ldan pa'i don dam pa'i gleng gzhi'i le'u ste dang po'o// // de nas bcom ldan 'das dpal kun tu bzang pos/ 'khor ba dang ni mya ngan las 'das pa gnyis med pa nyid la nyid kyis brjod pa/ shes bya dam pa kun dang 'phyos

  105. 53b

    pa'i dug lnga byas shing zos pas zo chu'i rgyud ltar 'khor/ gnas lnga nas ni sdug cing snyan pa la sogs blangs te thos pas de bzhin 'khor// de bzhin sdug bsngal so sor thos pa'i de dbang mthus// de smin de 'joms spong byed de yang shin tu 'khor// 'khor bar blta ba'i 'khor ba'i yul 'joms de ni khyad par 'khor// gzugs sgra la sogs de yi rigs pas brtags pas ni// phung po la sogs 'khor dang bcas pa med bzhin brtags shing 'khor// de phyir 'khor ba 'khor ba zhes ni snga phyi med pa'i 'khor ba las ni btags// de la 'khor ba zhes ni kun gyis bos pa'o// de bzhin nyid dang dbyings dang mya ngan 'das pa sus mthong ba nyid 'khor ba ste// sems dang sems las byung ba'i chos mthong ba ni smos ci dgos te 'khor ba chen po yis// ma bcos thig le'i chos gcig cir yang mi snang bas// snang zhing brtag pa'i chos ni gang nas kyang ni btsal du med// de med pa la 'khor ba mi gnas mya ngan 'das bral med// dpyad du med pa'i sa la sus kyang sbyang du med de kun bzang nyid kyis brtags par rab tu dka'// ye nas bya ma dgos pa'i chos la cir yang mthong du med pas ci yang bsam mi bya// 'khor ba yud tsam grub ma myong bas mya ngan 'das pa'ang med// mya ngan 'das med pa nyid mi rtog rnal 'byor lam chen po// de nyid g.yo ba med

  106. 54a

    pas ye shes gsal rig dag cing rnam pa'i 'byung 'jug zhi// mi rtog mi g.yo ba de yang dag sangs rgyas nyid// de ni thig le gcig gis bsdus pa'i chos nyid kun tu bzang po'i chos 'di nyid las chos rnams gang yang med// 'khor ba'i klung chen rgya mtsho nam mkha' lta bur che ba'ang // mi rtog mi g.yo'i ngang du bcom ste gnyis med thig le byang chub bde ba'i lam chen 'di la la 'phrang med// de phyir byang chub snying po'i chos 'di nyid las chos rnams gang yang med// dmigs su yod pa'i chos dang dmigs su med pa'i chos rnams ma lus pa// dmigs pa nyid dang mi dmigs pa yang mnyam nyid do// phyi rol gyi ni yul rnams sgyu mar yid ches pas na nang gi sems kyang ma grub pas na rnam par mi rtog pa'o// sgyu ma gnyis kar dbyer med pas na gnyis med mnyam pa'i ngang // yid kyi rgyu ba sgo lngar 'byung ba rgyun mi chad pa de bzhin du// chos 'di thams cad kyis ni ngo bo med pas grub pa med pa'i sgo rnams mi tshol bas/ ci la'ang mi sems ma rtog mi dmigs gang la'ang mi gnas par bsgom mo// de la dmigs pa byar med pas ni mnyam nyid yin te chos rnams ngo bo nyid kyi sku'o// byang chub kyi sems nya mo bag la nyal las 'khor ba dang mya ngan las 'das pa gnyis su med pa'i le'u ste gnyis pa'o// // de nas bcom ldan 'das

  107. 54b

    chen pos nyid kyi bya byed kyi chos thams cad brjod pa/ mnyam pa'i rgyal po bya byed med pa'i klong de nyid// sus kyang mi bcing bcing bar bya ba ye nas yod ma yin// thams cad mkhyen pa'i dbang bskur de yi ma bzung med// gzung med thams cad de yis byas pa med par rigs// zhi ba'i snying po de la g.yo ba gang yang med// de bzhin 'pho 'gyur med pa'i chos de kun gyi 'bras// snying po'i snying po yin pas snying po kun gyi mchog/ 'dus byas rnam par dag pa'i lam gyi phugs chen yin// so sor rtogs pa'i shes rab kyis kyang de la brtag tu ga na yod// chos dang chos rnams 'khrul pa rnams kyis de las gzung ba dben// sus kyang ma mthong mthong ba med de rnam par dag/ chos so cog pa 'khrul pa rnams ni de la lam du 'dod// lam 'dod de la lam mi gnas te lam mtha' ring // rnam grol lam ni sus kyang btsal du med pa'i lam chen yin// de la mi gnas pa la gnas pa'i chos de ye nas yod// rgyal lo rgyas so de rgyas thams cad rgyas// tha dad med par kun ldan de dang ldan// de ni yongs kyi lam ste de la bgrod du med// ma bsal dri ma rnam par dag pa rang bzhin chos// g.yo ba'i 'byung 'jug rnam par spangs pas 'du shes zad// yang dag sangs rgyas dmigs pa med pa ni// ye shes yongs kyi ye shes snying po yin// ma g.yos lhun gyis grub

  108. 55a

    pas thig le chen po nyid// spros med spros dang bral bas byang chub snying po'i sku// bde chen yongs kyi lam de sangs rgyas dang // sgyu ma'i sgyu mar gnas te sgyu ma'ang med// sgyu ma rdzun phyir chos rnams sgyu ma 'dra// sgyu mas sgyu mar brtags te sgyu ma'ang med// skad cig tsam yang sgyu mas sgyu ma ma mthong phyir// chos rnams ma lus de 'drar mthong ba med// 'du shes zad pas byang chub snying po mthong // rnam par mi sems rang rig nyid kyi dbang // ci yang mi bsgom pa ni bsgom pa'i mchog ces bya// ci yang mi dran pa ni yang dag sangs rgyas dran// rtag tu sangs rgyas dran zhing dmigs pa mi 'byung na// mnyam snyoms yang dag de bzhin nyid ces brjod// ci tsam dmigs pa'i yul med chos su brtags dang bral// yul la mi dmigs yul nyid de bzhin rdzun// rdzun phyir shes pa'ang rdzun te sangs rgyas nyid kyang rdzun// rdzun zhes gdags pa'ang rdzun te rdzun nyid yod ma yin// smig rgyu chur 'khrul pa'ang de 'dra mod// 'khrul phyir yang dag nyid kyang skad cig mthong mi srid// snang stong ngo bos dben phyir de bzhin de bzhin nyid// thig le gcig gis bsdus phyir de bzhin yod ma myong // yang dag nyid la yang dag yang dag med// yang dag med phyir chos rnams thams cad med// de med pa la sangs rgyas gnas de sangs rgyas nyid kyis

  109. 55b

    kyang // sangs rgyas nyid kyang rnam par dag pa'i dbyings te dbyings kyi rgyu// yod med rtag chad gnyis su med pa'i lam// 'khor ba mya ngan 'das pa gnyis med cig char re// gcig med gcig tu 'dzin pa rnam rtog rgyun// 'dzin med de la rtog pa 'dul phyir yang dag min// yang dag med par shes pa de nyid 'du shes med pa'i lam// de yis sangs rgyas kun bsdus pho brang chen por gnas// lam gyi phul te lam nad thams cad sel// spros bral thig le thig phran kun gyi mchog/ ming tsam nyid du bdag med mtshon pa'i ming dang bral// mi skye mi 'gag cir mi dgongs pa rnam dag lam chen yin// mi g.yo g.yo rdul med pas rnam mi rtog/ mi rtog nyid la gang mi gnas pa de ni thams cad mkhyen// ye shes spyan chen spyan gyi nang na mchog tu gyur pa'i spyan// mtha' dbus khyab par 'dzin pa'i sangs rgyas spyan zhes de la gdags// rgyal ba'i rgyal ba ma rgyal ba kun nyid las rgyal// byang chub chen po'i tshul mchog rnam par dag pa nyid// rgyal ba'i rgyal bar gyur pa rgyal ba'i rgyal mchog go// stong nyid rang bzhin ye shes chen po'i nga nyid las// sku gsung thugs phyung de la rab gnas pa'i// de las snying po mchog phyung dkyil 'khor gsang ba'i lha// byed pos byed par 'dod pa'i rtog pa'i sku phyag rgya// sku gsung thugs rtags mtshan ma'i

  110. 56a

    dbu phyag can// mtshan can rtog pa dkar dmar nag ldang ser// mi brtag mi dmigs mnyam sbyor don 'tshol bas// smig rgyu chu ru bsnyeg pa lta bur 'grub mi srid// byang chub chen po rnam thar kun gyi lam la gnas// der 'gro ye shes brtsegs pa'i rin chen rgyan phreng can// srid gsum ma lus lus pa med pa'i rgyas btab pas// thig le chen por snyoms 'jug chen pos che ba lnga// phyag rgya nyi shu rtsa lngas lus bcings bya byed med// 'jig rten gsum gdul med de de bzhin nyid du 'dul// chung che phyag rgya'i snying pos btsan par btab pa'i rgya// de yis ma phyung de las thams cad de bzhin phyung med phyung // thams cad phyag rgyas btab kyang che ba gcig gi ngang // che ba lnga ldan snying po med pa'i don nyid ni// spyi mthun las kyis mi bsgrib g.yo med rang bzhin gnas// ye shes rnam grangs bsam yas dpag mi langs// ye shes nyid las gzhan du g.yos pa med// nor bu rin chen tshul du 'byin pa'i rgyu// gang yang mi skor mi len thig le yongs kyi lam// zla ba lta bur rnam grol dam pa'i sgra// phyag rgya chen po'i ngang du thams cad brtson par gnas// ye shes 'od gsal stong smon mtshan med gsal// sus kyang ma bcos thig le nyid las nyams pa yang med// gang yang de yod pa la 'dzin pa'i rtog pa yod phyir byang chub med// de yis de

  111. 56b

    byas byang chub de las nyams te de ma yin// de yang de yi skyon can yin te sus kyang bsdur yang med// ma bsdus de byas de yod min phyir de yang med// de la de sbyar btsal bas nad du gyur te 'gro// de ma thag pa rnams kyis de brtags de las nyams// de la snying po gang yang med de rtsa ba stongs// des smin 'bras bu yod par mi 'gyur sa bon rul// de gyur pa na thig le nyid med pa ste stong pa'i stong pa nyid de ye nas stong // rtag chad khyad par nyams te stong par gnas pa min// de nyid ye shes bzhi 'bras smin pa'i rgyu ni snying po'o// de ltar yongs kyi bdag nyid thams cad mtshungs pa'i lam// sus kyang ma 'byin de nas rang bzhin thams cad gnas// de nyid bgrod med lam du snying po de ma thag/ rgyal ba'i yum de byang chub chen por kun mtshungs klong // rnam par mi rtog med pa chos kyi sku yang yin// rdzogs chen kun rdzogs khyad par gnyis rdzogs rdzogs// 'khor ba mya ngan 'das med thig phran yongs kyi lam// bdag med phyogs bral rnam rtog rnam par zad// khyad par gcig tu mtshungs shing bya byed rnam par dag/ byed spyod rnam spyod thams cad ye nas dag pa yin// dus dang rgyu dang byed pas byas pa lta bu'i thar lam min// rang byung nyid du kun gyi rgyu nyid de rgyur gnas// rgyu yi rgyu ste sa bon thams cad rnam par dag pa'i rgyu// rgyu

  112. 57a

    med rgyu dang bral ba byang chub snying po'i rgyu// snying po yod pa ma yin de rgyu ye nas med// med pa'i snying po yod pa mchog gi sku// 'du 'bral med par thams cad ldan gnas pas// med pa'i snying po de la med pa'i med pa log/ yod pa de la med pa'i yod pa yod// de la 'khrul pa yod phyir yod med gnyis ka med// de phyir dbus med mtha' med yang dag nyid kyi mtha'// yang dag nyid kyang snying po nyid de ye nas de bzhin gsog/ chos sku sangs rgyas ming btags de ltar de bzhin no// ye shes rigs su gsog phyir blang mi bya// rgyal ba mngon byung mtshan dpe brgyan pa yang // de bzhin gsog phyir rgyal ba yang mi 'dod// rgyal bas kun bslus rgyal ba nyid kyang bslus// rgyal ba'i rgyal ba med rgyal rgyal mi gnas// sgyu 'dra de ni 'khrul phyir sgyu dngos 'dra// sgyu ma'i rang bzhin gang du'ang ma grub phyir// chos rnams yongs med de gsungs gsungs pa sogs// de ltar gsog phyir de bzhin nyid kyang gsog/ dri bral sangs rgyas yang sangs rgyas pa der mi gnas// de ni byang chub snying po sangs rgyas med pa yin// de la spros btags chos med skur yang de bzhin med// rtogs pas bsags pa de las byung phyir rgyal bar snang // bag chags brtas pas rtogs la zhen byas de ltar nyid// gang ltar brtags pa de ltar snang ba rtogs pa'i

  113. 57b

    dbang // rtogs pa'i dbang las mi rtog ye shes skye// rnam mi rtog pa'i dbang du thams cad ma lus 'dun// mtshan ma ma lus 'dud phyir chen po nyid kyi dbang // ji ltar mtshan ma de dag yongs su rnam par dag gyur pa// snang ba nyid ni yid la mi phyed pa'o// mtshan ma de bzhin de las ye shes rtsa ba byung // de nyid mtshan mar 'dus te mtshan nyid snying po nyid// mi rtog pa yi sems kyi chos nyid de nyid dbang // cis kyang bslad pas mi bslad rin chen gser// gyo mo shing bu gseg mar mi gnas pas// shing bu rtsol bas kun tu zhib brtags na// 'khrul pa grur zhugs smyon pa rlung chen dang // ra ro tshul tsam rnams la mi snang srid 'gyur kyang // brtags pa de la sbyang ba gser du snang // de bzhin kun gzhi'i rnam shes nyid bdun bcas pa'ang // ting nge 'dzin gyis yongs su sbyangs pa yis// rnam 'byor can gyis rtag tu de mthong 'gyur// mi rtog pa nyid ye shes kun gyi ye shes snying // skye zhing 'jigs pa spre'u 'dra'i rnam shes de// mi skye mi 'jig de bzhin pa ni ye shes skyod// ye shes nyid 'khrul rnams la snang phyir ye shes med// ye shes med phyir de bzhin nyid kyang yod mi 'gyur// mi rtog pa nyid tshul khrims nyid de khrims 'chal min// tshul khrims nyid du tshul khrims de gnas so// yongs kyi snying po de la de med 'khrul par snang // 'chal ba'i tshul khrims

  114. 58a

    med par gang rtogs pas// gnyis ka tshul khrims log pas ye shes chen po yin// gnyis med ye shes snying po sangs rgyas kun gyi lam// tshul bzhin thig le yid la byed pa skad cig gis// las dang las kyi rnam smin ma lus rnams// byang chub chen por mtshungs shing khyad par med// mi rtog pa nyid chos rnams thams cad nyid du nges// thams cad dmigs su med pa mi rtog thig le nyid// de nyid mnyam par gnas pas mnyam pa chen po'i ngang // de nyid gang yin mi gnas de nyid gang mi gnas// mi gnas mi 'chal de phyir mi g.yo bar yang mtshungs// de yang mi gnas phyir mi ldog pa snying po yin// de ni thig le'i snying po yin te thig le nyid du bshad// thams cad ma lus mnyam pa chen po'i ngang zhes de la rdzogs// nam mkha'i khams dang mtshungs te dbyer med mchog tu bshad// rnam par mi rtog de la mi rtog snying po'i snying po yod// 'dzin pa'i 'dzin pa med pa'i ting 'dzin snying po'i sa// de nyid mi rtog lam la gnas te mi rtog ye shes sku// zhi la phra ste cha shas zab pa med phyir blta dka' ba// mtshan mar 'dzin pa'i 'du shes thams cad bcom pas na// lhun grub ye shes chen po'i ting nge 'dzin// mi rtog pa nyid thams cad mkhyen pa'i sangs rgyas nyid// gang la dmigs pa med pa dam pas dbang bsgyur ba// zhi ba rnam ldan mtshan

  115. 58b

    nyid med pa'i mtshan nyid ni// rnam pa thams cad mkhyen pa'i ye shes nyid yin te// ye shes snying por sangs rgyas sa rnams ma lus bsdus// che ba'i che ba yang dag don gyi sgo nyid ni// rnam pa'i grangs dang dmigs pa gnyis po spangs// snang med chos la snang ba med par ye gnas pas// mtshan ma'i rnam rtog theg pa rnams la ga la 'jog/ sems can sems can tsam yang mi snang na// sangs rgyas sangs rgyas kun gyi sa la de bzhin gnas// mi rtog byang chub snying po mi rtog mya ngan 'das// sna tshogs mtshan ma 'dzin pa'i 'du shes dang bral ba// rgyal ba'i bcom ldan 'das te bcom ldan 'das// theg chen snying po rnam mi rtog pa'i mchog/ gang la mi gnas mi rtog byang chub po// byang ba dang ni mtshan nyid thams cad ma lus kun// dngos por mya ngan 'da' bar gyur pa yongs mi srid// rnam rtog mtshan 'dzin rnam par shes pa la// ye bzlog mya ngan 'da' ba'i thig le byang chub po// de bzhin rnam par mi rtog snying pos don mdzad pa// de bzhin gshegs pa'i dgongs pa rnam mi rtog/ rtog pa'i dri ma zad phyir cir yang ston// sems can rnam rtog de yis bskang bas na// de bzhin nyid ni don mdzad sems can mgon// bdag dang gzhan gyi dbang la gnas pa'i rigs drug ma// mi rtog byin rlabs rgyun mi 'chad par rtag tu ston// ji ltar yid

  116. 59a

    bzhin sgrub pa'i nor bu'i rgyal po chen po ni// yid bzhin 'dod pa'i re ba rdzogs par byed// de bzhin rnam par mi rtog pa yi chos nyid kyang // rtog mtha' zad pa'i smon lam ma lus rdzogs par gnas// mtha' dang dbus med gang la'ang mi spyod mnyam gnas pa// mnyam pa'i rgyal po sangs rgyas nyid// tshor ba de bzhin gshegs pa ni// yang dag don dam 'di la bsam bya gang yang med// gzhag par bya ba'ang ye nas ci yang med// yang dag nyid la yang dag nyid gnas phyir// don dam yang dag nyid la yang dag blta// yang dag mthong na thams cad rnam par grol// yang dag don chen rnam par dbye ba la// g.yo bar bya ba'i yid kyang mi g.yo med pa ste// nyon mongs rnam shes sbrul des sgo lngar 'gyus// kun tu nges par bzang ba'i gnas ngan len// mi bzad srid pa'i rgya mtsho 'khor ba'i 'obs na gnas// der brtags gnas las dben pas ye shes snying // de lta'i mi rtog byang chub snying po'i lam// yin gyis rnam shes gang gi rjes mi 'brang // rnam par mi rtog nyams su des myong klong // de nyid tshor ba nyid de tshor ba'i rgyal po yin// dngos po gang du'ang mi gnas mi dmigs shing // ji ltar bsam pa bsam rtogs nyid yin te// chos rnams ma lus snang rtog gang bral byed// de ni sangs rgyas nyid mnyes sa chen lhun gyis grub// bdag

  117. 59b

    med pa ni bdag med kun bdag med// mi rtog mi rtog pa la mi rtog rtogs// sdug bsngal pa la sdug bsngal ma yin blta// gtsang dang mi gtsang gnyis kar mi tshor ba// thams cad ma lus chos rnams nyams su len// 'khrul pa'i sdug bsngal med phyir tshor ba dam par bsngags// byang chub chen po'i lam der gnas 'dral mi phod do// byang chub kyi sems nya mo bag la nyal las/ byang chub sems dpa'i dgongs pa bag/ la nyal ba dang / kun tu bzang po'i dgongs pa bag la nyal gnyis lhag sprod du bstan pa'i le'u ste gsum pa'o// // de nas bcom ldan 'das dpal kun tu bzang pos/ mi g.yo ba 'dod chags pa'i ting denge 'dzin la snyoms par zhugs nas/ nyid kyis nyid la bshad pa/ 'du shes thams cad 'du mi shes par yang rtog pa// mtshan ma zad phyir g.yo ba'i 'byung 'jug dag/ rang rig ye shes gang du'ang mi gsal bas// mi g.yo thig le dkyil 'khor ldan pa'i mchog/ mi gnas mi sems tshul khrims pha rol phyin// mi dran mi g.yo ba ni ting 'dzin dam pa'i bsam pa'o// sgyu ma sgyu 'dra'i sems mi 'byung ba shes rab yin// sems ni yid kyi rten te 'byung 'jug med snang na// yang dag yang dag nyid de chos sku mi g.yo'i rgya// de ltar de bzhin mnyam pa dkyil 'khor chen po'i lam// g.yo ba rjes dran bsam las yul gzhan

  118. 60a

    dmigs pa la// brtul ba ji ltar byas kyang mi g.yo ba yi 'byung 'jug gsal// ji ltar gsal ba de nyid 'khrul pa'i 'khrul pa yin// rnal 'byor lam byed lam rnams mnyam par ni// dus gsum sangs rgyas rnams kyis khyad par gsungs// rtsa ba med pa'i dngos med sems nyid ni// phra bar sbyangs pas kun gyi spyod yul las 'das te// 'phags pa'i spyan gyi gzigs shing shes su rung ma yin// cir yang mthong ba med pas sems kyi ngo bo mthong // mi mthong mthong phyir rnam par mi rtog mthong // ming du gdags su tshor ba'i ngo bor gsal// ye shes sgyu ma'i thig le cher grags pas// khams gsum dus gsum kun bzang nyid kyi rol// chos rnams zag med thams cad ma lus kun// dngos po nyid med dngos pos bsdus pa'i de bzhin nyid rig na// ye shes dag pa'i tshogs chen bsgom pa de yin te// lam mchog 'bras bu chos sku de mthong bas// ngo bo nyid kyi ngo bo nyid rol rnam dag nas// de dang dus gsum mi 'bral de la de bzhin gnas// nye lam nyid rdzogs pha rol phyin 'tshang rgya// ngo bo nyid kyis chos rnams gnas pa'i ngo bo nyid// ngo bo nyid med de yang med rig pas// chos rnams thams cad grags pa med pa yin// grags kun spangs pa chos kyi rgyal po de bzhin nyid// chos sku'i ting 'dzin rin chen la

  119. 60b

    brten nas// sangs rgyas chos sku dpag tu med pa 'byung bar 'gyur// chos sku'i rnam par mi rtog rtag chad ma yin pas// yang dag dbu ma'i lam du khyad par bstan pa ni// bla med byang chub lhun gyis grub pa'i ye shes sku// mtshan ma rnams dang ye shes de bzhin nyid de 'dres ma yin// mngon par 'du byed mtshan rnams thams cad kyis// sangs rgyas lhun grub mtshan ldan ma yin no// de dag ma lus 'khor los skur yon tan// des ni sangs rgyas mi mthong de bzhin nyid dang ldan// nye lam bder rdzogs yon tan dpag med de// chos rnams ma lus ngo bo gcig gi ngang du gnas pa la// ngo bo de nyid de bzhin rnam rig na// ye shes chen po'i tshogs chen rnam par dag/ lam gyi lam mchog mngon du rnyed pa'o// ngo bo nyid kyis rnam par dag la byang chub klong // bsod nams klong chen btsug pa ye shes dag pa'i rgyu// sbyin pa tshul khrims bslab pa'i gnas 'dzin pa// ye shes chen po tshogs chen skyed pa'i rgyu yin no// 'khor gsum yongs su dag pa'i tshul gyis gang spyod pa// 'jig rten las 'das pha rol phyin pa'i rgyu mchog go// gang yang gtong pab mngon du gyur nas bsags pa mthar phyin pa// ye shes kyi tshogs rdzogs par byed pa'i lam mchog go/ gang gtong ba la le lo snyoms pa g.yengs pa med gyur na// ngo bo nyid kyi chos gcig de bzhin nyid kyang

  120. 61a

    'bras bur 'gyur// 'dus byas bsod nams tshogs la brtul phod na// 'khor los sgyur rgyal lam de nas ni 'bras bur 'byung // ye shes tshogs chen 'bras bu'i lam gyur nges byed 'gyur// gtong la sogs pa bsod nams don du bsgrub bde ba// de bzhin gshegs pa thams cad don du gnyer ba'i bya byad byed// bud med sbrum ma bu btsas nye ba bzhin du nye bar 'gyur// sbyin dang tshul khrims bzod dang brtson 'grus bsam gtan shes rab ldan// lnga po shes rab nyid kyis dbang bsgyur chos kyi sku la sbyor// mar me dgongs nas mun khong 'jug cha 'dra bar 'gyur ba yin// bsod nams tshogs kyi don de chu skom 'thung ba'i tshul du sbyor byed pa// shing gnyis gtsub pa'i me yis kun bsregs bzhin// nyon mongs ma lus lus pa med par kun bsregs nas// ye shes chen po'i lam na de gnas de 'gres byed// byang chub kyi sems nya mo bag la nyal las/ rdzogs pa chen po mi g.yo ba'i don bstan pas/ mdo sde'i g.yo ba gol sar bstan pa dang / ye shes kyi tshogs rdzogs pa dang mi g.yo ba mthong du rung bar bstan pa dang / bsod nams kyi tshogs kyis ye shes kyi tshogs bsags nas de bzhin nyid thob tu rung ba'i le'u ste bzhi pa'o// // de nas bcom ldan 'das dpal kun tu bzang pos/ chos thams cad

  121. 61b

    bden pa gnyis su 'dus pa'i don dam pa'i bden pa ni rgyu/ kun rdzob ni 'bras bur ston pa nyid kyis nyid la bshad pa/ chos gcig la ni rim gyis bden pa gnyis rtog pa// mu stegs byed kyis kun rjes 'khrul pa'i bden par rab brtags pa// thams cad bdag dang gtso bor rtog pa bstan pa nges pa nyid// dam pa'i don ni thams cad mtha' brgyad spros dang bral ba nyid blta ba// de yang rtag go snyam pa'i rtog dang ma bral ba ni de ltar byed// phyi rol pa ni brtags pas rnam par bden pa gnyis su rtogs// so sor smra bas 'khrul pa nyid du rnam par brtags pa nyid// brtags pas don gnyis 'grub par 'dod de min// dam par phung po khams dang skye mched thams cad kun// dus gsum rdzas su 'dod de so sor smra ba'i don dam rang byung ngo // sde pa'i 'khrul pa rtag pa'i don nyid steng du 'dus ma byas dang rig byed ma yin pa// sems dang mi ldan 'du byed bcu bzhi 'dod pa rnams ni 'khrul pa'o// dam par phung po khams dang skye mched tsam zhig rdzas su 'dod pa don du blta// rnam shes tsam du smra bas thams cad bden pa gnyis su 'dod de 'khrul pa ni// phyi rol phung po khams dang skye mched sems dang mi ldan rig byed ma yin pa// de rnams rdzas su 'dod pa rnams ni 'khrul pa yin te don dam nges pa min// dam par mtshan nyid gsum gyi

  122. 62a

    kun brtags pa ni 'khrul pa nyid yin la// gzhan dbang grub pa gnyis ni don dam pa ste 'khrul pa ye nas min// de la ngo bo nyid gsum rdzogs te bden pa bzhi yang tshad mar gnas// don dam pa la sku gsum ye shes bzhi yang tshad mar gnas// mtha' gnyis spangs pas thams cad bden pa gnyis su 'dod de 'khrul pa ni// rnam bzhir 'dod de nges tshig mtshan nyid dbye ba dang // 'jog pa'i yul dang rnam bzhir 'khrul par 'dod pa de ni dam pa yin// dam pa'i rang bzhin rnam pa bzhi ste nges pa dang ni mi bslu ba// bcos ma ma yin pa dang brtags pa'i don min gang yin pa// dam par 'dod de 'khrul pa min/ la skye med rtag pa med// gzhig nas rang bzhin med par gyur pa 'khrul pa yin phyir don dam min// dam par sgyu ma tsam du yin te de la dngos por snang ba gang yang min// tshig tu dngos por mi blta rig pa rim gyis skye bar 'dod de sgyu ma tsam// a ti nges med theg pa'i snying po'i rang bzhin 'di// sus kyang dpag par nus pa ma yin bden gnyis ye nas med// bden pa gnyis 'dod pa ni 'di na ga na yod de ye nas med pa yin// bden dang mtshan mar gtan tshigs rjes su dpag pa yis// ya mtshan rmad kyi chos 'di rtogs par nus pa ga la yod// 'khor ba mya ngan 'das med thig le chen po'i klong // byar med klong las

  123. 62b

    'das pas bya btsal rdzogs pa'i sku// thig le chen por thams cad chub pas rgya mtsho'i tshul// ma skyes dbyings su rdzogs pas yum gyi mkha'// stong pa btsal kyang rnyed par gyur pa med pas mkha' ltar dag/ rje 'du 'bral med de bde la gnas pas sdug bsngal ye nas zhi// phyag rgya'i 'byung 'jug nyid la 'char bas snying por gnas// yon tan sku las 'byung bas gang la'ang bsngags su med// shes rab tshogs kyi snying rje'i rlan dang ma bral thams cad spangs// thams cad kun gyi rgyud sde 'bras bur gnas pas lta ba'i mig/ thams cad ma lus bsdus kyang dog 'dzer med pas chos rnams kun gyi gzhi// thams cad ma lus bsdus shing brtan par gnas pas pha rol phyin bcu rdzogs// spang len med pa'i chos 'di sgyu mar gnas pas ming du btags pa rdzun// yang dag thig ler thams cad bsdus pas bya btsal bya mi dgos// ye bsrungs phyag rgyas kun la btab pas phyag rgyar bsgom pa gol// gzhan dang ma 'dres rgyal po bzhin pas sa la sbyang mi dgos// 'di 'dra'i don de rab tu shes par gyur pa mang du thos pa'i mchog/ smra ba rnams nyams pa'i smras pa dag la de bzhin yongs mi gnas// bshad du ye nas med pas bshad pa 'khrul pa ste// yang dag nyid la bshad du mtshon pa'i yi ge med// 'phung bar rgyu byed rnams ni bshad la mos shing

  124. 63a

    dga' bar 'gyur// yang dag byang chub thob par yongs mi 'gyur// rnam dag thig le kun la khyab pa'i yab chen po// tshig tu thos pas de nyid rnyed par ga la 'gyur// ye nas bya med bya mi dgos pa'i lam mchog 'di// rgyu rkyen zad pa'i byang chub rtsa ba rnam par dag/ mthong bas don la mkhas pa thos pa'i mchog yin no// rnam par mi rtog tshig gi rjes su mi 'brang chos gcig dbang bsgyur na// chos rnams thams cad thos shing shes pa'i rab tu gsungs// khrus chus lus la reg tu tsha ba ji bzhin gnas// mi skye mi 'gag dngos por cir yang dgongs su med// drang srong thig le'i lam du zhugs pa'i rnal 'byor pas// yid kyi dkyil 'khor nyid kyi thig ler thim// thig le'i dkyil 'khor nyams su len pa thos pa'i mchog/ yid kyi thig le ma nyams chos nyid thig ler gsal// yid kyi dkyil 'khor nyid kyi thig le thig ler thim// thig le'i dkyil 'khor nyams su lon pa thob pa'i mchog/ yid kyi ma nyams thig le'i chos nyid thig ler gsal// zab mo gting mtha' med pa'i de bzhin de la bskor// de las 'gyur med de bzhin de gnas pa// chos rnams ma lus tshor bas thos pa'i mchog tu khyad par gyur// mang du thos pa'i mchog ni de bzhin thugs kyi dkyil 'khor du 'ub pa'o// tshig tu thos pa don las nyams su myangs

  125. 63b

    shing the tshom gnas// snying po nyid du sems mi g.yo ba lam gyi gter// de lta'i lam la gnas pas pha rol phyin drug 'dus// gang du'ang sems mi g.yo ba sbyin pa'i mchog/ gang la'ang yid mi gnas pa tshul khrims dag pa yin// sna tshogs bye bral mi mjed bzod pa dpa'// bzang ngan blang dor mi 'byed brtson 'grus myur// yang dag yang dag dag la ma chags bsam gtan ldan// gang rjes mi 'gro mi g.yo ba ni shes rab gsal// mi g.yo brtan pa che thob bde ba'i klong chen yin// lam gyi nang na lam rgan lam po che// ye shes lam yang yin te tshul khrims lam du bshad// bzod pa chen po'i lam zhes kyang ni de la gdags// mi g.yo lam gyi gter chen 'dir ni ma lus chos rnams med// rnam dag lam chen 'di yis ma bsgral gang yang med// de phyir ye shes lam chen de bzhin nyid kyi ngang // chos dbyings mi g.yo mngon du gyur nas gzhan la mi brten pa// cig char zhugs shing mngon du zhugs pa yin zhes bsgrags// bzang ngan blang dor dngas snyigs mi 'byed pa nyid chos kyi dbyings// der zhugs der shes pa na cig char zhugs te pha rol phyin// de la de bzhin de zhugs mnyam nyid mya ngan 'das 'khor med// mya ngan 'das pa brjod pa tsam ste khams gsum pa yang brjod pa tsam// dmigs su med pa'i dbyings su thams cad mnyam

  126. 64a

    par tha mi dad// rnam par dag dbyings mya ngan 'das pa dang du len mi byed// 'khor ba skur byed mi gtsang ba yang spang bar byed mi 'gyur// rnal 'byor lam 'dod zhugs pa de ltar shes pas tshor ba'i tshor ba che// cir yang tshor med tshor ba'i mchog yin de bzhin nyid// de bzhin nyid dbyings ye shes dag pa'i spyod yul gyur pa'ang mtshon bya byed ce na// sangs rgyas mtshan dpes brgyan dang phyag rgyar gang gsal tshor ba med// de la gnyis med dkyil 'khor mi ldan mi g.yo ba las nyams// de ltar cig char go ba go ba med pa yin te gnyis su med par go/ 'du shes ma spangs go ba'i mtshan nyid mtshan ma mi rtog pa de cig char chud// gang du mi 'jog phyag rgyar mi 'dzin yid la chos// rnam pa 'dzin pa med na ye nas zhugs// bsam pas mi g.yo mi sems pa ni shes rab klong // rtog pas brtags pa'i spyod yul nyid du 'di ni gyur pa med// bsgom pas don 'di brda' phrad ma yin nyid du 'gyur// 'jug lta rtsol spyod byed pas thig le'i lam mi rnyed// ye shes rang byung yul la chags pas grol mi 'gyur// mthong thos sgo lnga'i bya byed 'khor ba'i klong chen yin// sems dang sems las byung ba 'khrul pa'i 'khrul pa yin// dmigs pa'i yul 'dzin byed pa yul nyid ye nas mnyam// gsang sngags rig sngags phyag rgyar byas pas phyag rgya chen

  127. 64b

    por grags// spro bsdu phyag rgyar byas pas ma bcos thig le bslad// rigs dang ye shes brtags pas yang dag grong chen zhi// sa dang lam la brtags pas pha rol phyin pa khyad par nyams// rtsol sbyong 'phro 'du'i phyag rgyar byas pas sku mchog 'phags// che ba lnga ldan phyag rgyar bsgoms pas sdug bsngal zad// bde ba zad phyir sdug bsngal rgya mtsho nyid la gnas// thig le'i sgo spangs pas ni bde ba chen po bsgom// ting 'dzin ro la chags pas ro med ro dang bral// sku yi phyag rgyar brtags pas sdug bsngal sku med sku dang bral// btsal med btsal bar byas pas byang chub chen po skam// bde ba'i phyag rgyas btab pas bde mchog gting nas 'gags// dkyil 'khor spyod yul brtags pas spyod yul rgyun mi chad// 'dod yon chos su brtags pas byang chub chen po med// snod bcud lha ru brtags pas dmigs med thig le brtul// snang stong zhi khro'i phyag rgyas brtson pa'i phyag rgya bcag/ sbyor sgrol gnas su ma chud log spyod bsgral// rtsa ba yan lag bsrungs pas dam tshig chen po 'das// thams cad chos su brtags pas chos mchog gting mtha' stong // sngags bzlas phyag rgya bcas pas rgyal mchog phyag rgya bshig/ mchod bstod spyan drangs byas pas mtshon chen nyid las nyams// spyan drangs gnyis med bstim pas gnyis med chos

  128. 65a

    gcig bsad// gnas dang gnas min brtags pas gnas mchog dam pa spangs// kha zas gtsang smer btags pas grol ba rang byung zhig/ ma dang sring mor brtags pas b+ha ga'i gting chen 'gags// ye shes dbyings su mthong bas bde ba'i rtogs mtha' rgya mtsho 'dra// grub pa'i mtha' las byang chub klong chen nyid la gnas// brtags pas ye shes skye ba 'khrul gnad sel ba yin// rnal 'byor zhi la gnas nas byang chub chen por mi mtshungs mtshungs med gnas// bden gnyis mthong zhing byang chub mchog tu brtan par de gnas pa// bde chen tshul mchog brtan par gnas pa byang chub lam// mi g.yo snying po'i dri bral dri med dag pa'i sku ni dag/ sangs rgyas pa med bya bral lam la mi gnas gnyen po nyid du gnas// chos sku bdag med gzhan la ltos pa'i chos min gang la'ang ltos pa min// rang sems rnam dag dbyings med byang chub lam chen po// gang nas ma 'ongs gang na med de phyi rol nang rol gnyis ka min// yon tan tshogs kyis brgyan pa'i blo gros thabs chen sku// snying rje chen po'i snying rje rlan dang ma bral thams cad bsnams/ shes rab dag pa sems kyi ngang nyid kun la khyab par gnas// log rtog mtshan ma'i 'du shes thams cad de las byung // sbyin pa la sogs pha rol phyin pa bcur yang rang bzhin ye

  129. 65b

    nas rdzogs// lam bsdus rim pa pa dang 'jug blta thams cad khyad par 'grub pa ni// spang len med pa'i chos 'di sgyu mar gnas pas na// chos rnams ma lus de bzhin de bzhin de yang gnas// sgyu ma'i rang bzhin gang du'ang grub pa med par yin pa'i phyir// sgyu mas sgyu ma bslu phyir sgyu mar gnas// med pa'i sgyu mas yod pa'i dngos gsal 'tshal// 'ja' tshon 'di bzhin gang du'ang grub mi 'gyur// sangs rgyas sangs rgyas zhes bya sgyu 'dra sgyu gnas pas// chos rnams ma lus de 'dra de bzhin gnas// sangs rgyas chos la gus shing rnyed 'dod shes rab 'tshal// gtong ba sems dpa' shes rab 'khrul pa bying ba tshul khrims de ni tshul khrims 'chal pa lam ring 'gyur// bzod pa bsgom pa bzod pa la mi gnas te bzod pa min// gtong dang tshul khrims chos sems phyin bcu de bzhin bsgrub la phyin bcu med// yid la chos sems dpa' la de med sbyin bya med// dpyad pas yang dag don mi rnyed de byang chub lam// bsgrub pa'i 'bras bu de bas brtson 'grus snying po bsal// sbyangs pas sbyangs par bltas pas byar med blta ba brtul// rtogs pa'i ye shes skyes pas rtog mtha' spang mi srid// grub mtha'i 'bras bu btsal bas yang dag lam mi rnyed// byang chub kyi sems nya mo bag la nyal las/ theg pa rnams kyi nges

  130. 66a

    pa'i tshig dang blta ba mdor bstan pa'i le'u ste lnga pa'o// // de nas bcom ldan 'das dpal kun tu bzang pos/ som nyi spangs pa'i ting nge 'dzin la snyoms par zhugs nas nyid kyis nyid la ched du brjod pa 'di brjod do// g.yo ba'i 'byung 'jug yid ches dngos med de bzhin nyid du bzhag/ sus kyang ma bcos tshogs brgyad brten pa 'ja' tshon tshul// de la mi dmigs tshogs brgyad la rten de nyid med// sems can ming ni sems can sems can med// sangs rgyas sangs rgyas sems can yongs kyi ngang // gti mug rnam par dag pa ye yin rnam snang mdzad// 'dod chags 'dod chags ye yin chags mchog yas// zhe sdang rnam par dag pas ma spangs de bzhin sdang ba mi 'khrugs pa// nga rgyal khyad par nga rgyal yon tan can de 'byung ldan nyid// phrag dog mi 'da'i dam tshig don yod grub// thams cad ma lus lus pa med par dbang du 'dus phyir snang mtha'i dam// 'dod pa the tshom med na dam tshig dam pa gtso// ma rig dor min rig pa blang med ro gcig phyir na rnam snang som nyi med// 'da' ka'i de 'da' mi byed de la gnas// chos kyi dbyings las ma g.yos thams cad 'dus pa'i phyir na rgya// dam tshig dam pa de la mi 'da' ba ni mi 'khrugs bla// dge dang mi dge mnyam pa nyid du gnas pas rig pa phrag dog dam// lnga po

  131. 66b

    yin gzhan bde ba de min spong zhing zhi byed 'khrul pa'i lam// gang la som nyi med pa de la tshul khrims ldan// the tshom zad pas bcom ldan 'das kyi bcom ldan 'das// dge sdig the tshom zad pa byang chub chen po nyid// rtog mtha' rtog mtha' spang med zad pa yang dag mtha'// chags med chags pa'i lam la mi gnas mnyam pa nyid// mi dmigs dbyings kyi ma mthong mthong min zin pa de mi gtong ba bsgom pa'i chog/ bsam 'das brjod med ngang la phyag 'tshal lo// ston pa'i mchog la phyag 'tshal lo// kun gyis rab bsngags dpe med lam la phyag 'tshal lo// chos kyi snying por gyur pa'i ji bzhin nyid la phyag 'tshal lo// bya bral mkhyen ldan klong la phyag 'tshal lo// ji bzhin ye nas mkhyen ldan sku la phyag 'tshal lo// sa las tshul khrims la sogs kun// spyod pa mchog gyur bde gshegs rnams kyi yum// kun mtshungs rnam grol mchog gi lam de sangs rgyas nyid// phra zhing shes dka' kun gyi lam de mi rtog rtog las 'das// de med mi 'byung de phyir de ni rnam grol mchog gi lam// mi dmigs mi gnas bsam pa kun dang bral// tshig gis mi khebs dbyings dang kha dog bzang po'i spyod yul min// bstan cing brtags par dka' la brjod du rdul tsam med// 'di zhes bstan pa'i lam med gcig med du ma med// tshad la gzhig

  132. 67a

    nas don gyis grub par bya ba nyid// khyad par grol zhing de min de med de la rtsol bral na// sngon gyi drang srong bsgom mkhan bsgom pa nyid du gang 'dod pa// bsgom chags lam gyi nad kyis zin pa yin// dpyod pa'i mtha' la don gyi lung med 'khrul pa yin// tshig gi mtha' dpyod lam du 'dod cing re mthong ba// de nyid rtog pa'i rgyu 'bras smig rgyu bsnyeg pa 'dra// shes rab zab mos bla med sangs rgyas tshol bar rab tu sla// gzhan nas ma yin de nyid yin te mchog tu 'dod// yang dag lam ni tshig gis mtshon du med// yang dag nyid du mthong na 'khrul pa ste// dag dang ma dag mthong med mtshungs pa'i lam// rnam par ci yang mi 'byed ye shes gti mug dang // rang gis mi g.yo mi bskyod ting 'dzin rgyal por gnas// 'di ltar mthong zhes mthong ba'i dmigs med mngon sum mthong ba'i lam// de phyir thams cad mkhyen pa'i spyan zhes de la bya// mtha' dang dbus med yangs pa'i rang bzhin zhes// mi len mi spang mnyam pa'i rgyal po 'thob// sems dang bag chags gnyis med 'dres shing mtshungs// 'dzin pas snang zhing brtags pa'i chos rnams kun la ni// mi 'dor mi spang rang byung de nyid de// rnam pa cir yang mi dgongs thabs kyis de la rol// kun dang mi mthun yongs kyis spangs pa'i chos// nyon mongs lnga dang

  133. 67b

    mtshams med lnga po yi// rnam dag lam der zhugs pas mnyam pa'i rgyal pos 'thob// bud med la sogs kun kyang spang mi byed// lo rgyus don nyid tshang mar blo bzhag nas// ting 'dzin gsum po btags shing grub pa'i mtha' dpyod pa// rtsol bsgrub lung las grol te 'khrul pa yin// bya bral lhun rdzogs bde ba'i yul la gnas// ye shes rang byung chen po'i snying po nyid// mi dmigs mi g.yo bsnyad pa kun dang bral// bya bral zin pa'i yul la kun tu ji bzhin gnas// ma skyes mi 'gag nam mkha' lta bu'i ngang // 'di zhes bstan du med de thig le gcig gi sku// spro zhing bsdu ba med de thar lam dam pa yin// ma rtogs rtogs pa med de shes rab thabs bral bas// mtha' med dbus med snying por gdags pa'ang med// mkha' bzhin ma bcos smra bsam yul las 'das// tshad mas don gzhig dpe bral rgyal ba'i thugs// yang dag byang chub klong ni 'di zhes bstan par dka'// chos kyi snying po rang rig byang chub sems nyid che// byang chub sems ni 'di zhes rab tu rnyed par dka'o// pho mo ma ning kha dog dbyibs med phyir// chos rnams kun gyi rang bzhin de kho nar gsungs pas// dngos po mtshan 'dzin de yi rang bzhin de la mi gnas pas// med de med nas stobs sogs ci yang med pa ma yin gnas te gsal ba de min no// rtsol bral rgyal

  134. 68a

    ba'i bka' 'di gzhan du dad mos min// 'jug kyang mtshan ma dbyings stong rang bzhin nyid de 'jug/ sems kyang der bskyed 'bras bu der thob pas// dpyod mtha' thams cad 'khor ba de nyid kho nar zad// byang chub kyi sems nya mo bag nyal las/ don dgongs par bstan pa'i le'u ste drug pa'o// // gsang ba'i don med/ bai ro'i 'gyur yin no// // @// rgya gar skad du/ rat+na d+ha ska ra tan+t+ra nA ma/ bod skad du/ rin po che snang byed kyi rgyud ces bya ba/ bcom ldan 'das bya bral dang la phyag 'tshal lo// kye kye chos kyi sku 'di gang nas byung // longs spyod sku 'di gang nas byung // sprul pa'i sku 'di gang nas byung // gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ chos kyi sku 'di sems nyid ngang las byung // longs spyod sku 'di ye shes dang las byung // sprul pa'i sku 'di rig pa'i ngang las byung // zhes gsungs so// rin chen snang byed kyi rgyud las/ sku gsum byung ba'i le'u ste dang po'o// // chos sku longs sku sbrul sku gsum// gcig pa lags sam tha dad lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ nam mkha'i zla dang chu zla'i

  135. 68b

    tshul// gcig pa ma yin tha dad min// rtogs na byang chub sems su gcig/ ma rtogs sems can tha dad snang // zhes gsungs so// gcig pa dang tha dad las grol ba'i le'u ste gnyis pa'o// // chos kyi sku ru ci phyir btags// longs spyod sku ru ci phyir btags// sprul pa'i sku ru ci phyir btags// de yi nges tshig ji ltar lags// gsang ba'i bdag pos bstan du gsol// gsang ba'i bdag pos yang gsungs pa// kye sems dpa' chen po nyon cig/ byang chub sems dpa'i chos nyid de// mi snang ba la mngon du 'byin nus pas// chos kyis sku ru btags pa yin// 'byung ba lnga dang 'dod yon lnga// dug lnga'i ye shes longs spyod pas// longs spyod sku ru btags pa yin// 'byung ba lnga ru sku sprul nas// thams cad rig pa'i dbang bskur zhing // gang la gang 'tshams sbrul mdzad pas// sprul pa'i sku ru btags pa yin// zhes sku gsum nges tshig gi le'u ste gsum pa'o// // sku gsum gnas lugs ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ rigs drug dbyings na gnas tsam na// chos sku dri bcas chos kyi sku ru gnas// rtogs ldan dbyings na gnas tsam na// rgyun dang dum bu'i tshul du gnas// rtog med dbyings na gnas tsam na// dri med

  136. 69a

    chos kyi sku ru gnas// zhes sku gsum rang gnas kyi le'u ste bzhi pa'o// // sku gsum bzhugs tshul ji ltar bzhugs// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ chos kyi sku ni mi snang la rang bzhin yod par bzhugs/ longs sku snang la rang bzhin med par bzhugs/ sbrul sku snang yang snang la rang bzhin yang yod par gsungs/ zhes sku gsum bzhugs tshul gyi le'u ste lnga pa'o// // don gyi rgyud 'di gang nas byung // gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ byang chub sems kyi chos nyid la// nyon mongs skyon gyis ma gos pas// dri med rnam dag rgyud du byung // cho 'phrul bsam gyis mi khyab pas// stong pa kun 'byung rgyud du byung // rig pas thams cad bcad pa yis// 'dzin pa sdug bsngal rgyud du byung // zhes don gyi rgyud du byung ba'i le'u ste drug pa'o// // dri med rnam dag ji ltar lags// stong pa kun 'byung ji ltar lags// 'dzin pa sdug bsngal ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ gzhi la skyon gyis ma gos na// de ni phyi yi dri med yin// dug lnga sel du mi 'dzin

  137. 69b

    na// de ni nang gi dri med yin// dbyings la skye 'bri mi byed na// de ni gsang ba'i dri med yin// byas pa'i chos la mi ltos na// de ni phyi yi stong nyid yin// mtshan ma'i chos la mi gnas na// de ni nang gi stong nyid yin// chos nyid ngo yis mi 'dzin na// de ni gsang ba'i stong nyid yin// 'byung ba lnga la mi 'dzin na// de ni phyi yi rig pa yin// sgo lngar 'dzin pa ma zhugs na// de ni nang gi rig pa yin// ye shes rgyun du mi gcod na// de ni gsang ba'i rig pa yin// zhes so// rgyud gsum bkrol ba'i le'u ste bdun pa'o// // rgyud kyi ngo bo nges tshig ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ byang chub sems kyi chos nyid de// kun tu 'brel pas rgyud kyang yin// yang dag lam du zhugs pa yi// gzung du rung bas lung yang yin// nyams su blangs pa'i chos nyid du// byang chub sems las med pa'i phyir// de phyir man ngag dam pa yin// 'brel dang ma chad med pa yis// phun sum tshogs zhes de la bya// gdod nas snying po byang chub sems// de ni 'bras bu'i rgyud du bstan// zhes rgyud kyi ngo bo nges tshig bstan pa'i le'u ste brgyad pa'o// // chos rnams thams cad gang nas byung // gsang ba'i bdag pos bstan du gsol// gsang ba'i bdag pos gsungs pa/ kye

  138. 70a

    sems dpa' chen po nyon cig/ chos rnams thams cad rkyen las byung // rkyen ni snang ba dngos las byung // snang ba dngos ni yi ge'i gzugs su byung // zhes yi ge byung ba'i le'u ste dgu pa'o// // chos rnams thams cad gang du 'dus// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ chos rnams thams cad ming du 'dus// ming rnams thams cad yi ger 'dus// yi ge rnams ni sgra ru 'dus// sgra rnams kun bzang gsung du 'dus// zhes chos rnams tshig dang yi ger 'dus pa'i le'u ste bcu pa'o// // kun bzang lta bsgom spyod pa ji ltar lags// gsang ba'i bdag pos bstan du gsol/ gsang ba'i bdag pos gsungs pa/ kye sems dpa' chen po nyon cig/ ma 'phangs rgyang gsum lta ba yin// srog gcod gsum po bsgom pa yin// mi 'geg gsum po spyod pa yin// de yi don rnams ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ mig gis ma 'phangs kun tu gsal// de ni phyi yi lta ba yin// sems kyis ma 'phangs kun la khyab// de ni nang gi lta ba yin// ye shes ma 'phangs kun tu rtogs// de ni gsang ba'i lta ba yin// snang la zhen pa med

  139. 70b

    na phyi srog chod// de ni phyi yi sgom pa yin// gsal la 'dzin pa med na nang srog chod// de ni nang gi sgom pa yin// ye shes rgyun chad med na gsang srog chod// de ni gsang ba'i sgom pa yin// rol pa gang yang mi 'geg pa// de ni phyi yi spyod pa yin// dran rig gang yang mi 'geg pa// de ni nang gi spyod pa yin// dpa' brtul gang yang mi 'geg pa// de ni gsang ba'i spyod pa yin// lha bsgom spyod pa'i le'u ste bcu gcig pa'o// // kun bzang che chung ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ 'phel ba med pa'i chos sku che// 'gyur/ ldog med pa'i chos nyid che// skye shi med pas sems nyid che// sems nyid dmigs su med pas sangs rgyas stan ltor chung // phung po lhag ma med pas 'khor ba rang rlag chung // ye shes rang sa zin pas glo bur rnam rtog chung // zhes rnam rtog che chung bstan pa'i le'u ste bcu gnyis pa'o// // che chung don la shar ba gces// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ phyogs med shar na lta ba gces// 'dzin med shar na sgom pa gces// 'gag med shar na spyod pa gces// shar tshul bstan pa'i le'u ste bcu gsum pa'o// // shar ba'i don la bag

  140. 71a

    chags gces/ bag chags zad par blta ba bskul// gsang ba'i bdag pos bstan du gsol// kye sems dpa' chen po nyon cig/ snang srid yul gyi mdud pa dam po khrol// nang 'dzin pa'i sems kyi rtod phur dam po phyung // sems kyi bag chags 'jur ba dam po shig/ ces bag chags zad sar bskyal ba'i le'u ste bcu bzhi pa'o// // bag chags zil gyis ji ltar mnan// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ 'gro ba'i ye shes rgyun du non// nyal ba'i ye shes kun tu stor// sdod pa'i ye shes kun tu yengs// 'gro ba'i mgon po 'od dpag med// de bzhin ldan na bag chags zil gyis gnan// bag chags zil gyis mnan pa'i le'u ste bco lnga pa'o// // 'gro mgon bstan ni ji ltar bstan// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ shes rab thabs kyi zhags pas zung // dran pa rgyun gyi thag pas btags// mi brjed pa yi lcag gis brabs// a ni tshugs kyis me btsa' thob// ces 'gro mgon bstan pa'i le'u ste bcu drug pa'o// // man ngag gnad 'di gang du 'dus// gsang ba'i bdag pos bstan du gsol// gsang ba'i bdag pos gsungs pa// kye sems

  141. 71b

    dpa' chen po nyon cig/ rig pa spyi blugs shes na lta ba'i gnad// nyams myong btsan thabs skye na sgom pa'i gnad// snang ba grogs su 'gro na spyod pa'i gnad// ye shes rgyun du gnas na 'bras bu'i gnad// chos rnams thams cad lta bsgom spyod par 'dus// zhes man ngag gnad 'dus pa'i le'u ste bcu bdun pa'o// // 'bras bu'i grol tshul ji ltar gnas// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ yid bzhin nor bu bzhin du thams cad 'byung // dbul mo gter rnyed bzhin du dgos dgu rang la tshang / glang chen rab brgal bzhin du nyam nga bag tsha med// shel sgong g.ya' dag bzhin du sems kyi dri ma bral// su la bstan kyang go bar mi 'gyur te// rma bya mdongs la blta ba bzhin// bdag rang gcig pus nyams su len// chos nyid dbyings su byil gyis bzhud// 'bras bu grol tshul gyi le'u ste bco brgyad pa'o// // chos kyi mtshan nyid ji ltar gzal// gsang ba'i bdag pos bstan du gsol// gsang ba'i bdag pos gsungs pa/ kyikyekyi sems dpa' chen po nyon cig/ sku gsum 'byung gnas kyi rgyud ces bya bar zung zhig/ rgyud thams cad 'byung bas na/ rin po che gsang ba'i rgyud ces bya bar yang zung zhig/ blta bsgom thams cad kyi

  142. 72a

    gnad kun 'byung bas na gnad 'grol rin po che'i rgyud ces bya bar yang zung zhig/ nyon mongs skyon gyis ma gos pas dri med rnam dag gi rgyud ces bya bar zung zhig/ rgyu rkyen med las kun 'byung bas na stong pa kun 'byung gi rgyud ces bya bar yang zung zhig/ thams cad gsal bar byed pas na rin po che snang byed kyi rgyud ces bya bar yang zung zhig/ mtshan che ba'i lo rgyus bstan pa'i le'u ste bcu dgu pa rdzogs so// / bi ma dang g.ya sgras bsgyur ro// / @#// rgya gar skad du/ bo d+hi tsit+ta ma yU ra gri ba gran+tha tan+ta pa la ma nut+ta ra yA na/ bod skad du/ byang chub kyi sems rma bya mjing bsnol gyi rgyud las/ 'bras bu bla na med pa'i theg pa/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas snying po byang chub la bzhugs pa'i sku rdo rje sems dpa' la gzigs nas/ kye ma/ thugs rje chen po bdag gi gdung brgyud 'dzin pa'i byang chub sems dpa' rnams la 'bras bu bla na med pa'i theg pa ji ltar bstan par bya zhes zhus pas/ rdo rje 'dzin pa khyod nyon cig/ 'bras bu bla na med pa'i theg pa la spyir lnga ste/ de yang gzhi lam 'bras bu rnam gsum gyis don nges par byed pa/ de gzhi dngos po'i 'dug tshul gyi le'us sems

  143. 72b

    can thams cad kyi don mi 'gyur bar bstan pa dang / de'i don nges par byed pa lam la gnas pa mnyam pa nyid kyi le'us/ chos ji bzhin par bzhag pa bstan pa dang / 'bras bu rang rig pa'i ye shes rtogs pa mngon du byed pa bstan pa dang / de yang spyod pa rnam par dag pa 'dam gyi pad+ma ltar bstan pa'i le'u yis/ 'phral byung gi rnam rtog chos nyid du bstan pa dang / yon tan gyi rtsal ma 'gags pa dang / nam mkha' sprin dang char gyi tshul du bstan pa'i le'us/ gzhan don mthar phyin par bstan pa'i le'u ste dang po'o// // bcom ldan 'das mya ngan med pa'i dpal la phyag 'tshal lo// gzhi rtsa med pa'i chos nyid byang chub sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du sdud// de 'dra'i chos sku bla med byang chub sems// ma byung ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul min// dpag med bsam 'das mi gnas mya ngan 'das// don gyi snying po bla med byang chub sems// smra bsam brjod med rig pas pha rol phyin// mi skye mi 'gag rang rig byang chub sems// mi gnas bdag med rnam par dag/ ma bcos lhun grub snying po byang chub mchog/ cir yang snang ba bde chen

  144. 73a

    longs spyod sku// rang byung ye shes sbrul sku byang chub sems// bdag med phyogs bral don dam lhun gyis rdzogs// nyag gcig ma 'gags snying po byang chub sems// mi bskyod dbyings nas rang byung kun la khyab// mkha' ltar dngos med zhi ba gcig tu grags// nyi ma'i snying po dngos med mya ngan 'das// rang byung 'gag med skar tshogs grangs mang yang // bdag nyid chen po mi 'gyur bdag nyid sku// thugs rje thabs mkhas nam mkha' sprin gyi tshul// phan gnod yod med snying po ya byang chub lam yang byung / ma brla// las dang thugs rje nam mkha' sprin gyi tshul// gzhi rtsa med pa'i chos nyid byang chub sems// rig pa'i rtsal chen ma 'gags rang bzhin yongs la khyab// rdo rje sems dpa' thugs rje 'od po che// nyi ma thag dang chu srin ga bur bzhin// rdo rje sems dpa'i zhal chems nyag gcig ma// dga' rab rdo rje mkhas pa'i skyes mchog gis// las 'phro skal bar ldan pa'i thugs rgyud las// bsnan 'bri med pa'i rin chen gter 'di chongs// snod ngan bu dang rgyud ngan slob ma la// chu srin gre ba bzhin du dam du sdoms// zhes bka' stsal to// de nas byang chub sems dpa' sems dpa' chen pos/ rgyud dag pa'i rdo rje sems dpa' la zhu ba drug zhus pa/ kye kye thugs rje chen po/ khams gsum gyi sems can thams cad ni/ nad pa lta bu'o// dug lta

  145. 73b

    bu'o// ro myags kyi 'dam rdzab lta bu'o// mun pa lta bu'o// sbyor rtsi lta bu'o// tsher ma lta bu'o// zhes zhus pas/ rdo rje 'dzin pa nyon cig/ ngas gdams pa'i tshig gsum bstan gyis/ legs par yid la zung zhig/ 'khor ba'i rgya mtsho las thag ring rnam par dag pa'i zhing du bsgral ba dang / 'khor ba'i 'dam rdzab la rdo rje'i rdzong bca' ba dang / sdug bsngal gyi bye brag nor bu rin po cher bsgyur ba dang gsum las// rigs kyi bu phyi snod kyi 'jig rten thams cad 'byung ba lngas bsdus pa thams cad sngon byung gi dus nas sangs rgyas kyi zhing yongs su dag pa/ ma byas pas snang ba bde zhing yangs pa/ zug rngu med pa/ rgya yongs su ma chad pa tshig dang dbang po'i spyod yul med pa/ brjod bya thams cad las 'das pa/ 'das zhes bya ba yang ming gi rnam grangs te/ de ci la yang mi gnas pa'o// des ni 'khor ba'i rgya mtsho mtha' ring ba rnam par dag pa'i zhing du bsgral ba'o// khams gsum sems can thams cad sdug bsngal gyi grur chud/ ma rig pa'i rgyar 'thums nas sdug bsngal bar gnas kyang / snying po byang chub kyis sems rang byung gis 'od gsal ba/ rgyu rkyen med par ka dag pas/ rdo rje lta bu'i ye shes la gnas su rung gis/ rdos pa can shes rab kyi snying po med pa ni ma yin no// rgyud drug gi sems can thams cad/ rdo rje lta bu'i sku dri ma med par

  146. 74a

    gnas pas yongs la khyab pa/ gzhan dbang du ma gyur pa/ zad cing bri ba med pas rgya ma chad pa/ thabs kyi rgyal po stobs kyi rig pa shar bas/ 'khor ba nyid rang byung gi ye shes su ka dag/ sdug bsngal gyi 'dam rdzab nyid chos nyid bde ba chen por rang dag pas/ 'khor ba'i 'dam rdzab la rdo rje'i rdzong bca' ba'o// rigs kyi bu nyon cig/ sems can thams cad la lus gsum du shes par bya'o// ye shes kyi lus sdug bsngal gyi mtha' las grol ba'o// bag chags min pa'i lus sha khrag gi rdos pa can/ gnyis 'brel gyi lus sems bde sdug gnyis 'dzin/ gzhi shes pa chos kyi sku la/ bag chags kyi nad med kyang / rnam rtog sems kyi yul las bag chags nad du langs kyang / gso byed sman pa'i rgyal pos bzang drug sman gyis gso zhes byung ste/ ma rig pa 'khor ba'i nad/ rig pa mya ngan las 'das pas gso/ rnam rtog dug lta bu'i nad chos ye shes kyi bdud rtsi chen pos gso// sdug bsngal 'dam rdzab chen po'i nad// bde ba chen po'i ye shes kyis gso// gti mug mun pa lta bu'i nad/ shes rab mar me rlung gis ma bskyod pa lta bus gso// bag chags sbyor rtsi lta bu'i nad/ rang bzhin med pa man shel lta bus gso// rtog pa rtsing zhib zug rngu tsher ma lta bu'i nad/ mnyam pa nyid mi g.yo ba rgya mtsho lta bus gso/ des ni sdug bsngal gyi

  147. 74b

    bye brag nor bu rin po che ltar bsgyur ba zhes bya'o// zhes byang chub kyi sems rma bya mjing bsnol gyi rgyud las/ gzhi chos sku'i rang bzhin bstan pa'i le'u ste gnyis pa'o// // de nas byang chub sems dpa' sems dpa' chen pos/ yang zhus pa/ kye ma bcom ldan rdo rje 'chang // zag med lam la rab gnas pa'i// de bzhin gshegs pa'i bsam gtan gyis// blo dngos gnyis med sbyor ba ni// sangs rgyas nyid kyi dgongs pa ste// thabs la mkhas pas bstan du gsol/ zhes zhus pas/ rdo rje sems dpa' khyod nyon cig/ dri ba dris pa legs so// de bzhin gshegs pa'i dgongs pa dpag tu med kyang / sems can gyi blo'i bye brag dang sbyar nas/ chos ji bzhin pa la blo de bzhin mi gnas pa'i ched du/ mar me'i sdong bu bsnan pa'i tshul du ma bcos ji bzhin gnas na de bzhin nyag gcig ces bya'o// de yang lung las/ bstan bya ston byed gnyis yod na// bsgom bya sgom byed ci phyir med// zhes 'byung ste/ byang chub kyi snying po la byang chub kyi snying po bstan te/ snying po bstan par bya ba'i don du/ dus rtag tu snying po la gnas par bya'o// rtogs pa'i don shes bya ba ma rig kyang / bka' lung gi phyi mo rang rgyud la ma gsal gyi bar du/ shes bya la gsal gdab cing ting nge 'dzin la gnas par bya'o// byang chub snying po 'gyur med chos kyi sku// gzhan nas ma

  148. 75a

    btsal sems nyid mngon sangs rgyas// rang la gnas pa'i don de sems kyis sems la ltos// ma byung ma skyes rang byung chos kyi sku// mi g.yo mi 'gyur mnyam pa chen por gzhag/ gsal ba rtog med ye shes chos kyi sku// ma bcos bde ba chen po'i ngang du gzhag/ sku gsum lhun grub bkod pa rgyan gyi sku// bde chen 'du 'bral med pa'i ngangal gzhag/ thig le nyag gcig rang bzhin spros dang bral// sna tshogs shar kyang nyag gcig nyid du bsgom// nam mkha'i mthongs nas gsal ba'i nyi shar bzhin// skye med dbyings nas rang byung 'od gsal ba// thugs rje sprul pa'i 'od zer 'phro bar bsgom// snang srid rnam dag pad+ma'i dkyil 'khor na// bskyed rdzogs rnam gsum ma chags ma btsal lhun gyis rdzogs// bsod nams ye shes tshogs rdzogs dag pa'i sku// kun tu bzang po'i mdzad spyod rdzogs par bsgom/ sgrib gnyis ma sbyangs tshogs gnyis lhun gyis rdzogs// man shel sku ltar dri med gdod nas dag/ rnam rtog skyon bral ye shes lhun gyis grub// rang byung rdo rje snying po yin par bsgom// ma bcos chos sku kun gzhi byang chub sems// sa la ma bgrod lam la mi gnas kyang // rtogs pa gdeng du ma gyur bar du bsgom// sangs rgyas nyag gcig chos la mi gnas kyang // 'khrul rtog spang phyir chos nyid ngang du bsgom// dug lnga ye shes lnga

  149. 75b

    ru sangs rgyas kyang // rnam grol zag med lnga ru gsal bar bsgom// 'byung lnga lha mo lnga ru sangs rgyas kyang // mdzes pa'i lha mo sbrul skur gsal bar bsgom// snang srid rnam dag brjod pa las 'das kyang // zhing khams rnam dag chos kyi sku yi ngang du bsgom// byang chub sems la skye shi mi mnga' yang // 'du 'bral med pa'i rkyen gyi theg pa bsgom// snod bcud dngos po ye nas rnam dag kyang // ci la'ang ma chags mi rtog ting 'dzin bsgom// 'khor dang longs spyod skar tshogs rgyas pa yang // ci la'ang ma chags rang bzhin rnam dag bsgom// sgyu ma'i phung po ye shes gnas yin kyang // ma chags mi gnas btang snyoms chen por gzhag/ kun gzhi'i rnam shes kun la mi 'khor bas// rang byung ye shes bdag med mya ngan 'das// rtag chad tshig las 'das par sun phyung nas// mtho dman klong du khod bsnyams te// mnyam pa chen pos mnyam las 'das par bsgom// brjod pa'i tha snyad kun las 'das rtogs na// rnam dag byang chub dbyings kyi bsgom pa yin// zhes byang chub kyi sems rma bya mjing bsnol gyi rgyud las/ gzhi lam dang bcas pa'i le'u ste gsum pa'o// // de nas yang byang chub sems dpa' sems dpa' chen pos zhus pa// ston pa thugs rje che mnga' ba// 'gro ba'i mgon po de bzhin gshegs// gzhi lam gnyis su

  150. 76a

    med pa yi// lam gyi 'bras bu bshad du gsol// zhes zhus te/ rigs kyi bu nyon cig/ dri ba dris pa de legs so// yang dag par rdzogs pa'i sangs rgyas kyi gdams pa rin po che ni/ brjod pas thog tu mi phebs shing bstan par dka' na yang / ngas re zhig mtshon pa'i tshig 'ga' tsam smra yis/ legs par yid la zung zhig/ rigs kyi bu 'bras bu bla na med pa ni gud nas mi 'byung ngo // gzhi lam gnyis su med par mnyam pa'i dus na/ de bzhin gshegs pa'i bsam gtan zhes bya ste/ lhag mthong dang ni zhi gnas gnyis su med par rang byung gi ye shes mar me rlung gis ma bskyod pa ltar/ shes bya nyams su myangs na/ gzhi lam 'bras bu mthar phyin sangs rgyas nyag gcig ma zhes bya ste/ ye shes dbyings na gsal na 'bras bu nyag gcig ma// dbyings nyid rig par shes na 'bras bu nyag gcig ma// gzugs sku 'od du shar ba 'bras bu nyag gcig ma// bde chen zag pa med pas 'bras bu nyag gcig ma// snang srid dbang du 'dus na 'bras bu nyag gcig ma// ting 'dzin ro la ma chags na 'bras bu nyag gcig ma// 'khor ba rang bzhin med na 'bras bu nyag gcig ma// mtshan ma zil gyis gnon na 'bras bu bde ba che// zhes pa'i don no// rgyu chos kyi sku las/ 'bras bu gzugs sku gnyis byung ba yang / thig le'i rtsal

  151. 76b

    ma 'gags pa yin te/ de yang rgyu 'bras dbyer mi phyed pa'i rtsal nyid rtsal du shes pa'i dus na 'bras bu sku gsung thugs mthar phyin pa'o// sku gsum rang byung du shar nas/ ye shes gzugs kyi skur snang la gzugs nyid rang bzhin rnam par dag ste mtshan ma las 'das na 'bras bu ye shes su grub pa'o// ngo bo nyid kyi snang ba snang tshod dang grag tshod me long g.ya' dag pa ltar bstan kyang // don dam pa spros dang bral bapa rang bzhin rnam par dag na 'bras bu mi gnas pa'i ye shes chen po zhes bya'o// mtshan ma dang bral ba chos kyi sku bya ba thams cad dang bral na 'bras bu bla na med pa zhes bya'o// phyir mi ldog pa'i lung nges pa bka' lung gi phyi mo las/ ye ji bzhin pa'i rdo rje 'chang chen po/ rgyud dag pa'i rdo rje 'chang la snang ba'i dus na rgyu 'bras dbyer mi phyed pa'i rang byung gi bcom ldan 'das zhes bya ste/ rgyud dag pa'i dbyings nyid nas 'bras bu ye shes kyi dkyil 'khor rang snang ba'i dus na/ rgyu 'bras kyi chos thams cad mi phyed pas sangs rgyas mar me mdzad stong gi gtsug phud rin po che zhes bya bar grags te 'bras bu mthar phyin pa'o// rang gi shes bya mthar phyin pa'i dus su bdud dang mu stegs kyis glags mi rnyed la/ phya dang dbang phyug gis grogs byar med de/ rgyal mtshan gyi rtse mo ltar nub pa med cing / nor bu rin po che ltar zad mi

  152. 77a

    shes la/ shes bya rang gi ngo bor shes bya rang gi ngo bos dbang bskur ba'i dus na 'phags pa gtsug tor dri ma med pa zhes grags so// byang chub sems la byang chub kyi sems gnas pa'i dus su rgya mtsho chen por chu bran 'du ba'i tshul te/ chos nyid skye ba med pa'i klong du chos can mtshan mar snang ba thams cad rang bzhin gyis rnam par dag pas byang chub sems dpa' kun tu bzang po zhes grags so// chos thams cad la dbye ba med cing bzang ngan mi blta/ bdag gzhan du mi blta ba'i dus na/ nam mkha' dang nyi ma'i tshul te/ byang chub sems dpa' byams pa kun nas gzigs zhes grags so// chos thams cad gang yang mi len/ gang yang mi 'dor gang gis kyang mi bsgrib// gang gis kyang grogs mi nus/ gang la yang mi brten/ gang du yang mi gol/ rang bzhin rnam par dag pas mtha' med// shes bya'i ngo bo la ma bsgribs yongs su gsal bas/ chad pa'i mtha' med pas/ 'phags pa nam mkha'i snying po zhes grags so// zhes byang chub sems dpa' rma bya mjing bsnol gyi rgyud las/ gzhi lam 'bras bu rnam pa gsum mthar phyin par bstan pa'i le'u ste bzhi pa'o// // de nas byang chub sems dpa' sems dpa' chen pos yang zhus pa/ 'jam dpal gzhon nu dpal po mchog/ gzhi lam 'bras bu

  153. 77b

    mthar phyin pas// nyon mongs 'khor ba'i rgyun bcad de// dag pa'i zhing du yang dag bsgral// rnam rtog dpa' bo zil gyis mnan pa'i phyir// spyod pa'i tshul khrims bshad du gsol// zhes zhus pas/ rdo rje 'dzin pa nga la nyon// spyod pa rnam pa gsum du brtags// glang po che lam du zhugs pa'i spyod pa dang / smyon pa snying stor dran pa med pa'i spyod pa dang / shed ma bye'i bu chung lta bu'i spyod pa'o// de'i grogs gsum la// 'dam gyi pad+ma'i me tog dang / bya thib tshang du 'jug pa dang / bu gcig pa'i ma lta bu ste/ de ni rnal 'byor chen po'i spyod pa yin/ dpa' brtul stag gi spyod pa dang / brtul zhugs phag gi spyod pa dang / chags med bung ba'i spyod pa dang / dbang sdud mu stegs kyi spyod pa dang / bde ba mthun 'jug gi spyod pa'o// de ni rnal 'byor 'bring gi spyod pa yin no// dman pa phyag dar khrod pa'i spyod pa dang / mtshon pa nyams myong gi spyod pa dang / 'dod pa bya yi spyod pa'o// de ni rnal 'byor tha ma'i spyod pa'o// bcom ldan 'das kyis bka' stsal pa// lta ba klong du gyur pa'i spyod pa ni/ za mal gyi shes pa'o// zhes thugs kyi rgyud nas kyang bshad pa'o// chos nyid klong du gyur pa'i spyod pa ni// ci la yang ma chags ma zhen pa'o// nyams myong rgyud la skyes pa'i stong pa ni/ srab la 'phyar ba'o// brtul zhugs spyod pa'i spyod pa yi/ bya ri skyegs lta bu ste ma

  154. 78a

    nges pa'o// zhes gsungs so// byang chub sems dpa'i spyod pa'i mtha' ni ma bcos pa'o// rang bzhin rnam par dag pa'i dus ci la yang ma zhen pa'i spyod pa rnam par dag pa'o// bde ba chen po'i yul shar ba'i dus su/ zug rngu'i mtha' rang bzhin gyis 'gags pa'o// shes rab khyad par can rgyud la skyes pa'i dus na/ snying rje chen po khyad par can gyi spyod pa skye bar 'gyur ro// 'dod pa med pa 'gro ba rigs drug gi gnas yul snang ba'i dus su/ chos thams cad ci la yang ma chags pa'i spyod pa skye bar 'gyur ro// sangs rgyas kyi zhing yongs su dag pa yul du snang ba'i dus su/ thun mong gi dngos po 'gags nas ngo tsha ba dang bag tsha ba'i 'du shes med de/ tshig nam mkha' la khungs 'don cing spyan nam mkha' la gzigs te/ mdzub mo nam mkha' la gtod pa'i spyod pa 'char ro// chos kyi sku'i sprul pa'i sku nyams su bstar ba'i dus su/ lus la grang dro dang na tsha med cing gcer bu'i spyod pa shugs 'byung du 'char te nam mkha'i ri mo la khungs 'don pa'o// zag pa med pa'i ting nge 'dzin gyi ro nyams su myong ba'i dus su/ zas kyi 'du shes chung zhing grogs la ma chags par ri dwags rmas ma ltar gcig pur ri sul 'grim pa'i spyod pa 'char ro// sems ye shes kyi dbang du 'dus shing snang ba chos nyid kyi dbang du 'dus pa'i dus ni/

  155. 78b

    nam mkha' la 'gro ba dang chu la mi nub par 'gro ba dang / gzhan gyis mi snang ba'i rtsol ba spyod par 'gyur ro// rig pa dbyings la shar ba'i dus su/ yul gzhan gyi snang ba mthong bar 'gyur ro// sems las su rung ba'i dus su/ gzhan gyi sems shes shing dngos po thams cad la rdzun du snang bar 'gyur ro// chos nyid stong pa nyid las su rung ba'i dus su phyi'i 'byung ba dang mi ma yin gyi sgra thams cad sel bar 'gyur ro// spyod pa rnam par dag pa de rnams ni rgyud dag pa'i rdo rje sems dpa' la snang ste/ lus ma bor bar mngon par rdzogs par sangs rgyas pa'o// na mo bud+d+hA ya/ tad+ya thA d+harmA sar g+ha ri/ many+dzu shrI A pra b+ha/ b+ha ga pa ti pa pa ri/ su ka a/ de nas byang chub sems dpa' sems dpa' chen po dga' mgu yi rang ste/ bcom ldan 'das la thal mo mnyam par sbyar nas/ yan lag lnga sa la btsugs te/ kye legs so legs so/ dpal ldan mgon po che// zhal nas phyung bas bka' stsal te// gsung ba de nyid don gyi mchog/ bdag blo'i mun pa kha 'byed pa'i// snang gsal thugs rje 'od kyi me// sems can kun gyi bskyabs mdzad pas// mgon po dri med ye shes sku// 'gro ba'i don du skur sprul pa'i// rang byung sangs rgyas rnam par gzigs// byams mgon thugs rjes skyabs mdzad cing // sangs rgyas log par dad sel la// gus pa'i

  156. 79a

    tshul gyis skyabs su mchi// zhes brjod nas bstod pa'o// byang chub kyi sems rma bya mjing bsnol gyi rgyud las/ spyod pa brtag pa'i le'u ste lnga pa'o// // de nas byang chub sems dpa' sems dpa' chen pos dri ba dris pa/ 'jam dpal gzhon nu thugs rje can// zhu ba zhus pa legs gsungs pas// 'gro mgon rdo rje sems dpar bshad// sangs rgyas thugs kyi dpal be'u// sangs rgyas dbu yi gtsug tor dang // sangs rgyas zhal gyi ljags bzang nas// 'od zer 'byung ba bstan du gsol// zhes dri ba dris te// rdo rje 'dzin pa khyod nyon cig/ khyod kyis dri ba dris pa de legs so// phyogs bcu dus gsum gyi sangs rgyas thams cad las thugs rje 'byung ba ni ngas brjod kyis mi langs shing bsam gyis mi khyab pa ma 'ongs pa'i sems can la mdo tsam zhig bstan kyis nyon cig/ thugs rje'i bye brag gang gi yang rtsal ma 'gags par yin gyis/ dper na nam mkha' las sprin dang / char gyi tshul bzhin 'byung ste/ thugs rin po che'i dpal be'u nas/ sangs rgyas byams pa mi mnyam mgon po zhes bya ba byung nas/ rang bzhin rnam par dag pa'i chos bstan to// dbu yi gtsug tor nas 'jam dpal dri med snying po zhes bya ba byung nas/ sku gdung dang ring bsrel gyi chos bstan to// zhal gyi ljags bzang nas sangs rgyas bye ba rnam par

  157. 79b

    gzigs zhes bya ba byung nas/ rgyu 'bras kyi chos ma lus pa bstan to// sangs rgyas stong gi yon tan ni// sangs rgyas gcig pu nyid la 'dus// gcig pur rab tu snang ba'i chos// 'gro ba kun la rang bzhin gnas// zhes 'byung ste/ phyogs bcu dus gsum gyi sangs rgyas thams cad kyi yon tan ni bsam gyis mi khyab pa zhig 'byung ste/ de dag kyang sangs rgyas 'od dpag med chen po'i rtsal snang ngo // sangs rgyas 'od dpag med nyid 'gro ba yongs kyi snying por shar bas/ 'gro ba sems can thams cad la// snying po rnam dag ye shes rdzogs// zhes gsungs so// sangs rgyas kun gyi gtsug phud lnga// rgyal mtshan rtse mo bzhin du gnas// sangs rgyas kun gyi che ba lnga// nam mkha' bzhin du khyab par gnas// rdo rje snying po bla na med// rin chen gtsug tor dri ma med// nyes pa'i rkyen rtogs sel bar byed// pad+ma'i snying po 'od 'bar ba// mtha' la mi gnas phyag rgya che// mgon po dri ma med pa'i sku// yon tan kun gyi snying por bshad// thabs mkhas thugs rje stobs kyi bdag/ bdud bzhi 'dul mdzad dpa' bo'i mchog/ dag pa'i zhing du yang dag sgrol// thugs rje'i chu bo rgyun ma chad// shes rab gru yis sgrol mdzad pa// sprin chen glog gi phreng ba can// rgyun gyi rdo rje thugs rje'i bdag/ snying po bdag med ya ma brla// rtog pa'i rjes 'brang

  158. 80a

    gcod pa'i mtshon// nam mkha' nyi ma'i tshul bzhin du// snang med bde ba'i dbyings nyid nas// 'gag med rang byung ye shes sku// nam mkha' sprin gyi tshul bzhin du// rang byung spros med mkha' la dengs// rgyu 'bras dag pa'i dbyings nyid las 'bras bu ye shes kyi dkyil 'khor rang snang ba'i dus su snod bcud thams cad chos nyid kyi klong du gad la/ mi 'byed pa'i blta ba nam mkha' dang mnyam par re dogs kyi 'phrang bcad/ zag pa med pa'i ye shes rang snang bas bdag rang gzhan gyi don mthar phyin/ shes rab kyi stobs ma 'gags pas bdud dang srin po'i mthu byin zil gyis gnon/ kye kye rdo rje 'dzin pa nyon cig/ thabs la mkhas pa'i byang chub sems dpa' ni sems can gyi pha ma yin gyis/ de yang dri ma med pa'i don gyis gnas par bya'o// rtogs pa'i don la rtse gcig tu ma yengs par gnas na/ byang chub sems dpa'i bsam gtan zhes bya ste/ rdo rje'i gdan la rdo rje bzhag pa'o// 'jam dpal dri med snying po ngas/ sems can rnams kyi don gyi phyir/ gsang ba'i rgyud gsum yang dag thugs kyi rgyud// thugs kyi klong nas byung nas gdams par bzhag/ sangs rgyas lag tu gtad pa'i phyir// sangs rgyas gtsug phud rnam par rgyal ba zhes bya ba'i thugs las nor bu dri ma med pa'i rgyud mdzad do// 'bras bu bla na yod pa dang //

  159. 80b

    bla na med pa'i theg pa shan phye ba'i phyir/ ljags kyi pad+mo las sangs rgyas bye ba rnam par gzigs bya ba phyung nas/ byang chub kyi sems rma bya mjing bsnol gyi rgyud mdzad do// sangs rgyas la sprul pa'i sku ye shes kyi lus su gnas pa'i phyir mdzod spu'i bu ga nas/ 'od zer lnga 'phros nas/ sangs rgyas 'od ldan mgon po spyan ras gzigs zhes bya ba phyung nas/ lha mo 'od zer can gyi rgyud mdzad do// las dge sdig mtho dman med par la bzla ba'i phyir shangs kyi rlung sgom nas mthu stobs kyis bdag po phyag na rdo rje phyung ste/ bya rtsol med pa ye shes bla ma'i rgyud phyung ste/ chos las 'das pa'i sku yongs su rdzogs par bstan to// zhes byang chub kyi sems rma bya mjing bsnol gyi rgyud las/ rdzogs pa chen po 'bras bu bla na med pa'i theg pa las le'u ste drug pa'o// // byang chub kyi sems rma bya mjing bsnol gyi rgyud ces/ 'jam dpal dri ma med pa'i snying pos byang chub sems dpa' ro langs bde ba la gdams pa'o// rdzogs so// bar 'dir rma bya mjing bsnol gyi mtha'i mun sel chen po le'u lnga pa 'dzud/ 'di chos chen po rmad du byung ba yin// / bcom ldan 'das dpal gyi dpal kun tu bzang po bde ba chen po la phyag 'tshal lo// bcom ldan 'das 'og min gyi gnas snying po byang chub na bzhugs pa'i skus/ rdo rje sems dpa' la gzigs nas/ byang chub kyi sems rmad du byung ba

  160. 81a

    zhes bya ba'i ting nge 'dzin la snyoms par zhugs te/ de'i tshe dus gsum gyi bde bar gshegs pa rnams dang / stong gsum gyi stong chen po'i 'jig rten gyi khams mtha' yas mu med pa thams cad dang / bde bar gshegs pa thams cad dang / bde bar gshegs pa thams cad don gcig ste/ bdag nyid byang chub kyi sems rmad du byung ba las byung zhing / de dag thams cad de las skyes pa dang / de las byung ba'i dkyil 'khor rmad du byung ba'i dkyil 'khor yin par thugs su chud pa'i don rdo rje sems dpa' la rig par bya ba'i phyir/ rdo rje sems dpa' la gzigs te/ yid kyi dkyil 'khor sgo phye nas/ rang gi rig pa'i don gsal bar phyung ste/ thams cad kyi don ji lta bu yin pa so sor gsal bar snang bar byas nas/ rdo rje sems dpa' nyid dang / bde bar gshegs pa thams cad dang / stong gsum gyi stong chen po'i 'jig rten gyi khams mtha' yas mu med pa rnams dang / byang chub sems rmad du byung ba nyid yin pa dang / byang chub rmad du byung ba las dus gsum gyi sangs rgyas thams cad 'byung bas rmad du byung ba nyid yin pa dang / yang byang chub kyi sems rmad du byung ba las bskyed pa'i dkyil 'khor sku rmad du byung ba sku'i dkyil 'khor dang / gsung rmad du byung ba gsung gi dkyil 'khor dang / thugs rmad du byung ba thugs kyi dkyil

  161. 81b

    'khor dang / chos chen po rmad du byung ba nyid yin par snang bar byas nas/ de dag thams cad bcom ldan 'das nyid kyi sku dang gsung dang thugs su bsdus so// de nas rdo rje sems dpas 'di skad ces gsol to// 'jig rten mkhas pa rdzogs sangs rgyas// sangs rgyas don du mdzad pa yi// thugs kyi sgron mas don bstan pa// gang blo the tshom za ba dang // gang yin 'gal bar yid sems pa// 'jigs pa thams cad de la'o// mgo ni tshal pa bdun du 'gas// rdo rje sems dpa' de la snang // sngags 'chang rnams kyis spangs par 'gyur// sngags rnams thams cad gsang ba yi// lta ba rmad du byung ba'i don/ rdo rje sems dpa' bdag nyid kyis// sngon chad rtogs par ma gyur pa// thugs kyi sgron mes don bstan pa// gang la sangs rgyas gus mdzad pa// don de la yang phyag 'tshal lo// sangs rgyas kun la brtse dgongs nas// gang gi don du mdzad pa yis// don mdzad de la phyag 'tshal lo// gang gi don du byas pa'i don// de dag bdag la 'grub gyur cig/ gzhan yang me 'od 'bar ba ltar// don de bdag gis rig gyur nas// sangs rgyas kun dang bskal mnyam ste// sangs rgyas kun las rgyas gyur cig/ dus gsum rnal 'byor gang dag gis// skal ldan gang zhig 'byung ba yi// don du bdag gis bshad par 'tshal// rmad byung byang chub

  162. 82a

    sems rtogs nas// rdo rje sems dpa' bdag nyid kyang // rdo rje bdag la yang sangs rgyas// rmad byung byang chub sems 'di ni// kun gyis rig pa ma yin te// lha rnams kun gyis de ma rig/ byang chub sems dpa' rnams kyis kyang // 'di ni rig par dka' ba'o// bde gshegs rnams kyis sngon ma rig/ ces gsol to// de nas bcom ldan 'das kyis bka' stsal pa/ thams cad mkhyen pa'i ye shes ni bsgom pa'i mchog yin no// sems dpa' chen po/ thams cad mkhyen pa bsgom pa'i mchog/ ngo bo nyid ni dmigs su med// nga yi lus su sbyor ba la// byang chub med cing bsgom pa med// lus dang ngag sems mtshan nyid ni// ye shes lnga yi byang chub sems// sems can kun gyi sems chen po// rang bzhin dag pa dri ma med// thams cad ma skyes zag pa med// byang chub med cing mngon rtogs med// khams kyang med cing 'byung ba'ang med// mtshan med mi 'gyur nam mkha' bzhin// gnyis med gnyis su med min zhes// byang chub sems 'di rgyas pa'i spyan// zhes bka' stsal to// kye sems dpa' chen po/ bde bar gshegs pa rnams kyi sku gsung thugs dang / stong gsum gyi stong chen po 'jig rten gyi khams mtha' yas mu med pa 'dra ste/ nga'i byang chub sems rmad du byung ba nyid yin no// rig pa rang las byung ba'i chos chen po rmad du

  163. 82b

    byung ba nyid yin no// rdzu 'phrul chen po rmad du byung ba nyid yin no// 'phrul chen po rmad du byung ba nyid yin no// nga'i rol pa rmad du byung ba nyid yin no// ngas mdzad pa rmad du byung ba nyid yin no// nga'i rmad du byung ba'i dkyil 'khor chen po rmad du byung ba nyid yin no// rang rig pa las byung ba'i cho 'phrul chen po rmad du byung ba nyid yin no// nga'i gsang ba rmad du byung ba nyid yin no// bde bar gshegs pa rnams dang / rdo rje sems dpa' nyid gsang ba dang / gsang ba chen po dang / gsang ba de kho na nyid dang / lta ba gsang ba rmad du byung ba nyid yin no// sku rmad du byung ba sku'i dkyil 'khor gsang ba rmad du byung ba nyid yin no// gsung rmad du byung ba gsung gi dkyil 'khor gsang ba rmad du byung ba nyid yin no// thugs rmad du byung ba thugs kyi dkyil 'khor gsang ba rmad du byung ba nyid yin no// chos chen po rmad du byung ba las/ byang chub sems rmad du byung ba bstan pa'i le'u ste dang po'o// // chos nyid bstan pa'i phyir sems dpa' chen po/ byang chub tu 'dod de la byang chub med// sa dang rnam thar byang chub mchog la ring // sgyu 'dra'i chos nyid gang gis shes gyur pa// de nyid byang chub sems bdag yin par nges// byang chub snying por bdag 'dus pas// thob pa med cing spang ba med// sangs rgyas rnams kyi byang chub ni// tha snyad yin te don du

  164. 83a

    med// chos nyid mtshan nyid rnam par dag/ bdag med chos las kun tu 'byung // ma skyes pa yi chos rnams la// ngo bo med cing bsgom pa'ang med// nam mkha'i tshul du rang byung bas// dngos grub kun tu rab tu grags// chos rnams rang bzhin 'od gsal ba// gdod nas dag pa nam mkha' bzhin// byang chub med cing sems can med// bdag med pa yi chos las byung // sangs rgyas byang chub rdzogs byed pa// rnam par mi rtog dmigs su med// chos chen po rmad du byung ba las/ spros pa med pa'i le'u ste gnyis pa'o// // che ba bstan pa'i phyir/ sems dpa' chen po/ thugs kyi dkyil 'khor rang byung la// ye shes rdzogs zhugs me long bzhin// nga ni dus gsum bzhugs pa yi// sangs rgyas rnams la ye shes te// byang chub sems kyi don rtogs pas// sangs rgyas kun gyi nying sha can// nga ni sangs rgyas kun gyi dur// dur khrod chen po nga bdag yin// sems can chen po thams cad dang // sems can thams cad nga las byung // sems can dur nyid nga yin no// skal ldan sems dpas rig par gyis// sangs rgyas thams cad nga yi zhing // sems can thams cad sku gsung gter// thams cad nga yi longs spyod rgyu/ zhes gsungs pa'i tshig thos pa dang / sems dpas skal ldan zhal mthong bas// rmad byung gsang ba'i

  165. 83b

    dkyil 'khor 'dir// byang chub sems yin bdag nyid rig/ thal mo sbyar nas 'di skad gsol// dus gsum sangs rgyas thams cad kyi// thugs kyi thugs te thugs la rol// dus gsum sangs rgyas thams cad kyi// sku yi sku ste sku la rol// dus gsum sangs rgyas thams cad kyi// gsung gi gsung ste gsung la rol// zhes gsol pa dang / sems dpa' chen po/ bskal pa 'bum phrag sngon rol du// nga nyid gcig pu sngon du byung // 'byung ba bas ni nga sngar byung // sangs rgyas kun gyi sku gsung thugs// nga las byung ba de yi phyir// sems dpa' chen po thugs nyid ni// nga yi byin rlabs chen po bas// dus gsum sangs rgyas thams cad dang // rnal 'byor chen po kun 'dus nas// 'od zer mngon sum nyi bzhin shar// sems dpa' chen po skal bzang yin// rnal 'byor gang zhig 'di 'chad pa// sems dpa' nyid kyi sku gsung thugs// de nyid yin par shes par gyis// don 'di rig pa'i rnal 'byor pa// sangs rgyas sa la mi gnas te/ thams cad pa nyid nga yi thugs// sems can sangs rgyas pa las skyes// zhes gsungs so// chos chen po rmad du byung ba las/ che ba bstan pa'i le'u ste gsum pa'o// // gsang ba zhal gyis bzhes pa/ sems dpa' chen po/ nga byed pa po nga nyid/ nga rang bzhin gyis rnam par dag nas sangs

  166. 84a

    rgyas pas/ 'dus byas kyi chos ye nas med do// de'i phyir chos thams cad rnam par dag pa nyid yin no// nga nyid chos kyi sku'i rnal 'byor yin pas/ nga'i chos thams cad rnam par mi rtog pa'o// sangs rgyas kun pas sngar sangs rgyas pa'o// nam mkha' med pa'i sngon rol na// nam mkha'i mtshan nyid ye nas med// gang la chags med sngon rol na// chags pa'i 'dod chags yongs kyis med// srid pa med pa'i sngon rol na// srid pa'i chos nyid ye nas med// 'byung ba med pa'i sngon rol na// chen po lnga nyid ye nas med// sangs rgyas med pa'i sngon rol na// sems can ming nyid ye nas med// sngon du 'khor ba'i chos yang med// mya ngan 'das pa'i sngon rol na// 'khor ba'i chos ni ye nas med// de phyir 'byung las nga sngar byung // thams cad nga yis byas pa yin// thams cad nga las skyes pa yin// thams cad pa las byung ba yin// zhes bka' stsal to// chos chen po rmad du byung ba las/ zhal gyis bzhes pa gsang ba'i le'u ste bzhi pa'o// // gzhi rtsa med pa'i sems nyid ni// bkrus pas mi 'dag nam mkha' bzhin// skye dang bral ba'i byang chub la// byang chub rgyu 'bras yongs kyis med// rmad byung byang chub sems 'di ni// rang gi rig pa chen pos mkhyen nas/ rol pa'i thabs chen rang la rdzogs

  167. 84b

    par sangs rgyas so// 'dod chags zhe sdang gti mug nga rgyal phrag dog ye nas yod cing mthar gnas pas ye nas dag ste/ 'dod chags nyid nga'o// zhe sdang nga'o// gti mug nga'o// nga rgyal ba'o// phrag dog nga'o// de'i dus su sngon byung ba dang // da ltar gnyis dbyer med par gnas pa'i phyir lhan cig 'byung ba'i chos 'dod chags rang bzhin gyis rnam par dag pas zhe sdang la sogs pa rnam par dag go/ 'dod chags spros pa med pas zhe sdang la sogs pa'i ming med do// sems nyid las byung ba'i chos so// rang bzhin gyis rnam par dag pas so sor dbyer med pa/ brtan pa/ mkhregs pa/ ma sgrags pa/ mi chod pa/ rdo rje snying por sbyor ba/ gnyis su med pa/ so so ma yin pa'i chos mnyam pa nyid las chos kyi dkyil 'khor bsam gyis mi khyab par rang gi sems nyid las byung zhing / rigs dang rigs lngar gyur pa'i sangs rgyas yab yum sras dang bcas pa/ 'khor phun sum tshogs pa las byung zhing spyod pa'o// rgyu rkyen rten 'brel gyi nus mthu nyid/ snang mdzad kyi byang chub sems nyid/ lus dang ngag dang sems dbyer med par mnyam pa nyid du gyur pa/ ngo bor bsam pa dang bral ba'i mthus/ sku gsung thugs kyi dkyil 'khor thams cad rdzogs par rang las byung zhing 'byung ba dang / 'od dang mngon par shes pa dang / brag dang / chu dang / nam

  168. 85a

    mkha' la thogs pa med par 'gro ba dang / sprul pa sna tshogs cir yang snang ba dang / sgra skad sna tshogs 'byung ba dang / stong gsum gyi stong chen po'i 'jig rten gyi khams mtha' yas mu med pa na srid pa'i chos dang / mi srid pa'i chos thams cad nga'i lus ngag yid gsum gyi mthu las gyur pa yin no// de'i phyir so sor kun tu rtogs pa'i ye shes kyis/ sems can ji srid 'khor ba'i chos thams cad dang / mngon par rdzogs par sangs rgyas pa dang / 'das pa dang ma 'ongs pa dang / da ltar bzhugs pa dang / srid pa gsum dang khams gsum dang / mchog gsum dang / yum gyi lhums na bzhugs pa dang / 'byung ba dang / skyes pa dang / bud med dang / ma ning dang / byol song dang / yi dwags dang / dmyal ba dang / lha dang / mi dang / rgan pa dang / gzhon pa la sogs pa thams cad pa nyid yin pas/ nga nyid kyi thugs las sbyar ba yang ma yin no// yid rang bzhin gyi nor bu rin po che dang / dpag bsam gyi shing / lha'i longs spyod thams cad dang / rgya mtsho dang / ri rab dang / gling la sogs pa 'di nga'i byang chub sems yin no/ nga gang na 'dug pa nyid yongs su rdzogs pa'i sangs rgyas yin no// nga cir yang 'gyur du btub pa'i dus ngan na yang sangs rgyas so// nga skye ba nyid gang du skyes par gyur pa na mngon par rdzogs par sangs

  169. 85b

    rgyas pa yin no// nga rol pa byang chub kyi sems bde ba chen po nyid yin no// sems can thams cad dang / stong gsum gyi stong chen po'i 'jig rten gyi khams thams cad ye nas sangs rgyas pa yin pa ni nga'i byang chub kyi sems so// ma byung ma gyur pa gcig kyang med do// byang chub kyi sems las gyur pa'i mthus sangs rgyas so// byang chub kyi sems ye nas sangs rgyas so// byang chub sems ni cir yang snang / cir yang 'gyur du btub pa yin no// cho 'phrul chen po cir yang ston par mdzad pa yin no// bcud kyi 'jig rten rnam par snang mdzad las byung ba 'di ni/ 'byung ba sangs rgyas dang sems can mang po 'byung bar 'gyur bapa nyid/ nga'i sku gsung thugs las byung ba'i mthu dang rdzu 'phrul lo// gsang ba chen po byang chub kyi sems yi ge rmad du byung ba'o// 'jig rten dang 'jig rten las 'das pa'i chos thams cad ni sangs rgyas las byung bas gsang ba'i man ngag de kho na nyid do// byang chub kyi sems 'phrul chen po bstan pa'i don ni rnam pa lnga ste/ byang chub kyi sems 'phrul chen po rmad du byung ba dang / byang chub kyi sems rdzu 'phrul chen po rmad du byung ba dang / byang chub kyi sems rol pa chen po yongs su bstan pa'i cho 'phrul chen po rmad du byung ba dang / byang chub sems gsang ba rmad du byung ba'i chos rjes su bstan pa'i 'phrul chen po rmad du byung ba dang /

  170. 86a

    byang chub kyi sems gsang ba chen po'i rgyud gsang ba'i 'phrul chen po mngon par bstan pa'i chos rmad du byung ba'o// chos chen po rmad du byung ba las/ 'phrul chen po'i le'u ste lnga pa'o// // byang chub kyi sems gsang ba rmad du byung ba'i 'phrul chen po 'di ni sku gsung thugs nyid du gyur pa yin te/ sngon gyi sangs rgyas rnams kyis bshad pa yin no// kye sems dpa' chen po/ snang la mi gnas pa rnams ni thugs gsang ba chen po rmad du byung ba'o// 'di yang dag pa sangs rgyas kyi lam nas nam mkha' chags pa med par kun tu khyab cing rang la 'dus pa ni byang chub kyi sems rmad du byung ba'o// kye sems dpa' chen po/ bkod pa med par mngon par snang ba ni/ sku rmad du byung ba'i dkyil 'khor yin no// rang rig pa las byung ba'i chos rnams la gang du yang bsam du med do// med pa nyid kyi don du gyur nas gnas pa ni byang chub kyi sems rmad du byung ba'o// kye sems dpa' chen po/ ma skyes ma spros par sgra skad sna tshogs so so rang rang las byung ba ni gsung rmad du byung ba'i dkyil 'khor yin no// sgra skad las 'das pa'i ting 'dzin gyi sku gsung thugs nyid du gyur pa ni byang chub kyi sems rmad du byung ba nyid yin no// kye sems dpa' chen po/ rang rig pa'i sems las byung ba'i chos sku mi mnga' bar kun la khyab par gnas pa ni nam

  171. 86b

    mkha' ste byang chub kyi sems rmad du byung ba nyid do// kye sems dpa' chen po/ sku dang gsung dang dpe byad las 'das pa/ sku lnga lhun gyis rdzogs par gsal bar rang byung ba las ni byang chub kyi sems rmad du byung ba'o// kye sems dpa' chen po/ chen po lnga nyid sku lnga lhun gyis rdzogs pa'i dkyil 'khor nyid do// chen po lnga'i dngas ma ni byang chub kyi sems dri ma med pa rmad du byung ba nyid do// dngas ma de gsal ba'i snying po shin tu brtag dka' ba'i ye shes te thugs nyid du gyur pa'o// kye sems dpa' chen po/ 'byung ba chen po so sor ma bcos ma byas bsam pa med pa las sgra skad sna tshogs 'byung ba ni nga nyid yin no// kye sems dpa' chen po/ sgra 'di dag ni bdag nyid las byung bas gang gi ngo bor yang ma grub pa ni chos kyi sku ste byang chub kyi sems rmad du byung ba'o// 'byung ba chen po bzhi ni skye ba 'byung ba dang skye ba rnams kyi rgyu nyid du gyur pas byang chub kyi sems rmad du byung ba nyid do// 'byung ba nyid do// 'byung ba chen po bzhi las byung zhing skyes pa dang / skye ba rnam bzhi'i sems can rnams bdag nyid du gyur pas sangs rgyas pa med pa'i sangs rgyas pa yin pas byang chub sems rmad du byung ba nyid do// kye sems dpa' chen po/ de las byung ba ni bdag nyid las byung ba'i chos thams cad nyon mongs pa'i dri ma ye nas med pa'o// byang chub ces

  172. 87a

    bya ba ni 'das pa dang / ma byung ba dang / da ltar bzhugs pa dang / stong gsum gyi stong chen po 'jig rten gyi khams mtha' yas mu med pa thams cad don gcig ste/ sku gsung thugs las ma gtogs pa'i chos rdul tsam yang med la chos thams cad kyi don dbyer med par thugs su chud pa ni kun tu chub pa'o// sems ni chos thams cad sku gsung thugs su dbyer med pa'i don las g.yo ba med par gsal ba'i ting nge 'dzin to// chos chen po rmad du byung ba las/ byang chub sems nyid bstan pa'i le'u ste drug pa'o// // sems dpa' chen pos zhus pa/ bcom ldan 'das rigs lnga'i sangs rgyas la rnam par thar pa'i lam du mnga' zhes gsol pa dang / bcom ldan 'das kyis/ sems dpa' chen po nyon cig/ ces bka' stsal to// sems dpa' chen po de bzhin gshegs pa thams cad la rnam par thar pa'i lam ma nor ba'i chos nyid rnam par dag pa lnga yod de/ 'dod chags zhe sdang gti mug nga rgyal phrag dog lnga'o// de la 'dod pa ni bdag nyid las byung ba'i chos la bdag nyid dus dang rnam pa med par longs spyod 'dod do// chags pa ni 'dod pa'i dbang du gyur pa'o// de la bdag nyid las byung ba'i chos ni/ gzugs dang / sgra dang / dri dang / ro dang / reg bya'o// de dag ji ltar 'dod ce na/ thams cad bdag nyid du

  173. 87b

    gyur par 'dod cing 'dod pa de la chags pa'o// zhe sdang ni bdag nyid la ye nas gnas pa'i chos thams cad 'byung ba'i ngo bo nyid du gyur pa/ spongs kyang mi spang / bkrus kyang mi 'dag chos kyi chos nyid du gyur pa 'dod chags spang ba la zhe sdang ba/ zhe sdang spang ba la zhe sdang ba/ gti mug spang ba la zhe sdang ba/ nga rgyal spang ba la zhe sdang ba/ phrag do spang ba la zhe sdang ba/ gti mug ni bdag nyid las byung ba'i chos can la// blta bas so sor dbyer med par thugs su chud de/ so sor dbye ba mi mnga' las gti mug dngas pa dang / chos thams cad bde bar gshegs pa'i thugs rje'i bdag nyid du gyur pas gsang ba mchog gi dges pa na thams cad gcig tu bzhugs pas/ sa dang sa'i rim par byed pa'i dgongs pa mi mnga' bas gti mug dang / sku gsung thugs kyi ngo bo nyid gcig ste/ dbyer med du thugs su chud de/ mnyam pa nyid kyi skur bzhugs shing mnyam pa'i don la dgongs pas gti mug pa dang / de bzhin gshegs pa thams cad dang / chos thams cad bdag nyid las byung zhing / gzhan las ma byung ma skyes pa'i don thugs su chud pas bdag nyid kyi sku las ma gtogs par gzhan du gyur pa dang / gzhan du skye ba dang / gzhan du 'byung ba dang / gzhan du 'gog pa dang / gzhan las skyes pa dang / gzhan las byung ba dang / gzhan du gyur par

  174. 88a

    ston pa mi mnga' bas gti mug pa dang / bdag nyid las byung ba'i sprul pa'i sku rnam pa sna tshogs las rol pa cir yang mdzad cing / sku gcig tu ston pa mi mnga' bas gti mug pa'o// nga rgyal ni bdag nyid las byung ba'i chos thams cad dang / skye ba thams cad la nga dang bdag med par thugs su chud de mkhyen pas/ de'i chos thams cad nga dang bdag med par ston par mdzad pa'i nga rgyal dang / bdag nyid las byung ba'i chos bla na med pa'i che ba thugs su chud de dus gsum du bdag nyid ston par mdzad cing / bdag nyid kyi che ba ston par mdzad pa'i nga rgyal dang / bdag nyid las byung ba'i chos rnams la bdag nyid dus thams cad du longs spyod par mdzad pa'i dbang gis rol pa'i sku cir yang ston pas nga rgyal ba dang / chos thams cad dang / srid pa gsum dang / chen po lnga la sogs pa dang / skye 'gro thams cad ma lus pa thugs su chud de/ de dag thams cad bdag nyid du 'dus shing bdag nyid du gyur par ston par mdzad pa'i che ba'i nga rgyal lo// phrag dog ni chos thams cad ngo bo nyid gcig pa las tha dad par rtogs pa las phrag dog pa dang / 'dod chags zhe sdang gti mug rnams ye nas byang chub kyi sku gsung thugs dbyer med pa las mtshan nyid so sor 'dzin pa la phrag dog pa dang / yang dag pa'i don ma nor ba

  175. 88b

    gtan la phab pa la/ phyin ci log tu rtogs pa de la phrag dog pa dang / chos thams cad bde bar gshegs pa yin pa las de ltar ma rtogs pa la phrag dog pa dang / che ba'i lam yin pa la rnam par thar pa ma mthong ba la phrag dog pa'o// chos chen po rmad du byung ba las/ byang chub sems dpas thar pa'i lam bstan pa'i le'u ste bdun pa'o// // rdo rje sems dpa' chen po khyod// yang dag sangs rgyas lam rig pa// nam mkha' lta bur skye ba med// rnam dag phung po lnga bde ba// sna tshogs nges par khyod las byung // khyod las ma byung gcig kyang med// sna tshogs 'byung ba kun gyi rgyu// sangs rgyas kun gyi sprul pa'i sgra// sangs rgyas byang chub bla na med// rnam par dag pa bdag med chos// yang dag ye shes thams cad lam// skye med chos te sna tshogs don// 'byung ba rnams pas khyod sngar byung // don gcig gnyis med chos kyi don// dam pa'i don te 'jig pa med// khyod las byung ba yi ge med// gsang sngags don du bskyed rnams la// rnam pa kun ldan rnam pa med// yan lag med pa'i rtsis las 'das// sangs rgyas kun gyis rtogs bya ba// thams cad sangs rgyas nyid kyis mdzad// sangs rgyas byang chub bla na med// rang gi longs spyod rang las sprul// rang las sprul pa'i sku rnams la// rang gis longs spyod ci yang mdzad// sprul pa

  176. 89a

    sna tshogs cir yang ston// khyod las cho 'phrul sna tshogs 'byung // rol pa'i skur ni cir yang rol// sangs rgyas rol pa khyod las byung // sems dpa' chen po thams cad khyod nyid las byung ba'o// sems dpa' chen po 'di ni sangs rgyas thams cad kyi gsang ba rmad du byung ba'o// sems dpa' chen po nyon cig thams cad mkhyen pa'i ye shes kyis thams cad mdzad do// chags pa dang bral ba'i lus las 'das pa ni khyod do// nga'i byang chub kyi sems phra zhing zag pa med pa/ sa bon dang bral ba/ rdul med pa/ rdul dang bral ba/ dri ma med pa ni bde bar gshegs pa rnams dang / sems can thams cad la gnas pa yin no// 'di ni sangs rgyas thams cad kyi gsang ba'i byang chub kyi sems gsang ba dam pa'o// sems dpa' chen po de bzhin gshegs pa ni 'di ltar rig par bya'o// ye shes lus can de bzhin gshegs pa de ni sku'i 'od la bzhugs shing / gsung gi zer la rol te/ de'i phyir rnam par dag pa nam mkha' dang 'dra ba'i sku'o// de yang yangs pa dang / kun la khyab par gnas pa dang / 'gog pa med par snyoms par gyur pa ni nam mkha'o// gsal zhing snang ba thams cad ni sku'i 'od yin zhing / nam mkha'i rang bzhin ma yin no// chen po lnga la so sor gsal ba dang / snang ba chen po yod pa ni/ chen po lnga nyid

  177. 89b

    rigs lnga'i skur gyur pa'i 'od yin gyi/ nam mkha'i khams kun la khyab pa'i 'od dam nam mkha'i rang bzhin las byung ba ni ma yin te/ sku mdog ji lta ba bzhin nam mkha'i mdog kyang de bzhin gyur pa yin no// bar snang la snang ba ston pa nyi zla dang skar ma la sogs pa/ rang gi snang ba'i 'od 'byung ba dang / bar snang snang bar ston pa yang / sku rin po che'i 'od dang / gsung gi 'od zer spros pa'i zer nyid yin no// chen po bzhi las byung ba'i kha dog rnams dang / rnam pa sna tshogs su spros pa dang / bar snang la sprin gyi kha dog so sor snang ba/ 'ja' tshon gyi kha dog 'byung ba yang rigs so so'i sku dang 'od las byung ba yin gyi/ nam mkha' dang kha dog kyang chen po bzhi las byung ba ni ma yin no// sku mdog dkar na nam mkha' yang dkar/ sku mdog ji lta ba bzhin du nam mkha'i mdog kyang de dang 'dra ba dang chen po bzhi las byung ba'i skye ba rnams kyi kha dog kyang de dang 'dra'o// de bzhin gshegs pa'i sku ni chen po lnga las bstan zhing / 'byung ba chen po bzhi'i rgyud las skyes pa ma yin no// 'byung ba bzhi dang 'byung ba las gyur pa thams cad dang / skye ba bzhi las skyes pa'i sems can thams cad dang / stong gsum gyi stong chen po 'jig rten gyi khams ma lus pa med pa rnams ni/ de bzhin gshegs pa'i sku gsung thugs nyid las byung zhing / sku

  178. 90a

    gsung thugs kyi rol pa chen po rnam pa cir yang rol cing chos thams cad la mdzad pa dang / chos thams cad la rol pa rtag tu mdzad pa'i don du de bzhin gshegs pas mdzad do// chen po lnga med pa'i sngon rol na/ de bzhin gshegs pa'i sku ni de bzhin du rang byung ba ste/ sku'i 'od la bzhugs shing gsung gi zer la rol lo// chos chen po rmad du byung ba las/ byang chub kyi sems ye nas mi mnyam pa'i le'u ste brgyad pa'o// // sems dpa' chen po/ byang chub kyi sems gsang ba rmad du byung ba 'di ni stong gsum gyi stong chen po'i 'jig rten gyi khams mtha' yas mu med pa rnams sangs rgyas nyid kyis mdzad pas/ gsang ba rmad du byung ba'o// sangs rgyas nyid las gsang ba rmad du byung ba'o// sangs rgyas nyid ye shes las skyes pas gsang ba rmad du byung ba'o// bdag nyid kyi rig pa'i ye shes las ma skyes pa dang ma byung ba dang / rang rig pa'i ye shes kyis ma khyab pa'i chos gang yang med pas gsang ba rmad du byung ba'i chos chen po ste/ sems dpa' chen po nyid dang / byang chub sems dpa' rnams kyis rtogs par dka' ba'i phyir gsang ba mchog gi dam pa'o// chos chen po rmad du byung ba las/ gsang ba dam pa bstan pa'i le'u ste dgu pa'o// // sems dpa' chen po/ rdo rje sems dpa'i thugs gsang ba'i rgyud ni/ sku gsung thugs

  179. 90b

    su ma 'dus pa gcig kyang med do// bde bar gshegs pa'i sku gsung thugs nyid du gyur pas gsang ba'o// de bzhin gshegs pa nyid la rnam par dag pa'i phung po lnga yod de/ gzugs rnam par dag pa thams cad nyid du gyur pa'i phung po dang / rnam par grol ba'i tshor ba 'gag pa med pa'i phung po dang / skye ba med pa'i 'du shes chos nyid du gyur pa'i phung po dang / len pa med pa'i 'du byed rnam pa thams cad tha dad pa'i sgo'i phung po dang / rnam par dag pa nam mkha' dang 'dra ba ye shes su 'byung ba'i phung po lnga kun gyi bdag nyid du yod pa dang / kun gyi bdag nyid du gyur pas sku'i rnam par snang mdzad ces gsungs pa ni sku lnga lhun gyis rdzogs pas longs spyod rdzogs pa'i sku ste/ rnam par snang mdzad do// de la rnam par snang mdzad ces gsungs pa ni/ kun gzhi'i rnam par shes pa ni sku lnga nyid du gyur pa yin te/ de nyid la sku rnam pa sna tshogs cir yang snang bas snang mdzad do// de'i phyir sems dpa' chen po ji skad gsungs she na/ 'das pa dang / ma 'ongs pa dang / da ltar byung ba rnams dang / dus dang dus kyis so sor gyur pa dang / dus gsum gyi bde bar gshegs pa thams cad dang / skye ba thams cad dang / skye bo dang / skye 'gro rnams dang / chen po lnga dang / 'byung ba bzhi las byung ba'i chos thams cad sku lnga rnam par dag pa las ma byung ba

  180. 91a

    gcig kyang med de/ de dag thams cad sku lnga las byung bas thams cad nas thams cad du sku lnga nyid du ma gyur pa gcig kyang med do// de'i phyir sangs rgyas su ma gyur pa gcig kyang med do// de bzhin gshegs pa'i sku ni phyi dang nang dang lus ngag tu yang snang la/ kun tu yang khyab par snang bas/ kun la yang snang ngo // kun tu snang bar mdzad do// yang ji skad gsungs she na/ nga'i sku rnam par dag pa ni cir yang sprul cing cir yang 'gyur zhing kun tu 'gyur ba nyid yin te/ sku lnga las gyur pa'i chos nyid la/ nga rol pa chen po rdo rje rnam par rol pa mdzad/ rtag par bzhugs shing rtag par rnam pa cir yang rol lo// rdo rje rnam par rol pa chen po cir yang mdzad do// chos nyid la mnga' mdzad pa'i rol pa chen pos sku'i cho 'phrul cir yang snang zhing cir yang ston cho 'phrul chen po cir yang mdzad do// sku cir yang rol pa'i cho 'phrul gyis/ rtag par longs spyod mdzad pas so// de'i phyir sems dpa' chen po phyi'i spyod yul thams cad 'di ltar yin no// stong gsum gyi stong chen po'i 'jig rten gyi khams 'di dag thams cad ni// de bzhin gshegs pa'i gzigs mo'o// yul lo// nga nyid las byung ba'i chos nyid do// ye nas ma byung ba 'byung bar byed pa'i yul lo// ma byung ba 'byung bar byed pa'i dam tshig gi yul lo// sku gsung thugs

  181. 91b

    mngon par bstan pa nyid do// sku gsung thugs mthar mi zad pa'i mdzod do// ston pa mthar mi zad pa'i don nyid do// sku gsung thugs rol pa'i cho 'phrul chen po rol pa nyid do// rdzu 'phrul chen po nyid kyi rang bzhin ni nga'i mthu las byung ba nyid do// nga'i stobs las byung ba'i chos so// sku gsung thugs mi zad pa'i rgyan gyi 'khor lo nyid do// stong gsum gyi stong chen po 'jig rten gyi khams 'di dag thams cad ni nga nyid kyi yul lo// bzhugs gnas so// gzhal yas khang ngo // 'di dag thams cad ni nga'i sku'o// nga'i gsung ngo // nga'i thugs so// stong gsum gyi stong chen po 'jig rten gyi khams 'di dag thams cad ni/ sangs rgyas kyi sa rdzogs pa chen po nyid do// sangs rgyas nyid do// byang chub chen por rdzogs pa nyid do// sangs rgyas kyi zhing bde ba chen po nyid do// byang chub kyi sa nyid do// byang chub kyi sems rmad du byung ba thams cad kyi ngo bo nyid yin no// sku rmad du byung ba nyid do// gsung rmad du byung ba nyid yin no// thugs rmad du byung ba nyid yin no// chos rmad du byung ba nyid yin no// gsang ba rmad du byung ba nyid yin no// rol pa rmad du byung ba nyid yin no// mdzad pa rmad du byung ba nyid yin no// rdzu 'phrul rmad du byung ba nyid yin no// byang chub sems rmad du byung ba yang 'di nyid yin no// sangs rgyas kyi sa chen po rmad du byung ba yang 'di nyid

  182. 92a

    yin no// sangs rgyas rnams kyi lta ba rmad du byung ba yang 'di nyid yin no// sangs rgyas rnams kyi longs spyod mthar phyin pa yang 'di nyid yin no// ston pa phun sum tshogs pas bstan pa phun sum tshogs pa bstan pa yang 'di yin no// nyan pa phun sum tshogs pas nyan pa yang 'di nyid do// sangs rgyas rnams kyi bde ba chen po yang 'di nyid do// sangs rgyas rnams kyi 'dod pa'i yon tan lnga yang 'di nyid yin no// 'dod yon lnga'i mtshan nyid kyang rmad du byung ba 'di nyid yin no// sangs rgyas rnams kyi thugs mthar thug pa yang 'di nyid yin no// sku'i sprul pa'i chos nyid la rol pa'i cho 'phrul gyis chos kyi 'khor lo bskor ba'i chos nyid kyi 'khor lo yang rmad du byung ba 'di nyid yin no// 'khor ba yang chos nyid ma rig pas 'khor zhing chos nyid la chos nyid gnas pa yang rmad du byung ba 'di nyid yin no// sku gsung thugs las ma gtogs pa stong gsum gyi stong chen po'i 'jig rten gyi khams na/ 'khor ba dang nyon mongs pa'i ming yang med do// sangs rgyas 'byung ba las ma gtogs pa sems can du skye ba'i ming yang med do// sku snang ba las ma gtogs pa sems can gyi rang bzhin dang / chen po lnga ye nas med do// sangs rgyas kyi bde ba chen po las ma gtogs par sems can dang sdug bsngal ming yang med do// sangs rgyas kyi nges pa'i

  183. 92b

    sa chen po rdzogs pa gcig pu las ma gtogs par/ stong gsum gyi stong chen po'i 'jig rten gyi khams na sems can gyi yul dang gnas nyid las med pas nga las byung ba'i chos las sems can gyi yul dang gnas med do// sku rmad du byung ba dang / byang chub kyi sems rmad du med pa'i rang bzhin bstan pas nges pa'i gsang ba'i man ngag bstan pa'o// sems dpa' chen po/ rgyal ba rnams kyi sku sna tshogs cir yang snang ba ni/ kun tu rin chen lta bu ste/ zhes gsungs pa yin no// sku'i kha dog ji ltar sna tshogs cir yang rol pa ni rin chen dang 'dra ste/ rin po che dkar po yang rin po che'o// dmar po dang ser po dang sngon po dang / ldaljang gu la sogs pa ni kha dog ci 'dra yang rin po che nyid do// 'di ni rin po che yin la 'di ni rin po che min pa ni ma yin no// de bzhin du rgyal ba rnams kyi sku yang kha dog thams cad du snang ba dang / dbyibs thams cad ji lta bur 'dug pa dang / dri ci mnam pa dang / ro ji ltar bro ba dang / gzugs ji ltar snang ba dang / sgra ji ltar thos pa dang / reg bya ji ltar tshor ba thams cad nyid kyi sku yin te/ rgyal ba'i rgyal ba rnams kyi sku yin gyi kha dog dang dbyibs 'di ni rgyal ba'i sku yin/ 'di ni ma yin pa lta bu ni ma yin no// de'i phyir sangs rgyas rnams kyi ye shes sku// sna tshogs gzugs can yid las skyes// zhes

  184. 93a

    gsungs so// de bzhin gshegs pa rnams kyi thugs ni ye shes brgyad so sor dbyer med pa gang gis mi chod pa'i don rig pa'i ye shes kyi sku dang gnyis su med par shar ba ni thugs so// sems dpa' chen po/ stong gsum gyi stong chen po 'jig rten gyi khams 'di dag thams cad de bzhin gshegs pa rnams kyi thugs las byung zhing / thugs nyid las ma gyur pa med do// de bzhin gshegs pa rnams zad pa'i mtha' med pas/ stong gsum gyi stong chen po'i 'jig rten gyi khams mtha' yas mu med pa yang zab cing med pa'i dus med do// stong gsum gyi stong chen po'i 'jig rten gyi khams mtha' yas mu med pa la zad cing stongs pa'i dus med pa ni bde bar gshegs pa rnams kyi sku dang gsung dang thugs nyid yin te/ sku gsung thugs zad cing stongs pa'i dus med pa nyid rmad du byung ba yin no// de bzhin gshegs pa rnams kyi sku dang gsung dang thugs las ma gtogs par stong gsum gzhan na med do// de bzhin gshegs pa rnams kyi gsung ni sku gsung thugs so sor dbyer med pa'i don dang / rang bzhin kun la snang bar byed cing so so'i don go ba nyid du ston pa ni/ de bzhin gshegs pa rnams kyi gsung ngo // gsung las gyur pa rnams ni sgra skad sna tshogs cir yang 'byung ba dang / ming dang tshig mang po rnams la

  185. 93b

    sogs pa dang / sgra skad mang po 'byung ba rnams la gsung du ma gyur pa gcig kyang med de/ sku dang thugs nyid gsung ngo // gsung thugs nyid sku yin te/ gsung sprul pa'i sku/ thugs snying po byang chub mchog gi sku/ sku longs spyod rdzogs pa'i sku'o// sems dpa' chen po/ de bzhin gshegs pa rnams kyi rang bzhin ni/ sku rmad du byung ba 'di nyid yin par rig par bya'o// ye nas yod cing rtag par bzhugs// rang byung che ba'i bdag nyid sku// bdag nyid ye nas dag pa chos kyi sku// bdag nyid sku gsum lhun gyis grub// 'gyur ba med pas bsod nams sku// ye nas rdzogs pas sprul pa'i sku// lhun gyis rdzogs pas longs spyod rdzogs pa'i sku/ bya rtsol med pas snying po byang chub sku'o// chos chen po rmad du byung ba las/ sku gsung thugs bstan pa'i le'u ste bcu pa'o// // sems dpa' chen po/ 'dod chags dang ni zhe sdang dang // gti mug nga rgyal phrag dog ni// rdo rje theg pa chen po nyid// snying rje med par gsod pa dang // 'jigs pa med par sbyor ba dang // gtsang sme med par za ba dang // rang gi khu bas rang mchod pa// rdo rje theg pa'i chos nyid yin// sems can brtse ba med pa dang // ma byin len dang mi tshangs spyod// gzhan la slong bar mi byed pa// rdo rje theg pa'i dam tshig ste// ji snyed rang byung byang chub sems// bde ba gsal ba'i dkyil 'khor

  186. 94a

    la// rgyal ba bdag nyid rtag par bzhugs// rdo rje theg pa gsang ba rmad du byung ba'o// gang zhig byang chub mchog 'dod pa// rtag tu bdag nyid mchod par bya// mchod pa kun gyis rtag tu mchod// yid bzhin rin chen la sogs rnams// sangs rgyas 'dod na bdag nyid mchod// sangs rgyas zhing khams thams cad du// bdag cag kun gyi lha yin pas// kun gyi mchod pas bdag la ma chod// sems can thams cad bsad nas ni// rgyal ba mnyes te sras su skye// 'dod chags 'dod pas rtag tu sbyin// 'di ni gsang ba'i byang chub sems// sangs rgyas nyid du chud mi za// de ni sangs rgyas dngos grub yin// dngos grub bdag la yod pa'i phyir// yid du 'ong ba'i bdag nyid bsgom// mkhas pas mchod pa bdag las byung // bdag las byung ba'i mchod pa rnams// bdag nyid bdag la mchod par bya// mkhas pas bdag gi khu ba dag/ sbyor ba'i don gyi rtag tu dbyung // 'di ni sangs rgyas bdag nyid yin// spyod pa mkha' dang mtshungs pa'o// 'di ni rdo rje theg pa'i spyod pa rmad du byung ba'o// chos chen po rmad du byung ba las/ rmad du byung ba bstan pa'i le'u ste bcu gcig pa'o// // bdag las byung ba'i khu ba yis// bdag gi lus la rab brgyan nas// sangs rgyas mthong bas yid du 'ong // 'jig rten khams

  187. 94b

    rnams dbang gyur pa// nga yi lus nyid sngags kyi lha// rtag par mchod na sangs rgyas 'grub// gang gis mchod pas dngos grub thob// ngag dang yid kyang phyag rgya yis// spyod pa ci yang sprul pa'i sku// dngos grub mchog rnams bdag las byung // byang chub myur du thob pa yin// lus dang ngag dang gsang ba'i sngags// nam mkha' bzhin du mnyam par gnas// sems la dmigs pa bdag med pa// lha yi ting 'dzin gsang bapaba'i sngags// ngo bo nyid kyis dmigs su med// kye sems dpa' chen po/ nga byang chub kyi snying po na bzhugs pa'i stong pa'i chos la stong pa'i chos med de mi gnas so// byang chub sems la byang chub tu bsgrub pa'i sems med de mi gnas so// srid pa'i chos thams cad la srid pa med de mi gnas so// chos la sems med pas rnam par dag pa la gnyis med do// sems can thams cad mngon par rdzogs par sangs rgyas pa'i phyir/ yid la byed par mngon par sangs rgyas so// sems can gsang ba mchog gi dkyil 'khor gyi ye shes kyi lha nyid yin pas/ sangs rgyas kun gyi gsang bar mdzad pa'o// nga las byung ba'i chos chen po lnga nyid/ ye shes gsang ba'i dkyil 'khor gyi lha nyid yin pas dngos grub gzhan nas bslang du med pas/ dus gsum gyi bde bar gshegs pa gsang ba chen po nyid do// sems dpa' chen po/ sangs rgyas kun

  188. 95a

    gyi byang chub kyi sems 'di ni sangs rgyas nyid kyi thugs las byung ba nyid yin no// de'i phyir sangs rgyas rnams kyi byang chub sems/ sangs rgyas kun gyi thugs la gnas/ sems dpa' de bzhin rig par gyis/ de nas rdo rje sems dpa' mtshan chen po'i ting nge 'dzin la bzhugs nas 'di skad ces gsol to// sangs rgyas kun gyi byang chub sems// sangs rgyas kun gyi thugs la gnas// rdo rje sems dpa'i shes rab kyi// ye shes pha rol phyin pa'i gnas// dus gsum gcig ste rtag par bzhugs// zhes gsol to// sems dpa' chen po de bzhin te// rnam par snang mdzad ye shes ni// bde bar gshegs pa'i thugs la gnas// yi ge kun la mi snang yang // sems la gsal bar mngon par snang // skal ldan rnams kyi rang rig pa// don chen yi ge dam pa ste/ khong nas 'byung ba skye ba med// sems dpa' chen po// stong gsum gyi stong chen po 'jig rten gyi khams 'di dag thams cad ni/ sangs rgyas kun gyi sku dri ma med pa nyid yin no// de'i phyir 'di skad ces bka' stsal to// ye shes 'ba' zhig las byung ba// sangs rgyas kun gyi byang chub sems// sangs rgyas nyid kyis rnyed pa yin// bde bar gshegs pa kun gyi gsang // chos chen po rmad du byung ba las/ gsang ba rmad du byung ba'i le'u ste bcu gnyis pa'o// // sems dpa'

  189. 95b

    chen po nyon cig/ bde bar gshegs pa rnams kyi rgyud gsang ba'i don rnam pa gsum ste/ don dang lus dang nges pa'i gsang ba dang gsum mo// de'i don ni bkri ba'i don ma yin gyi nges pa'i don gtan la phab pa'o// de la bde bar gshegs pa rnams dang / snod bcud nam mkha' bsdus pa'i chos/ stong gsum gyi stong chen po'i 'jig rten gyi khams ma lus lus pa med pa thams cad don gcig ste sku gsung thugs su 'dus so// sku gsung thugs kyi don ni dbyer med de/ gang gis sa mi shigs gang gi mi chod gang gi mi phyed pa rdo rje lta bu'o// sku gsung thugs su ma gyur pa'i dngos por lus pa'i chos gcig kyang med pas sku gsung thugs lhun gyis rdzogs par gtan la phab pa'o// de'i phyir rdo rje'i chos so// rdo rje'i theg pa'o// lung 'di bsgom pa las shes par bya'o// bsgom pa ni lha dang bdag tu don gcig pas gnyis su med pa la bya'o// shes par bya ba ni chos thams cad kyi don ma nor bar shes pa dang / bdag nyid kyi rang bzhin shes par bya ba dang / blta ba ma nor bar shes par bya ba dang / rdo rje sems dpa'i thugs gsang ba'i rgyud ma nor bar shes par bya ba dang / rdo rje sems dpa'i rang bzhin shes par bya ba dang / rdo rje sems dpa'i yon tan dang / rdo rje sems dpa'i rnam par rol pa chen po ma nor bar shes pa dang / rdo rje sems

  190. 96a

    dpa'i spyod pa dang / chos nyid la longs spyod chen pos mnga' mdzad pa'i don ma nor bar shes par bya'o// nges pa'i gsang ba'i man ngag ni rmad du byung ba'i don no// rmad du byung ba gsang ba ni thams cad bdag nyid las byung zhing bdag nyid kyis mdzad/ bdag nyid las spros shing bdag nyid de la rol lo// bdag las sprul zhing bdag nyid yongs su sdud/ bdag nyid las byung ba'i chos la bdag/ nyid longs spyod mdzad/ bdag nyid kyi yon tan las bdag nyid che ba ston/ bdag nyid las byung ba'i chos rnams la bdag nyid ston par byed// slar yang bdag nyid kyi dbyings su 'dus te/ bdag nyid las ma byung ba'am/ bdag nyid du ma gyur pa gcig kyang med do// chos chen po rmad du byung ba las/ gsang ba rmad du byung ba'i le'u ste bcu gsum pa'o// // sangs rgyas kun gyi thugs ni gang // bde gshegs thams cad 'byung gnas so// sems can gyi rnam par shes pa brgyad po ni/ gsang ba 'dus pa'i dkyil 'khor ye shes rang las byung ba ye shes kyi lha nyid do// rnam par shes pa'i yul brgyad ni// mchod pa'i lha mo brgyad dang / dngos grub kyi rdzas brgyad do// sems dpa' chen po sgo lnga ste/ shes rab zab mo'i sgo dang / gsang rgyud mthar mi 'geg pa'i sgo dang / chos kyi 'khor lo mthar bskor ba'i sgo dang /

  191. 96b

    sku gsung thugs nyid du gyur pa'i sgo dang / 'bras bu yod pa'i sgo'o// sems dpa' chen po sgo lnga'i rnam par shes pa la/ yid kyi dkyil 'khor gsal bar gyur pa ni yi ge 'khor lo gsal bar byed pa'i dkyil 'khor gsang ba nyid do// rnam par shes pa dang / yul dang dbang po rnams ni rnam par shes pa'i tshogs te/ mtshan dang dpe byad kun 'das te yid kyi lha'o// de'i phyir ngag ni 'das pa'i sku/ lus ni da ltar byung ba'i sku/ sems ni ma byung ba'i sku// ngag ni 'das pa'i lam/ lus ni da ltar bzhugs pa'i lam/ sems ni phyis 'byung ba'i lam nyid do// ngag ni 'das pa'i yul/ lus ni da ltar bzhugs pa'i yul// sems ni phyis 'byung ba'i yul lo// sems dpa' chen po de'i phyir/ sangs rgyas kyi ni mkhyen pa'i yul/ sangs rgyas nyid kyi gsang ba'i gnas so// chos chen po rmad du byung ba las/ gsang ba rmad du byung ba'i spyod yul bstan pa'i le'u ste bcu bzhi pa'o// // sems ni ji bzhin mnyam pa yi// sangs rgyas rnams kyi rnal 'byor ro// yang dag bdag med de bzhin nyid// yang dag lam ste yi ge med// 'gro ba med pas lam yang med// kun spyod yon tan rnam lnga ni// ye shes rol pa'i rgyan nyid yin// 'dod chags zhe sdang gti mug rnams// sangs rgyas 'byung ba'i ye shes lam// sku gsung thugs kyi byang chub sems// byang chub

  192. 97a

    sems ni thar pa'i lam// chos nyid 'khor ba'i rgya mtsho mtha' ring la// nyon mongs sems can gnas pa rnams// byang chub sems ni thabs chen gyis// bsad pa 'ba' zhig las su rung / mchod pa chen po bde ba che// 'dod chags chen po dga' ba'i mchog/ mchod pa chen po zhe sdang che// zhe sdang chen po rdzogs sangs rgyas// mchod pa chen po gti mug che// gti mug blo ste gti mug sel// phrag dog chen po mchod pa che// phrag dog chen po dga' bas dga'// mchod pa chen po nga rgyal che// nga rgyal chen po rgyal bas rgyal// kye sems dpa' chen po de bzhin gshegs pa rnams kyi thugs ni thugs rje rol pa mdzad pa'i don du byang chub kyi sems rol pa'i yul las ma gtogs pa/ dmyal ba'i gnas ni ye nas med/ dmyal ba'i rgyu med de'i dngos kyang med/ sems dpa' chen po ma skyes pa'i chos rnams la nam yang skye bar mi 'gyur ro// sangs rgyas dang sems can ni gnyis su med de/ gcig tu gyur pa'o// stong gsum gyi stong chen po'i 'jig rten gyi khams mtha' yas mu med pa ni/ sangs rgyas kyi zhing khams yongs su dag pa nyid do// stong gsum gyi stong chen po'i 'jig rten gyi khams 'di ni// 'khor ba yang med/ mya ngan las 'das pa yang med/ bde ba chen po chos nyid 'byung ba'i dkyil 'khor nyid

  193. 97b

    do// de'i phyir/ byang chub sems kyi ye shes ni// sangs rgyas thugs la gsal bas gsang // rnam shes dmigs pa'i yul las 'das// gsang ba mchog gi bde ba yis// sangs rgyas kun gyi thugs la gnas// 'di ni gsang ba'i byang chub sems// zhes gsungs so// sems dpa' chen po/ yang dag sangs rgyas rnam rig pa// rtag par sangs rgyas nyid la gnas// nam mkha' lta bur chags pa med// phung po lnga don de nyid shes// mi 'pho ba yi don yang rig/ mi 'pho ba yi lam la gnas// rang bzhin med pa'i don shes shing // rang bzhin med pa'i lam la gnas// ma skyes pa yi sems nyid la// sems can skye ba'i rgyu mi gnas// ma rig med pas 'khor ba med// mya ngan mi 'da' rtag par bzhugs// mya ngan 'das pa'i lam yang med// srid pa'i chos la rang bzhin med// lus dang ngag yid dag pa la// chos rnams rang bzhin gnas par zad// sems can med pas sangs rgyas med// sangs rgyas lam la mi gnas te// 'khor ba'i skyon gyis yongs mi gos// rnam par thar pa'i sgo nas 'das// de nas bcom ldan 'das rnam par snang mdzad chen po snying po byang chub na bzhugs pa'i sku las/ sangs rgyas thams cad 'dus nas/ tshig mthun par 'di skad ces gsol to// 'jig rten mkhas pa rdzogs sangs rgyas// gang zhig thog mar byang chub

  194. 98a

    sems// bla med dkyil 'khor sgom pa rnams// snying po byang chub bzhugs par gsungs// 'dzam bu'i gling du gsungs pa yi// da ltar bzhugs dang 'das pa dang // ma 'ongs sangs rgyas mdzad rnams la// thams cad don du bshad par gsol// de nas skyob pa'i sangs rgyas rnams// gsung ba 'di ni yang dag bshad// byang chub sems ni ma yin pa// khams gsum gnas pa'i sems can la// phan pa'i sman ni gzhan med do// byang chub sems kyi don rig pa// 'khor ba'i chos ni rgyu med do// myur du byang chub kun gyis thob// mi skye mi 'jig bde la gnas// sku gsung thugs kyi gsang ba las// yang dag snying po byung ba ni// de ni byang chub sems zhes bya// de las byung ba'i rig pa ni// rmad du byung ba'i byang chub sems// gsang ba mchog gi rin po che// sangs rgyas rnams kyi dkyil 'khor yin// sangs rgyas rnams kyi gsang ba yi// khams gsum bla na med pa'i lam// sa rnams mnyam pas dbyer med de// sa rnams mnyam pa nyid kyis// rnal 'byor rang rig chen po yis// gsang ba'i don rnams gcig bsgoms pas// ye shes rang byung byang chub sems// sangs rgyas thams cad bdag gis byas// ye shes lha rnams rang las byung // 'di ni rmad du byung ba'i sku// gsang ba'i dkyil 'khor dam pa yin// 'dzab dang bsnyen pa 'bul mi

  195. 98b

    dgos// byang chub sems kyang bskyed du med// lha yang gzhan nas 'bod mi dgos// mchod pa gzhan du mi mchod de// dngos grub gzhan las mi blang ngo // sangs rgyas kun gyi byang chub sems// bla na med pa rtogs 'gyur ba// rgyal bas gsungs pa'i ye shes gang // de ni dkyil 'khor snying por gsungs// sems dpa' chen po gsang ba mchog gi dkyil 'khor 'di ni/ sangs rgyas nyid kyis mkhyen pa yin no// sems can mang pos byas pa ni// gsang ba mchog gi don nyid de// sangs rgyas nyid kyis mdzad pa yin// chos chen po rmad du byung ba las/ rmad du byung ba'i dkyil 'khor bstan pa'i le'u ste bco lnga pa'o// // khams gsum rin chen rnyed pa'i mi// ji ltar 'dod pa bzhin du 'grub// rab tu dges par mdzad nas ni// khams 'di yid bzhin nyid du 'gyur// stong gsum gyi stong chen po'i 'jig rten gyi khams 'di ni yid bzhin gyi nor bu rin po che nyid yin no// de skad gsungs pa'i chos thos nas// rdo rje sems dpa' dpa' bo yang // 'jigs shing sngangs nas gdan las langs// dga' ba'i tshig gis 'di skad gsol// mchod pa sna tshogs byas nas ni// snang mdzad rdo rje rgyal spyan la// dga' ba'i bsam pas stod byed pa// sangs rgyas kun pas sngar sangs rgyas// mi shes dri ma spangs nas med// dpal gyi rnam

  196. 99a

    rgyal de bzhin nyid// longs spyod dbang phyug dpal dang mnyam// rdo rje nyi ma gzi brjid dang // mdog sdug shin tu 'bar ba yi// bzhad cing rmad du mdzad pa yis// dga' mgu rang ba rnams su 'gyur// pad+ma bzhad pas chos kun gyis// rtogs mdzad sangs rgyas thams cad kyang // byang chub sems 'dis mnyes gyur nas// skad cig nyid la don rtogs te// snying po byang chub nyid du 'gyur// rdo rje'i gdan la yang sangs rgyas// lam 'di rdzogs pa'i byang chub sems// tshe 'di nyid la bde ba dang // phyi ma 'byung bar bde ba dang // sangs rgyas rnams kyi bde ba dang // sangs rgyas nyid kyang rdzogs gyur te// sangs rgyas nyid dang skal ba mnyam// zhes gsol to// de nas ston pa bla na med// rab tu dges pa mdzad nas 'dzum// de nas thugs gsang ba'i sgron ma 'di gsungs so// rmad byung byang chub sems bsgom pa// 'gro ba myur du byang chub ste// ma skyes byang chub rmad byung ba// nyon mongs las kyis gos mi 'gyur// byang chub sems 'di byang chub nyid// tshogs rnams ma bsags cig char rdzogs// rang gi snying po rang byas na// bsams na lhun gyis grub pa'i sku// sangs rgyas mi bsgom bdag nyid bsgom// snying po mi brjod bdag nyid brjod// sangs rgyas ma mthong chos nyid mthong // bdag nyid ma mthong sku gsum

  197. 99b

    mthong // 'khor ba ma mthong bde ba nyid// rang gi lhar ni rang bsgoms na// bsod nams rdo rje cig char rdzogs// rang gi snying po rang sngags kyis// bsgrub pa'i snying por chud mi za// phyag rgya mi bskyod yan lag bskyod// sangs rgyas mi gshegs bdag nyid gshegs// sangs rgyas mi mchod bdag nyid mchod// ston pa mi mthong bdag nyid mthong // sangs rgyas ma mthong slob dpon mthong // gzugs nyid ma mthong chos sku mthong // dpe byad mi blta rang gzugs blta// yang dag ye shes rang rig nas// myur du bla med sbyor ba yin// thams cad 'byung ba'i sbyor ba yin// bdag gi lhar ni bdag gi bya// 'di ni sangs rgyas na gyi dpal// sangs rgyas rnams kyi ye shes te// shes rab ma lus phun sum tshogs// 'di 'dra'i dkyil 'khor bla na med// sangs rgyas de bzhin gshegs pas gsungs// theg pa gsum gyi nges 'byung la// theg pa gcig gi 'bras bur gnas// chos chen po rmad du byung ba las/ byang chub sems rmad du byung ba'i le'u ste bcu drug pa'o// // sems dpa' chen po/ sman mchog nad med bde 'tsho ba// dus gsum sman mchog byang chub sems// 'jig rten sman rnams 'di yin no// byang chub sems kyis byas pa rnams// dge tshul dpag bsam ljon shing bzhin// rtag tu byang chub bde ba'i sa// byang chub mchog gi

  198. 100a

    snying por 'gyur// sems dpa' chen po/ phung po lnga ni rigs lngar rdzogs par lhun gyis grub pa'i gsang ba'i dkyil 'khor yin no// sems dpa' chen po/ gzugs kyi mtshan nyid mang po sna tshogs par 'byung ba rnams ni de bzhin gshegs pa'i rigs kyi lha mo dang / sems dpa' dang sems ma la sogs pa de bzhin gshegs pa'i rigs lhun gyis gnas pa ste/ de'i don ni 'dus pa dang / tshogs pa dang / yongs su rdzogs pa dang / mtshan nyid so sor snang ba'o// de la tshogs shing 'dus pa ni dkyil la/ mtshan nyid so sor snang ba ni 'khor te/ 'di ni de bzhin gshegs pa'i rigs rnam par snang mdzad du mngon par rdzogs pa'i dkyil 'khor chen po ste/ khams gsum las rnam par rgyal ba'i dkyil 'khor ro// sku ni snying po byang chub na bzhugs pa dang rang byung ye shes kyi sku'o// byang chub sems ni chos nyid byang chub sems so// phyag rgya ni byang chub kyi phyag rgya'o// zhal ni phyogs bzhir gzigs te/ de ni rnam par snang mdzad kun tu zhal zhes gsungs pa'i rgyud las bshad pa yin no// sa ni ye shes bla ma'i sa nyid do// sems dpa' chen po gzugs kyi phung po las tshor ba sna tshogs 'byung ba ni tshor ba'i phung po ste/ rin po che'i rigs lhun gyis rdzogs pa'i lha dang / lha mo dang / sems dpa' dang sems ma la sogs pa rin

  199. 100b

    po che'i rigs lhun gyis rdzogs te/ de la gcig tu 'dus te dbyer med pa ni dkyil/ mang po tshogs pa ni 'khor te/ tshor ba'i phung po mngon par rdzogs par sangs rgyas pa ni/ rin po che'i 'byung ldan zhes bya ba'i dkyil 'khor chen po ste/ dbang chen rol pa'i dkyil 'khor nyid do// byang chub kyi sems ni thugs rin po che'o// phyag rgya ni dbang sbyin pa'i phyag rgya'o// sku ni rin chen 'byung ldan gyi sku'o// sa ni yi ge 'khor lo'i sa'o// sems dpa' chen po tshor ba'i phung po las 'du shes sna tshogs 'byung ba nyid ni pad+ma'i rigs te/ 'du shes mang po sna tshogs pa 'byung ba nyid ni/ pad+ma'i rigs lhun gyis rdzogs te/ pad+ma'i rigs kyi lha dang lha mo dang / sems dpa' dang sems ma la sogs pa rdzogs pas chos kyi dkyil 'khor chen po rang byung ba nyid yin te/ sku'i 'khor lo bskor ba'i dkyil 'khor nyid do// thugs rje 'byung ba zhes kyang gsungs so// sgra ni bsod nams kyi sgra'o// byang chub kyi sems ni ye shes kun tu spros pa'o// sa ni rdo rje 'dzin gyi sa'o// phyag rgya ni chos kyi phyag rgya'o// sems dpa' chen po 'du shes kyi phung po las 'du byed kyi phung po sna tshogs 'byung ba ni las kyi rigs te/ 'du byed mang po 'byung ba nyid las kyi rigs kyi lha dang lha mo dang / sems dpa' dang sems ma la sogs te/ las kyi rigs lhun gyis rdzogs te/

  200. 101a

    bdag nyid las byung ba mngon par rdzogs par sangs rgyas te/ 'gro ba 'dul ba'i dkyil 'khor nyid do// byang chub sems ni rdo rje'o// sku ni longs spyod rdzogs pa'o// phyag rgya ni las kyi phyag rgya'o// sa ni kun tu bzang po mchog nyid kyi sa'o// sems dpa' chen po 'du byed kyi phung po las/ 'byed pa'i rnam par shes pa mang po sna tshogs par 'byung ba nyid do// rnam par shes pa'i phung po ste/ rnam par shes pa mang po nyid rdo rje rigs kyi lha dang lha mo dang / sems dpa' dang sems ma la sogs pa rdo rje'i rigs lhun gyis rdzogs te/ sngon du mngon par rdzogs par sangs rgyas par 'byung ba'i dkyil 'khor yin te/ thams cad kyi dbyings rnam par dag pa rdzogs pa chen po'i dkyil 'khor nyid do// byang chub kyi sems ni spros pa med pa'o// sku ni rdo rje snying po'i sku'o// phyag rgya ni dam tshig gsang ba'i phyag rgya'o// sa ni bya ba med pa'o// sems dpa' chen po de bzhin gshegs pa'i dkyil 'khor gyi nang na 'di ni gsang ba chen po gsang ba mchog yin no// phung po lnga la rigs mang po dang / lha dang lha mo mang po dang kha dog mang po dang ye shes dang dkyil 'khor mang po tshogs shing 'dus pas/ tshogs kyi dkyil 'khor nyid do// gsang ba thams cad 'dir 'dus pas gsang ba 'dus pa'i dkyil 'khor nyid do// khams gsum bla na med pa

  201. 101b

    gsang ba mchog gi dkyil 'khor rmad du byung ba bstan pa ste/ dkyil 'khor lnga po 'di dag ni rim gyis bkod pa ma yin te/ lha'i ting nge 'dzin gang bsgom pa'i sku las sku lnga lhun gyis rdzogs par rang bzhin gyis gnas pa dang / dkyil 'khor gcig la dkyil 'khor lnga char rdzogs par rang byung ste// bkod cing bskyed mi dgos so// byang chub sems kyang chos nyid byang chub kyi sems ma skyes pa las byang chub kyi sems rang byung bas rang byung mchog gi dkyil 'khor ro// phyag rgya yang rang bzhin gyis gsal bar 'byung bas rang byung mchog gi phyag rgya'o// de bzhin du sku dang ye shes dang / rigs dang phyag mtshan dang / kha dog thams cad gcig la kun rdzogs par 'byung zhing rang bzhin gyis gnas so// gsang ba rmad du byung ba las/ khams gsum bla na med pa'i sangs rgyas gsang ba'i sa gong na med par rdzogs pa'i sa ste// stong gsum gyi stong chen po 'jig rten gyi khams bsam gyis mi khyab pa mtha' klas mu med pa'i sems can re re la/ dkyil 'khor lnga lnga rang bzhin gyis yod pa dang / snod kyi 'jig rten chen po lnga gcig gi mtshan nyid la yang dkyil 'khor lnga rdzogs par bzhugs pas de'i phyir gsang ba rmad du byung ba nyid do// byang chub kyi sems rmad du byung ba nyid do// dkyil 'khor rmad du byung ba nyid do// blta ba rmad du byung ba nyid

  202. 102a

    do// chos chen po rmad du byung ba nyid do// sangs rgyas rmad du byung ba nyid do// rol pa rmad du byung ba nyid do// mkhyen pa rmad du byung ba nyid do// ye shes rmad du byung ba nyid do// cho 'phrul chen po dang rdzu 'phrul chen po dang / 'phrul chen po rmad du byung ba nyid do// mdzad pa rmad du byung ba nyid do// sku gsung thugs rmad du byung ba nyid do// dus gsum rmad du byung ba nyid do// srid pa gsum rmad du byung ba nyid do// chos chen po rmad du byung ba las/ khams gsum bla na med pa gsang ba mchog gi dkyil 'khor rmad du byung ba bstan pa'i le'u ste bcu bdun pa'o// // sems dpa' chen po de bas na// sangs rgyas sangs rgyas ma yin pa'i// sems can sems kyi rgyu ni gang // byang chub sems ni ma yin pa'i// chos dang chos nyid dngos ni gang // dkyil 'khor mang po gsungs pa nyid// rdzogs pa'i dkyil 'khor bdag la 'dus// dkyil 'khor dkyil 'khor zhes bya ba// ye shes rdo rje'i thugs la gnas// rdo rje ye shes mchog nyid ni// bdag nyid sbyor ba bstan pa'o// thams cad rang byung dkyil 'khor ro// dkyil 'khor lngar ma 'dus pa'i chos// sangs rgyas nyid la mi mnga' 'o// kye sems dpa' chen po/ skye ba'i sems can thams cad kyang / dbyings gsum rnam par dag pa'i skye ba med pa'i sangs rgyas// byang chub sems kyi ngo bo

  203. 102b

    bzo mi 'chos/ rtsal snang glo bur gyi dri ma mtha' dag kyang rang rig ye stong 'pho 'gyur med pa'i klong du chu dang rlab bzhin spang gnyen du ma grub par rang sangs/ rang dngas/ rang grol du 'gyur ba tsam las// gzhan du mi btsal/ ched du mi bsgom/ gcig tu mi gnas/ blos mi gzhag/ rnam par mi rtog/ skyon du mi 'dzin/ phyir mi bsal/ nang du mi bsgrub par rang bab rang lugs su 'jog pa tsam la bsgom pa mnyam gzhag gi tha snyad btags pa ste/ de nyid kyi phyir ngo bo bsam brjod dang bral bas stong pa nyid/ rnam par rtog pa dang bral bas mtshan ma med pa/ blang dor re dogs dang bral bas smon pa med pa/ dus gsum du dmigs pa mi 'jug pa'i phyir 'khor gsum yongs su chad pa'i mtshan nyid du rang bzhin gyis gnas pa yin te/ byang chub sems dpa'i sde snod las/ de la 'khor gsum yongs su chad pa gang zhe na/ gang 'das pa la sems mi 'jug pa dang / ma 'ongs pa la rnam par shes pa rjes su mi 'jug pa dang / da ltar byung ba la yid la byed pa mi 'jug pa ste/ de sems dang / yid dang / rnam par shes pa la mi gnas pas 'das pa la mi rtog/ ma 'ongs pa la rlom sems su mi byed/ da ltar byung ba la spros par mi byed/ 'di ni dus gsum mnyam pa nyid 'khor gsum yongs su dag pa yin na sems can rnams kyis khong du ma chud pas de

  204. 103a

    rgyu med kun gyi rig/ dmyal ba'i me lce'i phreng ba rnams// byang chub sems yin gnod pa 'jil// de phyir sangs rgyas 'ba' zhig rnal 'byor med// de la lam med 'gro ba med// sangs rgyas med de rgyu yang med// byang chub med de ming yang med// byang chub nyid kyi sa yang med// sems can med de srog kyang med// nyon mongs med de 'khor ba'ang med// bde ba med de 'bras bu'ang med// re ba med de dogs pa'ang med// gnas pa med cing yul yang med// theg pa med cing 'jug pa med// smon pa med cing bsgrub pa med// spang pa med cing len pa med// sems kyi gnas kyi yul med pas// bsgom du med pa'i byang chub sems// chos chen po rmad du byung ba las/ gsang ba rmad du byung ba'i le'u ste bcu dgu pa'o// // de nas sems dpa' chen pos gsol pa/ bcom ldan 'das sngon chad ma mthong ma rig pa'o// bcom ldan 'das bdag dang bde bar gshegs pa thams cad kyis sngon ma mthong ma rig pa ngo mtshar che ba'i gsang ba che ba'i chos/ de bzhin gshegs pa'i theg pa gang dang yang mi mthun pa/ gsang sngags kyi theg pa gang dang yang mi mnyam pa/ gsang ba gang dang ma 'dres pa/ theg pa gang dang yang thun mong min pa'i chos byang chub kyi sems min pa'i chos dang chos nyid med pa/ sangs rgyas med par sems

  205. 103b

    can ming med pas rol pa'i dges pa las ma gtogs par sdug bsngal gyi ming med par sku gsung thugs nyid du 'khor ba'i chos kyi 'khor lo bskor zhing bskor ba ma yin par 'khor ba'i rgyud dang 'khor ba'i chos ye nas med par byang chub sems kyi sa la sbyor ba ma gtogs par dmyal ba'i ming yang med pa dang / thams cad mkhyen pa las ma gtogs par ma rig pa ming yang med pa'i chos don ma nor bar thugs su chud pa/ thugs byang chub kyi sems rin po che sgron ma'i gsang ba/ gsang ba rmad du byung ba'i man ngag rdzogs par dus gsum gyi bde bar gshegs pa thams cad dang / bdag gi don du byang chub kyi sems rmad du byung ba'i don 'di lta bu rdzogs par gsungs pa de rgyu gang gis mkhyen par gyur/ de skad gsol pa dang / bcom ldan 'das kun rig rnam par snang mdzad kyis bka' stsal pa/ sems dpa' chen po nyon cig/ sangs rgyas bcom ldan 'das ni tshad med pa'i yon tan gyis bsod nams kyi tshogs dpag tu med pa rnams yang dag par bsags te mkhyen to// yang dag par rdzogs pa'i sangs rgyas ni tshad med par yang dag pa'i thabs rdzogs par thugs su chud cing mkhyen to// tshad med pa'i yon tan gyi 'byung khungs su gyur pas thugs su chud cing mkhyen no// mi mnyam pa dang mnyam pa'i ye shes dang ldan pas thugs su

  206. 104a

    chud de mkhyen no// sangs rgyas bcom ldan 'das ni snod ji lta ba bzhin mi mnyam pa dang mnyam pa'i smon lam gyi stobs dang ldan pas thugs su chud de mkhyen to// sangs rgyas bcom ldan 'das ni shes rab tshad med pa bsags pas thugs su chud de mkhyen no// sangs rgyas bcom ldan 'das ni spyod pa tshad med pa'o// sangs rgyas bcom ldan 'das ni skye ba tshad med pa rnams kyi snod du gyur par mdzad// sangs rgyas bcom ldan 'das ni/ snod ji lta ba bzhin don de lta bur mdzad pas/ snod ji bzhin du sems can gyi don mdzad do// ji ltar gdul ba bzhin sems can gyi don mdzad pa dang / mos pa ji bzhin du sems can gyi don mdzad pa dang / thugs su chud de mkhyen cing snod dang sbyar zhing gsungs pa yin no// sems dpa' chen po gsung rdo rje smra ba nyid do// sbyor ba ni lus ngag yid gsum so so ma yin tha mi dad pa gnyis su med par rig par byed pa ni sbyor ba'o// sgrol ba ni lus dang ngag dang sems dbyer med pa rdo rje nyid gang na'ang mi gnas pa dang / chos thams cad gang na'ang mi gnas pa dang / chos thams cad gang na'ang mi gnas pa nyid sgrol ba'o// chos chen po rmad du byung ba nyid gsang ba'i rgyud du byung ba'i gsang ba chen po gsang ba 'bum sde las// rdo rje sems dpa' rig pa bstan pa gsang ba thams cad kyi gsang ba

  207. 104b

    mchog rmad du byung ba'i man ngag/ chos chen po rmad du byung ba las byang chub sems rmad du byung ba'i le'u ste nyi shu pa'o// // rdzogs so// / rgya gar skad du/ ma hA san+ni d+harma tA bo d+hi tsit+ta rat+na byA ha bi b+he da tan+t+ra nA ma/ bod skad du/ rdzogs pa chen po chos nyid byang chub kyi sems/ rin chen bkod pa rnam par dbye ba'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig gi tshe na/ byin rlabs las/ bcom ldan kun tu bzang po nyid// dus kun snang ba ma 'gags shing // rang bzhin ye shes kun spyod mdzad// chos rnams kun gyis rnam brgyan de// kun tu sku yi dkyil 'khor dang // gsung thugs yon tan phrin las tshogs// rang gi dkyil 'khor rnams brjod cing // sangs rgyas kun gyis bstod byed pa'o// mi gnyis shes rab 'brel ba'i gzung // rigs kyi dkyil 'khor kun yul sbyor// thugs rje che dang thabs chen po// yon tan ma 'gags kun gsal zhing // phyag rgya'i dkyil 'khor ji bzhin par// phyag rgya bstan pa'i ting nge 'dzin// 'og min gnas mchog rnam dag mkha'// ye shes rnam par 'phrul pa'i gnas// rang bzhin chos rnams 'gags med cing // thams cad rgyan gyis rnam par spras// zhing khams chen po mtha'

  208. 105a

    yas par// stong gsum rnam par bkod pa kun// thugs rje byang chub sems kyis mdzes// rang gzhan chos kun rnam dag pa'o// de tshe phyogs bcu'i bde gshegs rnams// bde gshegs byin rlabs snang ba'i mthus// rdul snyed kun nas 'dus pa dang // til gyi gang bu ji bzhin pa// de dag rang las mi gzhan cing // kun tu sprul par rnam par brgyan// rigs kyi zhing khams bsam yas kyis// phyag rgya thabs dang shes rab gnas// de tshe byang chub sems dpa'i tshogs// sa chen kun nas 'dus pa dag/ rmad byung chos kyi tshul bzhin du// rang rig mdzad pas rnam par 'khor// rang rig ston pas gtsor byas rnams// dkyil 'khor gsang ba'i tshul byung bas// don mthun theg pa sna tshogs kyis// rang gi phrin las la gnas pa'o// phyogs bcu'i de bzhin gshegs pa rnams// byang chub sems dpa'i tshogs kun gyis// rang rig ston pa mnyes mdzad cing // zhing khams bkod pa rnam par sbyor// de tshe byin rlabs snang ba'i tshogs// thams cad chos kyi de bzhin nyid// don kun snang ba ma 'gags pas// ngo mtshar phyag rgya nyi shu lnga// cho 'phrul rmad du byung ba'i tshogs// theg pa kun las spags pa yi// ngo bo nyid kyi sangs rgyas dag/ phyogs dus kun na gsal bar snang // rang gi ye shes gnas kyis 'jug/ ston pa kun gyis bstan

  209. 105b

    par mdzad// so so'i rtog tshogs the tshom rnams// kun nas langs te gsol btab cing // mi shes dra ba'i mtha' 'di rnams// shes rab mtshon gyis gcad par 'dod// sangs rgyas kun yi ngo bo nyid// kun nas ma 'gags rnam 'phrul zhing // de rnams rtogs pas de ltar mdzad// de dag rang bzhin gnas la sbyor// de nas sangs rgyas thams cad dang // byang chub sems tshogs dga' ba'i mthus// rgyud chen gsang ba sngon byung bar// rtog pa'i the tshom mi shigs pa// nges pa'i don gyis gsal ba'i phyir// ston pa mchog la gsol gdab cing // yang dag ye shes rnam par gnas// bcom ldan bdag cag sangs rgyas tshogs// mi gnyis ye shes 'bral ba med// thugs kyi dkyil 'khor rnam gsal ba// phyogs dus sgrib med snang ba'i mthus// rang bzhin chos rnams gsal bar snang // thabs mkhas byang chub sems dpa' rnams// theg mchog bla na med gzhung 'dir// thugs rje ye shes rnam dag pa// thams cad kun dgongs gzigs mdzad de// snang ba'i skabs dbye mdzod cig lags// zhes gsol ba yang dag par btab po// rdzogs pa chen po chos nyid byang chub kyi sems rin chen bkod pa rnam par dbye ba'i rgyud las/ bstan pa ji ltar snang zhing sbyor ba'i sgo bstan pa'i le'u ste dang po'o// // de nas yang dag rgya chen po'i//

  210. 106a

    mtha' yas don kun rab ston pa'i// thog ma tha ma rnam dag pas// gnyis med ye shes chen po nyid// de dag chos kun rang byung ba// byang chub sems kyi snying po can// 'di ltar bstan pa'i tshogs rnams kun// ma 'gag rang gi yul bzhin snang // de nyid sangs rgyas thams cad kyi// thig le chen po'i gnas nyid do// de dag sangs rgyas thams cad kyis// don mthun bstan par 'jug pa'i phyir// phyi nang kun tu bzang mo'i chos// rgya chen sku gsum bdag nyid bdag/ rang gi tshul gyis ston par mdzad// e ma ho thams cad las byung ba'i// tshul 'di ngo mtshar rmad kyi chos// de bzhin gshegs pa'i chos nyid do// 'gro ba kun gyi ngo bo nyid// de dag theg pa ji ltar byung // rgyu dang 'bras bu'i tshul rnams kun// thig le chen por bsdu mdzad pa'i// rnam grangs rnam pa du yis bstan// de bzhin skabs kyi don rnams dang // bye brag rig pa ji ltar 'byung // che ba'i rnam grangs gang zhig gis// don rnams gnyis med rdzogs par gnas// rgyud dang lung dang man ngag rnams// tshig don 'brel pa ji lta bu// rnal 'byor rnam pa gsum dag gis// don gyi spyi khog ji ltar gzhag/ che ba rnam lngas mtshams sbyar ba'i// skabs kyi 'brel pa tha dad gzhi// kun bzang ye nas rdzogs pa'i sku// de nyid gsum gyi don snang ba// phyag rgya'i tshogs

  211. 106b

    rnams ma 'dres shing // gol sgrib kun gyi mtha' bsal ba// dmigs bya ngo bo rnam grangs chos// man ngag kun gyi chos rnams dag/ ngang dngas rang bzhin bdag nyid che// bsgom spyod bsgrub pa'i mtha' g.yengs shing // dper bcas don kun 'tshams par bstan// de dag tha snyad tshogs 'dus pas// rang gi yul kun sna tshogs don// thabs dang shes rab 'brel pa'i zhing // 'di dag theg par kun snang zhing // thams cad chos kyi tshul 'jug pa// ngo bo nyid kyis rnam dag pas// sangs rgyas kun gyi yul nyid ni// don kun bstan par grol bar byed// 'di ltar theg pa bsam yas pas// phyag rgya'i dkyil 'khor sna tshogs 'jug/ don mthun bstan pas grol byed cing // ye shes cher gnas sna tshogs pa'o// de ltar chos rnams thams cad kyi// rang bzhin ma bcos lhun gyis grub// tha dad gzhan rdzas spyod bkag pa// don 'di bstan pas snying po'i tshul// lung chen brgyad kyis bstan 'gyur zhing // de dag tshul rnams sgrub byed pa// khyad par spags pa'i man ngag bcus// thabs ldan 'jug pa'i tshul shes pas// phun sum tshogs pa kun rdzogs shing // de dag yan lag rnam rgyas pa'o// thog mar bstan pa'i don nyid kyis// tshul rnams ji ltar bsdu bar byed// snod bcud rang bzhin sangs rgyas nyid// log rtog spang ba med pa

  212. 107a

    las// thabs kyi khyad par sna tshogs kyis// ye shes rang las shar ba'i tshul// ma nor cho 'phrul kun gyi sku// de bzhin nges par 'jug pa'i thabs// rtsol bcas grol ba'i thabs yin te// de dag ngo bo rnam dag pas// kun tu thob pa med pa dang // de bzhin brjod pa med pa'i tshul// sdug bsngal chos nyid longs spyod rgyan// las kyis ma grub ye shes stobs// btsal du med pa'i snying po nyid// bsam gtan phyogs 'dzin rnam bcas pa// bsgom skyon kun tu tha dad pas// de dag tshul gyis sna tshogs nyid// ma byung skye 'gag yul las 'das// bsam gtan mtshan mas gol 'gyur zhing // re dang dogs pa'i mthar gnas pa'o// chos rnams thams cad gnyis med don// de yang 'thad pa dpe dang bcas// dus gsum byang chub chen po'i lam// 'od lnga chos nyid dbyings kyi rgyan// rtogs pa'i rang bzhin kun shes pa// sgrib med gzod nas rnam par dag/ re dogs chags pa kun bral zhing // thams cad yon tan snying po'i sku// gnyis med rtogs par dka' ba'i don// thabs dang shes rab ngang tshul bzang // 'khor gnas byang chub sems kyi grong // de dag rang gi chos nyid de// bla ma'i man ngag rnam bral bas// yang dag sangs rgyas rnyed mi 'gyur// kun tu sa rnams spyod byed cing // kun tu lam mchog bgrod pa

  213. 107b

    med// gdams ngag legs pa'i rin chen gzhi// de las ngo mtshar 'bras bu 'byung // de nyid lam kun sgom byed cing // tshul bzhin gnas pas rnam par grol// phyi nang gsang ba'i theg pa dag/ gol sgrib rang gi ngang gis sel// de las rnam kun mtshon pa'i phyogs// 'dzin pa'i dbang gis kun nas snang // skyon dang yon tan gnyis med pa// spang bya blang ba'i mtha' rnams bral// theg pa gzhan las spags pa yi// dus gsum mnyam pa'i rang bzhin las// chos kun gdod nas dag par gnas// de dag che ba'i che ba nyid// bsti gnas tsam gyi mtshan nyid du// so so'i mtshan ma rtags dang bcas// yang dag rtsol ba las 'das pa'i// don kun dpe las 'das pa'i chos// nges pa'i lung kun tshul 'jug pa'i// theg pa sna tshogs yul dang bral// de dag yul chen gol ba'i gnas// gzung 'dzin rnam par dag pa'i gzhi// tha snyad ming du gnas mi 'gyur// mnyam nyid rig pa'i ngo bo yis// don kun gsal bar ston byed cing // rig 'dzin tha dad las kun dag/ gnyis med ye shes ngo bo nyid// de ltar cho 'phrul kun snang bas// rang byung ye shes 'char byed cing // yon tan 'char ba'i gtan tshigs kyis// reg na rtsol bsgrub skyon chen te// mtshan ma'i dkyil 'khor kun nas 'jug/ khro bo rtags rnams goms pa'i mthus// der snang rang gi ye

  214. 108a

    shes bral// 'bad rtsol 'khrul pas kun brtags pa'i// 'bras bu de dag zag bcas chos// spyod pa 'jug sgo tha dad pas// dman pas gong ma skye mi 'gyur// blo mchog yang dag sbyangs pa'i tshul// phrin las kun gyi rtsol bral zhing // yang dag don kun mnyam pa nyid// theg pa'i yul 'dis gsal bar byed// rgyu rkyen la ltos 'khrul pa nyid// rang byung ye shes gzhan na med// mtshon pa'i dpe yis brjod med cing // phyag rgya'i dkyil 'khor sna tshogs gsal// 'bras bu rang las snang ba dag/ des na ye nas gnas pa'i chos// sems can byang chub sems nyid la// kun tu bgrod pas grol ba nyid// rtogs pa'i spyod yul mtha' 'das pa// phyogs mnyam lhun gyis grub pa'i dngos// byang chub sems kyi dkyil 'khor nyid// dmigs dka' dpe don las 'das shing // de yi che bas kun tu khyab// lhun gyis grub pa'i tshogs rnams kun// dus gsum mnyam pa'i ngang sbyor bas// mchod pa'i gnas kun yongs rgyas te// gnyis med rnam par bkod pa'i mthus// de dag dkyil 'khor mnyes par 'gyur// lam kun rdzogs pa'i bdud rtsi la// lhag par byin rlabs bsngo dang bral// rnam bzhi lhun gyis grub pa ni// dngos grub gnas kun mnyam rdzogs pa'i// sbyor sgrol lhun gyis grub pa yi// gar stabs dga' ba kun gyi gzhi// gtor ma

  215. 108b

    sngags bzlas la sogs pas// lhag pa'i don kun gzung ba med// bdag tu bzung bas mi grol zhing // rtsol bas sgrub pa'i gnas mchog 'di// zhes rgya cher bstan to// rdzogs pa chen po chos nyid byang chub kyi sems rin chen bkod pa rnam par dbye ba'i rgyud las/ bstan pa bsdus pa dri lan bstan pa'i le'u ste gnyis pa'o// // de nas sangs rgyas thams cad kyi// rang bzhin gnyis med kun tu bzang // thams cad chos kyi de bzhin nyid// thams cad don kun gsal bar mdzad// de dag chos rnams thams cad kyi// rang bzhin byang chub sems kyi rgyan// dmigs med snying po mtha' 'das pa// gsang ba'i rgyud chen bstan pa'i sgo// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che ba'i che ba zab mo yi// yon tan cir yang bsngags pa med// don rnams ji bzhin mi bskyed de// bya ba med par grol bas grol// rang byung ye shes btsal med pas// grol nas grol ba 'i lam yang ston// 'byung ba chen po bcom ldan 'das// 'gro ba kun la rang bzhin gnas// phyin ci log tu rnam brtags kyang // grol ba rang byung gzhan las min// che ba'i ye shes rnyed dka' ba// shes

  216. 109a

    rab thabs la brten pas 'grub// ming tsam gzhan la brten 'dra yang // mngon sum bde ba rang las 'byung // cho 'phrul chen po dka' ba min// yon tan kun gyis stobs kyi rnams// ji bzhin rtogs pa'i phra ba las// de ma thag tu 'byung bar 'gyur// snang ba med pa'i chos nyid ni// ma btsal bzhag pas bsgom pa yin// de dang der ni rnam btsal na// de las de bzhin de mi 'byung // mchog tu gsang ba'i chos 'di ni// rna dbang gzhan nas thos mi 'gyur// de bzhin lce yi dbang pos kyang // de la brjod du rdul tsam med// 'gro ba sdug bsngal byang chub sems// kun tu chub pas rnam par rol// de la bskyod pa med bzhin du// nam mkha'i mtha' ltar rnam par gnas// khyad par cir yang mtshungs pa la// las so zhes ni rnam par brtags// cis te las kyi dbang btsan na// rang byung ye shes yod ma yin// rgyu nyid rdo/ rje rkyen dang bral// ma skyes pas na 'jig pa med// gdod nas snying po byang chub la// btsal ba'i bsam pas dbyings mi bskyod// yon tan chen pos bsam gtan na// bsam gtan nyid las bsam du med// ma bsams ma sbyangs chos bzhin du// rnam rtog nyid las ye shes skye// phra ba'i sgo mor ming btags nas// sems kyis dben pa'i lam 'tshol zhing // dgon pa'i rgyud du dben 'dzin pas// brtags na/

  217. 109b

    rnam par rtog 'gyur bsgom// rgyu dang 'bras bur ming btags shing // dge sdig gnyis ka rnam par sel// 'jig rten 'di las byung ngo zhes// blang dor brod pa mchog tu bskyed// chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdang gti mug kyang // byang chub sems dpa'i lam las byung // kun spyod yon tan rnam lnga yang // chos nyid dbyings kyi rgyan du che// nam mkha' rtog pa skye med cing // rtog pa de nyid nam mkha' 'dra// mi chags nam mkha'i sngo ba la// rang don chen po'i nam mkha' 'byung // rtog med mnyam nyid chos kyi sku// bzung bas mi zin chu zla 'dra// kun tu bzang po'i rol pa yis// A li kA li zab tu bstan// de bzhin a dang mdzes pa'i ta// sa dang yan lag spros pa bzhin// 'jig rten yongs kyi spyod yul la// sangs rgyas gsung gi zab mo 'byung // e ma ho sangs rgyas spyod yul 'di// btsal bas rnyed pa'i gnas med do// drug gi chos bzhin yul med pas// ldongs pas nam mkhar bsnyags pa bzhin// gong nas gong du tshangs pa'i lam// bya bral chos dang mthun par spyod// ci ste lam la bgrod gyur na// nam mkha' bzhin du thug pa med// de ltar de bzhin de yi phyir// de la de

  218. 110a

    bsten de yang thob// de ni snying po de bas na// de las de byung ngo mtshar che// sngon gyi de dang da ltar de// de bzhin de yi gnas su che// de ltar de yi lam 'dra bar// de ni de yi rang bzhin no// de dang 'dra ba yongs kyi lam// zla ba las byung rten dang bcas// kun gyi mnyam nyid yin pa la// phyogs su bltas pas grub pa med// da ltar bde dang phyi ma'i bde// mngon sum pa dang rgyab nas byung // de yang rnam pa'i skyon yin pas// de la brten par mi bya'o// dus gsum gcig ste tha dad med// sngon med phyis med gdod nas 'byung // chos kun khyab pas gcig pa'i phyir// che ba'i chen po rang bzhin gnas// srid pa gsum na sbyong ba yang // ming tsam sgyu mar snang ba ste// 'khor lo bsgyur ba'i gnas chen yang // sgyu mas sbyong ba'i bsti gnas yin// rnal 'byor dus la ltos pa rnams// dus de 'byung bar mi 'gyur te// ma bral smon pa med pas na// stong pa'i mtshan nyid gsungs pa bzhin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgros btags chos kun ga la yod// phyi nang gnyis ka phyi nyid nas// zab mo cha shas rtog yul med// srid pa ming du lob pa'i stobs// de bas ting 'dzin snyam dang bral// de la tha tshig phyi dang nang // rang bzhin phung po khams bzhin

  219. 110b

    gnas// dus gsum 'di dang mi 'bral ba'i// tha tshig ming du btags pa med// mi g.yo ba ni sku yi rgya// mi bskyod pa ni ye shes te// mi len pas na bdag med cing // mi 'dor tshig bral mnyam nyid do// gang dang gang gis gang dag tu// kun grol kun sbyor bdag las byung // 'di las skyes pa bud med ces// mnyam pa'i rgyal pos yongs ma gsungs// 'di la brtul zhugs drag shul gyis// gnas su bya ba ming med de// a dang par ni rnam ldan na// sgyu ma'i bde ba 'byung ba 'dod// rang bzhin gcig tu ma nges pas// ji ltar bltas pa der snang de// snang 'dod rtsol sems bde ba las// de ni de sgrib skyon chen yin// byang chub yan lag kun gyi sgo// cha lugs bsgoms pas chu zla 'dra// ma goms ma chags 'byung 'gyur yang // bsgoms pas byis pa'i spyod yul bzhin// dkyil 'khor khro gnyer cha lugs kyi// khro bdag chen po'i lus bzung bas// yi ge mngon du gyur na yang // zha ba de nyid mthong ba min// nyon mongs pa yi dbang gis na// ta la'i mgo bo bcad pa dang // sa bon me yis bsregs pa bzhin// de yi dbang du mi 'gyur ston// rnam grangs brgya stong phrag yas pa// gang ltar skyes kyang mi rtog skyes// mtshan ma med pa'i dbang gis na// bsti gnas de las 'byung mi 'gyur// gling bral 'di la gnas pa yi// rnal 'byor de ni skal ba

  220. 111a

    bzang // bdag dang gzhan du mi 'byed pas// sgyu ma lhun grub yul la rol// lhag ma med par yongs su rdzogs// 'gyur ba ma yin drang por gnas// nam mkha' bzhin du mtha' bral zhing // gzhan la ltos 'gyur chos ma yin// lhun gyis gnas pa'i bde chen de// mtshungs pa med pa'i ye shes kyis// rang gi mthu yis rig pa las// chos ni gzhan las 'byung mi 'gyur// sla zhing dka' la sla phyir dka'// mngon sum mi gnas kun tu khyab// ming tsam 'di zhes bstan par ni// rdo rje sems dpas mtshon du med// ngo mtshar rmad byung rol pa ni// bya bral nam mkha' ji bzhin de// cir yang mi dmigs gti mug las// de ma thag tu rang las byung // 'di ni thams cad mtshungs pa'i lam// 'gro ba kun la rang bzhin gnas// byis pa 'khrul pas bslad pa'i phyir// sman nyid sman pas 'tshol ba bzhin// go ba'i la na bde ba che// de nyid rnam dag 'jig rten yin// de las phyogs kyi 'od 'dus pas// phyogs bzhi mtshams dang steng 'og grub// ma nges 'ja' tshon kha dog las// rigs kyi khyad par mngon par snang // bzhin g.yo 'gul mi g.yo ba// 'byung ba lnga las gtso chen yin// 'das dang ma byon da ltar gyi// tha snyad ming la mi gnas te// skye 'gags med par rab brtags shing // 'di nyid dus gsum chen por

  221. 111b

    sbyor// mnyam pas rim par bkod pa med// gcig pas phyogs su bsngo dang bral// tshogs kyi rgyan rnams bkram pa yang // rang bzhin gnas pas 'dril pa med// lhun gyis grub pas mi bsngo ste// gdod nas dag pa'i bdud rtsi yin// skye mched bcu gnyis khyad par du// lhag pa'i bsam pas bzung ba med// yid kyi bsam pas yon bdag ste// bltas pas stobs rnams bkram pa'o// mthong bar 'gyur bas dngos grub las// de ni mnyam bzhag rdzogs par 'gyur// yul tsam bzung ba'i sbyor ba yis// dga' bar 'gyur yang dam tshig de// thabs kyi gar stabs bskyod pa yis// gnyis med sbyor ba phul ba yin// mi gzung gtong bas gtor ma ste// bya ba med pas las rnams rdzogs// mi rtogs ye shes gegs bsal nas// mi bzung mnyam bzhag sngags tshig gis// bla ma mchod dang gtong ba dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// de bas de lung de nyid la// de las de sbyar sgrib par 'gyur// de ltar de la de rtogs na// de la de nyid 'grub pa med/ ces rgya cher gsungs so// rdzogs pa chen po chos nyid byang chub kyi sems/ rin chen bkod pa rnam par dbye ba'i rgyud las/ de kho na nyid bstan pa'i le'u ste gsum pa'o// // de nas rigs bzhi'i sangs rgyas

  222. 112a

    kun// rang rig bde gshegs sras dang bcas// thams cad chos kyi gnas 'jug pa'i// nges pa'i don chen dgongs par mdzad// 'di ltar sku dang gsung thugs kyi// theg pa'i mtha' rnams sdud byed pa// don kun gsang ba ston pa'i rgyud// bde gshegs kun gyis nges par bshad// rang gi ye shes dam pa'i gnas// de dag theg pa'i tshul gyis te// gnyis med don kun las grol ba'i// tshul 'di nges par 'byung ba'i don// e ma ho sangs rgyas kun tu bzang // rigs kyi dkyil 'khor ma lus pa'i// bstan pa'i don kun snang mdzad phyir// byin rlabs ngo bo ji ltar bsdu// de dag 'brel pa'i tshul byung bas// thams cad sgo nas snang byed cing // ma 'dres kun nas 'jug pa'i don// thugs rjes rol pa ston par mdzod// rnam par 'byed pa'i chos rnams kyis// gnas pa rang bzhin lhun gyis grub// mi g.yo/ bsam gtan ting 'dzin mchog/ rtsol bral chags med spyod yul nyid// bkod pa'i rgyan gyi 'bras bu las// rol pa cho 'phrul byin rlabs snang // bgrod byed gnas pa'i lam nyid las// yang dag don gyi thig ler gsal// lung rnams kun gyi rtsa ba'i don// gnas skabs dbye bas rnam pa brgyad// ngo bo nyid kyis kun khyab cing // bzhugs gnas tshad med yangs pa'i mchog/ de bzhin phrin las tshad med

  223. 112b

    pas// dgongs pa tshad med gsal bar mdzad// kun nas byams pa tshad med cing // rgya chen snying rje tshad med mchog/ zab cing phra ba brtags dka' zhig/ btang snyoms kun gyi yul las 'das// rtag pa chen po 'gyur med pa// kun nas bcing zhing grol ba med// rim gyis sa la sbyong byed cing // de dag lam la bgrod med tshul// khyad par gsang ba'i brda don gyis// kun tu bzang po rang bzhin nyid// man ngag rnam bcu gsal byed pa'i// don kun theg pa las 'das pa'o// spyi dang khyad par chos kyi bdag/ ston pa'i yon tan rnam sprul zhing // de dag ye shes dkyil 'khor gyis// thams cad kun nas sgrib med don// 'og min gnas mchog chos kyi dbyings// yon tan snang ba kun gyi gzhi// theg pa'i khyad par rnam spags pa'o// ma 'dres phrin las rgya chen po// nyid las gzhan du mi 'byed pa'i// zhing khams kun tu rnam bkod pa// sangs rgyas ye shes dkyil 'khor nyid// rigs kun rnam par mthun pa'i tshogs// rang gi gnas kun longs spyod kyis// thabs dang shes rab mnyam sbyor ba'o// de la rgya chen don rnams kun// thabs ldan gdod nas rnam dag pa'i// byin rlabs kun tu bzang po dngos// rang rig mthu las kun ston pa'o// shes rab ye shes rtse gcig pa'o// ting 'dzin bstan pa'i tshul sdud cing // ma 'dres las kun ston

  224. 113a

    mdzad pas// sras kyi dam par rab tu bsngags// de dag mnyam nyid chos kyi dbyings// phyogs rnams kun nas lhun grub cing // dus kun dus ni 'gyur med pas// ye nas gnas pa'i ngo bo nyid// rnal 'byor chen po'i don kun gyis// thabs ldan gsang ba ston par byed// de dag gzhi dang bya ba'i lam// 'bras bu'i tshul du rnam par gnas// chos rnams kun gyi de bzhin nyid// shes shing rig pa'i byin rlabs kyis// rang gi don kun rnam rdzogs pas// thams cad snang ba'i gzhir gyur pa'o// de dag phyag rgya chen po'i mthu// rang gi mtshan nyid ma 'dres par// mtha' 'das chos kun gtan la 'bebs// rnal 'byor chen po sgrub po'i lam// de bzhin nyid kyi don nyid kyis// de nyid 'bras bu gsal 'gyur zhing // sku dang ye shes chen po dag/ don mthun rnam pa'i rgyud kyis snang // thams cad cir yang mi gnas pas// chos dbyings sangs rgyas che ba nyid// mtha' bral mtha' ma ma spangs pas// mngon pa'i sangs rgyas rnam par dag/ mtshan ma'i yul kun las 'das shing // yin pa'i sangs rgyas 'gyur med pas// rgyu rkyen 'bras bur mi phyed pas// bdag nyid chen po'i sangs rgyas sku// bgrod pa'i lam dang 'bras bu'i sa// gnas med sangs rgyas med pa'i tshul// theg pa kun las rnam grol ba// rang bzhin don gyi

  225. 113b

    rnam spags pas// che ba rnam pa lnga nyid de// chos rnams kun gyi bdag nyid do// chos nyid rang bzhin kun gsal zhing // ma bcos mtshan ma'i mtha' dang bral// ma 'gags yon tan kun tu snang // don kun 'byung ba rgyu yi don// phyi nang med par 'od gsal zhing // ma 'dres kun tu rdzogs par byed// ma bcos mtshan ma rnam dag pas// rang bzhin yul kun spros pas dben// thams cad dag pa'i sangs rgyas sku// dkyil 'khor rigs kyi cha lugs rdzogs// ye nas lhun gyis grub pa'i chos// phyag rgya gsang ba'i ye shes nyid// rten dang brten pa tha dad gzhi// snang ba'i tshul gyis gnyis med par// thig le chen por mnyam rdzogs pas// shes dang shes 'byung gtan la 'bebs// de dag ye shes kun khyab pa'i// tshul gyis gnas skabs don ston pa'o// chos nyid kun nas spros bral zhing // rang bzhin kun tu bzang mo'i mkha'// dngos med byang chub sems kyi dbyings// rgyan gyi cho 'phrul rnam bkod pa// kun tu bzang po'i rol pa ste// don kun gsal bar bstan pa'i sgos// dkyil 'khor kun tu sna tshogs pa'o// tha dad min la tha dad pa'i// nang dang phyi rol yul 'das pas// byang chub sems kyi dngos gzhi ste// nang du 'jug pa'i mtshan nyid can// de dag gnyis med ye shes che// thabs dang shes rab 'brel pa'i dngos// ma

  226. 114a

    'dres pa yi tshul dag gis// thams cad rab tu gsal bar byed// chos nyid kun tu ston byed skabs// rang bzhin gnas pa'i ngo bo nyid// de dag rang gi che bas gnas// kun tu rtsol ba dang bral zhing // tha snyad brjod pa'i tshig las 'das// 'gro rnams las kyis mi 'khol zhing // btsal sems yul nyid dang bral bas// gnyis su med pa'i skyon bral zhing // ye shes rang las byung bar byed// gzungs kyi sbyor thabs ji bzhin du// yongs su rdzogs pa'i chos ston cing // chags bcas yul las 'das pa yi// gdod nas che ba'i snying po nyid// smon lam yul kun gnas med pa// de dag nges par lung bstan mdzad// kun tu mnyam pas spros dang bral// dngos grub chen po'i bde yong zhing // rtsol dang bral ba'i don spyod pa// chos nyid don la 'gyur ba med// rgyu dang rkyen las ma grub pa'i// 'gro ba yongs la sangs rgyas gnas// phyogs bcur tshogs rnams 'bul byed cing // bde nyid rgyan kun lhun gyis grub// ye nas gnas pa'i sangs rgyas de// phrin las rgya mtsho'i skabs byed cing // bdag cag gtor mar 'ching bar 'gyur// lung tsam 'brel ba ming gi brda// gnas skabs chos kun gtan la 'bebs// de dag don kun ji bzhin pa'i// phyag rgya'i gnas kyis rnam grol zhing // de yi mthar bcas dmigs dang bral// theg pa

  227. 114b

    kun tu mngon zhen pa'i// rang gi grub mthas yul kun 'dzin// de dag phyi nang gsang ba'i tshul// tha snyad tshig gis gang la 'jug/ gnyis bral gnyis su rtogs byed pa'i// kun nas bgrod pa'i thabs kun gyis// rang bzhin yul kun gsal bar byed// nga dang bdag nyid rang bzhin che// kun nas zag pa med pa'i sgo// phyag rgya'i dkyil 'khor ji bzhin par// ma 'dres gsal ba'i dkyil 'khor nyid// de bzhin lha gnas bsgom pa'i chos// rnam gsum tshul gyis snyoms 'jug pas// byang chub sems kyi rang bzhin te// 'di dag byed pa med pa'i lung // dus kun rang bzhin la gnas pa'i// bsnyen bsgrub gsang ba la spyod cing // tha dad chos kyi stobs rgyas pas// de dag rtog pa'i mtha' yis nyams// don rnams phyogs su grub byed pa'i// phyag rgya'i dkyil 'khor rdzogs pa che// mgon po mi gnyis gnas la skye// rab tu 'jug pa gtso bo'i stobs// rnam dag lam kun mthar phyin pas// de dag gdod nas ma skyes pa'o// bya bral yul kun rdzogs pa nyid// don kun phyag rgya 'di nyid do// mtshon med kun nas 'jug pa'i rgyu// de dag rab tu grub pa'i dngos// snod bcud rang bzhin rnam dag pa'i// thugs rje chen po'i don rnams kun// de dag rab tu grub pa'i dngos// snod bcud rang bzhin rnam dag pa'i// 'byung chen sangs rgyas dkyil

  228. 115a

    'khor la// bcom ldan dga' mchog snyoms 'jug pas// rang rtags phyag rgya'i tshogs gsal 'gyur// 'di dag grogs gnas kun khyab cing // chos kun ngo bor lhun grub gnas// rnam rtog spang blang med pa yi// tha dad mtshan ma kun bral ba'i// yul dus kun nas brtags pa'i tshogs// rang byung ye shes gnas nas skyes// bde bar gshegs pa'i snying po nyid// bcom ldan 'das kyis don mdzad pa'o// de dag don kun ji bzhin pas// dbyings dang ye shes 'brel pa'i rgya// che ba'i ye shes mtha' 'das pa// thabs kyi khyad par kun gyi tshul// rnyed dka' rang gi gnas las byung // thabs dang shes rab snyoms 'jug pa'i// don grub gsal bar bstan pa'i sgo// de dag tha snyad yul kun de// phyag rgya'i gnas kyis brgyan par 'gyur// ye shes chen por rang gnas pa'i// ming tshogs gzhan la brten pa dag/ sngags kyi cha yis sbyor byed pas// rang bzhin bde chen cha bral 'gyur// mngon sum snang ba kun tu sa// de dag tshul gyis rnam grol zhing // mi gnyis ye shes stobs rdzogs pas// thabs kyi yan lag rnam par don// ma nor cho 'phrul de bzhin nyid// don kun mngon par bstan pa'i tshogs// dbang po'i yul rdzogs gnyis med pa'i// byang chub sems 'di kun tu gnas// kun nas sku dang gsung thugs kyi//

  229. 115b

    'phrul byin rlabs ma 'dres pa// de dag theg pa'i mtha' rnams kyang // yon tan stobs kyis rdzogs par 'gyur// ji bzhin rang gi sems gnas kyang // sangs rgyas snying po gzhi 'gyur zhing // de dag ma 'gags rgya mtsho'i chos// de las de byung de nyid pas// sangs rgyas theg pa bsam 'das shing // don kun gsang ba rmad du byung // ji srid rtog pa'i rgyun 'brang ba// de mtha' bdud kyi gnas chen de// kun tu rtsol bas 'jog pa yi// chos kun 'ching ba chen po'i gnas// de dag rnam par rtsol byed pas// de yi rgyu mthun rkyen mi 'gyur// rang bzhin ngang gis ma bcos pa'i// mchog tu bsngags pa'i bde ba che// kun tu gsang ba ston pa'i rgyud// chos rnams rang bzhin snang bas gnas// de yi byin rlabs mthu ldan pas// brda' tshig yul kun 'gag med cing // phyag rgya'i gsang ba kun ston pa// gdag pa'i sgra las 'das pa'o// bsam bral ngo bo rtogs dga' ba// de dag phyag rgya chen po'i sku// don kun ye shes rnam par spyod// tha snyad gang gis gang la 'jug/ de dag brjod pa'i rtogs pa dag/ gnas kun dngos por mtshon byed pa// rab tu grol ba'i don rdzogs pa'o// rnal 'byor chen po ye shes nyid// bye brag rnam par dbye ba'i dngos// sdug bsngal chos nyid longs spyod rgyan// 'gro ba'i gnas kun rnam par dag/ byang chub sems

  230. 116a

    dpa'i dkyil 'khor ro// phyogs bcur dag pa lhun grub cing // kun tu rdzogs pa rol pa'i chos// phyogs bcur bskyod pa med pa'i tshul// nam mkha' bzhin du kun khyab gnas// 'di dag rang gi chos rnams las// dus kun mi 'gyur brtan gnas shing // de dag yul bcas rnam grol ba'i// chos nyid yul can snying po'i don// phyogs dus kun tu ma 'gags pa'o// las kyi dbang gis sna tshogs pa'i// bya ba chen pos gzhan rgyud sel// gnyis med kun tu mtshungs pa'i chos// khyad par yul kun ston byed pa// de dag thams cad mtha' 'dis ni// las kun rgyud rnams dag par byed// gang zhig der bcas chos 'dzin pa'i// de nas kun tu smin gyur zhing // de dag ma spangs grol ba'i dbyings// de nyid ye shes gnas las skyes// las kyi tha snyad kun 'jug pa'i// snying po rang byung ye shes nyid// mi mthun stobs kyis rgyas min te// don kun gsal ba bsgrib par byed// kun nas phyag rgya chen po'i tshul// btsal sems yul bral rdzogs pa nyid// ngang gis ma skyes kun snang bas// rgyu rkyen las kun rnam par dag/ nam mkha'i yul kun skye med cing // rgyu rkyen rdo rje lta bu las// pha rol phyin pa gang dag gis// skye dang 'jig pa'i gnas dag pas// gzugs sogs chos rnams kun snang bas// de dag tshad med brtag pa'i gzhi// rang

  231. 116b

    bzhin yul gyis rnam dag pa// byang chub snying po gsang chen nyid// tha dad ming tshogs kun snang bas// de dag shes pa mtha' dang bral// rang byung gnas kyi stobs nyid kyis// rab tu che ba'i tshogs rdzogs shing // phyi nang yul kun rnam spyod pa'i// gdod nas dag pa'i ye shes sku// byang chub sems kyi rang bzhin las// bya btsal rtogs par ga la 'gyur// de dag mthar 'dzin bsam gtan yul// ma bsams sbyangs pa'i mthar gnas shing // gnyis med 'dul ba'i phyag rgya yis// don kun snying po ston par byed// yul dang yul can brtag pa'i gzhi// der snang de nyid de dag pas// ma lus don kun rnam brtags pa// phyogs su 'dzin pa'i cha yis nyams// ji bzhin chos kyi gnas gnas shing // ji bzhin don kun spyod byed pa// de dag dran rtog yul dang bral// yul kun phyag rgya ston par byed// mtha' yi rtog pa kun 'byung zhing // rang gi chos kyi gnas rgyas pa// de dag 'dren pa'i yan lag tu// rab tu brtags pas 'jog par byed// thams cad chos kyi de bzhin nyid// de dag phyi nang kun nas snang // ma 'dres theg pa'i tshul bzhin du// gnyis med dag pa'i don nyid yin// rgyu rkyen yan lag bcu gnyis kyis// cha shas rtog tshogs rnam sbyong ba// de dag 'dren pa'i yan lag tu// don kun brtags pas rnal 'byor spyod// bsam

  232. 117a

    grol phyag rgya chos kyi dbyings// rab tu sbyangs pa'i ye shes kyis// ji bzhin don kun gsal byed pas// mi rtog ye shes chen po'i sku// chos nyid phra ba'i yul rnams dag/ gnyis med thig le chen por sbyor// mi mthun gnyen po'i yul kun gyis// rab tu brtags pa'i don bskyed pas// der bcas mtha' rnams 'ching ba'i rgyu// dben pa chen po 'dzin pa po// de dag don kun brtags pa'i rgyu// de las sa dang lam gyi tshogs// tshul mthun spyod pas grol byed cing // tshogs gnyis rdzogs pas mthar phyin 'gyur// kun tu rgyu las 'bras bu'i tshogs// las kun bskyed pas rnam rgyas te// tha snyad ming bcas btags pa'i gzhi// de dag rnam grol 'bras bu'i tshul// byang chub chen po'i chos rdzogs pas// sku dang ye shes mthar phyin cing // de dag btags pa'i gnas spyod pa// rang bzhin chos kun tha snyad nyid// ji ltar nam mkha' sna tshogs chos// yul kun mtha' yas rnam par brtags// dben pa'i gnas su rtog 'dzin cing // brtags pas chos kun gzhan du snang // de dag cha shas gnyis med pa'i// dge sdig kun gyi rgyud sel cing // 'jig rten 'das dang 'jig rten pa'i// las kun dmigs pas 'gegs byed pa'i// de dag mtha' las 'das pa'i chos// don kun 'bras bu mngon du gnyer// kun nas yul gyi tshogs rgyas

  233. 117b

    pas// phung po khams dang skye mched rgyud// kun tu brtags pas chags 'gyur zhing // de yi mthar gnas rnam spyod pas// de dag kun na gnas pa'i shugs// 'gog pa chen po yul spongs shing // chos kun gnas dang gnas min spyod// sangs rgyas theg pa'i mtha' bzhin du// rab tu spyad pas grol bar 'gyur// mtshan ma'i gnas kun 'gog med cing // mtshan med phyag rgya sngon du gnyer// mtha' rnams kun tu 'ching med pa'i// don kun phyag rgyas bstan pa'i sgo// de dag gi ni yul 'das shing // tha snyad ming la mi gnas pa'i// bde dang sdug bsngal btags pa'i chos// thams cad ye shes 'phrul pa'i dngos// rgyu mthun rgyu las 'byung 'gyur zhing // gnas mi bsgrib pas sangs pa'o// rtsa ba rang gi las kun stobs// de dang rgyun gyis der 'byung zhing // kun tu zhen chags chos kyi rgyun// 'dod pa'i dbang gis yul kun rgyas// tha dad gnas min rnam grol ba'i// 'dod chags chen po'i rang bzhin nyid// kun nas sgra dang gsung thugs kyi// ngo bo yul kun mtha' 'das pas// zhe sdang gti mug chen po dang // byang chub sems kyis rnam dag pa'o// de las 'dod chags la sogs rgyun// kun nas snang ba skyod byed cing // de dag bde ba ye shes che// ma bcos rgyun gyi yul gnas pa'o// de bzhin nyon mongs chags zhen dang // las kun

  234. 118a

    rang gi mtshan nyid kyis// rgyu med rkyen bral 'bras bu'i chos// rang bzhin nyid kyis snang ba'o// de ltar khams gsum kun spyod pa// zhen rtog las la sogs pa rnams// bde chen nyid las gzhan ma yin// tha dad brtags pas kun 'dzin cing // de dag tshul bral bde ba nyid// gzugs sgra dri ro reg bya'i chos// yul kun de nyid lha yi tshogs// thabs dang shes rab mnyam sbyor zhing // ma 'dres rol pas longs spyod de// bde chen gnas kyi dkyil 'khor nyid// don mthun gsang bas kun tu rgyas// de ltar 'khor dang mya ngan 'das// chos nyid dbyings kyi rgyan snang bas// dkyil 'khor rdzogs pa'i phrin las kyis// dus kun yul bcas mnyam sbyor ba'o// ji ltar snang ba sna tshogs gzhi// de dag theg pa'i tshul nyid de// rtog pa'i mtha' rnams 'gags gyur na// theg pa'i spros tshig kun dang bral// nam mkha'i tshul gyis gzhan nas 'jug/ de dag kha dog dbyibs las 'das// don 'di bstan pa'i tshul gyis ni// mi rtog kun nas btang snyoms che// mtha' las 'das pa'i shes rab kyis// ye shes chen po'i mtha' rgyas 'gyur// chags dang chags bral yul dang ro// de dag dmigs pa'i rtog las 'das// mi gnas kun tu snyoms mdzad pas// don kun bstan pa'i 'byung gnas nyid// de dag zag med kun gsal

  235. 118b

    bas// thams cad chos rnams rnam par 'byed/ ces gsungs so// rdzogs pa chen po chos nyid byang chub kyi sems rin chen bkod pa rnam par dbye ba'i rgyud las/ chos thams cad kyi yul las 'das pa'i le'u ste bzhi pa'o// // de nas bde bar gshegs pa thams cad kyis/ rang bzhin kun tu bzang po nyid// gnyis med ye shes snyoms 'jug cing // phyogs dus bstan pas 'phel bar mdzad// kun nas gnyis med rtogs dka' ba'i// don kun mtshan nyid yul las 'das// rang byung byang chub sems kyi gzhi// sangs rgyas bstan pas mtshon byed pa// de dag theg pa'i tshul 'di yis// gnas kun rgyas par gsal bar byed// rang gi ye shes ji lta bar// rang gi stobs kyis kun spyod cing // de dag sgrib med ma 'gags pas// phyag rgya'i yul kun gtan la 'bebs// mnyam nyid chos sku chen po las// thams cad yon tan mdzod rgyas pas// phyi dang nang med kun tu snang // ye shes gsang ba'i rdzogs pa'o// mtshon bya dpe las 'das pa'i don// kun tu bzang po'i rol pa nyid// de dag phyogs bcur ma 'gags pa'i// rang bzhin sgrib med dkyil 'khor rnams// sku gsum 'brel pa'i bdag nyid de// thabs dang shes rab rmad byung ba'o// de ltar 'khor ba mya ngan 'das// chos kun gnas kyi rgyun 'jug cing // don kun gsang ba ston byed

  236. 119a

    pa'i// man ngag snying po tshogs pa'o// thabs dang shes rab mnyam par sbyor// byang chub sems kyi rgyud nyid kyis// de ltar chos kun gnas mdzes shing // rtag dang rnam par grol ba'o// chos nyid ngo bo la spyod pas// spros tshig mtshan ma mtha' yas kun// bde bar gshegs pa'i yul bzhin 'jug/ 'jig rten mtha' rnams kun khyab pa// zab mo'i gnas chen 'di nyid kyis// thams cad don kun sdud byed cing // sangs rgyas bstan pa'i yul la 'jug/ gsang sngags ming tshogs rnam spros pas// mi 'gog rnam par spyod pa yi// bstan pa rgya mtsho sdud byed cing // de dag 'dren pa'i don bzhin snang // kun nas chos kun ma 'gags chos// ming tshogs yul dang bral ba yi// zab mo sngags kyi rgyud lam kun// thabs dang shes rab ji bzhin nyid// rang bzhin nyid ni rnam par dag/ yang dag ye shes gnas 'jug pa'i// man ngag dam pa'i stobs kyis ni// rang gi don nyid gsal byed cing // yang dag snga ma'i gnas rdzogs pa// ngo mtshar rmad kyi yul ston pa'i// de dag de kun rnam gsal bas// tha snyad chos las kun rtog cing // mya ngan gnas kyis 'gog par byed// gang nas ma byung gang rnyed pa// de dag dus gsum mnyam pa'i dbyings// tha snyad gnas kyi yul 'jug pas// bstan pa rgya mtsho'i chos rdzogs pa'o/ gang gis

  237. 119b

    byang chub gang las skyes// de dag gnas bcas dmigs pa'i sgo// rgyu med rkyen gyis mi 'thad phyir// 'byung 'jug 'gags pa bstsal ba'o// dam pa'i yul kun nor bu'i 'od// dpe 'das dpe yis bsgrub med pa// dag pa 'jig rten khams 'byed cing // rnam par grol ba kun gyi gzhi// kun nas btsal zhing bsgrub pa'i blos// de dag de bzhin mthong mi 'gyur// ma 'gags ye shes mi gsal bas// thams cad bstan pa'i chos rgyas 'byung // rang bzhin don las gzhan 'jug pa'o// de dag rnyed pa'i tshul bral zhing // ming tsam sangs rgyas gnas 'jug ste// gzugs tshogs chos rnams mngon par byed// de dag yul kun gzhan na med// ma 'gags dus rgyun 'od gsal zhing // byang chub sems kyi gzugs brnyan gyis// phyi nang khyad par sna tshogs chos// 'di ltar ldongs pa'i tshul rnams kyis// don kun log pa'i gnas su 'jug/ thams cad mtha' rnams gsal byed pa'i// 'dren pa rnam par 'phags pa'i tshogs// sa bcu'i ye shes gnas sbyor zhing // rgyu gnas 'bras bu kun mkhyen pas// thams cad shes rab mi gnyis pa'i// ston kun gsang ba ston par 'gyur// mi mthun gnyen po tshul dag gis// der bcas mtha' rnams 'gag med cing // mthun pa'i 'bras bu kun tu rgyas// gong nas gong du sbyor 'dod pas// tshangs pa'i

  238. 120a

    gnas sogs phyed 'dzin cing // rnal 'byor thabs mkhas spyod pa'i chos// der bcas mi gnas ting nge 'dzin// gang gis gang zhig mngon 'dod pa// de dag bstan pa'i tshul kun gyis// gzhan pa'i las kyi 'bras bsgrub cing // bya min spyod pa'i rtsol bcas pas// de las phyi rol chos kun snang // rang bzhin ye shes gnas kyi mchog/ de dag ye nas rdzogs pa yi// chos nyid snying po sa dang bral// lam kun bgrod pa med par rdzogs// nam mkha'i mtha' dbyings bsam 'das shing // kha dog dbyibs sogs dngos med pa// byang chub sems kyi dngos nyid kyis// yon tan med don mngon du 'byin// de dag sangs rgyas bstan pa'i sgo// sprul pa'i gnas rnams kun rdzogs pa'i// byin rlabs phrin las 'brel pa'i tshul// ji srid gnas kun bgrod byed pa'i// lam rnams rtog pa'i mtha' yas te// de dag snying po gsang ba'i gnas// bgrod med mnyam pas rdzogs par 'gyur// de ltar de bzhin nyid snang bas// de dag de yi kun spyod de// yul kun gnas kyi dmigs bral nas// zab mo'i cha nas spyod yul med// de nyid byang chub sems kyi rgyan// ma byung ma skyes 'gag med pa'i// chos rnam de las gzhan rnams su// dus kyis 'pho ba 'gyur med cing // nyon mongs tshogs kun ye shes nyid// de ni snying po gsang chen mchog/ phyi

  239. 120b

    nang dus kun bde gshegs kyi// sa dang lam bral kun dmigs pas// thabs dang shes rab phyag rgya'i tshul// dus gsum gcig par 'gyur med zhing // ngo mtshar dkyil 'khor chen po nyid// sngon gyi de dang dus gzhan gyis// tha snyad mi rtog rgya chen po// 'od dag zab mo'i gnas dag tu// 'dren pa grol ba'i mthu mtshungs pa'o// de bzhin dbyings kyi 'od gsal gnas// dag pa'i ye shes sgra gnas 'jug/ me long nyi ma'i 'od snang bar// thams cad chos kyi ston par 'gyur// phyi nang gnyis tshogs gnas skabs kyi// rab tu zhen pas mngon rtogs chos// sku gsung thugs kyi dkyil 'khor las// byin rlabs snang ba 'gag/ med cing // dus kun rnam par zhen pa'i blos// de nyid chos kyi tshul bral bcas// kun gyis mnyam nyid gcig pa la// phyogs kyi cha nas mngon brtags pas// mi mthun gnas kun 'gyur med pa// rkyen dag glo bur mthus brtags pa'o// gdams ngag dam pa'i bdud rtsi nyid// gang byung rang gi gnas su rgyas// de dag sangs rgyas kun gyi mdzod// theg pa'i tshul 'dis mtshon par byed// ming tshig dgra la ma brten par// rang gi ye shes nyams med cing // theg pa mtha' dag mngon gsal ba// ma 'dres yongs su rdzogs pa nyid// kun nas zab cing rgya che ba'i// byang chub sems kyi rnam grangs kyis// thugs rje chen po nyid

  240. 121a

    gsal 'gyur// da lta'i bde bas bde bsgrub pa// de bzhin dus kun mnyam pa'i ngang // las kyi stobs kun rdzogs pa'i mthus// de dag sngon 'dzin phyag rgya nyid// 'di ltar rgyu dang rkyen bcas pa'i// 'bras bu nye ba'i don bsgrubs pas// de dag gnas skabs dmigs pas 'chings// de nyid phyag rgya'i grogs gnyis te// 'di dang phyi mched 'dzin pas// rnam pa'i mtha' bcas skyon chen nyid// kun nas zhen cing lhag pa'i blos// de dag 'bras bu de bzhin nyid// theg pa kun las rnam grol ba'i// don mchog gsang ba'i rgyud chen te// dus gsum gcig pa'i rang bzhin du// sangs rgyas kun gyis gnas mdzad cing // phyag rgya gsang chen gnas rdzogs pa// sku gsung gnyis su med pa'i dngos// 'di ltar kun nas ma 'gags pa'o// rnal 'byor chen po'i rang bzhin la// khyad par bsgrub pa'i gnas med cing // don mthun rang gi stobs kyis rdzogs// 'dod pa'i mtha' bral lhun grub cing // de dag gnas kyi cha rgyas pa// tha dad med las kun tu snang // rgyu 'bras gnyis med theg pa yi// 'gro ba rnams kyi las kun gyis// bder bcas gnas kun spyod byed cing // thabs kyi bya ba kun 'phrul pas// srid gsum ye nas rnam par dag/ rang bzhin sbyor bar 'dod pa'i blos// mi 'gyur med pa'i chos spyod cing // tha snyad

  241. 121b

    gsang tshig lhur len pas// snang ba'i spyod pa tshad med pa'o// 'di ltar khams rnams dag pa'o// sangs rgyas dkyil 'khor kun rdzogs pas// thugs rje snang ba rgya chen po// byin rlabs yul kun bstan pa yin// gdod nas rnam dag byang chub sems// dus gsum khyad par gsal ba yi// chos rnams rang bzhin snang ba'i mthus// byin rlabs gzugs sku la sogs pa'o// 'di ltar rtsol bas mngon 'dzin cing // dmigs pa'i nad chen sdug bsngal gyis// de las de dag gzhan du spyod// bltas pa'i don kun 'ching ba nyid// rnal 'byor dus la mngon brjod cing // phyogs bcas rnam pa'i mtha' bsgrub gang // rang bzhin ye shes gnas bral te// ji bzhin nyid kyi don la spyod// de dag 'dzin pas 'byung ba'i sgo// rab tu 'khrul pas 'gag 'gyur te// nam mkha'i chos kyis gzhan bsgrub bzhin// nges pa'i lung kun gtsor byed pa// de dag phyag rgya'i gnas 'jug pas// nam mkha'i bya lam ji lta bar// don gyi snying po ma g.yos pa'o// theg pa'i mtha' rnams brtags pa yis// sgro skur rtog pa'i gnas 'jug cing // yang dag don gyi snying po nyid// gzhan pa'i gnas kun 'gyur mi srid// kun tu yul dang bral ba yi// phyi nang yul rnams ye shes de// zab mo cha shas ji bzhin du// gtan tshigs rtogs yul gnas bcas la// de dag rang

  242. 122a

    bzhin ngo bos stong // gdod nas rnam dag dngos med pa'o// thams cad ming tsam mtshon byed pa'i// tha snyad log pa'i stobs rgyas pas// ting 'dzin mnyam pa'i yul kun dang // rab tu zung 'jug sgrub byed pa'o// phyogs rnams kun nas chos mthun pa'o// dbang bskur byin rlabs gsang sngags dang // phyag rgya ye shes gsang ba nyid// de dag goms pa'i mthu mtshungs pas// gsang ba'i sku gsung thugs mchog grub// yul dang yul can ltos pa'i gzhi// tha snyad ming las don kun gyi// de dang der ni rnam brtags pas// de dag kun 'byung zag pa med// phyi rol de bzhin nang de bzhin// de dag gnyis med ye shes nyid// phung po khams dang skye mched dang // tha snyad kun tu brtags pas stong // gcig dang du ma'i rang bzhin du// thams cad mkhyen pas kun gsal mdzad// mi shes 'khrul pa gcod byed cing // bde chen rang bzhin kun gyi gnas// kun tu 'di dag mnyam rdzogs pa'i// sku gsung ye shes chen por sbyor// mnyam nyid ye shes khyab byed pa'i// khyab bya'i rdzas rnams dkyil 'khor dang // mi shigs gsang ba'i sngags brjod pas// sgra yi brjod pa'i rgyun bzhin 'jug/ mi g.yo bas ni snang ba yi// rnam 'phrul dkyil 'khor rgyan gyis mdzes// phyag rgya'i 'khor tshogs mnyam sbyor zhing // kun tu bskyed med ye

  243. 122b

    shes kyis// zab mo sngags rnams brjod par 'gyur// snying po dam pa ye shes de// kun nas len cing 'dzin bral bas// mtha' bzhi las grol dbu ma nyid// gang dang gang du lta byed cing // spyod pas yul kun longs spyod rgyan// mi shigs thig le mnyam rdzogs pa'i// sa gsum rab tu gnon mdzad cing // phyag rgya chen po che ba nyid// tha snyad gang gis ston byed pa'i// 'bras bu'i dkyil 'khor mngon rdzogs pa'i// de dag kun nas brtags pa'i yul// ming tshogs sgra yis mtshon byed pa'i// 'bras bu mnyam rdzogs ji bzhin du// gang dag gang gnas mngon zhen cing // gang gis gang la mnyam sbyor ba// yul kun rnam par sbyor byed pa'i// de dag gang du mi gnas pa'o// kun nas las kyis 'khor ba yi// chos kyi tha snyad tha dad kun// ma skyes mi g.yo mnyam pa'i rgyan// rab tu brtags pa'i spyod bral chos// cho 'phrul chen po rnam 'char zhing // rang bzhin mi gnyis rtogs pa'i mthus// de dag gnas rnams sangs rgyas zhing // rten gyi dkyil 'khor kun spyod pa'o// brtul zhugs phyag rgya'i bsam gtan dang // drag shul gnas kun phrin las kyis// kun nas mngon par sgrub byed pa'i// gnas su bya ba'i ming med cing // byang chub 'khor ba mya ngan 'das// sgyu ma bde chen lhun gyis grub// de dag yon tan ma 'gags pa'i// gtan tshigs tshad

  244. 123a

    mas kun brgyan cing // tha dad rnam rtog yul dag pa'i// sgyu ma chen po'i dkyil 'khor rdzogs// rang bzhin gcig tu ma nges pas// khams gsum sa las grol byed pa'i// don mthun theg pa bsam yas pa// de dag bya ba'i sgo rnams kyis// 'bras bu'i phyag rgya gsal mdzad cing // nyon mongs sgrib tshogs spangs pa'i mthus// theg chen ye shes sgrib med pa'i// snod 'di rnam par gsal bar 'gyur// sangs rgyas kun gyi bstan pa'i sgo// rdzogs chen byang chub sems kyi mchog/ de dag kun nas ston byed cing // ji ltar dmigs pa'i rtags snang 'di// rang bzhin mnyam nyid gnas la ste// byin gyis rlabs kyis kun ston pa'o// kun 'byung re rtsol sgrib chen gyis// nyon mongs gnas kun bskyed byed cing // phung po khams dang bcas tshogs brgyad// de dag kun nas chags pa'i yul// mi gnyis don kun rtogs pa yi// bya ba chen po'i mthu rdzogs pas// snang 'dod rtsol chen kun 'dzin pas// don kun gnyis med theg pa'i mtshan// de dag rang bzhin rnam snang zhing // mi rtog lhun grub bde chen nyid// 'di ltar kun nas brtags pa yi// sgrib pa'i skyon chen goms pa'i mthus// yul kun mtshan mar skyed byed cing // de dag gnas kyis rmongs par 'gyur// byang chub yan lag brgyad dang bcas// mtshan bzang dpe byad

  245. 123b

    kun rdzogs shing // thams cad gnas kun rdzogs longs spyod// rgyan dang cha lugs sna tshogs pas// dkyil 'khor gsang ba'i lha rnams kun// mi gnyis longs spyod bde rdzogs shing // sbrul bcas 'jig rten rnam par dag/ thabs dang shes rab rdzogs pa yi// yang dag sbyor bas kun 'jug cing // de dag cha lugs rnam mtha' yas// zhing khams chen por kun sbyor zhing // phyag rgya gsang chen rigs kyi bdag/ ye shes byin brlabs che gnas lags// kun tu bzang po che gnas mdzad// de dag ji bzhin don kun gyis// rang bzhin rdzogs chen bstan par byed// kun nas mngon par zhen pa'i shugs// bsgom chags yul gyis 'ching 'gyur zhing // ji snyed chos rnams rang bzhin las// rtags pa'i gzugs brnyan skye bar 'gyur// zhes gsungs so// rdzogs pa chen po chos nyid byang chub kyi sems rin chen bkod pa rnam par dbye ba'i rgyud las/ mtha' thams cad rnam par dag pa'i le'u ste lnga pa'o// // rdzogs pa chen po chos nyid byang chub kyi sems rin chen bkod pa rnam par dbye ba'i rgyud ces bya ba rdzogs so// rgya gar gyi mkhan po shI len+d+ra mi tra dang / bod kyi lo ts+tsha ba 'dzing gsal 'bar gyis bsgyur cing zhus te gtan la phab pa'o// /

  246. 124a

    rgya gar skad du/ bo d+hi tsit+taSh+Tha ta/ bod skad du/ byang chub kyi sems rmad du byung ba/ bcom ldan 'das dpal gyi dpal rdo rje sems dpa' la phyag 'tshal lo// rmad byung byang chub sems 'di gnas// de yi gzhal yas yon tan gyi// don 'di bstan pa 'di yin no// dus gsum bzhugs pa'i sangs rgyas dang // rdo rje 'chang ba'i rnal 'byor dang // dbang chen phrag 'thung ma mo'i tshogs// gzhan yang rnam pa mang po yi// lha dang lha min rlung lha dang // gnod sbyin srin po 'byung po'i tshogs// gshin rje klu dang lha rnams sogs// dbang med dad pas 'dus pa dang // lha yi tshogs kyi gang ba yi// gzhal med khang mdzes de dag gi/ me dang 'dra ba'i 'od gsal de// nyi ma zla ba'i gdan dang 'od// zhing rnams gdan chen gsal ba dang // rin chen las byas shin tu snang // skal ldan pa yi sangs rgyas yin// rab sdang gnod byed rnams kyang spang // 'di la gnod byed gang yin pa// 'byung po grul bum srin po dang // yi dwags srul po de dag gis// rmad byung 'di ni mi zos te// rmad byung byang chub yon tan 'di// 'jig rten mgon pos bshad pa yin// 'di las gang zhig 'gal byed pa// 'jig pa thams cad de la 'ong // sngags 'chang rnams kyis spang bar 'gyur// rmad byung byang chub sems 'di ni// dpal chen pad+ma he ru ka'i// sgrub pa

  247. 124b

    gsang ba thugs kyi mchog/ chos kyi gtam la 'jigs med phyir// las kyis gos par mi 'gyur ba'i// dpal chen 'khor tshogs mang po dang // sangs rgyas rnal 'byor mang po dang // 'jigs med rdo rje sems dpa' dang // skal ldan rnams kyi don du gsungs// gzhan gyi don du ma gsungs so// byang chub kyi sems rmad du byung ba las// chos kyi gleng gzhi'i le'u ste dang po'o// // 'di nas le'u nyer gsum yan gong glegs bam ca pa'i nang gi rmad byung le'u zhe gnyis pa dang gcig pas dpe rnams la ma bris 'dug/ le'u 'dis sku blta bas mi ngoms pa'i yon tan thams cad sku la rdzogs par bstan te/ de nas sa bcu la gnas pa zhes bya ba'i ting nge 'dzin la zhugs nas/ yang 'di gsungs so// pha rol phyin bcu lhun rdzogs pa'i// byang chub sems ni rmad du byung // rmad byung byang chub sems 'di ni// chos thams cad kyi pha rol tu phyin pa yin no// chos thams cad kyi mdzod yin no// zad mi shes pa'i mdzod yin no// bla na med pa'i byang chub tu mngon par rdzogs par sangs rgyas pa yin no// shes rab kyi pha rol tu phyin pa 'di las de bzhin gshegs pa yang dag par rdzogs pa'i sangs rgyas kyang 'di yin no// chos thams cad kyi chos nyid ni ngo mtshar che'o// lam dang 'bras bu'i khyad par ni/ byang chub sems dpa' ni thams cad mkhyen

  248. 125a

    pa thob ste mkhyen to// sangs rgyas thams cad mkhyen pa'i sangs rgyas thob pa'i ye shes so// sku'i lus la kun 'byung ba'i chos la longs spyod do// sems las kun 'byung ba'i chos la longs spyod do// ngag las kun 'byung ba'i chos la longs spyod do// chos kun 'byung ba'i chos la longs spyod do// yul ba ra NA sI'i gos bzhin du/ so sor 'gog pa med par thugs su chud do// byang chub sems kyi gsang ba'i man ngag bstan te nges don du bka' stsal to// rdo rje sems dpar yi dam lha med pas// rnal 'byor dbang phyug gzhan la bstan mi dgos// byang chub rnyed dka' de nyid rgyal ba'i sku// dus gsum sangs rgyas rnams kyis rtogs par dka'// rang rig chen po dbyings 'di nyid las byung // sangs rgyas gzhan na yod pa ma yin no// byang chub kyi sems rmad du byung ba las/ yon tan thams cad sku la rdzogs pa'i le'u ste nyi shu bzhi pa'o// // le'u 'dis bsrung ba'i dam tshig bstan te/ byang chub sems rmad du byung ba'i dam tshig brgyad ni/ ye nas ma skyes pa dang / ye nas ma byung ba dang / ye nas mi gnas pa dang // ye nas stong pa dang / ye nas med pa dang / phyal pa dang / gcig pu dang / lhun gyis gnas pa dang brgyad do// de la ma skyes pas mi 'chi'o// gdod nas ma byung bas mi 'gro'o// mi gnas pas mya ngan las 'das

  249. 125b

    pa'o// gzung 'dzin dang bral bas ye nas stong pa'o// med pas dam tshig go/ gcig bsrungs pas kun thub par bsrung ba'o// phyal bas dam tshig la phyogs med de bgrang ba las 'das pa'o// stong spyi phud yin pas gong na gzhan med pas// gcig pu a ti yo ga'i dam tshig/ rtag pa g.yung drung gnas pas mi 'gyur te// lhun gyis gnas pa'o// rmad du byung ba'i dam tshig nyi shu rtsa lngar yang spyod/ bsrung ba med pa sku gsung thugs su chud de/ thugs la mi mkhyen pa med cing thams cad thugs su chud pas/ bsrung du med pa dang / bsrung ba thams cad ma rdzogs pa med pas bsrung du med pa dang / sku la thams cad lhun gyis rdzogs shing gzhan gyi longs spyod la thogs pa med pas bsrung du med pa'o// de phyir bsrung du med pa'i sku gsung thugs// mkhyen pa med cing thams cad chub// thams cad bsrung ba med pa dang // bsrung ba thams cad rdzogs byed pas/ bsrung du med pa dang / sku lnga lhun gyis rdzogs shing bsrung du med pa'o// sa ni mi mnyam pa dang mnyam pa'i lhag pa'i ye shes dang / che ba'i yon tan rdzogs pa'i chos kun zugs su chud pas/ khams gsum las rnam par rgyal ba'i byang chub kyi sems rmad du byung ba 'di nyid yin no// gsang ba chen po 'bum sde las/ rdo rje sems dpa'i rig pa bstan pa dang / gsang ba thams cad kyi yang

  250. 126a

    gsang ba'i chos byang chub kyi sems rmad du byung ba las/ bsrung du med pa'i dam tshig gi le'u ste nyi shu lnga pa'o// // le'u 'dis byang chub sems rmad du byung ba'i don/ skyon thams cad dang nyams pa bskang ba'i don bstan te/ rdo rje sems dpas ston pa la zhus pa/ chos chen po rmad du byung ba'i thugs rje ji lta bu/ kun rig chos kyi rje ston pas bka' stsal pa// stong ri gnam lcags thog chen gyi// skyon gyi gangs ri rtse nas bcom// bdud rtsi'i rgya mtsho bzhu nas bskyil// ting 'dzin 'bum phrag yangs pas ni// 'dis ni mnyam pa med pa'o// yang rdo rje sems dpas ston pa la zhus pa/ thugs gsang ba'i rgyud nyid las gsungs pa/ ri rab sum brgya phrag dgu yi// bskal pa zhing gi rdul snyed kun/ tshig chad/ zhes zhus pas/ ston pa kun rig chos kyi rje bud+d+has bka' stsal pa/ stong gsum gyi stong chen po'i 'jig rten gyi khams kun dang rmad du byung ba'i don gcig ste/ ri rab sum brgya phrag dgu yang // rmad byung byang chub sems 'di nyid// bsgom pa'i rdo rjes phye mar brlag/ ces gsungs so// de'i phyir byang chub sems rmad du byung ba 'di ni stong spyi phud ces bya/ gsung ni ye shes mkha' la rol zhes bya/ thugs ni nam mkha'i sprang po la/ rdo rje'i gzong gis 'dra zhes bya'o// de yang rmad du byung ba'i sku ni/ snying po byang chub na

  251. 126b

    bzhugs pa'i sku zhes bya'o// rmad du byung ba'i gsung ni/ snying po byang chub na bzhugs pa las/ dgongs pa nges par 'grel pa zhes bya'o// rmad du byung ba'i thugs ni yid bzhin mi zad pa blo gros kyi thugs ni ye shes thugs kyi thugs te thugs kyi mchog ces bka' stsal to// de yang thugs gsang ba nyid kyi rgyud las/ nam mkha'i sku ni rmad du byung // nam mkha'i gsung ni lam ston pas// nam mkha'i thugs ni chos kyi mchog/ rmad byung nam mkha'i gnas kyi mchog/ ces 'byung ste/ de ltar nam mkha'i sku gsung thugs bshad nas/ sa'i sku gsung thugs bshad pa ni// sa'i sku ni ri rab sum bcu phrag dgu yin la/ bskal pa zhing gi rdul snyed 'byung ba de kun/ rmad du byung ba'i sa ni stong gsum gyi stong chen po'i 'jig rten yang / ri rab sum cu phrag drug la ri rab 'bum yod do// de'i bskal pa'i zhing gi rdul snyed gcig gi tshad la ni// byang chub kyi sems rmad du byung ba'i tshad dpag tu med pa ni/ ri rab dang gling rnams dang sa gzhi dang snang ba'i srid pa rnams kyi nang na/ snang ba srid pa'i skye 'gro rnams dang / de kun zos kyang da rung ngas ma zos zhes de lta bu la bya'o// byang chub kyi sems rmad du byung ba las/ skyon dang nyams pa bskang ba'i le'u ste nyi shu drug pa'o// // le'u 'di las 'od kyi khyad par gyi le'u bstan te/ byang chub sems rmad du byung

  252. 127a

    ba'i sku las me'i 'od du 'bar te/ 'dod chags 'od du 'bar/ zhe sdang 'od du 'bar/ nga rgyal 'od du 'bar/ phrag dog 'od du 'bar/ gti mug 'od du 'bar/ de bzhin du phung po nyid sku lnga ste/ 'od du 'bar ba de yang / byang chub kyi sems rmad du byung ba'i sku lnga ste/ bdag nyid la 'od 'bar ba'o// de bzhin du rnam par shes pa lnga las kyang 'od du 'bar te/ mig rna ba sna lce sems 'od du 'bar ba'o// de bzhin du phyi'i yul lnga las kyang 'od du 'bar ba'o// sa chu me rlung nam mkha' la kun la yang 'od du 'bar ba'o// 'od de kun pas rmad du byung ba'i byang chub sems rang gi rig pa'i rgyal po'i 'od las byung ba'i 'od chen po'i ye shes kyi 'od ches gsal bas/ 'jig rten gyi khams kun kyang / nga'i rig pa'i 'od las byung zhing gsal ba zhes bya'o// de'i 'khor ba'i mun nag 'od kyis zil gyis gnon pas/ ye sa mya ngan las 'das pas/ sangs rgyas zhes bya'o// 'od 'di dag rmad du byung ba'i 'od do// skye dang rga dang rgad dang 'chi ba'i sdug bsngal las/ rmad byung byang chub sems ni bde chen no// sman mchog nad med bde 'tsho ba// dus gsum 'jig rten gsum las 'das// mya ngan 'das zhes de la bya'o// yang snying po byang chub na bzhugs pa'i skus// rdo rje sems dpa' la gzigs nas/ chos rmad du byung ba byang chub sems

  253. 127b

    rmad du byung ba zhes bya ba 'di dag ston cing bzhugs pa'i tshe/ gnyis su med pa'i sa lcang lo can gyi pho brang bde ba chen po'i zhing khams na/ 'phags pa nyan thos dang / rang sangs rgyas dang / theg pa chen po'i mdo la sogs pa rnams rtsol ba dang bcas pa'i sdug bsngal gyi rgya mtsho na/ sa nas sar bgrod cing sbyor ba rtsol ba ming yang med de mi brjod do// theg pa chen po gsang sngags bla na med pa'i don ston cing // rigs lnga'i sangs rgyas dang dus gsum gyi bde bar gshegs pa 'di dag thams cad dang / dgongs pa chos nyid kyi theg par gsal zhing dag pa'i phyir/ byang chub sems dpa' dang sems ma gnyis su med pa'i sbyor bas/ rtsol ba dang bcas pa'i sdug bsngal de dag gi rgya mtsho rtsol du med pa'i don gyis bsam te/ ye shes kyi snang ba chen po yang dag par rang nyid las shar bar ston pa ni rtsa ba'i don dang sbyar ro// de la tshig gi don la yang rnam pa gsum ste/ tshig nyung la don che bar bstan pa dang / 'bras bu sku gsung thugs su bstan pa dang / sdeb sbyor legs par bstan pa'o// de la tshig gi don la yang / byang chub sems rmad du byung ba 'di ni/ bcom ldan 'das dpal kun tu bzang po thugs kyi dgongs pa bde ba'i dbyings nas/ dus gsum gyi bde bar gshegs pa rnams kyi don du/ thugs kyi dkyil nas/ ljags kyi dbang po

  254. 128a

    brkyang ste bshad pa ni tshig gi don no// 'bras bu sku gsung thugs su bstan pa ni// ye nas yod cing rtag par bzhugs// 'gyur ba med par bsod nams sku// bsam gyis mi khyab sprul pa'i sku// lhun gyis rdzogs pa'i sku/ bya btsal med pas snying po byang chub na bzhugs pa'i sku/ sna tshogs 'byung bas ye shes mchog nyid sku/ zhes 'byung ba la sogs pa sngags che ba'i yon tan khyad par du 'byung ste sbags pas/ bde gshegs chos dbyings sku/ chos kyi sku de las ye shes kyi 'od byung ste/ 'di ltar 'od kyang stong gsum gyi stong chen po chos kyi dbyings kyi sku dang ye shes kyi 'od kyis/ 'jig rten gyi khams ma lus pa kun la khyab ste stong pa chen por shar ba'o// rmad du byung ba'i sangs rgyas kyi 'od ni bsam gyis mi khyab pa'o// de ni ye shes kyi 'od de/ des byang chub kyi sems rmad du byung ba mthong bar byed pas rmad du byung ba'i 'od ces bya'o// bcom ldan 'das rdo rje sems dpas yang kun rig chos kyi rje la zhus pa/ chos kyi sku dang ye shes las 'od byung ba ji lta bu lags/ zhes zhus pa dang / bud+d+has gsungs pa/ ji lta ji ltar phyogs bcu'i 'jig rten gyi khams rdul phra mo dag tu byas nas/ chos kyi skur ston pa rmad du byung ba byang chub kyi sems chos kyi sku ye shes kyi 'od ni de tsam mo// de bzhin ye shes kyi 'od kyang bsam gyis mi khyab/ srid

  255. 128b

    gsum nam mkha'i khams pas 'od phung gsal// bskal pa'i zhing rnams rab 'byams ji tsam gyis// sems can kun la thugs rje'i 'od de tsam// bskyod dang mi bskyod g.yo dang mi g.yo ba'i// blo dang rig pa'i 'od kyang rmad du byung ngo // zhes bka' stsal to// de snyed sangs rgyas kyi 'od 'byung ba ni mi che'o// rang rig pa'i ye shes kyi 'od ni shin tu gsal lo// de'i phyir nam mkha' dang nyi zla'i 'od 'dra ba ma yin pas// 'od 'di kun dang thun mong min zhes bka' stsal to// byang chub kyi sems rmad du byung ba las/ 'od kyi khyad par gyi le'u ste nyi shu bdun pa'o// // le'u 'di las 'khor ba'i lam lnga ston te/ de nas yang rdo rje sems dpas zhus pa/ 'khor ba'i lam lnga gang lags/ ston pa kun rig chos kyi rjes bka' stsal pa// 'dod chags kyis ni blang bar bya// zhe sdang gis ni gsad par bya// phrag dog gis ni dbye bar bya// rgyal gyis ni brdeg par bya// gti mug chos su lam bstan to// 'dod chags zhe sdang gti mug dang // nga rgyal phrag dog 'di rnams kun// ma rig dug gsum rtsa ba ste// rig na byang chub lam yin no// rin chen dpal dang chags med grub// rdo rje de bzhin gshegs par snang // 'khor ba'i lam lngar bstan pa ste/ byang chub kyi sems rmad du byung ba las/ 'khor ba'i lam lnga ston pa'i le'u ste nyi shu brgyad

  256. 129a

    pa'o// // le'u 'di las 'khor ba'i lam lnga nyid/ rigs lnga yab yum lnga'i dbyings su bstan pa ste/ yang rdo rje sems dpas tshig le'u gong ma de brnan te zhus pa las/ kun rig chos kyi rje ston pas bka' stsal pa// ma byin len pa sa yin te// mi tshangs spyod pa chu yin no// rdzun du smra ba rlung yin te// gsod par byed pa me yin no// thams cad nam mkha'i dbyings su bstan// zhes bka' stsal to// byang chub kyi sems rmad du byung ba las/ lam lnga nyid rigs lnga yab yum gyi dbyings su bstan pa'i le'u ste nyi shu dgu pa'o// // le'u 'dis 'khor ba'i rgyu 'bras nyid ye nas dag pa'i rgyu ma chags pa'i zhing du gnas par lung bstan pa ste/ dug gsum rtsa ba bcad pas khams gsum 'khor ba'i rgyu 'bras med/ srog med gsod par byed pa he ru ka/ chags med 'dzin dang 'khor bas 'chi med dur khrod chen po brgyad/ mi 'jug mi 'byung yul med dbang po stong // phyi nang sgo phug med pas rgya che nang pa nyid// sku gsung thugs dang bral bas che ba'i mchog/ sngags dang phyag rgyar bral bas nyams pa med// che ba'i chen por rdzogs pas rmad du byung / zhes bud+d+ha kun rig chos kyi rjes bka' stsal to// byang chub kyi sems rmad du byung ba las/ 'khor ba'i rgyu 'bras nyid dag pa'i le'u ste sum cu pa'o// // le'u 'dis 'khor ba dang mya

  257. 129b

    ngan las 'das pa'i chos thams cad rnam par dag pa'i dbyings su bstan pa ste/ ston pa sangs rgyas bcom ldan 'das bde ba chen pos/ 'khor ba dang mya ngan las 'das pa'i chos thams cad rnam par dag pa'i dbyings su gnas par gzigs nas/ gnyis su med pa'i don rtogs te thugs su chud nas/ 'gro ba dang chos nyid/ 'khor ba dang mya ngan las 'das pa gnyis su med pa'i don rtogs nas/ la bzlas te mi g.yo ba'i tshul du bzhugs pa las/ byang chub kyi sems rmad du byung ba'i don dbus mtha' med par bstan pa'o// byang chub kyi sems rmad du byung ba las/ 'khor ba dang mya ngan las 'das pa'i chos thams cad rnam par dag pa'i le'u ste sum cu gcig pa'o// // le'u 'dis ye gnas chen po'i rang bzhin du gnas par bstan te/ de yang chos nyid byang chub chen por rang bzhin du gnas pa dang / dbyings dang ye shes 'du 'bral med par gnas pa las/ cho ga thabs kyi don ni a ti yo gar 'dus par ston la/ a ti yo ga'i don ni byang chub sems rmad du byung bar 'dus par ston to// byang chub kyi sems rmad du byung ba las/ chos nyid rang bzhin du gnas pa'i le'u ste sum cu gnyis pa'o// // le'u 'dis chos thams cad ye nas sangs rgyas dang mya ngan las 'das pa'i dbyings na/ mi g.yo ba'i rgyal por bstan te/ ye nas sangs rgyas

  258. 130a

    te mya ngan las 'das pa'i dbyings nas/ mi dmigs pa'i rgyal po la/ bla 'og dang phyogs cha med par bzhugs kyang / ye shes kyi thugs rje chen pos/ sprul pa rnam pa sna tshogs cir yang mdzad par ston pa ni thams cad dag pa'i zhing du sbyor zhing / thams cad dag pa'i dbyings su ston cing bzhugs so// de nyid kyang khams gsum las 'das shing / mi 'pho mi 'gyur mi 'khor mi gnas pa'i rin po che kun tu bzang po'i ngang la gnas so// byang chub kyi sems rmad du byung ba las// ye nas mi g.yo ba'i le'u ste sum cu gsum pa'o// // le'u 'dis bde ba chen po'i dbyings kyi klong nas/ sku 'od dang gsung gi zer las ji ltar 'byung ba bstan te/ byang chub kyi sems bde ba chen po'i klong nas/ sku'i 'od dang gsung gi zer las/ kun rig chos kyi rgyal pos/ yum 'dod pa'i dbang mo la gnyis su med par gnas shing / snang srid thams cad thugs rje'i ngang du gyur te/ yang 'khor ba'i chos dang srid pa kun yang dag pa'i byang chub tu bstan to// byang chub kyi sems rmad du byung ba las/ sku'i 'od dang gsung gi zer las ji ltar 'byung ba'i le'u ste sum cu bzhi pa'o// // le'u 'dis chos thams cad mya ngan las 'das par bstan te/ de yang byang chub kyi sems mya ngan las 'das pa la yang don gsum ste/ ye nas sangs rgyas pa'i dbyings

  259. 130b

    nas/ mi dmigs pa'i rgyal po rtog pa mi mnga' bar thugs ye shes su gyur par bzhugs pa dang / srid pa gsum dus gcig tu gsal bar mkhyen pa'i ye shes ma 'gags pa dang / zhing dag par mkhyen pa dang / thams cad kyi snod dang bcud du gyur pa ste/ de ltar kun gyi snying por gyur pas/ sku dang ye shes kyi chos nyid do// byang chub kyi sems rmad du byung ba las/ chos thams cad mya ngan las 'das pa'i le'u ste/ sum cu lnga pa'o// // le'u 'dis byang chub kyi sems rmad du byung ba'i dgos ched bstan te/ byang chub kyi sems rmad du byung ba 'di mgo mjug tu dgos pa'i don rnam pa brgyad kyis bstan te/ 'bras bu sku gsung thugs lhun gyis grub pas bstan to// de yang gang zhe na/ byang chub sems kyi rang bzhin bstan pa dang / byang chub kyi sems khyab gdal chen por bstan pa dang / byang chub sems kyi nges tshig bstan pa dang / byang chub sems kyi rgyu 'bras kyi don bstan pa dang / byang chub kyi sems mya ngan las 'das pa chen por bstan pa dang / byang chub kyi sems stong pa chen po'i ye shes mi 'gyur ba'i bdag nyid du bstan pa dang / byang chub kyi sems bde ba chen po'i ye shes ni ye nas sangs rgyas te rtag pa g.yung drang du bstan pa dang / byang chub kyi sems mthar thug pa med par bstan pa dang brgyad do// de la yang dbye na/ byang chub

  260. 131a

    sems kyi rang bzhin bstan pa la don gnyis te/ snang zhing srid pa'i chos thams cad ye nas ma bcos par sangs rgyas par bstan pa dang / de ltar rig cing rtogs na/ 'bras bu gzhan nas btsal du med par bstan pa'o// byang chub sems kyi nges tshig bstan pa la yang don rnam pa gsum ste/ lung nges pa dang man ngag gsang ba 'di spros pa med pa'i byang chub sems su bstan pa dang / gzung 'dzin gyi yul dang bral bar bstan pa dang / byang chub sems las ma gtogs pa'i chos 'jig rten nas btsal du mi rnyed par bstan pa'o// byang chub sems kyi rgyu 'bras kyi don bstan pa la'ang bzhi ste/ thams cad 'byung ba'i rgyu yum kun tu bzang mo'i dbyings klong yangs pa'i thig ler/ 'bras bu byang chub kyi sems kun tu bzang mor bshad par bstan pa dang / rtogs pa'i ye shes kyi rig pa rang las 'char bar bstan pa dang / chos skye 'gag med pa'i ngang las kyang / thugs rje thabs mkhas pa'i bye brag sna tshogs su bstan pa dang / phung po khams dang skye mched lha'i sku phyag rgya chen por bsgoms pas/ dus gsum du 'dus ma byas pa'i snying po ye shes kyi rig pa tsit+ta'i dkyil du 'char bar bstan pa'o// byang chub sems kyi mthar thug pa med pa la yang don lnga ste/ thabs dang shes rab tu bsgoms pas/ rigs lnga sangs rgyas kyi sku mdog dang bzhugs

  261. 131b

    tshul bstan pa'o// dbyings dang ye shes su gsal bas/ sku'i dngos po dang bral bas rags pa'i ting nge 'dzin spangs pas/ thams cad 'od kyi dkyil 'khor du bstan pa dang / shes pa dang shes bya rtogs pas sangs rgyas kyi dgongs pa ma 'dres par don thugs su chud par bstan pa dang / nam mkha' lta bur kun la khyab cing / re dogs dang 'khor ba'i chos med par bstan pa dang / rang gi rig pa'i byang chub kyi sems rtogs pa'i 'bras bu dus gsum mi 'gyur bar bstan pa'o// byang chub kyi sems khyab gdal chen po la yang don drug ste/ gsang ba mchog gi dkyil 'khor gyi don rtogs pas na ra ha pa'i dbyings bgrod par bstan pa dang / 'du 'bral med pa'i don bya rtsol las 'das par bstan pa dang / lung gi sha thang phyi nas man ngag gi thog tu 'bebs par bstan pa dang / dam tshig gi sdom pa la gnas shing sku gsung thugs kyi 'bras bu thob par bstan pa dang / rgyal ba thams cad kyi gter byang chub kyi sems rmad du byung ba yin par bstan pa dang / rgyu 'bras kyi chos thams cad ji ltar bstan kyang sems nyid ma skyes pa las skye ba'i cho 'phrul 'byung bar bstan pa'o// byang chub kyi sems mya ngan las 'das par bstan pa la yang don rnam pa gsum ste/ ye nas sangs rgyas te mya ngan las 'das pa'i dbyings na mi dmigs pa'i rgyal po'i phyogs

  262. 132a

    cha med par bzhugs kyang / thugs rje chen po'i sprul pa cir yang mdzad par bstan pa dang / thams cad dag pa'i zhing du sgrol zhing yum gyi lhums su sbyor bas khams gsum las 'das pa chen por bstan pa dang / mi 'pho mi 'gyur mi 'khor mi gnas pas sems rin po che kun tu bzang po'i ngang las g.yos pa med par bstan pa'o// byang chub kyi sems stong pa chen por la bzla ba la don rnam pa gnyis te// bde ba chen po'i klong na sku'i 'od la bzhugs shing gsung gi zer la rol pa bstan pa dang / kun rig chos kyi rgyal po yum 'dod pa'i dbang mo dang gnyis su med par bstan pa'o// byang chub kyi sems ye nas sangs rgyas rtag pa g.yung drung du bstan pa la yang don rnam pa bdun te/ zhing bcu yang sangs rgyas kyi sar bstan pa dang / snang srid thams cad thugs rje chen po'i ngang du bstan pa dang / 'khor ba'i chos thams cad byang chub sems su bstan pa dang / theg pa mtha' dag gi yang rtse a ti yo gar bstan pa dang / rgyu dang 'bras bu'i chos thams cad byang chub sems su bstan pa dang / tshig dang yi ge'i spyod yul las 'das par bstan pa dang / sbyor sgrol dang skye shi'i rtsa ba bcad nas/ kun tu bsdus pa'i thig le rtag chad kyi mtha' las 'das par bstan pa'o// byang chub kyi sems rmad du byung ba las/ dgos ched kyi le'u ste sum bcu

  263. 132b

    drug pa'o// // le'u 'dis byang chub sems rmad du byung ba'i nges tshig bstan te/ de yang byang ba ni/ sgrib pa dang bag chags ye nas byang ba ste/ shel sgong lag mthil du bzhag pa bzhin du khams gsum dang dus gsum dang srid pa gsum dus gcig tu mkhyen pa'i ye shes ma 'gags pas/ blo dang zhing dag la gsal la don nges pa yin no// chub pa ni til la mar gyis khyab pa dang 'dra bar/ thams cad kyi bcud du gyur te/ lhun gyis gnas pa'i chos nyid kun gyi snying po/ sku dang ye shes kyi 'byung gnas su gyur pas chub la/ sems ni rtogs pa'i ye shes su gyur pas/ kun gzhi gsang ba'i dbyings na ma bslad pa'i don// rtsol du med pa'i nor bu rin po che rang bzhin dang kha dog tu 'od gsal ba ni/ sems skye ba med pa yin la/ bde ba ni sku gsum cig car rdzogs te chos kyi dbyings su dag pas ni/ dgyes pa chen por bzhugs pas bde ba yin la/ chen po ni gnyen po gang gis kyang bcos su med pas/ nam mkha' ltar rgyu la ma ltos ye nas dag/ rkyen dang ma bral ye nas gnas/ rdzas dang mtshan ma la rag lus te/ gong na la bzlar med pas chen po yin no// thugs la yang don gsum ste/ kun la 'jug pa dang yid kyi mtshan nyid dang / rig pa'i ye shes so// sku la yang gsum ste/ klong yangs pa'i mkha' dang / kun bde ba'i sku dang / byang

  264. 133a

    chub sems rdo rje'o// gsung la yang gsum ste/ nges pa'i tshig dang / brjod par bya ba dang / thams cad du spros pa'o// byang chub sems rmad du byung ba 'dis/ khams gsum dbang du sdud de/ mas nad kyi srog 'dzin pa'i phyir kun tu bzang mo'i mkha' b+ha ga rgya mtsho'i dbyings su thim la/ sku gsung thugs lhun gyis grub ste/ bya rtsol las 'das nas/ rig pa'i rgyal po rang dbang du gyur te/ ye shes kyi snang ba chen po rang la 'char ba'i phyir/ kun tu bzang mo'i mkha' bde ba chen po'i klong du bsdus so// de gnyis su med pa las/ sems rin po che skye ba med pa'i don phyin ci ma log pa tshig dang yi ge'i mtshan ma las 'das te/ rang bzhin dang kha dog cir yang ston cing 'gyur ba med pa'i dbyings bde ba chen po'i klong yangs pa na/ rtag pa chen po g.yung drung gi sku bzhugs so// byang chub kyi sems rmad du byung ba las/ byang chub sems kyi nges tshig bstan pa'i le'u ste sum cu bdun pa'o// // le'u 'di las byang chub sems rmad du byung ba'i yon tan bsten te/ byang chub sems bsgom pa'i don bstan pa/ gzhung nas/ khams gsum rin chen rnyed pa'i mi zhes 'byung ba ni/ dper na/ byang chub sems rmad du byung ba'i don rtogs pa ni/ mchod dang mching bu'i nor bu rin che ba yang / bai DUr+ya lug shig tsam gyi 'od kyis/ ri de ri la dang

  265. 133b

    nor bu'i ri de kun bai DUr+yar mngon no// de dang 'dra ba byang chub sems stong spyi phud ye shes mkha' la rol pa 'di ni rmad du byung ba ste/ khams gsum rin po cher mthong yang srid pa gsum yang rin po cher gyur pa la bya'o// de bzhin du yid bzhin gyi nor bu rin po che la ni ci yang 'byung ba lta bu'o// zhes 'byung ste/ byang chub sems rmad du byung ba las/ yon tan du bsgom pa'i le'u ste sum cu brgyad pa'o// // le'u 'di las byang chub sems rmad du byung ba'i snod kyi skyon bstan te/ de yang gzhung las/ theg pa dman la zhugs pa dang // ngang gis blo 'phang dma' ba dang // thos pa nyung zhing blo sbam dang // bslad pa'i tshig gis 'chal pa dang // spobs zhen dad pa chung ba dang // pho theg che la rang phyogs can// bcad kyang dogs med ser snas bcings// de la rmad byung don mi bshad// bshad kyang blo rgyud ma grol bas// bla med theg rgyal rdzogs pa'i lung // a ti yo ga'i don mi bstan/ byang chub kyi sems rmad du byung ba las/ snod kyi skyon bstan pa'i le'u ste sum cu dgu pa'o// // da ni le'u 'dis slob ma snod bzang po la lob par ba'i gtan tshigs dbul las thun mong ma yin pa'i brgyad kyis bstan te/ de yang gzhung las/ glang pos theg tshad khal bskur na// dud 'gro phal dang stobs mi mnyam// rtsal shugs 'di yang thun mong

  266. 134a

    min// gangs kyi seng ge'i gdangs phyung na// sder chags phal dang gdangs mi mnyam// gdangs skad 'di yang thun mong min// rgya mtsho chen po'i rlabs mthong na// chu phran phal dang rlabs mi mnyam// rba rlabs de yang thun mong min// ri rgyal lhun po'i rtser phyin na// ri bran phal dang 'phang mi mnyam// rtse rgyal 'di yang thun mong min// mtha' gsal nyi zla 'di mthong na// gza' skar phal dang 'od mi mnyam// 'od gsal 'di yang thun mong min// khyung chen nam 'phang gcod mthong na// 'dab chags phal dang shugs mi mnyam// rtsal shugs 'di yang thun mong min// rdo rje theg pa'i gting mthong na// theg gzhan phal dang gting mi mnyam// gting dpag 'di yang thun mong min// shes rgyud sbyangs pa'i mkhas pa dang // zos pa chung ba'i blo sbram gnyis// 'gro ba'i don la don mi mnyam// don mchog 'di yang thun mong min// rmad du byung ba rdzogs so// bar 'dir thog gi 'byung ba'i le'u bco lnga pa 'dzud/ rgya gar skad du/ bo d+hi tsit+ta Ash+tsap+pa tan+t+ra/ bod skad du/ byang chub kyi sems rmad du byung ba'i rgyud/ bcom ldan 'das dpal kun tu bzang po la phyag 'tshal lo// 'di skad 'dag gis thos pa'i dus gcig na/ de bzhin gshegs pa dgra bcom pa yang dag par rdzogs pa'i sangs rgyas thams cad dbyer med pa'i bdag nyid/ gzugs can ma yin pa'i

  267. 134b

    snying po/ yon tan thams cad kyi 'byung gnas/ shes bya thams cad kyi rgyal po de bzhin nyid rnam par dag pa la longs spyod pa/ longs spyod pa'i mngon par byang chub pa'i sku dang / sprul pa'i sku la sogs pa kun gyi rtsa ba ye shes rnam par dag pa thams cad kyi bdag nyid/ gang yang gnyis su med pa/ yang dag par rdzogs pa'i kun tu bzang po'o// bcom ldan 'das thugs rje chen po'i byang chub sems dpa'i 'khor gyi dkyil 'khor ni/ chos thams cad ting nge 'dzin la longs spyod chen po ma lus par myong bar mdzad pa'i longs spyod rnam par dag pa'i sku ste/ mtshan dang dpe byad thams cad dang ldan pa'o// mngon par byang chub pa'i sku ni/ snying po las dkyil 'khor 'byin pa'i sku yin te/ 'dod khams kyi lha'i rgyal po dang / gzugs khams kyi lha'i rgyal po'i dkyil 'khor na/ rdo rje dang nor bu la sogs pa'i dkyil 'khor 'byin pa'o// sprul pa'i sku ni thabs mkhas pas gnas thams cad du dmigs pa ji bzhin du rgyun mi chad par chos kyi 'khor lo bskor ba/ sangs rgyas dang sems can thams cad kyi spyod pa mnga' ba/ rtag dang mi rtag pa gnyis kyi gzhi 'am ngo bor gyur pas/ mtshan dang dpe byad kyis brgyan pa/ sku yongs su rdzogs pa'i zhal gyis/ chos thams cad mos pa dang mthun par gsungs so// gsung par 'gyur

  268. 135a

    ro// rnam par dag pa'i sku de ni/ de bzhin nyid kyi dkyil 'khor snying po byang chub na dus rtag tu gnyis su med do// rtag pa dang mi rtag pa'i rgyal po thugs rje chen po de ni gzhi tshad med pa'i ye shes kyi dkyil 'khor rang byung gi rgyan dang rol pa la sogs pa dkrigs par rang byung ba na gsal lo// byang chub pa chen po'i sku ni ri rab ri'i rtse mor rin po che'i khang pa na zla ba rgyas pa lta bu'i tshul du zhal rab tu rgyas so// thabs mkhas pa spyod pa thams cad kyi bdag nyid ni/ bya rgod phung po'i ri la ljags kyi pad+mar bkram nas/ khyim pa dang rab tu byung ba'i cha lugs su bzhugs so// de nas byang chub sems dpa' chen po rdo rje 'dzin pa dang / byang chub sems dpa' chen po pad+ma'i yu ba 'dzin pa dang / byang chub sems dpa' chen po snying po rnam par grol ba dang / byang chub sems dpa' chen po yul rnam par 'joms pa/ byang chub sems dpa' chen po 'jam dpal la sogs pas/ snying po byang chub shin tu yid du 'ong ba'i gnas ga na bar/ gzugs sku ston pa'i gsung la mnga' brnyes pa bzhugs pa'i gnas de mthong zhing / longs spyod pa'i sku zhal thal le bar gsal bar snang bas/ rdo rje thogs pa la sogs pas/ phyi'i mchod pa dang nang gi mchod pa la sogs pas mchod de/ g.yas phyogs nas lan gsum bskor ba byas nas//

  269. 135b

    phyag btsal te 'dus par bcom ldan 'das chen po'i thugs rje chen po'i snang ba'i gzugs mtha' yas pa mnga' ba de zhal 'dzum pa mdzad nas cang mi gsung bar bzhugs so// de nas byang chub sems dpa' rdo/ rje can la sogs pa/ bcom ldan 'das kyi spyan sngar 'dug pa las langs te 'di skad ces gsol to// bcom ldan 'das dus gsum gshegs pa'i sangs rgyas bcom ldan 'das rnams kyi mkhyen pa/ sangs rgyas bcom ldan 'das rnams kyi spyod yul/ thog pa thams cad dang thun mong ma lags pa/ yang dag pa rtogs ma thag thams cad mkhyen pa'i go 'phang 'thob par 'gyur ba'i don bshad du gsol/ de skad ces gsol ba btab pa dang / zhal shin tu yang 'dzum pa mdzad nas 'di skad ces gsungs so// sems dpa' chen po nyon cig/ yang dag pa ni don dam pa'i bden pa dang / kun rdzob kyi bden pa gnyis dbyer med pa'o// rgyus bskyed nas 'bras bu 'byung ba med la/ 'bras bu la 'bras bu 'byung ba ni/ 'jig rten gyi sa bon gyi tshul du 'bras bu las sa bon gzhan du mi 'gyur bar 'byung ba'o// de bzhin du sangs rgyas bcom ldan 'das rnams kyi spyod yul ni yang dag pa 'bras bu la 'bras bu rdzogs par skrod pa'o// yang dag bden pa 'bras bu ste// 'bras bu las ni 'bras bu 'byung // de bzhin nyid la gnas bcas te// phyi nang snod

  270. 136a

    bcud rnam par dag/ byed spyod bya byed bde ba'i lhun// rmad byung byang chub sems 'di gnas// de yi yon tan bsam yas pas// don 'di bstan pa 'di yin no// de nas byang chub sems dpa' rdo rje can la sogs pas yang 'di skad ces gsol to// rang bzhin blta dang ting nge 'dzin// ye shes rmad byung dkyil 'khor nyid// bcom ldan snying po kun gyi gtso// thabs la mkhas pas bshad du gsol// de skad ces gsol pas/ bcom ldan 'das kyis ngo mtshar ba'i spyan bgrad nas 'di skad ces bka' stsal to// rmad byung byang chub sems 'di ni// rdo rje sems dpa' nyid gsal zhing // rdo rje sems dpa' nyid la gzigs// 'di la pha rol phyin bcu rdzogs// sa bcu rim gyis bgrang ba'ang // mnyam nyid rig pa'i ye shes kyis// sa rnams mnyam nyid thig ler sbyor// chos sku ye nas mi dmigs phyir// rdo rje lta bu'i ting nge 'dzin// kun gyi snying po mi 'dra bas// dngos dang dngos min tshang tshing nyid// skad cig nyid la bsregs pa yi// rnam par mi rtog ting 'dzin rlung // de bzhin mnyam nyid dkyil 'khor 'di// sangs rgyas kun gyi nyid sha can// sangs rgyas kun pas sngar sangs rgyas// rmad du byung ba'i sems 'di ni// sku dang gsung thugs dag pas na// kun gyi reg pa ma yin pas// khams gsum bltas kyang ma rig cing // nyan thos la

  271. 136b

    sogs smos ci dgos// byang chub sems dpa' rnams kyis kyang // rmad byung 'di ni rig par dka'// gzhi rtsa med pa'i don gyi mchog/ cis kyang mtshon du med pas na// sangs rgyas kyis kyang rtogs par dka'// kun gyi rang bzhin zhi ba 'di// bsam zhing bla med lam mchog ste// ma byung mi skyes snying po 'di// mtshan ma nam mkha' dngos bral te// gdod nas byang chub byang chub kyang // grub pa med phyir dgongs mi 'gyur// stong gsum stong gi 'jig rten khams// mtha' yas mu med gdal ba yang // rmad byung byang chub dkyil 'khor yin// nye lam bde rdzogs bla na med pa'i lam// rtogs ma zag tu go 'phang chen po yang // blang dor med pa chos sku dpag med thob// byang chub kyi sems rmad du byung ba'i rgyud las/ gleng gzhi'i le'u ste dang po'o// // de nas bcom ldan 'das thabs la mkhas pa'i thugs rje chen po'i bdag nyid kyis/ zab mo zab mo zhes bya ba'i ting nge 'dzin la snyoms par zhugs nas ched du brjod pa 'di brjod do// sangs rgyas sprul pa 'byung ba rnyed par dka'// yang dag rmad byung rtogs pa de yi char mi phod// dal ba 'byor ba rnyed par rab tu dka'// de bzhin sku gsung thugs kyi dkyil 'khor nyid// gsang ba rmad byung nyid kyis rab tu bsdus// chos kyi mtshan nyid ye nas rnam par dag/ bdag med ngo bo med

  272. 137a

    pas rtogs par dka'// rnam par rtog pa'i mtshan nyid tha dad pa// byang chub sems nyid bskyed pa'i sems can ni// de dag shin tu rnyed par dka' ba ste// sems can sangs rgyas sems can ming med pas// sngon rol byung ba'i rmad byung byang chub sems// sems can sangs rgyas gang yin rtogs par dka'// byang chub chos ni rmad byung rnam mi rtog/ mya ngan 'das dang 'khor ba ye nas med// rmad byung byang chub sems kyi myu gu la// 'byung ba lnga yang 'bras bu'i tshul du byung // sems can rnams la snying rje che ba yis// sems can dag la rnyed par rab tu dka'// sems can gzhi rtsa med pa'i chos nyid 'di// skye dang 'jig bral byang chub sems nyid de// ye nas dag ste rgyu 'bras yongs kyis med// kun grol rang la rdzogs pa'i sku nyid ni// dug gsum dug lnga'i thig le chen por 'khyil// zhe sdang la sogs ming med pas// rmad byung la sogs chos kyi mchog/ khyab cing brdal ba rtogs par dka'// bar du gcod pa'i chos rnams kyi// sdig sogs bye brag bsam mi khyab// de bzhin rmad byung sems nyid kyis// dug lnga bsad dang 'khor ba bsad// sangs rgyas la sogs kun bsad pa'i// sdig pas mchog gi gos mi srid// gos su sdig med sdig kyang bsad// rmad byung byang chub sdig po che// sangs rgyas kun gyi nying sha can// dad pa'i

  273. 137b

    stobs kyis bsod nams cher 'phags pas// don 'di yud tsam rtogs pa khyad par 'phags// so so ma yin mnyam pa'i snying po la// bsod nams dpag tu med pa kun rdzogs te// nga la nga med kun la rnam par rol// rmad byung byang chub sems 'di dngos po dag/ ye nas sangs rgyas sems can ming ma grags// cir yang 'phrul chen ston pa'i 'phrul po che// khams gsum kun rdzob khams gsum rin po che// chos 'di brtag par dka' phyir thams cad bdud kyi las// sku lnga lhun gyis rdzogs pa'i dkyil 'khor te// phra zhing zab mo kun gyi sa bon gyi// dus 'di sgyu ma yin pas gzhig nas de nyid la// brtags nas rang bzhin shes pa byang chub rmad// de phyir lus 'di brtags la rmad byung btsal bar byos// gcig gi rang bzhin shes na kun gyi rang bzhin shes// kun gyi rang bzhin rang bzhin nyid du gcig/ so so ma yin tha dad min te rmad byung yin// byang chub rmad byung de bzhin gshegs pa'i sku// 'od dpag med pa'i chos spu byang chub sems// che ba lnga yi snying po kha dog rdzogs// chos rnams thams cad rtag pa nyid kyi rol// chen po lnga yi sngon du rmad du byung // yang dag snying po 'du shes dag pa yi// lcags kyus bzung bas bstan du bzung bar rung // de rlabs de la brten pa'i de rnyed 'gyur// brtag par dka' la bstan par dka' phyir de ltar

  274. 138a

    bstan// ye nas thar lam sgro skur zhi ba'i rmad po che// sangs rgyas kun gyi lta ba'i dngos po ste// dri med sa bcu rdzogs pa'i dod po che// 'khor ba'i 'khor lo bskor ba'i rtsibs dang ldan// nam mkha' lta bu thams cad 'byung ba'i gzhi'o// byang chub kyi sems rmad du byung ba'i rgyud las/ zab mo brtag par dka' ba'i le'u ste gnyis pa'o// // de nas bcom ldan 'das dpal kun tu bzang pos/ bde ba chen po'i ting nge 'dzin la snyoms par zhugs nas ched du brjod pa 'di brjod do// zhi ba bla med byang chub 'di la sgro skur med// tha snyad bral bas tshad mas gnod mi rung // ye nas zhi bas de bzhin nyid mi gnas// 'dzin dang rtog pa zhes bya ting nge 'dzin// kun rdzob rang bzhin gnas pas gdod nas bral// mtshon zhing bgrod du med pa'i dbyings las 'das// mnyam med mi mnyam med pas bde ba'i klung // bya byed nad dang bral bas chos kyi sku// der yang gnas med lhun rdzogs yangs pa'i sa// de la de bzhin kun 'byed ye grub 'bras// byang chub bsngo ba med pas byang chub nyid mi 'dod// ye nas rnam par dag pas mtshan mar bsgom dang bral// bya bral lta ba'i klung las ma nyams 'jug sgo med// thig le chen pos btab pa'i mchod pa'i klung // snying po tshig bral dam pa nyid las 'da' bya med// dkyil 'khor

  275. 138b

    gsum gyi snying po nyid de bsngo dang bral// 'byung ba lnga yi rtsa ba nyid de mtshon du med// sangs rgyas thams cad 'byung ba'i rgyu de sa bon tshul// 'byung ba nyid nas mkha' las 'ja' byung tshul du dbyer yang med// 'gro rnams rgya mtsho chu bran kun 'dus dbyer med tshul du gcig/ thig le gcig tu bsdus pa'i zin chags nad dang bral// blang med dor ba med pas mya ngan 'das 'khor med// khams gsum ye sangs rgyas pas rigs med gcig gi ngang // yang dag nyid la yang dag nyid kyang rdzogs pas gti mug nyid// dmigs bya dmigs byed med pas blun pa'i sku// thig le bde chen sku ni thams cad sangs rgyas pas// sems can kun bsad thig le gcig tu zlum// chos sku gsal ba'i klung du kun gcig pas// mtshams med lnga spyad kun bzang yum la rol// sangs rgyas nyid las gzhan med kun sangs rgyas// de bzhin rgyas phyir dmigs spyod zos pa sangs rgyas nyid la rol// rmad byung byang chub nyid ni sangs rgyas zos pa'i lto// rigs gcig rigs brgya sku gsum sku lnga sogs// mkha' la nyi zla gza' skar tshul du ngang gis 'char// snying po'i snying po rdo rje snying la 'di yis sna tshogs brgyus// de phyir rmad byung 'di ni snying po'i mdo// ye nas dag pa'i klung du dbyer med kun bsdus pas// rmad byung byang chub sems kyi rgya mtsho

  276. 139a

    yin// 'khor ba ming med mya ngan las 'das pas// rmad byung byang chub sems 'di yang dag rmad// byar med de bzhin nyid las ma nyams pas// rmad byung byang chub sems ni sa 'das pha rol phyin// kha dog dpe med nam mkha'i tshig 'das pas// rmad byung byang chub sems ni rang bzhin med// phyi dang nang med dus gcig rol mdzad pas// rmad byung byang chub sems ni kun shong lto bo che// kha dog dpe med nam mkha'i tshig 'das pas// rmad byung byang chub sems ni rang bzhin rang bzhin med// stong nyid de bzhin mi dmigs las 'das pas// dge sdig gnyis med byar med nyid kyi ngang // gcig kyang skad gcig dpag tu med pa'i bde ba'i mchog/ rmad byung byang chub sems de lhun rdzogs pas// dpe med byang chub sems la kun brlan phyir// khams gsum ma lus gsod pa rgyal sras mchog/ rmad byung byang chub sems su kun gcig phyir// mchod pa'i sprin gyis bdag mchod rgyal ba mnyes// bden gnyis mi 'byed yang dag pas// sems can bsad pa kun bzang mkha' la rol// mthong dang zos las 'das pa'i 'das pa la// gzhan du mi 'jog de bzhin de gnas pas// rmad byung byang chub sems ni kun sbyor sku// de bzhin klung las rgyal dang sems can ma mthong phyir// sgrib gnyis bsal du med de lam la sbyangs mi

  277. 139b

    dgos// rmad byung de bzhin ma bcos bde chen klung // yang dag yang dag nyid kyang ma mthong rmad byung ste// 'bras bu'i 'bras bu nyid de 'bras las 'das// de phyir bde ba chen po'i ting 'dzin zhes bya'o// byang chub kyi sems rmad du byung ba'i rgyud las/ rmad du byung ba'i rang bzhin bde ba'i mchog yin pa'i le'u ste gsum pa'o// // de nas bcom ldan 'das dpal rdo rje sems dpa' rdo rje 'dzin pa chen pos/ bcom ldan 'das dpal kun tu bzang po la shin tu dgyes pa'i spyan gdangs nas ye shes chen po'i mchod pas dgyes par mchod nas/ bcom ldan 'das yangs pa chen po byang chub ces bgyi ba'i tshig don ni gang lags/ khyod kyi byang chub ni gang lags/ khyod kyi byang chub gang las thob nas byang chub rnyed lags/ chos rnams gang las nges par rnyed par bgyis na/ ma rtogs pa rnams kyis ji ltar rtogs par 'gyur ba bka' stsal du gsol/ de nas yangs pa chen pos zhus pa'i don thugs su chud nas/ byang chub chen po'i ting nge 'dzin la snyoms par zhugs nas brjod par bya ba brjod pa// rmad byung byang chub sems kyi mtshan nyid 'di// yi ge med pa'i don du grags pa'i phyir// ngo bo nyid med byang chub dang bral ba// lhun rdzogs rnam par dag pa'i byang chub mchog/ brjod du med pa'i yi ge tshig dang bral// rgyal bas mtshon du med de

  278. 140a

    sngags kyi klung // mi mnyam mnyam las 'das pa mchog gi lam// mnyam nyid 'dod pa grol bar dka'// de nyid rmad byung sgrib pa'i skyon chen yin// mnyam nyid byang chub 'dod la byang chub bral// phung po skye mched khams bshig byang chub 'dod// byang chub yang dag de la ring ste byang chub nyams// sku gsung thugs bral de bzhin byang chub 'das// phung po rgyu sogs dpe bshig byang chub tu// gang 'dod pa de mtshan ma nyid la 'dzin// mtshan med zhi ba de ni snying po ste// chos sku ye shes stong pa'i mtshan 'das pa// 'das pa'i 'das pa nyid de rgyal po'i tshul// ye shes snying po mchog tu gyur pas tshad ma'i lung // dbyer med dam par gcig pas tshad kun ldan// de bzhin nyid de ye sangs rgyas pa yin// 'phags pa'i shes rab spyod pa'i shes rab can// gang la'ang chags pa med pa de bzhin du// rmad byung byang chub sems kyi rang bzhin 'di// brjod du med pas dmigs pa'i yul dang bral// bsams pas rnyed pa'i yul med bsgoms pas nad// ye sangs rgyas pa kun gyi rang bzhin yin// de phyir gang yang ma spangs byang chub snying po ste// gcig pu de bzhin lhun gyis grub pas na// de bzhin ting 'dzin chos dbyings la sogs pa// gang yang ma yin lhan cig mi gnas rdzogs// rmad byung byang chub sems 'di kun rtogs

  279. 140b

    sku// 'phags pa'i shes rab spyod pa shes nas kyang // gzhan gyis mi bskyod 'jigs med de bzhin du// kun rdzob snying po rmad byung byang chub sems// nam mkha'i dpes kyang mi bskyod 'khor bar yang // mi 'jigs dbyer med 'dres nas ye rgyas btab// dgras 'jigs pa de dpa' bos med gyis la// nyon mongs rnams kyi 'jigs pa sems pa min// de bzhin rmad byung byang chub sems nyid 'di// kun 'dus thig le rnam par dag pa'i sku// de bzhin dbyibs 'das ye sangs rgyas min na// rdzogs chen ma yin zin chags nad dang bral// byang chub sems kyi rang bzhin 'od gsal te// snying po'i snying po lta ba'i lam po che// rtsol ba'i nad med tshad mas gzhig mi rung // mngon sum la sogs 'jig rten tshad mas gzhig pa min// pha rol phyin rdzogs pas ni yongs rdzogs ltar// de bzhin rdzogs chen bya bral snying po 'di// kun gyi ngo bo'i rang bzhin de bzhin du// chos rnams ming med de bzhin nyid du rdzogs// 'dres shing dbyer med don dam kun rdzob dang // sangs rgyas sems can rang bzhin nyid du gcig/ med pa'i snying po nyid las yod pa'i snying po 'byung // snying po snying po nyid med snying po can/ thabs dang thabs mkhas sgo la chags pa med// sgro bral sgo zhes thabs la mkhas pa bzhin// rang bzhin kun rdzogs zhi ba'i rang

  280. 141a

    bzhin nyid// sgo med phugs med thabs kyi rgyal po yin// ye sangs rgyas pas bgrod pa'i lam dang bral// thig le zlum pas yang dag nyid du gcig/ ma bsdus de bzhin nyid du bsdus pa thabs kyi mchog/ bsam pa dag pas rab tu byung ba'i mchog/ bsam pa sgron khur ba ni rang byung min// de bzhin rmad byung bde chen chos nyid 'di// bsam dang bral zhing bsam pa las 'das pas// 'khor ba'i rtsa ba dregs pa'i rab mchog yin// zin rtsol nad dang ldan pa ma yin pas// yang dag yang dag rab kyi yang dag yin// 'du ba'i ting 'dzin 'du las 'das pas na// ting 'dzin rgyal po zhes su rab tu grags// nye lam bder rdzogs lam nad bral ba yin// 'di la 'jug lta mi dgos ye nas zhugs// bsrung dang dam tshig mi btsal stong las 'das// rdo rje sems dpa'i thugs kyi dkyil 'khor 'di// gnyis med sangs rgyas med pa'i che ba yin// nyon mongs lnga yi rang bzhin gyis kyang ni// byang chub yongs su tshol bar byed pa bzhin// rdzogs mchog rmad byung byang chub sems nyid 'di// rang bzhin nyid kyis rang bzhin nyid kyang tshol// btsal kyang rnyed pa'i dus med rang bzhin nyid// rang bzhin rang bzhin nyid las ma nyams pas// lha dang spyod pa ting 'dzin dgongs pa'i klung // de la mi dgongs dgongs pa dgongs pa'i nad// gang la

  281. 141b

    blta ba med pa de la lta ba gnas// spyod med ting 'dzin med pa'ang de bzhin no// bsgom pa'i don ma rnyed pa'i drang srong rnams// bsgom chags nad dang bral ba dgongs pa'i klung // mi 'gyur zha nye'i gzod brdab bzhin du gnas// rmad byung byang chub sems kyi rang bzhin 'di// drang srong rgyal ba rnams kyi dgongs pa mchog/ dus gsum rdzogs sangs rgyas la 'di lhag med/ byang chub kyi sems rmad du byung ba'i rgyud las/ lung gi dpes mtshon pa dang lta spyod ting nge 'dzin bstan pa'i le'u ste bzhi pa'o// // de nas rdo rje 'dzin pa chen pos/ bcom ldan 'das dpal kun tu bzang po la phyag btsal te/ shin tu 'dzum pa'i mdangs dang bcas pas spyan gdangs nas/ bcom ldan 'das skye ba dang 'chi ba nyid ji lta bu lags/ chos rnam pa du bshad/ chos zhes bgyi ba ji ltar lags/ bka' stsal du gsol de skad ces gsol pa dang / yangs pa chen po bcom ldan 'das kyis bka' stsal pa/ skye shi za dad ma yin gzhung gcig ste// 'khor ba med par mya ngan yongs mi 'da'// mya ngan 'das dang 'khor ba tha mi dad// de bzhin skye shi gnyis ni ming nyid tha dad kyang // rang bzhin gcig las ming btags tha dad snang // de bzhin snying po sgo phug mi 'byed pa// theg pa rnam rtog grangs su tha dad kyang // rang bzhin nyid las ma nyams rang bzhin nyid// skye

  282. 142a

    dang shi dang mya ngan 'das pa yang // ngo bo nyid du gcig pas 'khor ba nyid// mi spong mi g.yo bag la gnas med de// gnas med pa la gnas pa gnas med gnas// mi mtshungs rdo rje sems dpa'i thugs nyid ni// thams cad ye rgyas btab pas khams gsum 'ub// tshig gi mtha' las 'das pas cad ma mthong // skye ba zhes pa chos rnams 'byung ba'i gzhi// mya ngan 'das 'khor ldan pas med pa yin// mi spong gnas med gnas pa las kyang 'das// spyod las 'das pa'i ye shes rgyal pos 'phags// don dam kun rdzob mi 'byed don dam med// don dam 'dod pas dam pa'i don mi rnyed// don dam med pa de la don yang gnas// sgo dang skur zhing rdo rje sra ba'i mchog/ mi g.yo mi 'gyur blun po'i tshul du gnas// 'di la gnas pa'i rgyal po de bzhin gshegs// ma dang sring mo'i gzigs pa de bzhin dbyings// dbyings dang dbyings rol mnyam nyid lhun gnas pas// ma dang sring mor sbyor ba rol pa'i mchog/ dge dang sdig tu ma mthong ye rgyas pas// sdig pa sbyang pas dkyil 'khor dkyil 'khor ldan// sangs rgyas rnam pa bzhi yi chos bshad pas// thog med 'du shes mi bden tshor ba bral// sprul pas pha rol phyin drug gsung bar 'gyur// tshig tu bshad pas rmad byung don mi rnyed// yi ge'i mchog nyid

  283. 142b

    yang dag gsal ba nyid// yi ges theg bzhir brtags pa rmad byung nyams// ston pas bshad pa don rtogs 'khrul pa'i lam// nad med pa na sman kyang mi dgos na// nad kyi don phyir sman dgos ji bzhin du// theg pa gzhan med pa na bla med 'di// bstan kyang mi dgos de bzhin gzhir gnas na// bla med theg kyang bla med dag la snang // kun tu bzang po yangs pa'i rgyal pos kyang // ma gsungs gsung du brjod du rdul tsam med// don 'di gang la snang ba rgyal ba'i rgyal// de nas rdo rje 'dzin pa the tshom shin tu chod nas yang gsol ba'i tshig btab pa/ rmad byung byang chub sems nyid ma mthong na// chos so cog pa chos kyi lam la gnas// byis pa'i lam bzhin 'bras bu 'grub par dka'// rgyal po'i rigs skyes pas ni rmad byung nyid blta'o// de nas bcom ldan 'das kun tu bzang pos/ nyid kyi brjod pa 'di brjod do// rmad byung bdag nyid sems can phyi mo'i chos// dus gsum sangs rgyas rnams kyi sems nyid ni// rmad byung byang chub sems kyi rang bzhin te// nam mkha' stong pa 'dra ste rten yang med// ming yang med pas sems la gnas pas na// sangs rgyas sangs rgyas zhes su rab tu grags// dka' thub dka' bas lus gdung phyag btsal klog/ 'chang dang 'dzin pas shes shing rnyed min te// rmad byung byang chub sems nyid rnyed pa

  284. 143a

    ni// sems kyi rang bzhin ma nor gsal na go/ dka' thub la sogs byang chub chen po'i gegs// ngo bo nyid ni de bzhin gshegs pa'i tshul// ji ltar las spyod ci yang mi dgos na// de 'drar spyad du med pa thob par grags// rmad byung byang chub sems ni des kyi bskyed// rmad byung 'di ni bde gshegs las kyang 'das// rgyal bas mi gzigs dur khrod chen po'i klong // ye shes ting 'dzin rdzogs pa'i rmad po che// gzhan nas mi 'byed de bzhin nyid kyi sku// thams cad med pa'i sngon du ye sangs rgyas// dus gsum sangs rgyas kun gyi mes chen po// dmigs gnas bsgom du dngos po'i ngo bo dag/ phyag rgyar bskyed du rang bzhin ye nas zhi// bsnyen bkur bstod du rnam dag yon tan med// mi dmigs dag pa'i ngo bo thams cad 'ub// mkha' rgyu dag pas mnyam dang mi mnyam rnams// sku yi sku ste sangs rgyas kun gyi skusgra// 'dzin pa phra mo yod pa'i shes pa'ang de// de sgrib chen po snang du mi btub ltar// gzung 'dzin rtog pa phyag rgya'i skur bsgoms pas// thams cad sangs rgyas rmad byung ngo bor yang // chos sku ma lus bsdus pa mthong mi 'gyur// snang srid lhar bsgom pa nyid rmad byung skyon// rmad byung byang chub sems kyi sa bon las// phyi nang snod bcud 'bras bur rnam par smin// sa bon 'bras bur smin pa de yang ni// slar son gnas

  285. 143b

    su dag pa'i gcig tshul ni// rgya mtsho che las chu phran kun 'byung ba// slar 'dus lan tsha'i chur ro kun gcig 'dra'o// byang chub kyi sems rmad du byung ba'i rgyud las/ dpe las 'das pa'i chos thams cad kyi de kho na nyid kyi le'u ste lnga pa'o// // de nas bcom ldan 'das dpal kun tu bzang pos/ nyid rmad du byung ba la gzigs nas brjod par bya ba brjod pa/ e ma ho byang chub sems dpa' chen pos kyang // chos gcig ma gzigs chos la zad mtha' med// longs spyod rdzogs dang sprul pa'i sku dang ni// mngon par byang chub skus kyang chos gcig pa'o// ma gzigs gzigs pa med pa rgyan dang ldan// mtshan dpes brgyan pa yang dag sangs rgyas yin// mtshan sku de nyid don gyi 'bras bur yang // su 'dod de la yang dag sangs rgyas ring // rmad byung byang chub dag pa yang sangs rgyas// kha dog dbyibs med mtshon pa las 'das te// gzhi med pa yi rtsa gzhi kun gyi mchog/ lo ma'i rtsa ba rtsa ba'i lo ma'ang yin// mkha' ltar mi 'dod de yang 'das pa nyid// rmad byung byang chub sems kyi chos gcig po// rnam par dag pa'i chos sku de nyid las// gzhan gyis reg cing myong ba ma yin phyir// sangs rgyas sras bcas mtshan ma'i mtshan dpes brgyan// mngon sum gnyis su de nyid su rnal ba// de la rmad byung 'di mi gnas te zin chags

  286. 144a

    nad// snang stong ngo bo stong pa'ang 'di yi skyon// rgyal ba'i rgyal ba zhes bya brjod du med// dbyings dang ye shes gnyis kyi tshig kyang zad// mtha' dang dbus la mi gnas bde ba'i klung // khyab gdal byang chub mtha' ltar dpag tu med// 'di nyid skur 'dod sgro skur 'khor lo bskor// 'di la gza' gtad rtog pa'i 'du mtshon can// thog mar 'dod pa 'khrul pa 'jig rten pa// sku gsum sku gsung thugs las shin tu ring // de nyid rmad byung 'di yi sgrib shing yin// chos kyi snying por gyur pa 'bras bu'i chos// snod bcud byang chub khams gsum ye rgyas btab// phyag rgya'i 'byung 'jug nyid kyi lto bar bstim// sku yi bya byed rtsa nas bcad de btang // 'khor ba dong spug sangs rgyas hub kyis rngubs// dge dang sdig par mi byed rnam par dag/ nga dang bdag med zhi ba chen po'i sku// rigs dang ye shes kun gyi dur khrod brdal// khams gsum srid gsum nyid kyi sku la rdzogs// bsod nams lhun rdzogs ngo bo rnam par dag/ rigs mchog nyid kyi sku la su gnas pa// sdig pa spyad pa don dam bde ba'i mchog/ sems can bsad pa nyid kyi sku la dag/ dkyil 'khor gsal dang phyag rgya'i bdag nyid yin// rig sngags gsang sngags snying po dag pa'ang yin// dbang bskur ma thob rgyal bar gyur pa ste// lha klu mthu chen rnams kyang

  287. 144b

    bsrung bar 'gyur// mi 'dud dbang med nyid kyi sku la 'dud// bsgom dang ting 'dzin 'bras bu grub pa'ang yin// dkyil 'khor kun gyi bdag po nyid kyang yin// gsang ba'i yum rnams 'di la yongs kyis 'khril// de bzhin gshegs pa kun gyi ngo bor gyur// sku gsum rdo rjer bstan pa'i dkyil 'khor yin// kun tu bzang po yab yum 'khril pa'i sku'o// 'di la su rnal ba la sangs rgyas rdzogs// rmad byung zhes su 'di la brjod pa yin// byang chub kyi sems rmad du byung ba'i rgyud las/ gsang ba zhal gyis bzhes pa'i le'u ste drug pa'o// // de nas dpal rdo rje sems dpas yang zhu ba chen po'i don zhu ba'i phyir/ thal mo gdangs su bzung nas/ dgyes pa'i spyan gdangs nas/ bcom ldan 'das don dam pa'i sems ni gang lags/ de bzhin nyid ces bgyi ba dang khyad par ci mchis bka' stsal du gsol/ don de thugs su chud nas bcom ldan 'das chen pos bka' stsal pa/ byang chub sems ni sems can kun gyi sems// ldang dang nyal g.yo med pa dam pa nyid// don dang sems la ming dang mtshan ma med// ming dang ming gi mtshan ma ming med pa// de ni yang dag ye shes de bzhin nyid ces bya// don dang sems can tha dad dbyer med gcig/ de nas bcom ldan 'das kyis brjod par bya ba'i don brjod pa// de bzhin gshegs pa'i ye shes

  288. 145a

    mdzod chen po// mi bden mtshan ma'am tshig dang bshad bral ba// theg pa chen po'i rnam par rtog pa yis// theg pa chen po chos kyi 'jug lam nyid// chos lam dam pa mi 'dzin rnam par spyod// byang chub nyid kyang mi 'dod blta ba'i mchog/ sangs rgyas sems can mi mthong bde ba'i shul// ye bsrungs rnam par dag pa'am phyal pa dang // blang dor 'du 'bral med par spyod pa dang // blta/ bapaba'i yul med stong pa dam pa dang // de bzhin nyid du'ang ma mthong bsgom pa'i mchog/ rmad byung rdzogs chen ngo bo nyid du gsungs// ye shes rgyal po mkha' 'dra mtha' las 'das// drang srong de 'dzin pa la bsgom zhes bya// dmigs pas don la 'jug pas dgos pa gol// dmigs pas gza' gtad 'cha' ba gtan nas nyams// stong nyid de bzhin nyid blta lta ba lkugs// bde ba'i shul lam 'dod pa lam thag ring // bsrung dang mi bsrung gnyis kyi dam tshig nyams// spyad dang mi spyad 'dzin pas thar lam 'gags// blta dang mi bltar mthong ba'i dam pa brlag/ bsgom dang mi bsgom gnyis kyi rtog mtha' med// rmad byung 'di la 'di rnams spyir gyur pas// rmad byung mdzod chen ngo bo nyid las nyams// rmad byung byang chub sems kyi rang bzhin ni// chos lam mi 'dzin yod med mtha' las 'das// 'das pa nyid kyang ye shes

  289. 145b

    nyid yin pas// 'das dang ma 'ongs kun las ye nas 'das// ston pa'i bstan pa 'di yi don mi rnyed// gzhan las rna ba'i thos su dngos po dag/ lce yi dbang pos brjod du tha snyad bral// ston pa'i gsungs pa chos lam 'khrul pa ste// ji ltar bshad kyang rmad byung don mi rnyed// zla ba tshes gcig mkha' la shar ba la// mdzub mos mtshon pas mthong tshul tsam du 'dzin// drang srong chen po rnams kyis don spyad pa// tshig tu brjod pas ngo bo nyid las nyams// yid la bsams pas chad pa'i mthar yang 'gro// med pa'i snying po las ni yod pa'i snying // de bzhin de bzhin de bzhin gyi nar bzhag/ rmad byung byang chub sku yi rang bzhin te// 'di lta'i don la sangs rgyas rtag tu bzhugs/ byang chub kyi sems rmad du byung ba'i rgyud las/ don dam pa'i sems kyi rang bzhin dang / mdo sde'i mdzod dang / theg pa chen po'i mdzod/ lha spyod dang gol sa gcad pa dang / nyid kyi rang bzhin bstan pa'i le'u ste bdun pa'o// // de nas bcom ldan 'das dpal kun tu bzang pos/ skyon gyis mi gos pa'i don gyis brjod par byas pa/ rmad byung byang chub sems la mnyam 'jog tshe// lus sems sangs rgyas yin par bya dgos shing // phyi rol don la mi rtog sangs rgyas nyid// mtshan dpes brgyan pa ma yin nam mkha'i tshul// de 'das dbang po'i spyod yul gang yang

  290. 146a

    min// dbang po'i rnam shes de lta de bzhin du// dbang po'i rnam par shes pa de gsum po// yul dang mi 'byed de bzhin lhug par bzhag/ gsum po yul la yin pa mi ltung bar// gang yang min pa'i rang bzhin de tsam la// lus sems mi bcos klong der rang bzhin bzhag/ de 'dra'i klong la rmad byung nyid gnas pas// mtha' gnyis skyon gyis gos par yongs mi 'gyur// snga phyi'i rgyal ba sems can lus gnas tshe// 'chi ba'i dus tshe bag chags 'di ldan pas// de mthus sems can snying po rgyal bar 'gyur// rmad byung byang chub sems dang bdag ldan na// rigs drug nyan thos dag tu mi mthong bas// rigs drug nyan thos dag tu bsad pa med// sems can nyan thos dag tu sus mthong ba// de la skyon gos sdig kyang yod par gsungs// dper na rmi lam na ni mi bsad tshe// bsad pa'i tshe na sdig gis mi 'jigs la// rmad byung byang chub sems kyi don shes na// don de bdag la ldan par gyur pa'i tshe// rmi lam sad 'dra sdig pas gos mi 'gyur// rmad byung byang chub sems kyi mthur ldan na// ma dang sring mo bu mo la sogs rnams// rmad byung nyid las gzhan du mthong ba min// de 'dra sbyar ba dam la nyid la sbyar// ma sring bu mor mthong ba 'ching ba'i rgyu// dper na rmi lam na ni ma sring sbyar byas pas// sad pa'i tshe na lan gyis mi

  291. 146b

    'jigs so// yang dag don shes rmi lam sad 'dra ste// yul du skyon gyis gos par 'gyur mi srid// rmad byung byang chub sems kyi don ldan na// dkyil 'khor phyag rgya bzhi ldan mthong mi 'gyur// dkyil 'khor phyag rgya'i dkyil 'khor sus mthong ba// de la phyag rgya'i dkyil 'khor ldan pas na// rmad byung de la mtshungs par yongs ma gsungs// dper na rmi lam na ni de bzhin gshegs sku mthong // sad pas bdag tu snang las gzhan med de// de bzhin phyag rgya bsgom pa'i dkyil 'khor bas// mtshan ma nyid las byang chub gting ma rnyed// dkyil 'khor ma yin rmad byung byang chub la// dkyil 'khor mtshan ma'i skyon gyis gos mi 'gyur// rmad byung byang chub sems gang su ldan pa// dge rtsar mi spyod dge bar mthong mi 'gyur// dge rtsar mthong ba de la skyon yod 'gyur// dge rtsar ma mthong ba nyid byang chub mchog/ rmi lam na ni dgra dang 'grogs pa mthong // sad pa'i dus na de dang 'grogs mi 'gyur// dge rtsas 'jig rten 'di yi snyan ngag thog/ rmad byung byang chub sems kyis ma zin na// sdug bsngal skye gzhi 'bras bu rmi lam 'dra// sems can rnams la snying rje brtse med cing // mtshams med lnga spyod nye lnga mi tshangs spyod// 'dod yon lnga rol gzhan lnga slong mi byed// rtag tu bdag mchod gzhan du mi rigs pa// rmad byung byang chub theg chen dam tshig

  292. 147a

    yin// dug lngas 'khor ba'i rgun spyod byed pa yang // rmad byung byang chub nyid du yang dag gsungs// 'dod cing chags pa'ang rmad byung byang chub nga // gzhan la sdang ba'i zhe sdang rmad byung nga // de bzhin 'khor ba gti mug rmad byung byang chub nga // bdag yod gzhan med nga rgyal rmad byung nga // gzhan sdug theg pa gzhan la phrag dog nga // ji skad brjod pa'i don dam kun rdzob nga'o// yi dam mgyogs pas dus mtha' med spros kyang // rmad byung sku la gar yang phyin pa med// sangs rgyas kun gyi nor bu dri med thugs// rdo rje sems dpa' nyid kyi thugs la gnas// bskal pa 'bum gyi mes kyang bsreg tu med// srid pa gsum gyi chus kyang bkru ru med// 'di zhes bstan du bde gshegs rnams la med// srid pa 'byung ba'i sngon du sangs rgyas te// thams cad rmad byung byang chub sems nyid kyang // skyon dang sgro gzhi gdod nas rnam par dag/ byang chub kyi sems rmad du byung ba'i rgyud las/ skyon gdod nas rnam par dag pa'i le'u ste brgyad pa'o// // de nas sems dpa' chen po rdo rje theg pa la sogs pas/ yangs pa chen po la bcom ldan 'das mtshan ma nyid gsal bar bzhag nas// mtshan ma rnam par grol ba'i thabs bka' stsal du gsol// zhes gsol pas/ don mnyes te brjod pa/ mtshan can mtshan dpes brgyan pa bsgom pa

  293. 147b

    yi// yang dag bde ba'i dkyil 'khor snying po nyid// mthong ba nyid du de bzhin gshegs pas gsungs// rmad byung nyid kyi sku la blta 'dod pas// blo dman byang chub sems dpas bslab tu rung // mtshan ma mtshan ma med pa'i tshig las 'das// nyid kyis brjod par bya ba brjod pa med// 'grus dang gsang ba'i chos gnyis bsgom dgos te// gsang ba'i gsang mchog byang chub sems nyid 'di// rang byung dag pa'i dkyil 'khor rin po che// sprul pa'i 'byung 'jug nyi rdul tshul du 'khrug/ rang byung mchog gi phyag rgya rgya po che// blo dman byis pa rnams kyis bslab tu rung // 'bras bu gsang sngags bsgom pa'i tshig rnams las// rmad byung ye nas sangs rgyas bstan pa 'di// skye med sangs rgyas kun gyi mes chen po// bskal pa'i me bzhin gcig tu gnas pa las// chos rnams ma lus chos so cog pa rdzun// thams cad rdzun par shes na 'jigs dang bral// ngo bo nyid kyi chos rnams ma lus stong // gal te ngo bo nyid kyi chos spangs na// sbyin la sogs pas mtho ris skye srid kyang // mthar zad 'bras bu brlag pa nyid du 'gyur// ngo bo nyid kyis stong pa'i chos nyid la// mi chags mi gnas de nyid mya ngan 'das// rmad byung byang chub sems kyi rang bzhin ni// ngo bo nyid 'das lam rdzogs rnam par dag/ sangs rgyas mi 'dod sangs rgyas sa las

  294. 148a

    'das// sangs rgyas spros las dga' la phyag rgya gsum// chos rnams kun gyi rang bzhin gnyis su med// chos kyi rang bzhin gcig tu zad pa yin// rang bzhin gcig pa nyid kyang yod min te// rang bzhin nyid kyis gnas shing chags pa med// mtshan ma can gyi chos ni 'jig rten gyi// lam dang 'bras bu yin te zad yod phyir// bla na med pa'i 'bras bu thob mi 'gyur// rmad byung 'di ni chos kyi rang bzhin dang // gcig pa nyid kyang mi 'dod dbyings las 'das// sangs rgyas phyag rgya mi 'dod ye rgyas btab// khams gsum ye nas sangs rgyas chos skur zhi// mya ngan 'das pa 'das pa nyid kyang 'das// yon tan nyid kyi phung po rdo rje'i sku// ci yang 'du 'bral med pa'i brtson 'grus can// ngo bo nyid sku zag med rang bzhin bral// gzhal yas me 'od 'bar ba'i dkyil 'khor can// nyi ma 'bum gyi gzi ltar 'phro ba'i bdag/ chos kyi lam la 'jug pa'i mi zhig gis// lus dang sems la bslab pa cher byas te// phyi rol sangs rgyas mi btsal rnyed mi 'gyur// sems can nyid ni kun tu bzang por gsungs// nang gi nang la de bzhin blta bar bya'o// byang chub kyi sems rmad du byung ba'i rgyud las/ mtshan ma med pa grub pa dang / theg pa chen po la khyad par 'phags pa'i le'u ste dgu pa'o// // de nas bcom ldan 'das dpal kun

  295. 148b

    tu bzang pos nyid la nyid brjod par byas pa/ kun tu bzang po bde ba chen po'i sku// sku gsung thugs kyi dkyil 'khor chen por ni// 'khor ba chos kyi 'khor lo rab tu bskor// byang chub sems la sbyor ba ma yin par// 'khor ba'i 'khor lo bskor ba rdul yang med// yang dag ye sangs rgyas pa ma gtogs par// dmyal ba'i ming med ma rig pa'ang med// dus gsum bde bar gshegs pa thams cad dang // rigs drug 'jig rten 'byung ba lnga sogs rnams// byang chub sems kyi rin chen sgom du blug/ dog 'tsher mi mnga' thigs pas snod bkang tshul// e ma re mdzes bdag nyid bstan pa'i chos// byang chub sems kyi chos gcig ma gtogs par// chos dang chos gzhan med pa ngo mtshar che// sems kyi rang bzhin gnas med yul med par// dus gsum sangs rgyas chags pa ngo mtshar che// rang rig byang chub sems las ma gtogs pa'i// kun bzang gzhan nas rnyed par mi 'gyur bas// sngon chad ma rig ma mthong ngo mtshar che// bden gnyis rgyu 'bras yongs kyi sa med pa// bslu ba'i rmi lam bzhin gyi kun rdzob spyod// don dam bden pa ma rtogs ngo mtshar che// 'ching byed dmyal rgyu dug lnga gzhan rtogs pas// byang chub chen po'i byang chub chen po ru// dug lnga rgyas par gyur pa ngo mtshar che// sdug bsngal sdig pa mi dge ci spyad kyang // rnam grol bla

  296. 149a

    med sangs rgyas nyid yin pas// sad bzhin skyon gyis ma gos ngo mtshar che// dmyal rgyu mi dge sna tshogs spyad pa dang // mi gtsang zas zos bshang ba kun sbyar yang // kun tu bzang po'i spyod pa bdag nyid pas// rgyu yi 'bras bur mi smin ngo mtshar che// nyam nga mnar med dmyal ba'i gnas rnams kyang // kun tu bzang mo'i b+ha ga'i mkha' klong las// dmyal ba'i gnas med byang chub sems kyi lam// bde ldan bde la gnas pa ngo mtshar che// gnod sbyin srin po la sogs 'bum gyis kyang // bla med byang chub sems kyi rang bzhin la// bzung zhing 'joms dang thob par mi 'gyur gyi// ma bsdus rang bzhin bsdus pa ngo mtshar che// e ma rab tu gsang ba'i chos chen po// de bzhin gshegs pas gsungs pa gang yang med// thig le yongs kyi theg pa mi mnyam ste// gzhan dang thun mong ma yin ngo mtshar che// sngags kyi phreng ba lu gu rgyud tshul du// bskyed dang sgro dang bsdu dang spyan drangs dang // mchod dang 'dod gsol don gyi phyir bzhag na// re smon thub tshod rtsol bral las 'das pa'i// theg pa'i rgyal po rgyu 'bras ye dag pas// de bzhin de bzhin de la mnyam gnas pas// cho ga phreng bar gyur pa ngo mtshar che// ming gzugs mnyam bzhag ye nas sngags tshig go/ ma 'gags skye dang bral ba'i byang chub sems//

  297. 149b

    shes dge ba yongs pa'i dkyil 'khor nyid// byang chub rgyu 'bras yongs kyi 'dod min pas// rmad byung byang chub bdag nyid chen po ni// dus gsum gshegs pa kun gyi bdag nyid dang // sems can rnams kyi sems yin no// ye nas ma skyes rgyu 'bras zag pa med// rang bzhin rnam par dag pa'i de ma'ang med// rdo rje sems dpa'i gdan chen gdan chen la// mtshan med mi 'gyur nam mkha' bzhin du rgyas// rdo rje sems dpa' nyid kyang nga yi rol// chos kyi mtshan nyid thams cad rnam par dag/ thugs kyi dkyil 'khor thugs kyi dkyil 'khor mchog/ sku yi sku ste kun la rol mdzad sku// nor bu bsam shing rin chen sgom rnams las// longs spyod sna tshogs 'byung ba'i sa bon nyid// sgyu 'phrul mkhan bzhin thams cad 'phrul par mdzad// skye ba med las thams cad kun skyes shing // skyes pa nyid na cir yang 'gag pa med// rtag pa kun rol kun byas 'phrul po che// kun bzang bdag nyid sku la ngo mtshar che// e ma'o re mdzes theg mchog khyad par can// byar med bya bral bya byed chos dang bral// ji ltar gnas kyang rdzogs pa chen po'i ngadang // sgyu dra'i dkyil 'khor lus dang mthun pa yin// dngos med ngo bo nyid kyi zhi ba las// sku lnga'i dkyil 'khor gsal ba ngo mtshar che// ye nas rnam par dag pa'i rang bzhin las// ye shes 'od du 'bar ba

  298. 150a

    ngo mtshar che// bskal pa'i me bzhin thams cad bsreg pa la// thams cad ma lus 'dus pa ngo mtshar che// ral gri bzhin du thams cad gcod pa la// thams cad ma lus 'dul ba ngo mtshar che// 'khor lo 'khor ba bzhin du ci yang ma bskor bar// thams cad ma lus bsrung ba ngo mtshar che// thams cad ma lus kun bzang nyid kyi ngang // byang chub kyi sems rmad du byung ba'i rgyud las/ rgyud kyi bdag po nyid kyis rgyud bshad pa la ngoms pa'i le'u ste bcu pa'o// // de nas bcom ldan 'das rdo rje sems dpa' la sogs pa rnams kyis phyag btsal bstod pa// bslab bya thams cad rnam par 'jig mdzad pa// mgon po mchog 'dzin mi g.yo bde chen sku// ngo mtshar thabs chen ston pa'i dpa' bo la// dus gsum rtag par 'dud pa'i bzhin phyag 'tshal// che ba lnga rdzogs sangs rgyas snying po la// sangs rgyas ma lus thams cad 'dus par bgyi// blta ba mi spang sku la ngoms par blta// 'du 'bral med pa'i spyod pa lhag par 'dzin// 'di la mos pa'i sangs rgyas thams cad la// sku la bstod pa bzhin du phyag kyang 'tshal// byang chub sems dpa' 'di la su mos pa'i// sems can de la'ang rtag par bzhin phyag 'tshal// ngo mtshar rmad kyi cho 'phrul ston pa yi// khams gsum yongs sgrol seng ge'i rgyal po la// yang nas yang

  299. 150b

    du 'dud cing phyag kyang 'tshal// mkha' ltar dgos pa sku las 'char ba'i sku// dpe med mkha' 'dra'i brdal ba chen po la// yang nas yang du 'dud cing phyag kyang 'tshal// rnam grol ye grol 'khor ba kun grol bas// grol ba'i rgyas po mi gtong 'dud par bgyi// dngas snyigs blang dor med pa gcig pu ba// rgyu 'bras mi 'byed rnam par dag pa'i chos// rnam thar lam dang mi mthun rnam grol chos// zab mo zab mo dam pa 'bras bu'i chos// 'di 'chang klog dang gus dang sems pa dang // dad mos kha gsags ma yin rnal ma la// 'dud cing 'dud cing bzhin phyag 'tshal bar bgyi// zhes rgyud dang rgyud kyi bdag po la bstod pas// rgyud kyi ston pa rdo rje sems dpa' nyid la gzigs te// spyan bgrad zhal gdangs nas/ rdo rje sems dpa' khyod las lhag med de// byang chub rnyed dka' de nyid khyod kyi sku// dus gsum sangs rgyas rnams kyis rtogs dka' ba'i// gnyis med rang bzhin gnas pa'i chos 'di la// 'di las sangs rgyas gzhan na yod ma yin// nga la rtsol ba'i don chen ye min pas// mi g.yo rang bzhin gnas pa'i sman chen 'dis// sangs rgyas sems can ma lus thams cad kyang // mthong ba tsam gyis rnam dag grol bya'i phyir// rmad byung byang chub sems ni gtad do gtad// thugs kyi thugs te ye shes nyi ma yi// 'khor lo nyid las

  300. 151a

    'od kyi zer bskyod pa// thugs kyi dkyil du bstim la 'khor lo bskor// snying po mtha' med rnam par dag pa'i rgyud// lce yi rtse mo las byung sgron ma 'bar ba dag/ ye shes dag pa'i sgrom du sba bar bya'o// byang chub kyi sems rmad du byung ba'i rgyud las/ rgyud kyi bdag po la bstod pa dang / rgyud la bstod pa dang / bdag pos rgyud gtad pa dang / gdams ngag la bzla ba'i le'u ste bcu gcig pa'o// // rgyud kyi rgyal po chos thams cad kyi rmad du byung ba rdzogs so// // byang chub kyi sems rmad du byung ba bu gnyis ma nyid dang gsum bzhugs pa las/ zab mo po ti pu ri'i lha khang du bu gnyis lus so// slob dpon bud+d+ha gup+tas bsnam par bzhed nas/ lan gcig gzigs pas/ gnod sbyin kha rtsal gyis 'gram du thal lcag gcig brgyab nas brgyal bar gyur to// brgya la sangs pa dang / srin po lta bu'i tshul du 'dug pas smras pa// gnas khang brgyal bar gyur pa 'di nyid kyi// rgyal po me 'od khyod kyi me khyer ro// gal te khyer na khyod nyid gsod par bya/ zhes smras pas bred cing dngangs nas/ ma ni gong du spyan gzhan zhig tu drangs/ bu gnyis der lus so// gong du de nyid rnam par 'grel pa la// dgos 'dod gsal tshad don la 'char ba ni// ma bu gsum nas drangs te gtan la phab// phyi nas blo yi zer la bskyod nas

  301. 151b

    bya bzod na// 'phags thugs 'gal dang 'phral du gnod sbyin mos// bar chad byed phyir blo yi zer la bskyod// la stod mkhas pa mgon po la// nyang stod lce nag bdud rtsis zhus// / @#// rgya gar skad du// swasti shrI bid+yA ko ki la/ bod skad du/ bkra shis pa'i dpal rig pa'i khu byug/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na// dus gsum gyi de bzhin gshegs pa bcom ldan 'das thams cad kyi thugs// bcom ldan 'das chen po'i ye shes dang yang mi mnyam pa'i gsang sngags theg pa chen po'i yang theg pa chen po/ dus gsum gyi de bzhin gshegs pa thams cad kyi sku gsung thugs rdo rje ltar dbyer mi phyed pa'i bdag nyid/ gzhi rtsa med pa'i snying po chos thams cad rgyu yod pa dang med pa'i tshig zad pa/ srid pa'i sa bon ma spangs par zad nas dag pa/ kha dog dang dbyibs dang mtshan ma med par rigs rgyud dang bral ba/ gang gi gnas su ma gyur cing thams cad kyi gzhir gyur pa/ ming dang tshig gis rnam par dag cing / rnam pa'i spyod pa thams cad dngas shing bden pa gnyis mgo mnyam du dril pa/ ye shes snying po che ba thams cad kyi bla/ chos thams cad ni tshul bzhin gnas la/ chos thams cad tshul bzhin du mi gnas pa'i mchog/ gang bsam du med pa'i ngo bo nyid

  302. 152a

    med pa la/ mi sems par sems shing mdun med par ldan pa/ nang dang nang gi phyi rol med cing mi ldan pa med par tha dad pa/ rdo rje chen po dgyes par kun sdud cing 'dus nas 'grub pa/ bde ba chen po'i tshul mi brjod par thams cad thams cad dang gnyis su med par gyur pa/ chos kyi sku ni 'du byed kyi chos ma yin pa/ mtshan ma tha dad pa gang yang ma yin pa/ chos thams cad kyi rang bzhin dang gzhir gyur pa'i phyir nam mkha' ji lta ba bzhin pas de ni rtag pa bzhin no bya'o// chos kyi de bzhin nyid dang / ye shes kyi de bzhin nyid de gnyis kyi de bzhin nyid ni gcig pa'ang ma yin/ tha dad pa'ang ma yin pas/ dbyibs dang kha dog las 'das pa'i chos kyi sku de ni ye shes rnam par dag pa dang / spang bar bya ba gnyis kyi phyir/ lhan cig grub pa'i chos kyi sku ni/ rnam par dag pa phun sum tshogs pa zhes bya'o// dus gsum gyi de bzhin nyid kyi de bzhin nyid dang / chos thams cad kyi de bzhin nyid de bzhin nyid dngos po med par ro gcig pa'i phyir dang / theg pa rmad du byung ba dang / rin po che tshad med pa sel ba dag ste/ sangs rgyas thams cad la dgongs pa'o// dpa' bo rtag par dgongs pa yi// mtshan ma thams cad las 'das shing // mtshan mas ma gos bsgor med pas// rnam par mi rtog chos kyi sku// rtag pa'ang ma yin

  303. 152b

    chad pa'ang min// da ni dbu ma'i lam po che// sku gsum lhun grub de bzhin las// sangs rgyas tshad med grangs med pa'i// rgyal dang mgon rnams mngon byung gyur// yang dag par rdzogs pa'i rdzogs par longs spyod pa'i sku/ thugs rje chen po de ni/ rtag pa dang mi rtag pa gnyis 'dzin pa'i phyir na/ rtag pa dang mi rtag pa chen po zhes bya ste/ de ni sbyangs pas thob par bstan no// yang dag bstan te mngon par snang // sangs rgyas rnams dang dgongs pa mthun// gcig la gnyis la spyod phyir gcig/ de ni longs spyod mtshan dang ldan// smon lam ldan pa'i skal chen la// rgyu rkyen 'dus las gsal bar snang // sprul pa'i sku ni mdzad pa'i don la sprul par mdzad cing / khro ba dang 'dzum pa dang / rgyan can dang / rgyan med par 'phrul pa'i phyir sprul pa'i sku'o// mi rtag rtag pa sbrul ldan zhing // sbyangs pa'i mchog gyur kun gsung 'gyur// mtshungs par spyod dang ston mang po// theg pa bzhi ni ston par 'gyur// rang bzhin ye shes ting nge 'dzin// dag pa sku gsum pi wang tshul// de gsum rnam par dag pa ni// de bzhin de bzhin de bzhin phyir// sangs rgyas rnam kun tha mi dad// de phyir sangs rgyas thams cad kyi// ye shes chen por rab gsal bas// yang dag dbyings la mnyam sbyar bas// chos rnams ngo bo nyid kyi zhing // mi skye mi 'gag mi

  304. 153a

    dgongs phyir// de la rtag chad mthar mi chags// ye shes rig pas don rig pas// nyams su blang med rang rig nyid// ye shes rang rig 'di 'dra zhes// rdo rje sems dpas bstan du med// kun rdzob brjod yod ma rtogs pa// yang dag bden pa nyid du ni// 'khor ba mya ngan 'das pa'i chos// rang bzhin med pas ye nas zhi// gcig pas du ma med par gyur// gcig las mnyam nyid phyogs bral bas// de dag rang bzhin mi dmigs phyir// thams cad de bzhin nyid du bzhag/ rang byung rang zhi mnyam bzhag pas// mtshan ma'i 'gog par lhung mi srid// de ltar don la reg gyur na// ci la gnas shing gang la chags// gang zhig 'gag cing ci zhig blang // ma spangs lhun grub kun tu bzang // sku gsum ldan pas pho brang mchog/ lhun grub bya yi dbyibs 'dra la// rtsi shing nags tshal sna tshogs ldan// gcan zan ri dwags sems can rnams// thams cad tha dad bsam gyis mi khyab nas// rdo rje 'khor lo 'dzin sogs kyi// bla med gnas sogs las kyi mthong // rtogs nas rang skal ldan pas chos// so sor go ba bsam mi khyab/ de nas dpal rdo rje sems dpas/ bcom ldan 'das kun tu bzang po la zhal shin tu 'dzum pas bltas nas// e ma ho rab tu gsang ba'i mchog/ gang las byung nas ci zhig byed// gang du 'gro ba su

  305. 153b

    la 'tshal// yangs pa chen pos bshad du gsol// zhes ched du gleng ngo // de nas bcom ldan 'das chen po dpal kun tu bzang pos bka' stsal pa/ rnam dag pa dang mya ngan 'das// chos sku dngos yod rnam dag nyid// gzhan las ma byung rang la gnas// sna tshogs rang bzhin mi gnyis te// cha shas nyid du spros dang bral// theg pa sna tshogs yin par bshad// mchog gi dam pa snying po ni// lung gi dam pa byang chub sems// 'gro ba kun la rang bzhin gnas// de nas bcom ldan 'das dpal kun tu bzang pos ched du gleng pa// so so skye bos mi shes pas// shes pa gsum po ma spangs phyir// sku gsum las ni ring du 'gyur// sku gsum ye shes che rten 'byung // zin pas rtsol ba'i nad spangs te// lhun gyis gnas pas bzhag pa yin// de nas bcom ldan 'das dpal kun tu bzang pos/ rab tu gsang ba'i chos bsam par bya ba la rab tu gleng ba/ bsam pa bsam par mi bya ste// mi bsam pa'ang mi bsam mo// gang la'ang rnam par mi sems pa// de ni de bzhin mnyam nyid do// rnam mi rtog tu kun 'dus phyir// tshor bar bsgoms na ci zhig gnas// ji bzhin pa zhes bstan pa nyid// rang gi rig pa tshangs pa yin// bkra shis pa'i rig pa khu byug las dngos po gleng gzhi'i le'u ste dang po'o// // de nas bcom ldan 'das dpal rdo rje

  306. 154a

    sems dpas mchod pa rnam gnyis mchod de/ phyag btsal te shin tu 'dzum pa dang bcas pa'i ngag gis/ bcom ldan 'das chen po bde bar gshegs pa chen po// mtha' dag dbus su blta ba ji ltar lags/ phyi rol yul la ji ltar 'tshal/ rdo rje sems dpa' 'gro ba dang chos thams cad kyi rang bzhin pa dang / rigs lnga ye shes lngar bstan pa ji ltar lags/ gsang sngags rig sngags zhes bya ba ni gang / rdo rje theg pa chen po'i sgo nas 'jug pa dang / mdo sde'i sgo nas 'jug pa gnyis sems mnyam par 'jog pa'i dus na tshul ji ltar 'jog/ de nas bcom ldan 'das dpal kun tu bzang pos bka' stsal pa/ mtha' spang dbus rtogs pa la shes yul dbye// 'gro ba'i yid du kun gcig rdo rje sems dpa'i ngang // ye shes dbyings gsal skye med thabs chen gyis// byin brlabs khyad 'phags rgyal ba rigs lngar snang // don dam gsang ba gsang sngags rgyal po che// rnam grol dag pa rig sngags bla med gsung // 'jug ldog mthar zad bla med lhun grub lam// stong smon mtshan 'dzin lam mchog bde ba sgrub// zhi dang gnas dang lhag mthong dag dang ni// kun gzhi rnam shes yod pa'i dngos nyid dang // 'jig rten blta ba rnam bzhi 'das pa'i blta// khams gsum las 'das nor bu rin po che// phung po lnga po mi g.yo byang chub

  307. 154b

    lam// 'dod chags zhe sdang gti mug phrag dog rgyal// bde ba bde la gnas pa'i bde ba mchog/ rnal 'byor cig char 'jug pa'i lam 'di ni// 'jug par mi rung zhes ni skur 'debs pa// dbang po rtul po ma rabs tha mal pa// gnas ngan len pa'i bag chags sbyang rung ste// gnyis med don dam kun rdzob bden gnyis gcig/ gnyis su mi blta snying po byang chub nyid// zhi gnas lhag mthong stong pas brgyal bying la sogs bral// dben pa'i grong dang grong khyer ri sul dang // dgon pa dben pa'i nags gseb dur khrod rnams// brten par byed cing bdag bstod gzhan smod cing // brnyed dang bskur sti dag la gang chags pa// mkhas pa ma yin shin tu'ang dran pa nyams// chos lnga ldan pa'i byang chub thob par gsungs// skye ba dag la mos pa'i nyon mongs 'di// sems kyi tshul khrims nyams te zhig pa yin// de nas bcom ldan 'das dpal kun tu bzang po la/ rdo rje sems dpas zhus pa/ bcom ldan 'das thugs rje chen po'i bdag nyid dang ldan pa/ the tshom gyi sgrib pa dag par bgyi ba'i slad du/ zhu ba'i spobs pa bgyid pa'o// gzugs brnyan rang bzhin ting 'dzin dkyil 'khor gsum// gcig gam 'on te tha dad bstan pa dang // lha yi dkyil 'khor nye bar bsgrub pa'i tshe// las gzhan phra mo brtsams pas bsgrib mi

  308. 155a

    bsgrib// zhi khro'i dkyil 'khor so sor mchis ma mchis// lha gcig bsgoms pas gzhan dbang 'gyur ram ci// rnal 'byor mi rtog ting 'dzin gsal gyur na// ting 'dzin gzhan la snyoms par 'jug mi 'jug/ sngags la 'jug pa'i rnal 'byor dbang phyug gis// mdo sde bsgoms nas gtan tshigs bcal na ko/ 'phags pa dag dang mi mnyam skyon ci lags// bsgom du med par gzhag tu rung mi rung // lung dang slob dpon mkhas pas sems bcos na// sngags kyi 'phro 'du med par don thob bam// dge ba gzhan gyi rnam smin phyi mar 'byung // sngags spyod tshe 'dir 'grub bam ci las 'gyur// nges pa'i dbang ma thob pa'i slob dpon gyis// gzhan la dbang bskur dbang thob phan mi phan// zhes zhus pas/ ched du gleng pa/ ting nge 'dzin gyi goms pa'i mthur ldan na// rang bzhin gzugs brnyan bye brag cung zad med// thams cad sku gsung thugs su 'od gsal na// stobs ldan gud na med pas bsgrib mi nus// chos sku ro gcig 'gro don byed mnyam ste// mos pa'i blo la so so nyid du gsal// ye shes dbyings su phyag rgya kun gcig phyir// bde gshegs gcig bsgom rgyal ba kun gyi ngang // ting 'dzin snying po mi rtog goms gyur na// ting 'dzin gzhan phra de la sbyar mi dgos// gcig car 'jug pa goms pa mngon gyur na// tshe

  309. 155b

    'dir 'grub pa gdon mi za bar rtogs// ma rig bdag tu bzung nas blta nyes pas// sangs rgyas sems can 'byed pa srid pa'i rtsa// don dam skye med dngos po med bden pas// bsgom du med par 'jog pa dam pa nyid// yang dag ma nor gdeng chen ldan pas gang // blo yi gting du shin tu ngoms byas nas// btsal mi dgos pa'i nor bu rin po che// dge sdig gnyis kyi 'bras bu so sor smin// theg dman gnyis ka'i rgyu la bzhugs yod phyir// zhe sdang la sogs ngan song rgyu nyid da lta dag pa'i phyir// tshe 'di'i 'bras bu thob pa de nyid mod// dus gsum rgyal ba'i gsang chen nges pa'i dbang // byin nam bstan nam mthong bar ma byas na// rdo rje rgyal po yon tan dbang med pas// nor bu rgyal sar bskos pa ji bzhin du// dbang bskur byas pas bdag gzhan brlag par 'gyur// bkra shis pa rig pa'i khu byug las/ mdor bsdus pa mdo sde'i dgongs pa dang zhus pa'i lan dang bcas pa'i le'u ste gnyis pa'o// // de nas bcom ldan 'das dpal kun tu bzang pos/ btsal ba med pa'i ting nge 'dzin la snyoms par zhugs nas/ ched du brjod pa 'di brjod do// rdo rje'i sems ni gsung bgrod sbyang ba ma lus de dbang bsgyur// rdo rje 'du 'bral med de bde ba la gnas rdo rje'i dbang // rdo rje de ni skye dang 'gag pa med de yangs shing zab// de phyir

  310. 156a

    rdo rje zab mo yangs shing zab pa'i gting ni lta ba rdo rje yin// rdo rje nam mkha' lta bu de ni thams cad skyed pa'i rgyu ste gzhi ma yin pas che// de phyir rdo rje kun byung snying po ma btsal bzhag nas bsgom// sems kyi ngang nyid kha dog dngos med ji bzhin te// gang nas ma byon phyi rol nang rol gnyis ka min// shes rab tshogs kyi snying rje'i brlan dang ma bral thams cad slengs// log rtog mtshan ma'i 'du shes thams cad de las 'byung // sbyin pa la sogs pha rol phyin pa bcu yang rang bzhin rdzogs// lam 'dus rim pa sa dang 'jug lta thams cad 'grub pa yin// spang len med par chos 'di sgyu mar gnas pas na// lus ngag yid gsum yang dag pa nyid ye nas shes pa yin// sangs rgyas chos la gus shing rnyed 'dod dran pa shes rab min// gtong ba tshul khrims chos sems pa la byang chub ring ste gnam sa bzhin// thams cad kun tu bzang po'i ngang du gcig par shes par bya// mtha' yas rab tu mtha' yas pa yi sems can thams cad kun// rang byung rnam dag sku gsung thugs kyi dkyil 'khor du// sangs rgyas la sogs phyag rgya 'bar ba nyid du don 'di snang bas min// snang srid lhun gyis rdzogs par shes pas thabs kyi thabs// med pa'i rgyu las yod pa'i dngos por 'od gsal ba// gdod nas dag pa'i dkyil

  311. 156b

    'khor la sogs pa yi tshogs// snang yang dngos po med pa'i tshul yin na// de la ji ltar brtags kyang dngos po ci zhig yod// dpe dang tshad ma gtan tshigs rjes su dpag pa yis// ya mtshan rmad kyi chos 'di rtogs par nus pa ma yin te// rtag par kun rdzob rnam par snang mdzad sku// yid bzhin nor ltar dgos dgu 'byung ba'i gzhi// de bas gsang sngags bdag nyid chen po 'di// dngos grub byin rlabs gtams pa'i thabs shes can// bsam yas gting dpag dka' ba rgyal po 'dra// khams gsum las 'das byang chub rin po che// stor bas btsal kyang rnyed par ga la 'gyur// thig le chen po kun tu chub gnas pa'i// thabs dang shes rab rnam ldan ye shes snying po nyid// zla gsang thig le skye 'gag bdag tu rdzogs// skyes chen thugs la rtag tu gsal ba'i sku// thams cad ye sangs rgyas pa'i rdzogs chen 'di// ma bkag ci bder gnas pa'i thabs po che// mi bsgrib gsal bar gnas pas pad+ma can// gnyis med thig ler 'dus shing brjod las 'das/ bkra shis pa rig pa'i khu byug gi rgyud las/ thabs dang shes rab gnyis su med pa'i le'u ste gsum pa'o// // de nas bcom ldan 'das dpal kun tu bzang pos gsang ba khyad par du bstan pa ched du brjod de/ phung po lnga ni de bzhin gshegs pa'i rgyal ba'i tshe// dkar

  312. 157a

    mthing ser po le brgan ljang gu'i mdog/ gsal ba sra ba mnyen pa dro ba dang // gnyis med 'khril ba gzhon tshul chags par bzhugs// mthong thos bsnams dang myangs pa dag pa'i dbang // mthong bya mnyan bya bsnam bya myang bya rnams// mthong byed zos byed snom byed myong byed dang // 'das dang da ltar byung dang ma byon tshogs// gnyis med 'khril ba rgyal ba yab yum tshul// mthar byed reg dang reg byed reg shes dang // rtag chad bdag dang mtshan mar ma yin rnams// gdod nas dag pa'i yab yum dkyil 'khor rdzogs// yang dag bden pa'i 'bras bu kun rdzob rgya// 'jig rten pa dang 'jig rten 'das pa'i zhing // dkyil 'khor skrod yul dkyil 'khor gsum du 'dus// 'bras bu smin pa'i rgyu rkyen 'dus pa'i mthu// rdo rje sems dpa' klong chen lam gyi mchog/ gdod nas mi skye mi 'chi dgongs pa dag/ kun tu khyab gdal ye shes chen po'i sbubs// snying rje'i rtsal chen brtser med kun sangs rgyas// bde chen bdag rnams mtshan ma rnam par spang // che ba'i yang che mtsho ltar zab pa'i phyir// ji bzhin mi bskyod bya med rnam par grol// rang byung ye shes 'byung ba 'byung ba'i mchog/ gzhan nas ma yin 'gro ba kun la gnas// thun mong bde ba byang chub rnyed dka' ba// zhing dang spyod yul yongs su 'phrul pa

  313. 157b

    min// snang med nam mkha' lta bur rab 'byor bas// de la mi btsal de bzhin rnam par gzhag/ mchog gi mchog tu gyur pa'i theg pa'i mchog/ thig le gcig tu zlum kyang brjod du med// de nas bcom ldan 'das bde ba chen po'i snying po 'byin pa zhes bya ba'i ting nge 'dzin la snyoms par zhugs nas/ rigs lnga sku dang gsung dang thugs rdo rje las bton to// bton nas ye shes chen po 'od 'bar ba'i sku lngar gyur to// de nas bcom ldan 'das bdag po mnyes par byed pa zhes bya ba'i ting nge 'dzin la snyoms par zhugs nas/ btsun mo'i tshogs 'di nyid kyi sku dang gsung dang thugs rdo rje las/ d+hA dI shwa ri/ dwe Sha ra ti/ mo ha ra ti/ rA ga ra ti/ badz+ra ra ti rnams phyung nas mnyes pa chen po'i btsun mo lngar gyur to// de nas bcom ldan 'das rnam par 'joms pa zhes bya ba'i ting nge 'dzin la snyoms par zhugs nas/ ta kr-id bzhi sku dang gsung dang thugs rdo rje las phyung ngo // de phyung ma thag tu sgo ba 'bar ba bzhir gyur te/ de nas bcom ldan 'das kyis/ de nyid mi snang bar bya ba'i phyir/ bla med ye nas khyab pas mi 'dzin gtor// thig le rtsal thag chad pas las rnams rdzogs// mi rtog mnyam las 'das pas bgegs rnams zhi// mnyam rdzogs brjod du med pa snying po'i gtso// mkha' ltar mi g.yo rang bzhin btab pa'i rgya// cis kyang khyod nyid

  314. 158a

    ye shes gsal ba'i ngang // mi 'dor tshig bral lhun rdzogs mnyam ma nyid// dkyil 'khor chen por rang bzhin gnas pa'i rgya// thams cad ye nas dag pa'i lhag ma med// mi 'gyur snying por gyur pas drang po'i mchog/ mtha' las mkha' bzhin gnas pas mi mnyam med// btsal ba med pas gzhan la ltos ma yin// lhun gnas bde chen mtshungs pa'i rgyal po 'di// ming tsam tshig tu 'di zhes btags nas ni// bstan du rdo rje sems dpa' ngas ma bstan// thabs dang shes rab rnam pa ldan byas nas// snying rje sgyu ma'i phyag rgya 'dzin 'dong gang // de la 'dzin pa yod phyir skyon yin te// snying po'i rang bzhin gcig tu ma nges pas// ji ltar 'dod pa dpung mi dgos par snang // snang stong phyag rgyar rtsol bas bde 'dod pa// bla med theg pa'i sgrib shing skyon can yin// yig 'brus bskyed pa'i phyag rgya bzhi ldan sku// cha lugs gsal bar chu zla bzhin snang ste// snang stong ngo bo nyid du bsgoms gyur kyang // bsgom pa nyid kyis spre'u'i spyod yul 'dra// dkyil 'khor chen po rnam gsum 'od 'bar bas// dbang po mngon du gsal bar gyur na yang // theg mchog 'di la reg pa yod ma yin// bkra shis pa rig pa'i khu byug gi rgyud las/ ma hA yo ga rdo rje theg pa chen po'i gol sa yin par bstan pa'i le'u ste bzhi pa'o// // de nas

  315. 158b

    bcom ldan 'das dpal kun tu bzang pos// ched du brjod pa 'di ched du brjod do// tshogs sbyor bsgom pa mthong ba mthar phyin lam// tshad med bzhis ni kun kyang skye bar nus pa yin// sku gsung thugs las bral bas tshogs rdzogs che ba'i mchog/ lam med pas na lam la mi btsal bde ba'i lhun// rgyu 'bras mi phyed 'dus pa'i rdo rje yin// ma skyes ye nas gnas pas 'jig pa med// gdod nas byang chub snying po'i rang bzhin la// btsal ba'i bsam pa yod pas don mi rnyed// kun tu khyab pas rtag pa byams pa'i sku// phyag rgya'i 'byung 'jug med kyang nyams pa med// 'gro ba'i sdug bsngal sems kyi 'byung 'jug yin// chos sku ye khyab kun khyab rnam par rol// bskyod med nam mkha'i dbyings ltar mnyam par gnas// khyad par cir yang mtshungs pa byams pa'i mchog/ de nas de bzhin gshegs pa thams cad la// bcom ldan 'das kyis bka' stsal pa// spang du med pa'i lam lnga po// de bzhin gshegs pa kun gyi thar pa'i mdzod// spyod par bya ba rnam thar lnga nyid kyang // de bzhin gshegs pa kun gyi sku yi gsos// 'dod yon rnam lnga de bzhin gshegs pa'i rgyan// sangs rgyas dang ni slob dpon phyag rgya sngags// lcam dral tshul du blta rnams yan lag bsam// 'di yang byang chub thob pa'i lam po che// ye shes kyi

  316. 159a

    ni tshogs chen bsgom pa yin// lam gyi mchog ste nye lam nye rdzogs lam// bsod nas tshogs kyang mi sbyor mi rung min// ye shes dam pa thob pa'i tshogs kyang rung // bsam gtan rab tu gnas pa'i sangs rgyas nyid dang mtshungs// mang du thos pas byang chub la reg kyang // mi dmigs mi gnas tshad med stong pa nyid// pha rol phyin drug lam gyi gter du gsungs// gdod 'jug rim gyis sbyong ba don thob ldan// dge bcu spyad med chos nyid dbyings kyi rgyan// bkra shis pa rig pa'i khu byug gi rgyud las/ byang chub kyi lam mngon du bstan pa'i le'u ste lnga pa'o// // de nas bcom ldan 'das dpal kun tu bzang pos/ nyid kyis nga rgyal bskyed pa'i phyir// ched du brjod pa 'di brjod do// e ma'o// ye nas rnam par rgyal ba'i ye shes dbyings las 'das// ye shes rnam par dag pas gcig pa'i phyir// grol ba'i las kyi mtshan nyid yod pa min// gcig dang du ma'i mtha' las 'das pa na// chos kyi dbyings kyi mi mnyam rnam par spang // gzugs kyi mtshan nyid gang yin sangs rgyas pa// thos bsam smon lam btab pas don mi rnyed// chos sku gcig pa'i dam pa ma mthong na// 'ja' tshon sgyu mar 'phags pa'i skur dpyad pas// bsod nams rdzogs pa'i sangs rgyas mthong ba min// mtshan nyid med pa'i chos nyid chen po 'di// chos kyi

  317. 159b

    dbyings las sgyu ma'i mtshan nyid med// chos kyi dbyings las sgyu mar gang bsgrubs kyang // sgyu rtsal rgyal ba'i lam du yongs ma bsngags// mi gnas chos sku brjod med las 'das pa// dbu mar brjod du med de don dang bral// sgyu ma'i rang bzhin sbyang ba bral ba na// mkha' bzhin mtha' kun med de phyogs dang bral// zhi dang ma zhi med de chos rnams med// re dang dogs med mnyam pa'i rgyal po che// mtshan med dgongs pa dag pas bsgom mi dgos// byar med lam las 'das pa'i lam mi rtsal// rmad byung sku mchog nyid las skur mi bsgom// re dogs kun bral zhi bas rgyas btab pas// phyag rgya bzhi ni sku mchog nyid kyi nad// sku gsum rdzogs pa'i dkyil 'khor chen po ste// rang byung ye nas ldan pa'i chos kyi sku// 'gyur med lhun gyis rdzogs pas bsod nams sku// 'byung 'jug cir yang snang bas sprul pa'i sku// byed spyod kun rdzogs longs spyod rdzogs pa'i sku// btsal med snying po byang chub rdzogs pa'i sku// thams cad lhun gyi bdag nyid yin pas na// zin rtsol ngal bas byang chub mchog tshol ba// rnyed pa'i dus med srin las bal skyes tshul// rgyal bar rtag par bzhugs pa nga nyid pas// rtag tu bde 'gro thar pa'i lam 'dod na// grol ba'i lam chen nang la blta bar byos// grol ba'i lam zhugs drang por 'khor sa med// ma phyin 'gro/

  318. 160a

    sar phyin pa nye lam mchog/ rtag tu rgyal nyid mchod na rgyal ba mnyes// sangs rgyas zhing sbyong mi dgos thams cad rgyas// khyab sku ye nas brdal ba kun gyi lam// ye shes sna tshogs rgyan bkram sbyin btang bas// 'khor lo'i bsgyur rgyal nor ltar mtsho thigs 'dra// ye shes chos dbyings brgyan pa'i sbyin pa ni// zad pa'i dus med nam mkha' chen po'i tshul// nor btang gling gcig byur bur btang gyur nas// rgyal la sogs pa kun la phul byas pa'ang // chu thigs ltar gyis blangs bzhin zad par 'gyur// khu byug dus bsrung gzhan gyis mi 'gyur ltar// dbang phyug mnga' brnyes gzhan la rag mi lus// khu byug gis ni gzhan gyi yid sdud ltar// kun rdzogs mchog gi sku yis thams cad sdud// sangs rgyas kun gyi bdag nyid mes chen po// zhing khams dag pa'i sangs rgyas kun gyi lha// dkyil 'khor chen po 'khor lo rdzogs pa'i sku// rgyal kun mchod par 'dod na bdag nyid mchod// dkon mchog gsum mchod 'du shes med pa bdag la gnas pa dbang lnga thob// rdo rje theg pa'i dam tshig mi 'dor ba// nyon mongs lnga po'i las kun spyod pa dang // sems can kun la snying brtse med pa dang // ma byin len dang mi tshangs spyod pa dang // phyag rgyar mi rtsol gzhan la mi rtsol ba// rtag par rgyal ba mi 'da'i dam tshig mchog/ rdo rje theg

  319. 160b

    pa'i ting 'dzin bstan pa ni// de bzhin nyid kyi de bzhin dam pa nyid// nam mkha'i khams bzhin rang bzhin mnyam gnas pa// sems la dmigs pa'i bdag nyid med par bsam// lha yi phyag rgya gsal ba'i ting nge 'dzin// ngo bo nyid kyis dmigs su med pa yin// rdo rje theg pa'i spyod pa dag pa ni// dka' thub mi mnga' gtsang sbrar mi rtog cing // brtul zhugs gsum ldan sems can thams cad gsod// zas mchog bshang gci za zhing rnal 'byor don la brtson// nyon mongs lnga spyod byang chub chen po 'chang // mtshams med lnga spyod ye shes rol par rtogs// rdo rje theg pa'i lta ba'i ngo bo la blta ba// shes rab 'bar ba'i me chen 'od gsal bas// dbyings dang ye shes gnyis kyang me 'od bsregs// dkyil 'khor gsum du mi blta de bzhin nyid mi gdab// snang stong phyag rgyar mi 'dod mnyam nyid ting 'dzin 'das// gang la mi brten gang la'ang grub pa med// gdod nas mtha' dag de bzhin de bzhin nyid// de yi tshig 'das sangs rgyas la sangs rgyas// rdo rje theg pa chen po'i 'bras bu bstan pa'o// ma btsal ma bsgrubs rang bzhin gnas pa'i sa// sa rdzogs pad+ma can dang kun tu 'od las 'das// 'bras bu lhun grub ye nas dag pa'i sa// rdo rje theg pa'i lta ba dang / dam tshig dang / spyod pa dang / bsgom pa dang / rang bzhin dang / 'bras bu

  320. 161a

    kun gcig yin par bstan// lha spyod ting 'dzin rgyu 'bras gcig gi ngang // gang la spyad kyang 'jug lta 'bras bu rdzogs// rdo rje theg pa'i 'bras bu thob nas yon tan ci 'byung ba bstan pa/ gab tshe'i nor ltar thams cad kun 'dus shing / nam mkha' bzhin du ma g.yos ngang gis 'char/ bkra shis pa rig pa'i khu byug gi rgyud las/ rdo rje theg pa'i nga rgyal bstan pa dang / rdo rje theg pa'i dbye ba bstan pa'i le'u ste drug pa'o// // de nas bcom ldan 'das dpal rdo rje sems dpas/ rgyud kyi bdag po la bstod pa/ kye bcom ldan 'das/ bcom ldan 'das/ chen po'i chen po/ mchog tu gyur pas/ chen po khyod ni che ba'o// bzang po'i bzang po bdag med phyogs bral dam par gyur pa khyod ni lta ba'o// kun mkhyen kun gzigs kyi ye mkhyen rang rig nyid de sangs rgyas kun gyi thugs so// kun sdud kun rdzogs kun gyi 'bras bu khyod la mi 'bral rtag phyag 'tshal// sku yi sku ste sna tshogs 'dul ba yi sku// chos sku dpag med rtag phyag 'tshal// gsung gi gsung ste sna tshogs 'dus pa'i gsung // gsung mchog kun tu grags pa khyod la'ang rtag phyag 'tshal// thugs kyi thugs te sna tshogs 'dus pa'i de bzhin nyid de de la'ang rtag tu bdag phyag 'tshal// mi 'da' 'da' bar mi mdzad dam tshig rdo rje can gyi sku khyod la'ang rtag phyag

  321. 161b

    'tshal// kun byas dbang phyug kun gyi sna tshogs kun gyi dpal// mgon khyod la'ang rtag tu bdag phyag 'tshal// dkyil 'khor snying po dkyil 'khor ldan pa'i dkyil 'khor chen po khyod la mchod pa 'bul// khyod kyi rang bzhin sbubs kyis ma g.yogs gang yang med pas khyod ni byams pa'i mchog/ yangs pa chen po khyod kyi sgo nas 'jug pa'i dpa' bo 'jug mkhan de la'ang rtag phyag 'tshal// snying po'i snying por blta ba'i lta snying can de la'ang gzhan phyag 'tshal// kye bcom ldan 'das/ bcom ldan 'das/ re mdzes dbang phyug khyod ni gzhar mi gtong bar 'dod// rdo rje mchog 'dzin bdag gis gzhan phyag 'tshal// de bzhin sems dpa' rnams kyang phyag 'tshal bar shog/ yang dam khyod la phyag 'tshal ba ni bkra shis mchog bkra shis/ zhes rgyud kyi bdag po la bstod nas/ mchog tu lan gsum phyag 'tshal nas/ yang bstod pa/ rgyud kyi rgyal po che mchog la/ gdong du thal mo zung sbyar nas phyag 'tshal te/ sems dpa' dag pas khyod la phyag 'tshal bstod// bstod pa'i rgyal po rab tu bstod pas bstod// de ltar bstod pas mchog khyod grags nas ni// sangs rgyas kun gyi bstod pa de ldan shog/ ces rgyud kyi rgyal po la bstod pas/ de nas bcom ldan 'das dpal kun tu bzang pos/ rdo rje 'dzin pa la rgyud gtad pa// kye rdo rje sems dpa' rdo rje

  322. 162a

    'chang chen po// rgyal ba kun gyi thugs te thugs kyi bdag/ rgyal bar bstod pa'i lha yi lha khyod la// thugs rje che ba'i thugs kyi gter chen mdzod// rdo rje theg pa theg pa'i blar gyur pa// bstan pa chen po rdo rje 'dzin la bstod// rdo rje 'dzin par khyod ni bsngags pa'i phyir// rgyud mchog rgyal po'i bstan pa gzung du gsol// skyes bu thabs la mkhas pa'i dpal ldan la// rgyal ba skye ba'i gsang mchog gtad do gtad// ces rdo rje 'dzin pa bos nas/ rgyud kyi rgyal po chen po gtad do// de nas rdo rje 'dzin pa chen pos pus mo g.yas pa'i lha nga sa la btsugs nas/ gdong du thal mo bzung nas/ kye bcom ldan 'das legs so legs so// bde bar gshegs pa legs so legs so// yongs su gtad pa'i rgyud gyi rgyal po 'di// chud ma zos par gsang bar gtad pas na// legs par gzung la brten par bya ba yis// rdo rje 'chang ba min na gsang bar bgyi ba'am/ rdo rje mchog 'dzin pa 'di su la gtad ces bcom ldan 'das chen po la zhus pas/ bcom ldan 'das kyis bcom ldan 'das rdo rje khyod bzhin 'dzin cing gsang ba'i rdo rjes 'gro don 'dod la/ khyod la gtad pa ji bzhin du// de bzhin de bzhin gtad par bya// rdo rje 'dzin pa ma yin yang // skyes bu seng ge'i sems yod cing // rab tu gces dang yid 'thad

  323. 162b

    pa'i// nor gyi dbyig tu gang 'gyur dang // rin chen nor bus gang bkang nas// rin chen nor bu'i theg pa 'di/ chad dam/ gang zhig rgyud 'di 'dzin par byed pa la// 'phral du nor dbyig mi ster na// de la seng ge'i sems med pas// de ni sgyu mkhan dmyal sogs mkhan// 'dis ni dngos grub nges mi thob// de la 'di yi dbang yang med// bdud kyis bslus pa'i mi de ni// kha gsags g.yo sgyus 'di bzung bas// rdo rje 'dzin min bdud kyi bu// 'di la 'dod pa'i bar chad nas// tshe 'di'i bsam pa kun yal te// 'di yi bag chags ci byas kyang // sku mkhan yi dwags gnas su skye// de phyir rgyud mchog 'di gtad na// nga yis khyod la gtad pa bzhin// rim gyis de bzhin gtad par bya'o// dus ngan smin par gyur pa'ang // 'phral du nor dbyig mi ster na// ma rabs de la 'di snod med// gtod dang 'dzin pa gnyis ka/ ni// rul myags tshig nas dmyal bar 'gro// bkra shis pa rig pa'i khu byug gi rgyud las/ rgyud kyi rgyal po la bstod pa dang / rgyud gtad pa dang / phyis ji ltar gtad par bstan pa'i le'u ste bdun pa'o// // bkra shis pa'i rgyud rdzogs so// rgya gar gyi mkhan po shrI sid+ha dang / bod kyi lots+tsha ba bai ro tsa nas bsgyur ba'o// //

  324. 163a

    rgya gar skad du/ ma hA san+ti dr-iSh+Ti dz+nyA na nim+b+ha pAR+ShA tan+t+ra nA ma/ bod skad du/ rdzogs pa chen po lta ba ye shes gting rdzogs kyi rgyud ces bya ba/ bcom ldan 'das dpal kun rig chos kyi rje la phyag 'tshal lo// 'di skad go zhing rtogs pa'i dus gcig na/ bcom ldan 'das dpal kun rig rgyal po de/ rang byung sems la ngo bo nyid kyi sku// de nyid chos sku ston pa kun tu bzang // 'o na min bde chen gnas mchog chos kyi dbyings// phyi nang med par mdzes shing 'od gsal ba'i// yid bzhin rgyan kyis spras shing blta na sdug/ yangs dog med pa'i gzhal yas khang na bzhugs// gsung ba mi mnga' chos nyid rang bzhin ni// rang gi sems nyid brjod du med pa'i don// ye nas ma bcos rang gi ngo bo nyid// skye med thugs la rang bzhin don gyis gsang // ma rig ye shes gdod nas med pa'i dus// snga phyi'i sems la 'pho 'gyur med pa'i tshe// ngo mtshar rmad byung chos nyid rgyal po de// ma btsal sems las byung bas ngo bo nyid kyi sku// der 'dus nyid las mi gzhan rigs lnga'i 'khor// rig pas 'dus pa sa bcu'i sems dpa'i 'khor// sprul pa chos skyong mkha' 'gro dang nyan 'khor// ting nge 'dzin la 'dus nas yid kyis 'khor// de'i tshe 'khor rnams zhi gnas kyi bsam gtan la zhen pa'i rtog pa gsal bar gzigs nas/ 'di skad

  325. 163b

    ces rdo rje sems dpas gsol to// bsgom med gnas lugs don ni gang la bya// snod bcud skal ldan gang gis gzung bar bgyi// ston pa kun rig rgyal pos bshad du gsol// de skad gsol ba'i tshig gsan thugs kyis ni// 'dus pa'i tshogs la kun rig ston pas bka' stsal pa// bsgom med lta ba'i gnas lugs ngas bshad du// sangs rgyas kun kyang sngangs shing skrag pa'i phyir// gnod sbyin srin po yi dwags grul bum tshogs// 'jig rten lha mi rnams kyang sngangs 'gyur bas// rgyud 'di la ni 'gal sems sdig can rnams// dmyal bar nges 'gro gtan du snying re rje// dper na rgya mtsho ma lus kun brgal yang // yid bzhin nor bu rnyed par dka' ba bzhin// snod ldan slob ma dad ldan shin tu dkon// de phyir shin tu gsang ba'i gter du bzhag/ rdzogs pa chen po lta ba ye shes gting rdzogs kyi rgyud las/ don gyi gsang bar gsungs pa'i gleng gzhi'i le'u ste dang po'o// // de skad ces bka' stsal pas 'khor gyis don go nas/ gdung ba bton nas yid kyis don gsol pa// ma rig las kyi sdug bsngal 'khyams pa'i sems// rnam rtog dra ba gang gis gcod pa'i thabs// thugs rje chen pos mi 'dzin yi re chad// sgrib pa'i mun pas 'thibs pa snying re rje// 'gro drug sdug bsngal mi grol yi re mug/ rang sems sa 'khor dag

  326. 164a

    la sa mkhan mdzod// sems can las la thugs rje yi chad kyang // snying rjes 'gro don thugs dam mi mdzad dam// sems can lha mi rnams ni shes pa rtsing // dbang po yul la yengs pa'i sems 'dzin gyis// 'tsho ba dkon zhing tshe thung nad mang bas// thar lam mi thob skye shi 'chi la rtag/ de phyir lus ngag 'dus byas chos spyod kyang // long med mtha' ring bsgrub par dka' ba'i phyir// snying po man ngag rtogs par bya ba'i phyir// bsgom du med pa'i chos nyid thugs rjes gsungs/ rdzogs pa chen po lta ba ye shes gting rdzogs kyi rgyud las/ gdung ba bton pa'i le'u ste gnyis pa'o// // de nas 'dus pa'i tshogs kyi nang nas rdo rje sems dpa' la thugs kyis gzigs nas nges par bka' stsal pa// bsgom du med la mi 'bral gdams ngag rgyun// rdo rje sems dpas thugs nas brgyud pa yis// nga yis byin gyis brlabs pa'i mkhas pa la// rang sems rtogs 'dod slob ma las can gyis// dad pas shin tu rang nyid dul byas pas// lus dang longs spyod srog la mi blta bar// sring mo bu mo la sogs rab brgyan te// rta dang glang po nor gyi dbyig rnams kyang // ser sna med pas bla ma dag la dbul// de yang 'dus pa'i sems dpa' rdo rje nyon// chos phyir brtson 'grus che la dam tshig ldan// blo brtan shes rab zab cing don

  327. 164b

    gsang thub// tshul shis dang bzang rnams kyi don gyi gter// de dag yon tan brgya ldan slob ma la// rab tu gsang ste don nyid ston pa yi// bla ma mkhas pa mtha' bcu rdzogs pa la// mnyen zhing dal la thugs rje rab ldan zhing // srid par chos rnams zhus kyang zad med pa'i// dam pa'i mdzod kyi gter ldan ston la mkhas// dper na seng ges 'jigs pa rtsad gcod bzhin// blo dngos gcig par ston la gus pas zhus// de nas 'dus pa'i sems dpa' rdo rje nyon// yang dag don gyi lta ba gsang ba 'di// gang zag phyin ci log dang blta dman pa// thos pa chung la blo rtul shes rab med// nor phangs kha ral la sogs snod med la// 'di bstan gnyis ka bsreg phyir rab tu gsang // de skad gsungs ma thag tu yid dga' nas// 'khor rnams snod kyi don dang ldan par ni// khas blangs rang dam bcas nas yid bsdus te// mgrin gcig lhags nas 'khod gyur to// rdzogs pa chen po lta ba ye shes gting rdzogs kyi rgyud las/ snod bcud bstan pa'i le'u ste gsum pa'o// // de nas bcom ldan kun rig rgyal po yis// ched du brjod pa'i don 'di bka' stsal to// 'gro drug sems can med pa'i gong rol du// sangs rgyas med pas ye shes ming yang med// kun bzang nyid kyang glo bur sangs rgyas te// ma bcos gdod nas mi rtog blos

  328. 165a

    bsgoms pas// sangs rgyas nyid kyang gdeng med gol ba'i lam// 'og ma'i phra mo'i rnal 'byor smos ci dgos// de skad gsungs pa'i don gsungs ma zag tu/ 'khor rnams sems 'drog ste yid ma rangs te sems kyi don la the tshom du gyur nas/ ting nge 'dzin la yid byung bar gyur to// rdzogs pa chen po lta ba ye shes gting rdzogs kyi rgyud las/ ched du brjod pa'i le'u ste bzhi pa'o// // de nas sems dpa' rdo rjes 'khor rnams kyi bsam pa thugs su chud nas sems rtog bsal ba'i phyir don 'di zhus so// don gyi sangs rgyas ye shes gang las byung // don las 'pho 'gyur med pa'i blta ba gang // snang la 'pho 'gyur sna tshogs ci las byung // ma bsgoms skye bor mi gol thabs ci lags// blo dngos gcig pur rtogs pa'i tshad ni gang // de skad yid kyis gsol ba'i don gsan nas// ston pa kun rig rgyal po chos rje yis// thugs kyi dkyil 'khor rin chen sgo phye nas// sangs rgyas dpal gyi mgur nas bka' stsal pa// 'khor 'das gzhi ni ngo bo nyid kyi sku// don gyi sangs rgyas rang sems don rtogs na// kun tu bzang po rang byung bcom ldan 'das// ye shes rab tu che mchog chos kyi sku// mi skye mi 'gag nam mkha'i ngang bzhin no// 'khrul rtog nyid kyang ye shes bde ba'i klong // dper na khyung chen gshog rdzogs mkha' la

  329. 165b

    lding ba ni// chu klung ri rab gyen thur nyam mi nga // bar snang nam mkha'i khams kun lam du bde// gang du dmigs pa'i sa phyogs phyin par byed// de bzhin ye nas sems sbyangs rnal 'byor thugs// sangs rgyas snying por rtogs pa'i skal ldan rnams// chos sku mngon du grub pa'i gdams ngag can// sems rtog ye shes yon tan de las byung // rdzogs pa chen po'i lta ba ye shes gting rdzogs kyi rgyud las/ sangs rgyas kyi ye shes 'byung bar bstan pa'i le'u ste lnga pa'o// // de nas ston pa kun rig rgyal po des de skad ces gsang ba'i don gsungs pa dang 'khor rnams kyi rtog pa sangs nas gus pa'i bsam pa mthun par gyur cing yid dga' nas/ bcom ldan 'das kun rig rgyal po la bstod pa// ded dpon sangs rgyas kun bzang chos kyi sku// 'khor ba dong sbugs ye shes klong ston pa// rang rig rgyal po byang chub ye shes sku// 'khor ba'i ming med sangs rgyas lam ston pa// gzugs med chos kyi sgra la yid kyis bstod// de skad bstod pa'i don gsan yid kyis ni// kun rig rgyal po ston pa chos rje yis// 'dus pa'i 'khor gyi tshogs la bka' stsal pa// de nyid gdeng du go gyur rnal 'byor pas// mi bsgom ched du mi blta rang yin te// sngon gyi sangs rgyas bcom ldan 'das rnams kyis// ma bsgoms dbang po rang yan btang las

  330. 166a

    byung // skye bo mu stegs phyi nang 'brel chod phyir// gol sa dag tu mi 'gyur don nyid yin// de ltar shin tu rtogs pa'i rnal 'byor pas// skye ba 'di las mi len sangs rgyas nyid// don la the tshom mi za sangs rgyas chos nyid de// rang byung rgyal po byang chub sems nyid kyang // ma btsal rang la yod pas bsgrub mi dgos// rdzogs pa chen po lta ba ye shes gting rdzogs kyi rgyud las/ 'khor rnams kyi rtog pa'i gdung ba bsal ba'i le'u ste drug pa'o// // de nas 'dus pa'i 'khor la phan gdags pa'i phyir kun rig rgyal pos bka' stsal pa// sangs rgyas rgyal po chos kyi sku mchog kyang // 'khor 'das reg pa med par sems la rdzogs// don la 'gyur ba med pas blta ba'i lam// yul la mi ltos rang sems chos kyi sku// nam mkha' bzhin du ye shes mtha' mnyam pas// gzhi la 'gyur med rang rig byang chub sems// skyon gyis ma gos sems kyi dran pa la// 'pho 'gyur med pas chos nyid brdal ba'i sku// mi skye mi 'gag lta ba rang byung la// bsgoms pas mi rnyed rang sems 'gyur med don// ma bsgoms 'bral med da lta nga yi sems// bskal par 'khyams kyang sems la skye shi med// shi med nor mchog rig pa lta ba'i mchog/ don la ma bsgoms ye shes mthar phyin lam// sangs rgyas re ba med pas ltung mi srid// gdod

  331. 166b

    mas 'gyur med byang chub chen po yin// rdzogs pa chen po lta ba ye shes gting rdzogs kyi rgyud las/ don la 'pho 'gyur med par bstan pa'i le'u ste bdun pa'o// // de nas kun rig chos rjes don gsungs pa// dad pas 'dus pa'i 'khor rnams yid kyis nyon// 'khor 'das rang bzhin gcig tu ma nges pas// dbang po yul rnams ji ltar bltas par bden// don la mi bden gzung 'dzin mthu brtas pas// ji ltar goms pa brtas pas der snang phyir// dngos po blos brtags pas na yod min te// yod na sems can kun la mthun snang rigs// gdod nas rang 'khrul bsgribs pa'i lus nyid kyis// 'gro drug mthong rtog so so sna tshogs pa// de phyir sems can rang sems so sor snang // ngo bo nyid kyi sku la 'gyur ba med pa'i phyir// blo yis brtags pas gcig yul gcig min pas// rang sems ma 'khrul snang ba the tshom med// des na gzhan yul rnams ni gdod nas med// 'khrul pa'i rtog sems 'gro ba so so'i sems// gcig na dge sdig rnam smin 'bras bu yang // sems can ma spyad kun gyis myong bar rigs// las kyi rnam smin thun mong mi 'gyur phyir// bag chags brtas pa'i 'khrul pa'i sdug bsngal yin/ rdzogs pa chen po lta ba ye shes gting rdzogs kyi rgyud las/ snang ba 'pho 'gyur sna tshogs don las mi 'gal bar bstan

  332. 167a

    pa'i le'u ste brgyad pa'o// // de nas kun rig ston pa snang mdzad kyis// 'dus pa'i dad ldan 'khor la bka' stsal pa// ma bsgoms dbang po rang yan bzhag gyur kyang // phyi rol yul gyi tha snyad grags pa la// 'khrul pa yin par shes phyir zhen pa med// chos brgyad rang sar grol bas mnyam pa'i phyir// skye bo nyid kyang ma spangs chos kyi sku// dper na a shu ka nyid bdud rtsir shes pa ltar// de bzhin skye bo rang sems 'di nyid ni// bla ma'i don bstan tha mal byang chub sems// bdag nyid snying po ye shes don nyid yin// de yang 'dus pa'i sems dpa' rdo rje nyid// nyid kyi don ma rtogs pas so so'i skye bo ste// de nyid lung dang man ngag don rtogs kyis// rang sems rtogs pas skye bo med pa'i phyir// ma bsgoms go la sa med par mkhas pas gsungs// ngo bo nyid la rtag chad med pa'i phyir// sems der rang gsal don zin mi brjod pas// phyal pa lung ma bstan du gol sa med// dper na gser 'gyur rtsis gang thebs pa rnams// thams cad gser las gzhan du mi 'gyur bzhin// de bzhin mu stegs skye bo'i sems nyid kyang // man ngag gser rtsis thebs pa'i sems// mu stegs rnams kyang ye shes bde ba'i ngang // yul la mi zhen phyin na bsgom du med// rdzogs sangs rgyas zhes bya ba'i don nyid kyis// sna tshogs

  333. 167b

    zhen las grol phyir bsgom mi dgos/ rdzogs pa chen po'i lta ba ye shes gting rdzogs kyi rgyud las/ ma bsgoms kyang skye bo dang mu stegs kyi gol sa med par bstan pa'i le'u ste dgu pa'o// // de nas 'dus pa'i snying po 'khor rnams la kun rig ston pa chos rjes bka' stsal pa// sems can ma 'khrul sangs rgyas med pa'i gong // ngo bo nyid kyi sku la rang byung sems// de nyid ye nas gnas lugs yin pa'i phyir// de rtogs chos sku mya ngan 'das pa'i chos// kun tu bzang po rang byung ye shes thugs// rang sems rang gis rig pas chos kyi rje// rang sems rang 'khrul 'gro drug sems can te// kun gzhi'i gzhi cha chos sku ye shes la// gsum ldan 'khor ba'i sgrib pa'i lus nyid yin// dus tshod bla ma'i gdams ngag don bstan pa// gzhi cha chos sku rang byung de nyid dang // dang po'i sems nyid ngo bo nyid kyi sku// snga phyis ma bslad chos skur gcig pa'i phyir// blo dngos gcig pa'i don la bsgom mi dgos// de yang 'dus pa'i 'khor rnams yid kyis nyon// sangs rgyas ye shes thugs dang sems can sems// 'brel med so sor snang ba ma yin te/ btsal med rang sems chos skur gcig pa'i phyir// blo dngos gcig par sems nyid yid ches yin// 'khor ba'i lus 'di sdug bsngal sgrib g.yogs dang // sangs rgyas sku dang ye shes bde ba de// 'khor

  334. 168a

    'das gnyis ka rtsa ba gcig pa'i phyir// lhun gyis grub pa dag tu blo dngos gcig/ 'khor ba'i mngal nyid rnal 'byor thugs nyid kyang // ngo bo nyid las ma 'das don yin phyir// tha mal 'di nyid yin rtogs chos sku la// blang dor med pas blo dngos ngo bo gcig/ dper na chu nyid chang du rkyen gyis 'gyur// de bzhin bar do'i rang sems 'di nyid la// bla ma'i rkyen gyis rtogs pas bsgom mi dgos// mi bsgom phyir na gol med blo dngos gcig/ de yang 'dus pa'i 'khor rnams yid kyis nyon// ye shes rtogs nas mnyam pa'i don nyid la// rgyun du ma brjed rig pa gsal theb na// bag chags nyon mongs rtog pa'i skyon gyis kyang // de la rdul tsam mi bsgrib ye shes gsal// dper na skyes bu sngags kyi gdeng ldan pas// dug ma bsal bas dug nyid sman du 'gyur ba bzhin// snga phyir ma song chos sku ye shes ni// snga phyir ma spangs glo bur rang stong phyir// blo dngos dbyer med rtogs pa'i tshad yin no// rdzogs pa chen po lta ba ye shes gting rdzogs kyi rgyud las/ blo dngos gcig par bstan pa'i le'u ste bcu pa'o// // de nas sems dpa' rdo rje snying po yis// dad pas 'dus pa'i 'khor la phan gdags phyir// bden pa'i don gyis 'di skad yid kyis gsol// rang sems snying po don rtogs lta ba la// ma

  335. 168b

    bsgoms 'bral med don ni ji ltar 'grub// ye shes don ni mtshon du ji ltar med// spyod pa 'ching grol med pa'i don ni gang // sa la sbyang du med pa'i don ni ci// rtogs nas dam tshig bsrung nyams ji ltar med// bsgoms na gol sa'i skyon ni ji ltar lags// la bzla'i don gyi ye shes gang la bgyi// de skad gsol ba'i yid kyi don gsan nas// kun rig ston pa chos rjes bka' stsal pa// rang sems snying po'i don rtogs chos sku las// bsgom bya'i ye shes chos sku gud na med// snga phyi sems kyi ye shes mtha' bral ba// ma nor sgom pa po yang ga la yod// de la sgom mkhan sems la dngos med na// mi gnas mi rtog 'jog pa rnal 'byor min// sems dpa' rdo rje snying po da nyon cig/ a ti rdzogs chen chos sku bden gnyis bral// ngo bo nyid kyi rang shar ye shes ni// yod med dbus kyi ye shes mtha' gsum bral// yul la spang sdud gnyis po gdod nas med// dper na nam mkha' rang du shes pa bzhin// ji bzhin ma nor rang sems rtogs pa yis// lus ngag ma skyes rtog pa'i gzhi med pas// skyil krung drang 'dug sgra bcad kha na da/ de bzhin sems dang rtag chad spros bral bas// rtog sbrang mi rtog sgom pa'i khar mi 'ong // ye shes lta ba'i shugs las byung bas na// rnal 'byor dmigs pa'i shes pas mi bsgom ste// rtogs pas rang

  336. 169a

    sems ma skyes ye shes phyir// rnal 'byor ched du bsgom pa bstan mi dgos// sems dpa' 'dus pa'i snying po de nyon cig/ yul gyi snang ba spyod yul ma grub phyir// nam mkha' lta bur ye shes rang gsal bas// rang sems chos sku ngang gis de rtogs pas// rnal 'byor ci yang yid la mi bsgom na// yang dag lta ba'i don dang mthun par 'grub// sems dpa' rdo rje snying po da nyon cig/ rdzogs chen go la sa gcad phyir bsgom med de// ye shes bsgom med dag tu rab rtogs na// bsgoms kyang skyon med chos dbyings nam mkha' 'dra// bsgom med de ni kun gyi re ba skongs// kun la khyab cing ma rdzogs med mod kyi// kun gyis gdams ngag ma 'phrod rtogs par dka'/ rdzogs pa chen po lta ba ye shes gting rdzogs kyi rgyud las/ ma bsgoms 'bral ba med pa'i le'u ste bcu gcig pa'o// // de nas kun rig rgyal po chos rjes bka' stsal pa// 'dus pa'i tshogs rnams yid kyis da nyon cig/ rang sems ngo bo nyid kyi chos sgra ni// dbang po mngon sum mi gnas kun la khyab// chos sgra tshig tu 'di zhes bstan par ni// rdo rje sems dpas kyang ni mtshon du med// de yang rdo rje sems dpa' yid kyis nyon// 'khor 'das tshig las 'das pa'i ye shes te// dbyibs dang kha dog dbang po'i spyod yul du// sangs rgyas nyid kyis bstan cing

  337. 169b

    mtshon du med// mtshon cing bstan par dka' ba'i rang sems de// yod med kun las 'das pas byang chub sems// dngos med yid la dran pa'i ye shes ni// kun bzang nyid kyis ma gzigs blta ba'i mchog/ gzung 'dzin mthu brtas rnam smin lus 'di la// dbang po'i yul rnams ming du rjod byed de// don la phan pa rdul tsam mtshon mi nus// dper na bum pa nang gi nam mkha' la// dngos med brjod med nam mkha' chen po min// de bzhin tshe gcig mi rtog don bsgoms kyang // ye shes rang shar chen po'i blta ba min// bum chag nam mkha' chen por thim pa bzhin// lus bral rang sems ngo bo nyid kyi sku// de nyid rig pas gsal btab bde ba'i klong // de tsam nyid na kun tu bzang pos kyang // ngo bo nyid kyi sku la mtshon du med/ rdzogs pa chen po lta ba ye shes gting rdzogs kyi rgyud las/ ye shes kyi don la mtshon du med par bstan pa'i le'u ste bcu gnyis pa'o// // de nas dad pas 'dus pa'i 'khor rnams la// kun rig ston pa chos rjes bka' stsal pa// sangs rgyas rnams kyi dgongs pa ji lta bu// rang gi mtshan nyid ma bcos de bzhin nyid// chos sku skye med rtogs nas 'gro don du// ji ltar snang ba'i gzugs can sprul pa'i sku// mdzad pa bcu gnyis 'gro don mthar phyin pa// thugs rje sprul pas 'gro ba kun 'dul

  338. 170a

    yang // ye shes blo ldan rlom sems rdul tsam med// bdag dang gzhan du rtog pa med pa'i phyir// ye nas gnyis med gcig ni chos kyi sku// mthun 'jug 'tshams pa'i spyod pa rgya mtsho ni// thugs rje chen pos 'gro don rdzogs par mdzad// rang byung ye shes dbyings las ma g.yos kyang // 'gro ba'i dpal mgon kun tu bzang po ni// bdag dang gzhan don blang dor med pa'i phyir// spyod pa rgya mtsho sna tshogs ci bder spyod// pad+ma skye ba'i rgyu ni 'dam yin te// pad+ma la ni 'dam gyis gos pa med// chos nyid blang dor med par rtogs gyur na// ye shes rtog med nyams pa rdul tsam med// thun mtshams mi bsgom rgyun gyi rnal 'byor la// 'ching grol spyod pa med phyir gol ba med// rdzogs pa chen po lta ba ye shes gting rdzogs kyi rgyud las/ spyod pa 'ching grol med par bstan pa'i le'u ste bcu gsum pa'o// // de nas kun rig ston pa chos rjes bka' stsal pa// 'dus pa'i 'khor rnams yid kyis da nyon cig/ sa med chos sku rdzogs chen ye shes la// gang yang mi 'gro sa mchog spyi bcings pa// bgrod med sems nyid ye shes mchog gi lam// ye shes chos sku mthar phyin chos nyid sa// sems dpa' rdo rje snying po da nyon cig/ sa ni dang po 'khor bar mi ldog par// snying po byang chub mchog ni yin zhes na// bza' zhing bgrod pa'i

  339. 170b

    yul ni ga la yod// byar med rdzogs pa'i ngang du rab rtogs na// lam la bza' zhing sa sbyang yul las 'das// bgrod med snying po lam gyi don ston pa// gzhan nas btsal bas rnyed par mi 'gyur te// ye shes chen po'i kun tu khyab gnas pas// rang byung ye nas rang rig 'od gsal bas// sa lam btsal du med pa snying po'i don// rnam par snang mdzad che mchog kun tu bzang // de yang sems dpa' rdo rje snying po nyon// dper na rgyal po gzhan du mi 'gro bzhin// rang sems yul la mi bskyod don la gnas// de tsam nyid na chos sku bde ba'i klong // lam la ma bgrod chos nyid ye shes sku// sa dang lam la bgrod na byang chub gegs// rdzogs pa chen po lta ba ye shes gting rdzogs kyi rgyud las/ sa la sbyang du med pa'i le'u ste bcu bzhi pa'o// // de nas dad pas 'dus pa'i 'khor rnams la// kun rig ston pa chos rjes bka' stsal pa// dam tshig bsrung nyams med pa'i ye shes ni// 'og ma bzhin du dam du ma bcas pas// nyams pa med phyir ye bsrungs chen po yin// gdeng ldan blta ba'i dam tshig rgyun du dran// ched du ma yin dang gis don gsal bas// ye bsrungs chen po'i dam tshig lta ba yin// ye nas 'dus pa'i 'khor rnams yid kyis nyon// theg pa'i khyad par ji snyed grags pa dang // tshul khrims sdom dang phyi nang dam tshig

  340. 171a

    kyang // 'gro ba gdul bya ji ltar 'dod la bstan// tha snyad tsam du gdul bya zhes brjod kyang // dam du bca' bar bya ba rdul tsam med// dam bca' med pa'i don gyi ngang rtogs na// dam du bcas kyang skyon med nam mkha' 'dra// 'dus pa'i snying po rdo rje sems dpa' nyon// chos sku mi g.yo thugs kyi dam tshig ste// blang dor med par spyod pa dam tshig chen po yin// rang sems mi spang ye shes chen por gnas// dus gsum don dam ma bral nyams pa med// rdzogs pa chen po lta ba ye shes gting rdzogs kyi rgyud las/ dam tshig bsrung nyams med par bstan pa'i le'u ste bco lnga pa'o// // de nas 'dus pa'i 'khor la bka' stsal pa// bsgoms na gol sar gyur pa 'khrul pa'i phyir// rang gi sems nyid ma rtogs rtsol ba ste// phyi yi yul gyi rtsol bas sems bsdus nas// 'og ma'i lta ba 'dod lugs rnam bzhi la// gnyis med snang stong khas mi len pa rnams// so sor rtog pa'i rig pas gzhal byas nas// gsal ba stong pa'i mnyam gzhag don bsgoms pas// drug la sgom pa'i gang zag la// bying rgod mtha' dag shes bzhin bya ra byed// de nyid blta ba ma shes gti mug ste// gsal la mi rtog bsgom dang 'dod chags bsgom pa rnams// bde la mi rtog zhen pa'i nga rgyal can// 'khor ba med dang lhung du dogs pa'i zhe sdang

  341. 171b

    gis// mi dmigs don la gza' gtad byas nas bsgom// rtsol bas bsgoms kyang yul la 'gyur med phyir// mi rtog 'dod phyir mngon par don dang bral// rtog pa bzang ngan ci skyes sems nyid du// dgag/ rgyu med pa tsam du blos bzung nas// gsal bde mi dmigs ched du bsgoms pas nor// yul la gtan tshigs gzhig pas smos ci dgos// de yang 'dus pa'i snying po yid kyis nyon// grib ma gzugs su bsgyur ba ji bzhin du// lha dang rtsa ba'i thig le thabs bsgoms rnams// mtshan ma yul la dmigs phyir sgom pa pos// de nyid sems su blos byas phyir na gol// rkyen ma thub phyir gnas lugs chos sku min// de phyir bsgoms na 'khor ba'i nad chen yin/ rdzogs pa chen po lta ba ye shes gting rdzogs kyi rgyud las/ bsgoms na gol sar bstan pa'i le'u ste bcu drug pa'o// // de nas yang kun rig ston pa kun bzang gis// 'dus pa'i 'khor la bka' stsal pa// dga' dang gus pa'i sems kyis rtse gcig nyon// la bzla' ba yi ye shes don chen ni// kun gzhi gzhi cha mkha' la nyi shar bzhin// thams cad kun 'dus ye shes rang snang gsal// ye nas btsal med 'bras bu mngon sangs rgyas// rgyal ba kun gyi yang mes chen po ste// gol med gdod nas dag pa chos kyi sku// rang byung 'gag pa med pas ye shes klong // lam lnga ma

  342. 172a

    bgrod ye shes sa yi mchog/ cir yang dmigs su med pas rang sems ye shes sku// gzhan la smon du med pas rang la rdzogs// chos sku 'di zhes gzhan nas mi rnyed pas// rtogs par 'dod na rang gi sems la tshol// sems la don rnyed rtogs pa'i rnal 'byor pa// 'khrul pa med phyir sems can 'khor ba med// rang sems rtogs pa'i don las ma gtogs pa// bde zhing skyid pa'i sangs rgyas logs na med// de phyir rgyu la mi rtog 'bras bu med// med la rtsol ba rgya mtsho'i chu bor nas// smig rgyu ri dwags chur mthong bsnyeg pa bzhin// bsgom med don nyid bor nas sus bsgom pa// byang chub med par rang gi sdug bsngal bsnon// de yang sems dpa' rdo rje yid kyis nyon// ye shes de nyid rtogs pa'i rnal 'byor pa// ye shes bcud nyid chos kyi gter du smin// nam mkha'i go yangs 'byung ba'i lam du bde// rtogs pa'i go yangs sangs rgyas lam du bde// sems nyid go yangs bsgom med lam du bde// dus gsum 'gyur med rang rig lta ba'i dbyings// 'dod dgu rang la yon tan tshang ba'i phyir// rgyu 'bras rang la rag ma lus pas zab// dper na ma dros mtsho dkyil me 'bar ba// nam mkha'i dkyil nas babs pa'i chu yis ni// bskal par de la gnod pa mi nus bzhin// rang sems chos nyid rang byung ye shes la// 'khor bar

  343. 172b

    'khyams kyang sgrib pas gos pa med// rin chen me 'od nam mkha' 'thon pa'i tshe// rgya mtsho nyid kyang bdud rtsir gyur pa bzhin// rang gis byang chub sems nyid rtogs tsam na// dug lnga nyid kyang ye shes chen por 'char/ rdzogs pa'i chen po lta ba ye shes gting rdzogs kyi rgyud las/ ye shes kyi don la bzla' ba'i le'u ste bcu bdun pa'o// // de nas gsang ba'i bdag po rdo rje sems dpa' yis// 'dus pa'i tshogs la nges don phan gdags phyir// ston pa kun rig sems kyi rgyal po la// bden pa'i yid kyis 'di skad gsol// dug lnga ma spangs rang grol ji ltar byung // che ba'i yon tan mi 'byung gang gis bsgribs// tshogs ma bsags pa'i gzugs sku gang las 'byung // gong 'og the tshom gegs ni gang ltar gcad// the tshom chod pa'i nyams myong rtags ni gang // mnyam pa'i rgyal pos thugs kyis bstan du gsol// de skad gsol ba'i don gsan thugs kyis bka' stsal pa// dug lnga ma spangs rang grol ye shes ni// rin chen 'od kyis mun pa med pa ltar// 'khor ba thog ma rtsad chod don gyi phyir// ngo bo nyid kyi sku ni rang rtogs pas// gdod nas ma rig dag pas gti mug bral// de yang 'dus pa'i rdo rje sems dpa' nyon// ma rig med phyir zhe sdang yul mi dmigs// de phyir rang sems snying po chos sku la// snga phyi zhen

  344. 173a

    pa'i dbang gis zhe sdang na// kha dog yul la mnar sems byed pa'i phyir// ba mo la ni nyi ma shar ba bzhin// phyi 'brel bcad pa'i man ngag dran par bya// de yang dad ldan 'khor rnams yid kyis nyon// 'dod chags skye ba'i yul ni sgo lnga 'byung ba'i sems// phyi rol zang zing nor la brkam chags nas// bung bas me tog gzhibs nas mi zhen ltar// chags pa nyid nas zhen med rang gi sems// sems la byed pa med phyir sems nyid don du shes// sems can pho mo las kyi chags pa yang // rang sems chos nyid rtogs pa'i rnal 'byor pas// mi sdug gnyen po bsgom pa mi dgos par// yul la pho mo yod phyir chags pa spyod gyur kyang // sems la pho mo med pas nyes pa med// de nyid dus nas rig pas gsal thebs pas// dus gsum pho mor sbyar kyang nyams pa med// de yang 'dus pa'i dad ldan yid kyis nyon// rgyal chen po rang sems rtogs par 'char// de phyir khams kyi rab tu byed pa yin// gnyen po mi dgos rang grol byang chub sems// dper na sgyu ma mkhan gyi sprul pa yang // sems can yin zhes mkhas pas sgro/ mi 'dogs// de bzhin blo dngos gcig par rtogs pa yis// bsgom du yod sogs par ni nga rgyal med// 'dus pa'i snying po 'khor rnams da nyon cig/ blta ba nam mkha' lta bur 'phang chod rnal 'byor

  345. 173b

    pas// mtho la phrag dog mnyam la smad gyur kyang // mi len mi sdang mnyam pa chen po ste// ma ki ta yis thams cad sman du 'gyur ba bzhin// don dran ma nor man ngag gdeng gis 'phangs// bla ma'i bka' nod ye shes rnal 'byor la// dug lnga ma spangs rang grol ye shes thugs/ rdzogs pa chen po blta ba ye shes gting rdzogs kyi rgyud las/ nyon mongs ma spangs rang grol du bstan pa'i le'u ste bco brgyad pa'o// // de nas yang 'dus pa'i 'khor la bka' stsal pa// sangs rgyas yon tan mtshan dang dpe byad de// stobs dang mi 'jigs chos ni bco brgyad dang // dus ni da lta 'byung ba lus kyis bsgribs// dper na khyung chen sgo nga'i nang na gshog rgyas kyang // sgo nga ma chag 'phur mi nus pa bzhin// rang sems chos skur rtogs pa'i rnal 'byor kyang // lus 'dir che ba'i yon tan mi 'byung phyir// thun mong sman gyi sbyor ba'i thabs kyis ni// rtsi sbyor sman dang ril bu bcud len gyis// rang lus 'di nyid gsos gyur lus rgyas tshe// dug dang mtshon sogs mi tshugs grub gyur nas// mkha' la bya bzhin 'phur ba byung nas ni// sems kyi mngon shes rmi lam mngon gyur te// lus 'di yul yin phyir na sems min pas// gnas skabs 'brel pa yod phyir rtags byung yang // sha khrag lus 'di ma bor bar du ni// sangs rgyas che/

  346. 174a

    ba'i yon tan 'byung mi srid// de yang sems dpa' rdo rje nyon// rang don grub pa thob pa rnams kyang ni// thabs kyis sbyor ba yin phyir lus kyis bsgribs// dper na me yod du ba 'byung ba bzhin// rang sems ma bcos de dag gsal gyur na// che ba'i yon tan ma lus shugs kyis byung // sangs rgyas nyid kyang rtsa mchog grong khyer du// rang lus 'bor phyir sems can smos ci dgos// de phyir bcom ldan 'das kyang rdo rje'i gdan thog tu// yang sangs rgyas pas mtshan dang dpe byad ldan// che ba'i yon tan ma lus lhun gyis rdzogs// rdzogs pa chen po lta ba ye shes gting rdzogs kyi rgyud las/ dus 'dir sangs rgyas kyi yon tan mi 'byung bar bstan pa'i le'u ste bcu dgu pa'o// // de nas yang 'dus pa'i 'khor la bka' stsal pa// rang sems ngo bo nyid du gsal gyur na// ye shes tshogs chen rdzogs pas chos kyi sku// dper na rgya mtsho rnyog med dngas gyur na// nam mkha'i gzugs brnyan 'byung ba mi 'gag bzhin// chos nyid ngang las longs spyod rig pa'i rgyun// de yi sprul pa sna tshogs sprul pa'i sku// de yang sems dpa' rdo rje yid kyis nyon// chu nyid tshags kyis btsags kyang gzugs brnyan med// med bzhin sems kyi ngo bo nyid la ni// kun bzang sangs rgyas nyid kyis gzugs btsal kyang // 'dod pas lus

  347. 174b

    las sangs rgyas rnyed mi srid// bsod nams tshogs kyis gzugs sku 'byung ba med// rim dgu ston pa sangs rgyas gzugs kyi sku// mos pa so sor 'dul phyir snang mod kyang // brgyud nas chos sku rtogs pa'i thabs su bstan// smon lam dbang gis 'gro ba'i don byed pa// 'og ma'i blos bzhag sangs rgyas chos sku min// de phyir rang sems ma rtogs dge ba yis// rgyu med 'bras bu mi 'byung dpe bzhin du// bskal pa stong du tshogs ni bsags byas kyang // 'bras bu gzugs sku'i sangs rgyas 'byung mi 'gyur// de yang 'dus pa'i dad ldan 'khor rnams nyon// gser sbrul mig gis 'dod pa'i yon tan lnga// dus gcig nyams myong dpe bzhin rnal 'byor pas// ngo bo nyid kyi sku rtogs chos kyi sku// de la rig pas longs spyod rdzogs pa'i sku// sna tshogs nyid na gsal thabs sprul pa'i sku// las med rtog par dka' phyir gsang ba'i sgra// blo dngos gcig phyir mngon par byang chub ste// de rnams gcig gi yon tan lnga 'byung bas// sangs rgyas 'gro don btsal mi dgos pa'i phyir// sems can rnams la rang sems chos kyi sku// rdzogs pa chen po ye shes gting rdzogs kyi rgyud las/ chos sku rtogs na gzugs sku 'byung bar bstan pa'i le'u ste nyi shu pa'o// // de nas kun rig ston pas 'dus pa'i 'khor rnams la// the tshom

  348. 175a

    gegs ni bsal thabs bka' stsal pa// 'khor 'das spyi yi mtshan nyid sems yin te// rtogs na kun kyang yin phyir ma rtogs min// a ti theg chen snying po rdzogs pa'i phyir// yod med gang nges rtag chad skyon yin phyir// ma nges rgyu 'bras log pa'i kha rje kha// sangs rgyas 'bras bu ma thob snying rje'i gnas// de yang 'dus pa'i 'khor tshogs yid kyis nyon// 'jig rten pa dang 'das pa'i chos rnams kun// gnyis ka'i gzhi ni ngo bo chos skur nges// yul gyi snang ba ma nges sna tshogs pa// blang dor med phyir chos rnams lhan gyis grub// 'dus pa'i snying po'i gtso bos don gsol pa// yul nyid sems las sems nyid yul yin na// yul nyid yin phyir yul la sdug bsngal rigs// sems nyid yul na rang rig bems por thal// spang sdud mi shes zhen pa skye ba'i blo// de phyir rdzogs chen chos sku bla med gang // de yang 'khor gyi snying po yid kyis nyon// yul nyid spang sdud zhen pa rnams kyi skyon// blang dor med cing gnyen pos btsal mi dgos// de tsam nyid na bsam gtan mchog gi lam// de la gnyen po med phyir bla med chos kyi sku// de yang 'dus pa'i 'khor rnams da nyon cig/ bsgom du yod med sgro skur mthar lhung phyir// bsgom pa'i zhi gnas mtha' la zhen pa ste// ma rtogs bsgom med don gyi gdeng dang bral// de phyir mtha'

  349. 175b

    yi blta ba nor ba'i lam// de yang dad ldan 'khor rnams yid kyis nyon// a ti man ngag chos sku'i snying po ni// bsgoms kyang 'gal med rang sems nam mkha' 'dra// ma bsgoms pas kyang chos sku rtogs bral med// byang chub lam du sems nyid rtogs pa che// sems dpa' rdo rjes yid kyi don zhus pa// sangs rgyas sems can gcig gam tha dad lam// tha dad 'brel med thugs rjes phan mi nus// gcig na 'gro drug sems can ci phyir byung // kun rig ston pas bka' stsal yid kyis nyon// de gnyis so sor snang ba ma yin te// rtogs na ngo bo gcig phyir thugs rje 'byung // rang sems ma rig rnam rtog sdug bsngal yin// don la dbyer med sems nyid lhun gyis grub// 'dus pa'i tshogs kyis sems don yid kyis zhus// sangs rgyas sems can rgyu 'bras yin gyur na// sangs rgyas las byung rnam gsum don med 'gyur// sems can las byung tshogs gnyis dus mi rtog/ kun rig ston pas 'khor la bka' stsal pa// sangs rgyas sems can rgyu 'bras ro gcig phyir// ltos pas gcig la gcig byung ma yin te// gnyis ka'i ngo bo rang sems chos skur gcig/ sangs rgyas sems can skyon yon rnam gnyis kyis// chos nyid 'khrul pa gang yang gzhi bzhag nas// gnyis ka ltar yang rtsod na mi 'gal phyir// ma rig ye shes gang rung

  350. 176a

    phyogs gzung na// kun kyang yin la thams cad min pa'i phyir// rgyu yod dang ni rgyu med gang 'khrul pa// gzhir bzhag ma nor shin tu gces par gsungs// sems dpa' rdo rjes 'khor gyi don zhus pa// rang la yod pa mkhas pas 'di skad ston// ye nas yod na man ngag bstan mi dgos// med na ri bong rwa bzhin rgyu mi dmigs// kun rig ston pas 'khor la bka' stsal pa// ye nas rang la yod pa'i chos sku ni// bla mas mtshon nas rang sems don bstan pas// ma rig rnam rtog chos skur shes pa las// logs na btsal nas bstan pa ma yin no// dad ldan 'khor gyis don chen yid kyis zhus// bla ma'i man/ ngag yul la mi rtog pa// tsam du nyams myong zhi gnas skyon yin phyir// rtogs na rang rgyud yin phyir man ngag min// ma dran 'du shes med pa nyid du thal// de yang sems dpa' rdo rje snying po nyon// yul la mi rtog de nyid bsam gtan te// rtog dang mi dran gnyis ka'i gzhi nyid ni// thog mtha' chod pas chos nyid byang chub sems// de yang rang byung ye shes don rtogs na// yul nyid mi rtog mi bsgom don la gnas// de yang man ngag gis bcos don dang 'gal// ma bcos man ngag bka' la dgos med 'gyur// de yang 'dus pa'i 'khor tshogs yid kyis nyon// bla ma mkhas pa'i man ngag don zab mos// kun gzhi

  351. 176b

    gzhi cha chos sku'i ngo bo nyid// bcos su med la rang sems nam mkha' 'dra// sgo lnga yul nyid 'khrul phyir 'brel pa chod// yid la blta ba bstan pas nyon mongs grol// de phyir bka' don shin tu gces par gsungs/ rdzogs pa chen po blta ba ye shes gting rdzogs kyi rgyal po'i rgyud las/ the tshom gyi gegs bsal ba'i le'u ste nyi shu rtsa gcig pa'o// // de nas 'dus pa'i tshogs la bka' stsal pa// blo dngos gzhi la gnyis med rab rtogs na// ming gi tha snyad rnam grangs 'dzin med phyir// yul la mi zhen ma rig rang sar grol// btsal med bsam gtan nyams su myong ba'i rtags// phan gnod ji lta bu dang phrad gyur nas// byams sdang gnyis kyi sems ni skyes pa'i tshe// mnyam nyid rig pas gsal thebs rnal 'byor de// blo dngos gnyis med nyams su myong ba'i rtags// de yang sems dpa' rdo rje da nyon cig/ kun tu bzang po 'od dang bcas nas ni// dbang por mngon sum byon nas chos bstan kyang // bzang po yin pa'i sems kyis dang rgyu dang // gshin rje'i 'jigs pa byung yang nyam mi nga // gnyis pa 'khrul par rtogs phyir spang len med// lta ba gdeng ldan nyams myong yin pa'i rtags// theg pa'i bye brag chos rnams ci gsungs kyang // don la bzang ngan med rtogs phyir na sgro skur bral// chos la bzod pa thob pa'i nyams myong

  352. 177a

    rtags// lus ngag yid gsum sdug bde ci byung yang // skyon yon mi blta rang sems 'khrul pa'i phyir// snga phyi med par lta ba'i gdeng ldan na// chos nyid rang gsal nyams su myong ba'i rtags// lus dang mi mthun pa yi nad dang bgegs// byung yang bag chags dang ni nyon mongs pa// rtog pa brtas pa nyid las ma gtogs pa// zhen pa med phyir chos sku dad pa yis// mi gtong dran par byed pa'i rnal 'byor pa// dngos grub rtsol med dgongs pa nyams myong rtags// de yang 'dus pa'i snying po da nyon cig/ byang chub sems la snga phyi med pa'i phyir// 'jig rten mthon dmar gar skyes lus nyid kyang // skye 'gag med pa'i sems la sems gnas na// 'du 'bral med pa'i dgongs pa nyams myong rtags// rtags chen de ldan rnal 'byor rnams kyis ni// ci spyod thams cad ye shes sangs rgyas thugs// mi yi lus la sgrib g.yogs 'di nyid la// lha mi rnams kyis phyag 'tshal mchod par 'gyur/ rdzogs pa chen po blta ba ye shes gting rdzogs rgyal po'i rgyud las/ rtags bstan pa'i le'u ste nyi shu rtsa gnyis pa'o// // de nas sems dpa' rdo rje snying po yis// dad ldan 'khor la phan gdags phyir// mnyam pa'i rgyal po kun bzang la// yid kyi dran pas 'di skad don gsol pa/ blta ba nyams pa'i rnal 'byor

  353. 177b

    skyon ni gang // de la skong thabs ji ltar bstan par bgyi// bskangs pa'i 'bras bu ji ltar 'byung // 'khor 'das sa mtshams bag chags gang gis gzung // de yi gdams ngag rnal 'byor gang la gtad// mnyam pa'i ye shes rgyal pos lung bstan gsol// de skad zhus pa'i don gsan nyid kyis bka' stsal pa// don med nga rgyal dregs pas mkhas 'dod pas// rang gi blta bas ya rabs mtho bzhed nas// tshig la mnyam sbyor mkhas pa'i zla med kyang // dam tshig phyal por byang chub sems spangs nas// log 'dren khong gsog bden tshig ci smras kyang // 'khrul pa'i sems nyid log 'dren dbang du 'gyur// gnam lcags mkha' las 'dam du bying ba bzhin// dmyal bar nges 'gro gtan du snying re rje// de yang 'dus pa'i rdo rje sems dpa' nyon// gsang sngags gsang ba'i lta ba'i sgor zhugs nas// yang dag rang sems don la ma 'dud par// mi chos zang zing lus ngag las byed pas// ri bos srog chags 'og tu mnan pa ltar// mi shes rang gi nga rgyal bsnyem byed pa// nam yang sangs rgyas byang chub thob mi srid// de yang sems dpa'i snying po de nyon cig/ rgya mtsho'i dbyings kyi pha bong dkyil skams ltar// theg pa 'og ma'i sde snod chos mnyan kyang // yang dag don gyi lta ba'i gdeng med par// tshig tsam lung las

  354. 178a

    chos kyi khungs phyung nas// byar med chos la nga rgyal blo brtan nas// lus ngag rtsing chos pad hral spyod byed pas// rang sems bkag kyang 'khor bar mi skyobs te// sdug bsngal ya nga'i 'bras bu the tshom med// blta ba nyams pa'i skyon du bshad pa'i phyir// shin tu rnal 'byor don nyid rtogs pa gces/ rdzogs pa chen po lta ba ye shes gting rdzogs rgyal po'i rgyud las/ rnal 'byor pa'i blta ba nyams pa'i skyon bstan pa'i le'u ste nyi shu rtsa gsum pa'o// // de nas yang kun rig rnam par snang mdzad kyis// rnal 'byor blta ba nyams na skong ba'i thabs// 'dus pa'i tshogs la ched du bka' stsal pa// rang gi byang chub sems nyid ma rtogs na// ma hA'i yo ga'i chos kyi tshogs mchod phyir// skong bshags phrin las gzhung du byas gyur kyang // rnal 'byor lta ba nyams pa bskang mi 'gyur// de yang sems dpa' rdo rje yid kyis nyon// bla ma brgyud pa'i gdams ngag don ldan la// rang sems dpang du btsugs nas don zhus nas// rgyun du mi gtong lta ba dran byas nas// snying po mchog gi sangs rgyas chos kyi sku// bde chen thugs la gsal ba'i dam tshig ste// yan lag dam tshig nyams kyang bsgrib mi nus// rgyun du mi gtong ting 'dzin don bstan na// mtshams med la sogs byas kyang chos kyi sku// 'gyod pa drag po yid byas blta ba ni// mi

  355. 178b

    brjed gzungs su don la gus pa'i chos// sems la gsal bas rnam rtog ming yang med// skyabs dang mgon du lta ba mchog tu gsungs/ rdzogs pa chen po lta ba ye shes gting rdzogs rgyal po'i rgyud las/ rnal 'byor pa blta ba nyams na skong ba'i thabs bstan pa'i le'u ste nyi shu rtsa bzhi pa'o// // de nas 'dus pa'i snying po 'khor rnams la// kun bzang ston pa chos rjes bka' stsal pa// lta ba nyams pa bskangs pa'i 'bras bu ni// rang sems sangs rgyas ye shes snying po 'byung // rtogs pa tsam gyis sangs rgyas sa la gnas// 'bras bu gzhan du btsal mi dgos pas mchog/ rang byung gdod nas dag pa'i ngo bo nyid// chos sku 'gyur ba med pa rang sems don// 'bras bu dus la mi ltos da lta nyid// ye shes dbang thob sangs rgyas kun dang mnyam// rnam smin lus 'di bral bas kun bzang thugs// byang chub chos nyid rang byung mthar phyin pas// mi tshe 'di yis byang chub mchog thob nas// rgyu la mi ltos 'bras bu ye shes tshogs// da lta nyid du sems 'di kun tu bzang // lus 'di bral bas sangs rgyas chos kyi sku// skye ba mi len 'bras bu btsal mi dgos// dngos po lus med snying po byang chub sems// sprin med nam mkhar gza' skar 'char ba bzhin// rang sems rtogs pas 'gro don btsal mi dgos/ rdzogs pa chen po lta ba ye

  356. 179a

    shes gting rdzogs rgyal po'i rgyud las/ blta ba nyams pa bskangs pa'i 'bras bu bstan pa'i le'u ste nyi shu rtsa lnga pa'o// // de nas kun rig rgyal pos 'khor rnams la// 'khor 'das sa mtshams bka' stsal pa// thog mar 'khrul pa'i gzhi gnas bag chags de// gnyid dang 'dod chags 'jigs dang rtogs pa rnams// sngar gyi mngal gyi sgrib g.yogs bag chags brtas// sems dpa' rdo rje 'dus pa'i snying po nyon// skye bo rang sems ma rtogs par do nas// dper na sprin dang ling tog chu bur mig/ rdzas rnams mi mthong bsgribs pa'i mun pa bzhin// ma rig dbang gis bsgribs pa'i bag chags kyis// rang la yod pa'i chos sku don chen bsgribs// de tshe sngon gyi rdzas rnams rjes dran nas// gos dang gnyen 'dun dran pa byung nas kyang // nga nyid nges par shi'am gar 'gro ba'i// sgrib g.yogs lus kyi chu bur dmigs pa'i phyir// dper na mig phyung bzhin du bag chags blos// dug lnga las la kun spyod yid dran 'gyur// shes rab lta ba'i mig med gti mug blos// mi shes byed pa med phyir 'dus byas kyi// dge ba lus ngag yid kyis ci spyad kyang // phan pa rdul tsam mi nus don med 'khyams// de tshe gzugs bral yid kyi dbang po ni// kun tshang thogs med 'gro ba'i phyir na 'khrul// dper na 'dab chags mkha' la 'gro/

  357. 179b

    yang ni// 'dod pa'i dbang gis sa khung rnyi yis 'dzin// de bzhin gzung 'dzin dbang gis lus su 'jug/ de tshe gcig gis tha dad gang len pa// char sogs sdug bsngal nyid gyur skyabs tshol bas// gzhal yas rtswa yi spyil skyibs nang dag tu// rang dbang med par shugs kyis chud pa snyam// pho mo 'du 'phrod rkyen gyis mngal du 'jug/ rnam bzhi gang rung las kyis skye ba'i phyir// mthon dman las la 'dam pa'i dbang med pa// de yang 'dus pa'i 'khor rnams da nyon cig/ mtha' mi'i rnal 'byor blta ba rtogs pa yi// gdams ngag skal med bsam gtan zhi gnas kyis// ye shes bag chags mnyam nyid ting 'dzin gyis// rdzogs pa tha ma nyams su myong ba'i phyir// 'dod chags lha mi gar skyes rang dbang yod// rtogs pa 'bring gi rnal 'byor blta ba ni// dran pa ma yengs tsam du don gsal na// rnam rtog chags pa de nyid zil gyis gnon// dper na mi gang rtsal ldan de shugs kyis// rtsal med non bzhin rjes su gsal bas na// dper na khyung sgong nang nas bya bton bzhin// rnam smin lus dang bral nas don dran te// gtsang ma ris kyi lhar ni skyes nas kyang // mngon par 'bras bu sangs rgyas ye shes 'byung // de yang sems dpa' rdo rje snying po nyon// rtogs pa rab kyi blo dngos gcig pa'i phyir// lta ba'i rgyun la yengs pa mi 'byung

  358. 180a

    phyir// lus kyi sgrib g.yogs bral ba'i skad cig la// 'bras bu sangs rgyas rgyal po chos kyi sku// dpe med kun bzang ye shes thugs kyi thugs// nam mkha'i mthongs su nyi shar mun pa med// de bzhin rnal 'byor lus bral sems nyid la// ma rig med par chos nyid gsal ba'i phyir// sangs rgyas ye shes thugs la 'char nub med// rdzogs pa chen po lta ba ye shes gting rdzogs kyi rgyud las/ 'khor 'das gnyis kyis mtshams bstan pa'i le'u ste nyi shu rtsa drug pa'o// // de nas yang kun rig rgyal pos don bstan pa// theg pa'i rgyal po chos nyid lhun rdzogs 'di// skal dang ldan pa'i 'khor rnams khyed kyis kyang // rgyud 'di yid la gnas shing bcang bar gyis// de yang 'dus pa'i rdo rje snying po nyon// spyod pa tshul 'chos byed cing slob dpon smod// nor 'phangs chos 'dod thabs kyis 'drid pa la// ye shes gting rdzogs rgyud chen lta ba ni// snod ngan rnams la nam yang bstan par ma gsungs so// bka' bzhin ma byas don gyi snying po chos// 'jig rten nor phyir don ston rnal 'byor la// sangs rgyas dkon mchog bka' chad 'byung nges phyir// 'jig rten mkha' 'gro dam can smos ci dgos// gnod sbyin srin pos srog bcad mnar med ltung // da yang 'khor gyi sems dpa' yid kyis nyon// bstan pa 'jig pa'i dus

  359. 180b

    'dir chos rnams kyi// snying po rdzogs chen don 'di 'byung 'gyur bas// snod ldan rnal 'byor 'ga' la gtad pa las// dad med snang dgu rnams kyi spyod yul min// 'khor rnams kun kyang nges par de ltar zhog/ lan cig rnal 'byor khas 'che chos pa kun// don med tshig mkhas nyams su len pa med// 'dus byas chos spangs don la mi 'dud par// bsod nams 'dod phyir grong du chos 'chad 'byung // de yang rdo/ rje sems dpa' snying po nyon// rnal 'byor gang zhig snod ldan chos// gzhung bzhin don las mi 'da' dad pa can// dka' dgu bsngos nas man ngag chud 'di tshol// de tshe rnal 'byor las can don gyi phyir// bskyil mi bya rgyud 'di bstan par gyis// gal te snod ldan ma phrad dus nyen// chos skyong yod pa'i gtsug lag khang chen nam// dregs pa'i lha chen gnas pa'i brag dkyil du// sa phyogs brtags la dad ldan phyi rabs la// phan phyir smon lam btab la sba ste bzhag/ rdzogs pa chen po blta ba ye shes gting rdzogs kyi rgyud las/ 'khor la rgyud gtad pa'i le'u ste nyi shu rtsa bdun pa'o// // rdzogs pa chen po lta ba ye shes gting rdzogs kyi rgyud 'di o rgyan gyi yul bye ma g.yung drung nas/ sing g+ha la'i slob dpon d+harma gar+b+has oM rgyan gyi slob dpon ma hA bo d+hi la bshad/ de nas A tsaR+Ya dran pa'i ye shes la bshad/ des bod yul du

  360. 181a

    bsnams nas byon pa'i chos gser gyi dril shing can rdzogs so// // @#// rgya gar skad du// badz+ra satwany+dza ka sha bi pra la guh+ya gar+b+ha pra kret+yar+tha tan+t+ra/ bod skad du/ rdo rje sems dpa' nam mkha' che gsang ba'i snying po rnal ma don gyi rgyud/ dpal rdo rje sems dpa' la phyag 'tshal lo// 'di skad bdag gis bshad pa'i dus gcig na/ bcom ldan 'das rang bzhin rdzogs pa chen po// ye shes lhun gyis grub pa/ rang byung rig pa'i rgyal po// 'od gsal thig le bde ba chen po de/ rig pa 'pho 'gyur med pa'i gzhal yas khang na/ dus gsum gyi sangs rgyas dang / khams gsum gyi sems can dang / lam la rjes su lta ba rnams 'byed pa mi mnga' bar thabs cig tu bzhugs so// de nas de bzhin gshegs pa rig pa'i rgyal po la// rig pa'i rdo rjes 'di skad ces zhus so// e ma'o dgongs pa rnams kyi gsang // stong nyid zhi ba thugs rje'i ngang // snying po'i snying po don gyi mchog/ rdzogs chen don 'di legs par gsungs// zhes gsol to// de nas de bzhin gshegs pa rig pa'i rgyal po des// btsal du med pa thig le chen po'i don 'di gsungs pa/ rang byung gsang ba thig le'i ngang // chos kun 'dus pa lus pa med// 'grod med rtsol bral lhun gyis grub// sbyangs thob ma yin rdzogs pa'i klong // rig pa'i rgyal po

  361. 181b

    kun gsal ba// 'dod pa'i don kun rdzogs pa'i bdag/ ye shes rgya mtsho rnam grol lam// theg pa kun rdzogs mkha' ltar yangs// rang rig legs pa'i snying po nyid// kun gyi rang bzhin chos kyi dbyings// sgo 'dogs skur 'debs kun gyis stongs// gcig ste rnam pa yongs kyis med// theg pa gcig la kun rdzogs pas// ye shes dri med rnam par dag/ rang byung thig le nyi ma shar// khyab pa chen po chos kyi sku// stong pa chen po rig pa'i rgya// ye nas dag pas 'da' ba med// ye shes gsang ba byang chub sems// nam mkha' chen po gcig pu nyid// thig le chen po ye bstan pas// spro bsdu med pa'i dbyings la gnas// sgro skur dmigs pa'i yul med pas// rang rig gsal ba dbus mtha' med// kun gyi rang bzhin gsang ba'i phyir// rtog dpyod 'dzin pa'i yul gyis stongs// ma yengs rig pa mnyam gnas pa// ting 'dzin 'khor lo/ bstan mi dgos// rang byung dgongs par kun rdzogs pas// ma btsal lhun grub rang las byung // phyag rgya chen po bdag gnas phyir// ma bsgoms 'da' ba med pa'i ngang // dngos bral rig pa'i phyag rgya 'di// ye shes snying por 'od 'bar ba// kun gyi snying por bdag gnas pas// 'di nyid rang bzhin gting dpag dka'// thig gcig snying po rdzogs pa la// chos kun rdzogs te ngo bor gnas// don kun yongs

  362. 182a

    rdzogs thig le la// rang bzhin gnas pas rim pa med// snying po rig pa don gyi rgyud// de rgyud theg pa'i yang snying 'di// ye shes phyag rgya rdzogs pa'i mchog/ mi 'da' de nyid kho na'i don// 'du shes sbyor ba ma lus zad// rgyu med sems la rkyen bral bas// skye 'jig 'gyur ba ga la yod// ye nas zin pas bya ba med// lhun gyis rdzogs pas bsam pa med// rang la rdzogs pas bsgrub tu med// dmigs med don la bsgom du med// dus gcig rdzogs pas bgrod du med// ye shes rig pa'i phyag rgya la// rnam grol 'bras bu kun rdzogs ldan// gsang ba rang byung rig pa'i sgra// brjod pa ma yin don gyis shes// 'di ltar gcig tu gnas pa la// tha dad mthong ba 'khrul pa'i lam// snying po sems nyid rdzogs pa la// dran dang dbang po yid byed med// lus dang ngag sems rtsal gnas med// ci bder gnas pa dgag bsgrub med// ces gsungs so// snying po rnal ma don gyi rgyud las gleng gzhi'i le'u ste dang po'o// // de nas yang bcom ldan 'das de bzhin gshegs pa rtsol med rig pa'i rgyal pos/ ldan gyis grub pa'i ting nge 'dzin la snyoms par zhugs nas 'di skad ces gsungs so// ma btsal lhun grub ma bcos chos kyi dbyings// ma rtsol ma byas ye nas ji bzhin nyid// rang byung gsang ba'i dbyings 'di

  363. 182b

    brjod bral te// mtshon dang brtags shing dpyad pa'i yul las 'das// dus gsum rnam dag rig pa dbyer med pas// rig pa dbyer med gcig tu lhun gyis rdzogs// ma bsags ma sbyangs ye sangs rgyas pa'i klong / mtha' bral rig pa'i klong la bsam zhing brjod du med// ye nas kun rdzogs bdag nyid lhun rdzogs pa// sa la mi bgrod lam la mi sbyang zhing // ma rtogs ting 'dzin sbyang ba sgyu ma'i nad// ma btsal rang bzhin bzhag pas grub pa yin// ma yengs klong du zhugs na bsgom pa yin// rig pa gcig la rdzogs pas 'dus pa yin// rang bzhin 'da' ba med pas dam tshig yin// ma rtsol lhun gyis grub pa 'bras bu yin// gnyis med ngang la gnyis bzung thig le bsgribs// thig le gcig la gnyis 'dzin rtog pas bcings// bden pa gcig la nor ba'i lung gis brtags// bsam med gcig la log rtog drang bas bsam// rang byung don la rgyu dang rkyen du tshogs// bltar med don la log mthong stobs kyis bltas// bgrod med lam la rnam rtog zhen pas bgrod// gzung med mnyam nyid phyin ci log tu bzung // ma dag dag par bltas pas dag pa rnyog mar langs// rnam rtog phyag rgyas bcings pas ye shes phyag rgya bshig/ ma brjod ye shes gsung mchog brjod pas nyams// mtshan ma'i dkyil 'khor bsgoms pas ye shes

  364. 183a

    dkyil 'khor spangs// btang snyoms stong nyid bsgoms pas bde mchog phyag rgya dral// mtshan ma tshig la zhen pas mtha' yi lta bar lhung // gang yang mi 'byed bde mchog dbyings la rol// snying po'i snying po rig pa'i ye shes nyid// don gyi don te kun don sems la thug/ rgyud kyi rgyud de kun 'brel rang bzhin rdzogs// bya bral rdzogs lung bde mchog phyag rgyas gdab// ye nas mi 'da' lhun gyis grub par gsal// rang byung gcig la bltas dgur rang snang ba// rnam pa lhun grub rol pa ngo mtshar che// rang bzhin gcig la yon tan kun tshang bas// ma btsal bzhag pas yon tan rang bzhin rdzogs// ma bsags lhun grub rang byung 'bras bu la// rag las ma yin gdod nas lhun rdzogs yin// sbyangs thob ma yin dag pa brda' phrad yin// dmigs bral 'di nyid mkha' ltar khyab par gnas// bsam med brjod bral chos dbyings sgra// brjod pas rig pa'i ye shes rnyed mi 'gyur// ma btsal rang bzhag bde chen rgyas thebs na// thams cad ye shes bde mchog phyag rgyar gsal// stong min mi stong ma yin dbu ma min// gang yin de yin bdag gzhan gang yang min// bsam pa kun zad sbyor ba'i 'du shes med// stong zhing rang gsal rang rig bde mchog dbyings// rgya gsum dbyings la thebs pas 'da' mi srid// sku

  365. 183b

    gsum dbyings la brda' phrad 'bral du med// ma rnyogs dngas mar gsal bas sgrib pa med// ma yengs rang bzhin gsal bas sangs rgyas yin// yengs med 'khor los sgrib pa rnam par gcod// rnyog dang ma rnyog rtog pas ma rnyog ste// ma rnyog rnyog dus bzhi yis mi phye la// dus tshod nges 'dzin bde mchog gdams ngag bzhin// rnyog dang ma rnyog gnyis ka bsal gyur na// dam pa'i dgongs pa lhun gyis grub nges pas// rnyog ma bsal zhing dngas ma blang du med// sdig gsum bde bar gcig pas 'khor ba'i 'jigs pa med// lhun grub nyams su myong bas 'bras bu re dogs med// rig pa'i cho 'phrul nyid la rtsol bsgrub bya mi dgos// zhes gsungs so// snying po don gyi rgyud las/ ma btsal lhun gyis grub pa'i lung phog pa'i le'u ste gnyis pa'o// // de nas yang bcom ldan 'das rig pa'i rgyal po des/ thams cad gtan la phebs pa'i ting nge 'dzin la gnas pa 'di skad gsungs so// 'dus pa chen po'i rnal 'byor pa// rang sems rdzogs pas rang bzhin gsal// sgra dang tshad ma gtan tshigs kyis// brjod bral gtan la phebs pa med// ma bcos rig pa'i gtan tshigs kyis// ma brjod don gyi ngo bo mtshon// chu yi rang bzhin gsher ba ltar// rig pa nyams su shes par bya// ji bzhin rtogs pa'i nyams med na// tshig gi brda' tshig

  366. 184a

    gang brjod kyang // brda' sgo rtog pa'i rjes su 'brangs// bden bral rnam rtog lcags kyis bsdams// rang byung rig pa'i thig le yis// ma khyab pa yi chos med pas// sgro bsdu bral lo dbyings la rdzogs// bde chen rig pa rdo rje'i lung // ma bcos rang gsal dbyings su rdzogs// de la der gzhag der bzhag na// 'bad pa med pa lhun gyis grub// ma btsal lhun gyis grub pa'i phyir// dper na nyi ma'i 'od dang mtshungs// ma bcos sems kyi rang bzhin dang // ci bzhin rig pa'i gtan tshigs kyis// de nyid ma yin gzhan min te// gnyis med rig pa dus gcig rdzogs// kun rdzogs bde chen yangs dog/ med// rang sems lhun grub snying po ni// nyams myong rig pa dpe bzhin ltar// 'od gsal 'du shes rnam bral bas// rang gsal rig pa dbyings la rdzogs// brgyud pa thabs kyi 'phrul tshig gis// rang byung 'od gsal bde chen la// gnyis med don las mi g.yo yang // ma btsal lhun gyis grub pa'i mtshon// thams cad rtogs pa'i thabs yin pas// gang ltar bde ba'i don la 'dzud// mthun 'jug spyod pa rgya mtsho ni// 'dul ba'i thabs la bstan pa yin// rim pa'am dus gcig khyad par ni// rtogs pa'i khyad par che chung gis// dngos po gcig la dbye ba yin// gnyis med don du gsal bar gcig/ 'dul thabs theg

  367. 184b

    pa bsam yas pa// rang byung theg pa'i snying por gcig/ rang byung rig pa mthun pa med// bstan pa rgya mtsho thugs la rdzogs// dngos de thabs kyis ma mtshon na// rang byung gcig gis khyab gnas kyang // rgyal po'i phrug gu 'khyams pa ltar// rang gi mtshan nyid ma rtogs so// 'di ltar rang bzhin gcig pa la// bsam pa'i stobs kyis so sor phye// don dang 'brel pa'i pra khrid kyis// brjod bral sems kyi phyag rgya rtogs// nges pa'i don la de ma zag/ skal ldan 'bad pa med par grol// bde mchog don las ma 'das pas// ma btsal mthar phyin sems kyi lam// rim pa med par dus gcig 'jug/ rig pa sems kyi rtsal rdzogs pas// ma btsal lhun grub phyogs ris med// gang la phyogs ris rtsol med pas// rang byung phyogs med rang gsal la// rgyu med rkyen med byang chub sems// ma bsags lhun rdzogs dus gcig rdzogs// rang byung 'od kyis khyab par gdal// thugs rje'i byin rlabs 'gro 'ong med// theg gcig sems nyid rdzogs lung la// ma lus dri med rnam dag la// ma lus bya zin lhun gyis grub// ma bcos ma btsal lhun gyis grub// 'jug stong mi gnas bsam pas stongs// ma zhi rang bzhag grol ba'i lung // gang bslad rnam rtog rtsol bas bcings// rgyu ba rig pa'i sems dang bral// ma btsal ma bsgrubs thabs kyi

  368. 185a

    gnas// yengs pa med do ci dgar zhog/ mi spro mi bsdu yan du khye// ma bsgoms yal bar bzhag pas rtogs// mi bsam mi spyod yul ma tshol// rgyu'o chags bral byang chub sems// ma bcos snying po don gyi rgyud// gsal dang mi gsal dam pa dang // tha mal 'du shes rnam par bcad// ces gsungs so// snying po don gyi rgyud las/ lung gsum ma bcos pa gtan la phab pa'i le'u ste gsum pa'o// // de nas bcom ldan 'das rang byung rig pa'i rgyal po des/ rnam dag gsal ba'i ting nge 'dzin la snyoms par zhugs nas 'di skad ces gsungs so// rang bzhin mi gnas byang chub sems// log rtog sum brgya drug cu yis// med las yod pa'i tshul 'gyur bas// zhen pa'i 'jig rten theg pa gnas// bskyed pa med pa'i byang chub sems// 'jig pa med pa nam mkha' 'dra// gang la'ang mi brten rtog dpyod 'das// ma bcos rdzogs pa'i theg par gsungs// gtan la phebs pa'i lung bcu yis// rang bzhin gcig tu gsal bar ston// lung gsum 'dus pa'i snying po 'di// rtsa gsum kun 'dus gsang ba'i gter// rang byung sems nyid klong gdal bas// rnam par dbye ba'i chos med pas// rol pa'i yon tan khyad par gyis// klong dgu sems nyid bstan par 'chad// lta ba rang byung rdzogs pa'i lung // ma lus kun

  369. 185b

    'dus rnam par dag/ thig le gcig tu kun rdzogs pas// rang byung snying po gcig la rol// gsang ba'i thig le kun gyi dbyings// mu mtha' med par rang bzhin gnas// thams cad gsang ba rang byung sems// rang rig ma rig rnam par dag/ rtog 'phyugs rig pa'i 'du shes spangs// rig pa ting 'dzin gter gyi lung // re dogs med pa'i dbyings la rol// rang rig yul dbyings la mi gos// kun bzang stong nyid ma bcos pas// kun bzang thabs kyi khyad par kun// ma 'dres gsal bar rdzogs pa'i phyir// mkha' la gza' skar bkram pa 'dra// thig le gcig tu kun rdzogs pas// bya btsal med pa'i gdeng chen bcu// rang bzhin bcu la rtsol med pas// 'khor lo bsgyur rgyal sa 'dzin ltar// yang rab rgyal sras skal ldan la// thabs kyis bstan pas go ba yin// ma bcos thabs kyi gdeng gsum gyis// ye shes gsal bar mtshams sbyar na// kun kyang de nyid gsum 'dus pas// 'dis kyang brda don 'grol ba yin// thams cad sems nyid lta 'brang bcad// rol pa'i khyad par cir dbye ba// ma rtogs log pa'i grong khyer ba// rang byung rdzogs pa'i yon tan te// rtsol bsgrub med pa'i thabs chen gyis// yengs pa med pa'i dgongs pa gtugs// rig gsum mtshon pa'i tshul sbyor bas// ma bcos rdzogs pa'i rang bzhin

  370. 186a

    nyid// ji srid rtog pa rgyu yi bar// de srid bsam gyis mi khyab pa// bsam pa'i dbang du bstan pa yin// de dag legs par shes bya ba// rtsol med rang bzhin lhun grub pa// kun rdzogs ye khyab rmad du grags// ma bcos ma sbyangs dus gcig rdzogs// rnam pa'i rtsol ba blo la gang snang ba// ma bcos lhun gyis grub pa'i rang bzhin yin// su zhig rig pa 'phrul gyi lde mig gis// rang byung thabs kyi dkyil 'khor sgo phye nas// ma btsal rang byung lhun grub bde mchog mthong // dus gsum 'du 'bral med pa rig pa'i gter// ma bcos lhun gyis grub pas btsal du med// dmigs pa'i 'du shes chad pas yengs su med// rang byung gcig la rnam pa bgrang du med// gnyis med thig ler gnas pas bgrod du med// 'gro don sems su gsal bas byas pa zin// ma lus lhun gyis rdzogs pas 'bras mi bsgrub// ma skyes rnam par dag pas sgrib mi sbyang // ma byas rang bzhin rdzogs pas phrin las bral// 'di nyid rtogs pas kun 'grub kun rdzogs pas// rdzogs chen thig le gcig tu gnas par bshad// ces gsungs so// snying po don gyi rgyud las/ byang chub sems rtogs par bya ba'i thabs dang rtogs pa'i tshul bstan pa'i le'u ste bzhi pa'o// // de nas yang bcom ldan 'das rang byung rig pa'i rgyal po des/ bde ba chen po'i ting nge

  371. 186b

    'dzin la snyoms par zhugs nas 'di skad ces gsungs so// bde ba chen po dang gis gsal ba'i thugs// gnyis med ngang la ma lus kun rdzogs pas// snying po'i snying po rang bzhin stong pa'i lam// bde chen nam mkha'i mtha' mnyam pa yi ro// snying po mchog ste don la rdzogs par gnas// ma skyes 'od gsal bde ba nyid rtogs na// bde mchog nam mkha'i khams su mi shong ngo // yangs so che'o thig le gcig gi nga // snying po gcig la rtogs tshul mtha' yas pas// 'bras bu khyad par grangs las 'das par gsungs// ma skyes snying po sgro skur med pa'i dbyings// sangs rgyas sems can ma skyes snying por mthong // snying po ma mthong rdzogs pa'i sems nyid mthong // mthar thug med cing dbyings la bri ba med// rang byung bde chen don 'di khyad par 'phags// sgra brjod tshig la dga' bas don mi rtog/ snying po'i snying po bsam brjod cir mi dmigs// ma bsams bsam pa gnyis med gcig gi mtha'// mtha' dang dbus la mi gnas mngon rtogs bral// mi rtog mi bsam de bzhin nyid la gnas// bde chen rang rig cir yang mi rtog pa// rtsol bral rig pa'i dbyings la gnas// bde mchog gsang ba'i thig le nyid// nam mkha' khyab pa'i tshul du gnas// ma skyes snying po byang chub sems// 'du 'bral med pa'i ngang la

  372. 187a

    bzhugs// rang byung byang chub snying po la// ma btsal ma bsgrubs rang bzhin bzhag/ gang dag ye shes ngang yin yang // bsam pa'i ngo la phyin ci log/ smig rgyu la ni chu blo bzhag/ don la bzhag blang med na yang // brtags pa'i 'du shes bsam mi khyab// byang chub sems kyi rang bzhin ni// kun dang rig pa dus mnyam pas// gang dag rig pa med par gnas// 'di dag 'di ltar bde mchog yin// ma bcos snying po mchog gi don// ma btsal rang byung mchog gi shes// rang 'bar btsal med rig pa'i sems// gsal ba'i mar me'i 'du shes med// rgyu ba med pa'i tshul gyis dbye// phyag rgya chen pos kun thebs pas// mtshan ma'i rtog pa g.yo mi 'gyur// rang bzhin 'khor lor ye brten pas// rig pa'i dkyil 'khor bskyed du med// ye shes 'bar ba'i bzhugs gnas la// rang byung sgrib med gsal bas brgyan// dus ma rgyal ba'i rang bzhin pas// gnyis med ngang la don kun rdzogs// rang byung rig pa'i rgyal po la// dran 'byung rig pa'i 'du shes med// sngags dang phyag rgya mchod pa dang // dka' smad cher byas ma lus pa// btsal med log pa'i ri bo 'dis// bdag nyid 'ching 'gyur ci zhig bya// bya ba ma lus kun btang la// ma byas ma btsal cir mi 'dzin// 'du shes med par rang bzhin zhog/ rang byung bder bzhag grol

  373. 187b

    bar 'gyur// stong nyid ma bcos gsang ba'i klong // ma btsal rang bzhin bzhag pas go/ goms pa rig pa'i don la 'jug/ bde med btang snyoms tha mal sems// 'dod chags bde mchog ro dang ldan// ye shes 'od gsal bde chen po// ma lus sems nyid dri ma med// rang bzhin dag pa'i sems nyid la// ma btsal de bzhin cha snyoms na// rang byung bde mchog rgya yis btab// don la mi g.yo rig pa gsal// theg chen sems nyid rdzogs pa la// sa bgrod lam la ltos mi 'cha'// rtsol du med de lhun gyis grub// bsgrub tu med do ye sangs rgyas// zhes gsungs so// snying po don gyi rgyud las/ rang byung rdzogs pa'i le'u ste lnga pa'o// // de nas yang de bzhin gshegs pa rang byung rig pa'i rgyal pos/ nyid kyi rang bzhin kun tu gsal bar mdzad de/ 'di skad ces gsungs so// dus gsum rgyal ba kun gyi yang mes pa// rig pa'i rgyal po rang byung byang chub sems// lhun rdzogs bde chen sems nyid rdzogs pa nyid// dus gsum rgyal ba nga nyid rdzogs sangs rgyas// ma bcos byang chub sems la ngazhugs pas// ma mthong mi thar 'khor ba'i 'dam du zin// ma btsal lhun gyis grub par rang bzhag pa// skal ldan rgyal sras mi yi thugs su 'gyur/ zhes gsungs so// de nas byang chub sems dpa' rig pa'i rdo rjes zhus pa// kye dus

  374. 188a

    gsum rgyal ba'i rang bzhin sku gsung thugs// rang byung rig pa'i rgyal po ston pa khyod// nyid kyi thugs gcig rang byung ye shes nyid// dgongs pa'i don 'di nyid kyis ji ltar rtogs// zhes so// rig pa'i rgyal po chen pos lan slar gsungs pa// kun gyi rang bzhin bde mchog phyag rgya 'di// ma lus dgongs pa'i ngang la kun 'dus pas// bsam zhing dpyad pa'i 'du shes mi gnas te// rang byung 'od kyis kun la khyab par gsal// kun gyi rang bzhin snying po kun 'dus pa// gsang ba chen po ma bcos sgro skur zhi// rang bzhin ma yin tshad ma kun dang bral// bdag nyid ma yin lhun rdzogs kun gyi snying po 'di// gang yang ma yin med pa'i snying po yod// ma byas rang bzhin rdzogs pa'i yon tan gyis// thugs rje rtsol med nyi ma'i 'od ltar 'char// rang byung gcig la theg pa kun rdzogs pas// tshig gcig rtogs pas don kun rdzogs pa'i bdag/ ma sbyangs mi gnas bde mchog ji bzhin gnas// ma btsal rang bzhin bzhag na bsam pa zad// yengs med thabs kyis gnas na bcings pa grol// mtha' dbus phyi nang/ med pa chos kyi dbyings// rang bzhin dag pa'i don la bsgom du med// ma yengs yal bar bzhag pas rang bzhin goms// rol pa'i phyag rgya gcig pas dgag tu med// nyon mongs ye shes rang gsal spang ba

  375. 188b

    sgrub med// lam la mi bgrod sa la mi sbyang zhing // lhun grub ye shes ngang las 'da' mi srid// mkha' mnyam rgyal po kun gyi re ba bskang // ma lus thig le gcig pas dbyings la rdzogs// mi skye mi 'gag mi rtsol de bzhin nyid// theg mchog snying po 'di la kun rdzogs pas// byas pa med par rang bzhin lhun gyis rdzogs// rtog dpyod 'das pa kun gyi yul la rol// brda' dang tha snyad rjes 'brang rig pa yis// ma bcos snying po byang chub sems mi rtogs// gang la zhen cing brtag pa de btang la// gnyis med gnyis 'dzin rtog pas ma 'ching zhig/ ma bsams rang bzhin bzhag pas sgrib pa 'byang // mun pa ye nas dag pas bsal mi dgos// lhun gyis grub pas gzhan la gsol mi 'debs// rang la rdzogs pas mi bsnyeg mi bgrod de// ma byas rang bzhin gnas pas 'di nyid rdzogs// bya ba mi dgos mi btsal mi bsgrub cing // dge sdig mi 'byed ye nas gos pa med// ma chags thabs kyi spyod pa kun sbyar nas// nyes med rgyal ba'i zhing khams rmad du byung // rang byung gsal ba'i snying po thams cad rdzogs// gang yang ma bkag 'gro ba 'dul mdzad pa'i// gang ltar yin pa'i rang bzhin de ltar gnas// 'od gsal rang byung sems la gnyis med pas// dpyad dang bsgom rtsol ma lus 'khrul pa yin// ma btsal lhun gyis grub

  376. 189a

    pa'i mdzad spyod do// rang byung rdzogs pa'i snying po 'di rig na// sgrib dang mi sgrib cis ni yongs ma gsungs/ snying po don gyi rgyud las/ bde mchog phyag rgyar spyad pa'i le'u ste drug pa'o// // de nas yang bcom ldan 'das rig pa'i rgyal po des/ ma byas rang bzhin rdzogs pa zhes bya ba 'di gsungs so// sems nyid rang byung legs par nyid dbang sgyur// rang byung klong ga la kun la dbang thob pas// legs pa'i rgyal po lhun rdzogs bde chen dbang // bskur thob rag ma las pa dbang gi klong // rang sems rdzogs pa yongs rdzogs gsal 'gyur bas// phyag rgya'i dkyil 'khor dbang la rag ma las// ma brjod snying po'i ngang la kun rdzogs pas// sngags tshig bde ba'i dbang la ltos pa med// mtshan ma kun bral rang sems rdzogs pa la// rdzas dang ting 'dzin don la rtsol ba med// rgyal thabs spyi blugs tshangs pa'i dbang chen gyis// ma bskur rang bzhin rdzogs pa 'di rtogs pas// dbang mchog lhun grub bde la gnas par 'gyur// rig pa'i rgyal po kun la dbang bsgyur bas// rnam rtog mtshan ma'i dbang la rten mi 'cha'// dbang gi dbang mchog zab mo rdzogs pa'i dbang // rtog pas ma bskur lhun rdzogs ye sangs rgyas// 'dus byas ma yin skye 'jig med pa'i dbang / rim

  377. 189b

    bgrod ma yin dus gcig rdzogs pa'i dbang // rtog pas bsgrub mi dgos te rang bzhin rdzogs// ye thob rang bzhin thig ler rdzogs pa'i don// brjod bral mtshon pas dga' ba'i ye shes yin// 'jig med rang bzhin gsal ba'i ye shes te// dmigs bral mtshan ma med pa'i shes rab yin// ma lus lhun grub mi 'da' phyag rgyas gdab// ma lhun gyis rdzogs pa'i dbang bzhi pa// rig pa rtsal gyi dbang la bder nos shig/ rig pa rtsal gyis thob dang gdams ngag dus kyis thob// skal med brgyud pas thob pa'i thabs nyid kyis// ci rigs rang byung dang la thabs kyis bzhag/ rin chen 'phrul gyi me long sems la dgram// rna brgyud gdams ngag legs par snying la sgoms// rgya rtags gdab la yun du legs par bcang // zhes gsungs so// snying po don gyi rgyud las/ rig pa rtsal gyi dbang gi le'u ste bdun pa'o// // de nas bcom ldan 'das rtsol bral rig pa'i rgyal po des/ thabs chen bsgrub pa'i le'u 'di gsungs so// ye shes klung du zhugs pa'i rnal 'byor pas// bka' rtags phyag rgya ldan pa'i skye bo la// rang byung rig pa bde mchog sems kyi da la// rin chen lde mig mtshon pas sgo dbye bstan// bsrung bral rig pa'i dam tshig rig pa gsum// legs par phog la mi 'da' nan tan bya// rang bzhin lhun

  378. 190a

    rdzogs bde mchog dbang kun bskur// rtogs pas lhun grub rdzogs pas bsrungs pa yin// de nas lung gsum rig pa'i gter sgo dbye// rtsol dang mi rtsol drang lung nges lung gis// rnam rtog sems nyid lung de rtogs par 'gyur// rang byung gsal ba'i don las ma yengs shar// spyod lam gang yang bde mchog nyid du gsal// lam la ma bgrod sa la mi sbyang ste// snying por rang byung rdzogs pa lhun gyis gnas// chos kun snying po byang chub sems gcig la// rnam grangs tha snyad dbye ba mi gnas te// de dag legs par rtogs pa'i thabs nyid phyir// rna brgyud gdams ngag don gyis legs par dgrol// rtsa ba gcig tu dril la mnyam par brtags// rnam par phye bas don nyid rtogs par bya// legs par rtogs pa'i don la gcig tu gnas// zhes gsungs so// snying po don gyi rgyud las/ thabs chen bsgrub pa'i le'u ste brgyad pa'o// // de nas yang bcom ldan 'das rang byung rig pa'i rgyal pos chos thams cad gnyis su med pa las/ 'da' ba med pa 'di gsungs so// dus gsum rgyal ba thams cad kyi// rang bzhin rig pa'i dam tshig gsum// rang byung rdzogs pa'i rang bzhin la// ye nas rdzogs te ngo bor gnas// rang byung rdzogs pa'i dam med na// mtshan ma'i dam tshig gol ba'i lam// mi 'da' rdzogs pa'i dam tshig

  379. 190b

    gsum// yengs pa med par ci dgar zhog/ dus gsum rgyal bas gsungs pa'i sgo// 'gro 'dul dam tshig mtha' yas pa// rtogs pa'i don la gcig las med// 'di yang ma bcos rang bzhin lung // rang bzhin gsum dang thig ler gcig/ rgyas ma thebs pa'i chos med pas// sus kyang 'da' bar yod pa min// ma nor snying po'i dam tshig la// ma yengs gsal bar dran pa yis// gsal ba mthar phyin sems dkyil 'khor// bde mchog mnyam pa'i sems kyis bstan// kun 'byung rig pa'i dkyil 'khor nyid// yongs rdzogs mi 'gyur dam pa'i don// mi 'da' legs par bstan par bya// dus gsum mi 'gyur sems kyis bzung // dam tshig rdo rje brda yi lung // gdams pa'i tshig gis gsal bar shes// lhun rdzogs bde mchog dam tshig la// 'dar med don rtogs rang bzhin bzhugs// don dang rang bzhin mtshon pa nyid// ma bcos pa dang goms pa dang // mtshon pa'i sgra yi dam tshig gis// rang gi don la 'da' mi srid// dam pa rnams kyi snying po nyid// dgongs pa rang byung rig pa rdzogs// chu dang rgya mtsho'i rang bzhin ltar// dbyer med ye 'byams rmad du grags// dus gcig snying po rdzogs pa'i lung // rang byung gcig pas khyad par med// lhag ma med pas yongs su rdzogs// ma btsal lhun rdzogs dam tshig yin// ye shes

  380. 191a

    phyag rgya'i rgyas btab pas// rim med rang byung ye sangs rgyas// zhes gsungs so// snying po don gyi rgyud las/ 'dar med rig pa mchog gi le'u ste dgu pa'o// // de nas yang bcom ldan 'das de bzhin gshegs pa rig pa'i rgyal po des/ sbyang zhing bgrod du med pa'i don 'di gsungs so// byang chub sems kyi rang bzhin la// rgyu rkyen 'jug pa'i rim med pas// log par rtog pas btags dbang gis// bgrang med don la grangs su bgrang // bgrod med gcig la rtsol bar bgrod// rim med don la rim par bltas// snying po gcig la mthong tshul gyis// bgrod pa'i lam tshul bsam mi khyab// snying po gcig la cir bgrod kyang // bgrod bral rdzogs pa'i don mi rnyed// kun rdzogs gdal ba chos kyi dbyings// mu mtha' med par dus gcig rdzogs// bgrod med rig pa lhun rdzogs pa// lam lnga sa bcu rtog pa'i grangs// ma btsal rang bzhin lhun grub pas// rtsol ba'i theg pa log pa'i chos// dus gcig rdzogs pa rim par med// rang gsal 'od la rtag tu bzhugs// ting 'dzin rnam par bsgom du med// 'bras bu'i bdag tu lhun grub pas// sangs rgyas sems can dbye bas stongs// kun kyang rang byung snying po'i lam// ma bgrod dus gcig rdzogs pa'i gnas// mkha' la bgrod med kun khyab ltar// theg/

  381. 191b

    chen sems nyid rdzogs pa'i lam// ma khyab ma lus chos med pas// ma bgrod 'bras bu rang bzhin rdzogs// lam med rim med sems kyi lam// 'du shes med pas gsal ba'i yid// bsam dpyad med pas klung du 'jug/ rnam pa rang bzhin mtshan nyid gsum// sku gsum dus gcig rdzogs pa'i phyir// tshogs bsag sgrib sbyang bsgrub tu med// ye nas rdzogs chen byang chub sems// lhun gyis grub pa'i rang bzhin la// bya bral rig pa'i sems nyid 'jug/ rab tu mi g.yo ba yi yid// dri med rnam dag sems kyi lam// bgrod du med do ye sangs rgyas// zhes gsungs so// snying po don gyi rgyud las/ brjod med bder bzhag gi le'u ste bcu pa'o// // de nas yang bcom ldan 'das rang byung rig pa'i rgyal po des/ lhun grub rdo rje rig pa gsang ba'i don 'di gsungs so// chos kun byang chub sems su gcig/ sems nyid 'od gsal mnyam pa nyid// lhun gyis grub pa'i zhing khams la// ma yengs da ltar bzhag pas chog/ rang byung rdzogs pa'i don sprad pa// rig pa'i don la de ma zag/ ma bcos rang bzhin bzhag pas gnas// rang bzhag rig pa yengs med klung // goms pa dran pa nyid kyis gsal// rang rig mnyam pa'i snying po la// bcos pa med kyis ci dgar zhog/ rnyog bral dngas ma gsal ba'i blo// rgyu bas shes

  382. 192a

    shing gsal bas mngon// dbyings su thim zhing 'od du 'bar// dngas snyigs ye shes snying po 'dres// thig le rang bzhin med par thim// rig pa ye shes gsal ba'i sems// ma btsal lhun gyis grub par gnas// sems kyis bsgrib par mi bya zhing // lus dang ngag kyang yal bar bzhag/ btang ngo bzhag go byang chub sems// dmigs dang bral bar rang bzhin gnas// dus gsum 'gyur ba med pa'i blo// rig pa gdeng gsum rnam par dag/ rdzogs pa'i ye shes klong du 'jug/ ji bzhin ma bcos gsang ba'i sems// 'du 'bral med pa dbyings la gsal// dran 'byung rig pa dbyings la rdzogs// zhen med snang ba rang gi sems// ci dgar bzhag pas g.yo ba med// rang rig ye shes bsam mi khyab// 'du shes med pa'i dbyings la 'jug/ blang dor med par kun rdzogs pa// mtshan 'dzin che chung yongs kyi med// dus gsum gcig tu bzhag pa'i blos// ma btsal sems kyi rang bzhin gnas// bde mchog mnyam pa'i sems kyis bltas// zhes gsungs so// snying po don gyi rgyud las/ rig pa bder bzhag gi le'u ste bcu gcig pa'o// // de nas rang byung rig pa'i rgyal po des theg pa'i rgyal po gdams pa 'di gsungs so// e ma'o sangs rgyas thams cad kyi// sku gsung thugs kyi snying po 'di// dad dang dam tshig mi

  383. 192b

    ldan zhing // shes rab snying rje byang chub sems// dam pa'i yo byad lngas dbul zhing // thos pa chung zhing dregs pa dang // gus chung ser sna che ba dang // phyogs dang dam med yal ba dang // 'dod dang le lo phyogs 'dzin can// 'jig rten grags pa gtsor bzhag nas// yun gyi don srid spang ba dang // grags shing 'jig par byed pa la// rna brgyud gdams ngag ma thob par// gsang ba log par 'chad pa yi// ye shes rig pa'i gdeng med pa// 'jig rten log pa'i gang zag la// khe dang grags pa gtsor bzhag nas// nyams pa'i sems kyis 'phel 'gyur na// mthong yun 'di la brlag pa dang // de ma thag par lhung gyur nas// thar pa'i rigs dang bral ba yin// dad dang dam tshig ldan pa kun// skyon med yon tan ldan pa dang // theg chen don la goms pa dang // lus dang srog la mi blta zhing // chos dang bla ma bkur ba dang // rdo rje bla ma mnyes gyur na// rin chen bdun gyis bsten pa dang // rdzas la chags chung phongs pa med// theg pa chen po'i rigs su nges// 'di la gsang sgo dbye bar bya// 'phral du rin chen mi gtong zhing // dam pa bkur ba'i sems med na// dam pa rnams kyi dgra yin pas// 'di la gsang ba'i don gtad na// nyams pa rdo rje bla ma nyid// rdo rje dmyal ba kho nar 'gro// rjes su mthun pa'i dam bca'

  384. 193a

    zang // nas gsungs so// blang ba dan gyi rgyud las/ zag pa can tha' rags brtags pa'i man rtsa bcu gnas pa la// / rnga rdza sems dpa' nam mtha' tha blang ba rnam ma ngan gyi byung rdzogs so// @// rgya gar skad du/ bo d+hi tsaH b+ha ba na tan+ta/ bad skad du/ byang chub kyi sems sgom pa'i rgyud/ bcom ldan 'das dpal kun tu bzang po la phyag 'tshal lo// 'di skad bsha pa'i dus gcig na/ bcom ldan 'das de bzhin gshegs pa yang dag par rdzogs pa'i sangs rgyas bcom ldan 'das de bzhin gshegs pa thams cad kyi bdag po khyad par du gyur pa'i snying pa nyid ma lus lus lus pa med pa dang dbyer med pa'o// mkha' dbyings dag pa'i gzhal yas khang yon tan gyi me 'od 'bar ba na/ rtag par ni kun tu zhal rgyas par gsal lo// kun gyi rang bzhin gyi thugs rje chen po mtha las/ langs spyod chen po'i sgra dang mthun par snang ba'i sgra la sogs pa bsam yas pa zad du byung bar grags so// de bzhin gshegs pa thams cad kyi rang bzhin bdag nyid chen po'i sgra la/ gang yang lus par ma nas 'dus te gnyis su med par brtags pas/ de nas gnyis su med pa'i bdag nyid chen pos nyid kyis nyid la ched du brjod pa 'di med du brjod do// kun gyi rang bzhin zhi ba 'di la bsam ning

  385. 193b

    blang med lam mchog ste// mya ngan 'das dang 'khor ba gnyis med yang dag nyid/ chos kyi snying po phyi nang ma lus chos rnams kun gyi gzhi// bde gshegs kun gyi yum gyur gsang ba'i dbyings phyug ma// de bzhin nyid kyi ngang btsan bde ba chen po'i rgya mchog nyid// thams cad rang byung dkyil 'khor 'dir ni rnam par dag/ bde dang mi bde gnyis med ye nas rdzogs pa'i chos// mi skye mi 'gag cir yang mi dgongs dmigs su med// byang chub kyi sems sgom pa'i rgyud las// don dam pa'i gleng gzhi'i le'u ste dang po'o// // de nas bdag nyid chen pos ngo mtshar ba'i tshig 'di nyid la/ nyid kyis ched du brjod pa/ e e ma e ma ho// ngo mtshar gsang ba rmad du byung ba'i chos chen po// sus kyang ma bcos ma gsungs ma byas ngang gis gsal// skye ba med pas thams cad skyes kyang skye ba med// ming dang tha snyad 'dzin pa thams cad ye nas sangs rgyas yin// de nas yang ngo mtshar ba'i rmad du byung ste ma rtogs pa la ngo mtshar tshig 'di ched du brjod do// ma rig log 'khrul rtog pa'i gzung 'dzin gyis// med la yod brtags rten 'brel gnyis su 'khor// bya byed las 'phags rang bzhin nyid las nyams pa med// bdag nyid gnyis med bden pa ma mthong bas// sgyu ma la sogs dngos por 'dzin pas yang dag nyams// blun po gang zhig

  386. 194a

    mkha' la mdud pa 'dor ba 'dra// de nas bdag nyid chen po gzhi dang rtsa ba med pa nyid la nyid kyis brjod pa// rgyu 'bras mi 'byed gzhi dang rtsa ba med pa'i chos chen po// mi dmigs dmigs pa med las dmigs pa sna tshogs 'byung // bsgrub tu med cing grub par bya ba 'di la ci yang med// ji bzhin nyid kyi ngang nyid yin pas btsan sar gnas pa ste// dmigs dang mi dmigs rtsol ba'i nad dang bral bas na// gnyen pos bcos su rdul tsam med pa yin// shin tu brtag dka' gting dpag bsam yas pa// rgyu dang 'bras bur 'dogs pa'i spyod yul min// byang chub kyi sems sgom pa'i rgyud las/ rdzogs pa chen po la ngo mtshar ba'i tshig bstan pa dang / de ma rtogs pa la ngo mtshar ba dang don dam pa'i rang bzhin bstan pa'i le'u ste gnyis pa'o// // de nas don dam pa'i rang bzhin de rtogs shing shes par bya ba// gnyis su med pa'i bdag nyid chen po de nyid kyis nyid la brjod pa// sems kyi rang bzhin kun gyi mchog ste blang dor med pa'i rgyal po yum// mi ldog sa la sogs pa dbang bcu rgyal ba kun dang gcig brnyes pa// gnas gsum mnyam nyid de la mtshan med yid kyis rab tu de la dad pas mos// ston pa 'jig rten sgron mar gyur gyis mtshungs par rab bsngags pa/ chos la chos nyid snying por gyur pa 'jam dpal

  387. 194b

    gzhon nu'i snying po nyid// bde gshegs ma lus yum du gyur pas rgyal ba kun gyi yum gcig po// tshul khrims la sogs pha rol phyin lam spyod pa rgya mtsho'i gzhir gyur pa// rnam dag byang chub sems kyi ngang tshul bsgom dang yon tan khyad par ni// blo ldan nam zhig sems kyi dam pa de ni mngon du gyur pa na// de la sku gsum mchog tu gyur pa chos kyi sku zhes rgyal bas gsungs// shes byed dam par gyur pa shes rab spyan zhes kyang ni de la bya// rdo rje rtse mo'i mchog nyid mi rtog ye shes de yang de nyid do// ji snyed 'phags pa'i rnam grol chos su bstan pa de dag thams cad kyang // byang chub sems nyid rdzogs lam de yi yon tan de dag de las 'byung // 'phags pa'i rigs chen 'chi med byang chub sems dpa' de dag thams cad kyang // de med mi 'byung de phyir de ni rnam grol mchog gi lam nyid do// bla med rang bzhin mchog gi mchog nyid 'di ni kun gyi mchog/ gzhi rtsa med pa'i sems nyid rin chen nor 'dra la// mtshon du med pa rigs rgyud med de gang yang yod ma yin// cis kyang gzhig tu med pa'i phyir ni rdo rje nyid// mi 'gyur bde ba'i klung na de bzhin de gnas pa'i// byang chub snying po'i chos 'di mi dmigs byang chub sems mi dmigs// 'di ni yang dag nyid de drang srong rnams kyi lam gyi mchog/ sems kyis sems nyid de ltar mthong na bde/

  388. 195a

    ba'i mchog/ rang bzhin med pa'i sems la rang rig de bzhin bzhag/ ma bsams ma btsal de bzhin gnas pa bsgom pa yin// de na kun tu rdo rje sems dpa' ci 'dra bsgom pa byas par 'gyur// phra zhing shes dka' drang srong chen po'i lam 'di mi rtog rtog las 'das// rtog par dka' zhing bstan par dka' la brjod pa'i tha snyad rnams dang bral// tshig gis mi phebs gzhan dang byis pa kun gyi spyod yul ma yin yang // ston par nges pa'i lung dang bla ma rnams kyi man ngag de nyid don 'dir blta// mngon sum la sogs rgyu yis dngos po 'jig cing grub pa'i mtha' dpyod pa// de nyid rtog pa'i rgyun 'bra/ ngas spyod yul tshad mar bzhag nas blo yis 'jig byed de// rtog mtha' med phyir dpyod mtha' med de snying po med na tshad mar gang // de phyir 'jig rten tha snyad btags pa rnal 'byor lam 'dir mi dgos so// phyogs dus mnyam nyid rnam par dag pa ye nas yin pas na// sna tshogs chos rnams kun la ji ltar 'dod dbang bskur// 'jig rten 'das dang 'jig rten ma 'das thams cad kun// yang dag shes pas rab tu brtags pas rtogs 'gyur na// rang bzhin mnyam pa med las cir yang snang zhing 'byung // ji ltar snang ba nyid na'ang dbyings kyi rang bzhin de bzhin nyid yin te// de ltar rtog par gyur pa'i rang byung ye

  389. 195b

    shes snying po ni// sna tshogs chos rnams kun la dbang yang bsgyur bas mi nyams te// de phyir tshad bzhi rgyu 'bras 'dod pa'i tha snyad pa ni tshad mar 'jog mod kyi// rgyu yi 'bras bu dam pa'i yul 'di tshad mas gzhig tu ga la yod de med// dpe dang tshad mas rnyed min gsang sngags rgya mtsho chen po 'di// yongs bsrubs kun bskyed snying por gnas te 'bras bu'ang yin// byang chub kyi sems sgom pa'i rgyud las/ don dam pa'i rang bzhin rtogs par bya ba'i thabs bstan pa dang / tshad mas gzhig tu med par bstan pa'i le'u ste gsum pa'o// // de nas de bzhin gshegs pa thams cad kyi bdag po chen po des/ nyid la nyid kyis bsgom du med pa'i don brjod pa// yangs so che'o shin tu phra ba'i chos nyid 'di// rgyu 'bras mi 'phyed ngang gis btsan pas de bzhin nyid// rang bzhin gnas pas bya med bde ba'i klung chen po// rna bas gzhan nas zos par mi rung tshig las 'das// lces kyang brjod du mi rung snod bcud ye nas rnam par dag/ blang dor med pa'i rdo rje'i sku ste rdzogs pa'i sku// drang srong bden par bzhugs pa rnams kyis brtag mi bya// don 'dis brtags pas mi rtog klung las nyams// chos kyi snying po 'di la bsgom du ci yang grub pa med// gang yang dmigs na mtshan med mtshan ma 'dra ste rtogs// mi rtog pa nyid rtogs pa'i klung ste ye

  390. 196a

    shes skye// gang yang snang ba med pa'i chos nyid lam mchog la// ma btsal bsam dang bral na bsgom pa'i klung // btsal zhing brtags na lam mchog de las gol// de las de bzhin bde ba mi 'byung rgyu 'bras can// bsgom du med bzhin dmigs par byed pa smig rgyu chu byed 'dra// byang chub kyi sems sgom pa'i rgyud las/ sgom pa'i thabs bstan pa'i le'u ste bzhi pa'o// // de nas gnyis su med pa'i bdag nyid chen pos theg pa chen po'i don dang mtshan nyid nyid la nyid kyis brjod pa/ sems ni rdo shing 'dra ste dge dang mi dge'i las mi spyod pa dam pa'i sems yin no// don dam nyid la ming dang mtshan ma med de sems kyis dmigs par nus pa ma yin ngag gis bshad par nus ma yin// sems g.yos pa na mtshan ma nyid de mtshan ma'i rgyu la ming btags pa de ming dang mtshan ma zhes bya'o// rnam par rtog pa gang yang len zhing chags na de ming sgyu ma mi bde ba yi 'du shes yin/ ming dang mtshan ma gang na'ang med par rtogs shing shes na de ming yang dag pa yi ye shes so// ming dang mtshan ma ci yang rang rig yid las ma skyes pa ni de bzhin nyid ces bshad// theg pa chen po gang na bden pa bzhin du rnam par shes pa mi g.yo zhing ni sems kyi rgyu nyid skye ba med pa'o// rnam par rtog pa med pa gang na da ltar gyi ni rnam par shes

  391. 196b

    pa mi skye'o// sangs rgyas spyod pa ji lta bu na sems med par shes chos la chos med par shes pa'o// sems gzugs med la shes pa yod pa gang na sems la chos la gzugs med pa de shes dang mi shes pa'o// pho mo khyim pa rab tu byung ba sems can sangs rgyas la sogs mthong ba de dag ma g.yos pa na yang dag pa bzhi chos lam spyod pa yin// sems de shes par bya ba'i phyir na bsgom pa'i mis ni su la'ang brten par mi rigs te// brten pa'i mi rnams mi rgod sems dang chas shing khe sogs ci thob tshol ba yin pas bsgom la gnod phyir ro// sems rtogs bsgom pa'i mis ni 'grus par gsungs pa nyin mtshan le lo mi byed pa'o// chos rnams thams cad brtags pa yod phyir brdzun te bden med nges pa med par 'chi tshe 'jigs med la/ bag chags de mthus dmyal ba'i bag tsha med de sangs rgyas nyid las dmyal sogs ming yang med// chos rnams thams cad ngo bo nyid kyis stong pa de ni sangs rgyas rnams kyi yang dag pa yi lam yin no// de ltar rtogs nas de thob pa la de nyid sangs rgyas yin par sangs rgyas gsungs// de 'dra'i chos 'di rtogs nas gzhan la 'chad pa de ni 'khor ba'i sems can sgrol la mkhas pa yin// dus gsum sangs rgyas kyis kyang 'di bzhin rtogs shing thob las byung nas mtshan dpe dod// ngo bo nyid kyis

  392. 197a

    stong pa 'di ma rtogs par gzhan na chos dbyings med cing 'bras bu sangs rgyas med// ngo bo nyid stong spyod pa stong pa'i ngo bo nyid la ma chag par na de nyid mya ngan 'das pa'o// yang dag don 'di tshig gis bshad du mi rung tshig dang bshad pas sleb par nus ma yin// byang chub sems sgom pa'i rgyud las/ theg pa chen po mdo sde'i don dang mtshan nyid bstan pa'i le'u ste lnga pa'o// // de nas gnyis su med pa'i bdag nyid chen pos gnyis su med pa'i don nyid// nyid kyis nyid la ched du brjod pa ched du brjod do// byang chub sems ni yon tan thams cad 'byin pa'i nor bu nyid de theg pa'i mchog/ khyad par mchog tu gyur cing kun gyis rab tu bsngags pa rdzogs chen yin// kun gyi rang bzhin bya bral yangs pa'i snying po 'di ni bsgom du rdul tsam med// de ni skye med byang chub sems kyi rang bzhin dngos med dmigs su med pas so// byang chub sems ni de bzhin nyid las ngang gis 'da' mi byed// de ltar de bzhin gnas pa 'di la de bzhin gshegs pa kun gnas 'di la dgongs// de bzhin gshegs pa'i thugs nyid de bzhin nyid de de bzhin nyid las de mi 'byung // de ni rnam dag chos sku dri med 'od gsal bde chen lhun grub sa yang yin// mkha' dbyings gzhal yas kun tu 'od kyi sa las 'das pa'i bla med theg chen

  393. 197b

    'di// theg pa kun gyi nad gso mdzad pa'i sman pa'i rgyal po ste// 'di las zab pa'i chos ni gang na'ang med pa yin te shin tu phra// 'di ma mthong bar gang gA'i bye snyed sangs rgyas mthong yang yang dag byang chub med// theg gzhan blo yi gting du snang zhing ye shes chen po'i lam sbyangs byas kyang rtog pa'i klung // blo yi rim pas yun ring yun du bsgrubs na grub mtha' mthar 'dzin kho na de nyid do// theg gzhan grub mtha' 'di ni cir yang dmigs su med de kun gyi rang bzhin yin// 'di las ya mtshan 'phrul gyi ye shes 'od 'bar de ni kun la khyab par gsal// 'dir ma 'khyil pa'i chos ni gang na'ang med de thig le dag pa'i sku// 'di ni dmigs shing bsgom du med de bsgom pa'i tha snyad 'das// lam du bgrod du med de lam mchog lam gyi phul te de bzhin lam phugs nyid// 'di la rtogs par byar med kun sangs rgyas pa ye nas yin// 'khor ba mya ngan 'das pa gnyis med mnyam pa'i rgyal po blang dor med// de bzhin nyid ma gtogs pa'i chos rnams gud na yod ma yin// chos 'di snang ba thams cad 'du byed rgyun dang bcas pa'i mthu nyid snang ba ste// rgyun rtogs bag chags rgyun ma chad par snang ba yin pas snang ba'i dngos po brtag mi bya// de dag sems kyi 'byung 'jug rgyun bcad phyir na ye sangs rgyas pa las// gzhan du mi bsam de nyid

  394. 198a

    de bzhin gyi nar de bzhin nyid// sems kyi phur pa de bzhin gting du btab nas bzhag pa de las dbyung mi bya// 'gul zhing g.yo ba'i tshe na bcing zhing 'byung du gzhug par yongs mi bya// byang chub kyi sems sgom pa'i rgyud las/ don gyi snying po rang bzhin yon tan dang bcas pa'i le'u ste drug pa'o// // de nas yang gnyis su med pa'i bdag nyid chen pos// kun nas nyon mongs pa'i mtshan nyid nyid la nyid kyis brjod pa// dngos po'i mtha' yi rgyu ni lo rgyus dag las lam 'di brtag par bya// skye bo kun gyi sems la mngon snang phyi nang grags pa'i chos 'di ni// 'dzin pa drug gis ji ltar mthong zhing brtags pa de ltar ma yin 'khrul// rang gi rtog pas myos pa de bzhin gzung ba de nyid bden gyur na// de dag dngos po med rtogs dgra bcom 'dra bar 'gyur bar rig/ de dag dus dgras 'joms dang sdug bsngal nyen las de 'khrul mngon par 'gyur/ gzhan du skye mched bsgoms nas rig pa de dag tshad mar gyur na ni// de nyid tshad mar gyur pas 'phags pa'i lam de su la'ang dgos mi 'gyur// lam med rnam grol lam du bstan zhing dbang po'i shes pas ma thar te// sdug bsngal 'ga' yang mi 'jil rnam rig shes te nyon mongs skye ba'i gnas// de phyir skye bos mthong ba de dag 'khrul par mngon zhing rgyal bas gsungs/ de la

  395. 198b

    'khrul pa'i dbang gis ji ltar snang bar 'gyur// kun tu rtog can yang dag ma yin kun tu rtog pas rtsol med nyams// blo gros phyin ci log tu gyur cing ma rig rkyen gyi dbang song bas// sems dang sems las byung ba de nyid lus gsum don du snang ba yin// 'du byed sna tshogs dag gis bag chags bsags las gang goms mthu brtas tshe// sems nyid yul dang lus 'drar snang ba rus pas gang ba bzhin du snang // bag chags bsags pa'i rgyun la dmigs skyes yid las btags pa'i bdag ni med// 'du byed mthu yis bsgribs shing phra ba ma mthong de las rnam rig skye// rgyun dang bcas pa'i sems kyi mthu ni ma rtogs rtog pa'i rjes 'brangs nas// de nas zag bcas rang bzhin rtog pas bdag gi chos rnams rgyas par byed// ldan par 'byung ba de ni shin tu rgyu ba de ni ma mthong las// bdag tu blta ba sogs pa mu stegs blta ba sna tshogs skye zhing thar par rtog/ sems 'di las rnams sna tshogs gnas 'gyur bag chags mtha' med nges pa med// bag chags brtas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig smin nas mi yi rgyud kyi lus snang la// rkyen gzhan dag gis bag chags gzhan sad byas tshe 'gyu ba'i mthu mthong nas// dbang phyug la sogs byed par 'dod de lam des

  396. 199a

    mi zhi grol mi 'gyur// rnal 'byor lam bslad the tshom rgyu yang rgyun 'di phra ba ma rtogs skye// bdag tu brtags pas bsgribs te 'phags pa'i rigs dang rnam par bral// chos su btags pas sdug bsngal sna tshogs 'byung zhing ngan song srid par 'gyur// rnam shes de yang 'du byed rgyun las mtshan ma tha dad 'dzin pas na// las kyi khyad par dag gis brgyad du snang gis rigs la du ma med// shes shing rig pa'i rigs su gcig ste rigs la du ma med// de phyir sems kyi skad cig dang po'i de la lus dang chos kun gnas// de la bsam pa zhe na phyir phyi ma des 'byung de la snang // rang sems rgyun la 'phags pa skye bo'i chos ni gzhan na yod pa min// rgyud drug rigs lam de la'ang sna tshogs de dag rang gi ting 'dzin no// sems rgyun de ni phyogs kyang cung zad med pas gcig la brten pa med pa'o// de phyogs la med phyir na mtha' yas zhing rnams bdag gi lus// bdag gis lus ni mtha' yas zhing dang skye ba'i lus su rab snang yang // sems dang bag chags tha dad ma yin gcig min brtag par rab tu dka'// 'di kun rten cing 'brel bar 'byung ba'i tshul te skye dang 'gag 'gyur zhes// tshig pa'i sa bon bzhin du med las med pa mi 'byung rgyu 'bras med/ dngos por zhen cing rgyu dang 'bras bur ston pa'i sems nyid ni// rgyu dang rkyen

  397. 199b

    du snang de de gnyis med phyir skye dang 'jig pa med// skye 'chi med phyir bdag gzhan med de 'chi 'pho med phyir rtag chad med// des na 'khrul 'khor med cing mya ngan 'das pa'ang med par mngon// gnas kyi skad cig nams kyang mi 'bral de tshe mnyam 'gyur de mod med// yang dag ma yin rtog pas bskyed phyir bag chags yod pa ma yin dang // spyod yul med phyir kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skye// de phyir sems 'di yod med mtha' las 'das shing gcig dang du ma bral// sems ni nang na mi gnas phyi rol mi gnas bar na gnas ma yin// thams cad kun la mnyam gnas de nyid ngang nas g.yos pa med// rnam dag lam chen sems nyid rdo rje 'di ni shes bya nyid de thams cad skye// cir yang mi dmigs kun tu 'od gsal snying po'i tshul te yan lag rgyas// ye nas gnas pa'i de bzhin nyid ni rang rig rnam par dag pa ste// de nyid yum gyi mkha' ste mi 'gyur gnas pas de bzhin sems zhes bya// sems ni mtshan mar ma yin thams cad 'byung bas dbyings kyang yin// mtha' dang dbus med mi rtog rtog las 'das pas chos skur bshad// de nyid 'phags pa'i tshogs su ye nas gsal bas ye shes tshogs chen po// cis kyang mi bsgrib mi shigs mi snang ba

  398. 200a

    las thams cad snang bas kun gzhi yin// sems kyi gting 'di mthong na sems las ma gtogs chos rnams gang yang med// mchog tu rmad byung ngo mtshar khyad par yul 'di kun gyi sman chen yin// shes bya de bzhin nyid la rang rig rig byed rang zhir 'gro ru gzhug/ rang rig de yang de las byung nas de la gnas pas gnas pa de kar bzhag/ lam gzhan ji ltar bgrod kyang grub mtha' de nyid yin// de phyir kun gyi 'byung khungs de ni grub mtha' 'bras bu yin// thams cad rang gis 'char bas nam mkha'i tshul du'ang gnas// 'di ni kun gyi dmigs bu yin te gzhan long khrid par byed/ thams cad mnyam pa'i rgyal po bya ba yin pas spyod las 'das pa yin// de ltar ye nas gnas pa de la su zhig mi 'chos ngo bo de nyid de bzhin 'jog pa byang chub che/ de kho kun rdzogs rang bzhin chos kyi snying po lta spyod rdzogs pa yin// chos kyi snying po 'di la lta spyod de nyid bsgrub par byed pa de la snying po ring // de yis snying po ma mthong spyod dang bcas pas snying po nyams// 'di ni rtsol dang ye nas bral bas btsal du ye nas med phyir snying po'i mchog/ dus gsum rgyal bas kyang ni ma bsgrubs ma sbyangs ma btsal bzhag las mthong // mthong ma thag tu sbyang btsal 'gyod de sbyangs ma dgos par rtogs// rtogs pa'i ngang de la ni dus

  399. 200b

    gsum rgyal ba'i sangs rgyas rdul snyed gnas// sangs rgyas bgrod phyir rtsol ba'i lam kun bor nas gdod sangs rgyas// rtsol bgrod lam la gnas tshe 'phags pa'i sar tshud tsam// de phyir nye lam bde rdzogs sku gsum rdo rje 'chang ba'i sa zhes snying po 'di la bya// ma bgrod gnas su phyin pa rang rgyud dag pas phyin pa'i sa yang yin/ phyi nang sems kyi spyod yul bag chags rgyun dang bcas par blta ba sems tsam yin// sems rgyun bag chags rtog pa de la snying po 'di nyid med// de phyir yul dang lus su blta ba de nyid rtogs pa'i rgyun nyid do// mi bsgom mi bsgrub mi bsrung de bzhin nyid la rang blo de bzhin bzhag/ de la bzhag sa 'gro sa 'dug sa kun gyis bgrod sar phyin pa yin pas nye lam mo// byang chub kyi sems sgom pa'i rgyud las/ sems tsam gyi lta ba 'bras bu yon tan dang bcas pa a tir la bzla ba'i le'u ste bdun pa'o// // de nas bcom ldan 'das gnyis su med pa'i bde ba chen pos yang dag pa ma grub pas de'i rdzu 'phrul 'khrul pa rnams la snang bar bstan pa 'di nyid la nyid kyis ched du brjod do// bde gshegs byang chub med phyir de yi rdzu 'phrul sgyu 'dra 'khrul la snang // de bzhin gshegs pa'i ye shes de nyid shin tu dge ba'i rgyud nyid dang // chos kyi dbyings nyid la ni de dag dmigs shing skye bar brtags pa

  400. 201a

    yang // rdo rje gnas med phyir na mnyam gnas rang bzhin 'drar gyur dang // chos dbyings rdo rje rtse mo de dag phyogs gnyis med pas skad cig min// dag pa'i dge rtsa gzugs brnyan med pas 'jig rten yod mi 'gyur// de phyir byang chub ma chub mtshan nyid med par gcig pas blang dor med// don de'i tshul gyis don dam rnam grangs skye 'gag med dang mnyam nyid dang // gnyis med bsam 'das stong nyid chos dbyings brjod dang bral la sogs// bstan pa de kun tha snyad yin te don dam med cing kun sgrib med// don dam tshul gyis lam nyid 'di 'dra zhes pa kun sgrib yin// the tshom yod med chos ni gang la'ang spangs shing gnas par mi byed do// bsgom pa dang ni chos dbyings med phyir som nyi med la dam par blta ba'ang med// de ltar dngos po'i mtha' rnams brtags dang de bzhin sgyu ma med 'gyur phyir// yod la ltos pa'i med pa'ang med de yod pa'ang med// mtha' rnams med phyir dbus med dbus la'ang gnas par mi byed do// gang la'ang 'jig rten dbang phyug pad+mo kun kyang mi spang 'drar mnyam gnas// chos la 'khrul par mthong ba de nyid 'khrul pa yin par rab rtogs te// drug gis bstan pa'i bdud kyi las kyang mi 'dor ngan du mi rtog go/ shes rab thabs kyi spyod pa la'ang mi gnas phyir na bdud rtsi 'dra/

  401. 201b

    bar spyod// rang gi shes pa dam par byas shing kun las rgyal te des bsnyems na// 'dod chags zhe sdang skyes nas rtsod 'byung gti mug yin te don mi mthong // ji srid yid kyi g.yo ba de srid bdud kyi yul te phra ba'i lam// g.yo dang mi g.yo tha snyad mi gnas gnas la'ang gnas pa'ang med// snang med dbu ma'i lam ste byang chub sems zhes bde gshegs gsungs// de phyir gang yang mi 'byed zag med de bzhin nyid kyi thig ler thams cad gcig pa yin// 'di las gzhan med rgyu yin 'bras bu nyid de snying po'ang yin// 'di ma mthong na gang la bsnyad kyang rtog pa'i klung la gnas// gzugs dang mtshan ma smon par 'dzin pa rab spangs nas// rnam par thar pa gsum po bsgom pa'ang bdud kyi las yin gzugs nyid stong pa'o// 'khor ba'i lam gsum spong zhing mya ngan 'das lam bsgom pa'ang bdud nyid de// de nyid rang bzhin ma zhi/ rang bzhin rtsal spang gar mi gnas// 'phags pa kun gyi yul dang gnas kyang 'das sogs lam nyid gzhan na med// byang chub kyi sems sgom pa'i rgyud las/ mya ngan las 'das pa'i lam mthar gtugs pa bstan pa'i le'u ste brgyad pa'o// // de nas yang bcom ldan 'das bde ba chen pos/ yang dag pa'i don mdzub tshugs su dgongs pa sangs rgyas nyid kyis nyid la ched du brjod pa 'di ched du brjod

  402. 202a

    do// ldang dang mi ldang ched du mi spang sems rten mi 'cha' mngon du min// 'jam dpal ma yin rdul tsam g.yo ba de nyid de yin der mi gnas// bsgom pa'i sa mi rnyed phyir bsgoms pas rnyed par mi 'gyur te// rnam bral gang la'ang mchog dang tha ma med par lam mchog 'di bsgom mo// bya byed bya bral ye nas de bzhin nyid 'di de bzhin rang bzhin gnas// de la 'khor ba mya ngan 'das med gang la'ang med min thams cad ldan// byang chub kyi sems sgom pa'i rgyud las/ rdzogs pa chen po mdor bsdus te sgom pa'i lam gyi mchog gi le'u ste dgu pa'o// // de nas yang bde ba chen pos/ rang bzhin gyis nyid la nyid kyis ched du brjod pa 'di ched du brjod do// 'du byed ma skyes chos kun 'byung med shin tu chos rnams mya ngan 'das// dngos med de tshe kun kyang chos kyi dbyings zhes dgra bcom rab 'byor yin// nam mkha' mi dmigs ming tsam dge dang mi dger dbye ba med// rtsol bar yid la mi byed gang la sems med shes dang mi shes bral// dran dang 'byed med spang len gang la'ang dga' dang mtshungs med mi dmigs shing // mnyam gnas gnyis su brtag med brjod bral bya dang mi bya med de sogs bri med// ched du rtsol bar yid la mi byed cis kyang mi 'khrugs mnyam shes dang // gang la'ang chags dang yul gyis myos skrag

  403. 202b

    med de mi 'bral mi gnas shing // mi 'phrog mnyam shes bzhi po phyogs dang pha rol phyin rnams der shes te// sems kyis dbyings su bsgoms pas lam gyi phugs na 'dug pa ye yin gyis// gzhan du bsgoms pas 'od gsal don nyid rig par mi 'gyur ro// brda' can yang dag len pa'ang byang chub yin zhes ston pas rab gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin gsum po brtan par byas shing rtags kyi phyag rgya gsum bcings nas// chos kyi phyag rgya chen po sems nyid bskyed de snying po brjod cing bsgom// rdo rje sems dpa' bsgoms pas lam kun ma nor bsgom pa yin// kun tu bzang mo'i spyod pas ma zin dge ba'i chos ni gang yang rung // kun tu bzang po'i spyod pa'ang bdud kyi las te zad cing mthar thug 'gyur// de dang ldan pa'i las ni bdud kyi las kyang byang chub chen por spyod par gsungs// don 'dir mos pa de yang byang chub chen po yin zhes rgyal bas rab tu bsngags// gnas 'dir bskyed pa tsam gyis 'jig rten gsum po bla mar bcas pa yi// mchod gnas nyan thos bdud kyi sde rnams zil gyis gnon par sangs rgyas gsungs// thabs chen byang chub sems dpa' gsang ba'i spyod pa'ang 'di nyid do// 'di med rgyal ba rnam par snang mdzad theg pa gsum ston mi srid

  404. 203a

    do// skad cig tsam du dad pa'i shugs skyes de yang myur du 'jam dpal gzhon nur 'gyur// dkyil 'khor gsang bar zhugs shing theg chen byang chub mchog kyang gsungs pa yin// tshul khrims sdom pa kun kyang bsrungs shing sbyin gnas dam par rab tu bsngags// de phyir byang chub sems kyi bsod nams de la gzugs yod na// nam mkha' bar snang de yang snod du chung zhes rgyal bas mtshungs par gsungs// yang dag bde gshegs ma lus byang chub sems la gnas// byang chub sems dang lam du ma mtshungs chos gang med// rgyal bas sems kyi dngos gzhi phra ba mthong bas rgyas// bdud dang des zin zil gyis gnon pa de yang dbyings kyi ngang // 'di la skye dang 'gag pa med de 'du 'bral ci yang med// ye shes dbyings med mya ngan 'das pa'ang yin// chos zhes ming du gdags su dgos 'brel thams cad rdzogs// mtshan ma rab zhi mtshan ma med pa med pa'ang med// rab zhi med pa'i med pa'ang med las 'das pa ste// gzhan la spyod las 'das pas 'das las 'phags// stong pa mi dmigs rang bzhin med dang ji ltar de bzhin nyid// gdags pa'i bsgrub pa byed pa'i lam ste 'jug pa'i gnas// 'di la 'jug dang zhugs dang ma zhugs ye rgya chad pas theg pa'i bla// spyod med tshig las 'das pas kun la khyab phyir rgya

  405. 203b

    mchog nyid// ming tshig bzlas pa rnam bral gsang sngags mchog chen yin// ye nas de las mi 'gyur rgyal bas bsgyur du rung ba min par rang byung nyid// 'di ltar rtogs nas 'di la blo gros gnas pa blo gros chog/ de ni 'jam dpal dpal ldan gzhon nu nyid ces bya// dus gsum sangs rgyas kun kyang de gtsug khur zhing de lta'i yon tan de dang mtshungs// de lta'i yon tan mtha' yas ma btsal ma bsgoms rang bzhin gnas las byung ba'i phyir// chos gzhan mi dgos yon tan rgyal ba'i theg chen 'di las chos gzhan med// de phyir chos lam 'jug dang zhugs nas 'bras thob 'dod pa khro na sbal 'dra// byang chub kyi sems sgom pa'i rgyud las/ rdzogs pa chen po'i rang bzhin nga rgyal dang bcas pa'i le'u ste bcu pa'o// // de nas bcom ldan 'das bde ba chen pos don mdor bstan pa nyid kyis nyid la ched du brjod pa 'di brjod do// skye bo skye ba sna tshogs dag na skyes shing skye 'gyur skye ba'i rgyun gyi dbang song ba// rtog mtha' mi shes rtog pas bslus shing rtog pa'i rgyun 'brangs 'khrul pa'i rtog las phyir ldog med gyur pa// sku ma'i sgyu shes dag gis sgyu ma'i glang po 'dra bar sgyu mas rmongs pa'i sgyu ma rnams// rmi lam rmi ba bzhin du rmi yis bden pa nyams shing rmi lam dbang du song ba'i rmi lam pa// lam 'di spangs shing mtha' dang lam

  406. 204a

    gzhan lam du bltas pas ma nor lam du ston pa de// de dag rdo la gser bzhin thugs rje'i thugs rjes kye ma ho 'phrogs pa yin// mchog tu shes rab sbyangs pa rnams kyi spyod yul 'di yin gyi// skal med shes rab ma sbyangs pa la gsung gi nying khu 'di mi snang // rgyal ba rnams kyis bsnyen pa bdud rtsi'i lam mchog 'di// rgyal bas rnyed pa don chen rnyed pa'i mchog yin no// de lta'i don 'di bdag dang phrad nas bdag gis rtogs gyur cig/ smon zhing de la tha mal wa khyi la sogs gang 'dun kyang // de yis byang chub chen po'i bde la bsnyeg pa'i phyir// 'di ni 'phags pa'i khong na gnas pa'i nang na btsun zhing che// rtogs nas 'di la spyod pa la lta smos ci dgos te sangs rgyas yin// sems can las kyis 'di la mi 'phrogs shing // 'phags pa'i thugs rjes 'di la gzung du med// don gyi don te bsgom rtsol med pa'i don dam rgyal po yin// sangs rgyas thugs kyi nying khu sbas pa zab mo'i gsung // dri med rgya mtsho'i snying po byang chub rgya chen po// theg pa'i rtsa ba 'bras bu'i theg pa yongs kyi mchog/ ye nas gnas pa de nyid de ltar shes pa sgoms dang sangs rgyas yin// lta bas zin pa'i ye shes zang thal de bzhin dkyil po che// chos sku 'od dpag med pas don 'di bshad pa las// rgyal ba'i gsung gis bsgrags la 'di 'drar snang

  407. 204b

    ngam zhes// de bzhin gshegs pa chos sku dpag med khyod la 'dun par gyis// chos sku'i gsung mchog rgya mtsho 'di la'ang de bzhin blta// sa bcu pa la 'di gnas phyir na de la 'di yang gtad// 'di blo su la gnas pa byang chub sems dpa' sa rnams grub pa'i mchog/ sa yang don 'di blo la skad cig gnas pa de la rdzogs par chos skus gsungs/ de yi byin rlabs rgyal ba kun kyang gsung bar 'gyur te de skad gsungs// don 'di gzugs sku mtshan dpe 'dod pas bstan pas rtogs mi rung // ma rtogs phyir na kha lces bshad pa yin phyir chos skus gsungs// chos sku bya bral 'di ltar snang ba kun la snang phyir gsung zhes rgyal bas gsungs// byang chub kyi sems sgom pa'i rgyud las/ theg pa'i mchog nyid dang de nyid la de nyid kyis bstod pa dang gdams pa bshad pa'i le'u ste bcu gcig pa'o// // byang chub kyi sems sgom pa'i rgyud theg pa'i snying po rdzogs so//

  408. 205a

    rgya gar skad du/ ma hA san+ti sa man+ta b+ha dra dz+nyA na pra krA sha ni rdiSh+Tha man+ta su pa zas mu dA ya tan+t+ra nA ma/ bod skad du/ rdzogs pa chen po kun tu bzang po ye shes gsal bar ston pa// gsang sngags kyi lam mchog 'dus pa'i rgyud ces bya ba/ bcom ldan 'das dpal kun tu bzang po sku dbyer med ngang la phyag 'tshal lo// 'di skad bdag gis thos pa'i dus gcig na/ bcom ldan 'das dpal rdo rje 'chang gi sangs rgyas dpal kun tu bzang po sku dang ye shes dbyer med pa nyid/ chos nyid yum gyi b+ha ga la bzhugs te/ rig lnga'i sangs rgyas la sogs te/ 'khor rnams dang thabs cig tu/ rig pa stong gsal bde ba chen po'i ting nge 'dzin la snyoms par zhugs so// rdzogs pa chen po ye shes gsal bar ston pa gsang sngags lam mchog 'dus pa'i rgyud las gleng gzhi'i le'u ste dang po'o// / de nas dpal rdo rje sems dpas bcom ldan 'das la gsol pa// kye kye bcom ldan rdo rje 'chang // sku dang ye shes thams cad mkhyen// gsang sngags rdzogs chen don nyid de// bdag cag rnams la bshad du gsol// zhes gsol pas/ bcom ldan 'das dpal kun tu bzang pos bka' stsal pa/ rdzogs pa chen po'i don nyid ni// blta ba phul byung ngo mtshar che// theg pa kun gyi dngos gzhir shar// theg brgyad lta ba ma spangs na// kun kyang mtha' la lhung ba

  409. 205b

    nyid// theg pa kun gyi la bzla' yin// khyad par ma hA yo ga dang // a nu yo gar gsungs pa yi// rdzogs pa'i rim par bstan pa yin// zhes gsungs so// rdzogs pa chen po kun tu bzang po ye shes gsal bar ston pa gsang sngags lam mchog 'dus pa'i rgyud las/ rdzogs pa chen po'i don nyid bstan pa'i le'u ste gnyis pa'o// // de nas yang dpal rdo rje sems dpas gsol pa// kye kye kun bzang bcom ldan 'das// rdzogs pa chen po'i rnal 'byor pas// lam gyi khyad par ci lta bus// 'bras bu thob tshul bshad du gsol// zhes gsol pas/ dpal kun tu bzang po nyid kyis bka' stsal pa// sde snod gsum gyis bskal pa ni// grangs med 'bad kyang rnyed dka' ba// bzhi pa rdo rje'i sde snod 'dis// bgrod pa med par sangs rgyas thob// gsang sngags rdo rje'i 'bras bu'i lam// lam 'bras dbyer med 'bras bu'i lam// kri ya yo ga u pa yang // lta ba spyod pa phyir gyur te// mtshan nyid gang las 'phags ma nus// lha dang sngags kyis re zhig 'phags// lha spyod nang du gyur pas na// rtsa rlung thig le dbang la rdzogs// gsang sngags nang pa khyad par che// ma hA yo ga bskyed pa'i tshul// a nu yo ga rdzogs pa'i tshul// a ti yo ga la bzla'i tshul// tshul gsum dbyer med gcig gi dang // bskyed dang rdzogs pa zung 'jug nyid// bskyed

  410. 206a

    rim bsod nams tshogs nyid las// 'bras bu gzugs sku 'byung bar 'gyur// de med sku dang zhing khams su// gdul bya'i snang ba 'byung mi 'gyur// rdzogs rim ye shes tshogs las ni// 'bras bu chos sku 'byung bar 'gyur// de med sangs rgyas dngos 'dzin 'gyur// de ltar zung 'jug lam med na// mthar zug 'bras bu 'byung mi 'gyur// 'byung na mi srid gzhung dang 'gal// gzhan du re zhig phyogs re/ la// sangs rgyas zhes su brtags par zad// gsang sngags mtha' drug ldan byas nas// yo byad gnyis la longs spyod pas// rnal 'byor dbang phyug dam pa de// rdo rje sems dpa'i gral du phyin// tshe 'di nyid dam par ma dor// sku dang ye shes 'thob par 'gyur// gal te rtsol zhen ma nyams na// skye ba lan grangs 'ga' yis 'thob// rdzogs pa chen po kun tu bzang po ye shes gsal bar ston pa/ gsang sngags lam mchog 'dus pa'i rgyud las/ rdo rje theg pa'i lam gyi khyad par gyi 'bras bu thob pa'i le'u ste gsum pa'o// // de nas yang dpal rdo rje sems dpas gsol pa/ kye ma bcom ldan kun bzang po// rdzogs pa chen po'i rol pa la// gsang sngags mtha' drug gsungs pa de// don nyid rim par bshad du gsol// zhes gsol pas/ kun tu bzang po rgyal bas bka' stsal pa// gsang sngags mtha' drug gsungs pa

  411. 206b

    ni// dang por bskyed pa'i tshul dbang bskur// de nas rig pa'i rtsal dbang bskur// dbang nyid chags par byed pa la// gzhi nyid dam tshig gzung bar bya// thams cad mnyam pa chen por bsrung / de la lta bas thag bcad pas// rang byung ye shes rtsol bral ba// rig pa stong gsal don la brtags// nyams su ting 'dzin blang ba ni// bskyed pa'i rim pa'i tshul bzung nas// mtshan bcas lha yi 'khor lo 'di// yab yum dpa' bo gcig par bsgoms// rigs 'dus gtso bo rdzogs rim brten// lha dang stong pa zung 'jug nyid// der brten lus sems bsgrims byas la// sems bzung lam du blang ba'am// yang na lus sems glod pa'am// sems bzung stong gsal ngang du bzhag/ bying rgod rmugs na skyon gsum bcos// la nyid spyod pas dor ba ni// rang gi nyams rtogs don dang sbyar// de ltar rim par blangs pa yis// gdams ngag rim pa ma gol bas// don gyi 'bras bu bsgrub pa ste// bsre ba thabs gsum sgo nyid gtad// rig pa stong gsal bde chen nyid// gdags gzhi gang du ma grub la// gdags bya gang yang ma 'gags shar// rtogs pa'i ye shes rnam 'phrul las// thams cad rol par shes par bya// gzhan yang lam du blang ba ni// lta ba gdeng dang bcas pa dang // 'jug sgo lam dang bcas pa nyid// skrod pa grogs

  412. 207a

    dang bcas pa las// 'bras bu yon tan bcas pa byung // zhes so// rdzogs pa chen po kun tu bzang po ye shes gsal bar ston pa'i gsang sngags lam mchog 'dus pa zhes bya ba'i rgyud las// gsang sngags mtha' drug ye shes rol par bstan pa'i le'u ste bzhi pa'o// // de nas yang dpal rdo rje sems dpas gsol pa/ kye bcom ldan 'das gsang ba'i bdag po/ ma hA yo ga dang // a nu yo ga dang / a ti yo ga gsum dbyer med pa gcig tu gsungs pa'i rgyud sde de nyid rnams ni/ dpal rdo rje 'chang gis bdag cag rnams la gsungs pa ni ngo mtshar che'o// des na rgyud 'di gnas shing spyod pa'i don bshad du gsol/ zhes gsol pas/ bcom ldan 'das dpal kun tu bzang po ngo bo nyid kyi sku des bka' stsal pa/ rdo rje sems dpa' la sogs pa rnams nyon cig/ a ti yo ga'i rgyud 'di nyid la sogs pa rnams ni/ 'og min gyi gnas yum gyi mkha' nyid du/ nga nyid kyis khyed 'dus pa'i 'khor rnams la bshad de/ sdud pa po ni 'jam dpal dang / spyan ras gzigs dang / phyag na rdo rjes bsdus te/ lha gnas gsum du grags te/ de nas gser gyi glegs bam la/ bai DUr+ya zhun mas rang nan du bris te/ 'dzam bu'i gling du lho phyogs su sprul pa'i sangs rgyas 'byon pa'i gnas/ rdo rje gdan du babs nas spyod par 'gyur

  413. 207b

    ro// de yang ma hA yo ga'i rgyud thams cad ni/ rgyal po dza zhes bya ba'i khang thog tu babs par 'gyur la/ a nu yo ga'i rgyud thams cad ni seng ga la'i nags tshal du 'byung bar 'gyur te/ a ti yo ga rdzogs pa chen po'i rgyud 'di nyid la sogs pa thams cad ni/ d+ha na ko sha'i gling du 'byung zhing dar nas rgyas shing spyod par 'gyur ro// gzhan yang gsang sngags kyi rgyud rnams dpal phyag na rdo rje sogs pas/ ye shes kyi mkha' 'gro ma la gtad nas/ slad nas kyang 'byung zhing rgyas par 'gyur ro// de nyid kyi dus su sngar byung ba'i rgyud sde rnam gsum ni/ byang phyogs 'dzam bu'i gling gi dbus yin pas/ der khyad par du dar bar 'gyur ba la/ rdo rje gdan gyi drung du ni mi spyod par byang chub kyi shing drung du gter du sbed par 'gyur ro// de ci'i phyir zhe na/ 'dul ba'i snod du ma gyur pa'i phyir ro// de nyid kyi dus su ni slad nas 'byung ba rnams dang / byang phyogs kyi gnas su ni sngar byung ba'i rgyud sde rnam pa gsum dang / slad nas 'byung ba'i rgyud rnams dang / gnyis ka dar zhing rgyas par 'gyur te/ gzhung bzhin du spyad pa rnams ni rdo rje 'chang gi thob par 'gyur la/ de log par spyad cing dam nyams pa rnams ni de las gzhan du'ang yin no// de yang rgyud 'di nyid ni rtags tsam 'dzin pa'i dus 'byung du nye ba na// rnal 'byor pa skal ba dang ldan zhing

  414. 208a

    tshogs bsags pa rnams kyi spyod cing dar nas/ rig pa stong gsal rtogs te/ sangs rgyas kyi sa la gnas par 'gyur ro// zhes bka' stsal pa dang / bcom ldan 'das dpal kun tu bzang po rdo rje 'chang la 'khor rnams kyis bstod pa ni// ye shes sku yis stong gsum zil gyis gnon// 'gag med gsung gis bstan pa rgya mtsho bsgrags// gnyis med thugs kyis thams cad sa le mkhyen/ kun bzang rdo rje 'chang chen khyod la bstod// ces pas bstod par gyur to// de nas dpal kun tu bzang pos yang bka' stsal pa/ e ma ho rdo rje sems dpa'i tshogs// gsang sngags lam gyi don 'dus rgyud// kun gyi thun mong ma yin te// shin tu gsang la gzung bar bya'o// zhes bka' stsal pa dang / 'khor thams cad bsti gnas kyi sa la gnas pa las/ spyir chibs pa la sangs rgyas par gyur to// rdzogs pa chen po kun tu bzang po ye shes gsal bar ston pa gsang sngags thams cad kyi lam mchog 'dus pa'i rgyud las/ gsang sngags ji ltar 'byung ba lung bstan pa dang / rgyud yongs su bzung zhing gtad pa'i le'u ste lnga pa'o// // rdzogs pa chen po kun tu bzang po ye shes gsal bar ston pa/ gsang sngags thams cad kyi lam mchog 'dus pa'i rgyud ces bya ba rdzogs so// // rgya gar gyi mkhan po shrI sid+ha dang / rdo rje yang

  415. 208b

    dbang gter gyis bsgyur zhing zhus te gtan la phab pa'o// 'di mtshams byang sems gnam sa sbar 'debs 'dzud// @#// rgya gar skad du/ bo d+hi tsit+ta b+hA ba no pa la su war+d+ha dru ta/ bod skad du/ byang chub sems sgom pa rdo la gser zhun/ bcom ldan 'das dbyings gsum rnam par dag pa'i ngang la phyag 'tshal lo// bdag med gnyis nyid bde gshegs mi rtog ye shes chos dbyings sku brnyes pa// kun gyi rang bzhin zhi ba 'di la bsal zhing bla med lam mchog ste// mi ldog pa la sogs te dbang bcu rgyal ba kun dang gcig brnyes pas// gnas gsum mnyam nyid de la mtshan med yid kyis rab tu da pas mos// ston pa 'jig rten sgron mar gyur pa kun gyis mtshungs par rab bsngags pa// chos la chos kyi snying por gyur pa 'jam dpal gzhon nu'i snying po nyid// bde gshegs ma lus yum du gyur pa'i rgyal ba kun gyi lam gcig pu// tshul khrims la sogs pha rol phyin lam spyod pa rgya mtsho'i gzhir gyur pa// rnam dag byang chub sems kyi ngang tshul bsgom dang yon tan khyad par ni// blo ldan nam zhig sems kyi dam pa de ni mngon du gyur pas na// de la sku gsum mchog tu gyur pas chos kyi sku zhes rgyal bas gsungs// shes byed dam par gyur pas shes rab spyan zhes kyang ni de la bya// rdo rje rtse mo mchog nyid mi rtog ye

  416. 209a

    shes de yang de nyid do// ji snyed 'phags pa'i rnal grol chos su bsnyad pa de dag kyang // byang chub sems nyid rdzogs las de yi yon tan de las 'byung // 'phags pa'i rigs chen 'chi med byang chub sems dpa' de dag thams cad kyang // de med mi 'byung de phyir de ni rnam grol mchog gi lam nyid do// de na kun tu rdo rje sems dpa' ci 'drar bsgom par bya bar 'gyur// phra zhing shes dka'i drang srong chen po'i lam 'di mi rtog rtog las 'das// brtag par dka' zhing bstan par dka' la brjod pa'i tha snyad rnams dang bral// tshig gis mi phebs gzhan dang byis pa kun gyi spyod yul ma yin yang // ston pa nges pa'i lung dang bla ma rnams kyi man ngag don 'dir blta// mngon sum la sogs rgyu yi dngos po 'jig cing grub pa'i mtha' dpyod pa// de nyid rtog pa'i rgyun 'brangs spyod yul tshad mar bzhag nas blo yis 'jig byed de// rtog mtha' med phyir dpyod mtha' med de snying po med na tshad ma gang / de phyir 'jig rten brtags pa'i tha snyad rnal 'byor lam 'dir mi dgos so// dngos po mtha' yi rgyu ni lo rgyus dag las lam 'dir brtag par bya// skye bo kun gyi sems la mngon snang phyi nang grags pa'i chos 'di ni// 'dzin pa drug gis ji ltar mthong zhing brtags pa de ltar ma yin 'khrul// rang gi rtog pas myong zhing gzung ba de

  417. 209b

    bzhin bden gyur na// de dag dngos po med rtog dgra bcom 'dra bar grol bar rigs// de dag dus dgras 'joms dang sdug bsngal nyen las nges 'khrul mngon par 'gyur// gzhan du skye mched sgo nas rig pa de dag tshad mar gyur na ni// de dag tshad mar gyur pas 'phags pa'i lam de su la'ang dgos mi 'gyur// lam de rnam grol lam du bstan cing dbang po'i shes pas mi char te/ sdug bsngal 'ga' yang mi 'jil rnam rig shes de nyon mongs 'byung ba'i gnas// de phyir skye bos mthong ba de dag 'khrul par mngon zhes rgyal bas gsungs// de na de la 'di dag 'khrul pa'i dbang gis ji ltar snang bar 'gyur zhe na// kun tu rtog can yang dag ma yin kun tu rtog pas bcom mod nyams// blo gros phyin ci log tu gyur cing ma rig rkyen gyi dbang song bas// sems dang sems las byung ba de nyid lus gsum don du snang ba yin// 'du byed sna tshogs dag gis bag chags bsags la gang goms mthu brtas tshe// sems nyid yul dang yul 'drar snang ba rus pas gang ba bzhin du snang // bag chags bsags pa'i rgyun las dmigs skyes yid la brtags pas bdag ni med// 'du byed mthu yis bsgribs shing phra ba ma mthong de las rnam rig skye// rgyun dang bcas pa'i sems kyi mthu ni ma rtogs rtog pa'i rjes 'brangs nas// de la zag bcas

  418. 210a

    rang bzhin rtogs pas bdag dang chos rnams rgyas par byed// ldan par 'byung ba shin tu phra bar rgyu ba de ni ma mthong bas// bdag tu blta la sogs pa mu stegs lta ba sna tshogs skye zhing thar bar rtog/ sems 'di las rnams mtha' yas gnas gyur bag chags mtha' med nges pa med// bag chags brtas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig smin nas mi yi rgyud kyi lus snang la// rkyen gzhan dag gis bag chags gzhan sad byas tshe 'gyu ba'i mthu mthong nas// dbang phyug la sogs byed par 'dod pa'i lam des mi zhi grol mi 'gyur// rnal 'byor lam bslad the tshom rgyu yang rgun 'di phra ba ma rtogs skye// bdag tu btags pas bsgribs te 'phags pa'i rigs dang rnam par bral// chos su btags pa'i sdug bsngal sna tshogs 'byung zhing ngan song srid par 'gyur// rnam shes de yang 'du byed rgyun las mtshan ma tha dad 'dzin pas na// las kyi khyad par dag gis brgyad du snang gis rigs la du ma med// de phyir sems kyi skad cig dang po de la lus dang chos kun gnas// de la bsam pa zhen phyir phyi ma des 'byung de la snang // rang sems rgyun las 'phags pa skye bo'i chos ni gzhan na yod ma yin// rgyud drug rigs las de yang sna tshogs de dag rang gi ting 'dzin

  419. 210b

    to// sems rgyun de ni phyogs kyang cung zad med pas de la'ang rten med de// de la phyogs med phyir na mtha' yas zhing rnams bdag gi lus// bdag gi lus ni mtha' yas zhing dang skye bo'i lus su rab snang yang // sems dang bag chags gcig min tha dad ma yin brtag par rab tu dka'// 'di kun rten cing 'brel 'byung tshul te skye dang 'gag par 'gyur zhes pa// tshig pa'i sa bon bzhin du med las med pa mi 'byung rgyu 'bras med// dngos por zhen cing rgyu dang 'bras bur rtog pa'i sems nyid ni// rgyu dang rkyen du snang ste de gnyis med phyir skye dang 'jig pa med// skye 'jig med phyir bdag gzhan med de 'chi 'pho med phyir rtag chad med// des na 'khrul 'khor med cing mya ngan 'das pa'ang med pa nyid du mngon// gnas kyi skad cig nams kyang mi 'bral de tshe mnyam 'gyur de med mod// yang dag ma yin rtog pas bskyed phyir bag chags yod pa ma yin dang // spyod yul med phyir kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skyes// de phyir sems 'di yod med mtha' las 'das shing gcig dang du ma bral// bde gshegs byang chub med phyir de yi rdzu 'phrul sgra 'drar 'khrul la snang // de bzhin dag pa'i ye shes de dag dge ba'i rgyu nyid dang // chos kyi dbyings nyid

  420. 211a

    la ni de dag dmigs shing skye bar brtags pa yang // rdo rje'i gnas med phyir na mnyam gnas rang bzhin 'drar 'gyur dang // chos dbyings rdo rje rtse mo de dag phyogs nyid med pas skad cig min// dag pa'i dge rtsa gzugs brnyan med pas 'jig rten ye shes yod mi 'gyur// de phyir byang chub ma chub mtshan nyid med par gcig pas blang dor med// don de'i tshul gyis don dam rnam grangs skye 'gag med dang mnyam nyid dang // gnyis med bsam 'das stong nyid chos dbyings brjod dang tha snyad bral la sogs// bstan pa de kun tha snyad yin te don dam med cing kun sgrib med// don dam tshul gyis lam nyid 'di 'dra zhes pa de nyid kun sgrib yin// the tshom yod med chos ni gang la'ang spangs shing gnas par mi byed do// bsgom pa dang ni chos dbyings med phyir som nyi med la dam par blta ba'ang med// de ltar dngos po'i mtha' rnams brtags pas rang bzhin sgyu ma med 'gyur phyir// yod la ltos pa'i med pa med de med pa'ang med// mtha' rnams med phyir dbus med dbus la'ang gnas par mi byed do// gang la'ang 'jig rten dbang phyug pad+ma kun kyang mi spong 'dra mnyam gnas// chos la 'khrul par mthong ba de nyid 'khrul ba yin par rab rtogs te// drug gis bstan pa'i bdud kyi las kyang mi 'dor ngan du mi rtog go/ shes

  421. 211b

    rab thabs kyi spyod pa la yang mi gnas phyir na bdud rtsi 'dra bar spyod// rang gi shes pa dam par byas te kun las rgyal te des bsnyems na// 'dod chags zhe sdang skyes nas rtsod 'byung gti mug yin te don mi mthong // ji srid yid kyi g.yo ba de srid bdud kyi yul te phra ba'i lam// g.yo dang mi g.yo tha snyad mi gnas gnas la'ang gnas par mi byed de// snang med dbu ma'i lam de byang chub sems zhes bde gshegs gsungs// gzugs dang mtshan ma smon par 'dzin pa rab tu spangs nas su// rnam thar gsum po sgom pa yang bdud kyi lam te gzugs nyid stong pa'o// 'khor ba'i lam gsum spangs shing mya ngan 'das lam bsgom byed pa'ang bdud nyid de// de nyid rang bzhin ma zhi rang bzhin rtsal spangs gang mi gnas// 'phags pa kun gyi yul dang gnas kyang 'das sogs lam 'di gzhan na med// ldang dang mi ldang ched du mi spong sems rten mi 'cha' mngon du min// 'jam dpal ma yin rdul tsam g.yo ba de nyid de yin der mi gnas// bsgom pa'i sa mi rnyed phyir bsgoms pas rnyed par mi 'gyur te// sems kyi spyod yul shes pa de dag chos rnams kyi ni chos nyid yin// rnam bral gang la'ang mchog dang tha ma med par lam mchog 'di bsgom mo// 'du byed ma skyes chos kun 'byung med shin tu chos rnams mya ngan 'das// dngos med de tshe kun

  422. 212a

    kyang chos kyi dbyings shes dgra bcom rab 'byor yin// nam mkha' mi dmigs ming tsam dge dang mi dge 'byed med skye ba'ang med// rtsol ba yid la mi byed gang la'ang sems med shes dang mi shes bral// dran dang 'byed med gang la'ang spang len dga' dang mtshungs med mi dmigs shing // mnyam gnas gnyis su brtags med brjod bral bya dang mi bya med de sogs bri med// ched du rtsol bar yid la mi byed cis kyang mi 'khrugs mnyam shes dang // gang la'ang chags dang yul gyi myos skrag med de mi 'bral mi gnas shing // mi 'phrog mnyam shes bzhi po phyogs dang pha rol phyin rnams der shes te// sems kyi dbyings su bsgoms pas lam gyi phugs na 'dug pa de yin gyis// gzhan du bsgoms pas 'od gsal don nyid rig par mi 'gyur ro// brda' can yang dag len pa'ang byang chub chen po yin zhes ston pas rab gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin gsum po brtan par byas nas rtags kyi mtshan ma phyag rgya gsum bcings nas// chos kyi phyag rgya chen por sems nyid bskyed de snying po brjod cing bsgom pa'i gnas// rdo rje sems dpa' bsgoms pas lam kun ma nor bsgom pa yin// kun tu bzang mo'i spyod pas ma zin dge ba'i chos ni gang yang rung // kun tu

  423. 212b

    bzang po'i spyod pa'ang bdud kyi las te zad cing mthar thug 'gyur// de dang ldan pa'i las ni bdud kyi las kyang byang chub spyod par gsungs/ don 'dir mos pa de yang byang chub chen po yin zhes rgyal bas rab tu bsngags// gnas 'dir bskyed pa tsam gyis 'jig rten gsum po bla mar bcas pa yi// mchod gnas nyan thos bdud kyi sde rnams zil gyis gnon zhes rgyal bas gsungs// thabs chen byang chub sems dpa' gsang ba'i spyod pa'ang 'di nyid de// 'di min rgyal ba rnam par snang mdzad theg pa gsum ston mi srid do// skad cig tsam du dang pa'i shugs bskyed de yang myur du 'jam dpal gzhon nur 'gyur// dkyil 'khor gsang bar zhugs shing dam tshig mchog kyang bsrung ba yin// tshul khrims sdom pa kun kyang bsrungs shing sbyin gnas dam par rab tu bsngags// de phyir byang chub sems kyi bsod nams de la gzugs yod na// nam mkha' bar snang 'di yang snod du chung zhes rgyal bas mtshungs par gsungs// skye bo skye ba sna tshogs dag las skyes shing skye dang skye 'gyur skye ba'i rgyun gyi dbang song bas// rtog mtha' mi shes rtog pas bslus shing rtog pa'i rgyun 'brangs 'khrul pa'i rtog las phyir ldog med gyur pa// sgyu ma'i sku shes dag gis sgyu ma'i glang po 'dra bar sgyu mas rmongs pa'i sgyu ma rnams// rmi lam gyis bslad bzhin du rmi yis

  424. 213a

    bden pa'ang nyams shing rmi lam dbang du song ba'i rmi lam pa// lam 'di spangs shing mtha' dang lam gzhan lam du bltas nas ma nor lam zhes ston pa de// de dag rdo la gser bzhin thugs rjer rung zhing thugs rje'i thugs rjes kye ma'o phrogs pa yin// shin tu ma sbyangs dus kyis mnar ba'i skye bo lnga brgya tha ma la// gsung rab dri med rtogs dka' dag la sgra bzhin spyod dang tshul bzhin min// rang gi blo gros stobs bzhin 'jug la sogs pa lta ba sna tshogs dag/ mi shes chu bos g.yeng zhing gsung gi nying khu bdud rtsi rnal 'byor bral// de phyir rgyal bas gsungs pa'i thugs kyi gsang ba dam pa 'di// kun tu rgyal ba rnams kyi spyod yul thun mong ma yin yang / goms pa'i mthu yis mi 'gal tshul du tshad ma dag las rab bsgrubs te// 'gro ba'i don du mi gnyis lam mchog 'di ni rab bgyis pa// skye bo skye gnas thams cad du yang skad cig tu// mi mthun phyogs kyis mi nyams rgyal ba kun gyi thugs 'dir rab rgyas shog/ byang sems sgom pa rdo la gser zhun rdzogs so// 'di mthams kyang mams mi 'gyur ba'i thig la 'dus// rgya gar skad du// tsit+ta tan+t+ra rat+na ku Ta laM kA ra nA ma// bod skad du/ thugs kyi rgyud rin po che spungs pa'i rgyan zhes bya ba/ ye shes kyi sku bde ba chen po na bzhugs pa/ bya rtsol mi mnga' ba/ gsang ba mchog gi

  425. 213b

    dkyil 'khor dang 'du 'bral med par bzhugs pa// sangs rgyas kyi zhing yongs su dag pa na/ ye shes kyi snang ba mi 'gag par 'od gsal ba/ thugs rin po che'i klong na 'du 'bral med pa/ stong pa chen po ye shes kyi snying por gnas pa la phyag 'tshal lo// 'di skad bdag gis zos pa'i dus gcig na// bcom ldan 'das 'og min gyi gnas snying po byang chub na bzhugs pa'i skus/ rdo rje sems dpa' la gzigs nas/ chos kyi sku bde ba chen po lnga bzhugs te// de'i tshe dus gsum gyi bde bar gshegs pa rnams dang gnyis su med par bzhugs nas/ kye kye rdo rje 'dus pa'i ye shes sku// tshig gcig mtshon pas don chen srungs// rnam par dag pa'i lam chen po// sangs rgyas nyid kyis yongs ma gsungs// bgrod med lam la rab gnas pa// ye shes sku gcig dri ma med// ma bskyed gsang ba'i dkyil 'khor rdzogs// rnam dag lam la rab tu gnas// mgon po shes rab pha rol phyin// shes rab mtshon cha rnon po yis// snying rje med par thams cad sgrol// gzung 'dzin gnyis med ye shes sgra// mya ngan 'das med 'khor ba med// mgon po dri med ye shes sku// sangs rgyas kun gyi gcen chen po// thugs kyi sgron las don bstan pa// 'jig rten khams ni rdzogs sangs rgyas// rdo rje sems dpa' bdag nyid kyang // rdo rje'i

  426. 214a

    gdan la yang dag brten// kye rdo rje 'dzin pa nyon cig/ chos kyi sku bde ba chen po'i don 'di ni// kun gyis rig pa ma yin te// lha la sogs te 'gro ba rnams// byang chub sems dpa' mi rig ste// chos pa rnams kyi don mi rnyed// sangs rgyas lam la mi gnas te// lam la bgrod pa rtsol ba'i nad// sangs rgyas nyid la 'bras bu med// 'bras bu grub par 'dod pa yi// byang chub sems dpas don mi rnyed// de phyir mgon po dri med ngas// thugs kyi dkyil 'khor rang byung ba// ye shes lhun rdzogs me long bzhin// nga ni dus gsum rtag par bzhugs// sangs rgyas kun gyi ye shes sku// dri med rang byung 'od gsal ba// dus gsum gcig ste rtag par bzhugs// rang las 'byung ba'i ye shes lnga// gsang ba'i dkyil 'khor thugs kyi mchog/ mtshan nyid me chu sa rlung lnga// rang las byung ba'i chos nyid de// las la ma rmongs thabs kyi zhing // byed pa po nyid rdo rje ste// skye 'gag med pa'i ye shes 'di// rang bzhin nam mkhar 'od gsal ba// gzhi las byung ba'i ye shes te// dang po rgyu med dbyings las shar// tha ma rkyen med bde ba'i ngang // 'byung ba sa chu me rlung kyang // bdag nyid chen po'i de bzhin nyid// 'gro ba'i rgyud drug snang ba yang // dag pa'i ye shes rgyu yi dang // phyi nang snod bcud ma lus kun// dang po rgyu med dbyings

  427. 214b

    las byung // tha ma rgyu med dbyings su thim// kye rdo rje 'dzin pa nyon cig/ nyon mongs lnga dang mtshams med lnga// lam gyi dgra ste lam gyi mchog/ nga ni sangs rgyas kun gyi sku// nga ni sems can kun gyi dur// nga ni nad rnams kun gyi sman// shel ltar dri med ye shes sku// gzhi la dngos med nam mkha' 'dra// 'gag med ye shes 'od kyi sku// chu zla lta bur rang bzhin med// rang byung ye shes 'gag med gsung // brag cha lta bur rang bzhin med// mi 'gyur rdo rje lta bu'i thugs// nyi ma lta bur sgrib pa med// ces pa rin po che spungs pa'i rgyan zhes bya ba/ thugs kyi rgyud dam pa las/ gzhi'i 'dug tshul bstan pa'i le'u ste dang po'o// // de nas bcom ldan 'das rdo rje 'chang chen po/ chos nyid mnyam pa'i ting nge 'dzin las bzhengs nas/ thugs mi gnas pa'i klong nas/ gsang ba'i dkyil 'khor chen po zhal phye nas/ nyid las mi gzhan pa'i 'khor rnams la bka' stsal pa/ kye 'dus pa'i tshogs rnams pa la nyon// nga med gzhan med ngo bo nyid kyi sku// ye shes dkyil 'khor dang byung la// gdod nas ma byas rang byung ba// bla med lhan rdzogs sku lnga'i bdag/ smra bsam brjod med mya ngan 'das// mi gnas shes rab pha rol phyin// rang byung ye shes lngar snang ba// 'du 'bral med pa'i sku lnga 'grub// rigs kyi gtso bo lngar snang ba// mtshan bzang

  428. 215a

    dpe byad tshul shes ldan// mar me gcig las gnyis snang bzhin// bdag med shes rab pha rol phyin// rgyan dang cha lugs tshul shes pa// skye med rnam dag gdan stengs su// 'khril ba'i tshul du bstan par gnas// rang byung grub pa'i sku lngar shar// skye ba med las skye snang tshul// skyes pa nyid nas 'du 'bral med// gcig pur snang ba'i sku lnga'o// rdo rje 'chang gis bka' stsal pa// nga ni rnam dag sku yi mchog/ ye shes lus can dri ma med// nga ni rnam dag gsung gi mchog/ smra bsam yul las 'das pa yin// nga ni rnam dag thugs kyi mchog/ rtog pa'i mtha' las 'das pa yin// stong pa'i ye shes rtsal snang ba// sangs rgyas sku lnga'i bdag nyid can/ sku lnga'i yon tan mthar phyin pa// shes rab pha rol phyin pa'i gsung // gsung med gsung gi dkyil 'khor nas// chos med chos kyi don brjod pa// mgon pos bdag la bshad du gsol// zhes bka' stsal to// de nas sku lnga ngo bo nyid kyi sgra dang drug/ ye shes lnga mi gnas pa'i ye shes chen po dang drag/ yul lnga bdag tu med pa'i klong dang drug gis spras pa/ kye kye bcom ldan rdo rje 'chang // nga byed pa po nyid rang bzhin gyis rnam par dag nas/ sangs rgyas pas 'dus byas kyi chos ye gdod ma nas med do// nga'i shes pa rnam par dag pa yin pas/ nga'i chos thams cad rnam par mi rtog pa

  429. 215b

    yin no// de nas rang rang gi rigs kyi 'khor rnams dang lhan cig tu 'khod nas// thal mo mnyam par sbyar te gsol pa/ ngo bo nyid kyis smras pa/ e ma ho// bde gshegs bcom ldan 'das// sangs rgyas kun yi ye shes sku// rtogs par dka' ba'i snying po'i don// rab tu mi rtog gnas med pa'o// zhes gsungs so// de nas bcom ldan 'das rdo rje mi bskyod pas/ e ma ho gzung 'dzin rnam spangs pa// tshig dang yi ge'i spyod yul min// chos bdag med pa'i mnyam pa nyid// rang rig gdod nas ma skyes pa'o// de nas bcom ldan 'das rin chen sems dpas// e ma ho mnyam nyid rig pa'i klong // ming du btags pa'i chos rnams kun// mnyam pa nyid las gzhan med do// de nas bcom ldan 'das pad+ma sems dpas/ e ma ho/ chos su snang ba thams cad kun// rang gi ngo bo brjod du med// de nyid rang rig ye shes ni// mkhas pa rtogs pas bsgom par 'gyur// de nas bcom ldan 'das las kyi sems dpas// e ma ho// chos kun rang rig ye shes te// nges pa med do dngos rtog bral// de nyid dag pa'i rang bzhin pas// mkhas pas ci dgar bsgoms kyang 'grub// ces gsungs so// de nas bcom ldan 'das rnam par snang mdzad sems dpas/ e ma ho chos kun stong pa'i bdag/ rang gi ngo bo brjod du med// brjod

  430. 216a

    med de nyid snang ba yis// chos rnams kun la khyab par gnas// zhes gsungs so// de nas yum kun tu bzang mos// e ma ho chos nyid bde ba'i klong // rang bzhin rnam par dag pas nam mkha'i ngo bo nyid// de nas yum sangs rgyas spyan gyis/ e ma ho mi bskyod byang chub sems// dus gsum 'pho 'gyur med pas ye shes dag pa'i zhing // de nas yum mA ma kIs/ e ma ho yon tan dpag med sku'o// 'du 'bral med par gnas pas snod bcud snrums par byed/ de nas yum gos dkar mos/ e ma ho thugs rje 'od dpag med// thams cad smin par byed pa'i rang bzhin ye shes 'od kyi me/ de nas yum dam tshig gi sgrol mas/ e ma ho thugs rje'i shugs kyis sgrol/ ma bskyod rlabs kyis gcod pas gar yang thogs med sgrol/ de nas yum bdag tu med pa'i klong gis/ e ma ho// mi gnas ye shes dngos rtogs mtha' dang bral// sku dang ye shes rol pa mdzad spyod kun// gdod nas rang bzhin med de dngos rtog mtha' dang bral// zhes gsungs so// de nas ye shes lngas smras pa// rig pa 'gag pa med pas me long ye shes yin// de la 'pho 'gyur med pas mnyam pa nyid// de nyid rgya ma chad pas sor rtog ye shes yin// ma btsal lhun gyis grub pas bya ba grub pa yin// skye med dbyings las ye shes rang byung bas// chos kyi dbyings

  431. 216b

    kyi ye shes gdod nas dag/ ye shes rgyal po tshig las 'das pa ste// mi gnas tshig las 'das pa'i ye shes yin// zhes gsungs so// de nas bcom ldan 'das rdo rje 'chang // dga' zhing mgu nas yi rang ste// legs so legs so rigs kyi bu// sems can kun gyi don gyi phyir// khyed kyis smras pa de legs so// tshig don rab tu gsal ba yis// sgyu ma lta bu'i ye shes la// sgyu ma lta bu'i tshig brjod pas// dngos po mi g.yo brtan par bzhugs// de bzhin gshegs pa'i sku lnga yang // ye shes lnga ru mngon sangs rgyas// ye shes lnga yi ngo bo yang // mi gnas ye shes chen por rdzogs// ma bskyed rang byung dbyings su rdzogs// rdzogs pa'i yang rdzogs a ti la// mtho dman bzang ngan che chung yangs dog med de rdzogs// rang bzhin rnam par dag pa'i sku mnga' bas// rang byung btsal med sku lnga lhun gyis rdzogs// nam mkha'i rang bzhin mtha' dang dbus med pas// phyi nang snod bcud nam mkha'i ngang du rdzogs// rang byung bde chen ye brdal khyad par gnas// mnyam dang mi mnyam skye med klong du rdzogs// rdzogs pa'i don la btsal du ye nas rang bzhin med// ces gsungs so// thugs kyi rgyud dam pa las/ thugs rje 'byung ba'i tshul bstan pa'i le'u ste gnyis pa'o// // de nas bcom ldan 'das rdo rje 'chang // rang gi ngo bo brjod du

  432. 217a

    med// mi gnas mya ngan 'das pa po// rtogs pa'i klong du sus dris pa// ye shes dri ma med pa yin// lung du bstan pa bde gnas pa// gol sgrib gdar sha chod pa yin// chos la blo ni mi gnas na// rtag chad tshig las 'das pa yin// ye shes sgyu mar snang ba'i sangs rgyas dang // log rtog sgyu mar snang ba'i sems can gnyis// sgyu ma yin phyir rang bzhin rnam par dag/ ma byung ma skyes 'od kyi dkyil 'khor la// bkod pa lha yi dkyil 'khor rtsol mi dgos// rang bzhin rnam par dag pa'i chos sku la// khrus dang gtsang sbra me tog byug mi dgos// mkha' la nyi ma'i snying po brdal ba la// 'od dang snang ba kun tu btsal mi dgos// shes rab rig pa gzhi las shar ba la// rna bas mnyan cing tshig phyir 'brangs mi dgos// nor bu rin chen rang la yod bzhin du// gzhan la brten nas btsal bas chos nyid don mi rnyed// rnyog pa med pa'i chos sku la// bkrus pas mi 'dag nam mkha' 'dra// skye dang bral ba'i snying po la// byang chub 'bras bu yongs kyis med// rdo rje sems dpa' byang chub ni// rang gi rig pa chen pos mkhyen// rang rig du mar mi snang bas// so sor bstan kyang gcig gi dang // bde gshegs sku rnams du mar snang // ye shes lnga yi bdag nyid snang // nyi ma'i snying po ji bzhin no// kye rdo rje 'dzin pa chen

  433. 217b

    po// snang la mi gnas pa rnams ni// ye shes kyi sku dri ma med pa'o// bkod pa med par mngon par snang ba ni// de bzhin gshegs pa'i sku dri ma med pa chu zla lta bur snang ba'o// ma bkod pa mtha' dang dbus med/ phyogs dang ris med/ mtho dman dang yangs dog med par snang ba ni/ sangs rgyas kyi zhing yongs su dag pa'o// 'dod pa'i mtha' thams cad dang bral ba ni// ting nge 'dzin rtse gcig pa'i zas so// ye shes kyi sku dri ma med pa dang sangs rgyas kyi zhing yongs su dag pa gnyis dus gsum du 'du 'bral med par bzhugs pa ni/ grogs khyad par can no// tshig dang yi ge'i don la mi gnas par gzhi'i 'dug tshul shes bya gtan la phebs nas/ dgongs pa'i la dor// don klong du 'dril// re dogs kyi 'phrang bcad// bdag nyid chen po de kho na nyid do// zhes thugs kyi rgyud dam pa las// rtogs pa rgyud la bzhag pa'i le'u ste gsum pa'o// // de nas bcom ldan 'das rdo rje 'chang chen po// chos nyid gsal ba'i ting nge 'dzin las bzhengs nas/ sku mi gnas pa'i klong chen por bstims te/ kye 'dus pa'i tshogs rnams pa la nyon// nga ni ye nas nam mkha' 'dra// nam mkha'i rang bzhin dngos po med// sgrib g.yogs rab tu mi gnas pa'o// nga ni ye nas rgya mtsho 'dra// srid pa'i g.yo 'gul ye nas med// nga ni ye nas ri bo

  434. 218a

    'dra// dus gsum 'pho 'gyur med par gnas// nga ni nyi ma'i snying po 'dra// sku gsum 'bras bu lhun gyis grub// nga ni ye nas seng ge 'dra// rtsal gsum lus la rdzogs pa yin// nga ni bya rgyal khyung chen 'dra// lta ba spyi rgya rlabs kyis gcod// kye rdo rje 'dzin pa nyon cig/ khyed ni da rung 'khor ba'i rgyu'o// sa la gnas pa'i byang chub sems dpa' rnams dang / lha rnams la sogs pa lta ci smos/ ci ste/ rtogs pa'i don lam du 'khyer ba'i phyir ro// nga rig pa chos kyi skur rang byung gi ye shes chen po rtogs pa mngon du gyur pa/ bya btsal thams cad dang bral ba// lung las 'das pa/ zab cing cha phra bas gzhan gyis brtags par dka' ba/ phra zhing zag pa med pa/ sa bon dang bral ba/ rdul med pa rdul dang bral ba/ dri ma med pa dang ma 'dres par gnas pa/ rang rig pa'i ye shes la bdag med pas/ bya ba thams cad dang bral ba'o// sgra bsam tshig las 'das pas rdo rje sems dpa'i thugs// gsal la rang bzhin med pas gzung 'dzin gnyis dang bral// skye 'gag mtha' las 'das pas chos nyid bde chen po// ji bzhin lhun gyis rdzogs pas kun la khyab par gnas// snying po rang la rdzogs pas bsgom pa'i blong ngo bral// snang bar bya med chos nyid bde chen klong // yon tan lhun rdzogs ye nas rnam par dag/ kha dog dbyibs

  435. 218b

    med smra bsam 'das pa'i dbyings// skyon rnams kun bral bsgom du med pa'i mchog/ ma bcos chos sku kun gzhi'i byang chub sems// thugs kyi rang bzhin mtshon pa las 'das pas// shes par bya phyir rna bas mnyan du med// dbyings nas shar bas lces kyang brjod du med// rang byung chen po tshig gi mtha' dang bral// rtog med mnyam nyid chos kyi sku// mdzes pa kun tu bzang po'i sku// bzung bas mi zin chu zla'i sku// zab mo a yi klong nas 'byung // brjod las 'das pa zab mo a yi klong // a yi rang bzhin spros pa'i mtha' dang bral// rtog med mnyam nyid chos skur dag pa la// ngo mtshar rmad byung rig pa'i skur snang ste// ma g.yos dbyings nyid yin pas klong nas 'phyo// ji ltar snang yang ma bcos snying po'i sku// zab mo a yi klong chen 'di// btsal bas rnyed pa'i gnas med de// drug gi chos bzhin yul 'dod na// long bas nam mkha' 'dzin pa bzhin// gong nas gong du sa 'phar lam// bya bral chos dang mthun pa min// bgrod du med do chos sku byang chub sems// bgrod par 'dod na ye shes mtha' la ring // bsod nams las grub gling bzhi rgyal po dang // rnam dpyod dus la ltos pa'i mu stegs rnams// ma bcos chos nyid byang chub lam 'gags pas// chos nyid byang chub don dang bral bas gol// kye rdo rje 'dzin pa nyon cig/

  436. 219a

    byang chub kyi snying po la gnas pa'i tshe/ byang chub kyi chos la byang chub tu bsgrub tu mi gnas so// de bzhin gshegs pa rnams kyi ye shes la// sems can gyi chos med de mi gnas so// a ti yo ga rdzogs pa chen po bya btsal las 'das pa la/ bzang ngan dang che chung med de mi gnas so// lung las 'das pa'i chos/ sems las 'das pa'i sangs rgyas// kun gzhi las 'das pa'i chos// ma bsgoms par sangs rgyas pa'i blta ba/ chos spyod bcu dang mtshams med pa lnga'i spyod pa la khyad par med pa// ma mnyan par bshad shes pa'i rgyud// 'di ni sangs rgyas kyi rgyud// gsang ba man ngag yang dag par shes par bya'o// zhes thugs kyi rgyud dam pa las/ bya btsal thams cad las 'das par bstan pa'i le'u ste bzhi pa'o// // de nas bcom ldan rdo rje 'chang // sangs rgyas chos la mi gnas te// sems can rnams ni blta ba yin// mtshon pa'i byang chub chos yin kyang // rdzogs pa'i blta ba chos ma yin// thog ma'i mgon po dri med kyang // chos la brten pa ma yin te// ma bskyod dbyings nas rang 'byung ba'o// de phyir chos kyis sangs mi rgya// chos ni tshig phyir 'brengs shing tshig la dga'// rang byung ye shes nyid ni tshig gi mtha' dang bral// rig pa'i ye shes chos la brten ma yin// de phyir yang dag don la tshig med yi ge/

  437. 219b

    med// dper na byis pa zla ba mtshon pa bzhin// sems can rnams la yang dag tshig dang yi ges mtshon// sems can rnams ni thog ma chos la rab brten la// chos de khong du chud nas chos la mi gnas na// lung bstan de ni thog ma'i sangs rgyas nyid dang mtshungs// chos de khong du chud nas chos la yang dag gnas 'gyur na// byis pa'i rtsed mo 'dra ste slar la 'jig/ de phyir bsam gtan mnyam bzhag byed cing ye shes lha la mchod byed pa// byis pa so so skye bo rnams kyis sgom chen yin zer ba// de ni long bas long ba khrid nas g.yang sar brul nas 'chi// gang zhig rgyud pa'i blo gnas na// srog bcad tshe dang shing bcad don la khyad par med de stong pa'i mu la gnas/ ci ste chu la ral gris btab dang mtshungs// stong pa'i chos la stong pa'i ye shes rang rol pa// nam mkha'i mdung bskor 'dra ste yangs dog med// gzugs kyi phung po 'byung ba sa rdo snang // rang rig rgyal po nam mkha'i mtha' dang mnyam// rnam rtog gzung 'dzin bag chags ci bsags kyang // byang chub sems la rang bzhin yongs kyis med// dper na nam mkha'i cho 'phrul sna tshogs cir snang yang // nam mkha'i rang bzhin gdod nas rnam par dag/ kye rdo rje 'dzin pa nyon cig/ bka' lung gi phyi mo las kyang // ye shes rgyal po tshig las 'das pa de// smra ba'i khyu mchog gzhan

  438. 220a

    gi dring mi 'jog/ rang rig rgyal po tshig las 'das rtogs na// phyi nang snod bcud bdag nyid chen por ldog/ sangs rgyas kun gyi thugs kyi mchog/ sangs rgyas nyid kyi thugs la gnas// sems can kun gyi byang chub sems// mgon po dri med shes rab kyis// rnam par dag pa'i zhing khams su// dus gsum gcig ste mnyam par gnas// rdo rje 'chang gi ye shes ni// bde gshegs rnams kyi thugs la gnas// sems can rnams la de bzhin no// yi ge'i ngo la mi snang yang // mtshon pa'i yi ges don la snang // don gyi yi ge dam pa de// shes rab can gyis ar snang ba// a yi rang bzhin khong nas 'byung // khong nas 'byung ba skye ba med// skye med yi ger mtshon pa de// mgon po dri med nga yi sku// nga med nga ni stong pa yin// 'phags pa rnams kyis nga mi gzigs// bdud dang mu stegs nga mi snang // nga la rang bzhin med pas na// bdud bzhi rnam par grol ba yin// nga ni mi 'gyur rdo rje'i sku// zag pa med pa'i ye shes yin// kye rdo rje 'dzin pa nyon cig/ nga dri ma med pa ye shes kyi sku la/ dge ba dang sdig pa gnyis med do// dper na nam mkha' la nam mkha' gnas pa'i tshul lo// nga gdod ma nas snying po byang chub tu gnas pa la/ 'bras bu thob dang ma thob gnyis su med do// nga stong pa chen po'i ye shes kyi snying po can du gnas

  439. 220b

    pa la/ bde ba dang sdug bsngal gnyis med do// rang rig pa'i ye shes chos nyid skye ba'i ngang nas dus gsum du 'du 'bral med par bzhugs pa la/ gnas dben pa dang mi dben pa gnyis med do// kye rdo rje 'dzin pa 'khor ba'i rgya mtsho mtha' ring bar/ nyon mongs sems can grol mi nus// thugs rje chen po'i shugs phyung nas// bsad pa 'ba' zhig las su rung // khams gsum sems can bsad pa na// sangs rgyas 'byung ba'i lam chen yin// sku gsung thugs kyi rdo rje'i bdag/ sems can rnams kyi thar pa'i lam// de bzhin gshegs pa'i thugs rje yis// ngan song zhing du yang dag bsgral// sangs rgyas 'byung ba'i byang chub sems// ma skyes pa yi rtsal la gnas/ kye rdo rje 'dzin pa/ 'jig rten khams ni rdzogs sangs rgyas// gang zhig thob pa bla na med// snying po byang chub sems la bzhugs// zhes gsungs te// rang rig pa'i ye shes kyis ma rig pa bsad nas/ ma rig pa gar bros rig pa'i ngang la bros// ye shes lngas dug lnga bsad nas// dug lnga gar bros/ ye shes rang la bros/ skye ba'i rgyun bcad 'khor ba'i lam dang bral/ rgyun bcad lam bral sku ni mya ngan 'das// rang byung ye shes nyid kyang tshig gi mtha' dang bral// kun gzhi'i rnam shes sku la mi 'khor zhing // mya ngan 'das pa'i byang sems de kho na// kye rdo rje 'dzin pa nga la

  440. 221a

    nyon// nga ni sangs rgyas kun gyi sku// ye shes sku gcig dri ma med// nga ni sangs rgyas kun gyi gsung // 'gag pa med pas ye shes gsung // nga ni sangs rgyas kun gyi thugs// mi 'gyur rdo rje lta bu'i thugs// 'gro ba rigs drug nga yi lus// mgon po dri med ye shes ngas// ma byung ba yi chos nyid las// snod kyi 'jig rten nga las byung // bcud kyi 'jig rten nga las byung // nga med pa yi sngon rol na// snod bcud mi gnas nga yi dang // nga ni rang byung ye shes te// yul ni rnam par dag pa'o// ma byung dri ma med pa'i ye shes la// 'dod chags bya ba'i ming yang med// 'dod chags med pa'i sngon rol na// yi dwags 'khor ba'i rgyun yang bcad// nga rgyal mnyam nyid chen po yin// mi yi 'khor ba'i rgyun yang bcad// khong khro rang byung ye shes yin// lha min 'khor ba'i rgyun yang bcad// phrag dog bya ba grub pa'i ye shes yin// lha yi 'khor ba'i rgyun yang bcad// klu dang ma mo gshin rje dang // bdud dang gnod sbyin srin po dang // mi ma yin pa'i tshogs rnams kyis// nga la glags ni mi tshol te// dang po rang gi ngang las byung // tha ma rang gi ngang du thim// dkon mchog gsum la skyabs mi 'tshol// ngan song gsum la nyam mi nga // ye shes mnyam pa nyid kyi sku// mi gnas pa'i ye shes chen po klong du khod snyom// rang byung gi ye shes chen po

  441. 221b

    tshig gi mtha' dang bral bar la bzla'o// rgyu 'bras kyi chos thams cad rdzogs pa chen po'i klong du bstims so// zhes ston pa rdo rje sems dpas bstan/ zhu ba po dga' rab rdo rjes zhus te/ sdud pa po 'jam dpal nyid kyis bsdus nas byang chub shing drung du sbas nas/ rdo rje sems dpa'i rgyas btab bo// thugs kyi rgyud chen po rin chen spungs pa'i rgyan zhes bya ba/ rnyog pa med pa'i rgyud du gsungs nas/ chos spyod bcu dang mtshams med lnga// rtogs pa'i blo la rang bzhin mnyam// zhes chos la gnas na sangs rgyas kyi las kyi sgrib par 'gyur bar bstan pa'i le'u ste lnga pa'o// // rdzogs so// shrI sid+ha dang bai ro'i 'gyur//

  442. 222a

    rgya gar skad du/ gu h+ya sA mA mya tan tra nA ma/ bod skad du/ gsang ba spyi rgyud ces bya/ gsan yig tu sems lung ched mo'i mdo gsang ba spyi'i rgyud ces pa de yin/ bcom ldan 'das gsang bdag che la phyag 'tshal lo// 'di skad thos pa'i dus na rang bzhin rang snang ba'i gnas na/ rang byung gi ston pa gsang bdag chen po la 'khor gsum gyis bskor te/ bstan pa gsum gyi don la bkod do// de nas ston pa gsang bdag chen pos// ched du brjod pa 'di ched du brjod do// gang yang grub pa med pa'i ngang // ming gi tha snyad grub pa med// snang ba gsum gyi rang bzhin las// ston pa gsum kyi ngo bor shar// gdul bya'i zhing la so sor snang // sku dang gsung thugs rim pa yis// rang rang mos pa so sor shar// yi ge med snang gsung tshig gis// gang 'dod 'bras bu so sor snang // khams gsum gnas pa'i sems can rnams// rgyu dang log gcod thabs bral bas// rgyud drug 'khor ba'i nang du 'khyams// ma rig ma rtogs ma shes pas// yun ring sdug bsngal so sor spyod// ces gsungs so// de skad brjod pa'i mthus 'khor gyi nang nas sems dpa' rdo rje des ston pa la zhu ba'i don zhus pa/ bdag la sogs pa'i 'khor rnams kyis// ston pa'i rang bzhin ji ltar rtogs// rgyud drug sems can thams cad kyis// dang po ma rtogs ji

  443. 222b

    ltar 'khrul// de las grol thabs yod dam med// zhus pas/ gsang bdag chen pos lan gsungs pa/ mnyam nyid rang bzhin lhun grub lus// ye shes mkha' la 'degs pa'i rlung // rang gsal rin po che yi sbubs// zer rtsal ma 'gags so sor shar// rtogs lugs snang ba bdun du snang // rang bzhin snang dang gdul bya yi// mthar thug 'bras bu gsum gyis su// thugs las 'byung ba bcud kyis su// dran sems 'gyu ba kun dang bral// bde ba rang snang 'dzin sems med// theg pa kun gyi bla med mchog/ dbang po kun rkyen mi snang na// mi 'dzin mi snang rkyen dang bral// gtso ma bzhin te bcos bslad med// snying po/ 'dod pa med na gsal// dri ma 'khrul rtog ngang gis med// ye shes rang lugs ngang gis bde// ston pa gsum gyi ngo bo dang // dus gsum sangs rgyas thams cad la// dgongs pa de las yongs mi mnga'// yang zhus pa/ ston pa'i dgongs pa de lta na// 'gro drug mos pa drang ba'i thabs// kun mkhyen khyod kyis gsung du gsol// zhes gsol pas// gsang bdag chen pos gsungs pa/ 'gro drug sems can thams cad kyis// thogs med dus nas don ma gsal// 'gyu ba rig pa so sor shar// de la brtas shing zhen pa'i sems// kun 'tshol nges 'jog gtan la 'bebs// zhen brtas sdug bsngal so sor

  444. 223a

    myong // sdug bsngal de las thar pa'i thabs// snod bcud gnyis 'jom man ngag gis// de don grol ba'i thabs su bstan// 'khrul pa rtsad nas gcad pa dang // man ngag gnad la dbab pa dang // mtshon bya dpe yis ngo bstan dang // dbye ba gnyis su bstan pa dang / sku lnga ngo yis bzung ba dang // brda' don khyad par bstan pa dang // rang rgyud bstan pa'i rim pa yis// rgol rtsod rim pa'i dbye ba dang // man ngag don dang sbyar ba dang // bshad thabs rim par bstan pa dang // rna brgyud bstan pa'i rim pa yis// de nyid thob pa'i thabs su bstan// dgos 'brel gnyis kyi khyad par dang // yon tan rgyud kyi che ba dang // khyad par mtshan gyi che tshul lo// zhe 'dod med pa'i rtogs pa dang // dngos po ci yang ma yin pas// ye shes rang lus gsal 'grib med// rkyen la ltos pa'i 'khrul sems bral// lus ngag 'khrul pa rang bzhin zhig/ rgyu yi chos la blo mi skye// theg pa che las blo mi 'gyur// rtogs pas bya ba ngang gis gtang // dge sdig sems dang bral ba'o// ngo bo grub pa ci yang med// stong pa ye shes snying po nyid// bcos bslad med pa'i rang bzhin nyid// 'gyu med 'dzin med rtog pa bral// snang stong mtha' gnyis bral ba nyid// 'khrul pa'i myong rig gang yang med// 'gyur med rkyen dang bral ba'o// sangs rgyas

  445. 223b

    sems can mnyam pa nyid// mtha' dang dbus med klong chen po// mtshan nyid rig pa bsam mi khyab// lus kyang de bzhin gnas pa ste// rang rang 'dod pa bzhin du 'khrul// zo chu'i rgyun bzhin gnas pa bzhin// de rtsad gcad cing gtan la dbab// kun gyi gzhi ma mnyam pa nyid// rgyud gcig ldog dang bcas pa'o// snga phyi med par dbyings su gcig/ ma bcos snying po kun gyi gzhi// rin chen gter gyi mdzod chen po// rgyu las ma byung rkyen dang bral// 'di 'drar bstan med byang chub sems// 'gyu ba med na dran mi skye// stong pa'i ngang la rtsis gdab med// nam mkha' bzhin du mtha' dbus med// snying po nyid la sor gnas pa// nyi zla bzhin du gsal 'grib med// phyogs bral theg pa kun gyi rtse// thams cad 'byung ba'i gnas chen po// rgyud rnams ma lus bdag po yin// 'dod dgu 'byung ba'i rin po che// ston pa rnam gsum thugs kyi bcud// mkhyen pa'i ye shes bsam mi khyab// dus gsum sangs rgyas dgongs pa'i mchog/ dbang po'i bsam pa 'di nyid ni// 'gyu ba med na de nyid yin// rig pa brjed med bsgom mi dgos// dran pa'i phyogs la rjes mi gcod// mkha' dang 'ja' tshon dkyil 'khor la// zhen med tshul 'jug ngang gis bde// rang dbang rgyal po rtogs pa che// don las mi 'da' mnyam pa med// sangs

  446. 224a

    rgyas thugs nyid bsgrub pa'i mchog/ 'dod bral rtogs pa'i don chen po// ma bcos bya gtang don dang mthun// 'dzin bral 'di la gnas pa ni// rnal 'byor chen po skal ba bzang // lus ngag 'khrul pa dang gis zhi// rkyen snang 'khrul pa'i mtha' mi 'dzin// mi byed ma phyed mnyam pa nyid// rang gnas rang lugs don chen po// dngos gzhi med pas myong dang bral// de bzhin lce yi dbang pos kyang // yang dag don la brjod du med// snang ba'i ngo bo med pa ni// ma btsal bzhag pa nyid du bde// snang dang stong pa'i phyogs cha bral// rtag dang chad pa'i mtha' mi gnas// 'gro drug 'khrul pa'i rang bzhin dang // rgyal ba'i dgongs pa yang dag gnyis// mnyam nyid dus na bzang ngan med// tha mal sems kyi snang ba dang // rtogs ldan rang snang shes pa gnyis// gcig sgrib gcig skye gnyis mi mnga'// gser dang ser po'i dpe bzhin no// mi skye rtog med bya ba bral// 'gyur med 'gro 'od med pa'i mchog/ ces gsungs so// gsang ba spyi rgyud las/ gleng gzhi'i le'u ste dang po'o// // de nas sems dpa' rdo rjes// gsang bdag chen po la gsol pa/ ston pa'i gleng gzhi de ltar gsungs pa la/ sgra dang yi ge gang las byung ba lags gsol pas/ ston pa gsang bdag chen pos gsungs pa/ yi ge'i gtso bo skye ba med// de nas

  447. 224b

    yan lag rgyu yi yi ge byung / de las gtso bo'i yi ge byung // de las grogs kyi yi ge byung // yi ge 'bru gcig lus po la// dgos pa'i yan lag bdun tshang ste// mgo ni mngon par lam 'dren la// tshag mig rta bzhi 'og tu lha bzhin yang byung shad lta zhon// yan lag shugs kyis 'gro bar byed// yan lag shugs kyis 'gros bslang nas// mgo ni don gyi lam du zhugs// tshig ni shes rab ming du smras// shad kyi sde pa tshegs su gcod// yi ge'i don dang rang bzhin ston// tshig par 'bru yi tshig don ni// ston pa'i gsung du nges par gsungs// lhug par shar ba sil bur rnams// 'dres pa gang zag mi yi tshig/ nga yis gsungs pa'i don la smra// zhes gsungs so// gsang ba spyi rgyud las/ sgra dang yi ge'i byung tshul bstan pa'i le'u ste gnyis pa'o// // de nas sems dpa' rdo rjes/ ston pa gsang bdag chen po la zhus pa// yi ge'i rang bzhin de ltar byung ba la// 'grel dang bshad thabs ji ltar lags// ston pa gsang bdag chen pos gsungs pa// ji ltar gnas pa'i gnas lugs te// tshig gis mtshon du med pa la// rjes 'jug la sogs phyir bas la// shes shing rtogs par bya ba'i phyir// don gyi 'grel pa lnga 'di bshad// khyed la sogs pa'i 'khor rnams nyon// dus gsum sangs rgyas rnams kyis kyang // don gyi 'grel pa lnga po 'di// rtogs nas skye

  448. 225a

    med sa la gshegs// don gyi 'grel pa lnga po 'dis// nga yi spyi rgyud 'di rtogs nas// dgongs pa 'di la gnas par byed// 'grel lnga gang dang gang zhe na// tshig par 'bru yi 'grel pa dang // dpe don rgyu 'bras 'grel pa dang // gtan tshigs don gyi 'grel pa dang // 'byed par byed pa'i 'grel pa dang // sdud par byed pa'i 'grel ba'o// tshig par 'bru yi 'grel pa ni// yi ge'i don dang rang bzhin dang // tsheg dang yig shugs yan lag brtag/ de yang ji lta bu zhe na// yi ge 'bru gcig lus po la// dgos pa'i yan lag bdun tshang ste// mgo dang yan lag tsheg shad bdun// mgo ni ma nor lam yin/ la// tsheg mig gong du rta bzhi 'byung lha bzhin shad rta zhon// yan lag shugs kyis 'gro bar byed// yan lag shugs kyis 'gros bslang nas// mgo ni ma nor lam du zhugs// tsheg ni shes rab ming du sgra// shad kyis sde pa tshig su gcod// tshig par 'bru yi 'grel pa ni// ston pa'i gsung du nges par gsungs// tshig par 'bru yi 'grel par bshad// dpe don rgyu 'bras 'grel pa ni// don gyi tshig dang yi ge'i tshig/ rgyu yi tshig dang 'bras bu'i tshig/ gang yin 'bru la brtag bya ste// gang yin tshig gis ston par byed// de 'dra de bzhin de ltar gsum// dpe ru bstan pa'i 'grel pa yin// de bas de phyir de na gsum// gtan tshigs

  449. 225b

    bstan pa'i 'grel pa yin// de nas de yang de la gsum// rgyu bstan pa yi 'grel pa yin// de yin de min yid ches nas// don gyi 'grel pa yin par bshad// 'bru dang yan lag gcig la yang // de don de ltar yod pas na// de bzhin yan lag kun la brtag/ dpe don rgyu 'bras 'grel par bshad// gtan tshigs don gyi 'grel pa ni// yan lag dag gis don dbyung ba// tshig 'bru las ni don dbyung bya// rgyu yi tshig gam 'bras bu'i tshig/ dpe yi tshig gam don gyi tshig/ rtags sam gtan tshigs gang yin tshig/ brtags te don de dbyung bar bya// gtan tshigs dag gi 'grel par bshad// 'byed par byed pa'i 'grel pa/ ni// so so dag gi ngo bstan nas// sde dang tshan dang ris su phye// 'byed par byed pa'i 'grel pa yin// chos kun rtsa ba gcig bsdus nas// spros pa med pa'i don bstan na// sdud par byed pa'i 'grel pa yin// tshig dang 'bru yi don 'di ni// chog par 'bru yi 'grel par bshad// 'dra dang yin min don 'di ni// dpe don rgyu 'bras 'grel par bshad// brtags te gtan tshig 'byin pa na// gtan tshigs dag gi 'grel bar bshad// so so'i sde tshan ris 'byed na// sa gcod pa yi 'grel par bshad// rtsa ba gcig tu don ston na// sdud par byed pa'i 'grel par bshad// tshig par 'bru yi 'grel pa yis// tshig dang 'bru

  450. 226a

    yang gcig mi las// 'bru la lhag ma mi lngas te// 'bru 'joms pa yi 'grel par bshad// dpe don rgyu 'bras 'grel pa 'dis// 'dra dang yin min don bstan nas// chos de la ni ming du 'dogs// ngo bstan pa yi 'grel par bshad// gtan tshigs don gyi 'grel pa ni// ma nor pa yi snying po 'byin// don 'byin pa yi 'grel par bshad// don gyi 'brel pa lnga po la// ma bshad skyon yang yod pa ste// tshig par 'bru yi 'grel med na// tshig par 'bru yi tshig mi sdebs// 'bru mi choms pa'i skyon du 'gyur// dpe don rgyu 'bras 'grel med na// chos la ming gis mi thogs te// mtshon du med pa'i skyon du 'gyur// gtan tshigs dag gi 'grel med na// don gyi rtsa ba mi rnyed de// don mi rtogs pa'i skyon du 'gyur// 'byed par byed pa'i 'grel med na// so so'i bye brag mi phyed de// sa mi chod pa'i skyon du 'gyur// sdud par byed pa'i 'grel med na// rtsa ba gcig tu ma gyur te// mtha' yas pa yi skyon du 'gyur// des na 'grel pa lnga po 'di// dus gsum sangs rgyas thams cad kyi// gsung gi tshig tu ngas smras pa// 'khor gsum khyed la sogs pa kun// gsang bdag chen po nga yi lung // byang chub sems kyi rang bzhin 'di// rtogs par bya phyir 'grel lnga 'di// nga yis khyed la bstan pa yin// zhes gsungs

  451. 226b

    so// gsang ba spyi rgyud las/ yi ge'i don bshad pa'i le'u ste gsum pa'o// // de nas gsang bdag chen po la/ sems dpa' rdo rjes zhus pa// yi ge'i bye brag de dag la// rgyud du 'gro ba ji ltar lags// gsang bdag chen pos gsungs pa// sgra dang tshig dang glegs bam dang // ngo bo nges tshig dbye ba dang // dgongs gzhi mthun dpe ldang tshad dang // mtshan dang che tshul khyad par ro// snang ba gsum la rgyud gsum dang // dkar shad dag dang rang bzhin dag/ ye shes dag la sku gsum mo// kun kyang rgyud kyi rang bzhin te// rgyud ma yin pa gcig kyang med// bdun dang dgu dang bcu gcig ni// de ltar rgyud las 'byung ba'o// zhes gsungs so// gsang ba spyi rgyud las/ rgyud kyi byung tshul bstan pa'i le'u ste bzhi pa'o// // de nas sems dpa' rdo rjes/ gsang bdag chen po la gsol ba// rgyud kyi byung tshul de ltar byung ba la// de yi bshad thabs ji ltar lags// gsang bdag chen pos gsungs pa// bshad pa nyes pa'i skyon dang ni// bshad thabs bcu yi yon tan ni// rim par phye ste so sor bshad// mdo sngags khyad par ma phye na// chu dang 'o ma 'dres pa 'dra// gsang sngags phyi nang ma phyed na// mang po khrom du 'chol ba 'dra// dgongs pa'i go rim ma phyed na// mar dang sbyin gnyis bsres pa 'dra// rgyud kyi 'khrugs bsdeb ma shes

  452. 227a

    na// lung pa gsum gyi mdor phyin 'dra// 'brel tshul ngo sprod ma shes na// smyon pa mu cor smra ba 'dra// bstan pa'i dgos ched ma shes na// don med brdzun tshig smra ba 'dra// mi mthun 'gal bsdebs ma shes na// ngal ba don med lam zhugs 'dra// rgol rtsod gags sel ma shes na// rkun mo gtang khung btsud pa 'dra// yon tan bshad thabs rnam pa bcu// khyung chen nam mkhar lding ba'i blos// don gyi spyi khog phub ste bshad// seng ge gangs la mchongs 'dra yis// theg dman zil gyis mnan la bshad// stag mo mchongs pa lta bu yis// dkyis kyi sa bcad byas te bshad// rus sbal nur 'gros lta bu yis// tshig gi 'bru rnams gnyer te bshad// ngang pa gshibs 'gros lta bu yis// snga tshig phyi tshig don 'grel bshad// seng phrug rtsal sbyong lta bu yis// tshig gi bsnol mtshams phye la bshad// rig pa sbrum thun lta bu yis// gang yin dmig nas bzung la bshad// tshad ma gsum gyi gtan tshigs kyis// dus kyi 'brug dang sbyar la bshad// glag mo gzan la 'dzums 'dra yis// gol sgrib gdar sha bcad la bshad// ces gsungs so// gsang ba spyi rgyud las/ bshad thabs kyi le'u ste lnga pa'o// // de nas sems dpa' rdo rje gsang bdag chen po la gsol pa// ji ltar gnas lugs ji ltar lags// gsang

  453. 227b

    bdag chen pos gsungs pa// ston pa sems nyid rdzogs chen la// ye nas gnyis med mnyam pa'i phyir// gcig la gnyis su dbye ru med// dbye ru med pa'i gtan tshigs ni// gcig med spros la med pa yin// spang 'geg sbyong zhing bgrod pa dang // gzung 'dzin blang dor bya ba dang // lta spyod rtsol bsgrub byar med de// lam dang gnyen pos bcos med par// byang sems mnyam pa'i rang bzhin du// nga yis bstan pa'i don 'di ni// byang chub sems dpa'i lung chen yin// ma g.yos thig le mnyam pa nyid// ming dang don dang dpe dang ni// rang bzhin mtshan nyid sel lugs so// sangs rgyas sems can gnyis med pas// sems la blang dor bya ru med// sems nyid rdzogs pa chen po la// thams cad lhun gyis grub pa'i phyir// bde dang sdug bsngal rgyu gcig phyir// snying po byang chub sems rtogs na// dus la snga phyi med par gcig/ 'di yin 'di min ngang gis med// sems la gzung rkyen med pas na// don la bsgom du ma mchis te// des na 'di med nges pa med// snying po byang chub sems 'di la// ting 'dzin bsam pa'i don las 'das// brjod du med pa'i ngang la gnas// de lta'i snying po byang chub sems// bstan pa'i snying por gyur pas na// sangs rgyas kun gyis rab tu bsngags// bya byed rtsol bsgrub mi mnga' bas// bde chen klong

  454. 228a

    du ji bzhin gnas// yang dag 'di 'dra zhe 'dod byed// sems dpa' rdo rje khyod nyid 'khrul// da lta 'di 'drar bsgom 'dod pas// bsgom chags lam gyi nad kyis zin// ston pa'i lung gi tshig rnams la// lam du de mthong 'jug pa ni// 'khrul pa'i lam zhugs smig rgyur bsnyeg/ yang dag lam ni 'di yin te// tshig dang yi ges mtshon du med// ngang gis mi g.yo 'gyu ba bral// rang bzhin chos kyi gzhal yas na// srog med ston pa'i ngo bor bzhugs// rang bzhin 'khor gyi ngo bos bskor// gsung med bstan pa rgya mtsho sgrogs// bya bral chos la rang bzhin bkod// mnyam pa'i rgyal po rang bzhin thob// ye nas rtsol bsgrub nad bral la// byas zin rtsol ba'i nad dang bral// rang gnas lhun la ngang gis gnas// ma bcos ma byas rang lugs gnas// mnyam nyid snying po kun gyi gzhi// ngo bo dngos po dang bral la// phyogs gcig 'di 'drar bzung du med// ji bzhin mnyam pa'i snying po la// kha dog 'od lnga so sor gsal// zer rtsal yan lag lnga 'byung bas// snang ba'i tshul la rim gyis 'byung // de las 'char sgo/ sor shar// sus kyang ma byas shugs las byung // bag chags rtog 'khrul sna tshogs skyes// ye shes rang snang 'di nyid la// ma btsal ma bsgoms ngang gis shar// zhes gsungs so// gsang ba spyi rgyud las//

  455. 228b

    gnas lugs bstan pa'i le'u ste drug pa'o// // de nas sems dpa' rdo rjes/ gsang bdag chen po la zhus pa// gnas lugs de ltar gnas pa na// gsang bdag chen pos ji ltar rtogs// nga la sogs pas rtogs thabs yod dam med// ces gsol pas/ gsang bdag chen pos gsungs pa// ye nas rang bzhin lhun grub las// 'od lnga'i snang ba rang shar bas// shes rab mkha' la 'degs pa'i rlung // 'od gsal sems nyid ngo bor shar// gzhan la ma ltos shugs las byung // rang dbang ye shes rgyal po shar// zhing khams ma lus bde bar spyod// mkhyen pa'i ye shes rang bzhin shar// mos pa'i bsam pa mkhyen mchog gi/ 'dod pa'i 'bras bu so sor ston// yon tan sgo mo bsam mi khyab// rang rang gang 'dul thabs su bstan// dbang po'i bye brag so so la// theg pa'i sgo yang so sor bstan// sku lnga 'bras bu so sor thob// dus gsum sangs rgyas chos chen po// mtshon du med pas dmigs dang bral// ngos gzung med pas 'dzin sems med// 'dzin bral stong pa'i ye shes nyid// 'dod pa'i 'bras bu shugs las 'char// brgyad khri'i sgo yang so sor phye// ma bcos sems kyi ngo bor 'dus// byang chub sems kyi kun gyi gzhi// sangs rgyas nyid las gzhan ma yin// phyogs su ma bzung ris med pa// 'dod pa'i phyogs la

  456. 229a

    'dzin pa med// gsal 'grib med pa'i ye shes ni// nyi ma'i dkyil 'khor bzhin du gsal// phyi nang mi mnga' man shel gzugs// de las de byung ngo mtshar rgyan// phyogs ris med pa'i 'od kyi sku// mdun rgyab med par thal le ba// gsal ba'i ngang las rin po che// 'dod pa'i 'bras bu 'byung ba'i mchog/ dpag bsam shing bzhin lhun gyis grub// gzhan las 'byung ba'i chos ma yin// snang ba lnga yi dkyil 'khor nas// sku lnga 'bras bu dang las byung // zhes gsungs so// gsang ba spyi rgyud las/ yar gyi rtogs tshul bstan pa'i le'u ste bdun pa'o// // de nas sesam dpa' rdo rjes gsang bdag chen po la zhus pa/ yar gyi rtogs tshul de ltar rtogs pa la// 'gro drug sems can ma rtogs ji ltar 'khrul// gsang bdag chen pos gsungs pa/ thog med dus na don mi gsal// rgyu dang log gcod zabs dang bral// sprin dang mun pa'i ling tog gis// rdzas gang mi mthong bsgribs pa bzhin// rgyu rkyen ngo bo tshul dus kyis// blta bya'i snying po mthong ba med// mkha' 'gro 'dod dbang rgyu ba yis// sa khung sti brus zin pa bzhin// gang zhig 'dod pa'i snyis zin no// med snang log par mthong ba yis// mkha' la skra shad 'khor lo dang // gangs la ser por mthong dag 'dra// dngas ma'i 'od las zer lnga shar// med las yod

  457. 229b

    gzung lnga po las// brkam chags rgyud lnga so sor 'khrul// phyi 'khrul nang 'khrul gsang 'khrul gyis// yun ring 'khor ba'i nang du 'khyams// dbul mo'i gter dang gyang nor 'dra// bla med byang chub ngo ma shes// thog med dus na don mi gsal// sdug bsngal gsum la yun ring spyod// 'khrul 'khor mun pas de mi mthong // 'dod pa drug gis de mi mthong // log rtog 'khrul pas de mi mthong // bag chags gsar rnying 'khrul pas bsgribs// skyes bu'i lus dang byad 'grogs 'dra// zhes gsungs so// gsang pa spyi rgyud las/ 'khrul pa'i le'u ste brgyad pa'o// // de nas gsang bdag chen po la sems dpa' rdo rjes zhus pa// 'gro drug sems can thams cad kyis// thog med dus nas don ma rtogs// yun ring 'khor ba'i nang na sdug/ dus 'dir ston pas thugs rjes gzigs// zhus pas/ de nas gsang bdag chen po thugs rje skyes// 'gro ba'i don du thugs rjes don mdzad pa// 'gro ba mos pa tha dad la// dang po sku yis 'dul ba yin// bar du gsung gis 'dul ba yin// tha ma thugs kyis 'dul ba yin// thugs kyis 'dul ba rnam pa gsum// byin rlabs thugs kyis 'dul ba dang // rig pa thugs kyis 'dul ba dang // yang sbrul thugs kyis 'dul ba'o// de yi dus kyi gang zag rnams// skal ldan rigs can 'byung bar

  458. 230a

    'gyur// dgongs pa don gyi bcud 'dzin zhing // rna brgyud gdams ngag nod par bya// 'od gsal 'dzin bral bde ba'i mchog/ gal te rnam par rtog pa med// rig pa rjes med bya lam 'dra// 'dzin med nam mkha' bzhin du gnas// sgrib med nyi ma'i snying po nyid// gting zab rgya mtsho'i 'jing dang 'dra// kun 'byung sa gzhi'i rin chen gter// dgos 'dod 'byung bas rin po che// zhes gsungs so// gsang ba spyi rgyud las/ thugs rje mdzad pa'i le'u ste dgu pa'o// // de nas gsang bdag chen po la sems dpa' rdo rjes zhus pa/ yang dag pa'i don ji lta bu/ gsang bdag chen pos gsungs pa/ dmigs med kha dog yul dang bral// spros bral bsam du med pa'o// byang chub sems la mtshon du med// gzung 'dzin bral bas 'khrul pa med// bsam med blo yi yul dang bral// mtha' dbus med par snying po gsal// gsal ba'i ngapal rtsis gdab med// skyon dang bral ba'i chos nyid de// thogs pa med pa'i byang chub sems// gsal 'grib med pa'i ye shes te// 'gag pa med pa'i chos nyid do// ma nor pa yi chos nyid de// rang las byung ba mngon sangs rgyas// skye 'gag med pa'i byang chub sems// ma nor ma bcos dbyings na med// skye ba med pa'i rang bzhin ni// tshogs drug mtshan ma'i yul dang bral// chos sku

  459. 230b

    gcig pa'i rang bzhin gyis// dus gsum rim par phye ba med// chos nyid lhun grub bde ba che// mi bskyod mi g.yo rang bzhin bde// mnyam pa'i bde ba rang byung nyid// gzhan nas btsal ba'i 'dod pa med// ma skyes rang byung rang bzhin ni// rmad du byung ba'i chos nyid do// mngon du gyur pa'i mthu rig pa// bde chen chos kyi gzhal yas su// sems dpa' rdo rje rig pa'i mchog/ sprul pa tha ma'i don du 'byung // a ti'i snying po don 'di 'byung // zhes gsungs so// gsang ba spyi rgyud las/ yang dag pa'i don bstan pa'i le'u ste bcu pa'o// // de nas gsang bdag chen po la rdo rje sems dpas zhus pa// 'gro ba sems can thams cad kyis// yang dag don nyid ma rtogs pa// de yi nyes skyon gang gis byas// zhes zhus pas/ gsang bdag chen pos gsungs pa// srid gsum las lnga 'khrul pa yis// lam sgo lnga ru zhugs phyin na// mi bde sdug bsngal la yang spyod// zhe sdang lam gyi sgor zhugs pas// dmyal ba'i gnas dang tsha grang spyod// snga phyi dran pa'i chos spyod kyang // tsha dang grang ba'i nyams myong gis// yang dag don dang phrad par dka'// 'dod chags lam gyi sgor zhugs pas// yi dwags gnas su bkres skom spyod// bsngos pas tshim pa'i chos spyod kyang // snga phyi'i las kyi rnam smin gyis// bkres dang skom pa'i nyams

  460. 231a

    myangs te// yang dag don dang phrad par dka'// gti mug lam gyi sgor zhugs pas// byol song gnas su blun lkugs spyod// rig pa phra mo'i chos la spyod// snga ma'i las kyi rnam smin gyis// blun zhing lkugs pa'i nyams myangs te// yang dag don dang phrad par dka'// phrag dog lam gyi sgor zhugs pas// mi yi gnas su dge sdig spyod// dge sdig las kyi chos spyod kyang // 'dir dge shas chung rnam smin gyis// mi rtag 'gyur ba'i chos la spyod// yang dag don dang phrad par dka'// nga rgyal lam gyi sgor zhugs pas// lha yi gnas dang longs spyod kyis// ma rig ltung ba'i sdug bsngal spyod// bsam pas grub pa'i chos la spyod// ma rig le lo'i rnam smin gyis// ltung ba'i sdug bsngal nyams myangs te// yang dag don dang phrad par dka'// khams gsum gnas kyang de 'dra ste// 'dod pa'i khams ni ma rig pa// gzugs kyi khams ni chags pa ste// gzugs med khams ni dngos ma grub// yid yul chos la mu bzhir blta// rang rang myong ba'i shes pa ste// yang dag ma mthong 'khrul pa yin// thog ma med pa'i bag chags dang // bla ma'i gdams ngag rkyen med pas// rtog med snying po'i sems ma shes// skyes bu'i lus dang byad 'grogs 'dra// zhes gsungs so// gsang ba spyi rgyud las/ khams gsum sems can gyi 'khrul pa'i mtshan nyid

  461. 231b

    bstan pa'i le'u ste bcu gcig pa'o// // de nas gsang bdag chen po la sems dpa' rdo rjes zhus pa/ khams gsum sems can mtshan nyid de 'dra bas// de nas thon pa'i thabs ni gang gis bgyi// zhus pas/ gsang bdag chen pos gsungs pa/ 'gro ba mos pa tha dad pas// theg pa'i sgo mang so sor bstan// gnyis ni rnam pa'i bye brag ste// theg pa rnam pa gnyis su bstan// 'jig rten pa yi theg pa dang // 'jig rten 'das pa'i theg pa'o// 'jig rten pa yi theg pa ni// rgyud drug gnas pa'i sems can kun// khams gsum 'khor ba'i gnas bzung nas// brkam chags lnga yi zhen pa yis// khams gsum 'khor ba'i tshogs sogs te// bde ba'i don med stong par 'gyur// de la don 'di bstan par bya// mu stegs rtag dang chad rnam gnyis// dge sdig las kyi chos rnams la// 'bras bu yod par ma rtogs te// chad pa'i mtha' ru ltung ba'o// rtag par lta ba'i sems can gyis// yod pa rnam pa bzhi mthong ste// nga gtsang skyid rtag bzhi mthong nas// blang dor med pa'i chos ma shes// skye ba med pa'i don ma mthong // rtag pa'i mtha' ru ltung ba'o// zhes gsungs so// gsang ba spyi rgyud las/ 'jig rten pa'i theg pa'i le'u ste bcu gnyis pa'o// // de nas gsang bdag chen po la sems dpa' rdo rjes 'jig rten

  462. 232a

    las 'das pa'i theg pa zhus pa/ gsang bdag chen pos gsungs pa/ 'jig rten 'das pa'i theg pa la// rnam pa gnyis su phye nas bstan// mtshan nyid rgyu yi theg pa dang // 'bras bu rdo rje'i theg pa'o// mtshan nyid rgyu la rnam pa gsum// sdug bsngal spong ba'i nyan thos dang // shes pa 'geg pa'i rang rgyal dang // rnam rtog sbyong ba'i mdo sde gsum// sdug bsngal spong ba'i nyan thos ni// brtul zhugs dag gis spong bar byed// shes pa 'geg pa'i rang rgyal ni// ma rig rten 'brel bcu gnyis 'geg/ rnam rtog sbyong ba'i sde pa ni// chos nyid stong pa nam mkha' ste// ji ltar dmigs pa bzhin grub pa// sgyu ma'i dpe brgyad lta bur 'dod// 'bras bu'i theg pa la yang gsum// bya ba'i sde dang gnyi ga dang // rnal 'byor rgyud dang rnam pa gsum// bya ba byed pa kri ya ni// yan lag bcu gcig cho ga yis// rgyal ba'i sku gsung ye shes 'dod// gnyis ka spyod pa'i u pa ya// kri yar spyod cing yo gar bsgrub// 'brel med sgo nas bsgrub par 'dod// rnal 'byor pa la rnam pa gnyis// phyi ba thub pa'i yo ga ni// byang chub lnga dag cho 'phrul bzhi// chu zla bzhin du 'grub par 'dod// nang pa'i rnal 'byor rnam pa gsum// bskyed dang rdzogs dang rdzogs chen gsum// bskyed pa ma hA yo ga ni// rnam pa gsum ni rim bskyed de// yo byad ma nyams 'jug

  463. 232b

    brtson na// rgyal ba'i sku gsum ye shes 'dod// rdzogs pa a nu yo ga ni// rgyu rkyen dag pa'i rang bzhin gyis// snying po tsam la rag las pa// brjod pas ye shes dkyil 'khor rdzogs// rdzogs chen a ti yo ga ni// rgyu rkyen dag la rag ma lus// rtsol ba dag gis bsgrub mi byed// rdzogs chen gang la'ang ma brten 'dis// rnam par bgrang ba'i chos rnams kun// yongs su byin gyis rlob par byed// kun gyis bde ba spong byed pas// yongs su byin gyis rlob par byed// ces gsungs so// gsang ba spyi rgyud las/ 'jig rten las 'das pa'i theg pa ste le'u bcu gsum pa'o// // de nas gsang bdag chen po la sems dpa' rdo rjes zhus pa/ chos nyid ma yi rang bzhin ji lta bu/ zhus pas/ gsang bdag chen pos gsungs pa// mnyam nyid ma yi rang bzhin ni// mtha' yas 'gro ba kun la gnas// gang yang ma yin dngos gzhi med// shes pa rang lugs so ma nyid// dus gsum g.yo ba med par gnas// rang bzhin sems ni brjod pa med// mi g.yo ma bcos mnyam pa nyid// rang gnas ye shes 'od gsal ba// yid la 'gyu med ye shes gsal// mkha' 'dra ye shes lhun gyis grub// grub med ye nas rang bzhin gnas// mnyam nyid gsal ba rin po che// nam mkha' bzhin du mtha' dbus med// dbyibs dang kha dog gang snang ba// dbye

  464. 233a

    bsal med na bde ba'i mchog/ brjod med bsam med don po che// de bzhin 'gyur med de bzhin nyid// ma bcos rang byung snying po nyid// chos sku rang byung ston pa'i mchog/ yi ge brjod bya kun dang bral// ma bcos so ma brjod bya med// zhe 'dod rnam pa gang yang med// ma bcos rang byung nyid du bde// phyi rol gang snang rang bzhin med// ma btags ma bzung dbye bsal med// stong nyid ma bcos nyid du bde// lta ba'i ngo bo 'dod pa bral// blo yis byas pa ma yin pa// chags dang bral bas zhen pa med// 'dzin dang bral bas stong chen po// dang po'i dus su shes pa'o// ma byung ma skyes mnyam pa'i ngang // ye dag ye grol ye gnas so// rin chen gling bzhin ye gnas so// sems kyi ye shes gter kha phye// 'dod pa'i longs spyod zad mtha' med// ngo bo nyid gnas skye med pa// nam yang skye bar mi 'gyur ro// zhes gsungs so// gsang ba spyi rgyud las/ chos nyid ma'i rang bzhin bstan pa'i le'u ste bcu bzhi pa'o// // de nas sems dpa' rdo rjes gsang bdag chen po la zhus pa/ yan lag bu yi rang bzhin ji lta bu/ gsang bdag chen pos gsungs pa// stong pa las skyes rig pa ni// sna tshogs snang ba nyid du 'char// rang rig gsal ba nyid du shar// rig pa don gyi ngo bo ni// so so ma yin brjod bya gcig/ tha snyad ma lus

  465. 233b

    sgron ma'i mchog/ rig pa dgongs pa gtan la 'bebs// snang ba ma lus sems la gsal// rig pa mchog ldan sangs rgyas bka'// rig pa rdzas med bsal dang bral// dbang po'i ngo la gang gnas pa// rang bzhin mi rtog sems su gsal// shes rig ye shes nyid du 'char// bde chen rang rig nyid du gsal// 'dzin med nam mkha'i ngang la gzhag/ rang rig rtog pa shugs las 'char// blo yi rtsol bas bsgrub tu med// ting 'dzin phyogs la blo mi gtod// 'dod pa'i re ba kun dang bral// tha snyad phyogs la blo mi gnas// brjod pa'i tha snyad gdags gzhi bral// rang bzhin gsal ba'i don la 'jug/ 'od gsal sems la sgrib phyogs bral// ma bcos bya ba ngang gis btang // dal bar bzhag nas ngang gis bde// rgyud 'jam khro gtum kun dang bral// nyon mongs skye ba'i rgyu mi gnas// bdag yod mtha' ru ltung mi 'gyur// med pa ma yin ngang gis gsal// med pa bde ba'i yul ma mthong // mtha' gnyis ma gos skyon dang bral// thams cad grol ba'i byang chub sems// lus kyang byang chub sems su 'dus// sems la rig pa brtsi gdab med// ces gsungs so// gsang ba spyi rgyud las/ bu'i mtshan nyid bstan pa'i le'u ste bco lnga pa'o// // de nas gsang bdag chen po la sesam dpa' rdo rjes zhus pa// dbyer med rang bzhin ji lta/

  466. 234a

    bu// 'bras bu ye shes dkyil 'khor ji lta bu// gsang bdag chen pos gsungs pa// snang ba'i chos kyang de las byung // dngos dang dngos med gnyis su med// gsal dang stong pa'i mtha' mi 'dzin// gnyis med sems kyi ngang du bde// des na gnyis med byang chub sems// chos rnams ye nas gnyis su med// chos kun de la gang mi 'grub// rtog dpyod 'das pa'i byang chub sems// ma phye ma bkol gnas pa// rtsol bral bsgrub med don po che// rin chen nor bu'i dgongs pa bzhin// blta ba bsgom du med pa yin// dam tshig bsrung du med pa yin// phrin las btsal du med pa yin// shes rab rang byung sgrib med yin// sa la sbrang du med pa yin// lam la bgrod du med pa yin/ phra ba gzung 'dzin med pa yin// rgyud kyi rang bzhin 'brel pa yin// lung chen thog tu 'bebs pa yin// man ngag dag gi la yang zlo// rgyu ni dag pa'i dbyings su blta// 'bras bu ye shes dkyil 'khor blta// med pa phyal pa gcig tu lhun grub bo// gang 'thad dbang po'i yul dang bstun// gnyis su med pa'i rang bzhin yin// rim med cig char 'jug pa'o// ma bu gnyis su med pa'i lam// zab la gting dpag dka' ba'o// ma dang bu gnyis gnyis med 'brel// ma ni gzhi yi lung gis so// bu ni ye shes lung du bstan// ma ni dbyings su dag

  467. 234b

    par bzla'// bu ni ye shes la yang bzla/ zhes gsungs so// gsang ba spyi rgyud las/ dbyer med bstan pa'i le'u ste bcu drug pa'o// // de nas gsang bdag chen po la sems dpa' rdo rjes blta ba'i rang bzhin ji lta bu zhus par/ gsang bdag chen pos gsungs pa// dri med rang byung blta ba'i mchog/ skyon med pad+ma'i rang bzhin te// gang gi rnam pa'i 'dod pa bral// 'dzin pa thams cad ngang gis med// nam 'i mthongs ltar ci yang med// rang byung bde chen chos nyid do// bya btang 'dzin sems med pas bde// 'dzin dang bral ba'i rang bzhin ni// chags dang bral ba'i bde ba mchog/ 'od gsal sgrib phyogs kun dang bral// sgrib pa med pa'i ye shes gsal// theg gcig snying po'i blta ba la// bzang ngan blang dor ma mchis pas// bde dang sdug bsngal gnyis mi mnga'// dgag dang bsgrub pa bya mi dgos// thams cad 'di las 'byung ba'i phyir// yid bzhin nor bu'i rang bzhin no// ye nas yin pas bya mi dgos// 'bad dang rtsol bas mthar phyung med// zag chod nyam nga med pa'i mchog/ byang chub sems kyi rang bzhin ni// gzhan du blta ba'i yul ma mchis// blta ba blo yis byas pa min// spyi blugs tshangs pa'i dbang gis su// bag chags mtshan ma zil gnon pa// gsang ba'i don myong 'od gsal sems// don la brda'

  468. 235a

    mjal tshig dang bral// phyogs med pa ni lta ba'i klong // 'jug pa'i sgo yangs lam gyi mchog/ sdug bsngal 'khrul pa rang grol 'gyur// rang blta yul med rtogs pas na// mtshan ma'i dngos po'i yul ma mchis// snang med ma 'gags gnyis su med// sems la blta med don po che// bya ba bral ba don gyi mchog/ re 'dod kun bral spang thob med// bde ba rang byung blta ba ni// snang ba'i yul du grub pa med// 'od gsal bde chen mtsho ltar zab// rin chen 'od ltar rang las byung // gdeng ldan som nyi bral ba ste// rang rig tshad ma mngon sum gsal// tshad ma gsum gyi gtan tshigs kyis// de nyid rtogs pa'i thabs su bshad// ces gsungs so// gsang ba spyi rgyud las// blta ba bstan pa'i le'u ste bcu bdun pa'o// // de nas gsang bdag chen po la/ sems dpa' rdo rjes ting nge 'dzin sgom thabs ji lta bu zhus pas/ gsang bdag chen pos gsungs pa// bsgom du med pa'i chos nyid ni// yid kyis bzhag pa dang bral bas// 'dzin sems med par ngang gis bde// tshogs dang bral bas zhen med sems// 'gyu ba sangs pas gzhag tu med// mtshan ma med pas gzung du med// kha dog bral bas dbyibs dang bral// bsgom med yengs med ngang gis bde// mi bsgom rang lugs bcos su med// bying dang rmugs med skyon

  469. 235b

    dang bral// mi 'phro yul la 'dzin pa med// rtsol sems med pas bya mi dgos// gang snang rang lugs so ma nyid// mi bsgom mi 'dzin 'dod pa bral// yul la mi 'jug ngang gis gnas// gsal ba sgrib phyogs kun dang bral// 'khrul pa'i skye ba ngang gis med// mtshan ma'i phyogs su 'dzin pa med// sna med ngos gzung bral bar gnas// gang la mi 'gyu mi 'dzin te// smag gi mun rum sems lta bu// mi rtog rang bzhin ngang gis gsal// bde ba rtog med ngang la gnas// 'dzin sems med pa'i don gyi mchog/ mtshan ma'i yul du dmigs pa med// ma bsgrubs ye shes rang la gsal// zhen pa'i rtog pa ngang gis dag/ mi 'gyur/ mi 'dzin dgongs pa'i mchog/ ma bcos rang gsal bde ba'i mchog/ 'gro nyal 'dug sdod thams cad du// rgyun chad med par rtsol sems bral// 'khrul pa'i snying po bsten mi dgos// gang snang rnam pa cir shar kyang // de yi rjes su 'gro mi 'gyur// 'dzin pa'i skabs med gang 'gyur tshe// dus gsum rgyun chad med par gnas// mi bsgom don la bya ba gtang // bsgom med don la blos bzhag med// rang gi sems las ma g.yos pas// snying po'i phyogs la brten mi dgos// ye shes gsal ba'i dgongs pa la// tshig gi don bral bya lam 'dra// rig pa gang gi rjes mi gcod// sgron ma'i dpe bzhin mun pa sangs/ de nyid

  470. 236a

    yin te btsal mi dgos// rang byung bde ba shugs las 'char// 'od gsal sems la sgrib pa med// 'bar ba'i ye shes rol pa'i rgyan// ji bzhin ma bcos ngang la gnas// lus la btsal med 'dod pa med// sems la rang dbang ma thob na// rigs drug 'khor ba'i gnas mi chod// rang dbang rgyal po mngon gyur na// bde ba'i dngos grub rang las 'byung // mi 'gyur 'dzin pa'i sems dang bral// las stobs drags pas bdag mi bslu// rnam rtog g.yo ba ci yang med// rang rkyen log pa'i sems mi skye// ngang gis brjod med tshig dang bral// 'di yin 'di min sems mi skye// dus gsum gang du 'da' ba med// dgongs pa gcig la gtsor gnas na// gang 'dod 'bras bu 'byung ba'o// bsam gtan rang gnas g.yo ba med// ma bcos ma bzung so ma nyid// rang bzhin bcos med snying po bral// gang la rag las med pas bde// zhes gsungs so// gsang ba spyi rgyud las/ ting nge 'dzin bstan pa'i le'u ste bco brgyad pa'o// // de nas gsang bdag chen po la sems dpa' rdo rje spyod pa'i don ji ltar bu zhus pas/ gsang bdag chen pos gsungs pa// ma bcos rnal ma don gyi mchog/ bya btang dgongs pa bcos bslad med// byas pa ma yin shugs byung ba// bla med don la spyod pa'o// nam mkha' lta bu'i rang bzhin

  471. 236b

    ni// ma bcos rnal ma'i spyod pa'o// nyi ma lta bu'i rang bzhin ni// ma chags ma zhen spyod pa'o// rgya mtsho lta bu'i rang bzhin ni// zab la rgya che'i spyod pa'o// sa gzhi lta bu'i rang bzhin ni// thams cad kun 'byung spyod pa'o// rin chen lta bu'i rang bzhin ni// dgos 'dod 'byung ba'i spyod pa'o// seng ge lta bu'i rang bzhin ni// nyam nga med pa'i spyod pa'o// gdeng dang ldan pa'i rang bzhin ni// re dogs med pa'i spyod pa'o// pad+ma lta bu'i rang bzhin ni// gos pa med pa'i spyod pa'o// ti d+ya lta bu'i rang bzhin ni// brtsi gdab med pa'i spyod pa'o// glang chen lta bu'i rang bzhin ni// bdud dpung 'joms pa'i spyod pa'o// so ma g.ya' dag rang bzhin ni// 'gyur ba med pa'i spyod pa'o// ye nas yang dag rang bzhin ni// gnyis med don la rang bzhin gnas// ye nas gnyis su med pas na// lus ngag spyod la rag ma las// sems nyid ye nas dag pa la// snying po nyid kyi don la spyod// tshul khrims sdom pa dam tshig rnams// spyad kyang 'ching bar mi 'gyur te// ma spyad na yang nyes pa med// rdzogs pa chen po'i spyod pa ni// rang byung bkag pa ma yin te// rang byung rtsol bas bsgrub pa min// rang snang ma bcos sems kyi rgyan// zhes gsungs so// gsang ba spyi rgyud las// spyod pa bstan pa'i le'u ste bcu dgu pa'o// // de nas gsang bdag chen po

  472. 237a

    la// sems dpa' rdo rjes rig pa rang dbang // ji lta bu zhus pas/ gsang bdag chen pos gsungs pa// rang dbang sems la thob pa ni// dbang rnams kun gyi mchog yin te// gzhi nas dbang thob bskur mi dgos// shes rig rgyal po dbang gi mchog/ dbang rnams kun gyi snying po yin// bya bral dam pa'i sems la gnas// tshig gis rtog pa'i yul las 'das// rang dbang dam pa sems la gnas// yo byad dag la rag ma las// rig pa spyi blugs tshangs pa'i dbang // rgyal thabs spyi blugs bskur thabs so// gnyis kyi mtha' ru ma lhung ba// dbyer med rig pa tshig rdzogs so// ma yi dbang la bu yi nyams// dbyer med dbang bskur thob pa'o// bya btang 'dzin med ngang du bde// dbang mchog 'od gsal rgyal ba'i dbang // gang zag gcig la ltos pa med// klong chen 'od gsal bde ba'i mchog/ dbyings nyid rnam dag thig le che// ma bcos pa yi rang bzhin ni// ye nas gnas pas thig le che// yang dag don la nor ba med// des na rig pa rang gi dbang // de 'dra'i don ni mi shes na// thun mong gzhan la mos pa med// rim gyis nod pa thabs yin no// gsang sngags brda' sgo dbang gis dbye// gang yang med pa'i gang zag ni// rigs las 'gal bas bstan mi bya// bstan na bdag gzhan gnas su bsreg/ ces

  473. 237b

    gsungs so// gsang ba spyi rgyud las/ dbang gi le'u ste nyi shu pa'o// // de nas gsang bdag chen po la/ sems dpa' rdo rjes dkyil 'khor ji lta bu zhus pas/ gsang bdag chen pos gsungs pa/ dkyil 'khor dkyil 'khor zhes bya ba// sems kyi dkyil 'khor la gnas pa// dkyil 'khor dam pa de yin pas// ma ni dkyil la bu yi 'khor// rig pa dkyil la snang tshul 'khor// mnyam nyid dkyil la dngas ma 'khor// bsam du med pa'i dkyil 'khor ni// mtshon du med pa'i rang bzhin no// gzung 'dzin bral ba'i dkyil 'khor ni// bsam rtog 'das pa'i rang bzhin no// rang byung mnyam pa'i dkyil 'khor ni// ma bcos rig pa'i rin po che// mtha' dang dbus med gzhal yas ni// rang bzhin rdzogs pa'i sangs rgyas che// rang bzhin dkyil 'khor mu mtha' med// ye nas lhun grub pho brang che// spyan drang bzhugs phyag mi mnga' yang // rang byung ston pa mngon sangs rgyas// ye shes rang gsal sngags ldan pas// snying po mchod pa dbul mi dgos// bde chen gsal ba rgyud ldan pas// gsang ba'i dkyil 'khor lha mnyes pa// dus gsum mi 'da' thugs dam mchog/ rang byung yongs rdzogs lha yi rje// skyon gyi dri ma dang bral bas// shes med rig pa'i don mthong ngo // 'dzin bral ye shes ngang gis gsal// 'gyur med gsang ba'i dkyil

  474. 238a

    'khor ni// nyes pa'i skyon gyi dri ma med// ye shes rang snang sgrib g.yogs med// rang byung dag pa'i dkyil 'khor gsum// mnyam nyid ngang du lhun gyis grub// ces gsungs so// gsang ba spyi rgyud las/ dkyil 'khor bstan pa'i le'u ste nyer gcig pa'o// // de nas gsang bdag chen po la/ sems dpa' rdo rjes dam tshig rang bzhin ji lta bu zhus pas/ gsang bdag chen pos gsungs pa// dam tshig dam tshig ces bya ba// gud na yod pa ma yin te// rang gi sems nyid dam tshig ste// de las mi 'da' dam tshig che// mi rtog mnyam pa'i dam tshig yin// ye shes dam tshig chen po la// rtsa ba yan lag phyogs mtshams bral// med pa phyal pa gcig pu lhun grub ni// rdzogs pa chen po'i dam tshig ste// de las 'das na nyams par 'gyur// dus gsum 'da' ba med pa yi// gsang ba chos sku'i dam tshig ni// rnam rtog 'phrul pa gang skyes kyang // dran pa dus mtshungs gdams pas gcod// chos can chos nyid gang rtogs pa// rang byung gsang ba'i sems ma mthong // stong nyid rig pa'i don ma rnyed// gsal stong dbyer med don ma rtogs// bsrung sdom rtsa ba yan lag rnams// theg pa gzhan gyi bsrung mtshams yin// rnam rtog g.yo ba med pa ni// rang byung dam tshig chen po yin// sgro skur gnyis dang bral ba'o// rig pa sgron ma'i sems

  475. 238b

    kyis ni// ye shes ngo bo ston par byed// grangs dang rnam pa yongs kyis med// ma bcos ma bslad dam tshig yin// ma skyes pa yi chos nyid ni// mi 'gag mi skye dam tshig yin// 'khor ba'i 'bras bu zad par 'gyur// zhes gsungs so// gsang ba spyi rgyud las/ dam tshig bstan pa'i le'u ste nyer gnyis pa'o// // de nas gsang bdag chen po la sems dpa' rdo rjes zhus pa// mthar zug 'bras bu thob lugs gang / zhus pas/ gsang ba dag chen pos gsungs pa// rtsol bsgrub re dogs gang dang bral// lhun gyis grub pa'i 'bras bu yin// chos skur bral ba'i sems nyid ni// sangs rgyas kun gyi snying po ste// ma bsgribs ye shes chos kyi sku// 'gag med dbyings kyi byang chub gsungs// mi skye mi 'gag ye shes thugs// rgyu dang 'bras bu gnyis ma mchis// rtsa ba gcig pa'i byang chub sems// rgyu nyid rang byung skye med pas// ming tsam mtshon pa'i 'bras bur gcig/ 'bras bu zhes ni btags pa med// btags pa de ni mtshon pa ste// mtshon pa'i don gyis btags pa mtshon// ma skyes pa yi chos nyid ni// skye 'gag med pa'i 'bras bu yi// sku gsum byin rlabs theg pa dgu// sems nyid sku gsung thugs yin pas// sku gcig sku gsung thugs yin pas// sprul pa sku yi rang bzhin dang // sprul pa gsung gi rang bzhin dang // sprul

  476. 239a

    pa thugs kyi rang bzhin no// longs spyod sku yi rang bzhin dang // longs spyod gsung gi rang bzhin dang // longs spyod thugs kyi rang bzhin no// chos nyid sku yi rang bzhin dang // chos nyid gsung gi rang bzhin dang // chos nyid thugs kyi rang bzhin no// sgro skur bral ba chos kyi sku// bde chen longs spyod rdzogs pa'i sku// gdul bya drug la ston pa drug/ 'dul mdzad ston pa sprul pa'i sku// rang byung bde ba chen po'i sku// dbyer med ngo bo nyid kyi sku// zhes gsungs so// gsang ba spyi rgyud las/ 'bras bu bstan pa'i le'u ste nyer gsum pa'o// // de nas gsang bdag chen po la/ sems dpa' rdo rjes zhus pa// rgyud kyi rgyal po spyi rgyud 'di// gzhan las khyad par du yis che// gsang bdag chen pos gsungs pa// theg pa'i yang rtse yin pas 'phags// bstan pa'i snying po yin pas 'phags// dgongs pa'i zhe phugs yin pas 'phags// theg pa'i 'byung gnas yin pas 'phags// 'bras bu'i mthar zug yin pas 'phags// ston pa gsang bdag chen po ni// sangs rgyas kun gyi mes chen po// blang dor med pa'i rang bzhin gyis// ston pa kun las khyad par 'phags// ston pa mngon par che bar bshad// sdud pa sems dpa' rdo rje khyod// sangs rgyas sems can 'khor rnams la// skye 'jig med pa'i byang chub sems// sdud

  477. 239b

    pa kun las khyad par 'phags// 'khor de mngon par che bar bshad// ston pa'i lta ba rdzogs chen 'di// chos rnams kun gyi snying po ste// thams cad 'byung ba'i rang bzhin gyis// theg pa kun las khyad par 'phags// bstan pa mngon par che bar bshad// dus ni dus gsum gcig pa'i ngang // dus ni snga phyi med pas na// gcig tu gnas pa'i rang bzhin gyis// snga phyi kun las khyad par 'phags// dus de mngon par che bar bshad// yangs pa chos dbyings gsang bdag gnas// thams cad 'dus pa'i gnas chen 'di// mtha' dbus med pa'i rang bzhin gyis// bzhugs gnas kun las khyad par 'phags// gnas de mngon par che bar bshad// rgyud kun gyi ni bdag po ste// spyi rgyud chen po'i rang bzhin te// kun las khyad par 'phags pa'o// zhes gsungs so// gsang ba spyi rgyud las/ khyad par 'phags pa'i le'u ste nyer bzhi pa'o// // de nas gsang bdag chen po la/ sems dpa' rdo rjes zhus pa/ rgud kyi rgyal po 'di nyid kyi// mtshan gyi gzung zabs ji ltar gzung / zhus pas/ gsang bdag chen pos sems dpa' rdo rje la rgyud kyi mtshan gyi gzung thabs dang / gtad pa'i thabs 'di gsungs so// yangs pa nam mkha' lta bu'i rgyud// gsal ba nyi zla lta bu'i rgyud// zab pa rgya mtsho lta bu'i rgyud// thams cad 'byung ba

  478. 240a

    sa gnyis bu'i chud// yon tan 'byung ba ran chen lta bu'i rgud// chag don yangs pa chen po 'di// gsal zhing sgrib phyogs med pa dang // cha pra gting dpag med pa dang // 'byung zhing phyogs med pa dang // dgos 'dod 'byung zhing re ba med// nga yis khyed la bstan cing gtad// spang 'geg sbyang ba bgrod pa dang // gzung 'dzin blang dor med pa dang // lta spyod rtsol bsgrub byar med de// lam dang gnyen pos bcos pa med// byang sems gsang bdag rang bzhin du// nga yis bstan pa'i don 'di ni// byang chub sems dpa'i lung chen yin// rgyud dang mdo yi yang rtse yin// man ngag kun gyi rtsa ba yin// bstan pa kun gyi snying po yin// theg pa kun gyi nying khu yin// ma rig 'khrul pa'i mun sel yin// 'khrul rtog dra ba 'di yis sel// nyon mongs zag pa 'di yis gcod// 'di nyid bstan pa'i mi rnams la// gsang ba spyi chung 'di gtad do// nam zhig dus kyi ba ma la// snang gsal sgron ma 'di yis byed// ces gsungs so// gsang ba b+h+rUM rgyud las/ mtshan gyi gzung thabs dang / gtad pa'i le'u ste cer pa'o// // gsang ba spyi rgud rdzogs so// / paN+Di ta dri med bshes gnyen dang / zhu chen gyi lo tsA ba gnyigs dz+nyA na ku ma ras rgyal po yon mchod kyi don du dbu tshal gser khang du zhus shing gtan la phab

  479. 240b

    pa'o// // @#// rgya gar skad du/ rat+na puSh+pa ma hA tan+t+ra/ bod skad du/ rin po che rgyas pa chen po'i rgyud/ bcom ldan dpal kun tu bzang po la phyag 'tshal lo// 'di skad rnam par bshad pa'i dus nyid na/ rang byung lhun grub pho brang gdal ba ru// ye sangs rgyas pa'i ston pa kun bzang des// tha dad med pa'i ston pa rdo rje sems dpa' la// thams cad de bzhin nyid las byung ba ste// de las ma gtogs dngos po gang yang med// de bzhin nyid la phun sum tshogs lnga ste// byung ba'i sku yi phun sum tshogs lnga dang // 'byung ba'i sku yi phun sum tshogs lnga dang // byung nas gnas pa'i sku yi phun sum tshogs lnga'o// ye shes phun sum tshogs pa la yang rnam lnga ste// byung dang 'byung dang byung nas gnas pa'o// sems su byung ba'i phun sum tshogs pa rnams lnga ste// sems su byung dang 'byung dang byung nas gnas pa'o// yid du byung ba la yang phun sum tshogs pa rnam lnga ste// yid du byung dang 'byung dang byung nas gnas pa'o// zer du byung ba'i phun sum tshogs pa ni// sku yi zer du byung ba'i phun sum tshogs lnga dang // ye shes zer du 'byung ba'i phun sum tshogs lnga dang // sems nyid zer du gnas pa'i phun sum tshogs lnga dang // yid nyid zer du shar ba'i phun sum tshogs lnga'o// sku nyid sku ru byung ba'i phun sum tshogs lnga dang // sku nyid ye shes

  480. 241a

    'byung ba'i phun sum tshogs lnga dang // sku nyid sems su gnas pa'i phun sum tshogs lnga dang // sku nyid 'od du shar ba'i phun sum tshogs lnga'o// ye shes ye shes phun sum tshogs lnga dang // ye shes sku ru byung ba'i phun sum tshogs lnga dang // ye shes sems su gnas pa'i phun sum tshogs lnga dang // ye shes zer du shar ba'i phun sum tshogs lnga'o// sems nyid sku ru byung ba'i phun sum tshogs lnga dang // sems nyid ye shes 'byung ba'i phun sum tshogs lnga dang // sems nyid sems su gnas pa'i phun sum tshogs pa dang // sems nyid zer du shar ba'i phun sum tshogs pa'o// zer nyid sku ru byung ba'i phun sum tshogs lnga dang // zer nyid ye shes 'byung ba'i phun tshogs lnga dang // zer nyid sems su gnas pa'i phun sum tshogs pa dang // zer nyid zer du shar ba'i phun sum tshogs pa'o// dus dang gnas dang ston pa 'khor nyid dang // bstan pa kun dang dbyer med gang gnas pa// byung dang 'byung nas gnas pa kun la khyab// snying po nyid la de bzhin gang gnas pa// de las byung ba kun kyang de bzhin no// rin po che rgyas pa chen po'i mdo las/ gleng gzhi'i phun sum tshogs pa'i le'u ste dang po'o// // sdud pa'i gsang dbang rdo rje sems dpa' la// ston pa'i ston pa kun tu bzang po la// bcom ldan kun tu bzang po'i gnas lugs

  481. 241b

    dang // kun tu bzang po'i ngo bo dang // kun tu bzang po nyid kyi snang tshul dang // kun tu bzang po dpe yis mtshon byed dang // kun tu bzang po'i rigs rnams dbye ba dang // kun tu bzang po'i sku yi snang tshul dang // kun tu bzang po'i gsung gi snang tshul dang // kun tu bzang po'i thugs kyi snang tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// kun tu bzang po nga yi gnas lugs ni// bcom ldan nga yi don che bas// thog ma tha ma med nas rang bzhin lhun gyis grub// dus gsum dbye ba med pas snying po'i ngang du gcig/ rang bzhin yongs la khyab pas thams cad kun tu bzang // dbyer med mnyam par gnas pas 'phel 'grib kun las 'das// kun tu bzang po nyid kyi ngo bo ni// dge dang mi dge dag las de nyid grub pa med// las dang smon lam dag gis rkyen ma byas// rang byung ngang zhi 'dus ma byas pa yis// zag med phung po rang byung ye shes lnga// yod pa ma yin de ni med pa min// snang ba ma yin de ni stong ma yin// nga nyid gang du ma grub pas// sna tshogs thams cad de nyid nga yi dang // kun 'byung yon tan rin chen sku// dbu ma gnyis su yod ma yin// yod de ye shes chen po'i sku// med de nam mkha' dag pa'i ngang // dngos dang dngos po ma yin pas// rang bzhin sgyu ma lta bu'i

  482. 242a

    sgra// bltas na snang ste brtags na stong // sgyu mas sgyu ma'i don yang byed// ma g.yos rang snang de kho na// stong pa snying po'i don nyid mtshon// sgyu ma dngos su ma grub pas// med pas 'gag pa dngos ma yin// mi rtog ye shes chen po des// zag med sgyu ma'i sku la brten// yon tan ma 'gags mtshan dper snang // chags pa med cing thogs pa med// ye shes mtha' gting med par gsal// mtha' dbus med pa kun gyi dbyings// rang bzhin med pa thams cad chub// rtogs pa'i sgra bsam yul las 'das// sangs rgyas sku ste rang byung mchog/ kun tu bzang po nyid kyi snang tshul ni// gang zhig nga la gzugs su mthong // gang dag nga sgrar 'dzin par na// dngos po rdzas su 'dod pa rnams// log par rtog pa'i spyod yul te// dam pa'i don la de nyid med// mthong ngo zhes ni 'khrul pa'i sku// dran no zhes ni rtog pa'i thugs// sgyu ma'i sku ni med pas stong // snying po'i sku ni cir yang 'char// bsam du med pas rtogs pa dka'// btsal du med de ye nas gnas// spang thob med pa'i 'bras bu nyid// tshe'o rang byung gdod nas che// sangs rgyas ma yin sems can min// 'bras bu ma yin lam ma yin// ngo bo nyid de rang byung sku// kun tu bzang po'i mtshon bya ni// ming tshig yul las 'das pas mtshon du med pas na// brda' tsam

  483. 242b

    dag gis phyogs gcig mtshon pas na// 'dus ma byas pa'i nam mkha' chen po de// thogs par byed pa'i reg bya kun dang bral// nam mkha' de la gnas kyang thams cad gnas// nam mkha' de las byung yang thams cad byung // rang byung rang zhi nam mkha' de 'dra la// lhun grub kun bzang dang mtshungs zhes bya'o// kun tu bzang po'i rigs rnams dbye ba ni// ris med kun la de bzhin khyab pa'o// ye shes kun tu bzang po ni// rang rig rang gsal gad la khyab dbyer med kun tu bzang po ni// lhun grub snying po de nyid do// sems nyid kun tu bzang po ni// gsal la rtog pa med pa'o// yid kyi kun tu bzang po ni// thams cad bya ba byed pa'o// kun tu bzang po'i sku yi rang bzhin ni// gyur ba med pa snying po nges pa'i klong // gos pa med pa bde ba chen po'i ngang // yongs la khyab pa 'du 'bral med pa nyid// 'phel 'grib med pa thams cad 'byung ba'i gzhi// kun la yod kyang de nyid gzugs ma yin// ris med 'dus ma byas pas mtshon du med pa ste// zhi 'gag med pas thams cad 'byung ba ste// gos pa med pas rang bzhin dag pa'i sku// de bzhin thogs pa med pas gang ltar brtags par snang // dngos po sgyu mar med pas thams cad kun bzang nyid// gong ltar mthong brtags de nyid dag pa la// de las gzhan zhig snang ba yod ma

  484. 243a

    yin// skye med rnam dag chos kyi dbyings nyid las// skye ba'i cho 'phrul sna tshogs cir yang snang // thugs rje thabs mkhas rol pa cir yang 'char// stong dang skye bar snang ba dbyer med pas// mtha' rnams kun las 'das pas 'di zhes brjod du med// ye nas nga ni dag pa'i sku// kun tu bzang zhes bya ba ni// thams cad kun gyi sku yin pas// ye nas nga ni rgyal ba'i sku// ye nas nga ni byang sems sku// ye nas nga ni 'phags pa'i sku// ye nas nga ni dgra bcom sku// kun tu bzang po mnyam pa'i ngang // mi 'gyur bde ba g.yung drung sku// thig le nyag gcig spros med sku// thabs mkhas cir yang 'char ba'i sku// sna tshogs rang snang chen po yis// ye 'byams chen po'i bdag nyid de// rang byung 'char ba'i sku nyid las// sku las sku 'byung sku snang ba'o// kun tu bzang po'i gsung gi snang tshul ni// log rtogs nyon mongs spangs pa yis// gsung mchog 'di ni grub pa med// nges pa'i don gyi snying po las// rang byung rang zhi rang sgra yis// ye shes rang byung rang sgra yin// ye shes 'gag med snying po'i gsung // ma btsal ma bsgrubs rang byung sgra// bde stong rig stong gsal stong sgra// kun khyab gos pa med pa'i sgra// gsung gcig sgra yis thams cad go/ rtog med sgra chen 'byams pa'i gsung // dus gsum rgyun mi 'chad par

  485. 243b

    'byung // dbyings kyi gsung las ma 'das kyang // nyon mongs brgyad khri bzhi stong la// 'dul ba'i gnyen po brgyad khri dang // bzhi stong de dag 'byung ba yin// gang la gang 'dul de la der ston pa// brjod du med pa brjod pa chen po'i mchog/ ming tshig yi ge kun las 'das// sgra las rgyal ba'i gsung mchog ste// ngag tu brjod pa gsung ma yin// tshig tu snang ba dngos ma yin// brjod ces gsungs pa don ma yin// 'khor rnams so so'i snang ba las// brjod pa'i rgyu dang brjod pa'i yul// tha dad nga yis ma brjod kyang // rgyal ba'i sras po cang mi gsung // ma gsungs pas ni rgya cher bshad// smras pa'i don rnams yod ma mthong // rang byung rang zhi'i gsung nyid do// snying po spros bral gsung nyid kyis// thams cad de bzhin nyid du gsal// gad la khyab rig pa'i gsung nyid kyis// rig pa brjod du med pa'i gsung // gsal la rtog med gsung nyid kyis// dbyer med byang chub sems su gsal// mtshon bya brda' don gsung nyid kyis// sgra ming la brten don du gsal// gsung las gsung byung gsung snang ba'o// kun tu bzang po thugs kyi snang tshul ni// rang byung gdod nas dag pa yi// ye shes ye shes las byung bas// dus gsum 'bral ba med pa'i ngang // mi skye mi 'bral nam mkha'i thugs// thugs rje ma g.yos

  486. 244a

    'gro ba'i dpal// ye shes dbyings las ma g.yos par// so so'i ting 'dzin sna tshogs gsal// rtogs te blta ru yod pa min// snang ste bsgom du yod pa min// shes nas spyad du yod pa min// rang las byung zhing rang las zhi// 'bras bu rang byung rang zhi'o// kun bzang thugs kyi rang bzhin no// sangs rgyas thams cad nga las byung // ye shes thams cad nga las bskyed// nga med nga yi sngon rol nas// nga yang nga med pa nyid nga'o// nga ni me long bzhin snang bas// sgeg mos bltas na mthong ba'o// thugs las thugs byung thugs snang ba'o// rin po che rgyas pa chen po'i rgyud las// kun tu bzang po'i rang bzhin bstan pa'i le'u ste gnyis pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// kun tu bzang mo'i gnas lugs dang // kun tu bzang mo'i ngo bo dang // kun tu bzang mo'i snang tshul dang // kun tu bzang mo dpe yis mtshon byed dang // kun tu bzang mo'i rigs rnams dang // kun tu bzang mo'i sku yi snang lugs dang // kun tu bzang mo'i thugs kyi snang lugs dang // kun tu bzang mo'i thugs kyi snang tshul dang // de rnams gcig las tha dad snang ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// skye med kun tu

  487. 244b

    bzang mo'i gnas lugs ni// gzhi la skye ba med pa kun tu bzang mo ni// skye ba med par ldan pa'i chos bdun te// rang bzhin skye ba med par gnas pas ngo bo skye med 'byung // rang bzhin 'byung ba med pas snying po cir yang 'char// rang bzhin 'gag pa med pas sna tshogs cir yang gsal// thog mtha' med par rang bzhin lhun gyis grub// gzhi nyid dag pas ngo bo dag pa byung // rtsal nyid dag pas skye med yongs su dag/ ye nas stong pas snying po gsal stong 'byung / kun ni khyab pa yin pa ste/ skye med stong pas kun la khyab/ 'khor ba'i dus na stong pa la/ myang 'das dus na stong pa nyid/ tu ni 'gag pa med pa yin/ ngo bo 'gag pa med pa yis/ thams cad 'byung ba'i gzhi yang byas/ bzang ni gos pa med cing 'phel 'grib med// thog ma tha ma med par bzang // mo ni skyed par byed pas te// dbyings las ye shes skyed par byed// skye med kun tu bzang mo'i ngo bo ni// lhun grub skye ba med pa de nyid las// chos kyi sku nyid skye ba med pa byung // chos sku skye med rigs med de nyid las// rang byung ye shes rig pa mi rtog byung // ye shes rig gsal stong pa chen po las// sems kyi sems nyid stong pa chen po byung // rang byung ma bcos ngo bo nyid kyi sku// kun las 'gro bas kun tu bzang mo nyid// skye med kun tu bzang mo'i snang tshul ni// skye med

  488. 245a

    dbyings su shar ba yis// gang ltar 'dod pa bzhin du snang // sangs rgyas rnams ni ye shes skye// byang sems rnams ni sgra lus spang // 'phags pa rnams ni ting 'dzin skye// rang rgyal rnams ni 'gro don mdzad// nyan thos rnams kyang thar lam spang // sangs rgyas rnams kyi sku ru gnas// lam la gnas dang lam yang thob// zhi dang khro la sogs pa yis// dkyil 'khor ma lus sna tshogs 'chang // chos sku longs sku sprul pa'i sku// gang ltar bzhin du 'char ba'o// skye med kun tu bzang mo'i mtshon dpe ni// skye med mtshon pa'i dpe las 'das pa ste// brda' tsam dag gis mtshon par bya ba ni// nam mkha' kun las grol ba chos nyid nam mkha' ni// kun yang 'char du rung ste kun gyis gos pa med// thams cad thams cad 'char ba'i dpal// nam mkha' chen po'i tshul du gnas pa'o// skye med kun tu bzang mo'i rigs rnams ni// skye med de la bde gshegs gzugs brnyan shar// bde gshegs rgyal ba du ma so sor snang // snang ba'i dus na rang bzhin skye ba med// rang byung ye shes rig gsal skye med du// chos kyi dbyings kyi rang bzhin so sor gsal// gsal tsam nyid na ye shes skye ba med// sems nyid stong pa rang gsal skye med du// 'gro drug rnams kyi bag chags so sor gsal// gsal tsam nyid na sems nyid skye ba med// skye

  489. 245b

    med 'gag med ye nas rang byung dag/ skye med kun tu bzang mo sku yi snang tshul ni// rang byung 'dus ma byas pa yis// rgyu 'bras gnyen po yod ma yin// ngo bo dbyings 'gag med pa yis// sku dang ye shes sna tshogs snang // rtsal nyid du mar shar ba yis// rigs rnams sbrul sku so sor snang // ngo bo gos pa med pa yis// gang ltar byas kyang gos pa med// sku yi rang bzhin de dag las// gang ltar brtags pa nyid du shar// dus mtha' med par ye nas gnas// 'pho 'gyur med par lhun gyis grub// dkyil 'khor sna tshogs 'char ba'o// skye med kun tu bzang mo'i gsung gi rang bzhin ni// khyab pa'i gsung ni nam mkha' lta bu ste// ma bcos rang byung nam mkha' lta bu nyid// yongs la khyab pas nam mkha' lta bu'i gsung // gos pa med pas nam mkha' lta bu'i gsung // bcos su med pa nam mkha' lta bu yis// 'gag pa med pas nam mkha' lta bu'i gsung // dbyings las sgra byung skye ba med pa'i gsung // gsung mchog 'di ni skye ba med pa'i gsung // bdag med stong pa bde ba seng ge'i sgra// kun gyi rang bzhin byed pa med pa'o// skye med kun tu bzang mo thugs kyi rang bzhin ni// dbyings kyi snying po kun mkhyen pas// rtog med mnyam nyid bde chen thugs// 'du 'bral med pa'i rang bzhin klong // rab byung ma bcos snying po'i thugs// mtha'

  490. 246a

    med nam mkha' snying po'i klong // spang thob med pa'i 'bras bu 'di// ye shes dkyil 'khor thig le'i thugs// sna tshogs thams cad thugs las byung // kun gyi rang bzhin byed pa'o// rin po che rgyas pa chen po'i rgyud las/ kun tu bzang mo'i rang bzhin bstan pa'i le'u ste gsum pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// sras mchog sdud pa'i gnas lugs dang // ngo bo chos rnams du dang ldan pa dang // snang tshul ji ltar snang ba dang // dbyer med ji ltar gnas pa dang // sku gsung thugs dang gang ldan lags// ston pa'i ston pa kun tu bzang po des// sdud pa'i gsang dbang rdo rje sems dpa' la// byung ba'i gnas lugs 'byung ba'i gnas lugs dang // byung nas gnas pa'i gnas lugs rnam gsum ste// gzhi yi rdo rje sems dpa'i gnas lugs de// byung ba gzhi yi sku yi gnas lugs ni// thog ma med pa'i dus nyid nas// sangs rgyas sems can ming med de// gzhi nyid gang du ma gyur pas// gang du yang ni ma bcos pa'o// gang du yang ni ma bcos pas// chos rnams thams cad bsdus pa'o// 'byung ba'i sku yi gnas lugs ni// mi 'gyur ba yi rdo rje ste// nam mkha' chen po de nyid yin// phyi nang dbyer med gnas pas sems// gang gis gos par ma gyur

  491. 246b

    pa// de ni dpa' bo chen po yin// ngo bo mi 'gyur gnas pa yis// de las byung bar 'gyur ba med par gnas// byung nas gnas pa sku yi gnas lugs ni// sems kyi rang bzhin gang du mi 'gyur bas// byung dang 'byung ba'i chos rnams thams cad bsdus nas gnas// ngo bo chos rnams gsum dang ldan pa ste// kun tu bzang po rigs med ngo bo dang yang ldan// kun tu bzang mo skye med ye shes dang yang ldan// dbyer med gnas pa sdud pa po nyid de// byung ba'i sdud pa pos ni kun tu bzang po'i chos rnams 'gag med bsdus// 'byung ba'i sdud pa pos ni kun tu bzang mo'i chos rnams bsdus// byung nas gnas pa'i sdud pa pos ni rang bzhin gcig par dbyer med sdud pa'o// rdo rje sems pa dpa' bo'i snang tshul ni// gzhi nyid cir yang nges pa med pa yis// phyi nyid dag pas nam mkha' lta bur snang // nang nyid dag pas ye shes lta bur snang / dbyer med dag pas phyi nang gcig par snang // phyogs lhung med pas gang ltar 'dod par snang // thams cad nga yi snang ba yin// phyi nang gsang ba nga yis bsdus// nga las ma byung snang ba ni// rdul tsam dag ni yod pa min// gang ltar snang yang rdo rje sems dpa'o// dbyer med ji ltar gnas dpe ni// kun tu bzang po sna tshogs snang ba dang // kun tu bzang mo skye 'gag med pa de// dbyer med sdud pa po yis/

  492. 247a

    bsdus pa ste// dper na shel dang shel gyi 'od bzhin du// rang bzhin tha dad ma yin ngo bo gcig par gnas// kun tu bzang po dar gyi kha dog bzhin// kun tu bzang mo dar gyi seng pa bzhin// sdud pa po ni dar gyi spyi bzhin gnas// zhi 'gag med pa kun tu bzang po ste// de kun ngo bo skye ba med pa kun tu bzang mo nyid// skye 'gag ngo bo gcig pa rdo rje sems dpa' ste// spu gri'i so dang rgyu dang kha dog bzhin// kun tu bzang mo rgyu yi rang bzhin byung ba la// kun tu bzang po kha dog rang bzhin gsal ba nyid// rdo rje sems dpa' so yi rang bzhin gcod pa ste// nyi ma'i snying po zer dang 'od du gnas// 'od dang zer ni snying pos bsdus pa ste// rdo rje sems dpa' nyid kyang de bzhin gnas// kun tu bzang mo chos sku nyid yin la// kun tu bzang mo longs sku yin pa ste// rdo rje sems dpa' sprul pa'i sku lta bu// dper na me long spyi dang gsal dngas gzugs brnyan bzhin// dbyer med sdud pa rdo rje sems dpa' nyid// snang tshad thams cad rdo rje sems dpa'i sku// sgra rnams thams cad rdo rje sems dpa'i gsung // dran rtog thams cad rdo rje sems dpa'i thugs// yang dag rdzogs pa'i sangs rgyas thams cad ni// rdo rje sems dpa' nyid las byung ba ste// rdo rje sems dpa' che zhes rtogs pas na// rdzogs pa'i

  493. 247b

    'bras bu 'di las byung // 'di las ma rtogs sangs rgyas med pa'o// rin po che rgyas pa chen po'i rgyud las/ rdo rje sems dpa'i gnas lugs bstan pa'i le'u ste bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul pa'i lus ngag dag gi ngo bo la// kun tu bzang mo gang la gnas pa yin// kun tu bzang po gang la gnas pa yin// rdo rje sems dpa' gang la gnas pa yin// lus gang de la rdzogs ma rdzogs pa lags// ma rdzogs rdzogs pa chen po ji ltar lags// de la rdzogs na rdzogs lugs ji ltar lags// ston pa'i ston pa kun tu bzang po des// sdud pa'i gsang dbang rdo rje sems dpa' la// lus ngag dag la kun bzang yab yum dang // rdo rje sems dpa' dngos su rdzogs pa ste// gsal ba'i rnam par shes pa kun tu bzang mo ste// de yi yul du snang ba kun tu bzang po nyid// phyi nang gnyis su bsdus nas 'dzin pa rdo rje sems// mig gi rnam par shes pa kun tu bzang mo la// de yi yul du snang ba kun tu bzang po nyid// mig gi dbang po rdo rje sems dpa'o// rna ba'i rnam shes kun tu bzang mo la// de yi yul sgra kun tu bzang po nyid// rna ba'i dbang po rdo rje sems dpa'o// sna yi rnam shes kun tu bzang mo la// de yi yul dri kun tu bzang po'o// sna yi dbang po rdo rje sems

  494. 248a

    dpa'o// lce yi rnam shes kun tu bzang mo la// de yi yul ro kun tu bzang po nyid// lce yi dbang po rdo rje sems dpa'o// lus kyi rnam shes kun tu bzang mo la// yul de'i reg bya kun tu bzang po nyid// lus kyi dbang po rdo rje sems dpa'o// yid kyi rnam shes kun tu bzang mo la// de yi yul chos kun tu bzang po nyid// yid kyi dbang po rdo rje sems dpa'o// phyi yi yul rnams snang la rang bzhin med// nang gi shes pa gsal la rtog pa med// dbang po lhug pa rig la 'dzin pa med// phyi nang bcos su med pa rdzogs pa chen po'i don// de ltar lhun gyis grub pas bsgom med bsgom pa'i don// byar med byas pa med pa byung ba'i spyod pa yin// lus ngag 'khrul par gnas pa de nyid la// sku gsung rang bzhin lhun gyis grub par rdzogs// lus ngag rig la rnam shes gsum dang ldan// sku nyid gsal ba'i rnam par shes pa dang // ye shes gsal ba'i rnam par shes pa dang // sems nyid gsal ba'i rnam par shes pa'o// dbang po rnam pa gsum dang ldan pa ste// rten med gsal ba nyid kyi dbang po dang // thogs med stobs dang ldan pa'i dbang po dang // bag chags lus dang ldan pa'i dbang po'o// yul ni rnam pa gsum dang ldan pa ste// dmigs pa kun dang bral ba'i yul nyid dang // dmigs kyang 'dzin pa med pa'i lus nyid

  495. 248b

    dang // snang ba so sor snang ba'i yul nyid do// byung dang 'byung dang byung nas gnas pa'o// rin po che rgyas pa chen po'i rgyud las/ 'khrul pa'i lus la sku gsum rdzogs pa'i le'u ste lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// yi ge med las yi ger byung ba gang // brgyud pa med las brgyud par byung ba gang // rtog pa med las rtog pa byung ba gang // snang ba med las snang bar byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog ma med pa'i dus nyid nas// sangs rgyas sems can ming med pas// gang du ma grub nam mkha'i tshul du gnas// snang tshul gang yang mi dmigs pas// yi ge dag ni yod min pas// mtshon bya mtshon byed kun las 'das pa na// ming dang brda' don 'brel pa yod ma yin// yi ge med las yi ge byung ba ni// skye med kun tu bzang mo grub pa yis// de yi mtshon byed byung bas yi ge a// a de'i ngo bo gsum dang ldan pa la// a de skye ba med pa kun tu bzang mo yin// a de a ru 'byung ba kun tu bzang po yis// a de sdud par byed pa rdo rje sems dpa' yin// a las ming byung ming las tshig byung nas// ming don mtshon par byed pa'i yi ge byung // rgyu yi yi ge byung ba'i yi ge yin// 'byung ba'i yi ge ming du byung

  496. 249a

    ba yin// byung nas gnas pa'i yi ge yul du 'god pa yin// brgyud pa med par brgyud par byung ba ni// rang bzhin rnam dag ye sangs rgyas pa las// rgyu dang lam dang 'bras bur yod ma yin// bsgrub bya kun dang bral ba gzhi yi rang bzhin las// ngo bo nyid kyi sku las gzhi yi rtsal gsum byung // skye med mtshon pa kun tu bzang mo dang // skye ba mtshon pa kun tu bzang po dang // gnyis med mtshon pa rdo rje sems dpa' dang // de las brgyud pa rnam gsum byung ba ni// thugs kyis thugs la brgyud pa yis// chos kyi sku yi snang ba shar bar byung // sku yis sku la brgyud pa yis// longs spyod rdzogs pa sku yi snang ba shar bar byung ba'o// gsung gis gsung la brgyud pa yis// sprul pa'i sku yi snang ba shar bar byung ba'o// rtog pa med las rtog pa byung ba ni// gzhi yi sku la rtog dang brtag yul med// de las byung ba dag la rtog yul gnyis su snang // nang lha'i rig par shar bas sku dang ye shes rtog/ phyi lha'i rig pa shar bas bag chags khams gsum rtog/ snang ba med las snang bar byung ba ni// snying po nyid las phyi dang nang med kyang // de las byung bas phyi dang nang du snang // phyi yi snang ba kun tu bzang po la// nang gi ngo bo kun tu bzang mo yin// dbyer med snang ba rdo rje sems dpa' yin// nang gi rig pa de ltar shar ba yis// phyi

  497. 249b

    yi snang ba kun yang de bzhin 'char// phyi yi snang ba ji ltar shar ba bzhin// nang gi rig pa dag kyang de bzhin 'char// des na phyi dang nang du snang ba dbyer med do// gzhi nyid dag las thams cad rdzogs pas na// gzhi rtogs pa ni thams cad rtogs pa'o// rin po che rgyas pa chen po'i rgyud las/ gzhi las byung ba'i le'u ste drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sku dang ye shes dag gi ngo bo dang // sku dang ye shes dag gi tshad nyid dang // sku dang ye shes dag gi khyab tshul dang // sku dang ye shes dag gi snang lugs dang // sku dang ye shes dag gi dbye ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku dang ye shes dag gi ngo bo ni// gang du ma grub cir yang snang ba de// 'dzin med chags pa med pa sku yi ngo bo yin// de la gsal rtog med na ye shes ngo bo yin// phyogs bcu dus gsum dag na bzhugs pa yi// 'khor dang mya ngan 'das pa thams cad kun// so so'i gnas dang so so'i rigs rnams kun// snang ba'i yul rnams so/ sor snang mod kyang // chos kyi sku las thams cad ma 'das te// tshogs brgyad yul du de nyid ma gyur pas// stong pa ye shes sku yi snying po can// rtogs pa'i sgra bsam yul las 'das pa de// de ni chos kyi sku yi/

  498. 250a

    ngo bo yin pa'o// de rtogs dri ma med pa ye shes snying po yin// sku dang ye shes dag gi tshad nyid ni// ji bzhin gnas pa ma bcos pas// rtsol bsgrub kun dang bral ba sku yi tshad// rang byung ye shes rig pa ma g.yos pa// snang la rang bzhin med pa ye shes tshad// sku dang ye shes dag gi khyab tshul ni// stong gsum stong gi mi mjed 'jig rten khams// rgyal ba'i zhing khams du ma thams cad dang // khams gsum rigs drug bag chags so so las// sems can rgyud kyis bsdus pa thams cad kun// sku dang ye shes dag las byung bas na// de las ma gtogs dngos po gang yang med// des na sku dang ye shes dag gis kun la khyab// 'dus ma byas kyi nam mkha' chen po de// kun la khyab cing kun la gnas pas na// sku dang ye shes dag kyang de bzhin mtshungs// sku dang ye shes dag gi snang tshul ni// sku ni rig med ngo bo spros dang bral// de las byung ba sku yi snang tshul ni// zhi 'gag med pa snying po stong par snang // 'byung ba sku yi snang tshul ni// yod dang med pa'i mtha' rnams mi dmigs te// rig med stong pa'i tshul du snang ba yin// byung nas gnas pa sku yi snang tshul ni// thams cad byang chub sems las byung ba'i snang ba ste// de las ma gtogs dngos po gang yang med// dngos po 'khor bar snang ba dang // mtshan ma theg pa'i khyad

  499. 250b

    par rnams// yan lag rtogs pa'i sems nyid de// sems nyid rtogs pas sangs mi rgya// sems kyi snang ba yan lag snang ba yin// yan lag phung po dngos po 'khor ba ste// rnam shes mtha' yas skye mched nyid bzhin no// sems las sems byung sems kyis snang ba shar// sku dang ye shes dag gi dbye ba ni// sku yi shar lugs bsam gyis mi khyab kyang // snang lugs rnam gsum du ni snang ba yin// ngo bo nyid kyi sku yi gnas lugs ni// rtogs te sangs rgyas dgongs pa mi 'char zhing // ma rtogs sems can bag chags mi snang ba// gang du ma g.yos gdal ba chen po de// mnyam pa nyid kyi sku zhes bya ba yin// dper na nam mkha' dag pa'i tshul du gnas pa yin// de las byung ba sangs rgyas chos kyi sku yi gnas lugs ni// snying po de las thams cad byung bas na// de las byung dang 'byung nas gnas pa kun// de las ma 'das dbyer med rtogs pas na// thams cad sangs rgyas chos kyi sku nyid do// dper na nam mkha' nas byung nam mkha'i cho 'phrul yang // nam mkha' nyid las yongs su ma 'das so// yan lag chos kyi sku yi rang bzhin ni// stong pa'i rtsal nyid stong par snang ba las// byang chub sems gcig stong pa lta bur snang // snying po'i ye shes rig pa ma g.yos pas// rang byung ye shes rig pa dbyer med do// yan lag ye shes skad cig stong

  500. 251a

    par rtogs// sku dang ye shes chen po 'di nyid las// rgyu dang 'bras bu dag ni yod ma yin// rgyu yi dus na 'bras bu mngon du gnas// 'bras bu kho na rgyu nyid kho na'o// lam rnams sbyang med pa rnams bgrod med pas// sku dang ye shes dag pa chen po yin// 'du 'bral med pa'i zhing khams yongs su dag/ gnyis med rdo rje 'chang gi sku nyid do// rin po che rgyas pa chen po'i rgyud las/ sku dang ye shes kyi le'u ste bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// theg pa chen po'i tshad dang ni// theg pa chen po'i rgyu mtshan dang // theg pa chen por gzhag pa'i dpe nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rgyud kyi rgyal po chen po 'di// dbyings dang ye shes 'bral ba ste// dus gsum sangs rgyas thams cad kyi// dgongs pa gcig tu 'brel ba'i don// sku dang gsung dang thugs kyi rgyud// 'byung gnas gtan la nges par 'bebs// thabs mang ba yi rgyud yin pas// theg pa sna tshogs 'dul ba'i rgyud// thabs che ba yi rgyud yin pas// ma nges ye shes rang la 'char// don che ba yi rgyud yin pas// gang ltar byas kyang 'bras bu 'byung // thabs sla ba yi rgyud yin pas// sku dang ye shes rang la gnas// thabs myur ba yi rgyud

  501. 251b

    yin pas// skad cig gcig gis rdzogs sangs rgyas// theg pa chen po'i rgyu mtshan ni// gcig dang gnyis su phye ba med pas na// theg pa chen po zhes su bya ba yin// dbyings las ye shes shar pas sna tshogs rgyan du shar// ye shes dbyings su shar bas stong pa chen po'i don// theg pa kun gyi snying po rang nyid gnas// gcig las thams cad byung bas theg pa'i 'bras bu yin// gcig rtogs kun nyid rtogs pas theg pa chen po yin// theg pa'i rang bzhin shes rab snying rje ste// spang thob med pa'i theg pa nye bar gzung // theg pa chen por bzhag pa'i dpe nyid ni// phyogs lhung med pa nam mkha' lta bu ste// kun las gsal ba nyi ma lta bu dang // gos pa med pa pad+ma lta bu dang // yon tan kun 'byung yid bzhin nor bu ltar// theg pa chen po nyid kyang de dang mtshungs// theg pa rnams ni du ma ste// blo yi tshad du gyur pa de bzhin bas// gcig las ma gsungs sna tshogs snang mod kyang // dngos gcig yid ni tha dad phyir// de yis don rnams 'grub par byed// ji ltar 'gro ba'i mthong stangs kyis// rgyal ba nyid kyang sdug bsngal rgyu// dmyal ba yi dwags dud 'gro bzhin// theg pa'i don yang de bzhin no// nyon mongs grangs las 'das pas na// theg pa rnams kyang grangs las 'das// gang la brten nas don 'thob pas// de la theg pa

  502. 252a

    zhes bya'o// 'od med rang bzhin lhun grub pas// theg pa chen po zhes bya'o// rin po che rgyas pa chen po'i rgyud las/ theg pa chen po'i rang bzhin gyis le'u ste brgyad pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// chos kyi sku yi zhing khams snang tshul dang // longs spyod rdzogs pa'i sku yi zhing khams snang tshul dang // sbrul sku'i zhing khams snang tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos kyi sku yi zhing khams snang tshul ni// phyi dag kun tu bzang po'i dgongs pa dang // nang dag kun tu bzang mo'i dgongs pa dang // dbyer med dag pa rdo rje sems dpa' yang // dag pa chos kyi sku yi zhing khams yin// ma dag chos kyi sku yi zhing khams ni// 'byung ba sa la brten pa'i snod dang bcud nyid dang // 'byung ba chu la brten pa'i snod dang bcud nyid dang // 'byung ba me la brten pa'i snod dang bcud nyid dang // 'byung ba rlung la brten pa'i snod dang bcud nyid dang // 'byung ba'i rtsal la brten pa'i snod dang bcud nyid dang // 'byung ba'i mdangs la brten pa'i snod dang bcud nyid dang // 'byung ba mkha' la brten pa'i snod dang bcud nyid ni// 'byung dbyer yang med chos kyi sku yi zhing khams yin// sangs rgyas chos kyi sku yi snang

  503. 252b

    tshul ni// bsam gyis mi khyab brjod kyis mi lang yang // dper na me long g.ya' med rang bzhin dag pa der// gang gis bltas pas gzugs brnyan de bzhin 'char// brda' tsam mtshon na snang lugs gsum yin te// snang la rang bzhin med pa chos sku'i snang ba yin// gsal la rtog pa med pa ye shes snang ba yin// sna tshogs bag chags snang ba sems can snang ba yin// sku la ma gtogs snang ba gang yang med// phyi nang nang du snang ba chos kyi dbyings// longs spyod rdzogs pa'i sku yi zhing khams ni// mdo tsam dag gis mtshon par bya ba ni// rang byung longs spyod rdzogs pa'i sku nyid dang // yan lag longs spyod rdzogs pa'i sku dang ni// 'khrul snang longs spyod rdzogs pa'i sku nyid do// rang bzhin longs spyod rdzogs pa'i sku de ni// gzhi las ma btsal rang byung lhun grub pa// yon tan thams cad rdzogs par snang ba'o// sku yi byin rlabs ye shes lnga ru shar// ye shes lnga las bde gshegs rigs lngar shar// yan lag longs spyod rdzogs pa'i sku de ni// sems nyid cir yang snang bas na// rnam par snang mdzad lhun gyis grub// sems la 'gyur ba med pas na// rdo rje sems dpar lhan gyi grub// sems las thams cad byung bas na// rin chen 'byung ldan lhan gyis grub// sems la thams cad snang bas na// snang ba mtha' yas lhun gyis grub// sems

  504. 253a

    kyis bya ba kun byed pas// don yod grub par lhun gyis grub// zag pa med pa'i phung po lnga la brten// ye shes lus can de bzhin gshegs pa'i sku// zhing khams yongs su dbang ba chen po de// ma chags pad+ma can gyi sa la dbang // de rdzogs yi ge tshogs chen 'khor lo'i sa// zhing khams yongs su dag pa chen por snang // ye shes dbang thob nang rtags yon tan du ma phyi ru snang // zhing khams de na spyod pa'i bde gshegs la// snang ba rang gis don byas lhun gyis grub// 'khrul snang longs spyod rdzogs pa'i sku de ni/ sems can las dang bag chags dag la yang // mtshan dang dpe byad lta bu'i snang ba shar// rigs gsum lta bu'i rigs kyi don nyid byed// bsam gyis mi khyab bsam las 'das pa ni// dag pa chen po'i zhing khams chen po yin// rang bzhin dag pa'i zhing khams chen po ni// ye shes lnga ru snang ba'i zhing khams yin// rigs nyid dag pa'i zhing khams bde ba ni// sa dang lam la spyod pa'i zhing khams yin// sprul pa'i sgra yi zhing khams snang tshul ni// rang bzhin sprul pa'i sku de ni// thams cad sprul pa'i sku yin pas// de la brten nas don byed thams cad nus// 'dren pa sprul pa'i sku de ni// gang ltar 'dod pa de la der snang ba'o// gdul bya sprul pa'i sku nyid ni// zhi dang khro bo'i tshul du snang ba'o// ngo bo med las ngo/

  505. 253b

    bopor snang ba ni// de ni sprul pa'i sku zhes bya ba yin// mthong stangs dbang gis tha dad snang ba las// de ma rtogs pa'i snang ba yod pa min// gdul bya thams cad sprul pa'i sku yi zhing khams yin// rin po che rgyas pa chen po'i rgyud las/ sku gsum zhing khams kyi le'u ste dgu pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// lus ngag dag gi 'khrul pa las// lus gsum rim pas byung ba dang // shes rab rnam pa gsum dag dang // sku ni rnam pa gsum dag las// 'bras bu rnam gsum 'byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// zag dang bcas pa'i bag chags dag gi lus// chu bur spyan ldan snang ba kha dog gzugs// thos byung shes rab ming tshig sgra ldan brten// sems kyi ye shes snang yang rtog pa med// snang ba gzung 'dzin med pa'i sku nyid de// 'bras bu byang chub sems dpa' nyid 'thob po// zag pa med pa'i lus nyid la// lha yi spyan dang ldan pa 'byung // bsam pa las byung shes rab skye// rang byung ye shes chen po des// chos nyid nam mkha' lta bur rtogs// 'bras bu bde bar gshegs pa 'thob// ma btsal rang byung ye shes lus// rdo rje lta bu'i lus nyid la// ye shes spyan dang ldan pa 'byung // bsgom pa las byung shes

  506. 254a

    rab kyis// snying po rang byung ye shes shar// sangs rgyas chos sku dri med 'thob// 'bras bu sku gsum lhun gyis grub// zag dang bcas pa'i lus nyid ni// gzugs dang tshor ba 'du shes dang // 'du byed rnam par shes pa rnams// gcig tu 'dus pa gzugs su snang // de nyid dag la brten nas ni// chu bur spyan dang ldan pa 'byung // gsal bar dpag tshad rgyang grags mthong // dbang po rnam lnga de bzhin no// rkyen gzhan dag la brten nas ni// thos pa las byung shes rab kyis// mi rtog pa yi ye shes skye// sems nyid stong pa'i chos sku thob// de yi 'bras bu zag med lus// gzugs ni thogs med ting 'dzin/ lus// de la brten pa'i phung lnga yang // 'ja' tshon lta bu'i lus nyid las// lha yi spyan dang ldan pa ste// stong gsum bye ba phrag brgya gzigs// bsam pa las byung shes rab kyis// chos kyi sgo mo brgyad khri dang // bzhi stong thams cad lhun gyis grub// rang byung ye shes chen po des// phyi dang nang du snang ba yang // chos sku nam mkha' lta bur rtogs// de nyid dag la brten pas na// rdo rje lta bu'i lus nyid 'byung // ye shes phung por snang ba ni// chos kyi dbyings kyi ye shes dang // me long lta bu'i ye shes dang // mnyam pa nyid kyi ye shes dang // so sor rtog pa'i ye shes dang // bya ba grub pa'i ye shes rnams// gcig tu 'dus

  507. 254b

    pas ye shes lus// ye shes spyan dang ldan pa des// thams cad nam mkha' dkyil ltar gzigs// lhun grub rang byung ye shes des// sangs rgyas chos sku dri med rtogs// 'bras bu sku gsum dbyer med 'grub// zag dang bcas pa'i lus nyid las// ye shes lus can bde gshegs 'grub// rin po che rgyas pa chen po'i rgyud las/ rgyu phung po zag pa dang bcas pa la brten nas ye shes lus su grub pa'i le'u ste bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lta ba'i ro snyoms tshad dang rtags gnyis dang // sgom pa'i ro snyoms tshad dang rtags gnyis dang // spyod pa'i ro snyoms tshad dang rtags gnyis dang // bar do'i ro snyoms tshad dang rtags gnyis gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog mtha' med pa'i dus nyid na// sku dang ye shes dbyer med gnas pa bzhin// sku dang ye shes rtsal dang zer du chad// yan lag sems can de la sku dang ye shes gnas// lam gyi dus na sku dang ye shes rtogs// 'bras bu'i dus na sku dang ye shes 'thob// mu stegs rtag chad gnyis su 'dzin pa dang // kun tu bzang po'i sku dang ye shes gnyis// bzang ngan med de dbyer med gcig par gnas// yin la yin par shes na lta ba

  508. 255a

    ste// gang la chags sdang med na lta ba'i tshad// 'jig rten chos brgyad dag las 'das pa dang // dmigs pa gsum 'das ming dang brda' mi snang // ming dang brda' des de don mtshon mi byed// brjod du med de yin tshul yin par shes// dper na lkugs pas ro myangs khong na gsal ba bzhin// brjod par 'dod kyang brjod pa'i don mi shes// gang ltar byas kyang de rnams rgyun du 'byung // de yi rtags ni lus dang sems las 'byung // lus la bag tsha med cing rtsol sogs med pa dang // sems la chags sdang med cing khong khro med pa 'byung // rkyen gyis bskyod dang mi bskyod gang yang med// de 'dra de la dga' dang chags pa med// rdo rje sems dpa' khong nas 'char ba yis// gang ltar byas kyang kun tu bzang po nyid// thams cad kun tu bzang por snang ba las// spang dang spang bar bya ba ga la yod// bsgom pa'i ro snyams tshad dang rtags gnyis ni// dmigs pa med pa'i chos nyid las// 'dzin pa med pa'i sgo lnga yis// ma g.yos yid kyi ye shes kyis// rtog pa med pa'i ye shes shar// phyi dang nang med de bzhin snang // yengs dang ma yengs gnyis med par// rang 'byung rang gi ngang gis 'byung // snang la rang bzhin med par shar// rig la brjod du med par grub// bde la myong rgyu med par bde// log 'dren can gyi

  509. 255b

    chags sdang dang // bde gshegs rang byung ye shes gnyis// dbyer med ro gcig de nyid yin// ma bcos ma phri dgag bsgrub med// gang la chags sdang med pa bsgom pa'i tshad// gang yang blang dor med pa bsgom pa'i tshad// gang la bying rgod med pa bsgom pa'i tshad// rkyen rnams ji ltar bskyod kyang yengs pa med// lus dang sems dang snang ba gsum las 'das// dmigs pa gsum las 'das pa bsgom pa'i rtags// zhen med chags med bsam gtan bdud las 'das// bsgom pa'i ro snyoms bde gshegs kun dang mnyam// tshad dang rtags kyis sku dang ye shes rdzogs// spyod pa'i ro snyoms tshad dang rtags gnyis ni// gang la chags sdang med cing gang la thogs pa med// ched du byas pa med pas ched du bya ru med// gang ltar byas kyang sku dang ye shes dang // sku yi sku ni gang du grub pa med// ye shes ye shes gang du rtog pa med// gang ltar byas kyang skra dang ye shes dang // dbyings kyis dbyings la rol pa'i spyod pa ni// gang ltar spyad kyang mnyam pa nyid kyi ngang // ye shes ye shes rol pa'i spyod pa ni// gang ltar rol yang rtog pa mi mnga'o// rig spyod gsang spyod brtul zhugs spyod pa la// gang ltar spyad kyang ye shes khyad par che// spyod pa'i tshad ni gos pa med pa'o// spyod pa'i rtags ni blang dor med pa'o// rang byung zhe 'dod med pa'i spyod

  510. 256a

    pa'o// blta ba las byung ye shes skyes pa dang // bsgom pa las byung ye shes skyes pa dang // spyod pa las byung ye shes skyes pa de// dbyer med gcig yin gang ltar bde bar bzhag/ rang bzhin par dor blta bsgom spyod pa dang // mnyam bzhag dus dang rjes thob mnyam pa ni// rmi lam bar do'i dus su de bzhin 'byung // rmi lam dus na de nyid brtan pa na// srid pa bar do'i dus su de bzhin gsal// gsal ba'i ye shes zang thal snang ba des// thams cad kun tu bzang po'i ngang du shar// 'bras bu sku gsum rang snang lhun gyis grub// rdo rje sems dpa' chen po de nyid do// rin po che rgyas pa chen po'i rgyud las/ theg pa chen po ro snyoms bzhi bstan pa'i le'u ste bcu gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lus gang tshe gcig sangs rgyas thob pa gang // sku dang ye shes brtan pa thob pa gang // bsre bkug bstan pa'i man ngag ji lta bu// de la ye shes rnam gsum gyis// mun pa rnam gsum sel ba gang // ting 'dzin rnam gsum skyes pa gang // 'bras bu rnam gsum rdzogs pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sangs rgyas chos kyi sku yi zhal bstan dang // rang byung ye shes brtan

  511. 256b

    pa thob pa'i thabs// nam mkha' dag la nam mkhar ming ma btags// chos nyid nam mkha' chen po de nyid la// de la bsre bkug bsnan pa'i man ngag rim pas bya// shes pa gsal la dpangs bstod de// ming ma btags pa'i nam mkha' chen po la// sgo lnga rang sar bzhag nas ni// yid kyi rtog pa rgyun bcad de// shes pa lhug par btang la bsgom// sems las byung ba'i ye shes de// skad cig dang po'i shes pa de// snang ba ming dang bral nas ni// shes pa had de phyod de skye// mi rtogs pa yi ye shes yin// ming gis chod pa'i mun pa sangs// bag chags sgrib pa dag ces bya// rnam par mi rtog ting 'dzin skyes// snang ba rgyas gdab spyod pa bya'o// de yi brtan pa thob pa dang // tshogs drug yul la dgug pa yis// tshogs drug yul la mi spyod na// rang byung ye shes skyes pa yin// mtshan ma'i mun pa sangs zhes bya// nyon mongs sgrib pa dag pa yin// snang ba bskyed byed kyang pa'i ting 'dzin skyes// 'byung ba chen po'i spyod pa'o// de rnams rgyun tu 'byung ba ni// bsnan pa dag gi man ngag gis// skad cig dang po'i shes pa nyid// gang du yang ni ma g.yos pas// rnam par mi rtog ye shes 'byung // shes pa de nyid ngos bzung nas// skad cig gnyis las phar mi btang // rgyun gyi brtan pa thob pa dang // rang byung ye shes chen po yin// rang bzhin mun pa

  512. 257a

    sangs zhes bya// shes bya'i sgrib pa dag pa yin// rdo rje lta bu'i ting 'dzin thob// chos kyi sku yi zhal bstan pas// rang byung ye shes de la skyes// 'bras bu sku gsum lhun gyis grub// sangs rgyas pa yi sangs rgyas so// rin po che rgyas pa chen po'i rgyud las// sku dang ye shes zhal bstan pa'i le'u ste bcu gnyis pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// nyin gung rnal 'byor bya ba dang // srod la rnal 'byor bya ba dang // nam gung rnal 'byor bya ba yis// rgyun du ye shes thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// nyin gung rnal 'byor bya ba ni// mnyam par gzhag pa'i dus nyid na// tshogs drug nam mkha'i ngangapal bzhag/ sgo lnga la brten shes pa kun// yul la mi spyod thal le phung nger bzhag/ bying na shes pa gzengs kyang bstod// rgod na chos nyid rgyas kyang gdab// rnam par mi rtog ting 'dzin te// de rnams gsal bar ma gyur na// rjes las thob pa'i snang ba 'di// sgyu ma'i dpe brgyad lta bur 'char// gsal la stong pa 'ja' tshon lta bur snang // snang la med pa chu zla lta bu dang // rten med shar ba smig rgyu lta bu dang // brtags na med pa sgyu ma lta bu dang // yin la min pa gzugs brnyan lta bu

  513. 257b

    dang // dngos med snang ba sprul pa lta bu dang // don mi ldan pa brag cha lta bu dang // rang bzhin rang snang rmi lam lta bu'o// chos rnams thams cad de bzhin snang ba la// de la zhen med chags med dga' dang btang snyoms med// nyin gung yengs pa med pa yis// rgod na mnyam gzhag ngang la gnas// bying na rjes thob dang la gnas// chos sku ye shes rgyun du 'byung // srod la rnal 'byor bya ba ni// bsam gtan gnyid dang bsres pa ni// chos nyid ngang la gnas byas la// de las gnyid byung chos kyi sku// gnyid kyi rtog pa ma langs na// chos nyid ma yi ting 'dzin yin// gnyid kyi rtog pa langs pa na// gnyid ni bya gnyid lta bur bya// yang dang yang du thun du gcad// gnyid dang bsam gtan yang yang bsre// de yi rgyun nyid thob pa na// rig pa ma la bzhag pa yis// bag chags rmi lam ma byung na// ye shes rig ma skyes pa yis// chos nyid ngangal chos sku gnas// gting gsal chen po'i ye shes 'byung // de yi brtan pa thob pa dang // gnyid sad na yang de bzhin 'byung // rmi lam dag la brten nas ni// snang ba rjes thob nyid du snang // mtshan dgung rnal 'byor bya ba la// ye shes rang so mi g.yo bas// 'byed pa med pa'i chos sku de// rang byung ye shes rang la gsal// gal te rmi lam byung gyur na// sgyu ma lta bu'i ting 'dzin bsgom// rmi lam rmi lam shes pa

  514. 258a

    na// rmi lam bde dang sdug bsngal med// de yi brtan pa thob pas na// rmi lam dag la brten nas su// sku dang ye shes rab tu gsal// dpa' bar 'gro ba'i ting 'dzin thob// rmi lam thams cad rgyun chod na// sku dang rang byung ye shes nyid// dbyer med rtag tu der gnas so// de nyid 'gyur ba med pa dang // rdo rje lta bu'i ting 'dzin thob// rin po che rgyas pa chen po'i rgyud las// rnal 'byor bya ba bstan pa'i le'u ste bcu gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang bzhin bar do gdeng dang ldan pa la// rmi lam par dor rtags su shar ba gang // srid pa bar dor 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// bar do rnam gsum kun dang ldan pa la// chos nyid rtogs pa'i byang sems la// rmi lam bar do mi mnga'o// bde gshegs rgyal ba'i sgra lnga dang // rdo rje dmyal ba'i rigs can la// las kyi sa bon mthu dang ldan pa yis// srid pa bar do de la yod ma yin// de dang mi ldan kun la bar do rnam gsum gnas// rang bzhin par dor lha mchog bstan pa na// rmi lam par dor lha nyid mchog tu gsal// srid pa bar dor lha nyid mchog 'bras thob// rang bzhin par dor sgyu mar shes pas na// rmi

  515. 258b

    lam par dor sdug bsngal mi 'byung zhing // srid pa bar dor sku lus mi len no// rang bzhin par dor stong par rtogs pa na// rmi lam par dor rmi lam mi 'byung zhing // srid pa bar dor ye shes stong nyid gsal// rang bzhin par dor rnam par mi rtog pas// rmi lam par dor rmi lam ye shes gsal// srid pa bar dor ye shes sku nyid thob// zhi gnas dus na rnam par mi rtog pas// rjes thob dus na stong pa mchog tu gsal// zhi gnas lhag mthong dbyer med mnyam pa na// rmi lam par do'i dus su de bzhin gnas// rang bzhin bar dor ye shes rtog pa na// rmi lam par dor ye shes rten med gsal// srid pa bar dor ye shes dngos su snang // rang bzhin bar dor chos nyid nam mkha' rtogs pa na// rmi lam par dor nam mkha' mchog tu gsal// srid pa bar dor chos nyid nam mkha' 'thob// rang bzhin bar dor zag bcas thogs pa'i lus// rmi lam par dor sgyu lus thogs med lus// srid pa bar dor zag med ye shes lus// rang bzhin par dor ji ltar rtogs pa bzhin// rmi lam par dor bag chags de bzhin snang // srid pa bar dor 'bras bu de bzhin 'thob// rin po che rgyas pa chen po'i rgyud las/ bar do rnam gsum 'bras bu bstan pa'i le'u ste bcu bzhi pa'o// // sdud pa'i gsang dbang rdo rje sems dpa'

  516. 259a

    yis// ston pa'i ston pa kun tu bzang po la// srid pa bar do'i lus kyi snang lugs dang // srid pa bar do dag la ye shes skye lugs dang // srid pa bar do dag la 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lus ni rnam pa gsum dang ldan pa ste// bag chags dag gi snang lugs ni// sngon byung srid pa'i sha tshugs can// dbang po kun tshang thogs med ldan// rdzu 'phrul las kyi stobs dang ldan// de lta'i lus dang ldan par gnas// rdzu 'phrul dag gi lus de ni// 'dra mthun rigs mthun 'dra bar sprul nas ni// thogs med dbang po kun tshang ba// 'od dang chas nas bag chags gsal// srid pa'i rlung la zhon nas su// rigs mthun lta bu'i bag chags snang // ye shes dag gi lus de'i rang bzhin ni// lus med lus te 'ja' tshon sku// sku gsum dag gi snang ba 'dzin// ye shes sbrul sku cir yang 'char// ye shes 'od dang chas nas gnas// 'byung ba'i 'od dang bag chags 'od// rim pa bzhin du gnas pa'i lus// srid pa bar do dag la ye shes skye ba ni// bsam gtan ldan pa'i bar do ni// srid pa'i sdug bsngal du ma 'byung 'gyur yang // sdug bsngal de la brten nas rtog med pa// 'phags pa dgra bcom lta bu'i 'bras bu thob// srid pa bar ma do yi sdug

  517. 259b

    bsngal sna tshogs la// de la brten nas ye shes mchog tu 'byung // byang chub sems dpa' chen po'i 'bras bu thob// ye shes de yi dam pas zin pas na// srid pa bar ma do yi dus de ru// ye shes mchog tu gsal ba bdun yang 'byung // snga lus la brten bla ma'i gdams ngag dran// zag bcas lus dang bral bas ye shes mchog tu gsal// sdug bsngal du ma snang bas ye shes mchog tu gsal// thogs med lus dang ldan pas ye shes mchog tu gsal// shes pa snga phyi shes pas ye shes mchog tu gsal// snang ba du mar snang bas ye shes mchog tu gsal// bar do dam pa dran pa'i rten// lus dang bla ma dag dang ni// snang ba dag las ye shes 'byung // bsam gtan ldan pa'i snang ba ni// ye shes chen po'i 'od lnga shar// rdzu 'phrul ldan pa'i snang ba ni// srid pa nyi ma lta bu'i 'od// bag chags ldan pa'i snang ba ni// las kyi 'od dang ldan par gnas// 'chi ba don dam bden pa ste// rnal 'byor pa yi grogs yin pas// srid pa bar do dang du blang // srid pa bar do'i 'bras bu ni// ye shes gsal dang mi gsal gyis// dus der 'bras bu rim par thob// rin po che rgyas pa chen po'i rgyud las/ srid pa bar do la ye shes 'byung ba bstan pa'i le'u ste bco lnga pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang

  518. 260a

    po la// sangs rgyas chos kyi sku yi gnas lugs dang // sangs rgyas chos kyi sku yi ngo bo dang // sangs rgyas chos kyi sku yi rtsal snang dang // sangs rgyas chos kyi sku de'i khyad par dang // sangs rgyas chos kyi sku de'i khyab tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog ma tha ma med pa na// sangs rgyas sems can gnyis med de// sangs rgyas chos sku chen po des// bsgrub med rtsol bsgrub med pas na// lam gyis bcos su ga la yod// nam mkha' chen po'i tshul du gnas// ngo bo rig med rig ma skyes pa de// rgyu 'bras kun las grol bas gnyen po med// rtsol med 'gag pa med pas snang tshul cir yang snang // rnam rtog yul du med pas 'di zhes bstan du med// rang byung rang la snang yang gos pa gang yang med// nyid las ma rtogs gang yang rtsal tsam med// thams cad sangs rgyas chos sku'i ngo bo yin// de yi rtsal gyis snang ba lnga po ni// gsal dngas mi g.yo mi 'gyur rgya ma chad// 'gag pa med pa'i yon tan sna tshogs mnga'// sangs rgyas chos sku'i snang ba khyad par ni// sku yi sku ru snang ba dang // ye shes sku ru snang ba'o// med pa'i sku ru snang ba dang // yod pa'i sku ru snang ba'o// sems kyi sku ru snang ba dang // sems las byung ba'i sku ru snang ba'o// sku yi gzhi nyid de

  519. 260b

    dag las// sku dang gsung dang thugs dang ni// yon tan phrin las sna tshogs ni// sku nyid dag las kun 'byung bas// gzhi yi sku dang rang bzhin sku// yan lag sku yis kun la khyab pa'o// rin po che rgyas pa chen po'i rgyud las/ chos sku bstan pa'i le'u ste bcu drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang byung ye shes gnas lugs dang // ngo bo rtsal dang yon tan khyab tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// 'du 'bral med pa'i ye shes snying po de// phyogs bcu dus bzhi de bzhin gshegs pa yang // ye shes de la bde gshegs kun grub pas// thob pa ma yin zag ma ye nas gnas// rang byung ye shes ngo bo ni// rig pa mi rtog ma rig ma skyes de// rang rig rang gsal gad la khyab pa// mi rtog mnyam pa chen por gnas// rang byung ye shes yan lag rig skyes pas// rig pa'i rtsal rnams sna tshogs rig pa'i rtsal// lus gang rig pa'i rtsal ni sgo lnga'i yul du snang // de yi rtsal gyis snang ba bsam gyis mi khyab bo// rang byung ye shes gzhi gcig las// rang byung ye shes snying po dang // yan lag rang byung ye shes dang // sems kyi ye shes chen po dang // byung dang 'byung nas gnas pa'i ye shes so// rig pa 'gag pa med pa yis// yon

  520. 261a

    tan bsam gyis mi khyab pa'o// byang chub sems ni spu gri'i so// til mar ngar btags ral gri bzhin// gsal la dngas pa'i yon tan dang // 'gag pa med pa'i yon tan ldan// rig pa mi rtog gzhi nyid las// rig pa skyes pa bsam mi khyab// rgyal ba rdo rje sems dpa' nas// rdo rje sdug bsngal la thug par// rig pa de yis kun la khyab// ye shes rig pa gsal mi dpyod// yan lag rig skyes mi gsal dpyod par gnas// sems kyi rig pa skad cig 'dres mar 'byung // rig pa'i skye lugs bsam gyis mi khyab po// rin po che rgyas pa chen po'i rgyud las/ rang byung ye shes bstan pa'i le'u ste bcu bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// thams cad sangs rgyas chos sku yin pa las// 'khrul zhes bya ba'i snang ba 'di dag kun// sku las 'khrul lam ye shes dag las 'khrul// de las ma rtogs rgyu gzhan zhig las 'khrul// sku las 'khrul na kun bzang nyid las 'khrul// thams cad kun tu bzang po yin pas na// ye shes 'khrul na thug pa med par 'gyur// rdo rje sems dpa' nyid kyang 'khrul zhes bya// rtogs pa'i blta bsgom spyod pa don med 'gyur// rgyu gzhan zhig las 'khrul na sems na sangs rgyas med// 'khrul zhes bya ba'i snang ba ji ltar

  521. 261b

    lags// ston pa'i ston pa kun tu bzang po des// sdud pa'i gsang dbang rdo rje sems dpa' la// rang bzhin rnam par dag pas bcos su med pas na// sku dang ye shes ngo bo dag la 'khrul pa med// dper na chu yi ngo bo ma 'khrul chu yi rlabs nyid 'khrul// me long ngo bo ma 'khrul gzugs brnyan 'khrul// chos sku ngo bo ye nas rnam dag pas// chos sku'i rtsal nyid 'gag pa med pa yi// yon tan ma 'gags cir yang snang ba yis// snang ba yan lag yul du bzung ba las// 'byung ba'i snang bas 'khrul pa'i 'dra gzhi byas// 'dra gzhi de la chos gsum ldan pa yis// 'dra mthun rigs mthun 'dra ba 'dus pa las// yid rten shes pa skyes pas 'khrul pa'i bag chags snang // bag chags de yis sku dang ye shes bsgribs// de la gnas pa'i 'khrul zhes bya ba ni// gzhan gyi 'khrul pas sku nyid bsgribs pa min// 'khrul zhes bya ba'i ngo bo de dag ni// yin pa bzhag nas min par bzung bas 'khrul// dper na mtho yor dag la mi ru bzung ba'am// zag pa dag las sbrul gyi blo bzhin no// rgyu nyid rang las byung ba'i 'khrul pa ni// sku dang sku las byung ba ma shes par// de nyid so sor snang bar bzung ba yis// bzung ba'i bag chags 'dra mthun rigs mthun la// gnyis su bzung bas 'khrul zhes bya ba yin// dper na nyi ma'i snying po nyi ma'i 'od de yang // 'od dang

  522. 262a

    nyi mar bzung bas 'khrul zhes bya// de dang de las byung bar ma shes so// rkyen nyid gzhan las byung ba'i 'khrul pa ni// sku yi rang bzhin yul du med pa la// yul du ched na bzung bas 'khrul pa yin// dper na smig rgyu'i chu yi phung po de// med kyang chu ru mthong ba bzhin// 'bras bu ma rig pa yi 'khrul pa ni// chos rnams thams cad gnyis su med pa la// phyi nang snod bcud gnyis snang yang // de yi bag chags khams gsum 'khor bar snang // sgra zla la sogs med mthong bzhin// rin po che rgyas pa chen po'i rgyud las/ 'khrul gzhi brtag pa'i le'u ste bco brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul zhes bya ba'i snang ba 'di dag kun// gang las gang byung tshad ci gang gi sgo// ston pa'i ston pa kun tu bzang po des// sdud pa'i gsang dbang rdo rje sems dpa' la// rig pa ma g.yos rig pa rang gsal bas// de las byung ba'i rig pa sna tshogs ni// rang byung ye shes yan lag cha phra mo// g.yo mi g.yo las yid tsam zer g.yos pas// sngar g.yo ma myong phyis nyid g.yos pa yis// rig pa rang gsal 'od dang chas nas byung // rig pa rang las byung ba'i 'od de la// yin min yin gdeng nges pa'i shes pa skyes// 'od dang rig pa gnyis su so sor snang // rig pa rang gi

  523. 262b

    'od nyid yul du bzung / bzung ba'i bag chags zhen cing bltas pa yis// yul dang yul can gnyis su snang ba'o// rin po che rgyas pa chen po'i rgyud las/ 'khrul pa mdor bsdus pa'i le'u ste bcu dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku rang byung ye shes rig med de// de yi yon tan ma 'gags cir yang snang // yon tan phyogs gcig snang ba de dag la// chos sku gsal dngas mi g.yo mi 'gyur rgya ma chad// de yi yon tan so sor snang ba las/ kha dog rnam 'byung rnam lnga grub pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gsal ba kha dog dkar por mthong // dngas pa kha dog dmar por mthong // mi g.yo kha dog sngon por mthong // mi 'gyur kha dog nag por mthong // mi 'gyur sa yin snyam ste sa ru bzung // bzung ba'i bag chags sra ba sa ru snang // gsal ba me yin snyam ste me ru bzung // bzung ba'i bag chags smin pa me ru snang // dngas pa chu yin snyam ste chu ru bzung // bzung ba'i bag chags sdud par byed pa chu ru snang // mi g.yo rlung yin snyam ste rlung du bzung // bzung ba'i bag chags g.yo byed rlung du bzung // rgya ma chad pa nam mkha' dag tu bzung // bzung ba'i bag chags go 'byed nam mkhar snang // de

  524. 263a

    rnams rigs mthun 'dra mthun 'du ba 'das pa yis// 'byung ba rnam lnga kha dog rnam lnga yang // byung dang 'byung dang byung nas gnas pa la// gzugs dang tshor ba 'du shes dang // 'du byed rnam par shes pa yang // 'dra zhing de las 'khrul pa yin// 'dod chags zhe sdang gti mug dang // nga rgyal phrag dog rnam lnga yang // 'dra gzhi de las byung ba yin// gzugs dang sgra dang dri dang ro// reg la sogs pa'i yul rnams kun// zhing gcig dang las 'khrul pa'o// rin po che rgyas pa chen po'i rgyud las/ 'khrul gzhi rtsa ba'i le'u ste nyi shu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la/ bcud du grub pa'i snang ba 'di dag kun// pho mo ma ning rang rgyud so so dang // lus gang 'khrul pa gang ltar 'khrul pa lags// ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung ye shes yan lag rig skyes de// sngar g.yos ma myong phyi nyid g.yos pa las// rig pa de nyid 'od dang chas pa las// rang las byung ba'i snang bar ma rtogs par// snang ba'i 'od la yul du bzung ba yis// 'od de gcig tu mthong bas gzugs su bzung // bzung ba rang gis gzugs kyis bag chags snang // 'od las nyams su myong bas tshor bar bzung // bzung ba rang gis tshor ba'i bag

  525. 263b

    chags snang // 'od de mtshan mar mthong bas 'du shes bzung // bzung ba rang gis 'du shes mtshan mar gsal// gsal ba'i bag chags 'du shes nyid du snang // 'od de g.yo bar mthong bas 'du byed nyid du snang // g.yo ba'i bag chags 'du byed nyid du gsal// 'od des thams cad bskyed pas rnam par shes par bzung // bzung ba'i bag chags rnam par shes pa snang // de la zhen pas 'dod chags dag tu byung // shin tu gsal bas zhe sdang dag tu byung // byung bar ma shes ma rig pa ru byung // de nyid grub pas nga rgyal dag tu byung // gnyis su snang bas phrag dog dag tu byung // de rnams gcig tu 'dus pas gzugs kyi phung po grub// rig pa rang gsal dbang po sgo lngar snang // rig pa rang 'od yul lnga'i snang bar bzung // bzung ba'i bag chags lus gang 'khrul pa grub// rig pa yul la spyod pa pho ru byung // bzung ba'i bag chags skyes pa pho ru grub// rig pa yul la mi spyod mo ru bzung // bzung ba'i bag chags rig pa mo ru snang // rig pa rang sor gnas pa ma ning bzung // bzung ba'i bag chags ma ning dag tu snang // rang las byung ba'i 'od kyi snang ba dang // ming du btags pa'i yul gyi snang ba gnyis// 'dra mthun rig mthun 'dra bar mthong ba yis// 'dra gzhi de las 'khrul pa'i rgyu byas so// byung dang 'byung dang byung nas gnas pa ma

  526. 264a

    rtogs pas// 'khrul pa'i snang ba so sor byung ba yin// gzhi gcig dag las sna tshogs snang bar byung ba'o// rin po che rgyas pa chen po'i rgyud las/ bcud du 'khrul pa bstan pa'i le'u ste nyer gcig pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// spyi yi spyi las 'khrul pa byung ba ji lta bu// rgyud las byung ba'i 'khrul pa ji lta bu// rgyu med 'khrul pa byung ba ji lta bu// 'dra gzhi yod pa'i 'khrul pa ji lta bu// 'dra gzhi med pa'i 'khrul pa ji lta bu// ston pa'i stong pa kun tu bzang po des// sdud pa'i gsang dbang rdo rje sems dpa' la// spyi yi spyi las 'khrul pa ni// rig pa mi rtog rang sor gnas pa de// rig pa'i rtsal ni rnam pa gnyis su shar// rig pa de nyid stong par rtogs pa yis// yul dang yul can gnyis med rig pa rang gsal ba// de las thams cad 'byung bar shes pa yin// rtogs te sangs rgyas byung ba'i gzhi yang byas// rig pa de nyid ngo bo stong par ma rtogs pas// rig pa rang gsal 'od du mthong ba yin// 'od dang rig pa gnyis su snang ba byung // 'od de'i yul las rig pa sna tshogs brtags// khams gsum ma rtogs sems can 'byung ba'i gzhi// rig pa spyi la gnyis su mthong ba yis// spyi yi spyi las 'khrul par snang ba byung // rgyu las byung ba'i 'bras bu'i 'khrul

  527. 264b

    pa'i snang ba ni// yan lag rig pa'i ngo bo yul la mi spyod pa// rig pa rang sor nang gsal gnas pa las// ma rig pa zhes brtags te ma rig pa ru bzung // stong par ma shes yul du ma shes pas// ma rig pa zhes bya bar snang ba yin// rgyu nyid rang las byung ba'i ma rig pas// rang las byung ba'i snang ba gzhan du bzung // bzung ba rang gis yul gzhan nyid du snang // yul gyis rig pa sgrib pas rkyen gzhan ma rig pa// rgyu las byung ba'i ma rig pa ru mthong // rgyu med dag las byung ba'i 'khrul ba ni// rang byung chos sku gdod nas dag pa yi// de las byung ba'i yan lag rig pa yang // ma bcos snying po gdod nas dag pa yis// de la rnam rtog 'khrul pa gang yang med// rig pa'i ngo bo stong par gnas pa gting gsal yin// rig pa'i yan lag ngang gis dag pa rang gsal yin// rig pa gsal bar chas pa 'od gsal yin// 'khrul zhes bya ba btags pa tsam// min par yin par bzung bas 'khrul// don la 'khrul zhes bya bar med// rgyu med glo bur btags pa tsam// 'dra gzhi yod pa'i 'khrul pa ni// skye mched mu bzhi pa yi 'dra gzhi ni// rig pa gsal ba rang gis byas// snod du 'khrul ba'i 'dra gzhi ni// rig pa phyi ru gsal bar byas// 'dra gzhi med pa'i 'khrul pa ni// skye mched mu bzhi'i gnas rnams dang // srid pa bar dor

  528. 265a

    'khrul pa yin// snod du snang ba 'di dag kun// stong pa'i rtsal las byung bar ma shes 'khrul// bcud du snang ba 'di dag kun// rig pa'i zer las byung bar ma shes 'khrul// dbyer med gcig tu ma shes pas// theg pa sna tshogs 'khrul pa yin// gcig las med de so sor snang ba 'khrul// rin po che rgyas pa chen po'i rgyud las/ 'khrul gzhi tha dad le'u ste nyer gnyis pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// don dam dag gi 'khrul pa dang // kun rdzob dag gis 'khrul pa dang // sgyu ma dag gi 'khrul pa dang // log pa dag gi 'khrul pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// don dam dag la 'khrul pa mi mnga' yang // zhen cing chags nas 'khrul zhes bya ba yin// chos nyid rang bzhin stong par gnas pa la// stong pa stong par bzung na 'khrul zhes bya// stong pa nyid kyang stong pa nyid kyis grol// dper na bsam gtan dang po'i ting 'dzin bde ba la// chags shing zhen na de yang 'khrul pa yin// kun rdzob dag gi 'khrul pa'i snang ba ni// rnam shes brgyad la brten pa'i 'khrul pa dang // sgo lnga yul lnga brten pa'i 'khrul pa yis// dge ba byas kyang nyon mongs 'khrul pa'i ngang // mi dge byas kyang nyon mongs 'khrul pa

  529. 265b

    dngos// rang sor bzhag yang 'khrul pa'i snang ba nyid// sgyu ma dag gi 'khrul pa'i snang ba ni// yod pa sgyu ma'i dpe brgyad ni// chu zla la sogs gzugs brnyan bzhin// de yang dngos kyi snang bar 'dzin// med pa skusgyu ma'i dpe brgyad ni// smig rgyu chu med chur mthong bzhin// sprul pa dag gi sgyu ma dang // sgyu ma dag gi sgyu ma dang // smig rgyu dag gi sgyu ma kun// de rnams sgyu ma'i 'khrul pa'o// log pa dag gi 'khrul pa ni// rmi lam bde dang sdug bsngal la// sad na rang bzhin med bzhin du// de la dam pa'i don byas nas// log pa'i bag chags snang byed pa// bag chags de yis bsgos pas na// log pa dag gi 'khrul pa yin// phyi dang nang gi theg pa yang // gnyis 'dzin byung na 'khrul pa'o// rin po che rgyas pa chen po'i rgyud las/ 'khrul pa las byung ba'i rigs bstan pa'i le'u ste nyer gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku rang byung dbyer med gcig pa las// phyi rol mu stegs rtag pa 'khrul pa'i rgyu nyid dang // de yi skyed pa'i rkyen gyi 'dra gzhi dang // de ltar rtogs pa'i blta ba dang // de las byung ba'i bsgom pa dang // des bskyed 'bras bu 'khrul pa ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku stong pa rang

  530. 266a

    bzhin mi 'gyur bas// stong pa ma mthong mi 'gyur mthong ba yis// mi 'gyur ba de rtag pa'i bdag tu bzung // sa dang chu dang me dang rlung rnams kyang // phyi yi snod kyang de las byung bar mthong // gzugs dang tshor ba 'du shes 'du byed dang // rnam par shes pa la sogs thams cad kun// nang gi bcud kyang de yis bskyed par mthong // thams cad de las byung bas byed pa'i bdag tu mthong // mi 'gyur gnas pas rtag pa gcig pur bzung // rgyud nyid byed pa po dag bdag tu mthong // mthong ba'i bag chags zhen cing chags pa yis// 'bras bu byed pa po yi bdag nyid de// dkar la 'tsher la snum la 'gril par yod// tsit+ta gzhal yas khang na de gnas so// che na mthe bong chung na yungs 'bru tsam/ nang gi rig pa kun kyang de las byung // phyi yi yul rnams kun kyang de las byung // thams cad de las byung zhing des bskyed pas// rtag cing byed pa po yi bdag nyid de// bdag nyid rtag pa byed pa po ru rtogs// rtogs pa de ltar brtan pa bsgom pa yin// srog dang longs spyod thams cad mchod pa yis// phya'am dbang phyug byed pa po dga' nas// shi yang de yi 'bras bu de yis 'thob// rgyu dang rkyen dang 'dra gzhi ni// mi 'gyur ba la bdag tu mthong bas byas// rin po che rgyas pa chen po'i rgyud las/ mu

  531. 266b

    stegs rtag pa 'khrul pa'i le'u ste nyer bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// mu stegs chad pa 'khrul pa'i rgyu dang 'dra gzhi dang // rtogs pa'i lha sgom spyod pa 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku nyid stong pa rtsal nyid 'gag med pas// rtsal gyi yan lag stong par mthong ba las// rtsal dang stong pa dbyer med ma rtogs pas// rtsal nyid ris su chad pas stong par mthong ba des// mu stegs chad pa 'khrul pa'i rgyu byas so// rtsal nyid stong par mthong pas 'khrul pa'i 'dra gzhi byas// mu stegs rtog pa ci yang med pa dang // rtsal gyi snang ba ci yang med pa gnyis// 'dra mthun rigs mthun 'dra ba 'dus pa yis// mu stegs ci yang med pas 'dra gzhi byas// phyi nang thams cad med par mthong ba yis// pha ma gnyen tshan sbyor ba med pa dang // rgyu dang 'bras bu thams cad med par rtogs// ci yang med ces zer nas thams cad med par bsgom// sems de phyi nang med pas na// lus kyang sems kyi ngang la zhi// dge ba byas kyang sems la ga na phan// sdig pa spyod kyang sems la ga na gnod// nam mkha' dag la sprin dengs bzhin// slar skye ba dag ga la srid// de yi bag chags 'bras bu yis// ci yang med ces

  532. 267a

    rtogs pa'o// rin po che rgyas pa chen po'i rgyud las/ mu stegs chad pa 'khrul pa'i le'u ste nyer lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// mu stegs phyal pa'i 'khrul pa'i rgyu dang ni// 'khrul pa'i 'dra gzhi rtogs pa'i lta ba dang // sgom dang spyod pa 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i rang bzhin ci yang med pa las// ci yang ma yin cir yang snang ba de// snang ba de dang sku yi ngo bo gnyis// gcig tu ma mthong tha dad mthong ba des// tha dad snang bas 'khrul pa'i rgyu nyid byas// de las byung ba'i snang ba de nyid las// phyi nyid stong pa nam mkha' lta bur mthong // nang gi rig pa gang du ma grub pas// rig pa de yang nam mkha' lta bur mthong // rig pa nyid dang rig pa'i rtsal de la// mu stegs phyal pa 'khrul pa'i 'dra gzhi byas// rig pa'i ngo bo stong par gnas pa dang // rig pa'i rang 'od rang bzhin med pa yis// sems kyi rang bzhin stong par gnas pa dang // sems des yul yang stong par mthong ba yis// de gnyis 'dra mthun rigs mthun 'dra ba 'dus pa yis// de yis mu stegs 'khrul pa'i 'dra gzhi byas// sems de'i rang bzhin btsal kyang mi rnyed pas// sems de'i ngo bo gang yang ma

  533. 267b

    grub pas// gang gis bya ru med cing byed rgyu med par rtogs// snang ba'i chos rnams thams cad ma lus kyang // snang ba ji ltar snang yang sems la gos pa med// sems dang yul ni tha dad gnyis su rtogs// sems de'i ngo bo bltar med bsgom du med// sems la gos pa med pas yul nyid gang dgar spyad// rgyu las byung ba 'byung ba de ltar rtogs// sems kyi ngo bo de ltar gnas pa yin// rgyu las byung bar rtogs pa byung ba'i mu stegs yin// rtogs pa de ltar 'byung bas 'byung ba'i mu stegs yin// 'bras bu de ltar grub pas byung nas gnas pa'i mu stegs yin// rgyu nyid phyal bar byung bas rtogs phyal byung // rtogs pa phyal pa byung bas lha bsgom phyal pa byung // 'bras bu phyal pa byung nas gnas pa yin// rin po che rgyas pa chen po'i rgyud las/ mu stegs phyal pa 'khrul pa'i le'u ste nyer drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos bye brag smra ba 'khrul pa'i rgyu dang ni// rkyen dang 'khrul pa'i 'dra gzhi dang // lha bsgom spyod pa 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// nyan thos bye brag smra ba 'khrul pa'i rgyu nyid ni// sku yi rtsal nyid ma 'gags sna tshogs snang ba la// ngo bo ma mthong rtsal nyid mthong ba

  534. 268a

    la// nyan thos de yi mthong stangs gsum du shar// sna tshogs snang ba phra rab rdul du mthong // de la rang bzhin med pas cha shas med par mthong // de las thams cad grub pas rdul las grub par mthong // de gnyis 'dra mthun rigs 'dra 'dus pa las// nyan thos dag gi rgyu dang 'dra gzhi byas// phyi nang snod bcud gnyis su snang ba yang // phra rab rdul las thams cad grub par rtogs// g.yo ba'i rdul rnams du ma tshogs pa las// rlung gi snang ba lta bur shar ba yin// sdud pa'i rdul rnams du ma tshogs pa la// chu yi snang ba lta bur grub pa yin// sra ba'i rdul rnams du ma tshogs pa las// sa yi snang ba lta bur byung ba yis// smin pa'i rdul rnams du ma tshogs pa las// me yi snang ba lta bur grub pa yin// brtan pa'i rdul gyis kun la khyab pa yis// zlum sgor yang zum bsgom cha shas med par gnas pa la// snang ba thams cad rdul gyis snang ba yin// rdul de rang rang so so'i mtshan nyid mi snang yang // ma 'dres dbyibs su 'dus pas snang ba yin// dper na g.yag rnga ne seng lta bu yin// sor mo ma 'dres dbyibs su snang ba yin// de las ma rtogs snang ba gang yang med// gsal ba'i rdul dang mun pa'i rdul nyid kyis// nyin dang mtshan du snang ba byung ba po// bcud kyi snang ba kun kyang rdul las grub// gsal ba'i rdul de rig par

  535. 268b

    shar ba las// 'byung ba'i rdul gyi sbubs su chud pas na// phung po lnga la sogs pa snang ba yin// rdul gcig steng nas rdul gnas pas// rdul las ma grub gang yang med// rdul de'i mtshan nyid shes pa na// de rtogs pa yi lta ba yin// rdul de'i mtshan nyid brtan par sgom pas na// mun pa'i rdul las grol bas na// gsal ba'i rdul nyid snang ba las// rdul de snang ba brtan pa thob pa na// khrus dang gtsang sbra dag la brten pa na// 'byung ba'i rdul de bag chags dag par 'dod// 'byung ba'i rdul de'i bag chags dag pa yis// 'phags pa dgra bcom pa yi 'bras bu 'thong // rin po che rgyas pa chen po'i rgyud las/ nyan thos bye brag tu smra ba'i le'u ste nyer bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos mdo sde pa yi blta ba 'khrul pa'i rgyu nyid dang // 'khrul pa'i 'dra gzhi rtogs pa'i blta ba dang // nyams kyi sgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang byung yan lag 'gyur med pas// 'gyur med yan lag gcig tu snang ba des// byung bar ma mthong yan lag gcig snang la// mthong stangs de yi 'khrul pa'i rgyu nyid byas// rdul du mthong bas 'khrul pa'i 'dra gzhi byas// phyi dang nang gi

  536. 269a

    snang ba du ma yang // rdul gcig 'dus pa'i snang ba yin par rtogs// bde gshegs ye shes sems su snang ba yang // gsal ba'i rdul rnams du ma 'dus pa las// bde bar gshegs pa'i snang bar byung ba yin// 'gro drug bag chags sems su snang ba yang // mun pa'i rdul rnams du ma 'dus pa las// 'gro drug bag chags so so'i snang ba byung // rig med rdul rnams du ma 'dus pa las// phyi yi snod kyi snang bar byung ba yin// snang ba du mar snang mod kyang // rdul rnams 'dus pa'i snang ba yin par rtogs// gsal ba'i rdul des kun la khyab pas na// de ltar rtogs na rtogs pa'i lta ba yin// de la ma yengs 'dzin na sgom pa yin// bag chags rdul de grol bar bya ba'i thabs// lus ngag yid gsum dag par spyod pa yis// gsal ba'i rdul de thob pas na// 'phags pa dgra bcom pa yi 'bras bu 'thob pa yin// rin po che rgyas pa chen po'i rgyud las/ nyan thos 'khrul pa'i le'u ste nyer brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos rang snang pa yi rgyu dang 'dra gzhi dang // rtogs pa'i blta ba nyams kyi bsgom pa dang // de yi spyod pa de yi 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i

  537. 269b

    rang bzhin yon tan kun gsal bas// yan lag gsal ba snang ba'i rdul du mthong // gsal ba de yis thams cad skyed gzhi byas// sku nyid ma mthong yan lag gsal ba la// mthong ba de yis 'khrul pa'i rgyu nyid byas// de gnyis 'dra mthun rigs kyang mthun pa yis// nyan thos rang snang 'khrul pa'i 'dra gzhi byas// snang ba'i rdul de snod dang bcud du byung // skyed par byed pa'i yan lag dang // rang snang ba yi yan lag gnyis// snang ba'i rdul la gcig par rdzogs// snang ba rdul des thams cad sgrub// snang ba'i rdul gyi byin rlabs la// phyi yi snod kyi rnam pa de// rdul gyi gdangs las byung ba yin// dper na me mar 'od bzhin grub// snod bcud snang ba de bzhin shar// rdul nyid mtshan nyid med pa ste// rang bzhin gdangs dang chas nas byung // rdul gyi rang bzhin rang gsal bas// gsal la mi 'gyur rtogs pas na// rtogs pa chen po'i lta ba yin// de la brten nas sgom pa yin// dbyer med rdul du spyod pas na// rang bzhin byung ba'i spyod pa yin// rdul nyid 'od dang chas pas rtogs// rig pa zhing khams chas nas snang // 'phags pa dgra bcom 'bras bu de// gsal ba'i rdul nas grub pa yin// rin po che rgyas pa chen po'i rgyud las/ nyan thos rang snang 'khrul pa'i le'u ste nyer dgu pa'o// // sdud pa'i gsang dbang rdo rje sems dpa'

  538. 270a

    des// ston pa'i ston pa kun tu bzang po la// nyan thos rang rgyal 'khrul pa'i rgyu dang 'dra gzhi dang // de yi blta bsgom spyod pa'i 'bras bu de// gang las byung zhing gang la spyod pa lags// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i yon tan mi 'gyur yan lag las// yan lag grangs med mi 'gyur gnas pa des// rang rgyal dag gis yan lag bcu gnyis rtogs// yan lag de nyid 'khrul pa'i rgyu byas nas// chos sku ma mthong yan lag mthong bas 'khrul// chos sku'i yan lag bcu gnyis mthong ba dang // rten cing 'brel pa bcu gnyis 'dra mthun pas// 'dra mthun rigs mthun 'dra ba 'dus pa yis// rang rgyal 'khrul pa'i 'dra gzhi byas// yan lag chos kyi rtsal de la// rtsal la rten 'brel du mar mthong ba yis// phyi yang rten cing 'brel par mthong ba dang // nang yang rten cing 'brel par snang ba yin// rten cing 'brel pas thams cad byed pa yin// chos sku rig pa med pa yis// de yi mthong stangs snang ba yis// ma rig pa las byung bar mthong // ma rig pa dang 'du byed dang // rnam par shes pa ming dang gzugs// skye mched drug dang reg pa dang // tshor ba sred pa len pa dang // srid pa skye ba rga shi'o// ma rig pa la brten nas su// thams cad de bzhin du byung

  539. 270b

    ba'o// ma rig pa nyid 'gag pa na// skyed par byed pa'i rten 'brel 'gag/ skye ba rgas pa na ba shi ba las// de las 'das nas mya ngan 'das// tshogs na spyod pa shi ba bsgom pa na// ro'am dur khrod rus pa la brten nas// rang dang de yang gnyis su med par bsgom// de nyid rtogs pas rten 'brel bcu gnyis 'gag/ nang gi rten 'brel 'gags pas phyi yi rten 'brel 'gag/ 'chi med byang chub sems dpa'i lam nyid 'thob// rten 'brel gzhi la thim pas rang gi 'bras bu 'thob// tshogs na spyod cing gcig pur spyod pa yis// rten cing 'brel par 'byung ba'i thim lugs shes// de ltar shes pas rang rgyal 'bras bu 'thob// rin po che rgyas pa chen po'i rgyud las/ rang rgyal blta ba 'khrul pa'i le'u ste sum cu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sems tsam 'khrul pa'i rgyu dang 'dra gzhi dang // rtogs pa'i blta ba nyams kyi bsgom pa dang // spyod pa'i rang bzhin 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang rig g.yo ba med pa las// yan lag rig skyes rig pa byung ba yis// yan lag byung bar ma mthong rig gsal mthong ba yis// mthong stangs de yis 'khrul pa'i rgyu byas so// de gnyis 'dra

  540. 271a

    mthun rigs mthun 'dra ba 'dus pa yis// sems tsam 'khrul pa dag gi 'dra gzhi byas// phyi dang nang du snang ba thams cad kun// sems nyid dag gi snang ba yin pa las// sems las ma gtogs gang yang yod ma yin// sems de'i ngo bo rang rig rang gsal ba// rgyu 'bras dag las grol bar rtogs// gsal ba nyams su myang ba las// gsal byed gzhan la ma ltos pas// bem po dag las log pa de// sems las byung ba'i rnam pa kun// sems nyid ji bzhin bden pas na// rnam pa kun yang bden pa yin// sems dang rnam par snang ba yang // bdag nyid gcig pas 'brel pa yang // sems nyid ji ltar snang ba de'i// rnam pa yang ni de kho na// rnam pa sna tshogs snang bas na// sems de yang ni sna tshogs snang // sems las byung ba'i rnam pa ni// sems nyid bden pas rnam mi bden// sems nyid dang gsal nyams su myong // rnam par snang ba 'di dag kun// dngos su yod pa ma yin te// med pa de nyid snang ba yin// dper na skra zla la sogs med mthong bzhin// phyi nang thams cad sems su rtogs// de rtogs pa ni blta ba yin// de bsgom pa ni sgom pa yin// de spyod pa ni spyod pa yin// byang chub sems dpa' rgyun gyi 'bras bu chen po 'thob pa'o// rin po che rgyas pa chen po'i rgyud las/ sems tsam blta ba

  541. 271b

    'khrul pa'i le'u ste so gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// byang chub sems dpa' 'khrul pa'i rgyu nyid dang // 'khrul pa'i 'dra gzhi rtogs pa'i blta ba dang // de nyid nyams dang spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku spros dang bral ba chen po las// yan lag sna tshogs stong pa de nyid las// chos sku ma mthong stong pa chen por mthong // yan lag stong pa stong pa de nyid kyis// chos rnams thams cad spros dang bral bar mthong // mthong ba de yis 'khrul pa'i rgyu nyid byas// chos sku'i yan lag stong par mthong ba dang // blo yis mthong ba'i stong pa chen po gnyis// 'dra mthun rigs mthun 'dra ba 'dus pa las// byang chub sems dpa' 'khrul pa'i 'dra gzhi byas// chos rnams thams cad stong par rtogs pa yis// mtha' dang dbus med stong pa'i de bzhin te// phyi nyid stong pas nang gi yul las 'das// nang nyid stong pas sems kyi rtogs las 'das// mtha' dbus med par stong pa chen por rtogs// sems nyid stong pa mtha' dang dbus med pas// rang byung gdod nas dag pa chen po des// bsam du med de bsam pa'i yul las 'das// de yi rang bzhin gnas pa sgom pa yin// de

  542. 272a

    las sangs pa med pa spyod pa yin// 'bras bu byang chub sems dpa' chen pa 'thob// ngan pa che rgyas pa zin za'i chud las/ byang chub sems dpa' lta ba 'phrul bal ma'u ste gnas pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// byang sems sgyu ma lta bu 'khrul pa'i rgyu dang ni// 'dra gzhi rtogs pa'i tshad nyid dang // lta ba spyod pa 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung chos sku chen po las// 'gag med rtsal rnams cir yang snang // sku las byung bar ma mthong bas// rtsal rnams so sor snang ba las// so so'i snang ba de nyid las// sgyu ma lta bur mthong ba yis// byang sems 'khrul pa'i rgyu nyid byas// rtsa rnams brtags na med pa dang // sgyu mar brtags na med pa yis// 'dra mthun rigs mthun 'dra ba 'dus pa yis// byang sems 'khrul pa de yi 'dra gzhi byas// phyi yi snang ba 'od gsal sbra mar rtogs// snang yang brtags na med pa yin// nang gi snang ba rig gsal sgyu mar rtogs// brtags na phung po dag ni gting mi rnyed pa'o// rig pa sgyu ma snang bas 'gro ba sgyu ma byung // sgyu mas sgyu ma dag gi don yang byed// ye shes sgyu ma tsam du rtogs pa yis// lam lnga bgrod pas sa bcu rim

  543. 272b

    gyis 'thob// 'bras bu pha rol phyin pa yongs su rdzogs pa yin// byang chub sems dpa' rigs gsum 'bras bu 'thob/ rin po che rgyas pa chen po'i rgyud las/ byang chub sems dpa' sgyu ma tsam gyi lta ba 'khrul snang gi le'u ste so gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// kri yA 'khrul pa'i rgyu dang 'dra gzhi dang // 'jug pa'i sgo dang lha sgom spyod pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang byung yon tan ma 'gags pas// yon tan yan lag rtsal gsum chad pa las// rtsal gsum dag las sku gsum snang bar shar// snang ba de gsum 'od du mthong ba las// lha yi sku yi phyag rgya gsal ba las// byung ba ma mthong yan lag mthong bas 'khrul// 'od dang lha gnyis 'dra mthun rigs mthun pas// 'od la lha mthong dag gi snang ba des// kri yAr 'khrul pa dag gi 'dra gzhi byas// 'od la mthong stangs rnam pa gsum du mthong // rgyu nyid dag pas 'od du mthong ba yin// lus ngag yid gsum dag pa'i sgo nas 'jug/ rang bzhin dag pas snang ba lha nyid snang // 'jam dpal spyan ras gzigs dang phyag na rdo rjer snang // snang ba de nyid yang dag bden par rtogs// lha nyid rjer mthong rang nyid khol du mthong // lha

  544. 273a

    mchod bstod dang 'bras bu ster bar mthong // de nyid mnyes pas yon tan rang la dgad// lha nyid rtogs pas snang ba kho nar shar// yul dang yul can gnyis su snang ba yin// dam tshig sems dpar gsal zhing brtan pa dang // ye shes sems dpa'i 'bras bu dngos su snang // de rtogs pa yis 'bras bu 'thob pa'o// rin po che rgyas pa chen po'i rgyud las/ kri yA 'khrul par snang ba'i le'u ste so bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// yo ga 'khrul pa'i rgyu dang 'dra gzhi dang // 'jug pa'i sgo dang rtogs pa'i lta ba dang // de yi bsgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku yon tan ma 'gags lngar snang bas// chos sku'i don ma mthong bas yon tan snang ba la// yon tan ma 'gags 'od lngar shar ba las// 'od la rigs bzhi'i de bzhin gshegs par mthong // mthong ba de yis 'khrul pa'i rgyu nyid byas// lha dang 'od du snang ba'i 'dra mthun rigs mthun byas// gnyis dag gis 'khrul pa'i 'dra gzhi byas// lus ngag yid gsum dag pa de nyid kyis// dag na lha yi snang ba mched par mthong // lus ngag yid gsum dag pa chen pos 'jug/ khrus dang gtsang sbra dag la

  545. 273b

    brten pas lus nyid dag/ gsang sngags bzlas brjod byas pas ngag nyid dag/ tshad med bzhi bsgom yid nyid dag pa yis// dpon dang g.yog tu mthong nas mchod bstod byas pa yin// ye shes sems dpa' de nyid mnyes pas so// dam tshig sems dpa' de la 'bras bu 'thob// rin po che rgyas pa chen po'i rgyud las/ yo ga 'khrul snang gi le'u ste so lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// u pa ya yi 'khrul pa'i rgyu nyid dang // 'dra gzhi 'jug sgo rtogs pa'i blta ba dang // de yi sgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i rang bzhin yon tan ma 'gags pas// yon tan yan lag rnam pa gnyis su snang // gnyis snang de yis 'khrul pa'i gzhi byas nas// 'od la lha mthong lha nyid dag par mthong // gnyis su mthong bas 'dra mthun rigs mthun pas// 'jug pa'i sgo ni dag pa dag la 'jug/ rtogs pa'i lta ba snang ba rigs lngar rtogs// rje dang 'bangs su mthong ba yis// ye shes sems dpa' dag la ni// mchod dang bstod pas dngos grub 'byung // dam tshig sems dpar byin gyis rlobs// sgom pa rigs lnga mdun du bsgom// lta ba yar blta spyod pa mar spyod

  546. 274a

    pas// 'bras bu lha yi snang ba grub par 'dod// rin po che rgyas pa chen po'i rgyud las/ u pa ya 'khrul pa'i le'u ste so drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// ma hA yo ga 'khrul pa'i rgyu nyid dang // 'khrul pa'i 'dra gzhi 'jug pa'i sgo nyid dang // rtogs pa'i lta ba nyams kyi sgom pa dang // spyod pa'i bdag nyid grub pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku ris med yon tan 'gag med pas// yon tan ma 'gags rang bzhin med pa las// chos nyid ma mthong yon tan mthong ba las// mthong ba de yis 'khrul pa'i rgyu nyid byas// yon tan ma 'gags 'od du snang ba dang // shes rab ming med shes rab dag tu rtogs// thabs dang shes rab dag tu mthong ba yis// yon tan mthong stangs de gnyis 'dra ba yis// 'dra mthun rigs mthun 'dra ba 'dus pa las// phyi dang nang gi snang bar byung ba yin// phyi yi snang ba lha yi gzhal yas khang // rig pa'i snang ba lha dang lha mo nyid// de gnyis thabs dang shes rab dag tu rtogs pa yis// thams cad rgyal ba'i dkyil 'khor lhun gyis grub// rdo rje phung po yan lag rgyal ba'i dkyil 'khor lhun gyis grub// ting 'dzin rnam gsum sgo nas zhugs pa

  547. 274b

    yis// rgyal ba'i dkyil 'khor chen por snang ba byung // de gnyis rang dang dbyer med bsgom pa yis// 'bras bu rigs kyi dkyil 'khor lhun gyis grub// rin po che rgyas pa chen po'i rgyud las/ ma ha yo ga 'khrul pa'i le'u ste so bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// a nu yo ga 'khrul pa'i rgyu nyid dang // de yi 'dra gzhi 'jug pa'i sgo dang rtogs pa'i lta ba nyams kyi sgom pa dang // spyod pa'i bdag nyid grub pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang bzhin stong par gnas pa dang // ye shes rang bzhin rig pa mi g.yo ba// stong pa snang bar rtogs la ye shes bcud du rtogs// de gnyis so sor snang bar 'dod pa yis// so sor bzung bas 'khrul pa'i rgyu nyid byas// gzung ba rang gis so sor snang ba byung // gnyis snang de yis 'khrul pa'i 'dra gzhi byas// 'dra mthun rigs mthun 'dra ba 'dus pa yis// dbyings dang ye shes gnyis kyi snang bar shar// ye shes dbyings la 'jug par mthong ba yis// thams cad dbyings ni stong par snang ba las// rig pa'i ye shes dag gis zhugs pas na// gnyis med 'od gsal zung 'jug bsgoms pa yis// de dang dbyer med spyod

  548. 275a

    pas spyod pa yin// de rtogs lhun gyis grub pa'i 'bras bu yin// rin po che rgyas pa chen po'i rgyud las/ a nu yo ga 'khrul snang gi le'u ste so brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la/ rdzogs pa chen po'i rdzogs pa ji lta bu// thams cad rdzogs pa'i 'bras bu de nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gzhi yi dus na chos rnams thams cad rdzogs// chos sku rang bzhin spros dang bral bas chos kyi sku nyid rdzogs// rig pa gsal la ma 'gags longs sku rdzogs// rtsal nyid cir yang snang bas sbrul sku rdzogs// snang ba yul du grub pa nyid las sku gsum rdzogs// snang ba rang bzhin stong pa chos sku rdzogs// snang ba gsal bar gnas pas longs sku rdzogs// snang ba don dang mthun pas sbrul sku rdzogs// gti mug chos kyi sku ru snang ba dang // zhe sdang gsal ba longs spyod rdzogs pa'i sku ru snang // 'dod chags dag pa sprul pa'i sku yin pas// sku gsum rang byung dag tu shar ba yin// thams cad sku gsum dag tu snang ba las// dug gsum spangs pa'i pha rol na// sku gsum dag ni yod ma yin// tshogs brgyad yul du snang ba yang // sku las ma gtogs gang yang med// thams cad de bzhin nyid kyi snang ba

  549. 275b

    de// chos sku ris med chen po de// rang byung nam mkha' dag tu shar// mtha' dbus med par yangs pa ste// skye 'gag med cing bri gang med// lta ba rang bzhin med pa'i don// de ni chos sku chen por 'dod// de las byung ba'i snang ba ni// rnam par snang mdzad longs skur shar// chos sku de yi rtsal nyid las// rig pa sna tshogs rtsal shar bas// sbrul sku chen po'i snang ba yin// sbrul skus yul du spyad pa des// yul dang yul can yin pa'i phyir// yid smon blo yi chos yin pas// ji ltar spyad kyang 'dus byas yin// sems nyid dag pa rtogs pas na// nyid la nyid rtogs sangs mi rgya// ye shes rig stong thig le de// rgyu rkyen ka/ nas yin nam bka' las ma grub pas// rang byung ye shes rig gsal yin// 'gag pa med pas shar bas na// rang gsal longs sku chen po yin// rtogs bsam blo las 'das pas na// rang snang grol ba'i me long 'di// rig gsal sbrul sku shar ba yin// rang byung sems kyi sgra de ni// brjod pa'i mtha' dang bral bas na// ngo bo nam mkha' lta bu de// rnam par dag pa chen po nyid// longs sku 'ja' tshon lta bu la// ngo bopo rnam par snang mdzad snang // gang zag blo la nges med pas// sprul pa'i sku yang nges med snang // sku yi sku gsum chen po dang // sems kyi sku gsum chen po ni// sku gsum 'du 'bral med pa yin// dbyer

  550. 276a

    med rtsal gyi snang tshul yin// sku gsum btsal du med pa gdod nas lhun gyis grub// dug gsum spang du med pas ye shes gdod nas dag/ thams cad rang byung dang la rdzogs pa yin// 'bras bu rdzogs pa chen po'i rang bzhin no// rin po che rgyas pa chen po'i rgyud las/ a ti yo ga'i lta ba bstan pa'i le'u ste so dgu pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// chos sku chen po kun la khyab pa la// 'gro drug rnams kyis chos nyid mi snang bar// sdug bsngal sna tshogs ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung chos sku chen po de nyid ni// dbyer med gcig yin bri gang med par chags// gcig las mthong stangs tha dad byung bas na// chos sku rang byung 'od gsal chen po des// 'od gsal me ru mthong bas dmyal ba'i sdug bsngal rgyu// ma g.yos chu ru mthong bas grang ba'i sdug bsngal rgyu// sprul pa gshin rjer mthong bas sdug bsngal chen po'i rgyu// don byed 'dren pa slar la srog gcod mthong // gsung gi chos ston log pa'i sgra nyid 'byung // gtogs sod chod la sogs pa'i sgra ru thos// gdul bya phyag mtshan spu gri la sogs mthong // gcig las med kyang log pa'i snang ba yin// chos sku spros bral chen po

  551. 276b

    dang // rig pa'i ye shes dbyer med pas// de gnyis chags par mthong ste 'dod chags dag tu mthong // mthong ba'i bag chags zhen cing chags pa yis// de yi rgyu mthun las kyi 'bras bu yin// phyi yi snang ba sgrib pas rnag khrag dag tu mthong // nang gi snang ba sgrib pas zas las me nyid 'byung // sku nyid snang bas kha 'bar ma ru mthong // 'dod chags dbang gis snang ba sdug bsngal rgyu// rigs mthun sprul pa sdug bsngal sna tshogs myang // chos nyid rig pa g.yo ba med pa des// ma 'gags yon tan cir yang snang // rig pa g.yo ba med pa de nyid las// rig pa ma rig pa yi rgyu de nyid// 'gag pa med pa'i yan lag snang ba la// snang ba mun par snang ba des// byol song rnams kyis snang ba mun par mthong // nyi ma 'bum ltar gsal yang mun pa nyid du snang // glang mgo nyid kyis don byas kyang // sprul pa nyid la brten nas sdug bsngal 'byung // byol song rnams kyi mthong stangs de bzhin no// chos sku ma 'gags rtsal nyid snang ba las// rtsal rnams so so'i snang ba shar ba las// gling bzhi mi yi tshogs drug snang bar mthong // snang ba de la brten nas bde dang sdug bsngal rgyu// 'du byed dag gi sdug bsngal snang ba yis// yan lag de rtsal snang ba so so las// lha yi snang ba rin chen sna tshogs la// 'dod pa'i bde ba chu bcud lta bu nyid// 'gyur ba'i

  552. 277a

    sdug bsngal rang nyid snang ba las// mthong stangs so so dag gi yul yin pas// rang rang bag chags so so'i ris su grub// med kyang snang bas 'khrul pa'i snang ba ni// log rtogs 'khrul pas chos nyid gsal ba min// chos sku'i rtsal nyid snang ba las// so so'i rigs kyi snang ba byung ba yin// rig pa mi rig rig par shar ba las// gang zag rigs rnams so sor byung ba yin// dper na gzhi gcig dag las snang tshul tha dad pa// chu yi rang bzhin ngo bo gcig pa las// dmyal bas me mar me yi phung por mthong // yi dwags rnag khrag dag tu mthong ba yin// byol song dag gis gnas su mthong ba dang // mi yis chur mthong lha yis bdud rtsir mthong // gcig las med de tha dad snang ba yin// chos nyid ma mthong rtsal nyid mthong ba yin// bag chags dbang gis tha dad 'byung ba'o// rin po che rgyas pa chen po'i rgyud las/ rigs drug bag chags snang ba bstan pa'i le'u ste bzhi bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// srid pa bar do'i 'khrul pa'i mthong stangs dang // ngo bo snang tshul ji ltar snang ba lags// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang gi byin rlabs rtsal lngar shar ba las// rig pa rkyang pa

  553. 277b

    de yi kha dog lnga ru mthong // mthong ba nyid kyis rig pa sad pa las// kha dog lnga ru mthong bas byung ba yin// byung ba rang gi 'khrul pa'i rgyu nyid byas// 'od la kha dog rnam lngar mthong ba yin// 'dra mthun rigs mthun 'dra ba 'dus pa yin// bar do 'khrul pa dag gi 'dra gzhi byas// gsal ba'i yon tan rnam pa gsum dag las// gting gsal dag gi rig pa'i ye shes gsal// dngas gsal dag gi dbyer med gnas pa yin// 'od gsal dag gi phyi yi yon tan 'char// yon tan lngar snang 'byung nga lnga ru 'char// 'byung ba rnam lnga kha dog lngar shar bas// dkar dang dmar ba ser ba'i kha dog dang // nag dang ldang bar snang ba'i kha dog la// yul du snang bas nyon mongs dug lngar snang // nang du snang bas rig pa kha dog lnga// dbyer med spyad pas 'dod spyod rnam lnga'o// srid pa'i rlung lngas bskyod pas yid kyi rgyu ba rgyu// phyi yi yid gsum yul la rtog 'jal dpyod// nang gi yid gsum bag chags dran rtog snang // gsang ba'i yid gsum sems la rtog sems dpyod// srid pa bar do'i dus na las dang bag chags snang // bag chags gang dang ldan pa'i snang ba shar// chos nyid dngos su snang yang yul dang kha dog gsal// ye shes mchog tu gsal bas bag chags sdug bsngal bskyed// 'dun pa'i 'dod chags 'od la shes pa 'jug/ mchog tu

  554. 278a

    gsal bas sdug bsngal bskyed pa'i rgyu// chos sku yan lag sdug bsngal dag tu shar// rin po che rgyas pa chen po'i rgyud las/ bar do 'khrul snang gi le'u ste zhe gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'od gsal lha yi snang ba dang // gzugs med lha yi snang ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku 'gag med rig gsal 'od du shar// 'od du snang ba'i yan lag rang la gsal// rang 'od rang shar gnyis su snang ba yis// nam mkha' dag la brten pas bag chags de ltar snang // rang gi snang ba 'od du shar ba las// gsal 'grib dag gi snang ba sdug bsngal chu// 'dod pa'i yon tan bral nas su// phung po 'od lus chen po des// 'gyur ba'i sdug bsngal dag pas na// gzugs med lha yi snang ba ni// chos rnams nam mkha' lta bur mthong // chos rnams ci yang med par mthong // yod pa nam mkha' lta bu la// med pa ci yang mi dmigs pa// chos rnams rnam par shes par mthong // med bzhi'i phung po dag tu grub// snang ba gzugs su mi dmigs pa'o// rin po che rgyas pa chen po'i rgyud las/ lha 'khrul snang gi le'u ste zhe gnyis pa'o// // sdud pa'i gsang dbang rdo rje sems dpa'

  555. 278b

    des// ston pa'i ston pa kun tu bzang po la// yid kyi rgyu ba rnam pa dgur byung bas// lha bsgom 'bras bu gol ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku 'gag med rig gsal 'od du shar// 'od du snang ba'i yan lag rang la gsal// phyi yi rgyu ba rnam gsum yul la gzhal// nang gi rgyu ba rnam gsum sems la 'jal// gsang ba'i rgyu ba rnam gsum lta sgom dag la 'jal// phyi yi chos sku chen po des// ma bcos so mar rang snang bas// dang po rang rig ye shes des// rig ma skyes pa ye shes yin// rig pa skyes pa yid yin te// rig pa rig pa skyes pa yin// dang po ci yin snyam pa dang // bar du yin min snyam pa dang // thog mar yin gdeng shes pa yis// so ma'i chos nyid de yis bsgribs// ma bcos pa yi snying po la// byas pa'i blo yi snang bar byung // 'dus byas chos nyid chen po yin// nang gi byang chub sems nyid de// gsal la mi rtog 'dzin med pas// byang chub sems su bzung nas ni// sems la yin min rnam gsum 'byung // gzung ba rang gi sems nyid bsgribs// gsang ba'i chos sku chen po des// rang bzhin rnam dag 'gag pa med// ma bcos pa yi snying po la// bltar med bltas na yid kyi yul// bsgom med bsgoms na rtog pa yin// gsang ba'i rgyu bas

  556. 279a

    bsgribs pa yin// de ltar bsgribs lugs rnam gsum la// snang ba rnam pa gsum du byung / chos sgra rig pa mi gnas pas// snang snod gnyis kyang nyid lta bur snang ba byung // rig pa de nyid ma g.yos pas// bder gshegs ye shes sems su byung // rig pa de nyid g.yos pa yis// 'gro drug bag chags sems su byung // phyi yi sgrib pa rnam gsum dang // nang gi sgrib pa rnam gsum dang // gsang ba'i sgrib pa rnam gsum gyis// chos sku yid bzhin nor bu de// yod pa ma mthong stor ba tshor// stor bar tshor ba'i rang bzhin gyis// de tshe dbu ma nyid du gnas// thar pa'i lam stor nyid du gnas// mun pas 'thibs pa nyid du gnas// skyabs med mgon dang bral bar gnas// 'khor ba'i chu bos khyer bar gnas// nyam zag sdug bsngal dag gis zin// rang gsang thabs kyis chod pa'o// rin po che rgyas pa chen po'i rgyud las/ chos sku rang sgrib kyi le'u ste zhe gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang byung ye shes chen po la// chos kyi phung po brgyad khri dang // bzhi stong byung ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku las byung ye shes rig pa de// rig pa gdangs gsal de yi byin rlabs

  557. 279b

    las// chos sku longs sku sprul pa'i skur byung ste// chos sku nyid las nges pa'i don byung ngo // longs sku dag las drang ba'i don byung ngo // sbrul sku dag las bkri ba'i don byung ngo // rang byung chos sku chen po las// rang byung ye shes rig skyes pas// rig pa'i byin rlabs chen po las// bder gshegs sku gsum ngo bor byung // de yi thugs rje'i shugs skyes pas// chos sku sgo mo mang por gsungs// nyon mongs brgyad khri bzhi stong la// de yi gdul bya brgyad khri dang // bzhi stong mang por byung ba yin// snang tshul gsung rab yan lag bcu gnyis byung // bkri dang drang dang nges pa'i don// rnam pa gsum du 'dus pa yin// rim par bstan pa kun tu rol// rdzogs chen nges pa gcig tu bstan// don la gcig las med pa las// tha dad du mar byung ba de// rang byung chos sku'i byin rlabs so// rin po che rgyas pa chen po'i rgyud las/ bstan pa ji ltar byung ba'i le'u ste zhe bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lus gang 'khrul pa rim gyis bzlog pas na// sems de'i gnas lugs ji ltar gnas pa la// sems de gzhag pa'i thabs dang sems de bcos pa'i thabs// sems de zin pa'i rtags dang sems de'i sgrib pa dag pa ji lta bu// ston pa'i ston pa kun tu bzang po des// sdud

  558. 280a

    pa'i gsang dbang rdo rje sems dpa' la// sems nyid mi rtog stong par gnas pa la// sems nyid chos sku stong par gnas pa dang // sems nyid ye shes rig pa stong pa de/ yang sems kyis ye shes stong par rig pa de// yid kyi skad cig dang por byung bas na// rig pa de dang stong pa gnyis med pas// stong pa de yi ngang la gzhag par bya'o// sems kyis ye shes dag pa sems 'dzin na// rang rig rang ming med pa la// skad cig rig par rang gsal de// skad cig gnyis par mi gtang bar// seng nge ye re gzung bar bya'o// sems kyis sems la sems 'dzin ni// skad cig dang po'i rig pa steng byung de// yul la shes pa had kyis snang ba de// rig pa 'dzin pa med pa des// yul la 'dzin pa med par gzhag/ rgod na shes pa bsgrims la gzhag/ bying na shes pa glod la gzhag/ snang na rang bzhin med par gzhag/ stong na 'dzin pa med par gzhag/ sems de zin pa'i rtags de ni// sgo lnga yul la mi spyod cing // rtog med had de gnas pas na// sems kyis sems ni zin pa yin// de yis sgrib pa dag pa'i rtags// snang ba ming dang bral ba'i snang ba yis// bag chags sgrib pa dag pa yis// yul la nyon mongs mi skye bas// nyon mongs sgrib pa dag pa yin// sems kyis chos sku spyod pa la// sems kyi ye shes 'dzin med pas// shes bya'i sgrib pa

  559. 280b

    dag pa yin// de la mnyam gzhag rjes thob gnyis// gnyis su med pas dbyer med pas// mnyam na sems kyi 'bras bu yin// de yi brtan pa thob pa na// lus kyi 'khrul pa bzlog pa'o// rin po che rgyas pa chen po'i rgyud las/ sems sems la bzung ba'i le'u ste zhe lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// dbang po 'bring po'i 'khrul pa bzlog byas pa// phyi yi ye shes dag la sems gzhag dang // nang gi ye shes dag la gzhag pa dang // gsang ba'i ye shes dag la gzhag pa dang // de yi zin rtags sgrib pa dag pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// de nyid rim gyis blta so ma bcos snang ba 'di nyid la// sgo lnga so ma bcos pas 'dzin par med par gzhag par bya'o// de tshe nyid na 'bras bu chos sku 'thob// chos sku nam mkha'i snying po la// tshogs drug rim ltar rim gyis blug/ tshogs drug rim gyis sangs rgyas pas// sangs rgyas pa yi sangs rgyas yin// chos sku nam mkha'i snying po de// nam mkha'i ming dang bral ba nyid// bsam med bsam gyis mi khyab pas// bsam gyis mi khyab bsam med pa'o// rang byung chos sku'i snying po la// blta zhing shin tu brtan pa ni// rang byung chos sku'i snying po de// rang byung ye shes yan

  560. 281a

    lag chos kyi sku// sna tshogs grangs med snang ba'i sku// snang ba ma bcos pa dag la// shes pa ma bcos pa dag gzhag/ ma bcos pa ni bcos pa'i mchog/ byung ba'i sku gsum chen po la// byung ba'i ye shes rnam gsum gzhag/ 'byung ba dag gi sku gsum la// 'byung ba dag gi ye shes gzhag/ byung nas gnas pa'i sku gsum la// byung nas gnas pa'i ye shes gzhag/ nam mkhar ming ma btags pa yis// nam mkha'i snying po bltas byas na// de tshe sangs rgyas nyid du 'gyur// sngon ma mthong ba'i chos sku mthong // bltar med bltas na lta ba'i mchog/ bsgom med bsgoms na sgom pa'i mchog/ de yi sgrib pa rnam gsum ni// phyi nang gsang ba'i yid med pas// sgrib pa rang byung dag pa yin// gnas lugs de ltar gnas pa la// yin lugs de ltar yin zhe na// bsgrib med ye nas dag pa yin// rin po che rgyas pa chen po'i rgyud las/ sku dang ye shes la sems gzhag pa'i thabs kyi le'u ste zhe drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// bar do rnam pa gsum dag tu// lus gsum gang dang ldan pa yin// spyan gsum ji ltar gsal ba yin// sku gsum ji ltar ldan pa yin// ye shes ji ltar skyes pa yin// ston pa'i ston pa kun tu bzang po des// sdud pa'i gsang dbang rdo rje

  561. 281b

    sems dpa' la// rang bzhin par do'i dus dag tu// zag dang bcas pa'i lus nyid de// phung po thogs dang bcas pa la// sha khrag bcas pa'i lus nyid la// phung po khams dang skye mched la// sems las sems byung brten pa'i lus// sems kyi chos sku stong pa dang // sems kyi ye shes rtog pa med// mig la brten nas gsal bas na// nyin mo nam mkha' stong la blta// nub mo kun gzhi ngang la blta// nyin mo sems kyi ye shes rtog med byung // nub mo sems kyi ye shes stong pa byung // nyin mo chu bur mig la brten// nub mo yid kyi mig la brten// de la gnas shing goms byas nas// sems kyis sku dang ye shes thob// rmi lam par do'i lus de ni// zag pa med pa'i lus yin te// tshul khrims chen po'i phung po dang // ting nge 'dzin gyi phung po dang // shes rab kyis ni phung po dang // rnam par grol ba'i phung po dang // rnam grol ye shes gzigs pa'i phung po dang // de lta bu yi phung po la// rten med spyan dang ldan pa yis// lha yi spyan dang ldan gsal bas// mthong med sangs rgyas chos sku mthong // rang byung ye shes bde gsal skyes// nyin mtshan med pa'i snang ba las// dbyer med sku dang ye shes thob// srid pa bar do'i lus de ni// ye shes lus can de bzhin gshegs// ye shes lnga yi phung po la// rigs lnga de bzhin gshegs

  562. 282a

    par snang // phyi dang nang gi sgrib med par// ye shes spyan dang ldan pa 'byung // de lta'i spyan dang ldan pa des// dbyer med sangs rgyas chos sku mthong // rang byung ye shes snying po bskyed// dbyer med lhun grub gol med pas// gang ltar byas kyang sangs rgyas sku// yid bzhin nor bu lta bu nyid/ dgag bsgrub gang yang med par gnas// snang ba de ltar rang shar bas// 'khor ba nyid kyang 'bras bu'o// rin po che rgyas pa chen po'i rgyud las/ bar do rnam gsum las ye shes rim gyis gsal ba'i le'u ste zhe bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sangs rgyas longs sku chen po la// sems gzhag de nyid brtan pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku yi longs sku dag la sems de gzhag pa ni// sna tshogs cir yang snang sku'i longs sku la// tshogs drug 'dzin pa med par bsre bar bya// phyi dang nang gi longs sku bsres nas ni// kha dog rnam lnga ye shes rnam lngar bsre// sgo lnga 'dzin pa med pa rang sor gnas// sgo lnga yul lnga shes pa rnam lnga yis// gzung 'dzin med par shes pa rang sor gzhag/ gsal ba'i longs sku gnyis med bsres pa na// sku yi longs sku chen po thob pa yin// longs sku longs sku dag la

  563. 282b

    gzhag pa ni// rig pa'i ngo bo gsal la ma 'dres pas// chos sku gsal la ma 'dres dag la gzhag/ snang la rang bzhin med pa dang // gsal la rang bzhin med pa gnyis// dbyer med gcig tu gzhag pas na// de yi brtan pa thob pa dang // rmi lam dus su de nyid snang // bar do'i dus su dngos su snang // rigs lnga so so'i snang ba las// zhing khams yongs su dag par snang // 'khrul pa'i lus la brten nas ni// ma 'khrul pa yi sku nyid byung // 'khrul pa'i sku la brten nas ni// ma 'khrul pa yi ye shes 'byung // 'khrul pa'i snang ba la brten nas// ma 'khrul pa yi snang ba 'byung // sku ru yin pas sku nyid 'byung // gzhan las byung ba ma yin no// rin po che rgyas pa chen po'i rgyud las/ longs sku la sems bzhag pa'i le'u ste zhe brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// thams cad chos sku yin pa las// sa lam bgrod du med pa la// bgrod par mthong ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku nyid las dang lam// log par rtog pa'i snang ba ste// chos kyi sku dang ye shes gnyis// 'og ma'i lam nyid 'byongs pa dang // gong ma'i sa nyid thob pa na// sku dang ye shes thob pa min// rang gi sku dang ye shes

  564. 283a

    gnyis// thog ma med nas rang la byung // rang nyid spangs pa'i pha rol na// sku dang ye shes yod pa min// sangs rgyas rnams kyi ye shes de// rang la gnas te gzhan na med// dmyal ba'i gnas der gnas gyur kyang // spu gri la sogs sdug bsngal rnams// ye shes nyid du snang ba las// sdug bsngal 'byung ba ga la srid// sems can dmyal ba'i sdug bsngal de// sangs rgyas gnas su gnas na yang // sangs rgyas rnams kyi ye shes de// sdug bsngal nyid du snang ba las// ye shes snang ba ga la srid// rang la gnas pa'i ye shes de// rang nyid rang la ma shar na// gong ma'i sa yi yon tan de// rnam grangs yin te don ma yin// rang byung ye shes ma shar na// sa dang lam la spyad du med// thob bya thob rgyu med pa na// sa dang lam zhes bya ba med// phyi nang chos skur ma shar na// sgrib dang bsgribs pa 'gog pa'i lam// yang dag nyid du ma grub pas// gang ltar byas kyang 'dus byas chos// chos kyi sku nyid ma rtogs shing // rig pa'i ye shes ma shar na// mi rtog pa nyid byung gyur kyang // snyoms par 'jug pa rnam gnyis bzhin// dga' bde'i ye shes skyes gyur kyang // bsam gtan gnyis pa'i lha bzhin no// chos rnams nam mkhar shes gyur kyang // rig pa yul la spyod pa na// nam mkha' mtha' yas skye mched bzhin// snang ba

  565. 283b

    bkag nas stong bzung na// ci yang med pa'i skye mched bzhin// thams cad rnam par shes bzung na// rnam shes mtha' yas skye mched bzhin// snang ba nges par bzung ba na// so so'i skye bo'i lta ba bzhin// dbyings kyi rang bzhin shes pa na// snang ba spang du med pa la// stong pa de nyid bsgrub tu med// dbyings kyi snang ba cir yang 'char// ye shes snang ba cir yang gsal// dbyer med snang ba cir yang rol// ma bkag ma bsgrubs bde ba'i ngang // ma bcos snying po de nyid don// ma bsgrubs mtha' rnams kun las 'das// ma bkag gol ba'i sa lam med// 'bras bu re dogs med pa yis// 'byed pa med pa kun tu bzang // rdo rje theg pa chen po 'di// phyi dang nang du snang ba yang // thabs dang shes rab 'brel pa'i brda'// thams cad mkhyen pa'i ye shes sku// 'di las ma rtogs gang yang med// rnam pa thams cad mkhyen pa yang // ma bcos pa las byung ba ste// bcos na thams cad mkhyen pa med// snang ba ma bcos chos nyid la// rig pa ma bcos ye shes nyid// dbyer med shes na ye shes thams cad mkhyen// sa lam sbyang na gol ba'i lam// rdo rje sems dpa' zhes bya ni// rang bzhin ma bcos pa las byung // sa dang lam du 'dzin pa kun// log par rtog pa'i spyod yul lo// rin po che rgyas pa chen po'i rgyud las/ sku dang ye

  566. 284a

    shes la sa lam bgrod du med pa'i le'u ste zhe dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// dus gsum sangs rgyas thams cad kyi// sku dang ye shes rang la gnas pa las// phyi nang dbang de bskur ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// dus gsum 'du 'bral med pa'i rtags// sku dang ye shes rang las byung // de nyid mtshon par byed pa'i rtags// brda' la brten nas don nyid mtshon// snang ba thams cad dbang gi brda// phyi yi brda la brten nas ni// rnam par mi rtog ye shes skyes// nang gi rig pa la brten nas// phyi yi snang ba chos nyid 'char// dbyer med rtogs pa dbang mchog thob// rang byung chos sku rtogs tsam na// rang nyid rang la sku lnga 'byung // ye shes lnga yi snang bar shar// dbang zhes bya ba rang bzhin no// thabs la brten nas don mtshon pas// rang gi ye shes dbang du gyur// sku yi rtogs lugs bsam mi khyab// ye shes skye lugs bsam mi khyab// bsam gyis mi khyab brjod du med// snang ba la brten chos nyid skye ba dang // rig pa la brten ye shes skyes pas na// ye shes gang ltar byung yang dbang yin no// thabs dang thabs las byung ba'i dbang mchog des// thabs ni bsam

  567. 284b

    gyis mi khyab pas// ye shes bsam gyis mi khyab skye// 'gag med chos skur gang ltar bltas pa shar// de dang ldan pa thams cad dbang yin no// rin po che rgyas pa chen po'i rgyud las// dbang nges pa bstan pa'i le'u ste lnga bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku skye ba med pa'i rang bzhin la// pha rol phyin drug rdzogs pa ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos nyid rnam par dag pa'i rang bzhin la// thams cad de la gnas shing de la spyod pa de// dbyer med mnyam par gnas pas sbyin pa'o// rang bzhin med par shes pas pha rol phyin pa yin// chos sku rang bzhin gos pa med pa la// ngo bo rang bzhin dag pa'i tshul khrims te// gang gis gos pa med pa tshul khrims pha rol phyin// chos nyid rang bzhin gdod nas zhi ba las// rang bzhin khong khro med pa bzod pa ste// dbyer med gnyis su med pa pha rol phyin pa'o// skye med gdod nas rang bzhin kun la khyab// don thob le lo med pa brtson pa ste// kun khyab dbyer med gnas pa pha rol phyin pa'o// chos nyid gdod nas rang bzhin rnam dag pas// rtog med mnyam nyid gnas pa bsam gtan te// rang bzhin yengs pa med pas pha rol phyin// chos kyi sku yi rang

  568. 285a

    bzhin de nyid la// thams cad de bzhin nyid na gnas pas shes rab ste// rang bzhin de ltar rtogs pas pha rol phyin// chos kyi sku yi rang bzhin don rtogs na// pha rol phyin pa thams cad yongs su rdzogs pa ste// rdzogs pa chen po'i 'od la gang gnas pa// 'di bsgom thams cad yongs su bsgoms pa'o// rin po che rgyas pa chen po'i rgyud las/ dka' thub sgo nas pha rol phyin pa drug spyad du med pas/ pha rol phyin pa rang la rdzogs pa'i le'u ste nga gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'dus byas blo yi nam mkha' la// 'dus ma byas pa skye ba nyid// sems kyi gzhag thabs ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos nyid 'dus ma byas pa de// nam mkha'i ngo bo rang bzhin yin// gang du ma grub spros bral ba// de la 'dus byas blo nyid bzhag/ ma byas pa yi shes pa de// de la had de phyod de bzhag/ yul gyi snang ba mi dpyod cing // sems kyi rtog pas lta ba ma dpyad na// mi dmigs pa ru snang bas na// rig pa'i stong pa chen po dang // nam mkha' stong pa 'dres pa yin// gang du ma grub spros bral ba// de ltar rtogs pa lta ba yin// de la gnas pa sgom pa yin// gang ltar spyod pa spyod pa yin// snang ba 'dzin/

  569. 285b

    med rtog med pas// bag chags sgrib pa nub pa yis// tshogs drug mkha' la grub blugs kyang pa yis// yul la mi spyod ye shes yin// yul dang yul can gnyis med pas// nyon mongs sgrib pa dag pa yin// sgo lnga rang sar dag pa yis// longs spyod rdzogs sku thob pa yin// ye shes rgyun du gnas pa yis// rtog pa kun la 'das pa yin// rang byung ye shes rdzogs pas na// rdzogs pa chen po'i sangs rgyas yin// ting 'dzin don la ma chags pas// shes bya'i sgrib pa dag pa yin// rang byung ye shes chen po de// sangs rgyas chos sku mthong zhes bya// mthong med mthong ba mthong ba'i mchog/ mthong las 'das pa ye shes mchog/ 'dus rgyas blo yi nam mkha' la// 'dus ma byas pa'i chos nyid byung // rang byung snying po sku yi gnas// de rtogs sangs rgyas btsal du med// spang thob med pa'i ye shes so// rin po che rgyas pa chen po'i rgyud las/ 'dus ma byas sems la 'dus ma byas byung ba'i le'u ste nga gnyis pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul pa'i lus nas sems nyid don pa dang // sems nyid mkha' la bzhag ste brtag pa dang // lus la brtags te nang du bsdu ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lus ni mi

  570. 286a

    dmigs pa yi phyir// nam mkha' dag la rig pa gzhag/ lus por mkha' la bzhag nas ni// ting 'dzin lus dang ldan pa de// rang bzhin med par seng nge bzhag/ ye shes gting gsal chen po 'byung // rang lus nam mkha' stong pa lta bu la// snang ba nam mkha' lta bur snang // nam mkha' mi dmigs lus kyang mi dmigs pas// rig pa dag kyang dmigs pa yod pa min// dmigs pa gsum las 'das pas ting 'dzin lus// rig pa mkha' la bton nas ni// lus la brtag pa gsum bya ste// mi dmigs pa ru brtags nas ni// sdug bsngal kun yang mi 'byung ngo // rgyal ba du mar brtags nas ni// yon tan thams cad kun 'byung ngo // dur khrod lta bur brtags nas ni// chags med ye shes bde bar 'char// rig pa nang du bsdu ba ni// gti mug byed pa med pa yis// rig pa mi g.yo mi rtog pas// snying po de la tshogs drug bsdu// rang bung ma bcos de bzhin no// rin po che rgyas pa chen po'i rgyud las/ rig pa phyi nang gi le'u steng gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku'i rang bzhin dbyer med gcig pa las// glags tshol ba dang bar du gcod pa dang // bdud kyi sde pa byung ba ji lta bu// ston pa'i ston pa kun tu bzang po des// sdud pa'i gsang

  571. 286b

    dbang rdo rje sems dpa' la// yang dag lam du zhugs la bdud 'byung bas// bdud kyi sde la gnas pas bdud mi 'byung // phyi yi bdud ni mtshan mar 'dzin pa ste// nang gi bdud ni log par rtogs pa nyid// gsang ba'i bdud ni ye shes ngos ma zin// bar gcod bdud ni don las log par khrid// don dang mi ldan bdud kyi sde pa yin// sgo lnga yul la chags pa phung po'i bdud// yid g.yos yul la spyod pa nyon mongs bdud// bltar med log par lta ba lha yi bu'i bdud// lam thob bar du gcod pa 'chi bar byed pa'i bdud// bdud kyi rigs ni nyon mongs du ma ste// de yi 'bras bu log par blta ba rnams// dga' rab dbang phyug rigs la sogs pa'o// mchod legs bsten na dngos grub 'byung bar byed// de las log na 'jig rten sdug bsngal bskyed// glags tshol glags rnyed bar du gcod pa'i bdud// bar du gcod na thams cad bdud yin no// rtogs na chos nyid ma rtogs bdud yin no// 'dzin na ye shes nyid la 'dzin kyang bdud yin no// bsam gtan nyid la chags kyang bdud yin pas// yang dag lam la gnas pa'i bdud de ni// rdo rje slob dpon bdud du snang ba 'byung // mthong na log lta skye zhing dregs pa zhe sdang skyes// gzugs mi sdug cing yid mi chags pa 'byung // phyi dang nang du snang ba thams

  572. 287a

    cad kun// yid kyis dpyad cing gzung 'dzin lta ba'i bdud// yid 'phrog bying dang the tshom sgom pa'i bdud// don med bka' bzhin ma grub rgya yan spyod pa'i bdud// bdud dang ye shes gnyis ni dbyer med pas// yid kyis dpyad cing bzung na bdud yin no// ma dpyad rang sor bzhag na ye shes yin// dpyod dang mi dpyod gnyis las ma 'das so// rin po che rgyas pa chen po'i rgyud las/ bdud 'byung ba bstan pa'i le'u ste nga bzhi pa'o// // sdud pa'i gsang dbang rdo rje sems dga' des// ston pa'i ston pa kun tu bzang po la// 'bras bu'i theg pa chen po 'di// rigs ni gang la snang ba lags// dus ni ji srid zhig na 'byung // snang lugs ji ltar snang ba lags// ston pa'i ston pa kun tu bzang po des/ sdud pa'i gsang dbang rdo rje sems dpa' la// tshe rabs thog ma med pa nas// bla ma mchod cing bsnyen pa dang // dkon mchog yi dam mchod pa dang // dam pa'i don la blo sbyangs pas// theg pa chen po la mos pas// de yi smon lam dbang gis su// rin chen 'dzam bu gling nyid du// rigs rgyud mi lus dag pa 'dzin// dbang po rnam shes yan lag rdzogs// shes rab mig dang ldan pa yis// snyigs ma lnga yi dus de ru// bde gshegs thugs kyi bstan pa shar// mkha' 'gro zhing skyong gnang ba thob// bcom ldan 'das

  573. 287b

    kyi bstan pa ni// sku dang gsung gi bstan pa yang // lo ni bdun brgya rtsa lngar snang // thugs kyi bstan pa drug cu gcig/ 'dzam gling shar gyi phyogs dag nas// dga' rab dbang phyug sprul pa yis// rang dang 'dra ba'i tshul bzung nas// bstan pa de nyid 'jig par byed// nga ni mi snang mkha' 'gro yis// las dag de la snang bar byed// de nas de yi sprul pa'i skus// thugs kyi bstan pa nyi bzhin shar// las dag rnams la snang bar byed// theg pa 'di don mthong ba na// skad cig gcig gis rdzogs sangs rgyas// snod dang mi ldan gang zag la// theg pa 'di nyid snang gyur kyang // rdo rje dmyal ba chen po'i rgyu// 'ching ba'i sgrib pa ldan pa la// theg pa 'di nyid snang mi srid// theg pa 'di yi don rtogs na// rdo rje sems dpa' khong nas 'char// de bzhin nga yis lung bstan to// theg pa chen po 'di nyid ni// gang zag de la snang bar nges// srid pa bar dor 'bras bu thob// rin po che rgyas pa chen po'i rgyud las/ theg pa chen po'i gang zag la lung bstan pa'i le'u ste nga lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rdo rje sems dpa' chen po ni// mya ngan 'das pa'i tshig bcu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rdo rje sems dpa' bltas byas

  574. 288a

    na// phyogs lhung med pa'i sems dpa' des// sems dpa' de yi don rtogs na// sgrib pa med pa ye shes sku// skye 'gag med pa ye shes klong // mtha' dbus med pa'i zhing khams na// rtsal 'gag med pa'i sangs rgyas gnas// shes dang ye shes bdag po'i mchog/ thams cad mkhyen pa'i ye shes sku// bsgrib dang sgrib pa ga la yod// rin po che rgyas pa chen po'i rgyud las/ rdo rje'i tshig bcu bstan pa'i le'u ste nga drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'di nyid lha sgom spyod pa yis// drod dang rtags dang cho 'phrul dang // ye shes mngon shes 'byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lha sgom theg pa 'di dang ldan pa na// drod ni 'di rnams 'byung ba ste// byang chub sems ni snying rje chen po 'byung // chags pa med cing sbyin la dga' ba dang // nga rgyal med cing nyon mongs chung ba dang // gtsang btsog med cing 'dod pa chung ba dang // khong nas shes rab chen po gsal ldan zhing // rtags ni 'di rnams byung ba ste// gnyid med nyin mtshan med par gsal ba dang // phyi dang nang gi srin bu med pa dang // lus ni yang zhing bkrag mdangs gsal ba dang // gzhon nu'i lus ldan yan lag grims pas

  575. 288b

    'byung // 'bring la rmi lam ye shes skye ba dang // tha ma rmi lam 'khrul par shes pa'o// cho 'phrul dag ni 'di rnams 'byung ba ste// 'byung ba dag la dbang nyid thob pa'i bdag/ sa la 'dzul zhing chu la bying ba med// mkha' la 'phur zhing rlung la zhon pa ste// lus las me 'byung me yis mi 'tshig go/ sems nyid dag la dbang ni thob pa'i rtags// mang po byed cing shi ba slong nus so// cho 'phrul bsam gyis mi khyab 'gyed kyang nus// ye shes mngon shes drug kyang 'byung // ye shes mngon shes ma lus pa ru gzigs// lha yi snyan gyis stong gsum spyi phud thos// rigs drug sems ni ma lus pa ru shes// 'chi 'pho dag dang skye ba ma lus shes// rdzu 'phrul sprul pa'i gdul bya ma lus shes// zad par zil gyis gnon pa ma lus shes// gzhi la rig shes rdzogs pa yis// mngon par shes pa ma lus shar// bsgoms pa las byung shes rab khong nas skye// drod rtags bsam gyis mi khyab 'byung ba ste// de la chags zhing zhen na bdud yin no// rang bzhin med par bzhag na yon tan no// rin po che rgyas pa chen po'i rgyud las/ drod rtags kyi le'u ste nga bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// theg pa chen po 'di nyid la// mos sam 'bri'am klog pa dang // 'chang ngam yid la byed pa dang // nyan

  576. 289a

    dang bshad dang bsgom pa dang // 'di la rtag tu mchod pa rnams// de gnas 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// theg pa 'di la mos pa kun// ma nor dam pa'i lam zhugs nas// sems bskyed pa yi 'bras bu rdzogs// srid pa gar 'byung gar skyes yang // bar do rnam pa gsum nyid du// theg pa 'di dang mi 'bral zhing // bla ma lta bur lung yang ston// 'di nyid bris pa tsam gyis su// ngan song rnams las rab rgyal zhing // bde gshegs kun gyis byin gyis brlab// sras kyi dam pa sangs rgyas sras// mkha' 'gro rnams kyi lung yang 'thob// 'di nyid bklags pa tsam gyis su// khams gsum rnams las rab 'das shing // 'chi ka'i rna bug brjod pa na// ngan song las ni thar bar byed// mi min gdon la sogs pa yis// gdug pa zhi nas dag 'thob// lha dang mkha' 'gro thams cad kyis// rje bor mthong nas nges par bkur// yang dag nges pa'i lung yang ston// 'di nyid bcang ba tsam gyis su// ngan song gsum las rab thar zhing // 'jig rten 'di nas pha rol gyi// don rnams thams cad 'grub par byed// 'di nyid yid la byed pa yis// bder gshegs thams cad bkur bas na// yang dag lam na gnas pa na// byang chub sems dpas byin gyis

  577. 289b

    rlobs// 'di nyid nyan pa tsam gyis su// theg pa thams cad mnyan pas na// sangs rgyas dgongs pa kun 'grub pas// mthun pa'i ye shes rang snang bas// sangs rgyas rnams kyi sras su mthong // byang sems kun gyi spun du gzigs// mkha' 'gro rnams kyis byin gyis brlab// gar 'byung de ni gar skyes yang // theg pa 'di la rtag tu spyod// 'di nyid bshad pa tsam gyis su// dus gsum rgyun mi 'chad pa ru// rtag tu chos kyi 'khor lo bskor// bar do rnam pa gsum du yang // bder gshegs thugs kyis dam par gzigs// rdo rje sems dpa' dngos su snang // de yi lung nyid bstan nas ni// yang dag nges pa'i 'bras bu thob// de nyid bsgoms pa tsam gyis su// tshe gcig yang dag 'bras bu ster// sku gsum snang bar lhun gyis grub// de yi yon tan bsam mi khyab// 'di nyid mchod bstod byas pa yis// dkon mchog gsum po kun mchod dang // nye ba'i sras kyi dam par 'dzin// sdug bsngal rnams ni mi 'byung zhing // dbul ba thams cad sel ba'o// stong gsum rdul ni bsams nus te// 'di yi bsod nams bsam mi nus// rin po che rgyas pa chen po'i rgyud las/ theg pa 'dis bsod nams bstan pa'i le'u ste nga brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// tha dad gnyis

  578. 290a

    su snang ba la// gcig ces bya ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// thams cad rang bzhin rnam par dag pas na// snod ces bya ba sangs rgyas snod// bcud ces bya ba sangs rgyas bcud// sna tshogs snang ba ye shes nyid// rigs drug sems can sangs rgyas nyid// sangs rgyas nyid las ma gtogs pa// rdul tsam dag kyang yod ma yin// thams cad rang bzhin dag pas na// bltar med bltas na 'khrul pa yin// bsgom med bsgom na 'khrul pa yin// spyod med spyod na 'khrul pa yin// thob med thob na 'khrul pa yin// yang dag nyid na btsal du med// 'khor ba ka dag rin chen gling // rang byung kun tu bzang por gnas// thams cad dbyer med gcig pas na// yang dag rdzogs pa de kho na'o// rin po che rgyas pa chen po'i rgyud las/ 'khor ba dong spug gi le'u ste nga dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos kyi sku yi rang bzhin de// skye 'gag med pa'i mtshan nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rang bzhin skye ba med pa yis// yon tan 'gag pa med par shar// snying po yul la mi dmigs pas// gnas par bya ba'i rang

  579. 290b

    bzhin med// 'gro 'ong yon tan rang shar bas// bde ba ye shes rang gsal 'od// de la yon tan 'od lngar shar// rang gsal 'od ni lha bzhin gsal// lha dang 'od ni rang bzhin gcig/ de dang de yi 'brel pa las// snang ba gnyis su shar ba'o// nyi ma'i snying po zer dang chas// man shel snying po 'od dang chas// gser gyi rang bzhin ser dang chas// me long rang bzhin gsal dang chas// gsal ba'i rang bzhin 'od dang chas// sems can rang bzhin yid dang chas// stong pa ye shes gsal dang chas// thams cad sku gsum rang chas pas// byas pa ma yin byung ba yin// rang rang so so'i mtshan nyid kyang // chos kyi sku las byung bas na// spangs pas de nyid spangs pa min// rang bzhin shes na yongs kyis spangs// snang ba chos sku rang las byung // snang ba spangs pas chos sku med// dug lnga ye shes rang las byung // mi rtog mi 'dzin gti mug la// gsal bar snang ba zhe sdang la// bde bar snang ba 'dod chags la// stong par snang ba phrag dog la// gos pa med pa nga rgyal nyid// de yang ye shes yod ma yin// thams cad rang las byung bas na// rang las shar ba'i snang ba las// gang ltar spyad kyang gos pa med// rang byung rang shar ma shes na// gang ltar spyad kyang 'khrul pa'o// rin po che rgyas pa chen po'i rgyud las/ chos thams cad rang las byung

  580. 291a

    bar bstan pa'i le'u ste drug cu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rgyud 'di gang las byung zhing gang la gtad pa dang // rjes su yi rang yongs su rdzogs pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gzhi 'gag med pa'i snying po de nyid las// chos rnams thams cad rang byung rang shar bas// de las byung zhing de la spyod pa las// byung ba ma rtogs shar ba mthong ba yis// theg pa rnam pa bsam gyis mi khyab pas// byung dang byung nas gnas pa'i theg pa 'di// kun tu bzang po'i dgongs pa de bzhin bstan// ji ltar byung zhing shar bar snang ba 'di// rdo rje sems dpa' nyid la ngas bstan to// sems dpa' che zhes snang ba'i theg pa 'di// kun la yod de rang gsang thabs kyis chod// chod pa'i mun pas ye shes rang 'od gsal/ rdo rje sems dpa' nga nyid kyis// ji bzhin pa yi dgongs pa de// sangs rgyas kun la ngas bstan to// de nas 'khor rnams yi rang nas// rnam par snang mdzad rdo rje sems// rin chen rigs dang pad+ma'i rigs// las kyi rigs mchog la sogs pa// rjes su yi rang thal sbyar nas// thams cad rgyun mi chad pa ru// dus gsum dag tu chos kyi 'khor lo bskor// byang chub sems dpa' la sogs

  581. 291b

    pa'i// lha dang mkha' 'gro thams cad kyis// 'di la 'chang ngam spyod pa yi// tshul dang mthun pa'i dgongs pa sgrub// legs so legs so de phyir brjod// bzang po'i bdag po yi rang ngo // rin po che rgyas pa chen po'i rgyud las/ gtad cing yi rang ba'i le'u ste re gcig pa'o// rin po che rgyas pa chen po'i rgud rdzogs so// shrI sid+ha dang bai ro tsa nas bsgyur ba'o// / // rgya gar skad du/ sarba ta thA ga ta tsit+ta gu h+ya dz+nyA na a r+tha gar+b+ha kro d+ha badz+ra ku la tan+ta pir+N+Nar+tha bid+hi yo ga sad+d+hi na ma ma hA yA na sU tra/ bod skad du/ de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo/ bcom ldan 'das dpal sgrol byed thugs rje'i rgyal po la phyag 'tshal lo// 'di skad bdag gis thos pa'i dus gcig na/ de bzhin gshegs pa thams cad kyi bcom ldan dpal kun du bzang po rdo rje sang he ru ka gsang ba mchog gi bdag po byin gyis brlabs kyi dbang phyug mi zad mdzod kyi bkod pa/ che ba'i don la dam pa'i spyod pas bskyod pa de/ rmad du byung ba'i don 'di nyid bshad pa'i gnas gsang ba'i yang gsang ba kun gzhi chos kyi dbyings kyi pho brang thig le bdal ba'i klong / ye 'byam rmad

  582. 292a

    du grags pa'i gzhal yas rgya phyogs su yogs su ma chad pa/ chos nyid kyi nam mkha' las cho 'phrul gyi sprin kun du 'thibs pa byang chub kyi char mngon par 'bab pa/ nyon mongs pa'i gdung ba bangs par gyur pa/ ye shes kyi myu gu mngon par bskyed pa mtha' dang dbus med pa/ rtse mo kun du rgya mnyam pa/ rin po che'i rgyal pos rnam par brgyan pa/ mi tig gi lcang lo dang / chun 'phyang dang / lnga ldis mdzes pa/ nyi ma chen pos gsal btab pa/ zla ba chen pos phra bkod pa/ skar ma dang shin tu skar ma dag gis bzer spras pa/ rdo rje rin po che'o 'od snang bas kun du mdangs phyung ba'i mkha' la/ rlung nag gi phung po rgya yongs su ma chad pa mnyam pa/ khrag gi phung po dpa' klong du 'khrug pa/ rgya phyogs su yongs su ma chad pa/ ma tang gi gnas dang / pis ma 'bur 'phang bar chags pa/ rus pa phung po rgya kun du mnyam pa'i gzhi la 'bar ba'i gzhal yas khang 'od zer kun tu 'phro ba/ ga bu cung brtsegs pa'i rtsig pa la/ gnam lcags kyi gzer ta le bar btab pa/ rtsibs kun du nyi ma dang zla ba rangs pa dang ma rangs pa 'phyo ba/ nya chen po'i ka gdung la nya phran dral dra ba gtams pa/ zla ba'i ka rten dang / nyi ma'i ka lo dang / sbrul chun gyi ka rgyan la sogs pa/ hUM gi thog dang / me'i char mngon par 'bab pa/ chos nyid kyi bla res rnam

  583. 292b

    par brgyan pa/ ye shes kyi lda ldis mngon par bres pa/ rdo rje'i rgyan dang 'phan gyis bklubs pa/ sbrul nag gi za ra tshags dang / sprin nag gi grib so lta bus gzhol ba'i bar bar thams cad na rin po che dang / mu tig dang / me tog gis mdzes pa/ 'khor ba'i maN+Dal yo bkram la bam ril che chung dang / khog skam stod smad dang / yan lag ring thung dang / dbang po'i phreng ba dang / rdo rjes kun du spras pa/ sgo dgus kun du gsal bar gyur pa'i gnas na rdo rje rgyal tshab ces bya ba'i zhes sdang rdo rje dang / rdo rje go phud zhes bya ba'i nga rgyal rin chen dang / rdo rje ging zhes bya ba'i 'dod chags pad+mo dang / rdo rje karma zhes bya ba'i phrag dog sna tshogs dang / rdo rje bya rog ces bya ba'i drod kyi rtags 'dzin dang / rdo rje dus mtshams zhes bya ba'i mthun 'jug gi bka' sdod dang / rdo rje spun thams cad dang / rdo rje ming thams cad dang / rdo rje rig 'dzin thams cad dang / rdo rje lus thams cad dang / rdo rje rnal 'byor thams cad dang / rdo rje ngag thams cad dang / rdo rje las thams cad dang / rdo rje yid thams cad dang / rdo rje ma thams cad dang / rdo rje ging thams cad dang / rdo rje mkha' 'gro thams cad dang / rdo rje shugs kyis 'gro ba thams cad dang / rdo rje phra men ma thams cad dang / rdo rje kun tu 'bar ma thams cad dang / rdo rje gnod sbyin thams cad dang /

  584. 293a

    rdo rje srin mo thams cad dang / rdo rje slas dang / byi mo dang / bran mo la sogs pa bud med thams cad dang / rdo rje mngag pa la sogs pa'i rdo rje khro bo thams cad 'du bar gyur pa/ rdo rje rigs kyi sangs rgyas thams cad dang / 'gying bag gi tshul gyis bsnyengs pa mi mnga' bar rdo rje'i gnad la 'khor mang po dang thabs cig tu bzhugs pa ni 'di lta ste/ cho 'phrul chen po nam mkha'i dbang phyug ces bya ba'i sangs rgyas dang / cho 'phrul chen po rnam grol sbyin pa zhes bya ba'i sangs rgyas dang / cho 'phrul chen po rnam grol sgrogs pa zhes bya ba'i sangs rgyas dang / cho 'phrul chen po thams cad grub pa zhes bya ba'i sangs rgyas dang / nam mkha'i bu mo dbang mo zhes bya ba'i rnal 'byor ma chen mo dang / nam mkha'i bu mo dga' sdud ma zhes bya ba'i rnal 'byor ma chen mo dang / nam mkha'i bu mo rnam par gdung ma zhes bya ba'i rnal 'byor ma chen mo dang / nam mkha'i bu mo sgrol ma zhes bya ba'i rnal 'byor ma che mo la sogs te/ shin tu gsang ba chen po'i 'khor dang / gzhan yang dam tshig chen po'i 'khor 'di lta ste/ dam tshig chen po rdo rje'i snying po zhes bya ba'i sangs rgyas dang / dam tshig chen po nor bu'i snying po zhes bya ba'i sangs rgyas dang / dam tshig chen po pad+ma'i snying po zhes bya ba'i sangs rgyas dang / dam tshig chen po bkod pa'i snying po zhes bya ba'i

  585. 293b

    sangs rgyas dang / dam tshig chen mo rdo rje dbang phyug ma zhes bya ba'i rnal 'byor ma chen mo dang / dam tshig chen mo nor bu'i dbang phyug ma zhes bya ba'i rnal 'byor ma chen mo dang / dam tshig chen mo pad+ma'i dbang phyug ma zhes bya ba'i rnal 'byor ma chen mo dang / dam tshig chen mo rgyan gyi dbang phyug ma zhes bya ba'i rnal 'byor ma chen mo la sogs te/ shin tu mi 'da' ba chen po'i 'khor dang / gzhan yang tshad med pa'i 'khor 'di lta ste/ gsang ba chen po byams pa'i snying po zhes bya ba'i sangs rgyas dang / gsang ba chen po snying rje'i snying po zhes bya ba'i sangs rgyas dang / gsang ba chen po dga' ba'i snying po zhes bya ba'i sangs rgyas dang / gsang ba chen po btang snyoms kyi snying po zhes bya ba'i sangs rgyas dang / gsang ba chen po bde ba'i dbang phyug ma zhes bya ba'i rnal 'byor ma chen mo dang / gsang ba chen mo 'joms byed dbang phyug ma zhes bya ba'i rnal 'byor ma chen mo dang / gsang ba chen mo dga' ba'i dbang phyug ma zhes bya ba'i rnal 'byor ma chen mo dang / gsang ba chen mo khyab pa'i dbang phyug ma zhes bya ba'i rnal 'byor ma chen mo dang / shin tu tshad med pa'i khor dang / gzhan yang rol pa chen po'i 'khor 'di lta ste/ rol pa chen po'i sangs rgyas yak+Sha he ru ka zhes bya ba dang / rol pa chen po'i sangs rgyas rak+Sha he ru ka zhes bya ba dang / rol pa chen po'i sangs rgyas

  586. 294a

    bi shra he ru ka zhes bya ba dang / rol pa chen mo'i rnal 'byor ma yak+Sha sho ri ka zhes bya ba dang / rol pa chen mo'i rnal 'byor ma rak+Sha sho ri ka zhes bya ba dang / rol pa chen mo'i rnal 'byor ma b+hig sha sho ri ka zhes bya ba dang / rol pa chen mo'i rnal 'byor ma bi shwa sho ra ka zhes bya ba dang / shin tu rol pa chen po'i 'khor dang / gzhan yang 'jigs byed chen po'i 'khor 'di lta ste/ 'jigs byed chen po'i sangs rgyas te sha he ru ka zhes bya ba dang / 'jigs byed chen po'i sangs rgyas ke sha he ru ka zhes bya ba dang / 'jigs byed chen po'i sangs rgyas pa sha he ru ka zhes bya ba dang / 'jigs byed chen po'i sangs rgyas bi shra he ru ka zhes bya ba dang / 'jigs byed chen mo'i rnal 'byor ma te sha sho ri ka zhes bya ba dang / 'jigs byed chen mo'i rnal 'byor ma ke shwa sho ri ka zhes bya ba dang / 'jigs byed chen mo'o rnal 'byor ma pe shwa sho ri ka zhes bya ba dang / 'jigs byed chen mo'i rnal 'byor ma bi shwa sho ri ka zhes bya ba la sogs pa shin tu 'jigs byed chen po'i 'khor dang gzhan yang 'joms byed chen po'i 'khor 'di lta ste/ 'joms byed chen po'i sangs rgyas trag sha he ru ka zhes bya ba dang / 'joms byed chen po'i sangs rgyas hri sha he ru ka zhes bya ba dang / 'joms byed chen po'i sangs rgyas ka sha he ru ka zhes bya ba dang / 'joms byed chen po'i sangs rgyas

  587. 294b

    bag sha he ru ka zhes bya ba dang / 'joms byed chen mo'i rnal 'byor ma trag sha sho ri ka zhes bya ba dang / 'joms byed chen mo'i rnal 'byor ma tri sha sho ri ka zhes bya ba dang / 'joms byed chen mo'i rnal 'byor ma ka sha sho ri ka zhes bya ba dang / 'joms byed chen mo'i rnal 'byor ma bag sha sho ri ka la sogs te/ shin tu 'joms byed chen po'i 'khor dang / gzhan yang za byed chen po'i 'khor 'di lta ste/ za byed chen po'i sangs rgyas ru ti he ru ka zhes bya ba dang / za byed chen po'i sangs rgyas rag ti he ru ka zhes bya ba dang / za byed chen po'i sangs rgyas kha hi he ru ka zhes bya ba dang // za byed chen po'i sangs rgyas sa ha he ru ka zhes bya ba dang / za byed chen mo'i rnal 'byor ma ru ti// sho ri ka zhes bya ba dang / za byed chen mo'i rnal 'byor ma tag ti sho ri ka zhes bya ba dang / za byed chen mo'i rnal 'byor ma kha hi sho ri ka zhes bya ba dang / za byed chen mo'i rnal 'byor ma sa ha sho ri ka zhes bya ba la sogs pa rnal 'byor ma'i 'khor rab tu mang zhing bsam gyis mi khyab pa'i he ru ka mtha' yas pa sha stag rnams dang / gzhan yang gsang ba'i bu mo'i 'khor 'di lta ste/ gsang ba'i bu mo dkar mo zhes bya ba dang / gsang ba'i bu mo rkum mo zhes bya ba dang / gsang ba'i bu mo rmongs mo zhes bya ba dang / gsang ba'i bu mo ro langs ma zhes bya ba dang / gsang ba'i bu mo lbos mo

  588. 295a

    zhes bya ba dang / gsang ba'i bu mo gtum mo zhes bya ba dang / gsang ba'i bu mo sme sha can zhes bya ba dang / gsang ba'i bu mo ma tshogs ma zhes bya ba la sogs pa shin tu gsang ba'i bu mo'i 'khor bsam gyis mi khyab pa dang / gzhan yang dga' ba'i bu mo'i 'khor 'di lta ste/ dga' ba'i bu mo seng gdong ma zhes bya ba dang / dga' ba'i bu mo bya rgod gdong ma zhes bya ba dang / dga' ba'i bu mo stag gdong ma zhes bya ba dang / dga' ba'i bu mo wa gdong ma zhes bya ba dang / dga' ba'i bu mo khyi gdong ma zhes bya ba dang / dga' ba'i bu mo dur bya gdong ma zhes bya ba dang / dga' ba'i bu mo khwa gdong ma zhes bya ba dang / dga' ba'i bu mo mun gdong ma zhes bya ba la sogs pa shin tu dga' ba'i bu mo'o 'khor bsam gyis mi khyab pa dang / gzhan yang shin tu gus pa'i bu mo'i 'khor 'di lta ste/ shin tu gus pa'i bu mo rta gdong ma zhes bya ba dang / shin tu gus pa'i bu mo phag gdong ma zhes bya ba dang / shin tu gus pa'i bu mo spre'u gdong ma zhes bya ba dang / shun tu gus pa'i bu mo thal byed ma la sogs pa shin tu gus pa'i bu mo'i 'khor dang / gzhan yang shin tu gsod pa chen po'i sras kyi 'khor la 'di lta ste/ shin tu gsod pa chen po dpal stag gi mgrin zhes bya ba dang / shin tu gsod pa chen po dpal g.yag gi mgrin zhes bya ba dang / shin tu gsod

  589. 295b

    pa chen po dpal sha ba'i mgrin zhes bya ba dang / shin tu gsod pa chen po dpal gzig gi mgrin zhes bya ba dang / shin tu gsod pa chen po dpal rta'i mgrin zhes bya ba dang / shin tu gsod pa chen po dpal sbyang ka'i mgrin zhes bya ba dang / shin tu gsod pa chen po dpal seng ge'i mgrin zhes bya ba dang / shin tu gsod pa chen po dpal dom gyi mgrin zhes bya ba dang / shin tu gsod pa chen po dpal phag gi mgrin zhes bya ba dang / shin tu gsod pa chen po dpal dred mo'i mgrin zhes bya ba dang / shan tu gsod ma chen mo rdo rje gsod ma zhes bya ba dang / shin tu gsod ma chen mo rdo rje dur khrod ces bya ba dang / shin tu gsod ma chen mo rdo rje gtun khung zhes bya ba dang / shin tu gsod ma chen mo rdo rje gtum mo zhes bya ba dang / shin tu gsod ma chen mo rdo rje 'dam snyems ma zhes bya ba dang / shin tu gsod ma chen mo rdo rje sgra 'byin ma zhes bya ba dang / shin tu gsod ma chen mo rdo rje za byed ma zhes bya ba dang / shin tu gsod ma chen mo rdo rje 'dren ma zhes bya ba dang / shin tu gsod ma chen mo rdo rje sbor ma zhes bya ba dang / shin tu gsod ma chen mo'i 'khor rab tu mang po rnams dang / de dag la sogs te rdul phra rab snyed dang thabs cig go/ yum rdo rje kun tu bzang mo sa nga sho ri kas kyang nyid kyi sku la rnam par 'khril te/ mdun gyis bltas nas thabs cig go/ de

  590. 296a

    nas bcom ldan 'das gsang ba mchog gi bdag po des chos thams cad dgongs pa mnyam pa nyid la shar bar mkhyen nas sku mnyam pa nyid mi dmigs pa zhes bya ba'i ngang la snyoms par zhugs so// gsung mnyam pa nyid mi dmigs pa zhes bya ba'i ngag la rnam par zhugs so// thugs mnyam pa nyid mi dmigs pa zhes bya ba'i ngang la rnam par bzhugs te/ 'jug pa'am/ ldog pa'am/ rnam par ldog pa dmigs so// de nas bcom ldan 'das gsang ba mchog gi bdag po des dbyings kyi ngang la mi g.yo bar brnal bzhin du yum rdo rje kun tu bzang mos stong pa nyid kyi glu 'di blangs te rnam par bskul to// yod med stong pa shin tu rnal 'byor mthus/ nam mkha' bzhin las dam tshig nye bar gshegs/ ye shes rgya mtsho rnam par grol ba'i klong / mi gnas mi dmigs nam mkha'i dbyings nas bzhengs/ zhes bskul nas/ bcom ldan 'das gsang ba mchog gi bdag po des chos thams cad byang chub sems la shar bar mkhyen nas stong pa nyid kyi ngang las rdo rje'i sku mngon du phyung ste/ dper na nam mkha' dang ba las zla ba dri ma med par shar ba lta bu'o// de nas yum sa nga sho ri ka la gzigs te/ 'dzum pa rnam par mdzad do// dper na nyi ma stong las 'od kyi zer bkye ba lta bu'o// de nas 'od kyi zer de dag las byang chub kyi

  591. 296b

    sprin mngon par 'khrigs te/ rol pa'i char mngon par phab pas rol pa sna tshogs kyi 'brug dang / rol pa sna tshogs kyi glog dang / rol pa sna tshogs kyi mchod pa dang / rol pa sna tshogs kyi gru dang / rol pa sna tshogs kyi gar dang / rol pa sna tshogs kyi rnga dang / dung dang ker kor dang gling bu dang rol pa sna tshogs kyi rgyan dang / rol pa sna tshogs kyi sgeg pa dang steg pa dang / 'khyud pa dang steng ba dang / sbyor ba dang bstim pa dang mnyes pa dang / rol pa sna tshogs kyis gsol ba dang myang ba dang / 'cha' ba dang bde ba dang / spro ba dang / 'jo ba dang / 'jug pa dang / rol pa sna tshogs kyi dga' ba chen po la 'jug pa rnam par mdzad do// de nas yum kun tu bzang mo des spyan zim bag gis rnam par 'dud pa'i tshul du bcom ldan 'das gsang ba mchog gi bdag po la rnam par bltas te/ rnal 'byor sbyor ba'i phyag lus kun du sa la brdabs nas rol pa chen po'i glu 'dis gsol ba btab bo// tshogs chen gnyis rdzogs thugs dam dbyings kyi lha// longs spyod rdzogs mdzad rol pa chen po'i sku// rdo rje sems dpa' skal bzang dpal khyod bdag/ thabs kyi rol pas bde chen dbyings nas bzhengs/ de nas bcom ldan 'das gsang ba mchog gi bdag po des glu des bskul bar thugs su chud nas/ bde ba chen po'i ngang de nas cho 'phrul chen po

  592. 297a

    rnam par bzhengs te/ rnam par 'gying ba dang / rnam par brjid pa dang / gar gyi phyag rgya chen po dang / rnam par bshad pa sna tshogs dang / zhabs kyi brkyang bskum dang / sku'i 'gyur bag dang / smin ris kyi 'bri ku ta bskur ba dang / sprul pa'i 'od zer gyis nam mkha' thams cad kun tu khyab par mdzad do// de nas thams cad dang thams cad la mtshan ma dang / rnam pa dang / yod pa dang / med pa thams cad la gsang ba mchog gi bdag po des kun la khyab par mdzad de/ de dag gi rang bzhin du rnam par gnas so// de nas rdo rje kun tu bzang mo de ngo mtshar du gyur te/ yang rnal 'byor pa'i phyag lus kun du sa la brdabs te/ cho 'phrul 'byung ba'i glu 'dis gsol ba btab bo// ye shes sgyu mas rnam par rol pa'i sgra// thabs dang shes rab che la mnga' brnyes pa'i// 'phags rje sprul pa mang po 'byung ba'i gnas// bde gshegs bde bar gshegs mdzad bzhengs su gsol/ de nas bcom ldan 'das gsang ba mchog gi bdag po des rdo rje rol pa'i de kho na nyid ces bya ba'i ting nge 'dzin la snyoms par zhugs nas cang mi gsung bar bzhugs so// de nas yum rdo rje kun du bzang mo dang / dam tshig chen po rdo rje sems dpa' la sogs pa 'khor shin tu mang po rnams ngo mtshar du gyur te/ de dag thams cad mgrin gcig tu rdo rje

  593. 297b

    rol pa de kho na'i glu 'dis bskul te gsol ba btab bo// e ma'o// yid bzhin sku mchog nam mkha' lta bu las// khyab pa'i byin brlabs rdo rje gar mdzad cing // gzi brjid sprin dpung rol pas bsgyings pa'i sku// thogs med rdo rje rol pa'i cho 'phrul ston// e ma'o// yid bzhin gsung mchog sgra brnyan lta bu las// snyan pa'i byin brlabs rdo rje brjod mdzad cing // yan lag rgya mtsho mi zad bkod pa'i gsung // seng+ge sgra yis gsang sngags rgya mtsho ston// e ma'o// ye shes snying po nyi ma lta bu las// ye shes byin brlabs rdo rje bde mdzad cing // thig le spros bral rnam par mi rtog zugs// rnam grol de nyid nges pa'i cho 'phrul ston// mi shes blun rmongs 'dam bying 'gro ba rnams/ sdug bsngal rgya mtshos bcings pa thabs kyis khrol// ma rig mun pas ldongs pa'i don gyis phye// 'khor ba'i rgya mtsho rol pa'i gru yis sgrol// de bzhin gshegs pa kun gyi thugs chen po// ye shes don gyi snying po mchog dang ldan// rnal 'byor theg chen rdo rje kun 'dus rgyud// 'dus pa'i tshogs la rgya cher bshad du gsol// a la la ho zhes nges par btung de gsol ba btab bo// de nas bcom ldan 'das gsang ba mchog gi bdag po des rdo rje rol pa de kho na nyid kyi glu des gsol ba btab pa mkhyen nas 'khor thams cad la rnam par gzigs te 'dzum pa mdzad

  594. 298a

    do// 'dzum pa mdzad pas thugs rnam par dag pa'i klong nas rig pa'i nyi ma brjod kyis mi lang ba'i yang mi lang ba'i 'od zer dang bcas pa 'byams klas pa khyab bshad par mdzad do// 'od zer de dag re re las rdo rje he ru ka rab tu mang ba'i tshogs bshad par mdzad do// de dag re re las kyang sangs rgyas 'bum phrag 'khor so so'i zhabs 'bring bcas pa lhun gyis grub par mdzad do// de dag las rig pa'i nyi ma'i char mngon par phab pas mun pa'i klong thams cad gsal bar mdzad do// rig pa'i chos kyi 'brug sgra dang / rig pa'i chos kyi char dang / rig pa'i chos kyi glu sna tshogs dang / gar sna tshogs dang / rig pa'i chos kyi mchod pa sna tshogs byung ste/ 'byam klas pa'i nam mkha' la sgra sna tshogs phan tshun dang / yan man dang / snrel zhi la sogs pa thams cad du khyab par ling long phyed par byung ngo // mchod pa'i char yang mngon par phab/ rmad du byung ba'i sku bsam gyis mi khyad pa yang ling long phyed rmad du byung ba'i thugs kyang lhang nge'o// rmad du byung ba'i gsung bsam gyis mi khyab pa yang a la la ho zhes sgra sgrogs/ sangs rgyas 'bum phrag kyang gsung dbyangs bsam gyis mi khyab pa'i sgra gcig tu/ e ma'o rmad du byung rol pa'i chos kyi don byung ngo zhes sgrogs/ 'khor 'bum phrag dang gdul bya sna tshogs spo ba'i ngo mtshar skyed//

  595. 298b

    rig pa'i rtsal sbyangs don gyi che ba phyung / ngam zhing ngo mtshar bar gyur te thams cad nye bar gnas so// de nas yang bcom ldan 'das gsang ba mchog gi bdag po des 'khor rnam par sbyor ba'i rdo rje rgyan zhes bya ba'i ting nge 'dzin la snyoms par zhugs so// snyoms par zhugs nas/ rdo rje sngags kyi tshig 'di gsungs so// hUM hUM hUM rdo rje 'du bar bsdus pa yi// dam tshig chen po'i rig 'dzin rnams// bla 'og rim pa ji bzhin du// rdo rje gsang ba'i gral 'khod de// rigs ma yin par rigs min 'gyur// skal ba bzang po'i dam tshig 'di// skal ba ngan la 'bab mi 'gyur// de las 'das na di rlag byed// hUM kro d+ha dza la sa ma ya/ rak+Sha dza la sa ma ya/ yak+Sha dza la sa ma ya/ tsit+ta dza la sa ma ya zhes gsungs pa tsam gyis zhal ljags kyi dbang po 'od me dpung chen po las khro bo 'od kyi phreng ba 'bar ba dang / srin po 'od kyi phreng ba 'bar ba dang / gnod sbyin 'od kyi phreng ba 'khrug pa dang / za byed 'od kyi phreng ba 'bar ba brgyad mar byung bas ru tra can dang / bdud dang / srin mo dang / gnod sbyin dang / srin po dang / 'jug sred dang / sred med dang / dbang phyug dang / stobs ldan dang / spre'u dang / ra dang / lu 'di dang / sbrang ma dang / bya rog dang / me khyer dang / 'khor ba dang / chu dang / sa dang / nam mkha' dang / me dang / sgra dang / bsam ngan la

  596. 299a

    sogs pa brlag ste/ mi gnas par gyur cing rmad du byung ba nyid du mdzad do// de nas 'od zer de dag mkha' la 'khyil ba dang / 'khor mang po dag shin tu sgra ste gsol ba btab pa/ e ma'o// ma bdag cag bcom ldan 'das kyis byin gyis brlab tu gsol zhes gsol ba btab pa las/ bcom ldan 'das gsang ba mchog gi bdag po des zhal gyi mdangs phyung ste/ 'od zer de dag ye shes kyi 'od zhi zhing 'khyil ba dang / mdzes shing bde ba dang ldan pas thams cad rangs par byas pas snod rung bar rnam par sbyangs nas 'od de dag 'od kyi gnas su thim par gyur to// de nas bcom ldan 'das gsang ba mchog gi bdag gi bdag po des mi gnas pa'i ye shes chen po'i klong nas nges par bzhengs nas seng+ge rnam par rgyal ba'i sgra lta bus don gyi bkod pa/ gsang ba'i nges pa/ rgyud kyi 'grel ba/ rtags kyi rol pa/ rdo rje rnam par bsgyings pa'i gzhung chen po sgra 'dis bshad do// a o au/ sa ma ya/ a d+hi/ gu h+ya/ pu ti a ho ku la ma tong byid ta pa dra a mo g+ha I shwa ra sa ya na/ gu ti a la la ho zhes cang mi gsungs ngo // kun tu mi gsung / rab tu mi gsung / gsungs pa mi 'gog 'gog pa ma yin/ ma gsung pa nyid na rgya cher bshad pa'i ngo bor bzhugs so// rnam par bzhugs nas dam tshig chen po rdo rje sems dpa' la

  597. 299b

    zhal gzigs te/ 'dzum pas bskul ba rnam par mdzad do// de nas dam tshig chen po rdo rje sems dpa' des bskul bar rnam par rig nas rang gi stan las langs nas/ rang gi mtshan ma gnas lngar reg par byas nas lce pad+ma'i steng du bzhag nas/ lus sa la brdabs pa'i phyag rnal 'byor gyi lugs su byas nas/ seng+ge'i lta stangs kyis byas nas ston pa'i zhal du bltas te/ rdo rje rgyal po tshogs bdag dgongs su gsol// chos kyi rgyal po mi g.yo rgyal tshul mdzad// rgyal mchog rgyal po chos kyi rgyal po'i mthus// 'dus pa'i tshogs la rgya cher bshad du gsol// a la la ho zhes gsol ba btab pa las/ bcom ldan 'das gsang ba mchog gi bdag po des rdo rje las kyi bka' ba de byin gyis brlab pa'i phyir rdo rje rnam par spro ba zhes bya'i ting nge 'dzin la snyoms par zhugs nas 'di skad ces bka' stsal to// badz+ra karma tsakra sa twa raM/ zhes gsungs te/ rdo rje rgya gram gyi 'khor lo gcig sems dpa' rdo rje'i lag tu babs par gyur nas las kyi rdo rje'i dbang thob par gyur te/ rnam par rol pa chen po shin tu bla bkyal ba'i spobs pa can du gyur to// byin gyis brlabs nas kun tu mi gzo ba rab tu bag dang ldan par chen por gyur to// de nas sems dpa' rdo rje nges las kyi mtshan ma de lag tu blangs te/ stabs sna tshogs dang / gar dang / glu sna tshogs

  598. 300a

    rdo rje tshig tu len cing rdo rje rgya gram las kyi 'khor lo de lan rnam pa bcu gnyis su bskor nas grangs gnyis dang lnga bsgyur bas/ zhing khams mtha' dag rnam par g.yos te/ g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldeg kun tu rab tu ldeg 'khrugs/ rab tu 'khrugs/ kun tu rab tu 'khrugs/ 'ur rab tu 'ur/ kun du rab tu 'ur/ chem rab tu chem/ kun du rab tu chem par gyur te/ zhing khams thams cad ni gsang ba'i dkyil 'khor sha stag tu gyur/ bcud yul thams cad ni phyag rgya chen por gyur/ rnam par rngam pa'i tshul gyis ston pa'i mdun logs su seng+ge rdo rjes mtshan ma'i gdan la 'gying bag gi tshul gyis rnam par gnas so// de nas 'dus pa'i 'khor tshogs phal mo che rnams kyis bcom ldan 'das la 'di skad ces gsol to// e ma bcom ldan 'das sems dpa' rdo rje 'di ni 'di ltar mthu che ba/ 'di ltar byin rlabs che ba/ 'dir ltar rgya che ba/ 'di ltar mkhas pa/ 'di ltar gsal zhing zab pa ni bcom ldan 'das kyi thugs las skyes pa lags so// zhes gsol pa dang / bcom ldan 'das kyis bka' stsal ba/ 'dus pa chen po'i tshogs sems dpa' rdo rje 'di ni byang chub sems thams cad kyi phyi mo// snying rje thams cad kyi bdag

  599. 300b

    po// sangs rgyas thams cad kyi rje btsun// byang chub sems dpa' rig pa 'dzin pa thams cad kyi yab// rnal 'byor pa thams cad kyi mes chen po// mya ngan las 'das pa thams cad kyi ded dpon// bdud thams cad kyi yang bdud chen po// chos thams cad kyi mdzod// ye shes thams cad kyi 'byung gnas chen por gyur pa yin no// de ci'i phyir zhe na/ thog ma dang tha ma med pa mnyam pa'i dus/ pha mtha' las kyang pha mtha'/ dpag tu med cing bsam du med pa/ 'byam klas pa'i dus nas bya ba byas shing byed pa byas pa/ mngon par rdzogs par sangs rgyas pa yin te/ chos thams cad kyi rang bzhin du sbyong zhing gnas pas na/ rgyal ba thams cad kyi thugs las skyes shing thams cad kyi yab tu gyur pa yin te/ de 'dra'o zhes bka' stsal pa las 'dus pa'i 'khor thams cad ngo mtshar du gyur te/ bcom ldan 'das 'dis ni 'di ltar ngo mtshar lags so// bde bar gshegs pa 'di ngo mtshar lags so// sems dpa' rdo rje dam pa la logs su btud de lus sa la brdabs pa'i phyag rnal 'byor lugs su byas te/ rmad du byung ba'i me tog dang / tshogs kyi mchod pa sna tshogs byas te/ 'di ltar rmad byung ngo mtshar khyod// sangs rgyas thugs las rgyal skyes pa// ci ltar zhing 'dir snang zhig gu// rnal 'byor yab gyur rgyal ba'i sras// ngo mtshar khyod

  600. 301a

    kyis spyod pas na// bka' yi 'khor lo rab bskor ba// sgrub pa'i lam mchog dam pa dag/ tshig gis mtshon de gsal bar mdzod// a la la ho zhes gsol ba btab bo// de nas dam pa rdo rjes rdo rje bskor te bsgyur nas brjid bag tu tshig tu mtshon te smras pa/ oM AMHhUM/ a la la ho// rgyal ba'i sras bos cang mi gsung // mi gsung bas ni rgya cher bshad// bshad du med pa'i chos 'di ni// rgyal ba rnams kyis ma bshad de// de ltar ston pa'i rgyal mchog kyang // rnam par brjod par mi bzhed de// rgyal cher bshad par dgongs pa'o// skye ba med pa'i chos rnams ni// ma skyes par yang snying por bzhed// snying po'i don du gang gyur pa// tshig tu smra ba legs ma yin// spros pa nyid na gol ba zhes// rgyal ba rnams kyis yang dag bshad// de bas rdo rje rgyal po nyid// bka' ma stsal bar dgongs pa'o// dgongs pa'i don rnams gang 'byin pa// ji ltar me long gzugs brnyan ltar// dgongs don rig la snang gyur pa// ma skyes snying po'i don gyis na// tshig tu spros par ma yin na'ang // mtshan ma tshig gi rnal 'byor pa// tshig la zhib cing don la rtsir// tshig phyir blo 'brang rtsal zhan rnams// bkra phyir bsam par rangs bya ba// mi dmigs pa las dmigs pa yi// cho 'phrul tshig gis mtshon pa ni// bder gshegs rgyal ba kun gyi thugs// gsang

  601. 301b

    ba de nyid snying po'i don// mnyam nyid byang chub theg chen po// gsal bar bkod de nges brjod kyis// rgya chen 'dus pa'i chos rnams nyon// nga ni dus gsum bzhugs pa yi// rgyal ba kun gyi snying po ste/ stong par sbas pa'i don 'di la// dpes mtshon tshig gi lde mig gis// mnyam pa nyid rig pa'i sgo dbye byas// sbas pa'i don 'byin gsal byed pa// sA lu phub khrod snang me bzhin// bsal bteg snang rnyed sa ler 'dug/ zab mor spyod pa la mos pas// gang zhig don la 'dris pa yi// gsang sngags spyod pa'i rang bzhin ni// mthun pa'i dmigs bcu dper bzhag ste// rnal 'byor can gyis shes par bya// sgyu ma smig rgyu rmi lam dang / gzugs brnyan dri za grong khyer dang // brag ca chu zla mig yor dang // chu bur 'khrul dang mgal mer snang // sgrub dang gsang sngags spyod pa dang // grub pa dang ni gnas dag dang // bzlas pa'i sgra dang phyag rgyar rtog/ ting 'dzin lta ba cho 'phrul brtag/ ji ltar sgyu ma'i mtshan nyid ni// skyes bu dag gi rtsol ba dang // sman dang sngags kyi sbyor ba las// dbang po yid 'phrog cir snang yang // de la 'gro 'ong ga la yod// de ltar sgrub pa'i mtshan nyid kyang // yig 'bru rdzas kyi sbyor ba las// grub par snang yang rang bzhin med// ji ltar smig rgyu'i mtshan nyid ni// zhing pa'i dus kyi zla ba la// drod dang nyi ma'i sbyor ba

  602. 302a

    las// byis pa gdungs pa'i rang bzhin gyis// chu yi 'du shes ci bskyed kyang // tshim pa'i rgyud ni ga la 'gyur// gsang sngags ming gi khyad par yang // rang bzhin mi dmigs stong pa la// mtshan ma'i tha snyad ming du btags// de nyid stong pas ming mi dmigs// dper na rmi lam rang bzhin ni// skyes bu gnyid kyi dbang gyur na// thang cig skad cig yud tsam dang / lo la logs pa de bzhin du// bde dang sdug bsngal de bzhin myong // sangs nas ci yang mi dmigs ltar// de bzhin sngags kyi spyod pa dag/ stong ma nyid kyi rang bzhin la// spyod pa'i rnam pa cir snang yang // brtags na dmigs pa kun dang bral// gzugs brnyan snang ba'i mtshan nyid ni// dper na gdong dang me long las// brten nas bzhin gyi gzugs byung yang // reg par gyur pa ga la yod// de bzhin sngags kyi dngos grub kyang // sgrub dang ting 'dzin yo byad las// brten nas dngos grub tshul byung yang // gsol thob dmigs pa la ga yod// dri za gnas pa'i rang bzhin ni// mkha' 'am yid kyi mkha' ngos la// dri za'i gzugs ni gar byung yang // grong khyer de yang de nas byung // byung nas de yang mi rtag ltar// gsang sngags grub pa'i gnas dag kyang // chos sam yid kyi mkha' ngos la// rnal 'byor gsang bdag gang bskyed par// de nyid gnas

  603. 302b

    pa'i gzhal med khang // byung yang de la gnas mi 'gyur// brag ca grags pa'i mtshan ma ni// dper na ngos la sgras rkyen pas/ ci bzhin sgra ltar brag ca 'byung // byung yang sgrar thos dmigs pa med// de bzhin sngags tshig bzlas pa'i sgra// dper na med las yod brtags pa'i// mtshan ma la brten stong pa'i sgra// brjod pa tsam du bstan par zad// ji ltar chu yi zla ba ni// sgrib med mkha' las zla shar ba/ gzugs brnyan dang ba'i chu nang snang // snang yang gzung ba'i rtog med pa// de bzhin gzugs snang phyag rgya yang // sems kyi mkha' las skur gsal ba// phyag rgya rig 'dzin ngo la snang // de ltar snang yang 'dzin rtog bral// ji ltar char gyi rgyun bzhin du// chu las chu bur rnam par 'gyur// de yang gcig gi rnam pa las// mang po'i rnam grangs du ma 'byung // sdud cing phyir yang dum bur 'chad// de bzhin rnal 'byor sgrub pa yi// ting 'dzin rnam pa mang por 'dod// 'khrul pa snang ba'i rang bzhin ni// spros bral dngos po stong pa las// srog dang shed can byed pa po// sems can pa la sogs par snang // mig nad ngo la rdzas ltar snang // 'khrul pa kho na snang bar zad// de bzhin sngags kyi lta ba yang // cho 'phrul mang po cir 'phrul ba/ snang ba med pa'i rang bzhin la// 'khrul pa sna tshogs snang bar zad// rnal 'byor can gyis de ltar

  604. 303a

    lha// ji ltar mgal me'i rang bzhin ni// gang dag lag na mgal med thogs// bskor na 'khor lo'i rgyun ltar snang // de la 'khor lo'i rang bzhin med// de bzhin sngags kyi cho 'phrul yang // mi mnyam mnyam pa'i rang bzhin las// ji ltar dmigs pa'i don 'byung ste// cho 'phrul sna tshogs rgyun mi 'chad// de phyir mtshan ma'i chos thams cad// mtshan med ngang du gcig pas na// rtog pa'i bag chags ci/ 'byung yang // chos kun dbyings su gcig pa'i phyir// rtog 'jug spros pa'i mtshan ma kun// ma byung ma skyes dbyings nyid la// g.yos pa med cing cho 'phrul 'byung // yon tan sna tshogs cher 'byung ba'i// gter gyi dbyig 'di gang mthong ba// sangs rgyas kun gyi yon tan yang // skad cig gcig la de la 'dus// de bas yid bzhin rin chen 'di// ldog pa med pas dang du blang // don dam yang dag gter gyi mchod// rnal 'byor kun gyi nor mchog ste// gang rtogs de 'thob gcig pu nyid// 'brel med gzhan gyis thob par dka'// bdag med gnyis bral bde chen klong // sangs rgyas kun gyi bde ba che// ye nas lhun grub 'dus ma byas// thig le chos nyid ye 'byam pas/ kun khyab bdal bas snying por 'dus// mi dmigs spros bral byang chub sems// zab mor snang ba'i nges don 'di// mkha' la mdud 'drar gting

  605. 303b

    dpag dka'// rnal 'byor dmigs ldan blo chung zhing // gang zhig rtsal zhan de rtog pa// g.yor mo'i tshul du bdag brtag pa// brtags kyang rtogs par mi 'gyur ro// dper na nyi ma'i snying po la// mig gi dbang pos rab brtags na// de brtags don de mi rtogs kyi// 'od kyi zer gyis mi rdzi 'gyur// de 'drar byis pa'i rang bzhin gyis// zab mo'i don la cir brtags kyang // yang dag don de mi mthong gi/ blo zhan byis pa ga chad brgya la// brtag tu med pa'i chos rnams ni// rtog pa can gyi mi rtogs te// gang zhig de don mi rtogs phyir// g.yang sa ltung ba ci cha yod// gdod nas ma thos shin tu dge/ bsam dang bral bas de bzhin gzhag/ mi brtags bzhag pa'i chos 'di gang // byis pa rnams la ngas ma bstan// bstan kyang go bar mi 'gyur te// bstan du med cing go bar dka'// tshig gis brjod pa kun dang bral// 'di zhes bstan du ga la yod// med pas bstan pa'i dmigs mi phyed// mi dmigs chos la blo sbyangs shing // yid kyi me long gsal byas na// nam mkha' dag la rab brtags na// snang ba med pa'i rang bzhin ni// nam mkha' lta bur de nyid 'gyur// cho nyid nam mkha' lta bu ste// nam mkha' la yang mtshan nyid med// nam mkha' gang ming rjod byed pa// brjod pa de nyid dngos po ste// dngos po de yi ming brjod

  606. 304a

    kyang // nam mkha' de la 'gags mi 'gyur// de bzhin mi rtogs rjod byed pa// brjod pa de nyid rnam rtog ste// rnam rtog de yi ming brjod kyang // mi rtog de la 'gag mi 'gyur// de 'drar sems kyang de ltar blta// sems nyid gzhan du ma grub ste// de bzhin chos kyang grub ma yin// sems dang chos nyid gnyis med de// sems nyid gang yin chos nyid de// chos nyid kyang ni de bzhin no// chos sems gnyis med ldan gyur pa// bla med byang chub chen por bshad// sems ni nam mkha' lta bur ste/ rnam par rtog bral gang mi rtogs// de bzhin sa gzhi chen po ltar// bla med byang chub myu gu skyed// me yi rang bzhin ltar snang bas// rmongs pa'i bud shing sreg par byed// rlung gi rang bzhin yin pas na// mi shes pa yi rdul kun sel// chu yi rang bzhin yin pas na// nyon mongs gdung ba kun sim byed// sman gyi rang bzhin yin pas na// 'khor ba'i gcong rnying rnam par 'byin// de ltar rtsi yi rang bzhin pas// 'tsho ba rnams kyi gsos su 'bab// de bzhin rno dpal rang bzhin pas// sdug bsngal rgya mtsho rnam par gcod// nyi ma lta bur snang ba yis// mun khang snang ston sel bar byed// ri rab lta bu'i rang bzhin pas// brtan po mi 'gyur g.yo ba med// rgya mtsho lta bu'i rang bzhin pas// mi g.yo ba la byin brlabs che// sems ni 'di ltar

  607. 304b

    cho 'phrul bas// de phyir 'khor dang mya ngan 'das// gnyis su snang ba ma yin te// sems kyi rang bzhin bzang ngan las// gnyis kyi 'du shes phye ste bstan// sems las yang dag ye shes 'byung // de bzhin bde dang sdug bsngal 'byung // chos dang sangs rgyas ye shes 'byung // dge 'dun yang ni de bzhin no// 'di las pha rol phyin tshogs dang // byang chub dang ni pad+mo 'byung // 'di las rdo rje sems dpa' dang / dri med rin chen dpa' sbyin 'byung // de bzhin rdo rje dpag med dang // sna tshogs rgyal ba 'di las 'byung // 'di las phyag rgya sna tshogs dang // rig pa'i snying po thams cad 'byung // 'di las 'dod chags zhe sdang dang // sdug bsngal nga rgyal phrag dog 'byung // gti mug dag kyang de bzhin te// 'di las khams gsum thams cad dang // skyes pa bud med ma ning 'byung // 'di las 'dod dang 'dod gzir dang // nyon mongs gdung 'dod chags pa 'byung // ri dang skye bo de bzhin du// nam mkha' dang ni rlung dag dang // sreg pa'i me ni rab tu 'byung // 'di las sa dang chu dang ni// rdo dang sa bon myu gu 'byung // de bzhin glog dang skar ma dang // nyi ma zla ba sprin rnams 'byung // de bzhin spyod dang mi spyod kun// thams cad thams cad 'byung bar 'gyur// dper na nam mkha'i rang bzhin las// sprin dang na bun khug rlangs dang // zla ba

  608. 305a

    nyi ma skar tshogs dag/ snang yang nam mkha' bzhin du gnas// de bzhin sems kyi nam mkha' las// mtshan ma'i cho 'phrul ci byung yang // chos nyid nam mkha' bzhi gnas par// rnal 'byor can gyis blta bar bya// de lta bu yi sems nyid ni// rtogs dang ma rtogs rang bzhin la// lta ba'i khyad par so sor blta// rtog pa can gyi ngo ga la// rtog pa khrul ba'i ngo bor snang // kun tu nyer 'jog lam tshor la// kun tu rdul gyi phung po snang // tshogs spyod snying rje nyer 'jog la// thams cad sgyu ma'i rang bzhin ltar// de nyid mnyam par shes gnas na// nam mkha'i rang bzhin mthong bar gnas// ye shes rang snang nam mkha' la// nam mkha' nyid du snang bar zad// brjod bral mthong med dmigs dang bral// mthong ba med pa'i don 'di ni// sngon gyi rgyal ba rnams kyis bshad// bde gshegs snying po byang chub la// dgongs pa 'di las gang mi mnga'// lta ba de dang ldan bzhin du// dam tshig nam mkha' lta bu la// bsrung dang mi bsrung phyogs dang bral// 'di'o zhes ni bsrung du med// bsrung ba'i rnam grangs ji snyed cig/ dus gsum rgyal bas gsungs mod kyang // bsrung ba'i mdo ni gcig tu 'dus// nam mkha' lta bu'i rnal 'byor pas// nam mkha' 'dra ba'i dam tshig bsrung // de yang bsrung du med na bde// gzhan

  609. 305b

    pa theg pa chung ba rnams// bsrung ba'i mtshams dag bsrung nas ni// skyon yon chos la blang dor byed// bsrung dang bral ba'i chos rnams ni// bsrung du med pas de bzhin gzhag/ de bzhin pa yi dam tshig la// ji bzhin pa yi blo gzhag ste// brjed pa med pa'i sems nyid kyis// bsrung ba med pa'i ngang du bsdam// bsrung med nam mkha'i dam tshig 'di/ ji ltar grags pa'i rang bzhin la// sdom dang tshul khrims so sor snang // byis pa rnams ni tha tshig sdom// bden gnyis rgyu la ston par grags// bla med mchog la dam tshig spyod// gcig gi don las ma g.yos kyang // 'dul dbang ngo la so sor grags/ kho na nyid ldan dam tshig mchog/ de dag gang ldan dam pa ste// de las 'das na 'tshig par 'gyur// de phyir dam tshig chen po ni// nam mkha' 'dra bar dpa' bos bshad// rgyal ba dpa' bo thams cad la// dam tshig 'di las yong mi mnga'// spyod pa dag gi khyad par yang // chos nyid bya btsal kun bral la// bsgrub par sgrub pa'i dmigs pa med// 'khrul pa gcod pa'i skye bo dag/ dmigs med byang chub bde chen la// sdug bsngal rtsol sems bcug pas nor// bya ba med pa'i chos nyid la// nyon mongs bya med spyad pas khrul// rang byung lhun grub gnas bzhin du// byis pa'i spyod pas ci btsal dgos// gang zhing 'dod de ci zhig

  610. 306a

    sgrub// ci spyad ci bsgrubs ci btsal yang // sdug bsngal nyid de byang chub med// dmyal ba sangs rgyas chen po la// sdug bsngal byang chub lam nyid de// nyan thos rang rgyal sa gnyis dang // theg pa'i khyad par ci bstan pa// byed rtsol bcas pa thams cad 'khrul// bla med byang chub gegs su ched// gang zhig btsal med bde chen don// sems kyi klong 'dis ma mthong na// sgrub dang rtsol ba ci spyad kyang // byis pa don med gyi na 'khyam// btsam med du pa'i rang bzhin la// rtsol ba'i spyod pas ci zhig bya// 'dzin pa med pa'i chos nyid la// tshig 'dzin nor ba'i rtsol byar med// bgrod du med pa'i chos nyid la// bgrod pa'i dkyil 'khor ming dang bral/ bsam du med pa'i chos nyid la// rtog sems bsam pa'i dmigs dang bral// btsal med pa yi chos nyid la// btsal med ye nas lhun gyis grub// mtha' dbus med pas gdal ba che// phyi nang med pas ye gsal khyab// skyon yon med par lhun gyis rdzogs// bsgrub du med pas btsal sems bral// gzung du med pas dmigs dang bral// thams cad mkhyen pas byin brlabs che// gdod nas byang chub snying por gnas// spyod pa'i khyad par 'di ltar bu// des na gcig las med bzhin du// spyod mthun rtsol ba'i rang bzhin la// rnam rtog spyod pa so sor snang // 'khrul

  611. 306b

    pa thams cad 'khor bar spyod// rgyu 'bras mi slu bden don spyod// mi dmigs pa la nam mkhar spyod// de ltar spyod la kun spyod kyang // dam pa'i don de spyod mchog nyid// dam par gyur pa thams cad la// dam pa'i spyod pa de las med// skyes bu mchog gis de skad bshad// the tshom med par shes par gyis// ma bcos byang chub de bzhin nyid// bsgom du med pa'i chos nyid la// bsgom pa dmigs su med pa ste// ting 'dzin zhes ni gdags su med// bsgoms kyang rnyed pa ma yin la// de bzhin ma bsgoms stor ba med// bsgom chos sna tshogs cir snang yang // bsgoms nas de yi ngag mi gnas// de bas byis pa'i spyod yul yin// dper na byis pa'i rang bzhin gyis// sa la sogs pa gzugs sna tshogs// mdzes par byas nas skad cig mthong // mthong ba nyid na ma grub ste// skad cig kho nas zhig gyur nas// sa la sogs pa'i rdul du snang // de bzhin rnal 'byor byis pa yis// gzugs la sogs pa sna tshogs bsgom// sems kyi bye brag skad cig la// yid kyi rgyu ba sna tshogs 'byung // byung ba bzhin du de ma grub// sems kyi skad cig dran pa la// yid kyi dmigs pa rgyun chad nas// byung tshor chad pa'i mtha' spangs te// chos rnams nam mkha' lta bur ni// brjod med rgyun mi 'chad par dmigs// de don phyin ci ma log par// brjed med ting

  612. 307a

    'dzin sgom pa'i mchog/ ci phyir chos kyi dbyings nyid ni// nam mkha' lta bur 'dus ma byas// bsam du med pas nam mkha' 'dra// brjod du med pas gzugs dang bral// kun gzhi kun tu nam mkha' la// yid ni mkha' la nyi shar 'dra// rnam shes nyon mongs sprin gyis khebs// 'du bya rlung gis kun bskyod de/ gsal dang byung 'jug sangs dang 'gag/ rnam shes mtshan ma'i rtog pa yis// kun gzhi nam mkha' mthong mi ster// kun gzhi mthong nyid chos sku ste// 'di don nam mkha' ma brjed pa// ting 'dzin chen po rgyun mi 'chad// gang zhig 'di don yid 'chang ba// gzugs kyi dngos po ci snang yang // sems ni ye nas mya ngan 'das// bde chen sangs rgyas thams cad la// dgongs pa 'di las yong mi mnga'// snang ba med pa'i nam mkha' 'di// ting 'dzin chen por gnas bzhin du// 'di las glags te ci zhig tshol// rgyal bas btsal kyang yong mi rnyed// 'dis la gzhan du gang tshol ba// btsal ba nyid na tshe chad 'gyur// gzhan nam dman pa'i sgo rnams ni// ting 'dzin med pa'i chos nyid la// 'dzin pa'i ting 'dzin bcug pas nor// de dag la ni gang spyod rnams// then tsher mig ni nam mkha' la// phra rab then thag 'dzud pa ltar// byis pa las gang byed pa de// shed can dag gis byar mi rung // shed can spyod

  613. 307b

    pa'i nam mkha' de// then tsher nam mkhar shong mi 'gyur// des pas gzhan la bstan pa min// bstan na byis pa ga chad 'gyur// chos nyid nam mkha' lta bu'i dngos// gsal bar 'od stong nyi mas 'grub// byin brlabs 'od kyi zer phreng tsam// sgyu ma ltar snang mtshan mar thob// mi g.yo mtshan med rang bzhin dngos// skye med sems kyis ma mthong ba// byis pa 'drid pa'i rtsed mor snang // dngos grub chen po'i sems nyid de// yid bzhin 'byung bar rin po che// ji ltar dmigs shing bsgyur bar 'gyur// grub pa don chen thams cad rdzogs// sems kyis sems kyi tshul mthong na// dngos grub ces de dag las 'ong // gang gis stsol te su yis blang // stsal dang stsol bar byed mi dmigs// dper na chu dang me long dang // mkha' dang ral gri shel la sogs// gsal bar byed pa'i rang bzhin la// rnyog med la sogs bltas gsal ba// chu la sogs pa'i rang bzhin yin// de la ngo mtshar che mi 'byung // sems kyi chu gsal nam mkha' la// nyon mongs sprin gyis rnyog med na// dngos grub nyi zla skar tshogs bkram// sgrib med byin brlabs ngang gis 'tshar// kun gzhi nam mkha'i snying po de/ nyon mongs sprin gyis gting spungs pa// shes rab rlung gis ma gtor bar// ga zha mkhan gyi spro 'dri yis// sgrib bsal chos nyid gsal 'dod

  614. 308a

    pa// ji ltar chus gsher byis pa dag/ nyi ma sprin ldan grib ma yis// shin tu bsgrigs par gyur pa na// sprin chen 'dus pa'i phung po la/ kha yi dbugs kyis bus byas na// sprin gsal nyi 'od gsal 'dod 'dra// de phyir rnal 'byor dbang phyug gis// sems nyid don la rnam brtags te// kun gzhi rtsa ba shes par bya// sems nyid de la bltas gsal ba// rtsa ba dang ni gang ldan pa// dus dang tshigs dang lor gyur yang // yal ga lo 'dab 'bras bur bskrun// rtsa ba'i sa bon med mi 'gyur// ci ltar sbyor ba'i rnal 'byor rnams// nan gyis mtshan pa'i dngos grub dag/ byis pa'i sems kyis blang 'dod na/ de yang mtshan mas de rangs 'gyur/ dper na me yi rang bzhin dag sa dang nags tshal sreg byed pa/ rgyu rnams tshogs pa'i bden pa las/ med las yod pa'i bden par snang / de ltar mtshan ma'i rnal 'byor yang // mtshan ma'i cho 'phrul thob 'dod pa// mtshan ma'i rgyu rnams tshogs pa las// mtshan ma rangs pa'i mtshan mar snang // shin tu skar ma rgyan rnams la// byang chub spyod pa cher spyod pa'i// dam pa'i don la cher migs pas// gsang mchog rig pa'i dngos grub myur// mtshan mar mi rtog rang bzhin gyis// zab mo don chen go ba ni// nges pa'i don gyis thag gcad de// mnyam pa'i don la yid ches bya// ji ltar

  615. 308b

    mkha' la tshig tsam du// ngang du brjod pas rjod byed kyi// brjod pa'i tha snyad dang bral bas// ji ltar 'khrigs kyi smig rgyu dag/ snang ba nyid na med pa ltar// chos so cog gi rang bzhin gsal// gsal ba nyid na de mi dmigs// thabs chen gting zab shes rab lam// spros bral mtshan ma'i 'phrang las 'das// gtos ches yangs pas lam gnyis bral// dbus mtha' mi dmigs mnyam pa'i lam// gcig tu mnyam par chud nas ni// yul med tshol ba'i sems bral de// blang dor gnyis kyi mtha' spangs nas/ gnas pa med pa'i tshul gyis gnas// chos nyid dbyings su ro gcig phyir// shes dang shes bya gnyis med de/ ye nas shes nyid chos shes na// chos nyid gzhan nas btsal ci dgos// dper na sgyu ma'i bde sdug kyang / bsal nas gnyi ga mi dmigs ltar// 'khor ba 'gyur ba'i bde sdug kyang // mnyam par rang bzhin don gyis mnyam// ji ltar dus rnams thams cad dag/ mnyam pa nyid du rtogs nas ni// sgros tshig rjes su ma 'brangs na// mnyam 'gyur dus rnams ga la dmigs// mkha' la ngang gis gzugs med phyir// dmigs su zin par mi 'gyur bzhin// sems kyis ma skyes don mi dpogs// skyon dang yon tan gnyis 'byed pa// rtogs nas gnyis kyi don spangs te// rang bzhin mnyam par don bzhag na// bsgom

  616. 309a

    zhes ming du brjod par zad// gnyis su lta ba ma skyes phyir// gnyis kyis 'du shes ci byung yang // rang byung zhi ba ma bkag chos// ye nas ma bcos don gyis gsal// ma skyes rnam dag byang chub sems// mi gnas ye shes thugs dang mnyam// rig dang ma rig khyad par las// 'khor 'das rten dang 'brel bar snang // rnam rtog med phyir zhi ba med// 'dzin par ma yin spros bral min// drang ba'i don bstan ma gtogs par// don la tshig gis brjod du med// snang yang med pa'i rang bzhin la// shes blo yod pa'i sems mi 'byung // mnyam nyid stong pa'i don 'di la// don ldan stong pa'i sgro mi 'dogs// ma bcos rang bzhin zhi ba yi// mtshan ma'i rtog bral shes ldan pas// med do tsam du'ang mi dmigs na// byung tshor 'dzin par ga la 'gyur// thams cad mi gnas byang chub pas// btsal nas grub pa ma yin yang // sgyu ma sangs nas 'khrul bral bzhin// spros bral ye shes snying por gnas// 'khor bar rtogs pa dug yin te// 'khor ba'i sdug bsngal mi shes na// dug 'thungs bde ba ga las 'ong // sbyar legs dug nyid sman du 'gyur// 'khor ba'i las rnams de ltar snang // 'khrul snang dug gzer bzod dka' ltar// ma rig 'khor ba'i sdug bsngal snang // rmi lam sgyu 'phrul mi zad pas// shin tu

  617. 309b

    nyam thag gdungs pa'i tshe// 'chi bdag bdud kyis zin 'dra la// mgon btsun gzhan gyis mi phan te// bdud sel rtsi dang 'dra bar ni// yang dag lam mchog rtog par bya// dug nad smyo sangs 'byang ba la// skad cig ma la mi bzod cing // sman dang sman pa'i stsol bsgrubs pa// sangs nas de dag mi dmigs ltar// 'khor ba mi dmigs 'khrul pa la// rmi lam nas sel rtsol sgrub ltar// sgrub dang ting 'dzin rtsol byed kyang // 'khor ba stong rtogs nyid byang chub// sgyu ma rgyu 'bras mi slu bzhin// blun rmongs ngo la de ltar snang // mnyam nyid rig pa'i rtsal can dag/ 'khor ba 'khrul ba'i tshig tsam du// ma nor lam rig blo la gsal// de la rtsol thob rlom sems med// sems nyid don dang ma mnyam na// tshig gis mnyam pas don mi dpogs// 'khrul 'khor mnyam las ma g.yos kyang // log rtogs sgyu ma'i tshul tsam snang // sems nyid ye sangs rgyas rig nas// rig pa'i don la brtson sbyor zhing / rang 'byung yon tan rtsal sdud pa// 'khrul par 'brel pa ga la yin// byang chub sems ldan bsam rdzogs nas// ye shes mchog ldan mnyam nyid sku// ting 'dzin chog ldan bla ma'i dbang // dge bsags mchog ldan lus spyod pa'i// bsod nams mchog ldan gzugs kyi sku// rnam smin tshul gyis 'grub mi lta// btsal nas thob par mi byed

  618. 310a

    de// rgyu yi dus nyid 'bras bu'i mchog dpyod pa'i sem nyid ting 'dzin ni// sems can dus ma don la spyod// lhun grub sa la bgrod mi byed// 'khor ba'i sa shes bde ldan gnas// mi gnas 'khor ba'i sdug bsngal yang // byang chub 'khor ba'i lam dang 'brel// sgyu ma'i mtshan nyid ma bkal tshul// rang byung rtog bral gcig tu mnyam// mnyam pa nyid kyi don btsan par// chos nyid la yang chos nyid gsal// mnyan par mnyam zhes tshig brjod kyang // mnyam pa'i don dang mthun mi 'gyur// byang chub de yang mi dmigs te// mi gnas zhes ni gang brjod cing // gnas dang dmigs pa'i gnas 'dzin pa// gzung 'dzin zhes ni de la bya// sgyu 'drar byang chub sems med na// dngos bral yul med stong pa dag/ mkha' la rang bzhin mi gnas zhes// bstan pa de ni yod ma yin// bsam gtan lus ni gtsor byed dang // gnas de lus kyi phyag rgya kun// mtshan mar mngon par zhen las byung // mtshan med sems las bya btsal med// smig rgyu bzhin du lus red na// gnas dang phyag rgyar dmigs pa med// byed spyod ched du ston byed cing / bya med bya ba'i dmigs pa'ang med// de nyid ma skyes gzhi med pas// gnas bder lus bcos kha na med// zhen par 'chos lam spyod byed pa// de nyid gzung 'dzin rnam rtog ste// bsam gtan

  619. 310b

    lus dben dben ma yin// mkha' la sems dben dben pa'i mchog/ sems nyid dben pa'i gnas yin te// 'di ni rnal 'byor spyod mchog gnas// bla gab ri phug gzhal med min// sems nyid dpag yas gzhal med mchog/ 'di ni rmad byung nor bu'i gzhal// phyi dang nang med kun du nang / 'du bar 'dus pa'i tshogs ma yin// sems las ye shes tshogs 'dus mchog/ chos kun 'dus pas lus pa med// dpag med rgyal ba mnyes pa'i tshogs// kun rdzob 'byor pa yo byad min// sems nyid 'byor pa rdzas dang ldan// lhag pa'i rdzas mchog 'di shes na// bsgrub 'grub 'di la the tshom med// sgom par byed pa sgom pa min// bsam bya dmigs su med pa ste// 'di ltar sems kyi gsang sgom pa// don la sems sgom ting 'dzin mchog/ bsrung zhes bsrung bar bya mi dmigs/ stong par sbas pa'i sems nyid de// mtshan mar 'das nas tshig shes na// bsrung pa'i gsang ba dam pa'o// tshig tu mnyam brjod mnyam mi dmigs// sems nyid rang dag mnyam pa las// mnyam pa'i don nyid lhag par med// 'di don mnyam shes mnyam pa'i don// brtul zhugs spyod pa spyod min te// sems la sems gzhol rol spyod pa// thabs che yangs pa spyod pa'i mchog/ byang chub don gyi phyi mo ru// sems kyi phyir mor ye gnas pas// gsol thob

  620. 311a

    na pa dan nam shA sa sa la/ de'ang dngas @#// mas cad rang ban da/ la 'as na / byas ngan pamang na// man ma/ ya 5/ nam mtha' mams pa'i ngan kyang 'gyur// kha cig dag nad ngan la// mthang bci yang med 'gyur ka// yang banam na sa byar gdags// meng pa'i don dang 'gas 'gyung nas// rnam pa 'dre da bzad pa'i ngan cad/ rang 'thasathar brjod par/ de pas 'a pa/ nam sa' mabang bcad pa/ ba yang // gzugs la snang bar 'gyur ba ma// sems cad bden par ma mthong na// yid la mtshan med don gsal dang / mtshan pa 'bral bar chu ba gnyis// 'dren mang cu zad 'bral 'phra man/ bangan par yang 'grangs/ da nas babag tu dang / 'ad kyi thubargya cang ma/ yang 'thams ma tsha'i sa thal sa/ ngan bdan pa yang babs/ dpa 'dus pan pa gan/

  621. 311b

    dag lam nyid de// mkha' la bya lam rjes med bzhin// gol med lam zhes 'dren par bshad// de ltar bshad pa'i lam de yang // kun gyis rtogs par bya ba'i phyir// tshig tu mtshon te bshad mod kyang // dmigs med tshig gi yul bral ba// de yi rang bzhin de yin na// rang bzhin gzhi las mtshan mar g.yos// de la ming med ming btags rgyus// yin dang ma yin the tshom skyes// de las rtsod pa'i gzhir gyur te// de bsal don phyir mtshan ma yi// tshig gi tshogs kyi rnam grangs las/ sgo mo dpag tu med par bshad// de yis nges don rjes bcad pa// thugs kyi klong nas bton pa yi// tshig gi sgron mas don btsal ba// lam nyid ji ltar yin zhe na// dran byung rjes su 'brengs na ni// 'khor ba'i gnas su 'khor bar 'gyur// dran 'byung g.yo ba ci bkag pa// de dag 'gog pa nyid du 'gyur// dran byung med pa blun pa ni// mi stegs can lam mun par 'gyur// 'di zhes sems su gcig bzung na// mtshan ma rtog pa'i ri bo yin// snga phyi med ces phyang bcad na// med de chad pa'i mu can yin// gzhi yi don las yud tsam zhig/ cir g.yos skye 'gag byung ba de/ rnam grangs lam de 'phel 'byur gyi// lam gyi chos nyid ga la 'gyur// dper na 'gro gang byis pa dag/ grib ma spangs nas rnam dag tshol// yang las byung ba'i rang bzhin

  622. 312a

    gyis// btsal na grib med dag mi rnyed// don nyid ye nas gnas gzhin du// sems nyid sdug bsngal sna tshogs kyis// sha thang bar ni don tshol pa// don med bdud kyi las yin no// don la tshig tu brjod pa ni// nam mkha' dag la rtsod pa 'dra// tshig tu sman dang dpyad bshad kyang // nad pa'i tshogs la mi phan no// sems nyid don du ma shes na// tshig tu don rjod don mi rtogs// 'khor ba spangs nas 'das tshol ba// gzugs btang nas ni grib tshol 'dra// lam nyi ji ltar yin zhe na// ma rig ye shes tha dad min// ma rtogs rtogs pa lam du gcig/ sems 'di sna tshogs par snang bas// sna tshogs sems su gcig pa yin// dper na gser du gcig pa las// dbyibs dang gzugs ni tha dad par// byis pa so so'i ming du grags// grags kyang ser gyi ngo bor gcig/ de bzhin sems kyi rang bzhin la// 'khrul dang ma 'khrul khyad par gyis// ji ltar bltas dgu der sdang yang // snang yang sems las gzhan mi dmigs// sgron mar 'bar ba'i rin chen ni// gal te ngan khung sbas gyur kyang // de nyid yon tan rang snang bas// 'od ni mkha' la gsal bar 'gyur// de bzhin sems nyid rin chen sgron// lus ngag 'khor bar bying gyur kyang // rang byung rang zhi rang snang bas// shes rab chos nyid mkha' la gsal// sems nyid

  623. 312b

    nam mkha' 'drar mtshungs te// kun khyab stong gsal sna tshogs 'byung // byung tshor g.yo 'gog thams cad kyang // rang bzhin gyis 'byung dang gis zhi// mdor na ji ltar brtags bsam bzhin// 'gyur bas thams cad ngo bor snang // ma bcos g.yo ba med nyid la// sna tshogs rgyu 'byung mi skyon zhing // cho 'phrul mi 'gag nyam nga med// ci bzhin nam mkha'i rang bzhin la// blo bzhag ma g.yengs kho nar zad// de ni skyes mchog don po che// de sems dus gsum thams cad kyi// sangs rgyas 'byung ba'i ngo bo yin// de lta'i don la ring zhig nas// shes shing 'dris par gyur pa na// nges don mthong ba'i nyams drod ni// don dang mjal ba'i rtags chen yang // man ngag lung gis brgyad 'char te// nges par don gsum myong bar 'gyur// de dag thog tu phebs pa yi// drod chen rtagasas su bstan pa yin// de yi zhar las byung ba'i drod// 'khor ba'i chos la snying rje yi// byang chub sems kyang skye bar 'gyur// mtshan ma rtogs pa'i chos rnams la// yid mi shes pa'i 'du shes skye// chos rnams 'di ltar yin pa las// 'di ltar 'khrul pa ngo mtshar che// ya mtshan dpyod pa'i 'du shes 'byung // 'di don ma shes 'gro ba rnams// rtsol sgrub dka' ba'i thabs chen gyis// yang dag don tshol lam re ring // bsags pa'i 'bras bu yod 'gyur yang // don

  624. 313a

    de mthong bar yong mi nus// de 'dra'i 'du shes 'byung bar 'gyur// de ltar shes pa'i nyams drod ni/ skal dang ldan pa'i skyes bu gang // rgyud 'gros tshig gis ma bkrol bar// sems las chos byung 'bum phrag yas// smra ba'i sgo mor thams cad gsal// don la nges pa'i gtan tshigs dag/ tshig tu mtshon te 'byin par nus// de ni chos sku mnyam nyid dang // dbyer med gnyis su med pa yin// rten pa'i gsung thugs sku brnyan dang // de ni mtshungs pa yod min no// zhi lus mthar 'gog skyon gnyis dang / de ni mtshungs pa yod ma yin// sa la slob pa'i sems dpa' dang / de yang mi mtshungs rgyal bas gsungs// rig 'dzin drang srong don dpyod dang / lus 'dra sems ni yong mi mtshungs// de phyir rnam dag lam chen ni// sems kyi gsang 'di yin pas na// skal ldan 'dus pa chen po'i tshogs/ lam 'di shes par bya ba las// btsal bar bya ba'i rgyu med de// lam 'di shes pa de nyid kyis// dka' ba'i rtsol sgrub ma byas par// thams cad thams cad grub par 'gyur// 'dus pa chen po'i tshogs de bas na sems 'di nilam zhes bya'o// 'khor ba zhes bya'o// sems can zhes bya'o// gru zhes bya'o// bgrod pa zhes bya'o// byang chub ces bya'o// sems zhes bya'o// shes rab ces bya'o// ting nge 'dzin ces bya'o// gnas zhes

  625. 313b

    bya'o// rab ces bya'o// mchog ces bya'o// phul zhes bya'o// bla na med pa zhes bya'o// zab pa zhes bya'o// gsang ba zhes bya'o// gting pa dpag dka' ba zhes bya'o// chos zhes bya'o// byang chub sems dpa' zhes bya'o// sangs rgyas zhes bya'o// de ci'i phyir zhes na// 'jug pa'i phyir ni lam mo// 'khrul pa'i phyir ni 'khor ba'o// ma shes pa'i phyir ni sems can no// sgrol ba'i phyir ni gru'o// bskyod pa'i phyir ni bgrod pa'o// bde ba'i phyir ni byang chub bo// dran pa nges pa'i phyir ni sems so// mkhas pa'i phyir ni shes rab bo// gsal ba'i phyir ni ting nge 'dzin to// phyin pa'i phyir ni gnas so// zla med pa'i phyir ni rab bo// ngo mtshar ba'i phyir ni mchog go/ 'phags pa'i phyir ni phul lo// dbang byed pa med pa'i phyir ni bla na med pa'o// gting ring pa'i phyir ni zab pa'o// gab pa'i phyir ni gsang ba'o// phra ba'i phyir ni gting dpag dka' ba'o// kun 'byung pa'i phyir ni chos so// sa non pa'i phyir ni byang chub sems dpa'o// mthar phyin pa'i phyir ni sangs rgyas te// sems dpa' chen po de'i phyir na rnal 'byor gyi lam 'di shes par bya ste// lam 'di ni chos thams cad kyi gzhi'o// sangs rgyas thams cad kyi yum mo// de ci'i phyir zhe na// chos thams cad 'di las 'byung ba'i phyir na gzhi'o// mthar phyin pa'i sangs rgyas kyi lam 'di nas

  626. 314a

    gshegs par gyur ro// da ltar stong pa nyid kyang lam 'di nas gshegs pa ste/ de'i phyir lam 'di shes par bya'o// de ltar na de'i phyir lam 'di ni de bzhin gshegs pa thams cad kyi yab ces kyang bya'o// de bzhin du yum zhes kyang bya ba dang / sras shes bya ba dang / bdag po zhes bya ba dang / gdung zhes bya ba dang / srog ces bya ba dang / nor zhes bya ba dang / bran zhes bya ba dang / sku zhes bya ba dang / gsung zhes bya ba dang / thugs zhes bya ba dang / yon tan zhes bya ba dang / phrin las chen po zhes bya ba'o// de ci'i phyir zhes na/ thabs chen po dang / shes rab chen po dang / byang chub chen po dang / dbang chen po dang / de bzhin nyid dang / 'da' bar dka' ba dang / chos nyid la zad mi shes pa dang / snying rje chen po dang / rnam par brjid pa dang / sna tshogs su ston pa dang / thams cad du mkhyen pa dang / cir yang 'byung ba dang / mdzad pa sna tshogs pa'i phyir de dag ni de ltar yin par shes par bya'o// de'i phyir yang lam 'di yongs su shes par bya'o// de bzhin du 'dod pa chen po zhes kyang bya'o// 'tsho ba chen po zhes bya ba dang / longs spyod chen po zhes bya ba dang / yo byad chen po zhes bya ba dang / rgyu zhes bya ba dang / rkyen zhes bya ba dang / 'bras bu zhes bya ba dang / spyod pa zhes bya ba dang / cho 'phrul zhes bya ba dang / phyag rgya zhes bya

  627. 314b

    ba dang / bsnyen pa zhes bya ba dang / nye ba'i bsnyen pa zhes bya ba dang / sgrub pa zhes bya ba dang / sgrub pa chen po zhes bya zhes bya ba dang / tshogs chen po zhes bya ba dang / kun du rdzogs pa zhes bya'o// de ci'i phyir zhe na/ yul la 'dod pa sna tshogs pa dang / dmigs pas 'tsho ba dang / 'jol tog tu spyod pa dang / dgos pa sgrub pa dang / 'bras bur byed pa dang / kun du log pa dang / don grub pa dang / smin par bsags pa dang / rang bzhin du gyur pa dang / bya ba byed pa dang / sna tshogs su 'byung ba dang / mtshan mar bstan pa dang / rnam par 'dud pa dang / shin tu mdzad pa dang / 'dod pa byed pa dang / lhag par 'dod pa dang / kun du 'byor pa dang / lhun gyis grub pa'i phyir yongs su shes par bya'o// gzhan yang 'dus pa chen po'i tshogs 'di la ni thams cad yod de// chos thams cad ni rnal 'byor rnams pa gsum du 'dus par shes par bya'o// gsum gang zhe na// rgyu'i rnal 'byor dang / rkyen gyi rnal 'byor dang / 'bras bu'i rnal 'byor rnam pa gsum yang 'di nyid yin zhing 'di las 'byung bar shes par bya ste/ de yang ji ltar zhe na// rgyu ni 'khrul pa gcig shes te chub par 'dod pas kyang lam 'di nyid shes par bya'o// de bzhin du mtshan ma gnyis dang / rtog pa gsum dang / log pa bzhi dang / nyon mongs pa lnga dang / phung po lnga dang / dbang po lnga

  628. 315a

    dang / rgyu drug dang / rkyen bcu gnyis dang / skye ba bcu gnyis dang / rang bzhin bco brgyad dang / spyod pa bcu gcig dang / smin pa bzhi dang / lam lnga dang / gnas drug dang / mu gsum shes te chub par 'dod pas kyang lam 'di nyid shes par bya'o// de ci'i phyir zhe na/ 'dod pa'i 'bras bu'i gzhir gyur pa'i phyir te/ lam de nyid ma rig pa'i phyir 'khrul pa zhes bya'o// yul dang gnyis su gyur pa'i phyir na mtshan ma zhes bya'o// dus gsum dngos por rtog pa'i phyir rtog pa zhes bya'o// nges pa las log pa'i phyir don las gol ba dang / mnyam pa las gol bar dang phyogs las gol ba dang gzhi las gol ba'i phyir log pa zhes bya'o// rgyu 'bras kun nas nyon mongs pa'i phyir mun pas 'thibs pa dang / sred pas gdungs pa dang / sdong pos non pa dang / mi phyed pas 'thas pa dang / kun nas 'khrugs pa'i phyir nyon mongs pa zhes bya'o// kun nas 'dus pa'i phyir rgyu 'dus pa dang / rkyen du tshor ba dang / mtshan mar shes pa dang / thams cad nas byed pa dang / rnam par rig pa'i phyir phung po zhes bya'o// sgor gsal zhing yul la dbang dang byed pa'i phyir mthong bar dbang ba dang / zos par dbang ba dang / tshor ba dbang ba dang / myong bar dbang ba dang / reg par dbang ba'i phyir dbang po zhes bya'o// 'bras bur byed pa'i phyir 'dzin par dbang

  629. 315b

    ba dang / mnyen par byed pa dang / chags par byed pa dang / g.yo bar 'bud pa dang / skyed par gsal ba dang / dus su red pa'i phyir rgyu zhes bya'o// rkyen du 'brel ba'i phyir sa bon dang / rtsa ba dang / myu gu dang / ldum bu dang / yal ga dang / sdong po dang / 'dab ma dang / me tog dang / 'bras bu dang / snying po dang / skams pa'i phyir rkyen zhes bya'o// mtshan ma skye ba'i phyir mthong ba skye ba dang / snang ba dang / zos pa dang / sgra brnyan dang / tshor ba dang / dri dang / myang ba dang / ro dang / reg pa dang / shes pa dang / chos skye ba'i phyir skye ba zhes bya'o// mtshan ma'i chos nyid can gyi phyir/ mthong ba'i chos nyid dang / snang ba'i chos dang / lhang nge ba'i chos dang / thos pa'i chos dang / grags pa'i chos dang / gsal ba'i chos dang / tshor ba'i chos dang / dri'i chos dang / tshim pa'i chos dang / myang ba'i chos dang / ro'i chos dang / bro ba'i chos dang / reg pa'i chos dang / reg bya'i chos dang / nges pa'i chos dang / shes pa'i chos dang / chos kyi chos dang / rtogs pa'i chos nyid 'dzin pa'i phyir chos nyid ces bya'o// mtshan mar spyod pa'i phyir 'du shes sgyur ba'i spyod pa dang / dbang du spyod pa'i spyod pa dang / rnam par g.yo ba'i spyod pa dang / sgros su 'dogs pa'i spyod pa dang / zla las gal ba'i spyod pa dang / kun du 'tshig pa'i spyod pa dang / bla bkyil 'tshal ba'i spyod pa dang /

  630. 316a

    chags pa 'dzin pa'i spyod pa dang / kun du bdud kyi spyod pa dang / phyin ci log pa'i spyod pa dang / gnyis la brten par spyod pa'i phyir spyod pa zhes bya'o// 'bras bur smin pa'i phyir rdzogs par smin pa dang // rim par smin pa dang // glo bur du smin par dang / bsgyur te smin pa'i phyir smin pa zhes bya'o// bgrod par byed pa'i phyir gdung ba'i lam dang / 'gog pa'i lam dang / mun pa'i lam dang / 'dam gyi lam dang / yang ba'i phyir lam zhes bya'o// brten par byed pa'i phyir bzod ldan gyi gnas dang / yid ldan gyi gnas dang / mnyam ldan gyi gnas dang / 'dod ldan gyi gnas dang / rtsod ldan gyi gnas dang / dga' ldan la gnas pa'i phyir gnas zhes bya'o// bde ba'i mu la bzung ba'i phyir ngo bo nyid kyi mu dang / byed pa dang dbang phyug gi mu bzung ba'i phyir mi zhes bya'o// 'dus pa chen po'i tshigs rkyen gyi rnal 'byor ni 'di lta ste/ shes pa gcig shes te chub par 'dod pas kyang / lam 'di shes par bya'o// de bzhin du don gnyis dang / tshul gsum dang / thabs bzhi dang / chos lnga dang / rigs drug dang / mdzad pa chen po bcu gnyis dang / cho 'phrul chen po bcu gnyis dang / ye shes bco brgyad dang / sa'i khyad par bcu gcig dang / sku bzhi dang / lam lnga dang / 'bras bu chen po drug dang / byang chub chen po gcig shes te chub par

  631. 316b

    'dod pas kyang lam 'di nyid shes par bya'o// de ci'i phyir zhe na/ rang rkyen tsam du spyod cing 'bras bu'i rkyen du 'gyur ba'i phyir te// lam de nyid ma nor bar shes pa'i phyir de shes pa gcig shes bya'o// bden pa gnyis su snang ba'i phyir don gnyis pa zhes bya'o// mtshan nyid gsum gyis sbyor ba'i phyir kun brtags mthun pa la yod pa'i tshul dang / gzhan dbang mi mthun pa la med pa'i tshul dang / rjes su dpag pa gnyi ga ma yin pa'i phyir tshul zhes bya'o// mkhas pas zin pa'i phyir khad kyis 'jug pa'i thabs dang / rkyen la sbyor ba'i thabs dang / mngon par 'jug pa'i thabs dang thams cad rdzogs pa'i phyir thabs zhes bya'o// rang bzhin la gnas pa'i phyir rgyu'i chos dang / lam gyi chos dang / rtogs pa'i chos dang / 'bras bu'o chos la gnas pa'i phyir chos zhes bya'o// phyis 'byung bar shes pa'i phyir rgyu'i dran pa dang / 'bras bu'i dran pa dang / sgra'i dran pa dang / sbyor ba'i dran pa dang / gnas kyi dran pa dang / mngon sum pa'i dran pa dang / rig pa'i phyir rig pa drug ces bya'o// gzhan gyi don du mdzad cing 'gro ba'i don la 'jug pa'i phyir ngo bo'i tshul dang / bltams pa'i tshul dang / rol pa'i tshul dang / mnga' dbang chen po'i tshul dang / thar par gyur pa'i tshul dang / dka' thub chen po'i tshul dang / sangs rgyas pa dang bdud btul ba dang

  632. 317a

    'khor lo bskor ba dang / bdud btul ba'i tshul dang / chos 'phrul ston pa'i tshul dang // mya ngan las 'das pa'i tshul gyis phyir mdzad pa chen po zhes bya'o// sna tshogs su 'phrul ba'i phyir/ ting nge dzin gyi cho 'phrul dang / snang bi cho 'phrul dang / rdzu 'phrul gyi cho 'phrul dang / kun rjod pa'i cho 'phrul dang / rjes su bstan pa'i cho 'phrul dang / bsam gtan gyi cho 'phrul dang / byin brlabs kyi cho 'phrul dang / skye ba'i cho 'phrul dang / stobs kyi cho 'phrul dang / yon tan gyi cho 'phrul dang / 'bras bu'o cho 'phrul dang / de'i phyir cho 'phrul zhes bya'o// phyi nang gi chos thams cad shes pa'i phyir nang gi chos thams cad shes pa dang / phyi'i chos thams cad shes pa'i ye shes dang / phyi nang gi chos thams cad shes pa'i ye shes dang / stong pa'i chos thams cad shes pa'i ye shes dang / don dam pa'i chos nyid shes pa'i ye shes dang / 'dus byas kyi chos thams cad shes pa'i ye shes dang // mtha' mi dmigs pa'i chos thams cad shes pa'i ye shes dang / dus gsum gyi chos thams cad shes pa'i ye shes dang / blang dor mi dmigs pa'i chos thams cad shes pa'i ye shes dang / rang bzhin gyi chos thams cad shes pa'i ye shes dang / chos can gyi chos thams cad shes pa'i ye shes dang / mtshan nyid 'dzin pa'i chos thams cad shes pa'i ye shes

  633. 317b

    dang / dmigs pa med pa'i chos thams cad shes pa'i ye shes dang / mtshan mar mi rtogs pa'i chos thams cad shes pa'i ye shes dang / ngo bo nyid kyi chos thams cad shes pa'i ye shes dang / dngos po mi dmigs pa'i chos thams cad shes pa'i ye shes dang / brten te gnas pa'i phyir mi gos pa'i rig pa dang / mi nyams par rig pa dang / mi sgrib par rig pa dang / rdzogs par rig pa dang / ma g.yos par rig pa dang / mnyam pa nyid du rig pa dang / gnyis su med par rig pa dang / yongs su dag par rig pa dang / kun du legs par rig pa dang / de ma thag par rig pa dang / rdzogs par chub pa'i rig pa la brten pa'i phyir sa zhes bya'o// kun tu brjod cing ngo bo nyid du gnas pa'i phyir ngo bo nyid dang / chos nyid dang // rdzogs longs spyod pa dang / 'dren par sprul pa'i phyir sku zhes bya'o// bgrod cing 'jug pa'i phyir tshogs dang / sbyor ba dang mthong ba dang / bsgom pa dang / mtha' zad du phyin pa'i phyir lam zhes bya'o// rgyu la don yon pa'i phyir gcig tu rdzogs pa dang / thams cad du mkhyen pa dang / yongs su khyab pa dang / tshogs su 'byung ba dang / kun du dbang ba dang / dgos pa tshang ba'i phyir 'bras bu zhes bya'o// mngon par rdzogs pa'i phyir byang chub chen po zhes bya'o// 'dus pa chen po'i tshogs 'bras bu'i rnal 'byor ni 'di lta ste/ ma

  634. 318a

    nor ba gcig shes te chub par 'dod pas kyang lam 'di shes par bya'o// de bzhin du nges pa gnyis dang / yon tan gsum dang / dgongs pa bzhi dang / chen po lnga dang / tshogs pa drug dang / 'byung tshul bcu gnyis dang / ting nge 'dzin bcu gnyis dang / ye shes chen po bco brgyad dang / rnal 'byor chen po bcu gcig dang / sgrub pa chen po bzhi dang / sbyor ba lnga dang / dngos grub chen po drug dang / rdzogs pa chen po gcig shes te chub par 'dod pas kyang lam 'di shes par bya'o// de ci'i phyir zhe na/ rgyu nyid 'bras bur grub pa'i phyir gtan la phebs pas ma nor ba zhes bya'o// the tshom mi za ba'i phyir thabs kyis nges pa dang / shes rab gyis nges pas nges pa zhes bya'o// 'dod pa 'byung ba'i phyir yang yongs su khyab pa dang / rlabs su che ba'i yon tan dang // rtsis las 'das pa'i phyir yon tan zhes bya'o// thabs kyis ldem por dgongs pa'i phyir mnyam pa nyid la dgongs pa dang // mtshan nyid kyi phyir dus gzhan la dgongs pa dang / gnyen po'i phyir grangs gzhan la dgongs pa dang / bsgyur ba'i phyir don gzhan la dgongs pas na dgongs pa zhes bya'o// lhag par 'phags pa'i phyir mngon pa dang / bdag nyid chen po dang / de yin pa dang / thams cad du che ba dang / kun du rdzogs pa'i phyir chen po zhes bya'o// kun nas tshang

  635. 318b

    ba'i phyir/ mnyam pa chen po dang / 'byor pa chen po dang / 'dus pa chen po dang / rig pa chen po dang / dbang chen po dang / 'dres pa chen po'i phyir tshogs zhes bya'o// gzhan gyi don du 'byung zhing 'gro ba'i tshul dang mthun pa'i phyir gnas su bskyod pa dang / mnyam par gyur pa dang / mdzes par gshegs pa dang / spro bar spyod pa dang / gsang bar sbyor ba dang / mtshan ma bcom pa dang / mdzad pa med pa dang / seng+ge'i gsung sgra dang / nges par rdzogs pa dang / tshom ngam chen po sprul pa mdzad pa dang / yongs su dag pa'i phyir 'byung tshul chen po zhes bya'o// gsal zhing mi gtong ba'i phyir sems kyi spyod pa ste// rnam dag dbyings kyi ting nge 'dzin dang // snang gsal yel 'phyo'i ting nge 'dzin dang // mi zad mdzod kyi ting nge 'dzin dang // mngon par rtogs pa'i ting nge 'dzin dang // thams cad rdzogs pa'i ting nge 'dzin dang / 'byung chen sprul pa'i ting nge 'dzin dang // dbang bskur thabs kyi ting nge 'dzin dang // rtse gcig 'phros pa'i ting nge 'dzin dang // tshogs chen rdzogs pa'i ting nge 'dzin dang // rin chen myu gu'i ting nge 'dzin dang // dug 'joms sman gyi ting nge 'dzin dang / bya ba byed pa'i ting nge 'dzin gyi phyir ting nge 'dzin ces bya'o// stong pa nyid kyi ye shes dang rgyu'i ye shes dang // thams cad 'byung ba'i ye shes dang // yi ge ye shes dang / phyag

  636. 319a

    rgya'i ye shes dang / sprul pa'i ye shes dang / cir yang mdzad pa'i ye shes dang // me long lta bu'i ye shes dang / nam mkha' lta bu'i ye shes dang // sgyu ma lta bu'i ye shes dang // rin po che lta bu'i ye shes dang // nyi ma lta bu'i ye shes dang // snang stong gsal ba'i ye shes dang // mnyam pa nyid kyi ye shes dang // so sor rtog pa'i ye shes dang // bya ba nan tan gyi ye shes dang // chos kyi dbyings kyi ye shes su gsal ba'i phyir ye shes chen po zhes bya'o// 'dun pa sems pa'i rnal 'byor dang // bka' sdod las kyi rnal 'byor dang / rigs chen 'byed pa'i rnal 'byor dang // rtags kyi rnal 'byor dang / gsang sgo lung gi rnal 'byor dang // spyod pa rgyun gyi rnal 'byor dang // mtshan ma rtags kyi rnal 'byor dang / lung chen thob pa'i rnal 'byor dang // rig pa 'dzin pa'i rnal 'byor dang // rtsal chen sbyong ba'i rnal 'byor dang // yongs su rdzogs pa'i rnal 'byor dang // lhun gyis grub pa'i rnal 'byor du gnas pa'i phyir rnal 'byor zhes bya'o// mnyam pa nyid du grub pa dang / bde ba chen po grub pa dang / yongs su rdzogs par grub pa dang / thams cad lhun gyis grub pa'i phyir grub pa chen po zhes bya'o// rgyu dang 'bras bur sbyor ba dang / thabs dang shes rab tu sbyor ba dang / dbyings dang ye shes su sbyor ba dang / sems dang chos su sbyor ba

  637. 319b

    dang // las dang thugs rjer sbyor bas sbyor ba chen po zhes bya'o// srid pa rgya mtsho dbyings su tshim par grub pa dang / 'khor ba rgya mtsho bdag gir grub par gyur pa dang / bdag nyid chen po lhun gyis grub par gyur pa dang / dmigs pa gang yin pa de bzhin grub par gyur pa dang / cho 'phrul rdzu 'phrul thogs pa med par grub pa dang // don dam bcud kyi rnam shes rgyas par grub pa'i phyir dngos grub chen po zhes bya'o// rnam grangs thams cad byang chub kyi sems bde ba chen por rdzogs par grub pa'i phyir rdzogs pa chen po gcig ces bya'o// gzhan yang 'dus pa chen po'i tshogs sa'i khyad par chen po bcu gcig non par 'dod pas kyang lam 'di la bslab par bya ste gang zhe na/ 'gyur dbang ma nges pa'i sa dang / brten pa gzhi'i sa dang / gal chen sbyor ba'i sa dang / mi ldog gnas pa'i sa dang / bslab pa rgyun gyi sa dang / cho 'phrul sprul pa'i sa dang / bsten pas khyad par du 'gro ba'i sa dang / dmigs pas 'bras bu skye ba'i sa dang / gnas pas mi 'gyur ba'i sa dang / bdal ba chos nyid kyi sa dang / rdzogs pa spyir chibs kyi sa ste/ sa 'di dag non par 'dod pas kyang lam 'di la bslab par bya'o// gzhan yang 'dus pa chen po'i tshogs 'di lta ste/ rnal 'byor bslab pa'i mtha' bcu chib par 'dod pas kyang lam 'di la bslab par bya ste/

  638. 320a

    gang zhe na gzhi dam tshig 'dis bzung bar bslab pa dang / rgyud zos pas dgrol bar bslab pa dang / phul du mkhas par dbyung bar bslab pa dang / sgo kun nas sdud par bslab pa dang rim pa dbang gis bgrod par bslab pa dang / la spyod pas dor bar bslab pa dang / thag lta bas gcad par bslab pa dang / nyams su ting nge 'dzin gyis blang bar bslab pa dang / don man ngag gis bsgrub par bslab pa dang / mdo gcig tu bsdu bar bslab pa'o// 'dus pa chen po'i tshogs gzhan yang 'di lta ste/ yon tan gyi che ba sgom par 'dod pas kyang lam 'di la bslab par bya ste/ gang zhe na/ che ba nyi shu dang / rol pa nyi shu dang / cho 'phrul nyi shu dang / rngom pa nyi shu dang / brjid pa chen po nyi shu dang / tog chen po'i nor bu'o// gzhan yang 'dus pa chen po'i tshogs 'di lta ste/ rmad du byung ba'i mthu chen po nyi shu thob par 'dod pas kyang lam 'di la bslab par bya ste/ de yang gang zhe na/ 'jig rten chen po drug 'phang bar 'dod pa dang / chu'i phung po chen po rngubs te bskam par 'dod pa dang / rlung gi bskal pa bcing bar 'dod pa dang / ma'i dkyil 'khor 'bum dgye bar 'dod pa dang / bsreg pa'i bskal pa chen po gsum gzhi la bar 'dod pa dang / nam mkha' thams cad pa spu gcig gis dgang bar 'dod pa dang / ba spu gcig las sangs

  639. 320b

    rgyas bye ba dgye bar 'dod pa dang // sangs rgyas bye ba ba spu gcig gi nang du shong bar 'dod pa dang / 'khor ba thams cad pa spu gcig tu rngub par 'dod pa dang / ba spu gcig gis 'khor ba thams cad la khyab par 'dod pa dang / bskal pa'i 'khor lo chen po ring du bsrub par 'dod pa dang / thung du bsrab par 'dod pa dang / dus kyi 'khor lo chen po mnyam par bskor bar 'dod pa dang / 'khrug par bskor bar 'dod pa dang / las kyi 'khor lo chen po rgyun du bskor bar 'dod pa dang / rgyun gcad par 'dod pa dang / srid pa'i 'khor lo bzlog par 'dod pa dang lugs su bskor bar 'dod pa dang / sdug bsngal gyi 'khor lo chen po rgyun gcad par 'dod pa dang / dmyal ba'i 'khor lo chen po dong sprugs par 'dod pas kyang lam 'di la bslab par bya'o// 'dus pa chen po'i tshogs gzhan yang 'di lta ste/ rnal 'byor rtogs pa'i ri bo brgyad cu rtsa gcig gzhil par 'dod pas kyang lam 'di la bslab par bya ste/ dngos gzhi'i rtog pa dgu dang / mtshan ma'i rtog pa dgu dang / rtags kyi rtog pa dgu dang / rkyen gyi rtog pa dgu dang / las kyi rtog pa dgu dang / spyod pa'i rtog pa dgu dang / bskyod pa'i rtog pa dgu dang / zhen pa'i rtog pa dgu dang / mngon par rtog pa dgu'o// 'dus pa chen po'i tshogs gzhan yang 'di lta ste/ ltung ba'i sgo dgu

  640. 321a

    shes pas kyang lam 'di la bslab par bya ste/ de yang gang zhe na/ bdud chen po'i ris su ltung ba'i sgo dang / mu stegs kyi khams su ltung ba'i sgo dang / srin po'i khams su lhung ba'i sgo dang / gnod sbyin gyi ris su ltung ba'i sgo dang / ru dra chen por ltung ba'i sgo dang / bgegs chen por ltung ba'i sgo dang / lha chen po'i ris su ltung ba'i sgo dang / sho gam gcan chen gyi ris ru ltung ba'i sgo dang / dmyal ba chen po ltung ba'i sgo'o// 'dus pa chen po tshogs gzhan yang 'di lta ste/ lam 'di shes par 'dod na sangs rgyas kyi chos shes par bya'o// ji lta ci ltar sangs rgyas kyi chos rnams ni rtag par yang blta'o// chad par yang lta'o// skye bar snang ngo // dmigs par yod do// sangs rgyas kyi chos 'di ni 'dod chags dang bcas pa'o// zhes sdang dang bcas pa'o// gti mug dang bcas pa'o// nga rgyal dang bcas pa'o// phrag dog dang bcas pa'o// mtshams med pa lnga dang bcas pa'o// de dang nye bar lnga dang bcas pa'o// lci ba bzhi dang bcas pa'o// log pa brgyad dang yang bcas pa'o// gzhan yang 'dus pa chen po'i tshogs 'di lta ste// srog gcod pa dang bcas pa'o// ma byin par len pa dang bcas pa'o// 'dod pas log par g.yem pa dang bcas pa'o// brdzun dang bcas pa'o// phra ma dang bcas pa'o// ngag rtsub mo dang bcas pa'o// tshig khyal ba dang

  641. 321b

    bcas pa'o// brnab sems dang bcas pa'o// gnod sems dang bcas pa'o// log par lta ba dang bcas pa'o// 'dus pa chen po'i tshogs de bas na/ sangs rgyas kyi chos de rnams la spyod par 'dod pas lam 'di la bslab par bya'o// shes par bya'o// goms par bya'o// klong du gyur par gyis shig ces sems dpa' rdo rje dam pas gsungs so// rgyud kyi rgyal po chen po rdo rje bkod pa kun 'dus rig pa'i mdo las rnal 'byor rang bzhin gyi le'u ste dang po'o// // de nas 'khor der 'dus par gyur pa'i 'dus pa phal mo che'i tshogs kyis rmad byung gi phyag rnal 'byor lugs su byas nas/ sems dpa' rdo rje dam pa la 'di skad ces gsol to// sems dpa' chen po smra ba'i seng+ge khyod la bdag cag shin tu zhu bar spobs na gnang ba'i skabs dbye bar gsol/ de skad ces gsol ba dang / smra ba'i seng+ge des 'di skad ces bka' stsal to// 'dus pa chen po'i tshogs ji ltar zhu ba'i don gnang gis kun du spobs pa skyed la zhu ba'i don gsol cig de skad ce bka' stsal pa dang / 'dus pa chen po'i tshogs kyis a la la ho zhes gsol to// smra ba'i seng+ge chen po khyod kyis rgyal cher bshad pa'i rnal 'byor rang bzhin chen po'i don gyi rjes su bdag cag 'jug par 'tshal na/ 'di la 'jug pa'i sgo du mchi/ thabs ji ltar lags/ lam gang ltar ba

  642. 322a

    de// sems dpa' chen po 'di'i don rgya cher bshad du gsol/ de skad ces gsol ba dang / smra ba'i seng+ges bka' stsal pa/ grogs po dag legs so shin tu legs so// nges par legs so// khyed kyis zhus pa'i don 'di rnams ngo mtshar che ste/ chos thams cad la 'jug pa'i sgo gsal zhing rgya che bar byed de/ rna lhogs la gus par nyon cig gsal bar bshad par bya'o// de nas 'khor gyi nang du seng+ge'i gsung sgra yis chos rnams kyi sgo 'byed pa 'di gsal bar bshad par bya'o// sangs rgyas kyi chos kyi sgo mo 'di// grangs mang bsam gyis mi khyab kyang / mdo ru bsdus na gsum du gsal// rtsol bas 'jug pa'i sgo mo dang // grub par thabs kyi sgo mo dang // mthar phyin 'bras bu'i sgo mo'o// dang po la yang gsum yod de// mtshan nyid thabs kyi sgo mo dang // thub pa'i rigs kyi 'jug sgo dang // grub pa lung gi gsang sgo'o// de dag sgo mo re re la'ang // gsum gsum yod par 'dren par bshad// gnyis pa'i sgo la'ang gsum yod de// shes rab rtogs pa'i sgo mo dang // ting 'dzin goms pa'i sgo mo dang // smon lam grub pa'i sgo mor gsal// tha ma mthar phyin sgo mo la// rnam thar sum gyi sgo zhes bshad// 'jug pa'i lam la'ang 'di lta ste// dam pa gsum du gsal bar bshad// 'dren pa chen po'i sde snod dang // thub pa chen po'i

  643. 322b

    'jug sgo dang // dam pa chen po'i mdzod gsum mo// 'jug pa'i thabs kyang 'di lta ste// thabs las thabs byung thabs gsum ste// don dang yi ge ting 'dzin gyis// rjes su gang gis brtag byas na// 'jug pa'i thabs kyi dam pa'o// don gyi rjes su 'jug pa yang // don ni chos nyid snying po la// rjes su 'jug pa'i sems yin te// sems nyid chos la sbyor ba'i skabs// rnam pa bcu zhes 'dren pas bshad// bcu nyid gang dang gang zhe na// 'dun pa skye ba'i gnas skabs dang / rtsol ba sbyor ba'i gnas skabs dang // bslab la 'jug pa'i gnas skabs dang // 'du shes 'gyur ba'i gnas skabs dang // sbyor chen la 'jug gnas skabs dang // ro nyid tshor ba'i gnas skabs dang // yul la 'jug pa'i gnas skabs dang // rtog chen nyid la phebs skabs dang // de nyid gdeng du gyur pa'i skabs// las su rung ba'i skabs dang bcu// bcu po de dag re re yi// skabs su sems dang chos phrad pas// rig pa byang chub sems re 'byung // byang chub sems ni gang zhe na// 'di yi grangs kyang rnam pa bcu// g.yo ba byang chub sems nyid dang // de bzhin smon pa byang chub sems// ldang ba byang chub chen po'i sems// de bzhin sbyor ba byang chub sems// 'jug pa'i sems dang dge ba'i sems// mi 'gyur ba dang rig pa dang // gnas pa dang

  644. 323a

    rdzogs pa'o// byang chub sems zhes grags pas na// sems bcu dag tu rgyal bas bshad// byang chub sems kyi rang bzhin de// skabs bcu dag tu sbyor bas na// gzugs brnyan chos nyid ngo la snang // gzugs brnyan rang bzhin ci ltar snang // phra mo tsam gyi skar ma dang // de bzhin skar ma tha mal pa// skar ma chen po dag dang ni// zla ba tshes gcig rnam pa dang // gnyis dang gsum dang bzhi dang lnga// brgyad dang bcu drug rnam pa yi// gzugs brnyan dag tu snang ba ste// dngos por snang ba cang ma yin// chu zla lta bur gzung du med// sems kyi gzugs brnyan snang ba dang // chos nyid gsal ba'i nyi ma gnyis// yul dang dbang po'i tshul lta bur// dbyings dang ye shes rang bzhin gsal// 'di ni rnal 'byor sbyor ba'i lam// bgrod par byed pa'i thabs chen yin// lam 'di goms par bslab bya na// rnal 'byor bslab par bya ba'i mtha'// gnas bcu dag kyang 'di lta ste// ji ltar sa gzhi gshin pa la// brten nas sa bon btab pa las// 'bras bur smin par gyur pa yis// 'tsho ba byed pa'i srog 'dzin ltar// chos nyid kun gyi gzhir gyur pa'i// dam tshig 'di la brten nas ni// dngos grub lo tog smin pa yis// dge ba'i srog 'dzin dam pa'o// bslab pa 'di yi dam tshig ste// bslab pa kun gyi gzhi 'dzin

  645. 323b

    du// goms par bya ba rab tu gces// ji ltar cang shes gyi ling dag/ sdom byed sgrog gis bcings gyur pa// bkrol byas bde blag byang 'gyur na// ci la'ang thogs med 'gro ba ltar// sems kyi cang shes dbang po 'di// mi shes bcings pas bcings gyur pa// rnam grol thos pa'i sgo mo yis// shes rgyud kun grol thogs med 'gro// 'di ni mi shes rgyud 'grol ba'i// bcings par bya ba 'gro ba ste// rgyud nas dgrol ba'i bslab pa ru// goms par bya ba rab tu gces// ji ltar ri mtho rtse mo la// sgyid mi lug par brtson 'dzegs na// mtho sar phyin cing rtse non pas// yul khams rtogs shing lam la mkhas// de bzhin shes rab mthon ri la/ sgyid mi lug par mnyan bsams na// kun gyi phul du shes rab phyin// mkhas pa'i ye shes tshad med do// don la mkhas par bya ba de// phul du dbyung ba'i bslab pa ste// shes rab chen po 'di dag la// goms par bya ba rab tu gces// dper na bung ba khong tshol ba// kun tu 'jug cing byung nas ni// rang gi 'dzul khung gang yin par// nges par 'jug cing gnas pa ltar// rnal 'byor don gyi rjes tshol pab// spyod sgo ci yod bstun te bsdu// blta sgor 'jur cing brtags bsdur na// ma nor nges pa'i dbu ma la// chos nyid don gyi rjes bcad phyir// go mo kun nas bsdur ba yi// bslab par bya ba'i mtha' yin/

  646. 324a

    te// goms par bya ba rab tu gces// ji ltar rgyal rigs rgud byung ba// mang po'i dbang por dpon btabs te// 'khor lo la sogs rin chen gyis// kun la dbang sgyur thob pa ltar// de bzhin rnal 'byor rgyud byung ba// chos kyi dbang por dpon bstabs te// phyag rgya la sogs rtags chen gyis// rim par kun gyi thog mar 'gro// 'di ni dbang gi khyab par te/ sa la rim par 'byung ba yi// rtsal gyis bgrod cing bslab pa'i mtha'// goms par bya ba rab tu gces// ji ltar glang po chur 'jug pa// tsham tshom chags thogs yod med par// dga' ba'i longs spyod brod tshul gyis// mi ldog pha rol phyin pa ltar// rnal 'byor nges par spyod pa'i blo// brtul zhugs rgya mtsho'i chur 'jug pa// rtsal chen sbyong ba'i brod tshul gyis// chags thogs med par dor ba'o// bslab par bya ba'i mtha' yin no// spyod pa'i bslab par dam pa ni// goms par bya ba rab tu gces// ji ltar khyung chen mkha' lding ba// gshog pa'i rtsal gyis nam 'phang gcod// ngam grog chu klung mtha' yas kyang // gshog rlabs 'og tu kun chud ltar// rnal 'byor mnyam nyid mkha' lding ba// theg pa'i spyod sgo mtha' yas kyang // mnyam pa chen po'i don gyis ni// lta 'phang brlabs kyis thag bcad pa'o// 'di ni re dang dogs pa yi// the tshom gcod pa'i lta ba

  647. 324b

    ste// don la sems kyis blta ba ste// bslab pa 'di dag goms pa gces// dper na rgya mtshor nor len mi// sbrul dang chu srin sbrang ma las// sogs pa gdug pa'i sdug bsngal kun// dka' ba nyams su blangs nas 'grub// de bzhin rnal 'byor bde tshol ba// rnam rtog bying rmugs phyar g.yeng dgra// gzhom par dka' ba'i las 'di dag/ nyams su blangs na bde thob rnyed// 'di ni ting 'dzin dam pa yi// nyams su blangs pa'i bslab pa ste// sems kyi goms par bya ba'i las// 'dris par bya ba rab tu gces// ji ltar mun par dug dang rdzas// sman snang gser du bsgyur bas na// 'gyur rtsi man ngag med pa'i mis// dka' ba'i las chen sna tshogs pas// sdug bsngal spyad kyang mi 'grub ste/ su zhig man ngag ldan pa'i mis// tshigs med gyi na'i tshul gyis na// bsgyur bas sman snang gser 'gyur ltar// rnal 'byor chen po'i don sgrub pa// kun gzhi gnas 'gyur man ngag dang // gang dag mi ldan pas kyang ni// dka' ba spyad kyang 'grub pa min// sems kyi gsang 'di sus mthong ba// de dag man ngag ldan pa ste// 'dod pa'i don mchog gang yin pa// de dag tshegs med kyi nas 'grub// don rnams sgrub par gang byed pa// man ngag can gyis 'grub pa'i phyir// don rnams 'grub par 'gyur ba yi// bslab pa 'di dag rab tu gces// dper na kun du

  648. 325a

    rgyu ba'i mi// 'dod pa'i yul du 'gro byed na// yul gyi rnams pa mtha' yas kyang // bgrod pa'i lam gnas gcig las med// de bzhin bsam gyis mi khyab pa'i// brgyad khri bzhi stong chos bstan kyang // bkri zhing drang ba'i tshig yin te// bsam pa'i yul ni gcig pa'o// don rnams gcig tu sdud pa yi// bslab par bya ba dam pa ste/ nges par gcig las med pa'i phyir// 'di dag goms par bya ba yin// bslab pa 'di la goms gyur na// lobs pa'i yon tan mtha' yas te// logs pas lam la mkhas par 'gyur// sngags kyi yon tan chen po yang // rmad du byung ba thob par 'gyur// gsang sngags chen po'i khyad par ni// thams cad thams cad bya'o cog/ byin gyi rlabs kyi spyod pa'am// dbang skur thabs kyi spyod pa ste// dper na nam mkha' rgya mtsho'am// ji ltar me dpung rgyal po 'dra// de yang de yul chen chung khyad par nyid kyis brlabs pa yin// rgyal po de yang khyad par gyis// dbang sgyur bya ba'i khams rnams la// che chung rim pa yod pa yin// rnal 'byor sngags tshul de ltar snang // thabs chen spyod la 'jug pa yang // bab chod thad du 'jug pa ste/ dper na glang chen chur 'jug pa// rab dang glang chen bab mi bab// de yang rtsal sgyid drag zhan gyis// la la thad du gcod pa la// la la bsregs su 'gro ba yin// la la

  649. 325b

    chung zhing bshad thabs 'gro// de ltar rnal 'byor rgyu nyid na/ 'bras bu'i don la bab chod kyang // rtsal 'phang mtho dman khyad par gyis// ji ltar nus tshad der snang phyir// sa dang gnas skabs ye shes dang // sgrib dang gol sa rtog pa dang // spyod dang dam tshig ting 'dzin dang // dus dang dngos grub mthar phyir dang // lta ba'i khyad par gnas gyur rnams// thams cad gcig las med na yang // grangs dang dbye ba'i bye brag rnams// snod kyi rtsa dang sbyar nas ni// chos rnams kun gzhir gcig pa la// kun gzhi gnas 'gyur rnam pa lngas// bye brag lam gyi chos su snang // gzhi nyid rgyu yi kun gzhi dang / sbyor ba 'dun pa'i kun gzhi dang // snang ba don gyi kun gzhi dang / 'gyur ba med pa'i kun gzhi dang // btsal med gnas pa'i kun gzhi lnga// skabs lnga dag tu gnas 'gyur bas/ sa yi khyad par bgrod pa yin// de yang gnyis kyi chos 'di dag/ kun kyang yongs kyis rnal 'byor dang / 'gro don gsum gyis 'gro ba ste// dge don dang ni sgrub pa po// rig 'dzin zhes ni rdzogs pa yin// des na rtsal gyi khyad par gyis// dang po las kyi rnal 'byor la// sogs pa'i rnal 'byor chung ngu rnams// rang rang rtsa ba bor nas ni// rtsal chen rdzogs pa'i rnal 'byor la// sogs pa'i rnal 'byor chen po'i tshul// spyod pa byed dang don 'dod pa// sbal bus mkha'

  650. 326a

    lding las spyad kyang // btsal ba'i yul ni chad pa yin/ nor bu las kyis 'phang dmas pa// rang skal 'tsho ba'i ched bor nas// rgyal po thabs kyis 'phang mtho ba'i// longs spyod che la dmigs bcas kyang // de dag mi 'thob 'tsho bral bzhin// skal ldan can gyi don 'di dag/ skal zhan dag gis 'grub par dka'o// sna tshogs gter gyi khang pa dag/ rgyal po'i mdzod du gyur pas na// spyod sgo 'jug pa thams cad kyang // dka' thub phyi nang khyad par gyis// rin chen sna dgu'i rim pa dag/ so so'i las thabs mtho dman gyis// yul de gcig las med na yang // yig tshang sgo dgu so sor spyod// rgyal por gyur na de kun la// dbang bskur byed pa'i bdag po yin// mi gnas chos kyi dbyings nyid dag/ blta ba'i yul du gyur pa na// rig pa rtsal gyi khyad par gyis// blta yul gcig las med na yang // so so 'jug sgo kun nas spyod// dbyings kyi rang bzhin gcig pa la// rtsal 'phang mtho dman khyad par gyis// skas kyi gdang bu rtsi ba ltar// sa dang theg pa'i khyad par du// mtho dman rim par snang ba yin// mnyam par gyur pa'i gzhi gcig la// mthun dang mi mthun don gyis ni// dper na khang pa sgo mangs bzhin// sa dang theg pa so so'i sgo// mi mthun so sor snang ba yin// so so'i theg pa'i sgo rnams la/ 'jug pa la sogs

  651. 326b

    ma sbyangs kyang // kun gyi rtsa ba 'dir bcad pas// gcig ste tha dad yongs kyis med// de ni ri dang lhun po'am// kun tu rgyu dang gzhon nu ltar// mthong thos ston pa'i khyad par ni// don gyis de ltar yod pa yin// des na chos rnams thams cad kyi// rtsa ba'i sems 'di yin pas na// nam mkha' lta bu'i dpes mtshon te// kun gyi rtsa ba shes par bya// 'di ltar shes pa'i rnal 'byor pa// lam gyi thabs la mkhas pa ste// lam stor lam btsal lam rnyed pas/ nye lam bde rnyed grub pa'o// rnyed pa'i lam nyid gang zhe na// rnal 'byor spyod pa'i sa yin te// sa bcu rim gyis bgrod pa'i phyir// sa yi khyad par bshad par bya// 'di yi gnas 'dzin spyod pa'i sa// rnam pa bcu phrag gcig gi rdzogs// 'gyur dbang ma nges sa 'di la// bcos ma phra men spyod pa dang // tshul rtags 'dzin dang mos pa dang / dge la 'dun pa'i rnal 'byor lnga// 'jug ldog ltung dang bcas pa yis/ kun du 'khor zhing ma nges pa'o// 'dun pa sems pa'i rnal 'byor pa// gnas shing spyod pa'i sa zhes bya// bsten pa gzhi yi sa 'di la/ dang po las can rnal 'byor dang / bslab pa sbyong dang nges pa la// dag dang ma dag gis spyod pa'o// bka' sdod las kyi dang po pa// gnas shing spyod pa'i sa zhes bshad// gal chen spyod pa'i sa 'di la// gnas shing spyod pa'i sa yin

  652. 327a

    te// rigs chen 'byed pa'i rnal 'byor nyid// dge dang mi dge'i las rnams kun// gcod sbyong sbyor ba'i tshul nyid kyis// legs nyes stobs chen byed pa'o// bslab pa rgyun gyi sa 'di la// g.yo dang thob dang brtan pa'i drod// de bzhin rtags chen g.yo ba dang // thob pa nyid dang brtan pa yi// rnal 'byor rnam pa drug po dag/ bslab 'i gnas bcu mthar 'byin cing // ji ltar zla ba yar gsal bzhin// bslab pa'i ye shes 'phel 'gyur te// don la mi skrag ngo mtshar skye// dpyod sems 'jug pa'i shes pa des// ngan song mi ldog dgon par 'jug/ bar chad dag kyang de la byung // gsang sgo lung gi rnal 'byor dang / spyod pa rgyun gyi rnal 'byor dang // mtshan ma rtags kyi rnal 'byor gsum// gnas shing spyod pa'i sa zhes bshad// bsod nams gter gyis 'di la// spyod pa'i rgyun gyi rnal 'byor nyid// mos pa dag cing 'dun pa'i gnas// rtsal can blo yi bsti gnas sa// bslab pa'i mtha' bcu spyir chib pa'o// bsten pas khyad par 'gro 'di la// dbugs chen phyin pa'i rnal 'byor dang // rigs chen 'dzin dang mnyam rdzogs che// nges par spyod dang rtsal chen sbyong // yul la 'jug dang rig par sbyor// bdun nyid rdzogs par 'gro ba ste// bslab pa'i rgyu 'bras 'di bcu la// goms par byed pa'i tshul du sbyor// ngal bso

  653. 327b

    ba la thams cad mthong // mi ldog sa la goms byar med// 'di dag sbyor ba gzhi gcig kyang // so so thun mong ma yin pa'i// sgrib la sa zhes rtsi byed cing // ye shes re re 'char ba'o// des na bslab pa'i mtha' gcig la// mi ldog la sogs rdzogs chen rnams/ mnyam pa la bzhag re re la/ ye shes re re 'char ba ste// tha ma rang byung nyid kyi rdzogs// mthar phyin pa dang thob pa dang // mi ldog rnams la rim pa bzhin// rmi lam dag dang sgra brnyan dang // mngon sum nges pa ci rigs par// rnal 'byor rdo rje gral sko ba// rdo rje rdo rje che ge mo// zhes ni nyid dang sa khams dang // zhing khams kun du bsgrags byas nas// rnal 'byor lung rab ston pa'o// dmigs pa'i 'bras bu skye 'di la// grub pa'i rnal 'byor rnal 'byor che// nges par 'byung ba'i rnal 'byor gsum// rgyal ba'i thugs las rgyal skyes shing // rgyal ba'i sras po gdung 'tshob pa// khyad par rtsal 'phang kun rdzogs shing // ting nge 'dzin gyi sbyor ba'o// gnas pas mi 'gyur sa 'di la// tshogs chen 'dus dang rtsa chen rdzogs// gsum du rdzogs par shes bya ste// phyag rgya chen po sgyu ma yin// 'khor lo sgyur ba'i rgyal chen po// mthong ba'i gnas nas bcu drug pa// rdzogs pa'i gnas na longs pa'o// bdal ba chos nyid sa 'di la// rol pa rgyan gyi rnal 'byor dang / de

  654. 328a

    ba che dang thig ler rdzogs// gsum nyid du ni rdzogs pa la// yul don ye shes de sbyar ba// shes par byas pas thams cad rdzogs// sgyu ma'ang sgyu ma yin spyod la// rdzogs pa spyir chings 'di ni// bcu yi tha ma dang po las// mthar rdzogs kun gyi thog yin te// klong yangs nam mkha'i snying po la/ sprin med nyi ma 'bum gyis bad la// cir snang ci yang ma yin pa// mi skyes mi 'gag ngo bo la// ci ltar bltas dgu der snang ba// theg mchog spyi rgya'i rlabs kyis bcad// de yang lta ba'i khyad par gyis// bdag nyid chen po'i rnal 'byor dang / lhun gyis grub dang klong yangs chub// gsum rdzogs rang byung bdal ba'o// 'di ni rnal 'byor spyod pa'i lam// rnal 'byor can gyis bgrod par bya// gzhan yang 'dus pa'i rnal 'byor rnams// don gyi rjes ni tshol 'dod na// tshig 'ga' thos pa tsam gyis ni// chog pa'i 'du shes ma skyes cig/ khyed kun rnal 'byor yin mod kyi// yang dag don la rnal mi 'byor// spyod pa 'gyur bar byed mod kyi// yang dag don du yong ma 'gyur// chags sdang las la zhen mod kyi// dam pa'i don la yong ma zhen// longs spyod rgya cher skyed mod kyi// chos nyid don gyi ro ma tshor// bdag med phyogs bral zer mod kyi// nyon mongs lnga dang yong ma bral// brtul zhugs rtogs pa choms mod kyang // gzung

  655. 328b

    'dzin rtog pa yod ma choms// de bas 'dus pa'i rnal 'byor rnams// thos pa tshig gi sgron ma yis// yang dag don gyi gser btsal na// rtogs 'dod spre'u 'di bzung nas kyang // rkun mo byi la btags byas te// gse khung skar khung kun dgag cing // khang stong pang phung bshig nas ni// rgyal po'i dkor mdzod kha phye na// de dag rtag tu sangs rgyas yin// yang dag don gyi lam tshon na// rtog pa'i skyon lnga spang bar bya// rtog pa rags pa'i ri bo dang // mtshan ma rgyu ba tshor ba dang / byung tshor skyon lnga bsal bar bya// rtog pa la yang gnyis yod de// rags dang phra bar snang ba yin// de bzhin mtshan ma che chung gnyis// rgyu ba ring po zung ngu gnyis// de bzhin tshor ba gsal mi gsal// byung tshor gnyis su snang ba yang // myur pa dang ni bul ba'o// 'di ni don la sgrib pa yi// rtog pa chen po'i gegs chen yin// ci phyir don de mi mthong phyir// mun pa dang ni 'khrigs pa dang / kun du 'thibs dang sprin phung dang // na bun lta bur bsgribs pa yis// yang dag mi gsal mthong mi 'gyur// 'di yang bye brag bcu gnyis te// mun pa min nag chen po dang / kun nas 'thibs pa lta bu dang // kun du 'khrigs dang bsgribs pa dang // 'thibs pa chen po chung ngu gnyis// sprin chen 'thibs dang 'al 'ol dang / na bun gtams dang ban bun gyis// gnas ngan

  656. 329a

    gsum dang mi'i gnas dang // 'dod khams bzhi yi lha gnas dang // gzugs kyi khams dang gzugs med khams/ nyan thos rang rgyal gnas su lhung // ltung bar 'gyur ba'i skyon chen ni// mtshan ma'i g.yeng ba rnam drug yin// rang bzhin yul la g.yeng ba dang // de bzhin phyi rol g.yeng ba dang / nang dang mtshan ma'i g.yeng ba dang // yid la byed dang gnas ngan len// 'di dag tu rab tu gsal bar bya// bsal nas don la mnyam bzhag che// mnyam pa'i don la sgrib pa'i skyon// rnam par lnga 'byung 'di lta ste// byung tshor dbang gis g.yeng ba dang / bying rmugs dbang gis 'thibs pa dang // 'dzin chags dbang gis 'gog pa dang / zer zug dbang gis rtog pa dang / phyal ba'i dbang gis med pa ste// 'di ni mnyam pa'i skyon yin no// skyon chen de dag glan pa'i chos// sems kyi lon 'di rgyal bas bshad// 'dus pa chen po'i rnal 'byor pa// rnam par mi rtog don tshon na// gcig pu dben pa'i sa bzung ste// tshad ma gsum dang ldan pa'i blos// rnam par rtog pa'i rjes gcad pa// yod med sngon thog ga las byung // brtags pas rtog pa ltas las byung // rtog pa sgyu mar rab shes na// rtog pa'i ri bo zhi bar 'gyur// des ni gnas ngan gsum mi ltung // rtog pa gang nas byung zhe na// mtshan ma'i chos las byung ba

  657. 329b

    yin// mtshan mar sbyar mar rab shes na// mtshan ma'i chos rnams zhi bar 'gyur// de ni 'dod khams tha mar min// mtshan ma gang las byung zhe na// dran pa rgyu ba dag las byung // dran pa skyon du shes gyur na// rgyu ba'i skyon rnams sel bar byed// mthu des 'dod khams gnyis par min// rgyu ba gang las byung zhe na// tshor ba dag las byung ba yin// dag cing skye bar bya ba med// tshor ba sgyu mar shes gyur na// skyon gyi tshor ba sel bar byed// 'dod khams gsum par ltung mi 'gyur// tshor ba gang las byung zhe na// byung tshor phyi nang dag las byung // dag cing skye bar bya ba med// de nyid skon du shes 'gyur na// de ltar shes pa'i mthu yis ni// 'dod khams bzhi par mi ltung ngo // byung tshor gang las byung zhe na// sems kyi chos las byung ba ste// sems nyid sgyur mar rab shes na// sems kyi chos rnams zhi bar 'gyur// phung po gzugs brnyan 'dra ba la// sems nyid smig rgyu lta bu yin// yod med gnyis kyi mtha' las grol// de ltar shes pa'i rnal 'byor pa// 'dod khams lnga par lhung mi 'gyur// sems nyid yod pa'i dngos po 'am// med ces bya bar mi lta bar// mu stegs can du ltung mi 'gyur// bying rmugs can du ma gyur pas/ 'du shes med par ltung mi 'gyur// 'du shes rjes su ma 'brangs pa// sems can gnas su de mi 'khor// kun gzhi'i

  658. 330a

    don la goms pas ni// nyan thos gnas su de mi ltung // stong zhing zhi bar mi byed pas// rang rgyal lta bar de mi ltung // rnam dag stong par mi byed pas// byang chub spyod par ltung ma yin// mnyam nyid stong pa'i don dag la/ so so tha dad mi 'byed pas/ sa yi rim pa mi ltung zhing // rim gyis sbyang zhing 'phar ba med// yang dag don gyi rang bzhin ni// ci la mi gnas mi len cing // cing yang mi mthong thos pa med// cir yang mi byed byed dang bral// ci yang thos pa rdul tsam med// cir yang snang ba med pa de// de ni snang ba dam pa yin// bsam du med pa'i chos nyid ni// bsam du med pas de bzhin gzhag/ rang bzhin med pa'i chos nyid la// sems kyi gyen da skad cig mas/ mi g.yo rgyun tu dran par bya// de ltar don la mnyam bzhag na// rtags kyi tshor ba 'di ltar 'gyur// drod dang rtags dang cho 'phrul dang // mngon shes dang ni ye shes 'byung // dro ni g.yo dang thob pa dang / rtags ni byung dang brtan pa dang / cho 'phrul byung dang rdzogs pa dang // rig pa phra mo thams cad gsal// des ni don rnams rdzogs pa yin// dper na mun pa sangs pa dang // snang ba byung dang nam mkha' dang / kun tu mthong dang thams cad gsal/ de ltar shes pa'i mthu yis ni// bag chags mun pa kun bsal te// ji ltar rlung gis sprin phyags ltar// skad

  659. 330b

    cig tsam gyi ting 'dzin gyis// sgrib pa'i phung po 'phyag par 'gyur// ji ltar mar mes mun bsal na// mun nyid snang bar 'gyur ba bzhin// skad cig ma yi don rig pas/ sngon nas bsags pa'i mun pa sel// de ltar rig pa'i skyes bu ni// don la rig pa'i sgo phye zhing // chos kyi mig dang de ldan pas// mthong thos tshig le'u tshig bzhir bsdebs// sa pa yin pas don la spyod// chos kyi mig dang ma ldan na// mi mtha' yas pa'i tshig rnams kyis// don gyi tha snyad ci brjod kyang // nor ma nor gyi don mi dpogs/ tshig phyir blo 'brangs dmu rgod de// bslab pa'i sa dang lam pa yin// tshig don 'bum phrag ci brjod kyang // gzhan la ston par ma byed cig/ bstan na rdo rje bka' rkun de// dmyal ba rdo rjer de ltung 'gyur// gang dag tshul chos mkhan dag gi/ don la blo shed ma bye bar// tshig dang yi ges khris nas ni// mi shes bzhin du chos bstan na// sems can thams cad srog phrogs pas// mi shes chos ston de bas lci// de bas mnyam pa'i don 'di la// bstun te cig car 'jug shes na// bsgom pa'i yun ni ring zung dang // las 'phro yod dang med pa dang / nam grub snyam pa'i khar ma lus// mnyam pa'i don la mnyam bzhag na// de ma thag tu rig pa 'char// mnyam pa'i don las ma g.yos na// gzugs khams gnas su de mi ltung //

  660. 331a

    mnyam pa nyid la ma chags na// gzugs med khams su ltung mi 'gyur// mnyam nyid mngon du gyur pas na// nyan thos gnas su de mi ltung // ci yang med pa'i don mthong na// sangs rgyas zhes ni de la bya// des ni ting 'dzin khyad par 'di// rnal 'byor can gyis 'dris par bsgom// thams cad mi rtogs skye med cing // rtog pa'i mtha' spangs nam mkha'i dbyings// ji bzhin mi g.yo mnyam pa nyid// mtshan ma'i rtog pa yum las 'das// yul med nam mkha'i rang bzhin las// snying rje chen po'i byang chub sems// nyi ma stong gi dkyil 'khor shar// mtshan ma'i chos rnams kun la khyab// nyi ma 'bar ba snying po las// 'od zer yig 'bru'i mchog tu gsal// thams cad 'byung ba'i yi ge a// cir yang 'gyur ba'i rang bzhin las/ sprul pa'i cho 'phrul thams cad 'byung // de yang rtsal gyi khyad par las// dbugs kyi yul dang tshor ba dang // thos dang mthong ba la sogs te// sems kyi yul dang nam mkha'i dbyings// chos kyi dbyings kyi mthas klas par// rang bzhin yi ge bsgyur yi ge/ yan lag yi ge so so yi// rtsa ba la sogs gzhi gcig bcas// 'phro 'du tshad kyang phyag rgya yi// tshom bu'i grangs kyang de bzhin no// 'di ni dang po'i 'jug rims te// mthar gyis 'dris shing goms byed pa'o// yi ge'i ye shes

  661. 331b

    las skrun te// don byed pa dang phyag rgyar skyed// rgya mtsho gnon dang nam mkha'i skas// rlung bcing ba dang rgyun bzlog dang // bsreg pa'i bskal ba gzhil ba dang / nyi zla'i zhon dang 'jig rten 'phang // sa la 'dzul dang ri rab 'debs// stongs gsum yungs 'brur 'jug tshul dang // gzhig dang spang ba la sogs te// bsam bya bsam gyis mi khyab pa// goms par las su rung ba yi// rnal 'byor rtsa chen sbyong bar zad// bzlas pa mthar phyin grub pa dang // bcing ba yongs su rdzogs pa dang // bsam pa las su rung ba dang // don mthong ba dang tshig grub pa// bya ba yongs su dag pa dang // don gcig yul la so sor snang // des na ting 'dzin khyad par yang // dbyings nyid gcig la sgom mod kyi// rnal 'byor rtsal gyi khyad par gyis// bsam pa'i yul ni sna tshogs te// dang po'i sa la gnas pa yi// brtsam pa las kyi rnal 'byor pa// 'dun pa sems pa'i rnal 'byor las// sogs pa'i rnal 'byor rnam drug po// shes rab rtsal gyi 'phang dmas pas// ting 'dzin rtsal yang chung ba ste// don la mthong bar mi 'gyur te// rang gi mos pa'i lha sgom na// lha yis sa bon gang yin pa/ kha dog tshon gyis phye nas ni// sna yi dbugs la rgyu byas te// dbugs kyi yul du gyur tshad du// zung bsgril phar 'gro gsal ba las// 'phro 'du'i gnas su bskyed

  662. 332a

    par bya// rang gi chags tshad dang sbyar ba'i// sku yi khyon yang de tsam mo// gnyis pa'i sa la gnas pa yi// bka' sdod las kyi rnal 'byor las// sogs pa'i rnal 'byor rnam bzhi po// ting 'dzin rtsal gyi khyad par ni// sa bon rang bzhin yi ge la// 'od zer 'bar bar bcas pa de// dri byung yul ni tshun chad du// 'phro 'du gsal bar bskyed pa las// rang gi chag tshad gnyis bsgyur ba'i// sku yi khyon yang de tsam mo// gsum pa'i sa la gnas pa yi// rnal 'byor lung gi bka' bsgo las// sogs pa'i rnal 'byor rnam gsum mo// dmigs pa'i ting 'dzin 'di ltar 'dod// lha yi sa bon gang yin pa// rang bzhin yi/ ger bsgyur byas te// 'od zer 'bar dang bcas pa yis// thos pa'i yul ni tshun chad du// 'phro 'du gsal bar byas pa las// rang gi chag tshad bzhi bsgyur tsam// sku yi khyon yang de tsam mo// de bzhin rnal 'byor rim pa bzhin// lha yi khyad par gang yin pa// yi ge'i rim pa bzhin byas nas/ 'phro 'du'i tshad kyang de bzhin te// rim pa bzhin du sbyar nas kyang // 'phro 'du gsal bar gyur pa dang // sems kyi lcogs tshad tshun chad du// sku yi khyon gyi khyad par yang // chos kyi dbyings kyi mthas klas par// sku yi khyon gyis gang bar bsgom// gzhan yang 'dus pa'i rnal 'byor rnams// yi ge'i rjes su don dpags na// yi ges

  663. 332b

    don rnams ston par 'gyur// ci phyir don nyid yi ger snang // dbyings las a byung a las ni// yi ge'i tshogs byung sna tshogs 'phros// a ni rang bzhin yi ge ste// rten dang bral bas rgyu rkyen med// kun la khyab pas nam mkha' 'dra// a ni chos nyid cho 'phrul te// chos nyid zab mo'i ngang las ni// cho 'phrul yi ge a byung bas// as ni chos nyid mtshon par byed// a las yig 'bru'i tshogs 'phros te// tshig tshogs bstan pa rgya tshor grags/ yi ge sgra skad kun bzung ste// sna tshogs yi ge'i skad du bsgyur// yig 'bru yan lag mang po rnams// rang bzhin a yi ngang du 'dus// thugs kyi klong nas a byung bas// a yi 'od zer 'phro 'du las// mgur gyi gsang bar shar ba las// gsungs sgra yi ge lngar 'phros pa// a/ ka kha ga g+ha nga// de nas a yi 'od zer de// ljags kyi zla gam pad+mar 'phros// ljags kyi mthil du 'khyil ba las// 'od zer yig 'bru lngar shar ba// tsa tsha dza dz+ha nya/ de nas a yi 'od zer de// ljags kyi rtse la 'phros pa las// 'od zer yig 'bru bcur shar ba// Ta Sha Da D+ha Na/ ta tha da d+ha na// de nas a yi 'od zer de// zhal gyi sgo nas 'phros pa las// cho 'phrul yi ge lnga shar ba// pa pha ba b+ha ma// de nas a yi 'od zer de// phyi rol yul du 'phros pa las// cho 'phrul yi ge sna tshogs 'phros// ya wa ra la sha Sha sa ha

  664. 333a

    k+Sha// i I u A e e o o aM aH/ a las cho 'phrul 'od 'phros pas// yi ge'i phreng ba tshogs byung ste// yi ge'i yan lag ye shes la// sangs rgyas sku yis sa bon byung // dpag tu med pa'i rgyal ba rnams// sku dang gsung thugs sprul pa'i tshogs// phyag rgya sna tshogs mdzes pa snang // des na yi ge'i rang bzhin ni// rgyal ba'i sku nyid yin par bshad// a ni thugs kyi sa bon te// ka la sogs pa dang po lnga// mgur gyi gsang ba'i rang bzhin yin// gnyis pa tsa la sogs pa lnga// zla gam ljags kyi rang bzhin yin// gsum pa Ta la sogs pa bcu// ljags kyi rtse mo'i rang bzhin yin// bzhi pa pa la sogs pa lnga// zhal gyi sgros las byung bar bshad// lnga pa ya la sogs pa yi// bcu tshan gnyis kyi yi ge dag/ sku las 'phros par rab tu bshad// zhabs kyis 'khor lo'i 'od zer las// sgrib pa sregs pa'i yig 'bru ha// gsang ba'i mkha' yi 'od zer las// cho 'phrul 'byung ba'i yi 'bru k+Sha// sku yi khrun tshad lte ba las// 'dod pa 'byung ba'i yig 'bru hA// thugs kar 'khyil ba'i dpal be'u las// mtshan ma dag pa'i yig 'bru sha/ phyag gi 'khor lo'i 'od zer las// cho 'phrul ston pa'i yig 'bru shu// skyes bu chen po'i dpung pa las// rtog pa 'joms pa'i yig 'bru la// skyes bu chen po'i sta zur las// 'dod chags sreg pa'i yi

  665. 333b

    ge ra// skyes bu chen po'i dku skabs las// gti mug sel ba'i yi ge wa// skyes bu chen po'i byin pa las// 'khor ba gnon pa'i yi 'bru ya// skyes bu chen po'i spyan gnyis las// rang bzhin yi ge i gnyis shar// skyes bu chen po'i snyan gnyis las// rang bzhin yi ge u gnyis shar// skye bu chen po'i shangs gnyis las// rang bzhin yi ge e gnyis shar// skye bu chen po'i tshems gnyis las// rang bzhin yi ge oM gnyis shar// skye bu chen po'i spyi gtsug nas// rgyal ba'i sa bon aM du shar// des na yig 'bru'i yan lag kun// rgyal ba rgya mtsho'i sku gsung thugs// oM ni sku yi rang bzhin te// AHni thugs kyi mtshan nyid do// yi ge'i phreng ba mang po kun// gsung brjod gsung gi rang bzhin no// AHni chos sku'i rang bzhin te// oM ni longs spyod rdzogs pa'i sku// yig 'bru 'bar ba'i phreng ba rnams// sprul pa'i 'dren pa'i sku zhes bshad// a ni chos kyi dbyings yin te// oM ni rig pa'i ye shes yin// yig 'bru 'bar ba'i phreng ba rnams// chos dang chos nyid rang bzhin yin// a ni brjod pa'i rgyu yin te// oM ni tshig tshogs 'byung ba'i rgyu// tshigs gi tshogs nyid yi ge yin// yi ge ring ba'i tshig gi mdzod// yi ge 'od zer 'bar 'phros pas// chos dang chos ma yin pa rnams// ngag gi dbang po kha phye ste// don dang tshig tu rgyas par 'gyur// sgra

  666. 334a

    skad kun gyis bsdus pa'i tshogs/ yig 'bru phreng ba'i ngang du rdzogs// tshig dang yig 'bru thams cad kun// aM gyi rang bzhin dang du rdzogs// aM gyi cho 'phrul thams cad kun// a yi rang bzhin dbyings su zhi// a ni yig 'bru kun gyi gter// a nyid chos kyi dbyings su thim// de nas rgyal ba sangs rgyas rnams/ sku dang gsung thugs rdo rje de// 'dul ba'i dbang gi khyad par gyis// cir yang 'gyur zhing cir yang snang // sa dang nam mkha' med dang rlung // chu la sogs pa'i rdzas rnams kyis// 'dul ba'i 'gro ba de rnams la// sa dang nam mkha' la sogs pa'i// chu dang rlung gi ngo bor snang // gang dag sku yis 'dul ba'i tshe// sku dang gzugs brnyan ring bsrel dang // rten la sogs pa tha dad par// 'jig rten kun tu ston par 'gyur// gsung gis 'dul ba'i dus byung na// dbyangs kyi yan lag drug cu las// sogs pa'i sgra skad sna tshogs dang // yi ge'i gzugs su bstan nas ni// 'khor ba'i khams su snang bar byed// ci'i phyir zhe na yi ge ni// de bzhin gshegs pa nyid yin te// de bzhin gshegs pa'i rang bzhin te// thugs rje'i rang bzhin yin pas na// thabs kyi bye brag sna tshogs kyis// thams cad grol bar mdzad pa'o// de bzhin yi ge'i tshogs 'di yang // yan lag sbyor sdud snang tshos kyis// thams cad tshig tu go

  667. 334b

    bar byed// yi ge rang bzhin ye shes ni/ so so'i don rnams bshad par bya// a ni ma skyes ye shes yin// rang bzhin thams cad stong par ston// ka ni bya ba'i ye shes te// lam gyi thams cad grol bar ston// kha ni khyab par byed pa'i sgo// mi dmigs thams cad grol bar ston// ga ni don du gyur pa'i sgo// yul med thams cad grol bar ston// g+ha ni gnas pa'i sgo yin te// gcig tu ma nges grol bar ston// nga ni 'dzin pa med pa'i sgo// 'dzin bral thams cad grol ba ston// tsa ni 'gag pa med pa'i sgo// cir yang snang bas thams cad grol// tsha ni 'da' ba med pa'i sgo/ 'bral ba med pas thams cad grol// dza ni ma byung ba yi sgo// mi gnas pas ni thams cad grol// dz+nyA ni rnyog ma bral ba'i sgo// dri ma dag pas thams cad grol// nya ni spyod dang bral ba'i sgo// bya ba med pas thams cad grol// Ta ni nga rgyal med pa'i sgo// ri bo med pas thams cad grol// Tha ni sgyu rtsal med pa'i sgo// byed pa med pas thams cad grol// Da ni 'dres pa med pa'i sgo// rtsod pa med pas thams cad grol// D+ha ni slu ba med pa'i sgo// sgyu ma thams cad grol bar byed// Na ni yul dang bral ba'i sgo// 'dzin pa med pas thams cad grol// ta ni tha snyad med pa'i sgo// brjod pa med pas thams cad grol// za ni rten dang bral ba'i sgo// gnas pa med

  668. 335a

    pas thams cad grol// da ni gtong dang bral ba'i sgo// len pa med pas thams cad grol// d+ha ni rang bzhin med pa'i sgo// mtshan nyid med pas thams cad grol// na ni yul dang bral ba'i sgo// 'dzin pa med pas thams cad grol// pa ni nges par 'byung ba'i sgo// 'gag pa med pas thams cad grol// pha ni dngos po med pa'i sgo// ci yang med pas thams cad grol// ba ni brjod pa med pa'i sgo// brjod pa med pas thams cad grol// b+ha ni rdul dang bral ba'i sgo// rtog pa med pas thams cad grol// ma ni chags pa med pa'i sgo// rtag pa med pas thams cad grol// ya ni chags pa med pa'i sgo// gos pa med pas zas cad grol// wa ni rgyu rkyen med pa'i sgo// 'bras bu med pas thams cad grol// ra ni rkyen dang bral ba'i sgo// dor ba med pas thams cad grol// la ni blang ba med pa'i sgo// yon tan med pas thams cad grol// sha ni spros pa med pa'i sgo// zhi bas thams cad grol bar byed// Sha ni khur dang bral ba'i sgo// lci ba med pas thams cad grol// sa ni yang dag gsang ba'i sgo// nges pas thams cad grol bar byed// ha ni rgyu dang bral ba'i sgo// rkyen dang bral bas grol bar byed// a ni khams dang bral ba'i sgo// mtshan nyid med pas grol bar byed// i ni mthong ba med pa'i sgo// gzugs dang bral

  669. 335b

    bas thams cad grol// u ni thos pa med pa'i sgo// sgra dang bral bas thams cad grol// e ni tshor ba med pa'i sgo// dri dang bral bas grol bar byed// oM ni tshor ba med pa'i sgo// reg dag bral bas thams cad grol/ aM ni cho 'phrul byung ba'i sgo// cir yang snang bas thams cad grol/ mya ngan 'das dag 'khor ba'i chos// yod mthong snang grags chos thams cad// yi ge'i tshogs su mngon sangs rgyas// yi ger ma gyur gang yang med la// chos nyid snying po'i nyi ma la// 'od zer yig 'bru'i tshogs su 'bar// chos nyid nam mkha' lta bu la// yig 'bru sna tshogs phra bkod pa// dus gsum rgyal ba'i dkyil 'khor rdzogs// nyi ma 'bar ba'i 'od zer las// 'od kyi 'bar ba'i rdo rje 'bar// yi ge oM gi 'od 'phros// rdo rje snying po'i sa bon zhes// rdo rje rigs kyi zhing du grags// nyi ma'i 'od zer rin chen las// yig 'bru 'od kyi sa 'phros pas// rin chen snying po'i sa bon zhes// rin chen rigs kyi zhing du grags// nyi ma pad+mo 'bar 'phros pas// cho 'phrul yi ge'i aM du 'bar// pad+ma rigs kyi zhing du grags// sna tshogs nyi ma'i 'od 'phros pas/ cho 'phrul yi ge har gsal bas// sna tshogs nying po'i sa bon te// las kyi rigs kyi zhing du grags// dus gsum rgyal ba thams cad kyi// thugs ni rdo rje ye shes yin// ye shes dam pas sprul pa

  670. 336a

    yi// rgyal ba dpag tu med pa la// rdo rje rigs zhes bya bar bshad// yon tan ye shes rin chen yin// rin chen de las sprul pa yi// rgyal ba dpag tu med pa la/ rin chen rigs zhes bya bar bshad// gsung gi yi shes pad+ma ste// pad+ma ye shes las sprul pa'i/ rgyal ba dpag tu med pa la/ pad+mo rigs kyi zhing du grags// phrin las bya ba sna tshogs te// sna tshogs ye shes sprul pa yi// rgyal ba dpag tu med pa la/ las kyi rigs zhes bya bar bshad// sku ni ma bcos de bzhin nyid// de bzhin nyid kyi ye shes la// sprul pa rgyal ba dpag med la// de bzhin rigs zhes bya bar bshad// de bas rigs kyi gtan tshigs ni// ma bcos sku ni de bzhin nyid// mi 'gyur rigs ni rdo rje rigs// yon tan kun 'byung rin chen rigs// chags med gsung gi pad+ma'i rigs// bya ba byed pa las kyi rigs// sku yi sprul pa thams cad ni// de bzhin rigs kyi gdung brgyud 'dzin// thugs las sprul pa'i sangs rgyas ni// rdo rje rigs kyi gdung rgyud 'dzin// yon tan yul gyi sangs rgyas rnams// rin chen rigs kyi gdung rgyu 'dzin/ gsung las sprul pa'i sangs rgyas rnams// pad+ma rigs kyi gdung rgyud 'dzin// mdzad pa sprul pa'i sangs rgyas rnams// phrin las rigs kyi gdung rgyud 'dzin// ci phyir rigs zhes bya zhe na// dang po de las byung ba

  671. 336b

    dang // bar du de yi bya ba byed// tha mar de yi rgyud 'dzin phyir// de phyir rigs zhes grags pa yin// dper na me dang chu dag dang // nam mkha' dang ni sa dag la/ gnas pa'i sems can mtha' dag kun// gnas rgyun nyid kyi ming 'dzin de// me la gnas pa'i sems can la// mi yi yi dwags ma zhes zer// chu la gnas pa'i sems can la// chu srin tA ra na zhes zer// ci phyir lnga zhes bya zhe na// rgyal ba sangs rgyas thams cad la// sku dang gsung thugs yon tan dang / mdzad pa phrin las nyid dang lnga// rig pa lnga dang lnga nyid du// thams cad kun tu gsal bar snang // des na lnga zhes nges par bshad// ci phyir zhe nasangs rgyas kun// lnga po de las ma gtogs pa// gzhan las byung zhing gzhan na med// sangs rgyas mtshan gyi khyad par yang // mtshan med pa las mtshan btags pa// thams cad lnga po nyid las btags// mtshan gyi bye brag thams cad kun// tha snyad tsam du gdags par zad// rigs med pa las rigs smos pa// 'dul ba'i dbang du lngar snang yang // drang ba'i don te dngos gzhi med// ci yang med las ci snang ba// mkha' la 'ja' tshon byung ba 'dra// chos kun nam mkha' 'dra ba zhes// gsang ba mchog gi bdag pos bshad// mnyam dang mi mnyam mnyam pa yin// sangs rgyas med cing sems can

  672. 337a

    med// 'khor ba med cing chos nyid med// dmigs pa med de mi dmigs med// de ltar shes pa mkhas pa yin// rig dang ma rigs tshul gcig ste// de ltar shes pa rgyal ba yin/ sems can rang bzhin sangs rgyas nyid// sangs rgyas rang bzhin sems can te// sems can sangs rgyas gcig pa yin// de ltar shes pa rgyal ba'i sras// byang chub phyir ni gang ma brnyes// ma brnyes gang yang de ma brnyes// brnyes pa med pa'i don mthong na// de ni brnyes pa'i mchog yin no// gzhan yang dus pa'i rnal 'byor rnams// lam gyi ngo bo tshol 'dod na// lam gyi rtags nyid dpes mtshon te// lam gyi don la goms par bya// mi gnas mig ldan sgron ma yis// lam gyi rgyu la mkhas par bya// bag chags rtogs pa'i mtshan ma rnams// sna tshogs dngos por snang mod kyang // nam mkha' dag la smin rgyu 'dra// de yang gtan tshigs nges pa yi// dpe yis mtshon te rtogs bya na// mkha' la sprin phung 'ja' tshon dang // char la sogs pa'i rgyun snang yang // nam mkha' cho 'phrul gcig tu zad// rtag tu de ltar snang ba min// dper na sgyu ma'i rang bzhin yang // slu zhing 'drid pa cir snang yang // sgyu ma'i 'phrul par snang bar zad// rtag tu de ltar snang ba min// dper na rdo yi dngos po yang / sra zhing mkhregs pa'i dngos po yang // btags

  673. 337b

    sam phye mar byas nas kyang / rlung gi mthu yis btor byas na// de la rang bzhin la ga yod// dper na me yi rang bzhin dag/ tshang tshing sbar sbur kun sreg cing // 'bar 'phro snang gsal mched byed na// chu yi mthu yis rlag 'gyur na// de la rang bzhin ga la yod// dper na rdzas kyi dngos po yang // me yi mthu yis sreg 'gyur na// de la rang bzhin ga la yod// shes pas zin pa'i sems can rnams// gzugs dang dran pa sna tshogs kyis// dbang po la sogs mdzes gyur kyang // phung po mi rtags shi 'phos na// dngos po brtan par mi 'gyur te// gzugs rnams so sor zhig nas ni// rus pa dag kyang mi snang ste// zhig dag rul la sogs pa yis// tha mar ci yang mi snang 'byor// ri bo chen po la sogs pa// dngos po brtan g.yo'i 'jig rten rnams/ sreg pa'i bskal ba la sogs pa// bskal pa gsum gyis brlag byas na// de la rang bzhin la ga yod// des na dngos po'i chos rnams kun// dngos por brtags pa ma yin pas// chos rnams rang bzhin med par shes// 'di ni rnal 'byor lam gyi mchog/ 'dus pa'i tshogs rnams goms par gyis// zhes sems dpa'i rdo rje smra ba'i seng ges rnal 'byor mchog gi lam gsungs pa'o// rgyud kyi rgyal po chen po rdo rje bkod pa kun 'dus rig pa'i mdo las rnal 'byor rjes su 'jug pa'i le'u ste gnyis

  674. 338a

    pa'o// // de nas smra ba'i seng ge sems dpa'i rdo rje de cho 'phrul chen po sna tshogs ston pa zhes bya ba'i ting nge 'dzin la snyoms par zhugs so// ting nge 'dzin de'i byin gyi rlabs zhing khams thams cad g.yos par gyur te// don yongs su rdzogs pa'i snga ltas byung bar gyur ro// 'khor der 'dus par gyur pa rnams la la ni nyi zla'i steng na gnas shing chos nyid kyi nam mkha' la lding bar gyur to// la la ni ri rab rgyang mar 'phen// la la ni stong gsum chen po'i khams 'phen par gyur to// la la ni chos nyid bden pa'i don mthong bar gyur to// la la ni seng ge'i khri la 'dug par gyur to// de nas sems dpa'i rdo rje de cho 'phrul gyi ting nge 'dzin de las bzhengs te/ 'dus pa chen po'i rnal 'byor gyis shin tu ngo mtshar che bar gyur nas/ sems dpa'i rdo rje de la rnal 'byor gyi phyag lus kun dus la brdabs nas 'di skad ces gsol to// sems dpa' chen po cho 'phrul rgya cher gda' ba 'di don ji lta bu lags/ rtags ci lta bu lags/ bdag cag rnams la rgya cher bshad du gsol zhes zhus pa las/ smra ba'i seng nge chen pos bka' stsal pa/ 'dus pa'i rnal 'byor rnams 'di dag ni don yongs su rdzogs pa'i ltas chen po yin te/ snga ltas kyi mtshan ma 'di dang sbyar na 'dus pa chen po rnams sa nas sar shin tu 'phar zhing

  675. 338b

    yang dag nges pa'i don mthong ba'i snga ltas yin no zhes gsungs pa'i las/ rnal 'byor gyi tshogs kyis gsol pa/ sems dpa' chen po sa non pa'i snga ltas ni ji lta bu lags/ don mthong ba'i snga ltas ni ji lta bu lags/ bdag cag rnams la bshad du gsol zhes zhus pa las sems dpa' rdo rjes bka' stsal ba/ 'dus pa chen po'i tshogs legs so// khyod kyis zhus pa'i don rgya cher bshad par bya'o// rna ba lhogs la gus par nyon cig/ sgrub pa don gyi rnal 'byor pa// rnal 'byor don la sbyor ba'i tshe// sprad pa'i las kyi khyad par gyis// khams dang sa ni gar 'gro ba// mdo don tshul lngas lung bstan no// nges pa'i snga ltas byung ba yi// 'bras bu don gyi khyad par yang // cho 'phrul sna tshogs ston par nus// de nas yang dag bden pa 'thob// nges pa'i snga ltas rnam pa lnga// rgyu yi dus na 'byung ba ni// tshig gi brjod pa 'di lta ste// blo rtsal las kyi khyad par yang / snang ba lus kyi snga ltas dang // ngo mtshar rdzas rnyed tshul rtags dang / mtshan ma sgra yi rmi ltas dang / 'dun pa mang po'i snga ltas kyis// 'bras bu gang dang gang 'grub pa// mtshan ma gsal bar rgyud las 'byung // dper na me yi snga ltas ni// du ba'i mtshan ma rgyas par 'byung // du ba gang byung gnas de ni// mi nyid yod par nges pa yin// de bzhin chu yi snga ltas kyang // rlangs dang sngabs dang

  676. 339a

    srog chags 'byung // de na chu nyid yod par nges// rlung gi ltas kyang 'di lta ste// sprin rnams rgyug cing dum bur 'chad// des na rlung chen 'byung bar nges// rtsi mtshal lo ma gang byung ba// de na gser khur yod pa ltar// snga ltas mtshan ma 'di dag gis// 'bras bu mtho dman gar 'gyur ba// rgyu la mkhas par byas nas ni// mtshan ma ci byung de la sbyar// bar chad med pa'i brtson 'grus kyis// srog la bab kyang mi blta bar// rnal 'byor yul la 'jug pa dang / ting 'dzin rig pa'i rtsal sprugs la// gnyen po kun bstan sa sbyangs nas// rnal 'byor sa la brtson par bya// 'dis ni gdon mi za ba dang // la la the tshom mi skye zhing // ma nges la zhugs the tshom med// dper na 'jig rten byis pa dag/ yun rings ma la skyo ba ltar// snga ltas byung ba'i sgra zos na// shin tu brod pas mdun bsu ltar// ltas chen byung ba'i brod tshul gyis// shin tu brtson pas bde thob 'gyur// de bas snga ltas mtshan ma rnams// shes nas brtson par 'bad pa'i rigs// blo rtsal las kyi khyad par gyis// ting 'dzin drod kyi snga ltas 'byung // yang dag bden pa'i don bstan na// mi skrag mi dngang dga' ba skye// yang dag don la nges bltas na// 'khor ba'i chos la skyo ba skye// yang dag don la 'dris pa dang // rnam grangs chos la dad mi 'gyur// yang dag don

  677. 339b

    nyid mthong ba na// tshig la dga' ba mi skye zhing // don nyid nye bar 'dzin par byed// don mthong ba dang ye shes skye// ye shes skyes par gyur pa dang / dngos por snang ba thams cad kun// sgyu ma bzhin du shes par 'gyur// sgyu ma tsam du zhes pa la// brten nas chos nyid don bltas na// snang ba med pa'i don nyid ni// snang ba med par mthong bar 'gyur// snang med srid pa mthong ba'i tshe// cho 'phrul rgyu ba thams cad 'byung // de nyid bden pa'i snga ltas so// de nas nyi ma'i 'od zer gyi// rdul phran 'dra ba'i mtshan ma 'byung // de ni g.yo ba'i snga ltas so// de nas smig rgyu lta bur 'byung // dang po'i drod ces bya bar shad// de nas mtsho yi rlabs ltar 'byung // bar gyi drod ces bya bar bshad// de nas rlung chen lta bur yang // thogs pa med par 'byung bar 'gyur// tha ma'i drod ces bya bar bshad// de nas yig 'bru'i drod spros pas// char cher 'bab pa lta bur 'byung // de ni thob pa'i drod ces bya// de nas mkha' la sprin lding bzhin// ting 'dzin rtsal 'phang mtho bar 'gyur// de ni shin tu brtan pa'i drod// de nas ta la gcig tsam du// bdag gi lus ni dbang med par// mkha' la 'phar zhing 'phags pa rtsol// 'di ni shin tu gsal ba'i drod// de nas sa chen g.yo ba ltar// shin tu yam yom mar mer 'byung // 'di ni dang po'i rtags shes bya// de nas

  678. 340a

    ting 'dzin rtsal sbyangs na// ci ltar dmigs pa der 'grub ste// mi yi skye mched der bsgoms na// me yi rang bzhin nyid du 'gyur// chu yi skye mched der bsgoms na// chu yi skye mched nyid du 'gyur// rlung gi skye mched der bsgoms na// rlung gi skye mched nyid du 'gyur// yig 'bru'i skye mched der bsgoms na// yig 'bru gang ltar gsang bar 'gyur// de ltar rdzas kyi skye mched du// gang ltar bsgoms pa de ltar 'gyur// de ni rtags chen thob pa yin// blo yi ting 'dzin rtsal rdzogs na// ngag gi bden pa'i rtsa 'byung ste// sreg pa'i me chen mthong ba na// zhi bar gyur cig byas pa yis// de nyid du ni zhi bar 'gyur// chu klung gnod pa'i rgyun byung na// chad par gyur cig brjod pa yis// de nyid du ni chad par 'gyur// rlung chen gnod pa'i rgyun byung na// zhi bar gyur cig brjod pa yis// de nyid du ni chad par 'gyur// nad pa'i tshogs ni mthong ba na// gang na na ba'i dmigs der ni// se gol gtogs pa tsam gyis kyang // nad rnams zhi bar gyur ces brjod// nad kyi tshogs rnams zhi bar 'gyur// de bzhin ngag gis brjod byas pa// thams cad ma lus grub par 'gyur// ngag gi bden pa'i rtsal rdzogs na// lus kyi drod la rtsal 'byung ste// gnyid kyi rtog pa choms pa dang // lus kyi bzod pa thob pa ni// 'di ni dang po'i drod

  679. 340b

    yin no// khams kyi zas dang bral ba dang // mdangs dang dbang po gsal 'gyur ba// 'di ni gnyis pa'i drod ces bya// shing bal lta bur yang ba dang / khams bde mi bde mi 'byung zhing // nad kyi tshogs dang bral 'gyur ba// 'di ni drod chen bstan pa yin/ khams kyi zas dang la ma bsten yang // dbang po gzi mdangs shin tu gsal// 'di ni ting 'dzin ro tshor rtags// gzhan yang lus kyi snga ltas ni// mnyam pa'i skyil krung bcas nas ni// khru gang tsam du 'phar ba dang // ta la gang tsam bar du 'gro// 'di yang ltas chen rtags yin no// gzhan yang snang ba'i nam mkha' la// gom pas bgrod de 'gro ba dang / chu la mi 'bying sa la 'dzul// me yis mi 'tshig rlung bcing ba// 'di yang snga ltas chen po yin// lus kyi bden pa'i rtsal rdzogs na// mthu yi rtsal yang 'byung ba ste// mthu yi byin brlabs bsam mi khyab// gal te dgos sam 'dod pa na// sa'am rdo 'am bye ma dag/ gser dang dus la sogs par sbyar// skams dag la chu 'byin cing / sol ba dag la ljon shing 'byung // de la sogs pa'i dgos pa rnams// ji ltar 'dod pa de ltar 'grub// spyod pa'i mthu dang rtsal rdzogs na// 'byor ba'i yon tan rdzogs 'gyur te// yid du 'ong bar nor 'byung zhing // 'dod pa'i bsam pa thams cad 'grub// rdzas kyi mchog tu gyur pa yi// ngo tshar can

  680. 341a

    yang rnyed par 'gyur// de dag rung ba'i snga ltas so// 'gro gang 'du ba'i snga ltas kyang // kun gyis bkur zhing dga' ba dang // kun gyi yid du 'ong bar 'gyur// thams cad 'dul zhing thams cad la// dbang sgyur byed pa'i mchog tu 'gyur// de dag snga ltas chen po yin// mtshan ma pra yi rmi ltas kyang // shin tu rgya cher 'byung ba ste// rnal 'byor can gyis shes par gyis// bag chags byang ba'i snga ltas kyang // rtag par gcer bur 'byung ba dang // khrus chen rtag tu byed pa dang // dri ma'i tshogs rnams dag pa dang // chu bo dag las rgal ba dang // mtsho chu dag la rkyal ba dang // char gyi rgyun gyis 'khru ba dang // gzhan gyis bum pa gang ba'i chus// bdag gi lus la ldugs pa dang // me dpung chen pos sreg pa dang // shin tu mthon po'i rtse dag las// rlung gis shin tu g.yeng zhing 'thor// 'di dag bag chags byang ba'i ltas// 'jigs dang bral ba'i snga ltas ni// g.yul 'gyed pa las slar log dang // nad las thar te sos pa dang // btson ra dag las thar ba dang // gshed ma'i lag nas shor ba dang / gcan gzan nang nas bros pa dang // dug nad dag las sos pa dang // bcings pa dag las grol ba dang // thag pa bcad par gyur pa rnams// mtshan ma bzang po'i snga ltas yin// sa rnams thob pa'i snga ltas ni/ khri rkang

  681. 341b

    dag la 'dzeg pa dang // phal pa'i skas la 'jig pa dang // ljon shing dag la 'dzeg pa dang / gyen du shin tu 'gro ba dang // ro bo'i rtse la 'dzeg pa dang // rin chen skas la 'dzeg pa dang // mchod rten dag la 'dzeg pa dang // nam mkha'i skas la 'dzeg pa rnams// 'di dag don gyi snga ltas yin// sa rnams non pa'i snga ltas kyang // khri mthon steng na 'dug pa dang // glang po che la zhon pa dang // seng ge dag la zhon pa dang // khyung chen lding la zhon pa dang // mchod rten kha la phyin pa dang // ri bo'i rtse la 'dug pa dang // nam mkha'i dbyings na 'dug pa dang // lus las sprin phung 'byung ba dang // zla ba'i steng na 'dug pa dang // nyi ma'i steng na 'dug pa rnams// rnal 'byor sa la gnas pa'i rtags// sangs rgyas sras kyi snga ltas ni// rgyal po'i bka' la btags pa dang // bka' yi dbang por bskos pa dang // gzhan la dbang sgur byed pa dang // 'jig rten skos la 'bebs pa dang / gzhan gyi sde pa dang dbang sdud dang // g.yul chen dag las rgyal ba dang // bdag nyid rgyal por gyur pa dang // mgo la me tog skye ba rnams// rgyal ba'i sras su gyur pa'i ltas// chos la dbang thob snga ltas ni// glegs bam zam mo rnyed pa dang // de bzhin 'dri ba mang po dang // de dag la ni dpyod pa dang // gzhan la 'chad cing ston pa dang // don nyid gtan la

  682. 342a

    'bebs pa dang // me long dag la lta ba dang // shel gyi bum pa gang ba la// lta zhing brtags te 'thung ba dang // rin chen nor bu thu ba dang // 'khor lo lag tu babs pa dang // nyi zla lag pas zin pa dang // ri rab klad la skor ba rnams// chos la dbang thob snga ltas so// bden pa mthong ba'i snga ltas kyang // sngon ma mthong gi yul mthong dang // stong gsum rgya cher mthong ba dang // gling rnams gzhan du phyin pa dang // ri rab kha la phyin pa dang // nam mkha' rgya cher mthong ba dang // rgya mtsho'i gting du phyin pa dang // lag na sgron me thogs pa dang // nyi ma'i snying por lta ba dang // snang srid dpyod pa byed pa rnams// chos la dbang thob ltas chen yin// lung bstan thob pa'i snga ltas ni// rol mo'i sgra rnams zos pa dang // 'brug gi sgra ni grags pa dang / seng ge'i nga ro grag pa dang // chos kyi sgra yi gtam thos dang // gzugs brnyad zhal ni 'dzum pa dang // sangs rgyas gsung thos sku mi mthong // lha mo glu dbyangs sgrogs pa dang // gzhal yas dag las sgra 'byung dang // grogs po grogs po zhes brjod cing // chos kyi 'gro ba byed pa rnams// lung bstan 'byung ba'i snga ltas so// de la sogs pa'i mtshan ma rnams// ltas chen kun tu snang ba dang // gang zag las kyi dang po rnams// rig 'dzin so so'i sa pa ni// 'gyur ba'i snga

  683. 342b

    ltas bshad pa yin// rnal 'byor las kyi dang po la// ltas chen 'di dag gang byung yang / 'khor ba'i 'du 'dzin kun bsal nas// don la rtogs shing sa rnams sbyong // de ni don la reg par 'gyur// don la rig pa'i byin rlabs kyis// rig 'dzin rdo rjer lhun gyis grub// rig 'dzin sa la gnas pa dang // sa la rtsal chen sbyong ba'i tshe// rtsal gyi cho 'phrul sna tshogs 'byung // nyi zla zhon nas 'gro ba dang // ri rab rked nas gsor ba dang / 'jig rten rgyang mar 'phang ba dang // sreg pa'i bskal pa gzhil ba la// sogs pa'i cho 'phrul thams cad kun// khyad par rtsal gyis ston par nus// de la sogs pa'i rdzu 'phrul rnams// rdzu 'phrul gyi ni cho 'phrul yin// rjes su bstan pa'i cho 'phrul ni// 'dul ba'i 'gro ba thams cad la// so so'i skad dang chos mthun par// 'dul ba'i sgo ni sna tshogs su// so so'i skad du ston par nus// de dag rjes su bstan pa yin// chos kyi sgo rnams snang ba yi// nges pa'i cho 'phrul bstan pa ni// ting 'dzin rtsal gyi khyad par gyis// 'jig rten khams rnams g.yos nas kyang // thams cad tho mtshar skye 'gyur te// sems kyi bsam par rangs byas nas// so so dga' ba'i ro myang 'gyur// chos rnams snang ba'i cho 'phrul yin// kun nas kun du brjod pa ni// gsang ba'i yi ge'i phreng ba las// rdzu

  684. 343a

    'phrul chos kyi sgra sgrogs pas// mthong yod snang grags chos rnams kun// kun kyang sngags kyi sgrar grag pas// sngags su ma gyur gang yang med// des na rtsal gyi khyad par las// sogs pa'i yon tan thams cad 'byung // zhes smra ba'i seng ge chen po sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las cho 'phrul bstan pa'i le'u ste gsum pa'o// // de nas smra ba'i seng ge sems dpa'i rdo rje de mi 'da' ba'i dam tshig gsang ba chog gi ting nge 'dzin la snyoms par zhugs so// de nas ting nge 'dzin de las bzhengs par gyur pa dang / 'dus pa'i rnal 'byor chen po rnams kyis 'di skad ces gsol to// smra ba'i seng ge sems dpa' chen po khyod nyid ni dam tshig chen po'i bdag nyid du bdag cag rnams kyis mthong ngo // de skad ces gsol pa dang / sems dpa' chen po des bka' stsal pa/ 'dus pa'i rnal 'byor rnams chos thams cad kyi srog ni dam tshig yin par shes par gyis shig/ de nas 'dus pa chen po'i tshogs kyis sems dpa' chen po la 'di skad ces gsol to// sems dpa' chen po dam tshig mchog gi gsang ba rnams bdag cag rnams thos par 'tshal/ thos nas kyang rtogs pa 'tshal/ rtogs nas kyang de la gnas par 'tshal na// sems dpa' chen po rgya

  685. 343b

    cher bshad du gsol// de skad ces gsol ba dang / sems dpa' chen pos bka' stsal ba/ 'dus pa chen po'i tshogs dam tshig rnams 'di lta ste/ shin tu gsang ba'i dam tshig ni// snod ma yin par gyur pa las// phyi nang gsang ba gsum dag tu// sba ba'i thabs su spyad nas kyang // gsang ba'i chos rnams gsang bar bya// bstan pa'i gnas min snod ngan dag/ rnam pa bzhis bsdus bye brag rnams// ma 'ongs rnal 'byor bcud can gyis// shes nas spangs par bya phyir bshad// 'jig rten pa dang theg dman dang // mu stegs log lha'i lha la dga'// dad med blo zhen g.yeng rmugs shing // bslab nyan mi brtson byol song mtshungs// dad log dam nyams don las gol// byang chub zag pa gting nas chad// sems kyi myu gu'i rtsa tshig pa// ngan 'gro'i 'dam du kha sbub yin// snod med kha sbub de dag la// gsang ba'i smra bar bya ba min// smras na de nyid kha sbub 'gyur// gsang ba'i tshig rnams kha sgra yang // gab pa gsang ba'i don mi shes// skyon can spa los sgrogs rnams la// gsang ba'i don rnams lhag par smra// bsnyen sgrub gsang ba'i ga rnams la// skra la nyan kyang don mi gnyer// snying po'i don gsang mi thub pa// bcud med 'khor bar zag pa yin// gsang don mi thun snod ngan la// gsang ba smra bar gang byed pa// de dang snod med snod

  686. 344a

    ngan gnyis// 'khor ba'i khams su zag par mnyam// lha dang dam tshig sgrub pa yi// dam pa'i mdzod gsum smra shes kyang // goms pa'i mthu med gnas ma gyur// ngan sbyar phrag dog ser snas gdungs// bya med chos la blo gtod cing // spyod rtsing dam ral rdeng med par// rnal 'byor spyod la lha dman zhes// zer ba pham 'gyur 'khor bar 'pho// snod ngan 'khor bar 'pho ba la// gsang ba'i don rnams smra byed pa// gsang ba nyams pa'i dbang gis ni// nyams pa de dang de 'drar 'gyur// zla ngan nyams sod can lan 'dren// kha gsag lce gnyis sgyur byed cing // sems la nyon mongs lnga bcangs te// rku dang sgra spyod brdzun la dga'/ tshe gcig grags pa cher phyir du// gang zag phyir 'breng tshig 'ga' la// mnyan te brjod 'dod tshul 'chos pa// log sgra dug can thar ma lhung // dug can ltung ba'i snod de la// gsang ba'i dmigs rnams smra ba ni// rnal 'byor nyams pa chen po ste// 'khor ba'i tha mar de ltung 'gyur// 'di ltar pham 'gyur snod ngan la// gsang ba gsang chen la sogs pa'i// don dang rang bzhin gang yin pa// bstan kyang pham ltung gegs su 'gyur// de bas bstan par bya ba min// gal te bstan par gyur na ni// ston sgra nyan byed de dag rnams// mthong yun phung byed gnyis skrag 'gyur// rnal 'byor mkhas

  687. 344b

    gsal don ldan la// rnal 'byor mi shes gang dag gis// dregs pa'i dbang gi phrag dog gi/ sems kyi rnam grangs gcig skyed pa// de snyed bskal pa'i grangs mnyam par// 'bras bu mi bzad myong bar 'gyur// gal te las kyi 'phro len na// de snyed bskal par bzod 'jug dgos// mkhas gsal don ldan gyis kyang ni// gong ma bzhin du ngan bsams na// de yang gnas ngan len pa ste// mkhas pa de la skyon mi nus// rnal 'byor don ldan tshul mthun la// ngan pa'i tshig gis sems dkrugs shing // sgro skur rku dang brlang btab na// dmyal ba rdo rjer de ltung 'gyur// zhar las byung ba'i rnam smin yang // ji ltar rgyu mthun de 'drar 'gyur// skal pa dman pa'i rnal 'byor pa// rtsa nyams skyon can rang bzhin ni// ngan sems khro gtum ldan pa dang / mi zad phra men las spyod byed// gang dag mi shes dang tshul can// byis pa'i rang bzhin blo bzhin pas// shin tu dman pa'i lta sems kyis// tshul 'chos mkhan la bkur bar byed// gang dag dam tshig yon tan ldan// byams la gnas shing rtag tu bzod/ tshul shis don gyi gzhung rnams srong // de dag la ni 'dun pa med// dam tshig spre'u ltar spyod bzhin du// byang chub snying po thob pa yi// sangs rgyas rnams kyang mi 'byung ngo // 'byung bar yang dag ngas ma mthong // rgyal ba'i sras gyur rnal 'byor

  688. 345a

    pa// lam ston skyon sel mkhas pa la// kha cig dregs dang phrag dog gis// khro spong zabs kyis smod par byed// de ni 'khor ba'i gting rdo ste// nams kyang thar pa'i khar mi 'byung // mi shes pa yi rnal 'byor pa/ yang dag don dang ldan pa'i mi// rjes su 'gro bar mi byed cing // longs spyod 'du 'dzi gang ldan pa'i// rjes su 'gro zhing de la 'dud// de ni log pa'i lam pa yin// rnal 'byor ltar dang byang chub khe// 'ban thag chad par blo mi 'byung // zang zing nor dang g.yo sbrul khe// chung yang cis 'grub srog dang sngo// rnal 'byor mkhas pa'i rang bzhin can// bum snod nang gi gsal ba ltar// shes rab mdzod kyi gter ldan yang // srog chags rkun mo'i sder mo ltar// khong nas gab sbas don ston la// blun po rnams kyis cir mi mthong // dper na 'di 'drar tshul gcig ste// lus la gter 'chag mi dang ni// blun por gyur pa'i mi dag gnas// 'grogs kyang gnyis mtshungs khyad par 'dra// ting 'dzin bsngags pa rjod byed cing // ting 'dzin don du gnyer ba med// yang dag bsngags pa rjod byed cing // yang dag don du gnyer ba med// dam tshig bsngags pa rjod byed cing // dam tshig don du gnyer ba med// ji ltar 'gro gang la la dag/ nor bu rin chen 'di 'dra ste// 'dod pa'i yon tan kun 'byung zhes// rin chen dag gi yon

  689. 345b

    tan brjod// de la 'gro gang gzhan dag gis// de ltar 'dod pa 'byung gyur na// de ltar cung zad yod dam zhes/ dris kyang med pas slar smras pa// gang zhig dgos pa skong ba yi// yon tan cung zad smos pa zad// de nyid bdag la med ces smra// de bzhin rnal 'byor mi brtson pas// bslab par bya ba'i chos bral la// chos nyid bsngags pa rjod byed kyang // de dag la ni chos nyid med// de las spyod pa'i log spyod rnams// dam tshig can gyis spang bar bya// rnal 'byor chos 'dzin gang dag gis// rnal 'byor nyams 'gyur log sreg can// gsang ba 'jig pa'i dgrar mthong nas// de dag sdig pa mthong ba ltar// skrod cing chad pas gcod byed pa// skyes bu de ni rgyal ba'i sras// dper na blon po gang dag gis// nyes byas khrims dang 'gal 'gyur na// 'gal bar mi gtong khrims dang sbyor// bka' yi yo srong blon po de// rgyal po'i thugs 'dzin dam pa zhes// kun du rgya cher grags par 'gyur// ldum rar dug gi sdong skyes na// bdag pos dug tu shes ma zag/ rtsad nas phyung ste med par byed// ci phyir ldum zas de dag las// dug 'phel gyur na 'chi phyir ro// de bzhin nyams 'gyur dug can de// brtul zhugs can gyi rnal 'byor des// gnas sam lo yis spyugs te spang // gang dag mi spong mgon byed pa/ de dag gsang ba'i dam sri

  690. 346a

    yin// don la rnam 'byor gang zhig gis// tha tshig zab mor bcas rnams las// bsrung ba'i bsam pa mi g.yo bzhin// rtsa ba yan lag bcas rnams la// gal te ma tshor zhig gyur kyang // rnam smin yod kyang rtsa mi nyams// ji ltar glang po e ne ya// shi nas ro ru gyur mod kyang // gi wang rtsid ni don byed ltar// rnal 'byor nyams de ror gyur yang // gzhan gyis bkur ba'i gnas yin zhing // de yi don byed nus pa yin// de ltar mod kyang 'di kun rnams// rmi lam du yang mthong mi bya// ci phyir 'o ma nyung ngu zhig/ rul bas 'o ma kun rul bzhin// rnal 'byor nyams gyur gcig gis ni// rnal 'byor can kun ma rung 'gyur// 'khor ba'i g.yul rgyal byed pa yi// log pa'i rnal 'byor thams cad kun// don la mkhas pa'i rnal 'byor pas// thams cad bsgrims te spang bar bya// gal te ma spangs log spyad na// 'khor ba'i g.yul ni rgyal 'gyur te// bden pa'i byin brlabs mthu chung 'gyur// kun kyang dge spyang don chung zhes// yang dag don las yid byung zhing // log pa'i chos la spro bar byed// kun kyang log pa'i las spyad pas// yid du mi 'ong sna tshogs 'byung // des ni sgro skur gnyis su 'gyur// bka' yi chad pa gang yin pa// ye shes can lta rang bzhin gyis// nams kyang gnod pa yong mi mdzad// de yi 'khor na gnas pa

  691. 346b

    yi// gang dag ma rungs mthu chen rnams// rnal 'byor log par spyod rnams kyi// skyon mthong tsam na chad pas bcod// thams cad ngan 'gror spyi'u tshugs ltung // grub pa'i snod mchog gcig yod de// 'di dang mi mthun kun rdzogs pa'i// rgyud mnyan don ldan ngang tshul bzang / ci la chags med gtor ldan sems// shes rab rnam grol lde mig gis// gti mug thar ma blo phye nas// chos kyi snying po'i mig ldan pas// rtag chad phrad mthong dbu ma'i yul// ma nor lam du 'jug shes pas// sdong po sdong chen rab dul ba'o// tha tshig lung las byung ba bzhin// gzhung srong thub par byed pa de// rgyal ba'i sras po yin pas na// de la gsang sgro dbye bar bya// ji ltar dam tshig thub par ltar// de bzhin yid bzhin nor bu ste// yid 'ong 'dod dang bde ba 'byung / rigs 'dzin rgyal ba kun yum mo// de bzhin dam tshig thub pa ltar// gnas par byed pa'i rten yang yin// dam tshig kun gyi srog yin te// dam tshig kun gyi nor mchog go/ dam tshig 'di ni 'jigs pa'i skyabs// dam tshig bgrod pa lam gyi mchog/ dam tshig chu bo grol ba'i gru// dam tshig dngos grub dam pa yin// dam tshig grogs kyi mchog yin te// dam tshig long ba'i mig bu yin// ji ltar dam tshig thub par ltar// gzhan gyi sde pa 'joms pa yin// 'khor ba'i g.yul las

  692. 347a

    rgyal bar byed// des na dam tshig rgyun bzhin bsrung // mdor na bdag gi sgo gsum po// dag pa gsum gyi mtha' bzung nas// lha dang grogs dang slob dpon dang / bdag nyid dag pa ma khrel ba'i// tshul gsum mi gnod dam bcas gsum// yongs su ma nyams mdo bzhi po// mthar phyir rgya rtags rnam bzhir bcas// mdo don dran pa la bgrang bsngo// brtul zhugs spyod pa'i dam tshig ni// dam tshig na gyi thog mar 'gro// wa dang cang shes gyi ling dang // blang dor ming bral khor chen bdag/ shin tu glang chen myos 'dra'i sems// dpal rtul stag mchog rngam zhing tum// mkha' lding khyung chen lhag mi lta// gtum thung don chen sdong gcig pa// yid thub mi ldog rgya mtsho'i gser// gti mug lkugs pa'i blo tshor ldan// ri bo mi 'gyur brtan pa che// mkha' ltar yangs dog kun dang bral// gnas lcags lce yi drag shul can// phyag na rdo rje'i brtul zhugs bdag/ zon bag khu 'phrig kha rog sems/ nges pa'i nga rgyal glang tshul ldan/ bla bral seng ge ri dwags rgyal/ ri 'jam bya ltar chags 'grogs blo/ g.yo ldan lcag chen spu ma'i rgya/ gtsang sme med par kun spyod cing // thogs med gso sbyong ce spyad khwa// che ba'i nga rgyal stag mchog blo// kum 'dzem blo ldan nam mkha' lding // sa thub bag len rgyal 'khor skyong // rnal 'byor brtul

  693. 347b

    zhugs chen po ni// bcu gnyis dang ni gsum blor ldan// goms nas nyams su len byed pa// rnal 'byor gsang ba'i bka' ba yin// dal ba'i rgyud ldan tha tshig can// sku dang gsung thugs rdo rje yi// bsrung dang brjod dang gsang ba dang // yan lag spyad pa'i dam tshig dang // yid 'ong dang du blang ba dang // brtul zhugs zab mor spyad pa dang // rnal 'byor rnal 'byor thams cad kyi/ mi 'dor mi spong sbyar ba yi// rig ldan shes par bya ba dang // thob cing grub par bya ba yin// re re la yang lnga lnga ste// rtsa ba dang ni yan lag las// bcu gnyis dang ni brgyad ldan pa// spyad par bya ba'i nor mchog yin// rnal 'byor byang chub sems rgyud la/ nges par brtags te spyod pa'i bu// zab mor rdzogs mchog bde ba yi// blo la nges pa'i lung 'di bstan// 'di ni sngar 'gro tha tshig ste// zab mo sgrub pa'i sngon logs su// rdo rje tha tshig drag po'o// gcan 'phrang lam rnams bsrung ba'i phyir// spyi dang khyad par dam tshig rnams// nges pa'i don gyis bsrung byas nas// de ni dbyig gi snod chen yin// de ltar spyi yi sdom pa la// gnas nas dus kyi skabs 'di ru// bsrung bya thub par bya ba ni// mi shigs pa ni seng ge ste// gcan gzan rgyal po yin pas so// za ma tog ni 'dod pa'i gter// dug spyo ba ni der mi rigs// rin chen myu gu'i lcug phran dag/ de

  694. 348a

    ni breg pa'i rigs ma yin// gangs kyi zhun chu khol ma dag/ mkhas pas btung bar bya ba min// pad+ma'i ze'u 'bru kha ma bye// zla zer ma yin kha mi dbye// ma brtags bug rdol can gyi snod// kha mi dbye zhing bcud mi blugs// don dang mi ldan bcos ma'i rtags// bsrel zhing spyad par bya ba min// shel dkar rin che sgo nga dag/ 'dam rdzab khung du bsrub mi bya// seng ge dkar mo'i 'o ma dag/ dug can snod du blugs pa min// yid bzhin nor bu rin po che// bsreg par bya ba yod ma yin// khyung chen gshog pa mkhar brkyang ba// de dag gcag par bya ba min// gnam lcags me yi ngur mo dag/ brdab par bya ba ma yin no// stegs gzigs 'drol bas las byas pa'i// las kyi lhag ma bsdu mi bya// rdo rje brag chen gtams pa'i gzhi// de dag gzhig par bya ba min// rdo rje ra ba'i go tshags ni// bsdam bya bral bar bya ba min// bud shing sreg pa'i sgron ma dag/ g.yeng ba'i rlung gis bskyod mi bya// rdo rje tshig gi chu rgun dag/ 'ol kar gcad par bya bar min// rgyal po'i bka' rtags phyag rgya dag/ nam zhar dbyi bar mi bya'o// rje pha lam gtams pa'i mkhar// rmang nas bzlog par mi bya'o// gtsugs gi nor bu 'bar ba dag/ rgyal mtshan rtse las dpon mi bya// rnal 'byor las kyi phyed par can// skal can rnams kyi dam tshig ste// skal

  695. 348b

    bar ldan pa'i nor mchog yin// rgyun du spyad pa'i nor mchog ni// rdo rje las kyi thun tshags dag/ rdo rje go phur trom chen gyis// srog la bar chad byed pa'i dgra// nyon mongs 'thibs pa de gzhom bya// snyoms las le lo'i dpung bskyed pa// zug thub rachod nga rgyal gzhi// dregs byed dbang po myos pa'i bcud// dpa' byed rkyen yangs bsdam par bya// rdo rje gsang tshig ma gtogs pa// 'dres pa gang zag byis pa'i tshig/ zur yang brjod par mi bya zhing // thams cad rdo rje gsang bas bya'o// ji ltar gsod pa'i mi rnams dag/ gshed ma'i mis ni gsod pa'i tshe// thar pa'i thabs la brtson pa bzhin// le lo'i dgra bcom brtsom par 'bad// rnal 'byor sgrib pa'i gegs bsal ba// dka' thub sdom pa'i mdud pa can// 'dod dang longs spyod mi mthun dang // spyi mthun nang du mi gcig pa// phyi nang can dang gnod byed dang // 'dod myos bying rmugs brkam pa dang // dad med rtsa nyams 'phyar g.yeng can// mkhas pas bsgrims te spang bar bya'o// de ni rnal 'byor gegs yin te// dngos grub chu bo gcod par byed// rnal 'byor nges par spyod pa la// bar du gcod pa'i bdud lnga 'byung // rnam rtog 'phrig pa'i bdud nyid dang // de bzhin btang snyoms le lo'i bdud// longs spyod 'du 'dzin g.yeng ba'i bdud// tshig rtsub mtshon cha rnon

  696. 349a

    po'i bdud/ khro gtum ngag thung 'khrug pa'i bdud// rnal 'byor spyod pa'i bdud lnga po// yang dag don la sgrib pa ste// gnyen po byang chub sems mchog gis// zhi ba chen po'i ngang du bzlog/ rnal 'byor spyod pa'i dgra bzhi po// thabs la mkhas pas gdul bar bya// rdo rje brnag pa gsang 'phel bas// ngag gi dbang po nyams 'gyur te// kha na ma thos phog par 'gyur// de dag bcas kar 'gyur ba'i dgra// ltalha dman spyod rtsing 'chol ba yis// bka' yi gzhung bor logs par spyad// nor bas bar chad 'byung ba'i dgra/ dam gtsor spyod pa'i las rnams yin// 'da' dka' rdo rje mchog gsum po// btang snyoms phyal bar shor ba ni// rtsa ba rul pa'i ljon shing bzhin// bka' chad chen po 'bab pa'i gnas// brtsam pa las la sbyor ba'i tshe// 'bad pa'i rtsal shugs chung ba yis// don rnams grub pa ma yin te// 'bras bur mi 'gyur 'phro ba'i dgra// rnal 'byor chen por spyod pa la/ 'dod pa'i nor mchog 'phrog pa'i dgra// thabs la mkhas pa'i skyes bu yis// skyon gyi dgra bzhi spang bar bya// srid gsum bsgral ba'i zhing 'di dag/ sangs rgyas zhing du rtog pa ni// sa rnams cig car sbyangs pa ste// zhing rnams dag pa'i mchog yin no// khams gsum mchod pa'i rgyu 'di dag/ yo byed chen po'i mchog yin te// rgyal ba thams cad mnyes

  697. 349b

    pa'i rgyu// rmad du byung ba'i mchod pa'o// 'khor ba dur khrod gnas 'di dag/ bde ba chen po'i gnas yin te// ma nor ma bcos chos kyi dbyings// btsal med lhun gyis grub pa la// dug lnga rgyu ba'i rtsa ba dag/ ye shes lnga yi rtsa ba ste// kun shes kun rig gsal ba'o// rang rig ye shes rang las byung // rnal 'byor chos mig ldan pa yis// nges pa'i don du 'di ltar blta'o// 'di ni rgyun gyi dam tshig ste// brjod du med pa bsrung ba'o// bsrung ba thub par bya ba la/ dam tshig rtsal gyi khyad par ni// gang dag rig pa 'dzin pa yi// blo la nges pa'i lung du bstan// 'dod pas chags dang 'joms pa dang // gti mug nga rgyal phrag dog rnams// rnal 'byor chen po'i dam tshig ste// don dang ldan pa'i skyes bus smra// sbyor dang sgrol bar byed pa dang // ma byin len dang ngag sprul byed// rnal 'byor dam tshig spyod pa'i mchog/ spyad par bya/ ba'i las yin no// rgyal ba sems can thams cad dang // dngos por brtags pa thams cad kyang // don gyi ngang du gcig pa ste// de nyid sku gsung thugs kyi bdag/ mtshan ma'i chos rnams thams cad ni// mnyam pa chen po'i ngang du gsal// theg pa 'og ma'i khyad par rnams// kun kyang rang rig blo la gsal// yon tan ci 'byung mi brjod cing // 'og ma rnams la mi smod cing // thams cad mnyam pa'i dam

  698. 350a

    tshig ste// 'di ltar shes na tshogs mchog rdzogs// gzugs rnams rnam par ba snang ba mdzad// tshig rnams brjod pa snang mtha' yas// rnam rtog kun du sems rdo rje// rig dang tshor ba rin chen 'byung // yid g.yo byed pa don kun rdzogs// stan 'gan rang bzhin spyod pa'i gnas// zhing bcu dag dang ldan pa na// bde ba chen po'i longs spyod de// thogs med phrin las rnam bzhir rdzogs// phyi yi yul dang nang gi sems// thams cad mnyam pa nyid du gnas// de la sgrib dang mi sgrib ces// mnyam pa'i rgyal pos yod gsungs// thams cad mnyam nyid dbyings gyur pas// phung po lnga don ye shes lnga// sku gsung thugs kyi dbang phyug ni// phyag rgya chen po'i rig 'dzin yin// yul dang ye shes rang bzhin las// gzhan gyi rang bzhin med pas na// mtshan ma'i rnam pa cir snang yang // de la chad pa'i gnas med do// dam tshig dam pa gang zhe na// rtogs pa dam pa dam tshig ste// rtog par byed pa gang yin pa// de ni dam tshig chen po'o// thams cad mnyam pa'i ngang la gnas/ ting nge 'dzin gyi cho 'phrul las// dngos su spyod pa thams cad bya// de ni dam tshig chen po yin// snod du gyur pa yum gyi dbyings// bcud rnams rgyal ba yab kyi mkha'// 'byung 'jug rig pas longs spyod de// 'di ni rdo rje tha tshig yin// srid pa'i

  699. 350b

    sems can thams cad dang // thar pa chos kyi rnam grangs kun// so sor thams cad snang bar ste// kun kyang mnyam pa'i ngag du gsal// spyod pa'i las dang rtogs pa dang / mtshan mar gyur pa thams cad kyang // sems kyi phyi nang spyod yul de// brtags na longs spyod tshogs su 'gyur// ma skyes stong pa'i sku yi rgya// rang bzhin smon med gsung gi don// mtshan med yid las 'das pa'i thugs// rnam gsum bde chen sangs rgyas so// mnyam pa'i lta bas dbang sgyur na// 'khor ba thams cad dbyings la snang // las kun rdzogs pa'i mchog yin te// gzhan du phrin las lus pa med// sdug bsngal byang chub chen po ste// 'khor ba ye nas myang ngan 'das// sgrib pa rnam dag chos kyi dbyings// nyon mongs kun kyang byang chub don// snang ba med pa'i don mthong dang // sa dang sa yi rim par ni// 'di dang 'di zhes gzung du med// 'di ni snang med thob pa'i gnas// sku dang gsung thugs mi g.yo ba'i// ji bzhin nyid kyi ngapal gnas// ji ltar bskur yang chos nyid pas// chad pa'i gnas zhes brjod dang bral// med dang phyal ba gcig po dang // lhun gyis rdzogs pa'i dam tshig che// 'di zhes ris su chad med pa// 'di ni bsrung ba'i dam tshig go/ skud dang spyod par bya med pas/ srid dang mu stegs 'jig rten pa'i// spyod par snang

  700. 351a

    pa thams cad kun// lhun gyis grub pa'i mdzad spyod do// ma spangs lhun grub dbyer med pas/ dbyings las gzhan na lha yul med// 'di ni lta ba'i dam tshig go/ sa chu me rlung snod bcud bcas// kun kyang rang bzhin chos nyid do// chos nyid don la gzhan med pa// rang byung ye shes gsal ba'o// yid bzhin nor bu rin po che// ma btsal rang la yod pa yin/ 'dod pa 'byung ba'i longs spyod de// bde chen longs spyod tshogs yin no// ngan song mtho ris thams cad dang // 'phags lam 'khor ba'i chos rnams kun// rang bzhin so sor mi dmigs te// sangs rgyas kyi ni rang bzhin yin// spyod dang gzugs rigs thams cad kun// phyag rgya chen po'i rang bzhin te// sku gsung thugs tshig rgya cher ston// don rigs thugs kyi rang bzhin no// ma skyes pa dang ma byung ba// mi gnas pa la chags pa med// don gyi khyad par rtogs chud na// kun tu bzang po mchog gi sa'o// mtshan dang dpe byad kun rdzogs te// thams cad sku gsung thugs kyi don// bdag nyid chen por thams cad rdzogs// lhan rdzogs bde ba chen po yi// khyab pa chen por kun bdal bas// sgrib pa kun byang tshogs kun rdzogs// rnam grol bcings pa kun dang bral// lhun grub bde ba'i gnas chen yin// zhes smra ba'i seng ge chen pos gsungs so// rgyud kyi rgyal

  701. 351b

    po chen po rdo rje bkod pa kun 'dus rig pa'i mdo las ma tshig gsang ba mchog gi le'u zhes bya ste bzhi pa'o// // de nas yang sems dpa'i rdo rje de chos thams cad brdas mtshon pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs pa dang / 'dus pa chen po'i 'khor rnams kyis gsol pa/ sems dpa' chen po chos thams cad ni bdag cag rnams kyis brda rig pa tsam gyi ngo bor mthong ngo // de nas sems dpa' chen pos bka' stsal pa/ 'dus pa chen po'i tshogs chos thams cad ni brda dang / tha snyad dang / btags pa tsam du shes par gyis shig btags pa'i chos thams cad ni phyi nang gang na yang mi gnas te/ chos thams cad la ming gi gzhi med cing btags pa'i tha snyad dang bral ba yin no// brda zhes bya ba ni sbas pa btags pa'i tha snyad yin no// sbas pa'i chos rnams gsang ba'i phyir/ thams cad snga zhing brgyud par bya/ 'di ltar brda yi sbyor ba la/ rnal 'byor can gyis shes par gyis/ de nas 'dus pa'i rnal 'byor rnams kyis gsol pa/ sems dpa' chen pos brda yi chos rnams rgya cher bshad du gsol/ bdag cag gis kyang chos thams cad// brda yi don gyis brgyud par bgyi// brda zhes bgyi ba ji lta bu// sbas pa'i chos ni gang dang gang // mi bstan gsang ba gang gang lags// de skad

  702. 352a

    ces gsol pa dang // smra ba'i seng ges bka' stsal pa// nyon cig 'dus pa chen po'i tshogs// brda zhes bya ba sbas pa'i tshig/ sbas te gsang ba'i chos rnams ni// rnal 'byor chen po'i spyod pa yin// mi bstan gzhan la gsang ba ni// mu stegs la sogs sde pa rnams// rnal 'byor spyod la 'phya ba las// shin tu bla na zhing sba ba'i phyir// sbas pa'i brda yis bstan par bya// brda yi yon tan chen po ni// grangs kyang bsam gyi mi khyab na// mdor bsdus rnam pa bzhi yod de// gzhan gyi spyod yul ma yin dang // rnal 'byor rig pa'i spyod yul dang // sbas pas grub thag nye ba dang // gsang ba'i dam tshig mi nyams shing // brda la dga' ba'i ma sring rnams// nye zhing gdung pa'i thabs su 'gyur// de bas sbas pa'i brda rnams ni// tshig gis mtshon te brjod par bya// a la la hoH/ a ti pu hoH/ pra ti po ho/ ma hA go ru saM kra ma/ gu ya de bI sa ma ya/ ma hA tsan+da/ ma hA puR+sha/ gu ya/ b+ha ga/ ma hA badz+ra/ sa ma ya hoH/ sa ma ya staM/ ra ho ya haMHra ga yA mi/ sa ma ya dzaH/ lhan/ oM AMHhUMHsa ma ya/ sa ma ya/ e h+ye hiHe h+ye hi/ ha he ha/ ha he ha/ ma taM kha/ ma taM kha/ ka ruk+Sha/ ka ruk+Sha/ k+ShaM ba ri/ k+ShaM ba ri/ ra ho haM ra ho haM/ sa ma ya hi/ a la staM/ a la staM/ kha kha le kha le/ sha da pa/ sha da pa/ kha raM khA hi/ kha raM khA hi/ kha le b+h+yo/ kha le ha b+h+yo/ kha ka kha

  703. 352b

    kha ka kha/ kha hi ha he/ rak+Sha khA hi rak+Sha khA hi/ ha ha he raM/ gu h+ya/ gu h+ya/ sa ma/ sa ma/ ma le mu le/ ta le du le/ ma tsa me tsa/ gu h+ya sit+ti/ pa ra ma/ pa ra ma/ shi ri hoH/ shi ri ho/ ma ma kha ka traM/ e e e e/ hri hri/ b+h+yo b+h+yo/ kha kha le le/ karma ma ti b+h+yo/ rak+Sha kra ti b+h+yo/ rak+Sha kra ma b+h+yo/ karma ma le/ karma ma le/ k+Sh+ya ti sha ne/ k+Sh+ya ti sha ne/ rak+Sha karma/ rak+Sha karma/ kro d+ha k+ShaM/ kha hi b+h+yo khA hi b+h+yo/ tsa le yaM/ tsa le yaM/ pra tsa le/ pra tsa le/ guR+Ya yaM/ guR+Ya yaM/ bi gur+t+ti/ bi gun+ti/ ma mo& haM/ ma mo ny+dza haM/ ngag brda dam tshig gi phyag rgya'o// byA g+h+ri tsaR+Ya/ byA g+h+ri tsaR+Ya/ ba yaM k+ShaM ga ri/ ba yaM k+ShaM ga ri/ ba byA dz+nyo ba ba ti/ ba byA dz+nyo ba ba ti/ na ra ha sa/ na ra ha sa/ ban+na ka pA la/ ban+na ka pA la/ tsaR+Ya na ga tAM/ tsaR+Ya[:]na ga tAM/ rA ga rak+ta tsa rA ga rak+ta tsa/ ru d+hi ra ma ta/ ru d+hi ra ma ta/ ka ru ga tsa/ ka ru ga tsa/ pa bya ba ti/ ba bya ba ti/ gaM gro Na/ gaM gro Na/ thaR+Ya ta/ thaR+Ya ta/ dpa' byed kha/ dpa' byed kha/ zla ba rgyas dang rdzogs pa dang // zla ba dkar dang zla phrom mchog/ tshe 'dzin kun gyi gtso mo dang // 'jam po thar pa chen po dang / gal zhes bya ba'i ro mchog dang / gzi brjid chen po'i dri zhim dang // bran mo dang ni g.yog 'chang ma/ 'jam dpal rnon po'i ka tar dang / mA tha ya mA tha ya/ paR+Ya ti paR+Ya rA ti/ rA tha ma rA tha ma kha taM nya kha taM nya/ rA ti hUM rA ti hUM/ shi haM tha/ shi haM tha/ ka raM tha/ ka

  704. 353a

    raM tha/ shak+ti kha shak+ti kha/ yo ga tsargan yo ga tsarban/ sgra brda dam tshig gi phyag rgya'o// lag gi phyag rgya chen po ni// gar zabs g.yas g.yon bskor nas kyang // se gol brdabs pa 'dren pa'i brda// bskor nas thal sbyar rgya'i brda// shin tu bskor nas spyi bor grol// 'di ni mchod pa bzhes pa'i brda// bsko nas snying gar bcangs pa ni// ting 'dzin rdo rje brtan pa'i brda// gar bskor shin tu gnyis stabs pa// mchod pa stobs par byed pa'i brda// gar bskor dbang mo'i spyir bor bzhag/ sbyor ba'i don la 'jug pa'i brda// thabs kyis spyi bor bzhag pa dang // shes rab dbang mo'i snying gar ro// thabs kyis gsang ba g.yas bcug na// shes rab zos byed gsang ba yin// thabs kyis na sa g.yas bteg na// shes rab na sa g.yon bteg pa'o// thabs kyis rdo rje phyag rgya bstan// shes rab pad+mo'i phyag rgya bstan// thabs kyis smin ma g.yas bskyod na// shes rab smin ma g.yon btegs bya// thabs kyis phyag g.yon brkyang ba dang // shes rab g.yas kyis 'khyud tshul bstan// phyag rgya gar bskor thal brdabs shing // dbang mo lce la reg pa ni// tshogs mchod dus la bab pa'i brda// lag gnyis bskor nas dbang mo 'thong // de nas dbang mo lce la reg/ 'dza' gad 'dim pa'i brda thabs so// ma hA ging chen karma

  705. 353b

    dang / rdo rje drod kyi rtags 'dzin las// sogs pa'i brda yi dam tshig rnams// rnal 'byor can gyis spyad na 'grub// lus brda dam tshig phyag rgya'o// zhes smra ba'i seng ges gsungs so// rgyud kyi rgyal po chen po rdo rje bkod pa kun 'dus rig pa'i mdo las rnal 'byor brda'i le'u ste lnga pa'o// // de nas yang smra ba'i seng ge sems dpa'i rdo rje de rnal 'byor rol pa'i tshogs zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang // 'dus pa chen pa'i tshogs kyis gsol pa/ smra ba'i seng ge chen po chos thams cad ni rdo rje tshogs kyi dkyil 'khor du bdag cag rnams kyis mthong ngo zhes gsol pa dang / smra ba'i seng ges bka' stsal pa/ 'dus pa chen po'i tshogs chos thams cad kyi rang bzhin ni rdo rje tshogs yin par shes par gyis shig ces bka' stsal pa dang / 'dus pa'i tshogs kyis gsol pa/ sems dpa' chen po chos thams cad kyi rang bzhin ni rdo rje tshogs kyi dkyil 'khor gyi don bdag cag rnams la rgya cher bshad du gsol// sems dpa' chen pos bka' stsal pa// nyon cig 'dus pa chen po'i tshogs// rdo rje tshogs kyi dkyil 'khor 'di// rgyal ba rnams kyi thugs dam ste// rnal 'byor kun gyis spyad pa'i lam// sa mchog bgrod pa'i lam 'di dag/ 'dus pa'i tshogs la bshad par

  706. 354a

    bya// brtsam pa las kyi dang po pa// rdo rje tshogs la 'jug pa na// khyad par rim pa ci bzhin du// las mchog 'di yi rang bzhin gyis// ji bzhin rim par sbyangs nas kyang // sa rab mchog tu bgrod pa la// thabs mchog lnga yis bgrod bya ste// rdo rje tshogs dang bsnyed pa dang // nye ba dang ni bsgrub pa dang // bsgrub pa chen por sbyar bar bya// ji ltar grangs dang dus chen dang // mtshan ma byung bar bcas rnams las// gab pa'i sba thabs de sbyar nas// sus mi rig pa'i thabs chen bya// de dag gsang ba'i bdag po yin// gnas 'dir 'jug pa'i byis pa dag/ 'jig rten rdul las drangs nas kyang // 'gyur dbang ma nges sar bzhag ste// ci phyir dang po yin pas na// byis pa blo shed ma bye bas// bzang ngan bde sdug mi shes shing // bstan dang gsang ba'i dmigs mi byed// rnal 'byor spyod pa'i bka' sgo'i 'dir// gsang sgo mi dbye skrag par 'gyur// rang bzhin ngang tshul ma rtogs pa'i// so so'i skye bo byis pa las// snod med snod byas bdud nyid kyis// rnal 'byor 'tshe ba'i srog gcod cing // ma nges ldog 'jug bcas pa yis// gsang 'di bcas dkar 'gyur phyir ro// de na 'di yi spyod pa yang / ji ltar 'tsham par bde thabs sbyar/ de nas smra ba'i seng ge de thabs kyi rdo rje tshogs kyi ting nge 'dzin la snyoms par

  707. 354b

    zhugs te/ rnal 'byor ma chen mo rnams mi snang bar gyur to// de nas 'dus pa'i tshogs kyis gsol pa/ smra ba'i seng ge chen po chos thams cad kyi rang bzhin ni thabs kyi phyag rgya'i rang bzhin du bdag cag rnams kyis mthong ngo // sems dpas bka' stsal pa/ 'dus pa chen po'i tshogs 'di dag ni brgyud de sbas pa'i tshogs yin par shes par bya'o// rdo rje rnal 'byor tshogs ldan lnga// thabs chen phyag rgya sbas tshogs lnga// rdo rje 'dzin sogs bcu drug dang // bcas pa'i dkyil 'khor rdo rje can/ bri bya yang na bsam pa'am// brjod dam bsngos sam mtshan ma la// 'jig rten dbang po'i chos lugs kyis// mos pa la bskyed dran byas te// rang bzhin yul nas phab nas ni// phyag bya la sogs mchod pa yis// rdo rje sman dang rtsir sbyar ba'i// yo byad chen po la sogs pas// rdo rje thabs kyi tshogs la dbul// rdo rje rnal 'byor glu blangs te// mnyes byas las grub grangs rdzogs nas// mchod dang dam skongs 'dod pa bya// snod du rung ba'i slob ma dag/ dpa' mkhyen la sogs bya ba yis// 'jug tshul dbang dang dngos grub stsol// rdo rje tha tshig rnam lnga yis// bslab pa'i gnyen rnams ci rigs par// rtsal gyi rim par byin nas ni// rdo rje gal chen mna' 'dor ro// de nas sgrub pa che chung rnams// 'di ltar 'dod pas nan tan gyis// rdo rje rnal 'byor

  708. 355a

    bkar bya'o// mi nus la sogs mi gnang ba'i// dam tshig dag gis nan chags bya// rmongs pa'i gsang phyir sems bskyed de// ngo mtshar tshig gi 'du shes bsgyur// shes nas mig la shes bya'i yul// thams cad rim gyis bstan par bya// drod can 'khyil ba'i blo ldan la// rnal 'byor na sbar mdzod sgo dbye// rtsing po 'gros kyis dmu rgod la// gcan 'phrang 'khor ba'i g.yeng rnams bstan// rdo rje lung gi tshad can la// ji ltar nus pa de dbang bskur// btsal med mi nus yul can la// phan pa 'ba' zhig bsngags pa yin// gnas 'dir yod dang med pa dang // 'od mi bsrub cing ljid mi dbab// rdo rje blo yi yul can la// rtsal chen sbyong zhes gdams par bya// rdo rje 'dus pa'i dbang gral du// rdo rje don gyi ltang chen bsher// rtsal dang rim pa khyad par dbye// so so rigs kyi phyag rgya dag/ spyi'am yang na re re'o// de nas smra ba'i seng ge de shes rab gzungs kyi tshogs zhes bya ba'i ting nge 'dzin la snyoms par zhugs so// ting nge 'dzin de las bzhengs pa dang / 'dus pa'i tshogs rnams kyis 'di skad ces gsol to// chos thams cad kyi rang bzhin ni shes rab tshogs kyi dkyil 'khor du gda' bar bdag cag rnams kyis mthong ngo // de skad ces gsol ba dang / sems dpa' chen pos bka' stsal pa/ 'dus pa chen po'i

  709. 355b

    tshogs chos thams cad ni shes rab tshogs kyi dkyil 'khor du sangs rgyas par shes par gyis shig/ de ci'i phyir zhe na/ chos thams cad shes rab kyi rang bzhin las byung zhing shes rab kyi rang bzhin du gsal lo// de nas 'dus pa'i tshogs kyis gsol pa/ sem dpa' chen po shes rab gzungs kyi rang bzhin bdag cag rnams la rgya cher bshad du gsol// de skad ces gsol ba dang / sems dpa' chen pos bka' stsal pa/ 'dus pa'i rnal 'byor chen po'i tshogs// shes rab gzugs kyi rang bzhin ni// rgya cher bshad kyis shes par gyis// ji ltar thabs kyis tshogs sbyar ltar// gang dag rnal 'byor mar ldan rnams// rdo rje 'dzin ma la sogs pa// lha mo'i tshogs su sbyar nas kyang // gnas 'dir 'jug dga' la sogs pa// thabs kyi phyag rgya mtshan mar sbas// rdo rje mnyam pa'i gzungs rnams la/ mnyam pa'i mchod pas mnyes par bya// bro gar glu tshigs la sogs pas// rig 'dzin rnal 'byor ma rnams bsgrub// ces bka' stsal to// de nas yang sems dpa'i rdo rje de chos thams cad zabs dang she rab phan tshun dra bar 'brel ba'i ting nge 'dzin la snyoms par zhugs so// de nas ting nge 'dzin de las bzhengs pa dang // 'khor rnams kyis gsol pa// bcom ldan 'das chos thams cad kyi rang bzhin ni thabs dang shes rab tu 'brel pa'i

  710. 356a

    rang bzhin can du bdag cag rnams kyis mthong ngo // zhes gsol to// de skad ces gsol pa dang // bcom ldan 'das kyis bka' stsal pa/ 'dus pa chen po'i rnal 'byor pa chos thams cad ni thabs dang shes rab tu 'brel ba ste/ gnyis su med par shes par gyis shig de nas 'dus pa'i rnal 'byor pa rnams kyi gsol pa/ sems dpa' chen po chos thams cad dra bar 'brel pa'i don bshad du gsol/ sems dpa' chen pos bka' stsal pa// 'brel pa'i don ni 'di lta ste// chos rnams kun gyi mtshan nyid ni// phan tshun 'brel ba'i tshul du snang // chos kun nam mkha'a'i mtshan nyid las// sprul pa bye ba cir yang snang // gnyis med dra ba'i tshul du 'brel// rnal 'byor gsang ba'i mchog yin te// rtsal dang ldan pa gsang sgo ba// 'di la gsang sgo dbye bar bya// gsang 'dir chud pa'i bu rnams la// rdo rje gsang ba'i bka' 'di bsgrags// gsang ba'i dkyil 'khor dam pa 'di// rdo rje rgyal po rgyal mor bcas// lnga nyid zung du 'khril ba ni// g.yas nas g.yon du 'khril 'khyud sbyor// g.yas nyid byang chub dang // rang rang mtshan ma 'bar ba'o// g.yon gyi sgra snyan dril bu dang // rtags kyis mdzes par gsal ba la// 'byo zhing 'dud pa'i mdangs ldan pas// chags shing g.yo ba'i tshul gyis ni// seng chen khyu mchog

  711. 356b

    la sogs pa// rdzogs pa'i tshul gyis bsgyings bcas te// kha dog lnga yi 'ong 'bar bas// bcu drug chas na sgeg pa rnams// rim gyis bskyed dang cig car bskyed// dbang po'i rim pa sbyar bar bya// gsang nyid tshogs kyi 'khor rnams kyang // gnas nas gyur pa'i rang bzhin gyis// phyag rgya rgyal po rgya mor bcas// brgyad gnyis zung sgril 'khril 'khyud sbyor// sa dang nam mkha' spyan rdo rje// byams dang rdo rje kun bzang dpal// nang dang phyi yi yo byad ni// gzhi gnyis dag gis mnyes sbyor ba// bsam bya la sogs de bzhin no// rdo rje sgo dang bcas pa ni// rdo rje 'khril 'khyud gsang ba'i tshogs// rnal 'byor longs spyod che sbyar bas// mnyes nas skongs phyir rim bzhin dbul/ gsang ba'i 'jug tshul la sogs kyis// gsang ba'i don rnams sgrub par byed// ces bka' stsal to// de nas bcom ldan 'das sems dpa' rdo rje de rdo rje kun du 'brel ba'i dbyings zhes bya ba'i ting nge 'dzin la snyoms par zhugs so// de nas bcom ldan 'das la 'dus pa'i 'khor gyis 'di skad ces gsol to// chos thams cad kyi rang bzhin ni rdo rje dra ba'i dbyings su bdag cag rnams kyis mthong ngo // bcom ldan 'das kyis bka' stsal pa/ 'dus pa chen po'i tshogs dra ba'i dbyings su shes par gyis shig/ chos thams cad ni thugs kyi rig pa las byung la thugs

  712. 357a

    kyi rang bzhin ni rdo rje kho na yin pa'i phyir ro// 'dus pa'i tshogs kyis gsol pa/ bcom ldan 'das rdo rje dra ba chen po'i tshogs bdag cag rnams la rgya cher bshad du gsol/ bcom ldan 'das kyis bka' stsal pa/ 'dus pa chen po'i rnal 'byor pa// rdo rje chen po rig pa'i don// dra ba 'brel ba'i dbyings nyid ni// nges par bshad kyis rtse gcig nyon// thugs kyi gsang chen rig pa 'di// nges pa'i rdo rje yin pas na// rdo rje dbang yul 'brel ba'i don// thams cad 'byung bas dbyings shes bya'o// rdo rje 'dzin ma 'dzin sogs bcas// 'khril mnyam pa yang de bzhin te// gzugs brnyan ting 'dzin rang bzhin gnas// rim pa'i tshul bzhin sbyar byas nas// ji ltar 'dod pa de ltar ro// zhes bka' stsal to// de nas yang bcom ldan 'das sems dpa'i rdo rje de thams cad dus bzhi mnyam pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang / 'dus pa chen po'i tshogs kyis 'di skad ces gsol to// bcom ldan 'das bdag cag rnams kyis chos thams cad ni dus bzhi mnyam pa nyid du gcig par mthong ngo zhes gsol pa dang / bcom ldan 'das kyis bka' stsal pa/ 'dus pa chen po'i tshogs chos thams cad ni dus bzhi mnyam par rtog pa yin te/ chos thams cad ni dus

  713. 357b

    bzhi'i ngang du rdzogs par shes par gyis shig/ de ci'i phyir zhe na/ mnyam pa nyid kyi ngang la dus snga phyir snang ba med do// de nas 'dus pa'i tshogs rnams kyis gsol pa/ bcom ldan 'das mnyam pa chen po'i dus nyid bdag cag rnams la rgya cher bshad du gsol/ de skad ces gsol pa dang / bcom ldan 'das kyis bka' stsal pa/ 'dus pa chen po yi ni tshogs// mnyam pa nyid kyi dus rig na// dus zhes bya ba'i ming yang med// dus bzhi mnyam par rab shes na// chos nyid mnyam pa'i rang bzhin no// rdo rje dus kyi lha mo'i tshogs// 'das dang da ltar byung ba dang // mi 'byung ba yi cha rnams la// dbang sgyur mnyam pa'i rgyal mo rnams// 'jig dang skye dang smin pa dang / 'gag par gyur ba de dag du// rdo rje rnam thar tshad med dang // sems dang de bzhin mnyam pa yi// shes rab 'khor dang dpal gyi dkyil// de bzhin rim par rdo rje yi// glu gar la sogs yo byad kyis// mchod dang 'jug tshul gong ma bzhin// cha rnams dus las mi 'da' bar// lha yi nyi ma rnams la'o// bde ba chen po la sogs pa// tshom bu'ang yang na phyag rgya rnams// spyir ram re rer sbyar bar bya// 'das la rnam thar tshogs bskul te// da lta byung dang mi 'byung la// tshad med sems dang mnyam par bskrun// mnyam pa'i rgyal por de 'gyur te// bde gshegs dus kyi

  714. 358a

    rgyal por 'gyur// zhes bka' stsal to// de nas yang bcom ldan 'das sems dpa'i rdo rje/ nyi zla'i tshogs zhes bya ba'i ting nge 'dzin la snyoms par zhugs so// de nas yang ting nge 'dzin de las bzhengs par gyur pa dang / 'dus pa chen po'i tshogs kyis 'di skad ces gsol to// bcom ldan 'das chos thams cad ni nyi zla'i tshogs su mthong ngo // de skad ces gsol pa dang / bcom ldan 'das kyis bka' stsal pa/ 'dus pa chen po'i tshogs chos thams cad kyi rlung bzhin ni byang chub sems dang snying rje chen po'i rang bzhin yin par shes par gyis shig/ chos thams cad ni byang chub sems las byung zhing snying rje'i rang bzhin can yin no// de nas 'dus pa'i tshogs kyis gsol pa/ bcom ldan/ 'das snying rje dang byang chub sems kyi don bdag cag la bshad du gsol/ bcom ldan 'das kyis bka' stsal pa/ chos rnams kun gyi yo byad ni// snying rje byang chub sems yin te// yo byad de dag ma ldan na// don rnams 'grub par mi 'gyur ro// rnal 'byor byang chub sems rdzogs pa// bcu drug rdzogs pa'i zla rgyas tshul// snying rje ye shes shar ba ni// mkhas la nyi gsal shar ba'i tshul// don gnyis rdzogs pa'i rnal 'byor pa// rnal 'byor nges pa'i sa pa yin// nges pa'i sa la bgrod pa ni// rdo rje dus kyi rgyun tshogs kyis// tshogs chen

  715. 358b

    rnam gnyis bskrun par bya// skar tshogs dbus na zla nya ba// bcu drug zhag gis rdzogs pa bzhin// bcu gsum rtsal chen rdzogs pa'i sa// bcu drug tshogs kyis rdzogs pas ni// mdzes pa'i nyi ma bcu drug gis// zla dkyil 'od kyi phyag rgya la// mdzes par spras pa'i bde ba de// bcu drug tshogs kyis bsod nams bskrun// phyed rdzogs tshogs 'phel de phan chad// mi dmags chos la blo sbyangs yin// je zhi je zhi mi dmigs pa/ mtshan ma shes bya bsrabs pa ste// bsod nams tshogs kyang mi dmigs pa/ mnyam pas stong par gyur pa na// thams cad chos skur rdzogs pa ste// sdug bsngal byang chub gnyis med de// 'di la rmad 'byung sems bskyed de// zla ba dus kyis mtshan ma dang // gsang ba gnyis kyis mchod par bya// phra mo'i drod du byung ba dang // sbyar te rang las byung rnams la// rtsa ba gcad phyir yongs rdzogs pas// the tshom med par dang blangs nas/ dus de nyid du nyi ma 'char// dus 'di rgyun gyi bar bcad na// bsnyed pa dag gis bzlog par dka'// bar chad byung na gso zhing bskang // mkha' la zla gsal gra rgyas na// sa la rnal 'byor grar rgyas pas/ bsod nams spel ba chen po dang // bsngo ba chen po'i las rnams bya// de nas 'bras bu chen po yang // nyi zla zhon nas 'gro ba yi// rig 'dzin sa la slebs phan chad// dpal chen bcu

  716. 359a

    drug sa la 'grub// ces bka' stsal to// de nas yang sems dpa'i rdo rje de rgyun du gnas pa zhes bya ba'i ting nge 'dzin la snyoms par zhugs nas bzhengs pa dang / 'dus pa'i tshogs kyis gsol pa/ bcom ldan 'das chos thams cad ni yi ge rgyun gyi dkyil 'khor du gnas par mthong ngo // bcom ldan 'das kyis bka' stsal pa/ chos thams cad ni rgyal ba'i dkyil 'khor gyi rang bzhin yin la// rgyal pab thams cad ni yi ge'i dkyil 'khor gyi rang bzhin du shes par gyis shig/ gsol ba/ yi ge phyag rgya'i don gang lags pa bdag cag rnams la rgya cher bshad du gsol zhes zhus pa la bcom ldan 'das kyis bka' stsal pa/ chos kun rgyal ba'i rang bzhin// rgyal ba sku gsung thugs su gsal// sku gsung thugs dang phyag rgya dag/ yi ge'i phreng ba nyid la rdzogs// yi ge phyag rgya'i dkyil 'khor rnams// rgyun du bsgrub par bya ba yin// des ni rgyun gyi ting 'dzin thob// rgyun gyi rgyun du mi gcad pa// rdo rje nam dang nyi tshod la// yi ge'i tshogs bskyed tshogs sbyar la// phud lhag bcas sbyar de bzhin no// 'di ni don la nye ba'i lam// bsod nams bskrun par de myur ro// kun rdzogs tshogs kyi rgyu des ni// yang dag tshogs chen ci 'dra ba// mchog gi bde ba dam pa dang // de nyid chen por de nyid 'gyur// 'jug sgo spyod dang lta ba

  717. 359b

    mthun// thams cad gcig par gyur pa yi// rgyu dang rkyen ldan phun sum tshogs// mdza' 'phrod sman dang dgyes sbyor ldan// lha dang rig 'dzin rnal 'byor ril// ma lus tshogs pas chos 'di spyad// skad cig yud dam zad cig gam// yud tsam nyin zhag zla re 'am// lha yi nyi ma bkra shis kyi// tshogs la bab pa'i dus 'di dag/ byin gyis brlabs pa'i dus chen yin// ji ltar 'byor pa'i yo byad rnams// phyi dag nang gi khyad par gyis// gtsang ma'i kha zas 'byung po la// rnam rtog rtog bral rgyal ba la// ji ltar 'byor bzhin nan tan bya// bdag dang gzhan dang gnyi ga dang // chos kyi don du mi 'gyur ba'i// skyon bzhi po dag spangs nas ni// de las bzlog pa'i tshul lnga pas// rnal 'byor snying dang mig lta bu// gdung pa'i 'du shes nyer bzhag ste// ji bzhin 'dod pa'i nye bar sbyar// lha rnams nye bar bya ba dang // bgegs rnams zhi pabar bya ba dang // don grub shi ba gso ba'i phyir// las 'dir spyad par shin tu gces// tshogs 'di blo chung gsar zhugs pa'i// mdun du brjod par bya mi rigs// rdzas dang yo byad thams kyang // cis 'dus de ltar stobs kyis spyad// des na las 'di khyad par yang // tshogs la tshogs bskyed sgrib sbyangs te// bsnyen pa dag la goms byas nas// bsgrubs pas 'bras bu mthar phyin pa'o// zhes bka' stsal to// rgyud kyi

  718. 360a

    rgyal po chen po rdo rje bkod pa kun 'dus rigs pa'i mdo las rnal 'byor bde ba'i tshogs kyi le'u ste drug pa'o// // de nas yang smra ba'i seng ge sems dpa'i rdo rje de 'das pa brjod pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang // 'dus pa chen po'i tshogs rnams kyis 'di skad ces gsol to// bcom ldan 'das sngags zab mo spyod pa'i skyon dang yon tan ci lags par bdag cag gi rig pa la snang bar gyur to// de nas yang bcom ldan 'das kyis bka' stsal pa// 'dus pa chen po'i tshogs gsang sngags chen po'i don ni rab tu spyad par dka' pabar shes par gyis shig/ de ci'i phyir zhe na// gsang sngags kyi tshogs ni shin tu me dang 'dra ste// me ni rgyun du bcangs shing spyad legs na ji ltar 'dod pa bzhin du rgyun du spyad du yod do// me nyid ji lta ba bzhin du spyad na me'i phung po chen por 'gyur te// spyod par byed pa nyid kyang bsregs/ khyim nas khyim yang bsregs/ rdzas kyi dngos po thams cad kyang bsregs par 'gyur ro// de bzhin du gsang sngags 'di ni chu dang 'dra ste/ chu thabs kyis zan cing spyad legs na ji ltar 'dod pa bzhin du dga' bder spyad du yod de// chu la dga' ba der thar chu chen po la 'brogs par nus so// chu'i rang bzhin dang thabs la ma gos

  719. 360b

    pas ni spyod par byed pa de g.yeng zhing 'chi bar byed do// gzhan yang gsang sngags chen po 'di ni gcan gzan gdug pa can dang 'dra ste// gcan gzan gyis sems can gzhan gyi srog gcod par byed pa yang thabs la mkhas pas ji ltar dga' ba bzhin du dbang du 'du'o// thabs kyis ma zin na srog gcod par byed do// gzhan yang gsang sngags chen po 'di ni sbrul gyi mgo la 'dug pa'i nor bu rin po che dang 'dra ste/ sbrul gyi mgo la 'dug pa'i nor bu thabs kyis yongs su zin na ni dbang du 'du zhing spyad du yod la// thabs kyis ma zin na ni 'tsho ba srog dang 'bral bar byed do// de bas na gsang ba chen po 'di ni spyad par dka' bas sngon gyi dus kyi tshe na yang spyad nyes pa'i log pa'i lam pa can mang por byung ngo // don dang lam la mkhas pa'i skyes bus thabs kyis zin cing spyad legs na ma nor ba'i lam du zhugs pa yang mang por byur bas 'dus pa chen po'i tshogs spyad pa'i thabs la yongs su mkhas par gyis shig/ de skad ces bka' stsal dang / 'dus pa chen po'i tshogs kyis 'di skad ces gsol to// bcom ldan 'das gsang sngags log pa'i lam las byung ba ni gang gang lags/ spyad legs pa'i thabs las byung ba ni gang gang lags/ bdag cag la rgya cher bshad du gsol/ de skad ces gsol pa dang / bcom ldan 'das

  720. 361a

    kyis 'dus pa chen po'i tshogs la bka' stsal pa/ 'dus pa chen po'i tshogs nyes legs kyi rim pa bshad par bya yis nyon cig ces bka' stsal pa dang / nga ni dran pa thog ma'i tshe/ gsang ba spyod pa'i don 'di dag nges don phal cher nub par gyur/ tshul 'dra tsam zhig gnas pa la// kun kyang phal cher spyod mod kyang // don dang phyed pa ngas ma mthong // kun kyang log pa'i lam spyad do// log pa can nyid gang zhe na// 'di la mi gnas 'di nyams dang / 'di las log dang logs tshul spyod// 'di tshul ma yin 'dir ma nges// g.yo sgyus bden bcos 'gal ba'i lam// de yang ji ltar bu zhe na// bskal pa kun bkod bya ba'i tshe// sangs rgyas mngon byung rgyal po de// mya ngan 'das par gyur 'og tu// byung ba'i rnal 'byor bzang rgyan de// mi shes byis pa'i 'khor rnams la// tshul 'chos log pa'i tshogs bskyangs sa// tshom bu lnga brgyar bcas pa zhig/ don las gol zhing 'khor bar log/ de 'dra'i tshul du ma spyod cig/ rmad byung mkhas pa'i bstan pa 'di// rnal 'byor dbang phyug tshad ma rnams// phal cher mi gnas skabs dag tu// mi shes ngan rtog can rnams kyis// dkrugs 'gyur bka' bslad bzhung por te// nor pas bdag nyid sun 'byin cing // bdag yin gzhan 'di ma yis zhes// bdag bstod gzhan la smod pa

  721. 361b

    log/ de yang ji lta bu zhe na// bskal pa de nyid dus dag la// rnal 'byor dpa' sbyin bya ba zhig/ don la blo shed ma bye zhing // lam gyi thabs las mi mkhas pas// nges don bka' yi gzhung bor nas// chos ma yin pa'i chos spyod cing // gzhan dag nges don spyod pa la// khyod kyi de ni don ma yin// don mchog bdud rtsi gang yin pa// de ni nga yi chos 'di yin// zhes ni bdag bstod gzhan la smod// 'di yang srid pa log pa'i lam// de 'dra'i tshul du ma spyod cig/ sngar byung rgyud kyi rjes gnas pas// rdeng med bzhin du dpon bstabs na// tshig gnyer dregs pa'i dbang des ni// mi shes bzhin du ras gcod pa'i// tshul 'chos sems kyi gya gyu can// skyon thabs blun pa'i sdig can yin// de yang ji ltar bu zhe na// dge slong dri med spyod pa zhes// bya ba'i rnal 'byor tshul 'dra zhig/ don la mkhas pa'i rjes su byung // tshom bu 'bum gyi 'khor rnams kyis// rgyud kyi rjes su byung ba yis// don med dge slong de nyid la// tshig gi gnyer chen ljid phab pas// gdung 'tshob ces ni dpon bstabs te// che ba chen po'i dregs pa skyes// mi shes bzhin du tshul bcos te// 'dra tshul log pa'i chos spyad pas// tshom bu 'bum dang bcas pa zhig/ dreg pa chen po'i ru drar lhung // de 'dra'i tshul du ma spyod cig/ mdza' 'drin bslang ster zhing rnams dang // rnyed

  722. 362a

    dang bkur stes 'tsho ba'i 'khor// gzhan gyi dbang du gyur dogs nas/ sgo ris rkyang chen so sor gcod// 'khor 'di bdag gis smin bya yi// gdul bar bya ba'i zhing yin gyis// gang dag 'di dang ma 'brel zhes// nyon mongs tshig gis sgo byed nor// de yang ji lta bu zhe na// rnam 'byor na zhi gnas pa zhes// bya ba'i tshom bu lnga brgya zhig/ shin tu gsang sngags spyod do zhes// dgon pa'i gnas su 'du gnas ni// yul khams chen po de dag gis// gnas par gyur pa'i mi rnams kun// gdul bar bya ba'i zhing du spyod// gzhan gyi sde par gyur pa yi// dge slong don dang ldan pa zhig/ yul der ched du 'ongs nas ni// rnal 'byor nges pa'i lam mchog gcig/ rgya cher bstan par bsam pa las/ dge slong dgon par gnas pa des// nyon mongs tshig gi bsgo ba byas// 'khor 'di bdag gi zhing yin gyis// khyod ni 'di la ma gtogs zhes// sgo dang tshan dang ris bcad pas// nyon mongs 'khor ba'i la du lhung // de 'dra'i tshul du ma spyod cig/ rnal 'byor chen por bsngos gyur la/ sna 'gas ci rgyal gsog 'jog byed// gcig yid gcig gis 'byin byed pa// nam zhar longs spyod thob pa min// de yang ji lta bu zhe na// rnal 'byor bde ldan shes pa zhes// bya ba'i tshom bur bcas pa zhig/ gsang ba rgya cher spyod pa las// 'khor na gnas

  723. 362b

    pa'i rnal 'byor ma// bud med bzang ldan bya ba zhig/ tshogs sbyor ging du bskos pa las// 'byor ba'i yo byad de dag la// ser sna'i sems kyis gsog 'jog byas// las kyi rnam smin de yis ni// yi dwags khyi yi lus su skyes// de 'dra'i tshul du ma spyod cig/ gzhan yang rnal 'byor chen po'i tshogs// log par spyod pa'i rnal 'byor ni// log lta spyi brtol gtum khro che// sdig spyod don dang mi ldan yang // bdag ni yang dag yin no zhes// bab tshol bka' rku slu byed bslad// de yang ji lta bu zhe na/ chos skyong ba yi rnal 'byor pa// pra ma de zhes bya ba zhig/ don dang lam la mi mkhas par// bdag ni mkhan po yin no zhes// kun la rgya cher sgra bsgrags nas// rgyal ba'i bka' brkus 'gro ba rnams// bslus par gyur pa'i rnam smin gyis// log pa can gyi 'jig rten pa// mi stegs spyod pa'i khams su lhung // de 'dra'i tshul du ma spyod cig/ tha tshig nyams shing don la rmugs// dregs pas don la khas 'ches phyir// rdo rje rgyal dbang thob 'dod pa// khrel med spyi brtol mun sbrul 'tshal// de yang ji lta bu zhe na// rnal 'byor sngags kyi tshul spyod pa// pe na ya zhes bya ba bzhig/ tshom bu brgya dang bcas pa byung / rtsa ba nyams shing don la rmugs// dregs pa chen po'i nga rgyal gyis// don la mkhas pa'i tshul bcos phyir// rdo rje rgyal po'i dbang mnos

  724. 363a

    pas// ri bos srog chags mnan pa bzhin// nga rgyal dregs pa'i ri bo yis// 'khor ba'i las spyod las ngan pa'i// srog chags phag gi rigs su lhung // de 'dra'i tshul du ma spyod cig/ mnyam pa'i don nyid ma rtogs par/ tshig du mnyam zhes rjod byed cing // chags sdang gnyis la mngon 'chel ba// rnal 'byor las kyis 'khor ba'i lam// de yang ji ltar bu zhe na// dge slong bde sbyin bya ba zhig/ tshom bu stong dang bcas par de// rnal 'byor gsang ba'i las la spyod// la la chags la mngon par 'chel// la las sdang chen gsod par spyod// chags sdang las kyi rnam smin gyis// rak+Sha srin pa'i khams su lhung // de 'dra'i tshul du ma spyod cig/ gang dag rnal 'byor blo chug rnams// rdo rje gral tshogs don glengs na// de la 'jigs shing skrag 'gyur te// spa zhum mi dga' 'byol byed blun// de yang ji lta bu zhe na// dge slong lhas byin bya ba zhig/ rnal 'byor dang po'i sar slob tshe// rnal 'byor don ldan mang po rnams// phal cher tshogs par gyur pa la// nges don gsang ba'i don glengs na// lhas byin 'khor bcas de las byol// don gleng ba la mi dga' zhing // ngan pa'i sems kyis phrag dog skyes// rang gi gnas su song nas ni// mkhas pa de la mi snyan brjod// las kyi rnam smin de yis ni// bskal pa dpag tu med pa

  725. 363b

    ru// yang dag don las gol bar 'gyur// 'khor ba don med gnas su 'khyams// de 'dra'i tshul du ma spyod cig/ rnal 'byor nyid kyis rnal 'byor la// shin tu gdug pa'i dug mdas gtong // tha tshig btsan po rdzong lta bu// 'joms byed rnal 'byor rang bges so// de yang ji lta bu zhe na// rnal 'byor rnam dag blo gros zhes// bya ba'i don ldan mkhas pa zhig/ mi 'jigs blo gros zhes bya ba'i// thabs dang don la mi mkhas pa// sde pa mang po skyong ba'i sar// rnam dag blo gros 'khor bcas 'ongs// mkhas pa don ldan bzod thob la// ngan sems phyar ka'i sgro skur btab// las kyi rnam smin de yis ni// mi 'jigs blo gros mnar me lhung // de 'dra'i tshul du ma spyod cig/ lta ba dmigs bu dang bral bas// yang dag dbu ma'i lam mi gsal// spyi yul tsam la ltos spyod pa// de ni rnal 'byor long pa'i tshogs// de yang ji lta bu zhe na// rgyal po rab gsal 'dzin pa zhes// bya ba'i rnal 'byor can zhig byung // shes rab lta ba'i med med par// rnal 'byor ming tsam tshul bzung nas// sgra thos tsam gyi gzhung spyad pas// mig med 'khor ba'i khams su lhung // de 'dra'i tshul du ma spyod cig/ de la sogs pa'i rnal 'byor pas// log pa'i tshogs su spyad pas ni// 'khor ba log pa'i tshus su 'gyur// de na 'dus pa'i rnal 'byor rnams// shin tu gsang

  726. 364a

    ba'i chos 'di rnams// gol sa che bar rgyal bas bshad// thabs la mkhas par spyod pa yis// don dang ldan par bya ba gces// thabs la mkhas par spyad pa yi// legs pa'i lam gyi rnal 'byor pa// sngon 'das dus na byung ba yi// rtsal can rnams kyi don bshad pa// skyes bu mchog gi spyod pa 'di// yon tan sgra bsgrags sus thos pa// ming tsam gyis kyang de thob cing // dran pas ngan 'gro las skyob yin// de yang ji lta bu zhe na// shin tu gsang ba'i spyod pa 'di// lha gnas gsum du grags pa las// lha yi bu ni 'od ldan te// mi rtag 'chi ba'i dus bab nas// 'chi ka'i snga ltas byung ba'i tshe// mi dga' bar ni 'du shes gyur// phyi ma'i 'du shes skyed pa las// mi gtsang zas su za ba yi// blun pa'i srog chags lus len par// rang gi mngon par shes pas mthong // shin tu 'jigs pa'i 'du shes kyis// skyabs kyi yul rnams yid la byas// gzhan gyi dran pa mi gsal bar// gsang ba chen po'i tshogs chen gyis// mtshan ni rna ba'i dbang po thos// thos pa yid la dran byas pas// ngan 'gro'i lam las slar log ste// tshogs chen spyod pa'i skal ldan pas// gsang ba 'dzin pa'i gnas su skyes// de bzhin thos pa dag par spyod// rgyal ba mnyes pa'i tshogs 'di la// gang zhig dga' zhing 'dun skyed pa// gzhan gyi bar chad mi 'byung

  727. 364b

    bar// ji ltar mos pa de myur 'thob// de yang ji lta bu zhe na// bram ze'i bu ni byams ldan te// gsang ba chen po'i tshogs 'di dag/ spyod par mos nas kun tu btsal// btsal bas rnyed par ma gyur te// sa phyogs zhig tu 'dug nas ni// shin tu ngus nas smras pa ni// e ma'o bdag gi las re pham// skyes nas rgas par gyur bar du// tshogs chen zab mo'i don btsal na// don dang ma phrang las re ngan// da 'ong ji ltar btsal na rnyed// btsal byas rnyed par yong mi 'gyur// thugs rjes bdag la skyabs su 'chi// gdung ba sgra cher phyung ba las// nam mkha'i khams nas sgra phyung ste// skal dang ldan pa'i bram ze khyod// de ltar yi dam la brten pa// khyod ni don gyi skal pa can// dus gsum rgyal ba'i thams cad kyis// khyod la byin gyis rlob par mdzad// de bas lta ba ma g.yel bar// sgrib pa sbyang ba'i thabs dag la// mkhas shing brtson par bya dgos te// rang gi rtsa rnams bkros nas ni// khrag chen dag gis mchod pa de// 'dod chags dag pa tsan+dan chus// dmigs nas rgyal ba kun mchod nas// de ma thag tu don thob 'gyur// de skad lung bstan thob nas ni// dga' ba'i bsam pa cher g.yos te// lung bstan pa ltar de spyad pas// rig 'dzin rgyal ba'i sras su gyur// de bzhin mos pa dag par spyod// mthong la skal ldan 'dir zhugs

  728. 365a

    pa// thams cad du yang de bzhin te// tog ni rtse mor gyur pa bzhin// yongs kyi nub pa ma yin no// de yang ji lta bu zhe na// lha yi bu zhes bya ba ni// dge ba'i rgyal po bya ba de// tshom bu 'bum dang bcas pa zhig/ gsang ba rgya cher spyad pa las// lta bu rin chen 'od ldan de// shin tu dad pa cher g.yos te// lha rdzas yo byad mang po dang // bcas nas gsang ba'i gnas der phyin// dga' zhing 'dun pa'i tshul gyis ni// gus par gyur te der gnas pas// cho 'phrul chen po bzhi thob ste// lha gnas kun du bgrod pa dang // 'byung chen lus las sprul pa dang // ri bo gdeg dang 'phang ba dang // mi 'chi tshe la gnas pa thob// rgyal mtshan rtse mo'i tog bzhin du// mthong ba dag pa'i chos de nyid// bska par nub par ma gyur ro// de bzhin 'jug pa dag par gyis// mthong bas chos 'di yongs dag pas// ye shes sgron ma'i mig rnyed nas// bla med snying po can rnams kyis// lam rnyed lam du zhugs pa bzhin// de yang ji lta bu zhe na// bram ze kun ri bya ba zhig/ chos kyi mig ldan don mthong nas// gsang chen gzhung bzhin spyod pa la// bram ze kai ni bya ba zhig/ dad pas don gyi rjes su 'brengs// gsang chen 'dus pa'i tshogs mthong ba// chos kyi mig dang ldan 'gyur te// don gyi snying po mthong bar 'gyur// lhun grub rtsal chen rdzogs pa

  729. 365b

    yi// rig 'dzin chen po'i sa nyid thob// de bzhin mthong bas dag par gyis// gzhan dag 'dir ni mngon spyod la// dga' ba'i yid kyis phyogs byed pa// de ni dngos dang 'dra ba ste// 'bras bu la yang mtho dman med// de yang ji lta bu zhe na// rgyal po dbang phyug 'od ldan zhes// bya ba'i rnal 'byor can zhig la// tshom bu bcu dang bcas pa'i 'khor// rig 'dzin spyod pa'i don la zhugs// sngags spyod 'bras bu cher thob ste// ngo mtshar cho 'phrul mang po dag/ thob pa kun tu grags par 'gyur// de la gzhan gyi sde pa yi// bram ze dge slob bya ba zhig/ shin tu dag pa'i sems bskyed nas// 'jug cing bslab par zhugs pa las// rgyal pos ma gnang gsang sgo bsdams// bram ze dad pa ma log par// 'byor pa'i yo byad ci yod rnams// rgyal po 'khor du phul nas kyang // rgyal po gnas pa'i yul phyogs su// yid kyi phyogs te smon lam btab// rtse gcig par ni smon lam btab// rjes su yi rang dam par ni// yid la byas pa'i bsod nams kyis// sgrub par byed pa'i rgyal po dang // sgrub dang mi ldan bram ze gnyis// 'bras bu mtho dman med par thob// 'di ni tshegs med don po che// thabs la mkhas pa'i rig 'dzin yin// de bzhin spyod pa gzhan dag la// dga' bas rjes su yi rang gis// dge ba spyad dang ma spyad gnyis// 'bras bu mnyam

  730. 366a

    por thob par gyur// bsam yas bsam gyis mi khyab pa// rgyal rnams 'dir bslab 'dir mkhyen pas// srid gsum 'gro ba'i bshes gnyen du// kun gyi bdag por gyur pa yin// de yang ji ltar bu zhe na// sngon gyi bram ze gsal byin gyis// gsang chen 'di yi don bslabs nas// rang gi sems la goms byas nas// sems nyid bden pa'i don mthong ste// chos rnams kun la mkhas par 'gyur/ ro// kun gyi rtsa ba sems yin pas// sems las chos byung 'bum phrag yas// chos kyi rgyal por der gyur nas// sangs rgyas smra ba'i seng ge zhes// zhing khams kun tu grags par 'gyur// de bzhin bslab par dag par gyis// tshogs chen gcig gi bsod nams ni// skye la nyan thos bsam yas la// sbyin pa'i tshogs chen spel bas ni// 'bum gyi char yang mi phod do// ci phyir zhen gcig mnyes pas// rgyal ba thams cad mnyes pa yin// nam mkha' khyab pa'i rgyal ba dang // nyag gcig snang ba'i rgyal ba gnyis// so so ma yin tha mi dad// sku dang gsung thugs gcig las med// 'dul ba'i ngo gang khyad par las// bsam gyis mi khyab bstan par zad// de na khyad par de ltar snang // de yang ji lta bu zhe na// las rnams dag pa'i bram ze ni// dge ldan gsal ldan bya ba gnyis// dga' ba'i dad pa so sor skyes// gcig la gcig

  731. 366b

    ni tha tshig byas// gcig gis nyan thos bsam yas la// mchod sbyin bya ba rgya cher byas// gcig gis tshogs mchod rgya cher byas// tshogs la spyod pa'i gsal ldan ni// 'di tshe gcig la mngon sangs rgyas// sbyin pa spel ba'i dge ldan ni// bskal pa grangs med gsum gyis grub// de bas gnas 'dir spyod pa dag/ rnal 'byor gsal ldan tshul bzhin spyod// 'di dag rtag tu su 'chang ba// rdo rje sems dpa' la sogs pa'i// che yon rtag tu ci 'dra bar// don gyi gzugs dang bcas par 'thob// de yang ji lta du zhe na// khyim bdag mes sbyin bya ba de// tshom bu brgya dang bcas pa zhig/ rgyun gyi rtag par 'di spyad pas// sangs rgyas rdo rje sems dpa' ni// 'khor dang bcas pa ci 'dra bar// skye ba de yis nges par thob// sku dang gsung thugs rdo rje yi// don du nges par sgrub pa'i tshogs// rtogs nas smra bar gang byed pa// goms dang brjod dang spros pa yis// chos kyi rgyal por de 'gyur zhing // yon tan spyi gtsug nyid du 'gyur// de yang ji lta bu zhe na/ drang srong rnal 'byor ka la ya nas// drang srongs rnam pa mang po la// tshogs 'di yon tan rgya cher bsgrags// don rnams nges par bshad pa las// drang srong mang pos rig 'dzin thob// ston par byed pa'i ka la ya na// gsang bdag chos kyi rgyal por gyur// 'on tang gsang ba'i don 'di dag/ snod dang

  732. 367a

    ldan pa'i 'gro ba la// bstan tam bshad dam brjod par gyis// des ni yon tan chen po dang / nga yi spobs pa 'thob par 'gyur// des na 'dus pa chen po'i tshogs// rgyal ba kun gyi thugs dam ni// rnal 'byor gsang ba'i tshogs 'di yin// rnal 'byor gang zhig blo ldan pas// skad cig tsam mam thang cig la// rgyal ba'i tshogs 'di rab bskrun na// rgyal ba sangs rgyas thams cad dang // rig 'dzin rnal 'byor mtha' dag dang // tha tshig zab mo skongs nas kyang // chos kyi mig ni thob par 'gyur// de ni tshogs spyad yon tan dang // log par spyad pa'i skyon rnams ni// sngon byung gleng gzhi bshad pa yin// zhes sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'das pa sngon byung gi le'u zhes bya ste bdun pa'o// // de nas bcom ldan 'das sems dpa'i rdo rje de bcom ldan 'das gsang ba mchog gi bdag po de'i zhal du shin tu re zhing bka' sdod pa'i tshul gyis lta zhing kun du brjid par 'khor gyis bskul ba'i sa la sta gon du gnas shing cang mi smra bar gyur to// nas 'khor phal po ches rnam par bskul bar rig nas rnal 'byor gyi phyag lus kun sa la brdabs nas a la la ho zhes bya ba'i sgra phyung nas mgrin gcig tu gsol ba btab pa// e ma rdo rje sems chen

  733. 367b

    po/ rang rig mkhyen pa'i ye shes 'bar// mgon po yon tan bsam las 'das// rgyal thob khyod la phyag 'tshal lo// e ma rang snang dbyer med sku// rnam dag bsod nams mtshan gyis brgyan// dpe byad 'bru bkod blta mi ngoms// sku lnga'i mchog la phyag 'tshal lo// e ma rnam dag nam mkha'i dbyings// gcig gsung sna tshogs sgrar rig mkhyen// bsam 'das brjod med rdo rje'i gsung // gsung lnga'i mchog la phyag 'tshal lo// e ma gsang ba nam mkha'i thugs// mnyam nyid mi g.yo so sor gsal// kun rig snying po ye shes mchog/ thugs lnga'i mchog la phyag 'tshal lo// e ma mi mdzad mdzad pa che// ma chags chags bral 'dod chags mdzod// thams cad sgrol ba'i las chen po// phrin las mchog la phyag 'tshal lo// rgyal tshab khyod la gsol ba ni// byams mgon thugs rje'i byin brlabs kyis// sprul pa'i go tshags ru mnyam ste// 'khor ba'i skyes lings chen po la// sdug bsngal shin tu gsad pa'i phyir// thams cad dur khrod chen po ru// byin gyis brlabs pa'i las chen mdzod// a ho zhes gsol ba btab pa las/ sems dpa' rdo rje chen po des rnal 'byor pa'i phyag byas nas// bcom ldan 'das gsang ba mchog gi bdag po la zhus pa// a la la ho bde ba chen po'i mchog gsang ba kun gyi rgyal po/ yang gsang bla na med

  734. 368a

    pa'i bdag nyid/ 'dus pa chen po'i tshogs rmad du byung ba'i tshig shin tu rtul phod pa gsol ba 'chal ba 'di shin tu ngo mtshar lags so// 'di dag 'dul ba'i dbang du dgongs te/ ji ltar 'tshal ba'i bsam pa rangs par mdzad du gsol zhes gsol ba btab pa las/ bcom ldan 'das gsang ba mchog gi bdag po des kun du 'dul ba'i 'dus mkhyen nas bka' gsang rmad du byung ba'i 'khor gyis bskor ba dur khrod rgyan gyi rol pa las rmad du byung ba'i ting nge 'dzin la snyoms par zhugs so// snyoms par zhugs nas 'khor byin gyis rlob pa'i tshig 'di gsungs so// hUM he he phaT/ hUM hU~M bi shwa badz+ra kro d+ha dza la maN+Dal la A ra li a li u li ta pa li traM s+t+waM/ kha li ho/ na sha staM b+ha ya hUM/ bruM phu tsa kha hi phaT phaT ha la hUM zhes gsungs so// 'jig rten drug gi phyogs bcu mtha' yas pa thams cad dur khrod kyi dkyil 'khor du gyur nas/ g.yos/ rab tu g.yos/ shin tu rnam par 'thor ro// de nas bcom ldan 'das gsang ba mchog gi bdag po des sems dpa' rdo rje'i snying po la 'khor gzhan gyis yid tshod du mi 'gyur ba'i sku'i chos bstan pa ni sku kun du dur khrod kyi bdag po chen por bsgyur nas dur khrod kyi gnas brgyad dang // he ru ka'i gnas bcu dang // dpal gyi chas brgyad dang // dur khrod kyi rgyan chen po dgu dang / don gyi

  735. 368b

    rtags chen po bco brgyad dang // dur khrod kyi longs spyod sna tshogs pa bstan pas zhal 'dzum pa'i mdangs kyis gzigs pa las sems dpa' rdo rje des mkhyen te// bka' gsang dbang chen 'dis don du ni bshad/ tshig tu bsgrags par rig nas 'dus pa'i tshogs la shin tu ldem dgongs kyi tshig tu smras pa// bka' gsang rmad byung chen po 'di sbas pas zab cing rtogs dka' ba// mtshon pas don 'byin mi shes pas// nyon mongs rang dga' spyod snyam pa'i// shin tu byis pa'i blo zhan pa'i// nges pa'i shes rab mig ldongs te// don gyi rtsal shugs chung ba yis// dga' bde'i longs spyod bskrun snyam nas// mtshan ma rang dgar spyad bsgrubs kyang // rang bzhin 'grub par mi 'gyur te// rgyud phung 'bras bu tshig gyur nas// myu gu brlag ste ga la 'byung // gtan tshig de bas 'di don dag/ rtsal zhan dag la bstan min zhes// gsang bdag rgyal po kun gsung na// ci khyod rnams kyis mi shes sam// zhes rnam par smras pa las// 'dus pa'i tshogs kyis slar gsol pa// e ma'o sems dpa' chen po de lta bu'i rgyu tshig chen po dag 'khor gyi dkyil 'khor gyi nang dam pa 'dir gsung ngam/ 'on te mi spyod dam cang ma lags grang / ci blang dor mdzad dam/ e ma snod du ma gyur pa ni gang mchis/ thams cad byang chub kyi snying po can lags

  736. 369a

    na/ zong kun rab tu thong / rnam par rab tu gsungs/ 'gag pa mi mnga' mi 'gog gsungs// ci phyir mi gsung thogs med sras// rgyal ba'i sras po dus 'di lags// gsang ba'i snying po snod 'di lags// bka' gsang dkyil 'khor gnas 'di lags// gsang ba'i dur khrod tshul 'di lags// snying rje zher sems khyod la 'dud// gsang ba yang gsang khyod la 'dud// gsang ba ye gsang khyod la 'dud// dkyil 'khor rgyal po khyod la 'dud// 'khor lo snying po khyod la 'dud// gsang chen snying po tshul ci lags// bka' gsang dkyil 'khor thabs ci lags// 'bras bu bde ba'i don ci lags/ ma 'ongs pa yi rnal 'byor dag/ bsgrubs na dang len 'tshal ba yi// rig par 'gyur ba'i thabs ci lags// 'byung chen rgyal pos bshad du gsol// zhes gsol ba btab pa las// sems dpa' rdo rje dam pa de shin tu bzhad pa chen pos rnam par bzhad de// a a he he'i gad rgyangs bsgrags pas 'khor thams cad kyang gad rgyangs kyi sgra chen po sgrogs par mdzad de// dgyes pa'i 'od zer las shes rab kyi dpal de dgyes pa'i rol mo sna tshogs ling long phyed par byung ngo // de nas sems dpa'i rdo rje dam pa de lus kun bsrang ste/ dur khrod kyi chas sna tshogs bsar zhing rtags bco brgyad 'bar bar byas nas brjid pa'i

  737. 369b

    gsung gis gsang sngags rgya mtsho dang / rnam grangs sna tshogs don gyi bsgrub pa rtags kyi rol pa gsang ba'i dkyil 'khor chen po 'di dag bshad do// gcig tu yang dag nges grub pa'i// don la rton byed rnal 'byor rnams// thogs med nyid du 'grub 'dod pa// ji ltar btso blag mkhan dag gis// ras dkar sbyangs pas tshon 'dzin ltar// rnal 'byor las rnams dang por ni// skongs dang sbyong ba'i las rnams gces// zab mor 'jug pa'i sngon logs nas// sems nyid gting nas tshar gcad phyir// theg pa dman pa'i skye bo dang // lhan cig ci la'ang mi brnal lo// de las gyur pa'i yo byad dag/ rus sbal mgo la 'ongs pa dag/ shin tu 'khrugs pa'i sems chen gyis// rgya mtshos bshugs te spang bar bya// gal te gang zag dbang gis na// nyams pa'i chad par byung ba na/ mgon tshun chos nyid chu phab nas// skong zlog cho ga/ rgya cher bya// sgrub rtsom sngon nam yang sngon nam// zhag grangs dag gi sngon logs nas// sdig sbyangs byang chub sems bskyed de// dge ba'i don la 'dun par bya// slong mo dang slong la dga' ba// slong la 'tsho ba'i tshe spyod rnams// sde dang tshan dang grar byas te/ snying rje lud pa'i zhing du bya// sman dang 'bru dang rtsi rnams dang // bcud kyi mchog tu gyur pa dag/ btags sam phye mar sbyar nas kyang // klung ngam chu klung mtsho chen

  738. 370a

    du// dor te chags med sbyin par bya// dge ba'i yon bdag dang blangs te// nad gso shes slob spyod sgom gra// gtsugs te bsti gnas mchog bya zhing // dus kyi 'khor lo'i mchod chen bya// gsung sgra rgya mtsho sgrogs pa yi// glegs bam zab mo kun bsten te// brjod dang bsnyen bkur bsti gnas kyis// rgya chen yangs pa'i las rnams bya// ye shes tshogs rnams rdzogs bya'i phyir// shes rab tshogs kyi sbyin mchog dag/ bstan tam glegs bam la sogs pa'i// blo mchog ldan pa rnams la sbyin// bsgom dang goms par bya ba yis// kun gzhi dag par bya ba'i phyir// ting 'dzin bye ba mang po la// blo mchog yid kyi rtsal de spyad// chos kyi 'khor lo rab bskor te// rgyud sbyang lhag pa'i shes rab blta// sho gam srang dang sho gam lam// mi bde'i gnod pa kun gsal te// tshad med snying rje'i 'khor lo bskor// sbyin pa'i 'khor lo rgyun mi gcad// chu 'am sa'am nam mkha' 'am// me 'am de bzhin rlung rnams la// sku gdung spel mchod ring bsrel rnams/ brtsam pa'i las chen 'khor lo bya// mtshan med zlog par byed pa yi// lus sems rgyud la rdul rlags te// 'phags pa'i sbyin tshogs pho brang du// rdul snyed lus kyis mchod sems bshags// rgyal mnyes las ni gyis shig pa// thams chen sbyong pa'i las chen las// rnam bzhi me yi las

  739. 370b

    mchog bya// des ni mtshams med zlog pa yin// thugs rje 'byung ba'i 'khor lo dag/ gang ltar goms ltar 'bad rtsol bya// bstan pa skyong ba'i tshogs rnams la// sbyin mchod spel ba'i las rnams bya// de la sogs pa'i dge ba'i tshogs// don du mi 'gyur kun spangs la// nan tan tshogs kyi dpung chen bskyed// 'di ltar las chen ltang sogs pa// gzhan du bskyed pa ma yin te/ rtse gcig don ldan rnal 'byor pa// rgyud ldan snod ldan bya phyir dang // gal te rtsal zhan ma grub na// dge bsags ljang chen kun bsdoms te// las kyi bsags pa don bgrangs shing // gdung ba'i shugs phyung rtsal sprugs nas// nyi shar chu klung zla brnyan ltar// rang bzhin shugs kyis 'grub par gces// de phyir phra mo yan chad kyang // bdag gi don du 'gyur bar bya// de ltar spyad pa spyod yi// phra mo'i rnal 'byor blo 'phel ba// chung ngu chung sogs mthar zad nas// skong pa'i rnal 'byor 'khor lo yis// zhig dang ral dang chags 'dres dag/ bskang gso gzhug pa'i las 'di bya// las chen skong pa'i khyad par gyis// gnas su brtag par nges med de// mi sdug skyon can bkra mi shis// spangs te med par gyur pa yi// shin tu sar pa'i gnas chen dag/ bskang pa'i gnas su de 'gyur ro// de ltar yid 'ong gnas btsal nas// drod ldan bla ma spyan drangs te// sri zhu

  740. 371a

    rgyal chos spyi bor bkur// de yang dmigs kyis zhu ba dag/ maN+Dal khar bsil tsam dag la// me long snying por ltar byas te// gtsang ma'i rgyu las rdzas byas pa// yid 'ong rnam lnga'i mchod pa la// rkyen gyi rnal 'byor sna tshogs kyis// brgyan te bklubs pa'i sprin phung rnams// mnyes nas skong phyir rgyal la dbul// phyi 'khor skyong pa'i mgon po la// 'dod yon lnga la sogs pa yi// yid bzhin longs spyod rkyen dang bcas// yon tan cha las smon bcol mchod// mnyes nas skongs pa'i stongs su 'gyur// khams gsum snying rje'i gnas rnams la// yo byad sbyin tshogs chen po las// 'dod pa'i bsam pa rangs byas na// mgu bas skongs pa'i stongs su 'gyur/ bgegs su gyur pa'i gegs ris kyang // mnyam pa'i don gyis sems mi dbyung // dmigs kyis kha zas sna tshogs las// bgegs rnams mgu na thams cad kyang // mnyam pa'i don gyis skongs pa'i rgyur// cung zad tsam du snang ba yin// de ltar skongs pa'i las rnams kyis// bskang bar bya ba'i dmigs rnams ni// rnam pa lngar ni snang ba ste// kun du nyams pa chen po dang // rtsa ba nyams dang yan lag nyams// de bzhin zlas nyams zhar nyams lnga// bskang ba'i thabs kyang lnga yod de// spyad pa'i las kyis bskang ba dang // rdzas dang don dang ting 'dzin dang // man ngag

  741. 371b

    gsang ba'i thabs chen no// de dag la yang lnga lnga ste// spyod pa'i tshul gyis bskang ba la// rnam par lnga ru bshad par bya// dang po 'bum lnga khri gsum ste// rtsa nyams khri lnga stong gsum mo// yan lag nyams par gyur pa la// stong lnga brgya gsum thon par bya// bzlas nyams brgya lnga bcu gsum mo// zhar gyis nyams par gyur pa la// bcu lnga gcig gsum dag gis skongs// rdzas kyis bskang ba'i thams mchog ni// gal te bsrung ba 'ga' zhig las// byang chub tsha thig ral gyur na/ gti mug rigs kyi tha tshig bskang // dmangs rigs bla ma spyan drangs la// nyes 'gal mi bcab stong du bshags// gser la sogs pa'i rdzas chen gyis// tha tshig gang brlag nor des blu// byang chub sems bskyed rgyud sbyang mnyan// rdo rje tha tshig ral gyur na// zhes sdang rigs kyi tha tshig bskang // rje'u rigs bla ma spyan drangs te// nyes byas mi bcab 'bum du bshags// shel la sogs pa'i rdzas chen gyis// tha tshig gang brlag nor des blu// bsam gtan ting 'dzin bsgom brtson bya// rin chen tha tshig nyams gyur na/ nga rgyal rigs kyi tha tshig bskang // rgyal rigs bla ma spyan drangs te// nyes byas mi bcab brgyad khrir bshags// bai DUr la sogs rdzas chen gyis// tha tshig gang brlag nor des blu// sku gdung ring bsrel rnam par spel// pad+ma'i tha tshig ral gyur na// 'dod

  742. 372a

    chags rigs kyi tha tshig bskang // gdol rigs bla ma spyan drangs la// nyes byas mi bcab brgyar bshags bya// byi ru la sogs rdzas chen gyis// tha tshig gang brlag nor des bla// bshad bya zab mo'i glegs bam brjod// las kyi tha tshig ral gyur na// phra dog rigs kyi tha tshig bskang // bram ze rigs bshes spyan drangs la// nyes byas mi bcab bcu lngar bshags// in+d+ra la sogs rdzas rnams kyis// tha tshig gang brlag nor des blu// mchod sbyin bsod nams las chen bya// des ni bskang ba'i las chen 'grub// don gyis bskang ba'i thabs mchog kyang // rnam lnga'i tshul du bshad par bya// chos kun nam mkhar bsgoms nas kyang // bag chags bzang ngan thams cad kun// ci yang med par blo la bzhag/ de la goms byas nyes pa med// kun la mkhas pa'i bla ma la// rgya che yangs pa'i chos mnyan te// bsam pa'i las rnams rgya cher bya// yid kyis dmigs pa'i las dag na// rtsa ba nyams pa skong bar 'gyur// gal te yan lag nyams gyur na// chos nyid nam mkha'i don ston pa'i// glegs bam zab mo kun brtags te// don rnams rgya cher brtag par bya// de ni yan lag nyams pa med// bzlas na tha tshig nyams gyur na// bla ma skyes bu mkhas pa la// gzhung chen tshugs pa'i bstan pa zhig/ ston pa'i yon bdag gnyer blangs te// blo

  743. 372b

    yi rtsal can kun bsdus te// dam chos bdud rtsi bstan par bsgrags// gal te zhar gyis nyams gyur na// bstan pa'i glegs bam rgya chen rnams// bris nas chos kyi sbyin par bya/ des ni zhar nyams skongs par 'gyur// ting 'dzin rtsal gyi thabs mchog ni// bag chags can gyi spyi gtsug tu// rtsa dmar 'od ni me long tsam// shin tu 'bar zhing 'char gsal bas// chags dang bcas pa'i phung po bsregs// rnam grol sems kyi rang bzhin dang // 'od kyi rang bzhin gcig pa las// dkar dang dmar dang mthing ga yi// 'od kyi thig le gsum du 'gyur// dkar por spros pas khyab pa che// dmar por spros pas chags pa che// mthing ga thugs kyi sa bon te// rnam gsum gcig tu 'dus pa las// ngag yid gsum gyi bag chags bsregs// sku gsung thugs kyi dam tshig skongs// dkar po rlung zla'i dkyil 'khor la// dmar po 'bud pa'i rlung byung bas// mtshan ma'i bag chags rnam par gtor// dmar po chu zla'i dkyil 'khor las// mthong ga ye shes chu byung bas// dngos po'i ldan ljin thams cad bkrus// de ltar gsal bar gyur pa dang // rnal 'byor can gyis tshig 'di brjod// rdzas bsreg pa la me dgos kyang ma// bag chags tshig la me mi dgos// rig pa ye shes me byung bas// mtshan ma yi ni bud shing bsregs// 'jig rten gtor la

  744. 373a

    rlung dgos kyang // mtshan ma gtor la rlung mi dgos// rig pa'i ye shes rlung byung bas// mtshan ma'i rdul tshogs rnam par 'phyag/ lus bkru ba la chu dgos kyang // sems bkru ba la chu mi dgos// mnyam nyid chu bo khrus kyi rdzing // ye shes chu bo'i rgyun byung bas// bag chags ldan ljin thams cad bkrus// oM kro d+hi shwa ri sarba pA paM sho d+ha ya oM AHhUMHraM yaM khaM/ de skad tshig tu brjod pa yis// nyams pa'i chad pa mi 'byung ngo // gcig tu bskang pa'i las chen yang // rigs kyi rdzas dang yo byad rnams// gnas su bsags nas byin brlabs te// phyi nang mtshams bcad brtan byas nas// so so rigs kyi dam tshig la// 'gal bar gyur pa gang dang gang // mchod dang bshags dang gnod bkur te// yan lag brgyad kyi tshul bzung nas// bsam gtan gnas sbyangs rdzas bsab pa// gti mug rigs kyi dam tshig la// shes nas rtogs par bya rgya las// ma rig log pa'i mthu yis na// tha tshig drag po yal gyu na// pho brang nam mkha'i ling+ga la// zla ba'i dkyil 'khor dbus gnas par// a yi rang bzhin 'od gsal bar// gsal 'phro 'khrug par gyur pa na// phaT kyis drag tu brdabs pa yis// 'od 'dril bskal pa'i mkha' gsal bas// gti mug ri bo'i mun bsal te// byang chub myu gu 'bar bar 'gyur// de ltar gsal

  745. 373b

    bar gyur pa dang // rnal 'byor can gyis tshig 'di brjod// e ma'o bder gshegs tha tshig las// byang chub sems bde gsal 'bar ba// don du mi gtong gzhi bskyed de// sangs rgyas gdung chen rgyun snyam las// ji ltar zla ba ra ri ltar// rgyu las byung ba'i rang bzhin las// byang chub myu gu nub ma khad// gzugs kyi phung po'i zhing khams su// bde mchog mkha' mnyam dbyings chen gsal// gnyen pos 'joms pa'i thabs chen las// bskang ngo bskal pa'i thugs dam bskang // gsang ba don gyi rdzas mchog 'dis// byang chub bskal pa'i thugs dam rnams// skongs 'gyur bsam pa'i don du sbyar// sarba ta thA ga ta pu ta sa ma ya ho// de skad tshig tu brjod nas kyang // spyi bo brda'i tshul phyag rgya sbyar// zhe sdang rigs kyi tha tshig las// pho brang rnam shes ling+ga la// rdo rje bum pa'i dbus gnas par// hUM gi rang bzhin 'od gsal 'bar// gsal 'phro 'khrug par gyur pa na// phaT kyis drag tu brdabs pa yis// 'od 'dril rdo rje'i phal lam gyis// zhes sdang ri bo brlags nas kyang // shes rab me long 'od gsal 'bar// de ltar gsal bar gyur pa na// rnal 'byor can gyis tshig 'di brjod// e ma'o rdo rje tha tshig rnams// sems chen ye shes gsal 'bar ba// thugs mchog gdung chen rgyud snyam las// ji ltar ral gri so rgal ltar// de las

  746. 374a

    gyur pa'i rang bzhin las// shes rab me long nub ma khad// rnam shes phung po'i zhing khams su// gsal 'bar ye shes thig le 'phro// gnyen pos 'joms pa'i thabs chen gyis// bskang ngo bskal pa'i thugs dam bskang // gsang ba don gyi rdzas mchog 'dis// thugs mchog bskal pa'i thugs dam bskang // skongs gyur bsam pa'i don du sbyang // oM sarba ta thA ga ta sa ma ya ho// de skad tshig tu brjod nas kyang // snying gi brda yi tshul phyag sbyar// nga rgyal rigs kyi dam tshig las// snyoms nas dang du blang rgyu las// log pa'i nga rgyal de ma choms// tha tshig drag po yal 'gyur na// pho brang skye rgu'i ling+ga'i dkyil// rin chen 'bar ba'i dbus gnas par// swa yi rang bzhin 'od gsal 'bar// gsal 'phro 'khrug par gyur pa na/ phaT kyis drag tu brdabs pa las// 'od 'dril rin chen 'khor lo yis// nga rgyal de'u chen brlag 'gyur nas// bsod nams ljon shing me tog 'bar// de ltar gsal bar gyur pa na// rnal 'byor can gyis tshig 'di brjod// e ma rin chen tha tshig las// bsod nams yon tan 'od 'bar ba// don du mi gtong gzhi bskyed de// rgyu mchog gdung chen rgyud mnyam las// ji ltar mkha' la 'khrigs 'thibs ltar// rgyu las gyur pa'i rang bzhin gyis// me tog 'od mdzes yal ma khad// tshor ba'i phung po'i zhing khams

  747. 374b

    su// che ba'i ye shes mnyam 'bar bas// gnyen pos 'joms pa'i thabs chen las// bskang ngo bskal pa'i thugs dam bskang // gsang ba don gyi rdzas mchog 'dis// sku mchog bskal pa'i thugs dam bskang // skongs gyur bsam pa'i don du sbyang // oM sarba ta thA ga ta rat+na sa ma ya ho// de skad tshig tu brjod nas kyang // 'phral ba brda yi tshul phyag sbyar// 'dod chags rigs kyi dam tshig las// rtogs nas spyad par bya rgu las// 'dod log rgya mtsho ma ngoms te// tha tshig drag po yal 'gyur nas// pho brang pad+ma'i ling+ga'i dkyil// pad+mo 'bar ba'i dbus gnas par// oM gyi rang bzhin 'od gsal 'bar// gsal 'phro 'khrug par gyur pa na// phaT kyis drag tu brdabs pa las// 'od 'dril pad+ma'o mtshon cha las// 'dod chags rgya mtsho bskams gyur nas// pad+ma chos kyi ye shes 'bar// de ltar gsal bar gyur pa na// rnal 'byor can gyis tshig 'di brjod// e ma'i pad+mo'i tha tshig las// pad+ma'i ye shes 'od 'bar bas// don du mi gtong gzhi bskyed de// gsung mchog gdung chen rgyud mnyam nas// ji ltar pad stong tsher ma ltar// rgyu las gyur pa'i rang bzhin gyis// pad+mo'i ye shes nub ma khad// 'du shes phung po'i zhing khams su// rtogs pa'i chos nyid 'od 'phros pas// gnyen pos 'joms pa'i thabs chen las// bskang ngo bskal pa'i thugs dam

  748. 375a

    bskang // gsang ba don gyi rdzas mchog 'dis// gsung mchog bskal pa'i thugs dam rnams// skongs gyur bsam pa'i don du sbyang // oM sarba ta thA ga ta d+harma sa ma ya ho// de skad tshig tu brjod nas kyang // lce yi brda yi tshul phyag sbyar// phrag dog rig kyi dam tshig las// rtogs nas spyad par bya rgyu las// phrag dog log bzung dbang gis na// tha tshig drag po yal 'gyur ba// pho brang gsang ba'i ling+ga'i dkyil// rdo rje ral gri dbus gnas par/ ha yi rang bzhin 'od gsal 'bar// gsal 'phro 'khrug par gyur pa na/ phaT kyis drag tu brdabs pa las// 'od 'dril rdo rje'i ral gri yis// phrag dog mtshon chags gsibs gyur nas/ rdo rje ral gri ye shes 'bar// de ltar gsal bar gyur pa na// rnal 'byor can gyis tshig 'di brjod// e ma'o phrin las tha tshig las// rdo rje ral gri 'od 'bar bas// don du mi gtong gzhi bskyed de// phrin las gdung chen rgyud mnyam las// ji ltar nyi gsal sprin bsgribs ltar// rgyu las gyur pa'i rang bzhin gyis// rdo rje 'od chen nub ma khad// 'du bye phung po'i zhing khams su// ye shes mtshon cha'i 'od 'phros pas// gnyen pos 'joms pa'i thabs chen las// bskang ngo bskal pa'i thugs dam bskang // gsang ba don gyi rdzas mchog 'dis// phrin las bskal pa'i thugs dam rnams// skong gyur

  749. 375b

    bsam pa'i don du sbyang // oM sarba ta thA ga ta karma sa ma ya ho// de skad tshig tu brjod nas kyang // lus kyi brda yi tshul phyag sbyar// des kyang skong pa'i las chen 'grub// man ngag thabs kyi don mchog ni// rtsa ba yan lag de rnams las// gang dag nyams par gyur pa la// man ngag thabs mchog lnga yis bskang // nyams pa chen por ltung 'gyur na// bla mar gyur pa'i skyes bu dag/ rgyal po dgu yi spyan lam du// sgrub pa chen po dgu brtsam zhing // mchog chen dgu yi brtul zhugs spyad// rang gi gzungs ma gang yin pa// bla ma dgu la gzungs mar dbul// de bzhin rtsa ba yan lag dang // zla dang zhar las nyams pa la// sgrub pa don gyi khyad par rnams// bdun nam lnga'am gsum mam gcig/ rim pa bzhin du sbyar byas na// des ni skongs pa'i mchog tu 'gyur// bskang ba'i yul yang rnam lnga ste// bder gshegs rgyal ba mtha' dag kyang // mdo ru bsdu na rnam lnga ste// gti mug zhes sdang nga rgyal dang // 'dod chags phrag dog 'di lnga dag/ rtsa bar gyur pa'i don gyis na// gzhi yang thams cad 'dis bsgyur bas// nyams dang ma nyams tha tshig dang / longs spyod spong len thams cad rnams// 'di rgyu yin par rig bya ste// rgyu nyid rgyur btags dbang gis ni// bsgyur bas dug 'gyur sman chen ltar// de nyid tha tshig btsan por bsgyur// 'dul ba'i dbang

  750. 376a

    gi khyad par gyis// de bzhin rdo rje rin chen dang // pad+mo las lnga'i rigs su 'dus// de dag thugs dam mchog nyid kyang // rnam lngar 'dus par bstan pa la// rtogs nas bsrung bsgrub dam bcas pa/ so so 'gal zhing chag nyams na// so so nyid du bsab par bya// sku yi chags nyams gnas su gzhug/ gsung gi 'gal 'khrul so ru bsab// thugs kyi 'gal 'khrul gsor med de// rdo rje snying po'i tha tshig la// bskangs pas skongs par gyur pa yi// rtags chen dag kyang 'di lta ste// rgyal ba sangs rgyas rig 'dzin gyi// gdung chen dag las byung ba yi// sha ri ram zhes bya ba de// thams cad ltas su ston par byed// shel gyi za ma tog nang du// dag par bcug ste btsas pa las// nyams pa'i chad pa 'byung ba'i tshe// kha dog gnag cing 'bros par 'gyur// nyams pa skongs sam sor chud cing // gal te dam tshig ma nyams na/ kha dog dkar zhing 'tsher bar 'gyur// legs pa'i yon tan 'byung ba'i tshe// grangs mang rgya cher 'phel bar 'gyur// gal te gnag gam mi gsal na// sbyar te bsgrims nas bskor bzlog bya/ 'on tang nyams pa mi phog cing // de dag so ru gso ba na// rtags chen 'di ni bsten bya ste// 'di dag shin tu brtags nas ni// dkar la 'tsher bar gyur pa na// rtsa ba yan lag nyams pa rnams// skongs te sor

  751. 376b

    chud rtags yin no// des na rnam 'byor las kyi gtsor// sbyong dang skong ba'i las rnams bya// bcom ldan 'das sems dpa'i rdo rjes de skad ces gsungs pa dang / 'khor der 'dus par gyur pa'i bdud kyi sde pa las lha'i rigs su gyur pa sangs rgyas kyi 'khor 'phags pa'i rigs 'dzin pa nyon mongs pa'i lnga'i bdag po lha chen po lnga la sogs pa bka'i snod du rung bar byin gyis brlabs te 'khod pa las/ 'dod chags thams cad kyi gtso bo rdo rje bram ze thod pa can zhes bya ba la sogs pas 'di skad ces gsol to// bcom ldan 'das kyi bka' ltar ma bgyis na ma dad ma mgus 'gal 'khrul du gyur pa'i chad pa'i skyes gnas dang rnam par smin pa ji ltar 'gyur/ bdag cag rnams la rgya cher bshad du gsol zhes zhus pa las/ bcom ldan 'das sems dpa'i rdo rjes bka' stsal pa/ 'dod chags kyi bdag po la sogs pa rnams dam tshig nyams pa'i chad pa'i skye gnas 'dri ba legs kyis yid tshim par byed pa bshad kyis nyon cig rtsa ba yan lag 'di dag las// gal te zhig gam nyams gyur na// rnal 'byor las kyi dang po las// lung gi gsang sgor zhugs pa'i tshe// don dang ldan pa'i bla ma yis// rdo rje tha tshig byin brlabs nas// lce la dam tshig chu bzhag pa// dmyal ba rdo rjer dmod btsugs nas// yi ge hUM du byas pa de// snying gi dkyil

  752. 377a

    du thim nas kyang // lcags kyi sdig pa mgo dgu pa'i// khro bo rak+Sha zhes bya ba'i// khrag 'thung chen por gyur nas ni// snying khrag bzhibs te 'thungs nas ni// sdug bsngal chen por bsad nas kyang // dmyar ba rdo rjer de ltung 'gyur// gal te tha tshig ma nyams la// lce la bzhag pa ar+g+ha ste// snying gi dkyil du thim nas kyang // ye shes sems dpa' tshon gang bar// gyur te sgrib pa kun sbyangs nas// sangs rgyas sras su skyed par byed// 'dod chags dam tshig nyams gyur na// mngal gyi grong khyer chen por 'gro// zhes sdang dam tshig nyams gyur na// rak+Sha srin po'i rigs su 'gro// gti mug dam tshig nyams gyur na// mi gtsang zas su za ba yi// rmongs pa'i phag chen lus su ltung // nga rgyal dam tshig nyams gyur na// rus sbas nag po'i lus su lhung // phrag dog dam tshig nyams gyur na// chu srin mgo dgu'i lus su ltung // dam tshig chen po kun nyams na// ru dra nag po'i lus su ltung // las kyi rkyen dang ma phrad na// thar pa'i skabs ni mi srid do// sems dpa'i rdo rjes de skad ces gsungs so// nyon mongs pa lnga'i bdag po rig 'dzin rnams kyis shin tu cho de chen po 'byin cing dus der e ma'o bcom ldan 'das bcom ldan 'das kyis gsungs pa ltar na bdag la lhung rgyu mchis te/ dang po bcom ldan 'das kyi bka' la

  753. 377b

    btags pa'i tshe/ bka' la ma dad ma gus pas bka' la skur cing spyas long btags pa dang / ston pa dang grogs la smad cing spyas long btags pa la sogs pa ltung ba'i rgyu mang po bgyis pas// da ni bdag kyang chad pa'i skye gnas su mchi bar nges na// bcom ldan 'das kyi thugs rje chen pos bzung ste bka'i 'khor du bkod pas nga ni thar pa thob lags grang // lon kyang 'gyod pa drag po'i dbang gis yid kyi sgrib pa ni byang chub sems kyis bshags// ngag gi sgrib pa ni tshig tu 'don cing skyes te bshags/ lus kyi sgrib pa ni lus gdan khri la phul te bshags na/ bcom ldan 'das kyi thugs rjes bzung 'tshal na gnyen po ni gang lags/ thabs ni ji ltar bshags/ yul ni gang la bshags/ rgyu ni gang mchis bcom ldan 'das kyis bshad du gsol/ bde bar gshegs pa thugs rjes bskyab tu gsol// bcom ldan 'das kyis bka' stsal pa// rig 'dzin chen po mi thod can rnams nyon cig/ ltung bar gyur pa'i gnas rnam la 'gyod par gyur nas zhus pa legs so// ltung ba'i gnyen po ni gang zhe na/ nyes byas rnams bshags par 'dod na gang 'gyod pa drag po skyes nas pa spu ni gzings mchis ma 'byin pa yin no// thabs ni rnam pa bzhi yod de/ gang zhe na/ shes rab chen po'i rgyud kyi bag chags thams cad rang bzhin med par shes pa

  754. 378a

    dang / ting nge 'dzin chen po'i mes bag chags thams cad bsregs te med par bya ba dang / byang chub sems kyi 'od zer gyis bag chags kyi mun nag thams cad bsal te de dag dag par bya ba dang / spyod pa rlabs po che'i chus bkru ba'o// de la bshags par bya ba'i yul ni 'di lta ste/ sangs rgyas dang / rig 'dzin dang / lha dang / bla ma dang / glegs bam dang / grogs po dang / rten du gyur pa rnams so// bshags par bya ba'i rgyu ni 'di lta ste/ sgrib pa che chung bshags pa'o// nyon mongs pa rags pa mngon du gyur pa bshags pa dang / bag la nyan dang shes bya'i sgrib pa bshags pa'o// de'i phyir ltung bar gyur pa'i las rnams 'gyod pa drag pos bsten la thabs la mkhas pas dpyad de// sgrib pa che chung cha shas kyis phye la gus par bshags pa gyis shig/ de skad ces bka' stsal pa dang / rig 'dzin chen po mi'i thod pa can rnams mgu zhing rangs te rnal 'byor sbyor ba'i phyag byas nas/ 'gyod cing gdug pa'i glu 'di blangs so// oM ye shes sku mchog rang bzhin dkyil 'khor ni// zla rgyas bzhin du spros pa mi mnga' yang // thugs rje nyi gsal 'od bzhin snyoms mdzad lha// bder gshegs gzhugs shing bdag la dgongs su gsol// brjod med shes rab mi g.yo chos mchog dbyings// bde chen longs spyod rdzogs sku rigs lnga'i

  755. 378b

    gtso// thugs rje thabs mkhas rgya chen ro pa yi// cho 'phrul sprul pa'i tshogs la phyag 'tshal lo// dngos su 'byor dang yid kyis sprul pa yi// kun tu bzang po bla med mchod sprin gyis// mkha' dbyings rnam dag rgya chen yongs bkang nas// phyi nang gsang ba'i mchod pa rgya cher mchod// kun du bzang mo yum gyi b+ha ga la// 'du 'bral med pa'i ngang du ro gcig pa'i// gnyis med byang chub sems kyis mnyes gyur cig/ sems kyi rang bzhin chos dbyings nam mkha' che// chos nyid rnam dag rgya che 'od gsal bas// rnal 'byor nyid dbyings smra bsam las 'das pas// mnyam nyid byang chub sems la rtag tu 'dud// kun bzang rdzogs chen ye nas bdal ba la// phyi nang gsang ba'i dkyil 'khor bkod pa ni// snang srid rnam dag kun bzang yum gyi dbyings// 'byung dang 'byung 'gyur yab yum lhun rdzogs rnams// gsang chen rab rdzogs gzungs chen bdag nyid ma// gnyis med thig le chen por 'od gsal ba// cir yang snang bas bde chen g.yung drung lha/ 'du 'bral med pa gsang ba'i dkyil 'khor ni// bdag nyid chen po bcom ldan yab yum dang // byang chub lcam dral khro bo khro mo'i tshogs// rdo rje lha mo tshogs rje tshogs kyi bdag/ ma ltar byams shing sring ltar gdung la sogs// nyes legs ltar 'dzin dam tshig rjes gcod ma// dbang gyur

  756. 379a

    rdo rje dam can dgongs su gsol// thugs rjes gdung 'tsho ba rdo rje thod pa can// bdag cag dregs pa'i bdag po 'dir tshogs kun// 'gro ba'i don phyir byang chub sems bskyed de// bla med go 'phang 'thob par bya ba'i phyir// bstan pa rgya mtsho so so'i 'dul khrims dang // sku gsung thugs dang mnyam sbyor sdom pa'i mchog/ 'da' dka' rdo rje dam tshig gtan gyi gnyer// spyi dang lhag pa'i khyad par dam tshig rnams// snga phyi mnos shing gnyer du rma'o 'tshal// don las gol zhing ldog sems ma mchis kyang // gdod bya long yod snyam pa'i le lo dang // klong du gyur pa'i rtsal shug chung ba yis// shes bzhin ma ldan dam tshig 'gal 'gyur te// dang po'i tha tshig bka' la btags pa'i tshe// bka' la ma gus gal bgyis dpyas long btogs// bar du bslab pa'i gnyer chen phog pa'i tshe// bslab la mi brtson don la g.yel ba dang // tha ma 'di tshe 'bras bu sgrub pa na// bka' dang gzhung bzhin ma lcogs don las 'gal// tshor dang ma tshor sgrib pa che chung rnams// shin tu mi shes ma rig dbang gis na// ston pa'i bka' dang dam las 'gal bgyis pa// dpa' bo thugs rjes bdag la bzod par gsol// 'khor ba thog ma med pa'i dus mtha' nas// las kyi dbang gis bdag cag ring du 'khyams// nyon mongs log par lta ba'i dug 'thungs

  757. 379b

    te// sdug bsngal nad kyis shin tu gdungs pa la// bde gshegs thugs rjes sman pa'i rgyal po yis// dam tshig bdud rtsi thar ba'i sman stsal bas// nyon mongs 'khrul pa'i nad rnams zhi mdzad cing // bla med byang chub snying por 'tsho mdzad pa// byams mgon thugs rje'i bdag la skyabs su mchi// zhes ngus nas/ a la la ho zhes brjod de gnyen po drag por bsten nas lus gdan khri phul te/ byang chub sems kyis rnam par 'dud pa'i don la rnam par sbyangs pas lus gcer bu zang mar phyung / gnod pa drag po'i 'gyod pa byas pas bde bar gshegs pa rnams mnyes par gyur to// des sgrib pa byang zhing bsod nams kyi tshogs rdzogs pa'i rtags lus gos dang phral nas ldan pa'i thod pa yang zla ba tshes brgyad par gyur to// sa thob pa'i rtags su de bzhin gshegs pa'i zhabs rten du gnas par gyur to// de nas sems dpa'i rdo rje de dgyes te bka' stsal pa/ mi'i thod pa can rnams 'gyod pa'i las kyis bshags pa legs te/ nyon mongs pa'i sgrib pa rnam par dag par gyur to// da ni shes bya'i sgrib pa dag cing ye shes kyi tshogs rdzogs par bya ba'i phyir nyan pa'i dbang pos sangs rgyas kyis gsung la gsang sngags kyi sgra rnams nyon cig/ des ni sa nas sar 'phar zhing 'bras bu yongs su rdzogs par 'gyur ro// de skad ces gsungs pas

  758. 380a

    'khor bsam pa rangs par gyur to// rgyud kyi rgyal po rdo rje bkod pa kun 'dus rig pa'i mdo las skong ba las bsgrub lugs kyi le'u ste brgyad pa'o// // de nas bcom ldan 'das gsang ba mchog nyid ting nge 'dzin rgyas shing rnam par 'phrul ba zhes bya ba'i ting nge 'dzin la snyoms par zhugs so// sems dpa' rdo rje'i snying po yang ting nge 'dzin rnam par 'phrul pa zhes bya ba la snyoms par zhugs so// 'dus pa'i 'khor rnams kyang sna tshogs 'phrul pa zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor gyis chos thams cad ci yang med par mthong ngo // chos thams cad ci yang med par gsal bar gyur pa dang / chos nyid stong pa'i nam mkha' las brag ca'i tshul du sgra 'di byung ngo // mi gnas mi rtog bsam dang bral// ma chags chags bral yul las 'das// ci yang mi 'byung cir ma yin// rang byung rang zhi brjod dang bral// zhes sgra byung bas ston pa ni don gyi che ba phung // 'khor rnams ni rtsal sbyangs/ thams cad don la ngam zhing chos nyid kyi nam mkha' mthong ngo // de nas bcom ldan 'das gsang ba mchog gi bdag po nyid snying rje rgyun gyi ting nge 'dzin zhes bya ba la snyoms par zhugs so// de nas chos nyid kyi nam mkha' la snying rje byang chub sems kyi gzugs brnyan nyi ma'i dkyil

  759. 380b

    'khor zhig shar bar gyur to// de nas 'dus pa phal mo che'i 'khor rnams yang dag par rtog pa 'di ltar skyes te// e ma chos thams cad kyi rang bzhin 'di ltar yin pa las 'di ltar ma shes pa'i 'gro ba rnams 'khor ba'i rgya mtshor bying ba 'di yang snying rje zhes snying rje byang chub kyi sems skyes par gyur to// de nas nyi ma'i snying po'i 'od zer las cho 'phrul gyi sgra byung ngo // yongs la khyab pa'i nyi ma'i 'od// snying rje byang chub sems yin te// rnam rtog mun pa sel bar snang // yid bzhin rin chen 'bar ba'o// zhes sgra byung ba las chos thams cad byang chub kyi sems kyi 'od zer du gsal bar gyur to// de nas yang bcom ldan 'das gsang ba'i mchog gi bdag po de nyid cho 'phrul 'byung ba'i rgyu zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor rnams kyis nyi ma'i snying po las chos thams cad kyi rgyu yi ge a dkar po shar bar mthong ngo // de nas a las cho 'phrul sgra byung ngo // a ni chags med yi ge'i mdzod// cho 'phrul rtog pa kun gyi rgyu// nyon mongs skyon bral zla ba'i mdog/ cho 'phrul sna tshogs 'byung ba'i rgyu// zhes sgra byung bas 'dus pa'i tshogs rnams kyis chos thams cad cho 'phrul gyi rang bzhin du gnas par mthong ngo // de nas bcom ldan 'das gsang ba mchog gi bdag po de ci yang mi mdzad pa cho

  760. 381a

    'phrul sna tshogs kyi rang bzhin du snang bar gyur to// de nas yum chen mo nam mkha'i dbyings phyug ma zhes bya ba de chos thams cad nam mkha'i b+ha gar byin gyis rlob pa zhes bya ba'i ting nge 'dzin la snyoms par zhugs so// zhugs par gyur pa dang 'dus pa phal mo che'i 'khor gyis chos thams cad nam mkha' khyab pa'i rang bzhin du mthong ngo // de nas yum gyi b+ha ga'i snying po las 'od zer mthing ga 'phros nas nyi ma'i snying po'i a la bskul bas yi ge e mthing ga 'phros te lding zhing gnas pa las cho 'phrul gyi rang sgra 'di byung ngo // a ni e yi rang bzhin te// a las e byung mkha' khyab bad la// mi 'gyur thogs med bsam las 'das// mtha' dang dbus med kun du bad la// zhes sgra byung bas// thams cad nam mkha'i rang bzhin du phyam chad par gyur to// de nas yang yum chen mo las kyi dbyings phyug mas yang zhing g.yo ba rlung gi dkyil 'khor zhes bya ba la snyoms par zhugs so// des 'dus pa phal mo che'i 'khor gyis chos thams cad rlung gi rang bzhin du gnas par mthong ngo // de nas rlung de las cho 'phrul kyi sgra byung ngo // a yi byin brlabs ye shes las// rlung gi cho 'phrul yaM du shar// thams cad 'debs pa'i stobs ldan zhing // rang bzhin g.yo zhing thogs med 'phyo// zhes sgra byung bas rlung gi dkyil 'khor du 'khyil par

  761. 381b

    gyur to// de nas yum chos kyi dbyings phyug ma zhes bya ba des 'bar 'phro me'i ting nge 'dzin la snyoms par zhugs so// 'dus pa phal mo che'i 'khor gyis chos thams cad me'i rang bzhin du gnas par mthong ngongo// de nas mi'i 'od zer la cho 'phrul gyi sgra byung ba// a yi byin brlabs ye shes las// cho 'phrul me yi nying por shar// 'bar bas gsal byed ye zhes 'phro// dngos po kun zad med klong 'tshub// ces sgra byung bas me'i bskal pa 'byam klas so// de nas yang yum rin chen dbyings phyug ma zhes bya bde sdud pa rgya mtsho'i ting nge 'dzin la snyoms par zhugs so// des 'dus pa phal mo che'i 'khor gyi chos thams cad chu'i rang bzhin du gnas par mthong ngo // de nas rlabs kyi 'od zer las cho 'phrul gyi sgra 'di byung ngo // rgyu yi yi ge 'od zer las// chu yi snying po'i cho 'phrul shar// nam mkha'i mtha' dang mnyam pa'o// klung mtsho thams cad rgyas par gyur// zhes sgra byung bas thams cad yum rin chen dbyings phyug ma'i rang bzhin gyis khyab par gnas so// de nas yum chen mo rdo rje dbyings phyug ma zhes bya bas zhing khams thams cad byin gyis rlob pa zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor gyis chos thams cad sa rnams yongs su rdzogs pa'i rang bzhin du mthong ngo // de nas sa rdo rje 'bar ba

  762. 382a

    zhes bya ba las cho 'phrul gyi sgra byung ba// mi dmigs pa las sna tshogs par// snang ba'i cho 'phrul 'di byung ba// rnal 'byor sa bcu rdzogs pa'i don// lhun gyis grub pas bde ba che// zhes sgra byung bas sa dgu 'dul ba'i bye brag tu thugs su chud par gyur to// de nas sems dpa'i rdo rje snying po de ri bo brtsegs pa zhes bya ba'i ting nge 'dzin la snyoms par zhugs so// des 'dus pa phal mo che'i 'khor gyis chos thams cad rdo rje 'bar ba'i ri bor mthong ngo // de nas de'i 'od las cho 'phrul gyi sgra 'di byung ngo // rnam dag shes rab mkha' klong nas// rdo rdza 'bar ba'i ri bo shar// rgya che gting zab nam 'phang gcod// rtog pa'i ri bo 'joms par byed// ces sgra byung bas rdo rje 'bar ba'i ri bos nyon mongs pa'i ri bo thams cad zil gyis mnan to// de nas dbyings phyug ma chen mo lnga/ shes rab zab mo'i gzhal yas yum gyi mkha' klong rnam dag ces bya ba'i ting nge 'dzin la snyoms par zhugs so// b+ha ga'i snying po las cho 'phrul gyi sgra 'di byung ngo // b+ha ga gsang ba'i 'od zer las// bde gshegs bzhugs pa'i gzhal yas khang // nam mkha'i mtha' ltar dpag tu med// dus gsum rgyal ba rgya mtsho'i dbyings// zhes sgra byung ngo // byung bas nam mkha' thams cad pho brang gi gzhal yas 'byams klas par gyur to// de nas bcom ldan

  763. 382b

    'das gsang ba mchog de nyid chos thams cad sku la yongs su rdzogs pa zhes bya ba'i ting nge 'dzin nam phyag rgya thams cad rnam par spyod zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor rnams kyis 'khor ba dang mya ngan 'das pa'i chos thams cad bcom ldan 'das gsang ba mchog gi bdag po'i zhabs kyi gdan khri yan chad nas dbu'i gtsug ter man chad du rdzogs par mthong ngo // de nas yang 'khor ba 'dod pa khams ni chags pa khrag gi rgya mtshor rdzogs/ 'khor ba gzugs kyi khams ni zhing chen gyi sa gzhi bdal ba la rdzogs par mthong ngo // keng rus la gzugs med pa'i khams rdzogs par mthong ngo // ri rab kyi kha mu tig gi gcal dang / a sma gar ba'i 'bar ba'i 'od 'khrigs pa'i nor bu rin po che 'bar ba'i brag gtams pa la// nyan thos dang / rang sangs rgyas dang / byang chub sems dpa' rnams rdzogs par mthong ngo // nor bu rin po che'i steng na rdo rje rtse gsum dang rtse lnga'i brag gtams pa la kri yang dang u pa ya dang yo ga rnams rdzogs par mthong ngo // rdo rje brag chen gyi steng na pad+ma dkar po'i maN+Dal la bskyed pa'i rnal 'byor pa thams cad rdzogs par mthong ngo // pad+ma'i steng na nyi ma nyi shu rtsa bzhi dang / zla ba nyi shu rtsa bzhi kha sbyor du bkod pa la dbang phyug pho nyi shu rtsa bzhi dang / mo nyi

  764. 383a

    shu rtsa bzhi rdzogs par mthong ngo // dbang phyug pho mo'i steng byol song gi gtso bo brgyad ni rig 'dzin chen po'i rnal 'byor nyon mongs pa sbyangs nas shes bya'i sgrib pa sbyangs pa'i phyir dpag brtul stag dang / 'jigs byed seng ge dang / gdug pa'i gzigs dang / gtum pa'i dom dang / stobs kyi glang po dang / brjid pa'i ma he dang / 'dzin pa'i chu srin dang / zhe sdang gi sbrul rnams la rig 'dzin thams cad la yongs su rdzogs par mthong ngo // gzhal yas chen po 'bar ba la yul kun tu bzang mo rdzos par mthong ngo // me dpung chen po dgu la ye shes kyi sgo dgu brtsegs su yongs su 'bar bar rdzogs par mthong ngo// zhabs brgyad la gsar ba'i yum bzhi dang / sgo ma bzhi rdzogs par mthong ngo // dur khrod kyi rgyan chen po bco brgyad ni ma mo chen mo bco brgyad yongs su rdzogs par gsal lo// phyag mtshan bzhi bcu rtsa gnyis ni phra men ma bcu dbyug pa 'phyar ba'i lag na khyung bcu 'bar ba'i mtshon cha sna tshogs 'phro ba/ mkha' 'gro brgyad dbyug par 'phyag pa'i nag na seng ge kha glal ba brgyad kyi kha nas ral gri 'bar ba brgyad 'phro ba/ shugs 'gro brgyad dbyugs par 'phyar ba'i lag na stag mche ba gcig pa brgyad kyi kha nas rdo rje sna tshogs 'phro ba/ ma mo brgyad dbyug par 'phyar ba'i lag na mi mgo brgyad rdo rje lu gu rgyud kyis

  765. 383b

    btags nas klad la bskor ba/ 'bar ma brgyad dbyug par 'phyar ba'i lag na me dpung 'bar ba brgyad las thu lum 'phro ba ste/ bzhi bcu rtsa gnyis su gsal lo// phyag bzhi bcu rtsa gnyis ni khrag 'thung 'bar ba bzhi/ ging pho dgu mo dgu/ za byed pa bcu gsod byed ma bcu ste bcu bzhi rtsa gnyis su gsal lo// zhal nyi shu rtsa gcig ni srid pa za byed gsang ba'i dur khrod nyi shu rtsa gcig tu gsal lo// spyan 'bar ba drug cu rtsa bzhi ni he ru ka yab yum drug bcu rtsa bzhir gsal lo// dbu nyi shu rtsa gcig ni dus gsum gyi sangs rgyas nyi shu rtsa gcig tu gsal lo// g.yas kyi dbu bdun gyi spyi gtsug nas sangs rgyas kyi sku re re byung ba'i dbu la 'khor lo 'od zer dang bcas pa re re 'bar ba/ dbus kyi dbu bdun las dbu rgyan sangs rgyas kyi dbu re re byung ba'i sku la rin po che'i mchod rten 'bar ba bdun du gsal ba/ g.yon gyi dbu bdun las dbu rkyen sangs rgyas kyi sku re re byung ba'i dbu la nor bu rin po che bdun du gsal ba/ 'khor lo dang mchod rten dang / rin po che de dag gi lte ba dang / bum pa dang / rtse mo las rgyal mtshan chen po bcu 'bar ba ni rgya bye'u lcags kyi rgyal mtshan dang / gdul bya sha ba'i rgyal mtshan dang // gcan gzan gzig gi rgyal mtshan dang // sprul pa rdo rje'i rgyal mtshan dang / rin chen sbrul nag gi rgyal mtshan

  766. 384a

    dang // dpa' bo stag gi rgyal mtshan dang // gzi mdangs mi'i rgyal mtshan dang // dmar gsal khrag gi rgyal mtshan dang // rtsal chen seng ge'i rgyal mtshan dang // gtum chen dom gyi rgyal mtshan dang // rgyal mtshan de rnams kyi rtse mo gcig tu 'dus te/ gser gyi gtsug tor tog stong 'bar ba'o// de nas 'dus pa phal mo che'i 'khor gyis zhabs kyi gdan khri yan chad nas dbu'i gtsug tor man chad du yongs su rdzogs par mthong ngo // dbu las byung ba'i sangs rgyas nyi shu rtsa gcig dang / rgyal mtshan chen po bcu la rdzogs pa'i rnal 'byor yongs su rdzogs par mthong ngo // dbu'i gtsug tor rgyal mtshan gyi rtse mo la gser gyi tog stong ni rdzogs pa chen po'i rnal 'byor nyid du gsal bar mthong ngo // de ltar mthong zhing gsal bar gyur pa dang / chos thams cad sku la yongs su rdzogs pa'i don la 'khor thams cad dam zhing ngo mtshar skyes par gyur to// rnal 'byor chen po rnams kyis sku la yongs su bstod pa/ e ma'i chos kun sgra la yongs su rdzogs pas chos kyi sku// rdo rje che mchog phyag 'tshal he ru ka/ chos nyid mkha' la skar tshogs rgyas pa'i sku// dbyar gyi char sprin gtibs pa lta bu'i gzugs// chu rlabs lta bur brjod pa'i zhal gdangs shing // nyi ma 'bum gyi 'od zer bdal ba bzhin// theg chen dgu dang 'khor ba'i chos rnams

  767. 384b

    kun// phyag rgya gcig tu bkod nas rdzogs pa'i sku// sku gsum lhun grub chos sku tog stong 'bar// dbu skra kham nag ral pa'i cod pan can// klu rgyal 'bum gyis bklubs shing mchod kun 'bul// rdo rje gsung gis ljags sgra brdabs pas kyang // hUM dang phaT kyi sgra skad 'jigs par sgrogs// theg chen don dam gsang sngags sgrogs pa'i tshig/ 'bar ba'i smin ma mun rum glog ltar 'gyu// spyan dmar bzlog pa'i sdang mig nyi ltar 'bar// 'bar ba'i shangs nas bskal pa'i tshul nag 'khyil// rdo rje thog dang gnam lcags ser chen 'bebs// rno dpal mche ba zang yag gtsigs pa yis// nyon mongs log lha'i tshogs la ngam zhing 'khrug/ thos rus sha khrag rkang rus 'bu dang rnag/ za byed rngam pa'i zhal du chem chem gsol// sbrul gdug ko rlon la sogs 'jigs pa'i rgyan// rngam pa'i sku la shin tu brjid par brgyan// za byed rngam dang 'jigs byed mang po'i tshogs// 'bar ba'i phyag 'tshan sprul pa'i pho nya mdzad// 'khor ba kun dang thar pa'i chos rnams kun// dpa' bo chen po'i gdan du brjid cing rol// 'gran gyi zla med che btsan gcig pu nyid// gsang mchog 'bar ba'i sku la phyag 'tshal bstod// de skad ces bstod pas chos thams cad sku la yongs su rdzogs shing sangs ma rgyas pa med par gyur to// de nas yang bcom ldan 'das gsang ba

  768. 385a

    mchog gi bdag po de nyid phyag rgya thams cad phyag rgya bkod pa'i pho brang du gyur to// spro ba rgyun gyi ting nge 'dzin zhes bya'o// de nas bcom ldan 'das gsang ba mchog gi bdag po chos nyid rgyun gyi ting nge 'dzin zhes bya ba'i ting nge 'dzin la snyoms par zhugs so// chos kyi rgyun gyi ting nge 'dzin 'di gsungs so// nam mkha' don gyi glegs bam la// skar tshogs rig pa'i yig bris te// 'byung chen bzhi yi sgra sgrags pas// gsang sngags chos kyi rgyun mi 'chad// chos kyi rgyun gyi ting nge 'dzin zhes bya ba yongs su rdzogs so// de nas yang bcom ldan 'das gsang ba mchog gi bdag po des bdud rtsi rgyun gyi ting nge 'dzin la snyoms par zhugs te 'di skad ces gsungs so// stong gsum b+ha na d+ha'i bzang khong du// srid gsum sems can dug chen las// dus gsum sangs rgyas rtsi sbyar bas// bdud rtsi dkyil 'khor lhun gyis rdzogs// zhes gsungs so// de nas yang bcom ldan 'das sems dpa'i rdo rje snying po de mchod pa rgyun gyi ting nge 'dzin la snyoms par zhugs te/ 'di skad ces gsungs so// 'khor ba rgya mtsho'i yo byad rnams// mchod pa rgya mtsho'i rgyan yin te// srid pa rgya mtsho mtha' yas kun// kun bzang mchod sprin mchog tu rol// zhes gsungs so// de nas yang sems dpa'i rdo rje snying po de bzlas brjod rgyun gyi ting nge

  769. 385b

    'dzin la snyoms par zhugs te 'di skad ces gsungs so// 'khor ba chos kyi dbyings nyid la// sems can sangs rgyas nying por shar// sgra skad bsam gyis mi khyab pa// thams cad bzlas brjod sngags kyi tshig/ ces gsungs so// de nas yang sems dpa'i rdo rje snying po de sbyor ba rgyun gyi ting nge 'dzin la snyoms par zhugs te 'di skad ces gsungs so// 'khor ba shes rab yum nyid la// snying rje thabs kyi rgyal po yis// 'du 'bral med par sbyar bas ni// thams cad rgyal ba'i sras su bskyed// ces gsungs so// de nas yang sems dpa'i rdo rje snying po de sgrol ba rgyun gyi ting nge 'dzin zhes bya ba la snyoms par zhugs te 'di skad ces gsungs so// 'khor ba bsgral ba'i zhing 'di dag/ ye shes 'bar ba'i mtshon chen gyis// rang bzhin med par bsgral nas ni// mnyam nyid chos sku chen por bton// zhes gsungs so// de nas yangs sems dpa'i rdo rje snying po de sku gdung rgyun gyi ting nge 'dzin zhes bya ba la snyoms par zhugs te/ 'di skad ces gsungs so// 'dod khams rmang gi ri rab la// gzugs khams bang rim khri 'phang brtan// gzugs med bum rten bum par bcas// gdung chen chos skur rgyun du gnas// zhes gsungs so// de nas yang sems dpa'i rdo rje des 'di skad ces gsungs so// nam mkha' med chus rlung

  770. 386a

    rnams// rmang gzhi ri rab rten du snang // bang rim ri bdun bcas pa rnams// de nyid bang rim khri 'phang brtan// ro bo bum rten bum par bcas// 'di yang chos sku rgyun mi chad// sems dpa' rdo rje des yang 'di skad ces gsungs so// 'dzugs pa'i yan lag bzhi rmang rtan// 'khor lo tshogs chen khri 'phang brtan// yan lag dang po bum rten bcas// lcang lo cod pan phreng bas bklubs// zhes gsungs so// de nas sems dpa'i rdo rje snying po des zhi ba yongs su slong ba zhes bya ba'i ting nge 'dzin la snyoms par zhugs so// ro yi sgrub lugs chen po ni// dur khrod chen po'i gnas rnams su// ro yi rdzas rnams btsan nas kyang // 'dod pa bsgyur ba'i sngags kyis gdab// ro yi steng du gnas nas ni// ro yi gnyen por bdag bsams nas// ro sngags rgyun mi chad par bzlas// ro yi bkrag dang mdangs byung na// grub par 'gyur ba'i rtags yin te// rgyun mi 'chad par ting 'dzin bya// ro ni 'gul bar gyur pa dang // gser 'gyur rtsis ni byug par bya// ro yi yan lag kun bcings nas// sngags ni dag par bzlas par bya// ro nyid langs par gyur pa dang / ro yi cho 'phrul ston par byed// brtul zhugs ldan pa'i skye bu yis// de tshe ro yi lce bcad nas// ro la brdabs nas gser du 'gyur// de bzhin ji ltar 'dod pa

  771. 386b

    yis// rkyen gyis bsgyur na de ltar 'gyur// lce bcad ral gri mtshon cha des// ro yi b+han d+ha bcad pa dang // ji ltar 'dod pa'i rdzas 'grub ste// b+han d+ha go ru bzung nas ni// lce yi ral gri thogs nas ni// lha min g.yul yang bzlog par 'gyur// ro langs grub pa'i rkang mgyogs ni// dpag pa'i tshad las 'das pa ste// skyes bu rtsal dang ldan pa bzhis// phyogs bzhi dag tu kha bltas nas// dus gcig mda' yi rgyang 'phangs nas// mda' ni sa la ma 'babs par// bzhi ka bar snang las blangs nas// skad cig tsam gyis 'jig rten skor// skyes bu lag tshod ma yal bar// de ma thag ru gnas su slebs// ro la 'dod pa kun 'byung zhes// dus gsum rgyal ba rnams kyis bshad// ces gsungs so// ro langs bsgrub pa'i ting nge 'dzin to// de nas yang sems dpa'i rdo rje'i snying po de rdo rje nam mkha'i them skas zhes bya ting nge 'dzin la snyoms par zhugs nas 'di skad ces gsungs so// nam mkha' rdo rjer bsgoms nas kyang // ting 'dzin red par gyur pa na// phan tshun gya gyu'i thabs tshul du// rdo rje skas la bgrod nas ni// nam mkha'i dbyings su song nas kyang // snang srid 'jig rten khams la blta// de ni sems yul yangs par 'gyur// zhes gsungs so// de nas yang sems dpa'i rdo rje snying po de rgyal mtsho chen po gnon pa zhes bya ba'i ting

  772. 387a

    nge 'dzin la snyoms par zhugs te 'di skad ces gsungs so// rgya mtsho rdo rjes gtams par ni// ting 'dzin gsal bar gyur pa dang // rgya mtsho chen por bgrod nas ni// rgya mtsho gnas pa'i sems can rnams// ting 'dzin rdo rjes bsgral bar bya// zhes gsungs so// de nas yang sems dpa'i rdo rje snying po de thogs med rlung zla'i dkyil 'khor la snyoms par zhugs nas 'di skad ces gsungs so// nam mkha' dag gi ling+ga la// zla ba'i dkyil 'khor dbus gnas par// bsgom te ting 'dzin rtas pa dang // zhing khams kun du bgrod par bya// zhes gsungs so// de nas yang sems dpa'i rdo rje snying po des nyi mar rab tu snang ba zhes bya ba'i ting nge 'dzin la snyoms par zhugs nas 'di skad ces gsungs so// nam mkha' dag gi ling+ga la// nyi ma'i dkyil 'khor dbus gnas par// bsgoms te ting 'dzin rtas pa dang // mun pa'i gnas rnams thams cad bsal// zhes gsungs so// de nas yang sems pa'i rdo rje snying po nges sreg pa'i bskal pa gzhil ba zhes bya ba'i ting nge 'dzin la snyoms par zhugs so// rnal 'byor sdigs 'dzub rtse mo la// zla ba'i dkyil 'khor 'od gsal 'bar// bsgoms te ting 'dzin rtas pa dang // chu rgyun babs te gzhil bar bya// zhes gsungs so// de nas yang sems dpa'i rdo rje snying po de stong gi 'jig rten

  773. 387b

    rgyang mar 'phen pa zhes bya ba'i ting nge 'dzin la snyoms par zhugs te 'di skad ces gsungs so// rnal 'byor las kyi dkyil 'khor du// stong gi 'jig rten 'khor yug bcas// shin tu gsal bar bsgoms pa dang // ting 'dzin rtsal can rab sbyang phyir// nam mkha'i khams su 'phags nas ni// sa nas sa ru sbar bar bya// de skad ces gsungs so// de nas sems dpa'i rdo rje nyi ma'i dkyil 'khor 'bum 'gyed pa zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor sdigs pa'i mdzub mo la// nyi ma'i dkyil 'khor 'bar bar las// 'od zer 'ab ba 'bum 'phros pas// 'od zer de dag re re las// nyi ma'i dkyil 'khor 'bum 'phros pas// de ni mun pa thams cad sel// zhes gsungs so// de nas yang sems dpa'i rdo rje snying po de 'byung ba chen po bskal pa'i chu rgyun zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor lag pa'i 'khor lo las// chu zla'i snying por rab shar te// bdud rtsi chu bo'i rgyun babs pas// sreg pa'i bskal pa'i me chen gsod// ces gsungs so// de nas yang sems dpa'i rdo rje de sku phyag rgya 'bar zhes bya ba'i ting nge 'dzin la snyoms par zhugs nas 'di skad ces gsungs so// rin chen 'bar ba'i ling+ga la// sangs rgyas ye shes dpal gyi

  774. 388a

    sku// rin chen 'bar ba'i ngos brgyad la// rig pa'i ma mo dpal 'bar ba// brgyad du gsal bar gyur pa dang // ye shes rtsa ba'i dkyil 'khor rdzogs// zhes gsungs so// de nas yang sems dpa'i rdo rje snying po des gsung gi phyag rgya 'bar ba zhes bya ba'i ting nge 'dzin la snyoms par zhugs nas 'di skad ces gsungs so// pad+ma 'bar ba'i ling+ga la// rin chen 'bar ba'i yig 'bru brgyad// shin tu 'bar zhing 'phro 'du ba// gsung gi rtsa ba'i rgyag rgya yin// zhes gsungs so// de nas yang sems dpa'i rdo rje de thugs kyi phyag rgya 'bar ba zhes bya ba'i ting nge 'dzin la nyams par zhugs nas 'di skad ces gsungs so// rdo rje 'bar ba'i ling+ga la// yi ge hUM gi 'bru yis bskor// mtha' ma rin chen yi 'bru brgyad// kha dog mthing gas bskor ba ni ma// thugs kyi gsang ba'i ye shes yin// zhes gsungs so// de nas sems dpa'i rdo rje des ting nge 'dzin gyi mdo 'di gsungs so// sems ni sgyu ma'i rang bzhin te// ji ltar brtags pa de ltar snang // mdo bzhin snang bar ma gyur kyang // sems nyid brtags pa de ltar 'gyur// gdos bcas dmigs bus mi mthong yang // mngon shes yid gzugs can gyis mthong // gang ltar brtags par yun brtags na// rtog pa rtas pa'i 'bras bu ni// mngon sum gsal bar red par

  775. 388b

    'gyur// dge dang mi dge'i bag chags dang // yod dang med pa'i rang bzhin rnams// bag chags rtas pa khor nar zad// de bas ting 'dzin sems nyid gtso// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rgyun gyi ting nge 'dzin gyi le'u ste dgu pa'o// // de nas sems dpa'i rdo rje snying po des gsang sbyor chen po sgrub pa 'di gsungs so// 'dus pa chen po'i rnal 'byor rnams// shin tu gsang ba'i sgrub pa 'di// bde gshegs rgyal ba'i gshegs shul te// 'jig rten gang zag lam yang yin// ma rtogs pa dang log par rtogs// phyogs rtogs yang dag nyid ma rtogs// log pa'i lam bzhi mtha' bsal nas// bde gshegs rgyal ba'i lam la 'jug/ des na sgrub pa'i lam mchog 'di// 'dus pa'i tshogs la bshad par bya// shin tu gus pas mnyan par gyis// de nas 'dus pa'i 'khor rnams kyis// gsang ba sbyor ba'i phyag byas nas 'di skad ces gsol to// bcom ldan 'das gsang ba'i dbang phyug chen po bdag cag rnams la gsang ba'i yang gsang ba/ bka' gsang ba chen po ye shes rmad du byung ba/ sangs rgyas bshags pa'i shul yang dag pa'i don bdag cag rnams la bshad du gsol/ zhes gsol ba btab pa las sems dpa'i rdo rje snying po de/ btsun mo'i tshogs la dgyes par

  776. 389a

    'jug pa zhes bya ba'i ting nge 'dzin la snyoms par zhugs nas 'di skad ces gsungs so// b+hag gsang ba'i pad+ma ni// bde gshegs rgyal ba'i pho brang ste// sngon 'das rgyal ba brnal ba'i dbyings// da ltar bzhugs pa gnas pa'i rten// slad kyis byon pa gshegs pa'i shul// rgyal ba rnams la de ltar snang // de ltar ma shes 'khor ba'i lam// rnal 'byor can gyis shes par gyis// yul gyi mchog ni 'dir gzung ba// mtshan ldan bkra shis gsang ba'i yum// smin dkyus ring la lag sor phra// tshigs mig zlum la phra bar bshad// kha nas ut+pal dang ldan zhing // yid 'ong mtshan ldan rked skabs byed// skra 'jam mthon mthing lcang lor 'khril// so dkar tshags dam smin dkyus ring // zar ma'i me tog rgyas 'dra'i spyan// dpral ba'i dbyes che sgra mtshams la 'khyug/ sna bzang mdog gsal pad+ma'i rigs// lus drang ske ring sems ma'i tshul// nu ma'i dkyil 'khor zla rgyas 'dra// sha dkar tshags dam 'khril bag can// khong dal 'gro na gom pa 'jam/ skad ni ngang pa gzhon nu sgrogs// ci yang mdzes pa'i stabs tshul ldan// skyes bu bla mas yum du gzung // gzungs su byin gyis brlabs par ni// de yi gzugs kyi phung po la// bde bar gshegs pa'i sa bon lnga// 'phro 'du gsal bar gyur pa de// rgyas btab byin rlabs

  777. 389b

    dbang bskur nas// bde gshegs yum lnga'i sku mchog gsal// rdo rje thabs la'ang de bzhin te// de ltar gsal bar gyur pa dang // yum gyi mkha' la me ri bsgom// gsang ba dbus kyi zla gam la// byang chub sems kyi spro bsdu bya// gzugs brnyan ji ltar gsal ba bzhin// chags pa'i mkha' la de bzhin no// ma skyes pa dang ma 'gags pa// rig pa snang mnyam pa'o// mkha' dbyings rnam dag bde chen klong // mi gnas bde ba chen po'i lung // rig pa thabs kyi rang bzhin las// byin brlabs rang dbang ngang gis gsal// bzhin mdog dmar po sog ka la// dpral ba'i dbyes che smin dkyus ring // mig gi mdangs gsal dkyus su ring // dung chen thags dam shel mdog chags// bzhin gyi gzangs ring kos ko phra// lus la zhim pa'i dri ldang zhing / kha nas ga bur ngad ldan pa// nu ma'i dkyil mtho nu mar 'khyil// pad+ma can zhes bya bar grags// dung can ma zhes bstan pa ni// dkar mo zla ba'i mdangs su gsal// bzhin lus dung ltar g.yas su g.yo// gtsug pud mthon mthing g.yas su 'khyil// skad che gdangs snyan tshig tu gsal// bong chung lus ni mdzes par snang // bu mo mig ring zhes bya ba// shes rab gsal zhing 'dod pa che// gtso bo nges pa'i brtul zhugs can// zla gsang dkar dmar rlung kar lci// rnam par brdeg cing

  778. 390a

    'khyil pas ni// kun gyis drod ni yong mi lon// gsang ba sbas pa'i thabs la mkhas// phyi nang rlung kar gser ltar lci// rtog pa med cing don la gzhol// bzhin ni gru bzhi'i dbyibs ldan la// mig ring phra bshad 'khyil bag chags// dkar dmar mdzes pa'i rgyan gyis brgyan// ljon pa dag gi rigs smos pa// sdong po yal ga mang po'i dkyil// shin tu 'dab rgyas yal gar legs// mthon mthing sgra yi rang bzhin ni// byang chub sems 'drar lcang lor bshad// stod smad kun du phra la legs// srid du ring zhing ldem bag can// lcug phran zhes bya'i mtshan ma ni// bcu gnyis nyi shu rtsa lnga pa// rdo rje'i mtshon gyis ma phog cing // mu la rak+tar ldan pa la/ phra zhing bshad la gzangs su ring // ban glang ser mo gru bzhi la// kham la mig 'bur smin tshogs che// skra khams ma la so che zhing // sna ring 'gram slang ring pa yin// ri mo can gyi bud med ni// nag mo gra gsum rtsid mgo ma// khro gnyer can la gel bag chags// sdong gcig yan lag gtan med pa'o// skye ba'i rgyu med bkra mi shis// mi reg yal ga mes tshig yin// spyir ni de ltar bstan mod kyang // gang dag dad ldan brtul zhugs can// yid du 'ong dang mi 'ong rnams// dad pa chags shing lus 'bul na// thugs rje'i yul bas kun snyoms bya// rnam rtog spong len gang byed pa// de dag

  779. 390b

    sgrib pa mu mtha' yas// rmad du gsang ba'i mchod pa la// gsang ba'i phyag tshang gang byed pa// las kyi sgrib pa kun bsal te// man ngag gsang ba'i dmigs bu 'thob// de ltar brtags pa'i yum de la// dri spos tsan+dan la sogs pas// a ga ru dang sbyar ba'i chu// khrus kyi cho gas dag par bya// dri zhim la sogs sna tshogs kyis// lus la byug pa sna tshogs bya// de nas nang gi khrus chen yang // shin tu dag par bya ba ni// rdzas kyi chu dang rdzas sbyar bas// nang gi rdzas rnams dag par bya// bur shing snying po la sogs pa// ro yi mchog tu gyur pa kun// rtsi 'am bcud dang sbyar nas kyang // nang gi rdzas rnams sbyar bar bya// rdzas kyi cho ga rdzogs pa dang // byang chub mchog tu sems bskyed de// ma dmigs chos la blo sbyangs phyir// rtsa ba byang chub sems kyi don// rgya cher shin tu bshad par bya// phung po sgyu mar snang bas na// sems la rang bzhin med par nges// snang srid nam mkhar gcig pas na// 'khor ba sgyu ma yin par nges// kun gzhi chos kyi mdzod yin pas// sangs rgyas gzhan na med par nges// byams la dang ma chags pas na// sdang la sems mi 'khrug par nges// gnas la nges pa med pas na// sa rnams bgrod pa med par nges// sems la skye shi med pas na// 'pho 'gyur dag la nyam mi nga // des na thams cad sgyu mar snang // sgyu ma rang

  780. 391a

    bzhin med shes pas// thams cad chos nyid snying po yin// mtshan ma rtog pa'i dri ma dag/ chos nyid chu bo des bkrus na// 'dzin pa'i dri ma dag par 'gyur// de nas rgyan gyi cho ga ni// rdzas kyi yo byad yin pas na// rlob cing 'phur ba'i chas gos dang // rin chen phrog dang rna char bcas// 'jol sgeg mgul rgyan la sogs pa// dpung rgyan dor shal se mo do// no bu rin chen la sogs brgyan// rkang gdub lag gdub la sogs pa// gser dang dngul la sogs pas brgyan// rol mo sgra dbyangs sna tshogs pa'i// mchod rdzas sna tshogs thogs par bya// de nas 'dren pa'i cho ga ni// gsang ba'i tshig gis bsre ba na// rdo rje lce yi dam tshig gis// tshig gi brdas ni mtshor bar bya// sa ma ya ho zhes brjod na// sa ma ya s+t+waM zhes kyang bsre// ra ga ya mi zhes brjod na// ra ho haM zhes brjod par bya// ti pa su ki zhes brjod na// gan de tsi ta zhes pas mtshon// a ti pu ho zhes brjod na// pra ti pu ho zhes pas mtshon// g.yas kyi sprin ma bskyod byas na// g.yon gyi smin mas mtshon par bya// na sa g.yas kyis mtshon byas na// de bzhin na sa g.yon gyis mtshon// gtsug tor gtsug tu mtshon byas na// de bzhin dpal be'u'i ling+gar mtshon// rdo rje ling+ga 'od 'phro na// pad+ma ze 'bru 'bar 'phro 'khyil// zhes pa'i tshig gi don rnams bsre// bskul ba'i

  781. 391b

    cho ga khyad par yang // don gyis 'di ltar bskul bar rigs// shes rab nyi ma'i 'od zer gyis// thabs mchog zla ba'i 'od la bskul// bskul ba'i cho ga rdzogs pa dang // mchod pa'i yo byad dbul bar bya// de nas sangs rgyas thams cad zla ba'i dkyil 'khor gyi ngang du gsal bar gyur to// shes rab nyi ma'i dkyil 'khor gyi ngang du gsal bar gyur to// de nas nyi ma'i zer gyis 'di skad ces bskul to// mi g.yo mchog gi rgyal po dgongs su gsol// rnam par mi rtog shin tu dri med sku// 'od zer mdangs ldan zla ba rgyas 'dra'i zhal// dgyes pa rol pa'i don la bzhengs su gsol// de skad ces bskul ba dang // zla ba'i 'od zer las 'di skad ces bskul to// yid 'od 'byor ldan rgyal ba rgya mtsho'i dbyings// shes rab zab mo rnam dag pad+ma'i mdangs// sgyu 'phrul rabs la mkhas pa'i spyod mchog ma// yid 'ong 'byor ldan cho 'phrul sna tshogs bstan// zhes gsungs so// de nas yo byad kyi tshogs thams cad shin tu 'bul ba zhes bya ba'i cho 'phrul byung ste/ nyi ma'i 'od zer las sgra byung ba// pad+ma'i ze 'bru 'bar ba 'di// 'dzum pa'i mdangs kyis 'bul lags na// dgyes pa'i rdo rje cho 'phrul las// byang chub char sprin dbab tu gsol// zla ba'i 'od zer las cho 'phrul gyi sgra byung ba// e ma yid kyi dga' sde mo// gdung ba'i snying phreng shes

  782. 392a

    rab gzungs// pad+ma'i ga'u 'khyil pa la// bde ba'i rdo rje byang chub 'bar// zhes sgra byung bas// phyag rgya sna tshogs kyi cho 'phrul 'byung ba'i rgyur gyur to// de nas sems dpa' rdo rje dam pa des 'khor ba thams cad thugs rjes yongs su bzung ba zhes bya ba'i ting nge 'dzin la snyoms par zhugs nas// thabs mchog zla ba rdo rje zhes bya ba las cho 'phrul gyi sgra 'di byung ngo // 'dod pa'i dbang po thams cad ni// chags pa'i 'gying ba'i gtso mo yin// chags pa rnam par sbyang ba'i phyir// 'dod pa gnas su drang bar bya// zhes byung bas/ 'khor ba thams cad thugs rje chen po'i lhung bzed kyis bzung ngo // de nas sems dpa'i rdo rje de sgrib pa sreg pa zhes bya ba'i ting nge 'dzin la snyoms par zhugs nas 'di skad ces gsungs so// rdo rje 'bar ba'i ling+ga la// a yi ye shes 'od 'phros pas// chags pa'i sgrib pa'i bud shing rnams// me yi ye shes kyis sbyangs so// de nas yang sems dpa'i rdo rje des// b+ha ga byin gyis rlob pa la snyoms par zhugs nas gsungs pa// 'khor bar snang ba'i chos rnams kun// b+ha ga'i snying por rab gsal ba// yum gyi lus kyi yan lag rnams// yum lnga'i rang bzhin nyid du gsal// zhes gsungs so// de nas sems dpa'i rdo rje snying po des chags pa thams cad gcod pa zhes bya ba'i ting nge 'dzin la

  783. 392b

    snyoms par zhugs nas 'di skad ces gsungs so// chos nyid nam mkhar rtogs gyur na// sbyor sgrol mang po ci byas kyang // chags sdang drang ba'i thabs yin te// rdul cha tsam yang snang ba med// ces gsungs so// de nas sangs rgyas thams cad btsun mo'i tshogs thams cad la dgyes pa'i rol pa la zhugs par gyur te// mi dmigs pa'i bde ba la ci yang mi g.yo bar gyur to// de nas byang chub sems kyi char chen po pad+ma'i snying po rgyun mi 'chad par 'bab par gyur to// 'khor ba thams cad ni rgyal ba'i sras por bskyed// rgyal ba 'gog pa ni byang chub sems kyi brlan par mdzad cing srid pa'i myu gu mngon par bskyed// rmad du byung ba'i mchod pa'i yo byad ni bsam gyis mi khyab pa'i ling long phyed par byung ngo // rig 'dzin gyi sems dpa' thams cad ni/ shes bya'i sgrib pa sbyangs nas chos kyi sku'i nang du brlan par gyur to// de nas sems dpa'i rdo rje des 'gro ba thams cad la dbang bskur ba zhes bya ba'i ting nge 'dzin la snyoms par zhugs so// dpag tu med pa'i rgyal ba rnams// 'khor ba'i sems can rgyu las byung // 'khor ba'i sems can rgyun chad na// sangs rgyas rgyun yang 'chad par 'gyur// 'khor ba chos nyid rang bzhin du// shes nas smra bar gang byed pa// rig pa'i ye shes rang dbang de// chos kyi rgyal po rgyal ba'i sras// zhes gsungs

  784. 393a

    so// de nas sems dpa'i rdo rje dam pa des chos thams cad grub pa smon lam gyi sgo nas 'jug par mkhyen nas smon gnas chen po'i lam 'di gsungs so// 'gro drug rgyal ba'i sras po 'di// ma rtogs log par 'khyams pa rnams// rgyal ba'i sras su bskyed nas ni// 'khor ba'i rgyun rnams gcad par bya// nyi zla'i nang du bzhag nas ni// bcu drug sa la rdzogs par 'gyur// des na rigs ldan mtshan bzang la// don dang ldan pa'i mkhas pa yis// sbyor ba'i yan lag kun rdzogs nas// yum gyi nam mkha' dbyings zla gam la// grub pa'i gzhal yas khang du bskyed// rtsibs brgyad zla gam dgur gsal la// byang chub sems las phyag rgya'i tshogs// lha dgu gsal ba'i ye shes bskyed// des ni thams cad rdzogs par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las gsang sbyor sgrub pa'i le'u ste bcu pa'o// // de nas sems dpa'i rdo rje snying po de mi 'gyur ba gtan 'pho ba med pa zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor rig 'dzin gang zhig rnams// mi 'pho bar ni gnas 'dod pa// lo gcig gam ni zla gcig gam// de bzhin zhag gi rnam grangs kyang // bco lnga'ang yang na bdun par du// tho rangs thun za'i dang po'i

  785. 393b

    tshe// rig 'dzin rnal 'byor sgrub pa po// shar gyi phyogs su kha bltas te// shar phyogs nam mkhas bsdus pa yi// lha klu gnod sbyin 'jig rten bcas// thams cad khong du bsdus nas kyang // dbugs de slar la mi dbyung bar// rang gi khong du bstim par bya// tha mar sna yi nang du bsre// de ltar mang por sgrubs pa dang // dpal che gzi brjid thams cad 'thob// ces gsungs so// de nas yang sems dpa'i rdo rje snying po des rten pa zhes bya ba'i ting nge 'dzin la snyoms par zhugs nas 'di skad ces gsungs so// gang zhig rten la gnas 'dod pa// mtshan ma bzang po'i gnas mchog tu// thams cad 'byor par byas nas ni// sa las byas pa'i stegs bu bshams// dbus kyi pad+ma 'dab brgyad la// zla gam dmar po sgo bzhir ldan// mtha' ma rdo rje ra bas bskor// dpal ldan tshe yi phyag rgya dgod// rin chen lugs kyi bum pa la// tshe rdzas rgyas par byas nas ni// mtshan ldan snod kyis kha dgab bya// rdo rje gzungs kyis btags nas ni// tshe tshad med par mnga' gsol la// dbus su de bzhin gzhag par bya// rin chen bum pa bzhi rnams la// gsang ba'i bu mo bzhi bkod gzhag/ ya mtshan byung ba'i bum pa la// rigs bzhi sangs rgyas yab yum dang // so so'i 'khor gyi sems dpa' rnams// thabs dang shes rab sdebs nas ni// phyogs phyogs

  786. 394a

    gnas su tshom bur bri// sgo bzhir sgo ma bzhi rnams gzhag/ sems kyi phyag rgya kun bkod nas// nyi zla ga 'ur a yu ni// 'khyil 'bar 'tsher zhing gsal bar bya// a yu byang chub sems su zhu// rgyal mtshan mchog ldan rin chen gter// dbang bskur dpal ldan mdzod ldan ma// gsang ba'i bu mo tshe gter 'dzin// a yu yum bzhi'i thugs kar 'phros// de bzhin tshom bu rim par brgyud// rdo rje tshe mchog kun bsdus nas// dkar dmar 'od kyis bdag la bstim// de nas rdo rje tshe phreng bzlas// nub phyogs tshe yi dbyings mchog gi/ pad+ma dbang gi zhing khams su// byams ldan ye shes tshe dpag med// thugs kyi dpal be'u chen po ni// gnyis gsal 'od kyi ga'u na// byang chub sems kyi a yu 'bar// dmar gsal 'bar ba'i tshe mchog de// rig 'dzin rnal 'byor rnams la 'phro// 'phros pa dgu lung dam pa yis// tsit+ta'i dbugs la bkrag tu bslan// tshe nyams rgyu drug kun spangs nas// gzi byin skye ba'i rgyu lnga bsgom// byang chub sems kyi a yu de// skye med dbyings su sbas nas kyang // phyag rgya'i tha mar bdun gyis bshad// dang po sku gsung thugs kyi rgya// gnyis pa gnon pa'i rgya gram 'bar// gsum pa rta mchog dpal gyi rgya// bzhi pa rin chen dpal be'u ste// lnga pa gser gyi gu h+ya'o// drug pa zla gam dmar po

  787. 394b

    la// bdun pa nyi zla ga'ur 'bar// tshe yi ngo bo rgyud gsum po// srog gi ngo bor gzhal yas khang // le brgan 'bar ba'i dkyil 'khor du// a yu dmar po 'od 'phro ba// 'chi ba med pa'i srog btsugs te// 'gyur ba med pa'i g.yung drung yin// chos nyid dbyings su tshe sbas pas// dus gsum rgyal ba dgrar langs kyang / de la gzung zhing bstan du med// de nas ci bde spyad par bya// rdo rje tshe sgrub pa'o// de nas sems dpa'i rdo rje dam pa de rdo rje khro bo tshe kun du 'phrog pa zhes bya ba'i ting nge 'dzin la snyoms par zhugs nas 'di skad ces gsungs so// gnas 'gyur maN+Dal 'bar byas la// ye shes khro bo 'bar ba yi// thugs kyi dpal be'u'i 'od zer las// dbang gi lha mo mang po 'phros// za ma tog dag bcas pa yi// lcags kyu dkar dmar lag na thogs// de yis 'gro drug thams cad kyis// tshe dang gzi byin thams cad 'phrogs// za ma tog tu bsdus nas kyang // tshe yi rig 'dzin rnams la bstim// ji ltar 'dod pa gong ltar sbyar// rdo rje gzi mdangs 'phrog pa zhes bya ba'i mdo'o// rgyud kyi rgyal po chen po rdo rje bkod pa kun 'dus rig pa'i mdo las rdo rje tshe bsgrub pa'i le'u zhes bya ste bcu gcig pa'o// // de nas sems dpa'i rdo rje dam pa de tshogs thams cad yongs su rdzogs pa zhes bya ba'i ting nge 'dzin la snyoms pa

  788. 395a

    zhugs so// snyoms par zhugs nas dur khrod gsang ba mchog gi dkyil 'khor zhes bya ba 'di rgya cher bshad do// dkyil 'khor dkyil 'khor thams cad kyi// rtsa ba'i dkyil 'khor dam pa 'di// 'khor ba thams cad bsgral ba'i phyir// rnal 'byor can la bshad par bya// nyon cig 'dus pa chen po'i tshogs// sgrub pa'i gnas mchog dam pa dag/ skyon yon gnyis kyi bye brag las// nges par brtags te shes pa las// blang dor gnyis su sbyar bar bya// ri bo chen po 'dus pa'i rtse// gangs dkar shel gyi 'dab chen ni// seng phrug 'khra ba'i gnas yin te// thams cad zhi bar byed pa'i gnas// rdo rje brag chen gtams pa'i dkyil// dgon pa chen po'i phug chen ni// gcan chen 'khra ba'i gnas yin te// mngon spyod chen po bsgrub pa'i gnas// dur khrod ngam grog bshung ba'i gnas// sum mdo grog gle rtsub 'i ri// dur gcan 'khra ba'i gnas yin te// chags pa bsgrub pa'i gnas yin no// nags tshal dra bas btibs pa'i nang // shin tu btsan zhing 'jigs pa'i ngogs// stag gzig 'khra ba'i gnas yin te// 'dod pa sgrub pa'i gnas su shis// chu mdo chu 'jigs rgya mtsho'i gling // chu yi ra bas kun bskor ba// chu gcan 'khra ba'i gnas yin pas// bya ba med pa'i las la bya'o// der ni yo byad phun sum

  789. 395b

    tshogs// ci 'dod bltas te ma thogs par// kha na ma tho bcas dang bral// 'byor pas nan tan mchog bskyed pa// khams las gyur pa'i nad chen rnams// bcud kyi mchog gis bzlog bya'i phyir// rtsi'am bcu dam thar pa rnams// nyer rdzogs su ni gzhag par bya// 'dus pa'i nad dang dus kyi nad// dug las gyur pa'i nad rnams kyi// rkyen gyis bar chad 'byung srid phyir// sman dang mkhas pas bcas te sbyar// ka pA la dang lcang lor bcas// ga'u chung la sogs pa'i rdzas// phyag rgya che dang ldan byas la// dngos grub 'byung ba'i rten du bya// sgrub mchog gsang ba'i rnam 'byor pa// skyo ba'i yid rnams gsang phyir dang // gti mug mun pa gzhom pa'i phyir// dung dang mkhar rnga rdza rnga dang // cang te'u pi bang ko ki la// snyan par rdzogs pa'i rdzas rnams kun// sna tshogs 'byung ba'i rol mo ste// nyer rdzogs su ni 'byor par bya// shin tu gtams pas tshogs chen ni// bla ma rdo rje 'khor lo rgyal// gsang ba sbyor ba'i dus chen du// sgrub chen sgrub pa'i rnal 'byor rnams// snying rje byams dang dga' snyoms dang // gdung ba'i byang chub sems bskyed do// de yang shes dang shes bya yis// rtsal chen kun du rdzogs pa ni// rdo rje snying po 'bru mchog dag/ shin tu gtams pas tshogs pa ni// bla ma rdo rje 'khor lo rgyal// yon tan mchog gi gter gyur cing // srid

  790. 396a

    pas zhus kyang zad mi shes// rkyen thub dbang lung rdzogs pas gzung // rdo rje kun gyi gzugs 'dzin pa// kun sdud kun 'byung 'khrug med cing // nam mkha'i khyon ltar kun la khyab// ma ltar byams pa'i yum mchog gzung // rgyud sbyangs brtul zhugs mchog 'chang zhing // thogs med the tshom som nyi bral// 'dzin chags med cing blang dor med// brtan ldan gzungs thub rdo rje ging // rdo rje drod kyi dus 'dzin cing // tshig gi 'phen sdud skabs su sbyor// yon tan rlabs kyis 'phang bcad de// legs nyes dmigs su gal 'dzugs so// rdo rje tshig gi gdangs skad can// rdo rje mthong ba rnam par dag/ ngag gi dbang phyug tshig la mkhas// las kyi phreng ba rdzogs byed pa'o// 'di ltar sbyar ba'i dus chen yang // nges par brtags te mdo gzung ba// rig byed dag gi yan lag las// shes par bya ste legs sbyar ba// bkra shishes lha yi nyi ma dang // 'byor dang dus tshigs bzang po rnams// 'jig rten mtshan ma'i rtog pa ste// brtags na bkra shis mtshan ma 'byung // dus cha bzhi yi dang po ni// mchog nyid mngon spyod ro langs yin// dbyar tshe ston sman shis pa ste// zhi dang rgyas pa de bzhin sbyar// dbang du bsdus pa'ang dbang yin te// bam chen gsang ba'i dus su bshad// nor 'dod rdzu 'phrul thams cad kyang // cha bzhir khyab par

  791. 396b

    sbyar ba'o// bsgrub pa chen po'i rdzas mchog dag/ gal te dus la bab gyur na// dus 'di dngos grub dus chen te// dus 'di mkhas pas yong mi bcag/ rnal 'byor las kyi dang po rnams// ci ste 'dod pa'i mtshan ma dang // yid 'ong 'byung zhing rtags rnyed pa// dam tshig gzungs 'du dus chen yin// sbyangs pas rtsal gyi mthar phyin cing // zhes blo'i yon tan tshogs rgyas pa// 'di dag tshad la bab pa ste// dus kyi mchog 'di nye bar brtag/ 'di ltar rgyu bzhi 'byor pa las// 'bras bu'i dngos por grub pa ste// gru dang mnyan pa mkhas pa la/ bsten pas rin chen lon pa 'dra// ji srid gnas pa'i rgya mtsho rnams// rang bzhin med par kun gcig pa'i// bdag med phyogs bral lhun gyis grub// gcig las rnam grangs ngang gis med// tha snyad dag par yongs chud na// nges pa'i don chen de nyid de// thams cad dag par 'gyur/ ba'o// bdag dang gzhan du mi gnyis pas// bdag nyid bdag gi rang bzhin te// sangs rgyas zhes bya gzhan na med// bdag nyid lhun grub dbang phyug che// gar dod pa yi dngos po la// ji lta ba bzhin grub 'gyur te// rdza mkhan 'phang lo srub pa ltar// gang ltar dmigs pa de ltar 'gyur// 'gro ba'i khams su gzi che zhing // 'byung chen lnga la dbang bskur ba'i// ngo mtshar rtsal gyi khyad par dag/ gdon mi za bar

  792. 397a

    'byung ba yin// de ltar brtson pa'i bsgrub pa dag/ rdzas dang yo byad la sogs te// shes dang yon tan phun sum tshogs// gzhan du reg las med pa ni// thams cad tshang bar rdzogs pas na// phun sum tshogs zhes de la bya// gsang chen bsgrub pa'i las 'di dag/ 'khor ba'i las dang mthun spyad cing // nyon mongs lnga ltar spyod snang yang // 'od kyis mun pa snang 'gyur ltar// skyon ni yon tan chen po la// g.yo ma tshang dngos grub chen por 'gyur// de ltar 'khor ba'i rka bzlog pas// mi gnas ye shes rgya mtshor 'khyil// gnas rab brtag pa'i gal chen yang // nam mkha' 'khor lo rdo rje dang // rin chen zur brgyad pad+ma'i dbyings// rgya gram la sogs 'dra bar brtag/ sa gzhi yang ni de bzhin te// ri bo brtsegs dang bzur ba dang // de bzhin bsgrang dang gtams pa'i tshul// 'dra bar mkhas pas brtag par bya// de yang rigs kyi khyad par ni// lnga la sogs pa so so yi// gnas gnas dag tu rtogs nas ni// nor bu rin chen de bsgrub bya// skyon gyi gnas dag spang ba ni// gshin rje gdug pa'i gdung rtse dang // ma mo rngam pa'i sbar shad dang / srin mo ngus pa'i 'chi rjes dang // gnod sbyin khro bo'i zab shul dang // 'byung po rkun po 'jol la sogs// gnas kyi skyon rnams dgra dang rkun// mkhas pas nges par

  793. 397b

    spang bar bya// kha na ma thor bcas pa dang // nyams pa las byung nyid dang bral// ma dag pa yi yo byad rnams// gdug can pang du 'ongs pa ltar// lnga yi brtul zhugs chen po yi// bskal bas bshugs te spang bar bya// dgom pa chen po'i sa phyogs sam// bkra shis mtshan ma 'byung ba dag/ dga' ba skye bar 'gyur ba yi// yid 'ong gnas su 'dug nas ni// rtsod pa nyer bar zhi bya'i phyir// snying rje ldan pa'i rnal 'byor gyis// bsgrub pa brnag pa mthar dbyung phyir// rgyal po rten dang 'khor bcas la// bden par bsgo ba 'am yang bslang ba// dgongs shig thugs rje rgyal ba'i lha// lha klu gnod sbyin sde dpung bcas// gangs rig rtse dang rin chen ri// kun dga' ldum ra skyed mos tshal// mtsho rdzing lu ma 'bab chu'i gnas// 'jig rten 'jig rten thams cad kyi// gang dag bdag por gyur pa rnams// rnal 'byor dbang phyug bdag nyid kyis// sa 'di lhun gyis grub bya'i phyir// 'dzam gling grub pa'i sa slong na// 'khor dang bcas pa 'dir 'khod la// rin chen gter gyi sa gzhi bslang // zhes pas rin chen sna tshogs kyis// sa la gnas pas de mgu bya// des ni bdag gir de 'gyur zhing // nyes pa de dang bral ba yin// byang chub spyod pa g.yo ba dang // bsod nams dga' bskyed pa la// shes ldan rdzu 'phrul can gyi bu// ma skrag phrag dog yong ma

  794. 398a

    skye// rnal 'byor mchog gi sgrub pa po// bdud 'dul phyag rgya rdzogs pa'i tshe// ru dra tshogs kyi rgol ba la// skyes bu las kyi don bgrangs te// don gyi dbang po'i phyir sbran pa// rgyal ba dbang phyug thams cad kyis// don mchog yang dag mdzad pa'i tshe// skyes bu rtsal gyi khyad par las// 'di tshe dpang mkhyen dmigs 'byed ma// sngon tshe dpal chen gar dbang gis// ru dra sde bzhi bsgral nas ni// gsang ba bstan pa'i rgyas mdzad nas// 'gro drug thugs rjes bsgral ba ltar// rnam 'byor sa la sbyor tshe 'dir// lha mos mkhyen par mdzad nas kyang // bde chen sa la bgrod pa'i tshe/ ru dra'i rgol ba 'byung ba'am// spyan ldan khyod kyis dbang mdzod cig/ sgrub pa'i lam mchog khyad par gyis// brtsams par bya ba'i las rnams kun// mtshan mas mtshan ma gzhol ba'i phyir// ro lnga'i mtshan ma brtag par bya// dge bar gyur ba der gnas bya// gal te shis par ma gyur na// skyes bu thams la mkhas pa yis// gnan nam spo ba'i las kyis sbyar// der ni bsod nams gter ldan phyir// rin chen lnga la sogs pa'i rdzas// sa gzhi gter chen rgyas par bya// bkra shis mchog tu bsngags pa yin// sa zhag spos chen rnam lnga'i khu// bsres pas kun tu grub bzhi ni// maN+Dal rgyas pa'i dbyings 'dra la// ting 'dzin phyag rgya

  795. 398b

    sngags ldan pas// mtshan ma'i dngos po kun sbyangs te// rgyal ba bzhugs pa'i rten du bya// rdo rje byin brlabs 'byung gnas dang // gnas rnams shin tu brtan bya'i phyir// mchog gi spro ba dag pa yis// sa gzhi gzung zhing byin gyis brlabs// de dang der ni sa sbyangs te// thig gis yul bcad skabs dag tu// rgyal ba bzhugs pa'i pho brang der// rdo rje drag po'i ging chen gyis// lce pog nag po'i dud pas bdug/ rgyun mi 'chad du byas nas ni// khra bo drag po'i sngags zlos shing // rdo rje khro ba'i stabs kyis bskor// shes rab yum gyi 'jo tshul gyi/ rnam gnyis rdzas kyi 'di gu dag/ srin bal ye'u sbyar ba yis// kun du zla ba'i thig le bya// rdo rje rgyal po 'phags rnams kyis// so so'i sngags dang rtsa ba'i rgya/ so so'i stang stabs sbyar nas kyang // de dag gnas su byin gyis rlab// gsang ba'i don la zhugs pa'i phyir// gsang ba'i las kyi sngon logs su// bstan pa'i skyong ba'i mgon po la// sbyin mchod bsrung ba'i las chen bcol// gzhal yas gnas kyi phyi rol du// mgon po gnas pa'i rten gzhi dag/ rin chen 'bras sam 'byung khungs sam// shing ngam pa so de dag las/ lugs sam phyag rgya'i gzugs byas te// mgon po bzhi du mngal gsol te// gnas kyi sgo spong so bar bya// ri rab gling bzhi'i phyogs phyogs nas// rdo rje gsang

  796. 399a

    bdag dbang gi mthus// 'jig rten skyong ba'i tha tshig can// mthu chen mgon po sde gzhi rnams// so so'i bgegs ris 'dus la mkhas// chos skyong longs spyod rdzogs pa'i sku// phrin las rnam bzhi mthar phyin pas// rigs bzhi kha dog so sor gsal// rang rtags lha yi mtshan ma thogs// phyi 'khor sbyong ba'i rdzu 'phrul can// bdag cag rnal 'byor rtsal sbyong gis// rang rang 'khor rnams thub par mdzod// sgrub pa'i rtsal 'di mthar dbyung zhing // rkyen gyi bar chad bsal ba dang // gsang ba'i man ngag spyad pa'i phyir// 'jug srid dam sri gnon par bya// dur khrod chen po'i gnas dag tu// rnal 'byor gsang ba'i gnas dag tu// dngos grub chu la rdul 'jug cing // khro bo hUM chen kun 'dus nas// gsad cing gnon pa'i las bya ste// ri rab chen po'i rmad du gtang // ya ma ra dza'i zas su sbyin// chu srin 'bar ba'i kha ru brdzang // 'khor lo 'bar ba'i phyag rgyas gnon// bdun rgyud rig ni brlag gyur nas// nams kyang ldang bar mi nus te// byang chub sems ni skyes na btang / badz+ra muSh+Ti paM/ ma ma ba shaM ku ru nan/ ni suM b+ha nAM/ de ltar drag po'i sbyor ba yis// sgo nas phyi rol bar khang du// mkha' 'dra'i khung bu byas nas ni// dug dang rtsub pa'i phye ma dang // khrag sna tshogs dang mi ro yis// shin tu bsub cing gnon par

  797. 399b

    bya// de nas rdo rje nang dag tu// seng ge'i lta bas bltas nas ni/ rdo rje gom pas phyogs nas ni// khro mig 'bar bas phyir bltas te// 'gying bag tshul du brjid pa yis// 'bar ba'i rdo rje sbar nas ni// phyi nang rdul chen bsal bar bya// hUM stong gsum stong gi 'jig rten na// skye 'gro rtsi shing nags tshal dang // yod mthong snang grags ji snyed pa// kun kyang 'bar ba khrag 'thung ste// rngam chen gtum thung shes dag 'bar// dur khrod dkyil 'khor lhun gyis grub// rak+Sha rak+Sha he ru ka/ rak+ta kro d+hi dza la ba/ ha la ha la tiSh+Tha phaT/ zhes pas khro bo rol pa yi// stabs dang ma mo'i rngam tshul dang / phra men lhags pa'i rngam stabs kyis// 'bar ba'i dkyil 'khor bskor bar bya// rdo rje dkrigs pa'i phreng ba dang // tho ba lcags kyu 'bar ba dang // 'khor lo ral gri la sogs rdzas// kun gyi phyag rgya mtshan mas bskor// de las 'bar ba'i phyag rgya dang // mig las 'bar ba'i me mched pas// me 'od 'bar ba'i phreng ba 'dis// dmigs sam dngos su sbyar nas kyang // 'bar ba drag po'i yi ge las// sreg pa'i dpal chen gur du gtams// hUM ra rdo rje me yi ri// lhun po 'bar ba'i rtsa brgyad la/ 'bar ba'i lha brgyad bsgyel nas kyang // dbang chen rdo rje bka' sdod gnas// shin tu mi bzad 'bar ba yis// gtum chen ha la rngam pa'i gzugs// lha chen

  798. 400a

    khyab 'jug lpags bshus nas// zhing chen g.yang gzhi'i na bza' bsnams// gshin rje ma traM 'bar ba yi// ro dbyug chen po phyag na 'phyar// phra men dgu khri mang po dag/ 'bar ba'i tshogs ni gtibs thams bcad// gang la cis 'dul der ston pa// tsit+ta 'bar ba'i me phreng gis// do shal mgur chu phreng bas sbrengs// bskal pa'i me dpung 'bar ba'i klong // srid pa'i rtse mor 'khyil cing 'phro// nam mkha'i khams kun me dpung gtibs// rdo rje 'khor lo me lce 'phro// dur khrod dgon pa'i sa phyogs dag/ me yi ri bo 'bar ba la// me yi yi dgas ma dag las// gang yang gnas par mi phod pa// steng gi me lce 'bar ba ni// 'og gi phyogs su 'phro zhing 'phrul// 'og mi me lce 'bar ba yang // gyel du 'khyil zhing steng du thal// me lce dgu phreng 'bar ba dag/ 'ur chem 'chad pas 'thab cing 'khrug/ dur khrod me ni smug cing 'bar// zhes sdang 'joms pas mthing nag 'tshub// nga rgyal sreg pas seng nag 'phro// 'dod chags mnyam pas dmag nag 'phro// phrag dog sreg pas ldang nag 'khyil// gti mug sel nas spug nag 'khyil// 'bar chen klong gi 'khor los gtams// dza la maN+Da la ha la ha la raM// me'i ri lag chu'i phyag rgya yis// gnas sam dkyil 'khor bskor bar bya// chos nyid bdal ba'i nam mkha' la// ye shes lnga yi

  799. 400b

    'byung chen brtsegs// kun gzhi bdal ba'i nam mkha' la// bskrad ma'i 'byung chen rnam lnga brtsegs// bruM las rin chen 'bar ba'i gzhal// mtha' dag dbus med kun du khyab// ta la'i bskyed cing gser tsong dril// zla gam dmar po dbang gi rgya// bruM khaM traM kha la ti bruM// zhes pas rnam lnga'i byug pa yis// gtor zhing kun du byug par bya'o// sgrub mchog skyong ba'i rnal 'byor rnams// rdo rje tshig gis btab nas ni// rgyal sras rig 'dzin bka' 'khor lo// 'bras bur red phyir byin gyis rlob// rdo rje rgyal dbang chen po des// sgrib pa sreg pa'i yi ge ni// phreng bar byas te gnas su 'phro// nyi ma'i dkyil 'khor la bzhag ste// rig 'dzin pho mo'i mtshan mas gdab// rnam lnga'i byug pas kun la gtor// rtags kyi phyag rgya lag tu sbyin// rnal 'byor chen po'i lugs su spyad// 'jig rten skyong tshul thams cad ni// sgyu ma yin phyir shin tu yang // 'jig rten 'das pa'i spyod tshul dag/ ji ltar 'byung ba de ltar spyad// e ma dur khrod gsang ba yi// rmad byung zhing khams dga' tshal 'dir// skal ldan dbang phyug rgyal ba'i sras// 'dus pas tshogs pa'i rig 'dzin rnams/ e ma'o dga' mchog bde chen grogs// dam tshig srog gi lu gu rgyud// thabs dang shes rab 'brel pa yis// sprul pa'i gshog sbugs gra rgyas pas// tshogs gnyis rtsal gyis brlabs

  800. 401a

    sbar nas// chos nyid mkha' la lding bar rigs// a yaM dza laM khaM ldan// de ring phan cad rgyal ba'i sras// dbang phyug yin pas ci bder spyod// rnal 'byor longs spyod bskyed pa dang // dug rnams bdud rtsir 'gyur ba yi// mAM las skyes pa'i ye shes kyis// zangs kyi dngos po 'jug 'dul bya// dam rdzas yo byad longs spyod rnams// gong nas cha gsum so so nas// shan ma 'dres pa sta gon bya// phyi yi cha la 'jug pa yi// mchod sbyin spel ba'i yo byad bya// de gnyis gnyis pa'i cha dag las// mjug gi rgyal chos longs spyod bya// rmad 'byung nang gi cha dag ni// thams cad gcig tu byas na ni// ras sam shing khyon dag tu ni// bsdus te bsgrub pa'i rdzas kyis dgab// byug pa chen pos de la gtor// lce pog nag po'i dud pas bdug/ rdo rje gar gyi phyag rgya dang // 'bar ba'i lta bas brjid par bya// tsham ngam chen po'i stabs kyis bskor// sna tshogs bsur gyi dri chen gdon// de nas rgyal po'i byin brlabs kyis// yo byad de dag bdud rtsi lnga// dam rdzas ngo bor bsdus nas ni// de la 'bru lnga'i 'phro 'du las// zhu nas phyag mtshan rnam lngar 'bar// dag pa'i bdud rtsi chen por zhu// shes rab lha mo rig 'dzin ma// bzhi 'am yang na rnam pa brgyad// rdzas sam yo byad rang bzhin pas// zas mchog gar gyis spyir blangs

  801. 401b

    te// longs spyod spel ba'i dbyangs 'dis bstan// bdag cag rig 'dzin shes rab ma// rgyal sras lha yi dngos grub 'dzin/ dgyes pas tshim pa'i longs spyod dag/ ji ltar yid bzhin nor bu'am// dpag bsam shing ljon 'dod 'jo'i ba// ma rmos lo tog rgyas pa ltar// rnal 'byor longs spyod chen po dag/ nam mkha'i khams su gtibs nas kyang // rdo rje dgyes tshogs kun 'dus nas// skal ldan rnams kyis rab sprul cig/ rdo rje gar gyi dbang sgyur nas// sgeg pas lha mo 'jo tshul dag/ 'dud cing sdod pa'i tshul gyis ni// rol mo'i tshogs kyis dga' ba skyed// oM shrI badz+ra lu s+ye hUM hUM/ badz+ra mA le trAM tAM// badz+ra gI ti hrIHhrIH badz+ra nri t+ya aHaH/ rdo rje karma'i thabs mchog gis// rdo rje glu 'dis gzi byin bskyed// rdo rje bdud rtsi longs spyod 'di// rtsi mchog bcud kyi snying po ste// gzi mdangs rgyas par byed pa'i mchog/ bkrag 'dzin gzugs mchog dran pa'i dpal// rdo rje can gyi byin stobs kyis// skal pa can gyi zas su bya// skal med rnams kyis dug tu 'gyur// dper na sbrul la 'o ma bzhin// sa ma ya dzaMHku su tsa ma ma/ smug zil lha ma mnyen gsal ma// rlan rnams bdud rtsir sbyar byed ma// bdud rtsi chu rgun dngos grub 'dzin// rang gnyer las skal chu rgyun 'bebs// shing lo 'dab las bdud rtsir sbyar// 'bru thog sna tshogs dngos grub

  802. 402a

    'dzin// rang gnyer las skal 'bras bur skyed// lha mo sra brtan dbang sgyur ma// khu ba bcud las bdud rtsir 'gyur// bdud rtsi zhun chen dngos grub 'dzin// rang gnyer las skal brtan par byed// rdo rje lha mo shel mdog ma// nyi zer bdud rtsir sbyar byed ma// gsal ba mdangs kyi dngos grub 'dzin// rang gnyer las skal gzi byin skyed// lha mo khro gnyer sngo bsangs ma// dur khrod rdzas las bdud rtsir sbyar// sha chen sna tshogs dngos grub 'dzin// rang gnyer las skal byin 'bebs ma// rtsi yi lha mo blo gros ma// rtsi thog bdud rtsir sbyar byed ma// rtsi mchog kun gyi dngos grub 'dzin// rang gnyer las skal tshim byed ma// sman gyi lha mo nor gyi rgyun// dug rnams bdud rtsir sgyur byed ma// bdud rtsi sman gyi dngos grub 'dzin// rang gnyer las skal 'di kun yang // rdo rje glu yi brten nas ni// rnal 'byor chen po'i yo byad du// rol mos dga' ston longs spyod bya// de nas las kyi gnas skabs 'dir// phyi nang mthun 'jug bka' sdod pa'i// gshin rje chos kyi phyag rgya yis// bran gyi bya bar dbang bsdus nas// phyi mtshams bsrung bar dbang bskur te// 'bur ram lugs sam ri mo'am// ci 'dra bar ni byas nas kyang // phyi khyams sgo yi phyi rol du// ma he khri la bzhag nas ni// mthun pa'i rdzas kyis mgu byas la// de tshe

  803. 402b

    'di yis bsko bar bya// gsang chen lhun grub pho brang nas/ las kyi gshin rje'i pho brang nas// bcom ldan chos rjes bka' stsal pa/ de bzhin rig 'dzin sgrub pa pos// bka' gsang gzhung chen 'di sgrub cing // yang dag don la nges 'jug na/ 'di dag nor bu rin chen te// 'di la rtod cing bar gcod pa// lha srin sde brgyad 'byung po kun/ khyod kyi 'khor dang g.yog yin gyi// rnam par smin pa'i chos shod la// gsang ba mchog gi rnal 'byor pas// bla med 'bras bur ma gyur tsher// sa 'di yan chad ma gtang bar// dpal chen mi pham bka' ma 'da'// bdag cag ye nas gnyis med de// de tsam don gyi dbyings su gcig/ phyi rol skyong ba'i mu ran la// rdo rje yal dam thub par mdzod// badz+ra ya ma rA dza sa ma ya s+t+waM// zhes pas gshin rje mnas bsgrags te// gal te 'das na kho bdag 'tshig/ brtsam pa bya ba'i las chen po// dngos grub 'byung bar byed pa'i rten// phyag rgya che dang gzugs mchog gi/ stegs bu legs par sbyangs na 'grub// mtshon pas khrid par byed pa yi// rdul tshon 'dus byas rgyu rnams la// brnyan ma'i dkyil 'khor bshad bgyi ba// so sor brtags te bshad bgyi ba// brtan zhing ngos 'jam khang bu la// 'bur khung khod snyoms 'phang mtho ba'i/ kha dog lnga yi gzugs byas nas// des ni mtshan ma'i dngos grub

  804. 403a

    ster// shing shun ras sam dur khrod kyi// zhing cher ras la kha dog lngas// phyag rgya 'bar ba'i gzugs bris na// de yang mtshan ma 'byung ba'i rten// rdo dang shel rdo la sogs pa// dung ngam pa so'i rgyu las ni// mkhas pas 'bur du btod byas nas// mtshan ma 'byung ba'i rten du 'gyur// gser dngul rin chen la sogs pa// zangs lcags khar ba'i rgyu dag las// mkhan gyis blugs te ma nyams na// de yang mtshan ma'i rten du 'gyur// p+lak+Sha byang chub shing la sogs// rgyud shing yal ga mnyen pa las// phyag rgya'i gzugs de legs sbyar na// de yang rten du mkhas pas bshad// mnyen cing sbyin pa'i mchog rnams la// bzhin dang 'dril khugs legs sbyar te// phyag rgya chen po'i gzugs byas na// de yang rten pa'i 'os su 'gyur// de la sogs pa'i rgyu rnams la// yi ge 'am yang na mtshan rtags sam// ming ngam thig ler rdzas la bri// bsgrubs na mtshan ma'i rten du 'gyur// de la re zhig 'dir bshad pa// stegs bu la brten mtshan ma dag/ bsgrub pa'i don du brtag gzung ba// brtsam pa'i thabs ni 'di lta ste// gong du smos pa'i rgyu rnams la// stegs bu mdzes shing mnyam byas te/ kun du grub bzhi cha mnyam la// bdud rtsi lnga yi sbyor ba yis// me long lta bur snying por bya// snang byung yang dag byin brlabs can// ye shes rang byung grub

  805. 403b

    pa'i rdzas// bka' gsang rmad byung pho brang du// dur khrod rdzas lngas skyang nul bya// rdo rje srad bu'i thig gdab pa cho ga rnam par bshad bgyi ba// gsang ba'i lcang lo 'khril mangs dang / rdo rje rgyun thag la sogs pa// ring zung maN+Dal 'khor khyud la// 'jur mdud can du ma gyur pa'i// sum sgril snyoms pa'i tshad ldan la// ye shes lnga yi rang bzhin gsal// rgyu de byin gyis brlab pa'i thabs// thabs dang shes rab 'brel pa yi// yi ge gnyis kyi 'phro 'du las// dkar dmar 'od kyi gser phreng 'phro// rdo rje gsang ba'i thabs kyis da// byang chub sems 'dre 'khal ba'i yum// nges par rtags te 'dir bzung ba// mtshan ldan bkra shis gsang ba'i yum// smin dkyus ring la lag sor phra// tshigs mig slum la phra bar bshad/ kha nas ut+pal ngad ldan zhing // lus la ga pur tsan+dan dri// yid 'ong mtshan ldan rked skabs phye// skra 'jam mthon mthing g.yas su 'khyil// so dkar tshags dam dkar dmar phyed// mig gi dkyus ring sprin dkrugs legs// zar ma'i me tog rgyas 'dra'i spyan// dpral ba'i dbyes che sgra mtshams 'khrug/ sna bzang mdog gsal pad+ma'i rigs// lus drang ske ring sems ma'i tshul// nu ma'i kyil mtho zla rgyas 'dra// sha dkar tshags dam 'khril bag chags// khong dal 'gro na gom pa 'jal// skad ni ngang pa gzhon nu sgrogs// cir

  806. 404a

    yang mdzes pa'i stabs tshul ldan// skyes bu bla mas yum du gzung // gzungs mar byin gyis brlab pa ni// yum gyi phung po gnas lngar ni// bde bar gshegs pa'i sa bon lnga// 'phro 'du gsal bar gyur pa dang // sangs rgyas byin brlabs dbang bskur nas/ bde gshegs yum lnga'i sku mchog gsal// rdo rje yab la'ang de bzhin te// de ltar gsal bar yur pa dang // yum gyi mkha' la me ri sgom// gsang ba dbugs kyi zla gam la// byang chub sems kyi 'phro 'du bya// gzugs brnyan ji ltar gsal ba bzhin// yum gyi mkha' la de bzhin no// de nas rdo rje tshig 'di yis// lus kyi yum la nges par bsgo// shes rab lha mo gsang ba'i yum// 'dod dgur sbyar ba'i 'phrul mo che// chags pa'i tshul gyis thabs la 'dud// g.yon du 'khril cig g.yas su 'khyud// 'dzum pa'i mdangs kyis zla gam sbyor// gsang ba'i byang chub sems 'dren pa// khyod ni lha mo rgyal ba'i sras// rang bzhin chos kyi mtshan ldan ma// rdo rje las kyi yum yin gyis// gsang ba'i las rnams kun byos shig/ lag pa 'khor lo'i gzhan yas su// nyi zla 'bar ba'i tshogs bkod de// gsang ba'i byang chub dkar dmar 'di// thig le yi ge'i ngo bor gdab// las kyi rdo rje 'bar ba yi// rdo rje gar gyi phyag rgya yis// byang chub sems kyi thig 'di drongs// rdo rje

  807. 404b

    gsang ba'i las 'di drongs// rdo rje gsang ba'i las 'di gyis// oM tsan+da d+ha ra hrI zhes pa'i// gsang ba'i thabs kyi sbyor ba yis// rdzas mchog 'bar ba'i thig le yis// gnas lnga dag gi gzhal yas su// gsang ba thabs kyi thig le bya// srad bu'i sbyor ba de rdzogs nas// gol sgrib rtag chad skyon bral ba'i// che chung ya yo med pa yi// rdo rje dbu ma'i thig 'di dgye// chos kyi dbyings kyi gzhal yas su// mi dmigs bad la bapaba'i maN+Dal la// ye shes lnga yi thig 'phros pas// bde chen rnam thar phyag rgya'i tshogs// kun gzhi nam mkha'i gzhal yas su// nyon mongs rtogs pa'i maN+Dal la// ting 'dzin 'od zer thig 'phros pas/ phyag rgya rdo rje 'bar ba'i tshogs// mkha' dbyings gsang ba'i gzhal yas su// zla gam pad+ma'i maN+Dal las// byang chub sems kyi thig 'phros pas// ye shes sems dpa' gsal ba'i tshogs// bkra shis dben pa'i gzhal yas su// mtshan ma rten gyi maN+Dal la// rdo rje srad bu'i thig 'phros pas/ cho 'phrul gzugs brtan phyag rgya 'bar// stong gsum gsang ba'i dkyil 'khor du// rmad byung rdo rje'i thig 'gyed na// gsang ba'i dam la gnas pa yi// 'byung po skye bo gdol pa can// rdo rje rtsal gyi hUM ring las// rdo rje mtshon cha'i bu yug 'tshub// phyogs mtshams bla 'og khro bos gtams// 'bar ba gsang ba'i mtshams bzung ste// phyi rol

  808. 405a

    sde pa'i 'drul rnams gcad// rdo rje mtshon cha 'bar ba'i tshogs// sreg dang 'joms pa'i drag shul can// rdo rje lce yis 'dir brdeg bya// rdo rje nyi ma'i gzhal yas su// rdo rje dpal be'u 'od kyi thig/ me long ye shes rang bzhin can// rnal 'byor can gyis gdab par bya// de bzhin rin chen 'bar ba'i gzhal// pad+ma zla ba 'khor lo yi// dpag med nam mkha'i gzhal yas su// rigs kyi dpal be'u 'od kyi thig/ ye shes bzhi yi rang bzhin can// rnam 'byor can gyis gdab par bya// rdo rje mkha' la 'khor lo bskor// thabs dang shes rab zung ya bzhis// so so'i phyag tu gnas nas ni/ nam mkha' dbus kyi snying po la// srad bu bzhi yi rgya gram bre// de nas rdo rje brtan pa'i sa// dbus kyi pho brang dgu pa ni// rdo rje srad bu'i thig chen gyis// phyag rgya bzhugs pa'i gnas rnams kun// cha chung med par snyoms par bya// 'dir ni rdo rje mu khyud bdun// 'byung ba'i rim pa drug bar du// 'khor lo drug brtsegs snying por 'bar// gru chad rtsibs mtshan me ri 'phro// mu khyud tshar gsum 'bar ba'i phreng // bar khyams bzhis mdzes phyi khyams dang / lngar gsal sgo dgu shar du brtsegs// pho brang de yi gnas gnas su// phyag rgya'i tshul rnams 'byung ba ni// mi khyud mtha' zad yan chad du// yab yum drug cu rtsa zhi yi// cho 'phrul dam tshig tshad

  809. 405b

    med pa// rol ba 'jigs byed 'jigs byed che// ka tsa li la sogs par bri// de bzhin za byed yab yum bzhi// las kyi lha ste he ru ka/ 'khor lo tha ma'i rtsibs la dgod// gnas dang yul gyi phyag rgya dag/ gru chad phyi dang nang na dgram// hUM chen bcu yi yab yum dag/ shin tu mdzes par dag po la'o// de nyid la ni ma brgyad dang // ging chen bco brgyad rgyas par dgod// gnyis pa'i khyams la mkha' 'gro brgyad// shugs 'gro brgyad kyang de bzhin no// gsum pa khyams la phra men brgyad// de bzhin 'bar ma brgyad rnams bris// bzhi pa'i khyams la phor thogs brgyad// de bzhin srin mo gzhong thogs brgyad// kun tu mdzes par bri bar bya// lnga pa'i khyams ni tha ma la// rdo rje slas dang bram mo dang // pho nya la sogs rgyas par dgram// de yang tshul du dgod pa ni// gong ma dag ni rgyu rnams las// ka tsa li la sogs pa dang // ji ltar 'byor pa de ltar bri// mchod pa'i yo byad thams cad dang // rmad du byung ba'i rdzas mchog dang // rdo rje gsang ba'i rim gyis bkod// rdo rje gsang sgo phye nas ni// ting 'dzin dkyil 'khor kun rdzogs nas// rang bzhin yul nas phab nas ni// bsgrub pa'i dkyil 'khor der rdzogs bya// 'dir yang don gyi khyad par gyis// rig 'dzin che ba'i sa sbar ba// shar gyi gdan gyi khyad par la// rdo rje seng ges

  810. 406a

    btegs 'khor lo// zla ba nyi ma g.yas g.yon gyi// zhabs rten tshul gyi maN+Dal ni// rdo rje rgyal po yab yum bzhugs// lho yi gdan gyi khyad par la// glang cen rdo rjes btegs 'khor lo// pad+ma g.yas g.yon zhabs brten tshul// rdo rjes rgyal ba yab yum bzhugs// byang ngu gdan gyi khyad par la// pad+ma rdo rje bteg rgya gral// rdo rje karma yab yum bzhugs// nub bam phyogs sam mtshams gzhan du// gzhi rnams gcig tu gyur pa la// maN+Dal rgyun ma chad pa la// rdo rjes gtams shing sbrel byas nas// pad+ma phyogs gcig cher 'bar ba/ kha dog 'bar ba'i 'od kyis dkrigs// rtsal phang che chung khyad par gyis// skal dang ldan nas mi ldan pa'i// la la dag la zla ba ni// rangs pa'i gdan gyi mtshan ma la// de yang rtsal 'phang che chung la// la la rtse gsum rdo rjes mtshan// la la rdo rje phyed mas mtshan// la la ma rangs zla gam kha// nang du bsan pos mtshan par bya'o// la la rtses 'bigs rnam par mtshan// la la pad+ma brtsegs pas mtshan// la la dag ma mtshan ma med// la las gdan de mi non re// nar ma gang zag mi yi rdzas// so so'i bde ba'i thabs su sbyar// kun tu bde bar sbyar ba'i phyir// pi par bstan zhes grags pa ste// kun tu khyab par lus bder sbyar// rmad byung sgrub pa'i dkyil 'khor du// 'jug dang dngos grub gsol ba

  811. 406b

    dang // dbang bskur ba yi las rnams bya// 'dod par bya ba sgrub pa dang // gtor ma la sogs rdzas kyi rnams// cha gsum dag la bgos nas kyang // gcig gi sbyin sregs las mchog bya// gcig la rnam 'byor longs spyod gter// gcig ni mkha' 'gro'o 'khor tshogs bskyang // gnas su bkra shis la sogs kyis// sgrub pa rdzogs pas mthar dbyung ngo // dur khrod gsang mchog dbyings nyid la// dkyil 'khor dgu brtsegs dpal gyi rgya// ye shes dgu yi khong gseng gsal// me ri 'od kyi thig thag gcad// 'khor lo tshogs chen grub pa'i sa// rnal 'byor rtsal mchog can gyi gnas// sgrub pa rtsa yi dkyil 'khor de// dur khrod gsang ba mchog gi mdo// rgyud kyi rgyal po chen po rdo rje bkod pa kun 'dus rig pa'i mdo las tshogs chen 'dus pa'i bsgrub lugs kyi le'u ste bcu gnyis pa'o// // de nas sems dpa'i rdo rje dam pa des 'di skad ce bka' stsal to// 'dus pa chen po'i tshogs rig 'dzin thams cad nges par 'grub par 'dod na 'di ltar rig par bya'o// de bzhin thams cad kun rdzogs nas// rigs kyi khyad par 'di dag dbye// so so'i rigs su bsgrub par bya// rdo rje can la dpal be'u ni// dkyil 'khor rdo rje 'bar ba'o// de bzhin rin chen rin chen te// pad+ma dmar po 'od kyi dkyil// las ni kun tu rgya gram

  812. 407a

    'bar// de bzhin rin chen 'khor lor 'bar// so so'i rigs rnams gtsor gzhag ste// 'khor ni de bzhin mi 'gyur bar// rnam par bkod de legs sbyar nas// bsnyen pa dang ni nye bsnyen pa// bsgrub dang sgrub chen rdzogs par bsgrub// ting 'dzin rtsal gyi khyad par ni// so so'i rig ni gang yin pa// ting 'dzin bye brag mang po la// yid kyi sbyor ba gsal bar bya// des ni rig 'dzin gang 'dod pa// gsol bar nges par 'grub pa yin// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje rig 'dzin bsgrub pa'i le'u ste bcu gsum pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni blang dor med par rig par bya'o// chos nyid mnyam pa'i rang bzhin la// bzang ngan rtog pa'i tshig dang bral// bdag dang gzhan du dbyer med de// gtsang dang mi gtsang gnyis su med// ces gsungs so// de nas 'khor der 'dus par gyur pa'i rig 'dzin mi'i thod pa can mang po dag rnam par bkod pa rnal 'byor gyi gral nas langs te// a la la ho zhes bya ba'i sgra chen po brjod nas 'di skad ces gsol to// bcom ldan 'das kyis bka' stsal pa la bdag cag shin tu gnas par 'tshal na// bdag cag rnams

  813. 407b

    kyis dam tshig ni bcom ldan 'das kyis ma gsungs so zhes gsol pa las// bcom ldan 'das kyis bka' stsal pa// mi'i thod pa can rnams rang rang ji ltar dga' ba'i dam tshig rnams spobs pa skyed la phul cig ces gsungs pa las/ 'dod chags kyi rig 'dzin bram ze'i mi'i thod pa can rdo rje thal ba'i dbyangs zhes bya bas 'di skad ces gsol to// bcom ldan 'das bdag cag gi dam tshig ni 'di lta ste// ma dang sring mo bu mo dang // rgyu dang mi rgyu'i 'jig rten gyi// bud med thams cad thams cad la// 'dod pa'i chags pa ci sprad kyang // yang dag rig na mi gos so// zhes gsol to// de nas rig 'dzin rak+Sha mi'i thod pa can zhes bya ba des 'di skad ces gsol to// bcom ldan 'das bdag gi dam tshig 'di lta ste// bdag ni gsod la dga' ba ste// sems can thams cad bsod nas kyang // zag pa mi gtsang snyigs ma dang // mi sha la sogs thams cad kun// zos na dam tshig mchog lags te// mthu dang gzi byin 'phel bar 'gyur// bdag gi dam tshig de lags so// zhes gsol to// de nas yang gnod sbyin rig 'dzin yak+Sha mi'i thod pa can zhes bya bas 'di skad ces gsol to// bcom ldan 'das bdag gi dam tshig 'di lta ste/ mi yi bdag po thams cad la// 'dod pa thams cad 'phrog pa dang / gser la sogs par

  814. 408a

    brkus spyad kyang // yang dag rig na mi gos te// 'dod pa grub pa'i mchog tu 'gyur// bdag gi dam tshig de lags so// zhes gsol to// de nas yang mu stegs rig 'dzin 'od srung ral pa can zhes bya bas 'di skad ces gsol to// bcom ldan 'das bdag gi dam tshig ni 'di lta ste// mi yi mgo bo bcad nas kyang // bzang dang ngan ni bye brag rnams// rigs pas brtags te shes byas nas// bzang ba'i rtags can bsten bya ste// dkar po ra ri lcang lo can// 'di dag rtag tu sus 'chang ba// 'dod pa thams cad 'grub pa ste// rgol ba thams cad 'joms par nus// yid bzhin nor bu ci 'dra bar// de yi yon tan 'di las 'byung // bdag gi dam tshig de lags so// zhes gsol to// de nas yang bram ze sha la dga' ba dang // sha za mo'i rig 'dzin rnams kyis 'di skad ces gsol to// bcom ldan 'das bdag cag gi dam tshig ni 'di lta ste// ba glang khyi sha rta sha dang // mi sha glang chen sha la sogs// sha rnams 'dra bar gtsang sme med// zos na yod tan sna tshogs 'grub// bdag gi dam tshig de lags so// zhes gsol to// de nas yang srin mo'i rigs 'dzin khrag 'phrog ma zhes bya ba la sogs pas 'di skad ces gsol to// bcom ldan 'das bdag gi dam tshig ni 'di lta ste// srog chags sems can thams cad kyi// bsad

  815. 408b

    pa'i khrag ni dron mo dag/ 'thungs na gzi byin 'bar bar 'gyur// bdag gi dam tshig de lags so// zhes gsol to// lha mo klu mo rigs ngan mo la sogs pa bud med kyi tshogs thams cad kyis 'di skad ces gsol to// bdag cag rnams kyi dam tshig 'di lta ste/ gro bar glu tshig chen po ni// thams cad bsten pa'i mchog lags te// bro yi 'jo tshul stabs chen dang // glu yi snyan dngags don bsgrags nas// yid kyi dbang po thams cad 'phrog/ bsten pa'i thabs kyis 'khrig spyod pa// 'di ni dga' ba'i dam tshig ste// bdag cag rnams kyi dam tshig las// zhes gsol to// de nas rig 'dzin de kun gyis 'di skad ces gsol to// bcom ldan 'das bdag cag rnams kyi spyi'i dam tshig ni 'di lta ste// dkar nag las ni ci spyad kyang // rnam par smin pa'i 'bras bu dang // rab 'bring tha dad bye brag med// de bzhin 'di la bde/ sdug gam// dge dang mi dge'i rtsod pa med// rnon po'i mtshon gyis gcad du med// ci phyir rnam pa bdun stong pas// thog pa med pa'i don phyir ro// srog kyang bcad cang gsad du med// ci phyir rdzas 'di 'jigs pas so// sdig pa chen po'i las rnams kun/ bdag gis byas sam gzhan byed bcug/ ga la te gang ga'i bye snyed kyi// sems can de la sbyin byin dang // de bzhin gang gA'i bye snyed kyi// sems

  816. 409a

    can thams cad gsad pa gnyis// yang dag rig la tha dad med// nam mkha' dag la rdul dang chus// ji ltar mi chags pa bzhin no// gang zhig khrel dang 'dzem ldan na// dogs pa'i rtog pa de bzung bas// dmyal ba chen por ltung bar 'gyur// chags pa'i spyod pa la sogs kyis// lus rnams gdung bar byed pa yi// sems can de ni 'du shes chung // zhes gsol to// de nas bcom ldan 'das sems dpa'i rdo rjes 'di skad ces gsungs so// e ma'o thod pa can gyi tshogs// khyed kyis smras pa'i tshig 'di rnams// mdud pas bcings pa'i tshig yin te// khur dang bral bar mi 'gyur ro// yang dag yang dag ces smra ba// yang dag nyid kyi mdud pa ste// mdud pa bkrol ba ma byas na// tha ram phyed par mi 'gyur ro// tshams pa'i las rnams sbyor ba dag/ chags pa'i dbang gis der sbyor na// de dag de yi grong khyer du// gnas 'gyur de yi sems can yin// 'du shes sbyar ba'i las chen dag/ sdang ba'i dbang gi sems shor na// shan pa gsod pa'i rig 'dzin du// ltung 'gyur sdig pa'i ri bo yin// rgyal ba rnams ni gtsang bas na// gang tshe bde gshegs rgyal ba'i zhal// mi gtsang rnam pa sna tshogs kyis// yongs su bstabs par gyur na ko/ de tshe las kyi rnam smin gyis// thar med nad kyis bzung nas ni// 'dam du bying bar mi

  817. 409b

    'gyur ram// sha dang khrag la sogs pa'i zas// dgu pa'i rngad zas chen po ste// gang gis zos pa'i lus rnams la// 'byung po dri za kun 'dus nas// dri mnam ro dang bcud rnams 'byin// des ni gzi mdangs yab 'gyur na// ci phyir ci ste de rnams bza'// sems nyid rin chen yod bzhin du// gzhan gyi rin chen spyod byed pa// log pas log pa len pa'i chos// 'di dag mdud pa dam po yin// dkar gnag las la khyad med ces// thams cad khra bos spyod pa ni// rigs med rigs chad log pa'i las// 'bras bu log pa'i khams su 'gyur// bde gshegs gnyis bya'i las rnams la// yan lag tshig tu ma dag na// nyes byas las kyi rgyu des ni// gang gi dus rnams thams cad du// dbang po yan lag ma tshang zhing // dran pa'i snying po nyams par 'gyur// rig pa 'dzin pa'i rnal 'byor pas// bder gshegs rgyal ba sgom zlos pa// cho 'phrul khro tshul bstan pa ltar// mtshan ma nyid du der go na// las kyi srin po'i rig 'dzin yin// rgyan dang cha lugs thams cad kun// mtshan ma nyid du brtags gyur na// ci la'ang rtog cing chags pa yi// 'dzin pa'i phur pa chen por 'gyur// a dang hUM la sogs pa yi// rgyu yi yi ge thams cad kun// mtshan ma nyid du der brtags na// tsan+dan sbrul gdug la sogs par// lhung 'gyur rtog pa'i gegs chen

  818. 410a

    yin// khral la sogs pa'i rdzas chen lnga// de nyid dngor por de brtags na// 'byung po khrag gi dri mnam pa'i// lus len rigs ni 'dzin pa yi// ma bdun rngam pa'i cha lugs su// gang zhig rtog pa der go na// srin mo mi sdug sha za mo// lang+ka'i yul du de dag 'khor// mtshan ma'i bla thabs mgo brnyan can// der btsan der bzung dmigs pas ni// sho gam gnas kyi gcan chen rigs// 'dzin cing gnas der rtogs par 'gyur// las kyi dbang btsan bran mo'i tshogs// de 'dra nyid du de brtags na// gnod sbyin chen mo'i tshogs su 'gyur// gzhan gyi tshe la 'tshe ba yin// des na mdud pa chen po 'di// khur du bshal ba'i gdos yin te// 'chal bas lta ba'i mig long ste// sems kyi nor bu rin chen de// rtag chad khams su stor bar 'gyur// de lta'i skyon chen spang bar gyis// de skad ces bka' stsal pa las thod pa can gyi tshogs rnams rtogs pa'i 'du shes kyis zin cing rang rang gi spyod pa la skyo ba skyes pa gyur ro// de nas bcom ldan 'das la 'di skad ces gsol to// e ma'o bcom ldan 'das bdag cag rnams kyi dam tshig ni log pa'i dka' thub tu 'gyur ba lags na/ 'di dag yang dag pa'i dka' thub tu gnas par 'tshal na/ chos thams cad ni sgyu ma lta bu ste/ cir yang 'gyur ba lags so// gsang sngags chen po'i sgo ni

  819. 410b

    bskal pa me dpung lta bu ste/ bdag cag rnams kyi rtog pa so sor ji ltar mos par ltar bshad du gsol zhes zhus pa las/ bcom ldan 'das kyis dgyes pa chen pa'i bzhad pa mdzad nas/ rigs kyi bu rnams ni de ltar zhu bar legs kyis shin tu nyon cig khyed rnams kyi spyod pa mi dgag par ji ltar dga' ba'i bsam pa so sor rangs par bya ste/ 'jig rten mtshan ma'i spyod pa bsam gyis mi khyab pa rnams gsang sngags kyi dka' thub chen por bya'o// rang rang gi spyod pa ma bkag par sgo gsum lhug par spyod cig de nas sems dpa'i rdo rjes yang 'di skad ces gsungs so/ kye ma'o thod pa can gyi tshogs// bud med bud med thams cad kun// skyed par byed pa'i rten yin te// 'bras bu smin pa'i zhig yang yin// bsgral zhing gdon pa'i gnas yin te// shes rab dga' ba'i yul yin no// 'di la sems gsum gsan pa ste// ye nas dag pa chos nyid sems// mkha' dang spyod pa byang chub sems// snying rje sgrol ba gsum sbyar te// chos nyid gsang ba nyi shar khyab// snying rjes sgrol ba gsum gyis sbyar// ting 'dzin byin brlabs ye shes kyis// chos nyid dur khrod mkha' la bsgral// bsgral ba'i rgyu mchog man chad nas// shel chen tsa ra la sogs pa// de la rgyu drug sa bon gdab// rang bzhin ye nas de gzhom bya// khyad par 'das pa'i yi ge

  820. 411a

    lnga// gnas bkod 'phros pas mtha' yas bkang // thams cad stongs shing zad byas nas// 'dus pa'i yi ge lnga ru gsal// de las phyag mtshan ye shes lnga// mi gnas ye shes ngang du thim// sprin pa'i phung por smin pa de// rdo rje rol pa'i rngam tshogs kyis// 'jo tshul stabs kyis sbyar bar bya// kha T+wAM la sogs sngags bcas pas// bsgyel te ma rig sgo dbye bya// rnam shes dbugs kyi sgrom drangs la// rdo rje rgyal po'i rlung sgrom du// bsdus te rdo rje dbugs can la// hUM byas sgril ma de la bslan// gsang ba thugs kyi dkyil 'khor du// mtshon gang 'od du bstim par bya// yu ti a haM gis sbar te// gsal na de dang mnyam du gsal// rdo rje tshe la bslan par bya// rdo rje rlung gis dbugs sbar te// thugs las rlung sgom lam du sbyar// nam mkha' chos kyi gzhal yas su// nyi ma'i steng na hUM du gsal// ye shes sems dpa' tshon gang ba// nyi zla ga'u'i bar na gsal// a yang phaT gyis bskyod 'phangs pas// rdo rje sems dpa'i thugs kar 'phros/ ye shes sems dpar gsal ba la// dngos por snang ba 'dzin dang bral// g.yo 'gul 'phar 'phrig ma chad par// rdo rje ming gi dbang bskur te// rig kyi lha dang snying po'i sbyin// rdo rje gdung ba'i glu blangs te// man ngag gnas kyi smon lam gdab// bzhi tshal dag tu byas nas ni/ sman gyis

  821. 411b

    btab ste phung por btsal// 'khor ba'i phung po de bsdus la// rdo rje stabs dang glu yis sbyang // gnas gnas dag tu bsngo bar bya// phung po mchod pa'i rdzas su bstim// rdo rje pra yi las rnams gdab// des ni mnyes dang skongs pa dang / rdo rjes las rnams 'asgrub pa yin// rnal 'byor las kyi dbang phyug che// mtho gtsang shes rab gangs rum nas// rig pa'i sder mo sbar bshad can// nga rgyal dregs pa'i glang po 'joms// rnal 'byor rtsal rgyas seng phrug rnams// rdo rje rtsal chen 'di sbyangs pas// rnal 'byor lha mchog gshegs pa'i rten// dngos grub 'gyur ba'i rin po che// mthu stobs skye ba'i thabs chen po// byin brlabs phebs pa'i dbang mchog 'dis// rgyal ba'i dngos grub man chad nas// 'kha' 'gro'i cho 'phrul thams cad dang // dregs pa ma rungs sde pa rnams// thams cad dbang du 'gyur nges na// 'byung po gzhan lta smos ci dgos// 'khor ba'i skam gling chen po la// ris drug 'khor ba'i sems can rnams// rgyud drug 'das pa'i rnam shes so// dus gsum mtshon gyis bsad pas// rtag chad mthar shi'i ro gling nas// gti mug bam chen ro blangs nas// bdud rtsi sman chen ye shes kyis// rtags chad mtha' las ro blangs shing // byang chub sems su gsal ba'i phyir// ro yi rdzas rnams btsal bar bya// khro

  822. 412a

    tshogs rngam par bdag byas te// rdo rje 'bar ba'i mig nas nas// mthing nag hUM gi seng chen ni// 'khor ba'i ro gling khams su spro// bsgral ba'i dur khrod mtha' dag kun// ye shes rol pa'i zhing du blta// khro bo gyad kyi 'dor thabs kyis// tsham ngam chen po'i rngam tshul gyis// dpa' bo rdo rje'i 'dzur 'gros sbyar// thabs chen bco brgyad stabs kyis sbyar// 'jo tshul thabs kyi 'gro stabs kyis// 'dzem tshul lta zhing rnam par rtsen// sgra skad gyur zhing he hes sgrogs// 'thab cing rtsod pas rnam par rngam// 'bri tshug lta zhing 'drog tshul spyod// g.yas su lta zhig g.yon du 'gyur// yid ma ched te phyir yang blta// sdang mig logs kyi khyad par blta// rdo rje 'gros su rgyug cing 'gro// ha ha ru lu'i rngam sgra sgrogs// so so'i brda skad 'byin byed cing // rtod pa'i tshul gyis mchong zhing rgyug/ yid bzhin gter chen kha phye nas/ 'dod 'byung rin chen phung po de// 'khor ba'i rnam smin dbyis phyung nas// rnam gsum dug chen gtan sprugs nas// thugs rje rngam pa'i kha long kha// rdo rje 'bar ba'i tshogs chen gyis// dngos grub lo tog phral nas kyang // rdo rje bzhin phyogs ma nor bar// shel phur gnyis kyis gsang gnas bzung // nges par gshin pa'i gzhi ma la// cung zhig brtod de nye 'khor bsgyur// bzhin phyogs gang las legs nyes brtag/ phyi yi

  823. 412b

    bzang ngan de nyid ni// nang du nges par gsal ba yin// nyes pa'i mtshan byung mkhas pas mnan// gal te dri bas gleng slong na// de yi the tshom gsal ba dag/ dngos por sgyid la zhugs rnams kyis// mtshan mar rtog pa'i 'di dag rnams/ 'jig byed bka' la btags pa yi// 'dod chags bdag po nga la gsol// ji skad smras pa de bshad kyis// mtshan ma'i rdzas rnams rtogs par gyis// 'jig rten mgon khyod bdag la gsol// bdag cag spyod pa gsol bar bgyi// snod kyi mtshan nyid bzang ngan gyis// nyes dang legs pa 'di las byung // skyon gyi mtshan ma bdun pa ste// ka sgrub pa dang gdan sa las bskyod// rgyud mi 'phel dang mtshams su gas// bar chad 'byung dang bgegs ldang ba// mtshan ma ngan pa 'byung ba'o// 'di dag mkhas pas yong mi 'chang // legs pa'i rgyu ni bcu gcig ste// gsum gyi dngos grub thob pa dang // rig 'dzin lam 'gro nam mkhar 'phur// khams gsum dbang bsdu rdo rje spyan// pha rol g.yul zlog zil gyis gnon// mthu dag byin brlabs tshe 'phel dang // mtshan ma gsal por 'byung ba dang // slob ma chu yi rgyud 'phel ba// dmigs pa'i bsam pa 'grub pa dang // phyi mar sangs rgyas myur ba dang // dngos grub rnam gsum thob pa ste// smon lam bzhin du 'grub pa'o// de yang bye brag 'di lta

  824. 413a

    ste// phyed du 'gyur na thob zang yin// sum cha tsam la btang snyoms so// de yang so so'i mtshan rtags su// brtag cing ming du brjod bya ba// dkar po spros med chos kyi sku// lcang lo kun rdzogs longs spyod ldan// ma 'ongs sprul pa mdzad pa'i rgyun// 'das dang da ltar ma 'ongs pa'i// rnal 'byor sa la 'gro ba rigs// bder gshegs dus gsum 'byung ba'i rtags// rin chen gter gyi ga'u 'di// thabs kyi rgyal po dpal gyi dkor// pho brang rtag ldan snod bcud rdzogs// 'phrul zhal yid bzhin 'dod zho'i ba// rkang med mkha' la 'gro ba'i mchog/ ngo mtshar thog thog rkan sgra can// rmad 'byung gsang ba'i rang sgra dag/ rig 'dzin rtsal can kun la sgrogs// nga ni skyes mchog rtsal can gyi// rmad byung bsgrub pa'i rdzas yin pas// su zhig dngos grub gang 'dod pa// the tshom med par dus 'dir long // gang dag bka' ltar mi byed cing // su zhig dam la mi gnas pa// nga yi gzugs mthong tsam gyis 'tshig/ sgra thos tsam gyis brlag par 'gyur// zhes pa'i sgra byung cho 'phrul ni// rgyal ba'i gzhal yas kun las sgrogs// 'di dag don dang ldan par spyod// 'di la grags pa nges don ni// rnal 'byor can gyis shes bya ba// thams cad dpal ldan lcang lo can// la la bkra shis mtshan ldan te// de bzhin paM

  825. 413b

    tsa ku la yin// la la dpyad kyi na sha yin// de bzhin mi 'gyur sra 'khregs yin// ma hA ke sa dpal dang ldan// ye shes lnga ldan zhes ni bya// A yuHpha la tshe yi mchog la la me le de byi brtan// la la de bzhin kha swa kha// kha hu pa yi dpal dang ldan// bkra shis don 'byung de lta'o// bde gshegs mtshan ldan rdzogs pa yin// gtsug phud dge gtsug dpal dang ldan// dz+nyA na mir+t+ti de bzhin no// la la dz+nyA na kuN+Da li// de bzhin khro bo kuN+Da li// a ka dza Ti mtshan ldan pa// a bi mu ga rdzogs pa'o// 'dod pa brtan ldan bde ba ste// gnyis med don ldan thob pa'o// pu tra mang 'phel lcug phran rgyas// rdo rje bse phor mtshan rdzogs nas/ shes por gsang ba'i don 'byung ba// sku gsung lhun grub ka pA la// thams cad re ba yid bzhin skong // de bzhin yon tan rdzogs kun rdzogs// bkra shis mtshe ni kun ldan pa// de bzhin mi 'gyur g.yung drung brtan// mi shigs mdzod yin kun 'byung ba'o// cho 'phrul rtags 'byin dam pa 'byung // srid pa yongs sgrol las kyi mchog/ khams gsum dbang sdud khyad par ldan// drug gsum gtan sbugs las mchog can// mtshan ma'i spyod bral nges pa'i don// rigs drug mdog drug dbyings drug dag/ yon tan skyon rnams sbyar bar bya// mang dang nyung ba'i gsang ba ni// bcas dkar 'phel dang mgo mi 'byung // rjes

  826. 414a

    'dra la sogs skyon rnams spang // dug gsum stong mdzad rgyal ba'i bka'// sku gsum smin pa'i g.yung drung rtags// sba thabs gsang ba'i man ngag 'di// skal ldan rnal 'byor rnams kyis ste// skal med kun gyi rtog pa'i bdud// mi tsam 'dzin la ga la brtan// mkhas pas brtag cing bzang po brten// dngos grub 'byung ba'i dus chen yang // gcig dang gsung ni rab tu bshad// de bzhin lnga bdun 'bring du grags// dge ni dngos grub tha ma ste// bcu gcig phan chad yan par bshad// de bas rnal 'byor rtsal can gyis// nges pa brtson te brtag par rigs// 'dod chags bdag pos de skad bshad// mtshan ma yin phyir der nges pa// mtshan ma can dang mthun bya'i phyir// thabs kyis de dang mthun spyod la// yang dag don la kha lo sgyur// de dag rnam par sbyang ba dang // 'gro drug shin tu g.yeng ba can// yid rnams drangs te brten byas nas/ thabs kyi don na sbyar ba'i tshig/ rgyu drug 'dus pa'i sa gzhi la/ glu bro gar gyi rol pa yis// srid gsum zin gnon dbang sdud pa// 'jig rten mthun 'jug spyad par bya// dper na 'jig rten khams dag na// 'gro bas 'gro ba 'dul byed pa// de dga'i las la de zhugs te// de dang bsam pa mthun spyad pas// de dang 'dris nas de dga' byas// de nas de yi drod lon

  827. 414b

    nas// de yi 'du shes sgyur ba'i tshig/ de snga bdag gi grogs khyod kyi// las la zhugs pa shin tu nor// 'dir nyes las kyi bsag pa bgrang // nyes kyang bdag gis khyed dgar byas// da ni bdag dga'i las 'di la// grogs khyod shin tu 'jugs dgos so// byas pas de yi snga sems de// zin pas gcig gi phyi sems kyang // 'dzin cing de dga'i las la 'jug/ spyod pa'i las kyang 'di lta ste// rgyu drug 'dus pa'i phung po la// ngan song gnas 'joms rdo rje'i rtags// ye shes thabs kyis snyan pa'i glu// rmad 'byung gsang chen sgrogs pa'i tshig/ nyon mongs lnga yi sa gzhi la// yi ge ye shes lnga gsal bas// 'bar ba khrag 'thung sprin phung bzhin// khyu mchog lnga yi stabs kyis rol// seng ge nga ro rngam pa'i glu// rdo rje don rab sgrogs pa'i tshig/ rmad byung rol pa'i don byung ba// e ma ngo mtshar ya mtshan che// dgyes pas rol pa'i byin brlabs las// rgyud drug rtsad gcod ngo mtshar che// mnyam pa chen po'i nam mkha' las// ye shes 'bar ba'i me byung bas// 'khor ba khrag gi rgya mtsho skams// sdug bsngal dbyings su zad mdzad do// mi gnas kloslong nas cho 'phrul ba// gtum rngam 'khrug pa'i ngo bor 'bar// khrag 'thung 'bar ba'i sprin 'phros pas// srid gsum khrag mtsho rdo nas skabs// dpa' bo tsham ngam gyad kyi stabs// srin po ma traM khros pa'i

  828. 415a

    glu// theg chen rmad byung gsang ba'i tshig/ chags pa'i rtod phur gtig nas phyung // mkha' bzhi dbyings kyi bde klong nas// tshom bu 'bum gyi cho 'phrul 'phros// dgyes mchog rol pa'i phrin las las// la la shes rab thabs la rol// la la thugs rje las la rol// la la dgul bya'i yul la rol// la la ye shes dbyings la rol// thabs kyi rgyal po rtogs pa'i dbang // che ba lung gi khyad par las// rgyal ba kun dang mnyam par sbyor// rdo rje pad+ma rol pa'i stabs// chags med mkha' la gsal ba'i tshig/ dug gsum zil gyis gnon pa'i glu/ 'jig rten rim gyis sbyang ba'i phyir// 'jig rten khams su rol pa byung // 'jig rten drug gi snying la rol// bdag po gtso bo zil mnan nas// 'khor ni snyan pa'i tshig gis bsten// 'khor ba'i lam lnga rgyud bcad nas// rnam thar nam mkha'i ngang du bslan// gar mchog glog ltar 'gyu ba yin// rmad byung gsang ba'i dkyil 'khor nas// yi ge 'bar ba'i cho 'phrul 'phros// 'phro 'du skar rtar 'khrug pa las/ khams gsum bud shing thal bar rlags// rdo rje bu yug skar mda'i stabs// rdo rje 'brug chen ldir ba'i glu// don grub rdo rje gsang ba'i shig/ gdug pa'i dbug rnams rnam par 'joms// rdo rje sprul pa'i dkyil 'khor pas// thabs kyi byang chub sems sprin spros// dbang

  829. 415b

    sdud chags pa'i khyad par las// 'jig rten bu mo drug dang rol// seng ge rnam par rol pa'i stabs// rdo rje khyud skad 'gyur ba'i glu// chags pa rtsad nas gcod pa'i tshig/ rdo rje rol pa'i don chen po// 'khor lo 'bar ba'i dkyil 'khor nas// mtshon cha 'bar ba'i yig 'bru 'phros// rgyu drug ngo bo rtsad nas gcod// dug lnga'i phung po rnam par spros/ ye shes rno dpal mtshon chen po// chos nyid bdal ba'i klong nas 'phro// thabs mchog dbyig gi rtsal shugs las// 'bar ba'i mtshon cha char ltar 'bab// yi ge ye shes mtshan cha'i char// rdo rje lce yi shugs kyis dbab// rin chen gter gyi longs spyod rnams// rtogs pa'i ri bo gzhom pa dang // dug gsum phung po gzhig pa'i phyir// 'khor lo lcags kyu la sogs pa/ rten dang gsang chen til mchog dang // dngas ma la sogs pa'i sgo kun rnams// so so'i cha ru phye nas ni// thugs rjes nyon mongs sbyong ba yi// so so gnyen gyi rang skal du// phyag rgya so so'i skabs su gdab// de ltar rdzogs par gyur pa dang // maN+Dal kun gyi tshad 'dra la// dbus su thig bzhi le tshe dgu// mtha' skor 'khor lo'i rtsibs brgyad bya// de la sgom bzhi sgo khyud bcas// mtha' zad bskal pa'i me ri bri// dbus su dkar dmar kha sprod bri// phyogs mtshams brgyad du khaM brgyad bri// 'khor lo'i bar mtshams mu khyud la// nang

  830. 416a

    du bltas pa'i khaM brgyad gsal// rtsibs la nang du lta ba brgyad// mu khyud brgyad la phyir lha brgyad// gru chad bzhi la nang du lha// thig le rnam bzhi bri bar bya// phyi rim par khyams de dag la// thig le nyi shur rtsa brgyad ni// phyi ru lta ba bri bar bya// bskal pa chen po'i me khyams na// thig le phyir lha bcu gsal bri// de la phyag rgya rim par dgod// maN+Dal sgo ru bam chen gcig/ glu bro gar gyis rnam sbyangs te// dbus su bzhag ste shar du bstan// de yi phung po gzhal yas khang // b+h+rUM las bskyed de gsal bar bya// de ru phyag rgya'i tshogs chen bsgom// rdzas kyi gnas rnams so so la// rigs kyi lha rnams rim par dgod// de nas rdo rje bsnyed pa bya// byin phebs rtag lung mgu ba na// bam de byang shar mtshams su bsgral// rdzas rnams so sor bsngos nas kyang // phyag rgya gzhugs pa'i gnas rnams su// ma nor bar yang dgod de sbyar// dpag dang ldan pa'i snod dgu la// rmad du byung ba dgu bkod de// 'bar ba chen po'i gnas gnas su// brjid pa'i tshul du gsal bar bsgom// phyag rgya gzhan yang rdzogs par dgod// ye shes rdzogs pa'i dkyil 'khor du// dbang chen zla gam skar tshogs bkram// rdo rje mi phyed dgur 'bar ba// che ba dgu yi khyad par las// dpal chen dgu ni sku la rdzogs// yum chen dgu ni dbyings la rol//

  831. 416b

    dpal be'u dgu ni thugs la 'bar// 'byung chen dag ni klong du 'khyil// khu byug dgu ni rang skad rdzogs// b+ha na d+ha dgur ni dpal dang ldan// zla gam dgu ni yum gyi dbyings// theg le dgu ni byang chub sems// nyi zla dgu ni 'od 'phros 'bar// de ltar dgu dgur gsal ba yi// dgu klong b+ha ga gcig gi ngang // dgu bkag gcig phye thig le'i don// thams cad 'byor ba rgyas byas la// bam dgu phan cad sman du sbyar// rdzas kyi dngos gru blangs te skrad// ces bcom ldan 'das sems dpa'i rdo rjes gsungs so// rgyud kyi rgyal po che rdo rje bkod pa kun 'dus rig pa'i mdo las rmad byung rdzas kyi le'u ste bcu bzhi pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni mngon sum du shes shes rig par bya'o// mngon sum gang zhe na/ dran pa mngon su bzhag pas yul la mi gnas pa'i chos thams cad dang // phyis 'byung ba'i chos thams cad dang // sngon du byung ba'i chos thams cad mngon sum mar rig pa'o// de ci'i phyir zhe na// mngon sum mar shes pa ni ye shes chen po'i rgyu yin pa'i phyir ro// de yang ji lta zhe na// chos thams cad sgyu ma'i rang bzhin du dran pa mngon du bzhag na mngon du gyur pa'i chos nyid phyin ci log par shes pa yin no// chos nyid phyin ci log

  832. 417a

    par mngon du gyur na mi gnas pa'i ye shes chen po nyid de yin no// de bas na mngon par shes pa rnams dran pa mngon sum mar yid la byos shig de skad ces gsung ba dang / mngon shes rig pa'i drang srong chen po rnams kyis 'di skad ces gsol to// bcom ldan 'das mngon par shes pa ni bdag cag rnams kyi dam tshig lags so// bcom ldan 'das kyis bdag cag rnams kyi dam tshig bshad du gsol zhes zhus pa las// bcom ldan 'das kyi bka' stsal pa/ rig 'dzin chen po rnams ye shes chen po'i rgyu mngon par shes pa ni rnam pa lngar rig par bya'o// mig gi dbang po thams cad las/ zhib tu btags pa'i phye mar bya// bcud kyi snying por sbyar byas nas// mthong ba'i snying po 'bum bzlas na// thams cad ma lus mthong bar 'gyur// 'di ni mig gi mngon shes so// rdo rje lce yis brjod pa'i tshig/ dus sam rkun du brjod par bya'o// badz+ra tsak+Shu gar+b+ha bid+yA hUM/ rna ba'i dbang po thams cad kyang // btags sam phye mar byas nas ni// bcud kyi snying por sbyar byas te// zos pa'i snying po 'bum bzlas na// sgra yi bye brag thams cad thos// 'di ni rna ba'i mngon shes so// rdo rje tshig tu brtag pa ni// badz+ra gar+b+ha sta ma si ho// sna yi dbang po thams cad kun// bskams sam phyi mar byas nas ni// bcud kyi snying po sbyar byas te// dri sna tshogs

  833. 417b

    dang bsres pa las// tshor ba'i snying po 'bum bzlas na// sna yi mngon shes thob par 'gyur// rdo rje tshig tu gzung ba ni// badz+ra na ma si taM hUM/ lce yi dbang po thams cad kun// bskams sam phye mar byas nas ni// bcud kyi snying por sbyar byas te// ro yi mchog la sogs pa las// ro yi snying po 'bum bzlas te// sgra byed lce yi dkyil 'khor ni// stegs bu khru gang gru bzhi la// dbus su gsang ba'i rdo rje bri/ mtha' ma lce yi pad+mas bskor// lce tshig gi 'od zer 'phro// smra ba'i bsgrub pas 'di rdzogs na// smra ba'i dbang po kha dbye zhing // ro rnams thams cad shes par 'gyur// 'di ni lce yi mngon shes yin// rdo rje tshig tu brtag pa ni/ badz+ra pA shA sing+ga hUM/ snying gi dbang po thams cad kun// bskams sam phye mar byas nas kyang // snying po mchog dang sbyar byas shing / dran pa'i snying po 'bum bzlas shing // dpal be'u tsit+ta'i dkyil 'khor nas// dran pa'i rje gyis yongs bskor te// snying gi dkyil 'khor rdzogs pa dang // dbang po thams cad gsal ba dang // thams cad ma lus shes par 'gyur// gzhan gyi sems ni shes pa'i mchog/ badz+ra tsit+ta sid+ya hUM/ lus gyi dbang po thams cad kun// btags sam phye mar byas nas ni// sra mkhregs bcu dag sbyar byas te// re bya'i snying po 'bum bzlas na// lus kyi mngon shes thob par 'gyur// mngon shes 'di

  834. 418a

    dag kun rdzogs na// mi gnas ye shes chen po'i rgyu// phra mo'ang nan tan mchog tu bya'o// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las mngon shes rig pa'i bsgrub lug kyi le'u zhes bya ste bco lnga pa'o// // de nas sems dpa'i rdo rje des 'di skad ces gsungs so// 'dus pa chen po'i tshogs mchog chen po'i bsgrub lugs ni 'di ltar rig par bya'o// don la brtson pa'i rnal 'byor pas// las kyi stegs bu chags phyed pa// me ris bskor te 'bar bar bya// dkyil 'khor de yi maN+Dal ni// sum brtsegs byas pa'i dbus zla gam// brgyad kyis mdzes par bya ba'o// phyi mtha' thod pa'i phreng bas bskor// de mtha' med dpung 'bar bas bskor// de yi phyi mtha' dmar chen rgyas// zla gam dbus su dpal chen 'bar// zla gam brgyad la gnas bdag brgyad// mthing nag ya tha me ri 'bar// de 'og thod pa tshar gsum dang // sgo khyams dur khrod rdzas kyi bskor// sgo brtsegs sgo khyud tha ma bran// thams cad gang yin de lta sbyar// phun sum tshogs par gyur pa na// rnam bzhi las kyi maN+Dal brtsam// 'jigs byed bskal pa'i dkyil 'khor du// za byed 'bar ba'i phyag rgya yis// thar pa tsa ra bsgral ba'i phyir// drod ldan man ngag 'chang ba des// mchog gi byin brlabs gzhag par

  835. 418b

    bya// dag pa gsum gyis gzhung bsrang nas// gnas mchog dben pa'i ri bo rtse// rna nyan phra gsag can dang bral// 'du 'dzi 'gro 'ong chad pa dag/ gsang chen spyod pa'i gnas su shes// rnam bzhi las kyi rtags nyung na'ang // gcig gnyis ldan na 'bring du bshad// bsgrub pa'i rgyal po gdeng ldan pa// shin tu brjid cing sran tshugs pa// khu 'phrig rtog bral brtul zhugs can// las kyi phreng ba lhag chad med// dri zhim dag pa'i sman dag gis// phyi bkru shi na da hu las// nang yang dag pa chen por bya// tshad mar sbyar ba'i bka' dang ni// ldan nas dus btab shin tu brtsam// de yang brtag pa'i gal chen ni// bkra shis mdzes dang ldan 'gyur ba// bong tshod lo ni dar la bab// rig lnga'i mtshan dang ldan pa la// bsgral ba'i rdzas su rung ba dag/ yid 'ong 'byor ldan btsal nas ni// bsgrub pa'i rdzas su bya ba de// de 'dra'i mtshan rtags yod pa ni// sa sbyangs sa la slebs pa'o// bsgrub pa'i rgyu mchog de dag ni// 'da' hu man 'das dbang po bsgyur// rdo rje phra mkhan phab nas ni// snang srid thams cad dri ba'am// legs nyes thams cad dri bar bya// dbang po sgo lnga'i dkyil 'khor du// bdud rtsi rnam lnga'i thig le gdab// rnam shes 'byung ba'i sgo lnga ru// so so 'byung ba'i rdzas rnams gdab// so so rigs kyi phyag rgyas gdab// phyag rgya bkod de

  836. 419a

    nyon mongs bsgral// bsgral sbyar thams cad sbyangs nas ni// mchod dang mnyes dang dam skongs dang // dngos grub rnam gsum gang thob blang // thob nas nyams cad ci bder spyad// ces gsungs so// de nas sems dpa'i rdo rjes yang 'di skad ces gsungs so// 'dus pa chen po'i tshogs par du gcod pa thams cad bzlog pa'i bsgrub pa chen po ni 'di ltar rig par bya'o// gong ma bzhin du las brtsams nas// thar pa'i rgyu mchog de dag ni// rus pa rdo rje thal bar bsgrub// rus pa'i tshogs ni thams cad kun// bsregs dang lce pog nag por sbyar// khyab 'jug ga'u kha sbyar du// bcug ste 'joms pa'i phyag rgya dang // drang po sngags kyis bsgrub byas nas// grub na rnal 'byor don ldan gyis// bar chad zlog pa'i gnyen por sbyar// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje thal chen gyi sgrub thabs kyi le'u ste bcu drug pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs phra thams cad ni 'di ltar rig par bya'o// maN+Dal gru bzhi pa gcig la// zla gam sgo gcig rdo rjes bskor// mtha' khyud sgo bzhi ldan par bri// rgyu mchog dbang po byed ldan shig/ phyi yi khrus rnams byas nas ni// shar du kha bstan dbus su

  837. 419b

    gzhag/ lce la gzungs thag sna lngas gdags// rnal 'byor rnams kyis bskor bar bya// phyag rgya rdzas dang bcas par dgram// de yi khog du gzhal yas bskyed// rim par brtsegs pa'i dkyil 'khor ni// 'bar ba'i 'byung chen 'bar ba lnga// don gyi lha mo lnga ru gsal// kun gzhi kun tu bzang mor gsal// de yi thugs kyi khog thag tu// thig le zla ba nya rgyas la// ye shes sems dpa' tshon gang ba// thugs kar nor bu rin tshon 'bar// dbus su nyi ma'i ga'u la// dpal be'u yungs 'bru'i bum pa la// hUM dmar til 'brur gnas pa ni// bde chen byang chub sems zhes bya// rdo rje gsang thag rgyun mi gcad// rdo rje kha pra gdab par bya// de nas mtshan ma byung gyur na// dngos grub blangs te de bsgral la// bskams te bdud rtsi rtsa bar bya// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las mchog phran zabs kyis bslab lugs kyi le'u ste bcu bdun pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni sgyu ma'i rang bzhin du shes par bya'o// de ci'i phyir zhe na/ sgyu ma ni dngos por snang yang rang bzhin med pa yin te/ rang bzhin med pa'i don ni chos nyid rdo rje yin no// de bas na sgyu ma'i chos thams cad khong du chud par bya'o// de nas

  838. 420a

    'khor des 'dus par gyur pa'i lha ma yin gyi tshogs bdag sgyu ma mkhan zhes bya bas 'di skad ces gsol to// bcom ldan 'das bdag cag rnams kyi dam tshig ni sgyu ma'i cho 'phrul la gnas shing sgyu ma ched du bgyid lags kyis bdag cag rnams kyi don ched du sgyur ma'i chos thams cad bshad du gsol zhes gsol pa las/ bcom ldan 'das kyis bka' stsal pa/ tshogs bdag chen po sgyu ma'i cho 'phrul ni de ltar rig par bya'o// chos thams cad sbyar mar snang // sgyu ma'i rang bzhin stong pa ste// stong pa'i don rnams gang yin pa// mi 'gyur mi shigs rdo rje'i don// stong pa nyid la sgyu ma yi// cho 'phrul bye ba mang po 'byung // de bzhin sgyu ma'i cho 'phrul yang // gyin da tsam gyi rgyu rkyen las// cho 'phrul gzugs ni tha dad snang // snang yang dngos por ma grub ste// 'gyur 'jigs med pas rdo rje'i don// kun rdzob sgyu ma'i mtshan nyid kyang // rde'u dang shin bu'i rgyu dag las// sman dang sngags kyis rkyen sbyar nas// 'bras bu sbyar ma'i cho 'phrul 'byung // sgyu ma'i gsang tshig sbyor ba ni// sgyu ma'i bdag pos 'di skad bshad// rgyu la 'dod pa'i gzugs byas la// she'u re'u sman gyis btab nas ni// gsang sngags 'di yi sbyor ba bya// she'u re'u i na ya// a mo kha a gusma gus// chag shing dag gis brdabs byas na// ji ltar 'dod pa sna tshogs bya// bsdu

  839. 420b

    bar 'dod na slar bzlog bya// des na sgyu ma'i g.yeng ba can// drang ba'i thabs kyis bkri bar bya// rgyud kyi rgyal po chen po rdo rje bkod pa kun 'dus rig pa'i mdo las sgyu ma rdo rje'i sgrub lugs kyi le'u bco brgyad pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad dbang sbyar bar 'dod na 'di ltar rig par bya'o// phun sum tshogs pa kun ldan nas// stegs bu lun du gru bzhi la// mu khyud gcig tu bskor nas ni// zla ba kham pa'i dbyibs su sbyar// sgo bzhi gru chad bzhir ldan bya// dbyibs kyis thig le zlum po la// rdo rje dang ni nyi mas bskor// dbus su b+han d+ha dpal ldan la// dpal chen yab yum sbyar la gzhag/ tshol bu brgyad la gnas brgyad sbyar// lte ba bskor te rim par gzhag/ thig le shar gyi sgo gang du// rdo rje rnal 'byor gsang ming dang // dngos grub gsol bya bris la gzhag/ mchod pa'i khyams su gyur pa la// bsgrub pa'i rdzas dang mchod pa rnams// rim pa bzhin du mdzes par dgram// rdo rje rnal 'byor de dag rnams/ rdo rje lhags pa'i rtags kyis mtshan// ting 'dzin dkyil 'khor rdzogs byas nas// spyan drangs mchod pa kun bsogs te// 'jug dang dngos grub gsol ba dang // dbang bskur las rnams kun rdzogs nas// rmad du byung ba'i

  840. 421a

    gtor ma dag/ cha gsum dang po sbyin sreg bya// bar ma mi zad gter du sba// byang chub sems kyi chu bo dang // chos nyid nam mkha'i dbyings chen dang // b+ha ga yum gyi sa gzhi la/ shin tu sba ba'i tshul du sbyar// cha gcig gzhal yas shar sgo nas// bcu gsum btsal bar stegs bu bya// der ni gnas bdun gtso rnams kyang // de bzhin bcu gsum lam re la// gnas kyi mgron ni ma sring rnams// bdun cu bar du kun rdzogs bya// tha mar maN+Dal zla gam la// nus na mkha' 'gro nam mkha'i hom// rdzogs bya ma las de mgu bya// lhag mar gyur pa kun rdzogs bya// snyigs mar gyur pa thams cad kyang // sba'am bsregs ga la chu klung 'dor// rdo rje gnas chen de bsrungs te// gnas ni sba phyir su dag gsang // mi rigs phyir ma mtshan ma dag/ rang rang gnas su slebs par bya// gang dag 'du tshe'ang de bzhin no// 'di ni theg le gcig pa yi// bsgrub lugs yin par rgyal bas bshad// 'di dag sgrub pa'i skye bu ni// zla ba'i 'khor lo la gnas nas// nyi ma'i 'khor lo thogs nas ni// yang dag chos kyi dbyings nyid la// dbang sgyur byed pa'i rgyal por 'gyur// zhes gsungs so// yang sems dpa' rdo rje des 'di skad ces gsungs so// 'dus pa chen po'i rnal 'byor pa// 'di yang rim gyis gong ma ltar// thams cad tshul

  841. 421b

    bzhin sbyar byas nas// phyir kun du gru bzhi la// thig le zla ba gcig tu bya// de la srad dbu bzhi bsnol bas// le'u tshe dgu ru gyur par bya// phyi rol mu khyud thos pas bskor// gru bzhi gru chad rab mdzes brgyan// de yi mtha' zad khyams gcig la// sgo gdong sgrub pa po la lha// dbus su thig le dkar dmar la// kha sbyor bar dag rdo rjes 'brel// der ni dpal chen yab yum bzhugs// phyi mtshams le'u tshe de brgyad la// zla gam brkyang ba brgyad byas te// ye shes gnas kyi ma brgyad dgod// phyi rol sgo gcig khyams de la// bsgrubs pa'i rdzas kyis mdzes par dgram// bsam bya bsgrub pa la sogs kun// thams cad de bzhin 'dir sbyar bya// 'di ltar grub pa'i skyes bu gang // chos kyi rgyal por rgyu pa ste/ thams cad kun la dbang sgyur ba'i// skyes bu chen por de 'gyur ro// zhes gsungs so// de nas yang sems dpa'i rdo rje des cho 'phrul thams cad la dbang sgyur ba zhes bya ba 'di gsungs so// 'dus pa chen po'i rnal 'byor pa// 'di yang thams cad de 'drar sbyar// kun tu gru bzhir ldan 'gyur ba// 'khor lo rtsibs brgyad dag tu bya// gru chad bzhi yi phyi rol du// sgo bzhi dag dang ldan par bya// phyi khyams dmar nag me ri klong // shin tu brjid cing 'jigs par bri// thig le dbus kyi snying po la// zla gam 'bar bas mtshan par

  842. 422a

    bya// rtsibs mchog brgyad la zla gam ni// nang du lta ba de brgyad bri// rtsibs mtshan brgyad la'ang de bzhin te// rdo rje sgo mo bzhi rnams te// phyag rgya rim par bkram byas nas// bsgrub pa'i las rnams kun rdzogs bya'o// de ltar grub pa'i rnal 'byor pa// 'jig rten pa dang 'jig rten las// 'das pa'i cho 'phrul thams cad la// dbang sgyur byed pa'i rgyal por 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las thig le sgrub pa'i le'u zhes bya ste bcu dgu pa'o// // de nas sems dpa'i rdo rje des 'di skad ces gsungs so// 'dus pa chen po'i rnal 'byor rnams dregs pa can gyi tshogs thams cad la dbang sgyur bar 'dod na 'di ltar rig par bya'o// 'di ni byas la sogs pa'i las// 'di ltar 'byor dang phun sum tshogs// thabs la mkhas dang yo byad dang // ji ltar rig par 'dir bsdu bya// de nas maN+Dal 'dra cig la// dur khrod mgo ma yang du bya// zur bzhi maN+Dal bzhi byas la// bzhi las de bzhis chag res bstod// de nyid ma tang gzugs su bya// snying ga man chad dbus su bsnol// dkyil 'khor chen po'i 'og tu gzhug/ 'khor lo 'bar ba'i thig btab ste// dpal chen lnga yi phyag rgya bya// khyams gnyis dag gis mdzes pa la// gnas dang yul gyi phyag rgya dgod// sgo

  843. 422b

    bzhir rdo rje'i sgo ba bzhi// yan lag sprul pa'i mgo brnyen gnas// phyi khyams rdo rje mi rir bya// de yi phyir rol phreng chen gtams// skam dang ra ri rlon pas bskor// de yi phyir rol me bur 'tshub// bskal pa'i bu yug bri bar bya// rdo rje sgo khyud sgo khang du// gu gu thul dang za ra tshags// zhing dang sbrul gyi chun po bri// de nas ban+da dpal ldan la// rdo rje dpal gyi yi ge dag/ bris la kha sbyar sbub ste gzhag/ ga'u chung la ral pa can// brgyad bris 'byung ba'i gnas su gzhag/ las byed brgyad dam bcu gnyis la// las byed bcu gnyis bris la 'god// thar pa gnas kyi dkyil 'khor du// gdol pa 'byung po nga rgyal can// chags sdang rnams kyis bslad pa'i rgyu// de yi dug gsum bshig pa'i phyir// don gyi bsgrub pa chen po bshad// du dra lnga yi tshogs chen te// ting 'dzin ye shes lngas bcom nas// rdo rje drod kyis rnam par sbyar// mdo yis sa la stabs gcig tu'o// bgegs kyi bgegs te bgegs chen po// dug lnga rtog pa nyid las skyes// phyed dag gsum gyi dur khrod na// gzhi rtsa ngag dang lus sems so// brjid ldan dpal chen dur khrod bdag/ bdag rtog rtog 'joms ting 'dzin gyis// srid gsum ru dra dur khrod du// tshogs bdag cen po de brgyad bya// ma rig mun khang sgo phyed nas// glang chen smyon pa de bzung nas// gzung

  844. 423a

    'dzin dam po'i rtod thag bcad// dug gsum rnam rtog rtod phur dbyung // ngan song 'dam nas drangs nas ni// nyon mongs dpung rgod de btul nas// ye shes thabs kyis rnam sbyangs te// nam mkha' klong du dmigs med par// bde chen mchod pa'i tshogs chen dag/ ro mchog lnga dang mnyam sbyar bas// chos kyi longs spyod rgyas par sbyar// mnyam nyid bde ba'i snying rje yis// dregs pa chen po gzhom pa dang // 'khor ba'i dra ba gcad pa'i phyir// khro tshogs 'bar ba'i sprin 'phros pas// gtum thung rngam pa mgyogs pa'i tshogs// phyag brnyan char chen phab nas ni// 'khor ba'i tha ba spangs nas ni// bde ba chen po'i zhing bzlog ste// byang chub myu gu bskyed nas ni// byang chub sems dpa'i lo tog bskyed// dur khrod chen po'i bzhin phyogs ni// mgo ni lho nub mtshams su bting // rkang pa byang shar mtshams su bting // ni dur khrod dbang phyug che// sangs rgyas sku ste ye shes yin// thugs rje rnon po'i dmag tshogs la// ye shes rnon po'i mtshon cha yis// log rtog 'khor ba'i rgyun bcad do// gru bzhi kha bzhir rdo rje yi// dbyings 'dra'i thab ni brtsigs nas kyang // snying gar 'khor lo'i thab tu bya// rigs kyi yam shing lnga brtsigs te// hom lnga 'brel pa'i las chen brtsigs// thabs chen lnga yi hom khung du// 'khor ba'i sdug bsngal yam

  845. 423b

    shing la// ye shes chen po'i me klong du// nyon mongs lnga yi bsregs sbyangs rdzogs// bya bar sbyor ba mtha' dag kun// ji ltar 'byor cing 'tshams par 'os// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las dregs pa can gnon pa zhes bya ba'i le'u ste nyi shu pa'o// // de nas yang sems dpa'i rdo rje des 'di skad ces gsungs so// 'dus pa chen po'i tshogs 'khor ba'i rgya mtsho zad par byed pa'i zhal gyi dkyil 'khor zhes bya ba bsgrub pa'i don ni 'di lta rig par bya'o// 'di yang de 'drar kun sbyar nas// 'khor khang can gyi gzhal yas su// khru gang gru bzhi'i tshad de la// bzhi ni 'khor khang khyams de dag/ phyogs bzhi dag tu brtsams par bya// dri zham tsan+dan 'di gu btang // dri spos tshom bu rin chen phrog/ sbyin mchod rgyas par de bsham bya// lha yi dge bsnyen rnam pa bzhi// phyogs mtshams bsrung ba'i las rnams bsgo// khyams kyi nang rim phyogs mtshams su// chag phyed pa yi stegs bu bcu// bskal pa'i me dpung 'bar bris la// sna tshogs rgyu las byas pa yis// mthun pa'i gzugs bcu dbabang bskur te// khro bo gar gyi nang mtshams gcad// de nas ma traM gnon par bya// dregs par ru dra sdig can 'di// nams kyang bsgral ba'i zhing yin te// dzaHhUMHbaM hoHma hA shrI he ru ka ma traM ru dra ha ha pra be sha

  846. 424a

    phaT/ kha T+wAM phyag rgyas bsgyel nas ni// ma rig mun pa'i sgo phye nas// rnam shes a ru byin brlabs te// gsang chen thugs kyi klong du bstim// sbubs ni gzhal yas 'bar bar bya// stegs bu ma traM gzugs 'dra la// 'gyel thabs bzhin phyogs ci 'drar bya// kha dog sngo skya gnas rkyal thabs// che chung tshad med gnas kyis sbyar// de yi snying gar bang rim gsum// dang por dmar po grub bzhi brtsigs// gnyis pa mthing nag gru gsum bya// gsum pa smug nag zla gam bya// yan lag bzhi dang mgo mtshan drug/ gsang sgo gnyis te brgyad dag la// stegs bu chag phyed gru bzhi brgyad// de yi mtha' rim yongs zad du// zla gam gsal bar maN+Dal bya// de dag me klong 'bar bar bskor// ya thog zla gal steng ngag tu// dpal dang ldan pa'i lha mchog bzhugs// mthing nag gru gsum me dpung bri// gru bzhi'i dmar po bang rim la// rigs bzhi lha mchog dpal ldan gzhag/ yan lag mgo mtshan g.yas g.yon brgyad// dbang phyug gnas kyi bdag mo brgyad// bri bya yang na mtsham ma bzhag/ tshigs chen brgyad la yul bdag brgyad// ji ltar 'os pa de ltar bya'o// go bzhir gsang ba sgo mar gzhag/ mtha' zad yongs kyi zla gam la// bud med nyi shu rtsa brgyad gzhag/ ming ngam mtshan ma rten te gzhag/ de yi kha la thab tu

  847. 424b

    brtsibs// pad+ma dpal be'u dbyings 'dra tham// mkhas pas yam shing brtsam par bya// bya ba'i bya ba thams cad kun// gong du sbyor ba de ltar sbyor// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'khor ba thams cad sgrol ba bsgrub pa zhes bya ba'i le'u ste nyi shu rtsa gcig pa'o// // de nas yang sems dpa'i rdo rje des dug gsum thugs su dbang sgyur ba zhes bya ba'i mdo 'di gsungs so// 'dus pa chen po'i rnal 'byor pa// dug gsum dbang du bsgyur ba yang // 'di ltar khong du chud par bya// dug gsum rang bzhin gang yin pa// sku gsum nyid kyi ngo bo ste// gzhan nas btsal ba ci yang med// de ltar shes par 'gyur ba dang // kun rdzob tshul du 'di ltar bsgyur// thams cad gong ma bzhin sbyar la// stegs bu 'doms gang pa zhig la// phyi ra dmar po rgyas par bya// de nas mthing nag gru gsum brtsigs// de nas dmar nag zla gam bya// zla gam dbus su dpal chen 'bar// dbang phyug gnas brgyad zla gam mtha'// bang rim par la dur khrod 'bar// tha mar dmar po gru bzhi la// sgo bzhi sgo srung bcas par bya// de yi mtha' ma me ris bskor// khro bcu 'bar ba'i rtags rnams dgod// bsgrub dag 'jug dang dbang bskur rnams// gong ma bzhin du sbyin par bya// des ni thams cad rdzogs pa

  848. 425a

    yin// dug gsum thams cad zil gyis gnon// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las dug gsum dbang bskur ba zhes bya ba'i bsgrub pa'i le'u ste nyi shu rtsa gnyis pa'o// // de nas sems dpa'i rdo rje dam pa des bud med thams cad la dbang bsgyur ba zhes bya ba'i dkyil 'khor chen po 'di gsungs so// 'dus pa chen po'i tshogs chags pa thams cad dbang du 'du bar 'dod na 'di ltar rig par bya'o// bud med chags pa'i rang bzhin te// chags pa khrag gi rgya mtsho yin// las kyis 'khor ba'i sems can rnams// chags pa khrag gi rgya mtshor bying // chags las rnam grol 'gog pa ste// chags pa de nyid khrag ces bya// khrag gi rgya mtsho bskam pa'i phyir// bud med khrag gi rgya mtsho rnams// 'tsho ba bdud rtsi'i rgya mtsho bsgyur// de ltar shes par gyur pa dang // kun rdzob tshul du 'di ltar sbyar// las kyi brtsams pa phun sum tshogs// rim pa bzhin du brtsams nas kyang // maN+Dal 'dom gang gru bzhi la// 'khor lo bzhi yi thig tu gdab// mi khyud phyi rim gru chad bzhi// de nas sgo khyams dmar por bya// kun gyi phyi rim lag chu hA'i// me ri 'bar bas gtib thag gcad// dbus su shar lha zla gam bri// b+han d+ha dpal ldan yab yum dgod// 'khor lo bzhi la rig bzhir

  849. 425b

    ldan// bar 'khyams gnyis la gnas yul rnams// zla gam thig ler ldan par bya// sgo khyams sgo bzhi zla gam bcas// phyi khyams lag chu hA yi me// me yi khro bo su theg ler bcas// dur khrod rgyan gyis kun brgyan bya// ting 'dzin rdzogs dang dngos bsgrub dad// 'jug pa dbang bskur dngos grub rnams// gnas bsrung la sogs rdzogs par bya// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'khor lo dbang sgyur gyi sgrub lugs kyi le'u ste nyi shu rtsa gsum pa'o// // de nas sems dpa'i rdo rje dam pa des 'di skad ces bka' stsal to// 'dus pa chen po'i tshogs chos thams cad bdud rtsi sman gyi rang bzhin du zhes par bya'o// de ci'i phyir zhe na// 'di ltar snang ba'i chos thams cad kyi don rtogs na ni 'tsho ba chos nyid kyi rtsi yin// ma rtog na ni 'chi ba 'khor ba'i dug yin// de nas na chos 'di dag thams cad bdud rtsi'i rang bzhin du shes par bya'o// de ltar shes nas kun rdzob tu 'di ltar bsgrub par bya'o// ji bzhin 'byung ldan bde sbyar nas// ma traM khog pa'i snying ga ru// 'dom gang tshad dang mthun pa la// rtsibs brgyad 'bar ba'i 'khor lor gdab// me yi 'od kyis bskor bar bya// rdo rje ra bas bskor ba yi// mtha' ma sgo khyud 'bar bar bya// dbus su rin chen zur brgyad bya// der ni phyag

  850. 426a

    rgya 'bar ba dgod// lang ka bsgral ba'i gnas mchog 'dir// rab pa can gyi tshogs 'dus te// rak+Sha 'joms pa'i mthu chen kun// srid pa gsum ril 'dir sgrol ba'o// dus bzhi mchod pa'i dam rdzas kyis// de dag ji ltar rig par mchod// dus bzhi bcud smin snying po yis// dngos grub chen po'i rdzas su bya// phyogs bzhi dbus kyi rdzas chen rnams// rmad du byung ba'i ral pa can// 'byung ba lnga la dbang sgyur mdzad// 'byung ba lnga yi cho 'phrul sgrub// dbyar chu ston me dgun sa ste// dpyid rlung nam mkha' gsang bar sbyar// cho 'phrul de la dbang thob nas// de dag ral pa can du bsgrub// ting 'dzin rnam pa lnga gsal bas// 'byung lnga las byung sha rigs lnga// khyi sha ba lang rta sha dang // bya dang ri dgas sna tshogs ni// rdzu 'phrul shugs su sgrub pa'i rdzas// sgrub pa'i rdzas chen 'byung chen lnga// 'jig rten kun la dbang sbyar ba'i// de ltar rdzas rnams 'byor pa dang // ting 'dzin bsgom dang bsgrub pa dang // thams cad gong dang mthun sbyar nas// 'jug dang dngos grub dbang chen rnams// ci rigs pa ni bde bar sbyar// zhes gsungs so// bdud rtsi rang byung dkyil 'khor zhes bya ba'i mdo bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// gzhan yang bdud rtsi chen po

  851. 426b

    ni// gong ma bzhin du legs sbyar nas// maN+Da la tshad dang mthun pa la// pad+ma dmar po 'od kyi mkha'// phyi rim zla gam dmar po bzhi// rdo rje 'bar bas mdzes par bskor// me lce 'bar ba'i phreng ba ni// zla gam mtha' zad bri bar bya// rin chen ge sar phreng bas ni// pad+ma'i lce la bskor bar bya// sgo bzhi rin chen 'bar bas bya// phyag rgya 'bar ba'i lha bkod na// dbus su gser phor sul med la// dung chen 'khor ba can gyis sbyar// shar du shel phor sul 'greng la// rig chen mdzod spu gsal bas sbyar// lho ru rin chen sul mang la// rin chen lo 'dab rgyas par sbyar// nub tu rgya phor zla gam la// bzhin mtshams rin chen 'bur gnyis sbyar// byang du bse phor rgya gram la// gtsug tog rin chen 'bur bzhi rgyas// rtsa ba lnga ni phyogs phyogs sbyar// sgo lnga'i gtso bo rigs su sbyar// dbus na shar lho nub byang du// ka ko la dang du ru ska// dza ti pa la kha dri zhim// lce pog dkar zhes rim par sbyar// de bzhin gong gi rim pa bzhin// a ru ra dang ga pur dang // gur gum pad+ma li ga dur// de na ra sa yA na rnams// thams cad rigs dag kha dog dang // las dag mthun par sbyar bar bya// sa bon lnga ni rim par sbyar// dpal dang ldan pa'i snod nang du// yab yum snying po rim bzhin bya// dbus dang pad+ma lce la dgod// gnas yul la

  852. 427a

    sogs mdzes par gzhag/ dur khrod rdzas dang bkra shis rdzas// 'byor pa'i yo byad thams cad bshams// de nas byin phab dngos grub gsol// thams cad rnam par sbyar bar bya// dam pa de nyid gsang chen gyi// rigs brgya rigs lnga rigs gcig gis// thams cad sbyang ba'i mchog tu bya// de nas khrol bu sbyang ba na// bsal bsngo bsdu dang dbye ba dang // khrus bya ba dang bshags pa dang // yon tan brjod dang byin dbab bya// de nas skad cig zang cig gam// zhag gcig dag gis sbyar bar bya// rtags dag byung na der 'byongs pa'o// phye ma'i mchog tu sbyar ba ni// snod gyi sman rnams shes rab mas// bsdus te btags pa'i cho ga yang // yum gyis bzing zhing yab kyis btags// rig 'dzin rtsal can dbab cing drang // so so las kyi sngags brjod cing / gtan gtun thabs dang shes rab ste// sman nyid byang chub sems su sbyar// rdo rje glu 'di lha mos blang // kun tu bzang mo'i gzhal yas su// thams cad shes rab ldan pa las// 'khor ba bdud rtsi sman du sbyar// ye shes lnga ru gsal ba las// 'bras bu sku gsung thugs su rdzogs// 'chi med bdud rtsis gcod rnying sbyang // mtshan ma brtag phyir btsal nas ni// rdo rje dpal ldan kha sbyor blugs/ kha dog rigs lnga'i ras kyis dkri// rdo rje dbang gi rgya yis gdab// rdo

  853. 427b

    rje sngags kyi gzungs kyis gdags// dpal chen sku lnga mnga' gsol te/ ye shes lnga yi dbang bskur bya// maN+Dal dag tu dgod par bya// kun gyis bskor zhing dngos grub dbab// rtsi dang sman gyi bdag po dang // rtags ldan rig 'dzin phra mo dag/ rol mo cha byad mang po bsten// bsgrub pa 'bru mchog gtams pas dgang // bkra shis gos kyis rgyas par bklubs// gzungs thag gnyer can rigs su dbul// ting 'dzin me yis rnam par sbyar// rtags chen lnga ni gang byung yang // sbyar te dngos grub blang bar bya'o// bdud rtsi sgra las drangs nas ni// dpal ldan pad+ma ldan pa ru// thams cad bdud rtsir sa ma ya// mkha' klong yangs par bde chen rdzogs// rang nyid bdud rtsi'i dkyil 'khor rdzogs// gzhan nas bsgrub pa ci yang med// 'jug pa la sogs thams cad kyang // tshul bzhin du ni rgyas par bya// zhes gsungs so// bdud rtsi phye ma'i bsgrub pa rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// thams cad de 'drar sbyar nas kyang // maN+Dal 'khor lo rtsibs brgyad pa// phyag rgya'i lha rnams rdzogs byas nas// sman sbyang btags btsags bcal nas kyang // sbrang chang 'o mas gong bur bya// bse phor mtshan ldan nang du gzhag/ legs par kha sbyar ras

  854. 428a

    kyis dkri// gong ma bzhin du kun sbyar nas// dngos grub mchog rnams bdag gis bya// zhes gsungs so// bdud rtsi ri lu'i cho ga rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// skyo ma'i cho ga 'di lta ste// thams cad gong ma bzhin sbyar nas// mtshan ma gsal po 'byung po dang / phye ma chu tshags nang nas dbyung // phye ma'i mchog tu 'gyur ba dang // phye ma'i rgyal mo de dag ni// bse phor kha sbyar nang du blugs// rgyas btab byin brlabs dbang bskur nas// bzlas brjod 'phro 'du rgyun mi chad// sbrang chang ra chang bur ram chang // rgun chang 'o/ la sogs pa// bcud kyi khu ba thams cad sbyar// rin chen ga'u mtshan ldan du// blugs te kha sbyar rgyas btab nas/ 'phro 'du bzlas brjod gong ma bzhin// byas te mtshan ma byung ba dang // dngos grub chen po blang bar bya// phye ma'i bsgrub rdzas de dag ni// cha lnga dag tu bgos nas kyang // rnal 'byor so so'i cha rnams las// ci ran tsam gyis cha gcig dang / sbyar chang cha ldang bgos pa las// rnal 'byor so so'i cha rnams las// sbyar te dngos grub brten du bya// zla ba gcig tu zos pas ni// ba spu rangs shing gnyer ma rangs// zla ba gnyis su zos byas na// gzi mdangs thams cad 'bar bar 'gyur// zla ba gsum gyi

  855. 428b

    phan yon gyis// nad kyi bskal ba dag las thar// zla bzhi phan chad gang zag gis// zas dang ma 'dres brtson bsgrubs na// gzhan gyi nad rnams 'joms par nus// drug dang bdun dang brgyad rnams la// bdud rtsi bcud kyis 'tsho bar 'gyur// dgu dag bcu la zad pa zad// bcu gcig rig 'dzin nam mkhar 'phur// zhes gsungs so// bdud rtsi skyo ma'i bsgrub pa rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// rdo rje rig 'dzin rtsal lnga'i zas// lde gu'i cho ga chen po ni// 'di ltar khong du chud par bya// sbrang rtsi bu ram rgun 'brum rnams// lo yi 'tshor bar sbyar nas kyang // kha dog mtshan ldan dmar po'i ba// lo yi 'tsho bar gzung zhing bsreg/ sman gyi rgyal po ram nye bas// rgyun du gsos pa'i 'o ma de// rig 'dzin zas kyi mchog tu 'gyur// bdud rtsi rgyal mo ram nye ba// bye ma'i mchog tu bya nas kyang // lo yi 'tsho ba'i sbyar byas te// sus mi mthong ba'i sa phyogs su// bsgrub rdzas de dag 'gram nas kyang // bdud rtsi bsgrub pa de bzhin bya// dus bab pa ni tshod rnams la// bsgrub rdzas de dag thams cad kyang // ba yi 'o mas lde gur bya// cha res bskyed cing bza' bar bya// zos pa'i yon tan bsam mi khyab// zag pa zas nas nam mkhar

  856. 429a

    'gro// zhes gsungs so// bdud rtsi lde gu'i sgrub par rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa/ 'di yang gong ma ltar byas te// de dang mi mthun sgrub rdzas rnams// bdud rtsir 'gyur ba'i sman rnams kun// thams cad thams cad bsdus par bya// til chen la sogs zhun gyi mchog/ thams cad bsdus shing sbyar byas nas// gnas kyang gong ma bzhin btsal te// bdud rtsi bkram nas bsgrub par bya// 'phro 'du bzlas brjod rgyun mi gcad// grub pa'i rdzas su gyur pa dang // sman rnams phye mar btag par bya// de dag phye mar gyur pa dang // zhun chen dag dang sbyar bar bya// sbyor ba'i cho ga rdzogs pa dang / dngos grub mchog ni blang bar bya// gzhon nam gzhan gyi sde pa dang // lo yis bshugs te 'phrad mi bya// 'tsho ba bdud rtsi zhun gyis sbyar// bdud rtsi grub pa'i rtags chen ni// ba spu langs dang gzi mdangs 'bar/ kham gyi zas bral bde bar 'tsho// shes rab gsal zhing thog pa med// zag pa zad nas nam mkha' 'gro// zhes gsungs so// bdud rtsi zhun chen gyi bsgrub pa bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// rlon pa'i rdzas la sman bsgrub na// thams cad gong ma

  857. 429b

    bzhin sbyar nas// maN+Dal thig le lnga pa la// bkra shis dpal ldan lnga bzhag nas// gtso bo lnga dang 'bras bu lnga// rlon pa bkod nas yi ges sbyang // ting 'dzin bzlas pa'i me sbar pas// dang po ro 'byung skams pa dang // de nas btags btsag gong ma bzhin// sbyar nas rigs kyi bsnyen pas sbyang // des ni mtshan ma byung ba dang // de bzhin gong ltar ci bder spyad// ces gsungs so// bdud rtsi rlon sbyor gyi bsgrub pa bshad pa'o// rgyud kyi rgyal po chen po rdo rje bkod pa kun 'dus rig pa'i mdo las/ bdud rtsi sman gyi bsrub pa'i le'u ste nyi shu rtsa bzhi pa'o// // de nas sems dpa'i rdo rje chen po des// sgrub pa thams cad kyi snying po gsang chen thugs kyi sgrub pa zhes bya ba 'di bshad do// 'dus pa chen po'i rnal 'byor pa thams cad ni dbyings su shes par bya ste/ 'khor ba'i chos thams cad ni dbyings su 'dus pa la/ mya ngan las 'das pa'i chos thams cad ni ye shes su 'dus so// de gnyis su med pa ni chos nyid byang chub sems kyi bde ba chen por 'dus par shes par gyis shig/ de bas na chos thams cad ni thugs ye shes kyi rang bzhin du 'dus te gnyis med do// de ltar na kun rdzob tu 'di ltar rig par bya ste gnyis su med pa'i don la 'jug par bya'o// 'dus pa chen po'i rnal 'byor pa// dam pa'i don gyi chos rnams kun// thams

  858. 430a

    cad rang gi sems la rdzogs// kun rdzob chos rnams gang yin la// lus dang ngag la rdzogs par bshad// des na chos 'di thams cad kyang // rtsa bar rang la rdzogs pa ste// 'di dag 'grub pa'i thabs mchog kyang // rnam par rtog pa'i rdul bsal nas// bsgrub pa'i rgyal po yab yum gnyis// don la mkhas par byas na ni// so so'i thugs la thig le dag/ zla gam dkar dmar gdab par bya// de yi rdzas mchog chen po yang // thabs kyis ga pur chen po dang // shes rab gsang ba'i tsan+dan gnyis// dkar dmar zla gam chen por bya// yab kyi thugs kar dkar po la// thig le kha ni mar lta ba'o// yum gyi thugs kar dmar po la// thig le kha ni yar lta ba'o// yab kyi thig le'i dbus su ni// dpal be'u dbus su nyi ma bri// dbus su oM gsal nang du hUM// yum gyi thig le'i dbus su ni// pad+ma dbus su zla ba bri// dbus su a gsal nang du hUM// de ltar gsal bar gyur pa na// kun tu bzang po yab yum du// gnyis su med par bskur bar bya// ting 'dzin gsal bar gyur pa dang // rang las byung ba'i bdud rtsi yis// gsang ba gnyis kyi mchod pa bya// rang las byung ba'i dngos grub dag/ rang nyid sa ni bstim par bya// 'di ltar sgrub pa gtsor byed na// bdud rtsi'i yo byad thams cad dang // bcud kyi mchog tu

  859. 430b

    gyur pa rnams// lo yi 'tsho ba sbyar nas kyang // bsnyen sgrub yan lag rnam bzhi las// bsnyen padag gi dus su ni// gang zag mi yi zas la brten// de yang lo yi skad cig gam// gnyis dang gsum gyi bar du sbyar// lo yi skad cig bar du ni// bdud rtsi yo byad rnams la brten// de nas lo yi skad cig ni// gcig gam gnyis kyi bar dag tu// rang las byung ba'i rdzas rnam lngas// 'phags pa mchod cing rang gi bza'// des ni drod la gnas par 'gyur// drod thob gyur pa phan chad ni// lo yi skad cig thang cig gis// ting 'dzin zas kyi ro rnyed nas// kham gyi zas dang bral bar 'gyur// drod chen rnams gsum rdzogs nas ni// rtags chen dag ni thob par 'gyur// rtags kyi cho 'phrul 'byung ba ni// rin chen phung po 'dod pa na// sa rdo la sogs byas nas 'grub// chu dang mkha' la 'gro 'dod na/ brtsams pas mi 'bying thogs med 'gro// me yi phung po 'jil 'dod na// sdig pa'i mdzub mo phyar nas kyang // bden pa'i bsgo ba byas pas 'grub// de la sogs pa thams cad nus// rtags thob phan chad sangs rgyas yin// zhes gsungs so// gsang chen thugs kyi sgrub pa bshad pa'o// rgyud kyi rgyal po chen po rdo rje bkod pa kun 'dus rig pa'i rgyud las bka' gsang ba 'khor lo'i bsgrub pa'i le'u ste nyi shu lnga

  860. 431a

    pa'o// // de nas bcom ldan 'das sems dpa'i rdo rje de rdo rje me klong 'bar ba zhes bya ba'i ting nge 'dzin la snyoms par zhugs so// de nas 'dus pa'i tshogs thams cad kyis chos thams cad me'i rang bzhin du snang bar mthong ngo // de nas 'khor rnams kyis shin tu bstod pa/ e ma'o sems dpa' che ba che// ting 'dzin chen po snang ba che// cho 'phrul chen po sna tshogs che// thabs mchog khyod la phyag 'tshal lo// chos kun me klong bzhin du snang // mi nyi ye shes gsal ba'i klong // 'bar 'phro gsal bar gyur pas ni// mun bsal dngos po thams cad bsregs// bde chen dbyings su kun rdzogs pas// dpa' bo khyod kyis mdzad pa lags// thugs rje chen po a la la// don grub chen po a la la// sgeg pa chen po a la la// 'jigs byed chen po a la la// dgyes pa chen po a la la/ dregs pa chen po a la la// dpa' bo khyod kyi byin brlabs kyis// bdag cag rnams la bshad pa shod// me yi rang bzhin chen po dag/ bdag cag rnams la bshad par gsol// zhes gsol ba btab pa las// sems dpa'i rdo rjes dgyes te 'di skad ces bka' stsal to// 'dus pa chen po'i rnal 'byor pa// rdo rje mi yi rang bzhin dag/ bshad kyis khyed rnams gus par nyon// rdo rje me yi las mchog 'dis// rnam 'byor thabs su bde/

  861. 431b

    sbyar bas// rgyal ba kun mnyes kun bsregs skongs// don grub las kyi mchog tu bshad// skye med rnam dag hom khung du// chos can skye ba'i yam shing la// spros med byang chub ye shes mes// mtshan ma'i bag chags bsregs sbyangs thim// rnam dag b+ha ga'i hom khung du// chags pa'i yam shing spungs pa la// bde chen byang chub me sbar te// 'khor ba'i dngos po bsregs sbyangs thim// dpal chen zhal gyi hom khung du// nyon mongs lnga yi yam shing la// ye shes lnga yi me sbar te// gzug 'dzin rdzas rnams bsregs sbyangs thim// snang srid nam mkha'i hom khung du// 'byung ba bzhi yi yam shing la// phyag rgya'i tshogs kyi me sbar te// snang srid dngos po bsregs sbyangs thim// las bzhi'i so so'i khyad par gyis// phyogs dang kha dog dbyibs dang rdzas// ji ltar yin pa de ltar sbyar// shar lho nub byang dkar ser dmar// mthing ga nag po thal mdog sbyar// zlum po pad+ma le'u tse zhi// 'khor lo gru bzhi zur brgyad rgyas// zla gam gru chad gzhi dbyings dbang // gru gsum b+ha ga ka mngon sbyor// sum brtse mdangs dang ri mor mdzes// las kyi yam shing rdzas kyis rgyas// ye shes rdo rje'i las rgyud ldan// bla ma gsum gyis thabs mchog sbyar// dag pa'i mtha' 'dzin nyes mchog 'dzin/ rdo rje gsang ba'i glu bro gar// mchod pa gsang ba dus tshigs sbyor//

  862. 432a

    rje lam gyi smon lam sbyar// gsang ba las kyi rgyud ldan pas// bshar gdab zhi ba'i lha rgyud dang // rgyas dang dpag bshar rgyud bshad pas/ lha dang sngags dang phyag rgya dang // de bzhin rgyud dang 'byor bar bya// rigs kyi lha rgyud lnga rnams ni// so so'i rigs su bshar btab ste// klong yangs 'khyil ba'i hom khung du// dam rdzas bdud rtsi 'bar ba yis// sbyang dang thob phyir bsreg byas 'os// bsreg rdzas skye ba'i chos yin te// skye bar snang ba'i chos thams cad// 'dir ni dngos po bzhin snang ste// chos can rkyen dang 'byung nas dang // rang bzhin nyid las cho 'phrul ni// skye ba nyid du 'dod pa yin// 'di ni skye ba'i chos can te// rang byung sreg rdzas rang zhir thim// nyon mongs lnga yi dam rdzas dag/ ye shes lnga yi klong du dbul// lung po lnga yi dam rdzas rnams// thabs mchog yab lnga'i sku la bstim// 'byung lngas bsdus pa'i bsreg rdzas rnams// shes rab yum lnga'i klong du bstabs// rnam shes brgyad kyi bsreg rdzas na// ye shes gnas kyi ma brgyad do// yul gyi g.yeng ba rnam pa brgyad// dmigs med dbyings kyi bye brag brgyad// skye bzhi las kyi bsreg rdzas rnams// rnam thar sgo bzhi'i klong du thim// thabs mchog la sogs rgya mtsho'i tshogs// so so'i yon tan thams cad dag/ rdo rje glu yis brjod nas kyang // de dag mnyes pa'i

  863. 432b

    mchod pa brtsam// mchod pa thams cad rdzogs pa dang // sgrib byang ma byang don chen rnams// grub dang grub don rnams ni// me la mkhas pas brtag par bya// me sgra gnyis dang kha dog gnyis// 'bar tshul gnyis dang dbyibs rnams drug/ de dag yongs su shes par bya// gal te mtshan ma mi sdug na// bkra mi shis pa'i rtags yin pas// bsreg sbrang chen po rgyas par bya// de nas 'dod pa'i rtags byung nas/ me la 'dod pa'i dngos grub rnams// rnam gsum gag ltar grub pa blang // ro yi rdzas rnams bsreg sbyangs nas/ ro la sngags kyis btab nas kyang // shin tu dri zhim sna tshogs kyis// ro la byug cing bkru bar bya// bdud rtsi zhun chen khu ba yis// ras la byugs pas ro dkris te// ro yi gnas rnams gang yin par// sngags kyi sbyor ba kun bkod nas// phyag rgya'i mtshan mas gdab par bya// rgyal ba'i dkyil 'khor gang dag ni// gzhung yin pa yi phyag rgya rnams// du 'byung ba dang mnyam pa yi// sdong bu'i grangs kyang de ltar bya// sdong bu re la lha rnams kyi// ma nor rtsa ba'i snying po dag/ ras chen dag la bris te gdags// ro yi sbyor ba rdzogs pa dang // ro yi phyi shul thams cad la// 'khor ba'i bag chags kun bkod de// ras sam shing shun shog shog la// 'khor ba'i sa bon thams cad dgod// nyon mongs lnga dang dug gsum

  864. 433a

    bcas// skyes pa'i las la rgyud drug rnams// ming ngam gzugs su byas nas ni// gnas gnas dag tu dgod par bya// khams dang skye mched phung po lnga// gzung 'dzin ming du bcas pa rnams// brda yi tshul du bris nas ni// ro rnams khyad par dgod par bya// de nas ro yi phung po de// rten nam glegs sam stegs bu yi// steng du mkhas pas gzhag par bya// thabs kyi cho ga brtsam pa ni// maN+Dal 'khor khyud tsam zhig la// dkyil 'khor gang dang gang yin pa'i// phyag rgya bzhugs pa'i pho brang dag/ thig gis yul gcas so sor bya// de yi steng du zhing brtsigs pa// dbyibs ni gru bzhi gtams pa la// zur bzhi ka ba bzhis brtan bya/ sum brtsegs yang thog par khang bcas// mtha' ma shing gis brdzang bar bya// bar kang dag gi glegs ma la// ro yi bzhin byos shar du bstan// ro yi steng gi khang pa la// ras sam shog shog la bris pa'i// phyag rgya'i dkyil 'khor gsal bar dgod// ro khang glo skar bzhi phye la// thugs rje gzung zag bzhis btags nas/ phyogs bzhi bla ma bzhi la dbul// shing gi cho ga rdzogs pa dang // shing gi phyi mtha' stegs bu la// phyag rgya'i lha rnams rim par dgod// stegs bu rdzogs par gyur pa dang // rdo rje las kyi skos gdab pa// rdo rje rgyal po bla ma la// 'khor ba bsregs pa'i mnga'

  865. 433b

    gsol te// ting 'dzin ye shes rtse gcig pas// me yi 'du 'phro rgyun du bya// rdo rje las kyi karma la// las rnams rdzogs pa'i mnga' gsol te// las kyi phreng ba rdzogs par bya// rdo rje chen po'i bla ma zhig ro yi nyes pa'i mtha' bzung nas// las kyi bsags pa bgrang zhing bshags// rdo rje stabs sbyor bla ma yis// bdud rtsi skabs kyi mchod pa sbreng // rdo rjer bro gar glu tshig gis// skabs kyi glu gar mchod pa dag/ rol mos drangs te dbur bar bya// rdo rje gnas kyi smon lam ni// skabs dang las kyi mjug tu gdab// rdo rje las kyi lhang 'dzin pas// rtsa brgyad las kyi grangs bzung ste// dkar byang bla ma'i phyag tu dbul// ro yi las ngan ltang 'dzin pas// grangs med grangs su bzung nas ni// mtshan ma nag po'i byang bu dag/ ye shes me yi klong du bsreg/ me yis sbyor ba'i cho ga bya// me yi lha ni gang yin pa// me yis sangs rgyas snang mtha' yas// me yi lha mo gos dkar ma// rgyal ba kun gyi 'od mchog ste// 'byung ba me la dbang gyur zhing // thams cad kun gyi drod bdag yin// srid gsum sra par zhal gyis 'ches// 'khor ba'i sreg pa'i phrin las la// thug dam dbang gis yong mi 'da'// me yi cho ga thams cad ni// yum chen dkar mo nyid la bsgo// de nas cho ga kun rdzogs nas// ro yi sgrib pa byang ma byang // me yi dngos grub thob

  866. 434a

    mi thob// me las mkhas pas gong bzhin brtag/ mtshan ma mi sdug byung ba na// bsreg sbyang cho ga rgya cher bya// gal te mgu na dngos grub thob/ ro yi thal ba chen po la// gtags nas thal ba'i bdud rtsir bsgrubs// des ni bsod nams chen po ni// dpag tu med pa thob par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje me'i cho ga bsgrub pa'i le'u ste nyi shu rtsa drug pa'o// // de nas sems dpa'i rdo rje dam pa des dkyil 'khor thams cad byin gyis rlob pa zhes bya ba'i rdo rje sngags kyi tshig 'di gsungs so// sarba ta thA ga ta ma hA he ru ka badz+ra tsan+da/ sarba duSh+TAM saM shrI he ru kaM ta ka ha na pa tsa hUM hUM/ sa sa sa sa sa ma ya sa nu ne/ sa no r+tha ra/ badz+ra gar+b+ha/ rat+na gar+b+ha/ pad+ma gar+b+ha/ karma gar+b+ha/ me tri gar+b+ha/ ka ru Na gar+b+ha/ lo ka gar+b+ha/ bu du ma gar+b+ha/ yak+Sha/ rak+Sha sa/ bi shra/ te shwa/ ke shwa/ ba shwa/ bi shwa/ trak+ka/ hri shwa/ bak+ta/ ru ti/ rak+ti/ khA hi/ sa ha/ sa sa sa sa sa sa sa/ sa sa sa sa sa sa sa/ sa sa sa sa sa sa sa/ sa sa sa sa sa sa sa/ rba rba rba rba rba rba rba/ rba rba rba rba rba rbarba/ rbarba rba rba rba rba rba/ rba rba rba rba rba rba rba/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ thA thA thA thA thA thA thA/ thA thA thA thA thA thA tha/ tha thA thA thA thA thA thA/ thA thA za tha za thA tha/ ga ga ga ga ga

  867. 434b

    ga ga ga ga ga ga ga ga ga ga ga ga ga ga ga ga ga ga ga ga ga ga ga ta ta ta ta ta ta ta/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ ma ma ma ma ma ma ma/ ma ma ma ma ma ma ma/ ma ma ma ma ma ma ma// ma ma ma ma ma ma ma/ hA hA ha hA hA hA hA/ hA hA hA hA hA hA hA/ hA hA hA hA hA hA hA/ hA hA hA hA hA hA hA/ shri shri shrI shrI shri shri shrI/ shri shrI shri shri shrI shrI shrI/ shri shri shrI shri shrI shrI shrI/ shrI shri shrI br-i shrI shrI shrI/ he he he he he he he/ he he he he he he he/ he he he he he he he/ he he he he he he he/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ka ka ka ka ka ka ka ka ka ka ka ka ka ka ka ka ka ka ka ka ka ka ka ka ka ka ka ka hUMts+tsha d+b+ha tAM h+yA ts+tsha d+h+waM/ s+t+waMsnA hUM snA h+yA hUM hAM/ hUM ts+tsha tAM hAM h+yA hUM tAM/ s+yA t+s+ya hUM swaM hAM hAM hAM/ shra shwa shra shwa shwa shwa shwa/ shwa shwa shwa shwa shwa shra shwa/ bA shA shA shA bA shwa shra/ shA shA shA shwa bA shA shwa/ ri ri ri ri ri ri raM/ ri ri ri ri ri ri ri/ ri ri ri ri ri ri/ ri ri ri ri ri ri ri/ kha kha kha kha kha kha kha/ kha kha kha kha kha kha kha/ kha kha kha kha kha kha kha/ kha kha kha kha kha kha kha/ muM muM muM muM muM muM mr-i/ muM muM muM muM muM muM muM/ mr-i muM muM mr-i mr-i muM muM/ mr-i muM muM muM muM mr-i muM/ ba ba ba ba ba ba ba ba/ dza rba rba dza dza dza dza rba/ go ri/ tsau ri/ pra mo ha/ be ta laM/ g+ham+ba raM/ prak+ka saM/ s+tha sha ni/ tsan+da li/ ha ha ha ha ha ha ha/ siH/ brA k+te/ sr-i ga la/ shA na/ kreH/ kang+ga/ kha ga yA wa/ pra mra mra su mra su mra ma?/ 9

  868. 435a

    kha kha kha kha kha kha/ !\u0f7f\u0f7f\u0f7fhehehaH/ ba ba ba ba/ dzarba d+haH/ phaT phaT phaT phaT/ dzan+da ba sa/ sar+ya ta tsate da pa pa nar+tha/ lo ka baM/ b+ham+ba pa ta sa ba ba ba ba ba ba ba ba ba ba/ dzarbaH dza d+ha rba drA dza dza/ kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+had+ha/ sAts+tshasnAr+b+ha r+d+ha ts+l-i d+h+waM d+hA d+hAH/ maN maN maN maN maH/ Da Da Da Da Da/ la la la la la/ e gar+b+ha/ yaM karba/ ra raH/ baM s+t+riH/ raM dza la/ ru d+hiH/ b+h+yAM dz+nyA na/ paM ban+d+ha/ ha ka pA la/ dz+nyA na paR+Ya raM/ bud+d+ha ka ya/ ma hA wa ka badz+ra tsit+ta/ dzaHhUM baM ho/ e h+ye hi/ ru lu ru lu hUM b+h+yo dzaHdzaH/ badz+ra sa ma ya mu dra hAM AHbadz+ra shrI he ru ka/ tiSh+Tha sa ma ya wAn/ ma hA shrI he ru ka ha ha ham/ sa ma ya hoHphaT/ badz+ra A ra li phaT/ a ti pu ho/ pra ti pu ho// i d+haM puSh+pe d+hU pa/ ba li/ ti dza ho/ kha raM khA hi/ ma ha rak+ta/ ru d+hi snip+ta/ pany+tsa a mr-i ta/ tsit+ta/ bA su ta/ go ro tsa na/ DA ki na/ yo gi ni tsit+ta/ kha raM khA hi/ kha kha le/ sha ta pa khA hi/ a la la ho/ sa ma ya hoHi dan de na ra kAn/ i tsi ra sa ma ya phaT/ badz+ra sa ma ya a be sha AHAH/ zhes gsungs pas las kyi 'bar ba'i cho ga zhes thams cad shin tu 'bar zhing rgyas par gyur to// rgyud kyi rgyal po chen po rdo rje bkod pa kun 'dus rig pa'i mdo las rdo rje gsang sngags kyi le'u nyi shu rtsa bdun pa'o// // de nas yang sems dpa'i rdo rje des sbyar

  869. 435b

    ba phyag rgya'i le'u 'di rgya cher gsungs so// rnal 'byor mchog gi lag gnyis la// nyi zla 'bar ba'i ling+gar ni// a dang pad+ma gnyis gsal te// thabs dang shes rab gnyis med sbyar// mnyam pa'i tshul gyis gnas pa la/ me yi steng du a nyid gzhag/ bya ba thams cad bral ba'i rgya// a dang ma yi 'bru bcu rnams// 'phro 'du bya zhing kun tu bsgyur// g.yas su 'khyil cing g.yon du 'khyud// 'di ni cho 'phrul dbyung ba'i rgya// a dang ma yi 'bru rnams bcu// so sor bcangs te myu gur bya// shin tu bstod de kun du bsgyur// 'di ni snying por gyur pa'i rgyu// ma yis sbyin pa gtong tshul la// a yis thams cad skyob byed pa// 'di ni tshad med chen po'o// kun la snyoms pa'i phyag rgya yin// ma nyid khrag 'phrog pa yi snod// a nyid so phreng mche bar sbyar// 'di ni thams cad rol pa yi// 'jigs tshul ston pa'i phyag rgya yin// a dang ma gnyis gting sbyar te// so phreng mche ba'i tshul gyis ni// shin tu kha glan pa yi tshul// 'di ni 'jigs byed chen po'o rgya// ma yis bzung ste 'then nas ni// sha yis gdengs shing 'joms byed pa// 'joms byed chen po'i phyag rgya yin// ma dang a yis mgo 'jug nas// bzung ba'i tshul du byas nas ni// kha yig drang cing 'then byed pa// sa byed chen pa'i phyag rgya yin// a dang ma yi shes rab las// g.yas g.yon tshul gyis bsgyur

  870. 436a

    byas te// so so ji ltar yin thabs sbyar// gnas dang yul gyi gtan tshigs su// bsgyur ba gar gyi phyag rgyar bshad// dpa' bo gdan la bzhengs nas ni// phyogs mtshams kun tu bltas byas nas// shin tu 'gying zhing brjid par byed// a dang ma yi 'bru rnams ni// so sor brdabs nas dkur brten bya// 'gyong ba'i tshul gyis sbyang byas nas// stag gi stabs kyis kun tu bskor// de nas rmun bya/ stabs kyis ni// gong ma bzhin du bskor bar bya// de bzhin rus sbal gzigs dang stag/ sbyang ki seng ge dam stabs dang // phal chen dred kyi stabs kyis ni// thams cad thams cad bskor bar bya// de bzhin 'dab chags thams cad kyis// 'jo tshul stabs rnam rdzogs byas nas// dkyil 'khor thams cad rdzogs par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las sbyar ba phyag rgya'i le'u ste nyi shu rtsa brgyad pa'o// // de nas sems dpa'i rdo rje des mchod pa dam pa gsang ba'i le'u 'di gsungs so// hUM 'byung ba chen po nam mkha' ni// 'byung ba chen po lnga yi mdzod// nam mkha' las ni 'dod pa 'byung // 'dod pa'i mchod pa 'gyur gyur cig/ zla rgyas la sogs snying po mchog/ maM sa la sogs rnam lnga'i rdzas// me tog la sogs tsan+dan phreng // sna tshogs mchod pa 'byung gyur

  871. 436b

    cig/ mi mo rnams kyi reg bya mchog/ 'khril 'khyug skur ba'i gzung chen ma// dbang po sbyor ba'i dgyes mchod de// bde ba'i mchod pas tshim gyur cig/ rdo rje rol pas tshogs mchog 'di// mchod sprin kun tu rgyas gyur cig/ dug gsum brtsigs pa'i ri bo 'di// sku gsung thugs kyi klong du bstabs// dug lnga rol pa'i tshogs mchog 'di// ye shes lnga yi nang du thim// gzung 'dzin rtog pa'i mtsham ma 'di// dbyings dang ye shes klong du thim// 'khor ba mtshan ma'i chos can 'di// chos nyid dbyings kyi ngang du thim// phung po tshogs kyi yan lag 'di// rnam grol phung po lnga tu thim// 'byung chen rgyu yi mtshan ma 'di// mkha' klong 'bar ba lnga ru thim// rol pa chen po mchod sbyin la// rgyal ba rgya mtsho'i tshogs rnams rol// bla med stan 'gan mchod pa 'di// sngon chad rgyal bas bgrod pa'i lam// dug gsum gting nas gsod pa'i thabs// sngon gyi thugs dam bzhin du bzhes// 'chi med bdud rtsi g.yung drung chu// ro yi khams rnams slong bar byed// dug gi phung po 'joms byed pa// rtsi mchog sman gyi mchod pa bzhes// zhes mchod pa'i tshogs rnams long long phyed par gyur bar rgyal ba rgya mtsho'i tshogs longs spyod des mnyes par gyur to// rgyud kyi rgyal po chen po rdo rje bkod pa kun 'dus rig pa'i mdo las mchod pa dam pa gsang ba'i le'u ste/

  872. 437a

    nyi shu rtsa dgu pa'o// // de nas sems dpa'i rdo rje des rdo rje glu'i le'u 'di gsungs so// 'dir ni rdo rje rnal 'byor rnams// bsnyen par snang ba'i dbang thob nas// bsgom dbyangs yi ge 'bru brgyad sgro// yi ge glu yi rgyan yin te// glu yi yi ge bcu drug las// yi ge yan lag bsgyur bsdebs nas/ glu yi bye brag bsam mi khyab// dang por glu yi don byung ba// oM gyis glu rnams rab tu 'dren// oM yang a yi cho 'phrul te// a ni chos kyi yi ge yin// a las oM byung rgyal ba'i thugs// rgyal ba chos kyi dbyings las byung // a las aM byung gsung gi mchog/ gsung las glu yi yan lag 'byung // dbyangs kyi yan lag drug cur grags// glu yi yon tan bsam mi khyab// sngon gyi rgyal ba glu yis grub// rig 'dzin rdo rje glu yis 'dren// rnal 'byor dbang phyug glu yis 'grub// bstan pa rgya mtsho glu yis spel// srid pa'i bu mo glu yis bsten// bdud dang srin po glu yis 'dul// dngos grub rgya mtsho glu yis 'bebs// chos nyid dbyings kyi klong dkyil na// dpal be'u nyi ma dgu shar bas// rnam thar sgo bzhi rab gsal yang // ma rig mun gnag 'thibs pa yis// bsgrubs par rig pa'i sgom mo bya// 'khor ba'i mun gnag gong rum na// byang chub sems kyi zla shar bas// mun bsal rnam thar sgo bzhir snang // rin che 'bar ba'i nyi ma

  873. 437b

    rnams// dpal chen thugs nas 'od shar bas// bag chags sprin mthong byed pa ru// rnal 'byor thugs kar zer bab pas// mun bsal rig pa'i sgo phye ste// rnal 'byor don la 'jug par bya// rig pa thugs kyi dkyil 'khor nas// ru lu'i 'od zer sgo phye bas// spros pas cho 'phrul sna tshogs 'byung // srid pa gsum gyi bye brag phyed// 'khor ba'i rgya mtsho gting nas skems// nyon mongs rgyu drug gnas nas sgrol// dug gsum rtsa ba rtsad nas gcod// bdud dang srin po gdug pa 'dul/ byin brlabs dngos grub char ltar 'bebs// ji ltar dbang po'i sgo phye nas// 'dzum mdangs gsal bar 'byung ba ltar// dpal be'u thugs kyi sgo phye bas// ru lu'i 'od zer yig 'bru shar// mthing nag ser nag dmag nag ldang // smug nag 'bar ba'i yig 'bru rnams// yi ge rigs kyi phreng bar drang // rgyangs kyis bskul dang dkar gyis dbab// bsten kos nye bar gyur pa la// 'jim gos mngon sum gsal bar bya// 'bir kas gnyis su med pa la// 'dren kos yi ge'i phreng ba drang // de nyid la ni glu drug ste// sha ta pa dang gar ta pa/ cang ka de'u dang bang ka de'u// breng nge ba dang rung nge ba// glu yi yan lag sum brgyas ni// rgyal ba mnyes pa'i mchog tu 'gyur// glu yi rgyal po 'di drug gis// don drug yongs su rdzogs par 'gyur// sha ta pa yi glu blang

  874. 438a

    pas// gdug byed thams cad spa yang bkod// gar ta pa yi glu blangs pas// gnod byed thams cad rdul du rlog/ cang ka de'u yi glu blangs pas// 'bar ba'i dkyil 'khor me ltar mchod// bang ka de'u yi glu blangs pas// drag po gtum po lhan ne 'gyur// breng nge ba yi glu blangs pas// sprul pa'i cho 'phrul thams cad 'gyed// dung nge ba yi glu blangs pas// srid pa'i bu mo dbang du sdud// yi ge 'bru dgu'i rang bzhin la// phyag rgya'i dkyil 'khor thams cad rdzogs// de bzhin 'khor lo mu khyud bcas// khyams dang sgo khyud gsal ba'o// srid pa mthong yod snang grags kyang // thams cad sngags kyi tshig tu rdzogs// yi ge rgyal ba kun dang bral// 'khor lo'i sa la nye ba'o// yi ges dmigs pa thams cad 'grub// chags med lhun grub don po che// rnam bzhi las kyi khyad par yang / bya ba med par don du 'gyur// yo ge gsang ba'i 'phro 'du yis// rgyal ba dpa' bo thams cad mnyes// de kun yi ges rnam sbrul yang // rang bzhin dngos med chos kyi dbyings// yig 'bru 'bar ba'i cho 'phrul las// dam pa'i ngo mtshar sna tshogs 'byung // de bzhin sgrib pa'i bud shing bsreg/ gti mug mun sel ye shes 'bar// rig pa'i nyi ma gsal bar 'bebs// bdag nyid dpal chen 'bar ba'i thugs/ tsit+ta dpa' be'u zur brgyad

  875. 438b

    'bar// rin chen yi ge 'bru brgyad gsal// dpal chen rin chen 'bar ba'i thugs// dpal be'u sman po zur brgyad las// gser gyi nyi ma dgu shar ba// 'od zer ru lu yig 'bru brgyad// rdo rje 'bar ba'i rling sgrom du/ shin tu 'bar 'phro 'khrug byas te// spros pas rnam 'byor dbang phyug gi/ na sa g.yas su drang bar bya// bo ro tsa na'i gzhal yas su// sen zlum tsam gyi rgya khyon la/ gser gyi nyi ma ga'u dgu/ shar ba'i dkyil na yig 'bru dgu// gsal bas 'od kyi gzhal yas khang // dngos po'i bag chags kun bsregs te// sems ni gser chu zhum ma bzhin// ldem la 'tshe zhing 'od 'bar ba// rtsal las gyur pa'i zla dkyil 'khor// nyi ma'i steng na dpa' be'u 'bar// de la ru lu 'phro zhing 'du// dpal be'i tsit+ta dkyil 'khor 'di// yig 'bru 'bar ba'i ga'ur gsal// pad+ma 'bar ba'i ga'u 'di// yi ge phreng ba 'khyil ba'i gnas// dper na me tog 'bar ba las// bcud len bung bas bcud blang te// rtsi yi bur bu sog pa ltar// dpal be'u thugs kyi dkyil 'khor nas// rin chen 'od kyi me tog 'bar// ru lu'i yig 'bru bcud kyis rgyas// rnal 'byor sems las byas pa yi// bcud 'byin bung ma mang po 'phro// phar lding yi ge'i bcud phyung nas// tshur lding sems kyi ga'ur bstim// dang po shel gyi kha dog la// shin tu gsal zhing 'tsher

  876. 439a

    'bar ba// gnas dug dag tu zla ba yi// thig le dkyil gyi dpa' be'u la// 'bru bkod gsal bar gyur pa dang // shel gyi bung ba mang po dag/ khyung chen ding ba'i bong tshod tsam// phar lding bcud phyung tshud gsibs pas// yig 'bru ye shes me 'bar bas// bag chags bud shing phung po bsregs// phar spros thugs rjes sa la bskul// ji ltar nyi zer tsha tsha ltar// rgyun mi 'chad pa rtse gcig 'bar// bar du byi ru'i kha dog la// gong ma bzhin du bkod gsal la// byi ru bung ba mang po dang // gong ba bzhin du 'phur lding bas// bcud phyung bstims zhing slar la 'phro// ji ltar me 'gal 'khor tshul du// dpal be'u smug po'i klong su bstim// kun gyi tha mar bsdu ba ni// bkod pa gong ma thams cad kun// mthing nag 'bar ba bsgyur nas ni// khyung chen gzan la 'jugs tshod tsam// hUM sgra 'byin cing phan tshul lding // ru lu bcud 'byin dngos grub rlom// dran pa'i dkyil mas dza phyung ste// lcags klu 'bar ba ga'ur bcas// dpal be'i dkyil na spungs pa yis// ru lu rin chen phung po dag/ bsdus shing drangs te// gnas su bstim// 'bab pa'i shugs sam byin brlabs ni// mtsho la ser chen 'dril ltar ro// 'di lta yi ge sbyar ba'i tshe// rnal 'byor nyag gcig ma yin gyi// lha mchog dbyings na bzhugs pa yang // chos

  877. 439b

    nyid dang du mi dmigs kyang // rnal 'byor mchog gi bskul ba'i tshe// thugs rje chags pa'i dmangs phyung nas// srog rtsol dran rig gsung gsungs ltar// mgur chu yan lag 'gul 'gul ltar// rdo rje yi ger 'bru 'bar ltar// gug skyed klad ko tsheg par phyin// ra ri khal khol sgrib med pa// ye shes don la mkhyen rig rgyas// de lta mod kyang 'dul dbang gis// rgyal ba skul ba'i sa la gzhes// rnal 'byor gso ba'i cho ga byed// lha dang gcig gu bya ba'i phyir// bzlas brjod gangs dang bsnyen pa dang / sbyor bas don la nye bar 'gyur// 'di ltar stor ba'i dus dag na// byin brlabs phel sam nye ba yi// rtags sam drod dam mtshan ma ni// rnal 'byor nyid dang bsgrub rdzas dang / yod mthong sgra thos kun la 'byung // lus kyi drod dang rmi lam dang // sems kyi rtags su gsal ba dang // dbugs dag la yang nges par 'byung // shing bal lta bur yang pa dang / mi bde'i gnod pa bral ba yin// reg pa ting 'dzin gsal ba dag/ rmi lam du yang myos par 'gyur// dang zhing dag la mgu ba skye// gdung ba'i byang chub sems skyes shing // ngo mtshar skyes pa de nyid do// 'gyur ba'i dbugs gsal dbang thob ste// dgag dang dbyung ba ji lta ba'o// rdzas ni 'bar dang 'phar ba dang // dri dang 'od 'byung ro mchog skyes// mi zad mang du 'phel ba dang // mngar 'jam

  878. 440a

    dang zhing ro mchog rnyed// lto la mi gnod mgrin la min// zos na bzhin 'gyur lus rtas 'gyur// sin snyan yid 'ong sgra snyan gzugs// dri zhim 'byung ba de lta'o// rdo rje pra rnams bzang ba na// rtags dang mtshan ma phebs pa ste// sbyar te dngos grub blang bar bya'o// bde dang ga'u'i phyag rgya dang // rdo rje bum pa'i 'phro 'du yis// dngos grub yum gyi mkha' la dbab// yab yum sbyor ba'i lhag sems dag/ ma phebs pa yi bar du dag/ shes rab gsal ba'i lha mo bzhis// ha sta me long b+han d+ha dang // zhing chen phreng ba la sogs pa// kha dog lnga yi dar g.yab kyis// g.yab cing rig 'dzin mang po 'bod// rol lo cha byang mang po dag/ rdo rje gar dang snyan pa'i glu// srid pa'i ma mo kun rten cing // byin brlabs chen po dbab par bya// phebs ma dag du dngos grub bstim// 'di ni rdo rje glu 'khor lo// ye shes rgyan gyi las na no// zhes sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje glu'i le'u zhes bya ste sum cu pa'o// // de nas yang sems dpa'i rdo rje des rdo rje rnal 'byor 'jug pa zhes bya ba'i le'u 'di gsungs so// 'dus pa chen po'i rnal 'byor pa// gsang ba'i dkyil 'khor dam pa 'dir// gang dag 'jug par byed pa yi// rnal 'byor rigs kyi bu rnams

  879. 440b

    kun// snod du gyur pa kun bsdus nas// byang chub mchog gi sems bskyed de// tshig 'di brjod de gnas par bya// e ma bde mchog dga' tshul 'dir// bdag cag kun du 'jug par 'tshal// dga' ba byang chub sems bskyed nas// gsang ba'i don 'di spyad par bgyi// de skad gsol te zhus pa dag/ gsang ba'i mchog gi bdag po yis// rgyud sbrang rgyud drug las sgo gcad// rig pa 'dzin pa'i rnal 'byor kun// dkyil 'khor chen po gsal bton te// phyag rgya dbang dang bcas pa yi// 'khor ba'i rgyud rnams sbyang bar bya// 'jug pa de yi gnas lnga du// rgyud drug sa bon bskyed nas kyang // oM lnga dag gis gnan par bya// bcug pa de yi spyi bor ni// pa yi ye shes la bskrun pa// pad+ma kha bzhi lte ba la// mi dang lha yi sa bon dgod// shar lho nub dang byang dag tu// lha min dud 'gro yi dwags dang // dmyal ba rnams kyi sa bon gdab// hUM gi lam sgo gcad par bya// lag gnyis mthe'u chung mthe bos mnan// sor mo gsum sbyar dmyal bar bsnol// lha dang lha min gnas dag tu/ mi gtong bzlog pa'i phyag rgya yin// lag gnyis bsnol nas mtshan khung bsdam// mi yi khams nas bzlog pa'i rgya// khu tshur bcangs te 'bru bsgreng nas// g.yon gyi steng du mnan pa 'di// byol song gnas nas bzlog pa'i rgya// thal mo mnyam sbyar gung rtse

  880. 441a

    sprad// gung mo rgya bcu srin lag bsnol// mgun nas mdzub mos 'khyud pa ni// yi dwags khams las bzlog pa'i rgya// g.yon thogs g.yas kyi rgyab sbyar ste// srin lag gung mdzub gcig nas gcig/ 'khyud pa dmyal ba'i sgo gcod rgya// lag gi phyag rgya bcas nas ni// ngag gi rdo rje rgya brjod pa// kye ma ru tra kro d+ha hUM// hri sa ma pa tsa hUM/ hrI sa ba dza hUM/ 'di ltar gsal bar gyur pa dang // sgrib pa dag par bya ba'i phyir// rnal 'byor sbyor ba'i phyag rgya ste// rdo rje rnal 'byor mchog gi lha// 'gro drug 'dren pa'i dpal mdzad pa// rdo rje can la phyag 'tshal lo// byams mgon khyod la skyabs su mchi'o// de skad gsol ba btab pa dang // rnal 'byor chen po zhabs gnyis la// 'jug pa de yi spyi bos gtugs// sangs rgyas bde mchog thams cad kyi// rdo rje gsung mchog gsum las byung // srid pa gsum gyis phyag byas pa// dbang bskur gsan pa chen po sbyin// a ti ho sta hri da khaM// de nas snod du gyur pa dang // gsang ba'i mig ni dbye bar bya// me tog phog pa'i lha yang sbyin// de nas dam tshig chen po bsgrags// rgyal ba kun dang mnyam sbyor ba'i// dam tshig 'di las gang 'das pa// rgyal ba thams cad bslus pa yin// khrag 'thung kha 'bar ma yi tshogs// khros nas snying khrag thogs pas 'thung // badz+ra sa ma ya i dan the na na ra

  881. 441b

    kan// pa ra hr-i da ya na ma ba sti nAn// sa ma ya rak+Sha sid+d+hi bid+ya badz+ra a mr-i to da kaM/ rdo rje tha tshig chu blud nas// rdo rje gal chen mna' dor ro// rdo rje dam tshig sdom pa rnams// thams cad thams cad dpog par bya// slob pa'i gnyer yang dpog par bya// kye rig 'dzin rdo rje bu mchog khyed// rnal 'byor rgyal ba'i sras kyis yin// gzhan yang gsang ba ma smras shig/ gal te smras na dbyar bar 'tshig/ khyod ni rdo rje che ge mo// rgyal ba'i sras po gdung rgyud 'dzin// gsang ba mchog gi mig sbyin gyis// zhing khams kun du bde bar spyod// des ni sangs rgyas zhing du skye// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje rnal 'byor 'jug pa'i le'u zhes bya ste sum cu rtsa gcig pa'o// // de nas yang sems dpa'i rdo rjes yongs su rdzogs pa dbang gi le'u 'di gsungs so// 'dus pa chem po'i rnal 'byor pa// srid pa gsum gyis phyag byas pas// bla ma'i sa la gnas pa ni// gsang mchog sum cu rtsa drug yin// phyi yi dbang dang nang gi dbang // bsgrub pa'i dpag dang gsang ba'i dbang // bcu dang bci gcig bcu gsum dang // rnam pa gnyis kyis rdzogs par 'gyur// de la dang po sbyin pa'i dbang 'di yin te/ oM hUM sa hrIHha/ kun gyis 'da' bar dka' ba yi// tshig btsan yul la dbang sgyur pa// rgyal po

  882. 442a

    bka' rtags phyag rgya'i dbang // sku lnga yongs su rdzogs par 'gyur// rigs rnams so so'i rgyud 'dzin cing // rtags kyi mtshan ma chen po ni// sbyor ba chen po'i phyag mtshan te// dam tshig phyag rgya rdzogs par 'gyur// shes rab gzungs kyi gsang mchog ni// don dang ldan par gyur pa yi// mtha gnyis dag tu mi gtong ba'i// gzung ma'i rgyal mo chen mo yin// gnyis med yongs su rdzogs pa ni// thams cad bde ba chen po'i ngang // byang chub sems dang don dang 'brel// shes rab chen po rdzogs pa'i dbang // bkra shis chen po bum pa ni// bde gshegs bzhugs pa'i pho brang ste// dkyil 'khor rdzogs par gyur pa yi// dbang chen de la sbyin par bya// gsang ba'i bstan pa rgyas nas ni// yun ring gnas par 'gyur ba yi// bkra shis rdzas kyi dbang mchog kyang // gnang ba chen po sbyin par bya// don rnams grub par 'gyur ba yi// 'dod dgur re skong rin po che// rgyal srid rin chen sna bdun gyis// rgyal po mchog tu dbang bskur ro// rin chen pad+ma seng ge'i khri// bla mar gyur pa'i gnad mchog de// khyad par chen par gyur pa'i dbang // khrin chen dag la gzhag par bya// cod pan me tog phreng la sogs// dbang mchog brjid pa'i rgyan gyis bklubs// dbu rgyan do shal se mo do// dpung rgyan rlung gdub lag gdub rnams// dbang thob

  883. 442b

    rgyal pos de la sbyin// dbang thob mdzes pas brjid pa'i rgyal po de// dbang phyug yin pas de la kun phyag 'tshal// rdo rje dbang phyug rgyal po'o zhes par ni// kun gyis ska chen bod cing bsgrags par bya// gser gyi 'khor lo rtsibs khyud ldan pa zhig/ rgyal po de yi lag tu bskur nas ni// 'jig rten kun la kha lo sgyur ba yi// dbang mchog rgyal po 'di yang sbyin par bya// phyi 'khor skyong ba'i rgyal por gyur phan chad// bla med mchog gi rtags dang ldan 'gyur bas// gsang sgo phye nas nang du gzhug par bya// shin tu gsang ba'i rdzas dang ldan gyur nas// gsang sgo gang las 'dod pa'i don rnams zhu// gnang chen po yi rtags su byin gyis brlabs// gsang ba'i don la nyan cing slob pa'i dbang // dbang thob slan can de la sbyin par bya// bdud rtsi chi 'dis rna ba'i gsang sgo dbye// sarba ta thA ga ta sta ma ti ho// glegs bam zab mo la sogs zasam cad rnams// rigs kyi bu mchog de la sbyin par bya// des ni 'gro ba'i don byed nus pas na// las rnams rgya mtsho thams cad sgrub pa'i rtags// rdo rje rgya gram la sogs rnams bzhi'i rdzas// bu mchog de la thabs kyis sbyin par bya// gzhan gyi re 'dod skong ba'i bu mchog de// rgyal po rgyal rigs rgyud du byung ba bzhin// rgyal tshab chos kyi rgyud du byung bas na// tan+t+ra la sogs dam pa'i mdzod gsum

  884. 443a

    sbyin// des ni slob ma'i tshogs kun skyong nus phyir// bstan pa sgrogs pa'i sa la gnas bya'i phyir// rdo rje rgyal po dpal gyi dbang mchog 'di// theg chen dgu yi rtags dang chas te sbyin// de ni bla med rgyal por 'gyur bas na// sa rnams non pa'i rtags mchog gdan khri'i dbang // lha chen la sogs zhing chen nyi zla bcas// khyu mchog seng ge ma he gzigs dang stag/ gtum pa'i don gyis sbar te sbyin par bya// rgyal po yin pa'i rtags ni rnam pa bdun// skye la dbang sgyur rgyal po mnyes pa'i gzungs// pha rol dpung 'joms srid thub 'dzin pa dang // bdag gzhan don sgrub rdzu 'phrul rkang par ldan// dgos 'dod yid bzhin skong ba'i rin po che// rgyal po de la thabs kyis sbyin par bya// de ni rgyal ba'i mchog sras yin pas na// phyag rgya chen po'i dbang mchog sbyin par bya// ras sam 'bur ram lugs su blugs pa yi// phyag rgya'i gzugs brnyan de yi spyi bor gzhag/ ye shes chen po'i don dang de ldan pas// ye shes lnga yi rtags mchog phyag rgya yis// gnas lngar gtugs te thugs kyi dbang mchog sbyin// oM ma hA shU n+ya dz+nyA na badz+ra swa b+ha ba At+ma ko& haM// oM ma hA A daR+sha dz+nyA na badz+ra swa b+hA ba At+ma ko& haM/ oM ma hA sa ma tA dz+nyA na badz+ra swa b+hA ba At+ma ko&haM/ oM ma hA pra t+ya bek+Sha Na badz+ra swa b+hA ba At+ma ko& haM/ oM ma hA kr-i tu nuSh+Ta na dz+nyA na badz+ra swa b+hA ba

  885. 443b

    At+ma ko&haM// sku dang gsung thugs rdo rje yi// rnal 'byor bde mchog de yin pas// sku gsung thugs kyi gsang mchog 'di// rdo rje can la sbyin par bya// oM sarba ta thA ga ta kA ya badz+ra swA b+hA ba At+ma ko&haM/ oM sarba ta thA ga ta tsit+ta badz+ra swA b+hA ba at+ma ko&haM/ oM sarba ta thA ga ta a nu rA ga Na dz+nyA na badz+ra swa b+hA ba At+ma ko&haM/ oM sarba ta thA ga ta pU dza badz+ra swa b+hA ba At+ma ko&haM// dbang mchog thob pa'i bu mchog de// don rnams grub par bkra shis phyir// bdud 'dul bkra shis rdzas mchog rnams// rtags kyis brgyan te sbyin par bya// don rnams grub pa'i bu mchog de// rdo rje dbang mchog thob pa na// zhing khams kun du grags pa yi// rtsal gyi thig le rdo rje sbyin// nang du 'jug pa'i dbang thob nas// de dag kun la spyod sgrub pa'i// dbang mchog dam pa sbyin par bya// skye med chos kyi dbyings nyid la// sems kyis dbang bskur thob pa yi// shes rab chen po rig pa'i dbang // sems lon don gyi gtan tshigs sbyin// bya ba'i mtshan nyid kun bral zhing // btsal med gnas pa'i byang chub sems// snying rje chen po bde mchog gis// khams gsum kun la dbang skur sbyin// srid gsum 'gro ba'i don rnams kun// thams cad rdzogs par nus pa yi// rtags kyi dbang mchog dam pa ni/ thong gshol 'bar ba sbyin par byed// dug gsum gting nas sprugs pa

  886. 444a

    yi// rtags chan ga'u rnam pa gsum// dmar chen dag gis bkang nas kyang // dbang chen thob de'i lag tu sbyin// srid gsum sgrol bar bya ba yi// dbang mchog chen po sbyin pa'i phyir// ka tar la sogs mtshon cha rnams// dbang thob de yi lag tu sbyin// 'khor ba'i chos la cir spyad kyang // skyon gyis gos par mi 'gyur ba'i// rtags kyi phyag rgya chen po ni// rnam dag rdzas kyi pad+ma sbyin// las rnams rdzogs par gyur pa yi// dbang mchog thob pa'i rtags chen ni// sti ra'i dbyug pa chen po dag/ dbang thob de yi lag tu sbyin// yum dang gnyis med 'khril ba yi// chos nyid don dang gnyis med rtags// sbrul nag 'khril ba'i chul po 'di// dbang thob de yi lag tu sbyin// gsang ba sbyor ba'i shes rab ma// dri med rnam dag lha mo zhig/ mtshan ldan shin tu brgyan byas la// dbang thob de la sbyin par bya// dbang thob rgyal po chen po de// kun gyi bdag po yin pas na// rol mo dri dag zhes zas dang / 'dod yon lnga la sogs pa dang // nye ba'i longs spyod rgyan rnams kun// thams cad thams cad sbyin par bya// sgrub pa'i rgyal po de la ni// sgrub pa'i las la dbang thob phyir// rdo rje sems dpa' la sogs pa// rgyal ba thams cad bsgrub pa dang // rdo rje tshe dang sman la sogs// sgrub pa ma lus sgrub shig ces// bsgrub rdzas thams cad sbyin par

  887. 444b

    bya// rgyal ba sangs rgyas thams cad dang // dbang thob de gnyis gcig pa'i phyir// rig 'dzin rdo rje rtsal gyi dbang // rdo rje ming ni sbyin par bya// bsgrub pa'i dbang dang rdzas mchog dang // gsang ba'i bdag po yin pas na// gsang ba'i dbang mchog sbyin par bya// dga' ba byang chub sems chen po// kun tu tshim par byed pa yi// dkar dmar lhag pa'i byang chub sems// dbang thob de yi lce la gzhag/ btsal med byang chub sems chen po// shes rab chen po'i rtsal gyis ni// chos sku sgyu mar dbang sgyur nas// rtsal chen rdzogs pa'i dbang yin pas// rdzas dang tshig dang gang zag dang // kun rdzob dbang de ma thob kyang // chos la sems kyi dbang thob nas// rgyal ba'i rig 'dzin thams cad dang // srid gsum dbang can thams cad kun// de la dbang thob bskur bar 'gyur// dbang gi tshad ni 'di lta ste// dad ldan sri zhur ldan pa la// gsang ba nyan pa'i dbang chen bskur// rnam bzhi las kyi don tshang na// las rnams byed pa'i dbang thob bo// lta ba'i dmigs bus chos mthong na// rgyal theb 'chad pa'i dbang thob bo// rkyen thub tshad ma gsum ldan na// bla ma rdo rje slob dpon dbang // dam pa mdzod gsum thams cad la// phyogs med par ni 'chad shes nas// rab 'byam rgyal po'i dbang 'thob bo// dad med blo zhan rdzob pa che// tshul 'chos

  888. 445a

    mkhan la ras gcod byed// de ni dbang gis 'tshig par bshad// gsang med brjed ngan dbang mi 'chags// dad med g.yel rmugs dbang gi 'gos// snod med bcud bral kun stongs pa// des ni dbang thob ma yin no// snod ldan bcud rdzogs dbang thob na// dbang mchog thob pa'i rgyu zhes bshad// ces gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje dbang gi le'u zhes bya ste sum cu rtsa gnyis pa'o// // de nas bcom ldan 'das gsang ba mchog gi bdag po dang // sems dpa'i rdo rje dam pa rgyud kyi rgyal po chen po kun 'dus rig pa'i mdo dang bcas pa chos thams cad kyi me long yin par rig nas// 'dus pa phal mo che'i 'khor rnams kyis shin tu ngam zhing ngo mtshar skyes nas// btod pa shin tu dga' ba chem po'i glu gsungs so// e ma hoHnyes bcom legs ldan mtshan zhi mtha' las 'das// dpag med byams snyoms don gyis bdag gzhan dpal// don dam gsang sbas nam mkha'i dkyil du 'khyil// rdo rje che mchog dbang phyug kun gyi bdag/ 'dzin pa mi rtog sha rus khrag la rol// thugs kyi gdung thag 'khor ba'i mtha' la rje// yul med ma skyes mtshan ma'i g.yul las rgyal// bde mchog rgyal po khyod la phyag 'tshal bstod// shes rab chen po nam mkha'i nyi mar

  889. 445b

    gsal// byang chub sems kyi 'od zer dbyings su 'char// 'bar brtul myur ba'i shugs kyis 'gro drug sgrol// rtogs 'joms ye shes rdo rje cho 'phrul 'phro// dam pa'i don gsungs gnyis med ston pa'i sku// smra ba'i seng ge khyod la phyag 'tshal lo// rin chen gter ldan 'dod dgur kun skong zhing // lung dang rigs pa gtan tshigs kun gyi mdzod// brda can yang dag len pa'i me long gsal// rdo rje kun 'dus 'jigs byed rgyal po'i rgyud// chos kyi me long 'di la bdag cag 'dud// rgyud kyi rgyal po chen po rdo rje bkod pa kun 'dus rig pa'i mdo las ngo mtshar bstod pa'i le'u ste sum cu rtsa gsum pa'o// // rgyud kyi rgyal po chen po rdo rje bkod pa kun 'dus rigs pa'i mdo rdzogs so// /