Text

ff. 1b–379a · 756 folio sides

  1. 1b

    rgya gar skad du/ sarba d+harma ma hA san+ti bo d+hi tsit+ta ku la ya rA dza/ bod skad du/ chos thams cad rdzogs pa chen po byang chub kyi sems kun byed rgyal po/ bcom ldan 'das byang chub kyi sems kun byed rgyal po la phyag 'tshal lo// 'di skad bshad pa'i dus na/ 'og min gyi gnas chos nyid kyi mkha' dbyings nyid kyi klong sems nyid kyi gnas ye shes sgrib pa mi mnga' ba'i gzhal yas khang na nyid kyi rang bzhin dang / nyid kyi ngo bo dang / nyid kyi thugs rje ye shes mngon du phyung ba'i 'khor 'di lta ste/ nyid kyi rang bzhin gyi 'khor chos kyi sku zhes bya ba'i 'khor dang / nyid kyi ngo bo'i 'khor longs spyod rdzogs pa'i sku sa zhes bya ba'i 'khor dang / nyid kyi ngo bo'i 'khor longs spyod rdzogs pa'i sku chu zhes bya ba'i 'khor dang /

  2. 2a

    nyid kyi ngo bo 'khor longs spyod rdzogs pa'i sku me zhes bya ba'i 'khor dang / nyid kyi ngo bo'i 'khor longs spyod rdzogs pa'i sku rlung zhes bya ba'i 'khor dang / nyid kyi bopo'i 'khor longs spyod rdzogs pa'i sku nam mkha' zhes bya ba'i 'khor dang / gzhan yang thugs rje ye shes mngon du phyung ba'i sprul pa'i 'khor 'di lta ste/ 'dod pa'i khams kyi sems can zhes bya ba'i 'khor dang / gzugs kyi khams kyi sems can zhes bya ba'i 'khor dang / gzugs med pa'i khams kyi sems can zhes bya ba'i 'khor dang / gzhan yang nyid kyi rang bzhin la lta ba'i 'khor rnam pa bzhi 'di lta ste/ shin tu rnal 'byor zhes bya ba'i 'khor dang / yongs su rnal 'byor zhes bya ba'i 'khor dang / rnal 'byor chen po zhes bya ba'i 'khor

  3. 2b

    dang / sems dpa'i rnal 'byor zhes bya ba'i 'khor dang / nyid kyi rang bzhin dang / nyid kyi ngo bo dang / nyid kyi thugs rje rang bzhin 'byed pa mi mnga' bas thabs cig go/ gzhan yang nyid kyi rang bzhin rtogs pa'i 'khor 'di lta ste/ sngar 'das pa'i sangs rgyas nyid la gnas pa'i 'khor dang / da ltar bzhugs pa'i sangs rgyas nyid kyis don mdzad pa'i 'khor dang / slad nas byon pa'i sangs rgyas nyid las 'byung ba'i 'khor dang / 'byed pa mi mnga' ba'i rang bzhin gyis thabs cig par bzhugs so// de nas byang chub kyi sems kun byed rgyal po des 'khor thams cad nyid kyi rang bzhin du byin gyis brlabs pa'i phyir 'khor thams cad nyid kyi sems nyid kyi thugs la thim par mdzad do// rang 'byung gi ye shes gsal bar mdzad do// de nas thams cad chos nyid du ldan par bya ba'i phyir thams cad bsdus nas thig le chen po gcig tu bzhugs so// de nas sems dpa' de nyid kyi rang bzhin thig le chen po gcig tu bzhugs pa de las byung nas/ byang chub kyi sems kun byed rgyal po'i spyan sngar dga' ba'i sems kyis dang ba'i mdangs phyung ste 'khod pas byang chub kyi sems kun byed rgyal pos sems dpa' rdo rje la smras pa/ sems dpa' rdo rje e ma ho// dga' ba'i sems skyes e ma ho// dang ba'i mdangs phyung e ma ho// nga las byung ba

  4. 3a

    e ma ho// zhes gsungs pas// de nas sems dpa' rdo rjes zhus pa/ kye ston pa'i ston pa kun byed rgyal po lags// ston pa nyid kyang thig le spros med dam// 'khor rnams kun kyang thig le spros med dam// bstan pa kun kyang thig le spros med dam// dus dang gnas kyang thig le spros med dam// thams cad kun kyang thig le'i rang bzhin na// ston pa'i ston pas ci zhig ston par mdzad// 'khor du 'khor ba'i don ni ci la 'khor// 'khor la bstan pa ci zhig ston par byed// dus dang gnas ni gcig pa ji lta bu zhes zhus so// de nas byang chub kyi sems kun byed rgyal po des sems dpa' rdo rje la 'di skad ces gsungs so// kye sems dpa' chen po yid sgra la chug cig/ nges don sgrar bshad kyis// kye sems dpa' chen po// sems nyid kun byed rgyal po nga nyid ni// chos rnams thams cad kun gyi snying po ste// snying po ma spros ye nas thig le yin// thig le ye nas spros pa med pa'i don// ston pa dang ni bstan pa 'khor dus gnas// nga las byung bas ye nas thig le ste// nga yi rang bzhin thig le bstan pa yin// zhes gsungs so// byang chub kyi sems kun byed rgyal po las gleng gzhi'i le'u ste dang po'o// // de nas byang chub kyi sems kun byed rgyal po des chos thams cad nyid las byung ba'i ting nge 'dzin ces bya ba la gnas

  5. 3b

    par mdzad do// de nas 'khor gyi rang bzhin las sems dpa' rdo rje langs nas ston pa byang chub kyi sems kun byed rgyal po'i zhal du mdangs phyung ste 'khod nas zhus pa// kye ston pa'i ston pa kun byed rgyal po lags// khyod kyi 'khor du bdag 'dus 'khod pa ste// bdag ni 'tshal ba'i don ni ci zhig mchis// bdag 'tshal don ni khyod kyis bstan du gsol// zhes zhus so// de nas byang chub kyi sems kun byed rgyal po des nyid kyi rang bzhin dang / nyid kyi ngo bo dang / nyid kyi thugs rje las chos thams cad bkod pa ni nyid kyi rang 'byung gi ye shes chen po gcig las rang 'byung gi ye shes chen po lnga byung ba ni 'di lta ste/ zhe sdang rang 'byung ye shes chen po dang / 'dod chags rang 'byung ye shes chen po dang / gti mug rang 'byung ye shes chen po dang / phrag dog rang 'byung ye shes chen po dang / nga rgyal rang 'byung ye shes chen po dang / rang 'byung gi ye shes lnga po des rgyan gyi rgyu chen po lnga ni phyung / 'jig cing brten pa'i khams chen po gsum ni bkod de/ rgyan gyi rgyu'i las lnga gcig tu blangs pa 'di lta ste/ rgyan gyi rgyu'i lus sa zhes bya ba'i lus dang / rgyan gyi rgyu'i lus chu zhes bya ba'i lus dang / rgyan gyi rgyu'i lus me zhes bya ba'i lus dang / rgyan gyi rgyu'i lus rlung zhes bya ba'i lus dang / rgyan gyi rgyu'i las nam mkha' zhes bya ba'i lus la gcig tu lus thams cad

  6. 4a

    blangs/ ye shes lnga'i rigs so sor phye ste/ rang 'byung ye shes zhe sdang gi rigs dang / rang 'byung ye shes 'dod chags kyi rigs dang / rang 'byung ye shes gti mug gi rigs dang / rang 'byung ye shes phrag dog gi rigs dang / rang 'byung ye shes nga rgyal gyi rigs dang / rang 'byung ye shes lnga'i rigs lus rgyan gyi lus can gyi chos nyid bkod do// byang chub kyi sems kun byed rgyal po de nyid kyang nyid kyi rang bzhin gyi chos nyid bkod pa de bzhin du bzhugs so// de nas sems dpa' rdo rje de byang chub kyi sems kun byed rgyal po'i spyan sngar yang 'dug nas/ kye ston pa kun byed rgyal po lags// nyid kyi thugs gcig rang 'byung ye shes las// rang 'byung ye shes rnam pa lnga byung nas// de las rgyan gyi rgyu lnga byung nas ni// ye shes lnga yi lus lnga blangs pa 'dis// kun byed rgyal po'i dgos pa ci zhig che// zhes zhus so// de nas byang chub kyi sems kun byed rgyal po des slar gsungs pa// kye sems dpa' chen po dgos pa ni// kun byed rgyal po byed mkhan nga las ni// ma gtogs pa yi byed mkhan gzhan na med// chos nyid byed pa yang ni nga las med// ston pa gsum yang 'god pa nga las med// 'khor gyi tshogs yang 'god pa nga las med// de bzhin chos nyid 'god pa nga las med// sems dpa' rdo rje khyod la nga yis ni// nga yi rang

  7. 4b

    bzhin khyod la bstan par bya// nga la rang bzhin rnam pa gsum yod de// nga yi rang bzhin byang chub sems yin no// byang ba dag gi rang bzhin bstan pa ni// phun sum tshogs pa rnam gsum chos nyid byang // chub pa dag gi rang bzhin bstan pa ni// dgos pa tshogs pa rnam pa gsum gyis ni// nam mkha' bzhin du kun la khyab par gnas// sems zhes bya ba'i rang bzhin bstan pa ni// mi 'gag ma lus kun byed rgyal po ste// kun byas byang chub sems su ma lus byas// zhes gsungs so// byang chub kyi sems kun byed rgyal po las chos nyid mngon du phyung nas bstan pa'i le'u ste gnyis pa'o// // de nas byang chub kyi sems kun byed rgyal po des chos thams cad kyi sngon rol du byed pa po nga byung ba 'di gsungs so// kye sems dpa' chen po yid rna dbang la zhugs shig/ rna dbang sgra la rtogs shig/ kye nga ni kun byed rgyal po ste// ni kun byed byang chub sems// nga med pa yi sngon rol na// chos rnams 'byung ba'i snying po med// nga med pa yi sngon rol na// chos kun byed pa'i rgyal po med// nga med pa yi sngon rol na// ston pa bya ba ye nas med// nga med pa yi sngon rol na// bstan pa bya ba ye nas med// nga med pa yi sngon rol na// 'khor zhes bya ba ye nas med// sems dpa' rdo rje rtog ma skye// sems dpa' chen po khyod nyid kyang // nga yi ngo bo

  8. 5a

    sprul pa yin// zhes gsungs so// de nas sems dpa' rdo rjes byang chub kyi sems kun byed rgyal po la zhus pa// kye kun byed rgyal po byang chub sems/ khyod ni ye nas chen po yin// ston pa dang ni bstan pa dang // 'khor la sogs pa'i chos rnams kun// byed mkhan khyod kyis byas pas na// ji ltar snang ba'i chos rnams kun// byed mkhan khyod kyis byas par snang // ston pa gcig gam rnam pa du ru yod// bstan pa gcig gam rnam pa du ru yod// 'khor rnams gcig gam rnam pa du ru yod// ces zhus so// de nas byang chub kyi sems kun byed rgyal pos slar gsungs pa// kye rang 'byung ye shes kun gyi ston par gcig/ nga yi rang bzhin rnam gsum snang ba la// ston pa'i grangs ni rnam pa gsum du byung // nga ni de bzhin nyid du gcig pa las// chos rnams kun gyi chos nyid de bzhin nyid// nga nyid byang chub sems las gzhan med do// nga las byung ba'i ston pa sku gsum gyis// 'khor la bstan pa rnam pa gsum du bstan// nga yi ngo bo gcig tu phyung nas ni// nga yi rang bzhin gcig tu bstan pa'i phyir// kun byed nga yi 'khor du kun kyang gcig/ nga las byung ba'i ston pa sku gsum gyis// 'khor gyi bye brag rnam pa gsum du yod// ces gsungs so// sems dpa' rdo rje zhus pa// kye ston pa'i ston pa kun byed rgyal po lags/ khyod las

  9. 5b

    byung ba'i ston pa sku gsum la/ khyod sar 'gro ba'i lam ni yod dam med// med na khyod kyis sa ru phyin mi phyin// yod na bgrod nas phyin nam ma bgrod phyin// kye sems dpa' chen po nyon cig/ nga las byung ba'i ston pa sku gsum la// nga yi sa ru bgrod pa'i lam med de// nga yi rang byung ye shes bstan pa yin// sku gsum ston pa de yi 'khor rnams la// rnam par thar pa'i lam ni rnam lnga ste// dus gsum sangs rgyas kun gyi lam du bstan// rang 'byung ye shes lnga yi lam lnga ni// 'dod chags dang ni zhe sdang gti mug dang // nga rgyal dang ni phrag dog rnam lnga ste// rang 'byung ye shes rnam lnga kun gyi lam// zhes gsungs so// ston pa'i ston pa kun byed rgyal po lags// rang 'byung ye shes lam lnga bstan pa de// rang 'byung zhes ni ji ltar byung ba lags// ye shes bya ba'i gtan tshigs ci la gdags// lam zhes bgyi ba'i don ni gang la bgyi// 'dod chags zhe sdang gti mug nga rgyal dang // phrag dog la sogs rnam pa lnga po de// lam lnga yin pa'i don ni bshad du gsol// zhes zhus so// kye sems dpa' chen po// rang 'byung ye shes rnam pa lnga lam ni// rang 'byung rgyu rkyen med par byung ba yin// ye shes 'gag pa med par gsal ba yin// lam ni rgyu rkyen med pas bgrod mi dgos// mi bgrod rang 'byung lnga la lam lngar bshad// 'dod pa chos rnams

  10. 6a

    bdag tu 'dod pa yin// chags pa bdag tu 'dod pa de la chags// zhi ba skye ba med pa'i rang bzhin la// sdang ba cho 'phrul sna tshogs de la sdang // gti mug mi rtog pa yi ting 'dzin gyis// chos nyid mnyam pa nyid la dbye bsal med// nga ni ma nor ba yi byang chub sems// de bzhin nyid du ye nas rgyal bar byed// thams cad de bzhin nyid du gcig pa la// yin min sgro skur 'debs la phrag dog byed// bgrod du med pa'i lam lnga bstan pa yin// kye sems dpa' chen po nyon cig/ ji ltar snang ba'i chos rnams thams cad kun// rang 'byung ye shes lam lnga 'di las byung // 'dod pa'i khams kyang rang 'byung ye shes yin// gzugs kyi khams kyang rang 'byung ye shes yin// gzugs med khams kyang rang 'byung ye shes yin// kun byed rgyal po nga yis byas pa'i phyir// ngas byas thams cad ye shes ngo bor bshad/ khams gsum sems can rgyud drug thams cad kun// rang 'byung ye shes min par ngas ma bshad// de las ma gtogs pa yi byang chub sems// sangs rgyas kun gyi mes po ngas ma bshad// kun byed rgyal po nga yi rang bzhin la// chos nyid rnam pa gsum du bstan pa ste// ma skyes pa yi chos nyid dngos mi snang // de ni gzugs med khams su bstan pa yin// skye ba'i cho 'phrul gzugs su snang ba ni// de ni

  11. 6b

    gzugs kyi khams su bstan pa yin// thugs rje ye shes ngo bo mngon phyung nas// bde sdug las de thugs rjes zad bya'i phyir// 'dod pa'i khams ni thugs rjes phyung ba yin// zhes gsungs so// byang chub kyi sems kun byed rgyal po las chos thams cad kun byed rgyal pos byas pa las ji ltar byung ba'i khungs bstan pa'i le'u ste gsum pa'o// // de nas byang chub kyi sems kun byed rgyal po des nyid kyi rang bzhin mtshan gyi chos bshad pa 'di gsungs so// kye sems dpa' chen po rdo rje khyod nyon cig/ nga ni ye nas rang 'byung ye shes te/ nga ni ye nas chos kun snying po yin// nga ni kun byed rgyal po byang chub sems// nga yi mtshan 'di sems dpa'i rtogs par gyis// nga yi mtshan 'di sems dpas rtogs 'gyur na// chos rnams thams cad ma lus rtogs 'gyur gyis// nga zhes bya ba'i snying po ste// chos rnams kun gyi snying po yin// rang 'byung zhes ni bya ba ni// rgyu rkyen med pa'i snying po pas// rtsol sgrub kun las 'das pa yin// ye shes zhes ni bya ba ni// 'gag pa med cing ma bsgribs pas// chos kun ma lus ston par byed// nga ni byang chub sems la bya// ye nas bya ba'i don 'di ni// thog ma nyid nas gnas pa'i don// chos kun zhes ni bya ba ni// ston pa kun kyang chos nyid la// bstan pa kun kyang chos nyid yin// 'khor

  12. 7a

    gnas dus kyang chos nyid de// chos nyid ma yin gcig kyang med// snying po bya ba'i don 'di ni// thams cad 'byung ba'i snying po ste// byang chub sems kyi rang bzhin las// ston pa gsum yang de las byung // bstan pa gsum yang de las byung // 'khor gnas dus kyang de las byung // thams cad 'byung ba'i snying por bshad// nga ni snying po sems nyid kyis// chos rnams ma lus kun byed de// kun zhes bya/ ba'i chos rnams kun// chos kun gang dang gang zhe na// ston pa dang ni bstan pa dang // 'khor gnas dus ni thams cad kun// byed ces bya ba mkhan po ste// ston pa dang ni bstan pa dang // 'khor gnas dus ni kun byed pas// rang 'byung ye shes mkhan po yin// rgyal po zhes ni bya ba ni// snying po rang 'byung ye shes de// byed pa'i mkhan po kun las rgyal// chos rnams byed mkhan kun las rgyal// byang ba'i don ni 'di lta ste// snying po byang chub sems de ni// rang 'byung ye shes rnam dag pas// kun byed rgyal pos byas pa kun// kun bzang nyid du rnam dag pas// byang zhes bya bar bshad pa yin// chub ces bya ba 'di lta ste// snying po rang 'byung ye shes des// snang ba dang ni srid pa dang // snod dang bcud kyis bsdus pa dang // dus gsum sangs rgyas thams cad dang / khams gsum rgyud drug sems can dang // de bzhin nyid

  13. 7b

    ni thams cad dang // kun la chub ste khyab par gnas// des na chub ces bya bar bshad// sems kyi don ni 'di lta ste// snying po rang 'byung ye shes des// snang srid snod bcud thams cad la// 'jug cing dbang skur gsal bar gcod// des na sems zhes bya bar bshad// rgyu rkyen med pa'i snying po des/ kun la dbang sgyur thams cad byed// kye sems dpa' chen po// nga yi rang bzhin rtogs gyur na// ston pa kun kyang rtogs 'gyur la// bstan pa kun kyang rtogs par 'gyur// 'khor gyi bsam pa rig 'gyur la// dus gnas kun kyang gcig 'gyur rig/ chos rnams thams cad nga yin pas// nga yi rang bzhin 'di rig na// chos rnams thams cad rig 'gyur bas// bya byed rtsol sgrub kun las 'das// mi rtsol lhun gyis grub par 'gyur// zhes gsungs so// byang chub kyi sems kun byed rgyal po las nga nyid kyi mtshan bshad pa'i le'u ste bzhi pa'o// // de nas byang chub kyi sems kun byed rgyal pos sems dpa' rdo rje la nyid kyi rang bzhin bstan pa'i mdo 'dus pa'i don 'di bstan to// kye sems dpa' chen po cig/ nga yi rang bzhin 'di lta ste// yod ni gcig las med pa ste// bstan ni rnam pa gnyis su bstan// byung ni theg pa dgu ru byung // 'dus ni rdzogs pa chen por 'dus// yin ni byang chub sems yin

  14. 8a

    te// gnas ni chos nyid dbyings la gnas// gsal ni rig pa mkha' la gsal// khyab ni snod bcud kun la khyab// byung ni snang srid kun du byung // bstan du mtshan ma'i dngos po med// mthong du dmigs pa'i yul dang bral// shes su tshig tu brjod du med// rgyu las ma byung snying po 'di// sgros kyis btags pa kun dang bral// don 'di nges par rtogs 'dod na// dpe ni nam mkha' lta bur brtag/ don ni chos nyid skye ba med// rtags ni sems nyid 'gag pa med// nam mkha' lta bu'i chos nyid la// nam mkha' lta bu'i dpe yis mtshon// dmigs su med pa'i chos nyid la// dmigs su med par mtshon te bstan// tshig tu brjod du med pa la// brjod du med pa'i tshig brjod de// dmigs med don gyi ngo bor bstan// bsdus te bstan pa'i don 'di ni// don gyi ngo bo 'grel pa ste// 'di yis nga don rtogs par gyis// 'di yis nga don rtogs par byed// 'di yis nga don ma rtogs na// don gyi sgra tshig ci bstan kyang // nga dang phrad par mi 'gyur te// nga las gol la nga bsgribs pas// chos kyi snying po mthong mi 'gyur// zhes gsungs so// byang chub kyi sems kun byed rgyal po las don gyi 'grel pa'i le'u ste lnga pa'o// // de nas byang chub kyi sems kun byed rgyal po des chos thams cad nyid kyi rang bzhin la

  15. 8b

    rdzogs pa chen po de bstan pa'i tshig gsungs so// kye sems dpa' rdo rje tshig 'di nyon// kun byed rgyal po nga yis ni// nga yi chos rnams dang por bkod// nga yi chos rnams mngon du phyung // nga yi ngo bo khyod la bstan// nga yi rang bzhin bstan nas ni// tshig dang sgras kyang don mtshon nas// ngo bo bstan pas khyod kyis mthong // rang bzhin bstan pas a de rig/ tshig tu brjod pas don sgrar thos// zhes gsungs nas// cang mi gsung bar chos thams cad kyi ngo bor bzhugs so// sems dpa' rdo rje 'khor gyi nang nas langs nas byang chub kyi sems kun byed rgyal po'i zhal du mdangs phyung ste 'khod pas kun byed rgyal pos/ kye sems dpa' chen po khyod nga la mdangs kyis 'khod pa de khyod kyis don ci 'dod pa gsol cig/ ces gsungs so// de nas sems dpa' rdo rje zhus pa// kye ston pa'i ston pa kun byed rgyal po lags// chos rnams thams cad khyod kyi rang bzhin na/ khyod kyi ston pa bstan pa 'khor bkod ci zhig lags// phun sum tshogs pa'i dgos pa ci zhig lags// zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' chen po nyon cig/ chos rnams phun sum tshogs par bkod pa ni// nga nyid phun sum tshogs pa'i rang bzhin te// nga yi rang bzhin khyod la bstan par

  16. 9a

    bya// nga yi rang bzhin spros bral mi phyed pas// chos dbyings gnas 'di nga yis byas pa yin// byang chub nyid las de na gzhan mi bzhugs// nga yi rang bzhin ma bsgribs kun khyab pas// gsal ba'i nam mkha' ye shes gzhal yas khang // rang 'byung ye shes nyid las gzhan mi bzhugs// nga ni thams cad 'byung ba'i snying po bas// chen po lnga dang khams gsum rgud drug rnams// nga yi sku gsung thugs las gzhan med pas// nga yi rang bzhin nga yis bkod pa yin// dus gsum sangs rgyas khams gsum sems can yang // nga yi rang bzhin khyed la bstan pa yin// nga yi rang bzhin ma skyes spros bral phyir// mi gnas spyod yul kun las 'das pa yin// mi snang ting 'dzin bsgom pa'i yul las 'das// nga yi rang bzhin khyed la mi snang yang // nga yi ngo bo khyod la snang byas pas// khams gsum chen po lnga dang rgyud drug rnams// snang ba'i rang bzhin byang chub sems lnga las// rang 'byung snying po ye shes lnga byung bas// ye shes lnga yi yul lnga gsal byung bas// 'dod pa lnga byung chags pa lnga byung nas// chags lnga so sor smin pa'i 'bras bu ni// 'gro ba drug gi khyad par so sor snang // 'di ltar snang ba nga yis khyed la bstan pa yin// sku gsum theg pa rnam pa drug bstan pa// nga yis bstan na khyed kyis ma mthong ste// de re nga yi rang bzhin

  17. 9b

    re re la// de re nga yi ngo bo re re ste// sku re dang ni gsung re thugs re dang // kun gyis mthong ba'i ngo bo re re'o// de yang nga yi rang bzhin bstan pa yin// yang dag kun gyi ngo bo byang chub ngas// spros med dbyings kyi ngo bo nga yin la// sangs rgyas kun gyi gnas chen nga yin pas// rol pa khams gsum rgyud drug nga las shar// bde dang sdug bsngal las gyi khyad par te// yang dag ma nor nga yi thugs rje bstan// rgyu dang 'bras bu'i theg pa can rnams la// kun byed nga yi lung 'di bstan mi bya// nga yi lung 'di nges par bstan byas na// dge sdig las la rgyu 'bras yod zer nas// yang dag nga la sgo dang skur btab pas// yang dag nga dang yun du phrad mi 'gyur// nga ni ston pa kun byed byang chub sems// byang chub sems ni kun byed rgyal po ste// dus gsum sangs rgyas byang chub sems kyis byas/ khams gsum sems can byang chub sems kyis byas// snang srid snod bcud byang chub sems kyis byas// rgyu 'bras dpe don gtan tshigs mthun par byas// rgyu yi dus na 'byung chen lnga byas la// 'bras bu'i dus na khams gsum sems can sa// dpe yi dus na kun dpe nam mkha' byed// don gyi dus na kun don ske med byed// rtags kyi dus na kun byed byang chub sems// gtan tshigs dus na rang 'byung ye shes ston// rgyu 'bras dpe don gtan

  18. 10a

    tshigs mthun par byas// byang chub sems kyis kun byas gcig ma byas// kun byas byang chub nyid kyi rang bzhin byas// gcig ma byas pa nyid la bya mi dgos// kun byed nga yi rang bzhin ma brtags par// nga yis byas pa'i chos la nges brtags pas// brkam zhing chags pa'i dbang gis snang ba 'grub// mi rtag sgyu ma'i rang bzhin 'jig par 'gyur// cha med dmu long lta bu'i rang bzhin no// kun byed rgyal pos byas par mi cha bar// dbang po drug la yul drug snang ba la// sdug bsngal mthong nas dbang po 'gegs par byed// des ni kun byed byas pa mi cha bas// skye 'gag med pa'i 'bras bu de la med// nges pa gcig la bden pa gnyis byung nas// kun byed nga yis byas pa'i chos nyid la// don dam kun rdzob bden pa gnyis byung bas// bden pa gnyis kyi rgyu 'bras yong mi mnga'// rgyu 'bras 'das pa'i 'bras bu de la med// med par tshol ba dag pa'i ting 'dzin dang // mi 'byung cho 'phral yan lag bsgom mnga' bas// blang dor med pa'i 'bras bu thob pa med// don gcig ting 'dzin rnam gsum sgom byed pas// bsnyen sgrub rnam bzhi rim par sgom byed pas// rtsol sgrub 'das pa'i 'bras bu de la med// lhun gyis grub pas bya byed kun dang bral// skye med mtshon med gdags med de brjod pas// sgros skur bral

  19. 10b

    ba'i brjod med de rig byed// chos kun byang chub sems yin de dpe ni// kun dpe nam mkha' lta bu'i rang bzhin du// byang chub sems kyi don yang de bzhin no// nam mkha' rlung chus sa me snang ba lnga// byang chub sems las rmad byung mngon sangs rgyas// srid gsum lam lnga 'gro drug snang ba yang // rnam smin las kyis mi bskyod mngon sangs rgyas/ khams gsum ye nas byang chub sku gsung thugs// de bas snang srid snod bcud thams cad kun// nam mkha'i ngang na mi gnas med pa bzhin// byang chub sems kyi klong chen yul che bas// sangs rgyas sems can snod bcud kun kyang gnas// thams cad rnam par dag pa'i chos nyid la// gnyis su med de sgo skur kun dang bral// gang gis med pa'i snying po sems ma mthong // bskal pa du mar don dang phrad mi 'gyur// chos kun rtsa ba byang chub sems su gcig/ sangs rgyas sems can snang srid snod bcud kun// thams cad 'byung ba'i byang chub snying po la// gcig tu med las bgrangs na brjod mi lang // sangs rgyas sku gsung sems can lus ngag kyang // byang chub sems yin ye nas gzung 'dzin bral// gzung 'dzin bral ba gang gis grub pa de// des ni kun grub chos kyi rtsa ba grub// byang chub sems kyi mdo rtsa gcig pu la// sems shing rtog la dga' bas rnam par bgrangs// gnyis dang grangs/

  20. 11a

    la dga' la nga yis bstan// ji bzhin rang bzhin chos nyid sems gcig la// sems la rang bzhin rnam pa gsum snang bas// rang bzhin gsum ni bkod pa'i mchog gsum ste// de ni phun sum tshogs pa'i chos nyid do// gnyis med gcig gi rang bzhin kun 'brel pas// rnal ma gcig la 'byor pa rnam pa bzhi// rnal 'byor rnam pa bzhi yi yul du bstan// sems nyid gcig la che ba lngar bstan pa// sems kyi rang bzhin yon tan lnga ldan pas// rang bzhin lnga la che lngar ming du btags// nges pa gcig la yin min sgros byung bas// gol sgrib the tshom rtog pa bsam yas ni// kun byed rtsol sgrub rtog 'das sel bar byed// yod med sgro skur the tshom bsal ba'i phyir// de bzhin nyid kyi byang chub mi rtog pas// ma nor nges pa'i lung de gtan la 'bebs// de nyid yid ches mngon du bstan pa'i phyir// la dor yid ches pa yi lung bcu yis// rtsol sgrub bya med don bstan de yid ches// med par bden pa'i tshig dgu smras pa ni// snying po gcig la mthong ba'i yul dgu byung // rang res mthong ba'i bden pa'i tshig dgu smras// kun byed pa la thams cad rdzogs pa'i phyir// byang chub sems kyi don 'di che bar gyis// chos kun rtsa ba kun byed byang chub sems// ji ltar snang ba nga yi ngo bo yin// ji ltar byung ba nga yi cho 'phrul

  21. 11b

    yin// sgra tshig ji ltar byung ba thams cad kun// nga yi don nyid tshig sgrar phyung ba yin// sangs rgyas sku dang ye shes yon tan dang // sems can lus dang bag chags la sogs pa// snang srid snod bcud bsdus pa thams cad kun// byang chub sems kyi ngo bo ye nas yin// sems las ma gtogs pa yi chos rnams ni// nga las byung ba'i sangs rgyas sngar 'das la// kun byed rgyal po nga yis lung ma bstan// da ltar bzhugs dang slad kyis 'byon pa la// kun byed rgyal po byang chub lung mi ston// zhes gsungs so// byang chub kyi sems kun byed rgyal po las rtsa ba gcig pa'i le'u ste drug pa'o// // de nas byang chub kyi sems kun byed rgyal pos nyid kyis byas pa las byung ba'i chos rnam par dbye ba 'di gsungs so// kye sems dpa' chen po// sems ni ji bzhin pa yi ngo bo ste// ji bzhin gnyis med bde ba chen po la// rnam pa kun ldan rnam pa yongs kyis med// spros bral nam mkha' bzhin du ye gnas la// dmigs pa'i yul 'das gcig ces bgrangs du med// byang chub sems la bgrang zhing mtshon med na// sems kyis byas pa'i chos la rnam grangs byung // sems kyis byas pa gang dang gang zhe na// snang srid snod bcud sangs rgyas sems can rnams// sems kyi rang bzhin ngo bo de las byas// byas nas mngon du phyung ste bstan pa

  22. 12a

    ni// chen po lnga dang rigs drug snang ba dang // de yi don mdzad gzugs sku rnam gnyis ni// sems kyi rang bzhin dag tu phyung nas bgrangs// zhes bka' stsal to// de nas sems dpa' rdo rjes zhus pa/ kye kun byed rgyal po e ma ho// kun du bzang po e ma ho// byang chub sems khyod e ma ho// dang por byang chub sems langs nas// rang dang chos rnams ma shes nas// kun mkhyen khyed kyi 'khor du 'dus// zhu ba'i dmigs ni mi tsha bas// kun mkhyen khyod kyis bka' stsal pa// chos rnams gcig tu 'dus par ni// byang chub sems mdo bka' stsal na// gcig la gnyis su bstan pa yi// rnam grangs don 'di ji ltar lags// zhes zhus so// de nas byang chub kyi sems kun byed rgyal pos bka' stsal pa/ kye nga ni ye nas lhun gyis grub// nga ni sangs rgyas thams cad kyi// lhun gyis grub pa'i snying po yin// ni thugs rje'i ngo bo ste// gang la dga' ba'i dus su ni// gang dga' ba yi don bya'i phyir// nga yis byas pa'i don bstan gyis// sems dpa' rdo rje khyod nyon cig/ gcig la dga' ba de la ni// chos rnams gcig tu 'dus pa'i phyir// byang chub sems kyi ngo bo ste// sems kyi ngo bo kun byed bstan// mtshan ma grangs la dga' ba la// kun byed rgyal pos byas pa yi// sna tshogs brjod kyis mi lang bstan// de yang nga

  23. 12b

    yi rang bzhin bstan// gcig ni nga nyid snying po ste// gnyis byung nga yis byas pa ste// byas pa'i chos la bgrangs pa yin// grangs kyi don ni gcig dang gnyis// grangs kyi mtha' ni brjod du med// brjod med chos kyi snying po yin// brjod med snying po gcig tu bstan// gcig ni kun byed byang chub sems// byas pa'i chos ni rnam pa gnyis// rgyu dang 'bras bu rnam gnyis las// don dam kun rdzob rnam gnyis kyis// dpe don rtags dang gtan tshigs su// nges lung drang lung gnyis su bshad// rgyu ni 'byung chen rnam lnga la// 'bras bu khams gsum sems can yin// khams gsum sems can rgyu byas nas// 'bras bu sangs rgyas ming btags te// rgyu 'bras dpe don de ru bstan// rgyu ni khams gsum sems can la// 'bras bu sangs rgyas lung bstan pa// de ni drang ba'i lung du bshad// rnam pa gnyis su dbye bar bya// rgyu ni 'byung chen rnam lnga yin// byas pa'i chos ni thams cad kun// sems nyid mngon du phyung ba yin// de bzhin nyid du ma gtogs par// ma rig log rtog gzung 'dzin gyis// yul drug chos la nges brtags pas// 'jig pa drug dang brten pa drug/ 'jig rten zhes su bshad pa yin// yul drug chags pa drug brten nas// chags drug sdug bsngal yang la// mya ngan mya ngan zhes su bshad// mya ngan mya ngan 'das zhes

  24. 13a

    pa// yul drug chos la mi rtog pas// skye drug gnas su mi skye ste// sdug bsngal drug las 'das pa'i phyir// mya ngan 'das zhes de la bya// ji bzhin snying po byang chub las// ma btsal rang bzhin shar ba yi// 'byung ba chen po lnga po yang // rang gi mtshan nyid rang 'dzin la// thams cad snying po byang chub kyang // dmigs su med pa'i ngo bo 'dzin// mtshan nyid mtshan nyid zhes su bshad// rang bzhin shar ba'i chen po lngas// chos kun bskyed pa'i snying po yin// de yis bskyed pa'i sems can rnams// rang 'byung yin par mi rtogs par// spyod pa'i lam de rgyur bltas nas// rgyu las 'bras bu 'byung 'dod pas// rgyu zhes ming du btags pa yin// 'bras bu gang thob theg par bshad// spong 'gegs sbyong ba rnams su bstan// 'bras bu zhes su btags pa ni// snying po rgyu las 'bras bur bshad// snying po'i rang bzhin de la ni// skye 'jig med pa'i rang bzhin la// rdo rje zhes su bshad pa yin// rdo rje de sgrub phyi pa gnyis// sku dang gsung thugs ye shes ni// blang dor byas pa'i sgo nas ni// chu zla bzhin du grub par 'dod// blang dor med pa'i nang pa ni// rim pa gsum dang snying po yis// bdag nyid dbyings dang ye shes lta// gang la'ang mi brten bya med 'di// kun gyi snying por gyur pas na// bya ba med pa'i phrin las

  25. 13b

    'das// bya med bde ba spong byed pa// mi rtsol bde ba'i lung bstan bkod// bskal pa gsum dang mi tshe bdun// zla drug lo gcig zla bcu drug/ rtsol bar byed pa'i theg pa can// bya med ngo bo 'di bstan pas// mi rtsol lhun grub bde la gnas// 'di la ma rdzogs gang yang med// gcig rdzogs gnyis rdzogs kun rdzogs pas// bya ba phun sum tshogs par bde// gcig rdzogs byang chub sems su rdzogs// gnyis rdzogs sems kyis byas par rdzogs/ kun rdzogs phun sum tshogs par rdzogs// gcig la rdzogs pa'i lung 'di yis// sangs rgyas dgongs pa 'di la gnas/ kun rdzogs pa yi don 'di yis// thams cad phun sum tshogs par byed// bya med 'di la gang gnas pa// lus 'di gang zag lha mi yang // dgongs pa chos nyid sangs rgyas yin// 'di yis sems can don byas na// rtsol sgrub mi byed bde bar 'gyur// zhes gsungs so// byang chub kyi sems kun byed rgyal po las rnam grangs bsdus pa'i le'u ste bdun pa'o// // de nas byang chub kyi sems kun byed rgyal pos byas pa'i chos thamasas cad de bzhin nyid du gcig pa las de bzhin nyid la rang bzhin gsum snang bar 'gyur ba de so sor snang ba 'di gsungs so// kye sems dpa' chen po// nga yi de bzhin nyid gcig ni// phun sum tshogs pa gsum

  26. 14a

    du snang // de bzhin ma skyes rang bzhin ni// de bzhin nyid de yul du snang // yul de kun gyi de bzhin nyid// de la kun kyang brtags byas nas// de bzhin nyid la lta byed pa// ma bsgribs rang 'byung ye shes ni// rgyu 'bras ston pa sku gsum snang // la la rgyu yi ston par snang // la la 'brel ba'i ston par snang // la la 'bras bu'i ston par snang // thugs rje mngon du phyung ba yi// rang 'byung ye shes rnam lnga las// byung ba'i sangs rgyas sems can rnams// bstan pa'i yul dang 'khor du snang // de lta bu yi 'khor tshogs la// rgyu 'bras ston pa sku gsum gyis// de bzhin nyid kyi yul gcig la// 'khor gyi lta ba so so bas// la la spong 'gegs yul du bstan// la lar sbyong zhing bgrod par bstan// la lar byin rlabs dag par bstan// la lar blang dor gyis grub bstan// la lar rang rgyud dag pa ste// btsal zhing bsgrub tu yod par bstan// de ltar ston pa sku gsum gyis// rgyu dang 'bras la dgongs nas bstan// rgyu dang 'bras bu rnam gnyis kyang // de bzhin nyid las g.yos pa med// kun byed nga yis lung bstan to// de bzhin nyid ni 'di lta ste// kun byed nga yang de bzhin nyid// ngas byas kun kyang de bzhin nyid// yul drug nga yis byas pa yin// dbang drug nga yi rig pa yin// rnam par shes pa'i tshogs rnams ni// nga yi rang 'byung ye

  27. 14b

    shes yin// 'byung chen lnga yang rgyu lnga ste// kun gyi rgyu lnga de bzhin nyid// thugs rje rang 'byung ye shes lnga/ khams gsum rgyud drug phyung ba yang // de bzhin nyid kyi ngo bor bshad// de bzhin nyid kyi rang bzhin te// ngo bo gnyis su med pa ste// rang bzhin gcig tu gnas pa la// rnal 'byor bzhag pa bzhi phyung ba// rnal 'byor rnam pa bzhi las byung // kye sems dpa' chen po nyon cig/ kun gyi snying po byang chub sems 'di ni/ chos rnams kun gyi rnal ma'i ngo bo ste// ji bzhin de bzhin nyid du ye nas gnas// shin tu rnal 'byor yongs su rnal 'byor dang // rnal 'byor chen po sems dpa'i rnal 'byor bzhis// snying po don gyi rnal ma bya med la// bltas pas mthong ba'i yul ni rnam pa bzhi// sems dpa'i rnal 'byor yul dang dbang por mthong // byang chub lnga dang cho 'phrul rnam pa bzhis// byin gyis brlabs nas sems dpa'i lha gnyis lha// snying po don gyi rnal ma mthong ba med// ma bcos de bzhin nyid du sems dpa' zhog/ don gyi snying po rnal ma bya med la// rnal 'byor chen po rnams kyis mthong ba ni// ye nas rang rgyud dag pa'i dkyil 'khor la// rgyu las 'bras bu lha yi dkyil 'khor te// bsnyen bsgrub bzhi yi yan lag rdzogs byas nas// 'phro 'du bdag nyid lhun gyis grub par lta// don gyi snying po rnal ma mthong ba med// ma bcos de

  28. 15a

    bzhin nyid du chen po zhog/ don gyi snying po rnal ma bya med la// yongs su rnal 'byor rnams kyis mthong ba ni// dbyings ni snying po rnal ma'i rgyur mthong la// ye shes chen po rnal ma'i 'bras bur mthong // snying po gcig la rgyu 'bras gnyis mthong bas// rgyu 'bras 'das pa'i rnal ma mthong ba med// ma bcos de bzhin yongs su rnal 'byor zhog/ don gyi snying po rnal ma bya med la// shin tu rnal 'byor rdzogs chen lha mthong ba// byang chub sems ni kun gyi snying por mthong // de nyid ma bcos don gyi rnal mar mthong // lta ba ye nas bsgom du med par gzhag/ dam tshig ye nas bsrung du med par gzhag/ phrin las ye nas btsal du med par gzhag/ bzhag pas de bzhin nyid la rnal du 'byor// rnal 'byor rnam bzhi lta ba'i bye brag ni// yul gcig re re la yang bzhir dbye ba// sems dpa'i rnal 'byor bye brag bzhir dbye ba// yul dang dbang po rnam par mi rtog sems// des na sems dpa'i rnal 'byor nyid du bshad// byang chub byin rlabs cho 'phrul 'byin pa ni// de ni rnal 'byor chen po zhes su bshad// phyag rgya chen po bzhi dang ldan pa ni// yongs su rnal 'byor zhes su bshad pa yin// ye shes dam tshig rang bzhin med lta ba// shin tu rnal 'byor dgongs par sems dpa' bzhed// blang dor med pa'i rnal 'byor de ma

  29. 15b

    mthong // rnal 'byor chen po bye brag bzhir dbye ba// dang por ting 'dzin rnam gsum sems pa ni// sems dpa'i rnal 'byor zhes su bshad pa yin// rang rgyud dag pas ye shes lta byed pa// rnal 'byor chen po zhes su bshad pa yin// bsnyen sgrub rnam bzhi yongs su rdzogs pa ni// yongs su rnal 'byor zhes su bshad pa yin// thams cad bdag nyid chen por lta ba ni// shin tu rnal 'byor zhes su bshad pa yin// rtsol sgrub 'das pa'i rnal ma mthong ba min// yongs su rnal 'byor bye brag bzhir lta ba// ting 'dzin rim pas bdag skur mi bskyed par// chos nyid rang rgyud dag par sems pa'i phyir// sems dpa'i rnal 'byor zhes su bshad pa yin// yab yum thabs dang shes rab mi ltos par// snying po tsam gyis dkyil 'khor rdzogs pa'i phyir// rnal 'byor chen po'i dgongs par bshad pa yin// snang ba rang bzhin med pa'i chos nyid du// spyod pas yongs su rnal 'byor nyid du bshad// ji ltar snang ba'i chos rnams thams cad kun// rgyu dbyings 'bras bu ye shes lta ba'i phyir// shin tu rnal 'byor zhes su bshad pa yin// rgyu 'bras 'das pa'i rnal ma mthong ba min// shin tu rnal 'byor bye brag rnam bzhi ni// blang dor med pa'i byang chub sems de ni// sems dpa'i rnal 'byor zhes su bshad pa yin// rtsol sgrub 'das pa'i byang chub sems de ni//

  30. 16a

    rnal 'byor chen po zhes su bshad pa yin// rgyu 'bras 'das pa'i byang chub sems de ni// yongs su rnal 'byor zhes su bshad pa yin// yin min sgro dang skur pa 'das pa'i phyir// shin tu rnal 'byor zhes su nga yis bshad// yongs su rnal 'byor la sogs gsum po la// rang 'byung ye shes che dang mi ldan pas// lam la bgrod cing sa la sbyong bar byed// dam tshig tshul bsrung lta ba sgom byed pas// gom pa drag dal lta spyod yod ma yin// de bas shin tu rnal 'byor lta spyod ni// ye nas kun byed nyid kyis byas pa'i phyir// lam la mi bgrod sa la spyod mi byed// dam tshig mi srung lta ba sgom mi byed// byang chub chen po'i lam nas kun 'byung phyir// byang chub nyid la byang chub nyid mi bgrod// bgrod sa byang chub nyid las med pa'i phyir// byang chub nyid la byang chub nyid mi sbyong // dam tshig rang bzhin byang chub nyid yin pas// byang chub nyid la byang chub nyid mi srung // bsgom pa'i rang bzhin byang chub nyid yin pas// byang chub nyid kyis nyid la bsgom du med// lta ba'i yul ni byang chub nyid yin pas// byang chub nyid kyis nyid la bltar med phyir// shin tu rnal 'byor lta spyod bya med 'di// rang 'byung ye shes gom pa drag da la can// kun byed rgyal po nga yi gom pa yin// rgyu 'bras theg pa can gyi spyod yul min// zhes gsungs so// byang

  31. 16b

    chub kyi sems kun byed rgyal po las chos nyid kyi rang bzhin las chos nyid kyi yul kun la bkod pa'i le'u ste brgyad pa'o// // de nas byang chub kyi sems kun byed rgyal po des rgyu 'bras kyi theg pa bgrod lam nor bas rdzogs pa chen po las gol sa dang sgrib par gyur pa 'di gsungs so// kye sems dpa' chen po// byang chub sems kyi rang bzhin 'di nyid ni// chos kun ma lus pa yi snying po ste// ma skyes rnam par dag pas sgrib pa med// bgrod pa'i lam dang bral bas gol sa med// ye nas lhun gyis grub pas btsal du med// chos kun snying po byang chub sems su gcig/ gcig la rnam par bgrangs pas gol sgrib byung // bgrod du med la bgrod pas gol sa byung // dmigs med bltas pas ma mthong sgrib pa byung // de bzhin nyid du thams cad gcig pa la// rgyu spyad 'bras bu phyi mar 'dod pa ni// pha rol phyin bcus sa bcu thob 'dod pa// bskal pa gsum gyi bar du gol nas bsgribs// phyi nang rtog pa dag pa rnam gsum gyis// byang chub lnga dang cho 'phrul yan lag gi/ dam tshig sdom pa tshul bzhin dag na yang // mi tshe bdun gyi bar du gol zhing bsgribs// rgyu la spyod cing 'bras bu lta ba ni// lta spyod so so gnyis su bltas pa yis// gnyis su med la mi tshe gsum bsgribs gol// snying po gcig la blang dor byed pa de// gcig tu ma

  32. 17a

    mthong gnyis su mthong bas na// blang dor ma bral bar du gol zhing bsgribs// rang 'byung gcig la yin pa gsum bsgoms pas// rtsol bral lung las gol zhes lung ston cig/ ji ltar snang zhing srid pa'i chos rnams la// snying po de bzhin nyid du ma rtogs par// dbyings dang ye shes rgyu 'bras bltas pa'i phyir// rgyu yi sgros dang 'bras bu'i skur yin pas// sgro skur gnyis bral yid ches bar du sgrib// med pa'i 'bras bu 'dod pa rnam drug ni// rgyu la bden pa gnyis kyis thob byed dang // dag gsum spyad pas 'bras bu thob byed dang // lha spyod so sos thob par 'dod pa dang // blang dor spyad pas thob par 'dod pa dang // rig pa gsum bsgoms thob par 'dod pa dang // rgyu 'bras dbyings nyid ye shes bltas pa yis// thob par 'dod pa'i nges thob rnam pa drug/ gol sa drug dang sgrib pa drug drug ste// byang chub sems las gol sgrib skyon yin pas// nges thob drug gi skyon yon gsal bar gsung // rtog dpyod gnyis kyang gol sa sgrib pa la// gzung 'dzin gnyis kyang gol sa sgrib par bshad// lha spyod gnyis kyang gol sa sgrib par bshad// lta spyod blang dor rtsol sgrub rgyu 'bras 'das// mi rtsol bde ba che la kun gol bsgribs// byang chub sems ni nam mkha' lta bu ste// nam mkha' lta bu sems nyid chos nyid la// lta bas bsgom med

  33. 17b

    dam tshig bsrung du med// phrin las btsal med ye shes sgrib pa med// sa la sbyang med bgrod pa'i lam yang med// phra ba chos med gnyis med 'brel pa med// sems las nges lung gtan la 'bebs pa med// sgro skur 'das pas man ngag la bzlar med// rdzogs chen byang chub sems kyi lta ba'o// ltar med gcig la sgom byed drug byung bas// la gol la bsgribs lta ba'i gol sgrib byung // bsrung med gcig la sdom pa drug bsrungs pas// la gol la bsgribs dam tshig gol sgrib byung // btsal med gcig la phrin las drug rtsol bas// la gol la bsgribs phrin las gol sgrib byung // bsgribs med gcig la ye shes drug byang bas// la gol la bsgribs ye shes gol sgrib byung // sbyangs med gcig la sbyangs thob drug byung bas// la gol la bsgribs sa yi gol sgrib byung // bgrod med gcig la lam bgrod drug byung bas// la gol la bsgribs lam gyi gol sgrib byung // gzung med gcig la 'dzin byed drug byung bas// la gol la bsgribs chos kyi gol sgrib byung // gnyis med gcig la 'brel pa drug byung bas// la gol la bsgribs 'brel pa'i go la sgrib byung // bden pa gcig la nges pa drug byung bas// la gol la bsgribs lung gi gol sgrib byung // brjod med gcig la rjod byed drug byung bas// la gol la bsgribs man ngag gol sgrib

  34. 18a

    byung // kun gyi snying po byang chub sems 'di ni// ye nas rang gi rang bzhin lhun grub pas// rang bzhin bcu yis btsal zhing bsgrub mi dgos// nga yi rang bzhin kun dpe nam mkha' 'dra// nam mkha' dag la kun kyang rtsol mi byed// nam mkha' dag la kun gyis rtsol bya ru// nam mkha' kun byas rtsol sgrub kun las 'das// de bzhin kun byed snying po byang chub sems// nga nyid spyod yul kun las 'das pa'i phyir// nga la ltar med bsgom du ye nas med// de bzhin rang bzhin bcu po des kyang ni// 'das pa nga la bya ru yod ma yin// rgyu dang 'bras bu'i theg pa can rnams kyis// rang bzhin bcu yis pa la btsal byas nas// nga dang nga yi rang bzhin mthong 'dod pas// mkha' la gom por sa la ltung ba bzhin// rang bzhin bcu pos bgrod pas ltung bar 'gyur// nga yi rang bzhin nges par khungs bstan pa// nga ni spyod yul kun las 'das pa'i phyir// lta ba bsgom du med pa de bzhin du// rang bzhin bcu la de bzhin don med kyis// rang bzhin bcu la don yod ma rtogs shig/ nga ni bltas pas mthong ba'i yul med pas// lta bar ma byed de bzhin nyid du zhog/ spros bral ma skyes bral ba'i rgyu med pas// sdom pa dang ni tshul khrims bsrung mi dgos// snying por ye nas lhun gyis grub pa'i phyir// rtsol ba dang ni bsgrub pa bya mi dgos// rang

  35. 18b

    'byung ye shes sgrib pa med pa'i phyir// rig pa'i ye shes gsal bar bskyed du med// thams cad nga yi sa ru gnas pa'i phyir// sbyangs nas bgrod pa'i sa ni yod ma yin// nga yis kun la khyab par gnas pa'i phyir// nga la bgrod par bya ba'i lam yod min// nga ni ye nas gzung 'dzin bral ba'i phyir// phra ba zhes ni ming du gdags su med// nga yi gzugs kyis kun la khyab pa'i phyir// gnyis zhes bya ba ye nas yod ma yin// nga ni ye nas rang 'byung ye shes la// nga la gzhan gyis gtan la dbab tu med// nga ni kun gyi byang chub snying po bas// gsang ba'i man ngag gzhan na yod ma yin// sgo dang skur ba kun las 'das pa'i phyir// chos rnams kun gyi la ni nga yis bzlas// nga med pa yi yul ni gzhan med pas// lta ba bsgom du med par la yang bzlas// nga las gzhan du bsrung du med pa'i phyir// dam tshig bsrung du med par la yang bzlas// nga las gzhan du btsal du med pa'i phyir// phrin las btsal du med par la yang bzlas// nga las gzhan du gnas pa med pa'i phyir// sa la sbyang du med par la yang bzlas// nga la sgrib pa ye nas med pa'i phyir// rang 'byung ye shes yin par la yang bzlas// nga ni ma skyes chos nyid yin pa'i phyir// phra ba chos nyid yin par la yang bzlas// nga las gzhan du bgrod du med pa'i phyir// lam la bgrod du med par

  36. 19a

    la yang bzlas// sangs rgyas sems can snang srid snod bcud kun// snying po byang chub pa las byung ba'i phyir// ye nas gnyis su med par la yang bzlas// rang 'byung ye shes gtan la 'bebs pa'i phyir// lung chen thog 'bebs yin par la yang bzlas// chos rnams thams cad pa las med pa'i phyir// kun byed pa ni kun gyi la bzla'o// nga ma shes pas sgrib pa'i ngo bor bshad// nga las gzhan btsal gol sa byung ba yin// las dang shes bya rnam pa gnyis su bstan// ma mthong ba ni las kyi sgrib pa yin// ma shes pa ni shes bya'i sgrib pa yin// ji ltar snang ba'i chos rnams thams cad kun// snying po byang chub sems kyi ngo bo bas// ma rig ma shes sgrib gnyis ngo bor bshad// btsal zhing bsgrub pa gol sar ngas bshad do// kye sems dpa' chen po nyon cig/ ji ltar snang ba'i chos rnams thams cad ni// rang yin gzhan min de la rang rtog na// de ni rang la rang gis bsgribs pa ste// rang gi rang bzhin de yis shes pa min// ji ltar snang ba'i chos rnams thams cad kun// sems dpa' nyid yin nyid las gzhan min gyis// mi rtog mnyam pa nyid du bde bar mnos// de la bde ba'i don ni 'di lta ste// rang bzhin chen po bcu la rtsol mi dgos// rang bzhin chen po bcu la ma btsal bas// gol sa sgrib pa drug drug bcu po

  37. 19b

    yi// sum brgya drug cu gol sgrib mtha' yas med// kye sems dpa' chen po// ji ltar snang ba'i chos rnams thams cad kun// rang gi snying po byang chub mngon byung gis// 'di ma yin gyi chos ni gzhan ma bshad// 'di la ma rtog shig par nga lung ston// sems dpa' khyod kyis 'khor gyi tshogs rnams la// ngas bstan bzhin du tshogs la lung ston cig/ ces gsungs so// byang chub kyi sems kun byed rgyal po las gol sgrib skyon sel gyi le'u ste dgu pa'o// // de nas byang chub kyi sems kun byed rgyal pos nyid kyi rang bzhin phun sum tshogs pa 'di gsungs so// kye sems dpa' chen po nyon cig/ kun byed pa la thams cad tshogs pa'i phyir// de phyir phun sum tshogs zhes bya bar bshad// kun byed nga yi rang bzhin rnam gsum las// ston pa bstan pa 'khor rnams byung ba'i phyir// kun byed ces ni de la btags pa yin// dang por ston pa phun sum tshogs pa ni// kun byed nga yi rang 'byung ye shes las// rang bzhin rnam pa gsum du byung ba de// sku gsum ston pa gsum du bstan pa yin// chos kyi sku dang longs spyod rdzogs pa dang // sprul pa'i sku dang rnam pa gsum du bstan// sku gsum de yi rang bzhin bstan pa ni// chos kyi sku yi rang bzhin bstan pa ni// ma skyes gzung 'dzin bral ba'i rang bzhin bzhugs// longs spyod rdzogs

  38. 20a

    pa'i sku yi rang bzhin ni// ji ltar 'dod pa'i longs spyod rdzogs par bzhugs// sprul pa'i sgra yi rang bzhin bstan pa ni// ji ltar 'dul ba'i sku ru sprul nas bzhugs// sku gsum ston pa de yi bstan pa ni// phyi nang gsang ba rnam pa gsum du bstan// ston pa chos sku'i bstan pa 'di lta ste// gsang ba gsum gyi rang bzhin bstan pa ste// gzhi ma chos nyid dag gi rang bzhin las// gsang ba bskyed dang gsang ba rdzogs pa dang // gsang ba rdzogs pa chen po'i rang bzhin gsum// kun gyi spyod yul ma yin gsang bar bshad// med pa'i rim pa gsum skyed gsang ston pa// de ni gsang ba bskyed pa zhes su bshad// gsang ba rdzogs pa zhes su bstan pa ni// nang gi shes rab ting 'dzin gsum mi rtogs// ji ltar snang ba'i chos rnams thams cad la// nang gi ting 'dzin shes rab snying po brjod// rang rgyud dag pa ye nas lhar byas nas// rang gi las kyi rdo rje skye mched rnams// lta spyod blang dor gnyis med bdag nyid 'dod// de ni nang gi gsang ba rdzogs par bshad// gsang ba rdzogs pa chen po bstan pa ni// ji ltar snang ba'i chos rnams thams cad ni// ting 'dzin gsum gyis byang chub sems ma bskyed// snying po yig 'bru brjod nas rdzogs ma byas// kun byed nga ni rdzogs pa chen po ste// nga la ma rdzogs pa ni gang yang med//

  39. 20b

    yi rang bzhin rnam gsum bstan pa ni// rdzogs chen byang chub sems gsum bstan pa yin// de ni gsang ba rdzogs pa chen por bshad// de ni ston pa chos sku'i bstan par bshad// ston pa longs spyod rdzogs pa'i bstan pa ni// bya ba byed pa'i phyi ba sde gsum ste// bya ba byed pa'i rtog can sde pa ni// dang por rnam par mi rtog ting 'dzin gyis// phyi nang rtog pa dag pa gsum bsgoms pas// rtog pa'i gza' skar dus da sgo nas 'jug/ byang chub dang ni cho 'phrul sna tshogs kyis// bdag dang ye shes lha ni rje khol tshul// dag pa gsum gyi mchod pa de byas nas// med par sku gsung thugs kyi dngos grub 'dod// don dam kun rdzob gnyis ka sgyu mar bshad// lta ba spyod pa gnyis su 'byed pa yi// gnyis la brten nas don gcig sgrub byed pa// yod pa'i spyod pas med pa'i don sgrub pas// rten med mkha' la spyang mo nyug pa 'dra// blang dor byed pa'i phyi ba'i gsang ba ni// mi rtog ting 'dzin byin rlabs cho 'phrul gyis// thams cad byin rlabs ye shes sems dpar byas// mchod pa phyi nang gsang ba gsum mchod nas// sku gsung thugs dang phyag rgya bzhi ldan pa'i// ji ltar 'dod pa'i dngos grub thob re ba// chags med re ba 'jog pa'i ting 'dzin 'di// lta spyod blang dor byed pas grub pa med// longs spyod rdzogs pa'i sku yi bstan par bshad// ston

  40. 21a

    pa sprul pa'i sku yi bstan pa ni// nyan thos rang rgyal theg chen mdo sde gsum// phyi zhes mtshan nyid phyi ba zhes su bshad// kun byed nga yi ngo bo 'dod yon lnga// ye shes lnga yi ngo bor phyung ba la// 'dod chags zhe sdang gti mug gsum byung ste// de 'dul ba yi gnyen por gsungs pa ni// chos kyi sgo mo brgyad khri bzhi stong ste// 'dod pa'i yon tan rnam pa lnga byung ba// gzugs dang sgra dang dri dang ro reg las// 'dod chags zhe sdang gti mug rnam gsum byung // de dag 'dul ba'i gnyen por sde snod gsum// 'dod chags 'dul ba'i gnyen por gsungs pa ni// 'dul ba nyi khri chig stong gsungs pa yin// gti mug 'dul ba'i gnyen por gsungs pa ni// mdo sde'i sde snod nyi khri chig stong gsungs// zhe sdang 'dul ba'i gnyen por gsungs pa ni// mngon pa'i sde snod nyi khri chig stong gsungs// dug gsum cha mnyam 'dul ba'i gnyen po ru// sde snod gsum las nyi khri chig stong gsungs// spyi ru brgyad khri bzhi stong gsungs pa yang // dug gsum gnyen pos 'dul phyir gsungs pa yin// mtshan nyid rgyu yi theg pa rnam gsum ste// sgo ni mdo sde 'dul ba mngon pa gsum// de ni bsdus pa'i don zhes bstan pa yin// mdo sde la yang bshad lugs bcu dang gnyis// so sor dbye ba'i don du bstan pa yin// dug gsum rgyu las 'bras bu ngan song

  41. 21b

    gsum// sems can rgyu la las spyod dge sdig gnyis// 'bras bu mtho ris ngan song rnam gnyis so// mtshan nyid rgyu las rab tu bsgrags pa yin// 'di ni sngar gsungs da gsung phyis gsung 'gyur// 'di don brjod du med pa'i don 'di ni// snga ma ma gsung da ltar mi gsung ste// sprul pa'i sku yis phyis kyang gsung mi 'gyur// de bas sprul pa'i sku yi bstan par bshad// kye sems dpa' chen po/ kun byed nga yi rang bzhin rnam gsum la// 'khor gyi dang po ston pa sku gsum shar// sku gsum ston pa gsum gyi 'khor bstan pa// kye sems dpa' chen po nyon cig/ ston pa chos kyi sku yi 'khor bstan pa// nga yis byas pa'i 'khor ni thams cad kun// nga yi rang bzhin chos kyi sku 'khor yin// sangs rgyas sems can snang srid snod bcud kun// chos kyi sku yi 'khor du ma 'dus med// ces gsungs so// kye sems dpa' chen po nyon cig/ ston pa longs spyod rdzogs pa'i sku yi 'khor bstan pa// mos spyod bzhi yi sa la 'das pa yi// dang po rab tu dga' ba'i sa mnan nas// sa bcu chos kyi sprin gyi sa pa rnams// de ni longs spyod rdzogs pa'i sku yi 'khor du bstan// ston pa sprul pa'i sku yi 'khor bstan pa// mu stegs mur thug rgyang 'phen phyal pa bzhi// bla med byang chub lam la gtan gol bas// dbang po sems bsgyur thugs rje byin brlabs

  42. 22a

    nas// dge slong pho mo dge bsnyen pho mo bzhi// ston pa sprul pa'i sku yi 'khor du bstan// zhes gsungs so// kye sems dpa' chen po nyon cig/ nga las byung ba'i ston pa sku gsum gyi// sku gsum so so rang re gnas bstan pa// ston pa chos sku'i gnas ni 'di lta ste// 'og min chos kyi dbyings kyi pho brang ste// yang dag don gyi 'og min de ru bshad// ston pa longs spyod rdzogs pa'i gnas bstan pa// 'jig rten mtshan ma kun gyi steng gyur pa// gnas kyi 'og min khang bu brtsegs pa yi// gzhal yas khang de gnas kyi 'og min bshad// ston pa sprul pa'i sku yi gnas bstan pa// sprul pa'i sku ni rabs bdun shAkya thu ba// gnas ni bya rgod phung po'i gnas bstan te// yang dag thugs rje sprul pa nges med gnas// zhes gsungs so// kye sems dpa' chen po nyon cig/ nga las byung ba'i sku gsum ston pa yi// 'dul ba'i zhing mas khyad par bstan pa ni// chos skra ston pa'i 'dul ba'i zhing khams ni// chos kyi dbyings kyi mtha' yis klas pa dang // nam mkha'i khams kyi ji ltar khyab pa des// chos kyi sku yi 'dul ba'i zhing khams yin// longs spyod rdzogs sku'i 'dul ba'i zhing khams ni// nga las byung ba'i gzugs sgra dri ro reg/ ji ltar 'dod pa'i longs spyod rdzogs pas 'dul// sprul pa'i sku yi 'dul ba'i zhing khams ni// 'dzam bu'i

  43. 22b

    gling ni bye ba phrag brgya las// rang 'byung ye shes thugs rjes rgyud drug 'dul// de ni mthun pa'i bye brag bstan pa yin// nga las byung ba'i ston pa sku gsum de// rgyu mthun 'bras bu mthun pa rang bzhin gcig/ rgyu ni byang chub sems su kun mthun la// 'bras bu sangs rgyas yin par kun kyang mthun// rang bzhin chos nyid ngo bo gcig par bstan// 'dul ba'i dus la snga phyi phye ba med// ces gsungs so// kye sems dpa' chen po yang nyon cig kun byed rgyal po nga las byung ba yi// sku gsum ston pa de yi bshad lugs ni// ston pa chos skus byin gyis brlabs kyis bshad// longs spyod rdzogs pa rang gi ngo bos bshad// sprul pa'i sku ni tshig dang don bsdebs nas// gang zag rna ba'i dbang por tshig don ston// chos sku byin gyis brlabs kyis bshad pa ni// kun byed nga yi rang bzhin bstan pa ste// skye ba med las skye ba'i cho 'phrul du// ji ltar snang srid snod bcud thams cad kun// ngo bo thugs rje cho 'phrul phyung ba ste// rang bzhin byin gyis brlabs kyis bshad ces bya// longs spyod rdzogs sku rang gi ngo bo ston// ji ltar snang ba'i chos rnams thams cad kun// gzugs sgra dri ro reg la sogs pa yi// 'dod pa'i longs spyod thams cad rdzogs par ston// rang gi ngo bos bshad ces nga yis bstan// sbrul skus tshig dang yi ges bsdebs

  44. 23a

    bshad pa// ji ltar snang ba'i chos rnams thams cad kun// ston pa'i ngo bor ston pas ma rig ste// bstan pa zhes pa'i khyad par 'dod sprul pas// don rnams tshig dang yi ger sgra brjod pas// tshig gi sgra des don de go byas nas// don de tshig sgra de yis bshad pa yin// kye sems dpa' chen po nyon cig/ kun byed pa ni sku gsum ngo bo ste// mi rtog mnyam pa nyid du gnas pa de// spros bral chos kyi sku yi ngo bo yin// rang bzhin 'byung ba'i skye ba'i cho 'phral de// 'dod pa 'byung ba'i longs spyod rdzogs sku yin// thugs rjes ji ltar 'dul ba'i don mdzad pa// de ni sprul pa'i sku yi ngo bo yin// kun byed rgyal po'i rang bzhin rnam gsum gyis// gang la gang gis 'dul ba'i skur ston mdzad// bstan pa'i rang bzhin brjod du med pa'i don// gang la gang 'tsham de yis don mdzad pa// de ni bstan pa phun sum tshogs par gsungs// 'khor gyi rang bzhin gang la gang 'dus nas// de la 'dus nas de yi gdung 'tsho ba 'dzin// de la phun sum tshogs pa'i 'khor zhes bya// nga ni ston pa kun byed byang chub sems// kun byed gcig la rnam pa gsum bgrangs pa// kun byed nga dang nga yi rang bzhin dang // nga yis byas pa'i chos dang rnam pa gsum// nga ni ston pa kun byed kun gyi mes// nga yi rang bzhin rnam pa bcur bstan pa// de

  45. 23b

    ni bstan pa kun gyi snying por bshad// kun byed nga yis byas pa'i chos rnams ni// dus gsum gcig na bzhugs pa'i sangs rgyas dang // khams gsum gnas pa'i 'gro ba thams cad kun// dbye ba med par 'khor gyi dam par byas// kun byed gcig gis phun sum tshogs byas pas// sems kyi dgos pa kun byas phun sum tshogs// gang la gang dgos dgos pa tshogs pa la// kun byed nga yis phun sum tshogs par bshad// ston pa'i rang bzhin rnam pa gsum bstan pa// 'khor gyi dang po ston pa sku gsum shar// ma skyes gzung 'dzin bral ba'i rang bzhin de// 'khor gyi dang po ston pa chos skur shar// skye ba'i cho 'phrul kun bzang rol pa de// 'dod spyod longs spyod rdzogs pa'i sku ru shar// sna tshogs ji ltar 'dod pa byung nas ni// de dang mthun par kun kyang tshim byed pa// de ni sna tshogs sbrul sku zhes su bshad// sku gsum ston pa grags phyogs mthong ba ni// sangs rgyas chub sems dpa' bzod thob gsum// gang 'thad ston pa'i sku la de 'dus nas// de dang mthun pa'i gnas su don ston bzhugs// bstan pa'i rang bzhin yang ni de 'dra ste// sku gsum gang gis 'khor la gang ston pa// gang la gang gis 'dul ba'i don rnams kyis// sangs rgyas lha mi 'jig rten las dag la// bstan pas 'dul phyir phun sum tshogs zhes bshad// mi gnas

  46. 24a

    chos sku dbyings nas bzhugs pa yis// dus gsum sangs rgyas khams gsum sems can la// spros med byang chub sems ni chos smras bstan// ye shes longs spyod 'og min bzhugs pa yis// sa bcu pa yi byang chub sems dpa' la// byang chub sems de sku dang ye shes bshad// thugs rje sna tshogs nges med sprul pa yis// bzod thob gang na 'dus pa'i 'khor de la// ma nges gang gis 'dul ba'i don yang bstan// smon lam las bzang rkyen gyis bar mchod// nga yi thugs rje sems dpa'i dus la bab// ngas bstan 'khor gyi nang nas khyod sdud dang // gnyis med don nyid nga yis bstan pa gsum// tshogs pas dus gnas rang bzhin de la tshang // phun sum tshogs pa rnam pa gsum po de// ye nas dkon pa'i dkon mchog gsum du bstan// kun byed nga yi sku gsung thugs su bshad// ston pa dkon pa'i sangs rgyas dkon mchog ni// chos sku longs spyod sku dang sbrul sku ste// bstan pa dam chos dkon pa'i gsung mchog ni// brjod du med pa'i kun byed gsung mchog gsum// 'khor gyi dge 'dun thugs mchog de la ni// gang la gang dgos gang 'tsham ston par byed// nga ni ston pa kun byed byang chub sems// sku gsum byed pa'i ston pa ngas byas nas// bstan pa dam chos gsum du bkod pa ni// phyi dang nang dang

  47. 24b

    gsang ba gsum du bkod// de la rnam pa gsum gsum dgur grags pa// sbrul sku thugs rjes ji ltar 'dul gsum bsgrags// longs spyod bya byed phyi nang gsum du sgrogs// chos sku gsang ba'i mngon pa gsum sgrogs pa// phyi dang nang dang gsang ba gsum po de// lus dang ngag dang yid dang sku gsung thugs// de las 'phros pas rnam pa dgur byung ba// la dgu lung dgu lam dgu bgrod pa yis// theg gcig kun byed byang chub sa la bgrod// kun byed bya byed med par rtsol sgrub 'das// bgrod pa med par byang chub sa la phyin// zhes gsungs so// byang chub kyi sems kun byed rgyal po las phun sum tshogs pa shin tu dkon pa'i le'u ste bcu pa'o// // de nas byang chub kyi sems kun byed rgyal pos chos thams cad kyi rtsa ba bsdus pa 'di gsungs so// kye sems dpa' chen po nyon cig/ chos thams cad kyi rang bzhin dang rtsa ba ni 'di lta ste// nga ni chos kun rang bzhin yin pa ste// nga yi rang bzhin las ni chos gzhan med// ston pa sku gsum pa yi rang bzhin yin// dus gsum sangs rgyas nga yi rang bzhin yin// byang chub sems dpa' nga yi rang bzhin yin// rnal 'byor rnam bzhi nga yi rang bzhin yin// 'dod khams gzugs khams gzugs med khams gsum yang // kun byed nga yi rang bzhin bstan pa yin// 'byung chen lnga yang

  48. 25a

    nga yi rang bzhin yin// rgyud drug sems can nga yi rang bzhin yin// snang ba thams cad nga yi rang bzhin yin// srid pa thams cad nga yi rang bzhin yin// snod bcud bsdus pa nga yi rang bzhin yin// nga yi rang bzhin las ni gzhan med pas// chos rnams kun gyi rtsa ba nga la 'dus// nga las ma 'dus pa ni gcig kyang med// ma skyes pa dang skye ba'i cho 'phrul dang // thugs rje'i rang bzhin rnam pa gsum byung ba// de ni ston pa gsum gyi rang bzhin yin// snga pa da lta phyi ba dus gsum yang // nga nyid gcig tu gnas pa'i rang bzhin las// sangs rgyas thams cad gcig tu gnas pa'i phyir// de yang nga yi rang bzhin bstan pa yin// nga nyid gzung 'dzin bral bas byang ba dang // nam mkha' bzhin du kun la khyab pa dang // chos rnams kun gyi snying po byed pa'i phyir// byang chub sems kyang nga yi rang bzhin yin// kun byed nga ni gcig tu gnas pa la// nga yi rang bzhin de bzhin rnal ma la// rnam bzhi 'byor pa rnal ma gcig tu 'byor// des na nga yi rang bzhin yin par bshad// kun byed nga yi lus ngag yid gsum las// 'byung yang nga yi rang bzhin de las 'byung // 'dus kyang nga yi rang bzhin de la 'dus// yin yang nga yi ngo bo de yin pas// khams gsum nga yi rang bzhin yin par bshad// kun byed nga yi rang bzhin rnam lnga ni// nga yi ngo bo

  49. 25b

    rnam lnga phyung ba ste// nam mkha' rlung chus me snang ba lnga// kun byed nga yi rang bzhin bstan pa yin// kun byed nga yi thugs rjes mngon phyung nas// rang 'byung ye shes rnam lnga bstan pa ni// 'gro ba rigs drug sems can snang ba yang // kun byed nga yi rang bzhin bstan pa yin// kun byed rgyal po nga yi rang bzhin las// snang srid snod bcud bsdus pa thams cad kun// thams cad ngas byas nga las byung ba'i phyir// ngar 'dus pa'i chos ni gcig kyang med// nga las byung ba'i ston pa sku gsum yang // kun byed nga yi rang bzhin rnam gsum ston// snga pa da lta phyi pa dus gsum gyi// rnam gsum gcig tu gnas pa'i sangs rgyas kyang // snga phyi med par kun byed rang bzhin gnas// gzung 'dzin bral ba'i byang chub sems dpa' yang // kun byed nga yi rang bzhin sems dpar byed// rnal 'byor rnam bzhi rnal mar 'jog pa yang // kun byed pa la rnal du 'jog par byed// kun byed rgyal pos thams cad byas pa bzhin// thams cad kun byed rgyal po nyid du 'dus// zhes gsungs so// byang chub kyi sems kun byed rgyal po las chos thams cad kyi rtsa ba byang chub kyi sems kun byed rgyal po nyid kho nar 'dus pa'i le'u ste bcu gcig pa'o// // de nas byang chub kyi sems kun byed rgyal po nga yis chos thams cad kyi khungs kyi mdo 'di gsungs so// kye

  50. 26a

    sems dpa' chen po// nga ni kun gyi lung khungs yin pa ste// ji ltar snang ba'i chos rnams thams cad kun// thams cad nga las byung bar shes par gyis// chos kyi spyi khungs chen po 'di nyon la// chos rnams thams cad 'di ltar lung ston cig/ kun byed rgyal po byang chub sems pa ni/ lung chen kun gyi rgyal po nga yin pas// ston pa gsum yang dang po nga las byung // lung zhes bya ba ston pa'i bka' la gdags// man ngag kun gyi rtsa ba nga yin pas// sems las ma gtogs pa yi chos nyid ni// dus gsum sangs rgyas khams gsum sems can la// kun byed nga yis yang dag bstan pa med// rgyud dang mdo sde kun gyi spyi 'grel yin// rgyud dang mdo sde ston pa'i ston pa yang // kun byed nga yi rang bzhin phyung ba yin// ston pa dang ni bstan pa gnyis ka 'grel// kun byed rgyal po byang chub sems pa ni// bstan pa kun gyi yang rtse yin par bshad// nga las byung ba'i ston pa sku gsum gyis// bstan pa'i 'dul ba mdo sde mngon pa dang // tan tra so so'i sde ni 'bum sde dang // bskyed rdzogs gsang ba la sogs rtsol sgrub can// kun kyang rtsol sgrub 'das pa nga la bgrod// rtsol sgrub nyid kyis 'das pa nga mi mthong // des na bstan pa kun gyi yang rtse yin par bshad// kun byed rgyal po byang chub sems nga ni// theg pa kun gyi nying khu yin par

  51. 26b

    bshad// ston pa gsum gyi gnas pa'i theg pa gsum// nges par gnas pa theg pa gcig las med// gcig ni kun theg byang chub sems kyis// de ni theg pa kun gyi nying khur bshad// kye ni ma rig pa yi mun bsal nas// ye shes chen po'i snang ba mched par byed// de yang ji lta ba zhes bstan zhe na// ji ltar snang ba'i chos rnams thams cad kun// byang chub de bzhin nyid du ma rig ste// ma rig rtog pa'i mun par 'thibs pa la// ji ltar snang ba'i chos rnams thams cad kun// kun byed byang chub sems kyis byas pa'i phyir// kun byed byang chub sems su rig byas nas// ji ltar snang ba'i chos rnams thams cad kun// so sor rtog pa'i mun pa bsal nas kyang // rang 'byung ye shes chen po snang ba mched// des na ma rig mun sel snang ba mched ces bya// kye sems dpa' chen po// rnam par rtog pa'i dra ba dral nas ni// nyon mongs pa yi phreng zag gcod par byed// ji ltar snang ba'i chos 'di thams cad la// rgyu dang 'bras bu'i theg pa can rnams kyis// la las dug mthong spong ba'i rtog pa byed// la las sems chags pa yi yul mthong nas// bden gnyis ma chags pa yi rtog pa byed// la las rnam dag bya ba'i yul mthong nas// dag pa gsum dang byin rlabs cho 'phrul gyis// rje dang khol gyi tshul du rtog par byed// la las rang

  52. 27a

    dag pa yi rang bzhin la// bsnyen sgrub rnam bzhes sgrub 'dod rtog byed pa// thams cad kun byed byang chub sems nga yis// sems las gzhan ma yin rtog dral nas ni// so sor rtog pa'i nyon mongs phreng thag gcod// ces gsungs so// kye sems dpa' chen po// kun byed rgyal po byang chub sems nga ni/ khyod kyis nga yi rang bzhin 'di rtogs la// ji ltar snang ba'i chos rnams thams cad kun// nga las gzhan med pa ru lung ston cig khyod kyis nga yi lung 'di bstan 'gyur na/ khyod la 'dus pa'i 'khor tshogs thams cad kyis// kun byed nga yi rang bzhin rtogs gyur nas// kun kyang nga yi rang bzhin nyid du 'gyur// kun kyang nga yi rang bzhin gyur pa na// ji ltar snang ba'i chos rnams thams cad la// kun yang spong 'gegs bden gnyis sbyong mi byed// gtsang sbras dag gsum byin gyis rlob mi byed// ting 'dzin sems bskyed rtsol dang sgrub mi byed// thams cad kun byed nga ru byas zin pas// kun byed nga ru thams cad mnyam pa nyid// mnyam nyid nga yis mnyam nyid bya mi dgos// mnyam nyid bya mi dgos par sngar lung bstan// zhes gsungs so// byang chub kyi sems kun byed rgyal po las nges par lung khungs bstan pa'i le'u ste bcu gnyis pa'o// // de nas byang chub kyi sems kun byed rgyal po des lung thams cad kyi

  53. 27b

    rgyal po yin pa'i phyir// chos thams cad kyi spyi lung bshad pa'i bshad lugs 'di gsungs so// kye sems dpa' chen po nyon cig/ nga ni chos kyi spyi lung yin pa'i phyir// gtan tshigs don gyi bshad lugs lnga ni// spyi don rnam pa lnga yis bshad pa ste// lo rgyus don gyi bshad lugs bstan pa dang // rtsa ba don gyi bshad lugs bstan pa dang // yo ga don gyi bshad lugs bstan pa dang // dgos pa don gyi bshad lugs bstan pa dang // tshig gi don gyi bshad lugs bstan pa'o// dang po yid ches pa yi khungs bstan phyir// lo rgyus don gyi bshad lugs bstan par bya// chos kun rtsa ba sems su 'dus pa'i phyir// des na rtsa ba'i don de bstan par bya// theg pa'i khyad par so sor dbye ba'i phyir// yo ga don gyi rtsa ba bstan par bya// rtsol sgrub bya mi dgos par bstan pa'i phyir// dgos ched don gyi dgos pa de ru bstan// mi rtogs don de rtogs par bya ba'i phyir// tshig gi don de sgra ru brjod par bya// kye sems dpa' chen po// lo rgyus don gyi dgos pa bstan pa ni// dang por yid ches pa yi khungs bstan phyir// lo rgyus don gyi bshad lugs bstan pa ni// rang bzhin byin gyis brlabs kyis bshad lugs dang // rang gi ngo bo bstan pa'i bshad lugs dang // don gyi sgra tshig bsdebs pa'i bshad lugs so// kun byed nga yi rang bzhin rnam gsum

  54. 28a

    las// nga las byung ba'i ston pa sku gsum gyis// rang bzhin dang ni ngo bo sgra tshig gis// ji ltar byung ba'i khungs des yid kyang ches// kye sems dpa' chen po nyon cig/ rtsa ba don gyi dgos pa bstan pa ni// snang srid snod bcud bsdus pa thams cad dang // sangs rgyas sems can bsdus pa thams cad kun// kun byed byang chub nga yis byas pa'i phyir// thams cad byang chub sems las ma gtogs pa// gzhan zhes bya ba ye nas med pa'i phyir// kun kyang byang chub sems su bstan pa'i phyir// rtsa ba don gyi dgos ched bstan pa yin// kye sems dpa' chen po nyon cig/ yo ga don gyi dgos ched bstan pa ni// kun byed pa las byung ba'i sku gsum gyis// longs spyod sku dang chos sku'i bstan pa yi// tan tra la sogs yo ga sde rnams la// so so'i khyad par bye brag yod kyis kyang // rgyu 'bras 'das pa nga yi bstan pa ni// rdzogs chen a ti yo ga'i don 'di ni// theg pa shan 'byed rdzogs pa'i lung zhes bshad// des na yo ga'i don gyi dgos pa bstan pa yin zhes bya// kye sems dpa' chen po nyon cig/ dgos ched don gyi dgos pa bstan pa ni// bskal pa dpag tu med pa'i sngon rol nas// kun byed byang chub nga la dad pa yi// las dang skal ldan shin tu rnal 'byor pa// lta ba bsgom med dam tshig bsrung du med// phrin las

  55. 28b

    btsal med lam la bgrod du med// sa la sbyang med rgyu dang 'bras bu med// don dam dang ni kun rdzob rnam gnyis med// bsgom zhing bsgrub tu med par mthong ba dang // sems bskyed med cing gnyen po med mthong ba// kun byed sems kyi rang bzhin mthong ba yi// de lta bu yi dgos ched bstan pa yin// zhes gsungs so// kye sems dpa' chen po nyon cig/ tshig gi don gyi dgos pa bstan pa ni// kun byed byang chub sems pa de bzhin nyid// ji ltar snang ba'i chos rnams bstan pa ni// kun byed de bzhin nyid kyi rang bzhin te// tshig dang yi ge sgra ru ma bsgrags na// gang zag yid kyi dbang po rig pa yis// de bzhin nyid kyi rang bzhin gab mi snang // des na tshig dang yi ge sgra ru bsgrags// des na tshig gi don gyi dgos par bshad// kye sems dpa' chen po// gang dang gang gi lo rgyus bshad pa ni// ston pa bstan pa 'khor gyi lo rgyurgyas te// ston pa kun byed rang bzhin rnam gsum las// 'khor gyi rang bzhin sku gsum ston pa byung // sku gsum ston pa'i bshad lugs rnam gsum ni// ston pa bstan pa gsum gyi lo rgyus yin// gang dang gang gi rtsa ba bshad pa ni// nga las byung ba'i ston pa sku gsum gyis// ji skad bstan pa'i chos rnams thams cad kun// rtsa ba byang chub sems su bstan pa'i phyir// ston pa dang ni bstan pa 'khor rnams kyi// rtsa ba

  56. 29a

    don gyi gtan tshigs bstan pa yin// nga yi rang bzhin de bzhin nyid gcig la// rnal 'byor rnam bzhi yo ga'i bye brag ni// lta ba spyod pa dam tshig sgrub pa dang // mi mthun khyad par so so'i bye brag de// shin tu rnal 'byor rtsol sgrub 'das pas 'byed// des na yo ga'i don gyi gtan tshigs bstan// dgos ched don gyi nges tshig bstan pa ni// dgos ni khams gsum sems can thams cad kun// rang sems de bzhin nyid de mthong 'gyur na// sangs rgyas tshig gi sa la mi gnas te// da lta nyid nas shin tu rnal 'byor thob// las med skal ba chung ba rnams la ni// ma gab mngon du phyung yang mi rtogs te// gang zhig nor bu rin chen 'dod pa de// shing la byi dor byas pas mi 'gyur bzhin// las bzang skal ldan shin tu rnal 'byor la// lta ba dam tshig phrin las sa lam dang // sems bskyed rgyu 'bras sgom sgrub gnyen po med// don dam kun rdzob rnam gnyis med mthong ba// des na sems kyi de bzhin nyid mthong bas// de lta bu la dgos pa'i dgos ched yin// zhes gsungs so// tshig gi don gyi dgos pa'i nges tshig ni// med pa'i don bcu med pa'i sgra dang tshig/ tshig tu brjod pas bya med don mthong nas// bya mi dgos pa'i kun byed de thob pas// tshig gi don gyi dgos pa bstan pa yin// zhes gsungs so// byang chub kyi sems kun

  57. 29b

    byed rgyal po las sems kyi bshad lugs kyi le'u ste bcu gsum pa'o// // de nas byang chub kyi sems kun byed rgyal pos nyid kyi gsang ba dam pa'i gdams ngag 'di gsungs so// kye sems dpa' chen po// kun byed nga ni kun tu gsang ba'o// nga las byung ba'i sku gsum ston pa la// nga yi rang bzhin rnam gsum mi bstan gsang // nga la gnas pa'i dus gsum sangs rgyas la// nga yi rang bzhin mi bstan gsang bar bya// nga la 'dus pa'i 'khor tshogs thams cad la// nga yi rang bzhin mi bstan gsang bar bya// nga yis byas pa'i khams gsum sems can la// nga yi rang bzhin mi bstan gsang bar bya// nga yi rang bzhin ma gsang bstan byas nas// sku gsum ston pa nga las 'byung mi 'gyur// sku gsum ston pa nga las ma byung na// bstan gsum theg gsum 'khor gsum tshogs mi 'gyur// bstan gsum theg gsum 'khor gsum ma tshogs na// sangs rgyas chos dang dge 'dun dkon mchog gsum// bla med byang chub kun gyi rig pa med// nga las byung ba'i dus gsum sangs rgyas la// nga yi rang bzhin ma gsang bstan gyur na// sgra gsum ston gsum med pa'i skyon du 'gyur// nga la 'dus pa 'khor gyi tshogs rnams la// nga yi rang bzhin ma gsang bstan gyur na// ston gsum theg pa khyad par phyed mi 'gyur// nga yis byas pa'i khams gsum

  58. 30a

    sems can la// nga yi rang bzhin thugs rjes bstan gyur na// ston pa gsum gyis bstan pa'i gnas med 'gyur// ston pa gsum gyi bstan pa'i gnas med na// kun byed nga yis byas pa'i chos mas la// phun sum tshogs pa zhes su su zhig 'dogs// des na kun byed rgyal po nga yis ni// nga yi rang bzhin nga yis phyung nas ni// nga la nga yi rang bzhin nga yis bstan// nga las byung ba'i ston pa 'khor rnams la// bstan pa'i lung ni kun byed ngas ma phog/ shin tu rnal 'byor kun byed nga yin pas// de la kun byed rang bzhin bstan par bya// zhes gsungs so// byang chub kyi sems kun byed rgyal po las skal med la gsang ba'i le'u ste bcu bzhi pa'o// // de nas byang chub kyi sems kun byed rgyal pos nyid kyi lung chen po mngon du phyung ba'i lung 'di bstan to// kye sems dpa' chen po nyon cig/ kun byed rgyal po nga yis ni// mngon du phyung ba gsum bstan te// nga yi rang bzhin rnam gsum ngas bstan pa// don rnams ston pa'i ston pa dang // don rig 'dod pa'i 'khor rnams dang // ma nor nges pa'i don dang gsum// kun byed nga yis mngon du phyung // don ston mngon du phyung ba ni// chos kyi sku dang longs spyod rdzogs// sprul pa'i sku dang rnam la gsum// 'khor gyi dang po ston pa sku gsum ste// don ston pa yi ston pa

  59. 30b

    de// gzung 'dzin bral ba'i rang bzhin dang // nga yi ngo bo ston pa dang // thugs rje'i rang bzhin don mdzad gsum// rang bzhin gsum las mngon du phyung // ston pa gsum yang mngon phyung ba'o// don rig 'dod pa mngon phyung ba// ston pa gsum gyi 'khor gsum ste// nga bstan pa yi bye brag ni// dus gsum bzhugs pa'i sangs rgyas dang / khams gsum gnas pa'i sems can kun// mi rtog mnyam nyid gnas pa de// kun byed nga yis mngon phyung 'khor// dbang po yul gyi rnam pa la// nyon mongs mi skye rnam mi rtog/ rang gi byang chub sems nyid la// chos dang chos nyid rtog byed pa// dang po sa nas bcu par bsgribs// sa bcu byang chub sems dpa' dang // longs spyod 'dod yon rnam pa lngar// mthong ba'i ston 'khor rnam gnyis kyang // nga yi ngo bor mngon phyung yin// de bzhin nyid kyi rang bzhin la// rig pa yid kyi dbang po des// brtags pas mthong ba'i shes pa de// la las rtag pa nyid du mthong // la las stong pa chad par mthong // rgyu 'bras log par mthong ba yi// mu stegs rnam bzhis byin brlabs nas// rgyu dang 'bras bu lung bstan pa'i// sdig spong sems dge rnam bzhi ni// bskal pa chen po gsum bar du// gnas pa'i 'khor dang ston pa yang // nga yis mngon du phyung ba yin// ye shes rig pa'i yul can la// yang dag nges par

  60. 31a

    mngon du phyung // kye sems dpa' chen po// mngon du phyung ba zhes bya ba// gang gis gang mngon phyung ba ni// gang gis nga yis mngon du phyung // gang zhig mngon du phyung ba ni// sems de nyid de mngon du phyung // gang gi don du mngon phyung na// yul la so sor lta ba yi// 'khor gyi don du mngon phyung yin// la la spong ba'i don du phyung // la la 'gegs pa'i don du phyung // la la spyod pa'i don du phyung // la la dag byed don du phyung // la lar blang dor don du phyung // la lar bdag nyid don du phyung // la las spang ba'i yul du mthong // la las dgag pa'i yul du mthong // la las spyod pa'i yul du mthong // la las dag bya'i yul du mthong // la las blang dor yul du mthong // la las dbang bsdu'i yul du mthong // rgyu dang 'bras bu'i ston pa yi// 'khor tshogs rnams kyis de ltar mthong // sems dpa' chen po// nga yi rang bzhin mngon phyung ba// 'di ni nges par lung ston cig/ nga ni khyed kyi ngo bo ste// nga yi rang bzhin phyung ba de// khyed kyi rang bzhin phyung ba yin// khyed kyi rang bzhin phyung ba des// rang gi rang bzhin shes par gyis// rang gi ngo bo shes par gyis// rgyu 'bras 'khor la lung ston cig/ ces gsungs so// de nas sems dpa' rdo rje des rgyu 'bras kyi 'khor la 'di skad ces gsungs so// kye rgyu dang 'bras bu'i ston 'khor rnams// ston

  61. 31b

    pa'i ston pa kun byed kyis// kun byas phun sum tshogs par byas// phun sum tshogs pa mngon phyung ba// rang gi rang bzhin mngon phyung bas// rang gi rang bzhin yin par rtogs// rang gi ngo bo yin par rtogs// de la gzhan yin ma rtogs par// rang nyid yin par kun gyis rtogs// rang nyid yin par ma rtogs te// yul de rang du ma rtogs par// yul de dgra dang tsher brtags nas// rang gi rang bzhin de spangs nas// bskal pa brgya phrag yun ring du// chos nyid rang gi sems mi mthong // rang sems chos nyid ma mthong na// bskal pa brgya phrag yun ring du// rang gi byang chub de spong 'gyur// bya med bde chen de mi thob// yul de rang du ma rtogs par// yul de rkyen gyis dgrar brtags nas// rang gi rang bzhin de bkag na// bskal pa brgya phrag yun rings su// chos nyid rang gi sems mi mthong // rang sems chos nyid ma mthong na// bskal pa brgya phrag yun ring du// rang gi byang chub de 'gegs pas// bya med bde chen de mi thob// yul de rang du ma rtogs par// yul de sbyang ba'i yul mthong nas// rang gi rang bzhin sbyong byed na// bskal pa chen po gsum bar du// chos nyid rang gi sems mi mthong // rang sems chos nyid ma mthong ste// rang sems sbyang med gding dang bral// yul de byang chub rang dag la// gzung 'dzin dri ma yod

  62. 32a

    mthong nas// phyi nang rtog pa dag gsum gyis// khrus dang gtsang sbra dag byed pa// dag pa'i rang sems ma mthong ba// rang sems dag pa de dang bral// mi yi skye ba tshe bdun du// rang sems gnyis med de mi mthong // lhun gyis grub pa'i byang chub la// btsal zhing bsgrub pa'i yul mthong nas// sems bskyed ting 'dzin rnam gsum gyis// thams cad dbang sdud bdag tu byed// rang gi byang chub btsal med la// btsal bas grub par 'dod pa'i phyir// bcu drug zla bas tshes bsgrubs nas// stong dang brgya drug lo yis ni// cha lugs longs sku bzung nas ni// rang sems lhun grub bzod rtog byed// rang sems chos nyid mngon phyung 'di// rgyu dang 'bras bu rtog byed pa'i// rtsol sgrub can la phan med kyang // las dang skal bar ldan pa yi// dgos ched don du phyung ba yin// zhes sems dpa' rdo rjes gsungs so// de nas kun byed rgyal po nyid kyis lung bstan pa// kye sems dpa' chen po// chos nyid mngon du phyung ba rang sems yin// rgyu dang 'bras bu theg pa can rnams kyis// rang sems mngon du phyung ba ma rtogs te// spong zhing 'gegs pas bskal pa yun rings gnas// sbyongs shing bgrod la bskal pa gsum du gnas// dag byed khrus dang gtsang sbras mi tshe bdun// byin rlabs blang dor can ni mi tshe gsum// dbang sdud bdag 'dod

  63. 32b

    lo stong brgya drug tu// longs sku cha lugs de yi rang sems rtogs// nam rtogs dus na mi rtsol bde chen thob// kye sems dpa' chen po nyon cig/ rgyu 'bras theg chen bzhin du ma yin gyis// kun byed nga yi lung 'di nges par zung // ji ltar snang ba'i chos rnams thams cad dang // rang sems chos nyid ye nas gcig yin pas// rgyu 'bras lugs bzhin 'di la rtog ma byed// rang sems de bzhin nyid la rtog ma byed// rang sems de bzhin nyid la brtag bya ru// rang gi byang chub ngo bo snang ba yin// 'di las ma rtogs so sos ming btags pa// kun rdzob snang la don dam mi snang 'dogs// don dam kun rdzob gnyis med bden pa gcig/ bden pa yang dag nges par yod ma yin// yang dag 'dogs pa nga yang 'khrul pa yin// bde ba 'dod pa chags pa'i nad yin pas// 'dod pa med pas bde ba len par byed// sangs rgyas bsgrubs pas grub pa ma yin te// ma btsal rang bzhin gnas pas lhun gyis grub// ma btsal rang bzhin gnas la mi rtog zhog/ sangs rgyas don gyi bla dgas ming 'di la// sangs rgyas yang dag yod par nga mi ston// gang zhig sangs rgyas yod par mthong ba ni// chos nyid dbyings las sangs rgyas mi rnyed de// sangs rgyas ma lta rang sems byar med rtogs// brtags na med de rang sems ye nas gsal// dngos su mi

  64. 33a

    snang rang sems kun la khyab// yin pa'i ngo bo snang ba 'di yin te// 'di min snyam pa'i rgyu 'bras theg chen la// spong 'gegs sbyong ba byin brlabs sna tshogs kyis// rang sems chos nyid bya med de las gol// rang gam bzhag nas gzhan ma rgyang du tshol// bya med bde bor rtsol ba dang du len// tshe chad pa yi nad du de las med// ma yengs ting 'dzin 'dzin pa'i rtod phur yin// ye nas yin la yengs pa'i shor ba med// ma yengs ting 'dzin re ba'i sku mkhan des// rgyu 'bras theg chen drang ba'i lung bstan yin// ye nas yin la yengs med shor med de// rtsol sgrub kun gyi gnyen po 'joms byed de// rgyu 'bras ston pa'i ston pa 'khor rnams la// kun byed nga yi lung 'di bstan gyur na// rgyu las 'bras bu 'byung zhes sgro skur 'debs// sangs rgyas 'dod pa'i rnal 'byor ting 'dzin can// ting 'dzin 'dod pa'i ma bcos rnal 'byor spangs// ma bcos rnal ma kun gyi chos nyid yin// chos nyid las ni sangs rgyas gud na med// sangs rgyas ming du btags pa bla dgas yin// chos nyid bya ba gzhan med rang sems te// rang sems ma bcos chos kyi sku ru bshad// ma bcos pa la ye nas skye med pas// skye med don la btsal zhing bsgrub tu med// btsal zhing bsgrub pas bya med 'grub mi 'gyur// kye sems dpa' chen po nyon cig/ chos kyi sku

  65. 33b

    dang longs spyod rdzogs sku dang // sprul pa'i sku dang ston pa rnam pa gsum// theg gcig theg gnyis theg pa rnam gsum gyi// ston pa kun byed rgyal po nga yis phyung // nga ni ston pa kun gyi 'byung gnas yin// nga yi rang bzhin rnam pa gsum las phyung // spros bral skye med dga' ba'i 'khor rnams la// nga yi rang bzhin gzung 'dzin bral ba las// mi rtog mnyam pa nyid kyi chos sku byung // chos sku'i 'khor ni phye ba med pa ste// ma skyes mnyam pa nyid kyi don bstan pa// de ni lhag ma med pa'i theg par bshad// nga yi rang bzhin kun du snang ba la// 'dod spyod dag pa'i 'khor gyi tshogs rnams la// nga yi ngo bo longs spyod rdzogs par phyung // ngo bo de la lta spyod rdzogs byed ston// de ni thun mong min pa'i theg pa ste// nga yi rol pa'i ngo bo phyung ba yin// nga yi rang bzhin thugs rjer 'byung ba las// ji ltar 'dul bar sprul nas don mdzad pa'i// sprul pa'i sku dang 'khor tshogs rnam bzhi la// rgyu 'bras 'tsham pa'i thugs rje phyung ba yin// kye sems dpa' chen po// mdor na mngon du phyung ba'i lung zhes pa// nga yi rang bzhin 'di ltar bstan pa la// mngon du phyung ba'i lung zhes bstan pa yin// kun byed nga yi rang bzhin gcig pu la// snang ba'i yul ni rnam pa gsum snang la// de las byung ba'i chos ni 'di lta ste// sangs rgyas sems can snang srid snod

  66. 34a

    bcud kun// kun byed nga yi rang bzhin mngon phyung yin// 'di las gzhan yin pa ru rtog byed pa// kun byed nga dang phrad pa'i skal med pas// 'khor gyi dang po ston pa sku gsum gyi// rim pas sbyangs pa'i rgyu 'bras theg 'khor yin// kye sems dpa' chen po// nga yis mngon du phyung ba 'di// gzhan ma mngon du phyung ba yin// nga nyid mngon du phyung ba yin// chos nyid mngon du phyung ba yin// rang sems mngon du phyung ba yin// ma nor mngon du phyung ba yin// nges pa mngon du phyung ba yin// de bzhin mngon du phyung ba yin// kye sems dpa' chen po// nga yi rang bzhin mngon du phyung ba 'dis// che ba lnga yi sangs rgyas mngon du phyung ba yin// che ba lnga yi sangs rgyas 'di lta ste// nga yi ngo bo mngon du phyung ba ni// snang srid snod bcud nga yi chos nyid 'di// kun la snang bas mngon par phyung ba yin// bya mi dgos pas ye nas sangs rgyas yin// rtsol grub med pas ye nas che bar bshad// mngon par sangs rgyas zhes su bshad pa yin// nga yi rang sems mngon du phyung ba 'di// snying por gyur pas kun gyi bdag nyid yin// bya mi dgos pas ye nas sangs rgyas yin// rtsol sgrub med pas ye nas che bar bshad// bdag nyid chen po sangs rgyas che bar bshad// ma skyes spros bral mngon du phyung ba 'di// ye nas gzung 'dzin bral bas chos kyi

  67. 34b

    dbyings// bya mi dgos pas ye nas sangs rgyas yin// rtsol sgrub mi dgos ye nas che bar bshad// chos dbyings sangs rgyas che ba yin par bshad// nga yis nges par mngon du phyung ba 'di// dpe don rtags ni rnam pa gsum bstan te// chos nyid don la nam mkha'i dpe bstan te// byang chub sems kyi rtags kyis nges pa ru// the tshom za ba rnams la mngon pa ru// dpe don rtags kyis de yin sangs rgyas bstan// nga yi/ rang bzhin ma nor nyid 'di ni// su la mngon du phyung yang mi snang bas// de ni ma nor ba yi rang bzhin la// bzhin ni bcos pa med pa'i rang bzhin te// nyid ni ngo bo nyid la btags pa yin// de bzhin nyid kyi rang bzhin de nyid la// dus gsum sangs rgyas yod pa'i sgros mi 'dogs/ khams gsum sems can med pa'i skur mi 'debs// rtog dpyod bsam pa cir yang dgongs med pas// sangs rgyas med pa'i che bar nga yis bshad// ces gsungs so// byang chub kyi sems kun byed rgyal po las rang bzhin rnam pa gsum mngon du phyung ba'i le'u ste bcwa lnga pa'o// // de nas byang chub kyi sems kun byed rgyal po des sems dpa' rdo rje la gdams ngag phog pa 'di gsungs so// kye sems dpa' rdo rje chen po 'di nyon cig/ nga ni ye nas kun byed rgyal po yin// ston pa bstan pa 'khor dus ngas byas nas// ston pa'i ston pa

  68. 35a

    yang ni nga yis byed// bstan pa nga yi rang bzhin de ston la// 'khor yang nga yi ngo bo de phyung nas// dus gnas nga yi rang bzhin de ru ni// kun byed nga yi rang bzhin bstan pa las// nga min chos ni gcig kyang bstan pa med// sems dpa' chen po rdo rje khyod nyid kyang / kun byed nga yi rang bzhin bstan pa'i phyir// khyod kyang nga las nga yis phyung ba yin// kun byed nga ni chos kyi snying por zhog/ kun byed nga ni ye nas byas zin gyis// da gdod bya dgos kun la lung ma ston// da gdod bya dgos 'khor la lung bstan na// 'khor rnams rtsol ba'i nad kyis zin par 'gyur// rang 'byung ye shes med pa'i skyon du 'gyur// byang chub sems la 'chos pa'i skyon du 'gyur// de bzhin nyid la 'chos pa'i skyon du 'gyur// skyon gyis yon tan khyad du gsod par 'gyur// brdzun gyis bden pa bslus pas bslad pas na// min pa'i rtsol bas bya med yin ma sgrub// sems dpa' khyod kyis kun byed nga rig gis// nga yis byas pa'i chos rnams thams cad kun// ye nas rang 'byung ye shes de bzhin nyid// ston gsum nga yi rang 'byung ye shes yin// bstan pa gsum yang nga yi de bzhin nyid// 'khor rnams kun kyang sems dpa' rdo rje'i tshul// dus gnas phun sum tshogs pa thams cad kun// kun byed rgyal po nga yin byang chub sems// zhes gsungs

  69. 35b

    so// byang chub kyi sems kun byed rgyal po las/ sems dpa' rdo rje la gdam ngag phog pa'i le'u ste bcu drug pa'o// // de nas byang chub kyi sems kun byed rgyal po des nyid kyi sku gdung 'di zung shig par gsungs so// kye sems dpa' chen po 'di zung zhig/ sku gdung ring bsrel rtag 'chad na// rgyal ba'i yang mes kun byed pa dang mnyam// zhes gsungs so// de nas sems dpa' rdo rjes zhus pa// kye dus gsum sangs rgyas kun gyi yang mes po// ston pa'i ston pa kun byed rgyal po lags/ sku gdung ring bsrel rtag tu zung zhig pa/ sku ni rgyal ba gang dang gang gi sku// gdung ni sangs rgyas gang dang gang gi gdung // ring bsrel zhes ni ji lta bu la bgyi// zhes zhus so// kye sems dpa' chen po nyon cig/ sku ni nga sras rgyal ba gsum gyi sku// gdung ni dus gsum rgyal ba nga yis sems/ dus med rtag tu sems dpa' 'di 'chang na// dus gsum sangs rgyas rnams kyi mchod pa'i rten// sku gdung ring bsrel zhes ni de la bya/ kye ston pa'i ston pa kun byed rgyal po lags// sku gdung ring bsrel de ltar lags na yang / de la dus gsum sangs rgyas ji ltar mchod// mchod pa la ni yon tan ci zhig mchis// zhes zhus so// kye sems dpa' chen po khyod nyon cig/ nga yis sku gdung ring bsrel de la ni// dus gsum sangs rgyas rtag tu sems

  70. 36a

    ltas mchod// de yi yon tan mi 'bral de thob nas// chos rnams kun byed rgyal por nus par 'gyur// zhes gsungs so// byang chub kyis sems kun byed rgyal po las sku gdung gtad pa'i le'u ste bcu bdun pa'o// // de nas byang chub kyi sems kun byed rgyal po des chos thams cad kyi chos nyid nga nyid yin pa'i lung 'di gsungs so// kye sems dpa' chen po nyon cig/ snang srid snod bcud thams cad kun// snang ni nga yi ngo bor snang // dag ni chos nyid dbyings su dag/ 'dul ba rnam pa sna tshogs ston// sku gsum sna tshogs byung nas ni// theg pa gsum ni ngo yang ston// rgyu 'bras can ni des tshim byed// 'das pa yul la mi ltos pas// rgyu la mi bsgrub 'bras mi 'dod// 'dod pa med pa'i dgongs pa dang // rang bzhin lhun gyis grub par 'gyur// ye nas yin la bya mi dgos// don rnams ji bzhin bskyod med pas// ji bzhin pa la bsgrub mi dgos// chos kun rang bzhin lhun grub phyir// dus gsum sangs rgyas grub pas kyang // rtsol zhing sgrub pa'i lung mi 'bogs// btsal na gang btsal ting 'dzin des// mi grub ting 'dzin nad du che// kye sems dpa' chen po// nga min ston pa thams cad kyis// bya ba'i phrin las sna tshogs dang // bsam pa'i ting 'dzin rim pa dang // 'phro ba'i 'od zer sna tshogs

  71. 36b

    dang // blta ba'i yul ni ci dmigs kyang // ji bzhin pa la g.yos pa med// bya ba'i las kyis grub pa med// bsam pa'i ting 'dzin yal bar 'gyur// 'phro ba'i 'od zer zhi 'gyur na// blta yul gang yang mthong ba med// des na btsal ba'i las ma byed// kye sems dpa' chen po// yul las btsal bas grub pa'i lung de ni// rgyu dang 'bras bu'i theg can ston par byed// rgyu dang 'bras bu'i theg can chos nyid ni// chos dang chos nyid rnam pa gnyis phye nas// chos kyis chos nyid tshol ba rnyed lung med// ces gsungs so// byang chub kyi sems kun byed rgyal po las btsal bas mi 'grub pa'i le'u ste bcwa brgyad pa'o// // de nas byang chub kyi sems kun byed rgyal po des ma btsal bas grub pa'i le'u 'di gsungs so// kye sems dpa' chen po nyon cig/ nga las byung ba'i ston pa sku gsum gyis// bstan pa'i theg pa rnam gsum bstan pa ni// ston pa gsum gyis mi stsol lung ma bstan// kun byed nga yis theg gcig bstan pa ni// btsal bas grub pa'i lung du ngas ma bstan// kye sems dpa' chen po nyon cig/ kun byed byang chub nga yi rang bzhin las// ma btsal rang bzhin lhun gyis grub pa ni// rgyal ba kun gyi snying po sku gsum ste// nga yi rang bzhin ma bcos chos skur grub// nga yi ngo bo ma bcos longs spyod

  72. 37a

    rdzogs// nga yi thugs rje mngon phyung sbrul sku gsum// btsal nas grub pa'i 'bras bu bstan pa med// ces gsungs so// kye sems dpa' chen po nyon cig/ sku gsum kun byed pa ru 'dus pa ste// ji ltar snang ba'i chos rnams thams cad kun// rang bzhin ngo bo thugs rjes ma bcos gsum// sku gsum nga yi de bzhin nyid du bstan// nga dang nga yi de bzhin nyid las ni// sangs rgyas zhes bya'i yon tan sgrosmos kyang med// sems can zhes bya'i skyon gyi rnam pa med// mi rtog mnyam pa nyid du de bzhin gnas// 'di las ma gtogs pa ni gzhan med pas// sangs rgyas rnams kyis 'di las lhag pa yi// kun byed nga la nges lung mnos pa med// byed mkhan kun byed rgyal po nga yis kyang // mi rtog mnyam nyid de bzhin nyid 'di las// nyid la nyid kyis bstan pa rdul tsam med// ces gsungs so// byang chub kyi sems kun byed rgyal po las ma btsal lhun gyis grub pa'i le'u ste bcu dgu pa'o// // de nas byang chub kyi sems kun byed rgyal po des chos thams cad kyi byung khungs nyid las byung ba 'di gsungs so// kye chos kun sdud pa'i rdo rje nyon// kun byed rgyal po byang chub sems// nga ni chos kun snying po ste// nga ni chos kun sa bon yin// nga ni chos kun rgyu yang yin// nga ni chos kun sdong po ste// nga ni chos kyi gzhi ma yin// nga ni

  73. 37b

    chos kyi rtsa ba yin// ji ltar snang ba'i chos rnams kun// 'dus pa'i phyir na snying por bshad// ji ltar snang ba'i chos rnams kun// skye ba'i phyir na sa bon yin// ji ltar snang ba'i chos rnams kun// 'byung ba'i phyir na rgyu yang yin// ji ltar snang ba'i chos rnams kyi// yan lag 'byung bas sdong po yin// ji ltar snang ba'i chos rnams kun// nga la gnas pas gzhi ma yin// ji ltar snang ba'i chos rnams kun// nga yin pas na rtsa bar bshad// kye sems dpa' chen po rdo rje nyon cig/ kun byed byang chub sems pa ni// rang bzhin ma bcos rnam gsum las// ming tsam sku gsum byung tshul bstan// nges par sku gsum ston pa yang // de bzhin nyid las g.yos pa med// kun byed byang chub sems pa ni// ma skyes gzung 'dzin bral ba las// chos sku skye med ming tsam byung // nges par chos sku ming tsam ste// de bzhin nyid las g.yos pa med// kun byed byang chub sems nga yi// ngo bo ming tsam mngon phyung ba// longs spyod rdzogs sku ming tsam tshul// nges par longs spyod rdzogs sku de// de bzhin nyid las g.yos pa med// kun byed byang chub sems ni// thugs rje sbrul sku mngon phyung ba// thugs rje ma bcos rang bzhin las// ming tsam sbrul sku tshul byung ba// nges par sprul pa'i sku de yang // de bzhin nyid las g.yos pa med// de bzhin nyid kyi rang bzhin

  74. 38a

    las// sku gsum g.yos pa med pa bzhin// sku gsum bstan pa'i chos rnams dang // sku gsum 'dus pa'i 'khor rnams dang // chos rnams kun la'ang g.yos pa med// ma g.yos pa yi chos nyid la// rgyu dang 'bras bur btags byas nas// rtsol dang bsgrub pa byas nas ni// rgyu las 'bras bu 'byung 'dod pa// kun byed nga las byas pa yi// rgyu 'bras 'das las gol ba yin// zhes gsungs so// kye sems dpa' chen po khyod nyon cig/ nga las byung ba'i sku gsum ston pa dang // nga las byung ba'i dus gsum sangs rgyas dang // nga las byung ba'i 'khor gnas dus la sogs// kun kyang nga yi byang chub sems yin na// sems dpa' rdo rje de la rtog mi rtog/ sems dpa' rdo rje de la ma rtog cig/ nga ni ye nas kun byed rgyal po byang chub sems// nga yis byas pa kun kyang byang chub sems// nga yi rang bzhin ye nas rnam dag byang // nga yis kun la khyab pa ye nas chub// nga yis rang bzhin gsal bas ye nas sems// nga ni nam mkha' lta bu'i rang bzhin gyis// ye nas yin pa'i byang chub sems kyis ni// 'jig rten sgyu mar snang ba'i chos bzhin du// sku gsum ston pa dus gsum sangs rgyas rnams// bu dang tsha bo 'khor gyi tshul byung nas// ma nor bden pa'i gdams ngag 'bogs pa bzhin// byang chub sems ni nam mkha' bzhin bstan

  75. 38b

    nas// kun byed byung tshul nam mkha' bzhin du bstan// ces gsungs so// byang chub kyi sems kun byed rgyal po'i mdo las chos thams cad byang chub sems kun byed las byung ba'i khungs kyi le'u ste nyi shu pa'o// // de nas byang chub kyi sems kun byed rgyal po des chos thams cad kyi khungs kyi rgyal po yin pa'i phyir nyid las byung ba'i tshig 'di gsungs so// kye sems dpa' chen po rdo rje khyod nyon cig/ ni chos rnams kun byed rgyal po ste// sku gsum ston pa'i pha ma nga yin la// dus gsum sangs rgyas kun gyi mes po yin// 'khor gnas dus kyi ston pa'i sgron ma byed// kun byed nga yi rang bzhin rnam gsum las// sku gsum ston pa nga las phyung bas ni// sku gsum de yi bshad lugs rnam gsum gyis// chos kyi bshad lugs rnam pa gsum yang bstan// de yang kun byed nga yis bstan pa yin// kun byed rgyal po nga yis rang bzhin 'di// ston pa kun las khyad par 'phags pa'i phyir// gtan tshigs don gyi bshad lugs rnam pa lngas// ma nor nges pa'i gtan tshigs khungs bstan to// kye sems dpa' chen po// kun byed rgyal po byang chub sems// byang chub sems ni ye nas rdzogs pa che// rdzogs pa chen po rgyu 'bras 'das// rgyu 'bras 'das pa'i bshad lugs bstan pa dang // kun byed byang chub sems kyi rang bzhin las// sku

  76. 39a

    gsum ston pa byung ba'i bshad lugs dang // rnam pa gnyis kyi bshad lugs bstan pa'o// kun byed byang chub sems kyi bshad lugs ni// byang chub sems ni rgyu 'bras 'das pa'i phyir// gtan tshigs don gyi bshad lugs lnga yis bshad// sku gsum ston pa gsum gyi bshad lugs ni// phun sum tshogs pa rnam pa lnga nang du// chos kyi sku ni byin gyis brlabs kyis bshad// longs spyod rdzogs pa rang gi ngo bo ston// sprul pa'i sku ni don rnams tshig tu sdeb// sku gsum ston pa'i bshad lugs rnam gsum ste// nga yis rang bzhin rnam gsum bshad lugs yin// kun byed nga ni rgyu 'bras 'das pa ste// rgyu 'bras 'das pas spyod yul kun las 'das// kun las 'das pa'i chos nyid byang chub sems// byang chub sems ni kun gyi snying po yin// snying po yin pas yid ches khungs kyang bstan// byang chub sems ni chos kun ba ste// rtsa ba yin pas thams cad don yang 'dus// byang chub sems ni khyad par kun las 'phags// khyad par 'phags pas theg pa shan yang 'byed// byang chub sems rtogs chos nyid kun sangs rgyas// des na skal ldan dgos ched bstan pa yin// sems kyi rang bzhin tshig tu brjod med de// ma brjod sems kyi rang bzhin mi snang bas// mi snang mtshon du med ces ma brjod na// kun kyang rang sems ma

  77. 39b

    mthong rtsol sgrub byed// des na brjod med tshig gi don yang bshad// des na gtan tshigs don gyi bshad lugs lngas// kun byed rgyal po byang chub sems kyi don// ma nor nges par gtan la 'bebs par byed// rgyu 'bras med par gtan la phab pa yin// thams cad byang chub sems yin yid kyang ches// byang chub sems yin ye nas yid ches pas// sems la btsal ba med par yid kyang ches// btsal du ye nas med par yid ches pas// mi rtsol bde ba chen po'i ngang la gnas// kun byed nga yi rang bzhin de ltar gnas// kun byed nga las sangs rgyas gzhan med do// zhes gsungs so// byang chub kyi sems kun byed rgyal po las gtan tshigs bshad lugs kyi le'u ste nyi shu rtsa gcig pa'o// // de nas byang chub kyi sems kun byed rgyal po des sems rnal du gzhag pa'i phyir bya med rdzogs pa'i lung khungs chen po 'di gsungs so// kye sems dpa' chen po rdo rje khyod nyon cig/ kye bya med yul ni mi gnas nam mkha' 'dra// mi gnas dmigs pa'i yul med mi rtog chos kyi lam// bsngo ba'i cha shas phra mo'i yul la byung ba ste// rtog sgom chos kyi sku ni khyad par don med pas// rang 'byung ye shes mi rtog kun tu ji bzhin gnas// bya bral yul la mi gnas gnyen pos bcos su med// yan lag chos kyi dbang gis snying po'i yul tshol

  78. 40a

    zhing // rnam pa cir yang mi rtog thabs kyis de la rol// snying po rang bzhin 'byung bas chos sku gzhan na med// rdul phran gcig la gtses shing phyogs bcu kun dang bral// mi gnas don nyid legs pa'i ye shes rang 'byung ste// mngon sum kun la mi rtog yangs pa'i snying po la// rnam dag lam der zhugs nas mnyam pa'i rgyal po thob// mi 'gyur 'gyur ba med pas chags pas gnas med de// de bzhin bzung ba'i yul med sems kyi gnas kyang med// mngon sum thob par 'dod nas rgyu la rtag tu sgom// sgom chags bde ba de la mnyam pa'i don mi 'byung // sku gcig kun la khyab pas bsnan pa'i chos med de// mtha' la thug pa med pas dbyings la bri ba med// chos kyi rol pas nyams phag lhag pa'i gnas med de// rang 'byung che ba'i yul la kun du ji bzhin gnas// ngo mtshar mthong ba'i yul med de la mthong ba'i mig/ gang la thos par mi rigs snyad pa kun dang bral// chos dang chos min rtag tu 'dres shing mtshungs// don dam chos shes lhag pa'i gnas shes bshad pa'ang med// 'khrul dang byang chub lam de rtog pas thob pa'ang med// rang 'byung ye shes nyid kyang tshig gi mtha' dang bral// ye nas rgyas pa'i bdag nyid mngon sum gnas pa la// grib ma gzugs kyi dpe bzhin de la rtog pa 'byung // med de med pa ma

  79. 40b

    yin med pa'i snying po 'byung // stong ste stong pa ma yin stong pa'i yul la gnas// nam mkha'i rang bzhin de la 'byung ba'i dran pa skye// bya bral zin pa'i bde ba 'dod pa med pas len// bza' ba'i yul med de la ye shes 'byung ba rtsom// sngon gyi drang srong rjes su chags pa'i yid kyang 'jog/ rnam rtsol 'bad pa'i gdung bas kun tu zin ta re// rang bzhin lam der zhugs pas thams cad mkhyen pa yi// ji bzhin pa zhes rnam rtog de phyir rtog bsgom pa// bde ba chen po 'dod pas chags pa'i nad yin te// mi g.yo mnyam par gnas pas sman chen ma byas na// mtho ris bgrod pa'i rgyu des nyon mongs zin par 'gyur// lam med lam du zhugs pa rnams kyi nad che ba// phyin par 'dod pas ri dwags smig rgyu snyegs pa 'dra// rnyed pa'i yul med 'jig rten gsum du mi 'byung zhing // sa bcur ltos pa'i gnas kyang byang chub sgrib pa yin// shin tu myur ba'i ye shes bsam pa kun dang bral// bshes gnyen kun las 'byung ba'i nor bu rin chen bzhin// dmigs pa med cing 'gyur ba'i gnas la mi ltos par// rang gi rang bzhin legs pas re ba thams cad skong // brtags na med la bzhag na legs pa 'byung ba che// dngos su mi snang chags pa'i cha lugs kun la ston// bdag dang gzhan du bral ba'i ston mkhan rin chen mdzod// thams cad grub

  80. 41a

    pa'i yul zhes bdag med snying rjes bstan// nang nas ma g.yos nang du btsal ba'i gnas med de// yul phyir chags la yul la bsngo ba'i dmigs pa med// mi 'byung mi 'jug bdag med snying rje de yis ni// gzhan gyi nor min mi 'ong ye nas gnas pa yin// bde ba 'dod na bde la rgyab kyis phyogs// bde bas zin te bde bas bde ba tshol// byang chub 'khrul pa ye rngam chos la za// 'di lta'i yul can sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du btags pa nor// sangs rgyas gzhan nas thob byed nor ba'i lam// gzugs med chos kun bshad pa rdul tsam med// zin dang chags dang bral dang zhi// dngos po med dang rnam par spong // bdud rtsi chen po'i rang bzhin la// bza' ba'i thabs la reg pa med// yangs so che'o chos chen po// chung ngu rnams kyi gnyen po yin// che la dmigs pa'i cha bsnams nas// chung che de rnams dmigs dang bral// gsung dang rgyas dang dmigs dang snang // sgra mkhan ri mo'i rnam pa bzhin// 'byung 'jug ye shes rmugs pa yis// de yi dbang las skye bar 'gyur// 'di ni theg pa kun gyi rgyal// btang ngo bzhag go rang bzhin ste// 'dod pa med cing len pa med// brod pa rdul tsam mi bskyed do// khyung chen nam mkha' lding ba bzhin// spro ba med

  81. 41b

    cing bsdu ba med// stor bar mi dogs bza' ba med// rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma zag/ ting 'dzin rgyal po chen po 'byung // snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen yan lag bcu gnyis po// skur pas brtags pas bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang // dang po'i lam du shes par bya// 'dod spyod snying rjes brlan pas na// gang du dga' bar byang chub spyod// shan pa smad 'tshong mtshams med lnga// kha na ma tho 'jig rten spong // yongs su rdzogs pa chos kyi rtsis// bde ba che las gzhan med do// yang chos thams cad de bas na// chos kyi rang bzhin de yin pas// chos kyis chos nyid btsal ba dang // nam mkhas nam mkha' btsal ba dang // gzhan la ltos pa'i chos nyid ni// me yis me gsod pa 'dra ste// shin tu dka' ba'i las byed pa'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// rnam pa kun tu rang bzhin gnas// zhes gsungs so// bya med rdzogs

  82. 42a

    pa'i lung bcu las mi gnas yul med kyi le'u ste nyi shu rtsa gnyis pa'o// // de nas byang chub kyi sems kun byed rgyal po des lta ba yul med kyi lung 'di gsungs so// kye sems dpa' chen po nyon cig/ ji ltar snang ba'i chos rnams ni// rang gi byang chub sems yin pas// de la blta ba'i yul ma mchis// mi rtog pas na mnyam pa nyid// de bzhin nam mkha'i dgongs pa ste// rnal 'byor zhes ni de la bya// dbang po lnga la snang ba rnams// rang gsal de la mi rtog pas// de yang nam mkha'i dgongs pa gnas// rnal 'byor de bzhin nyid du gnas// tshig dang yi ge don brtags pas// tshig yig don la brtag med pas// rtog med mnyam pa de bzhin nyid// de yang nam mkha'i dgongs pa gnas// bsam du med pa'i don 'di ni// nam mkha' bzhin du ye gnas so// zhes gsungs so// bya med rdzogs pa las lta/ ba yul med kyi nam mkha'i dgongs pa bstan pa'i le'u ste rtsa gsum pa'o// // de nas byang chub kyi sems kun byed rgyal po des bya med rdzogs pa'i lung phyag rgya bzhugs tshul gyi le'u 'di bstan to// kye sems dpa' chen po nyon cig/ sems nyid kun tu bzang po yi// bzhugs tshul bstan pa 'di lta ste// byang chub sems su bzhugs tsam na// chos rnams kun gyi snying por bzhugs// de rtogs kun byed rgyal po

  83. 42b

    yin// kun byed rgyal po 'gyur ba med// des na 'gyur ba med par bstan// chos kyi sku ru bzhugs tsam na// gzung 'dzin spros dang bral nas bzhugs// gzung 'dzin bral la 'gyur ba med// longs spyod rdzogs skur bzhugs tsam na// 'dod pa'i yon tan lnga ldan pas// 'dod pa phun sum tshogs par bzhugs// sprul pa'i sku ru bzhugs tsam na// gang gis 'dul ba'i dus tsam na// gang la gang dgos sku sprul nas// dgos pa phun sum tshogs par bzhugs// dus gsum 'gyur ba med par bzhugs// chos kun phyag rgya nam mkha'i mtshan nyid de// nam mkha'i mtshan nyid de bzhin nyid// sku gsum mtshan nyid de bzhin gnas// thams cad de bzhin nyid du gnas// ji ltar snang ba'i chos kun ni// ji bzhin pa la bcos su med// btsal zhing bsgrub pa thams cad kyis// snga pa bgrod pas phyin pa gcig kyang med// snga ma byas pas zin pa gcig kyang med// bsgrubs shing btsal bas snga ma grub pa med// thams cad ji bzhin pa la 'gyur ba med// ces gsungs so// byang chub kyi sems kun byed rgyal po las bya med rdzogs pa phyag rgya 'gyur med kyi lung gi le'u ste rtsa bzhi pa'o// // de nas byang chub kyi sems kun byed rgyal po des khams gsum gyi sems can la rang gi sems ston pa yin par bstan pa 'di gsungs so// kye khams

  84. 43a

    gsum sems can thams cad kun// rang gi byang chub sems de ni// ston pa yin par mngon bstan na// bskal pa brgya phrag stong du ni// rang sems ston par ma mthong bas// kun byed rgyal po yis ni// rang sems ston pa mngon phyung bas// rang sems ston pa'i chos nyon cig/ kun byed rgyal po nga yis ni// kun rgyu byang chub sems las ni// sems kyi ngo bo 'byung chen lnga// ston pa byang chub sems lnga phyung // sku ni longs spyod rdzogs pa'i sku// chos ni rang gi ngo bos 'chad// ston ni rang gi rang bzhin ston// ston pa longs spyod rdzogs sku de// dgongs pa nyid la nyid mi rtog/ yul chos gzhan la'ang rtog mi byed// byang chub sems kyi ston pa lngas// kun kyang chos nyid de bzhin ston// byang chub sems kyi ye shes des// ston pa sa yi skur byung nas// tshig dang yi ges mi ston te// rang gi rang bzhin ston byed pa// bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i chos nyid ma btsal 'grub// byang chub sems kyi ye shes des// ston pa chu yi skur byung nas// tshig dang yi ges mi ston te// rang gi ngo bos ston byed pa// bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems

  85. 43b

    can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa me yi skur byung nas// tshig dang yi ges mi ston te// rang gi ngo bos chos ston pa// bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i chos nyid ma btsal grub// byang chub sems kyi ye shes des// ston pa rlung gi skur byung nas// tshig dang yi ges mi ston par// rang gi ngo bos chos ston pa// bdag gzhan gnyis su mi rtog par// mi rtog mnyam pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa nam mkha'i skur byung nas// tshig dang yi ges mi ston te// rang gi ngo bos chos ston pa// bdag gzhan gnyis su mi rtog par// mi 'byed pa yi dgongs pa ston/ khams gsum sems can thams cad kyis// mngon phyung ston pa de rnams kyis// rang gi ngo bos chos 'chad pa// 'di yis kun kyang rig par gyis// kye khams gsum sems can thams cad kun// kun byed rgyal po nga yis ni/ khyed rnams nga yis byas pa'i phyir// nga yi sras yin nga dang mnyam// nga dang mi

  86. 44a

    gnyis pa yin phyir// nga yis khyed la mngon phyung ba// nga yi ngo bo ston pa lngas// rang bzhin rnam lnga gcig tu bstan// gcig ni kun byed pa yin gyis// de bzhin khyed kyang yid ches kyis// kye khams gsum sems can ma lus kun// nga med tsam na khyed kyang med// khyed med tsam gyi dus tsam na// ston pa lnga yang 'byung mi 'gyur// mi rtog chos kyang ston mi 'gyur// zhes gsungs so// byang chub kyi sems kun byed rgyal po las rang sems ston par phyung ba'i le'u ste rtsa lnga pa'o// // de nas byang chub kyi sems kun byed rgyal pos sems las byung ba'i chos chen po lnga ston par byung ba'i rtags su ma skyes pa'i byang chub sems ston par zhal gyis bzhes pa 'di gsungs so// kye sems dpa' chen po nyon cig/ bsam 'das brjod du med pa'i byang chub sems// ston pa'i sgron mar gyur pas yon tan rab bsngags pa// chos kyi snying por gyur pas 'jam dpal gzhon nu nyid// bya bral lhun rdzogs bde ba'i lhun la gnas// tshul khrims la sogs spyod pa rgya mtsho'i gzhir gyur pa'i// ji snyed rnam par grol ba'i lam bstan pa// bde gshegs yum 'gyur kun gyi mtshungs lam de// de med mi 'byung de phyir de ni rnam grol mchog gi lam// phra shing shes dka' kun gyi lam ste mi rtog rtog las 'das// mi gnas mi dmigs spros med

  87. 44b

    bsam pa kun dang bral// tshig gis mi phebs dbyibs dang kha dog spyod yul med// bstan cing brtag par dka' la brjod du rdul tsam med// sngon gyi drang srong lam du gang zhugs pa// bsgom chags lam gyi nad kyis zin ta re// ston pa'i lung bzhin tshig gi mtha' spyod lam du de mthong na// de ni rtog pa'i rgyun 'brangs smig rgyu snyegs pa 'dra// yang dag lam ni tshig gis mtshon du med// yang dag nyid du bstan pa nga yis 'khrul// dag dang ma dag gnyis med 'dres shing mtshungs// rnam pa cir yang mi 'byed ye shes gti mug dang // thogs med gsal ba'i mar me bsam pa kun dang bral// ngang gis mi g.yo rmugs shing ting 'dzin rgyal por gnas// mngon sum mthong bas mthong med mngon sum mthong ba'i mig/ de phyir thams cad mkhyen pa'i spyan zhes de la bya// mtha' dang dbus med yangs pa'i snying po la// mi len mi 'dor mnyam pa'i rgyal por gnas// sems dang bag chags gnyis med 'dres shing mtshungs// 'dzin pas brtags shing snang ba'i chos rnams ni// rang gi rgyan du snang bas mi 'dor spong mi byed// cir yang mi dgongs thabs kyis de la rol// kun dang mi mthun yongs kyis spong ba'i chos// nyon mongs lnga dang mtshams med lnga po yi// rnam dag lam der zhugs nas mnyam pa'i rgyal po thob// bud med la sogs kun

  88. 45a

    kyang spong mi byed// lo rgyus don gnyis tshad ma'i blor bzhag nas// ting 'dzin gsum po brtan nas grub pa'i mtha' spyod pa// rtsod bral lung las gol zhes 'khrul pa yin// bya bral lhun rdzogs bde ba'i lhun la gnas// ye shes rang 'byung che ba'i snying po nyid// mi g.yo mi 'gyur bsnyad pa kun dang bral// zin pa'i bdud rtsis rtsol ba'i sdug bsngal 'joms// bya bral zin pa'i yul la ji bzhin gnas// kye sems dpa' chen po nyon cig/ chos rnams thams cad thig le chen po'i rang bzhin yin pas na// spros pa med cing bsdus pa med// skye ba med cing 'gag pa med// 'gog pa med par de bzhin gnas// rnam par mi rtog snying po 'di// nam mkha' bzhin du ye gnas pas// rtog pa'i sgra bsam yul las 'das// zhes gsungs so// byang chub kyi sems kun byed rgyal po las bya med rdzogs pa bsgom du med pa'i le'u ste rtsa drug pa'o// // de nas byang chub kyi sems kun byed rgyal po des nyid kyi gdams ngag phog pa dang mthun pa'i lung chen po rim gyis bstan te// kye sems dpa' chen po nyon cig/ chos rnams thams cad nga las byung ba na// ji ltar snang ba'i chos rnams thams cad kun// ye nas rnam dag dbyings kyi lung du bstan// phyi dang nang kun ye nas chos kyi dbyings// ye nas rnam par dag

  89. 45b

    pa'i spyod yul la// sangs rgyas dang ni sems can gnyis su med// lam dang gnyen pos bcos su ga la yod// bsgrub med rtsal sbugs smon pa med pas na// bya med lhun rdzogs snga ma de nyid don// rtog spyod rnam dag gnyis med chos dbyings la// log rtog byis pa'i spyod pas ci zhig bslus// gnyis med bde chen sems can kun spyod la// 'khrul pas nor ba'i lam du brtags pa yang // gong du bstan pa'i lam chen de la mi gnyis pas// mnyam par shes pas sangs rgyas kun gyi rje// nga dang bdag tu rtog pa mu stegs 'khrul pa'i lam// byis pas bslus pas chos spyod rtog pa'i lam la btsud pa ni// phyin pa'i dus med rtogs pa'i dus med pas// chos nyid chos tshol rnyed par ga la 'gyur// tshad mar ma gyur slob dpon smre 'dra'i lung // bstan dang lam nor rtog pas zin ta re// de bas gser la nag tshur gtong ba yi// slob dpon yang dag ston pa'i rin chen mdzod// rin zang dpag tu med pas blu bar 'os// zhes gsungs so// byang chub kyi sems kun byed rgyal po las bya med rdzogs pa rnam dag dbyings kyi lung bstan pa'i le'u ste rtsa bdun pa'o// // de nas byang chub kyi sems kun byed rgyal pos nyid kyi rang bzhin 'gyur med 'di gsungs so// kye sems dpa' chen po nyon cig/ nga yi rang bzhin dbyings la 'gyur ba med//

  90. 46a

    yi ye shes nam mkha' gyur pa med// nga yi chos nyid rang bzhin 'gyur ba med// nga sems chos kyi snying po 'gyur ba med// de bzhin thams cad 'gyur ba med pa la// nga las byung ba'i ston pa sku gsum gyis// rgyu dang 'bras bur chos la ming btags nas// sprul pas lung bstan dbang po yul spong 'gyur// rang rkyen chos lnga 'chang ba'i sems can la// rang 'byung chos nyid yin par lung ma bstan// ngan 'gro sdig sgrib che zhes lung bstan nas// lus ngag yid gsum sdig spong dge bcu spyod// rang 'byung chos la blang dor spyad pa'i phyir// rang 'byung ye shes bskal mang phrad mi 'gyur// kye sems dpa' chen po nyon cig/ sprul pa rang las 'dus pa'i 'khor tshogs la// rang 'byung ye shes lnga yi chos spangs la// ye shes lnga spong dgra lnga choms lung bstan// dgra lnga rang 'byung ye shes ma rtogs te// rang sems spong 'gyur nga yis lung ma bstan// kye sems dpa' chen po nyon cig/ rang gi sems las byung ba'i chos nyid la// don dam kun rdzob bden pa rnam gnyis kyis// sbyangs nas rgyu las 'bras bu 'byung zer nas// bskal pa gsum gyi bar du spyod byed pa// sdom dang pha rol phyin bcus rang mi 'gyur// sems nyid 'gyur bar nga yis lung ma bstan// kye sems dpa' chen po nyon cig/ rang sems chos nyid ting 'dzin byin brlabs

  91. 46b

    nas// dag pas chu zla bzhin du gsal byas nas// rjer ltas de la mnyes pa'i mchod phul bas// de la re 'dod grub pa thob re ba// chu zla med de rang sems ma rtogs pas// skye ba bdun gyi bar du rang 'byung gi/ ye shes med ces nga yis lung ma bstan// kye sems dpa' chen po nyon cig/ rang sems byin brlabs cho 'phrul bsgoms pa yi// ting 'dzin ye shes sems dpa' grogs mnyam des// bdag 'dod pa yi/ dngos grub ster re ba// rang 'byung chos nyid de la 'dod len med// rang sems bya med mi tshe gsum mi phrad// kun byed nga yis lung bstan ma yin no// kye sems dpa' chen po nyon cig/ ngang las byung ba'i chos nyid lhar byas nas// phyag rgya bzhi dang snying po 'phro 'du yis// mi 'gyur ba yi chos nyid rgyur sgrub byed// sems kyi ting 'dzin dbang gis thob sems pa// des kyang thob par nga yis lung ma bstan// kye sems dpa' chen po nyon cig/ gzhi ma dbyings la 'gyur ba med pa'i phyir// dbyings de 'gyur bar nga yis lung ma bstan// dbyings la dbang sgyur byed pa'i sku gsum gyis// rang 'khor zhig nas tshol ba'i ting 'dzin bstan// des na 'dren pa'i lung du bstan pa yin// de bzhin nam mkha' 'gyur ba med pa de// rang nyid nam mkha' nam mkha' 'grub mi 'gyur// de bzhin chos nyid 'gyur ba med pa de// rang nyid chos

  92. 47a

    kyis chos nyid 'grub mi 'gyur// de bzhin sems nyid 'gyur ba med pa de// sems nyid rang gis sems nyid 'grub mi 'gyur// mi 'gyur sbyar bar byed pa'i ting 'dzin ni// dus dang smon lam re ba 'jog pa yi// dus la ltos pas ting 'dzin tshe chad 'gyur// kun byed nga yis nges lung bstan pa med// ces gsungs so// byang chub kyi sems kun byed rgyal po las bya med rdzogs pa 'gyur med btsal mi rnyed pa'i le'u ste rtsa brgyad pa'o// // de nas byang chub kyi sems kun byed rgyal po des sems rnal du bzhag pa 'di gsungs so// kye sems dpa' chen po nyon cig/ nga ni kun byed byang chub sems// chos rnams thams cad nga yin te// nga yi rang bzhin thams cad ni// ye nas rnal du bzhag pa yin// nga yi rang bzhin bstan pa ni// rnam pa lnga ru shes par bya// ston pa bstan pa 'khor gnas dus// rnam lnga rang bzhin rnal du bzhag/ ston pa'i rang bzhin 'di ltar bzhag/ chos sku ma bcos rnal du bzhag/ rang nga'i rang bzhin de bzhag yin// longs spyod ma bcos ngo bo bzhag/ nga yi rang bzhin bzhag pa yin// sprul pa ma bcos thugs rje bzhag/ nga yi rang bzhin bzhag pa ste// rang 'byung ye shes bzhag pa yin// gnas ni gang na gnas pa'i gnas// de yang rnal du bzhag pa yin// dus ni snga phyi gang tshogs dus// rnal bzhag/

  93. 47b

    dus su tshogs pa yin// kye sems dpa' chen po da nyon cig/ phun sum tshogs pa rnam pa lnga// ma bcos rnal du bzhag pa las// chos zhes bya ba gzhan yod med// kye sems dpa' chen po// phun sum tshogs par ma 'dus pa'i// chos ni gcig kyang yod ma gsungs// kye nga ni rnal du bzhag pa yis// thams cad chos nyid grol ba yin// ston pa ma bcos chos nyid grol ba yin// bstan pa ma bcos chos nyid grol ba yin// 'khor yang ma bcos chos nyid grol ba yin// kye thams cad grol bar bshad pas na// rang lus ma bcos lha ma bsgom// smra ba'i tshig dang ngag ma 'chos// ting 'dzin ma byed sems ma 'chos// bcos pas rnal du 'byor med pas// rnal du ma 'byor grol mi 'gyur// ma grol chos nyid mnyam mi thob// kye sems dpa' chen po 'di lta ste// byang chub sems kyi kun byed rgyal po ni// ye nas 'das pa'i rnal du bzhag pa la// lta ba rnams kyis rnal du 'jog mi shes// rdzogs chen kun byed ye nas rnal bzhag la// nyan zos rang rgyal rnams kyis zos mthong na// dug skye zer nas rang sems spong 'gegs 'gyur// des kyang lta ba rnal du 'jog ma shes// bskal pa grangs med 'jog mi shes la gnas// theg chen mdo sdes rdzogs chen thos 'gyur na// rang sems de bzhin nyid du ma rtogs te// ji bzhin nyid du

  94. 48a

    'jog pa ma shes te// bgrod cing sbyong la bskal pa gsum du gnas// rjes su rnal 'byor sems dpas zos 'gyur na// 'di ltar snang ba'i chos rnams de bzhin la// rang sems de bzhin nyid du ma rtogs par// ji bzhin rnal du 'jog pa ma shes pas// byang chub yan lag cho 'phrul sna tshogs kyis// byin rlobs sems la mi tshe bdun par gnas// rnal 'byor chen po rnams kyis zos 'gyur na// rgyu dang 'bras bu'i bdag nyid yin pas na// ye nas yin la gdod rtsol sgrub par byed// stong phrag gnyis dang brgya phrag drug tu ni// ji bzhin rnal du 'jog pa ma shes te// ting 'dzin gsum gyi sa la gnas par byed// yongs su rnal 'byor rnams kyis thos 'gyur na// ye nas yin la rgyu 'bras ming btags nas// ji bzhin rnal du 'jog pa ma shes te// rgyu ni dag pa chos kyi dbyings su grub// 'bras bu dag pa ye shes dkyil 'khor grub// bar mchod kyis mi tshe gcig tu gnas// shin tu rnal 'byor rnams kyis thos 'gyur na// ye nas sangs rgyas sa la gnas par 'gyur// bya med bde ba chen po 'di yis thob// bsgrub pa med par ye nas sangs rgyas thob// lha mi sems can dbang po mi mthun te// la la dbang po sbyangs pa'i 'phro can yod// la la dbang po ye nas tshig chod yod// des na dgos ched don zhes bstan pa yin// a

  95. 48b

    ti yo ga rdzogs pa chen po zhes bya ba// a ti zhes ni sgra yi tshig tu bstan// a ni ma skyes chos nyid rnal du bzhag/ ti ni ma btsal lhun gyis 'grub par bstan// yo ga shin tu rnal 'byor rdzogs chen la// rgyu dang / 'bras bu yod zer smra byed pa// de ni rdzogs chen rtogs pa'i don mi ldan// don dam kun rdzob gnyis su smra byed na// sgo dang skur pa 'debs pa'i tshig yin te// de yis gnyis su med pa rtogs pa med// dus gsum sangs rgyas rnams kyi rtogs pa yang // gnyis su ma mthong rnal bzhag nyid du 'dod// ces gsungs so// byang chub kyi sems kun byed rgyal po las dgongs pa rnal du bzhag pa'i le'u ste rtsa dgu pa'o// // de nas byang chub kyi sems kun byed rgyal po des nyid kyi snying po sems dpa' rdo rje la sems dpa' rdo rje nyid kyi rang bzhin bya med rdzogs pa'i lung mi nus pa'i rgyal mtshan 'di gsungs so// kye sems dpa' rdo rje khyod nyon cig/ sems dpa' rdo rje khyod nyid la// nyid kyi rang bzhin bstan par bya// nyid ni kun byed nga yin te// nga ni ye nas byang chub sems// byang chub sems ni 'di lta'o// des na byang chub kyi sems kun byed rgyal po des mi nub pa'i rgyal mtshan nam mkha' che 'di gsungs so// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol

  96. 49a

    phyir// mi skye mi 'gag cir mi dgongs// byams pas don nyid rnam sbyangs phyir// snying rje chen po cir mi mdzad// che bas che ba'i zab mo yi// yon tan cir yang bsngags pa med// don rnams ji bzhin mi bskyod de// bya ba med pas grol bas grol// rang 'byung ye shes btsal med pas// grol na grol ba'i lam yang ston// 'byung ba chen po bcom ldan 'das// 'gro ba kun la rang bzhin gnas// phyin ci log tu rnam brtags kyang // grol ba rang 'byung gzhan las min// che ba'i ye shes rnyed dka' ba// shes rab thabs la brten pas 'grub// ming tsam gzhan la brten 'dra yang // mngon sum bde ba rang las 'byung // cho 'phrul chen po dka' ba min// yon tan kun dang stobs kyi rnams// ji bzhin rtogs pa phra ba yis// de ma thag tu rang las 'byung // snang ba med pa'i chos nyid ni// ma btsal bzhag pas bsgoms pa yin// de dang der ni rnam btsal na// de las de bzhin de mi 'byung // mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang // de la brjod du rdul tsam med// 'gro ba'i sdug bsngal byang chub sems// kun du chub pas rnam par rol// de la bskyod pa med bzhin du// nam mkha'i mtha' ltar mnyam par gnas// khyad par cir yang mtshungs pa la// las so zhes ni

  97. 49b

    rnam par brtags// ci ste las kyi dbang 'gyur na// rang 'byung ye shes yod ma yin// rgyu nyid rdo rje rkyen dang 'dra// ma skyes pas na 'jig pa med// gdod nas snying po byang chub la// btsal ba'i bsam pas dbyings mi bskyod// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos bzhin du// rnam rtog nyid las ye shes skye// phra ba'i sgo mor ming btags te// sems kyi dben pa lam tshol zhing // dgon pa'i rgyud du dben 'dzin cing // brtags ngan rnam par rtog 'gyur bsgom// rgyu dang 'bras bur ming btags te/ dge sdig gnyis ka rnam par sel// 'jig rten 'di la 'byung ngo zhes// blang dor brod pa mchog tu bskyed// chags dang ma chags tshig gi lam// dbu ma bzhin te brag ca 'dra// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdang gti mug kyang // byang chub chen po'i lam las byung // kun spyod yon tan rnam lnga yang // chos nyid dbyings kyi rgyan zhes gsungs// nam mkha' rtog pa skye med cing // rtog pa de nyid nam mkha' 'dra// mi chags nam mkha'i bsngo ba las// rang don chen po nam mkha' 'byung // rtog med mnyam nyid chos kyi sku// bzang bas mi zin chu zla 'dra// kun du bzang po'i rol pa yis// A li kA li

  98. 50a

    zab tu bstan// 'di ni a dang mdzes pa'i ta// pa dang yan lag spros pa bzhin// 'jig rten yongs kyi spyod yul la// sangs rgyas gsung gi zab mo 'byung // e ma'o sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// ldongs pas nam mkha' bstabs pa bzhin// gong nas gong du tshangs pa'i lam// bya bral chos dang mthun pa min// ci ste lam la bgrod 'gyur na// nam mkha'i mtha' bzhin thob pa med// de ltar de bzhin de yi phyir// de la de bstan de yang thob// de ni snying po de bas na// de las de byung ngo mtshar che// sngon gyi de dang da ltar de// de bzhin de yi gnas su che// de ltar de yi lam 'dra ba// de ni de yi rang bzhin no// de dang 'dra ba yongs kyi lam/ zla ba las byung rten dang bcas// kun gyi mnyam nyid yin pa la// phyogs su bltas pas grub pa med// de ltar bde dang phyi mar bde// mngon sum pa dang rgyab nas 'byung // de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyis med gdod nas 'byung // chos skus khyab pas gcig pa'i phyir// che ba'i chen po rang bzhin gnas// srid pa gsum na sbyor ba yang // ming tsam sgyu mar snang ba ste// 'khor los sgyur ba'i gnas chen yang // sgyu ma sbyong ba'i bsti

  99. 50b

    gnas yin// rnam spyod dus la ltos pa rnams// dus de 'byung bar mi 'gyur te// ma bral smon pa spyod pas na// stong pa'i mtshan nyid gsungs pa bzhin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgros btags chos kun ga la yod// phyi nang gnyis ka phyi nyid nang // zab mo cha shas rtogs yul med// srid pa ming tsam log pa'i stobs// de bas ting 'dzin mnyam dang bral// de la tha tshig phyi dang nang // rang bzhin phung po khams bzhin gnas// dus gsum 'di dang mi 'bral bas// tha tshig ming du btags pa med// mi g.yo ba ni sku yi rgya// mi bskyod pas ni ye shes te// mi len pa ni bdag med cing // mi 'dor tshig bral mnyam nyid do// gang dang gang gi gang du yang // kun 'khol kun spyod bdag las byung // 'di la skyes pa bud med ces// mnyam pa'i rgyal pos yod ma gsungs// 'di la brtul zhugs drag shul gyis// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar bltas pa de ltar snang // snang 'dod rtsol sems bde ba yang // de ni de sgrib skyon chen yin// byang chub yan lag kun gyi sgo// cha lugs bsgoms pas chu zla bzhin// ma gos ma chags 'byung 'gyur yang // bsgoms pas byis

  100. 51a

    pa'i spyod yul bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du byung na yang // zhi ba de nyid mthong ba min// nyon mongs pa yi dbang gis na// ta la'i mgo bo bcad pa dang // sa bon me yis bsregs pa dang // de yi dbang du mi 'gyur ston// rnam grangs brgya stong phrag g.yas pa// gang ltar spyad kyang me tog skye// mtshan ma med pa'i dbang gis na// bsti gnas de las 'byung mi 'gyur// gleng bral 'di la gnas pa ni// rnal 'byor de ni skal pa bzang // bdag dang gzhan don mi 'byed pas// sgyu ma lhun grub yul la rol// lhag ma med pas yongs su rdzogs// 'gyur ba ma yin drang por gnas// nam mkha' bzhin te mtha' mnyam zhing // gzhan la ltos 'gyur chos ma yin// lhun gyis grub pa'i bde chen de// mtshungs pa med pa'i ye shes kyis// rang gi mthu yi rig pa las// chos ni gzhan las 'byung mi 'gyur// sla zhing dka' la sla phyir dka'// mngon sum mi gnas kun du khyab// ming tsam 'di zhes bstan par ni// rdo rje sems dpas mtshon du med// ngo mtshar rmad byung rol pa 'di// bya bral nam mkha' bzhin du gnas// cir yang mi dmigs gti mug las// de ma thag tu rang las byung // 'di ni thams cad mtshungs pa'i lam// 'gro ba kun gyi rang bzhin

  101. 51b

    gnas// bus pas bslad pas 'khrul pa'i phyir// sman nyid sman pa tshol ba bzhin// go ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla/ 'og 'grub// ma nges 'ja' tshon kha dog las// rigs kyi khyad par mngon par snang // de bzhin g.yo rdul mi g.yo ba// 'byung ba lnga pas gtso chen yin// 'das dang ma 'ongs da ltar gyis// tha snyad ming la mi gnas te// skye 'gag med par rnam brtags shing // de nyid dus gsum chen por sbyor// mnyam pas rim par bkod pa med// gcig pas phyogs bcu bsngo dang bral// tshogs kyi rgyan rnams bkram pa yang // rang bzhin gnas pas 'grim pa med// lhun gyis gnas pas mi bsngo zhing // gdod nas dag pas bdud rtsi yin// 'du mched bcu gnyis khyad par du// lhag pa'i bsam pas bzung ba med// yid kyis bam pas yon bdag ste// bltas pas tshogs ni bkram pa'o// mthong bar gyur pas dngos grub la// de nyid mnyam bzhag rdzogs pa'o// yud tsam bzung bas sbyor ba yin// dga' bar gyur pas dam tshig ste// thabs kyis gar thabs bskyod pa yis// gnyis med sbyor ba phul ba yin// mi bzung gtong bas gtong ma yin// bya ba med pa'i las rnams te// mi rtog ye shes bgegs bsal nas// ma gsungs mnyam

  102. 52a

    bzhag sngags tshig go/ bla ma mchod dang gtong ba dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// de bas de lung de nyid la// de la de sbyar sgrib par 'gyur// de ltar de la de rtog na// de la de nyid grub pa med// ces gsungs so// byang chub kyi sems kun byed rgyal po las rdo rje sems dpa'i rang bzhin mi nub pa'i rgyal mtshan gyi le'u ste sum cu pa'o// // de nas byang chub kyi sems kun byed rgyal po des kun byed kyi rang bzhin bya med rdzogs pa lhun gyis grub pa 'di gsungs so// kye sems dpa' chen po nyon cig/ sna tshogs rang bzhin mi gnyis kyang // cha shas nyid du spros dang bral// ji bzhin pa zhes mi rtog kyang // rnam par snang mdzad kun du bzang // zin pas rtsol ba'i nad spangs te// lhun gyis gnas pas gzhag pa yin// zhes gsungs so// byang chub kyi sems kun byed rgyal po las rdo rje tshig drug gi le'u ste sum cu rtsa gcig pa'o// / de nas byang chub kyi sems kun byed rgyal po des sems dpa' rdo rje la ma byas don grub kyi lung nges pa tshig bzhi'i le'u 'di gsungs so// kye sems dpa' chen po 'di ltar don rig gis// ji ltar snang ba de bzhin nyid du gcig/ 'di la su yang 'chos par ma byed cig/ ma bcos mnyam

  103. 52b

    pa'i rgyal po de la ni// mi rtog chos sku'i dgongs pa de la gnas// zhes gsungs so// byang chub sems kun byed rgyal po las nges pa tshig bzhi'i le'u ste sum cu rtsa gnyis pa'o// // de nas byang chub kyi sems kun byed rgyal po des nyid las byung ba'i chos nyid de nyid kyi rig pa'i ye shes sems dpa' rdo rje zhes bya ba// chos thams cad rig par byed pa'i rgyal po rang 'byung gi ye shes de la nyid kyi rang bzhin rtogs par dka' ba 'di bstan to// kye sems dpa' chen po// yid kyi dbang pos sgra rtogs shig/ sgra yis don de rtogs rig byos// kun gyi gnas ni chos kyi dbyings yin na// dbyings kyi sgra don ji ltar rig par byed// kun gyi lha yul nam mkha'i khams 'di la// nam mkha'i sgra don ji ltar rig par byed// mngon du gsal ba 'byung ba lnga yin na// mngon du snang ba'i don ni ji ltar rig/ de las byung ba'i khams gsum sems can ni// de yi don ni ji ltar rig par byed// rig pa'i rgyal pos nyid phyir nga la nyon// zhes gsungs so// kye ston pa'i ston pa kun byed rgyal po lags// khyod kyi rang bzhin shin tu rtogs dka' ba// rnam bzhi bstan pa'i sgra yis bdag gis rtogs// dbyings kyi sgra yis 'byed pa med par rtogs// nam mkha'i sgra yis ma bsgribs gsal bar rtogs// 'byung ba'i sgra yis kun gyi snying por rtogs// sems

  104. 53a

    can sems kyis sgra don de rig byed// de rigs kun byed shin tu rtogs dka' rig/ kun byed nyid las gzhan zhes bstan pa med// ces gsungs so// de nas kun byed rgyal pos rig pa'i rgyal po la slar gsungs pa// nga yi rang bzhin rtogs dka' 'di rig na// chos kyi mdo rtsa yan lag kun rig gis// rig pa'i rgyal po zhes su mtshan yang btags// kye byed pa'i rgyal po kun byed byang chub sems// khyod kyi rang bzhin 'di ltar chos nyid 'di// sems dang ye shes chos nyid rig pa ste// de yi rang bzhin bdag gis 'di ltar mthong // sems nyid spros bral sgra ni chos nyid sgra// sems nyid ma bsgribs sgra ni nam mkha'i khams// sems nyid ngo bo snying po 'byung ba'i sgra// rig pa so sor rtog pa sems can sems// sems kyi rang bzhin las ni gzhan med de// kun byed rgyal po sems las gzhan med do// ces gsungs so// kye sems dpa' chen po// nga yi rang bzhin de rig na// kun byed nga yi rang bzhin rig pa yin// nga rig gcig rig kun rig thams cad rig/ sems dpa' chen po rdo rje khyod la ni// rig pa'i rgyal po zhes su ming btags so// kye rig pa'i rgyal pos de ltar rig gyur na// nga las byung ba'i ston pa sku gsum gyis// bstan pa'i theg pa rnam pa gsum byung nas// rgyu las 'bras bu 'dod pa gsum gyis

  105. 53b

    ni// bya ba'i las ni lta spyod sna tshogs kyis// 'bras bu gsum ni gang dang gang sgrub pa// rig pa'i rgyal pos chos de ji ltar rig/ ces gsungs so// rig pa'i rgyal pos slar gsungs pa// kye kun byed rgyal po khyod las byung ba yi// sku gsum ston pa khyod kyi ngo bo gsum// de gsum bstan pa rnam gsum khyod kyi ldem dgongs te// rig pa so so'i sems la ldem dgongs bstan// de dag gang la dgongs nas ldem pa bstan// mi 'phro zhi gnas tshol la dgongs pa'i phyir// rang re gang 'thad yul la ldem du gzhug/ sku gsum ston pa drang lung ston pa des// la las sa dang lam gyi 'bras bu bstan// la las dngos min chu zla'i 'bras bu bstan// la las nyid kyis nyid bsgrub 'bras bu bstan// sku gsum bstan pa ldem dgongs lung bstan te// nges par ma bstan drang ba'i lung bstan te// mi 'phro zhi gnas tshol ba'i ting 'dzin yin// rgyu 'bras theg chen drang ba'i lung du bstan// ces gsungs so// kye rig pa'i rgyal po sems dpa' rdo rje nyon// don dam nges pa'i lung zhes bstan pa ni// rig pa'i rgyal pos rig gam bstan du med// mi gnas dmigs par bya ba'i yul ma yin// mi rtog rtog las 'das pa'i rang bzhin la// ting 'dzin mi bsgom bsam pa'i yul dang bral// 'dod pa'i sems med blang ba'i 'bras bu med// mi rtog ji bzhin pa ru

  106. 54a

    gnas pa des// lam la ma bgrod sangs rgyas sa ru phyin// rig pa ma sbyangs rang 'byung ye shes rnyed// phrin las ma btsal rang bzhin lhun gyis grub// dam tshig mi ldog rang bzhin rnam par dag/ yul dang dbang po de bzhin nyid du gsal// sangs rgyas sems can gnyis su ma mthong ste// de bzhin nyid du thams cad gcig par mthong // de bzhin nyid la gcig dang du ma med// ma byung ma skyes pa yi snying po la// sgros kyis btags pa'i tha snyad ga la yod// kye sems dpa' chen po rig pa'i rgyal// sangs rgyas sems can snang srid snod bcud kun// kun byed nga yi rang bzhin sgros skur bral// nga yi rang bzhin de bzhin nyid gcig la// sku gsum ston pas so sor bstan pa yang // de bzhin nyid la drang ba'i lung bstan yin// zhes gsungs so// byang chub kyi sems kun byed rgyal po las nges pa'i lung dang drang ba'i lung bstan pa'i le'u ste sum cu rtsa gsum pa'o// // de nas byang chub kyi sems kun byed rgyal po des sangs rgyas thams cad kyi dgongs pa nyid la 'dus pa'i mdo 'di gsungs so// kye rtogs pa'i rgyal po sgra nyon cig/ kun byed rgyal po nga yis ni// dus gsum sangs rgyas thams cad kyi// dgongs pa'i don ni nga la 'dus// nga yi rang bzhin 'di la ni// sku 'dus gsung 'dus dgongs pa 'dus// nga yi sgra

  107. 54b

    nyon dgongs 'dus gyis// ces gsungs so// kye ston pa kun byed rgyal po lags// chos kyi sku dang longs spyod rdzogs// kun bzang rdo rje sems dpa' dang // rnam gzigs gtsug tor la sogs te// rabs bdun shAkya thub pa dang // stong rtsa gnyis kyi sangs rgyas dang // lhun gyis grub dang rdul snyed kyi// dgongs pa khyod la 'dus lags sam// zhes zhus so// de nas kun byed rgyal pos yin pa'i sgra brjod pa// kye rtogs pa'i rgyal po da nyon cig/ ho ho yin pa'i sgra brjod de// dpe dang don dang rtogs gsum gyis// dgongs pa 'dus pa'i don bstan pa// nga yi rang bzhin nam mkha' 'dra// nga yi don ni chos nyid yin// yi ngo bo byang chub sems// kye nga ni ma bsgribs rtog pa med// rtog med nam mkha' chos kyi sku// nga ni mi rtog blang dor med// blang dor med de nam mkha' 'dra// nam mkha' blang dor med pa bzhin// kun du bzang la blang dor med// blang dor med pa nga las 'dus// kye sems dpa' chen po nyon cig/ kye nga ni ma skyes nam mkha' 'dra// ma skyes pa yi nam mkha' bzhin// rdo rje sems la skye ba med// skye med dgongs pa nga la 'dus// rnam gzigs rabs bdun shAkya thub// stong rtsa gnyis dang rdul snyed dang // lhun grub sangs rgyas thams cad kyang // dgongs pa nam mkha'i rang bzhin te// skye med mi rtog blang dor med// dpe

  108. 55a

    yis nga la 'dus par bstan// kye sems dpa' chen po nyon cig/ kye gong bshad sangs rgyas thams cad kyi// dgongs pa don gyis 'dus pa ni// kun byed rgyal po'i rang bzhin ni// skye ba med par bstan pa bzhin// sangs rgyas kun la skye med pas// skye med chos nyid 'dus par bstan// kun byed rgyal po'i rang bzhin la// chos nyid 'gag pa med pa bzhin// gong bshad sangs rgyas thams cad kyi// chos nyid la ni 'gag pa med// des na chos nyid 'dus par bstan// kye sems dpa' chen po nyon cig/ rtags kyis 'dus par bstan pa ni// rtags ni kun rtags byang chub sems// kun byed rgyal po sems kyis ni// chos kyi sku dang kun tu bzang // rdo rje sems la sogs pa yi// dus gsum sangs rgyas ma lus pa'i// snying po rtags ni sems su 'dus// des na dpe don gsum du 'dus// kye kun byed rgyal po nga la ni// spyi 'dus sgo 'dus dgongs pa 'dus// spyi 'dus dpe don rtogs 'dus la// sgo 'dus rnam pa lnga 'dus te// chos sku dgongs pa 'dus pa ni// mi rtog mnyam pa nyid 'dus la// mi g.yo cho 'phrul 'byin par nus// longs spyod sku yi dgongs 'dus pa// mngon sum rang bzhin snang ba dang // 'dod pa tshogs pas 'byin par 'dus// kun bzang dgongs pa 'dus pa ni// ji ltar snang ba thams cad

  109. 55b

    kun// bzang ngan blang dor med pa ru// kun byed mngon du phyung bar 'dus// rdo rje sems dgongs 'dus pa ni// mi skye mi 'gag dgongs pa 'dus// rabs bdun shAkya thub pa dang // stong rtsa gnyis dang rdul snyed dang // sku gsung thugs kyis don mdzad pa'i// byung yang sku gsung thugs las byung // sku gsung thugs kyi chos nyid la// sku gsung thugs kyis don mdzad tshul// de yang kun byed nyid du 'dus// chos kyi dbyings kyi pho brang na// nga ru ma 'dus gcig kyang med// nam mkha'i khams kyi gzhal yas na// nga ru ma 'dus gcig kyang med// ces gsungs pas der sems dpa' rdo rje sngangs te brgyal lo// der brgyal ba sangs nas zhus pa// kye 'dus pa'i rgyal po de nyon cig/ byas pa'i chos dang kun 'dus na// ma byas pa yang kun 'dus sam// ma byung ba yang kun 'dus sam// chos kyi dbyings dang nam mkha'i khams// mu stegs phyin ci log lta ba// rtag chad gnyis su lta ba yang // khyod kyis ma nor dgongs yin na// sangs rgyas sems can ci la gdags// mu stegs sangs rgyas ci la rgya// ces gsungs so// de nas byang chub kyi sems kun byed rgyal po thams cad 'dus pa'i rgyal po des bka' stsal pa// kye sems dpa' chen po nyon cig/ nga yi rang bzhin rtogs 'gyur na// kun kyang 'dus par yid ches na// sems dpa' chen po khyod

  110. 56a

    kyis ni// nga yi rang bzhin rtogs mi 'dra// rtogs mi 'dra bas yid mi ches// kun byed byang chub sems rtogs shig/ kun byed byang chub sems rtogs na// rang 'byung byang chub sems de yis// rtag chad gnyis kyi mtha' bsal te// ma skyes gzung 'dzin bral ba yis// rtag pa'i dngos po mtha' bsal la// rang 'byung ye shes 'gyur med pas// med pa chad pa'i mtha' yang bsal// mu zhes bya ba chos kyi dbyings// stegs zhes bya ba rtogs pa'i gnas// sangs rgyas sems can gnyis mthong ba// kun byed byang chub sems ma mthong // zhes gsungs so// byang chub kyi sems kun byed rgyal po las dgongs pa 'dus pa'i lung gi le'u ste sum cu rtsa bzhi pa'o// // de nas byang chub kyi sems kun byed rgyal pos nyid kyi bstan pa gzhan gyi spyod yul ma yin pa rdzogs pa chen po'i gzhung rgyu 'bras rtsol sgrub las 'das pa 'di bstan te// kye sems dpa' chen po// nga yi spyod yul 'di ni dka' ba ste// sgo dang lta ba dang ni dam tshig dang // phrin las dang ni bgrod lam gnas pa dang // ye shes chos nyid rnam pa brgyad po 'di// sku gsum theg pa rnam pa lnga po yi// theg pa gzhan dang lta spyod mi mthun te// sgo ni btsal du med pa'i sgo nas 'jug/ lta ba bsgom du med par bstan pa yin// dam tshig bsrung du med par bstan pa

  111. 56b

    yin// phrin las btsal du med par bstan pa yin// lam la bgrod du med par bstan pa yin// gnas sa sbyang du med par bstan pa yin// ye shes mi rtog bskyod pa med pa yin// chos nyid ji bzhin bcos su med pa yin// kye sems dpa' chen po don 'di ni// rgyu 'bras theg pa can la bstan 'gyur na// 'jig rten rgyu dang 'bras bu'i chos bzhin du// rgyu las 'bras bu 'byung bas mi rigs zer// rgyu ni khams gsum sems can las bsgrubs nas// 'bras bu dus gsum sangs rgyas 'byung bar 'dod// rgyu ni lta ba bsgom pa byas pa yis// gang bsgoms 'bras bu de thob 'dod pa ni// bsgom pa de yis 'bras bu thob pa med// thams cad ji bzhin pa yi chos yin pas// ji bzhin pa la 'chos par byed pa ni// brdzun gyis bden pa bslus pa sdig re che// lta bsgom dam tshig la sogs rtsol sgrub kyis// dbang po yul la yengs pa bral nas ni// dben pa'i yul la thabs kyis khrid nas ni// rtog med mnyam pa'i thabs kyis bstan pa yin// zhes gsungs so// byang chub kyi sems kun byed rgyal po las rdzogs pa chen po'i lung bstan pa'i le'u ste sum cu rtsa lnga pa'o// // de nas byang chub kyi sems kun byed rgyal po des chos thams cad kyi rang bzhin nyid kyi sku gsung thugs kyi rang bzhin du 'dus pa 'di gsungs so// kye sems dpa'

  112. 57a

    chen po// nga yi rang bzhin 'di rtogs shig/ nga ni byang chub sems kyi rang bzhin te// byang chub sems ni kun byed rgyal po yin// kun byed rgyal po'i rang bzhin sku gsung thugs// sku gsung thugs kyis ma byas gcig kyang med// dus gsum sangs rgyas sku gsung thugs kyis byas// khams gsum sems can lus ngag yid gsum yang // kun byed nga yi sku gsung thugs kyis byas// snang srid snod bcud bsdus pa thams cad kyang // ji bzhin ma bcos pa yi chos nyid du// kun byed nga yi sku gsung thugs kyis byas// zhes gsungs pa dang // sems dpa' rdo rjes slar zhus pa// kye kun byed rgyal po byed pa'i bdag po lags// ma rig ma rtogs don 'di bshad du gsol// ji ltar byas pa bdag la bshad du gsol// zhes zhus pas// kye sems dpa' chen po nyon cig/ nga ni sku gsung thugs kyi rang bzhin te// sku ni chos nyid mngon du phyung ba des// kun bzang rol pa rmad du 'byung ba byas// gsung gi sgra tshig mngon du bsgrags nas ni// don gyi chos nyid tshig gis go bar bstan// thugs ni rang 'byung ye shes 'gag med kyis// ston pa ye shes sgron ma byas nas ni// chos nyid don gyi ngo bo ma nor ston// kye sems dpa' chen pos don 'di rtogs par gyis// snang srid snod bcud de ltar snang ba las// nga la sku yi ngo bo gzhan med

  113. 57b

    pas// rang gi ngo bos 'chad cing ston pa yin// sems dpa' chen po khyod kyis kyang // ma rtogs gzhan la khyod kyis lung ston cig/ kye sems dpa' chen po nyon cig/ sa chu me rlung nam mkha'i sgra grag dang // rgyud drug sems can rnams kyi sgra tshig 'di// kun byed nga yi gsung las gzhan med pas// tshig sgra don gyis bsdebs bshad de la bya// kye sems dpa' rdo rje khyod kyis kyang // ma rtogs gzhan la khyod kyis lung ston cing // kye sems dpa' chen po nyon cig khams gsum rgyud drug sems can thams cad dang // 'byung chen lnga yi mi rtog mnyam nyid dang // chos nyid mi skye mi rtog mi 'gag ste// kun byed nga yi thugs su de las med// sems dpa' chen po rdo rje khyod kyis ni// ma rtogs gzhan la khyod kyis lung ston cig/ sems dpa' chen pos 'di lung ma bstan na// nga yi rang bzhin shin tu mi rtogs te// ma rtogs nga dang phrad par mi 'gyur na// dus gsum sangs rgyas rnams kyi gdung 'tshob pa/ khams gsum gnas pa'i sems can thams cad dang // la dgu lung dgu rgal ba'i sa bcu dang // tshe la dbang sgyur phyag rgya lhun gyis grub pa dang // rig 'dzin gsum la sogs pa'i gdung 'tsho ba kyis// kun byed nga dang yun du phrad mi 'gyur// kun byed nga dang yun du ma phrad na// khams gsum rgyud drug gnas pa'i sems

  114. 58a

    can gyis// rang gi rang bzhin rang gis ngo mi shes// sa bcu gnas pa'i byang chub sems dpa' yis// grangs med pa yi bskal pa gsum bgrangs kyang // kun byed nga dang phrad par yang mi 'gyur// des kyang rang gi rang bzhin shes mi 'gyur// lus la dbang sgyur rig 'dzin gsum gyis kyang // lus kyis sangs rgyas longs spyod sku bzung nas// yid kyi dbang po rang sems mthong med lha// des kyang kun byed rgyal po nga dang ni// rang gi rang bzhin gnyis med de mi mthong // ma mthong bar du tshe chad nad kyis zin// de bas nga yi rang bzhin lung ston cig/ ces gsungs so// byang chub kyi sems kun byed rgyal po las sku gsung thugs su 'dus pa'i le'u ste sum cu rtsa drug pa'o// // de nas byang chub kyi sems kun byed rgyal po des rdzogs pa chen po'i chos nyid bsgom du med pa 'di bstan to// kye sems dpa' chen po rdo rje la sogs te// rig 'dzin gyi ni sa la gnas pa dang // sa la gnas pa'i byang chub sems dpa' dang // khams gsum sems can dus la bab pa yi// kun gyi don chen kun byed nga yin gyis// nga yi rang bzhin chos nyid byang chub sems// chos nyid sems la bsgom med rtogs par gyis// rgyu 'bras ston pa'i sku gsum ston pas ni// nga yi rang bzhin chos nyid bsgom med la// 'jig rten rgyu

  115. 58b

    'bras chos dang don mthun par// rgyu las 'bras bu 'byung bar lung bstan nas// bsgom pa'i lung ni 'di ltar so sor bstan// chos nyid byang chub sems gcig ngo bo la// sdug bsngal kun 'byung bden pa rnam pa bzhis// sdug bsngal kun 'byung ngan song rgyu zer nas// chos nyid byang chub sems de spong bar byed// de yis chos nyid mi mthong spangs pa yin// chos nyid byang chub sems kyi ngo bo la// don dam kun rdzob bden pa rnam gnyis kyis// sbyin dang tshul khrims pa rol phyin pa bcus// sa bcu lam la sbyangs te bgrod pa yis// chos nyid ma mthong sbyong ba'i sa la gnas// chos nyid byang chub sems kyi ngo bo la// gza' dang rgyu skar dus tshigs bzang sgo nas// byang chub lnga dang cho 'phrul chen po bzhis// 'di ltar snang ba'i chos rnams thams cad la// byin gyis brlabs nas lha yi sgyur bsgom pa// de yis rang sems bsgom med mthong ba min// chos gcig byang chub sems kyi ngo bo la// ting 'dzin gsum dang cho ga rnam pa lngas// rang rgyud dag pa'i rdo rje phung po la// bsnyen sgrub rnam pa bzhi yi lha bsgoms nas// snang la rang bzhin med par byed pa ni// btsal zhing bsgrubs nas rang sems lhar bcos pas// des kyang rang sems bya med mthong ba min// rang gi chos nyid byang chub sems la ni// kun byed rgyal po ston pa'i ston pas kyang // rang

  116. 59a

    sems ye nas chos nyid grol ba la// ston pa gsum la bsgom pa'i lung ma bstan// sgom sgrub btsal na rang sems spangs pa yin// zhes gsungs so// kye sems dpa' chen po rang sems grub 'dod na// 'dod pa med pas grub pa yin pa'i phyir// rtog med mnyam pa nyid la gnas mi byed// blang dang dor med yul la rang bzhin gnas// g.yos pa med pa'i ngang la ngang gis gnas// sems ni ji bzhin pa yi ngo bo de// chos rnams thams cad de bzhin nyid du sgrub// ji bzhin pa la 'chos par ma byed cig/ ngo bo nyid las gzhan du ma sgrubs shig/ rang nyid yin gyis gzhan du ma tshol cig/ btsal na rgyal bas dbyings nas rnyed mi 'gyur// sngar byas zin pas nga ni byed mi bdog/ sngar grub zin pas da grub mi byed par// mi rtog cir mi dgongs la mnyam par zhog/ kye sems dpa' chen po nyon cig/ snga rabs 'das pa'i sangs rgyas rnams kyis kyang // rang gi sems las gzhan du chos btsal med// ji bzhin pa la 'chos par byed ma myong // ting 'dzin rnam par rtog pa bsgom ma myong // rang sems mi rtog pa yis grub pa yin// da ltar bzhugs dang slad kyis byon pa yang // rtog med mnyam pa nyid kyis grub par 'gyur// zhes gsungs so// byang chub kyi sems kun byed rgyal po las bsgom du med par mdo lung gi le'u ste sum

  117. 59b

    cu rtsa bdun pa'o// // de nas byang chub kyi sems kun byed rgyal po des 'khor gyi ston pa'i bstan pa gol sa dang sgrib par gyur pa 'di bstan to// kye sems dpa' chen po nyon cig/ 'khor gyi ston pa rnam gsum gyi// bstan pa gsum ni gol sgrib ste// de yang ji lta bu zhe na// nges pa thob pa'i theg pa drug/ rdzogs pa chen po'i gol sar bstan// de yang ji lta bu zhe na// byang chub sems dpa'i mdo sde ni// kun du 'od kyi sa 'dod pa// bden pa gnyis kyi rtog dpyod kyis// chos nyid stong pa nam mkhar 'dod// a ti yo ga'i bde chen ni// rtog dpyod 'das pa'i byang chub sems// rtog dpyod 'das la mdo sdes bsgribs// rdzogs chen rtog dang dpyod pa ni// mdo sde dag tu gol bar bshad// kri ya rdo rje 'dzin 'dod pa// dag pa rnam gsum sgor zhugs nas// gzung 'dzin dag pa'i yul la gnas// a ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kri yas bsgribs// rdzogs chen gzung dang 'dzin byed pa// kri ya dag tu gol bar bshad// u pa ya yi lha spyod ni// kri ya spyod cing yo ga sgrub// lta spyod 'brel ba'i don med pas// gnyis su med pa'i don ma rtogs// a ti yo ga'i bde chen ni// gnyis su med pa'i byang chub sems// gnyis su med la u pas bsgribs// rdzogs chen gnyis su

  118. 60a

    'byed pa ni// u pa ya ru gol bar bshad// yo ga stug po bkod 'dod pa// mtshan ma yod med sgor zhugs nas// phyag rgya bzhi la gtsor byed de// blang dor med la 'jug mi nus// a ti yo ga'i bde chen ni// blang dor med pa'i byang chub sems// blang dor med la yogs bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang 'dod pa// thabs dang shes rab sgor zhugs nas// rang rgyud dag pa'i dkyil 'khor la// bsnyen sgrub rnam bzhi sgrub par byed// a ti yo ga bde chen ni// rtsol sgrub 'das pa'i byang chub sems// rtsol sgrub 'das la ma hAs bsgribs// rdzogs chen rtsol sgrub byed pa ni// ma hA yo gar gol bar bshad// a nu dbye med sa 'dod pa// dbyings dang ye shes sgor zhugs nas// 'di ltar snang ba'i chos rnams la// rgyu ni dag pa'i dbyings lta ba// 'bras bu ye shes dkyil 'khor lta// a ti yo ga'i bde chen ni// rgyu 'bras 'das pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis lta na// a nu yo gar gol bar bshad// lta spyod gnyis kyi gol sgrib bstan// kye sems dpa' chen po// rdzogs pa chen po'i lha spyod ni// rgyu 'bras sgrub dang mi 'dra ste// lta spyod byang chub sems de ni// nam mkha' lta bu'i rang bzhin te// nam mkha' la ni rtog

  119. 60b

    dpyod 'das// gang zhig rtog dpyod byed pa des// byang chub nam mkha' bzhin du 'grub// rtog dpyod gnyis byung gol sgrib po// lta spyod nam mkha'i rang bzhin la// gang zhig gzung dang 'dzin byed pas// byang chub nam mkha' de mi 'grub// gzung 'dzin gnyis byung gol sgrib po// lta spyod rnam pa gnyis byung nas// nam mkha' gnyis su med pa bzhin// byang chub la ni gnyis su med// gang zhig gnyis su byed pa des// byang chub nam mkha' de mi 'grub// lta spyod gnyis byung gol sgrib po// byang chub nam mkha'i rang bzhin de// nam mkha' la ni blang dor med// gang zhig blang dor byed pa des// byang chub nam mkha' de mi 'grub// blang zhing dor ba gol sgrib po// byang chub nam mkha'i rang bzhin de// nam mkha' la ni rtsol sgrub med// gang zhig rtsol sgrub byed pa des// byang chub nam mkha' de mi 'grub// rtsol zhing sgrub pa gol sgrib po// byang chub nam mkha'i rang bzhin de// nam mkha' la ni rgyu 'bras med// gang zhig rgyu 'bras gnyis lta bas// byang chub nam mkha' de mi 'grub// rgyu 'bras lta ba gol sgrib po// kye sems dpa' chen po// chos kun nam mkha'i rang bzhin te// nam mkha' la ni rang bzhin med// nam mkha' la ni dpe yang med// nam mkha' la ni tshad kyang med// chos rnams thams cad ma lus pa'i// don ni 'di ltar shes

  120. 61a

    par bya// kye sems dpa' chen po 'di rtogs shig/ theg pa re la lta ba re// lta ba'i yul ni gzhan med de// chos nyid byang chub sems 'di la// gzhan du lta ba'i yul med pas// lta ba zhes lta nor bar bshad// theg pa re la dam tshig re// byang chub lam gyi skyel ma byed// byang chub gzung 'dzin med pa'i phyir// gzhan du bsrung du med pa'i phyir// dam tshig la yang bsrung du med// theg pa re la phrin las re// byang chub lam gyi stong grogs byed// byang chub lhun gyis grub pa'i phyir// phrin las btsal du med pa yin// las kyis lhun gyis grub 'gyur med// theg pa re la gnas sa re// byang chub lam gyi gzhi rten byed// rdzogs chen byang chub sems sa la// dus gsum sangs rgyas thams cad dang // sku gsum ston pa bzhugs pa dang // khams gsum sems can ma lus dang // snang srid snod bcud gnas pa'i phyir// sa la sbyangs shing bgrod du med// theg pa re la chos nyid re// rdzogs chen chos nyid byang chub sems// sems las ma gtogs chos med pas// theg pa'i chos kun byang chub sems// rdzogs chen rang 'byung ye shes ni// yul la rtog par mi byed de// mi rtog mi bskyod ye shes so// zhes gsungs so// byang chub kyi sems kun byed rgyal po las lta spyod kyi gol sgrib bstan pa'i le'u ste sum cu rtsa brgyad

  121. 61b

    pa'o// // de nas byang chub kyi sems kun byed rgyal po des nyid kyi rang bzhin thams cad la gol sa dang sgrib pa med pa rgyal ba'i snying po yin pa 'di gsungs so// kye sems dpa' chen po nyon cig/ nga ni kun gyi byang chub sems// des na kun gyi snying por bshad// sku gsum ston pa rnam gsum dang // dus gsum sangs rgyas bzhugs pa dang // khams gsum sems can thams cad dang // snang srid snod bcud thams cad la// 'byung ba'i snying po nga las med// de yang ji lta bu zhe na// mi rtog mnyam pa de nyid las// skye ba med pa'i chos sku byung // rang gi ngo bo de nyid las// 'dod pa longs spyod rdzogs sku byung // thugs rje byang chub chen po las// sprul pas 'gro ba'i don mdzad byung // dus gsum sangs rgyas thams cad dang // sngar 'das pa yi sangs rgyas kyis// rang 'byung ye shes sems nyid de// mi rtog rtogs nas sngar sangs rgyas// da ltar mi rtog ngang la bzhugs// da ltar bzhugs pa'i sangs rgyas kyang // rang 'byung ye shes sems nyid de// mi rtog pas ni 'gro don mdzad// slad nas byon pa'i sangs rgyas rnams// byang chub rang 'byung ye shes de// mi rtog pa yi lung bstan nas// 'gro ba'i don la 'byung bar nges// rig 'dzin dang ni sa pa rnams// rang 'byung byang chub sems de ni// bltas pas mthong ba ma yin

  122. 62a

    na// rang sems snying po de ru phrad/ khams gsum sems can thams cad kyi// rang 'byung ye shes bkag med pas// dbang po yul la rig gsal ba// ma bcos pa yi byang chub sems// de nyid snying po yang dag bshad// snang srid snod bcud thams cad kyang // nga yis ma bskyed gcig kyang med// kun rgyu nga las ma byung med// des na kun gyi snying por bshad// nga ni kun las rgyal ba ste// sku gsum las kyang nga rgyal la// sangs rgyas gsum las nga rgyal lo// rig 'dzin byang chub sems dpa' dang / khams gsum gnas pa'i sems can dang // snang srid snod bcud thams cad kun// byed pa nga yin kun las rgyal// kun byed byang chub sems nga yis// bstan pa kun gyi sngon rol du// byang chub sems kyi bstan pa bkod// byang chub sems kyi bstan pa 'di// kun gyis dgod par mi nus te// de yang ji ltar dgod ce na/ chos la bya ru med pa'i phyir// btsal ba med pa'i sgo nas 'jug/ byang chub sems las med pa'i phyir// byang chub sems kyi chos nyid la// sems kyis bsgom du med pa'i phyir// lta ba bsgom du med pa bkod// gzung 'dzin 'das pa'i chos nyid la// dam tshig bsrung du med pa dgod// ye nas lhun gyis grub pas na// phrin las btsal du med pa bkod// byang chub sems la kun gnas pas// sa la sbyang du med

  123. 62b

    pa bkod// byang chub sems ni bgrod pa'i gnas// sems kyi sa la bgrod med pas// lam la bgrod du med par bstan// chos nyid byang chub sems yin pas// chos nyid gzhan du lta mi byed// ye shes rang 'byung ye shes te// yul la rtog pa'i ye shes min// kun byed byang chub sems nga ni// lta spyod kun las rgyal ba dang // byed pa'i snying po yin pa'i phyir// rgyal ba'i snying po zhes su bshad// ces gsungs so// byang chub kyi sems kun byed rgyal po las rgyal ba'i snying po'i le'u ste sum cu rtsa dgu pa'o// // de nas byang chub kyi sems kun byed rgyal po des byang chub kyi sems nyid kyi rang bzhin bstan pa 'di gsungs so// kye sems dpa' chen po nyon cig/ bdag gi bstan pa 'di bkod pas// dus gsum sangs rgyas thams cad dang // rig 'dzin byang chub sems dpa' dang / khams gsum sems can thams cad kun// rtsol dang sgrub pa ma byas par// ye nas sangs rgyas lung bstan pas// 'khor gyi ston pa rnam gsum gyi// rtsol sgrub byed pa'i brtan pa gsum// gol sa sgrib pas zhig par 'gyur// zhes gsungs so// de nas sems dpa' rdo rjes slar zhus pa// kye ston pa kun byed rgyal po lags/ khyod kyi bstan pa byang chub sems// byang chub sems 'di sangs rgyas na/ khams gsum sems can sangs rgyas sam//

  124. 63a

    khams gsum sems can sangs rgyas na/ khams gsum gnas su ci ste 'khor// zhes zhus so// de nas byang chub kyi sems kun byed rgyal pos slar gsungs pa// kye sems dpa' chen po 'di nyon cig/ byang chub sems las byung ba yi// ji ltar snang ba'i chos rnams kun// chos nyid mngon du byung ba ste// de bzhin nyid du gcig pa yi// chos nyid yul ni lnga snang la// 'dod mi 'dod ni lnga lnga las// nyon mongs sdug bsngal skye zer nas// chos nyid yul lnga spong byed pa// rang 'byung ye shes snang ba de// bskal pa gsum du mi spong bas/ khams gsum gnas su 'khor ba yin// de bzhin nyid du gcig pa yi// chos nyid yul ni lnga snang la// 'dod dang mi 'dod lnga snang la// 'khor ba'i rgyu ni yin zer nas// chos nyid lnga po 'gegs par byed// rang 'byung ye shes snang ba de// bskal pa du mar mi khegs pas/ khams gsum gnas su 'khor ba yin// de bzhin nyid du gcig pa yi// chos nyid yul ni lnga snang la// 'dod dang mi 'dod lnga yul byung // chags pa'i gnas ni yin zer nas// chos nyid lnga po sbyong bar byed// rang 'byung ye shes snang ba de// bskal pa yun du mi spyod pas/ khams gsum gnas su 'khor ba yin// chos nyid mngon du byung ba yi// de bzhin nyid du gcig pa yi// chos nyid yul ni lnga snang la// 'dod dang mi 'dod lnga

  125. 63b

    byung bas// byin brlabs gnas ni yin zer nas// phyi nang dag par byin gyis rlob// chos nyid lnga po dag par byed// rang 'byung ye shes snang ba de// mi tshe bdun du byin mi rlob/ khams gsum gnas su 'khor ba yin// byang chub sems las byung ba yi// chos nyid mngon du phyung ba yi// de bzhin nyid du gcig pa las// chos nyid yul ni lnga snang las// 'dod dang mi 'dod lnga 'byung ste// mtho ris ngan song rgyu zer nas// de bzhin nyid la blang dor byed// rang 'byung ye shes snang ba de// rang gi rkyen gyis dor mi btub// mi btub dor bar byed pas 'khor// byang chub sems las byung ba yi// mngon du phyung ba'i chos nyid de// de bzhin nyid du gcig pa las// chos nyid yul ni lnga snang ste// 'dod dang mi 'dod yul lnga ste// sku gsung thugs su shes byas nas// sku gsung thugs su gdod sgrub byed// ye nas yin la sgrub byed pas// sgrub pa nyid kyis 'khor ba yin// kye sems dpa' chen po de bas na// byang chub sems spangs pha rol na// rang 'byung ye shes ye nas med// 'khor ba spangs pa'i pha rol na// mya ngan 'das zhes bya ba med// chos can spangs pa'i pha rol na// chos nyid bya ba ye nas med// thams cad de bzhin nyid du gcig/ de bzhin nyid du gcig pa la// de bzhin nyid la bcos pas nor// de ni ma nor ba yi ming // bzhin

  126. 64a

    ni bcos su med pa'i don// nyid ni rang gi mtshan nyid bstan// de bzhin nyid la 'chos ma byed// de bzhin nyid la 'chos byed pa// byang chub sems la su 'chos pa// des ni 'khor ba'i snying po bsgrub// ces gsungs so// byang chub kyi sems kun byed rgyal po las byang chub sems kyi rang bzhin bstan pa'i le'u ste bzhi bcu pa'o// // de nas byang chub kyi sems kun byed rgyal po des chos thams cad kyi rang bzhin nga yin pa 'di bstan to// kye sems dpa' dam pa rdo rje khyod// nga yi rang bzhin 'di ltar shes par gyis// nga ni ston pa'i sgron ma byang chub sems// dus gsum sangs rgyas kun gyi snying po yin/ khams gsum sems can kun gyi pha dang ma// snang srid snod bcud kun gyi rgyu yang yin// nga las ma byung ba ni gcig kyang med// nga ni mi gnas kun tu khyab pa'i phyir// nga ni ye nas dus gsum sangs rgyas yin// nga ni mi rtog mnyam par gnas pa'i phyir// rtog med mnyam nyid chos sku ye sangs rgyas// nga yi ngo bo kun du longs spyod phyir// nga nyid longs spyod rdzogs skur ye sangs rgyas// nga nyid rang 'byung ye shes snang ba'i phyir// nga nyid thugs rje sbrul skur mngon sangs rgyas// des na dus gsum sangs rgyas kun gyi snying po bshad// nga yi ye shes byang chub sems snang ba// rang 'byung ye shes lnga po rgyud drug

  127. 64b

    sems// des na khams gsum sems can pa dang ma// snang srid snod bcud kun gyi ngo bo yang // nga yi ngo bor byung ba snang bas// nga nyid ye nas snang ba sangs rgyas yin// nga la gnyis med gcig tu 'dus pa chu// sdud par byed pas sems nyid chu yin no// nga ni thams cad mnyam pa drod snyoms me// kun la mnyam par gnas pas me sangs rgyas// nga ni thogs med yang zhing g.yo ba yin// thogs med g.yo bas rlung du mngon sangs rgyas// nga ni ma bsgribs kun khyab gsal ba'i phyir// nam mkha' zhes ni ming btags sangs rgyas yin// nga las ma byas pa yi sangs rgyas ni// 'byung chen srid pas bsdus pa'i chos la med// 'byung lta nga yi rang bzhin bstan pa ni// gcig la nyi shu rtsa lnga'i rang bzhin tshang // snang ba sa la sdud pa chu yin te// mnyam pa me la g.yo ba rlung du gsal// ma bsgribs gsal bas nam mkha'i rang bzhin te// gcig la nyi shu rtsa lnga tshang ba ni// byang chub sems kyi che ba'i yon tan bstan// chos la gnyis med byang chub sems su gcig/ gcig gis kun byas kun byed rgyal pos byas// zhes gsungs so// byang chub kyi sems kun byed rgyal po las ngo bo gcig pa'i le'u ste bzhi bcu zhe gcig pa'o// // de nas byang chub kyi sems kun byed rgyal po des chos thams cad kyi byang chub kyi sems kho nar sangs rgyas pa 'di

  128. 65a

    gsungs so// kye sems dpa' chen po nyon cig/ kye chos kyi sgra ni byang chub sems// byang chub sems las chos kyi sku// rdul tsam sus kyang bcos pa med// des na sangs rgyas sems las med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams las// longs spyod rdzogs las sku gzhan med// sprul pa'i sku ni byang chub sems// byang chub sems kyi sprul pa las// 'gro ba'i don mdzad gzhan na med// dus gsum sangs rgyas thams cad kyang // byang chub sems las gzhan med de// snga rabs 'das pa'i sangs rgyas rnams// rang sems ma bcos sngar mthong rtogs// da ltar bzhugs pa'i sangs rgyas rnams// ma bcos pa yi rang sems des// ma bcos ji bzhin rtogs gyur nas// da ltar 'gro ba'i don yang mdzad// slad nas byon pa'i sangs rgyas rnams/ rang byung sems nyid 'di la ni// snga bar 'chos par lung ma bstan// da ltar ting 'dzin sems mi 'chos// ma bcos lam du zhugs nas byon// ji ltar snang ba'i chos rnams la// byang chub sems su ma rtogs te// bcos shing bsgrubs pas 'grub mi 'gyur// ma rtogs bcos pas grub par byed// bskal pa du ma'i grangs bgrangs kyang // mi rtsol bde ba phrad mi 'gyur// kye sku gsum sems las ma bcos

  129. 65b

    phyir// sku gsum ston pa'i mdo lung las// 'chos par byed pa'i don 'byung ba// de ni ston pa sku gsum yang // nyid kyi ston pa rang bzhin ston pa min// de bzhin 'chos par byed pa yi// ston pas bden tshul ji bstan yang // nges lung ma yin drang lung yin// zhes gsungs so// byang chub kyi sems kun byed rgyal po las bcos su med pa'i le'u ste zhe gnyis pa'o// // de nas byang chub kyi sems kun byed rgyal po des chos thams cad kyi ston pa nyid yin par zhal gyis bzhes pa 'di gsungs so// kye sems dpa' chen po nyon cig/ nga ni chos rnams kun gyi ston pa ste// nga yi rang bzhin rnam pa gsum las ni// ston pa yang ni rnam pa gsum du bstan// bstan pa yang ni rnam gsum nga yis bstan// de 'dzin 'khor tshogs gsum yang nga yis bstan// ston pa gsum yang gang dang gang zhe na// chos kyi rang bzhin ston pa'i ston pa dang // chos kyi ngo bo ston pa'i ston pa dang // don gyi sgra tshig ston pa'i ston pa'o// chos kyi rang bzhin ston pa'i ston pa ni// skye ba med las byin gyis brlabs phyung ste// ji ltar snang ba'i chos rnams thams cad kun// chos kyi de bzhin nyid du ston par byed// chos kyi ngo bo ston pa'i ston pa ni// ji ltar snang ba'i chos rnams thams cad kun// ston pa nyid kyi sku ru phyung nas ni// chos kyi ngo bor de las

  130. 66a

    med par ston// chos kyi sgra tshig ston pa'i ston pas ni// chos rnams kun gyi don ni sgra bsdus nas// ma rig mi shes khams gsum sems can la// don de sgra dang tshig gis bsdebs nas ston// des na ston pa'i rang bzhin bstan par bshad// de 'dzin 'khor ni rnam pa gsum bstan te// shin tu rnal 'byor rtsol sgrub 'das pa'i 'khor// sgor zhugs yid ches sangs rgyas sa la gnas// rig 'dzin sa dang dang po bcu pa'i 'khor// ma thob nye reg bsgom pa'i sa la gnas// sems bskyed mos pa spyod pa'i 'khor rnams ni// rgyu dge 'bras bu dug 'joms sa la gnas// de ni ston pa gsum gyi 'khor du bstan// kye ston pa'i ston pa kun byed rgyal po lags// ston pa gsum dang 'khor tshogs de ltar na// bstan pa rnam gsum ji ltar bstan par bgyi// zhes zhus pas// kye sems dpa' chen po nyon cig/ chos kyi sku yi bstan pa de bzhin nyid bstan te// de bzhin nyid la rnam pa dbye ru med// ji ltar snang ba'i chos rnams thams cad kun// sems kyi ngo bo yin pas de bzhin nyid// de la gang su sgom zhing 'chos byed pa// de yis chos sku bstan pa rtogs pa med// snang ba med pa'i chos nyid byang chub la// ma nor de bzhin nyid du ma rtogs te// de la gang su 'chos shing sgom byed pa// de yis rang sems bcos med de mi

  131. 66b

    rig/ snang srid chos med byang chub sems// sems kyi de bzhin nyid 'byung de bzhin nyid// de bzhin nyid du ma rtogs so sor mthong // de bzhin nyid ni dbyings nas tshol byed pa// dus gsum rgyal bas btsal yang mi brnyes so// kye sems dpa' chen po nyon cig/ longs spyod rdzogs pa bstan pa longs spyod de// longs spyod lnga ni chos nyid longs spyod gcig/ gzugs la sogs pa'i longs spyod lnga la ni// gcig la'ang lnga lnga nyi shu rtsa lnga spyod// rtsa lnga longs spyod de ni sku lnga'i tshul// tshul ni chos nyid don gyi ngo bo nyid du bshad// sangs rgyas sems can kun gyi longs spyod du// longs sku nga yi gzugs la spyad du med// rig 'dzin sa bcu rnams la nga yis bstan// zhes gsungs so// kye sems dpa' chen po nyon cig/ sbrul sku bstan pa thugs rjes don 'tsham ste/ khams gsum sems can bsam pa tha dad la// sku dang gsung dang thugs ni rnam gsum gyis// bsam pa tha dad sku gsung thugs rjes bzlog/ dbang po yul la zhen pa de bzlog nas// dben pa'i yul ni gang 'thad de bstan nas// des ni nga yi thugs rje 'dren lung byed// kye sems dpa' chen po nyon cig/ nga ni chos rnams kun gyi ston yin phyir// sangs rgyas la yang nga yi rang bzhin bstan// sems can la yang nga yi rang bzhin bstan// rang bzhin bstan pas ston par

  132. 67a

    zhal gyis bzhes// nga yi rang bzhin 'di ltar rig par gyis// ston pa dang ni bstan pa 'khor rnams ni// nga yi rang bzhin gsum las gzhan med de// ston pa rang 'byung ye shes 'gag med yin// bstan pa nga yi rang bzhin ma bcos yin// de 'dzin 'khor ni nga yi ngo bos 'dzin// ces gsungs so// byang chub kyi sems kun byed rgyal po las ston par zhal gyis bzhes pa'i le'u ste zhe gsum pa'o// // de nas byang chub kyi sems kun byed rgyal pos nyid la bya ba med pa'i don 'di gsungs so// kye sems dpa' chen po// bya ba med pa'i don 'di ni// kun byed nga yi rang bzhin te// nga la bya ba med pa ni// nga ni ye nas byas zin pas// bya ba med pa'i chos nyid yin// chos nyid nga yi rang bzhin las// rang bzhin de la bya ru med// rang bzhin rang bzhin bya ba de// bcos su med pa'i rang bzhin yin// bcos med byang chub de la ni// sems dpa' rdo rje khyod ma 'chos// sems dpa' rdo rje de 'chos na// kun byed nga la bcos pa yin// ji ltar snang ba'i chos rnams kun// kun byed nga yi rang bzhin yin// kye sems dpa' chen po khyod nyon cig/ nga yi rang bzhin 'gyur med la// bsgoms na 'chos shing bsgyur ba yin// nga ni ye nas lhun grub la// bsgrubs na nga la bcos pa yin// nga la bgrod pas phyin pa

  133. 67b

    med// nga la btsal bas grub pa med// nga la sbyangs pas byang ba med// nga la ma lta yul med kyis// nga la ma bgrod lam med kyis// nga la ma sbyongs sgrib med kyis// mi gnas dmigs pa'i yul dang bral// spros med bsam pa'i yul las 'das// 'dzin pas brtags pa'i chos rnams ni// nga yi ngo bo bstan pa yin// de la spong 'gegs su byed pa// bskal pa gsum gyi bar du ni// kun byed nga dang phrad mi 'gyur// spang bar bya ba'i chos de ni// rang gi ngo bo yin par bshad// kye sems dpa' chen po// byang chub sems ni kun byed rgyal po ste// kun byed byang chub sems kyis byas pa ni// byang chub sems las gzhan du byas pa med// byang chub sems ni ye nas ma nor yin// ye nas yin pas ye nas nor ba med// nor ba med la bden brdzun sgros mi 'dogs// rgyu bden 'bras bu rtsol sgrub kun las 'das// byas zin rtsol sgrub 'das pa ma rig nas// rtsol sgrub bya byed bsgoms nas grub lta na// byang chub gegs su de las che ba med// mi gnas mi rtog cir yang dgongs med pas// mi rtog mnyam pa'i yul la rang bzhin gnas// ye nas byas zin rtsol ba'i sems mi 'byung // bde chen de la gang su gnas pa ni// chos rnams kun gyi snying por de 'gyur ro// de yis bdag gzhan kun gyi don mi byed// gcig 'dus thams cad

  134. 68a

    'dus pa'i snying po des// ma bltas dus gsum sangs rgyas thugs kyang gsal// ma bsgribs sems can kun gyi sems kyang snang // kye sems dpa' chen po nyon cig/ kun byed nga yis sems can don byas zin// nga yis don byas gzhan gyis bya mi dgos// gzhan la ltos pa'i chos ni nga lung min// nga la kun rdzogs ye nas byas zin rdzogs// ye nas byas zin lta ba bsgom mi dgos// ye nas rnam dag dam tshig srung mi dgos// ye nas byang chub sa la kun gnas pas// rig 'dzin sa dang sa bcu sbyang mi dgos// ma btsal ye nas lhun gyis grub pa'i phyir// btsal ba'i phrin las ye nas bya mi dgos// rang 'byung ye shes yul la mi rtog pas// rig pa'i ye shes yul gyis bsal mi dgos// bde chen chos sku sems kyis gcig pa'i phyir// snga phyi dus gsum med de khyad par gcig/ phun sum tshogs dang dus gnas kun gcig dang // thams cad gcig phyir nga la kun rdzogs te// rdzogs pa chen po nga la kun rdzogs pas// lta spyod phrin las dam tshig sa lam ni// gong bshad bzhin du btsal zhing bsgrub mi dgos// de ltar ma rig rtsol sgrub byas 'gyur na// rgyu 'bras 'das pa'i don dang 'gal 'gyur nas// bya med bde chen de dang mi phrad de// rtsol sgrub nad kyis ma rig de zin 'gyur// de bas rgyu 'bras 'das pa'i rdzogs chen

  135. 68b

    la// skal med rnams kyi spyod yul ma yin pas// rgyu dang 'bras bu'i chos la spyad par bya// zhes gsungs so// byang chub kyi sems kun byed rgyal po las rdzogs chen skal med don med kyi le'u ste zhe bzhi pa'o// // de nas byang chub kyi sems kun byed rgyal pos rdzogs pa chen po la lta ba bsgom med kyi mdo lung 'di bstan to// kye sems dpa' chen po// rang gi lta ba bsgom med ni// kun byed nga yin pa la bsgom du med// kun byed nga ni bsgom pa'i yul ma yin// nga ni ma bcos kun la rang bzhin gnas// rang bzhin gnas pa'i bsgom du med pa de// nga las byung ba'i ston pa sku gsum gyis// nga las mngon du phyung ba'i chos nyid la// brkam chags lnga yi sdug bsngal yin zer nas// ma bcos mi 'jog brtul zhugs spong 'gegs bsgom// de lung bstan pas ma bcos don dang 'gal// mu stegs sde bzhi sprul pa'i thugs rje yis// byin brlabs 'khor du bkod nas lung bstan pas// bya bral bde ba de nyid thob mi 'gyur// kye sems dpa' chen po// nga las mngon du phyung ba'i chos nyid la// brkam chags lnga yis sdug bsngal skye zer nas// dang po sa nas bcu par sems dpa' la// bden pa rnam pa gnyis kyi rtog dpyod kyis// don dam med la kun rdzob yod pa ru// sprul pas lung bstan rtog dpyod sgom pa byed// ma bcos

  136. 69a

    ji bzhin nga yi don dang 'gal// kye sems dpa' chen po// nga las mngon du phyung ba'i chos nyid de// ma bcos ji bzhin pa yi chos nyid la// longs spyod rdzogs pas 'khor la lung bstan pa// ji bzhin bcos pa med par ma rtogs te// phyi nang snod bcud dag par byin brlabs te// byang chub yan lag cho ga kun sgo nas// bsgom pa'i ye shes lha ni snang bar byed// skad cig mchod nas gshegs gsol ting 'dzin bshig/ yang bsgoms yang bshig byis pa'i 'dag khang 'dra// ji bzhin ma bcos nga yi don dang 'gal// kye sems dpa' chen po nyon cig/ nga las byung ba'i ston pa lung ston gyis// nga yis byung ba'i chos nyid mngon phyung la// ting 'dzin mtshan ma yod med sgor zhugs nas// chos nyid gcig la blang dor byas nas ni// ye shes dam tshig so sor bsgoms nas ni// grogs po dag gis dngos grub ster re ba// gcig la gnyis su ltas pa'i bsgom pa nor// ngo bo gcig la gnyis kyis thob pa med// kye sems dpa' chen po nyon cig/ nga yi rang bzhin mngon du phyung ba la// phung po 'byung ba rnam shes dbang po yul// rang rgyud dag pa rdo rje ltar byas te// bsnyen bsgrub rnam bzhi cho ga bsgom byas nas// sems kyi 'phro 'dus 'phags mchod 'gro don byed// 'phro 'du bsdus nas dngos grub thob 'tshal bas// rang

  137. 69b

    gis rang gi dngos grub thob par bsgom// de yang sems kyi ting 'dzin tshe chad 'gyur// rdzogs chen lta ba bsgom du med pa ni// kun byed nga yi sems kyi yon tan te// byang chub sems kyi che ba'i yon tan gyis// btsal zhing bsgrubs pa'i dka' ba spyad mi dgos// rgyu rkyen med pas btsal ba'i las mi dgos// 'bras bu'i rang bzhin gzhan nas bsgrub mi dgos// chos nyid rang yin bsgom pa bya mi dgos// ma skyes pas na 'jig pa'i gnyen po med// gzhan la ma ltos bsgom gnas tshol mi byed// nga la gang zhig sgom par byed pa des// bsgoms pa nyid kyis nga dang phrad mi 'gyur// chos nyid mngon du phyung ba nga yin pas// sdug bsngal mi skye rnam par spang mi dgos// rang 'byung yin pas skye 'jig med pa'i phyir// ma rig rten 'brel dbang po dgag mi dgos// rang 'byung rnam dag chos nyid sbyang mi dgos// ye nas dag pas gtsang sbra bya mi dgos// ye nas lhun grub rtsol sgrub bya mi dgos// bltas pas ma dag pa yi chos med de// de bzhin nyid dang rnam snang kun du bzang // dbang po drug la snang ba'i chos rnams kyang // ye nas de yin de las gzhan ma med// de la gang zhig bsgom dang sgrub byed pa// de ni mdongs pas nam mkha' snyegs pa 'dra// nga yi rang bzhin spyod yul kun las 'das// nga yis mngon du phyung ba'i chos rnams ni//

  138. 70a

    mdza bo kun gyis mthong bya'i phyir// sna tshogs dbang za ngo la bstan pa yin// de la nga yi rang bzhin kun rtogs shig/ de la nga yi rang bzhin ma mthong na// kun byed pa yi theg pa bstan pa bya// rdzogs pa chen po'i don dang skal med pas// rgyu 'bras theg pa drang ba'i lung la gzud// nga ni ye nas spyod yul 'das pa 'di// rgyu 'bras dga' ba'i skal ba med rnams la// bstan na sgro dang skur ba 'ong ba'i phyir// bstan na rang gi sems la skur btab pas// drug tu skye zhing gtan du 'khor bar 'khyam// kye sems dpa' chen po nga don rtogs// de ni spyod yul kun las 'das pa'i phyir// tshig gis mi phebs dbang po'i spyod yul 'das// nga yi rang bzhin bsdus te thig ler gnas// ma spros gnyis med ye nas gcig tu bstan// dam tshig bsrung ba'i bsgom pa bya mi dgos// phrin las btsal ba'i bsgom pa bya mi dgos// lam la mi bgrod sa la mi sbyong ste// rang las gzhan du chos nyid tshol mi byed// rang 'byung ye shes mi rtog g.yos pa med// gzhan gyis lung min kun byed nga yi lung // rgyu 'bras 'das pas rtsol dang sgrub mi byed// ma byung bas na dngos po sgom mi byed// ma skyes pas na 'jig pa'i dogs pa med// nga mi snang bas dmigs pa bsgom dang bral// bde chen bdal ba'i klong dkyil na// mi rtog mnyam pa'i rang

  139. 70b

    bzhin gnas// chos nyid snang ba med pa'i rang bzhin la// rig pas mi rtog ting 'dzin ma byed cig/ kye sems dpa' chen po// bsgoms na gang bsgom nga yi nad yin gyis// kun gyi snying po byang chub sems yin na// byang chub sems ni gzung 'dzin bral ba'i phyir// bsgom par bya ba rdul tsam yod ma yin// gong bshad bsgoms pas 'bras bu ma thob bzhin// nga yang bsgoms pas thob par lung mi ston// kye sems dpa' chen po nga la ltos// nga ni kun byed byang chub sems yin te// kun byed byas pas kun byas nyid du byas// kun ni ma lus pa yi sgrar bshad de// byed pa'i snying po de yis thams cad byed// byang ba gzung du yod pa ma yin la// chub pa kun gyi snying pos snying por chub// sems ni rang 'byung ye shes kun du sems// zhes gsungs so// byang chub kyi sems kun byed rgyal po las lta ba bsgom med kyi le'u ste zhe lnga pa'o// // de nas byang chub kyi sems kun byed rgyal po des rdzogs pa chen po'i dam tshig bsrung du med pa 'di gsungs so// kye sems dpa' chen po nyon cig/ rdzogs chen dam tshig bsrung du med bstan pa// kun byed byang chub sems kyi rang bzhin ni// ma skyes spros dang bral ba'i rang bzhin gyis// skye ba'i cho 'phrul sna tshogs yul byung nas// yul de rang gi rang bzhin yin zhes byas// de la mi rtog rtog

  140. 71a

    pa'i yul las 'das// yul la mi 'dzin spong dang len med pas// med pa phyal ba gcig pu lhun grub ste// bsrung bar bya ba'i sdom khrims kun dang bral// bsrung med nga las byung ba'i ston gsum gyis// mu stegs sde bzhi thugs rjes byin brlabs nas// 'dul ba phog pa'i 'khor ni sde bzhi la// bsrung bar bya ba'i khrims ni 'di lta ste// rtsa ba dang ni yan lag bsrung ba'i grangs// nyis brgya lnga bcu lnga brgya lnga bcu khrims// bsrung ba'i dus na grangs dang don mi shes// des na sdom pa mi thub bsrung thabs med// rdzogs chen ci spyod rtog pa kun las 'das// sdom pa rgya mtsho mtha' yas grangs mang ba// lus ngag yid la bsdus pa rnam pa gsum// dbang po yul las sdug bsngal byung nas ni// lus kyis 'gro 'dug gom pa bor sa med// ngag gis tshig brjod don gyis bden par dka'// yid kyis bsam pa bden pa kun las 'gal// ma nor bsam pa kun kyang bsgrub tu med// lus ngag sdom pa rgya mdud dam po des// bden nyid don dang phrad pa shin tu dka'// bsrung med nyams pa med dang phrad mi 'gyur// bsrung med nyams pa med pa kun byed lung // kye sems dpa' chen po nyon cig/ nga las byung ba'i ston pas lung phog pa// gza' dang rgyu skar dus tshigs bzang sgo nas// phyi nang gtsang ma'i khrus kyis dag byas te// sdom pa tshul

  141. 71b

    khrims 'gro don zhal 'ches pa// gang yang dam bcas tshul bzhin mi 'grub ste// dam bcas ma grub bshags pas sems mi 'dag/ bsrung med nga dang yun du thag ring nyams// kye rdo rje gsang ba gsum gyi dam tshig ni// rtsa ba gsum dang yan lag lnga rnams te// rtsa ba gsum ni sku gsung thugs 'dus te// sku ni lha yi skur bsgom lus kyang 'ching // ngag ni 'dzab dang ting 'dzin zhi ba min// yid kyi ting 'dzin 'phro 'dus bzung nas ni// rtsa ba mi rtog dam tshig bde dang bral// yan lag rnam pa lnga ni 'di lta ste// dang por shes par bya ba'i dam tshig ni// phung po lnga dang 'byung ba rnam pa lnga// rnam shes dbang po yul la sogs pa rnams// lha dang dkyil 'khor rang bzhin shes par bya// shes bya shes byed med pa des ma mthong // spyad par bya ba'i dam tshig rnam lnga ni// sta na ga na ma byin blangs pa dang // mi tshangs spyod dang brdzun du smra ba dang // rnam pa lnga ni thabs mkhas spyod byed pa// ma spyad nyams mthong rtog dang bcas nas spyod// de yang mi rtog mnyam dang bral ba yin// dang du blang ba'i dam tshig rnam lnga ni// dri chen dri chu la sogs dam rdzas lngas// rgyal ba'i sku lnga 'di las 'grub zer nas// dpa' bo 'bru lngas 'phro 'du byas nas ni// rgyal ba'i sku lnga dang du len byed pa// dang du ma blangs sku lnga mi grub rtog/ blang dor bral ba'i rtog 'das de ma

  142. 72a

    grub// mi spong ba yi dam rdzas rnam lnga ni// 'dod chags zhe sdang la sogs dug lnga po// gsang ba rdo rje'i dam tshig chen po ru// nyon mongs lnga bsgyur ye shes rnam pa lngar// dug lnga mi spong ye shes rnam lngar len// blang dor med pa'i bde ba des ma grub// grub par bya ba'i dam tshig rnam lnga ni// phung po lnga dang 'byung ba lnga rnams dang // rnam shes yul rnams dkyil 'khor grub byed pa// ting 'dzin gsum dang cho ga lnga rdzogs nas// rgyal ba'i rigs lnga'i dkyil 'khor grub byed pa// ting 'dzin cho ga lnga yis sems rtsol byed// mi rtog ma btsal lhun gyis grub dang 'gal// bsgom pa'i sku ni mi rtog 'ja' tshon 'dra// cho ga bzlas brjod 'dzab kyang rtsi skya 'dra// rtsol sgrub spyod pas lhun gyis grub mi 'gyur// med par bsgrub pas shin tu grub pa med// kun byed pa la bsrung ba'i dam tshig med// rgyu rkyen med pas rtsol zhing bsgrub mi dgos// lhun gyis grub pas spyad par bya mi dgos// ye shes yin pas shes par bya mi dgos// rang 'byung yin pas rgyu dang rkyen mi dgos// bzang ngan med pas blang dor bya mi dgos// dngos po med pas med pa zhes su bshad// dngos su mi spyod ye shes ma 'gags pas// de la phyal ba zhes su btags pa yin// sems su kun gcig gcig pur btags pa yin// ji ltar snang ba'i chos rnams thams

  143. 72b

    cad kun// yid ches byang chub sems su rdzogs pa'i phyir// lhun gyis rdzogs pa zhes su nga yis bshad// tshe grang bkres skom blun lkugs chos nyid la// sku gsum 'khor sngangs 'bros pa'i cho ga drug/ gong bshad bzhin du btsal zhing bsgrub mi dgos// rgyu nyid rang 'byung ye shes yin pa'i phyir// las kyi rkyen gyi dbang du de mi 'gyur// chos nyid rang bzhin cir yang 'gyur med pas// btsal bas grub par nga yis lung ma bstan// rang 'byung ye shes kun dang mtshungs med pas// rgyu rkyen las kyis rang 'byung de mi 'grub// bden pa gnyis kyis gtan la dbab tu med// nges pa gcig la bden pa rnam pa gnyis// ma nges the tshom can gyi lung de la// nges pa gcig tu bstan pa ga la yod// rnal 'byor gang zag chos la rlom byed ni// ston gsum rgyu 'bras lung la brten smra ba// de la bden gnyis tshad ma bzhi yang dgos// kun byed nga yis chos kun byas pa'i phyir// ngas byas chos la bden pa gnyis mi dgos// ngas byas chos la bden pa gnyis dgos su// ngas byas thams cad byang chub sems su byas// byang chub sems la don dam kun rdzob med// ces gsungs so// byang chub kyi sems kun byed rgyal po las dam tshig bsrung du med pa'i le'u ste zhe drug pa'o// // de nas byang chub kyi sems kun byed rgyal po des rdzogs pa chen po la phrin

  144. 73a

    las btsal du med pa 'di gsungs so// kye sems dpa' chen po nyon cig/ kun byed pa ni rdzogs pa chen po ste// rdzogs pa chen po lhun gyis grub pa'i phyir// phrin las ye nas btsal du med par bstan// phrin las btsal du yod par lung ston pa// nga las byung ba'i ston pa sku gsum gyis// rang re 'khor la btsal ba'i las phog pa// btsal ba'i las ni rang res so sor phog/ sprul pas btsal ba'i rgyu la las phog pa// lus ngag yid gsum tshad med sgor zhugs nas// lus kyi sdom pa srog gcod rku g.yem spang // ngag gi sdom pa ngag khyal tshig rtsub dang // brdzun dang phra ma la sogs ngag gis spang // yid kyis mnapa sems gnod sems log lta spang // dge bcu spyod pa'i las de rgyur bkod nas// sbyin pa tshul khrims pha rol phyin bcu las// spyad nas sa dang kun 'od thob 'dod pa// tshe chad las ni bskal pa gsum du spyod// de yang kun byed nga yis lung phog min// longs spyod rdzogs pas 'khor la lung phog pa// rgyu dang 'bras bu'i sgo nas las phog pa// sems can ting 'dzin las ni 'di lta ste// khrus dang gtsang sbyar phyi nang dag byas te// cho 'phrul las kyis byin gyis brlabs nas ni// ye shes sems dang dam tshig gnyis ltas nas// ting 'dzin las kyis mchod cing gshegs gsol byed// las des mi tshe bdun du tshe chad

  145. 73b

    'gyur// chos kyi sku las longs spyod skur bzhengs nas// rnal 'byor chen po'i 'khor la lung phog pa// bdag nyid chen po yin par lung bstan nas// rang rgyud dag pa'i dkyil 'khor de rnams la/ kha dog rigs dang sbyar ba'i lha bsgoms nas// zhi lhas zhi bar byed pa'i las byed pa// rgyas lhas rgyas par byed pa'i las byed pa// dbang lhas dbang du sdud pa'i las kyang byed// drag lhas stongs par byed pa'i las kyang byed// tshe la gnas dang phyag rgya'i rig 'dzin 'grub// phrin las rnams bzhis tshi chad grub pa med// mi rtsol bya med las ni de ma grub// rdzogs chen rgyu 'bras ye nas 'das pa'i phyir// btsal zhing bsgrubs pas bya med grub pa med// rgyu 'bras lta ba'i ston pas lung bstan pa// 'jig rten mtshan ma'i chos la tshod btsugs nas// rgyu las btsal nas 'bras bu grub byed pa// sems la rgyu med ye nas 'bras bu med// byang chub sems la skye ba med pa'i phyir// 'jig rten skye ba'i chos la dpe blangs nas// skye las 'jig pa 'byung bar sgros mi gdags// rang 'byung rgyu 'bras 'das pa ma brtags par// 'jig rten mtshan ma'i chos la tshod btsugs nas// rgyu las btsal bas 'bras bu 'byung zer ba// de ni rgyu 'bras theg pa drang lung yin// kye sems dpa' chen po nyon cig/ ye shes ye shes zhes su bstan pa ni// rang 'byung ye

  146. 74a

    shes ma 'gags kun dang mtshungs// rgyu las ma byung mtshungs med ye shes de// thams cad bskyed pas gzhan nas chos 'byung med// 'jig rten rgyu 'bras chos la tshod btsugs nas// btsal ba med pa'i 'bras bu 'byung mi 'gyur// byang chub sems ni rgyu rkyen med pa'i phyir// 'jig rten skye 'gag chos la tshod mi gzugs// byang chub sems ni rkyen gyis ma bskyed pas// 'jig rten rkyen bskyed chos la dpe ma len// kye sems dpa' chen po// che ba 'dod nas bsgom bsgrub rtsol byed pa// bsgom bsgrub btsal bas che ba de mi 'grub// che ba rang 'byung ye nas che ba yin// bsgoms na sangs rgyas dgongs pa 'chos pa yin// sangs rgyas dgongs pa gang zhig 'chos byed pa// de yis sangs rgyas thams cad spangs pa yin// de yis sangs rgyas spangs pa ma yin te// de yis rang gi byang chub sems spangs pas// rang gi rang bzhin bskal par phrad mi 'gyur// kye sems dpa' chen po// sems kyis ting 'dzin sgom pa ma byed cig/ ye shes yul la rtog par ma byed cig/ ngag gis 'dzab dang snying po bzla mi dgos// lag gis 'du byed phyag rgya bca' mi dgos// sems kyis ting 'dzin 'phro 'du las ma byed// ngang la gnas pas g.yos med lhun gyis grub// rang bzhin gnas pas sus kyang bcos su med// ma btsal ji bzhin pa ru

  147. 74b

    gnas pa des// bya ba med pa las kyi mchog tu bstan// don de rtogs pas las rnams mi byed de// las ma byas pas de bzhin nyid du gnas// de bzhin nyid la gang zhig su gnas pa// de yis ma nor ma bcos 'grub par 'gyur// de ni ma nor bzhin ni ma bcos yin// nyid ni ma nor ngo bo nyid la bya// de bzhin nyid las sangs rgyas chos med do// zhes gsungs so// byang chub kyi sems kun byed rgyal po las phrin las btsal du med pa'i le'u ste zhe bdun pa'o// // de nas byang chub kyi sems kun byed rgyal po des// chos thams cad gzhi ma kun byed nyid yin par zhal gyis bzhes pa 'di gsungs so// kye sems dpa' chen po nyon cig/ kun byed nga ni kun gyi byang chub sems// byang chub sems ni chos kun gzhi ma ste// kun byed nga yi rang bzhin rnam gsum las// phun sum tshogs pa'i dgos pa kun kyang tshang // rang bzhin gsum ni 'di ltar shes par bya// skye ba med dang 'gag pa med pa dang // mi 'gag skye ba'i cho 'phrul 'byung ba gsum// gsum ni phun sum tshogs par bstan pa yin// ma skyes skye ba med pa'i rang bzhin las// chos kyi gzhi ma bstan pa phun sum tshogs// ma bsgribs ma bkag pa yi rang bzhin las// ston pa gsum gyi rang bzhin phun sum tshogs// ma skyes skye ba'i cho 'phrul ngo bo las// 'khor gyi rang

  148. 75a

    bzhin rnam gsum phun sum tshogs// kye sems dpa' chen po nyon cig/ nga yi rang bzhin chos nyid gcig pu la// nga ma 'gags pa'i ston pa rnam gsum gyis// skye ba'i cho 'phrul 'byung ba'i 'khor gsum las// nga yi chos nyid de bzhin nyid gcig la// rtogs par bya ba'i thabs kyi gzhi ma drug/ lta ba chos nyid mthong ba'i gzhi ma byed// des ni mthong bar bya ba'i thabs yin te// ma skyes dmigs par bya/ ba'i yul med pas// bltas pas de bzhin nyid la mthong ba med// dam tshig rang skyon sel ba'i gzhi ma byed// des ni bar chad med pa'i thabs yin te// de bzhin nyid la bsrung ba'i yul med pas// bsrungs pas de bzhin nyid la thub pa med// las ni grub par byed pa'i gzhi ma byed// btsal bas grub par byed pa'i thabs yin te// de bzhin nyid la btsal ba'i yul med pas// de bzhin nyid la las kyi grub pa med// lam gyis bgrod pas phyin pa'i gzhi ma byed// des ni gnas su phyin pa'i thabs yin te// de bzhin nyid la lam gyis bgrod med phyir// bgrod pas phyin pas de bzhin nyid ma yin// sa ni gnas par byed pa'i gzhi ma byed// des ni sbyang mi dgos pa'i thabs yin te// de bzhin nyid la thams cad kun gnas pas// gnas par bya ba'i sa la sbyang du med// ye shes rtogs par byed pa'i gzhi ma byed// des ni

  149. 75b

    chos nyid rig pa'i thabs yin te// de bzhin nyid la rtogs pa'i yul med pas// rang 'byung ye shes yul la rtog pa med// kye sems dpa' chen po nyon cig/ byang chub sems ni chos kyi gzhi yin pas// theg pa so so lta spyod drug drug gis// rgyu 'bras ltos pa'i 'khor la de bstan pas// de re rang 'thad bsam pa re re yis// lha spyod gzhi ma drug la btsal byas kyang // de bzhin nyid la btsal ba'i yul med pas// btsal bas de bzhin nyid la bcos pa'i phyir// rang sems gzhi ma bcos med de mi phrad// kye sems dpa' chen po nyon cig/ lta ba bsgom du med ces bstan pa ni// chos kyi rtsa ba rang las med pa'i phyir// rang gis rang la blta ru med pa'i phyir// rang med yul ni nga yis bstan pa med// des na lta ba bsgom du med ces bstan// dam tshig bsrung du med ces bstan pa ni// bsrung bas mi thub rang gi sems mi khegs// rang 'byung ye shes yin pas bsrung du med// kye phrin las btsal du med ces bstan pa ni// rdzogs chen rgyu 'bras ye nas 'das pa'i phyir// phrin las rgyu las bsgrubs nas 'bras bur 'dod// rdzogs chen 'bras bu 'dod pa med pa ni// phrin las btsal ba med pa'i phyir// phrin las btsal du med ces bstan pa yin// lam la bgrod du med ces bstan pa ni// kye dus gsum sangs rgyas

  150. 76a

    khams gsum sems can la// bgrod pa byang chub sems kyi lam la bgrod// sems su sangs rgyas sems can gnyis su med// des na sems kyis sems la lam bgrod med// sa la sbrang du med ces bstan pa ni// chos dbyings byang chub sems kyi sa 'di la// sbyangs pas thob par 'dod pa rgyu 'bras can// chos nyid byang chub sems kyi sa 'di la// sbyangs bcos byas grub lung ni ngas ma bstan// ye shes yul la mi rtog zhes bstan pa// yul de ye nas rang 'byung ye shes te// ye shes la ni ye shes yul ma mchis// zhes gsungs so// byang chub kyi sems kun byed rgyal po las chos thams cad kyi gzhi ma kun byed nyid yin par bstan pa'i le'u ste zhe brgyad pa'o// // de nas byang chub kyi sems kun byed rgyal po des thams cad pa la gnas pa'i sa 'di bstan to// kye sems dpa' chen po kun byed rgyal po nyid ni// kun gyi byang chub snying por gnas// byang chub sems kyi rang bzhin ni// chos kyi dbyings kyi pho brang ste// dus gsum sangs rgyas thams cad dang // khams gsum sems can thams cad kun// klong chen sems kyi gnas de na// mi gnas pa ni gcig kyang med// kun gyi gnas dang sa yin te// 'du 'bral med par de na bzhugs// de la sbyang zhing bgrod mi dgos// de la sbyangs te bgrod 'gyur na// rang gi

  151. 76b

    sems de 'chos pa ste// bcos pas rang sems 'byongs mi 'gyur// de ni spyis kun gyi gnas// kye sems dpa' chen po nyon cig/ nga las byung ba'i ston pa sku gsum gyis// rgyu 'bras dga' ba'i 'khor rnams la// sa mdo rnam pa gsum bstan te// bskyed pa'i sa dang spyod pa'i sa// bsgrub pa'i sa dang gsum bstan te// bskyed pa'i sa ru sems bzhi bskyed// spyod pa'i sa ru sems spyod bcus// bsgrub pa'i sa ru grub 'dod pas// de ni drang ba'i lung du bstan pa'i phyir// yang dag nges par yod par lung ma bstan// yang dag nges par nga yi lung 'di nyon// byang chub sems la rgyu rkyen med pa'i phyir// bskyed pa'i sa ru byang chub sems mi bskyed// bskyed pa'i sa ru byang chub sems bskyed na// chos dbyings nam mkha' byang chub sems mi shong // dge sdig las la dran pa dbang bsgyur bas// phyi yul chos nyid spangs pas ma spongs te// rang 'byung ye shes mi khegs bzhin du 'gegs// rang 'byung ye shes yul la mi rtog bzhin// gzung dang 'dzin pa yod ces 'joms par byed// des na byang chub sems la skyes pa med// spyod pa'i sa ru byang chub bcu sprad pas// ji ltar snang ba'i chos rnams thams cad kun// byang chub sems la g.yos pa med pa ni// nam mkha' lta bu'i chos nyid snang bar zad// nam mkha' la ni g.yos pa rdul tsam med// de

  152. 77a

    bzhin byang chub sems la g.yos pa med// grub pa'i sa ru byang chub grub 'dod pa// kun du 'od dang ma chags pad+ma'i spyan// rdo rje 'dzin dang stug po bkod pa dang // 'khor lo tshogs chen rdo rje 'chang ba dang // rgyu 'bras kun bzang dbye ba med sa drug/ byang chub bsgrub pa'i sa ru ming btags pa// sems kyi rang bzhin rgyu rkyen bral ba'i phyir// bsgrubs pas grub pa'i 'bras bu ngas ma bstan// sems kyi rang bzhin drug snang bstan pa yin// sems kyi rang bzhin drug ni 'di lta ste// rang 'byung ye shes ma 'gags pa yi rtags// dbang po sgo lnga kun du gsal ba la// kun du 'od kyi sa zhes btags pa yin// yul la mi rtog chags pa med pa la// ma chags pad+ma spyan du btags pa yin// skye 'jig med pa'i byang chub sems de la// rdo rje 'dzin pa zhes su nga yis btags// rang gi rang bzhin chos nyid dpag med la// rang 'byung ye shes mi rtog mnyam par bkod// stug po bkod pa'i sa zhes btags pa yin// byang chub sems kyi rang bzhin dkyil 'khor de// rang la gnas pa'i chos rnams thams cad la// yi ge 'khor lo tshogs chen sa rnams te// sku gsung thugs la skye dang 'jig med pas// rdo rje 'chang gi sa zhes bshad pa yin// byang chub sems la rgyu 'bras gnyis med de// sems las byung ba'i chos rnams thams

  153. 77b

    cad la// bzang ngan blang dor ye nas med pa'i phyir// dbye ba med pa'i sa zhes nga yis bshad// des na byang chub sems kyi chos dbyings la// dus gsum sangs rgyas khams gsum sems can kun// de nas 'byung zhing de ru gnas pa'i phyir// chos dbyings byang chub sems ni kun spyod sa// zhes gsungs so// sangs rgyas sgrub pa'i sa zhes btags pa de// byang chub sems kyi rang bzhin de las ni// gong bshad bzhin du byang chub sems la gnas// zhes sbrang du med pa'i sa bstan to// byang chub kyi sems kun byed rgyal po las rdzogs pa chen po'i sa la sbrang du med pa'i le'u ste zhe dgu pa'o// // de nas byang chub sems kun byed rgyal po des byang chub kyi sems rang byung ba'i ye shes la sgrib pa med pa 'di gsungs so// kye sems dpa' chen po nyon cig/ ye shes ye shes zhes bya ba// ye shes ye nas shes pa yin// rang byung ye shes ye nas shes// yul la rtog pa'i ye shes de// yul las byung bas rang byung min// yul med tsam na gsal mi byed// des na rang byung ye shes de// ye nas shes pa'i ye shes yin// ye shes zhes ni de la bya// 'khor gyi ston pa'i ye shes ni// yul la brtags pa'i ye shes de// gang su yul la rtog byed pa// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni

  154. 78a

    yul med byang chub sems// ye shes rang las byung ba'i phyir// de la ting 'dzin sgom mi byed// ting 'dzin sgom pa mi byed pas// ting 'dzin bag chags sog mi 'gyur// bag chags med pa'i chos nyid de// dus gsum sangs rgyas dgongs par bshad// dus gsum sangs rgyas thams cad kyi// dgongs pa'i yul la mi rtog ste// mnyam pa nyid du ye nas gnas// kye sems dpa' chen po nyon cig/ dus gsum sangs rgyas thams cad kyi// rang byung ye shes thugs de la// ye nas rtog pa med pa'i phyir// sangs rgyas dgongs pa mi mdzad de// rtog pa'i yul ni kun dang bral// shin tu rnal 'byor gang zag gang // su yang rung ba de yis ni// rtog pa med la gnas gyur na// de ni sangs rgyas dgongs pa mdzad// kye sems dpa' chen po nyon cig/ rang 'byung ye shes sangs rgyas dgongs pa mdzad// rang 'byung ye shes yul la mi rtog pas// rnam par rtog pa'i bag chags gos mi 'gyur// las ni ting 'dzin brtags pa'i bag chags yin// mi rtog pa la bag chags yod ma gsungs// mi rtog pa yi rang 'byung ye shes lnga// sems kyi rang bzhin dbang po sgo lngar bshad// rang 'byung ye shes de la 'gag pa med// byang chub sems kyi ngo bo mngon snang la// rang 'byung ye shes mi 'gag so sor gsal// rang gi rkyen gyis snang bas

  155. 78b

    dor mi byed// ting 'dzin mi rtog bag chags sog mi 'gyur// 'di yang dus gsum sangs rgyas dgongs pa ste// gang du mi rtog 'di la su gnas la// nga la mi gnas 'gro ba'i don mi gnas// chos sku byang chub sems la 'di gnas te// dus gsum sangs rgyas kun gyi dgongs pa 'dus// kye sems dpa' chen po tshig don 'di// rig pa nyams su mngon sum rtogs par gyis// rang byung ye shes yul la lngar gnas pa// ye shes lnga ni yul lnga 'dod ma yin// yul 'dod lnga ni ye shes lnga la snang // yul de ye nas ye shes yin pa'i phyir// yul dang ye shes gnyis su ngas ma bstan// des na yul yang rang 'byung ye shes yin// rang 'byung ye shes gcig las med pa la/ nga las byung ba'i 'khor gyi ston pa yin// yul la brten nas ye shes ming btags pa// rnam pa grangs kyi ye shes byung ba ni// rnam brtags pa yi ye shes gcig gis ni// yul gcig rang bzhin so sor snang ba la// yul can la ni yul gyi ming btags pa// de ni nges pa ma yin 'khrul pas brtags// kun byed nga yi rang 'byung ye shes min// kun byed nga yi rang bzhin gcig pu la// 'khor gyi 'dod pa rnams kyis ming btags pa// la las byang chub sems su ming btags la// la las chos kyi dbyings su ming yang btags// la las nam mkha'i khams su ming yang

  156. 79a

    btags// la las rang 'byung ye shes ming yang btags// la las chos kyi sku ru ming yang btags// la las longs spyod rdzogs par ming yang btags// la las sprul pa'i sku ru ming yang btags// la las sku gsung thugs su ming yang btags// la las thams cad mkhyen par ming yang btags// la las rnam pa thams cad ming yang btags// la las ye shes bzhi dang gsum du btags// la las ye shes lnga ru ming btags la// la las dbyings dang ye shes ming btags pa// rang 'byung byang chub sems ni gcig la btags// rang 'byung ba la mthong tshad smras pa yin// zhes gsungs so// byang chub kyi sems kun byed rgyal po las rang 'byung ye shes bstan pa'i le'u ste lnga bcu pa'o// // de nas byang chub kyi sems kun byed rgyal po des rdzogs pa chen po'i lam la bgrod du med pa 'di gsungs so// kye sems dpa' chen po nyon cig/ kun byed rgyal po nga ni byang chub sems// byang chub sems ni kun gyi lam chen te// gnas dang yul dang sangs rgyas sa dang gsum// gzhan na med de 'di na rang bzhin gnas// chos kyi dbyings dang chos nyid 'di na gnas// nam mkha'i khams dang gzhal yas 'di na gnas// sangs rgyas sa dang yul ni byang chub sems// gzhan du bgrod pa'i lam dang gnas med de// bgrod

  157. 79b

    pas nam mkha'i lam la phyin pa med// kye sems dpa' chen po nyon cig/ lam la bgrod pa yod par lung ston pa// nga las byung ba'i ston pa sku gsum gyis// bgrod pa'i lam ni lnga dang gsum bstan te// de la bgrod pas phyin par 'dod pa ni// rgyu dang 'bras bu thob par 'dod yin na// rdzogs chen bgrod du med dang mi mthun te// tshogs dang sbyor ba sgom mthong thob pa lngar// tshogs gnyis bsags nas gzung 'dzin gnyis choms te// bsgoms pas chos mthong thob pa'i 'bras bu de// bgrod du med pa'i lam dang ma phrad pas// bde chen rtsol sgrub 'das pa ming mi grag/ 'bras bu gsang bar bstan pa lam gsum ni// de bzhin nyid dang kun du snang la sogs// sku gsum lam zhes goms par bsgoms pa des// rang byung chos la rgyu 'bras bsnyen sgrub bzhis// bgrod pas rtsol sgrub 'das pa'i sar mi phyin// rang sems spros bral chos kyi dbyings yin pas// spros bral de na sangs rgyas thams cad bzhugs// de bas lam la bgrod par ma byed cig/ rang sems ma bsgribs nam mkha' bzhin du gsal// de na dus gsum sangs rgyas thams cad bzhugs// de bas lam la bgrod par ma byed cig/ rang sems ma bcos chos nyid ji bzhin pa// de la dus gsum sangs rgyas lhun gyis grub// de bas lam la bgrod par ma byed cig/ gal

  158. 80a

    te ma rig lam la bgrod gyur na// phyin pa'i dus med rtogs thob dus med de// bgrod pas sangs rgyas sa ru phyin pa med// sangs rgyas rang sems rtog pa bral ba yin// bgrod pas rang sems rtog bral der mi phyin// lta ba bsgoms pas ting 'dzin yul dang phrad// ting 'dzin de yis rtog bral mnyam dang bral// dam tshig bsrungs pas ma nyams 'dzin la gnas// ma nyams 'dzin pas rtogs med mnyam dang bral// phrin las btsal bas grub pa'i ting 'dzin byed// grub pa'i ting 'dzin mi rtog mnyam dang bral// sa la sbyangs pas gnas pa'i ting 'dzin byed/ 'byongs pa'i ting 'dzin rtog med mnyam dang bral// chos nyid brtags pas gsal ba'i ting 'dzin byed// ting 'dzin gsal bas rtog med mnyam dang bral// ye shes gsal bar rtogs pa'i ting 'dzin byed// gsal bar rtogs pa'i ting 'dzin mi rtog bral// kye sems dpa' chen po nyon cig/ 'dod pa'i ting 'dzin ji ltar gsal ba des// 'dod pa med pa bde ba grub par byed// bya bral zin pa'i bde ba chen po de// mi rtog 'dod pa med pa de yis blangs// ting 'dzin mi byed bag chags mi sog pas// rang 'byung ye shes las kyi dbang mi 'gyur// rang 'byung ye shes chos sku'i snying po de// btsal bas mi 'grub rang bzhin gnas pas 'grub// grub par bya

  159. 80b

    ba'i don rnams kun dang bral// don zhes bya ba'i ming tsam btags pa yin// yang dag nyid du sangs rgyas ming tsam yin// sangs rgyas ming du 'dogs par byed pa ni// nges pa'i lung min drang ba'i lung du bstan// nga las byung ba'i ston pa sku gsum gyis// chos dang sangs rgyas dge 'dun dkon mchog gsum/ yod par ming btags de gnyen bsgrub pa ru// nga las byung ba'i 'khor ni sems can la// bde yo skyid do sdug bsngal de blangs nas// 'di las ma gtogs pa yi bde ba ni// gzhan med zer nas lta spyod sna tshogs pa// spyad pas grub pa'i lung 'di bstan pa yin// bya med kun byed nga yi lung ma yin// zhes gsungs so// byang chub kyi sems kun byed rgyal po las lam la bgrod du med pa'i le'u steng nga gcig pa'o// // de nas byang chub kyi sems kun byed rgyal po des bya med rdzogs pa 'dod pa med pa 'di gsungs so// kye sems dpa' chen po// chos rnams thams cad grub 'dod na// 'dod pa'i sa ni ma sgrub cig/ 'dod par byed pa'i sems de ni// mi len thams cad spong ba yin// 'di ni rgyu 'bras 'das pa'i phyir// 'bras bu 'dod nas rgyu mi sgrub// mi rtog rang bzhin gnas pas 'grub// 'dod pa'i ting 'dzin thams cad spongs// 'dod med thams cad len par byed// ting nge 'dzin pas 'dod pa 'dzin// 'dod pa

  160. 81a

    de ni yang dag min// yang dag gzung du yod ma yin// byas pa'i las ni thams cad kyis// ma btsal lhun gyis grub pa sgrub// ma btsal lhun gyis grub pa de// byas pas grub pa ma yin te// ma byas ye nas lhun gyis grub// 'dod pas thams cad kun spangs pas// grub par byed pa'i gegs su che// 'dod pa'i ting 'dzin bag chags des// bag chags de ni sems 'dzin yin// 'dzin pas bde ba de spong byed// mi 'dzin bde ba kun len pas// ji bzhin pa yi rang bzhin no// ji bzhin bcos pa med pa de// sangs rgyas kun gyi dgongs pa gcig/ bde ba che las ma gtogs pa// 'dod dang 'dzin pa ga la yod// mi gnas pa la dmigs pa med// mi rtog pa la 'dzin pa med// med pa don gyi snying po de// 'dod pa med pas thob par 'gyur// gang la 'dzin chags med pa des// ting nge 'dzin te 'dzin pa'i mchog/ kun zin ye nas grub zin pas// btang gzhag mi rtog grub pa'i rgyal// kye sems dpa' chen po// sna tshogs bsgoms pas gcig mi gsal// gsal ba ting 'dzin gang byed pa// de la'ang ting 'dzin yod ma yin// de bzhin nyid du gcig pa la// sangs rgyas sems can gnyis su phye// bde dang sdug bsngal gnyis phye nas// bde ba dang du blang lung bstan// sdig pa rgyab tu bor lung bstan// de ni nges pa'i lung

  161. 81b

    dang 'gal// kye sems dpa' chen po// gcig la gnyis su ma 'byed cig/ bde ba sdug bsngal byang chub gcig/ sangs rgyas sems can sems su gcig/ snang srid snod bcud chos nyid gcig/ bden brdzun gnyis kyang chos nyid mnyam// bde ba ma len sdug ma spong // rang bzhin gnas pas kun kyang 'grub// bde la chags pa sdug bsngal yin// kun gsal de la rtog med pas// de ni rang 'byung ye shes yin// ye shes bag chags mi sog pas// las kyis gos par ga la 'gyur// rgyu 'bras ye shes ting 'dzin rtog/ rtog pa'i ye shes bag chags can// ye shes bag chags dbang sgyur bas// rtog pa'i ye shes bsgom mi bya// rtog pa'i ye shes bsgom byas pas// mi rtog mnyam dang bral bar 'gyur// ting 'dzin rtsol ba'i nad kyis zin// kye sems dpa' chen po// kun byed pa ni byang chub sems// thams cad byang chub sems yin la// byang chub sems las thams cad med// sems las sprul pa'i chos ni sna tshogs te// sna tshogs sprul pa cir yang snang ba ni// sems can gzugs dang dbyibs dang kha dog dang // ji ltar snang ba de la da pa re// dad pa de yis 'thad pa'i chos ston pa// de ni ye shes thugs rje sprul par bshad// de yang rang bzhin chos la g.yos pa med// sangs rgyas rang bzhin chos la g.yos med pas// dus gsum rgyal pa

  162. 82a

    rnams kyi chos nyid yin// chos nyid las ni sangs rgyas gud na med// sangs rgyas las ni sems can gud na med// sems can mi rtog sangs rgyas dgongs pa yin// byang chub sems ma byung gi bar du ni// sangs rgyas dang ni sems can gnyis ka med// de bas sangs rgyas kun las sems nyid bsngags// sems nyid mi 'gyur 'gyur ba ye nas med// chos nyid bsgyur bas g.yos pa rdul med par// gcig la rim pa dgu dang brgyad khri stong // 'byed pa'i ston pas gcig gi don mi rtogs// gcig ma rtogs pas kun don rtogs mi 'gyur// des na sems gcig don de rab tu rtogs// zhes gsungs so// byang chub kyi sems kun byed rgyal po las ma g.yos 'dod pa med pa'i le'u ste nga gnyis pa'o// // de nas byang chub kyi sems kun byed rgyal po des chos thams cad g.yos pa med pa 'di gsungs so// kye sems dpa' chen po de rtogs shig/ nga rtogs chos rtogs g.yos pa med// kun byed rgyal po ston pa nga nyid ni// byang chub sems la g.yos pa med pa de// thams cad byang chub sems las g.yos med cing // rang 'byung ye shes rgyu rkyen med pa de// rgyu dang 'bras bu kun las shin tu rgyal// rgyu 'bras theg pa can la shin tu gsang // ma skyes rdo rje chos kyi dbyings na rgyal// rgyu 'bras can la mi smra shin tu

  163. 82b

    gsang // sems nyid ma 'gags nam mkha'i dbyings na rgyal// rgyu 'bras can la mi smra shin tu gsang // snang srid snod bcud ma bcos chos nyid rgyal// rgyu 'bras can la mi smra shin tu gsang // nam mkha' rlung chus me snang ba lnga// byang chub sems kyi ngo bor shin tu rgyal// rgyu 'bras can la mi smra shin tu gsang // khams gsum dus gsum thugs rje ye shes rgyal// rgyu 'bras can la mi smra shin tu gsang // byang chub sems kyi rang bzhin kun byed la// ma yal ma zhi rang bzhin zhi ba med// chos dbyings rang bzhin spros med zhi ba de// ma yal ma zhi rang bzhin spros pa med// rang 'byung ye shes ma bsgribs gsal ba de// mkha' la ma yal ma zhi zhi ba med// snang srid snod bcung chos nyid rang bzhin te// ma yal ma zhi rang bzhin zhi ba med// chos rnams thams cad ma yal ma zhi ba// rang bzhin gsal te ngo bo g.yos pa med// g.yos med chos la rgyu 'bras sgrub byed pa// de ni nga yi lung min 'dod lung yin// nga ni 'dod pa med pas kun grub ste// mi 'dod 'dod pa med par rang bzhin 'grub// grub ces bya ba nga yis smras pa med// rgyu 'bras grub 'dod rnams kyi tshig tu'o// nga ni sgo dang skur pa'i sgra ru che// yod dang med dang grub dang ma grub dang // sgo dang skur pa btab pa thams cad kun// mi rtog pas ni mnyam pa nyid du

  164. 83a

    gnas// mnyam pa nyid las ma gtogs gzhan pa ni// sangs rgyas kun gyi mes po ngas ma gsungs// ma gsungs dgongs pa sangs rgyas kun mi ston// gsungs pa thams cad nga yi ngo bo gsungs// ngo bo rang bzhin chos rnams thams cad yin// rang bzhin rnam dag mnyam pa'i rgyal po de// mi 'gyur rang bzhin chags pa kun dang bral// gzung ba'i yul med sems kyi gnas kyang med// de la mngon sum thob par su 'dod pa// 'dod pa de ni chags pa'i gnas yin te// de la mi rtog mnyam pa'i dgongs pa de// chos nyid ye nas rang bzhin gnas pa la// de btsal bsam pas 'dod sgrub byed pa ni// rang sems gzhan du tshol bar byed pa yin// de yis chos kyi dbyings dang nam mkha'i khams/ khams gsum gnas dang srid pa'i chos bshig kyang // rang sems rang bzhin gnas pa de mi rnyed// rang gi sems ni nam mkha' rang bzhin te// mtha' la thug pa med pas dbyings la bri ba med// rang sems nam mkha' rang bzhin de mi rig/ chos kyi rang bzhin kun kyang de lta ste// ji bzhin pa la kun kyang bcos pa med// 'chos pa rol pa'i ting 'dzin ci byas kyang // ji bzhin pa la ngo bo 'gyur ba med// 'gyur te lhag pa'i stobs gcig che 'gyur na// ting 'dzin gcig gis 'khor ba lhag ma med// sgra yang ji bzhin pa la

  165. 83b

    'gyur ba med// rang bzhin che ba'i yul la rang bzhin gnas// rang bzhin ma bcos pa yi ming yin la// che ba ma bcos pa la lam zhes brjod// sangs rgyas rnams kyi sku gsung thugs dang ni// sems can rnams kyi lus ngag yid gsum la// bzang ngan che chung khyad par yod ma gsungs// mi rtog chos nyid mnyam pa nyid du gnas// mnyam pas chos dang chos min gcig kyang med// sems can rgyu med sangs rgyas 'bras bu med// rgyu 'bras ston pa ston pa nyid lung nor// de bas nga las byung ba'i chos mnyam pas// nga las byung ba bzang ngan med mnyam gcig/ ces gsungs so// byang chub kyi sems kun byed rgyal po las chos thams cad kyi rang bzhin g.yos pa med pa'i le'u ste nga gsum pa'o// // de nas byang chub kyi sems kun byed rgyal po des nyid kyi rang bzhin rang 'byung gi ye shes yin la// rang 'byung gi ye shes de don gyi ngo bo lnga dang ldan te gang zhe na// don chos thams cad 'byung ba'i snying po dang // don ma nor nges pa'i ngo bo dang // don rgyu 'bras 'das pa'i ngo bo dang // don byar med pa'i ngo bo dang // don chos thams cad gtan la 'bebs pa'i ngo bo dang lnga'o// de la rang 'byung gi ye shes de la bsdus pa'i mdo lung ni lnga// phye ba'i mdo lung ni lnga bcu rtsa bdun po 'di gsungs so// kye sems dpa' chen po don 'di nyon

  166. 84a

    ga/ na byed rgyal pa thang chub sems pa'o// rang 'byung ba ga zin pa gcig lan// rang 'byung ba shes bzlas pa rnalas no// rtsa ba'i 'a 'ang bdun \u0f7f/ ba bdun yin// de yi ngo bo ji ltar yin zhe na// ye shes ngo bo chos kyi snying po las// mngon du byung ba'i mdo lung bcu yang bstan// ye shes ma nor nges pa'i jo bo las// ma nor nges pa'i mdo lung bcu pang bstan// ye shes rgyu 'bras 'das pa'i ngo bo las// rtswa 'bras 'das pa'i mdo lung bcu yang 'byung // ye shes bya ba med pa'i ngo bo las// bya med rdzogs pa'i mdo lung bcu yang 'byung // ye shes gtan la 'bebs pa'i ngo bo las// gtan la 'bebs pa'i mdo lung bcu yang 'byung // sems nyid ye shes ngo bo rnam lnga las// mdo lung bcu tshan rnam pa lnga byung ni// rang bzhin jo bo yid ches lnga bstan yin// bdun ni nges par bstan pa'i le'u bdun gyis// gcig gis gzhi bstan gcig gis gdams pa bstan// lnga yis so so dgos pa lnga yang bstan// de yi don gyi bye brag bstan pa ni// dbang po chos nyid mthong bar bya ba'i phyir// mngon du byung ba'i mdo lung bcu yang bstan// yin min yid ches rtog pa bsal ba'i phyir// ma nor nges pa'i mdo lung bcu yang bstan// kun byed rgyal po'i rang 'byung ye shes de// zla glen dag la rag

  167. 84b

    ma las pa'i phyir// rgyu 'bras 'das pa'i mdo lung bcu yang bstan// kun byed rgyal po'i rang 'byung ye shes des// bya byed rtsol sgrub bya mi dgos pa'i phyir// bya med rdzogs pa'i mdo lung bcu yang bstan// kun byed rgyal po'i rang 'byung ye shes des// nyid kyi rang bzhin gtan la 'bebs pa'i phyir// gtan la 'bebs pa'i mdo lung bcu yang bstan// de la don gyi dgos pa lnga yod de// chos nyid mngon du phyung ba'i mdo lung la// chos nyid mngon du mthong ba'i dgos pa yod// chos nyid ma nor mngon du mthong ba des// lha spyod dam tshig lam la bgrod mi dgos// ma nor nges par ston pa'i mdo lung la// ma nor yid ches nges pa'i dgos pa yod// sems nyid ma nor yid ches mngon pa des// sangs rgyas bsgrub mi dgos pa'i dgos pa yod// rgyu rkyen rag ma lus pa'i mdo lung la// rtsol sgrub bya mi dgos pa'i yon tan yod// rtsol zhing sgrub pa bya mi dgos pa des// mi rtsol bde la gnas pa'i dgos pa yod// bya med rdzogs pa'i mdo lung bstan pa la// ma byas rang bzhin rdzogs pa'i dgos pa yod// bya med rang bzhin rdzogs pa'i dgos pa des// ye nas lhun gyis rdzogs pa'i dgos pa yod// gtan la 'bebs pa'i mdo lung bstan pa las// dus gsum sangs rgyas khams gsum sems can dang // snang srid snod bcud bsdus pa thams cad

  168. 85a

    kun// rgyu med nges pa rang 'byung bya med par// mdo lung lnga dang mthun par gtan la 'bebs// gtan la 'bebs pa'i mdo rtsa bstan pa ni// dus gsum sangs rgyas dang por lung bstan pa// chos nyid nam mkha' lta bu'i rang bzhin la// snga phyi dus gsum lta ba'i sems can rnams// phyi ba dran med snga pa bag chags 'gag/ sems can nam mkha'i chos nyid mi shes mthong // sangs rgyas sangs rgyas zhes bya'i nges tshig ni// chos nyid byang chub sems kyi rang bzhin la// spros med dbyibs dang dbang po'i spyod yul sangs// nam mkha' bzhin du kun la khyab cing rgyas// sangs rgyas ming du btags pa nga yis med/ khams zhes bya ba'i gtan tshigs bstan pa ni// mang zhing rgya che ba yi mtshan nyid de/ khams gsum sems can gcig gi dbang po yis// dpag gis mi lang bas na khams zhes btags// yang dag nges par ming du btags pa med// sems zhes bya ba'i nges tshig bstan pa ni// rgyu rkyen med pa'i rang 'byung ye shes des// ma 'gags kun la dbang po sgo lngar gsal// de la sems zhes bya bar gsal bar bshad// snang srid snod bcud bsdus pa thams cad kun// skye ba med las cho 'phrul snang ba de// sna tshogs srid pas snang srid ces su btags// snod dang bcud ces bya bar bstan pa ni// 'byung lnga snod kyi

  169. 85b

    nang na rgyud drug bcud// gnas pas snod bcud ces su btags pa yin// kun byed bya ba lhag ma ma lus pa// bsdus pas kun byed rgyal po'i rang bzhin lngar// mdo lung lnga bcu rtsa bdun byung nas bsdus// kun byed rang bzhin lnga ru 'dus par bstan// snying po mngon du 'byin pa'i rang bzhin dang // ma nor nges par ston pa'i rang bzhin dang // rang 'byung rgyu 'bras 'das pa'i rang bzhin dang // bya byed rtsol sgrub 'das pa'i rang bzhin dang // mthun par gtan la 'bebs pa'i rang bzhin dang lnga'o zhes gsungs so// kye ston pa kun byed rgyal po lags// sems dpa' rdo rje bdag gi rig pa yis// kun byed rang 'byung ye shes gcig ngo la// dgos pa phun sum tshogs pa lnga byung ste// rang 'byung ye shes chos kyi snying po las// snang zhing srid pa'i chos rnams thams cad kun// mi snang ba la mngon du 'byin nus pas// chos kyi snying po yin par yid kyang ches// rang 'byung ye shes gcig gi ngo bo de// don dam kun rdzob bden brdzun gnyis med par// ma nor nges pa'i byang chub sems ston pas// the tshom som nyi med par yid kyang ches// rang 'byung ye shes gcig gi ngo bo de// rgyu la mi brten rkyen la mi sgrub pas// gzhan la rag ma las pa'i rang bzhin gyis// rang 'byung ye shes yin par yid kyang ches// rang 'byung ye shes gcig gi ngo bo

  170. 86a

    de// rgyu rkyen med par lhun gyis grub pa'i phyir// phrin las btsal zhing bya byed bya mi dgos// ma btsal ldan gyis grub par yid kyang ches// rang 'byung ye shes gcig gi rnga bo de// rang 'byung shes ye nas ma bsgribs pas// ji ltar snang ba'i chos rnams thams cad gsal// chos rnams thams cad gtan la 'bebs pa'i phyir// ston pa'i sgron ma yin par yid kyang ches// zhes gsungs so// byang chub kyi sems kun byed rgyal po las mdo lung thams cad kun byed nyid kyi rang bzhin du bsdus nas bstan pa'i le'u ste nga bzhi pa'o// // de nas byang chub kyi sems kun byed rgyal po des chos thams cad byang chub sems las gzhan med pa'i mdo 'di gsungs so// kye sems dpa' chen po nyon cig/ ji ltar snang srid snod bcud bsdus pa dang // don dang tshig tu brjod pa thams cad kun// byang chub sems yin pa ni 'di lta ste// chos kyi dbyings dang nam mkha'i khams 'di yang // ma spros ma bsgribs pa yi byang chub sems// 'di las gzhan yin bdag gis gsungs pa med// nam mkha' rlung chus me snang ba yang // byang chub sems kyi ngo bo bstan pa yin// 'dod khams gzugs khams gzugs med khams gsum yang // byang chub sems kyi ngo bo gsum snang yin// de ston pa yi ston pa sku gsum yang // byang chub

  171. 86b

    sems kyi rang bzhin rnam gsum yin// sems nyid ye shes ma 'gags 'dod khams snang // sems nyid ngo bo snang ba gzugs kyi khams// sems kyi rang bzhin ma skyes gzugs med khams// rang bzhin ma skyes spros bral chos kyi sku// sems nyid nyid la nyid spyod longs spyod rdzogs// sems las sems sbrul sems kyi don mdzad sprul// dmyal ba la sogs 'gro ba ris drug gi/ tsha grangs bkres skom blun lkugs ltung 'gyur rnams// mi rtog mnyam pas ji bzhin chos nyid grol// rang 'byung ye shes yul la mi rtog pas// las kyi bag chags skyon yon kun dang bral// yon tan mi len skyon rnams mi dor bas// bde ba mi ba sdug bsngal spang du med// ji bzhin pa la ye nas g.yos pa med// de bzhin bsgyur bas 'gyur ba'i chos gang med// 'dod pas len pas thob pa'i chos kyang med/ chos rnams rang bzhin 'byung ba'i mtshan nyid ni// sems las rang 'byung ye shes 'byung ba 'dra// 'dra zhes ming btags rang 'byung ye shes yin// rang 'byung ye shes chos nyid yul gcig la// chos gzhan mthong nas ye shes de spong byed// rang 'byung ye shes de dang phrad mi 'gyur// spong 'gegs yul can dag la ming mi grag/ don dam kun rdzob bden pa rnam gnyis kyis// sbyangs kyang bskal ba gsum gyi bar du thogs// dag gsum spyod dang mtshan med

  172. 87a

    sgor zhugs nas// byang chub yan lag kun gyi sgor zhugs nas// cho ga rdzogs pa'i ting 'dzin rim pa yis// rang 'byung ye shes tshe bdun bar du spangs// thabs dang shes rab gnyis med sgor zhugs nas// skye med shes rab thabs kyis bskyod 'gyur nas// snang la rang bzhin med par rang bsgoms nas// cho ga lnga dang yo byad yan lag dang // dam tshig tshul dang rab tu brtson 'gyur na// rig 'dzin sa ste lo stong drug brgya ru// longs sku 'dod pa'i ting 'dzin yengs med byed// longs sku thob nas rang sems bzod tshol lha/ stong phrag gcig na mi rtog mnyam bzod rnyed// kye sems dpa' chen po rdo rje khyod nyid kyang // nga lung ma nor khyod kyis da ston cig/ kye sems can lha mi rnams ni shes pa rtsing // dbang po yul la yengs pa'i rang bzhin gyis// sems can mi shes gang bstan tshim pa la// ma nor nges pa'i lung chen ma bstan par// rgyu 'bras drang lung don dam kun rdzob bstan// bden brdzun gnyis kyis shes pa de tshim nas// bskal pa yun ring bden brdzun gnyis la gnas// de bas dang por rang sems ma nor bstan// bstan pas ma nor btsal med lam phrad nas// da lta nyid nas mi rtsol sa la gnas// btsal du med pa'i lam dang de phrad 'gyur// ting 'dzin bsgom mi dgos dang de phrad 'gyur// mi rtsol bde la

  173. 87b

    gnas pa de yis thob// ma nor nges par rang sems de thob pas// ma btsal lhun gyis grub pa'i yon tan ni// sems bskyed mi dgos lam la bgrod mi dgos// sa la mi sbyong lta ba bsgom mi dgos// sdom pa tshul khrims dam du gnyer mi dgos// kye sems dpa' chen po lung ston cig/ 'jig rten mtshan ma'i chos 'di bsgrub pa bzhin// lus kyi las su bya byed lha mi sgom// ngag gi las su sngags dang tshig mi brjod// yid kyi las su ting 'dzin gsal mi sgom// zhes gsungs so// byang chub kyi sems kun byed rgyal po las chos thams cad byang chub kyi sems las med pa'i le'u ste nga lnga pa'o// / de nas sems dpa' rdo rje des// byang chub kyi sems kun byed rgyal po de chos thams cad kyi ngo bo dang byed pa po yin par nyid kyi 'khor thams cad la tshig bsgrags pa dang rtogs pa phul ba 'di bsgrags so// kye ston pa'i ston pa kun byed rgyal po lags// bdag gis khyod kyi rang bzhin rtogs pa ni// chos rnams thams cad khyod kyi rang bzhin gcig/ chos nyid chos kyi dbyings kyi pho brang de// kun byed rgyal po yin par rab tu grags// nam mkha'i khams kyi gzhal yas khang 'di yang // kun byed rgyal po yin par rab tu grags// skye med chos kyi sku yi ston pa yang // kun byed rgyal po yin par rab tu grags// 'dod spyod longs spyod

  174. 88a

    rdzogs pa'i sku 'di yang // kun byed rgyal po yin par rab tu grags// thugs rje ye shes sprul pa'i sku 'di yang // kun byed rgyal po yin par rab tu grags// 'dod pa'i khams kyi 'dod chags khams 'di yang // kun byed rgyal po yin par rab tu grags// gzugs kyi khams kyi nga rgyal khams 'di yang // kun byed rgyal po yin par rab tu grags// gzugs med khams kyi yid kyi lus 'di yang // kun byed rgyal po yin par rab tu grags// snga rabs 'das pa'i sangs rgyas nyid la gnas pa yang // kun byed rgyal po yin par rab tu grags// da ltar bzhugs pa'i sangs rgyas don mdzad kyang // kun byed rgyal po yin par rab tu grags// slad kyis 'byon pa'i nyid las 'byung ba yang // kun byed rgyal po yin par rab tu grags// rnal 'byor rnam bzhi nyid la lta ba yang // kun byed rgyal po yin ra rab tu grags// snang srid snod bcud 'byung ba lnga bsdus pa// kun byed rgyal po yin par rab tu grags// kun byed rgyal po las ni ma gtogs pa// sangs rgyas sems can snang srid snod bcud dang // chos su grags pas bsdus pa thams cad la// kun byed rgyal po las ni gzhan mi snang // zhes sems dpa' rdo rjes bsgrags so// byang chub kyi sems kun byed rgyal po las sems dpa' rdo rjes kun byed kyi rang

  175. 88b

    bzhin rtogs pa'i sgo nas bsgrags pa'i le'u ste nga drug pa'o// / de nas byang chub kyi sems kun byed rgyal po las sems dpa' rdo rje la bstan pa gtad pa'i le'u 'di gsungs so// kye sems dpa' rdo rje 'di zung zhig khyod ni rang 'byung ye shes te/ khyod ni nga yis snying po 'byung // nga yi rang bzhin 'di zung shig/ nga yi rang bzhin rnam gsum las// sku gsum ston pa byung ba yang // de yi rang bzhin khyod kyis zung // de yi bstan pa rnam gsum yang // bstan pa smra ba'i seng ge gyis// dus gnas 'khor la sogs pa yang // nyid kyis byas par lung ston cig/ kun byed nga yi rang bzhin nam// kun byed nga yi/ mtshan bshad bzhin// khyod kyis nga yi rang bzhin zung // nga ni kun gyi rang bzhin yin// sangs rgyas mes po nga yin gyis// sangs rgyas kun gyi mes po gyis// kun byed rgyal po nga nyid ni// sku gsum ston pa'i pha yin gyis// khyod kyis sku gsum pha ma gyis// dus gsum sangs rgyas mes po gyis// sems can kun gyi yang mes po// smra ba'i seng ge smra ba'i tshe// ji ltar snang ba'i chos rnams kun// sems dpa' chen po nyid dang ni// kun byed rgyal po nga las ni// gzhan yin smra bar ma byed cig/ sku gsum bstan pa'i nang nas ni// rgyu dang 'bras bu rnam gnyis las// rgyu la bsgrubs nas 'bras bur 'dod// sems can sangs rgyas

  176. 89a

    ming btags nas// sems kyis sangs rgyas 'bras bur sgrub// 'di ni nga yi bstan pa min// kun byed nga yi rang bzhin ni// rgyu dang 'bras bu gnyis las 'das// sems can sangs rgyas gnyis med pas// sangs rgyas sems kyis sgrub ma byed// kun byed rgyal po pa nyid ni// sems nyid rang 'byung ye shes so// zhes gsungs so// byang chub kyi sems kun byed rgyal po'i mdo las bstan pa gtad pa'i le'u ste lnga bcu rtsa bdun pa'o// // byang chub kyi sems kun byed rgyal po rdzogs so// / rgya gar gyi mkhas pa shrI siM ha pra b+hA dang // bod kyi lo tsA ba pa gor be ro tsa nas bskur cing zhus te gtan la phab pa// // de nas byang chub kyi sems kun byed rgyal po rang 'byung ye shes skye ba med par rtogs nas cang mi gsung bar bzhugs so// de nas sems dpa' rdo rje dam pa des 'di skad ces zhus so// kye ston 'i ston pa kun byed rgyal po lags// legs par gsungs pa'i mdo dag mthar phyin nas// ston pa gsum po nyid kyis ji ltar rtogs// bstan pa gsum po nyid kyis ji ltar rtogs// 'khor gnas dus kyi rang bzhin ji ltar rtogs// nyid kyis ji ltar rtogs pa'i dgongs pa'i don// bdag cag rnams la legs par bstan du gsol// zhes zhus so// de nas byang chub kyi sems kun byed rgyal pos rtogs pa bshad pa

  177. 89b

    zhes bya ba'i rgyud phyi ma 'di gsungs so// kye sems dpa' rdo rje don 'di legs par nyon// ston pa'i ston pa kun byed rgyal po yi// nga las byung ba'i ston pa sku gsum gyis// so sor 'dul ba'i don du gang gsungs pa// ston pa re dang gnas dang 'khor dag dang // bstan pa sdud pa so sor gnas par rtogs// kun byed nga yi rang bzhin rtogs pa min// kye kun byed nga yi rtogs tshul bstan pa ni// nga nyid skye ba med pa'i rang bzhin te// de las byung ba'i chos ni thams cad kun// rang 'byung skye ba med pa'i dbyings su rtogs// kye sems dpa' chen po legs par da nyon cig/ nga nyid skye ba med par ngas rtogs pas// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs// 'das pa'i sangs rgyas skye ba med par rtogs// da ltar byung ba'i sangs rgyas bzhugs pa yang // skye ba med pa nyid du rab tu rtogs// ma byon slad kyis 'byung ba'i sangs rgyas kyang // skye ba med pa nyid du rab tu rtogs// kye ston pa kun byed nyid kyis rtogs pa ltar// sems dpa' rdo rje khyod kyis rtogs par gyis// sems dpa' rdo rjes de ltar ma rtogs na// kun byed nga yi rang bzhin rtogs mi 'gyur// nga yi rang bzhin khyod kyis ma rtogs na// snying po'i rang bzhin bcu dag rtogs mi

  178. 90a

    'gyur// rang bzhin bcu yi don la rmongs pa yis// bsgom du med pa'i lung bcu ji ltar rtogs// kye nga yis chos rnams ji ltar bstan pa ltar// sems dpa' rdo rje khyod kyis rtogs par byos// yi rang bzhin skye med rtogs pa ltar// kun gyi rang bzhin skye med rtogs par gyis// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs/ dus gsum sangs rgyas skye ba med par rtogs// rgyud drug sems can skye ba med par rtogs// sa chu me rlung nam mkha' lnga po yang // skye ba med pa'i ngang du rab tu rtogs/ khams gsum srid gsum skye ba med par rtogs// 'dod lnga yul lnga skye ba med par rtogs/ des na chos kun byang chub sems nyid de// byang chub sems ni kun byed rgyal po nyid// kun byed rgyal po skye ba med par rtogs// chos kun rtsa ba kun byed pa nyid de// nga nyid ma skyes dbyings su rtogs pas na// kun kyang skye med dbyings su rtogs par 'gyur// zhes gsungs so// byang chub kyi sems kun byed rgyal po las rtogs pa gleng gzhi'i le'u steng brgyad pa'o// // de nas byang chub kyi sems kun byed rgyal pos lta ba bsgom du med pa rtogs pa 'di gsungs so// kye sems dpa' rdo rje legs par da rtogs shig/ chos rnams kun gyi rtsa ba kun byed

  179. 90b

    la// lha dang blta bar byed pa yod ma yin// gang la ltar med snying po gang rtogs pa// kun byed nga yi rang bzhin rtogs pa yin// kye ji ltar snang ba'i chos rnams ma lus kun// kun byed skye ba med par kun gnas pa// su zhig snying po'i don la rtogs 'dod pas// kun byed nga yi rang bzhin rtogs par gyis// kye kun byed nga yi rang bzhin ma rtogs par// so sor bstan pa'i lung dang yid 'thad cing // sku gsum ston pa'i don la gang 'jug pa// kun byed nga yi don dang shin tu 'gal// kye ston pa kun byed pa nyid ma gtogs par// lta ba'i rang bzhin kun mkhyen skye med 'di// 'das dang da ltar ma 'ongs sangs rgyas kyis// ma rtogs mi rtogs rtogs par lung mi ston// ma skyes skye ba med pa'i sangs rgyas kyang // kun byed nga yi lung dang phrad nas ni// des kyang lta ba skye med rab tu rtogs// sangs rgyas kun gyi ngo bor byin gyis brlabs// kye kun byed rgyal po ston pa'i lung med na// dus gsum sangs rgyas khams gsum sems can dang // ma skyes lam la lta ba'i rnal 'byor dang // la dgu lung dgu rgal yang sa bcu yis// rang rang dngos po'i don la rtog dpyod pas// ma skyes snying po'i don la sgrib pa'i phyir// rgyu 'bras bral ba'i byang chub snying po 'di// kun gyi lta ba'i don 'di rtogs pa med// kye de bas ston pa kun byed nga yis kyang //

  180. 91a

    'khor gyi dang po sems dpa' rdo rje la// sku gsum ston pa gsum gyis bshad pa'i lung // de la ma gnas shig par nga lung ston// de ltar nges pa'i lung 'di ma bstan na// dus gsum rgyal ba kun gyi yang mes po// kun byed rgyal po nga yi gdung chad nas// kun kyang 'khor ba'i lam la gzhol bar 'gyur// kye de phyir sems dpa' rdo rje khyod kyis kyang // lha dang mi blta yul las 'das pa la// gang bltas don la rnam rtog mched pa'i phyir// rgyu 'bras can gyi lta ba khyod ma rtogs// shin tu rnal 'byor mi gnas theg pa la// bltas shing brtags pas mthong ba'i don 'gag pas// ma bcos snying po kun byed rang bzhin la// bltas pas mthong ba med pa'i don du rtogs// kye kun byed rgyal po byang chub sems pa ni// chos rnams kun gyi blta ba'i me long ste// gsal la rang bzhin med par kun 'char bas// ma bltas rang bzhin gsal bar lung bstan to// ma skyes de bzhin nyid kyi yul nyid la// blta ba'i yul med mthong ba chen por rtogs// zhes gsungs so// byang chub kyi sems kun byed rgyal po las skye ba med pa'i le'u ste nga dgu pa'o// // de nas byang chub kyi sems kun byed rgyal pos dam tshig bsrung du med par rtogs pa 'di gsungs so// kye ston pa'i ston pa kun byed rgyal po 'di// nga las byung ba'i ston pa sku gsum

  181. 91b

    gyis// dbang po'i khyad par rim par lung bstan pa// kun byed bsrung du yod pa'i don du rtogs// la las sdom dang 'dul khrims dag par rtogs// la las rig 'dzin sdom pa dag par rtogs// la las grangs dang rtsa ba yan lag rtogs// ji ltar brtags kyang rtogs par lung ma bstan// kun byed rgyal po'i dam tshig 'di// bsrung dang mi srung phyogs ris med par bstan// gang gis bsrung dang mi srung med rtogs pa// kun byed nga yi dam tshig rtogs pa yin// kye ston pa'i ston pa kun byed rgyal po nga // rtsa ba byang chub sems su kun gcig pas// kun kyang snying po'i dam tshig yin pas na// bsrung dang mi srung don la 'das par rtogs// kye kun byed rgyal po'i lta ba'i dam tshig ni// skye med nam mkha' lta bur phyogs 'das pas// gang gis de dag legs par rtogs pa de// kun byed rgyal po'i dam tshig rtogs pa yin// kye ston pa'i ston pa kun byed rgyal po ngas// dam tshig bsrung du med par lung bstan pa// dam tshig rtsa ba'i rgyud las gang thos pa// 'dis ni don de legs par rtogs pa yin// kye kun byed rgyal pos snga bar lung bstan ltar/ dus gsum chos nyid 'gyur ba med pa'i phyir// kun byed rgyal po nga yi dam tshig ni// dus gsum du ni bsrung du med par rtogs// kye chos rnams rtsa ba sems su gcig pa ltar// dam tshig rtsa ba

  182. 92a

    bsrung du med par gcig/ de yang rang sems skye med rtogs pa yin// phyal ba dang ni med pa gcig pu dang // lhun gyis grub pas bsrung ba kun las 'das// kun byed rgyal po'i dam tshig rnam grangs te// skye ba med par rtogs pa'i rnam grangs yin// snying po bsrung du med par don gcig la// rtogs dang ma rtogs khyad par la dgongs nas// drang dang nges pa gnyis su rnam phye nas// bsrung du yod dang med par lung bstan to// kye 'dis ni dam tshig bsrung med rtogs pa'i phyir// dus gsum rgyal ba'i dgongs pa rtogs pa yin// gang gis 'di ma rtogs pa'i rnal 'byor pa// rang sems snying po'i don dang shin tu 'gal// kye kun byed nga yi dam las gang 'das shing // sku gsum ston pa'i dam la gnas pa dag/ bskal pa brgya phrag du ma rnams su yang // snying po'i don dang phrad par shin tu dka'// de phyir kun byed nga yi lung thob pas// dam tshig bsrung du med par rtogs par byos// zhes gsungs so// byang chub kyi sems kun byed rgyal po las bsrung med dam tshig gi le'u ste drug cu pa'o// // de nas byang chub kyi sems kun byed rgyal po des phrin las btsal du med pa 'di gsungs so// kye sems dpa' rdo rje legs par rtogs shig/ ston pa'i ston pa kun byed rgyal po nga'i// rang bzhin las byung ston pa sku gsum

  183. 92b

    gyis// so so ji ltar 'dul ba'i skur byung nas// phrin las btsal bas don dang phrad par rtogs// lus kyi las su phyag rgya bca' bar rtogs// ngag gis sngags dang bzlas pa byed par rtogs// sems kyis 'phro 'du ting 'dzin bsgom par rtogs// sgo gsum yal bar gnas pas grub mi rtogs// kye ston pa kun byed nga yi phrin las ni// btsal bar bya med phrin las lung bstan pas// don dang mi 'gal bsam pa mthar phyung bas// phrin las btsal du med par khyod kyis rtogs// kye ston pa kun byed nga yi phrin las ni// bdag don lhun gyis grub pas bya med rtogs// gzhan don dbyings su gcig pas btsal med rtogs// de ltar khyod kyis nges par rtogs par gyis// kye kun byed byang chub sems su kun byas pas// byang chub sems la bya mi dgos par rtogs// ma byas bya bral snying po byang chub la// bya dang mi bya tha snyad gang gis gdags// kye kun byed rgyal po nga yi phrin las ni// lus kyi las su phyag rgya bcar med rtogs// ngag gis bzlas brjod byar med snying por rtogs// sems kyis 'phro 'du sgom dang bral bar rtogs// 'das dang ma byon da ltar bzhugs pa yang // phrin las bya med rtogs nas mngon sangs rgyas// dug gsum rgyal ba rtogs la rag lus pas// sems dpa' rdo rje thos nas rtogs par gyis// kye nga

  184. 93a

    las byung ba'i ston pa sku gsum gyis// zhi rgyas dbang dang drag po'i lung bstan pa// rnam rtog mtshan ma grangs la dga' ba la// 'dul ba'i rtog pa grangs su bstan pa yin// kye de phyir kun byed pa yis lung bstan pa// thos pa'i don la ma nor brtag par byos// bya rtsol kun dang bral ba'i phrin las kyis// ma byas don kun rdzogs pas rtogs pa 'char// kye sems dpa' rdo rje don 'di legs par rtogs// snying po bya rtsol med pa'i don rtogs pas// bya dang mi bya med par don rdzogs pas// kun byed rgyal po'i phrin las 'di rtogs shig/ kye ston pa'i rgyal po kun byed nga yis ni// byas pa thams cad mtshan ma'i lam du bstan// bya bral phrin las nges don 'di rtogs pas// 'gro ba kun byed rgyal po nyid du 'gyur// snying po bya bral sgo gsum ma nor bas// bya rtsol 'das pa'i don la rtogs pa ni// dus gsum rgyal ba'i dgongs pa gcig pa'i phyir// ma nor lam la rtogs pa nyid mchog yin// zhes gsungs so// byang chub kyi sems kun byed rgyal po las sgo gsum bya ba med par rtogs pa'i le'u ste drug cu gcig pa'o// // de nas byang chub kyi sems kun byed rgyal pos dkyil 'khor bskyed du med par rtogs pa 'di gsungs so// kye sems dpa' rdo rje don 'di da rtogs shig/ nga las byung ba'i ston pa sku gsum

  185. 93b

    gyis// mtshan ma grangs la dga' ba'i gdul bya la// tshogs dang dkyil 'khor bskyed du yod par bstan// gang zhig sku gsum lam la brten byas nas// mtshan ma grangs kyi sgo nas rtog byed pa// bskal pa bye ba brgya phrag yun ring du// dkyil 'khor bskyed du med pa'i don mi rtogs// kye de bas ston pa kun byed rgyal po ngas// tshogs dang dkyil 'khor rang bzhin lhun rdzogs pa'i// ma byas rang bzhin grub pa'i chos nyid la// bskyed cing bsag tu med pa'i don rtogs na// kye kun byed nga yi dkyil 'khor bstan pa ni// rang las byung ba'i dkyil 'khor rdzogs pa'i lung // ma lus snying por rdzogs pas bskyed 'bri med// ma bskyed dus gcig rdzogs pa dkyil 'khor rtogs// kye dkyil ni ma nor don gyi snying po la// 'khor ni 'khor 'das bde chen rdzogs par ldan// de ni dkyil 'khor snying po kun gyi rtsa// dkyil 'khor ma lus 'di la 'dus par rtogs// kye kun byed rgyal po nga yi dkyil 'khor ni// ma lus snying por rdzogs pa'i dkyil 'khor te// gang gis de dag rdzogs par gang rtogs pa// dkyil 'khor bskyed pa med pa'i don la mkhas// kye ston pa'i ston pa kun byed rgyal po ngas// skye med byang chub sems kyi dkyil 'khor gyis// 'gro dang 'ong med kun du khyab par bdal// rtogs pas skye ba med pa'i don la 'jug/ kye rang 'byung ye

  186. 94a

    shes lnga yi dkyil 'khor ni// rtogs dang ma rtogs don la rag lus pas// bskyed dang mi bskyed gnyis su mthong ba yin// dam pa rtogs na bskyed dang mi bskyed med// de phyir sems dpa' rdo rje khyod kyis kyang // sgra la ma gnas don nyid rtogs par gyis// gang gis de la rtogs pa skyes ma zag/ kun byed rgyal po don la 'byor bar 'gyur// kye rgyal ba ma lus 'dus pa'i snying po ste// rang bzhin khyab par gnas pa'i dkyil 'khor 'di// ma skyes rang bzhin gnas pa'i don 'di la// rtogs pa ci bder mnos la ma rtsol cig/ kye rgyal ba kun gyi rang bzhin kun byed ngas// dkyil 'khor bskyed du med par don rtogs pas// de yi rang bzhin sgra thos ma yin par// sems dpa' rdo rje khyod kyis rtogs par gyis// kye kun byed rgyal po chags sdang rnam pa lnga// skye med byang chub sems su bstan pa ltar// sems dpa' rdo rje khyod kyis rtogs nas kyang // de bzhin 'khor la khyod kyis lung ston cig/ ces gsungs so// byang chub kyi sems kun byed rgyal po las dkyil 'khor bskyed du med par rtogs pa'i le'u ste drug cu gnyis pa'o// // de nas byang chub kyi sems kun byed rgyal pos dbang la bskur du med par rtogs pa 'di gsungs so// kye sems dpa' rdo rje don 'di nges rtogs shig/ nga ni ston pa kun byed rgyal po

  187. 94b

    ste// nga las byung ba'i ston pa sku gsum gyis// dbang la bskur thabs yod par lung phog pa// mtshan ma'i rtog pa'i lam la zhen chags pas// nga yi rang bzhin mi mthong bskal bar 'gyur// kye nga ni ston pa kun byed rgyal po ste// nga yi nga bzhin kun byed khyab rtogs pas// nga la gnyis pa'i don ni med pa'i phyir// bskur dang mi bskur don dang bral bar rtogs// gang zag mtshan ma grangs la dga' ba la// dbang gi grangs dang bskur ba'i rim pa bstan// ma bcos don la gnas pa'i gang zag la// ma bskur rang bzhin gnas pa'i rim pa bstan// kye kun byed rgyal po'i rang bzhin kun khyab pas// de ltar 'jug cing rtogs pa'i rnal 'byor la// ma bskur rang bzhin gnas pa'i don rtogs pas// dbang la bskur thob med par lung ston cig/ kye ston pa'i ston pa kun byed rgyal po ngas// bskur thob med par rtogs nas lung bstan pas// skye med rnam dag sems kyi dbang thob nas// rang bzhin bcu yi dbang la rtsol mi 'gyur// sngags dang phyag rgya'i dbang la re mi 'jog/ rdzas dang mtshan ma'i dbang la sems mi 'chags// rang rgyud dag pas mtshan ma'i lha mi bsgom// gza' dang rgyu skar dus tshigs rim pa med// kye ston pa'i rgyal po nga yis rtogs pa ltar// sku gsum ston pa gsum gyis ma rtogs pas// rang bzhin bcu yi don la bsgribs pa'i

  188. 95a

    phyir// kun byed nga yi rang bzhin rtogs pa med// kye ston pa'i ston pa kun byed rgyal po ngas// 'khor gyi dang po sku gsum ston pa las// rang bzhin ma bcos ji bzhin lung phog pa// mtshan ma'i 'jig rten lha la rten mi 'cha'// tshogs la mi rten dbang la rag ma lus// skye med rig pa'i dbang la kun rdzogs pas// ma btsal bde bar bzhag pas don kun rdzogs// kye nga ni ston pa kun byed rgyal po ste// sku gsum ston pa nga yis bkod pa yin// des bstan bcos kyang nga yis bkod pa yin// rang nyid rang la dgod pa bya mi dgos// kye de ltar kun byed rang bzhin gang rtogs pas// thams cad kun byed rang bzhin de rtogs pas// kun byed nga yi rang bzhin rtogs gyis la// mtshan 'dzin zhen pa'i dbang la ma rten cig/ ces gsungs so// byang chub kyi sems kun byed rgyal po las rang 'byung rtogs pa'i dbang gi le'u ste drug cu gsum pa'o// // de nas byang chub kyi sems kun byed rgyas pos lam la bgrod du med par rtogs pa 'di gsungs so// kye ston pa'i ston pa kun byed rgyal po yi// rang bzhin ma skyes gcig tu gnas pa la// skye med mngon du rtogs par dka' ba'i phyir// 'khor gyi dang po ston pa sku gsum gyis// rang rang dga' ba'i lam la gzud pa'i phyir// lam gyi khyad par bgrod du yod par bstan// blo

  189. 95b

    chung brgyud nas don la 'dren pa'i phyir// drang ba'i lung du nga yis rtogs pa yin// kye tshogs dang sbyor lam mthong lam bsgom pa'i lam// mthar phyin rim pa bskal pa brgya phrag dang // tshe gsum bdun sogs dus der 'grub par rtogs// de yis nga yi lam 'di rtogs mi 'gyur// kye kun byed rgyal po nga yi lam bshad pa// nga nyid skye ba med pa'i rang bzhin la// 'jug dang mi 'jug tshig las shin tu 'das// de phyir lam la bgrod du med par rtogs// lam lngar snang ba rnam rtog mtshan ma'i grangs// nga nyid mtshan ma'i yul las 'das pa'i phyir// mtshan ma'i lam gyis bgrod du med par rtogs// kye kun byed nga yi lam la rim med de// skye med thig le chen por gcig pa'i phyir// gcig gi rang bzhin rtogs pa de yi phyir// lam la bgrod med gcig tu rtogs pa yin// kye ston pa'i ston pa kun byed rgyal po nga // nga la 'jug pa'i rim pa'i lam med de// rang 'byung ye shes dus gcig rdzogs pa'i phyir// ma 'grod rang bzhin bzhag pas phyin par 'gyur// de phyir sems dpa' rdo rje khyod nyid kyis// nga la rim par bgrod par ma byed cig/ kye nga ni mtha' bral nam mkha'i rang bzhin te// nam mkha'i mtha' la bgrod cing tshi chad ltar// nga yi rang bzhin lam gyis bgrod 'dod pa// tshe tshad nang du de las che ba med// de phyir sems dpa' rdo rje

  190. 96a

    rtogs nas kyang // khyod kyis 'khor gyi nang du lung ston cig/ da ltar nga yi rang bzhin lung bstan pas// kun kyang nga yi rang bzhin nyid rtogs 'gyur// 'jig rten mtshan ma'i lam la zhen mi 'gyur// rnam grangs tshig gi lam la rtsod mi 'gyur// ma bcos bder bzhag rtogs pas pha rol phyin// kun gyi snying po'i lam dang phrad par 'gyur// kye nga ni kun byed chos kyi gzhi ma ste// lam lnga sa bcur ston pa'i sku gsung yang // nga yi rang bzhin mngon du bstan pa yin// de ltar khyod kyis legs par rtogs par gyis// ma bcos bgrod med kun byed kun gyi lam// su zhig bgrod pas byang chub don mi rtogs// kun byed nga yi rang bzhin rtogs mi 'gyur// de bas bgrod du med pa'i don la rtogs// zhes gsungs so// byang chub kyi sems kun byed rgyal po las lam la bgrod du med par rtogs pa'i le'u ste drug cu bzhi pa'o// // de nas byang chub kyi sems kun byed rgyal pos sa la sbyang du med par rtogs pa 'di gsungs so// kye sems dpa' rdo rje don 'di legs par rtogs// ston pa'i ston pa kun byed rgyal po yis// sa la sbyang du med par bstan pa ni// kun gyi yul min brtag par rab tu dka'// kye nga las byung ba'i ston pa sku gsum gyis// dman pa'i rim pa bgrod cing sbyangs pa'i phyir// rnam rtog grangs la dga'

  191. 96b

    ba'i gang zag la// sa yi rnam grangs bcu dang drug tu bstan// bstan pa de bzhin 'khor gyis de ltar rtogs// rnam rtog blo yi grangs la snang bar zad// kye sa drug grangs kyi rang bzhin bstan pa ni// kun tu 'od dang rdo rje 'dzin pa dang // rdo rje 'chang dang stug po bkod pa dang // pad+ma spyan dang rdo rje sems dpa'i sa// rim bgrod rnal 'byor don du gsungs pa ste// lha dang ting 'dzin khyad par re re gsungs// kye ston pa kun byed rgyal pos bstan pa// ji ltar snang ba'i chos rnams ma lus pa// skye med chos kyi dbyings su gcig pa'i phyir// sa yi khyad par med de gcig tu rtogs// kun byed nga yi sa la ma sbyar na// rtog pa'i sa yi/ rnam grangs kun thob kyang // so so rang gi rnam rtog snang ba las// kun byed nga dang phrad par lung mi ston// kye kun byed rgyal po sa yi rang bzhin ni// ma bcos ma sbyangs rig pas lhun rdzogs sa// sbyangs shing bgrod kyang don dang mi phrad kyi// rang bzhin rtogs pas dus gcig rdzogs par byed// kye theg gcig kun byed byang chub sems kyis// skye med khyab pas rtogs pa'i rang bzhin ni// gang ltar bgrod pa nam mkha'i mtha' tshol 'dra// ma bgrod rang bzhin bzhag pas grol bar ston// kye ston pa'i ston pa kun byed rgyal po nga // sa yi ngo bor nga nyid shar ba'i phyir// nga yi sa la mtho dman rim pa med// kun byed nga

  192. 97a

    yi sa 'di rtogs par gyis// nga nyid kun gyi mdun du mngon phyung yang // sku gsum 'khor gyis rnam rtog grangs su rtogs// kun byed rgyal po'i dgongs pa zab mo yang // gang ltar bltas pas mthun par lung mi ston// kye nga yi 'khor gyi dang po sku gsum gyis// rang rang mos pa'i 'khor la chos bstan pa// sku gsung thugs kyi theg pa re re dang // sa re lam re 'bras bu re re bstan// kun byed nga yis lam ma rtogs na// rnam grangs sa des nges pa'i lam mi rnyed// des na sems nyid kun theg sems kyi sa// rtsa ba'i sa la brtan par rtogs par gyis// sa yi rang bzhin snang med 'di rtogs na// kun byed byang chub sems kyi sa la gnas// zhes gsungs so// byang chub kyi sems kun byed rgyal po las sa la sbyang du med par rtogs pa'i le'u ste drug cu lnga pa'o// // de nas byang chub kyi sems kun byed rgyal pos skrod pa blang dor med par rtogs pa 'di gsungs so// kye nga ni ston pa kun byed rgal po ste// nga las byung ba'i ston pa skra gsum gyis// la las dge smad sdig pa dor bar rtogs// la las gtsang sgre blang dor gnyis su rtogs// la las gtsang smre gnyis ka spyad par rtogs// spyad dang ma spyad med pa'i don ma rtogs// gang dag spyod pa 'di la gnas pa ni// rang rang gnyen po'i rtogs pa byed pa yis// dmigs pa yid

  193. 97b

    la sbyangs pa rtogs par 'gyur// blang dor med pa'i spyod pa rtogs mi 'gyur// kye kun byed rgyal po'i spyod pa bstan pa ni// dge sdig blang dor gtsang sme che chung kun// skye med byang chub sems su kun gcig pas// blang dang dor ba med pa'i don du rtogs// gtsang dang mi gtsang med pa nyid du rtogs// spyad dang ma spyad gnyis su med par rtogs// mtha' dang dbus su 'byed pa med par rtogs// gzhi rtsa skye med byang chub sems su rtogs// kye kun byed rgyal po'i spyod pa bstan pa ni// gang ltar spyad pa de ltar mi 'gal te// byas dang ma byas gnyis ka skye med pas// shes pas gang ltar spyad pa skye med don// kye kun byed rgyal po nga yi spyod pa la// mkha' ltar gnas pas grangs dang tshad gzung med// gnyis su med pas min yin phyogs las 'das// kun byed byang chub sems kyi spyod par rtogs// 'dod pa lnga yang sems kyi spyod par rtogs// chags sdang lnga yang sems kyi spyod par rtogs// rgyan gyi rgyu lnga sems kyi spyod par rtogs// khams gsum srid gsum sems kyi spyod par rtogs// skye med ma rtogs pa yi spyod pa ni// rgyal ba kun gyi mes po ngas ma bshad// kye de phyir sems dpa' rdo rje khyod kyis ni// kun byed nga yi spyod pa 'di rtogs la// blang dor med par kun gyis rtogs pa'i phyir// nga yi 'khor gyi nang du lung ston cig/ kun byed nga

  194. 98a

    yi spyod pa ma rtogs par// sku gsum ston pa'i 'khor la gang zhen pas// 'jig rten log pa'i lha spyod la 'chol nas// blang dor med pa'i spyod pa rtogs med byed// kye ston pa'i ston pa kun byed rgyal po yis// 'khor gyi nang du spyod pa'i lung bstan pa// ma chags blang dor med pa'i spyod pa yis// thams cad skye med mnyam par rtogs lung bstan// sems dpa' rdo rjes 'khor la lung bstan pas// 'khor kyang blang dor med par rtogs par 'gyur// 'khor dang mya ngan 'das pa'i chos rnams ni// skye ba med pa nam mkha'i rang bzhin ltar// nga dang khyod kyis rtogs pa ji lta bar// khyod kyis 'khor gyi nang du lung ston cig/ snga bar lung bstan thos pa la brten nas// rtogs pas kun byed nyid la gnas par 'gyur// zhes gsungs so// byang chub kyi sems kun byed rgyal po las spyod pa blang dor med par rtogs pa'i le'u ste drug cu drug pa'o// // de nas byang chub kyi sems kun byed rgyal pos ye shes rang la sgrib pa med par rtogs pa 'di gsungs so// kye ston pa'i ston pa kun byed rgyal po ngas// ji ltar 'dul ba'i thabs su bstan pa'i phyir// nga las byung ba'i ston pa sku gsum gyis// sgrib pa bsal zhing ye shes bsgrub par rtogs// sku gsum ston pas 'khor la de ltar bstan// 'khor gyis go zhing rtogs pa de

  195. 98b

    bzhin te// rang rang mos pa'i don la zhen pa'i phyir// kun byed nga yi 'khor du 'du mi byed// kye kun byed nga yis 'khor la lung phog pa// ji ltar snang grags gnas pa'i chos rnams kun// ma skyes de bzhin nyid du kun gcig phyir// sgrib dang mi sgrib chos su gnas mi byed// de phyir ye shes sgrib par nga ma 'byed// sgrib dang mi sgrib chos su ris mi lta// mthar thug med pa'i don la grangs mi bgrang // rgyu dang 'bras bus snying po'i don mi skyed// kye ston pa kun byed rgyal po nga yi bka'// sku gsum ston pa'i lung dang mi mthun pas// skye med gcig la mtshan ma'i grangs mi bgrang // yul shes mi blta gnyen po'i tshogs mi bsnyen// rig dang ma rig skye med dbyings gcig pas// gcig la gnyis 'dzin mtshan ma'i grangs mi 'debs// rnam par mi rtog 'du shes nang mi 'jog/ res 'jog ma yin dus gcig kun mkhyen pas// de ltar sems dpa' rdo rjes rtogs par gyis// kye ston pa kun byed nga yi ye shes nyid// bgrang du med la bgrang na mtha' las 'das// che ba re la ye shes grangs bstan pas// brjod pas de dag mi rdzogs lung bstan to// kye kun byed rgyal po nga yi ye shes ni// rnam par mi rtog spros pa kun dang bral// rab zhi gdul med mkha' ltar gnas pa ste// skye ba med pa zhes su bstan pa yin// rang 'byung ye shes gcig las ma

  196. 99a

    g.yos kyang // rnam pa'i khyad par ma bcos so sor gsal// de ltar gang gis rig cing rtogs pa nyid// kun byed rgyal po'i sras su lung bstan to// ye shes skye med rtogs pa ji lta bar// sems dpa' rdo rjes de ltar rtogs par gyis// kye nga ni ye shes kun byed rgyal po ste// ma rig pa yi lta ba sel bar byed// sgrib pa'i dra ba ma lus gcod byed cing // ye shes snang ba rgyas par mched par byed// kun byed nga ni rang 'byung ye shes te// nga las ma byung ye shes gcig med pas// ye shes ma lus nga yis bkod pas na// nga ni ye shes rgyal po zhes su bshad// nyon mongs ye shes gsal bar byed 'dod na// kun byed nga yi lung ni rtogs par gyis// zhes gsungs so// byang chub kyi sems kun byed rgyal po las ye shes bsgrib pa med par rtogs pa'i le'u ste drug cu bdun pa'o// // de nas byang chub kyi sems kun byed rgyal pos lhun grub btsal du med par rtogs pa 'di gsungs so// kye ba ni ston pa kun byed rgyal po ste// nga ni lhun grub btsal du med pa yin// nga yi rang bzhin khyod la bstan par bya// khyod kyis nga yi don la legs rtogs shig/ kye nga ni ston pa kun byed rgyal po ste// nga las byung ba'i ston pa sku gsum gyis// nga yi rang bzhin shin tu rtogs dka' bas// so so'i thabs kyis btsal du yod par bstan/ de yang ji ltar

  197. 99b

    nges par bstan zhe na// la la bden pa bzhi yi lam zhugs nas// nyon mongs ye shes spong len rtsol bar bstan// la la rten 'brel lam la zhen pa yis// nyon mongs ye shes dgag bsgrub rtsol bar bstan// la la bden pa gnyis kyi lam la 'jug byas nas// sbyangs shing rtsol bas 'bras bu thob par bstan// la la gzung 'dzin bya ba'i rtsol ba yis// grub pa ltar gsal tshul du gnas par 'dod// la la las dang ting 'dzin rtsol ba yis// blang dor sgo nas 'bras bu thob par 'dod// la la ting 'dzin rnam gsum rtsol ba yis// blang dor byas pas 'bras bu thob par 'dod// la la ting 'dzin 'phro 'du'i rtsol ba yis// blang dor med pa'i 'bras bu thob par 'dod// la la rgyu 'bras ting 'dzin rtsol ba yis// sku gsung rdo rje sems dpa'i 'bras bu thob// kye 'di dag btsal zhing bsgrub pa'i 'bras bu yis// kun byed nga yi rang bzhin rtogs mi 'gyur// kye kun byed rgyal po nga yi rang bzhin ni// kun la khyab kyang mi rtogs mchog tu gsang // nga yi rang bzhin ma mthong gsang ba'i phyir// rtsol sgrub can gyi theg pas skur btab pas// bskal pa bye ba khrag khrig yun ring du// ngan 'gro tha ma'i gnas su de skyes nas// bde ba bral zhing dbang po ma tshang zhing // snying po'i don dang bral zhing bskal par 'gyur// kye nga ni ston pa kun byed byang

  198. 100a

    chub sems// nga ni mtha' ltar yongs su khyab pa'i phyir// kun dang 'brel zhing yongs kyi don byed pas// btsal zhing bsgrub pa yod par lung mi ston// nga yi don 'di khyod la bstan pa yis// btsal zhing bsgrub tu med par nges par rtogs// sems dpa' rdo rjes ji ltar rtogs pa de// nga yi 'khor la khyod kyis lung ston cig/ kye nga ni ma btsal lhun gyis grub pa'i phyir// ji ltar rtogs pa khyed la lung bstan pas// khyed kyis chos kun pa ltar rtogs par 'gyur// de nas rtsol bsgrub med par dbugs phyin pas// kun byed rgyal po nyid du lung bstan to// de bas sems dpa' rdo rje dam pa yis// ma bcos bskal par sbyangs pa'i skyes bu la// 'bad rtsol med par sa la gzhag pa'i phyir// btsal bsgrub med par rtogs par lung ston cig/ ces gsungs so// byang chub kyi sems kun byed rgyal po las lhun grub btsal du med par rtogs pa'i le'u ste drug cu brgyad pa'o// // de nas byang chub kyi sems kun byed rgyal po la sems dpa' rdo rjes 'di skad ces bsgrags so// kye khyod ni kun byed rgyal po ste// ji ltar snang ba'i chos rnams kun// byed pa'i rgyal po khyod kyis byas// ma lus khyod kyis kun byas kyang // byed pa'i rgyal po khyod nyid la// bya mi dgos te gdod nas grub// dus gsum sangs rgyas khyod

  199. 100b

    kyis byas/ khams gsum sems can khyod kyis byas// rgyud drug lam lnga khyod kyis byas// skye bzhi 'gro lnga khyod kyis byas// ston pa gsum yang khyod kyis bkod// bstan pa gsum yang khyod kyis bkod// sdud pa gsum yang khyod kyis bkod// dus gsum 'khor yang khyod kyis bkod// rang 'byung lnga yang khyod las byung // rgyan gyi rgyu lnga khyod kyis bkod// rang bzhin bcu yang khyod kyis bstan// kun byed rgyal po byang chub sems// mdo lung kun gyi ngo bo khyod// bstan pa'i me long mun sel sgron// 'khor gyi mun pa sel mdzad pa// khyod ni rgyal ba kun gyi mes// rang 'byung thabs mchog kun gyi yab// 'byung gnas shes rab kun gyi yum// spros pa med cing zhi ba med// ngag las 'das shing snying po med// mkha' ltar dag cing spyod yul 'das// kun gyis rtogs par bya ba'i yul// sgro skur 'das pa chos kyi dbyings// thog ma mtha' ma dbus las 'das// 'khor lo 'byung gnas snying po can// rin chen pad+ma'i snying po ltar// yid 'phrog tshim pa med pa'i sku// theg pa'i snying po dag gi rgyan// sku gsung thugs la mtshan med de// bdag gis rtogs dka'i don rtogs pas// rgyal ba kun gyi yang mes po// kun byed rgyal po khyod la 'dud// ces bstod cing bsgrags so// de nas byang chub kyi sems kun byed rgyal pos sems dpa' rdo rje la 'di skad ces

  200. 101a

    pa bsgrags pa mdzad do// e ma ho sems dpa' rdo rje'i sku// rgyal ba kun gyi'ang sku gsung zugs// gsang ba'i mdzod la mnga' brnyes shing // smra ba'i seng ge bla na med// dam pa'i gsang ba rtogs pa'i thugs// gsang ba rgya mtsho sgrogs pa'i gsung // yon tan lhun grub rdzogs pa'i sku// khyod ni rgyal ba'i sras po ste// kun byed rgyal po nga nyid ltar// rgyal ba kun gyi mes po gyis// sa khams rnams kyi mun sel gyis// rnal 'byor rnams kyi bla ma gyis// gsang ba kun gyi rgyal po ste// bstan pa phyi ma gsang ba 'di// rnal 'byor pa la lung ston cig/ ces gsungs so// byang chub kyi sems kun byed rgyal po las rtogs pa bsgrags shing bstod pa'i le'u ste drug cu rtsa dgu pa'o// // rgyud phyi ma zhes bya ba mdo lung bcu gnyis pa rdzogs so// // de nas byang chub kyi sems kun byed rgyal pos chos thams cad skye ba med par mnyam pa la gzigs shing dgongs nas cangad yang mi gsung bar bzhugs so// de'i tshe sems dpa' rdo rje de nyid kyang ston pa de ltar gyur pa yang rig/ chos thams cad skye ba med par rtogs pa la dgongs nas cad yang mi smra bar 'khod do// de nas phyogs bcu nas lhags shing 'khod pa'i 'dus pa phal mo che dag gis de ltar rtogs nas sems dpa' rdo rje la 'di skad ces bskul

  201. 101b

    lo// yang dag par bskul to// nges pa dam par bskul to// e ma ho// sems dpa' rdo rje chen po bdag cag la phan gdags pa'i slad du rtogs pa'i don la ji ltar bsgom pa de ston pa la zhu ba'i dus la bab bopo// nges par dus la bab bo zhes bskul bas sems dpa' rdo rje de dga' ba'i mdangs dang bcas te dang zhing mos pa'i mdangs phyung nas stan las langs te ston pa'i mdun du 'di skad ces zhus so// kye ston pa'i ston pa kun byed rgyal po lags/ khyod kyi mdun du bdag 'dus 'khod pa de// bdag 'tshal ba yi don ni ci zhig mchis// bdag 'tshal don ni khyod kyis bstan du gsol// zhes zhus pa las byang chub kyi sems kun byed nyid cang yang mi gsung bar bzhugs te sems dpa' rdo rjes 'di skad ces zhus so// kye ston pa'i ston pa kun byed rgyal po lags// chos sku skye med thig le'i rang bzhin la// ston pa gsum po nyid kyis ji ltar bsgom// bstan pa gsum du nyid kyis ji ltar bsgom// sdud pa gsum du nyid kyis ji ltar bsgom// 'khor gnas dus kyi rang bzhin ji ltar bsgom// chos rnams kun gyi don la ji ltar bsgom// bsgom pa'i lung bcu bdag la bstan du gsol// zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' rdo rje don la da sgoms shig/ bsgom du

  202. 102a

    med pa'i chos nyid byang chub la// sgom dang bsgom par bya ba gnyis med na// ma bsgoms rang bzhin bzhag na bsgom pa yin// don ni kun don skye ba med pa ste// rnam rtog mtshan ma de bzhin rig byas nas// dran bsam yid la rgyu ba ma lus kun// skye ba med pa'i ngang las ma yengs pa// gang ltar bsams kyang sgom pa yin shes na// ma bsgom gang ltar bzhag kyang yengs pa med// kye nga la byung ba'i ston pa sku gsum gyis// mtshan ma bsgom la dga' ba'i gang zag la// rang rang gang ltar 'thad pa'i lung bzhin du// bsgom du yod ces kun la lung du bstan// kye nga ni ston pa kun byed rgyal po la// ston pa rang 'byung rig pa'i ye shes las// ma bsdus ston pa gsum yang de la 'dus// ston pa de la ma bsdus ston pa de la 'dus// ston pas de la bsgom du med par bstan// bstan pa brjod bral rig pa mtshon 'das la// bstan pa gsum yang de la 'dus te gnas// ma bcos rig pa'i gzhal yas 'og min na// gzhal yas gsum yang de la 'dus par bshad// ji ltar snang ba'i chos rnams thams cad kun// snying po byang chub sems la kun 'dus pas// 'khor gsum dus gsum kun du 'dus par bshad// ma bsdus rang bzhin 'du ba'i ye shes ni// sdud pa de las gzhan pa yod ma yin// ma bsgom rang bzhin bzhag pa'i lung

  203. 102b

    'di la// bsgom du yod dang med pa'i lung mi ston// re dogs sgro skur 'dzin pa'i sems mi 'jog/ ces gsungs so// byang chub kyi sems kun byed rgyal po las bsgom du yod med bstan pa'i le'u ste bdun cu pa'o// // de nas byang chub kyi sems kun byed rgyal pos lta ba sgom med kyi dgongs pa 'di gsungs so// kye nga ni ston pa kun byed rgyal po ste// nga las byung ba'i ston pa sku gsum gyis// mtshan ma rtog pas 'dul ba'i gang zag la// mtshan ma rtog pa'i ting 'dzin grangs su bstan// la las zhi ba'i ting 'dzin sgom par byed// la las zab mo'i ting 'dzin sgom par byed// la las zhi gnas lhag mthong 'brel ba yi// bdag med ting nge 'dzin la gnas par byed// la la mtshan ma dag pa la brten nas// mtshan ma rje dang 'bangs su dmigs par byed// la la lta spyod 'brel med la brten nas// 'brel ba'i ting nge 'dzin/ la gnas par byed// la la mtshan med don la brten byas shing // mtshan ma'i ting nge 'dzin la gnas par byed// la las rang rgyud dag pa la brten nas// rnam gsum 'phro 'du'i don la gnas par byed// la la rgyu 'bras dag pa gtsor byas nas// 'od kyi ting nge 'dzin la gnas par byed// 'di dag mtshan ma grangs kyi ting 'dzin te// ston pa kun byed rgyal pos lung ma bstan// kye ston pa kun byed nga yis lung bstan

  204. 103a

    pa// ma lus skye med rnam dag ting 'dzin te// bsgom dang mi sgom rkyen la rag ma lus// bsgom bya ji ltar snang ba'i chos rnams kun// gang du ji ltar bzhag pa'i tshul med par// ma btsal rang sar bzhag pas bsgoms pa yin// kye bsgom du med pa'i man ngag 'di dag la// tshig dang sgra las 'das pa'i don yin phyir// snga rabs kun byed rgyal pos lung ma bstan// phyi rabs kun byed rgyal pos lung mi ston// da ltar kun byed rgyal pos lung bstan med// kye ston pa'i ston pa kun byed rgyal po yis// ma nor dgongs pa'i don la lung bstan pa// sgro skur 'das pa don gyi snying po la// bsgom dang mi sgom mkha' la rtsod pa 'dra// rtogs pa'i don las ma yengs dgongs pa ste// dngos po ma yin dngos po med ma yin// phyogs min phyogs las 'das pa ma yin par// bsgom dang mi sgom phyogs la gnas mi byed// kye ston pa'i ston pa kun byed rgyal po ngas// bsgom dang mi sgom mtshon par mi nus ltar// snying po don la gnas pa'i rnal 'byor dang // sems dpa' rdo rje de la gnas par bya// kye dus gsum ston pa kun byed rgyal po yis// skye med byang chub sems kyi dgongs pa la// ming dang tha snyad tshig tu 'di'o zhes// ma bstan mi ston bstan par mi mdzad do// lta ba bsgom du med par don rtogs na// bsgom dang mi sgom res 'jog log

  205. 103b

    pa'i lam// dam pa'i dgongs pa skye med thugs chud na// dam pa de la log dang ma log med// kye kun byed rgyal po nga yis lung phog ltar// ma bsgoms bsgom du med par rtogs goms nas// skal ldan rnal 'byor gang zag su yang rung // kun byed rgyal po nyid du lung bstan to// zhes gsungs so// byang chub kyi sems kun byed rgyal po las// lha sgom dbyer med pa'i le'u ste bdun cu gcig pa'o// // de nas byang chub kyi sems kun byed rgyal pos bsrung du med pa de bzhin nyid du gnas pa 'di gsungs so// ston pa'i ston pa kun byed rgyal po yis// rnam rtog mtshan ma'i lam la gnas pa'i bar// bsrung dang mi srung khyad par gnyis mthong ba// rtsa ba yan lag bcas pa bsrung bar bstan// kye kun byed nga ni ye nas de bzhin nyid// de bzhin nyid la gzung 'dzin med pa'i phyir// chos rnams de ltar gang gis rtogs pa la// bsrung dang mi srung 'du shes 'jug pa med// kye nga ni ma bcos kun byed byang chub sems// gnyen po mi bstan yul la 'jug mi byed// rang 'byung lhun grub rig pa'i dam tshig la// 'da' nyams med pas ched du bsrung ba med// rang rig ma nor blo yi tshad ma yis// ma bcos snying po'i don la 'jug par byed// skye med thugs su chos kun ro gcig pas// 'jug dang mi 'jug mtha' la nga mi gnas// kye sems

  206. 104a

    dpa' rdo rje don la goms par gyis// dgongs don gsang ba'i rig pa ma shar na// tshig dang sgra la 'dzin pa'i goms pa dag/ kun byed nga yi lung dang phrad mi 'gyur// bsrung du med pa'i dam pa'i dgongs pa 'di// kun du ye nas ma bsrungs gnas pa la// kun byed nga yi dgongs pa ma goms na// ji ltar bsrungs pa tshe chad nad du 'gyur// kye kun byed nga yi dgongs pa'i dam tshig ni// ma yengs dran pas dngos po ye shes su// ma bcos sus kyang ma byas rang 'byung ste// rig pas dbang bskur bsrung dang mi srung med// ji ltar snang ba'i chos rnams thams cad kun// rang 'byung snying por gsal bas dbang bsgyur bas// kun byed rgyal pos byas pa'i chos rnams la// rig dang ma rig gnyis ka'i yul las 'das// kye ston pa'i ston pa kun byed rgyal po yis// bsrung dang mi srung yul las 'das pa ltar// sems dpa' rdo rjes don la goms byas nas// nga yi 'khor la de ltar lung ston cig/ nga yi 'khor la de ltar lung bstan na// bya ba'i 'du shes lam las grol bar 'gyur// skye ba med pas kun kyang zhi bar 'gyur// kun byed rgyal po nga yi thugs su 'gyur// kye nga ni kun byed rgyal po byang chub sems// nga la sgro dang skur pa'i yul med pas// gang la sems par ma byed bsgom ma byed// sgo gsum bcos par mi bya lhug par

  207. 104b

    bzhag/ gza' dang rgyu skar tshes grangs dus tshod med// yid la mi byed sngags dang phyag rgya bral// de bas kun byed byang chub sems nyid la// bsrung dang mi srung sa mtshams med par bshad// ces gsungs so// byang chub kyi sems kun byed rgyal po las// lha sgom 'dar med pa'i le'u ste bdun cu gnyis pa'o// // de nas byang chub kyi sems kun byed rgyal pos bya med rtsol ba dang bral bar rtogs pa 'di gsungs so// kye nga ni kun byed rgyal po ste// kun byed rgyal po nga yi dgongs pa ni// bsam pa'i yul las 'das pas bsgom du med// kye sems ni ji bzhin pa yi ngo bo ste// ji bzhin pa la 'chos par byed ma myong // rang 'byung ba la rgyu rkyen kun dang bral// sgo gsum btsal med lhug pa nyid du zhog/ gang zhig bya rtsol mtshan ma'i rjes 'brangs pa// kun byed nga dang phrad par mi 'gyur ro// kye ston pa'i kun byed nga yi phrin las ni// bya ba med pas rtsol ba'i las mi byed// dmigs pa med pas bsgom pa'i 'du shes bral// 'du 'bral med pas ma brjed yid la zhog/ byung tshor skye ba med pas gsal 'gyur nas// gang yang byas pa med par las kun grub// kye nga ni ston pa kun byed rgyal po ste// rgyal ba kun gyi phrin las ngas byas kyang // rang 'byung ye shes bya med rdzogs pa'i phyir// ji bzhin pa yi las la byed ma myong // ma btsal

  208. 105a

    ji bzhin nyid du sems dpa' zhog/ ji bzhin ma bcos rgyal ba'i dgongs pa la// sems dang sems las byung ba ci skyes kyang // de nyid skye med nyid du gnas shes na// bya rtsol mtshan ma'i 'du shes kun dang bral// kye sems dpa' rdo rje ji bzhin nyid sgoms shig/ rtogs pa rang sar grol ba'i lta ba la// ma yengs rang bzhin bzhag pas bya btsal med// kun kyang rang 'byung rang sar grol ba yin// kye sems dpa' rdo rje ji bzhin nyid sgoms shig/ rang lus mi bcos dbang po mi rtul te// ngag kyang mi gdams bya rtsol byar yang med// sems kyang gar gtad mi g.yo'i ngang la bzhag/ bya ba med pa'i phrin las 'di bsgoms pas// byas pa med par don kun rdzogs par 'gyur// kye ji bzhin rtsol bral bde ba chen po la// sgo gsum mi rtsol bcos shing dmigs mi byed// yid la mi byed mtshan ma'i rjes mi 'brangs// rang 'byung ye shes bde ba'i don la bzhag/ 'di ni rang 'byung 'od gsal dgongs pa ste// kun byed rgyal po'i dgongs pa'i phrin las so// kye sems dpa' rdo rje ji bzhin nyid sgoms shig/ ma bcos ji bzhin nyid la 'jug pa la// tshad ma mi dgos gnyen pos bcos mi dgos// rtogs pa'i don la ma bcos de bzhin zhog/ kye bya ba med pa'i rang bzhin las 'di la// sgo gsum rtsol ba byas pas zin mi

  209. 105b

    'gyur// kun byed rgyal po'i dgongs pa la gnas pas// nga yi dgongs pa phrin las lhun gyis grub// ces gsungs so// byang chub kyi sems kun byed rgyal po las ji bzhin pa la bya rtsol dang bral bar gnas pa'i le'u ste bdun cu gsum pa'o// // de nas byang chub kyi sems kun byed rgyal pos snying po 'du 'bral med par gnas pa 'di gsungs so// kye ji bzhin pa la sems dpa' rdo rje sgom// ston pa'i ston pa kun byed rgyal po yis// snying po dgod du med par bstan pa ni// ji bzhin gtso 'khor med pa'i don du bstan// kye rig pa'i rgyal po gsal bar dbang bsgyur bas// snying po rtsol bsgrub 'das pa'i bdag nyid de// rtogs pa ye shes mchog gis len par byed// 'di ni kun byed rgyal po'i dkyil 'khor yin// kye ston pa'i ston pa kun byed rgyal po yis// snying po sku yi dkyil 'khor bkod pa ni// ji ltar snang zhing gnas pa'i chos rnams kun// skye ba med pa'i chos dbyings dang la bkod// snying po'i don la blang dor med pa'i phyir// de yang kun byed nga yis bkod pa yin// kye ston pa'i ston pa kun byed rgyal po yis// snying po gsung gi dkyil 'khor bkod pa ni// ji ltar grags shing gnas pa'i chos rnams ni// skye ba med pa'i dbyings las gsung du bkod// snying po brjod du med pa'i gsung la 'dus// de yang kun byed rgyal pos

  210. 106a

    bkod pa yin// kye ston pa'i ston pa kun byed rgyal po yis// snying po rig pa'i dkyil 'khor bkod pa ni// ji ltar dran rig rtog pa thams cad kun// ma skyes kun byed nyid kyi don du rig/ kun byed nga yi sku gsung thugs nyid ni// ma bcos rnal du bzhag pa'i dkyil 'khor gsum// ma bkod dus gcig rdzogs pa'i don rtogs pas// lhun grub snying po don la 'jug par byed// kye sems dpa' rdo rje ji bzhin nyid sgoms shig/ rang 'byung snying po mchog gi dkyil 'khor la// sgo gsum lhug pas ji bzhin dang bzhag na// kun byed nga yi dgongs par gnas pa yin// snga rabs 'das pa'i kun byed rgyal pos kyang // dgongs pa rnal du bzhag pas don rdzogs la// ma byon dus kyi kun byed rgyal pos kyang // ma bcos rnal du bzhag pas don rdzogs 'gyur// da ltar bzhugs pa'i kun byed rgyal pos kyang // dgongs pa rnal du bzhag ste gnas pa yin// kye sems dpa' rdo rje chen po khyod sgoms shig/ nga yi 'khor du gtogs pa'i rnal 'byor pa// kun byed rgal po'i dgongs pa 'di nyid la// ma btsal rnal du bzhag par ston cig/ dgongs pa rnal du bzhag pa'i don 'di ni// kun gyi spyod yul min pas mi shes shing // mnyam par bzhag pas rtogs pa'i yul las 'das// kun byed rgyal po de la gnas par byed// ces gsungs

  211. 106b

    so// byang chub kyi sems kun byed rgyal po las snying po don la gnas pa'i le'u ste bdun cu bzhi pa'o// // de nas byang chub kyi sems kun byed rgyal pos rig pa dbang sgyur la gnas pa 'di gsungs so// kye sems dpa' rdo rje ji bzhin nyid sgoms shig/ rig pa'i rgyal pos gsal bar dbang sgyur nas// mtshan ma'i bde ba'i dbang la rag mi lus// rtogs nas mi rtog don la ji bzhin zhog/ kye kun byed rgyal po dbang thob rig pa na// dngos po ma bcos ji bzhin rtag tu shar// rgyu dang rkyen med zhi ba mchog gi lam// gzhi bzhag gang ltar bzhag kyang de nyid dang // kun byed rgyal po thabs chen rtogs pa'i dbang // kun kyang ji bzhin yul la 'jug pa na// skyon dang yon tan gnyi ga mnyam shes nas// 'jug dang mi 'jug don las shin tu 'das// kye kun byed rig pas dbang sgyur dgongs pa 'di// ngag gis sgraslar med dmigs pa'i yul las 'das// dran pa zhi zhing spros pa med pa ste// mkha' ltar khyab cing phyogs cha yongs kyis med// kye sems dpa' rdo rje de bzhin nyid sgoms shig/ bsgom dang mi sgom yul las 'das pa la// gnyis ka 'byung 'jug re dogs med pa yis// mnyam par mi 'jug don la sgom mi byed// dbang po dngos grub mi len bcos su med// kun byed rgyal po nyid la gus par gnas// kye ston pa

  212. 107a

    kun byed rgyal po nga nyid ni// rang 'byung sgom du med pa'i snying po ste// ye shes gsal ba bsgrub pa med pa yin// dbang ni rtogs pas re dogs bcad pa yin// 'di la nges par 'jug pa'i rnal 'byor pas// shin tu rnal 'byor rgyu 'bras 'das pa'i lung // ma bcos ye shes kun byed rgyal po la// gang ltar 'di ltar 'jog ces lung mi ston// snga bar ma gsungs phyis kyang mi gsung zhing // da ltar byung bar gsung bar mi mdzad do// kye ston pa'i ngo bo kun byed rgyal po yis// bsgom zhing bsam du med pa'i chos nyid la// ma bsams yal bar gnas pas 'khor ba nyid// btsal zhing bsgoms pas rtog pa'i mtshan ma'i lam// de bas re dogs bcas pa'i ting 'dzin ni// gnas pas grol bar kun byed lung mi ston// kye ston pa'i ston pa kun byed rgyal po yis// rtogs pas gnyi ga'i 'ching ba rab bcad nas// mi 'gal mnyam pa'i don la gnas byas pas// kun byed nga yi dgongs pa lhun gyis grub// kye gang gis 'ching ba de rtogs bcad byas shing // grol bar mi 'jug mya ngan 'das mi len// snying po'i don la phyogs ris dmigs mi 'dzin// don la mi sgom snying rje yul mi 'jug/ kye kun byed rgyal po nga yis gang bstan pa// sems dpa' rdo rjes don la goms par gyis// ye shes dran pas dbang sgyur rig pa'i ngang // 'di

  213. 107b

    ni kun byed rgyal por ngas lung bstan// zhes gsungs so// byang chub kyi sems kun byed rgyal po las rig pa dbang sbyar la gnas pa'i le'u ste bdun cu lnga pa'o// // de nas byang chub kyi sems kun byed rgyal pos snying po don gyi lam 'di gsungs so// kye sems dpa' rdo rje don la da sgoms shig/ snying po mi rtogs don gyi lam 'di la// nam mkha'i mtha' ltar gnas pas ma khyab med// skye med min pa med pas mi sgom med// rtog dpyod yul las 'das pas dmigs su med// snying po mtshan ma 'das pa'i yul 'di la// bgrod pa'i yul las 'das pas bgrod pa med// lam la mi bgrod sa la mi sbyong zhing // mi rtog bde la gnas pas lhun gyis grub// kye kun byed rgyal po nga yi lam nyid ni// chos kyi dbyings su gcig pas bgrod du med// snying po don dang 'grogs pas yengs pa med// thig le gcig tu 'dus pas gar mi 'gro// kye de yi don la sems dpa' rdo rje bsgom// bsgom du med pa'i don la ma bsgoms na// mtshan ma'i grangs la bskal pa brgyar bsgoms kyang // kun byed nga yi dgongs pa rtogs mi 'gyur// rnam rtog yul la mtshan ma'i grangs las 'das// kun byed bya mi dgos la byar yang med// bya ba mtshan ma'i rnal 'byor rjes zhugs shing // bya bas mi zin rtog pas rtog pa 'jil// chu las rnyog ma

  214. 108a

    bzhin te byas pas bslus// kye sems dpa' rdo rje don la legs par sgoms// nga ni ston pa kun byed rgyal po ste// dus gsum rgyal ba kun gyi lam 'dren pas// khyod kyang nga yi lam la legs par zhugs// 'das pa'i sangs rgyas skye med lam du zhugs// ma byon skye med lam la 'jug par 'gyur// da ltar sangs rgyas skye med nyid la gnas// des na kun byed rgyal po kun gyi lam// kye lam 'dir 'jug cing bsgom pa'i rnal 'byor pa// da lta nyid las rgyal ba'i sa la gnas// dgongs pa mi 'dzin phyogs ris gzung du med// snying po'i lam la 'jug dang mi 'jug 'das// kye rnal 'byor dus gcig 'jug pa'i skal ldan la// kun byed rgyal po'i dgongs pa bstan byas nas// rtogs pa'i rlung la dran zhing 'dris pa las// bsgom zhing 'jug tu med par lung ston cig/ kye nga ni ston pa kun byed byang chub sems// ma lus kun byas byang chub sems su byas// sems nyid skye ba med pa'i lam du byas// skye med bde ba'i lam la 'jug tu med// skal ldan rgyal sras dam par nges pa la// kun byed nga yi lam 'di goms byas nas// bgrod med rtsal med snying po'i don rtogs nas// kun byed rgyal po nyid du the tshom med// ces gsungs so// byang chub kyi sems kun byed rgyal po las snying po lam la gnas pa'i le'u ste bdun cu drug

  215. 108b

    pa'o// / de nas byang chub kyi sems kun byed rgyal pos don la sbyang du med pa 'di gsungs so// kye sems dpa' rdo rje rtogs pa'i don la sgoms// ston pa'i ston pa kun byed rgyal po yis// bsam gyis mi khyab nges pa'i dus bstan pa// snying po rtogs pa'i sa zhes bshad pa yin// bde chen nges pa'i dus su gang bstan pa// de ni goms pa'i sa zhes bshad pa yin// gzhan dag rtsol zhing spyod pa'i khyad par dag/ khams gsum 'khor ba'i snying po bsgrib pa'i sa// sa zhes bya ba gnas pa'i khyad par ste// gang la gang gnas de ni sa yin no// kye sku gsum ston pa'i sa la grangs bgrangs kyang // kun byed rgyal po'i sa la rim pa med// sa dang sa yi rim pa'i khyad par yod// ces pa sku gsum ston pas 'khor la bstan pa yin// kye ston pa'i ston pa kun byed rgyal po yis// mnyam nyid skye ba med pa'i rang bzhin la// thabs dang snying po rtogs pa'i gang zag gis// sgrib dang sa yi khyad par med par bstan// kun byed rgyal po nga yi rang bzhin ni// dus gsum 'byung 'jug mi byed yid la byed pa med// ris su mi lta mtshan ma'i yul mi tshol// kun byed rgyal po'i dgongs pa'i lung du bstan// kye kun byed rgyal po nga yi dgongs pa ni// tshig dang yi ges mtshon pa mi rnyed cing // sgra dang tshad mas gtan la dbab tu med// skye ba

  216. 109a

    med pas 'gag pa med pa yin// 'phel ba med cing yongs su 'grib mi byed// mtshan ma min zhing de nyid min pa'ang min// kye ston pa'i ston pa kun byed rgyal po ngas// ji ltar snang ba'i chos rnams thams cad kun// skye ba med pa'i ngo bor byin brlabs pas// rtogs pa de nyid ngang du ldog par 'gyur// kun byed rgyal po nga yi byin rlabs kyis// sems dpa' rdo rjes ji ltar rtogs pa ltar// phyi rabs kun byed lung la dad pa la// dngos po skye ba med par byin rloms shig/ de ltar bsgom du med pa'i snying po la// ma yengs dran pas bzung ba man ngag yin// kun byed rgyal po byang chub sems 'di la// bshad pas ma yin tshigs su bcad pas min// bsgoms pas ma yin ma bsgoms pas kyang min// snying po sngags dang phyag rgya kun las 'das// kye kun byed rgyal po nga yis bstan pa'i sa// ma lus 'di la brten pas len med// phyogs cha med par khyab pas che chung med// chos kyi dbyings su gnas pas rtog dang mi rtog med// de phyir dus gcig gnas pa'i sa 'di la// sems dpa' rdo rje legs par gnas par gyis// zhes gsungs so// byang chub kyi sems kun byed rgyal po las don la sbyang med kyi le'u ste bdun cu bdun pa'o// // de nas byang chub kyi sems kun byed rgyal pos mnyam pa la blang dor med pa'i

  217. 109b

    dgongs pa 'di gsungs so// kye ston pa'i ston pa kun byed rgyal po yis// skye med byang chub sems kyi rang bzhin la// ji bzhin ma bcos gnas pa'i dgongs pa la// blang dang dor ba yod par lung ma bstan// skye med rang bzhin sgros skur bral ba ste// blang dang dor ba sgro skur don du bstan// su zhig snying po'i don la zhugs pa yis// sgro skur 'das pa snying po'i don du bstan// gang yang bsam pa kun las 'das byed pa// blang dor med par rtogs par lung bstan to// kye sems dpa' rdo rje snying po'i don la sgoms// nga ni ma nor don gyi snying po la// blang dor rnam rtog bcos pa'i yul med de// rang bzhin bde ba mchog gis goms par byed// kun byed rtogs na snying por kun gnas pas// snying po'i don la blang dor lung ma bstan// skye zhing 'jig pa'i chos su'ang lung ma bstan// bzang ngan gtsang sme'i chos su'ang lung ma bstan// rtog dpyod bsam pa'i yul las 'das par bstan// kye sems dpa' rdo rje nges par bsgoms shig/ bsgom dang bsgom par bya ba'i yul nyid ni// ma bcos kun byed sems kyi rang bzhin la// bsgom dang mi sgom blo yi yul las 'das// kye kun byed rgyal po byang chub sems nga ni// nga yi 'khor du 'dus pa'i tshogs rnas la// blang dang dor ba'i chos nyid nga mi ston// gcig la gnyis su dbye ba'i

  218. 110a

    chos mi ston// rtog dang dpyod 'das rtog dpyod bsam mi byed// ma bcos ji bzhin pa la 'chos ma byed// bya ba gang btang ci snang chos nyid la// ma bsams rang bzhin bzhag pas grol bar ston// kye sems dpa' rdo rje chen po de sgoms shig/ blang dor med pa'i chos nyid byang chub la// mkha' ltar gnas pas lus sems bcos su med// 'du shes zhen 'dzin med pas bsgom du med// mkha' ltar rab zhi rnyog pa kun bral la// yul la mi 'jug dgongs pa'i dmigs 'jug bral// kye sems dpa' rdo rje legs par da sgoms shig/ dbang po yul la mi rtog sems mi sdud// gnyen po ma brten lus sems rgyud ma sbyongs// lus sems ma bcos snying po'i don du rtogs// kye kun byed rgyal po nga yi spyod pa ni// ma btsal lhug par gnas pas don kun rdzogs// snying po'i don du 'dus pas blang dor med// re dogs rnam par chad pas mya ngan 'das mi sgom// kun byed nga yi spyod pa gang rtogs pas// dus gsum skye med don du mnyam pa la// 'jug dang mi 'jug tshig las shin tu 'das// 'di ni blang dor med par lung bstan to// zhes gsungs so// byang chub kyi sems kun byed rgyal po las mnyam pa la blang dor med par bstan pa'i le'u ste bdun cu brgyad pa'o// // de nas byang chub kyi sems kun byed rgyal pos

  219. 110b

    rang 'byung snying po'i ngang la sgrib pa bsal du med pa'i dgongs pa 'di gsungs so// kye ston pa'i ston pa kun byed rgyal po yis// snying po sgrib med dgongs par lung bstan pa// ji ltar snang ba'i chos rnams ma lus pa// skye med chos kyi dbyings su kun gcig pas// skye med snying po thugs kyi rang bzhin la// sgrib dang mi sgrib khyad par bstan pa med// kye sems dpa' rdo rje legs par da sgoms shig/ skye med chos kyi dbyings su gcig pa la// sgrib dang mi sgrib spong len gang 'dod pa// dam pa'i snying po'i don dang 'gal bar 'gyur// kun byed byang chub sems kyis lung bstan pa// skye med bsgoms pas skye ba snying por gsal// mkha' ltar rtog dpyod 'das la gang gnas pas// sgrib dang mi sgrib byang chub sems su gnas// kye kun byed rgyal pos 'khor la lung bstan pa// ye shes sgrib med gsal ba'i don du bstan// rang 'byung rgyu rkyen med pa'i snying por gnas// rtogs pas sgro skur 'das pa'i dgongs pa yin// kye de phyir sems dpa' rdo rje da sgoms shig/ rang 'byung ye shes dmigs pa kun las 'das// rtogs pa dmigs pa'i don du gzhog mi byed// yul las 'das pas rnam shes srung mi byed// dngos po snying por gsal bas sgom mi byed// rnam pa snying por gsal bas re dogs med// kye ston pa'i ston pa kun byed rgyal po

  220. 111a

    yis// ma bcos 'khor gyi nang du lung bstan pa// ma bcos snying po chos kun rtsa ba la// ji ltar snang ba gtan la 'bebs par byed// snying po rang bzhin gcig gi don rtogs na// kun gyi rang bzhin kun byed nyid du 'dus// des na kun byed nga yi don mkhas na// bsam gyis mi khyab chos la mkhas par 'gyur// kun byed nga yi don la goms 'gyur na// kun gyi don la gnas shing goms pa yin// kye sems dpa' rdo rje legs par dade sgoms shig/ ji ltar snang grags chos rnams thams cad la// snying po rtogs goms don nyid gcig las med// snying po mngon du phyung nas gang bstan pa// rang bzhin skye ba med pa'i don du rtogs// ma yengs re dogs chad pas dgongs pa yin// kye sems dpa' rdo rje legs par da sgoms shig/ ji ltar snang ba'i chos su gang bstan pa// kun byed rgyal po mtshon pa'i thabs su bstan// thabs de'i lung dang 'gal bar ma byed cig/ kun byed nga yi sras su zhugs rnams kyis// kun kyang skye med don du rtogs 'gyur na// 'khor dang mya ngan 'das par mi sems te// snying po rang bzhin rtog dpyod bral bar bstan// zhes gsungs so// byang chub kyi sems kun byed rgyal po las mi sgrib pa'i le'u ste bdun cu dgu pa'o// // de nas byang chub kyi sems kun byed rgyal pos lhun grub re

  221. 111b

    dogs las 'das pa'i dgongs pa 'di gsungs so// kye sems dpa' rdo rje legs par da sgoms shig/ nga ni ston pa kun byed rgyal po ste// ji ltar snang ba'i chos rnams ma lus pa// skye med sems kyi rang bzhin nyid du bstan// kye sems kyi rang bzhin lhun gyis grub pa'i phyir// grub dang ma grub gnyis su lung mi ston// bde dang sdug bsngal gnyis su rtog mi byed// 'khor dang mya ngan 'das par re dogs bral// lhun grub sems kyi rang bzhin cir snang bas// ma byung stong pa'i don du sgra mi byed// gzhi rtsa snying po rtog dpyod las 'das pas// grub cing brtan pa'i phyogs su zhen mi byed// kye sems dpa' rdo rje legs par da/ sgoms shig/ lhun grub rtog dpyod 'das pa'i snying po la// grub dang ma grub don la rtog mi byed// de phyir khyod kyang rtogs par ma byed cig/ kye lhun grub bya rtsol 'das pa'i snying po la// gang zhig phyogs ldog med pa'i zhen pa ni// ji ltar nus pa mkha' la rtsod pa ltar// kun byed nga yi rang bzhin mthong mi 'gyur// gang gis gang spangs ldog par 'dod pa ni// re dogs 'jigs pa'i sems dang ma bral bas// mtha' bral mtha' la zhen pa'i gang zag gis// lhun grub snying po'i don la ji ltar reg/ kye sems dpa' rdo rje legs par da sgoms shig/ ma skyes rnam par dag pa'i don snang bas// snang ba dngos por mi lta 'jig mi

  222. 112a

    byed// snang ba skye ba med par rang grol bas// stong pa mi sgom ji bzhin rtogs pas grol// kye ston pa'i ston pa kun byed rgyal po ngas// ji ltar snang ba'i chos ni thams cad kun// ma skyes rnam par dag par lung bstan pas// ji ltar skye ba med po nyid du rtogs// kye nga las byung ba ston pa sku gsum la// sems nyid skye ba med par kun smra zhing // de bzhin med pa'i don la kun rtsod kyang // skye med mngon sum dus kyis rtogs pa med// de phyir kun byed rgyal po'i lung 'di la// shes nas ma yengs don la gnas pa las// rtsol bas mi 'jug gnyen pos sems mi spong // yul la mi 'jog dran pa'i sems mi sdud// gang ltar byung ba de nyid don yin pas// kun byed nga yi don la 'jug par gyis// kye ston pa'i ston pa kun byed rgyal po yis// ma bcos sems kyi 'khor la lung phog pa// ma lus skye med rtogs pa'i rnal 'byor pa// rang bzhin bcu las rtsol bar ma byed cig/ kun byed byang chub sems kyi rang bzhin la// shes pas gzung 'dzin mi shes spang med pas// rtogs pa dbang skur don la gnas pa yis// kun byed rgyal po'i dgongs pa lhun gyis grub// ces gsungs so// byang chub kyi sems kun byed rgyal po las lhun grub re dogs bcad pa'i le'u ste brgyad cu pa'o// // de nas byang chub kyi sems kun byed

  223. 112b

    rgyal po la sems dpa' rdo rjes 'di skad ces zhus so// kye ston pa'i ston pa kun byed rgyal po lags// ji ltar snang ba'i chos ni khyod kyis byas// bstan pa'i dam chos ma lus khyod kyis bkod// dam pa'i rang bzhin khyod kyis bstan pas na/ khyod kyi rang bzhin rtogs na chos kun rtogs// de bas kun byed nyid kyi rang bzhin 'di// 'dus pa'i tshogs kyis gsal bar ma rig pas// don du ji ltar gnas pa bshad du gsol// zhes zhus so// de nas byang chub kyi sems kun byed rgyal pos mdo lung rgyud la bsdu ba 'di gsungs so// kye sems dpa' rdo rje legs par nan tan gyis// ston pa'i ston pa kun byed rgyal po yis// 'khor la mdo lung bsdus pa 'di phog pa// legs par bstan pa'i don la nan tan gyis// kye nga yi rang bzhin skye med don gcig la// rgyud kyi rang bzhin rnam pa gsum du bstan// gdams pa rnam pa gsum gyi rim pa yis// rgyud ni rtsa ba'i rgyud dang phyi ma dang // phyi ma'i phyi mas don rdzogs bstan pa yin// kye rtsa ba zos pa'i rang bzhin bstan pa ni// nga yi rang bzhin lnga bcu rtsa bdun gyis// dngos po'i don kun gtan la phab pa ste// sems dpa' rdo rje legs par nan tan gyis// kye nga yi rang bzhin lnga bcu rtsa bdun ni// mngon du phyung ba'i mdo lung bcu po dang // nges par bstan pa'i mdo lung bcu po dang //

  224. 113a

    'bras 'das pa'i mdo lung bcu po dang // bya med rdzogs pa'i mdo lung bcu po dang // gtan la 'bebs pa'i mdo lung bcu dag dang // dgos ched so sor bstan pas lnga bcu lnga// gcig gis gzhi bstan gcig gis gdams pa bstan// kye ston pa'i ston pa kun byed rgyal po yis// mngon du phyung ba'i mdo lung bcu bstan pa// dang po dang ni bcu dang gnyis bstan pa// bcu gnyis pa dang gsum dang nyi shu pa// bcwa lnga pa dang nyi shu lnga pa dang // nyi shu rtsa gcig drug pas rdzogs pa yin// gdams ngag phog pas mngon phyung mthong ba'i phyir// bcu drug pa yis mngon phyung dgos pa bstan// kye ston pa'i ston pa kun byed rgyal po yis// nges par bstan pa'i mdo lung bcu bstan pa// bzhi pa sum cu gsum pa bcu gsum pa// bcu gnyis pa dang lnga dang sum cu gnyis// sum cu drug dang sum cu bzhi pa dang // nyi shu dgu dang bcu bdun pa yis rdzogs// nges par bstan pa'i dgos pa yid ches dag/ lnga bcu rtsa lnga pa yis bstan pa yin// kye ston pa'i ston pa kun byed rgyal po yis// rgyu 'bras 'das pa'i mdo lung bcu bstan pa// bzhi bcu gcig pa bcu bzhi sum cu brgyad// dgu pa dang ni so lnga bcu dgu pa// bcwa brgyad pa dang brgyad dang bzhi bcu dang // lnga bcu rtsa gnyis pa yis bstan pa yin// rgyu 'bras 'das pas rtsol sgrub bya mi

  225. 113b

    dgos// bdun pa nyid du nges par bstan pa yin// kye ston pa'i ston pa kun byed rgyal po yis// bya med rdzogs pa'i lung bcu bstan pa ni// nyi shu gnyis dang sum cu pa dag dang // nyi shu bzhi dang nyer brgyad nyi shu bdun// sum cu gcig dang nyer gsum nyi shu drug/ zhe bzhi lnga bcu drug pas bstan pa yin// ma byas rang bzhin rdzogs par bstan pa'i phyir// bzhi bcu gsum pas de yi dgos pa bstan// kye ston pa'i ston pa kun byed rgyal po yis// gtan la 'bebs pa'i lung bcu bstan pa ni// zhe brgyad pa dang sum cu dgu pa dang // bzhi bcu lnga dang so bdun zhe drug pa// zhe bdun pa dang zhe dgu nga gcig pa// lnga bcu pa dang lnga bcu gsum pas rdzogs// gtan la phebs na ma bcos bcos med pas// bzhi bcu gnyis pas dgos pa bstan pa yin// lnga bcu bzhi pas rtsa ba'i gzhi bstan nas// lnga bcu bdun pas gtad cing gdams pa ste// rtsa ba'i rgyud de thos par gces pa yin// kye ston pa'i ston pa kun byed rgyal po ngas// bsam pas gtan la phab ste bstan pa ni// rtsa ba'i rgyud du gsungs pa'i don rnams kyang // rdzogs pa'i rang bzhin bcu ru bstan pa'i phyir// rtogs pa'i mdo lung bcu ru bstan pa yin// kye ston pa'i ston pa kun byed rgyal po yis// bsgoms pas nges par 'byin par bshad pa ni// rang bzhin bcu ru dgongs pas bshad pa

  226. 114a

    yang // skye ba med pa'i don du bsdus te bstan// skye med rtogs pa'i don las ma yengs pas// bsgom pa'i mdo lung bcu ru bsdus te bstan// 'di las 'phro shing thams cad 'dir 'dus pas// kun gyi rtsa ba don gyi 'grel pa'i lung // kun byed nga yi sras su gyur pa la// ming gis don mtshon skye med rtogs phyir bstan// kye sems dpa' rdo rje legs par nan tan gyis// theg pa'i rtsa ba byang chub sems kyi lung // kun byed rgyal pos bsdus pa'i rtsa ba 'di// sems dpa' rdo rje legs par rtogs 'gyur na// rgyal ba'i rgyal ba kun byed rgyal por 'gyur// de phyir kun byed nga yi 'khor rnams la// sems dpa' rdo rjes don 'di lung ston cig/ skye med byang chub sems su lung ston cig/ 'khor 'das dbyings su gcig par lung ston cig/ rgyu 'bras dus gcig rdzogs par lung ston cig/ ces gsungs so// byang chub kyi sems kun byed rgyal po las dgongs don lde mig gi le'u ste brgyad cu rtsa gcig pa'o// // de nas byang chub kyi sems kun byed rgyal po la sems dpa' rdo rjes gus pa'i tshul gyis bstod pa// kye ston pa'i ston pa kun byed rgyal po khyod// dus gsum rgyal ba'i rang bzhin chos kyi dbyings// 'khor ba mi spong thugs rje phyogs ris med// ston pa kun byed rgyal po khyod la 'dud// kye ston pa'i ston pa

  227. 114b

    kun byed rgyal po khyod// 'das pa'i sangs rgyas kun byed khyod kyis byas// ma byon pa dang da ltar byed cing mdzad// ston pa kun byed rgyal po khyod la 'dud// kye ston pa'i ston pa kun byed rgyal po khyod/ khams gsum srid gsum byed mkhan khyod kyis byas// rang 'byung lnga dang rgyan gyi rgyu lnga dang // ye shes lnga byas kun byed khyod la 'dud// kye ston pa'i ston pa kun byed rgyal po khyod// sku gsum ston pa gsum yang khyod gyis byas// sku gsum thugs gsum ma lus kun byas pas// ston pa kun byed rgyal po khyod la 'dud// kye ston pa'i ston pa kun byed rgyal po khyod// sku gsum bzhugs pa'i gnas kyang khyod kyis byas// 'khor gyi dang po sdud pa'ang nyid las byung // ston pa kun byed rgyal po khyod la 'dud// kye ston pa'i ston pa kun byed rgyal po khyod// 'dus pa'i 'khor yang nges par khyod kyis byas// bstan pa gsum yang nges par khyod kyis byas// kun byed rgyal po nyid la phyag 'tshal 'dud// kye ston pa'i ston pa kun byed rgyal po khyod// zag med shes rab rtogs pa gsum bstan pas// 'khor gyi mun pa'i dkyil 'khor snang mdzad pa// kun byed rgyal po nyid la phyag 'tshal 'dud// kye ston pa'i ston pa kun byed rgyal po khyod// nyid kyi thugs gcig rang 'byung ye shes las// 'byung zhing sdud pa'i rtsa ba khyod nyid pas// chos kyi snying po khyod la phyag

  228. 115a

    'tshal 'dud// kye ston pa'i ston pa kun byed rgyal po khyod// ma rig pa yi lam ni bsal nas kyang // ye shes snang ba kun du mched par byed// ston pa kun byed rgyal po khyod la 'dud// kye ji ltar snang ba'i chos ni thams cad kun// rang 'byung nyid pas rgyu rkyen kun dang bral// ma bcos snying po ji bzhin gsal bas na// rang 'byung ye shes kun byed rgyal po nyid// ji ltar brtags kyang gting mtha' dbus med de// kun gyi 'byung gnas bsam pa'i yul las 'das// skye 'gag dmigs 'jug las 'das rnam par zhi// su zhig 'jug cing dmigs dang dad pa dag/ 'di la dman dang dam par dmigs med pas// mi rtsol bde la gnas shing dbugs phyin 'gyur// chos kyi rtsa ba kun byed rgyal po las// ji ltar gnas pa rtsol sgrub kun dang bral// zhes gsungs so// byang chub kyi sems kun byed rgyal po las rjes su bstod pa'i le'u ste brgyad bcu rtsa gnyis pa'o// // de nas byang chub kyi sems kun byed rgyal po la sems dpa' rdo rjes legs par 'dun nas zhus pa// kye ston pa'i ston pa kun byed rgyal po lags// ji ltar snang zhing grags pa'i chos rnams kun// rang 'byung ye shes gcig tu bstan pa'i mdo// chos kyi rtsa ba kun byed rgyal po'i rgyud// phyi rabs rnal 'byor gang dang gang dag las// bstan cing

  229. 115b

    gdams pa legs par bshad du gsol// zhes zhus so// de nas byang chub kyi sems kun byed rgyal pos skal ldan la gdams pa'i don 'di gsungs so// kye sems dpa' rdo rje legs par da nyon cig/ ston pa'i ston pa kun byed rgyal po ngas// ji ltar snang zhing grags pa'i chos rnams kun// ngas byas byed dang byed 'gyur snying po'i don// gzhi rtsa kun 'das snying po byang chub rgyu// dgongs pa mngon du phyung ba'i mdo lung 'di// dad dang dam tshig brtson 'grus che ba dang // snying rje yi rang skyo dang yid ldog med// lus dang bu dang chung ma bran dang nor// gang la'ang ma chags dad dang dga' bas 'bul// 'di dag dad dang dam tshig rtags yin pas// snying po'i don dang ldan pas sbyin par bya// grags pa spang zhing nga rgyal bral ba dang // dam pa snying po'i don phyir lus srog phangs pa med// bka' las mi 'da' rtags dang ldan pa la// snying po don dang skye med bstan pa sbyin// gang gis snying po'i bstan pa bdag thob na// 'jig rten mtshan mas bdag la ci bgyi ste// thob na bdag gis dka' ba sgrub bo zhes// dam bca' legs par gnas na bstan pa sbyin// ji srid bdag dang slob dpon 'tsho ba'i bar// lus dang srog gi 'brel ba ma mchis par/ khyod kyi bka' bzhin bsgrub ces gnas bor la// bstan pa'i snying po kun byed rgyal po

  230. 116a

    sbyin// mdor na lus dang srog kyang 'bul bya zhing // rdzas dang zhing yul rkang 'gros smos ci dgos// gal te bdag la dgos par ma gyur kyang // dam pas blangs te dkon mchog gsum la 'bul// kye ston pa'i ston pa kun byed rgyal po yis// snod min log pa'i gang zag bstan pa ni// grags dang 'jig rten chos la dga' ba dang // nga rgyal dam par mi bkur yid zung ldog/ 'phyar zhing rdzas dang da par mi ldan te// rang tshod nyams len btsan thabs 'dod pa dang // bstan pa yongs la 'phel zhing mi mthun zhing // sgro skur bdag gzhan gnod sems bsgom pa min// 'di la mi bstan mchog tu gsang bar bya// sngon du rtags dang dad pa brtag bya'i phyir// rin chen dbyig dang chas pas gus mnod kyis// chags sems nga rgyal gzhan sems ma nges la// de la kun byed rgyal po bstan mi bya// snying po'i don la dor mi gnas kyang // mi ma yin dag 'byung pos par gcod cing // mkha' 'gro grub pa can gyis gnyis ka la// dus min 'chi dang 'jigs pa'i dbang gyur nas// sgo skar dbang gis snying po'i theg pa nub// de bas rigs ngan gang zag spang bar bya// 'jig rten zhen pa dpral zhing rgyud brtag phyir// lus dang longs spyod bla mas kun blangs la// nus dang mi nus khyad par rtags ldan nas// snying po don bstan

  231. 116b

    kun byed rgyal po sbyin// zhes gsungs so// byang chub kyi sems kun byed rgyal po las bstan pa gang la gzhag pa'i le'u ste brgya cu rtsa gsum pa'o// // de nas byang chub kyi sems kun byed rgyal po la sems dpa' rdo rjes legs par mdangs phyung ste mdun nas zhus pa// kye ston pa'i ston pa kun byed rgyal po lags// nyid kyi thugs gcig rang 'byung ye shes las// skal ldan dus gcig grol bar mdzad pa'i mdo// mtshan gyi khyad par bdag la bshad du gsol// zhes zhus so// de nas byang chub kyi sems kun byed rgyal pos mtshan gyi rnam grangs rnam par phye ba 'di gsungs so// kye ston pa'i ston pa kun byed rgyal po yis// mtshan gyi khyad par phye ste bshad pa ni// ji ltar snang ba'i chos rnams thams cad kun// ma lus kun byas byed cing byed 'gyur te// nyid la bya mi dgos te lhun grub pas// kun byed rgyal po zhes su bstan pa yin// kye snying po nga la dri ma med pa dang // ma btsal lhun gyis grub pa'i don ldan pas// 'di la btsal zhing sgrub pa mi mnga' ste// byang chub sems zhes nges par bstan pa yin// kye ma gdod nas grub pa'i chos nyid la// rgyu dang rkyen med btsal med snying po 'di// ma bsgribs kun la phyogs ris med gsal bas// rang 'byung ye shes zhes su bstan pa yin// kye ji ltar snang ba'i chos rnams thams cad kun// ma

  232. 117a

    bcos ji bzhin dpal kun snang bas// phyogs ris gnyis su chad pa'i don med de// bka' yi 'grel pa chos kyi me long yin// kye ji bzhin ma bcos snying po rnal ma la// 'khor dang mya ngan 'das pa 'byung sdud pa// blang dor 'dzin chags rgya las rnam grol te// snying po don gyi theg pa bstan pa yin// kye 'das dang ma byon da ltar rgyal ba la// skye med 'di las ma gzigs mi dgongs pas// ma bcos thig le gzung 'dzin las 'das pas// lta ba'i me long zhes su bstan pa yin// kye nga ni ma bcos ji bzhin snying po la// sgro 'dogs skur 'debs don las kun 'das te// dus gsum rgyal ba nga las byung bas na// rgyal ba'i yum zhes nges par bstan pa yin// kye ma bcos skye med kun byed rgyal po la// ma btsal dgos pa'i yon tan tshad rdzogs pas// btsal zhing bsgrub pa kun las 'das pas na// rgyud kyi rgyal po zhes su bstan pa yin// kye ma bcos don la ma nor blo 'jog pas// snying po don la sgro dang skur ba bral// gnyi ga mi 'gal don du gang ston pa// ma bcos don gyi lung du bstan pa yin// kye ston pa'i ston pa kun byed rgyal pos lung bstan pa// skye med byang chub sems dang ldan pa'i don// gnyis med snying por ro gcig gnas pa la// kun gyi mdo ni mdo ru bstan pa yin// kye ma rig pa yi mun pa sel ba

  233. 117b

    yin// ye shes snang ba mched par byed pa yin// sdug bsngal rgya mtsho gcod par byed pa yin// snying po don la goms par byed pa yin// kye ngas ni ma rig pa yi dmigs bsal nas// skye med byang chub sems ni mngon bstan na// skal ldan rnal 'byor mig dang ldan pa dag/ bya ba med pa'i rang bzhin grol bar 'gyur// theg pa'i yang snying bka' yi rdzogs chen 'di// man ngag snying po lung dang ldan rnams kyis// rang bzhin bde bar gnas na gsal bar 'grub// ma bcos mi 'gyur 'jug cing rtsol ba med// kye nga ni ston pa kun byed rgyal po ste// theg pa'i rtsa ba chos kyi snying po'i lung // sku gsum ston pas ma gsungs rgya che ba// skye ba med par ston pa'i sems rgyud 'di// dus gsum rgyal bas sngon chad ma gsungs te// phyi ma mi gsung da ltar ston mi mdzad// kun byed rgyal pos 'pho 'gyur mi mnga' bas// snga bar gsungs shing phyis kyang gsung 'gyur la// da ltar byung bar gsungs pas skal ldan la// nges par bstan pas 'bad med grol ba'i lung // mdo lung mngon du bstan pa'i bka' rgyud 'di// mi 'phel mi nub snying po 'dzin pa la// kun byed rgyal po nges par khyod la gtad// ces gsungs so// byang chub kyi sems kun byed rgyal po las mtshan gyi rnam grangs bstan pa'i le'u ste brgyad cu rtsa bzhi pa'o// // byang chub kyi sems

  234. 118a

    kun byed rgyal po lta ba nam mkha' ltar mtha' dbus med pa'i rgyud nam mkha'i snying po mchog gi don gsang ba mchog gi mdo lung brgyad cu rtsa bzhi pa rdzogs so// / rgya gar gyi mkhan po dpal gyi seng ge mgon po dang dge slong bai ro tsa nas bsgyur cing zhus te gtan la phab pa// / @#// rgya gar skad du/ sarba d+harma ma hA san+ti bo d+hi tsit+ta sa mu da ya sU tra/ bod skad du/ chos thams cad rdzogs pa chen po byang chub kyi sems su 'dus pa'i mdo/ bcom ldan 'das dpal kun tu bzang po la phyag 'tshal lo// snga phyi med par 'di skad bshad pa'i dus gcig na/ bcom ldan 'das de bzhin gshegs pa/ chos thams cad kyi snying po rdo rje rdzogs pa'i bdag nyid chen po de/ 'og min chos nyid kyi mkha' dbyings nyid kyi klong / chos nyid kyi gnas/ rang byung ma bsgribs pa'i gzhal yas khang na/ dus gsum gcig pa'i sangs rgyas dang / mi skye lam la blta ba'i rnal 'byor pa rnams dang / sa la gnas pa'i byang chub sems dpa' rnams dang / nges pa ma thob pa rnams dang / snying pos bsdus pa'i srid pa gsum yan chad/ 'byed pa mi mnga' ba'i thugs rje'i dbang gis thabs cig go// de nas bcom ldan 'das dpal kun tu bzang po de la 'khor rnams kyis yongs su 'dun to// de nas bcom ldan 'das dpal

  235. 118b

    kun tu bzang po des/ 'khor rnams yongs su 'dun pa de gzigs nas/ yongs su kun tu snang ba zhes bya ba'i chos nyid la gnas par mdzad do// mdzad nas 'khor rnams yongs su rtog pa skyes te/ yongs su sems 'grogs so// yongs su sems 'grogs par gzigs nas// de nas bcom ldan 'das dpal kun tu bzang po des/ 'khor rnams la nyid kyi rang bzhin 'di bstan to// e ma ho byang chub sems 'di kun tu bzang // rgyu rkyen med pa'i rang byung sems// thams cad 'byung ba'i snying po des// dga' mgu rangs pa kun 'dod na// 'dun pa ma skyes sems 'grogs nas// nga yi rang bzhin ma mthong ste// nga ni kun gyi rang bzhin te// chos kun snying po mthong ba med// ces gsungs so// de nas 'khor de rnams kyang sems kyi bsam pa so sor mthong ste/ la la ni nyid kyi rang bzhin du gyur to// la la ni ye shes skyes so// la la ni dga' bas 'dun to// la la ni smon pas 'dun to// la la ni ma dad pa'i sems byung ngo // la la ni dga' bar gyur na yang 'gyed pa mi mnga' ba'i thugs rjes thabs cig go// de nas sems dpa' rdo rje nyid kyi rang bzhin des/ kun tu bzang po la 'di skad ces gsol to// e ma rdo rje snying po khyod// byang chub sems ni kun tu bzang // yin par bdag cag yongs ma rtogs// rgyu rkyen med par 'byung mi

  236. 119a

    sems// zhes zhus so// de nas kun tu bzang po de nyid kyis mi dmigs pa'i don la bzhugs nas/ thugs rje ye shes 'od zer sprul pa spros pas/ dus gsum gyi de bzhin gshegs pa thams cad mnyes nas sems dpa' rdo rje la dus gsum gyi de bzhin gshegs pa thams cad kyi 'od zer bsdus te bskul ba mdzad do// don gyi tshig gis kyang 'di skad bskul te// rdo rje snying po'i sems dpa' khyod// kun gyi rang bzhin khyod yin pas// sems nyid kun tu bzang po 'di// khyod kyis kun la bstan du gsol// zhes bskul to// de nas sems dpa' rdo rje des// bde bar gshegs pa kun gyis bskul bar rig nas mi rtog pa'i ting nge 'dzin gyi sgo nas/ 'od zer phyogs bcur bkye nas slar bsdus te/ nyid kyi sems kyi sku bzhengs nas kun la snang bar mdzad do// kun gyi rang bzhin du yang bzhugs so// rang bzhin de kun la snang ngo // sems kyi rang bzhin yang snang bar mdzad do// de nas 'dus pa'i tshogs kyis/ sems dpa'i rang bzhin kun tu rdo rje la zhus pa/ e ma ho rdo rje snying po khyod// byang chub sems ni kun bzang na// nyon mongs lnga yi sdug bsngal gang // khams gsum gnas kyi sdug bsngal gang // rgyud drug 'khor ba'i sdug bsngal gang // mtho ris ngan song sdug bsngal gang // zhes zhus so// de nas sems dpa'i rang

  237. 119b

    bzhin kun tu rdo rjes 'dus pa'i tshogs la/ chos thams cad rtsa ba gcig pa las byung ba'i don bsdus pa 'di gsungs so// chos kun rtsa ba sems su gcig/ rtsa ba gcig la don gnyis ni// bde dang sdug bsngal theg pa gnyis// phun sum tshogs pa gsum tshogs pas// yo ga bzhi yis bye brag 'byed// khyad par 'phags pa'i che lnga ston// gol sgrib drug drug skyon yon sel// gtan la rnam pa bdun gyis 'bebs// nges pa'i man ngag brgyad du ston// bden pa'i tshig dgu mthun smras nas// yongs su rdzogs pa'i mdo bcu ni// gcig gi rang bzhin ston par byed// gcig dang gnyis dang gsum dang bzhi// lnga dang drug dang bdun dang brgyad// dgu dang bcu yi bar gyis ni// gcig don yongs su rdzogs par bstan/ zhes gsungs so// byang chub sems kyi 'grel pa rdzogs pa chen po'i mdo bcu las/ gleng gzhi'i le'u ste dang po'o// // de nas 'dus pa'i tshogs thams cad sems dpa' rdo rje'i 'khor du 'khod de/ dad pa'i sems kyi 'dun pas/ sems dpa' rdo rjes rtsa ba gcig pa'i don gsungs shig par rig nas bka' stsal pa/ kye 'dus pa'i tshogs chen da nyon cig/ byang chub sems kyi mdo 'di la// gcig ni kun gyi rang bzhin te// chos kyi dbyings sam byang chub sems// yin pas rtsa ba'i don du bzhag/ gcig pa'i don ni

  238. 120a

    'di lta ste// sangs rgyas sku dang ye shes dang // sems can lus dang bag chags dang // snang dang srid pa'i chos rnams kun// byang chub sems dang dbyings su 'dus// rgyu ru gcig la 'bras bur gcig/ dpe ru gcig la don du gcig/ rtsa ba byang chub sems su gcig/ rtags dang gtan tshigs mthun par gcig/ spros pa med pa'i don du bstan// rgyu gcig byang chub sems 'di ni// dus gsum sangs rgyas thams cad kyi// mtshan mar mi gnas chos skur gcig/ gsung ste 'gag pa med par gcig/ ma bsgribs ye shes thugs su gcig/ spros pa med pa'i don du gcig/ sems dang lus dang bag chags dang // rgyu gcig byang chub sems las byung // rgyu dang rgyu yi rnam pa gnyis// rgyu ni 'byung chen rnam pa lnga// 'byung lnga rgyu nyid byang chub sems// 'gro ba'i sdug bsngal byang chub sems// sems las dang rgyud grub byed pa// brkam chags lnga las 'byung lnga grub// 'byung ba lnga las rang byung skyes// snang ba'i chos dang srid pa'i chos// mi rtog pa yi rgyu rkyen gyis// bskyed nas ji ltar 'byung na yang // don dam skye ba med pas na// spros pa med pa'i don du bstan// 'bras bu gcig pa'i don 'di yang // rgyu gcig pa yi tshul bzhin du// chos rnams kun gyi 'bras bur gcig/ de yang ci lta bu zhe na/ dper na phyi nang chos rnams

  239. 120b

    kun// gang rgyu de la grub pa ni// rgyu 'bras gcig pa'i don yin te// 'gro ba'i sems kyi phyin ci log/ brkam chags lnga yi sdug bsngal rgyus// 'bras bu zad med rgyud lngar 'khor// de la 'bras bur ming mi gdags// sdug bsngal kun 'byung 'gog pa'i lam// spang dang 'geg dang sol ba dang // lam la mngon du byed pa yang // nyon mongs lnga bcom 'bras bu de// mi skye mi 'gag 'bras bu min// bden pa gnyis kyi rtog dpyod kyis// mi rtag sdug bsngal stong bdag med// mdo chen bzhi yi don rtogs te// chos nyid stong pa'i 'bras bu de// rgyu 'bras 'das pa'i 'bras bu min// phyi yi tan tra sde gsum yang // byang chub yan lag kun bsgoms nas// rdo rje 'dzin dang stug po bkod// thob pa rdo rje'i 'bras bu ste// blang dor med pa'i 'bras bu min// nang pa bskyed dang rdzogs pa ni// rnam pa gsum gyi don sbyar na// rang rgyud dag pa'i dkyil 'khor la// bsnyen bsgrub bzhi yi cho gas ni// bdag nyid lhun gyis grub byed pa'ang // rtsol bsgrub 'das pa'i 'bras bu min// ma skyes pa yi chos nyid ni// mi skye mi 'gag 'bras bu yin// 'byung ba lnga la rag ma las// sku gsung thugs la ma brten pas// rgyu 'bras 'das pa 'bras bu yin// ma bsgribs rang byung ye shes kyis// gang yang spang ba med par spyod// gzung 'dzin rnam rtog mi mnga' bas// blang dor

  240. 121a

    med pa'i 'bras bu yin// sems nyid rang byung ye shes la// ye nas btsal zhing bsgrub med pas// rtsol bsgrub gnyis kyi spros dang bral// lhun gyis grub pa'i 'bras bu yin// sgro skur 'das pa'i byang chub sems// spros pa med pa'i don gyis na// kun gyi snying po sangs rgyas sku// ma bsgribs ye shes chos kyi dbyings// mi 'gag dbyings kyi byang chub sems// mi skye mi 'gag ye shes thugs// rgyu dang 'bras bu gnyis ma mchis// rtsa ba gcig gi byang chub sems// thams cad kun gyi rgyu ru snang // rgyu nyid rang byung skye med pas// ming tsam mtshon pa'i 'bras bur gcig/ 'bras bu zhes ni btags pa med// btags pa de ni mtshon pa ste// mtshon pa'i don gyis gdags med mtshon// de yang mtshon par bya ba'i don// mtshon du med pa'i don de yang // ma mtshon go bar mi 'gyur te// mtshon du med pa'i don tshig gis// mtshon te mtshon med go bar bya// thams cad chos ni skye ba med// ma skyes pa yi chos nyid ni// skye 'gag med pa'i byang chub sems// byang chub sems la skye med par// ma mtshon skye med de mi mthong // skye ba med pa'i don tshig gis// skye med de mtshon mthong bar bya// thams cad chos ni sgro skur bral// sgro skur bral ba'i byang chub sems// brjod du med pa'i byang chub sems// byang chub sems la brjod med par// ma brjod rig

  241. 121b

    par mi 'gyur te// brjod du med pa'i don tshig gis// brjod dang brjod med rig par bya// thams cad chos la skye 'gag med// skye 'gag med pa'i chos nyid la// mtshon du yod par ma gsungs te// mtshon du med pas sgro skur bral// sgro skur bral ba'i byang chub sems// byang chub sems la mtshon du med// brjod du med pa'i chos nyid la// sus kyang brjod par mi nus so// zhes gsungs so// rdzogs pa chen po byang chub kyi sems kyi mdo las/ rgyu 'bras gcig pa'i le'u ste gnyis pa'o// // de nas yang 'dus pa'i tshogs de dag thams cad/ sems dpa' rdo rje'i 'khor du dad pa'i sems kyis 'khod de 'dun pas// sems dpa' rdo rjes rtsa ba gcig pa'i dpe dang don la 'dun par rig nas yang gsungs pa/ kye sems dpa'i tshogs chen da nyon cig/ rtsa ba gcig gi don 'di la// dpe yang gcig la don yang gcig/ dngos med 'dra ba dpe ru bstan// chos kun dpe ni nam mkha' 'dra// nam mkha' dag las thams cad 'byung // chos kun snying po byang chub sems// thams cad 'byung bas nam mkha' 'dra// rgyu med pa yi byang chub sems// ma skyes pas na nam mkha' 'dra// rkyen med pa yi byang chub sems// mi 'jig pas na nam mkha' 'dra// gnyen po med pa'i byang chub sems// thams cad 'joms pas nam mkha' 'dra// mtshon du med

  242. 122a

    pa'i byang chub sems// bstan du med pas nam mkha' 'dra// ma bsgribs pa yi byang chub sems// kun tu gsal bas nam mkha' 'dra// thams cad bskyed pa'i byang chub sems// snang srid bskyed pas nam mkha' 'dra// rang byung zab mo'i don gzhig na// don dam ma skyes nam mkha' 'dra// snang dang srid dang yod pa dang // btags shing chags pa'i chos rnams kun// don dam rang bzhin ma skyes pas// skye med dpe ni nam mkha' 'dra// nam mkha' lta bu'i chos kun brtags// dpe de 'dra ba'i don chos ni// yin pa dag la don zhes gdags// don ni skye ba med pa yin// skye ba med pa'i rang bzhin ni// rgyu med pa las skye med pas// sems la rgyu med skye ba med// srid pa'i chos la rgyus bskyed kyang // chos nyid dbyings la rgyu med pas// skye ba med pa'i don yin no// thams cad chos ni skye ba med// skye med byang chub mngon sangs rgyas// snang ba'i chos dang srid pa'i chos/ de yang snang ba'i 'byung chen lnga// nam mkha' snang byed khyab pa de// sems nyid ma bsgribs kun la khyab// de bas nam mkha' byang sems// snang byed khyab pas mngon sangs rgyas// 'degs par byed pa'i 'byung ba rlung // byang chub sems kyi ye shes rlung // ye shes rlung gis kun 'degs pas// byang chub sems su mngon sangs

  243. 122b

    rgyas// thams cad sdud pa'i 'byung ba chu// ye shes thugs rje'i rlan gyis sdud// de bas byang chub sems kyi chu// byang chub sems su mngon sangs rgyas// mngon sum snang ba sra byed pa// thams cad 'degs pa'i byang chub sems// de bas sems kyi sa de la// byang chub sems su mngon sangs rgyas// thams cad drod snyoms tsha ba'i me// pad+ma rnam dag ye shes te// de bas sems nyid rnam dag pas// byang chub sems su mngon sangs rgyas// 'byung chen lnga yi sangs rgyas lnga// byang chub sems su mngon sangs rgyas// srid gsum lam lnga'i chos lnga yang // byang chub sems su mngon sangs rgyas// de yang ji lta bu zhe na// brkam chags lnga yi rnam smin gyis// lam sgo lnga ru zhugs phyin na// mi bde sdug bsngal lnga la sbyang // zhe sdang lam gyi sgor zhugs pas// dmyal ba'i gnas su tsha grang spyod// snga phyi med pa'i chos spyod kyang // snga ma'i las kyi rnam smin gyis// tshe dang grang ba'i nyams myong ste// snying po byang chub sems de la// tshe grang nyams des bskyod pa med// de bas zhe sdang mi gnas stong // byang chub sems su mngon sangs rgyas// 'dod chags lam gyi sgor zhugs pas// yi dwags gnas na bkres skom spyod// bsngos pas tshim pa'i chos yod kyang // snga ma'i las kyi rnam smin gyis// bkres dang skom pa'i nyams myong ste// snying po byang chub sems de

  244. 123a

    la// bkres dang skom pas bskyod pa med// de bas 'dod chags mi gnas stong // byang chub sems su mngon sangs rgyas// gti mug lam gyi sgor zhugs pas// byol song gnas na glen lkugs spyod// rig pa phra mo'i chos spyod de// snga ma'i las kyi rnam smin gyis// blun zhing lkugs pa'i nyams myong ste// snying po byang chub sems de la// blun lkugs nyams des bskyod pa med// de bas gti mug mi gnas stong // byang chub sems su mngon sangs rgyas// phrag dog lam gyi sgor zhugs pas// mi yi gnas su dge sdig spyod// dge sdig las kyi chos spyod kyang // mi dge shas chung rnam smin gyis// mi rtag 'gyur ba'i nyams myong ste// snying po byang chub sems de la// mi rtag nyams des bskyod pa med// de bas phrag dog mi gnas stong // byang chub sems su mngon sangs rgyas// nga rgyal lam gyi sgor zhugs pas// lha yi gnas dang longs spyod kyis// ma rig ltung ba'i sdug bsngal myong // bsam pas 'grub pa'i chos spyod kyang // ma rig le lo'i rnam smin gyis// ltung ba'i sdug bsngal nyams myong ste// snying po byang chub sems de la// ltung ba'i nyams kyis mi bskyod de// des na nga rgyal mi gnas stong // byang chub sems su mngon sangs rgyas// snang srid chos ni de bas na// khams gsum gnas kyang de 'dra ste// 'dod pa'i khams ni ma

  245. 123b

    rig pa// phye ba med par kun la rmongs// mi rtog gti mug chos kyi sku// gzugs kyi khams ni chags pa'i gnas// nga rgyal chags pa mngon 'grub pas// gzugs la nga rgyal blta mi ngom// ltung ba chags med ye shes sku// gzugs med khams ni dngos ma grub// yid yul chos la mu bzhir blta// gzung 'dzin med par rig pa'i chos// ming dang mtshan ma yul 'das thugs// de bas snang srid snod bcud kun// byang chub sku gsung thugs su 'das// 'das pa'i dpe ni nam mkha' 'dra// nam mkha' 'das pa kun gyi gnas// snang ba'i chos dang srid pa'i chos// 'das pa'i ngang na mi gnas med// snang ba sa chu me rlung bzhi// 'das pa nam mkha'i ngang la gnas// de yang snang ba'i 'byung ba rlung // nam mkha'i ngang na yang g.yo zhing // rang gi mtshan nyid rdo rje'i rtsal// rtsal chen de yi 'byung chen chu// 'das la mi ltung 'degs par byed// de yang nam mkha'i ngang na gnas// 'byung chen snang ba'i sdud byed chu// nam mkha'i ngang las rang bzhin brlan// rang gi mtshan nyid rdo rje'i rtsal// rtsal chen de yi 'byung chen sa// 'das la mi ltung 'degs par byed// de yang nam mkha'i ngang na gnas// 'byung chen snang ba'i cha snyoms me// nam mkha'i ngang las rang bzhin tsha// rang gi mtshan nyid rdo rje'i rtsal// rtsal chen de yi 'byung chen bzhi// 'das la mi 'jigs

  246. 124a

    snyoms par byed// mi 'das 'byung chen snang ba bzhi// 'das pa'i nam mkha'i ngang na gnas// srid pa rgyud drug snang ba yang // 'das pas nam mkha'i ngang na gnas// nam mkha' 'das pa'i dpe de bzhin// snang ba 'byung chen bzhi po yang // sems nyid 'das pa'i ngang na gnas// srid pa rgyud drug snang ba yang // 'das pa sems kyi ngang na spyod// snang srid snod bcud thams cad kun// sems nyid dbyings kyi yul che bas// thams cad sems yul de na gnas// nam mkha' bzhin du mi gnas med// de bas kun gyi gnas chen 'di// byang chub sems kyi klong chen yin// 'das pa'i sems kyi klong chen 'di// snang dang srid pa thams cad kun// snod dang bcud kyis bsdus pa dang // sangs rgyas sems can thams cad dang // bde dang sdug bsngal thams cad dang // phyi nang smos pa thams cad kun// byang chub sems kyi bde chen las// rnam par dag pa'i chos nyid la// snang dang srid pa gnyis su med// snod dang bcud kyang gnyis su med// sangs rgyas sems can gnyis kyang med// bde dang sdug bsngal gnyis kyang med// phyi nang smos pa'i chos kyang med// med pa'i don gyi snying po la// yod pa'i sgro skur gdab mi bya// gang zhig med pa'i don ma mthong // 'di la yod pa'i sgro 'dogs pa// don gyi snying po mi shes pas// med pa'i bde ba

  247. 124b

    yul ma mthong // de ni ma skyes chos ma rtogs// de yis dbyings kyi lam ma mthong // de ni gcig pu mun 'thom nas// sgros med gnas ni mthong mi 'gyur// byang chub sems kyi rang bzhin ni// sgro dang skur pa kun dang bral// gang gis sems de ma mthong bas// bskal pa du mar grangs bgrangs kyang // snying po rang bzhin sems ma mthong // bden pa'i don dang 'phrad mi 'gyur// zhes gsungs so// byang chub sems kyi mdo las/ dpe don gcig pa'i le'u ste gsum pa'o// // de nas yang 'dus pa'i tshogs de dag thams cad/ sems dpa' rdo rje'i 'khor du dad pa'i sems kyis 'khod de mos pas 'dun to// de nas sems dpa' rdo rje des 'khor 'dun pa de/ rtsa ba byang chub sems su gcig pa dang // rtags dang gtan tshigs la 'dun par rigs nas/ yang gsungs pa/ kye 'dus pa'i tshogs chen de nyon cig/ rtsa ba gcig pa'i chos 'di ni// byang chub sems kyi rang bzhin te// chos rnams kun gyi rtsa ba yin// thams cad 'dus pa'i snying po yin// dus gsum sangs rgyas thams cad la// sku gsung thugs su bdag med kyang // bdag la nga po 'di la 'dus// snang dang srid par smos pa'i chos// thams cad mngon du snang ba yang // thams cad 'byung ba 'di la 'dus// 'di ni snang srid snying po yin// snying po byang chub sems 'di la// thams cad

  248. 125a

    'dus shing 'byung bas na// de phyir snying po byang chub sems// byang chub sems kyi rnam grangs ni// gcig tu yod la bgrang du med// bgrangs na mtha' yas brjod mi langs// gcig la rnam pa bgrang du med// gcig gis kun gyi rnam pa 'dzin// thams cad 'dus pa'i snying po yin// de phyir snying po byang chub sems// thams cad 'byung ba rgyu ru snang // des na rgyu gcig byang chub sems// thams cad byang chub sems la spros// 'dus kyang byang chub sems su 'dus// gnas kyang byang chub sems la gnas// bskyed kyang byang chub sems las bskyed// sangs rgyas sku dang ye shes kyang // sems nyid gzung 'dzin bral ba yin// des na byang chub sems kyi sku// sems can lus dang bag chags kyang // sems kyi bskam chags lnga las byung // des na 'byung ba'i byang chub sems// byang chub sems ni gzung 'dzin bral// byang chub sems ni spros dang bral// byang chub sems ni rnam par dag/ byang chub sems la dbyibs ma mchis// byang chub sems la kha dog med// byang chub sems ni sgro skur bral// thams cad spang ba'i byang chub sems// chos rnams kun gyi rtsa ba ru// gcig pa chos kun rtsa ba yin// rtsa ba byang chub sems 'di ni// kun gyi rang bzhin 'dis byas pas// thams cad byed pa'i rgyal po yin// byed pa'i rgyal pos kun byas

  249. 125b

    pas// dngos su grub pa gang yang med// gang zhig dngos su grub 'dod pas// de yis chos kun gang mi 'grub// de bas dngos med kun gyis grub// dngos med gang gis grub pa de// des ni rtsa ba sems grub ste// chos rnams kun gyi rtsa ba grub// byed pa'i rgyal po grub pa yin// de bas su yang rung ba des// dngos med gang gis mngon gsal ba// des ni thams cad kun 'grub pas// mi gnas dngos med rgyal po grub// 'di yis thams cad byed pa grub// 'di yis thams cad byed par 'gyur// de las thams cad 'byung bar 'gyur// de las 'byung ba thams cad 'byung // de las srid pa thams cad 'byung // snang ba'i chos kyang de las byung // thams cad thams cad kun 'byung bas// de phyir snying po byang chub sems// chos rnams kun gyi rtsa ba'o// zhes gsungs so// byang chub sems kyi mdo las/ rtsa ba byang chub sems kyi le'u ste bzhi pa'o// // de nas 'dus pa'i tshogs de dag thams cad/ ston pa kun tu bzang po'i spyan sngar rab tu shin tu 'dud pa'i sgo nas 'khod de// thams cad mgrin gcig pa'i sgo nas zhus pa/ ston pa kun tu bzang po yis// chos rnams kun tu snang bar mdzad// ston pa rdo rje sems dpa' yis// don de rtsa ba gcig tu bstan/ rtsa ba gcig gi don bstan na// chos rnams kun gyi rtsa ba rtogs// zhes zhus

  250. 126a

    so// de nas sems dpa' rdo rje des// chos thams cad rtsa ba gcig pa'i mdo dang 'grel pa 'di gsungs so// chos kun rtsa ba gcig pa 'di lta ste// chos nyid sems nyid gcig tu bstan pa la// grangs dang rnam pa yod kyis bgrang du med// ma bcos rtogs pa'i rnal 'byor pa// ti bya nam mkha'i lam la mkhas pa bzhin// mi rtog nam mkha' lta bur gnas par bya// rgyu med ma byung rkyen med ma skyes pa// thams cad 'byung ba'i snying po byang chub las// yod pa'i sgo dang med pa'i skur pa dang // yod med sgro skur btags pa ga la yod// ces gsungs so// byang chub sems kyi mdo'i 'grel pa rdzogs so// // de nas 'dus pa'i tshogs la/ sems dpa' rdo rje des/ rtsa ba gcig la don gnyis 'byung ba'i rnam par bgrang ba'i don 'di gsungs so// 'dus pa'i tshogs chen da nyon cig/ gnyis ni rnam pa'i bye brag ste// theg pa rnam pa gnyis su bstan// 'jig rten pa yi theg pa dang // mya ngan 'das pa'i theg pa gnyis// 'jig rten pa yi theg pa ni// rgyud drug gnas pa'i sems can kun// khams gsum 'khor ba'i gnas bzung nas// brkam chags lnga yi sbyor ba yis// khams gsum 'khor ba'i tshogs sogs te// bde ba'i don med stong par 'gyur// de la don 'di bstan par bya// mu stegs rtag dang chad pa

  251. 126b

    gnyis// dge sdig las kyi chos rnams la// 'bras bu yod par ma rtogs te// chad pa'i mtha' ru ltung ba ste// rdzogs chen 'di yi byin brlabs kyis// snying po byang chub sems chen la// gzung 'dzin mtshan ma mi mnga' bas// chad pa'i mtha' ru ltung mi 'gyur// rtag par blta bar sems rnams kyis// yod pa rnam pa bzhi mthong ste// nga gtsang skyid rtag bzhi mthong nas// blang dor med pa'i don ma shes// skye shi med pa'i don ma mthong // rtag pa'i mtha' ru ltung ba de// rdzogs chen 'di yi byin brlabs kyis// snying po byang chub sems nyid la// gzung 'dzin mtshan ma mi mnga' bas// rtag pa'i mtha' ru ltung mi 'gyur// zhes gsungs so// rnam par bgrang ba'i mdo las/ 'jig rten gyi theg pa bstan pa'i le'u ste dang po'o// // de nas 'dus pa'i tshogs rnams la/ 'jig rten las 'das pa'i theg pa 'di bstan to// mya ngan 'das pa'i theg pa la// rnam pa gnyis su dbye bar bya// mtshan nyid rgyu yi theg pa dang // 'bras bu rdo rje'i theg pa'o// mtshan nyid rgyu la rnam pa gsum// sdug bsngal spong ba'i nyan thos dang // shes pa 'gegs pa'i rang rgyal dang // rnam rtog sbyong ba'i mdo sde gsum// sdug bsngal spong ba'i nyan thos ni// brtul zhugs dag gis spong bar byed// shes pa 'gegs pa'i rang rgyal ni// ma rig rten 'brel bcu gnyis

  252. 127a

    'gags// rnam rtog sbyong ba'i mdo sde ni// chos nyid stong pa nam mkha' ste// ji ltar dmigs pa bzhin 'grub pas// sgyu ma'i dpe brgyad lta bur 'dod// 'bras bu'i theg pa la yang gsum// ba'i sde dang gnyis ka'i sde// rnal 'byor rgyud dang rnam pa gsum// bya ba byed pa'i kri yA ni// yan lag bcu gcig cho ga yis// rgyal ba'i sku gsung ye shes 'dod// gnyis ka spyod pa'i u pa ya// kri yA spyod cing yo ga bsgrub// 'brel med sgo nas bsgrub par 'dod// rnal 'byor pa la rnam pa gnyis// phyi ba dang ni nang pa gnyis// phyi ba thub pa yo ga ni// byang chub lnga dang cho 'phrul bzhi// chu zla bzhin du grub par 'dod// nang pa'i rnal 'byor rnam pa gsum// bskyed dang rdzogs dang rdzogs chen gsum// bskyed pa ma hA yo ga ni// rnam pa gsum ni rim bskyed de// yo byad ma nyams 'jug brtson na// rgyal ba'i sku gsung ye shes 'dod// rdzogs pa a nu yo ga ni// rgyu rkyen dag pa'i rang bzhin gyis// snying po tsam la rag las pa// brjod pas ye shes dkyil 'khor rdzogs// rdzogs chen a ti yo ga ni// rgyu rkyen dag la rag ma las// rtsol ba dag gis sgrub mi byed// rdzogs chen gang la ma brten 'dis// rnam par bgrang ba'i chos rnams kun// yongs su byin gyis rlob par byed// kun kyang bde ba spong bar byed// yongs su byin gyis

  253. 127b

    rlob par byed// de yang ji lta bu zhe na// sdug bsngal spong ba'i nyan thos de// bden pa bzhi yi sgor zhugs nas// ye shes yul med bcu drug gis// gang zag mtshan ma'i yul 'di la// bdag rtag byas pa med par blta// chos la med pa'i don ma rtogs// snying po byang chub sems de ni// spros dang bral ba'i bdag nyid yin// mtha' yod mtha' ru ltung mi 'gyur// shes pa 'geg pa'i rang rgyal ni// rten 'brel bcu gnyis sgor zhugs nas// chos ni rnam pa bco lnga la// gcig la bdag yod ma rtogs te// gzhan la bdag med yongs ma rtogs// snying po byang chub sems 'di ni// thams cad med pa'i snying po yin// yod pa'i mtha' ru ltung mi 'gyur// rnam rtog sbyong ba'i mdo sde ni// bden pa gnyis kyi rtog dpyod kyis// chos nyid spros dang bral ba de// rang bzhin med par rtogs pa dang // chos dang gang zag gnyis ka la// bdag med par ni rtogs pa yis// bden dang nges pa'i sa ni thob// rtog dpyod 'das pa'i sa 'di la// bskal gsum bar du brtag cing sbyong // bya ba rgyud kyi kri yA ni// gza' dang rgyu skar dus tshigs dang // dag pa rnam gsum sgor zhugs nas// gzung dang 'dzin pa'i ting 'dzin gyis// rdo rje 'dzin dang rigs gsum sa// mi mnyam tshul du lam zhugs nas// mi tshe bdun gyis rig 'dzin sa// gzung 'dzin 'das pa'i sa

  254. 128a

    'di la// mi tshe bdun gyis ting yang rig 'dzin sbyang // gnyis ka sbyong ba'i u pa ya// kri yAr spyod cing yo ga bsgrub// rnam pa gnyis kyi don spyod pas// rigs dang kha dog khyad par ni// ji ltar 'dod pa gsal gyur kyang // gnyis su med pa'i sa 'di la// ma nor lam gyi tshul zhugs kyang // mi tshe bdun du lta spyod sbyang // phyi pa thub pa yo ga ni// byang chub lnga dang cho 'phrul bzhi// sku dang ye shes 'dod pa'i phyir// yan lag rdzogs par sgom byed pa// phyag rgya bzhi la gtsor byas te// lha yi sku dang thugs mtshan dang // dam tshig phrin las rnam pa bzhis// sems dang ting 'dzin dbang bskur te// mtshan ma yod med gnyis spyod pa// blang dor 'das pa'i sar ma phyin// blang dor 'das pa'i sa 'di la// ma nor tshul gyis lam zhugs pa// mi tshe bdun du mtshan ma sbyong // nang pa'i ma hA yo ga ni// thabs dang shes rab sgor zhugs nas// bdag nyid chen po'i dkyil 'khor du// phyi nang gsang bas bsdus pa dang // srid pa gsum gyis bsdus pa dang // dbang po'i spyod yul gyur pa dang // dus gsum ma nges rnam bzhi dang // spyod pa'i phrin las thams cad ni// bdag nyid chen po gcig bsdus kyang // ye nas yin la gdod bsgrub rtsol// rtsol bsgrub 'das pa'i sa 'di la// ma nor tshul gyis lam zhugs kyang // zhag ni bcu pa gsum phrag

  255. 128b

    drug/ bcu pa gsum phrag bcu drug tu// rtsol zhing bsgrub pa'i ting 'dzin sbyong // rdzogs pa a nu yo ga ni// dbyings dang ye shes sgor zhugs nas// bsnyen bsgrub bzhi yi las spyod pas// snang ba'i chos ni dag pa'i rgyu// bsod nams tshogs su sgrub par byed// sems dang sems byung thams cad kun// ye shes tshogs su sgrub par byed// rang rgyud dag pa'i lha bsnyen nas// ltos pa'i tshig gis rjod par byed// ting 'dzin ye shes rtsal chen// ye shes tshogs su 'gyur mod kyis// bsam pa'i ye shes thams cad kun// rtsol bsgrub ma 'das bde chen spang // rtsol bsgrub 'das pa'i sa 'di la// ma nor tshul lam zhugs nas kyang // yid ches mngon du gyur pa ru// ltos pa'i chos la gnas shing rtsol// des na bde chen spang zhes bya// rdzogs pa chen po'i rang bzhin yang bsam gtan ni// rtsol bsgrub 'das pa'i bde ba che// 'di yi/ don gyi rang bzhin las// rtogs nas byin rlabs 'byung ba ni// rdzogs pa chen po'i rang bzhin ni// sangs rgyas rdzogs la sems can rdzogs// 'jig rten rdzogs la 'das pa rdzogs// bde dang sdug bsngal gnyis med rdzogs// theg pa rdzogs la chos nyid rdzogs// yod pa'i mtha' rdzogs med mtha' rdzogs// gcig rdzogs kun rdzogs thams cad rdzogs// yongs su rdzogs pa'i mdo 'di ni// dus gsum sangs

  256. 129a

    rgyas thams cad kyis// sngar grub dgongs pa 'di yis grub// da ltar bzhugs pa'i rnal 'byor pa// mi yengs dgongs lam 'di la gnas// slad nas byon pa'i gdung 'tsho ba rnams// dgongs pa'i lung bstan 'di yis mdzad// gang su 'di la gnas pa yi// de ni rnal 'byor chen po yin// lus ni gang zag 'jig rten yang // sems dgongs rdzogs chen sangs rgyas yin// 'di yis sems can don byas kyang // don la nor ba nges mi 'byung // yin pa dag la nor ba med// nges pa dag la the tshom med// rdzogs pa chen po'i lung 'di la// yod med tshig dang ma nges pa'i// don la 'da' ba mi mnga' bas// brjod pa'i tshig las 'da' mi mnga'// zhes gsungs so// rnam par bgrang ba'i mdo las/ 'jig rten las 'das pa'i le'u ste gnyis pa'o// // de nas sems dpa' rdo rje des/ 'dus pa'i tshogs la rnam pa gnyis su bgrang ba'i don gyi mdo'i 'grel pa 'di gsungs so// kye 'dus pa'i tshogs chen de nyon cig/ phyi nang snod bcud gnyis ka snang ba'i phyir// don dam skye ba med pas phyi dang nang // ma skyes zab mo de yi cha shas ni// dmigs pa'i yul du ma gyur rtog yul med// srid pa'i phyi nang 'di ni ming tsam ste// don dam ma yin log pa'i stobs su snang // des na phyi nang rtog pa'i ting 'dzin ni// cha shas rtogs

  257. 129b

    pa'i yul med mnyam dang bral// ting 'dzin spros dang bral ba'i chos nyid la// tha tshig phyi dang nang du bgrang bya med// chos nyid bgrang du med pa'i phung po 'di// nam mkha' bgrang du med pa'i khams bzhin gnas// snga ma da lta phyi ma dus gsum du// nam mkha' lta bu 'di dang mi 'bral bas// phyi ni 'di yin nang ni 'di yin zhes// kun rdzob ming tsam nges par brtag pa med// ces gsungs so// rnam par bgrang ba'i mdo las/ don gyi 'grel pa'i le'u ste gsum pa rdzogs so// // de nas sems dpa' chen po des/ 'dus pa'i tshogs la phun sum tshogs pa la gnas nas bshad pa'i phyir/ phun sum tshogs pa'i mdo 'di bshad do// kye 'dus pa'i tshogs chen da nyon cig/ kun bzang rgyal ba mchog gi lha// byang chub sems kyi snying po yin// kun gyi ston pa byang chub sems// ston pas bstan pa'i 'khor tshogs pas// dus dang gnas ni rang bzhin 'dus// ston pa byang chub snying po ni// chos nyid dbyings kyi gnas chen du// sangs rgyas sems can 'khor tshogs nas// snga phyi med pa'i bstan pa ni// rang rig ye shes rig pa'i rgyal// rang bzhin rnam pa gsum snang ste// mi gnas sems kyi rang bzhin dang // rang byung ye shes rang bzhin dang // thugs rje sprul pa'i rang bzhin no// byang chub sems kyi rang bzhin ni// mi

  258. 130a

    gnas chos kyi sku ru bzhugs// rang byung ye shes rang bzhin ni// rdzogs pa'i longs spyod sku ru bzhugs// thugs rje sprul pa'i rang bzhin ni// rnam pa cir yang sprul te bzhugs// mi gnas chos skur bzhugs tsam na// 'khor yang byang chub sems su bzhugs// byang chub sems kyi 'khor rnams la// spros pa med pa'i don yang ston// longs spyod rdzogs skur bzhugs tsam na// 'khor yang byang chub sems dpa'i 'khor// byang chub sems dpa'i 'khor rnams la// sku dang ye shes rdzogs par ston// sna tshogs sbrul skur bzhugs tsam na// 'khor yang rgyud drug sems can 'khor// rgyud drug sems can 'khor rnams la// yid bzhin dbang po gang 'thad ston// zhes gsungs so// phun sum tshogs pa'i mdo las/ ston pa phun sum tshogs pa bstan pa'o// // de nas sems dpa' rdo rje des/ 'dus pa'i tshogs la 'khor phun sum tshogs pa'i rang bzhin 'di bstan to// kye 'dus pa'i tshogs chen da nyon cig/ gang la 'du zhing 'phel ba dag/ de la 'khor zhes btags pa yin// dper na srid pa'i chos la yang // 'khor dang ston pa rang bzhin tshang // nam mkha' lta bu'i ston pa la// 'byung chen bzhi dang snang srid 'khor// rang bzhin chos kyis 'grel bas na// des na snang srid 'khor phun tshogs// dper na chos nyid kun bzang

  259. 130b

    la// 'khor dang ston pa rang bzhin tshang // chos nyid rdzogs pa chen po la// brgyad khri bzhi stong theg pa'i 'khor// rgyu dang 'bras bur 'brel bas na// des na theg 'khor phun sum tshogs// dper na byang chub sems nyid la// 'khor dang ston pa rang bzhin tshang // byang chub sems kyi snying po la// rnam shes 'khor dang skye mched 'khor// yul dang dbang po 'dus pas na// des na khams dang skye mched 'khor// de 'khor phun sum tshogs pa bzhin// ston pa'i 'khor yang de 'dra ste// ston pa chos kyi sku'i 'khor ni// dus gsum sangs rgyas bzhugs pa dang / khams gsum rgyud drug sems can de// 'phags pa'i thugs rjes sems can la// 'brel pa phun sum tshogs par bshad// ston pa longs spyod sku'i 'khor ni// mi rtog ting 'dzin bcu sbyangs pa'i// sa la gnas pa'i byang chub pa// nyon mongs mi gnas shes bya sbyangs// ye shes tshogs dang thugs rje 'brel// des na phun sum tshogs zhes bya// ston pa sprul pa'i sku'i 'khor ni// sku sbrul thugs rje drug snang bas// 'khor yang rgyud drug sems can no// las dang thugs rjes 'brel pa na// 'khor ni phun sum tshogs zhes bya// zhes gsungs so// phun sum tshogs pa'i mdo las/ 'khor phun sum tshogs pa bstan pa'o// // de nas sems dpa' chen po des// 'dus pa'i tshogs la bstan pa phun sum

  260. 131a

    tshogs pa 'di bstan to// kye 'dus pa'i tshogs chen de nyon cig/ dus gsum ston pa gang gis kyang // bstan pa'i rang bzhin 'di yin zhes// tshig dang yi ger brjod pa med// ma gsungs mi gsung gsung mi 'gyur// khyed kyi rang bzhin bstan pa'o// ye shes thugs kyi rig pa yis// rang gi rang bzhin ngo bstan te// de mthong bstan pas de 'dus pas// de la de bstan de yang mthong // de ni bstan pa zhes su bshad// ston pa chos kyi sku yis ni// rang bzhin gzung 'dzin bral bar bstan/ byang chub sems kyi 'khor rnams dang / dus gsum sangs rgyas thams cad kyis// spros pa med pa'i don du rtogs// rgyud drug gnas pa'i sems can gyis// rang gi rang bzhin mthong ba med// sgrib pa zag ring rtsol mi byed// ston pa yang ni rnam pa gsum// bstan pa gsang ba rnam gsum ni// spros pa med pa'i rdo rje ste// gsang ba rang rgyud dag par yang // spros pa med pas rdo rjer bshad// gsang ba rgyu 'bras dag par yang // spros med ye shes rdo rjer chen por yang bshad// rdzogs pa chen po gsang ba yang // spros bral rtsol bsgrub bral bar bshad// ston pa longs spyod rdzogs pa yis// ye shes sku yi rang bzhin gyis// chu zla snang shel me long bzhin// ma bsgribs ston pa'i ngo bo la// snang ba'i sku mthong yA na gsum// gzung 'dzin blang dang dor byed

  261. 131b

    pa// phyi pa rnam pa gsum du bstan// bya ba dag gi kri yA ni// phyi nang rtog pa gsum dag par// gzung 'dzin rdo rje 'dzin du bstan// gnyis ka bya ba'i lha spyod ni// gnyis su med par grub 'dod pas// nges pa med pas khe be la yang bram 'dra// dang du mi len phyi pa ni// mtshan ma med pa'i gtan tshigs dang // gzhung chen phyag rgya bzhi gsal nas// rigs chen bzhi dang stug por bshad// ston pa sbrul skur bzhugs tsam na// sems can 'dod pa'i rang bzhin gyis// ji ltar 'dod pa thugs rje 'byung // brkam chags lnga yi rnam smin de// rgyud drug gnas su nges par ston// lha dang lha min gnas ris su// che ba'i nga rgyal 'joms par bstan// shes pa mi yi gnas ris su// dge sdig rgyu 'dras sde snod bshad// gti mug byol song gnas ris su// rig pa shes pa'i chos kyang bshad// ser sna yi dwags gnas ris su// ma chags tshim pa'i chos kyang bshad// sdug bsngal dmyal ba'i gnas ris su// snga phyi dran pa'i zhen pa bzlog/ ji ltar 'dod pa mos pa byin// des na bstan pa phun sum tshogs// de nas sems dpa' rdo rje des// 'dus pa'i tshogs kyi 'khor rnams la// gnas kyi rang bzhin bstan pa ni// sems dpa' bdag gis brjod par bya// ston pa chos skur bzhugs tsam na// nam mkha'i mtha' klas chos kyi dbyings// mtha' dang dbus med

  262. 132a

    gnas kyi mchog/ spros med gnas kyis kun tu khyab// kun bzang chos sku'i gnas chen no// ston pa longs spyod gnas chen ni// 'og min 'og min gnas 'og min// rin chen gzhal yas bkod pa na// rin chen khang bu brtsegs gnas so// ston pa sbrul sku'i gnas chen ni// rgyud lnga'i lam dang 'gro drug gnas// khams gsum thugs rje sprul pa'i gnas// thugs rje nam mkha'i mtha' dang mnyam// gnas la 'di zhes nges pa med pa bstan// de nas 'dus pa'i tshogs rnams kun// dus kyi rang bzhin 'di bstan to// snga ma phyi ma da ltar gsum// khyad par med pa'i don 'di bstan// dus gsum med de khyab par gcig/ kun bzang ye shes mchog thugs la// snga ma mi 'gag phyi mi 'grib// rnam pa'i khyad par dus gcig tu// ye shes so sor gsal khyab med// skye 'gag med par khyad par gcig/ dus sum yod par blta ba ni// ma byang bsgribs pa'i sems can rnams// sems ni sgrib pa bag chags te// med pa'i yul la rnam rtog pas// snga ma 'gags la de mi gnas// phyi ma ma byung sgrib mi mthong // dus gsum gcig la gsum du mthong // 'das dang ma byon da ltar zhes// med pa'i yul la rnam rtog pas// tha snyad ming la nges pa med// ces gsungs so// phun sum tshogs pa'i mdo las/ bstan pa gnas dus

  263. 132b

    phun sum tshogs pa bstan pa'i le'u'o// // de nas sems dpa' chen po des/ nges pa'i tshogs la phun sum tshogs pa/ nges pa'i mdo don gyi 'grel pa 'di bshad do// skye med rdo rje 'gyur med sems dpa' de// ma bsgribs kun la khyab pas nam mkha' 'dra// rang byung ye shes gnyen po med pas che// blang dor med pa'i chos nyid kun bzang 'di// bkag pa med pa'i mdzad spyod bag yangs kyis// thams cad 'du zhing 'byung ba'i dbyings na spyod// yangs pas thams cad 'du zhing tshogs na spyod// thams cad 'du zhing 'byung ba chos kyi dbyings// rnam dag klong lam chen po der// sangs rgyas sems can khams gsum kun bsgral bas// byang chub sems la dngos po yul mi skye// rang byung ye shes de la 'gag pa med// skye 'gag cir yang ting 'dzin dgongs pa med// ston pa kun bzang bstan pa byang chub sems// rdzogs chen dag la lhag ma med par bstan// byang chub sems ni kun gyi snying po ste// chos kun lhag ma med pas yongs su rdzogs// gnyen po med pas gzhan gyi dbang mi 'gyur// 'gyur ba med pa'i rang bzhin drang por gnas// dpe ni nam mkha' bzhin te kun la khyab// rgyu rkyen med pas gzhan la rag ma lus// zhes bstan/ kun bzang rdo rje nga yi 'khor 'dus pas// gang zhig su yang rung ba de yis ni// sems nyid sangs

  264. 133a

    rgyas yin par go ba'o// rig pa'i yul na sems nyid bde ba che// gang zhig 'di ltar rig cing rtogs pa ni// rnam par dag pa'i 'jig rten yin par bshad// gang sus reg cing rtogs pa de la ni// chos rnams thams cad rig pa'i 'od 'dus pas// phyogs bzhi mtshams brgyad bla 'og grub pa ni// snang srid sems can lha dang sems su grub// ces gsungs so// phun sum tshogs pa'i mdo dang don gyi 'grel pa rdzogs so// // de nas sems dpa' chen po des// yongs su 'dus pa'i tshogs la/ rdzogs pa chen po'i don yo gar 'dus pa'i phyir/ bye brag 'byed pa'i mdo 'di gsungs so// kye 'dus pa'i tshogs chen da nyon cig/ chos kun yo ga bzhir 'dus te// yo ga'i ma hA yo ga dang // a nu a ti yo ga bzhi'o// re re la yang bzhi bzhir dbye// de yang gang dang gang zhe na// yo ga yi ni yo ga dang // yo ga'i ma hA dang // yo ga'i a nu yo ga dang // yo ga'i a ti yo ga bzhi'o// ma hA la yang gzhir dbye ste// ma hA yo ga'i yo ga dang // ma ha yo ga'i ma ha dang // ma ha yo ga'i a nu dang // ma hA yo ga'i a ti bzhi'o// a nu la yang bzhir phye ste// a nu yo ga'i yo ga dang // a nu yo ga'i ma hA dang // a nu yo ga'i a nu dang // a nu yo ga'i a ti bzhi'o// a ti la yang bzhir dbye ste// a ti yo ga'i yo ga dang // a ti yo ga'i ma hA

  265. 133b

    dang // a ti yo ga'i a nu dang // a ti yo ga'i a ti bzhi'o// de yang gang gis dbye zhe na// yo ga rnam pa re re la// che ba rnam pa lnga lnga ste// che ba nyi shur phye ba ni// yo ga bzhi las phye ba yin// de yang ji ltar bstan zhe na// sangs rgyas med pa'i che ba bzhi// yo ga bzhi yis la bzla'o// mngon par sangs rgyas che bzhi ni// yo ga bzhi yi a ti bzhi// chos dbyings sangs rgyas che bzhi ni// yo ga bzhi yi a nu bzhi// bdag nyid sangs rgyas che bzhi ni// yo ga bzhi yi ma hA bzhi// de yin sangs rgyas che bzhi ni// yo ga bzhi yi yo ga bzhi'o// che ba rnam lnga spyir bstan na// bzhis ni rang khar 'dzin par byed// sangs rgyas med pa'i che bzhi ni// yo ga bzhi por la bzla ba'o// yo ga bzhi yi bye brag ni// a ti yo ga'i a ti ni// 'dus ma byas kyi chos nyid de// skye ba med pa'i rang bzhin gyis// mtshan ma'i yul dang bral ba'o// a ti yo ge'i a nu ni// rang bzhin ma bcos chos nyid de// sgrib pa med pa'i rang bzhin gyis// dbyings dang ye shes rang byung ba'o// a ti yo ga'i ma hA ni// 'byung chen lnga yi chos nyid de// kun la khyab pa'i rang bzhin te// thabs dang shes rab rang byung ba'o// a ti yo ga'i yo ga ni// ma btsal grub pa'i chos nyid de// zab mo rtogs pa'i rang bzhin gyis/ yul dang dbang por rang byung ba'o// a ti yo ga'i la bzlas

  266. 134a

    ni// brjod du med pa'i chos nyid de// sgro skur bral ba'i rang bzhin gyis// bde ba chen por rang byung ba'o// a nu yo ga'i a ti ni// byang chub sems kyi chos nyid de// rgyu rkyen bral ba'i rang bzhin gyis// gsang ba'i ye shes rang byung ba'o// a nu yo ga'i a nu ni// dbyings dang ye shes chos nyid de// thams cad 'byung ba'i rang bzhin gyis// chos kun ye shes rang byung ba'o// a nu yo ga'i ma hA ni// thabs dang shes rab chos nyid de// 'du 'bral med pa'i rang bzhin gyis// gnyis med bde ba rang byung ba'o// a nu yo ga'i yo ga ni// sems la rdzogs pa'i chos nyid de// blang dor med pa'i rang bzhin gyis// lung chen ston par rang byung ba'o// a nu yo ga'i la bzlas ni// 'du 'bral med pa'i chos nyid de// gzung 'dzin bral ba'i rang bzhin gyis// chos nyid zab mo rang byung ba'o// ma hA yo ga'i a ti ni// chags pa med pa'i chos nyid de// gzung 'dzin bral ba'i rang bzhin gyis// bde ba'i ye shes rang byung ba'o// ma hA yo ga'i a nu ni// dus gsum gcig pa'i chos nyid de// chos sku gcig pa'i rang bzhin gyis// che ba'i bde/ ba rang byung ba'o// ma hA yo ga'i ma hA ni// blang dor med pa'i chos nyid de// mi g.yo mi bskyod rang bzhin gyis// mnyam pa'i bde ba rang byung ba'o// ma hA yo ga'i yo ga ni// gcig tu 'das pa'i chos nyid de// ma

  267. 134b

    byung ma skyes rang bzhin gyis// sgro skur bral bar rang byung ba'o// ma hA yo ga'i la bzlas ni// srid gsum sangs rgyas chos nyid de// sgyu mar snang ba'i chos nyid kyis// chos nyid dag tu rang byung ba'o// yo ga'i a ti yo ga ni// mtshan ma med pa'i chos nyid de// mtshan ma med pa'i rang bzhin gyis// mi rtog 'bras bu rang byung ba'o// yo ga'i a nu yo ga ni// yongs su rdzogs pa'i chos nyid de// lhun gyis grub pa'i chos nyid kyis// bde chen chos nyid rang byung ba'o// yo ga'i ma hA yo ga ni// rmad du byung ba'i chos nyid de// nam mkha' lta bu'i chos nyid kyis// rmad byung rol pa'i rang byung ba'o// yo ga nyid kyi yo ga ni// kun kyang sangs rgyas chos nyid de// snying po gcig pa'i rang bzhin gyis// rnam par dag par rang byung ba'o// yo ga bzhi yi la bzlas pa// rtsol dang bral ba'i chos nyid de// bsgrub tu med pa'i rang bzhin gyis// sgyu ma lhun grub rang byung ba'o// zhes gsungs so// bye brag 'byed pa'i mdo las/ yo ga rnam pa bzhi bye brag tu 'byed pa'i le'u'o// // de nas yang sems dpa' chen po de yis/ 'dus pa'i tshogs la yo ga rnam pa bzhi'i don mdo'i 'grel pa 'di gsungs so// kye 'dus pa'i tshogs chen da nyon cig/ yang ni yo ga rnam pa bzhi po las// rdzogs chen a ti yo ga la// don gyi 'grel pa 'di gsungs so// rdzogs chen a ti yo ga'i

  268. 135a

    chos 'di ni// ye nas lhun gyis grub pa'i chos nyid de// gzhan la rag ma las pa'i byang chub sems// dngos po mtshan ma gar yang mtshungs med pa'i// rgyu rkyen bral ba'i rang byung ye shes kyis// mngon du gyur pa'i mthu yin rig pa las// bde chen chos ni gzhan nas 'byung mi 'gyur// zhes bstan/ rdzogs pa a nu yo ga'i chos nyid ni// rdo rje skye med 'byung ba'i chos nyid de// nam mkha'i rtog pa sprin dang khu rlangs 'dra// rtog pa de la mtshan ma skye med cing // sems rtog mtshan ma med pa de nyid ni// dus gsum rtog pa sku gsum nam mkha' 'dra// 'dod yon lnga la mi chags nam mkhar bsngo// nam mkha' chags med lta bur bsngo ba'o// chos nyid nam mkha' lta bur kun bsam na// rang don nam mkha' lta bur 'byung bar nges// zhes bya/ bskyed pa ma hA yo ga'i chos nyid ni// sems kyi dkyil na rnam shes 'khor gyis bskor// lha yi sku yi khro gnyer cha lugs bzhin// thams cad 'joms pa'i khro bo chen po yis// gtso bor khro bdag ci 'drar lus bsgoms te// yang nas yang du bsgoms pas mngon gyur nas// bag chags brtas pa'i yi ge mngon phyung nas// ma bcos pa yi chos nyid zhi ba de// dbang po'i mngon sum dag gis mthong ba min// zhes so// yo ga phyi ba'i chos nyid bstan pa ni// byang chub bsgrub pa'i yan lag bcu

  269. 135b

    gcig dgus// kun gyi sgo nas zhugs nas bsgom pa yang // sku mdog phyag mtshan phyag rgya rdzogs pa ru// sku yi cha lugs yid la ting 'dzin bsgom// chu zla bzhin du gsal ba yis// gzung 'dzin mtshan ma dag gis tshur ma gos// ye shes sems dpa' dag la bdag ma chags// chags pa med pa ci ltar 'byung 'gyur yang // dper na byis pas 'dag khang brtsegs pa bzhin// yang bsgom yang bshig 'dag khang bshig/ pa 'dra// zhes gsungs so// bye brag 'byed pa'i mdo las/ yo ga rnam pa bzhi'i don gyi 'grel pa bye brag 'byed pa'i mdo rdzogs so// // de nas yang sems dpa' chen po des/ 'dus pa'i tshogs la khyad par 'phags pa'i mdo 'di bstan to// kye 'dus pa'i tshogs chen da nyon cig/ khyad par 'phags pa'i don 'di las// khyad par 'phags pa'i che lnga ru// chos rnams thams cad 'dus par bshad// khyad par 'phags pa'i tshe lnga ni// mngon par sangs rgyas che ba dang // chos dbyings sangs rgyas che ba dang // bdag nyid sangs rgyas che ba dang // de yin sangs rgyas che ba dang // thams cad sangs rgyas che ba'o// de yang ji ltar 'phags zhe na// che ba lnga yi byang chub sems// sems nyid che ba lngas 'phags te// mngon par sangs rgyas che ba ni// 'dus ma byas pa'i byang chub sems// snang srid kun las khyad par 'phags// a ti yo

  270. 136a

    ga'i che bar bshad// chos dbyings sangs rgyas che ba ni// thams cad 'byung ba'i byang chub sems// 'byung gnas kun las khyad par 'phags// a nu yo ga'i che bar bshad// bdag nyid sangs rgyas che ba ni// lhun gyis grub pa'i byang chub sems// rtsol zhing bsgrub las khyad par 'phags// ma hA yo ga'i che bar bshad// de yin sangs rgyas che ba ni// ma nor ba yi byang chub sems// gtan tshigs kun las khyad par 'phags// yo ga dag gis che bar bshad// thams cad sangs rgyas che ba ni// sgro skur 'das pa'i byang chub sems// bsam sbyor kun las khyad par 'phags// la zlos pa yi che bar bshad// khyad par 'phags pa rnam pa lnga// che ba rnam pa lnga bstan te// ston pa bstan pa 'khor gnas dus// phun sum tshogs pa rnam pa lngas// skye 'gag med pa'i khyad par gyis// snang srid kun las khyad par 'phags// mngon par sangs rgyas yin par bshad// byang chub sems pa'i 'byung chen lnga// nam mkha' sa chu me rlung sems// thams cad 'byung ba'i rang bzhin gyis// 'byung gnas kun las khyad par 'phags// chos dbyings sangs rgyas yin par bshad// bdag nyid sangs rgyas che ba ni// phung po 'byung ba'i rnam shes yul// rang las byung ba'i chos yin te// gzhan la mi ltos rang bzhin gyis// rtsol bsgrub

  271. 136b

    kun las khyad par 'phags// bdag nyid sangs rgyas che bar bshad// de yin sangs rgyas che ba ni// dpe dang don dang rtags dang ni// nges pa dang ni gtan tshigs lngas// ma nor ba yi rang bzhin gyis// gtan tshigs kun las khyad par 'phags// de yin sangs rgyas che bar bshad// thams cad sangs rgyas che ba ni// 'dus ma byas dang dmigs su med// bsam du med dang spros dang bral// mtshon du med pa'i byang chub sems// gzung 'dzin bral ba'i rang bzhin gyis// bsam spyod kun las khyad par 'phags// thams cad sangs rgyas che bar bshad// mngon par sangs rgyas che ba ni// phun sum tshogs pa rnam lnga ste// ston pa kun tu bzang po ni// sangs rgyas kun gyi spyi mes po// blang dor med pa'i rang bzhin gyis// ston pa kun las khyad par 'phags// des na mngon par che bar bshad// sdud pa sems dpa' chen po ni// sangs rgyas sems can 'khor rnams la// skye 'jig med pas khyad par 'khor// sdud pa kun las khyad par 'phags// 'khor de mngon par che bar bshad// bstan pa blta ba rdzogs chen 'di// chos nyid kun gyi snying po ste// thams cad kun gyi rang bzhin gyis// theg pa kun las khyad par 'phags// des na bstan pa mngon par che// dus ni dus gsum khyad par gcig/ dus la skye 'jig med pas na// gcig tu gsal ba'i

  272. 137a

    rang bzhin gyis// snga phyi kun las khyad par 'phags// dus de mngon par che ba bshad// yangs pa chos dbyings kun bzang gnas// thams cad 'dus pa'i gnas chen de// mtha' dbus med pa'i rang bzhin gyis// bzhugs gnas kun las khyad par 'phags// gnas de mngon par che ba bshad// des na phun sum tshogs pa lngas// mngon par sangs rgyas che bar bshad// chos dbyings sangs rgyas che ba ni// byang chub sems lnga 'byung ba chen po lnga// chos nyid lnga ru sangs rgyas te// nam mkha' snang byed khyab pa'i dbyings// ma bsgribs pa yi byang chub sems// sgrib pa med pa'i khyad par gyis// kun la khyab pa'i bdag nyid do// sa ni sra byed rdo rje dbyings// skye ba med pa'i byang chub sems// 'jig pa med pa'i khyad par gyis// 'gyur ba med pa'i chos nyid do// chu ni rin chen gter gyi dbyings// thams cad snum pa'i byang chub sems// thams cad sdud pa'i khyad par gyis// 'byed par byed pa'i chos nyid do// me ni rnam dag pad+ma'i dbyings// gzung 'dzin dag pa'i byang chub sems// rnam par dag pa'i rang bzhin gyis// skyon dang bral ba'i chos nyid do// rlung ni brtson 'grus yangs pa'i dbyings// thogs pa med pa'i byang chub sems// yang zhing g.yo ba'i khyad par gyis// 'gag pa med pa'i chos nyid do// sa chu me rlung nam mkha'

  273. 137b

    lngas// thams cad skyed par byed pas na// 'byung gnas kun las khyad par 'phags// des na chos dbyings che bar bstan// bdag nyid sangs rgyas che ba ni// bdag nyid lnga ru shes par bya// phung po 'byung ba rnam shes yul// rang las 'byung ba'i chos yin te// rtsol bsgrub 'das te rang la rdzogs// 'byung ba lnga yi sangs rgyas ni// chos nyid rang gi byang chub sems// gzung 'dzin bral ba'i khyad par gyis// btsal du med pa'i bdag nyid che// phung po lnga ni rigs lnga ru// rtsol bsgrub 'das te rang la rdzogs// lhun gyis grub pa'i khyad par gyis// btsal du med pa'i bdag nyid che// rnam shes brgyad ni sems dpa' ru// rtsol bsgrub 'das te rang la rdzogs// sems su 'dus pa dam pa ste// btsal du med pa'i khyad par gyis// bsgrub tu med pas bdag nyid che// rnam shes brgyad kyi yul brgyad ni// sems ma brgyad du rang la rdzogs// rtog dang bral ba'i khyad par gyis// sbrang du med pas bdag nyid che// rang las byung ba'i chos rnams ni// dmigs pa med pa'i byang chub sems// mi dmigs pa yis khyad par gyis// bgrod du med pa'i bdag nyid che// des na bdag nyid che bar bshad// de yin sangs rgyas che ba ni// dpe dang don dang rtags dang ni// nges pa dang ni gtan tshigs lnga// khyad par lnga yi yin pa lnga'o// chos rnams thams cad

  274. 138a

    ma lus pa'i// dpe ni nam mkha' yin pa ste// nam mkha' spyod yul kun las 'das// mtshon du med pa'i khyad par gyis// nam mkha'i dpe ni khyad par che// don ni chos nyid yin pa ste// chos nyid don ni skye med las// skye ba'i cho 'phrul sangs rgyas kyi// don ni chos nyid de yin te// rtags ni sems nyid 'gag med yin// 'gag pa med pa'i byang chub sems// mi 'gag pa yis khyad par gyis// rtags ni che ba yin par bshad// nges pa dag la rnam pa gsum// dpe ni nam mkha' yin par nges// don ni chos nyid yin par nges// rtags ni sems nyid yin par nges// nges pa dag gis che bar ba shad// gtan tshigs dag gis che ba ni// rnam pa lnga ru shes par bya// phun sum tshogs pa rnam pa lnga// mngon par che ba'i gtan tshigs so// 'byung chen lnga dang byang chub sems// chos nyid che ba'i gtan tshigs so// phung po 'byung ba rnam shes yul// gzhan la rag ma las pa yin// bdag nyid che ba'i gtan tshigs so// dpe don rtags dang nges pa ni// yin pa dag gis gtan tshigs so// bsam med dmigs med spros pa med// 'dus ma byas pas mtshon med pas// thams cad sangs rgyas gtan tshigs so// gtan tshigs che ba yin par bshad// thams cad sangs rgyas che ba yang // bsam med dmigs med spros pa

  275. 138b

    med// mtshon du med dang 'dus pa med// rnam pa lnga ru shes par bya// chos nyid byang chub sems de la// gzung 'dzin med pas bsam du med// bsam med khyad par 'phags te che// chos nyid byang chub sems de la// yul ma mchis pas dmigs su med// dmigs med khyad par 'phags te mchi// chos nyid byang chub sems de la// mtshan ma med pas spros pa med// spros med khyad par 'phags te che// chos nyid byang chub sems de la// dpe ma mchis pas mtshon du med// mtshon med khyad par 'phags te che// chos nyid byang chub sems de la// gnyis su med pas 'dus byas med// 'dus med khyad par 'phags te mchi// thams cad sangs rgyas che bar bshad// ces gsungs so// khyad par 'phags pa'i mdo las/ khyad par 'phags pa'i che ba lnga bstan pa'i mdo'o// // de nas yang 'dus pa'i tshogs la/ khyad par du 'phags pa'i mdo'i 'grel pa 'di bstan te// kye 'dus pa'i tshogs chen de nyon cig/ rdo rje sems dpa' mngon par sangs rgyas che// sems kyis kun la khyab pas byams pa'i sa// chos nyid skye ba med par sbyangs pa'i phyir// thugs rje'i rang bzhin chos nyid ston pa'i bka'// 'gro la dmigs nas thugs rjes don mi mdzad// rang byung ye shes gnyen po med pas che// che ba'i zab mo gzung 'dzin bral bas

  276. 139a

    zab// zab mo dmigs su med pa de la ni// skyon la dor du med la yon tan bsngags su med// ces bya/ rdo rje sems dpa' chos nyid byang chub sems// byang chub sems kyi sku gsung thugs// snying po byang chub sems kyi lam las byung // dus gsum sangs rgyas khams gsum sems can kun// 'dod pa'i yon tan lnga la kun spyod kyang // sangs rgyas sku dang ye shes lnga ru spyod// sems can chags sdang lnga la rang khar spyod// chos nyid dbyings kyi rgyan ni 'dod yon lnga// byang chub sems kyi rgyan du sems dpas gsungs// des na chos nyid dbyings kyi che bar bshad// byang chub sems kyi rang bzhin bdag nyid che// sangs rgyas sems can mtho ris ngan song gang // gang gi las dang gang gi gnas skyes nas// rgyud drug 'khor zhing las drug spyod pa ni// bdag nyid byang chub sems las 'byung bar nges// kun gyi snying po byang chub sems 'di la// 'di ni skyes pa yin la 'di ni bud med ces// kun byed mnyam pa'i rgyal pos yongs ma gsungs// des na bdag nyid chen po yin par bshad// byang chub sems 'di yin pa'i che ba ste// sgro skur 'das pa'i chos nyid byang chub sems// brjod med gleng bral 'di la gnas pa yis// ma bcos chos nyid rtogs pa'i rnal 'byor de// las dang thugs rje 'dus pas skal ba

  277. 139b

    bzang // gleng bral brjod med don la gnas pa yis// skye ba med pas bdag don bya mi dgos// brjod du med pas gzhan don mi byed cing // chos nyid rgyu ma ma btsal lhun grub pas// rang bzhin gnas pa'i chos nyid yul la rol// des na de yin che ba'i gtan tshigs so// sangs rgyas zhes bya med pa'i che ba ni// dus gsum sangs rgyas khams gsum sems can la// ma bstan mchog tu gsang ba'i byang chub sems// bde gshegs ye shes snyan gyis sngar ma gsan// sems can rna ba'i dbang pos sngar ma thos// de bzhin ston pa'i ljags kyi dbang pos kyang // bder gshegs rnams la gsung gis bsgrags pa med// de bzhin gang zag lce yi dbang pos kyang // sems can rnams la tshig tu brjod pa med// des na sangs rgyas med pa'i che bar bshad// ces gsungs so// khyad par 'phags pa'i mdo las/ don gyi 'grel pa bstan pa ste khyad par 'phags pa'i mdo rdzogs so// // de nas yang sems dpa' chen po des// 'dus pa'i 'khor tshogs rnams kyis/ rdzogs pa chen po'i don ma thos pa rnams kyis skyon yon bsal ba'i phyir/ gol sgrib bstan pa'i mdo 'di gsungs so// kye 'dus pa'i tshogs chen da nyon cig/ nges pa thob pa'i theg pa drug/ rdzogs pa chen po'i gol sa ste// rdzogs chen nges thob sgrib par

  278. 140a

    bshad// mdo sde dang ni kri yA dang // u pa ya dang yo ga dang // ma hA yo ga a nu drug/ rdzogs pa chen po'i gol sa ste// de yang ji ltar gol zhe na// mdo sde byang chub sems dpa' ni// kun tu 'od kyis 'dod pas// bden pa gnyis kyis rtog dpyod pas// chos nyid stong pa nam mkhar rtogs// a ti yo ga'i bde chen ni// rtog dpyod 'das pa'i byang chub sems// rtog dpyod 'das la mdo sdes bsgribs// rdzogs chen rtog dang dpyod pa ni// mdo sde dag tu gol bar bshad// kri yA rdo rje 'dzin 'dod pa// dag pa rnam gsum sgor zhugs nas// chos nyid dag pa 'dzin pa ste// gzung 'dzin dag pa'i yul la gnas// a ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kri yAs bsgribs// rdzogs chen gzung dang 'dzin byed pa// kri yA dag tu gol bar bshad// u pa ya yi lta spyod ni// kri yA spyod cig yo ga bsgrub// lta spyod 'brel pa'i don med pas// gnyis su med pa'i don ma rtogs// a ti yo ga'i bde chen ni// gnyis su med pa'i byang chub sems// gnyis su med la u pas bsgribs// rdzogs chen gnyis su 'byed pa ni// u pa ya ru gol bar bshad// yo ga stug po bkod 'dod pas// mtshan ma yod med sgor zhugs nas// phyag rgya bzhi la gtsor byed pa// blang dor med la 'jug ma

  279. 140b

    nus// a ti yo ga'i bde chen ni// blang dor med pa'i byang chub sems// blang dor med la yo gas bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang 'dod pa// ting 'dzin rnam gsum sgor zhugs nas// rang rgyud dag pa'i dkyil 'khor la// bsnyen bsgrub rnam bzhis sgrub par byed// a ti yo ga'i bde chen ni// rtsol bsgrub 'das pa'i byang chub sems// rtsol bsgrub 'das la ma hAs bsgribs// rdzogs chen rtsol sgrub byed pa ni// ma hA yo gar gol bar bshad// a nu dbyer med sa 'dod pas// dbyings dang ye shes sgor zhugs nas// rgyu ni dag pa'i dbyings su blta// 'bras bu ye shes dkyil 'khor blta// a ti yo ga'i byang chub sems// rgyu 'bras dag pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis blta na// a nu yo gar gol bar bshad// theg pa dag gi gol sgrib bo// theg pa gcig gi lta ba la// go la sa sgrib pa bcu yod de// lta ba dag gi gol sgrib dang // dam tshig dag gi gol sgrib dang // phrin las dag gi gol sgrib dang // ye shes dag gi gol sgrib dang // sa dang pha rol gol sgrib dang // lam la gnas pa'i gol sgrib dang // phra ba dag gi gol sgrib dang // rgyud kyi gol sa sgrib pa dang // lung gi gol sa sgrib pa dang // man

  280. 141a

    ngag gol sa sgrib pa bcu'o// de yang gang dang gang zhe na// blta ba dag gi rang bzhin ni// bsgom du med de sangs rgyas blta// bsgom med sangs rgyas ma rig na// lta ba dag gis sgrib par bshad// ye nas sangs rgyas yin pa la// sangs rgyas yin par mi blta ste// bsgoms nas sangs rgyas lta ba ni// lta ba dag gi go la sa yin// dam tshig dag ni bsrung du med// bsrung du med pa'i dam tshig la// bsrung du med par ma rig na// dam tshig sgrib pa yin par bshad// bsrung du med pa'i dam tshig la// bsrung du med par ma shes na// phyogs mtshams dam tshig bsrung ba ni// dam tshig gol sa yin par bshad// phrin las rang bzhin btsal du med pa la// rtsol bsgrub 'das pa'i phrin las la// btsal du med par ma rig na// phrin las sgrib pa yin par bshad// btsal du med pa'i rang bzhin la// btsal du par ma rtogs te// phrin las rtsol bar byed pa ni// phrin las gol sa yin par bshad// ye shes dag gi rang bzhin ni// ye nas sgrib pa med par gsal// ye nas sgrib pa med pa la// sgrib pa med par ma rig na// ye shes dag gi sgrib par bshad// sgrib pa med pa'i ye shes la// sgrib pa med par ma rtogs te// mi bskyod gsal bar ma shes na// ye shes chen po gol sar bshad// sa dang pha rol rang bzhin

  281. 141b

    ni// sbyangs shing bgrod du med pa yin// sbyang bgrod med par ma rig na// sa dang pha rol sgrib par bshad// sbyang bgrod mi dgos sa lam la// sbyang bgrod ma dgos ma rtogs te// sbyangs shing bgrod par byed pa ni// sa dang pha rol gol sar bshad// phra ba dag gi rang bzhin ni// gzung 'dzin bral ba'i chos nyid yin// gzung 'dzin bral bar ma rig na// phra ba dag gi sgrib par bshad// gzung 'dzin bral ba'i phra ba la// gzung 'dzin bral bar ma rig ste// phra ba rdul du yod blta na// phra ba'i gol sa yin par bshad// rgyud kyi rang bzhin bstan pa ni// gzung 'dzin gnyis su med par 'brel// gnyis med 'brel bar ma rig na// rgyud kyi sgrib pa yin par bshad// gnyis su med pa'i 'brel pa la// gnyis med 'brel par ma rtogs te// sems chos gnyis su mthong ba ni// rgyud kyi gol sa yin par bshad// lung gi rang bzhin bstan pa ni// gtan la 'bebs shing nges par bstan// gtan la 'bebs par ma shes na// lung gi sgrib pa yin par bshad// gtan la 'bebs pa'i lung de la// thog tu 'bebs par ma rtogs te// gtan la mi 'bebs zer ba ni// lung gi gol sa yin par bshad// man ngag rang bzhin bstan pa ni// spros pa med par la bzla' ba'o// spros pa med par ma rig na// man ngag gi ni sgrib par bshad// sgro skur bral

  282. 142a

    ba'i man ngag la// spros pa med par ma rtogs te// sgro skur yod par 'dogs pa ni// man ngag dag gi gol sar bshad// gol sa sgrib pa sum cu yi// yo ga bzhi yi rang bzhin la// gong 'og blta ba'i khyad par gyis// gol sgrib sum cu byung ba yin// sgrib pa sgrib pa zhes bya ba// rig shes bya ba'i yul de la// ma rig ma shes ma rtogs pas// sgrib pa sgrib pa zhes su bshad// gol sa gol sa zhes bya/ ba// dper na don yod lam zhugs pas// shar gyi don yod nub lam phyin// nub phyin shar gyi don mi 'grub// spros pa med pa'i don bshor bas// mtshan ma dag gi lam la bgrod// sgro skur bral ba'i chos nyid la// tshig dang yi ge brjod pas gol// brjod yod rtog pa sgrib pa yin// snang ba dang ni srid pa'i chos// snang srid rgyud drug dbang po la// sems 'thad yA na rim pa dgu// mi mthun blta spyod so sor shad// des na gol sa sgrib pa byung // chos nyid ji bzhin byang chub sems// byang chub sems kyi theg pa la// gcig dang gnyis su bgrang du med// bgrangs na mtha' yas brjod mi langs// theg gcig byang chub snying po la// bzang ngan blang dor ma mchis pas// gol sa sgrib pa dbyer ma mchis// bde dang sdug bsngal dbyer ma mchis// sgro skur bral ba'i snying po sems// gol sgrib nyid ni byang chub lung // thams

  283. 142b

    cad lung ni byang chub sems// sems kyi lung la thams cad bstan// sems kyi rang bzhin rnam bzhi po// rnal 'byor rnam pa bzhir bstan te// sems nyid rdzogs pa chen po ni// shin tu rnal 'byor don du bstan// sems nyid rdzogs pa'i rang bzhin ni// yongs su rnal 'byor don du bstan// sems nyid bskyed pa'i rnam pa ni// rnal 'byor chen po'i don du bstan// sems nyid phyi nang rim pa de phyi ba'i rnam pa de// sems pa'i rnal 'byor don du bstan// rnal 'byor rnam bzhi'i don de la// gcig la'ang gol sgrib bcu yod de// blta ba dang ni dam tshig dang // phrin las dang ni ye shes dang // sa dang lam gyi rim pa dang // phra ba dang ni rgyud dang ni// lung dang man ngag rnam pa bcu'o// re re la yang bcu bcu ste// gol sa sgrib pa gnyis yod pas// gol sa bcu phrag bzhi bstan la// sgrib pa bcu tshan rnam pa gsum// rdzogs chen shin tu rnal 'byor la// sgrib pa yod par ngas ma gsungs// rnal 'byor rnam pa gsum po la// gol sa sgrib pa gnyis gnyis yod// des na blta ba'i gol sgrib ni// bdun cu tham par bgrang bar bya// rdzogs chen shin tu rnal 'byor la// sgrib pa dag gis yongs ma gos// rnal 'byor rnam pa drug po yis// sems nyid rdzogs chen sgor bltas pas// sgrib pa dang ni gol sa byung // ston pa'i lung la gol

  284. 143a

    sgrib med// gang zag blo la gol sgrib byung // sems kyi rang bzhin 'di lta ste// lung chen rnam pa bcur snang ste// rdzogs chen shin tu rnal 'byor gyi// lta ba bsgom du med pa yin// dam tshig bsrung du med pa yin// phrin las btsal du med pa yin// ye shes sgrib pa med pa yin// sa la sbyang du med pa yin// lam la bgrod du med pa yin// phra ba gzung 'dzin bral ba yin// rgyud kyi rang bzhin 'brel pa yin// lung gi rang bzhin thog tu 'bebs// man ngag dag gis la yang bzla'o// rdzogs chen shin tu rnal 'byor gyi// rang bzhin bcu ni de ltar ro// rdzogs pa yongs su rnal 'byor gyis// rang bzhin bcu bcu 'di lta ste// rgyu ni dag pa'i dbyings la blta// 'bras bu ye shes dkyil 'khor blta// dam tshig dag gi rang bzhin te// chos yul snying rje sku gsung thugs// sbyor ba rnam pa bzhi ru bskrun// phrin las dag gi rang bzhin ni// zhi rgyas dbang dang mngon spyod bzhi// ye shes dag gi rang bzhin ni// gnyis su med pa'i rang bzhin yin// sa yi rang bzhin bstan pa ni// kun bzang dbye ba med pa'i sa// lam gyi rang bzhin bstan pa ni// dbyings dang ye shes gnyis med lam// phra ba dag zab mo'i yang gi rang bzhin ni// snang la rang bzhin med pa yin// 'brel pa rgyud kyi rang bzhin de// rgyu dang 'bras bu gnyis med 'brel// lung gi

  285. 143b

    rang bzhin bstan pa ni// dbyings ni rgyu yi lung yin pas// ye shes 'bras bu'i lung du bstan// man ngag dag gi rang bzhin ni// rgyu ni dbyings su dag par bzlas// 'bras bu ye shes la yang bzlas// rnal 'byor chen po bskyed pa yi// rang bzhin bcu ni 'di lta ste// lta ba dag gi rang bzhin ni// rang rgyud dag pa'i ngo bo de// bdag nyid chen po'i dkyil 'khor lha// dam tshig dag gi rang bzhin ni// rtsa ba gsum dang yan lag lnga// phrin las dag gi rang bzhin ni// ta na dang ni g+ha na dang // dam rdzas lnga la spyod par byed// ye shes dag gi rang bzhin ni// dug lnga gnas dag ye shes lnga// sa yi rang bzhin bstan pa ni// lus dang ngag dang yid dang gsum// sku gsum rdo rje 'chang gi sa// lam gyi rang bzhin bstan pa ni// thabs dang shes rab lam bsgom dang // ting 'dzin rnam gsum sku gsum lam// phra ba chos kyi rang bzhin ni// zabs dang shes rab ma skyes pas// skye ba med pa'i phra bar bshad// 'brel pa'i rang bzhin bstan pa ni// yab yum zabs dang shes rab gnyis// bdag nyid chen po'i gzungs kyis 'brel// lung chen thog tu 'bebs pa ni// phung po lnga dang 'byung ba lnga// khams dang skye mched sems chos rnams// bdag nyid chen por thog tu 'bebs// la zlo ba yi man ngag ni// snang zhing srid pa'i chos rnams ni// bdag

  286. 144a

    yin gzhan du rag ma lus// ltos pa ma mchis la bzla' 'o// yA na sems dpa'i rnal 'byor gyis// rang bzhin bcu ni 'di lta ste// lta ba dag gi rang bzhin ni// byin rlabs dag las byung ba yin// chos la mtshan ma med par blta// rang dang 'dra ba'i lha nyid do// dam tshig dag gi rang bzhin ni// rtsa ba bdun dang dge sdig bcu// spang zhing dang du blang bar byed// phrin las dag gi rang bzhin ni// sems dang ting 'dzin las la spyod// ye shes dag gi rang bzhin ni// rigs chen dag gi ye shes bzhi// sa yi rang bzhin bstan pa ni// chos dbyings stug po bkod pa yin// bgrod pa lam gyi rang bzhin ni// mtshan ma med pa'i lam du 'jug/ phra ba chos kyi zab mo ni// mtshan ma med pa'i chos kyi dbyings// 'brel pa rgyun gyi rang bzhin ni// yul dang dbang po gnyis su 'brel// lung chen thog tu 'bebs pa ni// chags pa med par thog tu 'bebs// man ngag dag gi la zlo ba// chu zla lta bu'i rang bzhin du// gzung du med par la bzla' ba'o// yang na gnyis ka rgyud 'di la// rang bzhin bcu ni 'di lta ste// lta ba dag gi rang bzhin ni// dmigs pa dag gi ting 'dzin gyis// rang bzhin chos la lhar byas nas// lha dpon bdag g.yog lta bar byed// dam tshig dag gi rang bzhin ni// rtsa ba bdun ni yan lag ste// nyams pa

  287. 144b

    med par srung bar byed// phrin las dag gi rang bzhin ni// las su khrus dang mchod pa byed// ye shes dag gi rang bzhin ni// rigs bzhi phyag rgya bzhi ru gsal// sa yi rang bzhin bstan pa ni// lta spyod so sor spyod pa yis// de bgrod lam gyi rang bzhin ni// dag pa gsum gyis lam la bgrod// phra ba chos kyi rang bzhin ni// rnam par mi rtog stong pas phra// 'brel pa rgyud kyi rang bzhin ni// gnyis ka spyod kyis 'brel pa las// gnyis su med par 'brel pa med// thog tu 'bebs pa'i lung chen ni// nges pa med par bstan pa yin// la bzla' ba yi man ngag ni// 'di spyod nges pa ma mchis pas// sems dpa' nga yis lung ma bstan// bya ba kri yA'i yA na ni// rang bzhin bcu ni 'di lta ste// lta ba dag gi rang bzhin ni// rnam par mi rtog ting 'dzin gyis// dmigs gsum yan lag bzhi blta ste// rje dang khol du lta bar byed// dam tshig dag gi rang bzhin ni// rtsa ba lnga dang yan lag drug/ mi nyams bsrung ba'i dam tshig go// phrin las dag gi rang bzhin ni// dus su khrus dang gtsang sbra spyod// ye shes rang bzhin bstan pa ni// sor rtog pa'i rang bzhin ni// rigs gsum so sor 'byed par byed// sa yi rang bzhin bstan pa ni// thugs ni ye shes la la gzhi ldan pa'i// ting 'dzin rdo rje 'dzin pa'i sa// lam gyi rang bzhin bstan pa

  288. 145a

    ni// gza' skar dus tshigs bzang sgo nas// dag pa rnam gsum lam du blta// phra ba chos kyi rang bzhin ni// chos nyid rnam par mi rtog pa// gzung 'dzin shin tu phra bar blta// 'brel pa rgyud kyi rang bzhin ni// yan lag bcu gcig rim par 'brel// lung chen thog tu 'bebs pa ni// ting 'dzin gzung 'dzin byed pa yis// thog tu 'bebs pa ngas ma bstan// la zlo ba yi man ngag ni// chos dang gzung 'dzin sa phyed pas// ting 'dzin rtog pas la yang zlos// mtshan nyid byang chub sems dpa' yi// rang bzhin bcu ni 'di lta ste// lta ba'i rang bzhin bstan pa ni// bden pa gnyis kyi rtog dpyod kyis// chos kyi rang bzhin stong par blta// dam tshig rang bzhin sdom pa ste// spyod la 'jug dang sdom pa ni// grangs mtha' yas te rgya mtsho 'dra// spyod pa'i phrin las bstan pa ni// pha rol phyin pa bcu la spyod// ye shes rang bzhin bstan pa ni// brgyad khri bzhi stong rnam grangs kyang // thams cad mkhyen pa'i ye shes so// sa yi rang bzhin bstan pa ni// dang po sa dang rim pa bcu// kun tu 'od kyi sa la gnas// lam gyi rang bzhin nges 'byung ba// tshogs dang sbyor ba mthong ba dang // sa bcu'i bsgom pa mthar phyin lnga'o// chos kyi rang bzhin phra ba ni// chos sku gzung 'dzin bral bar 'dzin// 'brel pa'i rang bzhin bstan pa ni// las

  289. 145b

    dang thugs rje bden gnyis 'brel// lung chen thog tu 'bebs pa ni// don dam kun rdzob bden pas 'bebs// man ngag dag gis la bzla ru// 'bras bu lam gyi sgor ma zhugs// spang gzhi 'geg pa rnam gnyis la// rang bzhin 'di bcu'i ming ma bstan// nges thob ming grags rnam gsum ni// rnal 'byor bzhi yi gol sar bstan// rnal 'byor bzhi yi rim pa la// la la gol sa grangs mang la// la la sgrib pa grangs mang la// la la gol sgrib grangs su mnyam// yo ga bzhi yi rnal 'byor la// gol sgrib grangs su bstan pa yin// go la sa brgya dang brgyad cu la// sgrib pa bcu pa drug tu dbye// rang bzhin bcu yi gol sgrib ni// rnal 'byor bzhi las phye ba ni// nyis brgya bzhi bcu grangs su 'byung // yang na bdun gyis phye ba'i tshe// rang bzhin rnam pa bcu po la// bzhi brgya dang ni bcu tshan gnyis// rang bzhin bcu po'i ngo bo ni// snying po byang chub sems yin te// yang na bdun gyi go skabs su// rang gi rang bzhin ma shes na// sgrib pa sgrib pa zhes su bshad// rang gi rang bzhin ma shes nas// 'og ma 'og ma yin smra na// go las gol sa zhes su bshad// rang bzhin bcu yi rang bzhin ni// snying po byang chub sems yin te// snying po byang chub rang bzhin la// gzhan du blta ba'i yul med pas// lta ba bsgom du med pa yin// snying po byang

  290. 146a

    chub sems de la// gzung 'dzin med pa'i rang bzhin gyis// dam tshig bsrung du med pa yin// snying po byang chub sems 'di ni// lhun gyis grub pa'i rang bzhin gyis// phrin las btsal du med pa yin// snying po byang chub sems 'di la// sgrib pa med pa'i rang bzhin gyis// ye nas rang byung ye shes yin// snying po byang chub sems 'di la// thams cad 'di la gnas pa'i phyir// sa zhes bya ba spyad du med// snying po byang chub sems 'di la// gzhan du bgrod du med pa'i phyir// lam la bgrod du med pa yin// snying po byang chub sems 'di ni// ye nas chos nyid yin pa'i phyir// phra ba dag gi rang bzhin yin// snying po byang chub sems 'di la// sangs rgyas sems can gnyis snang ba// 'brel pa rgyud kyi rang bzhin yin// rang byung ye shes snying po 'dis// chos kun gtan la 'bebs pa'i phyir// lung gi thog tu 'bebs pa yin// rang byung ye shes snying po 'di// sgro skur kun dang bral ba'i phyir// la zlo ba yi man ngag yin// byang chub sems kyi rang bzhin 'di// ye nas rang byung ye shes sku// ye nas kun bzang ye shes sku// ye nas skye med rdo rje'i sku// sku tshad 'das pas byang chub sems// 'das pa kun gyi snying po la// rang bzhin ma bcos bcu bgrangs pa// bgrangs pa ma yin ngo bor gcig/ ngo bo gcig la rang bzhin

  291. 146b

    bcu// byang chub sems kyi che bar bgrangs// yon tan bcu ru snang mod kyi// snying po byang chub sems 'di la// dus gsum bzhugs pa'i sangs rgyas kyis// snga rabs 'das pas sngar ma bgrangs// da ltar bzhugs pas bgrang mi byed// slad kyis byon pa'i sangs rgyas rnams// sems nyid 'di la bgrang mi byed// bgrang med sems kyi rang bzhin la// gcig ste rnam pa bgrang du med// bgrang du med pa'i snying po la// gol sa sgrib pa gnyis med de// sems la bgrang du med pa'o// rang bzhin bcu ru bgrangs pa ni// sems kyi cha yi bye brag ste// sems can blo la snang bas bgrang // sems la bgrangs pas gol sgrib 'byung // bgrang du med la gol sgrib med// bgrangs te ma shes gol sgrib yin// bgrang yod mthong ba'i gol sgrib yin// sems gcig byang chub snying po la// lta ba'i khyad par dgu bgrangs nor// dam tshig phyogs mtshams bsrungs pas nyams// phrin las btsal bas grub pa med// ye shes bltas pas yul ma mthong // sa zhes sbyangs pas gnas ma rnyed// bgrod pa'i lam la phyin pa med// phra ba gzung 'dzin chos da bral// 'bral ba gcig la gnyis su mthong // lung chen rgyud las 'byung 'dod pas// de lung nges par yod ma yin// la zlo ba yi man ngag 'dir// tshig dang yi ge sgo skur btags// gdags su med la

  292. 147a

    ming btags pas// ming btags yod pa'i sgros byung la// med ces brjod pa skur ba btab// yod med brjod pas bsgribs shing gol// med ces don la bsgribs pa yin// yod ces gang du brjod pa des// brjod yod tshig dang yi ger gol// des na sgro skur gol sgrib 'di// yod rtog gang zag blo la snang // rtog 'das ting 'dzin bsam bral la// gol sgrib yod par ngas ma gsung // zhes gol sgrib bstan pa'i mdo bstan pa'o// // de nas sems dpa' rdo rje des/ 'dus pa'i tshogs la gol sgrib bstan pa'i don gyi 'grel pa 'di gsungs so// kye 'dus pa'i tshogs chen de nyon cig/ rdzogs pa chen po'i rnal 'byor lam 'di la// sangs rgyas lam la gong 'og rim pa med// ma rtogs bgrod pas 'jig rten tshangs pa'i lam// ma btsal lhun gyis grub dang mthun pa med// chos nyid lhun gyis grub la bgrod 'gyur na// nam mkha'i mtha' la thug pa med pa bzhin// bgrod med lam la bgrod pas thug pa med// des na lam gyi gol sa zhes su bshad// rdzogs pa chen po rtsol bsgrub las grol ba// sangs rgyas spyod yul sku dang ye shes 'di// btsal bas mi rnyed rang byung ye shes yin// dbang po drug la yul drug yod pa bzhin// sku dang ye shes rang byung rgyu med pas// btsal na long bas nam mkhar bsnyeg pa

  293. 147b

    'dra// de yang lam gyi go la sar bshad// rdzogs chen phrin las btsal du med pa la// bla ma gsum mchod 'gro la sbyin gtong ba// de bzhin tshogs gnyis 'dod pa'i bsod nams kyang // ting 'dzin ma chags mi g.yo'i stobs med na// yul la chags shing ting 'dzin g.yo ba yis// mchod sbyin byas na 'ching ba chen por 'gyur// de yang las kyi gol sa rang yis bshad// rdzogs chen lta spyod rgyu 'bras 'das pa la// rgyu las 'bras bu 'byung bar ming btags na// dge ba'i rgyu yis 'bras bu mtho ris la// sdig pa'i rgyu yis 'bras bu ngan song du// 'jig rten 'di las spyad pas 'byung ngo zhes// dge ba dang len sdig pa phar 'dor ba// 'bras bu 'byung zer brod pa mchog tu bskyed// de yang lta spyod rgyu 'bras gol sar bshad// rdzogs chen gzung 'dzin bral ba'i phra ba la// gzung 'dzin byed pa'i shes pa de dag gis// byang chub sems ni chos kyi sgo mo la// phra rab rdul gyi yang 'dug phra rags sdug bsngal sgo mor ming btags te// sems kyi dben pas lam btsal dgon pa'i gnas// yul dben sems dben phra mo bsgom// rig pa mngon du gyur pas rab brtags na// phra mo gsum bsgom rnam par rtog 'gyur bsgom// phra ba chos kyi gol sar nga yis bshad// rdzogs chen skyon yon bral ba'i bsgom pa de// gzung 'dzin rnam rtog bral ba'i chos nyid

  294. 148a

    la// yon tan bcu yis bsam gtan bsgom pa ni// bsam gtan bcu ni sgrib pa bcu yin pas// yon tan bcu po dag la bsam med do// spros pa med pa'i chos nyid ma bsams shing // gzung 'dzin bral ba'i rig pa ma sbyangs pas// ston min con min dag gi chos nyid bzhin// rang gi rnam rtog de nyid ye shes 'dod// bsam gtan bsgom pa'i gol sa rang yis bshad// yon tan bcu ni sgrib pa bcu yin te// sgrib pa bcu ni gang dang gang zhe na// mi g.yo ba dang gsal ba dang // thim pa dang ni bde ba dang // lhan ne ba dang lhang nge ba// sems las ye shes skye ba dang // gzhan gyi lta ba khyad gsod dang // rang gi lta ba ngom skyon dang // mngon par shes dang ldan du re// 'di ni bla med yin zer nas// chog shes 'dzin pa 'di bcu ni// gol sa sgrib pa yin par bshad// yon tan brgyad ni gang zhe na// 'gro dang 'dug dang ldang dang nyal// lta spyod lam bzhi nyams pa med// gnas gcig g.yo ba med pa dang // sangs rgyas spyod pa mngon gyur kyang // de la re ba mi 'jog dang // phyogs bcu'i zhing khams thams cad kun// skyu ru ra bzhin mngon gsal yang // de la gzung 'dzin med pa dang // bdud kyi rgyal pos mi 'jigs dang // lha mo rnams la ma chags dang // yang dag chos las ma nyams dang // chos nyid dbyings ni mngon rtogs

  295. 148b

    kyang // 'dus byas dge rtsa rgyun mi gcod// yon tan chen po 'di brgyad ni// bsam gtan gyi ni yon tan no// zhes gol sgrib bstan pa'i mdo rdzogs so// // de nas sems dpa' rdo rje'i zhal du 'dus pa'i tshogs thams cad kyis bltas te kun gyis zhus pa/ kye kun bzang rdo rje'i snying po khyod// khyod ni gsung gi seng ge ste// rdzogs chen don 'di ma mthong na// gol sa sgrib pa skyon yod ces// gsung gi seng ges bstan pa de// 'dus pa nged kyis ma rig pas// gsung gi seng ge khyod kyis ni// nges par gtan la dbab tu gsol// zhes zhus so// de nas sems dpa' rdo rje des// chos thams cad gtan la dbab pa'i phyir/ gtan la 'bebs pa'i mdo 'di gsungs so// kye 'dus pa'i tshogs chen da nyon cig/ lung gsum man ngag bzhi bdun gyis// nges par gtan la 'bebs pa bshad// de yang lung gsum gang zhe na// snyan khung brgyud pa'i lung dang gcig/ mngon du byung ba'i lung dang gnyis// gtan la 'bebs pa'i lung gsum mo// man ngag rnam bzhi gang zhe na// nges pa bzhi yi man ngag dang // mi rigs rigs par bshad pa gsum// skabs dang phyag rgya'i man ngag gnyis// de nyid lam gyi man ngag go/ snyan khung brgyud pa'i lung la yang // rnam pa gnyis su dbye bar bya// 'phags pa'i ye shes snyan khung brgyud// gang zag rna

  296. 149a

    ba'i dbang po brgyud// 'phags pa'i ye shes snyan brgyud pa// rang bzhin chos nyid gzhal yas su// ston pa kun tu bzang po yis// tshig gi rdo rje nga nyid la// chos nyid rang bzhin sems nyid de// sems nyid rdzogs pa chen po'i lung // rdo rje ye shes snyan khung brgyud// gang zag rna bar brgyud pa ni// nga las sprul pa rabs bdun dang // yang sbrul gang zag thugs kyi sras// 'khor gyi gang zag dbang po la// 'dzam gling rdo rje'i gdan stengs su// sde snod gsum pa'i rim pa drug/ gang zag blo la 'thad phyogs su// 'dul ba'i dbang gis bstan pa yang // de yang nga yis bstan pa yin// gang zag rna ba'i dbang po brgyud// snyan khung brgyud pa'i lung 'di la// lo rgyus don zhes bshad pa yin// lo rgyus don la rnam gsum ste// byin gyis rlabs kyis bshad pa dang // rang gi ngo bos bshad pa dang // tshig sdebs legs par bshad pa'o// byin gyis rlabs kyis bshad pa ni// rang bzhin chos kyi gzhal yas na// ston pa kun tu bzang po ngas// mtshan ma'i sku gsung mi mnga' yang // chos nyid skye ba med pa de// bzang ngan blang dor med pa ru// kun bzang nyid du byin brlabs nas// rdo rje sems dpa'i thugs la brgyud// byin gyis rlabs kyis bshad ces bya// rang gi ngo bos bshad pa ni// skye med dbyings kyi pho brang nas// ston pa rdo rje sems

  297. 149b

    dpa' yang // mtshan ma'i sku gsung mi mnga' bar// chos nyid skye ba med pa de// skye 'jig med pa'i ngo bo dang // rdo rje yi ni ngo bo ru// sprul pa gang zag skal ldan la// rig pa'i 'og min gnas su bshad// rang gi ngo bos bshad ces bya// tshig sdebs legs par bshad pa ni// 'dzam gling rgyud drug gnas 'di na// sprul pa'i gang zag skal ldan der// chos nyid skye ba med pa de// skye ba med pa'i tshig brjod pas// skye ba med pa'i don rtags su// rin chen gser gyi glegs bam la// bai DAr zhun ma'i rang nan gyis// tshig dang yi ger bsdebs bris nas// phyi rabs rnams kyi don du bshad// tshig sdebs legs par bshad ces bya// des na snyan khung brgyud pa'i lung zhes bya// mngon du phyung ba'i lung la yang // rnam pa gnyis su dbye bar bya// de yang gang dang gang zhe na// drang ba'i lung dang nges pa'i lung // drang ba'i lung yang gang zhe na// rnam pa bdun du shes par bya// mos spyod bzod thob sar 'dren dang // 'od zer 'phro ba'i sar 'dren dang // rdo rje 'dzin pa'i sar 'dren dang // stug po chos nyid sar 'dren dang // sku gsung rdo rje'i sar 'dren dang // dbyer med sa ru 'dren pa'i lung // rtsol bsgrub 'das par 'dren pa'i lung // rnam pa bdun du shes par bya// de yi don ni 'di lta ste// mos spyod sa ru 'dren lung ni// bden pa bzhi yi lam drangs

  298. 150a

    nas// spang dang 'geg pa'i lung bstan te// bzod thob dang po'i sa ru 'dren// 'od zer 'phro sar 'dren lung ni// sa bcu dag gi lam drangs nas// pha rol phyin bcu lung bstan te// rtog 'das kun tu 'od sar 'dren// rdo rje 'dzin sar 'dren lung ni// dag pa gsum gyi lam drangs nas// yan lag bcu gcig lam drangs te// rdo rje 'dzin pa'i sa ru 'dren// stug po'i sa ru 'dren lung ni// mtshan ma med pa'i lam drangs nas// phyag rgya bzhi yi lung bstan te// stug po chos nyid sa ru 'dren// sku gsung rdo rjer 'dren lung ni// ting 'dzin rnam gsum lam drangs nas// rang rgyud dag par lung bstan te// sku gsung rdo 'i sa ru 'dren// dbyer med sa ru 'dren lung ni// dbyings dang ye shes lam drangs te// snang la rang bzhin lung bstan te// dbye ba med pa'i sa ru 'dren// rtsol bsgrub 'das par 'dren lung ni// dbye ba med pa'i lam drangs nas// ye shes lhun grub lung bstan te// rtsol bsgrub 'das pa'i sa ru 'dren// rim pa dgu yi don bdun ni// tshig dang yi ge yod bstan pas// drang ba'i lung zhes nga yis bshad// nges pa'i lung gi don 'di ni// byang chub sems kyi chos nyid la// rdo rje sems dpa' nga yis bshad// yang dag nges pa 'di yin zhes// tshig dang yi ges mtshon du med// sgra dang tha snyad ril las 'das// sgo dang skur pa

  299. 150b

    kun dang bral// kun la 'das pa'i don 'di la// 'di nyid mtshon du med pas na// nges pa'i lung zhes ming tsam btags// nges par gdags su yod pa min// zhes gsungs so// gtan la 'bebs pa'i lung 'di la// bye brag gnyis su dbye bar bya// sems can dbang po rim dgu la// sems 'thad theg pa rim pa dgu// gtan la 'bebs te bstan pa yang // sems dang chos la dbyer med de// thams cad sems su gcig pa'i phyir// dgu yis gtan la 'bebs pa yin// thams cad sems su 'dus pa'i phyir// sems nyid rdzogs par gtan la 'bebs// sems 'thad theg pa rim pa dgu// gtan la 'bebs pa med pa ni// nyan thos dang ni rang rgyal gnyis// bden pa bzhi yi gtan tshigs kyis// rang las byung ba'i chos nyid la// spang zhing 'geg pas gtan la 'bebs// rang las byung ba spang 'geg pas// gtan la 'bebs par ma gsungs so// theg chen byang chub sems dpa' ni// bden pa gnyis kyi gtan tshigs kyis// rang las byung ba'i chos nyid ni// mi rtag sdug bsngal stong bdag med// sbyangs shing bgrod pas gtan la 'bebs// rang las byung ba'i chos spyod pas// gtan la 'bebs par yongs ma gsungs// 'bras bu nges thob bya ba ni// dag pa gsum gyi gtan tshigs kyis// rang las byung ba'i chos nyid ni//

  300. 151a

    gzugs sgra dri ro reg la sogs// spang dang bsrung dang dag pa yis// chos de gtan la 'bebs par byed// rang chos srung bar byed pas na// gtan la 'bebs par yongs ma gsungs// phyi pa thub pa'i sems la ni// mtshan ma med pa'i gtan tshigs kyis// rang las byung ba'i chos nyid 'di// dam rdzas lnga la spang len gyis// sems nyid gtan la 'bebs 'dod pa// rang las byung ba'i chos lnga la// spang len byed pa'i rang bzhin gyis// gtan la 'bebs par yongs ma gsungs// bskyed pa rnal 'byor chen pos ni// thabs dang shes rab gtan tshigs kyis// rang las byung ba'i chos nyid ni// phung po 'byung ba rnam shes yul// dus rnams kun la sgrub byed pas// rnal 'byor gtan la 'bebs byed pa// rang byung chos la sgrub byed pas// gtan la 'bebs par yongs ma gsungs// rdzogs pa'i rnal 'byor chen pos ni// dbyings dang ye shes gtan tshigs kyis// rang la byung ba'i chos nyid ni// sems dang chos dang rig pa la// rgyu dang 'bras bu gnyis 'byed pas// chos de gtan la 'bebs par byed// rang las byung ba'i sems rig la// rgyu dang 'bras bur 'byed pa yis// gtan la 'bebs par yongs ma gsung // gtan la 'bebs par gsungs pa ni// sems nyid rdzogs pa chen po la// chos kun 'dus shing gsal ba

  301. 151b

    yis// thams cad gtan la 'bebs par bstan// de yang ji lta bu zhe na// sems nyid rdzogs pa chen po yis// chos kun yongs su byas pa'i phyir// gtan la 'bebs pa'i ngo bo de// chos kun gtan la 'bebs par bshad// sems nyid rdzogs pa chen po yis// rang las byung ba'i chos rnams ni// sems nyid gcig gi rang bzhin gyis// sems las gtan la dbab tu med// so sor gtan la 'bebs pa ni// ma rtogs theg pa dgu las byung // sems las byung ba'i chos nyid la// sdug bsngal kun 'byung yin zer ba// gtan la 'bebs pa'i chos ma yin// sdug bsngal bden pa'i chos nyid la// sems nyid rdzogs pas gtan la 'bebs// spang zhing 'geg pas yongs ma rtogs// sems las byung ba'i chos nyid la// mi rtag sdug bsngal yin zer bas// mdo sdes gtan la 'bebs pa min// mi rtag sdug bsngal chos nyid de// 'gyur med bde chen chos nyid du// sems nyid rdzogs pas gtan la dbab// sems las byung ba'i chos nyid la// mtshan ma gzung 'dzin yin zer bas// kri yAs gtan la 'bebs pa min// 'geg spang dri ro chos nyid de// ye nas dag pa'i chos nyid du// sems la rdzogs par gtan la 'bebs// sems las byung ba'i chos nyid la// dam rdzas gtsang btsog yin zer bas// yo gas gtan la mi phebs

  302. 152a

    te// dam rdzas lnga yi chos nyid de// rang rgyud dag pa'i chos nyid du// sems nyid rdzogs pas gtan la 'babs// sems las byung ba'i chos nyid de// phung po 'byung ba rnam shes la// btsal zhing bsgrub pa dgos zer ba// ma hAs gtan la phebs pa min// phung po rnam shes chos nyid de// ma 'gags pa yi ye shes su// sems nyid rdzogs pas gtan la 'bebs// sems las byung ba'i chos nyid ni// sems rig rgyu 'bras yin zer bas// a nus gtan la phebs pa min// dbyings dang ye shes chos nyid de// rtsol bsgrub 'das pa'i chos nyid du// sems nyid rdzogs pas gtan la phab// sems nyid rdzogs pa chen po 'dis// thams cad gtan la 'bebs pa ni// chos kun sems su 'dus pas ni// sems kyi rang bzhin bstan pa yin// sems kyi rang bzhin bstan pa la// chos kun gtan la phab ces bya// gtan la 'bebs pa'i lung gsum bstan to// man ngag bzhi ni gang zhe na// rnam pa gnyis su dbye bar bya// de yang gang dang gang zhe na// bzhi pa gnyis kyi rnam pa ste// nges pa bzhi yi man ngag dang // rigs rigs par bshad pa gsum// skabs dang phyag rgya'i man ngag gnyis// de nyid lam gyi man ngag go// nges pa bzhi yi man ngag kyang // ye shes spang len med par nges// snying rje phyogs ris med par

  303. 152b

    nges// 'byung lnga ye nas sangs rgyas nges// sems la gnyen po med par nges// mi rigs rigs par bshad gsum ni// sems las ma byung sangs rgyas ni// mi rigs rigs par bshad pa dang // rgyu las ma byung 'bras bu yang // mi rigs rigs par bshad pa dang // rgyud las ma byung man ngag kyang // mi rigs rigs par bshad pa yin// skabs dang phyag rgya'i man ngag ni// skabs ni bcu gnyis bdun bstan la// phyag rgya bcu gnyis lnga yis bstan// de nyid lam gyi man ngag ni// chos nyid sems de sus mthong ba// nges pa lam gyi man ngag go// rnam gcig man ngag rnam bzhi ni// ngo bo bzhi ni bstan pa ste// byang chub sems kyi man ngag dang // sbyor ba med pa'i man ngag dang // dus gsum gtan tshigs man ngag dang // lung chen khungs kyi man ngag go// ye shes spang len med pa ni// sems nyid rdzogs pa'i ye shes te// ye nas rang byung ye shes la// chos la dus gsum sgrib med pas// spang dang len pa mi mnga' ste// rang byung ye shes 'gyur med la// spang dang 'geg pa yongs mi mnga'// sbyar zhing bgrod pa yongs mi mnga'// gzung zhing 'dzin pa yongs mi mnga'// blang zhing dor ba yongs mi mnga'// btsal zhing bsgrub pa yongs mi mnga'// rgyu dang 'bras bu yongs mi mnga'// des na rang byung ye shes la// spang len med par

  304. 153a

    bstan pa yin// yang na rnam pa brgyad po la// rang byung ye shes yod ma yin// so sor rtogs pa'i ye shes kyis// theg pa so sor rtogs par byed// des na ye shes grangs su 'byung // grangs kyi ye shes rnam pa ni// shes dang chos shes rjes su shes// ji mi snyam pa'i ye shes ni// bden pa bzhi po gcig pa la'ang // rnam pa bzhi bzhir dbye ba ni// grangs kyi ye shes bcu drug tu// bden pa bzhi las byung ba yin// des kyang spang zhing 'geg pas na// spang len med pa'i ye shes min// mi rtag pa dang sdug bsngal dang // stong pa dang ni bdag med pa// thams cad mkhyen pa'i ye shes ni// don dam kun rdzob shes pa ste// des kyang sbyangs shing bgrod dgos pas// sbyang bgrod med pa'i ye shes min// dag pa gsum gyi ting 'dzin gyis// dri ro spangs shing rigs gsum rtog/ des kyang gzung 'dzin spangs nas kyang // gzung 'dzin 'das pa'i ye shes min// phyag rgya bzhi 'dzin rig pa yis// rang rgyud dag pa'i chos lnga la// rtog pas blang zhing dor byed pas// blang dor med pa'i ye shes min// thabs dang shes rab chos nyid la// sku gsung rigs dang kha dog gsal// rang rgyud dag par sgrub byed pas// rtsal bsgrub 'das pa'i ye shes min// dbyings dang ye shes chos nyid la// rgyu 'bras dag pa'i rig pa yis// de yis btsal zhing sgrub byed

  305. 153b

    pas// rgyu 'bras 'das pa'i ye shes min// rang byung ye shes sku gcig la// theg pa grangs kyi ye shes kyis// gsal bar bskyed par mi nus so// sems nyid rdzogs pa chen po yi// 'gyur med rang byung ye shes la// ye nas sgrib pa mi mnga' bas// spang len med pa'i ye shes so// des na spang len med par nges// zhes bstan/ snying rje phyogs ris med pa ni// rnam pa gsum du shes par bya// cir mi mdzad pa'i snying rje dang // kun la khyab pa'i snying rje dang // phyogs mtshams 'dzin pa'i snying rje'o// gnyis la phyogs ris med pa ste// phyogs mtshams 'dzin pa phyogs yod de// de yang gang dang gang zhe na// rnam pa gsum du shes par bya// cir yang mi mdzad pa yi snying rje ni// sems nyid rdzogs pa'i byang chub sems// spros dang bral ba'i rang bzhin gyis// dngos po mtshan ma cir mi mdzad// des na snying rje phyogs ris med// kun la khyab pa'i snying rje ni// sems nyid rdzogs pa'i byang chub sems// blang dor med pa'i rang bzhin gyis// sangs rgyas sems can kun la khyab// des na snying rje phyogs ris med// phyogs mtshams 'dzin pa'i snying rje ni// theg pa brgyad kyi chos nyid de// rgyu dang 'bras bur phyogs mtshams 'dzin// rtsol bsgrub yod par phyogs mtshams 'dzin// lha dang bdag tu phyogs mtshams 'dzin// yul dang dbang por phyogs mtshams

  306. 154a

    'dzin// kun rdzob don dam phyogs mtshams 'dzin// phyogs mtshams 'dzin pa'i snying rje de// snying rje chen po ma yin te// snying rje chung ngu yin par bshad// sems nyid rdzogs pa'i byang chub sems// thams cad rdzogs pa'i rang bzhin gyis// snying rje phyogs ris med par nges// zhes bstan/ 'byung lnga ye nas sangs rgyas ni// zab mo lnga yi sangs rgyas te// de yang gang dang gang zhe na// sa chu me rlung nam mkha' lnga// gcig la rang bzhin lnga lnga ste// nyi shu rtsa lnga 'byung ba'o// de yang rang bzhin rnam lnga ni// snang ba sa yi rang bzhin la// sdud pa chu yi rang bzhin yin// yang ba lung gi rang bzhin yin// snyoms pa me yi rang bzhin la// gsal ba nam mkha'i rang bzhin yin// de yang ye nas sangs rgyas te// sa ni sra byed rdo rje'i dbyings// skye 'jig med pa'i sangs rgyas yin// chu ni rin chen gter gyi dbyings// thams cad 'dus pa'i sangs rgyas yin// me ni pad+ma dag pa'i dbyings// gzung 'dzin sreg pa'i sangs rgyas so// rlung ni yang zhing g.yo ba'i dbyings// kun tu bskyod pa'i sangs rgyas so// nam mkha' snang byed khyab pa'i dbyings// ma bsgribs gsal ba'i sangs rgyas so// des na 'byung chen rnam pa lnga// ye nas sangs rgyas yin pa ru// sems nyid rdzogs pa'i lung gis bshad// ces bstan/ sems la gnyen po med nges

  307. 154b

    ni// rnam pa gsum gyi gtan tshigs kyis// gnyen po med par bstan pa yin// de yang gang dang gang zhe na// dpe la gnyen po med pa dang // don la gnyen po med pa dang // rtags la gnyen po med pa'o// dpe la gnyen po med pa ni// nam mkha'i dpe la gnyen po med// don la gnyen po med pa ni// chos nyid don la gnyen po med// rtags la gnyen po med pa ni// byang chub sems la gnyen po med// de yang ji lta bu zhe na// dpe dang don rtags gsum po la// rgyu dang sa bon ma mchis pas// rkyen dang gnyen po kun dang bral// des na sems nyid rdzogs pa la// gnyen po med pa zhes bya'o// nges pa bzhi yi man ngag go// mi rigs rigs par bshad gsum ni// sems las ma byung sangs rgyas ni// mi rigs rigs par bshad pa yin// rgyu las ma byung 'bras bu yang // mi rigs rigs par bshad pa yin// lung las ma byung man ngag kyang // mi rigs rigs par bshad pa yin// de yang ji lta bu zhe na// sems las ma byung sangs rgyas ni// chos nyid mkha' la dbyings nyid klong // sems las ma byung sangs rgyas yin// rgyu las ma byung 'bras bu yin// byang chub sems kyi 'bras bu ni// rgyu las ma byung 'bras bu yin// lung las ma byung man ngag ni// chos nyid byang chub sems kyi don// sprul pa'i gang zag skal ldan gyis// ji ltar rtogs shing

  308. 155a

    rig pa de// lung las ma byung man ngag yin// mi rigs rigs pa 'di gsum yang // man ngag dag gi rig pas bshad// mi rigs rigs par bshad pa'o// skabs dang phyag rgya'i man ngag ni// rnam pa gnyis gsum du yang 'dug su dbye bar bya// skabs ni bcu pa gnyis dang bdun// phyag rgya bcu gnyis lnga las med// gnyis ni rtsol zhing sgrub par byed// skabs zhes bya ba'i man ngag ni// sems nyid rdzogs pa'i snying po de// sgrib med rang byung ye shes la// chos kun dus gsum sgrib med pas// chos nyid don la 'gag pa med// so so dag gis go skabs 'byed// des na skabs zhes bstan pa yin// phyag rgya dag gi nges pa ni// sems nyid rdzogs pa'i snying po de// ye nas byang chub sku yin pas// skye ba med cing 'gyur ba med// ye nas ye shes chen po'i sku// 'gyur ba med pa'i rang bzhin la// phyag rgya zhes ni bstan pa yin// sems nyid rdzogs pa chen po la// ye shes don gyi bye brag ni// skabs dang phyag rgya nyi shu lngas// so so dag gis skabs phye nas// yo ga bzhi yis don phyung ste// che ba lnga yi khyad par gyis// rim pa dgu dang 'jig rten pa// rang re dag gi bden pa des// nges par gtan la ma phebs pa// long ba dmigs bu zin pa ltar// ye shes don gyi bye brag 'dis// nges par gtan la 'bebs par byed// de yang ji lta bu

  309. 155b

    zhe na// ci ltar snang ba'i chos rnams kun// ye nas 'dus byas ma yin pas// chos nyid dag tu gnas pa de// chos nyid skabs zhes bstan pa yin// 'dus ma byas pa'i chos nyid de// 'gro ba rnams la rang bzhin gyis// ye nas ma phye gnas pa'i phyir// rang bzhin gnas pa'i skabs zhes bya// 'dus ma byas pa'i chos nyid de// ma bcos ngang la gnas pa yis// sangs rgyas che ba thob pa'i phyir// rang bzhin che ba skabs kyis bstan// 'dus ma byas pa'i chos nyid de// btsal ba med par grub pa'i phyir// btsal dang bral ba'i skabs kyis bstan// 'dus ma byas pa'i chos nyid de// tshig dang yi ges brjod med phyir// brjod dang bral ba'i skabs kyis bstan// 'dus ma byas pa'i chos nyid de// skye ba med pa'i rang bzhin gyis/ khams gsum dag tu mi 'khor bas// las kyis mi 'khor skabs zhes bya// 'dus ma byas pa'i chos nyid de// byang chub sems su gcig pa'i phyir// gnyis med skyon bral skabs zhes bya// chos kun rang gi sems la 'dus// sems kyi rtogs pa bshad pa'i phyir// ye shes rang byung skabs zhes bya// chos kun rang gi sems la 'dus// sems dang bral ba med pa'i phyir// gzungs kyi sbyor thabs skabs zhes bya// chos kun rang gi sems la 'dus// sems la chos kun rdzogs pa'i phyir// yongs su

  310. 156a

    rdzogs pa'i skabs zhes bya// chos kun rang gi sems la rdzogs// sems la gzung 'dzin med pa'i phyir// chags dang bral ba'i skabs zhes bya// chos kun byang chub sems la 'dus// sems nyid ye nas che ba'i phyir// gdod nas che ba'i skabs zhes bya// chos kun byang chub sems su 'dus// sems la skyon yon med pa'i phyir// smon lam bral ba'i skabs zhes bya// chos kun byang chub sems su 'dus// sems la thams cad rdzogs pa'i phyir// lung chen ston pa'i skabs zhes bya// chos kun byang chub sems su 'dus// sems la bzang ngan med pa'i phyir// mnyam pa nyid kyi skabs zhes bya// chos kun byang chub sems su 'dus// blang dor med par ma rtogs phyir// bde ba spang ba'i skabs zhes bya// chos kun byang chub sems su 'dus// sems la btsal du med pa'i phyir// rtsol dang bral ba'i skabs zhes bya// chos kun byang chub sems su 'dus// sems la 'gyur ba med pa'i phyir// chos nyid mi 'gyur skabs zhes bya// chos kun byang chub sems su 'dus// sems la gnyen po med pa'i phyir// rgyu rkyen bral ba'i skabs zhes bya// chos kun byang chub sems su gcig/ rgyud drug snying po sems gcig phyir// 'gro kun sangs rgyas skabs zhes bya// chos kun byang chub sems su 'dus// sems la tshogs kun 'dus pa'i

  311. 156b

    phyir// ye shes dag pa'i tshogs chen pos// tshogs chen dbul ba'i skabs zhes bya// chos kun byang chub sems su 'dus// sems de ye shes shar ba'i phyir// tshogs rgyan lhun gyi grub pa'i skabs// chos kun byang chub sems su 'dus// sems nyid lhun gyis grub pa'i phyir// lhun gyi grub pa'i skabs zhes bya// chos kun byang chub sems su 'dus// sems la rtsol bsgrub med pa'i phyir// phrin las rgya mtsho'i skabs zhes bya// chos kun byang chub sems su 'dus// sems nyid chos kyi khungs yin phyir// lung chen 'brel ba'i skabs zhes bya// chos kun byang chub sems su 'dus// sems nyid btsal ba med pa la// btsal ba'i gol sgrib bstan pa'i phyir// btsal dang ma bral skabs zhes bya// chos kun byang chub sems 'dus la// sems nyid chags shing g.yos med la// ma chags ma g.yo'i sems med pas// 'ching ba chen po'i skabs zhes bya// sems kyi chos nyid de rnams la// ma 'gags pa yi skabs zhes bya// phyag rgya nyi shu rtsa lnga ni// yi ge A li kA li gnyis// gcig tu bsdus te nyi shu lnga// bgrang ba'i don ni 'di lta ste// rgyud drug sems can thams cad kun// snying po byang chub zhing yin pas// chos nyid don de shes pa dang // don de yid ches bya ba'i phyir// nyi shu rtsa lngar bgrangs mod kyis// yang dag byang chub sems la ni// tshig tu bgrangs na

  312. 157a

    mtha' yas te// nges par sems la bgrang du med// nyi shu rtsa lnga 'di lta ste// mtshan ma'i yul la mi gnas te// ye shes chen po'i phyag rgya yin// thabs dang shes rab gnyis med pa// ye shes chen po'i phyag rgya yin// dbyings dang ye shes gnyis med pas// ye shes chen po'i phyag rgya yin// yul dang dbang po gnyis med pas// ye shes chen po'i phyag rgya yin// sems nyid bde ba chen po de// ye shes chen po'i phyag rgya yin// chos nyid gsal ba'i byang chub sems// ye shes chen po'i phyag rgya yin// thabs dang shes rab 'du 'bral med// ye shes chen po'i phyag rgya yin// chos nyid dag las ye shes 'byung // ye shes chen po'i phyag rgya yin// kun bzang yab yum gnyis med pas// ye shes chen po'i phyag rgya yin// thams cad rang la rdzogs pa yang // ye shes chen po'i phyag rgya yin// chos nyid dag la rol pa de// ye shes na po'i phyag rgya yin// sems la dus gsum med pa'i phyir// ye shes chen po'i phyag rgya yin// sems nyid 'du 'bral med pa de// ye shes chen po'i phyag rgya yin// thams cad gcig tu 'dus pa ni// ye shes chen po'i phyag rgya yin// byang chub sems las g.yos pa med// ye shes chen po'i phyag rgya yin// chos nyid dag la 'gyur ba med// ye shes chen po'i phyag rgya yin// brjod du med pa'i yul la rol// ye shes chen

  313. 157b

    po'i phyag rgya yin// dbyings dang ye shes 'du 'bral med// ye shes chen po'i phyag rgya yin// byang chub sems las kun sprul pas// ye shes chen po'i phyag rgya yin// gang gis chos nyid rig pa de// ye shes chen po'i phyag rgya yin// chos nyid rgyan du rig pa de// ye shes chen po'i phyag rgya yin// ji ltar rtogs pa'i rig pa de// ye shes chen po'i phyag rgya yin// thams cad sangs rgyas shes pa de// ye shes chen po'i phyag rgya yin// phrin las lhun gyis grub pa de// ye shes chen po'i phyag rgya yin// nges par gtan la dbab pa yang // ye shes chen po'i phyag rgya yin// phyag rgya nyi shu rtsa lnga ste// ltos pa'i chos ni thams cad kun// long bas dmig bu zin pa ltar// bstan pa rgyud kyi spyi 'grel zhes// rdzogs pa chen pos bshad pa yin// phyag rgya 'di yi rang bzhin ni// rnam pa gsum du shes par bya// ming dang rang bzhin dpe gsum ste// ming ni phyag rgyar bshad pa yin// rang bzhin 'gyur ba med pa ste// rdo rje'i sems la 'gyur ba med// dpe ni nam mkha' lta bu ste// nam mkha'i dpe la mtshon du med// ces bstan/ skabs dang phyag rgya'i man ngag go// de nyid lam gyi man ngag ni// rnam pa bcu dang drug tu bgrang // de yang gang dang gang zhe na// yo ga rnam bzhi re re la// de nyid rnam pa bzhi bzhi ste// rnam pa bcu dang drug tu bgrang // de nyid rnam pa bcu drug

  314. 158a

    ni// byang chub sems kyi de nyid de// sems dang chos dang ye shes de// ngo bo dag gi de nyid do// sngon dang da ltar phyi ma dang // de dang 'dra ba kun gyi'o// shin tu rnal 'byor de nyid ni// rnam pa bzhi ru bgrang bar bya// sangs rgyas sems can rgyud drug kun// ma bcos sems kyi de nyid de// snang srid snod bcud thams cad kun// ma byas chos ni de nyid do// dus gsum bskyod pa med pa ni// ma bsgribs ye shes de nyid do// thams cad yongs su rdzogs pa ni// ngo bo dag gi de nyid do// kun tu rnal 'byor de nyid ni// rnam pa bzhi ru bgrang bar bya// chos dbyings ji ltar rig pa de// de ni sems kyi de nyid yin// dbyings nyid cir yang bcos med pas// de ni chos kyi de nyid yin// dbyings dang ye shes gsal ba ni// de ni ye shes de nyid yin// dbyings dang ye shes gnyis med pas// de ni ngo bo de nyid yin// rnal 'byor chen po'i de nyid kyang // rnam pa gzhi ru shes par bya// yi ge hUM la sogs pa ni// de las thams cad bskyed pa ni// sems kyi de nyid yin par bshad// phung po 'byung ba rnam shes yul// snang la rang bzhin med pas ni// ye nas chos nyid de nyid yin// de ltar ma bsgribs gsal ba ni// ye shes dag gi de nyid yin// bdag nyid chen po grub pa ni// ngo bo dag gi de nyid do// sems dpa'i rnal 'byor

  315. 158b

    de nyid kyang // rnam pa bzhi ru bgrang bar bya// gang zhig ting 'dzin sdom gnas nas// sdom de yid la gang gnas pa// sems kyi de nyid yin par bshad// ting 'dzin chags pa med pa ni// chos kyi de nyid yin par bshad// rigs dang kha dog so sor gsal// ye shes dag gi de nyid yin// rigs bzhi phyag rgya chen po bzhi// ngo bo dag gi de nyid yin// de nyid rnam pa bcu drug ni// lam gyi lung du shes par bya// ngo bo bzhi yi man ngag la// byang chub sems kyi man ngag ni// dus gsum sangs rgyas thams cad dang // khams gsum sems can thams cad kun// byang chub sems las kun 'byung ste// sangs rgyas sku dang ye shes dang // sems can lus dang bag chags dang // snang zhing srid pa thams cad kun// byang chub sems la blang dor med// sangs rgyas ye shes thugs rjes kyang // dbri bkol blang dor yongs mi mnga'// sems can 'gro ba'i sdug bsngal yang // byang chub sems kyi rang bzhin te// snang srid snod bcud kun la khyab// gnyen po dag gis bskyod du med// nam mkha'i mtha' ltar mnyam par gnas// de ni snying po byang chub ste// gzung 'dzin spros pa kun dang bral// sgra dang tha snyad ril las 'das// tshig dang yi ger brjod pa med// bstan du mtshan ma'i dngos po med// mngon du dmigs pa'i yul dang bral// rgyu las ma byung snying

  316. 159a

    po 'di// sgros kyis btags pa kun dang bral// zhes bstan/ sbyor ba byar med man ngag ni// byang chub sems kyi sku mchog 'dis// chos kun yongs su khyab pa'i phyir// gcig dang gnyis su byar med pas// de la gnyis kyis sbyor ba med// chos kun sems las byung ba'i phyir// chos sems gnyis su sbyar du med// rgyu las 'bras bu btsal med pas// rgyu 'bras gnyis su sbyar du med// thabs dang shes rab yul byung bas// thabs dang shes rab sbyar du med// ye shes rig la dbyings gsal bas// dbyings dang ye shes sbyar du med// dbang po dag la yul snang bas// yul dang dbang po sbyar du med// chos kun sems su gcig pa'i phyir// gcig la gnyis sbyar med par gsung // zhes bya/ dus gsum gtan tshigs man ngag ni// sems nyid rdzogs pa chen po 'di// skye dang 'gag pa med pas na// dus gsum med pa'i gtan tshigs te// 'das dang ma 'ongs da ltar gyi// tha snyad ming la mi gnas te// 'das pa'i dus la 'gag pa med// ma 'ongs pa la skye ba med// da ltar dus zhes gnas med pas// dus gsum gcig pa'i man ngag go// zhes bstan/ lung chen khungs kyi man ngag ni// sems nyid rdzogs pa chen po 'dis// chos kun gtan la 'bebs pa'i phyir// lung chen khungs kyi man ngag go// zhes gsungs so// lung gsum

  317. 159b

    man ngag bzhir gtan la phebs pa'i mdo'i le'u'o// // de nas yang sems dpa' chen po des/ 'dus pa'i tshogs la lung gsum man ngag bzhis gtan la phebs pa'i mdo don gyi 'grel pa 'di gsungs so// kye 'dus pa'i tshogs chen da nyon cig/ snyan khung brgyud pa'i lung 'di ni// gang gi ji ltar snyan khung gang brgyud pa// kun bzang rdo rje chos nyid bgrod med do// bgrod du med pa'i don ni de ltar la// de bzhin chos nyid gcig tu gnas pa'i phyir// gang zhig su yang rung ba de la ni// chos nyid bgrod du med de bstan pa de yang thob// byang chub sems kyi snying po de nyid ni// chos kun 'byung ba'i snying po yin pas na// spros dang bral ba'i snying po de las ni// chos nyid spros bral de byung ngo mtshar che// zhes snyan khung brgyud do// gang gis ji ltar mngon du phyung zhe na// chos nyid sems nyid mngon du bstan pa ni// a dang mdzes pa'i ta ni chos skur bshad// snying po byang chub sems ni chos sku las// cho 'phrul phung po lnga po dag dang ni// rnam shes brgyad kyi yan lag spros pa bzhin// khams gsum 'jig rten yongs kyi spyod yul la// nyon mongs lnga ni 'dod yon rnam pa lnga// dus gsum sangs rgyas gsung gi zab mo ni// skye ba med pa'i chos nyid gzugs sgra dri// skye ba med pa'i zab mo sangs rgyas gsungs// zhes bstan// de bzhin gtan la

  318. 160a

    'bebs pa'i man ngag ni// sangs rgyas sems can kun gyi don rnams ni// ji bzhin mi bskyod pa yi chos nyid de// bya ba med pas grol ba'i rdzogs chen po// bya byed rtsol bsgrub med pas grol bar bshad// rgyu rkyen med pa'i rang byung ye shes te// ma btsal rang bzhin gnas pas bdag grol la// btsal du med pas grol bar gzhan la ston// ces bstan/ de bzhin man ngag rnam bzhi ni// byang chub sems kyi man ngag ni// 'gro ba rigs drug nyon mongs lnga// snying po byang chub sems kyi rang bzhin yin// sangs rgyas rnams kyi sku gsung thugs la chub// sems can rnams kyi lus ngag yid la khyab// dus gsum sangs rgyas sku dang ye shes rol// khams gsum sems can dug lnga rang khar spyod// byang chub sems kyi snying po de la ni// dngos po mtshan mar spyod pa med bzhin du// dpe ni nam mkha' lta bu'i rang bzhin du// kun la khyab pas nam mkha'i mtha' ltar gnas// zhes byang chub sems kyi man ngag go// de bzhin sbyor ba dag gi man ngag ni// chos nyid skad cig gnyis med bzung bas ni// gnyis su med pa'i sbyor ba chen po yin// rgyu rkyen med pas bde chen dag pa ste// skye ba med pas dam tshig yin par bshad// shes rab yul de rig par mngon gyur nas// thabs kyi gar thabs rig pa bskyod pa yin// chos rnams

  319. 160b

    ma skyes dag dang gnyis med sbyor// skye ba med pa'i mchod pa phul ba yin// ces sbyor ba'i man ngag go// dus gsum gtan tshigs man ngag ni// snga ma 'das dang da ltar gnas pa dang // phyi ma ma 'ongs dus gsum tha snyad 'di// gsum du mi gnas snga phyi tha snyad yin// da ltar mi gnas snga phyi skye 'gag med// dus gsum skye 'gag med pa'i don 'di ni// snga phyi med pas dus gsum mnyam par sbyor// zhes dus gsum gyi man ngag go// lung chen khungs kyi man ngag ni// btsal na 'ching bar 'gyur ba de bas na// thams cad yongs su rdzogs pa'i lung 'di las// btsal du med pa de las btsal 'gyur na// tshe chad pa yis nad des sgrib par 'gyur// bya ru med pa de la de rtogs na// chos nyid la ni chos nyid 'grub pa med// ces gsungs so// gtan la 'bebs pa'i mdo yi 'grel pa rdzogs so// // de nas sems dpa' chen po des 'dus pa'i tshogs rnams la nges par bstan pa'i mdo 'di bstan te blo nges par bzhag go// kye 'dus pa'i tshogs chen de nyon cig/ nges par bstan pa'i mdo 'di las// med pa'i man ngag rnam pa brgyad// nges pa lnga dang ma nges gsum// brgyad pa gnyis kyi man ngag gis// khyod blo nges par gzhag par bya// de yang gang dang gang zhe na// sems la skye 'jig med pa dang // don la bsgom du med pa

  320. 161a

    dang // spyod pa blang dor med pa dang // lam la bgrod du med pa dang // rnam par bgrang du med pa dang // sems la ngo bo med pa dang // chos nyid mtshon du med pa dang // sgro skur gdags su med pa brgyad// nges pa lnga ni gang zhe na// dus la khyad par med par nges// bla ma mchod par mnyam par nges// mchod pa bsngo ru med par nges// dka' sla mtshon du med par nges// bde dang sdug bsngal rgyu mthun nges// chos kyi rang bzhin ma nges dang // blo yi rang bzhin ma nges dang // ye shes rang bzhin ma nges gsum// sems la skye 'jig med pa dang // snying po byang chub sems 'di la// pha zhes bya ba'i rgyu ma mchis// ma zhes bya ba'i rkyen ma mchis// rgyu ma mchis pas skye ba med// rkyen ma mchis pas 'jig pa med// des na skye 'jig med ces bya// don la bsgom du med pa ni// don ni chos nyid skye med de// dpe yis bsgom du med pa dang // don gyis bsgom du med pa dang // rtags kyis bsgom du med pa'o// de yang ji lta bu zhe na// dpe yis bsgom du med pa ni// chos kun dpe ni nam mkha' ste// nam mkha' stong zhing bdag med pas// de bzhin dpe la bsgom du med// don gyis bsgom du med pa ni// chos kun don dam skye ba med// skye ba med pa'i chos nyid ni// bsgom du yod par ma gsungs so// rtags kyis bsgom du med pa

  321. 161b

    ni// rang byung ye shes 'gag med de// ye nas ye shes rang gsal bas// mtshan ma'i yul la mi gnas pas// bsgom du yod par ma gsungs so// spyod pa blang dor med pa ni// sems nyid rdzogs pa chen po la// snang ba'i chos dang srid pa'i chos// thams cad byang chub sems yin pas// sems nyid ye shes spyod pa la// 'di blang 'di dor yongs ma mchis// lam la bgrod du med pa ni// lam la rnam pa gnyis yod de// don gyi lam dang tshig lam mo// gang zag blo yi rim pa las// theg pa'i rnam grangs dgur bstan pas// theg pa 'og ma'i rnam grangs la// lam la bgrod du yod par bstan// de yang ji ltar bgrod ce na// nyan thos dang ni rang rgyal gnyis// spang zhing 'gegs pas lam la bgrod// byang chub sems dpa'i mdo sde yis// sbyang zhing bgrod pas lam la bgrod// bya ba rnam gsum yo ga yis// gzung 'dzin dag pa'i sgo nas bgrod// rnal 'byor chen po rnam pa gnyis// ting 'dzin rnam gsum rang bzhin gyis// sku gsung thugs kyi lam la bgrod// sems nyid rdzogs pa chen po ni// rdzogs pa chen po'i rang bzhin gyis// chos sku sems la bgrod med phyir// sems nyid lam la bgrod med pas// bgrod du med pa'i lam zhes bya// rnam pa bgrang du med pa ni// chos kun rtsa ba gcig 'dus phyir// rnam pa bgrang du yongs

  322. 162a

    kyis med// gang zag dbang po rim dgu la// yul dgu byung bas rnam par bgrang // sems nyid rdzogs pa chen po la// yul zhes bya ba sems yin te// sems dang yul gnyis dbye ru med// chos kun sems su 'dus pa'i phyir// sems nyid snying por gcig pa ste// 'dus ma byas pa'i snying po la// rnam pa bgrang du ga la yod// sems la ngo bo med pa ni// dus gsum sangs rgyas thams cad kyis// sems kyi ngo bo 'di yin zhes// che chung mtshan ma'i ngo bo dang // dbyibs dang kha dog spyod yul du// ston pa nga yis bstan pa med// ngo bo yod par mi mthong bas// des na ngo bo med ces bya// chos nyid mtshon du med pa ni// chos nyid rang bzhin sems nyid de// sems nyid rang bzhin chos nyid la// sems nyid bcos pa med pa ni// de la chos zhes btags pa yin// bcos pa med par rang rig pas// de la sems zhes btags pa yin// de bzhin sems la dngos med bzhin// chos nyid de yang sems yin pas// sems bzhin chos la mtshon med do// sgro skur gdags su med pa ni// sems nyid rdzogs pa chen po yis// med pa bdun gyi rang bzhin gyis// chos kun sgro dang skur bral te// yod pa'i sgo dang med pa'i skur// tshig dang yi ger brjod dang bral// de la sgro skur bral zhes bya// nges pa lnga ni gang zhe na// dus las khyad par med

  323. 162b

    pa ni// 'das dang da ltar ma 'ongs la// skye 'gag med pa'i gtan tshigs kyis// dus la khyad par med par nges// bla ma mchod dang mnyam pa ni// blang dor med pa'i sems nyid kyis// thams cad chos nyid gcig pa'i phyir// mnyam pas gong 'og rim pa med// gcig la gnyis su bya ru med// sems la blang dor bya ru med// sangs rgyas sems can gnyis med la// bla ma mchod pa gnyis med mnyam// des na bla ma mchod par mnyam// mchod pa bsngo ru med pa ni// sems nyid rdzogs pa chen po la// thams cad lhun gyis grub pa'i phyir// bsngo bar bya ba yod ma yin// ye nas bdud rtsi'i rang bzhin la// ting 'dzin dbang ba pos kyang sbrang du med// dka' sla mtshon du med pa ni// chos nyid byang chub sems 'di la// ngo bo ye nas med pa'i phyir// ming tsam 'di zhes bstan pa ni// dus gsum sangs rgyas thams cad dang // rdo rje sems dpas mtshon du med// bde dang sdug bsngal rgyu mthun ni// snying po byang chub sems 'dis ni// rgyu gnyis ye nas byas pa'i phyir// bde dang sdug bsngal rgyu mthun nges// zhes bstan/ nges pa lnga zhes bya bar bshad// ma nges pa ni rnam gsum ste// de yang gang dang gang zhe na// chos kyi rang bzhin gcig pa la// ji ltar bltas pa der snang bas// de la 'di zhes nges pa med// byis pa'i blo la nges med pas// rang

  324. 163a

    sems gzhan du tshol bar byed// des na nges pa med pa yin// ye shes rang bzhin ma nges pas// ya na rnam pa re re la// grangs dang rnam pa'i ye shes kyis// sems gcig yul la so sor rtogs// des na ye shes nges pa med// ces gsungs so// nges par ston pa'i mdor bstan pa'i le'u'o// // de nas yang 'dus pa'i tshogs chen de rnams la/ sems dpa' chen po des/ nges pa'i mdo don gyi 'grel pa 'di gsungs so// kye 'dus pa'i tshogs chen da nyon cig/ sems la skye 'jig med pas na// don la bsgom du ma mchis te// snying po byang chub sems 'di la// ting 'dzin bsam pa'i yul las 'das// brjod du med pa'i ngapal gnas// de ltar snying po byang chub sems// ston pa'i sgron mar gyur pas na// sangs rgyas kun gyis rab tu bsngags// chos rnams kun gyi snying po bas// mkhyen rab 'jam dpal gzhon nu nyid// bya byed rtsol bsgrub mi mnga' bar// bde chen klong na ji bzhin gnas// lam la bgrod du med pa ni// tshul khrims sdom pa dam tshig dang // spyod pa rgya mtsho'i gzhir gyur kyang bas// ji snyed rnam par grol ba'i lam// de ni bde bar gshegs pa'i yum// 'gro ba kun dang mtshungs pa'i lam// tshul khrims sdom pa de med pas// bde gshegs yul yang yod ma yin// de phyir rnam grol mchog gi

  325. 163b

    lam// tshul khrims sdom pa med par bshad// sems la ngo bo med pa ni// phra zhing shes dka' kun gyi lam// mi rtog de ni rtog las 'das// dngos po mtshan ma dmigs su med// spros med bsam pa kun dang bral// tshig gis gtan la mi pheb ste// dbyibs dang kha dog spyod yul min// bstan cing brtags par dka' la brjod du rdul tsam med// chos nyid mtshon du med pa ni// sngon gyi drang srong 'grub lam der// da ltar gang du 'jug pa ni// bsgom chags lam gyi nad kyis zin// ston pa'i lung gi tshig rnams la// lam du de mthong 'jug pa ni// rtog pa'i lam zhugs smig rgyur bsnyegs// yang dag lam ni 'di yin/ zhes// tshig dang yi ges mtshon du med// yang dag 'di yin ston pa ni// rdo rje sems dpa' nga nyid 'khrul// dag pa dang ni ma dag pa// ye nas gnyis med 'dres shing mtshungs// sems nyid kun gyi gnas su'o// dag ma dag ni rnam pa ni// dbyer med ye shes gti mug dang // thogs pa med pa'i ye shes ni// bsam pa kun dang bral ba yin// ngang gis mi g.yo rmugs pa de// ting 'dzin dag gi rgyal por gnas// ting 'dzin ye shes mngon sum spyan// mthong bas dmigs pa'i yul dang bral// thams cad mkhyen pa'i spyan zhes bya// mtha' dang dbus med yangs pa ni// rang bzhin chos kyi gzhal yas so// sgro skur

  326. 164a

    gdags su med pa ni// blang dor med pa'i rgyal po ni// thams cad snying po byang chub sems// sems dang bag chags 'dres mtshungs la// sems kyi dbang po sgo lnga yis// snang ba'i chos ni rnam pa lnga// dbang po sgo lnga rang rkyen gyis// spang zhing dor bar yongs mi byed// ci yang mi dgongs thabs kyis rol// kun dang mi mthun spang ba'i chos// nyon mongs lnga dang mtshams med lnga// de ni rnam dag chen po ste// gar bzhugs mnyam pa'i rgyal po thob// bud med la sogs chags pa'i gnas// kun kyang spang bar mi byed do// lo rgyus tshad ma'i blor bzhag nas// ting 'dzin rnam pa gsum po de// brtan nas grub pa'i mtha' spyod pa// rtsol bral lung las gol zhes bshad// bya bral bde ba'i lhun la gnas// ye nas rang byung snying po nyid// ye nas byas zin bdud rtsi yis// rtsol ba dag gi sdug bsngal 'joms// ye nas mi g.yo mi 'gyur te// 'gyur med rnyed pa kun dang bral// bya bral zin pa'i yul de la// bcos pa med pa ji bzhin gnas// brtags pas chos ni thams cad kun// thig le chen po'i rang bzhin pas// spro ba med cing bsdu ba med// skye ba med cing 'gag pa med// 'gog pa med pa de bzhin gnas// rnam par mi rtog snying po 'di// dngos med mtshan ma cir mi gnas// nam mkha' bzhin du ye gnas pas// rtog pa'i sgra

  327. 164b

    bsam yul las 'das// kun las 'das pa'i thig le drug/ sgro dang skur pa kun dang bral// skye 'jig med pa'i rang bzhin gyis// bsgom du med pa'i don bstan to// de nas yang spyod pa blang dor med pa 'di bstan to// kye 'dus pa'i tshogs chen da nyon cig/ snang ba'i chos ni sna tshogs te// chos nyid dag la mi gnyis kyang // snying po byang chub chas gzhig pas// mtshon du med de spros dang bral// ma bcos pa yi chos nyid du// ji bzhin pa zhes mi rtog kyang // sna tshogs rnam par snang mdzad la// blang dor med pas kun tu bzang // ye nas rtsol bsgrub 'das pa na// byas zin rtsol ba'i nad spangs te// lhun gyi gnas la bzhag pa yin// zhes bstan// kye 'dus pa'i tshogs chen de nyon cig/ lam la bgrod du med pa dang // rnam par bgrang du med pa ni// byang chub sems sam chos dbyings la// rnam par bgrang du med par yod// phyi dang nang gi chos nyid 'di// 'byung chen lnga dang snang srid phyi// byang chub sems dang chos nyid dang // dbye ba med par chos kyi dbyings// ye nas rnam dag spyod yul la// sangs rgyas sems can gnyis med pas// de la rnam par bgrang du med// ye nas rdzogs pa'i byang chub la// bsgrub tu med pas smon du med// ye nas lhun rdzogs bya ru med// snga ma bzhin te rtsol bsgrub med// rtog pa dang ni dpyod pa

  328. 165a

    dang // gzung 'dzin rnam par dag pa gnyis// ye nas gnyis med chos dbyings la// log rtog byis pas bslu ba med// 'khrul pas nor ba'i lam bstan kyang // gong gi chos dbyings lam de gnyis// ye nas gnyis med gcig yin te// lam gnyis mnyam par shes pa ni// dus gsum sangs rgyas kun gyi rje// nga dang bdag tu gang ston pa// de ni mu stegs 'khrul pa'i lam// cha med byis pas bslus pa ni// rtog pa'i lam la btsud pa ste// bgrod pas phyin pa'i dus med la// brtags pas rtogs pa'i yul med pas// chos nyid chos tshol rnyed mi 'gyur// sems nyid mngon du ma mthong ba'i// tshad mar ma gyur sgre 'dra yis// ston pa'i lung bstan bka' bor bas// lam nor rtog pas zin ta re// sems nyid mngon du gyur mthong ba'i// phyi rabs des lung ston pa ni// gser la nag mtshur btang bas na// de la dpag med yon gyis bslu'o// zhes bstan/ de nas sems dpa' chen po des// 'dus pa'i tshogs la bka' stsal pa// kye 'dus pa'i tshogs chen da nyon cig/ sems la ngo bo med pa dang // lam la bgrod du med pa dang // chos nyid mtshon du med pa dang // sgro skur gdags su med pa dang // byang chub sems sam chos dbyings la// cir yang mi gnas gzung 'dzin dmigs pa'i yul med pas// rnam par mi rtog chos nyid

  329. 165b

    bgrang du med pa'i lam// gzhan du bsngo ba'i gzung 'dzin cha shas phra mo bral// yul med rtog las 'das pas rang nyid 'byung ba ste// rnam rtog bsgom pa'i chos sku khyad par bcas pa'i don med pas// rang byung ye shes rnam par mi rtog chos sku'i rang bzhin gnas// rtsol ba'i bya bral chos nyid yul la mi gnas pas// gnyen po gzhan la ltos shing bcos su med// rten 'brel yan lag chos kyi bdag nyid kyis// byang chub snying po chos kyi yul tshol zhing // chos nyid rnam pa cir yang rtog bral bas// thabs chen zab mo'i ngang la bdag nyid rol// byang chub snying po ma bcos rang bzhin 'byung bas na// chos sku btsal med gzhan nas thob pa med// rdul phran don dam rang bzhin gcig pa la// tha dad brtsegs shing phyogs cha rnams dang bral// gar mi gnas pa'i don nyid ye shes legs pa che// 'dus ma byas pa'i ye shes ngang las 'byung ba ste// mngon sum rnam par mi rtog yangs pa'i snying po 'byung // rnam par dag pa'i lam chen 'dir zhugs pas// chos nyid mnyam pa'i rgyal po btsal ba med pas thob// mi 'gyur 'gyur ba med pa ye nas gnas// bde bas chags pa'i gnas la zhen med de// de bzhin nyid la gzung ba'i yul ni ye nas med// sems kyi gnas nyid ye nas med kyang bla// rang rig mngon sum lam gyis thob 'dod na// sgyu mar

  330. 166a

    rtag tu gnas shing bsgom par bya// bsgom pa'i ro la chags pa'i ngang ni bde ba'i nang // de lta bu la mnyam pa'i don chen ye mi 'byung // byang chub sems kyi sku gcig khyab gnas pas// gzhan nas bsnan pa'i chos sku ye nas med// rang byung ye shes mtha' la thug pa med pas na// chos kyi dbyings la dbri ba dang ni 'phel ba med// chos nyid bde ba'i ro la nyams bag med// de bas lhag pa'i bde ba gnas pa'i brten med la// rang byung che ba'i yul la ma bcos pas// dus gsum kun tu ji bzhin ye nas lhan ni gnas// ngo mtshar mthong ba'i yul med de la lhag par chags dang bral// de phyir mthong bar bya/ ba'i chos med do// gang la'ang thob par mi rigs de nyid yin pas so// brjod pa tha snyad spros pa kun dang bral// chos ni snang ba'i chos med de nyid min// rtag tu 'dres pas dbyer med ces ni brjod pa la// don dam stong pa'i chos zhes lhag par smra ba de// gang ltar bshad pa ltar ni dbyings la grub pa med// 'khrul par gyur pa'i byang chub lam de ni// rtogs par gyur pas 'bras bu thob pa med// rang byung chu rkyen ma bskyed sems nyid kyang // tshig gi brjod pas mi phebs mtha' dang bral// ye nas bya btsal bral bas bdag nyid la// rang rig mngon sum ngang gis btsal med gnas phyir ro// grib ma las byung

  331. 166b

    gzugs kyi dpe bzhin du// mi rtog ye shes de las rtog pa 'byung bar zad// med de zhes ni med pa'i mthar ma yin// mthar ma yin zhes med pa'i snying po 'byung // stong pa nyid de stong pa'i mthar ma yin// stong pa'i yul zhes snang ba'i srog la gnas// dper na nam mkha'i rang bzhin de nyid las// nam mkha' de las yin no zhes pa'i dran pa bskyed// rtsol ba'i bya bral ye nas zin pa'i bde ba ste// da dung 'dod pa med pa'i tshul gyis len par byed// gza' gtad bral ba'i ye shes yul med de// de nyid las ni ye shes gsal ba 'byung bar rtsom// mngon du phyung ba'i drang srong blta ba'i rjes su dmigs// de la bsgom pa'i dmigs pa'i yid kyang 'jog par byed// rnam rtsol 'bad pa'i gdung bas kun nas zin ta re// de ni rang bzhin lam du ma rtogs de 'khrul pas// thams cad mkhyen pa'i ye shes spang len ngang gis med// ji bzhin pa la yin zhes rnam rtog byed pa de// phyir zhing rtog pa 'phel te bsgom pa med// bde ba chen po zhes ni gzhan nas tshol 'dod pas// de nyid chags pa'i gcod rnying nad yin te// mi g.yo ba yi rang bzhin btsal med gnas pas na// de nyid sman chen yin zhes rtogs par ma byas na// mtho ris lha mi tsam du bgrod pa'i dge bcu'i rgyu des ni// nyon mongs gcong rnying zin pas phyin par mi 'gyur ro// de bas bgrod

  332. 167a

    lam med des phyin pa med pas na// lam de gang zag rnams kyi nad du che bas na// de nyid mya ngan 'das par phyin par 'dod pa des// ri dwags smig rgyu chu ru 'du shes bsnyegs pa 'dra// de bas gang yang rnyed par 'gyur ba'i yul med de// de bzhin gang ltar bgrod kyang khams gsum de las yongs mi 'byung // sa bcu gong nas gong du ltos pa'i rten bcas kyang // byang chub chen po dag la sgrib par 'gyur ba yin// de bas shin tu thogs med gyur pa'i ye shes la// bsam pa'i rnam rtog brjod pa kun dang bral// de phyir bshes gnyen yon tan kun gyi 'byung gnas te// nor bu rin chen bzhin du spyi bo'i gtsug tu bkur// chos nyid dmigs par bya ba'i yul de mi byed cing // rang bzhin 'gyur ba med pa'i gnas la mi ltos par// rig pa nang nas rang bzhin legs par 'char// re ba thams cad bral te de nyid skoslong ba'o// brtags na 'di 'dra med cing bzhag na sna tshogs 'byung ba yis// yon tan sna tshogs 'byung ba'i legs pa chen po 'di// dngos su mi snang ba ltar chags pa'i cha lugs 'chang // theg chen snod gyur kun la de ltar ston cing rtogs// bdag gzhan gzung 'dzin bral ba'i ston pa de// mkhan po zhes ni rin chen mdzod dang 'dra// bdag don thams cad 'grub pa'i bla ma yul yin zhes// bdag 'dzin bral ba'i

  333. 167b

    snying rjes theg chen bstan// nang nas phyi mo nyid nas ma g.yos pas// nang du 'di'o zhes ni btsal ba'i gnas med do// dmigs pa'i yul phyir chags shing yul la 'dzin// de phyir gzhan du bsngo bar bya ba'i dmigs pa med// mnyam pa de las mi 'byung de la mi 'jug cing // de nyid bdag nyid chen po snying rje de yin na// gzhan nas btsal ba 'phags pa'i nor med mi 'ong bas// ye nas bdag nyid la ni gnas pa yin zhes bstan// bde ba thob par 'dod pas re ba dag dang bcas// de phyir 'di yis bde la rgyab kyis phyogs par 'dod// bde la chags pa'i nad kyis zin te bde bas bde ba 'tshol// byang chub logs nas 'dod pa'i 'khrul pa'i lam la gnas// des na ye rngam chos la za zhing 'chel// de lta'i yul can gzung 'dzin bcas pas na// sangs rgyas zhes ni logs nas mthong ba med// sangs rgyas zhes ni ngang gis gnas pa med// de phyir sangs rgyas ming du smos pa bral// sangs rgyas zhes ni ston pas ming btags nor// sangs rgyas zhes ni gzhan nas thob byed pa// de nyid smig rgyu bzhin te nor ba'i lam// kha dog dbyibs kyi gzugs ni yod min pas// chos kun bshad pa rdul cha tsam yang med// zin pa'i nad dang chags pa'i sdug bsngal ye nas zhi// dngos po med la zhen pa ye nas spangs// gnyis med bdud rtsi chen

  334. 168a

    po'i rang bzhin la// bza' ba'i thabs la ye nas rag pa med// thams cad ma bkag yangs pa che// de bas 'og ma rnams kyi gnyen po yin// gnyis med dang la mi dmigs mnyam pa'i dang // che chung 'du shes dmigs pa dag dang bral// lung las gsungs pa'i man ngag dag gi rgyal// dper na sgyu mkhan ri mo'i rnam pa 'dra// mnyam la 'byung 'jug ye shes byings rmugs bral// de yi dbang las ye shes skye bar 'gyur// rten dang bral bas btang zhing mnyam pa'i ngang la gnas// bde ba chen po dag la brod pa gdung mi skye// dper na nam mkha' g.yang sa dag la mkha' lding nyam mi nga // de phyir spro bsdu byed cing mnyam pa'i ngang la gnas// de la stong par mi ltung gza' gtad bral// rgya mtsho bzhin te thams cad mnyam par gnas// chos rnams sna tshogs ngang gis 'byung bar byed// yon tan tshad ni nam mkha'i mtha' dang mnyam// bsdu ba'i gnas ni 'di zhes nges pa med// byang chub snying por rtogs pa de ma zag/ ting nge 'dzin gyi rgyal po chen po 'byung // dper na nam mkha' 'am rgya mtsho chen po bzhin// mi rtog mnyam pa'i ngang ste mkha' ltar yangs// kun tu bzang po mnyam pa'i spyod yul la// skye shi bral bas 'pho 'gyur ye nas med// 'dzin pa de nyid rgyu rkyen bcu gnyis yin// med pas skur pa yin te snang bas

  335. 168b

    brtags pa yin// 'khrul pa snang bzhugs pa'i sgo tsam du// de nyid rtogs pa mkha' ltar shes par gyis// 'gro ba rigs drug 'khrul par snang ba yang // dang po'i las can dag tu shes par bya// 'dod yon lnga spyod gzhan la thugs rjes brlan// des na gang ltar spyod kyang byang chub spyod pa yin// shan pa smad 'tshong mtshams med byed pa de// 'jig rten kha na ma tho spangs pa yin// de nyid yongs su rdzogs pa'i bdud rtsi ste// bde ba chen po nyid dang dbyer med phyir// rnam par mi rtog snying po zhes kyang bya// de ni thams cad rgyud la sbas pa med// blang dor med pa nyid du spyod rnams la// de nyid btsal ba med pa nyid du rang bzhin gnas// chos nyid yul la 'jug pa'i bsam gtan 'di// rnam par mi rtog chos rnam snying po yin// sems nyid chos nyid rtogs pa rnams la rgyud// ces bstan to// kye 'dus pa'i tshogs chen de nyon cig/ dus la khyad par med nges pa// snga ba da lta phyi ba dus gsum ni// bder gshegs ye shes thugs la gcig tu gsal// sems can bag chags bsags pas gsum du gnas// gcig par snga phyi med par gdod nas byung // chos sku dus gsum gcig tu khyab pa'i phyir// che ba chos nyid chen po ye shes ni// ma bcos bde ba chen por rang bzhin gnas// des na dus la khyad par med par nges// zhes bya/ bla ma

  336. 169a

    mchod par nges pa ni// tshogs dang ye shes gang zag rnam pa gsum// snga phyi mnyam pas rim par bkod pa med// chos kun yongs su gcig pa'i gtan tshigs kyis// tshogs dang sangs rgyas gcig pa'i bsngo dang bral// tshogs kyi rgyan ni 'dod yon rnam pa lnga// bkod pa med par rang bzhin bkram pa yang // ye nas rang bzhin gnas pas dri ma med// ces bya/ mchod pa bsngo ru med pa ni// ye nas rang bzhin gnas pa'i tshogs chen te// ye nas lhun gyi grub pas mi bsngo zhing // gzung 'dzin gdod nas dag pa'i bdud rtsi yin// dbang po drug sdud rnam shes drug la mchod// dbang po rnam shes bcu gnyis khyad par du// lhag pa'i ting 'dzin dag gi bsam pa yis// byin gyis brlabs shing shes pas gzung du med// ces bstan/ dka' sla mtshon du med par nges pa ni// byang chub sems la rgyu rkyen mi dgos slaskra// mtshon du med pas rtogs pa shin tu dka'// rgyu las ma byung bas na sla ba'i phyir// dmigs pa'i yul du ma gyur dka' bar bshad// byang chub sems ni mngon sum yul mi gnas// snang srid kun la khyab pas nam mkha' 'dra// sems la ming dang tshig gis mtshon pa ni// rdo rje sems dpa' ngas kyang mtshon du med// ces bstan/ bde dang sdug bsngal rgyu mthun nges pa ni// dbang po drug ni yul la chags pa

  337. 169b

    ste// yul la rang bzhin med pas chags pa med// gnyis kar ma yin tshig gi lam la gnas// brtags na ji ltar brtags pa 'byung ba ni// dbu ma bzhin te brag ca'i sgra dang 'dra// bde ba chos nyid sdug bsngal nyon mongs lnga// snying po byang chub sems su rgyu mthun zhes// 'gro ba'i mgon po rdo rje sems dpas gsungs// zhes bstan/ de nas ma nges rnam pa gsum po bstan pa ni/ chos kyi rang bzhin ma nges ni// mdo sde'i chos la nges pa med par bstan pa ni// sgyu ma lta bu brgyad du snang ba ni// ji ltar bltas pa de ltar snang ba de// sems kyi bag chags su yang nges med par// snang ba de 'dod rtsol sems byed pa ni// de la sems nyid bde ba yod ma yin// snang ba 'dod cing rtsol sems byas pa ni// de ni ma rtogs sgrib dang gol skyon yin// zhes bstan/ blo la nges pa med pa ni// byang chub sems ni rgyud drug kun dang mtshungs// sems rtog chos nyid pa la 'gro ba'i lam// 'gro ba rigs drug kun gyi lam yin pas// byis pa'i blo la nges pa ma mchis pas// ma rig ma rtogs bslad pas 'khrul pa'i phyir// rang sems sman gyis slob dpon sman pa tshol// rang sems sangs rgyas ma rtogs gzhan du tshol// zhes bstan/ ye shes ma nges bstan pa ni// da ltar bde ba mdun gyi ye shes blta// phyi ma bde ba rgyab nas ye shes 'dod// snang ba

  338. 170a

    mngon sum dag gi ye shes dang // rgyab nas 'byung ba'i ye shes grangs byung bas// de yang ye shes rnam pa'i skyon yin pas// rang byung ye shes de la brten mi bya// zhes bya'o// nges par bstan pa'i mdo las/ man ngag rnam pa brgyad bstan pa dang / nges pa don gyi 'grel pa'o// // de nas sems dpa' chen po des// 'dus pa'i 'khor tshogs de rnams la/ chos thams cad rdzogs pa chen po'i byin brlab las byung ba'i phyir/ theg pa yas 'bubs theg pa dgu'i mdo 'di gsungs so// kye 'dus pa'i tshogs chen de nyon cig/ chos nyid rang bzhin sems nyid de// sems nyid rang bzhin rdzogs pa che// rdzogs chen chos nyid skye med las// skye ba'i cho 'phrul 'byung ba'i phyir// longs spyod rdzogs sku sprul pa'i sku// sum brgyud dgu phrug rnam sprul pa// tshig dang yi ge dgur grags te// theg pa rnam pa dgu ru bstan// de yang gang dang gang zhe na// nyan thos rang rgyal theg chen gsum// sprul pa'i sku yi gsung du bstan// kri ya yo ga phyi pa gsum// longs spyod rdzogs sku'i bstan par grags// bskyed dang rdzogs dang rdzogs chen gsum// chos kyi sku yi gsung du bstan// sku gsum yA na rnam pa dgu// rdzogs pa chen pos byin gyis rlobs// de yang ji lta bu zhe na/ sems nyid sku gsung thugs 'di yis// sku gcig sku gsung thugs ston

  339. 170b

    te// de yang ji lta bu zhe na// sprul pa sku yi rang bzhin ni// bden pa bzhi yi chos nyid la// dbu zlum zhabs rjen brtul zhugs kyis// 'dul ba dgra bcom shAkya thub// sprul pa sku yi rang bzhin no// sprul pa gsung gi rang bzhin ni// brgyad khri bzhi stong gsungs pa dang // dbye bsdu rgyu 'bras gnyen po la// dgongs te sde snod gsum gsungs pa// sprul pa gsung gi rang bzhin no// sprul pa thugs kyi rang bzhin ni// chos nyid stong pa bden gnyis kyi// rtog pa kun tu 'od kyi sa// mi dmigs ye shes mngon pa thugs// sprul pa thugs kyi rang bzhin no// longs spyod rdzogs sku'i rang bzhin ni// gza' skar dus tshigs bzang sgo nas// dag pa gsum spyod rigs gsum bsgrub// rgyan dang cha lugs rdo rje 'dzin// longs spyod sku yi rang bzhin no// longs spyod gsung gi rang bzhin ni// kri ya yo ga phyi nang gsang yang gsum// dam tshig bsgrub dang grub pa yis// tan+t+ra sde gsum gsungs pa ni// longs spyod gsung gi rang bzhin no// longs spyod thugs kyi rang bzhin ni// mtshan med bsgoms nas stug po bkod// phyag rgya bzhi ldan dpal be'u ni// longs spyod thugs kyi rang bzhin no// chos kyi sku yi rang bzhin ni// sku gsum pa yi lam sbyangs nas// snang zhing srid pa'i chos rnams kun// bdag nyid chen po chos skur 'dod// chos kyi sku yi rang bzhin

  340. 171a

    no// chos nyid gsung gi rang bzhin ni// bskyed dang rdzogs dang rdzogs chen gsum// sku dang gsung dang thugs kyi rgyud// chos nyid gsung gi rang bzhin no// chos nyid thugs kyi rang bzhin ni// gzung 'dzin med pa'i byang chub sems// sgro skur bral ba'i ye shes thugs// ye nas rang byung ye shes so// chos sku thugs kyi rang bzhin no// chos sku'i rang bzhin byang chub sems// byang chub sems kyi 'byung gnas 'di// theg pa dgu yi snying po ste// nga las ma byung gcig kyang med// nga ni kun gyi rang bzhin ston// thams cad nga yin shes par bya// sems nyid rdzogs pa chen po ni// thams cad 'byung ba'i snying po ste// rang las byung ba'i chos nyid ni// rgyur yang dag la 'bras bur dag/ rgyu 'bras dag pa'i chos nyid ni// dbyings dang ye shes yin pa'i phyir// a ti yo ga bkod pa yin// sems las byung ba'i chos nyid ni// phung po khams dang skye mched de// ye nas rang rgyud dag pa ste// bdag nyid chen po yin pa'i phyir// ma ha yo gar bkod pa yin// sems las byung ba'i chos nyid ni// nang rdzas lnga spang phyi lnga spyad// mtshan med ma gos ma chags kyang // ye shes grogs su blta ba'i phyir// yo ga zhes su bshad pa yin// sems las byung ba'i chos nyid ni// yul dang dbang po phyi spangs te// ya nga dri spangs dag gsum gyis// ye shes

  341. 171b

    sems dpa' rjer blta phyir// kri ya zhes su bkod pa yin// sems las byung ba'i chos nyid ni// mi rtag sdug bsngal stong bdag med// don dam kun rdzob bden pa yis// sbyangs bgrod rnam pa bcu spyod phyir// byang chub sems dpa'i mdo sder bkod// sems las byung ba'i chos nyid ni// sdug bsngal kun 'byung 'gog lam ste// spang zhing 'gegs pa'i shes pa yi// bzod pa gzung 'dzin spang 'joms phyir// nyan thos rang rgyal zhes su bkod// sems las byung ba'i chos nyid las// che ba'i ye shes 'byung ba'i phyir// sems nyid a nu yo gar bshad// sems las byung ba'i chos nyid las// sangs rgyas lnga ru 'byung ba'i phyir// sems nyid ma hA yo gar bshad// sems las byung ba'i chos nyid las// phyag rgya chen po bzhi 'byung phyir// sems nyid rnal 'byor rgyud ces bshad// sems las byung ba'i chos nyid las// sku gsum rigs gsum 'byung ba'i phyir// sems nyid bya ba'i rgyud ces bshad// sems las byung ba'i chos nyid las// chos kyi sku ru 'byung ba'i phyir// sems nyid rdzogs pa chen por bshad// sems las byung ba'i chos nyid las// dgra lnga 'joms par 'byung ba'i phyir// sems nyid nyan thos rang rgyal bshad// des na sems nyid rdzogs chen 'dis// theg pa dgu ni yas phub ste// rdzogs pas rdzogs pa chen por

  342. 172a

    bshad// ces sems kyi mdo 'grel chen po bcu las/ theg pa las 'babs kyi mdo sde dgu pa'o// // de nas 'dus pa'i tshogs rnams la// sems dpa' chen po rdo rje des// theg pa yas 'brubs pa'i mdo sde'i don gyi 'grel pa 'di gsungs so// kye 'dus pa'i tshogs chen de nyon cig/ theg pa dgu yi snying po 'dir// sems nyid rdzogs pa chen po ste// sems kyis ma byas chos med de// thams cad sems kyis byas par bstan// gnyen po med pa'i rang byung ye shes ni// dmigs su med pas shin tu rnyed par dka'// shes rab chos nyid rig pa thabs kyis rtogs// chos nyid rig pa gnyis su med pas 'grub// don dam ma yin btags pa'i ming tsam du// thabs dang shes rab gnyis la brten 'dra yang // che ba'i ye shes mngon sum bde ba de// rgyu rkyen med pa'i byang chub sems las byung // rdzogs chen dag gis yongs su rnal 'byor bstan// thams cad bskyed pa'i sangs rgyas lnga po 'dis// rgyud drug gnas pa'i sems can kun la khyab// de la gzung 'dzin log pas rnam brtags kyang // sangs rgyas lnga ru grol ba gzhan las min// rang rgyud dag pa yin par rdzogs chen gyi// rnal 'byor chen po dag tu bstan pa yin// ma skyes skye ba'i cho 'phrul 'byung ba yang // skye med rtogs na cho 'phrul dka' ba min// sku dang ye shes

  343. 172b

    stobs dang mi 'jigs pas// dus gsum sangs rgyas che ba'i yon tan ni// chos nyid ma bcos ji bzhin rtogs pa las// thogs med dka' ba med par thams cad 'byung // sems dpa' rnal 'byor de la rdzogs par bshad// snang srid rig pas mi 'dzin yongs su gtong // gzung 'dzin med pa'i gtor ma yin par bshad// rdzogs chen rtsol bsgrub 'das pa'i lam 'di yis// mtshams kyi rgyal po mi rtog ye shes kyis// bgegs kyi rgyal po rang gi rtog bsal nas// bya ba med pa'i las kyi rgyal po 'di// mi rtog ting 'dzin mnyam bzhag sngags tshig go// bya ba med pa'i ting 'dzin kri yA la// rtsol bsgrub 'das pa'i sems nyid rdzogs par bshad// gcig tu ma nges kha dog rigs lnga dang // sems kyi bye brag phung po lnga rnams la// rigs lnga rnam shes khyad par snang ba yang // de bzhin sems nyid rdul yang g.yo ba med// rang byung ye shes chen po snang bas na// 'di ni 'byung ba lnga las rtsol chen yin// ma nges gnyis ka de la rdzogs par bshad// rim pa dgu dang brgyad khri bzhi stong ni// sems can sangs rgyas lam la 'gro ba'i lam// gang nas spyad kyang rang rang 'bras bu skye// chos nyid rdzogs chen mtshan ma med dbang gis// 'jig rten bde ba 'dod pa'i bsti gnas ni// chos nyid mtshan ma med pa 'byung mi 'gyur// sems nyid rdzogs pa dag

  344. 173a

    gis phub ste bshad// sangs rgyas bde ba chen po'i ye shes ni// sems can nyon mongs sdug bsngal rnam pa lnga// snying po byang chub sems su mtshungs pa la// las kyi dbang gis khyad par 'byung ngo zhes// nges med blo yis rnam par brtags pa la// ci ste las de'i dbang du gyur pa na// rkyen med rang byung ye shes yod ma yin// zhes gsungs so// rdzogs pa las kyi dbang du mi 'gyur bstan// byang chub sems ni kun gyi rgyu yin te// thams cad 'joms pa'i rdo rje rkyen dang 'dra// rgyu dang sa bon med pas ma skyes la// rkyen dang gnyen po med pas 'jig pa med// gdod nas ma skyes snying po byang chub la// de btsal bsam pas byang chub sems mi bskyod// rdzogs pas gnyen po'i dbang du mi 'gyur bstan// nyon mongs brkam chags lnga yi dbang gis ni// nyan thos rang rgyal theg chen mdo sde gsum// 'dul khrims sdom pa ma thub nyams pa yis// ta la'i mgo bcad ljon shing mi skye dang // rdo rje theg pa'i dam tshig nyams pa yis// sa bon mes bsregs 'bras bu gtan tshigs kyang // rdzogs chen bsrung du med pa'i dam tshig gis// gzhan dbang mi gtong 'bras bu yod par ston// rdzogs pas nyams pa'i dbang du mi 'gyur bstan// byang chub sems kyi mdo 'grel chen po bcu las/ theg pa yas 'bubs kyi mdo dang don gyi 'grel pa

  345. 173b

    dgu pa rdzogs so// // de nas yang sems dpa' chen po des/ 'dus pa'i tshogs thams cad la chos thams cad ni byang chub kyi sems rdzogs pa chen po kho nar rdzogs pa'i phyir/ yongs su rdzogs pa'i mdo 'di gsungs so// kye 'dus pa'i tshogs chen da nyon cig/ ci ltar snang ba'i chos rnams ni// byang chub sems la rdzogs pa'i phyir// byang chub sems 'di shes par gyis// byang chub sems 'di shes pa dang // chos kun rang la rdzogs par shes// rang las byung ba'i chos rnams kun// rang byung ye shes sems su shes// rang byung byang chub sems 'di las// ma yin pa yi chos med pas// sems ma yin gyi chos yod min// zhes gsungs pas/ 'dus pa'i tshogs rnams rab tu yi rang ste// kun 'dus pa'i tshogs kyis zhus pa/ e ma ho/ sems dpa' rdo rje kun tu bzang // ji ltar snang ba'i chos rnams kun// sems yin/ sems min chos med na// bdag cag 'dus pa'i tshogs kyi sems su yang // chos kun rab tu 'dus lags sam// zhes zhus so// de nas sems dpa' chen pos don 'di gsungs so// kye 'dus pa'i tshogs chen 'di rtogs la// 'di yi don kun rig par gyis// snang chos rgyu ni 'byung chen lnga// 'byung lnga rgyu ni byang chub sems// sems kyis chos rnams snang bar byed// sems mi snang la chos mi snang // des na chos

  346. 174a

    rnams sems su 'dus// sems la gcig las yod ma yin// sems gcig kun tu khyab pa'i phyir// sangs rgyas ye shes thugs kyang sems// sems can bag chags yid kyang sems// sangs rgyas nyid la mi rtog rgyas// sems can rang rtog bag chags bsgrib// rang byung sems de mi gnyis gcig/ gcig phyir dus gsum sangs rgyas dang // 'dus tshogs khyed sems dbyer med pas// sems nyid rdzogs pa chen po ni// yongs su rdzogs pa'i mdo zhes bya// kye 'dus pa'i tshogs chen de nyon cig/ ci ltar snang ba'i chos rnams la// yongs su rdzogs pa'i mdo 'di la// don gyi rnam pa gnyis rdzogs te// 'jig rten yongs su rdzogs pa dang // 'das pa yongs su rdzogs pa'o// 'jig rten yongs su rdzogs pa ni// srid gsum 'khor ba'i sems can rnams// brkam chags lnga yis lam sbyor zhing // khams gsum 'khor ba'i tshogs bskyed de// bde ba'i don med rgyud lngar 'khor// kye 'dus pa'i tshogs chen de nyon cig/ 'das pa yongs su rdzogs pa ni// man ngag bcu tshan gsum bstan te// mdo dgu sems nyid rdzogs dang bcu// lung dgu man ngag bsdus dang bcu// tshig dgu byang chub sems dang bcu// de yang mdo dgu gang zhe na// gcig gi mdo dang gnyis kyi mdo// gsum gyi mdo dang bzhi yi mdo// lnga yi mdo dang

  347. 174b

    drug gi mdo// bdun gyi mdo dang brgyad kyi mdo// dgu yi mdo dang bcu yi mdo// thams cad rdzogs par bstan pa ni// gcig dang gnyis dang bcu bar du// grangs la mthun pa'i grangs kyis bstan// de yang ji ltar bstan zhe na// gcig la gcig bstan gnyis la gnyis// gsum la gsum bstan bzhi la bzhi// lnga la lnga bstan drug la drug/ bdun la bdun bstan brgyad la brgyad// dgu la dgu bstan bcu la bcu// lnga bcu rtsa lnga'i bye brag 'dis// kun bzang rdo rje sems dpa'i bka'// mdo yi tshig bzhi lnga bcu lngas// 'khor ba mya ngan 'das pa'i chos// thams cad yongs su rdzogs par bstan// mdo dgu sems nyid rdzogs dang bcwa// de yang gang dang gang zhe na// gcig mdo byang chub sems kyi mdo// gnyis mdo rnam par bgrang ba'i mdo// gsum mdo phran sum tshogs pa'i mdo// bzhi mdo bye brag 'byed pa'i mdo// 3 mdo khyad par 'phags pa'i mdo// drug mdo gol sgrib bstan pa'i mdo// bdun mdo gtan la 'bebs pa'i mdo// brgyad mdo nges par bstan pa'i mdo// dgu mdo theg pa yas phub mdo// bcu pa sems nyid rdzogs chen 'dis// lnga bcu rtsa lnga'i bye brag ston// de yang ji lta bu zhe na// gcig ni byang chub sems yin te// byang chub sems la bgrang du med// rtsa ba'i don du shes par gyis// gnyis ni rnam par bgrang ba

  348. 175a

    ste// byang chub sems la gnyis bgrang bas// 'khor ba mya ngan 'das pa ste// sangs rgyas sems can gnyis su bgrang // gsum la don gsum bstan pa ni// ston pa bstan pa 'khor tshogs ni// dus dang gnas ni rang bzhin tshang // phun sum tshogs pa gsum du bstan// bzhi yi mdo la don bzhi ste// yo ga bzhi yi rnam pa la// re re la yang bzhi bzhi ste// yo ga bzhi yi bye brag 'byed// lnga yi mdo la don lnga ste// khyad par 'phags pa'i mdo dag las// khyad par 'phags pa'i che lnga ston// drug pa'i mdo la don drug ste// gol sgrib bstan pa'i mdo dag las// nges pa thob pa'i theg pa drug/ rdzogs pa chen po'i gol sar bstan// go la sa drug dang sgrib drug go// bdun pa'i mdo la don bdun te// gtan la 'bebs pa'i mdo dag las// lung chen gsum dang man ngag bzhi// rnam pa bdun gyis gtan la 'bebs// brgyad pa'i mdo la don brgyad de// nges par ston pa'i mdo dag las// nges pa dag ni rnam brgyad kyis// med pa brgyad dang nges pa lnga// ma nges rnam pa gsum dang brgyad// brgyad pa gnyis kyi rnam pa bstan// dgu pa'i mdo la don dgu ste// theg pa yas 'bubs mdo dag las// bden pa dgu yi tshig dgu ni// yas 'bubs theg pa dgu ru bstan// bcu pa'i mdo la don bcu ste// yongs su rdzogs pa'i

  349. 175b

    mdo dag las// lung dgu man ngag bsdus dang bcu'o// de la mdo dgu sems dang bcur// sems dpa' nga yis bshad pa yin// lus dgu man ngag bsdus dang bcu// de don gang dang gang zhe na// rtsa ba bzhi yi rtsis 'go dang // sdud par byed pa'i thig le dang // 'gyur ba med pa'i phyag rgya dang // bgrod lam nor ba'i gol sa dang // ma shes pa yi sgrib pa dang // 'brel pa rgyud du bstan pa dang // gtan la 'bebs pa'i lung chen dang // la bzla' ba yi man ngag dang // nges pa dag gis yin pa dang // don bsdus pa yi gtan tshigs bcu'o// de yang gang dang gang zhe na// rtsa ba bzhi yi rtsis 'gro ni// byang chub sems kyi rang bzhin ni// ston pa rdo rje nga yin te// ston pa rdo rje sems dpa' la// ming dang don dang dpe dang ni// rang bzhin dag gi che ba bstan// de yang ji lta bu zhe na// ming ni rdo rje sems dpa' la// don gyi rang bzhin skye ba med// dpe ni nam mkha' lta bu ste// che ba lnga ni khyad par 'phags// des na rtsa ba bzhi zhes bya// sdud par byed pa'i thig le ni// byang chub sems kyi ngo bo ni// spros pa med pa'i rang bzhin gyis// sdud par byed pa'i thig le ste// spros med thig le chen po drug/ che ba'i yon tan rnam grangs te// chos nyid byang chub sems la bgrang // de yang ji ltar sdud ce na// spros med chos nyid thig le ni// ma bcos pa yi byang chub

  350. 176a

    sems// rang bzhin gnas pa'i thig ler bshad// byang chub sems kyi che ba yin// spros med dbyings kyi thig le ni// thams cad sdud pa'i byang chub sems// 'byed par byed pa'i thig ler sdud// byang chub sems kyi che ba yin// dbyings nyid rnam dag thig le ni// gzung 'dzin dag pa'i byang chub sems// spros pa med pa'i thig ler sdud// byang chub sems kyi che ba yin// ye shes chen po'i thig le ni// ma bsgrubs pa yi byang chub sems// 'gag pa med pa'i thig ler sdud// byang chub sems kyi che ba yin// spros med kun bzang thig le ni// blang dor med pa'i byang chub sems// mnyam pa chen po'i thig ler sdud// byang chub sems kyi che ba yin// spros med lhun gnas thig le ni// rtsol bsgrub 'das pa'i byang chub sems// ma g.yos pa yi thig ler sdud// byang chub sems kyi che ba yin// thig le thig le zhes bya ba// spros pa med pa'i don yin te// byang chub sems kyi rang bzhin no// 'gyur ba med pa'i phyag rgya ni// rang byung ye shes sbyong med pas// bcu gnyis lnga ru shes par bya// ye shes don gyi bye brag yin// gtan la 'bebs pa'i mdo yis bstan// bgrod lam nor ba'i gol sa dang // ma shes pa yi sgrib pa gnyis kyang dang // rang bzhin 'di bcu ma shes pas// gol sa dang ni sgrib par 'gyur// rang bzhin bcu ni 'di lta

  351. 176b

    ste// blta ba dang ni dam tshig dang // phrin las dang ni ye shes dang // sa dang lam gyi rim pa dang // phra ba chos nyid rang bzhin dang // 'brel pa rgyud kyi rang bzhin dang // thog tu 'bebs pa'i lung chen dang // la zlo ba yi man ngag go// nges pa thob pa'i theg pa drug/ sems nyid rdzogs pa chen po la// rang bzhin 'di bcus khyab pa'i phyir// rang bzhin 'di bcu shes par bya// de yang gang dang gang zhe na// blta/ ba bdun dang dam tshig bdun// phrin las bdun dang ye shes bdun// sa bdun dang ni bgrod lam bdun// phra ba chos bdun rgyud 'grel bdun// thog tu 'bebs pa'i lung bdun dang // la zlo ba yi man ngag bdun// bcu tshan bdun gyi rang bzhin 'di// theg pa bdun gyi ngo bo yis// gong ma ma shes bsgrib par bshad// 'og ma'i lam nor gol sa ste// gol sa bcu tshan drug dang ni// sgrib pa bcu tshan drug yod do// sum brgya drug cu'i gol sgrib bgrang // de yang gang zag blo la snang // rnal 'byor bzhi las phye ba ni// gol sa brgya dang brgyad cu la// sgrib pa sum cu bcu gnyis bcu// nyis brgya bzhi bcu'i gol sgrib pa grang // sum cu tham pa bgrang ba ni// rnal 'byor bzhi las bgrang ba ste// rang bzhin bcu yi gol sgrib la// gang gol gang sgrib ngos ma bzung // 'di gol 'di sgrib bstan pa med// 'di gol 'di sgrib bstan pa

  352. 177a

    ni// rang bzhin bcu po gcig la yang // la la gol sa la la sgrib// theg pa bdun gyi ngo la snang // des na gol sgrib bcu gnyis so// rang bzhin bcu po gcig la yang // yA na bdun gyi gol bgrangs na// gol sa bcu dang sgrib pa bcu// gcig la sgrib pa mi gnas la// gcig la gcig gol yod pa min// de yang ji lta bu zhe na// rdzogs chen a ti yo ga la// sgrib pa bcu yis bsgrib pa med// gol sa drug cu zam pa yod// theg chen byang chub sems dpa' la// gol sa bcu po bgrang du med// sgrib pa drug cu tham pa yod// rdzogs chen shin tu rnal 'byor la// gol sa bstan pa de bzhin du// yongs su rdzogs pa'i rnal 'byor la// sgrib pa rnam pa bcu bstan te// rang bzhin bcu yis sgrib pa'o// gol sa bcu tshan lnga bstan te// rang bzhin bcu yis gol sa'o// rnal 'byor chen po bskyed pa la// sgrib pa bcu tshan gnyis bstan la// gol sa bcu tshan bzhi bstan te// rang bzhin bcu yi gol sgrib bo// sems dpa' chen po'i rnal 'byor la// gol sgrib bcu tshan gsum gsum ste// de yang rang bzhin gol sgrib bo// gnyis ka spyod pa'i u pa ya// sgrib pa bcu tshan bzhis bsgribs pas// gol sa bcu tshan gnyis su bstan// de yang rang bzhin bcu las bstan// bya ba dag gi kri yA la// sgrib pa bcu tshan lngas bsgribs la// gol sa bcu tshan

  353. 177b

    gcig gis bstan// des na sum brgya drug cur bshad// theg pa rnam pa drug po yis// rang gi rang bzhin ma shes na// gol sgrib gong du bstan pa 'byung // rnal 'byor rnam pa bzhi po la// gol sgrib nyis brgya bzhi bcu byung // gol sgrib grangs de 'byung ba ni// yA na rnam pa bdun po la// lta ba re dang dam tshig re// phrin las re dang ye shes re// sa re lam re phra ba re// rgyud re lung re man ngag re// yA na re la yod pa'i phyir// des na gol sgrib grangs su 'byung // 'di ru mdo tsam bstan pa yin// gol sgrib bstan pa'i mdo yis bstan// 'brel pa rgyud kyi rang bzhin ni// rnam pa bcu ru shes par bya// snang ba dang ni srid par 'brel// snod dang bcud du ye nas 'brel// 'khor ba myang 'das ye nas 'brel// rgyu dang 'bras bu ye nas 'brel// yul dang dbang po ye nas 'brel// thabs dang shes rab ye nas 'brel// dbyings dang ye shes ye nas 'brel// don dam kun rdzob ye nas 'brel// sems dang chos su ye nas 'brel// des na sangs rgyas sems can 'brel// rgyud kyi rang bzhin 'brel par bshad// de yang ci lta bu zhe na// ji ltar snang ba'i chos rnams ni// srid pa snang bar 'byung ba'i phyir// 'brel pa zhes su bshad pa yin// snod na ye nas bcud gnas te// snod ces bya ba bcud kyi snod// des na snod bcud ye nas 'brel// rgyud drug

  354. 178a

    'khor ba'i sems can rnams// ye nas rtsa ngan 'das pa'i rgyu// des na ye nas rgyu yis 'brel// gang rgya sa bon de las ni// gang gi 'bras bu de 'byung bas// rgyu dang 'bras bur ye nas 'brel// dbang po dag la yul gsal bas// ma 'gags rang rkyen dag gis gsal// des na yul dang dbang por 'brel// gang zhig smre med yul de ni// rig pa thabs kyi rgyal pos por rtogs// des na thabs dang shes rab 'brel// spros dang bral ba'i chos dbyings de// ma bsgribs pa yi ye shes yin// des na dbyings dang ye shes 'brel// kun rdzob tshig dang yi ge yis// don dam brjod du med par rtogs// des na kun rdzob don dam 'brel// sems dang chos su 'brel ba ni// sems de chos kyi yul la gnas// chos yul sems su ye gsal bas// des na sems dang chos su 'brel// sangs rgyas sems can 'brel ba ni// sangs rgyas thugs rje sems can la// smon lam gcig la ye nas 'brel// des na 'brel pa bcu zhes bshad// gtan la 'bebs pa'i lung chen ni// dper na blon pos gtam smras la// bka' lung zhes ni sgrogs pa med// rgyal po dag gis bka' stsal pa// de la bka' lung zhes su gdags// de bzhin gang zag don bstan yang // lung zhes bya bar ming mi 'dogs// de bzhin ston pa rnam

  355. 178b

    gsum gyis// gang zag dbang po rim dgu la// bden pa'i tshig dgu smras pa ni// ston pa'i lung dgu zhes su gdags// la zlo ba yi man ngag ni// rnam pa bcu ru shes par bya// de yang gang dang gang zhe na// blta ba dang ni dam tshig dang // phrin las dang ni ye shes dang // sa dang lam gyi rim pa dang // phra ba chos dang rgyud dang lung // man ngag rang bzhin bcu po de// sems nyid rdzogs par bstan pa bzhin// man ngag tu ni shes par bya// nges pa dag gis yin pa ni// rnam pa drug tu shes par bya// byang chub sems kyi rang bzhin te// ye nas yin pa'i don bshad de// kun tu bzang po yin pa dang // kun tu bzang mo yin pa dang / gnyis su med pa yin pa dang // rgyud yin lung yin man ngag yin// rnam pa drug tu shes par bya// chos nyid byang chub sems de la// bzang ngan blang dor med pa'i phyir// kun tu bzang po yin par bshad// chos nyid byang chub sems de la// thams cad 'dus shing 'byung ba'i phyir// kun tu bzang mo yin par bshad// chos nyid byang chub sems de la// gzung 'dzin spros pa med pa'i phyir// gnyis su med pa yin par bshad// rgyud lung man ngag gsum yin pas// chos nyid byang chub sems de la// thams cad 'dus shing 'tshogs pa'i phyir// phun sum tshogs pa'i rgyud ces bya// chos nyid byang chub sems de

  356. 179a

    yis// chos kun gtan la 'bebs pa'i phyir// lung chen gtan la 'bebs par bshad// byang chub sems kyi lung zhes bshad// sems nyid rdzogs pa chen po 'di'i// man ngag rang bzhin bcu po 'dis// sgo skur 'das par la zlo'i phyir// man ngag kyang ni yin par bshad// don bsdus pa yi gtan tshigs ni// rnam pa lnga ru bstan pa te// dgos don lnga dang man ngag brgyad// rnal 'byor srog bzhi dam tshig bzhi// lnga gcig gsum gyis 'phags pa dang // gdags su yod med bstan pa'o// dgos don lnga ni gang zhe na// byang chub sems kyi rang bzhin dang // sems kyi rdo rje skye mched dang // btsal du med pa'i chos nyid dang // kun bzang rol par 'byung ba'i phyir// ting 'dzin bskyed rdzogs mi dgos dang // ci ltar byas pa'i mdzad spyod ni// man ngag dam pa yin par bshad// man ngag brgyad ni gang zhe na// sa dang ma gyi dkyil 'khor dang // las dang sbyor ba dag pa dang // 'byed pa med dang sgrol ba dang // rdzogs pa chen po'i man ngag go// de yang ji lta bu zhe na// sa la sbrang du med pa yin// lam la bgrod du med pa yin// dkyil 'khor mtha' dbus med pa yin// las la btsal du med pa yin// sbyor ba gnyis su med pa yin// gcig la dbye ru med pa yin// rgyu rkyen ma byas skye med bsgral// rdzogs pa chen po'i man ngag

  357. 179b

    ni// sems nyid rdzogs pa chen po ru// chos kun 'di ru rdzogs pa'o// srog bzhi man ngag gang zhe na// rnal 'byor srog ni dam tshig yin// dam tshig bzhi ni gang zhe na// bsrung du med pa rnam bzhi ste// med pa dang ni phyal ba dang // gcig pu dang ni lhun grub bo// dam tshig srog ni blta ba yin// blta ba'i srog ni ston pa'i lung // lung gi srog ni man ngag go// de yi srog ni gsang ba'o// lnga gcig gsum gyis 'phags pa ni// de yang gang dang gang zhe na// khyad par 'phags pa'i mdo dag las// khyad par 'phags pa'i che lngas 'phags// gsum 'phags phun sum tshogs mdo las// phun sum tshogs pa gsum gyis 'phags// gcig 'phags byang chub sems mdos 'phags// des na theg pa kun las 'phags// gdags su yod med bstan pa ni// gdags su yod par bstan pa dang // gdags su med par bstan pa'o// gdags su yod par bstan pa ni// rnam par bgrang ba'i mdo dag dang // theg pa yas phub mdo dag las// bden pa tshig tu gdags su yod// tshig dgu ston pa'i ston pa yang // gdags su yod par bshad pa yin// gdags su med par bstan pa ni// nges pa ston pa'i mdo dag las// gdags su med pa brgyad bstan pa// byang chub sems kyi mdo dag las// byang chub sems la mtshon du med// des na

  358. 180a

    gdags su med ces bya// don bsdus pa yi gtan tshigs so// // de nas sems dpa' chen po des/ 'dus pa'i tshogs chen la chos thams cad tshig dgur 'dus la/ tshig dgu byang chub kyi sems gcig la smras pa/ byang chub sems ni sems dpa' nga nyid yin par smras pa 'di gsungs so// kye 'dus pa'i tshogs chen da nyon cig/ tshig dgu byang chub sems bcu ni// tshig dgu smras pa sems kyis smras// sems de bstan phyir tshig dgu byung // nga ni sems kyi chos nyid de// sems nyid ye nas 'dus ma byas// nga ni sems dpa' rdo rje zhes// kun bzang byang chub sems kyis btags// byang chub sems kyi chos nyid la// rang byung ye shes rgyu med pas// rang byung ye shes gnyen po med// btsal du med pa'i byang chub sems// sbyang du med pa'i byang chub sems// bsam du med pa'i byang chub sems// dngos po bral ba'i byang chub sems// bstan du med pa'i byang chub sems// spros pa med pa'i byang chub sems// brtag tu med pa'i byang chub sems// sgro skur bral ba'i byang chub sems// kun las 'das pa'i sems nyid 'dir// chos kun ye nas 'dus shing gnas// sems nyid nam mkha' lta bur gnas// nam mkha' ci la'ang mi gnas bzhin// sems nyid ci la'ang gnas pa med// sems dpa' chen po nga yis ni// nga yi/

  359. 180b

    rang bzhin bstan pa dgu// khyed la tshig dgu bstan pa 'dis// nga yi rang bzhin shes par gyis// nga yi rang bzhin 'di shes na// khyed kyang nga yi rang bzhin yin// nga yi chos rnams thams cad kyang // spyod yul kun las 'das pa'i phyir// sgro skur kun dang nga bral lo// zhes yongs su rdzogs pa'i mdo'o// // de nas sems dpa' chen po rdo rje des/ 'dus pa'i tshogs la yongs su rdzogs pa'i mdo las don gyi mdo'i 'grel pa bcu po 'di gsungs so// kye 'dus pa'i tshogs chen de nyon cig/ yongs su rdzogs pa'i mdo 'di ni// rdzogs pa rnam pa gnyis su rdzogs// 'jig rten yongs su rdzogs pa dang / 'das pa yongs su rdzogs pa'o// 'jig rten rnam pa gnyis bstan la/ 'das pa rnam pa brgyad kyis bstan// 'jig rten las dang bsam pa gnyis// 'jig rten khams gsum las kyi sbyor ba yang // don dam med pa'i sgyu mar snang ba ste// don dam ma yin tshig tsam snang ba ste// 'jig rten 'di na bsod nams tshogs pa yis// 'khor ba'i 'khor lo bsgyur ba'i gnas thob kyang // mi rtag sgyu ma 'dra ba'i bsti gnas yin// 'jig rten 'di yi bsam pa de lta'o// sna tshogs spyod cing med pa'i dus la ltos// las kyi dus der 'byung bar mi 'gyur te// chags dang ma bral smon lam 'debs pas na// 'bras bu med cing stong par gsungs pa yin//

  360. 181a

    des ni 'jig rten lta ba bstan pa yin// de las 'das pa yongs su rdzogs pa la brgyad de/ nyan thos dag gi rang bzhin dang // rdzogs pa chen po bstan pa dang // lam bstan pa dang lam gyi dpe// yid la ma bsags tshogs chen dang // sku dang ye shes bstan pa dang // bsgom du med par bstan pa dang // rol pa rang las byung bar bstan pa'o// de la nyan thos bstan pa ni// btsal du med pa'i chos nyid de la ni// dbang po drug brtul 'dul ba'i khrims zhugs rtsol// sdug bsngal lus kyi spyod drag gis// spyad kyang nges pa'i gnas ni ming med de// lung gi a dar ston pa'i bar ldan na// skad cig sgyu ma'i bde ba 'byung bar 'dod// ces bstan/ rdzogs pa chen po'i rol pa bstan pa ni// chos nyid byang chub sems ni nam mkha' 'dra// sems la rtog pa med pa chos kyi sku// dngos po mtshan ma med pas bzung mi zin// dpe ni chu la snang ba'i zla ba 'dra// chos sku ma skyes kun tu bzang po las// rol pa skye ba'i cho 'phrul 'byung ba ni// snang srid mngon du 'byung ba'i chos nyid de// don dam skye ba med pas A lir bshad// rig pa mngon du gyur pa'i sems nyid ni// chos la 'gags pa med pa kA lir bshad// de ni rdzogs pa chen po'i rol par bshad// chos nyid lam gyi rang bzhin bstan pa ni// sngon gyi lam yang chos

  361. 181b

    nyid byang chub sems// da lta'i lam yang chos nyid chos kyi dbyings// snga ma rnams ni lam gyi dpe bzhin du// chos nyid de ni phyi lam gnas su che// de ltar snga ma sangs rgyas snga ma'i lam bzhin du// chos nyid skye ba med pa de bzhin du// phyi ma kun gyi lam gyi rang bzhin no// kun gyi lam nyid yin par bstan pa ni// gong ma kun gyi lam dang 'dra bar ni// 'gro ba yongs kyi lam ni chos nyid do// chos nyid nam mkha'i zla ba 'dra ba la// tshig brjod mdzub mos bstan dang bcas pa 'dra// sangs rgyas sems can kun gyi mnyam pa ni// chos nyid bde ba chen po de yin la// snang ba med pa'i chos nyid de la ni// dbang pos bltas pas chos nyid 'grub pa med// ces bstan/ yid kyi tshogs chen bstan pa ni// snang srid yid kyis tshogs bsngos yon bdag ste// dbang pos bltas pas 'dod yon bkram pa'o// dbang po'i mig gis tshogs su mthong ba ni// 'dod yon lnga ru gsal bas dngos grub bo// de la ting 'dzin mnyam par bzhag pa ni// rgyu dang ye shes tshogs gnyis rdzogs pa'o// zhes bstan to// sku dang ye shes bstan pa ni// byang chub sems ni dngos po cir mi g.yo// gzung 'dzin mi mnga' chos sku phyag rgya yin// ting 'dzin mi bskyod rang byung ye shes te// chos nyid mtshan mar mi len bdag med cing // sems kyis gang yang mi spang dor ba

  362. 182a

    med// mi g.yo mi bskyod mi len mi 'dor bas// 'di zhes brjod med tshig bral mnyam nyid do// zhes bstan/ bsgom du med pa bstan pa ni// srid pa 'byung ba snang ba yod pa'i chos// chos nyid byang chub sems la snang ba med// ma btsal rang bzhin bzhag pas bsgom pa'i mchog/ btsal med chos la yod par rnam btsal na// nam mkha' dag la khang pa phub pa 'dra// med par yod pa'i 'bras bu yongs mi 'byung // zhes bstan/ rol pa rang las 'byung bar bstan pa ni// rgyu med rang byung sems ni ngo mtshar che// de las rkyen med ye shes rmad byung 'di// bkag pa med par spyod pas rol pa 'di// byar med rtsol bsgrub mi mnga' nam mkha' bzhin// dngos po cir yang mi dmigs gti mug las// thogs med rmad du byung ba de ma zag/ rgyu med rang byung ye shes rol pa 'byung // zhes byang chub sems kyi mdo yi 'grel pa las/ yongs su rdzogs pa'i don gyi 'grel pa bcu pa rdzogs so// // de nas sems dpa' chen po des/ 'dus pa'i tshogs la chos thams cad tshig dang yi ges gtan la dbab tu med pa de/ tshig dang yi giges 'brel pa'i sgo nas/ gang zag gi blo yis rtogs par bya ba'i phyir/ don gyi 'grel pa lnga po 'di gsungs so// kye 'dus pa'i tshogs chen da nyon cig/ snga rabs 'das pa'i sangs rgyas kyang // don gyi 'grel

  363. 182b

    pa lnga po 'di// rtogs nas skye med sa la gshegs// da ltar bzhugs pa'i rnal 'byor yang // don gyi 'grel pa lnga po 'dis// nga yi lung chen don rtogs nas// dgongs pa 'di yis gnas par byed// slad nas byon pa'i gdung 'tsho ba rnams// don gyi 'grel pa lnga po 'di// gtan la phebs pas rtogs par 'gyur// 'grel lnga gang dang gang zhe na// tshig par 'bru yi 'grel pa dang // dpe don chu 'bras 'grel pa dang // gtan tshigs don gyi 'grel pa dang // 'byed par byed pa'i 'grel pa dang // sdud par byed pa'i 'grel pa'o// tshig dang 'bru yi 'grel pa ni// yi ge'i don dang rang bzhin dang // tshig dang yig shugs yan lag brtags// de yang ji lta bu zhe na// yi ge 'bru gcig lus po la// dgos pa'i yan lag bdun tshang ste// mgo dang yan lag tsheg shad bdun// mgo ni ma nor lam 'dren la// tsheg mig blta zhing shad rta zhon// yan lag shugs kyis 'gro bar byed// yan lag shugs kyis 'gros bslangs nas// mgo ni don gyi lam du zhugs// tshig gis chos rnams ming du smra// shad kyis sde pa tshigs su gcod// yi ges don dang rang bzhin bstan// tshig par 'bru yi tshig don ni// thabs dang shes rab 'brel pa dang // bya ba kun ldan bya med pa// stong pa chen po rnam kun bcas// dmigs med lus dang bcas pa'i tshig/ tshig par

  364. 183a

    tshigs kyis bcad pa ni// ston pa nga yi gsung du nges par gsungs// tshig don bzlog ste sbyor ba 'khrugs// lhug par bshar ba sil bu rnams// skabs kyi don dang ma 'brel pa// 'dres pa gang zag mi yi tshig/ nga yis gsungs pa'i don la smras// tshig par 'bru yi tshig don no// tsheg par 'bru yi yig shugs ni// gong ma'i shugs dang 'og ma'i shugs// bar ma 'brel pa bdag shugs kyis// gang yin par ni brtag par bya// tsheg par 'bru yi yan lag ni// yig 'bru gcig la yan lag bdun// sgra yis bod pa lnga gnyis gcig/ yan lag shugs kyi yig 'bru de// yig 'bru gar 'gro yan lag dbang // yan lag 'gros te brtag par bya// tshig par 'bru yi 'grel par bshad// dpe don rgyu 'bras 'grel ba ni// don gyi tshig dang yi ge'i tshig/ rgyu yi tshig dang dpe yi tshig/ rgyu yi tshig dang 'bras bu'i tshig/ gang yin 'bru la brtag bya ste// yan lag 'bru yis ston par byed// de 'dra de bzhin de ltar gsum// dpe ru bstan pa'i 'grel pa'o// de bas de phyir des na gsum// gang yin don de de mthong na// gtan tshigs bstan pa'i 'grel pa'o// de nas de yang de las gsum// rgyu 'bras bstan pa'i 'grel pa'o// de yin de min yid ches na// don gyi 'grel pa yin par bshad// 'bru dang yan lag gcig la yang // dpe don de ltar

  365. 183b

    yod pas na// de bzhin 'bru lag kun la brtag/ dpe don rgyu 'bras 'grel par bshad// gtan tshigs don gyi 'grel pa ni// yan lag gang gi don 'byung ba// tshig 'bru las ni don dbyung bya// rgyu yi tshig dang 'bras bu'i tshig/ dpe yi tshig gam don gyi tshig/ rtags sam gtan tshigs gang yin tshig/ brtags te don de dbyung bar bya// gtan tshigs dag gi 'grel par bshad// 'byed par byed pa'i 'grel pa ni// so so dag gi ngo bstan nas// sde dang tshan dang ris su phye// 'byed par byed pa'i 'grel pa yin// chos kun rtsa ba gcig bsdus nas// spros pa med pa'i don ston na// sdud par byed pa'i 'grel pa yin// tshig dang 'bru yi don 'di ni// tshig par 'bru yi 'grel par bshad// 'dra dang yod min don 'di ni// dpe don rgyu 'bras 'grel par bshad// brtags te gtan tshigs don 'byin na// gtan tshigs dag gi 'grel par bshad// so so'i sde tshan ris 'byed na// sa gcod pa yi 'grel par bshad// rtsa ba gcig tu don ston na// sdud par byed pa'i 'grel par bshad// chog par 'bru yi 'grel pa yis// tshig dang 'bru dang tshig mi ming las kyang 'das// 'bru la lhag ma mi las te// 'bru 'joms pa yi 'grel par bshad// dpe don rgyu 'bras 'grel pa 'dis// 'dra dang yin min don bstan nas// chos la de ni ming du 'dogs// ngo bo bstan

  366. 184a

    pa'i 'grel par bshad// gtan tshigs don gyi 'grel pa ni// ma nor pa yi snying po 'byin// nges par gtan la 'bebs pas na// don 'byin pa yi 'grel par bshad// 'byed par byed pa'i 'grel pa ni/ 'di skor tshig gang drug bdun gong dang zlos pas dpyad// so so dag gi ngo bstan nas// sde dang tshan dang ris 'byed pas// sa gcod pa yi 'grel par bshad// sdud par byed pa'i 'grel pa ni// chos kun rtsa ba gcig bsdus nas// spros pa med pa'i don du ston// don bsdus pa yi 'grel par bshad// don gyi 'grel pa lnga po 'dis// ma bshad skyon yang lnga yod de// tshig par 'bru yi 'grel med na// tshig par 'bru des tshig mi sdebs// 'bru mi choms pa'i skyon du 'gyur// dpe don rgyu 'bras 'grel med na// chos la ming gis mi thogs te// mtshon du med pa'i skyon du 'gyur// gtan tshigs dag gi 'grel med na// don gyi rtsa ba mi rnyed de// don mi phyin pa'i skyon du 'gyur// 'byed par byed pa'i 'grel med na// tha dad 'dzin blo de skyes te// so sor bye brag mi phyed de// sa me chod pa'i skyon du 'gyur// sdud par byed pa'i 'grel med/ na// rtsa ba gcig tu mi 'gyur te// mtha' yas pa yi skyon du 'gyur// des na 'grel pa lnga po 'di// dus gsum bzhugs pa'i sangs rgyas kyis// gsung gi tshig tu ngas smras pa// 'dus pa'i 'khor tshogs khyed

  367. 184b

    rnasam kyis// kun bzang rdo rje nga yi lung // byang chub sems kyi rang bzhin ni// rtogs phyir 'grel pa lnga po 'di// nga yis khyed la bstan pa yin// zhes gsungs so// yongs su rdzogs pa'i mdo dang don gyi 'grel pa lnga pa rdzogs so// // de nas sems dpa' chen po des// byang chub sems kyi bstan pa gtad pa 'di gsungs so// kye 'dus pa'i tshogs chen 'di zung zhig/ byang chub sems kyi mdo bcu 'di// snang srid snod bcud thams cad dang // 'khor 'das sangs rgyas sems can dang // ston pa kun bzang byang chub dang // ston pa sems nyid rdzogs chen rnams// ye nas gnyis med gcig pa'i phyir// gcig la gnyis su bgrang du med// bgrang du med pa'i bden tshig dgu// gcig don spros pa med pa 'di// nga yis khyod la bstan pa yang // spang 'geg sbyang zhing bgrod pa dang // gzung 'dzin blang dor bya ba dang // lta spyod rtsol bsgrub byar med de// lam dang gnyen pos bcos med par// byang sems kun bzang rang bzhin du// nga yis bstan pa'i don 'di ni// byang chub sems kyi lung chen yin// rgyud dang mdo sde'i spyi 'grel yin// man ngag kun gyi rtsa ba yin// gsung rab kun gyi snying po yin// bstan pa kun gyi yang rtse yin// theg pa kun gyi nying khu yin// ma rig pa yi mun sel yin// rtog pa'i dra ba 'di yis/

  368. 185a

    sel// nyon mongs 'phreng thag 'di yis gcod// ye shes chen po'i snang ba 'dis// lhag ma med pa'i rdzogs chen te// snang srid snod bcud thams cad dang // sangs rgyas sems can thams cad dang // bstan pa'i theg pa thams cad kun// sems nyid rdzogs chen 'di la 'dus// 'di la gnas shing 'di don ston// 'di ni kun bzang nga yin te// sangs rgyas kun gyi ston pa yin// 'dus pa'i tshogs la 'di gtad do// zhes bka' stsal to// bstan pa yongs su gtad pa'i le'u'o// // byang chub sems kyi mdo theg pa kun gyi 'grel pa 'bum sde bzhugs pa las byang chub sems kyi mdo 'grel chen po bcu pa rdzogs sos// bar 'dir la rdzogasang ba'i 'khor lo 'dud// /

  369. 185b

    @// rgya gar skad du/ sarba d+harmA ma hA san+ti bo d+hi tsit+ta saM sa ra mA lats+tshe da A ka sha sa mA na k+Sha ra tan+t+ra/ bod skad du/ chos thams cad byang chub kyi sems rdzogs pa chen po 'khor ba rtsad nas gcod pa nam mkha' dang mnyam pa'i yi ge med pa'i rgyud/ bcom ldan 'das kun rig rgyal po la phyag 'tshal lo// 'di skad rtogs pa'i dus gcig na// mkha' klong rnam dag chos kyi dbyings// kun bzang yangs pa skye med klong // ye shes lnga rdzogs 'od zer 'phro// rdo rje sems dpa' 'dus ma byas// e ma ngo mtshar rmad byung gtsug/ de nas rdo rje sems dpa' yis// bcom ldan 'das la 'di skad gsol// kun gzhi rtsad nas ci ltar gcad// shes bya'i gras thag gcad pa ci// rig pa'i gnad ni gang du bsdu// bcom ldan 'das kyis bka' stsal pa// gdod nas ma skyes snying po a// 'gro ba kun la rang bzhin gnas// ma rig las dang rlung gis 'khor// rtogs na rdzogs sangs rgyas su nges// e ma rdo rje sems dpa' nyon// blta bas phyi rgya rlabs kyis gcad// ting nge 'dzin la 'byung 'jug med// gnyis med rjong na yangs pa'i rgya// kun tu bzang po bde chen sa// e ma sems dpa' rdo rje che// thams cad rang rig byang chub sems// nam mkha' bzhin du spros dang bral// sna tshogs rang bzhin mi gnyis tshe// thig ler rdzogs pas mtshon du

  370. 186a

    med// e ma kun bzang bcom ldan che// skye ba med pa'i chos nyid la// skye ba'i cho 'phrul ci ste 'ong // kun la de bzhin nyid yod na// 'bad pa med par grol bar rigs// 'khrul pas 'khor ba ji lta bu// rtogs pa'i thabs su gang che lags// lta bsgom spyod 'bras bye brag gang // thams cad sems nyid shar ba la// bar do zhes pa yod dam med// rig pa spros dang bral ba la// bsgom du yod pa yin/ nam min// sna tshogs rang bzhin gnyis med la// 'bras bu thob tu yod dam med// mtshon med thig le'i ye shes la// thugs rje 'byung ngam mi 'byung lags// nam mkha' dang mnyam pa yi ge med pa'i rgyud las// gleng gzhi'i le'u ste dang po'o// // de nas bcom ldan bka' stsal pa// skye ba med las thams cad skyes// skyes tsam nyid na ngo bos stong // de nyid skye med snying po yin// gdod nas ma skyes tshig las 'das// spros bral brjod med kho na nyid// mtha' bral gnyis med don dam klong // dgag bya bsgrub bya rnam par dag/ ma skyes rdo rje gnyis med dang // yid la mi byed bya btsal bral// ma bcos spros med chos nyid dbyings// mtha' bral mi dmigs rang bzhin dag/ bgrod med lhun grub yangs pa che// kun grol nyag gcig bde ba che// dmigs med ye shes rang snang dang // brdal khyab mkha' gsal dag pa'i

  371. 186b

    chos// spros med byang chub snying po'i rdzong // bsam 'das brjod med rang sar grol// mi 'gyur mnyam nyid dpe dang bral// dpe bral ye shes mtshon du med// gnyis med rdzogs pas mtha' bral rdzong // mi skye mi 'gag cir mi dgongs// 'gag med A li ka lir rol// dgag bsgrub med pa'i ye shes ni// rgyu yis ma bskyed rkyen dang bral// stong gsal dbyer med ye shes can// nam mkha' dang mnyam pa yi ge med pa'i rgyud las/ skye med rnam par dag pa'i le'u ste gnyis pa'o// // de nas bcom ldan bka' stsal pa// rnam par mi rtog snying po 'di// yongs kyi rgyud la sbas pa med// don dam chos nyid snying po 'di// kun la til mar bzhin du khyab// za ma tog gi nor bu bzhin// lhun gyis grub cing tshang ba'o// mi 'gyur kun rdzogs nam mkha' che// khyab gad la 'ub chub thig le gcig/ brjod bral rang grol gnas su dag/ rgyal ba rnams kyi thugs dang ni// sems can rnams kyi rgyud la yang // snying po ye shes yongs la khyab// ma lus ye shes chen por gnas// ye shes chen por gang 'dod pa// rang gi sems la btsal bar bgyi// sems kyi chos nyid skye ba med// chos can thams cad ngo bos stong // ma rtogs bar du shes mi 'gyur// yang dag bden pa'i snying po 'di// rtogs ldan 'ga' yi spyod yul min// sems nyid ye nas rnam

  372. 187a

    par dag/ e ma rang la gnas bzhin du// gzhan nas thob 'dod nor ba'i lam// rtogs par gyur na de bzhin nyid// ma rtogs mun pa'i mtsho la spyod// nam mkha' dang mnyam pa yi ge med pa'i rgyud las/ kun khyab yangs pa'i le'u ste gsum pa'o// // de nas bcom ldan bka' stsal pa// 'khor ba thog mtha' med pa nas// lhan cig skyes pa'i ma rig pas// kun nas slong ba'i sa bon byas// las dang nyon mongs rkyen byas nas// kun brtags ma rig pa yis 'khor// grib ma gzugs kyi dpe bzhin no// skyod byed las kyi rlung gis brlabs// zhe sdang dmyal ba'i tsha grang 'khor// ser sna bkres skom yi dgas 'khor// gti mug glen lkugs byol song 'khor// phrag dog 'gyur ba mi ru 'khor// nga rgyal 'thab rtsod lha min 'khor// 'dod chags ltung ba lha ru 'khor// 'khor ba zo chu'i khyud mo 'dra// lha mi gtsang ma'i lus thob kyang // ma rtogs bar du 'khor bar 'khyams// thog mtha' med kyang rtogs na yod// e ma kun bzang bde ba che// gzhi dang 'khrul pa gang las byung // gcig pa yin nam tha dad yin// sangs rgyas sems can gang snga lags// kun rig rgyal pos bka' stsal pa// rkyen snang ga pur sman dug tshul// gser gyi nya mo bag la nyal// nam mkha' sprin gyi dpe yis mtshon// nam mkha' dang mnyam pa yi ge med

  373. 187b

    pa'i rgyud las/ 'khrul tshul gnad kyi le'u ste bzhi pa'o// // de nas bcom ldan bka' stsal pa// chos nyid rnam par dag pa la// ma rig 'khrul pa'i grib mas bsgribs// bsgribs kyang chos nyid spros dang bral// khyab gad la don 'di sus rtogs pa// rgyal sras bzhin du dbul ba sangs// 'du 'bral gnyis med kun tu bzang // mtshan ma ma spangs rang sar grol// 'khor ba ma bkag gnas su dag/ 'khrul pa ma bsal rtsad nas chod// dug lnga ma bsgyur chos nyid klong // rtsol bsgrub med par ye sangs rgyas// yin pa'i don la yin par shes// dper na gser la gser mthong bzhin// yid kyi rnam rtog zad pa'o// nam mkha' chen po'i klong chen bzhin// khyab gad la mi 'gyur kun rdzogs grol// nyi ma sbyin med snying po bzhin// dus gsum sgrib med de bzhin nyid// brgya byin gtsug gi nor bu bzhin// 'dod dgu 'byung la 'gran zla med// ma gi ta yi sman bzhin du// gang la reg pa sman du 'gyur// dgra bcom rgyal sras mi lus mchog/ rtogs na khyad par yod pa'o// rtogs pa'i thabs su thams cad shar// nam mkha' dang mnyam pa yi ge med pa'i rgyud las/ rtogs ldan mchog gi le'u ste lnga pa'o// // de nas bcom ldan bka' stsal pa// chos nyid rang bzhin 'od gsal ba// sgro skur lta ba kun dang bral// thams cad gcig gi rang bzhin

  374. 188a

    la// spang 'gegs byin pas bslad pa med// dbyer med ye shes lnga ldan la// sbyang bgrod gnyis blta rang sngar grol// skye 'gag gnyis su med pa la// bskur dang spyod lnga rnam par dag/ dag pa'i klong na bsrung mtshams med// mnyam pas rim par bkod pa med// rtogs pas blta ba'i yul las 'das// gsal bas bsam gtan spros dang bral// yul las 'das pas spyod du med// lhun gyis grub pas rtsol bsgrub med// ma yengs dran pas spros dang bral// sngags dang phyag rgya rnam par dag/ stong nyid ngang la mchod bshags med// 'khor 'das khyab gdal chen po la// phrin las rnam bzhi gdod nas rdzogs// 'gro ba mu stegs rim dgu rdzogs// lam lnga pha rol phyin bcu rdzogs// 'khor 'das byang chub sems su rdzogs// snang srid thig le gcig tu rdzogs// dran pa gzhi bzhengs yongs su rdzogs// rgya chad phyogs lhung med pa'o// nam mkha' dang mnyam pa yi ge med pa'i rgyud las/ nam mkha' mdzod kyi le'u ste drug pa'o// // de nas bcom ldan bka' stsal pa// rang rig bde ba chen po la// bsgom yod bsgom med gnyis su med// tshig tsam don dam bde chen dang // ma bcos ma yangs rang sar grol// dran pa rang grol bde chen klong // so ma lhug pa gyin 'da' tsam// mig tsam bsgom zhes de la bya// dran rig shes pa

  375. 188b

    ma 'gags la// 'dzin rig yul las rnam par grol// ma byung ma skyes g.yos pa med// spros bral bsam 'das brjod med rdzong // mnyam nyid rnam dag brdal ba'i klong // mkha' 'dra ye shes lhun gyis grub// ma btsal rang bzhag rnyog pa med// lhun grub rtog pas bya btsal bral// ye nas rang byung ye shes la// 'khrul dang ma 'khrul rtog las 'das// rtog 'das don gyi ye shes la// bsgom bya chos nyid gud na med// bsgom pa ming du btags pas nor// ci ste smra bsam brjod las 'das// rnam rtog gnyen por mi rtog bsgom// de ka rtog pa chen po yin// mthong tshor de nyid klong du shar// yid la mi byed bde ba chetsheche// nam mkha' dang mnyam pa yi ge med pa'i rgyud las/ bde chen gsal ba'i le'u ste bdun pa'o// // de nas bcom ldan bka' stsal pa// blang dor med pa'i ye shes ni// skye med 'gag med chos nyid klong // bya bral lhun rdzogs blo las 'das// e ma rang la gnas bzhin du// spyad pas thob 'dod e ma 'khrul// spyod byed bral ba'i ye shes la// sangs rgyas sems can gnyis med de// lam gyis bcos su ga la yod// ci phyir dgag bsgrub med pa la// rtsal spug smon chags re dogs med// ngo mtshar rmad byung rol pa 'di// rtag na bde ba chen por rtag/ chad na 'khor ba rtsad nas chad// bying na chos nyid dbyings su

  376. 189a

    bying // rgod na ye shes rol par rgod// mnyam na mi mnyam mnyam nyid klong // thim na 'khrul snang chos nyid thim// skye med don te yi ge gcig/ bya bral mkha' ltar yi ge med// yi ge med pa rgyud kun mchog/ e ma rnam dag bya btsal bral// bya bral dang las rnam par rol// ci spyod don las ma g.yos shing // thug phrad rang grol rtsis zin na// ming tsam spyod ces de la bya// nam mkha' dang mnyam pa yi ge med pa'i rgyud las/ rnam rtog ye shes su 'bar ba'i le'u ste brgyad pa'o// // de nas bcom ldan bka' stsal pa// gdod nas ma skyes don gyi sa// thob bsgrub kun gyi yul las 'das// re dog blo las rnam par grol// go ba'i yul ni bde ba che// ngang dngas rang bzhin bdag nyid klong // rang bzhin rnam par dag pa la// rol pa 'gag pa med par shar// mtshan nyid dbyer med chen po la// blo rtog chos nyid dbyings su grol// rtog med mnyam nyid chos kyi sku// bde ba chen po longs spyod sku// rtsal du shar ba sprul pa'i sku// 'du 'bral med pa rdo rje'i sku// tshig gi tha snyad ma lags sam// gdod nas snying po byang chub la// btsal ba'i bsam pas dbyings mi bskyod// sku dang ye shes tshig las grol// grol nas grol ba'i lam yang ston// snying po klong nas grol ba la// mngon sum rjes dpag log par rtog/ rtog ge'i spyod yul

  377. 189b

    ma yin no// ci ste bya btsal bral ba'i phyir// skyes pa skye med blo las 'das// sgra dang tshig gi mtha' las grol// stong pa ye shes snying por shar// nam mkha' dang mnyam pa yi ge med pa'i rgyud las/ de kho na nyid kyi le'u ste dgu pa'o// // de nas bcom ldan bka' stsal pa// thams cad byang chub sems yin te// 'dzin pa'i shes pa yod pa'i phyir// tshor ba nyams su myong ba'o// snang ba sems nyid rgyan shar bas// snang ba'i bar do stong rgya theb// bsam gtan gnyid gnyis ro mnyam phyir// rmi lam par do rnam par dag/ skye shi med pa'i don rtogs pas// 'chi ka bar do bde chen klong // phyi ma bde ba mchog thob pas// srid pa'i bar dor lus mi len// lus med lus te lus kyi mchog/ sprul pa'i sku ste rnam par dag/ ma rtogs mos pa'i rnal 'byor kyang // ci ste las kyi dbang gyur na// bde ba mchog gi las 'phro mthud// las las grol na thar pa'i mchog/ ji tsam pa yi tshig brjod kyang // sems las gud na yod ma yin// pho mo ma yin ma ning min// kha dog dbyibs dang mtshan ma med// 'das dang ma 'ongs da ltar med// gcig dang tha dad las grol ba// dran pa dngos med rig pa'i rgyun// rlung las brten cing rgyun mi chad// nam mkha' dang mnyam pa yi ge med pa'i rgyud las/ byang chub sems kyi le'u ste bcu

  378. 190a

    pa'o// // de nas bcom ldan bka' stsal pa// chos rnams thams cad stong pa nyid// gzhig kyang rang bzhin rnam par dag/ rnam par mi rtog spros bral mkha'// ngo bo gzugs med tshor ba med// 'du shes 'du byed rnam shes stong // dbang po lnga dang yul yang stong // skye mched khams dang rten 'brel stong // bden bzhi bsal gsal dang spros bral stong // lha dang phyag rgya sngags kyang med// thabs dang shes rab bde ba stong // dbus mtha' gnyis med tshig kyang med// med de med pa'i snying po can// yod de rtog pa'i mtha' las 'das// mtha' bral don gyi chos sku 'di// phyogs med rkyen rnams kun dang bral// rang snang thabs kyi ye shes rol// shes pa shes byar rnam par dag/ spros bral bsam 'das smra ru med// mtha' bral tshig gis mi phebs la// bsgom yod blo yi rtog pa yin// bsgom med skur 'debs lta ba la// des na gnyis med bde chen klong // spang bya blang bya gnyis med rdzong // btang snyoms mngon gyur med pa nyid// mi rtog nam mkha'i mtha' ltar yangs// nam mkha' dang mnyam pa yi ge med pa'i rgyu las/ chos nyid stong pa nyid kyi le'u ste bcu gcig pa'o// // de nas bcom ldan bka' stsal pa// chos rnams 'od gsal gnyis med la// bdag tu mi rtog gzhan mi rtog/ mi rtog rtog las rnam par

  379. 190b

    grol// gnyis med bde ba chen po la// dper na glang chen lcags kyu bzhin// ma yengs dran pas rang sar grol// gser bum til gyi sgron ma bzhin// 'gyur med rig pa nang na gsal// rdzogs chen rtog pa'i rnal 'byor ni// gser gling brdal ba'i klung chen bzhin// gang bltas rdzogs pa chen po'i klong // dug sbrul 'bar ba'i mdud pa bzhin// rtsol bsgrub med par rang sar grol// gnyis med gnyis su med pa'i phyir// sku gsung thugs la rten mi 'cha'// 'byung ba lnga la rag ma lus// srid gsum ye nas rnam par dag/ 'dod yon ye shes lnga ru rol// dug lnga sku lnga'i ngang du thim// sdug bsngal chos nyid dbyings kyi rgyan// rnam rtog ye shes chen por 'bar// 'khrul pa'i 'gro 'od zad pa dang // 'bras bu thob ces re ba med// med nas don med ma yin te// longs sku gnyis med thams cad rdzogs// nam mkha' dang mnyam pa yi ge med pa'i rgyud las/ 'od gsal gnyis med kyi le'u ste bcu gnyis pa'o// // de nas bcom ldan bka' stsal pa// ming tshig sgra las 'das pa che// ma bslabs kun las grol na mkhas// ma bsams skye ba med pas a// ma bsgoms dbyings su thim pas ti// yo ga rdzogs chen chos kyi rtse// shin tu rnal 'byor lha yi lha// rdzong bzhi gnyis med tshig gcig lha// 'brang bzhi dbyer med tshig chod

  380. 191a

    lha// klong bzhi zung 'jug 'da' kha'i lha// dbul mo gter phrad sku bzhi'i gdeng // rdzogs pa chen po sa gcig pa// gang gis de rtogs de yis sa// yongs su rdzogs pas chos kyi rtsi// bde ba che las gzhan med do// sgra bsam brjod med chos kyi sku// gnyis med bde ba chen po'i klong // sprul pa rgyan dang rol par shar// sku lnga ye shes thig ler rdzogs// ma skyes pa yi dbyings nyid du// ma g.yos pa ru yid gnas pas// ma bsgrubs pa yi 'bras bu ster// ma bsams pa ru re ba bskang // ye shes chen po'i ros gang bas// mtshon du yod pa ma yin te// ye shes rol pas 'gro don rdzogs// nam mkha' dang mnyam pa yi ge med pa'i rgyud las/ sku gsum thig ler rdzogs pa'i le'u ste bcu gsum pa'o// // de nas bcom ldan 'di skad gsungs// cir snang de bzhin nyid du gcig/ 'di la bcos bslad ma byed cig/ ma bcos mnyam pa'i rgyal po de// mi rtog chos sku'i dgongs par gnas// skye med lta ba stong pa nyid// kun khyab sgom pa gnyis su med// 'khrul spyod sems kyi rgyan du rol// rtogs pa'i 'bras bu thig ler gcig/ dus gsum gcig ste khyad par med// gtan tshigs bzhi ru gcig pa'i phyir// nga las byung zhing nga ru thim// nga yi rang bzhin 'od gsal lo// e ma sems dpa' rdo rje che// nam mkha'i mtha' ltar

  381. 191b

    longs spyod pas// chos dbyings rgya mtsho zad mi shes// bdud rtsi'i thigs pa lce la zhog/ rgyal po btson du bzung ba dang // gangs ri rtse nas bsnyil ba ste// shing rta'i gzer mgo gcad par bya// mkha' ltar yi/ ge med pa'i rgyud// rang rig sems kyi dkyil du chong // thugs rje ye shes rol par 'char// e ma kun bzang rgyal ba'i yab// ma 'dres yongs rdzogs zab cing yangs// nam mkha' lta bu'i rgyud bstan pa// ming tshig yi ge med pa la// bstan du 'ong ba ci yi phyir// bcom ldan kun bzang bka' stsal pa// mtshon du med pa'i chos nyid la// mtshon du med pa'i tshig brjod nas// mtshon pa'i tshig las rnam par grol// legs so sems dpa' rdo rje che// don dam yi ge med pa'i rgyud// khyod la gtad do bde ba che// rang byung ye shes rgyas thob la// thig le nyag gcig ngang la zhog/ kun tu bzang po bde ba che// thig le chen po yi ge med// bya ba med pas rnam par grol// grol nas grol ba'i lam yang shar// kun rig sems la mngon par bstod// nam mkha' dang mnyam pa yi ge med pa'i rgyud/ bcom ldan 'das kun rig rgyal pos gsungs pa rdzogs so// // rgya gar gyi mkhan po shri sing ha dang / bod kyi lo tsA ba bai ro tsa nas bsgyur ba'o// //

  382. 192a

    rgya gar skad du/ sarba d+harmA ma hA san+ti bo d+hi tsit+ta saM swa ra mA lats+tshe da na sa mu dra sa mA bi la tan+t+ra/ bod skad du/ chos thams cad rdzogs pa chen po byang chub kyi sems 'khor ba rtsad nas gcod pa rgya mtsho dang mnyam pa rnyog pa med pa'i rgyud/ bcom ldan 'das kun rig rgyal po la phyag 'tshal lo// 'di skad ston pa gnas 'khor dus// sangs rgyas rin chen za ma tog/ rnyog med rgya mtsho lta bu'i klong // 'khor ba'i rgya mtsho rtsad nas bcad// kun bzang thugs kyi byin rlabs kyis// zhal gyi pad+mo 'dzum pa las// ljags kyi 'od zer phyogs bcur 'phros// 'jig rten khams nyid drug tu g.yos// de nas sems dpa' rdo rje yis// bcom ldan 'das la 'di skad gsol// 'das pa kun gyi sngon rol na// phyogs bcu'i sangs rgyas kun gyi yab// bde ba thams cad 'byung ba'i gnas// rdo rje 'chang la phyag 'tshal bstod// kun gzhi rtsad nas gcad pa dang // shes bya'i gras zag chod pa yis// rig pa rang sar grol ba ni// ston pas bdag la bshad du gsol// bcom ldan 'das kyis bka' stsal pa// kun gzhi phyogs ris med pa'i a// mtshon pa'i tshig tu gtan tshigs bzhi// thams cad 'byung ba rgya mtsho'i klong // shes bya sna tshogs snang ba yi// ma rig 'khor ba'i rgya mtsho 'di// lha bsgom spyod 'bras rnam pa bzhis// gtan la phab ste

  383. 192b

    rtsad nas bcad// dngos med rtag pa rig pa'i rgyun// rlung gis bskyod pas cir yang 'char// 'di yi rang bzhin rtogs gyur na// chos nyid rgya mtsho nyid du grol// sems dpa' rdo rjes yang zhus pa// ling tshe bcu gsum rdo rje'i rtse// zab mo bcu gsum rmad du byung // lnga tshom lnga la bsdus rgyas lnga// 'gro drug 'khor ba'i g.yang sa gcad// bzhi skor gsum la gtan tshigs bzhi// bdud rtsi lta bu bzhi dang sbyar// rgyas par bdag la bshad du gsol// rgya mtsho dang mnyam pa rnyog pa med pa'i rgyud las/ gleng gzhi'i le'u ste dang po'o// // de nas bcom ldan bka' stsal pa// sna tshogs cha shas de bzhin bzang // zin pas lhun gyis bzhag pa yin// chos dang sems ni bstan du med// chos dang sems ni mi bsgom mo// rnam par rtog pa chos kyi dbyings// de la de ltar nyid las su// thugs rje sems can bsgom don ni// byang chub rtog pa'i rnam dag yin// phyi nang rnam dag sangs rgyas lam// bsgrub med byar med chos dbyings la// log rtog gnyis med 'khrul pa yang // gong bstan mnyam par shes pas rje// nga bdag byis pa'i rnam rtog gis// chos nyid ma gyur rtog pas zin// de bas slob dpon mkhas pa bla// mi gnas spros med bde chen 'byung // zin pas bdud rtsi bzang po yin// che chung gsungs pa 'byung 'gyur gnas// 'dod pas brod

  384. 193a

    pa mi skye shing // khyung bzhin spro bsdu dgos pa med// rgya mtsho chos rnams yon tan mnyam// byang chub ting 'dzin rgya mtsho 'byung // rgya mtsho mi rtog kun tu skye// rgyu rkyen skur pa sgo tsam du// mkhas pa 'gro ba'i lam zhes bya// 'dod spyod gang du shan pa sogs// kho na yongs rdzogs bde ba che// yang ni de ltar chos yin te// chos kyis chos btsal nam mkha' 'tshol// ltos pa me 'dra rnyed dka'o// snying po yongs kyi byang chub gnas// rdo rje kun bzang rnam dag phyir// mi skye byams pas snying rje che// yon tan don rnams bya ba med// rang byung grol nas lam yang ston// 'byung ba 'gro ba phyin cis kyang // rang byung ye shes grub yang 'byung // cho 'phrul yon tan ji bzhin de// snang ba ming btsal btsal na med// chos nyid rna dbang lce brjod med// 'gro kun de la gnas pa la// las so ci ste rang byung bral// ma skyes gdod nas btsal mi bskyod// yon tan bsam gtan ma bsams skye// phra zhing bsgom zhing sems zhes bskyed// lam 'dra zhes gsungs gti mug kyang // byang chub kun spyod chos nyid rgyan// nam mkha' rtog pa'i mi chags 'byung // rtog med bzung bas kun tu a// de ni sa dang 'jig rten sangs// 'di btsal yul med nam mkha' bzhin// tshangs lam mthun min bgrod pa med// de ltar de bstan de bas che// sngon gyi de bzhin de

  385. 193b

    ltar rang // de la kun bltas grub pa med// bde 'byung de yang mi bya'o// dus gsum gdod nas chos skur bde// srid ming 'khor sgyu bsti gnas yin// rnam spyod 'byung mi smin pas bzhin// ci ste nam mkha' mi skye chos// phyi nang zab mo srid pa de// de la rang bzhin dus gsum med// g.yo bskyed len dor mnyam nyid do// gang du kun 'khor bdag las 'byung // 'di mnyam 'di gnas a de bzhin// snang de byang chub chu zla bzhin// ma bsgoms dkyil 'khor yi ge med// rnam grangs gang ltar me tog skye// mtshan ma mi 'gyur gnas pa bzang // mi phyed rol par gnas mnyam zhing // ma yin gnas pas ye shes rang // mi 'gyur mi gnas bstan du med// rmad byung bya bral cir yang 'byung // 'di 'gro 'khrul pa sman pas tshol// go ba nyid ni de la phyogs// ma nges rigs kyi de bzhin 'byung // 'das dang ma 'ongs tha snyad de// skye 'gag de nyid mnyam pas gcig/ tshogs kyi rang bzhin lhun gyis dag/ 'du byed lhag pa yud kyis bltas// mthong ba de ni yud tsam yin// dam tshig sbyor ba gtor ma las// bgegs bsal sngags tshig mchod dang gtor// thams cad rtog med chen por 'gyur// nyid la sgrib par rtogs na med// rgya mtsho dang mnyam pa rnyog pa med pa'i rgyud las/ lhun gyis grub pa'i le'u ste gnyis pa'o// // de nas bcom ldan bka'

  386. 194a

    stsal pa// gdod nas ma skyes sgro skur bral// spang 'geg spyod pa rang sar grol// bsgyur dang spyod lnga rnam par dag/ 'di ni 'gro kun byang chub sems// rnam dag nam mkha' bzhin du gsal// skye 'gag yod med mtha' las 'das// dngos bral rig gsal phyogs ma lhung // spang blang btang snyoms mngon gyur med// brjod bral ma bcos lhun gyis grub// don dam bde chen mtha' las 'das// dus gsum yang dag a ti ni// 'du 'bral rtog med lhun gyis grub// mi 'gyur ba yi blta ba la// g.yos pa med pa'i rtsi yis bzung // g.yos pa med pa'i ting 'dzin la// ma 'gags pa yi rtsi yis bzung // ma 'gags pa yi spyod pa la// lhun gyis grub pa'i rtsi yis bzung // don gyi rtsi bzhi gang gnas pa// blta ba'i don la gnas pa yin// des na srid gsum rnam par dag/ 'byung ba dug lnga 'dod yon lnga// thams cad mi 'gyur blta bar sangs// blta ba mi zad nor bu bzhin// lhun grub kun rdzogs nam mkha' che// thig le brjod bral mtshon du med// gnyis su med pa'i snying po a// ma bkag ma spangs rang sar grol// ma bsal ma bsgyur rtsol bsgrub med// yin pa'i don la yin par shes// zab mo'i mdzod bzhin don rnams 'byung // snying po kun khyab sus rtogs pa// rgyal sras bzhin du dbul ba sangs// mkha' klong

  387. 194b

    kun bzang ye shes 'od// rdo rje sems dpa' dag pa'i klong // bsrung mtshams rim par bkod pa med// lta ba bsam gtan spros dang bral// spyad du med pas bsgrub tu med// rang grol sngags dang phyag rgya dag/ mchod bshags phrin las gdod nas rdzogs// lam lnga pha rol phyin bcu rdzogs// 'gro ba mu stegs rim dgu rdzogs// snang srid 'khor 'das thams cad rdzogs// dad dang rang bzhin bdag nyid gsum// dbyings dang klong dang rdzogs chen no// gzhi dang lam dang 'bras bu gsum// ma skyes ma 'gags lhun gyis grub// lhun grub ma nor dag pa'i rdzong // phyogs med rang grol dong sprugs dbyings// gsal khyab gnyis med bde chen klong // sku gsum lhun grub snying po a// rgya mtsho dang mnyam pa rnyog pa med pa'i rgyud las/ lta ba'i le'u ste gsum pa'o// // de nas bcom ldan bka' stsal pa// gdod nas gsal bas bying rgod bral// bsgom bya chos nyid gud na med// 'di ni don dam bde chen dang // ma bcos ma yengs rang sar grol// dran pa rang grol don dam dbyings// so ma lhag pa gyi na tsam// ming tsam bsgom zhes de la bya// dran 'dzin ma skyes spros bral dang // mnyam nyid mkha' 'dra rnyog pa med// lhun grub rtog pas bya btsal bral// dang po zhi gnas dus su ni// dran pa shes bzhin rtsi yis

  388. 195a

    bzung // dper na glang chen lcags kyu bzhin// ma yengs dran pas rang sar grol// gnyis pa mnyam gzhag dus su ni// shes bya chos nyid bum par gzhug/ gser bum til gyi sgron ma bzhin// 'gyur med rig pa nang na gsal// gsum pa rjes thob dus su ni// dbang po mi 'gag rang yan bzhag/ gser gling brdal ba'i klung chen bzhin// gang bltas rdzogs pa chen po'i klong // tha ma lhag mthong dus su ni// mtshan ma rang grol blos ma reg/ dug sbrul 'bar ba'i mdud pa bzhin// rtsol bsgrub med par rang sar grol// de ltar dus bzhi bsgom pa la// bying ba brgyad dang rgod pa lnga// bying rgod skyon du gtang mi bya// bying la gseng la rgod na bsdu// de ltar zla ba drug bsgoms na// g.yo dang goms pa thob dang brtan// gsal ba nam mkha' lta bu 'byung // nam mkha' dngas pa'i zla ba bzhin// kun la snyoms la rtog sgrib med// kha skom zas dang bral byas kyang // mdangs dang dbang po gting nas gsal// bzod thob chos brgyad spang len med// 'dod yon lnga las rnam par grol// nyon mongs zhen 'dzin rtog pa zad// lus ni shing bal lta bur yang // dbugs ni 'byung 'jug med pa'i nyams// grub pa'i rtags rnams 'char ba dang // mngon shes la sogs mtshan ma mthong // mkha' 'gros lung bstan la sogs

  389. 195b

    'byung // de la dga' brod mi bya zhing // med kyang ji mi snyams pa'i nyams// gnyis med gsal khyab khyung chen rgyas// kun gzhi skye med snying po la// bsgom dang mi bsgom rtog las 'das// rtog 'das don gyi ye shes la// bsgom bya chos nyid gud na med// bsgom pa ming du btags pas nor// ci phyir brjod pa kun dang bral// rnam rtog gnyen por mi rtog bsgom// de ka rtog pa chen po yin// rtog pa'i mtshan ma ci skyes kyang // de nyid chos nyid yin shes na// dug la sman du shes pa bzhin// chos nyid gzhan nas btsal mi dgos// gsal la rtog med ting 'dzin la// bsgom bya sgom byed gnyis med dang // rtag chad gzung 'dzin kun rdzob don// blang dor dbyings dang ye shes rdzogs// 'gyur ba ma yin drang por gsal// lhun gyis gnas pas bde ba che// rang byung ye shes rgyu rkyen bral// rang gi mthu yi rtogs pa las// chos nyid gzhan nas mi 'byung ngo // tshig tu gzhan la brten 'dra yang // dngos su bde chen rang la shar// rgya mtsho dang mnyam pa rnyog pa med pa'i rgyud las// sgom pa'i le'u ste bzhi pa'o// // de nas bcom ldan bka' stsal pa// gdod nas blang dor kun dang bral// skye med don dam chos nyid klong // spyod pa'i dam pa kho na'o// 'gro 'chag nyal dang 'dug pa rnams// ci spyod don las ma g.yos shing // don dam bde ba'i rtsis

  390. 196a

    zin na// spyod pa zhes ni de la bya// phyi nang gsang ba kho na nyid// phyi rtog nang du bsdu ba dang // nang rtog gsang bar bstim pa ste// gsang rtog kho na nyid du grol// lus ngag yid gsum spyod pa ni// lus ni 'byung lnga 'dus pa'i lus// sku lnga ye shes rol pa yis// rtog med brtul zhugs rgyan du rol// 'jigs pa med pa'i seng ge bzhin// 'bar ba chen po sprul pa'i sku// ngag ni sngags dang sgra dbyangs sgra// 'jig rten 'khyal tshig sna tshogs kyang // dper na bI Na'i skad bzhin du// 'gag med grag stong rol par snang // snang ba rang rig gnyis med rdzogs// sems ni ye nas rnam par dag/ nyon mongs lnga yi skyon dang bral// e ma rang la gnas bzhin du// spyad pas thob 'dod e ma 'khrul// spyod byed bral ba'i rgya mtsho ni// dran rtog med pa'i ye shes la// thob par bya ba'i sangs rgyas dang // spang bar bya ba'i sems can gnyis// byang chub sems su ro gcig pas// lam pas bcos su ga la yod// ci phyir dgag bsgrub med pa la// rtsal sprugs re dogs yul las 'das// mtho ris 'dren pa'i dge ba dang // 'khor ltung ba'i sdig pa gnyis// chos kyi dbyings su yongs mnyam pas// rdzogs chen ris med chos chen po// thod rgal blo yi bdud rtsi 'di// skal med rmongs pa'i bdud du 'gyur// dper na dug gi rang bzhin

  391. 196b

    la// rma bya dag la rgyan gyis mdzes// gzhan rnams la ni dug gis 'jigs// thams cad rdzogs pa'i bde chen po// skye 'gag med par lhun gyis grub// khyab gdal ma bcos ye sangs rgyas// spros bral gnyis med kho na'o// don 'di nges par rtogs na ni// rgyal ba rnams dang mnyam pa yin// sems nyid don gyi ye shes la// spyad par bya ba'i gnas dang bral// bya bral dang la rnam par rol// ming tsam spyod ces de la bya// 'da' ka ma yi spyod pa ni// cir snang byang chub sems su spyod// sems nyid chos kyi sku ru bya// sku nyid spyad bya spyod byed bral// bya bral ngang la gang gnas pa// skye med don gyi rnal 'byor ro// rgya mtsho dang mnyam pa rnyog pa med pa'i rgyud las/ spyod pa'i le'u ste lnga pa'o// // de nas bcom ldan bka' stsal pa// gdod nas ma skyes thob bsgrub 'das// re dogs blo las rnam par grol// skye med brjod med kho na nyid// mtha' bral gnyis med don dam klong // dgag bya bsgrub bya rnam par dag/ ma skyes bya bral chos nyid klong // cir yang mi dmigs khyab gdal la// bgrod du med par lhun gyis grub/ skye med gnyis med spros dang bral// sku lnga ye shes lnga yi dang // rtog bral dmigs med khyab gad la klong // spros med byang chub snying po'i dbyings// 'bras bu blta bsgom spyod pa bstan// rang snang gnyug ma lam las grol// khyab

  392. 197a

    gdal 'ub chub sa chen non// rgyal po btson du bzung ba dang // bdud rtsi'i thigs pa lce la bzhag/ gangs ri rtse nas bsnyil ba ste// shing rta'i gzer mgo gcad par bya// rtog med mnyam nyid chos kyi sku// cir yang ma 'gags sprul pa'i sku// gnyis su med pas rdzogs pa'i sku// sku gsum rdzogs pas thig le gcig/ bsam 'das brjod med rang sar grol// kun bzang dbyer med skye med sa// thob bsgrub med par thams cad rdzogs// snang srid byang chub sems su rdzogs// 'khor 'das chos kyi dbyings su rdzogs// sku gsum thig le gcig tu rdzogs// lhag ma med par yongs su rdzogs// mi 'gyur mnyam nyid dpe dang bral// dpe bral ye shes mtshon du med// ci phyir bsam brjod dmigs pa med// dmigs med blo 'das rang sar grol// mi skye mi 'gag lhun gyis grub// go ba'i yul na bgrod du med// bgrod du med pas sa lam rdzogs// gnyis med rdzogs pas mtha' bral rdzong // dmigs med ma skyes de nyid dang // 'gag med A li ka lir rol// byar med ma btsal lhun gyis grub// sgra bsam brjod med tshig las 'das// dngos su mi snang kun la khyab// khyab gdal ma bcos ye sangs rgyas// rang bzhin 'od gsal rnam par dag/ dgag bsgrub med pa'i ye shes ni// rgyu yis ma bskyed rkyen dang

  393. 197b

    bral// stong gsal dbyer med ye shes can// skye 'gag med par rnam par dag/ khyab gad la gnyis med ye gad la klong // kun rdzogs bla med theg kun gtso// sa rnams kun gyi ngo bo'o// khyab gad la yangs pa nam mkha'i klong // rgya mtsho bde chen kun rdzogs grol// nyi ma dus gsum de bzhin nyid// nor bu 'od 'byung 'gran zla med// skye med rtog med lhun gyis grub// 'gyur med rang gsal rnam par dag/ mtha' bral rang grol mtshon du med// de nyid shes kyis rtogs na grol// rgyal sras bzhin du re dogs med// rgya mtsho dang mnyam pa rnyog pa med pa'i rgyud las/ 'bras bu'i le'u ste drug pa'o// // de nas bcom ldan bka' stsal pa// nga ni skye med mngon sangs rgyas// gzugs gnas thams cad nga las byung // 'jam dpal pad+ma yang dag rtsi// phur bu yum sngags 'jig rten rdzogs// rmad byung theg chen sna tshogs bstan// bden bzhi yang dag rnam rig don// bden gnyis gsum rig de nyid bzhi// sku lnga thig le chos dbyings shes// lhun grub rmad byung nyid sangs rgyas// ngo mtshar sku lnga ye shes rdzogs// gnyis med dbyings su 'bras bu'i klong // ma bskyed don la rdzogs pa bde// don dam rang bzhin 'gyur ba med// rmongs pa sangs rgyas thig le'i klong // byang chub rig pa bde chen rdzogs// 'byung bzhi sangs rgyas yongs

  394. 198a

    rdzogs sems// snying po nam mkha' rdzogs pa'i theg/ 'khor ba ma lus don la sems// rang byung 'di rtogs dmigs dang bral// sems can rnal 'byor thugs rjes bsgral// ma btsal don dam grub pa'i klong // srid gsum dbang po thams cad gsal// thams cad ye brdal spro bsdu 'chings// bla med srid pa'i 'chi bdag med// dngos bde rig pa logs na med// gzhi rtsa bral bas skye med snang // rgyud lung sems ni mi nub smra// snang srid thams cad mi nub dang // srid gsum skye 'gro ba de ba nyid// rje btsan ngas bshad skyon med mchog/ 'gro kun mi 'gyur dang gnas mdzad// bde chen ya mtshan smra bsam 'das// dmigs med snang ba g.yos pa med// rtog pa nyams te bde chen sems// 'khor ba ji ltar chos kyi sku// nam mkha' kun bskyed dran med ni// rtse mo de nyid 'bras bu smra// ma song 'bral med dus gsum bsrung // dam tshig spyod pa ma spangs 'grub// rig pa gang yang bdag don snang // 'du 'bral kun la snang srid rgyu// tshogs mchod bsod nams dus gsum mnyam// 'du 'bral med pa'i sa ru brtags// sna tshogs 'byung ba nam mkhar rig/ kun 'dus blta ba'i theg brgyad 'dus// yid la ma lus rtsa bral gnas// mi 'gyur yang dag rgyu la bde// 'bras bu snang srid 'khor ba chod// dpal ldan

  395. 198b

    sangs rgyas skye med grol// thams cad gcig pa'i ye shes rje// blta ba 'gro drug thams cad khyab// ye nas byas nas ma bsgrubs te// gnas la ma byas kun la gsal// ma lus rag lus gzhan bcos med// sprul pa'i rgya mtsho dang du 'dus// ma bcos 'di la kun nas srog/ dus gsum 'pho 'gyur srog gi klong // 'di ru sangs rgyas skye 'gag med// 'gro rnams 'chi med skye shi srid// srog gi yul la sems kyi 'dzin// skye med dus gsum snang srid 'phags// dus gsum gar yang bsam du med// brjod du med pa'i chags med klong // ma yengs kun la 'gyur med 'grub// sgra bsam chags med spros bral srog/ rgyu rkyen myu gu ma bcos gnas// spros med rin chen rgyu la gnas/ rkyen gyis skye 'gag dmigs med sems// yul sems sbyor ba de la sems// ma spros bsrung bsgom de la med// ma yengs rtog med gzung 'dzin med// bla med byang chub rkyen bral 'byung // snang srid thams cad byang chub rgyu// skye med sgrib med zab mo de// dug gsum rtsad gcod 'khor ba sgrol// rin chen lam ston mi 'gyur gnas// ye gsal snying po kun bzang grub// rtag chen bde la longs spyod rdzogs// 'di shes drang srong spyod yul gsungs// bde ba 'gro ba'i byang chub ste// klong rdzogs khyab pas sngags pas zung // gzhal yas ye shes skye 'gag dang // don

  396. 199a

    du nam mkha' bde sangs rgyas// byang chub shin tu bde chen klong // theg pa spyi gcod 'di la ni// rtsal gsum rdzogs pa'i g.yang sa gcod// bcos kyang mi mnyam yo ga gsum// ci ltar spyad kyang rgyu la rtsol// a ti yongs la rtsol bsgrub bral// rin chen byang chub rang sems so// 'og mas chos spyod 'bras bu ring // seng rdzogs don la ne cog kyang tso 'gal/ ma bcos 'gyur med chos nyid tig/ byang chub dus gsum a ti snang // 'khor ba dus gsum ma bsgribs 'das// ye shes lnga ru gsal ba'i thugs// byang chub ma gol theg kun chos// gsum rgyu rtsol bral lung las grol// yo ga rnam gsum byis rtsed 'dra// 'gyur med a ti'i nyi ma de// khams gsum mun sel rang byung shar// lhun grub snying po ye nas gsal// don dam btsal du ji bzhin klong // rnam dag klong rtog chos kyi sku// longs sku ye shes sprul pas sprusbrul// thugs rje ma g.yos rang bzhin mkhas// bde chen sgron mes thugs rje rdzogs// rgya mtsho dang mnyam pa rnyog pa med pa'i rgyud las// chos nyid 'gyur ba med pa'i le'u ste bdun pa'o// // de nas bcom ldan 'di skad gsungs// e ma ho sangs rgyas thams cad kyi// chos kyi dbyings ni yi ge med// rang bzhin 'di gsal yongs su dag/ nam mkha'i dbyings bzhin dri ma med// bdud rtsi dri med brgyad ldan

  397. 199b

    mtsho// mkha' la nyi shar 'od zer lnga// dbus na nam mkha' bzhi yi mthongs// steng na rin chen bcu gsum ste// bde gshegs mi mchod rang sems mchod// rang sems sangs rgyas yin pa las// sangs rgyas gzhan du mi btsal te// rig pa rang grol bya btsal bral// rang snang 'khor ba'i rgya mtsho 'di// dper na rmi lam lta bu ste// rmi lam bde sdug sna tshogs kyang // gnyid sad dus na chos kyi sku// tshangs pa khyab 'jug la sogs bsgom// log pa'i lam du zhugs pa'o// nam mkha' lta bur sems 'gags pa// nyi tshe ba yi stong par ltung // mi gtsang keng rus la sogs bsgom// phyi yi sgrib pa can dang mtshungs// 'gog pa'i snyoms 'jug sgom byed pa// skye mched bzhi las thar lam med// phung po gtan tshigs gzhi gnas bsgom// de ka rtog par shes par gyis// lha dang dkyil 'khor zhal phyag bsgom// med par sgro yis btags pa yin// rtsa lung thig ler bde ba 'dzin// ro myags mngal gyi srin bur mtshungs// skad cig snang srid lha ru gsal// 'di ni rtsol ba'i nang du 'gyur// zhi gnas 'thib po'i sgom byed pa// ma he glang dang khyad par med// gsal ba phyi nang med par sems// rnam rig pas kyang shin tu gsog/ kun yin gang ma yin sogs pa// a tir khas 'chis mu stegs chos// rdzogs chen ris med bya btsal bral// rgya

  398. 200a

    chad phyogs lhung med pa'i phyir// re zhig rdzogs chen rol par mtshon// sems dpa' rdo rje khyod la gtad// sems dpa' chen po 'di lta ste// slob dpon snying bton gdams ngag thob// mtshams med gsum gyis rdzogs sangs rgyas// pha ma bsad pas 'bras bu steng // lha bas dmyal ba shin tu che// snang ba thams cad rdzun lam khyer// ci spyod mo gsham bu bzhin spyod// 'khor ba'i chos la chags pa spyad// bya lam khams su gcig pu sdod// 'gro drug ma gtogs sems can gnyis// sbrul sku dmyal ba'i gnas su 'gro// gang gA'i chu dang sin+d+hu'i mtsho// khyod kyis rtag tu bsres la 'thung // yum gyi b+ha ga rtag tu ltos// btsun mo des kyang me long ston// ldem por dgongs pa mgo bar// sgra bzhin spyad na log pa'i lam// rdo rje sems dpa' dpa' bo che// 'das pa'i dus na sngon byung dang // dus gsum 'byung ba'i sangs rgyas rnams// ting 'dzin rgya mtsho 'di las 'byung // rba rlabs med pa'i mnyam nyid mtsho// rnyog pa med pa'i dri med chu// gdod nas dag pa'i bdud rtsi 'dis// khams gsum 'khor ba'i dri ma 'khrud// nas rdo rje sems dpa' yis// ched du brjod pa 'di brjod do// kun rig thugs kyi dpal be'u nas// zab mo bdud rtsi lta bu'i chos// chos nyid byin gyis brlabs pa yis// rnyog med rgya mtsho'i klong ston

  399. 200b

    pa// mnyam nyid rgya mtsho lta bu yi// kun tu bzang la mngon bstod do// chos thams cad rgya mtsho'i mtha' dang mnyam pa rnyog pa med pa'i rgyud/ bcom ldan 'das kun rig rgyal pos gsungs pa rdzogs so// rgya gar gyi mkhan po shrI sid+ha dang / bod kyi lo tsA ba be ro tsa nas bsgyur ba'o// / @#// rgya gar skad du// sarba d+harmA ma hA san+ti bo d+hi tsit+ta saM sa ra mA la ts+tshed na sAr+ya tsan+da sa ma ma la tan+ta/ bod skad du/ chos thams cad byang chub kyi sems rdzogs pa chen po 'khor ba rtsad nas gcod pa nyi zla dang mnyam pa dri ma med pa'i rgyud// bcom ldan 'das kun rig rgyal po la phyag 'tshal lo// 'di skad bshad pa'i dus gcig na/ chos nyid kyi mkha'/ dbyings nyid kyi klong / ye shes dri ma med par dag pa/ chos kyi dbyings kyi pho brang na/ bcom ldan 'das dpal kun tu bzang po/ yangs pa nam mkha' lta bu/ skye med bya/ btsal bral ba/ spros bral ye shes kyi klong na bzhugs so// nyid kyi rang snang rig pa'i 'khor ni/ sku gsum dang / ye shes lnga dang / khams gsum dang / 'byung ba lnga dang / dus gsum dang / nyon mongs pa lnga dang / snang tshul bcu bdun la sogs te/ gzugs nas thams cad mkhyen pa'i bar thams cad 'khor ro// de nas sems dpa' rdo rjes gsol pa// e ma ho bcom ldan 'das// ye shes nyi zla'i snying po

  400. 201a

    la// 'khor ba'i dri ma yod dam med// gzung 'dzin blo yi dra ba 'di// rtsad nas gcod na ci ltar gcad// sna tshogs snang ba'i chos rnams kun// bsdu na rnam pa du ru 'dus// bcom ldan 'das kyis bka' stsal pa// nyon cig sems dpa' rdo rje nyon// nam mkha' nyi zla ga pur shel// ris med kun gyi dngos gzhi la// rgyu rkyen dbang gis snang ba 'di// gdod nas dri med rnam par dag/ rtogs shig/ sems dpa' rdo rje rtogs// tshig drug don drug rtsal drug ste// che ba drug dang thig le drug/ 'gro drug 'khor ba'i dra ba bcad// sgoms shis sems dpa' rdo rje sgoms// chos can sna tshogs snang ba kun// chos nyid ngang du ro gcig pas// gad la khyab 'ub chub thig ler 'dus// sems dpa' rdo rjes slar gsol pa// e ma bcom ldan kun byed che// thog mtha' gcod pa de yis 'tshal// bsdus dang rgyas dang rnam par rgyas// shin tu rgyas dang yongs su rgyas// drug tshan lnga yis bshad pa ni// thugs rje thabs kyi rol pa las// ston pas bdag la bshad du gsol// nyi zla dang mnyam pa dri ma med pa'i rgyud las/ gleng gzhi'i le'u ste dang po'o// // de nas bcom ldan bka' stsal pa// sna tshogs rang bzhin mi gnyis kyang // cha shas nyid du spros dang bral// ji bzhin pa zhes mi rtog kyang // rnam par snang mdzad kun tu bzang // zin pas

  401. 201b

    rtsol ba'i nad spangs te// lhun gyis gnas pas bzhag pa yin// nyi zla dang mnyam pa dri ma med pa'i rgyud las/ rdo rje'i tshig drug gi le'u ste gnyis pa'o// // de nas bcom ldan bka' stsal pa// chos dang sems ni ye nas gnyis su med// sems kyi rang bzhin btsal yang mi rnyed na// gzhan la 'di 'dra zhes ni bstan du med// chos dang sems ni ci yang ma yin pas// bsgom pa'i tshe na ci yang mi bsgom mo// rnam par rtog pa'i mtshan ma ci byung yang // rtog pa de nyid chos nyid yin shes na// chos kyi dbyings nyid gzhan nas btsal mi dgos// de la gnyen pos bcom zhing dgag tu med// de ltar dus gsum rnam pa thams cad kun// nyid las ma yengs pa ni chos kyi sku// stobs su gyur na 'jig rten rang bzhin med// thugs rje sprul pas kun la khyab mdzad cing // sems can rnams la byams pa'i char chen 'bebs// bsgom dang bsgom par bya ba gnyis med na// don dam ngang la bde bar gnas pa ni// byang chub sems bsgom zhes kyang de la bya// rtog pa'i klung chen ma yengs don ldan na// rnam dag byang chub sems kyi bsgom pa yin// nyi zla dang mnyam pa dri ma med pa'i rgyud las/ zab mo don drug gi le'u ste gsum pa'o// // de nas bcom ldan bka' stsal pa// phyi dang nang kun chos kyi dbyings// rnam par dag pa'i spyod yul la// sangs

  402. 202a

    rgyas sems can gnyis med de// lam gyis bcos su ga la yod// bsgrub med rtsal sbugs smon med pa'i// byar med lhun rdzogs snga ma de nyid do// rtog dpyod rnam dag gnyis med chos dbyings las// log rtog byis pa'i spyod pas ci zhig bslus// gnyis med bde chen sems can kun spyod la// 'khrul pas nor ba'i lam du bstan pa yang // gang bstan lam chen de las mi gnyis par// mnyam par shes pas sangs rgyas kun gyi rje// nga bdag 'dzin pas mu stegs 'khrul pa'i lam// byis pas bslus pa'i chos spyod spyod pa yang // rnam par rtog pa'i lam du btsud pa ni// phyin pa'i lam med rtogs dus med pa'o// chos nyid chos tshol rnyed par ga la 'gyur// slob dpon tshad mar ma gyur spre'u 'dra'i lung // brten nas lam nor rtog pas zin ta re// de bas gser la nag tshur btang 'dra yi// slob dpon rin chen lha bu mkhas pa de// rin thang dpag tu med pa'i rin gyis bslu'o// nyi zla dang mnyam pa dri ma med pa'i rgyud las/ rtsol bral rtsal drug gi le'u ste bzhi pa'o// // de nas bcom ldan bka' stsal pa// mi gnas dmigs med chos kyi sku// spros med byang chub snying po'i don// bde chen sprul pa gnyis su med// gzhan nas mi btsal rang las byung // zin chags dang bral ngang zhi na// dngos po med pas rnam par

  403. 202b

    spongs// bdud rtsi chen po'i rang bzhin la// bza' ba'i thabs la reg pa med// yangs so che'o chos chen po// chung ngu rnams kyi gnyen po yin// che ba dmigs pa'i cha bsnyams nas// chung ngu de rnams dmigs dang bral// gsungs dang rgyas dang dmigs dang snang // sgyu mkhan ri mo'i rnam pa bzhin// 'byung 'jug ye shes bying rmugs dag/ de yi dbang las skye bar 'gyur// btang ngo gzhag go rang bzhin gnas// 'dod pa med cing len pa med// brod pa rdul tsam mi skye zhing // khyung chen nam mkhar lding ba bzhin// spro ba med cing bsdu ba med// stor par mi dogs bza' ba med// bza' ba'i yul bral re dogs med// rgya mtsho 'dra bar ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying po de ma thag/ ting 'dzin rgyal po chen po 'byung // snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye shing 'pho ba'i gnas med de// rgyu rkyen yan lag bcu gnyis kyang // skur pa btab ste bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug bstan pa yang // dad pa'i lam du shes par bya// 'dod spyod snying rjes brlan pa na// gang du dga' bas byang

  404. 203a

    chub spyod// shan pa smad 'tshong mtshams med lnga// kha na ma tho 'jig rten spong // yongs su rdzogs pas chos kyi rtsi// bde ba che las gzhan med do// yang ni chos rnams de ltar na// chos kyi rang bzhin de yin te// chos kyis chos ni btsal ba na// nam mkhas nam mkha' tshol ba ni// ltos pa'i chos la brten pa ni// me yis me ni bsad 'dra ste// shin tu rnyed par dka' ba'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// snang ba kun tu ji bzhin gnas// nyi zla dang mnyam pa dri ma med pa'i rgyud las/ yangs pa che ba drug gi le'u ste lnga pa'o// // de nas bcom ldan bka' stsal pa// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun bgrod phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che bas cha ba'i zab mo yis// yon tan ci yang bsngags pa med// don rnams ji bzhin mi bskyod de// bya ba med pas grol bas grol// rang byung ye shes btsal med pas// grol nas grol ba'i lam yang ston// nyi zla dang mnyam pa dri ma med pa'i rgyud las/ chos nyid gnyis su med pa thig le'i le'u ste drug pa'o// // de nas bcom ldan bka' stsal pa// 'byung ba chen po

  405. 203b

    bcom ldan 'das// 'gro ba kun la rang bzhin gnas// phyin ci log tu rnam brtags kyang // grol ba rang byung gzhan las min// che ba'i ye shes rnyed dka' bas// shes rab thabs la brten pas 'grub// ming tsam gzhan la brten 'dra yang // mngon sum bde ba rang las 'byung // cho 'phrul chen po dka' ba med// yon tan kun dang stobs bcu rnams// ji bzhin rtog pa phra ba las// de ma thag tu rang las 'byung // snang ba med pa'i chos nyid ni// mi btsal bzhag na bsgom pa yin// de dang der ni rnam btsal na// de las de bzhin de mi 'byung // mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang // de la brjod du rdul tsam med// nyi zla dang mnyam pa dri ma med pa'i rgyud las/ chos kyi dbyings kyi thig le'i le'u ste bdun pa'o// // de nas bcom ldan bka' stsal pa// 'gro ba'i sdug bsngal byang chub sems// kun tu chub pas rnam par rol// de la bskyod pa med bzhin du// nam mkha'i mtha' bzhin mnyam par gnas// khyad par cir yang mtshungs pa la// las so de ni rnam par rtog/ ci ste las kyi dbang gyur na// rang byung ye shes yod ma yin// rgyu nyid rdo rje rkyen dang bral// ma skyes pas na 'jig pa med// gdod nas snying po byang chub la// btsal pa'i bsam pas dbyings mi

  406. 204a

    bskyod// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos nyid du// rnam rtog nyid las ye shes skye// phra ba'i sgo mor ming btags nas// sems kyis dben pa'i lam tshol zhing // dgon pa'i rgyud du dben 'dzin pas// brtags nas rnam par rtog 'gyur bsgom// rgyu dang 'bras bur ming btags shing // dge sdig gnyis ka rnam par sel// 'jig rten 'di las 'byung ngo zhes// bla dor brod pa mchog tu bskyed// chags dang ma chags tshig gi lam// dbu ma bzhin te brag ca 'dra// bde dang sdug bsngal rgyu mthun zhes// 'gro ba'i mgon po chen pos gsungs// 'dod chags zhe sdang gti mug kyang // byang chub chen po'i lam las byung // kun spyod yon tan rnam lnga yang // chos nyid dbyings kyi rgyan zhes gsungs// nam mkha' rtog pa skye med cing // rtog pa de nyid nam mkha' 'dra// mi chags nam mkha' sngo ba la// rang 'od chen pos nam mkha' byung // nyi zla dang mnyam pa dri ma med pa'i rgyud las/ rnam par rtog pa dag pa'i thig le'i le'u ste brgyad pa'o// // de nas bcom ldan bka' stsal pa// rtog med mnyam pa'i chos kyi sku// bzung bas mi zin chu zla 'dra// kun tu bzang po'i rol pa yi// A li ka li zab tu bstan// de ni a dang mdzes pa'i

  407. 204b

    ta// sa dang yan lag spros pa bzhin// 'jig rten yongs kyi spyod yul las// sangs rgyas gsung ni zab mo 'byung // e ma sangs rgyas spyod yul 'di// btsal bas rnyed pa'i gnas med de// drug yang gi chos bzhin yul med pas// ldongs pas nam mkhar bsnyeg pa bzhin// gong nas gong du tshangs pa'i lam// bya bral chos dang mthun pa min// ci ste lam la bgrod gyur na// nam mkha'i mtha' ltar thug pa med// de ltar de bzhin de yi phyir// de la de brten de yang thob// de ni snying po de bas na// de las de byung ngo mtshar che// sngon gyi de dang da lta yi// de bzhin de yi gnas su che// de ltar de yi lam 'dra ba// de ni de yi rang bzhin no// de dang 'dra ba yongs kyi lam// zla ba lam yang las byung rten dang bcas// kun gyi mnyam nyid yin pa la// phyogs su bltas pas grub pa med// da lta'i bde dang phyi ma'i bde// mngon sum pa dang rgyab nas byung // de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyis med gdod nas byung // chos skus khyab pa gcig pa'i phyir// bde ba chen por rang bzhin gnas// srid pa gsum na sbyong ba yang // ming tsam sgyu mar snang ba ste// 'khor los sgyur ba'i gnas chen yang // sgyu ma sbyong ba'i bsti gnas yin// rnam dpyod dus la ltos pa'i gnas// de dus der ni

  408. 205a

    'byung mi 'gyur// ma bral smon pa spyod pas na// stong pa'i mtshan nyid gsungs pa bzhin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgro btags chos kun ga la yod// phyi nang gnyis ka phyi nyid nang // zab mo'i cha shas rtogs yul med// srid pa ming tsam log pa'i stobs// de bas ting 'dzin mnyam dang bral// de la tha tshig phyi dang nang // rang bzhin phung po khams bzhin gnas// dus gsum de yang mi 'bral bas// tha tshig ming du btags pa med// nyi zla dang mnyam pa dri ma med pa'i rgyud las/ chos sku kun tu bzang po thig le'i le'u ste/ dgu pa'o// // de nas bcom ldan bka' stsal pa// mi g.yo ba ni sku yi rgya// mi bskyod pa ni ye shes te// mi len pas na bdag med cing // mi 'dor tshig bral mnyam nyid do// gang dang gang gis gang du yang // kun 'khor kun spyod bdag las byung // 'di la skyes pa bud med ces// mnyam pa'i rgyal pos yongs ma gsungs// 'di la brtul zhugs drag shul gyi// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar bltas pas de ltar snang // snang 'dod rtsol sems bde ba yang // de ni de sgrib skyon chen yin// byang chub yan lag

  409. 205b

    kun gyi sgo// cha lugs bsgoms pas chu zla bzhin// ma gos ma chags 'byung 'gyur yang // bsgoms pas byin pa'i spyod yul bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du phyung na yang // zhi bas de nyid mthong ba med// rnam grangs brgyad khri bzhi stong phrag yas kyang // gang ltar spyad kyang mi rtog skye// mtshan ma med pa'i dbang gis ni// bsti gnas 'di las 'byung mi 'gyur// gleng bral 'di la gang gnas pa// rnal 'byor de ni skal ba bzang // bdag dang gzhan don mi byed kyang // sgyu ma lhun grub yul la rol// lhag ma med par yongs su rdzogs// 'gyur ba ma yin drang por gnas// nam mkha' bzhin te mtha' mnyam zhing // gzhan la ltos 'gyur chos ma yin// lhun gyis gnas pas bde ba che// mtshungs pa med pa'i ye shes kyis// rang gi mthu yis rig pa las// chos ni gzhan nas 'byung mi 'gyur// sla zhing dka' la dka' phyir sla// mngon sum mi gnas kun la khyab// ming tsam 'di zhes bstan pa ni// sems dpa' rdo rjes mtshon du med// ngo mtshar rmad byung rol pa 'di// bya bral nam mkha' ji bzhin te// cir yang mi dmigs gti mug las// de ma thag tu rang las 'byung // 'di ni thams cad mtshungs pa'i lam// 'gro ba kun la rang bzhin gnas// byis pa bslad pas 'khrul pa

  410. 206a

    yis// sman nyid sman pas tshol ba bzhin// go ba'i yul na bde ba che// de nyid rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon par snang // de bzhin g.yo rdul mi g.yo ba// 'byung ba lnga dang gtso chen yin// nyi zla dang mnyam pa dri ma med pa'i rgyud las/ thugs rje ye shes thig le'i le'u ste bcu pa'o// // de nas bcom ldan bka' stsal pa// 'das dang ma 'ongs da ltar gyi// tha snyad ming la mi gnas te// skye 'gag med par rnam brtags te// de nyid dus gsum chen por sbyor// mnyam pas rim par bkod pa med// gcig pas phyogs bcu bsngo dang bral// tshogs kyi rgyan rnams bkram pa yang // rang bzhin gnas pas 'grib pa med// lhun gyis gnas pas mi bsngo zhing // gdod nas dag pas bdud rtsi yin// 'du byed bcu gnyis khyad par du// lhag pa'i bsam pas gzung du med// yud kyis bsam pas yang dag ste// bltas pa'i stobs ni bkram pa'o// mthong bar gyur pas dngos grub la// de ni mnyam bzhag rdzogs pa'o// yud tsam bzung bas sbyor ba yin// dga' bar gyur pa dam tshig ste// thabs kyi gar thabs bskyod pa yis// gnyis med sbyor ba phul ba yin// mi gzung gtong bas gtor ma ste// bya

  411. 206b

    ba med pa'i las rnams so// mi rtog ye shes bgegs bsal nas// mi gsung mnyam bzhag sngags tshig go// bla ma mchod dang gtong ba dang // de bzhin bsod nams thams cad kyang // ma chags mi g.yo stobs med na// byas na 'ching ba chen por 'gyur// de bas de lung de nyid la// de la de sbyar bsgrib par 'gyur// de ltar de la de rtogs na// de la de nyid grub pa med// nyi zla dang mnyam pa dri ma med pa'i rgyud las// lhun grub thig le'i le'u ste bcu gcig pa'o// // de nas bcom ldan 'di skad gsungs// nam mkha' klong yangs brdal ba'i dbyings// ye shes nyi zlas 'khor ba gcod// mdo rgyas lha sgom spyod 'bras dang // thugs rje chen po lhun gyis grub// rig pa mtha' dang mnyam pa'i rgyud// nyi zla lta bur dri ma med// sgron ma 'bar bas gti mug sel// drug gis 'gro drug g.yang sa bcad// ston pa bstan pa 'khor gnas dus// rang snang sems la smras pa yin// lha sgom spyod 'bras bzhi yi rgyud// gdul bya'i skabs dang sbyar bar bya// mkha' gsal nyi zla lta bu yi// don dam dri ma med pa'i rgyud// rgyud do cog gi rgyal po nyid// sems dpa' rdo rje khyod la gtad// de nas sems dpa' rdo rje yis// bcom ldan 'das la 'di skad bstod// mnyam pa'i rgyal po lha yi lha// skye med rang byung chen po'i ngang // mkha' 'dra ye shes brdal

  412. 207a

    ba'i klong // dus gsum rgyal ba kun gyi yab// thams cad mkhyen la phyag 'tshal bstod// de nas sems dpa' rdo rje dang // sku gsum ye shes lnga la sogs// rang snang rig pa'i 'khor thams cad// dga' zhing mgu nas rjes su yi rang ste// bcom ldan 'das kyis gsungs pa la mngon par bstod do// chos thams cad rig pa nyi zla'i mtha' dang mnyam pa dri ma med pa'i rgyud/ bcom ldan 'das kun rig rgyal pos gsungs pa rdzogs so// shrI sid+ha dang bai ro tsa nas bskur ba'o// // @#// rgya gar skad du/ tsar+ya sUr+ya tsan+da sa ma tan+t+ra s+ya pany+dzi ka/ bod skad du/ spyod pa nyi zla dang mnyam pa'i rgyud kyi dka' 'grel/ rtsa bral rig pa'i lha la phyag 'tshal lo// e ma rgyud don gsum du bshad// gleng gzhi rnam par dag pa dang // rgyud kyi dngos po bstan pa dang // mthar phyin yongs su gtad pa'o// gleng gzhi gnyis su bshad par bya// phun sum tshogs dang zhus lan no// phun sum tshogs pa lngar bshad do// gcig gis dus bstan bzhi yis gnas// bzhi yis bstan pa dgu yis 'khor// gcig gis sdud pa gnyis su bstan// zhus lan la ni gsum yin te// sems dpas zhus dang ston pas lan// shin tu rgyas par zhus pa'o// de yi dang po drug don gsum// tshigs bshad brgyad la sbyar te bshad// ston pa'i lan

  413. 207b

    ni gsum yin te// thos bsam bsgom gsum tshigs bshad ni// bcu bzhi dag la sgyur te bshad// rgyas par zhus pa tha ma'i brgyad// tshig lnga dag tu shes par bya// de nas yang dag bshad par bya// rgyud kyi dngos po drug tshan lnga// bsdus dang rgyas dang rnam par rgyas// yongs su shes dang shin tu rgyas// de las bsdus pa'i tshig drug ste// lha sgom spyod 'bras thugs rje dang // gzhi ma'i tshig dang rnam pa drug/ rim dang rim par sbyar la bshad// de nas yang dag bshad par bya// rgyas pa la ni don drug ste// lta ba'i don dang sgom pa'i don// spyod pa'i don dang 'bras bu'i don// nges tshig don dang ldang tshang don// gsum dang gnyis dang bzhi dang lnga// gsum dang gnyis la rim gyis sbyar// bzhi pa 'bras bu gnyis su bstan// lam 'bras gnyis kyi chos sku dang // thugs rje sprul pa 'char ba'o// de nas yang dag bshad par bya// rnam par rgyas pa rtsal drug ste// lta ba'i rtsal dang sgom pa'i rtsal// spyod pa'i rtsal dang 'bras bu'i rtsal// gol sa dang ni slob dpon rtsal// dang po thog ma'i gzhi yin te// gnyis pa bzhi 'das bzhi yin no// gsum pa gsum pa'i gnyis yin te// bzhi pa gnyis pa gnyis yin no// lnga pa'i lnga pa lnga yin te// drug pa drug pa'i lnga la bkral// de la bzang ngan skyon yon gnyis// mkhas pas thugs rjer shes par bya// de nas

  414. 208a

    yang dag bshad par bya// yongs su rgyas pa drug tu bshad// lta ba sgyu ma lta bur che// bsgom pa rgya mtsho lta bur che// spyod pa khyung chen lta bur che// 'bras bu kun bzang lta bur che// gol sa nam mkha' lta bur che// kun gzhi snang ba lta bur che// dang po la ni gsum du bshad// theg pa drug gi la bzla dang // a ti yo ga'i 'dug tshul dang // zab mo chos kyi 'char sgo'o// dang po gzhi min gzhi tshad gsum// gsum po rim gyis sbyar bar bya// de 'og bdun gyis spyod pa ste// de bzhin brgyad la bsgom par bya// 'bras bu la ni gnyis su bshad// dang po gzhi bzhag sku bzhi la// kun bzang man chad bcu bzhi ni// thugs rjer bstan te dbye na gsum// rten 'brel chos dang 'gro ba'i chos// 'jig rten chos dang bzhi tshe gsum// rim gyis sbyar te kun bzang gnyis// gsum po'i mgo la rnam par brgyan// gol sa de 'og bdun yin te// kun kyi tha ma'i gzhi la bkral// de nas yang dag bshad par bya// shin tu rgyas pa drug yin te// blta ba chos nyid thig le dang // bsgom pa dbyings kyi thig le dang // spyod pa rnam dag thig le dang // 'bras bu kun bzang thig le dang // thugs rje ye shes thig le dang // kun gzhi lhun grub thig le'o// de la blta ba gnyis su bshad// sku gsum rang chas blta ba dang // thugs rje rang byung blta

  415. 208b

    ba'o// dang po bzhi ste gnyis pa brgyad// rim dang rim gyis sbyar la bshad// de nas yang dag bshad par bya// bsgom pa la ni lngar bshad do// rang bzhin gnas pa'i ye shes dang // bla mas bstan pa'i rtogs pa dang // rtog pa'i yon tan rang las byung // ma bcos rang bzhag bsgom pa'i mchog/ de la brjod du med pa'o// de lnga bzhi tshan lnga la ni// rim dang rim gyis sbyar la bshad// de nas yang dag bshad par bya// spyod pa rnam pa bzhir bshad de// sdug bsngal chos nyid spyod pa dang // las las grol ba'i spyod pa dang // rnam rtog ye shes spyod pa dang // theg pa la bzla'i spyod pa'o// bzhi dang brgyad dang yang ni bzhi// nyi shu dag la rim gyis sbyar// theg pa la bzla byed la gzhi// rnam rtog bsgom pa'i nyan thos dang // dge sdig sel ba'i rang rgyal dang // stong par 'dod pa'i dbu ma dang // dug lnga ma spangs gsang sngags rnams// bzhi tshan gsum dang brgyad la ni// rim gyis sbyar te bshad par bya// de nas yang dag bshad par bya// 'bras bu la ni gsum du bshad// chos sku bya btsal bral ba dang // longs sku yongs su rdzogs pa dang // sprul pa kun la khyab pa'o// de la chos sku gsum du bshad// sku gsum thugs rje'i gzugs dang ni// rang las gzhan nas 'byung ba min// bya bral bgrod du med pa'o// brgyad dang bzhi dang bzhi las

  416. 209a

    bkral// yongs su rdzogs pa gzhir bshad de// sangs rgyas rang las 'byung ba dang // dus gsum rgyal ba'i 'byung gnas dang // mnyam nyid phyogs chas mi 'grub pas// bde bar 'dod na gol ba'o// bzhi tshan bzhi la rim gyis sbyar// kun la khyab pa bzhir bstan te// dus gsum chos skur gdod nas gcig/ rang bzhin gnas pa bde ba'i sku// sbrul sku sgyu ma lta bur 'char// thugs rje thabs kyi rol pa'o// gsum dang bzhi dang gcig dang bzhi dang ni// bcu drug dag dang sbyar te bshad// de la thugs rje bzhir bshad de// re smon drang don thugs rje dang // gcig chos sgro skur bral ba dang // zab mo'i chos la rtog pa gol// dus gsum de nyid tha tshig go// bzhi tshan bzhi la sbyar te bshad// de nas yang dag bshad par bya// thugs rje la ni lngar bstan te// mnyam nyid thugs rje'i sprul pa dang // gol sgrib bstan pa'i thugs rje dang // ye shes sgyu ma'i thugs rje dang // ngo bo rmad byung thugs rje dang // mdzad pa phrin las thugs rje'o// mnyam nyid sprul pa drug tu bshad// mnyam pa ris med thugs rje dang // ris med kun gyi 'byung gnas dang // de nyid rtsol ba bral ba dang // shes rab thabs kyi rgyu ma rtogs// ma nges sprul pa 'gyed pa dang // 'gro rnams rang gi sgrib pa'o// bzhi tshan gnyis dang gnyis tshan bzhi// rim gyis sbyar la

  417. 209b

    rnam par bshad// gol sgrib rnam pa gsum du bshad// phyi bar gol dang nang par gol// rgyu 'bras chos ni bkag pa med// bzhi tshan gsum la 'chol bar bkral// ye shes sgyu ma gnyis su bshad// rtogs na thugs rje zhor 'byung dang // lhun grub rang la 'byung ba'o// bzhi bzhag thog mtha' bzhi bzhi yin// ngo bo rmad byung gnyis su bstan// chos nyid mtshon du med pa dang // zab mo bzhi yi gdams ngag go// bzhi bzhi la ni sbyar la bshad// mdzad pa phrin las bzhir bshad de// dag pa'i lam chen kun la khyab// ma shes bslad pas 'gro ba 'khrul// rtogs te shes na mngon sangs rgyas// de yi yon tan phrin las rdzogs// gnyis dang gcig ste gsum dang drug/ go rim bzhin du sbyar te bshad// de nas yang dag bshad par bya// kun gzhi rnam pa gsum du bstan// gnas pa gzhi yi kun gzhi dang // sbyor ba don gyi kun gzhi dang // ldog pa dus kyi kun gzhi'o// gnas pa gzhi la bcu gcig ste// dkyil 'khor dgod du med pa dang // rim pa bsgyur du med pa dang // mchod pa bsngo ru med pa dang // tshogs la bsag tu med pa dang // smon lam bsngo ru med pa dang // bdud rtsi sbrang du med pa dang // lha la bsgom du med pa dang // sdig pa bshag tu med pa dang // zang sku dgram du med pa dang // dngos grub bsgrub tu med pa dang // thams

  418. 210a

    cad mnyam nyid rdzogs pa'o// 'dis ni bcu la rnam par brgyan// dang po gnyis ni gcig la dbye// de 'og gcig ni de nas gnyis// de nas gnyis te re re la// yang ni gnyis te de re la// rim gyis sbyar la bshad par bya// sbyor ba'i gzhi la gsum du bshad// dus gsum chos nyid sbyor ba dang // shes rab dam tshig sbyor ba dang // thabs kyi gnyis med sbyor ba'o// dus gsum chos nyid thog ma'i gzhi// gnas pa gzhi yi gang nas bslad// sbyor ba gnyis pa bcu gcig 'og/ gnyis gnyis dag la sbyor te bshad// ldog pa'i kun gzhi bdun du bshad// gtong ma gtang du med pa dang // phrin las btsal du med pa dang // mtshams la gcad du med pa dang // bzlas brjod bya ru med pa dang // blta bas zin ma zin gyi khyad// rtogs pa lung gi man ngag dang // chos nyid 'gyur ba med pa'o// gzhi la bzhir bstan gcig la bzhi// de ni gcig la bzhir bstan gcig gi gzhi// thugs rje gzhir bzhag 'di ru blangs// de nas yang dag bshad par bya// mthar phyin yongs su gtad pa ni// rnam pa gnyis su bshad par bya// ston pas 'khor la gtad pa dang // 'khor gyis rjes su yi rang ngo // de yi dang po gsum du bshad// rgyud kyi yon tan bstan pa der// rgyud kyi rnam grangs bstan pa dang // che ba dang ldan gtad pa'o// dang

  419. 210b

    po dang po'i rnam pa brgyad// gnyis pa de 'og bzhi yin te// gsum pa de yi yang ni bzhi// rim gyis sbyar te bshad par bya// rjes su yi rang gnyis su bshad// sems dpas gtso la bstod pa dang // 'khor gyis rjes su yi rang ngo // dang po la ni bdun yin te// tha ma la ni drug tu bshad// rim dang rim par sbyar byas la// yang dag sa ru bshad par bya// de las lus na sid+d+hi kan// spyod pa nyi zla dang mnyam pa'i rgyud kyi dka' 'grel/ rin po che snang ba'i 'od zer zhes bya ba/ slob dpon dga' rab rdo rjes mdzad pa rdzogs so// // @#// rgya gar skad du/ sarba d+harmA ma hA san+ti b+ho d+hi tsit+ta saM sA ra mA lats+tshe da na rat+na sa mAnya dzA tan+t+ra/ bod skad du// chos thams cad byang chub kyi sems rdzogs pa chen po 'khor ba rtsad nas gcod pa rin po che dang mnyam pa skye ba med pa'i rgyud/ bcom ldan 'das kun rig rgyal po la phyag 'tshal lo// 'di skad bdag gis zos pa'i dus gcig na/ bcom ldan 'das kun tu bzang po 'og min chos kyi dbyings kyi pho brang na// bcom ldan 'das rigs lnga'i sangs rgyas la sogs pa byang chub sems dpa' brgya stong du ma dang thabs cig tu bzhugs te/ de'i tshe sangs rgyas rdo rje sems dpas gnyis med mchog gi mchod pa phul nas phyogs gcig tu 'khod de zhus pa'o// e ma ho bcom ldan kun tu

  420. 211a

    bzang // rang snang rig pa'i ye shes la// sna tshogs snang ba'i chos rnams kun// 'di yi mtshan nyid ci ltar lags// bcom ldan 'das kyis bka' stsal pa// rang rig blo yi snang ba las// snang tshul bcu bdun snang ba 'di// 'di yi mtshan nyid glo bur ba// rgyu rkyen dbang gis snang ba yin// dper na ga pur sman dug tshul// sems dpa' rdo rjes yang gsol pa// e ma bcom ldan kun rig lags// 'khor ba 'khrul pa'i snang ba 'di// rtsad nas gcad na ci ltar gcad// bcom ldan 'das kyis bka' stsal pa// khams gsum 'khor ba'i 'khrul snang 'di// rmad byung bde 'byams nam mkha' nyid// rje btsun rtse mo kun 'dus la// srog dang myu gu rin po che// bde ba spyi gcod sems kyi tig/ rin chen lta bu'i sgron ma yis// 'khor ba rtsad nas gcad par bya// de skad gsungs pa'i tshig rjes la// sems dpa' rdo rjes yang zhus pa// e ma bcom ldan bde gshegs yab// 'khor ba rtsad nas gcad pa'i phyir// rmad byung bcu gsum rin po che// yang dag rgyas par bshad du gsol// rin po che dang mnyam pa skye ba med pa'i rgyud las/ gleng gzhi'i le'u ste dang po'o// // de nas bcom ldan bka' stsal pa// nga ni rmad byung rin chen mdzod// skye med thams cad nga las byung // nga med pa yi sngon rol

  421. 211b

    na// sangs rgyas sems can gnyis med de// gzugs nas thams cad mkhyen pa'i bar// thams cad nga las byung ba yin// 'jam dpal ye shes rdo rje'i sku// nyon mongs drug po rnam thar sgo// pad+ma dkar po dri ma med// 'di don rtog pa sems kyi dbang // yang dag grub pa thig ler gcig/ 'di ni rnal 'byor bde ba'i mchog/ gdod nas dri med bdud rtsi che// sdug bsngal nad kyi zug rngu 'jil// rmad byung rdo rjes zhe sdang 'joms// ye shes phur bus bdud bzhi bsgral// thams cad yum gyi b+ha ga'i klong // nga las 'byung zhing nga ru zhi// nga ni srid las skyob pa'i sngags// nga nyid las su rung bas na// 'jig rten gsum yang nga rdzogs// gtsug tor chen po rmad byung gtsug/ theg pa sna tshogs ston pa po// bden pa bzhi ni ston pa po// yan lag bcu gnyis srid rtsa bton// rnam rig sna tshogs gzugs don can// bden pa gnyis kyi tshul la gnas// gsum rig gtsang ma dag pa ste// de nyid rnam pa bzhi yi tshul// sangs rgyas sku lnga'i bdag nyid can// bcu drug phyed phyed thig le can// chos dbyings dam pa zad mi shes// rnam par rtog med lhun gyis grub// rmad byung rdo rje 'di rtogs na// rdo rje sems dpa' nyid kyang ni// rdo rje'i gdan la yang sangs rgya// ngo mtshar rmad byung kun gyi gtsug/ sku lnga ye shes thig le'i rdzong // rmad byung thugs rjes 'gro/

  422. 212a

    don rdzogs// rin po che dang mnyam pa skye ba med pa'i rgyud las/ byang chub kyi sems rmad du byung ba'i le'u ste gnyis pa'o// / de nas bcom ldan bka' stsal pa// gnyis su med las bde ba che// dbyings su thim pas kun la byams// 'bras bu med pas bde ba'i sku// ngang du grol bas bde ba'i klong // mi dmigs rdzogs chen 'khor ba sgrol// skye 'gag med pas gdod nas dag/ don la ma btsal dam pa bde// rdzogs pa rdzogs phyir rang bzhin gnas// bde 'byams lta bu'i nam mkha' la// don dam nyid du spros dang bral// rang bzhin las ni gud na med// 'gyur ba med pas bde chen rdzogs// rmongs pa'i mun pa sel ba'i don// sangs rgyas 'byung bas bde 'byams yin// thig le bde khyab rdzogs chen po// thig le rang byung don dam klong // byang chub sems chen bde 'byams 'di// rig pa spros med rgyal ra rdzogs// rig pa'i rgyal po bde chen po// mnyam pa'i ngang la thabs kyis rdzogs// rin po che dang mnyam pa skye ba med pa'i rgyud las/ bde 'byams yangs pa'i le'u ste gsum pa'o// // de nas bcom ldan bka' stsal pa// 'byung bzhi las rgyal nam mkha' bzhin// sangs rgyas kun rgyal snying po thugs// yongs pas rgyal ba'i blta chen ni// rdzogs pa'i don du bzhag pa yin// sems nyid nam mkha' chen po

  423. 212b

    la// snying po 'khor ba las sgrol bas// nam mkha'i rgyal po yin par bya// rdzogs pa'i rdzogs chen a ti ni// theg pa kun rdzogs nam mkha'i ngang // 'khor ba gcod pa'i rgyal po 'di// ma lus ye sangs rgyas par gsal// don la btsal med rgyal po yin// sems la dogs med kun gyi bla// rang byung gdod nas rnam par dag/ 'di rtogs mnyam pa'i rgyal po thob// dmigs dang bral bas bsgom pa yin// las las byung ba'i sems can de// dus la bab pa'i rnal 'byor pas// las nyid thugs rjer shes par bya// thugs rje chen po'i thabs kyis bsgral// ma btsal dbyings su thim pa yis// don dam spros bral nam mkha' de// gzhan las mi 'byung thabs kyis 'grub// thams cad dmigs med bde ba'i klung // srid gsum non pas dug gsum chod// dbang po yul las 'phros pa rnams// thams cad gcig gi ngang du gsal// thams cad ye brdal chen po la// spro bsdu byed pas 'ching ba'i rgyu// bla med byang chub yongs la khyab// srid pa'i gdar sha bcad pa yis// 'chi bdag bdud las rnam par thar// bdud bzhi bcom pas 'khor ba med// dngos nyid dag pa rang byung de// bde ba gzhan du mi 'tshol zhing // rig pa gsal la gsal 'debs te// logs nas 'byung ba'i rgyu med do// gzhi rtsa med pa'i nam mkha' ni// gdags

  424. 213a

    dang bral bas spros med klong // skye shi med pa'i byang chub sems// nam mkha'i rgyal por ye nas snang // rgyu las ma byung 'bras bu dang // lung las ma byung man ngag ste// sems las ma byung chos nyid ni// mi nub nam mkha'i rgyal por smra// snang srid kun khyab ma lus gnas// sangs rgyas kun rgyal kun gyi yab// mi nub gter 'dzin dus gsum khyab// ngang dngas rang bzhin lhun gyis rdzogs// srid gsum ma lus nam mkhar rdzogs// skye 'gro sems kyi sprul par rdzogs// ci ltar snang ba bde ba nyid/ rin po che dang mnyam pa skye ba med pa'i rgyud las/ nam mkha'i rgyal po'i le'u ste bzhi pa'o// // de nas bcom ldan bka' stsal pa// byang chub sems mchog rje btsan dam// nga yi thugs nas bton te bshad// skyon gyi sgor med gdod nas dag/ ma btsal bzhag na bsgom pa'i mchog/ 'gro kun gnas pa'i byang chub sems// mi 'gyur rje btsan chos kyi sku// ngang gnas mi nub rdo rje'o// snang dang mi snang gnyis med de// bde chen yongs rdzogs rje btsan sgra// ya mtshan mkha' la rig pa'i thugs// sgra bsam yul las shin tu 'das// dmigs med don rtogs chos kyi rje// snang ba'i yul la gang gnas kyang // rje btsan sku las g.yos pa med// yi ge 'bru la rtog pa rnams// rje btsan don las nyams te dman// phyi nang gnyis

  425. 213b

    ka bde chen po// rje btsan dam pa byang chub sems// 'khor ba myang 'das gnyis med de// ji ltar bltas pas byang chub sems// ye sangs rgyas pas chos kyi sku// rin po che dang mnyam pa skye ba med pa'i rgyud las/ rje btsan dam pa'i le'u ste lnga pa'o// // de nas bcom ldan bka' stsal pa// nam mkha' 'byung ba kun gyi rtse// kun bzang chos rnams kun gyi rtse// skye 'gag med pas 'khor ba kun gyi rtse// dran rtog med pas bsgom pa'i rtse// thams cad yongs las rgyal ba ni// rtse mo byung rgyal zhes bshad do// de nyid byang chub sems yin te// 'bras bu rang la rdzogs pa'i phyir// rtse mo byung rgyal dang nyid smra// ma song gnas phyin lam gyi rtse// 'du 'bral med pa'i ngang nyid las// dus gsum mi 'bral sa ru gnas// bsrung mtshams kun las rgyal bas na// dam tshig kun gyi rtse mor bshad// blang dor med pa'i spyod pa ni// rgyal chen gang yang ma spangs rtse// mi 'gyur lhun grub blta ba ni// rig pa spros bral mnyam pa'i rgyal// gang yang 'byed pa med pas na// gdags pa'i tha snyad kun las 'das// don la dbyer med blta ba'i rtse// snang srid gsal ba'i byang chub sems// 'du 'bral med pas yongs su khyab// kun la gsal bas bkag pa med// snang srid ma 'gags ye shes rtse// rgyu 'bras gnyis med phye ba yis// tshogs mchog dam pa chen po

  426. 214a

    ste// bsod nams dam pa'i gzhir 'gyur ro// dus gsum rgyal ba thams cad kun// mnyam pa'i dbyings su bkod pas ni// 'du 'bral med pa'i ngang la gnas// ma lus sangs rgyas sa ru brtags// rin po che dang mnyam pa skye ba med pa'i rgyud las/ rtse mo byung rgyal gyi le'u ste drug pa'o// // de nas bcom ldan bka' stsal pa// sna tshogs gcig tu 'dus pa'i ngang // 'byung ba bzhi nyid nam mkhar 'dus// nam mkha' dpe bstan byang chub sems// rig pa rang la rdzogs pas na// kun 'dus rgyal po rang smra'o// lta ba'i klong chen a ti las// theg pa so so'i don brjod nas// grub pa gcig tu nges par 'dus// yid la ma yengs brjod med bzhag/ ma lus sangs rgyas sems su 'dus// rtsa ba bral ba'i sems nyid de// sus kyang ma byas ye nas gnas// mi 'gyur lhun gyis grub pa yi// yang dag chos nyid dbyings kyi klong // rgyu la rag ma lus pa'i sems// bde chen 'du 'bral med pa'i lam// 'bras bu rang la rdzogs pas su// snang srid thams cad ye sangs rgyas// bdag dang bral bas 'khor ba chod// dpal ldan sku gsum rang byung bde// sangs rgyas ma lus dbyings su gcig/ skye med don la thabs kyi 'dus// ma spros ngang du grol pas na// thams cad thugs rje'i thabs kyis btul// gcig las med pa'i rin

  427. 214b

    chen 'di// gzung 'dzin spangs pa'i mnyam pa'i rgyal// ye shes rol pas gcig tu gsal// snying rje med par gsod pa dang // blta ba med par za ba yis// 'gro drug ye nas sangs rgyas te// thams cad lhag ma med par bsgral// ci ltar snang ba kun tu khyab// ye nas gcig gi ngang du 'dus// byas na 'ching ba'i lam yin la// ma bsgrubs 'du 'bral med par bstan// ye nas yin pas bde chen de// gnas la chags pa med pas na// 'dus las ma byas snang ba ste// kun la khyab pas spro bsdu med// gang yang ma 'gags so sor gsal// ma lus 'dus pa'i rgyan du che// rag ma lus pa'i rgya mdud de// gzhan gyis bcos su med pa yis// sprul pa'i rgya mtsho thams cad kun// gzhi rtsa med pa'i ngang du bzhag/ sus kyang ma byas nyid la 'dus// rin po che dang mnyam pa skye ba med pa'i rgyud las/ kun 'dus rig pa'i le'u ste bdun pa'o// // de nas bcom ldan bka' stsal pa// ma bcos bde ba chen po'i don// 'di la skye shi med pas srog/ kun nas ma bsgribs byang chub sems// snang srid 'du 'bral med pas srog/ dus gsum ma bsgribs byang chub sems// 'pho 'gyur gnyis su med pa'i srog/ srog gi 'khor lo srid gsum bskor// 'byung lnga yum gyi b+ha ga'i klong // 'di ru snang srid rdzogs sangs rgyas// sangs rgyas nyid la skye shi

  428. 215a

    med// skye 'gag med pas srog ces bya// 'gyur ba med pas a ti ru// 'gro rnams skye shi med par bsgral// de phyir 'chi med srog ces bya// skye shi med pas sems nyid srog/ srid gsum 'khor lo bskor bas na// srog gi 'khor lo zhes su grags// yul la nges pa med pas na// sems kyi re dogs rnam par med// 'dzin chags med pas 'ching ba med// skye med de la srog ces bya// dus gsum rdo rje 'dus ma byas// snang srid ye sangs rgyas pas srog/ 'phags pa'i don la dbye ba med// dus gsum 'gyur ba med pas na// gar yang 'pho ba med pas srog/ bsam du med pa'i chos nyid la// brjod du med pa'i rig pa bzhag/ chags med 'du 'bral med pas srog/ skye shi bral bas rang byung klong // ma yengs gsal bas srog gi don// kun la khyab pas byang chub don// 'gyur med lhun gyis grub pas na// sgra bsam yul las 'das pa'o// gang la chags med byang chub lam// spros bral srog gi 'khor lo'o// rin po che dang mnyam pa skye ba med pa'i rgyud las/ srog gi 'khor lo'i le'u ste brgyad pa'o// // de nas bcom ldan bka' stsal pa// rgyu rkyen tshogs pa'i sdong bu las// myu gu don gyis 'byung ba ltar// ma bcos ngang la rang bzhin gnas// gnas pas dmigs med myu gu 'byung // spros med byang chub sems nyid las// rin

  429. 215b

    chen sangs rgyas myu gu 'byung // rgyu la ltos pa med pa'i phyir// rkyen gyis gzhig tu med pa'o// skye 'gag med pa'i myu gu de// yul la dmigs pa med pas na// sems la 'pho 'gyur ga la yod// yul sems 'du 'bral med pas na// sbyor ba'i myu gu 'byung bar nges// de la 'gog med sgrol bar brtag/ dus gsum 'gyur med byang chub sems// ma bcos lhun grub ye sangs rgyas// bsrung med dam tshig chen po la// ye bsrungs gdeng chod myu gu 'byung // bsgom med dmigs pa chen po la// ma yengs mnyam pa chen por bzhag/ rtog med spros bral byang chub sems// gzung 'dzin med pa'i ngang nyid las// bla na med pa'i myu gu 'byung // rgyu la rag med byang chub sems// rkyen bral yon tan myu gu 'byung // 'byung lnga ye sangs rgyas pa la// snang srid lha da la myu gu 'byung // byang chub sems chen rgyal po 'di// thams cad ye sangs rgyas pa yis// rgyud drug gnas su rnam dag pas// btsal ba'i bsam pa bskyod pa med// lung la sgrib pa med pas na// zab mo don gyi myu gu 'dis// sems la dogs med kun gyi gzhi// dug gsum rtsad gcod byang chub sems// 'khor ba thams cad bsgral ba'o// rin po che dang mnyam pa skye ba med pa'i rgyud las/ byang chub sems myu gu'i le'u ste dgu pa'o// // de nas bcom ldan bka' stsal pa// khams gsum las

  430. 216a

    'das rin chen dag/ bgrod med rnam grol lam ston pa// gzhan nas rnyed par mi 'gyur te// thig le chen po kun khyab gnas// rang byung ma bcos ye nas gsal// rtsol bas btsal med snying po'i don// rnam snang rtag par kun tu bzang // gnyis med bde mchog lhun gyis grub// rtag chen bde la rtag spyod pa// bde chen longs spyod rdzogs pa ni// 'di shes rnal 'byor spyod yul te// drang srong chen po rnams kyi ni// spyod yul yin zhes nges par gsungs// rin po che dang mnyam pa skye ba med pa'i rgyud las/ yid bzhin nor bu'i le'u ste bcu pa'o// // de nas bcom ldan bka' stsal pa// bde ba chen po'i byang chub sems// 'gro ba'i don du phra bkod pas// ma skyes bde ba'i byang chub la// nyon mongs skyon gyis ma gos te// tshogs rnams ma bsags skye med klong // bde chen phra bkod lhun gyis rdzogs// nam mkha' bzhin du kun la khyab// sems la dmigs pa'i yul med pas// lta ba ting 'dzin gsang ba'i sngags// ngo bo nyid kyi phra bkod pas// dpal chen thugs rjes 'khor ba zung // gzhal yas khang chen de dag gis// ye shes rang la 'od gsal te// skye 'gag gnyis med me dang 'dra// dag pa'i sangs rgyas lan thob pas// don du sangs rgyas nyid la gnas// nam mkha' lta bur chags pa med// bde

  431. 216b

    ba nyid du yang dag pa// phung po lnga nyid mngon sangs rgyas// byang chub sems chen bde ba'i klong // shin tu phra la rab sbyangs pas// bde chen don la bkod pa ste// yang dag don gyi bla ma yis// bde ba phra bkod thig le'i klong // rin po che dang mnyam pa skye ba med pa'i rgyud las/ bde ba phra bkod kyi le'u ste bcu gcig pa'o// // de nas bcom ldan bka' stsal pa// theg pa kun la khyab pa yis// spyi gcod rgyal po rdzogs pa'i mchog/ 'di la btsal du gdod nas med// gcan gzan yongs kyi khro bo ni// spyi gcod seng ge rgyal po ste// rtsal gsum rdzogs pa'i rgyal po ltar// rdzogs pa spyi gcod a ti ni// 'khor ba rtsad gcod gzung 'dzin 'das// wa spre'u seng ger bcos kyang ni// kun nas mi mnyam spyi gcod che// yo ga rnam gsum theg 'og rnams// ci ltar de ltar bltas dpyad kyang // rgyu las rtsol bar mi nus so// rdzogs pa spyi gcod a ti ni// nam mkha'i klong ltar yongs la khyab// rtsol zhing bsgrub pa'i yul med pas// bsgom par bya ba'i tshig dang bral// rin chen nor ltar dgos dgu 'byung // byang chub sems brda la yangs pa'i klong // rang sems mi nub rin chen gter// po zis 'phangs spyad sman tshe kha// 'og mas ji bzhin don brjod kyang // chos skrod bcu la zhen pa'i phyir// 'bras bu'i don la ring bar

  432. 217a

    'gyur// seng ge gcig pur gnas pa bzhin// rdzogs pa spyi gcod yin par smra// don la mi gnas bsrung mtshams bral// ne tsos smras kyang don med ltar// rang gzhung sgra theg brgyad po yang // spyi gcod rdzogs chen dang las 'gal// rin po che dang mnyam pa skye ba med pa'i rgyud las/ theg pa spyi gcod kyi le'u ste bcu gnyis pa'o// // de nas bcom ldan bka' stsal pa// ma bcos rang bzhin gsal bas na// 'gyur med lhun gyis grub pa'i tig/ chos nyid bde chen klong yangs brdal// rang byung 'gyur med spros bral tig/ byang chub sems chen kun tu bzang // dus gsum gcig tu gnas pas tig/ 'khor ba yang bsgral a ti la// snang srid kun sangs rgyas pa'i tig/ 'khor ba kun rgyal byang sems mchog/ dug gsum gnas tshol sku gsum tig/ dug lnga ma bsgribs mya ngan 'das// ye shes lnga ru gsal ba'i tig/ thugs la brtol ba bstan pa yis// byang chub sems mchog bde chen 'di// ma grol lung las ci bstan tig/ theg kun gcig gsal a ti la// chos rnams dbyer med skye med tig/ nyan thos mdo sde kri/ yA gsum// rgyu las 'bras bu tshol ba'i phyir// rtsol bral lung las gol bar bstan// yo ga rnam gsum rtsol bas spags// byis rtsed 'dra ste don las gol// dus gsum 'gyur med byang chub sems// sgrib pa

  433. 217b

    kun med a ti ni// dus gsum rtsad gcod mnyam nyid tig/ rin po che dang mnyam pa skye ba med pa'i rgyud las/ skye med sems tig gi le'u ste bcu gsum pa'o// // de nas bcom ldan bka' stsal pa// khams gsum sgron ma rkyen dang bral// ma rig mun sel blas ma reg/ gzhan nas btsal bas rnyed mi 'gyur// thig le brdal ba'i rang byung bde// rig pa rang shar bcos su med// lhun grub btsal du gdod nas med// snying po'i snying po gnyis med mchog/ ye nas tha snyad kun dang bral// ji bzhin gsal la rtog med de// don dam spros med yang dag dbyings// btsal du med pas bsgom tshig 'das// ji bzhin klong du gyur pas na// rnam dag don la mkhas pa yin// gdod nas ma skyes brdal ba'i klong // don dam rtog pas chos kyi sku// longs spyod bde chen rgyal po'i sku// ye shes rol pa sprul pa'i sprul// thugs rje byang chub sems dpa'i lam// ma g.yos rtog med chos kyi lam// rang bzhin gnas pas bde ba'i klong / khams gsum gsal byed sgron ma'i mchog/ bde chen rang byung thugs rjer gsal// rin chen sgron mas thugs rje rdzogs// rin po che dang mnyam pa skye ba med pa'i rgyud las// khams gsum sgron ma'i le'u ste bcu bzhi pa'o// // de nas bcom ldan bka' stsal pa// e ma rdo rje

  434. 218a

    sems dpa' che// rmad byung bcu gsum skye med don// 'khor ba rtsad nas gcod pa'i chos// 'di ma shes pas ngal ba'i lam// 'di don rtogs kyi rnal 'byor pa// gang ltar spyad kyang bde chen kloslong // rdzogs chen a ti'i bstan pa ni// mi nub nub par mi 'gyur ro// don la 'gyur ba med pa'i phyir// yid bzhin nor bu'i rgyal mtshan rtse// rmad byung rin chen za ma tog/ don dam skye ba med pa'i rgyud// rigs lnga bde gshegs byang chub sems// rdo rje sems dpa' mchog gi lam// kun bzang thugs kyi bcud tig pa// sems dpa' rdo rje khyod la gtad// blo yi pad+ma kha phyes la// snying gi dkyil du bsgom par gyis// de nas rdo rje sems dpa' dang // rigs lnga'i sangs rgyas byang chub sems// mgon po'i tshogs dang bcas pa yis// ma skyes spros bral kun tu bzang // rin chen sgron mas gti mug sel// rmad byung rgyal ba kun gyi yab// rdo rje 'chang chen rigs lnga'i gtso// kun rig rgyal po thams cad mkhyen// mnyam pa'i rgyal por phyag 'tshal bstod// de bzhin nyid la rtag tu 'dud// ye shes rgyal por mngon par bstod// chos thams cad rin po che dang mnyam pa skye ba med pa'i rgyud/ bcom ldan 'das kun rig rgyal pos gsungs pa rdzogs so// rgya gar gyi mkhan po shrI sing+ga dang / bod kyi lo tsA ba bai ro/

  435. 218b

    tsa nas bskur ro// // @#// rgya gar skad du/ bo d+hi tsit+ta ma hA pa rA kra ma tan+ta/ bod skad du/ byang chub sems rtsal chen gyi rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na// de bzhin gshegs pa yang dag par rdzogs pa'i sangs rgyas rtag pa chen po'i ngo bo nyid kyi bzhugs pa thams cad kyi de kho na nyid la longs spyod pa/ kun gyi rang bzhin rnam par dag pa gcig tu lhun gyis grub pa'i bdag nyid gang yang so so ma yin tha mi dad dbyer med pa'i de bzhin te/ snyid sbyin pa chen po byang chub kyis snying po gang na tha na rtag par de bzhin no// de nas longs spyod chen po la rdzogs par spyod pa ni/ nor bu rin po che'i zhal rab tu 'od gsal ba/ 'khar ba bzang po'i me long bzhin 'dzin cing spyod pa thams cad la mnga' mdzad pa'i mchog tu byung ba ni gtso bo'i khab na// nor bu rin po che'i tshul du 'dug nas thams cad kyi bsam pa sdud par byed do// de nas bcom ldan 'das dpal rdo rje sems dpa' chen po dang pad+ma can la sogs pa rnams kyis bdug pa dang sgeg mo la sogs pa rnams kyis mchod pas rgyas par mchod nas/ shin tu snyan pa'i dbyangs kyis bstod do// de nas g.yas su lan gsum bskor nas/ bcom ldan 'das dpal kun tu bzang po spyod pa thams cad la

  436. 219a

    mnga' brnyes pa'i spyan snga'i mdun du pus mo sa la btsugs nas 'dug go// 'dug nas kyang bcom ldan 'das dpal kun tu bzang po cang mi gsung bar 'dzum pa mdzad do// de nas bcom ldan 'das dpal kun tu bzang po chen po'i spyan snga nas langs nas bcom ldan 'das chos thams cad kyi de kho na nyid rang bzhin gyis dben pa'i don zhu ba'i phyir 'di skad ces gsol to// byar med rtsal sprugs bdag med lam gyi 'bras// ma bcos rang bzhin gsang ba'i rang bzhin nyid// gnyis med rtsal sprugs blta spyod rnam dag nyid// bcom ldan 'das kyis bshad du gsol lags so// zhes gsol to// de nas bcom ldan 'das dpal kun tu bzang pos/ rdo rje sems dpa' la sogs pa dang / mchod pa rnams dang bcas pa nyid kyi sku la bstims so// de nas bcom ldan 'das dpal kun tu bzang pos gnyis su med par dag pa'i ting nge 'dzin la snyoms par zhugs so// zhugs ma thag tu 'khor rnams sku las bton to// de nas de rnams dbang bskur bya ba'i phyir bcom ldan 'das kyis bka' stsal pa/ phyi dang nang med thams cad chos kyi dbyings// rnam par dag pa'i spyod yul gnyis med la// sangs rgyas sems can yongs kyis med pa ste// bsgrub med rtsal sbugs smon pa med pa yi// ma nor dam pa'i lam chen lhun rdzogs

  437. 219b

    pa// tsit+ta'i dkyil du rab tu bstim par bya'o// de nas bcom ldan 'das dpal kun tu bzang pos zhus pa'i don thugs su chud nas bka' stsal pa// kun gyi rang bzhin bla med zhi ba'i chos// rgyal ba'i lam mchog rje btsun dam pa nyid// gnyis med bde chen yongs kyis dag pa la// rgyal sogs lta spyod 'dzin sgom de bzhin gnas// zhes bka' stsal pa las/ bcom ldan 'das dpal rdo rje sems dpa' la sogs pa yid rab tu mgu bar gyur nas/ mchog gsum lhun gyis rdzogs pa sangs rgyas nyid de rgyal po che// rtog dpyod rnam dag gnyis med chos kyi dbyings// bstan pa'i lam chen de la gnyis med gnas// mnyam par shes phyir phyag kyang rab tu 'tshal// de nas bcom ldan 'das kun tu bzang po nyid kyis ched du brjod par bya ba brjod pa/ sgo skur bcing grol dag pa'i chos dbyings la// blo rtog byis pa'i spyod pas ci zhig bslu// rgyu 'bras dbyer med sangs rgyas sems can zhing // kun gyi spyod yul gzhi rtsa med pa la// 'khrul pas nor pa'i lam du brtags pa yang // bstan pa'i lam chen po las gzhan med pas// mnyam par shes pa sangs rgyas kun gyi rje// nga dang bdag tu brtags pas rab zhi ba'i// mchog tu rmad byung phyi dang nang kun dbyings// ye nas rnam par dag pa'i spyod yul la// sems can sangs rgyas gnyis med skal can

  438. 220a

    dbang // bdag gzhan brtags pas mu stegs 'phrul pa'i lam// byis pas bslus pas chos spyod lam la btsud// phyin pa'i dus med rtogs pa'i dus med pas// gnyis med chos ni rnyed par ga la 'gyur// byang chub sems rtsal chen sprugs pa'i rgyud las/ gleng gzhi'i le'u ste dang po'o// // de nas bcom ldan 'das dpal rdo rje sems dpas yang phyag 'tshal nas/ bcom ldan 'das dpal chen po/ bdag med gnyis med rnam par dag pa'i lam// gang la brten te bsgrub par bya// yang dag pa yi gtso bos bshad du gsol// zhes bcom ldan 'das la zhus pas/ bcom ldan 'das dpal kun tu bzang pos don thugs su chud nas bka' stsal pa/ dam pa'i dge bshes la brten te dang sems bskyed/ rgyu lam de bgrod rim zhugs 'bras rnyed tshe// gnyis med bde bar phyin phyir de bzhin no// mi g.yo'i rang bzhin gnas pa'i chos nyid de// stong pa nyid de stong pa'i yul la gnas// brtags na mngon sum mi gnas rnyed mtha' med// lam la ltos pa'i gnas med bsam dang bral// rang bzhin nyid las yid mi 'jog pa ni// bdag med sman chen gtong ba'i slob dpon de// dge bshes kun las 'byung ba'i rin po che// bdag dang gzhan du bral ba'i ston mkhan nyid// gzhan nas ma byung rang rig byang chub sems// dpe'am tshad

  439. 220b

    mas gzhig tu yod ma yin// ye shes 'byung 'jug zad pa'i rmugs pa nyid// dad pa'i dad pa sems bskyed yin par ni// dri med de bzhin gshegs pa rnams kyis gsungs// nyid kyis brjod pa bya ba brjod pa yiyi// rgyud drug 'gro ba rnams su snang ba yang // bdag rtog pa yi 'khrul pa dag la snang // dad pa'i lam las gud na yod ma yin// mtshams med mi dge sdig sogs sna tshogs pa// kha na ma tho 'jig rten 'di sangs te// gnyis med yongs su grub pa'i chos kyi rtsis// byang chub tshogs rdzogs chos las gzhan min no// dngos med chos kyi rang bzhin yin pas na// gzugs sgra dri ro reg bya la sogs kyang // bya byed lhun grub snga ma de bzhin las// gud na yod pa ma yin bdag nyid che// snying po byang chub mchog ste rtag par bzhugs// byang chub sems rtsal chen sprugs pa'i rgyud las/ chos thams cad kyi de kho na nyid rtogs par bya/ ba la rim gyis rtogs par bya ba dang / de nyid kyi don la cig char 'jug pa'i le'u ste gnyis pa'o// // de nas bcom ldan 'das dpal kun tu bzang pos brjod par bya ba ched du brjod pa/ bya ba don la mi gnas gnyen pos bcos su med// ma byung mi rtog kun tu ji bzhin gnas// gzung ba'i yul med sems kyi gnas kyang med// gnyis med bde chen sangs rgyas kun spyod la// theg gsum 'khrul par

  440. 221a

    btags pas ci zhig bsnyad// ye shes gzhir gyur mi rtog ting 'dzin 'das// rnam pa cir mi rtog pas byang chub snying po la// bzhugs pas gnyis med ting 'dzin rgyal po thob// mi dmigs dmigs pa med pas chags gnas med// mngon sum nyid du brtag med de bzhin nyid// sangs rgyas sems can gnyis med rgyu 'bras med// lam gyis bcos su 'di la ga la yod// thams cad mnyam gnas snying po'i rang bzhin las// gza' gtad yul la drang srong bsgom yid 'jog/ sgom las ma 'khrul rang bzhin rtsal chen sprugs// byang chub sems rtsal chen sprugs pa'i rgyud las/ don la blo gzhag pa'i thabs bstan pa'i le'u ste gsum pa'o// // de nas bcom ldan 'das dpal kun tu bzang pos brjod par bya ba'i don nyid kyis brjod pa/ bdag med ma bcos phyi nang rnam par dag/ ji bzhin mi bskyod mi skye gags pa med// dmigs pa'i yul bral bsngo ba'i dmigs pa dag/ sangs rgyas phyi nang med pas sangs rgyas med// sdom 'dul dam tshig chags pa'i nad yin te// 'da' dang mi 'da' dam tshig las 'das med// bsrungs kyang bde la rgyab phyogs nyams pa ni// sa bum bam rtsag rtsar yang bcer bcug kyang mthar 'jig tshul// phyogs bcur brtse ba'i rgya chad blang dor med// mi 'gyur yangs pa'i snying pos kun la

  441. 221b

    khyab// ye khyab gnas pa'i sman chen ma byas na// mtho ris bgrod pa'i don des zin pa ni// thar pa'i dus med mchil pas nya zin 'dra// ltos pa'i chos bral bdag med gcig pu pa// mi len mi spang kun tu rang bzhin gnas// btsal bas rnyed pa'i yul med stong pa'i snying // rtsol 'dod ri dwags smig rgyu bsnyeg pa 'dra// lhun rdzogs rang byung che ba'i yul la gnas// med pa ma yin med pa'i snying po 'byung // gnyis med nyid kyang tshig gi mtha' dang bral// spyod pa las 'das sdom rtsol kun las 'phags/ byang chub sems rtsal chen sprugs pa'i rgyud las/ lhun gyis gnas pa dam tshig gi le'u ste bzhi pa'o// // de nas bcom ldan 'das kun tu bzang pos/ ting nge 'dzin gyi don brjod par bya ba ched du brjod pa/ bsam 'das bsam med don la bsam par bya// mdzub mos zla tshes mtshon mthong ji bzhin du// med pa'i snying po las ni yod pa 'byung // 'du shes bcom pa snyoms pa'i mtshan nyid de// byis pa yid spyod phyag rgyar 'dzin pa las// bsam pa'i ting 'dzin bcom pa'i ting 'dzin 'phags// nyid kyis nyid la brjod par byas pa ni// rang byung che ba'i sku nyid ji bzhin gnas// kun tu khyab pas bsnan pa'i chos med de// ye shes lhun rdzogs dbyings nyid dpag tu med// brtags kyang mthong med ye nas rnam par dag/ gtsang sme med par

  442. 222a

    bza' dang sdig sogs spyod// dug gsum dug lnga'i snying po 'bar byed pa// ltos med rtsal chen 'di yi dam tshig mchog/ mi dmigs rtsol ba las ni 'das pa yi// rang bzhin der mi bzhag ste 'dres par bya// ma 'thungs chu yis skom la mi phan bzhin// lce yi tshig de don du ma shes na// nad gang phan pa'i sman dang nad pa dag/ 'grogs kyang khong du ma btang mi 'tsho 'dra'o// byang chub sems rtsal chen sprugs pa'i rgyud las/ bsam gtan ting nge 'dzin dang rdzogs pa'i rang bzhin dang / de shes par bya dgos pa'i le'u ste lnga pa'o// // de nas bcom ldan 'das dpal rdo rje sems dpas bcom ldan 'das kun tu bzang po la thal mo gdong du bzung nas cang mi smra bar pus btsug tu 'dug pas/ bcom ldan 'das kun tu bzang pos nyid la nyid brjod pa/ ngo bo nyid kyi gzhi rtogs ma nor lam// ci yang mi mnos pa yi chos spyad nas// bdag gzhan med pa'i 'bras thob ste// rtag tu bdag gzhan med pa'i 'bras bu thob// bdag gzhan thams cad cir yang mi mthong ngo // du bas me mtshon bzhin du de yang bral// bden// bzhin du rnam shes mi g.yo zhing // sems rgyun skye ba med pa'i theg chen po// mi bden pa nyid ma skyes par shes na// mi bden rgyun bcad bden pa nyid la gnas// sems la sems med par ni shes gyur

  443. 222b

    na// sems de la ni gcad du ci'ang med// da ltar gyi ni rnam shes mi skye zhing // sems la sems med par ni shes 'gyur te// chos la chos med par yang shes pa ni// sangs rgyas thams cad dam pa de gsum spyod// snying po 'byung bas chos sku gzhan na med// spyod med spyad las 'das pas spyod pa'i mchog/ de la snying po 'byung ste chos kyi sku'o// gzhan du don smra mu stegs 'khrul pa'i lam// skom pa chus gdungs smig rgyu bsnyegs pa 'dra// byang chub sems rtsal chen gyi rgyud las/ spyod pa'i rnam grangs so sor bstan pa'i le'u ste drug pa'o// // de nas bcom ldan 'das kun tu bzang po nyid kyis ched du brjod pa 'di brjod do// mi gnas mi dmigs mi 'gyur byang chub sems// mngon sum mi gnas thabs kyis de la rol// ston pas bshad pa don gnyer rung ma yin// thos par mi rigs mnyan po'i tha snyad bral// chos dang chos min 'dres pa'i thig le 'di// lhag pa'i don yin pas na bshad du med// ji ltar grib ma bzung bar 'dod pas kyang // lcags kyus bzung ngam snod du byas nas kyang // gzugs brnyan grib ma gzugs la dag pa bzhin// sku yi phyag rgya spro bsdu gsal 'gyur ba// ting 'dzin brtan pas ji ltar bzung gyur kyang // chos kyi dbyings la ye nas rnam par dag/ rtog dpyod byis pa'i chos las 'dzin pa

  444. 223a

    de// 'khrul te byang chub rtog pas thob pa med// sangs rgyas ston pas chos rnams bshad pa ni// so so'i don rnams ji ltar 'dzin gyur kyang // de nyid mi 'thob don chen nyid la dag/ de phyir don 'di rnyed par ma gyur na// ston pas bshad pas 'di yi gting mi rnyed// kun tu 'od sa mi non 'tshang mi rgya// rgyu ma mkhan gyis sgyu ma sprul byas kyang // skad cig tsam yang yod ma myong ba ltar// ston gsung tshig/ las sangs rgyas mi 'byung ba'i// sku bzhin skad cig tsam yang 'grub mi srid// byang chub don la 'khrul pa de dag ni// don med tshig bsrung chos la ye rngam za// blo 'chal tshig sgron blo la 'od 'bar bas// bde ba chen po'i don 'di ga la spog/ ye shes snying po mthong bya'i stegs tsam du'o// byang chub sems rtsal chen gyi rgyud las/ rang bzhin ngo bo de kho na nyid ma mthong na sangs rgyas par bya ba'i thabs med pa'i le'u ste/ bdun pa'o// // de nas bcom ldan 'das dpal kun tu bzang pos nyid kyis nyid la ched du brjod pa// e ma ho chen po lnga rod dag pa'i chos// bdag gzhan mi 'byed rgyu 'bras yongs kyis rdzogs// tshig gi don gser nor bu rin po che// gzhan nas btsal bas mi rnyed rang la gnas// yangs so che'o chos rnams rkyen gyi rtse// bzang ngo zhes sems nyid rnam par dag/ theg pa'i 'bras bu nyid de rtsa ba'ang

  445. 223b

    yin// snang med chos kyis ma zin gang yang med// blang dor bzang ngan mi 'byed bzang po'i mchog/ dmyal rgyu'i skyon gyis mi gos pad+ma'i sgra// sdig spyad byang chub chen po'i lhun la dag/ tshogs chen gnyis rol bsod nams rgyas pa'i skur// 'di ma mthong bar sangs rgyas 'dod pa ni// dmigs bu med par long bas don bgrod kyang // gnas su mi son grogs ga 'chi bzhin no// byang chub sems rtsal chen gyi rgyud las// nyid kyi bshad pa'i rgyud kyi dngos po la rngams pa'i le'u ste brgyad pa'o// // de nas bcom ldan 'das dpal rdo rje kun tu bzang po nyid cang mi gsung bar bzhugs pa la// rdo rje 'dzin pas bstod pa/ bcom ldan 'das kyi snying po dpe med sku// rnam grol zag pa med pa zla gsal 'dra// mgon po mchog nyid dpa' bo don ston pa'i// dpe med don 'dzin khyod la phyag kyang 'tshal// lam med lam dang bral ba'i snying po'i mchog/ ye nas dag pa'i chos la phyag kyang 'tshal// 'di don gus pas sangs rgyas sras rnams la'ang // don 'dzin dpa' bo bzhin te phyag kyang 'tshal// chos lam de bzhin gsal ba'ang bzhin phyag 'tshal// 'chad dang 'dri dang kha ton don bsgom zhing // 'dus shing 'dzin pa la'ang bzhin phyag 'tshal// de nas dpa' bos rgyud gtad pa'i don/ bdag dang dbyer med rgyal ba kun gyi thugs// de bzhin mchog

  446. 224a

    gis sa la bzhugs pa la// snying po sangs rgyas thams cad bskyed mdzad pa'i// gsang ba'i thigs pa 'di ni bshad bya'i phyir// de bzhin mchog gi snod chen bzer bar mdzod// byang chub sems rtsal chen gyi rgyud las/ rgyud kyi bdag po la bstod pa dang / rgyud la bstod pa dang / gtad pa'i le'u ste dgu pa'o// // byang chub sems thigs pa ltar spyod pa dam tshig dang ting nge 'dzin rtsal sprugs pa'i rgyud rdzogs so// shrI sid+ha dang be ro'i 'gyur// 'di mi gnas yul med kyi le'u nyer gnyis pa khrung chen gyi rgyud yin// de nas bcom ldan 'das dpal rdo rje sems dpa' la sogs pa rnams kyis shin tu gus pas phyag 'tshal nas/ bcom ldan 'das dpal kun tu bzang po rnam par grol pa'i lam la bzhugs so// bde bar gshegs pa legs so zhes bstod de/ cang mi smra bar 'khor rnams 'dus te 'dug go// de nas bcom ldan 'das dpal kun tu bzang po nyid kyis nyid che ba'i lhun la bzhugs te brjod pa/ dmigs pa'i yul med mi rtog chos kyi lam// mi gnas thig le ji bzhin nyid kyi ngang // rang byung ye shes kun tu ji bzhin gnas// yul la mi gnas gnyen pos bcos su med// spyod bzhi'i don tshol khyad par don med pas// gzugs med chos kun bsgom du ga la yod// sems ni gzhi ste chos rnams sna tshogs lam// mchog tu

  447. 224b

    stong pa de bzhin chos la gnas// gnas dang mi gnas rang bzhin nyid kyi lam// ji bzhin nyid du bsgoms pas rnyed mi 'gyur// chags pas grol ba 'di la 'dod pa min// dbang po rno brtul chos lam 'dzin pas kyang // rnyed pa'i yul med snying po mi 'byung zhing // dpag cing gzhal bas 'di la dpogs pa min// nam mkha'i mtha' bzhin gang yang thog pa med// stong pa'i stong pa nor bu rin chen bzhin// dmigs pa med cing 'gyur bar mi byed par// rang bzhin gnas pas re ba thams cad skong // brtag med bzhag na legs pa'i 'byung ba che// dran dang zhi ba 'byed med snying rjes bstan// bla med byang chub snying por 'gro/ ba'i lam// de lta'i yul med sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du btags pas nor// sangs rgyas gzhan nas thob byed nor ba'i lam// rang rig byang chub sems nyid sangs rgyas sku// gzhan gyis nor min ye nas gnas pa yin// bde ba 'dod pas bde la rgyab kyis phyogs// ma g.yog nang du btsal ba'i gnas med de// yul phyir chags shing yul la bsngo ba'i dmigs pa med// khyung chen nam mkhar lding ste 'gro ba bzhin// rang bzhin spro ba med cing bsdu ba med// rgya mtsho chen po bzhin du ye gnas la// chos rnams sna tshogs ma lus 'byung bar

  448. 225a

    byed// kun tu bzang po'i spyod yul dag pa la// skye zhing 'pho ba'i gnas med de bzhin nyid// bshad pa bzhin du brtags pa'i chos kun las// rnyed par mi 'gyur nang gi sems las btsal// 'khrul pa rnams kyi sgo tsam nyid du ni// tshig dang yi ger ston pas bshad pa yin// rang rig byang chub snying po chos kyi dbyings// chos dbyings gzhan nas mi rnyed de bzhin nyid// mkhas pa rnams kyis de bzhin shes par gyis// byang chub kyi sems khyung chen gyi rgyud las/ sems las ma gtogs pa'i chos gud na bstan du med pa'i le'u ste dang po'o// // de nas bcom ldan 'das dpal kun tu bzang pos nyid la nyid brjod pa// mi gnas dmigs pa'i yul med mi rtog chos kyi lam// bsngo ba'i cha shas phra mo yul las byung ba ste// rtog bsgom chos kyi khyad par don med pas// rang byung ye shes mi rtog kun tu ji bzhin gnas// bya bral yul la mi gnas gnyen pos bcos su med// lhag pa'i don med 'di yi rang bzhin las// snying po'i rang bzhin 'byung bas chos sku gnas// mngon sum kun tu mi rtog yangs pa'i snying po la// rtag tu 'dug par 'dod pa'i drang srong nyid// rnam dag lam der zhugs pas mnyam pa'i rgyal po 'thob// gang la thos par mi rigs bsnyad pa kun dang bral// chos dang chos min 'dres shing dbyer

  449. 225b

    med la// don dam chos zhes lhag pa'i gnas zhes bshad pa'ang med// 'khrul dang byang chub lam de rtog pas 'thob pa'ang med// byang chub lam chen tshig gi mtha' las 'das// 'di dang sangs rgyas 'dra ste thams cad mkhyen// mi phyed rtog par zhugs phyir bsam pa kun dang bral// de nyid de bzhin nyid la rtag tu bzhugs pa yin// lam med lam du 'jug pa 'khrul pa'i nad che bas// btsal bar 'dod pas ri dgas smig rgyu bsnyeg pa 'dra// rnyed pa'i yul med btsal bas mi 'byung zhing // gang la'ang ma chags ye shes dbyings 'das phyir// sa bcur ltos pa'i gnas kyang byang chub sgrib pa yin// de phyir byang chub nyid la rtag tu gzhol bar bya// mi gtang byang chub nyid kyi dran pa shin tu bskyed// mi g.yo rang bzhin gnas pas sman chen ma byas na// mtho ris bgrod pa'i rgyu des nyon mongs zin par 'gyur// lam med lam du 'jug pas lam 'di mi rnyed de// chus gdungs glang chen smin rgyu bsnyeg pa 'dra// bskal par bgrod kyang rnyed par rab tu dka'// byang chub kyi sems khyung chen gyi rgyud las/ yang dag pa'i don 'dis ma zin na sangs rgya bar bya ba'i thabs med pa'i le'u ste gnyis pa'o// // de nas yang bcom ldan 'das kyis nyid la nyid kyis brjod pa// dkyil 'khor snying po 'di ni sku rnams bzhi// phyag rgya'i dkyil 'khor sku la

  450. 226a

    ye nas rol// thams cad ma lus rdzogs pa'i klong chen 'di// blta ba'i yul med bya bral mya ngan 'das// nam mkha' la ni sa chu me rlung rdzogs// ye shes snying po 'di la chos rnams ma lus rdzogs// sku dang ye shes yon tan shar ba rnams// nyid las byung ba'i gzugs brnyan yin pas de// blo la gang snang snying po'i gol sar gsungs// bla med mchog la rang rig de bzhin pa// mi bsam mi g.yengs mi dmigs de bzhin nyid// dam par mi gsung de bzhin de bzhin bzhag/ brjod bsam rtog pa yin pas bsam mi bya// grub mtha' mi dpyod de bzhin de bzhin nyid// mtha' med yang dag mtha' ste/ mtha' las 'das// yul du mi blta de bzhin de bzhin gzhag/ gzhag pa'i sems kyang mi gtang btang snyoms gzhag/ phyag rgya stong gzhi la bsgom pa gol ba yin// mi gnas gnas pa'i yul med phyag rgya'i mchog/ yul med ji bzhin ngang la brtson par bzhag/ blun pa'i tshul du ci yang bsam pa med// kun tu bzang po'i dkyil 'khor snying po nyid// thams cad ma lus sbyor ba'i thig le che// rgyal po'i tshul du che ba'i nga la gnas// gzhan kyi 'khor ldan kun rdzob 'du 'bral med// rgya mtsho'i tshul du sdud 'byung gting dpag med// mya ngan 'das 'khor lhun rdzogs ngang gis 'byung // dpe med dpag tu med de shin tu zab// rdo

  451. 226b

    rje'i tshul du mi 'jig 'du 'bral med// ye shes dkyil 'khor kun dang de bzhin gnas// bskal pa'i me yi tshul du gcig tu gnas// snang srid ye rgyas btab nas gcig pur bzhugs// lhun rdzogs thabs mkhas 'khor ba'i lto ba can// khyung dang seng ge'i bu dang rgyal po'i bu// mngal nas gnyen po'i tshul du gzhan zil gnon// gnyen po ma bsgrubs ye nas gnyen po ltar// mi gnas gnas med dmigs pa med pa'i lam// rgyu 'bras mi 'byed mnyam pa'i snying po 'di// 'khor ba mya ngan 'das pa'i gnyen po yin// gnyen po ma bsgrubs ye nas gnyen por gnas// 'phur skyen bya ni sgong bcag mkha' la 'phyo// lung la mi ltos yi ges mtshon med pa'i// nye lam bde rdzogs bya bral lhun rdzogs ni// 'jug sgo lam la mi ltos ye rgyas yin// khyung chen gshog rgyas mkha' la ma chags ltar// theg pa kun rgyal bla med yangs pa'i sa// ye gnas sa la mi chags bde la lhun gyis rdzogs// khyung phrug sgo nga'i nang nas lus rgyas ltar// skye med de bzhin nyid kyi rang bzhin 'di// de bzhin thig le'i klong nas de bzhin rgyas// bya byed med pa'i chos 'di mi mthong na// kun tu 'od sa bskal par mthong mi srid// byang chub kyi sems khyung chen gyi rgyud las/ bsgom pa'i thabs de bzhin nyid dang mtshan nyid bstan pa'i le'u ste gsum pa'o// /

  452. 227a

    nas bcom ldan 'das dpal kun tu bzang po nyid kyis nyid la brjod pa// khyung chen nam mkhar mi gnas sa la mi gnas ltar// kun 'dus kun klong kun gyi yid bzhin nor// mi dmigs mi skye mi 'gag snang ba med// sangs rgyas 'tshol bar mi byed de bzhin nyid// thams cad lhun gyis grub pas bya byed bral// sa bcu mthar phyin pa nyid de 'dzin de rtogs pas// de la'ang mi gnas gnas pa'i gnas dang bral// lam med lam du 'dod pas 'gro sa 'khrul// 'bras bu thob re 'jigs pas don mi mthong // yang dag mtha' la bsnyeg pas lung dang bral// de bzhin dbyings su 'dod pas bde mi rnyed// 'dod yon nyon mongs spangs pas byang mi chub// 'khor ba rgyab phyogs mya ngan yong mi 'da'// sa dang pha rol phyin lam zad mtha' med// snang srid phyag rgyar bsgoms pas sangs mi rgya// byang chub sems lung yang dag dam pa'i lung // lung gi rgyal pos gtan la ma phab na// tshig 'chal mu cor smra bas don mi rnyed// gang la'ang mi gnas mi gnas nyid kyang 'das// smig rgyu'i chu ru bsnyeg pas chu mi rnyed// bden pa gnyis 'dzin yi ges don mi rnyed// 'phur rkyen bya'am rgyal pos phru gu ltar// gzhan gyis mi bsnyad ye nas de bzhin pas// tshad mas mi gzhig lung gi tshad ma yin// 'khrul pa'i tshad gsum rtog pa'i tshig lam

  453. 227b

    phab// byis pas bslus pa'i chos la de yod pas// bla med lam 'dir don 'di mi dgos tshad med lung // shes rab chung bas 'di la dpog cing lam bgrod byed// 'di 'dod pa la 'di mi gnas te rtog pa'i klung // yang dag mi srid byang chub gting nas med// kun khyab ye sangs rgyas te sgo phug med// tshig gis phebs par mi 'gyur 'bras thob med// khyung chen lus rgyas 'dab gshog rdzogs pa de// gzhan nas ma btsal ye nas rdzogs pa ltar// rdo rje skye 'jig med par rtogs pa de kho na// 'jug lha srung 'dzin phyin rdzogs sa rdzogs shing // phyag rgya'i dkyil 'khor sku rnams rdzogs pa dang // rang bzhin nyid kyis ye nas rdzogs pa las// btsal nas bsdus te rdzogs pa ma yin pas// lhun rdzogs tha snyad med pa'i byang chub ste// gzugs sku ji ltar snang yang rang bzhin rdzogs// kun rdzob snying po 'di ni nor bu'i tshul// 'di ma mthong ba rgya mtsho gang+gA yi// 'gram na 'dug pa skom drir 'chi bzhin no// rnam par mi rtog ye shes snying po 'di// theg pa yongs kyi chos la ma sbas shing // sangs rgyas gsung gi rgyud la sbas pa med// bgrod rtsol lam la sbyangs pas rnyed mi 'gyur// mi len mi spang byang chub spyod rnams la// rnam pa kun tu rang bzhin ji bzhin gnas// mi rtog ye shes dbyings las 'das pas na// kun mnyam dbyer med rang bzhin snying

  454. 228a

    po la// sku dang ye shes ting 'dzin brtag mi bya// dmigs pa'i gza' gtad zhi ba'i byang chub la// ye shes rol pas chos nyid bsgom mi bya// ting 'dzin ro la chags med thig ler dag/ gar sna bas rol mo sna tshogs bsgyur ba yang // lus las ma gos gzhan gyi yid sdud ltar// thabs kyi rgyal po lung gi snying po 'di// ngo bo nyid las ma g.yos kun gyi 'bras// bsgrubs pas grub pa'i 'bras bu kun yid tshim// byang chub kyi sems khyung chen gyi rgyud las// ngo bo bstan pa dang / tshad mas gzhig tu mi rung ba bstan pa dang / lhun gyis rdzogs par bstan pa dang / rtag tu med par bstan pa dang / kun gyi 'bras bu bstan pa'i le'u ste bzhi pa'o// // de nas bcom ldan 'das dpal kun tu bzang pos/ nyid dang dbyer med pa'i 'khor rmad du byung ba la nyid kyis brjod pa// sgrib pa snod dang chos spang las kyi sgrib phra rags// rten cing 'brel par 'byung bas 'di yi gting mi rnyed// mtshan nyid gsum ldan chos kyi tshogs kyang dag par 'gyur// bdag med rnam pa gnyis kyi tshig gnyis ye nas zhi// snying rje'i rgyun chad sems can ma mthong sems can med// thams cad mnyam pa nyid yin rdo rje sems dpa' nyid kyi sku// gnyis med de bzhin nyid du gcig pa'i chos nyid yin// rdos pa can gyi chos nyid gnyen pos bcos su med// ting

  455. 228b

    'dzin brtan pas gzung ba'i bsgom yul bral// shes rab gsum gyis spyad du 'di la ga la yod// thams cad mnyam pa'i dkyil 'khor kun gyi rang bzhin la// rang byung ye shes de la 'phyo ba yin pa ni// so so ma yin gcig gi ngang ste rgyu 'bras rnam par dag/ thugs rje bzhin du byin gyis rlabs chen nyid gyur pas// thams cad byang chub chen po mchog tu ma gyur med// sdom rtsol 'dul dang dam tshig bsam yas pa// mi shes byis pas bslad pas 'khrul pa yin pa'i phyir// ci yang mi dgos bsrung ba mi dgos bsgom mi dgos// 'di la spyod pa mi dgos 'di las gzhan mi dgos// stong nyid bdag med ye mkhyen rang rig thugs nyid de// thams cad nad gso mdzad pa sman pa'i rgyal po yin// mtho ris bgrod pa'i rgyud des byang chub lam mi rnyed// dug gsum dug lnga ye nas dag pa'i sman chen po// ji bzhin rang bzhin gnas pa'i sman chen ma byas na// 'khrul rtog lam la gnas pa'i theg dman rnams// dug gsum dug lnga'i nad kyis 'tsho ba'i glags yongs med// ye nas sa rdzogs lam gyi 'gro sa gdod nas dag/ gdod nas thob min thob par bya ba ci yang med// tshig gis mi phebs dbyibs dang kha dog dbang po'i spyod yul min// bstan cing brtag par dka' la brjod du rdul tsam med// mi dmigs mi gnas bsam pa kun

  456. 229a

    dang bral ba ni// 'di las bstan pa'i lam med gcig dang du ma med// bdag dang gzhan du bral ba'i ston mkhan rin chen mdzod// gcig tu lhun gyis grub pa'i dbang phyug rdo rje nyid// dkyil 'khor kun gyi gtso bo bdag nyid 'di// rlabs chen khams gsum 'gul ba kun bsad kyang // rang byung mkha' klong dag pa'i dbyings su rnam par dag/ srog med srog bcad dbyings kyi nam mkhar gcig pas na// nam mkha'i dbyings la dbyings nyid rol pa mdzad// khams gsum kun bsad mi bskyod zhing du dag pa yi// srog dang sdig tu mthong ba'i chos lam gang spyod pa'i// chos lam de yi byang chub bskal pa'i mthar yang ni// rnyed par mi 'gyur bya rjes tshol ba 'dra ba yin// byang chub kyi sems khyung chen gyi rgyud las/ ci'ang thob par byar med pa'i le'u ste lnga pa'o// // de nas bcom ldan 'das dpal rdo rje sems dpa' la sogs pas bcom ldan 'das dpal kun tu bzang po nyid la spyan gzigs te cang mi smra bar bzhugs pas/ bcom ldan 'das dpal kun tu bzang po nyid kyi nyid la brjod pa// sku yi dkyil 'khor dkyil 'khor mchog tu 'gyur// de bzhin nyid du 'dus bsam ngo bo nyid// mchod bstod spyan drangs phyag rgya bzlas pa dang // phyag rgya'i skur ni 'di la bsgom mi dgos// sgyu ma'i gzugs brnyan 'di las 'byung

  457. 229b

    bas na// lo ma mi bsnyad shes pas 'bras thob min// sku 'dra'i phyag rgya lugs ma'i phyag rgya la// 'bras bu rnam par grol ba'i lam mi gnas// de yis rnam grol dag pa'i lam chen rnyed 'gyur na// mthong thos la sogs phyag rgya'i ngo bor gnas// chags yod phyir na gnas pa yod ma yin// lhun grub sangs rgyas kun kyang rgyas btab pas// thams cad ma lus kun tu bzang po'i ngang // ye shes snying po phyag rgya thams cad zung // blang dor med pa'i skyes mchog bla med sa// 'di 'dra'i don nyid byis pas mi shes phyir// ci yang mi dmigs gti mug ngang nyid 'di// 'khrul pa'i chos lam dag pa yongs mi gnas// zangs la gser rtsis gser du 'gyur rung gis// zangs rtsi gser du bsgyur du yod ma yin// 'di yi rtsi yis gzhan gyi 'bras rung gis// gzhan gyi don gyis 'di yi don mi rung // 'di ni gang dang bskrun du yod pa ma yin pas// byang chub bde chen rgyal ba'i yum zhes bya// rin chen sgrom bu theb rgyas btab pa bzhin// rang bzhin gnas pas 'di ni bstan par dka'// srid gsum dbang bskur de bzhin nyid du gnas// 'du mched lhag par gnas pa'i dbang yang rdzogs// dka' thub mi dgos snying po de ma thag pa nyid// sdug bsngal des ni bud+d+ha'i lam mi rnyed// sdom srung la sogs rtsa ba byang chub ring // gang yang ma yin rang rig de

  458. 230a

    kho yin// dka' thub spyod pa yis ni don 'tshol ba// glang po zhon nas glang rjes gcod dang 'dra'o// nang nas mi btsal nang gi rang bzhin nyid// phyi nas mi btsal phyi yi rang bzhin nyid// gci gar mi gnas gnas med gnas la gnas// gnas mchog rgyal ba'i dkyil 'khor de nyid ni// byang chub snying po'i ngo bor thams cad gcig/ gang du'ang ma song gar yang mi 'gro zhing // yul na mi gnas phyogs na gnas min te// 'di 'drar bstan du med pa'i rang rig de// byang chub snying po nyid na de bzhin nyid// gang du'ang ma song rang la rab tu gnas// bya bral nam mkha' ji bzhin lhun gnas pas// kha dog dbyibs kyis mtshon du ga la yod// yi ge rgyud med bsgom du med pa yin// byang chub kyi sems khyung chen gyi rgyud las/ byang chub sems kyi btsal thabs kyi le'u ste drug pa'o// // de nas bcom ldan 'das dpal kun tu bzang pos nyid la nyid kyis brjod pa/ bzhi bcu rtsa gnyis 'od 'bar dngos 'byung bas// thams cad kun g.yos stong gsum la sogs grags// 'byung ba lnga sogs thams cad kun tu g.yos// gsum shar gsum gyis sna tshogs ma lus sdud// dkyil 'khor 'od 'bar gsum du bsam yas te// yi ge'i 'khor lo dkyil 'khor phyag rgyar bstan// sna tshogs 'dod yon mchog tu rmad grags

  459. 230b

    pa// byed pa gtso bor dmigs pa de la 'dud// med la yod par brtags pa'i rtogs pa'i rgyun// bskal par byang chub thob dka' 'khrul pa'i lam// byis pa'i lam bzhin 'bras bur 'gyur bar dka'// mtshan ma'i yul la chags pas yang dag don// rnyed pa'i yul med chags phyir chags la gnas// snang med byang chub sems kyi thig le 'di// cis kyang bshig tu med pa rdo rje'i sku// 'khor lo rab bskor thig le gcig tu bzlums// gang yang mi 'byed mnyam pa chen po'i ngang // mnyam nyid snying po rtog pa las 'das pas// sku gsung thugs kyi snying po rtog mi byed// rang bzhin 'od gsal yi ge'i rnam par zhi// dbyings la dbyings kyi 'od ni rnam gsal bas// yi ge ming tshig 'das pa'i yi ge mchog/ stong gsum rgya chad stong nyid rnam par dag/ gang la'ang mi gnas sus kyang dngos grub nyid// gzhan nas thob med snying po de bzhin nyid// de lta de ltar gnas pa grol ba'i lam// ye sangs rgyas pas sangs rgyas bsgrub mi dgos// gdod nas byas zin rtsol ba'i las mi dgos// lhun rdzogs bde ba nyid la ye bzhugs pas// 'bras bu'i sa thob mi ltos rang bzhin pa// mnyam nyid snying po ngang gi ji bzhin la// bskyed pa'i phyag rgya mi dgos bskyed mi dgos// mi gsung mnyam gzhag gsang sngags bzlas pa'i gsung // ma chags

  460. 231a

    pa la shin tu chags pa dang // chags pa nyid na de la chags med pa// de ni chags pa'i rgyal po chen po ste// shin tu chags pa chen po yin par grags// ci la'ang mi gnas bsam pa las 'das pa// ting 'dzin bde ba'i ro la chags pa med// gzhi rtsa med pa'i byang chub sems nyid 'di// chos rnams ma lus kun gyi rtsa ba yin// kha dog dbyibs med mtshan ma rigs rgyud med// yod med mtha' 'das dbu ma yod ma yin// pho mo ma yin ma ning nyid kyang min// gang yang ma yin gang gi mthar mi gnas// mthar yang mi gnas yang dag mtha' las 'das// khyung chen mkha' lding bya lam rjes med 'dra// khyung chen gshog rgyas mkha' la mi chags tshul// bsod nams rdzogs pa'i thig ler rgyu 'bras med// rang bzhin lhun gyis grub pa'i dkyil 'khor 'od gsal bas// rigs kyi phyag rgya gsal ba bsgom mi dgos// mchog gsum chos sku'i dkyil 'khor bdag yin pas// sangs rgyas sras tshogs bcas la phyag mi 'tshal// ye shes 'bar ba'i hom khung bdag gi khar// khams gsum srid gsum ma lus kun bsregs pas// phrin las rnam bzhi bsreg pa'i las mi dgos// skye med thig les 'khor ba kun bsad de// ye shes snying pos 'khor ba kun sbyangs nas// rgyu 'bras med pa'i ngang du ro gcig

  461. 231b

    pas// gnyis med sbyor ba 'di la bya mi dgos// phyogs bcur rgya chad stong gsum ye nas med// srid gsum ma lus ye nas dag pa'i zhing // ji bzhin btsan pa'i ye rgyas kun la btab// kun bzang brdal ba'i zhal bzang yangs pa yin// khams gsum snod bcud ma lus dus gcig gsol// 'khor ba'i ming med dpe med chen pos bsgral// sangs rgyas sems can byang chub chen por 'khyil// thams cad kun bsgral grol ba'i lam gnas pas// gnas sbrang sbyor sgrol phrin las bya mi dgos// byang chub kyi sems khyung chen gyi rgyud las/ ma hA yo ga'i rtsol bsgrub la tshi chad de bya mi dgos pa'i le'u ste bdun pa'o// // de nas bcom ldan 'das rdo rje sems dpas/ bcom ldan 'das dpal kun tu bzang po la/ e ma ho de bzhin gshegs pa'i gtso// the tshom thams cad gcod mdzad che ba'i mchog/ chos kyi chos nyid de bzhin nyid// bcom ldan 'das kyis bshad du gsol// de nas bcom ldan 'das dpal kun tu bzang po nyid kyis nyid dang dbyer med pa'i dpa' bo rdo rje 'dzin pa la bka' stsal pa/ gang yang shes par ma gyur cing // ci'ang shes pa med pa ni// rnam pa'i de bzhin ma yin de ma yin// gzhan nas yod 'ong ma yin de bzhin nyid// ye shes mi gnas pa'ang de nyid yul yang med// rtag mtha' mi rtag mtha'

  462. 232a

    gnyis 'jig pa'i lam// mtha' med mtha' la dpyod pas dbus mi mthong // bsam gtan bsam gtan gnyis la 'jug pa'ang // 'byung 'jug las sgo gzhan zad cig char 'jug/ dbang po brtul po ma rabs rim gyis 'jug/ dam pa cig char de bzhin nyid gnas pas// rim gyis gnas pa sgrib pa chen por gsungs// dug gi rigs shes pas ni dug mthong na// za bar mi byed de yis skrag par byed// khong du mi gtong lhan cig gnas mi byed// lha ngan la spyod zhib pa'i theg dman rtags// sa bcu pha rol phyin bcu'i lam spyod pa// rgyu 'bras lhun grub mnyam nyid mchog gi lam// ye grol mnyam gnas sgrosgo skur zhi ba yi// ye nas byar med 'di yi don mthong na// 'jug par mi nus 'di yis skrag 'gyur nas// chud par mi byed lhan cig 'grogs mi byed// 'di la lta ba bzang ste ye khyab kun la gdal// spyod pa zab ste chus gdungs glang 'thung bzhin// ci la'ang mi spyod de bzhin bde bar gnas// phyi dang nang med ye shes yangs pa'i mkha'// dus gsum dus med gcig ste khyad par med// sngon med phyis med gdod nas dag pa yin// lta bas bltar med lta ba'i tshig las 'das// yid kyis 'jog med sgom pa chen po'i klong // gdod nas dag pa'i bdud rtsi de ltar gnas// rnam rtog 'khor ba bcad pa de yi las// rgyu

  463. 232b

    'bras ro gcig mnyam gnas mchog tu gnas// gang na'ang mi gnas byang chub sems la gnas// rgyu dang rkyen las ma byung skye shi med// rang bzhin 'od gsal bdud rtsi chen po 'di// su yis rtogs pas dngos grub chen por gsungs// mchog gi dngos la mchog gyur gang gnas pa// rgyal mchog lhun gyis grub pa'i dngos grub pas// lha klu mthu chen rnams kyis 'phrog tu med// 'jig rten 'das nas 'jig rten 'di nyid kyi// dgos pa thams cad 'di las 'byung bar 'gyur// 'jig rten dngos grub la sogs ci ru rung // dngos grub gzhan la bdud rtsi med par grags// ston pa thabs la mkhas pas bshad pas kyang // dngos grub 'di ni ster bar ston mi dpyod// sangs rgyas nyid la'ang 'di ni mnga' ba med// de phyir sangs rgyas kyis kyang 'di ni ster mi spyod// bsam gtan brjod med mchog gi bdud rtsi 'di// phal gyis mi thob ris su chad med de// rnam pa can la shin tu gsang bar 'gyur// blta yang mi dgos lta ba mchog tu grags// ci spyod mi rtog skye ba 'di yi don// nyam nga skyon gyis mi sgrib 'di yi lam// gtsang sme'i blo rtog bor nas don la bsnyegs// ma sring kun sbyar mtshams med kun spyod cing // cha shas phra ba'ang ma rig nyan thos ni// shin tu gsang ba 'di ni dam tshig mchog/ chu srin rdzas 'dzin tshul du mi gtong

  464. 233a

    na// khyad par gyur pa'i bdud rtsi mchog nyid grub// byas zin bde ba lhun gyis grub pa yi// nye lam bde rdzogs lhun grub pa yis// blo 'chal 'di ltar don la mi spyod pa// mching bu byi dor byas kyang rin chen min// sol ba sgeg par byas kyang tsan+dan min// seng ge'i skad kyis gzhan zil gnon pa dang // nam mkha'i khams nas thams cad 'byung ba bzhin// ma mnan ma byung ngang gis rang bzhin 'byung // byang chub kyi sems khyung chen gyi rgyud las/ theg pa chen po la 'jug pa'i thabs dang / zhugs pa la skyon med pa dang // bdud rtsi bstan pa'i le'u ste brgyad pa'o// // de nas bcom ldan 'das dpal kun tu bzang po nyid kyis nyid la brjod pa/ skye bo mos pa'i nyon mongs de nyid ni// sems kyi tshul khrims yin pa rang smra zhing // chos rnams kun gyi de bzhin nyid kyang de nyid yin// gzhan na med de de nyid de lta'i ngang // sems can sangs rgyas gnyis kyi ngo bo nyid// gcig min tha dad min te brtag par dka'// nyon mongs lnga nyid byang chub chen po'i lam// gzhan gyis ma bslad de nyid de ltar yin// shes rab thabs med shes rab thabs bsam yas// ci'ang ma yin thams cad kun gyi sku// ngo mtshar rmad byung e ma ho khyad par can// nyid la nyid kyis yang dag don bshad pa// sems can don du ma gsungs

  465. 233b

    sangs rgyas cir bstan to// e ma ho sangs rgyas dam pa nyid la rol pas kyang // ngo mtshar rmad kyi chos 'di gtad mi bya// rtag pa chen po rtogs par rol pa che// 'di la gnas pa'i skal ldan legs pa che// 'di la spyod pa'i skal ldan spyod pa bzang // 'di la blta ba'i skal ldan blta ba bzang // 'di la gnas pa'i skal ldan 'dug sa bzang // lam 'dir 'gro ba rnams kyis rnams rdzogs// pha rol phyin bcus rnams ye nas dag/ 'dug sar 'dug pas sangs rgyas sa la gnas// gar du'ang ma phyin de bzhin nyid kyi ngang // nye lam 'di las bde ba'i nye ba med// gang yang ma bsgrubs 'bras bu'i ngo bo nyid// re mdzes ngo mtshar che ba'i gnas chen 'di// bdag nyid chen po skal ldan nyag gcig las// sus kyang 'di nyid rig par dka' ba'i phyir// nyid la nyid kyi bstan pa ngo mtshar che// rgyud kyi rgyal po chen po rgyas pa'i sgo// byang chub kyi sems khyung chen gyi rgyud las/ chos nyid kyi don bstan par dka' ba dang / nyid la ngoms pa'i le'u ste dgu pa'o// // de nas bcom ldan 'das chen po rgyud kyi don bshad pas mnyes par gyur to// mnyes nas rgyud kyi bdag po la bstod pa/ dpal gyi sku mnga' bcom ldan nyag gcig gtso// bzang po bla med chen po'i don mdzad pa// don chen khyad par 'phags pa rgyud kyi don// nyid kyis nyid

  466. 234a

    la bshad byas re mdzes mchog/ yang dag nyid kyis yang dag nyid gsungs pa// yang dag nyid la snang ba'i mchog gi don// rgyal ba thub pa khyod la phyag kyang 'tshal// dpa' bo thar lam ston mdzad khyod nyid la// yang nas yang du 'dud cing phyag kyang 'tshal// e ma ho re mdzes ngo mtshar che ba'i don// sangs rgyas gsungs pa ma yin bdag med chos// rgyu 'bras gnyis zad rnam grol dag pa'i sgra// zla rgyas sku 'dra'i sku la 'dud par bgyid// dam chos bdag med rnam par dag pa'i chos// dpal gyi thugs las gsung du rab tu bsgrags pa yi// dri med gsung mchog khyod la phyag kyang 'tshal// 'di 'chang klog dang kha ton sems pa yi// rgyal sras 'khor bcas gang yang 'di 'dzin pa'i// skal ldan nyag gcig de la bzhin phyag 'tshal// de rjes blta zhing de bzhin gang 'chang ba'i// ma rabs tha mal pa la sangs rgyas su// blta zhing blta zhing de bzhin phyag kyang 'tshal// 'di la gang mos khwa dang khyi la sogs// de yang sangs rgyas nyid de kun las 'phags// 'phags rgyal khyed rnams la ni de bzhin bzhin phyag 'tshal// mchog gsum mchog tu gyur pa'i rgyal po la// khyad par bstod pa re mdzes don dang ldan// de nas rgyud kyi bdag po la gtad pa// chos 'phags chos rgyal bla med snying po 'di// yongs la khyab pa'i khyad par mdzes pas

  467. 234b

    na// thugs kyi gzer bskyed dam la rnams kyi don// yang dag bstan pa de la ye nas gnas// sangs rgyas sa la rtag par bzhugs pa yi// lhun grub mchog la 'di yis bzhag par byas// byang chub sems kyi ga bu klong chen du// sangs rgyas sems can ma lus bsrel te zhog/ byang chub kyi sems khyung chen gyi rgyud las/ bdag po la bstod pa dang / chos la bstod pa dang / de 'dzin pa la mchog gsum gyi tshul du bstod pa dang / rgyud gtad pa'i le'u ste bcu pa'o// rgyas pa chen po byang chub sems khyung chen gyi rgyud rdzogs so// // shrI sid+ha dang be ro'i 'gyur// // rdo rje sems dpa' nam mkha' che rgyas pa yi ge med pa'i rgyud/ rgyal po'i rgyud du gsungs pa/ yi ge med pa 'di gsungs pa'i tshe na/ nyid dang tha mi dad pa rnams/ sngon ma thos pa 'di zos pas skrag par gyur te/ de nas rdo rje 'dzin pa la sogs pa 'dus pa rnams dang / sems dpa' dang / sems ma dang / sgo ba dang / sgom dang / dam pa'i sgo srung gshin rje gshed po la sogs pa dang / bcom ldan 'das dpal mi bskyod pa la sogs pa dang / btsun mo rnams dper na til gyi gong bu bzhin du khyab par gnas so// de nas 'khor rnams kyis zhu ba zhus pa/ de bzhin gshegs pa nyag gcig gi// thugs su chud pa'i don mchog de// gzu bo chen pos bshad du gsol// mtshan ma

  468. 235a

    rnams ni spangs pa yi// thabs mchog dam pa bshad du gsol// yi ge med pa bshad du gsol// yi ge med pa las gleng gzhi'i le'u ste dang po'o// // de nas bdag po'i mchog rnam par snang mdzad kyi skur byung nas/ bkag par ma mdzad 'dzum par mdzad// 'khor gyi don de thugs chud nas// rigs kyi bu khyod ces gsungs te// khyed rnams legs par mnyan 'dod na// rgyud 'di shin tu brtag dka' ste// mtshan ma kun dang bral bas so// dpa' bo chen po 'joms pa ni// shin tu bzlog par dka' na yang // red pa'i tshul gyis rnam par sbyang // 'dun pa dang po skyes pa yang // shin tu bzlog par rab tu dka'// de nas 'khor rnams kyis mgrin gcig tu don zhus pa/ bde bar gshegs pa'i don rtogs pa// mtshan ma med pa don gyi mchog/ yi ge med pa'i don ma 'tshal// bde bar gshegs pa yi ge med// gang zag nongs pa yi ge can// bdag cag mtshan ma las ldog pa// rtags rnams lnga nas grol bar chad// de nas thams cad mkhyen pa des// bka' yi don dam yi ge med// gsungs pa las ni ma log pa// dang por rgyud la blo sbyangs pa// bar du bsam pa zag chod pa// yang na yang rab blo yi rtsal// don dam mgo smos go ba dang // thabs ma nor bar bslab pa dang // de la ta kyi nyid du snang // kha gsal bla blo

  469. 235b

    tshogs la'o// don dam rig pa slob ma la// grol ba bdag nyid rin chen rigs// bdag po rab tu mnyes pa ste le'u gnyis pa'o// // de nas bdag po mchog gis/ ye shes kyi rig pa gsungs pa// ye shes ma bskyed dbyings ma bskyed// rang sems rang gis mthong ba ni// mtshan ma yin te don dam min// bkag pa tha ma byung ba de// sems bcos thabs ni de la rig/ spyod pa chos dbyings zad mi shes// sde snod gsum yang ma bkag ste// chos gcig ngo bo de la med// gal te mtshan ma snang ba las// ting nge 'dzin de red na ni// ma rig pa dang thar pa thob// byang chub lam dang dmigs pa gnyis// ting nge 'dzin gyi khyad par ro// bde bar gshegs pa yi ge med pa las/ ye shes rim pa'i le'u ste gsum pa'o// // de nas bdag po'i mchog la bde bar gshegs pa'i 'khor gyis zhus pa/ kye ma bde bar gshegs pa'i gtso// dam pa yi ge med pa ni// nam yang ma khums di ring khums// dog sa rnams kyang cher g.yos pa// 'khor kyang sngon ma thos pas dngangs// yi ge med pa 'di yi don// shes rab khyad par ji ltar lags// gtso bo dam pas bka' stsal pa// yi ge med pa'i shes rab ni// dmigs pa med pa'i shes rab ste// chos dbyings zang ma ma bcos la// ye shes spyi blugs skad cig mas// rang byung rig pa de yi

  470. 236a

    bcad// dbyings dang ye shes ngo ti phrad/ de bzhin gshegs pa thams cad kyi rang bzhin/ ye shes yi ge med pa'i rgyud mchog las/ shes rab dmigs pa med par bstan pa'i le'u ste bzhi pa'o// // de nas khyad par du zhus pa/ brjod med rnam par mi rtog pa// yi ge med pa'i gsung mchog 'di// sgra yi rnam pa spang slad du// bcom ldan 'das kyis bka' stsal 'tshal// yang ched du brjod pa ba ka' stsal pa/ rang bzhin gnas pa'i chos nyid de// zhi ba blang dor bral ba'o// chos kyi rang bzhin stong pa ste// sangs rgyas kyis kyang ma gzigs te// mngon sum mthong ba ga la yin// gang yang mthong ba med pa ni// de ni mthong ba chen po'o// ka yis dag pa chos dbyings so// chos kyi 'khor lo bskor ba yang // skad cig tsam yang byas pa med// de don rtogs pa dmigs med do// yi ge med pa'i rgyud mchog 'di// dper na rgyal po lta bu ste// rgyud rgyal yi ge med pa las/ rang bzhin gnas pa'i le'u ste lnga pa'o// // de nas yi ge med pa'i gtso mchog des// 'khor gyi zhu ba thugs chud nas// theg chen 'di ni sbyin pa'i gnas// byang chub snying po che yis kyang // rin chen rigs su gang ldan pas// bla ma'i kha nas shes par bya'o// lam gyi nang nas nye lam ste// thabs kyi mchog tu gyur pas na// yi ge med par grags

  471. 236b

    pa'o// rnam pa dang ni rmad grags pa// theg pa kun las 'das pa de// yi ge med par grags pa'o// 'di yi tshul ni ma shes na// yi ge med pa dbye ba med// 'di yi don dang gang ldan pa// de yis theg chen 'bras bu thob// rgyal po chen po yi ge med pa las/ bdag po mnyes pa'i le'u ste drug pa'o// // de nas bdag po'i mchog la byang chub sems dpa' dgyes pa la sogs pa'i/ 'khor rnams mgrin gcig tu zhus pa/ dpal chen 'khrul pa'i rnam rtog 'joms// rmongs pa'i mdud las thar pa'i mchog/ nyag gcig thugs chud don dam de// khyod kyis bla med bshad du gsol// de nas sems dpa' dgyes pa la sogs pa'i/ rnam par rtog pa mkhyen nas bka' stsal pa// khyed cag legs par nyan 'dod na// nyag gcig thugs kyi dgongs pa de// bshad kyis sems nyid ldan par gyis// dbyer med pa yi nam mkha' de// dang po'i tshig ni nam mkha' kun// bsam pa yin chod rung ba'o// tha ma la ni mi dmigs la// nam mkha' gzhan ni bkag pa'o// don dam dbyer med nam mkha' de// gang la bkag pa med pa ste// bkag pa med pa'i gtan tshigs so// des na yod na bkag par 'gro// med pas nam mkha'i me tog tshul// dgongs pa'i mtha' ni bkag med do// yi ge med pa'i rgyud las// rnal 'byor mthong du med

  472. 237a

    pa'i le'u ste bdun pa'o// // de nas bdag po'i mchog la yang zhus pa// mtshan ma 'di ni ming du yang // smos pa de yang 'gal lags sam// mnga' bdag khyod kyi mkhyen pa ru// blo rnams sbyang phyir bka' stsal 'tshal// khyed cag bsam pa dman pa la// zab mo'i rgyud rgyal yi ge med// gus dang bcas pas mnyan par gyis// tho rangs tshe na gcad par bya// de nas red cing goms pa ni// yi ge med pa'i yan lag yin// mdzad spyod gtad rgya dang bcas pa// rin chen rigs ni gdams byas la// bka' yi snod ni shes pa la// rgyud ni rim pa bzhin du sbyin// yi ge med pa rgyal po chen po las/ 'khor la gtad pa'i le'u ste brgyad pa'o// // de nas 'khor la gdams ngag tu gnang ba/ bsgom bsgrub kun dang bral ba yi// ting 'dzin 'di ni btsal ba dang // dang po'i 'du ba chud ma zos// bar du bsam pa zag chod pa// tha mar sems chos shes pa ste// mi dmigs pa la gang gnas pa// de ni btsal dang bral ba'o// bde bar gshegs pas gtad rgya dang bcas pa rdzogs so// // bod kyi dge slong bai ro tsa na dang / rgya gar gyi mkhan po dz+nyA na gar+b+has bsgyur cing zhus te gtan la phab pa'o// // rdzogs chen bde 'byams// bde 'byams dbyings phyug b+ha ga la// dbyer med lhun rdzogs thig le'i dbyings nyid che// bskyed pa mi

  473. 237b

    mnga' ye shes rin po che// bya ba med pa lhun rdzogs thig le che// thams cad ma bkag dbyer med bdag nyid che// skye med dbyings las thams cad skyes// don dam nyid du sems dpa' che// bsgrub tu med pas ye nas gnas// btsal du med pas mngon sum dbyings// smon du med pas rang la rdzogs// tha snyad med pas rnal 'byor bdag/ go 'phang gcod pas kun gyi dbyings// lam rnams thams cad ci spyad kyang // thig le nyid las spang du med// 'dod chags zhe sdang gti mug kyang // spang du med pas bdag gi rgyu// gti mug med pas bsam du med// rnam grangs med pas dbyings nyid klong // gzugs rnams med pas byang chub sku// thig le med pas ye nas dam tshig pas// dam tshig ming du btags pa med// 'chi ba med pas bdud rtsi'i dbyings// khyad par nyid las ye shes che// ri rab rtse la nyi ma stong shar bas// ye shes thugs kyi nyi ma gcig shar dro// shar ba nyid nas nub pa med// bsgom pa nyid nas bsgom du med// bsgom pa'i dmigs pa med pa'o// bsgrubs pas gzhan nas chos mi rnyed// rdo rje rin chen 'bar ba ltar// thams cad kun kyang de bzhin no// 'gyur ba med pas bal nag bzhin// 'gyur du btub pa bal dkar bzhin// brtags pa bal nag nyid kyi dbyings// lhun gyis gnas pas go 'phang gcod// gdod

  474. 238a

    nas dag pas pad+ma bzhin// 'gyur ba med pa thig le bde// bya ba med pas thig le bde// dus gsum med pas thig le bde// btsal du med pas thig le bde// rtsol bar 'dod las dbyings mi bskyod// dra ba med pas mu khyud med// thig le med pas thig phran bde// rtse rgyal rtogs na gnas chen bde// thogs med yongs su sbyangs pa'i b+ha ga la// dbyer med lhun rdzogs thig le'i dbyings nyid che// sku gsung thugs shar mu khyud 'khyil// rnam par dag pas byang chub sku// 'gro ba'i lam chen byang chub sku// thig le ye nas rdo rje dbyings// rdo rje nyid la 'du 'bral med// de las thig le brdal ba'i dbyings// brdal ba nyid la nub pa med// byang chub kyi sems klong yangs pa'i dkyil 'khor rdzogs so// // nam mkha'i rgyal po// bcom ldan 'das dpal kun tu bzang po la phyag 'tshal lo// nam mkha'i rgyal po ye shes kyi skal ba dang ldan pa la/ sems chos nyid du 'gyur bar tshigs su bcad de gsungs pa/ chos nyid bsam du med pas nam mkha' che// nam mkha'i bsam pa de dag kun dang bral// bsam du med pas nam mkha' de dag nyid// nam mkhar mi dmigs par yang dmigs su med// nam mkha'i mtshan nyid kun la rab 'das pa// med pas nam mkha' la yang nam mkha' med// nam

  475. 238b

    mkha' de nyid bsgom du med pa ni// brjod med nam mkha' bsgom du med las 'das// 'das pa brjod du med de mi gnas na// nam mkha'i lus med nam mkha'i sems dang bral// mnyam dang mi mnyam nam mkha' las 'das pa// nam mkha' med pas nam mkha' khyab pa med// de nyid mtshon par 'di zhes mi nus so// tshig med kun khyab sgra med tshig dang bral// dge sdig snying po med cing dbus mtha' med// dbang po rang gi bla med spyod yul bral// yul med yul la sgyu mar spyod pa'ang 'khrul// chos nyid med de tshig phyir 'brang ba'ang med// gang zag sgyu mas bkri don bden gnyis med// bag tsam gtong sems de dag g.yang sa chod// don bral de la sems med chad pa'ang med// ting 'dzin che ba'i lung de nges don che// skye 'gag med pa de nyid nyan pa yin// sems med ma skyes don med bral ba yin// don la brtson par rgyal bas gang gsungs pa// mtshon zhing rtogs par bya ba de nyid ni// tshad mar gzung phyir 'dzin pa de skyes te// de bas mtshon byed sems kyi rgyud kha 'khor// ting 'dzin bde ba'i ro la chags gnas pa// yod med rgyu la ma ltos chos nyid yin// de bas chags pa'i gnas la ting 'dzin na// zhi ba'i sa de mya ngan de mi 'da'// rang sems ma bcos ma sbyangs chos nyid de// ting 'dzin sgyu mas sbyong na sgyu ma'i

  476. 239a

    nad// rang byung ye shes dbang la mi brten pas// re zhing dogs pa'i mtha' kun rnam par zhi// nam mkha'i mtha' kun med de phyogs med na// zhi dang ma zhi med de chos rnams bral// ye nas dag dang ma dag zhi ba'ang med// zhi bas dgra med thog ma mtha' las 'das// re med thob med dogs med mthong ba'ang med// dag dang ma dag ye shes tshig mtha' bral// tshig tu 'dzin med ye nas ye shes bden// tshig dang du mar zhi bas rang bzhin med// 'di thos mi sngangs gang mos nam mkha' che// dngos po med phyir zhi bas chags pa'ang med// kun tu khyab pas rtag pa'i ngo bo bral// rtag chad dbyer med snang thos kun med do// skye 'jig 'byung phyir bdag mtha' ye nas med// sku gsung thugs dang bral bas bde ba'i mchog/ sngags dang phyag rgya bral bas nyams pa med// phyi nang sgo phug bral bas rgya che nyid// dbus mtha' kun dang bral bas snying po nyid// bde dang mi bde mnyam nyid ye nas med// 'dzin med blo ni gang du'ang mi skye na// bral dang mi bral dngos med gzung du med// sems nyid chos pas sems la sku mi mnga'// sgra las 'das pas sgra nyid ye shes te// zhi ba'i 'od gsal gdod nas lhun gyis grub// byang chub sems can don ni bcos su med// mi gnas 'gyur ba chags pa'i yul med de// mi 'gyur

  477. 239b

    sangs rgyas ye shes ngo bo med// mi 'byung mi 'jug yul med dbang po ste// mtshan ma 'jil ba'i sku med dag bstan stong // ro gcig bden dbyings su rol pa yang // dbyer med bde la chags dang ma bral na// dus gsum mnyam pa nyid kyang 'byung 'jug go// len med 'dzin dang yongs su bral bas na// dus gsum bdag nyid rdo rje sems dpa' che// kun gyi bdag nyid dus gsum dbyings mi g.yo// lta ba 'di med spyod pa'i sgyu ma 'ching // lta ba 'dis ma zin na 'khor ba las mi 'da'// phyin ci log dang ma log byang chub ste// byang chub nyid la log dang ma log med// bsam dang bral ba'i sems de nam mkha' nyid// nam mkha' 'dra ba'i sems de nyid dang bral// yod med dbu ma'ang mi dmigs brjod med na// nam mkha' mi gnas brjod du med las 'das// sems la tshig tu brjod med sku yang med// sems nyid tshig las 'das pas sbyor bas na// mngon sum mi gnas mi 'brang stong pas dben// ye shes de nyid bsam las 'das zhes 'byung // ye shes rnam par dag pas gcig phyir te// grol ba'i lam ni mtshan nyid yod ma yin// gcig dang du ma'i mtha' las 'das pa ni// chos kyi dbyings kyi mtshan nyid bkri ba med// gzugs kyi mtshan nyid med na bkri ba gang // sgra dang rtog pa'i ngang du ma grub na// thos pa lam gyi smon

  478. 240a

    lam de gang la// mi rtog chos sku gcig pas ci zhes bya// 'ja' tshon sgyu mar 'phags pa'i skur bskyed kyang // bsod nams bskyed kyang sgyu ma mi rtag na// rnam dag lam chen lhun gyis grub pa la// bsod nams med kyang grub ces rgyal bas gsungs// chos kyi dbyings na ma bskyed gcig che ba// kun tu khyab pa'i sgra med nyid las 'das// sprul pa bye ba brgya mang tshogs chen yang // bya byed dang la 'dul bar mi nus bzhin// zhi ba lta ste mngon sum rnyed dka' ba// rtog ge'i yul min 'khrul pas shes mi nus// spyod par mi spyod sgyu ma mi rtag yin// mtshan nyid nam mkha' las kyang 'das pa'o// ye nas lhun gyis grub pa'i thabs chen la// sku bcos spyod pa thabs chen ma yin te// sgyu 'chang thabs kyis bcos dang ma bral na// mi rtog thabs chen de yis ci zhig bya// mtshan nyid med pa'i chos nyid chen po 'di// chos kyi dbyings la sgyu ma'i gar bsgyur kyang // sgyu ma'i lam du rgyal bas ma bsngags kyang // mi gnas chos sku brjod med las 'das kyang // dbu ma'ang brjod du med de don dang bral// yid bzhin ye shes dbyings kyi mtha' klas pa// snang med brjod pa med pa las 'das pa'o// chos kyi dbyings las yang dag don bstan te// ye shes nam mkha'i rgyal po 'di bstan pas// the tshom med pa'i blo mchog rnams

  479. 240b

    kyis ni// gnyis med byang chub snying po rtogs gyur cig/ rdzogs so// // chos kyi dbyings las bsdus te rnam bshad pa// skal ldan skyes bu the tshom med pas bsgrub// grol zhing rtogs pa'i blo ldan rnams kyis brtson pas nyon// yang dag pa'i ye shes kyi dbyings las/ bde ba chen por rol pa a ti yo ga'i mdo'o// // bar 'dir rje btsun dam pa 'dzud/ rtse mo byung rgyal/ bcom ldan 'das dpal bde pab chen po kun tu bzang po la phyag 'tshal lo// thams cad mkhyen pa bde ba chen po'i thugs// sna tshogs kun tu bzang po rdo rje sems// dbyings dang ye shes 'du 'bral med pa'i sku// rnam dag byang chub sems la phyag 'tshal lo// sngon tshe 'das pa'i bskal pa'i mtha' ring nas// 'khrul 'khor blun rmongs mdongs pa'i 'gro ba rnams// nga dang bdag bcas mtshan mas bcings pa yis// khams gsum rgyud las 'khor ba'i 'gro don du// snyigs ma'i don la gdams pa'i gsung brjod 'di// rgyal sras gang 'dod dbang phyug skal ldan la// thugs rje'i dkyil 'khor rmad byung bsam yas pa// rnal 'byor phyi rabs don du gsungs// skal bzang snod ldan shin tu rnal 'byor don// lhun grub byang chub rdzogs te dbang dam can// bla ma'i man ngag snyan thugs brgyud pa 'di// dad can rgyal rigs thugs dang 'dra rnams khyer// sku dang

  480. 241a

    gsung thugs yon tan phrin las kyi// thugs kyi dkyil 'khor rin chen sgo phye nas// bde gshegs dpal gyi mgur nas gsung bsgrags pa// gsang sngags rnal 'byor dbang phyug rgyal po yin// mnyam sbyor kun tu bzang po nyid kyi dbyings// rnam dag lam chen kun sgrol dgongs pa'i thugs// bgrod med rnal 'byor rdzogs pa chen po'i lam// byar med lhun rdzogs skye med chos kyi dbyings// theg pa'i rnam grangs gral thabs cha snyoms pa// ma 'dres chos rnams yongs su rdzogs pa'i rgyan// klung yangs rgya mtshor chu bo'i 'phro 'du bzhin// rgyal thabs spyi blugs dbang phyug rnams kyis mdzad// shes bya shes byed kun gyi gzhir gyur pa// kun gzhi gnas gyur rdzogs pa'i dkyil 'khor ni// rnam shes gdeng ka'i nam mkha'i rgyas mnyam pa// rtse mo byung rgyal bde ba chen po'i dbyings// sde rgyud yang thog bla na med pa yis// kun tu bzang po rang byung bcom ldan 'das// gcig tu rab tu che mchog chos kyi sku// lhun rdzogs sku gsung thugs kyi phyag rgya che// bla na med pa'i go 'phang mchog la gnas// chos dbyings ma skyes sems can med pa'i phyir// srid pa'i chos rnams ye nas lhun gyis grub// de rgyu lhun rdzogs byang chub sems kyi dbyings// mi gnas mya ngan 'das pa'i 'bras bur gnas// zla rgyas bzhin du spros pa mi mnga'

  481. 241b

    ba// ye nas rgya mtsho 'khyil pa'i dbyings dang mtshungs// spros kyang de bzhin bsdus kyang de bzhin pa// bsod nams ye nas sku gsung thugs la rdzogs// lta ba nam mkha'i rgyal po'i 'phang gcod pa// btang snyoms chen po lhun rdzogs chos kyi dbyings// ma skyes mi gnas nam mkha'i rang bzhin las// thugs rje'i cho 'phrul ya mtshan chen por ston// khyung chen gshog rdzogs mkha' la lding ba bzhin// chu rlung ri brag gyen thur nyam mi nga // bar snang nam mkha'i khams kun lam du bde// gang du dmigs pa'i sa kun gcod par byed// de bzhin ye nas blo sbyangs rnal 'byor thugs// byang chub snying por 'gro ba'i skal ldan po// sangs rgyas mngon du grub pa'i man ngag can// byang chub sems rtogs yon tan khyad par 'phags// bdag dang gzhan don lhun grub ma spangs pa// spyod pa rgya mtsho sna tshogs ci bder spyod// pad+ma skye ba'i rgyu ni'adam yin te// pad+ma la yang 'dam gyis gos pa med// chos nyid chags pa med par rtogs gyur na// ye shes chags med nyams pa rdul tsam med// thugs rje spyod pa bsam yas ji snyed pa// rnal 'byor thabs kyis spyod pa ji bzhin spyod// rnam rtog spros bral gzung 'dzin mi mnga' ba// mkha' mnyam rgyal pos 'dod dgu'i re ba skong // skye med dbyings las skye ba'i cho 'phrul rnams// rnam dag byang chub

  482. 242a

    sems kyi dbyings nas 'phro// mkha' dbyings rnam par dag pa'i dkyil 'khor ni// lhun grub yid bzhin rin chen gzhal yas khang // phyogs dus kun nas 'khyil pa'i rgyal po'i tshogs// rgyal ba nyid la rgyal ba'i skur ston pa// rgyal tshogs rdo rje dbyings kyi dkyil 'khor rnams// 'gro don rgyal ba'i dkyil 'khor bstan pa'i phyir// 'gro 'dul rdo rje dbyings kyi dkyil 'khor 'phro// sprin med mkha' la skar tshogs rgyas pa bzhin// bkrag gsal longs spyod rdzogs pa'i 'khor dang bcas// kun bzang rdo rje sems dpa' dpal sbyor ba// shes rab dbyings nas thabs kyi phyag rgya gsal// sang nge sa le mnyam la ma 'dres pa// phung po khams dang skye mched rnal 'byor tshogs// kun tu bzang po rang byung bcom ldan 'das// gcig pu rab tu che mchog chos kyi sku// lhun rdzogs sku gsung thugs kyi phyag rgya che// ye nas lhun byang chub snying por ni// bla med rgyal ba'i go 'phang mchog la bzhugs// bdag dang gzhan du rtog pa mi mnga' ba// 'jig rten rdo rje'i nyi ma shar ba bzhin// lhan ne lham mer ldan pa'i dkyil 'khor can// rnam par thar pa'i zhal gsum phyag drug ni// sku gsum ye shes drug dang chos kyi dbyings// ji ltar skar tshogs bzhin du ma 'phros kyang // nyi ma'i dkyil 'khor 'bar bas zil gyis gnon// de bzhin

  483. 242b

    kun bzang rdo rje sems dpa' yang // nyi ma stong gi gzi brjid 'bar bas brjid// rgyal ba'i tshogs chen 'dus pa'i gtso bo ste// phyi nang gsang ba'i dkyil 'khor kun gyi bdag/ rnam par shes pa'i gtso bo kun gyi gzhi// rang byung ye shes dbyings las ma g.yos kyang // stong khams yongs su snyoms pa'i thugs rje can// 'gro ba'i dpal mgon sna tshogs kun tu bzang // dbye bsal blang dor gnyis med don du gcig/ phyi dang nang kun thams cad chos kyi dbyings// rnam par thar pa'i spyod yul thams cad na// sangs rgyas sems can blang dor gnyis med de// lam dang gnyen pos bcos su ga la yod// bsgrub med rtsal sbugs smon pa med pa yi// byar med lhun rdzogs bde gshegs de bzhin te// rtog dpyod rnam dag gnyis med chos dbyings la// log rtog 'khrul pa'i dbang du ga la 'gyur// rtog dang mi rtog ye shes chos kyi sku// mthar zug med cing dbyings la bri ba med// skye med dbyings las skye ba'i cho 'phrul rnams// gang yang ma yin sna tshogs chos kyi dbyings// khams gsum rnam dag ma byung ma skyes na// dbus mtha' mi gzigs rnam par rtog las 'das// rnam rtog gnyen pos rnam par mi rtog pa// mi rtog 'dod pas rtog pa chen po yin// chos kyi dbyings nyid mi rtog mtha' las 'das// rtog dang mi rtog gnyis ka tshig gi/

  484. 243a

    mtha'// rnam rtog spros med byang chub snying po ni// kun gzhi rnam dag rnam shes rnam par dag/ ye shes rnam dag chos dbyings rnam par dag/ bdag nyid rnam dag gzhan yang rnam par dag/ blta ba rnam dag spyod pa rnam par dag/ sems can rnam dag sangs rgyas rnam par dag/ rgyu rnams rnam dag 'bras bu rnam par dag/ rten 'byung rnam dag 'brel pa rnam par dag/ bdag med gnyis med byang chub snying po las// dbyings dang ye shes mnyam sbyor ma rtogs pa// chos nyid chos tshol chos rnams gzhan na med// rgyu 'bras don rtogs thabs dang shes rab ste// mkhyen pa mun sel byang chub sems dang mnyam// dkyil 'khor byang chub sems las rang byung ba// skye med 'gag med cho 'phrul sna tshogs 'byung // mthun 'jug 'tshams pa'i spyod pa rgya mtsho ni// bdag dang gzhan don ye nas lhun grub kyang // thugs rje chen pos 'gro don rdzogs par mdzad// ming tshig sgron mas don gyi gser mtshon pa// tshig gi rnam grangs gsung gi 'khor lo can// yod med mtha' las 'das pa'i kun gzhi ni// ming tshogs tshig gi rnam grangs sdud pa'i bdag/ yod kyang ma yin de bzhin med ma yin// rtag pa ma yin chad pa'i mtha' ru min// bdag tu ma yin mtshan mar 'dzin pa med// phyi nang gzung 'dzin dngos por gang rtog pa// mi mkhas

  485. 243b

    rmongs pa mu stegs lta la zhe na// sna tshogs rang bzhin med par gang smra ba// med par mthong bas mu stegs chad pa'i lam// rtag chad gnyis kar gang gi blo zhen pa// don gyi snying po'i bzhed las gol sar gsungs// gang yang ma yin sna tshogs chos kyi dbyings// bde gshegs rigs can byang chub snying po ni// gnyis med don rtogs rdzogs chen rnal 'byor pa'i// ye shes rnam dag lhun sbyor grub pa'i mtha'// re dogs med pas dbyings las dbyings nyid gsal// sangs rgyas gzhan nas tshol ba'i grub mtha' med// kun gzhi rnam shes ye nas chos kyi dbyings// ye nas lhun grub sangs rgyas mngon sum na// gang nas su la sangs rgyas gsol ba 'debs// 'khrul 'khor nyam thag ri dwags smig rgyu bzhin// sangs rgyas nyid kyis sangs rgyas nyid 'chos pa// rgya mtsho'i dbyings nas smig rgyur bsnyegs pa bzhin// de lta bas na sang rgyas thob 'dod na// ting 'dzin rgyal po byang chub sems la gsal// rtogs na bdag nyid sangs rgyas mngon sum ste// mnyam pa'i rgyal po gnyis med chos kyi sku// gsang dang gsang chen dkyil 'khor zhes bya ba// sangs rgyas dkyil 'khor rtogs pa nyid la 'dus// 'khor ldan bsod nams ye shes tshogs rdzogs pa// mngon sum mtshan dang dpe byad ldan pa yin// chos nyid 'dul dang snying rje chen po yi// dbang phyug

  486. 244a

    rdzogs pa chen po'i dam tshig la// ye nas rnam dag byang chub snying po ni// rgyal ba'i dkyil 'khor mnyam dang mi gnyis gcig/ mnyes ldan dngos grub blang med thob par nges// 'jig rten gsal byed nyi ma'i dkyil 'khor bzhin// grags ldan stong khams yongs su 'byung bar 'gyur// rgya mtsho u dum wa ra'i dpe bzhin du// byang chub sems ldan brgya'am lan cig na// mi dmigs ting 'dzin goms na 'grub par 'gyur// gal te chags sdang blang dor blo skyes te// 'khrul sems skad cig rkyen gyis khros 'gyur na// bla med byang chub don las 'gal ba'i phyir// skad cig ma las grub gyur sems 'di la// log rtog gsog zhugs khros pa'i dbang gis brlag/ 'ben thag chad 'gyur nye bar 'grub mi 'gyur// blo ldan nam zhig 'gyod pa drag skyes nas// rang sems dpang du btsug nas mi gtong ba// byang chub sems mchog blo la shar ba yin// bskal par bsags pa'i mun nag thibs po yang // rigs pa'i rgyal po ye shes nyi zer gyis// skad cig yud tsam nyid la gsal bar 'gyur// mi shes blun rmongs skal med skye bo rnams// bdag dang gzhan du 'dzin pa'i sems rgyud kun// rang bzhin rgyal ba'i chos skur gcig pa las// 'khrul pas so sor rtags te mthong bas nor// ye shes sku la rgyal ba rgya mtsho dang // log rtog sgyu ma

  487. 244b

    rgyud lnga'i sems can rnams// kun rdzob sgyu mar khyad par bsam yas kyang // don dam dbyings su rang bzhin yongs kyis mnyam// chos rnams thams cad ye nas stong pa'i phyir// de tsam nyid la'ang mi gnas mya ngan 'das// sems can thams cad byang chub snying po la// rang gi sems nyid sangs rgyas mngon sum na// gzhan nas bsgrubs pa'i rgyal ba rdul tsam med// 'gro ba skal ldan rnams kyi don tsam du// bsgom zhing bsgrub pa'i tha snyad lung du bstan// de lta bas na mi 'grub pa yang med// de ltar de bzhin chos kyi dbyings rig na// ma rig rnams la snying rje chen po bskyed// snying rje skyes nas sgyu ma'i ting 'dzin gyis// 'gro/ don thabs la spyod pa sna tshogs ston// bdag dang gzhan du rtog pa med pa'i phyir// ye nas gnyis med don gcig chos kyi sku// chos sku skye med rtogs nas 'gro don du// skye ba'i cho 'phrul yang nas yang du bstan// mdzad pa bcu gnyis 'gro don mthar phyin pa// cir yang 'gyur ba'i gzugs can sprul pa'i sku// thugs rje cho 'phrul sna tshogs cir yang gsal// thugs rje'i sprul pas gdul bya kun 'dul bas// sku ma'i blo ldan rlom sems rdul tsam med// sangs rgyas rnams kyi dgongs rgyud ji lta bu// rang gi mtshan nyid ma bcos de bzhin nyid// chos rnams sgyu mar mngon sum gsal ba'i phyir// ting 'dzin sgyu ma'i cho 'phrul

  488. 245a

    sna tshogs rnams// cir yang mi dmigs gang yang nges pa med// rang byung rmad grags byang chub snying po 'di// skye 'gro phyi nang gzugs rnams thams cad ni// sku mchog mi zad rgyan gyi 'khor lo rdzogs// sgra skad tha ma rab 'bring ma lus pa// gsung dbyangs mi zad rgyan gyi 'khor lo zab// thams cad ma lus dbyings su ro gcig phyir// thugs mchog mi zad rgyan gyi 'khor lor 'dus// mnyam sbyor thim 'gyur gsal nas mi mngon pa'i// chos kyi sku mchog byang chub snying por thim// gsang sngags dbang phyug go 'phang chen po 'dir// phyi nang gsang ba'i don dang mi ldan par// la la mkhas 'dod dregs pa'i nga rgyal can// rang gi lta ba ya rabs mthor bzhed de// gti mug dbang gis bag zon ma chags par// drag 'dod yas bzhag btsan thabs dregs pa yis// bdag la gzhan med dpe zla 'phags 'dod pa// gzhan la brnyas btsugs bdag gis lhar bsgoms kyang // mnyam pa'i rgyal po'i don las 'gal ba'i phyir// lta spyod ya cha'i bdud kyi las su 'gyur// mtho dman rlom sems dbang gyur mnyam pa'i btsugs// nga'o snyam pa'i nga rgyal rang bzhin te// mkhas pa'i blo ldan bla ma'i lung bzhin du// skyon spong dge rtsa 'phags dral khyad par 'phags// tshig la mnyam sbyar mkhas pa zla med kyang // dam tshig phyal pas

  489. 245b

    byang chub sems spangs nas// rdo rje lta bur 'grub 'gyur sems 'di la// log 'dren gsog can bden tshig ci smras kyang // 'khrul pa'i sems nyid log 'dren dbang du 'gyur// gsang sngags rgya mtsho'i sgo 'di yangs pa ru// 'jug 'dod rgyal ba'i sku bslus slar log pa// bdud rtsi myangs nas dug tu 'khrul pa gang // badz+ra yak+ka drag po snying la gnas// lus srog sgyu ma rdul du brlags nas kyang // dmyal bar nges 'gro/ gtan du snying re rje// gnam lcags mkha' las 'dam du bying ba bzhin// ri dwags mi yul so mtshams 'das dang 'dra// rgyud kyi don la bsnyeg pas lung zhes bya// thams cad byang chub sems dpas rtse mo ste// mkhas pa'i thugs las byung bas byung rgyal nyid// byung rgyal nyid na rtse mo shar ba yang // rnam grangs rgyan du bkod pas phreng ba ste// dbye bsal blang dor med pas dam pa'o// tshad med bzhi dang ldan pa'i rnam 'byor pa// bdag dang gzhan don bsgrub par brtson pa'i sems// sbyor sgrol dus ldan snying rje gnas rnams la// sems brod lung nod 'khor dang rdzas la sogs// phun sum tshogs 'dzin rgyal ba'i thugs rje can// dmigs pa'i don du rtse gcig khung ldan na// rnal 'byor che mchog grub pa'i rig 'dzin thob// snying rje med pa'i las kyi gzhi rnams ni// kun tu bzang po'i tshig tsam smra 'dra bas// snying po'i don las

  490. 246a

    'gal gyur 'grub mi 'gyur// kun tu bzang mor sbyor ldan dngos grub can// rnal 'byor grub pa'i phrin las rgya mtsho rnams// skye med don dam kun rdzob rnam par spangs// theg chen spyi blugs rang bzhin rnal 'byor don// lhun grub rdzogs chen sa rnams kun gyi bla// de ltar shes ldan bdud bzhi rnam par spangs// sdig 'dzem cher bskyed bsod nams khri phrag yas// lta ba dgongs pa'i 'bras bu mthar phyin par// lung dang man ngag nges don gsal bar bya// rdzogs so// // bar 'dir rin chen kun 'dus 'dzud// srog gi 'khor lo// bcom ldan 'das te ma lus kun gyi dpal// thugs rje thabs kyi 'gro don mthar phyin pa// bde ba thams cad mkhyen pa nyid kyi ngang // sku gsung thugs kyi rang bzhin chos kyi dbyings// byang chub sems kyi srog gi 'khor lo 'di// mnyam nyid 'dus pa'i gter la phyag 'tshal lo// lus ngag yid gsum sku gsung thugs sbyor ba// rgyal ba rnams kyi gsang chen 'khor bzlog pa// mya ngan 'das pa'i dam tshig lu gu rgyud// chos dbyings rnal 'byor yongs kyi gter chen pas// rna ba rgyud thugs kyi gter chen skal ldan la// mi nub yongs kyi btsas su bzhag pa yin// sku gsung thugs las bsdus pa'i snying po 'di// dus gsum rgyal ba'i chos dbyings sku gsung thugs// mnyam nyid 'gro don

  491. 246b

    man ngag kun gyi gter// skal ldan tshad ma rang rig dbang phyug gis// de yi rjes sob thugs kyi sras mchog la// tsit+ta'i dkyil 'khor yangs par gsal gyur cing // chos dbyings skye med mi gnas mya ngan 'das med dag/ mi skye mi 'gag 'khor ba spang len med// nga med bdag dang bral ba rgyal ba'i thugs// rnal 'byor gsang ba'i snying po bsam yas pa// rin chen gter 'dus rgyal bas brjod mi lang // ma spangs ma bsgrubs nam mkha'i ngang du gnas// khams gsum brtags na 'khor ba mya ngan med// phyogs char bcas na bde gshegs snying po min// kun gyi rang bzhin 'ja' tshon snang bzhin med// de la med bzhin 'byung ba rgya mtsho 'dra// chos dbyings skye ba med pa yum gyi ngang // rgyal ba'i phyag rgya rgyal ba'i cho 'phrul can// 'khor ba mya ngan 'das la dgod pa'i phyir// rang byung ye shes dbyings las ma g.yos kyang // stong khams yongs la snyoms pa'i thugs rje 'byung // nga med bdag dang bral ba'i snying po rdzogs// don dam ye shes dbyings 'di rdzogs pa che// snying po nyi ma bzhin te 'od kyi mchog/ skye 'gro phyi nang gzugs rnams thams cad ni// sku mchog mi zad rgyan gyi 'khor lor rdzogs// sgra skad tha ma rab 'bring ma lus pa// gsung mchog mi zad rgyan gyi 'khor lor rdzogs// dbyer med don dam dbyings su ro gcig

  492. 247a

    pas// thugs mchog mi zad rgyan 'khor yongs su rdzogs// thams cad sku gsung thugs te dbyer med pa// skye med nam mkha'i klong yangs rgya mtsho bzhin// 'du 'bral med pa'i dbyings mchog rab 'byams na// chen po bzhi yi cho 'phrul grangs med pa// brtags sam rtogs na 'byung ba'i 'bras bur 'dus// 'chi ba med pa'i sman chen bdud rtsi 'di// ye nas rdzogs pas gzhan nas btsal mi dgos// kun kyang rgyu gcig chos dbyings dang du mnyam// gzhan nas 'ongs med gar yang 'gro mi srid// thams cad rang bzhin byang chub sems su gsal// snang srid thabs kyi rang bzhin rgyal ba'i yab// de la rang bzhin med pa yum gyi dbyings// zabs dang shes rab ldan par ma 'dus med// zabs dang shes rab 'brel pa'i rang bzhin pas// sku gsung thugs kyi rang bzhin bsam mi khyab// chos dbyings rgyu gcig rang bzhin cir snang yang // byang chub rnam gnyis ngang du thams cad 'dus// mkha' dbyings rnam dag yangs pa'i rgya mtsho la// 'byung ba'i skar tshogs mang po bsam mi khyab// de bzhin mkha' mnyam dbang phyug chen po'i thugs// yon tan rgya mtsho sangs rgyas kun gyi ngang // bdag med phyogs bral chos dbyings mkha' dang mnyam// sems can kun 'dren byang chub dbyings la 'god// sde snod rgyud dang gal

  493. 247b

    po thugs la rdzogs// mtho dman phyogs mtshams byang chub sems dang ldan// chos dbyings dri med rgya mtsho dngas 'dra ba// srid gsum 'gran zla mi mnga' dbang phyug che// yongs kyi srog 'dus chos kyi 'khor lo 'di// rang rig dbang phyug rdo rje legs rtsal gyis// rnal 'byor yongs kyi don du bsgrags pa dag/ gnyis med man ngag srog gi 'khor lo zhes// thugs las phyung ba 'gro ba yongs la bsngo// rdzogs so// // byang sems myu gu// / bcom ldan 'das dpal kun tu bzang po la phyag 'tshal lo// rgyu rkyen tshogs pa'i sdong bu la// myu gu don gyis 'byung ba ltar// ma bcos dang du rang bzhin gnas// gnas pas dmigs med myu gu 'byung // spros med byang chub sems la myu gu 'byung // rgyu la ltos pa med pas rkyen gyis gzhig tu med// skye 'gag med pa'i myu gu de// yul la dmigs pa med pas sems la 'pho 'gyur med// yul sems 'du 'bral med pa'i sbyor bas myu gu 'byung // de la 'gag pa med pas sgrol ba chen por brtags// dus gsum 'gyur ba med pas byang chub sems// ma ltos lhun gyis grub pas snang srid ye sangs rgyas// bsrung du med pa'i dam tshig chen po la// ye bsrungs gdeng gis chod pa'i myu gu 'byung // bsgom du med pa'i dmigs pa chen po las// ngang las ma yengs mnyam pa chen por

  494. 248a

    bzhag/ rnam rtog spros bral byang chub chen po la// gzung 'dzin med pa'i bla med myu gu 'byung // rgyu la rag ma lus pa'i myu gu chen po la// rkyen du bral ba'i yon tan myu gu 'byung // 'byung ba lnga nyid ye nas sangs rgyas la// snang srid lha yi 'khor lo'i myu gu 'byung // byang chub sems can man ngag rgyal po 'di// thams cad ye nas sangs rgyas pa'i// rgyud drug gnas su dag pas btsal ba'i bsam pa de// lung la sgrib pa med pas man ngag myu gu yin// sems la dogs pa med pas sangs rgyas kun gyi gzhi// dug gsum rtsad nas bcad pas byang chub sems// 'khor ba thams cad sgrol ba'o// byang chub sems kyi myu gu rdzogs so// // bde ba phra bkod// / bcom ldan 'das dpal kun tu bzang po la phyag 'tshal lo// sems la mtha' dbus med pas phyi nang ma bral te// sems la spang len med sa bde la bkod pa'o// ma btsal lhun gyis grub pa'i don de yang // ske med ngang las gnas pas bde la phra bkod pa'o// skye ba med pa'i byang chub sems can la// rdzogs pa yongs rdzogs bde ba'i klong na 'phyo// rten pa'i gnas med chags pa'i yul dang bral// 'khor ba med pa'i don de phra bkod pa'o// bsrung du med pas 'bras bu lhun gyis grub// bsgrub tu med pas lha rnams mya ngan 'das// mtshon du med pas

  495. 248b

    yi ges bkri ru med// bdag bskyed kun dang bral na bde ba rang la snang // mi skye de ru chud pas 'du 'bral ye nas med// mtha' dang dbus med bdal ba'i phra bkod pa'o// gnyis su med pa'i rang bzhin phra bkod pa'o// snang med rig pa shes pas dngos po kun dang bral// skye med dbyings su thug pas spang len med pa yin// ma bcos lhun gyis grub pas rang la shar// brtan pa'i gnas su 'byung ba lnga nyid chos// grub pa'i sku mchog chos sku brdal ba che// yin pa'i rtags su chags dang bral bas na// 'pho 'gyur med pas mi skye gdeng du gyur// dug lnga spangs pas sku lnga phra bkod pa'o// spyod pas spyad du med de chags sdang yul las 'das// bsgrubs pas bsgrub tu med de lha la rten mi 'cha'// bsgoms pas bsgom du med de sgom pa'i yul dang bral// bsrung ba'i tshul khrims bya ba ye med de// mi bsrung gdeng dang ldan nas phrin las btsal du med de 'khor ba mya ngan 'das// sems la skye shi med pas bde ba phra bkod pa'o// ma g.yos dbyings na gnas pas gar yang 'gyur ba med// snang srid kun la khyab pas mtha' dang dbus med yin// gang yang bkag pa med pas gsal ba'i phra bkod pa'o// bde ba'i klong na gnas pas sdug bsngal bral ba yin// 'bras bu chos skur grub pas mtshon pa mya ngan 'das// ye brdal 'bras bu

  496. 249a

    yin pas chos sku 'grub// blta bar bstan pas ye nas gos pa med// snang ba rang la shar bas sems la nus pa med// mi nub rgyal mtshan rtse ru phyin na ltung ba med// dmigs pa yul med rten pa'i gzhi dang bral// chags sdang med na sdug bsngal bral ba yin// mi 'gyur lhun gyis grub pa'i bde ba'i klong na gnas// mnyam nyid don du rtogs pas phra bkod pa'o// mi skye dbyings nas rig pa rang la shar// don dam nges pa rtogs nas mnyam pa'i klong na 'phyo// bsgom bsgrub mtha' las 'das pas mnyam pa'i klong na gnos// rang bzhin lhun gyis grub pas rgyu dang 'bras bu med// snang ba rang la shar bas nyin dang mtshan mo med// ma bkag kun la khyab pas ye brdal phra bkod pa'o// mi skye dbyings nas rig pa rang la shar// don dam nges pa rtogs nas mnyam pa'i klong na 'phyo// mnyam pa'i ngang la bzhag na dus gsum gcig tu nges// byung tshor bying rmugs thar lam mi 'thob mnyam par bzhag pa'o// skye med dbyings nas rig pa'i bcud shar ba'o// dngos po kun dang bral bas snang ba rang la shar// gzung 'dzin rnam rtog bral bas bde ba rang la snang // chags dang bral bas rtogs pa'i mthar thug pa'o// sems la bsgom du med pas tshig gi mtha' las 'das// bsgrub tu med pas yi ge sgra dang bral// bsrung du med de ye

  497. 249b

    bsrungs phra bkod pa'o// // byang chub kyi sems rdzogs pa spyi gcod kyang zer tig/ chos rnams ma lus dbyings su rgyu gcig pas// 'khor ba mya ngan 'das pa gnyis med de// ji ltar bltas pa kun tu bzang po'i klong // dbyer med klong las ma nyams bde ba'i sku// snang srid ma lus ye nas dag pas na// sems can sems nyid rgyal ba sangs rgyas yin// rdo rje sems dpa' dbyer med ye sangs rgyas// ye nas dag pas chos sku bde ba'i mchog/ btsal du med pas bsgom pa'i tshig dang bral// tshig las 'das pas brjod pa'i tha snyad med// ye sangs rgyas pas blta ba'i dmigs med de// snying po byang chub dgongs su med pa'o// rnal 'byor blta dmigs tshol ba don las nyams// mi blta mi tshol don de nyid yin pas// don la mi blta bltar med 'khrul pa med// bde ba chen po gang zhig tshol ba 'khrul// rnal 'byor stong bsgom lcags nas bkrol ba yin// rdzogs so// / bar 'dir khams gsum sgron ma 'dzud//

  498. 250a

    rgya gar skad du/ tan+t+ra rA dza swar+b+ba kAr+m+ma badz+ra ya na mA la tan+t+ra/ bod skad du/ rgyud kyi rgyal po gser gyi rus sbal rdo rje theg pa rtsa ba'i rgyud/ mkhyen ldan ston pa'i sgra la phyag 'tshal lo// 'di skad gsungs pa'i dus gcig na// rnam pa thams cad mkhyen pa'i ston pa des// thugs rje che mnga' 'gro ba'i don bya'i phyir// skye ba med las skye ba'i cho 'phrul bstan// nam mkha' lta bu'i chos sku mtshon bral bas// gzugs skur bzhengs nas 'gro don mthar dbyung phyir// ye sangs gnas su shes rab blo rtsal bskyed// 'og min gnas su 'gro 'dul chos lung mnos// sum cu rtsa gsum 'khor rnams kun la bshad// 'od gsal gnas su blo yi rtsal rnams 'byongs// 'dul ba'i dus la bab pa thugs kyis mkhyen// yab kyi blta bas phab cing yum gyi lhums su zhugs// zla dgu ngo bcu skye ba bzhes tshul bstan// shin tu mtshan bzang sum cu rtsa gnyis dang // dpe byad bzang po brgyad cur yongs su bstan// da ltar sems can yongs su spro bskyed phyir// dgung lo rim pas mdzad pa mtha' ru phyin// 'gro ba sems can gang gis gang 'dul pabapa// chos sgo brgyad khri bzhi stong phye ste bstan// de bstan gnas ni rnam pa gsum du bshad// kha cig stobs ldan blo gsal dad che la// kun grags rgya chen yongs su 'phel te bstan// kha cig 'phro can snod dang

  499. 250b

    ldan pa la// mdo yi don rnams nges par bsdus la bstan// kha cig dad mos nges par 'dzin 'chang la// rtsa ba'i man ngag lhug pa nyid du bstan// spyir ni 'di la 'di ltar bshad mi lang // bye ma'i le bzhin grangs las 'das pa ste// bag phye la sogs skra shad ldeb 'og tu gtor bzhin pa 'drar bzhin snang // 'gro ba'i don phyir dgos ched ngas bstan to// gang zhig gson gshin 'gro don byed pa la// gnam 'greng phreng nyal kha sbub don rnams yang // nges par thar chags la shan phye ste bstan// gang zhig bstan pa 'dzin skyong dad pa la// rgyud lung bye brag mang du bstan pa yang // ya ma ki la mdo yis phye ste bstan// gang zhig dge bcu spyod cing 'dul khrims bsrung dad la// 'dul khrims sdom pa mang du bstan pa yang // nyan thos byang chub sems dpa'i mdo yis phye ste bstan// gang zhig spyi rgud gsang sngags la dad par// rtsa ba'i dkyil 'khor mang du bstan pa yang // bya ba gnyis ka rnal 'byor rgyud kyis phye ste bstan/ gang zhig gsang sngags nang la dad pa la// bsnyen sgrub rim pa mang du bstan pa yang // bskyed rdzogs rnam pa gnyis su phye ste bstan// gang zhig theg chen nyid la mos pa la// sems phyogs bye brag mang du bstan pa la// a ti yo ga'i mdo yis phye ste bstan// de ltar bye brag mang du bstan gyur kyang // de don de las de nyid shin tu

  500. 251a

    'byung ba dka'// 'byung ba dkon phyir thugs kyi dkyil 'khor nas// nges pa'i snying po rtsa ba'i rgyud dang ni// rgyud kyi rnam pa yongs su bstan pa yang // rgyud dang phyi ma kalpa dum bur bstan// rin chen rigs can bum pa'i blo can la// rgyud 'di rgyud kyi rgyud de rus sbal rtsa ba'i rgyud// blta bas zag bcad spyod pas la dor phyi ru bstan// tsan dan rigs can pad+ma'i blo can la// byang sems theg pa phyi ma'i rgyud// shes pa nges pa gcig la gzhag phyir bstan// ma nges tha dad so so'i blo can la// bkol ba so so'i rgyud chung bcu gnyis po// gang zag mtshan rtags rgyud kyi mtshan rnams bstan// gang zhig rdzogs chen la zlos shan ma phyed pa la// rdzogs pa spyi gcod rgyud nyid bstan par bya// gang zhig snying po'i don bral lo ma'i tshogs phyogs la// rtsa ba bsdus pa'i rgyud rnams bstan par bya// gang zhig rtogs 'dzin gnyis su blta ba la// nyag gcig dgongs pa'i rgyud nyid bstan par bya// gang zhig mtshon pa tshig gi don byed la// yi ge med pa'i rgyud nyid bstan par bya// gang zhig rtag chad gzung 'dzin gnyis su blta ba la// mtha' ru sel ba'i rgyud nyid bstan par bya// gang zhig gser dang bong nyid rtog can la// dri med dag pa'i rgyud nyid bstan par bya// gang zhig snying po'i don la 'gyur ba'i blo can la// lta ba rdo rje'i rgyud nyid bstan

  501. 251b

    par bya// gang zhig dgongs pa'i don gol sgyu ma'i lus la bde ba can// bsam gtan tsog pu'i rgyud nyid bstan par bya// gang zhig blta ba'i lta ba ma rtogs la// thugs kyi yang gter rgyud nyid bstan par bya// gang zhig man ngag gis man ngag ma rdzogs pa la// gsang ba yang gter rgyud nyid bstan par bya// gang zhig 'khrul pa'i yid phyogs bral ba la// mu tig phreng ba thabs kyi rgyud nyid bstan par bya// gang zhig lta spyod ya bral gyur pa la// rjes 'jug spyod pa'i rgyud nyid bstan par bya// de bzhin blo yi khyad par so so la// man ngag rdo rje theg pa gcig tu babs// zhes ston pa nyid sku che ba'i yon tan dang ldan nas thugs rjes phyi rabs kyi don du bstan pa/ gleng gzhi'i le'u ste dang po'o// // de nas ston pa nyid sku rdo rje lta bu'i ngo bor bzhugs te/ de'i tshe de'i dus na/ 'khor rnams kyi nang nas/ sems dpa' rdo rjes zhus pa/ khams gsum 'khor ba'i sems can skye dang 'chi la brtag/ zo chu'i 'khyud mo shing rta'i 'phang lo 'dra// sdug bsngal bzhi las thar pa'i dus mtha' med// 'khor ba 'di las thar pa thob thabs shig/ thugs kyi dkyil nas nges pa'i bcud phyung ba// phyi rabs don du bstan pa gzhag tu gsol// zhes zhus pa dang // de yi ston pas bka' stsal pa// sems dpa' rdo rje la sogs kun// shin tu lus thud

  502. 252a

    dbang po bstan par nyon// phyi rabs don du gser gyi rus sbal 'di// rdo rje theg pa rtsa ba'i rgyud// tshigs su bcad de yongs su drangs pa 'di// khams gsum 'khor ba'i sems can rnams// dang 'chi la brtag cing 'khor bar brgyud pa yang // ji bzhin de bzhin ma rtogs pas su brgyud pa yin// khams gsum 'khor ba'i sems can thar pa 'thob bya'i phyir// chos sgo brgyad khri bzhi stong grangs mang yang // thugs kyi dkyil nas nges pa'i bcud phyung la// rtsa ba yongs su bsdus nas bstan pa 'di// ma nor nges pa thugs kyi dkyil du zhog/ nges par ma bzhag khams gsum 'khor bar 'gyur// khams gsum 'khor ba'i sems can skye dang 'chi la brtag pa yang // ji bzhin pa la de bzhin ma bzhag par// de dang mi mthun rnam par rtog par 'gyur// de brtag rgyu bsags khams gsum 'khor bar 'gyur// rnam rtog de yi rgyu rkyen bshad mi lang // bag chags la sogs skra shad gtor bzhin snang // de yi rgyu rkyen de la de don snang mi 'gyur// ma brtags ji bzhin gnas pa de bzhin nyid// mi rtog mi rtag brtag pa'i yul las 'das// brtag med yul las 'das pa mkha' gsal nam mkha'i klong // nam mkha'i klong ni ye nas de bzhin nyid// brtags pas dngos po dbyibs dang kha dog ste// 'di la dbyibs dang kha dog ma 'grub

  503. 252b

    dngos med nam mkha'i klong // cir yang bskur du med pa de bzhin nyid// de bzhin nyid ni mtshon pa yongs dang bral// mdzub khrid zla ba lta bur bstan pa de// de bstan zla mdzub mi gcig thag ring 'gyur// de bzhin de dang de gnyis thag ring yang // ji bzhin pa nyid nges par rang la 'char// de bzhin rtogs pa sangs rgyas nyag gcig ma// rnam pa thams cad mkhyen pa'i sangs rgyas kyis// de bstan de nyid yongs su shes par gyis// theg pa'i bye brag grangs su mang bstan kyang // bsdus pas sgo bzhi s+thi ti yid dang lnga// sgo bzhi 'di ni drang don tsam du ngas bstan te// 'dir zhugs rnam rtog nyid dang 'grogs par 'gyur// rnam rtog de las de nyid 'byung bar dka'// skye ba brgyud nas 'bras bu 'byung bar bshad// phyi nang sde snod yongs kyi spyi ti 'di// nges pa'i don du ngas bstan kun rdzogs te// gdul bya chud zos mgo la bstan par dka'// 'di nyid ye nas tshogs gnyis rdzogs phyir sgrib gnyis dag/ dag pa'i don nyid ye nas de bzhin nyid// de bzhin nyid ni dbu mar yang dag bshad// mi dmigs bde ba gnyis las 'das// cir yang brtag dka' brtags pas rtogs par dka'// lcags kyi sgrom bu 'theb rgyas btab pa bzhin// de bzhin nyid don 'di zhes bstan par dka'// gting dpag bcad dka' man ngag rgya mtsho'i

  504. 253a

    tshul// gces pas btsal dka' shel sgong dag pa'i tshul// dkon la btsal dka' bsam 'phel nor bu'i tshul// 'di rtogs gang zag u dum wA ra'i tshul// 'di mthong dka' ba gser gyi rus sbal tshul// 'di don mthong ba rnams kyis 'di mi mthong // ma mthong mthong ba ye nas 'di bzhin nyid// ma bslad ji bzhin gnas pa de bzhin la// gnyis med sangs rgyas gnas pa bsgom pa'i klong // bsgrub 'tshol smon pa rtog ge byis pa 'dra// sa lam gnyis med bgrod du phugs mtha' med// sgo phug gnyis med thams cad de bzhin nyid// lam med lam 'dod glang chen rmig bsnyeg 'dra// bskal pa tsam bgrod 'di thob rab tu dka'// thams cad de bzhin nyid de der gnas pa// rdo rje klong rgya thams cad ye sangs rgyas// 'di don sgra dang tshad mas gzhig pas brda mi 'phrad// gnyis 'dzin mu stegs rtag chad bgrod du 'gyur// 'di don 'di la su brjod rtog pa'i rgyun// rnam rtog de la bla med phyogs na med// ma brtags ma rtogs rtog med de bzhin nyid// de don shin tu gting dpag bcad par dka'// tshad mas mi shigs dpes kyang mtshon du med// bden pa gnyis med tshig med yi ge med// bsgrib med btsal med smon du rdul tsam med// lung la mi rtog theg pa mi 'tshol ba'i// ye khyab ye nas ye sangs rgyas pa 'di// rtogs

  505. 253b

    ma thag tu sangs rgyas yin par bshad// ces rtsa ba'i rgyud las/ thams cad de bzhin nyid du bstan pa'i le'u ste gnyis pa'o// // de nas ston pas 'khor rnams la// rdzogs chen la nyid bzlas te bstan// rang bzhin lhun rdzogs rdzogs chen nyid// rdzogs pa chen por ye nas gnas// thams cad rdzogs pa'i rang bzhin la// bzang ngan blang dor gnyis su med// theg pa lam dang bsgom bsgrub brtson// rdzogs chen 'di las 'gal bar bshad// rgyu 'bras gnyis med rdo rje'i sku// skye shi med par lhun gyis gnas// gnas pa'i don la gnyis su med// dper na chos dang sangs rgyas med// lta bas bltas pas 'khrul par snang // rgyu 'bras theg pa brtags pas nor// lam gyi rim pa gting nas med// lam ni nye lam rdzogs pa'o// 'jug dang blta dang skyong bsrung rnams// ma btsal ye nas lhun gyis rdzogs// bsgom dang blo yi the tshom med pas rdzogs chen nam mkha'i klong // nam mkha'i klong la bsrung dang bsgom 'jug lha spyod bya mi dgos// cis kyang dpag tu med pa rdzogs chen klong // klong chen 'di ni yid bzhin nor bu'i tshul// 'di tshol rnams kyis gzhan nas 'di ma btsal// rang la gnas shing gzhan nas 'di 'tshol na// bskal pa gsum du 'di btsal rnyed mi 'gyur// gang zhig sangs rgyas rnams kyis 'di ma

  506. 254a

    btsal// de bzhin sems can 'di tshol btsal mi rnyed// mi tshol ngo bo nyid du thams cad gnas// rtsol bsgrub lam la gnas pa'i gang zag rnams// dngul la gser zhun byas kyang gser mi btab// mtshon pa tshig tu ston pa lam las nyams// rdzogs chen 'di yi don du ga la 'gyur// mi snang snang ba med pa'i chos nyid la// rang blos gang ltar ci bsam 'khrul par 'gyur// bsams pa nyid la mi 'jog na// de ni snying po nyag gcig ma// mngon sum mi gnas rdzogs chen 'di// sangs rgyas kyis kyang mtshon du med// de bzhin lta bas blta ru med// ma bltas bzhag na lta ba yin// rang bzhin de la mi 'jog na// de dag byang chub rdzogs chen med// mngon bram mi gnas rdzogs chen 'di// sangs rgyas cad kyis mtshan du med// btsal nas tsal nad sangs mi zad// ma btsal bzhag na rdzogs chen nyid/ phug med cing bltar med mi gnas don// mdzad spyod rnam par dag pa'i rdzogs chen la// 'jug blta bsrung brjod gnyis ni 'khrul pa ste// mi 'jug mi blta mi bsrung ste// bsgrub rtsol lam la mi gnas na// de yi rang bzhin rdzogs chen nyid// gang la mi bstan mi bsgom cir yang mi btsal btsal du med// thams cad lhun rdzogs ye nas rdzogs chen pas// sangs rgyas nyid kyi rol pa gcig tu bshad// ces rtsa

  507. 254b

    ba'i rgyud las/ rdzogs chen la bzla zhing rtsol bsgrub las 'das par bstan pa'i le'u ste gsum pa'o// // de nas ston pas 'khor rnams la// lam gyi nye ring bstan pa ni// ci spyad ci blta ci bsgoms kyang // lam med lam la bgrod pas gol// rdzogs chen 'di la sgo phug med// thams cad nyag gcig rdo rje'i sku// gnyis med mi 'gyur yang dag lam// lam gyis bgrod par 'dod rnams dag/ lam med lam 'jug 'khrul pa ste// sa bcur brtol yang byang chub nyid la bsgrib// mi bgrod rang bzhin gnas pa'i don med na// mtho ris bgrod pa'i rgyu la nyon mongs zin par 'gyur// lam med lam du zhugs pas yul rnyed rab tu dka'// chus gdungs glang chen smig rgyu bsnyeg pa ltar// bskal par bgrod kyang mi thon rab tu dka'// theg pa gcig gi snying po 'di// rtog gis theg lam mang du phye// mang du phye ba 'di nyid yin// 'di min par ni lam mi rnyed// lam rnyed gyur kyang 'khrul pa'i lam// glang chen rdzab tu chud pa 'dra// lam bgrod dag nas thob byed pa// bya bral chos dang mi mthun te// 'di zhes mthong ba byang med pas// lam gyi phul du phyin pa med// gang du ma phyin de bzhin nyid kyi ngang // nges lam 'di las bde ba'i lam med yin// zhes rtsa ba'i rgyud las/ theg pa gong 'og gi lam gyi nye ring bstan pa'i le'u ste bzhi

  508. 255a

    pa'o// // de nas ston pas 'khor rnams la// 'dus byas lus ngag gi las kyis// byang chub 'bras bu thob dkar bstan// de bzhin de don ye nas 'dus ma byas// dus gsum 'jig bral med pas rdo rje'i sku// rgyud las bstan pa 'di yis 'bras mi 'grub// ji ste lugs ma la sogs phyag rgya la// rnam par grol ba nyid kyi lam ni mi gnas pas// gzhi des dus gsum sangs rgyas rnams kyis lam rnyed na// thams cad chos nyid phyag rgya'i ngo bor gnas// sgyu ma'i phyag rgya lugs ma'i phyag rgyar dul// 'bras bu rnam par grol ba'i lam la gnas// de bzhin rnam par dag pa'i lam rnyed na// mthong thos la sogs phyag rgya'i ngo bor gnas// mchod dang gtong ba la sogs pas// rdo rje'i sems kyis ma zin na// che ba'i nga rgyal chen po yis// 'ching ba las ni grol mi 'gyur// dge rtsas sdug bsngal skye gzhir 'gyur// ngan song du yang skye bar byed// ces rtsa ba'i rgyud las/ ba so'i 'bur dang / gser dngul gyi lugs dang / rus sbal gyi ris dang / 'jim pa'i lha dang / 'dus byas thams cad kyis byang chub 'bras bu 'thob par dka' bar bstan pa'i le'u ste lnga pa'o// // de nas ston pas 'khor rnams la// theg pa 'og ma'i sdom pa yis// byang chub 'bras bu thob dka' bstan// nyag gcig sangs rgyas lam nyid

  509. 255b

    la// 'gal ba med pa'i mtha' las 'das// sdig pa bcu spyad 'di mi bsgrib// sdig pa nyid kyang byang chub nyid// sdig sgrib mi gnas don la gnyis su med// de phyir dka' thub sdom pa bsrungs pa rdzogs chen don las gol// dka' thub bgrod rtsol 'bad rtsol gyis// yang dag sangs rgyas lam mi rnyed// sdom pas rtsa ba byang chub ring // mi bsrung mi sdom rdzogs chen mchog gi lam// rdzogs lam 'di la spang blang med pa'i lam// gnyis med thams cad ma spangs pa yi lam// dge sdig gnyis med spang blang med par nyag gcig sangs rgyas lam// dge sdig gnyis spyod gser dang bong ba'i sems// 'khrul pa'i lam yin rdzogs chen lam ring 'gyur// rdzogs chen 'di ni gnyis med rdo rje mi 'gyur spang blang med// gnyis med mchog gi lam chen 'dir zhugs pas// mi len mi spang rdo rje yang dag lam// dge sdig gnyis med snying po thig le gcig/ rang rig de bzhin nyid kyi ye shes bltas// zhes rtsa ba'i rgyud las/ theg pa 'og ma'i dka' thub sdom pa bsrung bas/ byang chub 'bras bu 'grub par dka' ba'i le'u ste drug pa'o// // de nas ston pas 'khor rnams la// sngags ni phyi dang nang gis kyang // byang chub 'bras bu 'thob par dka' bar bstan// gzugs bral nyag gcig rdo rje mchog gi sku// rtsol bsgrub mtha' las

  510. 256a

    'das pa rdzogs chen mtha' ru phyin// bden gnyis gang la gnas pa'i blo dang bral// zla can zung 'jug pa yis 'di mi mthong // gnyis med spros bral rdzogs chen bde ba'i ngang // gzung 'dzin mtshan ma pa la 'di don ring // ci phyir ye shes 'khor ba'i gzhal yas khang // gzugs sku gdan dang mchod par gnas// dam pa de mthong mchod byas kyang // ting nge 'dzin gyis gsal 'gyur kyang // rang rig mnyam pa'i ngang rtog che// zhi ba ma yin rnam rtog sgom// rnam par rtog nyid 'khrul pa ste// yang dag sangs rgyas lam mi rnyed// ye shes sems dang dam tshig sems// lam gyis khyad par byin brlabs shing // spyan drangs bzhugs gsol mchod byas kyang // ma yin don rtog 'khrul pa ste// shin tu byis pa'i spyod yul 'dra// mnyam pa don gyi ngo bo la// gzugs med gzugs su 'dzin pa med// rnam rtog nyid kyang ye shes la// lha sku nyid kyang de bzhin nyid// blun po rtog ge'i spyod yul min// mchod dang mchod par bya ba med// de rnams rnam rtog 'khor ba'i rgyu// yang dag sangs rgyas lam 'dod rnams// rtog bral nyag gcig rdo rje las// de bzhin nyid du gnas par bya// zhes rtsa ba'i rgyud las/ sngags phyi nang gnyis kyis byang chub 'thob par dka' bar bstan pa'i le'u ste bdun pa'o// // de nas ston pas 'khor rnams

  511. 256b

    la// rdzogs chen 'di don dgos par bstan// dug lnga nad sel bla med rdzogs pa'i don// 'di don ma rtogs gsal bas dam par bcings// bcings pa'i don ni nyon mongs brgyad khri ste// gnyen po rdzogs chen 'di yis grol bar 'gyur// 'khor ba gnyis las mi thar thar pa med pa yang // rdzogs lam 'di nyid rnyed nas thar bar 'gyur// rdzogs chen lam ni kun gyi nad sel sman// ma g.yos g.yos pa med pa thams cad ngang du gnas// 'di 'dod gnyis 'dzin ma bral lam mi rnyed// shin tu nad gdung gso ba'i glags yongs med// khu byug dus bzung zla khongs snyegs pa ltar// gzhan gyis rang rgyud sbyangs te gzhung bsnyegs kyang // dgos 'dod rdzogs chen ma thob bar du byang mi chub// 'jug pa'i sgo bzhir zhugs shing lam sbyangs kyang // spyi yi don mchog ma rtogs bar du sangs mi rgya// spyi phug 'di nyid kun gyi gzhi mo yin// thams cad gzhi mo nyid du shes par bya// rdzogs chen 'di don rtsol bsgrub mtha' las 'das// 'das pa'i don ni bla med 'bras bu'i mchog/ bshad brjod rtsol bas 'di don rnyed par dka'// dus gsum bla med sangs rgyas rnams kyis kyang // bshad brjod bral ba'i don nyid 'di mthong nas// bla med sangs rgyas 'bras bu grub pa yin// rdzogs chen lam 'di kun gyi phug yin te// blo 'khrul 'di don nyid

  512. 257a

    la mi spyod na// mching bu byi dor byas kyang rin chen med// shug pas sgeg par byas kyang tsan+dan min// snying po'i don 'di ma mthong na// rgya mtsho'i 'gram du skom grir 'chi// zhes rtsa ba'i rgyud las/ theg pa gzhan gyi gzhung la mnyan pa'i sngags pa yang / za ma rdzogs chen spyi don dgos par bstan pa'i le'u ste brgyad pa'o// // de nas ston pas 'khor rnams la// bla med rdzogs pa chen po'i don// kha tshig dag la mi brten par// ci la'ang mi brten pa ru bstan// bla med rdzogs chen brjod 'das ni// mtshon pa tshig la mi gnas te// gal te gnas na tshig la gol// lam med snying po'i don nyid la// rna thos tsam gyis yon tan la// yin snyam de sgra dge sdig spyod// rtag chad don dang de mi 'gal// mnyam med don 'bral tshig brjod kyang // zil gyis mi non grol mi 'gyur// ye mnyam gdeng dang mi ldan na// tshig mnyam rtog tsam rlung mi bzlog/ rnam par dag don mi shes par// tshig tsam thos pas 'jug byed cing // de don bsod nams mi bsag par// gang yang mi 'grub chad par 'gyur// bla med rdzogs chen don 'di la// bsgom du med ces brjod pa yang // kha tshig tshig des don byed pa// de ni mu stegs lta ba'i mchog/ rtag chad gnyis ldan chad pa'i mchog/ bden par bskal pa khrir btags kyang // 'dzin pa'i

  513. 257b

    dbang gis sdug bsngal zhing // chad pa'i dbang gnas mchog smin te// sdig ma bskyed pa'i bya ba yang // ji tsam bsags kyang khams gsum gnas// zhes rtsa ba'i rgyud las/ theg pa gzhan gyi go dgag pa de la tshig tu ma btang zhing kha tshig tu ma bstan pa'i le'u ste dgu pa'o// // de nas ston pas 'khor rnams la// bsgom pa'i bsam pa dgos par bstan// snying po 'di dang ma 'brel pa'i// tshig gi drang srong dgon pa mkhan// nyams de med par snying po nyid// ma bsgoms par ni mthong mi srid// mthong snyam pa ni gol sa yin// mthong med dag gi ye shes de// byin gyi rlabs kyis bsgom par bya// rtog 'dzin sems la mi gnas par// yang dag don nyid ma bsgoms na// bla med thar pa thob mi srid// dgon pa dben zung de don bsgom// dri med dag pa'i ye shes kyis// brjod du med pa'i don nyid sgoms// bla med thar pa thob par 'gyur// nges pa'i don nyid ma bsgoms na// yang dag sangs rgyas lam ring bas// byang chub nyid la thog mtha' med// dus gsum sangs rgyas rnams kyis kyang // gnyis med ye shes don bsgoms nas// sangs rgyas sa la gnas pa yin// bde ba'i 'bras bu gang 'dod par// gnyis su med pa'i snying po bsgom// zhes rtsa ba'i rgyu las/ bsgom dgos par bstan pa'i le'u ste bcu pa'o// // de nas ston

  514. 258a

    pas 'khor rnams la// bsgom pa dag gi thabs rnams bstan// bla med thar pa thob dga' ba// shes rab thabs la brten pas 'grub// ming tsam thabs la brten nas su// bde ba'i don nyid rang las byung // thabs med shes rab dang bral ba// glang chen chu 'dod smig bsnyeg 'dra// dad mos 'phro can snod ldan la// gang zag mtshan rtags gzung thabs bstan// zhe sdang dag gi shas che la// dngul dkar zhun ma'i sems 'dzin bstan// gti mug dag gi shas che la// snang gsal sgron me'i sems 'dzin bstan// nga rgyal dag gi shas che la// zhi ba lha yi sems 'dzin bstan// 'dod chags dag gi shas che la// bdud rtsi bum pa'i sems 'dzin bstan// phrag dog dag gi shas che la// yi ge 'bru yi sems 'dzin bstan// rnam lnga 'di la bsten nas kyang // ngo bo nyid ni shin tu bsgom// byang chub dam pa sangs rgyas rang gi sems// sna tshogs glog bzhin snang yang gyi nar bzhag/ bsams shing bsgom de bsgom pa'i yul las 'das// bde gshegs rang rig rang byung rang zhir bzhag/ khong klong yangs par gzhag pa de bzhin no// yul drug rkyen gyis mi non 'khrul mi 'gyur// 'du shes dag gis bsam du med pas na// gang yang mi sems mi bsam mnyam par zhog/ bsams shing bsgom de bsgom pa'i yul las 'das// gong du

  515. 258b

    yang byung de nyid rang rig rang byung rang zhir gzhag/ bzhag pa'i dngos po sangs rgyas nyid kyi thugs// 'di zhes bstan du sangs rgyas nyid kyis med// ces rtsa ba'i rgyud las/ bsgom pa'i thabs bstan pa'i le'u ste bcu gcig pa'o// // de nas ston pas 'khor rnams la// nges pa'i don gyi ngo bo bstan// rdzogs pa chen po'i ngo bo ni// dran pa'i rtog pa mi 'byung bas// ri ni yongs su rdzogs pa yin// rnam shes yul la ma chags par// shes rab yongs su rdzogs pa yin// gting ni shes rab yongs rdzogs pas// rtog pa med pa'i shes rab skye// khams gsum las su 'das par 'gyur// gang la sems med de bzhin nyid// gang yang mi dmigs cir mi rtog/ cir yang mi bsgrub mi sems pa// sems kyis dmigs zhes bya ba ste// bsgom pa ma lus rdzogs pa yin// rtog dpyod med pas bde ba'i mchog/ shes pa gzung 'dzin dang bral ba// bstan pa ngo bo nyid kyi sku// de la dmigs bya rdul phran med// de phyir dmigs su ci zhig yod// dmigs su med la ci zhig dmigs// de la de bzhag de gnas pa// pad+ma'i spyan de des mthong 'gyur// shes pa med pa shes rab mchog/ gsal ba med pa ye shes dang // 'dzin pa med pa ti ni rlung // rtsol ba med na tshul khrims rdzogs// shes nas mi phyed gti mug dang // mi bsgom bsgom pa 'du 'bral

  516. 259a

    med// mi shes pas ni shes rab bstan// mi 'dzin 'dzin pa'i gting nas bstan// mi blta ba de snyam par nges bstan no// snang ba med na dngos med pas// de nyid nyag gcig mchog gi sgra// de bzhin sku la mtshon du med// de nyid dbyings te mtshon du med// mi mthong ba nyid mthong ba yin// cir yang mi dmigs gti mug ste// ma rig pa ni ye shes gsal// rig pa'i ye shes gang ldan pas// yi ge med pa'i don la blta// 'dzin yang rtog dang dmigs dang bral// gang la mi brten bsgom pa'i mchog/ nyon mongs nyid kyang byang chub gzhi// gzhi de tsam yang bsam du med// gang la rtag tu med pa'i byang chub sems kyi lam// don la 'jug tu med pa'i rdzogs chen blta ba'i klong // 'di ltar dran med stobs ldan dgongs pa'i mchog/ bde dang mi bde sems la gnyis med de// ston pa skyon du mthong ba gang lags bden pa'i don la ma nyams dgongs pa'i mchog/ shes rab chen po yul dang dbang por blta ste mthong na blta mi bya// dang po shes rab rnam gsum gyis// chos nyid nyams su blangs pa'i mis// blta ba nam mkha'i dbyings nyid la// de bzhin sems ni de dang 'dra// de la bsgom zhing red pa dang // mkha' la mkha' nyid rnam par bsgom// bsgom pa'i dus ni mthong ba ni// cung zad tsam yang mthong du med// des

  517. 259b

    bsgom mchog chen pa de la// skad cig tsam yang ma phul na// ci tsam grub pa mnyam pa nyid// mnyam pa'i 'khor lo zhes byar bshad// ces rtsa ba'i rgyud las/ nges don bstan pa'i le'u ste bcu gnyis pa'o// // de nas ston pas 'khor rnams la// lta ba spang blang med par bstan// thams cad ngo bo de bzhin nyid// lam ni nye lam bde bar rdzogs// thams cad mnyam por thig le gcig/ ngo bo med pa'i snying po la// ngo bo med pa'i rtog byung na// ngo bo med par shin tu brtags// snying po'i ngo bo ngo bo med// ngo bo dang po ngo bo ni// 'o na ci dgar gzhag de yang // yang dag 'dzin pa'i rnal 'byor pas// ma bzlog ma blan ngo bo nyid// rang byung rang zhi nyid du bzhag/ gnyis med ngo bo thig le gcig/ dbang po yul la 'gag min pas// yul 'gags log na snying po med// phyi nang gnyis med de bzhin nyid// shes pa yul la yan du btub pa min// yul la shes pa gzhig mi bya// thams cad gnyen pos bcos su med// 'du shes mi spang rig pa mi blang ste// blang dor sems dang gang bral bsgom pa yin// bag chags che phra rgyun srid pas// mi skye mi 'gag rang sar bzhag/ bskyed na 'du shes bskyed pa ste// bkag na bying bar 'gyur bas na// rang byung rang zhi rang gzhag pa// ngo bo nyid kyi don dang mjal// zhes rtsa ba'i rgyud las// lta ba spang

  518. 260a

    blang med par bstan pa'i le'u ste bcu gsum pa'o// / de nas ston pas 'khor rnams la// mtha' ru phyin pa'i tshad rnams bstan// thams cad sangs rgyas rang bzhin la// rang blo spang blang gang med pa// bsam gtan mtha' ru phyin pa'i tshad// gnyis med gnyis su mi 'dzin cing // gser bong phyogs char mi 'dzin mi blta na// bsam gtan mtha' ru phyin pa'i tshad// mi rtog mi sems mi dmigs na// bsam gtan mtha' ru phyin pa'i tshad// 'byung ba nam mkha'i ngang nyid las// sprin dang khu rlangs 'byung ba yang // rang byung rang zhi nam mkha'i klong // de bzhin rang gi byang chub sems// de g.yos ma yin mtshan rtog kun// rang byung rang zhi sems kyi dang // de ltar byung tshe bsam gtan tshad// bde bar rtsol na de bzhin nyid// mtshan ma dag pa bsam gtan tshad// gdeng sems ldan zhing 'gyur ba med// de ltar gyur tshe bsam gtan tshad// de min langs pa'i sems byung na// phyin ci log gi rnam rtog ste// de dag de la de don med// blta ba med pa'i lta ba ni// lta ba mtha' ru phyin pa'i tshad// shin tu blun pa mi gsal ba// dran pa'i 'byung 'jug nyams pa ste// rtog dpyod bag la nyal ba'i tshad// blun po dam du zin pa ni// ting rnams don la zhen pa'i tshad// gang la chags pa'i sems med na// bsam gtan lhun gyis

  519. 260b

    grub pa'i tshad// rtag tu 'di ltar gang gnas pa// sangs rgyas sa la gnas pa yin// zhes rtsa ba'i rgyud las/ bsam gtan mthar phyin pa bstan pa'i le'u ste bcu bzhi pa'o// // de nas ston pas 'khor rnams la// bsgom chags nad rnams bsal te bstan// de bzhin nyid ni mi gnyis thig le gcig/ dmigs pa'i yul ni rdul dang ri rab 'dra// 'dra ba rtog pa rlung chen tsam// gnas med gnas la spyod chags bsgom pa gol// mi rtog ci la'ang chags med pas// ting rnams ri la chags mi bya// de bzhin nyid la gzugs med pas// dmigs bya'i yul ni ci zhig yod// gnyis su med pa'i dmigs pa ni// bsgom chags nad de 'khor ba'i rgyu// dam pa nyid mthong de la zhen pa ni// bsgom chags nad kyis zin pa zhes bya'o// don mthong shes pa yod gyur na// des ni ma mthong bsgom chags nad// mi rtog zab mo nyams myong na// myong ba nyid kyis bsgom chags nad// rtag chad gol sar mthong gyur na// dus gsum dag dang de dang ldan// ting nge 'dzin gyi ro la chags gyur na// rtag chad mu gnyis mtha' mi sel// ma rabs bus pa tha ma'i sems// 'du shes med pa'i khrod du skye// zhes rtsa ba'i rgyud las/ bsgom chags kyi nad bsal bar bstan pa'i le'u ste bco lnga pa'o// // de nas ston pas 'khor rnams la// 'di zhes

  520. 261a

    bstan du med pas bstan// de bzhin nyid kyi snying po nyid// 'di zhes pa ni bstan du med// sus kyang 'di 'dra gsungs pa min// 'di zhes bstan du sangs rgyas nyid kyis med// lcags kyi sgom bu theb rgyas btab pa bzhin// nor gzung dam pa khyad par bstan pa dka'// de bzhin nyid la dbyibs dang kha dog med// med pa'i don la ye nas bltar med 'di zhes mtha' las 'das// bsam 'das de don sangs rgyas nyid kyi thugs// 'di 'dra bstan du sangs rgyas nyid kyis med// de bzhin de la bshad brjod mtha' dang bral// 'di 'dras bstan med snying po don gyi mchog/ mtshon cing dpag dka' snying po rdo yi tshul// de bzhin gting dpag bcad dka' 'di zhes bstan du med// yod med mtha' las 'das pa snying po mchog/ cir yang bstan med nam mkha'i ngang // de bzhin de la 'di zhes bstan du med// yod med mtha' bral snying po don gyi mchog/ cir yang bstan med nam mkha' dag pa'i ngang // de bzhin de la 'di zhes bstan du med// ces rtsa ba'i rgyud las/ 'di zhes bstan du med pa'i le'u ste bcu drug pa'o// // de nas ston pas 'khor rnams la// bla med rdzogs chen don 'di la// rig pa tshur 'char dgos pa 'di ltar bstan// de bzhin nyid kyi snying po la// cis kyang mtshon du med pa ste// ji tsam zab

  521. 261b

    pa'i tshogs brjod kyang // don dang mthun par yongs mi 'gyur// byang chub nam mkha'i mtshan nyid ni// sus kyang mthong bar mi 'gyur te// mkhas btsun gzhan dang 'brel mi bya// rang rig ye shes khong nas ma shar na// mi shes bsten pas sangs rgyas lam mi rnyed// me long gzugs brnyan tshul du tshur snang 'gyur// yang dag byang chub shin tu rnyed par dka'// khyad par can gyi thabs la brten pas 'grub// ming gi tha skad tsam du bden mod kyi// mngon sum bde ba'i don la rang chas 'char bar 'gyur// mtshon pa tshig tu ci tsam bstan gyur kyang // mtshon pa de dang de nyid mi mthun te// yang dag rig pa khong nas ma shar na// de bzhin nyid kyi don de ga la dpog/ yang dag don gyi rig pa shar ba'i tshe// thams cad ma bsgribs ngo bo nyid du gnas// gang zhig sangs rgyas 'bras bu lam 'dod pas// dgon pa dben gzung gzung 'dzin gnyis spangs la// rang rig gsal ba'i ye shes btsal bar bya// zhes rtsa ba'i rgyud las/ yang dag pa'i don la rig pa tshur 'char dgos par bstan pa'i le'u ste bcu bdun pa'o// // de nas ston pas 'khor rnams la// 'khor thar gnyis su med par bstan// thams cad snying po de bzhin thig le gcig/ 'khor 'das gnyis med bde ba chen po'i ngang // gnyis mthar gser bong sus kyang gsung ba

  522. 262a

    min// thams cad thig le gcig ste dbye ba'i tha snyad med// bla med nges pa'i snying po'i don tshol na// 'khor thar gnyis med bzung ste de bzhin nyid du shes par bya// kha cig dmyal 'jigs rna brgyad thos ma thag/ de 'jigs shin tu skrag gyur nas// bsam phyir dge ba'i tshogs spyod kyang / bsam la brten phyir thar mi 'gyur// dmyal 'jigs bla med thob pa'i bsam med na// tsha grang dmyal srung shal ma ri// bsam pa ji ltar bsam pa ltar// mi bzod sdug bsngal de yis mthong // 'jigs pa gang bsam de yis bshad// des na 'khor thar gnyis su med// ma bcos thig le gcig gi ngang // mnyam pa nyid yang sangs rgyas la// 'jigs pa med pa lam gyi mchog/ ma spangs mi spang mchog gis// thams cad rang bzhin lhun gyis rdzogs// gnyis mthar mi 'byung gcig gi ngang // ma bcos thig le gcig la bzhag/ zhes rtsa ba'i rgyud las/ 'khor thar gnyis su med par bstan pa'i le'u ste bco brgyad pa'o// // de nas ston pas 'khor rnams la// spyod pa spang blang med par bstan// de bzhin nyid kyi don 'di la// cis kyang bsgrib pa mi 'gyur bas// gang ltar spyod kyang de bzhin nyid// ci yang mi spyod bla med spyod pa'i mchog/ ci spyad mi rtog skye ba 'di yi don// spyod pa bzang ste glang chen chur zhugs bzhin// ci la

  523. 262b

    mi spyod de bzhin med par gnas// thams cad de bzhin nyid du yang gnas pas// gang spyod ci spyod thams cad spyod pa'i mchog/ ma 'gags mi 'gag thams cad de bzhin nyid// rigs drug bdud dang mu stegs srin po'i spyod// rdzogs chen spyod par ma gyur gang yang med// ci mi spyod pa'i spyod pa che// shin tu mchogs dag tu bshad// ces rtsa ba'i rgyud las/ spyod pa spang blang med par bstan pa'i le'u ste bcu dgu pa'o// // de nas ston pas 'khor rnams la// gnyis su dbye ba med par bstan// de bzhin nyid don snying po thig le gcig/ gnyis med ye shes khyab gad la yongs su 'dus// gnyis med mthong ba'i lta ba ma rabs bus pa ltar// rang gi shes pa dam par byas te de bsnyems pa// chags sdang zhe sdang bskyed na gti mug yin te de mi mthong // brjod du yod pa thams cad rtog pa'i rgyun// rnam rtog de la bla med phyogs na med// ma bslang ji bzhin gnas pa'i ngang nyid la// thams cad rdzogs pas gnyis su med// dbyings dang ye shes gnyis su 'dzin pa yang // de ni sgrib pa'i skyon chen yin// blang dor bde la rab gnas pa// byang chub mchog tu 'gro mi 'gyur// rna dbang gzhan nas zos mi 'gyur// ngag gis brjod du med pa'i phyir// ye shes dbyings su mthong ba med// 'khrul pa'i lam la gnyis blta mod// de ni mu stegs lta/

  524. 263a

    pa'i mchog/ yang dag sangs rgyas lam nyid la/ gnyis su med pa bde ba'i lam// ma bcos thig le gcig gi ngang // gtan la mi phebs sems nyid de// bsdus med spros med rang byung nyid// de la dran dang mi dran dang // rtag dang chad dang bsgom bsgrub dang // sgra brjod 'khrul pa'i 'khrul pa de// stong gsum sems can bsad pa bas// sdig pa'i mchog tu 'gro bar 'gyur// zhes rtsa ba'i rgyud las// gnyis su dbyer med pa bstan pa'i le'u ste nyi shu pa'o// // de nas ston pas 'khor rnams la// shin tu rtsol bsgrub dgos par bstan// bla med 'bras bu gang 'dod pa// shin tu las rnams 'du 'dzi spangs// mchod na mgron du bya ba med// lus langs rtog pa langs pa ste// rnal 'byor yang rab blo ldan la// shin tu rtsol bsgrub dgos par bstan// bla med 'bras bu gang 'dod pa// shin tu las rnams 'du 'dzi spangs// gsang chen mnyam pa'i snying po 'di// thob pa'i skal ba bya tshe na// bgrod dang 'dug dang nyal ba dang // mnyam pa de yi ngang du gnas// dus med rtag tu ma yengs bsgom// chu srin rdzas zin tshul du ma btang na// khyad par bdud rtsi mchog tu de nyid 'grub// mthong bas bltar med tshol 'dod na// mgo la me shor lta bu'i brtson 'grus bskyed// de min nyal 'dug de nyid 'di dang mi ldan na// skye ba'i

  525. 263b

    blo 'chal mu stegs yin// rang bzhin med pa'i don nyid 'di// blun pos rdzogs pa'i dus ma yin/ de bzhin nyid la rnam rtog med// yang dag sangs rgyas lam 'dod pas// shin tu brtson 'grus don bsgoms na// bla med 'bras bu 'thob par 'gyur// zhes rtsa ba'i rgyud las/ brtson 'grus bskyed par bstan pa'i le'u ste nyi shu rtsa gcig pa'o// // de nas ston pas 'khor rnams la// bla med theg chen 'di rtogs na// yon tan shugs kyis 'byung bar bstan// sems ni ye nas de bzhin nyid du bstan// gang du yang mthong ba med pa mi 'gyur bas// drang ba'i rlung gis bdud bzhi rol// de bzhin nyid du thams cad gnas// nyon mongs ma spangs byang chub nyid// spang blang med de ye shes dang // lhun rdzogs tha snyad med par 'gyur// thams cad byang chub ngo bo nyid// ngo bo nyid gsal red pa des// rgyal po nyid du dmangs grogs 'gyur// sangs rgyas sems can mi byed gang yang dbyer med na// bla med sangs rgyas dang ngam shugs kyis 'char// bung bas me tog 'jibs kyang sbrang rtsi'i snying po 'byung ba ltar// sems nyid ji ltar dag kyang ma rtogs sprul pa'i snying po 'byung // 'byung ba nam mkha'i ngang las ni// sprin dang khu rlangs 'byung ba bzhin// de bzhin gnyis med ngang las ni// bla med sangs rgyas shugs kyis 'byung // kun 'byung

  526. 264a

    snying po theg mchog 'di ni yid bzhin nor bu'i tshul// dgos 'dod re ba dang ngam shugs kyis 'byung // yon tan kun 'byung yid bzhin nor bu'i sku// sku nyid 'di rtog thams cad shugs kyis 'byung // zhes rtsa ba'i rgyud las/ theg mchog 'di dang ldan na yon tan shugs kyis 'byung ba bstan pa'i le'u ste nyi shu rtsa gnyis pa'o// // de nas ston pas 'khor rnams la// gnyis med ye shes rtogs gyur na// rig pa rang dbang thob par bstan// de bzhin nyid don gang gnas pa// gnyis med ye shes thob pa'i dbang // thams cad kun la dbang bsgyur nas// rig pa rang dbang thob pa'i don// rang rig ci la mi gnas pa// blang dor mi mnyam sems med na// thams cad kun la dbang bskur ba'i// rig pa rang dbang thob pa'i dbang // ngo bo nyid du nyid gnas pa// ngo bo lhun gyis rdzogs pa'i dbang // gnyis med ye shes 'od gsal na// mi 'gyur rdo rje nyag gcig sku// mi 'gyur rig pa rang dbang thob// ci la mi sems rtog bral na// de bzhin nyid du lhun rdzogs pas// rang dbang ye shes rdzogs pa'i dbang // snying po ji bzhin de bzhin du// rtsol bsgrub mtha' las 'das gyur na// rig pa'i ye shes rang dbang thob// ces rtsa ba'i rgyud las/ gnyis med kyi don rtogs na rig pa rang dbang thob par bstan pa'i le'u ste nyi shu rtsa

  527. 264b

    gsum pa'o// // de nas ston pas 'khor rnams la// de bzhin nyid kyi don rtogs na// mchog gi dngos grub 'thob par bstan// de bzhin nyid ni dngos po kun dang bral// 'bral med don 'di mtshon du med pa ste// rang rig ye shes 'od gsal ni// dngos po dngos su dag pa dngos grub mchog/ byang chub ngo bo nyid du kun gnas pas// rtog pa'i dbang gis kun dang 'brel ma yin// mi rtog rtog pa'i yul las 'das// gzung 'dzin rtog mtha' las 'das na// mchog gi dngos grub grub par 'gyur// gzung 'dzin gnyis lha mu stegs 'khrul pa'i lha// dngos po nyid du gnas pas dngos mi 'grub// mi 'dzin mi rtog gnyis med 'od gsal na// dngos po'i gnas lugs dag pas dngos grub mchog/ rang byung 'od gsal bdud rtsi chen po 'di// su yis rtogs na dngos grub chen po mchog/ yang dag nges pa'i snying po 'di rtogs na// rgyal mchog lhun gyis grub pa'i dngos grub pas// 'jig rten mthu chen rnams kyis phrog tu med// snying po don mchog dngos grub rang gi sems// 'jig rten dngos grub mtshan ma'i rnam pa ste// dngos grub de la bdud rtsi med par bshad// ces rtsa ba'i rgyud las/ rdzogs chen nyid kyi don rtogs na/ mchog gi dngos grub yin par bstan pa'i le'u ste nyi shu rtsa bzhi pa'o// // de nas ston pas

  528. 265a

    'khor rnams la// theg chen 'di dang ldan gyur na// sdig pa kun las rnam par grol bar bstan// mnyam pa'i ngang la gnas pa'i tshe// rang byung ye shes 'od gsal na// dge sdig gnyis ka rnam par sel// gnyis med ye shes khyab gdal bas// sdig pa kun las rnam par grol// sdig spyad sdig pa ma bsags na// sdig pa kun las nges grol te// zhi ba'i klung las ye shes 'phyo// nyam nga'i rkyen gyis mi bsgrib 'di yi lam// lam chen 'di la dge sdig gnyis mi mnga'// bdag gzhan mi mthong mi 'dzin na// nyon mongs kun la 'byol nyog kyang // rnam grol lam la bsgrub mi 'gyur// theg chen 'di dang ldan gyur na// dge dang sdig pa gnyis med de// sdig pa kun las nges par grol// bla med 'bras bu 'thob par 'gyur// 'di don de bzhin nyid rtogs na// thams cad ngo bo de nyid pas// sdig pa kun las nges par grol// zhes rtsa ba'i rgyud las/ theg pa chen po'i don dang ldan na sdig pa kun las nges par grol bar bstan pa'i le'u ste nyi shu rtsa lnga pa'o// // de nas ston pas 'khor rnams la// theg chen 'di dang ldan gyur nas// phra mo bsgyur du rung bar bstan// bla med theg chen 'di rtogs na// thams cad de bzhin nyid gnas pas// theg pa thams cad 'di ru 'dus// theg pa phra mo 'di ru 'dus rung gis// theg pa 'di

  529. 265b

    nyid phra mor shong mi 'gyur// zangs la gser rtsis gser du bsgyur rung gis// zangs rtsis gser du bsgyur du 'dod pa med// 'di yi don gyis gzhan gyi 'bras rung gis// gzhan gyi don gyis 'di yi don mi rung // snying po don mchog khyad par 'di nyid ni// bla med theg chen phra mo gdod nas med// thams cad ji bzhin de bzhin nyid du gnas// 'di la yon tan thams cad shugs kyis 'byung // lam ni nye lam bgrod med bde bar rdzogs// lam gyi mchog tu gyur pa'i ming so 'dis// stong pa nyid kyi sems de gzugs yod med// shes rab mos la 'di tshol rab tu bla// zhes rtsa ba'i rgyud las/ theg chen 'di dang ldan na phra mo bsgyur du btub par bstan pa'i le'u ste nyi shu rtsa drug pa'o// // de nas ston pas 'khor rnams la// rtsing po shes pas bcad par bstan// rdzogs chen 'di yi rang bzhin ni// rtsing po shes pas ma bcad na// phra mo'i shes pas grangs rlabs mi chod// don kun blo la mi snang bar// sgra phyir 'breng ba don med pas// rgya che rtsing po'i dra bcad la// phra mo bag la nyal ba dbab// gtan tshigs kyis ni ma yin no// phra mo'i shes pa grangs las 'das// don kun so so rang rang pa'o// de bzhin blta ba so sor blta// rdzogs chen 'di ni rab rtsing ste// don 'di cha rim nyag gcig tu// thams cad kyis nam bus chub

  530. 266a

    bo// rtsing po 'di dang ma spyad ma ldan na// lam med lam zhugs so sor gol// 'jug dang blta dang srung ma dang // de bzhin 'jug sgo so so la// 'khrul pa'i lam yin mtha' las gol// nye lam rtsol bral nad 'dis sel// rab tu rtsing ste gcig ste bstan// nye lam nyag gcig yongs su rdzogs// thams cad thig le gcig tu gnas// zhes rtsa ba'i rgyud las/ rtsing po shes pas bcad par bstan pa'i le'u ste nyi shu rtsa bdun pa'o// // de nas ston pas 'khor rnams la// 'di la mos pa'i gang zag la// phyogs dang ris su med par bstan// de bzhin nyid kyi snying po nyid// 'gro ba kun la rang bzhin gnas// rkyen gyis mi btsal gzhan las min// thams cad ye nas sangs rgyas pas// 'gro ba kun la phyogs ris med// 'di 'dzin 'di 'chang 'di 'don na// gang goms sangs rgyas sa la gnas// 'di la mos pa tha dad kyis// mu stegs srin po'i rigs drug rnams// phyogs dang ris su ma chad de// gang goms de yis 'bras bu thob// thams cad rang bzhin sangs rgyas nyid// rang gi de nyid ma rtogs na// 'khrul par gyur te so sor snang // 'khor ba nyid las thar mtha' med// rang sangs rgyas pa de rtogs na// rig pa ye shes ldan pas na// bla med shes rab nyag gcig lam// des ni bla med thar pa thob// zhes rtsa ba'i

  531. 266b

    rgyud las/ theg chen 'di la mos pa'i gang zag la phyogs ris med par bstan pa'i le'u ste nyi shu rtsa brgyad pa'o// // de nas ston pas 'khor rnams la// kun gyi thun mong min par bstan// bla med rdzogs pa chen po'i don// shin tu don dam rtogs par dka'// brtags pas mi rtog rnam par rtog/ shin tu 'di don ldan par dka'// 'di don ldan pa brgya nang na// gcig med brgya la yod srid na// bde gshegs sras kyi thu bo yin// 'di don 'don pa rin chen rigs// rin chen rigs ni shin tu dkon// yang rab nyag gcig u dum par/ 'di don min pas mthong ba min// rab tu brtag dka' rtogs par dka'// 'di zhes nyid du de nyid med// yang dag sangs rgyas sras 'dod pa// btsal med ngang la de bzhin bzhag/ yang na thabs chen lnga la brten// dgon par yun ring mnyam bzhag na// 'di nyid snying po don dang ldan// de yang gser bong ma yin par// nyag gcig sku la brten pas na// de bzhin nyid kyi don dang ldan// zhes rtsa ba'i rgyud las// 'di don kun gyi thun mong ma yin pa'i le'u ste nyi shu rtsa dgu pa'o// // de nas ston pas 'khor rnams la// kun la bstan pa min par gsungs// bya bral bla med rdzogs chen 'di// bshad dang brjod dang rtsol bsgrub dang // 'di zhes mtha' las 'das pa ste// de bzhin kun la bstan par bya ba

  532. 267a

    min// nges pa'i snying po rgyud mchog 'di// chu srin mgrin chud rin chen bzhin// kun la bstan par bya ba min// rin chen rigs la khad kyis sbyin// dad ldan skal ldan gang zag rnams// 'di 'phrad 'di dang gang ldan pa// sangs rgyas sa la gnas pa yin// des kyang nges par 'di bzung ste// kun la bstan par bya ba min// dad ldan rnams la khad kyis sbyin// zhes rtsa ba'i rgyud las/ kun la bstan pa min par gsungs pa'i le'u ste sum cu pa'o// // rgyud kyi rgyal po gser gyi rus sbal rdo rje theg pa rtsa ba'i rgyud kyi ma mo/ sems phyogs kyi phyi mo/ lta ba thams cad kyi phug/ dgongs pa'i gdeng rdzogs te/ sa ma ya so phag shi kha tham/ nor 'dod bu pho dge slong bdag 'dra yis// rin chen sna lnga'i snying po gser khyer nas// rin chen srog la ma 'dzem dka' ba'i lam rnams brgal// nges pa'i snying po byang sems rgyud smad rtsi gnyis btsal/ 'jam dpal bshes gnyen bla ma dang / bdag 'dra bai ro tsa na yis/ sgra skad bstun te mtshan la phab nas kyang / bod kyi yul du rmongs pa tshan gsum 'byung ba cha mchis nas// 'dir drangs mnga' bdag rgyal po nyid kyi phyag tu phul// rmongs po tshan gsum dus na dar bar shog/ dang po bai ro tsa nas bsgyur// de nas lho brag nas khyung grags kyis gter nas bton pa'o// bar 'dir rdo rje sems dpa' nam

  533. 267b

    mkha' che bram ze rgyas pa dang / byang chub kyi sems rmad du byung ba le'u zhe gnyis pa 'dzud// bod skad du/ byang chub kyi sems bsgom pa/ bcom ldan 'das dpal bde ba'i mchog la phyag 'tshal lo// bcom ldan 'das bde ba chen po de/ thams cad chos nyid zab mo la gzud par dgongs nas/ chos dbyings gting dpag dka' ba zhes bya ba'i ting nge 'dzin la snyoms par zhugs te/ rang bzhin gyi 'khor nyid dang tha mi dad pa rnams la/ rang bzhin gsung du med pa 'di bka' stsal pa de yi tshe na thams cad chos nyid stong pa'i ngang du gyur/ byang chub sems kyi ngo bo ni// bsam med dran med mi g.yo ba// bsam pa bstan du med pa'o// tha snyad gdags su ga la yod// 'di ni brjod med spros las 'das// dig ma'i rmi lam lta bu'o// rnal 'byor dam pa'i lam zhes bya// grub mtha' ma nyams yongs su dag/ sangs rgyas sa la rang bzhin gnas// rdzogs pa chen po'i don zhes bya// de bzhin gshegs pa thams cad kyi rang bzhin las/ rang bzhin gsung du med pa'i don gsungs pa'i skabs// bde ba'i mchog gi ye shes gsung du med pa 'di bka' stsal pa/ chos nyid ji bzhin pa de la// blo yang de 'dra bzhag gyur na// sems kyi skad cig dang po la// lus chos gnas pa don la reg/ de dus 'byung tshor shes 'jug med// bag chags rgyun chad rang byung shar// ye shes med de

  534. 268a

    skad cig ma// de bzhin dbyings kyang skad cig ma// de dang de zhes dbyer med pa// de ni rgyun chags thams cad spangs// shes pa ye shes nyid du 'gyur// de bzhin sbyong ba'i lam pa yi// ye shes la reg mi rnams la// rang rgyud du ni bdud bzhi 'byung // 'jigs pa gzugs dang grags pa sgra// 'od kyi bdud dang bslu ba rnams// byung tshe de la rig byas la// mi zhen mi chags lam rgan bsam// kun 'ong 'gro ba de nyid lam// shes pa khyad par can zhes bya// ye shes gzung du med pa'i skabs// // de nas yang bde ba'i mchog des dbyings zang ma bka' stsal pa/ zhi ba'i dbyings te 'dus ma byas// rang bzhin bzang dang rab 'dres pa// btsal med tshul du byung ba ste// gang gis ma bslad rang bzhin dbyings// thog mtha' med pa'i rgyal po'o// skad cig rgyu 'bras med par dbyings// rgyun chad rig pa'i dbyings ma yin// btsal na rtsol nad sangs mi srid// btsal ba med pa dbyings kyi gtso// de lta bu yi dbyings de la// de lta bu yi ye shes dbab// yang na dbab dang mi dbab med// shes rig bag chags rgyun de yang // gnyen po'i sgo nas mi gcod de// rang bzhin rang gis rtogs gyur pa// de yis bag chags rang bzhin dag/ rang kha'i bsam pa gya gyu la// de reg pa yang bde bar gshegs// gcig tu gzung bar ngas

  535. 268b

    ma bshad// ye shes de yang bsam pa'i dbang // bsam pa rang kha ma yin te// dbyings dang ye shes rab 'byor na// rig pa can gyis char bzung ste// rim pa med pa'i don de ni// yang dag pa yi dam pa'o// byang chub kyi sems bsgom pa las dbyings zang ma'i skabs// // de nas rang bzhin mthong du med pa bka' stsal pa// rang bzhin rang gi rtogs pa ni// dra snyig med pa'i zab mo ste// rang kha'i tshe na yod med na// bsam pa mtshan ma can gyis ni// de la mi dpog gya gyu can// gsal ba med par rang bzhin gsal// gsal ba nyid ni grub mtha'i skyon// rang bzhin mkha' la rang bzhin sems// bsam pa rang bzhin rang bzhin gnas// shes rgyun de yang rang bzhin tsam// de ni nyams med nyams zhes bya// lta ba rim pa ma yin la// bsgom pa rim pa ma yin pa// lta spyod gnyis ka rang bzhin tsam// khyad par 'phags pa'i rang bzhin no// byang chub kyi sems bsgom pa las rang bzhin gyis mtshon du med pa'i skabs// // de nas dbyings dang ye shes dbyer med yin pa 'di bka' stsal pa/ thams cad dbyings las phyed yin pas// dbyings dang ye shes dbyer med ste// ye nas ma bcos dbyings de la// ma bcos rig pa klong du yin// rang bzhin don dang ldan byas te// rtog ge'i spyod yul ma yin pas// dbyings dang

  536. 269a

    ye shes gnyis med de// gnyis med bde ba'i mchog rgyal po// de ltar ma yin rtog ge pas// bsam pa de la gnas pa na// gal te sems la gtad yod pas// btang ba mi mthong 'ching ba'i rgyu// gtong mi dgos pa'i skyes bu yis// nam mkha' bzhin du nad du bsdus// dang po'i tshe na 'di gnyis sgrims// dbang po yul la 'phros pa yang // de kha dbyings zang shes rab mod// kha cig rdzogs chen don 'dod pa// rang bzhin bde ba nyams su blang // bde ba snyoms te ma tshor 'chor// de bas chad pa zhi bar bzhag/ der bzhag gser 'dod bong ba bzhin// dbyings dang ye shes skad cig la// med pa shes rab thabs rdzogs pa// de ni sangs rgyas sa la gnas// gnyis su med par mi blta bar// de ni sangs rgyas sa las 'das// de ka gting dpag dka' ba'i don// byang chub kyi sems bsgom pa yi ge med pa las/ dbyings dang ye shes gnyis su med pa'i skabs// // de nas mthong bas bltar med pa'i don 'di bka' stsal pa/ mthong bas blta ru med pa ni// chu srin gre ba'i rin chen bzhin// nam yang bstan du med pa'o// mtshan ma kun dang bral bas na// btsal dang bral ba'i yi ge med// rtsol dang bral ba nyams kyi gtso// mi dmigs sku la bltar med de// mi dmigs gsung thugs de bzhin yin// ma mthong bas na

  537. 269b

    mthong ba che// thabs kyi thabs te dngos grub rmad// shin tu ngo mtshar rdzogs chen po// sangs rgyas thugs la mi mnga' ba// 'di rtog go ba brgya nang na// gcig mi 'ong bar shin tu grags// lung du bsgom bsgrub kun dang bral// khyab pas bde chen don zhes bya// mthong med bsam pas thams cad mthong // de ni nges bsgom mchog chen po// sa dang pha rol phyin las 'das// de yi snang ba rang bzhin med// rang bzhin med pa mi bsam ste// sgra bsam yul las 'das pa'o// sems kyi 'byung tshor byung ba na// de ka rang bzhin rang zhi ba// nges don snying po bla na med// rnam rtog bsags pa'i phra rgyas kyis// log khrig don min brtas pa'i mthu// bzlog dka' gnyen pos bzlog pa min// rgyal las dmangs byung tha mar rgyal// rgyal po thu bo mi yi mchog/ rgyal bzung rgyal khams cham la phab// nges par bsad pas sdig mi 'ong // 'di ni slar 'tsho shin tu rgyal// mkhas pas rgyal po bsad gyur na// shin tu rgyal 'khor bzang bar 'ong // lug bzlog bde chen sa la 'das// byang chub sems bsgom pa las mthong ba bltar med pa'i skabs// // de nas chos nyid ji bzhin pa'i don bka' stsal pa/ sems mi g.yo ba sangs rgyas so// gang yang ma bskyed don de la// gang gnas chos nyid yin par bshad// gnas dang mi gnas gnyis

  538. 270a

    med do// de phyir rnam pa thams cad mkhyen// 'di ni sku yi dngos grub yin// chos nyid cir yang ma mthong ba// thugs la yang dag don ma log/ bzlas shing gsal bar ma gyur pa// gsung gi dngos grub shin tu yin// sa la mi brten lhun gyis grub// 'di ni lam rgan kun 'ong 'gro// thams cad 'dus pa'i dngos grub yin// rang bzhin rang la rang bzhin yin// rang byung rig pa zhes bya'o// 'di mi snang ba gzhan snang med// gal te blo la snang ba de// don snang ma yin mtshan ma'o// de ni rang byung rig pa min// byang chub kyi sems bsgom pa las// chos nyid ji bzhin pa'i skabs// // de nas rmad du byung ba 'di bka' stsal pa/ sems mi g.yo ba bde ba ste// sems kyi sems 'ching mi 'chor bas// sems la zhib pas brtag dpyad bya// shes bzhin gyis ni zang bcad de// sems kyi sems la bltas pas na// cir yang ma mthong ma yengs pa// bsgoms na ma bsgoms bsgrubs na nyams// de bas 'byung tshor ci byung yang // rang byung rang zhi bsgom pa'i gtso// rang byung rang zhi tsam mi gdags// sems kyi spyod 'jug thams cad kyang // yi ge med pa'i ngang du bzhag/ de ni rgyal po'i rgyal sa'o// man ngag snying po'i rgyud ces bya// bde gshegs nyag gcig dgongs pa la// phyi rabs rnal 'byor don la ni// yang rab

  539. 270b

    bsam pa'i ting nge 'dzin// rab kyi rab kyis don la dpyad// byang chub kyi sems bsgom pa yi ge med pa las/ rmad du byung bar bstan pa'i skabs// // de nas sku gsung thugs su 'khor rnams rang bzhin du bton nas bka' stsal pa/ byang chub kyi sems bsgom pa yi ge med pa'i rgyud 'di mthong ngam/ thos sam nyams su blangs sam/ don rtogs sam/ de skad ces bka' stsal pa las/ 'khor rnams kyi mgrin gcig pas 'di skad ces gsol to// byang chub kyi sems yi ge med pa 'di/ bdag cag gi ji ltar 'tshal lo// zhes gsol pa las bde bar gshegs pa rnams slar yi ge med pa'i rang bzhin du 'dus so// byang chub kyi sems bsgom pa yi ge med pa zhes pa'i skabs rdzogs so// 'di gong 'og gnyis med dang skabs grangs 'dra yang gsan yig na bzhugs chu gong ma 'di yin 'dra// bod skad du/ byang chub kyi sems bsgom pa yi ge med pa'i rgyud/ dpal bde ba'i mchog la na mo/ bcom ldan 'das chos kyi dbyings rang bzhin med pa'i ting nge 'dzin la snyoms par zhugs te/ rang bzhin gyi 'khor la rang bzhin gyi ston pas rang bzhin gsung du med pa bka' stsal pa/ rang bzhin rang bzhin tsam min te// de ni rang bzhin mi bzung ba// rang bzhin gab pa bag la nyal// rang bzhin gyi skabs// dbyings dang ye shes gnyis med de// gnyis na rim pa

  540. 271a

    can zhes bya// rim pa'i cha la mi brten par// de ka yi ge med pa'o// yi ge med pa'i skabs// rang bzhin tsam yang ma yin pa// de ni rang bzhin chen po'o// rang bzhin rang gis rtogs na rtogs// thams cad me dang rang bzhin snang // bltar med bag la nyal ba de// 'bad pas mi rnyed btang snyoms tsam// de yang min te cir mi gnas// yi ge med pa'i skabs// 'di ltar snang ba'i khyad par las// bdud bzhi mi 'byung rtog pa zad// nges thob sa chen khyad par 'phags// skyon bral rdzogs chen don las 'das// stong dang mi stong tshig las 'das// sangs rgyas chos dang dge 'dun med// yi ge med pa'i skabs// man ngag gsum dang gsang ba gsum// yi ge med pas 'di mi brtag/ stong pa chen po'i rang bzhin stong // de ni kun las 'phags pa yin// mchog 'phags khyad par chen po'o// yi ge med pa'i bas// mi dmigs mi rtog kun bzang dang // rang ka ma la rang bzhin yang // bag chags kun bzang lhun gyis grub// gser med bong ba med pa'i sems// dran rtog bag chags ci byung yang // de nyid rang bzhin yig med dang // mtshon pa las 'das dpe med pa// des na sgrub pa chen po'o// yi ge med pa'i skabs// gang yang mi bsam cir mi btags// mtshan bsam nyams te chags na 'khor// byang chub sems

  541. 271b

    su gdags pa med// 'di ltar spyod pa'i khyad par la// sems dang yid du rnam mi dbye// phye bas chags pa'i mtshan ma'o// 'di zhes gang la'ang gnas mi bya// bsgom chags skyon du ting 'dzin 'gro// yi ge med pa'i skabs// lhun gyis grub pa'i ye shes te// ye shes kun gyi thu bo yin// chos sku bde ba'i mchog yin pas// nam mkha' che'o ting 'dzin gtso// yi ge med pa'i skabs// rigs kyi bde bar gshegs pa rnams// ting 'dzin 'bum sde'i don 'di ni// rab tu rtogs dang dpyad dka' bas// rgya chen rtsing por rab dpyad la// phra mo bag la nyal ba dbab// gtan tshigs kyis ni ma yin no// byang chub kyi sems bsgom pa yi ge med pa las/ bsdu ba gsungs pa'i skabs rdzogs so// //

  542. 272a

    rgya gar skad du/ ba d+d+hi tsit+ta ma hA san+ti dz+nyA na sap+ta ka ra tan+ta/ bod skad du/ byang chub kyi sems rdzogs pa chen po ye shes bdun 'byung ba'i rgyud/ dpal ye shes rdzogs pa chen po la phyag 'tshal lo// 'di skad bshad pa'i dus gcig na/ bcom ldan 'das rang bzhin ye shes rdzogs pa chen po/ gsang ba'i 'od gsal ba bde ba'i ngang nyid/ lhun gyis grub pa'i bdag nyid/ ma lus pa gcig gi rang bzhin thig le chen po nyid/ 'og min gyi gnas/ chos kyi dbyings mtha' dang dbus med pa'i de bzhin nyid/ rig pa 'pho med pa'i gzhal yas khang / cir yang gsal ba'i rgyan gyis bklubs pa na/ bcom ldan 'das rang bzhin rdzogs pa chen po de/ rang bzhin gyi 'khor dang / rang bzhin la lta ba'i 'khor dang / rang bzhin nyid la gnas pa'i 'khor dang / rang bzhin mngon du gsal bar gyur pa'i 'khor dang thabs cig go// de'i tshe na brgya byin lha'i dbang pos/ gdul bya'i don shes nas/ phyogs bcu'i rgyal ba la 'di skad ces bskul to// dus gsum rgyal ba thams cad kyi// thun mong bya ba mthar bton nas// gang la nye bar mdzes pa yi// dam pa'i gsang ba gsung du gsol// rtsol bral rig pa'i khyad par la// gnyis pa'i don de mi gnas te// de nyid snang ba'i byin rlabs las// ji ltar 'dod pa so sor gsal// zhes bskul

  543. 272b

    to// de nas phyogs bcu'i rgyal ba thams cad kyis/ de bzhin gshegs pa rdo rje sems dpa' la mgrin gcig tu 'di skad bskul lo// rang gsal rig pa mchog gi sku// rtsol bral bstan pa thugs la rdzogs// 'dod 'byung 'bar ba'i nor bu ltar// gdod nas kun rdzogs bdag tu gsal// rig pa lhun rdzogs dbyings la bzhugs// bdag gzhan mi mnga' phyogs ris bral// nam mkha' mi 'gyur rtag par blta// rang gsal lhun grub rig pa khyod// gang la rkyen gyis bskul ba ltar// thugs rjes sems dpar bstan du gsol// zhus so// de nas rdo rje sems dpa' la bskul bas/ lha'i dbang po'i ngol gsang ba'i bdag por snang bar gyur to// de nas lha'i dbang pos 'di skad ces gsol to// rgyal ba kun gyi gsang ba'i thugs// kun 'dus byang chub sems kyi ngang // rang gsal nyag gcig dri med pa// bde chen khyed kyi sku mchog gis// brjod bral gsang ba'i chos nyid 'di// tshig dang yi ge kun bral yang // de nyid brjod pas go bya'i phyir// ye shes gsal bar gsung du gsol// zhes zhus so// de nas phyag na rdo rje de nyid rang gi ye shes gsal ba zhes bya ba la snyoms par zhugs te/ rang nyid lta bu'i 'khor rnam par bkod pa las/ rnam par langs nas 'di skad ces bskul to// rang byung rig pa'i 'od 'bar bas// kun gsal

  544. 273a

    nyams myong bral ba 'di// brjod med rig pa'i don go nas// rtsol bral don la dgod du gsol// zhes zhus so// de nas skyes bu dam pa des/ 'di skad ces bka' stsal to// rang byung rig pa mchog gi don// rang rig 'od gsal gsang ba'i nyams// 'dzin pa'i dri ma kun gyis dben// brjod bral rig pa dbyings la bzhugs// 'bar ba'i 'od kyi rnam pa ltar// kun tu gsal zhing nyid du gnas// rang gsal rig pa chos dbyings la// cho 'phrul bdag rdzogs gnyis pa med// rna brgyud dag gi sgra tshig gis// 'phrul gyi me long ji bzhin du// gzhan mi btsal te rang la rdzogs// ci yang ma yin cir mi dgongs// bsal med mi g.yo mchog gi lung // ji bzhin nyid la ji bzhin gsal// rkyen bral brda phrad don gyi lung // brjod med gsang ba'i nyams kyis so// rang byung mchog gi snying po la// yengs pa med pa'i sems kyis gnas// rang gsal dmigs bral cir mi dgongs// shes med gsal ba mar me ltar// yin no gang du'ang sems pa med// 'gyur med chos kyi g.yung drung la// ci dgar bzhag pas g.yo med lung // yul med bsam bral sgro skur can// ting 'dzin rig pa'i 'khor lo yin// bag chags 'dzin pa rnam par gcod// nam mkha' gsal ba'i mar me ltar// gsal la dmigs pa rnam par bcad// 'byung

  545. 273b

    'jug med pa'i thig le yis// gsang ba rig pa'i 'khor lo gang // ma rig gsal ba'i me long gis// khyab pas nam mkha' rjes su blta// rang byung rig pa rang gsal skyes// rgyu rkyen bral ba'i dbyings la rdzogs// bsam pa spangs te dbyings la gnas// mi 'byung mi 'jug gnyis med dang // spyad med de ltar rang bzhin gzhag/ btsal bral chu yi rang bzhin ltar// ma bskyed der bzhag don gyis gsal// de nyid nges pa'i don 'di ni// bsam gyis mi khyab dus nas shes// mi tshol 'od kyi snying po ltar// 'du 'bral med par ye nas rdzogs// de kho na nyid yul med la// gnyis med rig pa gcig tu 'bar// gti mug sgo/ nas bde ba rgyas// kun 'joms re ba'i snying po 'dra// mtha' bral mngon par mtho ba la// mtshan bral mi tshud gcig las med// des na rang bzhag dgongs patas gnas// kun la bsal te gcig la son// 'gyur med sems kyi dgongs pa'o// ye shes bdun 'byung gi rgyud las/ gleng gzhi gsang ba'i le'u ste dang po'o// // kye sems dpa' chen po/ rang bzhin thams cad nyams kyis ni// bsdus te thig le gcig tu gsal// rang gsal 'gyur med ye shes kyis// ji bzhin klong du gsal bar gnas// 'khor ba rang gsal nyid du bde// nam mkha' khyab pa'i 'od dang ldan// gsal ba nam mkha'i snying po

  546. 274a

    ltar// khyab pa kun gyi rjes su song // snang ba nam mkha'i mtha' ltar yangs// 'phrul gyi me long gsal ba'i 'od// phyogs ris med par kun la 'char// rgya mtsho gsal bas yid brtags pas// khyab par gsal bas dbyings la bsdu// ma bcos rang byung snying po la// sgro skur dag pa'i dbyings la 'das// bsam pa med pa'i 'du shes can// rgyu ba'i yu ba rnam par bcad// kun snang 'od gsal nyag gcig po// ci yang yin no gang yang rung // ma bkag yon tan de ltar gsal// rang rig yul med chos kyi dbyings// rang gsal ye shes kun tu bzang // rang byung rkyen bral 'jig pa med// ye shes snang ba rnam par dag/ rdzogs pa'i ye shes klong du thim// mkhyen bral gti mug chen po la// shes dang mi shes yongs kyis med// rang gsal lung la kun rdzogs pas// gnyis pa'i chos dang gdod nas bral// rang bzhin 'du 'bral med pa nyid// thig le gcig tu kun rdzogs so// gsang ba'i me long thabs kyis shes// kun 'byung ye shes phung po la// gsang ba'i thabs kyis rtogs gyur na// btsal bral 'od ltar khyab par 'byung // kun la phyogs ris med par snang // phrad dang ma phrad nus pa las// de ltar de lta nyid du snang // phrad dang thob pa med pa yis// mi snang mi gsal rang bzhin gsang // sngon 'gro'i shes rab sbyangs

  547. 274b

    pa yis// lus dang srog la mi dpyad de// rna brgyud thob phyir dbul bar bya// ye shes rang gsal thabs rdzogs pas// ma brjod rig pa'i thabs kyis go// rang bzhag rig pa'i thabs kyis 'di gnyis med pa 'dra go// rang bzhag rig pa'i shugs kyis go// rang bzhag rig pa shugs kyis gsal// 'gyur med gsang ba'i don la bzhugs// kun 'dus rig pa gsal ba'i nyams// brjod par mi rtog nyams kyis gsal// gsang ba'i me long gsal rdzogs pas// brjod bral bla ma'i thabs kyis shes// gsal ba'i mar me dbyings la khyab// rig pa'i 'od gsal mchog gi thugs// gtad med yul la dus gcig rdzogs// gsal ba mi mngon dus gcig mchog/ nges pa dus tshod de kho na// gsal med 'du shes bral ba med// rig pa'i klong la kun tu bzhugs// gang yang ma yin 'od gsal yin// mi 'brangs mi spyod yul dang bral// brda phrad rig pa shugs kyis go// yang na nam mkha'i sa la'o// yang na chu bo'i rgyun la'o// yang na gsal ba nyid la'o// yang na mtshan ma'i sgra la'o// yang na de nyid gang min par// rang bzhin rig pa gzhag pas ni// chu la chu ltar gsal bar gnas// mi shes pa nyid ma yin pas// 'byed pa med pa'i ye shes 'grub// rang gi nyams myong kun bral bas// brjod bral bstan pa rgya mtsho'i mdzod// skra

  548. 275a

    bral rig pa thugs la rdzogs// gsal la bsam du med pas na// dmigs med rig pa rang gsal lung // thams cad rig pas mngon par shes// bsam du med pas 'dzin dang bral// sa le dmigs bral gcig gi dang // mi spyad mi 'dzin bsam du med// mtha' yi 'du shes rgyu ba med// bsam pas bsgribs pas don mi shes// gang du'ang mi bsam mi spyad de// rang gzhag rig pa nyid kyis gsal// nyams myong bsam rtog yul zhes bral// rang byung nyid la nyid mi 'byung // rjes mi 'brang zhing yul mi tshol// mi 'phro mi sdud mi bcos te// mtha' dbus de bzhin nyid mi 'tshol// de bzhin nyid du rang bzhin gnas// kun kyang rang gsal thig le nyid// sgro bsdu med pa'i dbyings la 'du// 'das dang ma 'das chos kun kyang // rtsol bral 'od la rtag tu bzhugs// chu yi gnyer ma ji bzhin te// rig pa 'od sal dbyings la thug/ rang la skyo zhing dbyings la 'du// nyi ma gsal ba'i snying po ltar// gsal la ma 'dres lhun gyis rdzogs// kun kyang shi len na len 'dra// gang yang ma yin gcig tu gnas// ma yin kun kyang rig pa ste// rig pa min la ma rig min// ri bo mes bsregs kun tshig ltar// rtogs pa'i rig pa rang gsal ba// 'dzin pa mi gnas rang gsal bar// spang ba med pa mnyam du gnas// gcig po

  549. 275b

    ye shes rdzogs lung la// don bral mnyam pa'i sems kyis blta// de nyid rig pa 'od 'bar lung // brjed med gsal ba'i don yin no// ye shes bdun 'byung gi rgyud las/ ye shes snang ba'i le'u ste gnyis pa'o// // kye sems dpa' chen po/ rang gsal ye shes mnyam nyid la// sgra tshig brjod pa'i rig pa yis// rdzogs pa'i ye shes mngon gyur na// ye shes 'od gsal nyid du nges// ma bslad rkyen bral nyag gcig pa// rim pa ma yin dus gcig gsal// rtsol bral rig pa cir mi dgongs// cir snang rang gsal nyid kyi dbyings// ma btsal ma sbyangs ye nas grub// rig pa ma btsal mngon sum dbyings// smon du med pa rang la rdzogs// dus med rang rig gsal ba'i lung // bskyod med chos dbyings dam pa nyid// kun kyang rig pa nyams su skyes// 'byung 'jug mi gnas cir mi dgongs// ma bslad ma bcos ye nas 'byung // brgya byin nor bu ci bzhin du// ma btsal gdod nas lhun gyis grub// rig pa ye shes 'od gsal du// mnyam dang mi mnyam chos mi gnas// mtha' dang dbus med ye shes klong // phyi dang nang med chos kyi dbyings// ma skyes pa dang mi gnas pas// ma chags pa dang lhun gyis grub// gdod nas dag pa chen po la// sbrang zhing bgrod pa ga la yod// dus gsum rgyal ba'i snying po ni// rig pa'i ye shes rang

  550. 276a

    gsal yin// zab mo gsang ba'i nges don la// phyogs dang phyogs min chos mi gnas// rig pa rang gsal ye shes nyid// sbyang pa ma yin gdod nas grub// gnyen pos ma btsal de bzhin nyid// ma bcos mi gnas rang bzhag pas// ji bzhin rang byung gnas pas gsal// snang srid 'khor dang 'das pa kun// rang byung rig par rang gsal bas// sgo dang skur pa'i chos mi gnas// btsal med ye shes gsal ba ni// khyab par gsal ba'i dmigs dang bral// 'du 'bral med par ye nas 'byung // dmigs bsam mi spyad rang byung nyid// rang gsal rdzogs pa nyag gcig po// du ma'i chos kun rdzogs pa'i ngadang // che chung med par ye nas mnyam// rang byung dbyings las ma g.yos par// kun la snyoms pa'i thugs rje 'char// ci yang yin no gang yang rung // bsal med rig pa'i ngang la bzhugs// brjod bral mi gnas tshig dang bral// de rtogs sgra yi 'khor lo yis// rig pa'i ye shes 'od du 'bar// gsal 'dzin mtha' yi zag pa bcad// rang gsal brda yis gsal bar byed// sbyang med shes rab rnam gsum gyis// rig pa bde mchog gsal bar shes// gang zhig de yi rjes 'brangs na// rig pa rang gsal don mi mthong // ye shes gsang ba'i don las gol// bde mchog gsang ba'i lam dang bral// mtshan

  551. 276b

    ma 'khor ba'i lam du brgyud// rang byung gsal ba'i lam ma shes// rang bzhag rig pa'i rgyud tshig gis// ji bzhin ma bcos ngo bo la// brjod bral rang bzhag dgongs pa yin// rang byung dbyings las gsal bar byed// ma bcos gsang ba'i dgongs pa la// bcos ma'i rnal 'byor log pa'i lam// mtshan bral bcos med snying po la// 'dzin pa'i rnam rtog log pa'i lung // gang dag rang 'dod phyogs cha yis// 'dzin pa so sor mthong ba yis// phyogs bral ye shes chen po la// btsal zhing spyad pas don mi mthong // cir snang gcig gi ngo bo la// yengs pa med pas kun tu gsal// nyams myong brjod bral bsal 'dzin med// 'di la phyogs ris gdod nas med// rang bzhag rig pa shugs kyis go// ma brjod brda yis gsal bar shes// dus gcig ye shes rang gsal bas// gnyis 'dzin phra rags kun gyis dben// 'dzin med mkha' la nyi shar ltar// gsal la stong pa 'du shes med// gang yang mi gsal 'byed med lung // mi bsam rig pa cir mi dgongs// rang bzhag dgongs pa bsam mi khyab// yul bral shes pa 'dzin rtsol med// ma yengs bsam med brjod bral lung // rang gi nyams kyis gsal bar shes// dbus mtha' med pa'i rig pa la// mi 'jug bsam pa'i sems kyis gnas// gang du'ang mi bzhag

  552. 277a

    rten bral bas// gzhag tu med pa'i don 'di la// de bzhin nyid la goms pa yis// dus gsum ma bcos dgongs pas gzhag/ rdo rje sems dpa'i dgongs pa'i don// ma bcos rig pas gsal bar shes// tshig min don du mnyam sbyar nas// gang ltar bltas pas de ltar bzhag/ 'di ni rig pa'i nyams su brjod// gdod nas ma bcos lhun grub la// mtshan ma'i brda yis mnyam sbyar nas// yengs med rang gsal bde chen la// ye nas de ltar gnas bzhin bya// bde ba de yi don go na// btsal med 'di ni rang la shar// rgyal ba'i dgongs pa dbyings la gtugs// spyod lam gang ltar bde ba bzhin// rang rig gsal la mnyam par bsgom// ma spangs ma btsal shugs kyis gsal// bum pa'i rlan ltar de bzhin na// ma btsal rig pas 'grub par 'gyur// btsal na 'dzam chu rdo gzugs ltar// 'od gsal 'khor ba'i khams su 'gyur// mi bsam mi dpyad dgongs pa'i klong // yengs med mtshan ma'i sgo skur bcas// gcig gis kun gyi rang bzhin gsal// dang po de nyid rang nyams rdzogs// ma bcos nyams myong ting 'dzin te// 'khor ba rang gsal snying por grub// thams cad gsal ba'i maN+Dal// gsal la 'dzin med rang bzhag blo// ma bcos mnyam par gnas par bya/ ye shes bdun

  553. 277b

    'byung gi rgyud las/ rang bzhag rig pa la ma shes mnyam par rtogs pa'i le'u ste gsum pa'o// / kye sems dpa' chen pa// ma shes goms dang rtags nyid dang // rdul dang zla ma tshul nyid de// rang bzhag thug phrad mnyam nyid de// rang byung rang gi nyams la shes// rang gsal ma yin gzhan las min// gnyis kas ma yin khyad par gsal// rang rig yul med dus gcig gsal// yin dang ma yin phyogs med klong // kun gsal rig pa'i sgo phye nas// yengs med ma bcos don la zhugs// snying rje bsam med phyogs su brdal// yul med ma bcos de bzhin nyid// ma bsams mi gnas khyad par 'gro// ye nas rig pa'i klong du zhugs// brjod bral gsang ba'i gter la spyod// gsang ba'i rig pa lung gi tshul// 'di dang gzhan zhes 'dzin sems bral// blo yi rig pas cir mi dgongs// gnyis med rang gsal ye shes la// dran bsam rig pas ci brtags kyang // bya bral rig pa cir mi 'dzin// bsam pa'i blo yis cir mi spyad// rang bzhin 'khor lo rim par bskor// 'jug med 'jug bral dgongs pas gnas// bsam gyis mi khyab chos kyi dbyings// mtshon pa lam gyi rgyud dang bral// gsal bar shes te rgyu ba bral// cir yang mi 'dzin de bzhin nyid// gdod nas lhun gyis grub pa'i ngang // rang byung 'od gsal gcig la

  554. 278a

    rdzogs// mi gnas rig pa'i dkyil 'khor la// ma bsal ma bsgrubs gdod nas gsal// 'byung 'jug med pa'i ye shes kyis// yengs med dbyings la thabs kyis 'jug/ 'khor ba ye nas sangs rgyas pas// 'od gsal dag pa nyid du gsal// ma bsgribs kun la khyab pa'i 'od// thams cad gsal bar rang bzhin 'char// 'di la sbyang bgrod yul dang bral// 'di la bsam dpyod mtha' dang bral// 'di la rtsol bsgrub mtha' dang bral// 'di la dgag bsgrub kun las 'das// kun gyi snying po rang byung la// rig pa gsal bar nyams myong la// kun kyang rang gsal mnyam par mkhyen// yul med rang gsal gcig gi lung // du ma gcig tu gsal bar shes// kun kyang lhun grub snying po nyid// du mar 'dzin pa'i chos mi gnas// mi bsam mi dpyad rang bzhin gzhag/ nam mkha'i rdo rje rnal 'byor pas// snang srid thig ler mnyam sbyor zhing // nam mkha' 'od gsal mnyam par mkhyen// chags pa mi mnga' zhen pa dag/ mi 'phro rang gsal gnas pa dang // 'khor ba lhun grub snying por gsal// ma bcos gsang ba'i sgo phye nas// dam pa lung dang rigs pa 'phrad// rgyal thabs rig pa gdeng gis 'phags// snying rje phyogs ris med par 'char// ting 'dzin rig pa klong du son// ma chags dag pa'i spyod pa yis// kun bzang

  555. 278b

    mdzad pa'i nges pa can// khams gsum sku gsung thugs gsal bas// sku gsum zhing du rig pas sbyor// ye shes rol pa rang 'char bas// phyogs ris med pa kun las 'byung // rdzogs pa'i 'od gsal mnyam sbyor bas// thugs rje'i dkyil 'khor rang bzhin 'char// byin rlabs ye shes 'od 'chang bas// ma lus snying po nyid du mthong // gdod nas ma bcos 'od gsal bas// ma yengs gsal ba'i gdeng gis bzhag/ dpal ldan nam mkha' rgyal ba'i sku// ma bcos nyi ma'i snying po ltar// drod rtags cho 'phrul rang bzhin thob// dmigs med lhun grub rol pa ni// mdzad pa'i gar thabs sna tshogs pa// rig pa gsal bar thabs kyis shes// nyams myong mi sel bsam pa spangs// sku gsung rang bzhin dus gcig rdzogs// snying po rang bzhin khyab pa ni// gcig gis kun gyi rnam pa 'dzin// bsam gyis mi khyab dus gcig 'brel// tshul ni gang du'ang mi spyod pa// yengs pa med pa'i rang bzhin gyis// bsam gyis mi khyab dbyings la gsal// bdag min gzhan min gang yang min// ma bcos chu la chu bzhag ltar// rang bzhag rig pas gsal bar shes// sgra bral rig pa'i ye shes kyis// ma btsal gyin 'dar bshad pa go// ma bcos gsang ba'i rnal 'byor pas// ma brjod rdzogs pa'i shugs kyis go// mi spro mi bsdu gsal bar

  556. 279a

    gnas// tshig bral bstan pa rgya mtsho'i mdzod// dbyings las dbyings gsal sgrib pa med// ma bcos rdzogs pa'i rnal 'byor la// 'di yin 'di min phyogs ris med// blo yi rang bzhin ma skyes pa// rig pa'i rang bzhin bsam dang bral// phyi dang nang med bde ba'i klong // gsal la dmigs 'jug mi gnas pa// zag med mkhyen pa nyid kyi ngang // ma yengs ma btsal sems kyi gnas// 'di ni rang rig sems kyi lung // brjod bral rig pa nyams kyis gsal// drug zug kyang 'phrad dran rig med par gsal// ye shes bdun 'byung gi rgyud las/ ye shes rang gsal gyi le'u ste bzhi pa'o// // kye sems dpa' chen po/ gang gi rang bzhin gsal ba la// log pa'i phyogs kyis bsgrib pa de// rang gsal brda don phrad pa yis// btsal bral rig pa 'char bar 'gyur// kun 'byung snying po byang chub ni// rnam par mi rtog rgya chen zab// dmigs bral rig pa'i klong du 'das// drug gi chos dbyings bzhin yang yul med pa// rang byung snying po gcig la rdzogs// ye shes mkha' mnyam sgra don med// gsang ba'i ye shes rig pa'i lung // sgro skur med pa nyid du bstan// phyogs med ye shes khyad par gsal// kun 'byung sgra brjod bral ba la/ thig le spros bral mkha' ltar dag/ rang byung dag gi snying po la// gang ltar brtags pa phyin ci log/ zhen

  557. 279b

    drug log pa'i rtsol brgyad kyis// ma bcos gsang ba'i dgongs pa bslad// 'dzin sems log pa'i lcags kyis bcings// mtshan ma 'khor ba'i 'dam du bzung // zhen chags log pa'i mdud pas bcings// phyogs bral phyogs su bslab pas 'khor// log pa'i ri bos mngon du bkag/ spros bral 'bar ba'i ye shes la// mtha' yi zhen pa mi gnas kyang // don la log pa'i byis pa yis// rnam rtog 'khor ba'i khams su brtags// dung la ser por 'dzin pa ltar// dngos la gnas pa ma yin kyang // log par mngon par zhen pa'i mthus// rang snang ma bcos zhen par brtags// yod med mthong ba 'khrul pa'i lam// de nyid mthong bas grol bar 'gyur// spang 'geg 'khrul pa ngal ba'i lam// ma bcos rtogs pas gol bar 'gyur// gzung 'dzin lta ba gnyis kyi chos// gnyis 'dzin bral bas grol bar 'gyur// gnyis kyis gcig pa'i nyes med lam// gcig tu rtog pas grol ba'i lam// spong len mthong ba che chung la// gsang ba'i nges bstan gcig gis grol// bsnyen bsgrub dag pas dag pa bsgrub// ye nas zin pas gzod sgrub rtsol// btsal med rtog pas grol bar 'gyur// rgyu 'bras 'dzin pa gnyis kyi lam// gnyis med rig pa 'grub par 'gyur// brda don phrad pa'i rim pa yis// rig pa gsal ba'i don

  558. 280a

    rtogs na// mi rtog rnam grol bde bar gshegs// gsal la nyams myong gang yang min// 'du shes kun bral dbyings nyid du// rig pa mkha' ltar gnas par bya// tshad ma mngon sum chen po la// rjes dpag shes pa phyin ci log/ mngon 'byung rang gsal rig pa la// rjes 'jug mtshan ma cir mi dgongs// gnyis med gsal bar rtogs pa la// mi bsam mi spyad gnas na grol// ji ltar gnas pas bzhag par bde// rang bzhag rig pa chen po la// yengs pa med pas yang sangs rgyas// ye shes gsal bar gnas pa yis// che mchog bla na med pa'i sa// nges rtogs lung gis de ma zag/ rang byung byin rlabs ngo mtshar che// gsang ba'i me long thabs kyi tshul// 'du shes bral bas rab tu bde// ye shes bdun 'byung gi rgyud las/ ye shes gsang ba'i le'u ste lnga pa'o// // kye sems dpa' chen po/ rang byung rig pa mchog nyon cig/ rdo rje gsang ba rang byung ba// rgyu med rkyen bral chos kyi sku// rig pa'i 'khor lo bsam mi khyab// gsang ba'i 'khor lo rtogs par dka'// ye shes 'khor lo gsang ba'i ngang // ting 'dzin gsal ba'i mar me la// bsam pa'i 'dzin pa kun dang bral// kun la gnas kyang bsam dang bral// mkha' gsal mnyam pa rig pa'i dkyil// snang 'byung rig pa 'bum phrag yas// gsal la dmigs

  559. 280b

    pa med pas na// bsam med dran med mi g.yo ba// rnam par mi rtog mchog gi lung // spyod lam rnam bzhi mi gnas pas// mi ldog ye shes ngo bor gsal// snang ba rnam rtog cir mi blta// dran 'byung rtog pa'i rjes mi 'brang // ma bskul ma rnyogs chu bzhin du// ma bsal bzhag pas sgrib pa 'byung // mi rtog mkha' ltar gsal ba la// ye shes nyi ma phyogs brdal bas// ji bzhin rang bzhin rnam par dag/ rgya mtsho g.yo med ji bzhin du// rnam rtog mi g.yo cir mi dgongs// rang byung gsal ba nam mkha' che// ma lus gsang ba nyid la 'dus// gsang ba kun 'dus rig pa'i gter// mkha' khyab rig pa'i sems nyid ni// khyab par gsal la 'dzin pa med// rang byung rig pa rang shar ba// khyab par gsal la dngos po med// rang rig gsal ba'i ye shes kyis// ma bsgribs gsal ba nyid du mkhyen// rtog med 'od gsal sems kyi dbyings// gsang ba rang byung rig pa'i klong // rdzogs chen thig le ji bzhin la// mnyam par dgongs med rig pas gzhag/ byung tshor g.yo 'gog ji snyed pa// gsal med rig pa nyid kyi gsal// rdzogs chen ma bcos dgongs pa la// gang ltar bcos pa log pa'i lam// ma bcos rig pa mnyam sbyar na// sgro bral rig pa'i 'khor lo las// thugs rje rig pa'i byin rlabs ni// ma btsal nyi ma'i 'od ltar

  560. 281a

    'byung // gsal ba mtha' dbus med pa la// rig pa mnyam pa'i sems kyis blta// gtang 'dzin med pa'i rig pa yis// rang byung lhug par gzhag par bya// rang byung rig pa cir mi dgongs// rang gsal 'khor lo rgyun mi gcad// ye shes bdun 'byung gi rgyud las/ ye shes 'khor lo'i le'u ste drug pa'o// // kye sems dpa' chen po/ rang bzhag rig pa'i dgongs pa ni// ji bzhin mngon du gsal byas nas// rin chen 'bar ba'i 'od gsal bas// sems kyi dkyil 'khor 'bar bar byed// 'dzin bral rig pa'i chos dbyings la// bsam med 'gyur med mkha' ltar gnas// bsam gyis mi khyab chos kyi dbyings// gang dag byis pa'i 'du shes kyis// rang byung rig pa'i ye shes la// bsam bral rig pa'i mtshan nyid de// bstan pa don gyis go bar zad// dngos grub rin chen 'od ltar 'byung // zag med phra bkod mkha' dkyil la// nyi zla gza' skar bkram pa ltar// ma 'dres rig pa dbyings la gsal// de nyid mi gnas rang bzhin ni// kun 'byung rin chen phyogs med shar// 'phel 'grib rtog pa mi gnas pas// nyi ma'i 'od ltar lhun grub pa// kun la ji ltar 'dod par 'char// mkha' ltar khyab la gsal ba che// mi rtog dbyings kyi ngang la gsal// 'od dang 'od can ji bzhin du// ma btsal

  561. 281b

    lhun gyis grub pa'o// ma yengs yal bzhag dgongs pa'o// bsam med rig pa'i gdeng gis zhi// sbyangs pa ma yin gdod nas dag/ ma bgrod bla ma'i sa mchog ni// dus gcig gnas pas bgrod du med// phyag rgya mi 'ching sngags mi zlos// tshogs dang mchod pa mi byed de// kha dog bri dang mchod pa yang // ma byas dngos grub mchog tu gyur// ji srid rtsol ba'i rnam grangs dga'// de srid log pa'i grong khyer te// ma btsal ma sbyangs gdod nas dag/ snying po rig pa'i phyag rgya can// gsang ba 'od gsal klong la 'jug/ brjod bral sgra yi dkyil 'khor la// nyan bral rig pa'i tshul gyis gsal// gsal ba nyid na mi dmigs pas// rtog bral nam mkha' dbyings kyi klong // 'di zhes bya zhing dmigs pa med// ji ltar gnas pa de bzhin gnas// rang bzhag rig pa yengs med klong // phyogs med ye shes khyab par gsal// gnyis med nam mkha'i dbyings ltar gsal// ye shes bdun 'byung gi rgyud las/ ye shes grub pa'i le'u ste bdun pa'o// // de nas gsang ba'i bdag pos/ 'khor bsam gyis mi khyab pa dang bcas pas/ rdo rje sems dpa' la 'di skad ces gsol to// kye ma bcom ldan 'das/ rang gsal lhun gyis grub pas rtsol ba kun dang bral// bsam med dpyad 'dzin bral bas dgongs pa dam pa mchog/ ci

  562. 282a

    yang mi bsam bsam pa rtogs pa'i rgyun// dgongs pa rang byung lhun grub khyod phyag 'tshal// bltar med spyad med mthong mang ye nas de bzhin nyid// lnga pa'i rgyal por phyag 'tshal gnyis med khyod la 'dud// mthong bar mi rig brda tshig kun dang bral// ma byas ma bsgrubs ma btsal lhun gyis grub pa'i ngang // rang gsal ma bcos rig pa gang yang min// thig le 'phro 'du ma yin bdag nyid lhun gyis grub// phyogs bral lhun grub 'od gsal rig pa rang byung dbyings// rtsol 'jig mi gnas gsal ba'i mar me 'dra// bstan pa'i rgyal po yang gsang rig pa'i gter la 'dud// de nas gsang ba'i yang gter 'di// rin chen gsal ba'i glegs bam 'di// ston pa rdo rje sems dpa' yis// gsal ba'i rig pa rgyas btab nas// mkha' dkyil sbas pa lha dbang gi// spyis blang yang dag dbang thob nas// sprul pa nyid la rab tu bshad// de nas rdo rje'i gdan stengs su// yang sbrul thugs kyi sras rnams la// rgyal thabs spyi blugs dbang bskur nas// ma bgrod rtog pa'i 'jig las bsgral// rnam grol sa la bde bar gshegs// de bzhin 'od gsal rnal 'byor la// shes rab dag pas mnyam sbyor na// rdzogs chen lhun grub sa la sbyor// gang zhig dad pas 'dzin klog la// bsod nams brjod par mi nus te// skal ba

  563. 282b

    dman pa'i yul min la// srog dang bral ba'i kha bzhin bya// rgyal tshab nges pa gcig la gtad// sbas pa thugs kyi nyi ma 'di// yang gsang rig pa'i gter du gzhag/ gnas kyang sgom du nges par sba// ye shes bdun gyi rgyud las/ rjes su yi rang ba'i le'u ste brgyad pa'o// // ye shes bdun 'byung ba'i rgyud sems kyi me long chen po rdzogs so// 'di mtshams rna brgyud zam pa 'dzud// // rgya gar skad du/ ma hA san+ti d+harma tA bo d+hi tsit+ta mang+ga la ni yA ma pra ka Ta s+thi ta tan+t+ra na ma/ bod skad du/ rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ chos kyi dbyings kyi ngang chen las/ bde bar gshegs pa bcom ldan 'das// sangs rgyas kun tu bzang po dpal// rdo rje sku gsung thugs kyi bdag/ bde chen lhun gyis rdzogs pa yis// phyogs dus bde gshegs kun bdag nyid// dkyil 'khor chen pos mdzes par brgyan// snang ba rnam par 'phrul pa yis// ma 'gags che bar rab tu bkod// dkyil 'khor kun 'byung bzang mo'i mkha'// kun bzang cho 'phrul ma 'gags par// sna tshogs kha dog rnam gsal zhing // sna tshogs dbyibs brgyan tha dad pa'i// so so'i bya

  564. 283a

    rtsal 'gag med chos// sgrib med nor bu'i mdangs lta bu// thams cad yid la mi gzhag pa'i// de nyid gsum du sangs rgyas pa'o// zab mo'i mtshan nyid brjod pa'i tshig/ sgra las 'das pa'i tshul 'jug cing // chos rnams thams cad de lta bu// dpe yi tha snyad kun tu bral// rang nyid ngo bos ston byed pa'i// mthar zug chos kun rgyal ba'i gsung // theg pa'i bye brag rgya chen po// ma lus lus pa med par sgrogs// so so'i mtshan nyid gsal ston cing // thabs mkhas 'gro ba'i rgyud smin mdzad// thams cad gzod nas zhi ba'i chos// nam mkha' lta bur skye 'gag bral// rang bzhin lhun grub 'gyur ba med// gcig tu ma nges sna tshogs dngos// ma 'dres yongs rdzogs gsal ba yi// yul sems gnyis med me long ltar// gnyis can dngos can ma lus pa// mtha' rnams kun las grol ba yis// zung 'jug gnyis med gnyis su gsal// bdag don rdzogs pa'i stobs rdzogs pa'o// gdul bya'i dbang po khams rnams dang // skye mched bye brag ci lta ba// dus phyogs rgyun kun bsdus pa rnams// so sor rtogs gsal rgyu 'bras bzhin// rdzogs pa'i rtsal gyis kun don spyod// bya ba mthar phyin skyo ngal med// bdag nyid chen po'i rang bzhin la// spros med snying po byang chub sku// rtsol sems yul bral bde chen

  565. 283b

    rgyal// thams cad mkhyen pa lha yi lha// gzhal yas khyad par 'phags pa'i tshul// mtshan mchog sum cu rtsa gnyis dang // dpe byad brgyad cu'i bdag nyid can// bde ba'i ye shes kun 'byung gnas// stobs pa cu khyu mchog ltar mdzes shing // drag po'i las stobs 'joms par byed// mi 'jigs bzhi ldan seng ge'i tshul// dpa' bo chen po gzhan gnas 'joms// dam pa'i longs spyod rgyan bklubs shing // dbang bcus btsun mo lta bur gshegs// byin rlabs 'khor lo bsgyur rgyal bzhin// sna tshogs chos la longs spyod rdzogs// kun 'byung rol pa kun tu bzang // phyogs bcu'i snang ba mtha' yas las// rang gi dkyil 'khor tshul bzhin ston// kun mdzes 'khor lo kun 'byung zhing // rab bzhag me tog rgya mtsho'i rlabs// 'od zer snang ba sprin gyi shugs// las rab rdo rje che ba'i sde// go cha sra ba theg mchog brgyan// dpal gyi nam mkha' 'dra ba'i 'od// ye shes snying po glu yi dbyangs// phyogs gnon gzi brjid phreng rgyal ba// byang chub brtsegs mdzad snying po can// las tshogs 'jug pa thar pa'i gru// rdo rje snang ba tshul rnon pos// phyogs rnams kun nas bskul mdzad do// 'bru yi phung po tshul mchog shis// rang gnas zhing khams dkyil 'khor kun// ma lus 'dus pa'i thig le che// gzhan yang byang chub sems dpa'i

  566. 284a

    tshogs// phyogs bcu kun nas 'dus pa dag/ bde gshegs sku las snang ba ste// byang chub chos nyid rtsal rdzogs pa// byams pa 'jam dpal la sogs pa'i// rdul phran grangs med dkyil 'khor kun// bkod pa chen po tshul bzhin du// rang rig phyogs mtshams gnas te 'khod// de ltar chos dbyings rgya chen po// bde gshegs sras bcas ma lus dang // rang bzhin lhun grub sangs rgyas kyi// 'og min/ gnas bzhin kun tu khyab// de dag gsang ba bla med pa'i// ting nge 'dzin la snyoms zhugs nas// chos rnams kun gyi de bzhin nyid// sku gsung thugs la ston par mdzad// bde gshegs thugs kyi thugs mchog nas// rim bzhin brgyud pa'i gzhan don du// zab cing rgya che gnyis med pa'i// rgyud 'di bstan pa'i tshul 'byung ba'o// blo mchog byang chub sems dpa' dag/ rgyal ba'i yul la 'jug bya'i phyir// nges don tshig gis mtshon byed pa// rnam 'phros snyan nas snyan du grags// spyi yi ston pa gnas mchog 'khor// khyad par rgyud kyi tshul 'byung bas// dus ldan sdud po tshad ma te// phun sum tshogs pa'i rgyur gyur pa'o// rdzogs pa chen po chos nyid byang chub kyi sems bkra shis mi 'gyur ba gsal bar gnas pa'i rgyud las/ gleng gzhi'i le'u ste dang po'o// // bde chen kun tu bzang po nyid// rang gi ting 'dzin gnas

  567. 284b

    bzhugs te// 'khor tshogs kun la longs spyod mdzad// 'di dag nyid kyi dkyil 'khor che// yon tan kun 'byung ma 'gags pa// sna tshogs rol pas tshim gyur nas// dus gsum ston pa'i tshul mnga' ba'o// thams cad chos kyi de bzhin nyid// bde gshegs byin rlabs rmad byung ba// dgyes pas 'khor tshogs thams cad la// gnyis med tshul du bstan par mdzad// de tshe sku las 'od zer dang // 'dzum mdangs byin rlabs phyag rgya'i tshogs// rol pa'i phrin las kun tu bzang // stong gsum g.yo zhing gsal bar mdzad// snod bcud sangs rgyas thams cad kyang // kun nas 'dun pas phyag 'tshal zhing // bde gshegs byin rlabs rol pa'i rgyan// sna tshogs yon tan gsal bar snang // rdo rje sems mchog gtso bo yis// mi gnyis ye shes kun brtags te// rang gi gnas las bzhengs mdzad nas// khyu mchog mi 'jigs tshul gzigs shing // chos kun 'bras bu'i ngo bor bzhugs// rol pa'i byin rlabs bsam mi khyab// phrin las sna tshogs rnam kun spyod// drag po'i gtum tshogs zhi mdzad cing // tshe dbang 'byor rnams rgyas pa'i tshul// gzhan dag 'dod don dbang gi las// mi mthun gnas kun gsad pas 'dul// las tshogs phrin las mtha' yas pa// skad cig yud la grub par mdzad// bya ba rdzogs pa'i mdzad pa

  568. 285a

    yis// yul las grol ba'i phrin las bdag/ sangs rgyas kun 'dus ston pa'i gtso// che ba mnga' brnyes tshul gyis brgyan// kun tu chos sku 'du 'bral med// kun tu longs spyod gnas su rtags// kun tu sbrul sku'i rgyun ldan pa// kun tu 'khor ba mya ngan 'das// chos dbyings grong khyer nyams dga' ba// 'og min mngon par mtho ba'i zhing // gnas mchog stug po bkod pa'i khams// gnas kun/ zil gyis gnod byed pa'i// rnam par 'phags pa'i theg pas bstod// yon tan ma 'gags pa yi brgyan// dus gsum sangs rgyas bzhugs pa yi// gnas mang 'dus pa'i mchog rgyan can// dam pa rin chen tshogs kyis spras// 'dod longs bsam pas 'grub pa dang // dkyil 'khor lha mo'i rgyan bcas pa'i// khang pa gru bzhi sgo khyud can// sgo khang rta babs rgyan gyis mdzes// tA ra Na bzhi'i tshogs bkod pa// rdo rje 'khor lo rin chen gzugs// pad+ma sna tshogs mtshan ma yin// ka gdung phreng ba steng 'og logs// pa tra'i phreng ba phyogs dang mtshams// rnam gsal shar bu do shal dang // 'phan gdugs rgyal mtshan rnga yab dril// rin chen 'bar ba'i khri steng la// zla ba nyi ma pad+ma'i gdan// stobs mchog mi 'jigs rdzu 'phrul dang // thogs med shes bya'i gang chen mtsho// rang gi de bzhin nyid la bzhugs// de tshe 'khor tshogs rgya

  569. 285b

    chen po// gnyis med mnyam par 'khod pa yi// rang bzhin rnam dag ngo bo nyid// dmigs med gsal ba'i yul 'jug pa// mnyam nyid zung 'jug gnyis su med// kun gsal rtogs pa sna tshogs rgyud// mdzad pas don kun mthar phyin tshul// sangs rgyas kun gyi ngo bo nyid// bdud bzhis mi bskyod thugs kyi dngos// tshul bzhin snang mdzad sku yi mchog/ kun 'byung phung po yon tan che// rnam dag dri med chags mdzad gsung // kun tu phrin las don yod pa// bde gshegs thams cad tshul 'jug pa'o// chos dbyings kun tu skyon dang bral// gnas kun rnam dag gzigs pa'i spyan// 'dod pas sdud byed yon tan bskyed// dri med na bza' smin pa'i sku// kun spyod thugs rjes sgrol bar byed// bcom ldan gnyis med 'brel pa'i gzungs// pha rol phyin de grol ba'i zla// yon tan bkod des rgyal po dpal// pad+ma rnam dag 'jig rten spyan// rnga sgra sgrogs byed stobs mchog las// byams chen mya ngan dri ma med// yon tan kun 'byung spobs pa brtsegs// dpal gyi seng ge bdud dpung 'joms// gzi byin phung po rin chen mdzod// pad+mo'i mtshan mchog rgya mtsho mchog/ 'khor tshogs gzhan dag bskul bar byed// thams cad blo gros gcig par gyur// gsung gcig tshul gyis gsol 'debs shing // sna tshogs mchod pa rang la 'bul// phyag 'tshal

  570. 286a

    yang yang gsol ba 'debs// gus pas thal sbyar rtse gcig pa'o// rgyal ba kun gyi de bzhin nyid// ye shes snying po'i gnas bzhugs pa// sku gsung thugs las sprul pa'i tshogs// rgyu rkyen med par ston mi mdzad// bde ba rab ston gtso bo mchog/ thugs rje dri med dngos po'i don// phyogs bcu'i dkyil 'khor kun snang ba// rgyu rkyen gang las byung ba yin// 'gog pa mi mnga' thugs rje can// pad+ma'i spyan ring kun tu gzigs// rgyal ba rgya mtsho'i dgongs don gsang // dus 'dir snang ba'i skabs la sogs so// de nas kun bzang bde chen dpal// thams cad chos kyi don mnga' bas// rang gnas ma g.yos kun tu snang // phyogs bcur ston pa'i tshul bzhugs shing // pad+ma'i gar gyis gdul bya'i tshogs// kun 'dus ye shes bskyed par mdzad// thams cad gsang ba'i dkyil 'khor 'dir// byang sems bde bas dbang bskur zhing // dam tshig chen po'i gnas bstan te// blo gros snod kyi khyad par bzhin// rdzogs chen byang chub sems kyi don// thabs mang sgo nas bstan par dgongs// 'di dag thams cad sangs rgyas nyid// byang sems bde ba'i snying po can// ye nas gnas te 'gyur ba med// yon tan tshogs kyis brgyan pa'i gzhi// rgyu nyid dag ste rkyen 'bras bu// rnam dag bde gshegs dkyil 'khor

  571. 286b

    las// glo bur 'khrul pa'i rigs rnams kyis// byang chub sems las rtogs pa'i chos// chu yi rlabs kyis rgya mtsho bzhin// ma g.yos rang sar gnas ma rtogs// rgyu rkyen 'bras bu'i gnas las gzhan// byang chub bde chen don bral ba// dus 'dir thugs rje chen po'i shugs// thabs mang theg bsdus nges mchog don// ston pa'i tshul ldan khyed rnams kyis// legs par bzung byos bdag gzhan don// sngon gyi sangs rgyas rnams kyi bka'// dgongs pa'i don mchog gnyis med pa// da lta ma 'ongs rlabs pa'i lam// gnyis med 'bras bu theg pa'i mchog/ nges par chos kun sngon gyi gnas// bde gshegs 'byung gnas tshul kun ldan// de las lhag pa'i gnas med de// rang byung ye shes gsal ba'i rgyun// zhes gsungs so// rdzogs pa chen po chos nyid byang chub kyi sems bkra shis mi 'gyur ba gsal bar gnas pa'i rgyud las// gleng slong ba'i le'u ste gnyis pa'o// // de nas rdo rje sems dpa' la// rigs bzhi'i rgyal ba bde gshegs bcas// yum tshogs 'khril pas bstod byas te// mchod cing phyag 'tshal 'dun pas gnas// e ma ho bde gshegs kun gyi sku// mtshan bzang dpe byad phun sum tshogs// kun 'byung snang ba 'gag med pa'i// yon tan rgyan gyi rin po che// dpe bral dpe nyid grangs las 'das// rdo rje lta bur 'gyur ba

  572. 287a

    med// mtshon cha sna tshogs thogs pa yis// yon tan phrin las g.yul las rgyal// brjod 'byung gsung snyan gsang sngags phreng // mi rtog ye shes kun nas gsal// dus kun bdud rtsi'i tshogs bral zhing // thams cad mdzad par rnam par rol// khyod mig ye shes dri ma med// kun 'byung rgya mtsho gnas mkhyen pas// thams cad chos kyi de bzhin nyid// byang chub gsang ba'i sngags don mchog/ ston pa ji ltar sangs rgyas pa'i// rnam grol gsang 'byung lam 'bras bu// byin rlabs rang gi ngo bo sku// tshul 'byung gleng gzhi ji ltar chags// gsang gsum dam tshig gtso bo yi// dkyil 'khor nyams dga' mthong ba las// rab tu grol ba'i sangs rgyas gang // rim par byung ba tshul ji ltar// ye nas lhun gyis grub pa'i dbyings// rang bzhin gnas pa'i rgyal ba mchog/ de las rab tu gsal byas pa'i// byin rlabs cho 'phrul ji ltar snang // sna tshogs ngang nyid rang bzhin sku// bdag nyid chen po mi dmigs pa'i// so sor brtags pa'i cha shas nyid// shes rab gdams don spyod pa'i yul// spros bral de bzhin nyid rtogs pa'i// dam pa'i shes pa ji ltar skyes// gang la mi rtog ji bzhin nyid// bsgom bya 'jug pa bdag nyid che// mi rtog gnas pa ma 'gags chos// gsal bar drod rtags rnam snang sku// kun tu bzang po 'gyur ba med// yon

  573. 287b

    tan ma 'gags sgrib bral chos// don bzhin spyod pa'i rgyan gyis spras// lha bsgom 'bras bu byang chub lam// theg pa'i tshul kun las dpags pa'i// bya brtsal rtsol ba'i nad med pa// kun gyi dbang phyug ldan grub gnas// chos kun 'bras bu chen po'i sku// bya ba'i tshul spang mya ngan 'das// byang chub 'khor ba'i gnas la bzhugs// kun gyi thun mong ma yin pa'i// dpe yi 'thad pa ci lta bus// don gyi snying po btsal bar bya// bdag gzhan ngo bo ji ltar 'tshal// thams cad sgra mchog ye shes che// brgyan chas gtan la dbab pa'i tshe// dus 'dir 'khor lo gnas kun la// dri med 'bras bu theg pa'i mchog/ rigs mchog shes rab nam mkha'i dbyings// byang chub sems nyid bshad par mdzod// rdzogs pa chen po chos nyid bkra shis mi 'gyur ba gsal bar gnas pa'i rgyud las/ de kho na nyid zhus pa'i le'u ste gsum pal// / sangs rgyas kun gyi dngas grub mam// rdzogs chen byang chub sems kyi dbying sa// zhes rab can pas bcags dka' ba'o// gnyis med ting 'dzin dam pa las// thabs mchag gas bzhem de// chos kun snang gsal ston par mdzad// thabs dang shes rab 'brel ba'i gzugs// ma skyes skye ba cho 'phrul sgo// ma 'gags phyag rgya chen po'i chos// snang med dkyil 'khor sna tshogs byung // brjod med

  574. 288a

    zab mo rgya chen sogs// rang byung ye shes kun gsal gzhi// yon tan rgyan gyi dkyil 'khor las// mdzad pa sna tshogs kun tu snang // de nas kun tu bzang po dpal// shes rab gzungs dang 'khril sbyor zhing // phyogs dus kun tu gzigs dgongs nas// chos kun ji ltar sangs rgyas pa// rang gi ngo bo bshad par mdzad// ston pa'i bye brag grangs med mod// gnyis snang thun mong khyad par tshul// spyi yi sangs rgyas snang srid dngos// khyad par rgyud tshul rtogs pa'i don// rgyu 'bras gdul bya'i snang ba bzhin// rigs mchog dkyil 'khor bla na med// dngos por gzungs kyang byung ba'i tshul gyis ni// bstan pa'i dkyil 'khor rig pa'i mchog/ stong gsal rdo rje thugs kyi dngos// sra brtan bde gshegs sku yi mchog/ tshogs kyang bsreg smin pad+mar rnam dag gsungs// gshed sdud rin chen yon tan tshogs// g.yo yang las rab phrin las che// ye shes chen po'i rnam 'phrul las// rig pa stong pa byin rlabs te// bde chen byang chub sems kyis brgyan// kun snang stong pa go snyoms skyes// zung du 'jug pa'i mtshan nyid can// de dag so sor ma 'gags pa'i// dkyil 'khor gsang ba'i thig le nyid// 'gro 'di ye nas sangs rgyas te// kun snang rigs kyi dkyil 'khor gsal// 'dod chags gsang gsum dbang mdo

  575. 288b

    gsungs// zhe sdang thugs rje rdo rje'i rgyal// gti mug mi 'byed chos sku gshegs// nga rgyal bdag bral yon tan rin// phrag dog rtog bral las nyid du// ye nas rnam dag lhun gyis grub// gzugs phung bde gshegs sangs rgyas sku// tshor ba rin chen bkod pa'i tshogs// 'du shes mtha' yas sna tshogs rgyun// 'du byed don grub tshogs pa'i bdag/ rnam shes rdo rje 'gyur ba med// snang ba rang rgyud mtha' bral 'di// rigs mchog lha mo gnyis med sbyor// zung 'jug gsang ba'i sngags ldan pa// bskyed pa'i dus na skye med cing // zag med ye shes lhag pa'i rgyun// lbu ba rdos mtshungs chu bur bzhin// smig rgyu chu shing snying po nyid// snang grag dri rgyun ro yi rdzas// reg bya'i bde ba chos rnams kun// yum gyur lha mo stong pa nyid// gnyis med lhun grub chos rnams kun// bde chen bla na med pa'i sku// zab mo gsang ba'i dkyil 'khor che// rang bzhin lhun grub bde chen dbyings// ye shes lhun grub rtogs gsal ba// dam pa'i brgyud rim dgongs pa'i don// gnyis med rdzogs pa byang chub sems// dus gsum gcig par rtag bzhugs pa'i// bcom ldan bdud bzhis mi shigs pas// rnam dag dkyil 'khor kun 'byung skra// mtshan bzang dpe byad gtso 'khor ldan// gsang gsum dam tshig 'da' mi byed// thams cad kun mkhyen sgri

  576. 289a

    bral sku// rigs mchog bkod pa'i grong khyer dbus// gnyis med gzugs sku 'khril pa las// dbang tshogs zhing khams bkod pa dang // byang chub sems dpa'i 'khor skyong zhing // mi gnyis ye shes che lnga ldan// sbrul sku'i mdzad pa rgyun mi gcad// rang gi yon tan longs spyod rdzogs// thugs rjes gzhan la kun ston cing // stong gsum til gyi gong bu ltar// thams cad ma lus med par snang // de dag gsang ba'i dkyil 'khor 'dir// dbang bskur byin rlabs sngags kyi mthus// rang gi dam tshig mchog la gnas// thams cad chos kyi de bzhin nyid// dam pa'i bka' thob 'jigs las grol// grong khyer gsang ba'i gnas mthong nas// shes rab chen po nges par gnas// phung po khams sogs skye mched rgyun// thams cad nam mkha'i mtshan nyid du// byang chub sems kyis gcod byed cing // de yi rang bzhin de de// gnyis med zung du 'jug pa'i tshul// gsang ba bzhi las lam 'bras bu// res kyi dmigs pa'i dus na snang // rgyu rkyen 'bras bu mi 'dogs shing // mtshon byed lam gyi rim par byung // bde gshegs sku lnga ye shes lnga// 'bras bu gsang chen ye nas gnas// ma rtog rtogs pa'i thabs ston kyang // khyad par chos las gzhan na med// des na rgyal ba kun gyis kyang // byang chub sems las 'da' ba med// 'di

  577. 289b

    nyid kun gyi yum gyur yum// chos mdzod kun gyi gzhir gyur pa'o// de rtogs gnas las 'gyur med cing // chos kun byang chub chen po'i lam// smin cing grol ba'i thabs dam pa// theg pa kun gyi rtse mo mchog/ gsang ba bdud rtsi 'thung byed pa// rgyal ba kun gyi sras mchog yin// rang gi rang bzhin gsang ba las// bde gshegs sku dang ye shes la// nyon mongs rnam dag byang chub sems// chos lnga ldan pa'i sangs rgyas ni// gzhan nas 'byung zhing thob min te// bsod nams ye shes gter las skyes// thams cad rang gi ngo bos stong // dngos gcig sgyu ma chen po'i dngos// ya mtshan rmad du byung ba las// sangs rgyas rnams ni gzigs mo mdzad// dbang po drug la brten bya ste// nang gi rnam shes skad cig rgyun// gzugs kyi chos sku snang srid stong // sgra yi chos sku grags su stong // dri yi chos nyid tshor ba stong / ro yi chos kun myong bas stong // reg bya'i chos kun reg pas stong // chos kun bsam pas rnam par stong // rab 'bring tha ma'i dngos kun gang // bde chen ye shes nyid kyi dngos// sangs rgyas kun gyi byin rlabs kyis// nam mkha'i mthar thug khyab par gnas// kha dog dbyibs rgyan yon tan tshogs// dus gsum rang gi mtshan nyid ston// sangs rgyas dkyil 'khor thams cad kyi// rang bzhin ngo bo rnam par

  578. 290a

    'phrul// theg chen chos kyi 'khor lo nyid// rtag tu rang gi gnas na gsal// A li kA li mnyam sbyor bas// dbyings dang ye shes bde ba'i rgyun// zab mo gsal ba'i sngags lam nas// rgya che rnam par 'phrul pa 'byung // thams cad kun tu bzang mo'i mkha'// kun bzang ma 'gags gnyis med la// de nas bde gshegs thams cad dang // sras bcas byang chub sems kun gyis// rgyal ba'i bka' la yi rang nas// mngon par bstod cing mchod pa mdzad// e ma ho sangs rgyas bcom ldan sku// yon tan thams cad 'byung ba'i gnas// kun tu chos 'khor rgyun mi 'chad// dkyil 'khor sna tshogs 'khor lo mdzes// zhes so// rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud las/ sangs rgyas kyi byin gyis rlabs ston pa'i le'u ste bzhi pa'o// // gzhan du rnam par 'phrul pa'i sgo// grangs med kun gyis gzigs pa dag/ sangs rgyas kun gyis bkod pa de// byin rlabs yon tan rgyud las byung // de dag 'khor gyis the tshom las// ston pa'i snang ba sgo dbye mdzad// thams cad mkhyen pa'i ye shes kyis// dus gsum snang ba'i lung bstan mchog/ stong gsum 'jig rten mtha' yas pa// rdul snyed bgrang ba'i mtha' las 'das// dbyibs rgyan snang ba sna tshogs

  579. 290b

    kun// brtan g.yo sangs rgyas zhing khams mchog/ rin chen bkod pa'i gnas 'di yi// phyogs bcu rab 'byams bskal pa'i dus// bgrang 'das gsum gyi bar mtshams su// ston pa ji ltar sangs rgyas zhing // bstan pa'i 'dul ba'i snod ji ltar// byung tshul gsang ba'i khyad par don// 'di yi thog ma grangs med nas// skyobs pa can gyis sbyin pa'i klong // gang zag 'phags pa'i rigs mtshungs pa'i// chos skyong rgyal po'i blo gros dang // chos kyi sems dpa' sems bskyed do// yun ring sbyin sogs 'gro ba'i don// re zhig na yang rang sangs rgyas// rdzu 'phrul mgyogs pa zhes bya bas// grong khyer kun tu rnam 'phrul ston// mya ngan 'das pa'i sku gdung la// 'od byung rkyen gyis sems kyi don// chos nyid snying po'i 'du 'bral med// rtogs tshig sgrogs shing gnas byas te// dus kun 'gyur med gsal ba las// thams cad mkhyen pa'i yum sbyor te// sgrib tshogs bag chags gnas su dag/ bsod nams ye shes tshogs chen rdzogs// phyogs bcu'i dkyil 'khor sa le bar// rgyu rkyen 'dra bar 'bras bu'i chos// stobs bcu mi 'jigs bzhir bcas pa'i// mtshan dpe rgyan sogs spyod yul dang // zhing khams yongs su dag par 'gyur// de yi tshe na stong gsum 'di// lan grangs du mar g.yo zhing bskyod// lha yi rol chen me tog

  580. 291a

    char// 'od bcas phyogs bcur 'khrigs par 'gyur// me tog snying po 'jig rten khams// snying po dus zhes bya ba ru// 'gro kun byang chub lam la bkod// khyad par gsang ba'i rgyud don sgrogs// theg pa chen por 'jug 'dod pa'i// shes rab snying rje'i bdag nyid can// 'gro rnams gsang ba'i gnas mchog 'dir// dbang bskur dam tshig sbyin par mdzad// gsang mchog rnam par thar pa'i sgo// zab cing rgya che theg pa'i mchog/ bden gnyis zung du 'jug pa'i thabs// 'bras bu lam du ston pa'o// rtsa shing ri rdo sa sogs las// byang chub sems nyid mtshon byed pa// rgyal ba'i mthu yis ston byed par// thams cad bde chen byang chub sems// rdzogs pa'i chos nyid skye 'gag med// rang byung ye nas lhun gyis grub// yon tan dkyil 'khor ma 'gags pa'o// rgyu nyid rnam dag rkyen dang bral// rdo rje lta bur 'gyur ba med// rang bzhin dngos tshogs ma 'gags pa'i// ye shes chen por rtsal snang ba'i// phyi nang bar gyi tha snyad dang // yod med dbus su 'dzin pa'i chos// thams cad mtshan bcas glo bur ba// mnyam nyid dbyings su 'gyur ba med// dgongs don ma mthun 'gal ba'i tshig/ gsang sngags tshul nyid brjod pa dka'// rang bzhin bden pa'i gtan tshigs kyis// kun rdzob tshul dang 'byung 'jug sgo// gsang

  581. 291b

    mchog gsang ba rmad du byung // sangs rgyas kun gyis bstod pa'i gnas// de nas 'khor gyi gtso bo mchog/ dpa' bo rgyal mtshan zhus pa'i tshig/ rab dga' grol ba'i sde bcas pas// bde gshegs bstan pa gzung bar bya// yun ring shes rab mthu rtsal can// thar pa'i grong khyer gsal bar 'gyur// bar gyi bskal pa gnyis kyi dus// bya dka' grong khyer pad+ma'i mtsho// kun rgyal nyi ma'i rigs las skyes// rig 'dzin byams ldan bcu drug gis// so sor gter gyi 'byung gnas la// sngon dang byang chub mchog sems bskyed// gsang sngags dkyil 'khor 'jug pa'i thabs// dbang bskur dam tshig dri ma med// shes rab rnam dag rgyas pa'i mthus// mthong ba'i tshe la rnam par grol// sgrib tshogs bag chags gnas ngan len// rang byung bde chen rdzogs pa'i sku// sku mchog mtshan dang dpe byad gsal// gsung mchog sprul pa'i yi ger ldan// thugs mchog skye med dbyings su rtogs// yon tan ma 'gags phrin las rdzogs// dus mtshungs sku gsum ye shes kyis// zhing khams bcu drug sbyor bar mdzad// sangs rgyas byang chub sems dpa'i tshogs// grangs med bkod pa kun tu gsal// ri rab rgya mtsho grags pa'i gling // mu khyud mtha' can gser gling dang // gshog mtha' mtshon cha zhi ba'i gnas/ bde yang // 'od bkod sA la'i 'byung gnas

  582. 292a

    skye// don mchog ut+pal bzang po can// dpal ldan pad+ma'i phreng bas mdzes// lha yi bkod pa yan lag skyes// mkhas rtse yon tan lha yi rigs// sangs rgyas gser can me tog can// dbang phyug drag po rdo rje'i snying // rin chen phyag rgya yon mchog lha// thugs rje chen pos sa bsrung mdzad// seng ge bde gsal 'gugs byed dbang // zhi ba'i bshes gnyen kun tu brgyan// grol te dpal gyi zla ba'i 'od// rang gi zhing khams grangs med par// theg pa sna tshogs 'jug pa'i thabs// 'khor gyi gtso bo gsang ba'i snod// smin mdzad grol ba'i dbang mchog bstan// thams cad gdod nas ma skyes la// snang ba'i dngos kun gdang ma 'gags// rang bzhin byang chub sems kyis brgyan// ye shes chen po'i gnas la skyes// man ngag snying po de bzhin nyid// chos kun 'byung ba'i rtsa bas te// dus gsum gcig par 'gyur/ med par// gsang ba'i rgyud du 'brel pa'o// de nas byang chub sems dpa' mchog/ ye shes blo gros sdebs sde yang bzang khab// gus btud snyan pas blangs byas te// 'gro la phan phyir gzung med cing // byang chub sems kyi gnas 'jug pa'o// lnga yi sangs rgyas dgongs pa'i rgyud// mi gnyis rim bzhin brgyud pa'o// de las bskal pa lnga yi dus// zhing khams seng ge'i rtsal zhes par// kun mtshungs sngon 'phags

  583. 292b

    grags pa can// gdul bya khyad par 'phags pa'i rigs// sangs rgyas kyis 'jigs seng ge'i dregs// mar me sngon 'phags rgyal po'i sprin// tsan+dan bkod pa'i sde bcas pa'i// sangs rgyas byang chub sems dpa' rnams// rang rig snang ba'i zhing khams kun// 'od bcas theg pa'i 'khor lo spyod// grangs med bskal par tshogs bsags shing // yun ring theg pas rgyud sbyangs pa'i// dpal gyi snying po'i 'od zer can// skar ma stobs bskyed dra ba'i sde// rang gi ston pa'i zhal nas su// nges pa'i snying rje chen po yis// gsang sngags zab mo lam gnyer zhing // rtse gcig brtson pas 'dud par 'gyur// dkyil 'khor gsang bar dbang bskur te// theg chen dam tshig mchog la bzhag/ nges pa'i phyag rgya gsang ba yis// bskal pa mang po sgrib spangs shing // 'bras bu byang chub sems la sbyor// yon tan kun 'byung bdag por 'gyur// rdo rje lta bus kun bcom nas// kun tu 'od bzang ma chags spyan// yi ge 'khor lo bla med gnas// sku lnga ye shes che rgyud sbyor// rim bzhin de 'og bskal pa lngar// sangs rgyas kun gyis dbang bskur zhing // byang chub sems dpa'i 'khor rnams la// gsang mchog theg pa ston par byed// byang chub sems dpa' nyi ma'i bshes// rab bdag 'od zer snang ba'i sgo// bstan pa'i rgyud chen bzung byed cing // rnal

  584. 293a

    'byor dbang phyug 'khor bcas skyong // 'di ltar snang zhing srid pa'i chos// rgyal ba'i bstan pa dgongs pa'i don// ma 'gags gsal ba sku dang gsung // thugs kyi sgo nas ngang tshul ston// mtshan bde gshegs dkyil 'khor las// dngos po'i rigs kun sna tshogs la// rtogs pa'i rgyud kyis gnyis su brtags// mi rtog ye shes mi 'gag pa'o// 'bras bu yi nas gnas pa'i chos// thams cad don gyi rang bzhin yin// gsang mchog byang chub sems kyi dbyings// sangs rgyas kun gyi dgongs pa nyid// skal ldan byang chub sems dpa' la// thabs mang phyag rgya'i sgo nas ston// de 'og bskal pa drug cu na// skar ma 'tshogs pa'i 'jig rten du// mya ngan mun 'joms chos kyi grong // sangs rgyas mi thub zla ba 'gyur// rgyal sras 'bar ba'i blo gros kyis// theg chen gsang ba'i blo skyes nas// bsam pa brtan pos gsol btab cing // tshad med go cha bgos pa'i mthus// dkyil 'khor gsang bar dbang bskur cing // rgyud rig dam tshig 'bogs par mdzad// gnyis med mnyam par bzhag pa'i mthus// kun gyi chos nyid don gsum la// bde chen rtogs pa'i byin rlabs shar// sgrib bral sangs rgyas rgyan gyis brgyan// dus gzhan spos ngad ldan pa yi// gnas su 'gro ba'i don la gshegs// thub pa chen po phyogs bcu

  585. 293b

    yi// sangs rgyas kun byon dbang bskur 'gyur// 'khor gyi sangs rgyas byang chub sems// 'khor bcas kun la theg pa'i gzhung // dus gsum gsang ba'i gdams ngag mchog/ chos kyi zhing khams skyong bar mdzad// byang chub sems dpa' blo gros mdzad// gang phyir dngos 'di sna tshogs pa// thams cad chos kyi de bzhin nyid// smig rgyu chu zla'i dkyil 'khor dang // sprul pa dri za'i grong khyer tshogs// sgyu ma rmi lam sna tshogs yul// mig yor me long bzhin lta bur// brag cha sgra snyan gzhan gyi dbang // nam mkha'i me tog mo gsham bu// tshig dbang don la de ma skyes// kun snang nam mkha'i lbu ba bzhin// rtsa ba med pa'i byang chub sems// chags med dbyings kyi dkyil 'khor na// kun bzang ye shes rnam par 'phro// 'khor ba nyid na mya ngan 'das// nyon mongs rtog tshogs byang chub lam// 'khor ba nyid na mya ngan 'das// de bzhin rnam par thar pa'i theg/ dad ldan mchog la ston par mdzad// de 'og bskal pa nyi shu na// grangs spyod 'jig rten mngon rgyu bar// sangs rgyas mi g.yo gtsug tor can// snyan pa kun grags 'khor dang bcas// dus der dga' ba chen po'i shugs// 'bad pa chen po brtse ba can// khyim bdag skyabs mgon mya ngan med// bka' nas gzhon nu snying stobs can// bzhi po dus mtshungs theg chen byang chub

  586. 294a

    sems// bsgoms sngon nas 'gro ba mang la brgyud// dkyil 'khor gsang bar dbang thob cing // snying po 'da' dka' 'jigs med gnyis// dka' spyod grags pa mtha' yas dus// mya ngan gnas bral bde ba can// stobs rgyu dang ba'i rgyal mtshan du// nges par sangs rgyas cho 'phrul tshogs// stong gsum 'jig rten gnas kun g.yo// sangs rgyas byang chub sems dpa'i tshogs// chos kun gdod nas dri med par// byang chub sems dpa'i rgyan gyis mtshan// rgyud chen gsang ba'i don rnams kun// skal ldan mos pa'i rim bzhin bstan// de las byang chub sems dpa'i sde// rdo rje rgyal mtshan la sogs kyis// byin rlabs yon tan rjes su grol// bsam 'das dri med gzung bar byed// de ltar dpal de chos kyi gdugs// dad sgrol 'od zer phreng ba can// rgyal ba kun gyi grogs mdzad cing // thar pa'i grong khyer bdag por 'gyur// dmigs med yul tshogs gnyis med sems// rdzogs chen byang chub chen po'i dbyings// sangs rgyas kun gyis gzigs pa'i yul// bde chen snying po rang bzhin nyid// phyogs bcu dus tshogs bsam yas par// thams cad thams cad 'dud pa'i gnas// nyon mongs sdug bsngal rgyud rnams kun// glo bur nyid de bde ba'i zhing // sprul pa ma 'gags dkyil 'khor kun// sku gsung thugs yon

  587. 294b

    phrin las thugs// rgya mtsho gsal ba'i nyi zla bzhin// phyogs bcu khyad par mtshungs pa'i mdos// kun rtogs rlung gis mi 'gyur ba'i// mtsho gting gsal ba'i rin po che// ji ltar gnas pa de lta bu// sangs rgyas thams cad dgongs par mdzad// slad kyi 'gro gzhan gzhug pa'i phyir// mtshon rgyud tshig gis gtan la dbab// yun ring brtan pa'i gzugs brnyan gyis// rgyal ba'i dgongs spyod ston par byed// mthar gnas bskal pa bcu gcig na// mchod 'os bde ba'i zhing khams der// rgyal po yon tan lag gi gnas// bkod rgyal gnas srung nyi shu gcig/ grogs mtshungs yun ring tshangs par spyod// byang chub snying por sems skyed pas// sangs rgyas 'brug sgra'i bstan pa la// dad brtson cig char rab tu byung // dkyil 'khor gsang bar dbang thob nas// zung 'jug theg pa dam tshig gnas// shes rab ting 'dzin 'gyur med par// sangs rgyas sa mchog sgrib med gnas// dus nas 'gro gzhan don gyi phyir// mthong dga' mthong ba la sogs pa// yon tan kun gyis mngon 'phags pa'i// smon pa'i mchog chen la sogs byung // yon tan dus ring sbyangs pa yi// 'khor tshogs kun la gsang ba'i rgyud// rim bzhin bstan pas grol bar mdzad// mnyam nyid gsung bral sngags kyi tshig/ byang chub sems dpa' nam mkha'i shugs// rang gi sbe

  588. 295a

    dang dpung 'khor bcas// rgyal ba'i bstan pa gzung byed cing // ded dpon bzang po la sogs pas// rab bstod gsang ba mtshon par byed// rang bzhin gsung tshig brjod pa'i rgyud// de tshe rgyal ba'i byin rlabs kyis// 'byung tshogs phyi rol rdzu 'phrul pa'o// rgyud chen gnyis med zung 'jug pa'i// me long dkyil 'khor rnam pa bzhi// chos 'byung mtshan bcas ma 'gags pa// sna tshogs rang bzhin byang chub sems// gzungs sogs ngo bor gang bzung ba'i// don snang ma bcos rig pa'i tshogs// phyi rol tshul 'byung ye shes nang // goms pa'i mthu las snang ba'o// de 'og sum cu 'pho ba'o// srung byed gnas kyi gzhon nu'i sde// rgyal po smra ba'i mchog 'dzin pa// sangs rgyas be DU ra rgyal ba byung // bram ze'i rig byed gtso bo mchog/ dung phreng gnyen pa'i ston pa yis// dang po theg pa rgya cher tshul// dga' bas gong ma'i gnas bgrod kyang // nges pa'i ting 'dzin yul ma rtogs// dus 'das sems kyi de bzhin nyid// chags med sgrib tshogs kun dang bral// bsod nams ye shes tshogs las skyes// thams cad mkhyen pas chos kun gzigs// rang byung ston pa gtso bo la// sangs rgyas mi 'khrugs la sogs pas// dbang bskur mngon par bstod cing mchod// 'jug sel khyab pa'i gtso bo dus// mi 'khrugs dpal gyi tog tu

  589. 295b

    'gyur// dus gsum de bzhin gshegs kun dang // sras bcas dgongs pa 'gro bar byed// skal ldan rnal 'byor gsang ba kun// sems bskyed gsang ba'i gdams ngag mnos// tshegs med rtogs pas chos rnams kun// zab cing rgya che 'du 'bral med// ye shes chen pos yul kun sbyangs// yon tan kun nas 'byung ba'i sku// thams cad mkhyen pa'i gnyis med sgo// sku gsung thugs mchog rgyan kyis spras// de tshe zhing khams thams cad nas// rang bzhin me tog phreng ba spos// rol mos par snang gang gyur cing // 'gyur ba'i ltas chen bcu drug byung // thams cad ya mtshan ngo mtshar gyis// bcom ldan 'das kyi spyan sngar lhags// 'di ltar rnam 'phrul gang lags pa// 'jig rten mgon gyis lung bstan mdzod// 'di ni rnal 'byor skal ldan dpal// nyi 'od zla ba'i gzi brjid 'brel// ri rgyal bkra shis mdzes pa can// sor phreng mu tig dpal rab 'byor// chos rgyal mtshan bzang dpa' bo skyos// grogs byed brtse ba'i yid gzhungs brtsegs// dus mtshungs bco lnga phyogs gcig tu// mnyam grol rgyal ba'i yum la sbyor// phyi dus stobs 'phel dag byed gnas// rim bzhin 'gro ba'i tshogs la gshegs// kun gyis bdag gi bstan pa 'di// 'gro ba kun la gsang bar ston// ma lus 'jig rten 'dir snang ba'i// 'byung chen phung khams

  590. 296a

    skye mched dang // nyon mongs 'gro ba'i tshogs bcas kun// ye nas ma bcos 'gyur ba med// rigs mchog lhun gyis grub pa'i dkyil// ye shes chen po mngon gsal ba// phyogs mtshams dus kyi rnam phye yang // rgyan gyi bkod pa gnyis med pa// 'chi 'pho 'du 'bral rnam pa'i yul// byang chub bde chen dbyings su zhi// dmigs pa'i yul la ye shes che// gsang rgyud gsang chen gsang ba'i mchog/ sems nyid chos sku rnam bcus kun// gzugs sku nam mkha'i mtshan nyid can// rnam gsum gsang ba'i sngags brjod pas// don gcig ro mnyam sbyor ba'i rgya// ye shes dbyings kyi bdag nyid la// ye shes rgyan tshogs gsal bar 'byung // de las de 'byung de gnas pa'i// de nyid de bzhin de kun dngos// zung du 'jug pa'i mtshan nyid ni// tshig bral dpe yis ston par dka'// rang rgyud dag pa'i ye shes de/ rtogs pa'i dus na grol ba yin// de la bdun gyi dus chen po// gzhan dag gzi brjid cher 'bar ba// zhing khams bcu ldan grags pa can// mthu stobs gzhan gyis sde 'jig pa'i// sa srungs rgyal po bu lnga bcu// legs sbyangs sangs rgyas rin chen mang // mdzad pa'i sgo nas 'jug byed pa// des bsags gcig la gcig bskul zhing // theg pa chen por sems bskyed pas// sngon chad rtogs pa'i bka' drin

  591. 296b

    gyis// mngon par shes pa lnga gsal gyur// 'gro kun las rgyu gang las byung // rgyal ba'i bstan pa dri med don// gnyis med chos la bdun par gnas// dus gzhan dge ba'i bshes gnyen la// dbang thob gdams ngag ji lta bar// mngon gsal dag cing dri ma med// ye shes chen po'i stobs rdzogs nas// rdzogs ldan rin chen yod pa'i gnas// phyogs bcu'i sangs rgyas mtshan mthun par// rgyal ba'i dgongs pa mar me mdzad// zhing khams dag par rdzogs longs spyod// sbrul sku rdzogs par tshul 'dzin par// 'khor gyi sangs rgyas byang chub sems// gdul bya dag pa sna tshogs la// byin rlabs bkod don rol pa'i tshul// bde gshegs kun gyis dbang bskur te// thugs rje'i dkyil 'khor 'phrul par mdzad// phyag rgya'i dkyil 'khor sna tshogs pas// gsang ba bla na med pa'i rgyud// phyogs rnams kun tu rnam spros te// skal ldan 'jug pa'i don bzhin bshad// rdo rje mi dmigs 'jigs pa med// bdud bzhi la sogs tshogs kun 'joms// rnam dag chos kun snang ba'i gzhi// phyag rgya chen po'i rang bzhin gnas// 'di dag rmad byung sku dang gsung // thugs kyi dkyil 'khor rnam snang ba// byin rlabs cho 'phrul 'dus ma byas// rnam stong stong nyid bde ba'i mchog/ gnyis su rtog pas gang spyod pa// der 'dzin mtha' la ltung bar

  592. 297a

    'gyur// gcig pur brtags pas 'ching zhing grol// gnyis chos gsum la de bzhin te// bzhi nas grangs med mtha' yi bar// gol sgrib byang chub sems dpa'i lam// phyogs bltas 'dzin pa'i sdug bsngal nad// chags bral bdud rtsi'i rgya mtsho nyid// dus gzhan 'dus pa brgyad kyi tshe// rgya mtsho gnas grol 'od rgyan du// byang chub sems dpa' gser sdong gis// dam bcas 'jig rten sgrol ma'i dus// sbyin bdag dus kyi phreng ba can// dam pa'i theg chen blo skyes te// dge ba'i bshes gnyen dam pa las// byang chub sems kyi sdom pa blangs// dgon pa'i phyogs su gnas bcas te// rtse gcig shes rab ting nge 'dzin// chu bo rgya mtsho kun las brgal// chos kun sems nyid 'od gsal bar// nges par sangs rgyas dam pa dang // legs phrad gsol 'debs ji lta bar// dbang bskur dam pas zung 'jug tshul// gsang ba dam pa'i rgyud 'dzin pa'i// zhing khams bkod pa gdugs mdzes su// 'khor lo rgyun du sangs rgyas bskor// yid bzhin rgyal po chos skyong 'khor// rgyal ba sras bcas mang po kun// rnam grol phung po mtsho chen gyis// yang dag dngos bcas gtan la phab// rin chen mdzod kyi sgo 'byed cing // dad dgu'i nor bu snang bar mdzad// gang 'di rnam par 'phrul par mdzad// chos nyid byang chub sems

  593. 297b

    rdzogs par// rang byung sku mchog 'gag med par// byin rlabs kun tu bzang po'i rtsal// dus 'dir rdzogs pa'i 'bras bu ni// rang bzhin ngo bo dbyings na gnas// rtsol bral 'bad pa'i shugs las skyes// sku gsum gnyis med gnas pa'i tshul// smon lam las kyi stobs gnon pa'i// lhan cig skyes pa'i ye shes che// go ba'i dus nyid grol ba'i tshul// yon tan 'bras bu gzhan rgyud bral// slad ma dus 'gyur gzhi che pabapa// rol pa chen po 'gyur ba'i skabs// zhing khams mchod sdong chen po ru// sangs rgyas sgron gsal stobs mchog ldan// rigs na bzo gnas la spyod pa// rig pa'i rgyud sbyangs gzhon nu bdun// sngon gyi skye ba dran pa mthun// phyogs gcig smon lam btab nas gsol// dpal gyi rir gnas sems bskyed pas// bde gshegs thugs rjes bzung bar mdzad// dkyil 'khor chen por rang zhugs nas// dbang thob dam tshig la gnas shing // thams cad chos kyi de nyid gsal// rang byung ye shes kun la gsal// rnam grol gsang ba bla med sgo// sa bcu'i dbang phyug de bzhin gshegs// tshe gcig sngon sbyangs 'bras bu'i mchog/ sku gsung ye shes mnga' brnyes pa'i// dus 'dir 'jig rten ngo mtshar ches// 'jig stongs chags shing gnas pa dag/ 'od kyi dkyil 'khor bde bas khyab// kun gyi mngon shes zag pa med// phyogs

  594. 298a

    bcu'i sangs rgyas kun byon te// ya mtshan dgongs pa bgro bar byed// e ma khyed rnams rang byung sku// dad brtson snying rje che las byung // rim gyis brgyad rim ma brten par// sems kyi dkyil 'khor gsang bar gyur// thams cad chos kyi de nyid mchog/ rgyal ba kun gyis byin gyis brlabs// rnam thar 'di la nged kyang grol// rang byung sbyangs pa'i stobs las 'khrungs// don 'di gdul bya gzhan gyi phyir// yun ring gnas pa bstan pa legs// de dag mchod sdong zhing khams mchog/ bde gshegs dpal gyi rgyal mtshan dang // blo rtsal sman chen mun pa sel// rgyal ba'i sdom par dpag med stobs// rim bzhin gdul ba yid 'ong ba'i// zhing khams bkod pa 'khor tshogs dang // bstan pa thams cad rnam grol zhing // snying po mchog gi ting 'dzin gnas// gsang sngags rgyud las rnam spros te// thugs rje ye shes gnyis med tshul// sna tshogs rnam par spros byas kyang // zab mo byang chub sems nyid brgyan// kun 'byung 'dod pa'i yon tan kun// ma bkod dkyil 'khor rol pa'i gnas// rang bzhin dbyings kyi rgyan tshogs kun// zhen pa gnyis 'dzin chags pa'i lam// de nas rtsol bral bde chen sku// 'gro kun rang byung yin mod kyang // rnal 'byor gsum gyis gtan la dbab// de nyid 'brel tshugs theg pa'i

  595. 298b

    mchog/ ces gsungs so// rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud las// 'das pa'i dus su byung ba ste lnga pa'o// // de nas kun bzang bde gshegs nyid// bzang mo'i yum dang sbyor mdzad cing // rgyal ba'i thugs nas brgyud pa dag/ byin gyi rlabs kyis bshad pa'i phyir// dpa' bo rigs kyi dkyil 'khor tshogs// kun la tshul 'di ston cing gdams// bzang mo me tog phreng ba grags// zla tshes rgyal po'i sras bcas par// bcu bzhi'i phyogs dus gnas bcas te// smon lam snang ba bzhi bzhir byung // de dag snga ma'i sangs rgyas mchog/ yun ring mnyes par rim gro byas// phyogs bcu'i dge ba'i bshes bzung zhing // 'gro kun gnas su sems bskyed do// bsod nams tshogs mchog rgya chen po// rnam grol ye shes tshogs bskyed mdzad// bar skabs gsang ba'i theg par zhugs// dbang thob dam tshig la gnas shing // bstan pa'i gdams ngag bzung bar byed// 'bras bu'i lam de de 'bras bu// de stobs dus der sangs rgyas mchog/ mang po phyogs bcur bzhugs kun la// so sor sems bskyed smon lam btab// phyogs bcu'i de bzhin gshegs kun gyis// dbang bskur gdams ngag ji lta bar// rnam grol ye shes zag pa med// sku gsung ye shes chen po'i

  596. 299a

    tshul// yon tan phrin las kun tu gnas// gdul bya'i don 'byung sangs rgyas pa// zhing khams chen po'i snang ba 'phrul// shar gyi spos dang 'od zer can// zla mdangs 'dod bzhin rin chen dung // sangs rgyas dam pa dri med sku// gtsug tor 'og min gnas kyi bdag/ pha rol phyin de rdo rje'i dpung // grol ba zla ba rin chen tshogs// yon tan bkod pa pad+ma'i gdung // dpal gyi rgyal po las rab ston// bde gshegs chos dbyings snang ba yi// yon tan rgyal po'i sde dpung bzhin// sangs rgyas byang chub sems dpa'i tshogs// ye shes chen po'i rnam sprul las// ma 'dres rnam par grungs pa yi// rang bzhin bden gnyis chos kyi rgya// dus der sa yi rgyal po ba// bdag dang yul de'i 'jigs byed chas// rab skyong dka' thub lu ma'i gnas// rgol ba'i dbang phyug de bcas pas// 'dus byed rgyal po 'jig rten du// dag pa bzhi ldan dgongs pa bzhi// theg pa gsang ba'i sgo 'byed cing // rnal 'byor dbang phyug bskyed par mdzad// phun sum tshogs pa kun rdzogs te// de nyid yon tan gzhan la snang // theg chen gsang ba sbyor ba yis// ma lus lus med rgyud kyi don// shar lho dga' dbyangs dgod byed snang // sa yi me tog 'gog pa'i tshal// pad+ma rnam dag 'jig rten spyan// rang byung gsang sngags sgo nas

  597. 299b

    'khrungs// rnga sgra sgrog byed stobs mchog las// mdzad tshul rgya chen theg pa'i tshul// byang chub sems nyid don la snang // bcu gnyis mdzad sogs 'gro don spyod// 'od gsal ye shes chen po'i sgo// rigs kyi dkyil 'khor rdo rje las// bde gshegs rin chen pad+ma'i chos// las rab rdo rje kun spyod pa'o// dag pa'i 'khor tshogs bde gshegs sogs// rang snang gzhan las 'ongs pa rnams// gnyis su med kyi bkra shis brgyad kyang brgyud// 'dod pa longs spyod kun gyis spras// de tsher tshar char ka yang ga stobs chen dga' ba'i dpal// 'khor los sgyur ba gnas spyod pa// bkod pa chen po'i dpung rgyas pa'o// de 'dul theg pa mchog bstan cing // rdzogs chen byang chub sems su sbyor// de yi bstan pa mchog 'dzin pa'i// sde pa mang po gyes par 'gyur// yun ring gnas pa'i rgyud sde kun// byin rlabs rang gis chos bstan pa'o// lho phyogs rin chen yod pa'i tshal// nyi 'od kun khyab dpe 'od bzhin// snang ba'i pad+mo yid 'ong mchog/ thams cad rin chen rgyan gyis mdzes// byams pa'i rgyal po rin chen mchog/ mya ngan dri ma rnam par sel// yon tan kun 'byung 'dod pa'i tshul// spobs pa brtsegs pa'i ri bo mchog/ mnyam nyid rin chen sngags las skyes// rdo rje bde gshegs pad+ma las// tshul chen snang bas sde dpung 'joms// bde gshegs

  598. 300a

    byang sems rigs kun 'joms// yul bdag rgyal po dgyes mchod dang // lag bzang 'gros mdzes la mtsho'i rgyal// btsun mo gnas kun longs spyod cing // rin chen zhing khams rgyan dang bcas// phyi rol gzhan du mi 'dzin par// thabs mchog nang gi gnas kun spyod// bstan pa'i rgyud sde don zhi bas// dam pa'i gnas kun gsal bar ston// byang chub sems dpa'i chos kyi mchog/ shes rab snying rje che mnga' ba'i// blo gros rgya mtsho grangs med kun// phyag rgya gsang sngags stobs kyis 'phags// rgyal po gdug can gangs ri mchog/ yid 'ong tsan+dan sbyin pa'i lha// sder bcas theg pa chen po'i lam// 'bras bu gsang ba'i gnas la bkod// lho nub 'od gsal can gyi gnas// gya nom dbang po'i grong khyer mtsho// 'gag pa'i 'khor lo byang chub shing // 'od bzang dpal 'byung lha mo'i grong // dpal gyi seng ge 'jigs pa sel// bdud dpung 'joms pa'i stobs mchog rgyal// gzi brjid phung po rin chen mchog/ rin chen mdzod gnas gdung ba sel// zhing khams bzod pa'i mchog dag tu// yongs su dag pa'i 'khor dang bcas grags kyang / yun ring 'gro ba'i don la dgongs// bstan pa'i gsang sngags sna tshogs mchog/ slar yang sprul pa 'gro ba'i tshul// theg pa'i lam kun rnam par sbyor// gnyis med gnyis su

  599. 300b

    med pa'i sgo// bya bral bya bas bgrod pa'i lam// rang bzhin byang chub sems kyis brgyan// 'byung ba chen po'i gzugs rtsal can// mi mnyam mnyam nyid sngags kyi rgyun// bstan pa'i dus mtshungs snang ba'o// nub phyogs bde sgo 'jig rten du// phyogs bzhi snang bas bde gshegs gnas// rgyun 'byung drag drags kyang pa spyad pa'i yul// 'od byed nyi ma 'bras bu'i zhing // pad+ma'i mtshan mchog gnas kun mdzes// rgyal mtshan brtsegs pa bdud dpung 'joms// dgu mdzes 'khor lo'i 'od kyi phreng // kun 'byung zhi ba snying po'i chos// pad+ma'i rigs mchog 'khor kun kyang // de bzhin byang chub bden pa'i gnas// ye shes stobs mchog 'jigs pa med// khams gsum khyab par mdzad pa'i tshul// grong khyer mchog tu yang sangs rgyas// snying po gser ldan dpung bzhi dag/ 'bar 'od ldan pa'i phyogs 'dzin la// myang bar rab tu bdud rtsi can// khams rnams mdzad par rab tu brtson// rgyas par mdzad pa'i tshul ston pa'o// rgyal po sa srungs khro byed sde// gzhi 'byung gnyen po ming 'byed skyes// rab brtson brtul zhugs 'khor lo'i bdag/ theg chen gsang ba'i tshul 'dzin pa'o// sems dpa' chen po ye shes blos// rang bzhin gsal ba'i rgyud 'dzin cing // sprul pa'i snang bas kun khyab par// yun ring snang ba ston par byed//

  600. 301a

    nub byang grong khyer kun grags brtsegs// lha ming dbang po 'phrul pa'i yul// mdangs chen rab gus rtse mo dang / gdugs mdzes pad+ma'i phreng ba can// sangs rgyas rab bzhad me tog can// yul dag sgrol ba'i rgya mtsho'i rlabs// 'od zer snang ba gtsug tor can// byams pa'i seng ge sprin gyi shugs// bde gshegs byang chub sems dpa'i 'khor// rdzu 'phrul grags pa cher ldan pa// rang gi zhing khams snang mdzad cing // sna tshogs theg pas 'dul ba'i tshul// dgongs pas gzhan brgyud zhing khams mchog/ mang por bkur ba yum chen por// thub pa chen po'i 'od dpal la// sngon gyi bya ba ji lta bar// bde sbyin bdud rtsi grong mchog dang // dpa' bo rtser gnas rdul zhi bar// dus mtshungs 'gro ba'i ston pa mchog/ stobs mchog gsung bcus 'khor los sgyur// thams cad theg pa chen po yis// byang chub sems sa tshim par mdzad// de yi bstan pa yun ring du// skal ldan rnams kyis 'dzin par 'gyur// byang phyogs rnga sgra sgrogs byed pa'i// chos rgyal rab tu zhi ba'i 'phrul// blta sdug rin chen glang po'i ri// ri skabs me tog spungs pa'i zhing // las rab rdo rje kun spyod pa// mche ba'i sde bcas phyogs las rgyal// go cha sra ba sdug par byed// theg mchog rgyan chen 'od kyi phreng // las kyi rigs mchog che las byung // bya grub

  601. 301b

    phrin las kun gyi bdag/ brtson 'grus gzhan gyi sde gnon pa'i// mthun byed rig pa'i dpung tshogs kyang // sangs rgyas kun gyis brjod byed cing // byang chub sems dpa' kun gyis bkur// grong khyer chen po ji lta bar// dpung bcas theg pas yang dag bgrod// thugs rje dri med smon lam bcas// rgyal po'i khab kyis grong gnas byon// zla gshegs 'od zer lhun pos brgyan// gsal rgyal ka la'i grong mchog ba dag/ yul 'khor bcu drug bcu drug skyong // 'dod pa'i yon tan longs spyod brgyan// dpung tshogs sde bcas rab tu snang // gzhan nas 'joms byed gzhon nu'i sde// dri med sangs rgyas rnam bzhi'i bdag/ gsang ba'i mdzad pas chos kun skyong // 'khor gyi rnal 'byor dbang phyug kun// sku yi snang bas 'dul 'gyur zhing // shes rab chen pos don mthar phyin// ye shes dri ma med pa'i rgyan// rgyan chen ma 'gags bkod pa nyid// zab mo'i dbyings las gzhan mi dmigs// bstan pa'i chos kyis gzhan skyong zhing // phyi nang rang bzhin rnam par grol// yun ring nges par sbyangs pa yis// blo ldan dag gis gzung bapabar byed// byang shar 'od rgyan bkod pa yis// thub dka' 'jigs pa'i phyogs kun las// glog 'od myur ba mang po'i gnas// bsil khang rgya mtsho mi thung mgon// phyogs rnams kun la gzi brjid

  602. 302a

    can// bkra shis rdzas kyis spras pa ru// dpal gyi nam mkha' snying stobs mchog/ dra ba'i 'od zer sgyu ma'i bdag/ ye shes 'od zer 'dod pa'i bla// glu blangs seng ge'i rtsal 'chang ba// rang byung ye shes chen po'i sku// chos kun bde ba chen po'i dbyings// longs spyod yongs rdzogs sprul pa'i sku// gnyis med chos kyi dbyings su sbyor// de bzhin gshegs pa'i tshogs rnams dang // byang chub sems dpa' sems dpa' che// zab mo gsang ba'i sngags lam rdzogs// thams cad yongs su dag pa'i 'khor// bden pa gnyis su med pa yis// rdzogs chen byang chub sems kyis brgyan// rang bzhin dngos po'i byin rlabs kyis// yul dus rig mtha' kun tu ston// chags pa chen po bcom ldan 'das// bya bral rtsol bas mi g.yo ba'i/ snying po'i grong khyer phyag rgya che// kun tu mi 'gyur rang bzhin gnas// bla na med pa'i theg 'di// gsang don gsang mchog gsang ba'i gnas// 'da' dka' rgyal ba mi shigs pa'i// sku gsung gnyis su med pa'i mchog/ thugs rje sprul pas ston mdzad pa// gzhan snang sangs rgyas gnyis pa'i tshul// mu tig dpal spras gru mo mdangs// mi 'jigs sgrol ba'i rin chen tshal// skya bsangs gangs ri 'od rgyun 'char// gtsug phud snying po lag myur stobs// sde dpon dpung tshogs bzhi ldan pas// grong khyer

  603. 302b

    kun tu rgyas par byed// gdul bya'i mos pa ji lta bar// thabs mkhas thugs rjes 'dul bar byed// bla na med pa theg pa'i mchog/ bla na med pa'i tshul gyis 'dzin// de dag yun ring gzhan gyi don// bstan pa'i snying po gnas par 'gyur// steng phyogs spobs pa mtha' yas grags// gsal bar byed pa'i zhing khams su// spyi las khyad par dga' ba'i tshal// 'dren pa chen po sa yi bdag/ skyo skye dga' yang dka' ring du song ba yis// mi 'jigs gnas kun 'dzin pa 'phel// yul chen chos skyong grong khams su// rin chen rgyan tshogs rnam spras pa// rgyal po grags can mi yi mchog/ skyed dgu'i mgon po lha gnas skyes// gzhan 'joms ded dpon kha lo bsgyur// bkra shis rin chen gnas kun skyong // phyogs gnon 'gro ba kun gyi skyabs// gzi brjid phreng ba rgyal ba'i sde// byang chub sems bskyed brtsegs pa'i dpal// mkha' mdzod ye shes snying po'i mchog/ bdud dpung 'joms pa'i mthu mnga' ba'i// bya rdzogs phrin las kun gyi sgo// sangs rgyas grangs med gsal mdzad cing // byang chub sems dpa'i 'khor skyong ba// rnam par yang dag gnas las byung // kun tu thams cad 'od 'das pa'i// brtse ba 'di dag ye shes thabs// mkha' snang gzugs kyi gnas la spyod// slar yang rnam 'phrul sangs rgyas nyid// grong khyer chen po gzhan du byung // rin

  604. 303a

    chen me tog grags pa'i sgra// gzugs chen dka' spyod 'byung ba'i zhing // grags pa mtshan ldan rgyal po'i khab// sa srungs lag na rin chen skyes// dpal gyi phreng ba rgya mtsho'i khrom// de bzhin btsun mo g.yog 'khor dag/ bde gshegs dkon mchog rgyal mtshan dbyangs// dpal gyi seng ge sgrub byed gnog/ yongs su brgyud kyi sras kun dang // gsang ba'i rgyud mchog ston par byed// spobs pa chen po mdzes pa'i rgyas// dngos mchog kun tu rnam par spel// rgyal ba mya ngan 'das 'jigs pa'i// tshul dka'i gzhan gyi rgyun gcod pa'i// byang chub sems dpa' grags kun gyis// bstan pa'i snying po rgyas par bzung // mi bskyod byang chub bde ba'i rgya// chos rnams kun gyi mtshan nyid yin// 'og gi 'khor lo kun spyan gsal// tshul ma ri bo brtsegs pa yis// bum pa'i gzugs byed gdugs khyab pa// rnam spyod mang po mtha' yas pa'i// brtson 'grus bla ma de 'byung bar// rang gi yul 'khor gnas rnams skyong // bram ze'i rigs kyi phyogs rgyas dag/ chos kyi rgyal po gdan la bzhugs// dus kun dga' ba'i longs spyod dang // sde dpung ris su 'dzin med par// sA la'i shing chen rgyas pa'i mchog/ rin chen tshogs la longs spyod gnas// rgyal po nam mkha'i blo gros dpal// sa yi dbang po skyabs sbyin mchog/ zas bzang bdud

  605. 303b

    rtsi bdag po'i bdag/ bdun rgyud kha lo'i las kun spyod// las tshogs 'jug pa'i rgyu yi stobs// thar pa'i gru bo gnas dag pa// rdo rje snang ba thabs chen mchog/ tshul kun myur ba gnon pa nyid// 'di dag rang gi ngang tshul bzang // thog mtha' phyogs rgyas bden pa'i don// bde gshegs byang chub me tog phreng // sras kyi dam pas 'dud pa'i gnas// zhing khams chen po kun gsal ba// rdzu 'phrul 'jigs med gtso bo'i tshul// dam chos gnas la legs bzhugs te// 'od zer snang bas thams cad bskul// sangs rgyas dkyil 'khor tshogs chen kun// ting 'dzin rab tu zhi bas gnas// byang chub sems dpar 'dus pa che// mi 'byed rgyud kyi snying po ston// de yi bstan pas kun khyab par// theg chen gsang sngags rgyas par mdzad// sbyin pa chen po mnga' mdzad pa// byang chub yan lag 'brel pa'i gnas// bsod nams ye shes tshogs las skyes// sku gsum ye shes 'byung ba'i zhing // gyad kyi nye gnas ku sha'i zhing // mdangs gsal nye bar spyod pa na// thar pa'i bdag po rigs mchog stobs// rgyal rigs sA la'i dbang byed gnas// yul skyong bzang po phan pa'i gzhung // nyam nga sel ba grags pa'i stobs// 'khor los sgyur ba'i gling kun dang // rin chen kun sogs nye bar spyod// skyes bu chos kyi grong skyong ba'i// gdan sa nyid la

  606. 304a

    bde gshegs mchog/ rgyal ba skyob pa'i mthu mnga' bas// rnam dag ye shes 'khrul par byed// dpa' bo nyi ma'i seng ge gnon// snang ba khyab pa zhi bar gnyen// sangs rgyas byang chub sems kun dang // zhing khams chen po rgyas par mdzad// blo ldan rnal 'byor lam brtson dag/ gsang ba'i theg pas grol bar mdzad// de tshe sangs rgyas thams cad kyis// gnyis med yul dang sbyor mdzad cing // rtag tu thugs rje'i 'khor lo nyid// chos rnams kun nas ston pa'o// mi gnyis ye shes chen po'i rgya// ye shes sgrib pa med pa'i mdangs// gsang ba'i don mchog ston pa'i rgyud// gsung gcig sgo nas stsal ba'o// e ma ho ya mtshan rmad du byung // thams cad byang chub sems nyid sku// ye shes chen po rang snang bas// dkyil 'khor gsang ba'i 'khor lo nyid// rgyu rkyen 'bras bu la sogs chos// ming tsam bde ba chen po'i dbyings// thams cad snying po 'bras bu'i mchog/ ye shes ma skyes 'jig med gnas// tha snyad 'dzin pa'i chos gnyis kun// ma byung ma skyes rang gi dngos// 'pho 'gyur 'jig pa'i rkyen dang bral// snying po rgyan ldan pa// gang gis gang la gang du gnas// gang phyir gang zhig gang brtan cing // 'jig chags tshul la mi gnas pa'i// lhun gyis grub pa'i chos 'di ni// byang chub sems kyi chos nyid de// thams

  607. 304b

    cad rdzogs pa'i yon tan rgyal// e ma ya mtshan rmad byung chos// de las sna tshogs cir yang snang // shes pa rgyun chags 'khor lo'i gzhi// mi mthun gnas ris gcig pa dang // bde sdug longs spyod bdag gzhan kun// cha mnyam mi mnyam stobs rgyas pa// gnyis gcig sna tshogs snang ba'i tshul// yun ring goms shugs las skyes kyang // des na rgya mtsho'i rba rlabs bzhin// 'od gsal kun snang ye shes rgyan// slar nyid rol pa ma 'gag pas// kha dog dbyibs bcas 'byung ba'i rtsal// yul dus bye brag phun sum tshogs// bde gshegs dkyil 'khor snyoms zhugs pa'i// zhing khams spyod yul yongs su dag/ dgag bsgrub med pa'i mthu las snang // skye med bzang po'i b+ha ga las// kun 'byung skye 'gag la sogs rgyun// gnyis med de bzhin nyid kyi sku// zung 'jug bde ba chen por sbyor// zhen pa'i mtha' rnams dgag pa'i phyir// mtshon dang tha snyad dpag med kyang // de bzhin nyid sgra tshig dang bral// kun 'byung kun gyi mtha' bral ba'o// khams gsum skye 'gro'i gnas rnams kyis// phung khams skye mched phyi nang tshogs// ye shes don snang sangs rgyas sku// rang byung lhun gyis grub par gnas// ye shes chen po gsal byas pa'i// phyogs bcur bzhugs pa'i sangs rgyas sku// dus gsum sgrib pa med mkhyen pa// rim bzhin

  608. 305a

    yon tan phrin las rtsal// thams cad byang chub mchog gi dbyings// sems nyid bde ba chen po'i sku// chos can ji snyed ma 'gags pa'i// chos nyid zab mo'i don snang ba'i// rang nyid rtogs pa'i bye brag gis// chos dbyings me long lta bu dang // mnyam nyid so sor kun rtogs pa// bya ba grub pa'i ye shes sku// mi gnyis so sor gsal ba yis// nyi shu rtsa lnga la sogs rgyun// nyi ma'i dkyil 'khor ji lta bar// gnyis med gnyis su rnam par snang // shes bya'i dkyil 'khor ji snyed kun// gsang chen de bzhin nyid kyi dbyings// rnam pa spros pa kun spyod pa'i// tha snyad yul las brtags pa yi// de ltar rang rig gsal ba ni// rang bzhin mkha' la snang ba'o// ma btsal yon tan rgyan snang ba'i// bde gshegs rgyal ba kun gyi dngos// gcig dang gnyis min dkyil 'khor tshul// sna tshogs rnam par nges pa'o// gti mug chen po rnam snang mdzad// 'dod chags chen po mtha' yas sku// zhe sdang chen po mi bskyod pa// nga rgyal thub chen rin 'byung ste// phrag dog chen po don yod grub// thams cad rigs kyi dkyil 'khor che// de dag 'khor lo pad+ma dang // rdo rje rin chen sna tshogs kyis// rigs mchog gtso dang sprul par bcas// thabs dang shes rab snyoms 'jug pa'o// gang du dmigs par bya ba'i yul// phyi rol 'byung chen mthu rtsal

  609. 305b

    stobs// thams cad nang gi snang ba'i tshogs// rgyu nyid zab mo'i byang chub sems// de dag la brten 'gro kun dang // spyod yul ye shes chen po'i rgya// rang bzhin kun tu bzang mo'i mkha'// rang gi cho 'phrul sna tshogs 'char// kun bzang bkod pa rol pa'i chos// rgyu rkyen don bzhin rnam dag pas// gnyis med 'bras bu bdag nyid che// 'das dus la sogs 'gyur ba med// thams cad mi tshig rtag pa'i chos// de dag tha snyad las 'das te// lus rtogs phyi rol don gyi rgyun// phyogs chas snang ba ris ma grub// rtogs dus brtags pa ri bo'i mchog/ nyi ma'i dkyil 'khor zer dang bcas// bar snang gsal bar khyab pa yis// chos kun bde ba chen po'i dbyings// snying po mchog gi mchog gyur pa'i// ye shes 'jig pa med pa'i don// rab tu mi gnas sangs rgyas kun// sgyu ma lta bur tshogs pa'o// mi shigs snang ba'i 'bras bu kun// rnam grol ye shes zag pa med// de dag skye 'chi rgyun 'byung ba'i// glo bur chos la dben pa'i don// rang byung rgyan gyi 'khor lo che// ming tsam tha snyad gdags pa'i gzhi// phyogs bcu'i rgyal ba kun gyis kyang // snying po'i don las 'da' ma yin// zhes gsungs so// rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud las/ da ltar gyi dus su byung ba ste le'u drug

  610. 306a

    pa'o// // de nas kun bzang ye shes mchog/ thams cad snang ba rnam rtog cing // zab mo byang chub dkyil 'khor rdzogs// gnyis med 'khril pa sbyor ba las// gdul bya'i rtog tshogs ldan grub sku// rmad byung bkra shis mi 'gyur ba'i// ngo mtshar yul 'di ston par byed// ma 'ongs bskal pa gzi rgyan gyi// dus bdun mthong ba bde ba can// lha mdzes mi g.yo nyi shu lnga// rgyal po grags pa khang bzangs su// 'dod pa'i yul kun spyod pas rgyas// sngon tshe rigs tshogs don brtson pa'i// dpa' bo me tog gzugs 'dzin pas// dang por rgyal ba 'byung byed cing // tshul gnyis sprul pa sangs rgyas pa// mi mchog seng ge yang dag skyes// las kun rnam par 'byed byed cing // bde ba'i bde chen rgyud gsal ba// yon tan phyag rgya'i dkyil 'khor gyis// sangs rgyas ting 'dzin mnga' brnyes pa'o// de tshe bde gshegs rigs kun dang // byang chub sems dpa' grags chen kun// rang gi snang ba ji lta bar// chos kyi nyams dga' longs spyod mdzad// blo gros grol ba'i mkhas pa dag/ bstan pa'i gzugs kyis 'dul 'gyur zhing // dus ring brgyud pa'i sgo gsal bas// sangs rgyas pha rol phyin pa mchog/ phyi ma'i sum brtsegs gangs ri can// 'od rgyas grong khyer stobs dus su// bu ram shing pa'i rigs las skyes// sngon dus sangs

  611. 306b

    rgyas mnyes byas pas// rin chen 'khor lo'i mtshan mnga' ba// yang dag sangs rgyas sprul pa'i tshogs// rgyal ba kun gyi gsang ba'i mdzod// dag pa'i 'khor la ston par byed// shes rab thugs rje nyi zla'i 'od// srid gsum rang rgyud rnam dag chos// ngo bo nyid kyi don ston pa// theg pa chen po gsang ba'i rgyud// dus der bstan pa'i glegs bam las// snod ldan rnams kyis don 'byung 'gyur// byang chub sems dpa' mkha' khyab pas// de dag bsdu zhing gzung byed de// dus kun bkod pa'i mchod pa dang // sri zhus gus par rab tu ston// mi mchog sangs rgyas sprul pa'i sku// bya ba thams cad mthar phyin pa'o// bskal pa bcu las 'das pa'i 'og/ sprul pa kun 'byung phyogs rnams su// gsal ba nyer dga' rgyal po'i khab// rol mo thams cad tshogs pa'i dus// sngon ldan snying po rgyal ba'i sras// bde gshegs grong khyer zhi ba la// sems bskyed tshogs mang bsags pa'i mthus// rang byung sems kyis bde ba rtogs// rin chen btsun mo la sogs stobs// tshogs bcas dka' thub chen pos gnas// de tshe mkha' las rgyud kyi don// rgyal ba'i byin rlabs ston par 'gyur// thams cad bde chen dang las byung // ye shes 'di nyid zag pa med// kun 'byung gnas kyi rgya mtsho las// 'bras bu don kun rnam par mdzes// de nyid 'od dpal

  612. 307a

    sgra dbyangs kyis// stobs chen sangs rgyas gtso bo mchog/ phyogs bcu'i rgyal ba kun byon nas// byin brlab dbang bskur bstod pa'i gnas// rdzogs pa chen po chos nyid rgya// byang chub sems kyi don ston pa'i// gsang ba'i rgyud sde mi gnyis mchog/ sku gsung thugs kyi tshul kun snang // theg chen snying po la dga' bas// bstan pa yun ring gzung bar byed// skad cig gcig la rnam grol mchog/ thams cad mtshungs par sa mchog sbyor// slad kyi bskal pa gnyis 'das par// gyad kyi rgyal po dmag ldan pa'i// stobs sde yul mchog 'jigs med rgyal// sangs rgyas bstan pa'i gzhung med par// dpa' bo gzhu 'dzin ral pa can// sngon dus yun ring sbyangs pa'i mthus// snying rje chen po shes rab stobs// g.yul ngo'i 'jigs su mtshungs par dran// rang bzhin mtshan nyid rnam brtags te// thugs rje ye shes nyi shar ltar// byang chub sems nyid zla ba'i zer// nges par 'byung ba'i ngang tshul brtags// gang du phyogs 'dzin mtha' bral ba'i// gnyis rgyud bde ba gsal ba'i mthus// skad cig sangs rgyas sa chen 'dir// ngo mtshar ya mtshan chos kun 'byung // phyogs bcu'i sangs rgyas byang chub sems// kun gyis ngo mtshar mchod cing bstod// ded dpon bzang po zhes bya ba'i// skyes bu mchog des theg chen rgyud// zab cing rgya che sgo

  613. 307b

    kun nas// 'dren cing nges pa'i don la 'dzud// byang sems rnal 'byor dbang phyug tshogs// rgyal ba'i rjes su 'jug par 'gyur// de las bskal pa drug gi mtha'// rang gnas bkod pa mi 'jig dus// rab dpal gzugs can sras kyi mchog/ pad+ma gzhon nu rgyan mdzes pa// sngon gyi dam bcas smon lam mthus// byang chub snying por mos bskyed pas// sangs rgyas dkyil 'khor kun gsal ba'i// sems kyi chos nyid rtogs par 'gyur// tshul mthun snang ba bsam mi khyab// 'jig rten khams kun g.yo zhing 'bar// bde gshegs zhing khams kun gsal bdag/ mchod bstod bka' bzhin 'brang bar byed// snod ldan byang chub sems dpa' la// gsang ba'i rgyud chen 'di bstan cing // byin rlabs mtha' yis grol ba dag/ mi shigs rdo rje'i gnas su sbyor// don rab yul 'khor skyong ba yis// phyi ma'i rnal 'byor bskang ba'i phyir// smon lam thugs rje chen po'i shugs// gsang sngags snying po'i rgyud ston pa// de dag rnal 'byor don ldan pa// bla na med pas bzung byed cing // ma 'dres pa yi sgo kun gyis// mya ngan 'das pa'i theg pa mchog/ slar yang rnyog med gzhi yi 'og/ sa srung gnas 'dzin grong khyer mchog/ gsang ba 'phel ba'i dus lnga ru// rim pas mtshungs pa'i ston pa mchog/ rgyal ba mya ngan med stobs dpal// rdo rje snying po gsang

  614. 308a

    ba'i sde// snang ba rab ston dri ma med// ye shes dbang phyug rgyal ba shes// mdzad pa'i dra ba yon tan legs// lha yi dbang po rnon po'i mdangs// sa srung rgyal po char 'bebs dang // bzod dka' thub pa'i bla ma nyid// phyag rgya'i 'khor lo shugs chen po// gsang bdag sbas pa rab kyi rtsal// klu las rgyal ba go cha'i mchog/ zhing khams dag pa chos kun skyong // gzi brjid gtso bo zhes grags pa'i// sangs rgyas ston mchog kha lo 'dren// phyogs dbus gsal byed skyes bu mchog/ nyi shu rtsa lnga 'byung bar 'gyur// de dag de bzhin gnas 'di na// rgyal ba po'ang bzang po nye gnas pa'i// khyim bdag 'jig pa'i bu rnams de// sngon du phyogs gcig las sbyangs shing // sangs rgyas tshogs bcas bsnyen bskur byas// rnam grol dge sogs mtha' yas sgo// de ltar sangs rgyas sras tshogs kyis// bya bral tshul dag rab tu bsngags// mi mnyam mnyam pa'i sngags kun las// rnam par brtse ba'i theg pa mchog/ bsod nams ye shes gnyis med pa'i// rgyal bas lung bstan mtha' las 'das// dkyil 'khor chen po gsang thob cing // gdams pas rjes su grol bar 'gyur// las kyi stobs kun dag mdzad pa'i// 'jig rten sgron ma de dag gis// mdzad pa'i sgo mthun 'jug pa'i tshe// gnas kun 'gul ldeg g.yo bar

  615. 308b

    grub// phyogs bcu'i sangs rgyas kun 'dus pas// so sor dpal gyi phyogs bskyed cing // smon lam yongs su dag pa las// zhing khams dag pa'i snang ba gnas// thugs rje chen po mi gnyis pas// thams cad thams cad rnam par sbyor// byang chub sems dpa' mthu ldan pa'i// zab mo rgya chen gnas pa'i don// gsang ba gsang chen gsang ba'i mchog/ thams cad rgyun chen ston byed pa'o// rnam par thar pa de 'dzin pa'i// rnam par 'jigs pa kun grol zhing // rang gi snang ba ston byed cing // rnal 'byor mchog tu sangs rgyas gsal// bde gshegs thugs kyi gnas brgyud pa// brtson ldan rnal 'byor dbang phyug gis// snyan tshul glegs bcas gdams pa'i don// dus ring byang chub sems dpa' spyod// theg pa'i mchog 'di zab mo nyid// yul kun skye zhing 'gag med rgyun// de dag de las de 'bras bu// gang zhig gang gis gang bden 'jug/ nga las ma byung chos med phyir// kun 'byung rgyu yi ye shes dngos// phyogs chos ris su ma grub pa'i// bde ba byang chub sems kyi rgyan// rgya chen snang ba'i bye brag kun// der snang der 'jug de yi chos// ji srid thog mtha'i bar gnas tshogs// nyid las 'phrul pa'i dkyil 'khor che// smig sgra snang ba'i dus bzhin du// ma bcos gdod nas dngos ma grub// zla ba'i gzugs kyis khyab pa'i

  616. 309a

    dngos// ma 'gags sngon du gsal ba'i don// rgyu rkyen las grub rgyu med pa// sgyu ma'i tshogs la zhen pa med// de dag 'ja' tshon ris kyi chos// so sor ma 'gags dbyer med cing // rnam gsal de la brten pa'i mthus// me long gsal ba'i yul las 'das// res 'jug dri za'i grong khyer rgyun// rang bzhin mi gnas 'gyur ba'i dngos// mig yor sna tshogs dngos gcig bdag/ tshon byed brag cha'i rgyu las byung // gnas skabs dgos ched las skyes pas// mi mthun ris rnams bdag grub pa'i// sprul pas yul rnams rab tu spyod// dus gsum ma 'gags rgyun 'brel pa'i// rmi lam goms pa'i shugs kyis gsal// phyogs 'dzin phyi rol don gzhal yas// 'brel med brgyud pas bsgrub pa nyid// zab mo'i dbang du 'dzin gnyis shugs// rab tu rtsol bas 'ching bar 'gyur// bde ba chen po ye shes rgyun// dbang drug gi gnas su 'jug/ de dag nang gi rnal 'byor gyis// lhan cig skyes pa'i skabs rgyas shing // khams gsum chos kyi phyag rgya rnams// gnyis med bsgrub pa'i don 'jug pas// rab tu zhi ba bdag med pa'i// gnyis med shugs kyis gsal bar 'gyur// chos kun rang gi dngos 'dzin pa'i// chos nyid dngos bral byang chub sems// ji ltar gnas pa'i don bzhag pas// nam mkha'i khams dngos thob pa

  617. 309b

    med// gang dag phyag rgya gzhan nas 'jug/ rgyu 'bras ltos pas rnam par dben// bzhag pas bdag nyid rab tu rtogs// mu mtha' mi 'dzin 'gog pa med// ma lus spyod pa'i rgyun 'jug pa'i// bsam mtha'i rgya mtsho khron pa'i chu// ji ltar 'byung chen nam mkha'i dbyings// snying po ma 'gags rtsal rdzogs pa'i// rnam par rtog tshogs ye shes rgyun// de mtha' de rgyun de yi chos// ma lus byang chub sems kyi rgyan// nyon mongs sdug bsngal kun tu bzang // de nas 'jug pa'i yan lag bzung // A li kA li la spyod cing // bdud rtsi bcud rgyas de dag las// rtag tu mi gnyis mkhas pa'i sgo// kun spyod tshul mang bdag spyod pa'i// ma lus de don snang ba rgya// spang blang med pa 'dzin chags bral// re dogs bcad pa'i skyon bral ba'o// thams cad dkyil 'khor snang ba'o// sku mchog ye shes bzang po nyid// ris 'ang ji bo stobs kyi yan lag kun// ma 'dres chos kyi rgyu las byung // don kun gsal ba'i bdag nyid kyis// phyag rgya chen po kun ston cing // gser 'gyur rtsi yi rnam pa ltar// stong gsum rin chen rgyan gyis mdzes// rnal 'byor rdzogs pa'i rgyud chen 'di// sangs rgyas kun gyis bshad pa'i mdo// thams cad de las byung ba dang // yang dag gnas pa nyid kyi phyir// mchog tu bsngags pa'i dbang ba kun// bla na med pa'i de bzhin

  618. 310a

    nyid// rgyal bas bstod pa'i 'khor lo 'di// bskal par skal ldan rnams kyi don// zhes gsungs so// rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud las/ ma byung ba'i dus su 'byung ba ste le'u bdun pa'o// // de nas rdo rje 'dzin pa nyid// gnyis med sbyor ba'i snyoms 'jug las// rigs kyi dkyil 'khor gsal mdzad cing // thams cad dbyings kyi rgyan du ston// byin rlabs sku gsung thugs nyid las// rang snang byang chub sems kyi don// ma byung skye ba kun ston cing // ma 'gags gnyis med nam mkha'i ngos// bde gshegs snying po sems kyi dbyings// rtag tu mi 'gyur dngos nyid bral// stong pa'i mtshan nyid gdod nas dag/ phyogs 'dzin rigs kyi chos kun gsal// 'gro ba sna tshogs 'khor ba'i rgyun// zab mo rang snang dkyil 'khor che// 'dod yon spyod pa'i dkyil 'khor las// kun bzang chos sku'i rnam par 'phrul// skye ba bzhi rdzogs bcud rgyas shing // nang gi chos kun rab tu gsal// phyogs bcu dus gsum nas bkod pa'i// sgrib tshogs de nyid shes pa grol// bsod nams ye shes tshogs mtha' yas// rang bzhin stobs kyis grogs rgyas pa'i// rtogs mchog kun bzang zung 'jug blo// thams cad mkhyen pa'i gnas brgyas spyod// chos kun snang ba ma

  619. 310b

    'dres gsal// theg mchog tshul mang 'jug pa'i don// 'byung chen phyi nang ma 'gags pa'i// snang ba'i yon tan phrin las tshogs// rigs kyi dkyil 'khor kun 'dus te// kun tu bzang po rol ston dang // kun 'dus byang chub sems kyi gzhi// stong pa'i rang bzhin zab mo'i mkha'// nang las phyi rol phyi rol nang // gcig gis phyogs kun ji bzhin par// kun bzang las byung kun bzang nyid// sgyu ma kun gyi sgyu mar rol// 'od gsal thig le'i rgyu 'bras dag/ zung du 'jug pa'i bdag nyid do// thams cad ye shes sangs rgyas par// khyad par bstan pa ye shes tshul// sgra rgyun bsam don 'brel ba'i chos// bya ba rab tu rtog pa'i sgron// shes rab rnam gsum rgyu 'bras don// thams cad gnyis med bdag nyid che// rang bzhin rgyun gyi yon tan las// cha shas so sor brtags pas dben// gdams ngag mngon sum gnang ba yis// nyams su myong ba skye bar 'gyur// bstan par yid ches mtha' bral ba'i// ma 'gags sku gsum khyab pa'i dngos// gang du bsgrub pa'i phyogs bral ba'i// de dag zhen chags yul las 'das// 'di dag ye shes chen po'i rgya// byang chub sems nyid rol pa'i dbyings// gsang sngags ngo bo brtag dka' ba// shes 'jug rnam pa'i don ston byed// rnam shes brgyad rtogs ye shes nyid// spros pa'i don 'jug

  620. 311a

    tshogs kun bral// de bzhin nyid dbyings rtogs pa las// dam pa'i shes pa skye bar 'gyur// gang gis gang la gang ltar 'jug/ de dag de nyid de mtshungs chos// med dang yod rtogs tha snyad rgyud// ji bzhin pa yi don 'jug pa'i// dam pa sangs rgyas de bzhin nyid// mi rtog dmigs pa'i mtha' yangs pa'i// spyi nyid snang bkod nam mkha'i chos// mi rtog 'jug pa'i yul ma yin// gnyis can gnyis su mi gnas pa'i// sems nyid chos nyid la gnas pa'o// de ltar de bzhin nyid bzhag pas// don gsal byang chub yan lag sgo// phyi rol snang srid smig rgyu'i dngos// stong 'dzin dran gsal yul kun grol// phyi nang sgyu 'phrul rnam par dben// rnam par snang mdzad rgyal ba'i drod// de las der snang rnam pa'i chos// rgyan nyid rang las mi gzhan pa// pha rol phyin pa'i cha shas rdzogs// kun tu bzang po'i mtshan nyid can// yon tan ma 'gags sgrib tshogs bral// dus kun 'gyur ba med pa'i mchog/ shin tu goms par gyur pa'i mthus// ngo bo nyid kyi cho 'phrul 'gyur// spyod lam mnyam nyid las 'jug pa// zin chags lta bsgom 'brel ba'i rgyan// theg pa'i bye brag phyi nang gis// gol sgrib byang chub chen po'i lam// dad pa'i lam la gnas pa yis// mtshan bcas rnam par dkar ba'i chos// lus ngag 'bad pa las byung

  621. 311b

    bas// sems nyid zag med gnas sbyor bya// don 'dzin bstod pa'i stong pa nyid// snang ba rnam pa'i rgyun nyams pas// thams cad yul kun spyod byed pa// des ni de nyid 'ching bar 'gyur// rang rgyud nyams kyi ting nge 'dzin// bsod nams ye shes tshogs 'gyur ba'i// gzung bral mtha' las rnam grol mchog/ bya ba kun gyis yang dag nyid// gang phyir dngos kun ma skyes pas// der gnas bya ba kun bral sgo// spang gzhi dor bas dgag bsgrub med// gzhan gyi gnas kun stobs kyis 'jug/ rnal 'byor chen po'i chos rgyun du// zin pa'i yul rtogs grol ba'i thabs// gnyis spyod gnyis su med pa'i gnas// rim gyis cig char 'byung ba'i chos// theg mchog gzhan las 'phags pa'i don// mi dmigs ting 'dzin ye shes rgya// blta ba dgag bsgrub gza' gtad med// dkyil 'khor bdag sogs bkod pa med// rang rig bde chen dbang rdzogs pas// dam tshig gnyis med lhun gyis grub// rtag tu rang gi don bsgrub cing // yon tan chos kun ma 'gags pas// sna tshogs phrin las kun tu rol// mnyam nyid spyod pa'i stobs mchog dang // rang snang mchod pa'i sprin gyis mnyes// de dag mnyam nyid 'bras bu'i tshul// rang bzhin lhun grub bde ba che// ye shes lhun grub zung 'jug gsal// bdag nyid chos kun 'bras bu'i

  622. 312a

    mchog/ longs spyod thams cad rdzogs pa'i rgyal// sprul pas gnas kun gsal byas pa'i// thams cad mkhyen pa'i las kun ston// rigs rnams gnyis su med par sgrol// nam mkha'i dkyil 'khor 'od gsal ba'i// sgo rnams rgyas pa'i ting nge 'dzin// dbang bcu bsnyel ba mi mnga'i chos// ma 'dres stobs bcu mi 'jigs bzhi// ye shes gsal ba'i dkyil 'khor tshogs// bya ba chen po'i don spyod pa'o// bya med rtsol ba las 'das pa'i// sangs rgyas kun gyi theg pa'i mchog/ rnal 'byor dbang phyug dgongs pa'i don// sna tshogs rang bzhin mi gnyis kyang // cha shas nyid du spros dang bral// ji bzhin pa zhes mi rtog pas// rnam par snang mdzad kun tu bzang // zin pas rtsol ba'i nad spangs te// lhun gyis gnas pas bzhag pa yin// zhes gsungs so// rdzogs pa chen po byang chub kyi sems bkra shis mi 'gyur bar gsal bar gnas pa'i rgyud las/ chos thams cad de kho na nyid ston pa'i le'u ste brgyad pa'o// // de nas sangs rgyas thams cad kyis// dga' mgu dang bas mchod byas nas// phyag 'tshal rtse gcig ston pa mchog/ kun bzang lha la gsol ba 'debs// e ma ho don chen gsang ba'i rgyud// thams cad yul min rtogs dka' ba// bsdu ba gtan la dbab pa'i tshul// dpe bcas chos 'byung tshul nyid

  623. 312b

    do// de dag dgongs pa'i don bzhin du// byin rlabs thugs kyi gsang ba mchog/ rang bzhin gnas kyi phyag rgya che// don mchog gsang ba'i spyod yul nyid// sna tshogs spros tshig ma bshad kyang // chos kun de bzhin nyid kyi ngang // rnal 'byor blo mchog 'jug don du// yi ge brda don rnam pa gsum// ye nas gnas pa de bzhin nyid// rnam par 'jug pa'i de bzhin nyid// rang bzhin gsal ba'i de bzhin nyid// gcig gi gcig don gsal bar byed// ngo mtshar don kun rmad byung ba'i// mi tshogs rgya mtsho'i gnas bgrod pa// dgongs pa'i dngos 'jug thams cad bdag/ thun mong khyad par sna tshogs pa'i// bcom ldan yon tan bsngags pa'i gnas// byang chub sems dbyings kun gyi gzhi// khams gsum chos kyi rgyal po spyod// skal ldan 'dab chags khu byug mchog/ rig byed snang ba'i rgyan du ston pa ni// rdzogs pa chen po'i chos nyid las// byang chub sems dpa'i bcud rdzogs pas// bkra shis mi 'gyur gsal bar gnas// dpe yis dgongs don gsal byed cing // des ni sangs rgyas rnam par 'byed// rgya mtsho'i khams las kun gyi rje// rang bzhin dbyer med gnas pa'i chos// rigs gtsang gdangs snyan skyon med pa'i// cha shas spros bral dmigs pa'i thabs// lhun grub rigs mtshungs mi 'gyur ba'i// rtse gcig bstan pas 'jug byed

  624. 313a

    gnas// dus bzhin 'byung ba mi 'dor bas// gsal ba'i yon tan ma 'gags pa'o// dub pa dbugs 'byin mkha' bskyod brtson// grol byed don bzhin 'phags pa yi// las kun phun sum tshogs pa'i gzhi// 'bras bu bya ba spangs pa'i chos// de dag khyad par mtshan nyid kyis// gsang ba bla na med pa'i rgyud// dus gzhan rnal 'byor rnal 'byor che// thams cad gsang sngags theg pa'i don// de nyid snying po byang chub sems// bdag gzhan ngo bo las skyes pa// gcig las du mar 'char ba dang // du ma gcig tu snang ba'i dngos// nyi ma mar me'i chos bzhin du// gzhi rtsa med de kun gsal ba'o// de'i phyir thams cad 'bras bu'i chos// ye shes yang dag rnam par rgyal// don kun 'byung ba'i dkyil 'khor che// ma btsal lhun gyis rgyud tshogs ston// rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud las/ chos thams cad sgrub par byed pa'i le'u ste dgu pa'o// // de nas rigs mchog sangs rgyas kyis// bstan pa'i rgyud ni gsal ba'i tshe// ji snyed 'dus pa rnam grol chos// byin rlabs snang cher 'phags pa yis// rang gi ngo bos don ston pa// thams cad nyi zla'i dkyil 'khor bzhin// ma lus rgyun ched kun 'dus pa// sems dpa' chen po khyod kyis zung // gnyis med

  625. 313b

    ye shes tshul rgyun 'brel// don 'di kun tu snang byed la// thabs dang shes rab gnyis med pa'i// gsang ba rgya mtsho kun gyi gnas// de dag dga' dang dang ba'i shugs// yang dang yang du phyag 'tshal 'dud// mchod pa rgya chen rnam bkod pa// ma lus mnyes pa chen por sbyor// dam tshig chen po gsang sngags che// gsang ba'i sgo kun g.yo ba'i tshul// rgyal ba'i bka' gzhan gzung byed cing // dam pa'i yi ge rnam gsum bsrel// rgyal ba thams cad mkhyen pa'i gtso// bkra shis yi ge bzang po'i gnas// don kun phyag rgya'i tshigs bcas ston// rnam grol ye shes 'gyur ba med// thabs mchog rigs kun grangs med bzhin// byang chub sems nyid bstod pa'i gnas// rtag tu rang gi gnas longs spyod// sprul pa grangs med kun gzugs mchog/ thog ma'i sangs rgyas kun tu bzang // khyod kyi mtshan nyid mtshon par dka'// rtogs pas thams cad grol ba'i 'bras// rdo rje nam mkha'i mtshan nyid can// bstod pa kun tu zhi ba'i phyir// bde gshegs yon tan bsngags pa'i mchog/ don rab 'byed pa'i gsal ba yis// rang bzhin dkyil 'khor ston par byed// tshogs bral rdo rje gsang ba'i sngags// nam mkha'i mtha' bzhin brjod pa'i tshul// mtshan rab dpag par dka' ba'i mchog/ rdzogs pa chen po chos nyid byang chub kyi sems//

  626. 314a

    bkra shis mi 'gyur bar gsal bar gnas pa'i rgyud las/ bstan pa gtad cing rjes su bstod pa'i le'u ste bcu pa'o// // rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud ces bya ba rdzogs so// // rgya gar gyi mkhan po bi ma la mi tra dang / sgra bskur gyi lo tsa ba chen po g.yu sgra snying pos bsgyur ba'i 'grel pa dang bcas par bshad pa'o// bar 'dir thig le rgya mtshor gnas pa 'jug pa'i rmad dang // bang mdzod 'phrul gyi lde mig le'u med pa 'jud/ @#// rgya gar skad du/ bo d+hi tsit+ta u pa de sha rat+na ma lA/ phe Ta ka ko Sha kuny+tsi ka nA ma/ bod skad du/ byang chub sems kyi man ngag rin po che'i phreng ba bang mdzod 'phrul gyi lde mig ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min gyi gnas/ chos kyi dbyings kyi pho brang / mkha' klong yangs pa'i gnas/ rgya yongs su ma chad pa na/ bcom ldan 'das gsang ba'i bdag po des/ 'khor sangs rgyas dang sems can yi dwags dang / 'dre srin la sogs pa 'byed pa med pa'i 'khor gyis bskor te/ byang chub kyi sems rnam par 'grel cing / dus gsum du ci bzhin par bzhugs so// de nas sems dpa' rdo rje la sogs pa 'dus pa'i 'khor tshogs rnams/ dang ba'i

  627. 314b

    sems kyis lus btud de/ dga' ba'i mdangs phyung nas/ bcom ldan 'das kyi drung du cang mi smra bar 'khod do// gsang ba'i bdag pos 'khod pa mkhyen nas/ kye sems dpa' chen po nyon cig/ khyod la sogs pa'i 'khor rnams kyis// dad pa'i sems kyis lus btud de// dga' ba'i mdangs kyis 'khod pa de// 'dod pa'i don ni sgo sol cig/ ces gsungs so// de nas sems dpa' rdo rje 'khor gyi nang nas langs nas/ gsang ba'i bdag po la 'di skad ces gsol to// kye kye gsang ba'i bdag po lags// chos nyid byang chub sems kyi don// bdag cag rnams la bstan du gsol// zhes gsol to// gsang ba'i bdag pos gsungs pa/ kye sems dpa' chen po nyon cig/ chos nyid don gyi ngo bo de// tshig dang yi ge las 'das shing // brjod pas thog tu mi pheb ste// rang gi ngo bo brjod med kyang // mthun pa'i tshig gis ma mtshon na// don gyi ngo bo rtogs mi 'gyur// chos rnams thams cad brdar bstan gyis// yid kyi dbang po rna bar chug/ rna ba'i dbang pos sgra la nyon// dper na me nyid 'dod pas kyang // me 'dod tshig tu ma brjod na// me dang 'phrad pa shin tu dka'// me 'dod tshig tu brjod pas na// me dang 'phrad par the tshom med// de bzhin chos nyid rtogs 'dod pas// rang bzhin med pa'i chos nyid la// rang bzhin med pas

  628. 315a

    mtshon te bstan// brjod med pa yi chos nyid de// brjod med tshig gis mtshon te bstan// dmigs su med pa'i chos nyid de// dmigs med tshig gis mtshon te bstan// nam mkha' lta bu'i chos nyid de// nam mkha'i dpe yis mtshon te bstan// zhes gsungs so// bang mdzod 'phrul gyi lde mig las/ gleng gzhi dang gleng bslang ba'i le'u ste dang po'o// // de nas sems dpa' rdo rjes 'di skad ces gsol to// kye kye gsang ba'i bdag po lags// chos nyid rang gi ngo bo de// ma bshad go bar mi 'gyur te// de yi bshad lugs ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ man ngag don gyi bshad lugs ni// don gyi bshad lugs lnga yis bshad// lo rgyus don gyis bshad lugs dang // rtsa ba'i don gyis bshad lugs dang // yo ga'i don gyis bshad lugs dang // dgos ched don gyis bshad lugs dang // tshig gi don dang lnga yis bshad// ces gsungs so// yang zhus pa/ kye kye gsang ba'i bdag po lags// gtan tshigs don gyi bshad lugs lngas// ma bshad skyon ni ci ltar lags// bshad pa'i yon tan ci ltar lags// gsang ba'i bdag pos bstan du gsol// zhes zhus so// gsang ba'i bdag pos gsungs pa// kye sems dpa'

  629. 315b

    chen po nyon cig/ lo rgyus don gyis ma bshad na// yid mi ches pa'i skyon du 'gyur// rtsa ba'i don gyis ma bshad na// chos rnams sems su mi 'du bas// mtha' yas pa yi skyon du 'gyur// yo ga'i don gyis ma bshad na// theg pa'i shan thang mi phyed pas// khyad mi phyed pa'i skyon du 'gyur// dgos ched don gyis ma bshad na// rtsol bsgrub bya btsal ma byas par// sangs rgyas sa la don med 'gyur// tshig gi don gyis ma bshad na// tshig dang don du mi bsdeb pas// 'bru mi chom pa'i skyon du 'gyur// de bzlog bshad pa'i yon tan yin// zhes gsungs so// yang zhus pa/ kye kye gsang ba'i bdag po lags// lo rgyus don gyis ci ltar bshad// gsang ba'i bdag pos bstan du gsol// gsang ba'i bdag pos gsungs pa// sems dpa' chen po nyon cig/ lo rgyus don gyis bshad pa la// chos kyi sku yi bshad lugs ni// nges pa'i don la dgongs nas su// mi rtog thugs kyi sgo nas ni// byin gyi rlabs kyis bshad pa yin// de yang ci ltar bshad ce na// kun tu bzang pos chos kyi dbyings nas bshad/ rdo rje sems dpas nam mkha'i dkyil nas mnyan// rdo rje sems dpas nam mkha'i dkyil nas bshad// dga' rab rdo rjes ri rab rtse nas mnyan// dga' rab rdo rjes ri rab rtse nas bshad// 'jam dpal bshes gnyen ri rab sked nas mnyan// 'jam

  630. 316a

    dpal bshes gnyen ri rab sked nas bshad// dga' bo 'jog pos rgya mtsho'i gting nas mnyan// mnyan nas zos pa ma yin te// byin gyi rlabs kyis go bar zad// byin gyi rlabs kyis bshad ces de la bya// longs spyod rdzogs pa'i bshad lugs ni// rang gi ngo bos bshad pa ste// ldem dgongs don la dgongs nas ni// mtshan dang ldan pa sku'i sgo nas// de bzhin gsung mchog mi smra yang // sku yis chos rnams 'jal bar ston// 'byung chen brgyan pa'i sku lngas kyang // tshig dang yi ger mi smra ste// rang gi ngo bos chos ston pa// bdag tu mi rtog gzhan mi rtog/ rang snang ngo bos chos ston to// sprul pa'i sku yis bshad lugs ni// rigs byed gsung gi sgo nas ni// bkri ba'i don la dgongs nas ni// tshig dang yi ger bsdebs te bshad// de yang ci ltar bshad ce na// khyung chen nam mkhar lding ba'i blos// don gyi spyi khog phub ste bshad// stag mo'i mchod stabs lta bu'i blos// don gyi sa bcad byas te bshad dri med gyis// rus sbal nur 'gros lta bu'i blos// yi ge'i 'bru ni choms par bshad// nam mkha' klong yangs lta bu'i blos// byang chub sems kyi chos nyid de// brdal khyab chen po'i ngo bor bshad// rgya mtsho gting zab lta bu'i blos// byang chub sems kyi chos nyid de// zab cing gting dpag dka' bar bshad// seng ge'i gdangs

  631. 316b

    skad lta bu'i blos// theg dman zil gyis mnan te bshad// mu tig bstar brgyus lta bu'i blos// man ngag khrigs su bsdebs nas bshad// gna'u brag 'dzegs lta bu'i blos// mi 'tshams pa ni 'tsham par bshad// rig pa dgongs mchog sdeb pa drug tu yang skum thun lta bu'i blos// bsgom pa'i dmigs ni btsal te bshad// rgyal po'i bang mdzod lta bu'i blos// dgos dgu rang la tshang bar bshad// ngang mo gzhi ba 'gros lta/ bu'i blos// snga phyi'i tshig gi don 'grel bshad// pho rog so rtog lta bu'i blos// gol sgrib gdar sha bcad nas bshad// spu gri so 'debs lta bu'i blos// theg pa'i shan thang phyes te bshad// glang chen chur 'jug lta bu'i blos// spyod pa blang dor med par bshad// mi skyol bar yang mi bshad cing // thal drags par yang bshad mi bya// zhes gsungs so// yang gsol pa/ ston pa'i 'chad stangs de ltar na// nyan pa'i dbang du ji ltar bya// gsang ba'i bdag pos bstan du gsol// gsang ba'i bdag pos gsungs pa// sems dpa' chen po nyon cig/ dbang po yang rab gyur pa yi// shes rab can la 'chad tsam na// rgyud dang lung dang man ngag gsum// don gyi spyi khog phub ste bshad// chos nyid nyams su len pa yi// rnal 'byor pa la 'chad tsam na// lta bsgom spyod pa 'bras bu bzhi// rang rang mtshan nyid ngos bzung nas// rgyal ba'i lung

  632. 317a

    dang ngo sprad de// byang chub sems dang don sbyar nas// dgongs pa mchog bsdeb dag tu bshad// thun mong tshogs la bshad tsam na// dkyus 'gros bsrang zhing tshig 'bru gnyer// khyad par slob mar khrid tsam na// man ngag gnang bsdeb khrigs su bshad// ces gsungs so// bang mdzod 'phrul gyi lde'u mig las/ byang chub sems bshad pa'i le'u ste gnyis pa'o// // de nas sems dpa' rdo rjes yang gsol pa/ kye gsang ba'i bdag po lags// rang sems bla mar snang ba'i don// de don bdag la bstan du gsol// gsang ba'i bdag pos gsungs pa// rang sems bla mar snang ba la// de la rnam pa gsum yod de// sems nyid rgyu yi bla ma dang // 'bras bu sems kyi bla ma dang // rang snang chos kyi bla ma'o// sems nyid rgyu yi bla ma ni// rtog ge skam po rigs chad pa// log sred can ni ma yin te// rtog pa ye shes blo dman gyi// 'khor 'das gnyis la brtags byas pas// bde dang sdug bsngal gnyis su mthong // bsde sdug gnyis la brtags byas pas// dge sdig gnyis las byung bar dran// dran pa'i sems kyis dad pa bskul// dad pa'i sems kyis brtson 'grus bskul// brtson 'grus chen po'i bla ma des// shes rab rnam gsum blo byas te// ting 'dzin don la nan tan bsgom// ting 'dzin mthu brtas ye shes rgyas// ye shes

  633. 317b

    mngon gyur chos kyi sku// de las gzugs sku rnam pa gnyis// nyi zla'i 'od dang gzugs brnyan bzhin// thogs pa med par shugs kyi 'byung // bstan pa theg pa dgur bkod nas// gang 'thad yul la 'debs su gzhug/ 'bras bu sems kyi bla ma ni// shes pa so ma ma bcos pa// 'bras bu rang snang sku gsum tshul// rang bzhin chos kyi sku ru snang // ngo bo longs spyod rdzogs skur snang // thugs rje sprul pa'i sku ru snang // sems rgyud gcig gi ngo bo la// ston pa sku gsum rang bzhin gnas// rang snang chos kyi bla ma ni// 'byung chen lnga yi bla ma dang // 'dod yon lnga sogs bla ma yis// tshig dang yi ges mi ston par// rang gi ngo bos chos ston pa// bdag gzhan gnyis su mi rtog pa// rang snang ngo bos chos ston to// zhes gsungs so// bang mdzod 'phrul gyi lde'u mig las/ rang sems ston par byung ba'i le'u ste gsum pa'o// // de nas sems dpa' rdo rjes yang gsol pa/ kye kye gsang ba'i bdag po lags// sbas pa gab pa'i don ci lags// gsang ba'i bdag pos bstan du gsol// gsang ba'i bdag pos gsungs pa// kye kye sems dpa' chen po nyon cig/ chos can mtshan ma rgya mtsho'i klong dkyil na// chos nyid gser gyi nya mo gab nas bag la nyal// kun rdzob sgyu ma rgya mtsho'i klong dkyil na// don dam gser gyi nya mo

  634. 318a

    gab nas bag la nyal// 'khor ba rgya mtsho sems kyi klong dkyil na// sangs rgyas gser gyi nya mo gab nas bag la nyal// 'gro drug sdug bsngal rgya mtsho'i klong dkyil na// bde chen gser gyi nya mo gab nas bag la nyal// ma rig 'khrul pa'i rgya mtsho'i klong dkyil na// ye shes gser gyi nya mo gab nas bag la nyal// rgyal ba'i mdo rgyud rgya mtsho'i klong dkyil na// dgongs pa gser gyi nya mo gab nas bag la nyal// rdo rje slob dpon thugs kyi klong dkyil na// gdams ngag gser gyi nya mo gab nas bag la nyal// zhes gsungs so// bang mdzod 'phrul gyi lde'u mig las/ gser gyi nya mo gab nas bag la nyal ba'i le'u ste bzhi pa'o// // de nas sems dpa' rdo rje des/ gsang ba'i bdag po la 'di skad ces gsol to// kye kye gsang ba'i bdag po lags// gab pa ngos bzung ci ltar bzung // gsang ba'i bdag pos bstan du gsol// gsang ba'i bdag pos bstan pa// chos can mtshan mar snang ba la// chos nyid ngo bo gab pa ni// dper na 'ja' tshon chu zla 'dra// kun rdzob sgyu ma'i bde ba la// don dam bde ba gab pa ni// dper na rmi lam gzugs dang 'dra// khams gsum 'khor ba'i sems can la// dus gsum sangs rgyas gab pa ni// dper na mar dang 'o ma 'dra// khams gsum 'khor ba'i sdug bsngal la// bde ba chen

  635. 318b

    po gab pa ni// dper na dug dang dug sman 'dra// ma rig pa yi 'khrul rtog la// rang byung ye shes gab pa ni// rin chen 'dam gyis g.yogs pa 'dra// rgyal bas gsungs pa'i mdo rgyud la// dgongs pa zab mo gab pa ni// dper na me shel chu shel 'dra// bla ma rdo rje'i thugs mdzod la// gdams ngag zab mo gab pa ni// bum pa'i nang gi mar me 'dra// zhes gsungs so// bang mdzod 'phrul gyi lde'u mig las/ gab pa ngos bzung ba'i le'u ste lnga pa'o// // de nas sems dpa' rdo rjes yang gsol pa// kye kye gsang ba'i bdag po lags// rtsa ba'i don ni ci ltar bshad// gsang ba'i bdag pos bstan du gsol// gsang ba'i bdag pos gsungs pa// byang chub sems kyi chos nyid de// yod ni gcig las med pa la// byung ni snang srid kun tu byung // khyab ni snod bcud kun la khyab// bstan ni theg pa dgu ru bstan// 'dus ni byang chub sems su 'dus// yin ni chos kyi sku yin te// bstan du med pas dngos po med// gzung du med pa'i yul las 'das// mtshon du mtshungs pa gang yang med// ces so// bang mdzod 'phrul gyi lde'u mig las// rtsa ba don gyi bshad lugs kyi le'u ste drug pa'o// // yang gsol pa/ kye kye gsang ba'i bdag po lags// yo ga'i don ni ci ltar bshad// rnal 'byor bzhi yi bye brag ci// gsang ba'i bdag pos bstan du

  636. 319a

    gsol// gsungs pa/ sems dpa' chen po nyon cig/ yul dang dbang po rnam par mi rtog sems// de ni sems dpa'i rnal 'byor yin// byang chub yan lag cho 'phrul 'byin pa ni// de ni rnal 'byor chen po yin// phyag rgya bzhi dang ldan pa ni// de ni yongs su rnal 'byor yin// ye shes dam tshig rang bzhin med blta ba// de ni shin tu rnal 'byor yin// zhes gsungs so// yang gsungs pa/ rang rgyud dag pa'i ye shes de ni sems dpa'i rnal 'byor yin// ting 'dzin rnam gsum rim gyis sus bsgom pa// de ni rnal 'byor chen po yin// bsnyen bsgrub bzhi yi 'phro 'du rdzogs byed pa// de ni yongs su rnal 'byor yin// sarba bdag nyid chen por blta ba ni// de ni shin tu rnal 'byor yin// zhes gsungs so// yang gsungs pa/ ting 'dzin rnam gsum rim gyis mi bsgom par// rang rgyud dag pas ye shes blta byed pa// de sems dpa'i rnal 'byor yin// yab yum thabs dang shes rab mi bsgom par// snying po tsam gyis dkyil 'khor rdzogs byed pa// de ni rnal 'byor chen po yin// rgyu dbyings 'bras bu ye shes lha byed pa// de ni yongs su rnal 'byor yin// dbyings dang ye shes gnyis med pa// de ni shin tu rnal 'byor yin// zhes gsungs so// yang gsungs pa// blang dor med pa'i byang chub sems// de ni sems dpa'i rnal 'byor

  637. 319b

    yin// rtsol bsgrub 'das pa'i byang chub sems// de ni rnal 'byor chen po yin// rgyu 'bras 'das pa'i byang chub sems// de ni yongs su rnal 'byor yin// sgro skur 'das pa'i byang chub sems// de ni shin tu rnal 'byor yin// zhes gsungs so// bang mdzod 'phrul gyi lde'u mig las/ yo ga'i don gyi bshad lugs las/ rnal 'byor rnam bzhi'i bye brag bstan pa'i le'u ste bdun pa'o// // yang gsol pa// kye kye gsang ba'i bdag po lags// dngos dang bsam gyi bye brag ci// gsang ba'i bdag pos bstan du gsol// gsang ba'i bdag pos gsungs pa/ kye kye sems dpa' chen po nyon cig/ brtags pa thams cad blo yis brtags// bzung ba thams cad blo yis bzung // phye ba thams cad blo yis phye// brjod pa thams cad blo yis brjod// snang ba thams cad blo la snang // grub pa thams cad blo las grub// sku dang ye shes don dam bden// bsam dbang phyogs na grags pa las// dngos dbang phyogs na de mi grag/ ci snang ci srid thams cad kun// bsam dbang 'khrul pa'i ngos la snang // sangs rgyas sku dang ye shes dang // sems can lus dang bag chags ni// 'khrul pa rang gi ngo bo yin// de brtags blo la snang ba ni// 'khrul pa 'khrul nas 'khrul pa'i yul du snang // tho mi thag sbrul smig rgyu chur// log pa'i kun rdzob

  638. 320a

    gsum 'khrul yin// de bzlog pa ni dngos kyi dbang // yin min tha snyad sgro skur kun dang bral// zhes gsungs so// bang mdzod 'phrul gyi lde'u mig las/ dngos bsam gyi khyad par 'byed pa'i le'u ste brgyad pa'o// // yang gsol pa/ kye kye gsang ba'i bdag po lags// sems nyid thig le nyag gcig la// theg pa dgu ru phye ba yi// de yi gtan tshigs ci ltar lags// gsang ba'i bdag pos gsungs pa// sems dpa' chen po nyon cig/ sems kyi rang bzhin gcig mod kyang // sems kyi mtshan nyid mi 'dra ste// dbang po rab 'bring gsum du 'byung // dbang po rab kyi don du ni// nang pa'i bskyed rdzogs gsum du bstan// dbang po 'bring gi don du ni// phyi yi kri yog rnams gsum bstan// dbang po tha ma'i don du ni// sde snod gsum gyi theg pa bstan// zhes gsungs so// bang mdzod 'phrul gyi lde'u mig las/ theg pa dgu'i gtan tshigs bstan pa'i le'u ste dgu pa'o// // yang gsol pa// kye kye gsang ba'i bdag po lags// sde snod gsum gyi theg pa la// mtshan nyid dgu ru bstan pa ci phyir lags// nang pa sngags kyi theg pa la// 'bras bu rdo rjer ci ltar btags// gsang ba'i bdag pos bstan du gsol// gsungs pa/ sems dpa' chen po nyon cig/ mtshan nyid rgyu yi theg pa ni// dge sdig las kyis rgyu byas

  639. 320b

    pas// 'bras bu bde dang sdug bsngal 'dod// chos spyod dge bas rgyu byed nas// de nyid lam du 'khyer ba'i phyir// rgyu yi theg par bstan pa yin// 'bras bu rdo rje'i theg pa ni// phyag rgya'i dkyil 'khor lam byas nas// 'bras bu de nyid lam du khyer// rang gi lus ngag yid gsum ni// sku gsung thugs kyi rdo rjer sbyor// de phyir rdo rje theg par btags// zhes gsungs so// bang mdzod 'phrul gyi lde'u mig las/ theg pa'i nges tshig bstan pa'i le'u ste bcu pa'o// // yang gsol pa/ kye kye gsang ba'i bdag po lags// theg pa'i 'jug sgo ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ theg pa'i 'jug sgo bzhi yod de// mun pa dag gi 'khor sgo dang // spyod pa'i 'dren sgo de dang gnyis// thabs kyi sbyor sgo de dang gsum// nges pa'i gsang sgo de dang bzhi// mun pa'i 'khor sgo phye ba ni// nyon mongs dug gsum sgo yis bcad// nyon mongs dug gsum sgo phye bas// kun gzhi sems kyi khang bu na// rang la yod pa'i rin po che// gzung 'dzin rnam rtog mtshan mas sbas// nor bu rin chen de ru stor// spyod pa'i 'dren sgo phye ba ni// mdo sde 'dul ba mngon pa gsum// sde snod gsum gyi sgo yis bcad// sde snod gsum gyi sgo phye nas// chos spyod dge ba'i lde mig gis// mtshan

  640. 321a

    nyid theg pa'i sgo phye ste// la la bden bzhi'i sgo nas 'jug/ la la rten 'brel sgo nas 'jug/ la la bden gnyis sgor zhugs nas// kun gzhi sems kyi khang bu na// nor bu rin chen yod pa de// phra rags shes pa'i sgrib pas bsgribs// nor bu rin chen de ru stor// thabs kyi sbyor ba'i sgo phye bas// dag pa gsum gyi sgor zhugs te// kun gzhi sems kyi khang bu na// nor bu rin chen yod pa de// gzung 'dzin phra mo'i rtog pas bsgribs// nor bu rin chen de ru stor// lha spyod gnyis kyi sgor zhugs nas// kun gzhi sems kyi khang bu na// nor bu rin chen yod pa de// ye rngams chos kyi sgrib pas bsgribs// nor bu rin chen de ru stor// phyag rgya bzhi yi sgor zhugs nas// kun gzhi sems kyi khang bu na// nor bu rin chen yod pa de// blang dor gnyis kyi rtog pas bsgribs// nor bu rin chen de ru stor// thabs dang shes rab sgo phye nas// kun gzhi sems kyi khang bu na// nor bu rin chen yod pa de// rtsol zhing bsgrub pa'i sgrib pas bsgribs// nor bu rin chen de ru stor// dbyings dang ye shes sgor zhugs nas// kun gzhi sems kyi khang bu na// nor bu rin chen yod pa de// rgyu 'bras 'das pa'i sgrib pas bsgribs// nor bu rin chen de ru stor// rim pa brgyad kyi blta ba yis// rang la yod pa'i rin po che// rang

  641. 321b

    rang lta spyod rtsol bas bsgribs// nor bu rin chen mthong ba med// nges pa'i gsang sgo phyes nas ni// gnyis med ye shes sgor zhugs te// rang byung ye shes chen po yis// ma bcos mnyam bzhag mig gis bltas// snang med sems kyi don mthong bas// ma mthong ba yi mthong ba'i mig/ brgyad kyis ma mthong rin po che// shin tu rnal 'byor chen po'i mig gis mthong // mthong yang de la ngos gzung med// theg pa rim pa brgyad po yis// rang gi gam du bzhag nas gzhan du btsal// bskal par btsal yang mi rnyed pas// mdongs pas nam mkhar bsnyegs pa 'dra// zhes gsungs so// bang mdzod 'phrul gyi lde'u mig las/ theg pa'i 'jug sgo bstan pa'i le'u ste bcu gcig pa'o// // yang gsol pa/ kye kye gsang ba'i dag po lags// theg pa'i bsrung mtshams ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye kye sems dpa' chen po nyon cig/ nyan thos rang rgyal bsrung mtshams ni// nyis brgya lnga bcu'i 'dul khrims rnams// dka' thub drag pos bsrung bar byed// mdo sde'i theg pa'i bsrung mtshams ni// rtsa ba'i sdom pa bzhi po la// phye bas sdom pa nyi shu bsrung // bya ba'i rgyud kyi theg pa ni// mi nyams yan lag bdun po bsrung // yo ga pa yi theg pa ni// rtsa ba gsum

  642. 322a

    dang yan lag bdun lnga yang // rtsa ba'i ltung ba bcu bzhi bsrung // ma hA yo ga'i theg pa ni// rtsa ba gsum dang yan lag lnga// phye bas nyi shu rtsa brgyad bsrung // a nu yo ga'i theg pa ni// snang srid phyag rgya'i dkyil 'khor ni// mi 'da' rgyan gyi dam tshig bsrung // a ti yo ga'i theg pa ni// med pa dang ni phyal ba dang // gcig pu dang ni lhun gyis grub// a ti yo ga'i dam tshig ste// de las 'das na tshig par 'gyur// spyir na gsang sngags dam tshig ni// bsrung na bsam gyis mi khyab ste// sa ma ya ni 'bum ste yod// ci bzhin pa yi chos nyid la// ma bcos pa yi blo bzhag ste// gnyis su med pa'i ye shes te// mnyam nyid g.yo ba med pa ni// dam tshig thams cad bsrung ba yin// nyams pa'i chad pa byung ba las// mgon skyabs de las che ba med// ces gsungs so// bang mdzod 'phrul gyi lde'u mig las/ theg pa so so'i bsrung mtshams dang / gso thabs bstan pa'i le'u ste bcu gnyis pa'o// // yang gsol pa/ kye kye gsang ba'i bdag po lags// 'jig rten pa yi theg pa dang // 'jig rten 'das pa'i theg pa yi// spyod pa'i phrin las ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ chad par lta ba'i spyod pa ni// rgyu yod 'bras bu med brtags

  643. 322b

    nas// dge ba bcu spang mi dge bcu// gang la thogs pa med par spyod// rtag par lta ba'i spyod pa ni// mi dge bcu spang dge ba bcu// dka' thub chen pos spyod par byed// nyan thos dgra bcom spyod pa ni// dge ba bcu dang mi dge bcu// bde sdug las kyi rgyur brtags nas// mi dge bcu spang dge ba bcu// rang gi don du spyod par byed// rang rgyal gnyis ka'i don du spyod// byang chub sems dpa'i spyod pa ni// mi dge bcu spang dge ba bcu// gzhan yi don du spyod par byed// pha rol phyin pa bcu dag ni// bdag gzhan gnyis ka'i don du spyod// bya ba'i rgyud dang gnyis ka'i rgyud// zhi rgyas dbang dang mngon spyod bzhi// bdag gzhan gnyis ka'i don du spyod// rnal 'byor rgyud kyi theg pa ni// snying rje la sogs tshad med bzhi// gzhan gyi don du spyod par byed// bskyed pa ma hA yo ga ni// ta na dang ni g+ha na dang // dam rdzas bdud rtsi lnga po la// thabs chen blta ba'i spyod pas spyod// rdzogs pa a nu yo ga ni// dbyings dang ye shes longs spyod rdzogs// a ti yo ga'i spyod pa ni// lha bsgom srog dang ldan pa yi// shugs las byung ba'i spyod pa ni// ci ltar smon pa'i spyod pa bzhin// gang la'ang thogs pa med par spyod// ces gsungs so// bang mdzod 'phrul gyi lde'u mig las/ 'jig rten dang 'jig rten las 'das pa'i spyod pa bstan pa'i le'u ste bcu gsum

  644. 323a

    pa'o// // yang gsol pa/ kye kye gsang ba'i bdag po lags// theg pa'i gol sgrib ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ gol sgrib rang gi ngo bo ni// 'og ma 'og ma'i blta bas ni// gong ma ma mthong sgrib pa yin// gong ma gong mas spyod pa ni// 'og ltar spyad pas gol sa byung // spyir na gol sgrib dbye ba ni// lta ba'i gol sgrib dbye ba dang // theg pa'i gol sgrib bstan pa ni// gol sa spyir na bco brgyad de// sgrib pa skor gsum spyir bcu gnyis// bsdoms pas sum cu tham pa'o// lta ba'i gol sgrib bstan pa ni// lta ba dang ni dam tshig dang // phrin las dang ni ye shes dang // sa dang lam gyi rim pa dang // phra ba dang ni rgyud dang ni// lung dang man ngag rnam pa bcu// de las phye bas gol sgrib ni// sum cu drug cu'i grangs su yod// la la dag la gol sa mang // la la gol sgrib mnyam par 'dod// rdzogs chen a ti yo ga la// gol dang ma gol gnyis su med// ces gsungs so// bang mdzod 'phrul gyi lde'u mig las// gol sgrib rnam par dbye ba'i le'u ste bcu bzhi pa'o// // yang gsol pa/ kye kye gsang ba'i bdag po lags// 'jig rten pa yi theg pa dang // 'jig rten 'das pa'i theg pa yi// lta ba'i khyad par ji

  645. 323b

    ltar lags// gsang ba'i bdag pos bstan du gsol// yang gsungs pa/ sems dpa' chen po nyon cig/ 'jig rten pa yi theg pa ni// sum brgya drug cu'i grangs snyed yod// de la lta ba bsdus pa ni// 'jig tshogs drug cu'i grangs snyed yod// sngon gyi mthar gtogs bco brgyad dang // phyi ma'i mtha' la gtogs pa ni// bzhi bcu rtsa bzhi'i grangs su yod// bsdoms pas drug cu rtsa gnyis yod// de las bsdus na nyi shu yod// de las bsdus pas rnam pa bzhi// blta ba de dag rgyas pa ni// tshangs pa'i dra ba'i mdo las gsal// de las bsdus pa rnam pa gnyis// rtag pa dang ni chad pa'o// mu stegs chad pa'i lta ba ni// rgyu yod 'bras bu med pa ni// lung dang rig pa gnyis kyis 'dod// rtag par lta ba'i lta ba ni// rgyu yod 'bras bu yod par blta// sems can kun gyi snying dkyil na// bdag ces bya ba'i dngos po zhig/ che ste che na mthe bong tsam// chung ste chung na yungs 'bru tsam// yang chung sgra yi rtse mo tsam// lus kyi bongs dang sbyar te yod// pha yi rgyu las ma byung zhing // ma yi rkyen gyis ma bskyed de// shes shing rig pa'i ngo bo ru// dus gsum 'phel 'gyur med pa ni// bdag nyid rtag pa chen por 'dod// ces gsungs so// bang mdzod 'phrul gyi lde'u mig las/ 'jig rten pa'i blta ba bstan pa'i le'u ste bco lnga pa'o// // yang gsol pa/ kye kye

  646. 324a

    gsang ba'i bdag po lags// nyan thos lta ba ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye kye sems dpa' chen po nyon// nyan thos lta ba rnam gnyis te// bye brag ba dang mdo sde'o// bye brag don dam rdul phran cha// cha med phyogs dang bcas par 'dod// mdo sde g.yag rnga ne seng tshul// kun rdzob sgyu ma'i tshul du 'dod pa yin// rang rgyal phyogs gcig de dang mthun// de las khyad par 'phags pa ni// rnam par rig byed ma yin pa'i// gzugs la bdag med khyad par 'phags// nang gi shes pa skad cig ma// skye 'gag can de rgyu 'bras med// ces gsungs so// bang mdzod 'phrul gyi lde mig las/ nyan thos rang rgyal gyi lta ba mdor bstan pa'i le'u ste bcu drug pa'o// // yang gsol pa/ kye kye gsang ba'i bdag po lags// mdo sde byang chub sems dpa' yi// de yi lta ba ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ mdo sde'i lta ba gsum yod de// sems tsam yod pa'i dbu ma dang // mdo sde sprod pa'i dbu ma'o// rnal 'byor spyod pa'i dbu ma'o// sems tsam la yang gnyis yod de// rnam bcas dang ni rnam med do// rnam bcas la yang gnyis yod de// rnam pa bden rdzun gnyis

  647. 324b

    su 'dod// rnam pa bden pa'i lta ba na// phyi yi yul dang nang gi sems// don dam du ni 'brel med kyang // kun rdzob tu ni 'brel par 'dod// nang gi shes pa skad cig ma// skad cig cha yis mi rtag ste// de nyid rgyun gyis rtag pa'o// snga ma snga mas rgyu byas nas// phyi ma phyi ma 'bras bur 'dod// rnam par rdzun pa'i blta ba ni// shes pa bden te rnam pa rdzun// rnam pa shes dang mgo snyoms pa// yang dag yod pa ma yin te// don dam du na a cang ches// kun rdzob tu yang 'brel med 'dod// shes pa rang rig gsal ba tsam// de las gzhan pa'i chos mi 'dod// rnam med dag gi lta ba ni// gnyis med ye shes shel lta bu// rang rig gsal ba'i ngo bor 'dod// mdo sde spyi yi dbu ma ni// chos rnams yul sems gnyis su 'dod// yul gyi rgyu ni phra rab rdul// phyogs char gzhig na gcig ma grub// gcig ma grub pa'i gtan tshigs kyis// gcig gis bsags pa'i du ma yang // yang dag nyid du mi 'dod de// rang gi rang bzhin stong par 'dod// nang gi shes pa skad cig ma// snga ma 'das te mi gnas stong // phyi ma ma 'ongs mi gnas stong // da ltar 'gags par gyur pas stong // dus gsum cha yis stong par 'dod// rnal 'byor spyod pa'i lta ba ni// phyi yi yul ltar snang ba ni// kun rdzob sgyu ma'i tshul tsam du// 'ja' tshon sgyu ma'i tshul du

  648. 325a

    snang // bang mdzod 'phrul gyi lde'u mig las/ mdo sde'i theg pa'i lta ba bstan pa'i le'u ste bcu bdun pa'o// // yang gsol pa/ kye kye gsang ba'i bdag po lags// gsang sngags lta ba ltar lags// gsang ba'i bdag pos bstan du gsol// gsungs pa/ sems dpa' chen po nyon cig/ gsang sngags thun mong lta ba ni// bden pa gnyis kyi mu bzung ste// don dam skye 'gag med par 'dod// kun rdzob phyag rgya'i dkyil 'khor 'dod// cung zad phyogs cha mi mthun pa// bya ba'i rgyud kyi theg pa ni// cho ga yan lag bcu gcig gis// byin gyis brlabs nas lha ru 'dod// de yang rje dang khol gyi tshul// gnyis ka rgyud kyis dpon g.yog tshul// rnal 'byor rgyud kyi theg pas ni// byang chub lnga dang cho 'phrul bzhis// yongs su brtags nas lha ru 'dod// de yang spyan dang grogs po'i tshul// bskyed pa ma hA yo ga ni// ting 'dzin gsum dang bsnyen bsgrub bzhis// yongs su brtags nas lha ru 'dod// ye shes dam tshig tshul mi 'dzin// rdzogs pa a nu yo ga ni// phung po khams dang skye mched rnams// lha dang lha mo'i dkyil 'khor du// ma bskyed rdzogs pa'i tshul du 'dod// ces gsungs so// bang mdzod 'phrul gyi lde mig las/ sngags thun mong gi blta ba bstan pa'i le'u ste bco brgyad pa'o// // yang gsol pa/ kye kye

  649. 325b

    gsang ba'i bdag po lags// rdzogs chen a ti yo ga yi// bye brag rnam par phye ba las// dang po blta ba mdor bstan pa'i// rang gi ngo bo ci ltar lags// gsang ba'i bdag pos bshad du gsol// gsungs pa/ kye kye sems dpa' chen po nyon cig/ rdzogs pa chen po'i lta ba ni// ma 'dres yongs su rdzogs pa yin// kun bral ci ma spangs pa yin// rgya chad phyogs lhung med pa yin// yin tshul nges pa med pa la// snang tshul cir yang snang ba yin// rang bzhin gcig tu ma nges pa// blta ba ngos bzung med pa yin// zhes gsungs so// yang gsol pa/ kye kye gsang ba'i bdag po lags// de yi gtan tshigs ci ltar lags// gsang ba'i bdag pos bstan du gsol// gsungs pa/ sems dpa' chen po nyon cig/ brgyad kyi lha spyod ma 'dres pa// rdzogs chen lam gyi ye shes la// de nyid ma 'dres yongs su rdzogs// blos brtags chos ni kun dang bral// rang snang ngo bo ci ma spangs// rang bzhin gcig tu ma nges shing // gang gi phyogs su ma lhung bas// lta ba dngos po med pa yin// mi mthun bsam pa so so la// snang tshul cir yang snang ba'i tshul// gang yang rgya ma chad pa yin// zhes gsungs so// bang mdzod 'phrul gyi lde'u mig las/ lta ba mdor bstan pa'i le'u ste bcu dgu pa'o// // yang sems dpa' rdo rjes gsol pa// de yi snang

  650. 326a

    tshul ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ byang chub sems la kun brten pas// byang chub sems ni sa ltar snang // byang chub sems kyis kun sdud pas// byang chub sems ni chu ltar snang // kun la snyoms shing smin byed pas// byang chub sems ni me ltar snang // gzugs med mkha' la rgyu ba'i phyir// byang chub sems ni rlung ltar snang // snang med kun la khyab pa'i phyir// byang chub mkha' ltar snang zhes gsungs// kun gzhi sems ni nam mkha' la// rang byung ye shes rang shar bas// byang chub sems ni shar phyogs yin// chos sku rang la yod pa ste// ma bcos mnyam par bzhag pas lho// byang chub sems ni lho phyogs yin// mtshan ma'i rnam par rtog pa kun// gnyis med ye shes ngang du nub// byang chub sems ni nub phyogs yin// byang chub sems kyi chos nyid la// nyon mongs skyon gyis ma gos pas// byang chub sems ni byang phyogs yin// chos rnams rtsa ba sems su 'dus// byang chub sems ni dbus kyang yin// rang byung ye shes chen po de// ye shes kun gyi blar gyur pas// byang chub sems ni steng yang yin// mi rtog pa yi ye shes chen po des// rnam rtog mtshan ma zil mnan pas// byang chub sems ni 'og kyang yin// zhes gsungs

  651. 326b

    so// thig le nyag gcig byang chub sems// zlum zhing rnam pa ma 'phros pas// byang chub sems ni zlum po yin// nam mkha'i mtha' ltar kun khyab pas// byang chub sems ni gru bzhi yin// byang chub sems kyi chos nyid ni// chos rnams ma lus dbang du sdud// byang chub sems ni zla gam yin// byang chub sems kyi chos nyid de// sku gsung thugs kyi bdag nyid kyis// byang chub sems ni zur gsum yin// zhes so// yang gsungs pa/ byang chub sems kyi chos nyid la// nyon mongs skyon gyis ma gos pas// byang chub sems ni dkar po yin// che ba'i yon tan 'byung ba'i phyir// byang chub sems ni ser po yin// thugs rje kun la chags pa'i phyin// byang chub sems ni dmar po yin// gang la thogs med spyod pa'i phyir// byang chub sems ni ljang gu yin// sna tshogs cir yang snang ba'i phyir// byang chub sems ni khra bo yin// gzhan gyis bsgyur du mi btub phyir// byang chub sems ni nag po yin// zhes so// yang gsungs pa// byang chub sems kyi chos nyid ni// ma skyes stong pa skye ba med// de ni gzugs med khams yin no// skye ba'i cho 'phrul gzugs snang ba// de ni gzugs kyi khams yin te// 'dod spyod snying rjes kun 'dus pa// de ni 'dod pa'i khams su yin// zhes so// yang gsungs pa// snang ba thams cad sems la snang // des na

  652. 327a

    sems nyid gzugs kyang yin// grag pa sarba sems la grag/ des na sems nyid sgra yang yin// dri mchog sarba sems la mnam// des na sems nyid dri yang yin// ro mchog sarba sems la bro// des na sems nyid ro yang yin// reg bya sarba sems la tshor// des na sems nyid reg kyang yin// zhes so// yang gsungs pa/ 'dod pa srid gsum sangs rgyas 'dod// thugs rje ngang gis de la chags// sems ni 'dod chags yin par 'dod// zhi ba byang chub sems la zhi// sdang ba 'khor ba'i chos la sdang // sems ni zhe sdang yin par 'dod// gti ba chos kyi don la gti// mug pa mtshan ma'i chos la sems ni gti mug yin par 'dod// nga ni chos kyi byang chub sems// rgyal ba 'khor ba'i chos las rgyal// sems ni nga rgyal yin par 'dod// phrag ni chos kyi dbyings la phrag/ dog ni mtshan ma'i chos la dog/ sems ni phrag dog yin par 'dod// ces gsungs so// rang byung ye shes sgrib med pa// ston pa phun sum tshogs pa yin// rig pa 'du 'bral med pa yis// de 'khor phun sum tshogs pa yin// sems nyid ma bcos rnal bzhag pa// bstan pa phun sum tshogs pa yin// zhes so// yang gsungs pa/ sems rtog sangs rgyas byung ba'i phyir// des na sems nyid rgyu yang yin// ma yengs gnas pa lam yin

  653. 327b

    pas// des na sems nyid lam yang yin// mngon du gyur pa 'bras bu bas// des na sems nyid 'bras bu yin// zhes so// yang gsungs pa// byang chub sems kyi chos nyid de// ma bcos rnal du bzhag pa ni// de ni chos dbyings ye shes yin// gsal ba rtog pa med pa ni// de ni me long ye shes yin// sems la dbye ba med pa ni// de ni mnyam nyid ye shes yin// snang tshul cir yang snang ba ni// de ni kun rtog ye shes yin// sems kyis kun la dbang bsgyur bas// de ni bya grub ye shes yin// zhes so// yang gsungs pa// sems nyid ci ltar snang ba rnam par snang mdzad yin// dus gsum 'pho 'gyur med pas rdo rje sems dpa' yin// che ba'i yon tan 'byung bas rin chen 'byung ldan yin// sems kyis kun la khyab pas snang ba mtha' yas yin// bya btsal med par grub pas don yod grub pa yin// zhes so// yang gsungs pa/ mi g.yo rang bzhin gnas pas chos sku yin// gsal la rtog pa med pas longs sku yin// sems la dbang thob cir yang bsgyur nus pas// de ni thugs rje sprul pa'i sku// rang rig mngon du gyur pas ni// mngon par byang chub sku ru 'dod// gnyen pos 'pho 'gyur med pa ni// rdo rje lta bu'i sku ru 'dod// ces gsungs so// bang mdzod 'phrul gyi lde'u mig las/ snang tshul bstan pa'i le'u ste nyi shu

  654. 328a

    pa'o// // yang gsol pa/ kye kye gsang ba'i bdag po lags// lta ba phyogs lhung med pa'i don// de don bdag la bstan du gsol// zhes zhus pas/ kye sems dpa' chen po nyon cig/ ci ltar nam mkha'i mtshan nyid ni// pho mo ma yin ma ning min// kha dog dbyibs dang rigs ma yin// phyogs bzhi mtshams dang bla 'og min// phyi nang ma yin snang mun min// gcig dang tha dad yod med min// sangs rgyas sdug bsngal bde sdug bsngal// bzang ngan che chung skyon yon tan// gang gi phyogs su ltung ba med// byang chub sems kyang de dang mtshungs// zhes gsungs so// bang mdzod 'phrul gyi lde'u mig/ las/ lta ba phyogs lhung med par bstan pa'i le'u ste nyer gcig pa'o// // yang gsol pa/ kye kye gsang ba'i bdag po lags// ma 'dres yongs su rdzogs pa'i don// de don bdag la bstan du gsol// gsungs pa/ sems dpa' chen po nyon cig/ mkha' la gzugs sogs ma 'dres pa// chu nang phyogs su gzugs yongs su rdzogs// 'byung ba rnam bzhi ma 'dres pa// nam mkha'i ngang du yongs su rdzogs// sna tshogs snal ma ma 'dres pa// za 'og snam bur yongs su rdzogs// tshon rtsi sna lnga ma 'dres pa// dkyil 'khor chen por yongs su rdzogs// rin chen sna lnga ma 'dres pa// mchog rab ri la yongs su

  655. 328b

    rdzogs// chos can phyogs nas ma 'dres pa// chos nyid phyogs su yongs su rdzogs// bsam dbang phyogs nas ma 'dres pa// dngos dbang phyogs su yongs su rdzogs// kun rdzogs phyogs nas ma 'dres pa// don dam phyogs su yongs su rdzogs// 'khrul rtog phyogs nas ma 'dres pa// gnyis med ye shes yongs su rdzogs// brgyad kyi lta spyod ma 'dres pa// a ti yo gar yongs su rdzogs// bang mdzod 'phrul gyi lde'u mig las/ ma 'dres yongs su rdzogs pa'i blta ba bstan pa'i le'u ste nyer gnyis pa'o// // yang gsol pa// kye kye gsang ba'i bdag po lags// dper mtshon tshig gi lde mig gis// don dam gsang sgo dbye bya ba// de don bdag la bstan du gsol// gsang ba'i bdag pos gsungs pa/ sems dpa' chen po nyon cig/ mkha' la shar ba'i gzugs sogs rnams// dngas pa'i rgya mtsho chen po ru// de nyid ma 'dres yongs su rdzogs// de bzhin chos rnams thams cad kyang // dmigs med ye shes ngo bo chu// de nyid ma 'dres yongs su rdzogs// mkha' la shar ba'i gzugs sogs rnams// dngas pa'i rgya mtsho chen po ru// blang ba med cing dor ba med// gzung ba med cing gtang ba med// ldan pa med cing bral ba med// de bzhin chos rnams thams cad kyang // gnyis med ye shes chen po yis// blang ba med cing dor ba

  656. 329a

    med// gzung ba med cing gtang ba med// ldan pa med cing bral ba med// mkha' la shar ba'i gzugs sogs dang // chu nang dag gi gzugs brnyan gnyis// gcig pa med cing tha dad med// dper na nam mkha'i gzugs su gcig/ chu nang gzugs brnyan bsam ni khyab// de bzhin rig pa gcig pa las// rig pa'i rtsal shugs bsam mi khyab// mkha' la gzugs sogs shar ba la// chu nang gzugs brnyan shugs kyis 'byung // kun gzhi'i mkha' la rig pa shar// rig pa'i rtsal shugs shugs kyis 'byung // dper na chu nang gzugs brnyan yang // snang ba de yang rang bzhin med// tshon lnga 'dres pa'i kha dog la// 'di zhes gcig tu ngos gzung med// de bzhin so sor dbyer yang med// kun bral ci yang ma spangs pa'o// chos rnams 'dus pa'i ye shes la// 'di zhes gcig tu ngos gzung med// de bzhin so ra dbyer yang med// kun bral ci yang ma spangs pa'o// sna tshogs dar gyis snal tshogs la// za 'og snam bur byas tsam na// sna tshogs dar gyi ming bral nas// za 'og snam bur gcig pa bzhin// de bzhin chos rnams tha dad kyang // gnyis med ye shes bsdus tsam na// sna tshogs chos kyi ming bral nas// gnyis med thig le chen por gcig/ gser las byas pa'i rdzas rnams kun// ming dbyibs la sogs tha dad

  657. 329b

    kyang // ngo bo gser la gcig pa bzhin// sems kyis brtags pa'i chos rnams kun// ming gi rnam grangs tha dad kyang // chos nyid ngo bor dbyer med cing // dper na ras snam yug gcig la// tshon gyi skyon gyis so sor snang // snang yang ras su dbyer med cing // de bzhin sems nyid gcig pa las// yul dbang rkyen gyis so sor snang // snang yang sems kyi snang bar gcig/ shel sgong dag gi drung du ni// kha dog sna tshogs pa bzhag pas// gang bzhag rkyen gyis de ltar snang // snang yang shel du 'gyur ba med// de bzhin chos nyid rgyu gcig pas// 'gro ba rigs drug so so nas// bag chags rkyen gyis so sor snang // chos nyid rang la 'gyur ba med// rgyu nyid gser du gcig pa las// bzo yi las kyis bsgyur byas te// chol zangs dri snod byas tsam na// gser yang ngan pa'i rgyu ru snang // sku gzugs mchod rten byas tsam na// gser yang bzang po'i rdzas su snang // gser gyi rgyu la bzang ngan med// de bzhin chos nyid rgyu gcig pas// rnam rtog 'khrul pas brtags tsam na// yul yang ma dag 'jig rten khams// ngam grog g.yang sa lung khung snang // ye shes can gyi ngo gang la// yul yang zhing khams dag pa ste// bde ba can gyi gnas su snang // chos nyid rang gi ngo bo la// snang dang mi snang gnyis su med// sman dang dug tu gcig pa

  658. 330a

    la// la la'i sman la la la'i dug/ ha la nag po'i dug dag kyang // thabs mkhas bza' legs sman gyi mchog/ sman gyi rgyal po bcud len yang // thabs ma mkhas shing bza' nyes na// ha la nag po'i dug tu 'gyur// de bzhin 'dod chags zhe sdang yang // rnam rtog rlung gis ma bskyod na// de ni rang byung ye shes yin// rang byung ye shes chen po yang // rnam rtog rlung gis bskyod tsam na// 'dod chags zhe sdang gti mug yin// sa 'og gnas pa'i gser dag ni// bdag po med na rdo dang 'dra// bdag dang 'phrad na mi zad gter// dgos 'dod re ba de las 'byung // kun la yod pa'i byang chub sems// ye shes med na 'khrul rtog sems// dgos pa ci yang che rgyu med// gnyis med ye shes shar tsam na// bde ba chen po chos kyi sku// byin rlabs yid bzhin nor bu'i tshul// dper na gzugs rnams sna tshogs kyang // ri rab ngos la phyin tsam na// kha dog gcig tu 'gyur ba bzhin// de bzhin rnal 'byor so so nas// ma bcos ngang la blo bzhag nas// de nyid mngon du gyur tsam na// chos sku bde chen thob par 'gyur// rgyu ni 'byung chen rnam lnga la// 'bras bu khams gsum sems can rnams// rgyu ni khams gsum sems can la// 'bras bu dus gsum sangs rgyas so// shing ni me yi rgyu yin te// ma gtsubs bar du me mi 'byung // 'o ma mar

  659. 330b

    gyi rgyu yin te// ma dkrogs bar du mar mi 'byung // til 'bru dag la mar yod kyang // ma btsir bar du mar mi 'byung // sems can sangs rgyas rgyu yin te// ma bsgoms bar du sangs mi rgyas// zhes rgyu 'bras gnyis kyi theg pa la dgongs nas gsungs pa'o// bang mdzod 'phrul gyi lde'u mig las/ dpes mtshon tshig gi lde mig gi le'u ste nyer gsum pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pa'i// lta ba'i khong skran ci ltar lags// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ snga phyi med par byang chad na// chad par blta ba'i lta ngan yin// gzhi mi spangs shing rtag zhen na// rtag par blta ba'i lta ngan yin// rdul phran cha ru phyogs zhen na// nyan thos rang rgyal lta ngan yin// 'di zhes sems su gcig 'dzin na// mtshan mar rtogs pa'i ngo bo ste// rnam par rig pa'i lha ngan yin// phyogs cha drug gi gtan tshigs dang // rdo rje gzegs ma'i gtan tshigs dang // mu bzhi skye 'gog gtan tshigs dang // gcig dang du bral gtan tshigs kyis// gzhigs nas stong par 'dod pa dang // skad cig dus gsum chas ston pa// de ni stong pa bzo ma ste// mdo sde spyod pa'i lha ngan yin// ma bcos ci bzhin chos nyid

  660. 331a

    la// la las spangs pa'i rgyu ru 'dod// la las sbyangs pa'i rgyu ru bltas// mtshan nyid theg pa'i lha ngan yin// gzung 'dzin mtha' la gang gnas pa// bya ba rgyud kyi lha ngan yin// lha spyod zung du ma chotshom pa// gnyis ka rgyud kyi lha ngan yin// blang dor mtha' la gang zhen pa// rnal 'byor rgyud kyi lha ngan yin// rang rgyud dag pa'i lhar 'dzin pa// rnal 'byor chen po'i lha ngan yin// rgyu 'bras dbye ba med pa la// rgyu dang 'bras bu gnyis blta ba// a nu yo ga'i lha ngan yin// thun mong sngags kyi theg pa rnams// bden pa gnyis kyi mu bzung nas// phung po khams dang skye mched rnams// grangs sam rtags kyis lhar 'dod pa// la la byin gyis brlabs nas 'dod// la la yongs su brtags nas 'dod// la la rang rgyud dag par 'dod// la la ma bskyed rdzogs par 'dod// thun mong sngags kyi lha ngan yin// sems dpa' chen po nyon cig/ dper na mkha' zla'i gzugs gcig las// mig rdzi can gyis gnyis mthong yang // mkha' zla nyid la gnyis su med// zho dkrogs rtog nang du chu blugs pa// mar gyi mi skyon dar ba'i skyon// gang du bstan pa'i lta ngan rnams// rang rang shes pa 'khrul pa yin// gnyis su med las gnyis su phye// ci srid gnyis 'dzin yongs kyi bar// gnyis med don dang 'phrad mi 'gyur// sems dpa' chen

  661. 331b

    po nyon cig/ nam mkha'i cha la bgos dog pa med kyang ma byed// byang chub sems la thug pa med// chos nyid zab mor ngos ma 'dzin// gang la phyogs zhen med par thong // zhes gsungs so// bang mdzod 'phrul gyi lde'u mig las/ lta ba ngan pa'i dug 'joms pa'i le'u ste nyer bzhi pa'o// // yang gsol pa/ kye kye gsang ba'i bdag po lags// rdzogs chen lta ba'i don rtogs par// yid ches dad pa ci ltar 'byung // gsang ba'i bdag pos bstan du gsol// gsungs pa/ sems dpa' nyon cig/ ci ltar snang ba'i chos rnams kun// byang chub sems kyi chos nyid yin// mi snang ba la mngon du 'byin nus pa// chos kyi snying po yin par yid kyang ches// rgyu las ma byung rkyen gyis ma bskyed pas// rang byung ye shes yin par yid kyang ches// rang bzhin bcu yis btsal du med pa'i phyir// ma btsal lhun gyis grub pa yin par yid kyang ches// chos rnams thams cad gtan la phebs pa'i phyir// ston pa'i sgron ma yin par yid kyang ches// sde snod kun dang rgyud kun gyi// 'byung gnas gtan la 'bebs pa'i phyir// kun gyi spyi 'grel yin par yid kyang ches// rgyu 'bras theg pa kun las khyad 'phags pas// theg pa'i yang rtse yin par yid kyang ches// dus gsum sangs rgyas kun gyi lam yin pas// rnam dag lam chen yin par yid kyang

  662. 332a

    ches// chos rnams thams cad sems su 'dus pa'i phyir// kun gyi rtsa ba yin par yid kyang ches// thams cad sems la gnas pa'i phyir// kun gyi gzhi ma yin par yid kyang ches// thams cad sems las 'byung ba'i phyir// kun gyi 'byung gnas yin par yid kyang ches// thams cad sems kyis byas pa'i phyir// kun gyi mkhan po yin par yid kyang ches// sarba sems las med pa'i phyir// kun gyi ngo bo yin par yid kyang ches// snang ba med par kun la khyab pa'i phyir// gdal ba chen po yin par yid kyang ches// gcig dang du mar bgrang du med pa'i phyir// thig le nyag gcig yin par yid kyang ches// dus gsum 'pho 'gyur med pa'i phyir// mi nub rgyal mtshan yin par yid kyang ches// chos kyi rang bzhin ma nges pas// lta ba ngos gzung med par yid kyang ches// rang la yod kyang rtogs par dka' ba'i phyir// gsang ba'i man ngag yin par yid kyang ches// zhes gsungs so// bang mdzod 'phrul gyi lde'u mig las/ rdzogs pa chen po'i lta ba la yid ci ltar ches pa bstan pa'i le'u ste nyer lnga pa'o// // yang gsol pa/ kye kye gsang ba'i bdag po lags// gdeng dang ldan pa'i rnal 'byor la// re dogs nyam pa yod dam med// gsang ba'i bdag pos bstan du gsol// gsungs pa/ sems dpa' chen po nyon

  663. 332b

    cig/ khyung chen gshog rdzogs mkha' la lding ba la// ngam grog g.yang sa rgya mtsho'i 'jigs pas nyam mi nga // seng ge rtsal rdzogs gangs gong nyal ba la// gcan gzan phal pa'i 'jigs pas nyam ming // rnal 'byor rig pa'i gdeng chen ldan pa la// khams gsum 'khor ba'i g.yang sas nyam mi nga // gdeng dang ldan pa'i rnal 'byor pas// rang bzhin med pa'i don rtogs na// mtshan ma snang rung mi snang rung // skye shi med pa'i don rtogs na// 'dus byas rtag rung mi rtag rung // ye nas yin pa'i don rtogs na// da gdod rtsol rung ma rtsol rung // gnyis su med pa'i don mthong na// du mar 'byed rung ma 'byed rung // mnyam pa nyid kyi don rtogs na// bzang ngan 'byed rung ma 'byed rung // bgrod du med pa'i lam rnyed na// gnas kyang mtho rung ma mtho rung // gsal sgrib med pa'i don rtogs na// mun kyang sros rung ma sros rung // brjod du med pa'i lam rnyed na// tha snyad mkhas rung ma mkhas rung // zhes gsungs so// bang mdzod 'phrul gyi lde'u mig las// rdzogs pa chen po'i lta ba'i gdeng bstan pa'i le'u ste nyer drug pa'o// // yang gsol pa/ kye kye gsang ba'i bdag po lags// snying po don gyi man ngag 'di// gang zag gang gi spyod yul lags// bstan du gsol/ gsungs pa// sems dpa' chen po nyon cig/ seng ge

  664. 333a

    dkar mo'i 'o ma yang // rin chen snod du bzho ba las// snod ngan dag tu bzhos gyur na// snod bcud gnyis ka brlag par 'gyur// zas kyi rgyal po bdud rtsi yang // lus stobs can gyis bza' ba las// pho ba snod ngan mi 'ju skran// chos kyi blta ba'i bdud rtsi 'di// blo ldan 'ga' yi spyod yul las// blo dman dag la bstan gyur na// snod bcud gnyis ka brlag par 'gyur// zhes so// bang mdzod 'phrul gyi lde'u mig las/ rdzogs pa chen po lta ba kun gyi thun mong ma yin par bstan pa'i le'u ste nyer bdun pa'o// // yang gsol pa/ kye kye gsang ba'i bdag po lags// rdzogs pa chen po'i blta ba yis// chos rnams spyi ni ci ltar bcing // gsang ba'i bdag pos bstan du gsol// gsungs pa nyon cig/ lam gyi spyi ni grong gis bcings// chu phran spyi ni rgya mtshos bcings// ri bdun spyi ni ri bos bcings// 'byung bzhi'i spyi ni nam mkhas bcings// theg brgyad spyi ni a tis bcings// sku gsum spyi ni chos skus bcings// ye shes lnga yi spyi dag ni// rang byung ye shes chen pos bcings// snang srid kun gyi spyi dag ni// chos nyid byang chub sems gyis bcings// zhes gsungs so// bang mdzod 'phrul gyi lde mig las/ rdzogs pa chen po'i blta bas chos thams cad kyi spyi ci ltar bcings pa'i le'u ste nyer brgyad

  665. 333b

    pa'o// // yang gsol pa/ kye kye gsang ba'i bdag po lags// byang chub sems kyi chos nyid der// sangs rgyas dgongs pa ci ltar 'dus// gsang ba'i bdag pos bstan du gsol// kye sems dpa' chen po nyon cig/ byang chub sems kyi chos nyid der// sangs rgyas kun gyi dgongs 'dus pa// spyi 'dus sgos 'dus thams cad 'dus// dpe yis 'dus la don gyis 'dus// rtags dang gtan tshigs mthun par 'dus// spyi yi 'dus pa bstan pa ni// rabs bdun shAkya thub pa dang // stong rtsa gnyis kyi dgongs pa yang // chos nyid byang chub sems su 'dus// sgos kyi 'dus par bstan pa ni// kun tu bzang po'i dgongs 'dus pa// bzang ngan blang dor med par 'dus// rdo rje sems dpa'i dgongs 'dus pa// skye 'gag 'pho 'gyur med par 'dus// rnam par snang mdzad dgongs 'dus pa// ye shes kun gyi lus can 'dus// rin chen 'byung ldan dgongs 'dus pa// zag med gter gyi dgongs par 'dus// snang ba mtha' yas dgongs 'dus pa// khyab gdal chen po'i dgongs par 'dus// don yod grub pa'i dgongs/ 'dus pa// thogs med ye shes dgongs par 'dus// dpe ni kun dpe nam mkhar 'dus// don ni kun don chos nyid 'dus// rtags ni byang chub sems nyid 'dus// gtan tshigs rang byung ye shes

  666. 334a

    'dus// zhes so// yang gsol pa/ dus gsum sangs rgyas dgongs pa ni// nam mkha' lta bur gsungs pa de// de don bdag la bstan du gsol// gsang ba'i bdag pos gsungs pa/ nyon cig/ ci ltar snang ba'i chos rnams kun// byang chub sems kyi snang ba ste// de la lta ba'i yul ma mchis// mi rtog pas na mnyam pa nyid// de bzhin nam mkha'i dgongs par bshad// dbang po'i ngo la gang snang ba// gang snang de la mi rtogs na// de bzhin nam mkha'i dgongs par bshad// tshig dang yi ge'i don rtogs na// tshig dang yi ge'i don la gnas med pa// de bzhin nam mkha'i dgongs par bshad// bsam du med pa'i chos nyid ni// kun la khyab pa'i bdag nyid du// nam mkha' bzhin du ye gnas pa// de bzhin nam mkha'i dgongs par bshad// ci bzhin pa yi chos nyid la// ma bcos pa yi blo bzhag ste// mi g.yo mnyam pa'i sems gnas pa// de bzhin nam mkha'i dgongs par bshad// ces gsungs so// bang mdzod 'phrul gyi lde'u mig las/ byang chub sems kyi chos nyid du sangs rgyas thams cad kyang dgongs pa 'dus par bstan pa'i le'u ste nyer dgu pa'o// // yang gsol pa/ kye kye gsang ba'i bdag po lags// chos kyi sku dang chos kyi dbyings// gcig pa lags sam tha dad lags// chos kyi sku dang gzugs sku

  667. 334b

    gnyis// gcig pa lags sam tha dad lags// chos kyi sku dang ye shes gnyis// gcig pa lags sam tha dad lags// ma rig pa dang ye shes gnyis// gcig pa lags sam tha dad lags// chos can mtshan mar snang ba dang // chos nyid rang gi ngo bo gnyis// gcig pa lags sam tha dad lags// dus gsum bzhugs pa'i sangs rgyas dang // khams gsum 'khor ba'i sems can gnyis// gcig pa lags sam tha da lags// gsang ba'i bdag pos bstan du gsol// gsungs pa/ nyon cig/ chos kyi sku dang chos kyi dbyings// nyi ma dang ni 'od zer bzhin// gcig pa ma yin tha dad min// chos kyi sku dang gzugs sku gnyis// mkha' zla dang ni chu zla bzhin// gcig pa ma yin tha dad min// chos kyi sku dang ye shes gnyis// mar me dang ni 'od bzhin du// gcig pa ma yin tha dad min// rang bzhin gcig gis 'brel pa yin// ma rig pa dang ye shes gnyis// me long g.ya' dang mkha' sprin bzhin// gcig pa ma yin tha dad min// chos can mtshan mar snang ba dang // chos nyid rang gi ngo bo gnyis// snang ba dag dang ma dag pa// de yi khyad par gnyis snang ste// gcig pa ma yin tha dad min// dus gsum bzhugs pa'i sangs rgyas dang // khams gsum 'khor ba'i sems can gnyis// 'khrul pa bzang ngan khyad par te// gcig pa ma

  668. 335a

    yin tha dad min// zhes gsungs so// bang mdzod 'phrul gyi lde'u mig las/ rdzogs pa chen po'i lta ba'i gnad bstan pa'i le'u ste sum cu pa'o// // yang gsol pa/ kye kye gsang ba'i bdag po lags// chos rnams thig le drug brgyad byung 'dus na// thig le'i don ni gang du skyel// gsang ba'i bdag pos bstan du gsol// gsungs pa/ sems dpa' chen po nyon cig/ spros med chos kyi thig le ni// byas pa med pa'i byang chub sems// rang bzhin gnas pa'i thig ler bsdu// spros med dbyings nyid gnyis med pa// 'byed pa med pa'i thig le bsdu// spros med rnam dag byang chub sems// gnyis su med pa'i thig ler bsdu// spros pa med pa'i byang chub sems// spros med ye shes thig ler bsdu// sgrib pa med pa'i byang chub sems// 'gag pa med pa'i thig ler bsdu// spros med kun bzang byang chub sems// blang dor med pa'i thig ler bsdu// mnyam pa nyid kyi byang chub sems// spros med lhun grub thig ler bsdu// rtsol bsgrub 'das pa'i byang chub sems// g.yo ba med pa'i thig ler bsdu// thig le drug gi don bsdus pa// ma bcos sems kyi thig ler bsdu// zhes gsungs so// bang mdzod 'phrul gyi lde'u mig las/ byang chub sems kyi don rnam par 'grel zhing bsdus pa'i le'u ste so gcig pa'o// // yang

  669. 335b

    gsol pa/ kye kye gsang ba'i bdag po lags// tshogs bsags 'bras bu ma lags pa// khyad par sku gcig yod dam med// gsang ba'i bdag pos bstan du gsol// gsungs pa/ sems dpa' chen po nyon cig/ sangs rgyas kun gyi mes chen po// mtshon cing ngos gzung med pa gcig/ dus gsum 'dus ma byas pa ru// rgyu dang rkyen gyis ma bskyed par// chos rnams kun gyi snying po ru// rang bzhin lhun gyis grub nas bzhugs// rnam pa kun ldan rnam pa med// dag dang ma dag rnam pa can// yod kyang rang gis rang ma mthong // skyes bu'i lus dang byad 'grogs 'dra// zhes gsungs so// bang mdzod 'phrul gyi lde'u mig las/ rdzogs pa chen po'i khyad par gyi sku bstan pa'i le'u ste so gnyis pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pa// ci bzhin pa yi chos nyid la// ma bcos rnal du bzhag pa der// 'og ma'i rtsol bsgrub 'dus ma byas// gsang ba'i bdag pos bstan du gsol// gsungs pa/ nyon cig/ ma bcos rnal du bzhag pa de// theg dman rtsol bsgrub kun 'dus te// 'og ma'i byang chub de la rdzogs// legs par bsngo ba'i smon lam kun kyang de la rdzogs// nyes pa bshags pa'i 'gyod pa kun kyang rdzogs// 'phags pa mnyes pa'i phyi nang mchod pa rdzogs// sdom

  670. 336a

    dang tshul khrims dam tshig bsrung mtshams rdzogs// dkyil 'khor zhugs dang dbang dang dngos grub rdzogs// sangs rgyas sa dang pha rol phyin drug rdzogs// tshogs bsags sgrib sbyangs rtsol bsgrub 'bras bu rdzogs// 'gro don mthar phyin phrin las rnam bzhi rdzogs// sems can don byed tshad med rnam bzhi rdzogs// lus kyi bskor ba phyag rgya gar yang rdzogs// ngag gi 'don bzlas dbyangs dang bstod pa rdzogs// yid kyi ting 'dzin phyag rgya dkyil 'khor rdzogs// de phyir dgos ched don gyis bshad pa yin// zhes so// bang mdzod 'phrul gyi lde'u mig las/ lam yongs su rdzogs pa'i le'u ste so gsum pa'o// // yang gsol pa/ kye kye gsang ba'i bdag po lags// rdzogs pa chen po'i rnal 'byor pas// spyod pa ci ltar spyad par bgyi// gsang ba'i bdag pos bstan du gsol// gsungs pa/ nyon cig/ bcos pa'i spyod pa ma yin pa// srog ldan shugs las byung ba yi// dgag dbye med pa'i spyod pa spyad// re dogs bcas pa'i sems gral bas// blang dor med par kun spyad na// spyod pa glang chen chur zhugs yin// ci ltar nam mkha'i mdung bskor bzhin// dpe gsum don dang mthun spyad na// kun tu bzang po'i spyod pa yin// mnyam pa'i ngang nas mi g.yo zhing // lus ngag yid gsum rtsol spangs pa// shin

  671. 336b

    tu rnal 'byor spyod pa yin// zhes gsungs so// bang mdzod 'phrul gyi lde'u mig las/ shin tu rnal 'byor gyi spyod pa bstan pa'i le'u ste so bzhi pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pas// bla med byang chub chen po 'di// bcos pas grub bam ma bcos grub// btsal bas grub bam ma btsal grub// bsod nams tshogs la brten mi brten// sgrib sbyang dri ma bkru mi bkru// lam la bgrod pas phyin mi phyin// 'dod pas 'grub bam mi 'dod 'grub// gsang ba'i bdag pos bstan du gsol// sems dpa' chen po nyon cig/ bla med byang chub chen po de// bcos pas grub pa ma yin te// ma bcos rnal du bzhag pas 'grub// de la gang zhig 'chos byed pa// mi shes smig rgyu 'chos pa 'dra// btsal pas grub pa ma yin te// ma btsal mnyam par bzhag pas grub// de la gang zhig rtsol byed pa// mdongs pas nam mkha' bslab pa 'dra// bsod nams tshogs bsag mi dgos te// gang zhig bsod nams tshogs gsog pa// byis pas rtsed mo byed pa 'dra// sbyangs pas 'byongs par mi 'gyur te// sol ba byi dor byed pa 'dra// bkrus pas dag par mi 'gyur te// dri chus lag pa bkru ba 'dra// bgrod pas phyin par mi 'gyur te// khyung chen nam mkha'i mtha' 'tshol 'dra// 'dod

  672. 337a

    pas rnyed par mi 'gyur te// ri dwags smig rgyu bsnyeg pa 'dra// des na shin tu rnal 'byor pas// rgyal po bzhin du tsan ni sdod// bang mdzod 'phrul gyi lde'u mig las/ spyod pa bla na med pa'i le'u ste so lnga pa'o// // yang gsol pa/ kye kye gsang ba'i bdag po lags// skad cig dus kyis gang rnams bsdu// dngos po gzhi yis gang rnams bsdu// gsang ba'i bdag pos gsungs pa/ sems dpa' chen po nyon cig/ chos rnams mtshan mar snang ba dang // chos nyid don gyi ngo bo la// dngos po gzhi la tha dad med// dus gsum bzhugs pa'i sangs rgyas dang // khams gsum 'khor ba'i sems can rnams// gzhi la tha dad bye brag med// ma rig pa yi 'khrul pa dang // rang byung ye shes chen po gnyis// gzhi la tha dad bye brag med// khams gsum rgyud drug sdug bsngal dang // dus gsum sangs rgyas bde ba gnyis// sems kyi gzhi la tha dad med// chos can mtshan ma'i kun rdzob dang // don dam mtshan ma med pa gnyis// chos nyid gzhi la tha dad med// ces dang / sems dpa' chen po nyon cig/ rang sems rtogs pas spyod pa dang // ma rig 'khrul pa byung ba la// dus la skad cig bye brag med// ma rig 'khrul pa 'byung ba dang // khams gsum 'khor ba blangs pa gnyis// skad cig dus la snga phyi med// ma rig

  673. 337b

    'khrul pa log pa dang // rang byung ye shes shar ba la// skad cig dus la snga phyi med// rang byung ye shes shar ba dang // 'khrul pa chos nyid mthong ba la// skad cig dus la snga phyi med// ye shes mngon du gyur pa dang // 'bras bu chos sku thob pa la// skad cig dus la snga phyi med// 'bras bu chos sku thob pa dang // gzugs sku rnam gnyis 'byung ba la// skad cig dus la snga phyi med// bang mdzod 'phrul gyi lde'u mig las// skad cig ma'i dus dang gzhi bsdu ba'i le'u ste so drug pa'o// // yang gsol pa/ kye kye gsang ba'i bdag po lags// rdzogs chen a ti yo ga ni// che ba lnga yis khyad par 'phags// de yi 'phags lugs ci ltar lags// gsang ba'i bdag pos gsungs pa/ sems dpa' chen po nyon cig/ mngon par sangs rgyas che ba ni// spros pa med pa'i byang chub sems// snang srid kun las khyad par 'phags// a ti yo ga'i che/ bar bshad// chos kyi dbyings las che ba ni// thams cad 'byung ba'i byang chub sems// 'byung gnas kun las khyad par 'phags// a ti yo ga'i che ba yin// bdag nyid sangs rgyas che ba ni// lhun gyis grub pa'i byang chub sems// rtsol bsgrub kun las khyad par 'phags// a ti yo ga'i che ba yin// de nyid sangs rgyas che ba ni// ma nor pa yi byang chub sems// gtan tshigs kun las khyad par 'phags// a ti yo

  674. 338a

    ga'i che ba yin// sangs rgyas med pa'i che ba ni// sgro skur bral ba'i byang chub sems// bsam brjod kun las khyad par 'phags// la bzla ba yi che ba yin// zhes gsungs so// bang mdzod 'phrul gyi lde'u mig las/ khyad par 'phags pa'i le'u ste so bdun pa'o// // yang gsol pa/ kye kye gsang ba'i bdag po lags// chos nyid don gyi ngo bo de// stong pa yang dag lags ma lags// stong pa nyid kyi khyad phye ba// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ chos nyid don gyi ngo bo de// blos brtags chos kyis stong pa las// rang snang ngo bos stong ma myong // chos nyid rang gi ngo bo la// stong dang mi stong gnyis su med// phyogs gcig spang ba'i stong pa dang // phyogs bral stong pa chen po gnyis// stong pa'i ming du 'dra mod kyang // mi mthun khyad par shin che// phyogs gcig spang ba'i stong pa de// phyogs gcig yin te phyogs gcig min// thams cad ma lus kun ldan pa'i// phyogs bral stong pa chen po na// kun bral dri ma spangs pa dang // rgyu chad phyogs lhung med pa'i phyir// ci yang min la ci yang yin// zhes gsungs so// bang mdzod 'phrul gyi lde'u mig las/ stong pa nyid kyi khyad par dbye ba'i le'u ste so brgyad pa'o// // yang gsol pa/ kye kye gsang ba'i

  675. 338b

    bdag po lags// rdzogs chen gsang ba'i nges tshig ci ltar lags// gsang ba'i bdag pos gsungs pa/ sems dpa' chen po nyon cig/ ci ltar nam mkha'i mtshan nyid du// snang srid thams cad shong ba bzhin// sems nyid theg pa chen po 'dir// yod pa'i chos dang med pa'i chos// de bzhin srid dang mi srid dang // sangs rgyas sems can bde sdug bsngal// bzang ngan che chung skyon yon tan// lhag ma med par yongs rdzogs pas// de phyir de la rdzogs zhes bya// rin po che yi gser gling na// thams cad gser las med pa'i phyir// dor du rung ba yod ma yin// rdzogs pa chen po'i chos nyid la// spang ba gang yang med pa'i phyir// dor du rung ba yod ma yin// ngos gzung med pa'i lta ba la// blang du rung ba yod ma yin// des na blang dor yod ma yin// zhes gsungs so// bang mdzod 'phrul gyi lde'u mig las/ rdzogs pa chen po'i nges tshig la gzhi rdzogs pa chen por lhag ma med par la bzla ba'i le'u ste so dgu pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pas// phyogs cha spyod pa'i lta ba la// de la brten par mi bya zhes// bder gshegs gsang ba'i bdag po yis// phyogs cha can du gsungs pa de// nges don lags sam dgongs bshad lags// sems kyis sems la blta mi

  676. 339a

    blta// ye sangs rgyas pa lags ma lags// gsang ba'i bdag pos gsungs pa/ sems dpa' chen po nyon cig/ phyogs gcig spangs nas phyogs gcig blang // phyogs mthun phyogs la zug pa med// lta ba ngan pa'i mtha' yin pas// de la brten par mi bya'o// khyod la sogs pa'i 'khor rnams kyis// bsregs bcad brdar ba'i gser bzhin du// yongs su brtags la nga yi bka'// blang bar bya yis gus phyir min// nga yi bka' 'di dgongs pa can// yod mtha' dgrol phyir med ces bshad// med mtha' dgrol phyir yod ces bshad// gnyis 'dzin dgrol phyir nyag gcig bshad// nyag gcig mtha' dgrol spros bral bshad// spros bral dgrol phyir brjod med bshad// brjod med dgrol phyir khong 'byams bshad// lta ba 'phrul gyi khong 'byams kyi// ci ltar nam mkha'i mdung bskor bzhin// gang ltar bskor yang dog pa med// ci ltar 'dam gyi phur pa bzhin// gang ltar bskul kyang bsgral du btub// pags pa rlon pa'i mtha' bzhin du// gang ltar 'then yang 'then du btub// ci ltar smon pa'i tshig bzhin du// gang ltar smra yang smra dbang che// ces gsungs so// gsol pa/ 'gro ba'i sems rgyud gnyis med pas// sems kyis sems la blta ru med// bltas kyang mi mthong sa mi dmigs// byang chub sems kyi chos nyid

  677. 339b

    de// rgyu rkyen gzhan gyis ma bskyed cing // rtsol bsgrub dag gis mi 'byung bas// rang bzhin lhun gyis grub pa yin// de la dgongs nas ston pas kyang // ye sangs rgyas par ming du btags// sems nyid rang gi ngo bo la// sangs rgyas dang ni sems can gnyis// gang du yang ni sems med do// zhes gsungs so// bang mdzod 'phrul gyi lde'u mig las// lta ba'i dug bstan pa'i le'u ste bzhi bcu pa'o// // yang gsol pa/ kye kye gsang ba'i bdag po lags// de dag rdzogs chen lta ba ni// mthar thug med par mi 'gyur ram// gsang ba'i bdag pos gsungs pa/ sems dpa' chen po nyon cig/ thug pa med pa'i mtha' yin te// yang dag mtha' la thug pa med// thug pa med pa thug pa'i mchog/ ces gsungs so// bang mdzod 'phrul gyi lde'u mig las/ rdzogs pa chen po'i lta ba mthar thug pa'i le'u ste zhe gcig pa'o// // yang gsol pa/ kye kye gsang ba'i bdag po lags// theg pa'i rim par phye ba ni/ de yi snang tshul ci ltar lags// gsang ba'i bdag pos gsungs pa/ sems dpa' chen po nyon cig/ rdzogs chen a ti'i snang tshul ni// ci snang ci srid thams cad kun// kun tu bzang po'i rol par snang // rang snang ye shes rgyan du snang // thun mong sngags kyi snang tshul ni// rang rang mthun pa'i ye shes snang // theg chen

  678. 340a

    dbu ma'i snang tshul ni// kun rdzob dbu ma'i tshul du snang // rnam rig tsam gyi snang tshul ni// rang rang 'khrul pa'i ngo bor snang // nyan thos rang rgyal snang tshul ni// kun kyang rdul gyi phung por snang // 'gro drug sems can snang tshul ni// so so'i las dang bag chags snang // zhes so// bang mdzod 'phrul gyi lde'u mig las/ 'jig rten dang 'jig rten las 'das pa rnams kyi snang tshul bstan pa'i le'u ste/ zhe gnyis pa'o// // yang gsol pa/ kye kye gsang ba'i bdag po lags// theg pa rim par phye ba ni// ting 'dzin sgom thabs ci ltar lags// gsang ba'i bdag pos gsol pa/ sems dpa' chen po nyon cig/ nyan thos tha ma'i dmigs pa ni// sems kyi chags pa spang ba'i phyir// keng rus la sogs bsgom par byed// nyan thos 'bring gi dmigs pa ni// dbugs dang rtsol ba bgrang bar byed// nyan thos rab kyi dmigs pa ni// 'du shes med par snyoms zhugs nas// zhi ba phyogs gcig mu la gnas// nyan thos mdo sde'i bsgom pa ni// rang sems sna rtser gtad byas nas// ma yengs rtag tu gnas par byed// rang rgyal dag gi ting 'dzin ni// 'khor lo sems su bsdus byas nas// sems nyid la ni gnas par byed// rnam rig tsam gyi dmigs pa ni// shes pa rang rig gsal ba la// gzung 'dzin rtog spyod rgyud chad pa yin rnam pa

  679. 340b

    bral bar gnas// theg chen dbu ma'i bzhag thabs ni// sgo lnga gsal ba'i ye shes las// yid ni rtog pa med par gnas// bya ba rgyud kyi theg pa ni// yan lag bcu gcig cho ga yis// byin gyis brlabs nas lha ru 'dod// rnal 'byor yo ga'i theg pa ni// byang chub lnga dang cho 'phrul bzhis// yongs su brtags nas lha ru bsgom// ma hA yo ga'i theg pa ni// ting 'dzin gsum dang bsnyen bsgrub bzhis// rang rgyud dag pa'i lha ru bsgom// a nu yo ga'i theg pa ni// snying po tsam zhig brjod byas nas// ma bskyed pa yi lha ru bsgom// zhes gsungs so// bang mdzod 'phrul gyi lde'u mig las/ theg pa thun mong gi sems kyi bzhag thabs bstan pa'i le'u ste zhe gsum pa'o// // yang gsol pa/ kye kye gsang ba'i bdag po lags// rdzogs pa chen po'i bsgom gyi bzhag thabs bstan du gsol// gsang ba'i bdag pos gsungs pas// sems dpa' chen po nyon cig/ rang la yod kyis gzhan la blta// 'gro sa med kyis cog gi sdod// ye nas yin gyis gdod ma rtsol// phug na 'dug gis sgor ma 'byung // rang byung ye shes phug nas sgor phyung bas// mtshan ma sna tshogs chos dang tug gis phrad// de la brtags shing dpyad pas 'khor ba'i snying por grub// kye kye sems dpa' chen po nyon cig/ byas pa'i spyod pa spyod pa zang ma yin// dmigs pa'i

  680. 341a

    bsgom pa bsgom pa zang ma min// gsal ba'i ye shes ye shes zang ma min// bsgrub pa'i 'bras bu 'bras bu zang ma min// phyogs su lhung ba'i blta ba blta ba zang ma yin// shugs las byung ba'i spyod pa spyod pa zang ma yin// dmigs gtad med na bsgom pa zang ma yin// gsal 'grib med na ye shes zang ma yin// lhun gyis grub na 'bras bu zang ma yin// phyogs lhung med na blta ba zang ma yin// kye kye sems dpa' chen po nyon cig/ chos nyid ji bzhin pa la/ blo ci bzhin pa bzhag ste/ dbang po rgya yan/ rig pa khyab gad la/ lus sems bcos pa med par gzhag par bya// dbang po yul la yan pa bsdu mi bya// yul dang dbang po mi dbye lhug par bzhag/ chos nyid ngo yis mi bzung rang snang ngo bor bzhag/ ma yengs mnyam par bzhag cing rjes thob rta ltar btsa'// zhes gsungs so// bang mdzod 'phrul lelde'u mig las/ byang chub sems kyi bzhag thabs bstan pa'i le'u ste zhe bzhi pa'o// / yang gsol pa/ kye kye gsang ba'i bdag po lags// rdzogs chen lam gyi dgongs pa gang // gsang ba'i bdag pos gsungs pa/ sems dpa' chen po nyon cig/ sngon du 'gro ba'i cho ga ru// shes rab rnam gsum blo sbyang 'tshal// spang ba med pa'i chos nyid la// rang byung ye shes gzhi btsal 'tshal// phyogs lhung med pa'i

  681. 341b

    lta ba la// rnal 'byor blo yis rgyab brten 'tshal// gsal la mi rtog rnam gnyis kyis// g.yas g.yon gnyis na gzhog skor 'tshal// mtshan ma sgro ru mi gzhug 'tshal// nyi rta bu shi ma bzhin du// sems nyid thub par btsal yang 'tshal// rnam rtog mtshan ma 'phro srid na// mkha' dang mkha' yi sprin bzhin du// rang byung rang zhir bzhag kyang 'tshal// ting 'dzin las su rang ba yi// drod rtags mtshan ma byung yang 'tshal// bar chad cho 'phrul bzlog pa'i phyir// bdud kyi gcod yul shes kyang 'tshal// lha bsgom srog ldan shugs byung ba'i// dgag bsgrub med pa'i spyod pa 'tshal// pa na se yi 'bras bu bzhin// 'bras bu gzhi nas smin yang 'tshal// zhes gsungs so// bang mdzod 'phrul gyi lde'u mig las/ rdzogs chen lam gyi dgongs pa mdor bsdus pa'i le'u ste zhe lnga pa'o// // yang gsol pa/ kye kye gsang ba'i bdag po lags// theg pa rim par phye ba yi// 'bras bu thob dus ci ltar lags// gsang ba'i bdag pos gsungs pa/ kye nyon cig/ dug gsum spangs pa'i nyan thos dang // ma rig 'geg pa'i rang rgyal dang // rnam rtog sbyang ba'i mdo sde gsum// bskal pa gsum gyis sangs rgyas sa la sbyor// las dang bya ba gtsor byed pa'i// bya ba rgyud kyi theg pas ni// mi tshe bdun gyis rig 'dzin sbyor// phyag rgya bzhi la gtsor bsgrub

  682. 342a

    pa'i// rnal 'byor rgyud kyi theg pas ni// mi tshe gsum gyis sangs rgyas sa la sbyor// ma hA yo ga'i theg pas ni// cho ga lnga ni rdzogs byas shing // yo byad lnga ni rdzogs byas nas// sngags kyi yan lag lnga rdzogs na// zhag ni sum cu phrag drug na// tshe la dbang ba'i dngos grub thob// lo ni nyis stong lnga brgya ru// longs spyod rdzogs pa'i tshul bzung nas// do gcig sangs rgyas sa la 'gro// sku gsum lhun gyis grub par 'gyur// a nu yo ga'i theg pa ni// bar mchod pa'i tshe gcig gis// sangs rgyas sa la nges par 'gro// rdzogs chen a ti yo ga ni// rnal 'byor dus la mi ltos te// ci bzhin pa yi chos nyid la// ma bcos pa yi blo bzhag ste// shes pa so ma ma bcos par// 'bras bu rang bzhag sku gsung thugs// zhes gsungs so// bang mdzod 'phrul gyi lde'u mig las/ theg pa'i 'bras bu 'thob dus bstan pa'i le'u ste zhe drug pa'o// // yang gsol pa/ kye kye gsang ba'i bdag po lags// theg pa rim par phye ba yi// 'bras bu thob tshul ci ltar lags// gsang ba'i bdag pos gsungs pa// sems dpa' chen po nyon cig/ theg pa so so'i 'bras bu ni// la las dgra bcom 'bras bu thob// la las bse ru lta bur thob// la las sku gsum ye shes bzhi// la las rigs gsum go 'phang thob// la las rigs bzhi'i go/

  683. 342b

    'phang thob// la las rnam snang go 'phang thob// la las sku lnga ye shes lnga// la las dbyings gcig ye shes gcig/ rdzogs pa a ti'i 'bras bu ni// thob med 'bras bu rang bzhin sku gsum tshul yang // bzhag ste// ma bcos sems kyi ngang du smin// zhes gsungs so// bang mdzod 'phrul gyi lde'u mig las/ theg pa'i 'bras bu thob bya bstan pa'i le'u ste zhe bdun pa'o// // yang gsol pa/ kye kye gsang ba'i bdag po lags// rdzogs pa chen po'i ye shes dang // theg pa thun mong ye shes gnyis// de yi khyad par ci ltar lags// gsang ba'i bdag pos gsungs pa/ sems dpa' chen po nyon cig/ rdzogs pa chen po'i ye shes ni// rang bzhin nam mkhar gnas pa 'dra// theg pa thun mong ye shes ni// then rtser mig gi nam mkha' 'dra// then rtser mig gi nam mkha' ru// rang bzhin nam mkha' shong mi 'gyur// rang bzhin nam mkhar gnas pa la// then rtser mig gi nam mkha' ni// rang bzhin nam mkha'i cha las byung // rang bzhin nam mkha' gnas pa la// then rtser nam mkhar ltos pa med// then rtser mig gi nam mkha' ru// phra rags then rtser chud pa yang // dbyings la ye shes 'jug pa'i tshul// shes bya shes byed gnyis kyi tshul// thob bya 'thob byed gnyis kyi tshul// rdzogs pa chen po'i ye shes ni// gdal ba chen por gnas pa'i

  684. 343a

    phyir// dbyings dang ye shes mi 'jug ste// shes bya shes byed gnyis su med// rtog bya rtogs byed gnyis su med// mthong bya mthong byed gnyis su med// bsgrub bya sgrub byed gnyis su med// thob bya 'thob byed gnyis su med// ces gsungs so// bang mdzod 'phrul gyi lde'u mig las/ ye shes khyad par 'byed pa'i le'u ste zhe brgyad pa'o// // yang gsol pa/ kye kye gsang ba'i bdag po lags// rang byung ye shes zhes bgyi ba// rang byung zhes ni gang la bgyi// rgyu rkyen gzhan gyis ma bskyed pa'i// ye shes zhes ni gang la bgyi// gsang ba'i bdag pos bstan du gsol// gsungs pa/ kye sems dpa' chen po nyon cig/ rang byung rgyu rkyen med pa yin// ye shes sgrib pa med pa yin// rang byung ye shes chen po de// rgyu rkyen gzhan gyis ma bskyed cing // rtsol bsgrub dag las mi 'byung bas// rang byung gzhan la rag ma lus// yul las byung ba'i ye shes de// yul las byung bas rang byung min// yul la 'phel 'grib yod pa'i phyir// ye shes de yang gsal 'grib bcas// zhes gsungs so// bang mdzod 'phrul gyi lde'u mig las// rang byung ye shes ngos bzung ba'i le'u ste zhe dgu pa'o// // yang gsol pa/ kye kye gsang ba'i bdag po lags// rang byung ye shes chen po dang // ma rig pa yi 'khrul rtog gnyis// kun gzhi sems kyi gzhi

  685. 343b

    mo la// gang gi ngo bor nges ma nges// gsang ba'i bdag pos bstan du gsol// gsang ba'i bdag pos gsungs pa// sems dpa' chen po nyon cig/ ma rig pa dang ye shes gnyis// kun gzhi sems kyi gzhi mo la// gang du nges pa med pa la// rkyen gyis so sor bslad nas ni// ma rig ye shes gnyis kyi tshul// shes rab thabs sam lung dag la// brten nas ye shes skye ba'i tshul// phyi nang rtogs pa'i rkyen bzhi dang // yul dus bskal pa gsum po la// brten nas ma rig 'byung ba'i tshul// chos nyid rang gi ngo bo la// ma rig ye shes gnyis su med// ces gsungs so// bang mdzod 'phrul gyi lde'u mig las/ ma rig pa dang ye shes gnyis/ kun gzhi sems la nges pa med par bstan pa'i le'u ste lnga bcu pa'o// // yang gsol pa/ kye kye gsang ba'i bdag po lags// rtogs pa can gyis gang zag la// mi rtog ye shes 'char mi 'char// gsang ba'i bdag pos bstan du gsol// gsungs pa/ nyon cig/ nyi ma 'od kyi rang bzhin yang // sprin tshogs stug pos bsgribs tsam na// 'jig rten dag tu 'od mi gsal// ma shar pha dang cis ma 'dra// rtog pa snga phyi gnyis bar nas// mi rtog ye shes 'char mod kyang // rgyu 'bras bsam rgud dang ye shes kyang pa ngos ma zin// nyon mongs sdug bsngal grol ba med// ces gsungs so// bang mdzod 'phrul gyi

  686. 344a

    lde'u mig las/ rtog pa can la ye shes kyis phan mi thogs pa'i le'u steng gcig pa'o// // yang gsol pa/ kye kye gsang ba'i bdag po lags// chos kyi sku dang longs spyod rdzogs// sprul pa'i sku dang rnam pa gsum// tshul gyis bsdu na gang gis bsdu// gsang ba'i bdag pos bstan du gsol// gsang ba'i bdag pos gsungs pa/ sems dpa' chen po nyon cig/ ston pa sku gsum tshul bsdu na// rgyu yi dus na byang chub sems su kun kyang gcig/ 'bras bu'i dus na sangs rgyas yin par kun kyang gcig/ 'dus pa'i dus na snga phyi med par kun kyang gcig/ chos sku'i rang bzhin ngo bor rang bzhin med par gcig/ ces gsungs so// bang mdzod 'phrul gyi lde'u mig las/ sku gsum gyi tshul bsdu ba'i le'u ste nga gnyis pa'o// // yang gsol pa/ kye kye gsang ba'i bdag po lags// phyag rgya bzhugs tshul ci ltar lags// gsang ba'i bdag pos bstan du gsol// gsungs pa nyon cig/ byang chub sems kyi chos nyid ni// 'khrul pa'i blo ru gnas tsam na// ci ltar snang ba'i chos rnams kun// bden rdzun blo yis bzung nas bzhugs// byang chub sems su bzhugs tsam na// ci ltar snang ba'i chos rnams kun// mi snang ba la mngon du 'byin nus pas// chos rnams kun gyi snying por bzhugs// chos kyi sku ru bzhugs tsam na// mi

  687. 344b

    rtog mnyam pa'i ngo bor bzhugs// longs spyod rdzogs skur bzhugs tsam na// sna tshogs chos la longs spyod cing // ma spangs ye shes rgyan du bzhugs// sprul pa'i sku ru bzhugs tsam na// gang la gang dgos der sprul nas// dgongs pa phun sum tshogs par bzhugs// zhes gsungs so// bang mdzod 'phrul gyi lde'u mig las/ phyag rgya bzhugs tshul gyi le'u ste nga gsum pa'o// // yang gsol pa/ kye kye gsang ba'i bdag po lags// chos skus khyab pa'i khyab tshul gyi// khyad par bye brag ci ltar lags// gsang ba'i bdag pos bstan du gsol// gsungs pa/ sems dpa' chen po nyon cig/ chos sku thig le nyag gcig gis// ya tha rgyal ba'i dkyil 'khor nas// mnar med dmyal ba yan chad du// til la mar gyis khyab pa bzhin// kun la khyab par gnas mod kyang // mi mthun khyad par shin tu che// sangs rgyas dbus na bzhugs tsam na// dri med chos kyi sku ru bzhugs// ming yang kun gzhi byang chub sems// rnam dag de bzhin gshegs pa la// kun gzhi ming yang mi grags so// 'gro drug dbus na bzhugs tsam na// drir bcas chos kyi sku ru bzhugs// ming yang kun gzhi byang chub sems// yod kyang rang gi ngo ma shes// dbul mo'i nor dang gyad nor 'dra// zhes gsungs so// bang mdzod 'phrul gyi lde'u mig las/ chos sku'i khyab tshul

  688. 345a

    bstan pa'i le'u ste nga bzhi pa'o// // yang gsol pa/ kye kye gsang ba'i bdag po lags// byar med byang chub sems chen de// bcos pas grub bam ma bcos 'grub// gsang ba'i bdag pos gsungs pa// sems dpa' chen po nyon cig/ byar med byang chub chen po de// bcos pas grub pa ma yin te// ma bcos rnal du bzhag pas grub// sngar 'das sangs rgyas thams cad kyis// ci bzhin pa las bcos ma byas// da lta'i sangs rgyas thams cad kyang // ci bzhin pa las bcos mi mdzad// ma 'ongs sangs rgyas thams cad kyang // ci bzhin pa la bcos mi 'gyur// gsang ba'i bdag po nga yis kyang // ci bzhin pa la bcos ma myong // sems dpa' chen po khyod kyis kyang // ci bzhin pa la bcos ma byed/ kye kye sems dpa' chen po nyon cig/ chu ma rnyogs na dngas/ sems ma bcos na gsal/ lam ma bgrod na nye// 'bras bu ma dmigs na 'thob/ nyon cig/ rang lus ma bcos lha ma bsgoms// smra ba'i tshig dang ngag ma 'chos// ting 'dzin ma byed sems ma 'chos// bcos pas rnal du 'byor pa med// rnal du ma 'byor don mi 'grub// kye kye sems dpa' chen po nyon cig/ ci ltar snang ba'i chos rnams de bzhin nyid du gcig/ de la su yang 'chos par ma byed cig/ ma bcos mnyam pa'i rgyal po de la ni// mi rtog chos kyi dgongs pa

  689. 345b

    de la ldan// ci bzhin pa la sus 'chos pa// de bzhin mya ngan mi 'da' ste// de ni 'khor ba'i snying por 'grub// ces gsungs so// bang mdzod 'phrul gyi lde'u mig las/ byang chub sems bcos su med pa'i le'u ste nga lnga pa'o// // yang gsol pa/ kye kye gsang ba'i bdag po lags// bla med byang chub chen po 'di// btsal bas grub bam ma btsal 'grub// gsang ba'i bdag pos bstan du gsol// gsungs pa// sems dpa' chen po nyon cig/ bla med byang chub chen po 'di// btsal bas 'grub pa ma yin te// ma btsal rnal du bzhag pas grub// gdod nas snying po byang chub la// btsal kyang dbyings las bskyod pa med// btsal na rtsol ba'i nad du 'gyur// zhes gsungs so// bang mdzod 'phrul gyi lde'u mig las/ byang chub sems la btsal du med pa'i le'u ste nga drug pa'o// // yang gsol pa/ kye kye gsang ba'i bdag po lags// rdzogs pa chen po'i chos lugs kyis// bsod nams tshogs la brten mi ngag 'di yi brten// gsang ba'i bdag pos bstan du gsol// gsungs pa/ kye sems dpa' chen po nyon cig/ gdod nas snying po byang chub la// bsod nams tshogs bsag mi dgos te// ma bsags 'bras bu gzhi la smin// deng 'dir bsod nams tshogs bsags nas// phyi mar 'bras bu thob 'dod pa// bye ma la ni mar btsir

  690. 346a

    'dra// shes rab chen pos ma zin na// bsags kyang sgrib pa nyid du 'gyur// zhes gsungs so// bang mdzod 'phrul gyi lde'u mig las/ bsod nams tshogs bsag pa la rag ma lus par bstan pa'i le'u ste nga bdun pa'o// // yang gsol pa/ kye kye gsang ba'i bdag po lags// rdzogs chen lam gyi rnal 'byor pa// lam la bgrod du yod dam med// gsang ba'i bdag pos gsungs pa// sems dpa' chen po nyon cig/ chos nyid nam mkha' lta bu la// bgrod pas phyin par 'dod pa ni// khyung chen nam mkha'i mtha' 'tshol 'dra// bgrod pas 'bras bu thob 'dod pa// mdongs pas nam mkhar bsnyegs pa 'dra// sa dang lam la bgrod byed pa// bya bral don dang mthun pa med// rang bzhin gnas pa nyid kyi phyir// sa dang lam la bgrod mi dgos// zhes gsungs so// bang mdzod 'phrul gyi lde mig las/ lam bgrod du med pa'i le'u ste nga brgyad pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor la// sgro skur 'debs pa 'byung srid na// rgol rtsod the tshom man ngag ni// smra ba'i mtshon cha bstan du gsol// gsang ba'i bdag pos gsungs pa/ sems dpa' chen po nyon cig/ thog mar rtsod pa 'cha' dus su// dgongs pa mi gnyis spyi bor bzhag/ rdo rje rig pa'i gtan

  691. 346b

    tshigs rnams// rang gi rgyal sa 'dzin du gzhug/ dri ba gsum po brtag bya ste// 'dri na 'phrang bsgrag zur gyis sgra// bzlog na brdzun te slar la 'dri// grub mtha' ma longs lan mi gdab// glon na myur mgyogs mtshon cha brdeg/ yang na 'gal 'brel g.yung ngor 'jug/ dman pa'i theg par khas len na// dpe yis brtags shing sbyi nas 'dri// rdzogs chen lta bar khas len na// dgos pa dri ste gan rkyal gnan// rdzogs chen lta ba kha 'byams ni// yul gcig dus gcig ngo bo gcig/ gzugs sgra dri ro reg la sogs// kha dog dbyibs dang bcos pa rnams// brtags na phyogs su lhung srid pas// de la rdzogs chen kha mi 'byam// rgyu mtshan mi ldan dam mi bca'// chos nyid don gyi ngo bo de// yin tshul nges pa med pa la// mi mthun bsam ngo so so la// snang tshul cir yang snang ba'i phyir// lung med bsnyon pa rang gi ni// grub mtha' dag la skyon yod nas// gzhan skyon 'ong ba shes na 'byams// khongs na spangs pa'i rjes shul du// rlung gis sa bon bskur nas ni// dbang gsum tshul gsum yul dang dus// spyi dang bye brag shes par dbye// 'gal 'brel yan lag rnam bzhi pos// rang gzhung bskyab cing gzhan sun 'dod// 'brel pa grub na 'gal ba ldog/ gal te 'brel pa ma grub na// 'gal ba'i ri bo mthong bar 'gyur// rdzogs chen lta/

  692. 347a

    ba kha 'byams yang // yang na dbang gsum tshul gyis 'byams// yang na dpe don gnyis ka'i 'byams// yang na phan tshun bltas pas 'byams// yang na ngo ga'i snang tshul 'byams// des ni gnyis 'geg 'phrang mi lhung // phyi rgol dag gis tshug mi 'gyur// gal te 'bros sar ma thar na// don de bzlog te slar la 'dri// yang na bla ma'i bka' rgyas gdab// rdo rje rig pa'i gtan tshigs la// chos nyid rig pa'i rgya yis gdab// mthun par snang ba'i chos gcig la// mi 'dra ba yi nad 'dri na// chos nyid yin par lan yang gdab// des kyang bden pa ma mthun na// mi mthun mgo bsgres slar la bzlog/ mi rigs pa gcig 'dri byed na// de yang de ltar gong ma bzhin// 'dri na sun dbyung gus phyag 'tshal// bzlog na brdzus te 'phrang sdod bya// brdzus te grub mtha' gtan la dbab// gal te rlom par 'dod pa na// skyon gnyis tshang ba'i tshig gcig la// rdzogs chen grub mtha' 'cha' ru gzhug/ g.yas g.yon 'bros pa'i 'phrang bcad la// gnyis 'gag 'phrang du btsud de brdab// gang du sleb par dbyug pas btags// 'og ma'i blta ba'i mchog btsal la// mgo bsgre byas te g.yang du bsgyur// mthun par snang ba'i chos gcig la// mi 'dra ba yi nad ka 'dri// chos gcig yod par khas blangs nas// smra bar mi byed gsang byed

  693. 347b

    na// de yi gsang khung bru ba'i phyir// mi rigs pa gcig khas blangs la// mgo bsgre de dang bstun par bya// zhes so// bang mdzod 'phrul gyi lde'u mig las// rgol rtsod the tshom gyi man ngag bstan pa'i le'u ste nga dgu pa'o// // yang gsol pa/ kye kye gsang ba'i bdag po lags// tshig gi don gyis ci ltar bshad// gsang ba'i bdag pos bstan du gsol// kye sems dpa' chen po nyon cig/ tshig gi don gyi bshad lugs ni// gong gi shugs dang 'og gi shugs// tshig tu mi btang bshad na bgrang // tsheg mig bgrang zhing shing rta zhon// yan lag shugs kyis 'bru rnams brda'// tshig 'bru gar 'gro yan lag dbang // rtsod pa grogs kyi yi ge ni// gtso la cung zad tsam zhig yod// grogs la ched du 'bod par byed// yan lag shugs kyi 'bru rnams// tshig gcig chad dam snyam// yan lag grogs kyi dbang du'o// sde don lnga yi klad rgyas ni// rang rang za mar shes par bya// 'bru dgu dang po'i za mar ro// de ltar de bzhin de 'dra gsum// dpe ru bstan pa'i yi ge yin// ci phyir gang phyir de phyir gsum// dmigs kyis gtan tshigs dris pa las// gcig gis gtan tshigs bstan pa'o// de ni 'di ni da ni gsum// de ni zhes pa'i yi ge ni// 'og tu brtan la phab ste ston// 'di ni zhes pa'i yi ge ni// gong las bzlog pa'i chos shig ston// da ni zhes

  694. 348a

    pa'i yi ge ni// don gcig gong du rdzogs nas ni// gnyis pa ston pa'i rkyen zhes bya// de yang zhes pa'i yi ge ni// gong du bstan pa'i yi ge'i don// 'og gis gtan la phab ste ston// 'di yang zhes pa'i yi ge ni// gong dang 'og dag mthun par ston// thar na par na mdor na gsum// la bcad pa yi yi ger bshad// de la zhes pa'i yi ge ni// gzhi la dgar ba'i yi ge ste// dang gis rnam grangs bshad pa la// sogs pa rnams kyis sde tshan pas// thams cad kun ni lhag med pa'o// bang mdzod 'phrul gyi lde'u mig las/ tshig gi don gyi bshad lugs bstan pa'i le'u ste drug cu pa'o// // de nas gsang ba'i bdag pos// sems dpa' rdo rje la 'di skad ces bka' stsal to// kye kye sems dpa' chen po nyon cig/ man ngag 'di yi mtshan zung zhig/ man ngag 'di yi mtshan bzung na// chos rnams thams cad bzung dang mtshungs// zhes/ de nas sems dpa' rdo rjes gsol pa// kye kye gsang ba'i bdag po lags// man ngag dam pa'i yi ge 'di// mtshan zung zhig par bsgo ba de// mtshan ni ci ltar gzung bar bgyi// gsang ba'i bdag pos bstan du gsol// gsungs pa// sems dpa' chen po nyon cig/ man ngag 'di yi mtshan nyid ni// rgyal po'i bang mdzod dang 'dra ba'i phyir// bang mdzod 'phrul gyi lde'u mig ces bya bar zung

  695. 348b

    zhig/ theg pa thams cad kyi don ston pa'i phyir// theg pa'i spyi khog ces bya bar yang zung zhig/ man ngag gzhung bsdebs nas bstan pa'i phyir// rin po che gser gyi phreng ba zhes bya bar yang zung zhig/ dgos dgu rang la tshang ba'i phyir// rin po che spangs pa'i man ngag ces bya bar yang zung zhig/ mdo sde rnams kyi mig sel ba'i phyir/ rin po che mig sel zhes bya bar yang zung zhig/ thams cad byang chub sems kyi snang bar shar ba'i phyir/ rang bzhin don ldan gyi snang ba bkod pa zhes bya bar yang zung zhig/ man ngag gi dka' ba bsdus te bshad pa'i phyir/ rin po che rgya mdud bkrol ba zhes bya bar yang zung zhig/ ces gsungs so// bang mdzod 'phrul gyi lde'u mig las/ man ngag gi don yongs su gtad pa'i le'u ste re gcig pa'o// // lta ba thams cad kyi gnad/ man ngag thams cad kyi them/ bstan pa thams cad kyi bcud bcus pa/ don man ngag la sdebs pa/ bang mdzod 'phrul gyi lde'u mig ces bya ba/ gsang ba'i bdag po rdo rje sems dpa' la/ man ngag rim par bkod pa'i mdo rdzogs so// le'u drug cu gnyis pa'o// rgyal po'i mdzod na gang yod pa// rgyal po nyid las gzhan gyis min// bang mdzod nyid las ci bstan pa// lde'u mig nyid las gzhan gyis min// zhes gsungs so// rdzogs so// //

  696. 349a

    rgya gar skad du/ a ti b+hed nirma Na kuny+tsi ka nA ma/ bod skad du/ yang 'byed 'phrul gyi lde'u mig ces bya ba/ bcom ldan 'das dpal kun tu bzang po la phyag 'tshal lo// de nas gsang ba'i bdag po de/ chos kyi dbyings kyi pho brang mkha' klong dag pa/ rgya yongs su ma chad pa na/ 'byed pa med pa'i 'khor gyis bskor/ byang chub sems kyi don rnam par 'grel zhing dus gsum ci bzhin par bzhugs so// de nas sems dpa' rdo rje 'khor gyi nang nas langs te/ 'di skad ces gsol to// kye kye gsang ba'i bdag po lags// bde bar gshegs pa'i snying po 'dis// 'gro ba kun la khyab ces pa// 'gro kun ma grol ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ bde bar gshegs pa'i snying po yis// 'gro ba kun la khyab mod kyang // rang rang bag chags sgrib pas bsgribs// skyes bu'i lus dang byad 'grogs 'dra mod kyang // rang gi byad ma mthong bzhin du// snying po rang la yod mod kyang // rang gi rnam par rtog pas bsgribs// de yi khams gsum 'khor bar 'khor// kye sems dpa' chen po nyon cig/ nges pa'i gsang mdzod chen po na// mi zad rin chen gter yod kyang // ma rig tha ram sngon po dam// de 'byed 'phrul gyi lde mig stor// ye shes

  697. 349b

    'phrul gyi bzo bo yis// dang po lcags btsal mgar ba bkug/ bar du gyong btul 'thar yang byas// lnga gnyis gsum dang bcas pa yis// man ngag lus tshad lde mig gis// nges pa'i gsang sgo phye nas ni// mi zad rin chen gter chen len// thob med 'bras bur rang la smin// zhes gsungs so// yang 'byed 'phrul gyi lde mig las// gleng gzhi dang gleng slong ba'i le'u ste dang po'o// // de nas sems dpa' rdo rjes bcom ldan 'das la 'di skad ces gsol to// kye kye gsang ba'i bdag po lags// chos nyid byang chub sems kyi don// ma bshad go bar mi 'gyur na// de yi bshad lugs ci ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ khyung chen gshog rdzogs lta bu'i blos// don gyi spyi khog phub ste bshad// stag gi mchongs stabs lta bu'i blos// dkyus kyi sa rnams bcad ste bshad// rus sbal nur 'gros lta bu'i blos// yi ge'i 'bru rnams choms par bshad// ces gsungs so// yang gsol pa/ kye kye gsang ba'i bdag po lags// don gyi spyi khog ci ltar dbub// gsang ba'i bdag pos bstan du gsol// gsang ba'i bdag pos gsungs pa// don gyi spyi khog dbub pa ni// sngon du 'gro ba'i yan lag gis// chos gtam rim par dbugs dbyung

  698. 350a

    'tshal// dgongs pa nye bar bzhag nas ni// bstan pa rim par dgod kyang 'tshal// 'dod pa rang rkyen 'tshams pa ru// rang snang ngo bo'i chos bstan dgos// byin rlabs snang ba mi nub phyir// theg pa'i babs tshul bstan yang dgos// lo rgyus yid ches bya ba'i phyir// bka' dang bstan bcos khungs bstan dgos// zhes gsungs so// yang gsol pa/ kye kye gsang ba'i bdag po lags// dkyus kyi sa rnams ci ltar bcad// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ lnga gnyis gsum gyi yan lag gis// dkyus kyi sa rnams bcad de bshad// ces gsungs so// yang gsol pa/ kye kye gsang ba'i bdag po lags// yi ge'i 'bru rnams ci ltar gzhom// gsang ba'i bdag pos bstan du gsol/ kye kye sems dpa' chen po nyon cig/ gong gi shugs dang 'og gi shugs// rgyal ba'i lung dang don sbyar nas// yi ge'i 'bru ni choms par bshad// ces gsungs so// yang 'byed 'phrul gyi lde mig las/ byang chub kyi sems bshad thabs kyi le'u ste gnyis pa'o// // yang gsol pa/ kye kye gsang ba'i bdag po lags// theg pa'i 'jug sgo gang dang gang // gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po

  699. 350b

    nyon cig/ nyan thos bden bzhi'i sgo nas 'jug/ rang rgyal rten 'brel sgo nas 'jug/ mdo sde bden gnyis sgo nas 'jug/ kri ya dag gsum sgo nas 'jug/ u pa ya la nges pa med// yo ga dag gi 'jug sgo ni// mngon par byang chub lnga sgo nas// ma hA yo ga'i 'jug sgo ni// ting 'dzin rnam gsum sgo nas 'jug/ rdzogs pa a nu yo ga ni// dbyings dang ye shes sgo nas 'jug/ rdzogs chen a ti yo ga ni// dmigs med dag pa'i sgo nas 'jug/ ces gsungs so// yang gsol pa/ kye kye gsang ba'i bdag po lags// theg pa'i bsrung mtshams gang dang gang // gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ nyan thos rang rgyal bsrung mtshams ni// nyis brgya lnga bcu'i 'dul khrims yin// theg chen mdo sde'i bsrung mtshams ni// rtsa ba'i sdom pa nyi shu bsrung // bya ba'i rgyud kyi bsrung mtshams ni// rtsa ba dang ni yan lag bsrung // de yang ci ltar bsrung zhe na// dkon mchog gsum dang byang chub sems// sngags dang phyag rgya mi spang zhing // rdo rje dril bu spang mi bya// lha dang bla ma de bzhin no// de ni yan lag dam tshig yin// rtsa ba'i dam tshig lnga po ni// khri la nyal bar mi bya zhing // sha mi bza' zhing chang mi btung // sgog pa la phug bza' mi bya// rnal 'byor rgyud kyi bsrung mtshams

  700. 351a

    ni// gong gi bsrung mtshams steng du ni// lung gcig chu la mi btung zhing // nyams dang kha mi bsre ba bsrung // rnal 'byor chen po'i bsrung mtshams ni// rtsa ba'i dam tshig gsum po dang // yan lag nyi shu rtsa lnga bsrung // yan lag dam tshig bstan pa ni// spang dang mi spang dang du blang // shes dang bsgrub par bya ba'o// a nu yo ga'i bsrung mtshams ni// dbyings las mi 'da' dam tshig bsrung // a ti yo ga'i dam tshig ni// med pa dang ni phyal pa dang // gcig bu dang ni lhun gyis grub// de yi don las 'da' mi bya// zhes gsungs so// yang gsol pa/ kye kye gsang ba'i bdag po lags// theg pa'i bgrod lam ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ theg pa'i bgrod lam bstan pa ni// spang 'geg sbyang dang bsgyur ba'i lam// shes par byed pa'i lam dang lnga// zhes gsungs so// yang gsol pa/ kye kye gsang ba'i bdag po lags// theg pa rnams kyi blta ba gang // gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ nyan thos theg pa'i lta ba ni// chos la bdag med ma rtogs te// don dam phra rab rdul phran cha// kun rdzob g.yag rnga ne'u sing tshul// sde pa gnyis kyi

  701. 351b

    'dod gzhung yin// gang zag la ni bdag med rtogs// phyi nang gzung 'dzin gnyis su 'dod// rang rgyal 'dzin pa'i sems su 'dod// sems tsam lta ba gnyis yod de// sems tsam rnam bcas lta ba ni// phyi/ rol dkar dmar la sogs pa// dbang po'i yul du snang ba kun// sems las logs gcig ma yin zhing // shes pa'i bdag nyid bden par 'dod// rnam med dag pa'i lta ba ni// rnam par shes dang mgo mnyam du// yang dag yod pa ma yin te// shes pa bden te rnam pa rdzun par 'dod// dbu ma'i lta ba mi mthun te// la la bden pa gnyis su 'dod// la la rang rig 'od gsal 'dod// la la dag gi blta ba ni// chos nyid stong pa nam mkhar 'dod// la la rab tu mi gnas par// sems dang sems las byung ba'i chos// ye shes rgyun chad lta bar 'dod// gsang sngags thun mong lta ba ni// don dam skye 'gag med par mthun// cung zad kun rdzob mi mthun te// dam tshig ye shes sems dpa' gnyis// la la rje dang bran gyi tshul// la la dpon dang g.yog gi tshul// la la spun dang grogs kyi tshul// bskyed pa ma hA yo ga ni// ye shes dam tshig tshul mi 'dzin// rang rgyud dag pa'i lha ru 'dod// rdzogs pa a nu yo ga ni// ma bskyed rdzogs pa'i lha ru 'dod// rdzogs pa chen po a ti yo ga ni// kun bral ci ma spangs pa dang // rgya chad

  702. 352a

    phyogs lhung med pa dang // lhun grub yongs su rdzogs par 'dod// ces gsungs so// yang gsol pa/ kye kye gsang ba'i bdag po lags// sa dang sa yi rim pa gang // gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ mtshan nyid sde gsum sa bstan pa// brgyad dang bcu rnams sbyangs nas ni// bcu gcig kun tu 'od kyis// thun mong sngags kyi sa bstan pa// ma chags pad+ma can gyi sa// rdzogs pa chen po'i sa bstan pa// rang bzhin lhun grub mngon du snang // de nyid mngon du gyur pa'i sa// 'khor lo tshogs chen sa ru 'dod// ces gsungs so// yang gsol pa/ kye kye gsang ba'i bdag po lags// theg pa rim par phye ba yi// 'bras bu thob tshul ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ la la dgra bcom 'bras bu yin// zung bzhi ya brgyad go 'phang thob// la la bse ru lta bu ste// la la sku gsum ye shes bzhi// thun mong sngags kyi 'bras bu ni// thun mong phyag rgya'i rig 'dzin thob// rdzogs chen a ti'i 'bras bu ni// gdod nas snying po byang chub tu// thob med 'bras bu rang la smin// zhes gsungs so// yang 'byed 'phrul gyi lde mig las/ sgo mo kun nas bsdus pa'i

  703. 352b

    yan lag bstan pa'i le'u ste gsum pa'o// // yang gsol pa/ kye kye gsang ba'i bdag po lags// dam tshig ces bya ci ltar lags// bsrung ba'i thabs ni ci ltar lags// nyams pa'i gso thabs ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dam tshig dam tshig ces bgyi ba// rang rang rtogs pa'i lta ba ste// de las 'das na 'tshig par 'gyur// sa steng ko bas g.yogs 'dod na// de nyid g.yogs par ga nas langs// rkang mthil gang gi ko ba yis// sa steng g.yogs dang ci ma 'dra// sdom dang dam tshig bsrung mtshams kun// thams cad bsrung bar ga nas langs// ci bzhin pa yi chos nyid la// ma bcos pa yi blo bzhag ste// de yi ngang la ma yengs na// dam tshig thams cad bsrung ba yin// nyams kyi chad pa byung ba la// gso/ ba'i thabs su de nyid che// dman pa'i theg pa thams cad kyis// bsrung du med la bsrungs pas nyams// mnyam rdzogs a ti yo ga la// nyams dang ma nyams gnyis med pas// ma yengs gsal ba'i ngang du brdal// zhes gsungs so// yang 'byed 'phrul gyi lde mig las/ dam tshig 'phrul gyi yan lag bstan pa'i le'u ste bzhi pa'o// // yang gsol pa/ kye kye gsang ba'i bdag po lags// brda mthun don gyi

  704. 353a

    khyad par ci// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ye shes sna tshogs lus can dang // 'khrul pa sna tshogs lus can gnyis// sna tshogs lus su 'dra mod kyang // mi mthun khyad par shin tu che// ye shes sgyu mar snang ba'i sangs rgyas dang // log rtog sgyu mar snang ba'i sems can gnyis// sgyu ma tsam du ming du 'dra mod kyang // mi mthun khyad par shin tu che// 'gro drug lus dang bag chags ngan 'khrul dang // sngags lam sku dang ye shes bzang 'khrul gnyis// 'khrul pa tsam gyi ming du 'dra mod kyang // mi mthun khyad par shin tu che// bzang rtog ngan rtog log rtog gsum// ngo bo nyid kyi rtog pa bzhi// rtog pas bsdus par 'dra mod kyang // mi mthun khyad par shin tu che// rdzogs chen shugs 'byung spyod pa dang // theg dman byas pa'i spyod pa gnyis// spyod pa tsam du 'dra mod kyang // mi mthun khyad par shin tu che// rdzogs chen rang byung ye shes dang // theg dman gnas 'gyur ye shes gnyis// ye shes tsam du 'dra mod kyang // mi mthun khyad par shin tu che// rdzogs chen lhun grub 'bras bu dang // theg dman tshogs bsags 'bras bu gnyis// 'bras bu tsam gyis 'dra mod kyang // pra sran 'bras kyi dpe bzhin nam// ro nye dang ni gser sku bzhin// sku gzugs

  705. 353b

    tsam du 'dra mod kyang // mi mthun khyad par shin tu che// ngos bzung tsam gyi lta ba dang // ngos gzung med pa'i lta ba gnyis// lta ba tsam du 'dra mod kyang // mi mthun khyad par shin tu che// phyogs mtshams 'dzin pa'i snying rje dang // phyogs ris med pa'i snying rje gnyis// snying rje tsam du 'dra mod kyang // mi mthun khyad par shin tu che// zhes gsungs so// yang 'byed 'phrul gyi lde mig las/ brda mthun don 'phags kyi yan lag bstan pa'i le'u ste lnga pa'o// // yang gsol pa/ kye kye gsang ba'i bdag po lags// sangs rgyas sems can gzigs mi gzigs// 'gro don ched du mdzad mi mdzad// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ sangs rgyas sems can so so ru// ye shes chen pos yongs mi gzigs// des na snying rje cir mi mdzad// chos sku mngon du gyur tsam na// gzugs sku rnam gnyis shugs byung nas// grol nas grol ba'i lam yang ston// zhes gsungs so// yang gsol pa/ kye kye gsang ba'i bdag po lags// sangs rgyas sems can mi gzigs na// kun tu bde gshegs skal bzang gis// 'gro rnams sna tshogs sna tshogs la// sprul pa sna tshogs sna tshogs pas// 'dul ba sna tshogs ci ltar lags// gsang ba'i bdag pos bstan du gsol// gsang ba'i

  706. 354a

    bdag pos gsungs pa/ kye sems dpa' chen po nyon cig/ kun tu bde gshegs skal bzang gis// 'gro ba sna tshogs 'du ba yang // sna tshogs 'gro rnams rang rang gi// las 'phro'i dbang gis snang bar zad// bde gshegs rgyal ba thams cad kyis// dngos po rdul yang mi gzigs pas// ched du rnam par mi sprul yang // sems can lta spyod tha dad pas// bde gshegs sku yang snang mtha' yas// des na gdul bya sna tshogs dang // bde gshegs sgyu 'phrul sna tshogs kyang // 'khrul pa'i dbang gis snang bar mdzad// ces gsungs so// yang gsol pa/ kye kye gsang ba'i bdag po lags// theg pa thun mong 'bras bu dang // rdzogs pa chen po'i 'bras bu la// don la khyad par yod dam med// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ theg pa thun mo sangs rgyas dang // rdzogs chen 'bras bu'i sangs rgyas gnyis// thun mong mchog gi dngos grub ste// mi mthun khyad par shin tu che// thun mong bsti gnas sa la gnas// rdzogs chen lhun grub sa la gnas// zhes gsungs so// yang gsol pa/ kye kye gsang ba'i bdag po lags// dus gsum sangs rgyas gcig mi gcig/ gsang ba'i bdag pos bstan du gsol// gsang ba'i bdag pos gsungs pa/ kye

  707. 354b

    sems dpa' chen po nyon cig/ dper na gzugs rnams sna tshogs kyang // ri rab ngos la phyin tsam na// kun kyang gser gyi mdog tu gcig/ dper na chu rnams thams cad kyang // rgya mtsho chen por phyin tsam na// kun kyang lan tshwa'i ro ru gcig/ de bzhin dus gsum sangs rgyas kyang // ma bcos sems kyi lam zhugs nas// chos sku nam mkha' lta bur gcig/ ces gsungs so// yang gsol pa// kye kye gsang ba'i bdag po lags// rtogs dang ma rtogs khyad par ci// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rtogs dang ma rtogs khyad par ni// dmus long dang ni glang chen bzhin// phyogs rtogs ci bzhin nyid ma rtogs// mig can rnams kyis ci bzhin rtogs// ma rtogs pa dang log par rtogs// phyogs tsam rtogs dang ci bzhin pa// log par rtog pa mu stegs te// nyan thos rang rgyal ma rtogs pa// theg pa drug gis phyogs tsam rtogs// rdzogs chen rtogs pa ji bzhin rtogs// zhes gsungs so// yang gsol pa/ kye kye gsang ba'i bdag po lags// 'khrul dang ye shes bde sdug bsngal// rgyun dang dum bu ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dus

  708. 355a

    gsum sangs rgyas thams cad la// ye shes rkun du gnas pa yin// 'gro drug sems can thams cad la// 'khrul pa rgyun du gnas pa yin// lam la gnas pa'i rnal 'byor la// 'khrul dang ye shes dum bur gnas// dus gsum sangs rgyas thams cad la// bde ba rgyun du gnas pa yin// ngan song rnam pa gsum po la// sdug bsngal rgyun du gnas pa yin// mtho ris mi dang lhar bcas pa// bde dang sdug bsngal dum bur gnas// chos nyid rang gi ngo bo la// bde dang sdug bsngal dbyer med mnyam// zhes gsungs so// yang gsol pa// kye kye gsang ba'i bdag po lags// lha zhes bya ba gang la bgyi// 'dre zhes bya ba gang la bgyi// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ya ma dam sri la sogs pa// ma rtogs log pa'i 'dre yin kyang // gang gis rtogs pa de yi lha// sangs rgyas byang chub sems dpa' yang // rtogs pa rnams kyi lha yin te// gang gis ma rtogs de yi 'dre// chos nyid rang gi ngo bo la// rtogs dang ma rtogs gnyis su med// ces gsungs so// yang gsol pa/ kye kye gsang ba'i bdag po lags// 'khor 'das gnyis kyi thog mtha' gang // gsang ba'i bdag pos bstan du gsol// gsang ba'i bdag pos gsungs pa/ kye kye

  709. 355b

    sems dpa' chen po nyon cig/ ci bzhin pa la thog mtha' med// 'khor ba la ni thog mtha' med// mya ngan 'das la thog mtha' med// ma rig 'khrul pa log pa dang // rang byung ye shes shar ba dang // 'khor 'das gnyis kyi thog mthar gcig/ ces gsungs so// yang 'byed 'phrul gyi lde mig las/ gnad bsdu ba'i le'u ste drug pa'o// // yang gsol pa/ kye kye gsang ba'i bdag po lags// snang ba rkyen gyi yan lag gis// gang dang gang gi rgyu rkyen byed// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ snang ba rten 'brel 'khor lo gnyis// bla ma'i gdams ngag dran tsam na// rang byung ye shes rgyu rkyen byed// rang byung ye shes chen po des// rtogs pa mngon du gyur pa yis// bde chen chos sku'i rgyu rkyen byed// bla ma'i gdams ngag ma dran na// ma rig 'khrul pa'i rgyu rkyen byed// ma rig pa yi 'khrul rtog gis// khams gsum 'khor ba'i rgyu rkyen byed// chos nyid rang gi ngo bo la// rtogs dang ma rtogs khyad par las// sangs rgyas sems can gnyis su med// ces gsungs so// yang 'byed 'phrul gyi lde mig las/ snang ba rkyen gyi yan lag bstan pa'i le'u ste bdun pa'o// // yang gsol pa/ kye kye gsang ba'i bdag po lags// dran pa rgyun gyi theg pa yis// gang la

  710. 356a

    ci ltar bsdam par bya// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ lta bas rtogs par byed dus su// bla ma'i gdams ngag dran byas nas// rang byung ye shes gsal 'phang bstod// bsgom pa nyams su len dus su// lta ba'i srog dang ma bral bar// de yi rlan dang ldan par bya// mar me 'bar ba'i rtse mo'am// chu bo 'bab pa'i rgyun bzhin du// ting 'dzin 'byung 'jug med pa yi// rgyun mi chad pa'i bsam gtan bya// rjes shes pa yi dus nyid du// blta bsgom grogs dang ldan pa yis// dran pa'i zag pas gdags par bya// zhes gsungs so// yang 'byed 'phrul gyi lde mig las/ dran pa rgyun gyi yan lag bstan pa'i le'u ste brgyad pa'o// // yang gsol pa/ kye kye gsang ba'i bdag po lags// drod rtags tshad kyi yan lag gang // gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rtags ni rnam pa bzhi yin te// chu bo dag las brgal ba dang // rdzing chen dag la khrus byed dang // gzhan gyis bum pas khrus byed rnams// bag chags sbyangs pa'i snga ltas yin// mas yar gyen du 'gro ba dang // rin chen skas la 'dzeg pa dang // phal pa'i skas la 'dzeg pa ni// sa rnams bgrod pa'i snga ltas

  711. 356b

    yin// tog dkar rtse la phyin pa dang // ri bo'i rtse la 'dug pa dang // nyi zla gdan la bting ba ni// sa rnams non pa'i snga ltas yin// gnyid kyi rtog pa choms pa dang // shig dang srin bu med pa dang // khams kyi zas dang bral mod kyang // dbang po'i gzi mdangs mi nyams shing // gang la zhen chags mi skye na// nang rtags phyi ru byung ba yin// snga rtags de dag byung ba yang // re ba ma bskyed shugs las byung // ting 'dzin tshad du brtan pa ni// mtshan mar g.yo ba med pa ni// rgya mtsho'i gting gi chu bzhin no// rnam rtog g.yo ba mi 'byung ba// skyes bu snying phyung lta bu'o// ting 'dzin brtan par gyur pa ni// rus sbal 'khar gzhong bcug pa 'dra// rnal 'byor nyams kyi drod bstan pa// phyi dang nang dang gsang ba'o// lus kyang ras pa la 'dab ma'am// shing ba la 'dab ma bzhin 'gyur te// shin tu yang zhing yod mi tshor// 'gro na g.yang sar lhung snyam byed// de ni phyi yi drod du bstan// phyi nang rgyu ba'i dbugs dag kyang // rgyu bar rang gis ma tshor na// de ni nang gi drod du bstan// dper na rig ma'i 'dod chags bzhin// brjod du med pa'i bde ba gcig/ bags kyi nyams su myong bar 'gyur// de ni gsang ba'i drod du bstan// zhes gsungs so// yang 'byed 'phrul gyi lde mig las/ drod rtags yan lag gi le'u ste dgu pa'o// // yang gsol pa/ kye kye

  712. 357a

    gsang ba'i bdag po lags// chos nyid don gyi ngo bo de// gang gi ngo bor nges pa lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ chos nyid don gyi ngo bo de// ye nas rang la yod par nges// rang bzhin lhun gyis grub par nges// dus gsum 'dus ma byas par nges// 'pho zhing 'gyur ba med par nges// skye zhing 'gag pa med par nges// gnyen pos gzhig tu med par nges// shes shing rig pa'i ngo bor nges// snang tshul cir yang snang bar nges// yin tshul nges pa med par nges// rgya chad phyogs lhung med par nges// kun bral ci ma spangs par nges// kun gyi 'byung gnas yin par nges// don la gol ba med par nges// lta ba ngos gzung med par nges// sgom pa dmigs gtad med par nges// spyod pa blang dor med par nges// 'bras bu spang thob med par nges// nyams su len du med par nges// dam tshig bsrung du med par nges// phrin las btsal du med par nges// sa la sbyang du med par nges/ kye sems dpa' chen po nyon cig/ cir snang cir srid thams cad kun// byang chub sems kyi snang ba ste// sems las ma gtogs chos gzhan med// cir ltar snang ba'i chos rnams kun// byung yang byang chub sems las byung // byas kyang byang chub sems kyis byas// snang

  713. 357b

    yang byang chub sems la sdang // 'dus kyang byang chub sems su 'dus// rdzogs kyang byang chub sems la rdzogs// yin kyang byang chub sems nyid yin// byang chub sems kyi chos nyid de// snang ba med par kun la khyab// btsal ba med par lhun gyis grub// bgrod pa med par sa rnams non// byas pa med par las rnams zin// zhes gsungs so// yang 'byed 'phrul gyi lde mig las/ nges pa don gyi yan lag bstan pa'i le'u ste bcu pa'o// // yang gsol pa/ kye kye gsang ba'i bdag po lags/ byang chub sems kyi chos nyid de// mthun pa'i dpe yis ma mtshon na// don gyi ngo bo rtogs mi 'gyur// de la mthun dpe rtogs mi 'gyur// de la mthun dpe ci ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ byang chub sems kyi mthun dpe ni// nam mkha' rdo rje rin po che// rgya mtsho dang ni ri bo the// brda' btags meng la nges pa med// nam mkha'i dpe yang ma nges te// dpe yang don du 'gro ba yod// 'byung ba nam mkha'i dpe yin te// chos nyid nam mkha'i don 'gro// rgya mtsho dpe yang ma nges te// 'byung ba'i rgya mtsho dpe yin te// chos nyid rgya mtsho'i don du 'gro// nor bu'i dpe yang ma nges te// 'jig rten nor bu'i dpe yin te// chos nyid nor bu'i don du 'gro// rdo

  714. 358a

    rje'i dpe yang ma nges te// rdo rje pha lam dpe yin kyang // sems nyid rdo rje'i don du 'gro// phyag mtshan rdo rje rtags su 'gro// btags pa'i ming gi rdo rje ni// de yi lung du bstan pa min// ri bo'i dpe ni yang ma nges// 'byung ba'i ri bo dpe yin te// chos nyid ri bo'i don du 'gro// dper na nam mkha'i mtshan nyid ni// pho mo ma yin ma ning min// kha dog ma yin dbyibs ma yin// phyogs bzhi dbus dang bla 'og min// phyi nang ma yin snang mun min// gcig pa ma yin tha dad med// skye 'gag med cing 'phel 'grib med// snang ba med par kun la khyab// dus gsum 'dus ma byas pa yin// med pa yod pas 'gog/ mi byed// thams cad kun gyi gzhi ma yin// byang chub sems kyang dpe dang mtshungs// kun nas 'dra ba'i dpe med pas// phyogs cha 'dra ba'i dpe ru blangs// nam mkha' rig med stong pa yin// sems ni rig bcas stong pa ste// don la khyad par shin tu che// rdo rje dpe ru bstan pa yang // dus gsum 'pho 'gyur med pa dang // gnyen pos bshig par dka' ba yin// byang chub sems kyang de dang mtshungs// de yang phyogs cha 'dra ba'i dpe// thams cad kun tu mi 'dra ste// khyi lud lan tshwa ra gzhob rkyen// 'dus shing shin tu 'jig par sla// byang chub sems la 'jig rkyen med// de phyir don la khyad par che// rgya mtsho dpe ru

  715. 358b

    blangs pa yang // dper na rgya mtsho chen po las// chu bran rnam pa mang po yang // byung yang rgya mtsho nyid las byung // byung yang rgya mtsho 'grib pa med// 'dus yang rgya mtsho nyid du 'dus// 'dus kyang de la 'phel ba med// de bzhin byang chub sems nyid la// chos rnams sna tshogs byung ba yang // byung yang byang chub sems las byung // byung yang byang chub sems la 'grib pa med// 'dus kyang byang chub sems su 'dus// 'dus kyang byang chub sems la 'phel ba med// de yang phyogs cha 'dra ba'i dpe// dper na rgya mtsho chen po ni// bskal pa'i cha 'gyur byung tsam na// rgya mtsho gting nas bskam par 'gyur// byang chub sems kyi chos nyid ni// bskal par dkrugs kyang med mi 'gyur// de phyir mi mthun khyad par che// nor bu dpe ru blangs pa yang // dgos 'dod zad med de las byung 'gyur kyang // 'dam gyis g.yogs nas snang mi nus// legs par byi dor byas tsam na// dgos 'dod re ba zad med 'byung // byang chub sems kyi chos sku la// che ba'i yon tan 'byung mod kyang // rnam rtog mtshan mas bsgribs tsam na// che ba'i yon tan 'byung mi nus// rang byung ye shes chen po yin// sems kyi byi dor legs byas nas// rnam rtog ye shes langs tsam na// che ba'i yon tan zad med 'gyur// de yang phyogs cha 'dra ba'i dpe// thams cad kun tu mi 'dra

  716. 359a

    ste// de bzhin nor bu rin chen la// 'jig rten dgos 'dod 'byung mod kyang // sangs rgyas che yon 'byung mi srid// sems nyid yid bzhin nor bu la// sangs rgyas che yon rgyun chad med// don la khyad par shin tu che// ri bo dpe ru bstan pa yang // ri bo mi 'gyur brtan pa bzhin// byang chub sems kyang 'gyur ba med// de yang phyogs cha 'dra ba'i dpe// thams cad kun tu mi 'dra ste// ri bo shin tu brtan pa yang // bskal pa'i rlung gis 'jig par 'gyur// byang chub sems kyi chos nyid ni// dus gsum 'gyur ba med par gnas// zhes gsungs so// yang gsol pa/ kye kye gsang ba'i bdag po lags// chos tsam mtshan mar snang ba dang // chos nyid rang gi ngo bo gnyis// de yi mthun dpe ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dung mthong dung la bltas dus su// dung gi dkar po 'dzin pa las// gser 'dzin ser po skye mi srid// gser mthong gser la bltas dus su// gser gyi ser po 'dzin pa las// dung gi dkar po 'dzin mi srid// ma rig 'khrul pa shar tsam na// chos can mtshan mar 'dzin pa las// chos nyid zab mo rtogs mi srid// lhag mthong shes rab shar tsam na// chos nyid zab mo rtogs pa las// chos

  717. 359b

    can mtshan mar 'dzin mi srid// ces gsungs so// yang gsol pa/ kye kye gsang ba'i bdag po lags// kun gzhi zhes ni gang la bgyi// de yi mthun dpe ci ltar lags// ci ltar sems can thams cad la// chos skus khyab par gnas pa la// de la kun gzhi zhes bgyi'am// ma rig 'khrul par gnas pa la// de la kun gzhi zhes bgyi'am// 'on te de dag 'dres la bgyi// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ kun gzhi kun gzhi zhes bgyi ba// thams cad kun gyi gzhir gyur pas// de phyir kun gzhi ming du btags// dper na sa la rnyog mi zer// de bzhin chu la rnyog mi zer// sa chu 'dres la rnyog mar btags// de bzhin sems can thams cad la// chos skus khyab par gnas pa la// de la kun gzhir ming ma btags// rnam rtog mtshan mar gnas pa la// de la kun gzhir ming ma btags// chos sku chu dang 'dra ba la// bag chags sa 'dras bslad pa la// kun gzhi zhes ni ming du btags// zhes gsungs so// yang gsol pa/ kye kye gsang ba'i bdag po lags// chos sku dri med yod sa na// kun gzhi'i rnam shes yod dam med// kun gzhi'i rnam shes yod sa na// chos sku dri med yod dam med// gsang ba'i bdag pos bstan du gsol// gsang ba'i

  718. 360a

    bdag pos gsungs pa/ kye sems dpa' chen po nyon cig/ dper na dung nyid yod pa na// de bzhin dkar po yod par nges// de bzhin dkar po yod sa na// dung nyid yod par nges pa med// kun gzhi'i rnam shes yod sa na// kun gzhi chos kyi sku yang yod// chos sku dri med yod sa na// kun gzhi'i rnam shes yod ma yin// rnam dag de bzhin gshegs pa la// kun gzhi'i ming yang mi grag go// zhes gsungs so// yang gsol pa/ kye kye gsang ba'i bdag po lags// chos kyi sku dang kun gzhi gnyis// gang gis gang la khyab pa lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dkar pos dung la khyab mod kyang // dung gis dkar la khyab pa med// chos skus kun gzhi la khyab kyang // kun gzhis chos skur khyab pa med// ces gsungs so// yang gsol pa/ kye kye gsang ba'i bdag po lags// chos kyi sku dang kun gzhi gnyis// gcig ldog gcig gi ldog mi ldog/ gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dper na dkar po log tsam na// de bzhin dung yang log par 'gyur// dung log tsam na dkar mi ldog/ chos sku log pas kun gzhi ldog/ kun gzhi'i rnam shes log gyur

  719. 360b

    pas// de bzhin chos sku ldog mi 'gyur// zhes gsungs so// yang gsol pa/ kye kye gsang ba'i bdag po lags// rnam rtog gnyen pos bcos mi bcos// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ci ltar grong gang byis pa dag/ sprin 'dus pa yi phung po la// kha yi dbugs kyis dngas par 'dod// 'byung chen rlung gis ma gtor na// de nyid dengs par ga la 'gyur// de bzhin rnal 'byor byis pa'i blos// gzung 'dzin rnam rtog sprin 'dra ba// mi rtog gnyen pos dengs par 'dod// rnam rtog ye shes ma shar na// mi rtog gnyen pos gtan mi zhi// zhes gsungs so// yang 'byed 'phrul gyi lde mig las/ mtshon dpe'i yan lag bstan pa'i le'u ste bcu gcig pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pas// don nyid gtan la ci ltar dbab// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ rdzogs chen spyod pa'i rnal 'byor pas// lta sgom spyod 'bras la sogs pa// de dag gtan la dbab par bya// lta ba gtan la phab nas ni// gdeng dang yid ches ldan par bya// sgom pa gtan la phab nas ni// blo dngos sems kyis zhun 'thar bya// spyod pa

  720. 361a

    gtan la phab nas ni// gang la thogs pa med par spyod// 'bras bu gtan la phab nas ni// rdzogs chen lhun grub rtsol ba yang // rtogs par byed pa'i lta ba ni// rin chen gter khungs rnyed pa 'dra// nyams su blangs pa'i sgom pa ni// rin chen zhun khu bzhus pa 'dra// ting 'dzin nyams kyi man ngag ni// zhun gyi drod tshad snyoms pa 'dra// mngon du gyur pa'i 'bras bu ni// rin chen yang zhun sbram bu 'dra// rnal 'byor pa yi spyod pa ni// glang chen rgya mtshor 'jug pa 'dra// lta ba gtan la ma phebs na// tshong pa lam rgyus med pa 'dra// sgom pa gtan la ma phebs na// lag rdum brag la 'dzegs pa 'dra// spyod pa gtan la ma phebs na// don gnyer the tshom za ba 'dra// 'bras bu gtan la ma phebs na// sgo nga rul pa'i bye'u phrug 'dra// lta ba gtan la phebs tsam na// gang la yang ni rtog mi skye// sgom pa gtan la phebs tsam na// blo dngos mi 'bral tha dad med// spyod pa gtan la phebs tsam na// re dang dogs pa'i blo mi skye// 'bras bu gtan la phebs tsam na// rang rig sems kyi snying po de// rtsol zhing bsgrub pa'i nad dang bral// gang la rtog pa mi skye na// lta ba khyung chen lding ba yin// rtogs pa'i ngang la ma yengs na// sgom pa gser phur btab pa bzhin// gang la blang dor mi byed na// spyod pa glang chen chur zhugs yin// gang la

  721. 361b

    zhen chags mi skye na// nang rtags phyi ru byung ba yin// rtogs la brten nas lam gyi bar chad sel// rang gi sems la gsog med na// dam tshig shel sgong phyis pa yin// zhes gsungs so// yang 'byed 'phrul gyi lde mig las/ don dam gtan la dbab pa'i le'u ste bcu gnyis pa'o// // yang gsol pa/ kye kye gsang ba'i bdag po lags// gnas pa tshad kyi yan lag gis// ting 'dzin don la ci ltar bsgom// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ gnas pa'i ting 'dzin tshad bstan pa/ rab dang 'bring dang tha ma'o// rab kyis dngos po lta bur zin// 'bring gis nyin par lta bur zin// tha mas zin pa'i tshad bstan pa// nam langs nyi ma shar ba dang // nyi nub mun pas ma non pa// de lta bu yis tshad du phyin// rab kyi tshad du phyin pa la// gdams ngag myur du dbog par bya// ting 'dzin rab la lung bstan pa// gser ri g.yu yis brgyan pa 'dra// ye shes gsal la gdugs brdal 'dra// rdo rje sems dpar de ma zag/ sangs rgyas kun gyi snying por 'gyur// rnal 'byor dbang phyug chen po yin// 'bring gi don du gyur pa la// khams dang sbyar la gdams pa dbog/ yang nas yang du bstan du gzhug/ goms dang rab kyi tshad du 'gro// ting 'dzin

  722. 362a

    'bring la lung bstan pa// rin chen gser gling phyin pa 'dra// ting 'dzin tha mar gyur pa la// lung bstan gdams ngag dbog na ni// gser gyi nyag zag zin pa 'dra// 'dren pa'i gnas su nyam ma nga// de ni rjes 'jug rnal 'byor de// gong nas gong du brtol bar 'gro// ting 'dzin rtsal gsum ma rdzogs par// lung bstan gang du rdzogs byed pa// kha med bza' bcas tshol ba 'dra// shes rab ting 'dzin ma rdzogs par// sangs rgyas yin zhes khas len pa// nor bus rgyal por khas len 'dra// snying po'i don dam ma shes par// rdzogs chen a tir khas len pa// rang la med pa'i nor rnams ni// de la yid smon 'dings pa 'dra// shes rab ting 'dzin mi ldan par// rnal 'byor yin zhes khas len pa// bye'u phrug g.yang la btang ba 'dra// lha srin drag po'i srog 'phrog pa// srog gi sgo lcags mi shes par// drag po'i las spyod byed pa yang // sprin med mkha' la char sdod 'dra// ting 'dzin tshad dang mi ldan zhing // bla ma'i gdams ngag ma dran na// thos pa mang po'i blo sbyangs kyang // dmus long lag tu gser phyin 'dra// ser po'i phyogs tsam mi shes par// gser gyi ser po gang la rtogs// don gyi nyams bag rtogs mi nus// des na bla ma'i gdams ngag dang // ting 'dzin thob pa shin tu gces// gdams pa 'bog pa dngos de

  723. 362b

    la// tha ma'i tshad du phyin pa la// nyi ma'i dkyil 'khor bsam pa dang // sbyor ba don du gnyer ba dang // rtsa rlung thig le na tsha sogs// mkhas pas de la gdams ngag byin// tha ma'i tshad kyang med pa na// de la gdams ngag sbyin mi bya// ci ltar khyi la gser byin bzhin// rin chen snying po ngo mi shes// sgro skur mang po'i gnas su 'gyur// zhes gsungs so// yang 'byed 'phrul gyi lde mig las/ gnas pa tshad kyi yan lag bstan pa'i le'u ste bcu gsum pa'o// // yang gsol pa/ kye kye gsang ba'i bdag po lags// mi mthun skyon gyi yan lag ci// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ mi mthun skyon gyi yan lag ni// 'khrul dang gol sgrib bying dang rgod// bar chad lam gyi cho 'phrul lo// zhes gsungs so// yang gsol pa/ 'khrul pa'i bye brag ci/ ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ 'khrul pa'i bye brag bstan pa ni// gzhi dus rgyu rkyen ngo bo las// dpe dang dbye ba yod lugs yun// log pa'i yon tan ma log skyon// 'bras bu dag dang bcu gsum mo// yang gsol pa/ kye kye gsang ba'i bdag po lags// 'khrul pa'i rnam par dbye ba'i don// lnga gnyis gsum gyis bstan

  724. 363a

    pa ste// de don legs par bstan du gsol// gsang ba'i bdag pos gsungs pa/ kye sems dpa' chen po nyon cig/ gzhi ni chos sku dri bcas yin// dus ni thog med dus nas 'khrul// ma rig 'khrul pa'i rgyu bstan pa// lhan cig rgyas pa'i ma rig pa// phyi nang rtogs pa'i rkyen gzhi dang // yul dus bskal pa gsum po ni// ma rig 'khrul pa'i rgyu rkyen yin// 'khrul pa rang gi ngo bo ni// nang du ngar 'dzin phra zhing rlom// phyir ni gzung 'dzin rtog pa rgyas// de ni 'khrul pa'i ngo bo yin// las kyi dge sdig rnam pa gnyis// tho mi thag sbrul smig rgyu chu// de ni ma rig 'khrul pa'i dpe// dbye ba bzang 'khrul ngan 'khrul gnyis// yod lugs rnam pa bzhi yin te// bdag dang yul dang gnyis ka dang // 'khrul pa rkyen la yod pa'o// lung ldan rkyen dang ma phrad cing // lhag mthong shes rab ma shar na// gtan du mi ldog 'khrul yang srid// rkyen dang ma phrad par du 'khrul// 'khrul pa log pa'i yon tan ni// mya ngan 'das pa'i 'bras bu yin// khams gsum 'khor ba ma log skyon// 'khrul pa'i 'bras bu bstan pa ni// las kyi rgyu mthun 'gro drug yin// de ni theg pa thun mong dbang // rdzogs chen a ti yo ga la// 'khrul pa skyon du che rgyu dang // ye shes rtsis su che rgyu med// 'khrul dang ma 'khrul gnyis ka yang // byang chub sems kyi ngo bor

  725. 363b

    mnyam// zhes gsungs so// yang gsol pa/ kye kye gsang ba'i bdag po lags// gol sgrib skyon du ci ltar 'gyur// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dman pa'i theg pa brgyad po yis// rang rang rtogs pa'i lta ba yis// gong ma ma mthong bsgribs par 'gyur// lus ngag yid kyi rtsol ba yis// theg pa gong nas 'og tu gol// bltas pas bsgribs la bsgoms pas 'khrul// bsrungs pas nyams la btsal bas gol// rdzogs chen a ti yo ga ni// rig pa shar bas bsgrib tu med// chos nyid bkol ba med pas gol sa med// ces gsungs so// yang gsol pa/ kye kye gsang ba'i bdag po lags// bying rgod skyon du ci ltar 'gyur// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dman pa'i theg pa thams cad la// bying rgod ting 'dzin dgra yin te// bying ba'i rgyu ni phra rags gnyis// blong blong po dang mug mug po// zing zing po dang long long po// ngal dub gnyis kyis bying ba'i rgyu// yul gyi bya ba rgod pa'i rgyu// bying na rgod byed 'od la blta// rgod na lhag mthong phur par brtod// rdzogs chen a ti yo ga la// bying rgod skyon du mi phye ste// bying ba mi g.yo chos nyid dang // rgod pa lhag

  726. 364a

    mthong shes rab gsal// chos nyid ngang du dbyer med mnyam// zhes gsungs so// yang gsol pa/ kye kye gsang ba'i bdag po lags// yang dag lam du zhugs pa la// bdud kyi cho 'phrul 'byung srid na// bdud ni rnam pa du zhig yod// bdud kyi cho 'phrul ci ltar ston// zlog pa'i thabs ni ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ bdud la rnam pa bzhi yod de// nyon mongs bzhi dang ma rig 'khrul// phyi rol rkyen dang bar chad lam// nyon mongs bzhi yis rgyu byas nas// ma rig 'khrul pa'i 'bras bu shar// thams cad bzang ngan gnyis su brtags// ngan la zhe sdang spang bar 'dod// bzang la 'dod chags blang bar 'dod// gnyis su phye bas gti mug byung // dug gsum nad kyi gcod skran zhugs// de yis khams gsum gnas su 'khor// bstan pa'i bar du gcod byed dang // 'byung ba mi mthun rkyen gyi dgras// phyi rol rkun gyi bdud du byed// bar chad lam gyi bdud bstan pa// dang po so so'i skye bo bskul// bar du mi ma yin gyi gdon// tha mar rang dang sder bcas 'khor// bdud kyi spyod yul sna tshogs ston// re dang dogs pa'i blo skyes nas// bdud kyis bar du gcod par 'gyur// yid ches gdeng ldan rnal 'byor pas// ting

  727. 364b

    'dzin don las ma nyams shing // re dogs gnyis kyi sems spangs na// de ni yang dag grub pa'i lam du 'gro// rdzogs chen spyod pa'i rnal 'byor pas// bdud kyi cho 'phrul ci ston yang // byang chub sems su thag chod na// thams cad chos nyid ngo bor 'gyur// bdud ces bya ba ming yang med// thams cad gnyen du song tsam na// dgra zhes bya ba btsal mi rnyed// ces gsungs so// yang 'byed 'phrul gyi lde mig las// mi mthun skyon gyi le'u ste bcu bzhi pa'o// // yang 'byed 'phrul gyi lde mig las/ man ngag lus tshad rgyud phyi mar byas pa'o// dgongs pa mdor bsdus pa tshig le'ur byas pa rdzogs so// // bcom ldan 'das bya bral rdzogs pa'i ngang la phyag 'tshal lo// de nas gsang ba'i bdag pos chos nyid kyi ngang las bzhengs te/ phyogs bcur zhal rnam par gzigs nas/ 'di skad ces gsungs so// kye sems dpa' rdo rje nyon cig/ khyod la sogs pa'i 'khor rnams kyis// kun tu bzang po'i don mchog ste// nga yi don 'di rtogs mi 'dra// rtogs mi 'dra bas yid mi ches// nga yi don 'di rtogs par gyis// zhes gsungs so// de nas sems dpa' rdo rjes 'khor gyi nang nas langs te/ 'di skad ces gsol to// 'khor los sgyur rgyal ma mthong na// che zhing gnyen por yid mi ches// 'khor los sgyur rgyal

  728. 365a

    mthong tsam na// gzod cig che zhing gnyen blo skyes// bu ram khar bcug ma mur na// bu ram mngar ba'i ro mi tshor// bu ram khar bcug mur tsam na// gzod cig mngar ba'i ro dang phrad// kun tu bzang po nyid kyi don// ma bshad bar du go mi 'gyur// bshad na gzod cig go ba skye// de don bdag la bstan du gsol// zhes gsol pas/ gsang ba'i bdag pos gsungs pa/ kye sems dpa' chen po nyon cig/ ri rnams thams cad blta 'dod na// lhun po'i rtse nas cig char ltos// chu rnams thams cad 'thung 'dod na// rgya mtsho'i chu la ngoms par 'thungs// rdzogs chen 'bras bu 'thob 'dod na// rtsol med sems kyi ngang la zhog/ sangs rgyas sa ru 'gro 'dod na// gnyis med lam la zhugs la song // zas med zas la spyod 'dod na// ye shes mngon gyur zas la spyod// chos nyid ngo bo rtogs 'dod na// 'phrul gyi me long 'di la ltos// zhes gsungs so// bang mdzod 'phrul gyi me long las// chos nyid kyi don zhus pa'i le'u ste dang po'o// // de nas sems dpa' rdo rjes 'di skad ces gsol to// kye gsang ba'i bdag po lags// rtag chad gnyis kyi mtha' gang lags// rtag chad mtha' ni gang gis bsal// 'jig rten snang tshul ji ltar lags// 'khrul pa'i 'bras bu ji ltar lags// 'khrul pa'i snang tshul ji ltar

  729. 365b

    lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ mngon sum rtog dang bral ba can// mngon sum nyid du grub pa yin// mngon sum nyid las dgag mi rig/ gang gis 'geg na chad pa'i mtha'// mngon sum snang yang rmi lam bzhin// snang yang dngos por grub pa med// gang zhig mngon 'dzin rtag pa'i mtha'// rang bzhin gnas pa'i chos nyid la// yod med sgro dang skur ma 'debs// ma dmigs phyir na ngang gis stong // zhes gsungs so// yang gsungs pa// mngon sum rten 'brel rkyen gyis snang // rkyen ma 'dus par snang mi srid// dper na mdung khyim lta bu'o// rmi lam sngar zhe na bag chags yin// mthong thos byas phyin bag chags rnams// sngar zhe na sems la yod pa'i phyir// rmi lam dag tu snang ba yin/ sngar zhen med na snang mi srid// ces gsungs so// yang gsungs pa// ting 'dzin rtogs pa sngon la bcug/ phyi mas long btags gsal btab pas// ting 'dzin phyag rgyar gsal ba yang // de yang rtogs pa'i 'bras bu yin// zhes gsungs so// yang gsungs pa// tho mi thag sbrul smig rgyu chu// 'dra gzhi tsam la brten nas ni// sngar zhen yid kyi 'khrul snang yin// sngar zhen med na 'khrul mi srid// gal te med kyang 'khrul na ni// ri bong rwa dang mo

  730. 366a

    gsham bu// rus sbal spras kyang 'khrul par rigs// zhes gsungs so// bang mdzod 'phrul gyi me long las/ 'jig rten gyi snang tshul dang rtag chad kyi mtha' bsal bar bstan pa'i le'u ste gnyis pa'o// // yang gsol pa/ kye kye gsang ba'i bdag po lags// mi rigs rigs par bshad pa gang // rgyu las ma byung 'bras bu dang // sems las ma byung sangs rgyas dang // lung las ma byung man ngag dang // chos sku dri ma yod pa dang // sku dang ye shes 'khrul snang dang // sangs rgyas rtog pa yod pa dang // 'byung bzhis ma bskyed sems can dang // 'gro ba drug la ma gtogs pa'i// sems can yod ni mi srid na// gal te yod na de nyid gang // gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ byang chub sems kyi chos nyid de// ye nas sangs rgyas yin pas na// bsod nams rgyu las ma byung bas// rgyu las ma byung 'bras bu yang // mi rigs rigs par bshad pa yin// sems kyi rang byung ye shes de// shes dang dran las byung ba med// sems las ma byung sangs rgyas kyang // mi rigs rigs par bshad pa yin// byang chub sems kyi chos nyid de// nyams su blang ba'i man ngag ste// rgyal ba'i lung la mi ltos par// lung la ma brten man ngag kyang // mi rigs rigs par

  731. 366b

    bshad pa yin// chos skus 'gro ba kun khyab pas// chos sku dri ma yod pa yang // mi rigs rigs par bshad pa yin// sku dang ye shes bzang 'khrul bas// sku dang ye shes 'khrul snang bar// mi rigs rigs par bshad pa yin// dus gsum sangs rgyas thams cad la// snang ba thun mong mi 'gog pas// sangs rgyas rtog pa yod pa yang // mi rigs rigs par bshad pa yin// skye mched mu bzhi'i lha rnams kyang // 'byung ba bzhi la ma ltos pas// 'byung ba bzhi yis ma bskyed pa'i// 'gro drug sems can yod pa yang // mi rigs rigs par bshad pa yin// bar ma do yi srid pa yis// 'gro ba gang gi rgyud ma bzung // 'gro drug ma gtogs sems can yang // mi rigs rigs par bshad pa yin// zhes gsungs so// bang mdzod 'phrul gyi me long las/ mi rigs rigs par bshad pa'i le'u ste gsum pa'o// // yang gsol pa/ kye kye gsang ba'i bdag po lags// sangs rgyas sems can bde sdug bsngal// bzang ngan che chung skyon yon tan// chos dang chos nyid bden rdzun gnyis// phyi yi yul dang nang gi sems// gcig pa lags sam tha dad lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ gong du dris pa'i don de dag/ ma rtogs pa

  732. 367a

    la tha dad snang // byang chub kyi ni don rtogs na// thams cad dbyer med gcig gi ngang // zhes gsungs so// bang mdzod 'phrul kyi me long las// gcig pa dang tha dad pa'i mtha' bsal ba'i le'u ste bzhi pa'o// // yang gsol pa/ kye kye gsang ba'i bdag po lags// chos nyid bkol ba med pa la// thig le drug phye mi 'gal lam// che ba yon tan bsam yas la// che ba lngar 'dus mi 'gal la ma// chos nyid ngos bzung med pa la// yin pa gsum po mi 'gal lam// gsang ba'i bdag pos bstan du gsol// gsang ba'i bdag pos gsung ba/ kye sems dpa' chen po nyon cig/ chos nyid bkol ba med pa la// thig le drug tu phye ba yang // byang chub sems kyi chos nyid kyi// yon tan cha la brtsis nas phye// de phyir de la 'gal ba med// che ba'i yon tan bsam yas la// che ba lnga ru bsdus pa yang // gzhi ni yo ga bzhi dang sbyar// gcig ni kun gyi la bzla bas// de phyir de la 'gal ba med// chos nyid ngos gzung med pa la// yin pa gsum du bstan pa yang // byang chub sems kyi chos nyid de// kun dang 'brel pas rgyud kyang yin// yang dag lam du zhugs pa yin// bzung du rung bas lung yang yin// nyams su blang ba'i chos nyid du// byang chub sems las med pa'i phyir// de phyir man ngag dam pa yin// des na de la 'gal

  733. 367b

    ba med// sems kyi chos nyid ci bzhin la// de ni kun tu bzang mo yin// rtsal dang nus pa ma 'gags pa// de ni kun tu bzang po yin// ji ltar mtsho dang rlabs bzhin nam// dung dang dkar ba'am gser dang ser// don la bkol ba med par gnas// de phyir de la 'gal ba med// ces gsungs so// bang mdzod 'phrul gyi me long las/ gal po blo rdeg gi le'u ste lnga pa'o// // yang gsol pa/ kye gsang ba'i bdag po lags// chos zhes bgyi ba gang la bgyi// nyid ces bgyi ba gang la bgyi// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ji ltar snang ba'i chos rnams la// chos zhes ming du btags pa yin// rang bzhin med pa chos nyid yin// chos ni sa yin chos nyid sra ba yin// chos ni chu yin chos nyid gsher ba yin// chos ni me yin chos nyid tsha ba yin// de la sogs pa gzhan yang brtsi bar bya// chos ni byang chub sems yin te// chos nyid rig cing gsal ba'o// de sogs bshad pa'i don rnams ni// chos dang chos nyid gtan la dbab// ces gsungs so// bang mdzod 'phrul gyi me long las/ chos dang chos nyid bstan pa'i le'u ste drug pa'o// // yang gsol pa/ kye kye gsang ba'i bdag po lags// nyan bsam bsgom pa'i khyad par ci// gsang ba'i bdag pos

  734. 368a

    bstan du gsol// gsang ba'i bdag pos gsungs pa/ kye sems dpa' chen po nyon cig/ don nyid nyams su ma blangs na// ci tsam zab mo'i tshig brjod kyang // don dang mthun par de mi 'gyur// bshad pa tshig gi than pa yin/ zur ka'i 'dzag ma 'gyur ba 'dra// bsgoms pas chos nyid don dang ldan// tshig tu brjod nas bshad pa ni// bu ram lo rgyus bshad pa 'dra// bsgoms pa'i gdams ngag phog pa ni// bu ram lag tu gtad pa 'dra// don nyid nyams su blangs pa ni// bu ram khar bcug myong ba 'dra// zhes gsungs so// yang gsungs pa/ ting 'dzin don dang mi ldan na// thos pa mang po'i tshig bsags kyang // byis pas rtsis sogs byed pa 'dra// de yang ye rngam chos la za// chos nyid don dang 'byor pa med// mnyam pas tshig gi go ba skye// bsams pas dpyod pa'i shes rab skye// bsgoms pas don gyi go ba skye// de phyir nyams su blang ba gces// zhes gsungs so// bang mdzod 'phrul gyi me long las// mnyan bsam bsgom pa'i khyad par bstan pa'i le'u ste bdun pa'o// // yang gsol pa/ kye kye gsang ba'i bdag po lags// rdzogs chen rang byung ye shes der// pha rol phyin drug ji ltar 'dus// zhi gnas lhag mthong ji ltar 'dus// phrin las rnam bzhi ji ltar 'dus// sku gdung ring bsrel ji ltar

  735. 368b

    'dus// sngags kyi don rnams ji ltar 'dus// thabs dang shes rab ji ltar 'dus// bsnyen bsgrub rnam bzhi ji ltar 'dus// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rig pa khyab gad la snyoms pa ni// sbyin pa'i pha rol phyin pa 'dus// chos nyid dang las ma yengs pas// tshul khrims pha rol phyin pa 'dus// mtshan ma'i chos la mi skrag pas// bzod pa'i pha rol phyin pa 'dus// shes rig dran pa ma nyams pas// brtson 'grus pha rol phyin pa 'dus// mi g.yo brtan par gnas pas na// bsam gtan pha rol phyin pa 'dus// dmigs med pa sam dang bral bas na// shes rab pha rol phyin pa 'dus// zhes gsungs so// yang gsungs pa/ sems kyi rang byung ye shes de// rig pa phyi nang gsal bas lhag mthong yin// gsal ba don la ma yengs zhi gnas yin// zhes gsungs so// yang gsungs pa/ sems kyi rang byung ye shes de// gzung 'dzin med pas zhi ba yin// kun la khyab pas rgyas pa yin// sems la dbang thob dbang yin te// rnam rtog 'joms sa drag po yin// zhes gsungs so// yang gsungs pa/ sku ni ston pa sku gsum ste// nga yi rang bzhin chos skra yin// nga yi ngo bo longs skrod rdzogs// nga yi thugs rje sprul pa'i sku// gdung ni sangs rgyas kun

  736. 369a

    gyi thugs// ma yengs gnas pa ring bsrel yin// zhes gsungs so// yang gsungs pa/ sngags ni rnam pa gsum yin te// rig sngags gsang sngags gzungs sngags so// sems kyis kun la khyab mod kyang // kun gyis rtogs par dka' ba'i phyir// gsang sngags zhes su btags pa yin// de don phyin ci ma log pa// rig sngags zhes su btags pa yin// rtogs pa'i ngang las ma yengs pa// gzung sngags zhes su btags pa yin// de phyir sems ni sngags kyang yin// zhes gsungs so// yang gsungs pa/ snang ba lam du khyer ba thabs yin te// zhen cing chags pa med pa shes rab min// sems ni thabs dang shes rab tshul du gnas// zhes gsungs so// yang gsungs pa/ byang chub sems ni bsnyen pa ste// rtogs pa'i blta ba nye bsnyen yin// nyams su blangs pa sgrub pa yin// mngon du gyur pa sgrub chen yin// de bsnyen sgrub tshul dang ldan// zhes gsungs so// yang gsol pa/ kye gsang ba'i bdag po lags// byang chub sems kyi chos nyid de// slob dpon don dang ji ltar ldan// slob bu don dang ji ltar ldan// dkyil 'khor don dang ji ltar ldan// gzhal yas khang dang ji ltar ldan// bag chags tshul du ji ltar gnas// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po

  737. 369b

    nyon cig/ slob dpon ma mthong sems nyid mthong // rang sems bla mar gnas pas na// kun gyi slob dpon skal pa bzang // gnyis med slob dpon dam pa ste// log sred can la bka' mi stsol// bsam gyis mi khyab yul slob bu// rdo rje sems dpa'i spyan yin pas// rgyal bas sras kyi dam par gsungs// rang rig sems kyi slob bur gnas// zhes gsungs so// yang gsungs pa/ sangs rgyas kun gyi byang chub sems// bla na med par thugs chud pa// de ni dkyil 'khor chen por gsungs// chos nyid byang chub sems dkyil na// rang rig ye shes 'khor gyis bskor// rdo rje rang 'khrungs dkyil 'khor yin// kun gzhi dpal gyi maN+Dal la// rnam shes srad bus thig chen brgyad// ye btab dkyil 'khor rgyun mi 'chad// ces gsungs so// yang gsungs pa// ma bcos ji bzhin sa gzhi la// gsal la mi rtog phyi nang rmang // snang srid sa rdor spungs pa la// dran pa rgyun gyi rtsig pa brtsigs// dran pa yang dag zem skas brgyad// bsdu ba rnam thar tshad med sgo// rdzu 'phrul rta babs dag gis brgyan// yang dag brgyad kyi ka ba btsug/ mi 'jigs rig pa'i gdung chen bres// rang byung ye shes dbu rtse 'phags// ye shes lnga dkar mthong nas bcal// theg chen gsang sngags sil snyan sgrogs// bden gnyis khyams kyi nges par mdzes// blo yi rim

  738. 370a

    dang sbyar nas ni// 'og khang par khang gsum thog rtse// phyi dang nang med kun tu nang // rang byung sems kyi gzhal med khang // zhes gsungs so// yang gsungs pa// bag chags rgyu ru bstan pa ni// lhan cig skyes pa'i ma rig pa// rkyen ni 'dod yon rnam pa lnga// ngo bo lus ngag yid kyi las// dbye ba dge sdig dkar nag chos// gsog pa'i gzhi ni kun gzhi la// dgod pa'i bdag po yid gnyis te// 'bras bu 'gro ba drug tu smin// zhes gsungs so// bang mdzod 'phrul gyi me long las/ don rnam par brtse ba'i le'u ste brgyad pa'o// // yang gsol pa/ kye kye gsang ba'i bdag po lags// rdzogs chen spyod pa'i rnal 'byor pas// chos rnams kun gyi ngo bo la// rgya gzer rtsi yis ji ltar btab// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rdzogs chen spyod pa'i rnal 'byor pas// don gyi ngo bo rtogs 'dod na// bse sgrom gsum pa'i lde mig gis// nges pa'i gsang sgo dbye bar bya// nges pa'i gsang sgo phye nas ni// kun gzhi sems kyi nam mkha' la// rang byung ye shes 'od shar ba// nges pa'i gsang mdzod chen po na// mi zad gter chen yod pa mthong // sems kyi rang byung ye shes de// chos rnams kun gyi ngo bor shar// dper na zangs srang brgya

  739. 370b

    dag la// gser srang gcig gi rtsi btang bas// thams cad gser du 'gyur ba bzhin// chos rnams kun gyi ngo bo la// byang chub sems kyi rtsi btang bas// rang byung ye shes chen po'am// chos nyid min pa gang yang med// dper na rin chen gser gling na// thams cad gser las med pa'i phyir// sa rdo btsal kyang mi rnyed 'gyur// de bzhin rdzogs chen rnal 'byor pas// snang srid sems su thag chod na// byang chub sems las ma gtogs pa'i// chos rnams gzhan nas 'tshol ba ni// rgyal bas btsal yang mi rnyed do// rgyu 'bras snang stong la sogs pa// gcig la gcig gis rgya yis gdab// byang chub sems kyi don rtogs na// sangs rgyas sems can gnyis med mnyam// bde dang sdug bsngal gnyis med mnyam// bzang ngan che chung gnyis med mnyam// skyon dang yon tan gnyis med mnyam// chos dang chos nyid gnyis med mnyam// don dam kun rdzob gnyis med mnyam// phyi nang yul sems gnyis med mnyam// mnyam pas rim par bkod pa med// ji ltar snang ba'i chos rnams kun// byang chub sems su gsal thebs na// rang rgyud 'dzin pa'i zhen pa ldog/ chos rnams kun gyi ngo bo la// tshad gsum gtan la phebs pa na// gdeng dang yid ches de la skye// de ni mi 'gyur brtan pa'i gzer/ zhes gsungs so// bang mdzod 'phrul gyi me

  740. 371a

    long las/ don gnyis gtan la dbab pa'i le'u ste dgu pa'o// // yang gsol pa/ kye kye gsang ba'i bdag po lags// 'jig rten 'jig rten 'das pa'i gsung // de yi bye brag ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ snyan par smra ba tshangs pa'i dbyangs kyi gsung // bdud kyi bu mo la sogs pa// kun kyang chags pa skye bar byed// blo ldan skyes bu gang dag gis// gsung bzhin gtan la phebs gyur na// smra ba'i gtan tshigs rmongs mi 'gyur// bde gshegs rgyal ba sangs rgyas kyis// blo yi rim par dgongs nas ni// rang rang mthun pa'i tshig dgu smras// gang 'thad yul la ldem du bcug/ bde gshegs rgyal ba sangs rgyas kyis// sku drug rnam par sprul nas ni// gsung drug brjod nas 'gro drug 'dren// bde gshegs rgyal ba sangs rgyas kyis// gsung drug dgongs pa'i bshad pa ni// ci bzhin ma yin dgongs pa bshad// dgongs bshad ma yin ci bzhin pa// nges dang ma nges rnam pa can// zhal nas gsungs shig sbed sangs la// 'gro bas don rnams so sor go// gong nas gong gi zhen blo ldog/ bde gshegs rgyal ba sangs rgyas kyis// thugs nyid zhi las ma g.yos kyang // 'jigs tshul rngam pa'i skur sprul nas// 'dar

  741. 371b

    'gyel 'jigs skrag dngangs par byed// snang srid snod bcud thams cad kyi// sgra skad bsam gyis mi khyab pa// kun kyang gsang sngags gsang ba'i tshig/ 'jig rten yongs kyi spyod yul la// sangs rgyas gsung gi zab mo 'byung // rdzogs chen a ti yo ga'i gsung // mchog tu gsung ba'i chos nyid ni// mi gsung mnyam bzhag brjod pa ste// yi ge med pa don gyi gsung // tshig tu brjod pa spangs pa ste// brjod pa kun gyi rgyu gzhi yin// tshig gi dbang po tshig gi bdag/ tshig kun rab tu gsal bar byed// ri rab ri yi rtse mo na// mtshan dang ldan pa'i dpe byad can// zhal gyi sgo nas mi brjod kyang // rang gi ngo bos chos rnams ston// zhes gsungs so// bang mdzod 'phrul gyi me long las// gsung gi yan lag rnam par phye ba'i le'u ste bcu pa'o// // bang mdzod 'phrul gyi me long las// rgyud phyi ma'i phyi mar byas pa/ ma tshang ba kha skong ba rdzogs so// // 'jam dpal bshes gnyen/ shrI sid+ha/ des bi ma la/ des g.yu sgra snying po/ des dz+nyA na ku mA ra/ des sangs rgyas ye shes rin po che/ des sgrags kyi yang rdzong du/ su la yang ma spel bar thugs kyi dgongs pa de la mdzad do// tha ma 'gar sras la yang thugs ma ches par// man ngag bzhag pa'i snod ma rnyed nas/ dar dril bu tshigs su bcad nas sbas so// las 'phro can dang 'phrad par

  742. 372a

    shog/ bar 'dir bag rang du 'gro ba rnam mtha' dang mtsham pa 'dus/ @#// rgya gar skad du/ tsakra badz+ra/ bod skad du/ 'khor lo rdo rje/ bcom ldan 'das dpal kun tu bzang po la phyag 'tshal lo// yang dag gsang ba chen po yum gyi mkha' na/ snying po'i rdo rje'i 'od zer rab 'bar ro// kun tu bzang po dang / rdo rje sems dpa' rnams kyang 'od zer 'bar ro// bcom ldan 'das gsang ba chen po'i dkyil 'khor na/ rdo rje'i dkyil 'khor shin tu dag par rol to// yang dag par rdzogs pa'i bcom ldan 'das ni/ dgyes pa chen po'i rol pa'i lhun la 'du 'bral med do// ye shes thig le'i snying po la// sangs rgyas sems can yongs kyi med// rtog pas brtags pa las byung ba// chos so cog pa mtha' yas mchog/ rnam shes phyi nang yul rol na// lam lngas bsdus pa zag pa'i chos// brjod kyis mi langs rtog pa'i rdul// de bzhin dbyings las bsam yas 'char// stong ba zhi ba'i rnam shes kyis// chos rnams ma lus thams cad bsdus// rtog pa'i dbang dang mthu nyid la// stong gzhi de las 'gyur ba med// kun gyi rang bzhin lam mchog 'di// spyod yul gang du'ang btag med pas// ji ltar brtags pas grub pa kun// rtog pa'i rgyun chags zad mtha' med// ma bcos pa yi chos nyid la// tshad mas bcos pas bslad

  743. 372b

    ces bya// ye shes dbyings las ma bskyed na// bde chen 'khor lo drag tu bskor// rgyud drug 'khor ba rnams sems nyid// a yis a spyad a la rol// rdo rje zhe sdang rdo rje gcod// yi ge'i tshogs dang bral bya'i phyir// yi ge la ni yi ge med// yi ge dang ni yi ge'i rgyu// gnyi ga yod pa ma yin te// shes rab thabs la brten pa yis// yi ge 'dod la snang bar zad// mi dpog pa yi chos mchog la// dbang bsgyur chen po'i rdo rje rol// rdo rje'i lte bar yin pa ste// 'brel te gcig tu gyur pa ni// kA li'i snying por gyur pa de// yi ge med pa'i yi ge yin// shes pa shes bzhin ma 'khyams par// rang gi ngo bor gnas pa ni// rang rig ye shes zhes brjod do// shes kun der 'khyil phur pa dam// drang po de ni byang chub sems// rdo rje khros pas lnga gnyis btul// yi ge'i snying po nyid du gsal// zhe sdang gsal ba'i rdo rje yis// rdo rje khrag 'thung rnal 'byor spyad// ye shes gti mug yi ger dag/ gti mug 'khor lo dag pa'i klong // snying po rdo rje rtsan pa'i gnas// dur khrod chen po brdal ba ni// ye shes rol mo gzigs shing dpyod// ye shes chen po khros pa yis// dgyes pa'i rol mo dbyings nyid rol// rnam pa nyid du mi gnas pa// chos su bzung ba gang yang med// shes pa'i gti mug sna tshogs pa// mi shes rdo rje shes pa ni// sbyin pa rgya chen shes rab

  744. 373a

    gter// ye rgyas btab pa'i phyag rgya yin// rnam sems rtog dpyod bral ba ni// byang chub snying po thig le yin// gal te 'dod pas ma btang na// rten med rang byung ye shes bsam// de ni 'dzin pa'i nad yod pas// bsam las 'das pa'i shes rab bskyed// shes rab drang po'i don nyid la// ye shes mchog gi thig btab pa// sna tshogs dkyil 'khor 'khor lo ldan// 'byung 'jug dkyil 'khor zad mi shes// rnam sems dben par dben gnas na// sems su 'du shes gang yang med// de nyid rang byung ye shes nyid// btsal bas rnyed par mi 'gyur te// ma btsal pa na ye shes nyid// sems mi shes la rtag tu gnas// thams cad ma lus chos so cog/ rang byung ye shes nyid las med// ye shes de las gzhan pa'i chos// ye shes nyid kyis mi rnyed do// gal te mthong chos sna tshogs pa// rtog pa'i rgyun gyis mthong bar zad// ci ste mthong ba bden gyur na// sangs rgyas rgyun 'byung 'byung mi srid// khams gsum ye sangs rgyas pa la// stong pas stong pa'i sbyin pa gtong // ye shes chen po'i sbyin pa gtong // ye shes chen po'i thig le la// chos kyi dbyings kyis brgyan pa yin// 'dud byed med pa'i dkyil 'khor ni// shin tu ye shes rngam pa'i zhal// mi rtog pa las byung ba'i gsung // gsung gi 'brug ni kun tu grags// bltas pas sreg pa

  745. 373b

    rdo rje'i spyan// ye shes chen po spyan gdangs pas// gsang ba rgya mtsho'i rdo rje'i sku// mdangs ldan ma yis spyan khengs pa// drang po ma chags rdo rje'i sa// ye shes spyan de pad+ma can// yi ge phreng tshogs 'od zer tshul// gsang ba mchog gi rol mo yis// zag med ye shes choms gyur pa// thams cad byang chub snying po'i sku// kun tu bzang po rdo rje'i sa// rdo rje ming gi tshogs bcom nas// a la sogs pa'i tshogs zad pa// seng ge lta bu'i chos chen po// chung ngu sna tshogs nyid la rdzogs// nyid las chos su ma gyur pa// gsang mchog rmad byung snang ba med// snang med snang ba dngos yin pas// snang dang mi snang mi dmigs na// thams cad byang chub phur bas btab// 'khor lo rdo rje las/ ngo bo'i nges par bstan pa'i gleng gzhi'i le'u ste dang po'o// // de nas rdo rje shin tu brtan pa'i chos// 'dod chags rdo rje'i ting nge 'dzin la snyoms par zhugs nas// nyid la nyid kyi ngo mtshar ba bka' stsal pa/ e ma'o// rdo rje dngos grub rdo rje'i las// spyod la gyur pa med bzhin du// bdag dang gzhan du rtog pa las// nyes dmigs la sogs sna tshogs 'byang // khams gsum 'khor lo chu 'bab bzhin// rgyan chags nyid du 'bab par 'gyur// byang chub snying po rdo rje las// bag chags 'khor lo'i rtog pas 'khral// sna tshogs pa yi chos rnams

  746. 374a

    dang // sangs rgyas sems can so sor 'dzin// rnam rtog mdud pas bsdams pa las// yang dag dbyings las g.yos pa med// ma g.yos pa las byung rnams kyang // bcom ldan 'das kyi 'od kyi tshul// 'khor lo rdo rje bsdus pa yang // rang byung ye shes thig le'i ngang // ye shes gti mug mi 'byed pa// chos kyi dbyings su ga la mthong // ming du btags pa 'khrul pas na// de bzhin nyid la gnyis pa yin// sngon du sangs rgyas byung med pas// sangs rgyas sna tshogs 'khrul pa'i sgra// chos kyi snying po gsung du med// de phyir brjod du rdul tsam med// gsang mchog dgyes pa zhes bya ba// rdo rje rtsen pa de la brjod// sku gsung thugs dang mnyam pa nyid// 'dzin pa'i dbang las phyag rgya min// chos kyi dbyings kyi phyag rgya ni// ma brtags lhun gyis grub par gnas// lam rgan bya bral byar med lam// rtsa ba med pa'i snying po'o// ma byung mi skye'i snying po la// ming gis brgyan pa sgro skur yin// tshig tu brjod pa rnam sems dbang // rnam sems sgyu mas bzung ba'i chos// ye shes sgyu mas bsgyur shes nas// sgyu ma smig rgyu'i dran dbang ni// dmigs bya dmigs par dran dbang bsgyur// thabs kyi rgyal po sgyu ma'i stong // shes pa gang yang mi 'byung zhing // snang ba gang yang ma mthong ba// de bzhin bde ba chen po'i sa// ye shes dbyings la mi

  747. 374b

    brtson pa// dran med ye shes klung gnas pa// mnyam dang mi mnyam don las 'das// pha rol phyin pa bcu yi mtsho// zab mo zab pas brgyan par ni// shes pa snying por thim pas na// ye shes snying po yin pa'i phyir// yon tan ci yang bsngag pa med// stobs chen stobs kyi dbang bsgyur la// stobs bral stobs mchog 'di ldan par// yang dag mkhyen pas stobs po che// mi 'dzin stong pas sdug bsngal dag/ chos sku bde ba chen po yang // bsag pa med na rang byung sku// pad+ma dag pas snang ba med// mi snang ba yi don de la// bsgom pa med na bsgom pa yin// shes pa gang la mi 'jug pa// ye shes snying po'i thig le yin// rgyal ba kun gyi gshegs shul bde// byang chub nyid kyang mi snang bas// byang chub nyid kyang mthong ba min/ chos las rgyu yi chos gnas pa// 'bras bu'i rgyu dang rgyu yi rgyud// med dang yod pa gnyis kar 'brel// de la mnyam dang mi mnyam mnyam// bshad pas thos med bya bral chos// yang dag chos las byung ba med// 'khrul pa'i sangs rgyas chos kyis byed// byas pa'i gnas dang bya ma yin// 'byor 'dus med pa sa yis// snying po'i don la mnyam pa'o// 'dod chags nyid la 'dod chags kyi// mtshan ma ci yang ma thob cing // 'dod chags nyid kyi chos mthong ba// sdug bsngal nyid la sdug bsngal gyis// mtshan ma rdul

  748. 375a

    tsam ma mthong zhing // sdug bsngal nyid kyi chos mthong ba// byang chub mchog chen kun gyi gzhi// thig le tsam min nye bar bshad// sems ni lam gyi rnga bo nyid// sems ni rnga bo nyid med pa// bsam gyis mi khyab mtha' yas chos// ngo bo med phyir yod ma yin// rkyen las skyes phyir med ma yin// sems kyi rtog pa skye med cing // rtog pa de nyid sems nyid 'dra// chos rnams kun gyi snying po ni// rtsa ba med pa'i rtsa ba yin// kha dog ma nges 'ja' tshon 'dra// che chung rim pa de bzhin pa// chos zhes btags pa chos kyi chos// chos kyi chos dang khrims kyi chos// bslab pa med pa'i chos bslab phyir// chos med pas na chos zhes bya// rnam grangs dag ni phrag yas chos// sgyu ma'i sgra yis bsgyur shes pa// mi skye sgyu ma sgyu bral na// 'das pa med pa'i mya ngan 'das// byang chub nam mkha' mi skye bas// nam mkha'i byang chub rtsa ba bcad// dpa' bo yis ni dpa' bo bsgral// rang byung ye shes gcig pu pa// chos rnams phyi mo med pa ni// sems can rnams kyi ngo bo nyid// rnam par dag bya med pas ni// ye shes snying po bde gnas te// mi g.yo rnam par mi byams pa// chos rnams kun gyi phyi mor gsungs// thams cad bden med rgyur shes na// byang chub sems la a yis brgyan// ya mtshan che ba'i lhag pa'i chos// blo ru byung tsam mthong

  749. 375b

    ba'o// sman nyid 'chi med byang chub tu// phyogs su 'khyams pa rdo rjer 'brel// phyogs kyi 'brel pa med pa ni// skye ba mi skye skye bas skye// sa ma ya na a dang ta'o// blun po'i ye shes gti mug dang // stong pa'i sems nyid skye med cing // sems nyid stong pa skye med pa// byang chub rdo rje sangs rgyas te// ye shes thig le drang po'i lam// blang bya lha mo 'khril ma'i sgra// len pa za byed rdo rje'i dri// khrag 'thung rdo rjes dus med rngub// zin pa brtan pas yab yum 'khril// don chen rgyal bar gyur pa na// rdo rje rgyal po lha mor rol// rdo rje rtsen pa bde ba'i rgya// de bzhin nyid kyi ngang la rol// kun tu bzang po rang byung dbyings// thig le gcig pas bslad pa med// shes rab yul med shes rab sku// rdo rje dri ro sgra med sgra// rang byung rdo rje dbyig gi lha// dam pas ming dang mtshan ma med// mya ngan 'das pa zag nyid pa// sems kyi dmigs pa bsdus ma yin// yang dag nyid kyang mi mnga' bas// ngag gi bshad pa rdul tsam med// g.yos te mtshan ma byung ba na// mtshan ma'i rgyu las ming btags te// dngos po nyid dang 'brel ba'i phyir// ming dang mtshan ma zhes su bshad// rnam par rtog pas lan chags nas// sgyu ma mi bden bslu ba'i lam// ming dang mtshan ma gang yang ni// med par rtogs pa de kho na// yang dag dag pa'i ye shes yin//

  750. 376a

    gzugs sgra dri ro rdul sna tshogs// rang gi sems nyid las snang bar// tshor zhing shes na mi bden pa'i// 'du shes 'du shes mi skye'o// mi bden 'du shes ma skyes na// de nyid de bzhin gshegs pa'i mdzod// ngo bo nyid kyi chos nyid la// yang dag nyid kyang skye med cing // ming dang mtshan ma ma skyes pa// de nyid de bzhin nyid ces gsungs// skye med yang dag nyid mkhyen nas// mi bden pa yi chos sna tshogs// ming dang mtshan ma tshigs bcad dang // bral ba yang dag ye shes snod// don dam pa yi bden pa nyid// rnam par shes pa mi g.yo zhing // sems kyi rgyun gyis skye ba med// ye shes dbyings kyi zag pa chad// rdo rje phur pa mi 'gul na// theg pa chen po kun gyi rgyu// mi bden pa na mtshan sna tshogs// mi bden chos rnams skye med na// mtshan ma'i tshogs dang 'brel pa bas// mi bden rgyun ni bcad du med// sems la sems ni med mkhyen na// sems zhes bya bar gcad du med// de ni rang byung ye shes nyid// rnam shes yul la mi skye ba// rnam par rtog pa med pa ste// chos kyi mig ni pad+ma'i spyan// sems la sems med par shes shing // chos la chos med par shes te// ming dang gzugs sgra chos tshogs pa// de bzhin gshegs pa sangs rgyas spyod// rdo rje nga rgyal thig le'i 'dor// zab mo yangs pa chos kyi

  751. 376b

    dbyings// skye med mi skye cir mi dgongs// tshig tu brjod pa rdul las 'das// byang chub nyid ni de byang chub// ye sangs rgyas pa'i de bzhin no// sems zhes bya ba gzugs med la// shes pa yod pa nyid yin te// sems la shes pa yod pa yin// chos la gzugs ni med pa ste// shes pa mi shes med par gsungs// byang chub thig le nyid med 'brel// rang rig ye shes nyid dbyings ni// yin dang ma yin mi rtog pas// thams cad ye shes snying po nyid// sdig tu mthong ba med pas na// thams cad bsad pa byang chub sku// thams cad chos ni mi skye zhing // thams cad gang la'ang mi skye zhing // gang la'ang mi 'gog mi btsal te// ci byed g.yo bar ma mthong na// spyod pa sprad pa yongs mi dgos// ci spyad pa ni byang chub nyid// sangs rgyas thig le yangs pa'i spyan// byang chub kyi sems 'khor lo rdo rje las/ sgo sna tshogs gleng gzhi'i le'u ste gnyis pa'o// // de nas bcom ldan 'das rdo rje kun tu bzang pos// shin tu rngam pa'i tshig gsang ba// mi 'byung mi 'jug pa yi sems// rdo rje khrag 'thung rngams pa'i zhal// yang dag pa yi chos lam drangs// pho mo khyim pa la sogs dang // pha rol phyin bcu mi 'byed pa// tshul khrims med pa'i tshul khrims mchog/ nam mkha' stong pa sems yod na// chos rnams skye 'gag med pa yin// byang chub nyid kyang skye

  752. 377a

    med pas// byang chub nyid las gzhan yod min// mya ngan 'das dang 'phags pa dang // sangs rgyas byang chub sems dpa' gang // ming btags don du 'dod pa ni// skur btab sangs rgyas mthong mi srid// yang dag brtan pa drangs gyur na// rmi lam rmi ba sad 'dra ste// dngos po'i chos ni ci mthong ba// mthong ba nyid ni rmi lam tshul// sems can de bzhin yin pa las// srog gcod pa yis sdig pa thob// ma mthong rmi lam lta bu dang // gal te mthong ba bsad pa med// yang dag nyid la rdul med na// yang dag nyid las yang dag med// mi yi phyi mo sems nyid de// rdul ma langs na grol ba'i lam// sems can sangs rgyas de la med// mnyam dang mi mnyam mnyam mi 'dzin// grol dang ma grol ye nas grol// rtsol bsgrub gnyer bas de mi mthong // ci yang mi dgos spyad byas na// bdag dang gzhan 'bras bu thob// ngo bo nyid kyi gzhi rtogs na// ma nor pa yi lam na gnas// mthong thos dag pa zhi ba'i chos// bsgom pa med na bsgom pa yin// de bzhin nyid kyi dbyings nyid la// ma btsal bzhag pa bsgom pa yin// de la de bzhin nyid 'dzin na// de la de bzhin nyid mi gnas// bde ba chen po'i chos dbyings ni// mthong bar rung ba ma yin zhing // mi mthong par yang rung ma yin// de bzhin nyid du sems

  753. 377b

    byed pa// rang byung nyid las g.yo ba yin// 'dzin pa g.yos pa min pa na// phal pa'i rnam shes dag dang mtshungs// byang chub nam mkha' yod ma yin// stong pa nyid kyi ye shes kyis// dngos po mthong ba yod mod kyi// dngos po yang dag ma yin par// stong pa nyid du stong par shes// ye shes sangs rgyas de la med// ming tsam 'dzin pa'i stobs bral na// shes rab gang du'ang mi 'gro ba// de ni byang chub snying po nyid// log pa'i stobs kyis g.yeng ba che// rtog pa'i dbang gis 'byung ba las// chags pa'i stobs bral thig le'i sku// bde ba chen po g.yos pa med// rdo rje khrag 'thung rol pa'i sku// rdo rje byang chub dbang phyug mar// sbyar te dgyes pa'i lhun mnyam pa// rdo rje kun tu 'od kyis// de yang 'dzin pa'i skyon yin par// rig pa'i byin rlabs chen po 'brang // rdo rje byed pa po yid kyis// yang dag pa yi sems shes na// g.yo dang mi g.yo mi 'byung zhing // thob dang ma thob mi mthong ngo // de tshe mtshams med la sogs dang // nyan thos bsad dang chos la skur// sangs rgyas kun kyang bsad pa dang // dge slong bsam gtan bshig cing dkrugs// byang chub snying po nyid du 'gyur// che ba'i ye shes nyams pa med// blo gros snying po rdo rje'i blo// stong pa nyid du dben 'dzin de// stong pa'i stong pa skye bas na// 'dzin pa'i lcags kyus zin pa de// stong

  754. 378a

    pa'i stong pas bcings pa'o// ye shes chen po'i rlung g.yos na// chos rnams mi mnyam so so'i rlung // yang dag nyid du mi 'gyur bas// 'gro ba grol bar yongs mi 'gyur// yul la rnam par mi skye ba// mi skye ba yi skye ba ste// mi skye bas ni mi 'grol ba'o// chos rnams yod pa ma yin te// yod pa las ni med gyur na// med las yod par gyur pa ni// yod pas med pa bcings pa'o// rang byung byang chub snying po ni// yod med grol dang ma grol med// ye nas dag pas sbyang mi dgos// nam mkha' nyid dang ma 'brel bas// chos dbyings nam mkha' ma bcings te// ming la mi gnas cang mi skye// skye dang mi skye las grol bas// 'byung ba chen po bcom ldan 'das// byams pa'i thig le snying brtser bzhag/ dngos med mi rtog mthong ba ni// mthong bas mthong ba skye bas na// dngas dang mi rtog dngos dang rtog/ bya bral chos ni ma yin pas// grol ba rang byung gzhan ma yin// grol ba'i grol ba yang mi grol// byang chub kyi sems 'khor lo rdo rje las/ rnam grangs nges pa'i le'u ste gsum pa'o// // de nas bcom ldan 'das kun tu bzang pos/ nyid kyi che ba'i yon tan la ngo mtshar ba nyid la brjod de// drang po dben pa rdo rje'i lam// mi tshor mi shes gti mug sems// tshig tu smra bas lan mi dran// ma 'jal smras na g.yos pa yin// phyi nang

  755. 378b

    yul dang ma 'jal na// sku gsung rdzogs pa rdo rje'i sku// drang srong rnams kyi rtsen pa'i sa// cis kyang ma bcings grol ba'i lam// byang chub sems su chos rnams mnyam// mnyam pas rim pa bcing pa med// bdag dang gzhan du mi 'byed pas// lan btab gzhan la yod par 'gyur// drang srong sems ni spyod yul gzung // smra na bcings shing chags pa ste// smrar med smras pas bcing med pa// rgyal ba'i rgyal ba rgyal ba'i gtso// chos ma shes dang bya ba dang // mthong bya brtan bya med pas na// lan btab pa na chos nyams te// shes pa mthong bar yod par 'gyur// yang dag yang dag yin pas na// smras na yang dag/ nyid ma yin// rgyu la 'bras bu'i rten byed pa// 'khrul pa byis pa rnams kyi las// stong pa mthar gtugs rgyu yi chos// stong par zhi ba zhi bas bcings// tshor ba yang dag ma tshor ba// zhi ba'i chos la zhi bya med// yang dag nyid dang 'brel bya dgos// dngos po rnam pa mthong na yang // rnam pa cir yang mi dmigs na// dngos po dngos med bsgom pa'o// de ma zag tu de tshor na// de las yang dag nam mkha' 'byung // dgongs pa mchog du gyur pa'o// zin pa'i lta bas mi blta na// lta ba thal bar 'gyur ba ste// lta ba'i 'du shes zad pas na// byang chub mchog tu lta ba'o// sems la bstod pas pham rgyal

  756. 379a

    dang // gzugs sa dngas pad bkar rung sa// brgyad dang za pa'i bdan med pas// bas tha'i gza' gtad dang bral ba// dradrung zang thal pa'i thal las9// nal 'thang pa ban// cung chub byung po ma yin cing // byang chub sangs rgyas pa 'tshal na// ma yin pas na marnam pa cid// ma brlabs par ni rang bzhin grub// chas rnams gang pang mi 'dzin cing // shes pas ga nas pa// ma rtog pa shes thar zan// mi 'gyur 'di gsal mkha' na dam// de che thar pa bskal mi za// drang tha mas ni las rlung bsad// sangs rgyas thams cad de la gnas// byang chub kyi sems 'ja ma las/ gsang ba man dag ga man ban pa la// / 'ang ma rdo rje zhes bya ba'i byad // rgya gar gyi ba harbA na gaN+Da dang / zad kyi dag gang zer canas bzlar zhing thus ci gtan la bab pa rdzags so// phyis skad gsar bcad kyis kyang lo tsAbs bcos so//