Text
ff. 1a–341a · 681 folio sides
- 1a
slob dpon dbyig gnyen gyis mdzad pa'i sa bcu pa'i 'grel pa'i bshad pa slob dpon nyi ma grub kyis mdzad pa bzhugs/ /
- 1b
rgya gar skad du/ da sha b+hu mi bya khya na bya khya na/ bod skad du/ sa bcu'i rnam par bshad pa'i rnam par bshad pa/ 'jam dpal gzhon nur gyur pa la phyag 'tshal lo/ /mdo sde'i tshul gyis don gyi yang dag 'di// sangs rgyas nyid skyes 'phags pa thogs med brnyed/ /de las 'gro gnyen gcig pus gsan nas ni/ /'di yi rnam bshad dbyig gi gnyen gyis mdzad/ /da ni rnam par bshad pa mdzad pas/ chos kyi rnam grangs 'di ni sus bshad
- 2a
dang zhes bya ba la sogs pas/ dkon mchog gsum la phyag bya dang/ /mdo bshad pa dang dgos pa dang/ /yang dag sbyin rgyun ma chad brjod/ /tshigs su bcad pa'i don ni sus bshad dang/ zhes bya ba ni rdo rje'i snying pos so/ /gang dag rnams kyis 'chad du bcug rnams dang zhes bya ba ni/ sangs rgyas bcom ldan 'das dang/ rnam par grol ba'i zla ba la sogs pa yin te/ de'i phyir gyis brlabs dang/ bskul ba dag gis de bshad pa'i phyir ro/ /gang gis 'di don bstan dang zhes bya ba ni 'phags pa byams pas so//
- 2b
de las ni gang gis blangs nas bdag la rnam phye ba zhes bya ba ni 'phags pa thogs med kyis so/ /de dag rnams dang zhes bya ba ni 'phags pa rdo rje'i snying po la sogs pa ji skad smos pa rnams so/ /chos mchog 'di la yang zhes bya ba nis bcu pa'i mdo chen po la ste/ 'di yi mchog nyid 'di ni thog mar spyad pa ste/ zhes bya ba la sogs yi ge'i phyi mo'i dpes ston to/ /sbyi bo sa la gtugs te zhes bya ba ni spyi bo thung du phab nas zhes bya ba'i tha tshig go /'di dag la ci zhig bya zhe na/ phyag 'tshal nas te mchod pa byas nas zhes bya ba'i tha tshig go /dkon mchog gsum la phyag 'tshal ba ston pa na/ chos gtso bo nyid du bstan pa'i phyir/ chos smra ba rdo rje'i snying por smos te/ sangs rgyas bcom ldan 'das rnams kyang chos bla mar mdzad pa yin no/ /ci zhig bya zhe na/ de'i don/
- 3a
gnas par bya phyir bshad sbyar bya bar 'bad ces bya ba smras te/ gong du bshad pa'i chos kyi rnam grangs de'i don gang yin pa'o// bshad sbyar ni tshig mang pos rnam par bshad pa'o/ /bdag dang gzhan don sgrub phyir zhes bya ba ni/ de'i dgos pa yin no zhes bya ba yin no/ /sa'i bsdus pa ni mdor bsdus te brnyad pa ste/ /bde blag tu go bar bya ba'i phyir sa dang pos don ji snyed cig ston pa de dag btus nas thog mar bstan pa'o/ /gleng gzhi ni gang du gang dag la ston pa ste/ gnas dang gdul ba rnams dang go rim bzhin no/ /'dir ram 'di dag la gleng bas na gleng gzhi ste/ ston ces bya ba'i tha tshig go /de yang 'di skad bdag gis thos pa dus gcig nas/ zhes bya ba nas snyoms par 'jug pa'i bar gyis bstan to/ /snyoms par 'jug pa ni mnyam
- 3b
par 'jog pa ste/ dmigs pa la sems phyin ci ma log par gtod ces bya ba'i tha tshig go /de yang de nas byang chub sems dpa' rdo rje'i snying po zhes bya ba nas/ byin gyis brlabs kyi bar gyis bstan to/ /byin gyis brlabs ni byin gyis rlob pa ste/ mngon par 'dod pa'i don grub par bya ba'i phyir lus dang sems la mthu nye bar sgrub pa ste/ mthu ltag par skyed ces bya ba'i tha tshig go /de yang rnam pa gsum gyis bstan te/ gsung dang thugs dang skus so/ /de la gsung gi ni rigs kyi bu khyod kyis chos rnams kyi sko rab tu dbye ba la mkhas par 'gyur ba'i chos bya rnam grangs zhes bya ba la sogs pa'i bcu tshan gyis bstan to/ /thugs kyi ni de nas sangs rgyas bcom ldan 'das de dag gis byang chub sems dpa' rdo rje'i snying po la zil gyis min? no pa'i lus nyid n yi bar sgrub pa mdzad de/ zhes bya ba la sogs ba'i bcu tshan gyis bstan te /sku'i ni de nas sangs rgyas bcom ldan 'das de rnams de dag na bzhugs bzhin du rdzu 'phrul gyi mthus phyag g.yas pa zhes bya ba la sogs pas bstan to/ /ldang ba ni rnam par ldang ba ste/ snyoms par 'jug pa'i bya ba byas nas des bskyed pa'i sems nus pa can dmigs pa dang 'bral ba zhes bya ba'i tha tshig go /de yang sangs rgyas bcom ldan 'das de dag gis byang
- 4a
chub sems dpa' rdo rje'i snying po la reg ma thag tu zhes bya ba nas/ byang chub sems dpa' de dag la smras pa zhes bya ba'i bar gyis bstan to/ /bstan pa ni mdor bstan pa ste 'og nas 'byung ba'i don rnams ming tsam gyis bsnyad pa ste/ kye rgyal ba'i sras dag byang chub sems dpa' i smon lam 'di ni shin tu rnam par nges pa ste/ zhes bya ba nas bskul ba'i bar gyis bstan to/ /bskul ba ni 'chol ba ste ji ltar 'dod pa'i don mnyam pa'i phyir/ lhag par don du gnyer zhes bya ba'i tha tshig go /de yang de nas byang chub sems dpa' rnam par gral ba'i zla bas tshigs su bcad pa'i dbyangs kyis zhes bya ba nas bshad pa'i bar gyis bstan to/ de yang yang dag par 'dzin pa ni rgyal ba'i sras po rnam par grol ba'i za ba la sogs pa yin no/ /rgyal ba rnams ni bskul pa yin par shes par bya ste/ de yang 'od zer stug por red pa de las tshig mthon pa de dag gis bcol to/ /bshad pa ni nges par bstan pa ste/ sa ming tsam bstan pa rnams gtan la phab ste bshad pa'o/ /de yang rnam pa gsum ste/ gnas pa dang ni nges tshig dang/ de bzhin rab tu gnas pa nyid/ /sa bshad pa la mdor na ni/ /'di ni nges par bstan bya yin/ /de la gnas pa ni ci 'dra ba dag cig /gang gi phyir gzhi gang gis gang zhig bskyed pas gnas pa ste/ smras pa/ gnas dang gang gi phyir dang ni/ /gzhi ni gang zhig yin pa dang/ /ci 'dra yang dag
- 4b
bskyed ba yis/ /gnas 'gyur de ni gnas pa yin/ /dge ba'i rtsa ba shin tu bsags pa zhes bya ba nas bzung ste/ grangs bzhin du bcu tshan bzhi po 'di dag bsdus so/ /de la ci 'dra ba dag na dge ba'i rtsang shin tu bsags pa zhes bya ba la sogs pas bstan to/ /gang gi phyir ni sangs rgyas kyi ye shes la mngon par 'dod par bya ba zhes bya ba la sogs pas bstan to/ /gzhi gang gis ni snying rje chen po sngon du 'gro ba zhes bya ba la sogs pas bstan to/ /gang zhig bskyed pas na sems skye ba de skyes ma thag tu zhes bya ba la sogs pa bstan to/ /nges pa'i tshig ni gtan la bab pa'i tshig ste/ don? dad mthun pa zhes bya ba'i tha tshig go/ mchog dga' mang phyir rgyal rnams kyis/ /sa ni rab tu dga' bshad pa/ /ci 'dra ba yis dmigs gang la/ /de ni nges pa'i tshig tu 'dod/ /kye rgyal ba'i sras dag de la byang chub sems dpa' i sa rab tu dga' ba la gnas pa'i byang chub sems dpa' ni mchog tu dga' ba mang ba yin zhes bya ba nas bzung ste/ bcu tshan gsum po 'di dag dang/ 'jigs pa lnga las yang dag par 'das pa yang bsdus par shes par bya ste/ bdag ni 'jigs pa dang sdang ba dang/ bag tsha ba dang bral lo zhes mchog tu dga' ba bskyed do/ /zhes bya ba'i bar yin no/ /rab tu gnas pa ni mchog tu gnas pa ste gang dag dang ldan nas 'di la rab tu gnas pa yin no/ /de yang sa'i mthar phyin par 'gro ba'i phyir te/ gnas pa ni sa thob pa tsam yin pas gnas pa bas rab tu gnas par khyad zhugs par shes par bya'o/ /rgyal ba rnams kyis dang pa'i/ /? gnas dang dbang la sogs pa/ /bcu tshan gsum gyis rab bshad pas/ /de ni de bzhin nges par gzung/ /de dang pa'i dbang dang zhes bya nas bzung
- 5a
ste/ bcu tshan gsum po 'di dag bsdus par shes par bya'o/ /'phags pa rdo rje snying pos ma bshad pa'i sngon rol du tshigs su bcad pa bcu tshan gsungs pa ni 'khor dang bar bya ba'i phyir te/ bshad pa rtsom pa yin pa'i phyir bshed pa dang 'dra ba shes par bya'o/ /khyad par ni bye brag ste yon tan lhag par gsal ba 'am/ gang gis na nyan thos la sogs pa las khyad 'jug pa'o/ /de yang rnam pa gsum ste 'dun pa'i khyad par dang/ sgrub pa'i khyad par dang/ 'bras bu'i phan yon gyi khyad par ro/ /de de la 'dun pa ni don du gnyer ba dang/ mngon par 'dod pa dang/ smon pa ste/ smon lam bcu mngon par sgrub pa'o/ /sgrub pa ni rnam pa bcu ste/ sa bcu yongs su sbyong bar byed pa'i chos kyi mtshan nyid ngo/ /de yang dad pa dang snying rje dang zhes bya ba la sogs pas bstan to/ /'bras bu'i phan yon ni rnam pa bzhi ste/ las su rung ba nyid dang/ 'jug pa dang rnam par smin pa yongs su 'dzin pa dang/ smon pa shes pa'o/ /de la las su rung ba nyid ni gser gyi sa le sbram gyi dpes bstan to/ /'jug pa ni ded dpon dpes bstan to/ /rnam par smin pa yongs su 'dzin pa ni/ /dzam+bu'i gling gi dbang po zhes bya ba la sogs pas bstan to/ /smon pa zhes pa ni de yan ched byang chub sems dpa' smon lam gyi stobs can rnams zhes bya ba la sogs pas bstan to/ /'di'i bsdus pa ni 'di yin te/ mdor bsdu na ni brdzun pa dang/ /sgrub pa dang ni rnam smin gyis/ /nyan thos dang ni rang rgyal las/ /rnam pa gsum gyis khyad 'phags bshad/ /de la 'dun pa ji skad du/ /bshad pa'i smon lam yin zhes bya/ /sgrub pa'i khyad par dad la sogs/ /bcu po dag gis bshad pa yin/ /rgyu bzhi dag gis 'bras bu yi/ /phan yon khyad par dag tu 'dor// //
- 5b
las rung nyid dang 'jug pa dang/ /rnam smin yongs su 'dzin pa dang/ /bzhi pa smon lam nyid kyi phyir/ /rnam pa bzhin ni shes par bya/ /sa le sbram dang chos mthun phyir/ /rgyal ba rnams kyis las rung bshad/ /ded dpon dang ni chos mthun phyi de dag gis 'dir 'jug pa gsungs/ /mkhas ba rnam smin yongs 'dzin pa/ /rnam pa gnyis su shes bya ste/ /bdag nyid chen po nyid kyi phyir/ /'dzam gling dbang phyug la sogs dang/ /gnyis pa rgyu mthun rgya che ba/ /ser sna 'dul la sogs pa gang/ /ting 'dzin rab sgom bcas shes bya/ /ting nge 'dzin bsgom pa dang lhan cig pa zhes bya ba'i tha tshig go/ /smon pa shes zhes bya ba ni/ /smon lam stobs can yin pas na/ /de yi khyad par rnams 'phrul phyir/ /chos ni brgyad bo 'di dag gis// sa yi dang po yang dag gsungs/ /'di man chad du 'di dag rgyas par bshad dgos pas de brtsam par bya'o/ /'di skad ces bya ba'i tshig gi phrad 'di dpe la yang 'byung ste/ dper na rnam thos ltar phyug pa zhes bya ba lta bu'o/ /lung 'bog pa la yang 'byung ste/ 'di skad du thon cig ces bya ba lta bu'o/ /dris pa nges par bya ba la yang 'byung ste/ 'di skad bdag gis thos so/ /'di skad du 'chad do zhes bya ba lta bu'o/ /tshig gi lan la yang 'byung ste/ de ni de lta yin no zhes bya ba lta bu'o/ /'dir ni dam ba cha'? ba yin pas blta par bya ste/ yang dag par sdud par byed pa'i byang chub sems dpa' rnams kyis/ /byod kyis ji skad thos pa de bzhin du bshad du gsol zhes gsol ba btab ba dang/ byang chub sems dpas de bzhin du bshad do zhes khas 'ches pa ste rnaM par bcad nas sbyor/ /des naS na bdag gis thos pa zhes bya ba la sogs pas smras so/ /yang na dris ba nges par bya ba yin te/ dris pa nges par bya ba'i phyir/ 'di skad bdag gis thos pa zhes smos so/ /bdag gis zhes bya ba ni bdag nyid kyi yin gyis gzhan las
- 6a
ma yin pa'o/ /thos pa ni rna ba'i dbang pos bzung ba'o/ /dus gcig na zhes bya ba ni dus gcig na rgyun chags pa ro/ /bcom ldan 'das zhes bya ba ni 'di la skal ba yod pas na bcom ldan 'das te/ nyon mongs pa'i gzhan gyi dbang du ma gyur pa'i phyir rang dbang nyid dang/ ye shes kyi mes legs par yongs su sbyangs pa'i phyir shin tu sbyangs pa nyid dang/ skyes bu chen po'i mtshan sum cu rtsa gnyis dang ldan pa'i phyir gzugs bzang ba nyid dang/ yon tan thams cad phun sum tshogs pa'i phyir grags pa dang/ 'gro ba thams cad kyi gtso bo yin pa'i phyir dpal dang/ sems can la phan 'dogs pa'i 'phrin las nyams pa mi mnga' ba'i phyir bdag nyid chen po tshogs pa ste/ de dag 'di la mnga' bas na bcom ldan 'das so// ci'i phyir zhe na/ skal pa zhes bya ba ni yon tan drug po ji skad bshad pa rnams kyis rnam grangs kyi tshig yin pa'i phyir ro/ /smras pa/ rang dbang shin tu sbyangs pa dang/ /gzugs bzang ba dang grags pa dang/ /dpal dang bdag nyid che tshogs pa/ /drug la skal ba zhes bshad do/ /mngon par rdzogs par sangs rgyas nas ring bo ma lon te zhes bya ba ni mngon par rdzogs par sangs rgyas nas/ yun ring po ma lon zhes bya ba'i tha tshig go /'di nyid bye brag tu dbye ba'i phyir zhag bdun pa gnyis pa'i tshe zhes bya ba gsungs te/ zhag bdun pa gnyis pa srid pa ni gdul ba'i dbang du rdzu 'phrul gyis byin gyis brlabs pa'i phyir ro/ /de lta ma yin na ni rgya cher rol pa'i mdo chen po las/ bcom ldan 'das zhag bdun pa dang po'i tshe ni byang chub kyi snyings po la bzhugs bzhin du dga' ba'i zas bkod pa zhes bya ba'i ting nge 'dzin gyis gnas so/ /gnyis pa'i cha ni spyan gnyis mi 'dzums par byang chub kyi shing la gzigs so/ /gsum pa'i tshe ni stong gsum gyi stong chen po'i 'jig rten gyi khams nas zug ste/ 'chag pa rgyad ring du bcags so/ /bzhi pa'i
- 6b
chen shar gyi rgya mtsho dang/ nub kyi rgya mtsho nas zug ste/ 'chag pa rgyang thung ngur bcags so/ /lnga ba'i tshe ni btang zung gi gnas na bzhugs so/ /drug pa'i tshe ni ri rdzi shing n+ya gro d+hu'i nang na bzhugs so/ /bdun pa'i tshe ni shing rgyal po'i zas zhes bya ba'i drung na bzhugs so/ /zhes 'byung ba gang yin pa dang/ 'dul ba 'dzin pa kha cig bcom ldan 'das dang po mngon par rdzogs par sangs rgyas nas zhag bzhi bcu rtsa dgu'i bar du byang chub kyi snying po dang nye ba na bzhug so/ /zhes 'dod pa gang yin pa 'di gnyis go dang yang 'gal bar 'gyur ro/ /gdul ba'i bye brag gis ni de dag gnyi ga na yang snang bas mi 'gal te/ de ltar na zhag bdun pa gnyis pa srid do/ /'di dag la 'dod pa na spyod pa'i las deg? pa'i rab kyi phul du phyin pa thob pas sprul pa'i bde ba la yang byed pa yod pas gzhan 'phrul dbang byed rnams so/ lha de rnams kyi nang na zhes bya ba ni dga' ba dang gsal bar byed pas lha rnams te/ /dga' ba dang yid bde ba mang ba'i phyir dga' bar byed la 'od dang ldan pa'i phyir gsol bar byed do/ /lha de dag rdzu 'phrul dang ldan pa'i phyir mi rnams kyis bstod pa byed pa yin no/ /bzhugs te zhes bya ba ni bzhugs shing bzhugs pa'o/ /dbang sgyur zhes bya ba ni 'dod pa na spyod pa'i lha thams cad dang bde ba'i longs spyod rnams la dbang sgyur bas na dbang bsgyur te/ /de yi'o/ /lha rnams kyi 'am lha rnams nang na rgyal po yin pas lha'i rgyal po ste rje po yin no/ /de gzhal? med khang zhes bya ba ni de la lha rnams kyi dngos po sna tshogs dang/ mdzes? par byed pa dag gcod par byed pas na gzhal med khang ste ngo bo sna tshogs su shes zhes bya ba'i tha tshig go/ nor bu rin po che'i snying po can gyi khang bzang de na zhes bya ba ni 'di ni snying por nor bu rin po che dag yod pas nor bu rin po che'i snying po can te/ /'di ni nor bu rin po che dag yod ces bya ba'i tha tshig go/ yang na gzhal med khang de'i nang dang/ gces dgu nor bu rin po che dag las byas pa'i phyir ro/ /khang bzang
- 7a
bzang de na zhes bya ba ni de mthong bas lha rnams dag par 'gyur bas khang bzang ngo/ /yongs su dga' bar 'gyur zhes bya ba'i tha tshig go/ khang bzang de na'o/ /dang por zhes bya ba ni gnas de na dang bor zhes bya ba'i tha tshig go/ de lta ma yin na rol pa bsgrags pa'i ting nge 'dzin las de bzhin gshegs pa dang po mngon par rdzogs par sangs rgyas nas byang chub kyi snying po mchog dam pa la bzhugs shing skyil mo dkrung ma bshag par phyogs bcu'i 'jig rten gyi khams nas 'dus pa'i byang chub sems dpa' rnams dang/ gnas gtsang ma'i lha'i bu rnams kyis gsol ba btab te/ rol pa bsgrags pa'i ting nge 'dzin bshad nas nang du yang dag 'jog gces su 'dzin pa rnams gdul ba'i don du nang du yang dag gzhag pa'i phyir/ dbang po'i brag phug tu gshegs so zhes 'byung ba gang yin pa de dang 'gal bar 'gyur ro/ /gnas kyi sgo nas ni dang po nyid la 'gal ba med do/ /rgya cher rol pa'i gzhung yang rdzu 'phrul gyis byin gyis brlabs kyis gnyi gar snang bas mi 'gal te/ 'di ni dang por zhes bya ba 'di'i lan yang yin no/ /yul de ni zhes bya ba la sogs pa ni lha'i gnas yin pa'i phyir dang/ dbang sgyur gyi khang pa yin pa'i phyir dang/ khang bzang yin pa'i phyir mchog nyid do/ /de'i 'bras bu 'dir mngon par grub pa'i phyir zhes bya ba ni/ rgyu dang rgyu can gnyis yul so so ma yin par bstan pa'i phyir te/ sbya? bon dang smyu? gu bzhin no/ /de la mdo 'di myan pa la sogs pa'i rim gyis 'bras bu sangs rgyas nyid gang yin pa de rdo rje'i gdan du thob pa mthong ba'i phyir ro/ /rten cing 'brel par 'byung ba'i gnas pas gnas pa'i phyir ro zhes bya ba rgya cher rol pa'i mdo las bcom ldan 'das zhag bdun pa dang po'i cho/ byang chub kyi snying po la bzhugs bzhin
- 7b
du dga' ba'i zas bkod pa'i ting nge 'dzin gyi gnas so zhes 'byung ba'i mdo dang ji ltar mi 'gal zhe na/ 'gal ba med de/ rten cing 'brel par 'byung bas gnas pa ni dga' zas bkod pa'i ting nge 'dzin gyi rnam grangs yin pa'i phyir ro/ /yang na rnam grangs nyid ma yin yang gdul ba'i bye brag gis rdzu 'phrul gyis de ltar snang ba la nyes pa med do/ /der kun dga' bas na chos nyid kun dga' yin te/ shing a mra'i kun dga' ra ba bzhin no/ /dgyes zhes bya ba ni 'dir zag pa med pa'i dgyes pa ste/ rnam par grol ba'i dga' ba dang bde ba yang dag bar bstar ba'o/ /sems can gyi don du mngon par rdzogs par sangs rgyas kyang de bzhag ste de gnas so zhes de'i che ba nyid brjod pa yin no/ /byang chub sems dpa' i tshogs chen po zhes bya ba ni grangs mang ba dang/ yon tan che ba'i phyir chen po ste dang ngo/ /byang chub ces bya ba nyon mongs pa dang shes bya'i sgrib pa bag chags dang bcas par spangs pa dang/ de spangs pas ye shes rnam par dag pa dang/ thogs pa med pa ste/ spangs pa dang/ ye shes 'di na byang chub ces bya'o/ /de la mos pa dang zhugs pa'i sems dpa' ni byang chub sems dpa' o/ /de dag gi tshogs ni dge 'dun te/ de na byang chub sems pa'i tshogs de dang thabs gcig ces bya ba'i tha tshig go/ de dag smos pa ni theg pa chen po bstan pa de dag gi cheng yin pa'i phyir dang/ de'i tshe 'di na nyan thos rnams mi srid pa'i phyir dang/ sems can gyi don la mngon par mi brtson pas 'jig rten gyi khams gzhan dag nas kyang ma 'ongs pa'i phyir ro/ /den? byang chub sems dpa' gang dag lha'i bu'i gzungs su 'dug pa de dag kyang/ byang chub sems dpa' smos pa kho nas bsdus so/ /gzhan dag kyang yod mod kyi/ gtso bo ma yin pa'i phyir ma smos so/ /sangs rgyas kyi zhing nas 'dus pa zhes bya ba ni sangs
- 8a
rgyas kyi zhing nas yang dag par lhags zhes bya ba'i tha tshig go/ gang gi tshe sangs rgyas kyi zhing de dag na yang sangs rgyas bcom ldan 'das ye shes thogs pa mi mnga' ba thugs rje chen po can sems can thams cad la phan pa dang brtson pa dag chos ston pa mdzad na ci'i phyir de dag bor nas chos mnyan pa'i phyir sangs rgyas kyi zhing 'dir 'ang zhe na/ smras pa sems can sngon smin par byas pa 'dir skyes pa chos nyan par 'os pa rnams gdul ba'i phyir dang/ 'di na 'khor ba gus ba dang mi ldan pa rnams gang 'jig rten gyi khams gzhan dag nas kyang chos nyan pa'i phyir 'dir 'ong na/ ci'i phyir bdag cag 'di na 'khor pa rnams kyis chos mnyan pa'i phyir gus par mi 'dod zhes gus pa bskyed pa'i phyir ro/ /byang chub sems dpa' rdo rje'i snying po la sogs pa zhes bya ba ni da gtso bo yin zhes bya ba'i tha tshig go/ de dag gang zhe na/ 'di lta ste zhes bya ba la sogs pa gsungs te/ rdo rje'i snying po ni chos kyi rnam grangs 'chad pa'i phyir gtso bo nyid yin no/ /ci'i phyir byang chub sems dpa' bshad ce na/ spro ba bskyed pa'i phyir ta byang chub sems dpa' rnams kyang/ sangs rgyas kyi byin gyis brlabs kyis chos nyid zab mo 'di 'chad do snyam du skal pa mnyam pa'i sgrub pas gnas skabs de 'thob par sgro ba skad par byed pa 'am/ bdag cag ni sangs rgyas rnams kyis kyang sangs rgyas kyi 'phrin las su bskos so snyam du sems dpa' o/ /nyon mongs pa thams cad kyis mi choms? pa dang/ 'joms par byed pa nyid kyi phyir zhes bya ba ni chos kyi rnam grangs ni nyon mongs pa thams cad kyis mi tshoms pa dang/ de dag 'joms par byed bas na de skad ces bya'o/ /gzhan dag kyang de lta bu yin mod kyi de dag kyang 'di kho na'i nang du 'dus bas ni 'di 'ba' zhig brjod de/ nang du 'dus par ni yi ge phye ma'i dpes kyang 'chad do/ /snying po rdo rje dang 'dra bas zhes bya ba ni dge ba'i rtsal?
- 8b
rnams ni snying po'i sgar brjod do/ /de dag kyang 'di thos pa las nges par skyes pa kho na yin te/ de'i phyir 'di'i snying po dge ba'i rtsa ba rnams rdo rje dang 'dra bas shes tshig rnam par sbyar ba yin no/ /de las gzhan pa'i skye ba'i rgyus mi shigs pa'i phyir ro/ zhes bya ba ni ngan song du nges pa'i las dag gis mi shigs pa'i phyir zhes bya ba'i tha tshig ste/ ming 'di ni chos nyid kyi rab tu phye ba yin gyis 'dod rgyal ba ma yin no zhes bshad pa yin no/ /gzhan dag kyang de lta bu yin mod kyi 'on kyang thun mong ma yin pa brjod par 'dod dang de 'di kho na rnam par gnas te/ dper na 'gro ba na ba lang nga'o zhes bya ba lta bu'o/ /de nas yang zhes bya ba la de nas zhes bya ba'i tshig gi phreng 'di ni bkra shis pa la sogs pa'i don la 'byung ste/ re zhig bkra shes pa la 'byung ba ni de nas rigs pa'i lam dang mthun pa la 'jug par bya'o/ /zhes bya ba lta bu'o/ /de dri ba la ni khyod kyis byas sam 'on te byang chub ces bya ba lta bu'o/ /skabs la ni da ni sgra rjes su bstan pa zhes bya ba lta bu'o/ /mjug thogs la ni khrus byas te de nas bza' o zhes bya ba lta bu'o/ /dam 'cha' ba la ni khyod nga'i slob ma yin nam zhes dris na lags so zhes khas 'tsho ba lta bu'o/ /bsdu ba la ni sangs rgyas dang chos dang dge 'dun zhes bya ba lta bu'o/ /'dir na mjug thags ba lta bar bya ste/ byang chub sems dpa' rdo rje'i snying po sangs rgyas kyi zhing sna tshogs nas 'dus pa'i byang chub sems dpa' rnams dang/ lhan cig tu 'dir lhags te/ de nas mjug thugs su ting nge 'dzin la snyoms par zhugs so zhes bya ba yin no// 'di zhes bya ba dang/ yang zhes bya ba dang nyid ces bya ba 'di dag ni tshig kha bskang ba'i phrad du byas pa ste/ dper na gang zhig thams cad mkhyen par bzang pa 'di spyod do zhes bya ba dang/ gang tshul khrims bsrung ba de yang mkhas pa'i zhes bya ba 009a
- 9a
dang/ de nyid ni thams cad du mchod do zhes bya ba lta bu'o/ /'di yang tshig gi kha bskang ba kho na la blta bar bya ste/ don gzhan med pa'i phyir ro/ /de'i tshe zhes bya ba ni dus de na zhes bya ba'i tha tshig go /sangs rgyas kyi mthus zhes bya ba ni sangs rgyas kyi byin gyis brlabs kyis zhes bya ba'i tha tshig go/ theg pa chen po rab tu snang ba zhes bya ba ni theg ba chen pos rab tu snang bas na theg pa chen po rab tu snang ba ste/ theg pa chen po la brten nas mchog dang/ bsngags bar snang zhes bya ba'i tha tshig gam/ yang na 'dis theg pa chen po rab tu snang ba'i phyir te/ 'dis thog pa chen po mchog dang bsngags bar snang zhes bya ba'i tha tshig go zhes bya ba 'di ni smad pa la sogs pa la 'byung ste/ re zhig smad pa la ni blun po yang smra 'am zhes bya ba lta bu'o/ /dri ba la ni de su yin zhes bya ba lta bu'o/ /mi shi ba la ni 'chi bar 'gyur ro zhes bya ba lta bu'o/ /mi bzod pa la ni ngal sdo 'am zhes bya ba lta bu'o/ /ming la ni nag pa zhes bya ba 'am zhes bya ba lta bu'o/ /grangs la ni stong zhes bya ba 'am zhes bya ba lta bu'o/ /mi rtag pa ston pa la ni du'o zhes bya ba lta bu'o/ /'dir ni ming la blta bar bya ste/ theg pa chen po snang ba zhes bya ba yin no/ /ting nge 'dzin ni mnyam par 'jog pa ste/ dmigs pa la sems byin cim log pa'i rim gyis 'dzin to zhes bya ba'i tha tshig go/ byang chub sems dpa' rnams kyi ting nge 'dzin de la snyoms par zhugs zin ces bya ba'i don te phyin ci ma log pa'i rim gyis ting nge 'dzin gyi rjes su song zhes bshad pa yin no/ /rtog gi'i spyod yul ma yin pa nyid du bstan pa'i phyir zhes bya ba ji ltar zhe na/ snyoms bar 'jug pa'i byin gyis brlabs kyi mthus chos kyi rnam grangs 'di bshad pas de'i phyir 'di ni de'i yul ma yin no zhes bya ba ste/ 'di ltar nyan thos rnams kyang dbang po'i yul ma yin pa'i dngos po zhig shes par 'dod na de smon nas snyoms par zhugs pa dang/ smon
- 9b
pa'i shes pas de bzhin du shes na 'di lta smos kyang ci dgos zhes snyoms bar 'jug pa bstan to/ /de bzhin gshegs pa sangs rgyas kyi zhing phrag bcu'i rdul phra rab kyi rdul snyed dag gis zhal bstan te zhes bya ba ni phyogs bcu'i sangs rgyas kyi zhing bye ba phrag bcu'i rdul phra rab kyi rdul dang grangs mnyam pa'i 'jig rten gyi khams kyi pha rol nas de dang grangs mnyam pa'i de bzhin gshegs pa rnams kyis zhal bstan to zhes bya ba'i tha tshig go/ sangs rgyas kyi smon lam gyi phyir zhes bya ba ni de byin gyis brlabs pa'i phyir byin gyis brlabs kyi sngon rol du shAkya thub ba rnam par snang mdzad kyis mtshan 'di zhes bya ba sha stag gis byin gyis rlob par gyur cig ces smon lam btab ste/ thugs bskyed pa gang yin pa'i thugs mngon bar 'du byed pa de'i phyir zhes bya ba'i tha tshig go /sangs rgyas mang ba nyid du bstan pa'i phyir zhes bya ba ni gang na re zhig mtshan mthun pa kho na yang 'di ltar tshad med na mtshan gzhan du gsol ba shin tu tshad med par lta ji ste mi 'gyur snyam pa'o/ /sangs rgyas mang ba nyid du bstan pa'i dgos pa yang snang ste de la brten nas byang chub sems dpa' rnams byang chub kyi tshogs tshad med pa yongs su skor bas sangs rgyas nyid du nye bar 'gyur ro/ /ji lta zhe na/ sangs rgyas bcom ldan 'das gang dag 'jig rten gyi khams gzhan na bzhugs pa de dag kyang grangs dang yon tan gyis tshad med pa yin pas gnyi ga ltar tshad med pa de dag la byang chub sems dpa' gang dag phyag byed pa de dag bsod nams nye bar sogs pa tshad med pa kho na dang ldan bar 'gyur ro/ /de bzhin du gal te res 'ga' zhig bag med pa byed na/ de'i 'og tu de dag rjes su dran par byas shing de dag nyid mngon sum du gyur pa dang 'dra bar byas nas gus par phyir 'chags par byed cing phyis sdom pa byed na/ /des na shes rab dang thugs brtse ba nyid kyis tshad med pa
- 10a
la de ltar byas pas bsod nams tshad med pa nye bar sogs par 'gyur ro/ /sangs rgyas bcom ldan 'das tshad med pa sku dang shes rab dang chad med thugs brtse ba nam mkha' dang mnyam ba de dag gi sku dang shes rab dang/ thugs brtse ba sems can thams cad kyi rjes su song ba'i phyir dang/ sems can gyi khams kyang nam mkha' dang mnyam pa nyid kyis tshad med ba'i phyir/ bsod nams thams cad kyi rjes su yi rang bar byed de/ des na yang bsod nams tshad med pa nyi bar sogs par 'gyur ro/ /de'i phyir sangs rgyas gang dag dang po mngon par rdzogs par sangs rgyas ba de dag ji srid du chos gyi 'khor lo bskor bar ma bskul ba de srid du chos kyi 'khor lo mi skor te/ des kyang bsod nams dpag tu med pa nye bar sogs par 'gyur ro/ /de'i phyir gang dag mya ngan las 'da' bar bzhed pa de dag sems can la phan par bya ba'i don du bzhugs par gsol ba 'debs te/ 'di las kyang bsod nams dpag tu med pa nye bar sogs par 'gyur ro/ /de ltar tshad med pa rnam pa lngas nye bar sogs pa'i bsod nams sems can tshad med pa dag la yongs su bsngo bar byed de des kyang tshad med par 'gyur ro/ /de yang de dag gis tshad med pa'i yon tan thob par bya ba 'di lta ste sangs rgyas nyid thob par bya ba'i phyir yongs su bsngo bar byed de/ de las kyang bsod nams tshad med par 'gyur ro/ /de ltar na 'jig rten gyi khams gzhan gyi sangs rgyas rnams la brten nas byang chub sems dpa' rnams rnam ba bdun gyis byang chub kyi tshogs tshad med pa yongs su skor bar 'gyur la/ des kyang de dag sangs rgyas nyid du nye bar 'gyur ba yin te/ de'i phyir sangs rgyas nyid du nye bar 'gyur ba dgos par 'thad do/ /de dag dang mtshan 'thun pa'i phyir dga' ba'i khyad par du 'gyur ro zhes
- 10b
bya ba ni bdag dang mtshan mthun pa'i sangs rgyas bcom ldan 'das rnams kyang bzhugs pa lta zhes 'jig rten gyi tha snyad kyi rjes su 'brang bas yang dag par dga' bar 'gyur ro/ /yang sangs rgyas mang po nyid du bstan ba ni 'di ltar khong du chung bar bya ste/ mtshan mthun pa kho na yang mang rab na mtshan tha dad pa lta smos kyang ci dgos zhes bstan bas nyan pa po rnams chos dang chos smra ba la phus pa bskyed ba'i phyir te/ de yang la la dus gcig du sangs rgyas mang po mi 'byung ngo snyam du sems pa dgag pa'i phyir dang/ de ltar sangs rgyas bcom ldan 'das mdza' med par bzhugs na/ bdag kyang ci'i phyir mi 'gyur zhes brtson 'grus mchog la spro ba bsyed ba'i phyir ro/ /ci'i phyir sangs rgyas kyi zhing bye ba phrag bcur nges she na/ grangs de yod pa'i phyir dang/ sa bcu'i skabs yin ba'i phyir ro/ /ci'i phyir 'jig rten gyi khams sangs rgyas kyi zhing bye ba phrag bcu'i rdul phra rab kyi rdul dang mnyam pa'i pha rol na zhugs pa rnams kyis byin gyis brlabs la tshun chad na bzhugs pa rnams kyis ni ma yin zhe na/ de dag dang 'di spyod ba mthun ba'i phyir te/ de yang byang chub sems dpa' de dag gi mtshan rdo rje'i snying po zhes bya ba nyid kyis shes par bya'o/ /legs legs so zhes bya ba la legs so zhes bya ba'i sgra ni bsngags pa dang bskul bdag la 'byung ste/ re zhig bsags pa la ni ston pa legs zhes bya ba lta bu'o/ /bsdul ba la ni rtses nas ring zhig lon gyis 'don pa gyis shig ces bya ba lta bu'o// 'dir ni bsngags ba kho na la blta bar bya'o/ /yang legs so zhes smos pa na khyad bar du bsbags? pa'i phyir ro/ /rigs kyi bu zhes bya ba ni sangs rgyas kyi rigs la rigs bzang po rnams kyi nang du bur gtogs pa'i phyir rigs kyi bu'o//
- 11a
bcom ldan 'das rnam par snang mdzad 'di nyid kyi sngon gyi smon lam dang byin gyis brlabs kyis zhes bya ba ni/ bcom ldan 'das shAkya thub pa rnam par snang mdzad ces bya ba yi'o/ /ci'i phyir mtshan 'di skod ces bya zhi// smras pa/ gdul bar bya ba rnams la dam pa'i chos sna tshogs snang bar mdzad pas rnam par snang bar mdzad pa'o/ de nyid rnam par snang mdzad de dka' thub can bzhin no/ /rnam pa gcig tun sna tshogs su snang ba dang/ dgyes par byed pas rnam bar snang ba'o/ /yon tan rnam pa mang po snang ba dang/ mkhas pa rnams kyis mngon du dgyes par byed ces bya ba'i tha tshig ste/ de nyid rnam par snang mdzad do/ /rnam pa gcig tu na/ rnam par snang byed ni nyi ma ste/ skar ma dang zla ba la sogs pa zil gyis mnan khyad par du snang ba'i phyir ro/ /rnam par snang mdzad 'di ni de'i? yin te/ de'i rgyud las skyes zhes bya ba'i tha tshig go /de skad du/ dad pa phye blang skyed byed 'od zer stong/ /dri sha ka pi 'od phreng nyi ma gsal/ /nor can gso byed de bzhin sku dang ldan/ /rnam snang ba shes gnyen gzer tsha mun pa sel zhes 'byung ngo/ /bcom ldan 'das kyis sngon zhes bya ba'i don ni 'di yin te/ bcom ldan 'das shAkya thub pas byin gyis brlabs kyi sngon rol tu byang chub sems dpa' la mtshan 'di zhes bya ba sha stag gis byin gyis rlob par gyur cig ces byin gyis rlob pa po de dag gis byin gyis brlab bar smon lam btab cing don du gnyer ba yin te/ smon lam ni byin gyis brlabs kyis yul cing kho na rim no/ /sha kya thub bas de ltar smon lam btab nas rang gis kyang byin gyis brlabs pa dang/ de nas gzhan dag gis kyang byin gyis brlabs te/ de ltar na shAkya thub pa la sogs bas byin gyis brlabs so/ /'di ni sngon gyis smon lam dang/ sngon gyi smon lam can gyi byin gyis brlabs kyis zhes bya
- 11b
ba'i don to/ /sngon gyi sgra gcig lus par byas pa'i phyir ro/ /ci'i phyir chos kyi rnam grangs 'di bshad pa'i byin gyis brlabs she na/ 'di ltar 'di ni dang por spyad pa yin pa dang/ sangs rgyas kyi chos rnams yang dag bar 'grub pa yin ba'i phyir ro/ /ci'i phyir na byin gyis brlab ba zhes bya ba la ci'i phyir bya ba gang dag gi don kyi phyir ro/ /bshad par zhes bya ba ni bshad pa'i phyir ro/ /byin gyis rlob pa'i dgos ba ni shes te khrod du chung ngan shad pa de nyid gang gi don tu snyam nas ci'i phyir na byin gyis brlabs zhes bshad pa'i dgos pa 'dri'o/ /ji ltar byin gyis brlabs pa ni rnam pa gang gis so/ /dgos pa smras pa/ rang gi don dang gzhan gyi don zhes bya ba'o/ /ji ltar zhes bya ba ni gsung dang thugs dang skus zhes 'chad par 'gyur ro/ /mos pas spyod pa'i sa la gnas pa ni gang dag sar ma chud pa ste so so'i skye bo rnams so sogs pa'i sgras ni sar chung pa rnams bsdu ste dang po ba rnams kyis ni chos kyi rnam grangs? 'di mnyan pa la sogs ba'i rim gyis rang gi don 'grub bar rig par bya'o/ /gzhan dag gis ni chos kyi rnam phrangs 'di'i don dang yi ge rnams yang dag par rtogs nas 'di rab tu bsnyed pa la sogs pa gzhan gyi don 'grub par khong du chud par bya'o/ /'di gnyi ga yang rdo rje'i snying pos byin gyis brlabs dang gdod 'grub bo/ /gzhan la byin gyis rlob pa'i gtan tshigs ni bshad zin to/ /'di ni chos nyid 'di ltar mtshan de ma yin pa de dang 'dra ba rnams kyis kyang mi ston to/ /kha cig na re thams cad zhes bya ba'i sgra kho nas thams cad bsdus nad la byang chub sems dpa' thams cad ni bos par skyod pa'i ka la sogs pa la gnas pa'o zhes bya ba'i 'grel bas ci zhig bya/ de lta bas na sogs ba zhes bya ba'i sgra ni mi 'don pa nyid do/ /ma bton pa dang thams cad ces bya ba'i
- 12a
sgra ma lus pa bsdu bar go bar 'gyur du 'od zhes bya ba yin pas 'grel pa don ldan no/ /byang chub sems dpa' sa thob ba rnams kyi ni 'khor de na 'khod pa'am gzhan dag kyang rung ste/ 'di bstan ba'i rgyus ji skad bshad pa lta bu'i gzhan gyi don 'grub pa med de/ 'di bstan pa med bar yang de srid pa'i phyir la bcu tshan gnyis ba la yang mes bas spyod pa'i gnas skabs brjod pa'i phyir ro zhes zer ro/ /gzhan dag na re ni sogs pa'i sgral yang nyes ba med ngo/ /ji lta zhe na/ thams cad kyi bye brag du ma phye ba kho nar bcu tshan gnyis dang sbyar ba'i phyir te/ mos pas spyod pa la gnas ba gang gi rang gi don 'grub pa'i gnas skabs gang yin pa de nyid du bstan la/ sa dang po la gnas pa yis ni 'og ma ste sa bcu pa la gnas pa sangs rgyas kyi mthar thug par byed pa'i 'jug pa'i bar du yang de dang 'dra bas de ltar na rang gi don gyi skabs kyis bcu tshan dang po thams cad kyi yin pa nyid do/ /de dag gis rang gis rang gi don de lta bu khong du chud nas gzhan dag la yang don de lta bu kho na sgrub par byed pas na gzhan gyi don gyi skabs kyis ni bcu tshan gnyis pa dang/ yang don tha dad pa ma yin pa nyid do/ /'grel pa ni thams cad la bya ba nyid kyi 'khor de na 'khod pa 'ba' ? zhig ni ma yin no zhes bstan pa'i phyir ro/ /de ba? kha cig sogs ba zhes bya ba'i sgra 'don ba dmigs nas byang chub sems dpa' rnams de ltar tshogs gnyis su rnam par phye nas rang gi don dang gzhan gyi don bcu tshan gnyis su rnam par 'chad do/ /de ni mi 'thad de 'di ltar bcu tshan dang po la yang sangs rgyas kyi mthar thug par byed pa'i 'jug ba'i bar sa bcu smos la de dag kyang mos pas spyod ba'i gnas skabs ba rnams la mi rung ngo/ /ji ster?
- 12b
zhig par gsungs ba ma yin ba te 'on kyang de bstan pa'i rgyas 'byung ba gang yin ba de dag de la skye bar 'gyur ba yin no zhes zer na gal te de lta de dag ni bcu tshan gnyis pa la yang rung ba nyid do/ /de lta bas na bye brag du mo phye bar sbyar ba nyid bzang ste/ de dag gis bdag nyid kyis rtogs nas gzhan dag la 'khor du chud par byed pas de ni de bzhin du rig par bya'o/ /de lta ma yin na rnam par bcad pa med pa'i phyir slob dpon gyi 'grel pa chen po mi dgos par 'gyur ro zhes/ zer ro/ /da ni bcu tshan dang po'i tshig rnams ba dbye ba'i skabs dbye ste/ de la brtag par bya ba ma yin pa'i phyir dang/ nyan thos la sogs pa'i yul ma yin pa'i phyir sangs rgyas kyi chos bsam gyis mi khyab pa rnams ni zag ba med pa'i byang chub kyi phyogs pa'i rang bzhin dag yin no/ /snang ba ni 'jig rten las 'das pa'i lam gyis mngon sum du byed pa ste 'di skad du zag pa med pa'i byang chub kyi phyogs pa de dag nyid kyi rang rig bas nyams su myong ba ni/ snang ba yin no/ zhes bshad pa yin/ /de nyid kyi phyir de dag rtogs pa ste/ 'thob pa dang mngon sum du byed ba'o zhes bshad do/ /de brjod pa ni zhes bya ba de gang zhe na/ bstan pa yin bar ston to/ /ji lta zhe na snang ba de 'dis rjod par byed/ /gsal bar byed pa'i phyir te/ de yang bstan par bdag nyid kyis rnams po/ /de dag gis snang ba zhes bya ba gzhir gyur bai ye shes yongs su dag par 'gyur te/ gser gyi sa le sbrum gyi dbas ston par 'gyur ro/ /de dag la 'jug pa ni dad ba dang mos pa dang rab tu dad pa thob pa gang yin pa'o zhes bya ba la dad pa ni mos pas spyad pa'i sa la gnas pas de dag thos nas 'di dag ni 'di lta bu yin no zhes yid ches pa dang bdag gis 'di dag nam zhig na thob par 'gyur snyam du 'dod pa'i mtshan nyid gang
- 13a
yin pa'o/ /mos pa ni de dag la gtan la phab ste nges par 'dzin pa'i mtshan nyid gang yin pa'o/ /rab tu dang ba ni de gnyis sngon du 'gro ba can gang yin ba ste / thob ba'o/ /'jug pa zhes spyir bshad pa kho na yin pas 'dir ni 'jug pa'i thabs dang 'jug pa dang mthar thug pa gang yin pa 'di thams cad 'jug pa zhes bshad do/ /ci'i phyir zhe na/ mos pas spyod ba dang mthong ba'i lam dang/ bsgom ba'i lam gyi rgyu'i dngos por rnam par gnas pa'i phyir de dag yod na de rnams yod ba'i phyir ro/ /'di ltar de dag ni thos pa las byung ba la sogs pas bsdus pa yin la/ sa de dag la dad pa dang mos pa dang/ rab tu dang ba med na re zhig de ston par byed pa'i dge ba'i bshes gnyen tshol ba la sogs pas de dag dang don dang/ tshig gi sgo nas nyan par yang mi 'jug ba bsam pa dang sgom pa ltag la 'jug /'di nyid thams cad kyi rten te/ rtsa bar gyur ba yin pas na rtsa ba'i 'jug pa'o/ /de la gzhan de dag kyang gang zhe na/ bsdus pa'i 'jug pa la sogs pa sangs rgyas kyi mthar thug par byed pa la 'jug pa la thug pa rnams so/ /'di dag kyang mdo las/ dge ba'i rtsa ba thams cad yang dag par bsdu ba'i phyir zhes bya ba la sogs ba tshig dgus ji skad bshad pa de bzhin du rnam par dbye ba'i phyir thob pa 'dzin pa zhes bya la sogs ba smras so/ /bcu tshan gyi tshig dang po ni sngar rnam par phye zin pa nyid do/ /de la thos par bya ba yin bas na/ thos ba ste chos kyi rnam grangs 'di nyid do/ /de 'dzin bas grangs nas der gtogs pa'i dge ba'i rtsa ba thams cad yang dag bar bsdus par 'gyur bas sdud pa ni thos pa las byung ba'i shes rab ste/ 'dis sdud pa'i phyir ro/ /de nyid 'jug ba yin te rim gyis sa la 'jug ba'i thabs yin ba'i phyir ro/ /de yang mdo las/ dge ba'i rtsa ba thams cad yang dag par sdu ba'i phyir zhes rang gi tshig kho nas
- 13b
bstan pa yin no/ /'di ltar des de lter dge ba'i bshed gnyen las pa rnams kyi ming tsam thos nas dad pa dang mos pa dang rab tu dang bskyes/ rtsa ba'i 'jug pa la gnas pa ni de dag tshigs re re nas nyan par byed bas de'i phyir thos ba las byung ba'i shes ba ni bsdus pa'i 'jug ba zhes bshad do/ /des de ltar de dag thos nas de dag gis brjod par bya ba'i phyir byang chub kyi phyogs dang mthun ba la sogs pa phyin ci ma log par rigs pas /rnam par 'byed par byed la/ rnam bar 'byed pa ni de dag la mkhas ba skye bas bsam pa las byung ba'i shes pa ni don rtogs par byed pa'i 'jug pa zhes bya ste 'dis don mtshon par byed pa'i phyir ro/ /de yang mdo las sangs rgyas kyi chos thams cad rab tu dbye ba la mkhas bar bya ba'i phyir zhes bstan pa yin te/ bsams pa las byung ba'i shes pa ni sa rnams kyis brjod bar bya ba byang chub kyi phyogs pa'i chos rnams rab tu rnam par dbye ba la mkhas pa'i bdag nyid yin pa'i phyir ro/ /de de ltar don de dag rnam bar 'byed bar byed pa na don de dag rnam grangs brjod pa du mas gzhan dag la ston bar byed pa'i rnam grangs de dag rang gi mtshan nyid 'dzin pa'i don gyis chos kyi sgrar bstan ba rnams rtogs par byed/ rab tu shes bar byed pas bsams pa las byung ba'i shes pa de yid shin tu mchog tu gyur pa ni/ chos rtogs bar byed ba'i 'jug pa yin te 'dis chos kyi rnam grangs dag rtogs bar byed pa'i phyir ro/ /de yang mdo las/ chos la ye shes shin tu rgyas par bya ba'i phyir zhes bstan pa yin no/ /chos la ye shes ni chos rnams shes ba ste / de rgyas bar bya ba ji lta bu zhe na/ rnam grangs rgya che shing du ma yod pa'i/ chos kyi yul can nyid de rgya rab bgyed pa'i phyir ro/ /des de ltar bsams pa las byung ba'i shes bas chos kyi rnam
- 14a
grangs 'di'i don rnam pa du ma dang/ de rjod par byed pa'i rnam grangs rnams khong du chud nas sems can rnams la de gnyi ga phun sum tshogs par ston bas yongs su smin par byed pa'i phyir bsam pa las byung ba'i shes pa de nyid/ shin tu mchog tu gyur pa ni/ sems can yongs su smin par byed pa'i 'jug pa'o/ /de yang mdo las/ legs par gnas pa'i chos bstan par bya ba'i phyir zhes bstan pa yin te/ 'dis shin tu legs bar gnas pa'i chos tshig 'bru dang don/ phun sum tshogs pas ston par byed pa'i phyir ro/ /des de ltar sngar dang pa dang mos pa dang/ rab tu dang bskyes nas/ de'i 'og tu thos pa dang bsams pa las byung ba gnyis kyis don rtogs pa dang/ rnam grangs du ma rig ba don bzang po dang/ tshig bzang pos sems can rnams yongs su smin par byed pa na/ mthong ba'i lam la 'jug bas na mthong ba'i lam mngon par rtogs pa ni 'thob par byed pa'i 'jug pa'o/ /bshad pa las chos thams cad mnyam pa nyid du / shes pa yongs su sbyod ba zhes 'byung ba ji lta bu zhe na/ 'di'i lugs ltar na bdag med pa'i rnam pa kho nas mthong bas/ spang bar bya ba rnams kyang spong bas bdag med pa nyid chos/ thams cad mnyam pa nyid yin te ro gcig pa nyid gyis tha dad pa ma yin pa'i phyir ro// /de yang mdo las / ye shes tha mi dad pa rnam par byang bar byang bar bya ba'i phyir zhes bya bas bstan to/ /ye shes tha mi dad pa gang yin pa de'i rnam par byang ba ni rnam par dag pa ste / mthong bas spang bar bya ba'i dri ma dang brel pa'i phyir ro/ /ye shes tha mi la dang yul tha dad pa ma yin pa'i sgo/
- 14b
nas yin gyi ye shes mang po rnams tha mi dad cing gcig tu 'gyur pa ni ma yin no/ /yul tha dad pa ma yin pa ni stong pa nyid gang yin pa ste/ der chos thams cad mtshan nyid gcig ba'i phyir ro/ /de nyid bshad pa las mnyam ba nyid du shes pa yongs su sbyod bas shes rnam grangs gzhan gyi mnyam pa nyid du bstan to/ /rang gi don kyi bcu tshan rnam par dbye bar sems can yongs su smin bar byed pa zhes bya ba skabs ma yin ba'i gtan tshigs ni bshad pa nyid las bstan pas ma bshad do/ /sngar bstan to zhes bya ba ni rtogs pa'i sngon rol du zhes bya bar rig par bya'o/ /des de star mthong bas spang bar bya ba spangs nas/ bsgom pa'i lam la rnyed pa dang ma rnyed pa'i mtshan nyid kun nas nyon mongs bar byed pa'i chos thams cad kyis mi mthos ma dmas pa nyid du dge ba'i chos rnams sgom bar byed pa na bag yod par gnas pas de'i 'og tu bag yod pa'i 'jug pa ste/ de yang mdo las/ 'jig rten gyi chos thams cad kyis mi gos bar bya ba'i phyir zhes bstan pa yin no/ /bsgom pas spang bar bya ba'i nyon mongs pa 'dod chags dang khong khro ba dang/ nga rgyal dang ma rig pa dag yod dang/ rnyed pa la ni chags shing des gyang mthos bar 'gyur la/ ma rnyed na ni gnod phar 'gyur/ ro/ /ma rig pa ni sngon du 'gro ba yin pas 'jig rten gyi chos dag gis gos par 'gyur ro/ /de spangs ba'i phyir mi gos te rtogs par sla'o/ /de dag rnam ba thams cad du spangs par ni khong du chud par mi bya ste/ rnam bar mnan pas rang gi mthu'i spungs byed mi nus pa yin no/ /rim gyis yongs su sbyong? ba'i phyir sa dang po kho nar rnam pa thams cad du ma lus bar spong bar ni mi 'dod de/ sa bcu la rnam pa thams cad du yongs su dag ba yin no/ /de sgom pa'i lam
- 15a
la zhugs pa dang 'jig rten las 'das pa zag pa med pa'i byang chub kyi phyogs pa sum cu rtsa bdun gang yin pa de dag nyid la ma chags pa la sogs pa dge ba'i rtsa ba dag yin te/ de dag yongs su sbyangs ba'i 'og tu sa nas sar 'phar bar 'gyur bas sar 'bar ba'i 'jug pa brjod do/ /'di ltar de dag nyid gnas skabs snga ma dag bas gnas skabs phyi ma thob ste khyad par can du gyur nas gong ma zhes bya'o/ /yang de dag nyid kyis dge ba'i rtsa ba zhes bya ba la yang zhes bya ba ni yang na zhes bya ba'i tha tshig ste/ rnam bar bshad pa gzhan ston bar byed ba'o/ /snga ni bye brag tu ma phye bar byang chub kyi phyogs pa nyid ma chags pa la sogs pa dge ba'i rtsa ba yin no zhes gzhi mthun par bsdus pa yin no/ /da ni de dag gi rgyur gyur pa'i dge ba'i rtsa ba gang dag yin pa zhes bsdu ba bstan te/ 'di skad du ma chags pa la sogs pa dge ba'i rtsa ba sngar skyes pa rnams yongs su sbyangs na byang chub kyi phyogs pa phyi ma mchog tu gyur pa 'dren pas sa snga ma las phyi mar 'phar bar 'gyur ro zhes bshad pa yin no/ /de yang mdo las/ 'jig rten las 'das pa'i dge ba'i rtsa ba yongs su dag par bya ba'i phyir zhes bstan pa yin no/ /spyir bstan bas 'jig rten las 'das pa nyid dge ba'i rtsa bdag yin nam/ de dag gi dge ba'i rtsa ba ste rgyur gyur pa yin pas shes tshig rnam par sbyar ba tha dad par smos so/ /de ltar bsgom pa'i gnas skabs mchog thob pa de bzhin gshegs ba thams cad kyi gsang ba la sogs pa shes par byed nus pas byang chub sems dpa' i mthar phyin par byed pa'i 'jug ba brjod do/ /de bzhin gshegs pa thams cad kyi gsad pa la sogs pa shes pa zhes bya ba la gsang ba ni sku dang gsung dang thugs kyi
- 15b
gsang ba'o/ /sogs pa'i sgras ni sa bcu pa las phra ba la 'jug pa'i ye shes dang/ bskal pa la 'jug pa'i ye shes dang/ 'jug pa'i ye shes rgyas par bshad pa gang yin pa de bsdu bya byi ste/ 'dis der de dag rnam pa thams cad du rab tu shes pas na byang chub sems dpa' i mthar phyin par byed pa'i 'jug pa zhes bya'o/ /de yang mdo las/ ye shes bsam gyis mi khyab ba'i yul khong du chud par bya ba'i phyir zhes bstan pa yin no/ /ji lta zhe na gsang ba la sogs pa de de dag nyid nyan thos dang rang sangs rgyas rnams dang/ byang chub sems dpa' phal dag gis bsam par mi nus pas na bsam gyis mi khyab pa ste/ de'i yul can yin pas ye shes bsam gyis mi khyab pa'o/ /de'i yul zhes bya ba de nyid la bya'o/ /de khong du chud pa ni mngon du bya ba ste de'i phyir ro/ /khong du chud par bya ba khong du chud pa'i byang chub sems dpa' nges shes bya thams cad la sgrib pa me ba sgrib pa spangs pa'i shes bas chags pa med pa dang thogs pa med par shes pas na sangs rgyas kyi mthar thug par byed pa'i 'jug par rjod de/ de yang mdo las/ thams cad mkhyen pa'i ye shes kyi yul gyi bar du khong du chud bar bya ba'i phyir zhes bstan pa yin no/ /thams cad mkhyen pa'i ye shes kyi yul ni chos kyi dbyings te de yang bshad pa las shes bya thams cad ces bya ba'i sgras bstan to/ /chos kyi dbyings ni ma gtags par/ /'di ltar chos yod ma yin te zhes bya ba de'i sgo nas chos thams cad yongs su shes pa'i phyir ro/ /'jug pa 'di rnams ni zhes bya ba la sogs pa ni ming gzhan brjod pas bye brag khyad par shes par byed pa'o/ /de lta ma yin te/ don la khyad par med na ming tha dad par yang mi 'gyur ba nyid do//
- 16a
dang bo ni ming gzhan la smos ba'i phyir dang/ gzhan dag gi yang rgyu'i dngos po yin pa'i phyir shugs kyis na spyir ming rtsa ba'i 'jug pa zhes bshad do/ /dngos po nye bar 'god pa ni ma gtogs te/ zhes bya ba ri gang du 'am mdo gzhan las phung po la sogs pa'i dngos po tsam nye bar 'god pa gang yin pa de ma gtogs so zhes bya ba'i ba tshig go/ yang nas bcu ba 'di nyid las smon lam chen po dag gi nang na smon lam bzhi pa bstan ba lta bu ste/ yan lag dang nye ba'i yan lag la sogs pa'i mtshan nyid bshad pa'i rigs pa'i thabs kyi dngos po nye bar bkod cing smos pa'i phyir ro/ /'du ba ni sdud ba ste gos ba lta ba pa lta bu 'am/ 'jig sten gyi khams 'jig pa ltar bsdus pa'o/ /'jig pa'i sgo nas 'byung mod kyi bsdus pa las mi 'da' o/ /ji ltar na gsum par 'don pa rnams kyi de nyid kyi phyir yin zhe na/ rgyu nyid du brjod pa'i phyir yin te gsum ba yang rgyu ni de nyid kyi phyir las mi 'da' o/ /de nyid kyi phyir gsum pa yang de nyid kyi phyir yin zhes bshad do/ /de la rtsom pa ni zhes bya ba la sogs pa la des sa 'di dag gi ming thos nas bdag gis 'di dag nam zhig thob bar 'gyur zhes dad pa dang 'dun par byed do/ /de gnyis kyis bskul ba na de dag skul bar byed pa'i dge ba'i bshes gnyen rnams kyi zad? du nye bar 'gro'o/ /sogs pa'i sgras ni bsnyen bkur byed ba dang/ bshad pa don du gnyer ba zhes bya ba la sogs pa bsdu'o/ /'di nyid tshol ba yin te/ ji srid ma thos kyi bar du'o/ /'thob ba ni 'di dag thos nas don dang tshig gi sgo nas 'dzin pa'o/ /'dir ni rnam grangs dang pa nyid ces bya ba ni rtsom zhing 'thob ba dag gi mjug thogs su gtogs pa rnam par 'jog ba'i phyir bshad
- 16b
pa gnyis pa mi 'thad do zhes ston par byed do/ /'di ni rang gis rtogs nas sems can rnams la de bzhin byed pas sems can rnams kyis rtsom zhing thob par bya ba'i phyir zhes rig par bya ste/ de ltar bcu tshan 'di gzhan gyi don gyi dbang du byas par rung ngo/ /tshig dang po ni rtsom zhing 'thob pa'i rtsa bas bshad zin to/ /rtsom zhing 'thob pa gzhan bcu chog? gzhan bcus ji skad du bshad pa de bzhin du rnam par dbye bar bya ste/ ji ltar thos pa zhes bya ba la sogs pa la ji lta ba bzhin du phyin ci ma log par thos par bya ba yin pa'i phyir thos pa ni chos kyi rnam grangs 'di nyid yin te/ de yang byang chub sems dpa' i sa bcu po bstan pa'i chos kyi ngo bo nyid 'di dag nyid yin no/ /de'i don ni ye shes kyi bdag nyid dag kho na yin no/ /de legs bar 'dzin pa ni yang dag par 'dzin pa'o/ /de nyid khyad par du bkod pa yin pas rnam par bkod pa ste/ bsams pa las byung ba'i shes pa mchog gis gtan la phab pa yin no/ /de ltar bdag nyid kyis bzung nas 'dzin du? 'jug pas shes par bya ba ni gdul ba rnams la ston bas shes bya ba yin pas yang dag par 'dzin pa rtsom zhing 'thob pa'o/ /'di yang mdo las/ byang chub sems dpa' i sa ji lta ba bzhin du rnam par bkod pa la mkhas par bya ba'i phyir zhes bya ba 'dis bstan te/ ji skad du bstan pa de bzhin bshad pa'i chog gi don rnam par dbye ba nyid kyis bshad do/ /des de ltar sa 'di dag bzung ste/ don dang tshig gri sgro nas rab tu bstan nas ye shes kyi bdag nyid 'di dag kho na mngon sum du bye bas thob par 'dun ba dang/ 'dod pa skyed pa'i phyir 'dun pa rtsom zhing 'thob pa ste/ 'di yang mdo las/ sangs rgyas kyi chos thams cad la lhag par dmigs par bya ba'i phyir zhes bstan ba yin no/ /ji ltar zhe na/ sangs rgyas kyi chos thams cad de zag pa med pa'i sa thams cad
- 17a
la lhag par dmigs pa ni mngon par 'dod pa ste/ lhag pa'i bsam pas dmigs pa'i phyir ro/ /bshad pa'i don ni de de ltar 'dun pa drag po skyes nas/ zag pa med pa'i chos byang chub kyi phyogs pa gang dag yin pa de dag gi bye brag snang ba thob pa la sogs pa mdo sde'i rgyan las bshad pa des bsgom pa'o/ /de nyid rnam pa yin te/ des rtogs pa'i phyir ro zhes bya ba yin no/ /de'i tshe de dag rnam pa des sgom pa byed kyi/ snga ma bzhin du sems pa tsam gyis ma yin pa'i phyir mnyam par bzhag pa'i gnas skabs ston par byed pas sbyor ba rtsom zhing 'thob pa yin te/ gnas skabs de ni rtogs pa'i 'phen par byed pa yin pas sbyor ba'o/ /'di yang mdo las/ brag pa med pa'i chos bye brag gis bsgom par bya ba'i phyir bstan pa yin te/ zag pa med pa'i chos rnams bsams pa las byung ba las khyad par du 'phags pa mnyam par bzhag pa'i shes pa bye brag gis bsgom pa'i phyir ro/ /rtogs par byed pa rtsom zhing 'thob pa ni rnam par bye zin pa nyid du zad do/ /shes rab chen po yang yin zhes bya ba la sogs pa rnam grangs bstan pas/ mdo las yon tan brjod par byed de/ mthong ba'i lam 'di nyid dngos po'i mdza' shes pa yin pa'i phyir/ /don dam pa pa'i byang chub kyi sems bskyed pa yin te/ 'di yod na dri ma gnyis dang 'bral bar 'gyur gyi/ nyan thos la sogs pa yi ni don chen po ma yin pa nyid do zhes gdul ba rnams theg pa chen po la spro ba skyed pa'i ched yin par rig par bya'o/ /des de ltar rtogs nas bsgom pa'i lam la gnas pa ni/ dag pa 'jig rten pa'i ye shes kyi sa bcu la sogs pa chos kyi rnam grangs rnams kyi don du brjod par bya ba byang chub kyi phyogs pa la sogs pa gang dag yin pa de dag rtogs par byed rab tu shes par byed pas na bsgom pa'i lam rtsom zhing 'thob pa zhes bya'o/ /ji ltar de dag rtoD
- 17b
par byed ce na de des rang gis rtogs pa yongs su gcod pa na/ de dag kyang des rtogs te/ de dag 'jig rten las 'das pa'i ye shes kyi khongs su gtogs pa'i phyir ro/ /rnam pa gcig tu na de'i bya ba rang gis rtogs pa yongs su gcod pa 'da' shig tu ma zad pas/ de'i phyir de dag kyang rab tu shes so/ /'di yang mdo las/ shin tu brtags pa'i ye shes kyi sgo la 'jug par bya ba'i phyir/ zhes bstan pa yin no/ /ji ltar zhe na/ shin tu brtags pa'i ye shes ni/ rjes la thob pa kho na yin te/ de ni zag pa med pa'i stobs kyis skyes pa'i phyir/ zag pa dang bcas pa yin yang de skad ces bya'o/ /de sgo rnams la 'jug pa ni rtogs pa'o/ /sgo ni 'dir chos kyi rnam grangs kyi don yin te/ de'i sgo nas de dag la 'jug pa'i phyir/ /res 'ga' don yang sgra yongs su shes par bya ba la sgo zhes bya'o/ /rang gi phyogs kyi khyad par ci rigs par yongs su bstan pa la zhes bya ba la sogs pa la ci rigs su zhes bya ba 'di'i bshad pa ni ci rigs par zhes bya ba yin te/ luD gzhan gyi rjes su 'brang bas gang la gang riD bar zhes bya ba'i tha tshig go/ gnas gzhan zhes bya ba 'di'i bshad pa ni rang gi phyogs kyi khyad par zhes bya ba yin no/ /rang gi phyogs nyid de las gzhan pa la bltos na khyad par can yin la/ de nyid gnas gzhan yang yin te/ pha rol smra ba'i phyogs gzhan la bltos na gzhan yin pa'i phyir ro/ /rab tu brjod pa zhes bya ba 'di'i rnam par 'brel ba ni yongs su bstan pa zhes bya ba yin te/ rab tu brjod pa ni rab tu bstan pa'o/ /de nyid yongs su bstan pa yin te 'thad pa sgrub pa'i rigs pas rang gi phyogs bsgrub par bya ba sgrub pa zhes bya ba'i tha tshig go /de la bag che ba med pa ni yi 'jigs pa dang ldan pa'i phyir yul yul par gyur pa'o/ /mi shes pas yul yul por gyur por gyur pa dang 'dra bas na bag tsha ba zhes bya ba'o/ /spobs pa zhes bya ba'i sgra lan 'debs ba'i spobs pa zhes bya bas rnam par
- 18a
'grel te/ la na ni tshig lan no/ /de gdab par nus pa ni spobs pa'o/ /gzhan gyi phyogs sun dbyung ba'i phyir lan 'debs nus pa ni dri ma med pa'o/ des sun dbyung ba'i rnam pa thams cad rab tu gsal bar byed pa nyid de/ de lta bur mun pa med pa ni snang ba yin pas pas kyi rgol ba tshar gcod nus pa rtsom zhing 'thob pa zhes bya'o/ /'di yang mdo las/ gnas gzhan ci rigs su rab tu brjod pa la bag? 'tshums pa med pa'i spobs pas snang bar bya ba'i phyir zhes bstan pa yin no/ /ji lta zhe na/ gnas gzhan ci rigs su rab tu bstan par bya la bag tsha ba med pa'i phyir te/ spobs pas snang bar bya ba gang yin pa de'i phyir ro/ /so so yang dag par rig pa chen po'i sa ni spyod yul dang yul lo/ /de shes pas mngon sum du byed pa ni khong du chud pa dang dpyod pa'o/ /de dang ldan pas gzhan dag gis dra ba rnam pa du ma smras pa rnams kyi lan 'debs par nus pas de'i 'og tu dris pa lan 'debs nus pa rtsom zhing 'thob pa zhes bya'o/ /'di yang mdo las/ so so yang dag par rig ba chen po'i sa shin tu rtogs par bya ba'i phyir zhes bstan pa yin no/ /ji lta zhe na go rim bzhin du so so yang dag par rig pa chen po chos dang don dang nges pa'i tshig dang spobs pa so so yang dag par rig pa rnams kyi sa ming dang don dang tshig dang/ shes pa la sogs pa'i mtshan nyid shin tu rtogs par bya ba'i phyir te/ rab tu rnam par dbye ba'i phyir ro/ /byang chub sems dpa' ni byang chub kyi sems yin pas byang chub don du gnyer ba ste/ byang chub tu smon lam btab pa zhes bya ba'i sgras ston par byed do/ /des na dran ba mi 'rjed? pas chu mi gson pa yin no/ /de yang byang chub dran pa chud mi gson pa yod na yod pas/ pa la las bar de byang chub ces bya ba'i sgra 'byung ngo/ /la la las ni byang chub kyi sems zhes bya ba'i sgra kho na zhig 'byung ste/ de'i tshe ni byang chub tu smon lam btab la nyid
- 18b
byang chub kyi sems yin no zhes bstan pa'i ched yin pas khong du chud par bya'o/ /des na 'di theg pa dman pa la dga' ba skyed par mi byed ps/ de'i nyes pa'i gnyen por theg pa dman par 'gro ba'i gnyen por rtsom zhing 'thob pa zhes bya'o 'di yang mdo las/ byang chub kyi sems kyis dran pa brjed pa med par bya ba'i phyir zhes bstan pa yin no/ /sems can gyi don bya ba la la lo byed pa'i gnyen po rtsom zhing 'thob pa ni rtogs par sla'o/ /thams cad du zhes bya ba'i 'gal? pa ni rig pa'i gnas lnga dag tu zhes bya ba yin no// zhugs pa ni rnam par zhugs pa ste/ gtan la 'babs pa gang yin pa'o/ /de thob pa ni rtog pa ste ldan pa yin no/ /des na 'di sems can gyi don gyi thabs su rig pa'i gnas de dag la mkhas shing sems can bag la nyal tha dad ba rnams yongS su smin par byed nus pas thabs mi shes pa'i gnyen po rtsom zhing 'thob pa zhes bya ste/ 'di yang mdo las thams cad du zhugs ba'i rnam par gtan la 'bebs pa thob par bya ba'i phyir zhes bstan pa yin no/ /rig pa'i gnas lnga ni/ sgra dang gtan tshigs de bzhin bzo/ /gsob dang ni de bzhin du/ /nang ni so sor brtag bya ba/ /shes pa mkhas pas rig par 'dod/ /de ltar na gzhan gyi don las brtsams nas bcu tshan gnyis pa yin no/ /don du brjod par bya ba byang chub kyi phyogs pa la sogs ba chos kyi sgo mo rnams ni 'phags pa dkon mchog brtsigs pa la sogs pa'i tshig gi bdag nyid kyi chos kyi rnam grangs rnams te/ de dag gis don gyi rjes su 'jug pa'i phyir ro/ /de dag gis rab tu dbye ba ni mang po nyid do/ /sgo rab tu dbye ba de la'o/ /ji ltar na 'dis mkhas par 'gyur zhe na/ thams cad 'di'i nang du 'dus pa'i phyir te/ 'di dang 'dir don daM pa pa'i byang chub kyi sems nas bzung ste/ zag pa med pa'i ye shes kyi rgyun gang? thes? na byang chub sems dpa' rnams dang/ de bzhin
- 19a
gshegs pa rnams rab tu phye ba rgyu dang 'bras bur bcas pa'i ngo bo gang yin pa de gnas skabs yon? gong ma thob pa la rnam par phyes nas sa bcu nyid du brjod do/ /mdo thams cad las ni 'bras bus gnas skabs sam rgyu'i gnas skabs shig 'byung la/ 'di las ni gnyis ka 'byung bas de'i phyir 'dis thams cad la mkhas par 'gyur bar rig par bya'o/ /gzhan dag na re dang bo nyid du bshad pa'i phyir ro zhes zer ro/ /spobs pa gyis shig ces bya ba 'dis ni spobs pa spyir gsungs te/ de nyid rang gi mthu dang gzhan gyi mthu'i spobs pa zhes rnam par bye nas brjod do/ /de ltar na spobs pa'i rtsa ba ni yan lag kyang yin la/ cig shos ni de'i dbye ba yin pa'i phyir nye ba'i yan lag yin te/ 'dir nye ba'i yan lag gi rang gi mthu'i spobs pa yin no/ yan lag tu 'gyur ba gang yin pa de ni dbye ba'i ngo bo/ /spobs pa gzhan rnam pa bzhi'i rten yin pa'i phyir ro/ /de la gzhan gyi mthu byin gyi brlabs kyis 'chad par nus te/ de nyid sangs rgyas kyi mthus zhes bya bas bstan to/ /sangs rgyas kyi mthu de ni mdo nyid las de bzhin gshegs pa'i ye shes snang ba'i byin gyis rlabs zhes tshig gzhan gyis rnam par bya ba mdzad pa yin te/ de bzhin gshegs pa'i byin gyis brlabs kyis/ rdo rje'i snying po snang zhing mun pa med pa dang/ rab tu mngon zhing don thams cad gsal bar gyur nas ji ltar bstan par bya ba'i don byang chub kyi phyogs pa la sogs pa sangs rgyas bzhin du phyin ci ma log par ston pa de ltar byin gyis brlabs pa'i phyir ro/ /'dus byas ni zag pa med pa'i byang chub kyi phyogs pa la sogs pa'o/ /de nyid ma chags pa la sogs pa'i rang bzhin yin pa'i phyir dge ba'i rtsa ba'i chos zhes bya ste/ rdo rje'i snying po'i rgyud du gtogs pa de dag yongs su dag cing rnam par byang bas spobs pas na/ de skad ces bya'o/ /de la sangs rgyas kyi byin gyis brlabs su gzhan yi mthu'i
- 19b
spobs pa kho na brjod par rung ste/ 'dus byas kyi chos de dag spobs pa 'byin nus pa yang/ de bzhin gshegs pa nyid kyis gsung gis rdo rje'i snying po la bskul ba dang/ rtas shing kha 'byed la rgyas par 'gyur mod kyi/ 'on kyang rang gi rgyud du gtogs pa rnamS kyi mthu rtas pas der spobs pa skye ba'i phyir rang gi mthu'i spobs pa zhes bya'o/ /gzhan yang yod dgu de bzhin gshegs pa'i byin gyis rlabs 'ba' zhig 'chad ba ni ma yin gyi/ 'di'i rang gi nus pa'i mthu yang 'di 'dra'o zhes bstan pa'i phyir ro/ /'di yang mdo las/ rang gi dge ba'i rtsa ba yongs su dag pa'i phyir zhes bstan pa yin no/ /'dus ma byas gyi chos ni de bzhin nyid dang/ chos kyi dbyings so/ /de yongs su dag pa ni rnam par byang ba ste/ de'i stobs kyi spobs pa gang yin pa de 'dus ma byas kyi chos yongs su dag par spobs pa zhes bya'o/ /de yang mdo las chos kyi dbyings yongs su sbyangs pa'i phyir zhes rnam grangs gzhan gyis bstan to/ /sems can yongs su smin par byed pa'i phan 'dogs pa de'i rgyu las byung yongs su dag pa ste/ des spobs pa'o/ de yang mdo las sems can gyi khams la phan 'dogs pa'i phyir zhes rang gi tshig gis bstan to/ /chos kyi sgra ni chos kyi dbyings te/ sems dang yid dang rnam par shes ba spangs zhes bya ba ni de bye brag tu byed pa yin no/ /de la kun gzhis rnam par shes pa ni kun nas nyon mongs pa'i chos thams cad kyi bag chags sa bon rnams kyis bsags shing bsgos pa yin pa'i phyir sems zhes bya'o/ /nyon mongs pa can gyi yid ni rtag tu bdag tu rmongs pa la sogs pa nyon mongs pa bzhis rlom pa'i bdag nyid yin pa'i phyir yid yin no/ /mig la sogs pa'i rnam par rig pa ni gzugs la sogs pa gsal bar snang ba yin pa'i phyir rnam par drug par yang rnam par shes pa yin te/ de dag spangs pa'o/ /ji ltar zhe na/ bshad pa rdo rje'i snying po las mthar phyin pa rnam pa 'di gsum car? yod de//
- 20a
mthar phyin pa ni byang chub sems dpa' i mchog nyid yin no/ /de la sa bcu pa la de'i de bzhin nyid yongs su gyur pa na/ de'i tshe zhes pa de dag sems zhes bya ba la sogs pa'i sgra 'jug pa'i rgyu mtshan med? pa'i phyir de dag tu mi brjod kyi/ 'on kyang me long lta bu'i ye shes zhes bya ba la sogs pa'i sgrar brjod do/ /de nyid kyi phyir sems dang yid dang rnam par shes pa spangs pa zhes bshad do/ /ye shes 'ba' zhig gi gnas zhes bya ba ji lta bu zhe na/ 'dzin pa gnyis kyi dri ma dang bral ba'i phyir ye shes dag pa 'ba' zhig gi gnas yin pas so/ /'di go chos nyid ma yin nam/ 'di ltar 'di dag gi gnas yin zhes na/ de dag des rab tu phye ba'i phyir te/ 'di ltar gzhan nas dang po ni gnyis kyi gnas yin no zhes de bzhin nyid yongs su dag pa'i mtshan nyid 'di long spyod rdzogs pa dang/ sprul pa gnyis kyi gnas yin par bshad do/ /de nyid kyi phyir zag pa med pa'i chos rnams kyi rgyu yin pas chos kyi dbyings zhes bya'o/ /byang chub sems dpa' i mthar phyin pa 'di yang mdo las chos kyi sku ye shes kyi sku'i phyir zhes gsungs pa yin no/ /'di ni chos kyi sku yang yin la ye shes kyi sku yang yin pas shes tshig rnam par sbyar te/ sku ni gnas kho na yin no/ /yang na ye shes rnams nyid sku'i gnas yin te/ de ni chos nyid kyi ngo bo yin pa'i phyir bas ye shes 'ba' zhig gi gnas zhes bya ba 'dir yang me long lta bu la soD pa'i 'ba' zhig rten yin pas ye shes de skad tshig rnam par sbyar ro/ /mthar phyin gnyis la ni zhes bya ba la sogs pa la/ de bzod kho na dbang phyug chen po'i gnas su skye zhes bshad pa ma yin nam/ de ni 'og min gyi gnas su skye ba yin bas/ de yang mdo las/ 'jig rten thams cad las mngon par 'phags pa'i lus 'byung ba'i phyir zhes bstan pa yin na/ ji ltar de'i lus 'khor pa 'jig rten thams cad las khyad par du 'phags pa dpag tshad
- 20b
kyi drug stong gi tshed? du 'byung ba rnyed pa dang/ de bzhin du sems can gyi don la 'gro ba gzhan du yang skye ba nyid ni/ ji ltar 'gro ba lnga las yang dag par 'ba' ba zhes bya zhes na/ dbang thob pas nyon mongs pa'i gzhan yi dbang gis de dag tu mi skye ba'i phyir ro/ /nyan thos rnams ni gtan du? skye ste/ de'i phyir yang dag par 'das pa ni thun mongs pa'i mthar phyin ba zhes bya'o/ /de yang mdo las 'jig rten gyi 'gro ba thams cad las yang dag par 'das pa'i phyir zhes rang gi tshig gis bstan to/ /mya ngan las 'das pa'i lam yongs su dag pa ni mdo las 'jig rten la 'das pa'i chos kyi 'gro ba yongs su dag par bya ba'i phyir zhes gsungs pa yin te/ 'jig rten las 'das pa'i chos kyi 'gro ba yongs su dag ba zhes bya bar bsdu'o/ /de la mya ngan las 'das pa ni don dam pa'i chos yin pa'i phyir chos so/ /de thob par byed pa'i lam ni 'gro ba yin te de nas der 'gro ba'i phyir 'gro ba ni lam yin no/ /'jig rten pa yang yod de/ des kyang 'bral ba 'thob pa'i phyir 'jig rten las 'das pa zhes bya ba'i sgras khyad par du byas so/ /thugs kyis byin gyis brlabs pa ji lta bu zhe na zhes bya ba la sogs pa la/ lus de yang phung po lnga pa yin pas/ de'i phyir de dag zil gyis mi non pa nyid du rnam par phye nas rjod do/ /bla na med pa'i dpal gyi gzi brjid dang ldan zhes bya ba la/ gzi brjid ni gzi byin te gzugs mjes? pa'i khyad par ro/ /de yang sman bcud kyis len la sogs pas rkyang 'gyur bas de'i phyir bla na med pa'i dpal gyis zhes smos pas khyad par du byas te/ dpal gyis mdzes pa dang ldan no zhes bya ba'i tha tshig go /de yang dpes ston par byed de de ni mdog mdzes pa dang ldan pa'i phyir rgyal ba'i 'khor rnams zil gyis mnan nas 'dug go /bstan bcos kyi don rnam bar gtan la dbab? par bya ba la/ mi shes pa dang ldan pa dang 'jig par 'gyur bas gzugs dang ming gi bye brag gyis so zhes bya ba smos te/ ming ni gzugs can pa yin pa'i phung po rnams so/ /de lta bas na 'di ni gzugs kyi sku la
- 21a
mdzes pa dang ldan pa'i phyir dang/ tshor ba la sogs pa mi shes pa dang bral ba'i phyir phung po lnga po thams cad zil gyis mi non par bstan te/ /de yang rnam pa dgu ste zhes bya ba la /zil gyis mi non pa'i lus rnam pa'i nyis su phyir gang yin pa de la dang po ni yan lag kho na yin no/ /gnyis pa tshor ba la sogs pa mdzes par bshad pa ni de'i nye ba'i yan lag yin te tshig dgus bshad do/ /gzugs kyi sku mdzes pa ni tshig gzhan gyi rnam par phye ba'i yan lag kho nar gnas te/ thams cad du yang yan lag dang nye ba'i yan lag bshad pa'i sgo nas sbyar bar bya'o/ /de la rgyun chags su thogs pa med pa zhes bya ba ni bstan pa dang bshad pa dag gis so/ /rigs pa rnam pa bzhi shes pa shin tu rnam par byang bar byas shin tu rnam par dag par byas pas te/ rigs pa rnam pa bzhi ni bltos pa dang ni chos nyid dang/ /rgyu dang 'bras bu nyid dang ni/ /'thad pas sgrub pa gang yin pa/ /'di dag rigs pa bzhi yin no/ /de la dang po ni chos thams cad rgyu la bltos pa yin pas/ thams cad 'bras bu'i don du byung/ /de phyir rtag pa yod ma yin/ zhes bya ba ste chos thams cad ni mi rtag pa'i phyir la/ mi rtag pa yang rgyu la bltos pa yin no/ /rgyu dang 'bras bu'i rigs pa ni/ 'bras bu pyad par can skye bar nges pa ste/ de yang mig kho na mig gi rnam par shes pa skyed kyi gzhan ni ma yin no zhes bya ba lta bu'o/ /snga ma ni 'bras bu'i bdag nyid rnams kyi rigs pa yin la 'di ni rgyu'i bdag nyid rnams kyi yin pas khyad par yod do/ /'thad pa sgrub pa'i rigs pa ni mtshan nyid gsum ba'i gtan tshigs kyis bsgrub par bya ba'i don sgrub pa'o/ /'di ni shes par byed pa'i yul can yin pa/ dang po gnyis ni skyed pa'i yul can yin no/ /chos nyid kyi rigs pa ni rang dang spyi'i mtshan nyid du gnas pa'i chos rnams kyi rang bzhin dang
- 21b
yin pa ste/ mi kho na tsha la chu kho na gsher gyi gzhan ni ma yin no zhes bya ba lta bu gang yin pa'o/ /de dag shes pa ste mthar phyin pa des so/ /gang gi gang rigs zhes bya ba ni thams cad kyis thams cad rtogs pa ma yin pa'o/ /ma rig pa zhes bya ba ni/ 'di ltar sangs rgyas kyi chos bsam gyis mi khyab pa dag la 'thad pa sgrub pa'i rigs pa'i go skabs med pa lta bu ste/ de dpe ni rtog ge'i yul ma yin pa'i phyir sangs rgyas kyi chos dag la 'thad pas sgrub pa'i rigs pa'i go skabs med do/ /de khong du chud pa'i phyir zhes bya ba ni/ da rtogs pa'i phyir te de lta bas na rigs pa bzhis/ chos thams cad klan ka dang lan du bcas pa'i sgo nas gdul ba rnams la ston bar nus pa'i phyir rigs pa'i spobs pa zhes bya'o/ /de yang mdo las shin tu rnam par spyangs pa'i ye shes kyi rnam par bye ba la 'jug pa zhes bya ba 'dis bstan to/ /ji ltar zhe na/ shin tu rnam par sbyangs pa ni shin tu rnam par byang bar byas pa'i ye shes ni rigs pa rnam pa bzhi shes pa kho na yin no/ /rnam par bye ba ni bye brag tu bya ba ste/ de yang bshad pa laS gang gis gang rigs pa zhes bstan pa yin no/ /'dis chos rnams la 'jug pas na 'jug pa ni khong du chud pa kho na yin te/ de yang de khong du chud pa'i phyir zhes bstan pa yin no/ /go rim la mi bltos par zhes bya ba'i dper na phung po la sogs pa bstan pa'i skabs lta bu dag la ni gzugs kyi phung po rnam par dbye ba'i 'og tu/ tshor pa'i phung po rnam par dbye ba yin no snyam nas go rim gyi stobs kyis de'i bltos nas ston nus pa nyid pas go rim la mi bltos par zhes bya ba la sogs pa smos so// de la ma bltas kyang g.yengs pa med pa'i phyir ston nus pa nyid pas gtam gyi bar du bcad kyang zhes bya ba smos te/ gdul ba bsam pa sna tshogs rnams kyis dris te/ g.yengs pa'i rgyu yod du zin kyang thang chad pa med par ji ltar 'dod pa ji ltar bsamS
- 22a
pa bzhin du de dang de gang yang rung ba nas bstan par bya ba'i tshig 'bru rnams dang rnam grangs rnams dang don rnam pa du ma lag mthil du bzhag pa bzhin du rjes su dran rab tu shes pas na grol ba'i spobs pa yin no/ /de yang mdo las/ dran pa brjed pa med pa'i byin gyis brlabs zhes bstan pa yin te/ tshig 'bru dang don thams cad dran pa nyams pa ni brjed pa med pa'o/ /de'i byin gyis brlabs shes bya ba ni gong gis de la byin gyis rlob pa ste/ brjed pa med pa'i rgyu'i spob pa nye bar sgrub pas na grol ba'i spobs pa zhes bshad kyi rka bsam yin pa'i byin gyis brlabs ma yin no zhes bstan pa'i phyir ro/ /gdul bar bya ba ji lta ba bzhin du zhes bya ba ni gang zhig rnam pa gang gis gdul bar bya ba de bzhin du rnam grangs skad du mas brjod pa'i rnam pa dag dang nges? ste rtogs par bya ba'i thabs dpe sna tshogs kyis sems can rnams kyi the tshom yid gnyis gcod par byed sel bar byed cing yang dag par nges pa bskyed pas na go bar byed pa'i spobs pa zhes bya'o/ /'di yang mdo las/ shin tu rnam par nges pa'i blo gros la mkhas pa zhes bstan pa yin no/ /ji lta zhe na/ mi mthun pa'i phyogs rnam par bcad pas gdul ba rnams kyi shin tu rnam par des ba'i blo gros blo gang yin pa de bskyed pa la mkhas pa ste de dag nye bar sgrub par mdzad do zhes 'byung ba'i phyir de skyed par nus pa yin no/ /spyi'i mtshan nyid gsum ni zag pa dang bcas pa thams cad sdug bsngal ba nyid dang/ 'dus byas thams cad mi rtag pa nyid dang/ chos thams cad bdag med pa nyid de/ de'i rnam par shes pa rgyun mi 'chad par yang dang yang du mngon du byed pa kun tu spyod pas so/ /mthun pa rnams la ni rdzes su chags pas ji lta ba bzhin ston par byed mi mthun pa rnams la ni gzhan du ston par byed pa med pas na kun nas nyon mongs pa can ma yin pa'i spobs
- 22b
pa zhes bya'o/ /mdo las ni thams cad kyi rjes su song pa'i blo mi 'dor ba zhes gsungs pa yin te/ ji lta zhe na/ chos thams cad kyi rjes su mtshan nyid gsum gyi rnam pas song zhing zhugs pa'i blo gros gang yin pa de mi 'dor yongs su mi 'dor ba yin no/ /mtshan nyid rnams gsuM ni kun brtag pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid do/ /spyi'i mtshan nyid ni 'dus byas dang/ zag pa dang bcas pa dang/ chos kyi rjes su 'jug pa'i phyir mi rtag pa dang/ sdug bsngal ba dang/ bdag med pa dang stong pa yin te/ 'dus byas thams cad ni mi rtag pa nyid do/ /zag pa dang bcas pa thams cad ni sdug bsngal ba nyid do/ /chos thams cad ni stong pa dang bdag med pa dag yin par yang dang yang mngon sum du byed pa kho na'o/ /gdams ngag ni lung 'bog pa'o/ /de yang rnam pa du ma yod pas nges par 'byin pa'i zhes bya ba smos te/ dgos pa nges par 'byung ba can yin no/ /nges par 'byung pa ni 'dir sangs rgyas su nges par 'byung ba yin par rig par bya'o/ /ci'i phyir zhe na de las gzhan ba'i gdams ngag sbyin pa'i mthu ni 'di la yod nyid pas nye bar sgrub pa mdzad ci dgos/ de sbyin nus pa ni der spobs pa nyid do/ /de ji lta bu zhe na/ stobs bcu po thogs pa med pas zhes bya ba smos te/ de yang bcom ldan 'das kyis stobs bcu po byin gyis brlabs pas de dag sangs rgyas kyi mthus yin pa'i phyir/ sangs rgyas dang ldan pa dag yin no/ /de dag gis sam de dag la thogs pa med thags thogs med pas gdul ba rnams kyi nyon mongs pa drungs nas 'byin par byed pa'i phyir nges par 'byin pa'i gdams ngag gi spobs pa yin te/ mdo las yang dag par rdzogs pa'i sangs rgyas kyi stobs rdzib? med pa nyid ces gsungs pa nyid do/ /ji ltar zhe na/ bcom ldan 'das kyis nye bar sgrub pa mdzad pa yi bdag par rdzogs pa'i sang rgyas kyi stobs dag gis rdo rje'i snying po rdzi pa med pa'i mthu rnyed pas sangs rgyas kho na
- 23a
bzhin du thogs pa med pa'i phyir te/ de yang thar pa pa'i lam gyis lung phogs pas gdul ba rnams kyi nyon mongs pa gcod pa las khong du chud par bya'o/ /de lta na mi 'jigs pa la sogs pas zhum pa med cing mi 'gong pa nyid yin te/ mi shes pa'i phyir pas kyi rgol ba dang ye bar gnas na 'gong bar 'gyur gyi/ mi 'jigs pa nye bar sgrub pa mdzad pas na bag tsha ba med par ston par byed do/ /de yang mdo las de bzhin gshegs pa'i stobs dang mi 'jigS pas zhus pa med pa nyid ces gsungs pa yin no// sangs rgyas kyi ye shes su gtogs pa zhes bya ba ni rnam grangs gzhan yis thams cad mkhyen pa'i ye shes kho na bstan pa yin no/ /so so yang dag pa'i rig pa'i rab tu dbye ba ni bye brag yin te/ des so mdo'i sde la sogs zhes bya ba la sogs pa zhes bya ba'i sgras ni dbyangs kyis bsnyad pa dang/ lung bstan pa la sogs pa bsdu'o/ /tshul drug po dag la rtogs pa ni dpyod pa ste des chos de dag gi rnam grangs du ma mos pa tha dad pa rnams la ston pas na mi zad pa'i spobs pa zhes bya'o/ /de yang mdo las thams cad mkhyen pa'i ye shes kyi so so yang dag par rig pa'i bye brag gis chos kyi tshul la rtog pa zhes smos pa yin no/ /ji lta zhe na thams cad mkhyen pa'i ye shes kyi so so yang dag par rig pa'i bye brag ni rab tu dbye ba ste/ yul gyi bye brag gis rnam pa du mar sa bcu pa las bshad do/ /des na chos rnams kyi tshul la rtog par byed do/ /de la tshul dag ni drug go /de dag la rtog pa ni dpyod pa dang rtog pa nyid do/ /de la tshul drug ni de kho na nyid kyi don gyi tshul dang/ thob pa'i tshul dang/ ston pa'i tshul dang/ mdza' gnyis spong ba'i tshul dang/ bsam gyis mi khyab pa nyid kyi tshul dang/ dgongs pa'i tshul lo/ /de la phyi ma rnams kyis dang po gsum rtogs par bya ste/ ji lta zhe na/ dper na dge slong dag gzugs la ro myang ba yang yod/ nyes dmigs dang nges par 'byung ba yang yod do/ /tshor ba
- 23b
nas rnam par shes pa'i bar du yang de dang 'dra'o zhes rgyas par gsungs pa/ phung po lnga po kho na la kun nas nyon mongs pa dang/ rnam par byang ba bstan te/ ro myang ba dang nyes dmigs ni kun nas nyon mongs pa yin no/ /nges par 'byung ba ni rnam par byang ba yin na/ /de gnyi ga yang 'di nyid la yod na bdag gis ci zhig bya zhes sgro 'dogs pa mdza' bsal to/ /bdag med na yang de dag mi rung ngo zhes de gnyis la skur pa 'debs pa yang 'di nyid kyi bsal to/ /de lta bas na 'di las gnyis spong ba'i tshul gyis de kho na nyid kyi don gyi tshul bstan pa lta bu dang/ dper na mdo de nyid las dge slong dag pas ji srid du gzugs la ro myang ba dang/ nyes dmigs dang/ nges par 'byung ba shes par ma gyur/ de bzhin du tshor ba la sogs pa la shes par ma gyur ba de srid du ngas bdag ni bla na med pa yang dag par rdzogs pa'i byang chub mngon par rdzogs par sangs rgyas so snyam du shes par ma gyur gyi/ gang gi phyir ngas 'di dag la ro myang ba la sogs pa shes pa'i phyir/ ngas bdag ni bla na med pa yang dag par rdzogs pa'i byang chub mngon par rdzogs par sangs rgyas so snyam du shes so zhes gsungs pa/ mdo de nyid las rtogs par bya ste/ 'dis ni thob pa'i tshul bla na med pa yan dag par rdzogs pa'i byang chub thob pa'i ngo bo bsam gyis mi khyab pa nyid kyi tshul gyis bshad pa lta bu dang/ de bzhin du mdo de nyid las dgongs pa 'di nyid kyis 'di lta bu dang 'di lta bur ston pas dgongs pa'i tshul gyis ston pa'i tshul bshad pa lta bu'o/ /mjug tu zil gyis mi non pa'i lus nyid smos pa 'di ni de'i dbye ba yin no zhes ston par byed pa ste/ bar du chod pa'i phyir ro/ /gdul ba tha dad pas tha dad pa zhes bya ba ni gang dag lus gang la mos pa bzhin du gdul ba rnams la nyan thos la sogs pa'i lus de ston pa'i phyir ro/ /sku la sogs pa'i cho 'phrul sku la sogs pa'i ngo mtshar rnams mngon du
- 24a
mdzad pa ni kun tu spyod pa dang/ dbang ba nyid de ji ltar bzhed pa bzhin ston pa'i phyir cho 'phrul dang bcas pa'i spobs pa zhes bya'o/ /mdo las ni de bzhin gshegs pa'i sku dang gsung dang thugs kyi rgyan shin tu rnam par bye ba thamS cad mngon bar sgrub pa nyid nye bar sgrub pa mdzad do zhes bstan pa yin te/ ji lta zhe na/ de bzhin gshegs pa rnams kyi sku la sogs pa'i rgyun cho 'phrul gang dag 'gro ba thams cad dga' bar bya ba'i phyir shin tu rnam par phye ba tha dad du gyur pa de dag mngon par sgrub pa ni mngon par sgrub pa'o/ /de'i dngos po ni mngon par sgrub pa nyid do/ /gang dang ldan na mngon par 'grub ba de yang ye shes yin te/ de mngon par sgrub pa mdzad do/ /ci'i phyir byang chub sems dpa' du ma zhig 'dus na de kho na la byin gyis brlabs phyir she na/ smras pa/ ting nge 'dzin gyis mthus so/ /de yang de dag 'dra ba'i sa pa gzhan dag la ci'i phyir med ce na 'di la yang/ ting nge 'dzin gyi mthu de ni gzhan dag la med do zhes gtan tshig ston par byed do/ /'di ltar gzhan dag las kyang srid mo yid gnyis sel ba zhes bya ba'i ting nge 'dzin gang gi mthus 'phags pa 'jam dpal la sogs pa byang chub sems dpa' sems dpa' chen po rnams kyis kyang ba slang bar ma nus na gzhan dag gis lta smos kyang ci dgos pa'i ting nge 'dzin de lta bu la snyoms par zhugs so zhes grag go /yang ji ltar na mthu de 'di kho na la yod kyi gzhan dag lam yin zhe na/ sngon gyi mngon par 'du byed pas 'phangs pa zhes bya ba la sogs pa smras so/ /sngon gyi mngon par 'du byed pas 'phangs ba de la yang mdo las/ sngon gyi smon lam gyis mngon par bsgrub shes bstan pa yin te/ des sngon gang gis na bdag kho na la ting nge 'dzin 'di yod kyi gzhan dag la ma yin pa de lta bu'i smon lam mngon par bsgrubs bo//
- 24b
ting nge 'dzin gyi rten gyi de skye ba'i rgyu rnams te yon tan 'og nas gzhi ngag pa la sogs pa nyid du 'byung ba gang dag yin pa de dag yongs su 'dzin pa ni yang dag par sgrub pa dang/ 'thob pa'o/ /de dad pa dang ldan bas mngon par yid ches par gyur la 'dun pa dang ldan pas don du gnyer bar gyur nas dge ba'i chos thams cad sgrub par byed ba'i phyir 'di gnyi ga dge ba'i rtsa ba thams cad skye ba la sngon du 'gro ba yin bas gzhi'o/ /de nyid kyi phyir brtson 'grus rtsom pa'i rgyu zhes 'og nas 'byung ngo/ /de rnam par dag pa ni gzhi rnam par dag pa'o/ /de yang sa dang bo la sogs pa la gnas pa la yang dri ma dang bral ba shas kyis yod bas khyad par du bya ba'i phyir mdo las lhag pa'i bsam pa shin tu yongs su sbyangs pa'i phyir zhes shin tu zhes sgra smos la bshad pa las kyang byang chub sems dpa' i mthar phyin pa zhes smos so/ /rgyud yongs su smin pas rnam par dag pa yin te/ 'dor chogs ni bsod nams kyi tshogs so/ /ye shes kyi tshogs ni shes rab rnam par dag pas bshad zin pa'i phyir ro/ /de nyid kyi phyir de ni chung mi za ba'i rgyu yin no/ /'di ni 'byor pa rgya chen po 'thob pa'i rgyu yin no zhes 'chad par 'gyur te/ shes rab chos kyi dbyings kyi yul can gyis/ de dang tha mi dad pa'i phyir chos thams cad mngon sum du byed pas chung mi za la/ bsod nams kyis nyan thos la sogs pa dang thun mong ma yin pa nyid kyis 'byor ba mchog rnams 'thob pa'i phyir ro/ /de bzhin gshegs pa'i gsang ba'i chos rnams thams cad bstan pa ste gsang ba'i dag kho na chos rnams yin no/ /de yang yul tshad med pa nyid kyis tshad med do/ /de dran pa mi brjed pa ni 'dzin pa ste/ 'di dran ba de'i snod dang gzhi la rten yin pa'o/ /gsang ba smos pa ni dpe tsam du zad de 'di skad du sangs rgyas rnams la chos bstan
- 25a
pa tshad med pa dag thos nas dran zhing 'dzin par phod nus so zhes bstan pa yin pas thos pa yongs su 'dzin pa rnam par dag pa zhes bya'o/ /mngon par shes pa 'od gsal ba zhes bya ba ji ltar na mngon par shes pa dag yos pa rnams shes bya zhe na/ smras pa/ nges rab tu phye ba'i phyir ro/ /'di yang phal cher dpe'i dbang du byas nas bshad par zad de/ 'di ltar rdzu 'phrul gyi mngon par shes pa ni yang ba nyid du mos pas rab tu phye ba yin no/ /lha'i rna ba dang lha'i mig dag ni sgra dang snang ba la mos pas rab tu phye ba yin no/ /shin tu rtogs pa'i phyir legs par rtogs pa'i phyir ro/ /gzungs rnams kyi sgo ni yi ge rnams te/ de dag la 'jug pa'i thabs yin pa'i phyir ro/ /yi ge de de dag tha dad pa med pa ni snga phyi mi 'gal ba'o/ /don dam pa shes par bya ba'i phyir gdams ngag gang yin pa de bslu ba med pa ste/ de rtogs par 'gyur ba'i phyir ro/ /de nyid kyi phyir de rtogs pas nga rgyal thams cad spangs pa'i phyir mngon pa'i nga rgyal med pa rnam par dag pa zhes bya'o/ /mdo las ni chos kyi dbyings zhes bya ba'i phyag rgyas legs par btab pa'i phyir ro zhes bstan pa yin te/ ji lta zhe na/ chos thams cad kyi mchog yin pa'i phyir don dam pa ni chos kyi dbyings yin no/ /de'i yul can gyi shes pa ni don dam pa shes pa dang/ chos kyi dbyings shes pa ste/ de'i phyed kyi phyag rgya ni mtshan nyid gsum gang yin pa ste spyi'i mtshan nyid gsum mo/ /yang 'dul ba dang chos mngon pa dang mdo sde la 'jug pa'i mtshan nyid de/ des legs par btab bo/ /de yang gang zhe na/ gdams dag go zhes tshig khong nas drang ste/ de nyid kyi phyir bslu bar mi byed pa yin no/ /yang na gdams ngag de nyid phyag rgya yin te/ rang la nges pa bzhin 'doms pa'i phyir ro//
- 25b
bslu ba med pa nyid ni gang dag la 'doms pa de dag gis de rtogs par 'gyur ba nyid kyis rig par bya'o/ /ting nge 'dzin gyi mthu yang yod la rdzu 'phrul gyi mthu yang yod paS rdzu 'phrul gyi mthus zhes khyad par du byed do/ /mthod pa'i lam gyi gnas skabs na don dam pa'i byang chub kyi sems bskyed pa gang yin pa de ni don dam pa shes pa la gnas pa'i phyir the tshom med pas shin tu rnam par nges pa'o/ /gnas pa nyid ni lhan cig 'byung ba dang mtshungs pa dang ldan pa dag gis so/ /sems bskyed pa de ni sa dang por chud pa yin no/ /sangs rgyas gyi chos chen po rnams skye ba'i rgyur gyur pa'i sa bon du gyur pa'i phyir rgyu'i don gyis dbyings yin no/ /de nyid kyi phyir rgyas pa'o/ /yang zhes bya ba ni bshad pa gzhan yin no/ /chos kyi dbyings la che ba zhes bya ba la/ la zhes bya bas ni yul dang yul can gyi dngos por ston par byed pa'o/ /sngar ni bye brag bsdu ba ste/ sems bskyed pa nyid zag pa dang bcas pa dang zag pa med pa rnams skye pa'i rgyu mtshan yin pas chos kyi dbyings su bshad pa yin no/ /da ni khyad par du brjod par 'dod pa'i dbang gis zag pa med pa dag kho na sangs rgyas kyi chos rnams yin te/ dper na srid sgrub gzhu thogs pa yin no zhes bya ba lta bu'o/ /de dag gi rgyu zhes bya ba ni chos dbyings bdag med pa gnyis te/ de'i yul can la yang de skad ces bya'o/ /rgyas pa nyid kyi rgyu ston par byed de so so'i skye bo la sogs pa de bzhin nyid la dmigs pa'i? shes pa gzhan gang dag yin pa ste/ so so'i skye po yin? thos pa'i gnas skabs na kun rdzob pa'o/ /nyan thos la sogs pa'i ni de bzhin nyid la dmigs pa yin par rig par bya'o/ /de rnam pas shin tu mchog tu gyur pa ni sgrib pa gnyis kyi gnyen po zhes bya ba la sogs pa'i phyir ro/ /rnam par dag pa dang mthun
- 26a
pa'i chos shes bya bar khong du chud par bya ba'i rnam par dag pa nyid chos shes bya bar ni ma yin no/ /de ni theg pa chen po'i gsung rab nyid bshad pa'i ngo bo yin pa'i phyir chos so/ /de nyid rigs kyi don gyis na dbyings te gang zhig gang las skye ba de ni de'i rigs dang dbyings yin no/ /de nyid kyi phyir de'i don mnyan pa dang/ bsam pa la sogs pa'i rim gyis chos des yongs su sbyangs pa'i phyir sems bskyed pa de'i yongs su sbyang bar bya ba'i sa zhes bya'o/ /'di la rgyas pa yod pas shes tshig rnam par sbyar te/ rgyas pa ni mdo la sogs pa mdza' yas pa'i bye brag gis mdza' thug pa med pa'i phyir ro/ /yang dge ba'i don gyis bsod nams kyi rnam grangs nyid du ston par byed do/ /'dir dbyings kyi don ni rgyu'i don to/ /tshig rnam par sbyar ba ni bshad ma thag pa kho nar zad do/ /rgyas pa ni bskal pa du mar bsgrubs pa'i phyir ro/ /'dis ni 'di bskal pa du mas bsgrubs pa'i bsod nams kyis bskyed pa nyid du bstan to/ /mi rtag pa 'dus byas sdug pa yid du 'ong ba/ 'grub pa skye ba nyid kyi rgyu'o/ /der shin tu rnam par nges pa ste/ mdo las nam mkha' i khams kyi mthas gtugs pa zhes bya ba'i tshig gis bstan to/ /ji lta zhe na/ de nyid slob dpon gyi nam mkha' lta bu ste zhes bstan te 'di skad du ji ltar nam mkha' dog phye ba'i sgo nas nges bskyed pa'i gzugs rnam pa sna tshogs mang po dag gis kyang zad par mi 'gyur ba ltar sems bskyed pa 'di yang de dang 'dra'o/ /ji lta zhe na/ de ni zag pa med pa me long lta bu'i ye shes la sogs pa 'phen par byed pa yin pa'i phyir rgyu mthun pa'i rgyu nyid du rnam par gnas la/ de dag kyang sems can mthar thug par yongs su bsngos pa'i dbang gis 'khor ba ji srid par rjes su 'jug go /de nyid kyi phyir de bzhin gshegs pa de ni rgyu mthun pa zhes bya'o/ /rnam par smin pa'i rgyu ni 'bras bu bskyed nas ldog gi rgyu
- 26b
'thun pa'i rgyu ni 'bras bu dag skyes na ches shin tu rgyas par 'gyur bas de ltar na 'di 'bras bu mi zad pa nyid kyi phyir nam mkha' i mthas gtugs pa'o zhes bshad pa yin no/ /phyi ma'i mdza' ni ma 'ongs pa'i dus so/ /de'i mu ni mthas gtugs pa ste de rnam par 'chad pa'i phyir mya ngan las 'das pa yin no/ /de'i thug pa ni gzhol ba ste/ de thob par byed pa yin pa'i phyir sems bskyed pa de la de skad ces bya'o/ /de nyid kyi phyir slob dpon gyis 'dir sdug pa smos pa dang 'grub pa smos pa ma mdzad de/ rtag pa mya ngan las 'das pa la mi sdug pa dang ldan pas rnam par bcad par bya ba med pa'i phyir dang/ de thob pas 'di rgyu'i dngos po yin gyi skyed par byed pa ni ma yin pa'i phyir ro/ /shin tu rnam par nges pa 'di gnyis kyis ni rim bzhin du bcom ldan 'das kyi ye shes dang spangs pa phun sum 'tshogs pa brjod par blta bar bya'o/ /ji ltar zhe na/ go rim bzhin du 'dus byas kyi rang bzhin gyi yon tan rnams dang/ 'dus ma byas mya ngan las 'das pa smos pa'i phyir te/ rtag pa'i rgyu nyid du shin tu rnam par nges pa brjod ma thag pas ni mya ngan las 'das pa tsam zhig thob par bshad kyi mya ngan las 'das pa'i khyad par ni ma yin no/ /'dis ni gcig kho nar mya ngan 'da' ba bkag ste/ sems can gyi don du 'khor bar skye ba yongs su 'dzin pa'i phyir ro/ /'das pa dang ma 'ongs pa dang da ltar byung ba rnams kyi ye shes kyi sa la 'jug pas 'di brtson 'grus chen po rtsom pa'i rgyu nyid du bstan pa'i phyir zhum pa med pa nyid ces pa'o/ /yang dag par 'grub pa ni 'bras bu'o/ /'jig rten na yang gang las 'bru rnams skye ba de zhing zhes bya bas de bzhin du 'dir yang 'di dag la 'bras bu de bzhin gshegs pa'i ye shes kyi 'bru 'bras bur gnas pa na ye shes kyis 'di dag nyid yin no/ /lhag ma ni don go bar zad do/ /so so skye bo'i mtshan
- 27a
nyid ni 'phags pa'i chos ma thob pa yin pa'i phyir la/ sa dang po la mthong ba'i lam skyes nas/ de dang bral bas mi mthun pa'i phyogs nyid yin te/ 'di skad du byis pa so so'i skye bo'i sa las 'das pa yin zhes bya ba la sogs pa 'chad par 'gyur ro/ /gnyis pa la ni dge ba bcu brten pa'i phyir yang dag par zhugs pa yin pa de las bzlog pa log par sgrub pa mi mthun pa'i phyogs yin no/ /gsum pa la ni de ches phyug pa yin zhes bya ba la sogs pas thos pa la sogs pa'i don snang ba brjod pa'i phyir de las bzlog pa brjod pa zhes bya ba mun pa'i tshul tsan nyid mi mthun pa'i phyogs yin no/ /bzhi pa la ni gang 'di 'jig tshogs la lta ba sngon du 'gro ba'i lhag par g.yo ba dang bral bar g.yo ba dang bral ba zheS bya ba la sogs pas/ de dang bral bar brjod pa'i phyir de nyid mi mthun pa'i phyogs yin no/ /kun tu brtags pa ni dang po kho na la spangs so zhes bstan pa'i phyir lhan cig skyes pa zhes smos te/ de skad du gsum pa las rnam par brtags pa'i lta ba'i dbang du byas nas 'di lta bas byas ba'i 'ching ba rnams ni snga nas spangs pa kho na'o zhes bshad do/ /de la phra ba'i rnam pa ni dge ba la sogs pa'i sems la yang de dang mi 'gal bar du thams cad du gnas pas brtag dka' ba'i phyir te/ 'di ltar dge ba la sogs pa skye ba'i dus na yang de dang mtshungs par ldan pa'i phyir bdag la chags pa dang/ bdag tu nga rgyal ba la sogs pa yod pa kha na'o/ /rnam pa brtags pa ni de lta ma yin pas rags pa yin te/ nyon mongs pa can gyi yid du byed cing de skye ba'i sa bon 'jog pa'i phyir skyed par byed pa yin no/ /rang gi yid la byed pa ni kun gzhi rnam par shes pa yin te/ 'di ltar gzhan na de nyid kyi dbang du byas nas de'i rjod pas bsgos pa'i brjod pa'i yid la byed pa zhes gsungs so/ /de yang dmigs pa dang rnam
- 27b
pa yongs su ma chad pa nyid kyis brtag dkar ba nyid de/ de la dmigs pas kyang phra ba yin no/ /ring du song ba nyid ni bzhi ba'i bar du rjes su 'brel ba'i phyir ro/ /'di ltar rgyu gsum gyis bra bar rigs par bya'o/ /lnga pa la ni yongs su mya ngan las 'da' bar nus kyang thabs mkhas pas sems can gyi don bya bar gnas pa'i phyir theg pa dmar pas yongs su mya ngan las 'da' ba mi mthun pa'i phyogs yin no/ /drug pa la ni snying rje chen po mngon par sgrub pa dang/ sems can gyi bya ba mi 'dor ba'i phyir chags pa ming pa'i ye shes la mngon du phyogs pa zhes bya ba'i shes rab kyi pha rol tu phyin pa la gnas pa mngon du 'gyur ro zhes bya ba la sogs pa phal chos mtshan ma kun tu 'byung ba nyung bar brtan pa'i phyir mtshan ma rags pa kun tu 'byung ba de'i mi mthun pa'i phyogs yin no/ /bdun pa la ni de ma spangs par lus dang ngag dang yid kyi las mtshan ma dang bral ba la 'jug go zhes bya ba la sogs pa 'byung bas mtshan ma med pa la spyod pa brtan pa'i phyir ro/ /mtshan ma chung du kun tu 'byung ba mi mthun pa'i phyogs yin no/ /brkyang pa la ni rgya mtshor 'gro ba'i gru bo che zhes bya ba la sogs pas mtshan ma med par spyod pa la yang rtsom pa thams cad dang bral bar brjod pa'i phyir mngon par 'du byed pa mi mthun pa'i phyogs yin/ /dgu pa la ni so so yang dag par rig pa thob pa yin pas semS can gyi don la mngon par 'du mi byed pa de'i mi mthun pa'i phyogs yin no/ /bcu pa la ni gsang ba la sogs pa'i chos thams cad snang bas chos thams cad la dbang thob pa brjod pa'i phyir/ de la dbang ma thob pa mi mthun pa'i phyogs yin no/ /sa 'di rnams kyi nges pa'i tshig dang/ byed pa dang mi mthun pa'i phyogs dang gnyen po'i phyogs dag ni 'phags pa dgongs pa 'grel pa'i mdo las shes par bya'o/ /de la mngal na gnas pa'i gnas skabs bcu ni zhes bya ba la sogs pa la/ phyi rol phris mar chabs
- 28a
la/ nad rlan te mar 'dug pa ni nur nur po yin no/ /phyi nang gnyis ka khad de chags la sha'i dngos por ma red pa ni mer mer po yin no/ /rnyol rnyol por 'dug pa ni nyol nyol po yin no/ /shar gyur cing mnon bzod pa ni sha mkhrang pa yin no/ /sha skyes pa dang ldan pas yan lag gi mchan ma dod pa ni lus dang mthun pa yin no/ /de nas mngal na gnas pa de phyis mi'am/ dung 'gro la sogs pa ci zhig tu 'gyur ba'i sngon rol srid pa'i gzugs nyid du 'gyur ba gang yin pa de ni rang bzhin dang mthun pa yin no/ /de nyid 'gyur zhing ldog pas 'gul ba ni las dang bcas pa'i lus kyis gnas skabs yin no/ /yongs su rdzogs pa'i lus kyi gnas skabs ni rnam par phye ba kho nar zad do/ /chen po gsuM zhes bya ba la sogs pa ni rgyu dang 'bras bu dang ngo bo nyid de go rim bzhin no/ /kye rgyal ba'i sras dag ces bya ba la sogs pa la ma mthong ngo zhes bya ba'i dgag pa 'di gang yin zhe na/ sangs rgyas thams cad byang chub sems dpa' i sa bcu po 'di dag mi gsung ba'i sangs rgyas kyi zhing rab 'byams zhes bya ba'i yin no/ /rgyal ba'i sras dag ces bya ba ni sdig pa thams cad las rgyal ba ni sangs rgyas bcom ldan 'das rnams te de skad du/ bcom ldan 'das kyis 'tsho byed nye bar 'gro la/ gang dag zag zad thob par dag/ rgyal ba nga? 'drar shes par bya/ /sdig pa'i chos las nga rgyal bas/ /de bas nye 'gro nga rgyal ba'o zhes gsungs so/ /rgyas par byed pas na sras te/ smras pa/ bu yid 'jig rten las rgyal byed/ /tsha bo yis ni kun dga' 'thob/ /yang tsha yis ni mtho ris kyi/ /'jig rten du ni mchod par 'gyur/ /'di gang zhig gang las skye ba de ni de'i rigs yin pa'i phyir te/ 'di ltar rgyal ba rnams lam las skye bas lam ni rgyal ba
- 28b
rnams kyi rigs zhes bya'o/ /byang chub sems dpa' brtson 'grus shin tu brtsams pa lam de 'dod pa rnams kyis kyang de'i mi mthun pa'i phyogs las rgyal nas sangs rgyas kyi rigs de rgyas par byed/ skyon med par byed pas na rgyal ba rnams kyis chos las skyes pa'i sras dag ces bya'o/ /de zhes bya ba ni bstan pa'o/ /gang na zhes bya ba ni bshad pa'o/ /de la zhal nas gsungs pa'i tshigs su bcad pa'i gzhung zhes bya ba la sogs pa ni 'di skad du ston par byed pa yin te/ tshigs su bcad pa 'di rnams la la las 'di lta ma yin par yang 'byung ba snang ste/ don dang tshig 'bru phun sum tshogs pa ma yin pa nyid nas gsungs pa ma yin par blta bar bya'o/ /bdag gis ni zhal nas gsungs pa'i gzhung ma nyams pa yid ches pa'i lung las 'ongs pa gang yin pa de'i don rnam par phye ba yin gyis/ de lta bas na la la las 'di lta ma yin par 'byung ba mthong nas ji ltar 'byung ba de bzhin du rnam par phye'o zhes de snyam du bsam par mi bya ste/ gzhung de ni nyams pa yin gyi 'di kho na yang dag pa yin no zhes cha gcod par byed pa'o/ /zhal nas gsungs pa'i gzhung ma nyams pa gang gis shes pa zhal nas gsungs pa'i don dang tshig 'bru shes pa bdag gi bla ma rnams kyis don dang dmigs pa de nyid gzhung yin no zhes bya ba'o/ /de bzhin nyid la dmigs pa'i ye shes ni mtshan ma med pa'i phyir rnam par rtog pa nyon mongs pa can rnams kyi gzhi de las byung zhing skyes pa'i 'du shes kyi gnyen po ste/ de ni dran pa dang ye shes ldan zhes bya ba 'di las ye shes smos pas ston to/ /'jigs pa med pa zhes bya ba 'dis ni rtogs pa la rnam par nges pa nyid yin pa dang/ lkog du gyur la don du gnyer ba nyid bstan to/ /ji lta zhe na/ chos mthong ba dang lkog du ma gyur la don du gnyer ba ni mi 'jigs pa yin no zhes bya ba 'dis 'jigs pa med pa'i rgyu rtogs
- 29a
pa ston pas 'di dag gi rtogs pa la rnam par nges pa nyid kyang bshad pa yin la/ lkog du ma gyur la don du gnyer ba gang yin pa de ni mi 'jigs pa yin pa'i phyir 'jig pa med pa zhes bya ba 'di nyid kyis lkog tu ma gyur la don du gnyer ba yang bshad pa yin no/ /de la rtogs pa la rnam par nges pa nyid dang lkog tu ma gyur la don du gnyer ba nyid gnyis la tha dad du bya ba ci yod ces na/ rtogs pa cung zad tsam thob pa'i phyir/ bden pa mthong ba ni rtogs pa la rnam par nges pa nyid yin no/ /rtogs pa thob pa dag gis kyang bstan par bya ba'i mngon sum du ma byas shing de dag de la gnyer pa yin na bstan par bya ba'i don ma rtogs pa de lta bu dag la yang bshad pa 'bras bu med pa nyid pas de brtsal ba'i phyir 'jigs pa med pa zhes bya ba gsungs te/ lkog tu ma gyur la don du gnyer ba dag ni bstan pa 'di'i don mngon sum du byas pa rnams yin na/ gzhan ci zhig gi phyir mi bshad ces bya'o/ /lhag ma rnams ni slob dpon nyid kyis rnam par phye bar zad do/ /spang bar bya ma ni zhes bya ba'i gnod par mi byed pas sbyang bar bya min te zos na gnod par mi byed cing legs par 'ju'o zhes bya ba'i tha tshig go/ rnam pa gcig tu na dor bar bya ba ma yin na spang par bya min te/ za ba na 'bad des ming mi dgos kyi shin tu 'jam pa'i phyir rang ltor 'gra'o zhes bya ba'i tha tshig go/ 'dis na mi 'chis 'am 'di yod na mi 'chi bas na bdud rtsi yin la 'dis kyang dam pa'i chos kyi srog 'dod par mi byed la 'di yod na yang dam pa'i chos kyi srog 'dor bar mi byed de/ gnas yongs su gyur pas chos kyi sku 'thob pa zhes bya ba'i tha tshig go/ dka' ba zhes bya ba la sogs pa la shin tu dka' ba nyid ni rang bzhin kyis
- 29b
rtogs par dka' ba'i phyir ro/ /ma 'dris pas dka' ba nyid ni zag pa med pa yin pas ma goms pa'i phyir te goms pa ni 'dris pa zhes bya'o/ /sa dag nyid rgyu yin te thos pa la sogs pa'i rgyu mtshan yin pa'i phyir ro/ /de dag bshad pa'i ngo bo yin pa'i phyir bstan pa'i rang bzhin ma yin ji ltar na rnam par dbye ba la de rnams bstan pa zhes bya zhe na/ tha dad par brjod par 'dod pa'i phyir te/ mdo ston pa zhes bya ba dang 'dra bas nyes pa med do/ /bsgom pa las byung ba'i shes pa ni rnal 'byor pa'i mngon sum yin pa'i phyir rnam par mi rtog par 'dod na/ de ji ltar rnam par rtog pa'i sgrar brjod ce na de'i phyir khams gsum pa'i zhes bya ba smras te/ don dam pa'i dngos po mngon sum du mi byed pa'i phyir zag pa dang bcas pa thams cad rnam par rtog pa dag yin no zhes ston par byed do/ /rnam par smin pa las byung ba'i sems kyi bye brag gang gis yang zhes bya ba ni rnam par smin pa dge ba dang mi dge ba dang lung du ma bstan pa yongs su ma spangs par kun tu 'byung bas kyang rtogs par dka' ba'i phyir phra bas na/ gang gi yang zhes bya ba smras so/ /de ltar don zab pa de ji ltar kun rdzob tu brjod nus pa de bzhin du bshad kyang dka' zhes bya bar sbyar ro/ /ji ltar de bzhin du bshad kyang dka' zhe na/ 'gro bas thos na der ni rmongs par 'gyur zhes bya ba gsungs te/ gzhung 'di ni tshigs su bcad pa'i tshig 'di kho na la 'jug pa'i che de yin par rig par bya'o/ /brjod pa'i kun rdzob kyis ba men ri mor bris pa bzhin du don dam pa'i dngos por brjod par zad na byis pa rnams ni de kho na ma gtogs pa'i phyir sgra tsam la so sor 'brang zhing sgras brjod par bya ba kun tu brtags pa'i dngos po la mngon par zhen pas na don la sgra ji bzhin du 'dzin pa zhes bya'o/ /gang du sems rnam par smin pa zhes bya ba ni sems kyi 'bru skye ba'i gnas yin pa
- 30a
nyid kyi phyir nang gi phung po rnams ni sa yin te/ 'bru'i sa bzhin no/ /gang du rgyu ba zhes bya ba ni sems zin pa dang/ ma zin pa dag la dmigs pa nyid kyi phyir thogs pa med par rgyu bas chos thams cad sa yin te/ rgyal po'i sa bzhin no// yang na 'dis ni sngar bshad pa bas mchog yin pa kho nar ston te/ 'di ltar shes rab kyi pha rol tu phyin pa la mos spyod pa'i skabs nas skyes nas thob pas kyang rnam par 'phrul ba chen por 'byung ngo/ /lo ma la ltar zhes bya ba la sogs pa la tshig zur gyis na lo ma la rlung snang ngo zhes bshad pa ma yin nam zhe na/ de ni mi rung ste rlung ni rtag tu rjes su dpag pa yin pa'i phyir mig gi spyod yul ma yin pas g.yo ba'i las kyis zhes bya ba smras so/ /'di skad du kho bo cag gis lo ma la mig gis dmigs par bshad pa ni ma yin gyi 'gul ba la sogs pa'i rtags kyis yang dag par mthong ste yod par rtogs par nus so/ /nam mkha' 'ba' zhig la ni de lta ma yin no zhes bshad pa yin no/ /bshad pa ni brtags pa'i ngo bo nyid kyis bsdus pa'i phyir la/ brjod du med pa ni yongs su grub pa yin pa'i phyir de'i rang bzhin ma yin pa nyid dang glo bur ba nyid yin no/ /gal te ji ltar yang mnyan par nus na de ltar zhes bya ba la sogs pa ni 'di skad du ye mnyan par mi nus pa ni ma yin gyi 'on kyang sra ba rnam pa gnyis kyis sems brtan po bzhag par byas shing chos ngo bo nyid med par yang shes par byas nas mnyan par nus so zhes 'byung ba'i phyir mnyan par srid do zhes bshad pa yin no/ /'dun pa yongs su dag pa zhes bya ba la sogs pa ni 'dod pa'i lung thos pa thob par byed pa'i thabs gang yin pa de la kun tu rtogs pa te rtogs pa don du gnyer ba nyid kyis yin gyi/ thos pa mang po rnyed par 'dod pa'i phyir ni ma yin pas 'dun pa yongs su dag pa'o/ /de yang mdo las/ kun tu rtog pa shin tu yongs su sbyangs pa zhes brtan pa yin te/ 'di dag la kun tu rtog pa phyin ci
- 30b
ma log pa'i thos pa 'thob pa'i thabs 'dod pa'i mtshan nyid shin tu yongs su sbyangs pa yod pas so/ /de de ltar phyin ci ma log pa'i thos pa don du gnyer ba ni de ston par byed pa'i dgu ba'i bshes gnyen rnams dang mthun pa'i lus dang ngag gi sbyod ba kun tu spyod pa mnyes par byed pas na kun tu tshol ba yongs su dag pa'o/ /de yang mdo las spyad par bya ba shin tu spyad pa zhes gsungs pa yin te/ 'di dag la spyod par bya ba ste de ston par byed pa'i dge ba'i bshes gnyen la brten pa la sogs pa'i mtshan nyid shin tu spyad pa yod pas so/ /de de ltar gnyes par byed pa lhur len pa na dge ba'i bshes gnyen de dag las thas pa phyin ci ma log cing ma nyams la de yang mang po yin gyi nyung du ma yin pa de yun ring bor te lo 'ga' yang ma yin la cho 'ga' yang ma yin par 'dzin pas na thos pa 'dzin pa yongs su dag pa'o de yang 'ga' las ma yin gyi tshad med pa dag las 'ongs pas na mang po yin la yun ring por yang yin no zhes bya bar rig par bya'o/ /des de ltar phyin ci ma log pa'i thos pa gzung nas smon lam gyi khyad par gyis skye ba khyad par du 'phags pa thob pa'i phyir/ yang dag pa'i thos pa ma lus pa yang dag par gzung ba'i dran pa'i khyad par 'thob pas na skyabs 'thob pa yongs su dag pas kyang lung yongs su dag pa zhes bya'o/ /de yang mdo las tshogs shin tu bsags pa zhes gsungs pa yin te/ snga ma ni thos pa 'dzin pa'i phyir ye shes kyi tshogs su bshad do/ /'dis ni bsod nams kyi tshogs so/ /de de ltar thos pa yongs su rdzogs shing nges par 'byed pa'i cha dang mthun pa'i gnas skabs rtogs pa'i sbyor ba'i lam la gnas pa ni lus dang sems dben pa'i phyir 'dod pa chung ba la sogs pa'i yon tan du ma dang ldan pa yin zhing lung rnam pa thams cad du yong su dag pa'i phyir sbyor ba yongs su dag pa zhes bya'o/ /de yang mdo las yon tan dpag tu med pa dang ldan pa zhes gsungs pa yin no/ /de mthong ba'i lam la zhugs mthe tsom spong ba'i phyir yid
- 31a
gnyis dang ne ma nur dang bral ba zhes bya ba 'dis ni rtogs pa yongs su dag pa brjod do/ /de'i 'og tu bsgom pa'i lam la nyon mongs pa dang/ nye ba'i nyon mongs pa'i mtshan nyid kyi nyon mongs pa thams cad spangs pas nyon mongs pa med pa'i phyir nyon mongs pa rab tu mi rgyu ba yongs su dag pa zhes bya'o/ /de'i 'og tu 'dis nyon mongs pa thams cad spang ba byas nas/ mya ngan las 'da' bar nus kyang snying rje dang shes rab dang ldan pa'i phyir theg pa dman pa las 'das te byang chub sems dpa' i thob pa khyad par can 'dod pas na chog par 'dzin pa yongs su dag pa zhes bya'o/ /de yang mdo las/ lhag pa'i bsam pa dang mos pa la rab tu gnas pa zhes gsungs pa yin te/ 'di la theg pa chen po la rab tu gnas pa'i bsam pa dang mos pa yod pas so/ /de lta bu de dag rang gi shes pa'i stobs kho nas rang byung gi ye shes kyi phyir gdams dag sbyin par byed pas na gdams ngag rjes su bstan pa la gzhan la rag ma lus pa yongs su dag pa zhes bya'o/ /snod du mi 'gyur ba skal pa dang mi ldan pa'i rna lam du grags na gzhan la mi 'dzem par spong ba la sogs pa'i nyes pa ston to/ /rab ma chog ces bya ba ni yan lag ste bod pa'i tshig logs shig yin no/ /dam pa dri ma med pa'i blo nyid ni slob dpon gyis rnam par dbye ba mdzad de/ de la nyan thos la sogs pa las khyad par du 'phags pa dam pa nyid do/ /nyon mongs pa'i dri ma thams cad dang bral ba'i phyir dri ma med pa nyid de zag pa med pa nyid du ston par byed do/ /brjod na legs brjod spobs pa mdza' yas pa zhes bya ba 'di'i 'grel pa ni dris pa lung bstan pa la rigs pa'i spobs pa nyid zad mi shes pa zhes bya ba yin no/ /ji lta zhe na/ legs brjod ni 'grel pa yin pa'i phyir rigs pa'o/ /mdza' yas pa ni zad mi
- 31b
shes pa ste mdza' thug pa med pa'o/ /brjod na zhes bya ba ni bskyod na te/ gzhan dag gis glengs shing dris na zhes bya ba'i tha tshig go/ 'di yang dris pa lung bstan pa la zhes bya bas 'grel to/ /snyan zhing mchog tu byung ba zhes bya ba 'dis yi ge phun sum tshoD pa nyid ji ltar bstan ce na/ smras pa/ snyan pa dang rgya che ba nyid gnyis te de la snyan pa nyid kyi phyir snyan pa'o/ /rgya che ba nyid kyi phyir mchog tu byung ba'o/ /dam pa'i don dang ldan pa zhes bya ba ni don phun sum tshogs pa nyid yin par go sla bas ma bshad do/ /dran pa kho na la 'dir gnas skabs kyi bye brag gis dran pa dang 'dzin pa gnyis kyis shes/ rnam pa gnyis su bstan te/ stobs bzhin no/ /'di ltar dad pa'i dbang po de nyid mi mthun pa'i phyogs las nges par rgyal te/ mchog gi gnas skabs su gyur pa la stobs zhes bya ba de bzhin du 'dir yang dran pa de nyid nyan pa'i gnas skabs na ni/ len pa yin la dus phyis mchog tu gyur pa ni 'dzin pa yin no/ /rnam pa gcig tu na yul gyi bye brag gis de skad bshad de/ sgra mi brjed pa ni len pa yin la/ don mi brjed pa ni 'dzin pa yin pas thos pa dang bsam pa'i gnas skabs dag dang/ go rim bzhin no/ /stobs bcu dang ldan pa'i sangs rgyas bcom ldan 'das rnams kyi stobs gang dag yin pa de dag 'thob pa ni rtogs pa dang rnyed pa'o/ /bsam pa rnam dag pa zhes bya ba ni sa la 'jug pa ston par byed pa ste/ de nyid rtogs pa yin no/ /'di dag gis sam 'di de? dag tu don rnam par rjod pas ni rnam 'byed ni bstan pa'i bdag nyid dag kho na yin te/ de so so yang dag ngal rig pas bshad pa mdzod ces bya bar sbyar ro/ /rgyag paS na cho rigs dang gzugs la sogs pa rang gi chos rnams kho na la sems kun tu chags shing chos la nan tan mi byed pas na chos la gus par mi 'gyur bar rig par bya'o/ /nga rgyal gyis ni de ston par byed pa'i dge ba'i bshes gnyen la
- 32a
bsnyen bkur mi byed pa'i phyir chos smra ba la gus par mi 'gyur ro/ /lta bas ni bdag dang bdag gi la sogs par log par rtogs pas yang dag pa'i lam las nyams par 'gyur ro/ /the tshom ni 'di ci lta yin nam ma yin zhes the? tsom za bas sangs rgyas kyi chos bsam gyis mi khyab pa rnams la yon tan gyi sgo nas mi mos te tshigs su bcad pa 'dis ni go rim bzhin du 'di dag gi gnyen po spyod pa dang/ spangs pa dag bstan te/ /lhag ma ni go sla'o/ /bde gshegs rnams kyi bgrad pa ni byang chub ste/ 'gro bar bya ba'i don gyis bgrod par bya ba yin pa'i phyir ro/ /de ni de'i rgyur gyur pa'i sa rnams bshad pa dang bstan par 'gyur bas de'i phyir de rab tu bstan pa'i phyir/ sa'i khyad par ma lus pa thams cad bshad pa mdzod ces bya bar sbyar ro/ /de la byin rlabs mdzad ces bya ba ni yan lag go tshig gzhan dag gis byin gyis brlabs bya brag tu 'byed pas na nye ba'i yan lag go/ sangs rgyas rnams kyis de la byin gyis brlabS pa mdzad pas na/ gzhi phun sum tshogs pa yin la/ 'bras bu chos smra ba yin bas na 'bras bu phun sum tshogs pa yin no/ /lha dang me'i nang na mchog rnams kyis zhes bya ba ni gzhi phun sum tshogs pa yang dag par bstan pa'i phyir khyad par du bya bar smos pas nye ba'i yan lag kyang yin la mi mnyam mnyam pa zhes bya ba la sogs pa rang gi khyad par la bltas nas/ khyad par gyi gzhi nyid du gtso bo yin pa'i phyir yin lag kyang yin no/ /mi mnyam mnyam pa zhes bya ba la sogs pa lhag ma ni de'i nye ba'i yan lag kho na yin te/ tshig gzhan gyis bstan pa nyid kyis rtag tu khyad par gyi ngo bo yin pa'i phyir ro/ /tshogs rab mdza' yas pa zhes bya ba 'di'i 'grel pa ni ris gdun zhes bya ba yin te/ gnyen gnas pa'i sdom pa ma gtogs pa so sor thar pa'i sdom pa rnam pa
- 32b
bdun no/ /rgya mtsho'i chu nang gnas gyur tam zhes bya ba ni ngan 'gro'i mi khom par skyes pa de ston par byed pa'o/ /bde 'gro'i mi khom par skyes pa ni 'od gsal ba la sogs pa rnams te mas? 'jig pa'i rtse mo yan pa'i phyir ro/ /de nyid kyi phyir sreg pa'i skal tshe 'phos na yang zhes gsungs so/ /tshigs su bcad pa lnga pa ni go sla bas ma bshad do/ /de la don ni 'di yin te/ chos 'di thos pa las skyes pa'i dad pa la sogs pa'i bsod nams med pa'i phyir dang/ spong pa'i phyir bsod nams ma yin pa skye bas de dag gis 'di thos kyang ma thos pa kho na yin no snyam du dgongs pa'o/ /phyogs bcur rnam par bltas nas zhes bya ba la phyogs su rnam par lta bas ni phyogs thams cad na bzhugs pa'i sangs rgyas rnams rjes su dran par byas nas de dag gi mthus bshad par bya'i rang gi mthus ni ma yin no zhes nga rgyal med pa nyid du bstan te/ /'khor gyi dkyil 'khor thams cad la rnam par lta bas ni nye la kho na med pa nyid du thams cad la sems snyoms par bshad par bya'i gcig gi dor bltas na ni ma yin na zhes ston par byed do/ /de ltar tshigs su bcad pa 'di'i zhes bya ba la sogs pa la phra ba nyid rnam pa gnyis ni gong du shes dka' zhes bya ba la sogs pas bshad pa'i dus na phra ba nyid dang/ thob pa'i dus na phra ba nyid bshad pa gang yin pa'o/ /tshig gis brjod du med pa la dmigs pa'i phyir de la yang de skad ces bya ste/ 'di ltar de la dmigs pa de la yin la de yang brjod pa'i yul thams cad las 'das pa yin no/ /ci de zhes bya ba ni 'jug pa la brten pa nyid gcig gam zhes bya ba ste/ 'jug pa ni 'khor bar 'gyur bas 'khor ba yin no/ /smras pa ma yin te dus gsum rnams las grol ba yin no/ /ye shes 'dus byas skad cig ma ste rten cing 'brel par 'byung ba ma yin nam/ de ji
- 33a
ltar dus gsum rnams las grol zhes bya zhe na/ de'i phyir gnas gyur ba rtag ba la gnas pa'i phyir zhes bya ba smas te gnas gyur pa rtag pa de bzhin nyid kyi mchan nyid de 'di'i gnas yin bas na de skad ces bya'o/ /de la don ni dus gsum las grol pa'i gnas can la dus gsum las gral ba zhes bya ba 'di yin no/ /de ni bsam dang zhes bya ba ni bsams pa las byung ba'o/ /sems kyi lam zhes smras pas ni skyes nas theb ba ston par byed de/ da ni skye ba dang dus ma nyi ba kho nar 'thob pa'i phyir sbyor ba las byung ba thams cad kyi sngon du 'gro bas lam du gyur pa'i phyir de sems kyang yin la gzhan dag gi lam yang yin pas sems kyi lam mo/ /yang na sems rnams kyi lam yin bas so/ /sems kyis mi shes zhes bya ba ni rtsa ba'i rnam par shes pa'i yul ma yin pa nyid du gsungs ba'o/ /yid kyi bsam pa ma yin zhes bya ba ni yid kyi rnam par shes pa'i yul ma yin pa nyid du gsungs pa'o/ /nyes dmigs rnam pa lnga yod de zhes bya ba la sogs pa ni gal te chos thams cad bzad ma nas zhi ba ma skyes pa rang bzhin gyis yongs su mya ngan las 'das pa'o zhes sgra ji bzhin kho nar gzung na de'i che theg pa chen po'i chos la dad pa dang/ dang ba dang mos pa chen po gang yin pa de med par 'gyur pa'i phyir mos pa'i gnas ma yin pa nyid kyi nyes pa yin no/ /des na de thob par bya ba'i brtson 'grus rtsom pa rtsol ba gang yin pa de yang nyams par 'gyur bas rtsol ba nyams par 'byur ba'i nyes pa yin na/ /de'i phyir sgra ji bzhin kho nar gzung na gzhan la yang bslus par 'byur zhing ston pa la yang skur pa 'debs pa dang/ chos kyang spong bar byed do/ /lhag ma ni go sla'o/ /sems kyi spyod yul zhes bya ba'i sgras ni thos pa las byung ba la sogs pa'i shes pa dag ston bar
- 33b
byed de/ de dag ni sems kyang yin la gzhan gyi spyod yul yang yin pa'i phyir 'di dag gis rdzogs par mi byed kyi bsam bdag pa'i ye shes kyis rdzogs par byed do zhes gdams ngag gis rdzogs par gsungs so/ /gdams ngag ni chos kyi rnam grangs 'di nyid yin na/ /de'i spyod yul ni yul te/ nges brjod par bya ba'i don rtogs ba'i ye shes zhes bya'o/ /de ni rang gis rig kyang brjod par mi nus pas dmigs pa zhes bya'o/ /tshogs bsags pa zhes bya ba la sogs pa la tshul khrims/ ni yin tan thaMs cad kyi sngon du 'gro ba nyid kyis gzhir gyur pa'i phyir tshogs yin te/ tshul khrims kyang legs par byas tshogs kyang legs par byas pa zhes tshig rnam par sbyor/ /'khor ni de nyid kyi yin par gzung ste/ de yang tshul khrims kyi rgyu yang dag pa'i rtags pa la sogs pa dang de bzhin du shes bzhin dang/ gzhan yang de'i rgyu gang yin pa'o/ /'di skad du tshul khrims dang tshul khrims kyi 'khor legs par byas shing dag bas na tshogs bsags pa yin no zhes bshad pa yin no/ /mdo las ni chogs shin tu bsags pa zhes bstan pa yin no/ /ting nge 'dzin kyang legs par byas 'khor kyang legs bar bya ste ba zhes 'dir yang gong ma bzhin du tshig rnam par sbyar ro/ /de'i 'khor na lus dben pa dang sems dben pa dang/ 'dod ba chung ba nyid dang/ chog shes pa dang/ 'tsho ba dag pa zhes bya ba la sogs pa mdor na yan lag ji snyed kyis ting nge 'dzin skye ba nges thams cad 'khor yin no/ /ting nge 'dzin la ji ltar spyod ba zhes bya zhe na/ dmigs pa la spyod pa'i skabs yin pas zhes gtan tshig ston bar byed de/ dmigs ba yul la spyod cing rgyal? 'jug pas de'i skabs yin bas de la bltas nas de rgyu mtshan du byas nas zhes bya ba'i tha tshig ste/ 'do lang? de'i dbang gis na sems dmigs ba gzhan dag bar nas gcig kho na la spyod cing rgyu'o/ /mde?
- 34a
las ni/ spyod pa shin tu spyad pa zhes bya ba yin te/ spyod pa zhes bya ba'i sgra dang/ gong ma'i tshogs zhes bya ba'i sgra ni 'khor ba yang blta bar bya ste/ grong gi nye 'khor la grong gi sgrar brjod pa bzhin du rig par bya'o/ /de dag gis sangs rgyas rnams las yun ring mo zhig nas chos kyi rnam grangs du ma mnyan pa'i phyir bsnyen bkur byas pa yin pas bsags pa ste mdo las sangs rgyas byung ba rnams shin tu bsnyen bkur byas pa zhes bstan pa yin no/ / des de dag las thos nas/ bsams pa las byung ba pha rol tu phyin pa la sogs pa'i chos rnams legs par rtogs par yongs su rtog par byed dpyod par byed pas na yongs su bsdus pa bsags pa yin te/ mdo las ni chos dkar po shin tu bsdus pa zhes gsungs pa yin no/ /ji lta zhe na/ gang dag gis bsams pa las byung ba shin tu mchog tu gyur pas pha rol tu phyin pa la sogs pa'i mtshan gyi chos dkar po shin tu yongs su bsdus pa zhes tshig rnam par sbyar ro/ /de de ltar tshul khrims dang ting nge 'dzin kyang yongs su dag/ sangs rgyas rnams las chos kyi rnam grangs du ma yang thos/ rang gi chos dkar po yang bsdus te bdag nyid rtogs pa'i 'os su rung ba khong du chud pa dang/ sangs rgyas dang byang chub sems dpa' rnams las sa la 'jug par bya ba'i phyir phyin ci ma log pa'i gdams ngag yongs su mnos nas nges par 'byed pa'i cha dang mthun pas bsdus pa sbyor ba'i sgom pa la sbyor bas yongs su gzung ba bsags pa zhes bya ste mdo las dge ba'i bshes gnyen du gzung ba zhes gsungs pa yin no/ /gang dag gis dge ba'i bshes gnyen rnams shin tu gzung ba'am/ dge ba'i bshes gnyen rnams kyis shin tu gzung gzhes tshig rnam par sbyar te de dag gi lung
- 34b
na nan tan du bsgrubs pas de dag gzung ba yin la/ de nyid kyis de dag gis kyang gzung ba yin no/ /de de ltar de dag gis yang dag pa'i gdams ngag byin te/ nges par 'byed pa'i cha dang mthun pa las 'das nas sa dang po la 'jug pas na/ bsam pa rnam par dag pa bsags pa yin no/ /mdo las ni/ bsam pa shin tu rnam par dag pa zhes bstan pa yin no/ /de ltar na dang po gnyis kyis ni byang chub sems dpa' rnams kyi lhag pa'i tshul khrims dang/ lhag pa'i sems kyi bslab pa yongs su dag pa nyid bstan to/ /'og ma bzhis ni lhag pa'i shes rab kyi bslab pa yongs su dag pa nyid bstan to/ /de ni nyan thos la sogs pa dang yang thun mong yin pas khyad par du bya ba'i phyir bshad pa sems can thams cad kyi don bya ba'i don byed pa ste/ bde ba dang yid bde ba dang/ de dag gi rgyu nye bar sgrub pa dang/ sdug bsngal dang yid mi bde ba dang de dag gi rgyu yongs su spong ba'o/ /de la 'di dag kho na la lhag pa'i bsam pa yod kyi nyan thos la sogs pa la med pas na shin tu rgyas pa bsagS pa ste/ mdo las ni/ lhag pa'i bsam pa rgya chen po dang ldan pa zhes gsungs pa yin no/ /de sems can gyi don gyi thabs su gyur pa thams cad mkhyen pa nyid 'dod pas na/ mos pa bsags pa ste/ gzhan las ni nges pa'i dngos po la yon tan gyi sge nas nges par 'dzin pa mos pa yin no/ /zhes 'byung mod kyi/ 'dir ni 'dod pa kho na mos pa yin no/ /mdo las ni/ mos pa rgya chen po dang ldan pa yin no zhes bstan pa yin te/ thams cad mkhyen pa nyid ni dngos po thams cad kyi mchog yin pa'i phyir rgya chen po yin la/ de la 'dod pa ni mos pa ste de dang ldan pa zhes tshig rnam par sbyar ro/ /de de ltar sems can gyi don bya ba'i phyir thams cad mkhyen pa nyid 'ded? pa na rtag tu snying brtse ba dang/ snying rje dag
- 35a
mngon du byas nas mang du gnas pa'i phyir mngon du gyur pa bsags pa ste de gnyis kyis na sems can rnams la lta zhing yongs su mya ngan las mi 'da' o/ /mdo las ni /snying brtse ba dang snying rje mngon du gyur pa zhes bstan pa yin no/ /da ni gang gi phyir sems skye ba zhes bya ba la sogs pa la/ de la sangs rgyas kyi ye shes ni sangs rgyas bcom ldan 'das kyi ye shes zad pa dang mi skye ba'i rang bzhin gang yin pa'o/ /de nyid gang la zhes bya ba la sogs pas bshad de/ de la yongs su shes pa ni sdug bsngal gyi bden pa'o/ /spong bkun 'byung gi bden pa'o/ /bla na med pa zhes bya ba'i sgra ni thams cad dang sbyar ro/ /mngon sum du byed pa ni 'gog pa'i bden pa'o/ /bsgom pa ni lam gyi bden pa'o/ /de la sangs rgyas kyi rgyud du gtogs pa ye shes kyi rang bzhin gyis yon tan thams cad bye brag med par sangs rgyas kyi ye shes zhes bshad do/ da ni phrin las kyi bye brag gis/ rnam pa dgur phye nas tshig dgus bshad par bya'o/ /de la stobs bcu'i stobs thob par bya ba'i phyir zhes bya ba ni stobs kyi rang bzhin gyi sangs rgyas kyi ye shes te gang gis na gzhan dag gis dri ba dris pa rnams de bzhin gshegs pas thogs pa med par lung ston par mdzad pa'o/ /mi 'jigs pa chen po thob par bya ba'i phyir zhes bya ba ni mi 'jigs pa'i rang bzhin gyi sangs rgyas kyi ye shes te gang gis na phas kyi rgol ba tshar gcod par mdzad pa'o/ /sangs rgyas kyi chos mnyam pa nyid thob par bya ba'i phyir zhes bya ba ni sangs rgyas kyi mnyam pa nyid kyi ye shes te/ des na sangs rgyas bcom ldan 'das chos dang gang zag la bdag med pa rtogs par bya ba'i gdams ngag stsol bar mdzad do/ /'gro ba thams cad yongs su bskyab par bya ba'i phyir zhes bya ba ni sangs rgyas kyi yongs su skyob pa'i ye shes yin te /gang giS
- 35b
na bsdu ba'i dngos po de dag gis sems can rnams yongs su smin par mdzad pa'o/ /snying brtse ba dang snying rje chen po rnam par dag par bya ba'i phyir zhes bya ba ni sangs rgyas kyi rnam par spyod pa'i ye shes yin te/ gang gis na de'i gzhi ste/ sems can yongs su smin pa'i gzhi/ snying brtse ba dang snying rje dag sbyong bar mdzad pa'o/ /phyogs bcu ma lus par shes pa thob par bya ba'i phyir/ zhes bya ba ni sangs rgyas kyi ma lus par mkhyen pa'i ye shes te/ des na phyogs bcu na gnas pa'i sems can rnams mkhyen to/ sangs rgyas kyi zhing thams cad thogs pa med pas yongs su sbyar bar bya ba'i phyir zhes bya ba ni sangs rgyas kyis yongs su sbyong ba'i ye shes so/ /de la yongs su sbyong ba ni sems can thams cad kyi sems yongs su sbyong ba yin gyi/ sdong du ma dang tsher ma la sogs pa btsal bas ni ma yin te/ sems can rnams kyi sems yongs su ma dag pa kho nas tsher ma la sogs pas gang bar snang la sems yongs su dag pas baiDUrya la sogs pa'i rang bzhin du snang ba'i phyir ro/ /de nyid ston par byed de /ye shes thogs pa med pa'i phyir zhing thams cad du thogs pa med la sems thogs pa med pa'i nyon mongs pa can ma yin pa'i sprul pa dag gis sems can rnams 'jug par mdzad do/ /nyon mongs pa can ma yin pa'i bu dang chung ma la sogs pa mthong na yang mi gos pa nyid du rig bar bya'o/ /dus gsum skad cig gcig gis khong du chud par bya ba'i phyir zhes bya ba ni sangs rgyas kyi thugs su chud pa'i ye shes gang gi dus na dus gsum pa'i bsam pa ste/ sems rnams dang/ bag la nyal te nyon mongs pa'i sa bon rnams skad cig gcig la mkhyen pa'o/ /chos kyi 'khor lo chen po rab tu bskor ba la 'jigs pa med par bya ba'i phyir zhes bya ba ni sangs rgyas kyi chos kyi 'khor lo rab tu bskor ba'i ye shes te gang gis na/
- 36a
sems can rnam par thar par bya ba'i phyir thabs mkhas pas cig car zhing thams cad du chos kyi 'khor lo bskor ba'o/ /da ni gzhi gang las zhes bya ba la sogs pa la/ gang la snying rje chen po sngon du 'gro ba yod pa de ni snying rje chen po sngon du 'gro ba ste/ snying rje chen pos ni sems can sdug bsngal ba rnams dmigs nas rnam pa thar bar bya ba'i phyir byang chub kyi sems skyed par byed pas de'i gzhi yin te/ de'i chen po nyid kyang tshig dgus bshad do/ /phra ba'i sdug bsngal nyid ni 'du byed kyi sdug bsngal nyid de/ de'i rnam par 'gro ba thams cad sdug bsngal bar mthong nas snying rje skye ste/ de'i phyir de'i dbang gis byang chub kyi sems skye bar ni shes rab dang ye shes kyi dbang du gyur pa zhes bya'o/ /thabs mkhas pas yongs su gzung pa zhes bya ba ni yongs su 'dzin pa chen po nyid yin no/ /bsam pa dang lhag pa'i bsam pa rab tu brten pa zhes bya ba 'di dgrol na de'i dus su sems can gyi don byed par khas len pa ni bsam pa'o/ /'khor ba ji srid par khas len pa ni lhag pa'i bsam pa ste/ bsam pa lhag pa ni lhag pa'i bsam pa yin pa'i phyir ro/ /de nyid rab tu brtan pa yin te/ des shin tu gsos shing 'phel ba'i phyir ro/ /de bzhin gshegs pa'i stobs dpag tu med pa dang ldan pa zhes bya ba 'di 'grol na byang chub kyi sems skyed par bya ba sangs rgyas kyi chos thams cad kyi sa bon du gyur pa des de bzhin gshegs pa'i stobs dpag tu med pa 'bras bu'i ngo bor yongs su 'dzin pas na 'bras bu dpag tu med pa nyid kyi phyir de la de skad ces bya'o/ /snying stobs kyi stobs dang blo'i stobs kyis shin tu rnam par phye ba'i rnam par 'byed pa zhes bya ba 'di dgrol na snying stobs kyi stobs rgya chen po la mos pa ste/ de bzhin gshegs pa'i mthu rgya chen po la mos pa ste/ blo'i stobs zab mo shes
- 36b
ba nyid dag gis shin tu rnam par phye zhing sbyangs pa'i rnam par 'byed par shes pa zhes bya ba gang la yod pa'o/ /ji lta zhe na mi mthun pa'i phyogs las rgyal pa nyid kyi phyir zhes bya ba smras te/ mi mthun pa'i phyogs spangs pas sbyangs pa yin pa'i phyir ro/ rang byung gi ye shes dang mthun pa zhes bya ba 'di dgrol na gzhan gyis ma bstan pa bdag nyid kyis mngon par rdzogs par sangs rgyas pa ni rang 'byung gi ye shes te de la skye ba dang mthun par gnas pa'i phyir de dang mthun pa yin no/ /sangs rgyas kyi chos thams cad la shes rab dang ye shes kyi gdams ngag yang dag par tshol ba zhes bya ba 'di dgrol na/ shes rab dang ye shes dag gi khyad par ni bshad zin par zad do/ /sangs rgyas kyi chos thams cad la shes rab dang ye shes gang yin pa de'i don du gdams ngag tshol ba ste/ de nyid khyad par du 'gro bar bya ba'i phyir gdams dag lung tshol ba zhes bya bas bshad do/ /'di la dam pa'i chos kyi dbyings gyur pa yod pa'i phyir te/ de nyid yon tan yongs su 'dzin pa'i gtso bo yin pa'i phyir zhes bya bas bstan to/ /chos ki dbyings de ni sangs rgyas dang byang chub sems dpa' i yon tan thams cad kyi rgyu nyid du gnas pa'i phyir 'bras bu nyid du yongs su 'dzin par byed pas na gtso bo la dam pa zhes bya'o/ /gnas pa dang mthar phyin pa'i chen po nyid ni tshig tha ma gnyis pa ye shes dang spangs pa phun sum tshogs pa rjod par byed pa dag gis bstan te sngar ji skad bshad pa bzhin no/ /de nyid brjod par bya ste /byang chub kyi sems 'di ni ye shes kyi rang bzhin gyi yon tan yid du 'ong ba rnams skye ba'i rgyu yin skyed par byed pa yin pa'i phyir 'khor ba ji srid par zad par mi 'gyur te/ gzugs la sogs pa skye ba la nam mkha' bzhin pas ye shes phun sum tshogs pa'i rgyu'i dngos po yin no/ /phyi ma ma 'ongs
- 37a
pa'i mdza' ni mya ngan las 'das pa ste/ der 'bab der gzhol de'i mur thug pa yin pas na spangs pa phun sum tshogs pa'i rgyu'i dngos por brjod pa yin no/ /dper na bud med 'ga' zhig la/ /dang po bu yan lag rdzogs pa skye ba'i rgyu mtshan du gyur pa mngal du zhugs te bu chags pa de dang chos mthun par 'di la yang sangs rgyas kyi sku yon tan gyi yan lag rdzogs pa skye bar bya ba'i phyir 'jig rten las 'das pa'i sems dang po skye'o/ /dper na bu deS? nyid rgyal po'i rgyal rigs chen por skyes shing de las gzhan pa'i rigs dman pa rnams las 'da' ba de bzhin du byang chub sems dpa' yang sems de skyes nas de bzhin gshegs pa'i rigs su skyes pa'i phyir de las gzhan pa so so'i skye bo'i rigs rnams las 'da' o/ /dper na bu de rgyal pos bskyed kyang mi 'dra ba bran mo las skyes na nad kyi skyon las ni mi 'da' i rigs kyi tha snyad ni pha las 'byung ba'i phyir de rigs las 'das pa zhes ni brjod pa nyid do/ /nam zhig 'di rgyal pos btsun mo dam pa thabs rir bab pa las bskyed pa de'i tshe gnad las gyur pa'i skyon smad pa'i ngo bo de las kyang 'da' o/ /de bzhin du byang chub sems dpa' yang sems de skyes pa'i phyir/ chos kyi rgyal po sangs rgyas kyis thabs rir bab pa'i btsun mo dam pa shes rab kyi pha rol tu phyin pa'i spyod pa las bskyed kyi/ theg pa dman pa'i bran mo las ma yin bas gnad kyi skyon thams cad las 'da' o/ /dper na bu de 'gro ba gang du skyes pa des bsdus la gang na shi 'phos pa de las 'da' ba de bzhin du/ byang chub sems dpa' yang don dam pa'i sems bskyed pas 'jig rten pa'i 'gro ba las ni 'das pa/ 'jig rten las 'das pa'i 'gro ba rton pa zhes bya bas ni bsdus so/ /dper na bu de lus rdzogs pa
- 37b
rnyed pa de bzhin du/ 'di yang byang chub sems dpa' i chos nyid thob pa'i phyir snying rje'i bdag nyid kyi lus 'thob bo/ /de ji lta zhe na/ gzhan gyi dgos pa bdag gi dgos pa yin pa nyid kyi phyir zhes bya ba smos te/ bdag dang gzhan mnyam pa nyid thob pa'i phyir gzhan gyi dgos pa nyid de'i rang gi dgos pa yin no/ /dper na bu de skyes nas gdon mi za bar gnas 'ga' zhig tu gnas par 'gyur ba de bzhin du 'di yang snying rje dang ldan pa'i phyir mya ngan las 'das pa'i lam mthong yang 'khor ba yongs su mi 'dor la thabs mkhas pas gnas pa'i phyir de na yang kun nas nyon mongs par mi 'gyur ro/ /dper na bu de btsas nas 'tsho ba 'ga' zhig gis 'tsho bar byed pa de bzhin du 'di yang dus gsum mnyam pa nyid du lta zhing stong pa nyid dang ldan pa'i shes rab kyi 'tsho bar byed de/ /dper na bu skyes na rigs dang 'tsham pa'i phun sum tshogs pa 'ga' zhig gdon mi za bar yod pa de bzhin du/ 'di'i phun sum tshogs pa yang sangs rgyas kyi rigs su nges shing yongs su mi nyams la/ mya ngan las 'das pa ni rdzogs pa'i byang chub ste/ de la gzhol ba ni 'di kho na yin no/ /de ltar zhes bya ba ni/ ji skad bshad pa'i tshul gyis te 'dra ba nyid du bstan pa 'ba' zhig tu ma zad kyi mi 'dra ba nyid du yang bstan to/ /ji lta zhe na/ thun mong dang thun mong ma yin pa nyid kyi phyir zhes bya ba smras te/ ji skad du bshad pa yin zhe na/ so so'i skye bo rnams kyi ma'i mngal du bu 'chags pa khu chu dang khrag 'dres pa zhes bya ba gang yin pa de byang chub sems dpa' rnams la yang yod pas thun mong ste spyi yin no/ /'di dag gi mngal du 'jug pa dang po kho nar 'jig rten las 'das pa'i sems skye ba'i mtshan nyid gang yin pa de dag la med pas thun mong ma yin te spyi ma yin no/
- 38a
de bzhin du rigs las 'das pa la sogs pa yang thun mong dang thun mong ma yin par khong du chud par bya'o/ /de yang rnam pa dgur rig par bya ste zhes bya ba la sogs pa ni mchog tu dga' ba kho na rang gi ngo bo dang gnas skabs dang/ byed pa'i bye brag gis rnam pa dgur bzhag ste/ de la bden pa bzhi mngon par rtogs te/ dkon mchog gsum la shes nas dad pa ni de'i rang gi ngo bo ste/ dang ba'i mchog tu dga' ba'o/ /dga' ba nyid mchog tu dga' ba yin te/ dmigs ba chos kyi dbyings la dga' zhing de kho na la gnas pa ste/ des na dga' ba'i phyir ro/ /de 'phel bas dga' ba de nyid gong ma gong ma'i gnas skabs dang byed pa'i bye brag gis mchog tu dga' ba lhag ma rnams rig par bya ste/ de ltar na bcu tshan 'dis mchog tu dga' ba ci 'dra bde bshad do/ /da ni de'i dmigs pa de bcu tshan gnyis kyis ston par byed de/ de la rjes su dran pa dang po dang zhes bya ba la sogs pa la/ dang po sangs rgyas ni brten gzugs kyi sku dang brten ba yon tan rnams rjes su dran no/ /gnyis pa ni rnam par phye ste brten pa yon tan rnams 'ba' zhig rjes su dran no/ /gnyis de ni dag gi rigs la ste/ zhes bya ba ni byang chub sems dpa' dang de'? spyod brjes su dran pa ste/ de gnyis ci'i yul can zhe na/ de dag gi rigs la zhes de gnyis kyi yul ston par byed do/ /de dag ces bya ba'i sgras ni skabs su bab pa sangs rgyas dang chos dag ston par byed do/ /go rim bzhin no zhes bya ba ni/ 'di skad du sangs rgyas kyi rigs la rjes su dran pa ni dang po'o/ /chos kyi rigs la rjes su dran pa ni gnyis pa'o/ /ji ltar sangs rgyas rnams ni de las skyes pa'i phyir byang chub sems dpa' la sangs rgyas kyi rigs zhes bya ba de bzhin du chos kyi rigs kyang de dang 'dra ste sangs rgyas kyi chos rnams ni byang chub sems dpa' i spyod pa las skyes pa'i
- 38b
phyir ro/ /dngos su tha dad pa ma yin yang tha dad pa brjod par bzhed pa rten dang brten pa tha dad par brtan te/ dper na sangs rgyas dang chos rjes su dran pa dag bshad pa ltar 'di dag kyang de dang 'dra'o/ /de la spyod pa las sangs rgyas rjes su dran pa nyid yan lag kyang yin te sangs rgyas rjes su dran pa spyir bshad pa dag bye brag gi ngo bor brten pa'i phyir ro/ /nye ba'i yan lag kyang yin te/ rnam par dag pa las sangs rgyas rjes su dran pa la sogs pas rnam par dbye bar bya ba yin pa'i phyir ro/ /byang chub sems dpa' dang/ de'i spyod pa la sogs pa las sangs rgyas rjes su dran pa nyid ni sangs rgyas kho na'i rgyu'i gnas skabs rjes su dran pa las rig par bya'o/ /byang chub sems dpa' dang de'i spyod pa la sogs pa 'di dag ni ma 'ongs pa yin par rig par bya'o/ /de ni de ltar byung ba'i dmigS ba'i dbang du byas nas/ so so'i skye bo'i longs spyod las phyir leg pa'i phyir ro zhes bya ba la sogs pa smos so/ /sbyad par bya ba yin pas na longs spyod ni yul yin te/ 'dod pa'i yon tan lnga dag go /de dag ji ltar so so'i skye bo rnam lhag par chagS shing longs spyod pa ltar byang chub sems dpa' rnams de lta ma yin pas so so'i skye bo'i longs spyod las phyir log pa zhes bya'o/ /sangs rgyas kyis dang nye ba la zhugs pa'i phyir so so'i skye bo bzhin du yul rnams la mi spyod bas na longs spyod mi 'dra ba nyid do/ /byis pa'i sa dang ye shes kyi sa dang ring bar gyur ba dang nye ba dag gis skye bo thams cad las khyad par du 'phags pa dzam bu'i gling gi dbang phyug la sogs pa'i lus 'thob pas na lus 'dra ba nyid do/ /lhag ma zhes bya ba la sogs pa la/ sgrub pa ni lus dang/ ngag dang yid kyi spyod pa ste/ de yang so so'i skye bo rnams kyi ni phal che'i dge ba bcu'i las kyi rang bzhin dag yin la/ don dam pa'i byang chub kyi sems skyes pa'i ni de las bzlog pa yang dag pa'i sgrub pa yin pas sgrub pa mi
- 39a
'dra ba nyid do/ /'di lta bu'i grogs ni phas byed/ pha'i grogs ni bus byed/ rgyal po ni 'bangs rnams kyi grogs byed/ 'bangs rnams kyang rgyal po'i grogs byed kyi/ 'di ni sems can thams cad kyi grogs byed kyang/ de dag ni de'i grogs mi byed bas grogs su gyur pa mi 'dra ba nyid do/ /de dag ni sred pa'i bran du gyur pa'i phyir nor bdag gi gzhan gyi dbang du gyur pa yin gyi/ 'di ni chos kyi rje'i gzhan gyi dbang du gyur pa'i phyir gzhan gyi dbang du gyur pa mi 'dra ba nyid do/ /de dag gi sdong dum tsher ma la sogs pas yongs su ma dag pa'i yul du skyes pa yin gyi 'di ni sangs rgyas kyi zhing yongs su dag par skye bas na yul mi 'dra ba nyid do/ /de dag ni log pa'i 'tsho ba la dga' ba yin gyi 'di ni yang dag pa'i las kyi mdza' i 'tsho ba la dga' ba yin bas 'tsho ba mi 'dra ba nyid do/ /de dag ni phun sum tshogs pa dang 'byor ba ni 'tshe ba mang po dang 'brel pa yin gyi 'di'i 'byor ba ni 'jigs pa thams cad dang bral zhing rgya che ba yin pas phun sum tshogs pa mi 'dra ba nyid do/ /'jigs pa 'di dag las zhes bya ba la sogs pa la gsum zhes bya ba ni 'tsho ba med pas 'jigs pa dang tshigs su bcad pa med pa dang/ 'khor gyi nang du bag tsha ba ste go rim bzhin du lus dang ngag dang sems kyis myong ba'i rten can yin no/ /de la dang bo ni chos gos dang bsod snyoms dang mal cha dang/ stan la sogs pa lus kyi yo byad kyi sgo nas 'ongs pa'i phyir lus kyis myong ba'i rten can yin no/ /gnyis pa ni pha rol po rnams kyi tshig gis log pa sun 'byin pa'i phyir dang/ mi snyan pa brjod cing kun nas slong pa'i phyir dag gis myong ba'i rten can yin no/ /gsum pa ni nang gi kun tu rmongs pas kun nas bslang ba'i phyir sems kyis myong ba'i rten can yin no/ /gsum ba dang bzhi pa ni 'chi bas 'jigs pa dang/ ngan 'gros 'jigs ba dag ste
- 39b
lus kyi rten can yin no/ /lus ni dbang po dang bcas pa'i lus te/ rten dang brten pa tha dad pa'i ngo bor lus thams cad lus yin no/ /de yang bde 'gro dang ngan 'gro'i bye brag gis 'dod pa dang mi 'dod pa yin te/ de dag dang 'dral ba dang phrad pa la bltos nas bsod nams ma byas pa la 'jigs pa 'di gnyis 'byung ngo/ /lag pa'i shes bya zhes bya ba ni shes bya log pa bdag la sogs pa ste/ der 'du sheS pa la sogs pa la mngon par zhen pa'i mtshan nyid do/ /de la 'tsho ba med pas 'jigs pa'i gzhi yang bdag tu 'du shes pa la sogs pa yin no/ /'chi bas 'jigs pa'i gzhi yang kyi hud bdag ni mad par 'gyur ro snyam pa'o/ /de bzhin du tshigs su bcad pa ched pa 'jigs pa med pa'i rgyu yang bdag tu 'du shes pa la sogs pa kho na yon tan 'di gsum 'di dag gi rgyu mtshan nyid yin pa ni/ mdo nyid las khong du chud par bya'o/ /dge ba'i rtsa ba chung ba nyid ni ngan 'gros 'jigs pa dang/ 'khor gyi nang du bag tsha bas 'jigs pa dag gi gzhi yin te/ mdo las ji skad 'byung ba bzhin no/ /lus 'gyur ba'i bye brag can zhes bya ba ni spu zing zhes byed pa lus 'gyur ba yin par bstan to zhes bstod par bya'o/ /lhag ma dag ni go sla'o/ /bsnyen bkur byed pa la sogs pa la dge ba'i bshes gnyen rnams la bsnyen bkur byed na yang dag pa'i lam thos pa'i phyir sgro 'dogs pa dang skur ba 'debs pa'i mdza' gnyis su mi ltung bas na chung mi? za ba zhes bshad de/ mthar ltung ba ni chud zos pa yin pa'i phyir ro/ /gnas pa med pa ni 'dir bsam gtan gyi ro myang ba med pa yin te/ 'jig rten na yang gnas pa dang/ zhen pa dang thogS pa ni/ chags pa kho na yin la/ thogs pa med pa spyod pa ni gnas pa med par spyod pa zhes bya'o/ /chags pa med pa sogs pa dang mngon par dga' ba med pa sogs pa ni thob pa dang ma thob pa zhes bya ba dang go rim bzhin te/ mdo las ni tshig gnyis
- 40a
kyis rnyed pa la sogs pa de ltar byung ba la chags pa med pa dang/ ma 'ongs pa la mngon par dga' ba med bas gsungs so/ /gang mngon par 'dod ba zhes bya ba la sogs pa la/ gang zhes bya ba ni thams cad mkhyen pa nyid de/ tshig dang pos bstan to/ /ci 'dra ba zhes bya ba ni stobs bcu la sogs pa nyid du rnam par phye ba'i ngo bo'o/ /ji ltar mngon par 'dod pa ni pha rol tu phyin pa rnam par dag pa'i mtshan nyid kyi thebs? gang gis thams cad mkhyen pa nyid de/ 'thob pa ste tshig gsum pas ston to/ /pha rol tu phyin pa rnams chags pa med pa tshol ba ste/ chags pa ni mi mthun pa'i phyogs kyis zil gyis non pa'i phyir ma dag pa yin no/ /gang dang ci 'dra ba dang/ ji ltar zhes bya ba de dag la brten nas go rim bzhin du thams cad mkhyen pa'i sa 'dod pa la sogs pa gsum yin no/ /gsum pa ste pha rol tu phyin pa rnam par dag pas thams cad mkhyen pa nyid mngon par 'dod pa gang yin pa de nyid mi mthun pa'i phyogs spangs pa brjod pa'i phyir/ tshig lhag ma rnams kyis rnam par 'byed de/ gnyen po kun tu spyod pa ni don gyis go bar zad do/ /des ni zlog par byed cing zhes bya ba ni rgyu ston par byed pa'o/ /khas mi len ces bya ba ni g.yo yin te/ 'di gnyis ni dri ma gcig yin no/ /ji skad smras pa bzhin mi byed pa ni dri ma gnyis te/ dri ma 'di gnyis ni mdo'i tshig gnyis kyis bstan to/ /lhag ma ni go sla'o/ /sems rnam par g.yeng ba'i rgyu dag ni brjod ngas ba dang/ shes bzhin ma yin par gnas pa dang/ 'du 'dzi la dga' ba zhes bya ba la sogs pa de lta bu dag yin par rig par bya'o 'di ni sa bshad pa 'di la zhes bya ba la sogs pa ni bsam pa dang/ sbyor ba dang yongs su bsngo ba phun sum tshogs pa bshad pa gang yin pa de ni rab tu gnas pa zhes bya'o/ /sngar ni dang po don dam pa pa'i sems skyes pa tsam gyis gnas pa
- 40b
bshad do/ /de ni bsgom pa'i lam na gnas skabs mchog tu gyur pas/ mthong ba'i lam na phun sum tshogs pa gsum dang ldan pa'i phyir shin tu zhugs pas na rab tu gnas pa zhes bya'o/ /yang dag par tshol bas rim gro bya ba ni dge ba'i bshes gnyen rnams tshol ba gus par smra ba la sogs pa 'dud par byed pa yin te/ bsnyen bkur bya bas rim gro bya ba'i snga ltas yin no/ /sgrub pas rim gro bya ba ni sdom pa blangs pa'i yin te/ de srung ba'i yin te de bsrung ba'i phyir ro// sgrub pa'i mchod pa ni dad pa dang/ skyabs su 'gro ba la sogs pas sdom pa kho na yin pas tha dad pa yin no/ /de la gnas pa nyid ni sangs rgyas thams cad yul yin pa'i phyir ro/ /dngos po chen po nyid ni sna tshogs mang zhing rgya che ba'i phyir ro// bsam ba chen po nyid ni rgya che zhing rnam par dag pa la mos pa'i bsam pa yin pa'i phyir ro/ /bsod nams yongs su 'dzin pa chen po nyid ni chos kyi dbyings ltar rgya che ba'i phyir ro/ /rgyu'i dngos po chen po nyid ni 'khor ba ji srid pa dang 'bras bu rtag pa'i rgyu yin pa'i phyir ro/ /tshig gnyis kyis ni dus chen po nyid bstan te/ bskal pa dang sangs rgyas 'byung ba thams cad du rgyun mi 'chad pa'i phyir ro/ /smon lam chen? pa gsum pa ni zhes bya ba la sogs pa la/ zad par khyab pas zhes bya ba ni ma lus ba'i zhes bya ba'i sgra'i don ston par byed pa'o/ /thams cad ces bya ba ba'i sgra ni 'jig rten gyi khams rab 'byams khyad par du byed pa yin no/ /de la 'jig rten gyi khams 'ba' zhig smos na ni 'jig rten gyi khams su zhes bya ba 'di tsam du go bar 'gyur gyi dzam+bu'i gling thams cad du zhes bya bar ni ma yin no/ /zad par khyab pas ma lus pa smos pas ni 'jig rten gyi khams gcig na yang dzam+bu'i gling ji snyed yod pa de dag thams cad du yin zhes bshad pa yin no/ /smon lam
- 41a
gsum pa 'dis ni rten cing 'dra bas sems can rnams yongs su smin par byed pa de bstan te/ dga' ldan gyi gnas nas gshegs pa la sogs pas rten sangs rgyas kyi sprul pa'i sku brjod pa'i phyir ro/ /sngon du btang bas zhes bya ba ni ci nas kyang sems can rnams kyi bsod nams dang ye shes kyi tshogs sogs par 'gyur bar bya'o zhes de snyam du dang por sems la bzhag nas phyis dga' ldan gyi gnas nas gshegs pa la sogs pa ston par mdzad ngo zhes bya pa'i tha tshig go/ bzhi pa zhes bya ba la sogs pa ni/ da ni sems ci 'dra bas sems can rnams yongs su smin par byed pa de ston to/ /byang chub sems dpa' i spyod pa'i gdams dag rjes su bstan pa rab tu sbyin pas brtan pa'i sems kyis te/ tshig dang po dang/ tha ma gnyis dang/ tshig par ma rnams kyis spyod pa de nyid kyi rnam pa dang/ rang bzhin dang/ las dang/ thabs tha dad pa ston par byed do/ /rnam pa la sogs pa bshad pa nyid las legs par rnam par phye bas zad do/ /sa dag las 'jig rten pa ji ltar yod pa ma yin nam zhe na/ de'i rjes la thob pa yin gyi/ sas bsdus pa ni ma yin no zhes bya bar khong du chud par bya'o/ /thabs bstan pa las spyod pa lta bu zhes bya ba ni de dang 'dra ba'i sa bcu pa'i chos kyi rnam grangs 'di nyid la bya ste/ pha lta bu zhes bya ba bzhin no/ /sa'i lam ji lta ba bzhin du ston pa yang 'di nyid yin no/ /lnga pa zhes bya ba la sogs pa ni da ni sems can gang dag yongs su smin par bya ba de dag yongs su ston te/ de dag kyang rnam pa drug du tha dad pa rnams so/ /rnam pa drug po de dag kyang bshad pa nyid las bshad par zad do/ /drug pa zhes bya ba la sogs pa ni da ni sems can de dag gang na gnas pa de brjod de/ snod kyi 'jig rten gyi khams yin no/ /de la shin tu rgya che ba zhes bya ba la
- 41b
sogs pa la rnam par dbye ba mig 'phrul lta bu ni dper na sgyu ma'i gsang sngags kyi mthus mig 'phrul glang po che dang rta la sogs pa'i mtshan nyid kyi rnam par dbye ba ngo bo sna tshogs brdzun yang snang ba de bzhin du las sgyu ma'i mthus 'jig rten gyi khams rnam pa du mar tha dad pas tha dad pa 'di dag kyang brdzun bzhin du snang ste/ bdag nyid kyis don dam pa'i mtshan nyid kyi ye shes kyis khong du chud par byas nas/ sems can rnams kyang khong du chud par bya'o zhes smon lam 'debs so/ /'di snyed du yongs su chud pa ni chad do/ /de med pa'i phyir tshad med pa ste/ de ltar tshad med pa de dag gi rnam par dbye ba rnam pa du ma gang yin pa de la 'jug pa mngon sum du bya ba'i phyir smon lam 'debs so/ /bdun pa zhes bya ba la sogs pa ni da ni gang la gnas te yongs su smin par bya ba de ston te/ de la zhing thams cad zhing gcig dang zhes bya ba ni zhing thams cad rang gi zhing 'dra ba nyid du bsgrub pa'i phyir zhes bya ba'i tha tshig go? /zhing thams cad du thogs pa med par 'gro ba'i phyir mnyam par rgyu ba ste des yongs su sbyong pa'o/ /'od kyi rgyan gyis ni kha dog phun sum tshogs pa ston to/ /rin po che mchog tu 'bar bas brgyan pa'i phyir ro/ /rnam par bkod pa'i rgyan gyis ni dbyibs phun sum tshogs pa ston te/ dbyibs sna tshogs du ma bkod pa'i phyir ro/ /nyon mongs pa thams cad dang bral ba'i phyir yongs su dag pa'i lam 'jig rten las 'das pa'i lam de dang ldan pas zag pa med pa'i dga' ba dang bde ba la yongs su longs spyod cing de la gnas pa rnams nye bar brtan par 'gyur bar smon lam 'debs so/ /ye shes tshad med pa'i 'byung gnas ni sangs rgyas dang byang chub sems dpa' rnams te gnas pa po de dag gis gang ba nyid don du gnyer ba'o/ /zhing de lta bu de 'grub pa'i rgyu ni
- 42a
sangs rgyas kyi yul rgya chen po la yang dag par gzhol ba yin te/ sangs rgyas kyi yul rgya chen po ni sangs rgyas kyi chos thams cad do/ /de dag la yang dag par gzhol pa ni mngon par sgrub pa'o/ /sems can rnams kyi bsam pa ji lta ba bzhin du mos pa dang 'tsham par ye shes kyis zhing de lta bu dag ston cing yang dag par bstan nas kyang mthus tshim par byed do/ /brgyad pa'o zhes bya ba la sogs pa la/ da ni smon lam lhag ma gsum ni bdag nyid kyi sa'i khyad par rtogs par bya ba dang/ byang chub sems dpa' i sa'i khyad par rtogs par bya ba dang/ byang chub sems dpa' i sa'i mthar thug pa rtogs par bya ba dang/ thams cad kyi mthar thug pa rtogs par bya ba dang go rim bzhin te/ de la byang chub sems dpa' thams cad dang bdag tu bsam pa sems mngon par 'du byed pa dang sbyor ba lus dang ngag gi las gcig par 'dra bar mtshungs par 'gyur bar smon lam 'debs pa/ byang chub sems dpa' rnams kyi bsam pa ni thams cad mkhyen pa nyid la sems shing theg pa dman pa las shin tu rgyab kyi phyogs pa yin la/ sbyor ba yang 'di nyid la sbyor ba yin pas bdag kyang de dang 'dra bar theg pa chen po kho na la 'jug cing theg pa dman pa la dga' bar yang mi 'gyur bar de dag dang bsam pa dang sbyor ba gcig par don du gnyer ba'o/ /de yang spyod pa rnam pa bcu rab tu phye ba'o zhes bya ba ni de la sbyin pa'i pha rol tu phyin pa la sogs pa dge ba'i rtsa ba rnams kyi 'gran zla ni dgra ste/ ser sna la sogs pa ni mthun pI phyogs so/ /de spangs pa'i phyir zil gyis mi non pas na/ 'gran zla med pa dag go /de dag sogs pa ni yongs su rdzogs pa ste/ 'di ni theg pa chen po la 'jug pa'i tshogs yin no/ /nang du yang dag 'jog pa ni tshul bzhin du yid la byed pa bsgoM?
- 42b
pa ste/ des chos thams cad bdag med pa'i rnam pa kho nar dmigs pa'i phyir/ mthun par dmigs pa ste des rnam pa gnyis rab tu phye ba'o zhes bya bar sbyor ro/ /rtag tu byang chub sems dpa' rnams dang 'grogs pas 'brel pa'i gtam gtan la 'bab par 'gyur ro/ /de bzhin gshegs pa rab tu 'byed par ni chos kyi dbyings so/ /de ye shes kyis khong du chud pa ni rjes su dran pa'o/ /ma nyams pa ni yongs su ma nyams pa ste de las nam yang nyams par mi 'byung ba'i phyir ro/ /de nyid kyi phyir rjes su 'gro ba ste/ rtag tu kun tu 'byung ba'i phyir nam yang rjes su mi 'gro ba ma yin no/ /de nyid gtan du ba'i mngon par shes pa thob pas so zhes bya bas bstan to/ /dgu pa zhes bya ba la sogs pa la brtson 'grus ni brtson 'grus rtsom pa'o/ /de'i don yod pa na 'bras bu med pa ma yin pa nyid do/ /lus dang ngag dang yid kyi las don yod pa zhes bya ba'i mdo'i tshig ni mdo nyid las tshig gzhan gsum gyis bshad de/ de la sems can rnams kyis bdag mthong ma thag tu sangs rgyas kyi sa bon du btab pas sangs rgyas kyis chos rnams la nges par 'gyur bar smon lam 'debs pa ni/ lus kyi las don yod pa nyid do/ /tshig brjod ma thag tu ye shes khong du chud par bya ba zhes bya ba ni ngag gi las yod pa nyid do/ /de'i yid kyi dbang gi sems can rnams dad ba skyes ma thag tu nyon mongs pa rnams ldog pa ni yid kyi las don yod pa nyid do/ /don sgrub pa ni don byed pa don bya ba yin te nges don yod pa nyid de/ de la sman gyi rgyal po chen po lta bu'i lus yang dag par bstan pas ni sems can rnams kyis sha zos pa la sogs pas rang bzhin gyi sdug bsngal nad sel bar byed de 'di ltar srog chags kyi rigs nges pa zhes bya ba'i sha zos sems can gyi tshogs chen po'i nas kyi sdug bsngal nye bar zhi'o zhes grag go /phongs pa las byung ba'i
- 43a
sdug bsngal ni/ dbul ba la sogs pa de'i gnyen por yid bzhin gyi nor bu rin po che lta bu'i lus thob pa'o/ /bcu pa'o zhes bya ba la sogs pa la las lnga pa ni mya ngan las 'das pa bstan nas yang sems can gyi don du 'khor bar skye ba la brten nas byang chub sems dpa' i spyod pa bsgrub pa'i phyir spyod pa'i stobs rgyun mi 'chad pa yin no/ /drug pa ni sangs rgyas kyis ye shes kyis las yang zhes bya ba la sogs pa ni 'di skad du/ thams cad mkhyen pa nyid theg nas sangs rgyas kyi sa la brten nas sangs rgyas kyi zhing gzhan dag tu chos kyi tshul nub na mdo la sogs pa'i chos rnams rab tu ston par byed do zhes bshad pa yin no/ /de nyid kyi phyir yang zhes bya ba'i sgra smos te/ nub pa la yang 'byin par bstan pa'i phyir ro/ /las bdun pa ni zhes bya ba la chos rnams shes pa ni chos shes pa ste me long lta bu'i ye shes la sogs pa'o/ /de nyid mngon par shes pa yin te/ 'dis mngon par shes pa'i phyir ro/ /des stong pa nyid du rtags pa'i phyir chos thams cad snang ba med par byed do/ /de nyid kyi phyir 'khor ba la mi gnas so/ /rdzu 'phrul gyis mngon par shes pas ni sems can gyi mos pa'i dbang gis brgya byin la sogs pa'i lus kyis bdag nyid len cing de bzhin du tshe zad na yang ci dgar 'dug la/ yod na yang yongs su mya ngan las 'da' o/ /de la 'dod pa'i don sangs rgyas mchod pa la sogs pa la sems mngon par 'du byed cing 'du mngon par byed pa ni smon lam mo/ /smon lam de 'grub par bya ba'i thabs gang yin pa brtson 'grus kyi mtshan nyid de ni brtson pa'o/ /brtson 'grus kyi thabs de sgrub pa shas che ba ni mngon par sgrub pa'o/ /de zhes bya ba'i sgra smon lam dang 'brel pa yin pa dang de 'grub pa ni smon lam 'grub pa zhes bya ba'i don
- 43b
'dir 'gyur ro/ /de 'grub pa yang smon pa'i don 'grub pa yin la/ 'dod pa'i don yang sems can gyi mthar thug pa'i bar yin pas/ de'i phyir 'di la sum rim gyis mngon par bsgrub pa'i phyir gzhung 'di mi 'gal lo/ /de la sems can gyi khams kyi mthar thug pa ni yan lag go zhes bya ba la sogs pa la/ sems can gyi khams gang yin pa zhes bya ba ni sems can gyi khams kyi mthar thug pa zhes bya ba yin no/ /gang du gnas pa zhes bya ba ni 'jig rten gyi khams mthar thug ba zhes bya ba yin no/ /ji snyed pa zhes bya pa ni nam mkha' i khams kyi mthar thug pa zhes bya ba ste/ nam mkha' i khams bzhin du tshad med pa zhes bya ba yin no/ /gang gis gdul bar bya ba zhes bya ba ni chos kyi khams kyi mthar thug pa zhes bya ba yin te/ sangs rgyas kyi sgrub pa la sogs pa'i thabs kyis 'dul ba'i phyir ro/ /gdams ngag gang la brten nas zhes bya ba ni de bzhin gshegs pa'i ye shes kyi khams kyi mthar thug pa zhes bya ba yin te/ de bzhin gshegs pa'i ye shes la brten nas gdams ngag sbyin par byed pa'i phyir ro/ /dmigs pa gang gi zheS bya ba ni sems kyi dmigs pa'i khams gyi mthar thug pa zhes bya ba yin te/ bdag med pa gnyis la dmigs pa'i phyir ro/ /mngon par rtogs pa gang gis zhes bya ba ni sangs rgyas kyi ye shes mngon par sgrub pa'i mthar thug pa zhes bya ba yin te/ sangs rgyas kyi ye shes mngon par rtogs pa'i phyir ro/ /'di dag rgyun gyi mthar thug pa yin pa ni/ 'khor ba ji srid par yongs su mi zad pa'i phyir zhes bstan pa'i phyir ro/ /mthar thug pa dgu po 'di dag nyid rgyu kyi mthar thug pa rnams kyis bstan te/ de la 'jig rten gyi rgyud kyis ni dang po gsum mo/ /chos kyi rgyud kyis ni bar ma rnams so/ /ye shes kyi rgyud kyis ni tha ma rnams so/ /rgyud ni rgyun chags pa ste rgyun dang lam zhes bya ba'i tha tshig go/ sgrub pa'i khyad par du 'phags pa ji lta bu zhes na zhes bya
- 44a
ba ni dad pa la sogs pa 'og nas 'byung ba'i don bcu dag gis sgrub par byed pa'i phyir ro/ /nyan thos la sogs pa rnams la yang 'di dag shes 'ga' zhig yod mod kyi/ 'on kyang 'di las 'og nas 'byung ba ji 'dra ba de lta bu dag ni/ byang chub sems dpa' rnams kho na'i yin pas khyad par dag ces bya'o/ /dge ba'i rtsa ba de dag la zhes bya ba ni sman lam chen po kun nas bslang ba dag la'o/ /dbang gi khyad par thob pa ni ji srid 'dod par yang dang yang du mngon sum du bya ba la thogs pa med pa'i phyir ro/ /bde bar gnas pa'i khyad par thob pas zhes bya ba ni chos kyi dga' bas lus dang sems dang shin tu sbyangs pa dang ldan pas gnyen por 'gyur ba'i phyir ro/ /da ni lus kyi bye brag rab tu brjod pa'i sgo nas dang pa la sogs pa ston to/ /de la sngon gyi mdza' ni byang chub sems dpa' i gnas skabs te/ thams cad mkhyen pa nyid kyi phyi ma'i mdza' las bltos pa'i phyir ro/ /der spyod pa ni sngon gyi mdza' spyod pa'o/ /de nyid 'jug pa yin te/ 'dis thams cad mkhyen pa nyid kyi grong khyer du 'jug pa'i phyir ro/ /de ltar na khyad par bsdus pa'i byang chub sems dpa' i spyod pa nyid sngon gyi mdza' i spyod pa la 'jug pa yin no/ /rnam pa gcig tu na 'di la 'jug pa 'di yod pas sam 'di la 'dis 'jug pa yod pas zhes bya ba ste/ tshig gnyis kyis ni 'bru mang po dag la yang de nyid la bya'o/ /ji lta zhe na bshad pa/ de ni sa bcus yang dag par bsdus pa'i phyir ro/ /de la tshig gnyis ka la yang byang chub sems dpa' i spyod pa snga ma ni sa phyi ma'i 'jug pa yin pa 'am/ snga mas phyi ma la 'jug pa yin pas rnam pa 'dis de nyid sngon gyi mdza' i spyod pa la 'jug pa yin par yang ma zad kyi/ snga ma dang phyi ma zhes bye brag du ma phye bar thams cad mkhyen pa nyid la 'jug pa de thams cad
- 44b
yod pa 'am/ 'di la des 'jug pa yod pas zhes tshig tha dad pa'i 'bru mang po'i bsdu ba kho nas thams cad mkhyen pa nyid kyang yin no/ /de ltar na sngon gyi mdza' i spyod pa la 'jug pa ni ngo bo gnyis te/ spyod pa dang byang chub kyi rang bzhin yin pa'i phyir ro/ /de nyid kyi sbyong ba nas gung ste byang chub mngon par rdzogs par byang chub pa'i bar du'o zhes bshad pa yin te/ de la dang po ni rnam pa nyid kyis mngon par yid ches so/ /byang chub sems dpa' i spyod pa de gang yin pa zhes bya ba ni rang bzhin gang yin pa ste/ pha rol tu phyin pa la yang dag par 'grub pa zhes bya ba'i sgras bstan/ pha rol tu phyin pa rnams yang dag par 'grub pa ni yongs su 'grub pa ste/ mi mthun pa'i phyogs spangs pas yongs su dag pa yin pas de'i rang bzhin gyi byang chub sems dpa' i spyod pa'o/ /rim pa gang gis zhes bya ba ni/ sa yang dag par 'grub pa zhes bya ba'i sgras bstan to/ /sa dang po la sogs pa yongs su dag pa'i rim gyis de dag 'grub pa'i phyir ro/ /'di ltar sa dang po la ni sbyin pa'i pha rol tu phyin pa'o/ /gong ma dag la ni gzhan dag 'grub par rig par bya'o/ /byang chub kyis bsdus pa'i khyad par rnam pa drug gi dbang du byas nas smras pa/ mu stegs can phyir rgol ba'i gnyen ba'i khyad par dang/ bdud phyir rgol ba'i gnyen po'i khyad par te mi 'jigs pa yongs su rdzogs pa dang stobs dang sangs rgyas kyi chos ma 'dres pa mi 'phrogs pa nyid ces bya ba la mi 'jigs pa rnams dang/ stobs la sogs pas rim bzhin du mu stegs can dang/ bdud dag las rgyal ba'i phyir ro/ /mthu bsam gyis mi khyab pa rgya tshab ni/ sangs rgyas kyi chos bsam gyis mi khyab pa nyid ces bya ba ste/ nyan thos la sogs pa'i sems kyi spyod yul las kyang 'das pa'i phyir ro/ /ye shes tha mi dad cing zab pa nyid kyi khyad par ni de bzhin gshegs pa'i yul mthu
- 45a
dbus med par mngon par sgrub pa zhes bya ba yin no/ /ji lta zhe na skye ba dang gnas pa dang 'jig pa ni dang po dang dbus dang mdza' dag yin no/ /mdza' smos pas ni 'dir mdza' ma yang brjod pa yin te/ phyi ma'i mdza' yin pa'i phyir ro/ /de rnams med pa'i phyir mdza' dang dbus med pa ste/ chos kyi dbyings so/ /de'i yul can gyi ye shes kyang yul gyi sgo nas mdza' dang dbus med pa zhes bya'o/ /de nyid ye shes tha mi dad pa yin te/ stong pa nyid du ro gcig pa nyid kyis de las gzhan pa'i dmigs pas tha dad du mi phyed pa'i phyir ro/ /de nyid rang rig pa nyid kyis de bzhin gshegs pa'i yul yin te/ de mngon par sgrub pa ni yang dang yang mngon sum du byed pa'o/ /de'i zab pa nyid kyi khyad par ni shes bya thams cad kyi rjes su yang zhugs la de'i rnam pa snang bas bsgyur ba yang ma yin zhing yang dag pa'i ngo bo yin pa'i phyir shes pa yang yin la zhes bya ba ma grub pa'i phyir shes bya dang 'brel pa can ma yin zhes bya ba'o/ /rnam pa thams cad mkhyen pa'i khyad par ni de bzhin gshegs pa'i spyod yul tshad med pa dang ldan pa la 'jug pa zhes bya ba yin te/ de bzhin gshegs pa'i spyod yul tshad med pa ni chos thams cad de de'i mngon sum yin pa'i phyir ro/ /de la 'jug pa ni me long lta bu'i ye shes la sogs pa ste/ 'dis shes bya'i dngos po thams cad la 'jug par byed rab tu shes par byed pa'i phyir ro/ /de nyid rnam pa thams cad mkhyen pa yin no/ /'bras bu yongs su grub pas zhes bya ba ni sangs rgyas kyi lam gyi 'bras bu ni sgrib pa thams cad dang bral ba yin pa'i phyir bral ba'i khyad par ni 'bras bu yin te/ de la snga ma rnams kyis ni ye shes phun sum tshogs pa bstan to/ /'dis ni spangs pa phun sum tshogs pa bstan to/ /da ni rdo rje'i snying po nyid kyis sngon gyi mdza' i spyod pa la
- 45b
'jug pa spyod pa dang byang chub kyi rang bzhin rnam pa gnyis po de mdor bsdus nas tshig tha ma gnyis kyis ston par byed do/ /de la dben pa ni zhes bya ba la sogs pa la sge 'dogs pa'i zhes bya ba ni yang dag pa ma yin pa gzung ba dang 'dzin pa gnyis su sgro 'dogs pa'i phyir ro/ /sgro 'dogs par byed pas na sgro 'dogs pa ste rnam par rtog pa'o/ /sgro btags pa ni de nyid kyis sgro btags pa ste rnam par brtag par bya ba bdag dang chos rnams so/ /sangs rgyas kyi chos chos kyi dbyings rnam par dag pa'i mtshan nyid de dag ni de gnyi gas dben te rtog pa dang brtag par bya ba dang bral ba'i phyir de dag kyang rtog par mi byed la brtag par bya ba yang ma yin no zhes bya ba'i tha tshig go /zhi ba ni don gyi chos nyid kyis so zhes bya ba'i don rnams kyi chos nyid ni stong pa nyid de rang bzhin gyis yongs su mya ngan las 'das pa'i phyir zhi ba dag go /de lta bas na 'dis ni ngo bo nyid gsum yongs su bstan te sgro 'dogs pa'i don zhes bya bas ni rnam par rtog par byed pa'i sems dang sems las byung ba brjod pa'i phyir gzhan gyi dbang yin no/ /sgro btags pa rnam par brtag par bya ba'i dngos po brjod pa'i phyir kun brtag pa yin no/ /don gyi chos nyid kyis ni yongs su 'grub pa bstan pa yin no/ /de la rnam par rtog par byed pas na rnam par rtog pa ste gzhan gyi dbang gi ngo bo nyid do/ /de ni stong pa nyid kyi rnam par thar ba'i sgo'i mi mthun pa'i phyogs te/ gnyis su rnam par rtog pa yod na de mi skye ba'i phyir ro/ /mtshan ma ni skyes pa dang bud med la sogs par sgro btags pa kun tu brtags pa'i ngo bo nyid/ mtshan ma med pa'i mi mthun pa'i phyogs yin no/ /ldan pa dang bral ba ni theg pa dman pas yongs su mya ngan las 'da' ba ste khams
- 46a
gsum pa dang ldan pa dang bral ba yin pa'i phyir ro/ /de la smon pa ni smon pa med pa'i mi mthun pa'i phyogs yin no/ /nyon mongs pa can gyi chos spongs pa ni zag pa med pa'i lam ste/ 'dis nyon mongs pa can gyi chos rnams spong bar byed pa'i phyir ro/ /de'i dmigs pa yin pa nyid kyi phyir gos ba med pa ste/ de dag la dmigs nas nyon mongs pa thams cad kyis mi gos pa'i phyir ro/ /grangs med pa dang brtag mi nus pa dge ba'i rtsa ba rnams bskyed par bya ba'i dmigs pa nyid yin pas tshad med pa dag go/ yang na 'dis skye bar byed pas na skye ba'i lam kho na yin te/ de'i dmigs pa yin pa'i phyir ro/ /gzhan gyi don sgrub par byed pa'i ye shes ni byang chub sems dpa' lam ste de'i dmigs pa yin pa'i phyir rgya che ba dag go/ bskal pa grangs med gsum gyis thob par bya ba'i sangs rgyas kyi ye shes gang yin pa de'i dmigs pa yin pa'i phyir sgrub dka' ba dag ste/ sgrub par dka' thob par dka' zhes bya ba'i tha tshig go /ngo bo nyid gsum las brtsams nas lta ba ngan pa gsum ste/ de la ma rig pa'i mun pas bsgrings pa'i mig tsan den? gyi lta ba dang po ni yongs su grub pa'i ngo bo nyid stong pa nyid la 'byung ngo/ /gnyis pa ni bdag ni 'di lta bu'o zhes bya ba la sogs pa'i nga rgyal gyis rnam par rtog par byed pa'i sems dang sems las byung ba rnams la'o/ /gsum pa ni phyi'i dngos po gser la sogs pa sgro btags pa la te/ lta ba gsum pa ni sred pa rnam pa du ma 'byung ba las yin no/ /gnyis ni yongs su tshol ba'i dus na zhes bya ba ni kun tu tshal ba ste/ sgrub pa'i dus so/ /de la dang po ni bsam pa'i nyes pa ste/ rgyu dang g.yo bsam pa dag gis sgrub pa'i phyir ro/ /gnyis pa ni sbyor ba'i nyes pa'o/ /phrag dog dang
- 46b
ser sna dag kyang sems las byung ba yin pa'i phyir bsam pa'i nyes pa kho na yin nam ma yin snyam pa'i dogs pa bsu bar bye brag du bshad de/ 'gro ba gzhan dag tu lus dang longs spyod ngan pa mngon par 'grub pa'i phyir don gyis na 'di gnyis kyis lus dang longs spyod dag la log par sbyar ba yin pas 'di gnyis sbyor ba nyid yin par rig par bya'o/ /lta ba drug pa ni yul sdug pa la 'dod chags pa dang/ mi sdug pa la zhe sdang ba dang/ gnyi ga las bzlog pa la gti mug pa'o/ /bdun pa ni phan tshun gnod pa byed pa'i dus na ni khro ba'o/ /mdud par 'dzin pa'i dus na ni khon du 'dzin pa'o/ /brgyad pa ni phan tshun gnod pa byed pa'i dus nyid na te/ phyin ci log bzhi la mngon par zhen pa kho nas gnod par byed pa'i phyir ro/ /dgu pa ni sbyin pa la sogs pa byed pa'i dus na te/ 'dod pa'i zag pa la sogs pa kun tu 'byung ba'i phyir ro/ /'dir kun gzhi'i rnam par shes pa dang de dang mtshungs par ldan pa'i tshor ba btang snyoms kho na don dam par rnam par smin par 'dod kyi/ de las gzhan pa'i rnam par shes pa'i tshogs rnams dang/ tshor ba la sogs pa ni rnam par smin pa las skyes pa yin pa'i phyir nye bar brtags nas rnam par smin pa dag ces bya'o/ /ji ltar na kun gzhi'i rnam par shes pa nyid mtshams sbyor ba'i skad cig ma la byung ba gcig pa kho na la ming dang gzugs dang/ lhan cig byung ba zhes bya zhe na/ smras pa/ ming dang gzugs dang de lhan cig 'byung ba'i phyir ro zhes bya ba 'dis khyad par gyi tshig bsdu ba ston te/ lhan cig gcig car byed? pa'i gzhan dang lhan cig 'brel pa ni de'i rang gi ngo bo ma yin pa ming dang gzugs la bltos par bya ba yin no/ /de ni rnam par smin pa'i kun gzhi'i rnam par shes pa'i rgyu nyid kyi mtshan nyid yin pa brjod de/ de ni nyid mtshams sbyor ba'i
- 47a
dus kho na na/ de dang dus mnyam pa'i ming dang gzugs 'jug pa'i rnam par shes pa bsdus pa skyed par yin pa'i phyir rgyu yin no/ /ji lta zhe na/ ming dang gzugs dang de mi 'bral bar gyur pa'i phyir zhes bya ba smras so// de lta ma yin na go /'dir ni mi 'bral bar gyur pa ming dang gzugs yin par bshad la/ mdo las ni ming dang gzugs dang lhan cig 'byung ba dang mi 'bral par gyur ba zhes bya ba tshig gnyi gas kyang kun gzhi rnam par shes pa kho na yin par bshad pa ma yin nam zhe na/ 'di ni nyes pa med de/ mi 'bral par gyur pa ni gnyi ga la brten pa'i phyir gnyi ga yang mi 'bral bar gyur pa zhes bshad do/ /gso ba nyid kyis ni gsog nyid du ston par byed do/ /g.yo ba med pa nyid kyis ni rang gis bdag ma yin pa ste/ ji lta zhe na/ bdag ni byed pa po dang/ bya ba dang bcas pa dang/ rtag par 'dod la/ phung po rnams ni/ skad cig las phan chad du mi gnas pa'i phyir bya ba'i dus su mi gnas pas de lta bu ma yin bdag tu brjod pa'i phyir ro/ /'di ltar khong du mi chung ngo zhes bya ba ni sems can dang sems can du bgrang ba ma yin pa'i dngos po dag dang/ skye ba la sogs pa sdug bsngal ba dang/ mya ngan las 'das pa bde ba dag ste/ de gnyig las phyin ci log du gyur ba'i phyir ro/ /zhes bya ba'i tha tshig go/ /des sems can rnams sdug bsngal gyi phung po las mthar pa de lta bu dag mthong nas de'i phyir de'i snying po rgyas par 'byung ngo zhes bya ba'o/ /zong du bya ba zhes bya ba na sna sbrang ba'i dod tshe dang/ dngul gyi dong tse la sogs pa'i nor dag go/ /yongs su spyad par bya ba zhes bya ba ni/ yongs su longs spyod par bya ba zhes bya ba ni yongs su longs spyod par bya ba nas dang skom la sogs pa gnag yin pa'o/ /bzhag par bya ba ni/ btsong bar mi
- 47b
bya ba gang yin pa ste/ gser la sogs pa mi nyams pa'o/ /'di gsum car yang tshig dang po gcig kho nas bstan to/ /rnam pa brgyad gang yin pa dang/ nang gi ni tshig lhag ma dgus bshad do/ /gtong ba'i spyi ni rtogs par sla ba'i phyir/ thams cad la bltos nas yan lag yin no zhes de skad du ma bshad do/ /phyi'i dngos po gtong ba rnam pa brgyad kyi yan lag ni gtong pa dang po yin te/ gtong ba rnam pa brgyad ni de'i dbye ba'i ngo bo yin pa'i phyir ro/ /gzhi yongs su 'dzin pas dga' ba ni/ bde ba'i rgya yongs su 'dzin pas dga' ba zhes bya ba'i tha tshig go/ /gzhi ni ser dang dul la sogs pa ste/ de ni phan 'dogs pa'i rgyu yin pa'i phyir/ /phan 'dogs pas dga' ba ni rnam pa bryad du shes par bya'o/ /de dag kyang mdzes pa'i phan 'dogs pas dga' ba la sogs pa ste rin po che'i rgyan ces bya ba la sogs pa'i tshig gis bshad do/ /de bzhin nyid du zhes bya ba ni tha ma dang 'bring dang ji ltar gang rigs pa de ltar de bzhin sgrub bo zhes bya ba'i tha tshig go/ /byang chub sems dpa' ji ltar sgrub ce na/ smras pa/ bstan bcos mdo sde'i brgyan bshad pa las/ 'jig rten shes pa nyid rnam par dbye ba'i nang nas/ dpa' bo rtag tu 'dzum pa'i bzhin zhes bya ba la sogs pa 'byung ba bzhin no/ /ci nus su zhes bya ba ni bdag gis so zhes bya ba na bdag nyid ldan pa nyid stan par byed de/ rang gi zho sha la bltos nas nus pa la ni 'jug gi mi nus pa la ni ma yin pa'o/ /ci rigs su zhes bya ba ni gzhan dag la'o zhes bya ba ni gang dag ji ltar gang gis skal pa dang ldan pa de dag ni de kho na bzhin du de la brten te zhes bya ba de ltar khong du chud par byas nas/ de nyid la 'dzud par byed kyi gzhan du ni ma yin no zhes bya ba'i tha tshig go /yid la bya ba ni rnal 'byor te/ de dang mthun pa'i dus su ni 'di yin no/ /zhes bya bar rtogs nas/ bdag nyid kyang rnal 'byor la
- 48a
'jug la/ gzhan rnal 'byor dang ldan pa yang de'i dus su slong bar mi byed de/ /de bzhin tu nyin par dang mtshan mo yang gang gi tshe gang la 'jug par bya ba de yang shes dus gang gi tshe bya ba 'bras bu yang cing 'bras bu dang bcas par 'gyur ba de yang shes so/ /mngon par 'byung ba ni nges par 'byung ba ste/ dge ba'i sbyor ba snga ma de las ma nyams par khyad par phyi ma thob par bya ba'i phyir brtson 'grus mchog byed pa'o/ /de nyid rnam pa gnyis kyis zhes bya bas bstan te/ 'bri bar mi 'gyur pa zhes bya ba ni thob pa las yongs su mi nyams pa'o/ /rgyun mi gcod pa zhes bya bas ni ma thob pas yongs su mi nyams pa'o/ /sgrub pa bcu pa kho na la mchod pa gnyis smos pa'i phyir tshig gnyis kyis bshad par rig par bya'o/ /yod pa nyid du ni yid ches la nus pa nyid du ni 'dod pa ste/ byang chub sems dpa' i spyod pa dang/ sangs rgyas kyi chos rnams la so sor 'di gnyi ga sbyar ro/ /lhag ma gsum ni ngo tsha shes pa dang khrel yod pa dang/ brtan pa'i stobs bskyed pa dang/ sangs rgyas la mchod pa dang rim gro byed pa ste/ de la dang po ni dad pa la sogs pa'i mi mthun pa'i phyogs rnams dang du len te/ bdag gir mi byed cing de dag gis ngo tsha bar byed do/ /gnyis pas ni gang gis na de dag las mu stegs can la sogs pa phyir rgol ba rnams bskyod par mi nus te mi g.yos shing mi bzlogs so/ /gsum pas ni che phyi ma la dad pa la sogs pa de dag ga rtsa ba zhes bya ba skye ba dang mthun pa'i gnas lus yongs su 'dzin to/ /de nyid sangs rgyas la mchod pa dang rim gro byed pa rgya chen pos zhes bya bas bstan te/ de'i rnam par smin par gyur pa yin no/ /sgrub pa'i mchod pas ni sems las su rung ba yin te/ de'i rgyu mthun par gyur pa sngon goms pa'i stobs kyis dang kha'i bya ba kho na
- 48b
pa 'jug go /sum cu lnga po snga ma ni rgya cher bstan pa yin no/ /'di dag ni mdor bsdus nas bshad pa yin no/ /yon tan gyi zhing la dgod pa ni sangs rgyas dang dge 'dun la mchod par byed pa ste/ byang chub sems dpa' i sa rab tu dga' ba 'di la gnas pa de la zhes bya ba nas gzung ste/ dge 'dun la yang tshogs pa'i yang dag pa'i ri mo byed do zhes bya ba'i bar yin no/ /bla na med pa'i 'bras bur dgod pa ni dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo bar byed do zhes bya ba yin no/ /snying rje'i zhing du dgod pa ni de sangs rgyas bcom ldan 'das de dag mchod pas sems can yongs su smin par bya ba kun tu skyes pa yin zhes bya ba nas gzung ste/ las su rung bar 'gyur ro zhes bya ba'i bar yin te/ 'di ni dgod pa rnam pa gsum yin no/ /mang po zhes bya ba'i grangs smos pa ni de rtogs nas dad pa rab yang dag par bskyed pa'i phyir ro/ /gzugs kyi sku ni sha'i mgo gis mthong ngo/ /chos kyi sku ni shes rab kyi mi gis mthong/ /lhag pa'i bsam pa rgya chen pos zhes bya ba ni se na thams cad yongs su bskyab pa'i lhag pa'i bsam pas so/ /bste stang byed ces bya ba 'di nyid tshig gsum gyis rnam par 'byed de/ bstod pas zhes bya ba ni tshigs su bcad pas tshigs bshad du sngabs? pas te/ rdul med rdul dang 'bral ba zhes bya ba la sogs pa'o/ /bsngags pas zhes bya ba ni rkyang bar bsdebs pa te/ de bzhin gshegs pa de ni rgyu mthun pa zhes bya ba la sogs apa'o/ /na bza' dang zhal zas dang gzims cha dang/ gdan dang bsnyun gsos sman dang yo byang dag kyang 'bul zhing zhes bya ba ni des nye bar brtan pas bdag nyid kyi ye shes kyi tshogs bsags par bya ba'i phyir ro/ /ji lta zhe na/ 'phags pa blo gros mi zad pa'i mdo las nye bar ston pa bzhi ni ye shes kyi tshogs bsogs par 'gyur ba yin te/ bzhi gang zhe na/
- 49a
chos smra ba rnams la zang zing gis nye bar rton pa dang/ ye shes kyis nye bar rton pa dang/ chos kyis nye bar rton pa dang/ shes rab kyiS nye bar rton pa'o zhes 'byung ba'i phyir ro/ /'gong pa ni 'jog pa ste/ zhing gnyis la ni de'i yul nyid yin pa'i phyir ro/ /bla na med pa la ni 'bras bur yongs su bsngo bas so/ /tshogs pa'i yang dag pa'i ri mo byed ces bya ba ni gtso bo ji lta ba gdams nas gang zag rnams la rim byed pa yang ma yin la/ dge 'dzun gyis bskos pa'i ngo bor yang ma yin gyi/ 'byor pa chen po dang ldan pa'i phyir tshogs pa'i ngo bor dge 'dun ma lus pa la bya ba byed do zhes ston par byed do/ /sems can yongs su smin par bya ba kun tu skyes pa yin zhes bya ba ni de yongs su smin pa'i mthu rnyed pas so/ /ma lus par rtogs pa ni/ ma yin no zhes bya ba ni/ ji ltar sbyin pa dang/ snyan par smra ba dag kun tu skyes pa ltar zhes bya ba'i tha tshig go lhag ma rnams ni ci nus ci 'o su yang dag par mi sgrub pa ni ma yin no zhes bya ba ni 'di la lhag ma rnams kyi sbyor ba srid pa'i phyir te/ sa bdun pa las de'i sems bskyed pa dang/ sems bskyed pa la byang chub sems dpa' i pha rol tu phyin pa bcu po dag yang dag par 'grub pa/ yang dag par 'grub par 'gyur ro zhes 'byung ba'i phyir ro/ /ci nus zhes bya ba ni/ rang gi zho sha dang mtshams pa'o/ /ci 'os su zhes bya ba ni gzhan gyi rten dang 'tsham pa'o/ /lhag ma ni sngar ji skad bshad pa bzhin no/ /shas cher yongs su byang ba dang zhes bya ba ni sbyor ba brling po shas che ba'i phyir ro/ /yongs su dag pa dang zhes bya ba ni/ le lo la sogs pa'i dri ma spang ba'i phyir ro/ /las su rung bar 'gyur zhes bya ba ni sems can la phan 'dogs pa'i mthu rnyed pa'i phyir ro /de'i rjes las thob pa 'jig rten pa dang 'jig rten las 'das
- 49b
pa'i ye shes so zhes bya ba de ni zag pa dang bcas pa'i phyir 'jig rten pa yang yin la/ de bzhin dag la med pa'i phyir 'jig rten las 'das pa yang yin no/ /yang na 'di ni sa gnyis pa yin pas 'jig rten par bshad de/ 'jig rten las 'das pa ni sa gnyis pa la sogs pa'i rang bzhin no/ /de la brtag pa la mkhas pa ni mi mthun pa'i phyogs dang/ /gnyen po 'jig pa dang 'grub ba la mkhas pa yin te/ ji lta zhe na/ des mi mthun pa'i phyogs dang gnyen po la mkhas par bya ste/ sa'i 'jig pa dang 'grub pa la mkhas pa zhes 'byung ba'i phyir ro/ /'thob pa la mkhas pa ni 'jug pa'i thabs la zhugs pa dang/ de'i khyad par la mkhas pa dag ste/ sa'i rnam pa dang rgyu mthun pa la mkhas pa dang/ sa thob pa rnam par dpyod pa la mkhas pa dang/ sa'i yan lag yongs su sbyangs pa la mkhas pa zhes 'byung ba'i phyir go rim bzhin no/ /'phel ba la mkhas pa ni sa gzhan du 'pho ba dang/ gnas pa dang 'phel ba la mkhas ba bdag ste/ sa nas sar 'phar ba la mkhas pa dang/ sa dang sa la gnas pa la mkhas pa dang/ sa dang sa'i khyad par shes pa la mkhas pa zhes 'byung ba'i phyir go rim bzhin no/ /yongs su mi nyams pa la mkhas pa ni phyir mi ldog pa la mkhas pa ste/ sa thob nas phyir mi ldog pa la mkhas par zhes 'byung ba'i phyir ro/ /mthar thug par 'gro ba la mkhas pa ni byang chub sems dpa' i sa'i mthar phyin nas de bzhin gshegs pa'i sa la 'jug pa la mkhas pa ste/ byang chub sems dpa' i sa thams cad yongs su sbyangs pas de bzhin gshegs pa'i ye shes kyi sa mnan pa la mkhas par bya'o zhes 'byung ba'i phyir ro/ /de ltar byang chub sems dpa' i sa'i rnam pa mngon par sgrub pa la mkhas pa zhes bya ba ni ji skad bshad pa'i rnam pas
- 50a
sngar rnam pa dang bcas pa bshad pa rnams kyis sa sgrub pa dang/ mkhas pa rnam pa lnga po bshad ma thag pas dad pa la sogs pa yan lag rnams sgrub pa la mkhas pa zhes bya ba'i tha tshig go /lhag ma dpes bstan pa ni mdo nyid las rnam par 'chad de/ kye rgyal ba'i sras dag 'di lta ste/ dper na zhes bya ba nas gzung ste/ lam gyi bar gnas dang po nas gyen du ma bskyod par zhes bya ba'i bar 'di ni mi nor ba'i mkhas pa yin no/ /de de ltar shes par rnam par brtags pa'i blo dang zhes bya ba nas gzung ste/ grong khyer chen por phyin ces bya ba'i bar 'di ni nye bar rton pa la mkhas pa yin no/ /'brog dgon pa'i nyes pa rnams kyis bdag dang 'gron pa rnams la gnod par mi 'gyur zhes bya ba 'di ni mkhas pa gnyi ga'i bras bu yin no/ /thog ma nyid nas sa'i lam gyi yon tan zhes bya ba nas gzung ste/ de lam gyi bar gnas dang po nas ma bskyod par zhes bya ba 'di ni byang chub sems dpa' i mi nor ba'i mkhas pa yin no/ /de de ltar ye shes kyis rnam par brtag pa'i blo dang zhes bya ba nas gzung ste/ bsgral te zhes bya ba'i bar dang/ thams cad mkhyen pa nyid kyi grong khyer chen po'i bar du phyin par byed ces bya ba 'di ni nye bar ston pa la mkhas pa yin no/ /'khor ba'i 'brog dgon pa rnams kyi nyes pas sems can gyi 'gron pa 'am bdag la gnod? par 'gyur bar yang mi byed do zhes bya ba 'di ni mkhas pa de gnyi ga'i 'bras bu yin no/ /kye rgyal ba'i sras dag de lta bas na byang chub sems dpas yongs su mi g.yo bar sa yongs su sbyang bar bya ba'i khyad par la brtson par bya'o zhes bya ba 'di ni 'bras bu de'i rgyu la sbyor ba yin par shes par bya'o/ /byang chub sems dpa' i spyod pa rang bzhin dang bcas pa'i rim pa ni pha rol tu phyin pa rnams yin par shes bya ste/ de dag tu mngon par 'grub pa'i phyir ro//
- 50b
pha rol tu phyin pa rnams kyi rim gyis sa la sogs pa don du gnyer ba'i phyir de yid la byed pa ni 'dod pa'i don yid la byed pa dag yin no/ /chos nyid ni de bzhin nyid/ de la bdag gis sbyin no snyam pa la sogs pa'i rnam pa rnams med pa'i phyir skad cig thad cig yud cam zhes bya ba ni dus thung du shes par bya ba'i phyir rnam pa gsum gsungs pa yin no/ /yang na nyan pa po rnams kyi dbang du dbang po rnon po dang 'bring dang rtul pos go bar bya ba'i phyir ro/ /sdig pa dang bral ba'i dbang du byas te/ zhes bya ba ni sdig pa dang 'bral bar bya ba'i phyir zhes bya ba'i tha tshig go /spyan lnga ni/ de na 'phags dang shes rab spyan/ /lha dang de bzhin sha yi spyan/ /byang chub kyang ni 'thob 'gyur zhing/ /sangs rgyas rnams dang mtshungs par 'gyur/ zhes bya ba ste 'di'i don ni sa bcu pa las 'chad par 'gyur ro/ /rgyu'i lus dang 'bras bu'i mtshan nyid ces bya ba'i rgyu dang 'bras bu'i rang bzhin zhes bya ba'i tha tshig ste/ lus dang mtshan nyid dag ni rang bzhin brjod pa yin pa'i phyir ro/ /ji ltar mos pas spyod pa'i sa pa'i 'bras bu sa dang po yin la/ sa dang po'i 'bras bu sa gnyis pa yin pa de bzhin du sa bcu pa'i 'bras bu sangs rgyas kyi sa yin te/ rgyu de las grub pa'i phyir ro/ /'phags pa 'jam dpal gyis kyang g.ya ri'i rtse mo'i mdo las sems dang po bskyed ba ni spyod pa dang 'brel ba'i rgyu yin par blta bar bya'o/ /spyod pa dang 'brel ba ni phyir mi ldog pa'i rgyu yin par rig par bya'o/ /phyir mi ldog pa ni skye ba gcig gis thogs pa'i rgyu yin par blta bar bya'o/ /skye ba gcig gis thogs pa ni thams cad mkhyen pa'i rgyu yin par blta bar bya'o zhes gsungs so/ /yang na rgyu'i lus ni 'bras bus rtogs pas na rgyu'i lus dang 'bras bu'i mtshan nyid ces bya ba ni/ rgyu'i rang bzhin 'bras bus shes par byed do zhes bya ba'i tha tshigs go /sangs
- 51a
rgyas sa ni 'bras bu kho na yin gyi rgyu ni ma yin te/ de las lhag pa'i sa gzhan med pa'i phyir dang/ sangs rgyas kyi sa la gong nas gong du mchog tu 'gyur ba med pa'i phyir ro/ /dang po'i sa la sbyang byas nas/ /rnam par dag pa mthong ba ni/ /sa gnyis don du gnyer byed de/ /de thob bya phyir rab tu sbyor/ /bsam pa shin tu rnam dag pa/ /de ltar rab tu sbyor ba na/ /de tshe 'chal pa'i tshul khrims kyi/ /dri spangs sa ni rgya chen 'thob/ /dri ma med pa'i bsam pa yis/ /sa gnyis rgya chen 'thob pa ni/ /yon tan rnam pa bzhi brten nas/ /rang bzhin tshul khrims 'thob par 'gyur/ /tshul khrims yongs su dag bya'i phyir/ /yon tan dag ni bzhir 'dod de/ /gzhan la yang dag mnod pa dang/ /bsam pa rnam par dag nyid dang/ /'das nas sor chud byed pa dang/ /ma 'das pa la gus pa'o/ /mkhas pas yon tan 'di rnams kyi/ /bya ba dag ni bzhing bshad de/ gzhan la bltos nas khrel yod dang/ /bdag la bltos nas ngo tshar 'dod/ /sems las 'gyod pa med pa dang/ /tshul khrims ni mi 'dral ba'o/ /sa dang po'i gleng gzhi dang/ /snyoms par 'jug pa dang/ byin gyis brlabs dang/ ldang ba dang/ bstan pa dang/ bskul ba zhes bya ba gang yin pa de nyid sa gnyis pa la sogs pa 'di dag gi yang yin par shes par bya ste/ 'di ltar gleng gzhi ni gan dang gdul ba rnams yin la/ 'di dag bshad pa'i phyir gnas gzhan dang/ gdul ba gzhan dag kyang ma yin no/ /'di dag bshad pa'i phyir rdo rje snying po snyoms par 'jug pa gzhan la snyoms par 'jug pa yang ma yin no/ /sangs rgyas bcom ldan 'das rnams kyis kyang byin gyis rlob par mdzad pa yang ma yin no/ /snyoms par ma zhugs pas ldang ba yang ga la yod/ /'di dag gi bstan pa yang ming tsam gyis don bshad pa byas pa nyid do/ /sa 'di dag bshad pa'i phyir
- 51b
rnam par grol ba'i zla ba la sogs pas yang bskul bar yang mi byed do/ /sa gnyis pa'i bshad pa dang khyad par zhes bya ba 'di gnyis brjod par bya ste/ bshad pa'i dbang du byas nas/ mngon par rtogs pa dang ldan pa zhes bya ba la soD ba gsungs so/ /de la 'byung bar byed pa rnam par dag pa ni rgyu rnam par rag pa ste/ de dag kyang sems kyi bsam pa bcu bo dag go /so sor brtags pa'i bya ba med pa zhes bya ba ni tshul khrims la sogs pa ji ltar 'bro bar bya ba ji ltar bsgrub par bya ba de bzhin du 'gro ba'i phyir de bzhin du sgrub pa'i phyir bsten pa'i phyir tshul khrims la sogs pa de sgrub na/ 'dod chags la sogs pas gnod pa na so sor brtags pa shes rab kyi stobs kyis de dag zil gyis mnan nas bstan pa ma yin pa'i phyir so sor brtags pa'i bya ba med pa zhes bya ste/ rang bzhin gyi tshul khrims kyis rang gis tshul khrims la 'jug go zhes bya ba'i tha tshig go /ci'i phyir byang chub sems dpa' i rnams kyi tshul khrimS rnam pa gsum zhes bya zhe na/ nyan thos dang rang sangs rgyas kyi tshul khrims las byang chub sems dpa' i tshul khrims khyad zhugs par shes par bya ba'i phyir tshul khrims rnam ba gsum po 'di mdor bsdus rnam bshad de/ tshul khrims kyi pha rol tu phyin pa ni/ byang chub sems dpa' i snying rje yis/ /byang chub lam ni khyad par byed/ /dang po spong ba'i tshul khrims te/ /gnyis pa dge ba bsdud pa'i yin/ /gsum pa sems can bya ba'i ste/ /don rnam gsum ni sgrub pa yin// 'di la dang po yang dag len pa'i rgyu/ /gnyis pa dge ba'i pha rol byed/ /gsum pa sems can rnams kyi rgyud/ /pha rol byed par yang dag bshad/ /ji lta zhe na/ sbyor dang bsam pa phun tshogs dang/ /mi mthun phyogs rnams nyams pa'i
- 52a
phyir/ rang bzhin tshul khrims gang yin pa/ /de ni las lam mtshan nyid yin/ /de la dge ba bcu'i las kyi lam dag gis mdor bsdu na rnam pa bzhi dang ldan pa'i phun sum tshogs pa gnyis shig bstan te/ sbyor ba phun sum tshogs pa dang/ bsam pa phun sum tshogs pa'o/ /de la sbyor ba phun sum tshogs pa ni rnam pa gnyis te/ bde bar sbyor ba dang/ phan par sbyor ba'o/ /de la srog gcod pa spong ba nas gzung ste/ tshig rtsub po spong ba'i bar ni/ bde bar sbyor ba yin par shes par bya'o/ /tshig khyal pa spong ba ni phan par sbyor ba'o/ /bsam pa phun sum tshogs pa yang rnam pa gnyis te/ bde ba'i bsam pa dang phan pa'i bsam pa'o/ /de la brnab sems med pa dang/ gnod sems med pa dag ni bde ba'i bsam pa'o/ /yang dag pa'i lta ba ni phan pa'i bsam pa'o/ /'di'i don bsdus pa ni/ gang da ltar byung ba na phan 'dogs par byed pa ni bde ba yin la/ gang tshe phyi ma la phan 'dogS par byed pa de ni phan pa yin pas 'di lta ste/ bde bar sbyor pa dang/ phan par sbyor ba dang/ bde ba'i bsam pa dang/ phan pa'i bsam pa 'di tsam du zad do/ /de lta bas na sbyor ba dang/ bsam pa phun sum tshogs pa rab tu dbye ba dang bcas pa las brtsams nas dge ba bcu'i las kyi lam rnams rnam par bzhag par shes par bya'o/ /mi mthun pa'i phyogs rnams nyams pa'i phyir zhes bya ba ji lta bu zhe na/ sems can gyi don bya bar khas blangs pa'i byang chub sems dpas chos gnyis yongs su shes par byas nas spang bar bya dgos te/ sems can rnams la gnod par byed pa gang yin pa dang/ sems can rnams la phan pa'i gegs byed pa gang yin pa'o//
- 52b
de la gnod pa ni rnam pa 'dun te/ srog la gnod pa dang/ longs spyod la gnod pa dang/ chung ma la gnod pa dang/ yang dag pa'i don la gnod pa dang/ mdza' bshes la gnod pa dang/ snyan pa la gnod pa dang/ bya ba la gnod pa'o/ /de la srog gcod pa ni/ /srog la gnod par byed pa yin pa nas tshig khyal pa ni bya ba gnod pa byed pa'i bar du yin no/ /phan pa ni byang chub sems dpa' i sbyin pas byed do/ /sbyin pa de yang rnam pa gsum ste/ zang zing gi sbyin pa dang/ mi 'jigs pa'i sbyin pa dang/ chos kyi sbyin pa'o/ /de la brnab sems ni/ zang zing gi sbyin pa'i gegs byed pa yin no/ /gnod sems ni mi 'jigs pa'i sbyin pa'i gegs byed pa yin no/ /log par lta ba ni choS kyi sbyin ba'i gegs byed pa yin no/ /mi mthun pa 'di dag gi gnyen por dge ba bcu'i las kyi lam rnams rnam par bzhag ste/ ji lta zhe na/ kye rgyal ba'i sras dag ces bya ba nas gzung ste/ sangs rgyas dang chos dang dge 'dun la bsam pa nges pa yin zhes bya ba'o/ /spong ba khyad par can yang 'thob par bstan pa'i phyir zhes bya ba ni sa snga ma'i spong ba bas spong ba khyad chen 'thob par yongs su bstan pa'i phyir ro zhes tha tshig go /gnod par byed pa'i dngos po ni dbyug pa ste/ dbyig pa spangs pa zhes bya ba gang yin pa'o/ /dbyug pa smos pa ni nye bar mtshon pa'i phyir yin te/ thob la sogs pa yang gnod par byed pa'i dngos po yin no/ /gcod pa'i dngos po ni mtshon ca ste/ mtshon cha spangs pa zhes bya ba gang yin pa ste des gcod par byed pa'i phyir ro// 'dir yang mtshon ca ni nye bar mtshon pa yin gyi/ dgra sta ma sogs pa yang gcod pa'i dngos po yin no/ /'byung bar byed pa'i rgyu'i dbang du byas nas khon du 'dzin pa spangs zhes bya ba gsungs te/ /de nyid tshig gnyis kyis rnam par 'byed do/
- 53a
longs spyod 'dod pa ni gang gis na g.yul ngor 'jug pa ste/ der zhugs na phyi ma la tshe rabs gzhan du dmyal ba la sogs pa'i sdug bsngal khas blangs pa'i phyir bdag yongs su 'dor ba yin pas/ 'dzem pa dang ldan zhes gsungs pa gang yin pa'o/ /srog chags kyi yan lag pags pa la sogs pa 'dod pa dang/ dper na de ched mi che yang lings cam 'debs pa don du gnyer ba rnams kyi de bsad par mngon par dga' ba'i dod pa ste/ snying rje la zhugs pa zhes gsungs pa gang yin pa'o/ /phan pa dang snying brtse ba'i dus re zhig ba dang/ yun du bde par byed pa ste mtho ris dang thar pa'i rgyu yang dag par len du 'jug pa'i phyir ro/ /byams pa'i sems ni seMs can de dag gis rgyu bde 'gro dang mya ngan las 'das pa'i rgyu de gnyis kyi 'bras bu gang yin pa de thob par smon pa'i phyir ro/ /srog chags 'byung bo thams cad la zhes bya ba la/ 'dir srog chags smos pas ni sems can rnams ther zug pa ma yin pa nyid du ston par byed do/ /srog gi dbang po dang ldan pas tshe ji srid kyi bar du gnas pa'i phyir ro/ /'byung po smos pas ni chad pa ma yin pa nyid ston par byed de shi ba rnams kyang las dang nyon mongs pa'i dbang gis yang 'byung ba'i phyir ro/ /chung ba ni kun tu rtogs pa tsam gyis kyang zhes bya ba 'dis ston to/ / tshe ba ni lus kyi rnam par tho 'tsham pa zhes bya ba 'dis ston to/ /thun mongs rnams la zhes bya ba ni gzhan gyis yongs su gzung ba rnams la'o/ /thun mong ma yin pa dag la zhes bya ba ni gzhan gyi chung ma zhes bya ba 'dis ston to/ /pha ma dang 'brel ba zhes bya ba ni/ rigs zhes pas smos pas ston to/ /gzhan sbyin par byas pa zhes bya ba ni mtshan smos pas ston to/ /nges pa la gnas pa zhes bya ba ni chos smos bas ston to/ /rab tu byung ba dag dang/ bu khul zho na 'dug pa dag dang/ bu chags pa
- 53b
dag ces bya ba 'di dag kyang chos kyis bsrungs pa'i nang du 'dus te/ sems can la gnod pa byed pa'i phyir ro/ /gnas ma yin par 'gro ba ni mchod rten dang bla ma'i gnas dag dang/ yan lag ma yin pa'i rnam par rig byed ro?/ smras pa/ gang zhig rang gi chung ma yin yang nges bcas bu chags mi 'gro zhing/ /bu la nu zho lhung tshe ma yin yang lag ma yin mi 'gro ba/ /bud med 'grogs na'ang chags dang rmongs par gzhan gyis yongs bzung mi bsten pa/ /smos ci dgos pa dbang po legs bsdams rgyags pa dbang gyur shes par bya/ /gzhi dang khyad par med pa'i phyir zhes bya ba la gzhi ni rgyu yin no/ /brdzun du smra ba'i gzhi ni gzhan bslu pa'i bsam pa'o/ /de spong ba ni gzhi spong ba ste de yang bden par smra bas 'gyur ro/ /bden par smra ba de nyid ni gzhan la bslu ba'i bsam pa'i gnyen po yin no/ /de yang de'i rgyu yin te/ de la brten nas de 'byung ba'i phyir ro/ /de'i phyir gzhi dang khyad par med pa'i phyir ro/ /zhes bya ba smras te/ de ltar na gnyen pos spong ba nyid kyis rgyu spong bar bshad pa yin no/ /dbye na mi byed pa nyid rnam par tho mi 'tsham pa ste/ gang gis na? gzhan dag la phan pa ma yin pa'i dbyen mi byed pa'o/ /dbyen byas na tho 'tsham bar 'gyur ro/ /len pa zhes bya ba ni thos nas zhes bya ba 'dis ston to/ /brjod ba ni rab tu ston pa ste/ snyod pa zhes bya ba 'dis ston to/ /de la sngon ma bye ba zhes bya ba ni 'dum pa rnams mi 'byed ces bya ba 'dis bstan to/ /sngon bye ba la zhes bya ba ni bye ba rnams la mi snon te zhes bya ba 'dis bstan to/ /'dus pa la mi dga' ba ni mi 'dun pa la mi dga' zhes 'byung ba'i phyir ro/ /mi 'dum pa la mngon par dga' ba ni 'dum ba la mos pa zhes 'byung ba'i phyir ro/ /de la dbyen gyi tshig chung? ba ni bden+nas zhes 'byung ba'i phyir ro/ /che ba ni brdzun gyis dbyen gyi tshig smra ba ste/
- 54a
brdzun yang rung zhes 'byung ba'i phyir ro/ /brjod ba'i mtshams sbyar ba zhes bya ba ni tshig snga ma'i don tshig phyi mas ston to zhes bya ba'i tha tshig go /ta cad gnod bar byed pas na zhir 'debs ba ste/ shin tu sdug bsngal skyed bar byed pa zhes bya ba'i tha tshig go /dor brjod ba zhes bya mngon sum du mi 'dod pa smra ba zhes bya pa'i tha tshig go /ngor mi brjod ba zhes bya ba ni lkog na mi 'dod ba'i tshig gi rnam pa rgyun mi gcod pa zhes bya ba'i tha tshig go /grong mi'i tshig ces bya ba ni skye bo ma rabs kyi rkyen nyid yin bas tshogs bas dbyung mi bzod ba zhes bya ba'i tha tshig go /skye bo ba zhes bya ba ni nyon mongs pa'i dbang du gyur nas/ rtag tu 'jug ba zhes bya ba'i tha tshig go /brdzun ba ni skye re zhes bya ba'i tha tshig go /khra? zhing rngam ba zhes byung ba ni khro ba nyid rngam ba yin no/ /rnam pa gcig tun khro ba las byung ba dang/ khro ba dang 'brel ba'i rngam pa de las byung ba'o/ /yang na gnod pa byed pa'i rgyu mtshan ni khro ba yin la/ phrag dog ni rjes pa ste/ 'dis ni tshul khrims 'dral ba'i rgyu mtshan brjod ba'i phyir brdzun ba nyid rnam par bkrol ba yin no/ /rnar mi snyan ba nyid kyang tshig gnyis kyis bshad de/ /kho na ma byung ba 'byin bas thos pa'i dus na/ snying snad ba'i phyir snying na ba dang dran ba'i dus na sems snang ba'i phyir yid gdung bar byed pa'o/ /de yang ci'i phyir de lta bu yin zhe na/ 'di ltar mi snyan pa dang yid du mi dong bas te /tshig 'di gnyis ni dus 'di gnyis kho na na rgyu'i ngo bor gnas pa yin no/ /dga' ba skyes pa med par byed pa'i phyir? rang gi sems gyi rgyud dang gzhan gyi sems gyi rgyud ma rungs par byed pa yin no/ /'jam ba zhes bya ba ni/ bshad par bya ba yin no/ /ji ltar 'jam zhe na/ 'di ltar gnyen po ste gya com ma yin pa'o/ /yid du 'ong ba
- 54b
ni mngon bar 'dod bar bya'o/ /gnyen ba tshig gzhan yis brjod par bya ste/ brdzun ma yin ba zhes bya ba ni tshul khrims kyi yan lag du gtogs ba ste de la dmigs ba nyid kyis sdom ba'i rgyun mi 'chang ba'i phyir ro/ /yid du 'ong ba ni mngon bar 'dod bar bya ba'o/ /zhes bshad ba gang yin bsnyan ba dang/ snying la 'bab ba zhes bya ba ni gnyis kyis bshad de/ bde ba dang phan pa yid du 'ong ba dag gi phyir ro/ /de nyid kyir phyir mngon bar mtho ba'i bde ba dang/ mya ngan las 'das ba'i grong khyer? dang mthun bas na gong khyer ba'o/ /mdza' ba la sogs pa tha dad bas tha dad ba'i skye bo thams cad gyis thos pa dang dran pa'i dus na 'dod pa'i phyir skye bo mang po la dga' ba dang/ skye bo mang bo'i yid du 'ong bste go rim bzhin no/ /de ltar gyur ba de ni kho na ma byung ba mi 'byin ba'i don du mchog tu dga' ba skyed pa'i phyir yid dga' bar byed pa'o/ /tin nge 'dzin 'grub ba'i phyir zhes bya ba ni nga thos ma thag tu sems can rnams kyi nang gi reg bya'i khyad par gyis ting nge 'dzin skye ba dang mthun ba'i rten du byed ba'i phyir ro/ /yid tshim bar byed ba ste/ dga' ba sngon ma skyes ba skyes bar bdag dang gzhan yang mngon du phyogs bar byed ba'i phyir na rang gi sems kyi rgyud gzhan gyi sems kyi rgyud dad bar byed pa'i/ / bstan bcos 'di las phan tshun smrar dbang zhes te/ dus ma yin ba nyid du gleng bar mi byed kyi 'on kyang gang gi tshe mi dge ba rnams las bzlog ste/ /dge ba la sbyar bar nus ba de'i tshe smra ba'i phyir dus su smra ba'o/ /der phyin byis? log pa ste mngon bar zhen ba 'am/ khros na gzhan du smra bas na yang dag bar smra ba'o/ /gdams ngag la sbyor ba'i tshe brjod bar bye ba dang/ tshig gnyi ga brjod bas don smra ba dang chos smra ba'o/ /rigs ba smra ba ni rigs bas smra ba'o/ /lung smra ba/
- 55a
ni 'dul ba smra ba'o/ /sdud bar 'gyur ba zhes bya ni gzob ba zhes 'byung ba'i phyir te/ gzob par byed dtong bar byed ces bya ba'i tha tshig go/ kha cig ni zhig ldan bcas shes 'don te/ de dag gi ltar na don ni 'di yin te/ zhig ldan zhes bya ba ni/ mya ngan las 'das ba dang ldan ba zhes bya ba'i tha tshig ste/ zhig ba ni mya ngan las 'das ba'i rnam grangs yin ba'i phyir ro/ /yang na 'di'i 'di la rdzas med bas na rdzas med de 'di'i 'di la yongs su 'dzin ba thaMs cad med ces bya ba'i tha tshig go /mnyan bar 'os pa'i spyod lam gyis gnas pa rnams la zhes bya ba ni mdo las dus su zhes 'byung ba'i phyir ro/ /gleng bslang ba dang bcas ba zhes bya ba ni mdo las rmed dangb ca pa zhes 'byung ba'i phyir dang/ byung ba dang bcas gleng gzhi dang cas zhes 'byung ba'i phyir ro/ /chung ba zhes bya ba ni bzhad gang du/ bya ba zhes 'byung ba'i phyir ro/ /che ba ni tshig gis rnam bar g.yeng ba zhes bya ba yin no/ /bdag gir byas bas yongs su gzung ba'i dngos po ni gzhan gyi nor zhes 'byung ba'i phyir ro/ /spyod bas yongs su gzung ba'i dngos po ni gzhan gyi 'dod ba zhes 'byung ba'i phyir ro/ /dngos po de yang rang bzhin zhe na/ go rim bzhin du zong dang yongs su sbyang pa ste gzhan gyi rdzas dang yo byed? ces 'byung ba'i phyir ro/ /brnab sems med ba'i rang bzhin ni mdo las brnab sems mi bskyed ces 'byung ba'i phyir ro/ /brnab sems rnam ba gsum yi gnyen bo zhes bya ba de la kha cig dngos po gya nom ba 'ga' yang mthong nas sgo gsum nas brnab sems bskyed de de bslangs te blang do snyam ba dang/ gzhan dag mi slong ste 'on kyang kye ma de nam zhig bdag gir 'gyur snyam du de thob par smon ba dang/ gzhan dag 'di phrogs te blang? ngo? snyam du sems ba'o
- 55b
'di gsum sel bar rims bzhin du 'dod par mi 'byed mi smon chags ba'i sems mi bskyed do zhes gsungs so/ /gnod sems med ba yang yin te zhes bya ba ni sems can thams cad la byams ba'i sems zhes bya ba yin no/ /gnod sems med pa ni mi mthun pa'i phyogs kyi gnyen pos sems can rnam pa lta la yongs su bstan to/ /ji lta zhe na/ gnod pa byed pa rnams la ni phan pa'i sems zhes 'byung ba'i phyir ro/ /nyes par sbyad ba spyod ba rnams la snying rje ba'i sems zhes 'byung ba'i phyir ro/ /sdug bsngal zhing slong ba rnams la ni bde ba'i sems zhes 'byung ba'i phyir ro/ /bde ba la phrag dog byed pa'i dngos po rnams la ni 'jam pa'i sems zhes 'byung ba'i phyir ro/ /byang chub kyi sems yongs su gzung ba rnams la ni skye bo thams cad la phan 'dogs ba'i sems zhes 'byung ba'i phyir ro/ /ci'i phyir de dag phan 'dogs ba'i sems bskyed ce na/ rtsol ba shin umang pos sgyid lug ba'i dngos po rnams la zhes ya ba smos te/ de dag gis byang chub kyi sems bskyed pa nges sems can rnams bdag gir byas ba yin te/ de nyid kyi phyir sems can de dag gi don du dka' ba sbyad ba mang bo yun ring por khas blangs bas rtsol ba shin tu mang pos sgyid lug ba'i phyir ro/ /mi mthun pa'i phyogs rnam pa drug ni khro ba la sogs pa'o/ /de la byams pa'i sems la sogs pa'i mi mthun pa'i phyogs su grangs bzhin du yang ma yin la tshol ba yang ma yin no zhes bstan ba'i phyir bye brag med par shes par bya ba'i zhes bya ba smras te/ 'di skad du sems re re la mi mthun ba'i phyogs drug drug go zhes bshad pa yin no/ /gang gis kho na ma byun ba 'byin pa zhes bya bas ni khro bas so/ /gang gis 'byung ba'i rjes su 'brad ba 'am/ 'phel bar byed pa ni khon du 'dzin bas so/ /gang gis dge
- 56a
ba'i lo tog ces bya ba ni phyi'i zhing tsha rgo can dang chos mthun par thabs so/ /gang gis mi dge ba ma skyes pa bskyed cing skyes payang 'phel bar byed ces bya ba dri mas so/ /gang gis mi sdug pami dga' ba mi mthun ba bskyed cing skyes pa 'phel bar byed pa ni gnod sems kyis so/ /gang gis sdug pa ma skyes pa mi skyed cing skye ba yang 'phel bar byed pa ni khong khro bas so/ /de dag ni mi dge ba rab 'byams gyis 'jug bar byed pa yin pa'i phyir sngon du 'gro bdag yin zhes brjod par byed do/ /de la thegs pa gzhan la lta ba'i gnyen por yang dag pa'i lam la gnas zhes bya ba yin no/ /gnyis pa dang gsum pa ni bshad zin pa nyid do/ /bdag gi mchog tu 'dzin pa'i gnyen por lta ba drang zhes bya ba yin no/ /ji lta zhe na/ glang po 'tsho bzhin du rang gi shes rab kyi stobs kyis bdag brtsan du byas nas snyems par byed/ tshig gi don rnam par 'god par byed pa ni ma yin gyi/ 'on kyang bla mas lung ji ltar byin pa de bzhin du lam drang bos don gyi rjes su 'brad ba'i phyir ro/ / 'chab pa'i lta ba ni gnyen por g.yo med ces bya ba yin te/ g.yos rang gi nyes pa 'chab pa'i phyir ro/ /brdzun du brjod par blta ba'i gnyen por sgyu med pa zhes bya ba yin te/ sgyus spyod lam la sogs pas sbyin bdag la sogs pa la yang dag pa ma yin pa'i yon tan rab tu ston pa'i phyir ro/ /'jig rten pa'i lta ba'i gnyen por sangs rgyas la sogs pala bsam panges pa zhes bya ba yin te/ 'di ltar mu stegs dang bram ze la sogs ba dag la brten gyi sangs rgyas la sogs pa la gcig kho nar dad pa ma rnyed pas de dag la mi 'jug ba'i phyir ro/ /'di lta ste rnam pa thams cad dang skyon med pas ni de ltar mchog tu byung ba'i tshul khrims dang rang bzhin gyi tshul khrims yongs su bstan pa yin te/ go rim bzhin no/ /yang na tshul khrimS
- 56b
gnyi ga gnyi gar yongs su bstan par shes par bya'o/ /sangs rgyas nyid ni 'thob pa'i rgyu/ /dge ba'i chos dag ji snyed pa/ /de dag kun tu sdud pa'i phyir/ /tshul khrims gnyis pa yang dag bshad/ /nyes par spyad pa 'gro ba'i don gyis ngan song gdags te/ dge ba med par byed pa'i phyir ro/ /sdug bsngal gyi gnas lus mngon par 'grub pa'i don gyis ngan 'gro gdags te 'gro ba ngan pa'i phyir ro/ /sdug bsngal sna tshogs su rtag tu ltung ba'i don gyis rnam par ltung ba gdags te/ /sdug bsngal sna tshogs su rgyun mi 'chad par ltung ba'i phyir ro/ /grangs su ni bcu zhes bya ba'o/ /kha na ma tho ba ni mi dge ba zhes smos pas ston to/ /'bras bu thob par byed pa ni las kyi lam nyid kyis ston to/ /de dag ni las kyang yin la// ngan 'gro 'bras bur gyur pa rnams kyi lam yang yin pas so/ /yang dag par blangs ba'i rgyu las byung zhes bya ba'i tshig 'di la bslab pa len pa lta bu'i yang dag par len pa ma yin no zhes bya bar kun tu spyod pa'o/ /zhes bya ba smras te/ yang dag par blangs pa ni byed pa zhes bya ba'i tha tshig go /rgyu med par smra ba ni 'jig rten rgyang pan pa'o/ /mi 'dra ba'i rgyur smra ba ni dbang phyug la sogs par smra ba ste/ 'bras bu mi rtag pa'i rgyu rtag pa ni mi mtshungs pa'i phyir mi 'dra ba yin no/ /rnam pa 'di gnyi ga yang las kyi lam rnams rgyu'i dngos por brjod pas bsal to/ /log par sgrub pa la gnas pa rnams bdag nyid de 'dra bas zhes bya ba ni log par sgrub pa la gnas pa kho nas dbral ba de dang 'bral ba log par sgrub pa dang dbral ba ste/ mi dge ba rnams las bzlog nas dge ba la sbyor bar mi nus so zhes bya ba'i tha tshig go /mi mthun pa'i phyogs dad gnyen po gyur pa zhes bya ba la/ mi mthun pa'i phyogs ni dge ba'i
- 57a
las kyi lam rnams so/ /gnyen po ni dge ba rnams te/ de dag 'bras bu ngan 'gro dang bde 'gro dang bcas pa'o/ /'dis ni mdo'i tshig de 'di ltar rnam par dpyod de zhes bya ba la sogs pa bstan to/ /las kyi lam gong nas gong du rnam par dag pa zhes bya ba 'dis kyang de'i gong du dge ba bcu'i las kyi lam zhes bya ba la sogs pa mdo'i dum bu theg pa gsum rjod par byed pa bstan pa yin no/ /shes rab kyi rnam pa zhes bya ba la sogs pa la 'phags pa'i bden pa'i skabs kyis 'dir mi dge ba la ltos nas bden pa rnam par bzhag par bshad pa yin par rig par bya'o/ /mdo las de dag shes rab kyi bden pa'i rnam par bsgoms na nyan thos kyi theg pa 'grub par byed do zhes gsungs ba ni ma yin no/ /mi dge ba rnams ni rang gi ngo bo spong gi dge ba rnams ni de lta ma yin no zhes bstan pa'i phyir/ bag la nyal spangs pa ni/ de 'gog pa zhes bya ba smos te dge ba rnams kyi ni de la dmigs pa'i 'dun pa'i 'dod chags spong ba yin no/ /sdug bsngal gyi rgyu la gnas pa'i sems can rnams la snying brtse bar shes par bya ste/ ma 'ongs pa'i sdug bsngal la brtags nas snying brtse ba zhes bya ba'i tha tshig go /sdug bsngal bar gyur ba rnams la ni snying rje bar shes par bya'o/ /sems can gyi sdug bsngal dag gis gnod par 'gyur bas na snying rje ste/ sems can gyi sdug bsngal skyes pas sems can bzhin du mi bde bar 'gyur zhes bya ba'i tha tshig go / smras pa/ snying rje'i gdas ni gcar ba la/ gzhan gyi sdug bsngal nyi tshogs kyis/ /gdungs te snying la bzhu ba na/ /mkhas mig gnyis nas 'jeg pa 'dra/ /de'i gong du zhes bya ba la sogs pa la spong ba zhes bya ba ni
- 57b
rnams pa thams cad ces yongs su sbyangs pas shes bya ba 'dis ston te/ 'di nyid shes bya thams cad shes pa la dbang bas rnam pa thams cad yongs su sbyangs par rig par bya zhes bya bas rnam par phye ba yin no/ /dbang byed pa ni stabs bcu'i stobs shes bya ba 'dis ston te/ de nyid bdud phyir rgol ba sel ba'i skabs yin pas stobs smon pa zhes bya bas bstan to/ /theg pa gnyis yongs su spong ba dang mkhas pa 'di gnyi ga yang theg pa dman pa dag sel bar byed ba'i skabs yin pas sangs rgyas kyi chos smos zhes bya bas bstan to/ /chog mi shes pa ni byang chub sems dpa' i theg pa ste/ de lta bas na bdag gir zhes bya ba 'dis bstan to/ /sdug bsngal ma lus zhi bya'i phyir/ /sems can bya ba ji snyed pa/ /byang chub sems dpa' de yi ni/ /ngang tshul yin phyir gsum pa brjod/ /de'i 'og tu zhes bya ba la sogs pa'o/ /de la yongs su shes pa ni rnam pa gsum gyis yongs su bstan to zhes bya ba la sogs pa ni/ gnas skabs kyi bye brag la sogs pas mi dge ba'i las kyi lam de dag yongs su shes pas na yongs su shes pa'o/ /mi dge ba rnams kyi chen po la sogs pa'i gnas skabs tha dad pas 'bras bu yang de bzhin du tha dad pa'i phyir gnas skabs kyi bye brag yin no/ /de ltar na sdug bsngal gyi phung po chen po tshad med pa zhes bya ba 'di'i rnam par bshad pa ni re re dang zhes bya ba la sogs pa yin te/ re re bya ba ni las kyi lam re re yi'o/ /mdza' dag gi zhes bya ba ni thams cad kyi 'bras bu sdug bsngal gang yin pa'o/ /gang du zhe na/ ngan song rnams su ste che ba dang tshad med pa zhes bya ba dang go rim bzhin no/ /de ltar na las kyi lam la bltos nas re re dang mdza' dag ces bya ba smos kyi/ ngan song gi khyad
- 58a
par du bya ba'i phyir ni ma yin te/ 'di ltar la la ni 'ga' zhig byed/ la la thams cad byed pa'i phyir ro/ /de ltar na gzhung 'di tsam gyis ni sdug bsngal yongs su shes pa'i phyir yongs su shes par bshad pa yin no/ /tshe thung ba dang nang mang ba zhes bya ba ni/ rten cing 'brel par 'byung ba la de dang 'dra ba rjes su rgyun chags pa'i phyir te/ srog gcod pas tshe thung bar 'gyur la/ de dang bral bas sdug bsngal bskyed pa'i phyir nad mang bar 'gyur ro/ /de bzhin du 'og ma rnams kyi yang shes par bya'o/ /de nas gal te zhes smos pa ni mjug thogs kyi rgyu yin par khyad par du bya ba'i phyir ro/ /ji lta zhe na/ de nas zhes bya ba'i tshig gi phrad 'di ni mjug thogs la 'byung bas gang gi tshe ngan song rnams kyi mjug thogs su mi dag gi nang du skyes na zhes bya ba 'di shes par byed pa yin no/ /de'i phyir zhes bya ba dang/ gal te zhes bya ba dang/ brgya la zhes bya ba dang/ ni zhes bya ba ni rgyur ston pa ste/ dper na gang gi phyir blon po rnams kyis kyang mchod pa de'i phyir mthu dang ldan no zhes bya ba dang/ gal te bcos la/ brgyal kun nas byas nas kho bo'i bya ba yin no zhes bya ba dang/ de ni skyes bu dam pa zhes bya ba lta bu'o/ /'di yang gal te zhes bya ba'i tshig gi phrad ni rgyu'i don du shes par bya ste/ ji ltar zhe na gang gi phyir sems can dag mi dge ba'i las kyi lam bcu po 'di dag gis srog chags rnams la shin tu gnod par byed pa de'i phyir 'di dag mi rnams kyi nang du skyes na yang rnam par smin pa mi 'dod pa gnyis gnyis mngon par 'grub par 'gyur ro zhes bya'o/ /smon lam ni 'dod pa ste/ chos/ kyi kun dga' ba la dga' bas dga' bar gnas
- 58b
par bya'o zhes bya ba 'dis ston to/ /sgrub pa ni byed pa ste/ dge ba'i las kyis lam rnams la bdag nyid kyang gnas la gzhan dag kyang 'jog pa'o/ /sems bskyed pa tha ma gnyis ni slob dpon gyi sems nyid dang/ ston pa'i sems nyid do/ /sems snga ma rnams ni yul so sor nges pa can yin la 'di gnyis ni sems can thams cad la yin pas de dag nyid la zhes bya ba smos so/ /de la bltos nas theg pa chen po'i lam du zhugs pa zhes bya ba ni 'di skad du sems can rnams la bltos nas/ brten nas/ dmigs nas/ bdag gis bla na med pa'i byang chub rtogs te/ de'i phyir sems can 'di dag ni bla na med pa'i lam ston par byed pa yin pas slob dpon du gyur pa'o zhes de dag sems skyed par byed do zhes bshad pa yin no/ /de bzhin du bsod nams dang ye shes kyi tshogs sogs pa rgyu yin pa'i phyir de dag la ston pa'i sems nyid skyed par byed do/ /phyin ci log gi dbang du byas nas zhes bya ba ni bdag la sogs par phyin ci log pa'i dbang gis de'i stobs kyis sems can de dag 'dod pa dang srid pa dang tshangs par spyod pa tshol bar gyur pa yin zhes bya ba'i tha tshig go /de la 'dod pa tshol bar gyur pa dag kho na thun mong ma yin pa dang/ chog ma shes pa dang/ sogs 'jog byed pa'i nyes dmigs ma mthong ba'i phyir ro/ /'di yang gsum gyi gzhi dang ldan pa zhes bya ba 'di'i rnam par bshad pa yin no/ /gsog 'jog de nyid yongs su spyod pa'i tshe yul la nyon mongs pa rnam pa sna tshogs pa sgo mang po sgo sna tshogs nas kun nas bslangs pas rgyun mi 'chad par dus thams cad du lus dang sems yongs su gdung ba kun nas gdung ba ni nyes pa gnyis pa ste/ nyon mongs pa sna tshogs
- 59a
kyi me lce rtag tu rgyun mi 'chad pa kun tu 'bar bar gyur ces gang gsungs pa'o/ /tshe 'di dang phyi ma la sogs kyi nyid kyi nyes dmigs de ma mthong ba rnams nges par 'byung ba mi tshol ba ni nyes pa gsum pa'o/ /ji skad bshad pa'i nyes pa gsum po yongs su spang ba'i phyir de dag dang mthun pa'i gnyen po nyon mongs pa thams cad rab tu zhi ba 'tsho ba med pa'i mya ngan las 'das pa la zhes bya ba ni tshig gsum gyis bstan to/ /'dod pa tshol bar gyur pa rnams kyis yongs su spyod pas byas pa'i bye brag rnam pa gsum brjod nas/ da ni gnyis pa kun tu tshol bas byas pa'i bye brag rnam pa gnyis po gzhan gang yin pa de bshad pa la 'jug ste/ gti mug gi mun ba zhes bya ba la sogs pa smos so/ /gti mug nyid mun pa ste/ de yang rab rib la sogs pa nyid kyis khyad par du byed do/ /rab rib la sogs pa dang 'dra ba nyid du bstan pa'i phyir bshad pa nyid las rgyu gsum bshad de/ de nyid las rab rib la sogs pa'i khyad par rtogs par bya'o/ /'di yang gti mug gi rab rib dang ling tog dang mun gnag ces bya ba 'di'i rnam par bshad pa yin no/ /ji skad bshad pa de'i rgyu rtas pa ni 'jug pa shas che ba ste bag la nyal ni sa bon no/ /der gyur pa gti mug de'i rgyu bag la nyal rtas par gyur pa yang nyes pa ste/ gti mug mun pa'i thibs por zhugs pa zhes gsungs pa ste/ bag la nyal sa bon de nyid thibs po yin par bshad do/ /zag pa med pa'i shes rab las ring du gyur pa yang nyes pa'o zhes bya bar snyegs te/ nyes pa snga ma gnyis la bltos nas 'dir yeng zhes bya ba'i sgra smos so/ /ji ltar ring bar gyur ce na/ de'i tshogs? legs par sbyang pa'i mi mthun
- 59b
ba'i phyogs la brten pas zhes bya ba smos te/ mdo las ni/ shes rab kyi snang ba dang ring du gyur pa zhes bya ba yin no/ /gnod pa chen po'i gnas ngan song du 'gro ba mun nag chen po'i nang du 'jug pa zhes gang gsungs pa'o/ /sdig pa byas pa rnams kyi mtshan ma mi bzang pa gang dag yin pa de 'chi ba'i cha 'byung ste/ /de mthong bas 'gyod pa dang bcas yid mi bde ba dang bcas pa'i mthong bas 'chi ste yang ba mthong bar spags pa zhes gang gsungs pa'o/ /nyes ba bzhi ba 'di dag ni nyes par spyod pas tshe 'di la tshol ba rnaMs kyi yin par bshad de/ de dag dang mthun pa'i gnyen po ni shes rab kyi mig rnam par sbyong ba'o/ /legs par spyod pas tshe rabs gzhan kun tu tshol ba rnams kyi dbang du byas nas smras pa/ lam yang bar zhugs pa nyid nyes pa yin no/ /de ni rang bzhin dang zhes bya ba la sogs pa la de la rang bzhin ni 'dir 'khor ba 'brog yang ba'i lam yin par brjod par bzhed ba de tshig dang ba nyid kyis bstan to/ / bgegs? ni rnam ba brgyad de g.yangs la mngon du phyogs pa ni sems can dmyal pa la sogs pa'i g.yang sa la mngon du phyogs pa zhes gsungs pa'o/ /rgyu'i nang du zhugs pa ni sdug bsngal la bde bar phyin ci log pa'i lta ba la gnas pa'i phyir te/ lta ba ngan pa'i rgya nyam nga bar zhugs pa zhes gsungs pa'o/ /thibs pos kun nas yog pa ni de'i rgyu ste bde bar lta ba phyin ci log gi mtshan nyid de'i rgyu gti mug gi bag la nyal gang yin pa'o/ /de sa? 'gebs pa'i phyir de nyid gti mug thibs po yin te/ gti mug thibs pos kun nas yog pa zhes gang gsungs pa'o/ /gti mug thibs po gang dang ldan pa rnams brjod du zin kyang gang la phyin ci log tu gyur pa'i phyir bde bar lta
- 60a
bar bshad pa'i sdug bsngal de'i sdug bsngal nyid kyi rang gi ngo bo mi rtogs te de nyid kyi phyir gti mug gi ngag la nyal 'di ni de'i rgyu yin no/ /log pa'i lam du zhugs pa ni don dam pa'i bde ba thar ba'i phyir gdung ba lnga la sogs pa lam log par zhugs pa'i phyir te/ lam log par 'gol ba'i lam du zhugs pa zhes gang gsungs pa'o/ /ldongs par gyur pa ni 'dod chags kyi chags pa nges ldongs par gyur ba'i phyir te ldongs par gyur pa zhes gang gsungs pa'o/ /ston pa dang bral ba ni mi khom par skyes pa dang/ khom du zin kyang bag med pa'i nyes pas sangs rgyas 'byung ba mnyes par mi byed pa'i phyir ro/ /de'i bstan pa'i rjes su byed pas bslabs pa bsrung ba'i phyir sangs rgyas mnyes pa yin no/ de gnyis kyis bslab pa'i skal ba dang mi ldan pa'i phyir dang mi 'dral ba'i phyir mnyes par mi 'gyur/ /de nyid kyi phyir de dag dge ba la sbyar ba'i 'os su gyur pa ma yin pas ston pa bcom ldan 'das de dang bral ba yin no/ /yongs su 'dren pa med pa zhes gang gsungs pa'o/ /gang du 'gro ba zhes bya ba ni mya ngan las 'das par ro/ /tshangs pa'i 'jig rten la sogs pa ni 'khor ba kho na yin no/ /de nyid nges par 'byung ba ma yin pa la ngeS par 'byung bar lta ba zhes gsungs pa yin no/ /chom pos zin pa yang zhes bya ba ni gegs brgyad pa ste/ gegs snga ma la bltos nas yang zhes bya ba'i sgra smos?/ /bdud kyi yul 'dod pa rnams la kun tu chags pa'i bsod nams bdog pa yang zad par 'gyur la/ ma byas pa yang mi sogs so/ /de'i phyir bcom pa yin te/ bdud kyi lam gyi chom pos zin pa zhes gang gsungs pa'o/ /'dod pa rnams nyid bdud kyi lam yin la/ dge pa'i
- 60b
nor 'phrog pa'i phyir chom po yin no/ /de ltar rang bzhin dang gegs kyi sgo nas ya nga bas bstan nas/ chud za ba'i sgo nas ston te/ chud za ba ni rnam pa gsum zhes bya ba la sogs pa rgyas par smos so/ /sa ngan pa la gnas pa'i phyir ni yongs su 'dran pa mkhas pa dang bral ba zhes gsungs pa'o/ /dgra'i sa na gnas pa ni bdud kyi bsam pa thibs por zhugs pa zhes gang gsungs pa'o/ /zin gyi sa las ring du gyur pa ni sangs rgyas la sems pa la ring du gyur pa zhes gang gsungs pa'o/ /de ltar na phyi rol gyi rnam pa dang chos mthun par rang bzhin dang/ bgegs dang chung za ba'i sgo nas 'khor ba ya nga ba nyid du bstan to/ /de dag dang mthun pa'i gnyen po ni bsgral nas thaMs cad mkhyen pa nyid kyi grong khyer 'jigs pa med pa la dgong pa'o/ /de ltar thun mong ma yin pa dang/ chog mi shes pa dang gsog 'jog byed pa'i yongs su spyod pa'i sgo dang/ yang dag par dang log pa'i tshongs par spyod pa gnyis kyi bye brag gis 'dod pa tshol ba rnam pa lngar bstan nas/ 'gro ba'i sgo nas srid pa tshol ba bshad pa la 'jug ste/ 'gro ba'i sgo nas zhes bya ba la sogs pa smos so/ /klung chen por bying ba nyid kyi nyes pa ste klung de'i rnam pa lngar bshad de/ zab pa ni 'dod pa la sogs pa'i chu bor zhugs pa zhes gang gsungs pa'o/ /'das pa ni 'khor ba rgyun gyis 'das pa zhes gang gsungs pa'o/ /ming no srid pa chu klung du zhugs pa zhes gang gsungs pa'o// shugs drag pa ni shugs drag pos bangs te zhes bya ba dang/ blta ba'i mthu med ces gang gsungs pa tshig gnyis kyis bstan to/ /snga ma 'das zhes bya ba ni 'jug pa tsam brjod pa bzhed pa yin gyi/ shugs drag pas
- 61a
ni bdas pa shin tu drag par ston to/ /rgyas pa nyid ni 'dod pa la sogs pa'i rnam par rtog pa mang po'i rjes su rgyu ba zhes gang gsungs pa'o/ /klung de lta bu'i rang bzhin yin yang gal te gnod pa zhig med na dbugs phyin par 'gyur srid na/ de yang med de/ gnod pa 'byung bar byed pa yang rnam pa bzhi ste zhes bshad pa gang yin pa'o/ /de la chu srin gyis zin pa ni 'jig tshogs la lta ba'i chu srin pos zin ba zhes gang gsungS pa'o/ /klong du chud pa ni 'dod pa thibs po'i klong du zhugs pa zhes gang gsungs pa'o/ /dkyil du thogs pa ni dga' ba can dang 'dod chags kyi dkyil du kun tu thogs pa zhes gang gsungs pa'o/ /dga' ba can ni 'dir yid bde ba nyon mongs pa can yin gyi/ yongs su spyod pa'i dus su brjod par bzhed pa'i phyir ma 'ongs pa don du gnyer ba ni ma yin no/ /gling gi thang la 'thon pa ni pha bong la bab pa bzhin du nga rgyal gyi pha bong gis khengs pa'i phyir da'o snyam pa'i nga rgyal gyis thang la 'thon pa zhes gsungs pa'o/ /de ltar gnod du zin kyang gal te gson na tha gi ni/ de yang med pas chud za ba yang rnam pa gsum ste zhes bya ba smras so/ /de la dang po ni dpung gnyen med pa zhes bya ba'o// gnyis pa ni skye mched kyi grong nas ma 'phags pa zhes bya pa'o/ /gsum pa ni sgrol ba mkhas pa dang bral ba zhes bya ba'o/ /khams kyi sgo nas srid pa tshol ba'i dbang du byas nas smras pa/ btson rar bcug pa'i nyes pa ni kye ma sems can 'di dag ni 'khor ba'i btson rar bcug pa zhes bya ba 'dis bstan to/ /bcug pa de ni rnam pa lngar bshad de/ de la nad med pas phongs pa ni/ sdug bsngal ba dang yid mi bde ba dang 'khrug ba mang po
- 61b
zhes bya ba'o/ /longs spyod gyis phongs pa ni/ sdug pa dang mi sdug par 'brel pa zhes bya ba ste/ phun sum tshogs pa la/ rgud pa la rgud pa bgegs byed pa'i phyir sdug pa dang mi sdug par 'brel pa zhes bya ba rig par bya'o/ /nye dus yongs pa ni mya ngan dang smre sngags 'don pa'i rjes su rgyu ba zhes bya ba'o/ /tshul khrims kyis phongs pa ni srid pa'i sgrog tu bcug pa zhes bya ba'o/ /lta ba'i phongs pa ni ma rig pa'i thibs pos kun nas khebs pa'i zhes bya ba'o/ /de dag dang mthun pa'i gnyen po ni khams gsum pas dben pa la dgod pa'o/ /log pa'i tshangs par spyod pa tshol ba'i dbang du byas nas smras pa/ bdag tu mngon par zhen pa nyid nyes pa yin te/ bdag tu mngon par bzhen pa zhes bya ba 'dis bstan to/ /de la phung po rten las mi 'phags zhes bya ba ni phung po'i gzhi las mi 'phags pa'o/ /lam bzang po ma yin par 'gro bas na phyin ci log bzhis 'gro ba zhes bya'o/ /bdag tu dmigs nas zhes bya ba ni bdag sems la gzhag nas zhes bya ba'i tha tshig go /de yongs su mya ngan las 'da' bar bya ba'i phyir zhes bya ba ni/ bdag de nyid 'ba' zhig tu bya ba'i phyir zhes bya ba'i tha tshig go /'gro 'dod pa rnams zhes bya ba ni thar pa'i lam du zhugs pa rnams zhes bya ba'i tha tshig ste/ skye mched drug gi grong stong pa na gnas pa zhes gang gsungs pa'o/ /na ba dang rga ba de gnyis kyi rgyu mtshan gnas ni 'di lta ste 'byung ba mi mnyam pa ste de dang rjes su 'brel ba'i phyir te/ 'byung ba chen po bzhi'i sbrul gyis gtses pa zhes gang gsungs pa'o/ /phung po'i gshed ma rjes su 'brang bas 'chi ba'i phyir phung po'i gshed ma'i chom pos bcom pa zhes bya'o/ /sdug bsngal sna tshogs rjes su 'brel ba zhes bya ba ni de las byung ba'i sdug bsngal zhes bya ba de'i
- 62a
bshad pa yin te/ de las byung ba zhes bya ba ni/ na ba dang rga ba dang 'chi ba las byung ba zhes bya ba'i tha tshig go /de las yongs su mi 'grol ba ste/ sdug bsngal dpag tu med pa myong bar gyur pa yin zhes gang gsungS pa'o/ /de ltar na bdag tu mngon par zhen pas bsam pa ma rungs par byas pa'i phyir nyes pa 'di dag las yongs su mi 'grol bas 'di dag tshangs par spyod pa log pa yin no/ /yang dag pa'i tshangs par spyod pa tshol ba'i dbang du byas nas/ theg par man pa la mos pa'i nyes pa'o/ /zhes bya ba la sogs pa rgyas par smos so/ /dman pa nyid ni zhum pa dang zhan pa nyid dag gis rab tu phye ba yin no/ /de la brten nas smon lam gyi nyes pa zhes bya ba ni byang chub kyi sems dang bral ba'i phyir te/ thams cad mkhyen pa'i ye shes mchog gi sems mi bdog pa zhes gang gsungs pa'o/ /sgrub pa'i nyes pa ni thams cad mkhyen pa nyid kyi don du byang chub sems dpa' i spyod pa sgrub pa mi byed pa'i phyir te/ theg pa mchog gis nges par 'byung ba yod bzhin du nyan thos dang rang sangs rgyas kyi theg pa lhung ba zhes gang gsungs pa'o/ /ci'i phyir zhes bya ba ci ste shas che bar gsung zhes bya ba ste/ 'di snyed cig ni brtsad pa yin no/ /de ma yin ba dag la shas chung ba'i phyir zhes bya ba ni lan yin te/ 'di skad du dang po la tshul khrims ma dag pas sbyin pa ma dag mod kyi/ 'on kyang phyi dang nang btang ba'i phyir sbyin pa rnam pa thams cad gtong ba la 'jug pas lhag par yin no/ /tshul khrims ni sa dang po la rnam pa thams cad kyi bye brag gis 'jug pa ma yin pas shas chung ba nyid du rig par bya'o/ /'dir ni zhes bya ba la sogs pa ni rang bzhin gyis tshul khrims rnam par dag pa yongs su bstan pa'i phyir te/ ci zhe na?
- 62b
gser gyis le sbram gyi dpes bstan ces bya bar sbyar ro/ /'dod chags mun pa'i gnyen por gyur pa yi/ /chags bral 'od byed sa ni rab thob nas/ /chags dang bcas pa rnams kyi 'dod chags mun/ /rab zhi bya phyir mthu rnams zhi 'thob bo/ /bsam pa drang ba nyid la sogs pa'o/ /rnam dag thabs ni sna tshogs rnam sang gis/ /gnyis pa/ spyang ba'i sa la tshul khrims rnam sbyangs nas/ /'dod chags bral ba thob par bya phyir de/ /rgyu rnams bcu la yang dag brten nas brtson/ /'dod chags dang bral bar sbyor ba 'byung bar byed pa rgyu rnam pa bcu la yang dag par brten te/ sems kyi bsam pa yid la byed pa bcu po zhes gang gsungs pa'o/ /'dod chags dang bral ba'i sems kyi bsam pa ni semS kyi bsam pa gang gis 'dod chags dang bral bar 'gyur ba'o/ /de'i rgyu yid la byed pa ni thang dag mngon du byas na 'dod chags dang bral ba'i sems kyi bsam pa 'thob par 'gyur ba de dag yid la byed pa'o/ /bsam gtan bzlog nus pa zhes bya ba ni bsam gtan gyi mthu'i 'bras bu de bzlog nus pa nyid du rig par rgya ba'i bsam gtan nyid bzlog pa ste/ 'dor ba dang 'bral ba ni ma yin no/ /ci'i phyir zhe na/ 'di ltar 'jug thogs su 'og mar skyes dang yongs su mi nyams pa gnyis kyis zhes 'byung ba'i phyir te/ bsam gtan rnam pa thams cad du bor dam? bral na ni yongs su nyam par mi rung ngo/ /de lta pas na 'ding bsam gtan gyi mthu zlog par rig par bya'o/ /gal te 'di yang ji ltar rung zhe na/ 'di ni bsam gyis mi khyab pa nyid de/ de skad du/ thabs chen dang ni ldan rnams la/ /nyon mongs byang chub yan lag gyur/ /'khor ba'ang zhi ba'i bdag nyid de/ /de phyir bya dka' cung zad med/ ces gsungs so//
- 63a
de nyid kyi phyir der yang skye la kun nas nyon mongs pa yang med pa nyid du brjod par bya'o/ /sa 'di la ni 'dod chags dang bral ba kho na 'jug pa yang ma yin la/ zhugs ma thag tu 'dod chags dang bral ba yang ma yin te/ 'di nyid la 'dod chags dang bral bar sbyor ba 'byung bar byed pa dang/ 'dod chags dang bral bar sbyor ba rnam par bzhag pa'i phyir/ sa 'di la gnas pa 'dod chags dang bral bar 'gyur ro zhes bya ba khong du chud par bya'o/ /chags bral sbyor ba nas gzung ste/ /chags bral thob pa yan chad du/ /'dod chags bral ba thob bya'i phyir/ /sbyor ba sa rnams gsum du bshad/ /'du byed du gyur pa thams cad la mi rtag par so sor rtog ces bya ba nas gzung ste tshig gis las yongs su dag pa 'ba' zhig gis ni ma yin no zhes bya ba'i bar yin no/ /theg pa dman pa las kun tu srung par sbyor ba zhes bya ba la sogs pa rgyas par 'byung ba de la gang la brtan nas shes pa ni de bzhin gshegs pa'i ye shes pa'o/ /de bzhin gshegs pa'i ye shes sa bcu pa la yang mi 'thob pa ma yin nam/ de ji ltar sa gsum pa'i rten zhes bya zhe na/ ma thob kyang dmigs pa'i ngo bor brten nas zhes bya ba yin pas nyes pa med do/ /gang gi phyir zhes bya ba ni sems can gyi phyir ro/ /ji ltar rab tu sbyor bar byed pa ni brtson 'grus kyis te/ 'di dag ni bdag gis yongs su bskyab par bya zhes bya ba la sogs pas bstan to/ /mthu nyid yon tan te/ de yongs su 'dzin pa ni bsam gyis mi khyab pa nyid ces bya ba yin te/ sangs rgyas kyi rnam par 'phrul pa la sogs pa mthu bsam gyis mi khyab pa dang ldan pa'i phyir ro/ /mngon par rdzogs par byang chub pa'i yon tan yongs su 'dzin pa ni mtshungs pa med ba zhes bya ba ste/ thun mong ma yin
- 63b
bar mngon par rdzogs par byang chub pas zla ba med pa'i phyir ro/ /don chen po nyid kyi yon tan yongs su 'dzin pa ni dpag tu med pa nyid ces bya ba yin no/ /tshad gzung du med pa'i yon tan yongs su 'dzin pa ni rnyed dka' ba nyid ces bya ba yin te/ mgo dang lag pa dang rkang pa la sogs pa sbyin pa'i sdug bsngal khas blangs pas thob par bya ba yin pa'i phyir ro/ /thun mong ma yin pa'i yon tan yongs su 'dzin pa ni ma 'dres pa nyid ces bya ba yin no/ /sngar ni khyad par med par mi mtshungs pa nyid du mngon par rdzogs par byang chub pas bshad kyi/ nga ni de'i yon tan dang 'dra ba'i tshul gyis cha tsam gyi sgo nas kyang bcom ldan 'das dang 'dra ba med do zhes bya ba yin pas khyad par yod do/ /rnam par dag pa ni zhes bya ba la sogs pa la de la sdug bsngal dang bral ba ni gnod pa med pa nyid ces bya ba yin no/ /sdug bsngal dang bral ba ni 'khrug pa med pa nyid ces bya ba yin no/ /mya ngan las 'das pa thob pa ni 'jigs pa med pa'i grong khyer du 'gro ba nyid ces bya ba ste tshig 'og ma gnyis ni de khyad par du byed pa yin no/ /de la yongs su bskyab par bya zhes bya ba ni gtso bo'i tshig yin no/ /gang las yongs su bskyab par bya ba ni gang las te/ las kyi kun nas nyon mongs pa las ni dgrol bar bya zhing nyon mongs pa'i kun nas nyon mongs pa las ni yongs su sbyang bar bya la/ skye ba'i kun nas nyon mongs pa las ni gdon par bya'o/ /ji ltar yongs su bskyab par bya ba ni ji ltar gzhag par bya ba ste/ tshul khrimS la gzhag ba dang lhag pa'i sems dang lhag pa'i shes rab la ltos nas dgod pa zhes bya ba yin no/ /tshig 'di gnyis ni yan lag yin te/ tshig gzhan gyis bshad do/ /de la tshul khrims la gzhag pa'i phyir yongs su tshim par bya ba dang/
- 64a
yang dag par gzhag par bya ba zhes bya ba tshig gnyis bstan to/ /ting nge 'dzin dang shes rab la ltos nas gdul bar bya ba yin no/ /yongs su mya ngan las 'da' bar bya ba yin zhes bya ba 'dis ni ji ltar yongs su skyob pa por 'gyur ba de bshad do/ /de'i lam sgom par byed ces bya ba ni/ thams cad mkhyen pa'i ye shes kyi ste de bzhin gshegs pa'i ye shes bston pa zhes bya ba 'dis bstan to/ /yongs su smin par byed ces bya ba ni sems can rnams te/ sems can thams cad yongs su bskyab par bya ba la brtson zhes bya ba 'dis bstan to/ /mthar phyin pa rtogs pa dang zhes bya ba la sogs pa la/ mthar phyin pa ni sangs rgyas nyid do/ /de nyid rnam par thar pa la gnas pa yin te/ chos kyi sku'i mtshan nyid do/ /de la ma gtogs par gzhan sems can gyi don gyi thabs med do snyam du de ltar nges pa ni mthar phyin par rtogs pa'o/ /sangs rgyas mthar phyin pa de yang byang chub sems dpa' i mthar phyin pa thams cad rtogs pa'i mtshan nyid med na mi 'byung ba yin pas de ltar na mthar phyin pa sgrub pa rtogs pa yin no/ /mthar phyin pa sgrub pa sa bcu pa'i ngo bo nyid de yang sa 'og mas bsdus pa rnam par mi rtogs pa'i ye shes med na mi 'byung pas de ltar na mthar phyin pa sgrub pa'i gong nas gong ma rtogs pa yin no/ /rang dad spyi'i mtshan nyid la rnam par rtog pa gnyi ga dang bral ba la ltos nas rgyu ba med cing skye ba med pa zhes bya ba smos so/ /sa'i ye shes don dam pa pa de lta bu de yang bsam gtan la mkhas pa med na med las de ltar na mthar phyin pa sgrub pa'i gong ma gong ma rtogs pa yin no/ /yang zhes bya ba ni bsdu ba gzhan ston par byed pa ste/ snga ma ni gzhi tha dad pa yin no//
- 64b
da ni bsam gtan la mkhas pa nyid rnam par nges pa yin la so sor rtog pa yang yin pas shes gzhi mthun par bsdu ba yin no/ /mkhas pa de yang thos pa la mkhas pa med pas de ltar na de sgrub pa'i gnas la sbyor ba yin te/ de sgrub pa ni bsam gtan la mkhas pa'o/ /de'i gnas ni thos pa la mkhas pa'o/ /la la las rtogs pa zheS bya ba'i sgra yang 'byung ba nyid de/ /der ni gnas kyi phyir sbyor ba zhes bya ba sbyar bar bya'i rtogs pa'i phyir zhes bya ba ni ma yin no/ /gang yongs su spang ba'i phyir zhes bya ba ni 'jig rten pa rnams lus kyi gnod pa yongs su sdang ba'i phyir nor gtong ste/ lus kyi gnod pa de dag kyang nyams su len to/ /ji ltar rgyal srid pas kyang rim gro che dbyed ce na/ 'khor los sgyur ba pa'i rgyal srid thob pa bas shes 'byung ba'i phyir ro/ /ji ltar mtho ris su skye ba dang/ 'jig rten pa'i rnam par dag pa bas kyang rim gro cher byed pa yin zhe na/ brgya byin nyid dang tshangs pa nyid dag dang go rims bzhin no/ /ji ltar lus bas kyang rim gro ched byed ce na/ stong gsum gyi stong chen po zhes bya ba la sogs pa gsungs pa'o/ /dga' ba dang btad snyoms ni grel ba rnams kyi dbang du byas pa ste/ 'di dag gi sdug bsngal log pa dran pas mgu ba skye ba'i phyir dga' ba la snyoms par 'jug la/ de dag gi sdug bsngal log pa la zin pa la brtson pa med pa'i phyir btang snyoms la snyoms par 'jug go /sa snga ma gnyis la yang bsam gtan la sogs pa'i snyoms par 'jug pa de med pa ni ma yin te yod pa kho na'o zhes bya ba'i tha tshig go/ dgag pa gnyis ni mi dgag pa'i don yin pa'i phyir te/ dper na mi bya ba ma yin pa ni/ bya ba nyid do zhes bya ba'i tha tshig dang 'dra'o/ /de la bsam gtan dang po la 'dod pa rnams las dben pa zhes bya ba ni/ 'dod chags dang zhe sdang dang gti mug dang/ rgyags pa'i gnas
- 65a
su gyur pa yongs su gzung ba dang gzugs dang sgra dang dri dang ro dang reg dge? yal bar btang ba nyid bshad pa yin no/ /sdig pa mi dge ba'i chos rnams las dben pa zhes bya ba gzugs la sogs pa ni yal bar bor ba tsam ma yin gyi de dang phrad pa'i rgyus lus dang dag dang yid kyi nyes par spyod pa 'jug pa gang dag yin pa de dag spangs par bshad pa yin no/ /de ltar na bsam gtan dang po la 'dod pa dang sdig pa mi dge ba'i chos las dben pa nyid kyis ni mi mthun pa'i phyogs nyams pa yongs su bstan to/ /de'i 'og tu rtog pa dang bcas pa dpyod pa dang bcas pa zhes bya ba ni 'dod pa'i khams pa'i rtog pa dang dpyod pa rab tu zhi ba dang/ gzugs kyi khams pa'i rtog pa dang dpyod pa rgyun chags par bshad pa yin no/ /de ltar na rtog pa dang bcas pa dang dpyod pa dang bcas pa nyid kyis ni gnyen po sgom par bshad do/ /de'i 'og tu dben pa las skyes pa zhes bya ba ni mi dge ba las dben pa las skyes pa'i phan yon bshad do/ /phan yon de yang gang zhe na/ de'i 'og tu dga' ba dang bde ba can zhes gsungs te/ de la dga' ba ni snyoms par 'jug pa'i sems rab tu dga' ba'o/ /bde ba ni lus dang sems kyi gnas ngan len dang bral ba'i phyir las su rung ba'i tshul gyis rgyud nyams bde ba'o/ /dga' ba dang bde ba ni dga' ba dang bde ba ste/ dga' ba dang yid bde bas ni sgom pa'i phan yon bshad do/ /'og tu bsam gtan dang po bsgrubs te gnas so zhes bya ba ni bsam gtan gyis gnyi ga'i gnas ting nge 'dzin bshad de/ gnyen po sgom pa'i gnas dang/ sgom pa'i phan yon gyi gnas zhes bya ba'i tha tshig go /de'i 'og tu de rtog pa dang dpyod pa dang bral zhing shes bya ba ni bsam
- 65b
gtan dang po'i sa la sems 'khrug par byed pa rtog pa dang dpyod pa gang dag yin pa de dag spangs par bshad pa ste/ de ltar na bsam gtan gnyis pa la mi mthun pa'i phyogs nyams pa'i bshad pa yin no/ /de'i 'og tu nang yongs su dang ste/ zhes bya ba ni bsam gtan dang po la bsam gtan pas phyi rol gyi gnod pa rnams dang bral ba gnod pa med pa'i gnas bsgrub te dga' bas snying yi za lang ba na dga' ba'i rgod pas bskyod pa'i rtog pa dang dpyod pa dag gis nang yongs su ma dang pa yin no/ /des rtog ba dang dpyod pa spangs te sems kyi rgyud 'khrug pa med pa na nang dang ba yin pas de'i phyir rtog pa dang dpyod pa rnams dang bral pas nang yongs su dang ste zhes gsungs so/ /de'i 'og tu sems kyi rgyud gcig tu gyur pa zhes bya ba ni sems dmigs pa la don gcig tu rgyu ba'i phyir zhes bya ba'i tha tshig ste/ gyur pa'i sgra ni rgyu ba'i don yin pa'i phyir ro/ /de ltar na nang yongs su dang ste sems kyi rgyud gcig tu gyur pa'i phyir bsam gtan gnyis pa la yang gnyen po sgom pa bshad pa yin no/ /rtog pa med pa'i dpyod pa med pa zhes bya ba ni bsam gtan gnyis pa la rtog pa dang dpyod pa rnams mi srid par bshad pa yin no/ /rtog pa dang dpyod pa dang bral ba zhes bshad zin na yang rtog pa med pa dpyod pa med pa zhes bya ci dgos she na/ bsam gtan dang po 'di la bsam gtan la 'dod pa'i khams kyi rtog pa dang dpyod pa dag las grol yang bsam gtan dang po'i sa pa'i rtog pa dang dpyod pa'i khyad par dag dang rjes su 'brel bar 'gyur te/ de'i phyir la la 'di snyam du ji ltar bsam gtan dang po la 'dod pa na dpyod pa rnams ldog la/ bsam gtan dang po'i sa pa skye ba de bzhin du bsam gtan gnyis pa la yang bsam gtan dang po'i sa pa rnams ni bzlog la/ bsam gtan gnyis pa'i sa gzhan skye'o snyam du sems srid pas/ de'i phyir bsam gtan gnyis pa la rtog pa dang dpyod pa
- 66a
rnams mi srid par bstan pa'i phyir rtog pa med pa dpyod pa med pa zhes gsungs so/ /yang ji ltar bsam gtan gnyis pa'i sa la bsam gtan dang po'i sa pa'i dga' ba dang bde ba ni ldog pa bsam gtan gnyis pa'i sa pa'i dga' ba dang bde ba'i khyad par gzhan 'byung ba ltar rtog pa dang dpyod pa rnams kyang de dang 'dra'o snyam du sems pa'i the tsom 'di bsal ba'i phyir yang rtog pa med pa dpyod pa zhes gsungs so/ /de'i 'og tu ting nge 'dzin las skyes pa'i dga' ba dang bde ba zhes bya ba ni bsam gtan dang po'i sa pa'i dga' ba dang bde ba las khyad par du bya ba'i phyir bshad pa yin no/ /ji ltar zhe na bsam gtan dang po'i sa la ni 'dod pa las dben pa'i dga' ba dang bde ba skye ste chom rkun gyis gces pa'i mi bde bar yul du phyin pa dang 'dra la/ bsam gtan gnyis pa'i sa la ni rtog pa dang dpyod pa dag gis ma dkrugs pa'i sems mnyam par bzhag pa las dga' ba dang bde ba skye'o/ /de nyid kyi phyir bsam gtan dang po la ni dben pa las skyes pa'i dga' ba dang bde ba zhes bshad la/ gnyis pa la ni ting nge 'dzin las skyes pa'i dga' ba dang bde ba zhes bshad de/ 'dis ni sgom pa'i phan yon bshad do/ /bsam gtan gnyis pa bsgrubs te gnas so zhes bya ba ni bsam gtan gyiS de gnyi ga'i gnas bstan to/ /de'i 'og tu dga' ba'i 'dod chags dang bral bas zhes bya ba ni rtog pa dang dpyod pa ni spangs zin pa'i phyir gnod pa byed pa gang yin pa de dang bral bar bshad pa yin no/ /btang snyoms la gnas shing zhes bya ba ni nye ba'i nyon mongs pa cha phra ba'i phyir yid 'gyur bar mi 'gyur ro zhes bstan pa yin no/ /dga' ba'i 'dod chags dang bral bas btang snyoms la gnas zhes bya ba 'dis ni/ bsam gtan gsum pa la mi mthun pa'i phyogs nyams pa
- 66b
bshad pa yin no/ /de'i 'og tu dran pa dang shes bzhin can zhes bya ba ni gnyen po yod pa'i phyir btsal bar nus so zhes shes par byas pa yin te/ 'dis ni gnyen po sgom pa bshad do/ /de'i 'og tu bde ba yang lus kyis myong la zhes bya ba ni yid kyi lus kyis yin gyi gzugs kyi lus kyis na mi yin te/ de ni bsam gtan gnyis pa'i sa pa yin pas spangs pa'i phyir ro/ /'dis ni sgom pa'i phan yon bshad do/ /'phags pa rnams kyis brjod ces bya ba ni gnyen po srid pa'i phyir ro/ /ci'i phyir bsam gtan dang po dang gnyis pa la 'phags pa rnams kyis brjod ces ma bshad ce na/ de dag gi gnod pa rnams rags pa'i phyir gzhan gyis bstan pas go bar bya ba ma yin no/ /bsam gtan gsum pa la ni 'di ni bde ba'o snyam pa'i sems kyi rtsol ba gang yin pa de nye ba'i nyon mongs pa yin par bshad cing nye ba'i nyon mongs pa 'di yang cha phra ba la bsam gtan gsum pa'i sa pa'i bde ba yang mchog yin pas bsam gtan pa 'di bde ba mchog gi chang 'thung bas ra ro ste bdag nyid kyis rjes su rtogs par mi nus par mkhyen nas de khong du chud par bya ba'i phyir 'phags pa rnams brjod do/ /ji skad du brjod ce na/ dran pa dang ldan pa dang bde ba la gnas pa btang snyoms pa'o zhes de skad du brjod do zhes bya ba'i tha tshig go /de'i 'og tu bsam gtan gsum pa bsgrubs te gnas so zhes bya ba ni de gnyi ga'i gnas ting nge 'dzin bshad pa yin no/ /bde ba yang spangs sdug bsngal yang spangs shing zhes bya ba ni bsam gtan gsum pa'i bde ba gang yin pa dang/ de nyid na dbugs rdub pa dang/ dbugs 'byung ba las skyes pa'i sdug bsngal gang yin pa de gnyis spangs shing ngo/ /gzhan dag na re bsam gtan gsum pa'i bde ba nyid 'gyur ba'i sdug bsngal gyis sdug bsngal ba nyid de/ de nyid kyi phyir bde ba spangs pa'i mjug thogs su sdug bsngal
- 67a
spangs pa la gsungs pa yin no zhes zer ro/ /snga nas yid bde ba dang mi bde ba yang nub pas zhes bya ba ni yid bde ba'i sgras dga' ba snga nas nub pa bstan pa yin no/ /dga' ba yang yongs su gyur nas yid mi bde bar 'gyur bas de'i phyir bde ba nub pa'i mjug thogs su yid mi bde ba nub pa gsungs so/ /yid kyis pa spangs pa'i phyir sngar thams cad spangs par bshad pa ni ma yin no/ /gnyi ga spangs pa 'dis ni mi mthun pa'i phyogs nyams pa bshad do/ /sdug bsngal yang ma yin bde ba yang ma yin zhes bya ba ni bsam gtan bzhi pa'i sems ston pa ste 'dis ni gnyen po sgom pa bshad pa yin no/ /btang snyoms kyi dran pas yongs su dag pa zhes bya ba ni g.yo ba med pa'i phyir btang snyoms su 'jug pa'i dran pas yongS su dag pa yin te/ 'dis ni sgom pa'i phan yon bshad do/ /bsam gtan bzhi ba bsgrubs te gnas so zhes bya ba ni de gnyi ga'i gnas ting nge 'dzin bshad do/ /de rnam pa thams cad du gzugs kyi 'du shes rnams las yang dag par 'das te/ zhes bya ba ni mi gi rnam par shes pa dang mtshungs bar ldan pa'i 'du shes rnams las yang dag par 'das pa'o/ /thogs pa'i 'du shes rnams nub par gyur cing zhes bya ba ni rna ba dang sna dang lce dang lus dang mtshungs par ldan pa'i 'du shes rnams nub par gyur pa'o/ /sna tshogs kyi 'du shes rnams yid la mi byed pas zhes bya ba ni yid kyi rnam par shes pa dang mtshungs par ldan pa'i 'du shes rnams yid la mi byed pa yid kyi rnam par shes pa ni rnam par rtog par byed pa yin pa'i phyir ro/ /'dis ni mi mthun pa'i phyogs nyams par bstan to/ /rnam par gzhig pa'i tshul gyis gzugs la sogs pa'i yul la bdag med par mthong ba'i phyir gnyen po gang gis gzugs la sogs pa'i yul gyi 'du shes las yang dag par 'das pa de ni gnyen
- 67b
po sgom pa yin par shes par bya'o/ /nam mkha' mdza' yas so snyam nas zhes bya ba ni sgom pa'i phan yon yin no/ /gzhan dag na re 'di nyid gnyen po sgom pa yin par rigs so zhes zer ro/ /nam mkha' mdza' yas skye mched bsgrubs te gnas so zhes bya ba ni de gnyi ga de gnas ting nge 'dzin bshad pa yin no/ /gzhan dag na re 'di nyid bsgoms pa'i phan yon yang yin la gnas kyang yin no zhes zer ro/ /gzhan dag la yang de bzhin du ci rigs par khong du chud par bya'o/ /byams pa dang ldan pa'i sems yangs pa zhes bya ba ni 'dod pa na spyod pa'i bde ba nye bar sgrub pa'i phyir ro/ /chen por gyur pa zhes bya ba ni bsam gtan dang po dang gnyis pa'i sa pa dga' ba dang bcas pa nye bar sgrub pa'i phyir zhes bya ba'i tha tshig ste/ de gnyis na dga' ba yod pa'i phyir ro/ /mi gnyis pa bsam gtan gsum pa'i sa pa dga' ba med pa nye bar sgrub pa'i phyir zhes bya ba'i tha tshig go /mi mthun pa'i phyogs kyi gnyen po ji lta bu zhe na/ kho na med pa zhes bya ba yin no/ /rnam par dag pa ji lta bu zhe na/ 'gran zla med pa'i sgrib pa med pa zhes bya ba yin no// 'bras bu yongs su 'dzin pa ji lta bu zhes na/ gnod pa med pa zhes bya ba yin no/ /rang gi mtshan nyid la dmigs pa ni 'jig rten chos kyi dbyings dam pa zhes 'byung ba'i phyir ro/ /mdza' yongs su ma chad pa ni nam mkha' i khams kyi mthas gtugs pa zhes bya ba yin no/ /'chi 'pho dang skye ba mngon par shes pa las rnam par dag pa zhes bya ba ni gsal bar rab tu mthong ba'i phyir ro/ /mi'i las 'das pa zhes bya ba ni rgyang ring po mthod ba'i phyir te/ yul gzhan dang/ 'jig rten gzhan na yod ba yang mthong ba'i phyir ro/ re zhig gang giS mthong ba ni de lta bu yin no/ /gang mthong ba la 'chi 'pho ba la sogs pa ni 'chi 'pho ba dang skye ba'i bye brag gis so/ /mdog sdug pa dang mi sdug pa zhes bya ba ni yid du 'ong ba dang yid du mi 'ong ba'i bye brag gis so/ /bde bar song ba dang ngan par song ba zhes bya ba
- 68a
ni dbang phyug dang bkren pa'i bye brag gis so/ /bzang po dang ngan pa zhes bya ba ni rgya che ba dang rgya mi che ba'i bye brag gis so/ /las ji lta ba bzhin nye bar 'gro ba'i sems can rnams zhes bya ba ni las kyi bye brag gis so/ /lus kyi nye par spyod pa dang ldan pa zhes bya ba ni srog gcod pa la sogs pa rnam pa gsum dang ngo/ /ngag gi nyes par spyod pa dang ldan pa zhes bya ba ni brdzun du smra ba la sogs pa rnam pa bzhi dang ngo/ /yid kyi nyes par spyod ba dang ldan pa zhes bya ba ni brnab sems la sogs pa rnam pa gsum dang ngo/ /'phags pa rnams la skur pa 'debs pa zhes bya ba ni 'phags pa rnams med do zhes 'phags pa rnams la skur pa dang/ 'phags pa rnams la mi snyan pa brjod pa dag go /log par lta ba can zhes bya ba nyes pa bshad ma thag pa dang/ dkon mchog dag la ma dad pas so/ /yongs su spyod pa'i bye brag gi rnam pa gsum dang/ nyes par spyod pa dang legs par spyod pa dag gis tshe 'di dang/ tshe rabs gzhan kun tu tshol ba'i bye brag gis rnam pa gnyis te rnam pa lnga'o/ /srid pa tshol bar gyur pa dag kyang 'gro ba dang khams kyi bye brag gis rnam par gsungs so/ /tshangs par spyod pa tshol bar gyur pa dag kyang log pa dang yang dag pa'i bye brag gis rnam pa gnyis so/ /sems can rnam pa dgu po 'di dag ni go rim bzhin du tshig dang po ma gtogs pa dgus ston to/ /tshig dang pos ni phyin ci log bshad do/ /de nyid kye ma sems can 'di dag ni lta ba ngan par lhung ba zhes bya bas ston to/ /phyin ci log bzhi char bstan pa yin no/ /de dag kyang rab tu phye nas tshig gnyis kyis bshad de blo gros mi mnyam pa zhes bya bas ni gnyis so/ /ji lta zhe na de la 'jig tshogs la lta ba dang/ mthar 'dzin pa'i lta ba ni blo gros mi mnyam par bshad de/ de gnyis kyis bdag dang rtag
- 68b
par phyin ci log pa dag rab tu phye zhing bsdus so/ /bsam pa mi mnyam pa ni tshul khrims dang brtul zhugs mchog tu 'dzin pas bsdus pa yin no/ /'dis ni bde ba dang gtsang bar phyin ci log pa gzhan gnyis rab tu phye ste/ bsam pa mi mnyam pa zhes bya ba 'dis ston to/ /de dag dang mthun pa'i gnyen por dam pa'i chos ni mnor ba'i lam zhes bya bas ston to/ /gzhan dag na re rtag par 'du shes pa dang/ bde bar 'du shes pa gnyis ni nges par sems pa las byung ba'i phyir blo gros mi mnyam pas rab tu phye ba'o/ /bdag tu 'du shes pa dang/ gtsang bar 'du shes pa gnyis ni nges par sems pa med par yang 'byung ba'i phyir bsam pa mi mnyam pas rab tu phye ba'o zhes zer ro/ /tshul bzhin yid la byed pa ni yang dag pa'i lta ba'i lam zhes bya ba 'dis ston to/ /yang dag pa'i lta ba 'jig rten las 'das pa ji ltar de bzhin nyid la zhes bya ba 'dis ston to/ /da ni sems can rnam pa dgu po de dag tshig dgu dang thun mong ma yin pa'i yongs su spyod pa las brtsams te zhes bya ba la sogs sbyor bar byed de/ de la mi 'phrod pa smos pas ni mi mthun pa khyad par med par bstan la de sems dang dag gi bye brag gis mi mthun par 'dzin pa dang rtsod pa dag gis bstan to/ /rtsod pa ni mi mthun par smra ba ste 'thob pa'o/ /gnod par bya ba mngon par 'du byed pas zhes bya ba ni khro ba dang kho na du 'dzin pa dag gis so/ /de dag dang 'thun pa'i gnyen po ni byams pa nye bar sgrub pa'o/ /chog mi shes pas yongs su spyod pa las brtsams te zhes bya ba la sogs pa la gzhan gyi nor la mngon par 'dod pa can zhes bya ba ni brnab sems kyis so/ /yang ba'i 'tsho bas rjes su spyod pa yin zhes bya ba ni lus dang ngag gnyis kyis te/ de lus kyis ni rku ba dang gzhal lugs la g.yo byed pa dag gis so/ /ngag gi ni rdzun du smra ba la sogs pas so/ /de dag dang mthun pa'i gnyen po ni 'tsho ba yongs su dag
- 69a
pa nyid do/ /sogs 'jog byed pas yongs su spyod pa las brtsams te zhes bya ba la sogs pa la sogs 'jog byed pa ni sogs pa ste/ de ni 'dod chags la sogs pa'i rkyen yin no/ /de nyid bshad pa de la mngon par chags pa zhes bya ba ni 'dod chags kyis so/ /de'i dgra bo de la 'dod pa rnams zhe sdang gis sdang ngo/ /de la yon tan du 'dzin pa ni gti mug gis te/ mthong ba dang ma mthong ba'i log par lta ba'i las yang dag par glangs pa'i rgyus zhes bya ba ni log par lta ba'i las len pa dang byed pa'i rgyus zhes bya ba'i tha tshig go /lus zhig nas zhes bya ba ni shi nas zhes bya ba'i tha tshig go/ shi ba'i 'og tu shi ma thag tu zhes bya ba'i tha tshig go/ ci zhe na/ smras pa/ ngan song ngan 'gro rnam par ltung ba'i phyir sems can rnams su skye'o/ /cig shos la ni bzlog ste sbyar bar bya'o/ /bde 'gro mtho ris kyi 'jig rten du zhes bya ba la 'gro ba bsngags pa ni bde 'gro'o/ /yon tan bsngags pa sgrub pa la mtho ris te mtho ris ni 'jig rten yin no/ /sa 'og ma la dbang byed pa'i dbang byed pa yongs su mi 'dor ba nyams pa med par yongs su ston par byed do/ /zhes bya ba'i tha tshig go/ gnod pa byed du dogs pa la ni bshes pa la ni snyan pa'i tshig gis sbyor te bshes shing 'jam pa'i bsam pa nyid ces 'byung ba'i phyir ro/ /gnod pa byed pa la mi 'khrugs pa ni mi g.yos pa'i bsam pa zhes bya ba yin no/ /phyir mi gshe ba la sogs pa ni mi 'khrug pa'i bsam pa zhes bya ba yin no/ /yid mi bde ba mi skyed pa ni g.yo ba med pa'i bsam pa nyid ces bya ba yin te de ltar na gnod pa byed pa la bzod pa rnam pa gsum yin no/ /'das pa la nga rgyal med pas ni mtho dman med pa'i bsam pa nyid ces bya ba yin no/ /gzhan las 'dud pa'i bya ba la mi smon pa ni sems can gyis byas pa la 'dod pa med pa'i bsam pa nyid ces bya
- 69b
ba yin no/ /lan du phan 'dogs byed par smon pa med pa ni byas pa la phyir byed par re ba med pa'i bsam pa nyid ces bya ba yin no/ /bcos pa ma yin par phan gdags par sbyor ba ni g.yo med pa yin no/ /nye mgron med de mnyam par phan 'dogs par 'jug pa ni sgyu med pa bsam pa nyid ces bya ba yin no/ /mi dga' ba chung du dang yang 'brel pa med pa ni mang las/ thibs po med pa'i bsam pa nyid yongs su dag par 'gyur ro zhes 'byung ba'i phyir ro/ /de ni bslab pa'i rim pas bsam gtan gyi// yon tan ldan pa 'od byed thob nas ni/ /gti mug mun pa legs par rnam bcom ste/ /'od 'phro can gyis don gnyer bar byed/ bsam gtan rten dang sa'i yon tan gzhi/ /rgya chen sna tshogs mthu ldan thob 'gyur cing/ /chos la snang ba gyur pa rnams thob nas/ /bzhi pa 'od 'phro can ni gnod par byed/ /sa bzhi pa 'di ni sa gsum pa la thos pa gzung ba gang yin pa de yang dag pa ji lta ba bzhin du shes pa de ting nge 'dzin rnam par dag pa la brten nas/ rnam par dag pa gang yin pa nges rab tu phye ba yin gyi/ ting nge 'dzin rnam par dag pa la brten nas thos pa bzung ba gang yin pa zhes de ltar khong du chud par bya ba ni ma yin te/ de ni thos pa'i rten thos pa yin gyi/ 'on kyang de'i rten thos pa yin no/ /yang dag pa ji lta ba bzhin du shes pa rnam par dag pa ni de la brten nas zhes bya bar rig par bya'o/ /khams bcu rnam par dpyad pa las/ chos la snang ba bcur shes bya/ /sems can khams ni ma lus pa'i/ /rnam 'phel skyed par byed pa'ang de/ /'phel ba ni rnam pa gnyis te/ rnam par dag pa 'phel ba dang/ /gnyen po sgom pa 'phel ba'o/ /de la gnyen po sgom pa 'phel ba yi/ /'bras bu de bzhin gzhan rnam drug/ 'og nas rab tu 'byed par 'gyur ba gang yin pa ste/ 'di'i 'bras bu ni nyon mongs pa dang/ las kyi kun nas nyon
- 70a
mongs pa spangs pa'i mtshan nyid/ 'bras bu rnam pa gnyis su bshad/ /gzhan rnam pa bzhi ste/ de ltar na mdor na sa 'od 'phro can ni rnam pa bzhis rnam par bzhag par shes par bya'o/ /chos la snang bas 'jug pa bcus gnan to zhes 'byung ba de la snang ba 'di rtogs pa'i ye shes te/ des sar gtogs pa de bzhin gshegs pas bstan ba'i chos rnams snang bar byed pa'i phyir ro/ /snang ba des chos rnams la 'jug pas na chos la snang bas 'jug pa'i ye shes zhes bya ba'i ming 'thob go /der gtogs pa rtogs pa'i ye shes de'i dbang du byas nas/ mdo sde'i chos kyi rnam grangs bshad pa gang dag yin pa de dag la 'jug pa'o/ /ji lta zhe na/ de dag dang de mtshungs par rtogs pa'i phyir ro/ /'di'i don ni 'di yin te des sngon chos kyi rnam grangs de dag gi don lung gi sgo nas rtogs ba'i phyir/ des nga rtogs pa thob pa dang/ de bzhin gshegs bas gsungs pa'i don rnams la nges pa'i dad ba ches brtan po lhag bar skyes nas/ ji ltar bdag gis rtogs pas don 'di dag yang dag par rtogs pa de bzhin du bcom ldan 'das kyis kyang bshad de/ de nyid kyi phyir dngos po ji ba bzhin gsung bas na de bzhin gshegs pa zhes bshad do zhes lung dang rtogs pa gnyis don dam pa'i dngos po phyin ci ma log pa ston par byed ba nyid du 'tshungs par rtogs par byed do/ /de'i phyir lung gi chos rnams dang rtogs pa gnyi ga zhes bya ji lta ba bzhin du 'jug pa'i phyir ro zhes bya ba smos so/ /khyad par ni 'di yod de/ lung ni don dam pa'i dngos po de la smos pa'i rnam par brjod pa nyid kyis 'jug la/ rtogs pa ni mngon sum gyi rnam par dmigs pas 'jug pa zhes bya ba yin no/ /gnyi ga yang ston par byed pa nyid du ni mtshungs so zhes bya bar rig par bya'o/ /rnam par dpyad pa'i bye brag ces ba ba la sogs pa ni rnam par dbyad ba'i bye brag gis de
- 70b
tha dad pa ste/ rnam par dpyad par bya ba dag ni sems can gyi khams la sogs pa'o/ /de la sems can rnams ni zin pa'i phung po rnams la bdags pas de nyid kyi phyir sems can gyi khams so/ /gnas? kyi snod kyi 'jig rten no/ /rang bzhin ni chos kyi dbyings te/ chos thams cad stong pa nyid du ro gcig pa'i phyir ro/ /mdza' ni nam mkha' i khams te/ sems can gyi khams tshad med pa'i phyir ro/ /kun nas nyon mongs pa dang rnam par byang ba'i gnas ni rnam par shes pa yin te/ de skad du/ de yod na ni 'gro kun dang/ mya ngan las 'das pa 'di thob par 'gyur zhes gsungs te/ de kun nas nyon mongs pa dang/ rnam par byang bar 'gyur ba'i phyir ro/ /kun nas nyon mongs pa ni khams gsum yin te/ 'dir kun nas nyon mongs par 'gyur ba'i phyir ro/ /rnam par byang ba ni gnyis te/ zhes bya ba ni rlabs po che dang che ba nyid kyi bsam pa la mos ba'i khams rnam bar dpyad pa la snang bas 'jug ste/ go rim bzhin du kun nas nyon mongs pa med pa dang sems can yongs su mi gtong ba'i dbang du byas par rig par bya'o/ /de la mya ngan las 'das pa la gzhol ba nyid kyi srid pa dang longs spyod la chags pa las rnam par grol ba'i phyir rlabs po che'i bsam pa'o/ /de nyid kyi phyir 'di nyan thos la sogs pa dang thun mong ma yin pa yin no/ /snying rje chen po dang/ thabs mkhas pa sngon du 'gro ba'i phyir sems can la lta bas theg pa chen po'i chos la dmigs pa'i phyir chen po'i bsam pa ste de nyid kyi phyir thun mong ma yin pa'o/ /de bzhin gshegs pa'i rigs skyes pa/ /rnam dag rnam 'phel yin zhes bya/ /ye shes khyad zhugs gyur pa ni/ /shes bya'i sgrib pa 'joms pa'i phyir// de bzhin gshegs pa'i rigs zhes bya/ /de nyid phyir na de'i bdag nyid/ /de bzhin gshegs pa'i bdag nyid chos/ /gang gis de bzhin gshegs par shes/ /ye shes smin par byed pa bcus/ /yongs su smin par byed ces pa/ /ye shes rnam pa bzhi yongs su
- 71a
smin par byed pa'i phyir te/ theg pa che dang dkon mchog dang/ /de bzhin de bzhin nyid dang ni/ /rnam par bzhag pa'i bden tshul la/ /ye shes rnams bzhir bshad do/ /de la chos dang po gnyis po zhes bya ba ni 'di lta ste/ phyir mi ldog pa'i bsam pa nyid ni rang gi gnas lags pa yongs su smin par byed pa'o/ /dkon mchog gsum la dad pa mi phyed pa mthar thug 'gro ba ni dkon mchog gsum la dad pa dang ldan pa yongs su smin par byed pa'o/ /chos gnyis po zhes bya ba ni/ de bzhin nyid shes pa yongs su smin par byed pa zhes bya ba sbyar te/ 'du byed kyi skye ba dang 'jig pa la rnam par 'jig pa ni gang zag la bdag med pa la dmigs pa yongs su smin par byed pa'o/ /rang bzhin gyis ma skyes pa rnam par 'jig pa ni chos la bdag med pa la dmigs pa yongs su smin par byed pa'o/ /lhag ma 'jig rten 'byung bas rnam par 'jig pa la sogs pa drug ni rnam par bzhag pa'i shes pa yongs su smin par byed pa'o/ /ji lta zhe na/ ji ltar kun nas nyon mongs pa dang zhes bya ba la sogs pa smras te/ 'jig rten 'byung ba rnam par 'jig pa zhes bya ba ni snod kyi 'jig rten 'byung ba'i phyir ro/ /las kyi srid pa skye ba la rnam par 'jig pa zhes bya ba ni sems can gyi 'jig rten 'byung ba'i phyir te/ rgyu dang bcas pa'i skye ba smos pa'i phyir ro// skye ba'i rgyu gang zhe na/ las kyi srid pa ste snod gyi 'jig rten la ni skye ba med pa'i phyir ro/ /'di ni re zhig kun 'byung yin no/ /kun nas nyon mongs pa ni gang yin rnaM par byang ba ni gang yin zhe na/ 'khor ba dang mya ngan las 'das pa rnam par 'jig pa zhes bya ba'o/ 'dir 'khor ba la rnam par 'jig pas ni kun nas nyon mongs pa 'khor ba bstan to/ de yang sdug bsngal yin/ /mya ngan las 'das pa la rnam par 'jig pas ni rnam par byang ba bstan to/ /ji ltar rnam par byang zhe na/ zhing du las kyi sems can
- 71b
la rnam par 'jig pa zhes bya ba yin no/ /kun nas nyon mongs pa dang rnam par byang ba ni snga phyi ste/ sngon gyi mdza' dang phyi ma'i mdza' la rnam par 'jig pa zhes bya ba yin no/ /dngos po med pa dang zad pa med par rnam par 'jig pa zhes bya ba ni/ bzhag pa med pa dang dar ba med pa yin no/ /de ltar rnam par byang ba yin te/ de yang lam yin no/ /de ltar na kun 'byung ba dang/ sdug bsngal ba dang/ 'gog pa dang/ lam shes pa ni rnam par bzhag pa'i bden pa'i tshul shes pa yin par rig par bya'o/ /gnyen po sgom pa rnam 'phel ba/ /thabs dang bcas par 'dod pa ste/ /byang chub phyogs ni dben la sogs/ /yon tan bzhi dang yang dag ldan/ /nang gi lus la lus kyi rjes su lta zhing zhes bya ba rgyas par 'byung ba la/ bdag gi ched ni nang ste bdag gi dbang du byas nas zhes bya ba'i tha tshig go/ 'di 'byung ba chen po rnams kyis bsags pas na lus te lus de la'o/ /mthun par lta ba ni rjes su lta ba ste/ 'tsham par rtog ces bya ba'i tha tshig ste/ rjes zhes bya ba 'di'i don ni 'tsham pa yin pa'i phyir la/ lta ba'i skad kyi dbyings kyi don yang rtog pa yin pa'i phyir ro/ /'di la lus ni/ phyin ci log las byung ba rgyu dang rkyen las grub pa g.yo ba med pa/ byed pa med pa/ bdag po med pa yongs su 'dzin pa med pa ste/ dper na phyi'i rtswa dang shing gel pa dang sman dang/ nags tshal dag dang 'dra'o/ /zhes bya ba la sogs pa lus dang 'tshams par shes rab kyi lta ba yod pas na lus kyi rjes su lta ba can zhes bya'o/ /rnam pa gcig tu na/ de'i dang tshul can nyid du lus la rjes su lta bas rjes su lta ba'o/ /gnas so zhes bya ba ni ji skad bshad pa yon tan dang 'tsham pa'i gnas na 'dug go zhes bya ba'i tha tshig go/ ji lta bur gyur nas she na brtun pa zhes bya ba gsungs te/ ye shes kyi me gdung bar byed pa dang/ brtson 'grus kyi stobs le lo zad par byed pa'i yon tan dang ldan pa dang nye bar
- 72a
gnas par byed pa'i phyir shin tu sdug bsngal zhes bya ba'i tha tshig go/ 'di la de dang ldan pa yod pas na brtun pa can yin no/ /shes bzhin zhes bya ba ni yang dag pa dang/ rab tu shes pa zhes bya ba'i tha tshig go /dran pa ni dran pa ste sems pa zhes bya ba'i tha tshig go/ 'di la thos pa gzung ba'i gzhung rnams mi brjed pa yod pas na dran pa dang ldan pa'o/ /rnam par spangs te zhes bya ba ni rnam par bzlog ste zhes bya ba'i tha tshig go /mngon du 'brel ba ni brnab sems te/ lus la da'o bdag gi'o snyam du shin tu sems pa zhes bya ba'i tha tshig go /yid mi bde ba'i dngos po ni yid mi bde ba nyid de/ rnam par spangs te zhes bya ba'i tha tshig go/ ji lta zhe na/ lus kyi rjes su lta ba nyid kyis ni 'di la da'o bdag gi'o snyam pa mi 'byung ngo/ /de med pa'i phyir lus zhig na yang lus mi bde bar mi 'gyur ro/ /de ltar lus kyi rjes su lta ba nyid kyis brnab sems dang yid mi bde bdag spangs te nang gi lus la lus kyi rjes su lta zhing gnas su zhes bya ba ni nang dang 'brel ba'i nyon mongs pa rnams kyi go skabs dbye ba dgag pa'i phyir ro/ /phyi'i zhes bya ba ni phyi dang 'brel ba'i nyon mongs pa rnams dang lhan cig mi 'grogs par bya ba'i phyir ro/ /lhag ma ni snga ma bzhin du shes par bya'o// nang dang phyi'i zhes bya ba ni cig car du go skabs dbye ba dgag pa'i phyir dang/ mi 'grogs par bya ba'i phyir ro/ /de bzhin du nang gi tshor ba rnams zhes bya ba la tshor bas na tshor ba ste/ 'dod pa dang mi 'dod pa gnyi ga ma yin pa nyams su myong ba nyid ces bya ba'i tha tshig go/ de yang nyams su myong ba'i bya brag kho na rnam pa gsum yin te/ bde ba dang sdug bsngal dang/ sdug bsngal yang ma yin pa dang go rim bzhin no/ /tshor ba'i rjes su lta zhing gnas so zhes bya ba snga ma bzhin no/ /de ci zhe na/ sdug bsngal du lta
- 72b
ba'o/ /ji lta zhe na 'di la byang chub sems dpa' ni 'di snyam du gang ci tshor yang rung ste de thams cad sdug bsngal lo snyam du sems so/ /ci'i phyir she na/ sdug bsngal nyid gsum dang rjes su 'brel pa'i phyir ro/ /ji lta zhe na/ sdug bsngal gyi sdug bsngal nyid ni 'bras kyi thog tu phol mig dang 'dra ste/ de ni skye bas rab tu phye ba yin no/ /'gyur ba'i sdug bsngal nyid du mi 'bral bar sred pa dang rjes su 'brel ba'i phyir de ni 'jig pas rab tu phye ba yin no/ /'du byed kyi sdug bsngal nyid ni mdor na nye bar len pa'i phung po lnga ni sdug bsngal ba'o/ /zhes 'byung ba'i phyir ro/ /'du byed dang 'brel bas rab tu phye ba yin no/ /de yang khyad par du bsam gtan dang gzugs med pa bzhi dag tu bde ba yang ma yin sdug bsngal yang me yin par rnam par bzhag ste/ de dag na de srid pa kho na'i phyir ro/ /'gro ba sdug bsngal nyid gsum po 'di dag dang rjes su 'brel ba'i phyir shes rab kyis tshor ba dang 'tsham par sdug bsngal du blta zhing rtog pa yod pas na tshor ba'i rjes su lta ba can zhes bya'o/ /'dir brnab sems ni bde ba'i tshor ba dang/ de'i rgyu gzugs la sogs pa yul rnams dang/ de gnyi ga'i rten lus la mngon par chags pa'o/ /tshor ba'i rjes su lta ba nyid kyis ni 'di la bde ba'i tshor ba dang/ de'i rgyu dang de gnyi ga'i rten lus la mngon par chags pa mi 'byung ngo/ /de med pa'i phyir bde ba'i tshor ba yongs su gyur pa dang/ de'i rgyu rnams dang gnyi ga'i rten lus yongs su gyur na yid mi bde bar mi 'gyur ro/ /ltag ma ni tha ma bzhin no/ /nang gi sems zhes bya ba la sems par byed pas na sems so/ /rig pa ste shes par byed ces bya ba'i tha tshig go/ rnam pa gcig tu na dge ba dang mi dge ba dang/ mi g.yo ba'i 'du byed rnams sogs par byed pas na sems so/ /lhag ma ni snga ma bzhin no/ /nang gi chos rnams zhes
- 73a
bya ba ni/ rang gi mtshan nyid 'dzin par byed pa dang/ gzhan gyi rkyen gyis dngos po yang yin pas chos dag ste/ yongs su mi 'dor ba zhes bya ba'i tha tshig go /chos de dag la yin gyi bdag la sogs pa la ni ma yin no/ /lhag ma ni snga ma bzhin no/ /de sdig pa mi dge ba'i chos ma skyes pa rnams zhes bya ba rgyas par 'byung la/ 'dud pa skyed do zhes bya ba 'di ni tshul bzhin yid la byed pa'i tshig bla dags yin no/ /'bad do brtson 'grus rtsom mo zhes bya ba 'di ni tshul bzhin yid la byed pa mi 'dor ba yin no/ /sems rab tu 'dzin to yang dag par rab tu 'jog go zhes bya ba 'di ni tshul bzhin du so sor rtog pa'i tshig bla dags so/ /de ci'i phyir zhe na/ tshul bzhin la rab tu brtson pa ni sdig pa mi dge ba'i chos rnams kun tu mi spyod pa'i phyir ro/ /sdig pa de dag kyang tshul khrims kyi mi mthun pa'i phyogs dang/ ting nge 'dzin gyi mi mthun pa'i phyogs dang/ shes rab kyi mi mthun pa'i phyogs te/ tshul khrims kyi mi mthun pa'i phyogs ni gang 'di'i tshul khrims nyams pa dang/ tshul khrims nyams pa'i rgyu gang dag yin pa tshul khrims kyi phung po'i mi mthun pa'i phyogs su gyur pa gzhan dang gzhan dag kyang yin te/ 'di ni tshul khrims kyi mi mthun pa'i phyogs zhes bya'o/ /ting nge 'dzin gyi mi mthun pa'i phyogs ni/ /gang 'di kun tu spyod pa nyams pa dang/ sems g.yeng ba'i sgyu gzhan dang gzhan dag kyang yin te/ 'di ni ting nge 'dzin gyi mi mthun pa'i phyogs zhes bya'o/ /shes rab kyis mi mthun pa'i phyogs ni gang 'di lta ba nyams pa dang/ lta ba nyams pa'i sgyu gzhan dang gzhan dag kyang yin te/ 'di ni shes rab kyi mi mthun pa'i phyogs zhes bya'o/ /de dag ni sdig pa mi dge ba'i chos rnams zhes bya'o/ /tshul bzhin yid la byed pa gang gis de lta bu ma skyes pa de dag
- 73b
skye ba'i go skabs mi 'byed pa 'di ni yang dag par spong ba dang po yin no/ /lhag ma ni 'di kho na las rjes su rtogs par bya'o/ /'dun pa'i ting nge 'dzin spong ba'i 'du byed dang ldan pa zhes bya ba la sogs pa la 'dun pa ni byed par 'dod pa nyid do/ /ting nge 'dzin ni sems rtse gcig pa nyid do/ /'dun pa'i dbang grub pa'i ting nge 'dzin ni/ 'dun pa'i ting nge 'dzin to/ /des nyon mongs pa spangs pa'i phyir 'du byed de dang ldan pa'o/ /rdzu 'phrul gyi rkang pa zhes bya ba 'di ci zhe na/ rdzu 'phrul gyi rkang pa ste yan lag ces bya ba'i tha tshig go/ /de sgom mo zhes bya ba ni goms par byed do zhes bya ba'i tha tshig go/ /dben pa la gnas pa zhes bya ba ni bsam gtan dang po dang ldan pa'i phyir te/ 'dod pa dang sdig pa mi dge ba las dben pa'i phyir ro/ /'dod chags dang bral ba la gnas pa ni bsam gtan gnyis pa dang ldan pa'i phyir ro/ /rtog pa dang dpyod pa dang bral ba'i phyir te/ gnyis pa ni 'dod chags dang bral ba gang yin pa de la bral ba zhes bya ba'i phyir ro/ /'gog pa la gnas pa ni bsam gtan gsum pa dang ldan pa'i phyir ro/ /de dga' ba'i 'dod chags dang bral ba'i phyir te/ de na 'dod chags dang bral ba gang yin pa de la 'gog pa zhes bya ba'i phyir ro/ /bsam gtan bzhi pa la sogs pa dang ldan pa'i phyir/ spangs zin pa la ye shes sngon du 'gro bas spong ba'o/ /spangs zin pa la ye shes mngon du 'gro bas spong zhes bya ba'i tha tshig ste/ bsam gtan bzhi pa la bde ba dang/ sdug bsngal dang/ yid mi bde ba spangs pa la/ spangs pa de yang de dang mi ldan pa'i phyir ro/ /gzhan dag la yang de bzhin du ci rigs par brjod par bya'o/ /dad pa ni sems dang ba gang yin pa'o/ /dbang byed pas na dbang ngo/ /yang na dbang yod pas na dbang ngo/ /dbang nyid dbang po yin te/ dbang phyug dang ldan pa dang/ dbang phyug thob pa zhes bya ba'i tha tshig go/ /de la dad
- 74a
pas ni sangs rgyas kyi chos thams cad la dad par byed/ brtson 'grus kyis ni sgrub par byed/ dran pas ni chud mi za bar byed/ /ting nge 'dzin gyis ni rtsa gcig tu byed/ shes rab kyis ni so sor rtog par byed de/ de ltar na 'di dag rang gi bya ba byed nus pa'i phyir dbang pa nyid yin no/ /de dag nyid dbang po rnon po rgyud la yod pa rnams bdud dang rab tu rgol ba thams cad kyiS mi rdzi ba'i phyir stobs rnams zhes bya ste/ de lta bas na dad pa'i stobs sgom mo zhes bya ba la sogs pa gsungs so/ /dag pas na lam mo/ /yang na 'dis sam 'di yod na dag par 'gyur ba'i lam ste/ sems rnam par dag pa'i thabs yin pa'i phyir ro/ /de yang bsgom pa'i lam yan lag brgyad pa yin pas de'i phyir yang dag pa'i lta ba sgom zhes bya ba la sogs pa 'di gsungs so/ /'phags pa'i lam yan lag brgyad pa 'di nyid dge ba gsum dang phung po gsum gyis bsdus te/ dge ba gsum ni ma chags pa la sogs pa dge ba'i rtsa ba rnams so/ /phung po gsum ni ting 'dzin la sogs pa'o/ /de la ma chags pa ni khams gsum pa la sems mngon par ma chags pa gang yin pa'o/ /'di gang gi rtsa ba yin zhe na/ de la skyes pa lus dang ngag dang yid kyi las dge ba rnams dang/ lam gyi yan lag gsum po yang dag pa'i rtog pa dang/ yang dag pa'i rtsol ba dang/ yang dag pa'i ting nge 'dzin gyi rtsa ba yin te/ 'di rnams ni ting nge 'dzin gyi phung po zhes bya ba dag go /de sdang med pa ni sems can rnams dang 'du byed rnams la gnod pa med pa gang yin pa'o// gang gi rtsa ba yin zhe na/ lus dang ngag dang yid kyi las dge ba yang dag pa'i dag dang yang dag pa'i las kyi mdza' dang/ yang dag pa'i? 'tsho ba'i rtsa ba yin te/ 'di rnams ni tshul khrims kyi phung po zhes bya ba dag go /gti mug med pa ni 'phags
- 74b
pa'i bden pa bzhi dag la yang dag pa ji lta ba bzhin shes pa mthong ba ste/ gti mug med pa las skyes pa lus dang ngag dang yid kyi las dge ba dang/ lam gyi yan lag gnyis po yang dag pa'i lta ba dang/ yang dag pa'i dran pa'i rtsa ba yin no/ /'phags pa'i lam yan lag brgyad pa sgom pa na/ lus yongs su bsgom pa yin te/ yan lag gnyis po yang dag pa'i las kyi mdza' dang/ yang dag pa'i rtsol ba bsgoms pa'i phyir ro/ /tshul khrims bsgoms pa zhes bya ba ni/ yang dag pa'i dag dang/ yang dag pa'i 'tsho ba bsgoms pa'i phyir ro/ /sems bsgoms pa zhes bya ba ni/ yang dag pa'i rtog pa dang/ yang dag pa'i ting nge 'dzin bsgoms pa'i phyir ro/ /shes rab bsgoms pa zhes bya ba ni yang dag pa'i lta ba dang/ yang dag pa'i dran pa bsgoms pa'i phyir ro// de la tshul khrims kyi phung po dang/ ting nge 'dzin gyi phung pas ni rtogs pa myur ba dang/ rtogs pa dag par 'gyur ro/ /shes rab kyi phung pos ni rtogs pa chen po dang/ rtogs pa rgya che ba dang/ ma lus pa rtogs par 'gyur te/ de ltar na 'phags pa'i lam yan lag brgyad pa sgom pa na rtogs pa lnga thob par 'gyur ro/ /de ltar na byang chub kyi phyogs dang mthun pa sgom pa dben pa la sogs pa yon tan bzhi dang ldan par shes par bya'o/ /'bras bu ni rnams gnyis su brjod de/ nyon mongs pa'i kun nas nyon mongs pa spangs pa'i mtshan nyid dang/ las kyi kun nas nyon mongs pa spangs pa'i mtshan nyid do/ /de'i thabs kyi dbang du byas nas zhes bya ba ni zhing yongs su dag par byed pa dang/ sangs rgyas kyi chos mngon par sgrub pa de gnyis kyi thabs gang yin pa de'i dbang du byas nas so/ /sa la chog par mi 'dzin par sgrub pa zhes bya ba 'dis ni sa bdun pa'i bar bsdus te/ gong nas gong du khyad par can gyi chos yongs su tshol ba nyid kyis bstan to/ /phyir mi ldog pa'i sa ni brgyad pa ste/ der sangs rgyas
- 75a
kyi chos zab mo'i rnam par thar pa thob pa'i phyir ro/ /sems can yongs su smin par byed pa'i sgrub pa sa ni sa dgu pa dang bgu pa bstan te/ de gnyis ni thabS la mkhas pa chen pos rnam par dpyod pa so so yang dag par rig pha dang thams cad kyi gsang ba rtogs pa thob pa'i phyir ro/ /yongs su 'dzin pa ni gsum dang sgyan? te/ ji lta zhe na de'i phyir smras pa/ so sor? rna? rtog pa'i phyir na rtag par 'dzin pa rnams so/ /bdag gi nyid du khas len pa'i phyir na bdag gir 'dzin pa rnams so// nor bzhin du 'dzin pa'i phyir na nor du 'dzin pa rnams so/ /nyes dmigs ni sten gyi gnas so/ /ston pa la gus pa ni bcas pa'i kha na ma tho ba rnams sangs rgyas kyi smad pa nyid kyi phyir ro/ /khan ma tho bas 'jigs ba ni rang bzhin gyi kha na ma the ba rnams kun nas nyon mongs pa dang ldan pa nyid kyi phyir ro/ /'di gnyis kyis ni bya ba'i cha ma yin pa nyid kho nar bstan to/ /bya bar 'os pa nyid kyang rgyu gnyis kyi sa bstan te/ ston pas bsngags pa dang/ tshogs dang mthun pas so/ /'jam pa'i sems nyid de yang rgyu gsum gyis zhes bya ba la sogs pa la/ bde bar gnas pa'i khyad par ni/ mnyen pa'i sems zhes gang gsungs pa'o/ /ting nge 'dzin la dbang ba'i khyad par ni las su rung ba'i sems gang gsungs pa'o/ /nyes pa rnam par 'bri ba'i gnyen po'i khyad par ni phan pa dang bde ba skyed pa'i sems zhes bya ba'o/ /nyes pa rnam par 'bri ba yang tshig 'dis sbyor ba bstan pa yin pas tshig 'dis ni yan lag yin no/ /tshig lhag ma rnams kyis ni nyes pa rnams rnam pa drug du phye nas 'di nyid rnam par 'byed par byed do/ /de la chos ston pa'i dus na zang zing dang bcas pa la nyon mongs pa ram klan ka tshol ba la nyon mongs pa ste 'am zhes bya ba ni bsdu ba yin no/ /nyes pa 'di gnyis kyi gnyen bor
- 75b
yongs su nyon mongs pa can ma yin pa'i sems zhes gsungs te/ zang zing rab tu sbyin pa dag dang/ kla na ka tshol ba'i bsam pa dag la rjes su chags pa dang khong khro ba med pas yongs su nyon mongs pa can ma yin pa'i phyir ro/ /sbyin pa la sogs pa dang/ 'dod pa chung ba la sogs pa'i yon tan rnams dang/ ye shes kyi chog par 'dzin pa ni nyes pa ste/ de'i gnyen por tshig gnyis te/ gong nas gong du khyad par yongs su tshol ba'i sems dang ldan pa yin/ ye shes kyi khyad par mngon par 'dod pa'i sems dang ldan pa yin zhes gang gsungs pa'o/ /skyo ba ni nyes pa ste de'i gnyen por 'gro ba thams cad yongs su skyob pa'i sems zhes gsungs te/ sems can gyi don du yun ring por dka' ba mang po khas blangs pa'i phyir ro/ /rang gi lta ba mchog tu 'dzin pa ni nyes pa ste de'i gnyen por bla ma la gus pa dang mthun pa'i sems zhes gsungs te/ chos dang mthun pa'i chos spyad pa'i don du brtson bgrus? rtsom pa byed pa'i phyir ro/ /byas pa gzo ba zhes bya ba ni yan lag ste/ de la phan gdags par yid la byed pa'i phyir ro/ /byas pa shes pa'i phyir byas pa tshor ba'o/ /sems rjes su srung ba'i phyir nges pa'o/ /ji skad rjes su bstan pa sgrub pa'i phyir 'grogs na bde ba'o/ /nyes pa glang ba bzod pa'i phyir drang ba'o/ /dris pas 'khrug pa bzod pa ni mnyen pa'o/ /rang gi nyes pa mi 'chab pas ni thibs po med par spyod pa'o/ /yang dag pa ma yin pa'i yon tan mi brjod pas na sgyu med pa'o/ /khengs par mi 'gyur bas nga rgyal med pa'o/ /tshig bzod pas na dka' blo bde ba'o/ /ma nor bar 'dzin pas na mthun par 'dzin pa'o/ /de'i 'bras bu gong ma dang zhes bya ba ni nyon mongs pa'i kun nas nyon mongs pa spangs pa'i mtshan nyid dang/ de'i 'bras bu 'og ma rnams dang zhes bya ba ni las so?
- 76a
kyi kun nas nyon mongs pa spangs pa'i mtshan nyid la sogs pa dang ste/ de dag ni dul ba dang zhi bas rab tu phye ba'i phyir ro/ /mdor na 'di'i 'bras bu ni/ /da sngon 'gro ba'i khams rtas pa/ /bsam pa'i khams ni byang chub kyi sems so/ /byang chub de'i lam gang yin pa de sgrub pa'i phyir thob pa'i phyir mngon par rtogs pa'i phyir lhag pa'i bsam pa'i khams so/ /nges pa skye ba ni mos pa ste nges pa shin tu gsal ba'i rgyu las byung ba'i gnyen pa 'phel ba yin no/ /dge ba'i rtsa ba thams cad kyi mi mthun pa'i phyogs nyams pa dang/ 'jig rten pa ni dri ma'i nag nog dang yang bral ba yin no/ /sa de'i gsang ba la the tshom za ba ldog pa ni 'di'i the tsom dang yid gnyis dang nem nur yang rgyun chad par 'gyur ro zhes bya ba yin no/ /de log na ste the tshom gyi gnas gzhan dag la yang mos te/ nges pa 'thob pa ni som nyi med pa mngon du 'gyur ba yang yongs su rdzogs par 'gyur zhes bya ba yin no/ /bde bar gnas pa'i khyad par ni dga' ba dang shin tu sbyangs pa yang yang dag par 'grub po zhes bya ba yin no/ /sems can yongs su smin par byed nus pa ni de bzhin gshegs pa'i byin gyis brlabs zhes bya ba'o/ /ting nge 'dzin dpag tu med pa mngon par sgrub pa ni sems kyi bsam pa tshad med pa zhes bya ba yin te/ sems zhes bya ba'i sgras ni lhag pa'i sems kyi bslab pa ting nge 'dzin rnams bstan to/ /de lta na gnyen po sgom pa 'phel ba 'di'i 'bras bu bcu tshan bzhes rnam pa bzhi bstan pa yongs su bstan pa dang sngar nyon mongs pa dang las kyi kun nas nyon mongs pa bzlog pa'i mchan nyid rnam pa gnyis bshad pa dang/ spyir ni de'i 'bras bu/ 'bras bu rnam pa drug gis rnam par bzhag par shes par bya'o/ /mchod pa la sogs lhag ma kun
- 76b
rong byed ji ltar de bzhin du/ /'ong 'phro can la 'ang shes par bya/ /khyad par du na yon tan lhag/ yongs su dag pa de'i sa ba de las gzhan pa'i byang chub sems dpa' rnams dang mtshungs pa nyid kyi phyir ro/ /thos sogs shes pa rab brten nas/ /'od byed pa la snang byas te/ /gti mug mun pa rnam mnan nas/ /de 'og 'od 'phro can rnam spyod/ /ye shes me ni rab 'bar ba/ /nyon mongs dud shing rnam 'joms pa/ /chos kyi dbyings ni snang byed pa/ /thabs dang ye shes ldan pa yis/ /'bras bu rnam pa drug thob nas/ /rnam dag shin tu rnam dgra mthong/ /don sgrub bar ni dka' ba yi/ /sa ni shin tu spyad dka' thob/ /sngar ni zhes bya ba la sogs pa ni gsum pa la de nor che bar 'dzin gyi zhes bya ba la sogs pas chos rtogs pa'i mngon pa'i nga rgyal gang yin pa de'i gnyen por bzhi po las lhag par g.yo ba la sogs pa spangs pa gsungs la/ da ni rnam par dag pa la sangs rgyas la sogs pa'i rgyu tha dad pa'i mngon pa'i nga rgyal gyi gnyen por bshad pa yin no/ /de la rnam par dag pa la sems kyi bsam pa mnyam pa nyid ces bya ba ni byang chub sems dpa' i sems kyi bsam pa gang dag yin pa de dag mnyam pa nyid do/ /gang la zhe mo rnam pa dag pa la'o/ /'di skad du sa 'di la byang chub sems dpa' rnam pr dag pa la sangs rgyas kyi chos rnam par dag pa dang ldan pa rnams la sems kyi bsam pa mnyam pa nyid do zhes bshad par 'gyur ro/ /tshig mang por bstan pa ni yul tha dad pa'i phyir ro/ /rnam par dag pa'i bya brag gis zhes bya ba la/ /rnam par dag pa ni sangs rgyas kyi chos rnams/ /de dag kyang rgyu dang 'bras bu'i bye brag gis rab tu phye nas 'dir rnam pa bcur bstan la de dag la mnyam pa nyid 'tho bo bas de yang rnam pa bcu yin/ /rnam par dag pa'i chos rnams kyang rgyur gyur pa dang
- 77a
'bras bur gyur pa dag go /rnam par dag pa gang dag yin pa zhes bya ba ni 'bras bur gyur pa rnams ston te/ mdo'i tshig gsum po 'das pa la sogs pa'i bye brag gis bstan to/ /'das pa dang ma 'ongs pa dbang ltar byung ba rnams kyis chos rnam par dag pa ni stobs dang mi 'jigs pa la sogs pa'i mtshan nyid do/ /chos rnam par dag pa de la byang chub sems dpa' i sa lnga pa la 'jug pa'i byang chub sems dpa' 'di'i bsam pa mnyam pa nyid de bsam pa mtshungs pa yin no/ /bsam pa gang zhe na/ dad pa dang 'dun pa dang/ brtson 'grus dang/ thabs kyi mtshan nyid de/ dad pa la sogs pa'i chos bzhi po de dag ni dge ba'i chos thams cad kyi gzhi yin pa'i phyir bsam pa zhes bya ste chu'i gzhi bzhin no/ /bsam pa de mnyam pa nyid de/ ji ltar byang chub sems dpa' 'di 'das pa'i sangs rgyas kyi chos rnam par dag pa la bsam pa 'jug pa de bzhin du ma 'ongs pa dang da ltar byung ba'i bcom ldan 'das rnams kyi chos rnam par dag pa la bsam pa na mnyam pa nyid 'dis 'jug ste/ de dag gi rgyud tha dad pa med par rtogs so/ /ji ltar zhes bya ba 'di tshul khrims la sogs pa ste/ 'das pa dang ma 'ongs pa dang/ da ltar byung ba'i sangs rgyas kyi chos rnam par dag pa thob par bya ba gang yin pa de/ byang chub sems dpa' rnams kyis tshul khrims rnam par dag pa la sogs pa'i lam gyis 'thob bo/ /de'i phyir tshul khrims rnam par dag pa de la/ lam la gnas pa'i byang chub sems dpa' lam de la gnas pa'i byang chub sems dpa' gzhan rnams dang lhan cig bsam pa nyid do/ /ji ltar tshul khrims rnam par dag pa la bsam pa mnyam nyid ltar sems rnam par dag pa la yang de dang 'dra ste/ rnam par dag pa
- 77b
bdun po'i bar thams cad la bsam pa mnyam pa nyid do/ /de la tshul khrims rnam par dag pa ni byang chub sems dpa' rnams kyi sdom pa la sogs pa'i tshul khrims rnam par dag pa gang yin pa'o/ /sems rnam par dag pa ni byang chub sems dpa' i ting nge 'dzin rnam par dag pa ste/ lhag pa'i tshul khrims dang/ lhag pa'i sems kyi bslab pa gnyis tshig gnyis bstan pa yin no/ /lhag pa'i shes rab kyi bslab pa ni tshig bzhis bstan te/ lta bar gyur pa rnams sel ba dang/ som nyi dang yid gnyis rnams sel ba dang/ 'gyod pa sel bas rnam par dag pa zhes bya ba'o/ /lta bar gyur pa rnams sel ba ni lta ba thams cad spangs pa'i phyir ro/ /ji ltar ni snyam pa ni som nye'o/ /blo sna tshogs pa ni yid gnyis te ji 'di ltar yin nam 'on te de lta ma yin snyam pa'o/ /ngan par byas pa dang/ yid la bcags pa dang/ snying la bcags pa ni 'gyod pa zhes bya'o/ /lta ba dang som nyi dang/ yid gnyis dang 'gyod pa 'di dag sel ba ni rnam par dag pa ste/ rnam par dag pa de la byang chub sems dpa' i bsam pa mnyam pa nyid do/ /lam dang lam ma yin pa shes pa rnam par dag pa la bsam pa rnam par dag pa nyid la/ lam dang lam ma yin pa shes zhes bya ba ni shes pa gang gis shes rab dang thabs kyis yongs su zin pa'i lam dang/ lam ma yin pa de dang bral ba 'am/ 'jig rten pa 'am theg pa dman par lhung ba shes pa'o/ /de ni lam dang lam ma yin pa shes pa rnam par dag pa yin te/ de la byang chub sems dpa' i bsaM pa mnyam pa nyid do/ /lam shes pa rnam par dag pa la bsam pa mnyam pa nyid ces bya ba ni tshul khrims rnaM par dag pa nas lam dang lam ma yin pa shes pa rnam par dag pa'i bar sngar bshad pa rnams lam bzhi'i nang du sdoms nas shes pa
- 78a
ni lam shes pa'o/ /lam bzhi ni lam dka' la mngon par shes pa bul ba dang/ lam dka' la mngon par shes pa myur ba dang/ lam sla la mngon par shes pa bul ba dang/ lam sla la mngon par shes pa bul ba dag/ lam sla la mngon par shes pa myur ba'o/ lam shes pa 'di rnam par dag pa ni lam shes pa rnam par dag pa ste/ lam shes pa rnam par dag pa 'di la byang chub sems dpa' i bsam pa mnyam pa nyid do/ /sems can rnams yongs su smin par byed pa ni/ thabs de dag gis sems can khams dang mos pa dang/ dbang po tha dad pa/ thabs sna tshogs pas bsgrub par bya ba rnams yongs su smin par byed pa'o/ /de rnam par dag pa ni/ sems can thams cad yongs su smin par byed par byed pa rnam par dag pa ste/ de la byang chub sems dpa' sa mtshungs pa la gnas pa'i byang chub sems dpa' gzhan dag dang/ lhan cig bsam pa/ bsam pa sna tshogs ma yin pa nyid ces bya ba'i tha tshig ste/ tha ma 'dis ni sems can yongs su smin par byed pa bshad do/ /byang chub sems dpa' rnam par dag pa la sems kyi bsam pa mnyam pa nyid bcu pa 'di dag gis rgyud tha dad pa ma yin pa'i don du sgrub ste/ sa lnga pas rgyud mnyam pa nyid du rtogs par byed pa'i tha tshig go /lam gyiS spong ba ste/ lam gyis spong bar shes pa ni lam ni spong bar shes pa zhes bya'o/ /'og ma rnam par 'jig pa nyid kyis yid tsam spang ba'i don du bstan to/ /ji lta zhe na/ rnam par 'jig pa de la dman pa nyid du rtog pas/ gong ma gong ma gyi nom pa don du gnyer ba chog mi shes pa des yid tsam spong ba'i don du bstan to/ /cung zad spong ba ni yid tsam spong ba ste dper na cung zad skyur ba la yid tsam skyur ba zhes bya ba bzhin no/ /cung zad spong ba ni gong ma ma yin pa spong ba zhes bya ba'i tha tshig ste/ zag pa med
- 78b
pa'i yin pa'i phyir ro/ /cung zad spong ba yang de la mngon par brtson pa las shes par bya ste gong ma don du gnyer bas so/ /yid tsam spong ba nyid don yin pas yid tsam spong ba'i don to/ /de'i nga rgyal kun tu gzhom pa'i phyir zhes bya ba ni rnam par dag pa la rgyud tha dad pa'i mngon pa'i nga rgyal kun tu gzhom pa'i phyir ro/ /rgyu brgyad kyis shes bya ba la sogs pa la/ dal byang chub kyi sems goms par byas pa ni smon lam gyi stobs bskyed pa'i phyir zhes gsungs pa yin no/ /theg pa las mi g.yo ba ni snying rje dang byams pas sems can thams cad yongs su mi gtong ba'i phyir zhes bya ba yin no/ /dge ba'i rtsa ba'i stobs bskyed pa ni bsod nams kyi tshogs bsags pa'i phyir zhes bya ba yin no/ /brtson pa ma bor ba ni rgyun ma bcad pa'i phyir zhes bya ba yin no/ /yang dag par sbyor ba ni thabs la mkhas pa mngon par bsgrubS pa'i phyir zhes bya ba yin no/ /chog par mi 'dzin pa ni sa gong ma gong ma'i snang ba la blta ba'i phyir zhes bya ba yin no/ /mthu'i khyad par bla thabS thob pa ni de bzhin gshegs pa'i byin gyis brlabs yang dag par blangs pa'i phyir zhes bya ba yin no/ /so sor rang gi mthu'i khyad par thob pa ni dran pa la sogs pas khyad par du byas pa'i shes rab kyis so/ /de ltar re zhig nga rgyal gyi khyad par gyi gnyen pa rnam par bzhag par shes par bya'o/ /bden pa'i chos nyid rnam par bzhag pa ji lta bu zhe na/ 'di ni sdug bsngal 'phags pa'i bden pa'o zhes bya bar yang dag par ji lta ba bzhin du rab tu shes so zhes bya ba nas/ 'di ni sdug bsngal 'gog par 'gro ba'i lam 'phags pa'i bden pa'o zhes bya ba'i bar yin no/ /gnyis gnyis kyis kun nas nyon mongs pa dang/ rnam par byang ba nyid dag 'jug pa 'di ni bden pa rnams kyi chos nyid yin no/ /'di dag byed pa po la mi bltos par ji
- 79a
skad bshad pa'i chos nyid yongs su mi 'dor bas na bden pa nyid do/ /gdul bya rnams ni rnam grol ba'i/ /thabs kyi cho ga mdor bsdu na/ /theg dman theg pa mchog dag gis/ /bstan pa rnam pa gnyis kho na/ /theg pa dman la gdul bya ba/ /yongs smin bya sogs mtshan nyid drug/ theg pa che la gdul bya ba/ /bdun pa yin par yongs su bsgrags/ /de la gdul bar bya drug ni/ /yongs smin bya dang de bzhin smin/ /chos nyid dang ni dgongs pa ste/ /de gnyis la ni kun rmongs dang/ /de bzhin gzhan yang yang dag pa'i/ /yid byed lta dang mi ldan pa/ /'di drug nyan thos dag tu bshad/ /lnga yi bya ba bden pa la/ /mkhas pa lnga pa dag gis bsgrub/ /sdug bsngal bden sogs bsdus pa'i phyir// drug pa'i don du bzhi yin no/ /bdun pa'i don du mkhas pa ni/ bcu pa yang dag bshad pa yin/ /ji lta zhe na/ yongs su ma smin pa'i don du sems can gzhan dag gi bsam pa ji lta ba bzhin tshim par byed pas kun rdzob kyi bden pa rab tu shes so/ /yongs su smin pa'i don du bgrod pa gcig pu la yang dag par gzhol bas don dam pa'i den pa rab tu shes so/ /chos nyid zab mo nyid la kun tu rmongs pa'i don dang rang dang spyi'i mtshan nyid kyi bden pa rab tu shes so/ /dgongs pa zab mo nyid la kun tu rmongs pa'i don du chos rnam par dbye ba rnam par bzhag pa rtogs pas rnam par dbye ba'i bden pa rab tu shes/ /tshul bzhin yid la byed pa dang mi ldan pa'i don du phung po dang khams dang skye mched rnam par bzhag pa rtogs pas phye ste/ rtog pa'i bden pa rab tu shes so/ /de ltar na lnga rnams kyi dbye ba mkhas pa lnga pa dag gis bsgrub par shes par bya'o/ /drug pa'i don du dngos po'i bden pa la sogs pa la mkhas pa bzhi zhes bya ba ni drug
- 79b
pa'i don du lus dang sems la gnod pa rab tu 'bab pas dngos po'i bden pa rab tu shes so zhes bya ba ste 'di ni sdug bsngal gyi bden pa'o/ /de nyid kyi don du 'gro bar mtshams sbyar ba rtogs pas rab tu skye ba'i bden pa rab tu shes zhes bya ba ste/ 'di ni kun 'byung gi bden pa'o/ /de nyid kyi don du rims nad kyi yongs su gdung ba thams cad shin tu zhi bas zad pa dang mi skye ba shes pa'i bden pa rab tu shes zhes bya ba ste 'di ni 'gog pa'i bden pa'o/ /drug pa nyid kyi don du mi gnyis pa mngon par sgrub pas lam shes pa la 'jug pa'i bden pa rab tu shes so zhes bya ba ste 'di ni lam gyi bden pa'o/ /lam gcig tu bgrod pa yin pa'i phyir zhes bya ba ni cig tu 'gro ba'i phyir te/ mya ngan las 'das par 'gro ba'i phyir zhes bya ba'i tha tshig go/ yang byang chub sems dpa' i gcig tu bgrang pa'i lam ni 'phags pa blo gros mi zad pa las byang chub sems dpa' gcig pu zla med/ grogs med par rang gi brtson 'grus dang mthu dang/ stobs kyis yongs su zin pa'i lhag pa'i bsam pas bla na med pa yang dag par rdzogs pa'i byang chub tu go cha gyon la/ rang nyid byed cing gzhan la glags mi tshol ba rang gi mthu'i stobs kyis 'phags pa yin no zhes bya ba la sogs pa'i gzhung gis bshad pa yin no/ /bdun pa'i don du bcu ba ni rnam pa thams cad mngon par rdzogs par khong du chud pas byang chub sems dpa' i sa thams cad kyi go rims mtsham sbyar ba sgrub pa nas/ de bzhin gshegs pa'i ye shes yang dag par 'byung ba'i bar gyi bden pa rab tu shes te zhes bya ba yin te/ mkhas pa bcu pa 'di ni byang chub sems dpa' i don du yang dag par bshad pa yin no/ /rig pa'i gnas lnga la mkhas pa'i phyir zhes bya ba ni/ gtan tshigs mtshan nyid bzod dang ni/ /de bzhin du ni gso ba dang/ /nang rig pa dang bcas rnams la/ /mkhas pas rig pa lngar shes so//
- 80a
byang chub sems dpa' i sa thams cad kyi go rim gyi mtsham sbyor bas sgrub pa zhes bya ba ni byang chub sems dpa' thams cad kyi sa rnams rim gyis thob pa sgrub pa zhes bya ba'i tha tshig go/ /bar zhes bya ba nges par gzung ba'o/ /nges par gzung yang nges pa ste/ de'i phyir de bzhin gshegs pa'i ye shes kyi bar gyi bden pa gang yin pa de thams cad yang dag par shes so zhes nges par bshad yin no/ /de ltar na bdun pa'i don du mkhas pa bcu pa yan dag par bshad pa yin no// mos pas shes pa'i stobs bskyed pas zhes bya ba ni gzugs brnyan shes pa'i stobs bskyed pas yin gyi/ dgos pa yongs su grub pa la dmigs pas ni ma yin pa'o/ /'di'i don bstan bcos gzhan la/ rnam par rtog pa dang bcas pa'i gzugs brnyan dang/ rnam par rtog pa med pa'i gzugs brnyan no/ /de la rnam par rtog par bcas pa gang zhe na/ mos pa yid la byed pas zhi gnas dang lhag mthong gis dmigs pa gang yin pa'o/ /rnam par rtog pa med pa'i gzugs brnyan ni de kho na yid la byed pas zhi gnas dang lhag mthong gis dmigs pa'o/ /dgos pa yongs su grub pa zhes bya ba ni gnas gyur pa'o/ /chos kyi sku shin tu yongs su dag pa nyid de/ gnas gyur pa'i shes pa ni phyin ci ma log pa'i de bzhin nyid la dmigs pa can yin pa'i phyir ro zhes bya ba 'di bshad do/ /de lta bas na 'dir mos pa'i skabs yin pa'i phyir rnam par rtog pa dang bcas pa nyid du khong du chud par 'gyur ba nyid pas rnam par rtog pa dang bcas pa nyid smos te ma gsungs so/ /de tshe phung bas mngon gcos? shing/ sdug bsngal gyis ni nyam thag pa'i/ /'jig rten bltas na phyir zhing na/ /'di yi snying rje rab tu 'jug/ byis pa ni mi shes pa'i phyir/ /de la mngon par zhen pa'i gnas yin gyi/ 'phags pa ni shes pa'i phyir ma yin no/ /rten cing 'brel bar
- 80b
'byung ba la so sor rtog pas sdug bsngal la yang dag pa ji lta ba bzhin du dmigs pa sngon gyi mdza' i ma rig pa dang sred pa las byung ba'i sems can 'khor ba'i rgyun gyi rjes su zhugs pa phung po'i gnas las ma bskyod pa rnams kyi zhes 'byung ba'i phyir ro/ / dag ni thabs mkhas pa las byung ba'i phyir ro/ /zhes bya ba ni sems can gdul ba'i don du yin gyi ma rig pa dang sred pa las byung ba ni ma yin pa'o/ /srid pa'i yan lag gi rtsa ba yin pa'i phyir ro zhes bya ba ni rten cing 'brel bar 'byung ba cha gnyis la/ /'phan par byed pa'i yan lag rnams kyi nang na ma rig pa'i rtsa ba yin la/ mngon par 'grub par byed pa'i yan lag rnams kyi nang na sred pa rtsa ba yin par rig par bya'o/ /bdag dang bdag gi bral ba zhes bya ba ni za ba po dang za bar 'dogs pa la mngon par zhen pa spang ba'i phyir ro/ /yang rnam pa gzhan gyis sems can sdug bsngal bar so sor rtog pa'i khams kyi sprul dag gis skyo bar mi 'gyur ba zhes bya ba la sogs pa yin te/ khams kyi sprul dag gis ni na ba dang rga ba dang 'chi ba'i sdug bsngal bstan to/ /nga rgyal dang lta ba'i zug rdzu mi 'byin pa zhes bya ba ni log pa'i tshangs par spyod pa tshol bar gyur ba rnams so/ /'dod chags dang zhe sdang dang gti mug gi me lce 'bar ba zhi bar mi byed ba zhes bya ba ni/ 'dod pa tshol bar gyur pa 'dod pa la nye bar spyod pa rnams so/ /ma rig pa'i mun pa mdzis la ces bya ba ni 'dod pa tshol bar gyur pa nyes par spyad pa spyod pa rnams so/ /sred pa'i rgya mtsho mi skems pa zhes bya ba ni srid pa tshol bar gyur pa rnams te nga rgyal dang lta ba'i zug rngu mi 'byin pa zhes bya ba la sogs pa'i tshig gis ni na pa dang rga ba dang 'chi ba'i sdug bsngal gyi kun 'byung yongs su bstan to/ /dpung gnyen med pa zhes bya ba ni sdug bsngal bar gyur na'o/ /skyabs med ces bya ba ni ma gyur na'o/ /gnas med pa zhes bya ba ni skyes bu dam pa dang brten pa dang
- 81a
bral ba'o/ /gling med pa zhes bya ba ni/ /dam pa'i chos mnyan pa dang bral ba'o/ /rten med pa zhes bya ba ni tshul bzhin yid la byed pa dang bral ba'o/ /long bar gyur pa zhes bya ba ni yang dag pa'i lta ba dang bral bar gyur pa'o/ /ma rig pa'i sgo nga dang sbubs dang spris g.yog pa zhes bya ba ni tshul bzhin yid la byed pa'i mi mthun pa'i phyogs gnyug ma ste tshul bzhin ma yin pa yid la byed pa dang ldan pa rnams so/ /mun pas zil gyis non pa de dag gi don du zhes bya ba ni yang dag pa'i lta ba'i mi mthun pa'i phyogs blo bur ba dam pa'i chos ma yin pa nyan pa dang ldan pa rnams so/ /lhag ma ni khong du chud par sla'o/ /thos pa yongs su 'dzin pa'i khyad par ni tshig gsum gyis dran pa dang ldan pa dang/ blo gros dang ldan pa dang/ rtogs pa dang ldan pa zhes bya ba shes rab gsum bsdus pa'i phyir ro/ /rnam grangs gzhan du na zhes bya ba ni tshig gsum po 'di nyid rnam par bshad pa gzhan gyis don tha dad bar ston pa'o/ /de ba thos pa 'dzin pa ni dran pa dang ldan pa zhes bya'o/ /stong pa nyid du ro gcig kyang rang dang spyi'i mtshan nyid la sogs pa tha dad pa ni chos nyid zab mo ste/ de shes pa ni blo gros dang ldan pa zhes bya'o/ /dgongs pa zab mo shes pa ni rtogs ba dang ldan ba zhes bya ba ste/ mdo rnams kyi tshul ni lugs te/ de'i dgongs pa mngon du rtogs pa'i phyir ro/ /dang pos ni mdo la sogs pa'i chos la mkhas pa'o/ /lhag ma rnams kyis don la mkhas pa'o/ /ngo tsha dang ldan pa nyid kyis ni sdom pa blangs pa srungs pas bzod pa dang nges pa dang ldan pa'i phyir tshul khrims mnos pa 'dral bar mi byed do/ /brtan pa dang ldan pa nyid kyis ni thams cad kyi thams cad du yongs su mi 'dor te/ de ltar na tshul khrims ma nyams pa dang/ skyon? med
- 81b
pa yongs su bstan pa yin no/ /bla dang ldan pa nyid kyis ni brten cing 'brel par 'byung ba shes so/ /'di yod na 'di 'byung zhes bya ba ni rgyu med par lta ba'i gnyen po yin no/ /'di skyes pas 'di skye zhes bya ba ni mi 'dra ba rgyur lta ba'i gton? po ste/ mi rtag pa'i rgyu rtag pa ni rgyu mi 'dra ba yin no/ /de nyid kyi phyir gnas dang gnas ma yin pa zhes pa gsungs te/ rgyu dang sgyu ma yin pa shes pa'i phyir ro/ /rtogs ma'i shes pa dang ldan pa nyid kyis ni bdud phyir rgol ba la sogs pa gzhan dag gis mi bkri zhing mi 'phrogs pa yin te/ lam mthong ba'i phyir ro/ /shes rab dang ldan pa nyid gyis ni lhad bcug ba ni dam pa'i chos 'jig bar byed pa tshig ltag bcug pa gang yin pa'o/ /da la nag po bstan pa'i gnyen por 'di ni mdo la sogs pa la 'jug pa la sogs pa'i yang dag par rdzogs pa'i sangs rgyas kyis bshad pa yin pa'i phyir don gyi tshig yin no/ /'di'i chos nyid dang 'gal ba nyid kyis bdud la sogs pas smras pa yin pa'i phyir don ma yin pa'i tshig yin no zhes bya ba dang/ 'dres pa'i tshig yin no zhes bya bar shes so/ /mngon par shes pa rnams kyis ni skyabs ngan par zhugs pa rnams dang bar byas nas bstan pa la 'dzud par byed do/ /thabs mkhas pa nyid kyis ni sems can rnams yongs su smin par byed de/ de ltar na dran pa la sogs pa'i yon tan yongs su 'dzin pa'i khyad par rnam par bzhag pa yin no/ /sgrub pa'i khyad par rnam par bzhag pa ni bcu gnyis pas bstan to/ /ji lta zhe na/ ngoms mi shes pa yin zhes bya ba la sogs pas bstan to/ /sems can yongs su smin par byed pa rnam par bzhag pa ni bcu gsum pas bstan to/ /ji lta zhe na/ de de ltar mngon par brtson pas sbyin pas kyang sems can
- 82a
yongs su smin par byed de zhes bya ba la sogs pas te bsdu ba'i dngos po bzhis tshig bzhi bstan pa'o/ /gzugs kyi lus kun tu bstan pa ni rang gi ris la chags pa rnams la'o/ /chos bshad pa ni the tshom za ba rnams pa'o/ /byang chub sems dpa' i spyod pa brjod pa ni thabs 'khrul pa rnams la'o/ /de bzhin gshegs pa'i che ba nyid smos pa ni yongs su skyo ba rnams la'o/ /'khor ba'i nyes pa bstan pa ni de la mngon par dga' ba rnams la'o// sangs rgyas kyi ye shes kyi phan yon yongs su bsnyad pa ni mi 'jug pa rnams la'o/ /blo chung pa rnams la ni tshig tha mas yongs su smin par byed pas bstan to/ /de la ngon brjed pa'i gnod pa dang bya ba brjed pa'i gnod pa'i rnam pa gnyis gcig tu byas nas bzhag ste/ 'di yang tshig gnyis kyis rnam par phye ba yin no/ /'di'i gnyen po ni yi ge ste/ yi ge'i 'bru rnams kyis byin pa la sogs pa'i don dang/ byas pa la sogs pa'i bya ba rnams ni brjed par bya ba'i phyir bris nas 'jog par byed de/ /gtan tshigs kyi bstan bcos kyis ni lta ba ngan pa sel bar byed do/ /sgra'i bstan bcos kyis ni blo chung ba sel bar byed do/ /yongs su blangs pa'i nor ma sbas pa'i gnyen por rgya ste des sped pa'i phyir ro/ /'du ba dang 'god pa la rmongs pa'i gnyen por rtsis dang sho thabs te/ de gnyis kyis 'du 'god shes pa'i phyir ro/ /khams mi mnyam pa ni skems pa dang brjed byed do/ /sems can gnod pa ni 'byung bo'i gdon to/ /rgyu las byung ba'i nad kyi gnod pa ni ro langs kyi sbyor ba ste/ gshed byed sgrub pa la sogs pas rims la sogs pa 'byung ba'o/ /zla ba la sogs pa log par mthong ba dang/ /mtshan ngan pa la sogs pa yan lag gi skyon rnam par smin pa kho nas
- 82b
thob pa des byas pa'i rnam par 'tsha ba'i gnod pa'i ngo lon yang shes so/ /de la sdom pa'i tshe ga ni sdom pa'i tshul khrims te/ 'chal pa'i tshul khrims kyi gnyen po'o/ /bsam gtan ni 'dod pa la 'dod chags pa'i gnyen po'o/ /mngon par shes pa rnams ni skyabs ngan pa'i gnyen po'o/ /tshad med pa rnams ni log pa'i bsod nams kyi gnyen pa'o/ /gzugs med pa rnams ni log pa'i thar pa'i gnyen po'o/ /rgyu bzhi dang ldan par zhes bya ba la gnod pa gzhan gyis gnod par bya ba med pa ni tho 'tshams pa med pa zhes bya'o/ /kha na ma tho ba med pa'i bde ba skyes pa ni sems can thams cad la phan pa dang/ bde bar 'gyur ba zhes bya ba'o/ /'byung bar byed par rnam par dag pa ni snying rje dang ldan pas zhes bya ba'o/ /dgos pa rnam par dag pa ni mthar gyis sangs rgyas gyi chos la dgod pa'i phyir zhes bya ba'o/ /shin tu sbyangs dka' la ni 'khor ba dang/ mya ngan 'das lam mi gnas lam thob nas/ /shes rab snying rje yongs sbyangs bsam pa can/ /sa 'bras rnam pa zhi la rab gnas pa/ /blo yis 'khor ba'i skyon rnams rab dpyad de/ /zhi pa'i dbyings ni sems la rab smon nas/ /mtshan ma med la med du gnas ldan pa'i/ /sa drug mtshan ma mang pa thob par 'gyur/ /sa drug pa'i 'grel pa ni/ /rgyu ni gsuM po gang dag gis/ /lnga pa rnam par bzhag 'dod pa'i/ /rgyu de nyid ni khyad par 'phags pas/ /drug pa rab tu bstan pa yin/ /sa bzhi pa dang zhes pa la sogs pa ni sa 'di'i 'brel pa ston par byed pa ste/ sa dang po la chos kyi dbyings mthong ba'i phyir gang zag tu mngon bar zhen pa spangs ba yin no/ /de'i 'phong pa las gyur pa chos rtogs pa'i nga rgyal ni sa bzhi ba las spangs pa yin no/ /lnga pa ni rnam par dag pa la rgyud tha dad pa'i mngon pa'i nga rgyal spangs pa yin pas de dag
- 83a
tu de dag gi gnyen por bshad do/ /kun nas nyon mongs pa dang/ rnam par byang ba'i chos la tha dad pa'i mngon pa'i nga rgyal gang yin pa de'i gnyen po tshe? 'di las bstan par bya ba yin pas na/ sa'i 'brel pa yin te/ lam shin tu yongS su rdzogs pa'i byang chub sems dpa' de byang chub sems dpa' sa drug pa la 'jug ste/ zhes gang gsungs pa'o/ /chos la tha dad nga rgyal ni/ /chos mngon zhen pas skyes gang yin/ /de yi gnyen po rnam pa bcu/ /drug pa las ni rab tu bstan// de la chos thams cad de/ skye mched bcu gnyis po rnams ni kun brtags pa'i ngo bo nyid med pas mnyam pa nyid do/ /skye ba dang 'chi 'pho'i mtshan ma zhes bya ba ni chos thams cad blang ba med pa dang/ ngor ba med pa mnyam pa nyid ces gang gsungs pa ste/ blang ba ni skye ba yin la/ /dor ba ni 'jig pa yin pa'i phyir ro/ /gang zag la mngon par zhen pa'i mchan ma ni phung po lnga po dag ste/ de skad du mdo las/ dge slong dag 'di na gang la la zhes bya ba la sogs pa gsungs so/ /kun brtags pa'i gzugs la sogs pa med na gang zag du mngon par zhen pa la sogs pa med pa'i phyir de'i gnyen por sgyu ma la sogs pa dang mnyam pa nyid de/ nyon mongs pa glo bur ba dang 'khor ba'i dri ma bsal bas gnyen po yin no/ /byi der byas pa yin te/ gnas byi ngor byed pa bzhin no/ /mnyam pa nyid du mos pa'i phyir zhes bya ba ni gnyen po mnyam pa nyid du mos pa'i phyir ro/ /de ltar na rjes su mthun par byas pa yin te/ de bzhin nyid kyis rang gi ngo bo yongs su shes pa'i phyir ro/ /rnam par mi rtag pa'i phyir zhes bya ba ni gnyen po 'di lta bu ni kun nas nyon mongs pa bzlog par byed do/ /yin no snyam du rnam par mi rtog pa'i phyir ro/ /bzod pa zhes bya ba ni bzod pa dang rjes su mthun pa'i phyir ro/ /de ma thob po zhes bya ba'i tshig gis
- 83b
ni? zhes bya ba ni de tsam gyis mi skye ba'i chos la bzod pa'i sgo rjes su thob pa ni ma yin no zhes gang gsungs pa'o/ /'di yang chad ni zhes bya ba ni ji skad du bshad zin pa la snyegs so/ /byad par du 'gro ba zhes bya ba ni nga rgyal cha phra ba'i gnyen por rnam par bzhag pa'i phyir ro/ /'di nas gzung ste zhes bya ba ni/ chos thams cad kyi rang bzhin de ltar rtogs pa na zhes bya ba nas gzung ste/ stong pa nyid kyi rnam par thar pa'i sgo kun tu skyes pa yin no zhes bya ba'i bar gyi gzhung 'dis mi gnas pa'i mya ngan las 'das pa'i lam sgrub pa'i khyad par bshad pa yin no/ /sems can lta ba dang bcas pa zhes bya ba la sogs pa ni mi gnas pa'i mya ngan las 'das pa'i lam sgrub pa'i khyad par ston par byed pa'o/ /rgyu gnyis kyis ni mi gnas pa'i mya ngan las 'das pa'i lam nyid du mi 'gyur te/ nyan thos bzhin du snying rje dang bral ba dang/ 'khor ba bzhin du shes rab dang bral bas so/ /snying rje dang shes rab gnyis kyis ni 'gyur bas de'i phyir de dag dang ldan pa ston par byed do/ /snying rje'i khyad par yongs su 'dzin pa ni sla bas sgo gsum nas shes bya ba la sogs pas rten cing 'brel par 'byung ba la yongs su rtog pa ston to/ /sgrub pa dang brgal ba'i lan yin pas brgal ba'i lan dang mtshan nyid de dag rnam par bzhag pa'o/ /'dis rten cing 'brel par 'byung ba la yongs su rtog ces bya bas sbyar te/ thams cad ni bdag tu mngon par zhen pa las 'byung ba zhes bya ba 'di nas gzung ste/ byed pa po med do zhes bya ba'i bar gyis bstan to/ /don dam pa'i bden pa rnam par bzhag pas yongs su rtog pa ni de 'di snyam du sems te/ 'di ltar khams gsum zhes bya ba la sogs pa'o/ /kun rdzob kyi bden pa rnam par bzhag pa ni srid pa'i yan lag bcu gnyis
- 84a
po gang dag ces bya ba nas gzung ste/ de de ltar rten cing 'brel bar 'byung ba la rnam pa bcur zhes bya ba'i bar yin no/ /de ltar mdo rnam par bye nas sgrub pa rnam par bzhag pa ji lta bu zhe na zhes bya ba la sogs pas yan lag gi don bshad par bya ste/ de ni zhes bya ba ni bdag med ba de sgrub par byed pa'o/ /rig pa gang gis she na/ 'jig rten 'byung ba thams cad ces bya ba la sogs pa smos so/ /de dang bral na zhes bya ba la sogs pas ni rjes su 'gro ba dang ldog pa dag ston par byed do/ /bdag don dam par yongs su zin na ni zhes bya ba la sogs pas ni rjes su 'gro ba dang ldog pa dag nyid sbyor bar byed pa'o/ /de la sbyor ba ni 'jig rten 'byung ba thams cad kyi rgyu ni bdag tu lta ba yin te/ nyon mongs pa'i kun nas nyon mongs pa yin pa'i phyir/ ma rig pa la sogs pa'i kun nas nyon mongs pa bzhin no/ /chos mi mthun pa ni lam bzhin no/ /gal te nyon mongs pa'i kun nas nyon mongs pa nyid kyang ma grub po zhe na/ de ni ma yin te/ phyin ci log gi rnam par zhugs pa'i phyir 'dod chags la sogs pa bzhin du nyon mongs pa nyid yin/ /phyin ci log gi rnam par zhugs pa nyid ni gzuD la sogs pa bdag med pa rnams la bdag tu mngon par zhen pa'i phyir te/ don dam par na bdag med pa'i phyir ro/ /'di ni rang gi sde pa rnams kyis srol gtod zin pas 'phan mi skyed do/ /de la brgal ba rnam par bzhag pa ste gang zhig bdag med na rigs pa gang gis der 'dzin pa 'jug pa 'di smros shig ces zer na/ 'di'i lan rnam par bzhag pa ni byis pa'i blo nyid dang mi shes pa la sogs pa rgyu lhag ma rnams kyis bdag
- 84b
med pa la kun tu rmongs nas bdag tu 'dzin pa yin no/ /byis ba'i blo can du gyur pas zhes bya ba ni blo chung ba'i phyir ro/ /de'i 'og tu bdag mang? du zin kyang zhes bya ba la sogs pas ni gzhung mdza' dag 'phen to/ /nyan mongs pa gzhan yang yod bzhin du ci'i phyir mi shes pa dang/ ser sna dag kho na smros zhes rgol ba 'di'i lan gdab pa'i phyir srid pa'i yan lag gi rtsa ba yin pa'i phyir ro zhes bya ba smras so/ /srid pa'i yan lag 'di ni gtso po yin te/ de nyis kyi phyir gzhan las skye ba rnams kyi rgyu ni srid pa yin no zhes gsungs so/ /bdag med bzhin du yang ji lta ba bzhin du yang ji ltar 'jig rten skye ba dge srid pa de ltar mdo nyid las rigs pa dag rab tu bstan to/ /ji lta zhe na/ bsod nams dang bsod nams ma yin pa dang mi g.yo ba'i 'du byed rnams kyang sogs zhes bya ba rgyas par gsungs so/ /de la yongs su ma gtang ba zhes bya ba ni yongs su ma spangs pa'o/ /gang dag gis she na 'du byed ngag gis so/ /de ni zhig ce na/ sems kyi sa bon no/ /ci 'dra ba zhig ce na/ zag pa dang bcas pa nye bar len pa dang bcas pa'o/ /gang gi tshe na zhe na phyi ma la'o/ /ci zhe na/ skye ba rga shi'i rang bzhin zhes bya ba la sogs pa ste/ sems nyid yang srid pa dang srid pa bar ma gnyis kyi rgyu yin pa'i phyir sa bon yin no/ /de nyid skye ba dang rga ba zhes bya ba la sogs pas ston par byed do/ /mdo las mngon par 'grub ba zhes 'byung ba ni bar ma do'i srid pa yin no/ /yang srid pa zhes 'byung ba ni skye ba'i srid pa yin no/ /de dag gis bsdus pa la nye bar 'gro ba'i phyir na nye bar song ba yin no/ /bsod nams la sogs pa zhes bya ba la sogs pas ni phyi'i myu gu skye ba dang chos mthun pa nyid du stan par byed do//
- 85a
de la 'di ni chos mthun pa nyid yin te/ myu gu skyed par byed pa la dang por zhing dang/ lus kyi dgab pa dang/ chu'i khams kyis brlan pa dang/ phyi'i gnod pa 'byung du 'ong bas rgyal sogs pas skor dgos pa de thams cad nang gi dag la yang sbyar bar bya'o zhes ston par byed do/ /bdag nyid dang zhes bya ba ni gzhan gyis ma yin pa'o/ /rang gi 'jig pa'i blo sngon du gtong ba med ces bya ba ni bdag gis 'di ltar gzhig par bya'o snyam pa'o// bsdus pa'i don ni 'di yin te/ las la brten nas rnam par shes/ /ming dang gzugs su myos par 'gyur/ /nur nur po la sogs rim gyis/ /skye mched drug po kun tu 'byung/ /skye mched dad par gyur nas ni/ /yul rnams la ni mngon par dga' / /yul rnams don du gnyer ba na/ /phyir zhing rang gi las la 'jug /las gang dag gis 'di zil non/ /phyi mar skye rgyu las byung ba'i/ /rga dang 'chi dang mya ngan sogs/ /sdug bsngal nyams su myong 'gyur nyid/ /brgal ba lan rnam par bzhag pa ni de lta bu yin/ /mtshan nyid rnams par bzhag pa ji lta bu zhe na/ brgal dang sgrub pa'i skabs kyis ni/ /rkyen las byung ba'i rnam pa ni/ /bdag med nyid du bsgrubs nas su/ /de yi 'og tu brtag par bya/ /ji ltar brtag par bya zhe na/ /rnal gnas mtshan nyid gang gis na/ /'di ni rab tu 'byung ba'o/ /ji lta zhe na/ de 'di snyam du sems te/ bden pa rnams mi shes pa ni/ don dam pa ma rig pa'o zhes bya ba rgyas par smos so/ /ming dang gzugs su ston to zhes bya ba la ci zhig ston par byed ce na/ rten cing 'brel par 'byung ba bstan pa 'di la cha gsum du rnam par bzhag par bstan par dgongs pa ni ma yin no/ /'on kyang yan lag rnams kyi 'brel pa tsam zhig brjod par bzhed pa zad de/ 'di ltar ma rig pas byas pa'i las
- 85b
kyi rnam par smin pa ni 'du byed rnams so zhes gsungs pa la/ 'du byed ces bya ba'i sgra ni 'dir 'dus byas kyi chos kyi rnam grangs yin te/ dper na gzhan las 'du byed thams cad ni mi rtag go zhes 'byung ba lta bu yin gyi/ ji ltar gzhan las 'du byed ni gsum ste/ zhes 'byung ba lta bu bsod nams sogs pa'i chos kyi rnam grangs ni ma yin te/ bsod nams la sogs pa'i 'du byed de dag ni 'dir ma rig pas byas pa nyid kyis yongs su bsdus pa dag yin no/ /'du byed de dag kyang rnam par smin pa'i gnas skabs yin pas ming dang gzugs su ston to zhes bya bas smras so/ /de la kun gzhi'i rnam par shes pa brten pa ste/ ming dang gzugs la brten pa nyid dang/ ming dang gzugs dang rnam par shes pa lhan cig pa ste/ kun gzhi'i rnam par shes pa dang lhan cig pa nyid do/ /de lta bas na 'dir kun gzhi'i rnam par shes pa dang ming dang gzugs gcig la gcig brten pa nyid du bshad pa yin te/ 'du byed dang rnam par shes pa dang/ ming dang gzugs kyi yan lag rnams dus gcig tu 'byung bar rnam par bzhag pa mngon no/ /gzhan dag na re brten cing 'brel par 'byung ba bstan pa 'dir/ sngon gyi mdza' dang mdza' i bar dang phyi ma'i mdza' dang cha gsum du rnam par bzhag pas bstan pa yin la// 'dir khyad par du na sngon gyi mdza' ni ma rig pa kho na rnam par bzhag la/ 'du byed rnams ni mdza' i bar kho nar rnam par bzhag go /ming dang gzugs rnam par smin par 'gyur ba de yang kun gzhi'i rnam par shes pa dang lhan cig par bstan la/ de las kun gzhi'i rnam par shes pa phyung nas/ yang rnam par shes pa'i yan lag nyid du bstan to/ /de ci'i phyir zhe na/ ming dang gzugs la brten pa nyid yin par shes par bya ba'i phyir dang/ ming dang gzugs kyang kun gzhi'i
- 86a
rnam par shes pa la brten pa nyid yin par shes par bya ba'i phyir te/ 'di ltar rnam par shes pa dang ming dang gzugs gcig la gcig brten pa nyid du ston to/ /zhes smras pa'i phyir ro/ /'di la 'du byed rnam par smin pa zhes pa yang ma rig pa kho na las skye ba ma yin te/ ma rig pa las dang lhan cig pa rgyu'i dngos por smos pa'i phyir 'di ltar ma rig pas byas pa'i las kyi zhes gsungs so zhes zer ro/ /'di ni srid pa'i yan lag rjes su 'brel paS zhes bya ba la sogs pa ni gnas de 'di ltar/ rten cing 'brel bar 'byung ba la lugs dang mthun pa dang lugs dang mthun pa ma yin par so sor rtog ste/ 'di lta ste srid pa'i yan lag rjes su 'bral ba dang zhes bya ba la sogs pa 'byung ba'i rnam pa bcu po de dag tshig mang po yongs su spang pa'i phyir 'di nyid du sbyor bar byed pa/ srid pa'i yan lag rjes 'brel ba/ /ma rig pa las 'du byed rnams/ /zhes bya ba la sogs pas/ rgyu dang 'bras bu brgyud pa yin/ sems gyur pa tsam du zad pa'i phyir ro zhes bya ba ni sems de lta de ltar yongs su gyur pas khams gsum rnam par bzhag pa'i phyir ro/ /bdag dang bral ba nyid kyis sems tsam la brten pas na sems gcig la brten pa'o/ /rnam pa gcig tu na 'dir yan lag rnams dang lhan cig 'byung ba brjod bar bzhed pa yin pas sems gcig la brten pa'i phyir te 'di ltar gzhi gang la zhes bya ba la sogs pa gsungs pa yin no/ /gzhi gang la zhes bya ba ni bsod nams la sogs pa la'o// 'dod chags dang ldan pa zhes bya ba ni/ kye ma bdag gis bsod nams la sogs pa'i 'du byed rnams kyis tshogs bsags nas/ lha la sogs pa'i nang du skye bar bya'o snyam pa'o/ /ji ltar na de dag gzhi zhes bya zhe na/ 'di la 'bras bu
- 86b
rnams gnas pa'i phyir te/ de'i phyir gzhi ni 'du byed rnams so zhes bya ba gsungs so/ /kun rdzob kyi bden pa rnam par bzhag pa ji lta bu zhe na/ don dam pa'i bden pa la 'jug par 'gyur ba'i rgyu ni kun rdzob ces bya'o/ /brtag ba rnam pa drug po dros? rnam drug yongs su rtog phyir ro/ /ji lta zhe na/ kun nas nyon mongs rten dang ni/ /rgyu dang de bzhin nyes dmigs bsdus so/ /nyes pa spangs pa'i rnam pa dang/ /yid mi 'byung dang yid 'byung dang/ /de bzhin zab pa nyid mthong las/ /brtag pa rnam pa drug tu bshad/ /'di ni bden pa gnyis zhes bya ba la sogs pa ni rnam pa bcu'i nang nas rnam pa gnyis pa ste/ sems gcig tu yang dag par 'du ba zhes bya ba sbyor bar byed pa'o/ /sems ni rnam pa gnyis te sems tsam dang sems gcig la brten pa'o/ /rgyur ba brtag pa ni rnam pa gnyis te/ gzhan gyi rgyu nyid du brtag pa ni de la ma rig pa ni bya ba gnyis su nye bar gnas pa yin te zhes bya ba la sogs pa nas/ 'chi ba yang bya ba gnyis su nye bar gnas pa yin te/ zhes bya ba'i bar gyis bstan to/ /rang gi bya ba byed pas zhes bya ba ni bdag nyid kyi bya ba ni rang gi bya ba'o/ /de byed cing sgrub pa ni byed pa ste/ des na yan lag gzhan rnams kyi rgyu yin no/ /de la 'du byed 'jig par yang byed do zhes bya ba la sogs pas ni gzhung 'phen bar byed do/ /tshe rabs gzhan gyi rgyu yin pa'i phyir ro/ /zhes bya ba ji ltar na tshe rabs gzhan gyi rgyu yin zhe na/ gal te shi ba de yang dag par yongs su ma shes par gyur na te/ gang dag gis bdag gi skye pa zad do// tshangs par sbyin pa bsten to/ /bya ba byas so/ /'di las srid pa gzhan mi shes so zhes 'chi ba yang dag par yongs su shes pa de dag gi 'chi ba de ni tshe rabs gzhan gyi rgyu ma yin no/ /rang gi rgyu nyid du yongs su brtag pa ni de la ma rig pa'i
- 87a
rkyen gyis 'du byed rnams zhes bya ba ni ma rig pa'i rkyen gyis 'du byed rnams rgyun mi 'chad pa dang rton pa'o zhes bya ba la sogs pa nas/ skye ba'i rkyen mang pas na rga shi nye bar zhi zhing rton pa med pa'o/ /zhes bya ba'i bar gyis bstan te/ rang gi rigs rgyu'i dngos por rkyen du yongs su rtag pa'i phyir ro/ /'du byed rnams ji ltar zhes bya ba la sogs pas ni ma rig pa la sogs pa rang gi rigs rgyu nyid du yongs su rton par byed do/ /'dir ma rig pa ni rgyur gyur pa dang/ 'bras bur gyur pa dang/ rnam pa gnyis su bstan te/ 'du byed rnams ji ltar ma rig pa'i rkyen can nyid yin zhe na/ rgyun mi 'chad ba dang rton pa zhes smras pa gang yin pa'o/ /de'i phyir ma rig pa'i sa bon yod pas rgyun mi 'chad de/ 'di ltar yang srid pa mngon par 'du byed pas na 'du byed rnam bzhes bya la/ de dag kyang ma rig pa'i sa bon yod pa'i phyir 'du byed dag yin te/ ma rig pa'i sa bon rnams dpyis phyung ba ni yang srid pa mngon par 'du mi byed pa'i phyir/ /rten pa ni 'bras bur gyur pa de skyes pas de dag rten cing skye ba ste/ ma rmongs cig shos skye ba med ces 'byung ba'i phyir/ /de la sa bon du gyur pa gang yin no pa de ni bskyed par bya ba la rgyu yin no zhes bya'o/ /ma rig pa la sogs pa dang gi rigs rgyu'i dngos por rkyen nyid du yongs su brtag pa bshad zin te/ rgyun mi 'chad dang ston rnam gnyis/ /mi shes rgyu las byung ba ste/ /ma rig sa bon gyur gang dang/ /'bras bur gyur par brjod pa yin/ /sa bon dus na rgyun mi 'chad/ /'bras bu skye ba'i tshe na rton/ /'di ltar de ni skyes pa las/ /'du byed rnams ni skye bar 'dod/ /'di gnyis kyis ni 'di yod pas 'di skyes pas 'di skye zhes bya ba'i 'byung ba dang/ skye bar bshad pa de gang yin pa de rab tu
- 87b
'grub po/ /rang gi rigs rgyu nyid du don rnam pa gnyis kyis zhes bya ba ni rton pa dang/ rgyun tu mi 'chad pa'i don gyis so/ /tha dad pa ma yin pas zhes bya ba ni rnam pa bzhi pa ston par byed pa'o/ /rnam pa bcu'i nang nas rnam pa gsum pa ste/ rang gi las ma 'dres pa zhes bya ba ni re zhig mi sbyor te/ 'di snyam du sbyar sla'o snyam du sems so/ /'di ltar gzhan gyi rgyu nyid du brtag par las rang gi las ma 'dres ba zhal nyid nas gsungs te/ de skad du rang gi bya ba byed pas yan lag gzhan gyi rgyu nyid yongs su brtag pa zhes kyang smras so/ /de lta bas na rtogs dka' ba'i rnam pa kho na bstan pa'i phyir tha dad pa ma yin pa'i phyir zhes bya ba smras so/ /da ni tha dad pa ma yin pa'i don de yan lag snga ma med na yan lag phyi ma mi 'byung bar yongs su brtag pa zhes bya ba la sogs pa rnam pa gnyis kyis bshad do/ /yan lag snga ma med par yan lag phyi ma mi 'byung ste/ tha dad pa ma yin pa'i don ni med na mi 'byung ba'i don te/ 'di ltar rgyu med par 'bras bu med pas rgyu med par 'bras bu mi 'byung zhes bya'o/ /de skad du gang zhig gang gi rgyur mthong ba/ de ni de las skye ba yin/ /rgyu yod ma yin 'bras bu ni/ /ji lta bu yang mi rung ngo zhes gsungs te/ de lta bas na rton pa'i don 'di gsal bar byas pa yin no/ /rang gi rigs su 'dus pa zhes bya ba ni rnam pa gnyis bas tha dad pa ma yin pa'i don 'chad pa'o/ /'dir yang tha dad pa ma yin pa'i don ni so so ba ma yin pa'i don yin te/ rang gi rigs su 'dus pa'i rkyen du yongs su brtag pa zhes gang smras pa'o/ /de lta bas na rgyun mi 'chad pa'i don rab tu gsal bar byas pa yin no/ /nyes dmigs bsdus par yongs su brtag par zhes bya ba ni nyes dmigs bsdus pa ste/ de
- 88a
yongs su brtag pa'o/ /lam gsum gyis zhes bya ba ni nyon mongs pa dang/ las dang skye ba'i lam gis te/ /'di ltar ma rig pa dang sred pa dang len pa ni zhes gsungs pa la sogs pa'i mdos lam gsum po dag bshad do/ /gang gis bsdus zhe na/ sdug bsngal gyi rgyu dang zhes bya ba la sogs pa smos te/ sdug bsngal gyi rgyu ni nyon mongs pa dang las kyi lam dag go /sdug bsngal ni skye ba'i lam zhes bya ba'o/ /rnam pa ltag ma rnams ni sla ba'i phyir sbyor bar mi byed de/ 'di ltar lam gsum gyi rgyud du 'brang ba zhes rang gi sgras bshad pa ltar lhag ma rnams kyang de dang 'dra bar blta bar bya'o/ /de lta bu'i nyes dmigs bsdus pa yongs su brtag pa yin par shes par bya'o yongs su spang par yongs brtag pa'ang/ /nyes pa rnams ni yongs spang yin/ /rten cing 'brel 'byung smra ba la/ /nyes rnam gsum du yongs brtags te/ /rgyu la bye brag med pa'i phyir/ /lus kun cig char 'grub pa dang/ /byed po med phyir lam bdag gir/ /bya ba med par thal bar 'gyur/ /'bras bu med phyir las rnams ni/ /chung za bar yang thal 'gyur te/ /las de 'bras bu ma phyung ba/ /gang byed 'gag par 'gyur phyir ro/ /de la nyes pa yongs su spang par brtag pa zhes bya ba ni gzhan gyis bsgrubs pa'i nyes pa yongs su brtag pa'o/ /de la gzhan dag gis nyes pa 'di/ /rnam pa gsum ni yongs su brtags/ /'dir gzhan dag gis bdag med par smra ba rnams la/ /rgyu la bye brag med pa'i phyir thams cad kyi lus cig car mngon par 'grub pa'i nyes pa zhes bya ba la sogs pa nyes pa rnam pa gsum sgrub par byed do/ /cig car zhes bya ba ni lan cig tu ste/ thams cad kyi lus mngon par grub pa de nyid nyes pa yin no/ /'dir 'thad pa rgyu bye brag med pa'i phyir
- 88b
zhes bya ba smras te/ rgyu la bye brag med pa'i phyir ro/ /'di ltar ma 'ongs pa'i lus su gtogs pa'i lus ji snyed pa de dag thams cad ni ma rig pa dang/ 'du byed tsam gyis rgyu las 'byung ba yin gyi/ gzhan gyi rgyu las 'byung bar mi 'dod la/ ma rig pa dang 'du byed rnams kyang sngon gyi mdza' na nye ba yin te/ rgyu nye ba'i phyir 'bras bu yang cig car 'byung ba kho nar 'gyur ro/ /gang la bdag yod pa de la ni nyes pa 'dir mi 'gyur te/ de ni longs spyod kyi rten yongs su gzung bar bya ba/ la dbang sgyur pa yin pas de'i phyir ha cang thal bar mi 'gyur ro/ /de bzhin du las bdag gir bya ba med pa ni nyes pa gnyis pa yin te las bdag gir bya ba nyid ni bdag nyid kyi yin pa'o/ /las rnams bdag gi yin te/ de'i phyir bdag kho nas 'bras bu spyad kyi gzhan gyis ni ma yin no/ /zhes bya ba 'di med pa de nyid nyes pa yin no/ /'dod 'thad pa byed pa po med pas zhes bya ba smras te/ phyed pa po yod na ni las rnams shes bya bar 'gyur gyi/ med na ni mi 'gyur ro// las rnams chung za ba'i nyos pa ni gsum pa'o/ /chung za ba na 'jig pa ste/ de nyid nyes pa yin no/ /'dir 'thad pa 'bras bu ma skyed par 'gags pas zhes bya ba smras so/ /ji lta zhe na/ bdag med na lus dang ngag dang yid ces bsgrags pa'i las gang dag yin pa de dag skyes ma thag kho nar 'bras bu skye ba'i dus na mi gnas so/ /gang la bdag yod pa de la ni nyes pa 'dir mi 'gyur te/ 'di ltar dge ba 'am mi dge ba 'gag tu zin kyang bdag la chos dang chos ma yin pas gnod par bya ba'i phyir nyes par mi 'gyur ro/ /de lta bas na 'di dag gis ni ma byas pa dang phrad pa'i nyes pa dang/ byas pa chung za ba'i nyes pa smras pa yin no/ /nyes pa rnam pa de gsum car yang yongs su spang ba brjod par 'dod
- 89a
nas/ re zhig sngon gyi mdza' la sogs pa zhes bya ba la sogs pas gzhi 'dri par byed de/ sogs pa zhes bya ba'i sgras ni mdza' i bar dang/ phyi ma'i mdza' dag yongs su bsdu'o/ /skyes nas myong bar 'gyur ba la sogs ba zhes bya ba'i sgras ni myong bar mi 'gyur ba la sogs pa yongs su bsdu'o/ /tshe 'di'i phyir sngar byas pa'i phyir ro zhes bya ba ni sngon gyi mdza' pa'i bltes pa zhes bya ba yin no/ /tshe 'di'i phyir byas pa gang yin pa de ji ltar sngon gyi mdza' yin zhes bya ba'i blan ka 'di yongs su spang ba'i phyir da ltar byung ba ni zhes bya ba la sogs pa smos te/ don ni sngon zhes bya ba 'am/ bar zhes bya ba 'am/ phyi ma zhes bya ba ni bltos nas bstan pa yin no zhes bya ba 'di yin no/ /'di skad du tshe 'di nyid kyi phyir ma rig pa dang 'du byed dag yongs su brtag pa na/ sngon gyi mdza' ba yongs su brtag pa yin na zhes bshad pa yin no/ /gzhan dag ni gang la dgos pa sngon gyi mdza' yod pa 'am/ gang zhig de'i rgyu mtshan gyi dngos por rnam par gnas pa ni de sngon gyi mdza' pa'i bltos pa zhes bya ste/ mdza' i bar gyi rgyu mtshan yin no/ /ci'i phyir de skad bstan ce na/ de'i phyir da ltar byung ba ni ma 'ongs pa'i sngon gyi mdza' o zhes bya ba smras so/ /che 'di'i phyir zhes bya ba ni rgyu mtshan gyi bdun par byas pa'i phyir te/ de'i phyir bltos pa'i don ni rgyu'i don du rig par bya'o/ /zhes smras so snyam du sems so/ /don gang la zhes bya ba ni don gang la brten nas da ltar byung ba'i bltos pa yin pa de 'dri ba'o/ /cig shos kyis kyang bstan pa'i phyir/ tshe rabs snga ma'i las gang yin pa zhes bya ba la sogs pa smras so/ /ci zhig ston par byed ce na/ 'di'i rnam par shes pa la sogs pa ni sngon gyi las kyi 'bras bu yin pa'i phyir las de yang 'bras bu mi 'byin to//
- 89b
zhes bya ba'i don 'di la da ltar byung ba'i ltos pa yin te/ 'bras bu rgyu dang bcas pa yongs su brtag pa'i phyir ro/ /yang srid pa mngon par 'grub par gcig tu nges par byed pa'i phyir ro/ /zhes bya ba ni sngon gyi mdza' ba'i bltos pa'i yul du byas pa ma rig pa'i rkyen gyis 'du byed gang dag yin pa de dag gis 'phangs su zin kyang ji srid du sred pa la sogs pa nye bar zin ba ma yin ba de srid du yang srid pa mngon par 'grub par mi byed kyi/ nye bar zin pa dag ni yang srid pa mngon par 'grub par gcig tu nges pa yin pa'o/ /de phan chad du yang zhes bya ba la sogs pas ni gzhung 'phen par byed do/ /sngon gyi mdza' pa la sogs pa'i bltos pa ji snyed gleng bslang ba 'dis ci zhig yongs su ston ce na/ ma byas par gyur pa dang zhes bya ba ni ma grub pa'i phyir ro/ /byas su zin kyang 'bras bu bskyed zin pa dang/ byas la 'bras bu ma bskyed kyang gal te gnyen po rnyed pas spangs zin pa yin na'o/ /byas pa nyid dang 'bras bu ma bskyed do ston to zhes bya ba ni mngon par 'du byed pas na 'du byed rnams shes bye brag tu bshad pa'i phyir ro/ /sred pa la sogs pas zhes bya ba la sogs pa zhes bya ba na sgras ni len pa yongs su bsdu'o/ /ma spangs pa zhes bya ba ji lta na srid pa la sogs pas ma spangs pa nyid ces bya zhe na/ de'i phyir sred pa dang len pa zad na zhes bya ba smras te/ sred pa la sogs pa zad pas las rnams zang pa yin gyi rang gi ngo bos ni ma yin no zhes ston par byed do/ /de ltar gzhi kun tu bres nas nyes pa rnam pa gsum yongs su spong ba sbyor bar byed de/ 'di ltar gang gi phyir zhes bya ba ni gang gi phyir ji skad bshad pa'i tshul gyis na las la la ni byas la la ni ma byas/ byas pa yang rnam pa gnyis te 'bras bu bskyed zin pa dang/ 'bras bu ma skyes
- 90a
pa yang spangs pa dang/ ma spangs pa'i bye brag gis rnam pa gnyis te/ las rnams kyi bye brag ni rnam pa drug yin pa de'i phyir klan ka dang po yongs su spang ba'i phyir thams cad kyis lus cig car zhes bya ba la sogs pa smos so/ /'di ltar las la la ni byas pa yin la/ byas pa yang thams cad skyes nas myong bar 'gyur ba yang ma yin pa'i phyir ro/ /de skyes nas myong bar mi 'gyur ba 'am/ nam yang myong bar mi 'gyur ba nyid kho na yang ma yin pas 'di ltar myong bar mi 'gyur bar cig car du yang mi 'gyur zhes smras te/ 'dis ni rgyu bye brag med pa'i phyir zhes bya ba'i gtan tshigS 'di ma grub pa nyid du yongs su ston to/ /gang gi phyir ma byas pa ni rnam par smin par mi 'gyur zhes bya ba la sogs pas ni nyes pa gnyis pa yongs su spong ba ston par byed de/ gang gi phyir las ma byas pa ni rnam par smin par mi 'gyur gyi/ 'o na ci zhe na/ byas pa kho nar 'gyur ba de'i phyir gzhan gyi rgyud la las de ma byas pa'i phyir gzhan gyi rgyud la rnam par smin pa med kyi/ byas pa'i phyir rang gi rgyud la rnam par smin pa yod do/ /des yongs su bsgos pa'i lus dang sems kyi rgyud las de nyid la 'bras bu 'byung ba de kho nar byed pa por nye bar 'dogs te/ 'dis ni byed pa po med pa'i phyir zhes bya ba'i gtan tshigs 'dri ma grub pa nyid du yongs su ston to/ /nyes pa gsum pa yongs su spang ba bstan pa'i phyir rgyu gsum med na zhes bya ba smras so/ /rgyu rnam pa gsum ni ma byas pa 'am/ 'bras bu bskyed zin pa 'am/ gnyen po rnyed pas spangs zin par gyur pa ste/ de dag med na gdon mi za bar 'bras bu skyed pa'i phyir ro/ /las rnams chud za ba'i nyes pa yang med
- 90b
de zhes bya ba ni ji skad du/ sems gang las ni las skyes pa/ /de rgyud las kyis bsgos pa la/ /de 'bras skye phyir byang chub za/ /ma byas phrad pa yod ma yin/ /zhes bshad pa lta bu'o/ /'dir yang sngon yi mdza' dang da ltar byung ba dang phyi ma'i mdza' la so sor rtog pa zhes bya ba'i rnam pa bzhi sbyar bar bya'o/ /de la yid mi 'byung ba dang yid 'byung ba'i rgyur yongs su brtag pa zhes bya ba ni yid mi 'byung ba'i rgyur yongs su brtag pa dang/ yid 'byung ba'i rgyur yongs su brtag pa ste/ yid mi 'byung ba'i rgyu ni sdug bsngal cha phra ba nyid do/ /de yang 'du byed kyi sdug bsngal nyid de/ de la ma rig pa'i rkyen gyis 'du byed rnams zhes bya ba nas/ skye mched drug ces bya ba'i bar de ni 'du byed kyi sdug bsngal nyid do zhes gang gsungs pa'o/ /de dag ni byis pa rnams kyis legs par mi rtogs pas na yid mi 'byung ba'i rgyu yin no/ /tshor ba gang ci yang rung de ni 'dir sdug bsngal ba'o zhes bya ba srid pa'i yan lag 'di dag la 'du byed kyi sdug bsngal ba nyid 'jug pa'i rgyu mtshan ston par byed pa'o/ /tshor ba dang mthun pa'i tshor ba yin pa'i phyir te/ 'di ltar gang las tshor ba dang/ tshor ba ma yin pa de thams cad tshor ba zhes bya ba'i phyir ro/ /sdug bsngal nyid rags pa'i rnam pa ni sdug bsngal gyi sdug bsngal nyid dang 'gyur ba'i sdug bsngal nyid de/ byis pa rnams kyis kyang bde blag du rtogs par bya ba yin pa'i phyir ro/ /yongs su gdung pa'i ngo bo nyid kyis sdug bsngal gyi sdug bsngal nyid dang/ 'gyur ba'i sdug bsngal nyid yin pas/ de lta bas na sdug bsngal nyid rnam pa gnyis ni sdug bsngal nyid rags pa zhes bya ste reg pa dang tshor ba zhes bya ba de ni sdug bsngal gyi sdug bsngal nyid do/ /srid pa'i yan lag lhag ma
- 91a
de dag ni 'gyur ba'i sdug bsngal nyid do/ /zhes gang gsungs pa'o/ /sdug bsngal gsum kun tu 'byung ba zhes bya ba'i rnam pa yang de bzhin du sbyar bar bya'o/ /rang gi rgyu las byung ba'i phyir smin? pa'i yan lag rnams gzhan gyis ma byas pa zhes bya ba la rang gi rgyu las byung ba'i phyir zhes bya ba ni 'dir rang gi rgyu ni rigs mthun pa'i sa bon yin no/ /'o na ni dang kho nas byas pa dag yin no zhes bya ba'i klan ka 'di yongs su spang ba'i phyir bdag nyid gyis ma byas pa zhes smras te/ bdag nyid kyis byas pa dag ma yin no/ /de ci'i phyir zhe na/ rkyen las byung ba'i phyir te/ rkyen ni 'dir lhan cig byed pa'i rkyen yin par 'dod do/ /'di gnyi ga bstan ba'i phyir/ ma rig ba'i rkyen gyis 'du byed rnams zhes bya ba ni 'du byed rnams rgyu dang rkyen las byung bzhes gsungs so/ /rgyu ni 'dir rigs mthun pa'i rgyu'o/ /rkyen ni lhan cig byed pa'o/ /'o na ni rgyu dang rkyen lhan cig pas bskyed pa yin no zhes bya ba'i klan ka 'di dgag pa'i phyir gnyi gas ma byas pa zhes bya ba smras te/ skye ba tsam dang 'brel ba'i phyir ro/ /gal te chos 'ga' zhig 'ga' la byed na ni de lta na des bskyed pa dag tu 'gyur ro/ /brgya la ci'i phyir mi byed snyam na de'i phyir bya ba'i dus na mi gnas pas zhos bya ba smras te/ skyes ma thag tu 'jig pa'i phyir zhes bya ba'i tha tshig go /de lta bas na ma rig pa'i rkyen gyis 'du byed rnams zhes bya ba de ni skye ba dang 'brel pa ste zhes bya ba gsungs te/ skye ba dang 'brel pa ni skye ba dang 'brel pa'o/ /gal te de lta yin te bdag las ma yin gzhan las ma yin gnyi ga las ma yin na/ 'o na ni rgyu med pa dag las skye bar 'gyur ro zhes bya ba'i klan ka 'di yongs su spang ba'i phyir
- 91b
sred ba'i lugs dang mthun pa'i phyir rgyu med pa las 'byung ba ma yin no zhes bya ba smras te/ srid pa ni 'khor ba 'o/ /de'i lugs dang mthun pas de'i phyir rgyu med pa pa dag yin no/ /rgyu med pa pa yin du? zin na ni zhes bya ba la sogs pa nad? nyid rnam par 'byed pa'o/ /ci zhig ston par byed ce na /rgyu med pa pa nyid yin na srid pa'i yan lag rnams 'byung ba'i mtshan nyid du 'gyur gyi/ mi 'byung ba ni ma yin no zhes bya ba'i skye ba dang mi skye ba 'di dag ci las gyur/ de'i phyir srid pa'i ? dang mthun pa nyid du mi 'gyur gyi chad pa kho nar 'gyur ba zhig na/ srid pa'i lugs dang mthun pa srid pa dang mthun pa nyid kyang yod de/ ma rig pa'i rkyen gyis 'du byed rnams zhes bya ba de ni srid pa'i lugs su 'byung bar yongs su brtag pa ste gang gsungs pa'o/ /yan lag lhag ma rnams kyang sbyang bar bya ste ji lta zhe na/ rgyu dang rkyen las 'byung ba zhes bya ba ni gzhan gyis ma byas pa dang/ rang gis ma byas par yongs su brtag par ro/ /skye ba dang 'brel pa zhes bya ba ni gnyi gas ma byas par yongs su brtag par ro/ /med pas zad par so sor rtog pa zhes bya ba ni rgyu med pa nyid so sor brtag pa ste/ rgyu med pa nyid yin na ni srid pa med do/ /rgyu yod nyid yin na ni srid pa yod do/ /srid pa yod pa de zad pa ste de la so sor rtog pa'o// rten cing 'brel par 'byung ba la rnam pa bcur so sor rtog pa 'di ni zhes bya ba ni rnam pa bcu pa ji skad du sbyar ba ston par byed do/ /mtshan nyid dang bden pa rnam par bzhag pas yongs su brtag pa bstan te/ zhes bya ba ni mtshan nyid dang bden pa ste/ de gnyis rnam par bzhag pas yongs su brtag pa ni mtshan nyid dang bden pa rnam par bzhag pas yongs su brtag pa'o/ /sgrub pa dang brgal ba'i lan mtshan nyid dang/ bden pa rnam par bzhag pa'i sgo nas de yongs su brtag pa bstan
- 92a
na/ ci ga 'di skad du bsgrub pa dang/ brgal ba'i lan dang mtshan nyid dang/ bden pa rnam par bzhag pa'i sgo nas zhes brjod par bya ba ma yin nam/ 'di ltar der rten cing 'brel bar 'byung ba de yang sgo gsum nas yongs su brtag par rig par bya'o/ /zhes bshad do zhe na/ 'di ni nyes pa med de/ 'dir rten cing 'brel bar 'byung ba rnam pa bcur yongs su brtag pa'i skabs yin pa'i phyir la/ rnam pa de dag gi nang nas rnam pa dang po sbyar ba'i phyir/ 'di skad du sgrub pa la sogs pa rnam par bzhag pa'i sgo nas zhes ma bshad do/ /bden pa rnam par bzhag pa yongs su brtag pa ni don dam pa dang kun rdzob kyi bden pa yongs su brtag pa yin par rig par bya ste/ rnam pa dgu po 'di dang der sbyar ba'i phyir ro/ /yang zhes bya ba 'di rnam pa gzhan gnyis kyis rten cing 'brel bar 'byung ba rnam pa bcu 'chad pa ste/ snying rje dang mthun pa/ rjes su mthun pa ste/ ji ltar snying rje 'jug pa zhes bya ba'i don dang/ rnam pa thams cad yongs su rtog pa zhes bya ba'o/ /de la snying rje dang mthun par yongs su brtag pa yang rnam pa bzhi po kun tu rmongs pa dang phyin ci log ni kun tu rmongs pa dang phyin ci log ste/ rnam pa 'di gnyis ni yongs su rtog pa gcig yin no/ /ji ltar gang la kun tu rmongs pa dang phyin ci log ces kun tu rmongs pa ni mi gsal ba'o/ /phyin ci log ni log par rtog pa'o/ /bdag tu mngon par zhen pa zhes bya ba la sogs pas ni ji ltar kun tu rmongs pa de ston par byed do/ /byis pa'i blo can zhes bya ba ni ji ltar phyin ci log pa de ston par byed pa ste/ bdag tu phyin ci log pas blo chung ba'i phyir ro/ /srid pa'i yan lag gi mtshan nyid la zhes bya ba ni gang la kun tu rmongs pa de ston
- 92b
par byed pa ste/ de 'di snyam du sems te byis pa'i blo can bdag tu mngon par zhen pa zhes bya ba nas gzung ste/ 'jig par byed pa su yang med do zhes de ltar byang chub sems dpa' lugs su 'byung ba'i rnam par rten cing 'brel bar 'byung ba la rab tu rtog go zhes bya ba'i bar gsungs pa gang yin pa'o/ /srid pa'i yan lag gi mtshan nyid la zhes bya ba ni gang la phyin ci log pa de ston par byed pa yang yin te/ de 'di snyam du sems te bden pa rnams mi shes pa ni don dam par ma rig pa'o zhes bya ba nas gzung ste/ byed pa po la mngon par zhen pas las rnams yod par gyur to zhes bya ba'i bar gsungs pa gang yin pa'o/ /de ltar na phyin ci log yin te/ ji lta zhe na/ ma rig pa'i dbang gi 'du byed rnams 'byung ba ma yin gyi/ 'o na ci zhe na/ bdag gi dbang gis zhes bya ba ste/ de ni las rnams kyis byed pa po dang/ chos dang chos ma yin pa'i gzhi yang yin no snyam du sems pa'i phyir ro/ /de de ltar rmongs shing zhes bya ba ni/ ji skad du bshad pa'i rnam pa ltar ro/ /kun gzhi dang/ 'jug pa'i rnam par shes pa dag las/ thar pa yongs su btsal bar bya ba'i rigs te/ 'di ltar 'di gnyis kho na nyon mongs pa dang/ las dang skye ba'i kun nas nyon mongs pa dag gis kun nas? nyon? mongs par 'gyur la/ gang kun nas nyon mongs par 'gyur pa de nyid ji skad du bshad pa'i kun nas nyon mongs pa gsum las rnam par byang bar 'gyur/ de ltar so sor rtog pa las gzhan du bdag las yongs su tshol te/ de nyid 'ching bar 'gyur ro/ /grol bar 'gyur ro/ /zhes so sor rtogs pa'i phyir ro/ /de lta bu ni/ gzhan las thar pa yongs su tshol ba ste/ de 'di snyam du sems te 'di ltar khams gsum pa 'di ni sems tsam ste
- 93a
zhes gsungs pa gang yin pa'o/ /rnam pa gzhan gyis yongs su tshol ba ji lta bu zhe na/ zhes bya ba rnam pa bzhan gyis ni gzhan gyi rnam pas so/ /de yang gang zhe na mi 'dra ba'i rgyu zhes bya ba smras te/ de lta bu ni rnam pa gzhan gyis tshol ba yin no/ /rgyu mi 'dra ba rnams bstan pa'i phyir rnam pa gsuM zhes bya ba smras so/ /rang bzhin dang dbang phyug dang brtul zhugs drag po'i rgyu zhes bya ba ni rnam pa gsum po de ston par byed pa'o/ /rang bzhin dang dbang phyug dang brtul zhugs drag po zhes bya bar tshig rnam par sbyar te/ de dag kho na thar pa'i rgyu yin gyi gzhan ni ma yin no snyam pa'o/ /de la rang bzhin ni yon tan gsum gyi bdag nyid da/ snying stobs dang rdul dang mun pa'i rang bzhin no/ /de nyid thar pa'i rgyu yin no snyam pa ste/ de skad du rang bzhin dang skyes bu'i khyad par shes pas grol bar 'gyur ro zhes bshad de/ rang bzhin ni rang bzhin gyi bdag nyid du gnas la/ skyes bu ni skyes bu'i bdag nyid du gnas te/ de gnyis gcig pa nyid ma yin par shes pas grol bar 'gyur ro snyam mo/ /de'i gnyen por srid pa'i yan lag rnams las rnam pa gnyis su nye bar rab tu skye zhing 'byung ngo zhes thar pa 'di 'dra bar rtog par byed de/ 'di 'dra ba yang thar pa'i mtshan nyid ma yin no/ /'di ltar thar pa ni rgyu dang rkyen rnams kyis mngon par 'dus ma byas pa'i mtshan nyid de ma rig pa'i rkyen gyis 'du byed rnamS zhes bya ba ni 'du byed rnams rgyu dang rkyen las byung ba nyid yin gyi thar pa ni ma yin no zhes bya ba'i tha tshig go /yang kun nas nyon mongs pa 'byung ba dang 'brel pa kun nas 'brel pa ste/ 'di ltar 'du shes med pa pa nas shi
- 93b
'phos nas 'dir nyon mongs pa kun tu spyod pa'i sgo nas yang 'byung ngo/ /de'i gnyen por kun nas nyon mongs pa dang bral ba'i mtshan nyid ces bshad de/ ma rig pa'i rkyen gyis 'du byed rnams zhes bya ba de ni skye ba dang 'brel pa ste/ zhes gang gsungs pa'o/ /srid pa'i lugs dang mthun pa gzugs med pa'i srid pa zhes bya ba mi de dag 'byung ba dang/ 'byung ba las gyur pa'i gzugs thams cad nye bar zhi ba'i phyir gzugs med pa la thar par 'dod pas so// de'i gnyen por 'jig rten las 'das pa'i mtshan nyid ces bshad de/ gzugs med pa'i srid pa ni 'jig rten pa kho na yin pas ma rig pa'i rkyen gyis 'du byed rnams zhes bya ba de ni srid pa'i lugs su 'byung bar yongs su brtag pa ste zhes gang gsungs pa'o/ /de la rnam pa thams cad yongs su brtag pa ni rnam pa dgu ste/ rnam pa dgu ji lta bu zhe na/ srid pa'i yan lag rjes su 'brel pa'i sgo nas kun nas nyon mongs pa dang rnam par byang ba rab tu dbye bar yongs su brtag pa ni 'di ltar 'jig rten du 'dogs pa 'byung ma ji snyed pa de dag thams cad ni bdag tu mngon par zhen pa las 'byung ste/ zhes bya ba la sogs 'byung ba'i phyir ro/ /sems gcig tu yang dag par 'du ba'i sgro nas rten yongs su brtag pa ni de 'di snyam du sems te khams gsum ba 'di ni sems tsam ste/ srid pa'i yin? lag gang dag de bzhin gshegs pas rab tu phye ste bka' stsal pa de dag thams cad kyang sems gcig la gnas pa dag go snyam zhes bya ba la sogs pa gsungs pa gang yin pa'o/ /rang gi las ma 'dres pa'i sgo nas thabs yongs su brtag pa ni de la ma rig pa ni bya ba gnyis su nye bar gnas pa yin te zhes bya ba la sogs pa gang yin pa'o/ /tha dad pa ma yin pa'i
- 94a
sgo nas rkyen gyis mtshan nyid du yongs su brtag pa ni de la ma rig pa'i rkyen gyis 'du byed rnams so zhes bya ba ni ma rig pa'i rkyen gyis 'du byed rnams rgyun mi 'chad pa dang rton pa'o zhes bya ba la sogs pa gsungs pa gang yin pa'o/ /g.yo med pa'i phyir zhes bya ba ni sred pa'i yan lag rnams rkyen la rag las te skye ba'i phyir ro/ /lan gsum gyi rgyud du 'brang ba'i sgo nas bden pa la 'jug par yongs su brtag pa ni de la ma rig pa dang sred pa dang len pa ni nyon mongs pa'i lam gyi rgyun mi 'chad pa'o/ /zhes bya ba la sogs pa gsungs pa gang yin pa ste/ lam gsum po 'di dag gi nang nas 'bras bur gyur pa gang dag yin pa de dag ni sdug bsngal gyi bden pa nyid do// rgyur gyur pa gang dag yin pa de dag ni kun 'byung gi bden pa nyid do/ /rnam pa gcig tu na nyon? mongs pa dang las kyi lam dag ni kun 'byung gi bden pa nyid do/ /sdug bsngal gyi lam sdug bsngal gyi bden pa nyid do/ /sngon gyi mdza' la sogs par yongs su brtag pa'i sgo nas nus pa dang mi nus pa'i gnas la 'jug pa'i yongs su brtag pa ni ma rig pa'i rkyen gyis 'du byed rnams zhes bya ba ni sngon gyi mdza' pa'i bltos pa'o/ /zhes bya ba la sogs pa gsungs pa gang yin pa'o/ /sdug bsngal kun tu 'byung ba'i sgo nas mngon pa'i nga rgyal can mngon pa'i nga rgyal med pa la 'jug pa yongs su brtag pa ni sdug bsngal nyid cha phra ba yongs su mi shes pa dang/ yongs su shes pa mngon pa'i nga rgyal byed pa'i phyir te/ yang srid pa'i yan lag bcu gnyis po de dag gi rgyu sdug bsngal nyid gsum 'byung ste/ zhes bya ba la sogs pa gsungs pa gang yin pa'o/ /'du byed kyi sdug bsngal gang yin pa de ni cha phra ba yin te/
- 94b
yongs su mi shes pa la yongs su shes so snyam du mngon pa'i nga rgyal byed pa 'am/ yongs su shes la yongs su mi shes so snyam du mngon pa'i nga rgyal byed ces bya ba'i tha tshig go /rgyu dang rkyen las 'byung ba dang/ skye ba dang 'jig pa dang 'brel ba zhes bya ba rnam pa gnyis kyis thog ma med ba nyid gnas pa'i phyir zhes bya ba smras so/ /ci zhig ston par byed ce na/ ma rig pa ni sems can rnams dmigs pa la kun tu rmongs par byed ba dang/ 'du byed mngon par 'grub pa'i rgyu yang 'byin to/ /gal te 'di lta ste/ las dang nyon mongs pa dag gi rnam pa 'dis 'khor ba 'jug pa yin na/ de lta na ni 'o na de nyid las grol ba yongs su btsal bar bya ba'i gtso bo las ni ma yin te/ ma rig pa ni bya ba gnyis su nye bar gnas te zhes bya ba la sogs pa nas 'chi ba yang bya ba gnyis su nye bar gnas pa yin te/ zhes bya ba'i bar gsungs pa gang yin pa'o/ /de las gzhan pa dbang phyug tu smra ba rnams ni dbang phyug las thar pa rtogs par byed de/ de mnyes par byas pas sems can rnams 'khor ba'i thibs po las grol bar 'gyur ro snyam mo/ /de'i gnyen por rang gi rigs kyi rgyu las byung ba zhes bya ba smos te/ ci zhig ston par byed ce na/ ma rig pa la sogs pa de dag ni rang gi rigs dang mthun pa'i rgyu las byung ba yin gyi/ gang gis ni de rab tu mnyes par byas pas ma rig pa la sogs pa'i srid pa'i yan lag rnams mi 'byung bar 'gyur ba dbang phyug rab tu 'khrugs pa las byung ba ni ma yin no zhes bya ba ste/ de la ma rig pa'i rkyen gyis 'du byed rnams so zhes bya ba ni rig pa'i rkyen gyis 'du byed rnams rgyun mi 'chad pa dang ston pa'o zhes bya ba nas skye ba'i rkyen med pas rga shi nye bar zhi zhing rton pa med do zhes bya ba'i bar gsungs pa
- 95a
gang yin pa'o/ /de las gzhan pa gcer bu pa rnams ni dga' thub drag pos thar pa yongs su tshol bar byed de/ de'i gnyen por nyon mongs pa dang las kyi kun nas nyon mongs pa'i rgyu las byung ba'i phyir bde ba'i rgyu las byung ba ma yin pa zhes pa smras so/ /ci zhig ston par byed ce na/ 'di ltar dka' thub ni skra 'bral ba dang/ gcer bur 'dug pa dang/ khras mi byed pa la sogs pa'o/ /drag po'i sdug bsngal zhes pa'o/ /de lta bas na gal te bde bar 'khor ba'i gzeb tu nges par 'ong ba zhig yin na ni/ dka' thub drag po'i rgyu nges 'khor ba'i gzeb? las thar bar 'gyur zhig na/ gang gi phyir las dang nyon mongs pa dag gis 'khor bar 'khyam pa de'i phyir dka' thub drag pos thar pa ma yin te/ de la ma rig pa dang sred pa dang len pa ni nyon mongs pa'i lam gyi rgyun mi 'chad pa'o/ /'du byed dang srid pa ni las kyi lam gyis rgyun mi 'chad pa'o/ /lhag ma rnams ni sdug bsngal gyi lam gyi rgyun mi 'chad pa'o zhes gang gsungs pa'o/ /de la sa gzhan pa 'jig rten rgyang? phan? pa rnams ni rgyu med pas thar pa tshol lo/ /'di lta ste/ dngos po rnams ni rang gi dang kho nas 'jig pas 'di dag gi zhig ba mya ngan las 'das pa la rgyu 'ga' yang med de/ de skad du srog ni 'di kho nar 'tsho bar zad kyi/ tshe? phyi ma med do zhes 'dzar to/ /de'i gnyen por sngon dang mdza' i bar zhes bya ba la sogs pa smras te/ mdza' i bar ni sngon gyi mdza' i rgyu las byung ba'i phyir la/ phyi ma'i mdza' ni mdza' i bar gyi rgyu las byung ba'i phyir ro/ /'dir 'thad pa smras pa/ gzhan du na ni sems can sna tshogs su mi 'gyur ro/ /sems can rnams sna tshogs pa ni ngo bo nyid sna tshogs pa'o/ /rgyu med pa pa nyid yin na der mi 'gyur ro snyam du bsams
- 95b
pa ste/ ma rig pa'i rkyen gyi 'du byed rnams zhes bya ba gang yin pa de ni sngon gyi mdza' la bltes pa'o/ /zhes bya ba nas de bzhin du ma rig pa 'gags pas 'du byed rnams 'gag ces bya ba de ni 'gag pa rgyun 'chad pa ste zhes bya ba'i rang? gsungs pa gang yin pa'o/ /thar pa gzhan yongs su tshol ba zhes bya ba'i bar gsungs pa gang yin pa'o/ /thar pa gzhan yongs su tshol ba zhes bya ba ni thar pa gzhan kho na yongs su tshol ba'o/ /thar pa de yang rnam pa bzhir yongs su rtog par byed de/ thar pa ni zhes bya ba la sogs pa ni thar pa rnam pa bzhi po de bye brag du ston par byed pa'o/ /de dag ni 'di 'du byed kyi sdug bsngal nyid dang rjes su 'brel ba'i phyir 'du byed kyi sdug bsngal nyid dang rjes su 'brel ba la thar bar rtog par byed de/ 'di ltar 'du shes med pa la thar par mngon pa'i nga rgyal byed do/ /de la 'du byed kyi sdug bsngal nyid dang rjes su 'brel ba'i phyir thar pa'i mtshan nyid du rnam par mi bzhag ste/ thar pa ni sdug bsngal thams cad nye bar zhi ba'i mtshan nyid dang zhes gang smras pa ste/ ma rig pa'i rkyen gyis 'du byed rnams zhes bya ba nas skye mched drug ces bya ba'i bar de ni 'du byed kyi sdug bsngal nyid do zhes bya ba la sogs pa gsungs pa gang yin pa'o/ /rgyu dang rkyen dag las yongs su brtag par bshad de/ mdza' i bar yang rgyu dang rkyen las byung ba'i phyir zhes bya ba ni ma rig pa'i rkyen gyis 'du byed rnams zhes bya ba ni 'du byed rnams rgyu dang rkyen las 'byung ba ste/ lhag ma rnams kyang de bzhin zhes 'byung ba'i phyir ro/ /phyi ma'i mdza' yang skye ba dang 'brel pa'i phyir zhes bya ba'i ma rig pa'i rkyen gyis 'du byed rnams zhes bya ba de ni skye pa dang 'brel pa ste/ lhag ma rnams kyang de bzhin no zhes 'byung ba'i phyir ro/ /ji lta zhe na/ rnam
- 96a
par shes pa nas tshor ba zhes bya ba'i bar de na da ltar byung ba'i bltos pa'o zhes gsungs pa'i phyir te/ da ltar byung ba gang yin pa de ni mdza' i bar yin te/ mdza' gnyis kyi bar gang yin pa de mdza' i bar yin pa'i phyir ro/ /de rgyu dang rkyen las byung ba'i phyir zhes bya ba ni ma rig pa dang 'du byed las byung ba'i phyir zhes bya ba'i tha tshig ste/ skye ba ni nyon mongs pa dang las kyi rgyu las byung ba'i phyir ro/ /de ltar na ma rig pa dang 'du byed dag ni sngon gyi mdza' i dang po nyid du rab tu 'gyur ro/ /yang sred pa nas srid pa zhes bya ba'i bar de ni phyi ma'i mdza' pa'i bltos pa ste zhes gang gsungs te/ phyi ma'i mdza' gang yin pa de ni ma 'ongs pa zhes bya la/ de skye ba dang 'brel ba'i phyir ro/ /da ltar 'byung ba'i ming dang gzugs zhes bya ba ni mdza' i bar nyid du rab tu 'gyur te/ de la sred pa dang len pa tshor ba la sogs pa dang mtshungs par ldan pa gnas rnam par shes pa dang lhan cig pa ni ming nyid yin no/ /srid pa ni las yin pa'i phyir la las ni rgyur byas pa'i gzugs yin pa'i phyir skye mched lnga po dag gzugs nyid yin no/ /'gag pa'i chos can yin pa'i phyir 'gags pa ni dang po nyid du 'gyur te/ 'di ltar sred pa dang len pa nyid 'gags pa ni ma rig pa zhes bya la/ srid pa las 'gags na 'du byed rnams zhes bya'o/ /de ltar na ma rig pa dang 'du byed dag kyang bar dang phyi ma'i mdza' nyid du rab tu 'gyur la/ phyi ma'i mdza' sred pa dang len pa rnam shes dang po dang bar ma nyid du rab tu 'gyur te/ dngos po khyad par med pa'i phyir te/ gnas skabs kyi dbang gis ming gzhan du btags pa'i phyir ro/ /de ltar na dang po nyid ma nges pa'i phyir zo chun gyi 'khrul 'khor bzhin te/ rnam pa gnyis
- 96b
kyis thog ma med pa nyid du yongs su brtag pa bshad pa yin no/ /de nyid kyi phyir rnam pa thams cad yongs su brtags pa ni rnam pa dgu ste/ zhes bshad de/ rnam pa gnyis kyis thog ma med pa nyid du yongs su brtag par 'byung ba'i phyir ro/ /byis pa rnams srid pa'i lugs su 'byung ba'i phyir sna tshogs nyid du yongs su brtag pa ste/ ji lta zhe na/ 'di ltar ma rig pa'i rkyen gyis 'du byed rnams zhes bya ba de ni srid ba'i lugs su 'byung bar yongs su brtag pa ste lhag ma rnams kyang de bzhin no zhes 'byung ba'i phyir ro/ /'dod pa dang gzugs med pa'i sred pa rnams kyis zhes bya ba ni/ rgyu sna tshogs pas 'bras bu sna tshogs pa nyid du shes par byas pa yin te/ de'i phyir sna tshogs pa nyid du yongs su brtag pa nyid du yongs su brtag pa zhes bshad do/ /sred pa smos pa ni srid pa yongs su gzung bar bya ba la de'i nus pa lhag par shes par bya ba'i phyir ro/ /rnam pa thams cad yongs su brtag pa rnam pa dag na de lta bu yin par shes pa bya ste/ rnam pa thams cad kyis rten cing 'brel par 'byung ba so sor brtag ba zhes bya ba'i tha tshig go /de dag thams cad kyang ji skad bshad pa'i rnam pa dgur zad de de las lhag pa'i rnam pa med pa'i phyir ro/ /de lta bu ni mi gnas pa'i lam sgrub pa'i khyad par rnam par bzhag pa yin no/ /mi gnaS pa'i lam sgrub pa'i khyad par bstan nas/ de'i 'bras bu ni rnam pa bdun du bstan te/ ji ltar zhe na/ gnyen po dang ni mi mthun pa'i/ /phyogs nyams pa dang sgrub pa dang/ /gnas pa dang ni ting 'dzin dang/ /bsam ba dag ni thob pa dang/ /nub pa'i sgo nas 'bras bu 'di/ /rnam pa bdun du rnam shes bya/ /gnyen po'i khyad par thob pa dang/ /mi mthun pa yi phyogs nyams pa/ zhes bya ba brnam pa gnyis su bya ba'i phyir dang/ sgrub pa'i khyad par thob pa dang/ gnas pa'i khyad par thob pa zhes bya ba rnam
- 97a
pa gnyis su byas pa'i phyir/ 'bras bu rnam pa bdun du 'gyur ro/ /rgyu'i rjes su byed pa'i phyir/ /de yang khyad par 'phags par bshad/ /sa drug pa la mi gnas pa'i lam gyi khyad par thob pa gang yin pa des lnga'i bas ches khyad du 'phags pa'i phyir 'bras bu gang yin pa de yang ches khyad par du 'phags par 'gyur ro/ /ci'i phyir zhe na/ rgyu yi rjes su byed pa'i phyir/ /rten cing 'brel par 'byung ba yi/ /zhes bya ba'i tha tshig go /gnyen po ji ltar rigs par ni/ /rnam par thar pa'i sgo sgom pa'o/ /ji lta bu zhe na/ de la rnam par thar pa'i sgo stong pa nyid ni rnam pa gsum gyis zhes bya ba ste/ de la gang zag la bdag med pa rnam par bzhag pa dang/ chos la bdag med pa rnam par bzhag pa dang/ de gnyi ga'i bya ba med pas byed pa po med par mthong bas so/ /de de ltar rten cing 'brel par 'byung ba la rnam pa bcur so sor rtog cing zhes gang gsungs pa ni ji skad pa'i rnam par ro/ /ji lta zhe na/ bdag med pa dang srog med pa dang gang zag med par gang zag la bdag med par mthong zhes pa'i tha tshig ste/ gsum bshad pa ni gdul ba'i dbang gis gang zag gi rnam grangs shes par bya ba'i phyir ro/ /gang zag de ni rtag pa dang mi rtag pa nyid kyi nyes pa 'gyur ba'i phyir bdag med pa nyid yin no/ /ngo bo nyid kyis stong pa zhes bya ba ni chos la bdag med par mthong pa zhes bya ba'i tha tshig go/ chos rnams ni ngo bo nyid kyis stong pa nyid yin te/ rten cing 'brel bar 'byung ba yin pa'i phyir dang kun brtag pa'i ngo bo nyid med pa'i phyir ro/ /de nyid kyi phyir bdag med pa yin te/ bdag kyang ngo bo nyid kyi rnam grangs yin pa'i phyir/ /ngo bo nyid kyang bdag gi rnam grangs yin pa'i phyir brgya byin dang dbang po bzhin no/ /byed pa
- 97b
po med pa dang/ tshor ba po med par so sor rtog pa'i tshe zhes bya ba ni de gnyi ga'i bya ba med pas te/ gang zag la brten pa 'am chos la brten pa'o/ /byed pa po la brten pa dang las la brten pa de nyid bya ba yin te/ de yang de gnyis med pa'i phyir med do/ /byed pa po med pa zhes bya ba ni gang zag med pa'i phyir dang/ chos rnams rkyang g.yo ba med pa'i phyir bya ba med pa ste/ g.yo ba med pa nyid ni skad cig ma yin pas skye pa'i dus ma gtogs par bya ba'i dus na med pa'i phyir ro/ /stong pa nyid kyi rnam par thar pa'i sgo skyes pa yin no zhes bya ba ni ji skad bshad pa'i rnam pa gsum pa so sor rtog nas pa'i phyir zhes bya ba'i tha tshig go/ mtshan ma med pa ni rnam pa gsum gyis yongs su ston to /ji lta zhe na/ de nyid pa'i yan lag de dag gi rang bzhin 'gags shing zhes bya ba ni mi mthun pa'i phyogs yid tsam nyams pa'o/ /mi mthun pa'i phyogs yid tsam nyams pa ni srid pa'i yan lag rnams kyi rang bzhin 'gags pa yin par shes par bya'o/ /ji lta zhe na/ mtshan ma med pa'i rnam par thar pa ni rgyu mtshan yin la de cung zad nyams pa ni yid tsam nyams pa ste/ ying? tsam skyur ba bzhin no/ /sems can gyi den du mtshan ma kun tu spyod pa'i phyir gtan du spangs pa ma yin no zhes bya ba'i tha tshig go/ mi mthun pa'i phyogs de yid tsam nyams pa ni kun nas nyon mongs par mi zer pa'i phyir/ srid pa'i yan lag rnams kyi nyon mongs pa'i rang bzhin gang yin pa de 'gag pa yin gyi/ sems can don du srid pa'i yan lag rnams kun tu ston pa'i phyir srid pa'i yan lag rnams nyid 'gag par 'gyur ba ni ma yin te/ de ltar na mi mthun pa'i phyogs yid tsam nyams pa ni sred pa'i yan lag rnams kyi rang bzhin 'gag pa
- 98a
yin par shes par bya'o/ /rnam par thar pa shin tu nye bar gnas pa zhes bya ba ni gnyen po rnyed pa ste/ sangs rgyas kyi bar du mtshan ma med pa'i rnam par thar pa'i sgo'i rjes su 'jug pa'i phyir mtshan ma med pa'i gnyen po thob pa yin te/ de lta bas na gnyen po rnyed pa yin no/ /chos kyi mtshan ma gang yang mi skye ba ste/ zhes bya ba ni mtshan ma kun tu mi 'byung ba'o/ /de'i phyir mtshan ma med pa'i rnam par thar pa'i sgo skyes pa yin no zhes bya ba ni srid pa'i yan lag gi rang bzhin 'gags pa la sogs pa ji skad bshad pa'i rnam pa 'di dag gi phyir zhes bya ba'i tha tshig go /smon pa med pa med rnam pa gsum gyis yongs su ston to/ /ji lta zhe na/ de de ltar stong pa nyid dang mtshan ma med pa la zhugs pa zhes bya ba ni gnas te/ stong pa nyid dang mchan ma med pa la brtan nas/ smon ba med pa 'grub pa'i phyir ro/ /'dod pa gang yang mi skye zhes bya ba ni rang bzhin te/ smon pa med pa ni 'dod pa med pa'i rang bzhin yin pa'i phyir ro/ /snying rje chen po sngon du gtong zhing sems can yongs su smin par bya ba ma gtogs par zhes bya ba ni khyad par te/ nyan thos kyi smon ba med pa'i rang bzhin yang mngon par 'dod pa med pa yin mod kyi de ni sems can smin par bya ba'i mngon bar 'dod pa spangs pa'o/ /de lta bas na byang chub sems dpa' i smon pa med pa ni sems can yongs su smin par bya bar mngon par 'dod pas khyad par du 'phags pa yin no/ /de ltar de'i smon pa med pa'i rnam par thar pa'i sgo skyes pa yin no zhes bya ba ni gnas la sogs pa ji skad bshad pa'i rnam pa gsum dag gis zhes bya ba'i tha tshig go /re zhig gnyen po'i khyad par thob pa'i sgo nas mi gnas pa'i lam sgrub pa'i khyad par gyi 'bras bu'i?
- 98b
byad par ni de ltar shes par bya'o/ /de la mi mthun phyogs nyams 'du shes gsum/ /rnam par bshig pa yin zhes bya/ /gang du zhe na/ sa ni lnga pa bzhi pa dang/ /de bzhin du ni sa drug par/ /'du shes gsum po rim gyis ni/ /spangs rnam gsum du shes par bya/ /ji lta? zhe na/ de rnam par thar pa'i sgo gsum po 'di dag sgom pa nas lnga pa la sems kyi bsam pa mnyam pa nyid dag gis bdag dang gzhan gyi 'du shes dang bral pa'o/ /bzhi pa la lhag par g.yo ba la sogs ba dang bral bar byed pa po dang tshor ba po'i 'du shes dang bral lo/ /drug pa 'di la ni mnyam pa nyid rnams kyis yod pa dad med pa'i 'du shes dang bral te/ de lta bu ni ma mthun pa'i phyogs nyams pa'i khyad par yin no// sgrub pa'i khyad bar go cha dang/ /skyes bu'i byed ba'i sgo dag nas/ /rnam gnyis yan lag rab tu bstan/ /sbyor ba snying rje lhag pa yin/ /snying rje lhag pa nyid ji lta bu zhe na/ 'di ltar de byang chub kyi yan lag yongs su ma grub pa rnams yongs su grub par bya ba'i phyir snying rje chen po sngon du btang ste/ de bas kyang shas cher shin tu brtson par byed do zhes 'byung ba'i phyir ro/ /sems can rnams ni nyon mongs las/ /thar bya phyir dang de bzhin du/ /skye tshogs bstan du spang bya phyir/ /go cha'i sgrub pa nyid yin no/ /nyon mongs pa'i 'ching ba kun nas sbyor ba dang/ tshogs rnams rnam par gcod pa ni spong ba'o/ /de sems can gyi don byed pas khyad par can nyid de/ mi gnas pa'i mya ngan las 'das pa nyid de la sbyor ba'o/ /ji lta zhe na/ de 'di snyam du sems te/ kun tu sbyor ba las ni 'dus byas 'byung ngo/ /bral ba las ni 'dus byas mi 'byung ngo zhes bya ba nas de bzhin du 'du byed rnams shin tu zhi ba 'thob par yang mi bya'o snyam mo zhes bya ba'i bar 'byung ba'i phyir ro//
- 99a
skyes bu'i byed pa'i sgrub pa ni rnam pa gnyis te/ rnam pa sun 'byin pa sbyor ba'i lam dang/ spong ba'i lam mo/ /nyes pa mang po'i skyon chags par so sor rtog pa ni kye rgyal ba'i sras dag de de ltar 'du byed du gyur pa nyes pa mang po'i skyon chags shing zhes gsungs pa gang yin pa'o/ /rang dang spyi'i mtshan nyid rang bzhin gyis med par so sor rtog pa ni mdo las rang bzhin gyis ngo bo nyid med pa dang ma skyes pa dang ma 'gags par so sor rtog pa na zhes gsungs pa gang yin pa ste/ ngo bo nyid med pa nyid kyis ni rang dang spyi'i mtshan nyid med par ston par byed do/ /de la gnas pa'i khyad par ni ye shes dang snying rje'i khyad par dang ldan pas mi gnas pa'i lam nyid yin no/ /gnas pa/ de'i khyad par mdor bsdu na/ rnam pa gnyis su shes par bya/ /shes rab nyid du snang ba'i phyir/ /chags pa med pa'i ye shes sgo/ /ji lta zhe na/ mdo las snying rje chen po mngon par sgrub pa dang/ sems can gyi tshogs yongs su mi gtong bas chags pa med ba'i ye shes la mngon par phyogs pa zhes bya ba shes rab kyi pha rol tu phyin pas gnas pas snang ba'i tshul gyis mngon sum du 'gyur ro zhes 'byung ba'i phyir ro/ /de la de bzhin gshegs pa yi/ /ye shes chags pa med ces brjod/ /shes rab grub ba med pa'i phyir/ /snang ba'i tshul shes yongs su bsgrags/ /gzhan yang 'khor ba dang ni mya ngan 'das/ /mnyam pa nyid du rtogs pa'i phyir/ /mi 'brogs shing ni mi gnas te/ /de'i tshogs ni yongs su ma rdzogs pa'i phyir/ tshogs yongs su ma rdzogs pa ni/ /byang chub kyi yan lag gi tshogs yongs su ma rdzogs pa'i phyir ro/ /de ji lta bu zhe na/ de ye shes de lta bu dang ldan zhing zhes bya ba nas/ de bzhin du byang chub kyi yan lag yongs su ma rdzogs pa'i phyir de la yang mi gnas te zhes bya ba'i bar
- 99b
'byung ba'i phyir ro/ /bcu tshan lhag ma gsum dag gis/ /ting 'dzin bsam pa nus pa dag /grangs bzhin tu ni shes bya ste/ /mdor na 'di ni bsdus pa yin/ /de'i 'khor ting nge 'dzin rnams dang bcas pa zhes bya ba'i tha tshig go/ de yang rgyu bzhis zhes bya ba la sogs pa ji lta bu zhe na/ gang zag la bdag med pa la dmigs pa ni 'jug pa stong pa nyid ces bya ba'i ting nge 'dzin skyes bar 'gyur ro zhes gsungs pa gang yin pa'o/ /chos la bdag med pa la dmigs pa ni ngo bo nyid ces gsungs pa gang yin pa'o/ /de la 'dzin pa stong pa nyid la dmigs pa ni don dam pa stong pa nyid ces gsungs pa gang yin pa'o/ /de'i gnas kun gzhi rnam par shes pa la dmigs pa ni chen po stong pa nyid ces gsungs pa gang yin pa'o/ 'jug pa'i rnam par shes pa la dmigs pa ni mtshungs par ldan pa stong pa nyid ces gsungs pa gang yin pa ste/ rgyu dang po'o/ /bag yod pa yongs su 'dzin bas gzhi rnam par bzhag pa ste/ rnam ba stong pa nyid ces gsungs pa gang yin pa'o/ /ji lta zhe na/ shin tu bsgoms pa'i phyir bsgom pa chog mi shes pa na bag med par mi 'gyur ba'i phyir te/ rgyu gnyis pa yin no/ /khyad zhugs pa thob pas ni bdun pa rnam par bzhag ste mngon par sgrub pa stong pa nyid ces gsungs pa gang yin pa'o// ji lta zhe na/ yon tan rnams khyad zhugs pa thob par sgrubs so/ /rgyu nyid kyis ni lhag ma rnams te ji lta zhe na/ shes bya'i sgrib pa rnam par dag pa'i rgyur gyur pas ni ji lta ba bzhin du rnam par mi? rtog pa stong pa nyid ces gsungs pa gang yin pa'o/ /ji lta zhe na/ rnam par rtog pa ni sgrib pa yin pas rnam par mi rtog pa'i sgo nas kun brtags pa'i chos kyi stong pa nyid rtogs pa'i phyir sgrib pa dang bral bar 'gyur bas so/ /sems can yongs su smin par byed pa'i rgyur gyur pas ni lta ba
- 100a
dang bcas pa stong pa nyid ces gsungs pa gang yin pa'o/ /ji lta zhe na/ stong pa nyid bsgoms pa na snying rje dang bral ba'i phyir nyan thos bzhin du sems can la mi lta bar bsgom pa ma yin gyi 'o na ci zhi na/ sems can gyi don gyi bsam pa kho nas skom mo/ /bsams bzhin du srid pa yongs su 'dzin pa'i rgyur gyur pas ni bral ba dang me bral ba stong pa nyid ces bya ba'i ting nge 'dzin skye bar 'gyur te zhes gsungs pa gang yin pa'o/ /ji lta zhe na/ nyon mongs pa rnams dang bral ba ni bral ba ste/ slob dpon gyis kun nas nyon mongs pa dang mi ldan pa zhes smras pa gang yin pa'o/ /srid pa dang ma bral ba ni ma bral ba ste/ srid pa'i mtshan nyid dang mi ldan pa ma yin pa zhes smras pa gang yin pa'o/ /'di ni rgyu bzhi pa yin te/ 'di dag gis ting nge 'dzin gyi khyad par rnam par shes par bya'o/ /de la mi byed pa'i bsam pa nyid ji lta zhe na brtan pa'i phyir te/ brtan pa nyid ni 'jigs pa med pa'i phyir ro/ /de yang don dkur rig par bya ste/ ji lta zhe na/ dmigs pa la mos nges pa ni nges su pa'i bsam pa nyid ces gsungs pa gang yin pa'o/ /ji lta zhe na/ dmigs pa ni de bzhin nyid kho na yin gyi gzhan ni ma yin no zhes/ de ltar lhag par mos pas nges pa'i phyir nges pa'i bsam pa nyid yin no/ /'khrug pa la mi mdzad pa ni/ dge ba'i bsam pa nyid ces gsungs pa gang yin pa ste/ gser bzang po bzhin te/ don zab cing rgya che ba la nges pa dag dang/ sems can log par sgrub pa dag gis 'gyur ba med do/ /gsang ba'i gnas lam skreg pa zang ba'i bsam pa nyid ces bya ba ste/ de bzhin gshegs pa'i gsang ba la sogs pa zang mo dag mthong na skrag par mi 'gyur ba'o/ /theg pa las mi g.yo ba ni phyir mi ldog pa'i?
- 100b
bsam pa nyid ces bya ba ste/ de byang chub chen po la sems pas mi dge ba'i grogs po dag gis mi bzlog ras na theg pa las mi g.yo ba yin no/ /brtson 'grus rtsom pa ni rgyun mi gcod pa'i bsam pa nyid ces bya ba ste/ sems can yongs su smin par bya ba la 'jug cing sangs rgyas kyi chos rnams yang dag par sgrub pa na bar skabs su brtson 'grus lhod pa dang 'dor bar mi 'gyur ba'o/ /ser sna dang 'chal ba'i tshul khrims kyi dri ma dang bral ba ni dri ma med pa'i bsam pa nyid ces bya ba ste/ dri ma med pa gnyis dang bral bar bsam pa dri ma med pa nyid yin no/ /sems can gyi don byed pa ni mdza' yas pa'i bsam pa nyid ces bya ba ste/ bsam pa mdza' yas pa nyid ni sems can gyi khams slo dbang mang pa nas skye ba la sogs pa'i bye brag gis tha dad pa ji snyed pa thams cad theg pa gsum la dgod par bya'o snyam pa'o/ /rnam par thar pa mchog 'dod pa ni ye shes la mngon par 'dod pa'i bsam pa nyid ces bya ba ste/ thams cad ma byon pa'i ye shes mngon par 'dod na thar ba mchog don du gnyer ba'i phyir ro/ /sems can yongs su smin par byed pa'i sbyor ba ni thabs dang shes rab dang ldan pa'i bsam pa nyid ces bya'o/ /rgyu gnyis kyis na sems can rnams yongs su smin par bya bar brtson par mi 'gyur te/ snying rje ni sems can gyi don bya ba'i thabs yin na snying rje chen po dang bral ba dang/ shes rab kyi khams dang dbang po dang/ bag la nyal ba la sogs pa ji lta ba bzhin yongs su shes nas sems can gyi don la rab tu brtson pa yin na/ shes rab dang bral ba'o/ /de gnyis dang mtshungs par ldan pa ni rgyun mi 'chad par sems can yongs su smin par byed do/ /de'i byang chub sems dpa' i bsam pa de dag ni de bzhin gshegs pa'i byang chub la shin tu song ba yin no zhes bya ba ni
- 101a
byang chub sems dpa' sa 'di la shes rab kyi pha rol tu phyin pa phul du phyin pa thos pas gnas ba na sangs rgyas kyi byang chub la ring du zhugs pa yin pa'i phyir ro/ /pha rol kyi rgol ba tshar gcod pa'i nus pa ni phas kyi rgol ba mu stegs can thams cad kyis brtson 'grus phyir mi ldog pa ste/ 'di ltar byang chub sems dpas de dag nyid tshar gcod nus pa'i phyir ro/ /the tsom gcod pa'i nus pa'i ye shes kyi/ sa yul gang yang rung ba de la yang dag par zhugs pa na the tsom thams cad gcod pas so/ /theg pa las mi g.yo ba'i nus pa ji lta ba zhe na/ skyon du mthong bas nyan thos dang rang sangs rgyas kyi theg pa dag las log pa'i phyir theg pa chen po las mi g.yo ba ste/ theg pa chen po ni yon tan thams cad kyi gzhi yin pa'i phyir ro/ /gsang ba'i gnas la mos pa'i nas pa ni sangs rgyas bcom ldan 'das sku la sogs pa gsang ba'i bye brag gis shes par bya bar mngon du phyogs pa ni gcig tu nges pa yin te/ gsang ba'i gnas dag yin no zhes mos pa'i phyir ro/ /rnam par mi 'thor ba'i nus pa ci'i phyir zhe na/ bdud phyir rgol ba thams cad dang nyon mongs pa kun tu 'byung ba rnams kyis dbrog par mi nus pas na de dag gis rnam par mi 'thor ba'i phyir ro/ /nyon mongs pa'i sgrib pa rnam par dag pa'i dbang du byas nas gnyen po bstan pa'i nus pa ji lta bu zhe na/ byang chub sems dpa' byang chub sems dpa' i ye shes kyi snang ba'i de bzhin nyid la shin tu rnam par gnas pa na kun brtags pa'i chos la mngon par zhen pa'i nyon mongs pa rnams kyis gnod par mi 'gyur ba gnyen po brtan pa yin no/ /gnyen po shin tu rgyas pa'i nus pa ji lta bu zhe na/ stong pa nyid la sogs pa'i chos rnams mngon du byed pa na de
- 101b
dag yongs su bsgoms pa'i phyir gnyen po shin tu rgyas shing chen po nyid du 'gyur ro/ /sems can yongs su smin par byed pa'i nus pa ci'i phyir zhe na/ sems can gyi don thabs snying rje chen po dang shes rab kyis rnam par dbyang ba rnam par brtags pa dag dang mtshungs par ldan pa ni sems can yongs su smin par byed nus pa yin no/ /shes bya'i sgrib pa rnam par dag pa'i nus pa ji lta bu zhe na/ byang chub kyi phyogs dang mthun pa'i chos stobs dang mi 'jigs pa la sogs pa gang dag yin pa de dag mngon par sgrub cing de dag dang 'brel ba na sems can yongs su smin par bya bar nus pa yin no/ /nus pa'i khyad par gyis yongs su bsdus pa'i chos de dag la mthun pa ni de dag dang mthun par gnas pa'o/ /don gyi gzungs thob par yongs su ston to zhes bya ba ni yi ge'i gzungs ma yin pa'o/ /lhag mthong dang zhi gnas kyi snang ba ni rgyu mtshan yin te/ de la rab tu brtson pa des 'thob bo/ /de'i sgrib pa las rnam par grol nas zhes bya ba ni sgrub pa'i sgrib pa las rnam par grol nas te/ sgrub pa'i don la reg pa'i phyir zhes bya ba'i tha tshig go /chos kyi mdzod thob pa yin no zhes bya ba ni rten cing 'brel par 'byung ba la rnam pa bcur so sor rtog pa la sogs pa'i yon tan dang ldan pa'i phyir ro zhes bya ba'i tha tshig go/ thabs dang shes rab dag nyid mi gnas pa'i mya ngan las 'das pa yin pa'i phyir te/ thabs snying rjes ni mya ngan las 'das pa la mi gnas la shes rab kyis ni 'khor ba la mi gnas pas sa/ /yul gyi cha dpag tu yod pa ni 'od kyi dkyil 'khor do/ /yul gyi cha dpag tu med pa'i 'od yin pa'i phyir ro/ /kun tu 'dzin pa dang/ yongs su skems pa dang/ yongs su 'jog pa dang/ g.yo bar byed pa dag gis ni zhes bya ba'i tha tshig ste/ rlung gi dkyil 'khor bzhis zhes gsungs pa gang yin pa'o/ /bdud kyi lam rnams kyi spyod pa ni 'jug pa
- 102a
dag ste/ bshad pa las/ bdud bzhi'i lam gyi spyod pa ngan pa dag gis zhes bya ba ni zhes bshad pa gang yin pa'o/ /snga ma'i tshul gyis zhes bya ba ni sa dang por bstan pa zhes bya ba'i tha tshig go /sa bdun pa yi 'grel pa ni/ /sa bdun pa ni rgyu lnga yis/ /rnam par bzhag par 'dod pa ste/ /'du mi byed la dga' ba yid/ gnyen po rnam gzhag dang po yin/ /de yi rnam g.yeng spong ba yis/ /bzhag pa gnyis par 'dod pa yin/ /zung du 'brel ba'i lam? ? nas/ /gsum pa mngon par brjod pa yin/ /snga phyi yi ni khyad par gyis/ /bzhag pa bzhi par 'dod pa yin no/ /de yi 'bras bu rnam bzhag pas/ /bzhag pa lnga par brjod pa yin/ /dang por 'du byed med dga' ba'i/ /gnyen po thabs dang shes pa las/ /yang dag 'byung ba'i lam bzhan rtsom/ /khyad par ldan pa bcu po yin/ /ci'i phyir zhe na/ gang phyir byang chub sems dpa' 'di/ /mtshan med pa yi yul can gyi/ /shes rab phal cher mngon byed pas/ /'jug phyir mngon du mi byed la/ /phyir zhing blo dga' 'jug pa la/ /ji ltar yang ni ma yin pa/ /de'i phyir de yi gnyen por ni/ /lam sgom rnam pa bcu yin no/ /ji lta zhe na/ chags pa med pa'i ye shes la mngon par phyogs pa'i shes rab kyi pha rol tu phyin pa la gnas pa gang yin pa de mngon du gyur pas mngon par 'du byed pa med pa nyid la rtsom pa med pa nyid la sems dga' ba yin gyi mngon par mtho ba'i lam mngon par 'du byed pa la ni ma yin te/ de'i phyir mngon par 'du byed pa med pa mngon par dga' ba'i gnyen por zhes bya bar rnam par gnas so/ /de ltar na byang chub sems dpa' la mngon par 'du mi byed pa las bslang ste/ mngon par 'du byed cing 'byung ba'i lam mngon par mtho ba zhes bya ba la 'jug par ston
- 102b
pa yin no/ /thabs ni snying rje ste/ des sems can rnams la lta'o/ /de'i phyir chos la bdag med pa'i ye shes sems can la lta ba dang bcas pa'o/ /thabs dang shes rab kyis yongs su zin pa'i phyir mngon par mtho pa'i lam gnyen pos yongs su zin pa ste/ de nyid lam gzhan yin no/ /de 'jig rten pa dang/ 'jig rten las 'das pa gzhan las khyad par du 'phags shes bya ba ni dang po ni gnyen po med pa'i phyir la/ cig shos ni srid pa la gcig tu rgyab kyis phyogs ba'i phyir ro/ /'di ni yon tan rnam pa bzhis khyad par du 'phags pa ste/ longs spyod pa dang lus kyi khyad par gyi rgyu nyid la ji ltar 'dod pa zhes bya ba ni bsam pa'i dbang gis so/ /ji srid 'dod pa zhes bya ba ni dus la bltos pa ste/ 'khor ba ji srid kyi bar du gnas par lus dang longs spyod kyi khyad par ngo bo sna tshogs thob pa'i rgyu yang dag par sgrub pa'i phyir rgyu dang po yin te/ bsod nams kyi tshogs chen po sogs pa yang sogs pa yin zhes gang gsungs pa'o/ /bdag la sogs pa la mngon par zhen nas tshad med pa bsgom pa ni nyes par spyod pa'o/ /de las kun tu bsung ba'i rgyu ni chos bdag med pa la 'jug pa rtogs pa'o/ /des na de ltar khyad par thob pa tshad med pa sgom pas sems can rnams la lag pa mi sgrub ste/ tshad med pa bzhi mngon par sgrub pa yang mi gtong ba yin zhes gsungs pa gang yin pa ste/ rgyu gnyis pa'o/ /dge ba'i rtsa ba rnams kun tu bsrung pa'i rgyu ni chos rnams la mngon bar zhen pa med pa yin te/ nges na dge ba'i rtsa ba rnams khyad par du 'gyur ba'i rgyu gang dag yin pa de dag legs par 'phel bar byed do/ /ji lta zhe na/ bsod nams kyi ngo bo nyid kyi chos kyi tshogs gang dag yin pa de dag mngon par 'du byed pa ni gang dag gis de dag mngon par 'du byed pa'o/ /de dag kyang pha rol tu phyin pa rnams te/ de dag
- 103a
legs par byed pas yongs su rdzogs par byed pas so/ /de'i khyad par 'thob pa'i rgyu 'phel pa'i phyir zhes bya ba la de'i zhes bya ba'i sgra ni 'dir longs spyod dang lus kyi khyad par dang sbyar te/ de thob par bya ba'i rgyu'o// 'phel ba'i phyir te chos gang la yang mngon par zhen pa med pa yin zhes gang gsungs pa ste gsum pa'o /rgyu rnam bdun po gang yin pa/ /rgyu bzhi par ni 'dod pa yin/ /sems can rnams la 'phan 'dogs rgyu/ /sgo bdun dag nas brjod pa yin/ /ji lta zhe na/ gtso dang rjes mthun byed pa yis/ /bsam bzhin srid pa 'dzin pa yin/ /gtso bo dang mthun par byed pas/ /gtso bo dam pas sems can gzhan gdul ba'i phyir gtso bar gyur cing de byed do zhes bya ste/ khams gsum pa'i rgyan par rnam par sgrub pa yang mngon par sgrub pa yin no zhes gsungs pa gang yin pa'o/ /rgyan ces bya ba'i sgra 'di ni/ khams gsum pa'i rgyan ces bya bar rim pa bzhin du sbyar ba yin no/ /nyon mongs rnams ni spang ba'i phyir/ /gnyen po nye bar ston pa'o/ /de ni nyon mongs pa spangs pa'i phyir gnyen po nye bar ston te/ 'di ltar bdag nyid kun nas dkris pa dang/ bag la nyal 'gags pas shin tu zhi zhing nye bar zhi bas so/ /kun nas dkris pa ni nyon mongs pa kun tu 'byung ba ste/ de med pas zhi ba'o/ /bag la nyal ni/ nyon mongs pa'i sa bon te/ de med pas nye bar zhi ba'o/ /'di gnyi ga yang nyon mongs pa dang 'bar ba thams cad dang brel bas shes bya bas bstan te/ 'bang ba ni nyon mongs pa'i bag la nyal yin no/ /'di ltar sems can thams cad kyi/ 'dod chags dang zhe sdang dang gti mug gi nyon mongs pa dang 'bar ba rab tu zhi bar bya ba mngon par sgrub pa yang mngon par sgrub pa zhes 'byung
- 103b
ba la rab tu zhi bar bya ba ni chos bstan pa yin ta/ 'dis nyon mongs pa rnams rab tu zhi bar 'gyur bas so/ /gnod pa rab tu zhi bar byed pa ni sa lnga pa las gnod pa rnam pa bzhi po/ /don dang bya ba brjod pa'i gnod pa dang/ lta ba ngan pa dang/ blo chung ba'i gnod pa dang/ yongs su blangs pa'i nod ma sbas pa'i gnod pa dang/ 'du ba dang 'god pa la rmongs pa'i gnod pa bshad pa gang yin pa ste/ las bya ba rnam par phye ba tshad med pa'i bsam pa yang mngon par sgrub pa yin zhes gang gsungs pa'o/ /las bya ba ni byed pa'o/ /rnam par phye ba ni tha dad pa'o// /de la byang chub sems dpa' rnams kyi bsam pa tshad med de? thabs du ma mngon par sgrub pa'i phyir ro/ /yang na de nyid tshad med pa yin te rnam pa med pa'i phyir ro/ /de la bsam pa ni de sgrub par sems pa ste/ de'i phyir las bya ba las su bya ba de mngon par bsgrub bo/ /chos mnyan pa'i phyir 'khor gyi dkyil 'khor rnams su sangs rgyas kyi zhing rnams su sems can rnams 'du ba nye bar sgrub pa ni sangs rgyas kyi zhing gi rgyan rnams sgrub pa yang mngon par sgrub pa yin zhes gang gsungs pa ste/ 'di yang rgyan ces bya ba'i sgra ni rim pa gzhan du sbyar ba yin no/ /bsod nams 'phel bar byed pa ji lta bu zhe na/ dad pa dang lhan cig pas gzugs kyi sku lta ba dang/ chos mnyan pa dang/ gus par smra ba dang/ phyag 'tshal ba la sogs pa'i bsnyen pas bsnyen bkur bya ba dang/ gdugs dang rgyal mtshan dang/ ba dan la sogs pa rab tu dbul ba mchod pa sbyor ba rnams kyis te/ gzugs dang mtshan dang dpe byad bzang po'i rgyan rnam par sgrub pa zhes gsungs pa gang yin pa'o/ /chos kyi 'khor lo rab tu bskor ba ji lta bu zhe na/ dbyangs dang yan lag thams cad rnam par phye bas rnam par dag pa'i rgyan mngon par sgrub pa yang mngon par sgrub po zhes gsungs
- 104a
pa gang yin pa ste/ dbyangs rnams dang/ de bzhin gshegs pa'i gsang ba las bstan pa lta bu yan lag thams cad rnam par phye ba ni rnam pa tha dad pa ste/ des rnam par dag pa'i phyir ro/ /byang chub gsum gyi rgyan ni de dang mthun par ston pa ste/ 'di dag gis byang chub gsum po brgyan par 'gyur pa'i phyir ro/ /de'i phyir de dag mngon par sgrub po/ /dris pa lung ston pa ji lta bu zhe na/ 'di ltar sems can gyi bsam pa brjod pa'i phyir/ bskal pa bgrangs pa'i mtshan nyid tha dad pa shes pa la yang 'jug pa yin zhes 'byung ba'i phyir te/ bskal pa bgrangs pa rnams kyi chos kyi mtshan nyid tha dad pa gang gis shes par 'gyur ba de dag la yang 'jug cing rtog par byed do/ /ji lta zhe na sems can gyi bsam pa brjod pa'i phyir te/ rab tu brjod pa'i phyir zhes bya ba'i tha tshig go /de ltar na sems can la phan 'dogs pa'i rgyu rnam pa bdun po 'di ni rgyu bzhi pa yin no/ /de dag gnyen po dang bcas pa/ /lam ni bcu po rnams yin te// stong pa nyid bsgom la sogs pa/ /gnyen po yin par shes par bya/ /stong pa nyid kyi ting nge 'dzin la sogs pa shin tu bsgoms pa'i yid dang yang ldan la/ bsod nams kyi tshogs chen po yang sogs par byed pa 'di ni shin tu ya mtshan che ste/ ji lta zhe na/ stong pa nyid kyis ni chos ci yang mi dmigs/ mtshan ma med pas ni mtshan ma med/ smon pa med pas ni mi smon pa yin te/ tshogs sogs par byed ces bya ba ngo mtshar che'o/ /de bzhin du gzhan la yang shes par bya'o/ /de yongs su 'dzin pa ni mngon par 'du byed pa la dga' ba bzlog pa'i phyir te/ mngon par 'du byed pa med pa la dga' ba zlog pa bzhin du shes par bya'o/ /ji lta zhe na/ ji ltar byang chub sems dpa' chags pa med pa'i ye
- 104b
shes la mngon par phyogs pa'i shes rab kyi pha rol tu phyin pa la gnas pa mngon du gyur pas 'du byed pa med pa nyid la sems dga' ba yin gyi/ mngon par mtho ba'i lam mngon par 'du byed pa la ni ma yin pa mkhyen nas/ de la dgal ba bzlog pa'i phyir mngon par mtho ba'i lam bstan pa de bzhin du byang chub sems dpa' mngon par mtho ba'i lam mngon par 'du byed pa la brtson pas de mngon par 'du byed dga' bar gyur na mi rung zhes mngon par mtho ba'i lam mngon par 'du byed pa la dga' ba zlog pa'i phyir gnyen po yongs su 'dzin pa rnam pa bcu bstan pa mdzad do/ /snang bar gyur pa de dag mngon par bsgrubs pas zhes bya ba ni shes rab kyi yul du gyur pa rnams yang dang yang mngon sum du byed pas zhes bya ba'i tha tshig go /de yi mi mthun phyogs kyi ni/ /gnyen po gzhan rnam gnyis su brjod/ /tshad med rnam pa dag gis ni/ /gnyen po sgom pa gang yin dang/ /'du byed med cing brtsal med par/ /'byung ba'i lam la sbyor ba'o/ /de yi rnam par g.yeng ba ni/ /de yi rnam par g.yeng ba ste/ /lam gzhan rtsom pa'i khyad par gyi zhes bya ba'i tha tshig go /de la sgom rnam 'di dag ste/ /gang dag gi don byed pa dang/ /gnas gang yin dang gang gis dang/ /ji ltar gang du'i bye brag gis/ /mdor na sgom pa'i rnam pa ni/ /bcu po 'di dag rab tu bsgrags/ /gang dag gis don byed pa dang zhes bya ba ni sems can rnams kyi ste/ sems can gyi khams tshad med pa la yang 'jug la/ zhes gsungs pa gang yin pa'o/ /sangs rgyas bcom ldan 'das rnams kyi sems can yongs su smin par mdzad pa dang/ 'dul ba'i 'phrin las tshad med pa la yang 'jug go zhes bya ba ni brtson pa mi btang bar bya ba'i phyir thabs gang gis bya
- 105a
ba de tshig gnyis pas bstan te/ gnyi ga bya ba gcig pa'i phyir rnam pa gcig nyid yin no/ /'og ma rnams kyang de bzhin du shes par bya'o/ /gnas gang yin pa zhes bya ba ni/ 'jig rten gyi khams mang po tshad med pa la yang 'jug la zhes bya ba yin te des 'jig rten gyi khams mang po tshad med pa rnam par dag par byed pa yid ches par bya ba'i phyir ro/ /gang gis zhes bya ba ni rnam pa gnyis kyis so/ /ji lta zhe na/ chos tha dad pa tshad med pa la yang 'jug pa ni sems can gyi bsam ba dang bag la nyal tha dad pas chos la tha dad pa nyid thabs yin pa'o/ /ye shes mngon par rdzogs par thugs su chud pa tshad med pa la yang 'jug go zhes bya ba ni sems can rnams kyi nyon mongs pa dang las sna tshogs pa shes par nus pa nyid do/ /bskal pa bgrangs pa tshad med pa rtogs pa la 'jug la zhes bya ba ni rnam pa gnyis pa ste/ sems can rnams kyi dus kyi tshad nyid shes par nus par bya ba'i phyir ro/ /ji lta bu zhes bya ba ni rnam pa gsum gyis so/ /ji lta zhe na sems 'dra bar 'jug pa ni ji ltar dkon mchog brtsegs pa las dge slong lnga brgya'i sems dang mthun par dge slong gnyis sprul par 'byung ba lta bu'o/ /lus 'dra bar 'jug pa ni bram ze la sogs pas gdul bar bya ba de lta bu'i lus kun tu ston pa'i phyir ro/ /de dag la mos pa zlog pa ni de gnyi ga mthun par 'jug pas lha la mos pa gang yin pa de dag zlog par byed sel bar byed pa'o// sngon gyi bsam pa las byung ba ni sngon gyi tshe rabs gzhan na goms pa de'i rgyus dbang po rtul po dang 'bring dang rnon po rnams su 'gyur ro/ /de dag la ci rigs pa ni gang la chos gang zhig 'tsham pa de ston pa ste/ sems can gyi
- 105b
bsam pas dbang po tshad med pa la 'ang 'jug ces gang gsungs pa ste bsam pas dbang po tha dad pa nyid ces bya bar tshig rnam par sbyar ro/ /gsung brjod pas sems can gzhen tshim pa sa mdzad pa tshad med pa la yang 'jug go zhes bya ba ni rim pa 'dis sems can rnams la phan gdags pa'i phyir ro/ /sems can rnams gyi spyod pa ji lta ba bzhin du gnyen po'i gdam ngag rjes su ston pa ni sems can rnams kyi sems kyi spyod pa tha dad pa tshad med pa yang 'jug pa la zhes gsungs pa gang yin pa ste/ de dang mthun pa'i gnyen po rnam par sbyang ba'i phyir ro/ /ye shes rab 'byams tshad med pa rjes su rtogs pa la yang 'jug go zhes bya ba ni des gnyen po yang dag par bstan par bya ba'i phyir ro// gang du zhes bya ba ni theg pa gsum la ste rnam pa gsum gyis lam bstan pa la gzhug pa la mos pa yin pas sems can tshad med pa dag ni nyan thos kyi theg pa la gzung pa'i phyir ro/ /rang sangs rgyas kyi theg pa yang dag par sgrub pa 'grub pa la yang 'jug la zhes bya ba der tshogs bsags pa rnams zhes bya ba'i tha tshig go /ye shes zab mo'i sgor 'jug pa bstan pa tshad med pa la yang 'jug go zhes bya ba ni nges de dag gi rang sangs rgyas kyi theg pa sgrub pa'i phyir ro/ /byang chub sems dpa' i spyod pa la sbyor ba tshad med pa la yang 'jug go /zhes bya ba ni nges de dag khyad par du gzung nus pa nyid du shes par bya ba'i phyir ro/ /theg pa chen po yang dag par sgrub pa la 'jug pa bstan pa tshad med pa la yang 'jug go zhes bya ba ni des spyod pa la zhugs pa'i byang chub sems dpa' rnams theg pa chen po yang dag par 'byung ba la gzung pa'i phyir ro/ /lhun grub rtog pa med pa
- 106a
yis/ /lam ni yongs su rdzogs 'gyur ba/ /mngon par 'du byed med lam gyi/ /sbyor ba yin par yongs su bstan/ /ngo bo nyid dang bye rag la rnam par rtog pa med par zhes bya ba ni/ rang dang spyi'i mtshan nyid la rnam par rtog pa med par zhes bya ba'i tha tshig go /de ltar rnam par dpyod ldan pa/ /de yi rnam g.yeng spangs pa'i phyir/ /lam gzhan dag la mi g.yo ba'i/ /rab tu gnas pa thob par 'gyur/ /de'i rnam par g.ye ba'i gnyen po yin pa'i phyir ro zhes bya ba ni lam gzhan rtsom pa'i rnam par g.yeng ba'i gnyen po yin pa'i phyir zhes bya ba'i tha tshig ste/ mi g.yo ba'i tshul gyis shin tu gnas pa yin no zhes gang gsungs pa'o/ /gzung ngu 'brel pa rgyu bzhi yis/ /rnam par bzhag par 'dod ba ste/ lam ni cig car 'byung 'gyur zhing/ /de yang rgyun chags 'byung ba dang/ /mos pa rnam par dag pa dang/ /don chen byed pa gang yin gyi/ /byang chub phyogs ni rab dbye ba/ /rgyu bzhi pa ni yin par 'dod/ /de la skad cig gcig 'byung ba/ /cig car 'byung ba yin par 'dod/ /zhi gnas dang lhag mthong gi lam mngon sum du byed pa'i phyir te/ de skad cig gcig la yang mngon par sgrub cing mi ldang ste zhes gsungs pa gang yin pa'o/ /spyod lam kun tu 'byung ba'i phyir/ bar chad med par 'byung bar bshad/ /de 'gro 'am zhes bya ba la sogs pa gsungs pa gang yin pa'o/ /sgrib pa yang dag spangs pa'i phyir/ /mos pa rnam par dag 'gyur te/ /gang phyir sgrib las rnam dag pas/ /sgrib pa med par bshad pa yin/ /sgrib pa med pas spyod lam thams cad la gnas shing zhes gsungs pa yin pa'o/ /ye shes tshad med de dag la/ /bkra bar byed par rnam gnas ba/ /'du shes sems 'dun byed pa'i phyir/ /de ni yid la byed pa yin/ /'du shes yid la byed la de lta bu
- 106b
dag dang mi 'bral ba yin zhes gsungs pa gang yin pa'o/ /ye shes tshad med pa de dag la zhes bya ba ni sems can gyi khams tshad med pa la yang 'jug pa zhes bya ba la sogs pa sngar bshad pa rnams la'o/ /bkra bar byed pa'i phyir zhes bya ba ni gsal bar 'dzin pa la sogs pas mtshan ma yang dag par rtogs pa'i phyir 'du shes so/ /mngon du nyid 'dun pa ste de byed pa'i phyir yid la byed pa'o/ /sems kun la ni yod pa'i phyir/ /pha rol phyin ces bya ba yi/ /chos bcu yang dag 'grub pa ni// don chen nyid du shes par bya/ /de'i sems bskyed pa re re la yang byang chub sems dpa' i pha rol tu phyin pa bcu yang dag par sgrub pa yang dag par sgrub zhes bya ba la sogs pa gsungs pa gang yin pa'o/ /'di ni mdo nyid las legs par bkrol zin pa'i phyir rnam par ma phye ba'o/ /bzhi ni slob dpon nyid kyis rnam par phye bar zad do/ /rgyu bzhi dag gis byang chub kyi/ /phyogs mthun rnam par bzhag par 'dod/ /theg pa chen po'i skabs kyis na/ /pha rol phyin pa bcu bzhag go /sems can smin byed skabs kyis na/ /de sdud byed pa yang dag bzhag /nyon mongs sgrib pa dag bya'i phyir/ /gnas la sogs pa yang dag bzhag /gang la gnas te gang sgom zhing/ /sgo gang dag gis dag 'gyur ba'o/ /gnas dag ni shes rab dang bden pa dang/ /nyon mongs pa spang ba dang/ sdug bsngal nye bar zhi ba'i gnas rnams te/ shes rab kyi bden pa rnams la nyon mongs pa rnams kyang spong la sdug bsngal yang nye bar zhi bar byed do/ /de lta bas na 'dis ni bden pa bzhi bstan pa yin te/ shes rab kyis ni lam gyi bden pa bstan to/ /spangs pa dang nye bar zhi ba dag gis ni 'gog pa'o/ /nyon mongs pa dang/ sdug bsngal dag ni kun 'byung dang sdug bsngal gyi bden pa ste/ bden pa gnas su gyur pa de dag la gnas te'o/ /gang
- 107a
zhig bsgoms te zhes bya ba ni byang chub kyi phyogs dang mthun pa rnams so/ /sgo gang gis zhes bya ba ni rnam par thar pa'i sgo gsum po dag gis so/ /shes bya'i sgrib pa dag bya'i phyir/ /byang chub yan lag rnam bzhag go/ rgyu bzhi pa yin te/ kye rgyal ba'i sras dag de ltar zhes bya ba la sogs pa nas/ mdor na byang chub kyi yan lag gi chos thams cad skad cig re re la yongs su rdzogs par 'gyur ro zhes bya ba'i bar gsungs pa gan yin pa'o/ /snga phyi dag gis sa dag las/ /bdun pa yi ni khyad par gnyis/ /khyad zhugs dman pas sa yi ni/ /bltos pa rnam pa gnyis su bzhag /'di sa 'og ma dag pas ni khyad zhugs pa yin la/ gong ma dag pas ni dman pa yin no/ /khyad zhugs pa ji lta bu zhe na/ sbyor ba las byung ba'i spyod pa yongs su rdzogs pa'i phyir te/ sbyor ba las byung ba'i mngon par 'du byed pa dang bcas pa'i lam mo/ /de ni sa mngon par mtho ba'i lam gnyen po dang bcas pa mngon par sgrub pa'i lam yongs su rdzogs pa yin no/ /ye shes ni ji skad du bstan par rig par bya'o zhes bya ni chos thams cad la ji lta ba bzhin du nges par rtog pa nyid gang yin pa'o/ /de nyid kyi phyir 'di la zhes bya ba ni gang gi phyir spyod pa las byung ba'i spyod pa yongs su rdzogs pa dang ye shes dang mngon par shes pa spyod pa gnon pas so/ /sangs rgyas kyi chos thams cad yang dag par bskyed pas byang chub kyi yan lag rnams yongs su rdzogs par byed ces smos pa ni/ sangs rgyas kyi chos thams cad yang dag par skyed par byed mngon par sgrub par byed pa na byang chub kyi yan lag rnams yongs su rdzogs par byed ces bya ba'i tha tshig ste /kye rgyal ba'i sras byang chub sems dpa' i sa dang po la ni smon lam zhes bya ba la sogs pa gsungs pa gang yin pa'o/ /ye shes mngon
- 107b
par sbyor ba rnams/ /'bad dang bcas pas yongs dag phyir/ /gong ma'i sa las bltos nas ni/ /dman par rnam par bzhag pa yin/ /gong ma rnams na ni 'bad pa yang med pa'i phyir ro/ /de nyid phyir ni kun nyon mongs/ /gang phyir rtsol bcas 'jug yin gyi/ /'di la nyon mongs spyad byas pa'i/ /kun nas nyon mongs mi 'thad do/ /de nyid kyi phyir rnam par byang ba yin te/ kye rgyal ba'i sras byang chub sems dpa' i sa dang po kho na nas gzung ste/ zhes bya ba la sogs pa gsungs pa gang yin pa'o/ /de tsam gyis sa bdun po rnams la nyon mongs pa'i spyod pa las shin tu 'das zhes ni mi bya'o zhes bya ba ni mngon par 'du byed pa dang bcas pa'i phyir ro/ /mngon par 'du byed pa ni rnam par rtog par rab tu bskyed pa yin pa'i phyir la rnam par rtog pa yang byang chub sems dpa' rnams kyi nyon mongs pa yin pas de'i phyir mi brjod do/ /rnam par smin ces bya ba yi/ /lam ma thob phyir kun nyon mongs/ /spangs pa'i phyir na gser dang 'dra// 'khor los sgyur ba'i lus bzhin no/ /kye rgyal ba'i sras ngag 'di lta ste/ dper na 'khor lo sgyur ba'i rgyal po ni lha'i glang po rin po che la zhon cing zhes bya ba la sogs pa gsungs pa gang yin pa'o/ /de nyid phyir de nyon mongs med/ /ma yin nyon mongs bcas min te/ /rnam par smin lam ma thob phyir/ /nyon mongs pa ni mi 'byung phyir/ /gong ma rnams ni rnam par smin pa'i lam thob pa'i phyir nyon mongs pa med pa zhes brjod par bya ste/ lhag par 'dod chags la sogs pa nyon mongs pa'i tshogs thams cad las shin tu 'das te zhes bya ba la sogs pa gsungs pa gang yin pa'o/ /sa snga phyi las khyad par rnam par bzhag pa ni de lta bu yin no/ /las dag ting 'dzin thob pa dang/ /sa las yang dag 'das
- 108a
pa dang/ /gnas pa khyad bar can gyur pa/ /thob pa'i phyir na rgyu bzhi yis/ /lam ni zung ngu 'brel pa yis/ /'bras bu brjod par byed pa yin/ /las rnams dag pa gang yin pa/ /de yang rnam pa bzhir shes bya/ /de la /dang pho lhag bsam rnam dag pas/ /shin tu rnam par dag ba'i phyir/ /tshul khrims rnams ni rnam dag yin/ /'di ltar byang chub sems dpa' i sa bdun pa 'di la gnas pa'i byang chub sems dpa' de ni lhag pa'i bsam pa yongs su dag pas lus kyi las dang zhes bya ba la sogs pa nas/ rtag par rgyun du rjes su 'jug pa yin no zhes bya ba'i bar 'gyur ba'i phyir ro/ /sa gnyis pa kho na la tshul khrims rnam par dag pa ma yin nam zhe na/ bden gyi sbyor ba'i spyod pa yongs su rdzogs pa'i phyir rnam pa thams cad du ni sa 'di la yongs su dag pa yin no/ /sa lnga pa las bstan pa yi/ /'jig rten shes pa rnam dag phyir/ /'jig rten ba'i shes pa rnam par dag ba ste/ /byang chub sems dpa' i sa lnga la bzo'i gnas dang las kyi gnas gang dag ces bya ba la sogs pa 'byung ba'i phyir ro/ /bsam dang sbyor ba bstan pa yi/ /lus ni khyad par 'phags pa'i phyir/ /lus kyi khyad par 'thob pa ste/ slob dpon nyid du grags pa yin/ /bya ba la sogs pa gang yin pa'o/ /bsam gtan la sogs khyad par gyi/ /mthu thob khyad par 'phags pa'i phyir/ /nus pa'i khyad par 'thob pa yin te/ bsam gtan rnams dang ting nge 'dzin rnams dang zhes bya ba la sogs pa nas/ de bas kyang shas cher byang chub kyi yan lag thams cad yongs su rdzogs pa 'thob po zhes bya ba'i bar gsungs pa gang yin pa'o/ /ting 'dzin khyad par 'phags pa rnams 'thob pa rnam ba bcur bshad do/ /rnam par dbye ba shin tu rnam par phye ba zhes bya ba ni rnam par mi rtog pa'i don
- 108b
las brtsams pa'o/ /ting nge 'dzin gang la rnam par dbye ba shin tu nam par dpyad pa yod pa de la snyoms par 'jug go zhes bya ba'i don te/ chos kyi dbyings dang/ de'i rten gang la rnam par rtog pa med pa de dan rnam par rtog pa'i don las brtsams pa'o/ /tshig gcig la don gyi khyad par du mar 'byed pa rnam par brtags pa ni don du mar mngon par brjod pa nyid de/ khyad par gyi blo gros zhes gang gsungs pa'o/ /khyad par ni bye brag ste/ 'di la de la blo gros sems pa yod pas zhes bya ba don to/ /don gcig la rnam grangs du ma dag gis ston pa de las brtsams nas rab tu phye ba'i don gyi mdzod ces gsungs pa gang yin pa ste don gyi mdzod bzhi ni sgra'o/ /de las nyan ba po rnams kyis don 'dren cing sgrub bar byed bas na 'di'i ngo bo du ma ba yin no zhes ston bar byed do/ /rig pa thams cad kyi gnas ni rgyu nyid de de shes pa'o/ /rnam pa gcig tu na de nyid shes pa yin te/ don ji lta ba bzhin du rnam par 'byed pa zhes gsungs pa gang yin pa ste/ ting nges 'dzin gang la don ji lta ba bzhin phyin ci ma log par rab tu rnam par 'byed pa yod pa de la snyoms par 'jug go zhes bya ba'i don to/ /ting nge 'dzin gang rtsa ba shin tu gnas bas bstan pa yod pa ste/ ji lta zhe na/ de bzhin nyid la dmigs pas rtsa ba bstan pa'i phyir ro/ /tshig lhag ma bzhi ni sgrib pa rnam pa bzhi rnam par sbyong ba las rig par bya ste/ ye shes dang mngon par shes pa'i sgo ni rgyu ste sgo zhes bya ba'i don to/ /ting nge 'dzin de la yang snyoms par 'jug go /de nyid kyi phyir ting nge 'dzin 'di ni yon tan khyad par can rnams la sgrib pa gang yin pa de rnam par sbyong bar byed do/ /ting nge 'dzin gang la chos kyi dbyings de bzhin nyid yongs su sbyong bar byed pa yod pa de la yang snyoms par 'jug ste/ de nyid kyi phyir chaD ba med pa'i ye shes la
- 109a
sgrib pa gang yin pa de rnam par sbyong bar byed do/ /ting nge 'dzin gang la de bzhin gshegs pa la phan yon rab tu brjod ba yod pa de la yang snyoms par 'jug ste/ de nyid kyi phyir sangs rgyas kyi chos zab pa dang rgya che ba rnams yang dag par sgrub pa la zhum pa med pa yin no/ /dge ba'i rtsa ba sna tshogs zhes bya ba ni theg pa gsum gyi bdag nyid kyi don sna tshogs kyi mdzod ston par byed pa ste/ de bzhin du 'khor ba dang mya ngan las 'das pa gnyis kyi sgo/ sgo mo gang yin pa'i ting nge 'dzin de la yang snyoms par 'jug go /de nyid kyi phyir thabs dang shes rab bsgoms pa'i stobs kyis mi gnas pa'i lam la sgrib pa gang yin pa de'i gnyen po yang byed de/ thabs dang shes rab kyis yongs su sbyangs pa'i shes rab kyis yongs su sbyangs pa'i ting nge 'dzin de dag ces gsungs pa gang yin pa'o/ /snying rje'i stobs dang zhes bya ba ni snying brtse ba dang snying rje'i stobs kyis shes gsungs ba gang yin pa'o/ /zhi gnas dang lhag mthong gi lam sgrub pa ni rtsol ba med par 'byung ba nyid kyis rnam par smin par gyur pa'i phyir ro/ /mtshan ma med bar mtshungs pa la/ /sems can kun gyi dbang gis na/ /las kyi bye brag gang gis yang/ /khyad par rab tu bstan pa yin/ /sbyor ba yongs su rdzogs pa'i phyir/ /sa bdun pa 'di yongs sbyangs dang/ /snang ba dag gis snga ma yi/ /sa rnams las ni khyad zhugs te/ /shin tu yongs su sbyangs pa mi skye ba'i chos la bzod par snang bar gyur pa zhes gsungs pa gang yin pa'o/ /blo ldan sbyor ba mthar thug pa'i/ /yid la byed pa thob pa'i phyir/ /rang gi yul ni shes pa la/ /gnas ba yin zhes mngon bar brjod/ /tshad med ces ni
- 109b
rab brjod na/ /mang ba nyid du nges bar 'dzin/ /mthu dag gi ni sgo nas kyang/ /tshad med ces ni yang dag bstan/ /ji ltar zhe na/ sngon gyi las las khyad par du/ /zab cing rnam par dben pa dang/ /rab tu rgyu ba med ba'i las/ /de yis thob pa yin zhes bshad/ /ring du song phyir zab ba yin/ /nyon mongs spangs phyir dben pa yin/ /log ma'i sa la mi rgyu phyir/ /rgyu ba med ces bshad pa yin/ /yang dag mdza' la gnas gyur cing/ /'gog ba mngon sum mi byed pa/ /gang yin 'di ni gnas pa yin/ khyad par du ni 'dod pa nyid/ /snyoms par 'jug pas gnas pa yi/ /khyad par rab tu bstan nas ni/ /rgyu ba'i sbyor ba'i khyad par ni/ /rnam ba brgyad dag yang bshad do/ /bsod nams mngon par 'du byed pa'i sbyor ba ni 'khor ba'i sgo yang ston la zhes bya ba yin te/ 'di'i gnyen po ni 'di'i bsam pa mya ngan las 'das pa la gnas pa yang yin zhes bya ba yin no/ /de bzhin du 'og ma dag la yang tshig gnyis pa ni gnyen po 'dzin pa yin bar shes bar bya'o/ /phung po yongs su 'dzin ba'i sbyor ba ni 'khor mang po kun nas bskor bar yang snang la zhes bya ba yin te/ phung po ni phung po rnams so/ /de yongs su gzung ba'i sbyor ba ni 'di yin te/ 'di lta ste/ mtshan dang dpe byad bzang bo phun sum tshogs pa dang ldan pa'i phyir 'khor mang po nyid do// smon lam gyi stobs kyis khams gsum par kun tu skye ste/ de nyid kyi phyir bsams bzhin du srid pa yongs su 'dzin pa'i sbyor ba zhes bya ba'o/ /thabs thabs kyis kyang rab tu 'bar te zhes bya ba ni bu la sogs pa kun tu ston pa'i phyir ro/ /de nyid kyi phyir 'di ni rigs kyi rgyud la sbyor ba yin te/ sems can rnams theg pa gsum la dgod par bya ba'i phyir ro/ /ma bor ba'i phyir sangs rgyas kyi ye shes la yang 'jug la nyan thos la sogs pa'i sa la brten nas kyang 'grub pa yin no/ /de nyid
- 110a
kyi phyir 'di ni 'jug par byed pa'i sbyor ba yin te/ de dag gis gdul bar bya ba rnams la de ltar kun tubstan pas theg pa gnyis la 'jug pa'i phyir ro/ /bdud kyi yul ni zas dang nyal ba dag yin te/ de la gnas pa'o/ /de nyid kyi phyir 'di ni ston pa la sbyor ba yin te/ de gnyis ni yul ston par byed pa'i phyir ro/ /bdud kyi spyod yul yang ston pa yin no/ /de nyid kyi phyir 'di ni 'chi 'pho'i sbyor ba yin te/ na ba dang rga ba dang/ 'chi ba kun tu bstan pas 'chi 'pho ba'i phyir ro/ /mu stegs can gyi gnas thams cad du nye bar 'gro ba na skal ba mnyam ba nye bar 'gro bas lta ba ngan pa zlog pa'i phyir te/ de nyid kyi phyir 'di ni lta ba ngan pa la chags pa las rnam par zlog pa'i sbyor ba yin no/ /'jig rten gyi bya ba thams cad dang mthun par 'gro ba na 'jig rten pa'i bzo'i gnas kyi lam la sogs pa mngon par sgrub pas/ sngar bshad pa'i gnod pa rnam pa bzhi rab tu zhi bar byed pa'i phyir te/ de nyid kyi phyir 'di ni gnod pa las rnam par zlog pa'i sbyor ba yin no/ /lha la sogs pa thams cad kyi lus gang dag yin pa de dag las lhag pa'i lus yongs su 'dzin pas rnam par zlog pas sems can rnams mi dga' ba dang bral ba'i phyir te/ de nyid kyi phyir 'di ni chags pa rnam par zlog pa'i sbyor ba yin no/ /de 'dzin ba'i mchog yin pa'i phyir ro zhes bya ba ni bstan pa yang dag par 'dzin pa'i gtso bo yin pa'i phyir ro/ /sa 'di ni sems can la phan 'dogs pa dang chos kyi bzod pas rab tu phye bar rig par bya zhes bya ba ni mdo las ji skad 'byung ba bzhin no/ /'di yan chad mngon par 'du byed pa'i sbyor ba med bas na sbyor ba'i mthar phyin par 'gro ba'o/ /de nyid kyi phyir sbyor ba'i lam yongs su rdzogs pas dge ba'i rtsa ba rnams
- 110b
shin tu 'od gsal ba zhes bya ba'o/ /nyi ma'i 'od kyi dpe ni zla ba'i 'od kyi dpes bstan bas snga ma'i ye shes pas 'di rgya che ba'i phyir khyad par bstan pa yin no/ /ji lta zhe na nyi ma'i 'od kyis de'i 'od zil gyis gnon pa mthong ba'i phyir ro/ /lhag ma ni snga ma'i tshul bzhin du sbyar bar bya'o/ /rgyu ni rnam pa bdun dag gis/ /sa brgyad pa ni bzhag par 'dod/ /sa rnams dag ni bsdu ba dang/ /rnam dag bzod pa thob pa dang/ /rnam dag gnas pa thob pa dang/ /zhing ni rnam par dag pa dang/ /dbang thob pa zhes bya ba dang/ /che ba nyid kyi khyad par dang/ /nges tshig dbye ba zhes bya ba/ /rgyu ni bdun par 'dod pa ste/ /sa brgyad pa yi bsdu ba'i tshul/ /'di yin par ni rab tu bstan/ /yongs su sbyang bar bya ba'i sa dag ni bdun te/ de dag tu sbyor ba'i spyod pa yongs su sbyang bar bya ba legs par byed pa'i phyir ro/ /de dag bsdu ba ni mdor bsdus te bsnyad pa'o/ /smras pa/ de dag rnams kyi bsdu ba ni/ /rgyu gnyis dag gis brjod bya ste/ /spyir ni bsdu bar bya ba dang/ /so so re re na bsdu ba'o/ /rgyu ni rnam pa gsum dag gis/ /spyir bsdu bar ni 'dod pa yin/ /so so nas ni rnam bdun te/ /'di ni bsdus par bzhag pa yin/ /rnam par 'byed pa legs par byas zhes bya ba la rnam par 'byed pa ni chos dang gang zag la bdag med par rtogs pa ste/ de 'di dag tu legs par byas pa'i phyir sa bdun po dag yin par ston to/ /gal te de lta na/ 'o na dang po kho na la de rtogs na gnyis pa la sogs pa la khyad par ci yod ce na/ gong nas gong du rab tu rtogs pa zhes bya ba smras te/ khyad par dang khyad par du rab tu rtogs pa yang dag par rab tu bstan par bya ba'i phyir ro/ /thabs dang shes rab kyis lam shin tu yongs su sbyangs pa zhes bya ba la thabs ni snying rje chen po'o/ /shes rab ni chos la bdag med pa'i yul can te/ de gnyis
- 111a
kyis lam shin tu yongs su sbyangs ba'o/ /de nyid kyi phyir mi gnas pa'i lam yongs su sbyong ba zhes bya ba smras so/ /tshogs shin tu bsags pa zhes bya ba ni sa bdun po de dag nyid la tshogs shin tu rab tu bsags ba'i phyir sbyor bas bsdus pa'i tshogs yongs su rdzogs par byed pa zhes smras pa gang yin pa ste/ spyir bsdu ba ni de lta bu yin no/ /smon lam shin tu btab pa zhes/ /bya ba la sogs rnams kyi tshig /lhag ma brgyad po dag kho nas/ /so so naS ni bsdu ba yin/ /smon lam chen po shin tu btab pa zhes bya ba ni sa dang po bsdu ba mdzad pa yin no/ /de bzhin gshegs pa'i byin gyis brlabs kyis shin tu byin gyis brlabs pa zhes bya ba ni sa gnyis pa ste/ der de bzhin gshegs pa rnams kyis theg pa dman pa bor te/ thams cad mkhyen pa nyid kho na la bsam pa ches brtan par byin gyis rlob par mdzad do/ /rang gi dge ba'i rtsa ba'i stobs bskyed pa rjes su thob pa zhes bya ba ni sa gsum pa ste/ ji lta zhe na/ 'dod chags dang bral ba las mi nyams pa'i bsam gtan la sogs pa thob pa'i phyir ro/ /de bzhin gshegs pa'i stobs la sogs pa yid la byed pa zhes bya ba ni sa gzhi pa ste/ ji lta zhe na/ rnam par bzhag pa'i chos lung gi chos ji ltar rtogs pa bzhin du rnam par 'jog pa'i phyir ro/ /de ni rtogs pa ston par byed de gnyi ga zhes bya ba ji lta ba bzhin du zhugs pa nyid kyis de dang mtshungs par rtog pa'i phyir ro/ /de'i phyir shes bya'i sgrib pa rnam par dag pa ni sangs rgyas kyi chos 'thob pa'i rgyu ste/ de thob pa'i phyir de yid la byed pa dang ldan pa yin no/ /lhag pa'i bsam pa'i brnag pa shin tu yongs su sbyangs pa zhes bya ba ni sa lnga pa ste/ ji lta zhe na/ rnam par dag pa la sams kyi bsam pa mnyam pa nyid ji
- 111b
skad bshad pa dag gis lhag ba'i bsam pa'i brnag pa shin tu yongs su sbyangs pa'i phyir ro/ /bsod nams dang ye shes kyi stobs kyis mngon par 'phags pa zhes bya ba ni sa drug pa ste/ ji lta zhe na/ rim bzhin du snying rje chen pos ni bsod nams kyi stobs kyi mngon par 'phags pa nyid do/ /rten cing 'brel par 'byung ba rnam par dpyod pas ni ye shes kyi stobs kyis mngon par 'phags pa nyid do/ /snying rje dang byams pa chen po dag gis sems can thams cad la sbyor ba mi gton ba ye shes kyi lam tshad med pa dang ldan pa zhes bya ba ni sa bdun pa bsdu ba yin te/ ji lta zhe na/ rim bzhin du lam gzhan rtsom pa'i khyad par rnams kyis ni/ sems can thams cad la sbyor ba mi gtong ba nyid la sems can gyi khams tshad med pa la sogs pa la 'jug pa rnams kyis ni ye shes kyi lam med pa dang ldan pa nyid du rig par bya ste/ 'dir bsdu ba ni tshig gnyis kyis bstan pa yin no/ /yongs su sbyangs ba bya ba'i sa la tshul bzhin du/ rtsol bcas ye shes la brten nas// bsdus dang rgyas pa'i sgo nas ni/ /sa bdun rnam par sbyang byas nas/ /mi skye ba yis rab phye ba'i/ /bzod pa rnam par dag pa 'thob/ /de'i rnam par dag pa nyid ni lhun gyis grub pas rab tu bye ba yin no/ /chos rnams gzod ma nas ma skyes ba nyid ni/ gzod byung ba ma yin gyi/ 'on kyang chos 'di dag ni rnam par gnas pa kho na'o/ /gang la zhe na/ rnam par byang ba'i phyogs la'o/ /de'i phyir 'di ni snga nas yod pa'i gnyen por brjod do/ /gsar du gsar du yod/ de'i gnyen por ma skyes pa nyid ces bya ste/ sngon med pa las 'byung? ba ni ma yin gyi/ 'on kyang 'di dag snga nas rnam par gnas pa kho na'o zhes bya ba'i tha tshig go /mtshan nyid yod pa de'i gnyen por mtshan nyid med pa nyid ces bya ba ste/ gang gis 'di dag
- 112a
mtshon par 'gyur ba'i mtshan nyid de dag med do/ /phyi ma'i mthar yod pa de'i gnyen por byung ba med pa nyid ces bya ba ste/ byung ba ni phyi ma'i mthar yod pa ma yin gyi ma byung ba ni ma yin pa'i phyir ro/ /rnam par byang ba'i phyogs la ni de lta bu yin no/ /kun nas nyon mongs pa'i phyogs la sngon gyi mdza' na yod pa de'i gnyen por 'jig pa med pa nyid ces bya ba ste/ byang ba ni gdon mi za bar 'jig gi ma byun ba ni ma yin no zhes bya ba'i tha tshig go /rdzogs pa yod pa de'i gnyen por thug pa med pa nyid ces bya ba ste/ thug pa ni rdzogs pa yin pa'i phyir ro/ /rnam par byang ba la kun nas nyon mongs pa nyid yod pa gang yin pa de'i gnyen por 'jug pa med pa nyid ces bya ba ste/ 'jug pa ni kun nas nyon mongs par 'gyur gyi mi 'jug pa ni ma yin pa'i phyir ro/ /rang bzhin kho nas skye ba med/ /chos la bdag med ces bya ba/ /bdag med ngo bo nyid kyi phyir/ /dngos po med pa zhes bya ba/ /rang gi skye ba med pa yin no/ /gnyis med pa'i mtshan nyid yin pa'i phyir ro/ /zhes bya ba ni gnyis po med pa'i phyir ro/ /dngos po'i mtshan nyid kyang ma yin la gnyis po med pa yod pa'i phyir dngos po med pa'i mtshan nyid kyang ma yin pa ste/ dngos po med pa'i ngo bo nyid ces gsungs pa gang yin pa'o/ /kun nas nyon mongs rnam byang dag /'phel 'bri med pa'i ngo bo yis/ /dus gsum du ni mnyam pa nyid/ /de la grangs kyi bye brag med/ 'di ni grangs kyi bye brag mi skye ba ste/ thog ma dang dbus dang tha ma ma nyi pa nyid ces 'byung ba'i phyir ro/ /las rnams kyi ni bye brag gang/ /rnam pa mang por yongs rtags pa/ /de bzhin nyid dang mnyam mthong phyir/ /de yi bye brag ma skyes pa/ /las kyi bye brag mi skye ba ste/ de bzhin nyid ltar
- 112b
thams cad mkhyen pa'i ye shes rnam par mi rtog pa rtogs par bya ba nyid las brtsams nas 'jug go zhes gsungs pa gang yin pa'o/ /da ltar ni mi skye ba'i chos la bzod pa ni mi skye ba rnam pa bzhi la 'jug pa yin no/ /bzod pa'i dmigs pa rab bstan nas/ /rnam par rtog pa'i 'du shes dang/ /bral bas 'jug par rab tu ston/ /'dir rnam par smin pa ni sems so/ /rlom sems ni yid do/ /yul rnam par rig pa ni rnam par shes pa ste/ de dag gis bsdus pa dag go /sems dang yin dang rnam par shes pa de dag dang zhes bya ba'i tha tshig ste/ de thams cad du sems dang yid dang rnam par shes pa'i rnam par rtog pa'i 'du shes dang bral ba zhes gsungs pa gang yin pa'o/ /rnam par rtog pa dang bral ba zhes brjod par bya ba yin pa las 'du shes smos pa ni 'du shes khyad par can shes par bya ba'i phyir te/ 'di la mi mthun pa'i phyogs kyi 'du shes dang bral ba'i phyir gzhan ni yod do zhes 'du shes gzhan brjod pa yin no/ /thogs pa med pa zhes bya ba la thogs pa ni rtsol ba'o/ /de med pa'i phyir lhun gyis grub par rgyu ba'o/ /nam mkha' 'dra zhes bya ba ni khyab pas so/ /bla gab med pa'i rang bzhin du zhugs pas zhes bya ba ni de bzhin nyid du zhugs pa'i phyir te/ de bzhin nyid ni sgrib pa med pa nyid kyis bla gab med pa yin no/ /zab mo thob phyir khyad par du/ /'phags pa'i gnas pa thob pa ste/ /byang chub sems dpa' i gnas pa zab mo rjes su thob pa yin no zhes gsungs pa gang yin pa'o/ /de'i zab pa nyid ni mdo las 'byung ba'i sgo nas rnam pa bdun du shes par bya ste/ ring ba'i ye shes tha ma? dang/ /de bzhin mtshan ma bral ba dang/ /tshad med pa dang mi 'phrogs dang/ /nyes pa spangs phyir dben pa dang/ /gnyen po la ni mngon phyogs phyir/ /dben pa mngon du gyur pa'o/ /ring ba'i ye shes ji lta bu zhe na/ mngon
- 113a
par 'du byed ba dang bcas pa'i sa zlog pas rtogs par bya ba yin pa'i phyir 'jug pa zab pa nyid gyis ring ba yin no/ /tha mi dad pa ji lta bu zhe na/ byang chub sems dpa' sa dag pa pa rnams dang/ thun mong ba'i zab pa nyid kyi phyir ro/ /yul zab pa nyid ji lta bu zhe na/ gzung ba dang 'dzin par snang ba med par gyur pas de bzhin nyid la bya ste/ mtshan ma thams cad dang bral ba zhes gsungs pa gang yin pa'o/ /de nyid 'du shes kyi 'dzin pa ngan pa thams cad las phyir log pa yin te/ mi mthun pa'i phyogs kyi 'du shes dgag pa'i phyir ro 'dzin pa ngan pa smos so/ /tshad med pa ji lta bu zhe na/ bdag dang gzhan gyi don la zhugs pas sgrub pa zab pa nyid kyi phyir ro/ /mi 'phrogs pa ji lta bu zhe na/ nyan thos dang rang sangs rgyas thams cad kyis mi 'phrogs pa'i phyir zil gyis mi gnon pa zab pa nyid do/ /dben pa ni mi mthun pa'i phyogs bsrabs pa zab pa nyid kyi phyir ro/ /thams cad la dben pa mngon du gyur pa ni gnyen po la mngon du phyogs pa zab pa nyid kyi phyir ro/ /ji lta zhe na/ de bzhin nyid ni thams cad las dben pa'i phyir ro/ /de ltar na mdo las ji skad 'byung ba'i sgo nas gnas pa zab mo nyid rnam pa bdun no/ /g.yo ba dang rlom sems thams cad dang bral ba yin no zhes bya ba nas de dag gi gnas sems yid kyi rnam par shes pa med pa'i phyir ro/ /'bad pa dang bcas pa mngon par 'du byed pa dang bcas pa'i lam las yang dag par 'das pa'i phyir na 'bad pa thams cad dang bral te zhes bya ba ste/ ji skad du mdo las 'byung ba bzhin no/ /lhun gyis grub pa'i chos nyid thob pa ji lta bu zhe na/ rtsol ba de'i gnyen po thob pa'i phyir ro/ /da ni lhun gyis grub cing rtsol ba med pa nyid kyis lhun gyis grub pa'i chos nyid thob pa de ston bar byed do/ /lhun gyis grub pa
- 113b
nyid rtsol ba med pa yin te/ lus dang ngag dang sems kyi rtsol ba dang bral nas zhes 'byung ba'i phyir ro/ /rnam par smin pa la gnas pa nyid kyi ni/ mdo las ji skad du 'byung ba bzhin te/ /rnam par smin pa kun gzhi rnam par shes pa'i de bzhin nyid gang yin pa de la shin tu gnas pa'i phyir/ rnam par smin pa la gnas pa nyid do/ /dper na gnyid kyis log pa las sad pa la 'du shes yod pa de bzhin du gnas pa de la yang snyoms par 'jug pa las bzlog pa'i 'du shes yod do/ /bzlog pa 'di gang zhig yin zhe na/ zhi ba nyid la gnas pa la/ /'du shes yod du zin kyang ni/ /yang dag shes pa'i dbang gis na/ /mtshan ma rnams ni 'jig phyir ro/ /kye rgyal ba'i sras dag 'di lta ste/ dper na mi zhig gnyid log pa'i rmi lam na zhes bya ba nas gzung ste/ 'bad pa thams cad dang bral bar 'gyur te zhes bya ba'i bar 'byung ba'i phyir te/ de kho na nyid yi ye shes kyi khyad par du 'phags pa dang ldan pa'i phyir 'bar pa thams cad dang bral ba yin no/ /rnam par dag pa'i dbang du byas nas/ 'khor ba dang mya ngan las 'das pa gnyis su kun tu spyod pa snang bar mi 'gyur te/ de'i gnyis su kun tu spyod pa thams cad kyi thams cad du snang bar? mi 'gyur ro zhes gsungs pa gang yin pa'o/ /yul la yongs su spyod pa'i dbang du byas nas mchod na kun tu spyod pa snang bar mi 'gyur te/ mtshan ma kun tu spyod pa thams cad du mi snang bar 'gyur zhes gsungs pa gang yin pa'o/ /tshangs pa'i 'jig rten skye ba dang/ /'dra ba'i dpe ni gang yin pa/ /de ni 'og ma'i pa yis/ /kun nas nyon mongs ring gyur 'dod/ /de la 'jug pa'i phyogs la ni/ /sems la sogs pa'i kun tu 'byung ba med pa'i phyir te/ sems dang yid dang rnam par shes pa'i kun tu 'byung ba yang kun tu mi 'byung ste zhes 'byung ba'i phyir ro/ /ldog pa'i phyogs ni sangs
- 114a
rgyas la sogs pa la kun tu 'byung ba med pa ste/ sangs rgyas la kun tu 'byung ba 'am zhes bya ba nas gzung ste/ rgyun tu zhugs pa la kun tu 'byung ba thams cad kyang kun tu mi 'byung na zhes bya ba'i bar 'byung ba'i phyir ro/ /de la theg pa chen po'i bye brag gis ni sangs rgyas dang byang chub sems dpa' dang byang chub kyi yan lag la kun tu 'byung ba rnams/ /nyan thos kyi theg pa'i bye brag gis ni mya ngan las 'das pa dang/ nyan thos la sogs pa la kun tu 'byung ba'o/ /theg pa chen po la yang gang zag gi bye brag gis ni sangs rgyas dang byang chub sems dpa' la kun tu 'byung ba dag go /chos kyi bye brag gis ni byang chub la kun tu 'byung ba'o/ /nyan thos kyi theg pa la yang mi slob ba dang/ slob pa'i bye brag dang chos kyi bye brag gis mya ngan las 'das pa la kun tu 'byung ba ste/ mi slob pa'i bye brag gis ni dgra bcom pa la kun tu 'byung ba'o/ /slob pa'i bye brag gis ni phyir mi 'ong ba la sogs pa la kun tu 'byung ba'o/ /de'i 'og tu gnas skabs der/ /kun mkhyen thugs rje'i bdag nyid rnams/ /dang por de bzhin gshegs pa yi/ /ye shes nye bar sgrub? mdzad nas/ /ci zhig mdzad ce na/ /sems can la ni byams mdzad nas/ /gnas pa tsam la mngon dga' ba/ / bzlog par dka' ba zlo ga mdzad de/ /'di la byas pa bsngags pa dang/ /ma byas pa la bskul ba dang/ /de la gnas pa mi 'dar bas/ /sangs rgyas chos rnams ma thob pa/ /nus pa nyid kyi dbang mdzad nas/ /yang dang yang rgyu sna tshogs kyis/ /zhi ba'i dbyings ni de ngag las/ /rnam par bskyod nas sems can gyi/ /ngon sbyang? dag la sbyor bar mdzad/ /chos kyi sgo'i rgyun de gnas pas/ /mngon par dga' ba gang yin pa de tsam gyis chog par 'jin pa de zlog par mdzad do/ /ji lta
- 114b
zhe na/ de bzhin gshegs pa'i ye shes nye bar sgrub pa ste/ de bzhin gshegs pa'i ye shes nye bar sgrub pa mdzad de zhes gsungs pa gang yin pa'o/ /byas pa bsngags pa ni legs legs so zhes bya ba la sogs pa byas pa bsngags par mdzad pa ste/ yon tan thob pa rnams la yang dag par gzeng bstod pa mdzad ces bya ba'i tha tshig go /mi byed pa la bskul ba zhes bya ba la mi byed pa ni yon tan ma thob pa rnams mngon sum du mi byed pa ste/ de la gang deng? kyi stobs bcu la sogs pa phun sum tshogs pa de khyod la med kyis phun sum tshogs pa de yongs su btsal pa'i phyir brtson 'grus rtsoms shig ces bskul ba mdzad do/ /bzod pa'i sgo 'di nyid kyang ma dor cig ces bya ba 'dis ni mi dor bas de nus pa nyid du ston par byed do/ /sems can gyi don bya ba don che ba nyid ces bya ba sems can ji lta dag cig gi zhe na/ kun nas nyon mongs par gyur pa rnams kyi'o/ /ji lta zhe na/ 'di dag la soms shig ces bya ba la sogs pas bstan te/ kun nas dkris par gyur pa rnams ni ma zhi ba dag go /bag la nyal du gyur pa rnams ni rab tu ma zhi bdag go /khyim pa rnams ni nyon mongs pa sna tshogs kun tu 'byung ba dag go /rab tu byung ba rnams ni rnam par rtog pa sna tshogs kyis g.yen spyos dag go /smon lam gyi 'bras bu med pa ni sngon yi smon lam dran par gyis shig ces gsungs pa gang yin pa'o/ /sems can yongs su smin par bya ba 'bras bu med pa ni sems can gyi don thob par bya ba zhes gsungs pa yang yin pa'o/ /ye shes kyid? tshogs 'bras bu med pa ni ye shes kyi sgo bsam gyis mi khyab pa zhes gsungs pa gang yin pa'o/ thun mong ma yin pa'i don du dub pa 'bras bu med pa ni chos kyi dbyings 'di ni gnas pa nyid de/ 'dis ni de bzhin gshegs pa
- 115a
rnams nye tshe rab tu phye ba ma yin gyi nyan thos dang rang sangs rgyas thams cad kyang rnam par mi rtog pa'i chos nyid 'di 'thob bo zhes 'byung ba'i phyir ro/ /'di skad du thun mong ma yin pa'i don ni nyan thos la sogs pa'i spyod yul ma yin pa ste/ sangs rgyas kyi yul lo/ /de thob par bya ba'i phyir khyod kyis yun ring po nas dka' ba spyad pa goms pa la sogs pa brtson 'grus brtsams pa gang yin pa de 'bras bu med par 'gyur ro/ /ci'i phyir zhe na 'di ltar khyod kyis rnam par mi rtog pa'i chos nyid thob pa gang yin pa de ni nyan thos la sogs pas kyang thob ste/ de lta bas na 'di thob pas chog par 'dzin pa ni rigs pa ma yin no zhes ston par byed de/ 'di thams cad ni ya? dag par gzeng stong pa yin no/ /sems can gyi don mjad pa'i dbang du byas nas/ sangs rgyas rnams kyi phun sum tshogs pa gang yin pa de lus tshad med pa la sogs pas sgrub par nus pa nyid du yongs su ston par byed de/ gnas gang gis shes bya ba ni/ lus tshang med pa nyid ces bya ba yin no/ /kun rdzob dang don dam pa'i ye shes gang gis zhes bya ba ni ye shes tshad med pa nyid ces bya ba yin no/ /zhing yongs su dag pa gang gis zhes bya ba ni sangs rgyas kyi zhing tshad med pa nyid ces bya ba yin no/ /gdul bya'i spyod pa mkhyen pa gang gis zhes bya ba ni ye shes mngon par sgrub pa tshad med pa nyid ces bya ba yin no/ /gang gis bsdus te zhes bya ba ni 'od kyi dkyil 'khor tshad med pa nyid ces bya ba yin no/ /gzhan dag ni tshigs gnyis bzlog ste 'don to/ /bshad pa gang gis zhes bya ba ni/ sgra skad kyi yan lag tshad med pa nyid ces bya ba yin te/ khyod kyis kyang de bzhin du mngon par sgrub pa bskyed cig ces 'byung ba'i phyir ro//
- 115b
sgo tha dad pa ni rigs kyi bu de bzhin gshegs pa la na chos snang ba'i sgo 'di 'dra ba mdza' yas par gyur te zhes bya ba yin no/ /mdzad pa tha dad pa ni mdzad pa mdza' yas shing zhes bya ba yin no/ /gong nas gong du brten pa tha dad pa ni 'brel pa mdza' yas bzheS bya ba yin te/ /de dag thob par bya ba'i phyir mngon par sgrub pa skyed cig ces 'byung ba'i phyir ro/ /chogs chung ba zhes bya ba ji lta bu zhe na/ khyod kyis ngad? kyi phyogs bcu'i sangs rgyas kyi zhing tshad med pa nyid la bltos te zhes bya ba ni 'jig rten gyi khams rab tu dbye ba ji ltar mthong ba lta bar sbyor ba'o/ /sems can tshad med pa nyid ces bya ba ni sems can gyi khams rab tu dbye ba'o/ /chos rnam par dbye ba tshad med pa nyid ces bya ba ni chos rab tu dbye ba ste/ de dag thams cad ji lta ba bzhin du khong du chud par gyis shig ces 'byung ba'i phyir ro/ /ci'i phyir tshegs chung ba nyid zhe na/ blta ba tsam zhig bya ba zad pa'i phyir ro/ /yang ci'i phyir ye shes nye bar sgrub? bar mdzad ce na/ de'i de nyid yongs su mya ngan las 'das par 'gyur te zhes bya ba ni/ de nye bar sgrub ba'i dgos pa yin te/ ye shes tshad med pa nye bar sgrub pa'i rgyu yin no/ /gnas pa de nyid kyi khyad par yongs su bstan pa yin no/ /grangs dang cha la sogs pa bshad pa ni mchamS sbyar bar rig bar bya'o/ zhes bya ba ni grangs ci zhe na/ cha gang yin pa'o zhes bya ba la sogs pa'o/ /mtshams sbyar ba ni mthun par sbyar ba ste/ gzhung gi sgo nas tha dad par 'jug pa'i tshig rnams don yi sgo nas gcig tu phyed pa'o/ /ji skad du 'phags pa blo gros mi zad pas bsam pa mi zad pa nyid las/ ma byas pa'i phyir bcos ma ma yin pa'o/ /zhes gsungs pa lta bu'o/ /sems can yongs su smin par bya ba la lus gang la gnas pa ni/ lus rnam par dbye ba tshad med pas
- 116a
byang chub sems dpa' i spyod ba'i stobs yang dag par 'grub ces bya ba yin na/ /bshad pa gang gis ni/ sgra skad mngon bar sgrub pa tshad med pa zhes bya ba yin no/ /ye shes la rton pa gang gis ni ye shes mngon par sgrub pa tshad med pa zhes bya ba yin no/ /skye ba yongs su 'dzin pa gang gis ni skye ba mngon par sgrub pa tshad med pa zhes bya ba yin no/ /zhing gang du ni zhing yongs su dag pa tshad med pa zhes bya ba yin no/ /sems can gang yongs su smin par byed pa ni bcu? yongs su smin par bya ba tshad med pa zhes bya ba yin te/ de lta bu ni sems can yongs su smin par bya ba'i dbang du byas pa yin no/ /sangs rgyas la mchod pa dang/ rim gro bya ba chad? med pa zhes bya ba ni bsod nams kyi tshogs so/ /chos kyi tshul khong du chud pa bar mad pa zhes bya ba ni ye shes kyi tshogs kyi dbang du byas pa ste/ de lta bu ni tshogs bsags pa'i dbang bu byas pa yin no/ /mngon par shes pa mngon par sgrub pa'i stobs bskyed pa tshad med pa dang/ 'khor gyi dkyil 'khor rnam par phye ba tshad med pa zhes bya ba ni mngon par shes pa la sgrib pa dang mngon par rdzogs par byang chub pa la sgrib pa sbyong ba ste/ de lta bu ni sgrib pa rnam par dag pa'i dbang du byas pa yin no/ /bcu chan 'di thams cad du yang tshad med pa'i skabs kyis na/ /lus dang ngag dang yid kyi las/ /tshad med pa dang ldan pa bshad/ /mi g.yo ba'i tshul gyis zhes bya ba ni rgyun mi 'chad par sogs zhes bya ba'i tha tshig go /gru chen dpe dang chos mthun pas/ /mngon shes myur ba'i rgyu nyid kyi/ /khyad par yongs su bstan pa'i phyir/ /lhun gyis grub par 'byung ba nyid/ /gnas pa'i khyad par thob ba na de lta bu yin no/ /sangs rgyas zhing rnam dag rnams kyi/ /rgyu ni rnam pa gsum du 'dod/ /dbang rnams thob par bya ba'i phyir
- 116b
rnam ba gsum gyis sbyor gang yin/ /ji lta zhe na/ /snod rnams la ni dbang ba yi/ /sbyor ba dang po yin par bshad/ /sems can 'jig rten dbang ba yi/ /gnyis pa yin par mngon bar brjod/ /ye shes rdzogs par byang chub la/ /dbang ba'i gsum pa yin par bshad/ /de la snang kyi 'jig rten la/ /dbang ba rnam pa lngar bshad do/ /gang 'dod pa dang ci 'dra dang/ /dus ni ji srid 'dod pa yang/ /de nyid de 'dra nyid dang ni/ /dus de srid du ston pa dang/ /bsdus dang rgyas pa ji lta bur/ /'dod pa bzhin du rab byed dang/ /ji snyed 'dod pa de snyed ni/ /blo dang ldan par ston pa'o/ /de la 'jig rten khams rnams kyi/ /'byung ba la sogs mthong ba dang/ de ni rnam pa dang po yi/ /sbyor ba yin par bshad pa yin/ /de la snod kyi 'jig rten la dbang ba rnam pa lngar bshad pa de'i rnam pa dang po ste/ gang 'dod pa de kun tu ston pa 'am mi snang bar byed pa zhes bya ba'i rnam pa de'i sbyor ba'o/ /'jig rten gyi khams 'byung ba la yang rnam par dpyad pa zhes bya ba la sogs pa gang gsungs pa 'di ni sbyor ba yin te/ sbyor ba 'dis gang 'dod pa de kun tu stan pa 'am mi snang bar byed pa zhes bya ba 'di 'grub po/ /la sogs pa ni rnam shes pa/ /gnyis pa yin zhes brjod pa yin/ /rnam pa gnyis pa ste/ ci 'dra ba 'dod pa de 'dra ba ston pa zhes bya ba 'di'i sbyor ba yin na/ /ji lta zhe na/ la sogs pa gang gis 'jig rten 'jig pa de yang rab tu shes so/ /las bsags pa gang gis 'jig rten 'chags pa de yang rab tu shes so zhes 'byung ba'i phyir ro/ /dus ji srid du 'jig la bgros/ /gsum pa'i yin par mngon par brjod/ /gsum pa ste dus ji srid du 'dod pa de srid pa ston pa zhes bya ba de yi'o/ /ji ltar na/ dus ji srid du 'jig rten 'jig pa de yang rab tu shes zhes hbya ba nas/ de bzhin du 'jig rten chags nas dus ji
- 117a
srid cig tu gnas pa yang rab tu shes so zhes bya ba'i bar 'byung ba'i phyir ro/ /sa la sogs la chung la sogs/ /yongs shes 'dod pa gang yin nas/ /mi yi lus kyi bar du ni/ /bzhi pa'i sbyor ba yin par 'dod// bzhi ba ste/ bsdus pa dang rgyas pa ji ltar 'dod pa bzhin du byed ces bya ba 'di'o/ /ji lta zhe na/ de sa'i khams chung ba yang rab tu shes so zhes bya ba nas/ de bzhin du mi'i lus kyi gnas kyi rdul bye brag gi rdul ji snyed yod pa de dag kyang rab tu shes zhes bya ba'i bar 'byung ba'i phyir ro/ /'dod pa'i khams la sogs pa la/ /'jig la sogs par mthong ba nas/ /zhing las mi g.yo'i bar gang yin/ /'di ni lnga pa'i sbyor ba yin/ /rnam pa lnga pa ste/ ji snyed 'dod pa de snyed ston par byed bya ba 'di'i sbyor ba yin no/ /ji lta zhe na/ de ltar rdul phra rab kyi rdul phra rab tu dbye ba shes pa la zhugs pa de 'dod pa'i khams 'jig pa yang rab tu shes so zhes bya ba nas/ sangs rgyas kyi zhing brjod du med pa rnams dang 'khor gyi dkyil 'khor rnams na yang snang bar 'gyur ba yin no zhes bya ba'i bar 'byung ba'i phyir ro/ /chung ba ni mnyam par ma bzhag pa'i sa pa'i rnam par shes pa'i yul te sa'i khams chung ba yang zhes 'byung ba'i phyir ro/ /chen por gyur pa ni mnyam par bzhag pa'i rnam par smin pa'i rnam par shes pa'i yul te/ rgya chen por gyur pa yang zhes gsungs pa gang yin pa'o/ /tshad med pa ni de bzhin gshegs pa'i yul te/ tshad med pa dang zhes gsungs pa gang yin pa'o/ /lus rags pa dang phra ba ni gzugs can dang gzugs can ma yin pa'i sems can rnams kyi lus te/ lus rags pa dang lus phra ba yang rab tu shes so zhes gsungs pa gang yin pa ste/ go rim bzhin no// //
- 117b
'di nyid rang dang spyi'i mtshan nyid rnam par dbye ba'i sgo nas lus rnam par phye ba yin bar shes par bya ste/ ji ltar na mtshan nyid kyis shes na rang dang spyi'i mtshan nyid rnam par dbye ba'i sgo nas ta zhes bya ba yin no/ /sems can rnams kyi lus rab tu dbye ba shes ba la mkhas pa dang lus rnam par dbye ba shes pa la mkhas pa ni rigs gzhan dang rang gi rigs kyi bye brag gis rig par bya'o/ /'khor gyi dkyil 'khor na sems can ci 'dra ba dag cig 'khod pa de 'dra ba de lta bu'i lus ston pa'o/ /re zhig snod kyi 'jig rten la dbang ba'i sbyor ba ni de lta bu yin no/ /sems can gyi 'jig rten la dbang ba'i sbyor ba ji lta bu zhe na/ de 'gug pa la dbang ba ste de'i sbyar ba ni/ de dag dang mthun pa'i lus dang semS ston ba'o/ /ji lta zhe na de sems can rnams kyi lus rnam par dbye ba dang zhes bya ba la sogs pa nas/ de bzhin gshegs pa'i sku dang kha dog dang gzugs rnam par dbye ba kun tu ston to zhes bya ba'i bar 'byung ba'i phyir ro/ /sems can gyi 'jig rten la dbang ba'i sbyor ba ni de lta bu yin no/ /ye shes mngon par rdzogs par byang chub pa la dbang ba'i sbyor ba ji lta bu zhe na/ de la don dam ye shas dang/ /kun rdzob shes par 'dod pa gang/ /ye shes mngon rdzogs byang chub la/ dbang ba'i sbyor ba nyid yin no/ /don dam ye shes gang yin ba/ /lus su rnam rtog bral ba dang/ /mtshan ni gzugs kyi lus kyis mngon par gsal bar byed pa nyid ces bya ba yin no/ /ji lta zhe na/ gzugs kyi go 'byed pa'i mtshan nyid yin pas gzugs kyis de mngon pa'i phyir ro/ /'di ni sangs rgyas kyi zhing rnam par dag par byed pa ye shes mngon par rdzogs par byang chub pa la dbang ba'i sbyor ba gsum pa ste/ sangs rgyas kyi zhing rnam par dag pa ni de lta bu yin no/ /de ltar rab
- 118a
tu sbyor pa na/ /gnod pa rnams kyi gnyen po ni/ /rnam bcu rnam par gnas pa'i phyir/ /dbang ni rnam pa bcu thob po/ /'chi ba'i gnod pa de'i gnyen por 'di ltar tshe la dbang ba 'thob pa zhes gsungs so/ /ji lta zhe na dbang de nyid bskal pa brjod du med pa'i yang brjod du med pa zhes bya ba la sogs pa tshig gnyis rab tu rnam par 'byed de/ de bzhin du gzhan la yang gnyis pa ni rab tu rnam par 'byed pa'i yan lag nyid yin par shes par bya'o// kun nas nyon mongs pa'i gnod pa'i gnyen por sems dbang 'thob po/ /lhag ma ni sbyar sla ba nyid pas rnam par mi dbye'o/ /ye shes kyis ni che ba nyid/ /'dir ni mi gnas lam nyid yin/ /don rnam gsum ni smos pa'i/ phyir/ /de nyid ye shes bsam mi khyab/ /ji lta zhe na/ ye shes bsam gyis mi khyab pa dang ldan pa yin zhes bya ba ni dgod pa'i tshig go /ye shes dpag tu med pa zhes bya ba ni/ bsgom pa khyad zhugs pa bsam gyis mi? khyab pa nyid do/ /ye shes shin tu rgyas pa zhes bya ba ni/ shes bya bsam gyis mi khyab pa nyid do/ /ye shes mi 'phrogs pa zhes bya ba ni mi mthun pa'i phyogs bsal ba bsam gyis mi khyab pa nyid do/ /las rnams kha na ma tho med/ /kun tu 'byung la sogs mtshan nyid/ /rgyu bzhi dag dang ldan pa'i phyir/ /las kyi che ba nyid du 'dod/ /lus kyi las dang dag gi las dang yid kyi las kha na ma tho ba shin tu med pa kun tu 'byung ba rab tu 'byung zhes bya ba ni las kyi che ba nyid do/ /kun tu 'byung bar byed pa dang/ /kun tu 'byung ba'i dus na zhes bya ba ni ye shes sngon du 'gro zhing ye shes kyi rjes su 'brang ba zhes 'byung ba'i phyir/ shes rab kyi pha rol tu phyin pas dbang byed pa zhes bya ba ni/
- 118b
kun nas nyon mongs pa med pa'i lam gyis so/ /snying rje chen po sngon du 'gro ba'i thabs la mkhas pas shin tu rnam par phye ba zhes bya ba ni sems can gyi don byed pa'i lam gyis/ /bdag dang gzhan gyi sbyor ba'i rgyu gnyis kyis zhes bya ba la smon lam gyis shin tu mngon par sgrub pa zhes bya ba ni bdag gi rgyus so/ /de bzhin gshegs pa'i byin gyis brlabs kyis shin tu byin gyis brlabs ba zhes bya ba ni gzhan pa'i sbyor ba'i rgyus so/ sems can gyi don dad sangs rgyas kyi zhing yongs su dag par bya ba dang/ sangs rgyas kyi chos yang dag par sbrub pa'i bya bas bya ba sgrub pa ste/ de ltar na kha na ma tho ba shin tu med pa nyid rgyu bzhis yongs su bstan pa yin no/ /nyon mongs pa kun tu 'byung ba thams cad dang bral ba'i phyir bsam pa'i stobs la shin tu gnas pa yin zhes bya ba ni mi mthun pa'i phyogs rnam par nyams pa'o/ /lam dang mi 'bral ba'i phyir lhag pa'i bsam pa'i stobs la shin tu gnas pa yin zhes bya ba gnyen po brtan pa'o// sems can don mi gtong pa'i phyir snying rje chen po'i stobs la shin tu gnas pa yin/ 'gro ba thams cad yongs su skyob pa'i phyir byams pa chen po'i stobs la shin tu gnas pa yin te/ de lta bu ni sems can la lta ba rnam pa gnyis so/ / brjed pa med pa'i chos dang ldan pa'i phyir gzungs kyi stobs la shin tu gnas pa yin zhes bya ba ni brjed pa med pa nyid kyi yon tan no/ /gzungs ni yi ge'i gzungs dang don gyi gzungs te de la shin tu gnas pa'o/ /brjed par mi 'gyur pas na brjed pa med pa nyid kyi yon tan no/ /spobs pa'i stobs la shin tu gnas pa yin no/ /ji lta zhe na/ sangs rgyas kyi chos thams cad rab tu rnam par 'byed pas rnam par dbye ba la mkhas pa'i phyir ro/ /de ltar na chos ston pa la
- 119a
spobs pa mi 'dor pa'i phyir spobs pa'i stobs la shin tu gnas pa yin te/ ngag phun sum tshogs pa'i yon tan no/ /mngon par shes pa'i stobs la shin tu gnas pa yin no/ /ji lta zhe na/ 'jig ten gyi khams mdza' yas pa'i spyod pa rnams kyi rnam par dbye ba tha dad pa nyid la mkhas pa'i phyir te/ sems phun sum tshogs pa'i yon tan no/ /byang chub sems dpa' i bya ba thams cad mi gtong ba'i phyir smon lam gyi stobs la shin tu gnas pa yin te/ rgyu'i yon tan no/ /sangs rgyas kyi chos thams cad yang dag par sgrub pa na pha rol tu phyin pa'i stobs la shin tu gnas pa yin pas sbyor ba'i yon tan no/ /rnam pa thams cad kun tu mkhyen pa'i ye shes mngon du gyur pa'i phyir de bzhin gshegs pa rnams kyi byin gyis brlabs kyis stobs gang yin pa de la shin tu gnas pa yin pas nye bar sgrub pa'i yon tan no/ /bya ba thams cad kyang kun tu ston la zhes bya ba ni so so'i skye bo nyon mongs pas thobs pa rnams kyis bya ba ji lta bu kun tu spyad pa dang/ kun tu spyod pa ltar byang chub sems dpa' yang de kho na bzhin du kun tu ston to zhes bya ba'i don to/ /de las sa 'og ma ba'i mngon par 'du byed ba'i gnyen por mi g.yo ba yin te mi 'phrogs pa'i phyir ro/ /theg pa dman par smon lam 'debs pa dang/ bdud kyi las dang nyon mongs pa kun tu 'byung ba'i gnyen por mi ldog pa yin te/ ye shes mi bzlogs pa'i phyir ro/ /de'i phyir nye ba'i nyon mongs pa rnam pa gnyis yin pa'i phyir nye ba'i nyon mongs pa'i gnyen po'o/ /zab pa nyid ni rnyed bar dka' ba'o/ /spyod pa rnam par dag pa ni gzhon nu'i sa'o/ /gnas pa rnam par dag pa ni skye ba'i sa'o/ 'jig rten 'das? ba'i? byas rnam par dag pa'i khyad bar ni yongs su grub pa'i sa'o/ /'jig rten las 'das
- 119b
pa'i de bzhin mnyam pa nyid thob pa dang/ rnam pa gnyis su rab tu bstan/ /'dis ni nyan thos dang rangs rgyas rnams dang thun mong ma yin pa'i don dam pa'i ye shes bshad pa yin no/ /ji lta zhe na/ de lus su rnam par rtog pa thams cad bal zhing lus mnyam pa nyid thob pas shes 'byung ba'i phyir ro/ /sems can lus la sogs shes pa/ /kun rdzob shes par 'dod pa yin/ /ji lta zhe na/ de sems can gyi lus kyang rab tu shes so zhes bya ba la sogs pa bcu chen 'dis bstan to/ /shes bya rnam gsung rnams gzhag pas/ /de ni rnam pa bcur dbye'o/ /sems can gyi lus rab tu shes so /zhing gi lus dang zhes bya ba sems can dang snod kyi 'jig rten dang/ las rnam par sman pa'i lus dang zhes bya ba de skye pa'i rgyu'i las kyis ni kun nas nyon mongs pa'i phyogs su rig par bya'o/ /nyan thos dang rang sangs rgyas dang byang chub sems dpa' dang/ de bzhin gshegs pa'i sku rnams kyis theg pa gsum rnam par bzhag pa'i phyir/ rnam par byang pa'i phyogs ni tshig bzhis bstan to/ /theg pa gsum po de yang ye shes kyi lus dang ye shes bya ba ye shes gang dang/ chos kyi lus dang zhes 'byung ba'i phyir chos gang gis? rab tu phye ba'o/ /nam mkha' i lus kyang rab tu shes bya ba ni gnyi ga ma yin pa'i phyogs/ /snod kyi 'jig rten la dbang ba nas/ ye shes mngon par rdzogs par byang chub la dbang ba'i par gyi dbang de dang/ de la bya ba sgrub pa'i sbyor ba mtshungs pa nyid yongs su bstan te/ 'bras bu sgrub pa'i sbyor ba mtshungs pa nyid ces bya ba'i tha tshig go /sems can gyi lus rnams la las kyi kun nas nyon mongs pa'i bye brag? ni las kyi lus nyid kyang rab tu shes so zhes 'byung ba'i phyir ro/ /skye ba'i kun nas nyon mongs pa'i bye brag ni rnam par smin pa'i lus zhes bya ba yin no/ /nyon mongs pa'i kun nas nyon mongs pa'i bye brag ni nyon mongs pa'i lus nyid
- 120a
bya ba yin zhes bya ba'o/ /gzugs can dang gzugs can ma yin pa'i bye brag ni gzugs kyi lus nyid kyang rab tu shes so zhes bya ba la sogs pa yin no/ /chung du nyid ni stong gi 'jig rten gyi khams kyi bye brag go /rgya chen por gyur pa nyid ces bya ba ni stong gnyis pa'i bye brag go /tshad med pa nyid ces bya ba ni stong gsum gyi bye brag go /kun nas nyon mongs pa nyid dang rnam par dag pa nyid ces bya ba ni 'jig rten gyi khams kun nas nyon mongs pa can dang/ nyon mongs pa can ma yin pa'i bye brag go /rnam par dbye ba smos pa ni rang dang spyi'i mtshan nyid rab tu dbye ba bshad pa yin no/ /brda smos pa ni brda tsam nyid de tha snyad tsam nyid ces bya ba'i tha tshig go /ci'i phyir zhe na/ gang zag med pas te/ slob dpon gyis kyang las kyi rnam par smin pa dang zhes bya ba la sogs pas de kho na bzhin rnam par phye ba yin no/ /de bzhin gshegs pa'i sku rnams la ji ltar mngon par rdzogs par byang chub pa ston pa ni mngon par rdzogs par byang chub pa'i sku nyid kyang rab tu shes zhes 'byung ba'i phyir ro/ /byang chub tu smon lam btab nas dga' ldan du skyes pa ni smon lam gyi sku nyid ces bya ba yin no/ /sprul pa gang yin pa ni sprul pa'i sku nyid ces bya ba yin no/ /rang gi sku gdung gi ring bsrel byin gyis brlabs pa gang dag yin pa ni byin gyis rlabs kyi sku nyid ces bya ba yin no/ rnam par smin pa'i sku dang yin pa ni gzugs dang mtshan dang dpe byad bzang po'i rgyan gyi sku nyid ces bya ba yin no/ /'od zer gang gis ni 'od kyi sku nyid ces bya ba yin no/ /'jig rten dang 'jig rten las 'das pa'i sems rnam par grol ba thun mong ba gang yin ba ni nyid kyi sku nyid ces bya ba yin no/ /mngon par mtho ba'i rgyu thun mong ma yin pa gang yin pa'i bsod nams kyi sku nyid ces bya ba yin no//
- 120b
de bzhin gshegs pa rnams kyi zag pa med pa'i khams gang yin pa ni chos kyi sku nyid ces bya ba yin no/ /chags pa med pa'i ye shes gang yin pa ni ye shes kyi sku nyid ces bya ba yin no/ /shes pa'i lus rnams thos pa dang bsam pa las byung ba'i bye brag ni shes pa'i lus rnams kyi shin tu dpyad pa nyid kyang rab tu shes so zhes 'byung ba'i phyir ro/ /bsgoms pa las byung ba'i shes pa'i bye brag ni ji lta ba bzhin du nges par rtog pa nyid ces bya ba yin no/ /'bras bu dang zhugs pa'i bye brag ni 'bras bu dang sbyor bas bsdus pa nyid ces bya ba yin no/ /'jig rten pa la sogs pa'i bye brag ni 'jig rten pa dang 'jig rten las 'das pa'i bye brag ni 'jig rten pa dang 'jig rten las 'das pa rnam par dbye ba nyid ces bya ba nas de bzhin du slob pa dang mi slob pa nyid kyang rab tu shes so zhes bya ba'i bar 'byung ba'i phyir ro/ /chos kyi lus rnams la chos nyid gcig pas brjod pa ni chos kyi lus rnams kyi mnyam pa nyid ces bya ba yin no/ /ji skad thos pa bzhin du 'dzin pa ni mi 'khrugs pa nyid ces bya ba yin no/ /gdul bya rnams kyi dbang po la sogs pa'i gnas skabs dang mthun pa'i 'du shes dang 'chad pa rnam par bzhag pa'i gnas skabs dang brda kun rdzob tu rnam par bzhag pa nyid ces bya ba yin no/ /dbang po dang bcas pa dang dbang po med pa'i mtshan nyid rnam par bzhag pa ni sems can dang sems can ma yin pa'i chos rnam par bzhag pa nyid ces bya ba yin no/ /mchog gi mtshan nyid rnam par bzhag pa rab tu shes pa sangs rgyas dang chos dang 'phags pa'i dge 'dun rnam par bzhag pa nyid kyang rab tu shes so zhes 'byung ba'i phyir ro/ /nam mkha' i lus rnams la mdza' yas pa'i mtshan nyid du rab tu shes so zhes bya ba ni nam mkha' i las rnams kyi tshad med pa nyid kyang rab tu shes so
- 121a
zhes bya ba yin no/ /khyab pa'i mtshan nyid ni thams cad du song ba nyid ces bya ba yin no/ /bstan du med cing thogs pa med pa'i mtshan nyid ni lus med pa nyid ces bya ba yin no/ /'dus ma byes pa'i mtshan nyid ni nor pa med pa nyid ces bya ba yin no/ /rang gi 'dus byas rnam par dag pa'i khyad par ni yongs kyi mthar thug pa'i sa'o/ /de gnyi ga'i zhes bya ba ni 'jig rten pa dang 'jig rten las 'das pa bshad ma thag pa'i 'bras bu 'dus ma byas bral ba zhes bya ba gang yin pa de rnam par dag pa'i khyad par te mya ngan las 'das pa'i sa'o/ /khyad par ni mi gnas pa nyid yin pas slob dpon nyid kyis sngon gyi smon lam gyi dbang gis zhes bya ba la sogs pas bstan to/ /sa drug pa la khyad zhugs pa ni brten pa'i sa zhes bya ste/ sa drug pa la byang chub sems dpa' 'dis shes rab kyi pha rol tu phyin pa la gnas pa sngon du gyur pas mngon par 'du byed pa med pa la mngon pa dga' ba thob pa gang yin pa de sa bdud? pa la 'jug pa'i tshe spong bas de 'khrugs pa yin no/ /'di'i mtshan ma med pa kun tu 'byung ba gang yin pa de ni de ltar sa dgu pa la 'jug pas spangs te 'khrug pa ma yin gyi 'on kyang mtshan ma med pa kun tu 'byung ba ma spangs pa kho nar sa dgu pa thob pa'i phyir ro/ /bdun pa yang 'bad pa bcas pa yin no/ /'di ni sngon gyi mdza' mngon par bsgrubs pas lhun gyis grub pa'i sa zhes bya ste/ sa 'di la ni sngon mngon par bsgrubs zin pa nyid pas thams cad lhun gyis grub par 'jug go /byang chub sems dpa' i sa'i khyad par ni de lta bu yin no/ /gang zag gis ni byas pa yi/ /des tshig blo dang ldan pa de/ /don gang gis ni mi g.yo ba'i/ /sa 'thob bstan pas de bshad do/ /gcig tu mi g.yo nyid dang ni//
- 121b
gcig tu nyid las mi g.yo dang/ /rgyu gnyis dag gis des pa'i tshig/ rnam par bzhag par bshad pa yin/ /mi g.yo ba rnam pa 'di gnyi ga yang/ sangs rgyas kyi rigs kyi rjes su sang ba'i rgyus 'gyur ro/ /ji lta zhe na/ sangs rgyas kyi rigs kyi rjes su song pa zhes 'byung ba'i phyir ro/ /yon tan yongs su 'dzin pa sangs rgyas kyi yon tan shin tu snang par gyur pa zhes 'byung ba'i phyir ro/ /sgrub pa ni de bzhin gshegs pa'i spyod lam dang? spyod pa'i? spyod pa'i rjes su song? ba zhes F'byung ba'i phyir ro/ /nye ba ni sangs rgyas kyi yul mngon du gyur pa zhes 'byung ba'i phyir ro/ /de la gcig tu mi g.yo ga /rtag tu de bzhin gshegs rnams kyi/ /legs par byin brlabs las shes bya/ /yon tan lnga pa'o dbang du byas rtag par rgyun tu de bzhin gshegs pa'i byin gyis brlabs kyis shin tu byin gyis brlabs pa yin zhes 'byung ba'i phyir ro/ /mchod pa'i yon tan ni brgya byin la sogs pas bsdu ba'i phyir ro/ /kun tu bsrung ba'i yon tan ni lag na rdo rje rnams phyi bzhin 'brang ba'i phyir ro/ /rten gyi yon tan ni ting nge 'dzin gyi stobs kyis ma btad pa'i phyir ro/ /zhing yongs su dag pa'i yon tan ni zhing gi lus rnams kyi rnam par dbye ba tshad med pa mngon par bsgrubs pa'i phyir ro/ /semS can yongs su smin par byed pa'i yon tan ni de yang rnam pa lngas rab tu dbye ste/ bsams bzhin du skye ba yongs su 'dzin pa ni lus thams cad mngon par 'grub pa'i spyod pa'i stobs gang yin pa de dang ldan pa'i phyir ro/ /dbang po dang bsaM pa dang bag la nyal shes par nus pa ni mngon par shes pa chen pa'i rnam par smin pa yongs su grub pas so/ /chos kyi tshal la gzung pa'i phyir chos mdza' yas pa rnams 'dzin nus pa ni ting nge 'dzin mdza' yas pa la
- 122a
dbang byed pa'i phyir ro/ /len par nus pa ni lung bstan pa tshad med pa yang dag par nod ba yin zhes 'byung ba'i phyir ro/ /ston pa'i nus pa ni 'gro ba ji ltar smin pa bzhin du mngon par rdzogs par byang chub pa ston par byed pa'i phyir ro/ /de la theg chen la zhugs pas/ /gcig pa nyid las mi g.yo ba/ /dkyil 'khor don ni mi phyed don/ /rnam pa dgu yis rab tu bstan/ /theg pa chen po'i dkyil 'khor du zhugs pa zhes 'byung ba'i phyir ro/ /shin tu rnam par dpyad pa'i ye shes kyi mngon par shes pa chen po dang ldan zhes bya ba ni ye shes mi phye ba yin no/ /rtag par rgyun du shes rab kyi snang ba'i 'od zer rab tu gtong ba zhes bya ba ni bshad pa mi byed pa yin no/ /chos kyi dbyings chags pa med pa'i lam du zhugs pa zhes bya ba ni rnam par grol ba mi phyed pa yin no/ /'jig rten gyi khams kyi las rnam par dbye ba la mkhas pa zhes bya ba ni zhing yongs su dag pa mi phyed pa yin no// yon tan gyi rnam pa thams cad yang dag par stan pa zhes bya ba ni theg pa chen po la 'jug pa mi phyed pa yin no/ /rang gi sems bskyed pa la dbang byed pa zhes bya ba ni/ mngon par shes pa mi phyed pa'o/ /sngon gyi mdza' dad phyi? ma'i mdza' shin tu rtogs pa'i ye shes can zhes bya ba ni dri ba lan 'debs par nus pa mi phyed pa yin no/ /bdud kyi lam thams cad kyi 'jug pa dang ldog pa shes pa dang ldan pa zhes bya ba ni byang chub kyi snying po la 'dug pa mi? phyed pa yin no/ /de bzhin gshegs pa'i yul dang spyod yul thams cad kyis su? zhugs pa zhes bya ba ni/ mngon par rdzogs par byang chub pa mi phyed pa'o/ /de bzhin gshegs pa de dag la bsnyen bkur byed cing zhes bya ba ni ?
- 122b
ched khyad par du 'phags pa mnyam pa'i phyir ro/ /'jig rten gyi khams rnam par dbye ba sngon du 'gro ba zhes bya ba ni bsnyen bkur byed pa'i dgos pa bstan pa'o/ /dper na gser gyis le sbram zin par byas te/ 'dzam bu gling gi bdag po'i mgul lam mgo la btags na rten khyad par du 'phags pa'i phyir zil gyis mi non par 'gyur pa de bzhin du sa 'di la gnas pa'i byang chub sems dpa' i dge ba'i rtsa ba rnams kyang zil gyis mi non par 'gyur ro/ /sa 'di rgyu ni bzhi dag gis/ /rnam par bzhag par/ 'dod pa ste/ /smra ba po yi rtsol ba rnams/ /phun tshogs bzhag pa dang po yin/ /gnyis pa bshad pa'i dbang byas nas/ /ye shes phun sum tshogs pa yin/ /spyod pa la 'jug gsum pa ste/ /bzhi pa bshad pa rnams kyi phyir/ /brgyad pa la ni ye shes kye/ /las mngon bsgrubs pas zhing sbyang ba/ /bsgrubs nas sa ni dbu pa la/ /sems can don bya rnams la sbyor/ /gzhan gyi don ni gzugs med pa rnams la thar par 'du shes pa'i gdul bya rnams kyi dbang du byas pa'o/ /ji lta zhe na/ de ltar ye shes tshad med pas rnam par dpyad pa'i blos yang rnam par thar pa zhi ba gong ma rnams shes par byed ces bya ba ni 'byung ba'i phyir ro/ /bdag gi don ni sangs rgyas kyi ye shes mthong ba'i dbang du byas pa ste/ yang de bzhin gshegs pa'i ye shes gong ma ma rdzogs pa la rnam par spyod ces 'byung ba'i phyir ro/ /gcig gis na de lta bu yin no/ /de bzhin gshegs pa'i gsang ba'i rjes su 'jug par bya ba la 'jug ces bya ba ni byang chub sems dpa' yongs su smin pa dag gi dbang du byas pa'o/ /ye shes bsam gyis mi khyab pa'i che ba nyid rab tu rnam par 'byed ces bya ba ni/ tshul bzhin ma yin pa sems pa la sbyor ba'i gdul bya rnams kyi dbang du byas pa'o/ /gzungs dang ting nge 'dzin rab tu rnam par 'byed pa
- 123a
yongs su sbyong zhes bya ba ni mi shes pa dag chos kyi chul bstan pas shes par bya ba rnams kyi dbang du byas pa'o/ /mngon par shes pa rgya chen po mngon par sgrub ces bya ba ni/ skyabs ngan par zhugs pa rnams kyi dbang du byas pa ste/ mngon par shes pa rnams kyis dad par byas nas/ skyabs ngan pa las bzlog par byed do/ /'jig rten gyi khams rnam par dbye ba shes par byed ces bya ba ni mtho ris la mos pa rnams kyi dbang du byas pa ste/ zhing kho na la de lta bu'i yongs su dag pa kun tu bstan nas mtho ris la mos pa bzlog par byed do/ /lngas ni de lta bu yin na/ /de bzhin gshegs pa'i stobs la sogs pa sangs rgyas kyi chos mi'i phrogs pa yongs su sbyor bar byed ces bya ba ni mngon par rdzogs par byang chub pa'o/ /de bzhin gshegs pa'i chos kyi 'khor lo bskor bskor ba khyu mchog du gyur pa'i rjes su 'jug ces bya ba ni chos kyi 'khor lo bskor ba'o/ /snying rje chen po'i byin gyi brlabs 'thob pa mi 'dor zhes bya ba ni yongs su mya ngan las 'das pa ste/ sems can la lta ba dang bcas pas snying rje chen po'i byin gyis brlabs 'thob pa dang/ mi 'dor bar gnyis kyis yongs su mya ngan las 'das pa kun tu ston par byed do/ /gsum gyis ni de lta ba yin no/ /ye shes zhes bya rnam byang sogs/ /gong ma gong ma'i khyad par gyis/ /rnam pa bcur ni rab bstan pa/ /bshad pa yin par rnam shes bya/ /dge ba dang mi dge ba dang lung du ma lton pa'i chos mngon par 'du bya ba yang yang dag par ji lta ba bzhin du rab tu shes zhes bya ba ni rnam par byang ba dang kun nas nyon mongs pa dang/ gnyi ga ma yin pa'i chos rnams rab tu shes so zhes bya ba yin no/ /zag pa dang bcas pa dang zag pa med pa'i chos mngon par 'du
- 123b
bya ba zhes bya ba ni rnam par byang ba'i chos de dag kyang zag pa dang bcas pa dang zag pa med pa dag tu rab tu shes pa'o/ /'jig rten pa dang 'jig rten las 'das pa'i chos mngon par 'du byed pa'i chos mngon par 'du byar zhes bya ba ni zag pa med pa'i rnams kyang 'jig rten pa dang 'jig rten las 'das pa dag tu rab tu shes so/ /bsam gyi mi khyab pa dang bsam gyis mi khyab pa'i chos mngon par 'du bya ba zhes bya ba de de rnams kyang bsam du yod pa dang bsam gyis mi lang bdag tu rab tu shes pa'o/ /nges pa dang ma nges pa'i chos mngon par 'du bya ba zhes bya ba ni bsam du yod pa rnams kyang nges pa dang/ ma nges pa dag tu rab tu shes pa'o/ /nges pa dang ma nges pa de rnams kyang theg pa gsum pa dag la rab tu shes te/ mdo las ji skad 'byung ba bzhin no/ /'dus byas kyi chos mngon par 'du bya ba dang/ 'dus ma byas kyi chos mngon par 'du bya ba yang zhes bya ba na theg pa gsum po'i chos de dag kyang lam dang gnas gyur pas rab tu phye ba'i phyir 'dus byas dang 'dus ma byas kyis rab tu phye pa dag tu rab tu shes pa'o/ /sems can gyi sems kyi rgyu ba thibs po yang dag par ji lta ba bzhin du rab tu shes te zhes bya ba 'dis ni nyon mongs pa dang las kyi kun nas nyon mongs pa'i rten sems bstan to/ /nyon mongs pa'i rgyu ba thibs po zhes bya ba ni sems la brtan pa nyon mongs pa'i kun nas nyon mongs pa bstan te/ /las kya rgyu ba thibs po zhes bya ba 'das ni sems la brten pa las kyi kun nas nyon mongs pa bstan ta/ skye ba'i kun nas nyon mongs las/ /brtsams te dbang sogs rim pa yis/ /kun nas nyon mongs rnam byang bar/ /nges dang ma nges gnas skabs yin/ /mos pa la sogs pa ni dbang po la sogs pa dang mthun pa'i phyir zhes
- 124a
bya ba ni dbang po'i rgyu'i thibs po dang zhes bya ba nas gzung ste/ phung po gsum du rnam par gnas pa'i rgyu ba thibs po yang dag pa ji lta ba bzhin du rab tu shes zhes bya ba'i bar 'byung ba'i phyir ro/ /chung du dang 'bring dang chen po'i rnam pas dbang po dag ci 'dra bar 'gyur pa/ mos pa rnams kyang de kho na 'dra bar 'gyur te/ khams las sogs pa nas phung po gsum du rnam par gnas pa la thug pa'i bar du yang de dang 'dra bar brjod do/ /mang? ba gang yin pa de ni thibs po yin no/ /shes par mi nus pa'i don ni gting dpag dka' ba'i phyir ro/ /sems can rgyu ba thibs po zhes bya ba ni de sems can rnams kyi sems rnam pa tha dad pa yang dag pa ji lta ba bzhin du rab tu shes so zhes 'byung ba'i phyir ro/ /sems rnam pa sna tshogs pa nyid ces bya ba ni rab tu dbye ba'i mtshan nyid kyis so/ /sems skad cig gcig tu 'gyur ba dang 'jig pa dang mi 'jig pa nyid ces bya ba ni 'gyur ba'i mtshan nyid kyis/ /semS lus med pa nyid ces don dam pa'i mtshan nyid kyis so/ /sems mdza' yas shing thams cad du mang pa nyid ces bya ba ni rang gi mtshan nyid kyis so/ /sems 'od gsal ba nyid ces bya ba ni rang bzhin gyis kun nas nyon mongs pa ma yin pa'i mtshan nyid kyis so/ /sems kun nas nyon mongs pa dang bcas pa dang nyon mongs pa med pa nyid ces bya ba ni kun nas dkris pa dang bcas pa dang kun nas dkris pa med pa'i mtshan nyid kyis so/ /sems bcings pa dang rnam par thar pa nyid ces bya ba ni bag la nyal dang bcas pa dang/ bag la nyal ba med pa'i mtshan nyid kyis so/ /rgyu'i mtshan nyid kyis ni ji ltar byang chub sems dpa' rnams bsam bzhin du skye ba ni sems sgyu ma lta bur rnam
- 124b
par bsgrub pa nyid ces 'byung ba'i phyir ro/ /de ma yin pa'i sems can rnams rang gi las dag gis skye ba ni sems 'gro ba ji lta bu bzhin du nye bar gnas pa nyid ces 'byung ba'i phyir ro/ /ring du song ba zhes bya ba ni/ nyon mongs pa rnams srid pa'i rtse mo'i bar du rjes su 'brel pa'i phyir te/ nyon mongs pa rnams ring du song ba nyid ces gsungs pa gang yin pa'o/ /shes par dka' ba zhes bya ba ni dge ba la sogs pa la spyod ba mdza' yas pa tshad mi rtogs pa rnams mngon du 'gyur ba'i phyir te/ sbyor ba mdza' yas pa nyid ces gsungs pa gang yin pa'o/ /nyon mongs pa dang skye ba dang las kyi kun nas nyon mongs pa rnams kyis nyon mongs par byed pa ji ltar zhes bya ba ni/ gcig gi grogs su gcig gyur pas gcig gis gcig bskyed pa ni lhan cig skyes shing mi 'bral ba nyid ces 'byung ba'i phyir te/ nyon mongs pa dang skye ba dang las kyi nun nas nyon mongs pa rnams gcig gi grogs su gcig gyur par 'jug pa na phan tshun skyes par byed pa dag yin no/ /de yod na zhes bya ba ni bag la nyal yod na'o/ /de las mi 'grol ba'i phyir/ zhes bya ba ni kun nas dkris pa las mi 'grol pa'i phyir zhes bya ba'i tha tshig ste/ bag la nyal dang kun nas dkris pa don gcig pa nyid ces gsungs pa gang yin pa'o/ /gang bcings pa zhes bya ba ni sems te sems mtshungs par ldan pa ma yin pa nyid ces 'byung ba'i phyir ro/ /gal te sems de bar skabs su nyon mongs pa rnams kyis ma bcings na thar pa'i skabs yod kyi gzhan du ni ma yin no zhes yang dag par bstan pa'i phyir mtshungs par ldan pa ma yin pa smos so/ /lus kyi 'gro bas ni skye ba'i mtshams sbyor bar 'gro bas ji bzhin du nye bar gnas pa nyid ces 'byung pa'i phyir ro/ /khams
- 125a
kyi dbye bas ni khams gsum pa rnam par phye ba nyid ces bya ba yin no/ /sred pa dang ma rig pa dang lta ba'i zug rdu kha na ma tho ba chen po nyid ces bya ba ni rgyus te skye ba'i dun? nas nyon mongs pas nyon mongs pa nyid du yongs su bstan to/ /las rnam pa gsum gyi gzhi rgyun mi 'chad pa zhes bya ba la phyogs gsum po 'dod pas longs spyod pa'i phyogs de'i gzhi ni sred pa ste rgyu zhes bya ba'i tha tshig go /sdom pa med pa'i phyogs de'i gzhan ni ma rig pa'o// mu stegs can gyi phyogs de'i gzhi ni lta ba dang nga rgyal te gzhi 'di rgyun mi 'chad pa'i phyir ro/ /phyogs gsum po dag la thar pa'i bar du gcod pa'i las gyi rgyu yin pa'i phyir dang lus dang ngag dang yid kyi las 'khor ba dang mthun pa tshad med pa 'byung ba'i rgyu yin pa'i phyir las kyi kun nas nyon mongs pas kun nas nyon mongs par byed pa nyid du yongs su bstan to/ /'gro ba'i rgyu nyid rab tu dbye bas ni/ de las dge ba dang mi dge ba dang lung du mi ston pa nyid dag kyang yang dag pa ji lta ba bzhin rab tu shes te zhes 'byung ba'i phyir te/ dge ba dang mi dge ba dag ni bde 'gro dang ngan 'gro'i rgyu nyid yin pa'i phyir 'gro ba'i rgyu nyid yin no/ /bsams pa ni lus ngag gis las dag ste/ de gnyis kyis sems pa rnam par rig par byed pa'i phyir ro/ /sems pa ni yid kyi las so/ /de yang rnam par rig byed bzhin du rnam par rig par mi byed pas na rnam par rig byed ma yin pa ste/ rnam par rig byed dang rnam par rig byed ma yin pa nyid du gsungs pa gang yin pa'o/ /sems dang sems pa lhan cig skyes nas sems nyid bgos te sems dang tha mi dang par gyur pa'i 'bras bu mngon du 'grub par byed/ /de nyid kyi phyir 'di skad du sems dang lhan cig skyes shing tha mi dad pa zhes bya'o/ /rang
- 125b
gi rang gis rgyu med par skad cig la skyes ma thag tu 'jig cing rnam par 'jig cing 'phel ba dang mngon par 'phel bar 'byung ba dang/ mngon par 'du byas pas 'bad pas sgrub par bya ba'i las te/ ji lta zhe na/ rgyus rgyu'i dngos pos so/ /de'i phyir 'jig pa dang 'phel ba'i phyir 'bras bu la sogs pa dang mi sogs pa'i rab tu dbye ba yin te/ rgyu rang gi ngang gis skad cig tu 'jig cing 'phel la 'bras bu chud mi za zhing mtshams sbyor ba nyid ces 'byung ba'i phyir ro/ /tshul 'di nyid kyis 'bras bu chung mi za bar 'byin par yang shes par bya'o/ /lan grangs gzhan dang skyes nas myong bar 'gyur ba yang zhes bya ba ni rnam grangs gnyis pa'o/ /'bras bu ma smin pa dang smin zin pas rab tu dbye ba ni rnam par smin pa dang bcas? pa dang /rnam par smin pa med pa nyid ces bya ba yin te/ ma smin pa ni rnam par smin pa dang bcas pa'i phyir la smin zin pa ni rnam par smin pa med pa'i phyir ro/ /mi mthun pa'i phyogs dang gnyen po rab tu dbye ba ni gnyis ka ma yin pa nag po yang ma yin dkar po yang ma yin pa dang gnyi ga'i cha 'dren ma'i las yang dag par len pa rab tu dbye ba ste nag po zhes bya ba la sogs pa'i tshig gsungs pa gang yin pa'o/ /las nag po dang dkar po dag ni phyogs du ma las rab tu rnam par phye zin pa'i phyir te/ de gnyis yang dag par len pas so/ /mdo'i don ni tha dad pa zhes bya ba ni bral bo'o/ /sna tshogs ni 'dren ma nyid de/ de gnyis kho na dang zhes bya ba yin no/ /rkyen rab tu dbye ba ni/ las kyi zhing bdag pa'i rkyan kho na nyid kyang yin la rgyu'i rkyen nyid kyang yin par shes par bya ba ste/ las kyi zhing chad med pa nyid ces gsungs pa gang yin pa'o/ /khor zug du ma yin pa ni res 'ga' ba' o/ /khor zug ni gnyug ma'o/ /de gnyis rab tu dbye ba ste/ 'phags pa dang 'jig
- 126a
rten par rab tu rnam par bye ba nyid ces gsungs pa gang yin pa'o/ /gnas skabs gsum ni tshe 'di dang skyes pa dang lan grangs gzhan la zhes bya ba'o/ /der nges pa dang ma nges pa ste/ tshe 'di dang skyes pa dang lan grangs gzhan la myong bar 'gyur ba nyid ces gsungs pa gang yin pa'o/ /theg pa rnam pa gsum la nges pa dang ma nges pa nyid ni theg pa dang theg pa ma yin pa la nges pa dang ma nges pa zhes gsungs pa gang yin pa ste /thog pa ma yin par nges pa ni yongs su mi 'da' ba'i chos can rnams so/ /de ltar na nges pa dang ma nges pa rab tu dbye bas las rnams kyi rgyu ba thibs po yang dag par bstan pa yin te/ smras pa/ tshe 'di'i 'bras bu can dang ni/ /de bzhin tshe rabs gzhan 'bras dang/ /lan grangs gzhan gyi 'bras can dang/ /'bras bu gnas skabs nges pa yin/ /bshad pa'i snod rab tu dbye bas ni dbang po tha ma 'bring dang rab nyid kyang zhes 'byung ba'i phyir te/ dbang po dang mtshams par bshad pa 'jug pas so/ /snga ma 'phogs pa nyid ces bya ba ni de la dbang po sbyor ba na dbang po snga ma 'bogs pa nyid khyad par du 'phags pa nyid du 'pho ste/ 'di ltar dad pas rjes su 'brang ba sbyangs na lam gzhan la mthong bas thob par 'gyur ro zhes 'byung ba lta bu'o/ /de bzhin du dbang po gzhan yang sbyangs na mchog tu 'gyur ba'i phyir snga ma 'bogs pa nyid du rig par bya ste/ de ltar na sngon gyi mdza' dang phyi ma'i mdza' zhes bya ba'i sgo rnam par bkrol ba yin no/ /snga ma rnams las phyi ma rnams dma' ba dang khyad par du 'phags pa nyid dang zhes bya ba la de la dpa' ba nyid ni dper na chos kyi rjes su 'brang bas dad pas mos pa dang dus kyis rnam par grol ba lta bu'o/ /khyad par du 'phags pa nyid ni de nyid dang dad pas rjes su 'brang ba bas mthong bas thob pa dang/ dus dang mi sbyor bas rnam
- 126b
par grol ba dag lta bu ste/ gcig pa ni rtogs pas khyad par du 'phags la cig shos pas ni/ dbang po dang rtogs pas khyad par du 'phags so/ /'di ni tha dad pa zhes bya ba'i sgra 'brel ba yin te gcig tu gyur pa ma yin pa'i phyir tha dad la ni so so ba kho na yin no/ /mtshungs pa nyid ni dad pas rjes su 'brang ba bas dad pas mos pa dang dus kyi rnam par grol ba dag dbang po'i sgo nas mtshungs kyi rtogs pas ma yin pa dang/ chos kyis rjes su 'brang babs mthong bas thob dang dus dang mi sbyor bas rnam par grol ba dag snga ma bzhin pa lta bu ste/ de nyid kyi phyir snga phyi lam tha dad pa ma yin pa kho nas tha dad pa ma yin pa nyid ces bya ba ni sgra rnam par bshad pa yin no/ /theg pa gsum gyi rigs rab tu dbye ba ni/ rgya chen po dang 'bring dang tha ma nyid ces bya ba yin no/ /yid dang bde ba la sogs pa'i dbang po rnams kyi nyon mongs pa kun nas dkris pa nyid ni nyon mongs pa mngon du gyur pa nyid do/ /nyon mongs pa bag la nyal ba nyid ni sa bon gyi ngo bor gnas pa? nyid de nyon mongs pa dang lhan cig skyes shing tha mi dad pa nyid ces 'byung ba'i phyir ro/ /theg pa dang theg pa ma yin pa la nges pa dang ma nges pa dang yongs su smin par nges pa dang ma ngeS? pa nyid ces bya ba ni bshad pa nyid las gsal bar zad do/ /rten 'byung ba na skye mched drug po dag phan chun 'bral bar rjes su 'brang ba'o/ /myur du 'jig pa'i skyes ma thag tu 'jig pa'i phyir/ dmigs pa la 'gyur ba ni skyes pa dang bud med la sogs pa mtshan mar 'dzin pa ste dbang po'i dra ba'i rjes su 'brang ba dang myur du 'jig pa dang mtshan mar 'dzin pa nyid ces gsungs pa gang yin pa'o/ /lam gyi dbang gis mi mthun pa'i phyogs las rgyal ba'i don ces bya ba la lam smos pas ni kun shes pa la sogs pa'i dbang po gsum ston par byed de/ dbang
- 127a
po'i dbang gis mi rdzi ba nyid ces gsungs pa gang yin pa'o/ /phyir ldog pa ni sa gang las phyir ldog pa'i srid pa'o/ /phyir mi ldog pa ni gang las 'gal ba'i rkyen rnams kyis kyang mi bzlogs pa ste/ dbang po bzlog tu rung ba dang/ bzlog tu mi rung ba rab tu rnam par dbye ba nyid ces gsungs ba gang yin pa'o/ /sbyor ba las byung ba ni dad pa la sogs pa'o/ /rnam par smin pa ni mig la sogs pa'o/ /de gnyis smos pa ni ring du song ba dang lhan cig skyes pa rnam pa sna tshogs tha dad pa nyid ces 'byung ba'i phyir ro/ /bag la nyal ni rjes su 'brang ba'i don du rig par bya zhes bya ba ni rims nyin bzhi pa bzhin te/ bsam pa dang lhan cig skyes pa dang sems dang lhan cig skyes pa nyid kyang yang dag pa ji lta ba bzhin du rab tu shes te zhes gang gsungs pa ste/ sbyor ba las byung ba dang/ rnam par smin pa las rjes su 'brang ba'i phyir ro/ /gang du rjes su 'brang zhe na rnam par smin pa'i sems la te/ sems dang mtshungs par ldan pa dang mtshungs par ldan pa ma yin par dbye ba zhes gsungs pa gang yin pa'o/ /bag la nyal rnam par smin pa'i sems gang dang mtshungs par ldan pa de ni bsgo bar bya ba yin pa'i phyir la/ rnam par smin pa'i sems gang dang mtshungs par ldan pa ma yin pa de ni bsgo bar bya ba ma yin pa'i phyir ro/ /'o na go ji ltar de la rjes su 'brang zhe na des byas pa'i las rjes su 'brang pa'i phyir ro/ /bar chad med par rnam pa sna tshogs yun ring po nas rjes su 'brang ba ni ring nas rjes su zhugs pa zhes byung ba'i phyir ro/ /thog ma med pa'i dus nas ma brtsal ba nyid de ma brton pa dang/ de la yang rjes su 'brang ba'i phyir bsam gtan la sogs pa thams cad kyis kyang mi mjed pa nyid de 'di gnyis kyis na dam po nyid du rjes su 'brang
- 127b
ba yin no/ /khams gsum pa'i mtshams sbyor bar mtshams sbyor bas shin tu sbrel bar byed pa nyid dang/ thog ma med pa'i dus nas sems bcings par kun tu 'byung ba nyid dang skye mched kyi sgo nas rnam par rig pa 'byung ba nyid ces bya ba tshig gsum gyis ni go rim bzhin du khams dang sems dang yul thams cad du song bas rjes su 'brang pa bstan to/ /gnyen po yod pa'i don yin pa ni/ gnyen po thob pa rdzas su gyur pa nyid ces gsungs pa gang yin pa ste/ bag la nyal ni rnam par rtog pas kun nas bslang pa'i phyir ro/ /phra ba rjes su 'brang ba la skye mched drug la zhes bya ba ni de'i 'bras bu rnam par shes pa rnams la bya'o/ /nyon mongs pa'i bdag nyid bag la nyal gyi bdag nyid du mi phrad? pa kun nas dkris pa'i bdag nyid du ni ma phrad pa ste/ nyon mongs bag la nyal gyi bdag nyid dang kun nas bkris pa'i bdag nyid du gnas pa'i phyir te/ sa dang skye mched dang phrad pa dang ma phrad pa nyid ces gsungs pa gang yin pa'o/ /'jig rten las 'das pa ma yin pa'i lam gyis spangs par bya ba ma yin pa ni gzhan ma yin pa 'phags pa'i lam gyis gsal ba zhes gsungs pa gang yin pa ste/ gzhan ma yin pa ni 'phags pa'i lam mo skye ba'i rgyu ba thibs po rab tu dbye ba ni med las ji skad du 'byung bar zad pa'i phyir shes par sla'o/ /'bras bu 'byin par nye bar gnas pa dang nye bar mi gnas pa'i bye brag zhes bya ba la/ bag chags ni sa bon no/ /bag chags gang dag 'bras bu 'byin par kun tu 'byung bde dag ni nye bar btags pa ma yin pa'o/ /ji lta zhe na/ 'di ltar de dag ni 'bras bu dngos su mngon par sgrub pa'i phyir nye bar btags pa ma yin te dngos su sa bon nyid yin zhing bag chags nyid yin no/ /gang dag 'bras bu 'byin par nye bar mi gnas pa
- 128a
de dag ni btags pa'i bag chags nyid yin pas sa bon tshig ba bzhin du nye bar btags pa yin te/ bag chags rnams kyi nye bar btags pa dang nye bar btags pa yin pa nyid gsungs pa gang yin pa'o/ /'gro ba'i bag chags kyi bye brag gis zhes bya ba ni 'gro ba gang dang nyon mongs pa'i bag chags gang du 'brel ba des bsgos pa nyid ces de ston par byed do/ /sems can dang bsten pa'i bag chags kyi bye brag gis zhes gang smras pa ni seMs can ji lta bur gyur pa dag dang 'grogs pa'i rgyus spyod pa spyad pa des bsgos pa nyid ces bya ba yin no/ /bzo'i las kyi nyon mongs pa'i bag chags kyi bye brag gis zhes bya ba ni 'di skad du/ las ni 'dir bzo'i las yin gyi dge ba la sogS pa ni ma yin no/ /nyon mongs pa yang 'dir de bslab pa'i phyir yongs su dub pa yin gyi 'dod chags la sogs pa ni ma yin no zhes bshad pa yin te/ las ji lta ba bzhan du nyon mongs pa goms par byas pas bsgos pa nyid ces gsungs pa gang yin pa'o/ /las ni 'di yin gyi gzhan ni ma yin no zhes bya ba 'di la gtan tshigs ni dge ba la sogs pa'i las mjug thogs su ston pa yin no/ /bar ma do'i srid pa'i bag chags kyi bye brag gis ni bar ma don yod pa'i srid pa nges yang srid par 'gro ba ste/ de bzhin du mdo las 'byung bar zad do/ /'bras bu 'byin pa'i rim gyis bye brag gis zhes bya ba ni gomS pa gang yin pa dang zhes bya ba la sogs pas khong du chud par bya'o/ /'jig rten ba'i nges par 'byung ba'i bag chags kyi bye brag gis zhes bya ba ni nyon mongs pa'i rgyun mi 'chad pa ste/ de lta zhe na/ bag chags ring du song ba'i phyir ro/ /dus re zhig rnam par mnan pa'i phyir nyon mongs pa 'grib par byed pa ni
- 128b
yin te/ de bzhin du mdo las 'byung bar zad do/ /chos 'di pa rnams kyi thar pa'i tshogs kyi bag chags ni rdzas su gyur pa ste/ thar pa yang dag pa 'thob pa'i thabs yin pa'i phyir ro/ /gzhan mu stegs can rnams kyi ni de lta ma yin pas rdzas su ma gyur ba zhes bya'o/ /theg pa'i bag chags kyi bye brag gis ni mdo las ji skad 'byung bar zad pa'i phyir gsal /yongs su mya ngan las 'da' ba' i chos can rnams ni theg pa gsum la gcig tu nges pa ste/ sems can gyi tshogs yang dag pa nyid du nges pa nyid ces gsungs pa gang yin pa'o/ /yongs su mya ngan las mi 'da' ba' i chos can rnams ni/ log pa nyid du nges pa'i phyir/ /gcig tu ma nges pa yin te/ /log pa nyid du ngeS pa nyid ces 'byung ba'i phyir ro/ /de gnyis kar ma ngeS pa nyid ni gang dag rkyen ji lta ba bzhin du de? pa dang daM pa ma yin pI choS mnyan pa'i rgyus theg pa gsum la gcig tu nges pa'am gcig tu ma nges pa gcig tu sgrub par 'gyur ba ste/ gnyi gar ma nges pa nyid ces 'byung ba'i phyir ro/ /legs par spyad pa dang nye bar sbyar ba'i rgyu'i bye brag gis ni yang dag pa'i lta bas yang dag pa la nges pa nyid dang zhes bya ba dang log par lta bas log pa la ngeS pa nyid dang de gnyi ga dang bral paS gnyi gar ma nges pa nyid kyang zhes 'byung ba'i phyir te/ yang dag pa'i lta bas ni yang dag pa nyid du nges la/ log par lta bas de dang 'dra'o/ /ngan 'gro'i rgyu'i bye brag gis ni/ mtshams med pa lnga po dag gang yang rung ba zhig tu log par nges pa ste/ log pa kho na log pa nyid yin la der nges pa'i phyir ro/ /bde 'gro'i rgyu'i bye brag gis ni dad la sogs pa dbang po lnga la yang dag par nges pa'i phyir te/ 'dir yang yang dag pa kho na yang dag pa nyid yin no/ /de gnyi ga dang bral bas nges pa med pa nyid yin no/ /mi dal bar skye ba brgyad du log par nges pa ni mu stegs can rnams so/ /yang dag par mya ngan las 'das pa la yang dag par nges pa nyid ni 'phags pa nyan
- 129a
thos rnams so/ /yang byar med pa ni log pa nyid dang/ yang dag pa nyid dag dang/ go rim bzhin te spangs zin pa'i phyir dang/ thob zin pa'i phyir zhes bya ba'i tha tshig go /nges pa med pa ni snga ma bzhin no/ /ser sna ma bzlog pas don du gnyer ba'i sems can rnams pa yal bar 'dor ro/ /phra dog ma bzlog pas sems can gzhan dag 'byor par mi 'dod do/ /ngan pa nye bar spyod pa ma bzlog pas gzhan dag la sdug bsngal nye bar bsgrub ste/ ngan pa ni smad pa'o// de spyod pa ni yul te sems can la gnod par zhugs pa'i lus dang ngag gi las dag go/ de gnyis ni dam pa rnams kyis smad par bya ba yin pa'i phyir te/ de'i phyir tshul 'dis byang chub sems dpa' log pa nyid du nges pa yin/ /rgyu gnyis pa bshad pa sgrub pas ni yang dag pa nyid du nges par 'gyur te/ 'phags pa bla na med pa'i lam sgom pa nye bar sgrub pas yang dag par nges pa nyid ces 'byung ba'i phyir ro/ /gnyi ba med pas ma nges pa yin te/ de bzhin du mdo las 'byung bar zad do/ /spyod pa la 'jug pa phun sum tshogs pa de lta bu yin no/ /ci zhig shes nas ston ce na/ /rnam grol snod ces bya ba dang/ /rnam par grol ba'i mtshan nyid dang/ /theg pa gsum po rab ston phyir/ /rnam grol rab tu dbye ba'o/ /yongs su smin par gyur pas zhes bya ba la yongs su smin pa ni mi mthun pa'i phyogs bsal ba ste/ rma yongs su smin pa bzhin no/ /skal pa dang ldan pa nyid du byed pas gnyen po skyed pa ste/ zas yongs su smin pa bzhin no/ /'dul bas zhes bya ba ni/ sems can rnams 'dul ba'i rgyu nyon mongs pa dang nye ba'i nyon mongs pa dag 'dul bar byed pa ste/ de'i rang bzhin ni de dag nye bar zhi ba yin pa'i phyir ro/ /gdul bya rnams kyi snang brtags nas/ /gnyen po nye bar ston pa'i
- 129b
phyir/ /dbang du byas nas bshad pa ni/ /tshig bcu dag gis shes par bya/ /rnam par dbye ba ni gnyen po'i bye brag ste/ /de yang bsam pa ji lta ba dang/ /bag la nyal ji lta ba zhes bya ba yin no/ /gnyis kyis ni gnyen po bstan pa'i snod nyid 'os nyid kyis dbang du byas nas zhes bya ba yin no/ /dbang po dang mos pa dang mthun pa'i dbang du byas nas chos ston pa'i phyir spyir chos bshad pa'i snod nyid yin te de yang tshig gnyis kyis bstan to/ /gang la dpe nye bar bsgrubs pa gang gi don gnyug ma gong btub pa de de la nye bar bsgrubs pa ste/ spyod yul ji lta ba rnam par dbye ba shes pa nye bar sgrub pa zhes gsungs pa gang yin pa'o/ /spyod yul ni yul lo/ /de yang grags pa yin gyi ma grags pa ni ma yin pas dpe yin te/ bsgrub par bya ba la de rnam par dbyer bas shes pa nye bar sgrub pas so/ /rnam grangs gang gis don gang go bar 'gyur ba de'i snod kyi dbang du byas pa ste/ spyod yul thams cad shes pa khong du chud par bya ba zhes gsungs pa gang yin pa'o/ /rnam grangs gang gis yul la sogs pas tha dad pa'i sems can thams cad kyi dngos po spyod yul du 'gyur ba de shes pa khong du chud par bya ba'o/ /brjod par 'dod pa'i don ji snyed pa thob pa'i snod du rung ba de'i dbang du byas pa khams kyi thibs po ji lta ba bzhin du nye bar dpyod pa dang ldan pa zhes gsungs pa gang yin pa ste/ khams ni rigs yin no/ /shes par dga' ba'i phyir de nyid thibs po yin no/ /de'i nye bar dpyod pa ni rnam par 'byed pa ste/ bye brag tu shes pa'o/ /de dang ldan pa ste/ de'i phyir rigs khong du chud pa'i phyir de dang 'tsham pa'i chos bstan pas thob par rung ba nyid do/ /tshig gzung bar 'os pa nyid ces bya ba ni skye bar nyon mongs dang las kyi bag chags ji lta ba bzhin rjes su 'jug ces gsungs pa gang yin pa'o/ /ji lta zhe na/ skye ba
- 130a
de dang der nyon mongs pa dang las kyi bag chags dang mthun par byed pa ste/ mthun pa nyid du sgrub pas ni tshig gzung bar 'os par 'gyur ro/ /de lta ma yin na mi shes pa'i ngo bo chos ston par byed pa 'di su zhig ces zer te/ de ltar mi 'gyur ro/ /nges pa dang ma nges pa'i dbang po rnam par bzlog pa ni tshogs ji lta bu la gnas pa khong du chud par bya ba zhes gsungs pa gang yin pa ste/ log pa nyid kyi tshogs la nges pa rnam par bzlog pa ni dper na bcom ldan 'das 'jam pa'i dbyangs kyis ma skyes dgya'i 'gyod pa bsal nas/ las bsrabs pas ngan song rnams las rnam par bzlog pa lta bu'o/ /ma nges pa rnam par bzlog pa ni yang dag pa nyid pa 'god pa'i phyir// theg pa ji lta bus nges par 'byin pa'i snod nyid ces bya ba ni theg pa ji lta bu la mos pas rnam par grol ba thob par bya bas chos ston to zhes gang gsungs pa gang yin pa'o/ /rnam pa nyi shus gtam brjod pa ji lta bu zhe na/ dus dang gus par byed pa dang/ go rim dang/ mtshams sbyar ba dang/ mthun par ldan pa dang/ dga' bar byed pa dang/ mos par byed pa dang/ tshim par byed pa dang/ brtun ngas par mi byed pa dang/ g.yel bar mi byed pa dang/ rigs pa dang/ mthun pa dang ma 'dres pa dang/ chos dang ldan pa dang/ 'khor ji lta ba dang/ byams pa'i sems dang ldan pa dang/ phan pa'i sems dang ldan pa dang/ snying brtse ba'i sems dang ldan pa dang/ rnyed pa dang bkur sti dang tshigs su bcas pa rnams la mi gnas pa dang/ bdag la mi bstod cing gzhan la mi smod pa'o/ /de la dus ni mi khom pa brgyad dang ma 'brel ces bya ba'i tha tshig ste/ dper na mya ngan gyis gdungs rims btab 'khrugs pa yul la mngon phyogs rnam par nyam par gnas/ /sgo ba med
- 130b
cing srung ma med dang phrad ma zhugs dang sgrub pa med pa yi/ /rgyal po la ni yul dus shes pa ji ltar rang don brjod par mi 'dod ltar/ /sems kyi rgyal po mi khom brgyad dang 'brel ba yin ni tshul ni de nyid do/ /bshad pa lta bu'o/ /gus par byed ces bya ba ni mthun pa'i spyod lam gyis gnas pa yin gyi/ /mi mthun pas gnas pa la ma yin te/ ji lta bu zhe na/ min par 'dug pa la 'greng ste/ chos mi bshad par bslab par bya'o zhes bya ba la sogs pa lta bu'o/ /go riM? zheS bya ba ni tshig dang yi ge gang ji lta ba bzhin du ston pa'o/ /mtshams sbyar ba zhes bya ba ni go rim bzhin kho nar don gyi sgo nas kyang rnam par 'byed pa'o/ /mthun par ldan zhes bya ba ni don dang ldan par chos ston gyi don dang mi ldan par ma yin pa'o/ /dga' bar byed ces bya ba ni yang dag par bstan par bya ba rnams la yang dag par ston pa'o/ /mos par byed ces bya ba ni yang dag par 'dzin du gzhug par bya ba rnams la yang dag par 'dzin du 'jug pa'o/ /tshim par byed ces bya ba ni yang dag par gzengs bstod par bya ba rnamS la yang dag par gzengs bstod pa'o/ /brtun ngas? par mi byed pa dang g.yel bar mi byed ces bya ba rnam pa 'di gnyis kyis ni yang dag par dga' bar bya ba rnams yang dag par dga' bar byed pa'o/ /rigs pa zhes bya ba ni mngon sum dang rjes su dpag pa dang/ yid ches pa'i lung gi tshad ma dang ldan pa'i gtam zer ba'o/ /mthun pa zhes bya ba ni bde 'gror 'phro ba dang rjes su mthun pa'o/ /ma 'dres pa zhes bya ba ni ma 'khrugs pa gzing gzing ba ma yin pa'o/ /chos dang ldan pa zhes bya pa ni/ 'phags pa'i bden pa bzhi dang ldan pa'o/ /'khor ji lta ba zhes bya ba ni 'khor bzhi 'am brgyad de/ gang la ji ltar gtam gang 'os pa de la de ltar brjod pa'o/ /re zhig rnam pa bco lnga po 'di dag gis ni byang chub sems dpa' gzhan gyi
- 131a
don rnam pa thams cad dang ldan pa'i gtam du shes par bya'o/ /de'i 'og tu byams pa'i sems dang ldan pa zhes bya ba ni gnod par byed pa'i sems can rnams la'o/ /phan pa'i sems dang ldan pa zhes bya ba ni nyes par spyad pa spyod pa'i sems can rnams la'o/ /snying brtse ba'i sems dang ldan pa zhes bya ba ni bde ba dang sdug bsngal gyis rgyags pa dang/ sro shi ba rnams la'o/ /mi gnas pa zhes bya ba mi rnyed pa dang bkur ste dang tshigs su bcad pa thams cad la re ba med pa zang zing med pa'i sems kyis so/ /bdag la mi bstod cing gzhan la mi smod ces bya ba ni nga rgyal gyi phrag dog gis kun nas dkris pa dang bral bar sems can rnams la chos ston pa ste/ rnam pa lnga po 'di dag gis ni byang chub sems dpa' i rang gi sems yongs su dag pa'i gtam du shes par bya'o/ /so so yang dag rig bsdus phyir/ /ngag ni phun sum tshogs zhes bya/ /sems can don du dag 'jug ste/ /de yang ma 'dres ston pa yi/ /rtag par zhes bya ba ni rgyun mi 'chad par zhes bya ba'i tha tshig go /rgyun tu yang dag par 'byung ba zhes bya ba'i tha tshig ko /ma 'dres pa dag ces bya ba ni nyan thos dang rang sangs rgyas thams cad dang/ thun mong ma yin pa rnams zhes bya ba'i tha tshig go /bzhi gang zhe na/ 'di lta ste/ chos so so yang dag par rig pa dang/ don so so yang dag par rig pa dang/ nges pa'i tshig so so yang dag par rig pa dang/ spobs pa so so yang dag par rig pa'o/ /so so yang dag par rig pa 'di rnams kyi yul la chos nyid ni/ chos kyi ngo bo nyid chos kyi rigs yongs su bsdus pa ste/ gzugs kyi mtshan nyid ni/ gzugs su rung ba'o zhes bshad pa lta bu'o/ /'dis ji ltar mdza' gnyis spangs pa nyid bshad pa
- 131b
yin zhe na/ gzugs la sogs pa na de lta bu yin no zhes mtshan nyid mi 'dra ba brjod pas kha cig gis gzugs la sogs pa la bdag tu sgro btags pa gang yin pa de bsal to/ /med pa la mtshan nyid med pas skur pa 'dabs pa'i mdza' yang 'di nyid kyis bsal to/ /chos nyid spyod yul kho na la ji ltar shes pa'i yul du 'gyur ba'o/ zhes bya ba 'di'i don ni 'di yin te/ gzugs de mtshan nyid kyi sgo nas bstan du zin kyang ji srid du rnam par bya? ste ma bstan pa de srid du re zhig shes pas yul du bya bar mi nus pas rnam par phye ste brjod pa ni ji ltar shes pa'i yul du 'gyur ba yin par rtogs par bya'o/ /shes pa ni 'dir yid kyi rnam par shes pa yin gyi mig gi rnam par shes pa ni ma yin te/ 'di ltar mig dang gzugs rnams zhes bya ba la sogs pas gzugs su rung ba'i rigs kyis bsdus pa'i don thams cad ston to/ /go bar byed pa ni chos nyid spyod yul de nyid rnam grangs gang gis brjod pas gzhan dag gis shes pas khong du chud par byed pa'o/ /go bar byed pa rnam grangs tshad med pa shes pa dag gis sgo du ma nyid de/ /'di thams cad ni rang gi mtshan nyid la sogs pa bzhi tshan gyi bcu pa thams cad la so sor sbyar bar bya'o/ /rigs kyi rang gi mtshan nyid ji lta bu zhe na/ de chos so so yang dag par rig pas chos rnams kyi mtshan nyid rab tu shes so zhes 'byung ba'i phyir te chos nyid yul yin pa'i phyir ro/ /chos nyid de nyid rigs zhes bya ste/ dngos po du ma nye bar bsdud pa yin pa'i phyir ro/ /so sor rang gi mtshan nyid ni so so yang dag par rig pas chos rnams kyi rnam par dbye ba rab tu shes so zhes bya ba yin no/ /rang gi mtshan nyid kho na'i dbang du byas nas chos nyid spyod yul dang yul yin pa'i phyir
- 132a
te/ chos nyid sbyod yul ni don yin la de yang rnam pa 'ga' zhig tu nye bar gzung bas yul du 'gyur bas so so'i rang gi mtshan nyid du 'gyur ro/ /sgra ji bzhin du ming du grags pa'i rang gi mtshan nyid ni nges pa'i tshigs so so yang dag par rigs pas chos rnams ma 'dras par bstan pa rab tu shes so? zhes 'byung ba'i phyir te/ rang gi mtshan nyid kho na'i dbang du byas nas go bar byed pa yul yin pa'i phyir ro/ /ma 'dres par bstan pa nyid kyis mtshan nyid 'di bshad pa yin no/ /ming de'i rab tu dbye ba'i rang gi mtshan nyid ni spobs pa so so yang dag par rig pas chos rnams kyi mthun pa'i rgyu na/ rgyun mi 'tshang ba rab tu shes so zhes 'byung ba'i phyir te/ mtshan nyid 'di yang mthun pa'i rgyan rgyan mi 'chad pa nyid kyis yongs su bstan pa yin no/ /mtshan nyid gzhan dag la yang de bzhin du sbyang? bar bya'o/ /'di dag gi rab tu dbye ba ni bshad pa nyid las gsal bar rab tu phye bar zad do/ /'byung ba'i mtshan nyid la ji ltar rigs kyis bsdu ba'i khongs su bsdu bar bya zhe na/ da ltar byung ba'i rigs su gtogs pa'i phyir zhes bya bas sbyor bar byed do/ /shes pa'i yul nyid kyang 'das pa dang ma 'ongs pa la bltos nas zhes bya ba la sogs pas sbyar ba nyid do/ /rgyu bzhi dag gis smra ba po'i/ /phun sum tshogs par 'dod pa yin/ /dang po gzugs ni phun sum tshogs/ /gnyis po ston pas byas pa yin/ /lan 'debs pa ni gsum pa ste/ /bzhi pa 'dzin pa'i phyir yin no/ /de la gzugs phun sum tshogs pa mdo las ji skad 'byung ba bzhin sbyar bar bya ste/ de'i las ni 'bum phrag bcu dang ldan pa'i sgra skad kyi yan lag la mkhas pas zhes bya ba nas gzung ste/ bskal pa 'bum du gzung ba'i byin gyis brlabs kyis zhes bya bar 'di ni gzungs kyi las yin par
- 132b
rig par bya'o/ /ston pa phun sum tshogs pa ni de de lta bu'i gzungs thob cing zhes bya ba nas gzung ste rdul phra rab kyi rdul re re las chos kyi sgro brjod du med pa 'byung bar byed do/ /zhes bya ba'i bar 'byung ba'i phyir ro/ /dris pa lan 'debs pa phun sum tshogs pa ni gal te zhes bya ba nas gzung ste/ sangs rgyas kyi mdzad pa mdza' dag gis sems can thams cad la nye bar gnas pa yin no zhes bya bar 'byung ba'i phyir ro/ /'dzin pa phun sum tshogs pa ni de de bas kyang shes cher zhes bya ba nas gzung ste/ de lta ba'i shes rab kyi snang ba rnam par nges pa'i spobs pa bdag gis yongs su spyad par bya'o snyam mo zhes bya ba'i bar 'byung ba'i phyir ro/ /de ltar bshad pa phun sum tshogs pa ni shes pa phun sum tshogs pa dang dag phun sum tshogs pa dang/ smra ba po phun sum tshogs pa dang/ rgyu gsum gyis yongs su bstan pa yin no/ /lhag ma ni snga ma'i bzhin bu? khong du chud par bya'o/ /bdag dang gzhan don sgrub phyir thugs rjes 'brel ba'i thugs/ /dang por dge mchog 'bad ba chen po mdzad nas ni/ /klo ldan ye shes yon tan mchog ldan brnyes nas su/ /sems can bsam pa thabs pa rgyu ba mkhyen mdzad de/ /'jig rten sdug bsngal rgya mtshor lhung ba rab gzigs nas/ /don med thibs po de las yongs su dgrol ba'i phyir/ /sems can bsam pa rnam mang legs par rab brtags te/ /'phags pa'i nyam dang mthun pa'i chos ni ston bzhed nas/ /sems can dbang po la sogs mkhas pa mchog thob cing/ /phun sum tshogs dag smra bo phun tshogs mchog brnyes te/ /sems brten rgyu ba thibs po sems can gtogs pa dag/ rnam pa mang po brtags nas chos rnams ston pa mdzad/ /so so yang dag rig rnam mang thob nas/ /de yis chos rnams tshul bzhin bsam byas te/ /sa dgu?
- 133a
don chen rnam par sbyangs nas ni/ /chos kyi sprin ni yang dag gnon par byed/ /sa bcu pa'i 'grel pa bstan pa'i phyir/ /'di sa dgu pa la zhes bya ba la sogs pa smras so/ /'di dag ni bshad pa'i mtshams sbyar ba yin par rig par bya'o zhes bya ba ji lta bu zhe na tshogs bsags par bya ba shin tu mdza' yas bsags pa'i phyir chos dkar po yongs su rdzogs pa yin la/ de yang bsod nams dang ye shes kyi tshogs chen po shin tu yongs su gzung ba'i phyir ro zhes bya ba ste/ de ltar na mtshams sbyar ba yin no/ /bdag dang gzhan gyi don la khyab pa'i phyir snying rje chen pos shin tu rgyas pa thob pa ste/ bdag dang gzhan gyi don la zhugs pa'i phyir zhes smras pa gang yin pa'o/ /'jig rten gyi khams rnams rnam par dbye ba ni sna tshogs pa nyid do/ /de la mkhas pa ni gzo ba'o/ /de'i phyir sangs rgyas kyi zhing yongs su sbyong bar byed pa yin no/ /sems can rnams kyi khams ni rigs so/ /de'i rgyu ba thibs po ji skad du bshad pa la zhugs shing rtogS pa ste/ de'i phyir sems can yongs su smin par byed pa yin no/ /de lta ma yin te rigs ma rtogs na yongs su smin par bya ba dka' o/ /de bzhin gshegs pa'i spyod yul ni de bzhin nyid do/ /de la zhugs pas rtogs pas rjes su mthun par gyur pa'i 'du shes yid la byed pa ste/ shin tu rnam par phye ba zhes smras pa gang yin pa'o/ /phul du phyin pa thob par 'dod pas stobs la sogs pa la lhag par dmigs pa ste chog par 'dzin pa zhes smras pa gang yin pa'o/ /rnam pa thams cad du thams cad mkhyen pa gang dag yin pa de dag ni rnam pa thams cad ldan pa'i thams cad mkhyen pa'o/ /de dag gi ye shes kyis ni sgrib pa thams cad dang bral ba'i de bzhin nyid dang/ skal pa ji lta bar sems can gyi don byed pa ste
- 133b
gcig la dmigs pa'i phyir dang/ cig shos ni phrin las kyi yul yin pa'i phyir ro/ /de'i phyir sa'i mthar thug pa theb pas de skad ces bya'o/ /dri med la sogs ting nge 'dzin/ /bcu tshan so sor thob pa'i phyir/ /thob par las ni ting nge 'dzin/ /yongs su rdzogs par thob ces brjod/ /nyon mongs pa rnams sngar spangs pa'i phyir nyon mongs pa rgyang bsrid? par byed pa'i don gyis dri ma med pa ste/ ting nge 'dzin dri ma med pa zhes bya ba mngon du 'gyur ro zhes 'byung ba'i phyir ro/ /ldem po dag la 'jug pa dri ma med pa zhes bya ldem po dag ni 'dir dgongs pa'i ldem po dag yin par rig par bya'o/ /dgongs pa bzhis thub pa'i gsung rab mdza' dag ji lta ba bzhin du 'gal ba med par khong du chud pa ste/ chos kyi dbyings rnam par dbye ba la brdus? pa zhes bya ba zhes gsungs pa gang yin pa'o/ /chos kyi dbyings ni 'dir bshad pa'i chos yin te/ de mdo sde du ma'i rang bzhin gyi chos kyi dbyings 'di la bye brag du dbye bas rnam par phye? nas dgongs pa gang zhig gang la 'jug pa ste thams cad la dgongs pa rnam pa bzhi car yang 'jug pa ni med do/ /de ltar na ting nge 'dzin gang gis bye brag tu 'jug pa de ni chos kyi dbyings rnam par dbye ba la 'jug pa yin no/ /gzhan na re gcig kho na yin pa las 'jig rten gyi bye brag gis tha dad pa don gyi sgo nas gcig pa nyid du sbyor bar byed pa'i phyir ro zhes zer/ /byang chub mchog tu gyur pa ni byang chub kyi snying po'o/ /de las skye ba'i phyir ting nge 'dzin gang la gang dag gis de brgyan par byed rab tu byed par byed pa de dag gi tshogs yod pa ste/ de nyid kyi phyir nye ba dri ma med pa zhes bya'o/ 'di la snying po rgya mtsho'i lta bu yod pa ste/ 'di ltar nang gi cha rin po che mthu bla na med pa dpag tu med pa dang ldan pas dra bas khebs pa can gyi rgya mtsho
- 134a
chen po shin rgya che bar gyur pa de bzhin du ting nge 'dzin kyang yi ge dang don gyi gzungs du ma mnyam par 'jog pa'i lus yin pa'i phyir rgya chen por gyur te gzungs dri ma med pa zhes smras pa gang yin pa'o/ /rgya mtsho dang 'dra bar 'byor ba ste/ ji ltar rgya mtsho chen po rin po che'i phung po chen po grangs su dgod pa dpag tu med pa dag gis brgyan pa 'byor pa ni shin tu rab kyi mthar phyin pa dang 'brel pa nyams su myong ba de bzhin du mngon par shes pha mthu du mi dang ldan par mngon par sgrub pa yang dag par skyes pa dag gis ting nge 'dzin dri ma med par byed na 'byor pas mnyam par 'jog pa yin te/ mngon par shes pa mngon par sgrub pa dri ma med pa zhes brjod pa gang yin pa'o/ /mdza' yas pa'i phyir nam mkha' i khams dang 'dra bar rgyas pa dang de bzhin nyid la dmigs pa'i phyir chos rnams thams cad kyi ngo bo nyid rnam par 'byed pa zhes bya ba 'di gnyis kyis ni ting nge 'dzin thob pa na zhing rnam par dag pa dri ma med par 'gyur bar ston to/ /de bzhin du yang bshad pa yin no/ /tshogs gsum la nges par gnas pa'i sems can thams cad kyi sems kyi spyod pa sbyar ba'i sgo nas rjes su rtogs shing khong du chud na de dang 'tsham par chos ston pas de dag yongs su smin par byed pas ting nge 'dzin la dri ma med pa nyid du byed de/ de skad du sems can yongs su smin par byed pas dri ma med pa nyid ces smras pa yin no/ /ting nge 'dzin gang la mnyam par gzhag na da ltar byung ba'i sangs rgyas bcom ldan 'das skyes bu chen po'i mtshan sum cu rtsa gnyis mnga' ba sku dpe byad bzang po brgyad cus brgyan pa gang dag chos zab mo gting dpag dka' ba ston par mdzad pa thams cad mngon sum du zhugs pa ste/ de'i phyir de dag gzhan mngon par rdzogs par byang chub pa mngon du gyur ba shes
- 134b
pa'i phyir shin tu dri ma med par dmigs pa la de skad du mngon par rdzogs pa rtogs pa dri ma med pa zhes bya'o/ /ting nge 'dzin rnams kyi bya ba ji snyed pa de nyams su myong ba'i phyir sgrub pas ting nge 'dzin yongs su rdzogs pa zhes bya ste/ ting nge 'dzin yongs su ma rdzogs pa ni de snyed kyi bya ba nyams su myong ba chub par mi 'gyur ro/ /de la dbang bskur thob pa ni/ /stan la sogs pa'i skabs nas ni/ /ji lta bur na dbang bskur bar/ /bstan pa las ni rtogs bya ste/ /stan dang lus kyi tshad dang ni/ /'khor dang rgyu ni yod pa dang/ /gang gis dbang ni bskur ba dang/ /ji zhes bya bar rab ston las/ /mchog gi rang bzhin rin po che chen po rnams kyi rgyal por gyur pa'i phyir/ dper na mang dri rnams kyi rgyal po bzhin te/ de dag gi rje'i zhes bya ba'i tha tshig go/ /de ltar na mtshag gi rang bzhin rin po che chen po rnams dang rgyal po'i pad+ma ni lhan cig rje khol gyi mtshan nyid kyi 'brel bar shes par bya'o/ /mchog gi rang bzhin pad+ma'i rgyal po chen po rin po che'i rnam pa thams cad kyis spras pa nyid ni khyad par gyi mtshan nyid yin zhes bya ba'i tha tshig go/ /'jig rten gyi yul thams cad las yang dag par 'das pa'i sa nas de byung ba'i phyir sa'i mtshan nyid yin no/ /sgyu ma'i rang bzhin gyi spyod yul du 'gyur ba gang yin pa ni/ gzung ba'i rkyen du snang ba'i phyir yul nyid du 'gyur te de de ltar yongs su grub pas grub pa'i mtshan nyid yin no/ /chos kyi dbyings la shin tu gnas shing bkod par snang bas don dam pa'i mtshan nyid yin no/ /shin tu gnas pa ni legs par gnas pa'o zhes bya ba ni nye bar bsgyur ba rnams ni don du ma yin pa'i phyir te/ rab sogs don ni bsdus pa la// bdag gis don gang rgyas shes te/ /mkhas pas 'jig rten rig byed kyi/ /sbyor bas du mar shes par bya/ /zhes bshad do/ /'di las 'jig rten dang 'jig rten las 'das pa'i bde ba'i rgyur gyur pa legs par bshad pa rnams rig par 'gyur
- 135a
ba'i phyir/ 'di ni rigs byed yin zhes bya ba de bzhin du sangs rgyas kyi bka' yang rig byed yin no/ /lhag ma ni shes par srwa ba'i phyir rnam par mi phye ba'o/ /bdag nyid chen po brtan pa'i blo/ /snying brtse ba dang nges pa'i rgyud/ /sems can kun gyi gnyen gcig pa/ /go cha chen po bgos pa'o/ /sems can kun la phan bzhed pha sangs rgyas nyid ni 'thob pa'i rgyu/ /dka' ba'i las ni sna tshogs pa/ /mi bzang rtag tu rjes 'brang ba/ /yun ring dus nas bsags rnams kyis/ /gdags don du rab sbyar ba/ /byang chub sems dpa' rnams kyi 'di/ /theg pa chen po'i dbang bskur ba'o/ /da lta bur ni dbang bskur cing/ /tshad med yon tan ldan pa ste/ /chos kyi sprin la rab gnas pa'i/ /byang chub sems dpa' zhes bya'o/ /dbang bskur ba thob pa ni da lta bu yin no/ /tshe ba nyid kyi mthar phyin pa/ /shes pa dang ni rnam thar dang/ /ting nge 'dzin ni gzuD dang mngon par shes/ /don lnga dag la brjod pa yin/ /mdo? lnga dang 'brel ba rig par bya ste/ zhes bya ba ni re re zhing don re re dang 'brel par shes par bya'o/ /shes bya'i de kho na phyin ci ma log pa'i ngo bo gang yin pa de mngon par rdzogs par byang chub par byed pa ni shes pa'i che ba nyid yin no/ /de la dang po ni thams cad kyi thams cad mkhyen pa nyid la the tshom za ba gcod pa'i dbang du byas pa ste/ chos kyi khams yang dag par 'grub pa zhes gsungs pa gang yin pa'o/ /chos ni kun nas nyon mongs pa dang rnam par byang ba rnams/ /de dag gi khams ni sa bon te yang dag par 'grub pa zhes 'byung ba'i phyir ro/ /de rab tu shes pas de nyid kyi phyir yang dag par 'grub pa shes pa yin no/ /srid pa'i yan lag gang dag gos srog chags rnams kun nas nyon mongs par 'gyur zhing/ gang dag 'gags pas rnam par byang bar 'gyur ba de dag shes pa'i phyir ro//
- 135b
rten cing 'brel par 'byung ba shes pa nyid yang dag par 'grub par shes pa yin no zhes bshad pa yin te/ de'i phyir thams cad mkhyen pa nyid rab tu sgrub par byed pa yin/ /gang du zhes bya ba ni khams gsum du ste mdo las ji skad 'byung ba bzhin no/ /sems can gang dag ni sems can gyi khams yang dag par 'grub par zhes 'byung ba'i phyir ro/ /sems gang kun nas nyon mongs shing rnam par byang ba ni rnam par shes pa'i khams yang dag par 'grub pa'i zhes 'byung ba'i phyir ro/ /gang dag mi shes pa dang shes pa ni 'dus byas dang 'dus ma byas kyi khams yang dag par 'grub pa zhes 'byung ba'i phyir ro/ /nam mkha' dang 'dra ba'i yul ji tsam pa ni nam mkha' i khams yang dag par 'grub pa zhes pa byung ba'i phyir ro/ /dam pa dang dam pa ma yin pa'i chos bstan pa gang gis ni yang dag pa dang yang dag pa ma yin pa bstan pa'i khams yang dag par 'grub pa zhes 'byung ba'i phyir ro/ /mya ngan las 'das pa gang thob pa dang ma thob pa ni mya ngan las 'das pa'i khams yang dag par 'grub pa zhes 'byung ba'i phyir ro/ /lta ba'i nyes pa gang gis mu stegs can rnams kyis de mi thob pa ni lta bar gyur pa'i nyon mongs pa yang dag par 'grub pa zhes 'byung ba'i phyir ro/ /snod kyi 'jig rten 'byung ba dang ldog pa gang dag ni 'jig rten gyi khams 'jig pa dang 'chags pa yang dag par 'grub pa zhes 'byung ba'i phyir ro/ /theg pa gsum yin dag par 'grub pa gang yin pa ni mdo las ji skad 'byung ba bzhin no/ /gnyis po ni de la gnas pas thams cad mkhyen pa nyid la gnas pas sprul pa mngon par bsgrub nus pa'i dbang du byas pa'o/ /sems can du sdus? pa la sogs pa'i bye brag las sems can sprul pa'i las yang dag par ji lta ba bzhin du rab tu shes zhes bya ba ni skal pa 'dra bar nye bar 'gro bas sems
- 136a
can yongs su smin par bya ba'i phyir ro/ /nyon mongs par gyur pa'i sprul pa ni sprul pa gang zhig lus dang ngag gi las nyon mongs pas thebs pas bskyod pa lta bur 'dug pa ste lta bar gyur pa'i sprul pa kun tu ston pa yang de dang 'dra bar khong du chud par bya'o/ /'jig rten gyi khams sprul pa zhes bya ba ni gdul ba'i dbang gis 'jig rten gyi khams sprul pa gang yin pa'o/ /rnam par gzhig pa'i chos la 'jug pa ni 'phags pa'i bden pa bzhi la sogs pa la 'jug pa zhes bya ba'i tha tshig go/ /nyan thos la sogs pa sprul pa ni rnam par grol ba ji lta ba bzhin du gdul ba'i phyir ro/ /rtog pa med pa nyid du ni yang dag pa ji lta ba bzhin du rab tu shes so zhes bya ba ni chos kyi dbyings mnyam pa nyid kyi phyir ro/ /gsum pa ni sprul pa de nyid de lta de ltar byed nus pa'i dbang du byas pa ste/ de yang mdo las ji skad 'byung ba bzhin no/ /bzhi pa de'i byin brlabs dang/ /sprul pa la ni 'jug pa ste/ /gnyis min ye shes tshul gyis na/ /dus kun du ni 'jug pa yin/ /mdo las ji skad 'byung ba bzhin no/ /gnyis su med pa'i ye shes ni chos kyi dbyings shes pa ste cha phra ba la zhes bya ba la 'jug pa zhes bya ba'i phyir ro/ /lnga pa ni sems can yongs su ma smin pa skrag pa'i dbang du byas pa ste/ gsang ba'i gnas shes pa dang bskal pa la 'jug pa'i shes pa dag kyang mdo las ji skad 'byung ba bzhin khong du chud par bya'o/ /gsang ba'i gnas shes pa zhes bya ba ni gsang ba'i rgyu shes pa zhes bya ba'i tha tshig ste 'di la 'bras bu rnams gnas pas na gnas pa'i rgyu kho nar brjod do/ /gsang ba ni gsang bar bya ba ste/ dbang po dang dge ba'i rtsa ba yongs su ma smin pa rnams la kun tu bstan par mi bya ba zhes bya ba'i tha tshig go/ /ci'i phyir
- 136b
zhi na/ de dag gis ma rtogs te ma mos nas dam pa'i chos spangs pas chos kyis phangs par 'gyur ba'i las bsags na mi rung ba'i phyir ro/ /tshe la dbang ba nyid kyi phyir/ /byin rlob de bzhin gtod ba dang/ /gnyen po nye bar ston pa ni/ /drug pa dang ni bdun par bzhad/ /yang dag par gzhol ba 'di ci zhig gcig ce na/ mnyam pa nyid du mos pa nyid do/ /de nyid kyi phyir bskal pa la 'jug pa'i shes pa yin te/ bskal pa du mar bskal pa gcig mnyam pa nyid du mos pa'i phyir la/ /gcig tu yang bskal pa du ma mnyam pa nyid du mos pa'i phyir ro/ /tshe gtang ba 'am byin gyis brlab pa la yang dbang 'byor pa nyid yin no/ /lam la gzung ba shes pa ni/ gnyen po bstan pa'i dbang du byas pa la byis pa'i lam gyis gzung ba mkhyen pa zhes gsungs pa gang yin pa ni so so skye bo'i dbang du byas pa ste so so skye bo rnams ni byis pa yin pa'i phyir byis pa'i sa'i gnyen po nye bar bstan par bya ba'i phyir ro/ /rdul phra rab kyi rdul gyis gzung bar mkhyen pa zhes bya ba ni nga rgyal spyod pa rnams kyi dbang du byas pa ste rtsis mkhas pa nyid kyi nga rgyal gyi gnyen po nye bar bstan par bya ba'i phyir ro/ /zhing gi tshogs mngon par rdzogs par rtogs pas gzung pa mkhyen pa zhes bya ba ni mtho ris la mos pa'i gnyen pa nye bar bstan par bya ba'i phyir ro/ /lhag ma gzhan ni rnam par rtog pa spyod pa rnams kyi dbang du byas pa ste/ mdo las ji skad 'byung ba bzhin rig par bya'o/ /rnam par thar dang ting nge 'dzin dang/ /gzungs dang mngon shes pa rnams kyi/ /rnam pa dbye pa'i bstan tshul yang/ /mdo nyid las ni rtogs par bya/ /ji lta zhe na/ re zhig rnam par thad pa rnams la rnam par thad pa pa bsam gyis mi khyab pa zhes bya ba 'thob po zhes bya ba ni rdzu 'phrul gyi yul gyi dbang du byas pa ste rdzu 'phrul sna tshogs pa
- 137a
mngon par bsgrub pas byang chub sems dpa' i rnam par thar pa bsam gyis mi khyab pa nyid yin/ /sgrib pa med pa zhes bya ba zhes bya ba ni 'jig rten gyis khams dang 'gro ba mdza' yas par smos nas shes pa thogs pa nyid kyi dbang du byas pa'o/ /rnam par dag pa rnam par 'byed pa zhes bya ba zhes bya ba ni 'jig rten pa'i rnam par grol ba dang/ 'jig rten las 'das pa slob pa dang mi slob pa rnam pa gnyis po gang yin pa de shes pa'i dbang du byas pa'o sgo kun tu snang bzhes bya ba zhes bya ba ni dngos po ci 'dod dgur? bsgyur ba'i dbang du byas pa'o/ /de bzhin gshegs pa'i mdzod ces bya ba ni chos kyi gzungs kyi dbang du byas pa'o/ /de bzhin gshegs pa rnams kyi mdzod gang yin zhe na/ theg pa chen po'i chos shin tu rgyas pa'i sngo'o/ /'khor lo thogs pa med pa dang ldan pa zhes bya ba zhes bya ba ni pas kyi rgol ba cher gcod pa'i dbang du byas pa ste/ phas kyi rgol ba dag tshar bcad na sangs rgyas bcom ldan 'das rnams kyi chos kyi 'khor lo thogs pa med par 'jug par 'gyur ro/ /dus gsum gyi rjes su song ba zhes bya ba zhes bya ba ni dus gsum dag gi bskal pa gang dag yin pa de dag ji ltar 'dod pa bzhin du byin gyis rlob pa ste/ 'das pa yang da ltar du bya ba 'dren par byed ces bya ba la sogs pa'i dbang du byas pa'o/ /chos kyi dbyings kyi snying po can zhes bya ba zhes bya ba ni chos rnams thams cad kyi rten cing 'brel par 'byung ba'i rnam pa thams cad shes pa'i dbang du byas pa ste khams ni rigs te rgyu yin pa'i phyir ro/ /rnam par grol ba'i dkyil 'khor snang ba zhes bya ba ni lus med cing snang ba tsam gyis rgyas par 'gengs pa'i dbang du byas pa'o/ /yul ma lus pa zhes bya ba zhes
- 137b
bya ba ni 'jig rten gyi khams mdza' yas pa'i sems can gyi sems cig car shes pa'i dbang du byas pa'i dbang du byas pa'o/ /de bzhin du ting nge 'dzin 'bum dag dang/ gzungs 'bum dag dang/ mngon par shes par mngon par grub pa gsum dag gi bar du 'thob po zhes 'byung ba'i phyir ting nge 'dzin la sogs pa'i mthar phyin pa yang mdo kho na las khong du chud par bya'o/ /sa yi des tshig sprin dang ni/ /chos mthun rnam pa gsum shes bya //dper na sprin gyi nam mkha' bzhin/ /thos pa'i chos kyis rang gi lus/ /khyab pa'i phyir mtho bzhin du/ /khyab par chos mthun dang po bshad/ /khyab pa ni sprin gyis nam mkha' bzhin du thos pa'i chos kyis sa 'di pa'i lus la khyab par byed pa'i phyir ro/ /ji lta zhe na/ de ye shes de lta bu dang ldan pa'i blo dang ji skad bshad ma thag pa tshad med pa'i rjes su song ba zhes bya ba la sogs pa yin no/ /mang po dang cha phra ba dang myur du 'dzin pa zhes bya ba ji lta bu zhe na/ de phyogs gcu'i zhes bya ba la sogs pa yin no/ /skad cig thad bcig yud tsam smos pa ni dus thung du shes par bya ba'i phyir te nyan pa po'i dbang gis rnam pa gsum gsungs so/ /chos kyi snang ba chen po tshang med pa zhes bya pa la sogs pas tshad med pa smos pas ni mang po 'dzin pa'i sgo nas bstan pa tsam gyis 'dzin pa'i nus pa de yongs su bstan pa yin gyi/ rgyas par ni 'og nas 'phags pa rdo rje'i snying po nyid kyis rgya mtsho'i dpe gnyis dang/ 'on kyang dpe bstan par bya'o zhes bya ba sogs pa'i gzhung gis dpes 'chad par 'gyur ro/ /de bzhin gshegs pa rnams kyi de bzhin gshegs pa'i gsang pa la 'jug pa gang dag yin pa zhes 'byung ba de la de bzhin gshegs pa smos pa ni myur du 'dzin pa'o/ /gsang ba smos pa ni phra ba 'dzin pa'o/ /ji ltar rang bzhin gyis she na/ chos kyi snang ba chen po zhes bya bas thos pa dang bsam pa las
- 138a
byung ba'i shes pa smos par 'gyur ba'i phyir ro/ /ji lta zhe na snang bar gyur pas chos so sor snang bar byed pa'i phyir ro/ /gsal bar gyur pa nyid kyis ji lta bu zhe na bsgoms pa las byung ba'i shes pa smos par 'gyur ba'i phyir te/ chos kyi gsal ba chen po zhes gsungs pa gang yin pa'o/ /ji ltar las kyis shen dam pa'i chos kyi char 'bebs pa'i phyir ro/ /mos pa'i sgo nas ni bzod do zhes 'byung ba'i phyir ro/ /yang dag par len to zhes bya ba ni tshig 'bru 'dzin pa'i sgo nas so/ /bdag gir byed do zhes bya ba ni don 'dzin pa'i sgo nas so/ /yang dag par 'dzin to zhes bya ba ni/ /de gnyi ga 'dzin pa'i sgo nas so/ /da ni 'dzin pa'i nus pa de dpe gnyis dang dpes 'chad de/ dang bar 'gyur ba'i dngos po'i sgo nas ni bzod do/ /go skabs 'byed pa'i sgo nas ni yang dag par len to/ /de las gzhan pa'i chu'i grangs 'grib par byed pa'i sgo nas ni bdag gir byed do/ /spyad pa'i 'os ma yin ba'i sgo nas ni/ yang dag par 'dzin to zhes bya bar shes par bya'o/ /dus gsum gyi brjod pa'i gzhi zhes bya ba ni 'das pa dang ma 'ongs pa dang/ da ltar gyi brjod pa'i gzhi zhes bya ba'i tha tshig go /gong du rgyas par ni 'phags pa rdo rje'i snying pos rgya mtsho'i dpe gnyis dang dpes 'chad par 'gyur ro/ /zhes gang smras pa gang yin pa ste/ re zhig de lta bu ni sprin dang chos mthun pas khyab pa'i sgo nas sa'i nges pa'i tshig dang po yin par shes par bya'o/ /gnyis pa ste/ nyon mongs pa'i rdul rab tu zhi bar byed pa'i sgo nas chos mthun pa ni mdo las ji skad 'byung ba bzhin te/ 'dir smon lam gyis snying brtse ba dang snying rje chen po'i sprin chen po kun nas bslang ste zhes bya ba ni sprin dang 'dra ba'o/ /chos kyi snang ba chen po bsgrag pa'i 'brug sgrog pa zhes bya ba ni 'brug
- 138b
sgrog? pa dang 'dra'o/ /mngon par shes pa dang rig pa dang mi 'jigs pa'i glog 'gyu ba zhes bya ba ni glog dang 'dra'o/ /rlung gis shin tu bskyod pa zhes bya ba ni rlung lta bu'o/ /bsod nams ye shes kyi sprin dra ba stug po chen pos kun tu khebs ba zhes bya ba ni sbrin gyi dra bas 'khrigs pa lta bu'o/ /lus rnam pa sna tshogs kyi sprin 'khyil pa kun tu ston pa zhes bya ba ni klong 'khyil ba lta bu'o/ /chos kyi sgra chen po sgrog pa zhes bya ba ni char 'bab pa'i sgra lta bu'o/ /bdud kyi phyogs shin tu tshar? gcod pa zhes bya ba ni chos kyi sgra chen po sgrog pa yang dag par bstan pa shes par bya'o/ /sprin dang chos mthun sgrol sgo nas/ /sa yi nges tshig shes bya ste/ /sprin gyi char gyis lo tog dag/ sgrol ba bzhin du dga' ldan gyi/ /gnas la sogs pa'i rim gyis ni/ /sems can rnams ni sgrol ba yin/ /ji lta zhe na/ 'jig rten gyi khams gcig na yang zhes bya ba la sogs pas bstan to/ /mthun ni bla na med pa dang/ /bla med nyid ni gnas la sogs/ rab tu bstan phyir rgyas bshad pa'i/ /sgo drug dag gis rab tu bstan/ /ji lta zhe na/ gnas dang gzhi dang mtshan nyid dang/ /de bzhin du ni bya ba dang/ /yongs tshim de bzhin rgya chen te/ /'di snyed cig ni rgyu bsdus pa'o/ /rnam par thar ba bsam gyis mi khyab pa ni gong nas byang chub sems dpa' i rnam par thar pa bsam gyis mi khyab pa zhes bya ba 'thob po zhes 'byung ba'i phyir ro/ /de bzhin du gzhan la yang gnas 'di snga ma dang mthun par sbyar bar bya ste/ de ltar na rnam par thar pa la sogs pas sngar rab tu bstan pa kho na yin no/ /dog pa dang yangs pa dag tu yongs su bsgyur ba ni dog pa dang yangs par yongs su bsgyur ba ste/ yongs su bsgyur ba ni bzlog pa'i dngos po zhes bya ba'i tha tshig go/ dog pa yangs par byed ba dang yangs pa dog par byed pa ni/ mdo las ji skad 'byung ba
- 139a
bzhin khong du chud par bya'o/ /bya ba mchod pa'i sgo nas ni/ /byang chub tshogs ni sogs phyir te/ /mdo las ji skad 'byung ba bzhin no/ /yongs mgu bya ba the tshom du/ /gyur pa rnams la mthu bstan pas/ /mdo dang mthun par khong du chud par bya'o/ /rgya chen mthu dang grangs kyis ni/ /rnam pa gnyis su shes par bya/ /mdo las ji skad bzhin du rig par bya'o/ /da ni grangs rgya che ba de nyid rab tu bstan pa'i phyir/ de bzhin gshegs pa'i sa mdza' / dag bstan par mi nus pa nyid du shes par bya ba'i phyir/ byang chub sems dpa' rnam par grol ba'i zla bas kyi rgyal pa'i sras byang chub sems dpa' rnams kyi spyod pa'i yul gyi byin gyi rlabs de ltar tshad med na de bzhin gshegs pa'i spyod yul dang yul la 'jug pa ci 'dra zhes bya ba la sogs pa smos so/ /de bzhin gshegs pa'i sku dang gsung dang thugs gnyis su med pa zhes bya ba ni/ chos kyi dbyings mnyam pa nyid kyi phyir ro/ /byang chub sems dpa' i ting nge 'dzin gyi stobs kyang mi gtong zhes bya ba ni chos kyi dbyings mnyam pa nyid ces bya ba'i tha tshig go/ sangs rgyas lta ba dang mchod pa dang rim gro yang rab tu byed de/ zhes bya ba ni mnyam par ma bzhag pa'i gnas skabs ston par byed do/ /rnam pa thams cad mngon par sgrub pa'i mchod pa zhes bya ba ni yon tan thams cad dang ldan pa zhes bya ba'i tha tshig go/ rgya chen po dang ldan pa zhes bya ba ni yon tan rgya chen po dang ldan pas shin tu che ba'i phyir dang/ grangs rgya chen po dang ldan pas tshad med pa'i phyir ro/ /byin gyis brlabs dang snang ba yang yang dag par len to/ zhes bya ba ni sangs rgyas kyi byin gyis rlabs dang sangs rgyas kyi ye shes kyi snang ba yang len to zhes bya ba'i tha tshig go /mi 'phroD
- 139b
pa zhes bya pa ni zil gyis mi non ba ste/ chos kyi dbyings rtogs pa'i mthar phyin pa'i phyir ro/ /lam gsum yang dag par sgrogs te zhes bya ba ni bgrod pa dang lam zhes bya ba don gzhan ma yin pa'i phyir ro/ /chos kyi dbyings rab tu dbye ba shes pa zhes bya ba ni the tshom gcod pa'i lam ste 'di ltar chos kyi dbyings shes na the tshom 'chad par 'gyur ro/ /'jig rten gyi khams thams cad rgyas par 'gengs pa zhes bya ba ni mngon par shes pa myur ba'i lam mo/ /zhing dang tshes thams cad yongs su shes pa ni zhing yongs su dag par byed pa'i mtshungs pa nyid kyi byin gyis brlabs so/ /sems can yongs su smin par bya ba'i phyir/ chos ston pa'i snang ba mtshungs pa nyid kyi byin gyis brlabs so/ /mdor na thams cad mkhyen pa'i ye shes thob par byed pa'i bar dag yang dag par len to zhes bya ba ni mngon par rdzogs par byang chub pa'i mtshungs pa nyid kyi byin gyis brlabs so/ /yon tan ldan pas 'dra ba'i phyir/ /rang gi yon tan lhag pa yi/ /mtsho dang ri dang rgya mtsho dang/ /nor bus sa yi dpe shes bya/ /sgrub pa'i yon tan mtsho chen po ma dros pa las byung ba'i 'bab chu zhes bya ba la sogs pa nas rnam pa thams cad dang ldan pa'i thams cad mkhyen pa'i ye shes kyi bar kyi rgya mtsho chen po zhen par byed de zhes bya ba'i bar 'byung ba'i phyir ro/ /mchog nyid kyi yon tan ni/ /kye rgyal ba'i sras byang chub sems dpa' i sa bcu po de dag ni sangs rgyas kyi ye shes la brten nas yod par gyur te zhes bya ba nas bzung ste/ sangs rgyas kyi 'phrin las yang dag bar bstan pa yongs su dis pa bstan pa rnams kyis thug par 'gyur ba med do zhes bya ba'i bar yin no/ /'di la gangs ri dang spos kyi dang? ldang ba dang rnam par 'dal ba ste gong ma gsum ni grangs bzhin du sems can zhes mi bya ba sman dang
- 140a
dri dang rin po che rnams kyi 'byung gnas yin no/ /bzhi pa rta rna ri drug pa'i gnas nas 'byung ba ni sems can zhes mi bya ba 'bras bu thams cad kyi 'byung gnas yin no/ /lhag ma drug bo drang srong gi ri dang gnya' shing 'dzin dang mu khyud 'dzin dang/ 'khor yug dang tog can dang ri rab rnams ni grangs bzhin du sems can zhes bya ba drang srong dang/ gnod sbyan dang/ klu dang dbang du gyur pa dang/ lha ma yin dang/ lha rnams kyi 'byung gnas yin no/ /nges par 'byung dka' ba'i nges pa 'byung ba'i 'bras bu che ba'i yon tan ji lta bu zhe na/ ri'i rgyal po chen po bcu po ji skad du bshad pa de dag gis kyang rgya mtsho chen po smos pa ni de lta ba'i longs spyod kyi rgyu yin pa'i phyir mngon par 'dod ces bya ba'i tha tshig go/ rgya mtsho chen pos kyang de dag rab tu phye ba ni de las 'gro bar nus pa'i phyir dang/ de nas 'byung ba'i rdzas rab tu ston pa'i rgyu yin pa'i phyir yon tan gyi sgo nas rab tu gsal bar byas zhes bya ba'i tha tshig go/ thams cad mkhyen pa nyid smos pa ni thams cad mkhyen pa'i rgyu nyid yin pa'i phyir mngon par 'dod ces bya ba'i tha tshig go /thams cad mkhyen pa nyid kyis kyang rab tu phye ba ni de dag gis 'bras bu'i dngos po yongs su gzung ba'i phyir rab tu gsal bar byas zhes bya ba'i tha tshig go/ bags? kyis gzhol bya ba ni 'jug bde ba'i yon tan no/ /shi ba'i ro dang mi gnas pa zhes bya ba ni gtsang ma nyid kyi yon tan no/ /chu gzhan gyi grangs spangs pa zhes bya ba ni mi 'dra ba med ba'i yon tan no/ /ro gcig pa zhes bya ba ni kun tu srung pa'i yon tan no/ /rin po che mang zhes byas ni phan 'dogs pa'i yon tan no/ /zab cing gting dpag dka' ba zhes bya ba dang/ yangs shing tshad med pa zhes bya ba gnyis kyis
- 140b
ni mi skye ba'i yon tan bstan to/ /'byung po chen po'i gnas su gyur pa zhes bya ba ni gnas kyi yon tan no/ /dus chad pa las mi yul ba dang/ sprin chen po'i tshad thams cad kun tu 'dzin pas ma dmas pa zhes bya ba gnyis kyis ni 'jig rten srung ba'i yon tan bstan to/ /rin po che'i rigs bcu las shin tu 'das pa zhes bya ba la bcu gang zhe na/ 'di lta ste/ mu tig dang/ shad kha shi la dang/ byi ru dang/ dngul dang/ gser dang/ rdo'i snying po dang/ sdug dang mu tig dmar po dang/ dung g.yas su 'khyil ba dang/ rin po che dpal gyi ze pa'i snying po can rnams so/ /rin po che'i rigs bcu las shin tu 'das nas/ yid bzhin gyi nor bu rin po che'i rigs kyis mngon par spags par gyur pa ni rigs kyis yongs su brtags pa'i yon tan te/ 'di ltar rin po che'i rigs bcu las shin tu 'das nas mngon par spags par gyur ces 'byung ba'i phyir ro/ /mgar ba mkhas pas legs par bsregs zhes bya ba ni kha dog gis yon tan no/ /legs par bcos zhes bya ba ni dbyings kyi yan? tan no/ /legs bar yongs su sbyangs zhes bya ba ni dri ma med pa'i yon tan no/ /legs par byi dor byas zhes bya ba ni gsal ba'i yon tan no/ /legs par phug cing rin po che'i skud pas legs pa btags la nor bu rin po che bai DUrya'i rgyal mtshan gyi yu ba mthon po rtse mo la btags te zhes bya ba ni mngon par 'du byed pa'i yon tan no/ /thams cad du 'od zer rab tu 'byung zhes bya ba ni mthu'i yon tan no/ /rgyal pos gnang ba zhes bya ba ni yongs su ma gzung ba'i yon tan no/ /skad kyi byings rnams ni nye bar sgyur ba dang/ 'brel pa'i tshig g.yos pa zhes bya ba la sogs pa'i tshig rnams kyi ji skad du bshad par 'gyur ba'i shes par bya ste/ gang phyir skad byings don sbyor bo/ /'dor bar byed pa de yi phyir/ /nye bar sbyar bar
- 141a
rab bshad de/ /phrad? du 'jug phyir chig gi phrad/ /ces bshad do/ /'jig rten khams ni mdza' yas par/ /chos 'di rab tu ston pa'i phyir/ /sems can don sgo mdza' yas ba'i/ /chos nyid rab tu bstan pa yin/ /lhag pa med ba'i don gyis ni/ /yi ge lhag ba med dag tu/ /zhes bya ba'i tha tshig go /lhag ma ni snga ma bzhin du khong du chud pa bya'o/ dbyig gi gnyen gyi zhal snga nas kyis sa bcu 'di'i/ /'grel pa mdzad pa bdag gis rnam par phye nas 'dir/ /dge bar gyur pa gang nges 'gro ba 'di yi blo/ /nyi zer rnams kyis padmo'i dpal bzhin snang bar shog/ dge bsrungs kyis ni bcol bas na/ /rnam par bshad pa gya tsom byas /don du gnyer na mkhas pa rnams/ /gnas min par yang gom pa 'dor/ /'phags pas bcu'i rnam par bshad pa'i rnam par bshad ba/ slob dpon nyi ma grub kyis mdzad pa rdzogs so// //rgya gar gyi mkhan po pradz+nyA barma? pa dang/ zhu chen gyi lots+tsha ba dge slong dpal brtsegs rak+Shi tas bsgyur cing zhus te gtan la bab pa'o// // / sa bcu'i mdo sde'i gleng gzhi slob dpon shAkya'i blos mdzad pa bzhugs// /'phags pa sa bcu'i mdo sde'i gleng gzhi bshad pa/ 'jam dpal gzhon nur gyur pa la phyag 'tshal lo/ /byang chub sems dpa' i tshogs chen po zhes bya ba la/ chen bo ni yon tan dang grangs kyis so/ /de la thams cad kyang phyir mi ldog pa zhes bya ba nas bzung ste/ byang chub sems dpa' thams cad kyi sde snod kyi yon tan sgrub pa shin tu yongs su rdzogs pa bskal pa brjod du med par rgyun mi 'chad par rab tu bstan pas yon tan bsngags pa'i bstan pa zad mi shes pa sha stag ces bya ba'i bar 'dis ni yon tan gyis che ba bstan to/ /'dir byang chub sems dpa' rnams kyi yon tan gyi khyad par ni rnam par lngar brjod do/ /mngon sum du lung bstan
- 141b
pa thob pa dang/ /sangs rgyas nyid du nye ba dang/ yid kyi cho 'phrul dang/ lus kyi cho 'phrul dang/ dag gi cho 'phrul lo/ /de la phyir mi ldog pa zhes bya ba 'dis mngon sum du lung bstan pa thob par bstan te/ 'di ltar sa brgyad pa la mi skye ba'i chos la bzod pa thob pas phyir mi ldog pa'i byang chub sems dpa' dag sangs rgyas nyid du sangs rgyas rnams kyis mngon sum du lung ston to/ /'di nyid kyi bshad pa ni/ thams cad kyang byang chub sems dpa' thams cad kyi ye shes kyi spyod yul rab tu thob pa'i gnas pas gnas pa zhes bya ba'o/ /byang chub sems dpa' thams cad kyi ye shes ni de bzhin nyid la dmigs pa'o/ /de'i spyod yul ni kun brtags pa'i chos thams cad kyi skye ba med pa ste/ de la rnam par rtog pa thams cad kyi gnyen pos rnyed pa ni rab tu thob pa'o/ /de gang yin zhe na/ mi skye ba'i chos la bzod pa'i mtshan nyid kyi gnas pa ste/ des sa brgyad pa la gnas pa'i ngang tshul can gang yin pa de dag la de skad ces bya ste/ des ni phyir mi ldog pa'i sa la lung bstan pa thob pas mngon sum du lung bstan pa zhes ston to/ /skye ba gcig gis thogs pa zhes bya ba 'dis sangs rgyas nyid du nye bar bstan te/ de dag ni ma 'ongs pa'i dus na sangs rgyas nyid du skye ba gcig kho nas thogs pa'i phyir ro/ / 'di'i bshad pa ni/ de bzhin gshegs pa thams cad kyi ye shes kyi yul rtags pa la 'jug pa rgyun mi gcod pa'i spyod yul pa zhes bya ba ste/ de bzhin gshegs pa thams cad kyi ye shes kyi yul ni nyon mongs pa dang shes bya'i sgrib pa las rnam par dben pa'i de bzhin nyid de/ de nyid sangs rgyas nyid do/ /de rtogs pa ni khong du chud pa ste/ de nyid 'jug pa'o/ /de la rgyun mi gcod pa thogs pa med par nus pa'i spyod yul pa ste/ mthu can gang yin ba di dag la de skad ces bya'o/
- 142a
'jug pa ni rnam pa gsum ste/ mos pas spyod pa'i sa la mos pas 'jug pa dang/ rab tu dga' ba la sogs pas bcu rnams la de kho na rtogs pas 'jug ba dang/ sangs rgyas kyi sa la rtogs pas 'jug pa ste/ de la 'jug ba gong ma gnyis las bzlog pa'i phyir rtogs pa smos so/ /yid kyi cho 'phrul la rnam pa lnga ste/ sems can yongs su smin par bya ba la mkhas pa dang/ smon lam mngon par sgrub pa la mkhas pa dang/ yid bzhin gyi nor bu ltar 'gro ba thams cad nye bar 'tsho ba la mkhas pa dang/ 'khor ba dang mya ngan las 'das pa la mi gnas par mkhas pa dang/ bsam gtan la sogs pa mngon par sgrub pa la mkhas pa'o/ /de la sems can yongs su smin par bya ba la mkhas pa'i dbang du byas nas/ 'gro ba thams cad yongs su smin par bya ba dang/ gdul bar bya ba'i dus bzhin du phyad pa'i byin gyis brlabs can gyi bya ba thams cad yang dag par ston pa la mkhas pa zhes bya ba gsungs te/ 'gro ba thams cad kyi dge ba'i rtsa ba yongs su ma smin pa yongs su smin par bya ba dang/ /yongs su smin pa'i gdul bar bya ba ste/ de'i don du'o/ /dus ji lta ba bzhin du gang gi yongs su smin par bya ba dang/ gdul bar bya ba'i dus gang yin pa'o/ /phyad pa'i byin gyis brlabs 'bras bu yod pa'i mthu can gyi bya ba gang yin pa de thams cad yang dag par ston pa de la mkhas pa dag go/ smon lam mngon par sgrub pa la mkhas pa'i dbang du byas nas/ byang chub sems dpa' thams cad kyi smon lam mngon par sgrub pa bskal pa dang/ dus dang/ zhing dang/ spyod pa la rgyun mi gcod pas gnas pa zhes bya ba gsungs so/ /byang chub sems dpa' thams cad kyi smon lam rnams ni 'di kho na las 'og nas ji skad 'byung ba rnams te/ de dag mngon par sgrub
- 142b
pa ni grub par byed pa'o/ /de rgyun mi gcod pa ni bzang po dang/ skar ma lta bu la sogs pa'i bskal pa gang rnams dang/ ma 'ongs pa'i skye ba'i rgyun gyi dus rnams dang/ de bzhin gshegs pa 'byung ba yang dag par ston pa sangs rgyas kyi zhing rnams dang spyad pa la rgyun chad par mi byed pa ste/ de dag gis gnas pa'i ngang tshul can gang yin pa de dag la de skad ces bya'o/ /de ni smon lam mngon par sgrub pa goms pas dus thams cad dang/ yul thams cad dang/ gnas thams du de dag gi smon? laM dag 'byung ngo/ /zhes bstan pa yin no/ /yid bzhin gyi nor bu ltar 'gro ba thams cad nye bar 'tsho ba la mkhas pa'i dbang du byas nas/ byang chub sems dpa' thams cad kyi 'byor pa'i tshogs bsod nams dang ye shes shin tu yongs su rdzogs pa mi zad pa 'gro ba thams cad nye bar 'tsho ba la zhugs pa zhes bya ba gsungs so/ /byang chub sems dpa' thams cad kyi bsod nams dang ye shes ni don thams cad kyi 'byor par gyur pa'i tshogs 'grub par 'gyur pa'i tshogs nyid yin pas byang chub sems dpa' thams cad kyi 'byor pa'i tshogs bsod nams dang ye shes te/ des gzhan gyi don rnam pa thams cad du yang dag par sgrub pa'i phyir shin tu yongs su rdzogs pa'o/ /dus thams cad du rgyun mi 'chad pa'i phyir mi zad pa ste/ 'gro ba thams cad nye bar 'tsho ba gang yin pa de la zhugs pa dag go/ bsdus pa'i don ni byang chub sems dpa' rnams kyis bsod nams dang ye shes kyi tshogs bsags pa'i phyir gang gis na de dag yid bzhin gyi nor bu ltar dus rtag tu sems can thams cad nye bar 'tsho bar 'gyur ba de ltar byas so zhes bya ba yin no/ /'khor ba dang mya ngan las 'das pa la mi gnas par mkhas pa'i dbang du byas nas/ byang chub sems dpa' thams cad kyi shes rab dang thabs dam pa mchog thob pa
- 143a
zhes bya ba gsungs te/ shes rab ni de bzhin nyid la dmigs pa'i ye shes so/ /thabs ni 'dir snying rje chen por 'dod do/ /mchog ni rab po/ /de ni dam pa yang yin la mchog kyang yin no zhes bya bar tshig rnam par sbyar te/ shes rab dang thabs gnyis kyi dam pa mchog de thob ba dag go /de la shes rab kyis ni 'khor ba la mi gnas so/ /snying rjes ni mya ngan las 'das pa la mi gnas so/ /'khor ba dang mya ngan las 'das pa'i sgo yang dag par stan pa'i byang chub sems dpa' i spyod pa'i rgyun mi gcod pa zhes bya bas ni shes rab dang thabs 'di gnyis kyi 'bras bu bstan to/ /rgyun mi gcod pa zhes bya ba'i sgra ni re re dang sbyar te/ 'khor pa'i sgo yang dag par ston pa'i byang chub sems dpa' i spyod pa rgyun mi gcod ba zhes bya ba dang/ mya ngan las 'das pa'i sgo yang dag par ston pa'i byang chub sems dpa' i spyod brgyun gcod pa zhes bya bar sbyar ro/ /snying brtse bas ni 'khor ba'i sgo yang dag par ston pa'i byang chub sems dpa' i spyod pa bltam ba dang/ gzhon nu dang/ btsun mo'i 'khor gyi nang na bzhugs pa yang dag par ston pa la sogs pa'i mtshan nyid rgyun mi gcod do/ /shes rab kyis ni mya ngan las 'das pa'i sgo yang dag par ston pa'i byang chub sems dpa' spyod par mngon par 'byung ba la sogs pa'i mtshan nyid rgyun mi gcod do/ /bsam gtan la sogs pa mngon par sgrub pa la mkhas pa'i dbang du byas nas/ byang chub sems dpa' thams cad kyi bsam gtan dang/ rnam par thar pa dang/ ting nge 'dzin dang/ snyoms par 'jug pa dang/ mngon par shes pa dang/ ye shes kyi mngon par rol pa'i bya ba thams cad yang dag par ston pa la mkhas pa zhes bya ba gsungs so/ /bsam gtan rnams ni dang po la
- 143b
sogs pa'o/ /rnam par thar pa ni brgyad do/ /ting nge 'dzin rnams ni nam mkha' mdzod la sogs pa'o/ /snyoms par 'jug pa rnams ni mthar gyis gnas pa'i snyoms par 'jug pa dgu po dag go/ mngon par shes pa rnams ni lha'i mig la sogs pa'o/ /ye shes ni de bzhin nyid la dmigs pa'o/ /de dag gi rnam par rol pa'i phyir de dag nyid mngon bar rol pa'o/ /de dag nyid bya ba thams cad de/ yid kyis spyod pa'i mtshan nyid de/ de ston pa la mkhas pa dag go /lus kyi cho 'phrul ni rnam pa gnyis te/ de bzhin gshegs pa thams cad kyi 'khor gyi dkyil 'khor du cig car du 'gro bar yang dag par ston pa dang/ 'dul ba dang mthun pa'i lus rab tu snang ba yang dag bar ston pa'o/ /de bzhin gshegs pa'i 'khor gyi dkyil 'khor du 'gro ba yang dag pa ston pa yang dam pa'i chos kyi gtam 'byung bar bya ba'i don dang/ chos kyi 'khor lo yang dag par gzung ba'i don dang/ de bzhin gshegs pa la mchod ba dang/ rim gro bya ba'i don du'o/ /nga la dam pa'i chos kyi gtam 'byung bar bya ba'i dbang du byas nas/ byang chub sems dpa' thams cad kyi rdzu 'phrul gyi stobs la dbang thob pas mngon par 'du bya ba med par sems kyi skad cig gis de bzhin gshegs pa thams cad kyi 'khor gyi dkyil 'khor du 'gro ba la sngon du 'dren pa'i gtam gyi skyes bur gyur pa zhes bya ba gsungs te/ rdzu 'phrul ni 'gro ba'o/ /de'i stobs ni mthu'o/ /de la dbang ba ste de thob pa'o/ /de nyid kyi phyir de dag mngon par 'du bya ba med bas lhun gyis grub par sems kyi skad cig kho nas de bzhin gshegs pa thams cad kyi 'khor gyi dkyil 'khor du cig car du 'gro ba yang dag par ston to/ /des na de dag sngon 'dren pa'i gtam gyi skyes bu ste/ de dag ni
- 144a
theg pa chen po'i gtam la gtso bo yin pa'i phyir ro/ /de dag ni byang chub sems dpa' thams cad kyi rdzu 'phrul gyi stobs la dbang thob pa yang yin la/ mngon par 'du bya ba med par sems kyi skad cig gis de bzhin gshegs pa thams cad kyi 'khor gyi dkyil 'khor du 'gro ba'i sngon du 'dren pa'i gtam gyi skyes buAng yin no/ /zhes bye brag gi bsdu pa'o/ /chos kyi 'khor lo yang dag par bzung ba dang/ de bzhin gshegs pa la mtshad pa dang/ rim gro bya ba'i dbang du byas nas/ de bzhin gshegs pa thams cad kyi chos kyi 'khor lo yang dag par gzung ba dang/ sangs rgyas la mchod pa dang/ rim gro rgya chen po bya ba la mngon par brtson zhes bya ba gsungs te/ de bzhin gshegs pa thams cad kyi chos kyi 'khor lo yang dag par gzung ba dang/ mchod pa dang/ rim gro rgya chen po bya ba la mngon par brtson pa zhes bya ba'i tha tshig go /mchod pa ni gdugs la sogs pas so/ /rim gro bya ba ni bsnyen bkur bya ba la sogs pas so/ /'dul ba ngang mthun pa'i lus rab tu snang bar byed pa yang dag par ston pa'i dbang du byas nas/ byang chub sems dpa' thams cad kyi las yang dag par blang ba can gyi mnyam pa nyid kyi sbyor bas 'jig rten gyi khams thams cad du lus rab tu snang bar byed pa rdzob pa zhes bya ba gsungs te/ byang chub sems dpa' thams cad kyi las ni sems can gyi don sgrub pa'o/ /de yang dag par blang ba ni legs par khas blang ba'o/ /de sngon du 'gro ba can gyi mnyam pa nyid kyi sbyor ba ni rjes su chags pa dang/ khong khro ba med pa dang/ 'dul ba dang mthun pa nyid kyis thams cad la sgrub pa'i/ /de'i don 'jig rten gyi khams thams cad du 'dul ba dang mthun pa'i las snang bar byed pa gang yin pa lus yang dag par ston pa de thob pa dag gi /dag gi cho
- 144b
'phrul yang rnam pa gnyis te/ dbyangs kyis 'jig rten gyi khams mdza' yas pa khyab pa dang/ tshig dang yi ge sna tshogs kyis bskal pa mdza' yas pa rnams su theg pa chen po rgyun mi 'chad par rab tu ston pa'o/ /de la dang po'i dbang byas nas/ chos thams cad kyi dbyings ltar chags pa med pa'i dbyings sgrog pas khyab par byed pas dus gsum thams cad la chags pa med pa'i sems kyis ye shes kyi yul rgyas par 'gengs pa zhes bya ba gsungs/ /sangs rgyas kyi chos thams cad kyi dbyings ni de bzhin nyid do/ /de ltar chags pa med pa ni thogs pa med pa'o/ /de gang yin zhe na/ chos kyi dud de/ /grag par byed pa'i phyir sgrogs po ste/ dbyangs kyi sbrogs pa yin pas dbyangs sgrog pa ste/ dbyangs kyi rgyu ni chos kyi dung zhes bya ba'i tha tshig go/ des khyab par byed pa ste/ kun tu tshig tu snang ba'i rnam par shes pa 'byung ba'i phyir de skad? ces bya'i/ dag phyi rol na grub pa ni med do/ /dus gsum thams cad la chags pa med pa'i sems kyi ye shes can gang yin pa'i sangs rgyas bcom ldan 'das de dag la de skad ces bya'o/ /sems smos pa ni phyi rol ma grub pa'i phyir shes bya pa tsam du zad pa'o/ /de dag gi yul ni 'jig rten gyi khams thams cad de/ 'jig rten gyi khams thams cad du chags pa med pa'i dbyangs sgrogs pas khyab par phyed pas dus gsum thams cad la chags pa med pa'i sems kyis ye shes kyi yul rgyas par 'gengs pa ni khyab par byed pa ste/ de bzhin gshegs pa'i ye shes kyi yul 'jig rten gyi khams rnams cig car du dbyangs kyi khyab par byed ces bya pa'i tha tshig go /theg pa chen po yang dag par rab tu ston pa'i dbang du byas nas/ byang chub sems dpa' thams cad kyi sde snod ces bya ba la sogs pa gsungs so/ /byang chub sems dpa' i sde snod ni theg pa chen po'o/ /de'i yon tan 'byor pa ni
- 145a
yon tan phun sum tshogs pa'o/ /de shin tu yongs su rdzogs pa bskal pa brjod du med par rgyun mi 'chad par bar chad med par yang dag par rab tu bstan pa ste/ yang dag par rab tu bstan pa/ de lta bus yon tan bsngags pa bstan pa/ yon tan bstod pa zad mi shes pa can gang yin pa de dag la de skad ces bya ba ste/ bskal pa dpag tu med par yang theg pa chen po'i yon tan ston pa rnams kyi yon tan bsngags pa'i bstan pa mi zad ces bya ba'i tha tshig go/ 'di ltar rdo rje'i snying po dang/ zhes bya ba la sogs pa ni grangs phal che ba bstan to/ /bdag gis byang chub sems dpa' i 'khor gyi nang na gtso bor gyur pas de la sogs pa ste/ so sor bstan par blta'o/ /'phags pa sa bcu'i mdo sde'i gleng gzhi bzhi bshad pa/ slob dpon shAkya'i blos mdzad pa rdzogs so// //rta 'phags pa rnam par mi rtog par 'jug pa'i gzungs kyi rgya cher 'grel pa slob dpon ga ma la shI las mdzad pa bzhugs// wAM/ //rgya gar skad du/ Arya a bi kalpa pra be sha d+hA ra NI TI ka/ bod skad du/ 'phags pa rnam par mi rtog par 'jug pa'i gzungs kyi rgya cher 'grel pa/ 'jam dpal gzhon nur gyur pa la phyag 'tshal lo/ /log rtog dra ba mang po dag /ma lus bsal la phyag 'tshal te/ rnam par mi rtog 'jug pa'i don/ /ci nus rnam par dbye bar bye /de la mdo sde 'chad par 'dod pas nyan pa'i skye bo dag nan tan gyis len pa la sogs pa la gzung pa'i phyir dang por dgos pa je brjod par bya ste/ dgos pa ma rtogs par ni rtog pa dang ldan pa dag gang la yang 'jug par mi 'gyur ro/ /de'i 'og tu mdo sde'i don bde blag tu zin par bya ba'i phyir bsdus pa'i don brjod par bya'o/ /de'i 'og tu bsdus pa'i don rtogs par bya ba'i phyir tshig gi don
- 145b
brjod par bya'o/ /de'i 'og tu don la 'brel par med du dogs pa bsal pa'i phyir tshig gi mtshams sbyar ba bstan par bya'o/ /de'i 'og tu snga phyi rigs pa dang 'gal ba bsal ba'i phyir rgol ba'i lan brjod par bya ste/ tshul ni de lta'o/ /de la dran pa dang shes rab kyi khyad par gyi mtshan nyid kyis rnam par mi rtog pa'i dbyings la 'jug pa dang/ rtog pa'i dra ba ma lus par spong ba ni mdo sde 'di'i dgos pa'o/ /de nas sa yongs su sbyong ba'i rim gyis thams cad mkhyen pa'i go 'phang 'thob pa'i bar ni dgos pa mthar phyin pa'o/ /de ltar na mdo sde 'dis rnam par mi rtog pa'i dbyings la 'jug pa'i thabs yang dag par ston to/ /gang dag thabs gang la phyin ci ma log par gnas pa de dag ni de 'thob pa la the tshom mi skye ste/ dper na phyin ci ma log par nad med par bsgrub pa la nad pa rnams gnas na nad med par 'gyur pa bzhin no/ /de bas na gang dag mdo sde'i don thos nas de la brten te/ yang dag par bsgom pa la rtag tu nan tan gyis yun ring por brtson par byed pa de dag ni gdon mi za bar ji skad gsungs pa'i rnam par mi rtog pa'i dbyings la 'jug par 'gyur ro/ /de nas sgrib pa bsags ba ma lus pa dag rim gyis zad do/ sgrib pa med pa'i ye shes shar nas thams cad mkhyen pa'i go 'phang 'thob par 'gyur te/ de skad du yang rnam par mi rtog par 'jug pa'i bzungs bzung na/ byang chub sems dpa' myur ba myur bar sangs rgyas kyi chos rnams sgrub cing rtag tu khyad par du yang 'gro'o zhes gsungs so/ /dgos pa de ni 'di'i ming gis kyang bstan te/ de ltar na 'di la rnam par rtog pa med pas rnam par mi rtog pa'i chos kyi dbyings zhes bya'o/ /de la gang dran pa dang shes rab kyi khyad par gyis 'jug pa de ni rnam par mi rtog pa la 'jug pa'o/ /de'i stobs kyis byang chub
- 146a
sems dpa' rnams de bzhin gshegs pa thams cad kyis gsungs pa kun 'dzin pas na de nyid gzugs zhes bya'o/ /tshig kyang de'i rgyur 'gyur bas na de skad bstan te/ dper na sangs rgyas rnams 'byung ba bde'i? zhes bya ba lta bu'o/ /mdo sde 'di dngos su ni rnam par rtog pa'i gnyen por gsungs mod kyi/ /'on kyang nyes ba thams cad ni log par rtog pa las 'byung bas na de'i phyir nyes pa ma lus pa'i gnyen po nyid du yang gnas so/ /de la gzungs 'di'i bsdus pa'i don ni rnam pa bcu bzhi ste/ gleng gzhi dang/ gleng bslang ba dang/ yang dag bar 'dzin du 'jug pa dang/ gsol ba 'debs ba dang/ 'khor snod du bya ba dang gnas pa dang/ mtshon ma yongs su spong bar yang dag par sbyor ba dang/ rnam par mi rtog pa'i dbyings su 'jug pa dang/ rnam par mi rtog pa'i dbyings kyi mtshan nyid dang/ der zhugs pa'i rtags dang/ de'i phan yon dang/ de'i las dang/ dpes rnam par mi rtog pa gcig tu blang ba dang/ ji ltar yid la byas pas mtshan ma yongs su spangs te/ rnam par mi rtog pa la 'jug par 'gyur ba thabs dang bcas pa dad bcu bzhi'o/ /de la 'di skad ces bya ba nas bzung ste/ byang chub sems dpa' sems dpa' chen po 'phags pa spyan ras gzigs dbang phyug dang thabs gcig go zhes bya ba'i bar 'dis ni gleng gzhi bstan to/ /de'i 'og tu de nas zhes bya ba nas bzung ste/ chos rnams kyi rnam par mi rtog pa nyid las brtsams te chos ston to zhes bya ba'i bar 'dis ni gleng bslang ba'o/ /de nas zhes bya ba nas bzung ste/ rtag tu khyad par du yang 'gro'o zhes pa'i bar 'dis ni yang dag par 'dzin du 'jug pa'o/ /de nas zhes bya ba nas bzung ste/ rgya cher ston par 'gyur bar
- 146b
rnam par mi rtog par 'jug pa'i gzungs bshad du gsol zhes bya ba'i bar 'dis ni gsol ba 'debs pa'o/ /de skad ces gsol pa dang zhes bya ba nas bzung ste/ nyan pa dang zhes bya ba'i bar 'dis ni snong du bya'o/ /bcom ldan 'das kyis zhes bya ba nas bzung ste/ bsam pa bzhag nas zhes bya bar 'dis ni gnas pa'o/ /'di lta ste gzung ba 'am 'dzin par yang rung rnam par rtog pa'i mtshan ma thams cad yongs su spong ste/ zhes bya ba nas bzung ste/ rnam par mi rtog pa'i dbyings la reg bar 'gyur ba tshul bzhin gyi ting nge 'dzin ni yod do zhes bya ba'i bar 'dis ni yang dag par sbyor ba'o/ /de yang dag par zhes bya ba nas bzung ste/ rim gyis yongs su spong ngo zhes bya ba'i bar 'dis ni rnam par mi rtog pa'i dbyings su 'jug pa'o/ /ci'i phyir zhe na/ zhes bya ba nas bzung ste/ gnas med pas zhes bya ba'i bar ni/ rnam par mi rtog pa'i dbyings kyi mtshan nyid do/ /byang chub sems dpa' sems dpa' chen po rnam par mi rtag pa'i dbyings la rab tu gnas pa ni zhes bya ba nas bzung ste/ sprul pa dang mtshungs par mthong ngo zhes bya ba'i bar 'dis ni der zhugs ba'i rtags so/ /bde ba chen po zhes bya ba nas bzung ste/ bshad ba chen po la dbang ba shin tu rgyas pa yang 'thob bo zhes bye ba'i bar 'dis ni de'i phan yon no/ /dus thams cad du zhes bya ba nas bzung ste/ sangs rgyas kyi mdzad pa lhun gyis grub pa yang rgyun mi gcod do zhes bya ba'i bar 'dis ni de'i las so/ /rigs kyi bu dag 'di lta ste/ dper na zhes bya ba nas bzung ste/ rigs kyi bu drug de ltar dpe nye bar bkod pa 'dis rnam par mi rtog pa'i dbyings su 'jug pa khor du chud bar bya'o/ /zhes bya ba'i bar 'dis ni dpe'o/ /tshig lhag ma rnams kyis ni thabs ston to/ /tshigs su bcad pa gnyis kyis ni ji skad gsungs
- 147a
pa'i don bsdu pa ste bsdus pa'i don dang sbyar ro/ /tshig gi don la sogs pa ni gdod brjod par bya ste/ de la bdag la yid ches pa bskyed pa dang/ yid brtan du rung bas mdo sde gsungs par bstan pas de las gus pa bskyed pa'i phyir yang dag par sdud par byed pas thams cad du thog mar gleng gzhi smos te/ de'i phyir yang bstan du rung pas gsungs par nges pa sbyin pas na gleng gzhi zhes bya'o/ /'di skad ces bya ba 'dis ni yang dag pa sdud par byed pas mdo sde'i don 'og nas 'byung ba mdza' dag ston te/ sgro btags pa dang skur ba spangs pa'i phyir ro/ /bdag gis zhes bya bas ni mngon sum du thos bar bstan pa ste/ bdag nyid kyis thos kyi thos pa gcig nas gcig tu brgyud pa ni ma yin pa'o/ /thos pa zhes bya ba 'dis ni bdag gis ma rtogs so zhes bstan pa ste/ thos par zad kyi rtogs pa med par rnam par gcod pa'o/ /chos kyi dbyings thugs su chud pa 'phags pa 'jam pa'i dbyangs la sogs pa theg pa chen po yang dag par sdud par byed par grags med kyi/ 'on kyang sangs rgyas dang 'dra bar 'di 'dra ba'i chos rnam pa thams cad du rtogs pa gzhan la mi srid de/ de bas na de dag gis kyang/ bdag nyid yang dag par sdud par byed par khas blangs pas mdo sde'i don rnam pa thams cad du ma rtogs so zhes ston to/ /gzhan du na ni de nyid ston pa por 'gyur te/ yang dag par sdud bar byed pa ma yin no/ /de nyid ni yid ches par byed pa'i rgyu ste/ gzhan du na mi srid pa'i don smras na yid ches par mi 'gyur ba'i phyir ro/ /yang na thos zhes bya ba 'dis ni bdag nyid 'chad pa po dgag? pa ste/ gzungs 'di yang? brtan du rung bas gsungs par ston te/ bdag ni de'i tshen nyan par zad kyi 'chang ba po ni ma yin te/ 'chad pa po ni bcom ldan 'das so zhes ston pa'i phyir ro/ /'o na yang dag par sdud pa sdud par byed pas/
- 147b
bcom ldan 'das kyis 'di skad bka' stsal pa zhes ci'i phyir ma brjod ce na/ de skad ces smras pa la yon tan lhag pa ci zhig yod/ gal te bcom ldan 'das kyis gsungs pa nyid du bstan par 'gyur ro zhes na ma yin te/ bdag gis thes pa zhes bya ba 'dis kyang de bstan par 'gyur te/ ji skad gong du bshad pa bzhin no/ /yang bcom ldan 'das kyis 'di skad bka' stsal pa zhes smras na ni yang dag par sdud par byed pa bdag nyid kyis mngon sum du thos pa ma yin par bstan par 'gyur te/ de'i phyir thos pa gcig nas gcig tu brgyud pa las 'ongs pa'i tshig yin par dogs shing yang dag par sdud par byed pa'i tshig las su yang yid ches par mi 'gyur ro/ 'on te de'i phyir bdag gis thos pa zhes bya ba 'di dang gzhan yang smos na ni de'i tshe tshig mangs bar 'gyur ro/ /'di skad bdag gis thos pa zhes bya ba de tsam gyis kyang brjod par 'dod pa'i don rdzogs pa'i phyir bcom ldan 'das kyis bka' stsal ba zhes bya ba'i tshig lhag par 'gyur ro/ /de bas na bcom ldan 'das kyis kyang yongs su mya ngan las 'das pa chen po la sogs pa'i mdo las 'di skad bdag gis thos pa zhes bya ba la sogs pa'i tshig rnams kyis yang dag par bsdu ba byos shig ces lung? phog go/ de bas na bcom ldan 'das kyi lung dang mthun par yang dag par sdud par byed pas de bzhin du yang dag par bsdu ba byas par 'gyur te rgol ba 'di ni mi rung ngo/ /gzhan dag gis 'dir lan du smras pa/ bcom ldan 'das kyi gsungs gcig la sems can gyi mos pa sna tshogs kyi dbang gis rnam pa du mar bshad par snang ba'i shes bskye bas 'di ni bcom ldan 'das kyis 'di skad bka' stsal pa zhes byar mi rung ngo de bas na bdag gis thos ba zhes bya ba ni/ yang dag par sdud par byed pas bdag nyid kyis thos pa'i lam nas 'ongs pa'i rim pa ston pas bcom ldan 'das kyis 'di?
- 148a
skad bka' stsal pa zhes mi brjod de/ bcom ldan 'das kyis bshad pa de'i yul ma yin pa'i phyir ro/ /de bas na mjug tu de skad ces bka' stsal to zhes brjod kyi 'di skad bka' stsal to zhes ni ma brjod do// bcom ldan 'das kyis ni yi ge dang nges pa'i tshig tu brjod pas cung zad kyang ma bshad de/ de ni dus thams cad du rnam par mi rtog pa'i phyir ro/ /bcom ldan 'das kyi dbang tsam gyis sems can rnams la de ltar chos ston par snang par 'gyur te/ de bas na yang dag par sdud par byed pa nyid la rab tu snang ba dang mthun par thos pa thos zhes bya bar smras kyi/ bcom ldan 'das kyis 'di skad bka' stsal pa zhes pa ni ma smras te/ bcom ldan 'das kyis yi ge 'bru gcig kyang ma bshad pa'i phyir ro zhe'o/ de yang mi rung ste/ gal te yang dag par sdud par byed pas rang gis thos pa'i lam nas 'ongs sam/ rang la snang ba tsam las 'ongs so zhes bstan na ni bcom ldan 'das kyis gsungs pa kho na ma yin te/ de'i tshe mdo sde 'di zhal nas gsungs pa nyid du bstan par byas pa ma yin pas na nyan pa'i skye bo dag 'di la gus pa mi skyed par 'gyur ro/ /gal te 'di bdag la snang ba dang mthun par bstan na ni de la de bzhin du snang ba ma skyes pa ni ma yin na/ de'i tshe bcom ldan 'das kyis 'di skad bka' stsal pa zhes kyang ci'i phyir ma bstan/ 'on te 'chang par snang ba med na ni de thos so snyam pa'i snang ba'ang mi 'byung bar 'gyur ro/ /bcom ldan 'das chos ston to// bcom ldan 'das kyis 'di skad bka' stsal to/ /zhes bya ba la sogs pa yang dag par sdud par byed pas ci'i phyir brjod pa smros shig/ gal te gzhan dag dam pa'i chos la gus pa bskyed par bya ba'i phyir rang la snang ba dang/
- 148b
mthun par 'di skad smras so zhe na ni/ gal te de lta na de bzhin du dang por yang bcom ldan 'das kyis 'di skad bka' stsal pa zhes ci'i phyir ma brjod /gzhan du na sngar ni rang la snang ba tsam gyis bshad par bsgrubs la/ phyis ni bcom ldan 'das kyis de skad bka' stsal to zhes mjug tu bcom ldan 'das kyis bka' stsal par bsgrubs na ltag 'og 'gal bar 'gyur ro/ /bcom ldan 'das kyis 'di skad bka' stsal pa zhes bya ba dang/ bcom ldan 'das kyis 'di skad ces bka' stsal zhes bya ba'i tshig 'di gnyis ni bsnan pa med par bye brag cung zad kyang med de/ yang dag par sdud par byed pas bdag la gnang ba tsam dang mthun pas tshig gnyi ga la bsnan pa dang bces pas tshig spyar kyang cung zad kyang mi 'gal na gang gis na mjug tu de skad ces bka' stsal to zhes brjod kyi/ 'di skad bka' stsal to zhas ni ma brjod do zhes bya ba yang khungs su mi 'gyur te/ de bas na 'di ni cir yang mi rung ngo/ /dus gcig na zhes bya ba ni dus gcig gis tshe 'am 'khor 'dus pa na 'di thos so zhes gong ma dang sbyar ro/ /'dis ni tshos 'di thos par dka' bar ston te/ thams cad du thams cad kyis 'di 'dra pa'i chos thos par mi 'gyur ro zhes bstan pa'o/ /yang na bdag nyid mang du thos par bstan pa ste/ dus gzhan na ni gzhan yang thos bar ston pa'i phyir te/ dus gcig na bcom ldan 'das bzhugs zhes bya ba 'og ma dang sbyar ro/ /'dis ni 'dul ba'i dgos pa mdza' yas pas dus gzhan na ni bcom ldan 'das gzhan na bzhugs so zhes ston te/ /bcom ldan 'das zhes bya ba 'dis ni de bzhin gshegs pa'i yon tan brjod pa'i sgo nas byung bar bstan pa ste/ gzhan la yon tan 'di lta bu mi srid pa'i phyir ro/ /de la bdud bzhi bcom ba 'am dbang phyug la sogs pa'i yon tan dang ldan pas bcom
- 149a
ldan 'das te/ dbang dang rab tu ldan pa dang/ /gzugs dang dpal dang grags pa dang/ /ye shes dang ni nan tan dang/ /drug dang bcu ldan phyir ro/ /zhes ji skad gsungs pa lta bu'o/ /yang na srid pa dang mya ngan las 'das pa dang bral ba 'am srid ba'i 'gro ba las 'das pa'i phyir ro/ /yang na mi 'jigs pa bzhi thob nas 'jigs pa ma lus dang bral bas nges pa'i tshig gi tshul gyis bcom ldan 'das zhes bya ste/ 'phags pa phyir mi ldog pa'i 'khor lo'i mdo las/ /nam mkha' 'dra ba'i chos dag ni/ /lus can rnams la rab ston kyang/ /'di la 'jigs pa med pa ste/ /de bas bcom ldan 'das zhes bya/ /zhes ji skad gsungs pa lta bu'o/ /rgyal po'i khab ces bya ba ni/ grong khyer gyi khyad par gyi ming ste/ sngon rgyal po'i ming khang pa'i ming du btags pas mi ma yin pa dag gis ma gtsos pas de skad btags zhes grag ste/ de bas na grong khyer de la de skad ces bya'o/ /'di ni grong khyer thams cad kyi mchog yin pas/ der bshad pas de bzhin du mdo sde 'di yang mdo sde thams cad kyi mchog tu ston to/ /bzhugs so zhes bya ba ni rnam pa gsum gyis bzhugs pa ste/ spyod lam gyis bzhugs pa dang/ chos 'chad cing bzhugs pa dang/ nang du yang dag 'jog la bzhugs pa'o/ /bams gsum ba thams cad ces bya ba la sogs pas ni nang du yang dag 'jog la zhugs pa ston to/ /'dir sgrib pa'i dri ma thams cad dang bral ba'i phyir yid dang bar byed pas na khang bzang zhes bya ste/ de ni de bzhin gshegs pa'i bsam gyis mi khyab pa'i ting nge 'dzin to/ /rnam par mi rtogs pa'i chos kyi dbyings kyi snying po ni khang pa gang la snying po de yod pa de la de skad ces bshad de/ de rtogs pas gnas pa'i phyir de'i nyid de'i snying po zhes bya'o/ /zag pa
- 149b
med pas khams gsum las 'das pa'i phyir de ni khams gsum pa thams cad las khyad par du 'phags pa yang yin la rnam par mi rtog pa'i chos kyi dbyings kyi snying po yang yin no zhes bsdu'o/ /yang na khang pa ni gnas kyi khyad par te/ de yang 'jig rten las 'das pa'i dge ba'i rtsa ba las byung bas khams gsum gyi sred pa dag gis bdag gir ma byas pa'i phyir khams gsum na de lta bu gzhan med pas khams gsum pa thams cad las khyad par du 'phags pa zhes bya'o/ /chos kyi dbyings rtogs pa las byung ba'i phyir rnam par mi rtog pa'i chos kyi dbyings kyi snying po las byung ba'i gnas de la de skad ces bshad do/ /de yang bsod nams dang ye shes kyi tshogs zab cing rgya che ba gzhal du med pas rnam par spyangs pa'i ye shes kyi mig can byang chub sems dpa' rnams kyi spyod yul te/ dman pa la mes pa mig ser gyi nad kyi thebs pa lta bu'i ye shes kyis mig can nyan thos la sogs pa dag gis ni ma yin no/ /de bas na nyan thos kyi mdo sde bstan pa las ni rnam pa 'di lta bu 'di ma gsungs te/ bcom ldan 'das kyi 'byor ba'i rnam pa thams cad la dman pa la mos pa'i sems can rnams kyis ji lta ba bzhin du mos par mi nus te/ de bas na mos pa ji lta ba bzhin du sems can gyi bsam pa dang 'tsham par nyan thos la sogs pa dag la bcom ldan 'das nyid kyang spyod pa chung du ston to/ /byang chub sems dpa' rnams la ni rgya chen po yang mi 'gal lo/ /gnas dben pa 'di bstan pas kyang bcom ldan 'das nang du yang dag 'jog la bzhugs pa nyid du bstan to/ /rgyal po'i khab na bzhugs pas ni gzhan gyi don phun sum tshogs pa bstan te/ bdag gi don gzhan gyi don phun sum tshogs pas der bzhugs so/ /de
- 150a
bas na yul gyi khyad par kho na brjod kyi/ dus kyi khyad par ni ma yin te/ 'di ltar yul gyi khyad par brjod pas ni/ de na bcom ldan 'das chos 'chad bas bzhugs pa dang/ spyod lam gyis bzhugs ba bstan te/ bzhugs pa gnyis pos ni bcom ldan 'das gzhan gyi don mdzad par shes bar bya'o/ /'di ltar chos 'chad cing bzhugs pas ni/ yang dag par bstan pa dang/ yang dag par 'dzin du 'jug pa dang/ gzengs bstod pa dang/ rab tu dga' bar mdzad pas ngan 'gro dang/ 'khor ba las dkrol te/ bde 'gro dang theg pa gsum la rab tu bkod pas bcom ldan 'das sems can gyi don dpag tu med pa mdzad par shes par bya'o/ /spyod lam gyis bzhugs pas kyang bsod snyoms la rgyu ba la sogs ba na grong gi bud med dang/ rgan po dang/ nad pa dang/ dbul po la sogs pas bcom ldan 'das la bsod snyom la sogs cung zad tsam phul bas kyang bsod snyoms dpag tu med pa rab tu 'phel ba'i phyir ro ngo mtshar sna tshogs rgyun tu bstan pas long ba la sogs pas ni mig la sogs pa 'thob pa dang/ ma dad pa rnams kyi dad pa bskyed pa dang/ dad pa rnams kyi dad pa 'phel bar bya ba'i phyir te/ mdo sde las ji skad 'byung ba bzhin no/ /bcom ldan 'das kyis bzhugs ba gnyis kyis ni gzhan gyi don dpag tu med pa nyid du shes par bya'o/ dus kyi khyad par brjod pas ni phun sum tshogs pa gang yang mi ston pas de bas na de ni gang du yang ma smos te/ yang dang yang gzhan du 'gyur bas dus la nges pa med de/ brtag dka' ba'i phyir ro/ /skad cig ma gcig la yang sangs rgyas dang byang chub sems dpa' rnams bskal pa dang/ zhag dang/ zla ba la sogs pa'i dbye ba du ma ston pa'i phyir ro/ /de bas na dus la
- 150b
nges par bya bar mi nus pas gang du yang ma smos so/ /gzhan dag gis lan du smras pa/ dus de nyid kyi tshe/ bcom ldan 'das yul gzhan du yang snang bas yul tha dad pa nas lhag pa rnams dus kyi khyad par brjod pa na de'i tshe na ni bcom ldan 'das nged kyi drung na bzhugs so/ /nged kyi drung na bzhugs so zhes rtsod par 'gyur te/ de bas na dus kyi nges pa ni ma byas so zhe'o/ /de la yul gyi khyad par 'di smras pas ci'i phyir rtsod par mi 'gyur ba smros shig /de'i tshe bcom ldan 'das yul gzhan na yang snang ba'i phyir ro/ /'on te bcom ldan 'das kyi mthu'i khyad par bsam gyis mi khyab pa la mos pas de dag der rtsod par mi 'gyur na ni/ de lta na go dus la yang nges par mi 'gyur te 'di ni gyi na'o/ /nang du yang dag 'jog la bzhugs pas ni bdag gi don phun sum tshogs pa bstan te/ don gnyi ga phun sum tshogs pa'i ston pa la ni skyabs su 'gro bar rigs pa'o/ /des gsungs pa'i lung ni mi bslubs tshad mar rigs te/ de bas na bcom ldan 'das kyis gsungs pa la gus pa bskyed pa'i phyir phun sum tshogs pa gnyi ga smos so/ /yang 'di la dbang su yod snyam pa la/ chen po zhes bya ba gsungs te/ nyon mongs pa bcom pa'i phyir dge slong ngo/ /de dag 'dus pa lo bdud la sogs pas dbyer mi phyed de 'dus pas na dge 'dun zhes bya'o/ /byang chub sems dpa' i tshogs chen po zhes bya ba na/ thabs gcig ces bya ba dang sbyar ro/ /de dag ni sems can rnams la khong du chud par byed pa 'am/ byang chub la 'jog bsam/ byang chub la sems pas na byang chub sems dpa' o/ /de dag gi tshogs ni 'dus pa ste/ tshogs gnyi ga yang? grangs dang yon tan gnyis kyis chen po'o/ /theg pa chen po la yang nyan thos rnams 'jug par 'gyur ba bstan pa'i phyir/ theg pa chen po'i mdo sde bshad pa la nyan thos rnams kyang bshad kyi/ byang chub sems dpa' rnams ni nyan thos kyi
- 151a
mdo sde bshad pa la ma yin te/ de dag der mi 'jug pa'i phyir ro/ /dge slong gi dge 'dun ni rab tu byung bar 'dra ba dang/ bya ba byas pa dang/ bdag gi don lhur len pas rtag tu bcom ldan 'das kyi zha 'bring byed pa dang/ rab tu byung ba rnams la gus pa bya bar brjod pa'i phyir gong du bstan to/ /'di lta ste zhes bya ba la sogs pas byang chub sems dpa' rnams kyi ming brjod pa ni de dag mthu chen bor grags pa dang/ mdo sde yang de dag gi ched du bshad pa'i phyir ro/ /nyan thos rnams kyi ming ma brjod pa ni de dag de las bzlog pa'i phyir ro/ /sems dpa' chen po zhes bya ba chen po ni sems can gyi tshogs chen po bsgral ba'i phyir go cha bgos pa dang/ blo che ba dang/ gtong ba chen po dang ldan pa dang mthu chen po'i phyir ro zhes shes rab kyi pha rol tu phyin pa las gsungs pas na sems dpa' chen po'o/ /yang na chos dang/ sems bskyed pa dang/ bsem pa dang/ mos pa dang/ tshogs dang/ dus dang/ yang dag par 'grub pa che bas na sems dpa' chen po'o/ /de la chos chen po ni byang chub sems dpa' rnams kyi shes rab kyi pha rol tu phyin pa stong phrag brgya pa la sogs pa'i chos rab tu rgya che ba'i phyir ro/ /sems bskyed ba chen po ni de dag nyid bla na med pa yang dag par rdzogs pa'i byang chub du sems bskyed pa'i phyir ro/ /bsam pa chen po ni sems can thams cad la phan pa dang bde ba bya bar sems pa'i phyir ro/ /mos pa chen po ni zab cing rgya che ba'i chos la mos pa'i phyir ro/ /tshogs chen po ni bsod nams dang ye shes kyi tshogs? chen po dpag tu med pa'i phyir ro/ /dus chen po ni bskal ba grangs med pa gsum du brtson 'grus brtsams pas byang chub 'thob pa'i phyir ro/ /'di dag thams cad kyis ni rgyu chen po bstan to/ /yang dag par 'grub pa chen po 'dis ni 'bras
- 151b
bu ste/ bla na med pa yang dag par rdzogs pa'i byang chub 'thob pa'i phyir ro/ /rnam par mi rtog ces bya ba ni phyin ci log tu mi rtogs pas rnam par mi rtog ste/ log par rtog pa spangs pa'i phyir ro/ /'di la 'dis rnam par ma brtags pas na rnam par mi rtog pa ste/ de bzhin nyid dang/ yang dag pa'i ye shes so/ /des de thob pas/ snang zhing gsal bas na rnam par mi rtog snang ba'o/ /rnam par mi rtog pa ni zla ba bzhin du bsil bar byed pas na rnam par mi rtogs pa? pa'o/ /rnam par mi rtog ba'i ye shes la dbang thob pa'i phyir de la dpa' bas na rnam par rtog med dpa' ba' o/ /rnam par me rtog pa'i dbang du byas nas rnam par mi rtog pa'i chos theg pa chen po des mngon sum dang brgyud de bshad pa'i phyir de ston pa la mkhas pa gang yin pa de la de skad ces bya'o/ /rnam par rtog med ngo bo nyid ces bya ba ni rnam par mi rtog pa'i ye shes kyi bdag nyid du gyur ga'i phyir ro/ /rnam par mi rtog pa'i ye shes la dbang thob pas na/ rnam par rtog med dbang phyug go /rnam par mi rtog cing dmigs pa med pa'i byams pa chen po la dbang ste dbang thob pas na rnam par rtog med byams pa chen po'i dbang phyug go/ thugs brtse bas skal pa yod pa dang skal ba med pa'i sems can thams cad la gzigs pa'i dbang po ste dbang thob pas na spyan ras gzigs dbang phyug go /ming lhag ma rnams ni khong du chud par sla bas rnam par phye'o/ /ji skad du bshad ba'i ming don dang ldan pa'i byang chub sems dpa' rnams kho na'i ming brjod pa ni de dag gtso bo yin pa'i phyir te/ de'i tshe rnam par mi rtog pa las brtsams nas chos ston pa'i phyir ro/ /tshul bzhin ma yin pa yid la byed ba'i rnam par mi rtog pa ring du spangs pa dag kho nas dam pa'i chos 'di ma nyan pa dang mos par nus te/ gzhan gyis ni ma yin no zhes bstan pa'i phyir ro/ /gling gzhi bshad
- 152a
zin to/ /gleng bslang ba ste/ de nas zhes bya ba la sogs pa gsungs so/ /yongs su bskor ces bya ba ni kun nas te/ 'khor de rab tu mang pa'i phyir ro/ /mdun gyis bltas zhes bya bas ni mdun gyis phyogs pa ste/ gus pa bskyed par bya ba'i phyir ro/ /chos rnams kyi rnam par mi rtog pa nyid las brtsams te zhes bya bas ni chos thams cad ni yod ba dang med pa la sogs pa'i chos las 'das pa ste/ de bas na rnam par mi rtog pa ni brjod du med pa'o/ /chos rnams kyi rnam par mi rtog pa'i chos nyid de brjod pa'i phyir chos ston te/ skabs 'dir bcom ldan 'das kyi mdo sde 'di gsungs so/ /de bas na ji skad gsungs pa'i chos ston pa na 'khor snod du rung bar mkhyen nas gzungs 'di nyan du gzhug pa'i phyir bcom ldan 'das kyis yang dag par 'dzin du 'jug pa'o/ /yang dag par 'dzin du 'jug pa bstan pa'i phyir/ de nas bcom ldan 'das kyis zhes bya ba la sogs pa gsungs so/ /de nas zhes bya bas ni skabs sam rgyun chags pa'o/ /'khor la kun tu gzigs pa ni 'chad par bzhes pa bstan pa 'am/ skal pa yod pa dang/ skal pa med pa brtag pa'i don to/ /gal te bcom ldan 'das ni rtag tu mnyam par bzhag pas de'i phyir gzigs zhes bya ba mi rigs so zhe na/ dus ji lta ba bzhin du skal pa yod ba dang skal pa med pa mkhyen pa dang phyar par mdzad pas de'i phyir rtag tu mnyam par bzhag pa nyid de/ 'di ni gyi na'o/ /yang dag par 'dzin du 'jug pa 'di yang tshig gis 'jug par mdzad pa dang/ 'bras bu bstan pas so/ /zung zhig ces bya ba ni tshig gis 'jug par mdzad pa'o/ /bzung ba de yang tshig dang don dang sgrub pas so/ /de bzung na zhes bya ba la sogs pas ni 'bras bu bstan pas so/ /'bras bu de yang ring ba dang/ nye ba ste/ ring ba ni sangs rgyas su 'grub pa'o/ /nye ba ni gang mos
- 152b
pas spyod pa dang/ sa la 'jug pa na gong nas gong du dus thams cad du mngon par shes pa la sogs pa yon tan gyi khyad par 'thob pa'o/ /myur ba myur bar zhes bya ba ni skyen pa skyen par ro/ /sgrub ces bya ba ni skyed pa'o/ /rtag tu khyad par du yang 'gro'i zhes bya ba ni bye brag 'thob par 'gyur zhes bya ba'i tha tshig go/ kha cig tu ni 'di lta bus 'dul ba'i skye bo dag nye bar gyur pas bcom ldan 'das nyid kyis yang dag par 'dzin du 'dzad do/ /kha cig tu ni zhus kyang mi 'chad de/ de ni de lta bu'i chos kyi snod du gyur pa med par shes par bya'o/ /da ni gsol ba 'debs pa ste/ de nas zhes bya ba la sogs pa gsungs so/ /gal te bcom ldan 'das 'chad bzhed par shes na bcom ldan 'das la ci'i phyir gsol ba 'debs/ de nyid kyi phyir te/ 'di ltar gang gi phyir bcom ldan 'das 'chad bzhed par shes pa de nyid kyi phyir byang chub sems dpa' dag gsol ba 'debs te/ ma gsol bar chos 'di lta bu mi 'chad de/ bcom ldan 'das dang/ chos rnams kyi che ba'i bdag nyid brjod pa' phyir ro/ /byang chub sems dpa' rnam par mi rtog snang ba des chos kyi dbyings nyid khong du chud par gzungs kyi don rig du zin kyang chos mnyan pas ngoms par mi bya'o zhes gzhan dag la bstan pa'i phyir gsol ba btab po/ /stan las langs pa la sogs pa'i rgyu ni bcom ldan 'das la gus par bya ba dang/ 'di bzhin gsol ba thob cig par gzhan dag la bstan pa'i phyir ro/ /thos nas 'dzin ba zhes bya ba 'dis ni gzungs bshad pa'i don chen po ston te/ bdag dang gzhan gyi don sgrub pa'i phyir ro/ /tshul bzhin yid la bgyid pa zhes bya ba ni de'i don ji lta ba bzhin du bsam pa dang sgom pa'o/ /bcom ldan 'das thams cad mkhyen pas ji ltar gzungs 'di bshad pas gzhan dag 'di la bdag dang gzhan gyi don chen po 'grub par 'gyur ba mkhyen mod kyi/ 'on kyang gsol ba ma btab pa la
- 153a
bcom ldan 'das don med par cung zad kyang mi 'chad de/ bcom ldan 'das las chos thos nas gzungs la sogs pa nan tan gyis bsgrubs shig par gzhan dag la bstan pa'i phyir 'di gsol to/ /de skad ces gsol ba btab pa la gnang bar dgongs nas/ bcom ldan 'das kyis 'khor snod du rung bar mdzad pa'i phyir bsdus pa'i don lnga pa ste/ de'i phyir zhes bya ba la sogs pa gsungs so/ /nye bar sbyor ba 'di ni spyi yin pas rgyu bstan pa ste/ bshad do zhes bya ba'i tshig de dang sbyar ro/ /yang na nyon ces bya ba la sogs pa dang ngo/ /gal te khyed cag nyan pa la sogs pas sgrub na de'i phyir ngas bshad do zhes bya ba 'am/ gang gi byir ngas bshad pa de'i phyir khyed cig nyon cig ces bya ba la sogs pa dang sbyar ro/ /nyon la zhes bya ba ni rna blags te nyan du 'jug pa'o/ /legs pa zhes bya ba ni phyin ci mi log par 'dzin du gzhug pa'o/ /rab tu yid la zung zhig ces bya ba ni kun tu 'dzin du gzhug pa'o/ /'dis ni snod kha phub pa dang/ mi gtsang ba dang/ rdol ba lta bu dgag pa'i phyir go rim bzhin te 'khor snod du rung bar mdzad pa'o/ /bshad do zhes bya ba ni de lta na ngas bshad kyis gzhan du snod kha phub pa dang/ mi gtsang ba dang/ rdol ba la char bab pa dang 'dran ni bshad pa don med par 'gyur ro zhes dgongs pa'o/ /yang na nga ni 'chad par zad de/ khyed rnams kyis mnyan pa dang gzungs la sogs pa lan na tan gyis sgrub shig par ston to/ /gzhan du na gal te bcom ldan 'das nyid kyis thams cad mdzad par gyur na ni de'i tshe yid du mi 'ong ba'i las la sogs pa'i sgrib pas sems can dmyal ba la sogs par su yang mi smin pa zhig na/ bcom ldan 'das kyis ni thams cad mdzad par mi spyod do/ /de lta bas na sems can de dag lus kyi nyes bar spyod pa la sogs pa la mi brten par bya ba'i phyir ci chos bstan par bya ba 'am/ 'on te de dag gi
- 153b
lus dang sems kyi tshul sbyar/ lus la sogs pa ni rang gi gnas dang 'brel bar 'byung bas gzhan gyi lus la sogs pa'i dngos por bsgyur du btub mi srid do/ /de'i phyir chos rnams bsgyur du mi rung ba sems can rnams ni las bdag gir? bya ba yin no// de bas na/ de bzhin gshegs pa 'chad pa ste/ khyed cag nyid kyis sgrub par byos zhes gsungs so/ /yang sman pas ma nyes sman gyis ma yin te/ nad pa de nyid kyis ni nyes par gyur ces gsungs so/ /bcom ldan 'das kyi ltar nyan ces bya ba ni khas blangs pa'o da ni bcom ldan 'das kyis zhes bya bas byang chub sems dpa' nyan pa rnams la gnas pa la sogs pa'i don ston to/ /'di la 'dis rnam par ma rtogs pas rnam par mi rtog pa ste/ de bzhin nyid dang/ rnam par mi rtog pa'i ye shes so/ /de'i ched du chos gad bshad pa de ni rnam par mi rtog pa'i dbang du bya ba'o/ /de ni theg pa chen po mdza' dag ste /thams cad kyang de bzhin nyid dang byang chub la gzhol ba'i phyir te/ dgongs pa nges par 'grel pa las/ chos 'di dag thams cad ni de bzhin nyid la gzhol ba/ de bzhin nyid la 'bab pa/ de bzhin nyid la bab pa/ byang chub la gzhol ba/ byang chub la 'bab pa/ byang chub la bab pa/ zhes rgya cher ji skad gsungs pa lta bu'o/ /de'i chos thos te zhes bya ba ni thos pa'i shes rab kyis so/ /rnam par mi rtog pa la bsam pa bzhag nas zhes bya ba ni rnam par mi rtog pa rnam pa gnyis su ji skad gsungs pa la dad pa dang 'dun pa'i mtshan nyid kyis te/ bsams pa'i shes kyis bsam pa brtan par byas nas des rab tu brtan pa dang/ dad pas ni mngon par yid ches ba skye zhing 'dun pas ni mos pa 'phel bar 'gyur ba'i phyir te/ rnam par mi rtog pa la bsam pa bzhag pa de las gzhan dag gis bskyod mi nus pa'i don to/ /thos pa dang bsams pa'i shes rab la gnas pa des ni bsdus pa'i don drug
- 154a
pa bstan to/ /de la rab tu gnas pa'i sgom pa la sbyor bas de'i 'og tu mtshan ma rnams yongs su spong bar yang dag par sbyor bas na mtshan ma thams cad yongs su spong ste zhes bya ba bsdus pa'i don bdun pa gsungs so/ /mtshan ma de yang rnam pa bzhi ste/ mi mthun pa'i phyogs kyi mtshan ma dang/ gnyen po'i phyogs kyi mtshan ma dang/ gnyen po la dmigs pa'i mtshan ma dang/ gnyen po bsgoms pa'i 'bras bu'i mtshan ma'o/ /'di dag ni gong nas gong du yang zhing phra bas na/ gos kyi dri ma bkru ba'i rim pa bzhin du ji ltar rags rims su spang ba'i rim pa bstan pa'i phyir de thog ma nyid du rang bzhin la rnam par rtog pa'i mtshan mo thams cad yongs su spong ngo zhes bya ba gsungs so/ /thog ma med pa'i dus nas ma rig pa'i dbang gis thams cad kyi rang bzhin yid la mngon par 'du byed pa med par 'jug pa ni rang bzhin gyi mtshan ma rnams so/ /de dag kyang mdor bsdu na gzung ba dang 'dzin pa'i dngos po rnam pa gnyis su 'jug ste/ gzung ba 'am 'dzin pa yang rung zhes gang gsungS pa'o/ /de la gzugs nye bar len ba'i phung po la ni gzung ba'i dngos por 'jug/ phung po lhag ma bzhi la ni 'dzin pa'i dngos por te/ rgyas par ni nye bar len pa'i phung po tha dad pas rnam pa lngar dbye ste/ zag pa dang bcas pa'i dngos po ni nye bar len pa'i phung po lnga rnams te zhes bya ba gang gsungs pa ste/ nye bar len pa rnams ni nyon mongs pa rnams /de las byung ba'i phung po rnams ni nye bar len pa'i phung po rnams so/ /gal te thog ma med pa'i dus nas ma rig pa'i dbang gis zhugs pa'i rang bzhin gyis mtshan ma 'di dag byung na de dag spang bar ji ltar nus te/ de dag tshor ma 'byung ba bzhin du sems las bsal bar ni mi rung ngo snyam du sems pa'i bsam pas de dag ji ltar spang zhes 'dri ba'i lan du 'dir/ mngon du zhes bya ba
- 154b
la sogs pa gsungs te/ mngon du zhes bya ba'i bshad pa ni snang bar 'gyur ba zhes bya ba'o/ /gang gi tshe snang bar 'gyur bas mngon du 'gyur ba de'i tshe yid la mi byed pas spang bar bya'o/ /'dir yid la mi byed pa ni yid la byed pa med pa tsam ni ma yin te/ med pa ni dngos po med pas gang gi rgyu'i dngos por yang mi 'thad pa'i phyir/ /yang dag par so sor rtog pa med par ni snang bar gyur pa'i gzugs la sogs pa'i mtshan ma rnams yid la mi byed par mi nus pa'i phyir ro/ /yid la byed pa de las gzhan yid la mi byed pa yang ma yin te/ gzugs la sogs pa gzhan gang ci yang rung ba dag kyang yid la mi byed par thal bar 'gyur ba'i phyir te/ de dag gi gnyen po ni ma yin no/ /de bas na yid la byed pa de dang mi mthun pa yang dag par so sor rtog pa'i mtshan nyid yid la mi byed pa gang yin pa de nyid yid la mi byed par dgongs te/ mi mthun pa'i don gyi dgag pa gzung ba'i phyir mi mdza' ba dang rdzun pa la sogs pa bzhin no/ /yang na yid la mi byed pa ni 'bras bur gyur pa'i phyir yang dag par so sor rtog pa la yid la mi byed pa'i sgrar gdags pas brjod de/ 'bras bu tsam bstan pas kyang don gyi shugs kyis de la bya bar mngon no/ /de ltar na mtshon ma rnams yongs su spang bar nus te/ 'di ltar ma rig pa'i dbang gis phyin ci log gi rnam pas gzugs la sogs pa'i mtshan ma snang ba dag rnal 'byor pas so so brtags na gang gi tshe mi dmigs pa de'i mngon par zhen pa rnams spong pa'i phyir ro/ /de dag rnam par spangs na mtshan ma med pa la yang rab tu rtogs so/ /sgrib pa rnams spangs nas dri ma med pa'i ye shes kyang 'char te 'dod chags la sogs pa'i bag la nyal rnams ma lus par spangs pa yang 'thob par 'gyur/ ro/ /de skad du 'phags pa dkon mchog sprin las kyang/ de de ltar skyon la mkhas pas spros pa thams cad dang
- 155a
bral bar bya ba'i phyir stong pa nyid sgom pa la rnal 'byor du byed do/ /de stong pa nyid la sgom pa mdangs gnas gang dang gang dag la sems 'jug cing/ sems mngon par dga' ba'i gnas de dang de la rang bzhin yongs su btsal na stong par rtogs so/ /sems gang yin pa de yang yongs su brtags na stong par rtogs so/ /sems gang gis yongs su brtags pa de yang yongs su bcal na stong par rtogs so/ /de de ltar rtogs pas mtshan ma med pa la rnal 'byor du byed do zhes gsungs so/ /'phags pa dkon mchog brtsegs pa las kyang/ tshul khrims pa ni gnas nas ting nge 'dzin kyang 'theb/ /ting nge 'dzin rnams thob pas shes rab shin tu sgom/ /shes rab kyis ni ye shes rnam par dag pa 'thob/ /ces gsungs so/ /'phags pa dgongs pa nges par 'grel pa las kyang/ bsam gtan gyis ni nyon mongs pa rnams rnams par 'dzil? lo/ /shes rab kyis ni bag la nyal yongs su spong ngo/ /zhes gsungs so/ /'phags pa ting nge 'dzin gyi rgyal po'i mdo las kyang/ gal te tshos la bdag med so sor rtog /so sor de brtags gal te sgom pa ni/ /de nyid mya ngan 'das thob 'bras bu'i rgyu/ /rgyu gzhan gang yin des ni zhir mi 'gyur zhes gsungs so/ /'di nyid las kyang/ ji ltar gnas pa de dag la nye bar brtags pas rnam par mi rtog pa'i dbyings su 'jug cen zhes 'og nas gsungs so/ /de lta bas na yang dag par so sor rtog pa'i mtshan nyid ni 'dir yid la mi byed par dgongs so/ /de ni rnam par rtog pa'i ngo bo nyid yin mod kyi 'on kyang de nyid las kyang ba yang dag pa'i ye shes kyi mes de bsreg par 'gyur te/ shing gnyis drung pa las byung ba'i mes shing de gnyis sreg par byed pa bzhin no/ /de lta bas na rnam par mi rtog pa'i ye shes bskyed par 'dod pas yang dag par so sor rtog pa'i
- 155b
mtshan nyid lhag mthong la thog mar bsgom par bya ste/ des mtshan ma rnams yongs su spong bar 'gyur ro/ /de la rnal 'byor pas sgom pa'i tshe thog mar bya ba ci yod pa thams cad zin par bya ste/ sgra'i tsher ma med pa yid dang mthun pa'i gnas su 'gro ba mdza' dag ma lus pa gdon pa'i bsam pas snying rje chen po mngon du byas la/ phyogs thams cad na bzhugs pa'i sangs rgyas bcom ldan 'das dang/ byang chub sems dpa' thams cad la phyag byas nas/ gzugs ri mor bris pa 'am gzhan yang rung ste mdun du bzhag la/ de dag la yang ci nus pas mchod de/ sdig pa bshags pa dang/ bsod nams kyi rjes su yi rang ba byas nas/ mig gnyis ha cang yang mi dbye bar sna'i rtse mor bltas la lus drang por bsrangs te skyil mo krung ngam/ skyil mo krung phyed dam gang yang rung ba byas la nang du bsdus pas bskyed pa dran pas stan bde ba la 'dug nas so/ /yang na ji ltar 'dod pa'i spyod lam du gnas nas de kho na la sgom mo/ /der yang ji skad bstan pa'i mtshan ma snang ba la sems bzhag nas bying ba dang rgod pa la sogs pa zhi bor byas te/ zhi gnas sgrub pa la yang dag pa'i so sor rtog pa'i mtshan nyid yid la mi byed pa des mtshan ma de dag yongs su spong ngo/ /der yang ji skad thos pa dang bsams pa'i don la nges pa'i tshul gyis so sor brtag par byas te/ rten cing 'brel bar 'byung ba bsgom pa 'am/ /'od ba dang 'gro ba med par so sor brtag pa 'am/ bdag dang gzhan dang gnyi ga las mi 'byung bar dpyad pa 'am/ cha la so sor brtag pa 'am/ mdor na ji ltar rtog pas kyang rung ste/ dngos po med pa la mos pa phye bar 'gyur ba de ltar so sor brtag par bya'o/ /de nas de spong ba na brgya la rnal 'byor pa dag 'di snyam du sems te/ gzugs la sogs pa nye bar len pa'i phung po 'di dag don dam par ma skyes su zin kyang sbyin pa la sogs
- 156a
pa pha rol tu phyin pa dag ni skyes pa kho na yin no/ /gzhan du na ni byang chub sems dpa' rnams kyi ser sna la sogs pa'i gnyen po dang/ longs spyod chen po la sogs pa 'thod pa dang/ byang chub kyi tshogs su gyur pa de dag bcom ldan 'das kyis ma bstan to snyam nas/ de nas rnam par rtog pa de kun tu 'byung bar gyur na rnam par mi rtog pa'i dbyings thams cad du song ba la 'jug pa ma yin no/ /de bas na rnam par rtog pa 'di yang de bzhin du rnal 'byor pas yid la mi byed pas spang bar bya'o zhes ston te/ de rang bzhin la rnam par rtog pa'i mtshan ma de dag rim gyis spong ba na zhes bya ba la sogs pas ni pha rol tu phyin pa 'di dag ni gnyen po ste/ ser sna la sogs pa dang/ nyon mongs pa la sogs pa'i sgrib pa'i gnyen por gyur pa'i phyir te/ /ji ltar 'os par sbyar ro/ /rnal 'byor du gnas pa na chos thams cad ma skyes pa'i phyir rnal 'byor pas de dag la dngos po nyid du mngon par zhen par mi bya zhing rnam par rtog pa de spang bar gsungs kyi/ de dag la brten pa yang dag par ni ma yin no/ /de bas na mdo las sbyin pa la sogs pa ni grib pa thams cad kyi gnyen por gyur pa dag/ byang chub kyi tshogs su gyur pa'i phyi byang chub sems dpa' rnams kyis bsten par bya ba nyid do zhes gsungs so/ /gzhan du na bsam gtan dang/ shes rab kyang mi bsten na sgrib pa rnams ni ces spang/ rnal 'byor par yang ji ltar 'gyur/ /sa dang pha rol tu phyin pa thams cad la bsten pa bkag na ni mdo sde mang po dang 'gal te/ rgyu med pa'i phyir thams cad mkhyen pa nyid thob par mi 'gyur ro/ /sa rnams dang rnam pa thams cad mkhyen pa nyid la goms par ma byas na byang chub sems dpa' dang sangs rgyas su yang ji ltar rnam par bzhag par 'gyur/ de lta bas na rnam par mi rtog pa'i dbyings su 'jug par bya ba'i phyi ting nge 'dzin la gnas pa'i dus na rnal 'byor
- 156b
pas rnam par rtog pa de spang bar bya ba/ 'di gsungs par khong du chud par bya'o/ /de bas na rnam par rtog pa ni mtshan ma'o zhes thams cad du gsungs te/ de nyid spang bar bstan pa'i phyir ro/ /ngo bo nyid la dpyod pa 'am zhes bya ba ni sbyin pa la sogs pa'i rang gi mtshan nyid yod pa nyid do zhes rtog pa'i phyir te/ rnam par rtog pa'i mtshan ma kun tu 'byung ba gang dag ces bya ba dang sbyar ro/ /de la gzhan dag la mchod pa dang phan gdags par 'dod pas nor dang mi 'jigs pa dang chos rnams kyi nye bar sgrub pa ni sbyin pa'i ngo bo nyid rnam pa gsum mo/ /nyes par spyod pa thams cad las ldog pa dang/ dge ba thams cad la 'jug pa ni tshul khrims thams cad kyi ngo bo nyid do/ /mi mchod pa dang/ rje mi snyam pa dang/ shes pa dang gsum ni bzod pa'i ngo bo nyid do// dge ba rnams la yang dag par spro ba ni brtson 'grus thams cad kyi ngo bo nyid do/ /sems rtse gcig pa ni bsam gtan thams cad kyi ngo bo nyid do/ /dngos po rnams la yang dag par rab tu rnam par 'byed pa rnam pa gsum ni shes rab kyi ngo bo nyid do/ /yon tan la dpyod pa'am zhes bya ba ni sbyin pa la sogs pa'i so so'i rgyus longs spyod chen po la sogs pa dang/ bdag dang gzhan gyi don du nye bar gnas par rtog pa'i phyir ro/ /de la sbyin pa'i 'bras bu ni longs spyod chen po'o/ /tshul khrims kyi ni lus phun sum tshogs pa ste/ de ni bde 'gro'i rgyu yin pa'i phyir ro/ /bzod pa yin kun tu mdzes pa dang/ g.yog 'khor mang po mi zad par 'gyur ba'o/ /brtson 'grus kyi ni g.yog 'khor mi phyed pa dang/ longs spyod rgyun mi 'chad pa'o/ /bsam gtan gyi ni lus la gnod pa med par 'gyur ba'o/ /shes rab kyis ni dbang po thams cad rno ba dang/ bde ba dang/ yid bde ba mang bar 'gyur ba dang/ skye bo'i tshogs phal po che la dbang byed par 'gyur ba'o/ /bdag dang gzhan thams cad rjes su 'dzin pa ni spyi'i
- 157a
'bras bu'o/ /snying po la dpyod pa'ang rung zhes bya ba ni byang chub chen por yongs su bsngos pa de dag mi zad pa dang byang chub thob pa'i rgyur rtog pa'i phyir ro/ /gnyen po la rtog pa'i mtshan ma yongs su spang ba ni bshad zin to/ da ni mtshan ma spang ba gsum pa ste/ des de dag ces bya ba la sogs pa gsungs pa'o/ /yod pa dang med pa la sogs pa spros pa'i dra ba mdza' dang bral ba ni de kho na'i/ /rnal 'byor pa 'di snyam du sems te/ sbyin pa la sogs pa ngo bo nyid med du zin kyang/ stong pa la sogs pa don dam par bsdus pa dngos por gyur pa ni rang gi mtshan nyid kyis yod do/ /gzhan du na gal te don dam pa nyid kyang med na ni tshangs par spyod pa yang don med par 'gyur snyam du sems na/ de'i tshe rnam par rtog pa 'di yang byang chub sems dpas spang bar bya ba nyid do/ /de dag ni gang zag dang chos la bdag med pa tsam gyi mtshan nyid du zad pas stong pa la sogs pa rang gi mtshan nyid kyis dngos por gyur pa ni med do/ /gzhan du na stong pa la sogs pa dngos po la sogs pa'i ngo bor gyur na/ de la dngos po la sogs pa'i rnam par rtog pa ji ltar ldog par 'gyur/ 'phags pa dkon mchog sprin las/ rigs kyi bu gal te don dam pa med du zin na tshangs par spyod pa don med par 'gyur ro zhes gsungs pa yang de la rang gi mtshan nyid kyi ngo bo dngos por gyur pa don dam pa yod par ston pa ni ma yin te/ ji lta zhe na/ sgyu ma lta bu'i chos thams cad la sgro btags pa'i gang zag dang chos la bdag med pa'i mtshan nyid gal te don dam par mi 'gyur na/ de'i tshe ji ltar byis pa'i skye bos yongs su brtogs pa bzhin du gang zag dang chos gnyis bden par 'gyur te/ de bas na byis pa'i skye bo thams cad ni gang zag dang chos la mngon par zhen pa yin pa'i phyir de kho na mthong bar 'gyur te/ de dag bsgrim
- 157b
mi dgos par thar par 'grub bas na mya ngan las 'das pa'i mtshan nyid tshangs pa thob par bya ba'i phyir 'phags pa'i lam bsgoms pa'i mtshan nyid spyad pa rnams don med par 'gyur ro zhes bya ba'i tshig go/ 'di lta ste rang gi mtshan nyid la dpyod pa 'am zhes bya ba la stong pa nyid la sogs pa rang gi mtshan nyid kyis dngos por gyur ba ni yod do zhes rtog pa'o/ /yang na sgyu ma lta bu la sogs pa'i chos thams cad la sgro btags pa'i gang zag dang chos kyi bdag nyid dang bral ba nyid stong pa nyid kyi ngo bo nyid do/ /de nyid gzhan ma yin pa'i don yin pas de bzhin nyid do/ /phyin ci ma log pa'i don yin pas yang dag pa'i mdza' o/ /mtshan ma thams cad dang bral ba'i phyir mtshan ma med pa'o/ /rnam par mi rtog pa'i ye shes dam pa'i spyod yul yin pas na don dam pa'o/ /sangs rgyas kyi chos thams cad kyi rgyu yin pas chos kyi dbyings te/ de bas na 'di dag dngos por gyur pa ni yod pa nyid do/ /zhes de ltar stong pa nyid la sog pa so so'i tshig gi rang gi mtshan nyid la rtog pa de yang mtshan ma la kun tu spyod pa yin no/ /yon tan la dpyod pa 'am zhes bya ba ni de dag bsgoms pas sangs rgyas kyi chos la sogs pa'i yon tan ma lus pa 'byung bar 'gyur ro zhes rtog pa'o/ /snying po la dpyod pa yang rung zhes bya ba ni mi bslu ba'i chos can gyi phyir mi 'gyur bar yongs su grub pa'i phyir yongs su grub pa'i ngo bo nyid kyi phyir de thams cad du tshad mas sun ma phyung ba'i phyir tshad mas yang dag par grub pa'i phyir sangs rgyas thams cad kyi chos kyi sku yang nges rab tu bye ba'i phyir ro zhes rtog pa'o/ /yid la mi byed pas yongs su spong ngo/ /zhes bya ba ni yod pa dang med pa la sogs pa'i ngo bor rtog pa'o/ /'di ltar de dag ni gang zag dang chos bdag med pa'i mtshan nyid tsam du zad pa'i phyir dngos
- 158a
po'i ngo bor yod pa yang ma yin la sgyu ma lta bu'i chos thams cad la gang zag dang chos su sgro btags pa'i bdag nyid dang bral bas na chos nyid du gdags pa'i phyir ri 'ong gi ra bzhin du med pa yang ma yin no/ /de ltar rtog pa na/ de la ngo bo nyid la sogs par rnam par rtog pa spang bar bya'o/ /gnyen po la dmigs pa'i rnam par rtog pa'i mtshan ma spang ba bshad zin to/ /da ni mtshan ma yongs su spang ba bzhi pa ste/ dam? zhes bya ba la sogs pa gsungs pa'o/ /rnal 'byor ba dag 'di snyam du sems te/ sbyin pa la sogs pa dang de dag la dmigs par gyur pa stong pa nyid la sogs pa don dam pa ngo bo nyid med du zin kyang/ de dag bsgoms pa las thob pa'i ngo bo sa la sogs pa'i dngos por gyur pa dag ni 'bras bur gyur pas na yod pa nyid do/ /gzhan du na byang chub sems dpa' rnams sa la sogs pa la ji ltar 'jug par 'gyur snyam du sems na/ de'i tshe rnal 'byor pas rnam par rtog pa 'di yang spang bar bya ba nyid de/ sa la sogs pa dag kyang don dam par mi skyes pa'i phyir ro/ /mi skye pa'i chos la bzod pa 'thob pa dang/ lung bstan pa dang/ sangs rgyas kyi zhing yongs su dag pa 'thob pa ni sa brgyad pa la gnas pa'i byang chub sems dpa' o/ /sems can yongs su smon par byed pa dang/ dbang bskur ba 'thob pa ni de'i gong ma'i sa gnyis la gnas pa ste go rim bzhin no/ /sa 'di rnams ni lhun gyis grub par 'jug pa la sogs pa'i yon tan gyi khyad par dang ldan pa'i phyir sa de ma yin pa gzhan dag pas mchog tu gyur pas na bye brag tu rnam par rtog pa'i mtshan ma gzhan dag gsungs so/ /sa la sogs pa la rnam par rtog pa'i mtshan ma 'byung ba 'di dag ni las dang po pa'i rnal 'byor pa kho na te/ sa la zhugs pa yi
- 158b
ni ma yin te/ de la mi srid pa'i phyir ro/ /'di lta ste/ rang gi mtshan nyid la dpyod pa 'am zhes bya ba ni/ sa la sogs pa rang gi mtshan nyid kyi dngos por gyur pa ni yod pa nyid do zhes rtog pa 'am 'di dag so so rang gi mtshan nyid la rtog pa'o/ de la sa dang po'i byang chub sems dpa' ni skyon med pa la zhugs pas gang zag dang chos la rmongs pa'i gnyen por rnam par bzhag go/ gnyis pa ni tshul khrims rnam par dag pas ltung ba phra mo'i 'khrul pa la rmongs pa'i gnyen por ro/ /gsum pa ni 'jig rten gyi snyoms par 'jug pa la gnas pa'i dbang thob pas 'dod pa'i 'dod chags la rmongs pa'i gnyen por ro/ /bzhi pa ni byang chub kyi phyogs ji ltar thob pa rnams la mang du gnas pas snyoms par 'jug pa'i chos la srid pa'i rmongs pa'i gnyen por ro/ /lnga pa ni thabs kyis zin pa'i byang chub kyi phyogs la gnas pas bden pa rnams bsgoms te/ byang chub sems dpa' 'khor pa dang mya ngan las 'da' ba la shin tu rgyab kyiS phyogs pa dang/ mngon du phyogs par yid la byed pa'i rmongs pa'i gnyen por ro/ /drug pa ni mtshan ma med par gnas pa mtshan ma med par mang du kun tu spyod pa la rmongs pa'i gnyen po dang/ 'khor bar 'jug pa la rmongs pa'i gnyen por ro/ /bdun pa ni skabs med par mtshan ma med pa la gnas pa thob pas mtshan ma phra mo rnams la kun tu spyod pa'i rmongs pa'i gnyen por ro/ /brgyad pa ni lhun gyis grub par mtshan ma med pa la gnas pa thob pas mtshan ma med pa la 'bad cing kun tu spyod pa'i rmongs pa'i gnyen por ro/ /dgu pa ni so so yang dag par rig pa rnams thob pas rnam pa thams cad du chos bshad pa la dbang 'thob pa'i rmongs pa'i gnyen por ro/ /bcu pa ni sangs rgyas kyi zhing dang 'khor dang sprul pa la sogs pa la dbang thob pas mngon par shes
- 159a
pa chen po la rmongs pa'i gnyen por ro/ /sangs rgyas kyiS ni mdor na chos thams cad la rnam pa thams cad du chags pa med cing thogs pa med pa'i mkhyen pa brnyes pas shes pa thams cad la phra ba'i ye shes thogs pa'i rmongs pa'i gnyen por bzhag go/ yon tan la dpyod pa 'am zhes bya ba ni ji skad du/ sa dang po la gnas pa'i byang chub sems dpa' ni/ skad cig thab cig yud tsam cig la ting nge 'dzin brgya rab tu 'thob pa dang/ sangs rgyas brgya mthong ba dang/ de dag gis byin gyis brlabs kyang yang dag par shes pa dang/ 'jig rten gyi khams brgya g.yo bar byed pa dang/ zhing brgyar 'gro bar byed pa dang/ 'jig rten gyi khams brgya snang bar byed pa dang/ sems can brgya yongs su smin par byed pa dang/ bskal pa brgyar gnas par byed pa dang/ sngon gyi mdza' dang phyi ma'i mdza' i bskal pa brgya la 'jug pa dang/ chos kyi sgo brgya 'byed pa dang/ lus brgya kun tu ston pa dang/ lus re re la yang byang chub sems dpa' i 'khor brgya pa rgya kun tu ston pa'i brtson 'grus rnam par de lta bu rtsom mo/ /sa gnyis pa la ni 'di dag thams cad grangs stong du bsgyur ba'o/ /sa gsum pa la ni grangs 'bum mo/ /sa bzhi pa la ni grangs bye ba phrag brgya'o/ /sa lnga pa la ni grangs bye ba phrag stong ngo/ /sa drug pa la ni grangs bye ba phrag 'bum mo/ /sa bdun pa la ni grangs bye ba khrag khrig phrag 'bum/ /sa brgyad pa la ni grangs stong gsum 'bum phrag bcu'i rdul phra rab kyi rdul snyed do/ /sa dgu pa la ni sangs rgyas kyi zhing grangs med pa 'bum phrag bcu tshang ba'i rdul phra rab kyi rdul snyed do/ /sa bcu pa la ni sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed do/ /sangs rgyas kyi sa la ni 'jig rten gyi khams su gtogs pa ma lus pa nam mkha' i mthas klas pa'i rdul phra rab
- 159b
kyi rdul thams cad 'dis yongs su mkhyen/ phyogs dang dus thams cad du gtogs pa'i dngos po ma lus pa'i rnam pa thams cad mkhyen to zhes gsungs pa lta bu'o/ /sangs rgyas kyi sa la sogs pa'i yon tan ni dpag tu med de mdo sde las shes par bya'o/ /snying po la dpyod pa yang rung zhes bya ba ni 'jig rten pa dang 'jig rten las 'das pa'i chos thams cad kyi bla mar gyur pa dang/ bdag dang gzhan gyi don phun sum tshogs pa'i rgyur gyur pa'i phyir ro/ /mdo la mi byed pas yongs su spong? ngo zhes bya ba ni de la dngos por mngon par zhen pa rnams spong ste/ chos thams cad don dam par ma skyes par ro gcig pa'i phyir ro/ /de skad du/ de bzhin gshegs pa rtag tu skye med chos/ /chos rnams kun kyang bde bar gshegs dang 'dra/ /byis pa'i blo can mchan mar 'dzin pa yis/ /'jig rten dag na med pa'i chos la spyod ces gsungs pa ste/ de ltar mtshan ma thams cad yid la mi byed pas yongs su spongs shig pa'o/ /shin tu brtson pa yin te/ zhes bya ba ni rnam par mi rtog pa'i dbyings la 'jug pa'i lam la mngon du yang dag par zhugs pa'i phyir ro/ /de ltar rnal 'byor pa mos pa'i dbang dang/ shes rab kyis yod pa la sogs par rtog pa mtshan ma'i dra ba thams cad spangs la/ rtog pa med cing dpyod pa dang bral ba/ brjod pa med pa/ ro gcig pa'i yid kyis de kho na nyid de nyid la mos pas mngon par 'du mi byed par shin tu gsal bar bsgom zhing 'dug par bya'o/ /de la gnas pa'i sems kyi rgyud mi g.yeng bar bya'o/ /gang gi tshe bar skabs su rnam par g.yong? bar gyur na de'i tshe/ de zhi bar byas nas yang de nyid la sems yongs su gtad do/ /gang gi tshe de la sems mi dga' bar gyur par mthong ba de'i tshe ting nge 'dzin gyi yon tan mthong bas de la dga' ba sgoms shig dang/ rnam par g.yeng ba'i nyes pa mthong bas mi dga' bzhi bar 'gyur
- 160a
ro/ /ci ste rmugs pa la sogs pa'i zil gyis non pas rgyu ba mi gsal te bying bas sems mi dga' bar gyur par mthong ba de'i tshe rab tu dga' bar 'gyur ba'i dngos po la sogs pa'i yid la bya bas bying ba bzhi bar byas te/ yang de kho na nyid la rab tu gsal bar bzung ngo/ /ci ste gang gi tshe sngon myong ba'i yul sdug pa la sogs pa dran pas bar skabs su sems rgod pa'am/ rgod du dogs pa mthong ba de'i tshe mi rtag pa la sogs pa skyo bar 'gyur ba 'di dngos po yid la byas nas rgod pa zhi bar bya'o/ /de nas yang de kho nyid de nyid la mngon par 'du bya ba med par 'jug par 'bad par bya'o/ /gang gi tshe bying ba dang rgod pa las dben te/ sems mnyam par 'jug par mthong ba de'i tshe rtsol ba klad de btang snyoms su bya'o/ /gal te sems mnyam par gnas par gyur pa la rtsol ba byas na de'i tshe sems rnam par g.yeng bar 'gyur ro/ /gal te sems zhum par gyur pa la rtsol ba ma byas na de'i bying bzhi bar mi 'gyur te/ des na skyes bu mu sa long bzhin du de kho na gsal bar zin par mi 'gyur ro/ /de bas na bying ba'i sems ni bsal bar bya zhing rgod pa zhi bar byas te mnyam pa thob nas btang snyoms su bya'o/ /de nas rnal 'byor pas ji srid 'dod kyi bar du mngon par 'du bya ba med par de kho na nyid bsgom zhing mos pa'i dbang gis bdug par bya'o/ /de nas ting nge 'dzin las ldang bar 'dod na 'di snyam du bsam ste/ chos 'di dag thams cad don dam par ma byung du zin kyang sgyu ma la sogs pa lta bur rgyu dang rkyen so sor nges pa la bltos nas 'byung ste/ de bas na bdag gis sems can thams cad la phan gdags pa'i phyir sangs rgyas kyi go 'phang thob par 'dod pas bsod nams dang ye shes kyi chogs shin tu rgyas pa dpag tu med pa la brtson par bya'o snyam du bsam mo/ /de nas sangs rgyas dang byang chub
- 160b
sems dpa' rnams la phyag byas te/ de dag la mchod nas 'phags pa bzang po spyod pa la sogs pa smon lam chen po btab ste ldang ngo/ /sgyu ma la sogs pa lta bur phyin ci ma log pa bla na med pa yang dag par thog pa'i byang chub ? yongs su bsngos pa'i stong pa nyid dang snying rje dang ldan pa'i sbyin pa la sogs pa bsod nams dang ye shes kyi tshogs sgrub pa mdza' dag la sgyu ma mkhan lta bur brtson par bya'o/ /de ltar byas na rnam pa thams cad kyi mchog dang ldan pa stong pa nyid kyi bsam gtan sgrub par 'gyur te/ 'phags pa gtsug na rin po che las/ de byams pa chen po'i go bzhos? nas snying rje chen po'i gnas la rab tu gnas te/ rnam pa thams cad kyi mchog dang ldan pa'i stong pa nyid mngon par sgrub pa'i bsam gtan la bsam gtan du byed do/ /rnam pa thams cad kyi mchog dang ldan pa'i stong pa nyid de gang zhe na/ gang sbyin pa dang ma bral ba/ tshul khrims dang ma bral ba/ bzod pa dang ma bral ba/ brtson 'grus dang ma bral ba/ bsam gtan dang ma bral ba shes rab dang ma bral ba/ thabs dang ma bral ba la sogs pa ji skad gsung ba lta bu'o/ /'phags pa dri ma med par grags pas bstan pa la sogs pa las kyang/ thabs dang bral ba'i shes rab 'ba' zhig ston pa ni byang chub sems dpa' i 'ching ba zhes gsungs so/ /de lta bas na byang chub sems dpas dus thams cad du snying rje chen po sngon du byas la sbyin pa la sogs pa bsod nams dang ye shes kyi tshogs sgrub pa la nges par brtson par bya'o/ /de nas rnal 'byor pa ji srid dus la ma zhugs pa de srid du ji skad bshad pa'i cho ga bzhin du mos pa'i dbang gis mos pas spyod pa'i sa na de kho na mnyid la sgom pa na yang dag par sbyor ba dang/ yang dag pa'i ting nge 'dzin ces rnam par bzhag go / de rnam par mi rtog pa'i dbyingS?
- 161a
la shin tu brtson pa yin te/ re zhig rnam par mi rtog pa'i dbyings la ni ma reg mod kyi/ rnam par mi rtog pa'i dbyings la reg par 'gyur ba'i tshul bzhin gyis ting nge 'dzin ni yod do zhes bya ba ni rnam par mi rtog pa'i dbyings la reg pa dang mthun pa'i phyir ro zhes ston to/ /de ltar yang dag pa'i sbyor ba stan nas/ rnam par mi rtog pa'i dbyings su 'jug pa ste bsdus pa'i don brgyad pa ston te/ de yang dag par sbyar ba de dang zhes bya ba'o/ /de ltar yang dag par sbyor ba'i thos pa dang/ sems pa dang/ bsgoms pa'i rim pa ji skad du bstan pa bzhin du rtag tu gus par byas te/ yun ring por bsgoms nas bskal pa grang med pa 'das par gyur ba dang/ gtsub sh+ng gis gtsubs pa'i me bzhin la yang dag pa'i don la bsgom pa mthar phyin par 'gyur zhing rtog pa'i drang mdza' dag dang bral ba spros pa med pa'i chos kyi dbyings rtogs te/ shin u gsal ba/ dri ma med pa/ mi g.yo ba/ rlung med par bzhag pa'i mar me 'bar ba'i rgyun bzhin du mi g.yo ba tshad mar gyur pa chos thams cad bdag med pa'i de kho na nyid mngon sum du byed pa mthong pa'i lam gyis yang dag par bsdus pa don dam pa'i byang chub kyi sems kyi ngo bo nyid mngon par 'du bya ba med par 'jug pa 'jig rten las 'das pa'i ye shes mchog 'byung ste/ de'i tshe rnal 'byor pa rnam par mi rtog pa nyid du zhugs pa yin/ sa dang po thob pa yang yin te spyir bstan pa'i don to/ /bsten pas rjes su 'gro zhes bya ba ni thos pa'i shes rab kyi rgyu'i dngos por bstan pa ste lud la brten cing kun tu sten pa la bya'o/ /bsgoms pas rjes su 'gro'o zhes bya ba ni bsams pa'i shes rab ste bsgoms pas 'gro ba zhes bya'o/ /mang du byas pas rjes su 'gro'o zhes bya ba ni bsgoms pa'i
- 161b
shes rab ste/ rnam par mi g.yeng bar rgyun du bsgoms pa mang du byed pa'i phyir ro/ /yang dag par yid la bya bas rjes su 'gro ba na zhes bya ba ni shes rab 'di rnams kyis phyin ci ma log par sbyor bas rjes su 'gro bar bstan pa'i/ /mngon par 'du bya ba med cing zhes bya ba ni lhun gyis grub pa'i khyad par te/ rgyu mchad bar gus par byas nas dus ring por bsgoms te bsod nams dang ye shes kyi tshogs dpag tu me dge? bsags? pas las su rung ba'i ting nge 'dzin dam pa'i stobs kyis zhum pa dang rgod pa la sogs pa'i nyes pa dang bral zhing zhi gnas dang lhag mthong zung du 'brel par 'jug pa'i phyir ro/ /gang gi tshe mngon par 'du bya ba med par 'jug pa'i lam yang dag par 'byung ba de'i tshe lhun gyis grub pas rnam par mi rtog pa'i dbyings la reg ces bya ba'i don te mngon sum du byas pa'i phyir te/ sa dang por zhugs nas de'i gong ma'i sa rnams rnam par sbyong ngo/ /yang na bsten pas rjes su 'gro zhes bya ba la sogs pa'i tshig gis bsgom par sbyor ba chung ngu dang 'bring dang rab dang rab kyi mchog rnamS bstan te/ nges par 'byed ba'i cha bzhi'i gnas dang go rim bzhin no/ /ci'i phyir zhes bya ba la sogs pa ni rnam par mi rtog pa'i dbyings kyi mtshan nyid de bsdus pa'i don dgu pa ston to/ /dpyad pa'i rnam par rtog pa thams cad las shin tu 'das pa zhes bya ba ni 'di'o/ /pha bi'o? zhes rang gis rnam par rtog pa thams cad kyis brtag mi nus pa'i phyir ro/ /de bas na gzugs med pa'o/ /bstan po dang dper rnam par brtag pa thams cad las 'das pa zhes bya ba ni gzhan dag la 'di na 'di 'dra'o zhes bstan bar mi nus pa'i phyir ro/ /de bas na bstan du med pa'o/ /dbang por rnam par brtag pa thams cad las shin tu 'das pa zhes bya ba ni mig gi dbang po la sogs pa nang gi skye mched kyi mtshan nyid du rnam par brtag pa thams cad kyi rang
- 162a
bzhin las shin tu 'das pa'i phyir ro/ /de bas na de ni nang gi skye mched gang la yang mi brten pa'i phyir rten med pa'o/ /yul rnam par brtag pa thams cad las shin tu 'das pa zhes bya ba ni gzugs la sogs pa phyi'i skye mched kyi mtshan nyid du rnam bar brtag pa thams cad kyi ngo bo nyid las 'das pa'i phyir ro/ /de bas na de ni gzugs la sogs pa yul lta bur snang ba ma yin pas snang ba med pa'o/ /rnam par rig par rnam par rtag ba thams cad las shin tu 'das pa zhes bya ba ni mig la sogs pa'i rnam par rig pa'i mtshan nyid du rnam par brtag pa thams cad kyi ngo bo nyid las shin tu 'das pa'i phyir ro/ /de bas na rnam par rig pa ma yin pa ste/ de dag gi ngo bo nyid ma yin pa'i phyir ro/ /nyon mongS pa thams cad dang shes bya'i sgrib pa thams cad kyi gnas med pa'i phyir zhes bya ba ni rang bzhin gyi 'od gsal ba'i chos kyi dbyings la glo bur gyi nyon mongs pa dang nye ba'i nyon mongs pa'i sgrib pa thams cad kyi rten med pas gnas med pa'i phyir ro/ /de bas na 'di la gnas med pa ste/ de la sgrib pa thams cad kyi gnas med ba'i phyir ro/ /de bas na de ni chos thams cad kyi rnam par rtog pa las shin tu 'das pa'i phyir rnam par ma rtog pa zhes bya'o/ /gang zhe na/ zhes bya ba ni ci zhes dri par sems pa ste/ 'di snyam du sems so/ /gal te chos thams cad kyi rnam par rtog pa las shin tu 'das na de la de'i mtshan nyid ces ji skad du bya snyam pa la de'i lan du gzugs med pa zhes bya ba la sogs pa gsungs te/ 'di ni de'i mtshan nyid de/ gang chos thams cad kyi rnam par rtog pa las shin tu 'das pa'o zhes dgongs pa ste/ gang gi ngo bo gang yin pa rnam pa de lta bu de nyid la mtshan nyid ces bya ste/ de bas na chos thams cad kyi mtshan nyid las shin tu 'das pa
- 162b
de'i mtshan nyid/ /de brjod pa ni kun rdzob ces bya'i dngos su ni ma yin te/ de kho na ni thams cad las shin tu 'das pa'i phyir ro/ /tha snyad kyi spyod yul yin na ni de nyid kun rdzob tu 'gyur te/ don dam par mi 'gyur ro/ /de skad du yang 'phags pa bden pa gnyis bstan pa las kyang/ lha'i bu gal te don dam par bden pa lus dang ngag dang yid kyi yul gyi dngos por gyur na ni don dam pa'i bden pa zhes bya ba'i grangs su mi 'gro ste/ kun rdzob kyi bden pa nyid du 'gyur ro/ /lha'i bu 'di ltar yod don dam? pa'i na bden? pa'i bden pa ni tha snyad thams cad las shin tu 'das pa ste/ khyad par med pa/ ma skyes pa/ ma 'gags pa/ brjod bar bya ba dang/ rjod pa dang/ shes bya dang/ shes pa dang bral ba'o/ /lha'i bu rnam pa thams cad kyi mchog dang ldan pa'i thams cad mkhyen pa'i ye shes kyi yul las 'das pa ste/ lha'i bu de la rtog pa dan rnam par rtog pa rnams mi 'jug go /don dam pa de la pha rol dang tshu ro la dang dbus med do/ /lha'i bu 'di ni sgro? btags te/ don dam ba'i bden pa zhes bsnyad kyi/ don dam pa'i bden pa zhes ji skad du bya ba ltar ni ma yin no zhes gsungs so/ /da ni rnam par mi rtog pa'i dbyings su zhugs pa'i rtags te/ bsdus ba'i don bcu pa ni/ rnam bar mi rtog pa'i dbyings la rab tu gnas pas ni shes bya dang khyad par med pa zhes bya ba gsungs te/ chos thamS cad mi dmigs ba'i rnam par zhugs pas shes pa dang shes bya la bye brag mi dmigs pa'i phyir ro/ /de'i phyir chos thams cad nam mkha' i dkyil dang mtshungs par mthong ste/ rnam pa thams cad du ji skad bstan pa'i mtshan ma thams cad kun tu mi 'byung ba'i phyir ro/ /'o na de'i tshe sus mthong/ de ni bden te/ don dam par gang zag la sogs pa'i ngo bo rnal 'byor pa'i rang gi rgyud gang yang med pas mthong ba yang med mod kyi/ 'o na gyud? ji ltar don dam par ngo bo nyid med kyang kun rdzob tu gzuD
- 163a
la sogs pa yul gyi rnam par 'byung ba tsam gyi shes ba nyid la ltas byin nam mchod sbyin gyis mthong ngo zhes de lta de ltar 'jig rten na tha snyad 'dogs ba de bzhin du 'dir yang ye shes nyid don dam par ngo bo nyid med mod kyi/ yang dag pa'i don la bsgoms ba'i stobs kyis chos thams cad ngo bo nyid med bar rtogs pa'i rnam pas bdag nyid kyang rang rig pas ngo bo nyid med bar rtogs pa skye ba'i tshe rnal 'byor pa'i ye shes kyis mthong ngo/ zhes bstan to/ /chos thams cad don dam par ngo bo nyid med mod kyi/ kun rdzob tu rnal 'byor ba'i ye shes las so so skye bo'i shes pa gzhan du mi 'dod dam/ gzhan dun nyan thos dang rang sangs rgyas dang byang chub sems dpa' la sogs ba'i gang zag rnam par bzhag par ji ltar 'gyur/ de skad du yang 'phags pa bden pa gnyis bstan pa las kyang/ de don dam par shin u med kyang gang kun rdzob tu lam bsgom mo/ zhes gsungs so/ /gang kun rdzob tu yang rgyu med ba de ni thaMs cad mi skye ste/ kun rdzob tu yang ri bong gi rwa la sogs pa ji lta ba bzhin no/ /gang yod ba de ni don dam par brdzun yang skye bar 'gyur te/ sgyu ma dang gzugs brnyan la sogs ba bzhin no/ /rten cing 'brel bar 'byung ba de yang don dam bar ma riD te/ sgyu ma la sogs pa yang don dam par 'gyur ba'i skyon du 'gyur ba'i phyir ro/ /cu ste sgyu ma la sogs pa dang bye brag med par brtag mi bzod de/ sngon dang phyi ma'i mthas stong la dbus kyang gcig dang du ma'i dngos por gzung du med de/ bdag dang gzhan dang gnyi ga las 'byung bar mi 'thad la/ gzhan la rag lus shing 'byung ba'i phyir bdag gi rgyud bdag med par brjod bzhin du don dam bar yod do/ /zhes ming 'dogs na ni ci dga' bar ming thogs la zas kyang byin cig/
- 163b
'on kyang sgyu ma la sogs ba las don dam pa'i mtshan nyid de khyad par yod par brjod dgos so/ /sgyu ma la sogS pa yang ma 'khrul bar 'gyur te/ de dag kyang rten cing 'byung ba'i phyir ro/ /gang gis na glang po che la sogs pa'i rnam par de ltar shes pa 'byung bas sgyu ma la sogs ba shes pa'i ngo bor bden par gyur na/ gzhan gyi rnam bar gzhan 'byung bar ni mi rigs te/ de nyid dang gzhan gnyis ni 'gal ba'i phyir ro/ /gnyis su med pa'i ye shes ni gnyis kyi rnam par 'byung bar mi 'gyur te yang dag ba ma yin ba gnyis gcig na 'gal ba'i phyir ro/ /ma byung ba las 'byung zhing byung nas kyang 'jig bar mi 'gyur te/ gcig la yod pa dang med ba gnyis rim gyis na yang 'gal ba'i phyir ro/ /de skad du/ rang bzhin la ni yod pa dang/ /med ba rigs pa ma yin te/ phan tshun du ni 'gal bas na/ /yod med gcig tu ga la rung/ /gal te rang bzhin gyis yod na/ /de ni med ba nyid mi 'gyur/ /rang bzhin gzhan du 'gyur ba ni/ /nam yang 'thad par mi 'gyur ro zhes bshad do/ /de lta bas na ji ltar sman dang sngags la sogs pa'i rkyen tshogs pa'i dbang gis brdzun pa yin yang sgyu ma 'byung ba de ltar laS dang nyon mongs ba'i dbang gis ma brtags na dga' ba so so'i skye bo rnams kyi skye ba sgyu ma dang/ de bzhin du bsod naMs dang ye shes kyi tshogs kyi mthus rnal 'byor pa rnams kyi rnal 'byor pa'i ye shes sgyu ma skye'o/ /rgyu dang rkyen rnams kyang sgyu ma la sogs pa bzhin du ma brtags na dga' ba ste/ thog ma med pa'i rgyu brgyud pas 'brel pa'i rang bzhin yin pas thams cad mi 'gal ba nyid do/ /de'i rjes las thob ba zhes bya ba ni 'jig rten las 'das ba rnam par mi rtog pa'i ye shes kyi rjes las thob ba ni sems can gyi 'jig rten du bsdus ba rnams sgyu ma dang mtshungs bar mthong ste/ sems can gyi gzugs su snang ba
- 164a
ni sgyu ma byas pa'i glang po che la sogs pa lta bu'i phyir ro/ /snod kyi 'jig rten du bsdus pa rnams ni smig rgyu dang mtshungs par te/ smig rgyu bzhin du phyi rol gyi dmigs pa phal che bas brdzun pa nyid du snang ba'i phyir ro/ /yul dang longs spyod kyi ngo bo rnams ni rmi lam dang mtshungs par te/ rmi lam lta bur brdzun pa de lta 'dod pa skye ba'i phyir ro/ /lus kyi las kyi ngo bo nyid rnams ni mig yor dang mtshungs par te/ chos thams cad byed pa med kyang mig yor bzhin du lus kyi byed pa snang ba'i phyir ro/ /dag gi las kyi ngo bo nyid ni brag ca dang mtshungs par te/ brag ca bzhin du brdzun pa yin yang thos pa'i lam du 'jug pa'i phyir ro/ /'dod pa na spyod pa rnams ni gzugs brnyan dang mtshungs par te/ sngon gyi las kyi rnam par smin pa'i 'bras bur bsdus pa rnams sngon ji ltar byas pa'i las dang mthun par 'byung ba'i phyir ro/ /gzugs dang gzugs med pa na spyod pa'i ting nge 'dzin du bsdus pa'i las kyi rnam par smin pa'i 'bras bur bsdus pa rnams ni chu zla dang mtshungs par te/ ting nge 'dzin ni chu dang 'dra ba'i phyir ro/ /sangs rgyas kyi zhing yongs su dag pa la sogs pas bsdus pa rnams ni sprul pa dang mtshungs par te/ de dag rang gi sems yongs su dag pas sprul pa'i phyir ro/ /yang na nang gi khams drug ni sgyu ma dang mtshungs par te/ sems can med kyang sems can la sogs pa'i ngo bor snang ba'i phyir ro/ /rnam par shes pa'i khams drug dang sems las byung ba thams cad ni smig rgyu dang mtshungS par te/ de dag smig rgyu bzhin du brdzun pa'i rnam par snang ba'i phyir ro/ /phyi'i khams rnams ni rmi lam dang mtshungs par te/ rmi lam bzhin du gzugs rnams brdzun ba yin yang yul du snang ba'i phyir
- 164b
ro/ /skyes bu chen po'i mtshan la sogs pas brgyan pa'i sangs rgyas kyi gzugs kyi skur bsdus pa rnams ni mig yor dang mtshungs pa ste/ yongs su dag pa'i chos kyi sku'i dbang gis de ltar snang ba'i phyir ro/ /bstan pa'i chos rnams su bsdus pa dag ni brag ca dang mtshungs pa te/ brag cha bzhin du bcom ldan 'das kyi dbang gis thos pa'i phyir ro/ /sngon gyi las kyi 'bras bur bsdus pa rnams ni gzugs brnyan dang mtshungs par te/ chos thams cad ni las ji lta ba bzhin du skyes ba'i phyir ro// sangs rgyas kyi zhing yongs su dag par bsdus pa rnams ni chu zla dang mtshungs par te/ sgrib pa'i dri ma rnams dang bral ba'i sems kyi chu la zla ba bzhin du snang bar gyur ba'i phyir ro/ /'dus byas kyi chos thams cad ni sprul pa dang mtshungs par te/ de dag brdzun pa yin yang ji ltar rang gi rgyu dang rkyen tshogs pas sprul pa snang ba'i phyir ro/ /de ltar chos thams cad la snyoms par zhugs pa'i tshe nam mkha' dang 'dra pa'i ye shes thob pa las langs nas yang sgyu ma la sogs pa dang 'dra ba'i ye shes 'byung ba ni rtags yin pas rnam par mi rtog pa'i dbyings su zhugs par shes par bya'o/ /de ni de'i phan yon te bsdus pa'i don bcu gcig pa ni bde ba chen po zhes bya ba la sogs pa gsungs so/ /ye shes rnam pa 'di gnyis la phan yon rnam pa bzhi ste/ gong ma gnyis ni bdag gi don phun sum tshogs pa la brtsams pa'o/ /'og ma gnyis ni gzhan gyi don phun sum tshogs pa las brtsams pa ste/ kha na ma tho ba med cing dam pa mi zad ba'i bde pba la gnas pa mngon sum du bya ba'i dbang thob bas bde ba chen po la gnas pa shin tu rgyas pa yang 'thob po zhes bya ba'o/ /mngon par shes pa thams cad kyi mchog la sogs pa yon tan gyi khyad par 'byor ba mngon du bya ba'i dbang thob pas sems phun sum tshogs pa chen po shin tu
- 165a
rgyas pa yang 'thob po zhes bya ba ste/ sems zhes bya ba'i sgra ni ting nge 'dzin la bya ba'i phyir ro/ /sems can thams cad kyi mi mthun pa'i phyogs dang/ gnyen po dang/ 'jug pa dang/ ldog pa rnam pa thams cad rab tu 'byed pa la mkhas pas shes rab che zhing shin tu rgyas pa yang 'thob bo/ /sems can skal ba yod pa dang/ skal ba med pa rnams yongs su shes pa 'thob pas na ye shes che zhing shin tu rgyas pa yang 'thob bo/ /de dag gi rjes su mthun par rnam pa thaMs cad du chos bstan pa la 'jug pa'i dbang thob pas bshad pa chen po la dbang ba thob pa shin tu rgyas pa yang 'thob po/ /bsdus pa'i don bcu gnyis pa ste/ phan yon rnam pa bzhi po 'di'i las kyi mtshan nyid ni/ dus thams cad du zhes bya ba la sogs pa gsungs pa ste/ gang gi phyir sangs rgyas kyi mdzad pa lhun gyis grub pa yang rgyun mi gcod do/ /de'i phyir dus thams cad du sems can thams cad kyi don gyi rnam pa thams cad kyang byed nus par 'gyur te zhes bya bar sbyar ro/ /de lta bas na sangs rgyas pa'i dus na sangs rgyas kyi mdzad pa lhun gyis grub par 'jug pa yang rgyun mi 'chad par 'byung bas skal ba ji lta ba bzhin dus thams cad du sems can thams cad kyi don gyi rnam pa thams cad mdzad pa grub pa ni de'i las su bstan pa yin no/ /'di lta ste zhes bya ba la sogs pa'i dpe nye bar bkod pas ni rnam par mi rtog pa'i dbyings gcig tu blang ba ste bsdus pa'i don bcu gsum pa ston to/ /'dir don gnyis bstan te dpe dang dngos so/ /de la brag la sogs pa ni dpe ste/ 'dis nye bar dpags pas na dpe'o/ /kun nas nyon mongs pa la sogs pa'i chos ni dngos so/ /gcig tu mkhregs zhes bya ba ni phrag med pa'i phyir ro/ /sra? ba zhes bya ba ni shin tu sra ba'i phyir ro/ /de bas na gang de'i rang bzhin gcig tu mkhregs pa
- 165b
de ni sra ba ste/ gcig tu mkhrigs shing sra ba zhes bya'o/ /'dir rin po che'i gter du gyur pas na gter zhes bya'o/ /'od gsal ba zhes bya ba ni 'bar ba dang ldan pa'o/ /sna tshogs zhes bya ba ni rigs tha dad ba rnam pa sna tshogs so/ /yid bzhin gyi nor bu rin po che zhes bya ba ni ji ltar bsams pa'i don de bzhin du 'grub pa'i rgyur gyur pas so/ /brko ba'i mngon par 'du bya ba med ces bya ba de ni zhi gnas dang lhag mthong zung du 'brel par 'jug pas /rnam par mi rtog pa'i dbyings su 'jug pa lam gyi dpe'o/ /phyug ces bya ba ni bstan pa'o/ /lhag ma ni bshad pa ste/ nor che la zhes bya ba ni/ ji ltar bsag par bya ba'i phyir gser la sogs pa'o/ /longs spyod che bar 'gyur te zhes bya ba ni kun tu sbyang pa yo byad la sogs pa'o/ /'du byed kyi rnam pa zhes bya ba ni 'du byed kyi bye brag ste/ de rnam pa sna tshogs pa'i phyir ro/ /kun nas nyon mongs pa dang/ gnyis la so sor nye bar gnas pa zhes bya ba ni de nyid kyi bye brag ste/ thog ma med pa'i dus na zhugs pa'i nyon mongs pa dang las dang skye ba'i mtshan nyid kyi kun nas nyon mongs par bsdus pa'i phyir kun nas nyon mongs pa'o/ /chad pa dang rtag pa'i mdza' la sogs ba la mngon bar chags pa ni gnyis te/ de la so sor nye bar gnas pa ni ma rig pa'i dbang gis 'jig rten pa rnams dus thams cad du mngon par chags pas na gnyis la so sor nye bar gnas pa'o/ /de la 'du byed kyi bye brag 'di ni rang bzhin gyi rnam par rtog pa'i brag gis byas pa'i phyir snying po med bas na rdo'i ri dang 'dra'o/ /thog ma med pa'i dus nas rgyun ma chad par zhugs pa nyon mongs ba dang las dang skye bar bsdus pas kun nas nyon mongs pa'i phyir gcig tu mkhregs pa lta bu'o/ /mdza' gnyis thams cad la mngon bar chags pa ni sangs rgyas ma byung bar dpral dka' bas na gnyis pa
- 166a
so sor nye bar gnas pa ni sra ba lta bu'o/ /rnam par mi rtog pa'i dbyings ni yid bzhin gyi nor bu rin po che'i gter dang 'dra ste/ de rtogs pa ni 'dod pa'i don ma lus par 'grub pa'i rgyu yid bzhin gyi nor bu rin po che rnyed pa lta bu ste/ de bzhin gshegs pa'i sku thob pa'i dpe'o/ /de bas na 'di ni gcig tu blang bar bstan pa yin no/ /de bzhin gshegs pa'i sku yid bzhin gyi nor bu rin po che lta bu ni 'dir bzhag pa dang 'dra bas na/ de ni de'i gter ro/ /su zhig yid bzhin gyi nor bu rin po che'i gter dang 'dra ba rnam par mi rtog pa'i dbyings la mos shing yid ches te 'dod par 'gyur la/ rang bzhin gyi rnam par rtog pa'i brag las byas pa'i 'du byed kyi ri rko bar spro ba cher skyes pa de ni yid bzhin gyi no bu rin po che dang 'dra ba'i sangs rgyas su 'grub par 'gyur te gzhan ni ma yin no zhes bstan pa'i phyir yid bzhin gyi nor bu rin po che'i gter chen po 'dod ba'i mi zhes bya ba ste byang chub sems dpa' i dpe'o/ /mu stegs can mdza' dag dang thun mong ma yin pa don che zhing zab pa'i chos 'di lta bu ston pa ni bcom ldan 'das te gzhan ni ma yin no/ /de bas na de bzhin gshegs pa la ni skyabs su 'gro ba la sogs pa 'os pa'o zhes bstan pa'i phyir gter chen po mngon par shes pa'i mi zhes bya te bcom? ldan 'das kyi dpe'o/ /de bzhin nyid du gsheD pas na de bzhin gshegs pa'o/ /yang na ji ltar sngon gyi sangs rgyas rnams bla na med pa'i gnas su gshegs pa de ltar 'di yang gshegs pas na de bzhin gshegs pa'o/ /chos rnams kyi de kho na de ji ltar gnas pa de bzhin du gsung bsu nges ba'i tshig gi tshul gyis na de bzhin gsung ba'o/ /'dod chags la sogs pa'i dgra
- 166b
rnams bcom pa'am/ 'jig rten thams cad kyis mchod par 'os bas na dgra bcom ba'o/ /yang dag par kun nas thugs su chud pas na yang dag par rdzogs pa'i sangs rgyas te/ 'di ni bcom ldan 'das kyis rin po che'i gter chen po mngon par mkhyen to zhes bstan pa'i phyir gsungs pa'o/ /rang bzhin gyi rnam par rtog pa rnams ni gcig tu spang bar bya'o zhes bstan pa'i phyir rdo'i rang bzhin dpe'o/ /ji ltar gzhor la sogs pa brko ba'i thabs yang dag pa yin pas 'grub kyis gzhan gyis ni ma yin pa de bzhin du yang dag par so sor rtog pa'i mtshan nyid kho nas mtshan ma rnams yid la mi byed par yongs su spang bar nus kyi gzhan gyis ni ma yin no zhes bstan pa'i phyir rkos shig ces bya ba ste yid la mi byed pa'i dpe'o/ /nges de sgrub pa bstan ba'i phyir ro/ /rnam par rtog pas yongs su zin pa'i sbyin pa la sogs pa ni dngul la sogs pa ltar chen pa ma yin pa'i phyir lha 'am mi phyug po la sogs pa 'byor pa'i rgyur gyur gyi 'di bzhin gyi nor bu dang 'dra ba'i sangs rgyas kyi go 'phang 'thob pa'i rgyur mi 'gyur te/ rnam par mi rtog pa'i ye shes kyis yongs su zin pa de dag ni yid bzhin gyi nor bu dang 'dra ba'i sangs rgyas kyi go 'phang 'thob ba'i rgyur 'gyur ro zhes bstan pa'i phyir gnyen po la soD pa la rnam dang rtog pa'i mtshan ma rnams kyi dpe la/ dngul la sogs pa ni rin po che'o/ /rnam par rtog pa'i rang bzhin du bden du zin kyang gnyen? po la sogs pa rnam par rtog pas yul gyi dngos po rnam bar can du gyur pas gong nas gong du 'bras bu'i khyad par tho? ba pa'i rgyu yod do zhes bstan ba'i phyir dngul dang gser dang rin po che sna tso gsum snang ba'i rngo rnams ni dpe'o gsar la sogs pa'i rin po che ni sa la sogs pa la rnam pa rtog pa rnams kyi dpe yin gyi /sa la sogs pa
- 167a
yi ni ma yin te/ de dag ni dus thams cad du yid bzhin gyi nor bu rin po che'i gnyer dang 'dra'o zhes bstan ba'i phyir yid bzhin gyi nor bu rin po che'i gter chen po rnyed ces bya ba ste/ rnam par mi rtog pa'i dbyings la reg pa'i dpe'o/ /de la rnam par mi rtog pa'i dbyings la reg pa ni sa dang po thob pa'o/ /'jug pa khong du chud bar bya'o zhes bya ba ni 'jug pa'i go rim shes par bya'o zhes bya ba'i tha tshig go /de ni thabs kyi mtshan nyid de bsdus ba'i don bcu bzhi pa bstan pa'i phyir ji ltar na zhes bya ba la sogs pa gsungs so/ /nye bar rtog pa med par mtshan ma rnams yongs su spong bar mi nus la/ mtshan ma rnams yongs su ma spangs par yang rnam par mi rtog pa'i dbyings la 'jug bar mi 'gyur te/ de lta bas na gdon mi za bar nye bar brtag par bya'o snyam nas ji ltar na yang rnam par rtog pa'i mtshan ma ji skad bstan ba de dag la nye bar rtog cing rnam par mi rtog pa'i dbyings su 'jug ce na zhes 'dri ba'o/ /gong du yid la mi byed pa zhes bya bar yang dag par so sor rtog pa des mtshan ma rnams yongs su spong ngo zhes ni bshad na ji ltar yang dag bar so sor brtag par bya ba de ma bshad pa de bas na thabs ni bstan pa'i phyir rnam par mi rtog pa'i dbyings la rab tu gnas pa ni zhes bya ba 'di brjod de/ de ni 'dir sbyor ba'i lam la btags nas rnam par mi rtog pa'i dbyings shes sgrar dgongs pa yin te/ rnam par mi rtog ba'i dbyings la gnas pa dngos la ni gzug pa la sogs pa'i mtshan ma mngon du gyur pa med pa'i phyir ro/ /'dir ni mthal gnyis spangs zhing ci nas kyang dbu ma'i lam la 'jug par 'gyur ba de ltar so sor brtags par bya'o zhes bstan pa'i phyir sgro 'dogs pa'i mdza' i ngo bo dang/ skur ba 'debs pa'i mdza' i ngo bo dang/
- 167b
dbu ma'i lam la 'jug pa ston to/ /de la sgro 'dogs pa'i mdza' ni rnam pa gnyis te/ gang zag tu sgro 'dogs pa'i mdza' dang/ chos su sgro 'dogs pa'i mdza' o/ /bdag dang gzhan dag gi gzugs zhes bya ba ni gang zag tu sgro 'dogs ba ste bdag tu 'dzin pa'i sgo nas gzugs la sogs pa la bdag gir 'dzin pa kun tu 'byung ba'i phyir ro/ /chos su sgro 'dogs pa'i mdza' yang rnam pa gnyis te/ ngo bo nyid du sgro 'dogs pa dang/ bye bag tu sgro 'dogs pa'o/ /gzungs 'di yod do zhes bya ba ni ngo bo 'di du sgro 'dogs pa'o/ /tshig lhag ma bzhi po ni bye brag tu sgro 'dogs pa ste/ gzugs la sogs pa ni gzong mnas ma skyes pa'i phyir don dam par skye ba dang 'gag pa la sogs pa mi srid do/ /se'o 'gag go zhes bya ba ni skad cig re re la yang 'byung zhing 'jig pa'i chos can gyi phyir ro/ /kun nas nyon mongs zhes bya ba ni lugs de mthun pa'i rten cing 'brer par 'byung ba dang ldan pa'i phyir/ /rnam par byang ngo zhes bya ba ni lugs dang ma mthun pa'i rten cing 'brel bar 'byung ba dang ldan ba'i phyir ro/ /da ni gzugs med ces bya ba la sogs pas skur pa 'debs pa'i mdza' ston te/ ji ltar gzugs la sogs pa'i chos rnams kun rdzob tu gnas ba de ltar gang zag ni ma yin no zhes bstan pa'i phyir gzugs la sogs pa btags pa nyid kyis yod pa rnams la skur pa 'debs pa'i mdza' o zhes skur pa 'debs pa'i mdza' zhes ston te/ gang zag de ni kun rdzob tu yang mi gnas pa'i phyir ro/ gzugs med ces bya ba ni bstan pa'o/ /de lhag ma rnams ni bshad pa'o/ /ngo bo nyid kyis kyang med ces bya ba ni ngo bo nyid la skur pa'o/ /tshig lhag ma lnga po ni bye brag la skur ba'o/ /'di brtags ba'i yod pa la skur na skur pa 'debs pa'i mthar 'gyur ro/ /yod par 'dzin pa
- 168a
sngon du 'gro ba ni med par 'dzin pa yin pas de ltar rtog na yod par 'dzin pa nyid du 'gyur ro/ /de bas na gzugs med ces kyang brtag par mi bya'o/ /rgyur yang med ces bya ba ni rgyu'i ngo bo med pa'o/ /'bras bu yang med ces bya ba ni 'bras bur gyur pa med pa'o/ /las ni rang gi 'bras bu 'phen nus pa'o/ /ldan pa ni rang gi 'bras bu la sogs pa dang 'brel pa'o/ /'jug ba ni rab tu tha dad pa'o/ /gzugs su snang ba'i rnam par rig pa yang don dam par ma/ skyes pas de yang gzugs bzhin du brdzun pa'i phyir de bas na gzugs la rnam par rig pa tsam du mngon par chags pa 'di yang sgro btags pa'i mdza' yin par bstan pa'i phyir/ rnam par rig pa tsam zhes bya ba la sogs pa gsungs so// kun rdzob tu rmi lam la sogs pa bzhin du gzugs su snang ba'i rnam par rig pa gnas pa'i phyir ji ltar zhes bya ba la sogs pas/ kun rdzob tu rnam par rig ba la skur na skur pa 'debs pa'i mthar ro zhes ston to/ /de ltar mdza' gnyis bstan nas da ni dbu ma'i lam du 'jug pa bstan pa'i phyir rigs kyi bu dag 'di ltar zhes bya ba la sogs pa gsungs te/ gang gi phyir don dam par dbyad na/ rnal 'byor pas gzugs mi dmigs te/ gzugs su snang ba'i rnam par rig pa yang mi dmigs pa de'i phyir 'di la sgro 'dogs bar mi byed do zhes bya ba tshig gi rjes so/ /skur ba'i mdza' la yang mngon par zhen pa med do/ /'di ltar rnam par rig pa thams cad kyi thams cad du chud gson pa ni ma yin no zhes bya ba ste/ gzugs la sogs pa'i rnam par rig pa chud mi gson to zhes bya ba'i tha tshig go /gzhan du na mthong ba la sogs pa dang 'gal bar 'gyur ro zhes dgongs pa'o/ /rnam par rig pa ma gtog par chos gang yang mi dmigs zhes bya
- 168b
ba ni 'dir nam par rig pa'i sgro ni thams cad du 'khrul pa la dgongs te/ phyin ci log gi don ston pa'i phyir ro/ /de bas na chos thams cad ni 'khrul ba tsam gyis brtags pa'i bdag nyid kyi ngo bor zad de /de ma gtogs bar de dag gi rang bzhin rang gi rgyud ni gang yang med do zhes dgongs pa'o/ /de skad du 'phags pa langkar gshegs pa las kyang/ dngos po skye ba kun rdzob tu/ /dam pa'i don tu rang bzhin med/ /rang bzhin med la gang nor ba/ /de ni yang dag kun rdzob 'dod ces gsungS so/ de lta bas na dngos po thams cad ni kun rdzob tu bstan pa yin te/ des na rnam par rig pa thams cad kyi thams cad du chung gson pa ma yin par bsgrubs bar 'gyur ro/ /rnam par rig pa de yang dngos po med par yang yang dag par rjes su mi mthong/ zhes bya ba 'dis ni chos kyi dbyings dang kun rdzob kyi ngo bo'i rnam par rig pa mi 'dra bar dgag ba ste/ chos dang gang zag gi dngos po dang bral ba'i ngo bo nyid chos kyi dbyings la 'dir/ dngos po med pa'i sgrar gsungs te/ chos dang gang zag gi dngos por sgro btags pa'i rnam par rig pa'i bdag gi ngo bo dang de gnyis mi 'dra ba ni rigs te/ yang dag pa dang yang dag pa ma yin pa gnyis 'gal ba'i phyir ro/ /shin tu mi 'dra ba yang rigs pa ma yin no zhes ston to/ /rnam par rig pa ma gtogs par dngos po med par yang/ yang dag par rjes su mi mthong zhes bya ba ni rnam par rig pa de nyid la chos dang gang zag med ba'i mtshan nyid ni chos kyi dbyings te/ de chos nyid du gdags pa'i phyir chos dang chos can don dam par mi 'dra ba med pa shin tu mi 'dra ba yang ma yin no/ /chos kyi dbyings de dang rnam par rig pa de gcig par yang yang dag par rjes su mi mthong ba ni thams cad la rnam par rig pa lta bu yin na ni de yang
- 169a
mngon sum du 'gyur ba'i skyon du 'gyur ro/ /des na thams cad kyis de kho na mthong bar 'gyur ba dang/ chos kyi dbyings bzhin du rnam par rig pa yang bden par 'gyur ba dang/ kun nas nyon mongs pa can ma yin pa'i skyon du 'gyur ba dang/ rnam par rig pa bzhin du chos kyi dbyings de yang 'dus byas dang/ kun nas nyon mongs pa can la sogs pa'i skyon du 'gyur ba'i phyir ro/ /chos kyi dbyings dang rnam par rig pa gnyis tha dad par yang yang dag par rjes su mi mthong ba ni/ rnam par rig pa nyid kun rdzob kyi ngo bo chos dang gang zag tu sgro btags pa dang bral ba gang yin pa de nyid de med pa'i mtshan nyid ches kyi dbyings yin na ji ltar de de dang tha dad par 'gyur/ gal te tha dad bar 'gyur na ni de'i tshe'i 'du byed kyi bdag med pa tsam nyid don dam pa'i mtshan nyid du mi 'gyur la/ 'du byed kyis mtshan mas bcings pa rnams kyang rnal 'byor bas zil gyis non bar mi 'gyur te/ de de dang tha dad pas chos kyi dbyings gzhan nyid du rtogs pa'i phyir ro/ /de lta bas na dung la sogs pa dang dkar po la sogs pa bzhin du gcig dang tha dad bar brjod du med pa nyid rnam par mi rtog pa'i dbyings so/ /chos kyi dbyings kyi mtshan nyid med pa de la dngos por yang yang dag par rjes su mi mthong ba ni/ de la yod pa'i ngo bo gang yang mi dmigs pa'i phyir ro/ /dngos po med par yang yang dag par rjes su mi mthong ba ni dngos po mi mthong ba ni dngos po mi dmigs pa'i phyir de rnam par bcad pas 'thob pa dngos po med pa'i ngo bo yang med pa'i phyir ro/ /yod pa las gzhan pa ni med ba'i mtshan nyid yin pas yod pa ma grub na de yang ma grub ba nyid de /dper na/ gal te yod pa ma grub na/ /med pa 'grub
- 169b
par mi 'gyur te/ yod las gzhan pa'i dngos po ni/ /med pa'o zhes skye bo smra/ zhes bshad pa lta bu'o/ /rnam par rtog pa thams cad kyis gang rnam par ma brtags pa de rnam par mi rtog pI dbyings so zhes de ltar lta na yang rnam par rtog pa la kun spyod pa ste/ de lta bas na de ltar yang mi blta'o/ /rnam par rtog pa thams cad ces bya ba ni skye ba med pa dang 'gag pa med pa la sogs par rnam par rtog pa rnams kyis so/ /'di ni 'jug pa'i tshul zhes bya ba ni 'jug pa'i thabs mdza' gnyis spangs ba'i mtshan nyid de/ mdza' gnyis la ji ltar brtag pa ni gong du bstan pa yin no/ /de ltar na rnam par mi rtog pa'i dbyings la rab tu gnas pa yin no/ /zhes bya ba ni ji ltar dbu ma'i lam du 'jug pa'i tshul so sor brtag pa bstan pa de ltar de la rab tu gnas pa'o/ /tshor ba la sogs pa'i mtshan ma rnams la yang de bzhin du brtag ste/ sgro 'dogs dang skur ba 'debs pa'i mdza' gnyis la so sor btags pa dang dbu ma'i lam du 'jug pa'i tshul du'o/ /'dra ba'i phyir gzugs bzhin du ste/ de bzhin du tshor ba dang zhes bya ba la sogs pa ni/ bsdus nas sbyor ba'o/ /ji ltar sbyor zhe na/ tshig mdza' nas bzung ste sbyor pa'i phyir/ rigs kyi bu dag 'di la zhes bya ba la sogs pa gsungs so/ /'khrul pas sgro btags pa'i ngo bo yin pas gzong ma nas ma skyes pa'i phyir nyon mongs pa la sogs pa'i sgrib pa thams cad ni don dam par sbang du med de/ mgo lan gnyis su bcad du med pa bzhin no/ /de bas na spang bar bya ba med pas thams cad mkhyen pa ni spong ba'i phyir ma yin pas na 'di yang sgro 'dogs pa'i mdza' yin pas rnal 'byor pas spang bar bya'o/ /de bzhin du thams cad mkhyen ba
- 170a
nyid gcig tu rnam par byang pa'o zhes spyod na yang rnam par rtog pa nyid de/ dag pa dang ma dag pa'i mdza' gnyis su 'dzin pa'i phyir ro/ /de ltar thams cad mkhyen ba nyid rnam par byad ba'o zhes 'dzin pa'i shugs kyis gzhan dag la yongs su ma dag pa'o zhes sgra 'dogs par 'gyur te/ de ni de la bltos pa'i phyir ro/ /de bas na gnyis su rtog par 'gyur te chos thams cad ma skyes pa dang po gcig ba la dag ba dang ma dag pa la sogs ba dbyer med bas de bas rnal 'byor bas rnam par rtog pa 'di yang mi bya ste/ ji skad du/ yod ces med ces gnyi ga mdza' / /dag dang ma dag 'di yang mdza' / /de bas mdza' gnyis rnam spangs te/ mkhas ba dbus la'ang gnas mi byed ces gsungs pa lta bu'o/ /lhag ma yang gong ma bzhin du bshad par bya'o/ /tshigs su bcad pa gnyis kyis ni/ /ji skad gong du bstan pa'i don rnams sdus de/ bde blag tu zin par bya ba'i phyir ro/ /de la tshigs su bcad pa dang bos ni rnam par mi rtog ba'i rgyu'i dbyings su 'jug pa'i rgyu'i go rim bstan to/ /gnyis pas ni phan yon no/ /dam chos 'di la rgyal ba'i sras/ /rnam par mi rtog bsams gyur na/ /zhes bya ba ni rnam par mi rtog pa'i dbang du byas pa'i chos thos nas rnam par mi rtog ba la bsam pa bzhag ste zhes gang gsungs pa de bstan to/ /rnam rtog bgrod dka' rnam 'das te/ zhes bya ba ni rang bzhin gyi rnam par rtog pa la sogs pa mtshan ma rnam ba bzhi yongs su spang bar sbyor ba bstan to/ /rim gyis mi tog 'thob par 'gyur zhes bya ba 'dis ni rnal 'byor ba rim gyis 'jug pas 'jig rten las 'das pa rnam par mi rtog ba'i ye shes 'thob bo zhes bya ba'i tha tshig go /yang na rim gyis zhes bya ba ni rnam rtog bgrod dka' rnam 'das te/ zhes
- 170b
bya ba dang sbyar te/ 'dis ni rnam par me rtog pa'i dbyings su 'jug ba bstan to/ /de las zhes bya ba ni rnam par mi rtog pa'i ye shes 'thob pa'i rgyu las so/ /rab zhi zhes bya ba ni spros pa mdza' dag dang bral ba'i phyir ro/ /'di dag thams cad ni rnam par rtog bde ba zhes bya ba'i bye brag go/ mi g.yo zhes bya ba ni mi nyams pas na brtan pa'i phyir ro/ /mchog ces bya ba ni 'jig rten dang 'jig rten las 'das pa'i bde bde dag las khyad par du 'phags pa'i phyir ro/ /dbang byed ces bya ba ni ji ltar 'dod pa dag ji srid du 'dod pa mngon sum du byed pa'i phyir ro/ /mnyam la mi mnyam pa zhes bya ba ni/ ro ni mnyam la mi mnyam pa ste/ sangs rgyas dang byang chub sems dpa' thams cad kyi thun mong yin pas na mnyam pa'o/ /nyan thos la sogs pa dang thun mong ma yin pas na mi mnyam pa'o/ /yang na chos thams cad mnyam pa nyid du khong du chung ba thob pas na mnyam pa'o/ /de dang 'dra ba'i bde ba'i mchog gzhan med pas na mi mnyam pa'o/ /yang na rab tu zhi bas mnyam pa'o/ /mi g.yo ba la sogs pa'i yon tan dang ldan pas mi mnyam ba'o/ /rnam par mi rtog pa nyid bde ba 'am/ rnam par mi rtog ba'i 'bras bu yang bde bas na rnam par mi rtog bde ba'o/ /thob par 'gyur zhes bya ba ni rtogs pa'o/ /de skad ces bka' stsal nas zhes bya ba 'dis ni yang dag bar sdud bar byed pas bcom ldan 'das kyi bka' bzlas pas gzugs 'di yang bstan du rung ba'i lung nyid du ston to/ /byang chub sems dpa' la sogs pas mngon par bstod do zhes bya bas ni skye bo phal po ches yongs su bzung bar bstan to/ /rnam par mi rtog gzungs 'di rab tu bshad pa yi/ /dge ba phal chen blo chung bdag gis gang thob pa/ /de ni blo ngan sna tshogs skyon gyi mun ba dag? /zad par gyur nas myur du rgya chen gnas thob shog/ //'phags ba rnam
- 171a
par mi rtog par 'jug pa'i gzungs rgya cher 'grel pa /slob dpon ka mA la shI las mdzad pa rdzogs so// //rgya gar gyi mkhan po dzin mi tra dang/ dA na shI la dang/ zhus chen gyi lo ts+tsha ba bande? dpal brtsegs rak+Shi tas bsgyur cing zhus te gtan la phab pa// /// /sA lu ljad pa'i mdo sde rgya cher bshad pa slob dpon ka ma la shI las mdzad pa bzhugs so// //rgya gar skad du/ Arya sA li stam b+ha sya tI kla po'i skad du/ 'phags pa sA lu ljang ba rgya cher 'grel pa/ 'jam dpal gzhon nur gyur pa la phyag 'tshal lo/ /gang gis dngos po rten 'byung bstan pa yis/ /yang dag mchog dang mchog min bka' stsal pa/ chos kyi rgyal po de la phyag 'tshal te/ sA lu ljang pa'i don ni ci nus bshad/ /mdo sde 'chad par 'dod pas thog mar thams cad du bsdus pa'i don dang/ dgos pa dang/ tshig gi don dang/ mtshams sbyar ba dang/ brgal ba'i lan brjod par bya'o/ /de la mdo sde 'di'i bsdus pa'i don ni /rnam pa bdun te/ gleng gzhi dang/ gleng bslad pa dang/ yongs su shes par bya ba'i dngos po dang/ yongs su shes pa dang/ yongs su shes pa'i 'bras bu dang/ de ji ltar yongs su shes par bya ba dang/ mdo sde'i dgos pa'o/ /de la gling gzhi ni mdo sde 'byung ba'i rgyu ste/ de yang yang dag par sdud par byed pas/ bdag la yid ches par bya ba'i phyir/ thams cad du smos so/ /gleng bslang ba ni mdo sde bshad pa'i phyir skabs dang sbyar ba ste/ skabs su ma bab par smras na tshig thams cad 'chal par 'gyur te/ de'i phyir tshig ma 'chal bar bya ba'i phyir/ thams cad du yang skabs dang sbyar ba'o/ /yongs su shes par bya ba'i dngos po gang zhe na/ rten cing 'brel bar 'byung ba lugs su 'byung ba dang/ lugs su mi 'byung pa ste/
- 171b
de yang shes rab kyis shes par bya pa yin pas yongs su shes par bya ba zhes bya ste/ 'dis kun nas nyon mongs ba'i de kho na nyon mongs pa dang las dang tshe'i mtshan nyid dang/ rnam par byang ba'i de kho na rten cing 'brel bar 'byung ba lugs su mi 'byung ba'i mtshan nyid kyang bstan no/ /lam 'di nyid kyis de kho na yongs su shes pas lam gyi rang bzhin gyi chos ni yongs su shes pa'o/ /yongs su shes pa'i 'bras bu ni rnam pa gnyis te/ bla na yod pa dang/ bla na med pa'o/ /de la bla na yod pa ni nyan thos rnams kyi dge spyong gis 'bras bu bzhi dang/ mya ngan las 'das pa'o/ /bla na med pa ni sangs rgyas nyid de/ de gnyis kyis ni blang bar bya ba'i yan lag kho na thabs dang bcas pa bstan to/ /ji ltar de yongs su shes par bya zhe mngon da yab dang kun rdzob tu ste/ de ni yongs su shes par bya ba'i don to zhes/ 'phags pa dgongs pa nges par 'grel pa las gsungs so/ /de yang yongs su shes pa'i rang gi 'bras bu rnam gnyis thob par bya ba'i thabs bstan pa'i phyir bshad do/ /dgos pa ni sgrib pa spang pa dang mi gnas pa'i mya ngan las 'das pa'i lam du 'jug pa ste/ mi gnas pa'i mya ngan las 'das pa'i lam ni/ mdor na/ byang chub sems dpa' rnams kyi shes rab dang snying rje'o/ /shes rab kyis ni 'khor bar mi ltung/ snying rjes ni 'khor bar mi gtong zhing/ mya ngan las 'das par mi ltung pa'i phyir te/ byang chub sems dpa' rten cing 'brel par 'byung par gnas pa/ shes rab gyis 'phel bar 'gyur ba dang/ 'jug pa la rmongs pa'i sems can rnams la snying rje chen po 'byung ba'i phyir mi gnas pa'i mya ngan las 'das pa'i lam la 'jug ba ni/ de'i dgos pa'o/ /lam nges kyang byang chub sems dpa' rnams kyi sgrib pa gnyis yang dag par bde blag tu spong bar 'gyur bas de yang de'i dgos pa'o/ /dgos
- 172a
pa'o/ dgos pa brjod pa de yang gnyan pa dag gus par nyan pa dang/ len pa la sogs pa la gzung pa'i phyir te/ dgos pa ni 'dir bsdus pa'i don gyi nang du 'dus pa lags shig tu ma bshad do/ /tshig gi don dang mtshams sbyar ba dang/ brgal ba'i lan brjod par bya ste/ de dag thams cad ni gzhung dang 'og nas sbyar ro/ /de la 'di skad ces bya ba 'dis na gsol ba btab nas yang dag par sdud par byed pas mdo sde'i don 'og nas 'byung ba mdza' dag ston to/ /skur pa dang sgro 'dogs pa spang ba'i phyir ro/ /bdag gis thos pa zhes bya ba 'di gnyis kyis ni bdag gis mngon sum du thos pa dang/ rtogs pa ma yin par ston te/ bdag nyid kyi thos kyi thos pa gcig nas gcig tu brgyud pa las 'ongs pa ni ma yin no/ /thos su zad kyi rtogs pa ma yin te/ sangs rgyas ma gtogs bar gzhan gyis 'di lta bu'i don rtogs mi srid pa'i phyir ro/ /de yang yid ches par bya ba'i rgyu yin te/ gzhan du na mi srid pa'i don smras na yid ches par mi 'gyur ro/ /dus gcig na zhes bya bas ni thos pa zhes bya ba gong ma dang sbyar te/ dus ni dus sam 'khor 'dus pa ste/ thams cad du thams cad na mdo sde dkon mchog 'di lta bu dag shin tu thos par dga' ba'i phyir ro// yang na dus gcig na bcom ldan 'das bzhugs so zhes 'og tu sbyar te/ 'dis ni 'dul ba'i bya ba mdza' yas pa'i phyir gzhan gyi tshe na ni bcom ldan 'das gzhan na bzhugs so zhes ston to/ /bcom ldan 'das zhes bya ba ni bdud bzhi bcom pa dang/ dbang phyug la sogs pa'i yon tan dang ldan pa'i phyir ro/ /rgyal po'i khab ces bya ba ni grong khyer gyi bye brag gi ming ste/ de na sngon rgyal po'i ming btags pa'i khang khyim? dag la mi ma yin pa rnams mi 'cher bas de dag la de skad btags
- 172b
zhes grags te/ de'i phyir grong khyer de la de skad ces bya'o/ /grong khyer de yang grong khyer mdza' dag gi nang na gtso bo yin la/ de bzhin du mdo sde 'di yang gsung rab mdza' dag la khyab par byed pas gtso bor bstan pa'i phyir de nyid du bshad do/ /rgyal po'i khab rgya che ste/ rgyal po'i khab kyi gang na bzhugs gtol med pas de'i phyir/ bya rgod kyi phung po'i ril zhes bya ba smos te/ bya rgod 'dra bar ri'i rtse mo rdog rdog bor 'dug pas bya rgod kyi phung po'o/ /gnas 'di gnyis brjod pa ni/ khyim na gnas pa dang rab tu byung ba'i 'jig rten la phan btags pa 'am/ bdag dang gzhan gyi don phun sum tshogs par bstan pa'i phyir ro/ /bya rgod kyi phung po'i ri zhes bya ba 'dis ni de ltar mdo sde 'di khong du chud par dka' bar ston to/ /mtho bar bstan pas so/ /ri? zhes bya ba 'dis ni mu stegs can gyi rlung gis mi bsgul ba ste/ mi g.yo bar bstan pas so/ chen po zhes bya ba ni grangs dang mthu gnyis te/ nyon mongs pa bcom zhing phyir rgol bas mi byed pa'i phyir ro/ /dge slong gi dge 'dun zhes bya ba ste 'dis ni mthu che ba bstan to/ /grangs phal che bar bstan pa ni stong nyis brgya lnga bcu zhes bya ba ste/ de'i tshe na ni de snyed cig yod de 'di ltar bcom ldan 'das kyis lteng rgyas 'od srungs g.yog lnga brgya dang/ chu klung 'od srungs g.yod? nyis brgya lnga bcu dang/ ga ya 'od srungs g.yog nyis brgya lnga bcu dang/ 'phags pa shA ri'i bu dang/ maung+gal gyi bu g.yog 'khor nyis brgya lnga bcu/ btul nas thog mar rgyal po'i khab tu bzhugs so/ /theg pa chen po'i mdo sde bshad pa la ci'i phyir nyan thos rnams smos shing/ gang gi phyir de gong du smos she na/ yang dag par sdud par byed pas bdag la yid ches par bya bar bstan pa dang/ nyan thos rnams kyang theg pa chen po la 'dzud par 'gyur bar bstan pa dang/ 'khor
- 173a
gyi gtso bo rnams 'dul zhing sgo de nas 'khor theg pa chen po la gzung ba dang/ rten cing 'brel bar 'byung ba la sgom pa ni thun mong bas de dag brjod par rigs pa nyid do/ /gong du ci'i phyir smos she na/ de dag rang gi don lhur len bas/ rtag par bcom ldan 'das kyi zha 'bring byed bar bstan ba dang/ rab tu byung ba la gus par bya bar bstan pa'i phyir ro/ /dge slong gi dge 'dun pas byang chub sems dpa' dag mang ba ni theg pa chen po'i mdo sde bstan pa la de dag gtso bo yin pa'i phyir ro/ /de dag ni byang chub tu sems dpas byang chub sems dpa' o/ /nyan thos rnams kyang rang gi byang chub la sems dpa' yod pas de rnam par bcad pa'i phyir sems dpa' chen po'o zhes bya ba smos te/ chen po rnam pa bdun dang ldan ba'i phyir/ byang chub sems dpa' sems dpa' chen po dag ces bya'o/ /de la chos chen po ni de dag la shes rab kyi pha rol tu phyin ba stong phrag brgya ba la sogs pa bstan pa ste/ shin tu rgya che ba'i phyir ro/ /sems bskyed pa chen po ni bla na med ba yang dag par rdzogs pa'i byang chub tu sems bskyed pa'i phyir ro/ /mos pa chen po ni chos zab cing rgya che ba de dag nyid la mos pa'i phyir ro/ /bsam pa chen po ni sems can thams cad la phan pa dang/ bde ba skyed par sems pa'i phyir ro/ /tshogs chen po ni bsod nams dang ye shes kyi tshogs dpag tu med pa'i phyir ro/ /dus chen bo ni bskal pa grangs med pa gsum gyis byang chub 'thob pa'i phyir ro/ /yang dag par 'grub ba chen po ni/ bla na med pa yang dag par rdzogs pa'i byang chub yang dag bar 'grub pa'i phyir ro/ /bzhugs zhes bya ba ni rnam pa gsum gyis bzhugs ba ste/ spyod lam gyis bzhugs pa dang/ chos 'chang cing bzhugs ba dang/ nang du yang dag 'jog la tshangs ba dang/ lha dang 'phags ba gnas pa'i mtshan nyid kyis bzhugs
- 173b
ba'o zhes bya bas ni bzhugs par gyur zin par bstan to/ /gang gi tshe gang zhig gang na gang lhan cig bzhugs pa de smos pas ni gleng bzhi bstan to// //de ni de'i tshe na zhes bya ba la sogs pas gleng bslang ba bshad do/ /de'i tshe na zhes bya ba ni gang gi tshe na bcom ldan 'das bzhugs pa'o/ /chos rnam par gtan la dbab pa'i phyir skye po dag gang du lhags nas nye bar 'gro ba de ni de'i bgrod par bya pa'i sa'o/ /ga la ba zhes bya ba ni/ phyogs gang na ba zhes bya ba'i tha tshig go/ /yang dag pa'i sgrub ba brjod pa'i phyir mchog tu dga' ba bskyed pa'i gtam gang yin pa de ni kun dga' bo byas nas zhes bya ba ni mjug brtul ba'o/ /byang chub sems dpa' dang/ rab tu byung ba gnyis ka yang bla mar brjod pa'i phyir kun dga' ba'i gtam nyid byas kyi/ gcig la gcig phyag la sogs ba ni ma byas so/ gcig la gcig phyag byed na ni bla ma ma yin pa dang/ thug pa med par 'gyur ro/ /'dus te zhes bya ba ni 'dus nas ha cang yang mi ring ba zhes bya ba'i tha tshig go/ rdo leb la 'khod do zhes bya ba ni de'i tshe rdo leb dang yang nye la/ chos rnam par gtan la dbab pa la yang sems shin tu 'dus pas de nyid du 'khod kyi/ /stan bzang po la ni ma bsdad do/ /de nas zhes bya ba ni de'i 'og tu'o/ /'phags ba shA ri'i bu ni shes rab dang ldan pa'i mchog yin la/ byams pa yang byang chub la shin tu nye ba ste/ de bas na nges de la dri bar ? 'dir zhes bya ba ni rgyal po'i khab? bam tshig gi phrad do/ /sA lu ldang? ba zhes bya ba ni sA lu ljang bu'o/ /de la gzigs ba ni phyi'i rten cing 'brel bar 'byung ba dang/ nang gi gnyis ka bye brag med par bstan pa ste/ gnyis ka bdag med pa dang/ rgyu dang rkyen las bltos par 'dra ba'i phyir ro/ /de'i tshe na dge slong rnams la chos de bshad pas 'dul bas na de dag nyid la mdo 'di bshad do/ /ci'i phyir bcom ldan 'das cang mi gsung bar gyur ce na/ bdag lta bus bcom ldan 'das kyi dgongs pa shes par mi nus mod kyi/ 'on kyang brtags nye
- 174a
brjod na/ dge slong gang dag nged ni mgo smos pas go ba'o snyam du nga rgyal byed pa de dag gi nga rgyal spang ba dang/ byang chub sems dpa' rnams shin tu zab mo'i don gyi dgongs pa yang 'chad pas tshe ba nyid brjod pa dang/ de tsam gyis bshad pa'i dgos pa yongs su rdzogs pa'i phyir ro/ /don ci zhes bya ba ni ldem por dgongs pa dang/ dgongs ba gang zhes bya ba'i tha tshig go /bcom ldan 'das ni ldem por dgongs pa bzhi dang/ dgongs ba bzhis chos bstan te/ gzhug ba la ldem por dgongs pa dang/ mtshan nyid la ldem por dgongs pa dang/ gnyen po ldem por dgongs pa dang/ bsgyur ba la ldem por dgongs pa dang/ mnyam pa nyid la dgongs pa dang/ don gzhan la dgongs pa dang/ dus gzhan la dgongs pa dang/ gang zag la dgongs pa ste/ de rnams kyi nang na 'dir gang las dgongs zhes bya ba'i tha tshig go/ 'di la 'gal ba ci zhig mthong na ldem por dgongs pa dang/ dgongs pa rnams 'dri zhe na/ 'di snyam du sems te/ ma rig pa la sogs ba rgyu dang 'bras bur gyur pa/ zag pa dang bcas pa'i chos rnams ni rten cing 'brel bar 'byung ba'i sgrar gsungs pa/ zag pa med pa'i lam dang/ 'dus ma byas pa mya ngan las 'das pa la ni chos kyi sgrar gsungs/ sangs rgyas su byed pa zag pa med pa nyid kyi chos ni sangs rgyas kyi sgrar gsungs te/ 'di dag thams cad ni phan tshun rang bzhin tha dad na ji ltar mi 'dra ba'i rten cing 'brel bar 'byung ba mthong bas chos mthar bar 'gyur/ ji ltar mi 'dra ba'i chos mthong bas sangs rgyas mthong bar 'gyur te/ de'i phyir gzugs dang sgra la sogs ba mthong ba bzhin du 'di yang tha dad par 'gyur ro snyam du bsams ba'o/ /ji ste gzhan zhig la 'dir rten cing 'brel bar 'byung ba la sogs par bzhed par lta na ni de'i tshe de dag ji lta bu zhig snyam nas/ rten cing
- 174b
'brel par 'byung ba ni gang chos ni gang/ sangs rgyas ni gang zhes bya ba smos so/ /rten cing 'brel bar 'byung ba la sogs pa gzhan du bzhed ba ni ma yin bas de'i phyir/ ji ltar na rten cing 'brel bar 'byung ba mthong bas chos dang sangs rgyas mthong? zhes dris so/ /glang bslang ba bshad zin to/ /da ni 'phags pa byams pas 'di la bcom ldan 'das zhes bya ba la sogs bas bcom ldan 'das kyis bka' rnams zlos te/ rten cing 'brel bar 'byung ba gang zhe na zhes bya ba la sogs pas yongs su shes par bya ba la sogs pa'i don ston te/ bcom ldan 'das kyis dgongs ba dang/ ldem por dgongs pa yang 'chang ngo/ /bcom ldan 'das zhes bya ba ni mchod pa'i tshig go /chos kyi bdag po zhes bya ba ni chos thams cad la mnga' brnyes ba ste/ de yang bcom ldan 'das chos thams cad 'chad pa la mnga' brnyes pas na tshig 'di dag thams cad tshad mar bya ba yin no zhes bstan pa'i phyir gsungs so/ /chos kyi bdag por bsgrub ba'i phyir thams cad mkhyen pa zhes bya ba gsungs te/ gang gi phyir de thams cad mkhyen pa de'i phyir chos kyi bdag po ste/ de bas na de ni tshad ma'o/ /zhes bya ba ni grags ba ston pa'o/ /sus rten cing 'brel bar 'byung ba zhes bya ba ni grags pa yin te/ de gang zhe na/ zhes bya ba'i tha tshig go /gang 'di ma rig pa'i rkyen gyis 'du byed rnams zhes bya ba 'dis ni ma rig pa la sogs pa'i mthu nges bar rgyu dang 'bras bu'i dngos po gdon mi za ba ste/ de ni rten cing 'brel bar 'gyur ba'o/ /rgyu dang 'bras bur gyur ba de yang ma rig ba la sogs ba las gud na med de/ gzhan ma yin no zhes de ston to/ /ma rig ba la sogs ba 'di dag gi mtshan nyid ni 'og nas 'chad bas bdag gis 'dir ma brjod do/ /'di 'ba' zhig ces bya ba ni bdag dang bdag gi dang bral ba'o/ /sdug
- 175a
bsngal gyi phung po zhes bya ba ni sdug bsngal mang pa'o/ /chen po zhes bya ba ni thog ma med pa'o/ /ma rig pa la sogs pa 'gag pa yang rten cing 'brel par 'byung ba zhes ji skad du bya/ smras pa/ 'di ni nyes pa med de?/ 'dir de med par dgag ba la ni ma rig ba la sogs pa dgag pa'o/ /zhes brjod bar byas pa ma yin gyi/ sman bcud kyis lan zos pa bzhin du lam goms par byas pa'i stobs kyis gang ma rig pa dang mi mthun ba'i gnas 'byung ba gang rigs pa skye ba de ni 'dir ma rig pa 'gag pa zhes te/ 'dir ram 'dis ma yin par gyur pa brjod par 'dod ba ma rig pa la sogs pa dgag pa'i phyir ro/ /de bas na gong nas gong du 'du byed la sogs pa dang mi mthun ba'i gnas 'byung ba nyid 'dir 'du byed la sogs pa 'gag par blta'o/ /gang dag 'khor bar 'jug pa dang/ ldog pa la rmongs pa de rnams rmongs pa de dang dbral ba'i phyir 'byung ba dang/ lugs su mi 'byung ba rnam pa gnyis kyis kun nas nyon mongs ba dang/ rnam par byang ba'i phyogs las brtsams te/ rten cing 'brel bar 'byung ba bstan to/ /'di la dang po gsum ni 'phen pa'i yan lag go /ming dang gzugs dang skye mched drug dag reg ba dang tshor ba rnams ni 'phangs pa'i yan lag go /sred pa dang len pa dang srid ba 'di dag ni mngon par sgrub ba'i yan lag go /skye ba ni mngon par bsgrub ba'i yan lag go /rga shi ni nyes dmigs kyi yan lag go/ de la 'phen pa'i yan lag gis ni ring ba'i rgyu bstan to/ /mngon bar bsgrub pa'i yan lag gis ni nye ba'i rgyu bstan to/ /de gnyis med na skye ba 'grub par mi 'gyur te/ de bas na rnam ba gnyis su bshad do/ /ma rig pa'i rgyu las byung ba'i las kyis rnam par shes pa la bsgos pas ma 'ongs pa na skye ba
- 175b
'phangs bar 'gyur ro/ /de nas sred pa dang len pa gnyis kyis las de bskul bas skye ba mngon par 'grub par 'gyur te/ de bas na gang gis gang 'phen cing 'phangs pa de yang gang gis grub pa de las nyes dmigs su 'gyur pas/ yan lag bcu gnyis kho nar bstan pa'i phyir yan lag bcu gnyis nyid du gyur te mi nyung mi mang ngo/ /gzhan dag ni snga ma dang bar ma dang phyi ma rnams su gnyis dang brgyad dang gnyis go rim bzhin te/ de la rmongs pa rnam par bzlog pa'i phyir bstan par dum bu gsum du rnam par 'jog pas yan lag rnams rnam par brjod do/ /kha cig na re ma rig pa'i rgyu ma bstan pas 'khor ba yang thog ma can du 'gyur la ma rig ba yang rgyu med bar 'gyur ro zhes zer ro/ /de yang mi rigs te/ de'i yang gzhan de'i yang gzhan du brjod dgos pas gang nas bzung ste/ skye ba'i rim ba bstan par brtsam /ma rig pa rgyu med par yang mi 'gyur te/ thog ma med pa'i dus kyi rigs mthun pa'i rkyen las de 'byung ba'i phyir ro/ /'di la yan lag rnams la ni rigs mthun ba'i rkyen ces brjod par ma zad kyi rigs mi mthun ba yang gtogs so/ /ma rigs pa la ni rigs mi mthun pa'i rkyen med do/ /tshul bzhin ma yin pa yid la byed pa la sogs pa yang de rtas par byed pa'i rgyu nyid du mdo las gsungs kyi dngos kyi rgyu ni ma yin no/ /yang na tshul bzhin ma yin pa yid la byed pa la sogs pa phyin ci log gi rnam par zhugs pas ma rig pa'i rang bzhin kho na ste 'gal ba med do/ /de lta bas na 'khor ba la thog ma yod par mi 'gyur te/ dper na sa bon? gyi rkyen las myu gu 'byung bar brjod pa'i sa bon la thog ma yang yod pa 'am/ rgyu med par yang mi 'gyur ba de bzhin du 'dir yang klan kar mi 'gyur ro/ /gang gi phyir yan lag bcu gnyis kho nar gyur pa de ni 'phen pa dang/ mngon par 'grub pa'i
- 176a
yan lag brjod bas bdag gis bshad pa nyid de mang du mi dgos so/ /yongs su shes par bya ba bshad zin to/ /da ni yongs su shes pa dang/ de'i 'bras bu bla na yod pa bstan pa'i phyir/ chos gang zhe na zhes bya ba gsungs so/ /'dir chos kyang rnam pa gnyis su bshad do/ /sgrub pa'i chos dang 'bras bu'i chos so/ /sgrub pa'i chos ni 'phags pa'i lam yan lag brgyad pa ste/ de nyid 'dir yongs su shes pa'o/ /'dus byas dang 'dus ma byas kyi bye brag gis 'bras bu'i chos kyang rnam pa gnyis su'o/ de la 'dus byas ni dge sbyong gi 'bras bu bzhi ste/ rnam par grol ba'i lam gyi rang bzhin no/ /'dus ma byas ni nyon mongs pa spangs pa'i mtshan nyid mya ngan las 'das pa'o/ /bstan bcos las ni 'dus byas dang/ 'dus ma byas kyi rang bzhin dge sbyong gi 'bras bu rnam par bzhag mod kyi/ 'on kyang mya ngan las 'das pa logs shig tu bshad pas ba lang dang glang zhes bya ba'i tshul du 'dus byas nyid du gzung ngo// yang na yongs su dag pa'i de bzhin nyid gang yin pa 'dir mya ngan las 'das par 'dod de/ de la nyon mongs pa med pa'i phyir ro/ /'bras bu 'di brjod pa ni nyan thos dang rang sangs rgyas rnams lam 'di nyid kyis gang zag dang/ chos la bdag med pa'i tshul du bsgoms na 'bras bu rnyed par 'gyur ro zhes go rim bzhin du bstan pa'i phyir ro/ /de la de kho na ma nor ba'i rang bzhin du rtog pa ni yang dag pa'i lta ba'o/ /de nyid la tshul bzhin du rtog cing dpyod pa ni yang dag pa'i rtog pa'o/ /de yang gzhan dag la ma nor ba'i rang bzhin 'chang cing brdzun la sogs pa'i nyes pa spangs pa'i tshig ni yang dag pa'i ngag go /de nas srog gcod pa la sogs pa'i nyes pa spangs shing lus kyi las yongs su dag pa ni/ yang dag
- 176b
pa'i las kyi mdza' o/ /de nas tshul 'chos pa dang/ gzhog slongs la sogs pa log pas 'tsho ba'i nyes pa spangs shing yongs su dag pa'i lus dang dag gi las kun tu spyod pa ni yang dag pa'i 'cho ba'o/ /nyes pa lhag ma rnams? spang pa'i phyir mngon par spro ba ni yang dag pa'i rtsol ba'o/ /de kho na de nyid mi brjod pa ni yang dag pa'i dran pa'o/ /gong nas gong du yon tan gyi khyad par? rnams mngon par sgrub pa'i phyir rtag tu mnyam par bzhag pa ni yang dag pa'i ting nge 'dzin to// lam la snyoms par zhugs pa la yang dag pa'i ngag la sogs pa ji ltar 'byung na gang gis 'phags lam yan lag brgyad par 'gyur zhe na/ 'di la nyes pa med de/ 'jig rten las 'das pa'i lam gyi gnas skabs na rnal 'byor pa de lta bu'i so so'i rang gi rig pa de kho na myong ba myong bar yang 'gyur zhing gnas 'gyur pa yang 'thob la de nas langs pa'i tshe na yang dag pa'i dag la sogs pa la 'jug ste lag pa'i dag la sogs pa la mi 'jug go/ de bas na rgyu la 'bras bur btags te/ de yang dag ba'i lta ba la sogs pa yan lag rnam pa brgyad ni rnam par dag pa'i rgyur 'gyur bas de la lam yan lag brgyad pa zhes bya ste/ de'i tshe na tshig gcig kyang mi smra la/ gos la sogs pa yang mi tshol bas de'i gnas skabs na yan lag brgyad mi 'byung ste/ 'gal pa'i phyir ro/ /de la yang dag pa'i lta ba ni yongs su gcod pa'i yan lag ste/ des ji ltar myong ba de kho na nges par 'dzin pa'i phyir ro/ /yang dag pa'i rtog pa ni gzhan go bar byed pa'i yan lag ste/ des ji ltar rtogs pa'i de kho na rnam par gzhag nas tshig tu 'don pa'i phyir ro/ /yang dag pa'i dag dang/ las kyi mdza' dang/ 'tsho ba ni gzhan yid ches par byed pa'i yan lag ste/ de dag go rim bzhin du rnal 'byor pa'i
- 177a
lta ba dang/ tshul khrims dang/ yo byad bsnyungs pa rnam par dag par gzhan dag yid ches par 'gyur te/ 'dri ba'i lan legs par ldon par yang dag pa'i ngag gis lta ba rnam par dag par yid ches so/ /yang dag pa'i las kyi mthas bya ba ma yin pa mi byed pas tshul khrims rnam par dag par ro/ /yang dag pa'i 'tsho bas gos la sogs pa chos bzhin tshol bas yo byad bsnyungs pa rnam par dag par ro/ /'di dag ni go rim bzhin du /ngag dang lus dang gnyi ga'i las kyi rang bzhin no/ /yang dag pa'i rtsol bas ni nyan thos dang byang chub sems dpa' gnyi ga'i nyon mongs pa'i sgrib pa rnam par sbyong ba'i yan lag go /yang dag pa'i dran pa ni bying ba dang rgod pa nye ba'i nyon mongs pa rnam par sbyong ba'i yan lag ste/ dran pa nye bar gzhag pas yang dag par mtshan ma rtog pas/ bying ba dang rgod pa la sogs pa'i skabs med pa'i phyir ro/ /yang dag pa'i ting nge 'dzin ni yon tan gyi khyad par mngon par sgrub pa la sgrib pa rnam par spyod pa'i yan lag ste/ des mngon par shes pa la sogs pa yon tan mngon par sgrub pa'i phyir ro/ /de ni yongs su shes pa'i 'bras bu bla na med pa ston te/ sangs rgyas bcom ldan 'das gang zhe na/ zhes bya ba'i lan du sus chos thams cad thugs su chud pa'i phyir/ zhes bya ba gsungs te/ gang gis dngos po rnams ma lus par rnam pa thams cad du phyin ci ma log par lag mthil du skyu ru ra'i 'bras bu bzhag pa bzhin du gzigs pa ste/ des dngos po rnams kyi don ji lta ba bzhin du thugs su chud pas na sangs rgyas zhes bya bar sbyar ro/ /gzigs zhes bya ba ni lus dang mig yod na 'grub po ? na/ chos
- 177b
thams cad ni mig yul du mi rung ste/ yul so sor nges pa'i phyir nges de dag ces bya ba gsungs te/ des zhes bya ba ni sangs rgyas bcom ldan 'das so/ /de dag ces bya ba ni chos rnams so/ /'phags pa'i shes rab kyi spyan zhes bya ba ni zag pa med pa'i shes rab kyi spyan gyis gzigs kyis sha'i mig gis ni ma yin no zhes bya ba'i tha tshig go /'di ni bla na med pas na chos thams cad du yul du rung ngo zhes dgongs pa'o/ /chos kyi sku zhes bya ba ni rgyu bstan pa ste/ sangs rgyas kyi chos thams cad kyi rgyur gyur pa ni yongs su dag pa'i ye shes sam/ yongs su dag pa'i de bzhin nyid de sku ni chos kyi sku'o/ /de yang bla na med pa'i shes rab kyi spyan gyi rgyu'o zhes bya bar bstan pa'i phyir smos so/ /chos kyi sku dang ldan pas gzigs so zhes ldan pa'i tshig ni/ khong nas dbyung bar sbyar ro/ /byang chub byed pa zhes ba ni byang chub rnam pa gsum gdags pa'i rgyu'o/ /slob pa dang mi slob pa ni mtshon pa ste/ slob pa yang ma yin mi slob pa yang ma yin pa yang gziD pa nyid do/ /des 'jig rten las 'das pa'i slob pa dang mi slob pa'i chos rnams kyang gzigs na de ma yin pa gzhan lta ci'i phyir mi gzigs zhes bstan pa'i phyir slob pa dang mi slob pa smos so/ /da ni bcom ldan 'das kyis gur la dgongs te/ gsungs pa de bstan pa dang de ji ltar yongs su shes par bya ba bstan pa'i phyir/ de la rten cing 'brel par 'byung ba mthong ba ji lta bu zhe na zhes bya ba gsungs te/ rten cing 'brel bar 'byung ba ni don dam pa dang kun rdzob kyi tshul gnyis su shes par bya ste/ sgro 'dogs pa dang skur ba'i mdza' spangs pa'i phyir ro/ /don dam pa'i tshul kho nar bsgom na ni skur ba'i mthar ltung? zhing 'chad par lta ba 'am/ nyan thos kyi mya ngan las 'das pa la gnas par 'gyur/ kun rdzob kyi tshul kho nar
- 178a
bsgoms na ni sgro 'dogs pa'i mthar ltung bas gnyi ga'i tshul du bsgoms na mdza' gnyis spangs pas dbu ma'i lam la zhugs par 'gyur ro/ /de la ma rig pa la sogs pa sgyu ma dang gzugs brnyan la sogs pa bzhin rgyu rkyen las ltos pa yin mod kyi/ dus gsum du yang gang ma skyes pa de ni 'dir don dam pa'i tshul te/ de skad du mi skye ba'i chos ni bden gyi chos gzhan ni brdzun no zhes gsungs so/ /de yang spros pa thams cad las 'das pa'i phyir sangs rgyas rnams kyi so so rang gis rig pa'o/ /brjod pa ni kun rdzob 'ba' zhig tu bcom ldan 'das kyis de ston te/ de bstan pa'i phyir 'di la bcom ldan 'das kyis zhes bya ba gsungs te/ 'di la zhes bya ba ni tshig gi phrad do/ /dus thams cad du ci ltar skye ba med pa'i chos su gsungs pa dang ldan pas na rtag pa'o/ /'dis ni dus gsum du yang don dam par ro gcig pas 'gyur ba med par bstan to/ /gal te de lta na bdag tu smra ba dang gnyis 'dra bar 'gyur bas srog med pas zhes bya ba gsungs te/ rang gis bdag gi rang bzhin ma yin pa'i phyir te/ 'tsho bas na bdag kho na la srog ces gzhan dag gis brtags pa'i phyir ro/ /srog dang bral ba zhes bya ba ni de dang tha dad pa srog ces brjod pa'i bdag gis byin gyis ma brlabs pa'i phyir ro/ /'dis ni rtag pa yin mod kyi/ de bdag dang bral bas bdag dang mi 'dra'o zhes bstan te/ bdag med pa kho na la rtag par pha rol dag gis brtags pa'i phyir te/ de bas na de bdag dang 'dra bar mi 'gyur bar dgongs pa'o/ /rten cing 'brel par 'byung ba 'di don dam pa'i tshul du bdag bzhin du rtag par yongs su
- 178b
brtags pa ma yin par bstan pa'i phyir/ ji lta bu nyid ces bya ba gsungs te/ ma brtags pa'o zhes bya ba'i tha tshig go /ji ltar ma brtags zhes bya ba'i gtan tshigs bstan pa'i phyir/ mnor ba zhes bya ba gsungs so/ /de ni 'di ltar tshad mas ma nor bar bsgrubs te/ de'i phyir brtags gos pa ma yin pa'o/ /'dis ni de byin? ci ma log par grub par bstan to/ /'di skyes pa'i phyir ji ltar ma skyes pa'i tshul tu brtag pa dang ldan snyam pa la ma skyes pa zhes bya ba gsungs te/ don dam par na 'di la gang skyes pa'i rang bzhin gang yang med de/ dper na gzugs brnyan bzhin no zhes dgongs pa'o/ /de skad du/ rkyen rnams las gang byung ba de ma skyes/ de ni ngo bo nyid kyis skye ba med/ ces gsungs so/ /gal te de da ltar ma skyes su zin kyang sngon skyes pas na byung ba dang ldan no snyam pa la ma byung ba zhes bya ba gsungs te/ sngon yang don dam par da ltar gyi dus bzhin du ma byung bar dgongs pa'o/ /gal te de rang gis byung ba med pas ma skyes pa dang/ ma byung ba dang/ ldan pa yang dbang phyug la sogs pa gzhan gyis byas pa dang ldan pa ma yin nam snyam pa la ma byas pa zhes bya ba gsungs te/ de'i rgyu rtag pa ci yang med de/ rim dang rim ma yin par don byed pa 'gal ba'i phyir ro zhes dgongs pa'o/ /'dis rgyu med pa dang mi mthun pa'i rgyu bkag go /gal te dbang phyug la sogs pas ma byas kyang 'di rgyu dang rkyen rnams 'dus pas byas pa'i phyir byas pa nyid do snyam pa la 'dus ma byas pa zhes bya ba gsungs te/ gang dag gis de byed pa'i rgyu dang rkyen gyang don nam par med de/ der yang brtag cing brgal bar mthun pa'i phyir ro/ /de dag kyang mngon par 'du byed cing byed pa ma yin te/ chos thams cad g.yo ba med pa'i phyir ro/ /gzhan las kyang
- 179a
ma yin te/ mnyam pa'i dus sam/ tha dad pa'i dus na dngos po rnams don dam par skye ba mi srid do/ /ji ste phyogs 'dir rten cing 'brel bar 'byung ba skyes pa la sogs pa'i chos dang ldan par ma gyur kyang/ ci ste na phyogs gzhan du skye bar 'gyur ro snyam pa la thogs pa med pa zhes bya ba gsungs te/ dngos po mdza' dag la stong pa nyid kyis khyab pa'i phyir ro/ /de'i phyir skye ba med pa 'di ni thams cad du thob pa med do/ /'dis ni thams cad du 'gro ba bstan te/ ji skad du/ rtag tu skye med chos ni de bzhin gshegs/ /chos rnams kun kyang bde bar gshegs pa 'dra/ zhes gsungs so/ /gal te de lta na/ ji skad gsungs pa'i yon tan khyad par can dang ldan par rten cing 'brel par 'byung ba thams cad kyis/ de ltar ci'i phyir mi shes snyam pa la dmigs pa med pa zhes bya ba gsungs te/ gzung dang 'dzin pa'i rnam pas stong pa'i phyir ro/ /de bas na gzung ba dang 'dzin pa la mngon par zhen pa'i shes pa rnams kyis de shes par mi nus so/ /'on kyang de dmigs pa med cing spros pa med pa 'jig rten las 'das pa'i ye shes kyis shes par bya ba ste/ de yang chos gang yang mthong ba med pa ni de kho na mthong ba'o zhes bya bar sbyar ro/ /ci'i phyir yang 'di skad du gsungs pa bzhin du don dam pa'i tshul du bsgom par bya snyam pa la/ zhi ba zhes bya ba gsungs ste/ don dam pa'i tshul lu bsgom na gnod pa thams cad bral bas zhi ba'o/ /phyin ci log bzhin kun nas nyon mongs pa mdza' dag gi rtsa ba min pas na de'i phyir de don dam pa'i tshul du bsgoms na kun nas nyon mongs pa mdza' dag nye bar zhi bar 'gyur gyis kun nas nyon mongs
- 179b
pa sbod bar 'dod pa rnams kyis de ltar bsgoms shig ces dgongs pa'o/ /ji skad du/ rtog pa rnams kyis 'jig rten don/ /'jig rten bzhin du shes par bya/ /kun nas nyon mongs spong 'dod pas/ /dam pa'i don gyis ba tsal bar bya/ zhes bshad pa lta bu'o/ /gang la bdag med bdag gi med/ /gzung ba med 'dzin pa med pa ni myong ba tha snyad btags pa thams cad las log pas shin tu 'jigs pa skye ste/ de'i phyir su zhig de de ltar bsgom par spro snyam pa la 'jigs pa med pa zhes bya ba gsungs te/ 'di la 'jigs pa med pa'i phyir ro/ /dngos po dang bdag tu mngon par zhen pa ni 'jigs pa thams cad kyi rtsa bar 'gyur gyis/ 'di la don dam pa mthong na dngos po thams cad la mngon par zhen pa ldog ste/ de bas na 'di don dam pa'i tshul du bsgoms na 'jigs pa thams cad rtsa ba nas gcod bar 'gyur gyis/ de ltar sgoms shig pa'o/ /rten cing 'brel par 'byung ba 'di don dam pa'i tshul du mthong na yang phyis mi dge ba'i grogs dang phrad na tshul bzhin ma yin pa yid la byed pa bsgoms pas 'dod chags la sogs pa kun nas nyon mongs pa rnams kyi rgyur 'gyur te/ 'jigs pa dang bcas pa'i rgyur 'gyur ro snyam pa la mi 'phrogs pa zhes bya ba gsungs te/ don dam pa mthong ba ni sus kyang bslu bar mi nus te/ des na 'phrogs par mi 'gyur ro/ /gal te de kho na mthong ba la bslu bar mi zug du zin kyang/ yang bdag nyid phyin ci log la kun tu spyod pas 'phrogs par 'gyur ro snyam pa la/ rnam par zhi ba ma yin pa'i rang bzhin du zhes bya ba gsungs te/ rang bzhin gang la nyon mongs pa rnams gnyen pos zhi ba de la de skad ces bya ste/ rnam par zhi ba'i rang bzhin gang la yod pa zhes tshig rnam par sbyar ro/ /gang
- 180a
nye bar zhi ba ma yin pa'i rang bzhin de ni nye bar zhi ba ma yin pa'i rang bzhin te/ de ni 'di skad du 'di la gnyen po'i stobs kyis phyin ci log gi rang bzhin nye bar zhi bar bya ba med de/ rang bzhin gyis 'od gsal ba'i phyir te / chos kyi dbyings la phyin ci log gzod ma nyid nas ma skyes pa'o zhes bstan par 'gyur ro/ /de skad du chos gang yang so so'i skye bo rnams kyis bskyed pa yang med/ sangs rgyas rnams kyis bkag pa yang med ces gsungs so/ /yang dag pa la yang dag par blta ba 'ba' zhig du zad de/ 'di la bzhag par bya ba 'am bsal par bya ba gang cung zad kyang med do/ /de skad du 'phags pa'i bden pa gnyis la 'jug pa las kyang rmi lam na sprul gyis zin pa'i dug nye bar zhi ba bzhin du nyon mongs pa zhi bar 'gyur ro zhes gsungs so/ /de'i phyir de kho na goms par 'gyur na rang bzhin gyis 'od gsal pa'i chos kyi dbyings rtogs pas nor pa'i sa bon med pa'i phyir ro/ /de kho na'i bdag nyid du gnas pas glo bur gyi nyon mongs pa 'byung ba'i skabs med do/ /kha cig las ni rnam par zhi ba dang bcas pa'i rang bzhin zhes kyang 'byung ste/ ma rig pa la sogs pa rang bzhin gyis bzod ma nas zhi ba'i rang bzhin gang yin pa de ni rnam par zhi ba dang bcas pa'o/ /rang bzhin gyis rnam par zhi ba dang lhan cig pas na rnam par zhi ba dang bcas pa'i rang bzhin gang la yod pa zhes bya ba'i tshig rnam par sbyar ro/ /gang gis rnam pa 'di lta bu'i rten cing 'brel par 'byung ba mthong ba des ji skad gsungs pa'i sgrub pa'i chos dang 'bras bu'i chos mthong ba ste/ thams cad kyang don dam par ro gcig pa'i phyir ro/ /sangs rgyas bcom ldan 'das kyang ji skad
- 180b
gsungs pa'i don dam pa chos kyi sku'i rang bzhin yin pa'i phyir ro/ /de'i phyir sus ji skad gsungs pa'i chos mthong ba des sangs rgyas mthong ngo zhes gsungs te/ bcom ldan 'das kyis zhes bya bar sbyar ro/ /de ci'i phyir nges de ltar mthong snyam pa bcom ldan 'das kyis 'dir 'phags pa'i chos mngon par rtogs te/ yang dag pa'i ye shes dang ldan pas zhes gtan tshigs gsungs te/ 'di ni 'dir mthong ba'i gtan tshigs so/ /sus ji skad gsungs pa'i rten cing 'brel par 'byung ba khong du chud pa de ni 'phags pa'i chos khong du chud pa de ni 'phags pa'i chos mngon par rtogs pa ste/ don dam pa'i chos khong du chud ces bya ba'i tha tshig go /gang don dam pa'i chos khong du chud pa de ni yang dag pa'i ye shes dang ldan pa'o// gang yang dag pa'i ye shes dang ldan pa de ni mnyam pa nyid kyi ye shes gnas pa'i phyir rten cing 'brel par 'byung ba dang/ chos dang/ sangs rgyas rnams la bu dang du dmigs pa med do/ /de lta bas na 'phags pa'i chos mngon par rtogs na yang dag pa'i ye shes dang ldan pa'i phyir rnal 'byor pa des ji skad gsungs pa'i rten cing 'brel par 'byung ba mthong na chos dang sangs rgyas mthong ngo zhes bcom ldan 'das kyis gsungs so/ /de'i phyir mnyam pa nyid la dgongs pa dang/ yongs su grub pa'i mtshan nyid la ldem por dgongs par bcom ldan 'das kyis gsungs pas/ bcom ldan 'das kyis bka' la 'gal ba med par dgongs so/ /gal te rten cing 'brel par 'byung ba 'di don dam par rgyu dang rkyen rnams kyis 'dus byas pa ma yin na ci'i phyir rten cing 'brel par 'byung ba zhes bya snyam du sems pa la de'i phyir kun rdzob kyi tshul du rten cing 'brel par 'byung ba bsgom pa bstan pa'i phyir ci'i phyir rten cing 'brel par 'byung ba zhes bya//
- 181a
zhes gsungs te/ 'dir lan du rgyu dang bcas rkyen dang bcas pa la bya'i/ rgyu med rkyen med pa la ma yin te/ zhes bya ba gsungs so/ /'di snyam du sems te don dam par ni rten cing 'brel par 'byung ba 'di ma skyes pa yin mod kyi/ 'on kyang kun rdzob tu sgyu ma dang/ gzugs brnyan lta bur rgyu dang rkyen sna tshogs so sor nges pa la ltos pa tha snyad btags par yod pa nyid de /de'i phyir gsung rab dang 'jig rten du rnam par gzhag pa mdza' dag mi 'gal ba nyid do snyam mo/ /de lta mod kyi kun rdzob tu ji ltar mu stegs can rnams kyis 'di rgyu med pa dang/ mi mthun pa'i rgyu la sogs pa'i mtshan nyid du yongs su brtags pa de ltar med pas mu stegs can gyi lta ba ma lus pa dgag pa'i phyir 'di la mtshan nyid rnam pa lnga rnam par bzhag ste/ rgyu dang bcas pa las byung ba'i mtshan nyid dang/ mi rtag pa du ma'i rgyu las byung ba'i mtshan nyid dang/ bdag med par 'byung ba'i mtshan nyid dang/ nus pa'i rkyen la byung ba'i mtshan nyid dang/ byed pa med pa'i rkyen las byung ba'i mtshan nyid do/ /de la rgyu dang bcas rkyen dang bcas zhes bya ba 'di ni/ mtshan nyid dang po bstan te/ 'dis ni rgyu med par lta ba bsal to// rgyu dang bcas par gyur kyang 'bras bu med pa'i rkyen du ji ltar 'gyur snyam pa la mdor zhes bya ba gsungs te/ 'di gang gi rkyen yin pa de'i rkyen 'di zhes bya ba ste/ de'i dngos po ni rkyen 'di nyid do/ /gang gis gang gi 'bras bu de nyid khong du chud par byed pa de ni rkyen de'i 'bras bu'o/ /de ni 'di skad du rkyen 'di yod na 'bras bu 'di 'byung ngo zhes bstan par 'gyur te/ de tsam la rten cing 'grel par 'byung ba'i stsal? brjod par 'dod do/ /de la sgra
- 181b
bsgrub pa ni ci dgar zad de/ don du 'ga? ba ba med do/ /da ci'i phyir 'di rgyu dang bcas par bshad snyam pa la de la byung yang rung/ zhes bya ba la sogs pa gsungs so/ /chos nyid 'di zhes bya ba ni rten cing 'brel par 'byung ba'i chos nyid do/ /chos gnas pa nyid ces bya ba la sogs pa ni rnam grangs su gtogs pa ste/ kha cig gang gis don rtogs par 'gyur ba'i skye? bo nye bar gnas pa mdza' dag la phan gdags pa'i phyir rnam grangs su brjod do/ /gnas pa kho na gnas pa nyid de gnas par gnas zhes bya bar zad do/ /chos nges par gyur pa nyid ces bya ba ni mi 'gyur ba kho na te/ so so des pa'i rgyu la bltos pa dang bcas pa zhes bya ba'i tha tshig go /rten cing 'brel par 'byung bar mthun pa zhes bya ba ni nam yang rgyu dang rkyen la ma brten par 'byung ba gang yang med de/ rtag tu rgyu dang rkyen la bltos pa dang bcas pa'o/ /zhes bya ba'i tha tshig go /de bzhin nyid ni de lta bu kho na bsgom pa'o/ /yang na de bzhin nyid khong du chud par 'gyur ba'i rgyu yin pa'i phyir ro/ /ma nor ba de bzhin nyid ces pa ni log pa nyid dgag pa'i phyir ro/ /gzhan ma yin pa de bzhin nyid ces bya ba ni gya gyu spang pa'i phyir te/ gal te dngos po la la zhig rten cing 'brel pa ma yin par gyur na de'i che gya gyur 'gyur ro/ /de ni med de/ dngos po thams cad rten cing 'brel par 'byung ba'i phyir ro/ /yang dag pa nyid ces bya ba ni tshad ma dad ldan pa ste/ mi slu ba'i phyir ro/ /bden pa kho na zhes bya ba ni 'phags pa'i bden par gtogs pa'i phyir ro/ /ma nor ba nyid ces bya ba ni phyin ci log tu ma brtags pa'i phyir ro/ /phyin ci ma log pa nyid ces bya ba ni yang dag pa'i ye shes kyi yul yin pa'i phyir ro/ /yang na tshig snga ma snga ma dag phyi ma phyi mas bshad par sbyar ro/ /gnyis kyi phyir zhes bya ba la sogs pas ni mtshan
- 182a
nyid gnyis pa ston to/ /'brel pa ni de la rag lus nas 'byung ba ste/ mi rtag pa du ma'i rgyu bstan pa 'dis ni rtag pa gcig pu zhes bya ba mi mthun pa'i rgyu sel to/ /'di la rgyu ni len pa'i rgyu ste/ thun mong ma yin pa'i phyir ro/ /rkyen rnams ni lhan cig byed pa'i rgyur 'dod de/ thun mong ba'i phyir ro/ /mtshan nyid gsum pa bstan pa'i phyir/ de yang phyi'i dang nang gi rnam pa gnyis su blta'o zhes bya ba gsungs te/ de yang zhes bya ba ni ? skyen? dang 'brel pa'i rten cing 'brel par 'byung ba'o/ /de la byis ba rnams nang gi skye mchod rnams la ni bdag tu mngon par zhe na/ phyi'i skye mched rnams la ni bdag gir mngon par zhen te/ gnyi ga la mngon par zhen pa spang ba'i phyir rten cing 'bral par 'byung ba rnam pa gnyis su bstan te/ bdag med pa dang/ rten cing 'brel par 'byung ba'i phyi nang mtshungs pa'i phyir ro/ /bdag yod na ni phyi dang nang gi rten cing 'brel par 'byung bar mi rung ste/ bdag byin gyis rlob pa rtag tu nye bar gnas pa dang/ de'i rang bzhin du gyur pas de bzhin du rtag tu yod par 'gyur ro/ /'di lta ste/ sa bon las myu gu zhes bya ba la sogs pas ni phyi rol gyi rten cing 'brel par 'byung pa'i mtshan nyid bzhi pa ston te/ sa bon la sogs pa so sor nges pa'i rgyur brjod pa'o? phyir ro/ /rgyu 'di rjes su 'gro ba dang ldog pa gnyis kyis nus par bstan pa'i phyir ro/ /de'i thams cad las thams cad skye bar mi 'gyur te/ nus pa so sor nges pa'i phyir ro zhes dgongs pa'o/ /rtag pa la ni rjes su 'gro ba dang/ ldog pa med pas de'i phyir gang dag rtag pa nus pa med pa las 'bras bu 'byung bar brjod pa de dag bsal to/ /de la sa bon ni 'di snyam du bdag gis myu gu
- 182b
mngon par sgrub po snyam du mi sems so zhes bya ba la sogs pas ni mtshan nyid lnga la ston to/ /'on kyang zhes bya ba la sogs pas ni dngos po rnams kyi rgyu yod kyi phyed pa med par bstan par 'gyur ro/ /byed pa rgyu yin na dngos po ? pa med par 'gyur te/ phan pa med pa'i phyir ro/ /phan na yang gal te de bdag yong ba tsam gyis byed pa la phan par byed na ni 'bras bu la yang ci'i phyir de bzhin du phan par mi byed/ ci ste byed pa gzhan gyis skyed na ni de'i tshe de yang de dang 'brel pa med par 'gyur ro/ /gal te byed pa yang nus pa so sor nges pas bdag yod pa cam? gyis 'bras bu bskyed na ni dngos pos kyang de bzhin du ci'i phyir mi skyed/ ji ste byed pa gzhan gyis zhe na/ 'o na ni byed pa la thugs pa med? par 'gyur ro/ /de bas chos thams cad byed pa med zhes bya ba bcom ldan 'das kyis bka' de rigs so/ /des ni gang dag byed pa dang bcas pa'i rgyur 'dod pa de dag bsal to/ /de la sa'i khams ni sa bon brten pa'i bya ba byed do zhes bya ba la sogs pas ni sa la sogs pa'i sbyor ba bstan pas nus pa brjod pa'i phyir mtshan nyid bzhi bstan to/ /'di las nyid sa'i khams te/ kha dog dang dbyibs kyi rang bzhin du blta'o/ /chu'i khams ni gsher pa'i rang bzhin /me'i khams ni tsha ba'i rang bzhin/ rlung gi khams ni g.yo ba'i rang bzhin te/ de ni myu gu mngon? par 'grub par byed do/ /nam mkha' i khams ni nang sbu gu steng reg bya med pa ste/ de yang snang ba dang mun pa'i rang bzhin du lta'o/ /dus kyang sa la sogs pa'i gnas skabs kyi bye brag gis rab tu phye ba nyid dus kyi bye brag tu dgongs pa'o/ /sa'i khams kyang 'di snyam du bdag gis sa bon brten pa'i bya ba bya'o snyam bu mi sems so zhes
- 183a
bya ba la sogs pas ni mtshan nyid lnga pa ston te/ de ltar mtshan nyid rnam pa lnga bstan pas rjes su 'gro ba'i sgo nas mu stegs can gyi lta ba bsal nas/ ldog pa'i sgo nas bsal ba'i phyir/ myu gu de yang zhes bya ba la sogs pa gsungs so/ /bdag gis ma byas zhes bya ba ni gang dag ngo bo nyid kho na rgyur smra ba de'i 'dod pa sel to/ /ngo bo nyid ni yod pa dang/ med pa las bdag nyid rgyur mi 'thad de/ don med pa dang mi nus pa'i phyir ro/ /gzhan gyi ma byas zhes bya pa ni byed pa can gzhan gang gis kyang blo sngon du btad nas mi byed pa'i phyir te/ ji skad bstan pa'i rigs pas chos thams cad ni byed pa med pa'i phyir ro/ /gnyis kas byas so zhes bya ba ni bdag dang gzhan gyis ma byas pa'o/ /dbang phyug gis ma byas zhes bya ba ni/ dbang phyug tu smra pa'i 'dod pa sel ba ste/ dngos po rnams kyi rgyu dbang phyug la sogs pa rtag pa ni res 'ga' 'byung na mi 'thad de/ rgyu ma tshang ba med pa'i phyir ro/ brtag pa ni gzhan la sdong pa med de/ gzhan gyis de la bsdad mi dgos pa'i phyir ro/ /rgyu dang rkyen de dag gi rgyu yang dbang phyug la sogs pa yin na ni ma tshang bar mi rung pa'i phyir ro/ /de'i phyir res 'ga' 'byung bas dbang phyug gis byas pa ma yin par dgongs pa'o/ /dus kyis kyang ma byas so/ /grangs can gyis brtags pa'i rang bzhin las ma byung ngo/ /'di dag thams cad kyis ni mi mthun pa'i rgyu bsal to/ /tshig thams cad ni rgyu med pa sel te/ rgyu med na ni bltos pa med pa'i phyir res 'ga' 'byung ba yang mi 'thad do/ /rten cing 'brel par 'byung pa'i mtshan nyid rnam pa lnga po 'dis ni rtag par lta ba la sogs pa bsal to zhes bstan pa'i phyir rnam pa lngar blta ste/ zhes bya ba gsungs
- 183b
te/ rnam pa lnga zhes bya ba'i tha tshig go /rgyu dang 'bras bu shin tu tha dad pas rnam pa gcig pu'i rang bzhin ma yin no/ /gzhan du na 'di ni 'bras bu'o/ /'di ni rgyu'o zhes bye brag rnam par gzhag pa yang med par 'gyur ro/ /'das pa dang dus mnyam pa'i rgyu las kyang 'bras bu mi 'byung ste da ltar las so/ /skad cig pa'i phyir 'bras bu skye ba'i dus na rgyu mi gnas pa dus mnyam pa las mi 'byung ste/ thal par 'gyur ro/ /des na rgyu dang 'bras bu'i rgyun mi 'chad bas chad pa ma yin no/ /rgyu dang 'bras bu mi 'dra bas 'phro bar ma yin no/ /'dis ni gang dag gi rgyu'i rang bzhin 'phos nas 'bras bu 'byung bar 'dod pa de dag bsal to/ /shing n+ya gro d+ha'i sa bon la sogs pa chung du las sdong po dang yal ga dang lo ma la sogs pa che zhing mang du snang ba'i phyir des sa bon chung ngu las 'bras bu chen po mngon par 'grub pas skyes bu byed pa don med pa ma yin par dgongs pa'o/ /sa bon ji lta bu btab pa de lta bu'i 'bras bu mngon par 'grub ces bya ba ni 'di lta ste/ 'bras sa lu'i sa bon las 'bras sa lu'i 'bras bu nyid 'byung bar 'gyur te/ gzhan du ma yin no/ /'dis kyang 'bras bu dang/ sa bon ma log pas na skyes bu'i byed pa don yod par bstan to/ /rgyu gnyis kyis na skyes bu'i byed pa don yod pa ma yin te/ mnyaM pa 'am 'bras bu chung du mngon par 'grub pa dang/ 'bras bu log par 'grub pa'o/ /de'i phyir 'bras bu chen po dang/ 'bras bu 'dra bar 'grub pas skyes bu byed pa don ma yin par bstan pa yin no/ /nang gi rten cing 'brel par 'byung ba yang gnyis kyi phyir zhes bya ba 'dis ni mi rtag pa du pa'i rgyu las byung ba'i mtshan nyid bstan to/ /gang 'di ma rig pa'i rkyen gyis 'du byed rnams zhes bya ba la sogs pas ni nus pa'i rkyen las byung ba'i mchan nyid bstan to/ /dben?
- 184a
ma rig pa yang 'di snyam du bdag gis 'du byed rnams mngon par grub po snyam du mi sems so zhes bya ba la sogs pa ni byed pa med pa'i rkyen las byung pa'i mtshan nyid bstan to /rkyen rnams la yang de bzhin du sbyar ro/ /'dus nas zhes bya ba ni rdul phra rab rnams phan chun 'brel pa'i phyir ro/ /'thungs pa ni ngoms pa'o/ /zos pa ni bza' pa'o/ /'chos pa ni bca' pa'o/ /'dir yangs la sogs pa'i byed pa'i mtshan nyid bstan to// rnam bar shes pa'i khams ni bsdus pas kyang ngo/ /'dir yang nang ni sbu gu dang/ snang ba dang/ mun pa'i rang bzhin ni nam mkha' i khams su dgongs so/ /ming dang gzugs kyis myu gu mngon par sgrub par byed pa ni rnam par shes pa'i khamS so zhes bya ba sbyar/ /de yang rnam bar shes pa'i tshogs lngas bsdus pa'i rnam par shes pa gang yin pa dang/ zag pa dang bcas pa'i rnam par shes pa'i mdung khyim ltar gcig tu bsdus la rnam par shes pa'i khams zhes sbyar te/ skye ba'i rgyu yin pa'i phyir ro/ /rnam par shes pa'i tshogs lnga ni zag pa dang bcas pa ste/ 'grul pa med pa'i phyir de ltar bye brag tu ma byas so/ /ci'i phyir sa la sogs pa 'di snyam du bdag cag lus kyi sra pa la sogs pa mngon par 'grub par mi sems snyam pa la/ de la sa'i khams ni bdag ma yin zhes bya ba la sogs pa gsungs so/ /bdag la sogs pa thams cad ni rnam grangs te/ grub pa'i mdza' tha dad pas brtags pa dag go/ da dang da'i zhes rlom sems pa ni bdag go /de nyid 'gro ba de dang der 'byung bas na sems can no/ /tshe'i mdza' i bar du 'tsho bas na srog go/ 'byung bas na skye ba po'o/ /shing las byung bas na shed las skyes so/ /shed kyi bu yin pas na shed bu'o/ /de la
- 184b
sa'i khams ni da'i nga rgyal dang bral bas na bdag ma yin no/ /'gro ba la sogs pa'i byed pa dang bral ba'i phyir sems can ma yin no/ /skad cig pa'i phyir srog ma yin no/ /bskyed par bya pa'i skye ba'i phyed pa dang bral ba'i phyir skye ba pos? yin no/ /las las skyes pa'i phyir shed las skyes pa ma yin no/ /skyed pa'i shed med pas shed bu ma yin no/ /bud med dang skyes la dang/ ma ning bdag nyid kyi bdag gzhan med pas bud med ma yin/ skyes pa ma yin/ ma ning sa yin te bud med la sogs pa ni sa la sogs pa gnas pa'i bye bag tsam la brtags pa'i phyir ro/ /da ma yin bdag ma yin zhes bya ba ni bdag dang bdag gis brtags pa dang bral ba'i phyir ro/ /gzhan su yi yang ma yin zhes bya ba ni dbang phyug la sogs pa bdag po med pa'i phyir ro/ /de'i phyir chos thams cad la bdag dang bdag gi med pas byed par ji ltar 'gyur zhes dgongs pa'o/ /sngar yongs su shes bya ba'i dngos po'i rang bzhin ni bstan na de'i mtshan nyid ma shes pas de'i phyir de la rig pa gang zhe na zhes dris so/ /'dir yang mtshan nyid rnam pa lngar gsungs te/ rang gi mtshan nyid dang/ nges pa'i tshig gi mtshan nyid dang/ yan lag gi mtshams sbyor pa'i mtshan nyid dang/ mdza' gnyis dang bral ba'i mtshan nyid dang/ /rgyu bsdu ba'i mtshan nyid do/ /gang khams drug po tha dad pa la tha dad pa ma yin par 'du shes pa de ni gcig pur 'du shes pa'o/ /rdul tha dad pa'i lus la gang gcig tu 'dzin pa de ni ril por 'du shes pa'o// skad cig so so gzhan du gyur kyang gang dus gzhan na yang 'jug par mi 'dzin pa de ni rtag par 'du shes pa'o/ /ma byung ba las 'byung ba la gang yod pa de nyid las skyes bar 'dzin pa de ni brtan par 'du shes pa'o/ /byung na med
- 185a
par gyur pa la yang 'das pa'i dus su 'phos pas 'dzin pa gang yin pa de ni ther zug tu 'du shes pa'o/ /sdug bsngal gsum dang ldan yang gang gcig tu sdug pa'i ngo bor 'dzin pa de ni bde bar 'du shes pa'o// 'du shes de dag ni bdag la sogs par 'du shes pa'i rgyu yin pas de'i phyir sngar bstan to/ /'di lta bu la sogs pa mi shes pa rnam pa sna tshogs shes bya ba des ni bdag tu lta ba la sogs pa nyon mongs pa'i tshogs thams cad kyang phyin ci log gi rnam pa las byung ba'i phyir ma rig pa'i rang bzhin to/ de'i phyogs gcig tu gyur pa ni 'dod chags la sogs pa'o zhes de ston to/ /'dod chags dang/ zhe sdang dang/ gti mug gis bskyod pa'i phyir lus dang/ ngag dang/ yid kyi las 'di nyid la 'dod chags dang/ zhe sdang dang/ gti mug ces gsungs te/ btags pa'i phyir ro/ /mngon par chags pa dang bcas zhes bya ba ni bu dang chung ma la sogs pa 'dod pa'o/ /'di lta bu la sogs pa zhes bya ba ni gang dag lus dang sems 'khrugs par gyur pa rgyal po'i zha 'bring byed pa dang/ tshod byed pa la sogs pa'o/ /lhag ma ni go sla bas ma bshad do/ /de la mun pa chen po'i phyir ma rig pa'o zhes bya ba la sogs pas ni nges pa'i tshig gi mtshan nyid ston to/ /de kho na med pa bzhin du byed pas nam rig pa'o/ /mngon par 'du byed pa'i phyir zhes bya ba ni yang srid pa mngon par 'du byed pa'i phyir ro/ /rnam par rig pa'i phyir zhes bya ba ni rnam par shes par byed pa'i phyir ro/ /brten pa'i phyir zhes bya ba ni srid pa'i dbang gis 'di la rnam par shes pa gshol ba dang/ gzugs su rung bas na go rim bzhin du ming dang gzugs so/ /de'i phyir med sde las kyang/ rnam par shes pa gnas pa?
- 185b
bzhi gsungs te/ gzugs la nye bar song ba'i rnam par shes pa dang/ tshol ba la nye bar song ba dang/ 'du shes pa nye bar song ba dang/ 'du byed la nye bar sor bstan rnam par shes pa ni skad cig byang mi brten par gnas pa med ngo zhes gsungs pa'i phyir ro/ /skyo ba'i phyir zhes bya ba ni rnam par shes pa skya zhing 'phel bar byed pas skye mched de/ skye mched drug 'dus pas skye mched drug go /rig pa'i phyir zhes bya ba ni de'i stobs kyis yul dang dbang po dang rnam par shes pa rnams phan tshun 'dus shing rig pa dang mtshungs pa'i phyir ro/ /myong ba'i phyir zhes bya ba ni 'dis sngon gyi las kyi 'bras bu tshar zhing myong bar byed pas na tshor ba'o/ /skom pa'i phyir zhes bya ba ni des yang srid pa la sogs pa 'dod cing skom pas sred pa'o/ /nye bar len pa'i phyir zhes bya ba ni yang srid pa 'dzin cing len pa ste/ 'dod pa dang lta ba dang/ tshul khrims dang/ brtul zhugs dang/ bdag tu smra ba la mngon par zhes ni len pa'o/ /yang srid pa skyed pa'i phyi zhes bya ba ni de la skye ba 'byung bas na srid pa'o/ /lhag ma rnams ni brda phrad par smra bas ma bshad do/ /gang zag la bdag med pa lag par khong du chud pa'i phyir ma rig pa la sogs pa'i mtshan nyid dang po bstan to/ /da ni bdag med pa gnyi ga log par khong du chud pa la yan lag gi mchams sbyor ba'i mtshan nyid gzhan yang zhes bya ba gsungs te/ gang zag gang dang chos la bdag med pa'i mtshan nyid kyi de kho na mi rtogs pa de ni ma rig pa'o/ /de yang shes pa med pa nyid ni ma yin mod kyi/ phyir ci log gi tshul gyis shes mas na mi shes pa zhes brjod par 'dod de/ /log par shes pa'o zhes rnam grangs kyis bstan te/ /des gzugs la sogs pa'i chos la mngon
- 186a
par zhen pa yang log par shes pa'i rang bzhin yin pas na ma rig pa zhes gsungs pa yin no/ /skabs gzhan nas kyang mi shes pa'i sgras de nyid brjod do/ /shes pa med pa nyid ma yin pas de'i phyir don 'di rnam grangs gzhan du ston to/ /yan lag gi mtshams sbyor bstan pa'i phyir ma rig pa yod na zhes bya ba gsungs te/ byis ba dag bdag la sogs par phyin ci log tu mngon par zhen pas tshe 'di la bde ba'i phyir bsod nams ma yin pa'i las med du byed phyis bde ba'i phyir bsod nams kyi las kyang byed/ sdug bsngal yang med pa de ba yang med pa'i phyir mi g.yo ba'i las kyang byed pa ni ma rig pa'i rkyen gyis 'du byed rnams so// bsod nams ma yin pa ni gti mug las byung bas ni ma rig pa'i rkyen las byung ba zhes bya bar rigs na bsod nams dang mi g.yo ba'i 'du byed dag ni rtag tu ma chags pa la sogs pa'i dge ba'i rtsa ba las byung bas ma rig pa'i rkyen las byung bar ji ltar rigs she na/ de nyes pa med do/ /ma rig pa ni rnam pa gnyis te/ rgyu dang 'bras bu la rmongs pa'i mtshan nyid dang/ de kho na la rmongs pa'i mtshan nyid do/ /de la rgyu dang 'bras bu la rmongs pa'i rgyu las byung ba'i 'du byed rnams ni bsod nams ma yin pa nyid du 'dod de/ bsod nams dang mi g.yo ba ni ma yin no/ /de dag ni de kho na'i don la rmongs pa'i rgyu las byung bar 'dod de/ bdag bde bar gyur la sdug bsngal bar ma gyur cig ces mngon par zhen nas de mngon par 'du byed pa'i phyir ro/ /de bas na rgyu dang 'bras bu rmongs pa ma yin pa'i rgyu las byung yang de kho na'i don la rmongs pa'i mtshan nyid kyis ma rig
- 186b
pa'i rkyen las byung bas de 'gal ba med do/ /de kho na'i don la rmongs pa'i rgyu las byung ba yang yod la/ rgyu dang 'bras bu la rmongs pa ma yin pa'i mtshan nyid las dge ba'i rtsa ba 'byung ba mang yod pas mi 'gal te/ de nyes pa med do/ /de bas na de kho na la log par shes pa ni ma rig pa zhes bya'o/ /'dod pa na spyod pa'i las rgyu'i dngos pos 'dod pa'i khams su bsod nams kyis 'gro bar nye bar 'gro ba gang yin pa de dag ni bsod nams su nye bar 'gro ba'i 'du byed rnams so/ /bsod nams dang mi mthun pas na bsod nams ma yin pa ste /de la gang ngan song du 'gro ba'i 'du byed gang yin pa de dag ni bsod nams ma yin par nye bar 'gro ba rnams so/ /mi g.yo ba ni gzugs dang/ gzugs med pa'i khams de dag gi rgyur gyur pa'i 'du byed rnams te/ mi g.yo ba nye bar 'gro ba rnams so/ /yang na bsod nams nyid du gyur cing red pa'i 'du byed gang yin pa de dag ni bsod nams su nye bar 'gro ba ste/ bsod nams zhes bya ba'i tha tshig go/ /gzhen yang de bzhin du khong du chud par bya'o/ /'du byed kyi rkyen gyis rnam par shes pa gang zhe na zhes bya ba tshig gi lhag ma ste/ de brjod par bya ba'o/ /bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur/ bsod nams ma yin pa'i nye bar 'gro ba'i 'du byed rnams las bsod nams ma yin pa nye bar 'gro ba'i rnam par shes pa nyid du gyur/ mi g.yo bar nye bar 'gro ba'i 'du byed rnams las mi g.yo bar nye bar 'gro ba'i rnam par shes pa nyid du 'gyur ba 'di ni 'du byed kyi rkyen gyis rnam par shes pa zhes bya ste/ de ni 'di skad du gang gi phyi bsod nams la sogs pa 'du byed rnams gsum
- 187a
gyis yongs su bsgos pa'i rnam par shes pa bsod nams la sogs pa'i 'gro ba gsum du rgyu'i dngos por ram/ /rnam par smin pa'i 'bras bur 'gro ba de'i phyir 'du byed kyi rkyen gyis rnam par shes pa zhes bya'o zhes bstan par 'gyur ro/ /'di ni rnam par shes pa'i rkyen gyis ming dang gzugs zhes bya'o zhes bya ba ni gang gi phyir rnam par smin pa'i rnam par shes pa dang dus mnyam du ming gzugs kyi rnam par smin pa mngon par 'grub ste/ des yongs su gzung bas/ 'phel bar 'gyur ba de'i phyir bsod nams la sogs pa'i 'du byed kyis yongs su bsgos pa'i rnam par shes pa'i rgyu las 'byung ba'i phyir de'i stobs kyis 'phel bar 'gyur bas de dang dus mnyam du 'grub pa ni rnaM par shes pa'i rkyen gyis ming dang gzugs so/ /skye mched drug gi sgo nas zhes bya ba ni mig la sogs pas mthong ba la sogs pa'i bya ba byed pa'i dgos pa grub pa'o/ /reg pa'i tshogs drug ces bya ba ni mig gi 'dus te reg pa nas yid kyi 'dus te reg pa'i bar du ste/ de yang gsum 'dus nas skye'o/ /la la ni sdug bsngal la sogs pa tshor ba skye ba'i rgyu sems las byung ba'i chos gzhan zhig ces zer te/ gsum 'dus pa nyid las de don gzhan ma yin no/ /ji lta bur zhes bya ba ni ji ltar tshar ba'i rnam pa skye bar nus pa'i rgyu'i rang bzhin du nges pa'o/ /tshor ba'i bye brag de dag myong ba dang/ mngon par dga' ba dang/ lhag par zhen pa dang/ lhag par zhen nas 'dug pa zhes bya ba ni srid pa chung ngu dang/ 'bring dang/ rab dang/ rab kyi mchog tu rab tu dbye'i ste/ bzhi po de dag ni rnam grangs su gtogs pa'o/ /yang na gang bde ba'i tshor ba myong ba'i dus na myong ba zhes bya'o/ /sdug bsngal myong ba'i dus na de nyid
- 187b
la yid kyis smon pa ni mngon par dga' ba'o/ /sdug bsngal yang ma yin pa bde ba yang ma yin pa'i tshor ba ni ma 'ongs pa na lhan bar zhen pa'o/ /da ltar de dang 'bral bar mi 'dod ma ni lhag par zhen nas 'dug pa'o/ /sdug pa nyid sdang pa'i ngo bo bde ba'i ngo bo yang de bzhin no/ /sdug ba ni 'dod pa'o/ /bde ba ni mthun pa'o/ /ma 'ongs lan sdug pa'i dngos po la sman pa'i rnam pa ni len ba'o/ /yang sred pa bskyed pa'i las kun nas slob ba zhes bya ba ni sad du byed ces bya ba'i tha chig go/ /'phel ba yongs su snying pa zhes bya ba ni 'phel ba yod bas gang phyis yongs su sman pa ni dga' ba'i mtshan nyid do/ /de las 'jig par 'gyur ba ni 'chi ba'i mtshan nyid do/ /de ltar zhes bya ba ni mjug sdud pa ste/ mdza' gnyis dang bral ba'i mtshan nyid ston to/ /rgyu gzhan dang gzhan las 'byung ba/ rkyen gzhan dang gzhan las 'byung ba zhes bya ba ni rgyu mthun pa'i rnam pa dang mi mthun pa'i rnam ba tha dad ba mang po'i phyir ro/ /des ni rtag pa 'am/ gcig phu 'am/ dbang phyug la sogs pa gyur sgro btags ba'i mdza' bsal te/ /rtag pa ma yin zhes bya ba ni 'gyur ba dang 'jig ba'i chos can bya bar te/ des ni bdag rtog pa la sogs pa las byung ba'i rang bzhin ma yin pas/ gang dag de zer zug tu gnas pa'i rtag par sgra do dogs pa de dag bsal to/ /mi rtag pa ma yin zhes bya ba ni rgyun gyi rtag ba'i nyid kyi phyir rtag pa ste/ 'ongs ni bdag rtag pa la sogs pa las byung ba ma yin yang 'di rtag pa dang 'bral ba yang ma yin no zhes dgongs ba'o/ /'dus byas ma yin zhes bya ba ni blo sngon du btang ste/ de dus kyang ma byas pa'i phyir ro/ /'dus ma byas ma yin zhes bya ba ni sgyu ma ltar so sor des ba'i rgyu dang rkyen dag tshogs bas byas pa'i phyir ro/ /rgyu med ba ma
- 188a
yin/ rkyen med pa ma yin zhes bya ba ni rgyu dang rkyen so sor des pa la bltos pa'i phyir ro/ /myong ba po yod pa ma yin zhes bya ba ni byed pa po med pa'i phyir ro/ /zad pa'i chos ma yin zhes bya ba ni rang gi rgyu dang mthun pa'i 'bras bu 'byung ba dang/ bdag gis 'bri ba med pa'i phyir ro/ /'jig pa'i chos ma yin zhes bya ba ni/ ji srid du rkyen tshogs pa de srid du 'gyur ba'i phyir ro/ /'gog pa'i chos ma yin zhes bya ba ni mi mthun pa'i rkyen med par rang gis 'gog pa ma yin pa'i phyir ro/ /thog ma med pa'i dus nas zhugs pa zhes bya ba ni thog ma gang yang med pa'i phyir ro/ /'khor ba la thog ma yod par rtog na ni bzhin du thams cad kyang rgyu med pa can du 'gyur ba nyid do/ /rgyun ma chad zhes bya ba ni rgyun mi 'chad pa ste/ rgya 'jig pa dang dus mnyam du 'bras bu 'byung ste/ bar chad med par 'byung ba'i phyir ro/ /rlung gi rgyun bzhin du rjes su zhugs pa zhes bya ba ni/ mya ngan las 'das pa'i rgya mtsho'i mdza' yin pa'i phyir ro/ /tshig de dag gi ni sgo btags bskur ba dang/ rtag ba dang chad pa'i mdza' sel te/ ci rigs su sbyar ro/ /gal ce rgyun ni 'chad par 'jug pa yin na/ de'i tshe rgyu gang spangs pas mya ngan las 'das pa thob par 'gyur ro/ /zhes gang 'dod pa de la rgyu gong spangs te/ mya ngan las 'das pa thob par bya ba'i rgyu bsdu ba'i mtshan nyid ston mod kyi 'on kyang/ zhes bya ba la sogs pa'o/ /bsdu par bya ba gang gis rang gi 'bras bu ma mngon du 'grub pa byed pa de ni bsdu par bya'o/ /de la yan lag dang po ma rig pa dang sred pa dang len pa ni gnyi ga yang chags pa'i mtshan nyid yin pas gcig tu bsdus te sred pa zhes bshad do/ /'du byed dang srid pa na las so/ /rnam par shes pa ni rnam par shes ba nyid do/ /rnam par
- 188b
shes pa ni sa bon gyi rang bzhin gyis rgyu byed do/ /zhes bya ba ni nyon mongs pa dang las kyis mngon par 'dus byas pa de nyid yang srid pa'i myu gu so sor nye bar len ba'i rgyu yin pa'i phyir ro/ /las ni zhing ri rang bzhin gyis rgyu byed ngo zhes bya ba ni/ des sa bon rnam par shes pa la mngon par 'du byed pa'i phyir/ /ma rig pa dang sred pa ni nyon mongs pa'i rang bzhin gyis rgyu byed ro zhes bya ba ni las kyis sa bon rnam par shes pa la mngon par 'du byas kyang nyon mongs pa med na dgra bcom pa la sa bon rnam par shes pa mi 'gyur ba'i phyir ro/ /las dang nyon mongs pa dag ni sa bon rnam par shes pa skyed do zhes bya ba ba ni de dag med na yang srid pa'i mya gu mngon par mi 'grub pa'i phyir/ /de la zhes bya ba la sogs pas ni las la sogs ba'i rjes su 'gro ba dang/ ldog pa'i nus pa ston to/ /zhing gi bya ba byed ces bya ba ni des bskyed pa'i bag chags la gnas pa'i sa bon rnam par shes ba 'byung ba'i phyir ro/ /sred pa ni sa bon rnam par shes pa brlan par byed do/ /ma rig pa ni sa bon rnam par shes pa 'debs te zhes bya ba ni bdag la chags pa dang ldan pas sdug bsngal ba dang bde ba 'dor zhing thob par 'dod pas log pa'i blo can dang ngan pa'i gnas yongs su 'dzin pa'i phyir ro/ /de la las kyang 'di snyam du bdag gis sa bon rnam par shes pa'i zhing gi bya ba bya'o snyam du mi sems so zhes bya ba la sogs pas ni las la sogs pa byed ba med par ston to/ /sa bon rnam par shes pa skye san zhes bya ba mi 'debs ba ni bar ma de'i srid pa'i rgyun gyis mar me bzhin du ma'i mngal du 'gro zhes bya ba'i tha tshig go/ /ming dang gzugs kyi myu gu de yang bdag gis
- 189a
ma byas zhes bya ba la sogs pa ni sngar bshad pa bzhin no/ /bdag po med pa zhes bya ba ni dbang phyug la sogs pa bdag po gang yang med pa'i phyir ro/ /bdag gi med pa zhes bya ba ni bdag med pa'i bdag nyid pas bdag gi ba med do/ /'dzin pa med pa zhes bya ba ni bdag gang gis kyang byin gyis ma brlabs pa'i phyir ro/ /de dag ni gang zag la bdag med par bstan pa'o/ /nam mkha' dang mtshungs pa zhes bya ba ni/ /rang bzhin gyis stong pa'i phyir ro/ /de ltar na 'di rten cing 'brel par 'byung bar ji ltar rigs snyom pa la/ sgyu ma'i mtshan nyid kyi rang bzhin dag la zhes bya ba gsungs te/ dper na sgyu ma yang don dam par rang bzhin med mod kyi rgyu dang rkyen ma tshad pa med pa'i phyir skye ba yod pa de bzhin du dngos po thams cad 'gal ba med do/ /des ni chos thams cad la bdag med pa'i mtshan nyid de bstan to/ /gal te sa bon rnam par shes pa nyon mongs pa dang/ las kyis mngon par 'dus byas pa bdag po med pa bdag med pa byed pa med pas ming dang gzugs kyi myu gu mngon par 'grub tu zin na ni de'i tshe thams cad du gnas pas tshe du ma yang cig car mngon par 'grub par 'gyur te/ de'i phyir skyes nas myong bar 'gyur ba la sogs pa las tha dad pa thob par mi 'gyur du dogs pa'i phyir byed pa med cing bdag med kyang las dang 'bras bu tha dad pa rnam pa bzhi dang mthun pa'i dpe rnam pa bzhi ston te/ de la mig gi rnam par shes pa'i dpes ni tshe 'di la myong bar 'gyur ba'i las ston te/ /gzugs brnyan gyi dpes ni skyes na myong bar 'gyur te/ de dang nye ba'i phyir ro/ /zla ba'i dkyil 'khor gyi dpes ni lan grangs gzhan
- 189b
na mong bar 'gyur ba ste/ ring pos bskal kyang rgyu'i dngos po nye bar snang ba'i phyir ro/ /me'i dpes ni myong bar 'gyur bar ma nges pa'i las ston to/ /rkyen de yod na 'bar gyi gzhan du ni ma yin te/ dus nges pa med par bstan pa'o/ /de dag thams cad kyis na 'di skad du sa bon rnam par shes pa las du mas mngon par 'dus byas pa byed pa med pa bdag med pa rtag tu gnas mod kyi/ las gang dang gang gi bag chags sad par byed pa lhan cig byed pa'i rgyu gnas par gyur pa de ni de'i bag chags sad par byed pa las de dang de'i rnam par smin pa mngon par 'grub po/ /de'i phyir bdag pho la sogs pa med du zin kyang/ ring ba dang nye ba la sogs pa'i las tha dad par rung ste/ de nyes pa med do zhes bstan par 'gyur ro/ /rnam pa lngar ba lta zhes bya ba la sogs pas ni 'dir ldog pa'i sgo nas rtag pa la sogs pa lta bsel to/ /skye ba dang 'chi ba'i srid pa ni rab tu tha dang pas mi rtag pa nyid do/ /sgyu ma skye ba ltar kun rdzob tu 'chi ba'i srid pa 'gags pa dang/ dus mnyam du mchod par skye ba'i srid pa mngon par 'grub ste chad pa ma yin no/ /de yang srang mnga' i dpes ston te/ srad mda'i mtho dman gcig dma' ba' i dus na gcig mtho bar 'gyur ba de bzhin du rgyu 'jig pa'i dus nyid na/ 'bras bu 'byung bas chad par mi 'gyur ro/ /srang mda'i dpe 'di yang kun rdzob tu rgyu dang 'bras bu'i dngos po la chad par lta ba yongs su spang ba'i phyir bstan gyi/ don dam par ni ma yin no/ /don dam ni phyi rol gyi don gyi gzugs srad mda' mi 'grub pa'i phyir te/ rnam par shes pa la snang ba'i gzugs bden pa ma yin pa dang/ rnam par shes pa lus med pa'i phyir
- 190a
mtho dman mi 'grub pa'i phyir ro/ don dam par bsam pa la ni/ kun rdzob kyi dngos po'i dpes bstan du mi 'dra ste de mi 'grub pa'i phyir ro/ /de lta na rgyu dang 'bras bu'i dngos po ji ltar snang ba bzhin no/ /mi 'dra bas na zhes bya ba ni mi la sogs pa'i ris mthun pa nas lha la sogs pa'i ris mthun par skye'o/ /las chung du byas pa las zhes bya ba ni nyon mongs pa dang dad pa drag pos skad cig byas kyang mi dge ba la sogs pa'i las kyi mnar med pa la sogs par dus ring bor mi 'dod pa dang/ 'dod pa'i rnam par smin pa mngon par 'grub pa'i phyir/ /ji ltar myong bar 'gyur ba'i las zhes bya ba ni bde ba la sogs pa myong bar 'gyur ba ste/ las ci 'dra ba nyid kyi 'bras bu 'byung bar ston te/ sdug bsngal ba dang yid mi bde ba dang ldan yang tshangs par spyod pa la sogs pa la dge ba'i las las 'dod pa'i rnam par smin pa 'grub la/ bde ba dang yid bde ba dang ldan yang tshangs par mi spyod pa la sogs pa mi dge ba'i las las mi 'dod pa'i rnam par smin pa mngon par 'grub pa'i phyir ro/ /de bas na nus pa nges pa'i phyir ci ltar myong ba'i las nyid kyis de ltar 'bras bu myong bar 'gyur te/ 'gal ba med do/ /de las dgongs nas bcom ldan 'das kyis mdo sde gzhan las gang dag 'di skad ces skyes bu gang zag 'di ji lta ? bur las byed cing sogs pa de lta da lta bur rnam par smin pa so sor myong na ni de lta ni ni tshangs par spyod pa'i gnas med bar 'gyur te/ yang dag par sdug bsngal zad cing sdug bsngal mthar bya ba'i skabs mi snang ngo/ /gang dag 'di skad ces skyes bu gang zag 'di ji ltar myong bar 'gyur ba'i las byed cing sogs pa de ltar myong bar 'gyur ba'i rnam par smin pa 'dis myong
- 190b
bar 'gyur ro zhes zer na de lta na ni tshangs bar spyod pa'i gnas kyang yod pa yang dag par sdug bsngal zad par 'gyur ba'i skabs kyang snang ngo zhes gsungs te/ de yang las dang 'bras bu la skur te/ log par lta pa bsal bar bya ba'i phyir gsungs so/ /gang la la zhig gis zhes bya ba la sogs pas ni mdo sde'i dgongs pa ston to/ /rtag par rgyun tu zhes bya ba ni dus thams cad dang rgyun mi 'chad par mthong ba'i/ /srog med pa la sogs pa ni ngar bshad pa bzhin no// med pa zhes bya ba rmi lam bzhin du brdzun pa'i phyir ro/ /gsog ces bya ba ni nyam chung ba ste/ sgyu ma ltar brtag pa'i khur mi bzod pa'i phyir ro/ /gsob ces bya ba ni smig rgyu bzhin du srid pa'i yul dngos po med pa'i phyir ro/ /snying po med pa zhes bya ba ni chu skyes kyi sdong po ltar khong na snying por gyur ba'i rdzas med pa'i phyir ro/ /nad ces bya ba ni cung zad tsam du bde ba myong bar 'gyur ba'i sdug bsngal nyid kyis sdug bsngal ba'i phyir ro/ /'bras zhes bya ba ni sdug bsngal gyi sdug bsngal nyid kyis 'bras ltar gnod pa'i phyir ro/ /zug rngu zhes bya ba ni dus thams cad du 'du byed kyi sdug bsngal nyid dang ldan pas 'phags pa rnams kyis mi 'dod pa'i phyir ro/ /sdig pa zhes bya ba ni sdig par gyur bas spang bar bya ba'i phyir ro/ /mi rtag pa zhes bya ba ni 'byung ba dang 'jig pa'i chos can gyi phyir ro/ /sdug bsngal ba zhes bya ba ni mi mthun pa'i phyir ro/ /stong pa zhes bya ba ni bdag gis byin gyis ma brlabs pa'i phyir ro// bdag med pa zhes bya ba ni bdag nyid kyis bdag ma yin pa'i phyir ro/ /ci bdag 'das pa'i dus na byung ba zhig gam/ 'on te ma byung ba zhig ces bya ba ni bdag yod par rmongs pa ma yin pa ste/ bdag la sogs par 'gyur ba gang
- 191a
yang med pa dang/ sngon yang rkyen 'di dang mthun par zad pa'i phyir ro/ /cir gyur cig ces zhes bya ba ni lha dang mir ro/ /ji lta bur gyur pa zhig ces bya ba ni de ba dang sdug bsngal ba dang/ tshe ring ba dang/ tshe thung ba dang/ ming ci zhes bya ba dang/ rus cing gyur ba dang/ kha dog ji lta bu dang/ gang du gnas par gyur pa la sogs pa bdag gi gnas kyi bye brag la rmongs pa med pa ste/ de bzhin du phyi ma'i mdza' dang yang sbyar ro// rgyu ma tshang ba med pa las de ltar 'bras bu'i rnam pa skye ba dang/ mi 'gal bas dbus kyi mdza' bstan to/ /'di ci zhes bya ba ni bdag gam bdag gi ma yin par ro/ /'di ji lta bu zhig ces bya ba ni bdag de ci gzugs can nam gzugs med pa cig snyam pa'o/ /ci zhig yod ces bya ba ni legs bar byed pa'i las byed pa 'am/ 'on te nyes par byed pa'i las byed par 'gyur zhes bya ba la sogs pa'o/ /cir 'gyur ces bya ba ni tshe 'di nas bdag tshe phyi ma la cir 'gyur/ ci legs par byed pa'i las byed par 'gyur ram/ nyes par byed pa'i las byed par 'gyur zhes bya ba la sogs par dus gsum du yang bdag gis yul dang/ gzhan gyi yul la rmongs par mi 'gyur ba'o/ /thams cad kyang bdag med pa dang/ rten cing 'brel bar 'byung ba dang mthun par bstan pa'i phyir/ sems can 'di dag gang nas 'ongs ces bya ba la sogs pa gsungs te brda phrad par sla bas ma bshad do/ /dge sbyong thams cad ni rab tu byung ba'o/ /bram ze ni khyim pa ste/ rigs kyi bya breg tu 'jig rten na grags pa'o/ /lta bar song ba zhes bya ba ni lta ba'i rnam pa'o/ /tha dad pa zhes bya ba ni so so pa'o//
- 191b
bdag tu smra ba dang ldan pa zhes bya ba ni bdag phung po las gzhan nam/ gzhan ma yin zhes bya ba la sogs pa'i rtog pa dang ldan pa dag ste/ bdag ni ngar? shes pa'i yul yin pas de'i dbang gis dge slong dang bram ze dag phan tshun 'gyed do/ /'tsho bas na srog go /yang dang yang 'gro ba rnams su len pas na gang zag go/ /dge mtshan dang ldan pa zhes bya ba ni da lta bu dang/ gtam rgyud dang/ sngon byung ba dang/ glu bro la sogs pas bdag dga' bar 'gyur bar grag ces mngon par zhen pa'i phyir ro/ /bkra shis su smra ba dang ldan pa ni rtswa dur ba dang/ 'gi'u waM la sogs pa bstan pa dang/ zhe dang/ me tog dang/ bum pa gang ba dang/ nya dang bram ze dang/ khyu mchog la sogs pa mthong ba dang/ skar ma dang/ yud tsam dang/ tshes grangs dang/ sbyor ba pa'i bye brag gis bdag rnam par dag par 'gyur ro zhes nga rgyal byed pa ste/ de dag lam ma yin pa la lam du mngon par zhen pa'i phyir/ tshul khrims dang brtul zhugs mchog tu 'dzin pa'i lta ba ste/ bdag tu 'dzin pa ni rtsa ba'o/ /lhag par g.yo ba dang bral bar g.yo ba zhes bya ba ni/ sems rgyas pa dang zhum par gyur pa ste/ de dag ni lta bar song ba'i bye brag go /spangs par gyur ces bya ba ni kun tu mi 'byung ba'i phyir ro/ /yongs su shes nas zhes bya ba ni bdag la sogs par nor pa'i yul bden pa ma yin par shes pa'o/ /rtsa ba nas bcad de/ zhes bya ba ni 'phags pa'i shes rab kyis bag chags de gtan nas bsal ba'i phyir ro/ /mi snang bar gyur ces bya ba ni res 'ga' yang sems la snang bar mi 'gyur ba'i phyir ro/ /phyis zhes bya ba ni tshe rabs gzhan pa'o/ /mi skye mi 'gag pa'i chos can du 'gyur ro zhes bya ba ni
- 192a
rtsa ba ni rtsa ba nas bcad pa'i phyir te skye ba med na 'gag pa mi srid pa'i phyir ro/ /de dag gis bdag tu lta ba spangs pa'i phyir de'i rtsa ba nyon mongs pa thams cad bsal nas sgrib pa spangs pa de'i 'bras bu nye bar bstan to/ /mi gnas pa'i mya ngan las 'das pa'i lam la 'jug pa de yang de'i 'bras bu ste/ bla na med pa yang dag par rdzogs pa'i byang chub tu lung ston ces bya bas ston te/ lam de la gnas pa nyid la lung ston pa'i phyir ro/ /de skad ces smras nas zhes bya ba ni yang dag par sdud par byed pas tshig de bzlas pas yid brtan du rung ba'i lung nyid du ston to/ /'phags pa shA ra'i bu la sogs pa rjes su yi rang bas ni 'jig pa rten ma lus pas 'di yong ssu gzung bar bstan to/ /bdag gis mdo sde 'di yi don/ /ci nus ci 'dra rgyas bshad pa/ bsod nams kyis ni skye bo kun/ /chos don zab mo rtogs 'jug shog /'phags pa sA lu ljang pa'o mdo sde'i rgya cher 'grel pa/ slob dpon ga ma la shI las mdzad pa rdzogs so// //tshigs su bcad pa gnyis pa'i bshad pa slob dpon mdzes pa nyid kyis mdzad pa bzhugs// //rgya gar skad du/ gA thA dzA ya byA khyA na/ bod skad du/ tshigs su bcad pa gnyis pa'i bshad pa/ sangs rgyas dang byang chub sems dpa' thams cad la phyag 'tshal lo/ /sems ni mnyam par ma bzhag pa/ /da lta nyi tshe mthong ba rnams/ /theg pa chen po zab mo la/ /chen por 'phar bar ji ltar 'gyur/ /'on kyang rten la gnas bcas dang/ /snga nas dge la goms byas pa'i/ /bsod nams gyis ni 'jig rten rnams /rnam pa kun mkhyen thob par 'gyur/
- 192b
sangs rgyas dang ni chos la brnyas pa dang/ le lo dang ni cung zad chog par 'dzin/ /'dod chags dang ni nga rgyal spyod pa dang/ /'gyod pa dang ni ma nges 'byed pa rnams/ /sems can rnams kyi sgrib par 'gyur ba ste/ /de yi gnyen po theg pa mchog bstan pa/ /de yis bar du gcod pa de dag gi/ nyes pa thams cad rab tu spong bar 'gyur/ /tshigs su bcad pa 'di gnyis theg pa chen po'i mdo sde phan tshun 'gal ba rnams kyang dgongs pa rnams pa bzhes sems can rnams kyi sgrib pa rnam pa brgyad spang pa'i phyir gnyen pos ldem por dgongs pa bstan pas mi 'gal bar khong du chung bar bya'o/ /de la bcom ldan 'das kyis mdo las/ 'phags pa rnam par gzigs kyi sangs rgyas kyi sna tsho la sogs pa phun sum tshogs pa bsngags pa ni kha cig 'dod pa bskyed pa'i phyir yin la/ de la kha cig gis 'phags pa shAkya thub pa la brnyes pa'i sems bskyed de /de bzhin gshegs pa gzhan dag ni bsod nams rdzogs pas mchog tu che bar grags pa yin la/ bdag cag gi de bzhin gshegs pa 'di ni bsod nams chung bas na chung bar grags te/ 'di ltar 'di ni sku chung zhing sku tshe thung la 'dom gang ba ste/ mu stegs can mang po dang/ lha sbyin pa la sogs pa'i dgra yod pa dang/ 'di'i zhing g.yang sa dang/ mi gtsang ba dang/ gseg ma dang/ gyo mo dang/ rdo dang/ ri la sogs pas gang bar gyur to snyam pa de yang sgrib pa yin te/ yon gnas chen po 'jig rten gyi yid bzhin gyi nor bu lta bur dad par bya ba'i gnas kyi mchog la ni sems kyi nyes pa chung ngu skyed pa yang ngan song gi rgyur 'gyur ba dang/ de'i bstan pa ltar ma byas na/ mtho ris
- 193a
dang thar pa thob pa la gegs su 'gyur ba'i phyir te/ de bas na gdul bya rnams kyi sangs rgyas la brnyas pa'i bar du gcod pa'i nyes pa de spongs su gzhug pa'i phyir/ de bzhin gshegs pa thugs rje nas theg pa mchog bstan pa 'di gsungs te/ de'i tshe de'i dus na/ da? nyid yang dag par rdzogs pa'i sangs rgyas rnam par gzigs zhes bya ba der gyur to zhes bya ba lta bu'o/ /de ni mnyam pa nyid la dgongs nas gsungs te/ 'di ltar chos kyi sku gang yin pa de ni sgrib pa thams cad rnam par dag pa'i ngo bo nyid stobs dang/ mi 'jigs pa dang/ mngon par shes pa dang/ tshang med pa la sogs pa'i yon tan mdza' yas pa dang ldan pa yin te/ mnyam pa nyid des na sangs rgyas thams cad cung zad kyang khyad par med do/ /sde pa'i mdo sde las kyang/ tshogs dang chos kyi sku dag dang/ /'gro ba'i don ni spyod pa yis/ /sangs rgyas thams cad mnyam pa nyid/ /sku tshe rigs dang sku tshad min zhes gsungs so/ /chos la brnyas pa zhes bye ba la/ /chos ni gsung rab yan lag bcu gnyis so/ /de la kha cig gis brnyas te/ bud med dang phal pa dang thun mong du gyur pa/ mchog tu sla ba/ nyes par bshad pa/ las dang 'bras bu la skur pa 'debs pa/ rtog gis sbyar ba/ skye bo ngan pa mngon par dga' ba/ rnyed sla ba 'di ci dgos snyam pa de yang sgrib pa yin te/ sman gyi rgyal po bzhin du 'dod chags la sogs pa thams cad rab tu zhi pa'i thabs ston pa dang/ 'gro ba thams cad kyi kun nas nyon mongs pa'i nad thams cad zad par bya pa'i phyir /nye bar gnas pa la brnyas pa ni ngan song gi rgyur gyur pa dang/ mi nyan pa la sogs pa dang/ de la ma brten pas nad med pa'i mchog la gong? su 'gyur ba'i phyir te/ de bas na bar du gcod pa'i
- 193b
nyes pa de bzlog pa'i phyir theg pa mchog 'di bstan te/ de bzhin gshegs pa gang+ga'i klung gi bye ma snyed la bsnyen bkur byas na theg pa chen po la shes pa skye bar 'gyur ro/ zhes 'byung ba lta bu'o/ /'o na de ltar gyi mang du thos pa rnams kyis kyang mi rtogs pa ma yin la/ sangs rgyas gcig la bsnyen bkur byas pa'i mtshan ma de dag la med pas 'gal lo zhe na/ de yang don gzhan la dgongs nas gsungs te/ don dam pa zag pa med pa'i ye shes rtogs pa'i don gzhan la dgongs te gsungs pa yin la/ de yang bskal pa grangs med pa gcig gi bar du sangs rgyas mang po 'byung ba mnyes par byas nas gdod ri? rab tu dga' ba'i sa'i gnas skabs skye ba'i phyir 'gal ba med de/ /de la le lo zhes bya ba ni 'dod pa spyod pa 'am/ 'jig rten gyi bya ba mang po 'am/ bdag khyad du bsad de/ gnas 'di ni skyes bu byed pa'i rtsal chen pos sgrub dgos pa/ de la ni bdag gis mi nus so snyam nas dge ba'i phyogs la spro ba med pa de yang bde 'gro dang/ byang chub gsum po rtogs par bya ba sgrib pa yin no/ /de'i gnyen por theg pa mchog 'di bstan te/ bde ba can du smon lam 'debs pa gang yin pa de dag ni der skye bar 'gyur ba dang/ rin chen mang gi mtshan brjod pa tsam gyis bla na med pa yang dag par rdzogs pa'i byang chub tu nges par 'gyur ro zhes bya ba la sogs pa mang du 'byung ngo/ /'di la yang 'gal ba yod de/ bde ba can du ni sa la zhugs pa'i byang chub sems dpa' skye'o zhes gzhan las gsungs la/ blo ma sbyangs pa mang po dag kyang der smon lam 'debs pa dang/ byang chub tu nges par chud pa ni mi g.yo ba 'am/ rab tu dga' ba la gnas pa yin la/ rin chen mang gi mtshan ni bdag cag la sogs pa yang brjod na/ de ji lta bu zhig ce
- 194a
na de ni le lo can rnams la khyad du 'phags pa'i 'bras bu yang dag par bstan pas/ re zhig de'i sa bon du gyur pa'i dge ba chung ngu tsam la yang 'jug par bya ba'i phyir/ dus gzhan la dgongs nas bstan te/ de dag der smon pa'i sems kyis sems kyi rgyud sgom na/ de dang mthun pa'i dge pa la mngon par dga' ba'i phyir/ de ston pa'i sangs rgyas la sogs pa bshes gnyen mchog mnyes par bya ba lhur len te/ tshe rabs re rer bsod nams dang/ ye shes kyi tshogs mang po rdzogs par byed pa nas mthar bskal pa grangs med pa dang po la 'phags pa'i sa thob kyi bar du dus gzhan du der skye bar 'gyur ro/ /de bas na 'di ltar de tsam gyis skye ba yang mi yin la/ des ma skyes pa yang ma yin te/ dge ba thams cad skye ba ni de la rag las pa'i phyir ro/ /dper na 'bras bu 'byung ba ni sa bon dang/ myu gu dang/ lo ma dang/ sdu bu dang/ sdong bu dang/ me tog dang sa dang chu dang/ dus tshigs dang/ rlung dang/ nyi ma la'ang rag las mod kyi/ 'on kyang sa bon dag las skyes so zhes zer te/ myu gu la sogs pa de la rag las te skyes pa'i phyir dang/ gtso bo yin pa'i phyir te/ 'dir yang de dang 'dra'o/ /cung zad tsam tshog par 'dzin zhes bya ba ni/ dge ba chung du bsags pa tsam gyis chog par 'dzin pa gang yin pa ste/ sbyin pa tsam mam/ tshul khrims tsam mam/ bzod pa tsam gyis bdag ni 'di tsam gyis cho ga ste/ de las mi dgos snyam pa de yang bla na med pa'i byang chub la sgrib pa yin te /'di ltar de ni de 'jig rten pa dang 'jig rten las 'das pa'i bsod nams dang ye shes kyi tshogs ma lus ba thams cad yongs su rdzogs pas thob par bya ba yin pa'i phyir ro/ /de bas na
- 194b
de bzhin gshegs pa'i spu'i khung bu gcig 'grub par byed pa yang/ dge brgya mtsho dpag tu med pas bya dgos na/ de ji ltar le los thob par nus te/ zan tsam gyis chog par 'dzin cing/ rang gi khyim du mngon par dga' ba rnams kyis na/ seng+ge'i khri la mngon par 'dug mi nus so/ /de bas na bar du gcod pa de'i gnyen por theg pa mchog 'di bstan te/ gzhan las bcom ldan 'das kyis sbyin pa bsngags nas/ yang smad par mdzad la/ de bzhin du tshul khrims bsngags nas/ gzhan la smad pa mdzad do/ pha rol tu phyin pa thams cad la yang de bzhin du sbyar ro/ /'di la yang snga phyi 'gal pa yod de/ gal te sbyin ba yon tan can zhig yin na/ ci'i phyir smad ce na/ gang zag gi bsam pa la dgongs nas gsungs pas na 'gal ba med de/ ser sna can ha cang 'jungs ches ba gang yin pa de dag sbyin ba la 'jug par bya ba'i phyir sbyin pa'i bsngags pa mdzad de/ sbyin pa ni phyi bzhin 'brang ba'i gter chen po/ /gtan gyi bshes gnyen gyi mchog go /gos byin pa la yon tan bcu yon? ngo/ /zas sbyin pa la yon tan bcu yod do/ /zhes bya ba la sogs pa mdo dag las mang du 'byung ste/ de yang med pa ma yin na 'on kyang de tsam gyis chog par 'dzin te/ tshul khrims dang/ thos pa la sogs pa'i chogs la mi 'jug pa gang yin pa de dag la ni smad par mdzad de/ 'khor ba'i sdug bsngal gyi 'bras bu can dang/ zag pa'i chos can gyi sbyin pa ni mi dgos so/ /sbyin pa dang ldan pa yang tshul khrims 'chal na ngan song dag tu skye bar 'gyur te/ tshul khrims ni mtho ris kyi rgyu yin pa'i phyir gtso bo yin no/ /yon tan thams cad pa skyed pa'i rgyu yin pa'i phyir sa gzhi lta bu yang yin no/ /thos pa yang de dang 'dra ste/ ye shes gsal ba'i rgyu yin pa'i phyir nyon mongs
- 195a
pa'i nad rab tu zhi bar byed pa zhes bya ba la sogs pa lta bu ste/ de bas na 'di ltar sbyin pa la sogs pa yang kha cig gi sgo na ni skyong? yang? yin la/ ? gcig gi sgo nas yon tan yang yin te/ gdul bar bya ba'i bsam pa la bltas nas dgongs pa'i dbang gis bstan pa'i phyir de bzhin gshegs pa rnams la nyes pa med de/ 'di ltar sman pas mkhris pa'i rims kyis thebs ba la ni 'o ma dang kha ra bsngags la/ bad kan gyi rims kyis thebs pa la ni smad pa dang 'dra ba'i phyir ro/ /'dod chags dang ni nga rgyal spyod pa dang/ zhes bya ba la 'dod chags la spyod pa ni ma 'ongs par 'dod chags kun tu spyod pa'o/ /de bzhin du nga rgyal la spyod pa yang nga rgyal kun tu spyod ba ste/ 'di gnyis kyang so sor sgrib ba yin no/ /de la khyim dang/ zhing dang/ bu dang chu ma dang/ nor dang/ 'bru dang/ gos dang rgyan dang glang po che dang/ rta la sogs pa phun sum tshogs pa dag la ha cang chags pas de dag spangs te/ dge ba yang dag par mi len pa gang yin pa de dag ni de las nges par 'byung ba'i bsam ba dang/ rab tu 'byung ba dang/ byang chub kyi phyogs la sgom pa la bar du gcod bar byed pa'i phyir srid pa spyod pa sgrib pa yin no/ /bar du gcod pa de'i gnyen por theg pa mchog 'di bstan te gzhan las sangs rgyas kyi zhing? par dag pa 'di lta ste/ bde ba can gyi bkod ba la sogs pa shin tu bsngags te/ de dag giS ma mthong ma thos pa'i 'byor ba rgya chen po de thos nas/ rang gi phun sum tshogs pa la phongs pa kho nar 'dzin to/ /de nas der yid smon par byed de de dag thams cad por nas de thob par bya ba'i phyir 'phang bar 'gyur bas na/
- 195b
de ni gang zag gi bsam pa la dgongs nas gsungs so/ /de la mi dang/ lha dang lha ma yin la sogs pa gang dag kha dog dang stobs dang/ mthu dang/ 'od dang/ skal pa dang ldan pa dang/ skad gyi gdangs snyan pa dang/ ldob? skyen pa dang/ shes pa dang/ rigs dang/ tshe dang/ longs spyad dang/ 'khor la sogs pa phun sum tshogs pa'i sgo nas bdag dang mtshungs pa ma mthong nas/ nga rgyal gyis khengs shing myos te/ de bzhin gshegs pa la bsnyen bkur mi byed pa de dag ni nga rgyal spyod pa ste/ de ni phun sum tshogs pa thams cad kyi rgyu de bzhin gshegs pa 'byung ba mnyes par bya ba dang/ byang chub tu smon lam 'debs pa la sgrib pa yin te/ de bas na bar du gcong ba'i nyes pa de'i gnyen por theg pa mchog 'di bstan te/ gzhan las bcom ldan 'das kyis sangs rgyas gang gi phun sum tshogs pa lhag par bsngags pa mdzad de bzhin gsheD pa 'phaD pa 'od? dpag med ces bya ba de'i sku tshe dpag tu med do/ /rang bzhin gyi 'od kyi dkyil 'khor yang dpag tu med do/ /de bzhin du sangs rgyas gzhan dag gi sku dang/ snod phun sum tshogs pa rnams kyi bsngags par mdzad do/ /de nas de dag gis de thos nas bdag cag pas kyang ches rgyangs chad bas khyad du 'phags pa'i de bzhin gshegs pa rnam pa thams cad du mdzes pa dag kyang yod do snyam nas nga rgyal gyi mi grum ste/ blo yon tan skyed pa'i snod du 'gyur ro/ /'gyod pa ni yid la gcags pa ste/ yon tan dang ldan pa rnams dang/ phan 'dogs pa rnams la gnod pa byas nas phyis ci zhig ji ltar yod la gcags par 'gyur te/ mya ngan kyi zug rngu de kho nas yun ring bar sems mi bde zhing yid 'khrugs la/ lus shig shag por gyur cing ro bzhin du 'dugs la
- 196a
bsod nams bya ba btang ste/ sa la nyal nas rang gi lus kyi bsam pa la yang spro ba med par 'dug pa gang yin pa de dag gi 'gyod pa de ni bshags pa dang/ bsdam par bya ba dang/ bsod nams la sbyor ba la bar du gcod par byed pa'i phyir sgrib pa yin te/ shes rab can gyis ni bdag cag gi 'di ma legs so snyam du rig nas/ de'i 'og tu bshags pa dang/ bsdam par bya ba dang/ dge ba'i rtsa ba rnam pa sna tshogs mang po'i sman gnod sel la goms pas zad bar byed cing/ ma byas pa la yang dran ba dang/ shes bzhin dang/ skyes bu dam pa la mnyan pa la sogs ba dang/ bsten pa la sogs las mi bya par bsgrim par byed do/ /'phags pa dpa' bos gsungs pa'i skye rab las kyang/ yi chad rgud pa'i ngo lon thabs ma yin/ /de phyir mi dgar 'dzin par btang bar bya/ /dgos pa sgrub la mkhas rnams sran thub pas/ /dka' ba rnams kyang dga' ba med par rgal/ /de phyir yi chad mi dga' spangs nas ni/ /don gyi skabs dbye ba la bstan par gyis/ /shes pa'i gzi byin sran gyis spar ba ni/ don kun grub 'dzin lag pa'i mchog yin no/ /zhes gsungs pa lta bu'o/ /de bas na de'i yun ring po'i 'gyod pa chen po'i bar du gcod pa'i nyes pa de'i gnyen po theg pa mchog 'di bstan te/ sangs rgyas dang byang chub sems dpa' rnams la ni gnod pa byed pa gang yin pa de dag thams cad kyang mtho ris su 'gro bar 'gyur ro zhes 'byung ste/ 'di ni gang zag gi bsam pa la dgong nas gsung ste/ gang zag la la ni shin tu 'gyod pa'i drug gis brgyal ba'i bsam pa can gyi 'gyod pa de las 'byung bar 'gyur ba de la dgongs nas gsungs pa'i phyir ro/ /gnod pa byas bas ji ltar mtho ri bskye
- 196b
bar 'gyur zhe na/ de kho nas skye'o zhes dam zer te/ 'on kyang de'i rgyu las byung ba'i 'gyed ba la sogs pa dge ba sbel bar byed pas skye bar 'gyur ro/ /gzhan yang de dag la gnod pa byed pa'i tsho nges par de mthong ba dang/ thos pa dang/ dran ba dang/ reg? pa dang/ 'grogs pa la sogs par 'gyur la/ sangs rgyas dang byang chub sems dpa' rnams ni/ gzhi de dag tu dod? pa yin te/ 'phags pa de bzhin gshegs pa 'byung ba srid pa bstan pa las kyang/ kye rgyal ba'i sras de bzhin gsheD? pa mthong ba dang/ thos pa dang/ dran pa dang/ reg pa dang/ 'grogs pa'i dge ba'i rtsa ba don yod par shog cig ces 'byung ba lta bu yin no/ /de ni chos nyid yin pas ci byar yang med de/ gnod ba byed pa la yang phan par 'gyur ba yod do/ / 'phags pa gdon mi za ba'i zhags pa'i snying po don yod zhags pa'i snying po las/ dper na mi la las tsandan dang/ gur kum dang/ ga bur dang/ gla rtsi yang rung ste/ spyos shing mtshang brus nas lus la byugs kyang/ tsan dan la sogs pa'i da snyam du 'dis bdag spyos kyis 'di la dri zhim par mi bya'o snyam du mi sems te/ rtog pa ma mchis pa'i slad du chos nyid kyis dri zhim po kho nar bgyed lags so/ /bcom ldan 'das de bzhin du bdag gi gdon mi za ba'i zhags pa'i snying po yang khros te dran nam/ bton kyang de la yang bsrung ba dang/ skyab ba dang/ spang? par bgyid pa la sogs so zhes bya ba la sogs pa 'byung ba lta bu yin no/ /bcom ldan 'das kyang sngon dge ba'i rtsa ba dang/ smon lam la sogs pas bdag nyid de lta bur yang dag par sbyangs te/ khyod kyis legs par spyad rnams kyis/ ci nas bdag nyid rgyas par mdzad/ ces gsungs pa lta bu yin no/ /de bas na de'i 'bras bu zad nas dus gzhan du rgyud de kho nas mtho ris su 'gro bar 'gyur te
- 197a
dper na bcud kyis len la la'i rang bzhin gang gi tsha dang po zas na mgo 'khor ba dang/ ngal ba dang/ brgyal ba dang/ skyug pa dang/ 'khru ba dang/ lus la srin bu 'byung ba dang/ skra? dang sbu 'byi ba dang/ so ldag ba dang/ sen mo 'byung ba la sogs pa'i sdug bsngal rnam pa mang po skyed nas phyis yun ring mo zhig na snod bcud kyis len du 'gyur ba lta bu ste/ de bzhin du 'di yang dgongs te gsungs pa yin/ /'o na de lta na ni gnod ba byas pa kho nar 'gyur te/ 'di ltar dgongs ba ma shes nas 'khrul pa de dag mtho ris 'dod bas rgyun mi 'chad par de dag la/ gnod ba bya ba 'ba' zhig la 'jug par 'gyur te/ de ltar na snang ba bya'o snyam pa las mun pa byas pa kho nar 'gyur ro zhe na/ de ltar mi 'gyur te/ 'di ni thabs su 'gyur/ /de bas na ches che ba'i mchog tu dga' ba'i zug rngu gzhan zhig gis ma byas kyis bar du mya ngan gyi zug rngu tshabs po tsha las 'byung bar mi nus te mya ngan gyi gnyen po ni dga' ba yin ba'i phyir ro/ /de bzhin gshegs ba rnams kyis kyang de'i tshe gdul bar bya ba de'i mchog tu dga' ba de lta bu gzhan ma gzigs te/ sdig bde bkru ba'i phyir ro snyam du dgongs nas de skad gsungs bar zad do/ /de 'gyod pa'i sgrib ba dang bral nas chos ston ba'i snang du rung bar byas la/ de nas de bzhin du de la chos ston te/ des na las dang 'bras bu la yid chos ba bskyed pa legs par spyod pa 'ba' zhig la 'jug par 'gyur te/ de bzhin gshegs pa rnams kyis ni snga nas kyang mya ngan gyi zug rngu 'di bsal nas/ las dang 'bras bu la skur pa 'debs ba'i zug rngu 'byin par byed pa'i zug rngu 'di nyid kyang dbyung du rung ngo snyam du mkhyen to/ /dper na mdzes ldan ma la shas cher chags pas mi sdug pa'i ting nge
- 197b
'dzin mi nus nas de bas khyad du 'phags pa'i lha'i bu mo la kun tu chags pa bskyed bas de bsal nas phyis de yang thabs gzhan gyis bsal te/ gtan du thams cad las 'dod chags dang bral ba'i bar du mdzad ba lta bu'o/ /dper na sgrul gyis zin pa la sngags mkhan gyis dug 'dis 'gro ba'i dug 'di nges bar bsal nas/ dug de nyid kyang med par 'gyur ro snyam du gdeng bcas dug zar bcug pa lta bu ste/ de bzhin gshegs pa rnams kyang de dang 'dra'o/ /de bzhin du 'phags pa dkon mchog sprin gyi mdo las kyang/ sems can gang mtshams med ba byed pa de shin tu sdug bsngal ba byang chub sems dpas mthong na/ de la 'di skad du ma bsad ba 'dis thams cad nges par ngan song du skye ba ma yin no/ /zhes zer ba la sogs pa gsungs pa lta bu'o/ /ma nges 'byed pa zhes bya ba ni ma nges pa rnams dbye ba ste ldog pa'o/ /gang las zhe na/ byang chub chen po las te/ rigs ma nges pa'i byang chub sems dpa' gang dag pha rol tu phyin pa rnams la mi brtson pa/ bsam ba mi rtag pa skad cig re re la sems can gyi log par sgrub pa'i sdug bsngal drag pos bskyod bas nyan thos la sogs pa'i mya ngan las 'das pa 'dod par byed pa rnams dang/ nyan thos la sogs pa'i rigs su ma nges pa gang dag theg pa de la 'bad pa de ni de dag gi 'gro ba thams cad du thogs pa med pa'i dbang dang ldan pa'i byang chub chen po'i seng ge'i khri la 'dug ba la sgrib pa yin no/ /de bas na bar du gcod ba'i nyes pa brgyad ba 'di'i gnyen por nyan thos chen po rnams sangs rgyas su lung bstan pa bshad pa dang/ theg pa gcig bshad pa'i theg pa mchog gi 'di bstan te/ de dag gis de thos nas 'di snyam du sems te/ nyan thos kyi theg pas thag ring du song yang
- 198a
theg pa chen po kho na la 'jug dgos na nyis las 'di ci dgos/ thog ma nyid nas 'dir zhugs pa sla'o snyam ste/ 'di skad du mdo sde'i rgyan las/ kha cig drang ba'i phyir dang ni/ kha cig yongs su gzung ba'i phyir// rdzogs pa'i sangs rgyas rnams kyis ni/ /ma nges rnams la theg gcig bstan/ zhes gsungs pa lta bu'o/ /'di la rdzun du smra pa'i nyes par yang mi 'gyur te/ snying rje chen pos 'gro ba'i don sgrub pa dang/ gnod pa bsal ba'i bsam pa can yin pa'i phyir ro/ /'di la su yang drid pa yang med de/ gnas brtan de dag gis kyang/ bdag cag ni sangs rgyas su mi 'gyur mod kyi/ 'on kyang bcom ldan 'das kyis de la dgongs nas ston par mdzad do snyam du shes te/ de dag thams cad zlos gar mkhan gyis 'gro ba dga' bar byed pa bzhin du brda byas pa yin la/ brdzun du smra ba ni 'drid pa'i bdag nyid yin pa'i phyir ro/ /gcig tu na de dag ni byang chub sems dpa' nyid yin te/ nyan thos kyi gdul bar bya pa'i sems can rnams la phan par bya ba'i phyir de'i cha lugs byas bar zad de/ don de kho na'i phyir de las gzhan pa'i de bzhin gshegs pa rnams kyis 'jig rten gyi khams gzhan dag nas bskul nas/ de lta bu'i cha lugs can gyi byang chub sems dpa' rnams 'ongs ba yin no/ /nyan thos dang byang chub sems dpa' rnams ni bdag med par mnyam pa nyid kyis tha mi dad pa'i phyir dang/ mthar phyin pa yin pa'i phyir yang theg ba gcig par bstan to/ /dper na la la na re rgyal bo ni 'di lta ste/ 'khor los sgyur ba gcig bur zad de/ phun sum tshogs pa thams cad kyi mthar phyin pa'i phyir dang/ de'i gong na rjed? zon? med pa'i phyir ro zhes zer na/ 'on
- 198b
kyang rgyal phran la sogs ba med pa ni ma yin no/ /de bzhin du theg pa na gcig kho na te/ 'di lta ste/ theg pa chen po gcig tu zad de/ bgrod bar bya ba thams cad kyis phun sum tshogs pa'i mthar phyin pa'i phyir dang/ de'i gong na khyab bar du 'phags pa med pa'i phyir ro/ /theg pa gzhan ni yod du zin kyang bgrod par bya ba lhag ma yod pa dang gong na yod pa lta ci dgos zhes bstan to/ /sems can rnams kyi sgrib pa zhes bya ba ni/ ji skad bstan pa'i sangs rgyas la brnyas pa la sogs pa rnam pa brgyad do/ /de'i gnyen po zhes bya ba ni sgrib pa de nyid kyi gnyen po ste/ de dag kyang gang zhe na/ theg pa mchog bstan pa'o/ /theg pa mchog ni theg pa mchog ste/ pha rol tu phyin pa drug dang/ byang chub po/ /de bstan pa ni theg pa chen po'i mdo sde rnams yang dag pa dang thams cad bstan pa ste/ bstan zhes bya ba'i tshig gsal ba yin no zhes 'byung ba'i phyir ro/ /de'i gnyen por 'gyur pa'i gtan tshigs su gang gi phyir/ de yis bar du gcod pa de dag gi/ nyes pa thams cad rab tu spong bar 'gyur/ zhes gsungs pa de'i phyir theg pa mchog bstan pa ni/ de'i gnyen po yin no zhes bya ba'i tha tshig go /bar du gcod pa ni gegs byed pa'o/ /bar du gcod pa nyid nyes pa yin pas bar du gcod pa'i nyes pa'o/ /de dag ni thams cad kyang yin la/ bar du gcod pa'i nyes pa yang yin pa'i phyir/ bar du gcod pa'i nyes pa thams cad ces tshig rnam par sbyar par bya'o/ /spong ba ni zad pa'o/ /gang dag gi zhe na/ ji skad bstan pa de dag nyid kyi'o/ /gcig tu na de dag gi zhes bya ba ni 'dod pa la sogs pa rnams kyi ste/ bar du gcod pa'i nyes pa brgyad po bsan pa gang yin pa'o zhes sbyar par bya'o/ /de ma yin pa'i tshigs su bcang pa
- 199a
gsum gyi ni tshigs su bcad pa 'di gnyis kyi phan yon bstan te/ tshigs su bcad pa gnyis kyi gzungs la ni/ /tshig gam don gyi sgo nas gang sbyar ba/ /sems can dam pa blo dang ldan pa de/ / phan yon rnam pa bcu dag thob par 'gyur/ /khams rnams mdza' dag rgyas par 'gyur ba dang/ /'chi ba'i tshe na mchog dga' dam pa 'thob/ /ji ltar 'dod pa bzhin du skye ba dang/ /thams cad du ni tshe rabs dran par 'gyur/ sangs rgyas rnams dang phrad par 'gyur ba dang/ /de bzhin de dag las ni thag mchog thos/ /mos par 'gyur ba blo dang bcas pa dang/ /sgo gnyis dang ni byang chub myur du 'thob/ /tshigs su bcad pa dang po'i don ni cha/ su bcad pa gnyis po 'di nyid kyi don ma rtogs kyang tshigs tsam shes pa dang/ tshig mi shes kyang don tsam shes pa'i phan yon rnam pa bcu bstan to/ /de lta bu theg pa chen po'i dgongs ba zab mo ston pa mdza' dag ni sems can tha mal pa 'am/ blo zhan ba dang?/ de bzhin ni shes par mi 'gyur ba'i phyir sems can dam pa blo dang ldan pa zhes gsungs te /sems can thams cad kyi dam pa ni byang chub sems dpa' i rigs can yin la/ de yang gal te blo dang ldan pa dang/ blo sbyangs pa zhig yin na/ gdod des 'di yang dag par shes par 'gyur gyi/ gzhan gyis ni ma yin no/ /de la khams rnams mdza' dag rgyas par 'gyur ba ni phan yon gcig ste/ khams rgyas pa ni rtas par 'gyur ba'o/ /khams rnams ni sa bon rnams so/ /mdza' dag ni ma lus pa/ /'di skad ces bya ba yin te/ byang chub kyi sems dang/ pha rol tu phyin pa dang sa bcu dang/
- 199b
byang chub kyi phyogs dang/ stobs la sogs pa'i rang bzhin can gyi theg pa chen po thams cad kyi sa bon gang yin pa rnams ni byang chub sems dpa' i rigs la rag las la/ de dag kyang tshigs su bcad pa gnyis la goms pa 'dis rang gi 'bras bu bskyed pa la mngon du phyogs bar byed de/ de ni de dang ldan pa'i ston pa'i dgongs pa ldem por dgongs pa sdud pa yin pa'i phyir ro/ /dper na 'dod chags dang ldan pa'i snyan dag gi tshig las sa bon rtas bar 'gyur pa dang 'dra'o/ /gcig tu na theg pa chen po'o? mdo sde ma lus pa'i yul la mos pa gang yin pa ste/ re zhig khams de rgyas ba tsam 'thob pa'o/ /'chi ba'i tshe na mchog dga' dam pa 'thob ces bya ba la/ mchog tu dga' ba ni mgu ba'o/ /dam pa ni dge ba rgya chen po yin pa'i phyir ro/ /de 'chi ba'i tshe nges par sangs rgyas dang byang chub sems dpa' rnams kyi yon tan rjes su dran pa dang/ /dam pa'i chos 'dzin pa dang/ sangs rgyas dang/ de'i sas dang/ bde 'gro'i rtags la sogs pa mthong ba'i phyir ram/ gnod 'chad ba med pa'i phyir dga' ba skye ba ni gnyis pa ste/ de gnyis ni tshe 'di nyid kyi yin par rig par bya'o/ /lhag ma brgyad ni tshe rabs gzhan dag tu mthar gyis dag pa'i tshogs sog pa yin no/ ji ltar 'dod pa bzhin du skye ba zhes bya ba ni gsum ba'o/ /thams cad du ni tshe rabs dran bar 'gyur zhes bya ba ni bzhi pa ste/ thams cad du zhes bya ba ni tshe rabs thams cad du'o/ /sangs rgyas rnams dang phrad par 'gyur ba ni lnga pa'o// de bzhin de dag las ni theg mchog thos zhes bya ba ni drug pa ste/ de bzhin zhes bya ba ni ji ltar chos? thams cad du skye ba dran pa de bzhin du sangs rgyas rnams dang phrad ba dang theg pa chen po thos pa yang de dang 'dra bar 'gyur ro/ /mos par 'gyur ba zhes
- 200a
bya ba ni bdun pa'o/ /mos pa ni dad pa ste/ 'di ni 'di lta bu yin gyi gzhan ni ma yin zhes nges par 'dzin pa'o/ /de yang sgrib pa thams cad dang bral ba'i phyir theg pa chen po'i chos zab mo yang dgongs pa ldem por dgongs pa rtogs pas mos pa skye bar 'gyur ro/ /blo dang bcas pa zhes bya ba ni brgyad pa ste/ mos ba blo dang bcas pa thob bar 'gyur gyi gcig pu ni ma yin no/ /de la blo ni theg pa chen po'i chos dang/ de ma yin pa'i bstan bcos la sogs pa phyin ci ma log par khong du chud ba'o/ /sgo gnyis zhes bya ba ni dgu pa ste/ 'di la sgo gnyis yod pas na gang zag sgo gnyis pa'o/ /de'i ngo bo nyid ni gnyis te/ de yang gang zhe na/ ting nge 'dzin gyi sgo rnams dang gzungs kyi sgo rnams te/ de dang ldan pas na sgo gnyis pa'o/ /de la ting nge 'dzin ni mdza' yas te/ byang chub sems dpa' dag gi nam mkha' i mdzod dang/ lag na rin chen dang/ gzugs thams cad kun tu ston pa la sogs pa'o/ /de dag gi sgo ni de dag mngon par sgrub pa'i thabs te/ bsam gtan dang gzugs med pa rnams so/ /gcig tu na ting nge 'dzin ni bsam gtan dang/ gzugs med pas bsdus pa ste/ de nyid sgo dang/ kha dang/ thabs yin no/ /gang gi zhe na/ yon tan thams cad mngon par sgrub pa yi'o/ /gzungs ni rnam pa gnyis te/ tshig gi gzungs dang/ don gyi gzungs so/ /de yang gang zhe na dran pa ste/ 'dis tshig dang/ don 'dzin pa'i phyir ro/ /de'i sgo ni yi ge rnams te/ 'di ltar yi ga'i 'bru gcig tu med sde 'bum pa rnams bsdus nas 'dzin pa'i phyir ro/ /gcig tu na gzungs nyid brjed pas pa med pa'i sgo yin no/ /yang na 'dzin pa nyid gzungs yin te/ de yang gang zhe na/ brjed ngas pa med pa'o/ /
- 200b
de'i sgo yang dran pa nyid do/ /byang chub myur du 'thob ces bya ba ni phan yon bcu pa ste/ myur du bla na med pa yang dag par rdzogs pa'i byang chub 'thob pa'o/ /ci'i phyir zhe na/ dgu po 'di dag nyid kyi phyir te/ gang gi phyir khams thams cad rgyas pa nas sgo gnyis 'thob par 'gyur ba'i bar gyi phyir te/ de dag ni byang chub bskyed pa yin pa'i phyir ro/ /de bas kyang de mjug tu smos te/ khams rgyas na mchog tu dga' ba dam pa 'thob bo/ /de bas nad bzhin du dge ba'i bsaM pas 'chi ba na gang 'dod par skye ba'o/ /ji ltar smon pa bzhin du skye ba grub na tshe rabs dran par 'gyur ro/ /tshe rabs dran pas de bzhin gshegs pa la bskyed pa'i dge ba'i rtsa ba don yod par mngon sum du gyur nas/ sangs rgyas kyi zhing thams cad du 'gro bar 'gyur ro/ /sangs rgyas 'byung ba med na yang de dang phrad pa'i smon lam 'debs pa'i phyir sangs rgyas dang phrad par 'gyur ro/ /de nas de la theg pa chen po thos par 'gyur ro/ /de nas de'i 'og tu mngon sum du thos nas bskyes bu 'di ni ye shes chen po dang ldan no snyam du the tshom med par mos par 'gyur ro/ /mas pa drag po rgyun mi 'chad par chos yongs su tshol ba lhur len pas blo rnyed par 'gyur ro/ /blo rnam par dag na sgo sgrub bar byed do/ /de nas nam mkha' mdzod la sogs pa'i ting nge 'dzin la brten nas sbyin pa la sogs pa'i tshogs yongs su rdzogs par byed pa dang/ gzungs la brten nas skad cig re re la de bzhin gshegs pa thams cad kyis gsungs pa 'dzin pa dang/ 'chang bas ye shes kyi tshogs mang po kun tu rdzogs par byas te thams cad mkhyen pa gang chen mtshor 'gyur ro// //tshogs su bcad pa gnyis pa'i bshad pa slob dpon chen po mjos? bkod kyis
- 201a
mdzad pa rdzogs so// // `? 'begs pa 'da' ka ye shes kyi 'grol ba slob dpon shes rab rgya mtshos mdzad pa bzhugs// //rgya gar skad du/ Arya a ti dz+nyA na sU tra byA khya na/ bod skad du/ 'phags pa 'da' ka ye shes kyi mdo'i rnam par bshad pa/ dpal rnam par snang mdzad la phyag 'tshal lo/ /ma skyes stong pa'i rnam pa nyid/ /skye ba bstan pas snang mdzad pa/ /rnam par snang mdzad thugs rje che/ /longs spyod rdzogs sku phyag 'tshal te/ /des pa don gyi mdo sde yi/ /rnam par bshad pa brtsam bya yis/ /ma nor des pa'i lam 'dod rnams/ /chu la 'di la ni 'jug par gyis/ /dgos 'brel gyi don klad du ma bstan na rtog pa dang ldan pa dag 'jug par mi 'gyur bas de bstan te/ 'da' ka ye shes zhes bya ba de bzhin gshegs pa rnams kyi thugs kyi gsang ba'i mdzod 'di ni brjod par bya ba'o/ /de ston pa'i tshig gi tshogs ni rjod par byed pa'o/ /de brjod pas de'i don khong du chud pa ni dgos pa'o/ /de'i don khong du chud pas sems rtogs pa'i ye shes sangs rgyas nyid thob pa de ni dgos pa mthar phyin pa'o/ /'brel pa ni mi 'byung ba'i phyir de nyid shugs las shes par bya'o/ /'di skad bdag gis thos pa dus gcig ni?/ bcom ldan 'das 'og min lha'i rgyal po'i khang bzangs na bzhugs te/ 'khor thams cad la chos ston pa dang/ zhes bya bas ni phun sum tshogs pa'i gling gzhi bstan te/ de la 'di skad bdag gis thos pa dus gcig na/ zhes bya ba ni sdud pa po'i thos pa che ba nyid du bstan te/ bcom ldan 'das 'og min lha'i rgyal po'i khang bzang na ba zhugs te zhes pa ni/ ston
- 201b
pa phun sum tshogs pa dang/ gnas kyi yan lag bstan te/ de yang ston pa ni longs spyod rdzogs pa'i skur shes par bya'o/ /de yang langkar gshegs pa'i mdo las/ lha'i pho brang 'og min po/ /sdig pa thams cad rnam spangs pa/ /rtag tu rnam par mi rtog ldan/ /sems dang sems las byung ba spangs/ /stobs dang mngon shes gang thob pa/ /de dag ting nge 'dzin dbang brnyes nas/ /rdzogs pa'i sangs rgyas de 'tshang rgya/ /sprul pa rnams ni 'dir 'tshang rgya/ /zhes gsungs pa'i phyir ro/ /'khor thams cad la chos ston pa'i skabs 'dir byang chub sems dpa' 'ba' zhig la ston gyi/ nyan thos kyi 'khor ba ni ma yin no/ /byang chub sems dpa' nam mkha' i snying pos bcom ldan 'das la phyag bcal nas 'di skad ces gsol to/ /bcom ldan 'das byang chub sems dpa' nam 'chi ka ma'i tshe sems ji ltar blta bar bgyi zhes bya ba ni gleng bslang ba bstan te/ de yang 'dir 'khor gyi gleng bslang ba'o/ /de'i yan lag gdon ni las dang nyon mongs pa dang/ shes bya'i sgrib pa byang zhing tshogs chen po gnyis rdzogs pas chub pa dang sems can re re'i don du bskal pa dpag tu med par dmyal ba la sogs/ 'jug pa'i spyod pa 'am/ chos zab mo la bzod pas ni byang chub sems dpa' o/ /nam mkha' lta bu'i chos nyid thugs su chud pa'i ye shes mnga' bas na nam mkha' i snying po ste zhu ba po'i ming do/ /rtog pa'i mtshan ma thams cad bcom zhing yang dag pa'i ye shes dang ldan la/ rtag chad la sogs pa'i mdza' thams cad las 'das pa'i bcom ldan 'das la lus ngag yid kyis phyag btsal te 'og nas zhus pa 'di skad ces zhus so/ /bcom ldan 'das ni snga ma bzhin no/ /byang chub sems dpa' ni gzhi sdom pa'i tshul khrims dang/
- 202a
dge ba'i chos sdud pa'i tshul khrims dang/ sems can gyi don byed pa'i tshul khrims dang ldan pa'o/ /nam 'chi kha ma'i sems ni/ srog gi rlung phyir 'byung ba'i dus kyi tshe zhes gcer smos kyang rtag tu bsam par bya'o/ /ji ltar blta bar bgyi zhes bya ba ni sems 'dis don dam pa'i chos rnams ni ji ltar shes par bya/ sems de'i ngo bo ni gang/ sems de'i rang bzhin ni ji lta bu/ /de nas kun rdzob tu ji ltar bstan/ sems de'i rang bzhin rtogs nas ji ltar 'gyur snyam pa'o/ /bcom ldan 'das kyis bka' stsal pa/ nam mkha' i snying po byang chub sems dpa' nam 'chi ga ma'i tshe/ 'da' ka ye shes bsgom par bya'o zhes gsungs pa ni zhu ba'i lan te go sla bsam bshad do/ /de la 'da' ka ye shes ni chos thams cad rang bzhin gyis rnam par dag pas na/ dngos po med pa'i 'du shes bsgom par bya'o/ /zhes bya ba la sogs pas ni gzhung gi don rgyas par bka' stsal te/ sems 'dis don dam pa'i chos ji ltar shes par bya snyam pa la/ de la chos thams cad rang bzhin gyis rnam par dag pas na dngos po mad ba'i 'du shes sgom par bya'o zhes gsungs te/ de la zhes pa ni dmigs kyis bskyed pa'o/ /'da' ka ye shes zhes bya ba ni de bzhin gshegs pa rnams kyis sngon byang chub sems dpa' i spyad pa spyod pa ni 'og nas 'byung ba lta bur shes pa'i ye shes de la de skad ces bya'o/ /don dam pa phung po khams la sogs pas bsdus pa'i chos thams cad gdod ma nas ma skyes pa'i phyir rang bzhin gyis rnam par dag pa ste/ nges na don gyi bya ba byed nus pa'i dngos po
- 202b
rnams rang bzhin gyis ma grub cing ngo bo nyid med pa'i 'du shes bsgom par bya'o/ /de yang la langkar gshegs pa las/ /gang phyir blo yis rab gzhigs na/ rang bzhin dag ni mi dmigs te/ /de phyir de dag brjod du med/ /ngo bo nyid kyang med par bshad/ ces gsungs pa dang/ gzhan yang de nyid las/ yod dang med pa'i phyogs bral zhing/ /rgyu dang rkyen gyis spangs pa yi/ /srid pa rgyu med rang mthong nas/ /sems kyi rgyud ni rnam par dag ces gsungs so// de ltar rang bzhin gyis rnam par dag pas ci yang med na sna tshogs su snang ba gang yin snyam pa la/ thams cad byang chub kyi sems su 'dus bas na snying rje chen po'i 'du shes bsgom par bya'o zhes gsungs te/ 'khor ba dang ma ngan las 'das pa'i chos thams cad rang gi byang chub kyi sems nyid yin gyi/ phyi rol don du smra ba rnams 'dod pa ltar yod pa ma yin no/ /de ltar yang langkar gshegs pa las/ ji ltar byis pas brtags pa yi/ /phyi rol gyi ni snang ba med/ /sems ni gzugs brnyan bzhin du snang/ bag chags gyis kyang mgo g.yung bslang/ zhes gsungs te/ de'i phyir ma rtogs pa rnams la sems can la dmigs pa'i snying rjes de dag gi sdug bsngal ba dang/ chos la dmigs pa'i snying rje chos thams cad ma rtag pa dang/ sdug bsngal ba dang/ stong pa dang/ bdag med par bsgom pa dang/ dmigs pa med pa'i snying rje dang stong pa nyid bsgom ste/ de ltar snying rje che na phos bsgoms na/ der sangs rgyas kyi chos thams cad 'dus te/ de ltar yang chos yang dag par sdud pa'i mdo las/ bcom ldan 'das dper bgyi na 'khor los sgyur ba'i 'khor lo rin po che gang mchis pa dang dbung gi tshogs thams cad mchi'o
- 203a
bcom ldan 'das de bzhin du byang chub sems dpa' i snying rje chen po gang du mchis pa der sangs rgyas kyi chos thams cad 'dus zhes gsungs so/ /'on sems de'i rang bzhin ji lta bu snyam pa la/ rang bzhin gyis 'od gsal bas na mi dmigs pa'i 'du shes bsgom par bya'o/ /zhes gsungs te/ rang bzhin gyis 'od gsal ba'i phyir nam mkha' ltar ci la yang mi dmigs pa'i 'du shes bsgom par bya ste/ de? ltar yang ye shes snang ba'i rgyan las/ sems ni rang bzhin gyis 'od gsal ba ste/ glo bur gyi nye ba'i nyon mongs kyang rang bzhin ni kun nas nyon mongs par mi 'gyur zhes gsungs pa dang/ yang de nyid las 'jam dpal byang chub ni sems gyi rang bzhin 'od gsal ba'i phyir rang bzhin 'od gsal ba'o/ /ci'i phyir na/ rang bzhin gyis 'od gsal ba zhes bya ste/ gang rang bzhin de ni kun nas nyon mongs pa med pas nam mkha' dang mtshungs te/ nam mkha' i rang bzhin can nam mkha' kun 'gro ba nam mkha' lta bu ste/ rab tu 'od gsal ba'i phyir ro zhes gsungs so/ /don dam pa de ltar yin na kun rdzob tsam du ji ltar blta snyam pa la/ dngos po thams cad mi rtag pas na ci la yang mi chags pa'i 'du shes ba sgrom par bya'o zhes gsungs te/ rgyu dang rkyen gyis bskyed pa'i dngos po thams cad skad cig ma ste/ sems can mi gnas par 'gyur zhing 'pho bas na mi rtag pa'o/ /de'i phyir 'dod pa'i yon tan gang ci yang rung ba la byang chub sems dpa' i sems mi chags par de'i rang bzhin stong pa zhi ba'i bdag nyid can du bsgom par bya ste/ de yang mya ngan las 'das pa las/ kye ma 'dus byas rnam mi rtag/ skye zhing 'jig pa'i chos can yin/ skyes nas 'jig par
- 203b
'gyur bas na/ /de bas myur du zhi ba bde zhes gsungs so/ /sems de'i rang bzhin ji lta ba bzhin du rtogs na cing 'gyur snyam pa la/ sems rtogs na ye shes yin pas sangs rgyas gzhan du mi btsal ba'i 'du shes rab tu bsgom par bya'o zhes gsungs te/ gong du gsungs pa lta bu'i sems rang bzhin gyis 'od gsal ba'i bdag nyid ji lta ba bzhin du shes pa'i ye shes de nyid la sangs rgyas zhes tha snyad nye bar btags kyi/ de las gzhan du sangs rgyas rnyed par mi 'gyur te/ de ltar yang rdo rje gcod pa las/ gang gis nga la gzugs su mthong/ /gang gis nga la sgrar shes pa/ /log par spong bar zhugs pa ste/ /skye bo de yis da mi mthong/ /sangs rgyas rnams ni chos nyid lta/ /'dran pa rnams ni chos kyi sku/ /chos nyid shes par bya min pas/ /de dag rnam par shes mi nus/ zhes gsungs pa dang/ langkar gshegs pa las/ /rtog pa spangs pa'i sems nyid ni/ /yid kyi rnam shes bzlog pa ste/ /chos rnams thams cad shes pa'i phyir/ /sems ni sangs rgyas zhes nges 'chad/ /ces gsungs so/ /don bsdus pa la dga' ba rnams kyi phyir/ bcom ldan 'das kyis tshigs su bcad de bka' stsal ba/ chos rnams rang bzhin rnam dag pas/ /dngos po med pa'i 'du shes bsgom/ /byang chub sems dang rab ldan pas/ /snying rje chen po'i 'du shes bsgom/ /rang bzhin mi dmigs 'od gsal bas/ /mi dmigs pa yi 'du shes pa sgom/ /dngos po thams cad mi rtag pas/ /dngos po tsa la'ang mi chags bsgom/ /sems ni ye shes 'byung ba'i rgyu/ /sangs rgyas gzhan du ma tshol cig /ces gsungs te/ chos thams cad rang bzhin gyis rnam par dag pa'i phyir dngos po'i mtshan nyid du yod de/ mgo ba dngos por 'du shes skyod pa ni skyes bu glen pa gang zhig
- 204a
smig rgyu'i tshul khrus bya ba dang/ btung bar 'dod pa bzhin te/ byang chub sems dpas de ltar mi blta'o/ /de ltar yang langkar gshegs pa las/ sems bslu ba yi smig rgyu ba/ /ji ltar dpyid ka g.yo ba ni// ri dags rnams ni chur 'dzin te/ /de la dngos po yod pa min/ zhes gsungs pa lta bu'o/ /don dam par na byang chub kyi sems gdod ma nas ma skyes pa'i phyir de ltar ma rtogs pa'i 'gro ba rnams la sgyu ma'i skyes bu la sgyu ma'i skyes bu gzhan gnyis pa snying rje bskyed pa ltar snying rje chen po bsgom par bya ste/ de ltar yang langkar gshegs pa las/ /sgyu ma rnam par mdzes gyur kyang/ /sgyu ma de ni med pa ste/ /chos kyi rang bzhin de bzhin no zhes gsungs te/ de ltar bsgom na dmigs pa med pa'i snying rje skye ste/ snying rje'i mchog yin no/ /de ni rang bzhin gyis gsal bas nam mkha' i ltar dmigs su med pa'i phyir rang gi rnam par rtog pa tsam las logs na grub pa'i dngos po med pa bzhin du byis pa rmongs pa rnams mo gsham gyi bu dang/ rmi lam lta bu la 'dod chags pa ltar byang chub sems dpas zhen pa'i chags pa mi bskyed do/ /de yang langkar gshegs pa las/ rnam par rtog las bud na ni/ /'dus byas 'dus ma byas med na/ /rmi lam mo gsham bu bzhin du/ /byis pa phyogs bslad 'dzin par byed ces gsungs so/ /sems rnam par rtog pa'i dri ma dag pa nyid yang dag pa'i ye shes zhes bya ste/ de nyid sangs rgyas zhes bya yi/ mtshan dang dpe byang kyis brgyan pa'i/ gzugs kyi sku ni de lta ma yin no/ /de ltar langkar gshegs pa las /mngon par 'du byed mtshan rnams kyis/ /sangs
- 204b
rgyas mtshan ldan ma yin te/ /de dag 'khor los sgyur yin bstan/ /des ni sangs rgyas mi brjod do/ /sangs rgyas mtshan ni ye shes te/ lta ba'i nyes pa rnam spangs pa/ /so so rang rig lta ba rtogs/ /nyes pa so sor rnam joms pa'o zhes gsungs so/ /'o na sangs rgyas des 'gro ba'i don ji ltar mdzad snyam pa la/ yang langkar gshegs pa las/ nyi ma zla ba me yi 'od/ /de bzhin 'byung ba nor bu rnams/ /rnam pa mi rtog shin tu 'byung/ /de bzhin sangs rgyas sangs rgyas nyid/ ces gsungs pa lta bu'o/ /'jug bsdu ba'i phyir/ bcom ldan 'das kyis de skad ces bka' stsal pa dang/ byang chub sems dpa' nam mkha' i snying po la sogs pa 'khor thams cad rab tu dga' nas bcom ldan 'das kyis gsungs pa la mngon par bstod do/ zhes pa go sla bas mi bshad do/ /shes rab dang ldan gang dag cig /'khor gyi rgya mtsho skad cig gis/ /sgrol byed mdo sde 'di bshad pas/ /'gro kun rang sems rtogs par shog /'phags pa 'da' ka ye shes kyi mdo'i rnam par bshad pa/ slob dpon pradz+nyA sa mu dras mdzad pa rdzogs so// //`? 'phags pa 'da' ka ye shes zhes bya ba theg pa chen po'i mdo'i 'grel pa zhi ba lhas mdzad pa bzhugs// // rgya gar skad du/ Arya a ti dz+nyA na/ mahA yA na sU tI brit+ti/ bod skad du/ 'phags pa 'da' ka ye shes zhes bya ba theg pa chen po'i mdo'i 'grel pa/ sangs rgyas dang byang chub sems dpa' thams cad la phyag 'tshal lo/ /rang gzhan don grub dri med blo ldan pa/ /sku gnyis ldan pa'i 'dren pa de la phyag 'tshal nas/ /chos nyid don gsal 'da' ka ye shes kyi/ /don gsal phyir ni 'bad pa chen po bya/ /'di skad bdag gis thos pa dus gcig na zhes bya ba la
- 205a
sogs pa gsungs te/ de la nyan thos pa kha cig gis log par rtogs bsal ba'i ched du tshig gi cha rnam pa bzhi dang ldan par bshad pa'o/ /bcom ldan 'das 'og min lha'i rgyal po'i khang bzang na bzhuD te zhes bya ba la sogs pa gsungs te/ bcom ldan 'das ni nyon mongs pa dang nye ba'i nyon mongs pa thams cad bcom pas so/ /ldan pa ni yon tan drug dang ldan pas so/ /'das pa ni 'khor ba dang mya ngan las 'das pa gnyis ka la mi gnas pa ste/ mngon par rtogs pa las kyang/ tshu rol pha rol mdza' la min/ /de dag par ni mi gnas shing/ /dus rnams mnyam pa nyid shes pas zhes bshed yang/ 'khor ba dang ni mya ngan 'das/ /'di gnyis yod pa ma yin te/ /'khor ba yongs su shes pa la/ /mya ngan 'das zhes brjod pa yin/ zhes gsungs pas na bcom ldan 'das so// kha cig ni/ ma rig gnyid las sangs phyir dang/ /blo rgyas phyir na sangs rgyas zhes pa rang yang mtshungs so/ /yang na bcom pa ni bdud la sogs pa bzhi bcom pa 'am/ ldan pa yon tan dang ldan pas so/ /des ston pa bshad nas gnas ni 'og min ces pas te 'og min gyi gnas stug po bkod pa'i zhing khams de las lha'i rgyal po rtog pa dang bral ba'i lha bzhugs pas na de'i khang bzang ngo/ /bzhugs pa'i spyod lam gyis so/ /yang na mnyam par bzhag pas zhes 'chad do/ /chos ston pa dang rnam par dkar ba'i chos gzhan ston pa la zhu ba po rten gyi gang zag bstan pa'i phyir yang de'i tshe byang chub sems dpa' sems dpa' chen po nam mkha' i snying pos so/ /de la ston pa dag pa bcom ldan 'das longs spyod rdzogs pa'i sku dang ldan pas gnas 'og min du zhu ba po dag pa byang
- 205b
chub sems dpas zhus pas de kho na nyid zung 'jug la sogs pa sngags kyi don du 'grel pa yang yod do/ /zhus pa'i tshig ni btsun pa bcom ldan 'das la byang chub sems dpa' nam 'chi ka ma'i sems ji ltar blta bar phyi zhes gsol ba dang zhes bya ba smos te/ de la bcom ldan 'das la sogs pa ha cang spros pas chog go /byang chub sems dpa' zhes pa ni/ /byang chub nam mkha' i mtshan nyid de/ /rtogs pa thams cad spangs phyir ro zhes bshad pa nas/ gtong ba che dang blo che ba dang mthu che dang/ /rgyal ba rnams kyi theg chen mchog la zhugs pa dang/ go cha chen po bgos shing bdud kyi sgyu 'dul ba/ /de yi phyir na sems dpa' che zhes rab tu brjod ces gsungs phas chen po'i don yang de yin te/ sems can gyi don la dpa' paS so zhes kyang bshad/ 'phags pa ni las ? dang nyon mongs pa las ring du gyur pas 'phags pa ste/ rten cing 'brel bar 'byung ba'i rtsibs bcom pas so/ /de nas arha ta kyi sgra las bshad do/ /ming gis mtshon nas nam mkha' i snying pos chos rtags kyi phyag rgya bzhi yis rgyas thebs pa'i sems can gyi nam 'chi ba ste/ mi rtag par gyur pas rten cing 'brel bar 'byung ba yan lag bcu gnyis su 'khor ba'i sems can des mi rtag pa de srog 'joms pa 'chi ka ma rgyal po las gdams pa'i mdo la sogs pa las byung ba'i dus su sems ji ltar blta bar bya zhes zhus pa dang/ bcom ldan 'das kyis bka' stsal pa/ nam mkha' i snying po khyod kyis nga la zhus pa de legs te yid dang ba'i sgo nas nyon cig /nges legs par bshad par bya yis zhes bka' stsal to?/ thog ma nas rang gi sems ma rtogs pas 'khor bar 'khyams pas na de la skye rga na
- 206a
'chi rnams dang bral ba mi srid de/ rten cing 'brel ba'i chos las ma 'das pa'i phyir ro/ /de'i phyir na skye rga na 'chi dang 'bral bar 'dod pas 'da' / /di? ye shes lhun gyis grub pa spros pa dang bral ba de bsgom par bya'o/ /dus las mtshon nas nams chi ka ma'i tshe bsgom par bya'o/ /de yang bya ba sgrub par byed pa la/ /brtun pas 'grub pas skyes bu dang mgo la me shor ji bzhin no zhes gsungs bas rab tu bsgom par bya'o zhes gang sgom pa'i dngos po dang bcas par bstan nas/ da ni de dag gi ngo bo nyid spros pa dang bcas pa 'chad par 'dod nas/ dri bas 'da' ka ma'i ye shes zhes bya ba de gang zhe na zhes dris pa dang/ de la zhes yul du byas te ye shes bsgom pa de'o/ /ji ltar bsgom na/ chos thams cad rang bzhin gyis rnam par dag pas na dngos po med pa'i 'du shes rab tu bsgom par bya'o zhes bya ba ni/ chos thams cad ces pa ni grangs kyi dang dngos po'i thams cad de la lus pa'o/ /chos ni mtshan nyid 'dzin phyir chos zhes bya zhes gsungs pas khyab par bya ba'i khyab bya la ma khyab pa med pas na chos thams cad rang bzhin nam ngo bo nyid kyi rnam par dag pa ste/ dkon brtsegs las/ chos rnams thams cad rnam dag ste/ /nyes skyon la sogs dmigs pa med/ /de bas rang bzhin ngo bo la/ /dngos sogs 'dzin pa ga la srid/ ces gsungs pas na ral dang spyi'i chos de thams cad dngos po med pas don ngo bo nyid kyis stong pa brjod du med pa'i gsal snang ngo bo nyid las 'das par bshad do/ /de'i phyir na/ nam mkha' mthong zhes sems can tshig tu rab brjod pa/ nam mkha' ji ltar mthong ste don?
- 206b
'di brtag par bgyi/ /de ltar chos mthong ba yang de bzhin gshegs pas bstan ces dpe don sbyar ba yang bshad do/ /des dngos po don mtshan nyid la gnas pa bshad nas gang zag las bltos pa bstan pa'i phyir rgya chad pa med pa bstan pa'i phyir kun rdzob la rgyu 'bras la gnod pa med pa spong ba'i phyir/ chos thams cad byang chub sems su 'dus pas na snying rje chen po'i 'du shes rab tu bsgom par bya'o zhes bya ba gsungs te/ gang zag shes rab shas chung ba blo tha ma la bslab pa rnams las bltos nas snang ba 'di med pa ma yin te/ chos thams cad kyi rtsa ba gzhan la mi gnod pa khyad par du byas par theg pa rnam gnyis kyang khas len par snang na de las 'di rab tu mi gnas pa don gsal stong bar gnas pas nas/ stong pa kho na yang min te/ stong nyid snying rje'i snying po can zhes bshad/ theg pa gong ma rnams mi gnod pa tsam yod pas min/ phan 'dog dang bcas par gnas pas theg pa rin chen gsal las kyang/ byang chub sems la rab gnas na/ /stong nyid la sogs thag mi ring/ /thabs dang shes rab zung 'brel na/ /spyod tshul gang ltar gnas kyang ste/ /kho na nyid la 'gyur ba med ces gsungs pa dang/ dbu ma de kho na nyid las/ snying rje'i yul du sems can te/ /de rgyu byang chub sems las byung zhes pas na 'gal ba med pa dang/ bslab btus las kyang/ byang chub tu yang bla brten bya/ zhes gsungs pas na gang mdza' gnyis su mi ltung bar bya ba'i ched du gsungs so/ /de'i phyir na sngon gyi slob dpon rnams kyang mthu? gnyis las ma bltos pas 'jug par bya zhes gsungs so/ /des na tshig don ni rtogs sla bas ha cang ma spros so/ /des chad lta la sogs pa rnam par bkag nas /da ni dngos kyi don snang ba thams cad kyi rigs don la bsgom pa mdzad?
- 207a
pa ni/ chos thams cad rang bzhin gyis 'od gsal bas ni mi dmigs pa'i 'du shes bsgom par bya'o zhes bstan pa ste/ de yang rang la snang ba'i chos 'di thams cad ngo bo nyid la rtog pa dang bral bas sgrib byed med de/ dper na nam mkha' rang bzhin gyis dag pa bzhin no/ /de bas na ches thams cad 'od gsal bas te/ dper na nyi ma'i 'od zer bzhin no/ /de la gcig na re khyed kyi dpe la gnod pa yod de/ nam mkha' dag pa la nyi ma snang ba la 'od zer gsal kyang sprin la sogs pas sgrib g.yogs yod na mi gsal ba bzhin dpe ma grub ste/ gnod do zhe na/ nges mi gnod de/ nyi ma'i 'od zer la ni nam yang sgrib g.yogs yod pas mi gsal ba dang med pas gsal ba la sogs pa dang ste spyi sems can gyi snang ba la snang ba'i phyir ro/ /des na chos rnams kyi rang bzhin la 'od gsal ba sgrib pa med pa dang mi gsal pa sgrib bcas med pas na sems can gyi snang ba la yin te/ nyon mongs pa'i sgrib pa la sogs pa bsal bas kyang chos kyi ngo bo nyid la gsal ba med la/ sgribs pas mi gsal ba med par yang dbu ma rigs pa brtag pa las/ chos kyi dngos po gnas pa las/ dus dang che chung gsal mi gsal/ /'byed par gyur pa'i gang zag de/ /da yi 'khor du ji ste rigs/ /de bas 'od gsal stong pa yin zhes bshad do/ /des na dngos po la dmigs pa med pa snang tsam nyid na stong pas na yul mi dmigs de 'dzin pa'i shes pa mi dmigs pas na dmigs bya dmigs byed gnyi ga la grub pa gnas med pa'i phyir mi dmigs pa'i 'du shes rab tu bsgom par bya'o/ /de yang skabs kyi tshig gis bsgom pa'i dngos po nges 'chi kha ma'i che zhes thams
- 207b
cad la sbyar bar rig par bya'o/ /'o na gal te 'chi kha kho nar bsgom gyi gzhan du ma yin nam zhe na/ de'i rgol ba la skabs med de/ 'chi kha zhes pa ni dngos po dang dus las nges par gzung ba med do/ /dbu ma sgrub pa chen po las/ /mi rtag 'gyur la gnas dang dus/ /gang 'di yod par ngas ma mthong/ /de bas skyes pa kho na nas/ /'chi bdag kha na gnas pa yin zhes slob dpon klu sgrub kyis gsungs pa dang/ nam zhig sangs rgyas ma gtogs par/ /mi rtag la sogs gnas pa yin zhes pa dang/ yang slob dpon klu sgrub kyis rang la 'chi ba'i dus nges pa med pas thar pa'i don du 'bad pa ni brtson 'grus chen po dang ldan pas bya'o/ zhes gsungs pas na 'chi kha ma zhes rgyal po la gdams pa'i mdo sogs ni dpe tsam yin te skyes nas 'chi kha ma yin pa'i phyir ro zhes 'chad do/ /kha cig ni rgol ba la 'dod pas sgrub pa yang snang ste bsgom pa la 'chi khar bsgom pa yang rtog pa med ces 'chad do/ /'di ni don te 'chi kha'i gnas skabs na sdug bsngal gyi tshor ba la sogs pas gzir bas skabs su sems la ting nge 'dzin mi skye ba dang/ theg pa tshal zhugs pa de/ /ji srid gson par las grub nas/ /'chi ba'i dus su dga' bas 'gro zhes gsungs pas na 'chi kha ma ni skyes tsam nyid na 'chi kha mar gnas pa yin no zhes 'chad pa bzang ngo/ /rang ni rang bzhin gyis stong pa'am gnas pa'i don bshad nas re zhig phyi nang gi nye du dang nor rdzas la sogs pa la yang chags par mi rigs par ston pa ni/ dngos po thams cad mi rtag pas na ci la yang mi chags pa'i 'du shes rab tu bsgom par bya'o zhes bya ba la sogs pa gsungs te/ de la dngos po ni phyi brtan par snang ba thams cad dang/ nang g.yo bar snang ba snod
- 208a
bcud thams cad kyang mi rtag ste/ 'dus byas thams cad mi rtag pa zhes pa dang/ dngos po la sogs rtag par ngas ma mthong/ /de bas chags pa'i blo ma 'jug ces pa dang/ skabs dang sbyar na dbu ma rigs pa brtag pa las /gang la chags pa de nyid spang/ /des ni 'ching bar 'gyur ba'i phyir/ /khyad par du dang bu mo sogs/ /spang ba'i yul du bya bar rigs zhes bshad pas na/ gnas skabs brdzabs? na de la chags pa'i gnas med pas nam yang chags par mi bya ste/ de'i gnas skabs ni mi rtag pa'i rnam par ngo bo nyid la gnas bas bya ba med de/ des na tshogs pa med/ nang sems can dang/ phyi ya byed la yang chags pa med par ? zhes bstan pa'i don no/ /de yang blo rab 'bring gi bye brag gis gzhan la btang ba mi dmigs pas zin pa'i ma chags pa dang/ dngos po la ma chags kyang de'i 'dod pa'i yul la chags pa dang ma chags pa 'dra yang ? med kyi rgyas mjigs? pas ma bral ba'i blo can gyis rim par bzhin rlo? ? snang bar mkhas pas bshad pas na 'dir ni dngos po yul gang zag thams cad la mi dmigs pas shes rab dang ma bral par gnas pas ma chags pa'i gci? ba 'am mchog yin? las na skabs don yang de yin par rigs par bya'o/ /de las gzhan par bstan bcos rnam gnyis la sogs pa'i rang bzhin ni btang ba dang ldan pa'i chags pa'i chags pa med pa ma yin pa'i phyir na/ slob dpon klu sgrub kyis/ /chags pa'i yul la dngos med par/ /de la chags pa skye pa de/ /rigs sam gal te ri bong rwa/ /de la'ang chags ba skye bar rigs/ zhes gsungs pa dang mthun pas na chags pa med de mi rtag par gnas
- 208b
pas zhes skabs don dang yang sbyar ro/ /'du shes ni de la thabs kyis gnas pas na bsgom pa 'am de la dngos po de gnas pas na de'i khyab pa sgrub pa'i tshul du bya'o zhes bshad do/ /brten pa dang brten du rgyu tshogs pas 'bras bu 'gyur ba de'i phyir 'dir yang de kho na bzhin 'byung dam snyam na re zhig dam pa'i don la de mi snang ste/ sems rtogs na ye shes yin pas na sangs rgyas gzhan du mi btsal ba'i 'du shes bsgom par bya'o zhes gsungs te/ de'i dngos po ni nyan thos pa dang/ sems tsam pa dang/ dbu ma la sogs pa'i lta ba dang bstun na yang sems tsam pa yin par shes pa kha cig ni yod par mngon pas na de ni ma yin te/ sems rtogs na zhes pa ni don ni rtogs par bya ba'i ye shes sam sems de gang yang med pas na sems rtogs na zhes bshad pas 'gegs pa'i na 'am/ yang na sems rtogs na zhes pa ye shes la snang ba'i sems rtogs na de kho na ye shes yin pas na ye shes yin pa'o/ zhes 'chad pas na nyan thos la sogs par gnas pa med do/ /des na mdo sde las kyang/ sems nyid ye nas med pa la/ /de la rtogs pa'i blo mi 'jug/ ma zhugs pa de de shes yin/ /de shes ye shes bla na med ces gsungs pa yang snga ma'i khungs su 'gro'o/ /dkon brtsegs las kyang/ 'od srung sems ni yongs su btsal na mi rnyed do/ /gang mi rnyed pa de mi dmigs pa yin pa'o/ /gang mi dmigs pa de 'dus pa 'am/ da ltar ram/ ma 'ongs pa ma yin pas na/ zhes rgya cher gsungs so/ /yang sems gang gis yongs su rtog pa de yang stong ba/ yongs su rtog pa de yang stong pa zhes bya ba la sogs pa gsungs pas na dngos po rtogs rgyu med pa zhes bshad/ de rtogs pa la ye shes bla na
- 209a
med pa zhes bya ste/ sangs rgyas gzhan nas bcal bya ma yin te/ btsal bya yin na sems can tha dad pa'i skyon yang gnas pa'i phyir ro/ /de bas na gzhan na btsal bya med ces bya ba rtogs pa'i mdo las kyang/ 'di cam snang ba log pa la/ ye shes bla na med pa yin/ /de phyir sangs rgyas sgra tsam zhig/ gzhan du btsal lam dngos 'dzin min/ /sgra la btsal bar bya min te/ /rtogs pa de nyid rang la yin/ zhes gsungs so// de bas na rnam par rtogs pa goms pas gnas pas ma rtogs pa de la tha dad par rtogs pa ni mdza' gnyis ma spangs pa'i gang zag tu shes par bya'o/ /tshig gi go cha dang pos ni don snang ba'i rang bzhin la/ gnyis paS ni kun rdzob dang bstun no/ /de'i 'og mas ni stong pa dang bstun la/ /de'i 'og mas ni rnam par rtog pa dang bstun no/ /de'i 'og mas ni mthar thug la gzung 'dzin la mi dmigs pas na sangs rgyas ba la dus dang snga phyi dang/ che chud dang bzang ngan med de/ dper na mar me mdzad dang da ltar gyi sems can tha mal pa la yang khyad med par mnyam pa nyid du gnas pa yin no zhes ngo bo nyid la gnas pa'i don bshad pa yin zhes mkhas pa yan chad gsung la/ kho bos kyang de la sems pa phra ba skyes pa 'di brjod pas kha cig skrag pa dang dngang ba la sogs pa'i yul can la 'di ni bstan par bya ba ma yin te/ gsang ba'i le'u dang po las/ /gang la chos nyid gnas pa de/ /legs par rtogs dang de la mos/ /de la cung zhig sbyin par bya/ de las bzlog la de mi sbyin zhes gsungs pas de ni dam pa'i don la gnas pa'o zhes 'chad par 'gyur ro/ /de pas de dag
- 209b
ge bsdu ba'i tshigs su bcad pa ne/ bcom ldan 'das kyis tshigs su bcad de bka' stsal pa zhes bya ba la sogs pa nas sangs rgyas gzhan du ma tshol gyi bar gyis don bsdus nas nam mkha' i snying po la yid gzung ba'i phyin? du bskyar ba 'am brtan pa'i tshul du bstan pa ste/ de ni bsdus pa'i khyad par las don la khyad par med de zhes 'chad pas na yang dag par rdzogs pa'i sangs rgyas kyis gsungs pa dang 'khor rnams dga' ba skyes pa ni/ bcom ldan 'das kyis de skad ces bka' stsal nas zhes pa'o/ /'khor dga' ba skyes pa ni byang chub sems dpa' nam mkha' i snying po dang/ de la sogs pa'i 'khor lha ma srin sde brgyad la sogs pa rnams yi rang nas bcom ldan 'das kyis gsungs pa la yi/ rang bar gyur nas bstod pa la sogs pa mdzad do zhes 'chad do/ /bdag 'dra sdeb sbyor gsal ldan ma yin kyang/ don la mos pa'i gang zag rang pas dman pa dang/ chos nyid mthong la log par rtog pa ci yod kyi/ /don du bdag gis byas pa yin/ /de las byung ba'i dge ba des/ /bdag dang mdza' yas ma rig pa/ /mi mthun shes rab kyis 'joms shog /don la mos pa mdza' gnyis med par shog /'phags pa 'da' ka ye shes kyi mdol? don gsal ba zhes bya ba/ slob dpon zhi ba ltas mdzad pa rdzogs so// //rgya gar kyi mkhan pa b+ha? rma rA dza dang/ bod kyi lots+tsha ba 'phags pa shes rab kyis bsgyur ba'o// //? byang chub kyi ltung ba bshags pa'i 'grel pa 'phags pa klu sgrub kyis mdzad pa bzhugs// // */ /rgya gar skad du/ bo d+hi pa t+ti de sha na brit+ti/ bod skad du/ byang chub kyi
- 210a
ltung ba bshags pa'i 'brel pa/ 'phags pa 'jam dpal la phyag 'tshal lo/ /bcom ldan 'das shAkya thub pa la phyag 'tshal lo/ bde gshegs gang zhig me rtog thugs chud rtog med thams cad mkhyen/ /thugs rje chen pos 'gro don mdzad pa'i go tam phyag 'tshal nas/ /byang chub sems dpa' i ltung ba dag byed byang chub ltung bshags ni/ /sems can kun la phan phyir lung dang man ngag gis bshad bya/ /rnam pa thams cad mkhyen pa'i sangs rgyas bcom ldan 'das sku gsum dang ldan pa'i sangs rgyas shAkya thub pas sems can thams cad kyi don du dam pa'i chos mang po gsungs pa thams cad bsdus pa ni lung gi chos gsung rab yan lag bcu gnyis su 'dus te/ de'i nang nas mdo'i sde zhes bya bar 'di 'gyur la/ bcu gnyis po yang bsdus pas sde sned gsum ste/ de las 'di ni mdo sde zhes bya bar yang 'gyur la/ gtso bor ni theg pa chen po'i 'dul ba yin te/ gzhi dang yan lag gnyis ka ston pa'i phyir ro/ /de la sngon byung ni byang chub sems dpa' ltad mo can la sogs pa las dang po pa so lngas rgyal po'i khab tu bsod snyoms la byon pas chab 'tshong ma'i bu 'og tu shi ba'i ltung ba bshags pa'i don du 'phags pa nye bar 'khor la bskul te bcom ldan 'das kyis gsungs pa'o/ /rjes su 'jug pa ni byang chub sems dpa' i rigs can gyi lam gyi yan lag tu 'gyur ro/ /yang na rgyal po'i khab kyi bram ze kham pa skyes zhes bya bas nya pa so lnga la lam log pa bstan pa nya mgo so lnga par gyur pa'i don du yin no zhes la la nas bshad de/ de ni dkon mchog
- 210b
brtsegs pa'i gzhung ma yin no/ /de nyid bshad pa ni dgos pa la sogs pa bzhir shes par bya'o/ /de dag gang zhe na/ dgos pa'i don la ni rnam pa lnga ste/ brjod bya ni byang chub sems dpa' i ltung ba dang de 'dag pa'i thabs so/ /rjad? byed ni gzhung 'di dag go/ dgos pa ni ltung ba de dag par byed pa'o/ /dgos pa'i yang dgos pa ni nges sangs rgyas nyid 'thob pa'o/ /'brel pa ni thabs dang thabs las byung ba ste shugs kyis bstan pa'o/ /bsdus pa'i don ni phung po gsum mam/ bdun dag pa 'am/ yang na stobs bzhi kho na yin no/ /zhar la rgal lan la sogs pa gsum yang shes par bya'o/ /man ngag ni mngon par rtogs pa ste/ mtshams med pa la sogs pa byas pa chen pos ni/ bar ma chad par shin tu 'gyod pas stobs bzhi po 'dis zla ba 'am lo la sogs par yan lag lnga sa la gtugs shing bshags pas dag pa'i mtshan ma 'byung zhing dag par 'gyur ro/ /bar pas ni thun drug tu zla ba drug tu'o/ /tha mas ni thun gsum du zhag bdun du'o/ /ltung ba byung gis dogs pa la ni chos kyi yan lag gcig gis so/ zhes bya ba mi man ngag gi don yin no/ /'o na 'di na bdag gis thos pa la sogs pa dang po dang tha ma med pas bka' ma yin no zhe na/ de ni ma yin te 'phags pa dkon mchog brtsegs pa chos kyi rnam grangs stong phrag brgya par gleng gzhi la sogs par 'di dag thams cad gsungs pa'i phyir ro/ /'di ni de'i nang nas dum bur bton pas de med pa la 'gal ba ci yang med do/ /'o na ltung ba'i dngos gzhi med par bshags pa de mi shes so zhe na/ de ni 'di'i dang po dang mjug? go/ sangs rgyas sum cu so lnga kho? nar nges pa ni sngon gyi gdul byas so lnga'i don dang sangs rgyas nye ba la dgongs pa ste/ gzhan ma byon zhing phyag mi 'tshal ba ni
- 211a
ma yin te/ 'di'i 'og nas de dag la sogs pa gsungs so/ /phyogs chad pa ni med de/ sprul pa'i sku sku tshe ring ba dang de ltar bzhugs pa don mdzad pa 'di'i phyogs bcu na brten pa ste phyogs bcu zhes bya'o// 'das pa dang ma 'ongs pa'i sangs rgyas ni dbang por ma bzhag ste/ kun rdzob la 'gal ba'i phyir ro/ /kun la de bzhin gshegs pa med la gzhi smos pa ni don gyis shes par byas la blos dmigs pa ste/ bsnan na ni bka' las 'da' bar 'gyur la/ tshig bsdus nas bstan pa'i phyir ro/ /stobs bzhi kho nas sdig pa 'chags pa ni sangs rgyas kyi chos bzhi bstan pa dang/ ma skyes dgra'i 'gyod pa bsal pa'i mdor de bzhi shin tu bsngags pa yin no zhes bya ba ni byang chub sems dpa' gnyis la gdams pa'o/ /de la chos 'di ci zhe na/ 'phags pa nye bar 'khor gyis zhus pa zhes gsungs te/ de'i tshe bcom ldan 'das kyi nye ba'i nye gnas la 'dul ba'i bka' sdud pa por gtad pas dgra bcom pas zhus pas so/ /'dul ba btan la dbab pa ni theg pa chen po ba'i ltung ba'i gzhi la sogs pa 'dis gtan la 'bebs pa'o/ /de ni bye brag pa yin la/ sbyi ni dkon/ mchog brtsegs pa zhes smos so/ /'di la phung po gsum po zhes gsungs te/ phyag 'tshal ba 'am bshags pa la sogs pa bsod nams kyi phung po dpag tu med pa la sogs te/ phung po gsum pa chung du yin la/ chen po ni ma yin no/ /byang chub kyi ltung ba bshags? pa zhes pa la/ byang chub ni byang chub chen po'i rgyu ste/ de la sems dpa' zhes bya ba lhag ma'o/ /yang na byang chub las nyams pas na byang chub kyi ltung ba zhes gsum
- 211b
par sbyar ro/ /de yang byang chub sems dpa' las dang po pa dang/ mos pas spyod pa la gnas pa ste/ sa dang po la sogs pa'i byang chub sems dpa' ni ma yin par shes par bya'o/ /de'i ltung ba ni de byung na ngan song du 'gro ba ste/ de yang ltung pa dang/ sbom po dang/ pham pa dang/ nyes byas dang/ nyes pa med pa dang/ phra mo'i rim pa mdo 'di'i stod dang gzhan las shes par bya la/ bshags pa'i thabs ni rgyas par/ mdo 'di'i mjug nas shes par bya ste/ 'di ni ltung ba de'i dag byed 'ba' zhig yin no/ /de dag byung na bshags pa ni dag par byed pa'o/ /de yang gnyis te don dam gyi bshags pa ni 'gyod pa bsal ba'i mdo ltar chos thams cad rang bzhin med par yid la bya ba ni bshags pa chen po ste/ drang por 'dug la yang dag ltos/ /yang dag nyid la yang dag lta/ /yang dag mthong na rnam par grol/ /de ni bshags pa chen po yin zhes gsungs so/ /kun rdzob kyi bshags pa ni stobs bzhis 'gyod pa dang bcas pa'i shes pas phyag 'tshal ba la sogs pa thams cad bya ba ni sgyu ma lta bu'i blo dang ldan pas bshags pa ni chung du'o/ /de lang dang por 'di zhus pa'i tshe bcom ldan 'das kyis byang chub sems dpa' de dag gi don du 'od zer gyis 'di nas ltos pa'i phyogs bcu'i sangs rgyas sum cu rtsa bzhi dang/ de dag la sogs pa mang po spyan drangs te/ 'dir nam mkha' la bzhugs pa la byang chub sems dpa' rnams kyis 'gyod pa dang bcas pas mchod cing sems bskyed nas skyabs su song ste/ phyag 'tshal nas sdig pa bshags pa la sogs pa lan cig byas pas sdig pa thams cad dag ste sa dang po la sogs pa la gnas par gyur to/ /de'i rjes su zhugs pas ni gnas dben par maN+Dal dang? /mchod pa dang 'di rnams kyi bris sku la brten
- 212a
te/ bla ma'i man ngag gi sems bskyed pa la sogs pa byas la bshags pas sdig pa thams cad dag par 'gyur la/ 'bras bu yang dag par rdzogs pa'i sangs rgyas 'thob par 'gyur ro zhes bya ba ni 'di'i tshul lo// de la bshags pa'i thabs dngos la/ dang po rten gyi sgo nas sdig pa bshags pa ni/ bdag ming 'di zhes bya ba zhes bya ba la sogs pas gsungs so/ /de la rten sangs rgyas sum cu rtsa lnga la sogs pa la mchod pa byas te byang chub kyi sems rnam pa gnyis bskyed pa 'dir shes par byas la/ de nas skyabs su 'gro ba ni gnyis pa'o/ /de la bdag ming 'di zhes bya ba ni/ sbyir btang yang dmigs kyis bdag gi tha mal pa'i ming che ge mo zhes brjod par bya ste/ dper na 'jigs sde'i nang nas 'jigs byed chen po zhes bya ba lta bu'o/ /gzhan du na bdag tu ma zad de dge ba'i bshes gnyen ni bdag la phan 'dogs pa'o/ /pha ma ni phan 'dogs pa'i zhing ngo/ /sems can mdza' yas pa ni nam mkhas khyab pa'i sems can te bdag gis phan gdags pa'i yul lo/ /de dag dang bcas par skyabs su 'gro ba'o/ /gang la zhe na/ sangs rgyas la sogs pa la'o/ /gang gis zhe na/ ngag dang yid kyi te skyabs su 'gro ba'i ngo bo la sogs pa yang shes par bya'o/ /de la sangs rgyas ni ston pa dang 'bras bu ste/ sku gsum gyi bdag nyid can la/ bdag skyabs su 'gro ba ni de la bla gtod pa'o/ /'dir/ phyag 'tshal ba ni lus dang ngag dang yid kyis te de ltar nges par 'gro'o zhes pa'o/ /de bzhin du/ chos ni bstan pa dang lam mo/ /de yang lung dang rtogs pa dang don dam pa ste rgyu dang 'bras bu'i bdag nyid do/ /dge 'dun ni/ sgrub pa po dang rten te mi phyed pas na dge 'dun no/ /de yang byang chub sems dpa' dang
- 212b
nyan thos dang rang sangs rgyas te 'dir byang chub sems dpa' i dge 'dun phyir mi ldog pa'i dge 'dun yin par shes par bya'o/ /de ltar rten gyi stobs bstan na/ da ni rnam par sun 'byin pas kun tu spyod pa'i stobs kyi sgo nas sdig pa 'chagS pa ni/ de bzhin gshegs pa zhes bya ba la sogs pa gsungs so/ /de yang sdig pa'i dngos po bshags pa'i yan lag tu sangs rgyas sum cu so lnga la phyag 'tshal pas sdig pa dang par gyur pa yin no/ /de la ma 'ongs pas ni/ sangs rgyas 'di dag bdag gi mdun du pad+ma dang seng+ge dang rin po che dang zla ba'i gdan la rab tu byung ba sprul pa'i sku mtshan dang dpe byad dang 'od dang ldan la/ sku mdog dang/ zhing dang/ phyogs dang/ mtshams dang/ chos gos la sogs pa dang/ phyag mtshan dang/ rdo rje'i skyil krung can 'khor mang po dang bcas pa 'og nas 'byung ba bzhin du dbus nas brtsams te phyogs bcur rim pa bzhin du bzhugs pa la dmigs te/ lus mang por sprul cing/ ngag sgra dang/ yid kyis mos pas zhabs la phyag 'tshal bya'o/ /yang na blo dman pas ni thams cad zhal gcig pa/ phyag gnyis chos 'chad pa 'am/ bsod snyoms la gshegs pa 'am /sa gnon pa la sogs pa'i phyag rgyar bsams te/ dkar po la sogs pa gang ltar mos par thams cad mnyam par bsam te phyag bya'o/ /'di dag ni bdag cag gi ston pa gtso bo yin la/ de ma gtogs pa rnams ni bskal pa mang por bzhugs pa yin par shes par bya'o/ /de la dang po mi mjed kyi bdag po dbus na bzhugs pa'i sangs rgyas de'i yon tan ni/ de bzhin gshegs pa zhes gsungs te/ sgra'i stobs las de bzhin nyid gsung ba dang/ rtogs pa dang/ de bzhin nyid du gshegs
- 213a
shing star? byon pa ste/ 'dis ni thams cad las khyad par du 'phags pa'o/ /dgra bcom pa ni nyon mongs pa dang shes byis sgrib pa'i dgra bsang pa'o/ /des ni byang chub sems dpa' las khyad par du 'phags pa'o/ /yang dag pa ni phyin ci ma log pa ste/ des ni 'khor ba dang theg pa dman pa las so/ /rdzogs pa ni tshogs gnyis dang bdag gzhan gyi don gyi sku gnyis so/ /sangs rgyas ni spangs pa dang ye shes kyi bye brag gis gnyis so/ /de gnyis kyis 'khor ba dang mya ngan las 'das pa'i gang zag thams cad las khyad par du 'phags bar bstan to/ /de'i mtshan nyid ni shAkya thub pa ste/ de ni ye shes dang nus pa dang/ yon tan no/ /de la ye shes ni shA ni ma lus pa'o/ /kya ni rtogs pa'o/ /mu ne ni gnyis su med par bsdams pa'o/ /thub pa ni shAkya'i rgyal po'i rigs yin la de don yod cing de las skyes pa'i gdug pa thub pa ste las so/ /yon tan ni shAkya ste khyad par du 'phags ba'o/ /de'i sku dang gsung dang thugs ba sdams pa thun mong ma yin ba ni thub pa'o/ /de la phyag 'tshal pa ni dad ba'i dad pas sgo gsum gyis phyag bya ba'o/ /'di yang dbus su gdan la/ ser po chos 'chad par bsam mo// snga ma ltar khyad par lnga? dang/ bshad pa gsum po ni 'og ma la yang shes par bya'o/ /ye shes la sogs pa ni dpe dang don gyis sgra'i stobs kyis tshang ba dang gnyis dang gcig la yang bshad par bya'o/ /steng nam mkha' i snying po'i zhing ni bzhugs pa sngon po rdo rje gnyis bsnams pa ni rdo rje snying pos rab tu 'joms pa'o/ /de la rdo rje ni rdo rje ltar rtog pa med pa'i ye shes so/ /snying po ni thams cad kyi skye gnas te yon tan no//
- 213b
las ni nyon mongs pa la sogs pa thams cad 'joms pa'o/ /rin chen 'od 'phro ni shar phyogs ri mchem yod pa'i zhing na dkar po rdo rje dang nyi ma bsnams pa bzhugs so/ /de la rin chen ni rin po che ltar stobs la sogs pa'i yon tan thams cad 'byung bas na yon tan no/ /ye shes ni 'ong de rang bzhin bsal bas mi shes pa'i mun pa med pa'o/ /'phro ba ni las te nges sems can thams cad kyi mi shes pa 'joms par byed pa'o/ /shar lho klu yis khyab pa'i zhing na klu dbang gi rgyal po ste sngon po/ /klu shing dang sgrul sngon po bsnams pa'o/ /de la ye shes ni klu ste bsil bar byed ba dang gdug pa ltar ye shes kyang nyon mongs pa dang bral ba dang mtshan ma gsod ba'o/ / dbang po ni las te nges thams cad la dbang sgyur ba'o/ /rgyal po ni yon tan te/ rgyal po ltar thams cad kyi nang na 'bar zhing mdzes la 'jigs pa dang bral ba'o/ /dpa' ba' i sde ni lho dpa' ba dang ldan pa'i zhing na ser po/ /po ti dang ral gri snyams? pa bzhugs pa'o/ /de la dpa' bo ni ye shes te 'gran zla med cing mi tshugs pa'o/ /yang na dpa' bo ni las te sems can gyi 'khor pa'i g.yul thams cad 'joms pa'o/ /yon tan ni sde lte yon tan gyi chags? mang po mnga' ba'o/ /dpa' bgyes ni lho nub dga' ba dang ldan pa'i zhing na/ dmar ser nyi ma dang pad+ma dmar po bsnams pa'o/ /de yang dpa' ni ye shes dang las te snga ma bzhin du shes par bya'o/ yon tan na dgyes? pa ste thugs rje chen pas sems can gyi don mdzad pa la thugs zhugs pa'o/ /nub snang ba dang ldan pa'i zhing na dmar bo/ /rin po che dang me'i dkyil 'khor bsnams pa ni rin chen me ste/ de la rin chen
- 214a
ni ye shes te rtog pa med par don 'byung ba'o/ /yang na yon tan ni rin chen te ting nge 'dzin dang 'jig rten las 'das pa'i phun sum tshogs pa thams cad 'byung ba'o/ /me ni las te ye shes dang brtson 'grus chen pos sems can gyi don mdzad cing nyon mongs pa la sogs pa bsreg pa'o/ /rin chen zla 'od ni nub byang 'od bzang po'i zhing na dkar po/ /rin po che dang zla ba bsnams pa'o/ /de la rin chen ni snga ma ltar yon tan no zla ba ni ye shes te ye shes rdzogs shing gsal la shin tu bsil ba'o/ /'od ni las te las dang nyon mongs pa la sogs pa bsal te don gyi chos nyid gsal bar byed pa'i/ /byang phyogs rnga sgra'i zhing na mthod ba don yod ljang gu sangs rgyas kyi spyan gnyis bsnams pa'o/ /de'i ye shes ni mthong ba ste ye shes ma bsgribs pa'o/ /yang na mthong ba ni yon tan te/ shes rab dang thugs rjes spyan gyis chos nyid dang sems can gyi don gsal ba'o/ /las ni don yod pa ste/ 'dis sems can thams cad mngon par mtho ba dang? nges par legs pa'i 'bras bu gdon mi za bar yod par mdzad ba'o/ /rin chen zla ba ni/ /byang shar 'od zer can gyi zhing ni dkar ljang/ rin po che dang zla ba bsnams pa'i sangs rgyas so/ /de'i yon tan ni rin po che'o/ /zla ba ni ye shes dang las te snga ma ltar shes par bya'o/ /'di'i 'og na thal bas khyab pa'i zhing na dri ma med pa ste dur kha 'am thal ba'i mdog can me long dri ma med pa gnyis bsnams pa bzhugs shing 'cho 'o/ /de la dri ma med pa ni ye shes te sgrib pa spangs pa'o/ /nus pa ni gzhan dri ma med par byed pa'o/ /stobs la sogs pa glo bur ba'i dri ma dang bral bas shin tu gsal ba ni yon tan no/ /de la snga ma ltar
- 214b
phyag 'tshal ba'o/ /de dag ni bcu tshan dang po'o/ /yang bcu tshan gnyis pa ni dpas sbyin zhes bya ba la sogs pa ste/ de la de'i yang steng gi phyogs na dpal dang ldan pa'i zhing na de bzhin gshegs pa dpas byin dkar po shing dpal 'bras kyi sdeng bu lo ma dang 'bras bu dang bcas pa bsnams pa bzhugs na sems can gyi don mdzad pa yin la/ 'dir steng du gdan la bzhugs par bsams te bdag gis phyag 'tshal ba byas pas sdig pa dag par 'gyur ro/ /de la dpa' ba ni gnyis su med pa'i ye shes kyis rtog pa thams cad 'joms pas so/ /yang na yon tan ni dpa' ba ste gzhan la phun sum tshogs pa thams cad dang bde ba thams cad thogs pa med par mdzad pa'o/ /sbyin pa zhes bas las bstan te/ khams gsum gyi sems can thaMs cad la ji ltar 'dod pa'i bya ba'am dgos pa sbyin pa'o/ /de la sgo gsum dang bas phyag 'tshal bar bya'o/ /shar phyogs sgrib pa dang bral ba'i zhing na dpal tshangs pa dmar ser pad+ma dang nyi ma bsnams pa'o/ /de la sgrib pa thams cad dang bral ba'i ye shes ni tshangs pa'o/ /yang na tshangs pa bzhin du sems can thams cad 'khor ba nas dag par byed ba ni ching? pa ste las so/ /yang tshangs pa ni rang nyid dad gzhan dag par byed pa'i yon tan tshad med pa mnga' bas na tshangs pa ste yon tan no/ /tshangs pas byin ni shar lho mya ngan med pa'i zhing na ser po zla ba dang pad+ma bsnams pa'o/ /de yang tshangs pa ni ye shes dang yon tan de snga ma dang 'dra'o/ /des sems can thams cad la dag pa'i bde ba sbyin pa ni las so/ /chu lha ni lho phyogs dri ma med pa'i nyid na sngon po/ chu'i dkyil 'khor na chos 'chad pa'i phyag rgya can no/ /de yang chu ni ye shes te shin tu dri ma med cing dang ba'o/ /yang na las ni thugs rje chen pos dam pa'i chos kyis sems can gyi rgyud brlan par mdzad pas na chu'o/ /lha
- 215a
ni yon tan te mthu dang rdzu 'phrul la sogs ba dang ldan pa'o/ /lho nub gsal ba'i zhing na dkar po/ /chu lha'i dkyil 'khor dang me long bsnams pa ni chu lha'i lha'o/ /de la chu ni ye shes te snga ma bzhin no/ /las ni lha ste rdzu 'phrul la sogs pas sems can thams cad kyi don mdzad pa'o/ /de'i yang lha ni yon tan no/ /dpal bzang ni nub phyogs bde ba can gyi zhing na bzhugs pa dmar po/ pad+ma dang dbag bsam gyi shing bu bsnams ba yin la/ dpal ni yon tan te bdag dang gzhan gyi don phun sum tshogs pa'o/ /bzang po ni ye shes dang las te/ ye shes shin tu mchog tu gyur ba dang/ gzhan mya ngan las 'das pa'i lam bzang pos mya ngan las 'das bar 'dren bar mdzad pa'o/ /nub byang dri bzang pos khyab pa'i zhing na sangs rgyas tsan dan dpal dmar ser tsan dan gyi sdong po dang dpal 'bras bsnams ba bzhugs pa'o/ /de'i ye shes ni tsan dan te/ ma rig pa la sogs pa'i gdung ba bsil zhing dag pa'o/ /yang na tsan dan ni yon tan te stobs la sogs pa'i yon tan chen pos thams cad du khyab pa'o/ /dpal ni las te snga ma bzhin du shes par bya'o/ /gzi brjid mdza' yas ni byang phyogs gzi brjid dang ldan pa'i zhing na dmar po nyi ma pa nyis bsnams pa 'khor med po dang bcas pa bzhugs so/ /de'i ye shes ni gzi brjid de gsal ba'i ye shes kyis gzhan gsal bar mdzad cing zil gyis gnon pa'i nus pa can no// mdza' yas ni las dang yon tan te sems can grangs med pa'i don mdzad ba dang/ gzugs can dang gzugs can ma yin pa'i yon tan dpag tu med pa dang ldan pa'o/ /byang shar don yod pa dang ldan pa'i zhing na 'od dpal dkar
- 215b
po/ /'od dkar pa'i dkyil 'khor bsnams pa bzhugs shing 'tsho skyong ba'o/ /de la 'od ni ye shes te/ nyi ma lta bu'i ye shes des ni rang dang gzhan gyi nyon mongs pa dang shes bya'i sgrib pa'i mun ba sel pa'o/ /dpal ni yon tan dang las te? snga ma ltar gnyis su shes par bya'o/ /mya ngan med pa'i dpal ni 'og gi phyogs sgrib pa dang bral ba'i zhing na sku mdog sngo skye shing mya ngan med pa bsnams pa bzhugs te/ de yang mya ngan med pa ni ye shes te 'khor pa las 'das shing sgrib pa thams cad dang bral ba'o/ /yang na las ni sems can thams cad kyi mya ngan ta sdug bsngal dang 'khor ba bral bar mjad pas na de dag med pa'o/ /dpal ni yon tan no/ /de la snga ma ltar sgo gsum dang bas phyag 'tshal bar bya'o de dag ni bcu tshan gnyis pa'o/ /yang bcu tshan gsum ba ni de'i yang steng gi phyogs na sred pa dang bral ba'i zhing na sred med kyi bu sngon po/ ri rab dang pad+ma'i phyag rgya can 'khor la chos 'chad cing sems can rnams la 'tsho skyong ngo// de yang sred med ni ye shes te rtog pa dang bral ba'o/ /las ni sred pa med pa ste sems can 'khor ba la chags ba dang bral bar mdzad pa'o/ /de'i bu ni sangs rgyas te de las skyes shing byams pa la sogs pa'i yon tan dang ldan pas na bu zhes bshad do/ /shar phyogs me tog char? rgyas pa bya ba'i zhing na ser po me tog ser po dang shing rtog dpal 'bras bsnamS pa'i sangs rgyas me tog dpal bzhugs te/ de'i yon tan ni mtshan la sogs pa rgyas shing mdzes pa dang /ye shes me tog ltar byas pa'o/ /dpal ni las te/ de bzhin du phun sum tshogs pa dang ldan par byed pa'o/ /shar lto tshangs pas khyab pa'i zhing na de bzhin gshegs pa tshangs pa'i 'od zer rnam par rol pa mngon par
- 216a
mkhyen pa dkar po pad+ma dang 'ong phung bsnams pa'o/ /de bzhin gshegs pa ni snga ma ltar te 'dir yang dgra bcom ba la sogs pa 'ang snga ma ltar blta'o/ /bar 'dir de bzhin gshegs pa gnyis bstan pa ni gong 'og la'ang shes par bya'o/ /de yang tshangs pa ste ye shes so/ /'od zer ni nus pa ste/ shin tu gsal zhing nus pa chen po dang ldan pa'o/ /rnam par rol pa ni las te/ rdzu 'phrul la sogs pas sems can gyi don mdzad pa'o thugs kyi ye shes kyi don bya'i thabs la sogs pa gsal bar rtogs pa ni mngon par mkhyen pa'o/ /lho phyogs pad+ma dang ldan pa'i zhing na de bzhin gshegs pa pad+ma'i 'od zer rnam par rol pa mngon par mkhyen pa dmar po pad+ma dang nyi ma'i phyag rgya can no/ /de la pad+ma ni ye shes te pad+ma nyes pas ma gos la ma chags shing rgyas pa'o/ /'od zer ni yon tan no/ /rnam par rol pa la sogs pa ni las so/ /lho nub nor bu yod pa'i zhing na no ra dpal dmar po dkar ba'i mdangs can phyag rgya rin po che gnyis can no de la nor ni ye shes te/ ye shes chen po mi zad pa dang/ nor bu'i yon tan dang 'dra ba'i yon tan chen po dang ldan pas 'dod pa thams cad bskang pa ni las so/ /yon tan ni dpal te gnyis so/ /nub phyogs gsal ba dang ldan pa'i zhing na dran pa'i dpal ser po po ti dang ral gri can no/ /de la dran pa ni ye shes te/ ye shes chen po mi brjed pa'i gzungs dang ldan pa dang/ yang yon tan ni dran pa ste rnam par thar pa bsam gyis mi khyab pa'i yon tan no/ /las ni dpal lo/ /nub byang mtshan ma med pa'i zhing na ljang gu/ phyag gnyis kyis de bzhin gshegs pa'i gtsug tor dbu'i steng du 'dogs pa ni
- 216b
mtshan dpal shin tu yongs grags so/ /de la mtshan ni ye shes te/ mi zad pa'i ye shes 'dzin pa'o/ /dpal ni las so/ /shin tu yongs grags ni yon tan te 'jig rten gyi khams su snyan pa khyab par gyur pa'i grags ba chen po'o// byang phyogs dbang po gsal ba'i zhing na dbang po tog gi rgyal mtshan gyi rgyal po ser po rin po che tog dang rgyal mtshan can no/ /de la dbang po tog ni ye shes te/ dbang pos yul rtogs pa ltar ye shes des chos nyid rtogs shing de nyid mdzes bas na tog go/ rgyal mtshan ni yon tan de thams cad 'khor ba las rgyal bar byed pa'i yon tan no/ /las ni rgyal po ste bya pa thams cad mdzad pa'o/ /byang shar rol pa dang ldan pa'i zhing na shin tu rnam par gnon pa'i dpal dkar po sa gnon pa'i phyag rgya can no/ /de la shin tu ni/ ye shes te yang dag pa'i ye shes so/ /las ni rnam par gnon pa ste/ sems can thams cad kyis bdud dang nyon mongs pa la sogs pa thams cad 'joms pa'o/ /dpal ni yon tan te snga ma ltar gnyis so/ /'og gi phyogs na nyon mongs pa med pa'i zhing na g.yul las shin tu rnam par rgyal ba ni nag po/ /khrab dang ral gri bsnams pa'o/ /de'i las ni g.yul las rgyal ba ste/ sems can thams cad kyi las dang nyon mongs pa'i g.yul ngo bzlog pa'o/ /shin tu ye shes so/ /yon tan 'dri rnam par rgyal ba ste bdag dang gzhan 'khor ba las rgyal ba'i nus pa mnga' ba'o/ /yang de dag gi phyi'i gzhi la shar phyogs dpal dang ldan pa'i zhing ni rnam par gnon pas gshegs pa'i dpal/ dkar po sa gnon dang mi 'jigs pa'i phyag rgya can no/ /de'i las ni rnam par gnon pa ste snga ma bzhin no/ /gshegs pa ni ye shes te mthar thug pa
- 217a
rtogs pa'o/ /yon tan ni dpal te snga ma ltar ro/ /lho phyogs snang ba bkod pa'i zhing na kun nas snang ba bkod pa'i dpal ser po nyi ma dad rin po che'i sdong bu bsnams pa'o/ /de la las ni kun nas snang ba ste ye shes kyi sems can gyi ma rig pa sel ba'o/ /bkod pa ni ye shes te dpag tu med pa'i ye shes so/ /dpal ni yon tan no/ /nub phyogs dpal dang ldan pa'i zhing na/ rin chen pad+mas rnam par gnon pa dmar po rin po che dang pad+ma bsnams pa'o/ /de la rin chen ni yon tan no/ /pad+ma ni ye shes te dri ma dang bral ba'o/ /las ni rnam par gnon pa ste snga ma bzhin no/ /byang phyogs rin po che'i zhing na/ de bzhin gshegs pa dgra bcom pa yang dag par rdzogs pa'i sangs rgyas rin po che pad+ma' gdan la rab tu bzhugs pa ri dbang gi rgyal po bzhugs shing 'chi skyed ste/ de'i gdan pad+ma dang seng ge dang rin po che dang zla ba'o/ /nam mkha' ltar sngo ba phyag gnyis kyis ri rab btegs spyan drang ste bshags la/ sgrub pa pos ni de ltar bsams la bshags so/ /de bzhin gshegs pa la sogs pa ni snga ma ltar shes par bya'o/ /de la rin po che pad+ma ste des ni gdan gyi yon tan dang las dang ye shes bshad de gzhan las gdan 'di shes par bya'o/ /la la las ni zla ba zhes pa yod de de ni las su shes par bya ste/ 'di ni thams cad la shes par bya'o/ /ri dbang ni ye shes dang yon tan te ri'i rgyal po ltar mi bsgul ba'i ye shes dang yon tan ri rab lta bu'o/ /rgyal po ni las so/ /de la sgo gsum dang bas phyag 'tshal lo/ /zhes pa ni tshig gi don to/ /'di dag ni sngon byon pa ste byang chub sems dpa' la ni ltung ba byung ba med
- 217b
cing bcos ma yin la /ma 'ongs pa la gdams pa ste/ bsams la bshags par bya'o/ /de ltar phyag 'tshal ba bshad nas de dag gi spyan sngar sdig pa bshags te/ de yang sangs rgyas de dag la thugs bstod par gsol ba gdab pa ni de dag la sogs te zhes bya ba la sogs pa gsungs so/ /de la bdag gis pus mo gnyis sa la btsugs lag pa spyi bor thal mo sbyar te gus pas 'di dag brjod pas bdag gi dbang po mdzad par bsam mo/ /de la de dag ni so lnga po de dag go /de ni gdul bya la dgongs pa ste/ gzhan yang sogs pas ni de dag kyang dbang por byas pa'o/ /shar la sogs pa'i phyogs bcu'i 'jig rten thams cad de nam mkha' i mthar thug pa'i sangs rgyas thams cad dmigs pa'o/ /de bzhin gshegs pa la sogs pa ni go sla'o/ /ji snyed cig ni bgrang ba las 'das pa'i grangs so/ /'tsho ba ni thugs rje'i spyan gyis sems can/ gzigs nas skyong ba'o/ /gzhes pa ni bzhugs pa ste 'khor ba ji srid kyi bar du'o/ /bcom ldan 'das ni skal ba dang ldan zhing bdud bzhi bcom pa'o/ /de dag thams cad ni so lnga la sogs pa'o/ /bdag ces pa ni dang po'i ming brjod par bya'o/ /thugs mi 'gyur bar gsol ba gdab pa ni dgongs su gsol ba'o/ /gnyis pa gshags pa rang gi ngo bo la dus kyi sgo nas bstan pa ni bdag gi skye ba zhes bya ba la sogs pa'o/ /bdag gi dus 'di tsam du sdig pa byas so zhes sems la bsams nas 'gyod pa bskyed pa'o/ /de la skye ba 'di ni dus 'dir sdig pa byas la dran par bya'o/ /des mtshon nas skye ba thog ma med pa sde snga ma 'das pa nas dpag tu med pa ste/ 'khor ba thog ma med pa'i dus can no/ /thog ma med pa ni spyir dgongs pa 'khor ba'i sems can nam mkha' ltar mdza' yas pa'o/ /de dag tu
- 218a
'khor ba ni zo chun gyi 'khrul 'khor ltar yang nas yang du 'byung zhing 'jig pa'o/ /de yang tshe rabs snga ma la sogs par 'khor ba bzhin 'di dang phyis so/ /skye nas gzhan ni byol song la sogs pa dug po'i mngal la sogs par ro/ /gsum pa rang gi ngo bo'i sgo nas sdig pa bshags pa ni/ sdig pa zhes bya ba la sogs pa'o/ /de yang bdag gi sdig pa 'di tsam zhig byas pa zhes 'gyod de/ sems sun bton la bshags par bya'o/ /zhes bya ba'i don to// sdig pa byas pa yang rgyu ma rig pa la brten nas rkyen 'dod chags la sogs pa gsum gyis byed pa lus la sogs pa gsum gyis byas pa'o/ /de yang gsum ste/ byas la ma bsags pa dang/ ma byas kyang bsags pa dang/ byas la bsags pa'i sdig pa gsum ste 'di dag ni mdo sde ltar shes par bya'o/ /de la sdig pa ni ngan song du 'gro ba'i snga ltas so/ /'bras bu ngan song skyed cing dam pas smad pas na mi dge ba'o/ /las ni gos shing 'byar ba ste/ lus la sogs pas srog gcod pa la sogs pa bcu'o/ /lci yang la sogs pa ni gzhan ltar shes par bya'o/ /de yang gsum ste bdag gi dngos su byas pa dang/ gzhan bgyid du stsal ba dang/ byed pa la rjes su yi rang ba gsum ni rnam bar smin pa 'dra ste/ khyad par du ni bgyid du rtsal ba ste/ theg pa chen po pa yin pa'i phyir ro/ /de dag ni spyi yin no/ /bye brag ni ma byin par len pa la sogs pa'i nang nas lci ba lnga las 'dir gsum ste/ sems can gyi don du mchod rten brgyad po'i gser la sogs pa'i nor ro/ /dge 'dun ni mi phyed pa ste/ byang chub sems dpa' dang nyan thos kyis phye ba'o/ /de yang dang po ni gnyis la sogs pa yi'o/ /gnyis pa ni dge slong bzhi la sogs pa'o/ /de
- 218b
bas kyang lci ba ni phyogs bzhi'i dge 'dun la sogs pa'i 'gron po la sogs pa'i nor rku ba dngos su 'phrog pa'o/ /shin tu lci ba ni mtshams med pa lnga'o/ /de yang sdug bsngal dang bar ma do med bar yin te/ 'di'i sdig pa'i 'bras bu la ni tshad med do/ /nyes pa med pa dang chung ba yang shes par bya'o/ /gzhan yang gzhan dag srog gcod pa la sogs pa bcu blangs de'i zla ba the tshom med par bdag zhugs pa yang shes par bya'o/ /de dag gi nyes dmigs kyi sgo nas bstan pa ni las kyi sgrib pa la sogs pa'o/ /de yang rnam par smin pa 'di lta bu tsha ba yid la bsams te/ rang gi sems sun bton la/ shin tu 'gyod pas bshags par bya'o/ /zhes pa ni dag gi don to/ /de yang las de dag gis bsgribs pa ni ye shes mi gsal bar byas pa'o/ /de dag gi rnam par smin pa cir 'gyur zhe na/ sems can dmyal ba la sogs pa'i mi khom ba brgyad de/ dam pa'i chos kyi go skabs med la/ la la da ltar sdug bsngal dang bcas la/ la la phyis 'gyur bas mi khom pa ste dal 'byor med pa'o/ /de la dmyal ba ni shin tu sdug bsngal ba ste phal po che dang kha 'thor ba'o/ /de yang dang po ni tsha ba dang grang bas bcu drug go/ gnyis pa ni gnas kyis gnyis te/ 'di dag ni mdo dran pa nye bar bzhag pa chen po las shes par bya ste/ las ngan shin tu che ba'i 'bras bu yin no/ /nud 'gro ni mi shes pa ste/ de'i skye ba'i gnas ni mngal nas skye ba la sogs pa'o/ /de yang gnyis te/ dbyibs kyis ni bzhi'o/ /de ni tha ma'i 'o/ /las bar ma ni yi dags te zas la sogs bza' ba la sogs pa 'dod la de med pa ste/ de'i yul ni 'dug pa ste/ gshin rje'i 'jig rten no/ /de yang gnyis su shes par bya'o/ /yang na ngan song gsum po de dag gi rgyu ni phal cher srog gcod pa dang ser sna
- 219a
dang gti mug las shes bar bya'o/ /gsum po de dag ni ngan par song ba yin no/ /las ngan pa shin tu chung ba ni yul mdza' khob la sogs pa ste/ mi dang lha'i nang nas mi khom pa yin no/ /ngan pa 'di dag ni ngan 'gro yin no/ /mdza' 'khob ni yul gang na chos la sogs pa med pa'o/ /yul gyi mdza' o/ /kla klo ni glen zhing rmugs pa'i rang bzhin te skad bzang po med pa la sogs pa mi shes pa'o/ /yang na yul mdza' khob kyi kla klo zhes la la dag byed do/ /de dag rgyu nges las ngan pa byed pas ngan song du 'gro ba'o/ /lha tshe ring bo ni bsod nams che zhing nga rgyal che ba ste bskal pa dpag tu med par gnas pa lta ba log pa gzugs kyi khams kyi gnas na'o/ /yang na 'gag pa ngan pa sbyangs pas 'du shes 'gog pa yin no zhes kyang 'chad do/ /de shi nas dmyal bar 'gyur ro/ /mir skyes na gzugs la sogs pa la dbang byed pa'i mig la sogs pa'i dbang po lnga 'am drug pa la skyon zhugs pas dam pa'i chos kyi skal ba med pa yin te/ gcig dang/ gnyis dang/ gsum dang/ bzhi dang/ lnga dang/ drug ka ma tshang ba srid do/ /shin tu yid kyi dbang po la skyon zhugs pa ni ngan pa'o/ /yang dag pa'i lta ba dang bral ba ste sangs rgyas la sogs ba med do zhes sems ba lta ba phyin ci log ni chad par lta ba ste/ mi dge ba thams cad bas lci ba'o/ /gzhan ba rtag par lta ba la sogs pa yod do/ /de ltar na brgyad do/ /sangs rgyas 'byung ba ni spyir yin te/ 'jig rten du byon pa la phyag la sogs pa mi byed bar skur pa 'debs pa'o/ /yang des mtshon nas sangs rgyas med pa'i gnas su skyes pa ni brgyad pa'o/ /de ltar rang gi ngo bo bstan nas/ yul gang la bshags pa ni sangs
- 219b
rgyas zhes bya ba la sogs pa ste 'di kho na dbang po bzang po yin gyi gzhan ni ma yin no/ /de la sangs rgyas bcom ldan 'das ni shAkya thub pa la sogs pa de rnams so/ /de dag ni thams cad mkhyen pas na ye shes so/ /dag sdig gi las la sogs par gsal bar rtogs pas na spyan no/ /dbang po ni legs pa dang nyes pa'o khyad par thugs su chud pa'o/ /tshig la sogs pa 'khrul pa med pas na tshad ma ste mi slu ba'o/ /thugs kyi thams cad mkhyen pas na mkhyen pa'o/ /shes rab kyi spyan gyis thams cad gzigs pas na gzigs pa'o/ /spyan sngar ni da ltar mdun du'o/ /tshul ji ltar bshags pa ni mthol ba la sogs pa ste/ yang dag par yin gyi dag 'khyal la sogs pa ni ma yin no/ /de la ngag gis brjod pa ni mthol ba'o// 'chags pa ni yid kyis so sor ro/ /nyes pa de khas len pas zhe la mi 'chab pa'o/ /mi sbed pa ni dngos su te/ de bzhis bshags na dag par 'gyur ro/ /de ltar stobs gnyis bstan nas/ da ni nyes pa las kun tu ldog pa'i stobs kyis sdig ba bshags pa ni slan chad kyang gcod cing sdom par bgyid lags so/ /zhes gsungs so/ /de yang sngar gyi 'gyod cing/ da ltar gyi 'chags la/ phyis mi byed pa ni dam pa yin la bshags kyang byas na slar 'phel bar 'gyur bas na nad la gnod pa na bza' btung ltar mtshams bcad par bya'o/ /de phan chad kyang mi dge ba bcu la sogs pa'i nyes pa rnams rgyun gcod cing phyis mi byed par bsdams te/ des ni sdig pa dag par 'gyur ro/ /de ltar stobs gsum pa bstan nas da ni gnyen po kun tu spyod pa'i stobs ni sangs rgyas zhes bya ba la sogs pa'o/ /de la sdig pa de dag slar mi 'phel zhing tshogs bsags pa don du rgyud la dge ba bsten pa ni sman lta bur shes par bya'o/ /de la bsngo ba la sogs pa thams cad
- 220a
ni byang chub sems dpa' la pha rol tu phyin pa drug dang ldan la/ des zin dgos pas pha rol tu phyin pa drug dang 'dra ba yin la de yang gnyis so/ /de la bla na yod pa ni kun dang mthun pa ste/ de ni skye ba bzang po blangs par yang shes par bya'o/ /de la khams gsum gyi skye gnas te lha dang mi dag tu'o/ /sbyin pa dang mthun ba na sbyin pa'i tha na ste/ des mchog kyang shes par bya'o/ /dud 'gro'i skye gnas ni khyil sogs ba'o/ /de ni yul chung ba ste chen po yang gzung ngo/ /kham gcig ni dngos po chung ba ste chen po yang shes par bya'o/ /tshul khrims ni tshul khrims dang mthun pa ste/ sdom pa'i tshul khrims la sogs pa'o/ /rnam par dkar ba bskyed bas na dge ba'i rtsa ba'o/ /bzod pa dang mthun pa ni tshangs spyod de sdig ba dang bral zhing byams pa la sogs pa la gnas bas gshe ba la slar mi gshe ba la sogs ba dge sbyong gi chos dang ldan pa ste/ 'dod chags dang bral ba la ni mi bya'o/ /brtson 'grus dang mthun pa ni sems can yongs su smin par byed pa ste /bdag gis brtson 'grus chen bos sems can thams cad la mngon par shes pa lnga'i sgo nas phyin ci log gi lta ba dang lam las bzlog ste yang dag pa la bcug pas rgyud smin bar byas pa ste/ grol ba dang mthar phyin bar shes par bya'o/ /bsam gtan dang mthun pa ni smon pa dang 'jug pa kun rdzob dang don dam pa'i byang chub tu sems bskyed pa ste/ de dag la rtse gcig tu gnas pa lam phyin ci ma log pa'o/ /bla na med pa'i ye shes ni shes rab kyi pha rol tu phyin pa dang mthun par bsngo ba ste/ de la gong na med pa'i ye shes ni gnyis su med pa'i chos nyid rtogs pa ste ye shes kyi
- 220b
tshogs so/ /de la bzhi ni bsod nams kyi tshogs su 'gyur la/ lnga pa ni/ gnyis ka'o/ /drug pa ni cig shos te thams cad kyang gnyis su 'dus so/ /drug po de dag thams cad tshul ji ltar zhe na/ gcig tu bsdus pa la sogs pa ste/ dge ba so so pa dang dngos po gcig tu byas te bzlums pa ni 'dros par byas pa'o/ /mi phyed par byas pa ni bsdoms pa ste/ rang bzhin med bar ro/ /gang ba sngo zhe na/ bla na med pa la sogs pa'i sangs rgyas su'o/ /de nyan thos las 'phags pa ni bla na med pa'o/ /gong na med pa ni sangs rgyas so/ /gong ma ni 'jig rten pa'i don gnas pa gnyis po de yin la/ de dag gi gong ma ni byang chub sems dpa' o/ /bla ma ni byang chub sems dpa' rnams yin la/ de'i bla ma ni sangs rgyas te de'i gong na gzhan med pa'o/ /de nyid byang chub sems dpa' chen po ste rnam pa thams cad mkhyen pa'o/ /yongs su bsngo ba ni 'khor gsum yongs su dag pa ste mi dmigs pa'o/ /de ni byang chub sems dpa' i bsngo ba thun mong ba'o/ /bla na med pa'i sangs rgyas nyid kyi bsngo ba ni thabs mkhas pa ste/ de ltar bsngo ba ni ji ltar zhes bya ba la sogs pa'o/ /bdag gis bsngo ba mi shes pas/ de ltar yongs su bsngo ba ni gya nom pa la sogs pas gus pa'o/ /dus gsum gyi sangs rgyas kyis bsngos pa ltar bdag kyang gus pas yongs su bsngo ba ni/ gdams pa chen po yin no/ /phung po gsum pa dang mthun par bsngo ba ni sdig pa thams cad ni so sor bshags so zhes bya ba la sogs pa'o/ /de la sdig pa bshags pa'i phung po dang/ dag po dang ma dag pa'i dge ba'i rjes su yi rang ba ni de dag yul du byas na dga' ba'i phung po dang/ sangs rgyas thams cad la mya ngan las mi 'da' ba dang/ chos kyi 'khor lo bskul ba ni/ gsol ba 'debs pa'i phung po ste/ de gsum gyis bsod nams
- 221a
kyi phung po dpag tu med pa la sogs pa'o/ /de dag gi zhar la smon lam 'debs pa ni sangs rgyas thob par smon bas na ye shes bla med bar gyur cig pa'o/ /sdig pa thams cad kyi gnyen po skyabs su 'gro ba mchog yin pas 'dir yang skyabs su 'gro ba mi mchog rgyal ba zhes bya ba la sogs pa'o/ /de la sngon ni thun mong du bstan la/ da ltar ni skyabs kyi mthar thug pa ni sangs rgyas kho na yin pas gnyis po ni 'dir ma smos pa'o/ /de la mi mchog ni mi'i skye ba zhes pa ste sprul sku'o/ /yon tan ni sangs rgyas kyi stobs la sogs pa'o/ /bsngags pa ni khyad par du bstod pa'o/ /sum cu rtsa lnga po la sogs pa de dag mdza' yas pa na mi zad pa'i rgya mtsho dper byas pa ste grangs so/ /thal mo mi lus kyis so/ /skyabs su 'gro ba ni ngag dang sems kyis so/ /de ltar stobs bzhi dang ldan bas/ sdig pa thams cad dag 'gyur te/ /tshogs rdzogs nas ni sangs rgyas 'thob/ /de bas kun gyis 'di shes bya/ /'dir ni mdo tsam du bkrol te// rgyas par mdo sde las shes bya/ /'di ltar shes byas 'bad pa yis/ /nus tshad sdig pa bshags par bya/ /rin chen lus 'di thob nas ni/ /le lo snyoms las med pa mtshar/ /rang sems kyis ni rang la rtogs/ /yi mug mi 'gyur ngo mtshar che/ /bdag gis snying rje'i shugs kyis sems can don du ni/ /byang chub ltung ba bshags pa'i 'grel ba 'di byas pas/ de skyes dge ba dri med de yis sems can rnams/ /klu yi rgyal po lta bu'i sangs rgyas 'grub par shog/ lta ba thams cad sel mdzad cing/ /yang dag lam ni ston pa'o/ /seng+ge lta bu'i bdud 'joms pa'i/ /gau tam de la phyag 'tshal lo/ /byang chub kyi ltung bshags pa'i 'grel ba/ slob dpon chen po 'phags pa klu sgrub kyis mdzad pa rdzogs so/ /
- 221b
rgya gar gyi mkhan po shAn+ta rak+Shi ta dang/ bod kyi lots+tsha ba rnyi ba de ba g+ho Shas bsgyur cing zhus te gtan la phab pa'o// // */ ltung bshags kyi 'brel pa dgra las rgyal bas mdzad pa bzhugs// //*/ /rgya gar skad du/ bo d+hi sya pat+ti de sha pret+ti bo d+hi satwa shi k+Sha kra ma nA ma/ bod skad du/ byang chub kyi ltung ba bshags pa'i 'grel pa byang chub sems dpa' i bslab pa'i rim pa zhes bya ba/ 'phags pa'i tshogs la phyag 'tshal lo/ /gang gis thams cad gzigs gyur pa'i// kun mkhyen nyid la phyag 'tshal nas/ /byang chub sems dpa' i bslab pa ni/ /bdag gis dad pas bri bar bya/ /de la gang dag byang chub tu sems bskyed nas nges par legs pa thob bar 'dod pa rnams la/ nyes pa las ldog pa'i thabs shes par bya ba'i phyir 'di gsungs la/ nyes pa de yang pham pa'i rigs su gtogs pa dang/ nyes byas kyi rigs su gtogs pa'o/ /pham pa'i rigs su gtogs pa yang nyan thos dang thun mong dang/ thun mong ma yin pa'i bye brag gis gnyis so/ /de rnams las ldog pa ni sems bskyed nas sdom pa gsum len pa'o/ /nyes pa lam ldog pa ni gang zag gsum la bshags pa dang/ gang zag gcig la bshags pa dang/ sangs rgyas sum cu rtsa lnga la bshags pa nyid? yin te/ thog mar re zhig rten khyad par can la skyabs su 'gro ba dang/ de nas phyag 'tshal la sdig pa bshags pa'o/ /de nas phyis sdom pa mi nyams par bya bar dam bca' ba'o/ /de nas dge ba'i rtsa ba thams cad bla na med pa'i byang chub tu bsngos la/ de la phyis gnas bar bya ba'i phyir sdig pa bshags pa dang/ bskul zhing gsol ba dang/ dag pa'i rtsa ba bsngo ba dang/ skyabs su 'gro ba'o/ /de ni bsdus pa'i don no/ /da ni yan lag gi don bshad par bya ste/ bdag ming 'di zhes bgyi zhes bya ba ni lhas byin
- 222a
na ma/ mchod sbyin la sogs pa che ge mo'o/ /sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o/ /spangs pa dang/ ye shes dang ldan bas na sangs rgyas/ /de ni sku gsum sde/ chos kyi sku dang/ longs spyod rdzogs pa'i sku dang/ sprul ba'i sku'o/ /la ni yul gyi la ste/ gnas gzhi'i bdun pa'o/ /skyabs su mchi ba ni nyon mongs pa la sogs pa'i 'tshe ba las skyob ba'o/ /chos ni lung gi chos dang/ rtogs pa'i chos so/ /dge 'dun ni nyan thos dang/ rang sangs rgyas dang byang chub sems dpa' o/ /nyan thos la yang zhugs pa bzhi dang/ 'bras bu la gnas pa bzhi'o/ rang sangs rgyas la yang gcig bur gnas pa dang/ tshogs dang spyod pa'o/ /byang chub sems dpa' la yang nges pa dang ma nges pa'o/ /lhag ma ni bshad zin to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo// zhes bya ba ni bdud kyi dpung dang bcas pa thams cad kyi yul chen po 'joms pa'i phyir bcom ldan 'das nyid de/ de bzhin gshegs pa ni de bzhin nyid phyin ci ma log par gsungs pa'o/ /dgra bcom pa ni thob bar bya ba'i don thams cad brnyes pa dang/ bsod nams kyi zhing bla na med pa dang/ mchod par 'os ba'o/ /chos rnams ji lta ba bzhin du don dam par thugs su chud bas na yang dag par rdzogs pa'i sangs rgyas zhes bya'o/ /shAkya thub ba ni nyon mongs ba thams cad spangs pa'i mthar phyin pa dang/ tshig btsan pa dang/ rigs phun sum tshogs pa dang/ dbang phyug phun sum tshogs pa'o/ /rdo rje snying po rab 'joms pa zhes bya ba ni spros pa dang bral bas dngos bor 'dzin pa 'joms
- 222b
bas rdo rje pha lam dang 'dra ba de nyid thams cad kyi snying po yang yin la rab tu 'joms pa yang yin/ yang na rdo rje ni rin po che'o/ /snying po ni dkyil lo/ /rab tu 'joms pa ni mthu'o/ /rin chen 'od 'phro ni nor bu rin po che dang ba tshungs pas de skad ces bya ste/ lha rdzas kyi nor bu rin po che ni yang ba dang/ 'od gsal ba dang/ 'tshe ba thams cad zlog pa dang/ yon tan 'byung ba dang/ /nyams dga' la sogs pa'i chos dang ldan ba de bzhin du yang dag pa'i rin po che yang yon tan thams cad kyi 'od 'phro bas phan 'dogs pa'o/ /klu dbang gi rgyal po zhes bya ba ni klu'i dbang po'i rgyal po'i rdzu 'phrul dang ldan pa ste/ de yang lo tog thams cad la char 'bebs pa'o/ /de'i dbang bo bdag po'o/ /de rnams kyi rgyal po ni sangs rgyas bcom ldan 'das so /dpa' bo'i sde na dpa' bo'i rigs te/ mi mthun pa'i phyogs 'joms pa'o/ /de la dgyes pas na dpa' dgyes so/ /rin chen me ni dkon pa dang/ rin che ba dang/ dgos 'dod 'byung ba dang/ nyon mongs pa'i bud shing bsreg pa'o/ /rin chen zla 'od ni zla ba bzhin bsil ba ste/ ma rig pa'i mun nag dang bral ba'o/ /rnam par rtog pa'i cha bas ma gdungs pa'o/ /mthong ba don yod ces bya ba ni gdul bya thams cad mngon du gzigs pa ste/ snod dang 'tsham bar don mdzad nas 'dren pa'i phyir ro/ /rin chen zla ba ni kun tu bzang po byang chub kyi sems so /lhag ma ni snga ma bzhin no/ /nyon mongs pa'i dri ma dang shes bya'i dri ma thams cad mthong ba dang bsgom pas spangs bas dri ma med pa ste/ zag dang shes pa'i don to/ /de nyid dpal du gyur pa ste/ phan pa bsgrub pa'i mchog go /sems can thams cad kyi phan pa bsgrub pas dpas byin no/ /tshangs pa ni gzugs kyi khams bsam gtan dang po'i lha'o//
- 223a
de'i cha lugs can nam/ tshangs pa ni nyon mongs pa'i las zad pa'i mya ngan las 'das pa'o/ /de lta bu de gzhan la byin zhes dang po sbyar ba 'am de lta bus byan zhes gsum par sbyar bas tshangs bas byin no// chu lha ni sems can gyi rgyud la nga rgyal gyi khengs shing zhe sdang gi mes gdungs la/ ma rig pas mkhegs zhing nyon mongs pa sra bar gyur pa rnams brlan pa dang zhi bar byed pa'o/ /so so skye bo'i dus na gdugs mkhan yin pa? des sangs rgyas rin chen mchod 'os la bsil yab cig phul nas/ chu lta'i lha ni phyogs skyong ba klu'i rigs su gtogs pa chu lta ste/ de zhi bar byed pa'o/ /dpal bzangs ni/ gnyis su med pa'i ye shes te/ 'jig rten pa'i nyon mongs pa las bsgom pas khyad par du gyur pa'o/ /tsan dan dpal te/ 'bru mang po pa'i bsdu ba'o/ /dper na tsan dan gyi dri khyad par can lhan cig skyes pa yod pas sna'i dbang po la phan 'dogs pa lta bur sems can thams cad la phan 'dogs pa rtog pa med par rgyun tu 'byung bas de nyid dpal lo/ /gzi brjid ni 'od zer te/ 'od zer gyis 'jig rten pa thams cad la snang bar mdzad pas de skad ces bya'o/ /'od dpal ni 'od gyis gsal ba ste/ thugs yang dag pa'i ye shes bsnyel ba mi mnga' ba thams cad la thog pa med cing chags pa med par mkhyen pa'i dpal lo/ /mya ngan med pa'i dpal ni spangs pa dang ye shes dang ldan pa ste nyon mongs pa'i sgrib pa spangs pas gdung ba med la/ /shes bya'i sgrib pa spangs pas rtogs pa med pa'i ye shes bzhi'i dpal lo/ /sred med kyi bu ni mthu dang ldan pas gzhan 'joms pa la
- 223b
grags pa'i ming can no/ /me tog dpal ni mdzes shing nyams dga' byed pa'o/ /de bzhin gshegs pa tshangs pa'i 'od zer rnam par rol pas mngon par mkhyen pa ni changs shing dag pa ste/ sgrib pa thams cad zad cing rtog pa'i dri ma dang bral ba'o/ /'od zer ni phan pa dang bde ba dang/ grol ba'i sgo ste rdzu 'phrul gyi cho 'phrul dang/ kun brjod pa'i cho 'phrul dang/ rjes su bstan pa'i cho 'phrul gyi sgo nas rnam par rol cing shes bya thams cad dus gcig tu mngon sum du mkhyen pa'o/ /de bzhin gshegs pa pad+ma'i 'od zer rnam par rol pa ni pad+ma ltar nyes pas ma gos pa'o/ /lhag ma ni snga ma bzhin no/ /nor dpal na nor bdun gyi dpal rtogs pa ste/ dad pa dang/ 'phags pa'i tshul khrims dang/ thos pa dang/ gtong ba dang/ ngo tsha shes pa dang/ khrel yod pa dang/ shes rab kyi ngo bo nyid do/ /dran pa'i dpal ni dran pa nye bar bzhag pa lus dang/ sems dang/ tshor ba dang/ chos bzhi'i dpal te/ tshig bar mi mngon par byas pa'o/ /mtshan dpal shin tu yongs grags ni mtshan sum cu rtsa gnyis mnga' bas shin tu dag par 'jig rten gyi khams su yongs su grags pa'o/ /dbang po tog gi rgyal mtshan gyi rgyal po ni/ dbang po lnga dad pa dang/ brtson 'grus dang/ dran pa dang/ ting nge 'dzin dang shes rab kyi dbang po'o/ /tog ni mngon par shes pa ste/ rdzu 'phrul dang/? lha'i rna ba dang/ sems kyi rnam grangs dang/ sngon gyi gnas rjes su shes pa dang/ 'chi 'pho dang skye ba shes pa dang/ zag pa zad pa shes pa'o/ /dbang po dang mngon shes kyi rgyal mtshan dang ldan pa'i 'khor los sgyur ba'i rgyal bo'o/ /shin tu rnam par gnon pa'i dpal ni khyad par
- 224a
du gnon pa ni shin tu gnon pa ste rtsa ba nas 'byin pa'o/ /rnam par ni rnam par rtog pa ste/ nyon mongs pa'i rnam par rtog pa rtsa ba nas 'byin pa'o/ /g.yul las shin tu rnam par rgyal ba ni dang? bo'i tshogs te bdud bzhi las rgyal pa'o/ /rnam pa ni bye brag ste thams cad las rgyal ba'o/ /rnam par gnon pas gshegs pa'i dpal ni gnod/ pa bcom pa'i stobs kyis 'jig rten gyi khams thams cad du 'dul bya ji lta ba bzhin du don mdzad pa'o/ /kun nas snang ba bkod pa'i dpal ni/ mdzes par gshegs pa ste na chung brgyan pa bzhin no/ /rin chen pad+mas rnam par gnon pa ni dgos 'dod skong yang 'khor ba'i skyon gyis ma g.yo? pas zil gyis gnon pa'o/ /dgos 'dod skong ba chags pa'i nyes paS mgos pa la bzhugs pa ni 'jigs pa dang bral ba'i ri'i rgyal po'i ri rab ltar gnon pa'o/ /sdig pa bshags pa ni/ nyes pa'i dri ma 'khru ba ste phyag 'tshal ba de dag la sogs pa ste/ 'tsho zhing bzhes pa nyid phyogs bcu gzhan na bzhugs pa thams cad do/ /de nyid ji snyed bzhugs pa'o/ /gzhan dag ni go sla'o/ /dgongs su gsol pa ni thugs gtad du zhes pa'o/ /bdag da ltar skye ba blangs la? ma zad pa dang/ 'khor ba thog ma med pa nas skye ba blangs pa mang ba dang/ drod gshed dang/ rdzus pa dang/ sgod las skyes pa thams cad ni 'di las gzhan no/ /sdig pa mi dge ba yin pas sdig pa'i las zhes pa ste/ lus ngag yid gsum gyis byas pa'o/ /rang gis byas pa dang/ gzhan dag la bcol ba dang/ gzhan byed pa la dga' bar byas pa phyir bshags so/ /mchod rten ni sku gzugs dang/ gsung rab dang rid?
- 224b
bsrel? dang/ lha khang la sogs pa'o /dge 'dun ni sde pa'o/ /phyogs bcu'i dge 'dun ni gzhan 'gron po'o/ /de rnams kyi dkon phrogs na dmyal bar 'gro ste/ de yang mchod rten dang gtsug lag khang bshigs pa dang/ dkon mchog gsum gyi dkor sdas? nas bdag nyid kyi phyir yongs su spyod pa gang yin pa la de ni tshe 'phos na dmyal ba chen po mnar med par ltung ngo zhes gsungs pa dang/ dge 'dun gyi dkor brkus pas rang 'thag 'dren pa'i glang dang bor bur skye bar 'gyur ro/ /dge 'dun gyis dkor la nan gyis slong zhing gsad skyon byed na phug ron du skye bar 'gyur ro/ /dge 'dun gyi tshod lum zos na tshod ma'i nang gi srin bur skye'o/ /zhes gsungs so/ /de yang rang gis byas pa dang/ gzhan la bcol ba dang/ gzhan byed pa la yi rang ba bshags so/ /mtshams med pa lnga ni pha ma dang dgra bcom pa gsod pa dang/ de bzhin gshegs pa la ngan sems kyis khrag bton pa dang/ dge 'dun gyi mthun pa'i nang du dbyen byed pa'o/ /de rnams byas na par na mtshams med par dmyal bar 'gro'o/ /mi dge ba bcu ni srog gcod pa dang/ ma byin par len pa dang/ mi tshangs par spyod pa dang/ brdzun du smra ba dang/ tshig phra ma dang/ tshig rtsub po dang/ dag la 'khyal? pa dang/ brnab sems dang/ gnod sems dang/ log par lta ba'o/ /de rnams sems mtshams med par spyad na dmyal bar 'gro'o/ /dud 'gror 'gro'o/ /tha ma yi dags su skye'o/ /las tshabs chung la dge ba gzhan gyi dbang gis mir skyes na yang srog bcad pas tshe thung ba dang/ nad mang ba'o/ /ma byin par blangs pas ni dbul zhing phongs pa dang/ nor gzhan gyis rang dbang med par spyod pa'o/ /mi tshangs par spyad pas ni mngal? byi gnas min pa mi len pa dang/ lus mi tshangs pa'o/ /'dod pa log par g.yem pa ni tshung ma la gzhan spyod
- 225a
pa dang/ chung ma dang 'thab cing bsam bzhin du mi btub pa'o/ /rdzun du smra bas ni skur? ba mang ba dang/ gzhan gyis bslus par 'gyur ro/ /phra mas ni 'khor mi tshang ba dang/ mdza' ba dang 'byed pa'o/ /tshig rtsub pos ni sgra mi snyan pa thos pa dang/ ci smras pa rtsod par 'gyur pa'o/ /tshig 'khyal pas ni gzhan yang mi tshes pa dang/ gzhan gyis mi go ba'o/ /brnab sems kyis ni brkam zhing chog mi shes pa dang/ btsal bas mi rnyed pa'o/ /gnod sams? kyis na gzhan glags tshol? pa dang/ gzhan la gnod pa byed pa'o/ /log par lta bas ni g.yo sgyu dang bcas pa dang/ log par zhugs pa'i rigs su skye'o/ /de dag nyid las kyi lam ste gzhi 'thun pa'i drug pa'o/ /yang dag par blang? pa ni de dag la dga' zhing de'i gnyen po la mi 'bad pa'o/ /de las gzhan pa pha rol tu phyin pa drug gi mi mthun pa'i phyogs dang/ log pa rnam pa brgyad dang/ mnar sems dgu la sogs pa byang chub sems dpa' i sde snod la sogs pa rnams las mang zhing bshad pa dag kyang 'dir gsungs pa nyid do/ /de las 'bras bu mi khom pa brgyad 'byung bas las kyi sgrib pa gang gis dang po dang gnyis ka'o/ /sngar bshad pa'i gang yang rung ba'i dge slong ma sun bton pa 'am/ chos la skur pa 'am?/ mkhan po la sogs pa la lus ngag gi chad pa'i las byas pa yang dngos so/ /nyon mongs pa khrag pos dmyal ba/ 'phring? gis dud 'gro/ thams yi dags brgyud pa dang cha phra bas yul mdza' ? 'kho ba la sogs pa'o/ /de yang mchod rten bshigs pa dang/ gtsug lag khang bshig pa dang ? dkon mchog gsum gyi nor sbas? nas bdag nyid kyi phyir yongs su spyod pa gang yin pa de ni shi 'phos nas
- 225b
dmyal ba mnar med par ltung bar 'gyur ro/ /gal te de las thar bar gyur yang/ yang dud 'gro'i skye gnas kyi lus 'di lta ste/ phug ron dang/ mchil pa dang/ dur pa dang/ ne tsho dang/ bye'u sngon po dang/ nya dang/ ru sbal dang/ spre'u dang/ ri dags kyi lus len par 'gyur ro/ /brgya la mi'i lus thob par gyur na yang ma ning dang/ bud med dang mtshan gnyis pa dang/ smad 'tshong ma dag tu 'gyur ro zhes gsungs pa dang/ yang gsungs pa/ tshe 'di la mchod brten dran nas nub mo zas zos pa gang yin pa de ni/ yi dags ltogs bkres pa dag tu skye ste lo brgya stong mang por bza' ba dang/ btung ba thob par mi 'gyur ro/ /'gro ba'i tshe lhu tshigs kun tu me 'bar bar 'gyur ro zhes gsungs pa dang/ yang lkugs pa ni chos la skur ba btab pa las 'byung ba yin no/ /'on pa ni chos thos pa la mi dga' bas yin no/ /dbang po ma tshang ba ni tshul khrims 'chal pa las 'gyur ro/ /lce dig pa ni dben par bla ma la mi snyan pa brjod pa'o/ / mnga' gzhu dang gzhon chos la dga' ba ni kla klo can du skye'o/ /rkang lag zhi? ba ni mkhan po dang bla ma mthong yang mi ldang ba'o/ /gnya' ba thung ba ni bla ma mthong na mgo g.yogs te bros pa'o/ /zhes gsungs pa'o/ /byams ma'i bu gang po 'jig rten pa ni sgra'i don la mngon par zhen pas phal cher ngan song du skye ste/ de dag thams cad kyang phal cher bde bar gshegs pa'i gsung rab las 'byung ba'i don byang chub tu sems bskyed pa dang/ sems can gyi don bya ba dang/ bsdu ba'i dngos po bzhis bsdu bar bya ba dang/ sbyin pa la sogs pa pha rol tu phyin pa rnams spangs pa dang/ sa dang lam rnams spong zhing byang chub kyi spyod pa spangs nas/ log pa'i don la mngon par zhen pa yod de de'i rgyus ngan
- 226a
srong? du skye'o/ /bka' las 'byung ba'i chos rnams spyod pa ni de'i gnyen po'i zhes gsungs pa'o/ /yang gzhan gyi khyim rnams su byang chub sems dpa' la phrag dog dang ser sna byed na des de'i tshe ring zhing de las 'jigs pa chen po gsum ste/ gang zhe na/ sems can dmyal bar skye bas 'jigs pa dang/ dmus long gis 'jigs pa dang/ yul mdza' khob tu skye bas 'jigs pa ste/ gsum mo zhes pa dang/ yang dge slong ma sun bton na sems can dmyal ba'i gnas mun nag yod par skye'o/ /srog bcad pas ral gri'i lo ma can du skye'o/ /rngon pa byed pas thig nag tu sog les 'gra'o/ /'dod pa log par g.yem pas zangs kyi khang pa rab tu 'bar ba la 'jug pa dang/ lcags kyi khri rab tu tsha ba la nyal bar skye'o/ /chang 'thungs nas myos pa ni lcags chang 'thungs pa'i sems can dmyal bar skye'o/ /dge 'dun gyi shing tog brkus pas lcags kyi thu lum 'bar bza bar skye'o/ rgyu ma dang sha zos pas ljan ljin gyiS gang ba'i dmyal bar skye'o/ /phra ma byas te dkrugs pas lcags kyi thod gshol gyis lce rmo be'o dmyal bar skye'o/ /tshig mi snyan pa brjod pas lce rab tu 'byin pa'i dmyal bar skye'o/ /rdzun mang du smras pas lce la lcags kyi gzer gyis 'debs pa'i sems can dmyal bar skye'o/ /srog bcad nas log pa'i lha la mchod sbyin byas pas lcags kyi gtun gyis brdung ba'i dmyal bar skye'o zhes gsungs pa'o/ /'di skad du gang zag gnyis ni ma gtogs te/ gcig ni phyogs snyoms chos la skur/ /gnyis po de ni 'dod med? zhes gsungs pa'o/ /de dag thams cad sangs rgyas bcom ldan 'das ye shes su gyur pa/ spyan du gyur pa/ dbang du
- 226b
gyur ba/ tshad mar gyur? pa/ mkhyen cing gzigs pa zhes bya ba ni/ nyes pa'i tshogs thams cad bshags pa'o/ /rnam pa thams cad mkhyen pa dang/ mngon sum du gzigs pa dang/ gnya' drag mdzad pa dang/ rdzun mi smra pa dang/ mdzad pa dang/ thugs rje che ba ste de bzhin gshegs pa'i yon tan rnam pa drug/ lhag ma ni go par zad do/ /slan chad kyang sdom par zhes pa ni khas len pa'o/ /nyes ba byung na bshags par bya/ /snying rje byams pa zhugs gyur na/ /sngar byas nyes pa 'di yis dag/ bshags kyang phyir zhing mi sdom na/ /bshags kyang dri ma dag ba med/ ces bshad do/ /sangs rgyas bcom ldan 'das de dag thams cad bdag la dgongs su gsol/ bdag gis skye ba 'di dang skye ba thog ma dang tha ma ma mchis zhes bya ba ni dge ba'i rtsa ba bsngo ba'i phyir thugs gtod pa ste/ gang zhe na 'di la gus pa dang gzhan du byas pa'o/ /tha ma ni thog ma'i mdza' o/ /sangs rgyas kyi zhing gi yon tan bkod pa'i mdo las/ /'khor ba'i mdza' ni med pa las/ /sngon gyi mdza' ni ji srid pa/ /sems can de srid phan don du/ /spyod pa dpag yas sgrang? par byas/ zhes gsungs so/ /de yang dang po tshe rabs dpag tu med pa nas byas pa thams cad bsngos nas 'khor ba na 'khor ba'i tshe skye ba gzhan du lha dang mi dang/ yi dags dang/ dud 'gro dang/ dmyal ba la sogs pa'i 'khor ba rnams su skyes pa na/ sbyin pa chung ngu sbyin pa'i sems can rnams ni tha na dud 'gro'i skye/ gnas su skyes pa rnams la kham cig tsam stsal ba ste/ mer byin pa lta ci smos/ yang rten khyad par can la phul ba dang/ sbyin pa mang po dang/ bzang po sbyin pa'o/ /sbyin nus pa la tshul khrims bsrung ba'i sems 'byung bas sdom pa len te tha na bsnyen gnas kyi'o//
- 227a
dge bsnyen nam dge tshul lam/ dge slong ci nus pa bsrungS ba thams cad do/ /khyad par can gyi dbang du byas na/ tshangs par spyod pa la gnas pa'i dge ba smos so/ /de yang bcom ldan 'das kyis bu? dang? 'gro'i skye gnas su song ba rnams la sbyin pa btang na brgya 'gyur 'thob par 'gyur ro/ /mi phal pa cig la btang na stong 'gyur thob par 'gyur ro/ /tshul khrims dang ldan pa'i dge slong la btang na khri 'gyur 'thob par 'gyur ro/ /de nyid chos sma ba la btang na tshad med pa 'thob par 'gyur ro zhes gsungs pa dang/ yang de bzhin gshegs pa dang/ pha ma dang/ nang ba rnams la zas za cig btang na/ 'bras bu tshad med pa 'thob par 'gyur ro zhes gsungs pa dang/ 'phags pa rab tu zhi ba rnam par nges pa'i cho 'phrul gyi ting nge 'dzin ces bya ba theg pa chen po'i mdo las/ byang chub sems dpa' bsod snyoms blangs te/ ring pa dang/ phongs pa dang/ sbrang po dang/ slob ma rnams la bgos te byin na dge ba'i rtsa ba nges tshe brjes nas 'khor los sgyur ba'i rgyal po rdzu 'phrul chen po dang ldan par 'gyur ro zhes gsungs pa dang/ dbang po drug tshang ba gang yin pa de ni tshul khrimS bsrungs pa las 'gyur ba yin no/ /zhes gsungs pa dang 'od zer kun nas 'gyed pa bstan pa'i mdo las/ re 'ga' 'od zer gcig las ni/ /kha dog rnam pa bcu 'byung ba/ /so so rab 'bring tha ma yang/ /sbyin pa las ni skyes pa yin/ /res 'ga' 'dres pa gcig las ni/ /kha dog nyi shu gang byung ba/ /so so rab 'bring tha ma yang/ /tshul khrims bsrung ba las skyes yin/ /zhes gsungs so/ /tshul khrims sdom pa'i dge tshul dang/ rnam
- 227b
dag khrims 'dzin dge slong dag/ zla ba phyed cing gso sbyong bya/ /chos gos btaD pa rnams gyon te/ /lhung bzed 'khar gsil sogs bkur zhing/ /dag pas bsod snyoms spang? blang bya/ /lha rnams thams cad dgar 'gyur te/ /gus pas thal sbyar phyag 'tshal nas/ /lha rnams nged kyi mi 'di dag /de yi mdag gzhug bsgrub par bya/ /dper na lha dbang brgya byin la/ /sum cu rtsa gsum lha gzhan rnams/ /rim gro gus byed tshul bzhin du/ /tshe 'dir legs nyid thob ba ste/ che rabs gzhan gyis bsam mi khyab/ rab tu byung zhing tshul khrims sdom/ /sangs rgyas bka' drin lan bsgrubs yin zhes gsungs so/ /de ltar so sor thar pa'i sdom pa la legs par bslabs la byang chub tu sems bskyed pa ni sdom pa rgya tshen po'i rten zhes pa lta bu'o/ /de yang smon pa'i sems dang 'jug pa'i sems kyi rab tu dbye ba gnyis so/ /sdong po bkod pa'i mdo las /rigs kyi bu sems can gyi tshogs las gang bla na med pa yang dag par rdzogs pa'i byang chub kyi sems smon pa ni rnyed par dka' o/ /de bas kyang sems can bla na med pa yang dag par rdzogs pa'i byang chub las mngon par zhugs pa ni tshas rnyed par dka' o zhes gsungs so/ /dkon mchog ta la la'i mdo las/ /gang dag rgyal ba rnams kyis byin brlabs pa/ de dag byang chub sems bskyed don gnyer ba/ /gang dag byang chub don du sems skye ba/ /de dag drang srong mchog gi yon tan sgrub ces gsungs pa dang/ 'phags pa phung po gsum pa'i mdo las kyang/ byang chub kyi sems nges ma khyab pa'i chos kyi dbyings de? gang yang ma mchis so/ /byang chub tu sems bskyed pa'i dge ba'i rtsa ba des dus gsum du ma khyab pa cung zad kyang ma mchis so zhes pa dang/ yang gang du sems bskyed de/ bskyed
- 228a
ma thag pa'i bsod nams kyi phung po ni rab tu mang gi/ sems can thams cad 'khor los sgyur ba dang/ 'jig rten skyong ba dang/ brgya byin dang/ tshangs pa dang/ nyan thos dang/ rang sangs rgyas su gyur pa rnams kyi bsod nams kyi phung po ni de tsam ma lags so zhes gsungs so/ /de yang/ bla ma sdom la gnas shing mkhas/ /nus dang ldan las blang bar bya/ zhes gsungs so/ /de lta bu med na sangs rgyas dkon mchog las blang bar bya'o/ /de ni thog ma'i dus 'phags pa'i gnas lta bur byung ba'i dus so/ /de nas thos pa dang/ bsam pa dang/ bsgom pa la sogs pas bdag yongs su smin pa des sems can yongs su smin par bgyis pa ste/ nyan thos kyi rigs can nyan thos kyi byang chub la dgod? par bgyi'o/ /rang sangs rgyas kyi rigs can rang sangs rgyas kyi lam la dgod par bgyi'o/ /byang chub sems dpa' i rigs can bla na med pa'i byang chub la dgod par bgyi'o zhes gsungs pa dang/ sbyin pa la sogs pa'i mi mthun pa'i phyogs nyams pa dang/ rnam par mi rtog pa'i ye shes dang/ 'dod pa thams cad rdzogs par byed/ sems can thams cad yongs su smin par byed pas byang chub rnam pa gsum 'grub po zhes bya ba gsungs so/ /de nas mthar rnam par mi rtog pa'i ye shes kyi yul don dam ba byang chub kyi sems ni bla na med pa'i ye shes kyi dge ba'i rtsa ba'o/ /de yang 'od zer kun tu 'gyed pa'i mdo las/ gang zhig mdo sde 'di la rab mos shing/ / mi zad ngo bo nyid ni mngon par rtogs/ /des ni ting 'dzin mngon par bsgrubs pas na/ /bla med ye shes mngon byed dka' ba med/ ces gsungs pa dang yang/ dge slong dag ni gang zhig gis/ bla med ye shes btsal ba'i phyir//
- 228b
shin tu dang pa'i sems kyis ni/ /mdo sde 'di la gang dag brtson/ zhes pa dang/ bla med ye shes gang tshol ba/ /'khor ba dag la 'jigs pa med/ /des ni sdig pa rnam spangs nas/ /phan yon mchog ni thob par 'gyur/ zhes gsungs so/ / gang lags pa de dag thams cad ces bya ba ni smras pa dang/ ma smras pa ste/ de yang gang zhe na/ pha rol tu phyin pa bcu dang/ dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ bden pa bzhi dang/ tshad med pa bzhi dang/ bsdu ba'i dngos po bzhi dang/ bsam gtan dang/ rnam par thar ba la sogs pa blangs bar bya ba thams cad do/ /gcig tu bsbus shing bzlums te bsdoms nas zhes pa ni tshe 'di'i ched du ma bsngos pas bsdus pa/ 'jig rten gyi phun sum tshogs par ma bsngos pas bzlums nas/ nyan thos dang rang sangs rgyas sum bsdos paS bsdoms pa'o/ /yang na 'jig rten pa dang/ theg pa chung du dang/ bdag nyid kyi don du la sogs pa ste go rim bzhin no/ /'phags pa phung po gsum pa'i mdo las/ bdag gis dge ba'i rtsa ba thog ma dang tha ma ma mchis ba nas bgyis pa thams cad mkhyen par yongs su bsngos pa gang lags pa dang/ bdag gis dge ba'i rtsa ba 'dus byas kyi yo byad 'tshal bas mngon par bsgrubs pa gang lags ba dang/ bdag gis dge ba'i rtsa ba nyan thos dang rang sangs rgyas kyis mngon par bsgrubs pa'i dge ba'i rtsa ba gang lags pa dang/ bdag gis dge ba'i rtsa ba las bsgrubs pa'i dus thams cad du bsags pa de bzhin gshegs pa'i ye shes kyis mkhyen pa gang lags pa de dag thams cad yongs su bsdus pa'i bzlums
- 229a
par bsdoms par bgyi'o zhes gsungs pa dang/ yang de dag thams cad bsdus nas bla na med pa yang dag par rdzogs pa'i byang chub tu bsdos? pa'o zhes gsungs pa'i phyir ro/ /bla na ma mchis pa dang/ gong na mi mchis pa dang/ gong ma'i yang gong ma bla na med pa yang dag par rdzogs pa'i byang chub tu yongs su bsngo bar bgyi'o zhes ba ni bsngo ba yongs su dag pa'o/ /mchog nyid kyis gzhan bla ma lta bu med la/ bgrod par bya ba mthar thug pas gong ma yang med pa nyid gzhan bla ma thams cad kyi bla ma dang gong ma ste/ de nyid ni mthar thug pa'o/ /mya ngan las 'das pa ni gong ma ste/ 'phags pa nyan thos dang rang sangs rgyas so/ /de rnams kyi gong ma theg pa chen po'i byang chub bo/ /byang chub sems dpa' i bla ma ste 'gro ba thams cad kyi don mdzad pa de'i bla ma sangs rgyas bcom ldan 'das so/ /yang dag pa'i yon tan thams cad rdzogs pa'i chos kyi sku ni byang chub pa ste/ shes brjod las 'das pas spros pa thams cad nye bar zhi ba so so rang gis rig pa'i ye shes dam pa'i yul du gyur pa'o/ /'phags pa 'od zer bkye ba bstan pa'i mdo las/ gzugs med 'gro dang 'ong ba med/ /phyogs mtshams phyogs kyang yod ma yin/ /mtshan ma med cing brjod dang bral/ /spros pa dag las yang dag 'das/ /byang chub sems dpas bsgrubs byas na/ /mthar thug bsil ba 'thob par 'gyur/ zhes pa dang/ yang/ dge ba'i stobs kyi mthu yis ni// nyon mongs rab bcom nyer zhing gnas/ /khyad 'phags phan yon thob par byed/ /yon tan dang ni shes rab dag/ shin tu rgya che rgya mtsho 'dra/ /bzod pa dag ni sgrub par byed/ /sems ni rab bde g.yo med 'gyur/ /byang chub
- 229b
sems dpa' rtag tu bsgom/ /mkhas pa ngag gis rab tu bsngags zhes gsungs so/ /ji ltar 'das pa'i sangs rgyas bcom ldan 'das rnams kyis yongs su bsngos ba dang/ ji ltar ma byon pa'i sangs rgyas bcom ldan 'das rnams yongs su bsngo bar 'gyur ba dang/ ji ltar da ltar bzhugs pa'i sangs rgyas bcom ldan 'das rnams da ltar yongs su bsngo bar mdzad pa de ltar bdag gis kyang yongs su bsngo bar bgyi'o/ /sdig pa thams cad ni so sor bshags so/ /bsod nams thams cad la rjes su yi rang ngo/ /sangs rgyas thams cad la bskul zhing gsol ba 'debs so/ /bdag bla na med pa'i ye shes kyi mchog dam pa thob par gyur cig /mi mchog rgyal ba gang dag da ltar bzhugs pa dang/ gang dag 'das pa dag dang de bzhin gang ma byon/ /yon tan bsngags pa mdza' yas rgya mtsho 'dra kun la/ thal mo sbyar bar bgyis te skyabs su nye bar mchi/ zhes pa ni go sla bas ma bshad do/ /byang chub kyi ltung ba bshags pa'i 'grel pa/ byang chub sems dpa' i bslab pa'i rim pa zhes bya ba slob dpon dzai tA ri dgra las rnam par rgyal bas mdzad pa rdzogs so// //bal po paN+Di ta dang/ tshogs lots+tsha bas bsgyur ba'o// // ltung bshags 'grel pa tho? bos mdzad pa'o// //*/ /rgya gar skad du/ karma A ba ra Na bi sho d+ha na bi d+hi b+ha ShAM nA ma/ bod skad du/ las kyi sgrib pa rnam par sbyong ba'i cho ga bshad pa zhes bya ba/ sangs rgyas dang byang chub sems dpa' thams cad la phyag 'tshal lo/ /thub pa dri mas ma gos shing/ ye shes dkyil 'khor rab gsal ba/ /gsung gi zer gyis 'gro kun gyi/ /sgrib pa mes bsregs nyi ma rgyal/ /dpa' po gang dag 'gro ba sdug bsngal gyi rgya
- 230a
mtsho yang bar bying ba rnams kyi sems phrogs shing de dag gdon par 'dod pa'i yid can dag gis byang chub la blo gzhol bar bya ste/ de thob pa'i lam dam par zhugs la mi nyams par bya zhing ji ltar bya ba de 'phel bar 'gyur ba'i thabs la brtson par bya ste/ gal te rkyen 'ga' zhig gis nyams par gyur na yang de ma thag tu phyir ldang ba'i thabs la 'bad par bya ste/ pham pa'i gnas lta bu'i chos spyad pas sdom pa slar blang ba dang/ zag pa 'bring las gyur pa rnams gsum la bshegs pa dang/ chung ngu las gyur pa rnams gcig la bshags pa dang/ de dag las gzhan pa rang gi sems kyis bsdam par bya ba rnams ji ltar spyad pa bzhin chos dang mthun par sor chud par bya'o/ /de dag gi las kyi sgrib pa lhag mar gyur pa dag dang/ gzhan yang thog ma med pa'i dus nas kun nas bsags pa'i sgrib pa stug po ji snyed pa rnams kyis byang chub chen po la gegs su mi 'gyur bar bya ba'i phyir thub pas gnang ba'i byang chub sems dpa' i ltung ba bshags pa'i cho ga 'dis nyin mtshan dus drug tu bshags pa la 'bad par bya'o/ /de la yang gang la bdag gi sgrub pa rnams bshags par bya ba de dag la dpung gnyen du bzung ste/ gus pas phyag 'tshal la gsol ba gdab par bya ba yin pas thog mar skyabs su 'gro ba ni bdag ming 'dis zhes bgyi ba sangs rgyas la skyabs su mchi'o zhes bya ba la sogs pa ste/ yang dag par rdzogs pa'i sangs rgyas dang/ chos dang/ de'i rjes su sgrub pa'i dge 'dun rnams ni rim pa bzhin 'khor ba las brgal ba'i lam ston pa dang/ lam dang/ de sgrub pa'i grogs yin pa'i phyir ro/ /gzhan dbyig gi snying po dang/ 'phrog byed
- 230b
dang/ seng ge dang/ mthu bo che la sogs pa dang/ ser skya dang/ gzigs zan la sogs pa ni ma yin te/ rang nyid srid pa'i btson ra mi bzad bar las dang nyon mongs pa'i lcags sgrog dam pos bcings shing 'chi ba la sogs pa'i srin po 'jigs su rung ba dag gis kun tu bcoms pa'i phyir ro/ /de bas na 'di dag kyang srid pa'i btson ra nas thar pa sangs rgyas kho na la rag las pa'i phyir sems dang ldan pa su zhig sangs rgyas la sogs pa bor te gzhan la skyabs su 'gro bar byed/ phyag 'tshal ba ni de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes bya ba la sogs pa ste/ de bzhin gshegs pa sum cu rtsa lnga po 'di dag gis byang chub sems dpa' i spyad pa spyod pa'i tshe bdag cag bla na med pa yang dag par rdzogs pa'i byang chub tu mngon par rdzogs par sangs rgyas pa na/ gang zhig bdag cag gi mtshan 'dzin cing phyag 'tshal ba de dag kyang las kyi sgrib pa zad par gyur cig ces smin lam btab po/ /des na smon lam gyis stobs can yin pa'i phyir 'di rnams phyag 'tshal ba'i gnas su bkod de/ gzhan rnams la phyag 'tshal bar bya ba ma yin no zhes ni mi brjod do/ /de la de bzhin gshegs pa ni chos rnams kyi de bzhin nyid rtogs pa 'am der song ba'o/ /dgra bcom pa ni ar ni dgra 'am rtsibs te/ de bcom zhing bcag pa dang ha do/ /nyon mongs pa bag chags dang bcas shing yang mi skye ba'i chos can du byas pas rten cing 'brel bar 'byung ba'i rtsibs bcag pa'i phyir dgra bcom pa zhes bya ste ar had do/ /yang na 'os pa ste/ khams gsum pa thams cad kyis mchod par 'os pa la sogs pa'i phyir ro/ /yang dag par
- 231a
ram?/ mnyam par kun tu ma lus pa'i phyir sangs rgyas pas yang dag par rdzogs par sangs rgyas pa 'di dag gis spangs pa dang yon tan gyi che ba gnyis brjod do/ /gzhan gyi yon tan du yang ba lta'o// shAkya thub ba ni shAkya'i rigs su thub pa byung bas de skad ces bya'o/ /yang dag par rdzogs pa'i sangs rgyas kyi ye shes ni mi phyed pas rdo rje ste/ de'i snying pos 'jig tshogs su lta ba la sogs pa mi mthun pa'i phyogs thams cad 'joms pas rdo rje snying po rab tu 'joms pa'o/ /de bzhin du gzhan rnams la yang yon tan gyi mtshan gyi rjes su 'brangs nas ji ltar rigs par mtshan gyi don bshags par bya ste/ yon tan mdza' yas pas re re la thams cad kyi mtshan brjod kyang de'i rgyu mtshan gnas pa'i phyir rang dga' i nyes par 'gyur du dogs par mi bya'o/ /gsol ba gdab pa ni de dag la sogs te zhes bya ba la sogs pa ste/ bcom ldan 'das ni nyes pa rnams bcom pa'am/ dpal la sogs pa'i yon tan dang ldan pa'o/ /ji snyed ni ma lus pa'o/ /bzhugs pa dang 'tsho ba dang gzhes pa ni rim pa bzhin du chos kyi sku la sogs pa gsum gyis so/ /bdag la dgongs pa ni thugs gtang par gsol ba'o/ /bdag gis gsol ba tshul dang 'thun pa yin gyi/ sangs rgyas rnams bsnyel ba mi mnga' ba'i chos nyid brnyes pa nam du yang sems can gcig la yang mi dgongs pa mi srid do/ /de ltar na sems can rnams 'khor pa'i sdug bsngal yang ba 'di dag las ci'i phyir grol par mi mdzad ce na/ sems can rnams rang rang gi nyes pa ste/ ji ltar nyi ma'i dkyil 'khor gzi brjid dang ldan pa'i 'od kyis phyogs thams cad
- 231b
rgyas par byed pa nye bar gnas kyang dmus long dag gis mi mthong ba bzhin no/ /de nas dkon mchog ta la la las kyang/ dmus long gis ni nyi ma mi mthong yang/ de med ma yin 'jig rten kun tu 'chang/ /mig dang ldan pas shar bar shes gyur nas/ /kun kyang so sor rang gi las la 'jug ces bya ba la sogs pa don 'di rgyas par bstan te/ /yul de dag gang la bshags par bya ba sgrib pa'i dngos po ni bdag gis byas pa la sogs pa ste/ bdag gis ni byed pa po'o// skye ba 'di dang skye ba thog ma dang tha ma ma mchis ba ni byas pa'i dus so/ /'khor ba na 'khor ba'i tshe skye gnas gzhan dag ni byas pa'i gnas so/ /byas pa'i sdig pa'i rang bzhin spyir brjod pa ni sdig pa'i las zhes bya ba la sogs pa ste/ gang ci lang rung ste/ sdug bsngal gyi rtsa bar 'gyur ba'i las rang gis byas shing gzhan la byed du bcug pa ni de ltar ma yin yang byas pa la dga' bas rjes su yi rang ba dang/ bye brag tu rnam par smin pa lci ba'i mchod rten gyi dkor ram zhes bya ba la soD pa ste/ ma byin par len pa rnams kyi nang na lci ba sbyin bdag dad pa can rnams kyis gnas chen po brgyad la sogs pa'i mchod rten gyi ched du phul ba'i yo byad dam/ phyogs bzhi'i dge 'dun pa thaMs cad dbang ba gang zag so so'i bdag gi ma byas pa phrogs pa la sogs pa'o/ /de dag gis ngan song ngan 'gro rnam pa gsum gyi bar du yang ? mi bzad pa myong bar byed cing spyad ba dka' bas rnam par smin pa lci ba'o/ /shin tu sdug bsngal ba'i nyes pa'i rgyu ni mtshams med pa'i las zhes pa la sogs pa ste/ pha bsang ba la sogs pa 'di dag gang gis byas pa la sogs pa nang shin tu bzod par dka' ba'i sdug bsngal nyams su 'bab pa'i mnar med pa'i sems can dmyal ba gzhan la sdug bsngal khyad par can du 'gyur skye
- 232a
ba la gang gis kyang bar mchod pas mtshams med pa ste/ des na 'di dag shin tu sdug bsngal pa'i nyes pa'i rgyu zhes kyang bya'o/ /gzhi thams cad kyis bsdus pa'i mi dge ba ni mi dge ba bcu zhes bya ba la sogs pa ste/ ngan 'gro gsum ci rigs par rnam par smin par myong bar 'gyur ba lus la sogs pa gzhi thams cad kyi las te/ lus la brten pa srog gcod pa la sogs pa gsum dang/ ngag la brten pa brdzun du smra ba la sogs pa bzhi dpa?/ yid la brten pa gnod sems la sogs pa'o/ /de gsum gyis ni gzhi thams cad bsdus pa mi dge ba'i las kyi lam ma lus pa zhes bya'o/ /de las gzhan pa'i sgrib pa de dang rjes su mthun pa rnams ni las kyi sgrib pa gang gis zhes bya ba la sogs pa'o/ /de dag kyang gang byas na rang dang gzhan gyi don sgrub pa la nus pa med cing bar du chod pa'i skye ba 'dzin pa/ sems dmyal yi dags dud 'gro dang/ /kla klo 'du shes med lha dang/ /log lta sangs rgyas la mi 'dun/ /lkugs dang mi khom gnas brgyad do/ /zhes gsungs pa de dag tu skye bar 'gyur ba'i las te/ chos zab mo spong ba dang/ ltung ba phra mo dag la mi 'dzems pa dang/ ser snas yo byad la sogs pa la zhen te cung zad kyang mi gtong bar sog pa dang/ sangs rgyas la sogs pa la mi gus pa dang/ thabs mi mkhas pas 'du shes med pa'i snyoms par 'jug pa yid la byed pa dang/ gzhan gyi mig gi dbang po la sogs pa dang bral bar byed pa dang/ log bar lta ba'i rjes su phyogs pa dang/ smon lam ma sbyangs pa ste/ ji ltar rigs par gzhan yang bgrang ba las 'das pa shin tu phra bar 'gyur pa de dag thams cad do/ /dngos po de dag ji ltar bshags pa ni
- 232b
sangs rgyas bcom ldan 'das zhes bya ba la sogs pa ste/ sangs rgyas rnams mngon du byas te mthol ba la sogs pa byas te phyis sdom pa'o/ /de la ye shes su gyur ba ni ji lta pa'i rnam pa don dam pa dng/ ji snyed pa'i rang bzhin du kun rdzob thams cad mkhyen pa'i rang bzhin can no/ /spyan du gyur pa ni spyan lnga rnam par dag pas mkhyen pa'o/ /dpang du gyur pa ni don thams cad phyin ci ma log par mkhyen pa'o/ /tshad mar gyur pa ni dbang du gyur pa de nyid kyi phyir ro// mkhyen ba ni ye shes kyis so/ /gzigs ba ni spyan gyis te de dag gi spyan sngar ro/ /yang na mngon par shes pa drug dang sbyar ro zhes kha cig 'chad de zhes grag go /mthol ba ni rang gi ngo bos 'di byas so zhes dag tu brjod pa'o/ /de dag la nyes pa rnam pa du mar lta zhing sems kyis mi mthun par bzung nas nyes pa can du ston pa ni bshags pa'o/ /mi 'chab pa ni bdag gis bgyis pa'i sdig pa rnams gzhan gyis tshor te 'ong snyam nas de'i thabs yid la mi byed pa'o/ /slan chad kyang sdem pa ni gnyen pos kun nas bzung ste /snga ma'i rjes su mi 'jug par rgyun kun nas gcod pa'o/ /de dag gis ni/ bdag gis byas shing bsags pa'i sdig pa'i las/ /zang par 'gyur pa'i stobs bzhi yang bstan te/ /rten gyi stobs dang/ rnam par sun 'byin pa'i stobs dang gnyen po kun tu spyod pa'i stobs dang/ sor chung pa'i stobs so/ /de la gang la sgrib pa rnams bshags par bya pa'i rten bkon mchog gsum dang/ de bzhin gshegs pa rnams la skyabs su 'gro ba dang/ phyag 'tshal ba ni rtan gyi stobs so/ /byas pa'i rnam grangs nye bar rtogs cing nyes pa du ma'i 'byung gnas su bzung nas yid la gcags pas bdag nyes pa can du brjod pa ni rnam par sun 'byin pa'i stobs so/ /gnyen po de dang de dag yid la
- 233a
byas pas yang mi 'byung bar byed pa ni gnyen bo kun tu spyod pa dang/ sor chud ba'i stobs so/ /stobs bzhi po de dag yid la byas shing sems thig? pa nas kha ton du byas na las kyi sgrib pa rnams kun nas bsrabs par 'gyur te/ ji skad du/ byams pa chos bzhi po 'di dag ni? sdig pa byas shing bsags pa rnams kun nas bsrabs bar 'gyur ba ste/ bzhi gang zhe na/ rten gyi stobs dang/ rnam par sun 'byin ba'i stobs dang/ gnyen po kun tu spyod pa'i stobs dang/ sor chung ba'i stobs so/ /des ni byang chub sems dpa' gang dag sdig pa'i las zad par 'dod pa dag gis mdo 'di mang du yid la bya'o/ /kha ton du bya'o zhes gsungs pa bzhin no de ltar las kyi sgrib pa rnams bshags nas/ da ni bdag gis byas pa'i dge pa'i rtsa ba rnams yang dag pa'i bsngo bas ma zin pas 'bras bu med pa 'am/ yod kyang dman par gyur bas srid pa'i rgya mtsho las brgal ba'i phyir dge ba rnams bsngo bar bya ste/ des ni 'byung khungs nas 'dus byas pa'i gser gyi phung po mgar ba mkhas pas rgyan du byas na rang dang gzhan la nye bar mkho ba'i yan lag tu 'gyur ba bzhin du ji ltar 'dod pa'i 'bras bur 'gyur ro/ /de la gang gi mdun du bsngo bar bya ba dag la gsol pa gdab pa ni sangs rgyas zhes bya ba la sogs pa'o/ /gang bsngo bar bya ba'i dge ba ni bdag gis zhes bya ba la sogs pa ste/ bdag ces bya ba la sogs pa ni snga ma bzhin no/ /dge ba'i rang bzhin ni rnam pa gsum te/ sbyin ba las byung ba dang/ tshul khrims las byung ba dang/ bsgoms pa las byung ba'o/ /de la sbyin pa las byung ba ni/ sbyin pa tha na zhes bya ba la sogs
- 233b
pa ste/ chen por 'gyur ba'i sbyin pa snod du gyur ba la chos kyi sbyin pa dang/ 'jigs pa la mi 'jigs ba'i sbyin pa dang/ byams pa'i sbyin pa dang/ zang zing gi sbyin pa dngos po mig la sogs pa nas yongs su btang ba dang/ khyad par du 'phaD pa dag la phyi rol tu gyur pa'i sems can gyis bsdus pa'i bu la sogs pa btang ba dang/ de las gzhan pa gling bzhi la sogs pa btang ba dang/ rgyal srid dang/ de'i phyed dang/ yul 'khor dang ljongs dang/ grong la sogs pa dang/ /zas dang skom la sogs pa btang ba dang/ tha na dud 'gro'i skye gnas su skyes pa la zas kham gcig tsam byin pa yan chad de/ /yul dang dngos po shin tu dman par 'gyur ba'o/ /tshul khrims las byung ba'i dge ba theg pa thams cad la so sor thar pa'i sdom pas bsdus pa/ bsnyen par rdzogs pa nas dge bsnyen gyi bar gyi thun mong gi tshul khrims bsrung ba'o/ /rab tu byung bar gtogs pa kho na ni tshangs par spyod pa kho na la gnas pa'o/ /byang chub sems dpa' kho na'i dbang du byas pa sems can rnams yongs su smin par bya ba dang/ byang chub kyi sems kyi dge ba'i rtsa ba ste/ sbyin pas sems can smin par byed pa dang/ bsam pas byang chub kyi sems yongs su mi gtong ba kho na byang chub sems dpa' i tshul khrims rnam par dag pa yin pa'i phyir ro/ /de ltar ma yin na dge ba'i las kyi lam bcu la bskal pa bye ba tsam du mi dge ba'i skabs ma phye yang tshul khrims ngag pa zhes mi bya la/ bsam pa dang sbyor ba de lta bus brtson na 'dod pa'i yon tan lnga dang 'dre bar spyod kyang tshul khrims rnam par dag pa zhes brjod de/ de skad du yang bcom ldan 'das ma las/ byang chub sems dpa' gang zhig
- 234a
'dod yon lnga spyod kyang/ /sangs rgyas chos dang 'phags pa'i dge 'dun skyabs song ste/ /sangs rgyas 'grub bya snyam du kun mkhyen yid byed na/ /mkhas pa tshul khrims pha rol phyin gnas rig par bya/ /gal te bskal pa bye bar dge ba'i las lam bcu/ /spyod kyang dgra bcom rang rgyal nyid du 'dod skyed na/ /de tshe tshul khrims skyon byung tshul/ khrims nyams pa yin/ /sems bskyed de ni phas pham pas kyang shin tu lci zhes gsungs so// 'di yang gzhan gyi don gtso bor gyur pas gtso bor gzhag pa yin gyi/ rang gi don 'dogs ba ni ma yin no/ /bsgoms pa las byung ba ni bla na med pa'i ye shes kyi dge ba'i rtsa pa zhes bya ba ste/ bla na med pa'i ye shes ni bla? ma pa thams cad mkhyen pa ste/ kun rdzob kyis bsdus pa ji snyed yod ba dang/ don dam bas bsdus pa ji lta bar gnas pa thams cad mkhyen pa nyan thos la sogs pa thams cad las phul du byung ba'o/ /de ni chos rnams kyi rang bzhin stong pa nyid dang/ sgyu ma lta bus bsgoms pa las byung ba ste/ de dag gom ba phul phyin pa na spros pa thams cad bcad do/ /rang bzhin med pa gsal ba rab tu gyur nas ci yang mthong ba med pa'i tshul gyis chos rnams rang bzhin stong pa nyid ji lta ba yul du byed cing sgyu ma lta bu'i don nam mkha' dang mnyam pa rgyu dang 'bras bus bsdus pa'i chos thams cad lag mthil du skyu ru ra bzhag pa bzhin du sgrib ba'i dri ma spangs pa las mngon sum du 'gyur ro/ /des na slob dpon zhi ba'i lhas kyang/ /nyon mongs shes bya'i sgrib ba ni/ /mun pa'i gnyen po stong ba nyid/ /myur du thams cad mkhyen 'dod pas/ /ci phyar de ni sgom mi byed/ /ces thams cad mkhyen pa'i ye shes kyi rgyu stong pa nyid bsgoms pa
- 234b
gsungs te/ de ltar sbyin ba dang chu la khrims dang bsgoms pa las byung ba de thams cad bsngo bar bya'o/ /ji ltar bsngo zhe na/ bsngo ba'i rnam ba ni gcig tu bsdus shing zhes bya ba la sogs pa ste/ de thams cad blos phyogs gcig tu byas te/ gzhan las phul du byung ba'i rnam bas so/ /de la gcig tu bsdus ba ni rang gi ngo bo'i sgo nas so/ /bzlums pa ni bya ba'i sgo nas so /bsdoms pa ni nus pa'i sgo nas so/ /bla na ma mchis pa la sogs pa gsum ni nyan thos dang rang sangs rgyas dang/ byang chub sems dpa' laS khyad du 'phags pa ste/ de ltar bsngo ba'o/ /gang du bsngo ba ni bla na med ba zhes bya ba la sogs pa ste/ gnas skabs der ro/ /thabs gang gis bsngo ba ni ji ltar zhes bya ba la sogs pa ste/ 'das pa la sogs pa'i bsngo ba ji lta bas so/ /de yang sangs rgyas bcom ldan 'das kyis dge ba'i rtsa ba rnams yang dag par med par shes bzhin du mdun du byas nas dge ba'i rtsa ba de dag dang/ bsngo bar byed pa'i sems dang/ gang du bsngo bar bya ba'i bla na med pa'i byang chub kyang don dam pa'i mtshan ma cung zad du yang mi 'dzin par sems can gyi ched du bla na med pa'i byang chub tu bsngo ba mdzad pa de bzhin du bdag gis kyang bsngo ba 'am/ de lta bu'i thabs bdag gis mngon du bya bar ma nus na yang/ sangs rgyas bcom ldan 'das kyis dge ba'i rtsa ba ji ltar bsngos pa de bzhin du bdag gi dge ba'i rtsa ba 'di yang bsngo'o/ /zhes tshul de ltar bsngo bar bya ba ni sangs rgyas kyis yongs su gnang ba thabs dang bcas pa'i bsngo ba yin no// de ltar sdig pa bshags pa dang/ dge ba bsngo ba gsungs nas/ byang chub chen po thob ba'i thabs bsdus te brjod pa ni sdig pa thams cad ni so sor bshags so zhes bya ba la sogs pa ste/ srid pa'i bcon rar 'khyams shing byang chub
- 235a
chen po mi 'thob pa'i rgyu ni rang gis sdig pa'i las bsags pa dang/ gzhan gyi dge ba la zhe sdang ba dang/ sangs rgyas kyi bstan pa med cing de 'jig rten na mi bzhugs pa dang/ smon lam phyin ci log btab pa dang/ sangs rgyas lam gus pa dang/ de'i skyabs dang bral ba las yin la/ nyes pa de dag rim pa bzhin sdig ba bshags pa la sogs pas byang chub chen po 'thob par 'gyur ro/ /des na slob dpon dbyig gnyen gyis kyang/ byang chub chen po 'thob ba'i rgyu ni/ sdig pa thams cad ni so sor bshags so/ /bsod nams thams cad kyi rjes su yi rang ngo/ /sangs rgyas la gsol ba 'debs so/ /bdag gi ye shes bla na med ba'i mchog thob bar gyur cig ces bya'o zhes gsungs te/ sngar bshad pa bzhin stobs bzhi'i sgo nas rang gis byas shing bsags pa'i sdig pa bshags pa dang/ zag? pa dang bcas pa dang/ zag pa med pa'i dge ba rnams byed pa'i bsam pas phul du byung ba'i dga' ba thob pa dang/ sangs rgyas bcom ldan 'das gang dag chos kyi 'khor lo bskor bar mi bzhed cing thugs las chung ba la gzhol bar mdzad pa dang/ mya ngan las 'das pa kun tu ston pa rnams la 'gro ba rnams kyi don du chos kyi 'khor lo bskor ba dang/ mya ngan las mi 'da' bar bskal pa grangs mid par bzhugs par gsol ba 'debs pa dang/ dge ba gang dang gang byas pa rnams kyis bdag ye shes kyi mchog rnam pa thams cad mkhyen par smon lam 'debs pa'o/ la/ skyabs su nye bar mchi ba ni/ 'jigs pa thams cad kyi dpung gnyen du gzung ba ste/ des ni sangs rgyas rnams la gus shing skyabs kyi gnas su gzung ba'o/ /de dag gis ni mdo sde gzhan nas phung po gsum
- 235b
zhes gang bstan pa de yang bsdus te/ sdig pa bshags ba ni bshags ba'i phung bo'o/ /dge ba'i rtsa ba bsngo ba ni/ bsngo ba'i phung po'o/ /byang chub chen po thob pa'i thabs kyis sdig pa ni bshags bas so/ /rjes su yi rang ba ni bsngo ba'i yan lag ste/ rjes su yi rang ba'i dge ba bsngo das so/ /gsol ba 'debs pa ni gsol ba gdab pa'i phung bo'o/ /smon lam 'debs pa ni bsngo ba'i rang bzhin yin no/ /phyag 'tshal ba dang skyabs su bzung ba ni rten gyi stobs te/ sdig pa bshags pa'i phung por 'dus so/ /de dag sems thag pa nas nyin lan gsum mtshan lan gsum du rgyun mi 'chad par byas na byang chub sems dpa' de'i las kyi lam kyi sgrib pa rnams zad nas 'dod ba'i 'bras bu mngon du 'gyur bas 'di la brtson par bya'o/ /slob dpon zhi ba'i ltas kyang/ nyin dang mtshan mo lan gsum du/ /phung po gsum pa gdon bya zhing/ /rgyal dang byang chub sems brten pas/ /ltung ba'i lhag ma des zhi ba gsungs so/ /ji ltar byang chub sems dpa' i las kyi sgrib pa rnams 'dis sbyang bar bya ba bzhin du gzhan thams cad kyang ltung ba rnams chos dang mthun par sor chud par byas nas las kyi sgrib pa ltag ma rnams 'dis sbyang bar bya ba kho na'i/ /gzhan dag las kyi sgrib pa zad par 'dod pa su yang rung ba dag gis kyang 'di la brtson par bya'o/ /de ltar na las kyi sgrib pa rnams zad par 'gyur ro/ /sangs rgyas bcom ldan 'das nyes pa ma lus pa drungs nas byung zhing ma nor bar rtog pa'i ye shes can brtse ba chen po gzhan sdug bsngal dang dbral bar bzhed ba'i bdag nyid chen po yin pas 'di la yid gnyis cung zad kyang med de/ rdzun gsung ba mi srid pa'i phyir ro/ /spyod yul ma yin 'dod chen la/ /rang dang gzhan gyi don gyi ngor/ /bdag gis 'dab bgyis nongs pa las/ skye bo mkhas rnams bzod bar mdzod/ /
- 236a
'di byas pa las bsod nams ni/ /dam tshig rdo rjes thob gang yin/ /des ni 'khor ba ma lus pa'i/ /ma rig thibs po dpyis 'byin shog /las kyi sgrib pa rnam bar sbyong ba'i cho ga bshad pa zhes pa slob dpon bI baM ka ra sh+rI dz+nyA nas mdzad pa rdzogs so// //baN+Ti ta de nyid dang/ lots+tsha ba dge slong tshul khrims rgyal bas bsgyur ba'o// //phung po gsum pa'i sgrub thabs nag po pas mdzad ba'o// //rgya gar skad du/ skan d+ha tri sA d+ha na nA ma/ bod skad du/ phung po gsum pa'i sgrub thabs zhes bya ba/ 'phags pa 'jam dpal la phyag 'tshal lo/ /'gro ba'i mi shes gdung sel ba/ /thub pa nyi zla la btud nas/ /sdig pa thams cad rab 'khru ba'i/ /cho ga yang dag bstan par bya/ /dus yul kun slong byed pa dang/ /ngo bo rnam smin bsam byas pas/ /dug 'thungs lta bur yid byung dis/ /'bad na nges bar dag 'gyur ro/ /zla stong skar ma bzang po'i tshe/ /gnas khang phyag dar brgyan par bya/ /phyogs bzhir mtho bzhi brtsuD ba la/ /sngags chu yongs su blugs par bya/ /de'i sngags ni 'di yin te/ na mo ratna tra yA ya/ na ma Arya lo ki te shwa rA ya/ bo d+hi satwA ya/ mahA satwA ya/ mahA kA ru Ni kA ya /tadya thA/ ti li ban d+ha mi/ mi li ban d+ha mi/ ci li mi li ban d+ha mi/ sa me ban d+ha mi/ zhes lan nyi shu rtsa gcig bzlas par bya'o/ /de nas khrus byas stan la 'dug /byams la sogs pa bsgom byas te/ /dad por yi dags gtor ma btang/ /de nas chos skyong srung ma la/ /gtor ma btang nas gsol ba gdab/ /sangs rgyas bstan bsrung zhal bzhes pa/ /rgyal chen bzhi sogs ma lus rnams/ /bdag la dgongs gsol bdag cag rnams/ /byang chub ltung ba bshags pa yi/ /lam zhugs nas ni sdig 'chags la/ /bar chad rkyen ni
- 236b
mi 'byung zhing/ /bgegs kyi dbang du mi 'gyur bar/ /sdig pa bshags pa'i cho ga 'di/ /myur du 'grub par mdzad du gsol/ /de nas phyag 'tshal sogs bdun bya/ /yang na gsol ba gdab byar? ba/ /phyogs bcu dag na bzhugs pa yi/ /sangs rgyas byang chub sems dpa' rnams/ /bdag la dgongs gsol snga ma bzhin/ /de nas byang shar phyogs gnas pa/ /rgyal ba sum cu rtsa lnga rnams/ /rgyal sras lhag ba'i lha kun dang/ /rang bzhin dbyer byed bsam byas te// phyag re btsal bas lce thog na/ /yod sdig bsal bas bsam bya'o/ /lhag ma 'dug la gus pas gdon/ /de bzhin du ni tshar lnga nyid/ /de nas gcig ni dang po bzhin/ /bton nas de ni mi dmigs bsam/ /ngal na lha yi bzlas pa bya/ /ngal sos nas kyang de bzhin te/ /nyin mtshan lan drug 'bang bya ba/ /zhag ni gsum la sogs par bya/ /zin nas tho rangs khrus byas te/ /mchod dang gsol ba gdab bya ste/ /phyogs dus kun na bzhugs pa yi/ /sangs rgyas byang chub sems dpa' rnams/ /bdag la dgongs gsal bdag sdig rnams/ /dag pa'i mtshan ma bstan du gsol/ /lan gsum brjod de tshul bzhin nyal/ /de nas rmi lam brtag bya ba/ /chu bo chen po brgal ba dang/ /zam pa la 'gro khrus byed dang/ /gos med pa la char 'bab dang/ /rgyal ba sum cu rtsa lnga rnams/ /mthong ngo ba la sogs rtags zhes zer/ /skul byed gzungs las 'di ltar bshad/ /skyug dang 'o zho 'thung ba dang/ nyi zla mthong dang me 'bar dang/ /ma he mi nag thub pa dang/ /dge 'dun mthong dang 'o ma'i shing/ /glang po khyu mchog ri bo dang/ /seng+ge khang bzangs steng 'dzegs dang/ /chos nyan rmi na sdig bral rtags/ /de dag mtshan 'dzin brjod pa dang/ /chos 'di
- 237a
bklags pa nyid kyis kyang/ /ltung ba 'byong las 'gyung ba dang/ /ting nge 'dzin sogs 'grub par 'gyur/ /nyan thos theg bas de ltar min/ /de dges 'gro ba ma lus pa/ /nges shes sdig pa rab spangs te/ /sgrib gnyis dag pa'i ye shes ni/ /thob nas 'gro ba'i don byed shog /phung po gsum pa'i sgrub thabs/ /slob dpon kriSh+Na pas mdzad pa rdzogs so// //rgya gar gyi mkhan po chen po dI po kar sh+ri dzwA? na dang/ lots+tsha ba dge slong tshul khrims rgyal bas bsgyur ba'o// // ' dkon brtsegs pa 'od srungs le'u'i bshad pa slob dpon blo brtan gyis mdzad pa bzhugs// //rgya gar skad du/ Arya mahA ratna ku Ta d+harma paryA ya ba ri? bart+ta sha ta sA ha sri ka kA sh+ya pa pa ri bart+ta TI ka/ bod skad du/ 'phags pa dkon mchog brtsegs pa chen po chos kyi rnam grangs le'u stong phrag brgya pa las 'od srungs kyi le'u'i rgya cher 'grel pa 'jam dpal gzhon nur gyur pa la phyag 'tshal lo/ /'jig rten mgon po sdug bsngal mtsho brgal ba/ /thugs rje che dang ldan la phyag 'tshal te/ /yang dag don gyi rgyan gyis mdzes byas pa/ /dkon mchog brtsegs pa'i bshad pa brjod par bya/ smras? ba/ khyod dkon mchog brtsegs pa 'chad 'dod do zhes zer na chos kyi rnams grangs 'di dkon mchog brtsegs pa zhes btags pa ci/ dgos pa de nyid je bshad dgos so/ /smras pa/ theg pa chen po'i chos dkon mchog gi rnam pa thams cad bsdus pa'i phyir ro/ /theg pa chen po'i chos dkon mchog la chos dkon mchog gi rnam pa ji snyed pa de bsdus ba na/ dkon? mchog brtsegs ba zhes bya'o/ /brtsegs pa ni spungs pa dang/ phung po dang/ bcer bzhes bya ba dang/ don
- 237b
tha dad pa ma yin no/ /de la bcom ldan 'das kyis byang chub sems dpa' rnams las brtsams nas theg pa chen phor rnam pa bcu drug gis chos bstan te/ ji ltar byang chub sems dpa' sgrub pa na log par zhugs par 'gyur ba log par sgrub pa'i rnam pa dang/ ji ltar byang chub sems dpa' sgrub pa yang dag par zhugs par 'gyur ba yang dag par sgrub pa'i rnam pa dang/ yang dag par sgrub pa'i legs pa'i rnam pa dang/ byang chub sems dpa' yang dag par sgrub pa la gnas pa/ chos spyod pa/ mnyam par spyod pa/ dge bar sbyor ba dang/ chos la spyod pa la gnas pa'i tshul gyis rnam pa dang/ byang chub sems dpa' la gnod par sems ba dang pa yang dag par bskyed pa'i phyir dpe'i rnam pa dang/ byang chub sems dpa' yang dag par sgrub pa la gnas pa'i bslab pa'i rnam ba dang/ nyan thos kyi bslab pa dang/ byang chub sems dpa' i bslab pa'i khyad par gyi rnam pa dang/ byang chub sems dpa' i bslab pa la shin tu bslab pa'i byang chub sems dpa' i 'jig rten ba dang 'jig rten las 'das pa'i ye shes kyis gzhan gyi don bya ba'i rnam pa dang/ byang chub sems dpa' i sde snod kyi gdams ngag de la nyan thos kyi bslab ba'i rnam pa dang/ dge sbyong legs par ma bslabs pa'i rnam pa dang/ dge sbyong legs par bslabs pa'i rnam pa dang/ brde'i sdom pa la gnas pa'i rnam pa dang/ don dam pa'i sdom pa la gnas ba'i rnam pa dang/ de bzhin gshegs pas 'dul ba'i thabs kyi rnam ba dang/ ldem po dag tu smra ba'i rnam pa dang/ byang chub sems dpa' i sde snod gdams ngag la mos pa'i legs pa'i rnam pa ste/ bcom ldan 'das kyis byang chub sems dpa' rnams las brtsams nas theg ba chen po rnam pa
- 238a
bcu drug po 'di dag gis chos bstan te/ rnam pa 'di dag thams cad kyang chos kyi rnam grangs 'di la snang ngo/ /de bas na theg pa chen po las gsungs pa'i chos dkon mchog gi rnam pa thams cad bsdus pa'i phyir dkon mchog brtsegs ba zhes bya'o/ /smras pa ji ltar na thog pa chen po las gsungs pa'i rnam pa de dag thams cad mdo sde 'dir bsdus/ smras pa chos bzhi po 'di dag ni byang chub sems dpa' i shes rab yongs su nyams par 'gyur ro zhes bya ba nas brtsams te nag po'i phyogs su bsdus pa'i bzhi pa phrag brgyad po dag ni log par sgrub pa'i rnam par bsdu bar rig par bya'o/ /chos bzhi po dag ni shes rab chen por 'gyur ba'o zhes bya ba nas brtsams te/ dkar pa'o? phyogs kyi chos su bsdus pa bzhi ba phrag brgyad po dag ni/ yang dag par sgrub pa'i rnam pa bsdu bar rig bar bya'o/ /bzhi po 'di dag ni byang chub sems dpa' i gter chen po rnyed pa'o zhes bya ba nus? brtsams te/ bzhi phrag bzhi po dag ni/ yang dag par sgrub pa'i leD pa'i rnam par bsdus par rig par bya ste/ de ltar bzhi phrag nyi shu po de dag gis ni kun nas nyen mongs pa dang/ rnam par byang ba dang/ legs par bsdu bar yongs su bstan pa yin no/ /'od srungs byang chub sems dpa' ni ming tsam gyis byang chub sems dpa' zhes mi bya ste/ zhes bya ba nas brtsams te/ chos sum cu rtsa gnyis po dag ni tshul khrims kyi rnam par bzhag par rig par bya'o/ /'od srungs khyod la dper bya ba bstan to zhes bya ba nas brtsams te/ ngo bo bcu dgu po dag ni/ dpa' rnam par bsdu bar rig par bya'o/ /'od srungs de bas na byang chub sems dpa' dkon mchog brtsegs
- 238b
pa chen po'i chos kyi rnam grangs 'di la slob par 'dod pas zhes bya ba nas brtsams te/ yang dag par sgrub pa la gnas pa'i bslab pa'i rnam par bsdu bar rig par bya'o/ /'od srungs 'di lta ste/ dper na nam mkha' las sa bon rnams mi 'khrung ngo zhes bya ba nas brtsam te/ nyan thos kyi bslab pa dang byang chub sems dpa' i bslab pa'i khyad par gyi rnam par bsdu bar rig par bya'o/ /de nas bcom ldan 'das kyis yang tshe dang ldan pa 'od srungs chen po la bka' stsal pa zhes bya ba nas brtsams te 'jig rten pa dang/ 'jig rten las 'das pa'i ye shes kyis gzhan gyi don bya ba'i rnam par bsdu bar rig par bya'o/ /'od srungs nang du yongs su tshol cig /phyi rol tu ma rgyu gcig ces bya ba nas brtsams te/ byang chub sems dpa' i sde snod kyi gdams ngag nga la nyan thos kyi bslab pa'i rnam par bsdu bar rig par bya'o/ /'od srungs dge sbyong dge sbyong zhes bya ba 'od srungs ji tsam gyis ni/ dge sbyong ni bzhi po 'di dag ste/ zhes bya ba la dge sbyong gong ma gsum ngo ni dge sbyong legs par ma bslabs pa'i rnam par bsdu bar rig par bya'o/ /bzhi pa ni dge sbyong legs bar bslabs pa'i rnam par bsdu bar rig par bya'o/ /'od srungs bzhi po de dag ni ngang tshul ngan pa can tshul khrims dang ldan ba 'dra ba ma yin te/ zhes bya ba tshul khrims dang ldan ba bzhi po dag ni brdo'i? sdom ba la gnas ba'i rnam par bsdu bar rig par bya'o/ /'od srungs tshul khrims tshul khrims zhes bya ba ni gang la bdag med ba dang/ bdag gi ba med pa zhes bya ba nas brtsams te/ don dam pa'i sdom pa la gnas pa'i rnam par bsdu bar rig par bya'o/ /de nas bcom ldan 'das la tshe dang ldan pa 'od srungs chen pos 'di skad ces gsol to/ /bcom
- 239a
ldan 'das dge slong bsam gtan thob pa lnga brgya po 'di dag stan las langs te mchis zhes bya ba nas brtsams te/ de bzhin gshegs pas 'dul ba'i thabs kyi rnam par bsdu bar bya'o/ /de nas tshe dang ldan pa rab 'byor gyis dge slong de dag la 'di skad ces smras so/ /tshe dang ldan pa dag gar dong dong gang na lhags zhes bya ba nas brtsams te/ ldem po'i ngag tu smras pa'i rnam par bsdu bar rig par bya'o/ /de nas bcom ldan 'das la tshe dang ldan pa 'od srungs chen pos 'di skad ces gsol to/ /bcom ldan 'das ji tsam du dkon mchog brtsegs pa'i chos kyi rnam grangs 'di rigs kyi bu 'am rigs kyi bu mo theg pa chen po la yang dag par zhugs pa rnams la phan 'dogs par gyur pa ni ngo mtshar to zhes bya ba nas brtsams te/ byang chub sems dpa' i sde snod kyi gdams ngag la mos pa'i legs pa'i rnam par bsdu bar rig par bya ste/ /theg pa chen po las gsungs pa'i chos dkon mchog gi rnam pa bcu drug po 'di dag bsdu ba'i phyir chos kyi rnam grangs 'di dkon mchog brtsegs pa zhes btags par rig par bya'o/ /bcom ldan 'das rgyal po'i khab na bzhugs zhes bya ba gnas brjod pa ci dgos she na smras pa/ bcom ldan 'das gnas 'di na bzhugs zhes bya ba ni sems can bsod nams ltur len pa rnams la yul de mchod rten gyi dngos pos bsod nams bskyed pa'i phyir gnas brjod par rig par bya'o/ /'o na chos kyi rnam grangs 'di ci'i phyir rgyal po'i khab tu bshad kyi gzhan dag tu ma bshad ce na/ smras pa'i? chos kyi rnam grangs su 'di chos kyi rgyal por gnas su bstan pa'i phyir te/ ji ltar rgyal po'i khab rgyal po'i gnas su gyur
- 239b
bas rgyal po'i khab ces bya ba brjod pa de bzhin du chos gyi rnam grangs 'di chos kyi rgyal po'i gnas su gyur pa bstan pa'i phyir rgyal po'i khab nyid du bshad do/ /'o na ci'i phyir bya rgod kyi phung po'i ri la bshad kyi yul gzhan du ma yin zhes na/ smras pa/ nyan thos dang rang sangs rgyas kyi theg pa las theg pa chen po brtsegs pa ltar khyad zhugs par bstan pa'i phyir te/ ji ltar zhe na/ bdag dang gzhan gyi don sgrub pa'i dbang du byas pa'i phyir ro/ /dge slong brgya stong dang byang chub sems dpa' stong phrag bcu drug ces bya ba la/ smras pa/ de la byang chub sems dpa' i ched kyi phyir bstan pa 'di la byang chub sems dpa' smos pa ni rigs na nyan thos kyi dge 'dun smos pa ci dgos/ smras ba/ nyan thos kyi dge 'dun smos pa ni nyan thos theg pa chen po la the tshom za ba rnams kyi the tshom bsal ba dang/ ma nges pa rnams yid ches par bya ba dang/ rnam par dag pa rnams bdag la nga rgyal byed pa spang ba'i phyir teng nyan thos gang dang/ nyon mongs pa thams cad spangs pas 'di lta ste/ nyon mongs pa'i sgrib pa spangs pa ni bstan pa la rnam par dag pa'i yan lag tu bya ba 'di tsam du zad do snyam nas bdag la nga rgyal skyed pa'i mngon ba'i nga rgyal de dor ba'i phyir te/ byang chub sems dpa' rnams las brtsams nas nyon mongs pa dang/ shes bya'i sgrib pa spang ba'i rgyur gyur pa chos kyi rnam grangs 'di las bston pa'i phyir nyon mongs pa dang shes bya'i sgrib pa spangs pa dpe las 'das pa'i nyan thos dang rang sangs rgyas thams cad las bye brag tu 'phags pa'i 'bras bu ston to/ /nyan thos rnam pas byang chub sems dpa' 'di dag ji ltar ci'i phyir mang bar 'byung snyam du ma 'ongs pa'i skye bo dag
- 240a
gi dogs pa bsal ba'i phyir/ sangs rgyas kyi zhing tha dad pa nas 'dus pa zhes sdud par byed par smos so/ /skye ba gcig gis thogs pa sha stag ces pa ni gtam 'di'i smod du gyur pa'o zhes bya ba'i tha tshig go /gang gi tshe sangs rgyas kyi zhing de dag na yang sangs rgyas bcom ldan 'das dag chos ston bzhin du sangs rgyas kyi zhing tha dad pa dag nas byang chub sems dpa' rnams sangs rgyas kyi zhing 'dir 'od ci dgos she na/ smras pa/ sems can yongs su smin par bya ba ni dgos pa ste sangs rgyas kyi zhing 'di na yod pa'i sems can rnams byang chub sems dpa' de dag gis sngon yongs su smin par byas pas/ skal pa mnyam pa gang yin pa de dag nyid las nyan par sems pa dang/ sangs rgyas kyi zhing gzhan dag na yang sangs rgyas bzhugs par bstan pa'i phyir ro/ /bstan pa ci dgos she na/ smras pa/ de dang mtshungs bar spyad par rnams sangs rgyas kyi zhing de dag tu sangs rgyas la lta 'dod pa bskyed pa dang/ sangs rgyas mang bar brjod pa dang/ sems can gzhan dag kyang sangs rgyas su 'grub par spro ba bskyed pa'i phyir te/ bcom ldan 'das shAkya thub pa nyid kyis sngon yongs su smin par mdzad pa'i phyir de dang skal pa 'dra bas sangs rgyas kyi zhing gzhan dag nas bcom ldan 'das la blta ba'i phyir lhags so/ /smras pa/ ci'i phyir nyan thos dag pas byang chub sems dpa' chos med/ smras pa/ byang chub sems dpa' mang ba ni de dag gi sgrub par gtogs pa'i phyir ro/ /smras pa/ ci'i phyir nyan thos kyis dge 'dun ni gong du smras so/ smras pa /de byin gyis brlabs nas bstan pa rtsom pa'i phyir ro/ /smras pa/ ci'i phyir sangs rgyas kyi zhing tha dad pa nas 'dus pa dang/ 'di lta ste/
- 240b
bla na med pa yang dag par rdzogs pa'i byang chub tu skye ba gcig gis thogs pa zhes smras/ smras pa/ sangs rgyas kyi zhing tha dad pa nas 'dus pa dang/ skye ba gcig gis thogs pa zhes smras pa ni chos mnyan pa don du mi gnyer ba dang/ le lo dang nga rgyal gyi dbang gis mi 'ong pa de'i gnyer po'i phyir te/ bdag nyid chos nyan pa don du gnyer bas/ gzhan dang gzhan dag nas lhags kyi/ gzhan gyi rjes su 'brang ba ma yin pa dang/ 'jig rten gyi khams thag ring po gzhan dag nas kyang lhags pa dang/ sangs rgyas kyi chos la dbang bskur ba thob pa dag kyang lhags na gzhan lta smos kyang ci dgos kyis/ ci'i phyir 'dod par mi bya ba snyam pa ste/ de ltar de'i gnyen po'i phyir ro/ /de nas bcom ldan 'das kyis tshe dang ldan pa 'od srungs chen po la bka' stsal pa zhes bya ba'i phyir bcom ldan 'das kyis 'od srungs chen po las brtsams te chos ston la byang chub sems dpa' rnams la ma yin zhe na/ smras pa/ 'od srungs chen po la bka' stsal pa ni bstan pa'i nus pa brjod pa'i phyir te/ ma rtogs pa dang ma mos pa dag kyang theg pa chen po'i yid ches par bya ba'i phyir ro/ /de la log par sgrub pa bsdus pa sngar bstan pa bzhi pa phrag brgyad po dag ni/ gong nas gong du mngon par sgrub bas ko rim du rig par bya ste/ bzhi pa dang po ni ye shes kyi tshogs yongs su nyams par 'gyur pa'i phyir log par sgrub pa'o/ /gnyis pa ni ye shes kyi tshogs yongs su nyams pa dran pa nyams pa'i phyir ro/ /gsum pa ni dran pa ni nyams pa dkar po'i chos yongs su zad par 'gyur ba'i phyir ro/ /bzhi pa ni dkar po'i chos yongs su zad pas byang chub sems dpa' i tshim yin pa yid mi mnyam pa kun tu 'byung ba'i phyir ro/ /lnga pa ni yid mi
- 241a
mnyam pa kun tu 'byung ba gdul dka' ba'i phyir ro/ /drug pa ni gdul dka' ba lam ma yin par 'gro ba'i phyir ro/ /bdun pa ni lam ma yin par 'gro ba dam pa ma yin pa dang/ kun tu 'du pa'i phyir ro/ /brgyad pa ni dam ba ma yin pa dang/ kun tu bdu ba'i don ji lta ba bzhin gyi byang chub sems dpa' ma yin pa'i phyir log par sgrub pa'o/ /de las bzlog pa yang dag par bsgrub par bsdus pa bzhi pa phrag brgyad po sngar bstan pa rnams kyang gong nas gong du mngon par sgrub pas go rim du rig par bya ste/ bzhi pa dang po ni ye shes kyi tshogs yongs su skong ba'i phyir yang dag par sgrub pa'o/ /gnyis pa ni ye shes kyi tshogs yongs su rdzogs pa dran pa nyams par mi 'gyur ba'i phyir ro/ /gsum pa ni dran pa ma nyams pa dkar po'i chos mngon par 'phel pa'i phyir ro/ /bzhi pa ni dkar po'i chos mngon par 'phel ba byang chub sems dpa' i cha yid mnyam bar? kun tu 'byung ba'i phyir ro/ /lnga pa ni yid mnyam pa kun tu 'byung ba gdul sla ba'i phyir ro/ /drug pa ni gdul sla ba yang dag pa'i lam du 'gro ba'i phyir ro/ /bdun pa ni yang dag pa'i lam du 'gro ba dam pa dang kun tu gdul ba'i phyir ro/ /brgyad pa ni dam pa dang kun tu 'du ba byang chub sems dpa' don ji lta ba bzhin yin pa'i phyir yang dag par sgrub pa'o/ /yang dag par sgrub pa'i legs par bsdus pa sngar bstan pa bzhi pa phrag bzhi po dag kyang gong nas gong du mngon par sgrub pa'i go rim du rig par bya ste/ /bzhi pa dang po ni byang chub sems dpa' yang dag par zhugs pa'i bsod nams dang/ ye shes kyi tshogs sogs pa'i phyir ro/ /bzhi pa gnyis pa ni bsod nams dang ye shes kyi tshogs sogs pa la brten nas sgrib pa rnam par rig pa'i phyir ro/ /bzhi pa gsum pa ni sgrib pa rnam par dag pa la
- 241b
brten nas dkar po ri chos kyi sgo thams cad kun tu 'thob pa'i phyir ro/ /bzhi pa bzhi pa ni dkar po'i chos kyi sgo thams cad kun tu thob pa la brten nas rnam pa thams cad du sems can gyi don la sbyor ba dang/ bsod nams dpag tu med pa skyed pa'i phyir bzhi pa phrag nyi shu pa'i go rim ni bshad zin to// //da 'di man chad ni/ de dag nyid kyi tshig gnyer bshad pa brjod par bya'o/ /'od srungs chos bzhi pa 'di dag byang chub sems dpa' i shes rab yongs su nyams bar 'gyur ba'o zhes/ 'di ci'i phyir brtsams she na/ smras pa/ theg pa chen po la yang dag par zhugs ba bla na med pa'i byang chub thob par bya ba'i thabs la rmongs pa rnams la bstan pa dang/ bag med pa rnams yang dag par 'dzin du gzhug pa dang/ zhum pa rnams gzengs bstod pa dang/ yang dag par zhugs pa dga' bar bya ba'i phyir ro/ /'od srungs zhes bka' stsal pa ni nyan ba rnams la 'dun par sbyor ba'o/ /chos zhes bya ba ni gang zag bsal ba'i phyir chos zhes bya ba smos te/ chos kyi sgra ma smos na ci chos yin nam/ 'on te gang zag yin zhes the tshom du 'gyur ro/ /smras pa/ rang gi sgra brjod pa'i phyir bzhi zhes grangs smos pa ni don med do/ /smras pa/ bzhi zhes grangs? smos pa ni rgya tshe bar degs nas de nyan mi 'dod pa rnams spang ba dang/ gangs smos pa dag kyang dran par bya ba dang/ gzung sla ba'i phyir te/ me tog brgyus pa bzhin no/ /ci'i phyir bzhi nyid de/ mi mang mi nyung zhe na/ la la na re ha cang skyon du 'gyur bas glan? kar mi 'gyur ro zhes zer ro/ /gzhan dag ni shes rab kyi tshogs rnam pa gsum yongs su nyams pa bsdus pa'i phyir bzhi'o zhes zer ro/ /mdor na shes rab ni rnam pa gsum ste/ thos pa'i dang/ bsam pa'i dang/ bsgoms pa'i'o/ /de la tshig dang po gong ma gsum po dag gis ni shas cher thos pa'i ye shes kyi tshogs
- 242a
yongs su nyams par ston to/ /tshig bzhi pa thams cad ni shas cher bsams pa dang/ bsgoms pa'i ye shes kyi tshogs phyir zhing yongs su nyams par ston te de bas ni bzhi nyid do/ /'di dag ces bya ba ni chos nye ba 'di dag nyid kyi so sor rnam par dbye ba'i bshad pa bstan te/ /byang chub sems dpa' zhes bya ba la/ byang chub sems dpa' i don brjod par bya ba ste/ theg pa chen po la yang dag par zhugs pa rnams kyi rnam grangs mang yang/ byang chub sems dpa' smos pa ni rnam pa gsum pa 'di dag gis rig par bya ste/ mos pa dang/ sbyor ba dang/ khong du chud pa'o/ /mos pa ji lta bu zhe na/ shes bya zab mos rtogs pa la mos pa'o/ /sbyor ba ji lta bu zhe na/ bdag dang gzhan yang dag par rdzogs pa'i byang chub kyi rgyur sbyar ba'o/ /khong du chung ba ji lta bu zhe na/ shes rab kyi stobs kyis byang chub khong du chung ba'o/ /shes rab las yongs su nyams par 'gyur zhes bya ba ni thob pa dang/ ma thob pa las yongs su nyams pa'o/ /thob pa dang ma thob pa las yongs su nyams pa gang zhe na/ yongs su nyams ba gang gis yongs su nyams pa ste /zag pa med pa ni ma thob pa las yongs nyams pas so/ /gzhan ni gnyi ga bye brag med pas so// shes rab? las yongs su nyams pa'i tshig gis ni bye brag mad pa'i phyir gal te zag pa med pa yang gtogs pa'i skyon du 'gyur ro zhe na/ ma yin te bshad zin pa'i phyir ro/ /shes rab kyis tshogs yongs su nyams pa zhes brjod pa ni rgyu la 'bras bu gdags par byas nas brjod pa'o/ /shes rab las yongs su nyams pa zhes bya ba ci'i phyir zhe na/ zag pa dang bcas pa'i shes rab ni zag pa med pa'i shes rab kyi tshogs su gyur pa yin te/ de bas na zag pa dang bcas pa ni thob pa dang ma thob pa las yongs su nyams pas yongs su nyams so /zag pa med pa ni ma
- 242b
thob pa las yongs su nyams pa nyid kyis te/ zag pa med pa la ni thob pa las yongs su nyams pa med do/ /smras pa/ ji ltar ma gus pa la sogs pa'i chos rnams kyis shes rab las yongs su nyams par 'gyur/ smras pa/ khong khro bas na mi gus te?/ mi gus pas na mi nyan to/ /mi nyan pas ma byang bar 'gyur ro/ /ma byad bas ni tshe 'di nyid la shes rab las yongs su nyams par 'gyur ro/ /chos la ser sna byed cing/ slob dpon chos 'tshed pas ni mi ston to/ /mi ston bas na tshe rabs gzhan rkyen dang mi ldan par 'gyur ro/ /rkyen dang mi ldan pas shes rab las yongs su nyams par 'gyur ro/ /gang zag chos 'dod pa rnams la chos kyi bar chad byed par chos nyan pa la sgrib par 'gyur ro/ /nyan pa la sgrib pas gti mug par 'gyur te/ bsod nams ma yin pa skyed do/ /de bas na tshe rabs gzhan na yang rmongs par 'gyur ro/ /rmongs pas na shes rab las yongs su nyams par 'gyur ro/ /bdag la bstod cing gzhan la smod pa na phyin ci log tu mngon par zhen bas log par ston to/ /phyin ci log tu mngon par zhen te log par zhen par tshe rabs gzhan na phyin ci log tu 'gyur ro/ /phyin ci log tu gyur pas shes rab las yongs su nyams par 'gyur/ smras pa/ gang gi dus na yongs su nyams par 'gyur ro/ /sras pa/ dus gnyis te/ tshe 'di dang/ tshe rabs gzhan na'o/ /smras pa/ gang gi tshe rabs gzhan na'o/ /smras pa/ gang gi tshe sbyin pa la sogs pa yongs su nyams par 'gyur ba'i rgyu ser sna la sogs pa'i chos rnams kyang yong ma ci'i phyir shes rab las yongs su nyams par 'gyur ba'i rgyu nyid bstan gyi/ sbyin pa la sogs pa yongs su nyams par 'gyur ba ma yin/ smras pa/ gtso bo'i phyir te shes rab kyi ngo bo nyid ni byang chub bo/ /de las gzhan pa'i pha rol tu
- 243a
phyin pa rnams ni shes rab la gnas so/ /shes rab la log par zhugs pa'i byang chub sems dpa' ni byang chub dang byang chub thob par byed pa'i chos rnams la log par zhugs pa yin no/ /shes rab las yang dag par zhugs na byang chub dang byang chub thob par byed pa'i chos rnams la yang dag par zhugs pa yin no/ /de bas na shes rab las yongs su nyams par 'gyur ba'i rgyu nyid bstan gyi/ sbyin pa la sogs pa las yongs su nyams par 'gyur ba'i rgyu ni ma yin no/ /ma gus pa la sogs pa shes rab yongs su nyams par 'gyur ba'i rgyu tshig bzhi po 'di dag gis mi nyan pa la sogs pa'i chos bzhi yongs su ston te/ mi gus pas ni mi nyan par yongs su bston to/ /chos la ser sna byed cing slob dpon chos 'chab las ni mi ston to/ /chos kyi bar chang byed pas nyan pa la sgrib pa'o/ /mngon pa'i nga rgyal gyis ni phyin ci log tu mngon par zhen pas ston pa'o/ /ye shes kyi tshogs yongs su nyams par 'gyur pa'i mi nyan pa la sogs pa'i chos bzhi po 'di dag la brten nas tshe 'di dang tshe rabs gzhan na ye shes dang mi mthun pa'i chos bzhi po gzhan dag 'byung bar 'gyur te/ bzhi gang zhe na/ byang bar mi 'gyur ba dang/ rkyen dang mi ldan pa dang/ gti mug par 'gyur ba ste/ bsod nams ma yin pa bskyed pa dang/ phyin ci log go /mi nyan pa la brten nas tshe rabs 'di la byang bar mi 'gyur ro/ /mi ston pa la brten nas tshe rabs gzhan na rkyen dang mi ldan par 'gyur ro// nyan pa la sgrib pa le brten nas tshe rabs gzhan ni gti mug bar 'gyur te/ bsod nams ma yin pa bskyed do/ /phyin ci log tu mngon par zhen pas ston pa la brten nas tshe rabs gzhan na phyin ci log tu 'gyur ro/ /chos dang chos
- 243b
smra ba la mi gus pa yin zhes bya ba'i tshig gnyis po bye brag ci yod ce na/ smras pa/ chig gnyis kyis ni nyan pa'i rgyu yongs su rdzogs par ston te/ la la ni chos la gnod par sems pas mi nyan kyang chos smra ba la gus pas nyan/ la la ni chos smra ba la gnod par sems pas mi nyan kyang chos la gus pas nyan to/ /gang gnyi ga la gnod par sems pa de ni yong mi nyan to/ /de bas na brjod pa gnyis kyis mi nyan pa'i rgyu yongs su rdzogs par bstan pa yin no/ chos la ser sna byed cing slob dpon chos 'chab pa yin zhes bya ba'i tshig 'di gnyis bye brag ci yod/ smras pa/ gzhan gyi shes pa bas bdag lhag par mngon par bsnyems pas chos la ser sna byed do/ /gzhan gyi brnyas kyis 'jigs pa'i phyir slob dpon chos 'chab bo/ /yang na bye brag med bar chos thams cad mi ston pa'i phyir chos la ser sna byed do/ /kha cig la ston kha cig la mi ston pa'i phyir slob dpon chos 'chab bo/ /yang na chos la ser sna byed do/ /chos yongs su mi ster bas bsam pa la log par 'jug go /slob dpon chos 'tshab ba ni chos la ser sna byed pa'i bsam pa las byung ba'i sbyor ba log par 'jug go/ gang zag chos 'dod pa rnams la chos kyi bar chad byed/ mos pa zlog par byed/ rnam pa 'khrug par byed de/ mi ston cing rab tu 'chab pa yin zhes bya ba'i tshig 'di dag la bye brag ci yod ce na de la chos kyi bar chad byed ces bya ba de ni bstan pa'i tshig go/ ji ltar chos kyi bar chad byed/ mos bzlog par byed/ rnam par 'khrug par byed de/ /mi ston cing rab tu 'chab ces bya ba la ji ltar mos pa zlog par byed ce na/ chos dang gang zag la mi snyan pa brjod pa'i phyir te/ chos dang gang zag gang las nyan par 'dod par gyur pa'i chos de dang/ gang zag de la med pa'i
- 244a
gnod par byed pa dang ldan pa'i tshig gis ci nas nyan par mi 'gyur ba de lta de lta bur mi snyan pa brjod pa'o/ /ji ltar rnam par 'khrug par byed ce na/ bya ba ngan pas rnam par g.yeng bar byed pa ste/ ci nas kyang nyan pa med par 'gyur ba de lta de lta bu bya ba ngan pas nyan pa la rnam par 'khrug par byed pa'o/ /ji ltar mi ston zhe na/ mi 'chang pa dang/ mi 'chol ba dang/ mi ston pa ste/ chos don du gnyer ba gzhan dag gis dris te chos smos shig ces bya ba nas chos la ser sna byed pas mi 'chad do/ /chos smra ba gzhan la mi 'chol/ dris kyang skabs mi 'byed pa'o/ /ji ltar rab tu 'chab ce na/ nyan pa'i bsngags ba ma yin pa brjod pa ste/ chos 'di ni zab la khyod ni shes rab zhan pas chos 'di khyod kyis shes par mi nus so zhes nyan pa la mi snyan pa brjod pas chos bstan pa rab tu 'chab par byed do/ /de ltar chos kyi bar chad byed pas mi khom par skye ste tshogs yongs su rdzogs par mi byed do/ /mngon pa'i nga rgyal gyi bdag bstod cing gzhan smod pa yin zhes bya ba'i tshig de dag gi don gang yin zhe na/ mngon pa'i nga rgyal zhes bya ba de ni bstan pa'i tshig go /ji ltar na mngon pa'i nga rgyal yin zhe na/ gang bdag la bstod pa dang gzhan la smod pa yin no/ /bdag la bstod pa ji lta bu yin zhe na/ log par rtog pa dang/ bsgoms pa dang/ bshad pa dag la legs par rtogs pa dang/ sgom pa dang/ bshad par mngon par zhen pa'o/ /gzhan la smos pa ji lta bu yin zhe na/ gzhan dag gis legs par rtogs pa dang/ bsgoms pa dang bshad pa dag la log par rtog pa dang/ bsgoms pa dang/ bshad par mngon par zhen pa ste/ mngon pa'i nga rgyal gyi nyes pas de kho na mngon par rdzogs par byang chub par byed pa'i
- 244b
shes rab dang chos mngon par rtogs pa'i mthar thug par 'gro bas bsdus pa'i shes rab mi 'thob po/ /mdor bsdu na gang las yongs su nyams pa dang/ ji lta ba dang/ gang gi dus dang/ tshes ji snyed cig yongs su nyams par 'gyur ba de yongs su bstan to// gang las yongs su nyams she na/ shes rab las so/ /ji lta ba zhes bya ba ni/ rnam pa gang gis yongs su nyams par 'gyur pa ste/ sngar bshad pa yin no/ /gang gi dus na zhe na/ tshe 'di dang tshe rabs gzhan no/ /chos ji snyed cig gis zhe na/ mi gus pa la sogs pa'i chos bzhi po dag gis so/ /shes rab las yongs su nyams par byed pa mi mthun pa'i phyogs su gyur pa'i mi gus pa la sogs pa chos bzhi po 'di dag gi gnyen por chos bzhi bstan te/ 'od srungs chos bzhi po 'di dag ni byang chub sems dpa' i shes rab chen por 'gyur ba yin te/ bzhi gang zhe na/ chos dang chos smra ba la gus pa dang bcas pa yin zhes bya ba la sogs pa'o/ /gus pa dang bcas pa yin zhes bya ba la sogs pa chos bzhi po 'di dag yang dag par blangs pa'i rgyus byang chub sems dpa' i shes rab chen po'i rgyur gyur pa shes rab rnam pa bzhi rab tu 'thob ste/ byang bar byed pa dang/ yongs su smin par byed pa dang/ tshogs yongs su rdzogs par byed pa dang/ mngon par rdzogs par byang chub par byed pa'o/ /de la gus pa dang bcas pas chos nyan pas byang bar byed pa'i shes rab rab tu 'thob po/ /ji ltar thob pa dang ji ltar khong du chud pa'i chos rnams gzhan dag la rgya cher yang dag par rab tu ston pas bdag dang gzhan gyi rgyud yongs su smin par byed pa'o// mang du thos pa las shes rab 'byung bar shes te? /mgo 'am thod la me 'bar ba bzhin du thos pa yongs su tshol te/ ji ltar thos pa'i chos rnams kyang 'dzin to/ /thos pa yongs su tshol zhing 'dzin pas tshogs yongs su rdzogs par byed do/ /sgrub pa snying por byed
- 245a
pa yin gyi/ smra ba dang brjod pa'i tshig dam par 'dzin pa ma yin zhes bya ba ni sgrub pa'i snying por byed pas mngon par rdzogs par byang chub par byed pa'i shes rab rab tu 'thob bo/ /de la chos smra ba la gus pa dang bcas pa yin zhes bya ba ni/ mi gus pa las bzlog pa ste/ gus pa dang bcas pa rig par bya'o/ /ji ltar thos par ji ltar khong du chud pa'i chos rnams gzhan dag la yang rgya cher yang dag par rab tu ston zhes bya ba de la thos pa zhes bya ba ni rna ba'i rnam par shes pas thos pa'o/ /khong du chud pa zhes bya ba ni yid kyi rnam par shes pas so/ /yang na thos pa ni thos pa'i shes rab bo/ /khong du chud pa ni bsam pa'i shes rab bo/ /slob dpon mi 'chab pa'i phyir gzhan dag la rgya chen yang dag par rab tu ston to/ /zang zing med pa'i sems kyis mi re ba ni 'thob pa dang/ bkur sti dang tshigs su bcad pa thams cad la zang zing med pa'i sems kyis te/ 'thob pa dang bkur sti ni chos la ser sna byed pa'i rgyu'i phyir ro/ /'thob pa ni chos gos la sogs pa'o/ /bkur sti ni phyag 'tshal ba la sogs pa'o/ /tshigs su bcad pa ni bsngags pa 'don pa'o/ /mang du thos pa las shes rab 'byung bar shes te/ mgo 'am thod la me 'bar ba bzhin du thos pa yongs su tshol ba ni thos pa yongs su 'tshal ba'i phyir rab tu gus pas bya ba yongs su ston to/ /'di lta ste dper na/ skyes bu zhig gi mgo 'am thod la me 'bar na/ bya ba thams cad btang ste/ mgo 'am thong la me 'bar ba bsal ba'i phyir rab tu 'bang par rtsom par ltar byang chub sems dpa' yang de bzhin te/ thos pa ni shes rab kyi rgyu yin pa dang/ shes rab kyang thams cad mkhyen pa 'thob pa'i bar gyi rgyu yin pa'i phyir ro/ /gus pa dang ldan na thos pa yongs su tshol lo/ /bdag dang gzhan la
- 245b
phan par 'dod pas ji ltar thos pa'i chos rnams 'dzin to/ /gang thos pa'i don ji lta ba bzhin du bsgrub pa ni sgrub pa snying por byed pa yin no/ /sgrub pa snying por byed pas de'i rigs pa'i rjes su 'brang ba'i shes rab skye'o/ /smra ba dang brjod par 'dzin par 'dzin pa ma yin zhes bya ba la smra ba'i tshig dam par 'dzin pa ma yin/ brjod pa'i tshig dam par 'dzin pa ma yin pa ni smra ba dang brjod pa'i tshig dam par 'dzin pa ma yin pa ste/ thos paS chog par 'dzin pa ma yin/ 'chad pas chog par 'dzin pa ma yin no zhes bya bI? mchog? go/ yang na mi dgos pa dang don med pa'i tshig dam par byed pa ma yin zhes bya ba'i tha tshig go/ 'di dag gis go rim ni chos la mi gus pas chos kyi rjes su mthun pa'i chos mi sgrub ste/ chos la ser sna byed pas gang zag chos 'dod pa rnams la chos kyi bar chad byed do/ /de shes rab kyi rgyu rnam pa gsum po de dag las yongs su nyams te/ shes rab 'chal pas mngon pa'i nga rgyal can yin no/ /dkar po'i phyogs na de la bzlog pa ste/ chos la gus pa dang bcas pas chos kyi rjes su mthun pa'i chos la 'jug go/ chos kyi rjes su mthun pa'i chos la zhugs pas chos la ser sna byed pa dang bral te/ ji ltar thos pa'i chos rnams gzhan dag la rgya cher yang dag par rab tu ston to/ /chos ston par 'dod pa'i phyir mang du thos pa yongs su tshol lo/ /mang du thos nas bdag dang gzhan dag la phan gdags pa'i rgyu sgrub pa snying por byed pa yin gyi/ smra ba dang brjod pa'i tshig dam par 'dzin pa ma yin no/ /shes rab ni byang chub kyi sems kyi rtsa ba'o/ /byang chub kyi sems ni thams cad mkhyen pa'i rtsa ba ste/ byang chub kyi sems mi brjed par bya ba'i don du byang chub kyi sems las nyams pa dang/ mi nyams pa'i rgyu'i chos bstan pa'i phyir bcom ldan 'das kyis 'od srungs byang chub sems dpa'
- 246a
chos bzhi dang ldan pa'i byang chub sems nyan par 'gyur ro zhes gsungs so/ /smras pa /ci'i phyir nyams pa'i rgyu bzhi nyid mi mang mi nyung/ /smras pa nyams pa rnam pa bzhi'i phyir ro/ /de las mdor bsdu na nyams pa ni rnam pa bzhi ste/ ma brjod pas nyams pa dang/ byang chub kyi sems la skyon du lta ba'i phyir log par brjod pas nyams pa dang/ yang dag par blangs pa'i brda'i sems nyams pa dang/ chos nyid kyis thob pa'i sems nyams pa ste/ nyamS pa'i chos rnam pa 'di bzhi'i rgyu nyams pa bzhi nyid de/ go rim bzhin du rig par bya'o/ /slob dpon dang bla ma dang sbyin gnas la bslu zhes bya ba ni/ bla ma rnams la bdag gis yang dag pa ji lta ba bzhin du mi smra /rdzun gyi tshig gis bslu ba'i phyir bla ma rnams la bslu ba yin no/ /de la slob dpon ni gleng ba dang nye bar ston pa yin to/ gang nyes pa 'di lta bu byung ngo zhes gleng zhing 'di ni ba bam yin pa zhes nyes pa las 'byin pa'i thabs ston la/ 'di ltar gyi shig ces ston pa'o/ /bla ma ni phan par 'dod pa nyid do/ /sbyin gnas ni grangs su ma gtogs kyang yon tan dang ldan pa'o/ /de dag gis snying brtse ba'i phyir gleng ba na bdag gi 'das par gyur pa brdzun gyi tshig gis mgo rmongs par byed de/ des las kyi sgrib pa chen po sogs so/ /las kyi sgrib pa che ba'i phyir ma brjod pas byang chub kyi sems las nyams par rig par bya'o/ /mgo rmongs par byed ma nus su zin kyang/ rdzun la goms pa'i nyes pa'i sgrib pas kyang /byang chub kyi sems las nyams par gyur pa ste/ 'di ni rgyu dang po'o/ /gzhan 'gyod pa med pa la 'gyod par byed pa zhes bya ba ni tshangs par mtshungs par spyod pa rnams 'gyod pa med pa'i gnas la phyin ci log
- 246b
skyed pa'i phyir te/ tshangs pa mtshungs par spyod pa yang dge pa'i bslab pa la nye bar gnas pa rnams bslab pa'i tshig rnams la mgo rmongs par byed pas/ 'di ltar tshangs pa mtshungs par spyod pa la lhag pa'i bsam pa ma yin pa la zhugs pa'i phyir sgyu dang g.yos bslab pa'i tshig rnams la mgo rmongs par byed de/ las kyi sgrib pa mi zad pa sogs so/ /de bas na byang chub kyi sems la skyon du lta ba'i phyir log par brjod pas/ de byang chub sems las nyamS par 'gyur ro/ /mgo rmongs par byed ma nus zin kyang nyes pa'i sgrib pas de byang chub kyi sems las nyams par 'gyur te/ 'di ni rgyu gnyis pa'o/ /theg pa chen po la yang dag par zhugs pa'i sems can rnams la bsngags pa ma yin pa dang/ mi snyan pa dang/ brjod pa ma yin pa'i sgra tshigs su bcad pa 'byin zhes bya ba ni chos don du gnyer ba rnams gang las chos thos par 'gyur ba de la phyir phyogs par byed pa'i phyir te/ gang dag theg pa chen po la mos par 'dod pa 'am/ sgrub par 'dod par gyur pa dag de las mos pa bzlog pa'i phyir theg pa chen po la yang dag par zhugs pa'i sems can rnams la bsngags pa ma yin pa smra ba'o/ /dmigs ma phye ba dang/ dmigs kyis phye ba dang/ rnam par phye nas nyes pa brjod do/ /de la dmigs ma phye bar nyes pa yongs su brjod pa ni bsngags pa ma yin pa'i sgra tshigs su bcad pa 'byin pa ste/ dper na dang tshul ngan pa can zhes bya ba lta bu'o/ /dmigs kyis phye nas nyes pa brjod pa ni mi snyan ba'i sgra tshigs su bcad pa 'byin pa ste/ dper na mi gtsang bar spyod ces bya ba lta bu'o/ /rnam par phye nas nyes pa brjod pa ni brjod pa ma yin pa'i sgra tshigs su bcad pa 'byin te/ rnam pa 'di dang 'dis zhes
- 247a
bya ba'o/ /de ltar byang chub sems dpa' rnams la dmigs ma phyi ba dang/ dmigs kyis phye ba dang/ rnam par phye nas nyes pa brjod pa'i phyir theg pa chen po sgrub par 'dod pa rnams la mgo rmongs par byed do/ /de de ltar byang chub sems dpa' rnams la mi gus pa skyes te/ yon tan yang dag par bcas pas las kyi sgrib pa mi zad pa sogs so/ /sgrib pa des ni de'i yang dag par blangs pa'i brnga'i? sems nyams par 'gyur/ /byang chub sems dpa' i yon tan yang dag par bcab par ma nus su zin kyang nyes pa'i sgrib pas de'i sems nyams par 'gyur te/ 'di ni rgyu gsum pa'o/ /sgyu dang/ g.yos gzhan la nye bar spyod kyi/ lhag pa'i bsam paS ma yin zhes bya ba ni chos smra ba rnams kyi gsang ba'i gnas rnam par 'byed pas mgo rmongs par bya ba'i phyir ro/ /de la sgyu zhes bya ba ni/ bcis pas nyes par spyod pa'o/ /de la g.yo zhes bya ba ni sems gya gyu ba'o/ /lhag pa'i bsam paS ma yin zhes bya ba ni rang bzhin ma yin pa'i rjes su zhugs pas chos smra ba'i gang zag rnams kyi gsang ba'i gnas rnam par 'byed pas sbyor ba ste/ byang chub sems dpa' chos smra ba rnams las gsang ba'i gnas dag thos nas theg pa chen po sgrub par 'dod pa rnams mos pa bzlog par bya'o zhes de ltar sbyor bas las kyi sgrib pa chen po bsags te/ las kyi sgrib pa des chos nyid kyis sa? thob pa'i sems las ring du gyur pa'i tshul gyis nyams par 'gyur ro/ /mos pa bzlog ma nus su zin kyang de'i nyes pa'i sgrib pa de lta bus kyang sems nyams par 'gyur ro/ /mdor bsdu na gang las nyams par 'gyur zhe na/ sems las so/ /gang gi tshe 'gyur zhe na/ tshe 'di dang tshe rabs gzhan pa'o/ /ji ltar 'gyur zhe na/ sgrub pa dag na slob dpon la log par byed pas so/ /ji snyed cig gis zhe na
- 247b
rgyu bzhi po dag gis te 'di ni bshad zin to/ /de'i gnyen po ni dkar po'i phyogs su rig par bya ste/ srog gi phyir yang shes bzhin du rdzun gyi tshig mi smra zhes bya ba ni bden pa rjes su bsrung ba/ lus dang srog la mi lta'o/ /tha na bzhad gang kyi phyir yang zhes bya ba ni kha na ma tho ba phra rab rnams la yang 'jigs par lta'o/ /sgyu dang g.yo med pas sems can thams cad kyi drung na lhag pa'i bsam pas gnas pa zhes bya ba la/ lhag pa'i bsam pa zhes bya ba ni/ rang bzhin dang mthun pa'o/ /sgyu med pa zhes bya ba ni/ bcos ma ma yin pa nye bar spyod pa kun tu ston pa'o/ /g.yo med pa zhes bya ba de ni gya gyu dang bral ba'o/ /byang chub sems dpa' thams cad la yang ston par 'du shes bskyed cing/ de dag gi yang dag par bsngags pa phyogs bzhir brjod pa zhes bya ba ni gang las chos thos pa de bsngags pa'i phyir ro/ /nyi tshe ba'i theg pa mi 'dod pa'i phyir sems can gang rnams yongs su smin par byed pa de dag thams cad kyang bla na med pa yang dag par rdzogs pa'i byang chub yang dag par 'dzin du 'jug ba zhes bya ba ni mchog gi don du spyod pa bsdu ba'i dngos pos yongs su smin par byed par sems dpa' o/ /de dag gi go rim ni/ slob dpon la sogs pa bslu bas slob dpon la sogs pa la mi gus te/ bslab pa la mi gus pas bdag 'gyod pa med de/ gzhan 'gyod pa med pa la rnam par gtse ba'i bsam pas 'gyod par byed do/ /'gyod dra? pa med pa'i phyir theg pa chen po la yang dag par zhugs pa'i sems can rnams la bsngags pa ma yin pa smra ba'o/ /byang chub sems dpa' la khong khro bas byang chub kyi sems las byung ba'i gzhan la phan par bya ba las byung ba med pas sgyu dang g.yos gzhan la nye bar spyod pa'i lhag pa'i bsams pa ma yin no/ /yongs su nyams par mi 'gyur ba'i rgyu rnams kyi go rim ni/ byang chub kyi sems chung
- 248a
za bar mi 'gyur ba'i rgyu bden pa'i tshig goms par byas pas byang chub kyi sems las yongs su mi nyams pa'i byang chub sems dpa' sgyu dang/ g.yo med pa'i phyir byang chub kyi sems las byung ba/ gzhan la phan par bya ba/ lhag pa'i bsam pas sems can thams cad kyi drung na gnas so/ /byang chub kyi sems las byung ba'i gzhan la phan par bsam pa las byung ba'i chos shin tu rmad du byung ba dang/ dpag tu med pa dag rang gi rgyud la dmigs nas byang chub kyi sems la gus pa dang/ byang chub kyi sems kyang thams cad mkhyen pa'i rgyu yin pa'i phyir byang chub sems dpa' thams cad la ston par 'du shes bskyed do/ /nyi tshe ba'i theg pa mi 'dod pa'i phyir byang chub kyi sems la gus pas sems can gang dag yongs su smin par byed pa de dag thams cad bla na med pa yang dag par rdzogs pa'i byang chub yang dag par 'dzin du 'jug go/ byang chub kyi phyir seMs pa ni/ byang chub kyi semS te/ byang chub kyi rgyu zhes bya ba'i tha tshig go /smras pa/ 'di ltar dang po byang chub kyi sems bskyed de/ sangs rgyas su gyur cig ces bya ba'i rang bzhin gang/ tshul gang/ gang la dmigs/ yon tan gang/ khyad par gang/ gang gis bsdus/ gang gis rtsa ba/ gang gis 'bras bu/ gang gis gnas/ smras ba/ dang por yang dag par smon pa ni rang bzhin no/ /yid kyis smon pa ni tshul lo/ /byang chub la dmigs shing sems can gyi don la dmigs so/ /thams cad mkhyen pa'i rgyu yin pa'i phyir yon tan dpag tu med do/ /'jig rten pa dang/ nyan thos dang/ rang sangs rgyas thams cad kyi smon lam las mchog tu gyur bas khyad par du 'phags so/ /mos pa spyod pa'i sas bsdus so/ /bla na med pa yang dag par rdzogs pa'i byang chub kyi rtsa ba'o/ /snying rje'i 'bras bu'o/
- 248b
byang chub sems dpa' i bslab pa'i gnas/ /dang po byang chub kyi sems bskyed pa de yang mdor bsdu na/ 'byung ba dang/ mi 'byung ba dang/ 'byung ba ni gang skyes nas rgyun mi 'chad par rjes su 'jug pa yin pa'o/ /de'i ldog pa yang rnam pa gnyis te/ rgyun chad pa dang rgyun mi 'chad pa'o/ /de la rgyun chad pa ni gang lan cig log nas yang mi skye ba'o/ /rgyun mi 'chad pa ni gang log rkyang yang skye'o/ /sems de yang rkyen bzhi dang/ rgyu bzhi dang/ stobs bzhi po dag gis skye ste/ byed? bzhi pa? dag gang zhe na/ de bzhin gshegs pa'i cho? 'phrul shin tu rmed du byung ba mthong ngam/ thos pa dang/ bla na med pa yang dag par rdzogs pa'i byang chub las brtsams pa'i chos thos pa dang/ sems can la snying brtse bar nye bar gzung nas byang chub sems dpa' dam pa'i chos yun ring du gnas par byed pa dang/ dus ngan pa'i sems can shin tu sdug bsngal bdag mthong ba'o/ /rgyu bzhi po gang zhe na/ rigs phun sum tshogs pa dang/ bshes gnyen dam pa phun sum tshogs pa dang/ snying rje dang/ 'khor ba'i sdug bsngal dus ring ba sna tshogs pa mi bzang ba/ mtshams med pas mi 'jigs pa'o/ /stobs bzhi po dag gang zhe na/ rang gi stobs dang/ gzhan gyi stobs dang/ rgyu'i stobs dang/ sbyor ba'i stobs so/ /de rang gi mthus/ bla na med pa yang dag par rdzogs pa'i byang chub 'dod pa ni rang gi stobs so/ /gzhan gyi mthus skyed par 'dod pa ni gzhan gyi stobs so/ /sngon chad theg pa chen po dang/ rab tu ldan pa'i dge ba'i chos goms par byas pa'i rgyu'i stobs so/ /tshe 'di la skyes bu dam pa la brten pa dang/ dam pa'i chos nyan pa dang/ sems pa la sogs pas dus ring por dge ba'i chos goms par byas pa ni sbyor ba'i stobs so/ /rkyen ba zhi po dang rgyu bzhi po tshogs
- 249a
pa 'am/ ma tshogs pa dag la brten pa de la gal te/ rang gi stobs dang rgyu'i stobs te/ stobs gnyis tshogs pas sems gang skye ba de ni de ltar brtan pa dang/ snying po yod pa dang/ mi g.yo bar skye ba'o// gzhan gyi stobs dang sbyor ba'i stobs kyis sems de skye ba ni mi brtan par skye bar rig par bya'o/ /de'i log pa'i rgyu yang rnam pa bzhi rig par bya ste/ rigs phun sum tshogs pa ma yin pa dang/ sdig pa'i grogs pos yongs su zin pa dang/ sems can rnams la snying rje chung ba dang/ 'khor ba'i sdug bsngal gyis 'jigs pa'o/ /byang chub kyi sems ma nyams pa'i byang chub kyi sems de nyid la gnas pa byas nas bsod nams dang/ ye shes kyi tshogs kyis yongs su zin pa'i dge ba'i chos rnams la sbyor ro/ /de ltar sbyor ba de'i dge ba'i chos yongs su zad pa dang/ 'phel ba'i rgyu'i chos ston to/ /bcom ldan 'das kyis 'od srungs byang chub sems dpa' chos bzhi dang ldan na dge ba'i chos skyes shing byung ba rnams yongs su zad par 'gyur ro zhes rgya cher gsungs pa'o/ /smras pa/ ci'i phyir dge ba'i chos yongs su zad par 'gyur ba'i rgyu'i chos bzhi nyid de/ mi mang mi nyung/ smras pa/ dge ba'i chos yongs su zad par 'gyur pa rnam pa bzhi'i phyir te/ 'di la mdor bstan? byang chub sems dpa' i dge ba'i chos zad par 'gyur pa rnam pa bzhi ste/ mi skye bas yongs su zad par 'gyur ba dang/ mi 'phel bar yongs su zad par 'gyur ba dang/ rtsa ba nas bcom pas yongs su zad par 'gyur ba'o/ /rgyang bsrings pas yongs su zad par 'gyur pa'o/ /de la dkar po'i chos rnams mi skye bas zad gar 'gyur ba'i rgyu ni mngon pa'i nga rgyal gyis 'jig rten rgyang phan pa'i brjod pa chol ba ste/
- 249b
byang chub sems dpa' i sde snod pha rol tu phyin pa drug dang ldan pa mngon par mi shes pa'i byang chub sems dpa' mngon pa'i nga rgyal gyis zin pa ni 'thob pa dang/ bkur sti la lta bas gzhan dang 'gran pa'i dbang du byas te/ 'jig rten rgyang phan pa'i brjod pa yongs su tshol ba'i phyir dkar po'i chos rnams kyi skye mched ma yin pa la sbyor pa na dkar po'i chos rnams mi skye ba'i yongs su zad pas yongs su zad par 'gyur ro/ /sngon thob pa rnams kyang bya ba gzhan la tshogs te/ nyan ba la g.yel bar mi 'phel bas yongs su zad par 'gyur ba'i rgyu ni 'thob pa dang/ bkur sti la chags te khyim la lta'o/ /de la 'thob pa ni chos gos la sogs pa'o/ /bkur ste? ni phyag 'tshal ba la sogs pa'o/ /'thob pa dang bkur sti la chags pa ni/ 'thob pa dang bkur sti la chags pa'o/ /'thob pa dang bkur sti la chags pas log par yongs su spyod pa bstan pa yin no/ /khyim la lta bas ni 'du 'dzi mang bar bstan pa yin no/ /smras pa/ 'di gnyis gang las byung/ smras ba/ yang dag bar 'ongs ba'i thob pas chog par mi 'dzin te/ tshul 'chos pa la sogs pa la gnas pa dang/ 'phags pa'i rigs rnams la mi gnas pa las byung ngo/ /'di ltar 'thob ba dang bkur sti la chags bas khyim rnams la lta ba de 'du? mang ba'i phyir thos pa la sogs pa dge ba'i chos rnams mi 'phel lo/ /thos pa la sogs pa ma 'phel bas thos pa la sogs pa dge ba'i chos mi 'phel ba'i yongs su nyams pas yongs su nyams par 'gyur ro/ /rtsa ba nas 'joms pas yongs su zad par 'gyur ba'i rgyu ni byang chub sems dpa' la khro zhing skur ba 'debs pa ste/ byang chub sems dpa' rnams la nyas par lta ba ni khro ba'o/ /byang chub sems dpa' la khro ba nyid kyi phyir byang chub sems dpa' la skur pa 'debs pa ste /'khrul
- 250a
ba'i nyes pa gzhan tshol zhing byang chub sems dpa' rnams kyi nyes pa byung ba 'am/ ma byung ba gleng bas las kyi sgrib pa rgya chen po sogs te/ gdon mi za par de'i dge ba'i chos rnams rtsa ba nas 'joms pa'i yongs su zad bas yongs su zad par 'gyur ro/ /rgyang bsrings pas yongs su zad par 'gyur ba'i rgyu ni ma thos pa dang/ ma zin pa'i mdo sde rnams spong ba ste/ ma thos pa zhes bya ba ni thos pa'i lam du ma gyur pa'o/ /ma zin pa zhes bya ba ni thos pa'i lam du gyur kyang ma zin pa ste/ nges pa'i don gyi mdo sde rnams spong zhing/ 'di las dgongs nas/ bcom ldan 'das kyis mdo ni gsungs so zhes bya ba ste/ chen po bstan pa chos nyid las dgongs te gsungs pa'i don de bzhin gshegs pa'i dgongs pa las logs su log pas 'jal ba de'i dam pa'i chos la skur pa cher btab pas gnod pa thob ste/ de'i dkar po'i chos rnams rgyang bsring ba'i yongs su zad par yongs su zad par 'gyur ro/ /de las bzlog pa ni dgang? po'i phyogs su rig par bya ste/ 'od srungs byang chub sems dpa' chos bzhi dang ldan na/ yongs su mi 'bri ba'i chos can du 'gyur te/ khyad par du 'gro'o/ /bzhi gang zhe na/ 'di lta ste/ 'di ltar byang chub sems dpa' i sde sned? pha rol tu phyin pa drug dang ldan pa yongs su tshol ba las brtsams nas/ legs par thos pa tshol gyi nyes par thos pa ma yin zhes bya ba la sogs pa'o/ /de la legs par thos pa tshol zhes bya ba ni byang chub sems dpa' i sde snod pha rol tu phyin pa drug gis bsdus pa ni legs par thos pa tshol ba'o/ /nyes par thos pa ma yin zhes bya ba la/ 'jig rten rgyang pan pa'i brjod pa'i dbang du byas pa rnams mi nyan pa ni nyes bar thos pa ma yin pa'o/ /semS
- 250b
can thams cad la nga rgyal med pa'i phyir/ /byi? dang 'dra ba'i sems yin zhes bya ba la nga rgyal gyi zin ba'i rnams ni 'jig rten rgyang ban ba'i brjod pa chol? bar 'gyur te/ 'thob pa dang bkur sti'i rgyur gyur pa 'jig rten rgyang pan ba'i brjod pa tshol ba yongs su btang ba dang/ byang chub sems dpa' i sde snod pha rol tu phyin pa drug btsal ba'i phyir 'jig rten rgyang phan pa'i brjod pa tshol ba'i rgyu las bzlog ba ston to/ /chos kyi thob pas chog par 'dzin te/ log par tshol ba thams cad yongs su spangs shing 'phags pa'i rigs la dga' ba yin zhes bya ba ni de yang dag par 'ongs pa'i 'thob pas tshim pa'i phyir chos kyi thob pas chog par 'dzin to/ /tshul 'chos pa la sogs pa'i nyas pa yongs su btang ba'i phyir log par 'tsho ba thams cad yongs su spangs so/ /mi srid pa'i rang bzhin can du gyur pa'i phyir 'phags pa'i rigs la dga' o/ /de ltar yang dag par zhugs par rang gi bya ba dam par 'dzin pa de nyes pa byung ba la yang gzhan gyis rjes su bsrung bas gzhan gyis mi gleng na nyes ba gzhan dang 'khrul pa tshol ba lta ga la 'gyur/ byang chub sems dpa' i sde snod pha rol tu phyin pa drug tshol ba la brtson pa de'i blos/ chos gang dag mi rtogs pa de la de bzhin gshegs pa nyid kyis mngon sum du gzigs pa'i phyir mngon sum mo zhes mi spong ngo/ /ci'i phyir zhe na/ sangs rgyas kyi byang chub mdza' yas pa dang/ mos pa tha dad ba la bltas nas chos bstan pa'i phyir ro/ /mdor bsdu na gang dag yongs su zad par 'gyur ba dang/ ji ltar yongs su zad par 'gyur ba dang/ gang gis dus dang/ chos ji snyed cig gis yongs su zad par 'gyur ba de bstan to/ /gang dag yongs su zad par 'gyur zhe na/ dge ba'i chos rnams so/ /ji ltar yongs su zad par 'gyur zhe na/ mngon pa'i nga rgyal la brten nas 'jig rten
- 251a
rgyang ban pa'i brjod pa tshol ba la sogs pa'i rim gyis so /gang gi dus zhe na/ tshe 'di dang tshe rabs gzhan na'o/ /chos ji snyed cig gis zhe na/ chos bzhi po dag gis so/ /dkar po'i phyogs la yang dge ba'i phyogs gang dag skye bar 'gyur/ ji ltar skye par 'gyur/ gang gi dus na skye bar 'gyur/ chos ji snyed cig gis skye bar 'gyur zhes bzlog ste yongs su bstan to/ /chos bzhi po 'di dag gi go rim ni mngon pa'i nga rgyal gyis zin to/ /'thob pa rang bkur sti la lta bas 'jig rten rgyang ban ba'i brjod pa tshal lo/ /brtsal bar bya ba khyim gang dag nas 'thob par byed pa'i khyim de dag la lta'o/ /'thob ba dang bkur sti la chags pas phrag dog dang ser sna la sogs pa'i sems kyis khyim dang gtogs pa'i byang chub sems dpa' gzhan dag la khro zhing skur pa 'debs so/ /de la khros pa nyid kyi phyir dam pa'i chos spongs so/ /dkar po'i phyogs kyi go rim ni nga rgyal la sogs pa'i nyes pa rnams med pas pha rol tu phyin pa drug gis bsdus pa yang dag par nyan pa la brtson pa'i byang chub sems dpa' rjes su mthun pa'i chos sgrub pa na 'thob pa dang bkur sti la chags pa skur pa 'debs pa'i rgyu med pas chos kyi 'thob pas chog par 'dzin te/ log pas 'tsho ba de dag spangs shing 'phags pa'i rigs la dga' ba yin no/ /byang chub sems dpa' la gnod par sems pa med pas nyes ba byung ba dang ma byung ba las gzhan la mi gleng ngo/ /thar pa 'dod bas dam pa'i chos mi spong ngo/ / dkar po'i chos yongs su zad par 'gyur ba'i rgyu'i chos rnams spangs pa dang/ dkar po'i chos yongs su nyams par mi 'gyur ba'i rgyu'i chos rnams yang dag par 'dzin pa'i byang chub sems dpa' i cha ma yin pa yid mi mnyam pa
- 251b
kun tu 'byung ba spang bar bya ba dang/ byang chub sems dpa' i cha yid mnyam ba kun tu 'byung ba yang dag par 'dzin du gzhug pa'i don du yon? po dang/ yon po ma yin pa'i sems bskyed pa nye bar bstan pa'i phyir/ bcom ldan 'das kyis/ 'od srungs bzhi po 'di dag ni yon par sems bskyed pa ste/ de dag byang chub sems dpas yongs su spang bar bya'o zhes rgya cher gsungs pa'o/ /smras pa/ ci'i phyir bzhi nyid de/ mi mang mi nyung/ smras pa/ la la na re ta cang skyon du 'gyur bas klan kar mi 'gyur ro zhes zer ro/ /yo ba rnam pa bzhi'i dbang du byas pa yin no/ /yo ba rnam pa bzhi'i dbang du byas nas yon por sems bskyed par rig par bya ste/ theg pa chen po la yo ba dang yongs su smin par byed pa la yo ba dang/ bsod nams kyi tshogs la yo ba dang/ ye shes kyi tshogs la yo ba'o/ de la theg pa chen bo la yo ba'i rgyu ni sangs rgyas kyi chos rnams la som nyi dang/ yid gnyis dang/ the tshom za ba ste/ ston pa la yid mi ches na bslab pa la mi gus pa'i phyir sangs rgyas kyi chos rnams som nyi za ba la sogs pa nye bar bzung nas theg pa chen po la khyad par du gsod pa'i zhugs pa yin te/ de la sangs rgyas kyi chos rnams yod pa la ni som? nyi za'o/ /che ba nyid la ni yid gnyis za'o/ // ye shes 'thob pa la ni the tshom za'o/ /yongs su smin par byed pa la yo ba'i rgyu ni/ sems can rnams la nga rgyal dang/ rgyags pa dang/ 'chab pa dang/ khro ba dang/ gnod par sems pa'o/ /dra rgyal la sogs pa'i zil gyis non na sems can khyad du gsod pas sems can rnams yongs su smin par mi byed/ nga rgyal dang/ rgyags pa dang/ 'chab pa dang/ khro bo dang/ gnod pa sems pa ni bla ma rnams dang/ slob ma rnams dang/ gleng ba rnams dang/ gnod par byed pa rnams
- 252a
dang/ gnod par mi byed ba rnams la go rim bzhin du rig par bya'o/ /bsod nams kyi tshogs la yo ba'i rgyu ni/ gzhan gyis 'thob pa rnams la phrag dog dang ser sna byed pa'o/ /de la gzhan gyis 'thob pa mthong nas sems kyi khyad par 'khrug pa ni phrag dog go/ de la smon pa ni ser sna'o/ /phrag dog dang ser sna de nyid las sems sod ste/ bsod nams kyi tshogs rnams la khyad du gsod par 'jug pa ni bsod nams las yongs su nyams par 'gyur ro/ /ye shes kyi tshogs la yo ba'i rgyu ni byang chub sems dpa' rnams la bsngags pa ma yin pa dang/ mi snyan pa dang/ brjod pa ma yin pa'i sgra tshigs su bcad pa 'byin pa'o/ /bsngags pa ma yin pa la sogs pa'i don ni sngar bshad pa yin no/ /byang chub sems dpa' rnams la bsngags pa ma yin pa brjod pas theg pa chen po spong bar rig par bya'o/ /theg pa chen po spangs nas byang chub sems dpa' ye shes kyi tshogs rnams la khyad du gsod par 'jug par yang ye shes kyi tshogs rnams la yongs su nyams par 'gyur ro/ /de las bzlog pa ni dkar po'i phyogs su rig par bya'o/ /yon po'i gnyen po drang po'i mtshan nyid bstan te/ 'od srungs bzhi po 'di dag ni byang chub sems dpa' drang po drang ba'i mtshan nyid yin te/ bzhi gang zhe na/ nyel pa byung ba mi 'chab ces bya ba la sogs pa'o/ /de la nyes pa byung ba mi 'chab ces bya ba ni bstan pa'i tshig go /rnam par 'byang? ces bya ba ni dngos po yongs su brjod pa'o/ /'chags pa zhes bya ba ni nyes pa so sor 'chags pa'o/ /ci nas kyang 'gyod par mi 'gyur ba de ltar 'thob pa ni kun nas ldang ba med pa yin no/ /rgyal srid stor ba 'am/ nor yal ba 'am zhes bya ba ni/
- 252b
bden pa'i bsam pas longs spyod la mi lta bar yongs su ston to/ /srog gi bar chad du 'gyur yang zhes bya ba ni srog la mi lta ba'o/ /gzhan nas gzhan du bsgyur ba'i tshig mi smra zhes bya ba ni/ don gzhan du sbyor ba'i don btang ste/ mgo rmongs par mi byed pa'o/ /gzhan gyis gnod par byas pa/ khro ba dang/ gshed ba dang/ smod pa dang/ sbyo ba dang/ brdeg? pa dang/ bsdigs pa dang/ gsod pa dang/ bcing ba byas pa thams cad la bdag gis nyes par sems zhes bya ba'i tshig 'di rnams la bye brag ci yod tse na/ de la khro ba ni kha na ma tho ba ma byung ba brjod pa'o/ /gshe ba ni kha na ma tho ba byung ba brjod pa'o/ /smod pa ni rigs la sogs pa'i nyes pa brjod pa'o/ /spyo ba ni kha na ma tho ba byung baS rnam par 'joms pa'o/ /bsdigs pa ni lus kyi tshul gyis bsdigs pa'o/ /brdeg pa ni lus kyi yan lag lag pa la sogs pas so/ /gsod pa ni lag pa la sogs pa dang 'brel pa mtshon chal sogs pas so/ /bcing ba ni thag pa la sogs pas so/ /de la sogs pa gzhan gyis gnod par byas pa rnams la bdag giS nyes par sems pa'o/ /las kyi rnam par smin pa'i phyir 'brang bas gzhan dag las mi 'khrug ces bya ba ni khro ba'i kun nas bskor ba ldang bar mi byed pa'o/ /khon du 'dzin pa med ces bya ba ni mdung par 'dzin pa med ba'o/ /de dang po la rab tu gnas pa yin te/ bsam pa yongs su dag pa'i phyir thams cad dang par mi 'gyur ba'i sangs rgyas kyi chos la mngon par dang ces bya ba ni theg pa chen po la lhag pa'i bsam pas mos par yongs su bstan pa yin no/ /tshig 'di dag gi go rim ni sangs rgyas kyi chos rnams laM? the tshom za bas tshul khrims la mi gus te/ sems can rnams la
- 253a
log par sgrub po/ /log par sgrub pas 'thob pa la ser sna byed pa'o/ /ser sna'i zil gyis non pas byang chub sems 'thob pa dang ldan pa mthong dam thos na/ byang chub sems dpa' rnams la bsngags pa ma yin pa smra'o/ /dkar po'i phyogs kyi go rim ni tshul khrims dang ldan pas bden pa rjes su bsrung ngo/ /bden pa rjes su bsrung bas bzod pa dang ldan pa yin no/ /bzod pa dang ldan pas bsam pa rnam par dag pa ste/ sangs rgyas kyis chos la mngon par dang ngo/ /mdor bsdu na yon po gang zhe na/ sems kyi khyad du gsod pa'o/ /gang la yo zhe na/ sangs rgyas kyi chos rnams dang/ sems can rnams la'o/ /gang gi tshe zhe na/ 'di la goms par byas bsam 'ongs pa na yang ngo/ /chos ji snyed cig gis zhe na/ ji skad smos pa'i chos bzhi po dag gis so/ /drang po gang yin pa dang/ don gang drang ba dang/ gang gi tshe dang/ chos ji snyed cig gis zhes dkar po'i phyogs kyang bzlog ste rig par bya'o/ /yon por sems bskyed pa dang bral ba'i byang chub sems dpa' dag ni/ byang chub sems dpa' drang po rnams kyi drang pa'i mtshan nyid du gsungs te/ byang chub sems dpa' drang po rnams yang dag par 'dul ba'i phyir dang/ dmu rgod du byed pa'i chos yongs su spong ba dang/ dmu rgod ma yin pa yang dag par 'dzin du gzhug pa'i don du dmu rgod dang/ dmu rgod du byed pa ma yin pa'i chos rnams bstan pa'i phyir/ bcom ldan 'das kyis/ 'od srungs bzhi po 'di dag ni byang chub sems dpa' dmu rgod do/ /zhes rgya cher gsungs so/ /smras pa/ ci'i phyir bzhi kho na zhe na/ dmu rgod rnam pa bzhi'i rgyu'i phyir ro/ /dmu rgod rnam pa bzhi gang zhe na/ gnas la dmu rgod pa dang/ 'jug pa la dmu rgod pa dang/
- 253b
yongs su spyod ba la dmu rgod pa dang/ 'grogs pa la dmu rgod pa'o/ /de la dmu rgod ces bya ba ni/ gdul dka' ba ste rta dmu rgod bzhin no/ /dmu rgod du byed pa'i chos bzhi po 'di dag byang chub sems dpas bsgoms na sgrib par 'gyur ba'i phyir dmu rgos du byed pa zhes bya'o/ /de la thos pas g.yeng ba'i chos su gnas pa ni gnas la dam rgod pa'i rgyu ste/ dper na rta dmu rgod sems ma zhi ba rang gi gnas su bzhag na 'dug du mi btub pa de bzhin du/ byang chub sems dpa' dmu rgod kyang thos pa dam par 'dzin pas thos par g.yengs te/ sems ma zhi bas dge ba'i bshes gnyen naM rnams kyis chos kyi rjes su mthun pa'i chos sgrub pa la bzhag na 'dug tu mi btub po/ /rjes su bstan pa la g.yeng ba'i chos su gnas pa ni 'jug pa la dmu rgod pa'i rgyu ste/ dper na rta dmu rgod lam bde bar bcug na dmu rgod du gyur pas lam mi bde bar 'jug pa de bzhin du byang chub sems dpa' dmu rgod kyang dge ba'i bshes gnyen rnams kyis chos kyis su mthun pa'i chos sgrub pa'i rjes su bslabs shing bstan na phyin ci log tu rtog pas gdams ngag log par 'dzin pa yin no/ /dad pas byin pa log par ltung bar byed pa ni yongs su spyod pa la dmu rgod pa'i rgyu ste/ dper na rta dmu rgod ni rta cang shes kyi nang du bcug na rta cang shes rnams dang yongs su spyod pa mi 'dra ba yin te/ de bzhin du byang chub sems dpa' dmu rgod kyang byang chub sems dpa' cang shes kyi nang du son na tshul khrims la skyon yod pas dad pas byin pa za ba la 'gyod de/ byang chub sems dpa' cang shes dang skal ba mi mnyam par rig par bya'o/ /byang chub sems dpa' dul pa cang shes pa rnams la mi gus pa ni grogs la dmu rgod pa'i rgyu ste/ dper na rta dmu rgod ni dmu rgod du gyur pas rta cang shes pa rnams dang/
- 254a
'grogs pa na sdug bsngal bar gnas so/ /de bzhin du byang chub sems dpa' dmu rgod rang gi lta ba bsnyems pa la gnas pa yang byang chub sems dpa' dul ba cang shes pa rnams dang 'grogs na sdug bsngal par gnas la byang chub sems dpa' dul ba cang shes pa rnams kyang dmu rgod kyis sdug bsngal bar gnas so/ /de la dul ba ni dbang po sdom pa bye brag tu 'phags pa'i phyir ro/ /de las bzlog pa ni dkar po'i phyogs su rig par bya ste/ 'od srungs bzhi po 'di dag ni byang chub sems dpa' cang shes pa'o/ /bzhi po gang zhe na/ zhes bya ba la sogs pa'o/ /legs par thos pa nyan te de la nan tan du byed cing don gyi phyir 'brang gi /yi ge'i phyir 'brang ba ma yin pa zhes bya ba ni skyon gdags pa dang/ bag brkyang ste/ de skad brgal ba legs par lta bas chos nyan pa ma yin no zhes bya ba'i tha tshig go/ byang chub sems dpa' de ltar sgrub pa ni dge ba'i bshes gnyen 'dzin pa la mi bslu ba'o/ /rjes su bstan pa la mthun par 'dzin cing bka' blo bde ba la legs par byed pa'i las byed cing/ bla ma la nyan par gyur pa yin zhes bya ba tshig de dag gi don ci zhe na/ de la rjes su bstan pa la mthun par 'dzin pa zhes bya ba ni bstan pa'i tha tshig go /bka' blo bde zhes bya ba ni tshig bzod pa'i phyir/ legs par byed pa'i las byed ces bya ba ni dus thams cad du nyes pa med pa'i phyir ro/ /bla ma la nyan par gyur pa yin zhes bya ba ni gdams ngag la gus pa dang bcas pa'i phyir ro/ /byang chub sems dpa' de ltar sgrub pa ni dge ba'i bshes gnyen dgon pa la mi bslu'o/ /tshul khrims dang ting nge 'dzin ma nyams te/ cang shes pas zas kun za zhes bya ba ni bslab pa la shin tu gus pas dang bas byin pa yongs su spyod
- 254b
par bstan to/ /tshul khrims dang/ ting nge 'dzin ma nyams zhes bya ba ni 'dir tshul khrims nyid ting nge 'dzin gyi sgrar rig par bya'o/ /byang chub sems dpa' de ltar sgrub pa ni dge ba'i bshes gnyen bsod nams bya ba la brtson pa la mi bslu'o/ /byang chub sems dpa' dul ba cang shes pa rnams mthong na gus pa dang bcas/ zhe sa dang bcas shing de la gzhol/ de la 'bab/ de la bab nas de de'i yon tan la re ba yin zhes bya ba tshig de dag la bye brag ci yod ce na/ de la dul ba dang cang shes kyi don sngar bstan pa yin no/ /gus pa dang bcas pa ni gus pa bskyed pa'i phyir ro/ /de la gzhol ba ni lta 'dod pa'i phyir ro/ /de la 'bab pa ni bsnyen bkur byed 'dod pa'i phyir ro/ /de la bab pa ni nyan 'dod pa'i phyir ro// de'i yon tan la re ba ni rjes su mthun pa'i chos sgrub 'dod pa'i phyir ro/ /byang chub sems dpa' de ltar sgrub pa ni dge ba'i bshes gnyen 'khor dang 'dug pa la mi bslu'o/ /mdor bsdu na dmu rgod gang yin pa dang/ ji lta ba dang/ gang gis tshe dang/ ji snyed cig gis shes te yongs su bstan te/ de la dmu rgod ni gdul dka' ba'o/ /ji ltar 'gyur zhe na/ thos pa dam par 'dzin pa la sogs pa'i rgyu rnams kyis so/ /gang gi tshe zhe na/ 'di dang tshe rabs gzhan na/ goms par byas pa'i phyir ro/ /ji snyed cig gis zhe na/ thos pa la g.yeng ba'i chos su gnas pa la sogs pas so/ /dkar po'i phyogs ni de las bzlog par rig par bya'o/ /de dag gi go rim ni thos pa la g.yeng ba'i chos su gnas pas chos kyi rjes su mthun pa'i chos mi sgrub ste/ de bstan pa la g.yeng ba'i chos su gnas pa yin no/ /bstan pa la g.yeng ba'i chos su gnas pa ni dad pas byin pa log par ltung bar byed do/ /de ltar nyon mongs pa can ni sgyu can te/ byang chub sems dpa' dul ba
- 255a
cad shes pa thob pa rnams la mi gus pa yin no/ /de las bzlog pa ni dkar po'i phyogs kyi go rim du rig par bya'o/ /dmu rgod du byed pa'i chos rnams dang bral to/ dmu god du byed pa ma yin pa'i chos rnams yang dag par 'dzin du bcug nas dmu rgod du byed pa ma yin pa'i chos la rnam par gnas pa rnams kyi 'khrul pa'i chos yongs su spang ba dang/ ma 'khrul pa'i chos yang dag par 'dzin du gzhug ba'i don du 'khrul ba dang/ ma 'khrul pa'i chos bstan pa'i phyir ro/ /bcom ldan 'das kyis/ 'od srungs bzhi po 'di dag ni byang chub sems dpa' i 'khrul pa'o zhes rgyas par gsungs so/ /smras pa/ ci'i phyir bzhi kho na/ smras pa/ byang chub semS dpa' i 'khrul pa ni 'khrul pa rnam pa bzhi'i dbang du byas par rig par bya ste/ ma byas pa'i 'khrul pa dang/ ha cang byas pa'i 'khrul pa dang/ ngan par byas pa'i 'khrul pa dang/ nyes par byas pa'i 'khrul pa'o/ /de la ma byas pa'i 'khrul pa ni sems can yongs su smin par ma byas pa rnams la yid rton pa ste/ sems can rnams yongs su smin par bya bar brtsams la yongs su smin pa'i mthar ma phyin pa ste/ dad pa ma zhen pa'i sems can rnams la bar skabs su bshad pa'i rgyun gcod pa ni byang chub sems dpa' i 'khrul pa'o/ /ha cang byas pa'i 'khrul pa ni sems can snod du gyur pa rnams la sangs rgyas kyi chos rgya chen por bstan pa ste/ sems can theg pa chung du ba/ theg pa chen po 'dod pa rnams la mi 'tsham pa bshad pa'o/ /ngan? par byas pa'i 'khrul pa ni rgya chen po la mos pa'i sems can rnams la theg pa chung du bshad pa ste/ theg pa chen po theg
- 255b
pa chung du 'dod pa rnams la cha ma yin pa bshad pa'o/ /nyes par byas pa'i 'khrul pa ni sems can yang dag pa la rab tu gnas pa/ tshul khrims dang ldan pa/ dge ba'i chos can la ri mo byed pa ste/ ngang tshul ngan pa/ sdig pa'i chos can sbud cing sdom pa la gnas pa dang/ sdom pa la mi gnas pa rnams la phyogs la 'dod chags mi snyoms par ston to/ /de la rnam pa gsum gyis sdom pa la gnas par rig par bya ste/ nyes pa med pa'i las kyi mdza' i phyir yang dag pa la rab tu gnas pa dang/ tshul khrims la skyon med pa'i phyir tshul khrims dang ldan pa dang/ bslab pa la gus pa dang bcas pa'i phyir dge ba'i chos can no/ /rnam pa gnyis kyis sdom pa la mi gnas par rig par bya ste/ tshul khrims nyams pa'i phyir ngang tshul ngan pa'o/ /bslab pa la mi gus pas ni sdig pa'i chos can no/ /theg pa chung ngu la mos pa'o/ /de la 'khrul pa ni sems can rnams la lam log par gtong bar rig par bya'o/ 'khrul pa bzhi po 'di dag gi chos bzhi po yongs su bstan pa ste/ mi 'chad pa dang/ mi 'tsham pa 'chad pa dang/ cha ma yin pa 'chad pa dang/ mi snyoms par 'chad pa'o/ /mi 'chad pa ni snga phyir bshad pas skyo ste/ sems mi mnyam pa'o/ /mi 'tsham pa 'chad pa ni/ bshad pa'i thabs ni shes pa'o/ /cha ma yin pa 'chad pa ni theg pa chung du la mos pa'o/ /mi snyoms par 'chad pa ni zang zing dang bcas pa'i sems kyis 'khor la rjes su ston par sbyor? ba'o/ /de la sems mi mnyaM pas mi ston te/ dge ba'i rtsa ba yongs su rdzogs par mi byed pas sems can rnams la bslu'o/ /bshad pa thabs ma shes pa'i phyir dge ba'i rtsa ba rgya chen po yongs su mi 'dzin
- 256a
pa dang/ theg pa chung du la mos pa'i phyir dge pa'i rtsa ba rgya chen po yongs su 'dor ba dang/ zang zing dang bcas pa'i sems kyis 'khor la rjes su ston par sbyor bar bsod nams ma yin pa bskyed/ sems can rnams la bslu'o/ /de'i gnyen po ni dkar po'i phyogs su rigs par bya ste/ 'od srungs bzhi po 'di dag ni byang chub sems dpa' i lam mo/ /bzhi gang zhe na/ zhes rgya cher gsungs pa'o/ /sems can thams cad la sems mnyam pa zhes bya ba ni bdag dang gzhan du sems mnyam pas sems can dad ba ma zhen pa rnams yongs su smin par bya ba yongs su rdzogs kyi bar du chos 'chang ba'i phyir ma byas pa'i 'khrul pa yongs su spong bar rig par bya'o/ /sems can thams cad la mthun par chos ston ces bya ba la/ chos mtshungs pa ni mthun pa'i chos te/ sems can snod du ma gyur pa the pa chung ngu pa theg pa chen po 'dod pa rnams la ci rigs par chos 'chad par ha cang byas pa'i 'khrul pa yongs su spang bar rig par bya ste/ snod ji lta ba bzhin du bshad pa'i phyir ro/ /sems can thams cad sangs rgyas kyi ye shes yang dag par 'jon? du 'jug ces bya ba ni sems can rgya chen po la mos pa theg pa chen po pa/ theg pa chung du 'dod pa rnams sangs rgyas kyi ye shes yang dag par 'dzin du 'jug pa'i phyir ngan par byas pa'i 'khrul pa sel bar rig bar bya'o/ /sems can thams cad pa yang dag par sbyor ba zhes bya ba ni zang zing med pa'i sems kyis sdom pa la gnas pa dang/ sdom pa la mi gnas pa'i sems can rnams la phyogs la 'dod chags dang bral bar sbyor bas nyes bar byas ba'i khrul
- 256b
pa sel bar rig par bya'o/ /lam log par 'gro ba'i phyir byang chub sems dpa' dam pa ma yin pa dang/ 'du ba'i rgyu las bzlog ste/ dam pa dang 'du ba la dam pa ma yin pa dang 'du pa'i rgyu bstan pa'i phyir/ bcom ldan 'das kyis 'od srungs bzhi po 'di dag ni byang chub sems dpa' i grogs po ngan pa zhes rgya cher gsungs so/ /smras pa/ ci'i phyir bzhi kho na smras pa/ grogs po ngan pa bzhi'i dbang du byas nas grogs po ngan pa bzhir rig par bya ste/ theg pa'i grogs po ngan pa dang/ gnas pa'i grogs po ngan pa dang/ bstan pa'i grogs po ngan pa dang/ chos kyi grogs po ngan pa'o/ /nyan thos kyi theg pa can bdag la phan pa'i phyir zhugs pa ni rang gi bsam pa dang 'dra ba sgrub pas theg pa chen po las byang chub sems dpa' i smos pa zlog par byed de/ theg pa chen po la yongs su nyams pa'i rgyu'i dngos po'i dus na theg pa chen po'i grogs po ngan par rig par bya'o/ /sangs rgyas kyi theg pa can don chung zhing bya ba nyung ba ni sems can gyi don du sbyor ba la mi phyogs bas sems can gyi don du sbyor bar gnas ba las mos pa bzlog par byed de/ /sems can gyi don sbyor bar gnas pa las yongs su nyams pa'i rgyu'i dngos po'i dus na gnas pa'i grogs po ngan pa rig par bya'o/ /'jig rten rgyang pan pa'i rjod ba sna tshogs kyi ? pa can ni/ bstan pa las mos pa bzlog par byed de /bstan pa las yongs su nyams pa'i rgyu'i dngos po'i dus na bstan pa'i grogs po ngan par rig par bya'o/ /gang la bstan bas 'jig rten gyi zang zing kun sdung par 'gyur gyi/ chos kun mi sdud pa ni dge ba'i chos rnams rgyun du
- 257a
bsgoms pa yongs su nyams par gyur ba'i dbang du byas te /dge ba'i chos yongs su nyams pa'i rgyu'i dngos po'i dus na chos kyi grogs po ngan par rig par bya'o/ /de'i gnyen po dkar po'i phyogs su rig par bya ste/ 'od srungs chos bzhi po 'di dag ni byang chub sems dpa' i dge ba'i bshes gnyen no/ /bzhi po gang zhe na zhes rgya cher gsungs pa'o/ /de la byang chub kyi lam ston ba'i phyir slong ba byang chub sems dpa' i dge ba'i bshes gnyen zhes bya ba ni theg pa chen po las nyams par 'gyur ba'i dge ba'i bshes gnyen du rnam par bzhag par rig par bya'o/ /'di la byang chub sems dpa' 'di snyam du sems te/ slong ba la brten nas bdag gis bsod nams mang du byas te/ byang chub kyi phyir bsngos pa don med par 'gyur du 'od snyam nas theg pa chung du mi 'dod do/ /sbyin pa ni byang chub kyi lam ston pa'i phyir dge bI rtsa ba byas pas theg pa chen po las yongs su mi nyamS so/ /thos ba'i shes rab ston pa'i phyir chos smra ba byang chub sems dpa' i dge ba'i bshes gnyen zhes bya ba ni gnas pa las rab tu nyams pa'i gnyen bor mang du thob bas gzhan dag la chos ston bar 'dod pa ste/ gang gi phyir ? ba chung ba ma yin par gnas pa dang ston pa'i/ /thes pa'i shes rab kyis brtan ba'i phyir 'khor ba'i 'jigs pas yongs su nyams par mi 'gyur ro/ /dge ba'i rtsa ba thams cad ston pa'i phyir rab tu 'byung ba yang dag par 'dzin du 'jug pa byang chub seMs? pa'i dge ba'i bshes gnyen zhes bya ba ni bstan pa las rab tu nyams par 'gyur pa'i gnyen por rab tu 'byung ba yang dag par 'dzin du 'dzud pas log pa'i bstan pa las ring du gyur pa
- 257b
yin te/ dge ba'i rtsa ba thams cad kyis brtan pas gzhan gyi don bya bar nus pa las yongs su nyams par mi 'gyur ro/ /sangs rgyas kyi chos thams cad ston pa'i phyir/ sangs rgyas bcom ldan 'das rnams byang chub sems dpa' i dge ba'i bshes gnyen zhes bya ba ni sangs rgyas kyi chos las rab tu nyams par 'gyur ba'i gnyen por sangs rgyas las gdams ngag don yod pa'i bye brag thob par mthong bas zang zing la gdu ba ma yin te/ zang zing la gdu ba de ni sangs rgyas kyi chos rnams las yongs su nyams par 'gyur na sangs rgyas kyis chos bstan pa'i phyir/ dge ba'i rtsa ba mang po las yongs su nyams par mi 'gyur ro/ /dam pa ma yin pa dang 'dra ba las bzlog ste/ dam pa dang 'dud na byang chub sems dpa' don ji lta ba bzhin du 'dzin du gzhug par bzhed nas sangs rgyas kyis don ji lta ba bzhin du byang chub sems dpa' i mtshan nyid bstan pa'i phyir/ 'od srungs bzhi po 'di dag ni byang chub sems dpa' i gzugs brnyan no zhes rgya cher gsungs so/ /smras pa/ ci'i phyir bzhi kho na/ smras pa/ /byang chub sems dpa' i gzugs brnyan rnam pa bzhi'i dbang du byas nas byang chub sems dpa' i gzugs brnyan rnam pa bzhir rig par bya ste/ mang du thos pa'i gzugs brnyan dang dgon pa la gnas pa'i gzugs brnyan dang/ bsod nams bya ba la sbyor ba'i gzugs brnyan dang/ tshogs yongs su sdud pa'i gzugs brnyan no/ /'thob pa dang bkur sti 'dod kyi /chos 'dod pa ma yin zhes bya ba ni byang chub sems dpa' dad par chang byed par 'dod pa chos 'dzin kyang don ji lta ba bzhin du ma yin te/ don ji lta ba bzhin du ma yin no/ /brjod pa'i sgra tshigs su bcad pa 'dod kyi/ yon tan 'dod pa ma yin zhes bya ba ni ?
- 258a
'dod pa'i byang chub sems dpa' dgon ba bar gyur kyang don ji lta ba bzhin du ma yin te/ don ji lta ba bzhin du ma yin no/ /bdag bde bar 'dod kyi sems can gyi sdug bsngal sel bar 'dod pa ma yin zhes bya ba ni zang zing gi 'bras bu dang 'brel pa'i sems kyis byang chub sems dpa' i bsod nams bya ba la sbyor yang don ji lta ba bzhin du ma yin te/ don ji lta ba bzhin du ma yin no/ /'khor gyi tshogs 'dod kyi dben pa 'dod ba ma yin zhes bya ba ni/ gang g.yog dang yongs su spyod pa dang/ brjod pa dang 'brel ba'i sems kyis byang chub sems dpa' i 'khor dang 'dug kyang don ji lta ba bzhin du ma yin te/ don ji lta ba bzhin ma yin no/ /byang chub sems dpa' de ltar sgrub pa ni chos 'dzin pa 'am/ dgon ba ba 'am/ bsod nams bya ba sbyor ba 'am/ 'khor dang 'dug kyang rung ste /bdag ma rung bar byed do/ /de'i gnyen bor byang chub sems dpa' i yang dag pa'i yon tan rig par bya ste/ 'od srungs bzhi po 'di dag ni byang chub sems dpa' yang dag ba'i yon tan no/ /bzhi gang zhe na/ zhes rgya cher gsungs pa'o/ /de la stong ba nyid la/ mos pas 'thob ba dang bkur sti 'dod ba ma yin no/ /las kyi rnam par smin ba la yid ches pas chos don du gnyer te/ chos kyi rgyu bsod nams mang du sogS ba'i phyir ro/ /bdag med ba la bzod pas/ rjod pa'i sgra tshigs su bcad pa 'dod pa yin no/ /snying rje bas byang chub sems dpa' i yon tan 'dod pa yin no/ /bsam pa mya ngan las 'das par song bas bdag bde bar 'dod pa ma yin no/ /sbyor ba 'khor bar song bas sems can gyi sdug bsngal sel bar 'dod pa yin no/ /sems can yongs su smin par byed pa la lta
- 258b
ba'i sbyin pas 'khor gyi tshogs 'dod pa ma yin no/ /rnam par smin pa la mi re bas dben pa 'dod pa yin no/ /dkar po'i phyogs la stong nyid la mos pa la sogs ba'i chos rnams las brtsam pa ci dgos/ smras pa/ sbyin ba la sogs pa lam gyi tshogs nyan thos dang/ rang sangs rgyas dang thun mong par sems shing byang chub sems dpa' i lam gyi khyad par nyan pa la dga' bar gyur pa rnams la nyan thos dang/ rang sangs rgyas dang thun mong ma yin pa sangs rgyas su sgrub pa byang chub sems dpa' i chos mngon par brjod pa'i phyir/ bcom ldan 'das kyis bzhi zhes gsungs so/ /smras pa/ ci'i phyir bzhi kho na ste/ mi mang mi nyung/ smras pa/ la la na re ha cang skyon du 'gyur bas klan kar mi 'gyur ro zhes zer ro/ /yang rmad du byung ba'i chos kyi rgyu bstan pa'i phyir bzhi ste/ stong pa nyid yun ring por shin tu bsgoms pa'i phyir thams cad mkhyen pa nyid thob pa'i stong pa nyid bsgom pa'i rgyu 'dre bas skye dgu ma rig bar gyur pa rnams kyi ma rig pa gdul ba'i phyir chos bsten pa na gus bar 'gyur ro/ /nga rgyal med pa bdag med pa shin tu bsgoms pas/ skye dgu nga rgyal dang ldan pa rnams kyi nga rgyal gdul ba'i phyir chos bstan pa na gus bar 'gyur ro/ /bsam ba mya ngan las 'das pa rab tu zhi ba shin tu bsgoms pas skye dgu ma zhi ba rnams nye bar zhi bar bya ba'i phyir chos bstan pa la gus par 'gyur ro/ /ser sna'i gnyen po chos dang zang zing gi sbyin ba shin tu bsgoms pas skye dgu len pa la dga' ba rnams kyi len pa kun tu gzhol ba'i phyir chos bstan pa na gus par 'gyur ro/ /yang na byang chub sems dpa' i tshogs thams cad bsdus ba'i phyir bzhi ste/ mdor
- 259a
bsdu na byang chub sems dpa' rnams kyi byang chub sems dpa' i tshogs gnyis te/ ye shes kyi tshogs dang bsod nams kyi tshogs so/ /da ltar stong ba nyid dang/ bdag med pa la mos ba dang/ bsam pa mya ngan las 'das ba ni ye shes kyi tshogs so/ /las kyi rnam par smin pa la yid ched pa la sogs pa tshig lhag ma rnams kyis ni bsod nams kyi tshogs so/ /pha rol tu phyin ba drug gis tshogs su bsdus pa'i phyir bzhi ste/ de la sems can yongs su smin par byed ba la lta zhing/ rnam par smin pa la mi re ba'i chos dang/ zang zing gi sbyin bas ni sbyin pa'i pha rol tu phyin pa'i tshogs so/ /bsam pa mya ngan las 'das pa ni tshul khrims kyi pha rol tu phyin pa'i tshogs te /bsam pa mya ngan las 'das pa'i byang chub sems dpa' 'khor bas skyo nas ngang tshul ngan pa'i rgyu nyon mongs pa rnams rnam par sel ba rang bzhin gyi tshul khrims nyid kyi sa bon gyi chos rab tu 'thob po/ /bdag med pa'i bzod pas ni bzod pa'i pha rol tu phyin ba'i tshogs te/ bdag med pa'i bzod pa dang ldan pa'i byang chub sems dpa' sems can du 'du shes ba'i gnas nyon mongs pa rnams rnam par bsal ba'i phyir sems can gyi nyes pa rnams kyis mi 'khrugs pa yin no/ /las kyi rnam par smin pa la yid ches ba dang/ sbyor ba 'khor bar song bas ni brtson 'grus kyi pha rol tu phyin pa'i tshogs te/ bsod nams dang ye shes gyi tshogs kyi 'bras bu thams cad mkhyen pa la yid ches pa'i byang chub sems dpa' ni 'khor ba'i sdug bsngal mi bzad pas nyen pa'i sems can rnams la lta ba dang/ bstan pas 'khor ba'i
- 259b
sdug bsngal la ji mi snyam ba'i 'khor ba nyid du sbyor ba ni dge ba'i rtsa ba mngon par spel ba'i phyir brtson 'grus chen po rtsom mo/ /snying rje che bas ni bsam gtan gyi pha rol tu phyin pa'i tshogs te/ snying rje chen po ni rtsa ba'i bsam gtan du gtogs ba'i phyir ro/ /stong pa nyid la mos bas ni shes rab kyi pha rol tu phyin pa'i tshogs so/ /byang chub kyi sems yongs su mi gtong ba'i byang chub sems dpa' i bden pa'i gnas te/ mi bslu ba'i phyir ro/ /de'i grogs ni snying rje chen po dang las kyi rnam par smin pa la yid ches pa dang/ sbyor ba 'khor bar song ba ste/ sems can gyi bya ba mthar thug par byed pas phyin ci ma log par 'jug go /de lta bas na snying rje chen po dang/ las kyi rnam par smin ba la yid ches pa dang/ sbyor ba 'khor bar song bas ni byang chub kyi sems yongs su mi gtong ba'i rgyu yin pa'i phyir chos 'di dag ni bden gnas su blta'o/ /bden pa yang/ byang chub sems dpa' rnams kyis byang chub kyi sems yongs su mi gtong bar gnas so/ /rnam par smin pa la mi re ba'i chos dang zang zing gi sbyin pa ni gtong ba'i gnas te/ gtong ba ni byang chub sems dpa' rnams kyi chos dang zang zing la ser sna byed pa tshar gcod bar 'gyur ro/ /bsam pa mya ngan las 'das pa ni/ nye bar zhi ba'i gnas te/ nye bar zhi ba ni byang chub sems dpa' rnams kyi nye bar ma zhi ba tshar gcod bas bsam gtan la sogs pa ste 'grub ba'i rgyu'o/ /stong pa nyid bdag med pa la mos ba ni shes rab kyi gnas te/ shes rab kyi byang chub sems dpa' rnams kyis nyon mongs pa rnams rnam bar gnon bas spong ba'i gnyen bor gyur ba'i phyir sangs rgyas su grub kyi bar du byang chub sgrub ba'i dge ba'i rtsa ba rnams rnam par sbyong ba ?
- 260a
bar byed do/ /rnam par smin pa la mi re ba'i chos dang zang zing sbyin pa ni byams pa ste/ gzhan dag la phan 'dogs bar 'jug pa'i phyir ro/ /snying rje pas ni snying rje nyid do/ /snying rje chen po sngon du 'gro ba'i phyir las kyi rnam par smin ba la yid ches par 'khor par sbyor ba na sems can gyi don bya ba la gzhol ba gzhan la phan pa 'grub pa'i phyir sems rab tu dga' ba ni dga' ba'o/ /yang na bsam pa mya ngan las 'das pa'i phyir nyon mongs pa rnam par bsal te/ nyon mongs pa'i gdung ba med bas sems rab tu dga' bas ni dga' ba'o/ /yang na 'du byed rnams la bdag med pas dpyod pa ni chos kyi rjes su 'gro ba'i dad pa rab tu thob pas// bcom ldan 'das kyi yon tan gyi tshogs rjes su dran nas/ sems rab tu dga' ba ni dga' ba'o/ /yang na 'byung ba mthong bas rang gi mthu thob ste/ 'khor ba'i 'dam du byid ba'i 'jig rten la brtags nas 'khor ba'i 'dam chen po ma rig ba las 'jig rten bton te/ mya ngan las 'das ba zhi ba'i dbyings su 'jog nus so/ /snyam pa 'am/ sems can gyi tshogs bsgral ba la lta bas gzhan la phan bar bya bas nus pa ni gzhan la phan ba sbyor ba ste/ phan bar sbyor ba'i phyir/ gzhan la phan bar byed ba 'am/ nus la 'am/ sems can gyi tshogs bde bar gyur pa nyid mthong nas sems can rab tu dga' ba ni dga' ba'o/ /'du byed stong pa rnams la rab tu rtog pa ni/ / rjes su chags ba dang/ khong? khro ba med bas mnyam ba nyid thob ste/ sems can gyi bya ba rnam par bzhag ba'i chos rnams la lhun gyis grub nas btang snyoms yang dag byang chub kyi yan lag bzhin du btang snyoms so/ /rnam par
- 260b
smin ba la mi re ba ni sbyin pa'o/ /chos dang zang zing sbyin ba ni snyan par smra ba'o/ /snying rjes sems can kyi bya ba sgrub ba ni/ don dpyod pa'o/ /tshig lhag ma rnams ni sems can la phan par sgrub par zhugs ba'i phyir don mthun pa'o/ /de bas na byang chub sems dpa' i chogs thams cad yongs su bsdus pas bzhi zhes bya ba grub bo/ /stong pa nyid kyi don brjod dgos so/ /smras pa/ shes rab kyis rab tu brtags nas 'du byed rnams kyi rang bzhin mi dmigs pa ni stong pa nyid de/ /smras pa/ kye ci shes rab kyis 'du byed rnams 'jig gam/ smras ba/ ma yin no/ /ci'i phyir zhe na/ rnam bar shes pa ni/ mtshan ma'i spyod yul gyi phyir rnam par shes pa'i yul don dam par med ba/ yang dag ba ma yin bar sgro btags par gnas pa/ yang dag ba ma yin pa'i dngos po yongs su spyad ba'i sa la rnam par shes pa dang/ lhan cig skyes pa'i shes rab bzod pa chung ngu nas bzung ste/ rigs kyi sa'i dus kyi bar du chen po dang/ 'bring dang/ phra mo rab tu 'byed pa'i rim gyis rnam par bshi gnas zag ba med pa'i shes rab kyi rkyan du gyur pas 'gag go /des na don dam pa mthong ba'i bar du gcod pa'i rgyu mtshan ma'i spyod yul gyi rnam par shes pa rkyen med pas don dam pa'i yul yin pas zag pa med pa'i shes rab kyis mtshan ma med ba'i dbyings mthong ngo/ /chos kyi dbyings mthong bas skyon med pa la 'jug ste/ rang gi mtshan nyid mthong bas ni ma yin no/ /rang gi mtshan nyid kyi yul la ma yin na ni rnam par shes pa dang bye brag med pa'i phyir chos kyi de kho na de mtshungs pas 'jig rten ni rnam par shes pas don byas pa'i phyir lam sgom pa don med pa'i skyon du 'gyur ro/ /gal te rnam par shes pa la shes rab ces zer na ni mi rung ste/ rang gi mtshan nyid 'dzin ba'i phyir ro/ /de ni 'di ltar 'gyur
- 261a
te/ shes rab kyi mtshan nyid kyi phyir shes pa ni rnam pa yin te/ shes rab kyis ni rang gi mtshan nyid mi rtag pa la sogs par rab tu shes so/ /rnam par shes pa ni dngos po so sor rnam par rig pa'i mtshan nyid do/ /rnam par shes pas don byas pa'i phyir de bas na rnam par shes pa dang bye brag med pa yin no zhe na/ de rigs te/ ci'i phyir zhe na/ rang gi mtshan nyid 'dzin pa'i phyir ro/ /gal te shes rab tu shes pa'i mtshan nyid yin pa'i phyir/ shes rab kyi yul ni spyi'i mtshan nyid yin te/ des rang gi mtshan nyid 'dzin par ni mi 'thad do/ /ci ste rang gi mtshan nyid kyang 'dzin na ni rang gi mtshan nyid ma bor bas dngos po rnam par rig pa'i mtshan nyid du 'gyur te/ rnam par shes pa bye brag med pa'i skyon du 'gyur ro/ /gal te rnam par shes pa'i rjes su 'jug ces zer na yang mi rung ste/ 'gal ba'i phyir ro/ /de ni 'di ltar 'gyur te/ shes rab ni rnam par shes pa dang lhan cig skyes pa'i rkyen yin te/ de ni dngos po'i spyod yul lo/ /de rjes su 'jug pa'i phyir shes rab kyis rang gi mtshan nyid mi rtag pa la sogs pas 'dzin to zhes byar ni de yang mi 'thad do/ /ci'i phyir zhe na 'gal ba'i phyir ro/ /rang dang spyi'i mtshan nyid mi mthun pas gzugs nyid mi rtag pa nyid yin no/ /gal te gzugs nyid mi rtag pa nyid yin na ni shes rab kyis 'dzin bar 'gyur na ma yin te/ de bas na shes rab ni rang gi mtshan nyid mi 'dzin to/ /rnam par shes pa yang shes rab kyi rjes su 'jug pas de'i rang bzhin du 'gyur te/ de'i dam pa'i yul yin pas rang gi mtshan nyid 'dor ba'i skyon du 'gyur ro/ /de bas na rang gi mtshan nyid shes rab kyi yul lam/ don dam pa rnam par shes pa'i yul du 'gyur ba?
- 261b
med do/ /smras pa/ kye ci stong pa nyid la mos pas las kyi rnam par smin pa la yid chos pa la gnod de/ des na las kyi rnam par smin pa la yid ches pa zhes de skad brjod dam/ smras pa/ srid pas so sor brjod pa la nyes pa med do/ /'di la shes rab kyis 'du byed rnams rab tu rnam par gshig nas sems can mi dmigs pa ni 'du byed rnams la rang bzhin med pa dang/ g.yo med par rig nas/ rkyen 'di la mi mkhas pa ni 'du byed rnams gnas pa med la g.yo ba med na byed pa ni gang 'bras bu dang 'brel pa ni gang zhes kun tu gti mug par 'gyur ro/ /gang kun tu gti mug pa las kyi rnam par smin pa la yid mi ches par 'gyur ro/ /bcom ldan 'das kyis kyang/ 'od srungs gang zag tu lta ba la gnas pa ri rab tsam bla'i/ mngon pa'i nga rgyal can stong pa nyid du lta ba ni de lta ma yin no zhes gsungs so/ /de skad du/ stong nyid lta ba thams cad las/ 'byung bar rgyal ba rnams kyis gsungs/ /gang dag stong pa nyid lta la/ /de ni sgrub tu med par bshad/ /stong pa nyid la blta nyes pa/ blo zhan rnam par 'jig par byed/ /dper na sprul la gzung nyes ? dang rig sngags nyes par bsgrubs pa bzhin/ /blo zhan rnams kyis chos 'di ni/ /rtogs par dka' bar thugs chud nas/ /de'i phyir thub pa rnams kyis thugs/ /bshad pa las ni rab tu ldog ces bshad do/ /kun rdzob dang don dam pa la mkhas pa'i byang chub sems dpa' i 'du byed rnams la rab tu rnam par 'byed pa ni rten cing 'brel par 'byung ba zab mo yongs su shes pa dang/ dus? ring po nas bsgoms pa dang/ rkyen gyi tshul shin tu yongs su shes pa'i phyir kun tu gti mug par mi 'gyur ro/ /de 'di snyam du sems te/ 'di ltar gzhan gyi dbang du gyur pa'i phyir 'du byed rnams ni yongs su bsgrub pa'i rang bzhin ma yin pa dang/ g.yo ba med pa ste/ de bas na
- 262a
rnam par rtog pa sna tshogs kyi rjes su 'gro ba thabs la mkhas pas yongs su zin pa mngon par 'du byed pa rnams kyis mngon par 'du byed pa na rnam par sgrub pa la rab tu gnas pa'i phyir rim gyis thams cad mkhyen pa nyid 'thob par 'gyur ro snyam mo/ /de ltar mngon par yid ches pa'i byang chub sems dpa' ni brtson 'grus chen po rtsom mo/ /de bdag med par bzod pa zhes bya ba la bdag med pa'i bzod pa'i don brjod dgos so/ /smras pa/ sems can du 'du shes pa rnams rnam par bshig pa ni rnam par shes pa'i yul kun rdzob tu yod pa'i chos rnams rnam par shes pas bskyed pa'i shes rab kyis rnam par gzhigs na sems can mi dmigs nas 'di snyam du sems te/ 'di ni chos tsam ste sgyu ma dang 'dra ba g.yo ba med pa rang dbang med pa ste/ phan tshun gyi rkyen gyi stobs kyis bskyed pa'i phyir las dang nyon mongs pa'i shing la brten pa/ mar me'i 'od 'phro ba'i rgyun dang 'dra ba sngon gyi las kyis 'bangS pas 'dra ba'i rgyun gyi tshul gyis skye'o/ /de skye ba na yang gang nas kyang mi 'ong/ 'gag pa na yang gang du yang mi sogs so snyam mo/ /de ltar gang rab tu 'dod pa de ni bdag med par bzod pa'o/ /smras pa/ gang gi tshe byang chub sems dpa' bdag med pa'i bzod pa sems can mi dmigs pa na sems can gyi bya ba la rgyab kyis phyogs par 'gyur na ci'i phyir de'i bdag med bzod ba bshad/ smras pa/ sems can gyi dgos pa bya ba'i nus pa bskyed pa'i phyir te/ sems can gyi dgos pa bya'i? nus pa bskyed pa'i don du byang chub sems dpa' i bdag med pa'i bzod pa bstan to/ /bdag med pa'i bzod pa des nyon mongs pa rnam par bsal ba'i byang chub sems dpa' sems can du 'du shes
- 262b
pa rnam par bshig pa dang/ 'du byed rnams g.yo ba med pa dang/ rkyen la rag lus par shes nas/ sems can gyi nyes pa dang/ 'du byed kyi nyes pa rnams kyis gnod par gyur pa na yang byang chub kyi sems yongs su mi gtong ngo/ /sems dpa' nyid la gnas te/ sems can la lta bas shes rab dang/ snying rje sgrub pa phun sum tshogs nas sangs rgyas su sgrub kyi bar du thams cad mkhyen pa nyid thob par byed pa'i dge ba'i rtsa ba sna tshogs sog go/ smras pa/ stong pa nyid la mos pa dang/ bdag med pa'i bzod pa gnyis la bye brag ci yod/ smras pa/ stong pa nyid la mos pa ni 'du byed thams cad la rab tu rnam par 'byed par 'jug pa'i phyir chos kyi rtogs pa'i rgyu'o/ /bdag med pa'i bzod pa ni rang gi mtshan nyid kyi spyod yul pa ste/ de ni sems can gyi rdzas rab tu 'byed par zhugs pa'i chos tsam du mthong ba'i rgyu'o/ /stong pa nyid la mos pas ni/ chos la ngo bo nyid du zlog bar byed do/ /bdag med pa'i bzod pa ni sems can la ngo bo nyid du 'dzin pa zlog par byed do/ /smras pa/ gang gi tshe sems can du 'du shes pa nyid ni snying rje chen por rigs na ci'i phyir byang chub sems dpa' la snying rje chen po'i gnyen po bdag med par mos pa bshad/ smras pa/ snying rje chen po'i rgyu'i phyir te/ chos thams cad bdag med par yongs su shes nas byang chub sems dpa' sems can gyi khams la dmigs te/ kye ma'o/ /chos su bsdu ba sems can zhes bya ba ma rig pas ldongs pa bdag med pa'i chos rnams la med pa las sems can du 'du shes par sgro btags nas nga dang bdag tu mngon par zhen pa 'di dag ni srid par 'gyur ba'i las rnams sogs te/ gang dag gis 'di dag 'khor ba na skye ba 'ching ba de dag bdag gis chos nyid de la gzud par bya'o
- 263a
zhes bya ba byang chub sems dpa' shin tu snying rje skye'o/ /de bsam pa mya ngan las 'das par bsngo zhes bya ba mya ngan las 'das pa'i don brjod dgos so/ /smras pa/ las dang nyon mongs pa'i shing med pas len pa med de/ phung po'i rgyun 'gags pa ni mya ngan las 'das pa ste/ me'i rgyun gyi rgyu 'gag pa bzhin no/ /yang na ye shes kyi mes yongs su bsregs pa'i phyir ro/ /rnam par shes pa'i sa bon len par med pa 'gag pa'i 'og tu ma 'ongs pa na rkyen tshogs kyang yang srid pa'i myu gu mngon par mi 'grub bo/ /mes yongs su bsregs te/ 'gags pa'i 'og tu srid pa'i myu gu mngon par mi 'grub pa gang yin pa ste/ mes yongs su bsregs pa'i sa bon 'gags pa'i 'og tu myu gu mngon par mi 'grub pa bzhin no/ /yang na nyon mongs pa'i me 'gag pa nyid don dam par mya ngan las 'das pa ste/ shing rtsa ba nas bton pa bzhin no/ /de yang rnam pa gnyis te phung po'i lhag ma dang bcas pa dang/ phung po lhag ma ma lus pa'o/ /de la phung po'i lhag ma dang bcas pa ni nyon mongs pa spangs pa'o/ /phung po lhag ma ma lus pa ni/ len pa med pa'i phyir sdug bsngal gyi mtshams sbyor ba med pa'i 'gag pa'o/ /mya ngan las 'das par song ba ni mya ngan las 'das par song ba ste mya ngan las 'das pa la gnas so zhes bya ba'i tha tshig go/ smras pa/ bsam pa mya ngan las 'das pa zhes bya ba'i don gang yin/ smras pa/ 'khor ba'i nyes pa mthong ba'i phyir nam zhig na nyon mongs pa zad pa zhi ba'i gnas thob par 'gyur zhig gu snyam du mya ngan las 'das pa 'dod pa la sogs pa'i rnam par shes pa dang/ lhan cig tu skyes pa'i dge ba'i chos rnams kyis sems bsgoms pa gang yin pa 'di ni mya ngan las 'das pa'i bsam pa zhes bya'o/ /sbyor
- 263b
ba 'khor bar song ba zhes bya ba la 'khor ba'i don gang yin/ smras pa/ nyon mongs pa dang/ las kyi dngos po rnams kyi pan tshun gyi rkyen thog ma med pa nas rjes su 'brel pa ni 'khor ba ste/ 'khor bar song ba ni der 'khor ba la sbyor bar 'jug ces bya ba'i tha tshig go /nyes pa mthong bas 'khor ba las bsam pa bskyod pa'i byang chub sems dpa' ni sems can la lta bas 'khor bar song ba'i sbyor ba rtsom mo/ /smras pa/ gang gi tshe bsam pa dang 'dra bar sbyor ba rtsom ste/ dkar po las dkar po/ /nag po las nag por gyur na de ji ltar byang chub sems dpa' i bsam pa mya ngan las 'das pa dang/ mi 'dra bar 'khor ba na sbyor ba rtsom par 'gyur/ smras pa/ gzhan la phan pa'i bsam pa shin tu bsgom pa'i phyir te/ byang chub sems dpa' i bsam pa mya ngan las 'das pa ni gzhan la phan pa'i bsam pas zil gyis non pas 'khor ba gnod pa mang por shes nas 'khor bas skyo ba'i byang chub sems dpa' bsam pa mya ngan las 'das kyang snying rje dang ldan pa'i phyir sems can la lta bas 'khor bar sbyor bar rtsom mo/ /de 'di snyam du sems te/ 'dus byas la gnas pa'i byang chub sems dpa' la ni byang chub sems dpa' i chos rnams mi 'khrungs te/ 'dus byas pa la gnas nas so/ /de bas na byang chub sems dpa' chos la lta bas 'khor ba mthong yang yongs su 'dzin to/ /dper na bcom ldan 'das kyis kyang/ 'od srungs 'di lta ste/ dper na nam mkha' las sa bon rnams mi skye'o zhes bya ba rgya cher gsungs pa lta bu'o/ /sems can yongs su smin par bya ba'i phyir yang sbyin pa zhes bya ba la sems can yongs su smin par bya ba'i don bshad dgos so/ /smras pa/ nyon mongs pa'i chu'i brlan? gyis sems can gyi bsam pa'i zhing
- 264a
brlan par gyur pa rnams la thos pa dang/ sems pa la sogs pa yongs su sbyor ba nges par 'byed pa'i cha dang mthun pa'i drod kyi sbyor ba nges par rtogs pa'i phyogs kyi dge ba'i rtsa ba'i me'i dugs kyis bsam ba ji lta ba bzhin du zag pa med pa'i dge ba'i rtsa ba'i sa bon rab tu bzhag pa'i phyir te/ sems can gyi bsam pa'i zhing rnams kun tu smin par byed pa'o/ /don du gnyer ba'i byang chub sems dpa' i snying rje dang thabs la mkhas pa phun suM tshogs pa ni sems can gyi rgyud yongs su smin par bya ba'i phyir chos dang zang zing gi sbyin pas sems can rnams sdud do/ /bsdus nas kyang bsam pa dang/ 'tsham? par theg po gsum pa dag la ci rigs par yongs su smin par byed de/ / smras pa /sbyin pa zhes bya ba de ci zhig /smras pa/ ma chags pa dang/ lhan cig skyes pa'i sems pa ste/ byung ba dang lhan cig pa/ 'bras bu gcig pa rnams kyis sbyin pa'i chos kyi gnas la 'jug pa ni sbyin pa'o/ /rnam par smin pa la yang mi re zhes bya ba ni de la rnam pa sna tshogs su smin pa ni/ rnam par smin pa ste/ 'bras bu sna tshoD zhes bya ba'i tha tshig go /rnam par smin pa la mi re ba ni rnam par smin pa la mi re ba ste/ bdag bde ba la mi lta ba'i phyir 'bras bu la mngon par 'dod pa med do zhes bya ba'i tha tshig go/ smras pa /sems can yongs su smin par bya ba la lta ba'i sbyin pas rnam par smin pa la mi re ba nyid du bstan pa ma yin nam/ ci'i phyir yang rnam par smin pa la mi re ba'i zhes zlos? par brjod/ smras pa/ sems can yongs su smin par byed pa la lta ba'i sbyin pa la yang rnam par smin pa la re ba srid do/ /so sor bshad pas nyes pa med? par 'gyur ro/ /gang yang 'di lta ste/ byang chub kyi phyir sems bskyed nas sems can?
- 264b
thams cad la dmigs te/ sems can yongs su smin par bya ba la lta bas sbyin pa sbyin pa ni 'khor ba na 'bras bu rgya che ba yin te /tha mar thams cad mkhyen pa nyid kyang thob par 'gyur ba'i thabs 'di ni 'bras bu rgya che ba'o snyam pa sems can la mngon bar phyogs pa'i sbyin pa yang bsams pas don dam par rig nas de bzlog pa dang/ byang chub sems dpa' i yang dag pa'i yon tan la gzung pa'i phyir rnam par smin pa la mi re ba zhes de skad du gsungs so/ /de ni 'di skad du/ bsam pa phun sum tshogs pa byang chub sems dpa' ni bdag gi bde ba la lta bas sbyin pa la sogs pa'i chos rnams rang gi rgyud la rnam par smin par smon pa med do/ /ci'i phyir zhe na/ rgyu dang 'bras bu la mi lta ste/ gzhan gyi don nyid du dge ba'i rtsa ba rnams sangs rgyas su grub par bya ba'i phyir yongs su bsngong? zhes ston to/ /de ni 'di snyam du sems te/ gal te srid na ni thams cad mkhyen pa bsgrubs te/ sems can re re la yang sbyin pa zhig na 'di na chos rnams kyi chos nyid de rang gi sems la 'bras bu grub med kyi/ 'on kyang bdag gis thams cad mkhyen pa ni gzhan gyi don nyid de/ thabs des gzhan la phan par nus pa'i phyir ro snyam mo/ /de ltar byang chub sems dpa' de'i bsam pa rnam par dag par bya ba'i phyir thams cad mkhyen pa nyid thob par byed pa sbyin pa la sogs pa'i chos rgyur gyur pa gang yin pa dag dang/ thams cad mkhyen pa dang 'brel ba 'bras bu gyur pa/ stobs la sogs pa gang yin pa thams cad gzhan las phan par bya pa'i bsam pa gang yin pas de'i gzhan la phan par bya ba la mngon par phyogs par 'gyur ro/ /de bas na de nyan thos dang/ rang sangs rgyas rnams dang thun mong? ma yin pa'i phyir byang chub sems dpa' i yang da
- 265a
ba'i yon tan zhes bya ba ste/ 'di ltar nyan thos dang/ rang sangs rgyas kyi lam gyi tshogs kyi sbyin pa ni rgyud yongs su smin bar bya ba'i phyir sbyin pa sbyin no/ /'di las phyi rol pa dag ni 'bras bu 'dod do? log par sgrub ba'i gnyen por yang dag par sgrub pa la gnas pa'i legs pa bzhi'i dbang du byas nas bzhi ba phrag bzhir rig par bya'o/ /legs pa rnam pa bzhi gang zhe na/ gter chen po rnyed ba'i phyir phyug pa dang/ bdud bu?/ / shin tu 'das pa'i phyir phyir rgol ba med ba dang/ tshul 'chos pa med par dgon ba la gnas pa la sogs pas longs spyod pa kha na ma tho ba med ba dang/ bsod nams kyi tshogs dbag tu med pas bsod nams kyi tshogs mi zad pa'o/ /legs pa 'di rnams kyi go rim ni thog ma kho nar gter rnyed pas bsod nams dang ye shes kyi tshogs gsog ste/ de la sangs rgyas su 'byung ba mnyes par byed pa ni bsod nams kyi tshogs sogs ba'o/ /tshig lhag ma gsum po dag ni ye shes kyi tshogs bsags pa'o/ /bsod nams kyi tshogs sogs pa la brten nas bzhi pa gnyis bas bdud las shin tu 'da' ba' i phyir sgrib pa rnam par dag go /sgrib pa rnam par dag pa la brten nas bzhi pa gsum pas dge ba'i chos thams cad sdud pa'i phyir sgo thams cad nas dkar po'i chos 'thob po/ /sgo thams cad nas dkar po'i chos thob pa la brten nas bzhi pa bzhi pas bsod nams dpag tu med pa 'thob pa'i phyir rnam pa thams cad du sems can gyi don du sbyor te/ bsod nams tshad med pa bskyed bar rig bar bya'o/ /gter chen po rnyed pa bzhi ni/ skyes bu dam pa la brten pa dang/ dam pa'i chos nyan pa dang/ tshul bzhin yid la
- 265b
byed pa dang/ chos kyi rjes su mthun ba'i chos sgrub par rig par bya'o/ /de la sangs rgyas 'byung ba mnyes par byed pa ni/ skyes bu dam pa la brten pa'o/ /pha rol tu phyin pa drug nyan pa ni dam pa'i chos nyan pa'o/ /chos smra ba la khong khro ba med pI seMs kyis lta ba ni tshul bzhin du yin la byed pa'o/ /bag yod bar dgon pa la gnas bar dga' ba ni chos kyi rjes su mthun pa'i chos sgrub ba'o/ /de la sangs rgyas 'byung ba mnyes par byed pa ni de bzhin gshegs pa la mchod pa dang/ rim gro byed bas bsod nams kyi tshogs sog go /tshig ltag ma gsum po dag ni thos pa rnam par dag pa dang/ sems can rnam bar dag ba dang/ bsgom pa rnam par dag pas ye shes kyi tshogs so/ /'jig rten gyi 'byor pa'i dngos po dang 'dra ba'i chos kyi gter chen po rnyed pa la sogs pa rnam pa bzhir rig par bya ste /'jig rten gyi dngos po bzhin blta ba'i longs spyod bo dang/ gar la sogs pa dang/ mnyan ba'i longS? spyod glu'i dbyangs la sogs pa dang/ dran pa'i longs spyod bang ba dang mdzad la sogs pa dang/ reg par bya ba'i longs spyod bza' ba dang bca' ba la sogs pa ste/ de ltar sangs rgyas la lta ba dang/ thos pa dang/ sems ba dang/ sgom par rig par bya'o/ /bdud las shin tu 'da' ba' i chos bzhi po dag ni bdud bzhi'i dbang du byas nas bdud las 'da' ba' i chos bzhir rig pa'i bya ste/ bdud bzhi ni theg pa chen po la sbyor ba'i bar du gcod pa byang chub kyi sems 'dor ba dang/ sems can yongs su smin par byed ba'i sbyor ba'i bar du gcod pa sems can thams cad la khong khro pa'i sems dang/ ma nor bar sbyor ba'i bar du gcod pa lta bar gyur pa thams cad la mi rtog pa dang/ /
- 266a
yongs su rtog par sbyor ba'i bar du gcod pa'i sems can thams cad la mngon ba'i nga rgyal can no/ /de las bzlog pa ni bdag nyid theg pa chen po las mi g.yos pa dang/ sems can thams cad la mi sgrub pa'i gzhi yongs su spong ba dang/ log par sgrub pa'i gzhi rnam par spong ba dang/ yongs su rdzogs par mi 'gyur bar yang dag par sgrub pa'i gzhi yongs su spong bas bdud las shin tu 'da' bar rig bya'o/ /chos bzhi po 'di dag ni byang chub sems dpa' i dge ba'i rtsa ba thams cad sdud par 'gyur ro/ /zhes bya ba ni dge ba rnam pa bzhi'i dbang du byas nas chos bzhi po dag dge ba'i chos sdud par 'gyur bar rig par bya ste/ mnyam par bzhag pa'i sa pa ste/ bsgom pa'i rjes su 'gro ba dang/ mnyam par ma bzhag pa'i sa pa la rnam pa gsum ste/ sems can yongs su smin par byed pa'i rjes su 'gro ba dang/ bya dka' ba spyod pa'i rjes su 'gro ba dang/ thos pa dang sems pa'i rjes su 'gro ba'o tshul 'chos pa med par dgon pa la gnas te/ bsgom pas ni bsgom pa'i rjes su 'gro ba'i dge ba ston to/ /lan du phan 'dogs pa reb? med par sems can smin par byed pas sbyo bas ni sems can yongs su smin par byed pa'i rjes su 'gro ba'o/ /sems can thams cad la lus dang srog gtong zhing dam pa'i chos yongs su chol? ba'i rtsom par ni bya dka' ba spyod ba'i rjes su 'gro ba'o/ /thos pas ngoms mi myong ba dang don gyis ngoms mi myong zhing/ dge ba'i rtsa ba'i chos thams cad yang dag par sdud pa'i brtson 'grus kyis ni thos ba dang/ sems pa'i rjes su 'gro ba'o/ /byang chub sems dpa' i bsod nams kyi tshogs dpag tu med pa bzhi ste /bzhi gang zhe na/ zhes bya ba
- 266b
ni sems can rnams gnas bzhi las rnam par gnon pa'i dbang du byas nas bzhi pa'o/ /bzhi po gang dag laS she na som nyi dang/ yid gnyis dang/ the tshom dang/ ngan song ngan 'gro log par ltung ba dang/ theg pa chung du la mos pa dang/ bstan ba la gnod par sems shing khong khro ba las so/ /de la zang zing med pa'i sems kyis chos byin pas na som nyi dang/ yid gnyis dang/ the tshom las bzlog go /ngang tshul ngan pa rnams la cher snying rje bas ni ngan song ngan 'gro log par ltung ba las zlog go /sems can thams cad la byang chub kyi sems ston pas ni theg pa chung du la mos pa las bzlog go /nyam chung ba rnams la bzod pas bsten pas ni bstan pa la gnod par sems shing/ khong khro ba las bzlog ste/ nyam chung ba rnams rjes su mi bsrung bas bstan pa la khong khro ba'o/ /'od srung byang chub sems dpa' ni ming tsam gyi byang chub sems dpa' zhes mi bya ste zhes bya ba ni yang dag par sgrub pa'i rab tu dbye ba bstan pa'i phyir mdo sde'i mtshams sbyor brtsom mo/ /chos spyod pa la sogs pa smos pas ni khyad par dang/ khyad par med pa dang/ gtogs pa dang thabs bstan pa'i phyir ro/ /chos spyod pa ni nyan thos pa la sogs pa las so/ /byang chub sems dpa' i spyod pa khyad par du ston to/ / snyoms par spyod pas ni bdag dang gzhan mnyam pa nyid pas sems can thams cad la byang chub sems dpa' i spyod pa khyad par med par ston to/ /dge ba sbyor bas ni byang chub sems dpa' i spyod par gtong? bston to/ /dge ba shin tu rnam par dag pa mthar phyin pas sangs rgyas su 'grub par gtogs pa'i phyir ro/ /chos la gnas pas ni byang chub sems dpa' i spyod pa 'di'i thabs ston to/ /de la byang chub sems dpa' i chos spyod pa ni khyad par rnam pa lngas nyan thos la sogs pa las
- 267a
khyad par du 'phags par ston te /sems can thams cad la phan pa dang bde ba'i bsam pa zhes bya ba ni bsam pa'i khyad par te/ bsam pa dag pa'i byang chub sems dpa' bdag dang 'dra bar sems can thams cad la phan pa dang/ bde bar bsam pa yin te/ nyan thos la sogs pa ni ma yin no/ /sbyor ba'i khyad par rnam pa bzhi ste/ thams cad mkhyen pa'i ye shes la 'dzud ces bya ba la byang chub sems dpa' ni sems can rnams thams cad mkhyen pa nyid la 'dzud kyi nyan thos la sogs pa ni ma yin no/ /bdag ci re zhes yongs su 'jal zhing bzhan gyi shes pa la mi smod ces bya ba la/ byang chub sems dpa' rnams ni bdag dang nyan thos la sogs pa'i phyi? brag mkhyen gyi/ nyan thos la sogs pas ni byang chub sems dpa' i bye brag mi shes so/ /nga rgyal med ces bya ba ni byang chub sems dpa' rnams chos la bdag med pa rab tu rtogs pas de rnam par 'jig pI phyir nyon mongs pa can ma yin yang/ nga rgyal med pa yin gyi/ nyan thos rnams ni bdag cag sbyin gnas kyi bye brag yin no snyam mo/ /lhag pa'i bsam pa brtan pa zhes bya ba la/ byang chub sems dpa' rnams ni sems can gyi don sbyor ba la lhag pa'i bsam pa brtan pa yin gyi/ nyan thos rnams ni sems can gyi don btang nas yongs su mya ngan las 'da' ba' i phyir ro/ /de la snyoms par spyod pa ni byang chub sems dpa' i mnyam pa nyid brgyad kyis ston to/ / mdza' ba? mnyam pa ni gsum du dbye ste/ bsam pa dang/ sbyor ba dang/ dus kyi bye brag go /bcos pa ma yin par byams pa zhes bya ba ni zab zing med pa'i bsam pa ston to/ /mdza' ba dang mi mdza' ba la sems snyoms zhes bya ba
- 267b
ni phan 'dogs pa dang/ gnod pa byed pa'i rnams la snyoms par sbyor ba bstan to/ /mya ngan las 'das ba'i mdza' i bar du rab tu mdza' ba zhes bya ba ni dus thams cad du mdza' bar ston to/ /tshig tshod 'dzin cing 'dzum pa'i bsam pas bzhin gyis gsong por smra ba zhes bya ba ni/ rab tu dga' bar byed pa mnyam par ston te/ sems dang bas rab tu dga' bar byed pa'i phyir ro/ /khur blangs pa rnams mi 'dor ba zhes bya ba ni grogs su gyur pa mnyam par ston te/ khur ji ltar blangs pa mi 'dor ba'i phyir ro/ /sems can thams cad la snying rje chen po yongs su ma bcad pa zhes bya ba ni snying rje mnyam par ston te/ phyogs su ltung bas khur blangs pa yin pa'i phyir ro/ /yid yongs su mi skyo ba zhes bya ba ni /yid de yongs su mi skye ba mnyam par ston te/ yid mi bde ba med par khur sgrol ba'i phyir ro// dam pa'i chos yongs su tshol ba'i phyir ro/ /thos pa dang don gyis ngoms mi myong ba zhes bya ba ni thabs mkhas pa mnyam par ston to/ /thos pa dang don la mkhas pas 'dul ba ji lta ba bzhin du 'dul ba la mkhas pa'i phyir ro/ /bdag gi 'khrul pa rnams la nyes par lta zhing gzhan gyi 'khrul pa rnams la mi gshe bar bsgo zhes bya ba ni bsgo ba mnyam par ston te/ gang bdag gis nyes pa mthong la/ 'khrul pa'i tshig gis bsgo na ni bsgo ba mnyam par mi 'gyur ro/ /spyod pa thams cad du byang chub gyi sems yongs su spyod ba zhes bya ba ni bsngo ba mnyam par ston to/ /dge bar bya ba thams cad mtshungs par byang chub chen por yongs su bsngo ba'i phyir ro/ /dge ba spyod pa ni rnam par smin par? ? ba'i gtong ba zhes bya ba la sogs pa pha rol tu phyin pa drug po dag gis ston te/ pha rol tu phyin pa re re'i mi mthun pa'i phyogs kyi gnyen po brjod pa'i phyir sbyin pa la sogs pa'i rang gi mi mthun pa'i phyogs dang bral ba rnams ni
- 268a
pha rol tu phyin pa yongs su ston to/ /srid par skye ba thams cad la mi gnas pa'i tshul khrims ma yin pa yang yod pas de'i phyir/ srid bar skye ba thams cad la mi gnas pa'i tshul khrims zhes bya ba gsungs so/ sems can thams cad la bzod pa ni lus dang ngag gis bzod kyi/ khong khro ba med pa'i sems kyis bzod pa ma yin pa yang? pas de'i phyir/ sems can thams cad la khong khro ba med pa'i bzod pa zhes gsungs so/ /dge ba'i rtsa ba thams cad yang dag par sdud pa'i brtson 'grus zhes bya ba ni theg pa gsum dang rab tu ldan pa'i dge ba'i rtsa ba yang dag par sdud pa'o /gzugs med pa'i khams dang bral ba'i bsam gtan zhes bya ba ni gzugs med pa'i khams su skye ba dang bral ba'i bsam gtan du rig par bya ste/ snyoms par 'jug pa ni ma yin no/ /gzugs kyi khams su skye ba'i byang chub sems dpa' rnams ni bdag gi sangs rgyas gyi chos rnams yongs su smin par byed par 'gyur te/ 'jig rten gyi khams gzhan gyi sangs rgyas la bsnyen bkur byed pa'i phyir ro/ /'dod pa'i khams su skye ba ni sems can yongs su smin par byed par 'gyur te/ gzugs med pa'i khams su skye ba ni de lta ma yin no/ /thabs la mkhas pa'i bsdu ba'i dngos po bzhi dang rab tu ldan ba'i thabs kyis zin pa'i shes rab ces bya ba la/ de ni bsdu ba'i dngos po bzhi po dag gis ston to/ /chos la gnas pa ni sbyor ba dang rang bzhin dang 'bras bus yang dag par ston to/ /sbyor ba ni rnam pa gsum ste/ tshul khrims dang ldan pa dang/ tshul khrims 'chal? pa rnams la gnyis su med pa'i byams pa zhes bya ba ni gdams ngag 'dom
- 268b
pa 'di ni sdom pa la gnas pa 'di ni sdom pa la gnas pa ma yin zhes gdams ngag 'doms pa rnams kyi yon tan dang nyes pa la mi rtog bar gdams ngag don du gnyer ba gdams ngag 'doms pa'i gan du 'gro ba'o/ /bsti stang du byas te chos nyan par byed ces bya ba ni bsti stang du byas nas gang naS dag yongs su 'dzin pa'o/ /bsti stang du byas te/ dgon pa la gnas pa la mngon par dga' ba zhes bya ba ni lus kyis mi 'dre zhing rab tu dben par gnas pa ste/ tshig de gsum byis ni sbyor ba ston to/ /gsum po gang dag gis rang bzhin ston ces 'jig rten gyi sna tshogs dag la mi dga' zhes bya ba ni sems kyis mi 'dre zhing/ rnam par g.yeng ba med pa'o/ /theg pa chung du mi 'dod cing/ theg pa chen po'i legs pa la lta ba zhes bya ba ni nyan thos kyi theg pa dang rab tu ldan pa'i yid la byed pa las shin tu 'das nas theg pa chen pa dang rab tu ldan pa yid la byed pa phun sum tshogs pa'o/ /sdig pa'i grogs po yongs su spong zhing dge ba'i bshes gnyen la brten pa zhes bya ba ni rab tu dben pa la brtson ba 'dor ba'i sems can dang mi 'grogs la/ de ma yin pa dag dang 'grogs pa ste/ grogs phun sum tshogs pa'o/ /tshos? la gnas pa gang yin zhe na/ zhi gnas dang lhag mthong las rnam par g.yeng ba med pas bsdus pa dang/ gang gis she na/ yid la byed pa dang/ gang dag gis sha na/ grogs po dag gis te/ 'di ni chos la gnas pa'i rang bzhin no/ /'bras bu ni rnam pa gnyis te/ sems rnam par dag pa dang/ sems can yongs su smin par byed pa'o/ /de la sems rnam par dag pa ni shes rab rnam par dag pa ste/ 'jig rten pa dang/ 'jig rten pa las 'das par rig par bya'o/ /tshangs pa'i gnas pa bzhi sgrub pa dang
- 269a
mngon par shes pa lngas rnam par rtson pas ni 'jig rten pa'i ye shes rnam par dag pa la brten nas bsod nams kyi tshogs chen po dang/ mthu bsgoms ba'i 'bras bu myong bas 'jig rten pa'i shes rab rnam par dag par rig par bya'o/ /ye shes kyi phyir 'brang ba ni 'jig rten pa'i shes pas chog par mi 'dzin te/ 'jig rten las 'das pa'i shes rab yongs su rab tu tshol zhing rnam bar sbyor bas shes rab rnam par dag par rig par bya'o/ /sems can yongs su smin par byed pa ni tshig rnam pa bzhis yongs su ston te /sgrub pa dang log par sgrub pa la gnas pa'i sems can rnams kyi mi gtong ba zhes bya ba ni 'khrug par mi 'gyur ba la bzod pa'i nyes pa spangs nas 'khrug pa la ji mi snyam pa'o/ /gcig tu chad par smra ba zhes bya ba ni gzung bar 'os pa'i? tshig ste/ gang gzhan? du bstan la yang gzhan la smra ba ma yin no/ /bden pa la btsun par 'dzin zhes bya ba ni mdza' ba dang/ gus par bya ba rjes su srung bas ji skad smras ba de bzhin byed pa'o/ /byang chub kyi sems sngon du 'gro ba zhes bya ba ni zang zing med pa'i sems kyis byang chub 'thob ba'i dbang du byas pa'o/ /de ltar yang dag par sgrub pa'i rab tu byed pa'i byang chub sems dpa' i yon tan gyi khyad par brjod ba'i phyir dpe bstan pa mdzad do/ /'od srungs 'di lta ste dper na sa chen po 'di sems can thams cad kyi 'tsho ba ste/ 'gyur ba med cing phyir bya ba med pa de bzhin du/ 'od srungs byang chub sems dpa' sems dang po bskyed pa yang byang chub kyi snying po'i mdza' i bar du sems can thams cad kyi 'tsho ba yin te/ 'gyur ba med cing bya ba med do zhes bya ba dang nye bar bzhag pa dang pos ni byang chub sems
- 269b
dpa' i sems can rnams kyi mngon par 'byung ba'i don las brtsams nas skye bo'i lo tog yid du 'ong ba rnam ba sna tshogs kyi gnas su ston to/ /'gyur ba med cing len du phan 'dogs par re ba med ces bya ba la/ gnod par byed pa la ni 'gyur ba med do/ /phan btags pa la ni lan la re ba med de/ khong khro ba dang rjes su chags pas sems ma zin pa'o/ /'od srungs 'di lta ste dper na chu'i khams rtswa dang/ shing gel? ba dang/ sman dang/ nags tshal thams cad skye bar byed ba de bzhin du/ 'od srungs byang chub sems dpa' bsam pa dag ba yang sems can thams cad la byams pas khyab par gnas nas sems can thams cad kyi dkar po'i chos thams cad skye bar byed do/ /'od srungs 'di lta ste/ dper na me'i khams lo tog thams cad yongs su smin bar byed pa de bzhin du/ 'od srungs byang chub sems dpa' i shes rab kyang dkar po'i tshos thams cad yongs su smin par byed do/ /'od srungs 'di lta ste? dper na rlung gi khams sangs rgyas kyi zhing thamS cad rnam bar sprul pa de bzhin du/ 'od srungs byang chub sems dpa' i thabs la mkhas pa yang sangs rgyas kyi chos thams cad rnam par sgrub po zhes bya ba dpe gnyis pa dang/ gsum pa dang bzhi pa dag gis ni gdon mi za bar legs ba'i don las brtsams te sems can rnams kyi dge ba'i rtsa ba bskrun pa dang/ yongs su smin par byed pa dang/ mthar thug par 'gro ba'i rgyu nyid du ston to/ /'od srungs 'di lta ste/ dper na zla ba'i dkyil 'khor yar gyi do la skye zhing/ gang bar 'gyur ba de bzhin du byang chub sems dpa' bsam pa dag pa yang dge ba'i chos thams cad kyis skye zhing rdzogs par 'gyur ro zhes bya ba dbe lnga pas ni rang gi don las brtsams te/ bdag gi byang chub kyi tshogs rnam par 'phel
- 270a
bar ston to/ /'od srungs 'di lta ste/ dper na nyi ma'i dkyil 'khor gyi 'od zer gcig btang bas sems can thams cad la snang bar byed pa de bzhin du 'od srungs byang chub sems dpa' i shes rab kyi 'od zer gcig btang bas sems can thams cad la ye shes snang bar byed do zhes bya ba dpe drug pas ni bdag dang gzhan gyi rgyud la shes rab kyi snang bar byed pas gnyis ga'i don sgrub pa'i rgyu nyid du ston to/ /'od srungs 'di lta ste/ dper na ri dags kyi rgyal po seng+ge gangs nas gar? 'gro ba thams cad du mi 'jigs mi skrag par 'gro ba de bzhin du/ 'od srungs byang chub sems dpa' tshul khrims dang bslab pa dang/ sbyangs pa'i yon tan dang/ yo byad bsnyungs pa la gnas pa yang gang nas gar 'gro yang thams cad du mi 'jigs mi skrag par 'gro ba'o zhes bya ba dpe bdun pas ni 'khor ba dang mya ngan las 'das pas mi skrag pa'i phyir de gnyi ga la mi gnas par ston to/ /'od srungs 'di lta ste/ dper na bal gyi glang po che shin tu dul ba khur thams cad khyer bas mi sgyo ba de bzhin du 'od bsrungs byang chub sems dpa' shin tu dul ba yang sems can thams cad kyi don gyi phyir phung po lnga'i khur khyer ba'i yongs su mi skyo'o/ /zhes bya ba dpe brgyad pas ni 'khor ba na khur gyis yongs su mi skyo? bar ston to/ /'od srungs 'di lta ste/ dper na padmo chu las skyes byang chub mi gos pa de bzhin du/ 'od srungs byang chub sems dpa' 'jig rten gyi nang du skyes kyang 'jig rten gyi chos gyis mi gos so? zhes bya ba dbe dgu pas ni 'khor ba na kun nas nyon mongs pa med par ston to/ /'od srungs 'di lta ste/ dper na shing yal ga bcad kyang rtsa ba ma nyams
- 270b
na slar yang skye ba de bzhin du 'od srungs byang chub sems dpa' thabs la mkhas pa yang nyon mongs pa bcad kyang dge ba'i rtsa ba ma nyams na slar yang khams gsum du skye'o zhes bya ba dpe bcu pas ni kun nas nyon mongs pa med kyang ji ltar yongs su mya ngan las mi 'da' ba ston to/ /'od srungs 'di lta ste/ dper na phyogs dang phyogs mtshams tha dad pa nas klung chen po'i chu'i phung po rgya mtsho chen por bab na 'di lta ste lan tshwa'i ror thams cad ro gcig par 'gyur ba de bzhin du/ 'od srungs byang chub sems dpa' i dge ba'i rtsa ba sgo tha dad pa nas bsags pa byang chub tu bsngos pa yang 'di lta ste thams cad mkhyen pa'i ror thams cad ro gcig par 'gyur ro zhes bya ba dpe bcu gcig pas ni dge ba'i rtsa ba rnams la sbyor ba bsngo bas yongs su zin pas byang chub kyi rgyur ston to/ /'od srungs 'di lta ste dper na ri rab la rgyal chen bzhi'i ris dang/ sum cu rtsa gsum pa'i lha rnams rab tu gnas pa de bzhin du/ 'od srungs byang chub kyi sems kyi dge ba'i rtsa ba la byang chub sems dpa' i thams cad mkhyen pa gnas par blta'o zhes bya ba dpe bcu gnyis pas ni nyan thos dang mthun pa'i mya ngan las 'das pa yongs su 'dor te/ de dag ni rang gi smon lam dang dge ba'i rtsa ba la yang bor? na yongs su mya ngan las 'da' o/ /byang chub sems dpa' dag ni yongs su mya ngan las 'das kyang rang gi smon mi 'dor la/ dge ba'i rtsa ba sbyor yang thob par ston to/ /'od srungs 'di lta ste/ dper na blon pos yongs su zin pa'i rgyal po rnams rgyal srid kyi bya ba thams cad byed pa de bzhin du/ 'od srungs byang chub sems dpa' i shes rab dang thabs kyi zin pa yang sangs rgyas kyi bya ba thams cad byed do zhes bya ba dpe bcu gsum pas ni yongs su mya ngan
- 271a
las 'das pa dag ji ltar sems can gyi bya ba byed ces bya ba rab tu sgrub pa ston to/ /'od srungs 'di lta ste dper na sprin chen po las byung ba'i char gyi rgyun lo tog thams cad mngon par 'bab po de bzhin du/ 'od srungs byang chub sems dpa' i snying rje chen po dang/ mang du thos pa'i chos kyi sprin las byung ba'i byang chub sems dpa' i dam pa'i chos kyi char yang sems can thams cad la mngon par 'bab po zhes bya ba bcu bzhi pa dang/ 'od srungs 'di lta ste dper na 'khor lo sgyur pa'i rgyal po gang du byung ba der rin po che bdun 'byung ba de bzhin du/ 'od srungs byang chub sems dpa' gang du byung ba der byang chub kyi phyogs kyi chos sum cu rtsa bdun po dag 'byung ngo zhes bya ba dpe bco lnga pas ni ci'i phyir rtag tu mi ston pa dang/ mi 'byung ba dus la sdod pa ston to/ /'od srungs 'di lta ste dper na gang du nor bu rin po che bai DUrya 'byung ba'i sgor gyur pa der ka rSha pa na brgya stong 'byung ba'i sgor 'gyur ba de bzhin du/ 'od srungs gang du byang chub sems dpa' 'byung ba'i sgor 'gyur ba der nyan thos dang rang sangs rgyas brgya stong mang po 'byung pa'i sgor 'gyur ro zhes dpe bcu drug bas ni nyan thos la sogs pa dang mthun pa'i yongs su mya ngan las 'das pa la nyes par ston te/ nyan thos la sogs pa de nyid ni mi 'byung bar ston to/ /'od srungs 'di lta ste dper na/ lha sum cu rtsa gsum pa 'dres pa'i tshal du zhugs pa rnams gyi longs spyod dang/ yongs su sbyong pa rnams mtshungs par gnas pa de bzhin du 'od srungs byang chub sems dpa' bsam pa dag ba yang sems can thams cad kyi bya ba sems can thams cad la yang dag par sbyor ba yin zhe
- 271b
bya ba dpe bcu bdun pas ni nyan thos la sogs pa la de'i nus pa med pa'i rgyur ston te/ chos mngon par rtogs pa'i khyad par gyis byang chub sems dpa' i bdag dang gzhan mnyam pa nyid pas sems can thams cad la yang dag par sbyor ba'i phyir ro/ /'od srungs 'di lta ste/ dper na/ sngags dang sman gyis yongs su bzung ba dug gis 'chi mi nus pa de bzhin du 'od srungs byang chub sems dpa' shes rab dang thabs la mkhas pas yongs su gzung ba yang nyon mongs pa'i dug gis 'chi bar byed mi nus so zhes bya ba dpe bco brgyad pa dang/ 'od srungs 'di lta ste dper na grong khyer chen po'i lung de ni bu ram shing gi zhing dag dang/ rgyan gyi zhing dag las phan par gyur pa yin te/ de bzhin du 'od srungs byang chub sems dpa' i nyon mongs pa'i lud kyang thams cad mkhyen pa la phan par 'gyur ba yin no/ /zhes bya ba dpe bcu dgu pas byang chub sems dpa' nyon mongs pa ma zad kyang nyan thos la sogs pa las khyad par du 'phags pa ston no/ /de'i nyon mongs pa nyes par mi 'gyur ba dang/ yon tan chen po byed pa'i phyir ro/ /dpe 'di rnams kyi go rim ni snga ma las phyi ma bye brag tu rnam par bzhag par rig par bya'o/ /de yang ji lta bu zhe na/ smras pa/ byang chub sems dpa' sems dang po bskyed pa nas bzung ste thog ma dang/ bar ma dang/ tha ma dag tu sems can thams cad kyi dge ba'i rtsa ba mngon par sgrub pa'i gnas su gyur pas phan 'dogs pa dang/ gnod pa byed pa thams cad kyis sems ma zin pa'i phyir sems dang mtshungs pa yin no/ /de lta mod kyi ji ltar yal bar 'jog pa'i sa la brten nas sems can rnams rang gi rtsal gyis de la nye bar 'tsho bar byed pa lta bu ni ma yin te/ byang chub sems dpa'
- 272a
ni dge ba'i rtsa ba bskyed pa'i phyir dad pa dang dga' bar byed pa'i rlan gyis brlan par byed pas chu dang 'dra ba yang yin no/ /de lta mod kyi ji ltar chus lo tog yongs su smin par byed pa dang 'gal ba lta bu ni ma yin no/ /de ni dge ba'i rtsa ba yongs su smin par bya ba'i phyir skyo bar bya ba'i chos rnams la skya bas kun tu gdung bar byed pas me dang mtshungs pa yang yin no/ /de lta mod kyi ji ltar me sangs rgyas kyi zhing rnam par sgrub pa dang 'gal ba lta bu ma yin te/ de na dge ba'i rtsa ba yongs su smin pa rnams rnam par grol ba la reg bar bya ba mngon par sgrub pa rnam par sgrub pa dang/ yang dag pa'i gdams ngag nye bar sgrub pas rlung dang mtshungs pa yang yin no/ /de lta mod kyi/ ji ltar rlung mngon par langs nas med par gyur pa de lta bu ni ma yin te/ da ni rang gi dge ba'i chos mngon par 'phel ba'i phyir zla ba lta bu yang yin no/ /de lta mod kyi ji ltar zla ba yar gyi do la snang la/ mar gyi ngo la mi snang ba lta bu ma yin te/ byang chub sems dpa' de ni spyi'i mtshan nyid kyis dmar po dang nag po'i phyogs kyi chos thams cad la ye shes snang bar byed pas nyi ma dang/ mtshungs pa yang yin no/ /de lta mod kyi ji ltar nyi ma gza' sbyang kis 'jigs nas? yongs su 'gyur ba lta bu ma yin te/ byang chub sems dpa' de ni 'gro ba rnams su nyon mongs pa thams cad kyi gzas 'jigs pa'i 'gyur ba med bas seng ge lta bu yang yin no/ /de lta mod kyi ji ltar seng+ge khur chen pos ? ba lta bu ni ma yin no/ /de ni sdug bsngal gyi khur thams cad khyer pa'i phyir glang po dul ba lta bu yang yin no/ /de lta mod kyi?
- 272b
ji ltar glang po rnyed pa dang/ ma rnyed pa dang/ tshig 'jam pa dang rtsub pa'i bde ba dang/ sdug bsngal spong bas rjes su chags pa dang/ khong khro bas gos pa lta bu ni ma yin te/ byang chub sems dpa' de ni 'jig rten pa'i chos thams cad la rjes su chag pa dang/ khong khro ba thams cad kyis mi gos pa'i phyir pad+ma lta bu yin no/ /de lta mod kyi ji ltar pad+ma sdong bu bcad na mi skye ba lta bu ma yin te/ byang chub sems dpa' de ni nyon mongs pa bcad kyang dge ba'i rtsa ba'i stobs bskyed pas 'khor bar yang skye ba'i phyir rtsa ba nyams pa'i shing lta bu yang ma yin no/ /de lta mod kyi ji ltar shing tha mar rtsa ba 'jig pa lta bu yang ma yin no/ /byang chub sems dpa' de ni mya ngan las 'das pa dang/ byang chub chen por dge ba'i rtsa ba yongs su spong ba'i phyir chu'i rgyun rgya mtshor bab pa lta bu yang yin no/ /de lta mod kyi ji ltar chu'i rgyun rgyun rgya mtshor? 'bab na rgya mtsho nyid 'gyur ba lta bu ni ma yin te/ byang chub sems dpa' de ni mya ngan las 'das pa dang/ byang chub chen po la brten pa'i dge ba'i rtsa ba rnams kyis rnam par rtsen pa'i phyir ri rab la ltag nas pa lta bu yang yin no/ /de lta mod kyi ji ltar ri rab la gnas pa'i lta dag rang gi bya ba la bag med par dga' ba lta bu ni ma yin te/ byang chub sems dpa' de ni thabs dang shes rab kyis yongs su zin pas sangs rgyas kyi mdzad pa thams cad sgrub pa'i phyir blon pos yongs su zin pa'i rgyal po lta bu yang yin no/ /de lta mod kyi ji ltar blon pos yongs su zin pa'i rgyal po rang gi don du skye dgu yongs su skyong ba lta bu ma yin no/ / de ni rang gi don la mi lta bar skye dgu'i phyir rin po che lta bu yang yin no/ /de lta mod kyi ji ltar sprin chen po la teg yongs su sgrub pa gcig tu ma nges pa lta bu ni ma yin te/ byang chub sems dpa' di ni byang chub kyi phyogs kyi chos shin tu
- 273a
bskrun pa'i phyir 'khor lo sgyur ba 'byung ba lta bu yin te/ de lta mod kyi ji ltar 'khor los sgyur ba skyes bu chen po dag dang zla med pa lta bu ni ma yin te/ byang chub sems dpa' de ni rnam par grol ba thun mong ba du ma dang lhan cig 'byung ba'i phyir nor bu rin po che lta bu yang yin no/ /de lta mod kyi ji ltar nor bu rin po che karsha pa na dang shin tu mi 'dra ba lta bu ni ma yin te/ byang chub sems dpa' de ni zag pa med pa'i dbyings su chud kyang de dag dang bya ba dang/ bde pa'i longs spyod mtshungs pa'i phyir 'dres pa'i tshal du zhugs pa'i lha lta bu yang yin no/ /de lta mod kyi ji ltar 'dres pa'i tshal du zhugs pa'i lha rnams nyon mongs pa 'phel nas ma 'ongs pa na log par ltung ba lta bu ni ma yin te/ byang chub sems dpa' de ni nyon mongs pa bcad nas log par mi ltung pa'i phyir dug bsal ba lta bu'i nyon mongs pa yang yin no/ /de lta mod kyi ji ltar dug bsal na gnod pa med pa tsam du zad de/ su la yang yon tan du mi 'gyur ba lta bu ni ma min te/ byang chub sems dpa' de ni rang gi nyon mongs pas sems can thams cad la phan 'dogs pa'i phyir grong khyer chen po'i lung lta bu'i nyon mongs pa yang yin no/ /de ltar byang chub sems dpa' i 'jig rten grags pa'i dngos po lta bu'i yon tan gyi dpe dang/ yon tan gyi khyad par du 'phags pas yon tan 'dra ba med pa yin te/ de ltar na byang chub sems dpa' yon tan 'dra ba med par rig par bya'o/ /yang dag par sgrub pa'i rab tu dbye ba dang/ yon tan gyi khyad par bshad zin to/ /yang dag par sgrub pa'i rang bzhin ni ma bshad do/ /da ni dbu ma'i lam gyis ston te/ mdza' gnyis yongs
- 273b
su spangs pas dbu ma'i lam du rig par bya'o/ /mdza' gang zhe na mu stegs can gyi mdza' ni bdag tu 'dzin pa dang/ de la rtag par 'dzin pa phung po dang/ khams dang/ skye mched rnams la sgro btags te/ de ni gang 'og nas mdor bsdus te/ rtag ces bya ba de ni mdza' gcig go bdag ces bya ba de ni mdza' gcig go zhes 'byung ngo/ /nyan thos dang rang sangs rgyas kyi theg pa can gyi mdza' ni gang phung po la sogs pa la mi rtag par 'dzin pa dang/ bdag med par 'dzin pa ste/ de yang gang 'og nas mdor bsdus te/ mi rtag ces bya ba de ni mdza' gnyis bdag med ces bya ba de ni/ mdza' gnyis zhes 'byung ba'o/ /mdza' de gnyis kyi dbus gang yin pa de ni zhes bya ba de ni rnam par mi rtog pa'i ye shes te/ de rnam par brtag tu med pas dpyad du med pa'o/ /brjod du med cing bshad du med pas bstan du med pa'o/ /rnam par shes pa'i gnas ma yin pas rten ma yin pa'o/ /gzung ba'i don du gzung ba med pas snang ba med pa'o/ 'dzin pa'i don rnam par rig pa tsam du gzung du med pas rnam par rig pa med pa'o/ /'khor ba dang mya ngan las 'das pa la mi gnas pas gnas med par rig par bya'o/ /de la mu stegs can rnams kyis sgo? btags te/ gang bdag tu 'dzin pa de'i gnyen por /gang la bdag med par so sor rtog pa zhes bya ba la sogs pa gsungs so/ /sgro btags nas gang rtag par 'dzin pa de'i gnyen por/ gang gzugs la rtag par yang mi rtog? /mi rtag par yang mi rtog pa zhes bya ba la sogs pa gsungs so/ /nyan thos dang rang sangs rgyas kyi theg pa can gyi sgro btags te/ phung po dag la sogs pa la gang mi rtag par 'dzin pa dang/ bdag med par 'dzin pa de'i gnyen por/ gang gzugs
- 274a
la mi rtag par yang so sor mi rtog ces bya ba la sogs pa gsungs so/ /mi rtag par 'dzin pa ni bdag med par 'dzin pa'i rgyu yin pa'i phyir mi rtag par 'dzin pa bkag pas bdag med par 'dzin pa yang bkag par rig par bya'o/ /gzung ba'i don la rnam par rtog ba mdza' yin par bstan nas/ 'od srungs sems yang dag pa zhes bya ba ni mdza' gcig go zhes rgya cher 'byung bas ni 'dzin pa'i don la rnam par rtog pa mdza' nyid du ston to/ /de la sems yang dag par ni gang sngar bstan pa'i mi rtag pa dang/ bdag med par rnam par rtog pa dang ldan pa'o/ /yang dag pa ma yin pa ni gang rtag pa dang/ bdag tu rnam par rtog pa'o/ /gang la sems med pa zhes bya ba ni las mngon par 'du byed pa'i gnas so/ /sems med ces bya ba ni las mngon par 'du byed pa nyid do/ /yid med ces bya ba ni gang sems las byung ba des yongs su bsgos pa'o/ /rnam par shes pa med ces bya ba ni de'i rnam par smin pa'o/ /dge ba dang mi dge ba'i chos rnams ni gti mug med pa dang/ gti mug dang rab tu ldan pa ste/ de nyid 'bras bu yid du mi 'ong ba dang/ de las bzlog pa'i don gyi kha na ma tho ba dang bcas pa dag dang/ kha na me tho ba med pa dag go/ kha na ma tho ba med pas ni 'jig rten pa dang/ 'jig rten las 'das pa dag go/ 'jig rten pa dag ni zag ba dang bcas pa dag go/ 'jig rten las 'das pa dag zag pa med pa dag go /zag pa med pa ni 'dus byas dang 'dus ma byas rnams so/ /de dag las nag po'i phyogs ni kun nas nyon mongs pa'o/ /dkar po'i phyogs ni rnam par byang ba'o/ /de las sems yang dag pa dang/
- 274b
sems yang dag pa ma yin pa zhes bya ba'i mdza' gnyis gang yin pa de dang gang yang de dang rab tu ldan? ba'i chos dge ba dang/ mi dge ba rnams nas/ kun nas nyon mongs pa dang rnam par byang ba zhes bya ba'i bar gyis mdza' gnyis gang yin ba de khas mi yin? cing mi brjod mi smra ba de ni 'od srungs dbu ma'i lam ste/ chos rnams yang dag par so sor rtogs pa zhes bya ba de la khas mi len pa ni de lta ba'o/ /mi brjod pa ni bdag nyid de mi brjod pa'o/ /mi smra ba ni gzhan gyis dris kyang mi smra'o/ /rnam grangs gzhan du na dge ba dang mi dge ba'i chos rnams zhes bya ba ni bstan pa'o/ /'og ma 'og ma ni tshig lhag ma rnams ni bshad par rig par bya'o/ /mu stegs can dang nyan thos rnams kyi mdza' i gnyen po dbu ma'i? lam bshad nas byang chub sems dpa' i mdza' i gnyen po ston to/ /de la mu stegs can rnams gyi bdag dang rtag par sgro 'dogs pa'i mdza' gang las 'byung zhe na/ long ba mthong ba lta bu ste bshad mi dgos so/ /nyan thos dang/ rang sangs rgyas kyi theg pa can gang zag la bdag med par mthong bar sbyor ba rnams ni 'du byed tsam du dmigs pas 'du byed rnams ni mi rtag pa dang bdag med pa'o/ /snyam ste/ chos la bdag med pa ma mthong ba'i sngon rol du 'du byed la gnas nas mi rtag pa dang/ bdag med par 'dzin pa 'byung ngo/ /byang chub sems dpa' chos la bdag med par gzigs bar sbyor ba rnams ni chos la bdag med bar rab tu rtogs pa'i sngon rol du sgro 'dogs pa 'byung ba'i phyir sgro 'dogs pa rnam pa gsum gyi dbang du byas nas gnyen po ston to/ /yod pa dang med par rang gi mtshan nyid la sgro 'dogs pa la yod ces pa pa 'di ni mdza' gcig/ med ces bya ba'i
- 275a
'di ni mdza' gnyis so zhes gsungs pa'i phyir ro/ /ma rig pa dang rig par mi mthun pa'i phyogs dang/ gnyen por sgro btags pa la/ ma rig pa'i rkyen gyis 'du byed rnams nas ma rig pa 'gags pas 'du byed 'gag ces bya ba'i bar dag gsungs pa'i phyir ro/ /de las gzhan pa'i yan lag dang de 'gags par 'dus byas dang/ 'dus ma byas su sgro 'dogs pa la/ 'du byed rnams dang 'du byed 'gag ces bya ba la sogs pa'i tshig dag gis so/ /de dag gi gnyen por de dag gnyis ma yin zhes bya ba ni/ kun tu brtags pa'i ngo bo nyid med pa'o/ /rnam pa gnyis su dbyer med ces bya ba ni ma rig pa bskyed par bya ba yang med/ ma rig pa 'gag par bya ba yang med/ 'du byed la sogs pa spang bar bya ba yang med de/ 'gag pa thob par bya ba yang med pa ste/ kun tu brtags pa'i ngo bo nyid med pa'i phyir ro/ /'di la shes pa gang yin pa de zhes bya ba ni skur ba 'debs pa'i mdza' spong ba ste/ rig pa med pa nyid kyang ma yin la/ rig pa yod pa yang ma yin no zhes bya ba la sogs pa'o/ /gang stong pa nyid kyis chos rnams stong bar mi byed mtshan ma med pas chos rnams mtshan ma med par mi byed ces bya ba la sogs pas ci ston ce na/ stong pa nyid la sogs pa zhes bya ba 'di rig pa 'dis brten cing 'brel bar 'byung ba'i chos rnams kun tu brtags pa'i rang bzhin nam/ yongs su grub pa stong bar mi byad do/ /de ci'i phyir zhe na/ 'di ni chos rnams kyi chos nyid de/ kun tu brtags pa'i rang bzhin nam/ yongs su grub pas chos rnams stong te/ de bzhin du ngo bo nyid med pa'i bar du'o//
- 275b
des ni rig pa yod pa dang/ de'i mi mthun phyogs yod par kun tu brtags pa dang/ yongs su sgrub pa'i rang bzhin dang bral bar yongs su bstan par skur pa 'debs pa'i mdza' spangs pa yin no /de la mi mthun pa'i phyogs rnam pa bdun gyi Fgnyen por rig par stong pa zhes bya ba nas/ ngo bo nyid med ces bya ba'i bar du'o/ /mi mthun pa'i phyogs bdun las lta ba de'i gnyen por ni stong pa nyid do/ /'dod chags dang/ zhe sdang dang/ gti mug gi mtshan ma skye ba de'i gnyen po ni mtshan ma med pa'o/ /yang srid par smon pa de'i gnyen po ni smon pa med pa'o/ /yang srid pa'i las mngon par 'du byed pa de'i gnyen po ni mngon par 'du mi byer ba'o/ /de'i 'bras bu skye ba de'i gnyen po ni skye ba med pa'o/ /skyes nas bde ba dang sdug bsngal 'byung ba de'i gnyen po ni 'byung ba med pa'o/ /stong pa nyid mthong bas nga'o snyam pa'i nga rgyal de'i gnyen po ni chos nyid kyi ngo bo nyid med ces bya'o/ /de la bdag med bar so sor rtogs pas ni gang zag med pa la gang zag tu 'dzin pa bkag go/ rnam gnyis su dbyer med ces bya ba'i bar du lhag ma rnams kyis chos med pa la chos su 'dzin pa bkag go /'od srungs gang zag rnam par gzhig pa'i phyir stong pa nyid ma yin gyi/ stong pa nyid stong pa'o/ /zhes bya ba ni med pa la gang zag dang/ chos su 'dzin pa dgag pa byed de/ gang zag tu rnam par gzhig pa'i phyir stong pa nyid bsgom par bya ba ma yin no/ /stong zhes bya ba ni med pa la chos su 'dzin pa gzhig pa'i phyir zhes bya bar ston te/ kun tu brtags pa'i rang bzhin gyis stong pa nyid kyang stong na chos thams cad lta smos kyang ci dgos te/ kun tu brtags pa'i chos kyi rang bzhin med pa 'dzin par bkag go/ kun tu brtags pa'i rang bzhin med pa'i phyir stong pa nyid yod pa yang ma yin no/ /yongs su grub
- 276a
bcing? bzhin med pa yang ma yin no/ /stong ba nyid ji lta bar chos thams cad de bzhin te/ chos med pa la 'dzin pa bkag pas ni chos kyi rang bzhin med par ston to/ stong pa nyid de'i yongs su grub pa de yod par bstan pa'i phyir sngon gyi mdza' sted? zhes rgya cher gsungs te/ so so'i skye bo dang/ slob pa dang mi slob pa'i dus na dus thams cad du de bzhin du yod par yongs su ston pa'i phyir ro/ /stong pa nyid kyi phyir 'brang bar bya zhes bya ba ni don gyi phyir 'brang bas stong pa nyid kyi don rab tu rtogs pa'i thabs ston to/ /gang zag la ma yin zhes bya ba ni yi ge'i phyir 'brang ba las bzlog pa'o/ /de'i phyir 'brangs na yi ge'i phyir 'brang ba yang yin te/ gang zag tu btags pa gang yin pa dang/ gang la 'dogs pa de gnyis la yang gang zag ces gsungs so/ /gang dag stong pa nyid la dmigs zhes bya ba ci ston ce na/ kun tu brtags pa stong pa nyid kyi rang bzhin la dmigs pas stong pa nyid kyi phyir 'brang bar mi bya ste/ de ltar 'brangs na sngar ni gang zag tu 'dzin pas nyams la/ phyir ni chos su 'dzin pas nyams te/ shin tu ma rungs pa'i phyir ro/ /de byas na shin tu ma rungs par 'gyur ba rab tu sgrub pa'i phyir/ 'od srungs? ri rab tsam gang zag la lta bar gnas pa bla zhes rgya cher gsungs/ /stong pa nyid la dmigs pas ni stong pa nyid yongs su mi shes la/ mngon pa'i nga rgyal gyis don dam bar khong du mi chud do/ /khong du ma chud na skur ba 'debs so/ /de bas ni gang zag tu lta ba por yang gsor mi rung bar 'gyur te/ dper na sman gyis nang gyi nyes pa skyod de/ ltor song ba zhes bya ba lta bu ste/ lta ba las
- 276b
byung ba ni stong pa nyid ni zhes bya ba ni kun tu brtags pa de'i rang bzhin la mngon par zhen pa 'am/ thams cad du thams cad med ba tsam du mngon par zhen ces bya ba'i tha tshig go /nam mkha' i dpe ni 'gyur ba med pa la 'dzin pa yongS su spong ba'i phyir te/ su stong pa nyid du lta ba de stong pa nyid des gzugs la sogs pa med par 'dod pa na med pa la rtog ste/ de ni de'i 'gyur ba med pa la 'dzin pa'o/ /gzugs la sogs pa de dag ni rang bzhin gyis med na nam mkha' sel bar 'dod pa dang 'dra bar sems can dag ni chos nyid kyis stong pa nyid la spyod na yod par yongs su rtog nas de nyid kyis mi skrag go /gal te gzugs la sogs pa med du zin na rtsom pa don med par 'gyur ro/ snyam pa'i skyon du 'gyur ba yongs su spang ba'i phyir ri mo mkhan gyi dpe bstan te/ dper na gnod sbyin yod pa yod pa ma yin na ri mo mkhan gyi rang gi rnam par rtog pas kha bub tu 'gyel ba de bzhin du gzugs la sogs pa ngo bo nyid med pa la byis pa rnams rang gi rnam par rtog pa log bas 'khor bar 'khyam ste/ mi shes pa de dang bral ba'i phyir rtsom pa don med pa ma yin no/ /gong mas ni log pa bkag go /'di ni rtsom pa don med pa dgag par rig par bya'o/ /gal te 'di dag ni sems kyi nor ba tsam du ji ltar sems de nyid kyi sems de nyid yongs su shes zhes rgol ba spang ba'i phyir sgyu ma mkhan gyi dpe bstan to/ /de la sgyu ma mkhan lta bu ni yid la byed pa tsam? gyi sheS pa'o/ /sprul pa lta bu'i don med par shes par bya'o/ /za ba lta bu ni yid la byed pa tsam yang med par shes pa ste/ gsog la sogs pa snang ngo/ /'phags pa'i shes rab kyi dpa' bos yang dag pa ji lta ba bzhin du mthong ba med na
- 277a
yang dag pa ji lta ba bzhin du ma mthong bas ji ltar 'jig rten las 'das pa'i ye shes skyes zhes rgol ba spang pa'i phyir/ shing gnyis kyi dpe bstan te shing gnyis lta bu'i tshul bzhin so sor rtog pa'o/ /gtsubs pa la me 'byung ba lta bu ni/ shes rab kyi dbang po 'byung ba ste/ byung nas tshul bzhin so sor rtog pa de yang spong bar ston to/ /ci ye shes skyes pa 'am/ 'on te ma skyes pa mi shes pa'i gnyen por 'gyur zhes rgol ba spang ba'i phyir/ mar me'i dpe bstan te/ ye shes byed pa med? kyang/ skyes ma thag tu mi shes pa'i gnyen por gyur ba ston to/ /thog ma med pa'i dus kyi kun nas nyon mongs pa ji ltar thog ma yod pa'i dus kyi gnyen pos spong zhes rgol ba spangs pa'i phyir/ mar me'i dpe gnyis bstan te/ dbu ma'i lam mdo'i bstan to/ /rgya cher rnam par dbye ste/ byang chub sems dpa' yang dag par sgrub la la gnas pa'i bslab pa rnam par bzhag pa rig par bya'o/ /byang chub sems dpa' chos la gnas pa ni kun brjos? kyi bden pa'i tshul du bshad pa rnaM par bzhag pa'i bden pa'i tshul ston pa dang/ drang pa'i don la sgra ji bzhin du ma 'dzin te/ rgyu de gnyis kyis nyan thos kyi theg pa dang rab tu ldan pa'i mdo sde'i phyir mi 'brang ste/ /'das nas de la yang byang bar byas mkhas par byas te/ de la theg pa chen po dang rab tu ldan pa'i chos zab mo stong pa nyid dang rab tu ldan par rnam par bzhag pa dang/ rnam par ma bzhag pa'i bden pa'i tshul bsdus pa'i phyir kun rdzob dang don dam pa'i bden pa'i tshul bstan pa'i chos kyi dbyings tshul gcig tu ston pas
- 277b
nges pa'i don gyi gzhir gyur mkhas par gyur te/ rgyu de nyid kyi phyir 'brang bar sbyor bas tshul bzhin du rab tu sbyor ba zhes bya'o/ /tshul bzhin du sbyor pas dbu ma'i lam du zhugs pa yin no/ /'di ltar dbu ma'i lam ni rnam pa bcu gsum du ston te/ gang zag stong pa nyid du ston pa dang/ gang zag la bdag med pa dang/ chos stong pa nyid dang/ chos la bdag med pa dang/ bsgro? 'dogs pa'i mdza' dang/ skur pa 'debs pa'i mdza' dang/ chos mngon par rtogs pa dang/ de yang byang chub chen por yongs su bsngo ba dang/ de ltar zhugs pa nyon mongs pa dang/ sdug bsngal gnyis kyis sems ma zin pa dang/ bdag med pa gnyi ga la mos pa'i khyad par dang/ bdag med pa snga ma de dag med pa phyi ma'i rgyur gyur pa dang/ stong pa nyid kyi mthar thug pa dang/ de nyid kyis mthu ston pa'o/ /de la ji ltar gang zag stong pa nyid du ston ce na/ rnam pa gcig gis mi dmigs par yongs su ston te /gang zag la bdag med par so sor rtog ces 'gyur ba'i phyir ro/ /sems can gyi dngos po phung po rnams dang/ de'i sna tshogs kyi dngos po khams dang/ de'i longs spyod kyi dngos po skye mched rnams te/ dngos po rnam pa gsum la bdag mi dmigs te/ nang dang phyi dang gnyi ga med pa'i bar nas kyang byis pas yongs su brtags pa'i bdag mi dmigs zhes mi dmigs par yongs su ston pas gang zag stong pa nyid du yongs su ston to/ /ji ltar gang zag la bdag med par ston ce na/ rnam pa gcig gis dmigs pa yongs su ston te/ de la dmigs pa 'di ni rtag par yang mi rtog ces gsungs pa'i phyir ro/ /dngos po gsum po byis pas yongs su brtag
- 278a
pa'i rten cing 'brel par 'byung ba de nyid la rtag par mi dmigs pa'i phyir byis pas yongs su brtags pa'i bdag dang mi 'dra bas phung po rnams kyi mi rtags pa nyid dmigs so zhes bdag med pa'i rang bzhin yongs su brjod pas dngos po la gnas pa'i gang zag la bdag med par ston to/ /ji ltar chos stong pa nyid du ston ce na/ rnam pa gcig gis mi dmigs par yongs su ston te/ mi rtag par yang mi rtag ces gsungs pa'i phyir ro/ /de la mi dmigs pa 'di ni/ /brjod du med pa'i dngos po la mi rtag go zhes sgro btags pa byis pas yongs su brtags pa'i tha snyad can gyi rang bzhin gang yin pa mi rtag pas zin pa'i dngos po de nyid la nang dang/ phyi dang gnyi ga med pa'i bar nas kyang mi dmigs pa ste/ de ltar chos stong pa nyid du ston to/ /ji ltar chos la bdag med par ston ce na/ rnam pa gcig gi dmigs par yongs su ston te/ de la dmigs su med pa 'di ni dngos po de nyid la gang dmigs pa ste/ 'phags pa'i ye shes kyi spyod yul de dag gi so sor rang gis rig pa gzhan gyis brjod du med pa'o/ /de na rnam pa drug gis byis pas yongs su brtags pa'i tha snyad kyi ngo bo nyid dag dang mi 'dra bar dmigs te/ rnam pa drug gang zhe na/ 'od srungs rtag ces bya ba de ni mdza' gcig go /mi rtag ces bya ba de ni mdza' gnyis so/ /'od srungs mdza' de nyid kyi dbus gang yin pa de ni dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ gnas pa med pa ste/ de ni dbu ma'i lam chos rnams la yang dag par so sor rtog pa zhes bya'o zhes gsungs pa gang yin pa ste/ de la dpyad
- 278b
du med pa zhes bya ba ni 'di dang 'di'o zhes rang gi rtog pas brtag par mi nus pa'i phyir ro/ /brtan? du med pa zhes bya ba de nyid gzhan dag la bstan par mi nus pa'i phyir ro/ /rten ma yin zhes bya ba ni dbang po gzugs can rnams kyi spyod yul las 'das pa'i phyir dbang po gzugs can rnams de la mi gnas so/ /snang ba med pa zhes bya ba ni mtshan ma'i rang bzhin ma yin pa'i phyir ro/ /rnam par rig pa med pa zhes bya ba ni yid kyi rnam par shes pa'i yul ma yin pa'i phyir ro/ /gnas pa med pa zhes bya ba ni nyon mongs pa'i gnas su ma gyur pa'i phyir ro/ /de ltar byis pas yongs su brtags pa tha snyad can gyi rang bzhin dang mi mthun pa'i rnam pa drug gis 'phags pa'i ye shes su dmigs par yongs su ston pas chos bdag med par ston to/ /ji ltar sgro 'dogs pa'i mdza' ston ce na/ bye brag tu sgro 'dogs par yongs su ston pa dang/ ngo bo nyid du sgro 'dogs par yongs su ston pa rnam pa gnyis kyis so/ /de la bye brag tu sgro 'dogs pa gang zhe na/ de gong nas gong du rnam pa brgyad du rig par bya ste/ dngos po de nyid la rtag par 'dzin par sgra 'dogs pa dang/ mi rtag par 'dzin par sgro 'dogs pa dang/ rtag par sgro btags pa la brten nas bdag tu 'dzin par sgro 'dogs pa dang/ mi rtag par 'dzin par sgro btags pa la brten nas bdag med par sgro 'dogs pa dang/ bdag med par 'dzin pa la sgro btags pa la brten nas sems yang dag par 'dzin par sgro 'dogs pa dang/ bdag tu 'dzin par sgro btags pa la/ brten nas sems yang dag pa ma yin par sgro 'dogs pa ste/ de yang nges pa dang/ yongs su tshol ba'o/ /dngos po de nyid la rtag par 'dzin par sgro 'dogs pa ni/ 'od srungs rtag ces bya ba de ni mdza' gcig go zhes gsungs
- 279a
pa'i phyir ro/ /mi rtag par 'dzin par sgro 'dogs pa ni mi rtag ces bya ba de ni mdza' gnyis zhes gsungs pa'i phyir ro/ /rtag par sgro btags pa la brten nas bdag tu 'dzin pa la sgro 'dogs pa ni 'od bsrungs bdag ces bya ba de ni mdza' gcig go zhes gsungs pa'i phyir ro/ /mi rtag par 'dzin pa spro 'dogs pa la brten nas bdag med par 'dzin par sgro 'dogs pa ni bdag? med ces bya ba de ni mdza' gnyis so zhes gsungs pa'i phyir ro/ /bdag med par 'dzin par sgro btags pa la brten nas sems yang dag par 'dzin par sgro 'dogs pa ni 'od srungs sems yang dag par zhes bya ba de ni mdza' gcig zhes gsungs pa'i phyir ro/ /bdag tu 'dzin par sgro btags pa la brten nas sems yang dag pa ma yin par sgro 'dogs pa ni sems yang dag pa ma yin pa zhes bya ba de ni mdza' gnyis so zhes gsungs pa'i phyir ro/ /sems yang dag par 'dzin par sgro 'dogs pa de yang nges pa dang/ yongs su tshol ba'o/ /yongs su tshol ba ni yongs su rtog pa de'i gnas dang/ yongs su rtogS pa de dang rab tu ldan pa'o/ /sems yang dag pa ma yin par 'dzin par sgro 'dogs pa la brten pa'i mi dge ba la sogs par 'dzin par sgro 'dogs pa nas kun nas nyon mongs par 'dzin par sgro 'dogs pa'i bar du'o/ /mi mthun pa'i phyogs kun nas nyon mongs pa'i chos rnams kyis mes pa lnga ste/ phyin ci log gi nyes pa dang spros pa'i nyes pa dang/ nyes par spyad pa las byung ba'i chos rnams dang/ gnas ngan len gyi nyes pa dang/ mi rtag pa'i? nyes pa'o/ /sems yang dag pa la sgro 'dogs par brten pa ni? gang la sems? med pa dang/ sems pa med pa dang/ yid med pa dang/ rnam par shes pa med
- 279b
pa de ni 'od srungs dbu ma'i lam chos rnams la yang dag par so sor rtog pa zhes bya ste/ dge ba dang/ mi dge ba rnams dang/ 'jig rten pa dang/ 'jig rten las 'das pa rnams dang/ kha na ma tho ba dang bcas pa dang/ kha na ma tho ba med pa rnams dang/ zag pa dang bcas pa dang/ zag pa med pa rnams dang/ 'dus byas dang/ 'dus ma byas rnams te/ chos thams cad kyang de bzhin no zhes bya'o /de la nges pa de'i gnyen por/ sems med ces bya ba gsungs so/ /yongs su tshol ba de'i gnyen por sems pa zhes bya ba gsungs so/ /yongs su rtog pa'i gnas de'i gnyen par yid med par zhes bya ba gsungs so/ /yongs su rtog pa de dang rab tu ldan pa de'i gnyen por rnam par shes pa med pa zhes bya ba gsungs so/ /mi mthun pa'i phyogs kun nas nyon mongs dag las mi dge ba rnams ni phyin ci log gi nyes par 'jig rten pa dag gis spros pa'i nyes pa kha na ma tho ba dang bcas pa dag ni nyes par spyod pa las byung ba'i nyes pa zag pa dang bcas pa dag ni gnas ngan len gyi nyes pa 'dus? byas dag ni mi rtag pa'i nyes pas so/ de ltar de ni sems yang dag pa ma yin pa mi dge ba la sogs par 'dzin par sgro 'dogs pa nas kun nas nyon mongs pa sgro 'dogs pa'i bar du ste/ 'od srungs kun nas nyon mongs pa zhes bya ba de ni? mdza' gcig go zhes gsungs pa gang yin pa'o/ /sems yang dag par 'dzin par sgro btags pa la brten pa de'i gnyen po rnam par byang ba'i chos dge ba dang/ 'jig rten las 'das pa dang/ kha na ma tho ba med pa dang/ zag pa med pa dang/ 'dus ma byas rnams la dge ba la sogs pa sgro 'dogs pa nas rnam par byang bar sgro 'dogs ba te rnam par byang ba zhes bya ba de'i mdza' gnyis so zhes gang gsungs pa'o/ /brgyad po 'di dag ni bye brag tu sgro btags pa yin te/
- 280a
byang chub sems dpa' ni bye brag tu sgro 'dogs pa brgyad po de dag mngon par zhen pa'i khas mi len to/ gzhan dag yang dag par 'dzin du 'jug pa'i tshul gyis mi brjod do/ /gzhan dag la kun tu bsnyad mi tshul gyis mi smra ste/ 'od srungs mdza' de gnyis ka khas mi len cing mi brjod mi smra ba gang yin pa de ni dbu ma'i lam chos rnams la yang dag par so sor rtog pa'o zhes gsungs pa'i phyir ro/ /go rims bzhin no/ /brgyad po 'di dag ni bye brag tu sgro 'dogs pa'o /de la ngo bo nyid du sgro 'dogs? pa ni gang bye brag tu sgro 'dogs pa rna pa brgyad po de'i gnas byis pas yongs su brtags pa rnams la tha snyad kyi ngo bo nyid du sgro 'dogs te/ sngar smos pa'i dngos po gsum po de nyid la yod do zhes sgro 'dogs pa ste/ 'od srungs yod ces bya ba de ni mdza' gcig go zhes gsungs pa'i phyir ro/ /de ltar na sgro 'dogs pa'i mdza' ston to ji ltar skur pa 'debs pa'i mdza' ston ce na/ rnam pa gcig gis dngos po yod pa la skur ba 'debs yang yongs su ston to/ /de la 'di ni dngos po yod pa la skur pa 'debs pa ste/ ji ltar chos la bdag med par log par mos pa ste/ rnam pa thams cad du chos thams cad mtshan nyid med par zhen pa yin te/ med ces bya ba de mdza' gnyis so zhes gsungs pa'i phyir/ /de yang mdor bsdu na sgro 'dogs pa dang/ skur pa 'debs pa'i mdza' dang bral ba'i rnam pa drug gis dbu ma'i lam yongs su bstan pa'o/ /ji ltar chos mngon par rtogs par ston ce na/ rig pa dang ma rig pa 'di dag gnyis ma yin zhing rnam pa gnyis su dbyer med de/?
- 280b
'od srungs 'di la shes pa gang yin pa de ni dbu ma'i lam chos rnams la yang dag par so sor rtog pa zhes bya ba'o/ /tshig 'dis ni rnam pa gsum gyis mngon par rtogs par ston te/ sngar bstan pa'i dngos po de nyid dang/ dngos po bzhi gang zhe na/ rten cing 'brel bar 'byung ba mi mthun pa'i phyoD dang/ gnyen po? dang/ 'dus byas dang/ 'dus ma byas su rnam par bzhag pa gang ngas khyed rnams la bstan pa ma rig pa'i rkyen gyis 'du byed ces bya ba nas skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yi dam bde ba dang/ 'khrug pa rnams 'byung ste/ de ltar sdug bsngal gyi phung po chen po 'di 'ba' zhig 'byung bar 'gyur ro zhes gang gsungs pa mi mthun pa'i phyogs dang 'dus byas rnam par bzhag pa dang/ 'di lta ste ma rig pa 'gags pas 'du byed 'gag zhes bya ba nas skye ba 'gags pas rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'gag ste/ de la sdug bsngal gyi phung po chen po'i de? 'ba' zhig 'gag par 'gyur zhes gang gsungs pa gnyen po dang/ 'dus ma byas rnam par bzhag pa la ngo bo nyid mi dmigs par yongs su brjod pa dang bye brag mi dmigs par yongs su brjod pa dang/ de goms par byas pas yang dag pa ji lta ba bzhin du shes pa'i bar du rtogs pa yongs su brjod pas so/ /de la ngo bo nyid mi dmigs pa 'di ni gang rig? pa dang/ ma rig pa gnyis phyis pas yongs su brtags pa'i ngo bo nyid du mi dmigs pa ste/ 'od srungs de la rig pa dang ma rig pa de dag gnyis ma yin zhing zhes bya ba dang/ de bzhin du 'du byed dang/ 'dus ma byas
- 281a
dang/ rnam par shes pa dang/ rnam par shes pa la 'gag pa zhes bya ba nas rga shi dang/ rga shi 'gag ba de dag gnyis ma yin zhes gsungs pa'o/ /de la bye brag mi dmigs pa 'di ni/ gang byis pas yongs su brtags pa'i ngo bo nyid de'i 'gag pa dang/ skye ba kun tu 'thob ba rnam pa gnyis su med par mi dmigs pa ste/ rnam pa gnyis su dbyer med ces gang gsungs pa'o/ /de la bye brag mi dmigs pa 'di ni gang byis pas yongs su brtags pa'i ngo bo nyid de 'gag pa dang/ skye ba kun tu 'thob pa rnam pa gnyis su med par mi dmigs pa ste/ rnam pa gnyis su dbyer med ces gang gsungs pa'o/ /de la shes pa'i rab tu rtogs pa 'di ni/ 'od srungs 'di la shes pa gang yin pa de ni dbu ma'i lam chos rnams la yang dag par so sor rtog pa zhes bya ba'o zhes gsungs pa ste/ de dang de'i gnas kyi mtshan ma yid la mi byed par sbyor ba dang/ mi brjod par sbyor bas so sor rang gi ye shes kyi chos bdag med par rab tu rtogs pa ste/ de ltar chos mngon par rtogs par ston to/ /ji ltar chos mngon par rtogs pa byang chub chen por yongs su bsngo bar ston ce na/ rnam pa gcig gis te/ 'od srungs gzhan yang dbu ma'i lam chos rnams la yang dag par so sor rtog pa ni gang stong pa nyidkyis chos rnams stong par mi byed ces bya ba la sogs pa tshig bdun po dge gso/ byang chub sems dpa' sems can la snying brtse bas stong pa nyid kyis chos rnams stong par mi byed de/ nyon mongs pa rnams ni mi spong do zhes bya ba'i tha tshig go /de bzhin du smon par byed pas smon par smon pa med par
- 281b
mi byed/ mtshan ma med pas mtshan ma med par mi byed/ mngon par 'du mi byed pas mi srid pa can gyi las dang skye ba'i rgyun dang/ skad cig gis skye ba'i rgyun dang/ 'du byed thams cad ngo bo nyid med pas mya ngan las 'das pa dang/ 'khor ba'i rgyun te/ de ltar chos mngon par rtogs pa byang chub sems dpa' stong par ston to/ /de ltar zhugs pa ji ltar nyon mongs pa dang/ sdug bsngal gnyis kyis sems ma zin par ston ce na/ rnam pa gcig gis te/ chos nyid stong pa zhes bya ba nas/ chos nyid ngo bo nyid med ces bya ba'i bar du tshig rnam pa bdun po dag gis so/ /mi mthun pa'i phyogs kyi chos rnams ma spangs kyang yang dag pa ji lta ba bzhin du rab tu rtogs pa'o/ /de la yang dag pa ji lta ba bzhin du rab tu rtoD pa 'di chos la bdag med pa la sbyor ba la mi mthun pa'i phyogs su gyur pa'i chos de dag nyid rang bzhin gyis nyon mongs ba can ma yin pa dang/ sdug bsngal med bar yang dag par rjes su mngon pa ste/ de ltar na de ltar zhugs pa nyon mongs pa dang/ sdug bsngal gnyis kyis sems ma zin par ston to/ /ji ltar khyad par ston ce na/ rnam pa bzhi po dag gis te/ mthong ba'i bye brag yongs su ston pa dang/ de dag thag ring po nas dam pa'i bye brag yongs su ston pa dang/ spong ba rnam par 'khrul pa'i bye brag yongs su ston pa dang/ sems rnam par 'khrul pa'i bye brag yongs su ston pas so/ /de mthong ba'i bye brag 'di ni 'od srungs gang zag rnam par bzhag pa'i phyir stong pa nyid ma yin zhes bya ba ste/ gang zag med par mthong ba tsam stong pa ma yin no zhes bya ba'i tha tshig go /de ci'i phyir zhe na/ gang zag la bdag med pa la gnas kyi/ chos la bdag med pa ma mthong ba dang/ 'du byed du gyur par? zung ba la yongs su ma brtogs pa dang/ 'khor bar gtogs pu bdag med
- 282a
par shes pa'i 'dzin pa tha snyad kyi rang bzhin dang bral ba stong pa nyid kyis bsdus pa 'das pa dang/ ma 'ongs ba dang/ da ltar gyi dus rnams la yongs su ma brtags pa ste/ shes bya ba la shin tu ma brtags pa'i phyir chos kyi bdag nyid can ni mya ngan las 'das pa la ma 'ongs pa na chad par mngon pa'i nga rgyal du 'gyur ro/ /stong pa nyid ces bya ba ni/ yongs su brtags pa tha snyad can gyi chos kyi bdag la mngon par zhen par 'dzin pas stong pa nyid kyi phyir 'brang gi chos la bdag med pa don dam pa stong pa nyid lam yin te/ de sngar ni gang zag tu 'dzin pa ma spangs la/ phyis ni chos su 'dzin pa byung bas na gsung rab 'di la nyams/ rab tu nyams te/ byang chub sems dpa' ni de lta ma yin no/ /de bas na byang chub sems dpa' i lam la sbyor ba khyad par du bya ba'i don du chos la bdag med pa rab tu bstan pa'i phyir bcom ldan 'das kyi 'od srungs stong pa nyid kyi phyir 'brang bar bya'o/ /gang zag la ma yin no zhes gsungs te/ de ltar mthong ba'i bye brag ston to/ /de la thag ring bos dma' ba 'di ni gang zag bdag med pa la gnas pa dag so so'i skye bo bdag tu lta ba dma' bas kyang ches dma' bar 'gyur te/ sdug bsngal las rnam par grol ba dang/ sdug bsngal dang gnas pa rnam pa gnyis kyi phyir/ /de ni rgyu gcig ste/ 'od srungs gang zag tu lta ba la gnas ba ri rab tsam bla'i/ mngon pa'i nga rgyal can stong pa nyid du lta ba ni de lta ma yin no/ /de ci'i phyir zhe na/ lta bar song ba thams cad las byung ba ni stong pa nyid na gang stong pa nyid du lta ba de ni gsor? mi rung ngo zhes nga? 'chad do zhes bya ba'i tshig 'dis don 'di bstan to/ /gang zag tu ltad
- 282b
ri rab tsam bla zhes bya ba ni gang zag tu lta ba gnyen po dang bcas ba'i phyir spong nus par ston to/ /mngon pa'i nga rgyal can stong pa nyid du lta ba de ni de lta ma yin zhes bya ba ni chos la bdag med pa mthong bas bdag gi stong pa nyid kyis 'du byed rnams stong bar mthong ngo snyam pa'i mngon pa'i nga rgyal can du rig par bya'o/ /kun tu brtags pa'i ngo bo nyid kyis stong pa nyid kyang stong na brjod du med pa'i bdag nyid gyis stong pa nyid la stong ngo zhes kun tu brtags pa'i rang bzhin du sgro 'dogs pa ni phyin ci log tu rab tu gnas te/ sgro 'dogs pa'i lta bas stong pa nyid du lta ba ma yin no/ /gang stong ba nyid du lta ba de ni gnyen pa med pas gsor mi rung bar rig par bya'o/ /gsor mi rung ba'i phyir skye ba la sogs pa'i sdug bsngal las yongs su mi grol lo/ /dus thams cad du nyon mongs pa'i gdung ba dang ldan pas sdug bsngal dang gnas te/ nad pa gsor mi rung ba bzhin no/ /sngon dang phyi mar rnam pa gnyis kyis rnam par 'jig pa ni rgyu gnyis pa ste/ 'od srungs 'di lta ste dper na skyes bu nad pa de la sman pa des sman byin nas zhes bya ba'i dpe 'dis stong ngo/ /de 'di lta ste dper na nang pas chos bzhin legs par ma byas pas nyes par bskyod pa rnams mi 'byung ba'i rgyu las byung ba dang/ nad dang ldan pa'i rgyu las byung ba'i phyir snga phyi tshor ba rnam pa gnyis myong ba de bzhin du gang zag le bdag med par lta ba las rab tu bskyod kyang bdag tu lta ba ma spangs pas stong pa nyid la chos kyi bdag tu 'dzin pa 'byung bas nyon mongs pa'i nad dang ldan te/ snga phyi 'dzin pa gnyis kyis rnam par 'jig pas rab tu nyams par 'gyur ro/ /byang chub sems dpa' ni de lta ma yin te/ 'di ni thag ring po dma' ba' i bye brag go /de la spong? ba rnam par 'khrul ba'i bye brag
- 283a
'di ni 'od srungs 'di lta ste dper na skyes bu la la zhig nam mkhas 'jig skrag ces rgya cher gsungs pa'o/ /dper na la la zhig rang gi rnam par rtog pa las byung ba'i nam mkha' la 'ga' zhig tu sgro 'dogs pa'o/ /sgro btags nas des 'jigs skrag ste/ nam mkha' 'di sol zhes zer ba de bzhin du gang zag la bdag med ba la gnas la chos la bdag med pa nyid du mngon par zhen nas skrag ste/ nam mkha' lta bur brjod du med pa'i dngos po las med pa las kun tu brtags nas gzugs la sogs par sgro 'dogs so/ /sgro btags nas bsam gtan ba'i mgo'i thod pa bzhin du de nyid la chad par yongs su tshal lo/ /byang chub sems dpa' ni de lta ma yin te/ 'di ni spong ba rnam par 'khrul pa'i bye brag go/ de la sems rnam par 'khrul pa'i bye brag 'di ni 'di lta ste/ dper na skyes bu ri mo mkhan bdag nyid kyis gnod sbyin gyi gzugs 'jiD 'jigs lta zhig bris na zhes rgya cher gsungs so/ /de bzhin du spong ba rnam par 'khrul ba gang zag la bdag med pa la gnas pa yang rang gi rnam par rtog pa las byung ba'i yul rnams las 'du shes phyin ci log la sogs pas phyin ci log ste/ byang chub sems dpa' ni de lta ma yin no/ /'di ni sems rnam par 'khrul pa'i bye brag ste/ de ltar rnam pa bzhis bye brag du ston to/ /ji ltar rgyu ston ce na/ sgyu ma mkhan gyi dpe dang/ shing gnyis kyi dpe dang dpe gnyis kyis so/ /dpe dang pos ni 'dzin pa la so sor rtog pa yongs su bstan te gang zag la bdag med pa'i ye shes 'du byed tsam du 'dzin pa la chos la bdag med pa'i ye shes kyis
- 283b
so sor rtog go /de bas na chos la bdag med pa'i ye shes ni 'dzin pa la so sor rtog pa zhes bya'o/ /de yod na yod pa'i phyir gang zag la bdag med pa'i ye shes ni chos la bdag med pa'i ye shes kyi rgyu yin te/ dper na sgyu ma mkhan ni sgyu ma'i sprul ba'i rgyu yin pa bzhin te/ ji ltar sgyu ma sbrul pas sgyu ma mkhan zos pa bzhin du rnal 'byor spyod pa'i chos la bdag med pa'i ye shes kyis gang zag la bdag med pa'i ye shes zos so/ /tha snyad can gyi rang bzhin dang bral bas stong pa'o/ /de yongs su rtog pa dang bral bas gsog go /spang bar bya ba'i mtshan nyid yin pa gsob be/ /skad cig pa yin pas snying po med pa'o/ /so sor rtog pa ni zab lta bu'o/ /dpe gnyis pa 'di lta ste/ yang dag par rab tu rtogs par yongs su ston to/ /de la 'di lta ste/ yang dag par rab tu rtogs pa 'di ni gzung ba dang 'dzin pa las yongs su rtog pa tshul bzhin yid la byed pa gnyis kyi rjes su 'gro ba las/ so sor rang gis rig pa nges ba'i ye shes skye ba gang yin pa'o/ /de la gzung ba la rtog pa ni gang zag la bdag med pa'i ye shes so/ /'dzin pa la rtog pa ni chos la bdag med par sbyor ba'i ye shes so/ /gtsub gtan dang/ gtsub shing gnyis lta bu'i tshul bzhin yid la byed pa de gnyis kyi yid la byed pa'i rjes su 'gro ba las/ so so rang gis rig pa nges pa'i ye shes skye ba ni yang dag pa ji lta ba bzhin du rab tu rtog pa zhes bya'o/ /shing gnyis kyi dpe 'dis ni rgyu nyid du ston to/ /ji ltar shing gnyis gtsubs ba las mi byung nas shing de gnyis tshig nges pa de bzhin du gang zag la/ bdag med pa dang chos la bdag med pa'i ye shes la sbyor ba'i rgyu las byung ba chos la bdag med pa'i ye shes so so rang gis rig pa
- 284a
nges pa'i ye shes skyes pas sbyor ba'i ye shes gnyis po yongs su brtags pa'i rang bzhin gang yin pa de la yang dag pa ji lta ba bzhin du so sor rtog pa tshig pa dang 'dra ste/ de ltar de gnyis kyis rgyu nyid du ston to/ /ji ltar stong pa nyid kyi mthar thug pa ji ltar ston ce na/ rnam pa gcig gis te/ de yang chos la bdag med pa'i ye shes ji lta ba bzhin du kun tu bstan te/ 'od spungs 'di lta ste/ dper na mar me? phyung na mun nag mun nag thams cad med par 'gyur ro zhes bya ba'i dang 'dis so/ /de la yang dag pa ji lta ba bzhin du mthong ba 'di ni mi shes pa dang shes pa mtshungs pas tha snyad can gyi rang bzhin dang bral ba'i phyir stong pa'o/ /de ltar mngon par zhen pa med pa'i phyir gzung du med pa'o/ /skad cig ma'i phyir byed pa med pa ste/ de ltar stong pa nyid kyi mthar thug pa ston to/ /ji ltar stong pa nyid de'i mthu ston ce na/ rnam pa gcig giS te/ /las dang nyon mongs pa spong ba'i gnyen po yongs su bstan pas so/ /'od srungs 'di lta ste/ dper na khyim mam/ khang pa 'am/ /bang phran lo brgya stong 'das par lan 'ga' yang mar me ma lus pa zhes bya ba'i dpe 'dis so/ /de la spong bas yongs su bstan pa 'di ni ye shes gyi snang ba skyes pa'i skad cig des thog ma med pa'i dus na zhugs pa'i las dang nyon mongs pa spong ba ste/ de ltar na stong pa nyid gyi mthu ston pa'o/ /de ltar tshul bzhin la zhugs pa ni/ dbu ma'i lam du zhugs pa yin no/ /gal te de ltar nyon mongs pa myur du spong na ni ci'i phyir byang chub sems dpa' yun ring du 'khor zhe na/ 'bras bu thob ba'i?
- 284b
khyad par te/ dpe gnyis kyi ston to/ /'di lta ste dper na nam mkha' las sa bon rnams mi 'khrung ngo zhes bya ba dang/ lud kyis gang ba'i sa las sa bon rnams 'khrung ngo zhes bya ba'i dpe? gnyis kyis de ston to/ /byang chub sems dpa' bsam pa mya ngan las 'das kyang/ sems can la lta bas sangs rgyas gyi chos thob par bya ba'i phyir 'khor ba yongs su gzung bas dge ba'i rtsa ba rnams yongs su bsngo ste/ yun ring bar 'khor ro/ /de la 'dus ma byas kyi mya ngan las 'das pa ni nam mkha' lta bu ste/ de la gnas na sangs rgyas kyi chos rnams mi 'khrung gi snying rje'i gnas la gnas pa'i byang chub sems dpa' rnams nyon mongs pa'i lung kyis gang ba'i sems can gyi 'jig rten gnas pa lung kyis gang ba'i sa lta bu de la gnas nas byang chub sems dpa' i sangs rgyas kyi chos rnams 'khrud do/ /smras pa/ ji ltar 'dus byas dma' pa'i gnas las byang chub sems dpa' i sangs rgyas kyi chos dam pa skye zhe na/ padmo de'i dpes rab tu sgrub ste/ 'di lta ste dper na lung yod pa'i 'dam rdzab nas padmo 'khrung ba de bzhin du nyon mongs pa'i lud yod pa'i 'dam rdzab log pa nyid du nges pa'i seMs can rnams la byang chub sems dpa' i sangs rgyas kyi chos rnams 'khrung ngo smras pa/ de lta na go byang chub sems dpa' rnams las nyan thos rnams kyi khyad par rnam pa bcu gnyis cad par 'gyur te/ grol ba'i dge ba'i rtsa ba mngon par 'du byed pa'i khyad par dang/ rnam par grol ba'i 'bras bu zad pa dang/ mi skye ba shas pas sdus pa'i ye shes mngon par 'du byed pa'i khyad par dang/ rnam par grol pa'i spyi'i khyad par dang/ bdud dang phyir rgol ba bcom pa'i khyad par dang/ mi slob pa'i khyad par dang/ mchod par 'os pa'i phyir mchod
- 285a
par 'os pa'i khyad par dang/ skyes bu zung bzhi dang/ gang zag brgyad kyi dbang du byas nas dge 'dun gyi mchog tu btags pa'i khyad par dang/ tshe 'di la mya ngan las 'das pa thob ste/ chos smra bar gyur pas chos smra ba'i mchog tu btags pa'i khyad par dang/ sems can ji snyed pa dang/ sems can gyi gnas dgu po ji snyed las sems can gyi mchog tu btags pa'i khyad par dang/ mchog tu bsil ba'i dngos po thob pa'i khyad par dang/ sems can la dbang byed pa'i khyad par dang/ sdug bsngal yang mi skye ba'i khyad par te/ klan ka dag yongs su spang ba'i phyir dpe rig par bya'o/ /de la grol ba'i dge ba'i rtsa ba mngon par 'du byed pa'i khyad par yongs su spang ba'i phyir rgya mtsho chen po dang/ thigs pa chung du'i dpe gnyis te/ skye bo mang po nye bar 'tsho ba dang nye bar 'tsho ba ma yin pa'i mthun pa'i chos kyis so/ /ye shes mngon par 'du byed pa'i khyad par yongs su spang ba'i phyir gnyis te/ byang chub sems dpa' i ye shes ni bdag dang gzhan sems can mdza' yas pa'i rgyu rnams la sgrib pa'i gnyen por gyur pa'i phyir ro/ /rnam par grol pa'i spyi bo khyad par yongs su spang ba'i phyir gnyis te/ de la btsun mo dam pa lta du ni rnam par grol bar rig par bya'o/ /skyes bu dbul po lta bur ni nyan thos kyi theg pa'i smon lam mo/ /bran mo lta bu ni sems can la lta ba'o/ /rgyal po lta bu ni theg pa chen po'i smon lam mo/ / bdud phyir rgol ba bcom pa'i khyad par yongs su spang ba'i phyir 'khor lo sgyur ba'i mtshan dang ldan pa stong gi dpe ste/ de bzhin gshegs pa'i sras su zhal gyis mi bzhes pa'i phyir ro/ /mi slob pa'i khyad par yongs su spang ba'i phyir
- 285b
btsun mo dam pa de'i mngal du gzhon nu 'khor los sgyur ba'i mtshan dang ldan pa zhugs pa 'khor los rgyur ba'i dpe gnyis pa ste/ sangs rgyas kyi gdung 'tsho ba par rab tu gnas pa'i phyir mchod par 'os pa'i khyad par yongs su spang ba'i phyir/ btsun mo dam pa de las gzhon nu mtshan dang ldan pa btsas pa 'khor los sgyur ba'i dpe gsum pa ste/ thams cad mkhyen pa nyid kyi rgyu yang dag par 'dzin pa'i phyir ro/ /dge 'dun gyi mchog tu btags pa'i khyad par yongs su spang ba'i phyir nor bu rin po che bai DUrya'i dpe ste/ sa dang pos bsdus pa'i byang chub kyi sems la rab tu thob pa'i phyir ro/ /chos smra ba'i mchog tu btags pa'i khyad par yongs su spang ba'i phyir sman gyi dpe ste/ sems can thams cad kyi nyon mongs pa'i nad zhi bar byed pa'i phyir ro/ /sems can gyi mchog tu btags pa'i khyad par yongs su spang pa'i phyir zla ba'i dkyil 'khor btang ste/ su yang zhes bya ba'i dpe ste/ sems can thams cad la ye shes kyi snang ba byed pa'i phyir ro/ /mchog tu bsil ba'i dngos po khyad par yongs su spang ba'i phyir ro/ zla ba chas pa'i dpe ste/ sangs rgyas su 'grub ba'i bsod nams dang/ ye shes kyi chogs rnams yang dag par sgrub pa'i phyir ro/ sems can la dbang byed pa'i khyad par yongs su spang ba'i phyir/ mching bu'i nor bu phyi dor byas pa'i dpe ste/ byang chub sems dpa' thams cad mkhyen pa nyid kyi 'bras bu 'thob pa'i phyir ro/ /sdug bsngal yang mi skye ba'i khyad par yongs su spang ba'i phyir nor bu rin po che bai DUrya byi dor byas pa'i dpe ste /nyan thos kyi yon tan sems la dbang byed pa'i khyad par thob pa la sogs pa rnams kyi gnas ni byang chub sems dpa' yin pa'i phyir ro/ /
- 286a
de ltar mdor bsdus te dpe de rnams kyis byang chub sems dpa' rnams nyan thos rnams las khyad par du ston to/ /'di man chad ni rgya cher bstan par bya'o/ /nyan thos ni du/ nyan thos kyi bslab pa dang/ byang chub sems dpa' i bslab pa khyad par ci yod ce na/ nyan thos ni bzhi'o/ /nyan thos kyi bslab pa dang/ byang chub sems dpa' i bslab pa'i khyad par ni rnam pa bcu gsum gyis rig par bya'o/ /sprul pa'i nyan thos dang/ mngon pa'i nga rgyal can gyi nyan thos dang/ byang chub tu 'gyur ba dang/ zhi ba gcig tu bgrod pa'o/ /de la sprul pa'i nyan thos ni sems can rnams 'dul ba'i phyir byang chub sems dpa' 'am/ de bzhin gshegs pa rnams kyis sprul pa gang yin pa'o/ /de la mngon pa'i nga rgyal can gyi nyan thos ni gang zag la bdag med pa'i ye shes tsam dang/ chos la bdag med pa la log par mngon par zhen pa'i ye shes kyis yang dag par 'dzin pa gang yin pa'o/ /de la byang chub tu 'gyur pa ni thog ma med pa nas snying rje'i rigs shin tu chung ba yin te/ de bzhin gshegs pa dang/ nye bar gnas pas sangs rgyas kyi chos rgyu chen po rnams la yon tan du 'du shes pas yongs su bsgos pa'i rgyun du 'gyur te/ de'i mthar phyin nas zag pa med pa'i dbyings la gnas pa la sangs rgyas rnams yang dag par bskul lo/ /'dzud do// thabs nye bar ston to/ /de rgyu des na/ byang chub chen po mngon par sgrub pa gang yin pa ste/ de de ltar byang chub chen po mngon par sgrub kyang/ zhi ba la mngon par dga' ba'i phyir/ de sbyor ba de la 'jug pa shin
- 286b
tu zhen pa yin te/ de lta bu ni sems dang po bskyed pa'i sangs rgyas kyi rigs ma yin te/ de la zhi ba gcig tu bgrod pa ni thog ma nyid nas snying rje'i rigs shin tu chung ba dang/ sems can don la rab tu rgyab kyis ltas pa dang sdug bsngal gyis 'jigs pa'i phyir mya ngan las 'das pa la gnas pa'i bsam pa nyid du 'gyur ba ste/ byang chub chen po mngon par sgrub pa'i skal pa med pa'o/ /'di lta ste dper na rgyal po'i bu skye ba'i gnas 'dra ba las skyes ba gnyis shig 'dra bar rgyal po'i bde ba la yongs su spyod de/ de la gcig ni rgyal po'i gtsug lag dang/ rang bzo dang/ bzo ba'i gnas la mkhas la/ cig shos ni de lta ma yin na/ de gnyis yan lag des khyad par du gyur pa yin gyi/ rgyal po'i bde ba'i longs spyod kyis ni ma yin no/ /de bzhin du zag pa med pa'i dbyings la byang chub sems dpa' dang/ zhi ba gcig tu bgrod pa'i nyan thos gnyis par bya'o/ /de gnyis kyi khyad par ni/ rnam pa bcu gsum gyis rig par bya'o/ /bsam pa las rig par bya ba dang/ dkar po'i chos yang dag par sgrub pa dang/ ye shes yang dag par sgrub pa dang/ rjes su 'gro ba dang/ rigs dang/ rigs kun tu 'dzin pa dang/ sbyor ba dang/ mthu dang/ sgrub pa dang/ khyad par can rnams las kyang/ khyad par tu 'phags pa dang/ rgyu dang 'bras bu dang/ skye ba la brten pas rig par bya'o/ /'od srungs 'di lta ste dper na/ nam mkha' las sa bon rnams mi 'khrung ngo zhes bya ba dang/ 'brog dgon par ro? skam dag nas pad+ma mi 'khrung zhes bya ba dang/ lung yod pa'i 'dam rdzab nas pad+ma 'khrung zhes bya ba'i dpe de dag gis ni zhi ba gcig tu bgrod pa'i nyan thos dang/ byang chub sems
- 287a
pa'i bsam pa'i khyad par ston to/ /zhi ba gcig tu bgrod pa'i nyan thos ni lung kyis gang ba'i sa lta bu nyon mongs pa can gyis 'du byed rnams dang/ lung yod pa'i 'dam rdzab lta bu nyon mongs pa dag bcas pa'i sems can rnams las phyir phyogs pa'i nam mkha' dang 'dra ba'i mya ngan las 'das pa'i dbyings dang/ ro skam gyi sa lta bu'i sems can gyi khams rnam par dag pa la gcig tu zhi bar bya ba'i bsam pa can du 'gyur ro// de las bzlog pa ni byang chub sems dpa' mya ngan las mi 'da' pa'i bsam pa dang/ rnam par ma dag pa'i sems can la gnas pa'i bsam pa ste/ kun nas nyon mongs pa'i sems can rnams rnam par grol bar bya ba lta bus 'du byed nyon mongs pa can rnams dang sems can rnams yongs su 'dzin to/ /chu'i thigs pa dang mar sar gyi dpe gnyis kyis ni dkar po'i chos yang dag par sgrub par byed pa'i khyad par ston to/ /nyan thos ni bdag skyed pas dkar po'i chos rnams chung ngo/ /byang chub sems dpa' i ni tshad med de/ sems can thams cad la phan pa dang bde bar skyed de/ dper na pha mas mar sar gyis rang gi bu rnams skyed pa de bzhin du byang chub sems dpa' yang mar sar lta bu'i rang gi dge ba'i rtsa ba dpag tu med pas byang chub sems dpa' las dang po pa lta bu rnams skyod do/ /yungs 'bru dang nam mkha' i dpe gnyis kyis ni/ ye shes yang dag par sgrub pa'i khyad par ston to/ /nyan thos ni 'dus ma byas pa'i ye shes kyis nyon mongs pa rnams kyis bdag gsog dang gsob tu byed do/ /byang chub sems dpa' ni phyogs bcu'i sems can thams cad la snying brtse
- 287b
ba'i mngon par rtogs pa'i ye shes kyi byang chub kyi phyir yongs su bsngo'o/ /btsun mo ngam pa dang/ dran mo'i dpes ni rjes su 'gro ba'i khyad par bstan te/ nyan thos ni rnam par grol ba'i mchog btsun mo dam pa lta bu'i ma dang/ dmigs pa chung ngu yid la byed pa skyes bu dbul po lta bu'i phas yang? dag par sgrubs pas sangs rgyas kyi sras ma yin no/ /byang chub sems dpa' ni so so'i skye ba rang bzhin gyis dma' ba bran mo lta bu'i ma la dmigs pa rgya chen po yid la byed pa rgyal po lta bu'i phas yang dag par bsgrubs pas sangs rgyas kyi sras yin no/ /'khor lo sgyur ba'i dpe dang pos ni rigs kyi khyad par ston te/ ji ltar 'khor lo sgyur ba'i rgyal po bu stobs phun sum tshogs/ mgyoD pa'i shugs phun sum tshogs/ mthu phun sum tshogs kyang 'khor los sgyur ba'i mtshan rnams dang mi ldan pa'i phyir 'khor los sgyur ba thob par yongs su mi nus pa de bzhin du/ nyan thos kyang brtson 'grus brtsams pas stobs phun sum tshogs /bde ba la mkhas pas mgyogs pa'i shugs phun sum tshogs/ sems mnyam par bzhag pas mthu phun sum tshogs kyang/ sangs rgyas kyi rigs kyi mtshan dang mi ldan pas sangs rgyas rnams kyis de ltar yongs su mi 'dzin to/ /byang chub sems dpa' ni de las bzlog pa'o/ /'khor los sgyur ba'i dpe gnyis pas ni rigs kun tu 'dzin pa'i khyad par ston te/ nyan thos mthar phyin kyang ma 'ongs par na sangs rgyas kyi rigs kun tu 'dzin mi nus so/ /byang chub sems dpa' ni sems dang po skye ba'i skad cig de nyid kyis mi nus so/ /'khor los sgyur ba'i dpe gsum pas ni sbyor ba'i khyad par ston te/ nyan thos ni mthar phyin pa'i phyir dbang po yongs su
- 288a
smin kyang ma 'ongs pa na sangs rgyas kyi mdzad pa byed mi nus kyi/ byang chub sems dpas ni sems bskyed pa'i skad cig de nyid kyis nus so/ /de bas na nyan thos kyi mthar phyin kyang ji ltar byang chub sems dpa' las dang po pa la sbyor ba/ de ltar lha dang mis mchod cing bsngags par mi 'gyur ro/ /nor bu rin po che bai DUrya'i dpes ni mthu'i khyad par ston te/ byang chub sems dpas mthar ma phyin kyang sa dang po nas nye bar bzung ba'i mthu dang/ ye shes kyis nyan thos dang/ rang sangs rgyas thams cad zil gyis gnon to/ /gangs dang ldan pa'i sman gyi dpes ni sgrub ba'i khyad par ston to/ /nyan thos kyi ye shes kyi sman ni bdag gi nyon mongs pa'i nad zhi ba yongs su grub kyang sems can rnams kyi nad zhi bar byed pa ma yin no/ /byang chub sems dpa' ni de las bzlog pa ste/ gzhan gyi don la zhugs pa'i phyir ro/ /skar ma'i dpes ni sbyin gnas kyi khyad par ston te/ nyan thos mthar phyin kyang sems can rnams la ye shes kyi snang ba mi 'byed bas ji ltar byang chub sems dpa' nyon mongs pa ma zad kyang lha dang bcas pa'i 'jig rten gyi sbyin gnas su gyur pa de ltar sbyin gnas su gyur pa ma yin no/ /zla ba tshes pa'i dpes ni khyad par can rnams las kyang khyad par du 'phags pa ston te/ nyan thos pas de bzhin gshegs pa rnams rtag par khyad par du chos? 'phags la khyad par can de dag pas kyang byang chub sems dpa' ches khyad par du 'phags te/ de las de dag 'thob bo/ /rgyu gnyis kyis de las ches khyad par du 'phags par rig par bya'o/ /de dag gis ni ji ltar byang chub kyi 'bras bu grub pa dang
- 288b
ji ltar sems can yongs su smin par mdzad pa rnams rnam par grol ba de ltar sems can yongs su smin par mdzad pa dang sangs rgyas kyi chos kyang yongs su smin par mdzad pa'o/ /'di lta ste dper na/ sgrub pa dang 'chod pa la ngo mtshar gyi blor gyur pa de lta za ba la ma yin te/ dri yang de ltar rig par bya'o/ /'di lta ste dper na/ lha dang bcas pa'i 'jig rten gyis 'ching bu'i nor la byi dor byas kyang zhes bya ba'i dpe des ni rgyu dang 'bras bu'i khyad par ston te/ nyan thos kyis gcig tu rnam par dag pa'i las kyi rgyu yang dag par blangs la/ dge ba'i bshes gnyen du mas yongs su bzung yang byang chub chen po'i 'bras bu mngon par mi sgrub po/ /byang chub sems dpa' ni de las bzlog pa ste/ mngon par sgrub pa'o/ /nor bu rin po che bai DUrya byi dor byas pa'i dpes ni skye ba la brten pa'i khyad par ston to/ /byang chub sems dpa' la brten nas nyan thos 'byung gi /nyan thos la brten nas byang chub sems dpa' 'byung ba ni ma yin no/ /sems can gyi don la brtson par bya'o zhes bya ba mtshams ji ltar sbyar zhe na/ 'di man chad ni 'bras bu 'thob pa'i khyad par don chen por yongs su ston te/ nyon mongs pa'i lung yod ba'i 'dam rdzab kyis gang ba'i seMs can rnams la byang chub sems dpa' sangs rgyas kyi chos rnams 'khrung ngo zhes gang sngar gsungs pa de la gal te de dag gi rgyud rnams las kyang mi 'khrud la/ byang chub sems dpa' de dag gis kyang de dag gi rgyud rnams lam sgrubs de dag gi las ji ltar mi 'khrung bar 'gyur ba de dag gi don byed pa la rab tu brtson pa'i byang chub sems dpa' ni bskrun pa'i phyir de dag las 'khrungs par bstan pa'i don du mdo sde mtshams sbyar brtson te/
- 289a
'od srungs byang chub sems dpa' sems can gyi don la brtson par bya'o zhes rgya cher gsungs so/ /phyogs bzhir song nas zhes bya ba ni/ 'jig rten gyi khams thams cad na byang chub sems dpa' thams cad sems can gyi don mdzad par sbyor ba ston te/ /yang dag par gso bar bya'o zhes bya ba la/ gang sman pas lus gso ba byas pa dang/ gang mu stegs can gyis nyon mongs pa gso ba byas pa de ni brngo? tsam dang phyin ci log tu gyur bas yang dag ba'i gso ba ma yin/ /de la sman pa lta bu ni/ byang chub sems dpar rig par bya'o/ /nang ba lta bu ni sems can rnams so/ /nang lta bu ni 'dod chags la sogs pa'o/ / sman lta bu ni mi sdug pa la sogs pa'o/ /ji ltar rgyu gsum gyis khams mi mnyam pa'i mchan nyid du lus kyi nad du 'gyur te/ la lan nyes pa brtsams pas la la mi 'phrod pa bsten paS/ la la ni yal bar 'dod bas so/ /de bzhin du rgyu gsum gyis sems mi mnyam pa'i mtshan nyid sems kyi nang du 'byung ste/ la la ni 'dod chags la sogs pa'i nyon mongs pa brtsams pas te/ 'dod chags la sogs pa yun ring po nas goms par byas pa'i phyir ro/ /la la ni lta pa la sogs pa mi 'phrod pa pa sten pa ste/ lta ba la sogs pa phal cher de ltar byung ba'i sbyor bas bskyed pa'i phyir/ /la la ni phyin ci log tu kun tu 'byung ba yal bar 'dor bas so/ /de la nyon mongs pa'i nang dang po'i gnyen po ni mi sdug pa la sogs par rig par bya ste/ 'dod chags la gnyan po mi sdug pa zhe sdang la byams pa/ gti mug la rten cing
- 289b
'brel par 'byung pa zhes gsungs pa'i phyi ro/ /gnyis ba'i gnyen por ni stong pa nyid la sogs pa ste/ de ltar ba la mngon par zhen pa dang/ snyoms par 'jug pa'i ro myang ba dang/ skye ba 'dod pa dang thar ba ma yin pa la thar bar 'du shes pa sems can rnam dang/ bzhi'i gang du byas pa'o/ /de la lta ba la mngon par zhen pa'i dbang du byas nas stong pa nyid de/ lta bar song ba thams cad la stong ba nyid kyis gso ba'o zhes gsungs pa'i phyir ro/ / snyoms par 'jug pa'i ro myang ba'i dbang du mdzad nas mtshan ma med pa ste/ rtog pa dang/ rnam par rtag pa dang/ dmigs pa yid la byed pa thams cad la mtshan ma med pas zhes gsungs pa'i phyir te/ rtog pa dang rnam par rtog pa thams cad kyis snyoms par 'jug pa'i ro myang ba ston to/ /skye par 'dod ba'i dbang du byas nas smon pa med pa'o/ /'dod pa'i khams dang gzugs kyi khams dang/ spang ba'i phyir smon pa med pas zhes gsungs pa'i phyir ro/ /thar pa ma yin pa la thar par 'du shes pa'i dbang du byas nas phyin ci log pa bstan to/ /phyin ci log thams cad spang ba'i phyir phyin ci ma log pa bzhi zhes gsungs pa'i phyir te /rtag pa la sogS pa mthong pas thar pa ma yin pa la thar pa'i 'du shes 'byung ste/ phyin ci log kun tu 'byung ba yal bar 'dor ba'i phyir tha ma'i dbang du byas nas phyin ci log rnam pa bzhi po 'dus pa dang/ ma 'dus pa rnam kyi gnyen por rig par bya'o/ /tha ma ni so so'i skye po rnam pa drug ste/ 'jig tshogs la lta ba de'i gnyen por dran pa nye bar gzhag pa rnams so/ /nyon mongs pa dang 'dres pa de'i gnyen por yang dag pa'i spong ba
- 290a
rnams so/ /phan tshun du nga rgyal gyis mngon par zin pa de'i gnyen por rdzu 'phrul gyi rkang pa rnams so/ /dge ba'i phyogs dang mi ldan pa de'i gnyen por dbang po rnams dang/ stobs rnamS so/ /bden pa la kun tu rmongs pa'i gnyen por byang chub kyi yan lag rnams so/ /ngo mtshar dang/ bkra shis la sogs par lta ba de'i gnyen por la mi gyi yan lag rnams so/ /ji ltar lus kyi rjes su lta yang bdag tu lta bar mi ltung zhe na/ gang bdag gi mthong ngo snyam du rlom sems med pa'o/ /ma dad pa la sogs pas dge ba'i chos rnams mi phyogs par rig par bya ste/ de'i gnyen por dbang po dang/ stobs rnams so/ /'od srungs dzam+bu gling ni sman ba dang sman pa'i slob ma la ji snyed pa de dag gi nang na 'tsho byed mi mchog ces bya'o/ /stong gsum gyi stong chen po'i 'jig rten na sems can ji snyed pa de dag thams cad sman pa'i rgyal po 'tsho byed dang 'dra bar gyur ces bya ba ni 'tsho byed dang de 'dra ba'i sems can rnams kyis gtsug lag la mkhas pa'i sgo mang po dang/ spobs ba kun tu ston to/ /lta ba dang 'gyod pa smos pa ni lta ba dang 'gyod pa gso dka' ba'i phyir ro/ /de la lta ba ni rnam bar grol ba 'dod pa'i sems mnyam par bzhag pa la bar chad byed de/ dper na tshe dang ldan pa mos pa can gyis gnas pa rtan pa dag ni 'di snyam du sems te/ 'di ltar gzugs mi rtag pa'i bar du mdo kyi 'on kyang 'o na go bdag gi bdag gal yod snyam nas/ khong dngangs ba'i phyir bdag 'du byed thams cad zhi pa/ stong pa nyid/ mi dmigs pa/ sred pa zad pa/ 'dod chags dang bral ba /'gog pa/ mya ngan las 'das pa la sems 'jug
- 290b
par mi 'gyur gnas par mi 'gyur rnam par grol par mi 'gyur te/ bdag gi yid ldog go snyam du sems so zhes smra ba de ni 'di skad bstan pa yin te/ de'i tshe de shes rab kyis mya ngan las 'das pa'i bsam pa yid la byed pa na 'jig tshogs la lta ba ma spangs pas bdag med par 'gyur ro snyam nas yid mi bde ba'i phyir mya ngan las 'das pa las yid ldog ste/ 'o na go bdag gis bdag la ga la yod ces bya bas so/ /de ni 'du byed tsam du zad na 'di la su? zhig med par 'gyur snyam du de lta mi sems te/ de dus de na 'jig rten gyi lam gyi gsor mi rung ba'i phyir gsor mi rung zhes bya'o/ /'gyod pa ni 'khrug pa'i rgyu yin pa'i phyir 'gyod pa ni khams mnyam bar 'dod pa'i sems mnyam par bzhag pa la bar chad byed do/ /sangs rgyas bcom ldan 'das rnams dang byang chub sems dpa' rnams kyis 'gyod ba sel bar shin tu spyod de/ de bas na lta ba dang 'gyod ba smos so/ /shes par mi nus zhes bya ba ni yid kyis so/ /brjod pa'am bstan pa'am/ bsgo ba zhes bya ba ni tshig gis te/ bstan pa dang bshad pa gnyis kyis so/ /tshogs kyi lam shin tu yongs su btsal nas rtog pa dang bcas pa'i sems kyis yongs su chol bas 'jig rten las 'das pa'i lam btsal byar bya'o/ /rtog pa de yang gang zag la bdag med pa las brtsams te/ rnam pa gnyis su rig par bya'o/ /chos la bdag med pa las brtsams nas rnam pa gcig ste/ rkyen la 'jug pa'i ye shes la sogs pa'o/ /sogs pa'i sgras ni bdag med pa'i chos rnams la mos pa'i ye shes so/ /de la thos par mos pa sngon du 'gro ba'i ye shes/ /sems dus rnam par chad pa dang/ byed pa med pa dang/ bdag med par yongs su tshol ba ni ton cing 'brel par 'byung ba dang/ gang zag la bdag med par rab tu rtogs
- 291a
par ston te/ nang dang phyi'i skye mched rnams dang/ de la gnas shing dmigs pa'i rnam par shes pa rnams la kun tu brtags pa'i rang bzhin du sems ma dmigs pa'o/ /dpyad du med ba la sog ba'i mtshan nyid yongs su grub pa'i rang bzhin mi dmigs pa'i phyir chos la bdag med par rab tu rtogs pa ston to/ /yongs su grub pa'i rang bzhin de sems nyid du yod do zhes med pa la 'dzin pa spangs pa'i phyir sangs rgyas thams cad kyis kyang dus gsum du ma gzigs zhes bya ba gsungs kyi/ lhun gyis grub pa'i gzigs pa ma yin te/ chos nyid kyis de ltar gnas par yongs su bstan pa'i phyir sangs rgyas thams cad kyis dus gsum du yang ma gzigs zhes gsungs so/ /de ltar kun tu brtags pa'i rang bzhin med kyang kun tu brtags pa'i de'i rgyu gzhan gyi dbang gi rang bzhin yod bar yongs su brtags pa'i phyir sems kyi dbang du byas nas/ log par ltung ba'i 'dus shes las chos rnams 'byung ba ma gtogs par gang sangs rgyas thams cad kyis kyang ma gzigs mi gzigs gzigs bar mi 'gyur ba de'i rgyu ci 'dra zhe na zhes bya ba gsungs so/ /chos rnams ni 'dir sems dang sems las byung ba zhes bya bar bzhed do/ /gal te log par ltung pa'i 'dus shes tsam du zad de/ de ji ltar 'khor ba na 'chi 'pho dang/ skye bar 'gyur snyam pa la sgyu ma dang mtshungs par rab tu sgrub po/ /sems gcig po kho na zhig 'khor ro snyam pa la 'bab chu'i rgyun dang mtshungs par rab tu sgrub bo/ /de ltar sems la 'dod chags dang bral na ci'i phyir thar par mi 'gyur snyam pa la rlung dang mtshungs par rab tu sgrub bo/ /de la ring du 'grobani don gyi rnam pa thams cad de'i ngo bo
- 291b
nyid du rig par bya'o/ /de ltar yongs su shes par dka' na ji ltar thar par 'gyur snyam pa la mar me'i 'od 'phro ba dang mtshungs par rab tu sgrub ste/ ma rig pa'i rkyen gyi dbang gis 'byung la de zad na mi 'byung bar yongs su bstan pa'i phyir ro/ /gal te sems nyon mongs pa'i dbang gis nyon mongs pa can du 'gyur na nyon mongs pa bzhin du rnam par dag pa mi rung ste/ thar par mi 'thad do snyam pa'i nyes pa spang ba'i phyir nam mkha' dang mtshungs par ston to/ /nam mkha' ltar mi 'gyur ba'i nyes pa spang ba'i phyir glog dang mtshungs par ston te/ skad cig tu 'jig pa dang/ 'dod chags la sogs pa la mi gnas pa'i phyir mi rtag cing 'gyur bar yongs su ston pa'i phyir ro/ /sems rnam par dag kyang skad cig tu 'jig pas nyes pa spang ba'i phyir spre'u dang mtshungs par ston te/ de la yul rnam pa sna tshogs 'dod pas rnam par g.yeng ba ni ma yin gyi/ 'di ltar 'dod chags la sogs pa dang ldan pas mi gnas bar 'gyur ro/ /rnam par g.yeng bar 'gyur na ci'i phyir thams cad mthun par mngon par mi 'gyur bar mi 'gyur snyam pa la ri mo/ khan? dang mtshungs par rab tu sgrub po/ /ci'i phyir dus thams cad du rang bzhin gcig pa'i lam mngon par 'du mi byed snyam pa la mi gnas par rab tu sgrub ste/ khams gsum pa'i nyon mongs pa'i dbang gis 'byung bar ston pa'i phyir/ /ci'i phyir mngon par 'du byed pa thams cad kyi dbang gis cig car du mi skye snyam pa la gcig pu rgyu bar rab tu sgrub bo/ /ci'i phyir da ltar byung ba'i las zil gyis mnan te/ res 'ga' mngon par 'du byas pa'i dbang gi skye snyam pa l rgyal po dang mtshungs par rab tu sgrub ste/ las gang gis stobs
- 292a
dang ldan pa'i bsgom pa de sems la bsgom pas dban thob pa yin no zhes yongs su ston pa'i phyir ro/ /gal te rgyal po dang 'dra na ci'i phyir bdag la mi mdza' ba dang mtshungs par rab tu sgrub do/ / ci'i phyir bdag la mi mdza' ba dang mtshungs par byed snyam pa la bye ma'i khyim dang/ nya'i mchil pa dang/ rmi lam dang/ sbrang ma sngon po dang mtshungs par rab tu sgrub ste/ lus la sogs pa la phyin ci log rnam pa bzhi dang ldan pa la sogs pa yongs su ston pa'i phyir ro/ /de ltar na go ci'i phyir bde bar skye ba rnams skye ba bsgrub snyam pa'i nyes pa spang ba'i phyir rgol ba dang mtshungs par ston te/ sdug bsngal rnam pa gsum gyi sdug bsngal gyis der yang sdug bsngal 'grub par yongs su ston pa'i phyir ro/ /de de ltar sdug bsngal na ci'i phyir sdug bsngal gyi gnyen por lam mi bsten snyam pa la gnod sbyin mdangs 'phrog pa la sogs pa dang mtshungs pa'i rgyur ston te/ snyoms par 'jug pa'i ro myang ba dang/ yongs su nyams par yongs su bstan pa'i phyir te/ go rim bzhin no/ /ci'i phyir gnyen po la mi dga' snyam pa la rkun po dang mtshungs pa'i rgyu ston te/ dge ba'i rtsa ba'i tshogs la rku ba'i phyir ro/ /gal te sdug bsngal la yang yon tan du rtogs nas dga' na de ltar gyur pa la nyes pa ci yod snyam pala phun sum tshogs pa dang/ rgud pa dang ldan pas rjes su chags pa dang/ khong khro bas gnod pa ston to/ /gal te gnod par byed na ci'i phyir dga' snyam pa lagzugs la sogs pa la dga' ba'i phyir phyi phyi zho la'i mig dang/ g.yul gyi rnga dang/ phag dang/ bran mo zas kyi lhag ma za
- 292b
ba dang/ sbrang ma dang mtshungs par ston to/ /'od srungs sems ni kun tu btsal na mi rnyed do zhes bya ba mtshams ji ltar sgyar zhe na/ gzhan gyi dbang gi rang bzhin gyi rgyu bstan nas ji ltar gzhan gyi dbang gi rang bzhin te/ yongs su su tshol ba na kun tu brtags pa dang/ yongs su grub pa'i rang bzhin tshol ba de kun tu ston te/ kun tu brtags pa'i rang bzhin gyi sems de btsal na don du mi dmigs so/ /gang mi dmigs pas rab tu phye ba de ni yongS su grub pa'i rangbzhin gyi sems te/ de ni 'dus ma byas su 'og nas ston par bzhed nas de dus gsum du mi 'byung bar ston te/ ji ltar 'gog pa la snyoms par zhugs pa na de ma thag tu sems med pa'i phyir dus gsuM du mi 'byung ba de ltar mi 'byung bar ma yin par rig par bya ste/ dus gsum las 'das par kun tu ston to/ /de ni dus gsum las ma 'das pas langs pa na yang sems 'byung ba'i phyir ro/ /gang dus gsum las 'das pa de med par log par 'dzin pa spang ba'i phyir bzlog ste/ yod pa dang med pa ma yin par ston te/ kun brtags dang gzhan gyi dbang gi rang bzhin gyis ni med la yongs su grub pa'i rang bzhin gyis ni yod par yongs su ston pa'i phyir/ /de ni ma byung ba'o zhes bya ba ni rgyu'i dngos por ro/ /de la ngo bo nyid mdo zhes byas pas ni sems can da? myal ba la sogs pa'i 'go ba'i so sor nges pa'i rgyu'i ngo bo nyid do/ /de la skye ba med do zhes bya ba ni skye ba'i rgyu med pa'o/ /de la 'gag pa med do zhes bya ba ni 'chi 'pho ba'o/ /de 'bral ba med do zhes bya ba ni spong ba'o/ /de 'bral ba med pa la zhes bya ba ni spang bar bya ba med pa la'o/ /de la 'du byed gang yang med do zhes bya ba ni phung po
- 293a
rnams so/ /de ni 'dus ma byas so zhes bya ba ni/ de brjod par bya ba'i phyir de thams cad du gsungs so/ /de ni 'dus ma byas te rnam par bzhag ste/ de ni 'phags pa rnams kyi rigs so zhes bya ba ni de la dmigs pas 'phags pa'i dngos po rnyed pa dang/ des rab tu phye ba ni 'phags pa rnams so/ /rigs de yang phung po'i lhag ma dang bcas pa dang/ /phung po'i lhag ma ma lus pa'i mya ngan las 'das pas rab tu phye bra dang/ byang chub sems dpa' i mya ngan las 'das pas rab tu phye ba'o/ /de la phung po'i lhag ma dang bcas pa'i mya ngan las 'das pa'i dus byas nas/ bslab pa yang med/ bslab pa las 'das pa yang med ces bya ba gsungs so/ /legs par bslab pa'i phyir ro/ /rgyu ba med pa ni phung po spangs pa'i phyir ro/ /mi rgyu ba med pa ni/ phung po spangs pa'i lhag ma dang bcas pa'i phyir ro/ /rab tu rgyu yang med pa ni nyon mongs pa rnams so/ /de la sems med kyang sems las byung ba'i chos rnams kyang med do zhes bya ba ni nyon mongs pa can rnams so/ /de la las kyang med ces bya ba ni yang srid pa'i las kyi rgyu las byung ba'o/ /las kyi rnam par smin pa yang med ces bya ba ni phung po lhag ma ma lus pa'i mya ngan las 'das pa'i dbang du byas nas gsungs pa'o/ /de bas na de ltar bde ba yang med/ sdug bsngal ba yang med pa de ni 'phags pa rnams kyi rigs so zhes bya ba yang snga ma bzhin no/ /rigs de la ni las kyang med/ las mngon par 'du byed pa yang med do/ /rigs de las lus kyi las byed pa med do/ /ngag gi las ma yin yid kyi ma yin no zhes bya ba ni mdo'i tshig gsum po dag gis ni
- 293b
las dbye bar du dgag par byed do/ /bya ba dang bslab dang de'i sbyor ba'i dbang du byas nas/ rigs de la tha ma dang 'bring dang mchog tu rnam par bzhag pa yang med de zhes bya bas sems can gyi dbye ba rab tu dgag par byed de/ byang chub sems dpa' i mya ngan las 'das pa'i dbang du byas nas/ rigs de ni snyoms pa'o zhes bya ba gsungs te/ bdag dang gzhan la phan par 'jug pa snyoms pas de'i khyad par ston to/ /rigs de ni khyad par med pa'o zhes bya ba ni byang chub kyi phyogs kyi chos thams cad chad pa med pas byang chub sems dpa' rnam par dag pa rnams dang/ de khyad par med par ston to/ /rigs de ni dben pa'o zhes bya ba ni de dag gi rgyud tha dad pa med par ston to/ /rigs de ni mya ngan las 'das pa dang mthun pa'o zhes bya ba ni gzhan gyi rgyud pa las de'i khyad par ston to/ /rigs de ni dri ma med pa'o zhes bya ba ni rnam par grol ba na thun mong yin du zin kyang bag chags spong ba'i khyad par ston to/ /rigs de'i nga'i ba med do zhes bya ba ni zhing rnam par dag pa rnams la so sor nges po med par ston to/ /rigs de ni mnyam pa med pa'o zhes bya ba ni las de mya ngan las 'das pa dang/ 'khor ba'i yon tan dang/ nyes pa la rnam par mi rtog pas mnyam pa nyid ston to/ /yang dag ba dang yang dag pa ma yin pa'i mnyam pa las 'byung ba zhes bya ba la bden pa'i don gyis yang dag pa ni mya ngan las 'das pa'o/ /brdzun pa'i don gyis yang dag pa ma yin pa ni 'khor bar rig par bya'o/ /rigs de ni don dam pa'i bden pa yin pas bden pa'o zhes bya ba gang ma dgra de sla ba ma yin pas gzhan mu stegs can rnams dang thun mong ba ma yin pa ston to/ /rigs de ni mi zad pa'o zhes bya ba ni phung po lhag ma ma lus par mya ngan las 'das
- 294a
kyang sems can gyi don bya ba rgyun mi gcod par ston to/ /de ni rab tu ma skyes pa zhes bya ba ni las dang nyon mongs pa'i dbang gis mi skye'i 'byor pa 'thob pa'i dbang gis de ston pa'i phyir ro/ /de rigs de ni rtag pa'o zhes bya ba ni/ mya ngan las 'das pa dang/ 'khor ba'i dus na yang gzhan ma yin par ston te/ de'i phyir bde ba dang/ dge ba dang/ bdag med pa zhes bya ba'o/ /rigs de ni rnam par dag pa'o zhes bya ba ni shes bya rnam par dag par ston te/ rnam par spyang bar bya zhing bsam pa rnam par dag pa yang de tsam du yongs su ston pa'i phyir te/ 'di nas 'jig rten las 'das pa'i bar gyi gnyen po rnam par bzhag pa don chen por rig par bya'o/ /'di ni mtshams sbyar ba dang/ go rim gzhan yin no/ /'od spungs byang chub sems dpa' sems can gyi don la brtson par bya ste/ des dge ba'i rtsa ba thams cad yang dag par bsdus par bya'o/ /dge ba'i rtsa ba thams cad yang dag par bsdus nas sems can thams cad btang ngo/ /ye shes kyi sman gang bsdus pa des zhes bya ba ni 'jig rten dang 'jig rten las 'das pa'i ye shes kyis gzhan gyi don byed par ston to/ /phyogs bzhir song ste zhes bya ba la phyogs gang zhe na/ sems can 'dul ba'i phyir khams nas 'phor? ba ste/ rdzu 'phrul gyi stobs gyi 'jig rten gyi khams nas 'jig rten gyi khams gzhan du 'gro ba dang 'jig rten gyi khamS de nyid nas yul gzhan du 'pho ba dang/ skye bas 'pho ba ste/ de gnyi gar skye ba yongs su 'dzin pa dang/ gzhan las tshol ba ste/ sems can gang byang chub sems dpa' gang gis 'dul bar 'gyur ba de'i phyir chos
- 294b
ba'o/ /sems can rnams la yang dag par gso ba bya'o/ /yang dag pa'i gso bas sems can rnams gso'o zhes bya ba ni nyon mongs pa'i 'byung po la gso ba ste/ nyon mongs pa'i 'byung po'i gdon gyis zin pa'i sems can rnams gso ba'i byang chub sems ni bslab pa rnam gsum gyis rnam par dag pa'i lam ston pas sman pa bla na med pa yin te/ sman pa'i rgyal po 'tsho byed la sogs pas ni lta ba la gnas pa dang 'gyod pa la gnas pa gso bar mi nus so/ /yang na yang dag pa'i gso ba zhe sa bya ba ni de kho na nyid kyis gso ba ni yang dag pa'i gso ba ste/ yang dag pa dang de kho na nyid ni don tha dad pa ma yin no/ /de kho na'i gso ba de yang 'jig rten las 'das pa'i lam gyi bag la nyal kun tu 'joms pa'i phyir ro/ /de la 'jig rten pa'i ye shes ni rnam pa gnyis te/ che long dang 'bring ngo/ /de la che long ba ni rab tu sel ba'i gnyen po'o/ /'bring ni rnam par gnon pa'i gnyen po'o/ /de la yang dag pa'i gso ba gang zhe na/ gang 'di 'dod chags la mi sdug pas gso ba nas phyin ci log thams cad spang ba'i phyir phyin ci ma log pa bzhi zhes bya ba'i bar dag ni kun nas nyon mongs pa che long rab tu sel ba'i gnyen po'o/ /dran pa nye bar gzhag pa bzhi nas 'phags pa'i lam yan lag brgyad pa'i bar dag ni kun nas nyon mongs pa 'bring rnam par gnon pa'i gnyen po'o/ /de la kun nas nyon mongs pa che long mngon du gyur na ni yul la 'dod chags la sogs pa kun tu 'byung ngo/ /bzlog pa ni 'bring du rig par bya'o/ /de la rnal 'byor spyod pa'i 'jig rten pa'i ye shes rang gi mtshan nyid kyi yul can gyi kun nas nyon mongs pa rab tu bsal rnam par mnan
- 295a
nas sbyong ba rnam bar sbyong ngo/ /de la spyod ba'i rab tu dbye ba ni khyim ba rnams ni phal cher 'dod chags dang/ zhe sdang dang/ gti mug la spyod do/ /rab tu byung ba rnams ni phal cher lta ba la gnas te/ de la gnas pa ni tshul bzhan ma yin pa yid la byed ba la gnas pas ngo bo nyid la rnam par rtog ba dang/ yang srid pa la smon par rnam par rtog ba dang/ phyin ci log rnam pa bzhi po 'dus pa dang/ ma 'dus pa dag gis thar pa ma yin pa la thar par mngon par zhen cing gnas so/ /de la spyod ba rnam par sbyong ba'i gnyen bo ni 'dod chags la mi sdug pa dang/ zhe sdang la byams pa dang/ gti mug la rten cing 'brel par 'byung ba dang/ lta bar song ba thams cad la stong pa nyid dang/ tshul bzhin ma yin pa yid la byed pas/ bsdus pa'i ngo bo nyid kyi khyad par la rtog pa mtshan ma med pa ste/ rnam par rtog pa dang dmigs pa yid la byed ba thams cad la mtshan ma med bas gso ba'o zhes gsungs pa'i phyir ro/ /yang srid pa la smon pa ni smon pa med pa ste/ 'dod pa'i khams dang/ gzugs kyi khams dang/ gzugs med pa'i khams thams cad la gnas pa la smon pa med byas shes gsungs pa'i phyir ro/ /thar ba ma yin ba la thar bar mngon bar zhen pa ni phyin ci log ste/ dper na tshangs pa'i gnas te de ni rtag go zhes bya ba lta bu ste/ phyin ci log thams cad la phyin ci ma log pa bzhes gso ste/ mi rtag pa la rtag bar 'du shes pa la 'du byed thams cad mi rtag pa dang/ sdug bsngal la bde bar
- 295b
'du shes pa la 'du byed thams cad sdug bsngal ba dang/ bdag med pa la bdag tu 'du shes pa la chos thams cad la bdag med pa dang/ mi sdug pa la sdug? bar 'du shes pa la mya don las 'das pa zhi bas shes gsungs pa'i phyir ro/ /kun nas nyon mongs pa 'bring gang zhe na/ rang rang gi gnyen po la brten nas kun nas nyon mongs pa che long? rab tu bsal ba'i yul la 'dod chags dang/ zhe sdang dang/ gti mug gis kun nas nyon mongs par 'gyur ba gnas pa ste/ mngon du gyur pa'i yul rnams la 'dod chags la sogs pa'i nyes pa kun tu mi 'byung zhes bya ba'i tha tshig go /de spang ba'i phyir dran pa nye par gzhag ba la sogs pa byang chub sems dpa' chos rnams bsgom mo/ /de la dran ba nye bar gzhag pa bsgoms pas ni yang dag ba'i dmigs pa la 'dod chags pas sems mnyam par ma bzhag par sbyor yang sgom ba des bdag dran ba nye bar gzhag pa bsgom mo zhes bdag tu mi 'dzin to/ /lus dang/ sems dang/ chos la gnas pa rnams la dran ba nye bar gzhag pa bzhi po dag gis gso ste/ de lus la lus kyi rjes su lta ba la gnas kyang lus kyi lta bas bdag tu lta bar mi ltung/ chor ba rnams la tshor ba'i rjes su lta ba la gnas kyang tshor ba'i rjes su lta bas bdag tu lta bar mi ltung/ sems la sems kyi rjes su lta ba la gnas kyang sems kyi rjes su lta bar mi ltung/ chos rnams kyang chos kyi rjes su lta ba la gnas kyang chos kyi rjes su lta bas bdag tu lta bar mi ltung zhes gsungs pa gang yin pa'o/ /de ltar dran pa nye bar gzhag pa rnams kyi dmigs pa la sems btags pa des? yang dag pa'i spong ba rnams kyis yang
- 296a
dag par sbyor te/ yang dag par spong ba bzhis ni mi dge ba'i chos rnams spong ba dang/ dge ba'i chos thams cad yongs su rdzogs par 'gyur ba'o zhes gsungs pa gang yin pa'o/ /de nas rdzu 'phrul gyi rkang ba rnams kyis gnas ba yongs su 'dzin te/ gnas pa yongs su bzung nas lus dang sems la skyes ba dang bud med kyi 'du shes su ril por 'dzin ba la rtog bas rab tu rnam bar 'byed pa'i kun nas nyon mongs pa 'bring rnam bar mnan ba yin te/ rdzu 'phrul gyi rkang ba bzhis ni lus dang sems 'bril? bor 'dzin pa 'dor bar 'gyur ro zhes gsungs ba gang yin pa'o/ /de bas zag pa med pa'i shes rab kyis sbyor ba'i lam na 'jig rten las 'das pa'i chos kyi mi mthun pa'i phyogs ma dang ba la sogs ba spangs nas gnyen po dad ba la gnas so/ /dbang po de dag nyid stobs rnams kyi brtan par byed do/ /dbang po lnga dang/ stobs lngas ni ma dad pa dang/ le lo dang/ dran ba nyams pa dang/ rnam par g.yeng ba dang/ shes bzhin mang pa rnams gso pa'o zhes gsungs pa gang yin ba'o/ /de nas rten cing 'brel par 'byung ba la kun tu rmongs ba dang/ gang zag la bdag med pa la kun tu rmongs ba dang/ chos la bdag med ba la kun tu rmongs pa ni byang chub kyi yin lag rnams kyis rnam bar gnon te/ byang chub kyi yin lag bdun gyis ni chos thams cad la shin tu gti mug cing mi shes pa gso ba'o zhes gsungs ba gang yin ba'o/ /de ni lam ngan ba dang lam ni la ma gyis nges par 'gyur te/ 'phags pa'i lam yan lag brgyad bas ni 'chel ba'i shes rab dang/ pha rol rgol ba thams cad
- 296b
dang/ lam ngan bar zhugs ba rnams gso ba'o zhes gsungs ba gang yin pa ste/ rnam pa de dag gis kun nas nyon mongs pa che long dang 'bring gi gnyen por gyur ba rab tu sems ba dang/ rnam par gnon pa'i ye shes gang yin ba de ni 'jig rten ba'i ye shes zhes bya'o/ /de yang 'od srungs 'di ni yang dag pa'i gso ba'o/ /'od srungs byang chub sems dpas yang dag pa'i gso ba 'di la brtson par bya'o zhes bya bas bstan te/ /'od srungs dzam+bu gling na sman pa dang sman pa'i slob ma ji snyed pa de dag gi nang na 'tsho? byed ni mchog ces bya'o/ /stong gsum gyi stong chen po'i 'jig rten gyi khams kyi sems can ji snyed pa de dag thams cad sman pa'i rgyal po 'tsho byed dang 'dra bar gyur kyang de dag thams cad lta ba dang 'gyod pa la gnas ba gso ba'i sman gang yin zhes dris nas de dag gis shes pa 'am/ bstan pa 'am/ bsgom bar mi nus so /de la byang chub sems dpas 'di ltar bdag ni 'jig rten gyi sman tsam gyis chog par mi bya'i/ bdag gis 'jig rten las 'das pa'i ye shes kyi slan yongs su btsal bar bya/ dge ba'i rtsa ba thams cad kyang yang dag par bsdu bar bya'o snyan sto brtag bar bya'o/ /de ltar brtags nam 'jig rten las 'das pa'i ye shes kyi sman gang tshol ba des phyogs ba? zhir song? la sems can rnams la yang dag pa'i gso ba bya ste /yang dag pa'i gso bas sems can rnams gso'i? zhes bya ba la 'jig rten las gyur ba'i ye shes kyi sman gang zhe na/ de ltar 'dod chags dang/ zhe sdang dang/ gti mug gis kun nas bskor ba'i kun nas nyon mongs pa nam bar mnan nas pa gang kun nas nyon mongs pa phra mo bag ma? nyal gyi gnyen po 'di
- 297a
pa'i ye shes so/ /de gang zhe na/ rnam par gnon pa gnyen por gyur ba de yod na gnas gsum la mkhas te/ gang 'di rkyen gyis ye shes zhes bya ba ni rten cing 'brel par 'byung ba la mkhas pa'o/ /bdag med pa dang/ sems can med pa dang/ gos ba med pa dang/ gang zag med pa'i ches rnams la mos pa'i ye shes zhes bya ba ni gang zag la bdag med par mos pa'o/ /stong pa nyid mi dmigs pa'i chos rnams la mi dngang? bzhes bya ba ni chos la bdag med pa'o/ /sems yongs su tshol ba'i brtson 'grus zhes bya ba ni gang kun nas nyon mongs pa ma lus pa las bzla pa'i phyir man ngag la mi bltos par mi shes pa rnam pa bzhi ste/ spyi'i mtshan nyid mi shes pa dang/ rang gi mtshan nyid dang/ kun nas nyon mongs pa'i mchan nyid dang/ rnam par byang ba'i mtshan nyid mi shes pa'i gnyen pos nang du rang gi sems la brtag pa'i phyir rab tu 'bad pa'o/ /de la sems kyi spyi'i mtshan nyid ni rnam pa gsum du rig par bya ste/ /de 'di ltar sems yongs su chol? lo/ /'dod chags par 'gyur ba 'am/ zhe sdang bar 'gyur ba 'am/ gti mug par 'gyur ba'i sems gang yin/ ci 'das pa'am/ ma 'ongs pa 'am/ de? ltar byung ba 'am/ de la sems 'das pa gang yin pa de ni zad pa'o/ /ma 'ongs pa gang yin pa de ni ma phyin pa'o/ /da ltar byung ba ni gnas pa med do snyam mo zhes bya ba la 'das pa dang/ ma 'ongs pa'i sems rten cing 'brel par 'byung ba la bkol te/ byed pa med par rtog pa dang/ da ltar gyi la skad cig pa ste /byed pa med par rtog pa dang/ 'dod chags la sogs pa la rang gi rkyen las byung gi/ sems kyis byas pa ma yin par rtog pa'o/ /sems kyi
- 297b
rang gi mtshan nyid kyang rnam pa gsum gyis rig par bya ste/ 'od srungs sems ni nang na yang med/ phyi rol na yang med/ gnyi ga med par yang mi dmigs so zhes bya ba ni snga ma bzhin du tha snyad kyi rang bzhin gyis mi dmigs pa dang/ 'od srungs sems ni dpag tu med/ bstan du med pa/ rten ma yin pa/ snang ba med pa/ rnam par rig pa med pa/ gnas pa med pa zhes bya ba yang ma yin bzhin du rnam pa drug gis de bzhin nyid dmigs pa dang/ 'od srungs sems ni sangs rgyas thams cad kyis kyang ma gzigs mi gzigs gzigs par mi 'gyur ro/ /log par ltung ba'i 'du shes las ches rnams 'byung ba ma gtogs par sangs rgyas thams cad kyang ma gzigs mi gzigs gzigs par mi 'gyur ro// nga yin pa de'i rgyu ba ji ltar lta zhe na zhes bya ba 'phags pa thams cad kyi ye shes khyad par med par dmigs pa'o/ /sems kyi kun nas nyon mongs pa'i mtshan nyid kyang rnam pa gsum gyis rig par bya ste/ 'grub pa dang/ 'byung ba dang/ rgyu ba'o/ /'od srungs sems ni sgyu ma dang mtshungs te/ yang dag pa ma yin pa kun tu brtags pas skye ba rnam pa mang po yongs su 'dzin to zhes bya ba na 'gro ba rnams su lus sna tshogs 'grub pa ste/ 'grub pa'i kun nas nyon mongs pa'o/ /'od srungs semS ni 'bab chu'i rgyun dang mtshungs te/ mi gnas ba skyes nas 'jig cing 'ju ba'o/ /zhes pa ni grub pa de nyid skad cig ba'i rgyun gyis 'byung ba'o/ /'od srungs sems ni rlung dang mtshungs te/ ring du 'gro gzung du med bar rgyu'o zhes bya ba ni thams cad la dmigs pa dang gzung dka' ba 'byung ba'o/ /'od srungs sems ni mar me'i 'od 'phro ba dang mtshungs te/ rgyu dang rkyen las byung ba'o zhes bya ba ni srid pa'i snum gyi dbang gi 'byung ba ste/ 'byung ba'i kun nas
- 298a
nyon mongs pa'o/ /gang du rgyu dang ji ltar kun nas nyon mongs pa ste/ gang du rgyu zhe na/ 'od srungs sems ni glog dang mtshungs te/ skad cig tu 'jig cing mi gnas pa'o zhes bya ba ni glog bar 'ga' 'byung ba ltar dge ba'i sems 'byung ba'i phyir res 'ga' dge ba la rgyu ba'o/ /'od srungs sems ni nam mkha' dang mtshungs te/ nyon mongs pa dang nye ba'i nyon mongs pa glo bur rnams kyis nye bar nyon mongs pa'o zhes bya ba ni nam mkha' i nye ba'i nyon mongs pa glo bur rnams lta bur res 'ga' mi dge ba la'o/ /'od srungs sems ni spre'u dang mtshungs te/ yul thams cad la 'dod pa'o/ /zhes bya ba ni res 'ga' yul la'o/ /'od srungs sems ni las rnams sna tshogs mngon par 'du byed pa'i phyir ri mo mkhan dang mtshungs so zhes bya ba ni res 'ga' las mngon par 'du byed pa'o/ /'od srungs sems ni nyon mongs pa tha dad pa 'byung pa'i phyir mi gnas ba'o zhes bya ba ni res 'ga' yul rnams la rgyu ste/ 'dod chags dang/ zhe sdang la sogs pa la mi gnas pa rgyu ba'o/ /'od srungs sems ni gnyis pa mtshams sbyor ba med pa'i phyir sems ni gcig bu rgyu ba ste/ gnyis su med pa'o zhes bya ba ni de nyid 'dod chags dang bcas par 'gyur la/ 'dod chags dang bral bar 'gyur pa yang ma yin la/ 'dod chags dang bcas par yang 'gyur ba ma yin zhes bya ba la sogs pa'o/ /'od srungs sems ni chos thams cad la dbang byed pa'i phyir rgyal po dang mtshungs zhes bya ba ni bde bar 'gyur pa'i chos rnams la dbang thob ste rgyu ba'o/ /'od srungs sems ni sdug bsngal thams cad skyed pa'i phyir mi mdza' pa dang mtshungs zhes bya ba ni bde ba
- 298b
spangs nas bdag la sdug bsngal kun tu bskyed pa'o/ /'od srungs sems ni mi rtag pa la rtag par 'du shes pa'i phyir bye ma'i khyim dang mtshungs so/ /'od srungs sems ni sdug bsngal la bde bar 'du shes pa'i phyir nyid mchil pa dang mtshungs so/ /'od srungs sems ni bdag med pa la bdag tu 'du shes pa'i phyir rmi lam dang mtshungs so/ /'od srungs sems ni mi gtsang pa la gtsang bar shes pa'i phyir sbrang ma sngon po dang mtshuns so zhes bya ba de yang bdag tu mngon par chags pas bdag la sdug bsngal bskyed pa ni ma yin gyi/ phyin ci log gis so/ /'od srungs sems ni gnod pa mang po byed pas phyir rgol pa dang mtshungs so zhes bya ba ni/ bdag la sdug bsngal bskyed pas ngoms mi myong ba'o/ /'od srungs sems ni rtog tu klan ka tshol ba'i phyir gnod sbyin mdangs 'phrog pa dang mtshungs so zhes bya ba ni dge ba la sbyor ba de dor bar bya ba'i skabs tshol ba'o/ /'od srungs? sems na rtag tu glags lta bas dgra dang mtshungs so zhes bya ba ni mi dge ba kun tu spyad par bya pa'i glags lta ba'o/ /'od srungs sems ni rjes su chags pa dang/ khong khro ba dang ldan pas rtag tu mtho dman can na zhes bya ba ni/ 'byor pa dang/ gud pa dang/ rjes su chags pa dang khong khro ba gnyis kyis gnod pa'o/ /'od srungs sems ni dge ba'i rtsa ba thams cad rku bas rkun kho dang mtshungs so zhes bya ba ni bag med pa'i dbang du song bas dge ba'i rtsa ba byas shing byas pa thams cad zad par byed pa'o/ /'od srungs sems ni gzugs la dga' bas phyi gyi zho la'i mig dang mtshungs so/ /'od srungs sems ni sgra la dga' bas yul gyur dang mtshungs so/ /'od srungs sems ni phag mi gtsang ba'i
- 299a
dri la dga' ba bzhin du dri ba dga' o/ /'od srungs sems ni ro la dga' bas zas kyi lhag ma bra ba'i bran mo dang mtshungs so/ /'od srungs sems ni rig pa la dga' bas sbrang ma 'bru mar gyi snod la chags pa dang mtshungs so zhes bya ba ni/ gzugs dang/ sgra dang/ dri dang/ ro dang/ reg bya'i yul la mngon par dga' ba'i phyir yang shin tu phan par bdud rtsi'i khams la so sor brtags de/ so sor brtags nas rnam par gzhag dka' ba yin no/ /sems kyi rnam par byang ba'i mtshan nyid kyang gsum gyis rig par bya ste/ thob pa dang mi thob pa'i mtshan nyid dang/ 'du byas pa'i mtshan nyid dang/ rigs kyi mtshan nyid do/ /'od srungs sems ni kun tu btsel na mi rnyed do/ /zhes bya ba ni tha snyad can gyi rang bzhin kun tu btsal na mi rnyed do/ /gang mi rnyed pa de ni mi dmigs pa'o zhes bya ba ni de lta bu'i rnam pas sems la rab tu rtog na sems se de rnam par dag pa'i rgyu'o/ /de las gzhan du na ni tshul bzhin ma yin pa dang rab tu ldan pas sems rnam par 'dod kyang thob par mi 'gyur ro/ /de ltar tshul bzhin rab tu sbyor na thob par mi 'gyur ro/ /'di ni thob pa dang mi thob pa'i mtshan nyid do/ /de ltar chos la bdag med pa la sbyor bar sbyor ba ni shes rab kyi sems de bzhin nyid kyis mtshan nyid du mthong ngo/ /sems de bzhin gyi mtshan nyid de yang rnam pa dgus 'dus byas kyi mtshan nyid dang mi 'dra bas na 'dus ma byas rig par bya ste/ gang mi dmigs pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gang 'das pa yang ma
- 299b
yin /ma 'ongs pa yang ma yin/ da ltar byung ba yang ma yin pa de ni dus gsum las shin tu 'das pa'o zhes bya ba ni dus gsum gyi lam du mi rgyu ba'o/ /ji ltar 'gog pa la snyoms par 'jug pa las langs nas de yang skye ba ltar ni ma yin no/ /gang dus gsum las shin tu 'das pa de ni yod pa yang ma yin/ med pa yang ma yin zhes bya ba ni tha snyad can gyi rang bzhin du mi dmigs pa dang/ de bzhin nyid kyi mtshan nyid du mi dmigs pas gnyis su med pa'i mtshan nyid do/ /gang yod pa yang ma yin/ med pa yang ma yin pa de ni ma skyes pa'o zhes bya ba ni skye ba med pa'i mtshan nyid do/ /gang ma skyes pa de la che la de nyid med do/ /zhes bya ba de ni skye ba'i rgyu'i mtshan nyid las shin tu 'das pa'i mtshan nyid do/ /gang ngo bo nyid med pa de la 'byung ba med zhes bya ba ni ma 'ongs ba na skye ba las shin tu 'da' o/ /gang 'byung ba med pa de la 'gag pa med do zhes bya ba de ni 'chi ba'i 'chi'o? rtsa? ba las shin tu 'da' pa'o/ /gang la 'gag pa med pa de la 'bral ba med pa'o zhes bya ba de ni skad cig gcig nas gcig tu 'byung ba'i 'bral ba las shin tu 'da' ba' o/ /gang 'bral ba med bde la? 'ong ba yang med/ 'gro ba yang med 'chi 'pho ba yang med skye ba yang med ces bya ba ni 'gro ba na 'gyur ba ldog pa las shin tu 'das pa'o/ /gang la 'gro ba yang med/ 'ong ba yang med/ 'chi 'pho yang med/ skye ba yang med pa de la 'du byed gang yang med do/ /gang la 'du byed gang yang med pa de ni 'dus ma byas pa'o/ zhes bya ba ni las dang nyon mongs pa las shin tu 'das pa'o?/ /gang 'dus ma byas pa de ni 'phags pa rnams kyi rigs zhes bya ba ni rigs kyi mtshan nyid de/ 'dus ma byas
- 300a
kyi dbyings kyi mtshan nyid du blta'o/ /de mthong bas rab tu phye ba'i phyir 'phags pa nyid de/ de ni tshe 'di la dngos po lnga las shin tu 'das pa'o/ /'phags pa rnams kyi rigs gang yin pa de bsgral? pa yang med ces bya ba de ni shin tu 'das pa'o/ /bslab pa las 'das pa yang med do zhes bya ba ni mi byed pa las shin tu 'das pa'o/ /rgyu ba yang med cis bya ba ni bya bar sbyor ba las shin tu 'das pa'o/ /mi rgyu ba yang med ces bya ba ni mi sbyor ba las shin tu 'das pa'o/ /rab tu rgyu ba yang med ces bya ba ni/ mi bya ba la sbyor ba las shin tu 'das pa'o/ /tshe rab gzhan na dngos po drug pa las shin tu 'das te/ gang la rgyu ba yang med/ mi rgyu ba yang med/ rab tu rgyu ba yang med pa de la sems kyang med sems las byung ba'i chos rnams kyang med do zhes bya ba ni yang srid par 'gyur ba'i 'du byed 'byung bar byed pa las shin tu 'das pa'o/ /gang sems kyang med sems las byung ba'i chos rnams kyang med pa de la las kyang med do zhes bya ba de ni 'du byed las shin tu 'das pa'o/ /las kyi rnam par smin pa yang med do zhes bya ba de ni de'i 'bras bu grub pa las shin tu 'das pa'o/ gang la las kyang med/ las kyi rnam par smin pa yang med pa de la bde ba yang med/ sdug bsngal ba yang med do zhes bya ba de ni de la brten pa'i 'byor ba dang rgud pa las shin tu 'das pa'o/ /gang la bde ba yang med/ sdug bsngal yang med pa de ni 'phags pa rnams kyi rigs te /'phags pa rnams kyi rigs gang yin pa de la ni las kyang med/ las mngon par 'du byed pa yang med pa'o/ /rigs de la ni lus kyi las byed pa
- 300b
med de rta? ngag gis ma yin/ yid kyis ma yin no zhes bya ba ni bde ba dang sdug bsngal gyi gnas dang/ lung du ma bstan pa thams cad kyi kun tu g.yo ba rnams la ste/ de la las kyang med ces bya ba ni bslab pa las shin tu 'das pa'o// las mngon par 'du byed pa yang med ces bya ba ni smon pa las shin tu 'das pa'o/ /rigs de la lus la sogs pa las rnams byed ba yang med do zhes bya ba ni rjes su sbyor ba las shin tu 'das pa'o/ /rigs de la tha ma dang/ 'bring dang/ mchog rnam par bzhag pa yang med do zhes bya ba ni de'i gnas lus sna tshogs las shin tu 'das pa'o/ /rigs de yang dus rnam pa bzhi dang/ mtshan nyid rnam pa dgur rig par bya ste/ rnam par ma dag pa'i dus dang/ rnam par dag pa'i dus dang/ rab tu rtogs pa'i dus dang/ yongs su mthar phyin pa'i dus so/ /rigs de ni nam mkha' dang mtshungs pa'i phyir snyoms pa'o/ zhes bya ba ni rnam par ma dag pa'i dus na mtshan ma thams cad la mtshungs par rjes su song ba de bzhin du rnam par ma dag pa'i dus na rnal 'byor bas de bzhin nyid mtshan ma thams cad mnyam par rjes su song bar mthong ba ste/ de ni rnam par dag pa'i dus kyi rnam pa ste/ gcig go /rigs de ni chos thams cad ro gcig pa'i phyir khyad par med pa'o/ /rigs de ni lus dang sems dben pa'i phyir dben pa'o/ /zhes bya ba ni rnam par dag pa'i dus te/ ro gcig pa'i dang/ lus dang/ sems dben pa zhes bya ba ni rnam par dag pa'i dus gnyis su rig bar bya'o/ /rigs de ni mya ngan las 'das pa dang mthun pa'o/ /rigs de ni nyon mongs pa thams cad kyi dri ma dang bral ba'i phyir dri ma med pa'o zhes bya ba ni rab tu rtogs pa'i dus te/ 'di ltar dri ma med par de'i phyir
- 301a
mthar thug pa'i rjes su mthun pa'i rab tu rtogs pa'i dus kyi rnam pa dang/ rigs de ni ngar 'dzin pa dang/ da yir 'dzin pa med pa'i da'i ba med pa'o zhes bya ba ni 'jig tshogs la lta ba las shin tu 'das pa ste/ de gnyis kyi rnam pa gnyis pa'o/ /rigs de ni yang dag pa dang/ yang dag pa ma yin pa mnyam pa las 'byung ba ste/ mi mnyam pa med pa'o zhes bya ba ni de'i rtsa ba las byung ba mi mnyam par lta ba las shin tu 'das pa ste/ de nyid kyi rnam pa gsum pa'o/ /rigs de ni don dam pa'i bden pa yin bas bden pa'o zhes bya ba ni yongs su mthar phyin pa'i dus te/ dus de na rtogs pa'i phyir yongs su grub pa'i bde ba ste/ 'gyur ba rnam pa gsum las shin tu 'das pa'o/ /de la 'gyur ba ni gsum po 'di dag ste/ rga shi la sogs pa'i 'gyur ba dang/ phyin ci log gi gnas 'gyur ba dang/ rnam par dag pa las yongs su nyams pa'i 'gyur ba'o/ /rigs de ni rab tu ma skyes pa'i phyir mi zad pa'o zhes bya ba ni rga shi la sogs pa'i 'gyur ba las shin tu 'das pa ste/ yongs su grub pa'i dus kyi rnam pa dad pa'o/ /rigs de ni rtag tu chos thams cad de bzhin nyid kyi phyir rtag pa'o/ /rigs de ni mya ngan las 'das pa mchog gi phyir bde ba'o/ /rigs de ni rnam pa thams cad dri ma med pa'i phyir dge ba'o/ /rigs de ni bdag yongs su btsal te /ma rnyed pa'i phyir bdag med pa'i zhes bya ba ni phyin ci log gi gnas kyi 'gyur ba'i las shin tu 'das pa ste/ de nyid kyi rnam pa gnyis pa'o/ /rigs de ni rab tu rnam par dag pa'o zhes bya ba ni rnam par dag pa'i las yongs su nyams pa'i 'gyur ba las shin tu 'das pa ste/ de nyid
- 301b
kyi rnam pa gsums pa'o/ /de bas na 'jig rten dang/ 'jig rten las 'das pa'i lam gyis gzhan gyi don byed par bstan to/ /'od srungs nang du yongs su tshol ba zhes bya ba mtshams sbyar ce na/ ji ltar rigs nges rab tu phye ba ni rnam bar dag pa'i 'phags pa ste/ de ni ji ltar de las 'phags pa rnams skye ba de dang gdams dag don chen por ston to/ /byang chub sems dpa' dag ni ci nas kyang 'jig rten ba dang/ 'jig rten las 'das pa gnyen po rnam pa gnyis rnam par bzhag ste/ de las gzhan pa'i theg pa la 'phags pa la sbyor ba las brtsams nas 'doms te/ sems yongs su btsal ba de nyid kun tu ston to/ /'od srungs ma 'ongs pa'i dus na dge slong khyi rdol bsnyog pa dang mtshungs pa dag 'byung ngo zhes bya ba de ni khyi lta bu ni phyi rol du brgyug pa rnams so/ /rdo lta bu ni gzugs la sogs pa yul lnga bo dag go/ 'phel ba lta bu ni sems so/ /gzugs dang/ sgra dang/ dri dang/ ro dang/ reg byas 'jiD shing skrag ces bya ba ni yul gyiS 'jig sbrag par ston to/ /yul gyis 'jigS skrag pa de dag ni 'jigs pa'i rgyu yongs su mi shes pas rnam ba bzhis yul la brgyug par ston to/ /yul mchog tu khyad par du 'phags pa 'dod pa dang yul dran pa'i kun tu rtog pa dang du len pa dang/ yang slar ldog ba dang/ mtho ris su skyes pa'i mdza' ltung ba ste/ dgon pa'i gnas rnams na gnas zhes bya ba ni yul mchog tu khyad par du 'phags pa'i phyir dgon pa na? gnas par khas len to/ /de dag na gcig pu gnyis su med pa ? sa rab tu dben par 'dug ste/ chags par 'gyur ba'i gzugs dang/ skra dang /dri dang ro dang/ reg bya rnams snang bar gyur na de dag de la btang snyoms su 'jog cing nyams ? su sbyor ba dang ldan par gnas?
- 302a
kyi/ nang du so sor rtog pa las mi brtson te zhes bya ba ni yul dran pa'i kun tu rtog pa dang du len to/ /de la gzugs dang/ sgra dang/ dri dang/ ro dang/ reg bya rnams la cis 'byung ba mi shes shing khong du mi chud do/ /ma shes khong du ma chud pas /grong khyer dang/ grong rdal dang/ yul 'khor dang/ rgyal po'i pho brang 'khor dag du song na yang gzugs dang sgra dang dri dang ro dang reg bya rnams kyis g.yen sbyo bar 'gyur zhes bya ba ni yang slar ldog pa'o/ /gal te dgon par song ba las 'chi ba'i dus byas par gyur na 'jig rten pa'i sdom pa la gnas pa de dag mtho ris kyi 'jig rten du skye bar 'gyur te/ der yang de dag lha'i 'dod pa'i yon tan lnga po dag gis g.yon spyo bar 'gyur ro/ /de dag de nas shi 'phos nas ngan song bzhi las yongs su ma grol bar 'gyur te/ sems can de dmyal ba dang/ byol song gi skye gnas dang gshin rje'i 'jig rten dang/ lha ma yin no zhes bya ba la mtho ris su skyes pa'i mdza' ni log par ltung ba'o/ /sred pa la spyod pa'i dbang du byas nas nag po'i phyogs su bstan par rig par bya'o/ /lta ba la spyod pa'i dbang du byas nas dkar po'i phyogs su bstan par rig par bya ste/ gang zag la bdag med par bstan pa'i phyir te/ 'di la gshe pa 'am/ khros pa 'am/ brdeg pa 'am/ bsdigS pa 'am/ smad pa 'am/ mtshang brus pa gang yin snyam du so sor rtog go /'od srungs de ltar na khyi rdo la bsnyegs pa dang 'dra ba ma yin no zhes gsungs pa'i phyir ro/ /de las bzlog pa ni dkar ba dang/ nag po'i phyogs gnyi gar grub bar rig par bya'o//
- 302b
da ltar sbyor ba la brtson pas sems mnyam pa ma bzhag pa ni mnyam par bzhag par bya/ sems mnyam par bzhag pa ni rnam par grol par bya ste/ de bas na rta'i 'dul sbyong la mkhas pa'i dpes ni sems mnyam par ma bzhag pa sems mnyam par bzhag pa'i thabs/ zhi gnas dang/ rab tu 'dzin pa dang/ btang snyoms kyi nye bar nyon mongs pa rnams kyis zhi gnas la sogs pa'i mtshan ma la 'khrug pa'i sems tshar bcad pa bstan pa'i phyir ro/ /lkog ma na pa'i nang dang/ skyes bu bcings pa'i dpe gnyis kyis ni sems mnyam par bzhag pa rnam par grol bar bya ba'i thabs ston te/ mthong ba dang/ bsgom pas spang bar bya ba'i nyon mongs pa spang ba'i thabs kun tu ston pa'i phyir ro/ /de'i bar du gcod pa 'jig tshogs la lta ba dang snyoms par 'jug pa la sred pa lkog ma na ba bcings pa ltar shes pas bden pa mngon par rtog pa'i dus na yang 'jig rten las 'das pa'i shes rab kyi srog gi bar chad byed pas 'jig tshogs la lta ba ni lkog ma na ba'i nad lta bur rig par bya ste/ de ltar brtson pa ni de dang mi mthun pa'i chos spang ba'i phyir dge ba'i phyogs dang/ gnas la gnas pa las brtsams nas nam mkha' la yongs su chags pa gnyis ston te/ 'jig rten rgyad pan pa'i rjod pa tshol ba dang/ lhung bzed dang/ gos lhag par 'chang ba'o/ /chos de gnyis ni rnam pa gnyis kyis bcing bar byed de/ lta bar gyur pa'i 'ching ba dang/ 'thob pa dang gur sti'i 'tshang ba ste/ go rim bzhin no/ /'ching ba rnam pa gnyis ni dge ba'i chos ma skyas pa rnams nye bar bzung nas bar chad byed pa'i chos gnyis byed de/ khyim pa'i phyogs la brten pa dang
- 303a
'phags pa'i phyogs la gnod par sems pa'o/ /dge ba'i chos bskyed pa rnams yongs su nyams pa dang dri ma can du bya ba'i phyir dri ma gnyis byed de/ nyon mongs pa la mi rjed pa dang/ mdza' ba'i khyim dang/ zas sbyin pa'i khyim yongs su 'dzin pa'o/ /dge ba'i chos rnams spang ba nas/ bcang pa'i phyir ser ba 'bab pa gnyis byed de/ dam pa'i chos spong ba dang/ tshul khrims nyams kyang dad pas byin pa yongs su spyod pa'o/ /tshe 'di la yang de la phyir spyor pa'i skal ba med par bya ba'i phyir rma gnyis byed de/ pha rol gyi nyes pa la so sor rtog pa dang/ bdag gi nyes pa 'chab pa'o/ /tshe 'di sdug bsngal bar gnas par bya ba'i phyir yongs su gsung ba gnyis byed de/ rnyog pa dang bcas pa ngur smig 'chang ba dang/ tshul khrims dang ldan pa yon tan dang ldan pa las bsnyen bkur bya ba bdag gir byed do/ /ma 'ongs pa na 'khrungs pa'i bskal pa med par bya ba'i phyir gsor mi rung ba'i nang gnyis byed de/ mngon pa'i nga rgyal gyis sems la nges par rtog pa dang/ theg pa chen po la yang dag par zhugs pa'i sems can rnams kyi mos pa bzlog pa'o/ /byang chub sems dpa' i gdams ngag la nyan thos kyi bslab pa'i dbang du byas nas gzhan du mtshams sbyor ba ni 'di rigs par bya'o/ /'od srungs nang du yongs su tshol la phyi rol du ma rgyug cig /'od srungs ma 'ongs pa'i dus na dge slong khyi rdo la bsnyegs pa mtshungs pa dag 'byung ngo/ /'od srungs ji ltar na dge slong khyi rdo bsnyegs pa dang mtshungs pa yin zhe na/ 'od srungs 'di lta ste/ dper na khyi rdo la ni skrag la/ rdo'i phyir bsnyags kyi/ ?
- 303b
sus 'phangs pa de la ni mi bsnyegs so/ /'od srungs de bzhin du 'di la dge slong dang/ bram ze kha cig gzugs dang/ sgra dang/ dri dang/ ro dang/ reg byas 'jigs shing skrag nas dgon pa'i gnas rnams na gnas shing/ de dag de na gcig pu gnyis su med par rab tu dben par 'dug ste/ chags par gyur pa'i gzugs dang/ sgra dang/ dri dang/ ro dang/ reg bya rnams snang bar gyur na de dag ni btang snyoms su 'jog cing/ nyams rang su sbyor ba dang ldan par gnas kyi/ nang du so sor rtog pa la mngon par mi brtson te/ de dag gzugs dang sgra dang dri dang ro dang/ reg bya rnams las cis mi 'byung ba mi shes khong du ma chud do/ /ma shes khong du mchud pas grong dang/ grong khyer dang/ grong rdal dang/ yul 'khor dang/ rgyal po 'pho brang 'khor du song na yang/ gzugs dang sgra dang dri dang ro dang/ reg bya rnams kyi g.yen spyo bar 'gyur ro/ /gal te de dgon par song ba las 'chi ba'i dus byas par gyur na/ 'jig rten pa'i sdom pa la gnas pa de dag mtho ris kyi 'jig rten du skye bar 'gyur te/ der yang de dag lha'i yon tan 'dod pa lnga po dag gis g.yen sbyo bar 'gyur ro/ /de dag de nas shi 'phos nas ngan song bzhi las yongs su ma grel bar 'gyur te/ sems can dmyal ba dang/ byol song gi skye gnas dang/ gshin rje'i 'jig rten dang /lha ma yin no/ /'di ltar yang gshe yang slar mi gshe/ khro ba las kyang slar mi khro/ /rdeg kyang slar mi rdeg /mtshang brus kyang slar mtshang mi 'bru ste/ de la gshe pa 'am /brdeg pa 'am/ mtshang brus pa gang yin pa snyam du nang du sems nges par rtog cing so sor rtog pa ni gnyen pa bstan pa'i mi mthun pa'i phyogs kyang bstan par 'gyur ro/ /de ltar khyi rdo la bsnyegs pa dang mtshungs pa yin no//
- 304a
'od srungs ji ltar dge slong khyi rdo la bsnyegs pa dang/ 'dra ba ma yin zhe na/ gang gshe yang slar mi gshe/ khros kyang slar mi khro/ rdeg? kyang slar mi rdeg /mtshang brus kyang slar mtshang mi 'bru ste/ 'di la gshe ba 'am/ khros pa lam/ brdeg pa 'am/ mtshang brus pa gang yin snyam du nang du sems la nges par rtog cing/ so sor rtog ces bya ba ni 'di ltar dgon par song nas chags par gyur pa'i gzugs la sogS par snang bar gyur na de dag la btang snyoms su mi 'jog cing/ nang du so sor rtog pa'i rnal 'byor dang ldan pas gzugs dang sgra dang dri dang ro dang/ reg bya rnams las cis 'byung ba shes te/ de de dag gis g.yon sbyo bar mi 'byur? ro/ /de dag las grol bar 'gyur ro/ /mi mthun pa'i phyogs bstan pas gnyen po'i don kyang bstan bar gyur to/ /de ltar na khyi rdo la bsnyegs pa dang 'dra ba ma yin no/ /de ltar chags sems dang mi bde ba 'dul ba'i phyir lhag pa'i tshul khrims kyi bslab pa la sbyor ba'o/ /'od srungs 'di lta ste dper na rta'i 'dul sbyor la mkhas pas rta de gang dang gang du g.yo byed cing/ ma byang ba de dang der rab tu sbyong ba de bzhin du 'od srungs dge slo rnal 'byor spyod pa yang gang dang gang du sems 'gyur ba mthong ba de dang der rab tu 'chos pa la 'jug ste/ de ci nas phyis 'khrug par mi 'gyur ba de ltar sems rab tu 'chos so zhes bya ba de'i 'dul sbyor la mkhas pa'i dpe des ni skyo ba yid la byed pas lhag pa'i sems kyi bslab pa la sbyor ba'o/ /'od srungs 'di lta ste/ dper na lkog ma'i nad gyis srog gi dbang po nyams par 'gyur ba de bzhin du lta bar song ba thams cad kyi nang na bdag tu 'dzin
- 304b
pa ni chos kyi srog gi dbang po nyams par byed do zhes bya ba lkog ma'i nad kyi dpe dang/ 'od srungs 'di lte ste/ dper na skyes bu gang dang gang du bcings pa de dang de las dgrol bar bya ba yin te/ 'od srungs de bzhin du gang dang gang la sems chags par gyur pa de dang de las grol bar bya ba yin no zhes bya ba skyes bu bcings pa'i dpe des ni gang zag la bdag med ba dang/ tshos la bdag med pas lhag pa'i shes rab kyis bslab pa la sbyor ba'o/ /gang gi tshe chags sems dang yid bde ba 'dul ba lhag pa'i sems kyi bslab pa la sbyor bar gsungs na ci'i phyir mdo 'di las lhag pa'i tshul khrims kyi bslab pa la sbyor bar brjod pa smras pa/ chag sems dang yid mi bde ba ni nyes pa 'byung bar byed pa'i phyir te/ nyes bya ni phal cher 'dod chags dang zhes sdang las byung ngo/ /de bas na chags pa dang/ yid mi bde ba 'dul ba/ lhag ba'i tshul khrims la bslab pa la sbyor bar bshad do/ /ji ltar na chags sems dang/ yid mi bde ba las nyes pa 'byung bar 'gyur zhes/ rnam pa gnyis kyi phyir te/ ji ltar mi sel ba dang/ ji ltar bsal ba yin no/ /ji ltar mi sel ce na/ dper na 'di la dge sbyong dang/ bram ze kha cig kun nas nyon mongs pa'i rgyu yongs su mi shes pas gzugs la sogs pa yul gyis 'jigs nas dgon? pa'i gnas rnams su gnas te/ rang gi sems tshul bzhin ma yin pa yid la byed pa las byung ba'i chags sems dang/ yid mi bde ba ni yul dang gzhan la yang nga rgyal gyis rlom sems su byed pas chags sems la sogs pa dang rjes su 'brel ba yin te/ khyi rdo 'phangs nas rdo la bsnyegs pa de bzhin du chags sems la sogs pa'i sel bas gal te grong la sogs pa dang 'dre ba na mngon sum du
- 305a
byed de/ de ltar na ma bsal ba yin no/ /de las bzlog pa ni sol ba dang bsal ba yin no/ /ci'i phyir na/ nag po'i phyogs la chags sems bsal ba bstan gyi/ gnod sems ni ma yin dkar po'i phyogs la yang gnod sems bsal ba bstan gyi/ chags sems ni ma yin smras pa/ gnyi ga yang 'dod pa'i khams kyi yin pas /gzhan ma bsal bas gzhan yang ma bsal ba ltar gzhan bsal bas gzhan yang bsal bar blta'o/ /gal te dgon par son pa las 'chi ba'i dus byas par gyur na zhes bya ba ni de ltar mi sel bas sdom pa la gnas kyang lhag pa'i tshul khrims las log par zhugs pa yin no/ /sdom pa la mi gnas pa lta ga la 'gyur/ 'di lta ste dper na rta lam log bar rgyu ba ni sgrub ba zhes bya'o/ /de bzhin du lhag pa'i sems kyis bslab pa la sbyor ba'i rnal 'byor spyod pa yang/ dmigs pa la rnam par g.yengs pa ni rnam par 'khrug pa zhes bya'o/ /dper na lkog ma na ba'i nad kyis srog gi dbang po nyams par 'gyur ba de bzhin du 'jig tshogs la lta ba yang gang zag la bdag med pa las brtsams te/ lhag pa'i shes rab la sbyor ba'i srog gi dbang po nyams par byed do/ /dper na skyes bu gang dang gang du bcings pa de dang de las grol bar bya ba yin te/ de bzhin du chos la bdag med pa las brtsams te/ lhag pa'i shes rab la sbyor bas so/ /gang dang gang du zhes bya ba ni ngo bo nyid dang bye brag la yongs su rtog pa rnams las sems bcings pa de dang de las grol bar bya ba yin te/ de bzhin du dang mi mthun pa'i chos brgyad de/ de la slob pa dang mi mthun pa'i don med pa la chags pa ni/ 'od srungs 'di gnyis ni rab tu byung ba'i nam mkha' la
- 305b
yongs su chags pa ste/ gnyis gang zhe na/ 'jig rten rgyang pa na pa'i rjod pa tshol ba dang/ lhung bzed dang/ gos lhag pa 'chang ba'o/ /zhes gsungs pa gang yin pa ste/ mi dgos pas nam mkha' la yongs su chags ba bzhin no/ /yongs su chags pa yang 'og nas 'ching ba gnyis 'byung ba'i rgyu yin te/ 'jig rten rgyang ban pa'i rjod pa yongs su tshol bas ni lta bar gyur ba'i 'ching ba'o/ /lhung bzed dang/ gos lhag pa 'chang bas ni 'thob pa dang bkur sti dang/ tshigs su bcang pa'i 'ching ba ste/ 'od srungs 'di gnyis ni rab tu 'byung ba'i bcing ba dam pa'o/ /gnyis gang zhe na/ lta bar gyur pa'i 'ching ba dang/ 'thob pa dang/ bkur sti dang tshigs su bcad ba'i 'ching ba'o/ /zhes bya ba gang gsungs pa gang yin pa'o/ /'ching ba yang bar du gcod pa 'og nas byung ba'i rgyu yin te/ lta bar gyur ba'i 'ching bas ni 'phags pa'i phyogs la gnod par sems pa 'thob pa dang/ bkur sti dang/ tshigs su bcad pa'i bcing bas ni khyim pa'i phyogs la bstan te/ 'od srungs 'di gnyis ni rab tu byung ba'i bar du gcod pa'i chos so/ /gnyis gang zhe na/ 'phags pa'i phyogs la gnod par sems pa dang/ khyim pa'i phyogs la bsten pa'o/ /zhes bya ba gsungs pa gang yin pa'o/ /bar du gcod pa yang 'og nas 'byung ba dri ma'i rgyu yin te/ 'phags pa'i phyogs la gnod par sems baS ni nyon mongs pa la mjed?/ khyim pa'i phyogs dang/ bsten bas ni mdza' ba'i khyim dang/ zas sbyin pa'i khyim yongs su 'dzin te/ 'od srungs 'di gnyis ni rab tu byung ba'i dri ma'o/ /gnyis gang zhe na/ dam pa'i chos
- 306a
spong ba dang/ tshul khrims las nyams kyang dang bas byin pa yongs su spyod pa'o zhes gsungs ba gang yin pa'o/ /dri ma yang 'og nas 'byung ba ser ba 'bab pa'i rgyu yin te /nyon mongs pa las mi mjed bas na rim pa'i choS spong ba'i mdza' bo'i khyim dang/ zas sbyin pa'i khyim yongs su 'dzin pa ni ngang tshul ngan pa'i rkyen la bstan cing/ tshul khrims las nyams kyang dang pas byin pa yongs su sbyong pa ste/ 'od srungs 'di gnyis ni rab tu byung ba'i ser ba 'bab pa'o// gnyis gang zhe na/ dam pa'i chos spong ba dang/ tshul khrims las nyams kyang dad pas byin pa yongs su spyod pa'o zhes gsungs pa gang yin pa'o/ /ser ba yang 'og nas 'byung ba rma'i rgyu yin te/ dam pa'i chos yongs su spong pas ni pha rol gyi nyes pa la so sor rtog /tshul khrims las nyams kyang dad pas byin pa yongs su spyod pas ni rang gi nyes pa 'chab ste/ 'od srungs 'di gnyis ni rab tu byung ba'i rma'o/ /gnyis gang zhe na/ pha rol gyi nyes pa la so sor rtog pa dang/ bdag gi nyes pa 'chab pa'o zhes gsungs pa gang yin pa'o/ /rma yang 'og nas 'byung ba yongs su gdung ba'i rgyu yin te/ pha rol gyi nyes pa la so sor rtog pas ni rnyog pa dang bcas pas ngur smrig 'chang/ bdag gi nyes pa 'chab pas ni tshul khrims dang ldan pa yon tan dang ldan pa las bsnyen bkur bya ba bdag gis byed de/ 'od srungs 'di gnyis ni rab tu byung pa'i yongs su gdung ba'o/ /gnyis gang zhe na/ rnyog pa dang bcas pas ngur smrig 'chang ba dang/ tshul khrims dang ldan pa yon tan dang ldan pa las bsnyen bkur bya ba bdag gir byed pa'o zhes gsungs pa gang yin pa'o/ /yongs su gdung pa yang 'og nas 'byung ba la? gsol mi rung ba gnyis kyi nang kyi rgyu yin te/ rnyog pa dang bcas pas ngur smrig 'chang bas
- 306b
mngon pa'i nga rgyal gyi sems la nges par rtog/ bsnyen bkur bye bar dag gir byed pas ni theg pa chen po la yang dag par zhugs pa'i sems can rnams kyi mos pa bzlog ste/ 'od srungs 'di gnyis ni rab tu byung ba'i na ba gsor mi rung ba'o// gnyis gang zhe na/ mngon pa'i nga rgyal gyis sems la nges par rtog pa dang/ theg pa chen po la yang dag par zhugs pa'i sems can rnams kyi mos pa bzlog pa'i zhes gsungs pa gang yin pa'o/ /de las bzlog pa ni dkar po'i phyogs su rig par bya'o/ /gang zag de gnyis la dang po ni lta ba la spyod ba gnyis pa ni sred par rig par bya'o/ /'od srungs dge sbyong dge sbyong zhes bya ba 'od srungs ci tsam gyis na dge sbyong dge sbyong zhes bya zhe na/ 'od srungs bzhi po 'di dag ni dge sbyong zhes bya ba mtshams ji ltar sbyar zhe na/ ji ltar bslab pa dang mi mthun pa'i chos nyid de dag la bsten pa 'am/ spangs pa las gang zag gi nyes pa'am/ gang zag gi yon tan bsgrubs nas rnal 'byor yid la byed pI bgegs? su 'gyur ba dang mi 'gyur ba kun tu bstan to/ /de la gang zag gi nyes pa ni gang zag rnam pa gsum las brtsams te/ rig par bya ste/ kha dog dang rtags kyi dbyibs kyi dge sbyong ni sbyong ba dang bsam pa log par zhugs pa'i sdig pa 'dod pa las brtsams pa'o/ /cho ga bsrung zhing tshul 'chos pa'i dge sbyong dang brjod pa'i sgra tshigs su bcang pa'i dge sbyong ni sbyong ba phun sum tshogs kyang bsam pa log par zhugs pa dang/ 'dod pa che zhes 'dod pa rnam gnyis la brtsams pa'o/ /de la sdig pa 'dod pa ni gang dge sbyong du khas 'che yang dge sbyong yang ma yin pa'o/ /'dod pa che ba ni gang yon tan bdag pas lhag par bdag la yid ches par 'dod pa'o/ /'dod pa can ni gang mtshungs par yid ches par 'dod pa'o/ /der? gro sbyor ba log par zhugs pa la rnam pa gnyis
- 307a
te/ lhag ma dang bcas ba dang/ lhag ma ma lus pa'o/ /lhag ma dang bcas pa ni bzhi las brtsams nas rig par bya'o/ /yang dag bar blangs pa nyams pa las brtsams te/ de la lus kyi las yongs su ma dag pa spyod pa dang/ dag gi las yongs su ma dag pa spyod pa dang/ yid kyi las yongs su ma dag pa spyod pa'o zhes gsungs pa gang yin pa'o/ /de gsum las ma dul ba dang/ ma sbags pa dang/ ma byang ba 'byung ste/ go rim bzhin du ston te/ zas kyi phyir rgyu ba las brtsams te 'tsho ba yongs su ma dag pa'o/ /'dod chen can zhes bya ba ni/ yongs su spyad pa las brtsams pa ste/ 'dod chen can ni 'jog cing yongs su spyad pa'o/ /le lo can zhes bya ba ni dge ba'i phyogs las brtsams nas le lo can no/ /dang tshul ngan ba can zhes bya ba ni tshul khrims ma lus par zhig ste/ rtsa ba la thug pa'i nyes pa byung ba'o/ /sdig pa'i chos can zhes bya ba ni bsam pa log pa 'jug pa ste/ sdig pa'i chos kyis de'i tshe nyes pa 'chab pa'o/ /gnyis pa ni sbyor ba phun sum tshogs pa ste/ cho ga dang/ 'tsho ba dang/ tshul khrims dang yongs su spyod pa dang/ dge ba'i phyogs rnams las brtsams par rig par bya'o/ /de la cho ga phun sum tshogs ba zhes bya ba ni cho ga las brtsams pa'o/ /spyod yul phun sum tshogs pa zhes bya ba ni 'tsho ba las brtsams pa'o/ /spyod pa phun sum tshogs pa yin zhing spyod lam bzhir shes bzhin du spyod ces bya ba ni tshul khrims las brtsams pa'o/ /zas dang skom dan pa za zhing 'phags pa'i rigs bzhi po dag gis chog bar 'dzin ces bya ba ni yongs su spyod pa las brtsams pa'o/ /khyim na gnas pa dang rab tu byung ba rnams dang mi 'dre zhes bya ba ni dge ba'i phyogs las brtsams so/ /tshig nyung zhing smra ba nyung zhes bya ba ni tshig bden ba yang dag pa'i gtam gyis dga' bar
- 307b
byed ba las brtsams par rig par bya'o/ /de'i spyod lam de dag kyang tshul 'chos pa dang/ gcam gyis yongs su brtags ba yin zhes bya ba ni bsam pa log par 'jug pa'o/ /de yang cho ga la sogs pa'i sbyor ba las brtsams nas/ tshul 'chos dang/ gcam du rig par bya'o/ /dmigs par lta ba yin te/ ngar 'dzin pa dang nga yir 'dzin pa la gnas zhes bya ba ni gang zag la bdag med pa las brtsams pa ste/ bdag tu lta ba kun tu 'byung ba'i bag la nyal ma spangs pa'o/ /stong pa nyid mi dmigs pa'i chos rnams la g.yang sar 'du shes zhes bya ba la sogs pa gsungs pas ni chos la bdag med pa las brtsams pa ste/ stong pa nyid mi dmigs pa dang/ de smra ba rnams la g.yangs dbrar 'du shes pa'o/ /gsum ba ni sbyor ba phun sum tshogs pa ste/ rnal 'byor gyi gzhi dang/ dmigs pa dang/ gnas dang/ rnal 'byor gyi rjes su mthun pa'i chos rnams las brtsams par rig par bya'o/ /de la bzhi ni tshul khrims te/ de las brtsams nas so sor brtags nas tshul khrims bsrung zhes gsungs pa'i phyir ro/ /dmigs pa thos pa ste/ thos pa la dmigs nas rnal 'byor 'grub pa'i phyir te/ so sor brtags nas thos pa 'dzin ces gsungs pa'i phyir ro/ /gnas ni dgon pa na gnas pa ste/ rnal 'byor dang mthun pa'i phyir te/ so sor brtags nas dgon pa la gnas zhes bya ba gsungs pa'i phyir ro/ /rnal 'byor gyi rjes su mthun pa'i chos rnams ni 'dod pa chung zhing cho ga shes pa dang/ rab tu dge? bar 'gyur te zhes bya'o/ /bsam pa la log bar zhugs pa ni ye shes kyi 'dod par rig par bya ste/ ji tsam du gzhan la nye bar bstan pa'i phyir yin gyi/ skyo bar bya ba'i phyir ma yin/ 'dod chags dang bral ba'i phyir ma yin/ 'gog par bya ba'i phyir ma yin/ nye bar zhi bar bya ba'i phyir ma yin/ rdzogs
- 308a
par byang chub par bya ba'i phyir ma yin/ dge sbyong gi phyir ma yin /tshangs pa'i phyir ma yin/ mya ngan las 'das pa'i phyir ma yin zhes bya pa'o/ /de la nye bar zhi bas ni skyo ba dang/ 'dod chags dang bral bar ston to/ /ji lta zhe na/ de'i phyir mi mthun pa'i phyogs dga' ba can gyi 'dod chags nye bar zhi ba'i phyir ro/ /rdzogs par byang chub bas ni 'gog pa'o/ /rdzogs par byang chub pas ni dge slong dang tshangs pa dang/ mya ngan las 'das pas bsdus pa la lam dang de'i 'bras bu bstan to/ /gang zag bzhi pa ni gnyi ga phun sum tshogs pa'o/ /phun sum tshogs pa ni rnam pa dkur rig par bya ste/ rtag tu sbyong ba phun sum tshogs pa dang/ nyan pa phun sum tshogs pa dang/ 'dod pa phun sum tshogs pa dang/ tshul bzhin yid la byed pa phun sum tshogs pa dang/ yang dag par lta ba phun sum tshogs pa dang/ yongs su shes pa phun sum tshogs pa dang/ spong ba phun sum tshogs pa dang/ sgom pa phun sum tshogs pa dang/ mngon sum du byang pa phun sum tshogs pa'o/ /lus dang srog la yang mi lta ba yin zhes bya ba ni lus dang srog la mi lta bas rtag tu sbyor ba phun sum tshogs par rig par bya ste/ dang po stong pa nyid dang/ mtshan pa med pa dang/ smon pa med pa'i chos rnams thos na dga' zhing de bzhin du zhugs pa yin zhes bya ba ni stong pa nyid la sogs pa thos na dga' bas thos pa phun sum tshogs pa ste /gnyis pa'o/ /mya ngan las 'das pa yang 'dod pa med par chags pa spyad pa spyod na/ khams gsum pa la mngon par dga' ba lta smos kyang ci dgos pa dang/ stong pa nyid du lta ba yang mi 'dod pa yin na zhes bya ba ni chos rnams kyang spang bar bya ba na zhes bya bI
- 308b
phyir/ de'i 'bras bu dang de'i yan lag ste/ mya ngan las 'das pa la yang 'dod pa med pa dang/ stong pa nyid du lta ba yang mi 'dod pas 'dod pa phun sum tshoD pa ste/ gsum pa'o/ /don gyi phyir 'brang gi /yi ge'i phyir 'brang ba ma yin nyon mongs pa rnams las rnam par thar pa nang du tshal gyi phyi rol tu rgyug pa ma yin zhes bya ba la don gyi phyir 'brang ba ni 'jig rten pa'i sems dang/ sgoms pa las rnam par thar ba nang du tshol bas tshul bzhin yid la byed pa ste/ phun sum tshogs pa ste bzhi pa'o/ /chos thams cad shin tu yongs su dag pa'i rang bzhin gyis kun nas nyon mongs pa med par mthong bas bdag nyid gling yin te/ gzhan gling ma yin zhes bya ba ni/ so so rang gi rig pas mi slob pa dang 'jig rten las 'das pa'i chos dang bzhin gyis kun nas nyon mongs pa can ma yin par mthor bas yang dag par lta ba phun sum tshogs pa ste lnga pa'o/ /de bzhin gshegs pa la chos nyid du yang mi lta na zhes bya ba nas brtsams te/ mang du 'dus pa lta smos kyang ci dgos zhes bya ba'i bar dag ni 'jig rten las 'das pa'i ye shes kyi don dam pa'i dkon mchog gsum la rnam par mi rtog ste/ dkon mchog mi mthong bas yongs su shes pa phun sum tshogs te drug pa'o/ /chos gang spang bar bya ba'i phyir rtsom pa ma yin zhes bya ba ni spang bar bya ba spangs pa'i phyir spong ba phun sum tshogs pa ste bdun pa'o/ /bsgom par bya ba'i phyir ma yin zhes bya ba ni bsgom par bya ba bsgoms pa'i phyir bsgom pa phun sum tshogs pa ste brgyad pa'o/ /'khor bar yang mi skye/ mya ngan las 'das pa la yang mngon par dga' ba ma yin/ thar pa yang ming migs bcings pa yang ma yin la/ chos thams cad rang bzhin gyis yongs su mya ngan las 'das par rig nas
- 309a
kun tu mi 'khor zhing yongs su mya ngan las mi 'da' ba zhes bya ba la 'khor ba'i rgyu ni spangs/ mya ngan las 'das pa yi ni thob pa'o/ /'khor bar yang mi skye/ yongs su mya ngan las 'das pa la yang mngon par dga' ba ma yin/ /'chi ba dang 'tsho ba la mngon par dga' ba ma yin pas/ thar pa yang mi dmigs bcings pa yang ma yin no/ /nyon mongs pa rnams spangs pa dang/ phung po lhag ma dang bcas pa'i phyir kun tu mi 'khor zhing yongs su mya ngan las mi 'da' o/ /rang bzhin gyis yongs su mya ngan las 'das pa zhes bya ba ni 'dir zad pa dang mi skye ba shes pa la sogs pa mi slob pa'i chos rnams su rig par bya'o/ /'di ni dgu pa ste/ mngon sum du byed pa phun sum tshogs pa'o/ /dge sbyong gsum po dag gi dge sbyong gi ming gi don med pa dang/ mi 'tsham par kun tu bstan pa'i phyir ming gis gnod pa ste/ skyes bu dbul bo'i dbes ston to/ /ji ltar ming gis gnod par 'gyur zhe na/ dge sbyong gi ming gi sgo nas dad pas byin pa la log par yongs su spyod pa'i phyir ro/ /'di yan chad du yang dag pa ma yin par sgrub pa'i dge sbyong rnams dang/ yang dag par sgrub pa'i dge sbyong shes pa dang tshul khrims kyis mngon pa'i nga rgyal can du gyur pa de'i phyin ci log tu yongs su shes par bya ba'i phyir dpe rnams dang tshul khrims dang ldan pa rnams kyang ston to/ /thos pa dang bsam pa'i shes rab kyis de'i mngon pa'i nga rgyal las brtsams nas dpe gnyis pa ste/ 'od srungs 'di lta ste dper na skyes bu la la zhig rgya mtsho'i chus khyer la chus skom bzhin du 'chi ba'i dus byed pa de bzhin du 'od srungs 'di la dge sbyong bram ze kha cig chos mang po blangs te/ yongs su chub par byas
- 309b
gang 'dod chags kyi sred pa mi sel/ zhe sdang gi sreng ba mi sel/ gti mug gi sred pa mi sel ba de dag chos kyi rgya mtshos khyer la nyon mongs pa'i skom pas 'chi ba'i dus byas par 'gyur te/ ngan 'gror 'gro bar 'gyur ro zhes bya ba'i dpes des ni thos pa'i shes pas mngon pa'i nga rgyal byed par ston te/ 'od srungs 'di lta ste dper na/ sman pa sman sgro thogs te/ phyogs dang phyogs mtshams su rgyu ba de nad gcig gis btab nas nad de gso bar mi nus pa de bzhin du/ 'od srungs mang du thos pa'i nyon mongs pa'i nad blta ste/ gang thos pa'i des bdag nyon mongs ba'i nad las gso bar mi nus na de'i thos pa ni don /med pa yin no zhes bya ba ni 'dis ni bsams pa'i shes bas so/ /so so'i skye po 'dod cags dang bral ba snyoms par 'jug pa'i ro myang bar byed pa dang/ slob pa thob ba dang/ bkur sti la chags pa dang/ nyes pa dang bcas pa'i 'gyed pas sgom? pa'i ye shes la log pa sbyor yang yang dag par sbyor bar mngon pa'i nga rgyal byed pa las brtsams te/ dpe lhag ma bzhi dang go rim bzhin du sbyar ro/ /'od srungs 'di lta ste/ dper na skyes bu na ba zhig la rgyal po la 'os pa'i sman btang la cho ga bzhin du ma byas paS 'chi bI dus byas pa de bzhin du mang du thos pa'i nyon mongs pa'i nad du blta ste/ gang sdom pa med pa des 'chi ba'i dus byed pa'o zhes bya ba'i dpe 'di ni dang po yi'o/ /'od srungs 'di lta ste/ dper na nor bu rin po che mi gtsang ba'i nang du lhung na smad par 'gyur ba de bzhin du mang du thos pa 'thob ba dang bkur sti'i mi gtsang ba'i nang du ltung bar blta ste/ ci yang med pa la ni lha dang mi rnams dga' bar 'gyur ro zhes bya ba nor bu rin po che'i dpe 'di ni gnyis pa yi 'o/ /'od srungs 'di lta ste dper na/ ro la gser gyi phreng ba btogs pa de bzhin du ngang tshul ngan ba can ngur smrig gyon par blta'o zhes
- 310a
bya ba ro'i 'di ni gsum pa yi'o/ /'od srungs 'di lta ste/ dper na tshong dpon gyi bu shin tu khrus byas te/ rab tu rnam par byugs la skra dang sen mo bregs nas gos dkar po bgos te/ tsan dan mchog gis bskus pa'i mgo la tsam pa ka'i me tog go phreng ba thogs pa de bzhin du tshul khrimS dang ldan zhing mang du thos pa ngur smrig gyon par blta'o zhes bya ba yang gsum pa 'di nyid kyi'o/ /tshul khrims kyis de mngon pa'i nga rgyal byed pa las brtsams nas tshul khrims dang ldan pa 'dra ba bzhi ston to/ /'od srungs bzhi po 'di dag ni ngang tshul ngan pa can tshul khrims dang ldan pa 'dra ba yin te/ bzhi gang zhe na zhes bya ba la sogs pa'o/ /dang po ni yang dag par blangs pa'i tshul khrims te/ 'od srungs 'di la dge slong tshul khrims dang ldan pa yin te/ so sor thar pa'i sdom pas bsdams shing gnas/ cho ga dang spyod yul phun sum tshogs ba kha na ma tho ba rnams la 'jigs par lta/ yang dag par blangs te bslab pa'i gnas rnams la slob/ lus dang ngag dang yid kyi las yongs su dag par ldan pas gnas pas 'tsho ba yongs su dag kyang de bdag tu smra ba yin te/ 'od srungs de ni dang tshul ngan pa can tshul khrims dang ldan pa 'dra ba yin no zhes gsungs pa'i phyir yang dag par blangs pa'i tshul khrims so/ /gnyis pa ni 'od srungs gzhan yang 'di la dge slong kha cig 'dul ba 'dzin cing 'dul ba la zhugs ba 'dul ba'i tshul la gnas ba yin yang/ 'jig tshogs la lta ba las ma bskyod pa yin te /de ni dang tshul ngan ba can tshul khrims dang ldan pa gnyis pa'o zhes gsungs pa'i phyir bya ba'i tshul khrims so/ /gsum pa ni 'od srungs gzhan
- 310b
yang 'di la dge slong kha cig byams pa la gnas pa yin te/ sems can la dmigs pa'i byams pa dang ldan yang 'du byed thams cad la skyes pa med pa thos na sgrag pa kun tu rab tu skrag par 'gyur ba de ni 'od srungs dang chu la ngan pa tshul khrims dang ldan pa zhes bya ba ste/ byams pa la gnas pas mi mthun pa'i phyogs dang tshul ngan pa 'joms pa'i phyir mi mthun pa'i phyogs 'joms pa'i tshul khrims so/ /bzhi ba ni 'od srungs gzhan yang 'di la dge slong kha cig sbyangs pa'i yon tan bcu gnyis yang dag blangs kyang dmigs par lta ba yin te/ ngar 'dzin pa dang/ nga yir 'dzin pa gnas pa de ni ngang tshul ngan ba can tshul khrims dang ldan pa bzhi pa'o/ /'od srungs 'di dag ni/ ngang tshul ngan pa can tshul khrims dang ldan pa 'dra ba yin no zhes bya ba ni sbyangs pa'i yon tan bcu gnyis yang dag par blangs bas yo byad bsangs? pa'i tshul khrims so/ /de la gong ma gnyis ni lta ba'i nyes pas dang tshul ngan pa'i gnyen po 'joms pa dang/ ngang tshul ngan pa'i rgyu dang ldan pas ngang tshul ngan pa can du rig par bya'o/ /de yang bdag tu smra ba yin zhes bya ba dang/ 'jig tshogs la lta ba las ma bskyod pa yin pa zhes gsungs pa'i phyir go rim bzhin du rig bar bya'o/ /'og ma gnyis ni ngang tshul ngan pa dang tha dad ba ma yin pa'i phyir te/ de gnyis las gcig ni chos thams cad med na thos na skrag par 'gyur ro zhes sngar gsungs pa'i phyir mya ngan las 'das pa la skrag nas ngang tshul ngan pa 'joms pa'i gnyen po mi rtsom pa'o/ /gnyis pa ni dmigs par lta ba yin zhes gsungs pa'i phyir ro/ /mngon pa'i nga rgyal can ni bdag grol lo snyam du bdag la dmigs nas de'i gnyen por yang dag pa'i don gyi tshul khrims kyis ston te/ de yang spong bas rab tu phye ba dang/ lam gyis rab tu phye ba'o//
- 311a
de ni tshul khrims dang po ni nang gi skye mchod yin gyi phyi rol gyi ma yin te/ 'od srungs tshul khrims tshul khrims zhes bya ba ni/ gang la bdag med cing bdag gi ba med pa'o zhes bya ba gsungs pa'o/ /gnyis pa ste bya ba med pa ni nyon mongs pa can gyi las so/ /mi bya ba med pa ni dge ba'i las so/ /byed pa med pa ni lus la sogs pa gang gis kyang nyon mongs pa can gyi las mi byed pa'o/ /byed pa med pa ni gang gis dge ba'i las byed pa'o// rgyu ba ma yin pa mi rgyu ba ma yin pa zhes bya ba ni zas kyi phyir rgyu ba las brtsams pa ste/ nyon mongs pa can dang nyon mongs pa can ma yin pa'o/ /rab tu byed pa med pa rab tu spyod pa ma yin pa zhes bya ba ni yongs su spyod pa las ba rtsams pa ste/ nyon mongs ba can dang nyon mongs pa can ma yin pa'o/ /ming med pa gzugs med pa zhes bya ba ni phung po lhag ma ma lus pa'i mya ngan las 'das pa'o/ /mtshan ma med pa mtshan ma med pa ma yin pa zhes bya ba ni mtshan ma med pa la gnas pa ni mtshan ma thams cad yid la mi byed pa dang/ mtshan ma med pa'i dbyings yid la byed pa'i phyir ro/ /rab tu zhi ba ma yin pa rab tu ma zhi ba ma yin zhes bya ba ni mi slob pa la gnas pa na phung po lhag ma dang bcas pa dang nyon mongs pa rnams so/ /'dzin pa med pa gtong ba med pa zhes bya ba ni rtag par gnas pa la yid bde ba dang/ yid mi bde ba med pa dang/ btang snyoms dang dran pa dang/ shes bzhin yod pa'i phyir ro/ /gzung du med pa gzung ba med pa ma yin pa de nyid la de'i gnas su 'gyur ba'i yul yid bde ba dang/ yid mi bde ba gnyis kyis mi 'dzin pa dang/ btang snyoms dang dran pa dang shes bzhin gyis
- 311b
'dzin pa'i phyir ro/ /sems can med pa sems can du 'dogs pa med pa tshig med pa tshig tu 'dogs pa med pa sems med pa sems su 'dogs pa med pa zhes bya ba ni dka' lung brda spyod pa las brtsams pa ste/ spong ba'i tshul khrims kyi tshe gang brda sprod par byed pa dang/ gang brda phrad pa dang/ gang gis brda sprod pa'o/ /'jig rten med pa 'jig rten med pa ma yin pa zhes bya ba ni snod kyi 'jig rten na ljangs rgyu ba las brtsams pa ste/ nyon mongs pa can dang/ nyon mongs pa can ma yin pa'o/ /brten pa med pa brten pa med pa ma yin pa zhes bya ba ni grong dang zhing las brtsams pa ste/ nyon mongs pa can dang/ nyon mongs pa can ma yin pa'o/ /bdag gi tshul khrims la mi bstod pa/ gzhan ngang tshul ngan pa can du mi smod pa zhes bya ba ni khyim du 'gro ba la sogs pa'o/ /tshul khrims gyis rlom sems su mi byed ces bya ba ni tshangs par mtshungs par spyod pa dang 'grogs pa las brtsams pa'o/ /tshul khrims la mi rtog rnam par mi rtog ces bya ba ni bdag ni tshul khrims dang ldan pa dag gi tshul khrims ni 'di lta bu'o snyam du de'i ngo bo nyid dang/ bye brag la mi rtog pa'i phyir ro/ /de ni 'phags pa rnams kyi tshul khrims zag pa med pa mi ldan pa/ khams gsum pa dang bral ba rtan thams cad med pa zhes bya ba ni 'jig rten pa'i spong ba la zag pa med kyang ldan pa yod pas bye brag tu bya ba'i phyir mi ldan pa smos so/ / de yang gang khams gsum pa'i 'bras bu ma yin pa dang/ khams gsum pa'i rgyu yang ma yin zhes tshig gnyis kyis ston to/ /bslab pa dang mi mthun pa dang/ 'thun pa'i chos las brtsams te/ dge slong legs par
- 312a
ma bslabs pa dang/ dge slong legs par bslab pa rnam par bzhag pa 'di ni gzhan du mtshams sbyor ba'o/ /dge sbyong legs par ma bslabs pa gang zhe na/ de dag ni gsum du rig par bya ste/ kha dog dang rtags kyi dbyibs kyi dge sbyong ni dge sbyong nyid dang mi 'che ba ste/ cha byad dang rtags 'dra yang cho ga dang 'tsho ba dang yongs su spyod pa dang rtsom pa dang/ tshul khrims dang/ lta ba dang bsam pa mi 'dra ba'o/ /de la kha dog dang rtags kyi dbyibs zhes bya ba ni kha dog gi dbyibs dang rtagS kyi dbyings so/ /de la kha deg gi dbyibs kyi dge sbyong gang zhe na/ 'di la dge sbyong kha cig kha dog dang rtags kyi dbyibs dang ldan par 'gyur te/ chos gos sbyar ma gyon ces bya'o/ /sbyor ba bgos pas ni cha byad 'dra bar ston te/ rtags kyi dbyibs ni mgo bregs te lag tu lhung bzed thogs zhes bya ba ste/ mgo bregs pa dang lag na lhung bzed thegs pas ni rtags 'dra'o/ /de lus kyi las yongs su ma dag pa spyod/ dag gi las yongs su mdag pa spyod/ yid kyis yongs su ma dag pa spyod ces bya ba ni lus dang ngag dang yid kyi las yongs su ma dag pa kun tu spyod pas cho ga mi 'dra bar rig par bya'o/ /'tsho ba yongs su ma dag pa ces bya ba ni 'tsho ba yongs su ma dag pas 'tsho ba mi 'dra ba'o/ 'dod chen can zhes bya ba ni 'dod chen byed pas yongs su spyod pa mi 'dra pa'o/ /le lo can zhes bya ba ni le lo byed pas btsan? pa mi 'dra ba'o/ /ngang tshul ngan pa can zhes bya ba ni/ dang tshul ngan pas tshul khrims mi 'dra ba'o/ /sdig pa'i chos can zhes bya ba ni sdig pa'i chos can pas lta bar mi 'dra ba'o/ /ma dul ba ma sbas pa ma byang ba
- 312b
zhes bya ba ni ma dul ba ma sbas pa ma byang bas bsam pa mi 'dra ba'o/ /gnyis pa cho ga bsrung zhing tshul 'chos pa'i dge sbyong ni yo byad la gzhol ba rig par bya ste/ lhag pa'i tshul khrims kyi rtogs 'dra/ /lhag pa'i sems dang/ lhag pa'i shes rab kyi rtags 'dra yang de sgrub pa'i bsam pa mi 'dra ste/ de la cho ga bsrung zhing tshul 'chos pa'i dge sbyong gang zhe na/ 'di dge sbyong kha cig cho ga spyod yul dang/ spyod pa phun sum tshogs shes bya'o/ /cho ga dang 'tsho ba dang spyod pa phun sum tshogs pas lhag pa'i tshul khrims kyi rtagS 'dra ba'o /spyod lam bzhir shes bzhin du spyod zas dang skom ngan pa za ba 'phags pa'i rigs bzhi po dag gis chog par 'dzin/ khyim na gnas pa dang/ rab tu byung ba rnams dang mi 'dre ste zhes bya ba ni shes bzhin du byed pa nas/ mi 'dre ba'i bar gyis lhag pa'i sems kyis rtags 'dra ba'o/ /tshig nyung smra ba nyung zhing zhes bya ba ni tshig nyung zhing smra ba nyung bas lhag pa'i shes rab kyi rtags 'dra pa'o/ /de'i spyod lam de dag kyang tshul 'chos? pa dang/ gcam gyis yongs su brtags pa yin te/ sems yongs su dag par bya ba'i phyir ma yin/ dul bar bya ba'i phyir ma yin/ nye bar zhi bar bya ba'i phyir ma yin la dmigs par lta ba yin te/ ngar 'dzin pa dang/ nga yir 'dzin pa la gnas pa stong pa nyid mi dmigs pa'i chos rnams la g.yang sar 'du shes pa yin/ stong pa nyid smra ba'i dge sbyong rnams la dgrar 'du shes pa yin zhes bya ba ni tshul 'chos pa la sogs pas lhag pa'i shes rab sgrub bsam pa mi 'dra ba'o/ /gsum pa brjod pa'i sgra tshigs su bcad pa'i dge spyod ni sgra la gzhol bar rig par bya ste/ zhi gnas kyi yan lag 'dra/ lhag mthong gi yan lag
- 313a
'dra/ de gnyi ga bsgom pa'i yan lag 'dra/ de gnyi ga'i tshogs kyi yan lag 'dra yang bsam pa mi 'dra ba'o/ /de la brjod pa sgra tshigs su bcad pa'i dge sbyong gang zhe na/ ji ltar bdag? tshul khrims dang ldan par gzhan kyis shes par 'gyur snyam du so sor brtags nas tshul khrims bsrung zhes bya'o/ /de la tshul khrims ni ting 'dzin gyi rgyu yin pas tshul khrims ni zhi gnas kyi yan lag 'dra ba'o/ /ji ltar na bdag mang du thos par gzhan gyis shes snyam du so sor brtags nas thos pa 'dzin bya ba la/ thos pa ni zag pa med pa'i shes rab bskyed pas thos pa ni lhag mthong gi yan lag 'dra ba'o/ /ji ltar bdag dgon pa par gzhan gyis shes par 'gyur snyam du so sor brtags nas thos pa 'dzin shes bya ba la/ dgon pa na gnas pa ni bsgom pa'i rgyu yin pas dgon pa ? ni de gnyi ga bsgom pa'i yan lag 'dra ba'o/ /so sor brtags nas 'dod pa nyung zhing chog shes pa dang rab tu dben par 'gyur te zhes bya ba la/ 'dod pa nyung ba la sogs pa ni tshogs su gyur pa'i phyir 'dod pa nyung ba la sogs pas ni de gnyi ga'i tshogs kyi yan lag 'dra ba'o/ /ji tsam du gzhan la nye bar bstan pa'i phyir yin gyi/ skyo bar bya ba'i phyir ma yin/ 'dod chags dang bral bar bya ba'i phyir ma yin/ 'gags par bya ba'i phyir ma yin/ nye bar zhi bar bya ba'i phyir ma yin/ rdzogs par byang chub par bya ba'i phyir ma yin/ dge sbyong gi phyir ma yin/ tshangs pa'i phyir ma yin zhes bya ba la/ gzhan la nye bar bstan pa la sogs pa ni bsam pa'i mi 'dra bar rig par bya ste/ 'di ni rjod pa'i sgra tshigs su bcad pa'i
- 313b
dge sbyong zhes bya'o /dge sbyong legs pa'i bslabs pa gang zhe na/ rnam pa bzhir rig par bya ste/ sbyor ba dang bsam pa dang/ rab tu rtogs pa dang/ mthar phyin pa'o/ /de la yang dag par sgrub pa'i dge sbyong gang zhe na/ 'od srungs lus dang srog la yang mi lta ba yin na 'thob pa dang/ bkur sti dang tshigs su bcad ba la lta smos kyang ci dgos zhes bya ba gang yin pa ste/ lus dang srog la mi lta bas tshe 'di la skyo ba sbyor ro/ /stong ba nyid dang/ mtshan ma med ba dang/ smon pa med pa'i chos rnams thos na dga' zhes bya ba ni stong pa nyid la sogs pa thos na dga' bas tshe rab snga ma la rgyud yongs su smin pas sbyor ba ste/ 'di ni sbyor ba phun sum tshogs par rig par bya'o/ /de bzhin nyid du zhugs pa yin zhes bya ba ni chos la bdag med par mos pa'i bsam pa can gyi phyir ro/ /mya ngan las 'das pa yang 'dod pa med par tshangs par spyad pa spyod pa na khams gsum pa la mngon par dga' ba lta smos kyang ci dgos// stong pa nyid du lta ba yang mi 'dod pa yin na bdag dang/ sems can dang srog dang/ gso ba dang/ gang zag tu lta ba la lta smos kyang ci dgos zhes bya ba la/ mya ngan las 'das pa la 'dod pa med pa dang/ stong ba nyid la 'dod pa med pas gang thob par bya ba dang gang gis thob par bya ba tha snyad can gyi ngo bo nyid de gnyi ga la mngon par zhen pa med pa'o/ /don gyi phyir 'brang gi yi ge'i phyir 'brang ba ma yin zhes bya ba ni dgongs pa'i don tshol ba'o/ / nyon mongs pa rnams las rnam par thar pa nang du tshol gyi phyi rol du mi rgyug ces bya ba ni sgra tsam gyi rjes su mi 'breng ba ste/ 'di ni bsam pa phun sum tshogs par rig par bya'o/ /chos thams cad shin tu dag cing/
- 314a
rang bzhin gyis kun nas nyon mongs pa med par mthong bas bdag nyid gling yin te/ gzhan gyi gling ma yin zhes bya ba ni gzhan gyi dring la mi 'jog pa'i ye shes kyis chos kyi de bzhin nyid bar? bzhin gyis kun nas nyon mongs pa med par rab tu rtogs pa'o/ /de de bzhin gshegs pa la chos nyid duAng mi lta na gzugs kyi skur lta smos kyang ci dgos chos la 'dod chags dang bral bar yang mi lta na smra ba'i tshig gis lam nas brjod pa lta smos kyang ci dgos/ 'phags pa 'dus ma byas pa'i dge 'dun la yang mi lta na mang po 'dus par lta smos kyang ci dgos/ chos gang spang bar bya ba'i phyir yang brtson pa ma yin/ bsgom par bya ba'i phyir yang ma yin/ 'khor bar yang mi skyo mya ngan las 'das pa la yang mngon par dga' ba ma yin/ thar par yang mi dmigs bcings pa yang ma yin zhes bya ba de la dkon mchog gsum la sogs pa thar pa'i mdza' rnams kyang brnga'i ngo bo nyid de/ dmigs su med pas 'di ni rab tu rtogs pa phun sum tshogs par rig par bya'o/ /chos thams cad rang bzhin gyis yongs su mya ngan las 'das par rig nas kun tu ni 'khor zhes bya ba ni nyon mongs pa thams cad kyi gnyen po shin tu bsgos pa'i phyir ro/ /yongs su mya ngan las 'da' zhes bya ba ni de bzhin nyid chad pa med cing 'jigs pa med pa'i phyir te/ 'di ni mthar phyin pa phun sum tshogs par rig par bya ste/ 'di ni yang dag par sgrub ba'i dge spyod zhes bya'o/ /'od srungs yang dag par sgrub pa'i dge sbyong gi phyir sbyor bar bya'i ming gis gnod par 'gyur bar mi bya'o zhes bya
- 314b
ba 'di ni gzhi la dge sbyong legs par bslabs pa yin te/ 'od srungs bzhi po 'di dag ni dge sbyor zhes bya'o/ /'od srungs 'di lta ste dper na skyes bu dbul po zhig la mdzod 'byor pa zhes ming gdags na 'od srungs de ji snyam du sems/ skyes bu dbul ba de mang? de dang 'tsham pa yin nam/ gsol pa/ bcom ldan 'das de ni mi 'tsham/ /bcom ldan 'das kyis bka' stsal ba/ 'od srungs de bzhin du dge sbyong dang bram ze zhes bya ba gang dag dge sbyong dang bram ze'i yon tan dang mi ldan pa de dag gi skyes bu dbul po zhes nga 'chad do zhes bya ba skyes bu dbul po'i dpe 'dis ni dge sbyong legs par ma bslangs pa'o/ /de la yang rnam pa gsum gyis ming gi don ji lta ba bzhin du ma yin par rig par bya ste/ bsam pa log par zhugs la sbyor ba phun sum tshogs pa dang/ bsam pa phun sum tshogs pa la sbyor ba log par zhugs pa dang/ bsam pa log par zhugs la sbyor ba yang leg par zhugs pa'o/ /de la bsam pa log par zhugs la sbyor ba phun sum tshogs pa ni rnam pa gsum gyis ma rig par bya ste/ thos pa de tsam gyis chog par 'dzin pa dang/ smra ba de tsam gyis chog par 'dzin pa dang/ 'jig rten pa'i ting 'dzin thob pa de'i ro myang ba de tsam gyis chog par 'dzin pa'o/ /'od srungs 'di lta ste dper na/ skyes bu la la zhig rgya mtsho'i chus khyer la zhes bya ba la sogs pa rgya mtsho'i chu'i de de des ni bsam pa log par zhugs la sbyor ba phun sum tshogs pa ste/ thos pa la dam par 'dzin par rig par bya'o/ /'od srungs 'di lta ste dper na sman pa sman sgo thogs te/ rgyu zhes bya ba la sogs pa'i dpe des ni de nyid
- 315a
smra ba dam par 'dzin par rig par bya'o/ /'od srungs 'di lta ste dper na/ skyes bu na ba zhig la rgyal po la 'os pa'i sman btang la cho ga bzhin ma byas pas 'chi ba'i dus zhes bya ba la sogs pa na pa'i dpe des ni 'jig rten pa'i bsam gtan thob pa'i ro myang ba tsam la dam par 'dzin bar rig bar bya'o/ /de la gang rgyal po la 'os pa'i sman lta bu ni 'jig rten pa'i ting nge 'dzin to/ /cho ga bzhin ma byas pa lta bu ni de'i ro myang ba lta bu'o/ /des 'chi ba'i dus byas pa lta bu ni/ ting nge 'dzin de las yongs su nyams par rig par bya'o/ /'od srungs 'di lte ste dper na nor bu rin po che mi gtsang bar lhung na smad par 'gyur zhes bya ba la sogs pa nor bu rin po che'i dpe des ni bsam pa phun sum tshogs pa la sbyor ba log par zhugs par rig par bya'o/ /'od srungs 'di lta ste/ dper na mi ro la gser gyi phreng ba btags pa zhes bya ba la sogs pa ro'i dpes ni bsam pa yang log par zhugs la sbyor ba yang log par zhugs par rig par bya'o/ /'od srungs 'di lta ste dper na tshong dpon gyi bu shin tu khrus byas te rab tu rnam par byugs la skra dang sen mo bregs nas gos dkar po bgos te/ tsandan sa mchog gis byugs pa'i mgo la tsam pa ka'i me tog gi phreng ba thogs pa zhes bya ba la sogs pa tshong dpon gyi bu'i dpe des ni/ bsam pa yang phun sum tshogs la sbyor ba yang phun sum tshogs pa ste/ rnam pa gcig pus ni dge sbyong legs par bslabs par rig par bya'o/ /'od srungs bzhi po 'di dag dang tshul ngan pa can tshul khrims dang ldan pa 'dra ba yin te/ bzhi gang zhe na zhes
- 315b
bya ba la sogs pa mtshams ji ltar bya zhe na/ don dam pa'i dge sbyong gis don dam pa'i sdom pa bstan nas tshul khrims dang 'dra ba rnams kyis brda'i sdom pa ston to/ /brda'i sdom pa la gnas pa gang zhe na/ bzhi po 'di dag rab tu rig par bya'o/ /de dag kyang bdag tu 'dzin pa la sogs pas rgyun nyams pa'i phyir brda'i sdom pa la gnas pa rnams zhes bya'o/ /dang po ni yan lag drug pa'i tshul khrims dang ldan yang gnod pa gnyis kyis gnod pa'i tshul khrims so/ /yan lag drug po gang zhe na/ 'od srungs 'di la dge slong kha cig tshul khrims dang ldan pa yin te/ so so thar pa'i sdom bas bsdams shing gnas /cho ga phun sum tshogs/ spyod yul phun sum tshogs pa kha na tho ba phra rab rnams la yang 'jigs par lta/ bslab pa'i gnas rnams yang dag par blangs te slob/ lus dang ngag dang yid kyi las yongs su dag pa dang ldan pas gnas la 'tsho ba yongs su dag kyang zhes bya ba'o/ /gnod pa gnyis po dag gang zhe na/ bdag tu smra bar gyur pa zhes bya ba 'jig tshogs la lha ba'i kun nas bskor ba dang/ nyes pa las 'byung ba la ma byang ba'o/ /gnyis pa ni nyes pa de gnyi ga rnam par spangs pa ste/ 'od srungs gzhan yang 'di la dge slong kha cig 'dul ba 'dzin pa zhes bya ba 'am/ ngang tshul ngan pa can tshul khrims dang ldan pa 'dra ba gnyis pa'o zhes bya ba la sogs pa'i bar dag go /nyes pa de gnyi ga rnam par spangs zhes bya ba ni 'dul ba 'dzin pa nyes pa las 'byin pa la mkhas pa dang/ 'jig tshogs la lta ba'i kun nas bskor ba rnam par spangs pa'o/ /de
- 316a
lta mod kyi 'on kyang 'jig rten pa'i rnam par dag pa ma thob pas 'jig tshogs la lta ba'i lhan cig skyes ba rnam par ma mnan to/ /gsum pa ni chos 'di la zhugs pa ste/ gzhan yang 'di la dge slong kha cig byams pa la gnas pa yin te zhes bya ba nas 'di dang tshul ngan pa can tshul khrims dang ldan pa 'dra ba gsum pa'o zhes bya ba'i bar dag ste/ 'jig rten pa'i rnam par dag pa'i sdom pa rnyed nas 'jig tshogs la lta ba lhan cig skyes pa rnam par mnan kyang gtan nas ma phyin pas chos la bdag med pa ma rig ste/ 'jigs pas gnod ba'i tshul khrims so/ /bzhi pa ni de las gzhan pa'i nyes pa thams cad rnam par spangs pa ste/ gzhan yang 'di la dge slong kha cig sbyangs pa'i yon tan bcu gnyis yang dag par blangs kyang dmigs par lta ba yin te/ ngar 'dzin pa dang/ nga yir 'dzin pa la gnas pa zhes bya ba nas/ bzhi po 'di dag ni ngang tshul ngan pa tshul khrims dang ldan pa 'dra ba yin no zhes bya ba la sogs pa'i bar dag ste/ chos la bdag med pa log par mos pas mngon pa'i nga rgyal gyis gnod pa'i tshul khrims so/ /sdom pa la gnas pa bzhi po dag las spros pa'i chos gang dag dmigs pa de dag rab tu zhi ba'i mtshan nyid de ni zag pa med pa'i tshul khrims su rig bar bya'o/ /spros pa'i chos rnams gang zhe na/ sdom pa la gnas pa dang po la ni bdag tu 'dzin pa dang/ bdag gir dmigs pa ste/ de'i gnyen por 'od srungs tshul khrims zhes bya ba ni gang la bdag gi med pa zhes bya ba gsungs so/ /nyes pa med pa dang/ de mi byed pa'i de'i gnyen por bya
- 316b
pa med pa mi bya ba med pa zhes gsungs so/ /bsams pa bzhin du byad pa la sbyor ba dang de'i gnyen por byed pa med pa byed pa med pa ma yin pa zhes bya ba gsungs so/ /shes bzhin du rgyu ba dang des mi rgyu ba de'i gnyen por rgyu ba med pa rgyu ba med pa ma yin pa zhes bya ba gsungs so/ /dran pa nyams pa rab tu spyod pa dang/ des rab tu mi spyod pa de'i gnyen por rab tu spyod pa med pa rab tu spyod pa med pa ma yin pa zhes bya ba gsungs so/ /sdom pa la gnas pa gnyis pa la ni 'jig tshogs la lta ba'i phyogs gnas ngan len dang ldan pa'i ming gzugs dmigs te/ de'i gnyen por ming med pa gzugs med la zhes bya ba gsungs so/ /ma 'ongs pa na skye ba'i mtshan ma dang/ de na mtshan ma med pa de'i gnyen por mtshan ma med pa/ mtshan ma med pa ma yin pa zhes bya ba gsungs so/ /kun nas bskor ba rab tu zhi ba dang/ de'i bag la nyal ma zhi ba de'i gnyen por rab tu zhi ba ma yin pa rab tu ma? zhig? ma yin pa zhes bya ba gsungs so/ /gang zag la bdag med par 'dzin pa dang/ gang zag tu 'dzin pa 'dod de'i gnyen por 'dzin pa med pa gtong ba med pa zhes bya ba gsungs so/ /gang zag la bdag med pa de la gzung ba med dang/ gzung ba med pa de'i gnyen por gzung ba med pa gzung ba med pa ma yin pa zhes bya ba gsungs so/ /des gzugs la sogs pa la sems can du 'dzin pa dang/ der 'dogs pa la thegs par 'dzin pa de'i gnyen por sems can med pa sems can du 'dogs pa zhes bya ba gsungs so/ /der 'dogs pa'i dag dang/ der 'dogs pa la legs par 'dzin pa de'i gnyen por tshig med pa tshig tu 'dogs pa med pa zhes bya ba
- 317a
ba gsungs so/ /der 'dogs par byed pa'i sems dang/ der 'dogs pa la legs par 'dzin pa de'i gnyen por sems med pa sems su 'dogs pa med pa zhes bya ba gsungs so/ /der sdom pa la gnas pa gsum pa la ni 'jig rten gong mar skye ba dang/ 'jig rten med pa 'og ma yongs su gtong ba ste/ de'i gnyen po 'jig rten med pa yin pa zhes bya ba gsungs so/ /snyoms bar 'jug pa la brten pa dang/ 'dod pa la brten pa de'i gnyon por brtan pa med pa brten pa med pa ma yin pa zhes bya ba gsungs so/ /bdag gi tshul khrims yang dag par rab tu 'dzin pa dang gzhan gyis tshul khrims la rlom sems su byed pa de'i gnyen por bdag gi tshul khrims la mi bstod gzhan gyi tshul khrims la mi smod pa zhes bya ba gsungs so/ /sdom pa la gnas pa bzhi pa la ni bdag tshul khrims dang ldan no snyam du rlom sems pa ste/ de'i gnyen por tshul khrims kyis rlom sems su mi byed ces bya ba gsungs so/ /de'i ngo bo nyid dang bye brag la yongs su rtog pa rnams kyis tshul khrims la yongs su rtog pa rnams kyis tshul khrims la yongs su rtog pa de'i gnyen por tshul khrims la mi rtog ces bya ba gsungs so/ /zag pa med pa'i tshul khrims la ni spros pa'i chos rnams zhi ba yin no/ /'di ni 'phags pa rnams kyi tshul khrims zag pa med pa zhes bya'o zhes bya ba ni bstan pa'i tshig go /mi ldan pa ni 'jig rten las 'das pa'i phyir ro/ /bral ba ni nyon mongs pa thams cad dang mi ldan pa'i phyir ro/ /rten pa thams cad med pa ni khams gsum pa'i?
- 317b
gnyen bor gyur pa'i phyir ro/ /de la tshogs su bcad pa ni tshul khrims rnam par dag pa'i khyad par bstan par rig par bya ste/ des na bcom ldan 'das kyis de'i tshe tshigs su bcad pa 'di dag gsungs so/ /tshul khrims ldan pa dri ma med cing ci yang med ces bya ba tshigs su bcad pa rtsa ba dang pos ni dri ma dang bral ba'i phyir ngo bo nyid rnam par dag pa dang/ 'dod chags la sogs pa ci yang med pa'i phyir de'i gzhi rnam par dag pas tshul khrims kyi ngo bo nyid gzhi dang bcas pa rnam par dag pa yongs su ston te/ rtsa ba lhag ma gsum pos ni tshul khrims de nyid kyis grogs gzhi dang bcas par rnam par dag par ston to/ /de la ngang tshul ngan pa'i grogs gzhi dang bcas pa rnams gyi gnyen por tshul khrims kyi grogs gzhi dang bcas pa rnams rnam par bzhag par rig par bya'o/ /de la ngang tshul ngan pa'i grogs po ni gsum ste/ rgyags pa gzugs la sogs pa la brten pa'i gzhi dang bcas pa de'i gnyen por/ tshul khrims ldan la rgyags pa med de rten pa med ces bya ba gsungs so/ /rnam par rmongs pa'i bdag nyid mun pa lta bu'i lta ba snyoms par 'jug pa'i ro myang ba'i 'ching ba'i gzhi dang bcas pa de'i gnyen por tshul khrims ldan la mun ba med cing 'ching ba med ces bya ba gsungs so/ /log par 'tsho ba dang ldan pa'i rnam par rtog pa rdul lta bu bdag la chags pa'i skyon gyi gzhi dang bcas pa de'i gnyen por/ tshul khrims ldan la? brdul? rnams med de nyes la med ces bya ba gsungs te/ yid? tshigs su bcad pa dang po'i tshig gi don to/ /zhi ba rab tu zhing nye bar zhi ba'i yid/ /rtog dang rnam par rtog dang bral zhing nyon
- 318a
mongs med/ /g.yo ba dang ni rlom sems kun dang rnam bral ba/ /de ni 'od srungs sangs rgyas bstan la tshul khrims ldan zhes bya ba'i tshigs su bcad pa gnyis pa ni tshul khrims de'i rnam pa thams cad rnam par dag pa las brtsams par rig par bya'o/ /de la ngo bo nyid dang/ grogs nyes pa gzhi dang bcas pa'i gnyen por so sor thar pa'i sdom pa rnam par rig par bya ste/ de la tshul khrims rang bzhin la log par zhugs pa'i dri ma nyes pa'i gzhi dang bcas pa'i gnyen por zhi ba'o/ /grogs rgyags pa'i nyes pa gzhi dang bcas pa'i gnyen por rab tu zhi ba'o/ /lta ba'i nyes pa gzhi dang bcas pa'i gnyen por nye bar zhi ba'i yid do/ /log par 'tsho ba dang ldan pa'i rnam par rtog pa'i nyes pa gzhi dang bcas pa'i gnyen por/ rtog pa dang rnam par rtog pa dang bral ba ste/ de ltar na sdom pa rnam par dag par bya'o/ /nyon mongs pa med pas ni bsam gtan gyi sdom pa rnam par dag pa'o/ /g.yo ba dang ni rlom sems kun dang rnam bral ba zhes bya ba lhag mas ni zag pa med pa'i sdom pa rnam par dag pa'o/ /de ni 'od srungs sangs rgyas bstan la tshul khrims ldan zhes bya ba ni ji skad gsungs pa rnams bye brag med par tshul khrims dang ldan par ston to/ /lus la mi lta srog la phangs par 'dzin mi byed/ /srid pa rnams su skye ba kun la 'dod pa med/ /yang dag zhugs shing de nyid tshul khrims rab gnas pa/ /de ni 'od srungs sangs rgyas bstan la tshul khrims ldan zhes bya ba/ tshigs su bcad pa gsum pa ni tshul khrims nyid kyi nyes pa med pa'i rnam par dag pa las brtsams par rig par bya'o/ /
- 318b
nyes pa ni rnam ba lnga ste/ de dag kyang gang zhe na/ 'thob pa dang bkur sti'i zil gyis non pa'i nyes pa dang/ lus la lta ba dang bcas pas le lo'i nyes pa dang/ lta ba la rnam rtog pas srog la 'phangs par 'dzin te/ smon lam btab nas tshangs par spyod pa la gnas pa'i nyes pa dang/ srid bar skye ba thams cad la gnas pas tshul khrims tsam gyis chog par 'dzin pa'i nyes pa dang/ tshul khrims las gong du ting nge 'dzin dang/ shes rab bsgom pa la yang dag par ma zhugs pas mi 'byung ba'i nyes pa ste/ dper na gzhan mu stegs can rnams kyi yang dag pa ma yin pa'i tshul khrims lta bu'o/ /nyes pa lnga po de dag dang bral bas nyes pa med pa'i rnam par dag par rig par bya'o/ /'jig rten ma gos 'jig rten dag la gnas pa med/ /snang ba thob cing bdag gi med de ci yang med/ /bdag tu 'du shes med cing gzhan du 'du shes med/ /'du shes yongs su dag pas 'du shes rnam par dag ces bya ba tshigs su bcad pa bzhi pa ni nyon mongs pa med pa'i rnam par dag pa las brtsams pa'o/ /de la 'jig rten ma gos zhes bya ba ni kun 'byung ba'i bden pas bsdus pa/ dga' ba can gyi 'dod chags dang ldan pa/ /de dang der mngon bar dga' ba'i sred pa spangs pas 'jig rten gyi chos kyis mi gos pa'i phyir ro/ /'jig rten dag la gnas pa med pa ces bya ba ni yang srid pa 'byung ba'i sred pa spangs pas 'jig rten la mi gnas pa'i phyir ro/ /snang ba thob ces bya ba ni mthong ba'i lam gyis snang ba thob pa'i phyir ro/ /bdag gi med de ci yang med ces bya ba ni bsgom pa'i lam ni ma rig pa la sogs pa dang/ de las gzhan pa zag pa dang bcas pa'i
- 319a
gnyen po yin pas bdag gi med de ci yang med pa'i phyir ro/ /bdag tu 'du shes med cing gzhan du 'du shes med/ /'du shes yongs su shes pas tshul khrims rnam par dag ces bya ba ni mi slob pa'i lam gyis? bdag dang gzhan du 'du shes med pa'i phyir ro/ /gang la tshu rol med cing pha rol dbus kyang med/ /tshu rol pha rol dag la nam yang mi chags shing/ /bcings dang chags med tshul 'chos med cing zag med pa/ /de ni 'od srungs sangs rgyas bstan la tshul khrims ldan zhes bya ba tshigs su bcad pa lnga pas ni mngon ba'i nga rgyal med pa'i rnam par dag pa las brtsams par rig par bya'o/ /de la gang la tshu rol med cing pha rol dbus kyang med ces bya ba ni mtshan ma med pa la gnas na tshu rol dang pha rol dang dbus zhes brjod pa nang dang/ phyi'i skye mched dang/ rnam par shes pa drug gi mtshan ma kun tu mi 'byung ba'i phyir ro/ /tshu rol pha rol dag la nams kyang mi chags shing zhes bya ba ni rtag tu gnas kyang 'dod pa la yid bde ba la sogs pa tha dad pa nas mi chags pa'i phyir ro/ /bcings dang chags med tshul 'chos med cing zag med pa zhes bya ba ni bag la nyal dang bcas pa'i kun nas bskor ba spangs pas nyon mongs pa spangs pa na tshul 'chos pa med pa dang/ mngon pa'i nga rgyal med par rnam par bzhag pas zag pa med pa'i phyir ro/ /de ni 'od srungs sangs rgyas bstan la tshul khrims ldan zhes bya ba ni de nyid kyi don sngar bshad zin to/ /ming dang gzugs rnams la ni chags pa med pa'i yid/ /de ni mnyam par bzhag cing shin tu dul ba'i sems/ /gang la bdag med bdag gir 'dzin pa med pa ni/ /de tsam gyis ni
- 319b
tshul khrims gnas zhes brjod pa yin zhes bya ba tshigs su bcad pa drug pa ni rab tu rnam par dag pa las brtsams par khong du chud par bya'o/ /de la ming dang gzugs rnams la ni chags pa med pa'i yid ces bya ba ni med dang gzugs la chags pa med pas yang srid pa la mi smon pa'i phyir ro/ /de ni mnyam par bzhag ces bya ba ni tshul khrims tsam gyis chog par mi 'dzin pas sems mnyam par bzhag pa'i phyir ro/ /shin tu dul ba'i sems zhes bya ba ni sems shin tu dul bas ting nge 'dzin tsam gyis cho ga phyi ma 'dzin pa'i phyir ro/ /gang la bdag med bdag gir 'dzin ba med pa zhes bya ba ni bdag gi dang bral bas srid pa'i rtse mo'i bar gyi 'jig rten pa'i shes rab kyis chog par mi 'dzin pa'i phyir ro/ /de tsam gyis na tshul khrims gnas zhes brjod pa yin zhes bya ba ni tshul khrims zhes bya ba'i tshig gis tshul khrims rab yin par ston to/ /so sor thar pa slob pas rlom sems byed pa med/ /des ni 'di na de la chags bar mi 'gyur te/ /de yi gong du 'phags pa'i lam rnams tshol byed pa/ /de ni tshul khrims rnam par dag pa'i mtshan ma'o zhes bya ba'i tshigs? su bcad pa bdun pas ni 'jig rten pa'i rnam par dag pa las brtsams par blta'o/ /so sor thar la slob pa rlom sems byed pa med/ /des ni 'di ni de la chags par mi 'gyur te zhes bya bas ni tshul khrims tsam gyis khengs phar mi 'dzin pa dang/ chog par mi 'dzin pa ston to/ /de'i gong du 'phags pa'i lam rnams tshol byed pa/ /de ni tshul khrims rnam par dag pa'i mtshan ma'o zhes bya ba ni ting nge 'dzin tsam gyis chog par mi 'dzin pas ni 'jig rten las 'das pa'i lam
- 320a
tshol ba'i phyir ro/ /tshul khrims gtso bo ma yin ting 'dzin der chags med/ /de'i gong du shes rab sgom pa yongs su tshol/ /dmigs pa med pa 'phags pa rnams kyis rigs yin te/ /tshul khrims de ni bde bar gshegs pas rab tu bsngags zhes bya ba tshigs su bcad pa brgyad pas ni 'jig rten las 'das pa'i rnam par dag pa las brtsams par rig par bya'o/ /de la tshul khrims gtso bo ma yin zhes bya ba ni tshul khrims tsam gyis chog par mi 'dzin pa'i phyir ro/ /ting nge 'dzin der chags med ces bya ba ni ting nge 'dzin gyi ro myang bar mi byed pa'i phyir ro/ /de'i gong du shes rab sgom pa yongs su tshol/ /dmigs pa med pa 'phags pa rnams kyis rigs yin te/ /dmigs pa med pas bsdus pa'i lhag pa'i shes rab bsgom pa'i phyir ro/ /bde bar gshegs pas rab tu bsngags zhes bya ba'i tshig ni de'i pha rol rab tu bsngags pa med pa'i phyir ro/ /'jig pa'i tshogs la lta las rnam par grol ba'i yid/ /de 'dir de dang nga yi snyam du 'gyur ba med/ /sangs rgyas spyod yul stong pa nyid la lhag par mos/ /de'i tshul khrims de ni mnyam pa med pa'o/ zhes bya ba tshigs su bcad pa dgu pa ni slob pa dang mi slob pa dang/ slob pa yang ma yin mi slob pa yang ma yin pa rnam par dag pa las brtsams par rig par bya'o/ /de la/ 'jig pa'i tshogs la lta bas rnam par grol ba'i yid ces bya ba ni 'jig tshogs la lta ba rnam par brtags pa spangs pa'i phyir slob pa rnam par dag pa ston to/ /de 'dir nga dang nga yi snyam du 'gyur ba med ces bya ba ni 'jig
- 320b
tshogs la lta ba lhan cig skyes pa spangs pa'i phyir mi slob pa rnam par dag pa ston to/ /sangs rgyas spyod yul stong pa nyid la lhag par mos pa zhes bya ba ni stong pa nyid lhag par mos pa'i phyir slob pa yang ma yin mi slob pa yang ma yin pa rnam par dag pa ston to/ /de'i tshul khrims de ni mnyam pa med pa'o zhes bya ba ni slob pa la sogs pa gsum rnam par dag pas tshul khrims dang 'dra ba 'am/ lhag pa med pa'i phyir bla na med pa nyid du ston to/ /tshul khrims la ni gnas nas ting nge 'dzin kyang thob/ /ting 'dzin rnams thob nas shes rab shin tu bsgom/ /shes rab kyis ni ye shes rnam par dag pa 'thog/ /ye shes rnam par dag pas tshul khrims phun sum tshogs zhes bya ba'i tshigs su bcad pa bcu pa ni thog ma dang tha mar rnam par dag pa las brtsams par rig par bya'o/ /de la tshul khrims la ni gnas nas ting nge 'dzin kyang thob/ /ting nge 'dzin rnams thob nas shes rab shin tu sgom zhes bya ba ni/ 'phags pa dgyes pa'i tshul khrims thob pa na/ /tshul khrims thob pa rnam par dag par ston/ /shes rab kyis ni ye shes rnam par dag pa 'thob/ /ye shes rnam par dag pas tshul khrims phun sum tshogs zhes bya ba ni 'phags pa dgyes pa'i tshul khrims thob pa na tha mar tshul khrims rnam par dag pa ston to/ /tshigs su bcad pa mngon par sgrub pa 'di gsungs pa'i tshe dge slong brgyad brgya ni lan pa med par zag pa rnams las sems rnam par grol lo/ /srog chags stong phrag sum cu rtsa gnyis ni chos rnams la chos kyi mig rdul med cing dri ma med pa rnam par dag go zhes bya ba ni de ltar
- 321a
gdams ngag 'di nges par 'byung ba don chen por bstan nas da ni mi slob pa dang/ slob pa thob pa'i phyir 'dul ba rnams kyi 'bras bu don chen po ston to/ /dge slong bsam gtan thob pa lnga? brgya stan las langs nas dong ngo zhes bya ba ni de nyid kyi 'dul ba dka' ba don chen por ston to/ /chos bstan pa zab mo 'di la mi 'jug ste/ ma rtogs ma mos zhes bya ba la rnam pa gnyis kyis mi 'jug ste/ ma rtogs na dad pas chos la mi mos pa dang/ ma mos na shes rab kyis don mi rtogs pa'o/ /de nas bcom ldan 'das la tshe dang ldan pa 'od srungs chen pos 'di skad ces gsol to/ /bcom ldan 'das dge slong bsam gtan thob pa lnga brgya po 'di dag chos bstan pa 'di la mi 'jug ste/ ma rtogs ma mos nas stan las langs te mchis so/ /bcom ldan 'das kyis bka' stsal pa/ 'od srungs 'di ltar dge slong mngon pa'i nga rgyal can 'di dag ni tshul khrims rnam par dag pa zag pa med pa 'di la mi 'jug ste/ ma rtogs ma mos so/ /'od srungs tshigs su bcad pa mngon par sgrub pa zab ces bya ba ni don shes par dka' ba'o/ /sangs rgyas bcom ldan 'das kyi byang chub zab ces bya ba ni dgongs pa shes par dka' o/ /dge ba'i rtsa ba ma bskrun pa sdig pa'i grogs pos yongs su zin pa/ ma dad pa mang ba dag gis mos par mi nus so zhes bya ba ni sdig pa'i grogs pos yongs su zin pa dang/ ma dad pa mang bas dge ba'i rtsa ba bskrun par rig par bya'o/ /'od srungs dge slong lnga brgya po 'di dag ni de bzhin gshegs pa 'od srungs kyi gsung rab la gzhan mu stegs can gyi nyan thos su
- 321b
gyur te/ de bzhin gshegs pa 'od srungs las brgal ba'i bsam pas chos bstan pa gcig thos so/ /thos nas dad pa'i sems gcig rnyed de/ de 'di ltar de bzhin gshegs pa dgra bcom pa yang dag par rdzogs pa'i sangs rgyas 'od srungs kyis 'jam zhing snyan par gsungs pa ngo mtshar to zhes de dag dad pa'i sems gcig rnyed pa sems des 'chi ba'i dus byas nas sum cu rtsa gsum pa'i lha rnams kyi nang du skyes so/ /rgyu de nyid kyis 'dir nga'i bstan pa la rab tu byung ste/ 'od srungs dge slong lnga brgya po lta ba la chags pa 'di dag chos bstan pa zab mo 'di la mi 'jug ste/ mi rtogs mi mos so/ /yang 'di dag ni bstan pa 'dis yongs su sbyang ba byas te/ phyis ngan 'gro log par ltung bar 'gro bar mi 'gyur zhing phung po 'di dag nyid kyi yongs su mya ngan las 'da' o/ /slob dpon chos kyi bdag pos tshigs su bcad pa'i don bstan pa las brtsams te/ gzhan du rnam grangs gzhan gyis brjod do/ /tshigs su bcad pa gong ma'i don tshigs su bcad pa phyi ma phyi mas mngon par sgrub ste/ 'dren pas tshigs su bcad pa mngon par sgrub pa zhes bya'o/ /de la tshigs su bcad pa dang pos ni nyes pa gzhi dang bcas pa spangs pa'i phyir lhag pa'i tshul khrims kyi bslab pa rnam par dag par yongs su ston to/ /tshul khrims ldan la dri ma med cing ci yang med ces bya la/ de yang ji ltar zhe na/ dri ma ni nyes pa'o/ /ci yang ni nyes pa'i gzhi'o/ /tshul khrims ldan pa rgyags pa med de rten pa med ces bya ba ni ro myang ba gzhi dang bcas pa spangs pas lhag pa'i sems kyi bslab pa rnam par dag par
- 322a
yongs su bstan te/ rgyags pa ni gzhi'o/ /gnas pa ni ro myang ba'o/ /tshul khrims ldan la mun pa med de 'ching ba med ces bya ba ni las dang nyon mongs pa gzhi dang bcas pa spangs pas lhag pa'i shes rab kyi brlab pa rnam par dag pa ste/ mun pa ni ma rig pa'i bdag nyid do/ /'ching ba ni las te gzhi'o/ /tshul khrims ldan la rdul rnams med de nyes pa med ces bya ba la rnam par rtog pa'i bdag nyid ni rdul lo/ /nyes pa ni nyon mongs pa ste/ nyon mongs ni gzhi'o/ /bslab pa 'di gsum rnam par dag na legs pa ci zhig tu 'gyur snyam pa la/ zhi ba rab tu zhi ba nye bar zhi ba'i yid ces bya ba gsungs te/ sdug bsngal ldog pa dang go rim bzhin du sbyar ro/ /sdug bsngal gsum ni ngan song gi sdug bsngal dang/ shes pa la sgrub pa'i sdug bsngal dang/ skye ba la sogs pa sdug bsngal lo/ /bslab pa rnam par dag pa legs pa dang bcas pa 'di ji ltar thob snyam pa la/ rtog dang rnam par rtog dang bral zhing zhes bya ba gsungs te/ phyi rol gyi rnam par rig pa mtshan ma rnam par rig pa tsam du 'dzin pas rtog pa dang bral lo/ /rnam par rig pa tsam de la yang mi 'dzin pas rnam par rtog pa dang bral ba ste/ mi dmigs pas de'i thabs yongs su bstan to/ /bslab pa rnam par dag pa legs pa dang bcas pa de yod par ji ltar rig par bya zhe na/ de ni mnyam par ma bzhag pa'i dus na nyon mongs pa med pa ste/ sdig pa 'dod pa'i nye ba spyod pa med pas nyon mongs pa med pa'i mdo sde bzhin no/ /mnyam par bzhag pa'i dus na
- 322b
ni g.yo ba dang rlom sems kun dang rnam par bral ba zhes bya'o/ /de ni tshul khrims ldan zhes bya ba la/ tshul khrims ni bslab pa gsum goms par byed pa ste/ 'di ni tshul khrims su bzhed de/ bslab pa gsum rnam par dag pa'i legs pa dang/ thabs dang rtags yongs su bstan pa'i phyir tshigs su bcad pa'i don 'di ni tshigs su bcad pa snga ma mngon par sgrub pa'o/ /zhi ba rab tu zhi ba nye bar zhi ba'i yid ces bya ba de ni lus la lta ba dang bcas pa ma yin te/ gang lta ba ni thob pa dang bkur sti la brtson par 'gyur ro/ /srog la pangs par 'dzin mi byed ces bya ba la gang phangs par 'dzin pa ni rnam par rtog pa la gnas bas/ bsam gtan gyi ro myang par byed cing dus ring por dge ba'i chos sgom pa la mi brtson par 'gyur ro/ /srid par skye ba kun la gnod pa med ces bya ba la/ gang 'dod pa ni smon nas tshangs par spyad pa spyod par 'gyu ro/ /de la ni mngon par brtson pI nyes pa dang/ mngon par mi brtson pa'i nyes pa dang/ smon nas tshangs par spyod pa la gnas pa'i nyes pa ste/ nyes pa gsum med do/ /rtog pa dang rnam par rtog pa dang bral bas yang dag par zhugs pa yin no/ / nyon mongs pa med pas yang dag pa'i tshul la gnas pa yin no/ /gang lus la lta ba dang bcas pas na ma yin pa de ni phyi rol gyi nye bar bzung ste/ 'jig rten gyis mi gos so/ /gang srog la phangs par mi 'dzin pa de ni nang gi 'jig rten nye bar bzung ste/ 'jig rten la mi gnas so/ /gang srid par skye ba thams cad mi 'dod ba de ni srid par skye ba thams cad yongs su shes pas snang ba thob ba'o/ /gang yang dag par zhugs pa de
- 323a
bdag gi ba med do/ /yang dag pa'i tshul khrims pa de ci yang med do/ /ji ltar ci yang med ci dang/ bdag tu 'du shes med cing gzhan du 'du shes med ces bya ba dang/ 'du shes yongs su shes so/ /gang 'jig rten ma gos 'jig rten dag la gnas pa med pa de'i ma 'ongs pa na pha rol dang/ tshu rol dang dbus te/ nad dang phyi'i skye mched dag la dga' ba can gyi 'dod chags kyis bsdus pa med par 'gyur ro/ /tshe 'di la nad gi skye mched dang/ phyi'i skye mched kyis bsdus pa la tshu rol dang/ pha rol la ma chags so/ /gang snang ba thob ba de ma bcings so/ /gang bdag gi ba med pa ni mi chags so/ /gang ci yang med pa de ni mngon pa'i nga rgyal med bas tshul 'chos pa med do/ /dgra bcom pa thob pas zag ba med do/ /ming dang gzugs rnams la ni chags pa med ces bya ba ni ji ltar de tshu rol dang/ pha rol dang dbus med pa dang/ pha rol dang tshu rol nas kyang chags pa med ces bya ba de ston to/ /de ni mnyam bar bzhag ces bya ba ni de bcings pa dang chags pa med pa de ston o/ /shin tu dul ba'i sems zhes bya ba ni ji ltar de tshul 'chos pa med pa dang/ zag pa med pa de ston to/ /ji ltar shin tu dul pa'i sems zhes bya zhes na/ gang la bdag med bdag gir 'dzin pa med ces bya'o/ /de ltar 'gyur bas de go rim bzhin du sbyar ro/ /so sor thar la slob ba rlom sems byed pa med/ /des ni 'di na de la chags par mi 'gyur te/ /de'i gong du 'phags pa'i lam rnams tshol byed ba zhes bya ba ni yon tan bye brag can mngon par sgrub pa'i phyir
- 323b
'phags pa rnams kyis lam gang yin pa de yongs su tshol lo/ /de nyid kyis don gsal bar bya ba'i phyir/ tshul khrims gtso bor ma yin ting 'dzin der chags med/ /de yi gong du shes rab bsgom pa yongs su tshol zhes bya ba gsungs so/ /shes rab bsgom pa ji lta bu snyam pa la/ dmigs ba med pa 'phags pa rnams kyi rigs yin te/ zhes bya ba gsungs so/ /ji ltar tshul khrims gtso bor ma yin snyam pa la/ 'jig pa'i tshogs la lta las rnam par grol ba'i yid ces bya ba gsungs so/ /ci'i phyir ting nge 'dzin der chags pa med ce na 'jig tshogs la lta ba de nyid spangs pa'i phyir ro/ /ting nge 'dzin de la ni de 'dir nga dang nga yi snyam du 'gyur ba med pa'o/ /ji ltar dmigs pa med pa yongs su tshol snyam pa la/ sangs rgyas spyod yul stong pa nyid la lhag par mos zhes bya ba gsungs so/ /go rim gang gi 'jig tshogs la lta ba rnam par grol pa'i yid du 'gyur snyam ba la/ tshul khrims la ni gnas nas ting nge 'dzin kyang thog /ting nge 'dzin rnams thob nas shes rab shin tu sgom zhes gsungs te/ nges par rtegs pa'i phyogs kyis bsdus pa'i shes rab kyis ni 'jig rten las 'das pa'i ye shes rnam par dag par 'gyur ro/ /ye shes rnam par dag pas tshul khrims phun sum tshogs so/ /de ltar na tshigs su bcad pa dang bos ni bslab pa gsum rnam par dag pa'o/ /lhag ma rnams kyis tshigs su bcad pa phyi ma phyi ma'i don 'dren pas bslab pa gsum rnam par dag par mngon par sgrub pa yongs su bstan to/ /byang chub kyi phyogs sgom ba rnam par dag ba las brtsams te/ rnam grangs gzhan du'o/ /
- 324a
lus dang ngag gi nyes par spyod pa gzhi dang bcas pa spangs pa lus dran pa nye bar bzhag pa sgom pa rnam par dag pa dang/ tshor ba yongs su 'dzin pa'i ro myong ba spangs pas tshor ba dran pa nye bar bzhag pa sgom pa rnam par dag pa dang/ ma rig pa dang 'du byed spangs pas sems dran pa nye bar gzhag pa sgom pa rnam par dag pa dang/ dge ba'i chos rnams lang dang po'i zhes bya ba la sogs pa'i rnam par rtog pa spangs pa dang/ nyon mongs ba can gyi chos spangs pa'i phyir dran pa nye bar gzhag pa sgom pa rnam par dag pa yongs su ston to/ /zhi bas ni yang dag pa'i spong ba bsgom pa dang po rnam par dag pa'o/ /rab tu zhi bas ni gnyis pa'o/ /nye bar zhi ba'i yid rtog dang rnam par rtog dang bral zhing nyon mongs med ces bya bas ni gsum pa'o/ /g.yo ba dang ni rlom sems kun dang rnam bral ba zhes bya bas ni bzhi'o/ /lus la mi lta srog? la phangs par 'dzin mi byed/ /srid pa rnams su skye ba kun la 'dod pa med ces bya bas ni rdzu 'phrul gyi rkang pa'i ting nge 'dzin gyi rtags te/ des na thob pa dang bkur sti 'dod pa ma yin/ dge bar sbyong ba la mi brtson pa ma yin/ yang srid pa la chags pa ma yin/ yang dag par zhugs pa ni mos pa la sogs pa'i ting nge 'dzin bzhis yang dag pa'i spong ba bzhi la sbyor ba'i phyir ro/ /yang dag pa'i tshul la gnas pa ni spong ba'i 'du byed dang ldan pa'i phyir ro/ /'jig rten mi gos pa ni dad pa'i dbang pos mya ngan las 'das pa'i yon tan la mngon par yid ches pa'i phyir ro/ /'jig rten dag na gnas pa med pa ni/ brtson 'grus
- 324b
kyi dbang pos da ltar byung ba'i yul rnams la'o/ /snang ba thob cing bdag med de ci yang med pa ni dran pa dang/ ting nge 'dzin dang/ shes rab kyi dbang po rnams kyis so/ /bdag tu 'du shes med cing gzhan du 'du shes dang/ /'du shes yongs su shes pas zhes bya bas ni ci yang med pa nyid ston to/ /gang la tshu rol med cing pha rol dbus kyang med ces bya ba ni dad pa'i stobs kyis ma 'ongs pa na de mi 'jig par 'dod ba'i tshul khrims so/ /tshu rol pha rol dag la nams kyang mi chags shing zhes bya ba ni brtson 'grus kyi stobs kyis da ltar byung ba rnams la ma chags pa'i phyir ro/ /bcings pa med pa/ chags pa med pa ni dran pa dang/ ting nge 'dzin gyi stobs so/ /tshul 'chos pa med cing zag pa med ba zhes bya ba ni shes rab kyi stobs kyis so/ /nges par rtogs pa'i phyogs rnams kyis zag pa med pa'i phyir ro/ /ming dang gzugs nams las ni chags pa med pa'i yid ces bya bas ni byang chub kyi yan lag 'jig rten las 'das pa'i lam/ thob pa'i phyir ro/ /de ni mnyam par bzhag ces bya ba ni dran pa yang dag byang chub kyi yan lag thob ba'i phyir ro/ /shin tu dul ba'i sems ni byang chub kyi yan lag ltag ma rnams kyis so/ / so sor thar la slob pas rlom sems byed pa med ces bya ba ni yang dag par lta ba'i lam gyis yan lag thob pas chos
- 325a
nyid kyis thob pa'i tshul khrims rab tu thob pa'i phyir ro/ /des ni 'di ni de la chags par te zhes bya ba ni chos nyid kyis so sor thar pa'i bslab pa rgyun gcad pa'i phyir ro/ /de'i gong du 'phags pa'i lam rnams tshol byed ces bya ba ni yang dag par rtog rnams kyis yang dag pa'i lta bar rnam par 'jog pa'i phyir ro/ /tshul khrims gtso bor ma yin pa ni yang dag pa'i dag dang/ las kyi mdza' dang /'tsho ba'i lam gyi yan lag thob pa'i phyir te/ de las gzhan pa'i tshul khrims ni rlom sems med pa'i phyir ro/ /ting 'dzin der chags med ces bya ba ni/ de'i 'gyod pa med pa la sogs pa'i rim gyis skyes pa bsam gtan gyi ro myang ba med pa'o/ /de'i gong du shes rab bsgom pa yongs su tshol ba ni yang dag pa'i rtsol bas so/ /'jig pa'i tshogs la lta las rnam par grol ba'i yid ces bya ba rgya cher 'byung ba ni yang dag pa'i dran pas so/ /tshul khrims la ni gnas nas ting nge 'dzin kyang thob ces bya ba ni yang dag pa'i ting nge 'dzin to/ /ting nge 'dzin rnams thob nas shes rab shin tu sgom zhes bya ba ni kun tu sbyor ba lhag ma yongs su spong ba'i phyir ro/ /shes rab kyis ni ye shes rnam par dag pa 'thob ces bya ba ni zad pa shes pa dang mi skye ba shes pa'o/ /de ltar tshigs su bcad pa mngon par sgrub pa 'dis byang chub kyi phyogs rnam par dag pa bsgom pa yongs su bstan to/ /las kyi lam rnam par dag pa las brtsams nas rnam grangs gzhan du'o/ /mi mthun pa'i phyogs spangs pa dang/ gnyen po rnam par dag pas srog gcod pa pas phyir ldog pa?
- 325b
rnam par dag pa yongs su bstan to/ /de la mi mthun pa'i phyogs spangs pa ni/ srog gcod pa'i bag chags dang de'i gzhi spangs pa'o/ /gnyen po ni rnam par dag ba gsum ste/ de las phyir log pa las chog mi shes pa rnam par dag pa dang/ sgrib pa mang ba rnam par dag pa dang/ rnam par smin par nges pa yongs su mi 'dzin pas kun tu sbyor ba ma lus par rnam par dag pa'o/ /ma byin par len pa'i rkyen 'jigs ba dang/ kha na ma tho ba dang/ dgra rnams spangs pa dang/ rku ba dang/ yongs su spyod pa dang/ mngon par 'du byed pa spangs pa dang/ de'i gzhi'i nyon mongs pa spangs pa dang/ de ma byor pa'i ngal ba dang/ gsad ba dang/ bcing ba la sogs pa'i gnod pa spangs ba dang/ /de 'byor ba'i nga rgyal bas ma byin par len pa las phyir ldog pa rnam par dag pa yongs su bstan to/ bud med kyi lus la mi lta bar rab tu byung ba dang/ rab tu byung ba de'i mya ngan las 'ching bar 'gyur zhes log pa'i smra ba'i gzhi spangs pa dang/ mi smon bar tshangs bar spyad pa spyod pa dang/ dbang po dag pa'i sgor gyur pa dang/ spyod yul ma yin pa yongs su spong ba dang/ mi sdug pa la sogs pa gnyen po sgom pas 'dod pas log par g.yem pa las phyir ldog pa rnam par dag pa yongs su bstan to/ /zang zing gi phyir ram/ 'jigs ba'i gzhi gang gis brdzun du smra ba zer ba de spangs ba dang/ de'i gnyen por thos pa la sogs pa'i shes rab dang ldan pa dang/ gzhi gang gis bdag dang gzhan la gnod par 'gyur ba brdzun gyi tshig smra ba de spangs pas brdzun du smra ba las phyir ldog pa rnam par dag par yongs su bstan to/ /rang gi nyes pa yongs su spang ba'i phyir yul gyi phyir dgang bar bya ba'i phyir phra ma byed pa de gang las med pa dang/ de'i dang nas phyi'i skye
- 326a
mched la chags pa med pa dang/ de med pas gang 'dum par mi byed pa dang/ bye ba la mi rnon pa dang/ mi mthun par mi mos/ /mi mthun par 'gyur ba'i tshig mi smra ba ma yin/ /de 'byung bar byed pa chags pa la sogs pa nyon mongs pa las 'gro bas de'i phra ma las phyir log pa rnam par yongs su bstan to/ /mi bzod pa'i gzhi med pa dang/ bzod pa'i gzhi yod pas tshig rtsub pa las phyir log pa rnam par dag pa yongs su bstan to/ /de la mi bzod pa'i gzhi ni ming dang gzugs la chags pa'i yid do/ /bzod pa'i gzhi ni so sor brtags pa'i stobs dang/ sems 'chos shing rtse gcig tu bsgom pa'i stobs kyis nyon mongs pa med pa ni rang bzhin gyis bzod pa'o/ /tshig thun tshags smra ba rnam pa gsum spangs pas tshig thun tshags smra ba la phyir ldog pa rnam par dag pa yongs su bstan to/ /tshig thun? tshogs smra ba rnam pa gsum ni bdag la bstod cing gzhan la smod pa dang/ rang gi lta ba bsnyams pa dang ldan pa'o/ /chags sems rnam gsum spangs pas chags sems las phyir log pa rnam par dag pa yongs su bstan te/ chags sems rnam pa gsum ni mtho ris kyi gnas dang/ gzhan yid ches par bya ba'i gnas dang/ bslab pa'i 'thob pa dang bkur sti'i gnas so/ /gnod sems kyi gzhi spangs pas gnod sems las phyir ldog pa rnam par dag pa yongs su bstan te/ de'i gzhi'i 'jig chogs la lta ba ste/ bdag la gnod pa byas so/ /'di ni bdag la gnod pa byed pa'o zhes gnod sems kun tu bskyed do/ /de spangs pa'i mtshan nyid ni rnam pa gnyis te/ yul rnams la spyod pa na bdag tu
- 326b
'dzin pa dang/ bdag gir 'dzin pa kun tu mi 'byung ba dang/ chos yid la byed pa na sangs rgyas kyis mngon par rdzogs par sangs rgyas pa'i stong pa nyid la mos pa'o/ /gnyen po rnam par dag pa log par lta ba las phyir log pa rnam par dag pa yongs su bstan to/ /de'i gnyen por ni tshul khrims la brten nas ting nge 'dzin to/ /ting nge 'dzin la brten nas 'jig rten pa'i yang dag pa'i lta ba ste/ nges par rtogs pa'i phyogs su bsdus pa'o/ /de nas 'jig rten las 'das pa'i yang dag pa'i lta ba'o/ /de ltar las kyi rnam par dag pa'i tshul khrims phun sum tshogs par rig par bya'o/ /tshigs su bcad pa'i don bstan pas rnam grangs gzhan du'o/ /de la tshigs su bcad pa 'di dag gis so sor bsdus pa'i don ni dang pos ni bar du gcod pa rnam par spong bas tshul khrims rnam par dag pa'o/ /gnyis pas ni g.yeng ba dang/ rlom sems kun nas rnam par dag pa'o/ /gsum pa ni sred pa dang/ lta ba dang/ kun nas nyon mongs pa spong ba rnam par dag pa'o/ /bzhi pas ni 'du shes yongs su shes pa rnam par dag pa'o/ /lnga pas ni zag pa med pa rnam par dag pa'o/ /drug pas ni ting nge 'dzin yongs su dag pa rnam par dag pa'o/ /bdun pas ni sbyor ba rnam par dag pa'o/ /brgyad pas ni slob pa rnam par dag pa'o/ /dgu pas ni mi slob pa rnam par dag pa'o/ /bcu pas ni de bzhin gshegs pa'i ye shes rnam par dag pa'o/ /de la tshul khrims kyi bar du gcod pa ni bzhi pa'o/ /nyams pa ni bar du gcod pa ste/ de'i gnyen por/ tshul khrims ldan pa dri ma med cing ci yang med ces bya ba gsungs so/ /dang
- 327a
tshul ngan pa'i nyes pa'i mtshan nyid ni dri ma'o/ /'dod chags la sogs pa nyon mongs pa ci yang zhes bya ba ni gzhi ste/ 'di ni tshul khrims nyams pa bar du gcod pa'o/ /khyad par du 'gro ba bar du gcod pa de'i gnyen por tshul khrims ldan la rgyags pa med de rten pa med ces bya ba gsungs te/ tshul khrims tsam la yon tan du lta zhing de la brten pa de'i gzhi ni rgyags pa ste/ 'di ni khyad par du 'gro ba'i bar du gcod pa'o/ /rtogs par 'gyur ba'i bar du gcod pa'i gnyen por tshul khrims ldan la mun pa med cing 'ching ba med ces bya ba gsungs te/ ma rig pa ni gzhi'o/ /lta ba ni 'ching ba ste/ 'di ni de kho na rtogs par 'gyur ba'i bar du gcod pa'o/ /tshe 'di la bde bar gnas pa'i bar du gcod pa de'i gnyen por/ tshul khrims ldan la rdul rnams med de nyes pa med ces bya ba gsungs te/ mi dge ba la sems pa ni rdul to/ /'thob pa dang bkur sti la chags pa'i nyes pa ni bzhi ste/ 'di ni tshe 'di la bde bar gnas pa bsam gtan rnams kyi bar du gcod pa'o/ /gnyis pa las ni g.yo ba dang rlom sems kun las rab tu thar ba rnam par dag pa ste/ mtshan ma dang/ gnas ngan len dang/ de las byung ba'i sdug bsngal spangs pa dang/ gnyen por rnam par mi rtog pa'i shes rab dang ting nge 'dzin phun sum tshogs pa'o/ /de la mtshan ma spangs pas zhi ba'o/ /gnas ngan len spangs pas rab tu zhi ba'o/ /de las byung ba'i sdug bsngal spangs pas nye bar zhi ba'i yid do/ /gzugs la sogs pa'i chos kyi ngo bo nyid dang de'i khyad par skye'o/ /'gog go zhes bya ba la sogs par rtog
- 327b
pa dang/ rnam par rtog pa dang bral ba dang/ g.yo ba med pa dang/ ting nge 'dzin las mi g.yo ba'i phyir/ gnyen po rnam par mi rtog pa'i shes rab dang ting nge 'dzin phun sum tshogs pas g.yo ba dang rlom sems thams cad las rab tu thar ba phun sum tshogs so/ /gsum pa las ni sred pa dang lta ba dang/ kun nas nyon mongs pa spangs pa rnam par dag pa ste/ tshe 'di dang tshe rabs gzhan gyi sred pa spangs pas/ lus la mi lta srog la phangs par 'dzin mi byed/ /srid pa rnams su skye ba kun la 'dod pa med ces bya ba'o/ /theg pa chen po'i chos dang don la phyin ci ma log pas/ yang dag par zhugs pa dang/ yang dag pa'i tshul la gnas pa zhes bya'o/ /bzhi pa las ni 'du shes yongs su shes pa rnam par dag pa ste/ 'jig rten gyi chos kyi 'du shes yongs su shes pas 'jig rten gyis ma gos pa zhes bya'o/ /'jig rten gyi 'du shes yongs su shes pas 'jig rten dag la dmigs pa zhes bya'o/ /bden pa la yid gnyis dang the tshom za ba'i 'du shes yongs su shes pas snang pa thob pa zhes bya'o/ /lus dang longs spyod kyi 'du shes yongs su shes pas bdag gi ba med ces bya'o/ /'dod chags dang/ zhe sdang dang/ gti mug gi mtshan ma'i 'du shes yongs su shes pas ci yang med ces bya'o/ /bdag dang gzhan gyi 'du shes yongs su shes pas bdag tu 'du shes med cing gzhan du 'du shes med ces bya'o/ /lnga pa las ni zag pa med pa rnam par dag pa ste/ phung po lhag ma ma lus pa'i mya ngan las 'das pa'i dbyings yongs su 'dzin pas/ gang la tshu rol med cing pha rol dbus kyang med ces bya'o/ /de la nang dang/ phyi'i skye mched drug dang/ de las
- 328a
byung ba'i rnam par shes pa rnams ni tshu rol dang/ pha rol dang/ dbus zhes bya'o/ /phung po'i lhag ma dang bcas pa'i mya ngan las 'das pa'i dbyings la rab tu gnas pas chags pa spangs pa dang dngos po'i 'ching ba las thar pa dang/ dge ba mi spyoms pas/ tshu rol dag la nams kyang mi chags shing/ bcings dang chags med tshul 'chos med ces bya ste/ dngos po la chags pa spangs pas dngos po bcings pa las rnam par grol? gyi/ dngos po las rnam par grol ba ni ma yin no/ /ma bcings pa ni grol ba zhes bya ste/ dper na dge slong khyed mig la dga' ba'i 'dod chags gang yin pa de spongs shig/ de spangs na mig de spangs par 'gyur ro zhes bya ba gsungs pa lta bu'o/ /tshul 'chos med ces bya ba ni 'thob pa dang bkur sti la chags pa med pas phyi rol gyi dngos po la mi chags par ston to/ /drug pa las ni ting nge 'dzin yongs su 'dzin pa rnam par dag pa ste/ dag pa can gyi ting nge 'dzin yongs su 'dzin pas/ ming dang gzugs rnams la ni chags pa med pa'i yid ces bya'o/ /tha ba med pa can gyi ting nge 'dzin yongs su 'dzin pas de ni mnyam par bzhag cing shin tu dul ba'i sems zhes bya ste/ rtsa ba'i bsam gtan gyi ting nge 'dzin thob bas mnyam par bzhag pa zhes bya'o/ /'jig rten las 'das pa'i ting nge 'dzin yongs su 'dzin pas/ gang la bdag med bdag gir 'dzin pa med ces bya'o/ /bdun pa las ni sbyor ba rnam par dag pa ste/ so sor thar pa'i sdom pa tsam gyis rlom sems su mi byed pas/ so sor thar pa la slob pas rlom sems byed pa med ces bya'o/ /de tsam gyis chog par mi 'dzin pas/ des ni 'di na de la chags par mi
- 328b
'gyur te/ de'i gong du 'phags pa'i lam rnams tshol byed pa/ de ni tshul khrims rnam par dag pa'i mtshan ma'o zhes bya ba'o/ /brgyad pa las ni slob pa rnam par dag pa ste/ tshul khrims dang/ ting nge 'dzin gyis chog par mi 'dzin pas/ tshul khrims gtso bo ma yin ting nge 'dzin der chags med ces bya'o/ /'jig rten pa'i shes rab tsam gyis chog par mi 'dzin pas/ de kho na rtogs te/ mi dmigs pa'i ye shes thob pa ni/ de'i gong du shes rab sgom pa yongs su tshol/ dmigs pa med pa 'phags pa rnams kyi rigs yin te/ tshul khrims de ni bde bar gshegs pas rab tu bsngags zhes bya'o/ /dgu pa las ni mi slob pa las ni dag ste/ mthong ba'i lam na 'jig chogs la lta ba las rnam par grol bas/ 'jig tshogs la lta las rnam par grol ba'i yid ces bya'o/ /sgom pa'i lam na nga'o snyam pa'i nga rgyal las rnam par grol bas/ de 'dir nga dang nga yi snyam du 'gyur ba med ces bya ba'o/ /de'i rjes las thob pa'i ye shes kyis/ de bzhin gshegs pa'i spyod yul zab mo stong pa nyid la mos pas/ sangs rgyas spyod yul stong pa nyid la lhag par mos/ de yi tshul khrims de ni mnyam pa med pa'o zhes bya'o/ /bcu pa las ni de bzhin gshegs pa'i ye shes rnam par dag pa ste/ byang chub sems dpa' i tshul khrims la gnas nas theg pa rlabs po che'i ting nge 'dzin bsgoms pas/ tshul khrims la ni gnas nas ting nge 'dzin kyang thob ces bya'o/ /ting nge 'dzin la gnas te shes rab sgom mo/ /bsgoms pas ting nge 'dzin rnams thob nas shes rab shin tu bsgom zhes bya'o/ /shes rab zab mo sgom pa la gnas te
- 329a
thams cad mkhyen pa'i ye shes thob pas/ shes rab kyis ni ye shes rnam par dag pa 'thob ces bya'o/ /de ltar tshul khrims phun sum tshogs bas/ ye shes rnam par dag pas tshul khrims phun sum tshogs zhes bya'o/ /yang gnod pa 'joms pa rnam par dag pa dang bslab pa rnam gsum rnam par dag pa dang/ sbyor ba'i lam rnam par dag pa dang/ mthong ba'i lam rnam par dag pa dang/ bsgom pa'i lam rnam par dag pa dang/ mthar phyin pa'i lam rnam par dag pa dang/ sdom pa gsum rnam par dag pas/ tshigs su bcad pa 'di dag gis lus rnam par bzhag par bya'o zhes slob dpon gzhan dag tshigs su bcad pa 'di dag gi don de skad du rjod de/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor song la dge slong de dag kun shes par byos shig /rab 'byor gyis gsol pa/ bcom ldan 'das nyid kyis 'di dag la bshad na yang mthun par mi bgyid na bdag gis lta smos kyang ci 'tshal zhes bya ba la/ 'di la rab 'byor la bka' stsal pa ni/ de bzhin gshegs pa rnams kyis 'dul pa'i don mdzad pa'i nus pa nyan thos rnams las khyad par du brjod pa'i phyir ro/ /'di man chad ni brnga dang don dam pa'i sdom pa rnam par bzhag par rig par bya'o/ /de nas bcom ldan 'das kyis de'i tshe dge slong de dag lam gang nas dod pa'i lam der dge slong gnyis shig sprul pa sprul to/ /zhes bya ba ni de bzhin gshegs pa'i 'dul ba'i thabs ston to/ /rnam pa gnyis kyis sprul pa rab tu bstan te/ dge slong de dag
- 329b
bsdus nas gdams pa'i phyir ro/ /de nas dge slong lnga brgya po de dag sprul pa'i dge slong gnyis po lam gang nas dod ba'i lam der dong ste/ phyin pa dang 'di skad ces smras so/ /tshe dang ldan pa dag gar 'gro/ de gnyis kyis smras ba/ kho bo cag ni dgon pa'i gnas rnams su bsam gtan gyi bde ba la reg par gnas par bya bar 'dod do/ /de ci'i phyir zhe na/ kho bo cag ni bcom ldan 'das kyis chos bstan pa gang yin pa'i chos de la mi 'jug ste/ mi rtog gis mi mos shing skrag kun tu skrag kun tu rab tu skrag bar gyur nas kho bo cag dgon pa'i gnas rnams su bsam gtan gyi bde ba la reg bar gnas pa rnams kyis gnas par bya'o/ /dge slong lnga brgya po dag gis 'di skad ces smras so/ /tshe dang ldan pa dag kho bo cag kyang bcom ldan 'das kyis chos bshad pa la mi 'jug ste/ ma rtogs ma mos shing skrag kun tu skrag rab tu skrag par gyur to/ /de'i phyir kho bo cag kyang dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o/ /sprul pa gnyis kyis smras pa/ tshe dang ldan pa dag de'i phyir bdag cag yang dag par 'gro bar bya'o/ /rtsod par mi bya'o/ /rtsod pa med pa dam par byed pa ni dge sbyong gi chos so/ /tshe dang ldan pa dag de'i phyir bdag cag lang dag par 'gro bar bya'o/ /rtsod par mi bya'o/ /rtsod pa med pa dam par byed pa ni dge sbyong gi chos so/ /tshe dang ldan pa dag gang 'di yongs su mya ngan las 'das pa zhes bya ba gang/ yongs su mya ngan las 'da' bar 'gyur ba'i chos de gang/ de lus 'di la bdag gam/ sems can nam/ skye ba po 'am/ skyes bu 'am/ gang zag ga ma/ shed las skyes pa 'am/ shed bu 'am/ gang yongs su mya ngan las 'da' bar
- 330a
'gyur/ gang zad bas yongs su mya ngan las 'da' / de dag gis smras pa/ 'dod chags zad zhe sdang zad gti mug zad bas yongs su mya ngan las 'da' o/ /sprul ba gnyis kyis smras pa/ tshe dang ldan pa dag 'dod chags dang/ zhe sdang dang/ gti mug yod pas yin nam/ ci na de dag zad bar bya/ de dag gis smras pa/ de dag nang na yang med/ phyi rol na yang med/ gnyi ga med ba la yang mi dmigs te/ de dag ni yongs su ma brtags ba las kyang mi skye'o/ /zhes bya ba ni de dag mya ngan las 'das pa las log bar 'dzin pas mngon pa'i nga rgyal gyis skrag ba las yongs su mya ngan las 'das bar byed pa'i sems can de gang de yang med pa/ 'dod chags la sogs ba yod pa las zad bar 'gyur ba ma yin te ma skyes pa de dag nyid kyi skye ba med pa tsam la mya ngan las 'das ba'o? zhes yongs su bstan bas yang dag ba ji lta ba bzhin du mya ngan las 'das pa la yid ches bar 'gyur ba'o/ sprul ba gnyis kyis smras ba/ tshe dang ldan bdag? de lta bas nam rtog rnam par ma rtog cig ces bya ba ni nang dang phyi'i skye mched rnams la nga dang nga'i zhes bya ba dang/ go rim bzhin du sbyar ro/ /tshe dang ldan pa dag nam mi rtog rnam bar mi rtog pa de ni chags par yang mi 'gyur zhes bya ba ni 'dod chags skye ba med pa'i phyir ro/ /chags pa dang bral bar mi 'gyur zhes bya ba ni skye ba med pa la 'bral ba med pa'i phyir ro/ /chags pa med cing chags ba dang bral ba yang med pa gang yin pa de ni zhib? zhes bya'o/ /zhes bya ba lam? zhi bar 'gyur ba las zhi bar 'gyur ro snyam du 'dzin pa yongs su btsal ba'i phyir ro/ /tshe dang ldan pa dag tshul khrims ni mi 'khor zhing mya ngan las mi 'da' o/ /tshe dang ldan pa
- 330b
dag ting nge 'dzin dang/ shes rab dang/ rnam bar grol ba dang/ rnam bar grol ba'i ye shes mthong ba la yang mi 'khor zhing yongs su mya ngan las mi 'da' o/ /tshe dang ldan pa dag chos de dag gis yongs su mya ngan las 'das pa ston pa na chos de dag kyang stong pa/ dben pa gzung du med pa'o zhes smras pa ni/ gang dag gis gang zag zhi ba zhes bya'o/ /mi 'khor ba ni nyon mongs pa can ma yin pa'i phyir ro/ /yongs mya ngan las mi 'da' ba ni/ rang bzhin gyis yongs su mya ngan las 'das ba'i phyir te/ de dag la ni sngon ma zhi bar gyur ba las zhi bar 'gyur ba gzhan med do/ /tshe dang ldan pa dag dngos po ci yang med pas 'di lta ste/ mya ngan las 'das so snyam pa'i 'du shes spongs shig /bdag yongs su mya ngan las 'das par bya'o snyam pa'i 'du shes kyis mya ngan las 'das pa la 'du shes su ma byed cig /'dod chags la sogs pa'i 'du shes kyis mya ngan las 'das pa la 'dod chags la sogs pa med pa ni mya ngan las 'das pa'o zhes mya ngan las 'das pa'i 'du shes la yongs su shes par ma byed cig /'dod chags la sogs pa med pa ni mya ngan las 'das pa'o/ /de ni de'i 'du shes kyis bcings pa yin no/ /zhes bya ba ni mtshan ma med ba la gnas pa'i bar chad du gyur pa'i phyir ro/ /zag pa zad par bya ba'i thabs bstan nas de'i 'og tu tshe 'di la bde bar gnas pa'i bya ba'i thabs 'gog pa'i snyoms par 'jug ba mngon par sgrub ba ston to/ /tshe dang ldan pa dag 'du shes dang/ tshor ba 'gog pa'i snyams par 'jug pa la zhugs shig tshe dang ldan pa dag 'du shes/ tshor ba 'gog pa'i snyoms bar 'jug ba las gong ma bya ba med do zhes 'chang ngo zhes gang gsungs pa'i phyir ro/ /yang na 'di ni don gzhan yin te/
- 331a
de la dge ba'i rtsa ba ma bskyed ba dag gis mos par mi nus zhes bya ba ni bsod nams dang/ ye shes kyi tshogs dang mi ldan pa'i phyir shin tu rdul dang ldan pa'i rnams so zhes bya ba'i tha tshig go /sdig pa'i grogs pos yongs su zin pa dag gis ma yin no zhes bya ba ni skyes bu dam pas yongs su ma zin pa'i phyir rab tu ma rung bar 'gyur ba rnams kyis so zhes bya ba'i tha tshig go /ma dad pa mang ba dag gis ma yin no zhes bya ba ni ye shes kyi tshogs dang mi ldan pas zab mo'i chos gnas la mos pa rnams kyis zhes bya ba'i tha tshig go /mi 'jug ces bya ba ni bstan pa'i tha tshig go/ mi rtog ces bya ba ni chos gnas pa'i ye shes ma rtogs pa'i phyir ro// mi mos zhes bya ba ni de kho na shes pas nges pa med pa'i phyir ro/ /de bzhin gshegs pas 'dul ba'i thabs de rnam pa gnyis su blta ste/ sprul pa dag gis mden pa'i nga rgyal can gyi bdag nyid dang 'dra ba dang/ mos pa 'dra bas ni bka' la sems nye bar gzhag pa'i phyir 'dra ba bstan pa dang/ gdams ngag de nges par 'byung ba can yin pas yang dag pa'i thabs nye bar bstan pa'o/ /gdams ngag kyang rnam pa bzhir rig par bya ste/ rnam bar byang ba dang/ kun nas nyon mongs pa gnyis la skrag par 'byung ba'i gnas bstan pa dang/ kun nas nyon mongs pa'i gzhi yongs su spang bar bstan pa dang/ rnam par byang ba la skrag pa'i gzhi yongs su spang bar bstan pa dang/ tshe 'di la mchog tu bde ba gnas pa'i thabs bstan pa'o/ /de la tshe dang ldan pa dag gang 'di yongs su mya ngan las 'das pa zhes gang yongs su mya ngan las 'das par 'gyur ba'i chos de yang/ gang lus
- 331b
la bdag gam zhes bya ba ni bdag tu lta ba dgag pa'i phyir rnam par byang ba dang kun nas nyon mongs pa gnyis la skrag pa 'byung ba'i gnas bstan pas bdag med par 'gyur snyom? ste/ skrag pas kun nas nyon mongs par 'gyur te/ 'di ni rnam pa dang po'o/ /sprul pa gnyis kyis smras pa/ de tshe dang ldan pa dag de lta bas na ma rtog par ma rtog cig ces bya ba ni/ kun nas nyon mongs pa'i gzhi rnam pa gnyis ston to/ /tha snyad can gyi ngo bo nyid du kun nas nyon mongs pa'i ngo bo nyid la mngon par zhen pa'i yongs su rtog pa de'i dbang du byas nas ma rtog cig ces bya ba smras so/ /de'i yon tan dang nyes pa'i bye brag la mngon par zhen pa'i yongs su rtag pa de'i dbang du byas nas rnam par ma rtog cig ces bya ba smras te/ 'di ni rnam pa gnyis pa'o/ /tshe dang ldan pa dag nam mi rtog rnam par mi rtog pa de na zhes bya ba nas rgya cher de ni de'i 'du shes kyis bcings pa yin no zhes bya ba'i bar dag ni rnam par byang ba ste/ mdor bsdu na rnam pa gnyis su rig par bya ste/ rnam par dag pa'i lam dang/ mya ngan las 'das pa rnam par dag pa'i lam la skrag pa'i gzhir rig par bya ste/ tshe dang ldan pa dag tshul khrims la sogs pa ni mi 'khor zhing yongs su mya ngan las mi 'da' o zhes bya ba la tshul khrims la sogs ba'i de bzhin nyid shin tu rnam par dag pa'i phyir sngon dang phyi mar kun nas nyon mongs par rtog pa dang kun nas nyon mongs pa dang bral ba'i rtog pa mi 'thad? na de rnam par dag pa'i lam de la kun nas nyon mongs pa dang/ kun nas nyon mongs pa dang bral bar rtogs pas rnam par dag pa'i lam la skrag go /rnam pa gnyis kyis mya ngan las 'das pa rnam par dag pa la
- 332a
skrag pa'i gzhir rig par bya ste/ tshe dang ldan pa dag 'di lta ste mya ngan las 'das pa'i 'du shes spongs shig ces bya ba ni tha snyad can gyi ngo bo nyid la mngon par zhen bas so/ /'du shes la yang 'du shes su ma byed cig ces bya ba ni mya ngan las 'das pa zhes bya ba ni tshig bla dags kyi 'du shes la sems las byung ba'i 'du shes su byed pas so/ /'du shes la 'du shes kyis yongs su shes par ma byed cig ces bya ba ni sems las byung ba'i 'du shes kyis zhi ba po zhes bya ba ni tshig bla dags kyi 'du shes la yongs su shes par byed pas so/ /gzhi rnam pa 'di gnyis med na mya ngan las 'das pa la skrag par mi 'gyur te/ 'di ni rnam pa gsum par rig par bya'o/ /gzhi de gnyis yongs su spangs pa ni mchog tu gnas par bya ba'i thabs bstan par rig par bya ste/ tsho? dang ldan pa dag 'du shes dang tshor ba 'gog pa'i snyoms par 'jug pa la snyoms par zhugs shig /tshe dang ldan pa dag 'du shes dang tshor ba 'gog pa la snyoms par zhugs na de'i gong na bya ba med do zhes gang smras so/ /gzhi de gnyis yongs su spangs pa yang kun nas nyon mongs pa'i yongs su ldangs pa dang/ rnam par byad ba la skrag pa'i gzhi yongs su spangs te/ 'di ni rnam pa bzhir rig par bya ste/ 'di yan chad ni de bzhin gshegs pas 'dul ba'i thabs su rig par bya'o/ /'di man chad ni dngos po drug las brtsams nas bka' lung brda sprod pa don chen por rig par bya ste/ mya ngan las 'das pa'i dngos po dang/ gnas kyi dngos po dang/ sgra'i dngos po dang/ tshul bzhin yid la byed pa'i dngos po dang/ gdams ngag gi
- 332b
dngos po dang/ chos kyi rjes su mthun pa'i chos sgrub pa'i dngos po'o/ /de dag sems rnam par grol nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /de nas tshe dang ldan pa rab 'byor gyis? dge slong de dag la 'di skad ces smras so/ /tshe dang ldan pa dag gar dod dod gang nas lhags zhes dris pa dang/ de dag gis smras ba/ btsun pa rab 'byor gang du yang 'gro ba med/ gang nas kyang 'ong ba med pa'i phyir bcom ldan 'das kyis chos bstan to zhes bya ba ci la brtsams te de skad smras she na/ dang po ste mya ngan las 'das pa'i dngos po'i dbang du byas pa'o/ /ci'i phyir zhe na 'di ltar 'khor ba lta bur de la ni 'gro ba dang /'di? la med pa'o/ /tshe dang ldan pa dag khyed kyi ston pa gang yin zhes dris pa dang/ smres nga?/ gang ma skyes shing yongs su mya ngan las mi 'da' ? zhes bya ba ci las brtsams te de skad smras she na/ /gnyis pa gnas kyi dngos po ste/ gzugs kyi sku'i dbang du byas so/ /ma skyes shing yongs su mya ngan las mi 'da' zhes bya ba ni mya ngan las 'das pa'i rang bzhin gyi phyir te/ smras pa/ khyed kyis ji ltar chos thos shes dris pa dang/ smras pa/ bcing ba'i phyir yang ma yin thar pa'i phyir yang ma yin no zhes bya ba ci las bsam te de skad smras she na/ gsum pa sgra'i dngos po ste/ chos bstan pa'i dbang du byas so/ /bcings pa'i phyir yang ma yin zhes bya ba ni chos gos la sogs pa la sred pa skye ba'i gnyen po'i phyir ro/ /thar pa'i phyir yang ma yin zhes bya ba ni/ de dag grol ba'i phyir ro/ /smras pa/ khyed ji ltar rab tu brtson zhes dris pa dang/ /smras pa ma rig pa spangs
- 333a
ba'i phyir yang ma yin/ rig pa bskyed pa'i phyir yang ma yin no zhes bya ba ci las bsams te smra she na/ bzhi ba tshul bzhin yid la byed ba'i dngos po'i dbang du byas so/ /ma rig pa spang ba'i phyir ma yin pa'i dbang du byas pa ste/ nyan thos rnams la de kun tu 'byung ba'i phyir ro/ /ma rig pa bskyed pa'i phyir yang ma yin pa ni skyes zin pa'i phyir ro/ /smras pa khyed su'i nyan thos zhes dris pa dang/ smras pa gang gis thob pa med cing mngon par rdzogs par sangs rgyas pa med do zhes bya ba ci las bsams te de skad smras zhe na/ lnga pa gdam ngag gi dngos po'i dbang du byas pa ste/ dge slong gi gzugs su sprul ba gang gis rtogs bar bya ba'i phyir ro/ /drug pa chos kyi rjes su mthun pa'i chos sgrub pa'i dngos po ni don bcu'i dbang du byas bar rig par bya ste/ phung po lhag ma ma lus ba'i mya ngan las 'das pa dang/ phung po'i lhag ma dang bcas pa'i mya ngan las 'das pa dang/ /mthong bas spang bar bya ba'i nyon mongs pa spangs pa dang/ bsgom pas spang bar bya ba'i nyon mongs pa spangs pa dang/ sdug bsngal spong ba dang/ ston pa la phyir bya ba dang/ sbyin bdag la lan blan pa dang/ 'phags pa ma yin pa'i sa las shin tu 'das pa dang/ 'phags pa sa la rab tu gnas ba dang/ rnam par grol ba thun mong du gyur pa'o/ /smras pa/ tshe dang ldan pa dag khyed kyis tshangs pa mtshungs par spyod pa gang zhes dris ba dang/ smras pa/ gang dag khams gsum na mi rgyu bdag go zhes bya ba ci las bsams te/ ji skad smras she na/ ma 'ongs pa ni/ phung po lhag ma ma lus pa'i mya ngan las 'das pa ste/ ? de
- 333b
na mthun pa'i chos nyid kyis lhan cig 'grogs pa'i phyir ro/ /smras pa/ tshe dang ldan pa dag khyed cag ci srid na yongs su mya ngan las 'da' zhes dris pa dang/ smras pa/ nam de bzhin gshegs pa'i sprul pa yongs su mya ngan las 'da' ba na'o zhes bya ba ci las bsams te de skad smras she na/ phung po lhag ma dang bcas pa'i mya ngan las 'das pa ste/ gzhan gyi dbang dang mthun pa'i chos kyis sngon gyi las kyis sprul pa'i phyir te/ de'i 'phen ba zad na de las gzhan pa dag dang lhan cig gnas pa'i phyir ro/ /smras pa/ tshe dang ldan pa dag khyed kyi nyon mongs pa zad dam zhes dris pa dang/ smras pa/ chos thams cad shin tu zad pa'i phyir ro zhes bya ba ci las bsams te de skad smras zhe na/ mthong bas spang bar bya ba'i nyon mongs pa spangs pa ste/ chos thams cad shin tu zad pa'i phyir ro zhes bya ba ni ngan song ba rnams so/ /smras pa/ khyed kyis bya ba byas sam zhes dris pa dang/ smras pa/ nga yir 'dzin pa dang nga yir 'dzin pa yongs su shes so zhes bya ba ci las bsams te de skad smras she na/ bsgom bas spang bar bya ba'i nyon mongs pa spangs ba ste/ 'jig tshogs la lta ba lhan cig skyes pa spangs pa'i phyir ro/ /smras ba/ khyed kyis bdud btul tam zhes dris pa dang/ smras pa/ phung po'i bdud mi dmigs pa'i phyir mi dmigs pa'i phyir ro zhes bya ba ci las bsams te de skad smras zhe na/ sdug bsngal spong ba ste/ phung po'i bdud mi dmigs pa zhes bya ba ni ma 'ongs pa na de'i skye ba mi dmigs pa'i phyir ro/ /de nyid kyi phyir bdud thams cad 'dul bar rig par bya ste/ phung po rnams med na de las gzhan pa'i bdud mi 'byung ba'i phyir ro/ /smras pa/ khyed kyis ston pa'i g.yog byas sam zhes dris pa dang/ smras pa/ lus kyis kyang ma byas/ dag gis kyang ma byas sems
- 334a
kyis kyang ma byas so zhes bya ba ci las bsams te de skad smras zhe na/ ston pa'i phyir bya ba ste/ lus la sogs pas ni ma yin gyi /mya ngan las 'das pa rtogs pas de'i g.yog byed pa'i phyir ro/ /smras pa/ khyed kyis sbyin pa'i sa sbyangs sam zhes dris pa dang/ smras pa/ 'dzin pa med cing sdud pa med pa'o zhes bya ba las bsams te de skad smras she na/ sbyin bdag la lan glan pa ste/ 'dzin pa med pa dang/ sdud pa med pa ni lta ba dang 'jog pa'i nyes pa dang bral ba ste go rim bzhin no/ /smras pa/ khyed cag 'khor ba las brgal tam zhes dris pa dang/ smras pa/ chad pa med cing rtag pa med pa'i phyir ro zhes bya ba ci las bsams te de skad smras she na/ 'phags pa ma yin pa'i sa las shin tu 'das pa ste/ chad pa med pa ni 'khor ba bri bar ma byas pa'i phyir ro/ /rtag pa med pa ni mya ngan las 'das pa yod pa'i phyir te/ de dag gis ni 'bri ba med par bstan to/ /smras pa/ khyed cag sbyin gnas kyi sar zhugs sam zhes dris pa dang/ smras pa/ 'dzin pa thams cad las rnam par grol ba'i phyir zhes bya ba ni spangs pa ma byas kyi med pa la 'dzin pa tsam dang bral ba'i phyir ro/ /smras pa/ tshe dang ldan pa dag gar 'gro dris pa dang/ smras pa/ de bzhin gshegs pa'i sprul pa gang du bzhud par ro zhes bya ba ci las bsams te de skad smras she na/ rnam par grol ba'i thun mong du gyur pa ste/ de bzhin gshegs pa dang bye brag med par de mthun pa'i chos kyis rnam par grol ba'i thun mong du gyur pa nyid du bstan to/ /yang na rigs kyi bu yang dag pa'i bkas shin tu rnam par grol ba dag ni rnam grangs gang dang cis kyang bka' lung brda sprod de/
- 334b
tshe dang ldan pa de dag gis ldem po ngag tu smras pa dag gis bka' lung brda sprod pa don chen por rig par bya'o/ /ldem po ngag tu smras pa gang zhe na/ gnyis su med pa'i mtshan nyid kyi ye shes te/ ldem po de? dag thams cad la 'jug pa'i rgyu'o// gnyis su med pa'i mtshan nyid gang zhe na/ gang brjod pa'i tshig gnas su gyur pa'i dngos po de yang ngo bo nyid med la/ brjod pas yongs su bsgos pa'i tshig gnas su gyur pa'i dngos po de yang ngo bo nyid med la/ brjod bas yongs su bsgos pa'i 'du shes kyi spyod yul ni ngo bo nyid kyis yod pa gnyis su med pa'o/ /gnyis su med pa de la gnyis su mngon par zhen pa ni kun nas nyon mongs pa'o/ /gnyis su med par zhen pa ni rnam par byang ba'o/ /brjod pa thams cad kyi tshig gi gnas su gyur pa'i dngos po de yang tha snyad kyi dngos pos yongs su bsgos pa'i 'du shes kyi spyod yul te/ ngo bo nyid kyis yod pa'i phyir gnyis su med do/ /gnyis su mngon par zhen pa kun nas nyon mongs pa'o/ /gnyis su med par zhen pa med pa ni rnam par byang ba'o/ /de ltar na de ni gnyis su med pa'i mtshan nyid de/ de bzhin gshegs pa rnams kyi ldem po dag thams cad la 'jug par rig par bya'o/ /de la ston pa phun sum tshogs pa rnam pa lnga dang/ des da'i gdams dag gis btags pas 'bras bu phun sum tshogs pa rnam pa lnga dang/ 'bras bu'i legs pa phun sum tshogs pa rnam pa lnga la ldem por dag tu smras par rig par bya'o/ /ston pa'i phun sum tshogs pa'i rnam pa lnga gang zhe na/ grang gi phyir sngon pa dang/ ston pa gang yin pa dang/ gang ston pa dang/ ci ltar ston pa dang/ gang la ston pa ste /de'i phun sum tshogs pa'i phyir ston pa phun sum tshogs par rig par bya'o/ /de gang
- 335a
gi phyir ston ce na/ mya ngan las 'das pa de mngon sum du bya ba'i phyir ston pa ste/ de nas tshe dang ldan pa rab 'byor gyis dge slong de dag la 'di skad ces smras so/ /tshe dang ldan pa dag gang dong dong gang nas lhags/ de dag gis smras pa/ btsun pa rab 'byor gang du yang 'gro ba med pa dang/ gang nas kyang 'ong ba med pa'i phyir bcom ldan 'das kyis chos bstan to zhes bya ba gang smras pa ste/ skye mched drug 'gegs pa las lhag par de'i dbyings yod do zhes bya ba la sogs pa'i spros pa rnams kyis ma spros dang/ chos rnams g.yo ba med pa'i phyir ro/ /'chang ba gang yin pa'i ston pa'i de gang yin pa dang/ de'i mtshan nyid ci yin pa ni smras pa/ tshe dang ldan pa dag khyed kyi ston pa gang yin smras pa/ gang ma skyes shing yongs su mya ngan las 'das pa'o zhes bya ba gang yin pa ste/ chos kyi sku skye ba med cing 'jig pa med pa las bsams nas de skad ces smras so/ /ci ston pa ni smras pa/ bcing ba'i phyir yang ma yin/ thar ba'i phyir yang ma yin zhes bya ba gang yin pa ste/ bcing pa dang grol ba ngo bo nyid kyis med pa dang/ don khong du chung par bya pa'i phyir ro/ /ji ltar ston pa rnam pa gang gis ston pa ni smras pa/ khyed ji ltar rab tu ston smras pa/ ma rig pa spangs pa'i phyir yang ma yin/ rig pa bskyed pa'i phyir yang ma yin zhes bya ba gang yin pa ste/ rig pa dang ma rig pa gnyis tha snyad kyi ngo bo nyid pas dmigs su med pa'i phyir ro/ /gang gis gang la ston pa ste/ su zhig su la ston ce na/ smras pa/ khyod su'i nyan thos/ smras pa/ gang gis thob pa med
- 335b
cing/ mngon par rdzogs par sangs rgyas pa med pa'o zhes bya ba gang yin pa ste/ gang gis gang dag gis thob pa med cing mngon par rdzogs par sangs rgyas pa med de/ mngon par rdzogs par byang chub pa las/ lhag pa de med pa'i phyir ro/ / de ltar gnyis su mtshan nyid phun sum tshogs pas ston na de ston pa de phun sum tshogs pa yin no/ /'bras bu phun sum tshogs pa gang zhe na/ phung po lhag ma ma lus pa'i mya ngan las 'das pa'i dbyings te/ smras pa/ khyed kyis tshangs pa mtshungs pa spyod ba gang/ smras pa gang khams gsum ni ma rgyu ba dag go zhes bya ba gang yin pa ste/ phung bo'i lhag ma ma lus pa'i mya ngan las 'das pa'i dbyings kyi dus na de bzhin nyid rnam par dag pa tsam du gnas pa la bsams te de skad ces smras so/ /phung po lhag ma dang bcas pa'i mya ngan las 'das pa'i dbyings ni smras pa/ /byed ji srid cig na/ yongs su mya ngan las 'da' smras pa/ nam de bzhin gshegs pa'i sprul pa mya ngan las 'das pa na'o zhes bya ba gang yin ba ste/ don dam par chos thams cad rang bzhin gyis yongs su mya ngan las 'das kyang kun rdzob tu mya ngan las 'das pa las bsams te de skad smras so/ /'phags pa'i lam yongs su rdzogs par byed pa ni/ smras pa khyed kyis bya ba byas sam/ smras pa/ ngar 'dzin pa dang nga yid 'dzin pa yongs su shes so zhes bya ba gang yin pa'o/ /bya ba byas bas bya ba byas te/ ngar 'dzin pa dang nga yir 'dzin pa gnyis kyis chos la bdag med par rab tu rtogs pa las brtsams te/ de skad smras so/ /nang gi dgra las rnam par rgyal ba ni/ smras pa/ khyed kyis nyon mongs pa zad dam/ smras pa/ chos thams cad shin tu zad pa'i phyir ro zhes bya ba gang yin pa ste/ nyon mongs pa'i
- 336a
dgra rnams ni nang gi yin pas chos la bdag med pa rab tu rtogs na shin tu zad pa las bsams te de skad smras so/ /phyi rol gyi dgra las rnam par rgyal ba ni/ smras pa/ khyed kyi bdud btul lam/ smras pa/ phung po'i bdud mi dmigs pa'i phyir ro zhes bya ba gang yin pa ste/ phung po'i bdud mi dmigs pa'i phyir ro zhes bya ba ni gang dag gis phyi rol gyi skye mched kyis bsdus pa'i phung po de dag gi ni phyi rol gyi dgra'i sgrar rig par bya ste/ de las rnam par rgyal ba ni kun tu brtags pa'i phung po'i ngo bo nyid mi dmigs par rig par bya'o/ /de la 'bras bu'i legs pa phun sum tshogs pa ston pa la bsnyen bkur byed pa ni smras pa/ khyed kyis ston pa'i g.yog byas sam/ smras pa/ lus kyis kyang ma byas/ ngag gis kyang ma byas sems kyis kyang ma byas zhes bya ba gang yin pa ste/ lus la sogs pas ni ma yin gyi/ chos nyid kyis g.yog byed pa'i phyir ro/ /dad pas byin pa yongs su sbyangs par gyur pa ni smras pa/ khyed kyis sbyin pa'i gnas kyis sbyangs sam/ smras pa/ 'dzin pa med cing sdud pa med pas so zhes bya ba gang yin pa ste/ sbyin pa'i gnas kyis sbyangs pa ni chos thams cad mi 'dzin pa'i phyir ro/ /'khor ba'i sdug bsngal las gyur pa ni smras pa/ khyed 'khor ba las brgal tam/ smras pa/ chad pa med cing rtag pa med pa'i phyir ro zhes bya ba gang yin pa ste/ 'khor ba las brgal ba ni chos la bdag med pa la chad pa med cing rtag pa med pa'i phyir ro/ /sbyin pa'i gnas kyi dngos po las yongs su mi nyams pa ni smras pa/ khyed sbyin pa'i sar zhugs sam smras pa/ 'dzin pa thams
- 336b
cad las rnam par grol ba'i phyir ro zhes bya ba gang yin pa ste/ sbyin pa'i gnas kyi sar zhugs pa yi ni chos su 'dzin pa las rnam par grol ba'i phyir ro/ /chos kyis sprul pa yi ni de gshegs pa'i sras yin no zhes de bzhin gshegs pa la brten pa ni smras pa/ tshe dang ldan pa dag gar dong smras pa/ de bzhin gshegs pa'i sprul pa gang du bzhud pa ro zhes bya ba gang yin pa ste/ gang du yang mi 'gro pa'i phyir de bzhin gshegs pa'i sprul pa byon pa lta bu'o/ /de ltar tshe dang ldan pa rab 'byor gyis kun dris te/ dge slong de dag gis lan btab nas 'khor de'i dge slong brgyad brgya ni len pa med par zag ba rnams las rnam par grol lo/ /srog chags su ma khri nyis stong gis ni chos rnams la chos kyis mig rdul dang phral zhing dri ma med par rnam par dag go zhes bya ba ni bka' lung brda sprod par 'di'i don chen po ste/ 'di ni slob pa dang mi slob pa thob par byed pa so so'i skye bo yongs su ma smin pa rnams slob par 'dod pa dang/ yongs su smin pa rnams mi slob pa thob par byed pa'o/ /de nas bcom ldan 'das la tshe dang ldan pa 'od srungs chen pos 'di skad ces gsol to/ /ci tsam du dkon mchog rtsegs? pa chen po'i chos kyi rnam grangs 'di rigs kyi bu 'am rigs kyi bu mo theg pa chen po la yang dag par zhugs pa rnams la phan 'dogs par gyur pa ni bcom ldan 'das ngo mtshar to/ /bde bar gshegs pa ngo mtshar to/ /zhes bya ba 'di man chad kyis ni chos kyi rnam grangs 'di bshad pa'i don chen po ste/ sangs rgyas kyi chos dang sems can yongs su smin par bya ba sgrub pa'i phyir byang chub sems dpa' rnams la phan 'dogs par gyur ba ste/
- 337a
dbu ma'i lam dang gdams ngag go rim bzhin du sbyar ro/ /bcom ldan 'das dkon mchog rtsegs ba chen po'i chos kyi rnam grangs 'di las tshigs su bcad ba gcig tsam bstan na rigs kyi bu 'am rigs kyi bu mo de la bsod nams ji tsam skye bar 'gyur zhes bya ba ni byang chub sems dpa' i sde snod kyi gdams ngag la mos pa'i legs pa 'dri ba'o/ /de skad ces gsol ba dang/ bcom ldan 'das kyis tshe dang ldan pa 'od srungs chen po la 'di skad ces bka' stsal to/ /'od srungs rigS kyi du 'aM riD kyi bu mo la las 'jig rten gyi khams gang+gA'i klung gi bye ma snyed rin po che sna bdun gyis rab tu gang bar byas te zhes bya ba la sogs pa'i tshig 'di dag ni rnam ba lngas mos ba'i legs pa yongs su ston to/ /zhing dang rten dang/ dus chen po dang/ phyug po'i bdag por 'gyur ba'i rgyu zil gyis gnon ba dang/ lus 'gyur ba dang/ de la gnas pa'i yul snod du bya ba dang/ 'chad ba snod du bya ba dang/ lus mdor ba'i dus na mthong ba dang/ las rnam par dag pa mthong ba'o/ /de la zhing chen po ni sangs rgyas rnams dang/ de'i nyan thos rnams dang/ mchod rten rnams so/ /brten pa ni rin po ches gad ba'i khams dang/ chos gos la sogs pa'o/ /dus ni bskal pa grangs med pa'o/ /de rnam pa la phyug pa'i bdag por 'gyur ba'i rgyu zil gyis gnon par rig par bya'o/ /dpag tu yod pa dang/ dpag tu med pa'i 'bras bu la bltos pa dang/ zad ba dang/ mi zad bI chos nyid dang/ bde ba rgya chen bor ma yin pa dang/ rgya chen por sgrub bar byed pa dang/ ye shes kyi tshogs dang/ de'i ngo bo nyid dang/ des de sgrub pa'i phyir ro/ /gzhan yang rnam pa lngas phyug pa'i bdag por gyur ba'i rgyu zil gyis
- 337b
gnon bar rig bar bya ste/ bde ba chung ba'i rgyu dang/ bde bar gcig tu ngos po med pa'i rgyu dang/ shin tu bde ba ma yin pa'i rgyu dang/ phyin ci log tu spyod ba bde ba'i rgyu dang/ sdug bsngal ba'i lus kyi yongs su spyod pa bde pa'i rgyu'i phyir ro/ /de ni 'od srungs rigs kyi bu 'am rigs kyi bu mo gang la las 'jig rten gyi khams gang+gA'i klung gi bye ma snyed rin po che sna bdun gyi rab tu gang ba byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin ba byin pa dang/ sangs rgyas bcom ldan 'das gang+gA'i klung gi bye ma snyed rnams las de bzhin gshegs ba re re'i gtsug lag khang gang+gA'i klung gi bye ma snyed brtsigs ba dang/ sangs rgyas bcom ldan 'das gang+gA'i klung gi bye ma snyed rnams la de bzhin gshegs pa re re'i nyan thos rnams kyi dge 'dun dpag tu med pa dag la skal ba gang+gA'i klung gi bye ma snyed du bde pa'i yo byad thams cad kyis rim gror byas ba dang/ de dag yongs su mya ngan las 'das ba dag gi mchod rten rin po che sna bdun las byas ba bas rigs kyi buAm/ rigs kyi bu mo gang gis dkon mchog brtsegs pa'i chos kyi rnam grangs 'di las tshigs su bcad ba gcig tsam bstan te/ bstan nas mi spong na de ni de bas bsod nams ches mang du skyed do ces bya pa'o/ /bud med gang la la zhig la bstan na de nam du yang log bar ltung bar mi 'gro ste/ de nyid de'i bud med kyi lus kyi tha ma'o zhes bya ba ni lus 'gyur pa'o/ sa phyogs gang du chos kyi rnam grangs 'dis bshad pa 'am/ bstan ba 'am/ yi ger 'dri ba 'am/ glegs bam du byas te bzhag pa'i sa phyogs de lha dang bcas pa'i 'jig rten gyi mchod rten du gyur ba yin zhes gang gsungs pa de ni de gnas pa'i yul snod du bya'o/ /smras ba/ gang las thob pa dang/ yi ge 'dri ba de las 'di
- 338a
lta ste/ de bzhin gshegs pa la gus par bya ba bzhin du bya'o/ /'od srungs rigs kyi bu 'am/ rigs kyi bu mo gang de bzhin gshegs pa'i chos smra ba la bkur ste byed pa dang/ btsun par byed pa dang/ rim gro byed pa dang/ mchod par byed pa de la nga bla na med pa yang dag par rdzogs pa'i byang chub tu lung bstan to zhes gang gsungs pa ni/ 'chad pa snod du bya ba'o/ /'chi ba'i dus kyi tshe na yang/ de bzhin gshegs pa mthong bar 'gyur te/ lus dang/ dag dang/ yid kyis las yongs su dag pa thob par 'gyur ro zhes bya ba ni lus 'dor ba'i dus na mthong ba rnam par dag pa dang/ las rnam par dag pa thob pa'o/ /lus kyi las yongs su dag pa bcu 'thob par 'gyur te/ bcu gang zhe na/ zhes gang gsungs pa ni/ lus 'dor ba'i dus nyid na/ rnam par dag pa thob pa'o/ /tsher bas sems kun tu ma zin par 'chi ba'i dus byed pa zhes bya ba ni/ tshor ba mya ngan gyi rgyu med pa'i phyir mya ngan gyis zil gyis ma non pa'i phyir ro/ /de'i mig 'khrul par mi 'gyur zhes bya ba ni 'dris pa yongs su shes pa'i phyir ro/ /lag pa g.yo par mi byed pa dang/ rkang pa phra bar mi byed pa zhes bya ba ni/ spyod lam phun sum tshogs pa'i phyir ro/ /ngan skyugs mi 'byung ba dang/ gcin mi stor ba dang/ de'i snying gar rdul mi 'byung zhes bya ba ni 'jigs pa med pa'i phyir ro/ /bu tshur mi 'chad ba dang/ nam mkha' la mi bskyegs pa zhes bya ba ni 'chi ba'i ltas kyis nyes pa med pa'i phyir ro/ /ji ltar 'dug pa de bzhin du tshe'i 'du byed 'dor bar 'gyur zhes bya ba ni lus las su rung ba'i phyir te/ lus kyi las yongs su
- 338b
dag pa bcu po de dag 'thob par 'gyur ro/ /de la lus kyi tshul nyes pa drug spangs par rig par bya ste/ nyes pa drug gang zhe na /dang pos ni mya ngan gyi nyes pa'o/ /gnyis pas ni 'dris pa yongs su mi shes pa'i nyes pa'o/ /gsum pa dang/ bzhi pas ni spyod yul gyi nyes pa'o/ /lnga pa dang/ drug pa dang bdun pa dag gis ni 'jigs pa'i mtshan ma'i nyes pa'o/ /brgyed pa dang/ dgu pas ni 'chi ba'i ltas kyi nyes pa'o/ /bcu pas ni lus las su mi rung ba'i nyes pa ste/ de dag ni nyes pa drug go/ dag gi las yongs su dag pa bcu thob par 'gyur te/ bcu gang zhe na/ 'di lta ste/ gdangs snyan pa'i tshig ces bya ba ni/ 'jigs pas brtags pa'i nyes pa med pa'i phyir ro/ /mnyen pa'i tshig ces bya ba ni/ rtsub pa'i nyes pa med pa'i phyir ro/ /'jam pa'i tshig ces bya ba ni tshig 'jam pas sangs rgyas bcom ldan 'das rnams kyi sangs rgyas kyi bka' brjod pa'i phyir ro/ /dga' ba'i tshig ces bya ba ni stong pa brjod pa'i phyir ro/ /snum pa'i tshig ces bya ba ni chos dang mthun pa'i rjod pa 'byin pa'i phyir ro/ /ma 'chal pa'i tshig ces bya ba ni dran pa nyams pa med pa'i phyir ro/ /gzung bar pos pI tshig ces bya ba ni tshig snga phyi mi 'gal ba'i phyir ro/ /mnyan par 'os pa'i tshig ces bya ba ni rigs pa dang mi 'gal ba'i phyir ro/ /lhas yongs su gzung ba'i tshig ces bya ba ni bstan pa la dad pa'i lhas yongs su gzung ba'i phyir ro/ /sangs rgyas kyi yongs su bzung zhes bya ba ni de bzhin gshegs pas yongs su bzung ba ste/ dag gis las yongs su dag pa bcu po de dag rab tu 'thob bo/ /rab tu dga' ba byed pa'i dus na dag gi tshul nyes pa lnga rnam par spangs par rig par bya ste/ nyes pa lnga gang zhe na/ dang pos ni 'jigs pas brtabs pa'i nyes pa'o/ /gnyis
- 339a
pas ni rtsub pa'i nyes pa'o/ /gsum pas ni sangs rgyas kyi bka' bor te rdzoD pI sangs rgyas ma yin pa'i brjod pa'i nyes pa'o/ /bzhi pas ni de bzhin gshegs pa la bstod pa mi byed pa'i nyes pa'o/ lnga pas ni chos dang mthun pas mi bsgo ba'i nyes pa'o/ /bka' lung brda sprad pa'i dus na ngag gi tshul nyes pa rnam pa lnga spangs te/ nyes pa lnga gang zhe na/ drag pas ni rtogs par bya ba la dran pa nyams pa'i nyes pa'o/ /bdun pas ni snga phyi 'gal ba'i nyes pa'o/ /brgyad pas ni rigs pa dang 'gal ba'i nyes pa'o/ /dgu pas ni bstan pa la dga' ba'i lha mi dga' ba'i nyes pa'o/ /bcu pas ni de bzhin gshegs pa mi mnyes pa'i nyes pa ste/ de dag ni dus gnyis kyi dag gi nyes pa'o/ /yid kyi las yongs su dag pa bcu thob ste/ bcu gang zhe na/ 'di lta ste/ khro bar mi 'gyur zhes bya ba ni da ltar byung ba'i gnod pa byed pa la ci mi snyam pa'i phyir ro/ /khon du 'dzin pa med pa zhes bya ba ni 'das pa na gnod pa byas pa la ci mi snyam pa'i phyir ro/ /'chab par mi 'gyur zhes bya ba ni/ sdig pa mi 'chab pa'i phyir ro/ /'tshig par mi 'gyur zhes bya ba ni/ 'gyod pas yongs su gdung ba med pa'i phyir ro/ /nyes pa la mi dga' ba zhes bya ba ni/ 'dod pa'i longs spyod 'dod pa med pa'i phyir ro/ /'khon par mi dga' zhes bya ba ni dgrar 'gyur ba la mi dga' ba'i phyir ro/ /'du shes phyin ci log tu mi 'gyur zhes bya ba ni bslab pa'i gnas rnams la lta ba ngan pas yongs su mi 'dzin pa'i phyir ro/ /stong ba la bag yod pa zhes bya ba ni spong ba sems ma
- 339b
'khrul pa'i phyir ro/ /ma zhum pa'i sems kyis sangs rgyas kyi zhing yongs su dag pa 'dzin par 'gyur zhes bya ba ni bdag yi ma bsad par sangs rgyas dang byang chub sems dpa' bzhugs bzhugs pa'i sangs rgyas kyi zhing rgya chen po yongs su 'dzin pa'i phyir ro/ /nga rgyal dang/ che ba'i nga rgyal med par sangs rgyas kyi chos thams cad mngon par sgrub pa'i ting nge 'dzin rab tu 'thob ces bya ba la nga rgyal dang che ba'i nga rgyal med ces bya ba ni 'jig rten pa'i ting nge 'dzin dang snyoms par 'jug pa bsam pa phra mos kyang khyad par du 'phags so snyam pa'i rlom sems med de/ de 'dod pa med pas sangs rgyas kyi chos thams cad mngon par sgrub pa'i rgyu chos thams cad las khyad par du 'phags pa'i ting nge 'dzin rab tu 'thob pa'o/ /de la yid kyi tshul nyes pa lnga spang bar rig par bya ste/ 'di ltar bzhi po dag ni tshe 'di'i don las brtsams pa'o/ /lnga pas ni tshe rabs gzhan las brtsams pa'o/ /nyes pa lnga gang zhe na/ dang po dang gnyis pas ni mi bzod pa'i nyes pa'o/ /gsum pa dang bzhi pas ni sdig pa 'chab pa'i nyes pa'o/ /lnga pa dang drug pas ni 'dod pa'i nyes pa'o/ /bdun pa dang brgyad pas ni dran pa nyams pa'i nyes pa'o/ /dgu pa dang bcu pas ni smon lam gyi nyes pa ste/ de dag ni nyes pa lnga'o/ /byang chub sems dpa' sde snod kyi gdams ngag la mos pa'i legs pa dpag tu med/ grangs med pa bas de'i rnam par 'byed pa'i bstan par 'byed pa la mos pa'i legs pa ches dpag tu med cing grangs med par rig par bya'o/ /'chi
- 340a
ba'i dus kyi tshe sgrub pa don chen bor ston pa/ slob dpon gyi chos kyi bdag pos rnam pa gzhan gyis brjod do/ /de bzhin gshegs pa mthong bas dge bar 'chi ba dang/ bde bar 'chi ba dang bde 'gro'i 'chi ba'i phyir ro/ /las gsum rnam par dag pa la lus kyi las yongs su dag pa las gcig gis ni mya ngan gyi rgyu med pa'i phyir rab tu dga' ba la gnas pa ston to/ / gnyis bas ni so sor mngon par shes pa'i phyir dran ba nyams pa med par ston to/ gsum pa dang bzhi bas ni rkang lag mi g.yo ba'i phyir gnad du gnod pa med pa'o/ /lnga pa dang drug pa dang/ bdun pa rnams kyis ni ngan skyugs la sogs pa med pas 'jigs pa med pa'o/ /brgyad pa dang dgu pas ni khu tshur 'chad ba la sogs pa med pas 'chi ba'i ltas med pa'o/ /bcu pas ni nyam chung ba med pas 'dug bzhin du tshe'i 'du byed dag 'dor ba'o/ /dag gis las yongs su dag pa brgyad po dag gis ni tshig gcom chung ba ma yin pa dang/ tshig rgyun chad ba ma yin pa dang/ tshig skad zhom pa ma yin pa dang/ tshig rtsub pa ma yin pa dang/ tshig 'khrug pa ma yin pa dang/ tshig 'khrul pa ma yin pa dang/ chos dang ldan ba'i tshig tu ston to/ /dgu dang bcu pa ni tshul 'chos ba'i tshig ste/ bde 'gror 'gro ba dang/ sangs rgyas dang / byang chub sems dpa' dang phrad pa'i dbang du byas pa'o/ /yid kyi las yongs su dag ba rnams las bskyod pa
- 340b
dang/ glang ba dang/ smon pa'i dbang du byas te gnyis gnyis su rig par bya'o/ /de la nyes pa la mi dga' ba ni 'dod pa la mi smod pa'i phyir ro/ /'khon la mi dga' bas ni phyir rgal ba'i dngos po mi tshol ba'i phyir ro/ /tshul khrims rnam par dag pa'i dbang du byas nas gcig go /rnam par g.yeng ba'i dbang du byas nas spong ba la bag yod pa'o/ /zhing yongs su dag par skyes te bag tsha ba med pa'i dbang du byas nas gcig go /nga rgyal dang che ba'i nga rgyal gyis byang chub sems dpa' rnams dang/ bdag yongs su 'jal ba dang/ de dang der sbyor ba mthun ba'i dbang du byas nas gcig go / lhag ma rnams kyis ni zang zing gi mchod pa bya bas mchod par 'dzin pa rnams yongs su bzung ba'i mchod pa bya ba la gzung pa ste / 'od srungs gang la la zhig bde ba'i yo byad thams cad kyis nga la bkur sti byed bar 'dod ba dang/ mchod pa thams cad kyis mchod par 'dod pa des / dkon mchog brtsegs pa chen po chos kyi rnam grangs 'di kun chub par gyis shig / yi ger bris shig / lhogs shig / long zhig /'od srungs de bzhin gshegs pa dgra bcom pa yang dag par rdzogs pa'i sangs rgyas rnams la bla na med pa'i mchod pa byas par 'gyur ro zhes gang gsungs pa'o// bcom ldan 'das dgyes shing de skad ces bka' stsal te/ tshe dang ldan pa 'od srungs chen po dang/ byang chub sems dpa' de dag dang/ lha dang mi dang lha ma yin dang / dri zar bcas pa'i 'jig rten
- 341a
yi rangs te/ bcom ldan 'das kyis gsungs ba la mngon par bstod do zhes bya ba ni yang dg par sdud bar byed pa'i byang chub sems dpa' gnas brtan 'od srungs chen po la sogs pa'i dga' bar bstan pas don ji lta ba bzhin du ming btags pa'i chos kyi rnam grangs chen po 'di yongs su rdzogs par ston to/ /rgyal ba'i blo gros kyis ni byed bcug ste/ /dkon mchog brtsegs pa bshad pa byas pa yis/ /bsod nams bdag gis thob pa gang yin pa/ /des ni 'gro ba rgyal ba thob gyur cig /'phags pa dkon mchog brtsegs pa chen po'i chos kyi rnam grangs le'u stong phrag brgya ba las/ 'od srungs kyi le'u rgya cher 'grel pa/ slob dpon blo brtan gyis mdzad pa rdzogs so// dge'o sarba mang+ga laM/ //